LOVE AFTER MARRIAGE By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: LOVE AFTER MARRIAGE By Floria Laldansangi (Completed)

Unread post by Ngaia » June 5th, 2022, 12:51 pm

{ LOVE AFTER MARRIAGE.}

By

Floria Laldansangi


Chapter < 13 >


Ni a ral a, thla a ral a, Christmas leh kumthar pawh kan hmang zo leh der tawh bawk. Mahse, Rammuanawma erawh reunion dinner kan neih zan aṭang khan a hmel hmuh tur a awm meuh lo ti ila ka sawi sual kherin ka ring law.


Zanah nise ka mut hnu, zinglam a ni zawk ang chu, dar 1-2am ah a rawn lut a, sofa ah a mu mai ṭhin. Zingah nise ka thawh hmaa a thawh loh leh ka hmuh loh theih tur berin a tlân chhuak ti ila a dik bawk ang chu. A chang phei chuan kan room dawt chiah a, a nunhlui dah khawmnaah a riak mai ṭhin bawk.


Thik turin a engmah ka ni lo tih a tih fiah tawk tawh viau laiin, kan room ah ni lo, room piahchiaha a mut chang erawhin ka âwm chhung hi a na tlat ṭhin. Mahse, tawrhdan leh thupdan, nui hmel lem neihdan he inchhung aṭang hian ka thiam tawh lutuk mah mah tlat.


Kan inhmu khatin, nupa angin awm lem lo mah ila, a chanchin erawh a nu hnen aṭang hian ngeiawm tak takin ka hre ve leh zel bawk a. Ohhh.... U Hnemi hnen aṭang pawhin a ni ang chu, Nu Mahlimi a rêl nasa thei mai pawh a.


A chang hi chuan nat ruk loh hrâm hrâm ka tum ve ṭhin; Mahse, Parmawii nen khawlaia hmuh dun a, a nu in mo dang a neih vat tur thu hlim taka a sawi chang leh, a riahbo châng erawhin ka âwm chhung hi a na thip leh veng veng ṭhin a. Chu erawh ka mitmeng, ka hmaiah tihlan ka tum tawh lem lo bawk a, a lang ngai hek lo.

Nuih der dan te, Nu Mahlimi'n mo thar a neih ṭep tawh thu a sawi changa nui chunga beng chhut ngawng dân te leh 'ka chhungkaw tán kum 2 chauh' tia ka mittui tla tur dan a, chelhbeh dân te chu khawvel lemchang thiam ang maiin ka thiam bel hlei hlui tawh bawk!!!



"Hman zanah Pi Mahlimi'n inpa a bia a," ka thlengsil lai chu sil mawlh mawlhin ka lo nui liam leh mai a, ngaiah ka nei ve viau tawh, an room-ah Rammuanawma a koh a piangin min ṭhen turin a nawr ziah tih thlengin.


"A sawi i hre lo em ni?" Ka melh zawk a, U Hnemi ka bula rawn ding hnai hrut hrutin, "U Mapuia nena in nupa room-a in inbiak kha ila hria em?" A rawn ti sa sa a. Ka lu ka lo thing mai.


Chek tlakin, "hman ni, nikum a ni tawh ang chu, Florence-i nena an room hluia i lo luh avanga in inhauh vak ni kha," midang hriat hlau si uar zeta a tih leh takah chuan, "aw hria e," ka lo ti ve vat a.


"A sawi chhuak a, 'hmeichhia, pasal neitawh, neihlim hlawlin mipa dang room-ah a hruailut ngam a' a tia, mah se U Rammuana'n, 'kan inneih hma aṭanga inhria, ṭhianni an nia, inbe ve ang chu' tiin a nu a chhang a, chawh ka lo ti khawp a. Ihh e.. Mary-i laka ṭawngkam hman dan hi fimkhur a ngai ka ti, Pi Mahlimi bulah hian a report zel chein ka hria," a ti siam siam, ka rilru-in ka thlavang a hauh chu ka lo lawm ru ve ringawt bawk. Tin, Mary-i hi chu ka rindan a ni hrim hrim bawk.


"Diktak chuan U Rammuana hi chuan i thlavang a hauh ziah alawm, hman ni ah pawh Florence-i nen a tehkhin che u a, 'an in ang lo lutuk' tiin a nu a lo khak fuk tawh bawk," a tih zawm leh siam siam a, chu erawh ka ngaihdan a dang daih thung, in ang lo min tihchhan ka hriat chian lutuk vang te pawh a ni mahnâ!


"Engtik nge Ely-i te nupa anchhuk dâwn kha'h?" Thildang ka zawt ta daih a, Rammuanawma chanchin sawi leh Florence-i emaw Parmawii hminglam tel ve zel ngai hian thaw a ti ip pik tlat ṭhin.


"Thlathar a ni tawh ang chu. Pi Mahlimi te pawh chhuk vatse ka ti," a ti zui hlak chu kut hruhul pahin ka lo nuih vur ringawt a.


Nunsanga te sawi takah chuan minti buai leh ta miah lo, kan inkar a tawp zia a hrethiam ve tawh te pawh a ni ang.



Mahse, Christmas leh kumthar inkar khan vawikhat chu ka pasal neih hi ngaihtuah nawn leh se mintih thu erawh a sawi a nih kha.



"Lo lut rawh Parte," Nu Mahlimi aw kan hriat chuan choka pawnlam chu kan en dun vat a. Choka hi darthlalang a pin hran a nih avangin pawnlam a mi engkim a hmuh theih vek vang a ni.

"E khai!" U Hnemi'n a rawn ti chhuak hliai, keipawh chu ka mit ka khap fak fak tho.


"Hi!" Choka lam rawn hawiin a kut a lek kang zauh a.


Ka chhang let buai peih lo, ka läwm buai peih lo a ni zawk mah ang chu, tu hmeichhia leh nupui mahin pasalte ngaihzawng an lo 'hi' let duai ka ring lem lo bawk nen.


"Dinsang, in tur min rawn siam dâwn em ni?" Ka phu zawk mai, kei kher min koh vang erawh a ni miah lo.

Rammuanawma nen hian nupa angin thla 3 ṭep kan awm taa, a vawikhatnan ka pasal nu-in in tur siam turin min tir a nih chu, chaw tak ngial pawh ka ei chuan ei duh miah lo kha a nia.


"A ko che em?" U Hnemi pawhin a rawn ti vat a, ka lo bu nghat.


"A hrim hrimin engvanga Parmawii te ang rawn hruailut nge maw a nih le? Pi Mahlimi chetdan hi tleirawl sual ang mai alawm a nih. Puitling leh lehkha thiam zawk ni si hi, a che over mah mah," pensawnin ṭawng rin hläu tak siin a ti zui niah niah a.


Ka lo nui liam leh mai, Nu Mahlimi pawhin Parmawii hi a ngainat vanga be ṭha huam a ni lo tih ka hre chiang lutuk te pawh a ni mahnâ, huat tinah ka tin lo hrim hrim. Tin, ka thinrim emaw a fapa nen emaw kan inkar a ṭhat loh zual a piang a a läwm ber a nih ṭhin avangin lungawi lo pawh ni ila tihlan ka tum chuang law. Mi â, thluaka bawng ek awm chiahin a thinrim khum duh ang chu!



"Ramdinsang, theitui kha min rawn lak dâwn em niang, inleng pawimawh tak ka nei si a," ka chhan loh avangin a rawn ti nawn le, nui vur vura fridge lam panin, "ka hria e Nu Mahlim," ti ve leh deuh kher chuan ka hawng zui zat. U Hnemi a lo nui zui ve kur kur bawk.


An intur ka ken chhuah laiin, "Florence-i i duh lova, i mo lah i duh chuang lova," nui ar ar chunga Partei'n a sawilai chuan min rawn en in, ka awm avanga ngawi dun der an ang, ka inher leh rualin, "Florence-i aiin a lêt sawmin ka duh lo zawk," hnung chhawn mah ila min rawn en tih ka hre thei. A sawilai chuan tlemin ka âwm zawn hi a na ve det reng. Mahse, an ni vang mai maia intihnat ka tum tawh lo. Tin, a lem êm mai a.


"U Dinte," Ely-i te nupa an rawn lut ve chiah.


"Awi! Nimin a i thilbawl ang kha ka ei chak leh êm mai, min bawl sak leh teh, serṭawk kha. E chuan, zingkarah kan nupa room-ah bawnghnute lum min lo pe thei ang em le? Ka thawh a, room ka rawn chhuah hian ka luak a chhuak zel a," rawn ti duahin, "Parmawii eng nge i rawn tih a?" A ti zui zat bawk a, Pari lam chu ka melh, min rawn en a nuisängin, "i Nu hian a vun chungchangah zawh duh a nei a," a sawi zawh dâwnah Ely-i lam chu a hawi chauh zawk!


Nuisängin, "serṭawk chu bawlsa a awm alawm, U Hnemi nen kan ei zawh lo, khawih miah loh a nia, ka rawn lak ang che," ka ti ṭha ve leh mai a.

Raino haw laileng chuan anhuat zia ka hria, ka Nutei'n ka cousin teber a pailai khan zing a thawh rualin luak a inpeih nghal at zel a, a hreawm dâwn hian ka hre tlat.


A chang chuan Ely-i min tirh kawina pawh hi ning ru viau mah ila, a raino haw lutuk hi ka lainat a, ka kal ve leh dawr dawr mai zel.


"Aih, ka raino thiltenchhiat zia i hriat kha, a thar ka ei duh. Ka lawm e. Parte, keipawh ka hmai vun hi entir che ka duh," ṭhut tum ang a a inher zet tawh chu, "a ṭul lo êm mai a Ely, siamsa chu ei mai mai rawh, a nih loh leh nangmahin va siam rawh, thilhar pawh a ni lo," Nunsanga'n a lo ti hluk hluk a.


"I siamtur pawh a ni em ni?" Bak zet a tiin a Nu te ṭhutna lam chu a pan zui nal nal, keipawh chokaah ka lut zui ve mai bawk a, Nunsanga inthiam lo hmel erawh ka haider ta hmak thung.


"A ninawm taivet e sawnu raino em em pawh saw. A tilui hian ka hre ṭhin, mi pawh an raino, an haw ve tho, saw ti em em anni lo. A raino dân lah hi a lem bawk si, a rai em tih pawh hre lo, zun test hnua inla raino ṭha chiam a nih te saw a hre lo em maw ni," U Hnemi zawi tete a a ang hlak hlak chu en in ka nui tha hak hak a.



"I â em ni? I pasal nu in i pasal bialnu a rawn hruai luta, i pasal farnu lah a nu ai pawhin a nasa, i la nui thei a nia," U Hnemi en a za deuh taka nui khek khek chuan, "a lem êm alawm, mintih nat emaw min tih thinrim a tum nasa ve lutuk a. Rammuanawma'n duhin, nupuiah hial nei duh nise kei min neih nachhan tur a awm lo. Rammuanawma hi tihluihnaa neih theih a ni lo tih hre chiang ber tu an ni ang chu, ka tâ saah ka thinrim a ngai lo ang bawkin, sual let ka ngai lo ve, engpawh tise a fawng vuantu zawk ka la ni," a tawp lam chu anhriat tura rêl ka ni ve bawk nen ka duh ai a ring ta phian mai.



U Hnemi nui chhuak deuh hak hakin, "i sual e a... U Rammuan...." A ti zui raih chu rang tawk hian ka inher a, ipte zen chungin choka kawngkhar nghengin nuihza insum deuh hian min lo en run a nih chu!



Lai leh hnuhnawh zet chuan ka ṭhen vak chu a nui ri deuh suk a.

A hrim hrimin eng nge tunang hunah a rawn haw ni? Aw!!!! Parmawii vang a niang chu.


"Duhtak...." Parmawii kohna avangin ka lo ner nawk, U Hnemi pawh keimah ang maiin a lo uak der zui vat a. Kan va han nghal dun tak!


Rammuanawma chu a inher miah lo, nuihza insum tak chuan min la en ngar a, kei erawh ka nuihza hmel aiin ka lai hmel a nasa tawh zawkin ka ring.


"Ka nupui thusawi kha i hre lo em ni? Kawppui nghetah duh che ni ila he hmeichhia hi nupuiah ka nei hauh lo ang," aw ki hniam leh dam dup a ti chhuakin ka lamah a rawn pên zui pawk bawk a.


Lai hmel pawh ka pu tawh lo, ka lung chu nasa taka rawn phu dawt dawtin, a bialnu chanchin ka sawidan avanga min thin leh nawk ring chuan ka lo inhum ruh sa vak bawk a.


Ka rin loh lam lutukin ka kawngah hnehsawh taka a kut rawn rawlhin alamah min pawt hnai salh a, nui hmel a la pu reng bawk.


Kei erawh mi â ang maiin ka pasal mize danglam leh ta chu ka hau hian ka en chho kiau a. Ka hmel landan vang nge ka hre lo, a nui ri suk bawk!.




"Duhtak..."

"Rammuanawm....." Nu Mahlimi'n läwm lo tih hriat ngawih ngawih hian a rawn ti chuak ṭhat a.

"A sawidik reng alawm, pawmlai neitawh a nih bakah, ngaihzawng hlui tibuai reng nih pawh i zak lo em maw ni?" Ely-in a lo ti vat a, "ngawi ve mai mai rawh Ely," Nunsanga'n a lo tizui hluk chu, ngaithei lo tih hriat takin, "sawidik loh ka nei em ni? A bialpa hlui pawh nise hmeichhe zakthei lo leh nawhchizuar chiahin ex-te an umzui ṭhin. A sazu kham loh thlak lutuk. Tiraw U Dinte?" A pasalin a lo khak avanga thinrim tih hriat tak hian min rawn en a.

Kei erawhin engmah sawi nachang pawh ka la hre ve lo. Ka bula mipa liantak dingin, a hmeichhe kawplai hmaa duh hmel taka min thlir vawng vawngna te, a hmangaih awmchhun ka nita emaw tia in ngaih tir tur khawpa min enna chuan minti zâmin ka lungphu leh thisen kal lai zawng zawng a chawlh tir dük mai.


"A pawi ka ti hle mai Partei, ka inlêng a sin maw le inih le?" Nu Mahlimi'n thupha a chawi mawlh mawlh a, a aw ki ah erawh ka thiam lohah a puh a ni tih alang chiang viau thung!



Parmawii lah chuan mittui parawl puau hian kan lam a rawn en ngawih ngawih a, "hetiang hian minti thei lo," a mittui a luang zui ngiai ngiai, ka lainat ve reng, Rammuanawma sual leh lerh kawh lutuk avanga a rilru nâ chu en har ka ti.


Min kuahna aṭanga tâl chhuah ka tum ve lahin ka kawngah hmer salh salhin a taksa bet tlatin min pawt hnai zel bawk si. A taksa ka dehnat poh leh ka kawchhung ah hian meialh a awm ta emaw tih mai turin ka sa zual pup pup a.


"Ka sawi kha i hrethiam lo em ni? Kan pahnih inzawmna chu sex chauh a ni," nghet churh mai hian a ti chhuak a, a ṭawngkam avangin ka lo ip chawih chu a hria a ni ngei ang, min rawn en chhukin a hnar a tum zui dut bawk a.


"Rammuanawm...."


"Inleng tur thlang fimkhur tawh rawh ka Nu. Ka nupuiin nuam lo a tih leh a hmuh duh loh tur mihring he inchhungah hian hruai luh loh tum ang che u," a Nu in a rawn tih ṭhatna lah chu ngaihsak lo zet a bân vai thuakin a lo ti hluk hluk a, min rawn en lehin, "Nunsang, i nupui raino mamawh pek chu i hna a ni tih hre bawk ang che," pangai tak ang a ri chhuak siin a khauh fuk thung.


Darthlalang chhan aṭangin Ely-i hmela läwm lo tih hriat tak, nasa taka lang chhuak chu chiang takin ka hmu thei bawk.


Nu Mahlimi thinrim min rawn en rawm rawm pahin, "ka thlah ang che Parte, min hrethiam dawn nia, inchhungah lehkha thiam lo leh nunchang mawi hre lo kan kawl tlat bawk si a," kha deuh hian a ti leh fak fak a, ka lo thaw chhuak halh thung.


Mahse, Nu Mahlimi vang ni lovin, Rammuanawma, min en rengtu leh min kuah tlat tu vang zawk hi a ni.



"Keini pawh room-ah i chho teh ang, zan a tlai tawh," Nunsanga'n a nupui pawt din a tum chu lo ṭang ṭungin, "serṭawk ka ei chak alawm," min rawn en a.

"Lehlama awrdum, lehlama awrsen," U Hnemi'n a lo tih chu Rammuanawma pawh hian chiang takin a hria ang.


"Kalsawn tawh teh," ka rin aiin ka aw chu ka ti bak hlak thei ang lawi si.


Ka tray kenlai chu pawt thla in dawhkan a thehin a theh a, a nau lam hawi chuan, "kut ke kimin i nei, raini zual a pel tawh bawk," min pensawn pui zat. Ka pên pawh a ni lo, min nawr kal a ni mah zawk.



"Ram...."

"Mut a hun..." A â maw ni le? Room-ah, ka bulah mut a tum leh tak tak lo ang chu maw?

