ZAWLAIDI By Floria Laldansangi (Completed)

[Ngaia]

ZAWLAIDI

BY

Floria Laldansangi


Chapter < 7 >


RINTEI..POV


"Inchhung aṭangin i thusawi ri ka hria a nia," muangchangin kan In lam kan pan a.



Ka la nui ver ver reng bawk!


"Bialpa i nei em ni?" A ti leh, ka nui a, alam hawiin, "an remti em?" A zawhna chhang lovin zawhna ka zet chu a nui zui.



"Ummm... Choka thuam ṭhat deuh a ngai e an tia, kartawp lamah a luah luh theih ang," a la nui reng.


Ka bu nghat a, "pawisa te i nei reng reng em ni? U Ruata dan takah Niraw-a vanga insawn chhuah a ngai miah lo a nia, inluah la eng nge i tih ang, i fate an la te si?"



A ngawih deuh vang vang hnuah, "immmm.... Kan nufa in chawhmeh te kan zuar ve lawp lawp tawh mai ang chu," min rawn melh ralh, a la nui reng. Nge maw a hriat le?



"Tlem chu ka nei ve alawm, kan rawn chhuah dawnin ka Nu(pasal Nu) in sing 2 vel chu minpe ve a, bul kan ṭan thei ve nawk nawk mai ang," a tih zawm leh.


"Awmpui i duh em?" Gate bulah chuan ka ding dat.



Ri meuha nuiin, "kan bula awm i duh tak tak nge tumdang i nei?" A nui hak hak.



Ṭhen lui vakin, "a pahnihin," ka tih chuan a ai nasa in a nui a, a fanu rawn chik awi zui durh durhin, "a tlai tawh i lut ang," a ti zat bawk.


An luah luh chuan ka tan zahzel a ṭha dâwn êm a sin aw!

.
.
.

"I phone a ri?"
"Immmm...." Harh chuang miah lovin ka inlet a, ka muhil lehnghal bawrh bawrh.



"A bengchheng a nia," U Ruata'n a tih leh rualin phakzet a ṭhu chhuakin, "tunge maw ni le? A hrim hrimin eng nge khumah i rawn mut, i zu rim nen," meng chuang miah lo chuan ka âng zui hlak.


Phone bawk chu a rawn ri leh, mu let leh tapin, phone chu ka ban a, "ngeeeeeee!" Tunge a nih pawh ka hre lo, zing zingah mi call vei ni..



"BREAKING NEWS!!!!!!! TUNAH LALRINMAWII TE IN-AH INHMUH KHAWM A NGAI, TUNAH....!" Ring lêng lawng hian ka beng bulah Lalrindiki a rawn au a nih chu!

"I Â MI.?????" Ka au chhuak nghek, ka ṭhu chhuak a, U Ruata pawh rawn ṭhu chhuakin phone chu ka hmet eng, group call a la ni zui!


"Vawikhatmah i bulah ka mu tawh lo ang, i mangchhe ropui si, i hnar nasa si," Phone aṭangin ka ṭhiante an lo nui huk.

U Ruata rum tawka melhin, "nangmah a nih kha a, i ke te i sil lo emaw ni, a uih si," khum aṭangin ka chhuk.


Bathroom chu kan en rual, a che hrut chu bathroom ka hnaih zawk avangin ka tlan lut zuk, a phun zui hluk, kawngkhar aṭanga lei chhuh khum zauh zauhin, "inla fit rawh, i dul kha Niraw dul ai pawhin a lian tawh zawk," tih leh bathroom kawngkhar ka khar zui dawt, ka U nui ri leh "a kiar amaw ni le?" A ti nuah nuah ri chu ka la hre thei.

.
.
.
.

Zing chaw ei kham rei pawh ka rial lo, Zohmingthanga aw leh Rindiki aw ri ka hre zui zat.



"Hey..." Thatchhe zetin ka lo mu a. Ka puar lutuk a ka ṭhu thei lo a ni zawk mah.


"Eng nge?" Ka lo ti hlar chu a lu min thin khum l nawk nawk, "Lubuara nghak phawt ang," anti ngei a'h. Henu tak hi chu'h.


"Khawnge i chhungte dang?" Rum tawkin ka melh leh khai khai.


"Sunday a nih hi, mut rei tum nak alaiin nge min rawn call." A zawhna pawh ka chhang lo ka hau zui leh.



"I zahpuiawm e Lalrinmawi, dar 10 a pel tawh ka rawn call che khan," a lo ti let hlar, nui chungin, "a la hmat êm chu," tih leh, "nizanah ka Putartea'n engtin nge minkoh in hria em?" Ka ṭhian te pahnih chu ka en tawn zek zek.


"Ka hre duh lo," an pahnihin an ti ve ve, ka hrilh lo tawp nang a!


"Siakmawi minti, min ngaihven ve tih a chiang alawm," keimahin ka nui var var, ka mitthla ah a rawn lang a, a taksa lumna ka feel let chang phei chuan ka za zek zek zel!


Freddy leh Chhuana rawn lut ka hmuh chuan ka awmdan siam remin ka ṭhu chhuak a, "Sawitawh rawh," ka ti nghal.



Min en kual ren râwn, "tumahin mak ti suh ang che u, a bikin Lalrinmawi," a va ho tak a.


"Sawi vat maiteh, message pawha i sawi theih loh chu, hna ka la nei a nia," Chhuana'n a lo ti hluk.


A chil lem deuh khalhin, "ka ṭhian thidang suh ang che," ka darah min rawn kuah, ka lo melh vak.


"Tuna i atchilh mêk, i bialpa celeb ho ai pawha i duh hi tunge a nih i hria em?" Khawngaih hmel deuhin min en zek zek lehnghal a!



"Lalrindik sawi mai mai teh, ka haw dawn," Zohminga a ding hluk, "ṭhu rawh, mak ti ber tur i ni," a lo ti let hlar zawk zawk a'h.


"Mistiri? Nge ni a rethei?" Ka hmui ka tisawi nang bawk.


"No..no...no...." A kut ṭang nen lam a ti che in a chek zui tlak tlak


"Hrilh mai mai teh," Lubuara'n a lo ti sup.


"I hria amaw? Sawita che, petrol mah hekin," Zohminga bawk chu!



"Thingtlang tlangval..."


"A dik, chu chu a ni i buaina leh i hriat dan ni..." Rindiki thusawi chu hrethiam lo fe hian ka en.


"Nge??"

"Tlangval a ni lo ka naute...." A men der zui puau puau a. Ka lo nui vak, "i â a nih hi," tih leh ka dar a kuahna kut chu ka vai thlak sak.


"Pathlawi satliah pawh a ni lo, fa 2 nei tawh a nih saw," a tih phei chuan za tawkin ka nui chhuak.


"Mintih hlauh i tum a nih chuan ka thengthawngah a thawk lo aw," ka la nui reng.

"Bakah, nizanah pawh an inluahna neitu te in ah kan kal a, tuman ansawi lo. Amah nen pawh kan inhmu, Siakmawi minti ngat, i kal thei hmeli," inti thei fe chuan ka ti let leh zat zat.


"I zawt em ni?" Freddy-an a lo ti sup.


"Zawh an ngai em ni? Pathlawi nise "kan inluah tu te khu pathlawi a nia" anti ang chu," ka thin a rim lek lek.


"Tu in nge mi pathlawi leh thlawi loh sawi zuah zuah ang ni," Rindiki bawk a ni, ka chum hrep dâwn maw ni?


"Vawiin hi April fools em ni?" Chhuana'n a lo ti heu bawk.



"Thudik a nih kha," Freddy-an rawn tiin ka lamah a phone a rawn lek, awih lo zetin ner nungin phone chu ka la a.


Muangchangin ka en a, "a fapa kha kum 8 emaw kum 9 vel a ni ang, a te zawk kha kum 4 niin ka hria. Mipa ṭha a ni lo ka tih kha, a nau zawk hringtu phei kha chu tumahin an hre lo," Freddy thusawi chu ka bengah a vawmin a rawn invawm lut dawt dawt ni maiin ka hria.


Za vak lo in ka nui leh ṭhin, "inhresual a niang," ka ti tak nâ-in Lubuara meuhin a sawi tawh chuan dawt a ni thei bawk si lo.


"Khawimaw," ka kuta phone chu Chhuana'n a rawn phih thla sawk, "khai a! Fa pahnih chu'h," min rawn en, a nuih a za si, nui ngam si lo hmel chuan ṭah a ti chhuak.



Kei erawh min ṭhawng lutuk a sawi tur pawh ka la nei lo, pathlawi fa pahnih nei maw? A ni dâwn em ni?


"Nupui a neih leh neih loh i zawt emaw ka tia?" Zohminga'n a rawn ti sup.


Ka zawt a, fa a neih leh neih loh zawhna chang ka hre hleinem.....!

"Bialnu pawh ka nei lo a tih chuan tu in nge fa a nei tih hria ang?" Ka lo ti let hlur.


Arghhhh ka khawvel hi!!!! PATHLAWI ZÛNAH MAW KA UAI A??????


"I ṭha em?" Ka mit ka la khap fak fak.


"A hrim hrimin pathlawi a nih thu te sawi tur a nia. Bum che a tum hrim hrim a ni lo maw?" Chhuana chu ka melh vak.


Chutiang mi a ni lo tih ka beng awmna ka chian tlukin ka chiang.


"Ila ṭan tho em ni?" Zohminga'n a rawn ti dek dek chu, "Zohmingthang...." Ka lo ti hlar, a ner zui vak.

Ṭap dâwn ila ṭahna tham lah a ni dêr bawk si lova, ka lungawi lo leh rilru na chu engtia awm emaw ka duh, ka duhdan lah ka hre bawk si lo.



"Hna ka la nei a, ka haw dawn a sin," Zohminga leh Chhuana chu an ding, ka bu nghat.


"Zanah no dawm induh chuan sawi ula, RV-ah kan chhuk dâwn nia," Zohminga'n a rawn ti leh, za vak lo hian ka lo nui.



Ka rilru a na miah lo; Mahse, ka läwm lo ve tawp mai a ni, ka lo suangtuah dan leh duhdan, beisei dan ṭhin nen a inpersan lutuk vang te pawh a ni mah nâ!


"A nih kan let dâwn a sin, Freddy nangpawh Exam turin inbuatsaih i ngai a ni lo'm ni?" Zohminga bawkin a ti leh a, ka bu ringawt.


"I ṭhat tak tak chuan ka let ve dâwn a nia," ka ṭhian te enkual in, "ka bialpa pawh a la ni lova nge ka ṭhat loh ang, haw ru, ka mu leh dâwn," ka nui lui säng, ka chhungril erawhin Lalduhawma ka dem ru ngawih ngawih.


A chanchin engmah min hrilh duh lo te, hmeichhe puitling ang ni lo, naupang ang leka min treat avang te hian ka ngei thar thut bawk.


Anchhuah vek hnuah, rilru na ru deuhin ka muhil zui a niang, ka harh leh phei chuan a lo tlai viau tawh.


"Kaih thawh che ka tum chiah a, zanriah a ei theih tawh. Chhun nilengin i mu a, i rilru a ṭam viau ang," U Veni'n a rawn ti. Ka mu nasa lutuk nge ka rit bur mai.



"I nuamsam lo em ni?" Ka lu ka lo thing.


"Rilru nat lutuk vangin ka mu," ka tih chuan za tih hriat tak hian a rawn nui a, Peki kekawr hak tir pahin, "a va in an loh theih ve, rilru nâa mut tam hlauh chu," a nui vur vur. Za vak lo hian ka nui ve sun sun tho.


Ka dangdai ve hrim hrim, ka rilru a hah te hian ka mu a, ka muhil bawrh bawrh zel, "a hah tawk lo" min tihsak ṭhin. Mahse, keima tawkah chuan a hah ve em em tho!

.
.

Ka Nu biakin lamah chaw a ei a, ka Pa erawh a corruption tihpui te ho nen chaw an ei khawm bawk, chuvang a ni ang ralmuang lutuk leh puar peng pawnga ka ei ni!


U Veni te nufa nen, U Ruata lêng chhuak lo ve khiah a, ṭhut khawmna kan thu ve laih.


"I rilru a nâ iti sia, engmah i ei chak ka ring lo va," U Veni chu ka melh zawk, ka phone bawk ka en leh.


"A na alawm; Mahse, ka ril a ṭam thei tho a," ka ti chu a nui nasa teh e!


Lalduhawma message thawn ka tum, ka hmet chhuak a, ka back a, ka lut leh a.



"Tunge Putartea chu?" Ka phone a rawn bih duk duk, hmet thim vatin, "i hriat a ṭul lo," ka lo ti hlar.


"Be mai mai rawh, kha i khabe a far zo dawn i tûmna ah," a nui zui kur kur. Ka tlawh sawk dâwn maw ni?


Biak dan tur hria ni ila ka be daih tawh ang. Kei leh kei lo ang maiin sawi tur ka hre lo tlat a.

"Eng nga tinge pathlawi i ni tih min hrilh loh?" Ka va ti dâwn em ni. Min zawt hleinem lo a tih chuan engtin nge ka chhan ang?

Tu in nge an pathlawi tih an ngaihzawng tur te pawh ni lo bulah sawi zuah zuah ang. Mahse, ka bem tih a hre reng sia min hrilh ve chu ka phu chuan ka hria.....




"Arghhhh....." Ka sam a tuai thur nawk nawk.


"Ramhuai a lut em ni?" U Ruata ka melh zui vak.


"Enteh u.."


"Eng chu??" A Ninawm e Vanlalruata hi chu!


"I duh deuh mipa kha pathlawi a ni tih hre chhuak thut ula engtin nge intih ang?" Ka U te pahnih chu ka en tawn zek zek.


"I zawt lo em ni?" U Veni chu a nui sen sen. "Keimah ka ni lo a nia," ka ti chu an awih lo ve ve.



"Ṭhen rawh, Niraw-a te nupa hriat hmain," awlsam deuhin U Ruata'n a rawn ti et.


"Nih pawh kan la ni lo," ka lo ti chuai raih, a nui huk chu ka ngei zia mai chu a!



"I duh te chuan buaina a awm hleinem, i thinlung leh nangmah kha i pawimawh ber. Pathlawi a nih avanga i iai te a nih ngawt loh chuan. Fa a nei tawh em?"


U Veni en ka ngawi deuh vang vang, "fa a nei tawh em?" A ti leh.


"Pahnih.." Zawi tê hian ka lo ti a.

U Ruata a rawn nui leh huk, hepa hi lêng bo daihse ka duh a ninawm.


"I pawimawh ber a nih chu," a ti leh mai, a ngai awlsam si. Ka ngai thutak si, lo ngaizawng ta tak tak ila ka hrin loh fa ka hmangaih thei dâwn em ni?


"I Pa te rawn haw hmain chhuak ila, no dawm dun ang, a man i tum ang a," U Ruata chu ka melh zauh. Ka ngawih deuh vang vang hnuah ka bu ta nghat a.


U Veni te nufa kalsanin kan unau chuan Hyde Inn ah chuan kan lut a.

"A ngai aw. Ka nau tán hi chuan...." A tih rualin, "a in ang tho," ka lo ti ve zat. Mithmul kan awk hian nui ṭhû in min en a.


Ka jacket hak phelhin ka ṭhu ṭha ve, "Mistiri-a kha em ni?" Zu no chu min pe, "ummm." Ka tem zui hlak.



Eng zu nge maw ni le? A va tui lo tak.

Beer bak hi ka in ngai miah lova, ka rui chhe viau lo'ng chu maw?


Kan unau chuan kan titi a, ka kai ṭan nge ka ṭah lah chu a chhuak tulh tulhin, ka thinrimna a in mung khawm tup tup bawk a.


"Nula thianghlim ka nih laiin engvangin nge pathlawi chu ka neih ang ni? Tiraw U??"" A bu nghut nghut tih ka hmu phe ruai ruai.



"Mahse, ka duh bawk si..." Ka ṭah a chhuak tak tak nia!


Ka phone chu ka la kâng a, ka hmet deuh nawk nawk, "hey...hey... Eng nge itih dawn?"


Phone dahthla in, "ka duh zat chiahin ka inrin tawkna ka hloh, a nupui rawn letin neih let tum ta se, fa pahnih lai annei a, kei aiin a thlang ngei âwm si a, ka chân dâwn tihna em ni?" Ka U chu mittui tling piau in ka en ngawih ngawih.


Ka bianga mittui luang, rilru nat vang pawh a ni lo, rui lungpuam ṭahna mittui chu a rawn hrufai a, "naupang tak hi chu, amah zawt ta che," a ti sup.

Ka phone chu rang tawkin ka en, a screen a "Putartea" tih i ziak ka hmuh chuan rang tawkin ka la kang a, "LALDUHAWM...." Ring lêng lawngjn ka ti nghal.


"I rui em ni?" Thum dut hian a rawn ti.

A zawhna pawh ka chhang lo, "con-heartist, nanghi thinlung bum hmang, daw heh, lemchan thiam i ni," ka au nghal nawk nawk.



"I rui em ni ka tih chu?" A aw te hrep hi a pa si, a ti lui emaw ni?


"Rui lo, rui lo, rui nang aw! Tlêmtê chauh alawm ka inni. I aw hi tumah hriat tir ve suh ang che. A pa si, a mawi si, an ngaizawng ve palh ang che.... Ni lo, ni lo.. Lalduhawm, ka duh loh lai ber che pawha LALDUHAWM engvangin nge pathlawi i ni tih min hrilh loh. Nula thianghlim hi engvanga min bum nge inih? Sawi rawh..." Ka ṭap chhuak ta nge nge.


"Fa pahnih lai i nei tawh a, ka bialpa pawh inih hma hma in fa i nei a," ka ṭap zui uah uah, U Ruata'n ka hnungzang ah a rawn chul hliau hliau.


"Khawiah nge i awm Lalrinmawi?"


"Siakmawi... Siakmawi tirawh,” ka lo vin nghek


“Lalduhawm ka bem rei zia che ngaihtuah chuan i bialnu nih chu ka phu ve tawh lutuk? Mahse, eng nga tinge pathlawi i nih, tinge min ngaihzawn hmasak loh, tunah chuan a rem tawh si lo....." Chuai raih a tih leh, "U Ruat haw ang, ka lu a hai," U Ruata lam chu ka hawi zui daih.



"Ummm." Thawh a tum mai a tho thei bîk dêr si lo, nge thawh te a tum.


"Tikhan lo awm rawh u, i bula awm tu emaw kha phone pe rawh..." A tiin ka hria, ka hre nel nual tawh lo ve a.....!

Ka ṭhutna lah chu tu in nge sâwi ni, vir loh leh ka bûk, ka bûk lehnghal!!!


Xxxxxx


FREDDY...POV (Tilang ve lawk ang aw)


"I lut dâwn lo em ni?" Hyde Inn pawnah chuan Rindiki nen, car aṭangin Rinmawii ka nghak ran, a bulah kan awm a nih chuan rilru na lo leh, engah mah ngai lo angin a awm leh dâwn tih ka hriat vang a ni.


"I la nghak thei ang tih i chiang amaw? Pathlawi a ni tih a hriat hnu pawhin bansan thei lo sela engtin nge itih ang?" Ka ṭhensak. Lalrinmawii hi ka hrechiang ve tawk, pathlawi fa pahnih nei tawh lakah lehnghal, a tlu lutlul lovang!


"A mizia i hria alawm, a atchilh vak a, rei a daih ngai lo tih," Rindiki chu ka melh zawk, kiai sukin, "ka nupui tur a ni tho a, hlauh tur a awm em ni?" Ka tih zawm zat.


"I inring tawk sual ang e," tih leh a lu hmangin hma lam chu min kawhhmuh a. Ka en rualin steering chu ka hmer salh.


"Kal suh, buaina iti punlun ang," chhuah mai ka tum, Rindiki'n ka bânah a rawn chelh ve nghal a.


Thaw chhuak ham hamin, "ka tum dan aiin palai ka tirh hmat a ngai niin ka hria," kha zet chuan ka ti chhuak.


"A duh lo che tih i hre si a, tinge maw i duh tlat le? I bul vela hmeichhe dang te hi enkual ve la, duh tu tamtak che an awm tho si a."


Rindiki en in,"nangpawh tiamin maw?" Ka nui zui suk.


"A dik alawm," a nui sen sen.

"Ka hlutna a la hre lovin, min hmangaih a ni tih ala hre lo mai chauh a ni. Tupawh kawp se a tawpah ka bulah tho a ni lo'm ni a rawn let fo ni," ka ti tak nâ-in tun ṭum erawh a ruk tak chuan ka chân ka hlau ve ta.

Mahse, Lalrinmawii hi ka ring tawk. "Pathlawi ka duh lo" a tih chuan a duh lo tih ka chiang ve tlat!


Ring viau mah ila, Rindiki sawi angin, tun ṭum erawh hma ka lak a, inring tawk lutukin ka awm thei lo a ni tih ka hre bawk!

<><>~>~>

[Ngaia]

ZAWLAIDI

By

Floria Laldansangi


Chapter < 8 >


MC-A....POV


Lalrinmawii'n phone a off rualin message a rawn lut, phun hlukin, "Mami ka jacket kha min rawn lak ta che," tiin, Medal-a haw tur pawh a ding uaih tawh, "khawnge kal i tum a?" An pahnih chuan min en a.


Chhang lovin, "Bawiha, Hyde Inn lamah tiraw i kal dâwn?"



"Ni e."


"Ka zui ang che," a bu nghut.


"Bialnu i nei tak tak a ni lo maw? Zing aṭangin i phone i bih sek a, tunah zan dar 10 pelhah i chhuak leh a," kan hnunglam aṭangin Mami'in a ti nuah nuah.



"Awmpuia nau em ni?" A motor a ka luh rualin nui vur vur hian a lo ti.


"Awm hi a awm a ni lo'ng maw nangni hi," a tlan chhuak nghal.



"Naupang maia nih khi," ka ti chu a nui zui huk.


"Tak takan a, i danglam riau a, kum 5 dâwn lai chu hei a chhuk, a chhovin kan inzui ve dâwn tawh a, hetiang taka hmeichhia i ngaihven leh i dimdawih ka la hmu ngai lo reng reng. Engkaw sawi lova rûk mai chi loh maw?"



"Keini thlen chhoh phakna pawh va ni suh!" Ka lo ti sup, a sawi erawh a sawi dik khawp mai, ka nun a rawn sawi danglam nasa tih ka pha hauh lo ; Mahse, inzawmna han siampui tur êm chuan ka phu si lo a ni.



"Mit khap karin kum 40 kan tling mai dâwn, chutiang sawi rual pawh kan ni tawh em ni?" A nui huah huah.



"Rinmawii sawi takah amahtê hi a fel reuh a, a pian leh hmel pawh ṭha tak tia sawi tur phei chu a ni hran law nâ in, a ngainatawm riau mai a, amah lah hi ngaih la tawk leka awmdan lah hi a thiam roh viau bawk nen, a pawimawh ber a rilru lah hi a ṭha-in a tluangtlam fu mai bawk si a, i ti sualin ka ring lo a nia," a ti zui sup sup.