"I â...." Ka ti leh dek dek chu, "fawh i duh loh chuan i kâ kha chip rawh," inchung kailawna min chhohpui pawk pawk lai chuan a ti hluk a, ka chip zui hmak bawk...

Ka chio ta hmuk chu a nuihza nge ni, a nui nghawr dat a, "ngawih tirdan che tam tak ka hria ka tih kha," hnehtu inti fe hian a ranw la ti fel thûn zui.


Thinrim ru viau mah ila 'de' pawh ka ti ngam tawh lo hrim hrim. Min fawh leh palh chuan lo dawh leh hle hle si ila ka inti mualpho mai mai. Mahse, ka bula mut a tum a ni erawhin a chak lo ang.



"Min thlah tawh teh," room kan luh ruala bak hlara tiin ka tal hrang zui zat a, engmah sawi lo chuan min thlah ve mai bawk.


Min khawihna leh a mize danglam leh ta avanga ka kawchhung leh lungphu danglam vêl chu haiderin ka kuangkuah zui at a.


Sofa a Rammuanawma ṭhu thla chu en ranin, "hetah riah i tum em ni?" Ka ti nghat. Ka lungphu leh thawk lak erawh a la pangai miah lo thung.



Thatchhe deuh hian a rawn ṭhu a, "ka nupui bula ka mut lohvin khawnge ka mut ang ni?" a ti fel et chuan minti sa zak.


Khang thla chhung zawng zawng khan min hel a, tunah min rawn nupui chei leh chiam te hi a zak lo ka ti. Public toilet pawh ka ni lo, a luh chhuahna ni turin.


"A ṭha a nih chu," ka ti liam puat chu a mitko a lo ti che zauh, ka chhanna awlsam tak chu mak a ti a ni ang.


"Room-ah mu la, inhnuaiah ka riak mai ang," tih leh inher nulhin ka lukham leh blanket chu ka pawm khawm nawlha, "mu rawh, i room a nih hi, i thuber," ka ngaipawimawh lo lutuk chu a thin a rim leh tawh nge ni? A meng dur leh tâk khup khup ni. A ho êm mai, ka engah mah thawh tir ka tum tawh bîk lo.


Maw?? Hmeichhia ang a en che ka duh lo a? Chu thu ka hriat chhuah chang phei chuan ṭhen daih mai a nia ka duh rum rum ni. Tu hmeichhia mah anlawm ka ring bîk lo.


"Khawnge kal i tum?" A aw chu nelawm loh teh e.


"I hriat reng kha." Penchhuah ka tum a, engtik laiin nge a chet ka hre lo, thli ang maia rawn thaw in ka blanket pawmlai chu a rawn phih thlak sawk a, ka phu nasa lutuk chu ka sir lamah ka lo zuang sawn dawrh .


"I mawl em ni?" Ka ti chhuak nghal tuar bawk a. Mawl lutuk mai.


"Ka mawl hrep lo Ramdinsang. Khawiah mah chhuah tum reng reng suh," a ti zui hluk hluk chu ngei fe leh phut nasat lutuk avanga thin la phu zaih zaih chunga melhin, "i thu thu a awm turin i chhiah hlawh pawh ka ni lo," ka ti chhuak leh hraih chu a chhip kawlh mulh mai chu tuai puatin, "i chaltlai reuh si a," ning tih hriat zeta ti bul nghutin, "hetah mu rawh ka tih kha," hnial a duh tawh loh zia chu a aw chhuak bul zet zetah chuan a tilang chiang leh tawh takzet.


Mahse, ani thu thua awm ka tum tawh bik teuh lo. Ka thute chiaha awm ka tum.

Melh ram ram chunga sofa-a a dah blanket chu lak let tumin ka pan hnai a, ka ban ruala lo phih let leh sawkin, "hreptak che hian Ramdinsang, hmeichhia angin en che ni ila, i him tawh lo ang," a tih rualin, "naupang mai i nih kha," a ti zui chuan ka thin a ti thawk ve phat.


"Min en mah la min thei lo," uar zet hian ka ti chhuak a, thaw ka la zui kawk bawk.

Kei aiin kum 11 bakin a upa lo. Bakah, hmeichhia ang a min en loh thu asawi sek pawh a ngai lo, ani ang a sex chauh duha kawp neih ching lah ka nei hek lo a, a mah aiin a chhunga natna awm tur sawn minti hläu zual zawk fe!!


Ka inrin hma a rawn nui ri hukin, "i chiang amaw?" Min rin loh zia leh a inrin tawk zia chu a mitmeng leh a ṭawngkam tinah chuan a lang chhuak, "khumah sawn mu rawh, a tlai tawh hle a ni Ramdin," khumah chuan blanket chu a vawm zui nawlh a.


February thla tawp lam a nih leh tawh avangin vawt viau erawh a ni tawh bawk lo nen, sofa ah chuan a ṭhu thla leh a, mut a tum tih hriat takin a pheikhawk bun lai chu phelhin, a ke a hlang zui zat a, ka awm ve a ni tih pawh lang lo khawpin a mit a chhing zui hmak bawk.


A awmdan leh a mizia ka ngei lutuk chuan ka kawchhung chhung a ti sa bulh bulh mai, ka lukham pawmlai nena vuak hrep mai hi a nia ka nap ni!



"Min en reng a nih chuan i hlauh ber ka ti hlawhtling lo ang tih ka sawi thei hauh lo Ramdin," a nuihza insum hmel leh a mut chhuak aw, ṭeng lam lek lek te chu nalh viau mah se ka ngei hluah hluah.


"Min it khawp a nih kha," ti leh hram chuan lukham pawm chungin khum lam ka panzui nghawng nghawng a, "khum hi rawn hnaih miah suh ang che. A hrim hrimin zan tam zawk in nupa room-ah i mu a, eng nge zanin ataka hetah mut i tum? I at i so hun huna nawrluih tur pawh ka ni lo," ka ti zui leh hlak hlak.

'Nupa room' ka tih lai te chuan ka âwm chhung hi a na sek a, ka aw lah chu nat rukna vang nge thinrimna vang zawk ka hre lo a khur lek lek bawk.


Thinrimin ka insawh nghawng nghawng a, ani lah engmah hre tawh lo ang maiin hahdam leh ngeng tih hriat zetin a lo muhil suk suk bawk a, lukham pakhat hian ka vawm zawt zawk dawn em maw ni?


A awmdan chuan ka lung a la ti awi chuang lo reng reng. Ka thusawi hre tawh miah lo ang a a awmte chuan minti thinrim zual zawkin ka hria.


Blanket pawt paha inthawlh lut sawk sawkin, "i hmeichhe kawplai i rawn hruailut leh dâwn a nih chuan hrilh te pawh min hrilhsa rawh, i in mah nise Hotel amaw rawn ti suh," ka ti bak leh hlak hlak. Zanin chu a eng hria ni maw, ka lung a awi theih reng reng loh ni.


Ka period a hnai a ni hrim hrim ang ka ṭawng tamdan em em chu. Bakah, khang thla liamta zawng zawng hnua a nupui ang maia min cheibawl leh chuan ka thin a tirim zual niin ka hria!


"I lei kha thlungbet rih teh Ramdin, ka chau hle si a," thutak deuh si hian a rawn tih awlsam et chuan, ka inrin hma in ka bula lukham chuan ka vawm ṭhuai a, ka la vawm thleng lo zui a'h!!!!!!



A rawn meng a, chhuata lukham lo letbal mai melh zawkin, a hnar a tum zui dat, thinchhia min tih hmel deuh leh nuihza insum lam lek leka min rawn enin, "i duhtawk i ngah tawhin ka hria, mu tawh rawh le," nelawm deuh a kiai zui suk bawk.

Zanin hi a kawchhungah ramhuai ṭha chi anlut em maw ni, a va han zaidam teh dup ve, a aw dam dupah chuan keipawh ka thinrim rei thei ta bik lo, a mize mak deuh ngaihtuah rauh rauh chuan ka mu zui ve mai bawk a.



A chau tak tak nge ni a, a bialnu a haw tir vang zawk a rilru nâ pawh ka hre nek lo ve.


Rammuanawma mize inthlak ta ngaihtuah chuan ka muhil zui a ni ngei ang, ka harh leh meuh chuan amah pawh a lo awm leh tawh lo. A thawhlai ka hre ngai miah lo hi a mak ka ti.


Khum aṭanga tho in bathroom ka pan a, ka intifai sawk sawk. Tukin chu duh aiin ka tho tlai hret lehnghal.


"Rammuanawma hi a chhuak tawh em ni?" Choka ka luh rualin U Hnemi thingpui lo siam chu ka zawt nghal tawng.

Tuilum thli chhuakin ka in zui zat bawk.

"A tho tawh em ni?" A lo tih let danah midang thawh hma in a chhuak tihna a ni mai.

Emaw Parmawii thlêm tumin ka mutthilh hnuah a tho ang a, a chhuak a rawn la haw lo a ni ang.


Ka rindan chhe thei lutuk chu inthiam chiah lo mah ila, thil nithei a ni miau si a.


"Eng nge i ngaihtuah veng veng? Thingpui i duh em?" Ka lu ka lo thing vat, "ka period dâwn a niang, engmah ei ka chak leh tawh lo," ka lo ti a.


Nui sun sunin, "period hi chu i la nâ a ni," a tih chuan ka lo thaw halh, period ka la na lutuk hi a mak zawk, tilui te hi ka ang zawk ṭhin, Christmas boruak vel phei kha chu ka va han kham hluah hluah tak.


Anchhungkua, an laina hnai zawng zawng kha Nu Mahlimi'n a tilui emaw tih mai tur khan a sawmkhawm a, kiltin a mi a dap kim vek emaw tih tur khawpin lut chhuak an awm zut a, mawng kha ka hung hman lo hrim hrim. Period lai a lo ni bawk nen khatiang em em a ka pasal nu ka huatlai kha a awm lo reng reng, a awm leh tawh pawh ka ring law.


Ka ngaihtuah let pawhin ka taina kha ka la feel thei, khatiang tawrh leh ai kha chuan Ely-i ang deuhin, "Christmas leh kumthar chu ka chhungte bulah hman ka duh," tia haw daih pawi ka ti ta dêr lo.


"Nizan U Rammuana'n i thlavang a hauh kha mak ka ti lutuk," chair pawt chhuaka ṭhu in, ka Pa leh ka nau te ho message chu ka reply mawlh mawlh a.


"A mak hleinem, a mize inthlak chak lutuk hian minti â lo chauh tawh zawk a nih hi," ka lo ti hlar, nizan a mize dam dup, ka ngei deuh nisi kha ka mitthlaah a la rawn lang ang zat zui a.


"Aih, a bialnu..." A ti zet a, min rawn enin ka lo melh ve zauh chu za vak lo hian a ṭhen zui sak a, engah phei chuan ka ngai peih chuang lo.


"Parmawii hmaa i thlavang a hauh kha maw le," a ti leh.


"Mak pawh ka ti hleinem, a mizia alawm," ka ti ṭha ve leh mai, mak erawh ka ti ru ve reng thung.


"Hetiang hi a ni ngai lo a nia. U Rammuana te chu mipa zaidam lutuk, ṭawng tlem bawk si a ni ṭhin a," nui chunga a tih chuan ka lo ner deuh nung chu a nui chhuak khek khek.


"Ka ti tak tak a nia, he in ka awmhian tleirawl tak tak chauh ka nia, ka hre chiang thawkhat chuan ka hria. U Rammuana hi chu Mizo mipa ah chuan a fel pawl a sin a nih. Florence-i a tawng hi a pawi lutuk a," pawi tih hmel deuh hian a ti deuh vawng vawng.


"Mite pawh an inṭhen ve fo a, ani ang em em anni dawn em ni?" Ka la ti ṭalh, ka hrethiam tho a, ti vaka inthlak te chu, a kum nen pawh a inmil tawh lo, a tar tawh alawm le. Bakah, mipa lehnghal.



"I hre lo a nih kha, an inneih hma hian Florence-i khan nau a pai a, chuvanga inneih thut thut duh kha a nia, Florence-in, U Rammuana hriat maih lohin nau thla 3 bawr vel kha a lo hmet thla daih a nih chu. Chumi ṭum baka U Rammuana thinrim inhrosa nasa kha ka la hmu ngai lo, Florence-i pawh a hmui a duk vek a khur nasa lutuk leh nau titla hlim taksa chak lo bawk nen khan. Pu berin a duh loh chhan pawh a nia. Mahse, U Rammuana hi mipa thutiam a ding chi a lo ni nen, neih a tih tawh avangin a Pu thusawi kalhin a nei kha a nia, a bak chu i hriat ang kha a ni mai," a rawn ti dap dap.


Uluk deuha ka ngaithla chu min rawn en a nui chungin, "mipa te hi chuan an natna te ansawi kur ve dup lova, thildangah hian an ti lang mai ṭhin. U Rammuana phei hi chuan a sawi dâwn lo hrim hrim, 'a mize dang chak' itih te pawh hi ka hmuh ve dan leh a awmdan lo chhiar ve dan chua, tinat ve che a hlau niin ka hria. A nunhluiin a chhung lamah a la tibuai ve tlat si a, chu chuan a nghawng che a duh lo a ang ka ti," a ti leh duah chu ka hmui hnuailam ka lo ti pawrh vak, ka laka a mizia nen hi chuan U Hnemi'n a chhan a sawi chu matawih chuang lo.


"U Hnem, engtia Rammuanawma chu damdawi in a awm nge a nih. Florence-in a uire sanlai chuan?" Kan sawi lak lawh, midang rawn thawh hmaa hriat ka chak.


"Ka hriat sual loh chuan Florence-i nu leh pa Guwahati lamah a thlah, a rawn haw lama accident tawk ta kha niin ka hria," awlsam deuh chuan a ti a. Pu Kamlova choka lam a rawn pan takah chuan titi zui ta lovin ka lo be zui vat bawk.


Nidang ang bawkin Nu Mahlimi erawh kan rualin zing chaw a ei leh duh chuang lo, a chang hi chuan ka inthlahrung ru em em zel. Keimah avang ngawt a a chhungte kara chaw a ei thei lo chu a nuam miah lo. Chaw ei lova hna kal chang ka neih phah fo ta bawk!!!

.
.
.

"Dinte, zanin chu rawn tel ve tak tak teh aw," U Gos-a a rawn lang leh tawh, vawiin ringawtah a vawi 4 rawn lan na a ni tawh lehnghal, ka tel thei lo tak tak a sin maw le.


"Ka thei lo ang U Gos. Mahse, happy piancham aw," a chal a lo tichuar tup a, "a theih loh zanin chu, ka thlah haw che lah rem iti ngai tawh si lova, hnaban ah haw tlang lovin zanriah kan ei ho vek dawn nia," midang chu a enkuala an lo läwm em em zui a.


"U Gospel-a zei lo lutuk hi chu aw," ka bul a mi te an lo nui kur kur.


Box-ah noddles pack khung mawlh mawlhin, "engmaw?" Ka lo ti hu chu, "i hrethiam lo tak tak em ni?" Ka lu ka lo thin khum ringawt.

"Awi in inhmeh vel e, pakhat lah zei lo, pakhat lah thil awmdan leh boruak hrethiam har," an nui tak uar uar hlawm a, a ngaihna hre si lova lo nui ve ṭhu chuan, "eng nge maw insawi le?" Ka ti leh ringawt bawk a.


"Awi Dinte i â em mai! Nangpui roh hian i hre lo der zawk a ni lo'ng maw? Gospel-an a duh che tih i hre lo tak tak em ni?" U Thanpuii chu en haw in, "i fiamthu a mi?" Ka ti vat.


"Kan naui hian ngaihdan a nei thlawt lo," an nui zui kur kur hlawm, a naupang ber ka nih vangin min fiamah ka ngai a ka nui ve leh mai bawk a.


"Gos-a hi chu tlangval fel tak a nia, i tisual miah lo ang."


"Ansawi ṭhin kha, 'nupui pasal chu mita zawn tur a ni ngai lo, benga zawn tur a ni e' antih kha maw..."

"U Gos-a te chu a hmel pawh a chhe hleinem, Mizo ah te chuan a ṭha pawl a niang chu," an titi chu ka ngaithla nui vur vur ringawt a, an hresual lutuk chu sawifiah tinah pawh ka tin ta lo law law.


Min ngaizawng lul lo ang U Gos-a te abg tlangval hausa leh taima, fel bawk si, rilru lah chu 'ṭha' tih piah lama ṭha bawk si hian keini ang tehlul engtin nge min duh ang ni.


Ka ngaihtuah zawng ringawt pawhin ka nuih a za ru viau mai. A âwm lo ve bawk êm a ni!



< RAMMUANAWMA...POV >


"Innu a ni lo'm ni?" Jessica-i hawina lam chu ka hawi vut a.

Ka ṭhutna aṭanga ka thawhlai ka hre hman hauh lo, "hey...hey..hey..."



Ramdinsangi te dinna chu ka thleng fel der tawh zawk.


Kha mihring, ka nupui ngaizawngtu mipa bawk kha a ni, a kuahna kut aṭang chuan ka lamah ka phih nawk a, "tunge..... A Putea kha ini maw?" Ka ṭhiante an lo nui huk.