Ka ṭhianpa-in a fak ri hriat chu lawm tur ka nih laiin, mipa dang kâ aṭanga a ṭhatna, ka hmuh ang an hmu ve a ni tih hriat erawh ka lawm dêr lo.



"I buaipui thei ang maw?" Car a ding zui, "taxi ka la mai ang," ti supin ka chhuak zui a.



"A rui lo zawk i nih kha aw!" Ka lut tur chu mi rawn au zui, hawi let lovin ka kut ka vai zauh ringawt a.



"Hetah...."



Ka pan zui vut, an ṭhutna thlang lamah chuan mipui an lam vut vut a, nula tlangval a sir velah an lo in fawp deuh ngawng ngawng bawk. Mizoram, Christian ram leh Pathian nungbia kan ni tih he hmunah hi chuan a hriat loh reng reng.



"I rui si lo va, a va rui ve?" Ka lawm lohna tih lan ka tum lohnen, a ri tel hrâm.


"Cool down man, a ruih chhan zawk i nia lawm le," tih leh, "Nau-i, harh rawh, i Putara a rawn thleng," a sawi dat dat.


Dawhkan bawha amu chu a rawn hawi chhuak vual vual, a ruih vang nge ni, light eng zawk zawk karah pawh a hmai sen tai hlar mai chu ka hmu theiin, a lang chiang khawp mai!


Naupang ang maia ṭah tuma men zuiin, " Lalduhawm, ka duh loh lai ber che pawha Lalduhawm. Pathlawi, fa pahnih nei, ka bialpa i ni duh lo hi chu i la inchhir ve khawp ang," a ṭawng a sehchilh nawk nawk. A ṭap dâwn emaw ka tia, a nui zui vur vur.



"Mahse, tinge dawt i sawi? Ni lo, ni lo..." A lu a thing nawknawk, "eng nga tinge pathlawi i ni tih min hrilh loh?" A rawn ding pai khut khut a, ka lo dawm vat.


A kekawr bul hak chhing lutuk, mipa dangin an rawn en a, nalh ti tak a an nui ang sun sun ka hmuh rualin ka phun hluk, ka kut lehlamin Lalrinmawii ka chelh a, lehlamin ka jacket hak lai ka phelh.



A kawngah nghet taka ka suih rualin a rawn irh awk, "a nâ.." A ti nghal hlar bawk a.


"Haw pui rawh, kalna tur ka nei," a U lah chuan a ti awlsam et.



"Kal rawh, kal rawh," Rinmawii lah chuan a U chu kal turin a lo ti ve sek bawk, a nau, mipa dang kuta dah chu a ngaih pawh a ṭha emaw ni?


"Ka ring che a nia, i khawih erawhin ka that thung ang che," ka nui ta ringawt a.


"Aw.....Ka theihnghilh dâwn, fimkhur ang che, a rui khat a, a ruih ve tawh chuan keitê ang chiah a nia. Chuan hruai haw duh suh, buaina a tam mai mai," a nui zui ṭhû.

Rinmawii'n min lo nek ve ṭalh ṭalh, "ding ṭha rawh," ka ti hluk, "min vin khanglang suh pathlawi te te," a lo ti ve hlar zel bawk a.


Ka hnar tum datin ka pawm kâng nawlh , "che suh ang che," ka ti leh, mit pawh meng hlei lo chuan, "ka thu thu," a ti leh hrâm bawk a. Rui chung pawhin tlawm hi a tum lo reng reng.


"Engah nge min virpui?" Ka ding dat. Ka pen dek dek a luak a tum nghal ngawt bawk a. Tih ngaihna hre lo zeta thaw la in, ka thaw chhuak ham ham a, nui leh ta ngawt chuan, "Kan haw a ngai alawm," damdupin ka ti leh.



"Immmm, haw ang," thuawih zetin ka âwmah a rawn bei zui chial.



"Ka duh zia che i hria tiraw? Mahse, i nupui hluiin inneih leh duh ta se, ka bialpa pawh ila ni si lova engtin nge ka tih ang?" Min bia nge amah leh amah a in bia tih pawh ka hre lo. Mahse, a aw chhuakah chuan Lalrinmawii ang lo takin, inrin tawkna hriat tur a awm miah lo.


Taxi lo dingah chuan ṭhu lutin, kan In lam awmna chu ka hrilh a, Lalrinmawii erawh ka darah a lu nghatin a mit a la chhing chial mai.



Ka melh leh ṭhin, a muhil nge ni, a thaw sek sek chu ka melh ran, a hmai tai têk leh a hmui thianghlim tak, sen no suah mai chuan ka dang a ti ro halh mai, ka chil chu ka lem zui khalh bawk a.


"Engvanga rui nge maw i nih a?" A rawn che ṭiah ṭiah, a ṭhu ngil a, min en deuh vung vung.


Ṭap tur hmel bawk chu pu lehin, "i nupui hlui ila hmangaih vang tiraw?" A rawn ti chhuak ṭuak, a va mak tehsek e!



"A ni ang," ti leh sepin ka lamah a rawn âwn hnai a, "mahse, ka duh tho che. Theihnghilh turin ka siam dâwn che, pathlawi i ni emaw putar pawh ni la ka ta i ni," luhlulna nge ni a, inrin tawkna pawh ka hrethiam ta lo.


Ka hmai bula chetah chuan a nui var var, a nui hmel duhawm tak, a duhawmna ti zual tur a hmai tai hlar mai en chungin ka nui ve ta suk suk a.


A sam ngil tak mai, a ṭawn loh ho hmai zar tu chu dimtê hian a bengah ka zeh sak a, a hmai tlâng chu chul riak riakin, "I duh loh chuan min namsawn dâwn nia," ka ti sup, ruih vanga a mit phak tak mai leh mittui vanga hnawm chap chu a khap fak fak a, a hmui sen no chek mai, thianghlim zet chu tihnat hlau tak, dim dawih tak siin ka fawp zui ta vang vang a.


A kawngah ka kut rawlhin ka lamah ka hnuk hnai hret, a hmui chu ka suangtuah dan ṭhin leh rindan ang chiah a ni, a tlum dek dek a, fawh nuam tawk leka chhah deuh tapin, kâ chhung a ti tuirial in, khawizu tui tah ang mai alawm a nih le!



Ka hmui a thîp zak, "Lalrin....." A rawn nui vur vur.


"Ka namsawn lo che a nia..." Tih leh ka âwma bei zui thlawp chuan a thaw zui sek sek a, ka nui nghawr dat.


Ka kâ chhung al puat leh ka hmui, a sehna avanga thîp ta veng veng chu tawk zauhin, "kawlhrawng reuh lutuk," ti zui sup chuan, a rimtui tak hîpin, a chhipa fawp vawng vawngin, ka kuah zui ta hlu hlu a.


Kum tamtak hnuah ka lungphu tirang a, ti hlauthawng a, mahni hmasial taka ka taa siam duhna thinlung minpe tu a ni; Mahse, chu erawh thil dik a ni chiah em tih ka la hre chuang law.


"Lalrinmawi....." Ka phu zuk, a kut chu ka dawm zui chawt, ka t-shirt haklai ah zuhan zen lut a maw le!


"Che suh," a la ti ang deuh deuh a.



"I kut hi la rawh....."

Nin hmel zeta ka kawr chhung aṭanga ka kut paih sawnin, "a sak lutuk...." A nui zui vur vur, ka hnute chu a ṭham zui salh salh a, ka tum lo lutukin thaw ka lo hîp let hap zui.


Rawn tawlh chho vin, ka nghawng chu a thawk khum zui ham ham a, he naupang hian engthil nge a tih hrep hi le?


A hmui nichin maia ka fawhna avanga hnawm deuh chap ni ngei tur chuan a rawn fawp zui a, ka tum lo lutukin ka lo rum chhuak leh ta hrawih mai! Hreptak chuan lehhh!!!


Ka nghawng chu a lei tereuhte chuan liak zauhin, a zûk nghal dek dek, a kut mam leh dehna nuam tak mai, ka t-shirt chhung a mi lah chûan ka âwm chu a chul ruai ang bawk a.


Mipa diktak ka ni ti fiah turin ka mipat na-in rang takin a rawn chhang zui. A tho zui ṭiah ṭiah. Ka dang a ti ro zui halh bawk.


"A tui lutuk...." A ti zui sa sa. He naupang hi nge rui a, keimah zawk hi?


"Lalrinmawi, sakei baknei ril ṭam kaih thawh tum hlek suh. I Inchhir ang e," ka ti chhuak hrawih, ka hriat theih chinah ka châkna leh thisen lum ka thunun theih loh vawikhatna a ni hial ang!



Ka nghawng a hmuia dai reng siin a rawn nui ri vur vur, hremhmun min tem tir a tum hrep a nih hi!

"Ka kai tho duh alawm," a la ti zui ham ham. A dar tawn tawna chelhin ka namsawn deuh nawk, chiang zeta en chuan, "i rui lo a ni tiraw?"


Taxi driver chu a rawn nui vur vur, ka rum nghut a.


"Ummm... Ka lu iti hai, ka lâm peih lo," a ti leh ang lawi bawk si! A rui nge rui lo??????



Ka awmah a bei leh thlawp, a ngai tê bawkin ka nghawng bawk chu a zuk leh dek dek a, a kut pawh ka kawr chhungah zen lut lehin, ka taksa bawk chu a zût kual lehnghal ruai bawk a.


"Inbeng daih rawh, in beng dai rawh Lalduhawm...." Ka rilru in ka ti mawlh mawlh, a khat tawka thawk leh deuh halh ngai leh, min ṭhut hnaih sauh a, kawngkhar a min nek beh hnuah ka mitpatna khawng ṭha zet mai chu a rawn khan tehreng a nih chu! A vahan na teh reng êm!



Ka ṭhu ngil awt, inseh ruh lutukin ka thaw chhuak ham ham bawk a.


Min nekna zual ta sauh sauh a, ka beng zawna thaw chhuak ham hamin, ka inrin hma bawkin na taka seh zui chu, ka duh ai a vinin, "LALRINMAWI..." Ka ti chhuak hrawih.


A nui tak ang vur vur a!


"Zanin a i thiltih hi a nghawng i tuar khawp ang," ka ti chhuak hraih ta ringawt a!

.
.
.

"Ka tla dâwn!!! Min zawh loh chuan min pawm lo mai rawh," a au ring bawk si.


"Tlak i duh loh chuan che suh."


"Pathlawi inih vangin duh duhin min vin suh aw Lalduhawm," a rawn ti hlar, ka nui nghawr dat, ka vin pawhin ka hre si lova!


"Min dah thla rawh," a tal phut avangin ka tum lo lutuk leh a tlak nat ka hlauh luatah inchhung ka thlen pui rualin chhuatah chuan ka nghat dawt.


Amah pawhin a ding thei meuh lo, a bûk leh luih luih ṭhin.


"Tunge apa, hmeichhia te te si zu te a rui vel," Mathew-an a lo ti.


"Inva meng rei....."


"Ahhhh... Tu naupang nge a, ka fapa chu a ni lo phawt a'h," ka lam a rawn hawi, a tlu tur ka lo chelh vat.


"I fapa a ni em? Taka fa pahnih... Pahnih, pakhat pawh ni lo pahnih lai i neih kha," a kut ṭang nen meuh, uar zet a tiin a ner zui nawng nawng.


"Mu rawh i rui lutuk, Mami inbulah mu rawh se zanin chu," ka nau lah chu bu nghat nghatin a nui vur vur. A eng hria ni maw?


"Ka hrethiam chiah..." A lo ti zat bawk a, ka thaw hawk.

"Tinge in In hi a vir a...."

"Ding ngil ta che, vir chhen lo khan..." Ka pawm kâng nawlh, "min dah thla rawh, pathlawi i nih vangin i thuber lo..." Khumah chuan ka nghat na deuh nge ni a ri deuh awk.


Mit meng buai zet a min rawn melh chho ram ramin, "pathlawi i ni tih ka hriat hma in ka duh tawh che a; Mahse, pathlawi i ni leh bawk si," a mit a chhing zui diar diar. A rui rak chau nge a mut chhuak ve hrim hrim pawh ka hre ta lo.


Puansin tira mut ṭhat tir ka tum rualin a rawn inlet phut, chhuatah tam lutukin a rawn luak tehreng a nih chu!


A uak zui tuar tuar, a sam hui kiangin a chal ka dawm sak a, a hnungzang a chul pah chuan, "vawikhat pawh i ngam chuan rui leh rawh Lalrinmawi..." Ka ti bul nghut ta ringawt a!!!!


A chal ka dawmna lah chu uak tuar tuarin vaisawn a lo tum ve bawk, he nau luhlul lutuk hi chu!



<><><>~>~>


RINTEI...POV


Ka lu, ka lu hi a puak keh dâwn!!!!



Ka dang lah chu thlaler ramro a ni tamtak vak vai ang maiin a ro thîp vawng vawng lehnghal a.


"Au Ruat, U tui min lo pe please...." Ka aw pawh a chhuak ṭawk ṭawk.


Ka chil ban chap mai, ka kâ chhunga awm zawng zawng chu hawl khawmin ka lem khalh.


U Veni fate emaw ni le rak chel chul chu le?

"In bengchheng," ka khurh nghal bawrh bawrh. Meng hlei lo chuan ka ṭhu chhuak zui bawk a.

"Tui hi inla in phih harh rawh," ka khawng zui awt, tui vawta leih ang mai ka ni, ka harh chiang teh e!


"Putar...." Ka ti chhuak hap!



"Inti fai rawh," a läwm loh hmel em em zui a. Thuawih hmel tawk chuan ka bu nghat nghat.


A hrim hrimin engtin nge hetah ka tawp theih? Khawnge ka U? Arrhhh... Ka lu lah chu a puak dâwnin ka hria!


Khum aṭang chuan ka chhuk, ka hawi kual vual vual, khawnge bathroom??

"He lamah bathroom a awm?" Pawn aṭangin aw thum leh bul tawkin Putara'n a rawn ti. A hahthlak e, eng buaina nge maw ka siam le?


Kim ki dek chuan ka chhuak a, ka ding zui at. A fate hmel ngei mai kha a takin ka hmu a nih chu!


An la hmelṭha ving veng em em lehnghal a'h!!!! Arghhhh... Lalrinmawi... Lalrinmawi i fate tur anni mai lo'ng maw?


"Inti fai rawh Rinrin, Mathew chaw rawn ei rawh u, school intlai dawn," ka hawi vat, choka ah hmeichhe pakhat hi a che surh surh. A nupui a ni lo ang tiraw? Nilul suh se, fa a nei tihmah ka thih pui lo chauh a!


Ngawi ngur maiin Putara chuan a hnathawhna bungrua ni âwm tak chu a ip puiah a khung a, bathroom lam chu dimtê in ka pan den den.



Bathroom chhungah darthlalang pawh a awm bawk si lo, engtin nge an in en le?


"Apa tinge i beng kha, i nghawng pawh kha ha hniak a lang tam rap," ka chhuah rualin a fate pahnihin chaw ei pahin thu an lo zawt.


"Rawn ṭhu rawh," a ti dam dup, nichin aiin tlêmin a nelawm deuh, ka melh zawk, a taksa saw ka tih a ni lo tih min hrilh teh u!


A nghawng te chu a duk thleh thluah bawk siii!!!!!


"Nizanah zawhte kawlh lutuk leh kawlhrawng lutuk maiin min seh a nih hi," ti deuh duah chuan nuihza insum tih hriat takin, ka thleng ah chuan sa hrang hi a rawn dah a.


"A van lian awm em em, zingah pawh i âwmah pawh a ham na che ka hmu, a nâ em Pa, i hmui pawh a pilh vek," a fapa chuan a ti leh zat zat.


"Lian khawp mai, a â tel deuhin ka hria," Putara'n a fapa chu chhangin a nau hmeichhia chu a lo nui ri hak. Putara pawh a nui zui sun sun. Kei erawh ka crush hmaa ṭhu in ka lawmzia ka tilang hlei thei lo.


Ka piana hnu lama ka zah ber ṭum a ni a, kimki duka ka chaw ei vawikhatna a ni bawk, thawk dan tur pawh minti thiam lo zo.


Lalduhawma lah chuan mitmeng der sawr mai, hriatthiam har zet leh nuihza insum ni âwm takin min en leh ṭhin te chuan ka ngaihtuahna minti hmang thei lo.


"Rinrin MZU ah em ni ila luh," ka sira ṭhu hmeichhia chu ka en.


"Aw lut e, ka van hre teuh che," ka ti deuh haw. Hmuhna ka nei tawh tlatin ka hria.


"Ka lut ve ṭhin a," a nui sen sen, a duhawm phian lehnghal.


"A nupui em ni inih?" Ka ṭhen zui vak. Zawh loh hrâm ka tum a, ka thei lo.


"Pathlawi ka nih thu i au pui nasat nen, tunah nupui ka nei leh si em ni?" Nidang aiin a ṭawng tam reuh chu le!


"Ka hre lo a ka zawt alawm," ka ti awlsam et chu nui sukin, "ka nau a nih hi," a ti ve mai a.


Ka bu nghat, ka chhungril erawh a nui ver ver nghal nia maw le!


An chhungkua chu an tam miah lo, chaw ei laiin naupangin an school chanchin leh ṭhiante chanchin, vawiin lama an tih tur an sawi siam siam a, a nau hmeichhia pawhin chuti tho.


Ngawi rengin ka ṭhu tak nâ in, an chhungkaw hlim nui ri leh hmel chu a hmuhnawmin hriat a nuam ka ti a, chhungkua tak taka chaw ei kan ang ka ti ber. An titi a, naupang an inhnial leh bap bap ṭhin te chu ngaihthlak nuam ka ti riau lehnghal!


"Kan bengchheng iti em? Naupang pahnih chauh kan kawl tak nâ in kan chhangchhe teh a nia," a nau in a rawn tih chuan ka lo nui sen sen.


"A nuam ka ti," ka lo ti sap, min en haw avangin, "naupang bengchheng a nia ka tih, keimah pawh hi ka bengchheng tawk ve viau a nia," ka tih zui zat bawk a.


Zing chaw kan ei kham Mami'in Putara fate school ah a hruai a, keini kan In lam kan pan chho hnak hnak.

"Nizanah thil pawi ka sawi em? I taksa a hliam kha ka tih a ni lo tiraw?" Ka hmaah a kal a, a hnungah ka zui dat dat.



A ding dat, a hnungzanga su dawtin, rang tawkin ka hawi chho. Hnia zeta min rawn en in mawi lutuk hian a nui a, "i inthlahrung ve em ni?" A ti zawi sup. Min hmusit khanglang amaw ni?


Ka hmui lo ti sawiin, "Chutiang pawh a ni lo," ka ti sep, min din hnaih si, a rim pa zet hian min zêm â leh zo dâwn!


A nui ri suk a, "vawikhat mah rui tawh suh ang che. A bikin mipa dang bulah," dam thluam leh khauh ru zet si a ti lehin, engmah sawi zui lovin a pensawn nghal pawk pawk.


A taksa in fit zet mai chu hnunglam aṭangin ka en haw ringawt, eng emaw chu ka ti alawm le!


Mahse, ka ngaihtuah tam poh leh ka lu a na in, ka hriatna a buai tulh tulh bawk si, engtin nge chutiang a ka ruih theih pawh ka hre lo.


Vanlalruata thiam loh vek a ni, a chak lo nasa khawp ang. Nau te ngaihven nachang pawh hre lo, mawl lutuk mai!



"Vanlalruat....." Inchhung ka luh rualin ka ti nghal chul.



"Nizan a rawn haw lo," choka aṭangin U Veni a rawn chhuak. "Nangpawh khawnge i riah a?" A tih zawm zat.


Ṭhen lui chungin, "ka ṭhiante in ah ka riak a, ka han intifai ang e," tih leh chak tawkin ka room lamah ka tlân chho.



Ka Nu leh Pa, room aṭangin an rawn chhuak ve chiah bawk a; Mahse, a ngaitê ang bawkin khawnge ka riah a, khawnge nizanah ka awmbo tih pawh min zawt leh lo, boruak ang maiin min melh zawk a, inhnuai lama chhukin politics chungchang an sawi zui malh malh. Mak ve tak chu anni!

.
.
.

Putara te In ah ka riah aṭangin ni 3 lai a ral leh tawh. Maktak mai chu Putara'n min hmuh a hläu emaw tih tura min hêl tlat leh, a hnathawhna hmuna ka kal pawhin min haider tlat chu a ni.



An In ah ka kal lahin a awm ngai lova, message sawi loh phone call tak ngial pawh a pickup ngai lo, khami zan khan engthil nge maw ka tih chiah le?
.
.
.

"Class innei lo em ni?" Zohminga te rawn ṭhu chu Rindiki'n a lo ti.


"Nei lo, tinge henu chu?" Min rawn en, hman zan a ruiin thil pawi a ti a nih hmel, a nui zui kar kar.


"A pawi lutuk, pawi lutuk...." Ka ngaihtuah nasa a, tunah ka hre chhuak chiah bawk.


Khami zana Zawhte nghal leh kawlhrawng a tih kha, keimah ka ni, keimah...!


"I dam lo em ni?" Men puau a ka dak chhuak chu Lubuara'n ka chal a rawn dawm vang vang.



A kut dah sawn sakin, "ngaihdam ka dil a ngaiin ka hria," ka ti chhuak hap, engtin nge khang hliam zawng zawng kha ka tih a nih theih? Zawhte chu ka lo nih takzet hi! Ben hrep ka phu ngawih ngawih.


Hmun khat mai pawh ni lo, a nghawngah ringawt pawh khan hmun 3 velah a duk a, a beng nen, a hmui te kha ka sehna maw lo ni a? Arghhhh.....! Engtin teh hrep nge maw ka ruih theih le?


"Tu maw?" Hawi hu hu in Lubuara chu ka bulah a rawn ṭhu thla.


"Thingtlang pathlawi "love bite" a siam sak a," Nui tuh tuhin Rindiki'n a rawn ti leh.

Ka thaw leh halh ṭhin, an inah vawi 5 vel ka kal tawh ka nang fuh theih bawk si lo, a hnathawhna ah lah min be duh bawk si lo, ka chawh nge ka phu pawh ka hre tawh lo.


A fapa lah chuan min melh ang rawm rawm zel a, min ngaina lo pawh nise ka phu tawk chiah!


"Ka haw dâwn a nia," Freddy chu a ding thut.


Tunlai a induh zia chu hmuh tur pawh a awm ngai lo he mihring hi.


"Haw rawh, ṭangkai lo si," ka lo ti hlar.


Engpawh nise Putara bulah ngaihdam ka dil a ngai a ni, a ngai takzet
.
.
.
.

An inchhung ka luh rualin, "a lo kal leh ta..." A fapa zawkin min nin hmel fêa a lo tih chuan nuih let var varin, "Bawihpui, in in hi ka addict-in ka hria," ka ti tak tak, ka tum miah loh hian ka thleng hman ziah.

Ka hmuh tumbera lah chu ka hmu thei dêr bawk si lo, a inti bo thei reuh emaw ni?


"Apa i addict zawk a nih kha a!" A lo ti let ve kauh chu lai ru deuh ṭut a nui vur vurin, "a dik tho bawk sia," ka ti zui sen sen. Min la melh ang hraw hraw zui a'h.


A fate pahnih hian min ngaina lo tih an ti lang leh lutuk hi ka ngei ru ve deuh. Khin dawnin naupang anni bawk si. Bakah, putara fate annihna hrim hrimah pawh ka in ngainat tir an ngai.



"I Pa a la awm lo em ni?" Ka hawi kual, an inchhung hi zau si lovin a felfai ang hlap reuh a.



"Apa chu...." A te zawk Gabrielle-in a tih laiin Mathew-an a nau kâ a lo hup vat.


"A awm lo, a pa in a duh dâwn chuang lo che," a ti zui vei nghat a nih chu, ka pen fawk dâwn emaw ni!


"Lalhruaitluang, ai upa khatiang khan be suh. Rinrin ka U chu a chhuak deuh chiah..." Mami'in room aṭangin a rawn a ti chhuak. A chhuak deuh chiah reng mai a, ka kal tur hi a hre lawk ṭhin emaw ni?



"Ohh.. Ka lo kal leh ang," engmah pawh ka sawi zui lo, ka chhuak zui hna hna, an in kawtah chuan ka ding deuh vang, engvanga min hmu duh lo leh min hlat thut nge maw a nih hrep le?

Ka chhak leh thlang en in ka hawi vual vual..!

"LALDUHAWM....." Kawng thlang lam kawngpui aṭangin a rawn hawi chho. A hawisawn leh. A vahan chak dâwn lo tak!



Step ah chuan ka tlân thla dawt dawt, "min lo nghak rawh," a pen pawk pawk, "ding rawh," thaw hlawp hlawpin ka pawt ding pawp.



Ka thaw zui kawk kawk, kâ chhunga boruak khat vek a thaw kawk kawkin ka en chho, "eng nge...." Ka sawi zawm thei lo. Thaw ka'n la leh tete a.


"Eng nge min hel tlat a?" Ka ti chhuak thei ṭawk, boruak hîp zui kawkin ka thaw chhuak ta ham ham a, ding ngilin, dak vahin ka en chho leh.



"Nakinah kan inbe dâwn nia," Pangai deuha tiin inher leh a tum, ka va kal tir tawh âwm lo tak.


"Khawnge i kal dâwn, ka zui ve dâwn che," rang tawkin ka ti leh zat.


Nithum chhung ngawt min bihruksan a, ka hmuh lahin min be duh lo, ka kal tir mai a ring a nih chuan a ti sual chhia va tihna.

A ṭhiante pathum chuan min lo en he haw. Ka haider hmiah thung.


"Nau ka awm hman lo." Min tihsan a nih chu!


Eng maw? Tuna a thusawi kha eng maw a tih? Nau a? Khanglang chuan!!!


A ṭhiante lo nui huk huk chu en kualin, ka khabe ruh ti che ve ralh ralhin, khabe poh vah chunga dak leh ar ar chuan, "naupang ka ni tawh lo," ka ti let hlak.


Ngai pawimawh lo tih hriat tak hian a bu nghat a, "a nih chuan haw rawh," ti duh lekin a inher vut, a pen sawn nghal pawk pawk chu kut ruh lutukin ka hum khawm.


Tumahin hetiang hian minla tham lo ngai lo reng reng, ka vahan zui âwm tak, ka zui loh takah! Ka zui lo a nih chuan ka hming hi Vai chhe hmingin ka thlak ang. Raju emaw Babutea ka ni ang! A ni loh pawhin Rashmi-i tal ka ni ang!


Ka hmaa pen zau tâwka pen pawk pawk chu en run run chungin a lam panin ka tlan tar tar a!


A hnungzangah chuan ka zuang kai that, rang tawkin a kawngah ka bawp sei vak lo chu kherh betin, a nghawngah nghet tâwkin ka kut ka suih zawm nghal zat bawk a! Ka vahan chhuk âwm lo tak!


Ka tum nge ruh saruh! Ka zahtheihloh ka chhuah ta sa sa, ka nei âwm che êm mai!


"Lalrinmawi," a ti hluk, ka kut chu ka ti nghet sauh sauh a.



"Chhuk rawh," ti leh hlukin min thin thlak mai a tum, ka tla mai mai âwm lo em mai a!

"Hmeichhe kalna chi a ni lo," a ti leh, luhlul zetin hian, "mipa ka ni rih mai ang," ka ti ve tlat chu a rum nghut a, min thing leh ṭhin.


Ka kherhna leh ka kuahbehna chu ka ti nghet zual ve sauh sauh a, min thing ve nawk nawk tak nâ in, zawng thingkunga bei ang hlauh ka ni, ka bei nghet ve em mai maw!!!

Min thing na ngam lo tih hre tho mah ila ka nghet ve tawk e, nge min biak duh loh te ei!


"Lalrinmawi ka thusawi chu i hre lo em ni?" Nin hmel zeta ti leh chhur chhurin, min thing leh nawk, ka vial thla chiang teh e!!! ka mawng ruh ri dawt khawpin ka tla hlawm dawt. Ka vial thla a ni mah zawk!!


"Awi ka mawng!!!" Ka ti chhuak.

Ka mawng na lutuk chu boruak ka hîp kawk, ka thaw chhuak ngam tawh lo hrim hrim thawk pawh, ka kezungpui kawm ngar ngarin ka mawng dawm chuan ka ṭhen ngawng ngawng a, ṭah chhuah te chu e a hnai lo lutuk, mittui tih tlak ka duh a, a tlak pawh a tla thei lo, thaw pawh ka la ngam tawh lo zawk.


"Thuawih rawh ka tih kha," bul zeta tih leh rawn ṭhu hniamin, "i na em? Khawi maw ka lo en ang e," a la ti ta deuh deuh. A nuihza insum hmui chil chunva nui leh suk suk ṭhin te chu vin phar nawk nawk a nia ka duh ni!



A kut ka lama a rawn lek chu, "Min khawih suh," ka ti chhuak tuar, ka thaw kawk bawk, ka vin vak khan a na a reh deuhin ka hria, mah se a na lutuk êm mai! Ri meuhin min nuih khum huk a nih chu maw le! Ka tlawh zawt dâwn emaw ni?


"I nâ em ka en dâwn alawm,"nuihza insum tawk chuan a ti leh sup, "Mawl lian" tih vak mai ka duh tawh, ka mawng hlim tir min tum emaw ni?


Mittui luang chungin, ṭap chhuak miah si lo chuan ka melh rawm rawm. A na lutuk hi ṭawngkam hian a hrilhfiah lo hrim hrim, chhip aṭangin ke hmawr thlengin a fan thla in, ka thaah min pawt nia maw le! Ka kaih lo chauh tak tak.


"Ruata hruai haw mai ta che," din a rual nghal, ka zui âwm e! Tun Ruata nge a sawi pawh ka hre lo.


Din ve mai ka tuma ka ding thei teuh lo, ka mawng a na lutuk, "ka kal ve duh ka tih kha," ṭap ṭuau chuan ka ti chhuak leh, ṭah ka duh loh tehlul nen ka mawng nat lutuk a leiah ka ṭah a chhuak tlat!


"Luhlul chhuah suh, sangha Dil-ah ruang zawng turin kan kal dawn, kan tlai tawh," ti duahin, zo zet chuan min pawt tho nawl a.


Mittui tling pamin ka en run run, "thuawih la, ka rawn haw hunah kan inbe dâwn nia," ka chhipah tuai zauhin, "khua a thim mai dâwn, haw tawh rawh," ti zui leh sup chuan mawi lutuka ding kiai sukin a inher zat.



Zui ka duh a sin le! Nge maw ka tlak kher kher le? Lo beh tlat tur a nia.


Pawi lo, min biak a intiam tho.


Awi ka mawng!!!! A na lutuk, ka hre chhuak thut.


Ka kut hnih chuan ka mawngtam chu ka dawm vang vang, "nangmahin i haw thei a ngem?" Ka mawnglam her miah lovin ka kawng a chin chunglam chu ka her a.



"Ohh!" Ti leh, "zui ve rawh, ka haw thei," mawng na ru deuh chuan ka nui zui sen sen.


A ruh a tliak chu a ni êm lo'ng chu maw!



<><>~>~>

[Ngaia]

ZAWLAIDI

By

Floria Laldansangi


Chapter < 9 >



RINTEI....POV


"Rinmawi....." Phu deuh zukin hawi chhuak vat a.



"Putar!" Ti sepin, ka ding zui zat bawk. A lo rum nghut thung.

Zan dar 10 a pel tawh, an in chhohna tur step tir berah ṭhu in ka lo nghak ngar ngar.



"Min nghak tih sawi hlek suh," a aw ah chuan lungawi lohna a lang tel, thinrim erawh a ni chuang miah lo. Ka sira ka biscuit eina kawr leh theitui in ruahna bur chu a melh zawk bawk a.


"Zanriah pawh ei lovin helai thim thamah hian i lo ṭhu amaw? A hlauh pawh i hläu lo em ni?" A ti leh nghut nghut.



Ka hmui ti pawrh vakin, "ka DNA hian nghak tur che in minti alawm," Luhlul zeta ka tih chuan tih ngaihna hriat loh hmel zet hian a lu a thing mat mat a.


Ka pheikhawk bun lai phelh a, step a lo ṭhu ka nih avangin, ke hlapin ka la ding ran, ka ke chu a melh zauh, mit ti zîmsan in min rawn en leh, "naupang ka ni lo iti si a," ti leh sup chuan ka hmaah chuan a khup pakhat tunin a ṭhingṭhi a, ka ngal rek a vawn rualin, "eng nge...." Ka ti hman ṭawk.



"Che suh," ti bul hlukin, ka ke la kâng hretin, ka ke phah chu a bengfai a, "naupang luhlul tak ang mai hian i awm a, naktukah kan inbe dâwn nia ka tih kha i hmu lo em ni?" Min zilh pah ni siin a rawn ti dam leh dup. A aw chhuakah erawh ka luhlul a tih zia a lang tel thung.



Khawng at-in a che vel chu ka en chhuk ran, ka pheikhawk chu min bun tir a, ka chhan mai loh avangin a rawn hawi chho, ka hmui hnuailam lo ti pawrh tarhin, "ka phone battery a low a lawm," naupang chhia zetin ka lo ti chhuak leh chu a hnar a tum dat


Lehlam bengfai lehin, "Inchhung lumah awmin, min lo nghah zawk tur che alawm. Bakah, hun tamtak inbiakna hun kan la nei si a," a ti leh dut dut. A khupah a kiu a nghat a, ka pheikhawk chung bengfai zui thak thakin, "thuawih dan i zir hle a ngai a nih hi," nuihza ri a lang tawh, rawn ding mai lovin a rawn dak chho leh a, a sam huh deuh chap mai pawn light êng-in a chhun tlet sar sar leh, a hmel thim chhia ni si lova pa hrak mai nen mawi lutuk hian a rawn kiai suk. A vahan inhmeh tehreng êm! Min nei dâwn se Rs. 420 ai tlawm pawhin ka inphal sa.


"Ka rualin zanriah i ei dâwn em niang?" A ti leh, min thlêm te pawh a ang lek lek tawh zawk alawm le.


Ka pian a hnu lamah hetiang taka mipa zaidam leh dawh thei ka la hmu ngai lo, Freddy hian min dawh thei em em a, ka sual tehreng nen hian. Mahse, ani pawh hi a chang chuan a titau ve ber ber zel tho. Lalduhawma erawh a lungawi loh viaua alang chang pawhin, aw ki vin leh lungawi lo hlauhawm takin min la awm khum ngai lo hrim hrim.


Diktak chuan, ka mize nghal over lutuk hi, midang chu ni ila, ka ben hrep chak tur a ni ve tho a.


"Ka thusawi chu i hria em?" A rawm ti leh dut.


Chhang lo va rang tawka ṭhu hniamin, a mitah tak en chung chuan, "eng nga tinge min biak duh loh? Tinge min hêl? Ka phone call leh message a vaiin min chhang ngai bawk si lo. Min hua em ni?" Hnai tawka enin ka ti zui zawt zawt. Rei tawk ka nghak a, vawikhatah hriat vek ka duh.



A nui leh suk chu lo tûm vuau in, "nui suk suk lo khan min chhang rawh," ka ti nghal hlar, ka thinlah hi keimah ang tiat lek hian a tawi reuh sia!


Ka mitah tak chuan min en run run, kan in hnaih leh lutuk a keimah zawk ka lai leh ang lawi bawk sia, tawlh hnunna tur lah chu a awm dêr lo.


Ka chil lem khalhin, thaw dep dep chuan mit khap fak fakin ka en ve ta ran ringawt a.



A ṭawng dâwn lo emaw tih hnuah, "tunge ka nih i hre tawh lo em ni?" A ti zawi sup, a aw thum si, damdup lawi si hi hriat a nuam ka vahan ti tehreng êm!


A thusawi ka hriat thiam loh avangin ka chal ka ti chuar deuh nur a, hmui chip chunga ding kiai zauhin, "pathlawi ka ni tih i theihnghilh em ni?"


Khaiiiii!!!!!!


"Ka.. Ka hria..." Ka tibah deuh nawk, engthil nge maw ka tih le?


"Fa pahnih ka nei tawh bawk," ka mit ka khap zek zek, ani erawhin vawikhat pawh a mitmu ti che lovin min la en ngar thung, chu chuan minti khur zo dâwn!

Ka zu ruih laia ka thusawi min chhuahchhal tihna em ni?



"Ka hria. Pathlawi ini tih leh fa i nei tih ka hriat hma in ka duh tawh che," ka lo ti leh khauh, ka inring tawk ve êm! Ka zâm âwm lo.


Ri chhuak meuh hian a nui huk a, a kun zauh, a rawn hawi chho leh, a hmui hnuailam pet zui zauhin, "minla duh tho amaw?" Nui hmel a la pu reng.


"Duh e, duh lo leh mai mai tur che in ka um kawi, ka um kawi che i ring em ni?" Ka lo ti hlak hlak.


A bu nghat, ka lamah a rawn âwn hnai hret, ka lo meng kawk a, ka mitah en in, ka hmui lam chu muangchangin, lu ti che miah si lo chuan a melh thla riai riai, ka chil ka lem khalh, ka thawk a buaiin, dimtê bakin ka thaw chhuakin, boruak ka hîp ngam ta lo hrim hrim.



"Hmanzan a ka thusawi kha ila hria em?" Zawi têa thaw chhuak ham hamin ka lu ka thing mat mat a.


Veilam a thle bak hian, a mitko chu a ti che zauh, ka rin loh lutukin ka sam, ka hmai zartu chu dimtê hian a hui kiang a, ka bengah tihnat hlau takin a zep damdap.


Ka lungphu rang lutuk chu ka thlanfim a rawn bawl zui ṭiam ṭiamin ka hre hial mai.



Ka khabe ah dawmin a chawi kâng hret a, ka mitah tak rawn en lehin, "sakei pukah luh i tum tih i hria ang chu maw?" Zawi tak si leh fiah tak siin a rawn ti leh, ṭawng te chu sawi loh ka chil pawh ka lem ngam tawh teuh lo!. Lungphu ri dup dup leh ek chhuah vanga sang ni si lo in ka thu khawng at thei ṭawk a ni!


Ka hmui lamah a melh thla leh a, ka hmui chu hmet kau zui tiarin, a kut zungpui a ka hmui hnuailam tuai zui zauhin, "i duh lo a nih chuan min namsawn dâwn nia' ka tih kha," zawi tak leh rilruih maia a tih chuan mit ka lo chhing sawk, a aw ri mai ni lo, a ṭawng zawnga a thaw lum ham ham maiin min chhem chuan ka mur er er thei!



Ka rin lawk, rin ngam si loh chuan ka hmui chu, a hmui lum ther ther maiin a rawn chilh riai riai, ka meng kawk a, stepah chuan ka ṭhu sawp hnawk, ka khap zui fak fak a.


Ka hmui hnuailam chu petin, a nui ri suk a, ka khabe a dawmlohna lam a kutin, ka tukkhum rawn dawmin, muangchang leh min tihnat hläu taka ka hmui a lei hmangin a nawr kau a, chet nachang chu sawi loh, thawk nachang pawh ka hre lo a ni mah zawk!

Min fawp chunga nui rengin, "hun ila nei a nia," a ti thâwp leh sup, kan hmui dai rengin tlânbo se min ti emaw ni?

Ka namsawn loh dan tur chu maw pui tak a ni pui tak, namsawn ai chuan ka ṭhut hmuna inphelh ruah pawh pawi ka ti lo feeee!


Mahse... A vawikhatna ang maiin engtia zâm chhe ringawt nge maw ka nih hrep le?


Ka chhân loh leh namsawn loh avanga ngampa sawt tih hriat takin a rawn tawlh hrut a, ka khabe a dawmna thlahin ka kawngah a zen lut, lamah min pawt hnai salhin, duham tak si leh damdup chuan min fawp zui ngawng ngawng a.


A lei fawhnuam tak leh ka chhung ti za tawk leka thap chu thiam tak maia ka kâ chhunga hawl kualin, kei hmeichhe pawi sawi lo leh vawikhat mipa fawhna ang maia ṭhu khawng awt leh, chet nachang hre lo lei chu a lei hmangin a kaa chhungah a hruai lut a, tui ti tih hriat tak leh lungawi hliah hliah tih hriat takin a fawp zui dek dek bawk a. Ka tán chuan ka mumang emaw tih mai tur a ni.



A mi fawhna chuan, thla nei miah si lovin boruakah min thlawhpui delh delh a, khawvel pâwn, kan pahnih chauh khawvel siamah kan lêng emaw tih mai turin engkim mai chu a reh ṭhuap bawk a, min fawhna ri chek chek leh kan thaw ri, kan lungphu, in lungrual tih hriat taka ri dup dup tih loh chu ri dang hriat tur reng reng a awm lo.


Lei vanram naute, kan thisen-in vanram tak tak kai chaka min tur et et tih hre siin, a naute zawk chu kan chên dun veng veng a.


Chutiang a rei tawk fang min fawh hnuah inla hrang hlekin, ka hmui hnuailam chu zûkna salhin a pet fan a, nui ri leh sukin, "tun ṭum erawh a sehtu zawk che ka ni ta a nih hi," zawi si hian a rawn ti leh.



Kei erawh mei puia hem ang maiin ka hmai chu a lo sa hat hat thung. Min fawp meuh chuan Siakmawii pawh a zakthei lo rih lo a ni e!


Ka hmuiah bawk rawn fawp leh chawkin, ka lo meng kawk, ka inring lo lutuk, ka kut lehlamin ka hmui ka hup vat chu, a ha var nalh lutuk mai lang hian a nui leh huk a, ka hmui ka hupna kut pawh fawp lehin, "Tikhan minla duh tho em?" A ti leh.


Rang tawk leh uar tawk hian ka lu ka bu deuh zawt zawt a, a nui zui hawk hawk, keipawh ka nui ve ta tho.


Ka kut rawn chelhin, nghet takin a hmer salh a, "Siakmawi...." Ka mitah a rawn en.


Mawi tawk hian hmui chip chungin a nui suk a, "i mipa suangtuah ṭhin, an hming i sawi te leh i mipa kawp tawh te angin neih ka nei lova, pathlawi, fa pahnih nei tawh leh kut hnathawk, nitin ei chawp zawng ka ni bawk." Min thlek deuh vang vang.


"Nang aiin kum tam takin ka upa a, thlathar maiah kum 39 ka tling mai dâwn bawk. Hma lam hun eng tak i nei bawk a, in ngaihtuahna hun ila nei a nia, ka nun a......" A ṭawng laiin ka hmui hmangin a kâ ka chilh hmiah, nichin khan fawh pawh ka fawp let ve lo.


Ka thiamna zawng zawng sàwm khawmin ka fawp ngawng ngawng, pathlawi a nih vang a niang infawh na nâ nâ chu a zei khawp mai, thaw chham lek leka ka fawh hnu ah, inla hrangin, ka hmui ka hru zui tawk a, "ka hria, i rethei a, thingtlang mi i ni bawk a, ei chawp zawng leh chhungkaw enkawl tu ini. Lirthei i nei lova, khawiah pawh kal dâwnin, kal duh ila kê a kan kal a ngai a, ka nei che a nih chuan fahrawn ka enkawl a ngai bawk. Nge maw i sawi ban chet chut a, i sawi kawi deh duah ni, thu inzawm lo lutuk ka hma lam hun te i sawi vak vak," ka ti zuah zuah chu min en he haw hian a rawn nui chhuak ta huk huk a.



"I inchhir lo ang maw?" Nui chungin a rawn ti leh, a aw chhuakah hian a inring tawk lo tlatin ka hria, thildangah ni lovin, hmangaihna, kan pahnih hmangaihna chungchangah hian!



"Ka Pu, ka hringnun thawnthu chu ka duhdanin ka ziak ang a, a tawpna pawh ka duhdan bawkin ka ti tawp ang, min ziahpui tum duh suh, a phêk iti hnawk. Mahse, a chhung phêk tinah erawh i hming a chuang ang. A chhan i hria em?"

A chal a lo ti chuar tap, "ka DNA hian a duh che tih min hrilh tlat a," nui var var a ka tih chuan ka hnarah a kut ṭangin a rawn tuk zauh, "tun aṭang chuan ka ta, Lalduhawm hmeichhia i ni tawh a, mipa dang zû inpui tawh suh ang che," thu minpe nghal ringawt a'h. Mahse ka va duh si êm, ka zawm dâwn chiang lutuk!


A nih chuan ka ṭhiante ka pianthar san dâwn a ni maw???
.
.
.
.
"Zanriah ei i duh em?" Min pawt tho, ka thil ei ruahna ho chu chhar khawmin a ip puiah chuan a dah lut a, ka vawn theih turin a kut a rawn phar chhuak zat.


Rang tawk a lo vuanin, "a tlai tawh si ka haw zawk ang. Bakah, i fate an harh chuan min melh leh nasa dâwn lutuk," ka ti vat chu a nui chhuak hawk hawk a.


"Min hläu si lovin ka fate i hläu tihna em ni?" Ka hmui ka lo ti pawrh vak.



"Nui suh, engtin nge ka in ngainat tir ang tih mah ka ngaihtuah nasat nak alaiin," ka lo ti niah niah, ka ti tak tak bawk, min ngei hmel ropui si, an Pa ber ka duh chuan ka innel tir an ngai ve bawk si, ka hmalam hun ko zia mai chu'h.


A hrethiam em tih pawh la hre lo.

.
.
.
In kai rialin kan in lam kan pan a, "Putar...." Min rawn en chhuk zawk.


"August ni engzah nge i birthday?"



"Ni 14. Nang?"


"A pel tawh, 97 March ni 4-ah ka piang," a nui ri suk a, ding datin ka hawi chhuak, kawng tluan khan ka kalna tur ka en lo hrim hrim, ka kut nghet taka chelhtu, ka hma hruaitu ka bialpa thar chiah hi a ni ka en ni.