Ka lo rum nghur thung, "Ramdinsang....." A zawhna chhang lovin Ramdinsangi rui thlep chu ka thing zui nawk nawk a.


"Ka lu i thing thla dâwn!" A la vin ang khur khur zui!


"Tu thu phiangsenin nge i ruih?"


"Huh! Rui turin Lal thupek lak a ngai em ni? Aw!!!!! Ka Lalpa, ka Pute, ka Putarte, Aw Lalber...." Ding ṭha luai luai chuan min kawk a, a au zui nawk nawk bawk!


"Awm ṭha rawh, ka hruai haw ang che," ka lama ka pawt let chu a lo tal ve phat, "minthlah rawh RAMMUANAWM.....natna kai ka duh lo..." A sehchilh ve nak nak bawk.

Khawia natna mah ka nei phiangsen lo!!!!


"Ding ṭha rawh..." Ka vin deuh a ni ang, a ding ngil zui awt a, a tlu leh ruai ruai chu chelh lehin, "engvanga rui nge inih?"


"Ka birthday kan lawm a, wine tlem a rui a nih kha. A Putea i ni bawk a, i kutah ka dah mai ang. Dinte, naktuk hna i rawn kal a ngai lo ang aw," Ramdinsangi a lo bu nghat nghat, ka duhai he mihring hian ka nupui a hnaih mah mah.


"U Gos..." A tlu tur veng chuan a che vel chu ka en ngur ringawt, a duh loh zawng tih palhin a rak leh chiam mai ang tih a hlauhawm zawk tawh tlat.


"Lo kal teh...." A kut ṭang chuan a ko zeuh zeuh a, Jessica-i leh Malika'n nui ṭhu in an lo thlir ve bawk.


"Hmeichhia ka ni em?" A dak vah, a bu leh lawp ṭhin.


"Ni e." A ṭhianpa chu a nui suk a, "hmeichhe hmelṭha tak," ka hnek sawk dâwn em maw ni? A pasalin ṭha ka tih chuan a tawk viau!


Ramdinsangi ka lamah ka pawt hnai zui hrawk a, a lo tal ve leh khanglang zel bawk.


"Ka thusawi kha inngaihtuah ṭha rawh aw," ka bân chhung a mi ka nupui sam rawn khawih a tum chu ka duh aiin ka kut a rang, ka vaisawn na mah mah bawk.


Ka nupui a nih thu sawi chak viau mah ila, Ramdinsangi hnathawhnaa a Pu a la nih ve tlat avangin ka insum leh ta zawk a.


Ramdinsangi pawm nawlh chuan, "min thlah rawh Pute.." Ka thing zui nawk.


"Ramdinsang... Min en rawh, i Putea ka ni em?"


"Hiiii! Pute...." Ka rum ta nghut ringawt a, engzat em em nge maw a in hrep chu ni?


"Mindah thla rawh ka Pu, min kidnap a tum a nia..." A la au ang deuh deuh a!!!!


"Chhuata thlak i duh loh chuan i kâ hi chip rawh."


A hmui a rawn ti pawrh tarh a, "i va sual ve a Pute," tehchhen a.

"Ka ni lo."


"I ni..."


"Ka ni lo Ramdinsang, i pasal ka nih hi!"

"I ni, i ni, i niiiii...ka Pute!!" A tawp lam chu a au leh tawh.


Ngaihsak ta lo chuan, "Malik, min thlah mai dâwn em ni? He naupang nen hi chuan ka inkhalh thleng dawn lo tlat."


"Naupang ka ni taivet lo Putar," ka samah a rawn kek zui sawk a, ka thaw chhuak hawlh, a zu rui mitmeng phi nawk leh hmai tai hlar mai, hmui sen no, hnawm chiap lah chu fawh a chakawm viau lehnghal!!



"Jessica, i in buaipui thei ang tiraw?"


"Min ngaihtuah suh u, ka inbuaipui thei. Dinte, i Putea te khan an hruai haw ang che aw?" A nui ṭhu bawk.

"Ohhh...i bialnu pakhat zawk, ka hmaa ṭhingṭhi a, ṭap vel kha," a nui vur vur.


"Ka bialnu a ni lo," ka lo ti hluk chu min ner khum nawngin, "nia, i farnu te vek an ni, bialnu pathum belhkhawm chu farnu panga," ka âwmah beng thek thekin min rawn melh chho ang ve ram ram bawk a.


"Awi ka duh e," Jessica-i lo nui dir char char, "lut ru Pute," ka rum nghut.


"A Nu inzai hun tur chu lo buaipui ang che," carah ṭhut lut tir ka tuma ka nghawngah a lo uai ṭau.


"Ka nu maw? Sawi ve suh, natna a kai palh ang, a dam lo sa a nia."

"Tehchhen a che, ṭap miah suh," a men zui puau chu a vin hluk.


Meng kawkin, "ka ṭap mai mai lo. I Nu-in ka mittui a hip kang vek," a uar em em zui bawk a. Ka inrin hmain ka nui ta huk mai.

"Nangmahin ṭhu rawh," ka malhah ṭhu in ka nghawngah a kut a suih zawm ran, ka nghawng zawnah a thaw lum ham ham bawk. He hmeichhe naupang hian ka mipatna a kaih thawh vaih chuan a inchhir tur ber a ni tih a inhre lo em maw ni?


"Ka peih lo."


"Naupang ini tawh lo a ni lo'm ni?"


"Ka mawngin i ṭhu mi? I va ṭawngthei ve," teh zek a.


Malika nen chuan ka nui ta huk huk ringawt a, Ramdinsangi, hmeichhe thutak ve thei tak kha hetiang mizia a nei ang tih rin ngaihna ka hre hauh lo.


"Ka mut a chhuak..." Ti zui siap siap chuan ka âwmah beiin a thaw zui sek sek a. Ka lo thaw chhuak hulh, ka hnuai lam lah chu hun lo takah a rawn tho ṭual ṭual bawk a!!!


"Min hrem tih hre rawh," ka ti chhuak hawk.


"I ngaihdan i siamfel vat loh chuan love rival i nei tak tak dawn a nia kha," ka lo rum nghut thung.


He hmeichhia hian ngaihzawng a nei emaw mipa hnaihtu a nei a nih ngat chuan Mizoram mipui hriat turin ka ta a nih thu ka sawi duh ngei ang!!!!


"Che na lutuk lo la," car aṭanga ka nupui muhil ka pawm chhuak chu Malika'n min fiam zui zauh, hmeichhe rui ka khawih ngai hauh lo tih a hre chiang ber.


"Engti zia nge kha?"


"A rui elo?"


"Tumah hrilh suh ang che," ti supin inchung lam ka pan pui nghal pawk pawk a.

"Min thlah rawh..." Room chhung kan thlen rualin a tal leh phat.


A muhil der roh em maw ni.


Khumah chuan ka nghat a. Ka nghawnga a kuahbeh tlat avangin a chungah ka bawk zat a, delh hlau tak chuan ka innem khalh vat a.

"Ramdinsang......." ka aw teh hrep chu'h!!!!

A kut phelh sakin a sirah chuan ka let zui awk a, min rawn nek zui ṭalh ṭalh.


"Ram....Ramdinsang...." Keimah ang lo takin, ka ko bah nak, ka thaw chhuak hawk bawk, he naupang zurui hian ka lungphu zuhan tirang fo a maw le.

"Tisuh, tisuh......" Ka tih mêk laiin ka lama rawn in let thakin, ka mipatna khawng ṭha tak mai, kawngtluana ka lo thunun tawh chu a malmum leh nalh tak maiin a rawn delh awk a.


Hmeichhe zakzum ansawi ang maiin patling pui ka ipchawih mai, ka thaw ka hip let kawk bawk!


"Rammuanawm....." Nui vur vurin ka chungah a inham kâi zui a, thaw chhuak hawkin, "hreptak che hian!!!" Ti hluk chuan ka lehthal ṭhuai.

A zu effects avanga mitmeng phelh Phang, khap bân chap chap, meng please lutuk leh hmaisen tâi hlar mai, hmuisen vàm hlar mai chuan ka dang a ti ro halh a, mit chhing sawkin, "awm ṭha rawh," ka ti ro zui hulh.



A inchhirna tur engmah tihpui ka duh hauh lo!!!



"Hmeichhia angin min en chuang lo ," tih leh ka inrin hmaa min kuai kunin min fawp nghal ngawng ngawng reuh a, inla hrangin ka thaw chhuak hawk!


"Min en rawh," a biang tawn tawnah ka chelh.


"Tunge ka nih?"

"Rammuanawma.... Bialnu pathum leh nupui pakhat nei," a nui vur vur, ka thaw ri hraih.

"Bialnu ka nei hauh lo."


"Oh! Farnu panga..."


A khabe chelhin ka chawi kang salh a, "'mei alh nen i infiam tih hria ang che," ti chhuak hawlh chuan ka fawp zui nghal bawrh bawrh, a inchhir dawn a ni tih ka hria mah se mipa insum thei tak ka ni lo tih a hre tel ve tur a ni!!!!


A cho chhuah a ni tlat. Khang thla tam tak chhung khan khawih lo leh he a taksa en lo tura ka insum nasat zia a hre tawp nang!!!

Hmeltha ho ads khu lo click ve ru aw, click dan thiam lo chuan comment lamah kan sawi dawn nia


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:51 pm

[ LOVE AFTER MARRIAGE.]

BY

Floria Laldansangi

Chapter < 14 >


Ramdinsangi...POV



Ka lu nâ mai ni lo, ka taksa na sil ṭhûm leh ka kawngah thil rit takin min delhbeh avangin ka meng riai riai a, ka dang lah chu a ro nasa mai bawk si. Nizanah thlalerah ka vak em maw ni le?


Ka bulah thaw ri sûk sûk mai chu en in ka thaw chhuak hawk.

"Lalpa kei hi!!!!"


Mit ka chhing leh sawk a, nizana kan awmdan chu screen lian taka lang ang maiin a rawn lang zut zut a, ka thlanfim a rawn bawl zui ṭiam ṭiam bawk


"Ka â a nih hi... Maw??? 'Ka inchhir lo ang maw' Ramdinsang, i khawvel a tawp, i khawvel..." Inhau ru mawlh mawlh leh zahna avang a khur lek lek chuan a bân lian zet chu ka dahsawn dem dem a.


Dim thei ang bera khum aṭanga chhukin, ka taksa nâ avangin ka ṭhen sak. Ka kap lah chu'h a bal dawn hial emaw tih mai turin a na tel lehnghal!


Ka ding ngila ka thaw zui kawk bawk, ka mutna lam ka hawi leh, ka ip zui leh chawih a, ka mittui a rawn hnam sawk. Ka thianghlim tawh lo tih ka hriat a, ka hmuh chuan ka inhaw hluah hluah. He ramhuai pa tán erawh engmah a ni âwm der mai si lova!



A taksa lang thei chin, a bân leh a âwm chu ka hamna ni ngei tur a ni, a rang ruau bawk nen, ka bek sam tawn tawna ṭhambet chuan, "ka zahawmna ka hlohfai vek," ka hrat tur tawk lekin ka ti chhuak hap bawk a.


A nih tur ang a ni vek tawh, tih theih ka nei tawh lo. Mahse, ka chhungrilah erawh chuti tehluaa inchhirna ang a awm miah lo chu mak ka ti ru viau tho a, ka thawk erawh a pik reng thung.



Mitchhing vang vangin boruak chu zawitein ka hip vang vang a, thaw chhuak leh ham hamin chhuata ka thawmhnaw tla darh niaih mai chu dim tete a chhar khawmin, ka panty ka lak kân lai chuan ka ner zui nawk. Ka zak thar leh ṭhin chu ka sa leh pup ṭhin bawk a.



Khuma tui taka muhil palian tak mai, ka hamna ni âwm tak a hmai tlema pilh te leh taksa dang, lang thei chin pawh pilh deuh phung chunga muhil tih harh hläu tak chuan bathroom lam ka pan dên dên a.


"Khawnge kal i tum..."


"LALPA!!!!!" Ka phu nasa lutuk chu ka thlarau a thlawk chhuak hman hialin ka hria!


"Thâwm te neita che," ka lung phu zui dawt dawt chu, ka thawmhnaw ho nen chuan ka dawm bet a. Ka sawi zawh rualin keimah zawk thâwm neih hläu ka ni tih ka inhre chhuak. A pawi tawp lo, ka sawi zo vek tawh.


Thatchhe zet hian a rawn meng a, ka hmel a hmuh rualin a nuih a za tih hriat takin a ha var nalh zet mai lang chuan a nui zui a, a hmui hnuailam seh zauhin khum lu lamah tawlh chho chuan a bân khan zui zatin, hahdam hmel zeta mu in min en run bawk a.



Saruak ngal ngatin ka ka awm a ni tih chawpchilhin ka hre chhuak nghal, rang mangkheng a ka kap zawn leh ka hnute ka hup zui nghal ṭai nâ-in, ka hup bo lo ve nasa bawk si, "Rammuanawm, i hur, i mit chhing rawh," a nui ri huk a.


A mit ti zîm sulh hian, "ka hmuh vek tawh a nih kha," ti duh lek chuan a la nui reng.


"Chhing rawh.." Ka tih leh hlar takah chuan, thuawih tak chuan a chhing ve mai bawk.


Ka thawmhnaw ho hak ka tum laiin, "eng nge ang i tih? Ka chetdan te?" A nui ruh ruh, min tihlaih a tum tih ka hre reng. Ka lai âwm bik lo êm mai.


"A pangai, a ṭha, a lian thaw khat, ka kham khawp," ka sawi zawh meuh chuan ka thaw zui kawk. Ka sawitum pawh an ni lo, ka lei hi ka duh aiin a nalh lutuk mah mah.


Za zet hian a rawn nui chhuak huk huk a, "nui...." Ka ti hman ṭawk, rawn tho vutin, a saruak zahpui lek lo chuan ka hmaah a ding luah a nih chu'h!


Rang lutuk hian ka mit ka chhing a, "min rawn hnaih miah suh," ka ti nghal chul bawk a, hlauhna ni âwm takin min tuam nghal chu ka duh viau lo bawk.


Min rawn hnaih zel a ni tih lah chu ka taksa ruak vek, khuhtu awm miah lo hian a hre hneh rapthlak mai bawk si a.



Mangang ru zet chuan, "Rammuanawm... Min hnaih.... Eng nge itih?" Ka meng kawk a, "min dahthla rawh," ka rak zui chul bawk. Mahse, tlak hlaua kuahbet ṭau tu ka ni ang leh lawi a!


"Inbual i tum a ni lo'm ni?"

"Keimahin ka inbual thei, mindah thla rawh," nui nghawr dawt hian, "ka thlah.." A kut laksawn a tum a nih chu!!

"Ka tla dâwn a sin," ka ti leh chul ang lawi si a.

Nui hawk hawkin bathroom lam min pan pui pawk a, "keimahin ka inbual thei aw, min nghat tawh teh," a ke in kawngka chu a tlawh khar zat bawk.



Nuihza insum tak hian a la ngawi tlat a, shower lam min panpui tak tak hnu phei chuan ka chiai titih tawh.


"Rammuanawm... Ni lo, Doctor, min dahthla teh, ka inbual ve thei reng. Kut ke kim ka nei," ka mang a ang ṭan tawh takzet.


"Ka hria alawm," ti duh lek chuan shower chu a herh haw a, ka rak leh ṭhat.


Chhuata min nghah rualin, ka hmai tuai puat puat chuan, "chhuak tawh rawh," ka nam zui. A che eih lo hrim hrim.


Ka dak chho vah a, a chhip aṭanga tui rawn luang leh a nuihza hmel, mitmu dup fiah tak mai lang hahdam lutuk chuan ka lungphu a tirang zual nghal pawp pawp thei.



"Chhuak turin min duh chiah a maw?"


"Duh...." Ka heh chu a heh nen a rawn chilh hmiah a, ka heh chauh ni lo, ka lungphu leh thisen kal lai thleng hian an chawl nghal dûkin, a reh nghal tlawk tlawk bawk.

A kut lehlamin, ka kawr ka la pawmbeh ṭau chu pawt thla sawkin hnunglamah a theh chhuak zui a.


Ka kawngah a bân hrawl tak chu rawlhin alamah min pawt hnai hrut bawk. A lei, fawh nuam tawk lek a thap, hrawl takin ka hmui a nawr kau a, ka ka chhung a rawn thlen meuh chuan ka indan ve na te chu háwl darh vek ang mai an ni.


Dingdi hlip ak ak chuan a nghawngah ka kut ka suih zawm a, ka thiam ang angin ka fawp let ve tán tán bawk. Amah aia duh thawh leh thaw rangin, ka thaw chhuak dar dar bawk a.


Rammuanawma'n ka khel tawn tawnah chelhin min pawm kang nawlh, ka tihtur hre takin a kawngah ka lo kherh zui ve zat bawk.


Ka mawng, a mipatna in arawn do nghal atna te chuan ka kawchhung a ti mur sung sungin, a ti za nghal mer mer thei.


Ka nghawngah fawpin ka âwmah a fawp thla a, pên hma hretin, bangah min nawr bet chuan, taksa zâ leh châkna insâwng khawm avangin ka eu ngawng ngawng a, ka tukkhumin bang ka nawr zui ngar ngar bawk!!