Kan in lam chu ka melh zauh, a tihdan ngai bawkin a kut ṭangin ka hnar a rawn tawk leh zauh a, "lut tawh rawh, i chhung ten an ngaihtuah ang che," damdup hian a ti a.


Ka hmui ti sawi nang nangin a lamah ka pen hnai, a kawngah ka kut rawlhin ka kuah vang vang, a ngaih angin ka chhung te hian khawiah nge ka awm a, eng nge ka tih tihhi an ngaihven dêr si lova.


"I fate hian min haw tlat ta se engtin nge itih ang?" Inla hrang pahin ka ti chhuak heu. Mit khap fak fakin ka en chho haw bawk a.

Ka hmuia rawn fawp zauhin, "an ngaina vat mai ang che. Tu innge hetiang nula duhawm lutuk haw reng duh ang ni," mawi lutuk a nui chunga a tih chuan ka hmai a rawn sa lehnghal nghal hlar, hepa hi a inla zei lo der ṭhinin ka hria.



Mahse, a fate min en dan kha a hre lo emaw ni? A fanu kha chu ei turin ka thlem thlu thei mai ang a, a fapa zawk kha a fing si, a nau lahin a U thusawi a piang a kawi a ngilin a zawm bawk si hmmmm!!!!!



In la hrangin ka kut ka kuangkuah at a, "pawi lo, an Pa mah ka taah ka siam theih che chuan naupang pahnih rilru mai mai ka hneh âwm êm mai," Luhlul zet chuan ka ti chhuak a, a lo nui ri huk.


"Muttui le Putar." Ka kut ka vai zauh a, "muttui le Siakmawi," a ti ve sup.


Inherin gate ah ka lut a, ka hawi let leh, a la ding vang, nui var var a ka kut vai leh lap lap chuan inchhung ah ka zuang lut euh euh a ni ber. Läwm avanga kaih nawk nawk theih nise ka kaih hlum tawhin ka ring.


Ka bei rei ve êm mai, ka kawchhung za zek zek pawh hi ka demawm ṭhak loh a nia! Ka beih rei zia min hriatpui tu awm se chuan kut min ben pui dar dar hlawmin nia ka rin ni.


"Tunge rawn thlah che," ka ding dat.



"Ila mu nange? Aw vote chhiarna ah i kal emaw tia?" Ka ti zat.



"Zawhna ka zawt che," nge maw a hriat le?

"Rawn thlahtu che kha MC-a a ni em?" A tih zawmzat a.


Chhan pawh tum lovin inchhung ah chhoh tlang ka tum, "ṭhen ang che," keh dak awrh ang mai ka ni.



"U..." Au Puia chu ka au vak.

"Ka sawi ang chuan zawm mai rawh, ka Pa hriat hma in," a ti leh, hnial a duh loh zia alang.


"Hria se pawi tihna ka nei hleinem, nangmah ang a ka Pa hläu turah min ngai ṭhin suh," ka ti let ta nghat nghat.



"Pathlawi fa nei tawh saw i kawp theih i ring tak tak em ni?"


Nge a hriat a, nidang zawnga tunge ka kawp a, eng nge ka tih ngaihven a, inrawlh ngai dêr si lo.



"Nge i hriat a, i lo lak serious ve viau?" A mit chu a khap zawk, rei erawh a ni lo, ka lamah a rawn pen hnai, "i hrin loh i fa chu i enkawlin i hmangaih thei dâwn em ni? Nangmah pawh i in enkawl zawh loh laiin," a tih leh chuan ka sa ve phat.



"In enkawl zo lo ila vawiin ni hi ka thlen i ring em ni? Ka Pa te hriat i hlauh vanga ṭhen tura min ti i ni lo tiraw?" A hawisawn daih.


Ṭawng leh ka tum zuai, "in la mu nange?" U Ruata a rawn lut, a hnungah hmeichhe pakhatin a rawn zui ve bawk. Kan lo en haw a.



"Tunge heihi?" Ka ṭawng hma in U Puia'n a lo ti hluk, zanin chu U Puia ava han thinchhe em em ve maw le.

Ka Pa te an rawn lut ve chiah bawk a.



Ka pa nui vur vur hmel aṭangin Tuirial lam result ka hmu thei, chutiang bawkin a nui hmel saw 1sec chhungin Niraw Nunrawnga hmelah a inthlak dâwn tih ka hre bawk.



"In vaiin inla meng elaw?" Ka Nu pawh a nui sang mai.


"Hei khawilam nula nge?" Ka Pa in a ti zat.



U Ruata'n hmeichhia chu a kut ah a chelh a, "hei chu khawih tum suh ang che, i fapa nena nupui inṭawm i pawi sa lo te a nih ngawt loh chuan," a nui vur vur.



Ka tum loh dan deuhin ka nui chhuak vak, ka nu in rum tawkin min lo melh nghal a.


Ka hmui chip vak chuan, ka nui khur nghal zawih zawih.



"Eng maw i sawi kha?" Ka dinna step hmasaber ah chuan ka ṭhu thla, nuihza insum deuhin ka en ve ran bawk a.



"Nupui nei rawh minti a ni lo'm ni? Hei nupui ka rawn hawn," U Ruata lah chuan awlsam deuh hian a chhang a.



"Vanlalruat....." Ka pa in a ti hrawk.


Kut ṭang sai hlarh hlarh a kawkin, "dah let rawh, dah let rawh, tunah dah let rawg....." A aw pawh a khur lek lek.



"Siakmawi kan nu thar hi inchungah lo han hruai rawh," a tih rualin, "Lalrinmawi i room ah chho rawh," ka Nu in a lo ti zat.

Nui kur kur chungin, "ka en ve duh alawm," ka ti chu ka Pa mit a rawn thlawk lo chauh.


"Chho rawh nangpawh, ka thusawi kha zawm ang che," U Puia'n lo tih ve chuan, ka nui hmel tawp chawtin, "ka in enkawl thei," tih leh, "indan pui rawh, mo nei chi pawh kan nih loh hi, thla 1 lekah depression neiin a thi mai ang," tiin ka inher zui hmak, ka Nu leh Pa in U Ruata an hau zui mawlh mawlh chu ka hre reng bawk.


"Tu phiangsen hi nge maw i chhun hrep leh Vanlalruat," Ka Pa in a ti leh khur khur.


U Ruata lah chuan, "i thisen alawm le ka nih le? Tu dang nge chhunse mintih, ka Nu in a uire san ve che a nih ngawt loh chuan," awlsam zet leh nui huk huk chung hian a ti ve leh zat.


Lalbawna te chhungkua kan nih hi, diktak chuan eng hi nge dia dik lo tih leh, eng nge Kristian chhungkaw awmzia hi ka pawh pha meuh tawh lo. Ka pawh ngai lo hrim hrim zawk.


Kristian chhungkua antih ang, chhungkaw nuam tak leh ralmuang tak hi, ka boruak hîp phak chin leh, ka mitin a hmuh chinah hian ka hmu in ka la hîp ve lo a nih ka ring.


Ka mitthla ah Putara te chhung an lo lang a, "Kristian chhungkua ansawi ang kha anni maithei a sin," ka ti zawi sap.
.
.
.
.

"I nupui chu dah let ang che," inhnuai ka chhuk rual leh zingkar aṭangin chu chu ka hre nghal.



"Tukṭhuan i ei dâwn lo em ni?" Zing lam dar 11 vel a ni.


Nu Hmaii'n mi lo au, ka lu ka thin khum, " dar 2-ah class ka nei a. Bakah, chaw kaw puarin min kal tir leh dâwn chuang lo," ka Pa chaw ei melha ti lui kher chuan, ka pheikhawk ka bun a, ka tlan chhuak vat.


Ka In sakna lamah ka tlân chho, hna an lo thawk vut vut tawh, ka Putara dinna lam chu hawiin ka nui nghal var var, ka pan hnai zat bawk a.


"Palai tirh nghal mai chi loh maw Bawiha? A pa mood fuhlai khuan," U Medal-an a ti chu ka ding dat, muangchangin an dinna lam chu ka pan hnai den den bawk a.


"Keini In angah te a lawi duh angem tih pawh a la hriat hleihnem," Putara'n a ti thla sup.


"Hi!" An rawn hawi a.


"Siakmawi..." A ti sup.


"In koh duatna te in lo nei hman a ni maw? Ka hna kan thawk ang e Siakmawi..." U Medal-an a ti zui zat zat chu a lo rum nghut.


An thusawi hre lo ang a nui sängin, "Putar, Mathew-a te school luhna hming eng nge?"

"Rinmawi, thlawi ngaihzawn dan i thiam riau mai, an fate hi han duat em em ila kan zûnah an uai nghet tulh tulh zel a ni mai," U Medal-a bawkin a rawn ti leh, nui var varin, "ka kut phahah an pafa ho hian ka dah vek dâwn," ka fiam let, putara chu nui sängin ka en chho a.


A fate school kalna a sawi rualin, a kut ṭanga ka hnar rawn tuk leh mai a tum a, a kut bal chu en in za vak lo tih hriat tak hian a kiai suk, keimah zawkin zuang auh a a biang a fawpin, " ka kal," tih leh ka tlân zui nalh nalh. A thawhpui te ho in "wooooooo" an ti zui leh nui hawk hawk ri chu ka tlan san nal nal.

Gate aṭanga hawi chho in nui chunga min la en tu chu ka kut vai khum lauh lauhin taxi ka koh a rawn thleng ve chiah nen ka chhuang zui nghal a, hla tak aṭang pawhin a nui hmel kha chiang takin ka hmu thei!
.
.
.

"Gabrielle....." An unau a anṭhut naah chuan ka ṭhu thla ve, rang tawk hian Mathew-an an tiffin chu a khuh zat a.


"Eng nge i lo tih dawn?" Min melh leh rawm rawm tawh. He nau hi chu a!


"Eng ngatinge in ṭhian te ho karah in ei loh, an school lam chu ka hawi. Government school ah an lut tih ka hre chiah bawk.


"Au nen ei dun ka duh a," Gabrielle-i chu a nui var var, a samah ka chul zauh. A hmai lah chu a bal ning neng reuh sia.


"Chhun chaw ka lei sak ang che u in duh em?" An unau chuan ka melh.

"Aw...." Gabrielle-i zawkin phur tawka a tih rualin, "Gabrielle, a pa in hmel hriat loh thilpek lak loh tur a tih kha," a rawn ti hlak a nih chu! Ka beng sawk dâwn emaw ni?


"A nih chuan i chaw fun kha ei la, kei leh i nau in Pizza kan ei mai ang a," tih leh delivery boy kan lam pana rawn kal chu ka ban ka lo vai khum zauh.



A hawi a, min rawn en leh, ka dar ka lo san khum ak a. A chaw chu a en leh ṭhin.


"Mahse, Au Rinrin, apa-in chaw paih a phal si lo va," muang ban chapin Gabrielle-in a rawn tih chuan a biang a piai zauhin, "i paih dawn hleinem, i chaw hi ka ei ang a, nangin pizza. I u in a chaw," ka ti leh kher chu Mathew-a a lo ner vak.



"Kan chaw i ei ve thei dâwn em ni?" Kuangkuah atin min en.


A kuangkuah ang a kuangkuahin, "mihring ka nih ve tho hi," ka en ve run.


"Mihausa chuan kan chaw ang in ei ngai si lo va," ka kut kuangkuah ka phelh riai riai.


"Mathew khawi aṭanga i hriat nge chutiang ṭawngkam te?" A tiffin ka lama rawn nawr pheiin, "ka ta pawh hi ei rawh, pizza ka duh ve," min chhang lo.


Zawt lui mah ila min chhang dâwn lo tih ka hriat avangin ka nui ta ringawt a.


"Tinge ka Pa hi i duh a?" Pizza ei chungin Mathew-an a rawn ti, "ka thei lo em ni?" Ka melh zawk, an chaw chu ka ei a.



"Thei e, a duh chuang lo che a," ka tlawh thla taw dâwn maw ni.


"In ngaizawng ta ila," a ner leh vak.



"Anu nen an innei leh dâwn," a ti a nih chu! Ka fian kenlai ka dah ri khap. Ka melh rawm rawm, naupang ni lo se chuan ka tuk lawl tawh ang.


Ka bialpa fapa a lo ni lehzel nen, a mize ngeng lutuk hi midang fa chu nise a ruk a ka sih ruk, ka sih ruk tur chi.


"Ei vat ru, lunch break a zo dawn khu, naupang dang pawh an lut khawm," keipawhin ka ei zui sawk sawk.


"Au Rinrin nidangah min lei leh la," a hmai tuaifak sakin, "i u tel lovin kan ei tawh ang, KFC te, McDonald's te, a dang pawh tui deuh deuh kan ei ang," ka ti lui ve kher, a nu hming te a mi vau ve khanglang ni.


Ei tur ka lei leh hunah ka lei kep tawh lo tawp ang. Duh leh chaw ei rawh se.


"A tui loh loh nen," a ei zawh tawh vang maiin a la ti zui a'h, ka lo ei tir palh palh ka va inchhir tak aw!


"Ka lei leh hunah i ei tawh lo ang," hnial loh ka tum pawhin hnial loh chi pawh a ni lo, kawlhrawng reuh lutuk a.


"Ka ei duh loh pawhin apa vangin min ei tir dâwn tho a," tih leh a tiffin ka chhin ṭhat chiah chu la in a nau bânah a kai a, "mahse, apa in 'miin thil an pek che u chuan lawmthu sawi tur' a tia, kan lawm e," mintih khum leh, ruh tawkin ka inseh ruh.


"Midang ka ni lo," naupang hmaah chuan ring si lovin ka ti nghek. Min la kalsan nal nal daih zui a'h.


Arghhhh...... Lalduhawm, i fapa hi...i fapa hi...... Ka beng hrep chak lutuk a! A nuhrawn ka nih hunah vawi 3 vel chu ka beng tho ang.



Ka phone rawn ri chu en hlei lovin, "eng nge?" Ka ti vin hlar.

"Inhauhpui i nei leh tawh em ni?"



"Lubuar..." A nui huk. Pizza an ei zawhna ruak chu la in, "eng nge exam tur i inbuatsaihna te a an?" Pizza bawm chu Dustbin ah ka paih a.


"Ka hmu khat deuh che a, charge ka ngaiin ka hria," ka lo uak der tuar. A nui zui huk huk.


"Class i nei em?"

"Coffee ka in ang a, ka kal ang," Cafe ka hmuh hmasakber ah chuan ka lut zat.


"Flat white coffee, take away," ti sep in, "i rawn kal dawn em? Thu hrilh tur che u ka nei a nia," dawhkan ruakah chuan ka ṭhu thla nghal a, ka nui ver ver bawk.


"I class bânah ka rawn hruai ang che, zanriah kan ei dun dawn em ni? Keipawhin hrilh tur che ka nei a," a ti sup.



"Midang ho..."


"Midang tel lovin," thutak zet a a tih takah chuan, "aw le, ka lo nghak ang che," ka ti ve ta sep, eng thu nge maw min hrilh a tum le? A thutak em em lehnghal a.



"Ka ṭhu ve thei angem?"


"Aw" pawh ka tih hma in a ṭhu zui tawh reng sia!


"Rinmawi..." Ka phone khawih neuh neuh lai chu chawl meuhin ka hmaa rawn ṭhu chiah hmeichhia, kum 30 ralkai tawh tih hriat tak, hmelṭha ve tak chu ka melh ralh.


"Min hria em ni?" A nui a.


A hmelṭhat dan chu, a vai hmelṭhat a, a sin ret mai.



"Ka fapa-in a sawi ṭhin che a," a la nui säng reng.


"Kan inrual em ni? Ka sawi awmzia chu i fapa nen?" A nui hak, ka coffee chah rawn thleng chu la in a man ka pe zui a, ka tem zui hlak bawk.


"Mathew-a, Mathew Lalhruaitluanga..."


"UMMM...." WHAT??????


Ka coffee in ka hak ṭhelh, a lo nui zui hak, ka hmui tissue a hrui nawk nawkin, uluk tawk leh mak ti tawk chuan ka hmaa ṭhu hmeichhia chu ka en chiang ṭha leh a.


Lalduhawma nupui hlui maw? Khai!!! love rival ka nei nghal tihna em ni?


Thaw la ham hamin, ka ṭhu ṭha a, nuih letin, "pawimawh a awm em ni?" Pangai taka lan tumin ka ti ṭha leh.



"Awm hran lo ve, Bawihpuia Pa i ngaizawng tih ka lo hria a," kan in en ta ran mai.


"Ka ngaizawng tawh lo."


A meng deuh kawk, rei erawh a ni lo, hmeichhe fing tak, mahni inthunun zo tak leh vengva tak mai a ni tih a lang reng bawk.


"Kan in ngaizawng tawh zawk," ka tih zawm sap chu za lo tih hriat tawk hian a nui lui a.


"I chiang maw?"

"Aw" tihnan ka meng zau zauh.


"I la naupan hmelin, student i la nih ka ring a, pathlawi fa nei tawh ngaihzawn chu a zahthlak i ti lo em ni?" Pangai deuh ang a min zawt siin, "ka pasal hlui hi kalsan rawh" minti ni berin ka hria.


Ka hnek sawk dâwn emaw ni le? Mathew-an a nu Mizia a nih hi a lo lâk, a hmel angin a pa chhun tur a nia!


"Zaknang, keiman alawm duh hmasa," awlsam zet leh ngaihsak lo zetin ka ti let.

A nui a, "ka hria alawm, rui chung pawhin an In ah i riah chilh tih," a va ngeiawm tak, Lalhruaitluanga mai mai chu aw!



"A lawmawm a nih chu. Sawi tur i neih tawh loh chuan ka kal ang e," tih leh thawh ka tum.

"Kan inhruai leh dâwn tih i hria em?" Ka mawngin chair a dai leh riai riai.


"Inhruai leh kan tum a, i mualpho hmaa inthiar fihlim kha a ṭha zawk lo em ni?" A nui ang sawng zui a'h.


"Umm.. I fapa in min hrilh alawm. Chuan min vau tihna em ni?" Ka ṭhen vak.


"I hmelṭhat nen i chaltlai reuh hle mai, ṭha takin a nih kha ka hrilh che ni," a ti dam thluam.


"A chaltlai lo zawk pawhin pasal hlui te ngaihzawng min rawn hmu tho alawm le," ka ti let ve hmak, kan landan chuan titi satliah kan ang viau ang, kan nui lui ang sawng sawng bawk sia.



"I rilru a nat lohnan a hrilh mai che ka nia, i la naupang si a, bumin i awm ka hläu mai a ni."


"Min ngaihtuahna ah ka lawm e; Mahse, keimahin ka in enkawl thei."



"In inhriatna pawh a la rei em ni chuti taka i duh turin?" Ka duh zia a hmu thiam nghal vek lehnghal a'h. A fapa ang mai, fing kerkur lutuk!


Ka mitah tak a en kalh, khap khat lek pawhin a zâm eih lo, a hmelah chuan nui hmel a lang reng bawk, chu chuan minti rap lek lek zawk, za vak lo hian ka nui lui ve ta hak, a fin ka chelh dâwn lo tih ka hre nghal; Mahse, ka at hi a chelh bik tawp lo vang.



Ka at huai a ni tih a hre lo erawh a inchhiar dâwn alawm.


"Tu emaw duh leh duh loh hi engtia rei nge i hriatah a in nghat lo, kan mi duh leh min duhtu te hian minti hlim em tih lam zawk a ni," ka phone screen chu hmet eng in ka en a, "ka coffee a dai zo dâwn, class ka la nei bawk nen ka kal ang e," ka ding zui.



"I hmel en aiin i luhlul zek," a rawn ti leh, ka nutet thinchhiat kaih thawh a tum reuh emaw ni?



"Ka Pi," a meng dur nghal khap, a hming a sawi miau loh avangin koh ngaihna awm hek lo. Ka Pi tih chu a haw viau tih lah, a nui hmel lem deuh reh hmak danah a lang em em bawk a'h. Lo koh vat tur a nia!



"I tactic hman ang hi tunlaiah an uar tawh lo, thliarkar tactic a nih kha," ka nui var var. Tih thinrim nuam ta riau a ka hriat ni!


"Naupang...." A vîn ring ngam si lova, sehchilh zet hian a rawn ti. Ka hmui lo tih sawih khum nawkin, ka kut chunglamah ka vai zauh bawk a.


"I pasal hlui hi ila duh a nih chuan ama bulah sawi rawh, ka bulah ni lovin," ti zui zatin mitmeng alh phat phata min en zui tu chu nuisang a inher sanin, "Ka bialpaa ka siam theihnan pawh thla tamtak ka bei a, khawi aṭanga rawn chawr chhuak nge tih pawh hriat loh hmeichhe thusawi ka zawm a ring emaw ni?" Kalsawn pahin ka ti zui niah niah. A hriat turin ka sawi a ni mah zawk.

Dawhkan ri deuh dawt chu ka hre zui hman.



Min cho a nih chuan a tisual khawp ang, ani angin ṭawngkam dam diai leh nui hmel pu sawngin ka bei thei lo a ni mahna; Mahse, chimawm leh atthlak takin ka chhang let thei ve tlat.

Ka sawi tawh kha, a fin ka chelh loh pawhin, ka at a chelh bik dâwn lo.


Arghhhh.... Heihi alawm pathlawi ngaihzawn ka duh loh chhan. Ninawm, ka ṭhen thei bawk si lo!

Kan in ngaizawng ṭan dek dek a, ka U Puia, a fapa leh a nupui hlui ka hmachhawn nghal a nia!


Lalduhawm i chungah phuba ka la khawp ang!!!!



"Ngeee..." U Ruata sek pawh chu min call chhen le!

"Ka call mah che läwm rawh aw, palai i dawng?"


"Eng palai maw?" Taxi ah ka ṭhu lut, class ka tlai vek tawh lehnghal! Hmeli vang vek.



Taxi kawngkhar ka khar tur chu tu emaw hian a rawn dawm a, "Rinmawi, fair takin competition kan ti dawn nia, i cho na ka pawm e. Mahse, i nat lohnan i inveng dâwn nia. Naupang tihnat ka duh si lo va," dam zet a sawi ang siin a sehchilh deuh rap rap.


"I â maw ni le? Ka ta saah ka insualpui chhan tur che a awm lo, ka kut aṭangin lak tum zawk rawh, i la thei ngut emaw chu kan en dawn nia," tih leh taxi kawngkhar chu ka pawt dat, a vawnbeh ve tlat avangin a ai nâa pawt leh sawkin ka khar zui dawt. A nghing ve luih thei.


"Tunge?"


"Ui â pakhatin min bauh khum alawm le," Mathew-a Nu mit meng alh phat mai en reng leh, ka benga phone chuktuah chungin taxi driver chu tlân chhuak turin ka ti zat bawk.



"Eng palai maw i sawi kha?" Ka ti leh zat. Ka thin ala rim ṭun mai, han tum chhin sela, min ṭhen tir thei ngut em tih pawh hriat a chakawm alawm le.


Ka naupanlai ata tawh vawiin ni thlengin, ka duh chu keimah ngeiin ka sual chhuak ṭhin.

Ka ta saah ka sual buai a ngai lova, ka ta erawh ka ta chiah ni turin ka venghim ve thei bawk. Ka venhim dan chu engpawh ni rawh se, ka venhim chhung chuan ka chak tihna a ni mai.


"Pasal tur palai lo khawmpui palai i dawn i ring em ni?" Phone chu la sawnin ka en haw a.


Ka pa thusawi, "pasal nei turin inbuatsaih rawh" a tih kha ka hre chhuak zawk.


"Ka nei dâwn chuang lo, ka dah a nia," tih leh min chhanna nghak lovin ka off zat. Ka palai dawn pawh annih loh chu, ka Pa dawn a nih chu, a duh leh amahin nei rawh se.


Min neih luih tir han tum chhin sela, ka thih loh pawhin, Lalduhawma ka luhkhung a ni mai.


An fanu hi tihluihna leh cho na hmanga beih chi ka ni lo tih an hre lo emaw ni?


Pakhat pakhata min tihbuai hlawm chu ni!




<>~>~>~>

NOTE : Naktuk hna ka neih dâwn avangin ka dah thei dâwn lo va, min lo hrethiam rawh u aw hmelṭha hoka lawm em em e. 🥰

[Ngaia]

ZAWLAIDI

By


Chapter < 10 >


< MAMI & AWMPUIA>


"Eng nge i rawn tih leh dawn? Min hmu turin lo kal tawh suh ka tih kha," a hmaa ding mipa chu kal pelin Mami'in a ti hlak.


Awmpuia cbuan a umzui a, "ka sawmna che kha i in ngaihtuah em?" Mami a ding dat, Awmpuia lam chu a hawi chho.



"I â em ni? Ka U leh i nau inkar i hria a, chuti chung chuan min neih ila tum amaw? Ka nei dâwn lo che. Bakah, i fanu vanga i inthiam lo a nih chuan chu chu kan mamawh lo, i tel lo pawhin kan awm thei," midang hriat hlau tak si chuan a ti tan tan.

"Ka fanu in midang Pa tia a koh reng ka rem ti hauh lo," Luhlul tak chuan a ti ve leh a.


"I remtihna ka mamawh lo, ka U in a nun zawng zawng kan nufa tan a hlan a, keiin a hlimna ka laksak ang maw? Teuh lo lutuk, Vawikhatmah min rawn hmu tawh suh." Tih leh a pensawn nghal hlawk hlawk bawk.








< MC-A....POV >


“Eng nge i rawn tih dawn?” Inchhung ka luh ruala ka hmel hmuhsak ber chuan hnathawk chauh a ti zual.


"Ka fapa hmu tura rawn kal chu a mak em ni? Khati vaka min en ni?"


"Weekend-ah chiah hmu tur che a ka tih che kha," ti nghutin, "Khawnge Hruaitluanga te chu?" Mami ei rawngbawl chu ka be nghal.


"Inchhungah naupang thar an awm a, an lêng chho a nih kha," Nunsiami chu rawn melhin, "Bawihpuia hmu tura rawn kal pawh a ang lo," a ti leh zat.


Ka ip pui ah lai chu bangah khai zuiin, "engthil maw i duh a?" Thingpui hang inchhawp chu ka thli zui zat.


"Nupui neih i tum tih ka lo hria a," ka thingpui hang in ka hak ṭhelh.


"Bawihpuia hi engtia awmtir nge i tum?" A tih zawm leh.


"I buaina tur a nih loh chu," ngaihsak vak lo hian ka chhang a.


"Neih i tum tak tak em ni?" A aw ki a dang ta deuh.


Ka nui suk a, zozial chu ṭanin, "i sawi duh sawi la, chhuak rawh," ka hîp zui vang vang.


"Ka fapa hi nuhrawn tawrh tir ka tum lo." A ti vei nghat.


"I inring tawk lutuk lo maw Nunsiam?"


"Nupui inei dâwn a nih chuan Bawiha hi ka hnehah awm rawh se," a ti leh zat a, ka lo nui huk ringawt thung.


"I zak lo e U Siam, duh lo a kan hnena dahtu inih kha, em em a che..." Mami'in a rawn ti hlar.


"Eng nge ti theia i in hriat?" Ka ti dam dup.


"A nu ka ni a, ka hnena la turin dikna ka nei bawk. Inhruai leh i duh lova, hmeichhe dang i hruai lut a, nuhrawn tawrh tir i thlang zawk a ni lo'm ni?" A ti vei pang pang.


"I fapa hi ila hmu duh a nih chuan i tih tur i hriat kha. Nawrluih chi ka ni lo."


"Min vau tihna em ni?"

"Hmeichhe vau chi ka ni em tih leh, hmeichhe vau a awm chi ka ni em tih i hre chiangber ang chu," dam dap hian ka ti leh a.



Ka awmdan ngeng tak, thinrim hmel leh huat hmel pawh a lang si lo, damdup mai, ngaihsak lohna a khat chuan a ti na deuh nge, "i inthlak lo emaw ka ti a, i inthlak takzet. Engtin nge heti tak hian i vawh theih, i hmeichhe hmangaih lakah hian," rilru na tih hriat tak hian a ti chhuak a.


"Hmangaih ṭhin maw le, ka sawi tawh kha min nawr lui suh tih," ka tho zui a, inbual tura pensawn ka tum chu, "kha hmeichhe naupang vang kha a ni tiraw?" Ka ding zui.


"A hmelṭhat ang aiin a chal tlaiin, zah a hre lo a nih kha, mihausa naupangin a bawl kual thei ang che tih ka ringpha hek lo," a rawn ding ve zat.


"Khatiang hmeichhe rui thlep mai mai ṭhin leh, nungchang mawi pawh hre lo hmeichhe kutah ka fapa ka dah ring suh ang che," a ti zui leh ṭhat.



"Nang aiin zah a hre zawk alawm le," Mami'in a lo ti zui ve hlak, "ti em ema zah hre lo mihring hi an awm pawh ka ring ngai lo, i zak lo tih pawh hian a sawifiah lo, nangpawhin pasal ineih theih chuan eng ngah nge ka U chuan a theih loh ang ni? Chhuak rawh..." A ti zui tawn tawn.


"Nunsiam, Lalrinmawii vawikhat pawh i hmu leh a nih chuan hre rawh keiman a nia chingfel dâwn che, ka vau lo che, ka hrilh che a nih chu," ka ṭawng ka sehchilh lek lek.


Thinrim a min melh ram ram chung leh insawh nghawng nghawng chungin a chhuak vawh vawh a. Ka thaw ri hraih.


"Khatiang em ema rawn ngampa turin mitmei kan hmuh pawh a ni si lo va, zahna a pianpui ve lo emaw ni," Mami a ang zui hlak hlak.



Lalrinmawii a hmuh si chuan, Lalrinmawii'n engmah rawn sawi lo nge maw a nih le? Ngaihtuahawm a nih phei chu ka ring lem lo va.

.
..





"Vawiinah school-ah Au Rinrini a lo kal a sin apa?" Gabrielle-in lehkha zir pahin a rawn ti chhuak.


"Pizza min leisak a, a nî siam aiin a tui daih zawk," a ti leh, ka lo nui suk. Ka fate innel tir tumin theih tawp a chhuah niin alang.


"A tui pawh ka ti lo," Mathew-an a lo ti nghat.



"Tunlai hi Bawiha hi i ṭawngkam a mawi lo thei riau a nia. I U Rinrini i biak dan te hi naupang sawi a mawi lo deuh deuh hi i sawi chhuak a," Mami'in a lo khak zui.



Nunsiami hian a fapa hi thu hrilh a nei tih ka hrethiam a; amarawh chu tunah rih chuan Mathew-a emaw Nunsiami emaw hauh a, thuhrilh ka la tum lo, ka fapa hian a mit ngeiin leh ama hriatna ngeiin eng nge dik a dik lo thliar hrang turin ka duh a ni.


"Rinrini lakah hian i serious em?" Mami'in a rawn ti.


Ka chhang mai lo, ka fate lehkha zir en deuh vung vungin, "eng nge i ngaihdan?" A rawn nui a.


"Ka duhpui lutuk che, kan chhungkaw tan hei leh chen i mal tlat a, kawppui neih a, hmangaihtu che leh hrethiam tu che i neih tluka duhthusam lian ka nei lo tih i hriat kha. Rinrini hi hman aṭanga ka hriat tawh a nia, a â phei chu a ni lova, rilru a awm thup ṭit ṭet thiam lo, nihna ang ang a lang, rilru tluang tlam a nia, naupang ho pawh a hmangaih thei nghal mai ang. Tunlai ah ani ang a rilru tluangtlam hmeichhia, ngaihtuahna chhiar awl an tam lo a nia," a rawn ti ta duah.


"Ka duh lo e a. Nuhrawn ka duh lo a nia," Mathew-an rang takin a Ni a lo chhang.


"Nuhrawn chuan mi an ti duhdah ṭhin," a tih zawmzat, chutiang thu chu a hriatah vawikhat pawh kan sawi ngai lo.


"Khawi aṭanga i hriat nge?" Ka ti sup.


Min melh zawk a, a lehkha a en leh.


"Hruaitluang zawhna ka zawt che?" Ka lam a rawn hawi a, mit khap zek zekin, "a...a...anu..."A ti ban chap, ka thaw ri hrawih.


"Ka thusawi kha ila hria em?"

A bu nghat, "kan school ah a lo kal ṭhin a," a ti leh.


"Lehkha kha zir rawh," ka ti ta zawk a, hauh vak dan ka thiam loh mai bakah, Nunsiami zawk ka biak leh ngaiah ka dah mai!



<>~>~>

RINTEI...POV



"I la haw dâwn lo em ni?" MZU building kawtah ka ding vang chu Rindiki'n a rawn ti.


Putara message ka lo chhiar mawlh mawlh, engtin nge a nupui hlui ka hmu tih a hriat ni. Ka ṭhat leh ṭhat loh min rawn zawh bakah, a lehpekah chuan keimah a hmachhawn lo va, amah call tur a min tih thu a rawn type ve duah mai, a message min thawn sei ber ṭum a niang. Nidangah chuan "umm" tih leh, "aih" emaw bakin min chhang ngai lo hrim hrim.


"Lubuara ka nghak..." A lam pawh hawi lem lovin Putara message tur ka type mawlh mawlh.


Freddy nen zanriah kan ei tur thu ka thawn a, a hmuh rualin a rawn call nghal chu ka nui thut. Rindiki ka bula rawn ding ka phone screen chu hmuh a nui vur vurin ka pick up.



"Putar..." Ka ti hman ṭawk, "tunge a nih a?" Thinrim miah si lo bul tawk hian a rawn ti. Ka nuih a za bawk si, nuih duh bawk si lo chuan ka hmui ka'n chip deuh vang vang a, "ka bialpa hlui..." Ka ti zo hman ṭawk, "Lalrinmawi....." A bul hluk, ka nui chhuak nghal vak a.



Phone aṭangin a rum ri hraih chu ka hre thei, a thikthu a chhe ve tak tak emaw ni?

"Ka fiamthu a nih kha, ka ṭhianpa nakinah ka la inhmel hriat tir angche...." Nui chung chuan ka ti leh. Zohminga call a rawn luh avangin, "Putarte call ka'n chhang lawk aw," tih leh Zohminga call chu ka chhang a.

"Au Rinrin, Au Rinrin, Au hi lo chhan rawh, apa in a that mai dâwn....." Zohminga nau a rawn ṭap zuiin a rawn au nghal chel chul.


"Puipui muangchangin sawi rawh, eng nge thleng a?" Rindiki'n a beng a rawn dawh vevat.


"Apa in, apa in Au leh Au Chhuana te an in ngaizawng a tia...." Inhnit hlawp hlawpa a tih chuan thil awmzia ka man nghal, "ka hria e, ka rawn kal ang," tih leh phone off in, "Zohminga Pa-in an inkar a hria a nih hmel," tih leh taxi dinna lam chu ka pan zui hlawk hlawk.

"Lubuara bia la, Zohmingthanga te In lamah rawn tlang rawh se," Taxi ah ka ṭhu lut, Rindiki a rawn ṭhu ve bawk.



Putara ka kalna tur message in ka hrilh a, driver chu kan kal duhna tur ka hrilh nghal bawk.


"Freddy chuan eng nge hrilh che a tum a?" A rawn ti sep. Ka lu ka lo thing, "ka hre lo," ka melh zawk.


Za vak lo hian a lo nui a, "Pathlawia nen in inkar hrilh i tum em?" Ka bu nghat.


"Nangni pawh ka hrilh che u a, amaha a hriat hma in ka hrilh a ngai alawm, tihtauh ber ber hi a ching si," nui chungin ka ti leh, driver chu a theih chuan tlân chak deuh turin ka hrilh zui zat bawk a.


"Hrilh duh rih suh...." Ka en haw.


"Exam a nei mai dawn a, a tan a pawimawh zia i hriat kha. A hria a nih chuan a rilru a hah leh mai mai, a ngaihtuah thei che si a," a tawp lam chu tih elna a ang mah mah zawk.



Ka lo ner nung, "nge? Min thik em ni? Ka duh lo a nia aw," ka nui, a nui ve tho nâ-in a zat hmel loh.


"I duh chuan i duh thu hrilh vat rawh, midang a neihsan daih mai ang che," tih leh taxi ding datah chuan pawisa pe in ka chhuak zui nghal.


Zohminga te lam chu ka pan zui vat a. A nau Puipuii'n min hmuh rualin gate a lo hawng sawk sawk.


"A zah pawh hi i zak lo em ni, Pathian pawh khi i hläu lo em ni?" An kawngkhar bul kan thlen rualin Zohminga pa aw in a ti khur khur ri kan hre zui nghal.



"Pathian aia hläu tur che a min siam hnuah engtia hläu turin nge min duh ni?" Zohminga'n a ti ve nghut.



"Zohmingthang...." A pa chuan a ti leh hrawk.


"Kut min thlak leh la, min sawisa leh rawh itihdan ṭhin alawm. Pulpit chunga lawna midang tana i ṭawngṭai leh Pathian i auhpui hma khan i fapa drug addict, mawngkaw hur leh a mipatpui ngaizawng tu tan hian ṭawngṭaiin, Pathian thu hrilh ve ni la, vawiin ni hian i zahpuiin i hmusit tawp lo tur....." Thinrimna aiin rilru natna leh mangan na a lang tam zawk.



"Ngawi rawh, ngawi rawh Bawiha..." A Nu in ṭap zawih zawihin a lo ti ve bawk.


Zohminga mit chu a sen râm, a hnawm chap bawk. Rindiki nen pawh kan lut mai ngam bik lo a niang, kawngkhar bulah chuan kan ding ran ringawt a.


"Chhungkaw dang invei hma leh Mizoram thlarau bo i hmuh hma in, in fapa thlarau bo leh Pathian auh ngaihna hre tawh lo khawpa tuihâl hi hmu hmasa in vei hmasa ni ula vawiin ni hian nangni ni lovin Pathian a hlau ang a, in Pathian hmingin a zah zawk tur che u," a ring miah lo, a mittui far zui kauh chu chiang takin ka hmu bawk.



Ka hriat thiam miah si lohvin ka lo thawt ve up up, ka natpui veng veng nia maw le!


Nge ni a, ka nihna, ka nu leh pa, kan chhungkaw nihna a nih ve vang zawk?



"Chhuak rawh... Tunah chhuak rawh, i rawn luh leh a nih chuan zangthalin rawn lut tawh ang che," a ti ta hrawk hrawk mai.


Inchhung a luh ka tun rualin tu emawin mi lo pawt her nawk, "Lubuara...." Ka ti chhuak heu bawk a.


"Chhungkaw buaina a nih saw," a aw chhuak zet chu"! Ani pawh chu thinrimna a nei emaw ni?


A thim tawh si, pawn light an la On loh vang nge a thim zual riau a ka hriat ni!

Rindiki a rawn ding ve nghal, Zohmingthanga'n a rawn zui zat bawk a.

Light a rawn in On rualin Zohminga mitko kak leh a Lu aṭanga a hmaia thisen luang chu ka hmu hmasa ber.


"Zohmingthang...." Tih leh ka kut lawngin a hmai chu ka tuai sak nawk nawk bawk a.


"Hotel-ah min hruai rawh u," a ti sup.


"Hotel a awm chi pawh i ni em ni? Kan In ah i awm duh loh chuan Freddy te in ah awm rawh," ka lo ti hlar.


Min chhang lovin car seat hnunglam kawngkhar hawngin a ṭhu lut daih a, ka zui ve zat.


Rindiki leh Freddy rawn luh rualin, "a hmai tihfaina tur leh hnawih tur hi i nei em," driver seat a thu Freddy chu ka en.


"Rindik, i hma ah khan a awm ang," car a tinung zui zat.


"Hotel ah min dah rawh u, mahni a awm ka duh.”


“Mah se.... “ Rindiki chu a ngawi leh ta zawk a, hnial a duh loh zia a hmel rum ul maiah chuan a lang reng.


“Chhuana i ko dawn em?” Tlan chhuak pahin Freddy-an a rawn ti.



“Ko lo ang, kan inzui tawh hleinem,” ka en hraw, Freddy meuh pawh a rawn hawi zawk.


“Egtikin nge in inṭhen?” Zawh loh ka tum a ka lei ka veng hman lo.



“Nimin piah khan.” a khi suk, nimin pawhin class kan la kalho sia, kan ṭhu ho in kan nui ho va, ka hre lo reng reng.


A ip te aṭangin damdawi phut hi a rawn phawrh, ka lo pawt thla vat.


“Minpe let rawh,” a ti sup.



“Harhfim rawh, harhfimin in ngaihtuah rawh, tun hi ruih hun pawh a ni lo Zohming,” ka ti zui hlak hlak


car a ding dat a, engmah sawi lovin kawngkhar hawng chuan a chhuak zui nul nul.


“Kan zui dawn lo em ni?”

“Hun ka mamawh a tih kha, zanriah inla ei lo a ni lo’m ni? Thil ei ang u,” Freddy chuan a ti sup.



"A awlsam chi ei mai ang u, haw ka duh, a balh te hi ka bal lutuk em em," ka lo ti ve.

McDonald ei tur chuan kan tlân chhuak lehnghal, ka rilru erawh a nuam dêr lo, Zohmingthanga ringawt chu a awm a!


"Hmmm, naktukah a mamawh leh dawn, kawl rawh," car aṭang ka chhuah dawnin Zohminga damdawi ka laksak chu Lubuara ka pe a, ka chhuak zui zat.


Engtin emaw tak kan boruak chu a rit riau in ka hria, nge ni a kan pathum chuan Zohmingthanga kan ngaihtuah vek nge ni zawk.


Kan ei tur pawh ngawi rengin kan ei, Rindiki'n Freddy-a a melh leh zawk ṭhin chu a rukin ka lo nui leh sun sun zel a.


A duhna hi a rei tawh si a, hrilh ve vat mai âwm, a dawih zik zek lutuk a ka ngei lek lek ṭhin.



"Rindik kan thlah hmasa dâwn che em ni?"



"Min thlah hmasa rawh," rang tawkin ka lo ti, a car seat hnunglam kawngkhar chu hawn ka rual nghal. Haw dun se la, chance ka pe a ni mai.


"I bag kha a bo i va hläu ve," ka hnunglam chu ka melh zauh, ka nui ringawt a.


"Paite khualzin an sawi ang mai," Rindiki'n a tih zawm leh, Zohmingthanga te In kan pan pawhin Taxi chhung ah pawh tihian ka ak tlat tih ka hre chhuak.


Rindiki'n, Freddy-a exam tur inbuatsaih dan a zawt zui a, keiin Putara ka text malh malh bawk.



"Lubuar, Pu Chhuma te in thlen hma in ding rawh aw." Ka lam a rawn hawi.


"Ka thlah thleng law law ang che, a tlai tawh si."


Ka lu ka lo thing vat, Putara'n mi nghak tih sawi mai ka tum a, Rindiki'n hrilh rih lo tura mintih kha ka hre chhuak, "ding mai mai teh," ka ti ta ngawt a.


A din rualin ka chhuak zat, ka hawi chho, Putara, pawn light an chhitna zawn chiaha ding ka hmuh rualin ka kut ka vai zauh.


Nike t-shirt dum a ha a, kekawr dum tho a ha bawk, a kekawr ipte zen chunga ding kak run a ka lam a rawn hawi thlak ran mai chuan a va han chhe lo zual tak, bawma khunga ka hmuh tur chauha dah mai te hi a nia ka duh ni.



"Rinmawi...." Ka pensawn tur ka ding dat.


"Nge i rawn chhuah," Putara dinna lam a hawi chho.


"I la bia em ni? Tuge a nih...."


"Lubuar, pathlawi neih ka tum loh kha ka thlak," ka nui zui vur vur.

"I fiamthu em ni?"

"Fiamthu nang," ka melh chho zawk, ka nui a, "ka duh tak tak a nih ka ring," ka ti zui sep.


Lubuara lam chu ka hawi leh a, ka nuih sen sen bawk.


A hmel rum ûl mai chu ka hrethiam chiah lo mah se a lawm lo tih erawh ka hre thung.


Ka hrethiam, ka ṭhianṭha ber a ni a, ka tana ṭhatna tur a duh tihnen, tlangval pangai ngaizawng ila tiang hian min en dawn lo tih ka hre bawk.


"Ka kal dâwn a nia," ka bânrekah min pawt letin min kuah thlawp.


Ka inring lo lutuk chu ka meng kawk, "Lu...Lubuar..." Ka ti bah nak.


"Mipa pangai, ṭha tak i phu tih i hriat kha," a ti sak ṭalh. Ka nui ta hak, ka sawi reng kha, min ngaihtuah thei a nia!


"Ka hria alawm; Mahse, Pathlawia pawh khi ka nihna diktak nen chuan ka phu lo lam zawk a ni," ka inla hrang a, min thlah ve mai bawk.


"Ka kal a nia," Rindiki car chhunga ṭhu chu nuihin Lubuara'n Putara a melh run run chu a darah beng taihin, "i makpa a ni vat mai thei a nia, bansan ka tum lo nasa si," tih leh Putara lam ka pan vat.



Engtik laiin nge kan awmna lam a rawn hnaih viau hman ni, thui pawh pen loh ah a bulah chuan dingin ka nuih nghal var var a.


Ani pawh chu lungawi lohna a nei nge a hmel a va chang reuh ve maw le.


"Min lo nghak rei em?"


Lubuara te lam a la en run, "rei lo.." A ti tawi tuk, "kal ang," tih leh ka bâna kuahin ka inherpui.


"Tinge? I thinrim em ni?" A hmel rum ûl mai chu ka melh chho leh ṭhin.



Min chhang leh tawh miah lo, ka ding dat, "Lalduhawm, i thinrim a nih chuan sawi rawh," ka ti deuh ṭhat, ka thin phei chu a rim law.