Hetiang tak hian ka taksa, ka thinlung hian mipa a mamawh ang tih ka ringpha ngai lo, mumangah pawh ka man ngai loh a ni.

Tuna ka duh ber erawh, duh thawh taka min fawptu nen hian kumkhuaa hetia awm leh a mipatna ka chhungah dah lut se tih chiah a ni ka ngaihtuahnaah awm ni.


Tin, ka kâ aṭang ngei hian tu mipa hnehah mah ka mamawh thu sawiin, ka ngen ang tih ka suangtuah pha ngai lo bawk.

Kan pahnih khawvel, nupa kar chauha thleng ṭhin, inremna hmanga ka pasal lo nita nena kan lei vanram siamah chu âm tak leh a lehpek tur awm tawh lo ang maia chimlem awm lo chuan kan chêndun a.


Vawi tam tak Angel tena an fan ve ngai loh lei vanram, tui haw ri leh kan kâ aṭanga chhuak nuam ti ri, kan hming chawl lova inlam dun bak hriat tur reng reng awm loh naah chuan kan lêng dun delh delh a.


Vawitam a vawrtawp kan thlen dun hnuah chuan shower hnuaiah ka ding khur dar dar a, vawh ka tih vang a ni hauh lo, hmangaihna kan siam dun a, kan chendun zawh deuh chiah vang a ni zawk.

"Shampoo vek em ni?" A en kual a.

Ka mitmeng pawh la pangai zàn thei lovin, "a sendang kha," ka ti chhuak sep, "inbual rawh, keimahin..."

"Lo che suh," a lo ti leh takah chuan ka ngawi zui ta hmak, ka dawh leh hle hle ta mai, nupui chu dawhtu ni mai zel ila a fuh ber.

Shampoo nen ka sam dumsei hniang mai min suk sakin, sahbawn min hnawih bawk a. Minchul kual vêl lai chuan ka taksa hi electric shock ang maiin ka ṭek chuai chuai lo chauh!

Amah tak pawh a mipatna a tho lehnghal at tawh tih ka hmu reng bawk. A insum nasat zia lah chu a thisen zam lang ṭhuah ah leh thaw leh hawk thinah chuan a hriat hluah hluah.


Kan inbual zawh rualin, tui a herh tawp a, "lo che suh ang che," a ti leh sup chu lo melh chho ranin, "thu minpe reng ṭhin suh," khur deuh beuh beuha ka lo ti hlak chu a nui huk a, "ok..ok...towel ka rawn la ang," a la nui reng.


Ka sawidik reng alawm, thu hi minpe reng a, pangai deuh te hian sawi ve mai se.

Towel var thianghlim tak chu vengin, pakhat a rawn keng bawk a, towel nena mintuam zui hlûn chuan zo zetin min pawm kang nawlh a, bathroom chu min chhuahpui zui pawk pawk bawk.


Ka sam a hruk hul lai chuan mit khap fak fakin ka pasal dul, thau chhia reng reng awm lo, a Vline nalh tak te chu ka en kiau a, a hruk zawh ruala melh chho ralhin, "tinge tia i awm?" Ka zawt lo thei lo.


"Engtin nge ka awm?"


"Ka chungah i ṭha thut a," a mak ve êm alawm, tu in nge naute ang maiin min cheibawl ang tih ring ang ni.

Nge ni a, Sex ka hmanpui vang zawk?

"Sex vang em ni?" Ka ti zawm leh sep, ka ngaihtuahna ringawtin min han chhun deuh sak bawk a.


Lo thaw ri hraihin, "a ni hauh lo," a ti bul hluk, ka ngaihdan chu a duh lo hle tih a hriat.


Min tuamna towel chu ka phelh a, "sex ka hmanpui vang che a ka chunga ṭhat chhuah inih chuan, a ṭulna a awm lo tih sawi ka tum mai chuah a nia. Puitling ve ve kanni tawh a, kan duhdan leh châk zawng kan ti a ni mai," nuam ti viau mah ila, keimah zawk chu ka ngaih a ṭhat theih miau loh avangin ka tlak ta duah mai.


"I hmuh dan em ni?" A aw bulh danah a läwm lo leh tawh tih ka hrethei mah se ka haider ve tlat thung. Thil ṭhenkhat hi cbu haider ve a ngai tih he inchhung aṭang hian ka zir chhuak ve tlat tawh.


"Ka hmuh dan ni lovin, thil nihdan diktak a nih chu, hmangaihna a tel lo tih kan hre ve ve alawm," pangai tak hian ka ti chhuak leh chu, a lo thaw ri chhur chhur a, ka lamah a rawn pên hnai hrut chu ka lo tawlh hnung ve vat. Min khawih phei chu ka ring ta miah chuang law.



Min en run runin thinrim insum tih hriat taka inher vutin Closet lam chu a pan vut a, nam ri khapin a hawng zui rawk bawk.


"Thawmhnaw ha rawh, i hritlang ang," a aw ah pawh a lungawi lovin, a inthunun hle a ni tih a hriat theih.



A mizia hi a thlak tak tak nge ni a, U Hnemi sawi ang khan a mize diktak a tilang zawk pawh ka hrethiam lo, nidang ang chu nise min en khur khur ang a, minthin leh hrep ka ring a nia. Mahse, chutiang engmah tih tumna lah a nei lo.


Thawmhnaw chu a in thawlh mawlh mawlh a, ngawi rengin keipawhin bedsheet chu hlipin ka che vel chu min rawn en zui reng a ni tih ka taksa za mer merah hian ka hre thei. Mahse, pangai thei ang bera lan ka tum thung, zak emaw zâm ang emaw, ka danglam ṭhin a ni tih lantir leh hriat tir ka tum lo hrim hrim.


"Hnemi te tih tir mai rawh," bedsheet ka pawt ṭauh ṭauh chu a nuih a za a niang, a aw ah thinrimna emaw lungawi lohna emaw pawh hriat tur a awm leh tawh miah lo.


Ka en zawk a, a lo kuangkuah ang hlûn zui.

"Keimahin ka tifai thei. Midang tihfai chi pawh a nih loh hi," kan thiltihna hnuhma thisen kai val kulh chuan minti lai leh ringawt tawh. Ka thlanfim a rawn bawl leh ṭiam ṭiamin ka hria.


Bedsheet pawh chu tukin a taka pawh(pawt) anhar viau chu le!


Nui ruh ruh chung hian khum a rawn pan hnai a, Mattress rit zet chu zo zeta chawi nulhin, "puih i ngaih chuan sawi mai ṭhin la," a aw ah nuihza ri tel mah se luhlul mintih hmel hle thung.


Tukin atakah pawh a harsa mai mai, nidangah tiang a ni ngai lo.


"Zing thingpui i in dâwn lo em ni," bedsheet tawmtel chuan ka en zawk.


"Lo zu chhuk rawh hna tlem ka nei," pangai tak chuan a ti ve leh mai. Kan awmdan leh inbiak dan chu nupa pangai tak te pawh kan ang ve rum rum. Chutih rualin alakah beisei ka neih tawh lohnan ka thinlung ka inhrilh mawlh mawlh bawk.


Hmangaihna kan chendun a, ka duhthlanna ngeiin, nupa kan nihna zawnah kan hmang a ni mai. Tin, hei bak a thleng nawn ka beisei lo ang bawkin, ka inphal ral tawh lohnan ka intih paukhauh a ngai hle bawk!

He mihring taksa hian min hnaih hlek a, ka taksa in ka thinlung leh ngaihtuahnaah a phatsan fo hi thunun dan ka la zir fe chu a ngai a ni.


"Lu nâ te i nei em?" U Hnemi'n min fiampah tih hriat takin tuilum min lo pe a.


Thaw lui halh chuan, "thlalerah ka vak emaw ka tia. Nizan engtin nge ka rawn haw?" Ka ti zeta Rammuanawma'n min hruai haw tih ka hre leh hnuhnawh.


"I rawn kek haw bawrh bawrh lo kha mak ka ti lutuk a," phone ka hmeh mawlh mawlh laia a rawn tih chuan ka mitthla ah vawikhat kha chu ka kek deuh awrh tih ka hmu a, ka nui thut.


Za zetin ka nui chhuak ta khek khek, "ngaihzawng pathum leh nupui pakhat nei," ka tih te chu ka hre chhuak zui zat zat bawk a. Sawisual ka neih phei chu ka hre chuang law.


"Hmmmm....eng thilpawi nge maw inpa chungah chuan itih ni?" A nui ve vur vur tho.


"Ramdin," ka hawi vat, ka lama rawn pên pawk pawkin, "damdawi hi ei rawh," ka hmaah damdawi a rawn dah chu en chho heu in, "nge ka ei ngawt ang?" Ka lo ti hlar.


Rai lohna damdawi minpek te hi a tum a ni lo maw?


"Ei mai rawh," sawiduah a peih lo tih hriat tak hian a ti leh sup a, tui chu, ka hmaa no ah a thli chhuak zat.


Chuti taka ka rai hläu si te chu mintih loh tawp tur alawm!

Thinrim zet chuan ka ei ta hmawk tho a.

"I lawm em? Ka rai ring suh, i fapai ka tumna chhete pawhin ka nei bik lo," thinrim zet chuan ka ti chhuak tán tán. Chuti teh thawt thawt min ei tir ni!


"Nachhawkna a nih kha..." A nui zui suk. Ka meng bial nghal kawk mai.

Za zetin U Hnemi a rawn nui chhuak zui awr awr a, ka lai leh hnuhnawh leh ṭawngkam avanga inchhir sa zui hat hatin, Rammuanawma chu ka melh ta vak a, "Nachhawkna hi ei rawh," te tih ve âwm mawl lutuk mai. Amah vang thilni lo lo ka sawi phah!


"U Rammuan, thingpui i duh ve dâwn em?" U Hnemi a la nui reng, ka hmel a hmuh leh a za tulh tulh emaw tih mai tur a ni zawk.


Nuihza hmel pu vur chunga ka bulah rawn ṭhu thla in, "black coffee ka lo duh zawk ang e. Nizanah zawhtein min ham nasa lutuk a," a nui zui ruh ruh, "Rammuanawma...." Ring lutuk si lo hian ka lo ti bak hlâk chu ka ṭhutna chair chelhin a lamah min pawt ri hnai ruk a, "a bengchheng midang an la mu," ka melh vak.


Ka zah pawh a la reh lo. Ani lah chu nuihza insumin a hmui hnuailam a pet leh zauh ṭhin. A hmelṭha takah hian ben deuh sawk a nia ka dhh tak tak, a ṭawngkam neihbulh lutuk vang vek!


"Thawh a hun tawh," a ti hluk a, ka hmaah a laptop rawn ken thlak chu dahin, "i nu damdawi record a nih kha, en la zawh duh i neih chuan min zawt dâwn nia," ti sup supin, U Hnemi coffee rawn dah chu a ban zui a.

Pu Kamlova rawn lut ve in, "Dinte, i nu a zai theih tawh chuan a ranglama zai mai chi loh maw?" Pu Kamlova chu ka en chho haw mai.



"Eng nge i sawi awmzia? Nimin zing ah pawh ka Pa-in engmah a sawi si lova," ka lo ti chhuak haw mai. Ka hre lo tak tak, engmah ansawi bawk si lo nen.


Chutia ka nu zai hun tur sawi takah chuan nizan khan Rammuanawma'n, Jessica-i bulah "a nu zai hun tur' tia a sawi kha ka mumang a ni lo tihna a ni maw?


"I hria em?"

"I Nu record kha en phawt rawh," awlsam deuha min chhan dan chu ka lawm hauh lo, thih leh dam inkar a ni tih hrechiang bertu tur a ni bawk.


"I hria a nih chuan min hrilh tur alawm. Tin, an fanu ka la dam a, ka la thaw ve ṭawk ṭawk bawk, mi dangin a zai hun tur an ruat chhan tur a awm miah lo," ka sa nghal pup pup.


Min chhan a tum leh tawh lo tih hriat tak hian a ngawi leh ngul tawh a, kei lah ka thinrim tulh tulh bawk si.


"I pa khan hrilh hriat che a ṭul a ti vak lo niin alang, i rilru tih hah a hläu te pawh a ni ang," Pu Kamlova'n a lo ti ta churh churh a.


Rammuanawma erawhin awm ve lo ang maiin min ngai leh tawh thung!



"Ka en thiam lo," a laptop chu ka nawr sawn deuh sawk a, "an zai dawn hunah keipawh Guwahati ah chhuk ka duh, ka pa chauha awmtir ka duh lo," Rammuanawma chu ka hrilh pawh niin alang lo. A tihdan ṭhinin ka duhdan ka sawi ve a ni mai.



A ngawi tlat a, a coffee lem zo a tho nulhin, "thlatharah i chhuk dâwn nia," an zai hun tur pawh min la hrilh chuang lo. A eng hi maw a hriata a ma thu thua a kal chiam zel ni?


A hnial pawh ka hnial buai peih ta chuang lo, a duh chin bak a sawi leh dawn lo tih ka hre ve reng.


Zing chaw ei lai pawhin Rammuanawma chu room aṭangin a rawn la chhuak leh lo, a hna a thawk ve tak tak te pawh a ni ang.


Keipawh U Gos-an hna kal a ngaih loh thu min hrilh avangin ka chawl fel ve hmiah mai.


U Gos-a ka ngaihtuah chhuah rualin nizana a thusawi kha ka hre chhuak, "hmeichhia angin ka duh che," a ti a nih kha. Läwm viau tur ka ni, mipa chhe lo leh hausa tak maiin hmeichhia ang a min en thu leh duh thu a sawi a nia.

Mahse, ka hlim der lo. Ka chhungrilah hian kim lo a awm zawkin ka hria.

Ngaihzawng pangai nei lo leh mipa ṭhian tih loh, min duhtu ang ka neih loh emaw ngaihsak loh rei tawh vang a ni maithei, lo dawnsawn dan ka thiam lova, chhân mai dan tur pawh hre lovin, "hun minpe rawh," ka ti thla ve rawk a nih kha maw.


Hun inpek awmzia ka hriat chhuah leh meuh chuan, ka lakah beisei ka pe a ni tih ka hre chhuak bawk, khavang kha a nia ka ruih tak chiam ni.


"Dinte..."



"Huh!" Ka hawi â heu.



"Eng nge i ngaihtuah a," Pa Bawla chu a nui vur vur.


Ka hmaah a rawn ṭhu thla a, Nu Mahlimi hmel hi ka la hmu ve miah lo ka thawh hlim aṭangin.


"Karlehah Shillong lamah kan chhuk tawh dawn tih i hria ang chu tiraw?" Ka lu ka lo thing vat. Ka hre lo tak tak.


"I Pu Kamlova hi hruai thlak ka duh si a, khulamah in enkawlna te a ṭha zawk a," min rawn en deuh vung vung, "min biaksak dawn em ni ka ti," a ti zui sup.



"A kal duh lo em ni?" Ka zawhna atthlak zia chu!


A nui a, "nia maw le, enkawlna pangai dawn leh test pangai neih hi a duh miah lo a," a ti leh dap dap, lo bu nghat nghatin, "ka lo be ve chhin dawn nia, ka thu te phei chu a ngaihthlak pawh ka ring chuang lo va," ka ti ve mai. Pu Kamlova luhlul zia chu Rammuanawma ang hlauh hlauh tih ka hria. Fing si, ngeng si ang kha an nia. Tihluih hi an har ṭalh mai a ni.



"Khawiah nge room tihfai tur chu," kawngkhar lam chu kan hawi a, mipa 3 hi an rawn lut a.


"Vanneih..." A hnungbera rawn lut kan ṭhianpa chu ka lo en heu.

Min hmuh pawh mak a ti ve a ni ang, "eng nge hetah itih?" Min rawn pan vat.


"I hmelhriat te em ni annih?" A rawn ti leh. Pa Bawla chuan ka ṭhianpa chu enin, "in i hre ngai em ni Dinte?" A rawn ti vat a.


"Aw, Pa ka ṭhianpa a nih hi, Vanneih, ka pasal Pa. He inneitu hi," Vanneiha mitmu chu a pawt chhuak lo chauh.


"Engtikin..." A ke ah ka rap zui chu a thaw hulh a, "inchungah ka han pui phawt ang a, nakinah minbia ang che," tia a pensawn chu, "tumah hrilh rih suh aw," ka au zui hram.


"I pasal neih hi pawnlam miin an hre viau lo a ni maw?"


"I hriat tho ka ring a, inremna chauh alawm kan inkarah awm. Eng nge maw sawn chhuah a tum le," ti zuia inchunglam ka bih dek dek laiin lemziah, Florence-i lem ho chu anrawn chawithla sup sup a.


Pa Bawla pawh chuan mak a ti deuh a ni ang, inchung lama inherin a chho zui ta hret hret.


"I paih dawn ta em ni?" A tih cbu ka dinna aṭangin ka hre thei. Rammuanawma aw erawh ka hre thei lem lo thung.


"A va mak ve," U Hnemi ka bula rawn ding chu ka lo en haw ringawt a, keipawhin mak ka ti.


"Hmalam pan a tum ve ta a ni ang," a ti leh sep.


"Thil lawmawm tak a nih hi," a ti leh zat, ka chhungril ka sawi thiam lo, lawmna em em ka nei lo ang bawkin, läwm lohna pawh ka nei chuang lo, a paih dawn nge ni a, a ma in teah khan a sawn zawk dawn?