A thaw ri hraih, ka lam rawn hawiin, min en deuh run run, "engvanga kuah che nge a nih?" A ti bul nghut. Hretiam chiah lo hian ka chal ka lo tih chuar khum nang a.


Freddy car lama thle bakin, "a kuah che kha," a ti leh sup.


Ka inrin hmain za tawkin ka nui chhuak, mit zîmsän a in min en run run tu chu nui awr awr chunga en in, "i thik tihna em ni?" Ka la nui reng.


A hnar a tum dat, hnehsawh zetin ka kawngah a kut a rawn rawlh a, a lamah min pawt hnai hrawk, dingdi hlip nghal akin ka thaw ka hip let kawk bawk.

Hnai setsawtah min en a, a hnar chuan ka hnar a dai de de, a hmui pawhin ka hmui a tawk lo chauh bawk. Hlauh vang ni miah si lovin thaw dep depin ka melh chho ralh.


"Ka hmuh tir ang che," a ṭawng zawnga hrawk bawk che ralh leh aw thâwp sup chu inhmeh tak a ni.


Ka khabe chu dimtêin a chelh a, dimtê bawka chawi kang hlekin, hmet kau zui tiar chuan muangchangin, a hmui tui ka tih em em mai hmanga chilh riai riaiin, a lei chu a vawikhatna ni lo tih hriat tak maia ka kâ chhunga rawn hawl lutin, duhthawh tak si, hmanhmawh miah si lo chuan, min fawp zui a, a thikthu chhiatna ai mahin, min ngaihsak zia min fawhna aṭang chuan a lang chiang mah zawk bawk!


Kan hmui la insi reng chung chuan a nui suk a, "tikhan engtiang chiaha thikthu chhia nge ka nih i hre tawh em?" Zawi sup mai leh thaw chhuak ham ham chunga a tih chuan ka hmul thi a ding er er thei, ka kawchhung ah phengphehlep an thlawk sep sep emaw tih turin ka za mer mer bawk.


Laih em em lai pawhin, "heiai hian iti chhe thei em?" Ka ti chhuak sep chu a nui ri huk, a va mawi leh pek tak.


"I nghal reuh lutuk," nui huk huk chunga tih leh ka chalah a kut ṭang chuan min tuk zauh.


Inla hrang hlekin a kut chu ka kut ṭangah rawlhin, "haw ang," a ti zui sup.


"Haw ang" a tih ri chuan engti zawng emaw tak hian min hneh ngawih ngawih, "umm... Haw ang," ka nui hmel chauh ni lo, ka chhungril ka thinlung zawng zawngin ka hlim a ni tih a hmu ngeiin ka ring.

Ka kut a chelhna chu a ti nghet sauh a, min rawn en chhukin, hlimna a khat tih hriat ngawih ngawih a min nuih suk chuan min pensawn pui nghal, ka hma lam ka en lova, ka kut chelh a, nghet taka vuantu mipa chu ka en dauh dauh thung.


Ani hi ka kawng, ka hmalam hun lo awm zel tur ka en nin theih loh tur leh ka dam chhunga chelh ka duh tur leh ka tum tlat a ni miau a!



"I ṭhianpa chu a ṭha em?" Inkai rialin kan in lam kan pan dun laiin a rawn ti.


Bu nghatin, "umm Hotel-ah a awm rih a," ka ti sep. Ka ngawi deuh vang vang.


"Putar...." Ka en chho, min rawn en zawk.


"I ṭawngṭai ngai em?" A nui ri suk.

"Ngai e. Kristian kan ni a, ringtu tan chuan tih tur alawm," min rawn en chhuk leh zawk.

Ni e, a hming chuan ringtu kan ni, kei, Zohmingthanga, U Ruata, ka ṭhiante dang pawh. Mahse, engtia rei nge biak In kan rah tawh loh a, kei phei chu ka hriat theih chinah ka ṭawngṭai hi ka la hre lo hrim hrim zawk!


Ka ding dat, dingin ka lam a rawn hawi a, "Pathian khian tu te ṭawngṭai nge a chhan ṭhin?" Ka dak chho vah.


Min en vung vung a, ka dar tawn tawna rawn chelhin, hmui chip chunga khi suk hian, "Tih takzet leh thinlung zawng zawnga amah ringtu te dilna a chhang ṭhin," damdap mai, hriat nuam lutuk leh ka hriat thiam theihdan tur ber chuan a rawn ti chhuak.



"Engtin nge ka rin ang?" Chu zawhna chu ka zawt thlawt! Rindan tur ka thiam lo va, ka ring ngam lo va, rin ngaihna pawh ka hre lo a ni ber.


Min vawnna chu a thlah a, ka kutah chelhin car arawn tlan avangin alamah min pawt salh, kawng thlang lam, ka haw peih loh changa ka ṭhut khawmuang na ṭhin, thingbung, lian ve tak, patling hlam khat vela sei awmna ah chuan min kai a.


Ka ṭhu thla zat. ka sirah a rawn ṭhu thla ve zat. Ka kut rawn chelha hmer vang vangin, "Pathian khi i ring em?" A rawn ti.



Ring ve em em bawk ang chu maw le.


"Ring e."


A nui suk a, "i rin chuan chu chu a tawk lutuk alawm, ṭawngṭai dan i thiam lo a, a chhan loh che hlauhna i neih erawhin, chulai tak chu setana beihna che a ni tih hria la, chhan loh hläu va ṭawngṭai turin minti lova, kan dil te hmu tawha in ngai tura minti a nih zawk avangin, ringhlel lova a hneha thlen kha kan tih tur a ni mai," damdup maia a tih dap dap chuan alam hawi deuh ha in, "chu chu nangma kam chhuak tak tak maw?" Ka ti chhuak. A inhmeh lo mah mah zawk.

Ka chalah tuk kauhin, "ka nu sawi," a tih chuan ka nui chhuak hak hak, ani pawh nui sun sunin, "tho rawh, zan a tlai leh mai dâwn, ka thlah ang che," a tih zawm zat. Ka haw peih lo lutuk hi helai hmuna riah mai hi a nia ka duh ni.


Min pawt ding a, "ka haw peih lo e, min ru mai la," ka ti chu a rawn nui huk, "Nuhrawn nih i inhuam tawh em ni?" Tih leh min pawt kal zui dat dat.



"Lalduhawm...."

"Ummmm Siakmawi..." Ka lam a rawn hawi miah lo.


"LALDUHAWM, duh loh laiber pawha LALDUHAWM ka duh che, innei ang, nupuiah min nei rawh, i nupui ka ni ang a, ka pasal i ni ang, win-win a ni mai........." Ka ti zat zat a ding dawt.


Ka lam chu thutak tawk hian a rawn hawi a, ka lo ṭhen khum vak, ka lai hnuhnawh leh deuh! Lai ang a awm duh vak chuang lo chuan ka en chho kiau a, ka khap fak fak bawk.


"Inzawmna nghet tak neih ka duh a, nghet tak...." A tawp dat. Nge maw sawi a tum lehpek le?



"Min hriat chian hnu ah min la nei duh em tih i inngaihtuah dâwn nia," a ti leh sup.



"Inneih minsawm tihna em ni?" Ka lo ti let heu chu nui datin, "min hre chiang hmasa rawh ka ti a nih chu," ka hnarah a kut ṭang a thai thla zauhin a inher zui daih, ka um zui dat dat a.

"Lut tawh rawh, a tlai tawh," gate bulah chuan a ding dat.


Ka luh peih loh zia chu pui tak a ni, pui tak!


Light a la eng uar danah ka chhung ten a vawikhatnan min nghak tihlah ka hre kur mai bawk si a.



Ṭawng ka tum zuau, "i nau a nih saw i hria em?" U Ruata'n a ti hrawk ri ka hriat rualin chair emaw ni tlu rum rum hi ka hre zui.


Ka hawi dawrh, "Putar ka lut hmasa," Tih leh min chhanna pawh nghak lovin ka tlan lut.. Kan chhungkaw buai chuar lutuk hi hmuh tir ka la duh bik teuh lo, min hläu zawk hial lo ang tih tunge sawi thei?


U Ruata'n, U Puia hnek leh tum a tin uaih tawh chu, "U Ruat...." Tih leh kuahbeh ka rual.


Ka vawikhat hmuhna a ni tiang taka rawng a U Ruata a chet hi.


A taksa ka kuahna pawh chu ṭang ṭung siin a khur dar dar.

"I unaunu, i pianpui a nih hi i hria em?" A ti leh khur khur bawk.



"Engthil nge? Ka chanchin em ni in sawi?" Ka kuahna ka phelh, an inkarah chuan ka ding nghal run.


A kam si thi phung mai tuaifai puatin, "inchhungah lut rawh, ka Nu ten an nghak che," U Ruata ngai pawimawh lo leh ka zawhna ngaipawimawh lo zet chuan U Puia'n a ti nghut a.


Ka hawi tawn zek zek, ka chungchang ansawi bakah, inchhung ah ka Nu te an awm chuan engtia rawn ṭhelh lo nge maw annih le? An fapa te pahnih an insual a, an hre reng awm si a.


"Mihring pawh i ni lo Lalawmpui," U Ruata'n ten hmel lutuk hian a ti leh hrawih, a pensawn nghal pawk pawk.



A ngaihna ka hriat loh zia chu a, U Ruata hi damdawi tiin, ka Pa te hi hnial ve ṭauh ṭauh ṭhin mah se, U Puia lakah ngat phei chuan thinrim aw ki vin a hmang ngai lo, kut thawh phei chu U Ruata a ni lo emaw tih mai tur a alawm le zanin chu le!


"U, eng nge thil awmzia," a ding dat.

Min rawn en, a mit a sen râm, min huatna lam phei chu a ni lo, a mitah chuan thilsual a ti emaw tih mai tur a ni zawk.



"Lalduhawma ṭhen turin ka tih che kha..." Ti supin a inher zui zat. A thusawi awmzia ka hre lo lutuk chu ka en hau ringawt a.


Inchhung lam chu ka pan chhat chhat, ka luh rualin, U Ruata, ka nu leh pa te an lo thu ran.


"Eng nge ni teh ṭhap a?" Ka melh kual. Ka nu chu'h! A ṭap emaw ni?



Ka nu chu ka lamah a rawn pen hnai hlawk hlawk a, na lutuk hian min beng thle sawk. Ka beng a kiu nghal vung vung thei. Ka bing nghal mup mup bawk.


"Pathlawi, pathlawi i ngaizawng amaw?" A ti khur dar dar.


Ka biang sa thîp vawng vawng chuan ka hawi chhuak.


"Lalrinmawi, kan in a hnathawk, khu mirethei pathlawi khumaw neih i tum a?" Ka Pa pawhin a rawn ti khur khur.



Ṭawng nachang pawh ka hre lo, U Puia lam ka hawi, a kun lap, U Ruata rum taka a melh danah engkim ka man thiam nghal bawk.


Za vak lo hian ka nui a, ka ṭah nuih a ni mah zawk.


"A dik, pasalah neih ka duh, ka nei ngei bawk dawn...."


"Freddy-a nen in innei ang, vawiinah a hun kan ruat tawh bawk," ka Panin a ti hrawk.


Ka meng kawk, tu maw? Ka hresual emaw ka ti hial!


"Pasal neih ka tum lo ang bawkin, ka bialpa hi ṭhen ka tum lo bawk..."



"LALRINMAWI...." Ka nu in a rawn ti tuar.

A lu thing nawk nawkin, ""A theih loh, a theih loh a ni tawp mai. Pathlawi anih chu ka hrethiam maithei a, fa 2 ngawt nei tawh chu engtin nge pawm se mintih," ti tan tan chungin a lu a thing leh nawk nawk a, "ṭhen ang che, ṭhen nghal ang che," a ti leh hrawk.

Thinrim luat avanga mittui tla lek lekin, hmai phel haw a min rawn melh hrawkin, "thingtlang pathlawi, fa 2 nei, kut hnathawk lehnghal, engtin nge a chawm ang che? Huh?? Mahni fate pawh enkawl harsat laia, i lu um-ah khan eng nge awm?" A ti leh tawn tawn, a kut ṭangin ka luah min kawk sawk sawk bawk.

Ka nu chu ni lo se a kut ṭang kaulh tliak tawh ang.


Ka Nu thinrim hmaisen ṭawn mai chu en-in ka nui chhuak hawk, a za em em phei chu a ni hran law.


"Tinge? Thingtlang pathlawi, fa nei tawh, kut hnathawk mipa, ha hîpa i fak ṭhin, kut hnathawk mipa chu pasal tlak itih dur dur mipa ang ngei chu i fanu bialpa a ni tih i hriat hnuah i iai in, i hmusit leh si em ni?" Elhsen naa khat hian ka ner khum nawk bawk a.


"I tân ka sawi lo," a rawn ti hrawk, ka lo melh rum êm avangin mit chhing sawkin thaw ala ham ham a, kut ṭang sâi hlar hlara min kawk lehin, "ṭhen ang che, i ṭhen lo a nih chuan, a hna lrh amahin a nia tuar dâwn," a ti leh hlar, thinrim zet chuan inchung lam, an room lam chu a pan zui a.


Thinrim ṭah chhuak, luhlulna avangin ṭap duh si lo, mit hnawm chap chung leh inseh ruh ngawt ngawt chung chuan, ka Nu hnunglam chu ka melh ngawt ngawt a.


"Freddy nen innei turin inbuatsaih ang che, ka sawi nawn tawh lo ang," ka Pa in ti zui hlukin ka Nu a zui ve nghal zat.


Ka mittui a rawn luang ngiai ngiai, putara an duh loh vanga rilru nâ ka ni pawhin ka inhre lo, ka U lakah chuan ka rilru a na mah zawk. Tin, Putara hnathawh an hmusit lutuk chuan minti na ngut ngut.



"Kut hnathawk mi, thawh hreh nei lo, chutiang mipa chu pasal atan anṭha, pasa tlak anni," tia hâ hîpa an fak ṭhin kha, an fanu neih atan chuan an duh leh miah si lova, "kut hnawktu te hi an ngaihsan awm," tia ansawi te hi chu e! EK mai a ni. EK MAI!!!


An kâ-in ansawi a, an fate neih atan anduh leh dêr si lo, tenawm hian!


<>~><>~>~>

NOTE : Rinni zan chu ka chawlh zan aw hmelṭha ho

[Ngaia]

ZAWLAIDI

By

Floria Laldansangi


Chapter < 11 >


RINTEI....POV



"I lawm tawh ang chu tiraw?" Mittui luang ngiai ngiaiin ka U ṭhutna lam chu ka en ngawih ngawih a.


Min benna kha a nâ ka ti lova, ka U lakah erawh a na viau thung. Ka U a nihna angin ka pangchan vang pakhat pawha ni mah nâ le!


"Kut thlak tir che kha ka tum a ni lo tih i hriat kha."

"Tum si lovin i tih tir si a nih hi," U Ruata'n a lo ti nghut.

"Engvang chiaha i nau ngaihzawng neih pawh chu helh ta em em nge inih?" Thinrim tawh si lo, a ngaihna hre lo tak chuan a ti leh thlawt. Keipawhin ka hre chak takzet!


"A tana ṭha tur chiah a ni ka duh ni. In kum inthlauh zia te i hria em? Kum 16-in in inthlau, i Pa te rual a ni bawk," a rawn ti zui hluk hluk.


"Engtik laiin nge a kum te i lo helh ve a. Kum 16 a nihin, kum 20 mi a ngaizawng a. Kum 18 a tling a, kum 27 mi a ngaizawng leh a, thla 5 pawh a daih ngai lo, ani aia kum tamtak a upa hlir a ngai zawng ṭhin, kan nau hian rilru pe takin tunge a ngaihzawn tawh i hriat. Thla 2/3-ah a ṭhen leh lo ang tih pawh i hria em ni? I sawi zuah zuah ni?"


"U!!!" U Ruata chu ka vin vak. Mawl thei lutuk chutiang sawi zuah zuahna hun pawh a ni lo.


Min rawn en a, "in inṭhen dawn ka ti lova, entirna ka pe mai alawm," a nui lehnghal vur vur. Mawl liana hi chu!


U Puia chu a ding vut, "i ruih tur damdawi bak eng nge ngaihtuah dang i neih, a tana ṭha lo tur a ni tih pawh i hrethiam tawp nang, rilru natna bak chan a nei dâwn lo," ti zui leh hraihin pawnlam a pan zui pawk pawk a.



"Addict ka ni a, nang ang erawhin ui note ka ni ve lo," U Ruata'n a ti zui hram, kawngkhar a ri zui bur bawk.


Ka mittui tla leh tur chu duh lovin chunglam melh vang vangin ka khap zui zak zak a, ka chhungte hmaa ka ṭah lohna chin pawh ka hre tawh lo, a ruk erawhin ka ṭap ve fo tho.


Mahse, ka chapo-na vang pawh a ni mahna, ka chhungte leh midang mit hmuhah ka mittui tih tlak hi ka tum ngai lo hrim hrim, khawngaih nih ka duh lo tawp.



"Beer i duh em?" Tissue min rawn pe.


Bu nghatin a tissue minpek ah chuan hnap ka hnit zui thlawrh thlawrh bawk a'h! Ka rin aiin a tam zek lehnghal.


"Ka roomah rawn keng rawh," tih leh inchunga chhoh ka rual. Ka Nu room aṭanga rawn chhuak chu ka hmaah ding rengin siin ka hmu lo der hmak, ka kal pel hmiah bawk.


Ka thawmhnaw chu ka thlak sawk sawk a, inbual pawh ka inbual peih leh ta lo, ka thi âwm lo êm mai. Inbual loh vanga thi an awm pawh ka la hre lo. Inbual vanga thi erawh an awm fo kha maw!


"U Veni te insawn chu i pui em?" Ka chhuah rualin a ṭhutna lam chu ka pan nghal.


"Umm... Zanin chu riahpui ka tum a," a ti sup.


"Khawnge innu thar?" Beer chu kheuh hawngin ka in nghal khawlh khawlh bawk a.

"Ka ṭhiannu a nih kha. Niraw-a tihluihnan ka rawn hruai lut mai mai," a nui zui huk huk.


"Freddy-a biak i tum lo em ni?" Beer chu ka in leh te te.


"Biak in awmzia a nei rih lo ang, a rilru ka ti chiai mai mai, a hresa bîk âwm si lova," ka U chu ka melh zawk.


Hresa se chuan zanin pawh khan a sawi ngei ngei ang.


"I hre ngawt em ni?" A rawn ti dut.


Ka nui a, beer can dang chu ka kheuh hawng leh zat, "i heh reuh siah.." A lo ti hlak, alcohol dang chu ka in thei ṭhak lo, beer erawh tui hi ka ti em em mai a ni.


"A tui alawm," ka nui ringawt a, "hria e, min nei duh dâwn lo nasa lutuk. Kan inchhungkhur hre chiang lutukin min la hläu lo hi ka vannei zawk ngawt alawm," uar deuhin ka ti zui vak.


Heti khawpa inchhung leh chhungkaw kehchhia ni si lova, belhchian tlak loh aṭanga seilian min la kawm duh te hi a mak zawk ngawt alawm le!


"A hrim hrimin eng nge Au Puia pawh chu a hriat a?" Ka thin a rim thar leh thut.


"Huat phahnan te i hmang ang e, i mawl tehtuh si. A ngaihtuah vang chauh che a nih kha," a tir lam fiamthu deuh mah se a tawp lam erawh a thutak leh viau thung.


Ka lo ner nawng, "nichin mai kha chuan kut thlak ila hreh si lova, nge i ṭan leh si."



"A thiltih kha a ṭul lova, a thusawi erawh a dik alawm. I hrin loh fa enkawl leh nang aia kum tamtaka upa chu rei inei thei ngawt dâwn em ni?"


"Thei ang. Bakah, nikhat chauh alawm kan la inngaihzawn, in mak em em," ka ti ve hlak tak nâ-in neih mai pawh pawi ka ti tawp lo, kan in hi chhuhsan vat vat ka duh.



"Zanlai dâwnah te beer te in ina?" A rawn luh lai ka hre miah lo.



"Nangni nufa zawk chu?" Beer ka inzui.


"A zundam kan theihnghilh alawm le. Ruata, i U khuti teh pheng phunga kut i thlak ni?" A rawn ti zui hlak.


"Ka fiamthu a nih kha, ka fiamthu. Khawimaw kan Supeki chu ka lo pawm ang e," a ṭhu ṭha zui sat sat.


"A tlai tawh," U Veni'n a lo ti vat chu, "lo la mai mai teh, a su vum vum nen ka pawm peih mah! a mut pawh a la chhuah tawp loh kha," a ti zui leh, Peki lahin aputea damdawi rui ṭawng beh buah chu a lo ban ve bawk a.


"I thlauh vaih chuan i chak lo ang aw Vanlalruat," a ring lo lutuk chu ka nuih a za ka lo nui zui hak.


"Inchung aṭanga ka thlak nghal loh a'h," nui ṭhû in U Ruata'n a ti leh zat a.


"A su tut tut, tut tut su tut tut, su vum tut tut pektut tut, i rawn nulat hun chuan aw.....tu emaw fapa in khawi emaw kawng sirah ala ti tut tut dâwn che sia," a tih zawh rualin a ngal ah ka lo chhir zawt.


A rum nghut, rum tawkin ka melh bawk a.


Mawl lutuk mai, mahni tute tu in nge chutiang a läwm ngai.


"Vanlalruat naute alah nih kha. I mawl lutuk," ka ti zui hlak.


"Naute a nih vanga sawi ni na nâ nâ a, a hrethiam lo.. Tiraw lal suvum tut tut nu.." A ti zui leh Lalpeki lah chu a nui sun sun, a rawn khek raih raih bawk a. An vahan mawl putu tak e aw!



Pakhatin "suvumtut tut," a tia pakhat lah a lo nui ang vur vur bawk a, Niraw-a tu leh fa ni awm tak tak hi kan ni.

"Ruata camp te hi lut ve ta che," tiin, ka beer inlai chu la in U Veni chuan a tem ve zeuh.


"A kha ropui sia, in tuisik in hmiah hmiah mai bawk a," a tih zawm zat, ka lo nui vur vur.


"Keini angte kan pianthar te chuan meidil tla tur an awm nang," Peki läwm pah si chuan a ti nui vur vur.


"Tak takin, ka fiamthu lo a nia. Zantir lam khan Pu chhuma te kohhran Baptist-in camp an siam dâwn tih ka hria a, Evan. Tluangtea an ruai dâwn a ni âwm a, ka duhpui lutuk che a Pu Tluangtea camp a lut tur che hian," a ti leh duah, ngawi reng leh nuam lo ti ru tak siin ka beer ka lo in kerh kerh tho va. A tui lutuk a, dahsawn phal chi pawh a ni lo.


"Keini ang ṭawngṭai na pawh a ngaithla peih tawh nang. I nu bulah kal rawh," tih leh Peki a rawn pe. Beer a ban nghal zat.