"Hmaih pakhatmah awm lovin hâl ral ang che u," a ti chuan ka lo phu dut dut mai. A chhan phei chu ka hre chuang lova.


Vanneiha te ho in an sawn chhuah vek hnuah ka zui chhuak ve a.


"Engtia tih nge intum?"


"Kan hal ral ang chu. Eng nge pasal i nei tih awmzia kha?," Vanneiha'n min rawn din hnaih, in lam ka hawi a, kawngka bulah Rammuanawma'n ipte zena ding kak run chunga kan lam a rawn hawi avangin, "nakinah kimchangin ka la hrilh dâwn che nia," ka ti ta sep a.


"Nakin' chu engtik nge ni dawn, pasal i nei tih pawh kan hre lo a nia. Ramdin ka läwm lo khawp mai," Vanneiha en in ka thaw halh, "ka dinhmun hian han sawi chhuah vel a ti rem lo ve êm a ni," ka ti chung pawhin a la lawm lo hle tih ka hmu thei mah se hrilhfiah vek turin, Rammuanawma kan lam a rawn pan takah chuan motor-ah a lawn ta vat a.


"I hmelhriat em ni?" A aw teh hmuk chu.


"Ka ṭhianpa a nih kha," pangai taka ti ve maiin ka inher a.


"Mipa hlir em ni ṭhian i neih?" A aw mai mai chu'h!!!


"Ka ṭhiante chu tunge annih i hriat vek kher an ngai em ni?" Tunlai hi ka thinchhiat a zual nge pawh ka inhrethiam bik lo, a aw damdup mei nei si chu pai har ka ti ṭhin. A bikin nizan hmasa aṭangin a awmdan a thlak a, dam dup si hian a ngeiawm em em mai bawk si.


"Ramdin..." A tih laiin gate ah car a rawn tlân lut a, ka sirah a rawn ding ṭha ve leh mai bawk a, a bula hnai taka ka din hian ka të zual rawih rawih ṭhin a ka duh lo, ka lo tawlh sawn hret chu a rum nghut. Engmah phei chu a ti zawm lem thung.


Car aṭangin Ely-i thinrim tih hriat tak hmaisen ṭawn leh mittui tla pur chunga rawn tlân chhuak ti tihin, ka lamah vung tak mai hian a rawn pên hlawk hlawk a.


"Ramdin, inchhungah lut rawh," Nunsanga aw ka hriat rual chuan Ely-i kutin ka biang a thleng tawh.


Ka thle sawk, a thip sâ mai ni lo, ka bing nghal mup mup thei.


"Lalhriatreng..." Rammuanawma aw chu chang fia fia tak a ni.


A ngaihna hre lo zet leh biang thip vung vung nena hawi chhuakin, Nunsanga'n a nupui a kuahbeh chu ka en haw a.


"Eng thil phiangsen nge itih?" Rammuanawma aw chuan hmul thi a ti ding sung sung thei, ip chawih chawih natham a ni bawk.


"Ramdinsang hremhmunah kal rawh...." Ti leh tuarin a rak tuar tuar a.

"Min thlah rawh, min thlah rawh...." A pasalin a kuahbehna aṭang chuan tal chhuah a tum nasa khawp mai.


"I nupui kha thunun rawh, ka farnu a ni tih ka theihnghilh hma hian!" Kha fuk a ti lehin, "khawimaw," a rawn kun hnuam a. Ka biang chu tihnat belh hläu deuha chulin anchhia hi a phuh chhuak zui hluk a, a mitmeng chu a ai nasa in a dur nghal khup khup.


Midang an rawn tlân chhuak zui sap sap.


"Eng thil nge awmzia? Ka hriat thiam theih turin han sawiteh," Ely-i ṭap hluam hluam lam chu ka hawi leh a, ka beng hi a la kiu veng veng.


"Nang nawhchizuar, uire, hmei inih kha!" A au tuar tuar.

Chutah zet zawng mimawl ber pawhin an hrethiam ang. Ka sira ding Rammuanawma chu ka nek ru nghal rak rak a.

"I lei kha veng rawh Ely," Rammuanawma'n zawi si, fiah si a ti deuh chhur chuan ka darah rawn kuahin min inher pui a, a Pu leh A pa hmel chu zawhna hlirin a khat a, thil awmzia hriat tumin an meng phawk hraw bawk.

"I nupui kha tunge a nih i hria em?" Min ten hmel takzet. Thinphu dat datin ka pasal chu ka melh chho zui ralh a, min rawn en chhuk a, ka mitah tak enin 'hahdam rawh' mintihna ni awm tak chuan a khi suk bawk.


A farnu dinna lam chu a hawi deuh a, "Ka hria," min rawn en leh, ka lo la en chho kiau, "i pasal nunhlui i pawm thei lo anih chuan ṭhen rawh," a farnu a tihdan chu nuam ka ti miah lo. Mahse, mak tak maiin ka thlavang hi a hauh ta ziah mai.


"Eng thil nge ni a?" Nu Mahlimi aw a ni, kan inher a.

Ely-i chu ṭap zual sauhin a nu lam chu, naupang ang maiin a pan nghal chawn chawn.


"Inchhungah rawn luh pui rawh u," Pu Kamlova'n a lo ti churh.


Inchhung luh chu hreh taktein ka hre ta tlat mai, ka pasal neih hnuah hetiang taka he inchhung luh ka hreh hi ala awm lo ang, Nunsanga hmel buai nak mai, natnaa khat chu ka en a, ka lainat ru tlat bawk.


Diktak chuan hengte hi keimah vang a ni lo ka ti lo thei tlat lo, sum mamawh viau lo ila. Rammuanawma hi nei lo ni ila, a nun ti em em hian ka tibuai bik lo tur a nia!



Sitting room-ah chuan kan ṭhu ṭhap a. Ely-i erawh a inhnit feih feih reng thung, keipawh ka kut pahnih chu ka malchungah nghet takin ka hum khawm ve bawk a.


"Eng buaina nge i neih Ely han sawi teh," Pu Kamlova'n a rawn ti a.

"Thi rawh," tih melha min rawn melhin, "in mo hi tunge a nih inhria em? Ka pasal ngaihzawng a nih hi?" Kha zet chuan a ti chhuak, ka lo ip chawih zui thei.


"Ngaihzawng hlui," Rammuanawma'n ngaithei lo tih hriat tak hian a lo ti zui hluk.


"A danglam chuang em ni?"Ely-in a rawn ti leh hlar, mittui lah chu angah phian bawk si.


"In ngaizawng satliah pawh an ni lo, kum 5 dâwn lai an inkawp a, hetah school kalpui satliah ang chauhin an awm leh a," a ṭap zui hlap hlap.


Ngawi rengin a ṭap chu ka en ngat ngat ringawt thung, sawitur ka neih miau loh avangin hetia a thinrim thlir bak tih theih nei hek lo le. Midang mitah chuan en pawh ka en ngam lo hrim hrim.


"Hresa lo i ni miah lo," Nunsanga'n a rawn ti ta hluk, mak ti takin ka en vat a.

"Ngaihzawng ka nei tih leh kum tamtak kan inkawp tawh tuh hre chunga min nei ini," a ti leh chhar chhar, a lungawi loh zia a lang chiang hle bawk.


Mit khap fak fakin ka en mawl ngawt ngawt, engkim a hre vek a, hre lo ang maia ka chunga ṭhat chhuahtu chu amah zawk saw maw? Ka ât zia ka hre chhuak uar uar chuan ka nuih a ti za zawk lek lek, min hmusit lo tur an ni miah lo, ka mawl êm a ni.


"Ka nuṭa pa nupui a ni tih i hriat khan engvanga sawi lo nge inih? Ka sawi hun i nghak tih sawi hlek suh. Nge ni a, i bialnu hi i la hmangaih zawk?" A au tuar tuar.


"Theihnghilh miah suh Ely, kan in lama awm duh ngai lo tu leh, in ina awm duhtu chu nangmah i ni. Ramdinsangi chungah engtiang taka nunrawng nge inih i inhre chiang ber," a tawp lam chu a sehchilh rap rap.


A bek a pawng ṭawlh ṭawlh bawk, a chhungte tumah an ṭawng lo, Rammuanawma ngei pawhin a farnu a en ngur tih loh chu ka nei lo ang maiin a chip hmak bawk.



"Nunsang, ka fanu hmaah hian i aw ki kha sän miah suh," Nu Mahlimi'n a rawn ti ṭhat.

Nunsanga mit hnawm chapin rapawm deuh hian a nui hawk a, ding vuta kawng dawmin, "a dik, i fanu, in fanu, in farnu a ni. Engtiklai pawha in fanu a ni. Pasal a neih hnu pawhin ka nupui a ni ngai reng reng lo, in fanu chiah a ni. Nei let rawh u." A aw ah chuan natna leh beidawnna bak hriat tur a awm lo.


"Eng nge i sawi awmzia?" Ely-i chu a rawn ṭah aw leh ṭiau tawh.


"I bialnu hlui thlavang i hauh avangin min ṭhen a, i fa pawh kalsan i pawi sa lo amaw?" A tawp lam chu a au in a au zui zel bawk a.


"Tumah vang ni lovin, nangmah vang zawkin a ni, nupui ka duh, fanu ni lovin. A chiang em? Nupui i la nih theih loh a, i la inpeih loh chuan, fanu nihna kha kawl ṭha rawh. Mahse, keichu ka chau. Ka nupui MO nih peih lo leh, ka nunhlui avanga inhauh pui reng nupui neih hi ka chau," a ring tawh lo, pangai tak hian a sawi leh tawh. Mahse, a chau tak tak tih erawh a hriat thung.



Ely-i chu a ṭap zui leh feih feih a, "Dinte, insawifiah te i tum lo em ni?" Pa Bawla'n dam duam hian a rawn ti a.


Za vak lo hian ka lo nui hak ringawt, Ely-i enin, "insawifiah ka ngaih chhan ka hre lo," a bak ka sawi peih lo, ka nunhlui chu ka nunhlui a ni, insawifiah a, hrilh vek turin ka nunhluiah ka chêng tawh lo.


"Lalhriatreng, ka nupui lakah hian ngaihdam dil ang che," a ṭawng ve dawn ta lo emaw ka tih hnu ah, thupe zet hian a rawn ti chhuak fuk a, kan lo en ṭhap, a farnu en chungin, "engkim i hria a, tichung chuan hre lo ang a awmin, i tir kat a, ka hrethiam. Mahse, ka nupui kut thlak tu erawh ka ngaidam thei lo. Ka farnu ngei pawh," a thaw zui hraih. Rammuanawma ang lo tak maiin, a ṭawng hnem viau mai.

Tin, a farnu nat laia ka thlavang a hauh tlat chu mak ka tih rualin ka thla a muang hliah hliah bawk.

"A phu tawk a nih kha. Tihsual ka nei lo," Ely-in luhlul zetin a rawn ti leh.

"TUNAH..." A aw ki a sängin a khauh leh zual, ka lo phu zuk, chutiang bawkin Ely-i leh Nu Mahlimi pawh an meng phar awn awn nghal!

Lungphu dep dep chuan ka pasal bek pawng ṭawlh ṭawlh chu ka en da da a.

Ely-i pawh chu a hmui a chip ta hmak, nghik pawh a nghik ri ngam ta lo.

Nu Mahlimi pawhin a fapa lungawi lo hmel chu a hlau tih hriat takin a khap fek fek ringawt a. Keipawhin diktak chuan ka hlau reng mah se hlau ang erawhin awm ka tum ngai lo hrim hrim thung.


Thaw ka la kawk a, Ely-i lam hawi a en kalh chuan, "min dil pawh ni la ka ngaidam kher che in ka ring lo, ka hriat theih chhinah kut min thlak hmasa ber tu ini," ka ti tak tak bawk, engti khawp pawhin sual mah ila ka chhungte, ka nu tak ngial pawhin kut vawikhat mah min la thlak ngai lo.

"Engvanga hetiang a awm nge inih ka hre lo; Mahse, hrechhuak chiah ni la emaw, i pasal nen inzawmna la nei emaw ni ila, i awmdan leh ka chungah engpawh ti la, ka pawm ngei ang mah se a ni lo, i hresa vek a, tunge ka nih a, i pasal tan eng nge ka nih tihnen, tichuan ât i chhuahlui a, i beng iti ngawng a, i mit i chhing lui bawk a, ilakah inthiam lohna pakhat mah ka nei lo. Ni lo, nei lo turin min siam zawk a ni," ka sawi zawh rualin ka thaw chhuak ham ham.

Ka thawl hawk dawn emaw ka tih laiin ka thawl chuang der lo, ka pasal tak pawh ni lo, ka pasal lem inchhungah ka nunhlui avanga buaina kan nei chu ka dik famkim bik lo tih ka inhriat vang te pawh a ni ang.

Mahse, ni e, 'mahse' ka ti hrâm dawn, engmah hre lo ang maia lem a chang khan kei misual fanu inthiam lo a, khawngaihna neih tur a chhembo vek tlat a ni.

.
.

Pu Kamlova'n thulai a rem a, Ely-i te nupa pawh Nunsanga te in lama haw tur a tih hnuah keipawh rawng bawl turin chokaah ka lut a, Rammuanawma'n min rawn zui lut ve bawk.

"Ka lawm e," ka lo ti sep, a farnu hmaa ka thlavang a hauh kha ka lawm tak tak, ka thlà a ti muang tih piahlamin a muang takzet.


"Mi lem ang maiin ṭawng suh," a ti hluk, ka lawmthu sawi chu a pawm vak lo em maw ni?


"Ka tih tur alawm, i duh chuan ka thlavang kha i hauh lo thei reng a," ka ti tak tak bawk, kawng lehlam takah chuan a hun taka ka thlavang a lo hauh ṭhin hian mipa fing tak a nih zia a ti lang ṭhin.

"Ramdin, min nawrluih hi ching miah suh. I nunhlui mipa vanga lawmthu i sawi a ngai hek lo," a ti bul nghut nghut, ka nunhlui avanga lawmthu sawi ka ni miah lo. Tin, Lalnunsanga hming a lam a ngai miah lo bawk.


A lam hawi ṭha sauh sauh a, khabe poh vah maia en chho chuan, ka'n thaw chhuak hmasa kawk a, "ka hun kal tawhah ka let thei tawh lo ang bawkin, ka nunhluiah lah ka chêng tawh hek lo, ka nun liamta in elpui reng dawn a nih chuan, ka tûn hun hi inphu bîk lo," ani ang a ka nunhluia ka chen loh zia tihlan nan fiah zet chuan ka ti chhuak fak fak a.


Ka rin loh lam lutukin a rawn nui ta huk, a mitmeng de sawr mai chu ka hrethiam lo, keimah zawk chu ka hawi â ta heu mai.


"Hnemi, Mary-i tir la inchung lo han tifai rawh se," U Hnemi kan hnunga ngawi reng a ding chu a be ta daih lehnghal!


"Ka night shift a nih vangin nangmaha i mut a ngai ang," kan thusawi lai nena inpersan lutuka a ṭawng leh a mize inthlak chu ka ngei lek lek zawk.



Thaw leh kawkin inbeng daih tum chuan ka inhersan ta daih a, ani erawhin nuihza insum hmel takin min ka en zui reng thung.


A eng kha nge maw a hlimpuia a nuihzat ni, ka thusawi nge ka hmel? Ti ila, chutiang lam a mitmeng leh hmelah a lang der bawk si lo. Hepa hi a dam lo a ni hrim hrim!!!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:51 pm

{ LOVE AFTER MARRIAGE.}

By

Floria Laldansangi

Chapter < 15 >




Ely-i te nupa pawh Pu Kamlova tihluihna in, Nunsanga te in lamah an insawn phei ta ngei a.


Pa Bawla te nupa pawh naktip mai hian shillong an pan tawh dâwn bawk.


Pu Kamlova'n zui duh lo rilru viau mah se Mapuia nen keinen kan han sawi takah chuan, lungsi zan lovin zui chu a tum ve ta nge nge a.


"I la mu nange?"


"Ummm, nangzawk i va mu har ve?" U Piana a rawn ṭhu thla ve a, thla mang lai a ni bawk nen vanah arsi a tle tiar mai, zan boruak thiang kak a coffee sa ver vawr in bawk chuan mut a chhuak mawh khawp.



"Zanin chu, i U Hnemi thin a chhe lutuk a ka rawn thawhsan daih. A eng hria ni maw?" A nui zui ruh ruh.


U Piana hi chuan annu hi chu a hmangaih ve chiang alawm, tihian annu a thinrim leh amah hi a inthiar fihlim vat zel a. A fing tlat.


"Shillong-ah i thlah thla dawn em?"


Zo zial chu a ṭan a, "thlah ang, tunlai passenger antam chuang lova. Bakah, Pu Kamlova khan, 'motor nei renga engah nge mi thlawhna ah ka pawisa ka sen ang ni?' A tih churh churh kha," nui ṭhu chungin a si zui deuh vang vang a.



A zial zu tui hmel deuh chu ka en rei deuh nge ni, "I duh ve em?" Ka lu ka thing vat.


"Khawvel hi a chang chuan a harsa ṭhin a nih hi," thutak zet hian a rawn ti chhuak teh hlawl, ka lo nuih sen sen ringawt a.


Ni e, a harsa a ni, mahni dinhmun eng nge a nih pawh i chian ngam tawh loh phei chuan a harsa in, mahni ngaihtuahna pawh kan hlau tlat tawh ṭhin.


"Inpa a rawn haw a nih saw, ka luhsan ang che," a ti leh vut, bu nghatin, "muttui le," ka ti sep bawk a.


Mutthi minti letin an in lam chu a panzui ve ta vut.


Ka ṭhutna aṭanga ka pasal ka lam rawn pan chu en vawng vawngin, a taksa nalh tak mai chu thla eng hnuai pawh ni lo, si-ar eng hnuaiah chauh pawh a la hmuhnawm em em tho.


"Khatiang mitmeng a min thlir reng chuan a takin ka hmuh tir ngei ang che," ka bula a rawn thlen rualin a kiai suk bawk a.


Ka lo thaw chhuak ham ham, tun ni hnih thum hi kan inhau miah lo, nupa nun kan hmang pawh ni si lovin ka bulah erawh a mu ve reng ṭhin.


Min nawrluih a tum ngai hauh lo mah se a thisen lum erawh hnuailam inpeih at ka deh fuh fo avangin ka chiang thei khawp mai.



"Mu tawh tur ini a sin, a tlai tawh hle si a," a rawn ṭhu thla ve ang lawi a



"Biak che ka duh a."

"Eng nge?" Tih en a min entu, cigarette ṭan zui zat chu ka melh kiau bawk.


"Kan awmdan hi a fuh zan lovin ka hria."



"Eng thil nge ni leh tawh Ramdin," a aw teh hluk chu, a eng a mah hma hma a.



"Kan awmdan hi i ngaihtuah ve ngai lo em ni? Nupa ang mai mut dun te hi," ka ti chhuak tlawt. Eng kan ti a ni chuang lo nâ-in, thil dik ber ni pawhin ka hre chuang law.

"Nupa alawm kan nih," a ti bul hluk a.



"Engtin ka ti che pawh ni hlei lo," ka ṭawngkam hman duhdan avanga lungawi lo tih hriat tak hian a ti bul leh nghut a.


"Chutin ka sawi lo, inremna neia inzawmna siam kan nia..." Ka tawp rih dat.

"Min hmangaih i hläu em ni?" A lo ti sup, a nuih ka ring a nia, min en run thung.


"Chutiang a ni lo," ka'n ti leh ngawt a.

Nizan thleng kha chuan kan awmdan, inhau lo leh inti thinrim lova awm, mutdun te chu thil pangaiah ka ngai a, vawiin nileng leh zanin a ka ngaihtuah hnu in thil dik a ni hauh lo tih ka hre chhuak.

"Tleirawl kan ni tawh lo, nangpawhin i thinlung hmun ruak luah khatnan leh mahni intih dam nan chauh min mamawh a ni tih i inhria ang chu," ka thaw chhuak hawk.

A mitah chuan ka sawidik zia langse ka ti mah se a thim ruih ringawt a, ka thusawi pawh chu a ngaihtuah em tih ka hre thei lo.


"Mu tawh rawh a tlai tawh," a tho vut.


"Rammuan...."


"Ka hrethiam..." A rawn ti ta hluk, ka lo phu deuh zuk bawk a.

Inchhung lam pan zui pawk pawk chuan min luhsan ta daih bawk a.


Engtin emaw ka âwm chhung hi a nâ, ka ngaihdan kha a lo dik chiah a ni. Hmeichhe pakhat theihnghilh nan min hmang a ni tih hi.


Za vak lo hian ka nui a, "chantawka lungawi a har ang bawkin, hrilhfiah theih loh natna hian thinlungah sernung a siam ṭhin chu a nih hi," keimah chuan ka phun ta sep sep.

Hetia ka nat chhan ber leh ka thawklak ti harsa tu ber hre lova ka awm a, ka ngaihtuahna thlenga anluah tlat chuan engtik ni ah emaw ser nung ka insiam chawp ka hlau tak tak a ni.


Tin, ani pawhin tuna kan awmdan hi a hrilhfiah thiam bikin ka ring law.


Engtia rei chiah nge ka ṭhut ka hre lo, ka harh chhuah a, inchhung luh a, sana ka en meuh chuan zinglam dar 2 a pel der tawh.

Inchung lam chu en chho vang vangin thaw ka'n la deuh kawk bawk a, keimah zawkin mut dun te kha ka duh lo a, pawnah kha chuan room-ah lo awm lo se tih ka beisei rauh rauh kha a nia, inchhung ka luh a, room pawna ka thlen chhoh meuh chuan ka beisei ngam loh ka beisei ru leh ringawt tawh bawk.


"Room dangah i mu dawn lo em ni?" Ka bula a mut beisei ru leh tho siin, khuma mu chu ka bia a.

Min chhang lo mah se a muhil lo tih erawh ka hria.


"Rammuan, nichina ka thusawi kha i ngaihtuah ve miah lo em ni? Kan awmdan hi kan inremna piahlam a ni tawh a nia," beidawng zet chuan ka ti chhak leh hap.


Diktak chuan inngeih taka awm hi ka duh lo a ni miah lo; Mahse, puitling ṭhankin tawh ve ve kan ni a, insum theih loh leh pawisak loh chin kan la nei ang tih ka hläu êm a ni. Tum loh leh fimkhur loh luatah kan pahnih nun hi kan inchelhbeh sak ang a, nupa dang ang a hmangaihna kan inpek tawn theih leh si loh ka hläu a ni. Ni e, ka hläu ṭan takzet.



"Ramdin, i phalna lovin ka khawih hauh lo ang che," thatchhe zet hian a rawn ti ṭeng churh a, ka din lohna lamah a inlet zui thuk bawk.


Chu thu chu ka ringhlel miah lo, ka inrin ai nasa in ka ring bawk.

Mahse, chuti chung pawhin thildik kanla ti chuang miah lo.

Ni lo, ka hlauthawng a ni, ka ngaihtuahna hi ka hlau a, ka thutiam leh a thu mintiam tir kha ka theihnghilh mai ang a, ka thinlung ka hawng ang tih ka hläu takzet.


Chung hlauhna erawhin, khuma muhil ni âwm taka thaw suk suk mipa saw a tibuai pha ve der si lo.


Eng ang nge mahni ngaihtuahna hlauh awmzia pawh a hrethiam lo tih ka hriatna chuan ka inrintawkna a ti khur nasa zual.


Hetiang hian mi engzât nge awm ve ang a, awm ve an awm kher ang em? Tu emaw kan hnaih tak a mi, hmangaih pawi kan tih miah loh mah se kan hmangaih ngam si loh, taksa inhnaih tak siin, thinlung inveng rana awm ngai ang hi antam kherin ka ring lo.


15mins ve dawn lai Rammuanawma hnunglam, dar pharh ṭha tak chu thlirin ka ding ta reng a, insawn a tum loh êm avangin muangchanga khum lam panin, ka kawrchung, cardigan fual ka hak chu phelhin ka inthawlh ve ta sat sat a, a hawi lohna lam hawiin ka mu ṭha zui zat bawk.


Ka mut fel rual deuh thawa ka lama rawn inlet leh thukin, ka dul nemah a bân a rawn nghat zui zat a, lo ip deuh chawih mai, ka kawchhung a ṭek leh ngahl chuai tawh.


Thaw zui leh dep depin ka ṭawng dâwn tih a hria nge ni, thatchhe zet leh mutchhuak aw tih hriat ngawih ngawihin, "che suh," a ti sup bawk a.

A lamah min hnuk hnai hrut chuan, ka dul nemah tak a kut phah lum ther ther chu nghatin a thaw zui sûk sûk bawk.


A muhil zui nghal emaw tih mai turin a thawk zui mai bakah, a che tawh lo hrim hrim bawk; Mahse, zandang ang bawkin a mipatna khawng tak maiin ka mawng zawnah a rawn do leh ran bawk a, thawk chhuah rin hlau tak chungin ka thaw chhuak ham hamin, ka ṭang leh ṭung tawh bawk!


Kan mut dun vawikhatna a ni miah lo; Mahse, kan mutdun vawikhatna ang maiin ka danglam vat zel leh ka kawngchhung za mer mer zel hi ngaia neih har ka ti ṭhin.


Taksa ṭang ṭungin ka muhil ve leh mai a ni ngei ang, ka harh leh meuh chuan ni a lo sang tawh viau mai. Thawh ka hai nasa chiang a ni.


"Min kaih thawh ve âwm a nia," phun zui niap niapin khum ka thawhsan vat bawk a.


Inhnuai ka chhuk chuan an lo ri deuh nak nak tawh.


"Aw haw! I rawn tho kher duh a," inhnuai ka thlen thlak hma in Pa Bawla'n a lo ti chu a ngaihna hre lo zetin ka en haw a, "keimah maw?" Ka ti let heu bawk.


"Inpa khan i nawm loh thu a sawi a," a tih leh takah chuan ka tho tlai Rammuanawma'n chhuanlam min lo siamsak ni ve ngei tur a ni.


"Aw, ka ṭha tawh e, tukṭhuan in ei phawt dawn a ni lo'm ni?" Pu Kamlova room aṭanga rawn chhuak chu ka lo en vat bawk a.


"Ei dawn e."


"Chaw a ei theih a nia," choka lamah ka phei ve nghal a.


"U Hnem, i lo buai em?" Thawh ka hai nasa lutuk chu ka inthlahrung.



"Buai love, eng nge i an?" Ka nui ta ringawt. Mi zawng zawng bulah ka nawm loh thu a sawi em maw ni?



"Ka ṭha e," tiin chaw ei chu ka siampui zui ve ta mawlh mawlh a, "Dintei chu aw minzui ve mai la ṭha tur," Pu Kamlova'n a rawn lut pahin a rawn ti deuh vung vung.


"A rei lo êm mai a Pu," ka lo nui seih. Nizan aṭangin a shillong chhuk peih lo lutuk a phun neuh neuh reng mai.


"Thla 1 êm pawh i cham dawn em ni?" Ka tih zawm leh.


"A... Ka huan saw ka ngaihtuah alawm," a nui ve tho, a chhuanlam ho ta lutuk chu a nuih a za ve tho a ni ang.


U Hnemi'n, "ka lo enkawl ṭha viau ang," uar deuha a rawn tih chuan, Mary-i nen kan lo nui chhuak khek khek a.


Tukin chu Nu Mahlimi a rawn chhuak ve leh hlawl bawk, "Dinte, i nau te chu in an luah dawn tihna em ni?" Ka nau college a rah ve tawh dawn avangin Aizawlah an rawn chhuk a, ka Ni te bulah an awm ve rih naw naw bawk.


"Ka hre lo e, ka Ni duhdan chuan luah hran loh a nia, keipawhin ka Ni te bulah awm se ka ti. Mipa naupang mai an la ni bawk si."


"Inte ber te chu hetah hruai phei la, heta ṭang school a kal ang a, Hnemi leh Mary an awm tho a, hna i kal pawhin an enkawlpui thei ang chu," Pu Kamlova'n a rawn ti chu Nu Mahlimi'n min rawn en vat.


Chhan ka tum mêk laiin, "Nu..." U Zoi a rawn ṭap lut hliam hliam. Kan chaw ei lai chawlin kan lo en ṭhap a.

"Engti zia nge?"


A rawn in hnit lut feih feih a, a hnungah a fanu te pahnih leh teberin an rawn zui lut ve bawk.


An rawn inhnial lut a ni mah zawk.


"Eng thil nge ni chuah chuah?" Pa Bawla a tho chhuak. Chaw ei zawmna chi ni tawh hek lo chu kan tho zui ve ta sap sap a.



"Tei te unau inhau leh bak va ni suh," Pu Kamlova'n a lo ti hluk, a chaw a la ei malh malh tho. Antui chu dut zo in a kam tep chuap chuapin a tho ṭuah ṭuah a.


U Zoi'n inhnit feih feih chungin, "shillong-ah pakhat zawk zawk hi hruai ve mai rawh u. Ka enkawl thei tawh lo, 5mins pawh an awm dun thei lo a," a tih ṭuak laiin, a fate pahnih thiam chan tumin an lo inhnial zui ve tawn tawn a.


"An mak a nia aw, tisawn an insual reng, hmeichhe fa si," U Hnemi'n a rawn ti su su.



U Zoi fa teber chiah hi ka hmu zing em em a, a fanu te pahnih erawh hi kan inneih leh Christmas bawr vel baka ka hmuh bak ka hmuh leh awm pawh ka hre lo, Pu Kamlova hi annel lo hle tih erawh an biak danah ka hre thung.



"Minzahna i nei bîk hleinem," a naupang zawk Thanthani chuan U Zoi chu a kawk ta sawk sawk mai.

U Hnemi chu phawk fe hian ka en a, ani erawh mak ti ang pawhin a awm lo.

Kum 16 chauh a la ni a, chutia a nu a be ngam chuan min ṭhawng lutuk mah mah.


"Nu te pawhzahna nei lo, i duh leh nangmahin inluah la awm hrang rawh," U Zoi zawk lah fate hmaah ṭap pur mai bawk si.


"Thansiami hi chuan tumah a zah lo, zanah a mu duh lova, a vak kual a, midang mu a ti buai a, chhunah nilengin a mu leh a," a U zawk Tei'n a ti hlak hlak. Ka hriat danin kum chhira piang anni a, han inhauh bawrh bawrh te chu awm lo thei lo, unau nei hrim hrim chu kan ni vek ang chu.


"Ka Mu duh lo a ni lo, ka mu thei lo alawm." A vin kher mai.



"I tum lo ve hrim hrim," an inhnial zui leh.


"Ngawi ve ve rawh u," Pa Bawla'n a rawn ti ṭhat.


"Unau, khum khat pawh ni lo, room khat pawha mu dun thei lo. Nu zahna lah nei bawk si lo, inzak lo'm ni?" Pa Bawla'n midang a hauh ka vawikhat hmuhna a ni hial ang.


"Ânu alawm, engtik lai pawhin min vin a, hman aṭangin a ni ziah, pangai tak pawhin min be ngai lo, thusawi se a vinin a vin a, a duhdan ni lo se kut min thlak leh a, engtik lai pawhin ṭhenawm naupang emaw ka thiante nen min khai khin reng a, tu innge tuar bik ang?" Ṭap zui hliam hliamin a ti hlawk hlawk a.


"Engmah ti thei hek lo che, lehkha lah thiam chuang bawk si lo, i ṭhiante leh ṭhenawm naupang zawng zawngin antheih ang pawh theih pakhatmah i nei lo," U Zoi'n a lo ti zui ve tan tan.


"Zoi pawh thiam lo, Tei te unau pawh thiam lo," Pu Kamlova'n a lo ti churh a.


"Ngawi reng khan ngaithla ang che u ka thusawi tur," Thanthani chuan mittui nen a pu chu a en ran.


"Thansiam, i hnungzang an zai dâwn leh an zai ṭum che khan tunge awmpui che a, zanriah pui che i la hria em?" A bu nghat.


"Tunge he khawvel hmuh tir che? I Nu a ni, indam lohin zan a tlaivar a, enkawl tu che u a ni. i Pa vairamah a awm avangin a enkawl thei lo che u. A nih nichin in inhnial lai khan kut thlak che sela i thlak let dawn em?"



"Nge ka thlak let loh ang, min thlak hmasa alawm," a ti chhuak nghat.


"Enta che u, hau pawh ni ila min hnial let tawn tawn a, min sual let bawk a," U Zoi'n a lo ti hlawk hlawk.


"I Nu kut thlak let turin engthil nge atan tihsak ineih tawh a, i inchawm zo tawh em?" An ngawi ran.


"I inchhunga i chenpui te mah i hmangaih theih loh a, i ngei thei lo a nih chuan khawiah pawh kal rawh, tumah i ngeih dâwn lo. I nu, hringtu che mahin hmangaihna mit nen pawha a enkawl theih loh che leh pawm theih loh chu midang phei chuan engtin nge an hmangaih ang che?" A dik ka ti lutuk tlat. Ka nu pawhin a sawi fo ṭhin chu chu.


"I hmelma hmangaih rawh' tih a ni, nangni thisen zawm, laizawn ngawih ngawih pawh room khata awmdun thei lo ngawt mai, zah pawh in zahpui awm lutuk. In nu leh pa te biak dan lah chuti tho, sai pawh tiat rawh u, kut ke kim lo, mitdel, rualban lo pawh ni rawh se, in nu leh pa te annih chhung chuan in aw ki insan tur a ni lo," Pu Kamlova'n aw dam dup hian a ti churh churh a.


U Hnemi lahin pawmpui tih hriat lutukin dawhkan nawt pah chuan, "a dik lutuk, a dik chiah," bu nghauh nghauh hian a lo ti sap sap. Ka lo nuih ru vur vur ringawt a.