"Hrawk a ro alawm le," a nui zui sun sun a, "Siakmawii hi luh tir rawh, ani hi keini ang aiin ala sual lo deuh," a ti zui daih bawk a. Ka lo ner vak.



Ka sual loh bikna ka hre miah lo, mi tamtakin addict leh ngawlvei dang te hi sual viau turah an ngai a. Chutiang bawkin, tuai leh patil, mahni nihna pawm lo te pawh. Sual hi eng chiah nge a nih? Kan hmuh dan ang ang hi a ni mai lo'm ni ka ti mai a.



"Min hmangaihtu chu ka hmangaih a, ṭha hnem ngai taka mi zawngtu te chuan min hmu ang' tih a nih kha le! Pathian hian hmangaihna hi a dah pawimawh khawp mai a, kan rin a, kan zawn leh kan hmangaih hi a phut ve tlat a, zawngtu na nâ nâ chuan a hmu ngei ngei ṭhin bawk a nia." A ti leh dap dap.



Peki a rawn chik deuh takah chuan kan ngawi deuh vang vang, "ka tum ve alawm," U Ruata'n a rawn ti sup, "Bible te hi han chhiar ve dawn ila, mahni chauh pawhin ka zak deuh tlat tawh a," za vak lo hian a khi suk.



Bible chhiar sawi takah chuan, ka khawih hnuhnun berna chu MZU ka luh tirh kha niin ka hre ta. Sam 46-na a ni hialin ka hria, ka chhiar lai ngei a ka rilru a lo awm chu, "Bible i chhiar avang leh i ṭawngṭai a i auh avang khan i thil tihsual i siam ṭha thei chuang em ni? I mangan vang a chhiar leh au chauh ini, a ṭul avang chauha chhiar i ni," Ti hian min hrilhtu a awm ni mai khan ka hria a, khata chin kha vawikhat pawh hi Bible hi ka tawk leh tawh lo.


Ka ṭawngṭai dâwn leh Pathian auh duhna nei ru ve ṭhin mah ila, U Ruata sawi ang deuh khan ka zah bakah, keini ang Pathian hlat lutuk tawh, chhung inkhawmna ah pawh Pathian thusawi ngaihthlak aia tih tur leh tur loh, tunlai politics chungchang ngaithla tam zawk ṭhin, mahni duhdan dan a nung, zu leh sa ah lah nuam tawl nasa ber ber ṭawngṭai hi, a chhan chu sawi loh a ngaithlak peih pawh hi ka ring lo hrim hrim zawk!



"Ka haw dâwn a sin," U Veni'n a rawn tih leh takah chuan ka harh zawk. Ka ngaihtuahna ah ka lo cheng veng veng chu niin.



"Ka piangthar hman ṭep a sin le," U Ruata'n a fiam zui hlak.


"Fel lo bik riau a i indahna kha dahbo hmak la, Pathian hmaa kûn tlak lova i indahna te kha setana thlemna lianber a nih kha." Pensawn chungin a ti leh, zanin chu thlarau thianghlim a dawng emaw ni?


"Ka tum alawm, sual a ni tih hre chungin tu in nge hlim deuha tireng bik ang," U Ruata'n a ti leh nung nung, ka lo nui hak, a damdawi rui hmel neng nung nen.


"Ka hria alawm. Mihring hian sual ti lo tura tum chin, beih chin kan nei ve ṭhin a; Mahse, kan tumna chuan rei lo tê chauh a daih ṭhin. Pathian hmangaihna aṭang erawh chuan min tihniama min dah chapo thei lova kan felna ber chu min paihthlak sak ṭhin a, Isua nihna aṭang chauha ke pen a tul ṭhin rêng a ni," uluk leh hriat thiam tur ang ber a sawiin, "Ka haw tak tak ang e, mu rawh u nangni pawh," a tih zawm zat. Ka room aṭang a chhuak tur chu zui chhuah kan tum, "min thlah a ngai lo kawngkhar ka nam khar mai ang," a ti tak nâ-in U Ruata chuan a zui chhuak ta tho va, riah tak tak a tum emaw ni?


An chhuah rualin ka khum lam ka pan, ka bawk zui thlawp, ka ngaihtuahna ruak vek ah chuan Putara'n, "thinlung taka ṭawngṭai" a tih kha ka hre chhuak a, ka'n zangthal a, mit ka'n chhing dâwn a, ka inhmeh loh mai bakah eng nge ka sawi ang tih hian ka rilru a rawn luah nghal.

Meng reng chung leh rilru a Pathian hming lam ka tum leh ngial pawhin, ka theih loh chu sawi loh, lam ngaihna ka hre lo a ni ber. Chutiang tak chuan mihring kum la naupang bawk si thlarau hi a bo theih ang tih tumahin an hrethiam kher pawhin ka ring lo. Mahse, ka bo tlat si a!


Ṭawngṭai tum ve reng chungin ka muhil a ni ngei ang, minti harh leh tu erawh kan kawmchhak a, insa ho thawm ri vut vut ri a ni.


Ka zi mar ṭalh ṭalh, "tho tawh rawh..." Ti ri ka hriat rualin ka in beng tho awk. Ka harh chiang lutuk!


"Lubuar.." Ka ti nghal vak bawk a, ka thaw uih lutuk ka hîp leta keimah pawh ka luak dâwn alawm le!


Khum mawngah nur vur vura lo ṭhu chu, Annabelle emaw tiin ka vawm chawrh hman ṭep a ni!


"Tho rawh," nui vur vur chungin a ti nawn leh.

Mut leh ngial ka tuma ka beer inna thaw a uih lutuk, ka tho chhuak, bathroom lam pan pahin, "eng nge zing zingah i rawn tih?" Ka ṭawng zawng pawhin ka luak dâwn......A nui ri huk.


"Dar 11 a pel tawh," a tih chuan, sana inhun na lam ka hawi let leh. 11:30 am a pel daih tawh tak tak nia maw le!


"Eng nge i rawn ti dawn hrim hrim," bathroom ah lutin ha nawhna ka ban nghal rawk rawk.



"I Pa in minbe duh a, ka rawn kal," a ti ve mai, bathroom kawngkhar aṭanga dak chhuakin, ha nawt chung chuan palai chungchang sawi ka tum zuai ; Mahse, a bula a computer chu a mal chungah dahin min rawn en leh zauh a. Ka lo nuih khum ta ringawt a.


Ni e, a exam hi zo phawt sela pangai takin ka sawipui mai ang. A chhungten palai anrawn tir a ni tih a hriat chuan a zirlai a buai vek ka hlauhpui ve tho si a.


Engtiang chiahin nge MNLU (Maharashtra National Law University) a lut tura a inbuatsaih tih hmutu leh hretu tan chuan tihbuai chi a ni lo hrim hrim


"Lubuar...."



"Ummm.." Min rawn en zawk, a computer bawk chu a en leh.


"I chhungten nupui nei rawh ti che se eng nge i sawi ang?" A rawn nui a.


"Ka nei mai ang," awlsam deuha a tih chuan ka lo uak der tuar, chutiang mizia chu a neiin a inhria emaw ni? Mawl lutuk mai, rilru hah a ti zual.


Bathroom ah lutin kawngkhar kalh rak rakin ka intifai a, ka inbual zawha ka chhuah leh chuan a lo awm tawh lo. Inhnuai lama U Puia aw erawh ka hre zui thung.



Ka sam dum tak leh ngil tak mai, tih danglam theih reng reng loh, color dang han hnawih ve pawha rei kai thei lo, thingtlang nula sam mintih sak ṭhin chu ka phiar kak a, jeans kekawr a khup hmun khat a ṭet leh Adidas t-shirt var chu ha in ka bilh lut zat.


Ka hmai a lotion tat deuh nawk nawkin strawberry lip balm chu ka hnawih leh tawp a, ka bag ngainat em em bucket sling bag dum chu ak in zai rat ratin ka room chu ka chhuhsan.


Inhnuai ka thlen thlak chuan Lubuara chiah ka hmu ti ila mother-i a rawn lang zui.

"Freddy i chhuahpui dâwn em ni?" Min be leh pek lo. A pawi tawp nang. Mood off lai hi chuan min chukha vak loh hi a pawimawh ber!



"Pui dâwn pawh ka hre lo, kalna tur i nei em ni?" Min rawn en chho.



"Ka bialpa fate ka awm dâwn," awlsam deuh a ka tih rualin ka Nu chawngkawr mitin min rawn en nghal hrawk.


Pawi sa lo tawkin hmui ka lo ti pawrh vak, min melh ram ram chungin, "saw mihring saw i ṭhen lo a nih chuan Nu ti pawhin min ko tawh suh ang che," kha zet maiin a ti hraih.


"Aw le, U Nunmawi..." Kawngkhar lam ka pan zui nal nal.


"LALRINMAWI....." A khawk rum rum mai.

"Zah pawh i zak lo'm ni?"


"Nangmah alawm Ni tia koh duh loh ni. U Nunmawi..." Ka nuih a za tlat pek a'h. Ka nui ru ve sun sun tho.


"I pasal tur...." A tih leh laiin.


"Pasal ka nei dâwn lo, a chiang em? Freddy min nei duh em ni? Sawi teh i chhungten palai anrawn tir tih i hria em?" Sawi loh hrâm ka tum a, ka insum nasat nen, Lubuara hian min neih a tum lo tih hi hre teh se.


"Sawi rawh," a bulah ka kal hnai.


Min en run run hian, "nei duh.." A ti a nih chu! Ka hresual emaw a niang.


"Eng maw?" Ka tinawn leh!


"Ka nei duh che, palai pawh kha ka rawn tirh tir a nih kha," dam dap maia a tih chuan ka nui hul hak, ka awih loh lutuk vanga nui ka ni mah zawk!



"Hmeichhe duh ka nei ka tih kha ila hria em?" Ka lamah a rawn pen hnai a, ka bag hrui nghet taka ka chelhna kut chu a rawn phelh, a hmer zui vang vang.


Kei erawh chet nachang ka hre lo hrim hrim, a la fiamthu emaw ka ti zawk dâwn hial, ka la ring ngam lo zawk maw le!


"Class X kan nih tirha ka thusawi "Hmeichhe duh ka nei" ka tih kha ila hria tiraw?" Ka nui a, a hmel thutak deuh chu ka nuihzat zawk, ka la ring phal chuang lo.


"Fiamthu na hun a ni lo, bakah nanga hmeichhe duh sawipui tur che in ka hun tawn nen a inmil....." Ka ti hman ṭawk, "nangmah ini, ka duh che, hman aṭanga tunthlengin ka duh che Rinmawi, ka nei duh tak tak che a ni...." Ka nui hmel chu muangchangin a reh riai riai.



Ka kut a vawnna chu zawi muangin ka la let a, "i fiamthu hi a nuihzatthlak tawh miah loh..." Ka hriat tawk te chuan ka ti chhuak.

Min rawn vawn leh a tum chu ka kut chunglamah ka lo phar duai, "min khawih suh.." Ring si lo hian kha lutukin ka ti chhuak.


Engkim a hre vek amaw? Engkim a hre vek a nih chu! Ka ring a, keimah ka inrin /ai nasa in ka ring a, tun hun thleng pawhin ka ring a. Ka mawl satliah pawh a ni lo, ka mawl hluah hluah tih ka hre chhuak zui uar uar mai!


Mi â ang maiin, ka ṭhianṭha ber a nih avangin leh keimah ang a rilru chiai leh manganga a awm ka hlauh avangin engmah hrilh lo leh hrilh loh tum ka ni a, engtin nge ka hnunglam aṭangin hetiang hian min beih theih?



"Min ko em ni?" Putara aw ka hriat rualin ka hawi vat. Ṭah tum miah lo leh chhuak miah lo kha ka bialpa hmel, hnathawhna thawmhnaw hlui lampang, a cement khawihna berh kai niah mai, a thlan tlakna avanga hmai mawm leh hmel chang rat ka hmuh chuan ka ṭah a chhuak nghal ringawt a. Ka khap zui fak fak.

Mahse, chu a taksa bal, thlantui far chu chhete mahin zahpuina ka nei hauh lo thung, ka chhuang a, ka bialpa a nih avang leh he khawvelah hian diktakin sum a lakluh theih tih leh, hausakna, sum leh pai hian chhungkua a ti famkim lova, retheihna ah pawh hlimna a awmin, chhungkaw famkim a din theih a ni tih entir tu a ni keichuan ka tih ngam tlat avangin ka chhuang takzet thung!



"Enrawh, sawtiang mihring saw a ni i hmangaih chu, i hmu em? Sawtiang thawmhnaw nen sawn engtia chhungkaw dinpui che nge a tum? Hlo thlo leh mihnuai a kut dawh tur in maw?" Ka nu in Putara dinna lam kawka a tih tawn tawn chuan ka nui chhuak vak a, ka nui zui uar uar.


A zat vang pawh a ni lo, ka zah lutuk vang leh mangan lutuk vanga nui chhuak ka ni mah zawk!



"Eng nge he mihring hian ka Inchhungah a tih? Bân turin ka ti che a ni lo'm ni Lalawmpui?" Ka Pa rawn lutin a ti zui khur khur.


U Puia chuan min en nghal kur, ka ṭah a chhuak a, ka hrawk a tawtin, ka âwm chhungah hian boruak a inhnawh khawm up up bawk a, ka thawk lak harsa lutuk chuan boruak kham lovin min hmet chau mai dâwn; Mahse, ka mit erawh a hul ro halh thung a, a si them pawhin a hnawm thei lo.



Ka bialpa mitmeng pawisawi lo tak mai, kan awmdan leh boruak awmze hre lo tih hriat taka min en ran tu chuan minti nâ zual ngut ngut a, zahna in min tuam hlup hlup bawk!


Hetiang tak hian kei Lalrinmawii, zahna hre lo, eng nge ZAHNA chu ni a, zahna chu tutan a siam nge tih pawh hre lo. A duh zawng a nih chuan engpawh ti dâwn se neih ngei ngei tum ṭhin, tu mitmei mah veng di de ngai lo hmeichhe naupang zakthei lo tak kha, vawiin ni, tunah ngei hian zahna kawn an sawifo ṭhin ah chuan ka ding a, ka mittui ni lovin zahna thlanfimin min bual huh lo chauh zawk!


Muangchangin ka che a, ka kutah Freddy-an a rawn chelh, alamah hawiin mi â ang maiin ka nuih sen sen. A chhanchu mi â, mi mawl ber ka nih miau vang a ni. Ka mawl zia ka hria chuan thinrimna aiin ka nuih a ti za mah mah zawk!


Mahni maw zia mit ngeia hmuh a, hriat chuan maw, thinrim a har a nia, mimawl ni na nâ nâ chuan kan mawl tih hriat avang bawkin kan nui maw tawp mai ṭhin chu a lo nih hi!


Tuna ka hmaa ding Lubuara hi ka hriat ngai a ni lo va, engtia entur nge tih pawh ka hre lo, ka hriat ṭhin ka ṭhian kha a ni tawh lo va, duhdah taka ka koh ṭhin Lubuara pawh a ni tawh hek lo, ka hriat ngai loh leh hmuh ngai loh a ni tina a mitmeng leh hmel landan hi chu, chu mitmeng leh hmel chu kei hläuh em em nei lo hmeichhia hian ka hläu ru takzet bawk!


"Rinmawi i kawng thlan tur hi i hre chiang lo a ni. Engtin nge sawtiang...." Ka kut chu ka phih let salh a, "sawtiang mipa, thlantui far a hnathawk, a thlantui vanga hmel chang ta ruap leh hriam hrei che lekna avanga kut thap ta hrup te, enkawl loh tih hriat tak vun ro tak te leh, a hnathawhna hmun a thawmhnaw manto ha ve ngai lo mipa saw a ni ka hmangaih ni..." Ka chhungte chu ka melh kual, "sawi duh inla nei em? In fanu mipa hmangaih chu, saw in hmuhsit em em. Kut hnathawk ha hîpa infak ṭhin, in fanu neih atana in duh leh miah si loh mipa ngei saw a ni. U Nunmawi sawi duh ila nei em?" Ngeiawm leh natna a khatin ka ti chhuak, ka aw ah chuan thinrimna pakhat mah a lang lo, ka nâ tih erawh ka ṭawngkam thumal tinah khan a langin ka ring!


Putara dinna lam chu ka pan hnai a, a kut cement chawhna bal paw luai chu chelhin, a kut ṭangah ka kut ṭang ka rawlh nghet sauh a, nghet takin a lo chelh let ve bawk.


"Kha mihring nen a ka inchhung hi i chhuahsan a nih chuan Lalrinmawi, thi pawh ni la ka fanu inih thu rawn sawi suh ang che, i ruang sawi loh i thlarau pawhin rawn fanlet tum suh," ka Pa-in kha lutuk hian a rawn ti hrawk.


Ka bu nghat, "he in ah duh duha awmin, duh duh eiin in i awm a, i mamawh a piang peka i awmna hmun, i nu leh pa in hi kha mihring vang khan i chhuahsan dawn lo tih ka hria," ka Nu in min thlem titih hian a rawn ti ve leh.


Ka nui leh tawp, "he inchhung, ka mamawh a piang ka neihna, tlakchham reng reng ka neih lohna in ah hian ka hlim si lo a ni. Kristian chhungkua, mite awh rawn leh mite zah rawn inchhung, ka nu leh pa , mahni ril a rah thlarau bo aia ṭhenawm te thlarau bo vei zawk tlat ṭhin inchhungah hian thawk ngaihna ka hre ve si lo a ni," ka nu en chung chuan beidawnna a khatin ka ti chhuak sep sep a, putara chu ka melh chho ralh.

"Min chawm tel thei ang tiraw?" Ka nui. Ka nuih hi a za lo mah se ka zak a ni tih thup tumna mai chauh a ni.



Mawi lutuk leh hahdam hmel lutuk hian min rawn nuih suk, kan boruak chu mak ti hmel leh chiai hmel pawh a pu lo. Pangai tak leh zaidam tih hriat tak hian min nuih a, a kut cement chawhna vanga val paw tak maiin ka hnar a rawn tawk zauh, "kan ei ang ei i inhuam a thu a niang chu. A changin chi leh chaw chauha i ei chang a awm mai thei a, i mamawh leh ei chak zawng zawng ka pek vek theih loh chang che a awm mai thei bawk a. Mahse, ka tiam ang che, chhungkua ka pe ang che," nghet charh leh damdup maia a tih chuan ka ṭah nuih zui hak.


Engtia a hma pawha mittui tla si lo, ka mittui rawn hnai ta ruai ruai nge maw a nih le? Ka hrawk lah chu a tawt na kham tulh tulh lehnghal a!


In kai riala kan inchhung kan chhuahsan laia ka Pa thusawi la hroat hnuhnung ber chu, "ama ei tur artui pakhat pawh siam thiam lo khan, khutiang mirethei In-ah karkhat pawh a awm lo ang e. Tumah khan ngaihsak lo ula, pawisa pawh pe suh ang che u, a ke ngeiin he In chhung hi a rawn lut leh dâwn," a ti ri chu a ni.



Ka khap fak fak a, gate kan hnaih tial tial a ka hlauthawng ru tial tial bawk a, ka kut nghet taka chelhtu chuan min thlah ka hläu in, kawng chanve ah min kalsan ang tih hlauhna leh ka thuthlukna hi a dik ber em tih zawhna in min tuam zui mup mup bawk a.


Mahse, ka mipa vawn hian minthlah dawn lo a ni tih ka rin a ngai tih ka hre thung bawk!!!

Chutiang bawkin, Ka nu leh pa in, ka seilen na, ka unau te nena kan nuih leh ṭah ho ṭhin na, nun bul ka ṭanna In chu hlim hmelpu a chhuahsan ni lo na nâ nâ chu chhungril khawi emaw lai hi a vawikhatnan hlauhna thim tuipuiah a pil a, a mangang ru a, a thlabar em em bawk, kaw chhung te thleng chuan a khur ru der der bawk nia maw le!!!


<>~>~>~>~>

[Ngaia]

ZAWLAIDI

BY

Floria Laldansangi


Chapter < 12 >



RINTEI...POV



Gate kan chhuah rualin ka thaw kawk, mit ka chhing sawk bawk a, ka ṭan zia ka taksa na nghal ut ut ah chuan hre chhuakin, Putara ka vawnna kut pawh a thlan dup thei bawk.


Putara ka melh chho chu hmel hmuh hahdam lutuk hian min lo nuih sun sun a, eng nge thil awmzia ber tia min zawh te ka rin nen, ka awmdan ang ang chuan min en a, mak ti hmel lah a pu hek lo, chu chuan ka zak lutuk tur a veng ve deuhin ka hre bawk!


"Bawiha...." Kan hawi let a, U Medal-an Putara ip pui leh hmanraw ṭhenkhat a rawn pek pahin, "zanah ka rawn lêng ang," min rawn en nui suk hian a inher lehnghal a.


Min vawnna thlah a, a ip pui a ak ṭha lai chu ngawi reng hian ka lo en ran, he hmuna thawh hi, a chhungkaw chawmna, an ei bel ber a ni âwm si a, keiin mit khap kar lekin chu chu ka tihchhiah sak a nia, ka thiltih hi a dik ngut em tih pawh ka hre leh tawh lo.


Ka chalah a rawn tuk deuh kawrh a, ka phu zawk bawk, lungawi hmel chiah lo a chal tichuar nung hian hnai set sawtah a rawn kûn a, ka hnara kut ṭanga tuk leh kauhin, "ka thusawi kha i ngaithla miah nange?" A ti leh sup. A titau aw chu a lawmawm phian lehnghal a. Tar lamah a lang cute em em bawk, tar cute a nih hi!


Ka nui lui sen sen a, "engmaw i sawi?" Ka melh chho kiau, kan inhnai lutuk mah mah a ni, thawklak a tibuai pha tlat.


Ka rilru a hre reuh emaw ni le? A inla hrang a, kan In lam chu hawiin, ka kut a rawn chelh, "ka kut chelhin i kalsan theih i ring maw?" A rawn ti chhuak.

Kan in lam hawi chuan ka ding ṭha ve zat, a mawi a läwm, tuna sak mêk khi anzawh fel phei chuan a ropui ngawtin ka ring; Mahse, pawnlam mawina in, a chhunglam a cheimawi pha tawh si lo saw a pawi a ni. In din tur pawhin, a chhunglam thleng a relfel tluk a awm lo, pawnlam mawina chu a chul thuai ṭhin si a.

“Siakmawi...” ka lam a rawn hawi a, ka kut chu a pahnih a la-in a hmer zui salh, ka rilru in, “min thlah lul suh, min kalsan suh,” a ti ru nghal mawlh mawlh, chutiang tak chuan ka pian a hnu lamah ka
la zam ngai lo hrim hrim. A mita min ngaihtuahna lang chhuak zut zut chuan lawmna aiin minti hlauthawng zual sauh a, thinphu dep depin ka en chho kiau.


“Hun ila nei a nia, i inchhir lehna tur engthilmah ti lo tur che in ka duh,” hriat nuam tur leh uluk taka ngaihtuah tura min duhna chu alang chhuak.


Ka nui ta ver ver, ka chapo na tlemte hi dahṭha ila chuan ka thaw chhuak hawk ngei ang, ka hahdam ta huai huai mai, hnara hlit phawi ansawi ang mai alawm ka nih le, "min thlah i duh leh si tihna em ni?" Ka melh lui ram ram, a nui huk a, "ka sawi tawh kha i inhuam a thu a ni mai tih. Mahse, heta i nun let thawk hian i nun a ngai mai thei a, i suangtuah thiam ai pawhin a ni mai thei bawk," hreawm ka tawrh theih loh a hläu lutuk chuan minti zak zawk dâwn alawm.


"Ka theihtawp ka chhuah dâwn alawm. Mahse, tunlai chhanah chi leh chaw chauh chu min ei tir tak tak lo ang tiraw? Bakah, hmeichhe dang i duh leh si chuan i chak dâwn lo a nia," Ka fiam zauh, a nui huk a, ka biang tawn tawnah a rawn chelh, a kut bal chu melhin a nui suk, laklet a tum chu rang tawk hian ka lo chelh beta, ka biang chu ka dawm tir a, ka nui var var bawk!


Nui ve suk sukin, ka chalah a hmui a nghah vang vang chuan ka lo khawng at, ka thaw ka hîp let kawk a, zawitein ka thaw chhuak ham ham a, ka thin a phu zui dep dep bawk.



A fawhna chu a chala nawr zui datin, a thaw chhuak ham ham a, "lungngai suh, hetianga ka thawk ṭek ṭek chhung chu ka nghei tir lo ang che," a chawl dat a. Thaw la ham hamin, ka hnar chu a hnarin a tawk zauh.

"Mipa leh pasalin a pek theih ang zawng zawng pek che ka tum ang a, retheih luat avanga i ṭah ruk chang a awm mai thei a; Mahse, hmeichhe dang vang erawhin i mittui farkhat pawh ka far tir lo ang," nui zui datin nghet charh leh rinhlelh tur awm miah lova a tih chuan, rinhlelhna pakhatmah ka nei lo, ka inrin ai nasa in ka ring niin ka hria.

Ka hnar a fawp zauhin a inla hrang a, thawk nachang pawh minti hre dâwn lo alawm, rilru hah lai laiin che chhe lo vel lutuk mai!


"Haw ang...." Ka hmaah a kut a rawn dawh, thinphu dep dep leh thaw dep dep chunga ka kalsan tak kan In chu melh zauhin, ka hmaa kut chu ka chelh a, thinlung nui si lovin ka nui let sak ṭhin.

Ka hlauhthawnna hriaa humbo tum ni awm fahran hian nghet takin ka kut chu a chelh a, hmel hahdam thlak tak leh nelawm tak, mitmeng de sar sara min rawn en lehin min pensawn pui bawk!


Ka hnunglamah, ka seilen na In, nun bul ka ṭanna leh ka tawpna hmun tur ni a ka ngaih lam chu, melh loh a, ka lu her let loh ka tum pawhin, kawngkawi a kan liam dâwn meuh chuan ka ding dat.


Ka sawifiah thiam dan ber chuan, ka taksa a hlat poh leh ka kalsan tak lamah ka thinlung a rit tulh tulh a, ka thlarau ka hnut chhiah ta emaw tih mai turin ka ruak tulh tulh a, ka âwm zawn hi a na na ngut ngut bawk!


Thawk ka harsat a, pangai taka lan ka tum nasa poh leh ka thaw a pik zual emaw tih mai tur a ni lehnghal!



Putara'n ka awmdan chu a hrethiam a ni ngei ang, dimtê hian alamah min pawt dat a, a âwmah min bei tirin, min kuah vang vang a, ka chhipah a fawp zui veng veng bawk!


"Mc, i Nu....." Ka inla rang lutuk, Putara erawh a rum nghut, ka kut a rawn chelh zui zat bawk a, ka lo ip chawih thei, zak thei lo ve viau mah ila tuna ka awmdan engkim mai hi a laih vel vek avangin ka zak ve reng.


Pi Rengi, Pu Chhuma nupui chu laizetin ka lo en a, ani pawh chu a lai ve tho tih a hmel leh mitmeng ah ka hmu thei. Nu â a ni lova, tih lan erawh a tilang ve lem lo thung.


"I Nu a rawn thleng a, chahbi ka lo pe mai," a nui var var. Ka lai chhe tak tak reuh emaw ni ka hmai a sat tak vur vur chu ni!


"A va rawn thleng hma ve. Kha kal tumna i nei em ni?" Ka kut laksawn ka lo tum ve chhen chu a hmer nghet sauh a, a sir lam a ṭangin ka lo melh chho vak ringawt.


Pi Rengi chu nui var varin, "Biak In lamah ka zu che ve ang e ka ti deuh, kha karthar lam chu camp kan nei dâwn a, rawn chhim ve ngei ngei rawh u aw," min rawn en, "Rintei pawh hmuh i khat deuh nge i hmelṭha zualin, kan hai mai dâwn che alawm, ka kal ang e," nui reng chung chuan a inher zet tawh. A rawn hawi leh, "takan a, Mathew-a te unau school an rawn bâng hma riau a nia aw vawiin chu, Gabriel-i kha a ṭap lehnghal in ka hria zu en teh u khai, a lungchhe reuh si," ti lehin a kalsawn zui chu zawitein ka lo thaw zui ham ham.



Min rawn en chhuk nghal run chu ka lo melh let ve kiau a, "vawikhatmah i kut hi laksawn tum tawh suh ang che, ka ta ini tawh tih theihnghilh suh," a ti bul sup, lungawi lo ri ka hre tel, hmmm a titau leh ringawt emaw ni? Ka hriat loh leh ho tete ah hian a lo titau ru ve a.


"Ka zak ve deuh alawm.." Ka ti nang nang. Min pensawn pui a.


Min rawn en chhuk leh zawk, "min bem lai pawhin i zak miah lo," a ti dût a nih chu! Ka ngei zia hi. Min chhuahchhal tihna emaw ni? Ka zah loh vanga vawiin hian a ta ka ni tawp nang!


Ka melh chho ram ram a, amah pawh chu a nui ru tih ka hmu thei tho.


"Hruaitluang, ka sawi fo kha i hria em? Keini chuan mitih ang, mi neih ang, mite tana pawi lo, kan tána thilpawi ni si, miten ansawi theih, kan sawia mawi ve si lo, antih a mawi, kan tih theih loh a awmin, insum a ngai fo ṭhin ka tih ṭhin kha, tharum hian engmah a chingfel lo ka ti fo ṭhin," Inchhung kan luh hma aṭangin nutling aw kan hre zui a.


"Nu i rawn tluang maw? Engthil nge ni a?" Putara chuan a ti sup. ka kut chu a thlah ve ta hrâm.



"Tluang e, ka rin aiin kan rawn thleng hma zawk. School-ah insualpui a nei a nih hi," a Nu chuan min rawn en zawk, a fapa in min kai lut chu mak ti hmel pawh a pu eih lo maw le!


Putara'n a ip pui chu la thla in, ka hnunglamah chuan a khai zui zat a, "Hruaitluang engthil nge thleng?" A fate dinna lam chu a pan zui, awmdan thiam hek lo, a kalna lamah chuan ka zui ve zel ringawt a.


"Hruaitluang...." A ti leh sup, a fate biakna aw ki pawh hriat a nuam takzet mah se han tihluih leh nawrluih ngam chi a ni miah chuang law.



Mathew-a chu luhlul tih hriat zetin a kûn ngar, a chal lah chu a bawk lian em em mai bawk si, a hmai ki pawh a sen hlar a, a vûng deuhin ka hre hial.


"Gabrielle, i hriatpui em?"


Gabrielle-in a U leh a Pa chu a melh tawn zek zek. A sawi chuan a U a hläu si, a pa a hlau bawk si, a mitin chhantu a zawng zek zek ni maiin ka hria, a Pi lah chuan a lo en duh ṭhak lo, min rawn melh leh ṭhin, ka chhan theih a beisei vak lo a niang, a hmui hi a ti kawh tarh a, "Au Rinrina'n ka Box-ah chaw a lo dah a," a ti ta niah niah.



Mathew-a erawh vawikhat pawh a rawn dak chhuak lo, a kut hum ruh ngar hian a ding kun ngar bawk a. Luhlul chu luhlul ve ngar ngar tak a ni.


"Tu in nge kut thlak hmasa?" Putara chuan a ti leh.


"Au in a hau a, Au Rinrina'n box in a lu ah a vua alawm," a ti leh zat zat.



"I hnek let lo em ni?" Ka lo ti vat chu, "Siakmawi...." Putara'n a lo ti sup. Naupang kut ram lutuk hi ka ngei zawng tak alawm.


"Ani hi...."



"Apa ngaizawngtu," a hma zawnga ṭawng duh der si lo Lalhruaitluanga reuh chu, ka kuk fawk dawn maw ni le! Kûn chungin min la melh hraw hraw zui a'h!


"Nia, apa a ngaizawng...." Gabrielle-i lah chuan a U thusawi pawmpui tawk hian anlo ti ve zat.


Putara chu ka melh, nuihza insum tih hriat tak hian a hmui a lo chip hmak, a hmui hnuailam chu a seh leh zauh ṭhin, an va sual pafa tak e aw!

"Ka ngaizawng tawh lo," ka ti nghat. Min en vek avangin lai zet chuan, "Kan inru..." Ri chhuak chang chang hian ka tih zawm bawk a, Putara a rawn nui ri huk, rum tawk hian ka melh.


"Nu Rinmawii a nih hi, nakinah ka la hrilh dâwn che nia," a la nui ṭhû reng.


A nu lah chuan engmah a zawt nawn tawh lo, "tun chinah chuan engtiang pawha thinrim pawh ni la kuttum hian eng buaina mah a chingfel ngai lova buaina a punlun ṭhin tih hre reng ang che, inthlak rawh u," A nu chuan a tih zawm zat.



Mathew-a chu ngawi ngul hian room-ah a lut a, "Gabrielle..." Ka pawt ding dat, Putara leh a nu min en na pawh ka haider leh hmiah, a ho êm mai, mo-thar zakthei lo antih ka ni lawk mai ang.


"I u in a hnek let ve em?" Ka ṭhu hniam.


"Siakmawi...." Putara'n damdup hian a rawn ti vat, ka hawi duh miah lo, "a hnek amaw mah se Au Puitea ten an lo chhan a, chuan kan Miss pawhin Au zawk a hau daih, kan Miss chu Au Rinrina Nu a nia," a tih leh zat zat. A fapa a ṭan vang a nih chiah chu Lalhruaitluanga chal bawk pawh a ngaihsak loh ni.

He naupang hi ngei ru viau in, chimawm viau mah se, dawtsawi leh midang kut thlak hmasa chi a ni in ka hre lo ve tlat.


"Hnek hrep tur alawm..." Ka ti chhuak hrâm a Putara te lam ka hawi chu tih ngaihna awm lo minti deuh nge nui chingin a lu a lo thing mat mat, a Nu oawh chu nui hmel a pu ve tho.


"Rinrin....." Ka hawi vat. U Veni kawngkhar bulah Peki paw chungin a lo ding a.


"Lo lut rawh, lo lut rawh," zang vah hian Putara Nu-in a lo chhawn, ka Nu in Putara a biak dan nen chuan lei leh vàn anni, tunlai ṭawngkam takin, "vanram leh nawhfe" hi a ni ringawt.



"Ka motor chuanna ka taksa a na kham ut ut mai a, ka'n mu zal ang e, zan lamah kan inbe dâwn nia Rinmawi," ti zui zatin a ding zui a, ka hminga min ko nghal mai te chuan misual tak a ni lo tih a lang, ka Nu leh Pa ve chuan Putara hming pawhin an ko duh lo a nia, ka ngaihtuah leh ka thin a rim ṭun mai, lehkha thiam lo leh rethei tia an hmuhsit em em te hian nungchang mawi an hre fe zawk tih te hi hmu ve sela ka ti ngawih ngawih.


An kâ chiahin an zirsang ka ti mai a.

"Ka'n inbual fai ang e, inbe rawh u," Putara pawh chuan a ti sup, a tho zui ve nulh bawk.



U Veni rawn lutin, "i nu a rawn kal a, thil awmzia a rawn sawi a," a ti zui sa sa.


A ṭhutna bula ṭhu ṭha ve in, "eng nge a rawn sawi a, i bulah lehnghal," ka nui, U Veni a ngei theihnen.


"Engvak mah a sawi lo, hruai haw tur che in leh kan In a awm tura sawm tur che in minduh a," a nui ve tho.


"Engtia awmzel nge i tum hrim hrim?"


"Engtin nge ni chuang ang, Putara hi ka nei ang," awlsam deuhin ka lo chhang, a thaw hak, "thurawn pe tur che leh sawisel thei dinhmunah ka ding miah lo nâ-in, nupui pasal inneih hi hmanhmawh chi a ni lo a nia, tuna in dinhmun angah ngat phei chuan. Kan bulah awm rih la, ni li, ni nga a liam ang a ka Pa te pawh inbeng daiin an rilru an thlak mai thei a sin. Nu leh pa thinrima nawr luih hi a fin thlak ber loh a nia," min hneh tum taka a tih leh chuan ka lu ka lo thin khum mat mat.



"Pasal min neih tir tum tlat lo se chuan henghi a thleng miah lo ang," ka ti chhuak sep, Putara lakah pawh ka inthiam lo a, ka zak ru ve em em tho, ka hmasial vang leh duhthlan tur dang ka neih loh vang chauha hetiang a neih tum ka ni tih ka inhria a; Mahse, duhthlan tur leh kawng dang ka nei tlawt si lova, chu chu amah ngei pawhin a hre ngei ang, nupa ang tak taka min awmpui mai pawh ka ring miah lo bawk!


"Ka hlauh zawk chu maw U Ven," ka melh zawk, bathroom lam chu ka en vang vang, "ka Pa hian atthlak leh mualpho thlak deuhin chet a rawn la leh ang tih ka hläu, i hriat kha, a duh loh dana thil a kal chuan pawisak a nei si lova," ka ngaihtuah zawng pawhin ka hlauthawng ru sa em em, tenawm deuh hian a rawn chet leh mai ka hläu tak tak a ni.



"Rei tak inkawp inla ni lova, hetiang rum rum lo deuha thiltih dan hi chu a awm ang maw le. Eng pawh nise naupang chhia inni tawh lo ve ve a, a ṭha tura in ngaih inti a ni mai a; Mahse, Rinrin, nu leh pa duhpui loh, remtih pui loh neih luih chu kan tluang mawh khawp a nia," a ti leh dap dap.


"Ka tluang emaw tluang lo emaw duh thlan tur dang nei lovin min siam tlat si a nih hi," Luhlul takin ka ti chhuak leh ṭalh, ka ngaihdan chiah pawh a ni, an rilru hneh ka tum lo a ni maih lo, engpawh thlengse an fanu ka la ni reng, chutiang hrethiam lo khawpa mawl ka ni bik lo mah se, a kaw tawpah min nawr a, tlân chhuahna dang awm lova min siam hmasa tu anni tlat si a ni.

.
.
.

"Eng nga tinge kan In-ah chaw i lo ei a?" He naupang hi chu ka fian hian ka khawng fawk dâwn maw ni.


"Ei mai mai rawh i chaw kha," Mami'in a lo ti vat.


Mami ber pawh chu a nui leh ṭhin. Arghhhh.. Mo thar ka ang ve tak tak riau a ka hriat chu le! Putara nu lah chuan engmah a sawi lo, a mitmeng ah pawh mak ti âwm pawhin a awm lo lehzel chuan minti zâm chhe zawk mai dâwn.




"Engtia awm chhun zawm maw intum?" A rawn ti ta nge nge, ka lungphu zawn hi den chawrh ang mai a ni. Ka lungphu zawn te chu zâmna avangin a na ut ut reuh lehnghal!


Tiang taka ka zâm hi ka la hre ngai lo reng reng, ka chaw ei te chu ka khur chhe mai dâwn alawm.

Siakmawii pawhin zahna a lo nei ve ngei a nih hi. Ka zahtheih lohna zawng zawng sàwm khawm tur pawhin, ka zahtheih lohna in min bihruksan a niang, ka chaw ka bar ngam ṭawk chauh a ni.



Dawhkan hnuai, ka mal chunga nghet taka ka mal ka ṭhamna kut chu Putara'n a rawn chelh a, min rawn en a, min thlamuanna nui hmel mawl lutuk a kiai sukin, a hmer zui vang vang bawk. Chawpchilhin ka zâmna te chu a hum per vek emaw tih mai tur a ni, ka thaw ṭha nghal suai suai thei tak tak nia!



"Ka ngama ka hruai haw tawh a, ka nupui niin, he Inchhung nuber hi a ni tawh. Amarawh chu, Mizo pa kan ni a, a man erawh an duh emaw duh lo emaw pek ngei ka duh thung. Nupui man ba nih ka duh lovin, Mizo dan ang thlapa a pasal ka nihna tur a ni," a thusawh sawn tum lo tih hriat ngawi ngawih a nghet churh mai a tih chuan, ka lo zah rualin, ka kawchhung hi a hlim veng veng bawk, ka famkimin, he inchhungah hian ka him hliah hliahin ka hre tel bawk, chutiang chuan vawikhat mah ka la awm ngai lo hrim hrim.



"Mipa i ni a, i thuthlukna ah i chiang ang a, engmah ka sawi lo ang khalam kha chu, in inchingfel thei tih ka hria. Mahse, i vawntawh chu engpawh thlengse i thlah tawh tur a ni lo. Nupa nih chuan a pawimawh ber chu engkim inhrilh tawn hi a ni, duh zawng leh ngainat zawng te, läwm lohna te inhrilh a, thil hote emaw kan tih nupa kara zep neih te hi nupa nun tichhe thei a ni tih hre reng rawh u, inzah tawn chunga ṭhian ang a in titi thei a nih phei chuan chubaka hlu a awm lo hrim hrim," a chaw thleng nawr sawn pahin nelawm lutuk hian min rawn en a, "kan fapa te ang pasala i thlang hi läwm tur nge ni a, i â ka ti zawk dâwn ni, engpawh nise Pathian remruatah ngai ila, hreawm leh harsatna tuar huamin kan fapa i rawn zui haw ve tawp pawh hi kan lawm hrim hrim tawh ni," a nui nghal var var.



A thusawi chu ka hre sual emaw ka ti zawk hial a ni. Min duh leh tleirawl hawklak leh nun duhdah ve tak, ka nunhlui leh nun mekdan pawh hre si lo va min lawm dan a thiam lutuk chuan, ka hnuk a ti ulh lek lek zawk.



"Nuhrawn ka duh hleinem....." Mathew-an a rawn ti ṭhat, a ṭhutna aṭanga tho in chair a nawrsawn rum rum a, min en rawm rawmin, "ka hua che...." Min tih khum vak chuan a tlân chhuak zui nal nal.



Mit ka khap fawk fawk, "hepa hi chu aw! Eng ngatan mah ti suh, ka va umzui ang e," Mami'in tih leh a kut silin a tlân chhuak ve nghal, Putara'n ka kut a hmerna nghet tulh tulh chuan minti nâ lek lek, alam ka hawi, a bek pawng ṭawlh ṭawlh leh khabe ruh pawng ruh ṭawl mai, hmel dur ta khup chu ka vawikhat hmuhna a ni a, minti hlau ve lek lek zawk!


"Apa, Au khan Au Rinrini a duh lo ami?" Gabrielle-in a rawn ti chuan men ngaihna pawh ka hre lo, engtin nge hetiang em ema min haw tura ka siam chu ni? Engthil chiah nge maw ka tih le?



"Ngaihtuah duh suh, naupang luhlul rual annia, rei a daih dawn lo," Putara nu chuan a lo ti zâng vah, a aw chhuak reng reng hi a damin ngaihthlak a nuam em em reng emaw ni?



Kan chaw ei na thleng ho chu ka sengfel a, Putara'n min lo pui ve bawk, "ti suh" chu ka ti ve ngei nâ-in, ka zah a hläu a niang hmun te a phiat ve surh surh mai.


Kan inchhung ka hre chhuak lo thei lo, mipa hian inchhung hna an khawih ngai lo hrim hrim, ka pa phei chuan "Hmeichhe hna ka thawh chhan tur a awm lo, hmeichhe hna thawk ila mipa kan nih chhan a awm nang" a ti fo zawk ṭhin a nih kha.



"Tikhan awm tir rawh, rawn hruai haw a ngai lo," Putara chu thleng sil pahin ka en vat, phone chu a off zui nghut a, min rawn en in, a mitmeng dur khup chu thup tum viau mah se a thup hleithei meuh lo, "a nu bulah a awm a nih chu," a ti bul nghut.


"Ngaihtuahawm a nih loh chu, Pu Zarlawma te In ah chuan ka zu kal dâwn a sin," Putara Nu-in a rawn ti lang lang.


"Ka hruai ang che, Siakmawi ka rei lo ang, Hruaitluanga chu ngaihtuah duh suh," ka bekah fawp zauha tiin a pensawn nghal vut, a nu nen an inzui chhuak nghal a.


Thleng chu sil sawk sawkin, Gabrielle-i lam panin a bulah chuan ka ṭhu thla, "Gabby....." Min rawn en kiau, "tinge ti khan min koh a?" Ka nui a.


"I duh lo em ni?" A lu a thing mat mat.



"A mawi tho," a ti zui a, ka nui leh hak

"I U hian tinge min huat a?" Ka en kar.



"Nu a nei tawh alawm mah se keichu ka nei lo," a ti var var, a sama chul zauhin, "i nuhrawn ka ni thei lo em ni?" Zawite chuan ka ti sep a.



A ngawi vang vang a, inngaihtuah ni awm taka khap fak fak hian, "ni theih tho a mah se Au-in nuhrawn chu ansual a tia, Au Nu pawhin a sawi, mite an vua a ti," a ti leh zat zat.



"Mahse, ka duh tho a mah se Nu tak tak ini thei lo ami, Nu tak tak ka duh sia," a tawp lam chu a chuai deuh raih, thle ha hian ka nuih var var a, Nu tak tak erawh ka ni miah lo mah se engtin emaw he hmeichhe naupang fing zet mai hi ka lainat riau a nih chu!


"Umm... Nu tak tak nih ka tum dâwn alawm," ka ti ve ta sep a. A lu chu uar zetin a bu nghat nghat, naupang hi ka ngaina ngai miah lo, lawm dan leh enkawl dan pawh ka hre lo mah se Putara tan chung zawng zawng chu ka zir a ngai tih leh, a fapa pawh min ngaina tura ka siam a ngai tih ka hre thung!


Ka in ngainat tir ngei bawk dawn, Siakmawii a lawm ka nih le, a Pi leh a Pa mah ka induh tir theih laia naupang mai mai ka vahan induh tir âwm tak!


Min duh lohna aiin ka luhlulna a lian fe! Amah ang tho va luhlul, duh lohnaah chuan nu leh pa pawh sual let ve ṭauh ṭauh ngam ka ni ve tho tih hi ka hriat tir dâwn alawm.