"Zoi, nangpawh i fate i enkawl dan a dik lo ka tih ṭhin kha, naupang chu vin leh hrawk vak vak chuan an chawmawlh, ngaiah an nei. Tunah, vinin, hrawk tuar tuar mahla ngaiah an nei a, an ngaithla dawn lo che. Tin, naupang ṭhanglai an rualpui te nena khaikhin hi ching suh ka ti fo che, i sim thei lo, mahni inrin tawkna an hloh a, mahni ṭha tawk lo leh tling tawk lo intihna te an seilen pui duh. Ka hrilh fo che si a, 'naupang chu a kalna âwm kawngah zirtir ula, a lo upat hun pawhin a thlah lovang' tih a nih kha," Tei te unau an chhuah hnu chuan Pu Kamlova'n, U Zoi pawh chu hau pah siin, thu a hrilh mawlh mawlh a.


"Inhman dâwn tawh em? Kan tlai mai dawn Pu Kam," U Piana a rawn lut a. Chokaa an nu nen, Mary-i nen lai deuha kan ṭhu lam chu a rawn hawi zat.


Kan pathum chuan chhuak ngam tawh hek lo, tihtur kan nei tawh bawk si lo, an chhungkaw inhau chu ngawi rengin chokaah ṭhuin kan lo ngaithla kiau ringawt mai.

Pu Kamlova thusawi kan lo 'Amen' leh sep sep ṭhin. Nuih erawh a za duh viau, kan awmdan en in.



"Kan rei ta viau mai, chhuak turin inpuah chah teh ang u," Pa Bawla'n a rawn ti ta vut a, Nu Mahlimi erawh Pu Kamlova'n a fanu a hauh vang nge kan lo ngaihthlak ve kur vang zawk a lawm hmel viau loh.


Kan ti nak nak a, motor-a an luh dawnah, "Dinte, tu min pek hman lo tum la aw," a rawn ti chu en haw in, "maw?" Ka lo ti chhuak hau.

Nui huk hukin, "in nupaa hun pek tum lo che u ni ila shillong daih daih ka kal peih i ring em ni? Ka ring che a nia," ka darah a beng thuk thuk, a awm ang lo êm mai a.


Laizet a nui lui sen sen chung chuan kan invai liam ta hlawm a, gate an tlân pelh rualin ka thaw chhuak hawk.

Hnara hlit phawi ang mai alawm a nih. Ka tih mah mah em? Ti mah mah pawh ni ila a pawi tawh lo, a thawven thlak ve êm a ni.



Inchhung ka luh rualin ring taka Daduhi zai ka hre nghal zat. U Hnemi'n a lo zaipui hlarh hlarh bawk a. A lam pah bawk maw le.


Nui kur kura chokaa lutin, "nuam i tih hmel hle mai," ka lam a rawn hawi a.


"Awi e!!!! Hnara hlit phawi ang mai alawm a nih," uar zeta tiin a nui zui uar uar bawk, keipawh chu ka nui ve khak khak tho. Ka rilru ang chiah a lo pu ve a nih hi!

Mary-i rawn nui ve vur vurin, "U Dinte, vawiin chu ka haw hma dawn kha aw," ka lo bu vat.


"I duh chuan i haw thei tawh a nia, hna a awm tawh chuang lova," ka lo ti vat bawk a.


"A ngai chuang lo, dar 2 velah a tawk reng," a ti ve leh mai.



"Sam kan henna dawn em ni Dinte?" U Hnemi en vatin, "i nei em ni?" Ka ti leh a.


"Nei e, mah se i sam kha tan tawi hmasa ila, a sei e," ka sam chu ka khawih zauh a, "a pawi miah lo, ka dar chen vela tan pawh," ka lo ti vat a

Ka sam hi a sei bakah a dum viau bawk, ṭhenkhat phei chuan a ngil lutuk te hi ka pawt emaw anti hial ṭhin, ka taksa pengah chuan ka inchhuan ve na pakhat a ni bawk.


"A tawi em em lutuk. Mary, pangpar tui pe lawk ang hmiang, Dinte nang theite kha lo bawl rawh, kan ei dâwn nia, puar pawh ka puar hman lo," a ti zui hlak hlak ka lo bu nghat a. Keipawh ka puar miah lo.


Kawmchar lama pangpar tui pe tura an chhuah hnuah a hla play chu zaipui rat ratin theite, tukina a lei ni ngei tur fresh zet chu ka zai lep pah bawk a.


"Nunhlui liamhnu dâwn kir changin,
Thinlai mu hnu a tho leh ṭhin;
Ngaichung zel ka ṭhen hnu,
Ngaihlai reng ka bâng thei lo?

Ṭangdang belin khiangawi chang mah ila,
Nangpawh zuapa changtawh mahla;
Kan kara biahthu Di zawng,
Nghilh thei hian ka mawi lo'ng nge!

Sakhmel tawn changin thinlai a thar,
I ânka nem minti hlim ṭhintu;
I nunze mawi, ka thinlai luahtu,
Ka tán i hlui thei dâwn lo!!!!!

Daduhi hi Mizo hmeichhe zaithiamah ka duh ber a ni a, a hla pawh hi thiam loh a mang ka nei lo ti ila ka sawi sual lo ang. Lalngengpuii pawh hi duh tak ka ni, thlang dawn ila thlan tur zawk ka hre maiin ka ring law.


"U Dinte, ngaih i nei a i lo'ng maw?" Ka hawi chhuak vat, Ely-i a lo nui säng mai. Ka hla play chu off in ka thiltih ka tih zawm nghal leh mai a.


A nui hmel leh ṭawngkam saw a hmaa Ely-i ang chiah kha a ni, a nelawmin a ngainatawm takzet. Mahse, ka hläu ru riau tawh.

A hma khan Pu Kamlova kha a hlauhawm ka ti ṭhin, a mitmeng fing tak leh tlang lutuk kha. Mahse, Ely-i hi a let tam takin a hlauhawm zawk, a nui hmel leh hmel ngainatawm tak saw a hmanrua a ni tlat si a.


"Ely buaina siam suh," Nunsanga'n ti supin, "anchhuak tawh elo?" A rawn tizui a, ka lo bu nghat ringawt.


"Play leh ta che U Dinte, ngaih neih changa Daduhi aw han hriat te pawh kha a nuam ve dâwn êm a sin," a nui zui ar ar. Mei a nei viau bawk.


Ka thaw halh a, "Ely, i nuṭa pa engthu nge ka hrilh i hria em?" Ka melh ta kalh mai.


Nui säng leh mitmeng pawisawi lo tak chuan min en a, saw saw a nih saw Nunsanga thlemthlu tu chu ni ka ti mai. A hmelṭha tak saw a hmanrua leh phaw diktak a ni.


"Kan nunhluiah kan cheng tawh lo a, kan let thei tawh hek lo. A nunhlui hi min la el a nih chuan tuna i pasal kha i phu lo, ṭhen ngam rawh," dam dapa ka tih chuan a nui hak, ka lo thle ha thung a.


"Ka ṭhen ngam lo ni lovin, a ngam lo zawk alawm."


"Ely, i ṭawngkam fimkhur rawh," Nunsanga'n a lo ti hluk chu a mitmeng a dang zawk, ka hmu hman reng. A pasal chu hläuh chu a hlau ve a ni ang, a ngawi zui ta a.


Ka thiltih chhunzawm san pahin, "nunhluiah let thei ni ila inpa hi ila chang kher ang em?" Ka nui zui, ka sawitum pawh a ni chiah lo. Mahse, ka sawifo ṭhin, fanu fel tak, nula fel leh nunnem tak ka ni ngai lo. Ka nih ngai pawh ka ring hek lo.


Nui hmelpu chunga min beih leh, an aia nui zau vin ka indang ve thei a ni tih ka hmuh tir mai ṭhin.


"I dinhmun, contract nupui mai aṭang chuan min cho chi pawh i ni em ni?"

"Lalhriatreng..." Nunsanga'n a ti hrawk.


"Ka sawi sual em ni? Kum 2 hnua ui ang maia a chhuaklai hmu turin inpeih rawh," a ti let tuar.


Nghet taka ka chem kenlai chu humin, ka thaw kawk a, "he in chhung hi ka duhthu a rawn lut ka ni a, ka chhuak dawn a nih pawhin ka thu ngeiin ka chhuak ang. Chutiang tura enkawl seilen ka ni. Dikna leh chakna ding tura zirtirna pek ka ni bawk. Ṭhenkhat te ang lo takin, lehkha thiam, zirsang, hausa mah se nunchangmawi nei tura zirtirna dawng si lo, ui â ang maia pasalte ngaihzawng hlui leh nuṭa te nupui bauh vak vak tur ni lovin," ka sawi zo chu ka thaw chhuak ham ham.


"RAMDINSANG...." A rak tuar.

Engah mah ngai lo lui chuan ka pensawn san ta daih a, inhnial pui kha ka tum ber pawh a ni lo, ka ngeng chhuntum ngara a ṭawng kha kei misual fanu hian pai daih har ka ti.


A hrim hrimin ngaihzawng hluia la buai reng, min rawn hmangaih leh hluam hluam pawh ni lo, a hman thlak lutuk mai, a fa lo piang tur saw ṭha takin lo hmuak hle hle se a tawk reng. Mahni lo maha ngaihtuah tur ngah nak alaiin.


<><>~>~>

NOTE : Hmelṭha ho, tunkar chu Rinni zan bakah Easter Sunday pawh ka chawl ang aw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:52 pm

{ LOVE AFTER MARRIAGE }

By

Floria Laldansangi


Chapter < 16 >



"Kan Lalhriatrengi te nupa elo?"


Ka lo bu nghat ringawt a, "eng nge anrawn tih dâwn?" A ṭawng hlak hlak danah a lo ngei ve hle a nih dâwn hi ka ti mai.


Nui chungin, "a pa te thlah antum a nih kha," ka lo ti leh mai a.


Ner deuh vak chuan, "thlah duh tak tak nise an chhuah hun tur anhre reng alawm. Pu Kamlova chhuah hun a changa rawn tihbuai che a tum a nih kha," ka lo nui vur vur ringawt a.


"Mahse, U Dinte, i chhandan kha a ṭha reng alawm, a tlawm ve em mai," Mary-in a rawn ti vat. U Hnemi'n kan inhauh dan a lo zawt vat bawk a, pawnah a awm emaw ka tia, a lo hrepha a ni ang, ka ṭawngkam vel chu a sawi zui siam siam a.


"Awi!!! Lalhriatrengi hmel ka van hmu chak tak e aw!" A nui zui uar uar.



"A hmel pawisawi lo deuhah khan nui hmel awmtir luih leh antum vel ang a, nui hleithei dâwn si lo," a nui tak ang uar uar a, lu thing mat mat chuan ka nuih ve ta sun sun tho.


Nilengin kan pathum chuan kan awm a, hmeichhe pathum chauh awm e ti lo chuan kan bengchheng ta phian bawk.


Zanlam erawh Rammuanawma a rawn haw lo tih hriat takin zing ka thawh pawhin ka mutna sir chu a la ruak hiau mai.


"Nizan accident ansawi kha i hre ve em?" Chokaah tui ka in laiin U Hnemi'n a rawn ti lut a. Lu ka lo thin khum ringawt.


Nimin ka sam henna na ka lu na lutukah, zanriah pawh ei mumal lovin ka mu ta daih kha a nia.


"Sairang road ah bus a chesual a ni âwm e. Mitthi pawh a hmunah paruk lai anawm an ti bawk a," a ti leh niah niah.


"A va rapthlak ve maw le," ka lo ti sep a.


Rammuanawma a rawn lut ve chiah bawk a, a mitmeng ah chuan a chauh hmel takzet bawk.


"I ṭha maw?"


"Min rawn zui rawh," ti supin i chunglam chu a pan chho nghal nulh a.

A ngaihna hre lo zet chuan U Hnemi lam ka hawi deuh haw bawk a, "kal rawh," tih melha min lo melhin Rammuanawma chu ka zui ve ta vat bawk.


A pen thui thei bawk a, ka zui chho nghal emaw tih laiin room-ah a lut fel der.



Room kawngkhar ka hawn rualin ka bân rekah lo manin min pawt lut hrawk a, ka rak ṭhat.


"Rammuanawm...." Ka ti chhuak ṭhat, khumah min nawr ṭhu dawt a, ka tîng awk bawk!

"Engthil nge i duh," a kawrchung hak a phelh zui chuan min ti mangang nghal.


Mangang ru zeta thawh tumin, "i â mi?" Ka darah min nem ṭhu leh a, "che suh," a ti sup. A aw dam dup chuan minti hläu tulh tulh.

A kamis var thianghlim zet mai chu a phelh zui mawlh mawlh a, chutah zet zawng ka dinhmun der thawn zia ka hre chiangin ka lungphu a rawn rang zual sauh a, ka thawklak thlengin a buai zui nuaih bawk.



"Rammuan....."


Khumah a boxer nen chuan a rawn lawn kai nulh a, tlân chhuah ka tum laiin min pawt let hrawk, chet rangah zawng ka pha lo nasa a ni.


"Che suh ka tih kha.." Thatchhe zet a tih leh min kuahbet nghal hlu hlu a.


Thin phu zawih zawiha ṭang ṭung chungin, "engthil nge i duh?" Vin vak ka tum nen, ka lungphu nasa lutukin ka lei a thunun a, duh aiin a nem mah mah.


"Min mutpui rawh," naupangin an nu te bulah mutpui an ngên ang mai hi a ni. A lamah min pawt hnai salh bawk a, thawk la kawkin, ka thaw chhuak zui hawk bawk.


Ka lung erawh a la phu rang zaih zaih khawp mai.

"Mutpui rual pawh ini tawh lo Rammuan," thawh tumin ka tal leh phat a, ka dul nêmlaia ṭham salhin a thaw ri hrawih, ka tâl lai ka tawp chiang teh e, min pawt nghet leh sauh sauh a, "ka chau viau a ni Lala, rei lo te chu i che lo thei em?" Min ngen tak tak a ang tawh zawk. A thaw zui leh sûk sûk a, ka sam a tawi tawh avangin ka nghawng hnunglam, sam zar tu awm mang loah chuan a hmui lum thar thar mai chu nghatin, a thawk khum ham ham bawk a.


Chutah zet zawng, tâl sawi loh, thawk pawh ka thaw ṭha ngam tawh hauh lo, thinphu dep dep chuan thaw ru ham hamin ka chil ka lem zui hrâk bawk a.


"Rammuan.." Ka sawi dat dat a, "Rammuanawm...." Min kuahna kut, ka dul nêmlaia a hupbeh tlatna chu dah sawn ka tum ṭhêm ṭhêm laiin ka nghawng a fawp ri chawkin, "mu mai mai rawh," ti sup chuan zo lutuka min pawmkang titih chuan mim inleh pui thawk a nih chu!

Naute, pa-in zo tawka a inher pui nawlh ang mai hi ka niin ka inhria. Rak pawh ka rak hman lo hrim hrim.



"I â mi? Nangmah khan inher mai ta che," rem deuha min mutpui leh rual chuan ka'n ti zui hlak hlak a, thatchhe deuhin a nui nghawr dat duh lek lehnghal!!!


"Rammuan, ka ril a ṭam a nia, nizan chaw ka ei mumal lova," ka thlem pah titih tawh.


"Ka hria, i lu a nâ tih." Engtin nge maw a hriat ni? Ka nghawk leh zauh ṭhin, min thlah a la tum loh êm avangin tal chhuah emaw min thlah tura tih ka tum buai ta bîk lova.


Min kuahbeh tlat avanga tal chhuak thei hek lo chu ka lo muhil ve leh daih a ni ngei ang, ka hnar, hmui lum ther therin a deh rual a, ka hmai tlâng za zui mer mer leh, nui ej suk suk ri ka hriat chuan ka meng zui diar diar a.



Tukverh aṭanga êng rawn lutin a hmelṭha tak a kah ên phêt mai chuan tawnmang lam emaw min la tih tir hial dâwn mai! Chutiang tur ang hial a ngai tur chuan a lang ṭha leh zual tlat a tin ni.



"I sam hi engvanga tan nge inih?" Harh chiang miah lo pawhin a aw ki hniam leh thuk ruihah chuan a lawm lo ri ri tel chu ka hre thei.


"Dar engzah nge?" Ka mu zangthal a.


"Tlai dar 2."


"Maw??" Ka ṭhu chhuak hlawl, ka sam ka chul mam sawk sawk bawk a.


"Eng nga tinge min kaih thawh loh a," kan dem nghal ngawt bawk a.

Mit ti zîm sata min en tu chu ka melh zawk, thawh tuma ka che leh chu, ka bânah min lo chelh lehin ka hawi leh a.


"Engvanga i sam kha tan tawi nge inih?" Niminah khan ka sam ngil dum ṭha tak kha ka dar vaw tawk leka tawiin ka tan ta daih kha a nia.



Ka sam chu ka melh zauh a, "a rit alawm," tih leh min vawnna phelh ka tum chu a lamah min pawt salh a, hnai kekawk ah chuan ka âwn thla awk, ka hnar a indai lo chauh bawk.



"A sei kha ka duh," teh ngawt a, ka sam alawm.



"Min thlah teh, ka ril a ṭam."



"Ka sawi chu i hria em?" A ai hnaiin a rawn tawlh leh hrut. Ka lungphu hrep chu leh!


"Duh mah la tih theih ka nei tawh hleinem, ka zawm thei tawh pawh ni lo. Engtin......" Ka rak zui ṭhat. Min fawh nawk nawk rualin ka hmui hnuailam a seh a nih chu!



"Rammuanawm..." A inlak hran rualin, ṭeng zetin ka ti chhuak ṭhat a, ka kâ chhung a rawn al zui puat bawk.


Hnar min tum khum dutin, "ka thu lova i sam itan vanga hremna a nih kha," ti bul hlukin, a tho zui nulh bawk.

Ngei lutuka melh zui vaka ka hmui thi ser ser leh thip veng veng la khawih reng chungin, "ka lu, ka sam ka thu thu," ti hlawk hlawk chuan titau titih hian khum ka thawhsan zui nghawng nghawng a.



Zing lamah pawh engmah a sawi lo. Bakah, zing chaw ei lo leh thingpui pawh in lovin ka mutpui a, ka hmui a la ti pem zui, sual rapthlak lutuk mai!!!!


Room ka chhuahsan dawna a nui ri huk ri leh, "duhawm lutuk," a ti nge mawni a sawi chu ka hre vuai hman.


"U Hnem... Mary....." Khawnge maw an kal ve ve le.


"U Hnem....."


"Au au duh suh, chawlh ka pe a nih kha," inchung lam aṭangin Rammuanawma intha zo zet hian a a rawn chhuk thauh thauh a.


"Ei tur i duh em?" Ka hawisan zui deuh hmak chu a lo nui ri suk.


"I duh zawk em?" Chokaah min rawn zui lut a.


Gas awmna lam ka pan tur chu ka darah rawn chelhin, "ṭhu rawh, ka rawn siam ang che," tih leh chair pawt chhuakin min nem ṭhu dat chu phawk fe hian ka en chho haw mai.



"Eng nge i ei duh?" Pa-in fanu a duh zawng a zawt ang mai hian min zawt a, ka hmaah rawn kûn hniam deuh chuan min en zui kulh bawk.


Ka thaw lo hip let kawkin, "i â em ni?" Tih melh a ka melh chu, mawi leh hahdam tak hian min kiai khum suk a, ka chip sama tawk zauhin, "spaghetti ka siam sak dâwn che nia," a ding ngil a, "aglio alio em niang?" Min rawn en leh chhan nachang pawh ka la hre chuang lo.

T-shirt var thianghlim zet leh cotton kekawr bul dum haa chokaa che zui rek rek mipa taksa lian leh sek, inkhai fithla zarh mai chu mit khap fak fakin ka en he haw ringawt a.


"Khatia min en reng chuan spaghetti ni lovin, keimah zawk hian ka ei duh mai ang che," nuihza aw deuha rawn tih lehin a nui zui huk chu rang deuh taka hawisawnin, "ei siam te i thiam ve em ni?" Lai ni duh si lo, lai ru deuh chuan ka ti lui nghat a.



Nui huk huk hian, "thiam loh i nei em?' Tih zawhna ni zawk âwm a ni," ka lam a rawn hawi zui zauh, ka hmui hnuailam ka lo tih pawrh khum vak chu a hmu hman a ni ngei ang, a ai za in a nui ta huk huk a, keipawh chu ka nui ve ta vur vur tho.


A bân, a mawi tawk leh ti pâ zual tur tawk leka vein lang ṭhuah mai, thau chhia awm lo, tha hrui pawng deuh ṭalh te nena purun var ankheh te leh chandip vel te chu a inhmeh hluah hluah. Thlir vawng vawng loh atan a uiawm mah mah lam zawk a ni.


"Hetiang hian Florence-i kha ei tur a siam sakin a duat ṭhin hle âwm si a," tih ka ngaihtuah chhuah chuan ka mood a ti off nghal rawk rawk ringawt lehnghal.


"Ka ei tur siam ei hmasa ber tu ini," ka rilru a hre reuh em maw ni, ka hmaah a spaghetti olive oil rim nam chem chem mai, pum ti ri rawk rawk nghal thei a siam chu rawn chhawp a, ka lo khap fak fak, a apron hak te chu a inhmeh ang thlup lehnghal. A tán liau liaua sian emaw tih mai tur zawk alawm le.


Apron phelhin ka sira chair pawt chhuaka ṭhu ve zatin, ka bulah tui a rawn chhawp nghal a, "Bon appetite Lala," a aw ki hniam ruih a 'Lala' a tih tel chuan minti ṭek chhawk siin, ka thisen kal lai a ti chawl nghal dük ang lawi a.


Thinphu dep dep ang lawi si chuan, "ka lawm e," ka thaw chhuak zui kawk chu mawi lutuk a min nuihin, a ei zui nghal mai bawk a.


Kei erawh, 'Lala' a ti ri, a aw ki hniam ruih leh tak nguk mai ka benga ri nawn tluk tluk chuan ka thil ei chu a tui meuh em tih pawh min hriat tir thei lo; Mahse, a tui lohna ka hre lo a ni ang, ka sawisel miah loh danah.

Kan ei zawh hnu pawhin thleng chu a mahin a sil ta vek a, a awmdan mak ka ti lutuk chu ka en mawl haw haw tawp mI. Hmuhnawm ti takin ka thlir a ni mah zawk.



"Engthil nge tihsak leh tur chea min duh?" A zawhna mai ni lo, a hmel leh aw damdup mai chu, amah Rammuanawma a ang lo zawk takzet. Tuihmun tlâng ngheng deuh chuan hahdam hmel tak hian a ding bawk a. Mit zîm salhin min en run bawk.



"I kawchhungah ramhuai an lut em ni a?" A zawhna pawh chhang lo chuan ka ti chhuak ta thlawt . A fel ta thut lutuk chu ngaihte pawh a ṭha lo ta rum rum zawk alawm.


"Ramhuai ṭha chi an ni ngei ang," a kiai zui suk a.

Ni e, hetiang hian a mizia ṭha reng sela, ramhuai ṭha chi an ni emaw ni lo emaw, hetiang aw leh mize nelawm a neihna a nih phawt chuan pawi ka ti hauh lo. Ti lo tak ka ni.


"Zanah damdawi inah i kal leh a ngai a ni lo'm ni?"


"Zanin chu ka shift aiin Enkawla'n a chang dawn a," nui hmel nelawm deuh a la pu reng.


Ka ṭhutna aṭanga ka din rualin zau tak maia vawikhat vel lek a pên emaw ti tur hian, thli thaw ang maiin ka hmaah a rawn thaw vuk a, hnai takah min enin, ka kawngah a bân hnehsawh taka rawlhin a lamah min hnuk hnai hrawk bawk. Meng kawkin ka thaw ka hip let zui kawk bawk a, a awmah ka kut nema lo innam khalh vat chuan ka er deuh ngar bawk.


"Nileng zankhua i tán hun ka nei tihn a nih chu. Tin, ka zawhna ila chhang lo?" Ka thaw leh dep dep tawh. He mihring hian a mize lerh lutuk chhuahin ka duh theihnan ṭan a la ang a, ka duh tih a hriat veleh min thlauh thlak leh a tum a ni chiang khawp mai. Mahse, chutiang mai maia lêm thluk theih ka ni bik love a!



"Engmah ka duh lo, min thlah teh," ka nam ve ṭauh ṭauh.


A vei kiai suk a, "a nih heihi," ka hmuiah a fawp zauh a, phawk fe a en cho vin, "i â..." Ka hmui a fawp ri leh chawk, a kut hniha ka kawnga chelhin, alam hawiin min din ṭhat tir a, chet nachang ka hre rih lo, ka lungphu nasa lutuk hian minti chawmawlh zo.



"Engmah i duh loh chuan, ka duh minpek a ngai a nih hmel," a aw zet chu, thupek ni si lovah chuan hnial harsa tak a ni




"Eng...."

Min rawn fawp leh zauh a, "kha kha..." Tih leh ka hehah chuan duh thawh takin a fawp nghal buan buan bawk.


Ka chil ka lo lem khalh a, lung a phut nasat luatah a na lek lek hia zawk.


A lei hmanga ka hmui nawr kauin ngen ngawl tak leh ka indanna bang chhut chhiat ngei tum chuan min fawp a.

Min fawpna ri te, ka lei a kâ chhunglama a hruai daih te leh a hnekin a hne ta emaw tih tur a, tui tih hmel taka min fawh zui dek dek hnuah zet zawng, "chang êla sawibel" ansawi chu nepte a ni. Ka tâng rei lovin, ka ding nghet lo takzet!


A âwma ka kut nghah ṭau mai chu sawn chhovin, a nghawngah ka suihzawm a, dingdi hlip ak ak chuan ka fawp let ve bawrh bawrh bawk.


Engkim mai chu kan pahnih thisen lum, kawchhung lama tur na nasa tak avanga thaw ri hnuaiah chuan an awm hneh em em a, tih tawp emaw dan hneh theih tawh loh tur ang mai kan ni.



Ka khelah chelhin min chawi kâng nulh a, dining table-a min hlâng kai chuan ka mal inkarah rawn ding zui zatin, dawhkanah min bawh mu chuan ka t-shirt chhungah hnehsawh lutukin a zen lut zat a, ka hnute tisa châkna avanga mar kawh lah mai chu hup zui chatin, a ṭham zui salh a, âwm sep dawrhin ka thaw chhuak hawk.


Mitmeng phi nakin ka nghawnga fawp kual a, ka khabe a fawp tu chu a âwmah nam datin, âwm sep dawrh dawrah thaw kawk kawk chung chuan, "kan thei lo, kan thei lo," ka aw zet chu a khur dar dar nia maw le!


"Kan thei khawp mai Lala," aw dam dup, tisa chakna avanga khur lek lek mah se sexy em em chuan a rawn ti chuak a.


Ka hmeichhiatna tisa chakna avanga ṭang mar leh za mer mer chu a kut lehlam, ka hnute a chelh lohna lama ka kekawr chhana hup zui chatin, a ti che zauh a, ka thaw ka hip let nghal kawk, "tawp rawh Rammuan...." Ka ti chhuak dar dar. Mahse, ka kawchhung ṭek chuai chuai leh tisa châkna inhlum khawm chuan tawp lo turin min nawr ngar ngar thung si.


"Tawp turin min duh takzet em?" A kut chuan an nuai zui a, eu awrhin, ka lu ka thing zui nawk nawk bawk a. Ka duh lohna rilru aiin, ka châkna leh mamawhna thinlung leh tisa in min tuam hneh zawk tlat si.


Min pawt ṭhu zatin, a mitmu dum fiah tak phelh ve phang chunga min en chuan, min pawm nawlh a, a kawngah ka kherhbet ve vat bawk, zo tak maia sitting room lama min pawm phei chuan, min fawp pah mawlh mawlh reng bawk a.


Sofa-a min nghah rualin, a t-shirt chu a phelh zui zat, a taksa nalh tak hi chiang tak leh hnai taka ka vawikhat hmuhna a ni miah lo; Mahse, ka hmuh zin leh ka dang a ti ro zing a, ka lungphu thleng hian a ti chawl dük zel zawng a nih hi.


Âm taka min rawn fawp lehin ka nghawngah a fawp thla a, sofa hnung lam chelha in nem kalh chuan ka kawr phelh a tum chu, "hetah chuan...." Ka ti chhuak sap.


"Min ring rawh Lala, i himna chin ka hria...." A aw chu tisa châkna in khat ve mah sela a nghet churh a, rinhlelhna pakhatmah nei lovin ka ring nghal hmiah bawk.


Ka kawr chu a lu lam aṭangin a pawt chhuak nawk a, hneh sawh taka Elastic kekawr tlawn thawl hnak mai chu a pawt chhuak leh a, a chetdan rang leh hnehsawh tak mai chu engtin nge a tih ka mitmeng buai tak leh min khawih vêlna avanga thluak nu bulh hian a hmu in a hre hman tlawt lo.



Sofa-ah chuan duh thawh taka min fawpin kan inchul a, ka bra hmet pelhin a pawt chhuak zui zat bawk, a lei hmang a ka nghawng aṭanga liak thla zai zai a, ka hnuteah a kâ sa ham ham mai tawpin, a hmuam zuia a hmur a seh zui leh ne ne a, a lei hmanga a thai kual lai chuan eu ngawng ngawngin sofa chu ka nekbet zual sauh a. Rammuanawma hming ka lam chhuak sep sep bawk.


Kan chetdan bawraw tak, nuam leh thluak nu bulh bulha kan chen mek hmangaihna chuan vawi tam tak, he hmun, sofa chung zau lo tak; Mahse, engkim mai a famkimna hmuna a vawrtawp thleng dunin, khawvel lei ânchhe dawnga an vanram sawi fo ṭhin, kan tem dun tawh leh dai dun tawh ram kan fang nawn leh a, a hnu leh hun tur hre lo leh, awm tawh lo ang tur maiin duhtawk chin reng kan nei thei bawk hek lo.


Thaw hlawp hlawp leh saruak ngal ngatin ka pasal taksa thlan dap leh mar ṭha tak chungah zawi hnakin ka mu ta hle hle a, ka hnungzang khuarlai a kut ṭanga thai riak riakin, a khat tawkin ka dar ruak kâng leh ka lu chu a fawp leh zauh zauh ṭhin.


Kan pahnih lungphu inthum rawn dup dup bak chu thâwm dang hriat tur reng reng a awm lo, keimah ang chiahin tihdanglama a awmna chhungril khur leh, lungphu rang dup dup chu a âwm a bei chial chuan ka ngaithla ran a, a thawk lak leh chhuah zawnga taksa che vêl te chhan min awi mu delh delhin mit ka chhing diar diar bawk.

Ka darah fawp vang vang a, ka nak nêm leh hnungzang la chul reng si chuan, "ka kham thei ngai dâwn lo che a nih hi," a aw chu dam dup siin a bul hluk mai. Inthunun a la tum ve nasa tih ka hre thei.


Kei pawhin chiang takin ka hria a ni, he a mi dehna, duat taka min chülna leh fawhna te, zei tak leh raw tak, dam leh him tak si a lei vanram min fanpui fo dan te hi, he ka taksa hian ngaiah a nei thei ngai dâwn lo a ni tih ka hriat chian ang bawkin, ka thluakin a pawmpui miah loh, ka taksa tlâwm zet maiin inphal leh zau tak maia lo dawnsawn ṭhinna pawh hi a danglam ngai dâwn lo a ni tih leh, ka thunun piahlam anni fo dâwn a ni tih ka hre chiang hle bawk.


"Mutthilh i tum em ni?" A nui nghawrzui dawt.


Ka che peih lo chu ka lu ka lo ti che zauh a, nui zui dawt dawtin, ka dar ruakah bawk fawp leh chuan, "inbual i ngai hle a ni," a ti sup a, a ṭhu zui zat. Min zo thei lutuk chu a mak zawk hial, a chungah ka bawk reng a, delh buaitu an awm lo emaw tih mai tura awlsam hian a rawn ṭhu chhuak vut mai bawk si, ka mawng a mipatna khawng tak maiin a kam zui run chuan minti ip chawih thei.


Ka lungphu rang zui leh ta dawt dawt leh thawk lak buai ang chiahin, Rammuanawma pawh a thaw ri hraih a, ding zuiin, "bathroom ah vawikhat dang chu thlan tih tlak leh a ngai dâwn a nih hi," a nui zui ruh ruh, lai zetin a dara khabe nghat chung chuan a dar hnunglamah chuan ka bengzui taih a, nui huk hukin kailawnah min chho pui zui pawk pawk.



A sawi ang chiahin bathroom chhungah pawh, nupa nun hmanga kan pahnih khawvel siam, he lei ânchhe dawng chunga vanram kan siamdun chu vawitam kan fang dun leh ta reng bawk a.


Ni e, zep rual lohin ka taksa hian ka thinlung duhdan a phatsan fo zel zawng a nih hi. Nge, a duhdan, ka lu in a pawmpui si loh chu a ti hlawhtling zawk pawh ke hre thiam ta hauh lo.

.
.
.

"Dinte, i sam ṭawnna a ni lo'm ni hei?" Chaw ei dawhkana ka dah ka theihnghilh zui a ni ngei ang.


"Aw, ka lawm e," ka ban vat a. Ka sam chu ṭawn ka tum zui mai bawk a.


"I sam i ṭawn duh dawn tih i chiang a maw?" Ka hnunglam aṭangin nuihza aw lek lek hi a rawn chhuak a, a hna kal tur kamiz var thianghlim tak hak, a kilh pathumna thlenga inhawng thla leh smart pants kekawr dum, dak leh tlema a mal mar deuh a hak chu inhmeh tak a ni. Model te pawh a ang lek lek zawk alawm.



Nuihza insum tih hriat taka a hmui hnuailam seh zauhin, a nghawng chu a dawk zauh bawk a, rang lutuka ka kut dah thlain, ka nghawng chu ka'n hup zui ve leh vat ang lawi a, a lo nui huk duh lek lehnghal.


"Thil ṭul lo tak i hnutchhiah aw," ka ti zui hlak chu a mit ko min khan khum ak duh lek a ni.


Engtin nge maw ka tih dâwn ni? Ely-i nen kan in ngeihlaia a foundation minpek nen ka khuh ve ngial a, a lang thei tho mai, ka nghawng chauh ni lo, ka hnute, ka âwm leh ka dul thlengin duk han siam a maw le! Nghal lutuk!


"Car-ah lut rawh, ka thlah kawi ang che," a car-a lut turin min sawm nge thu minpe tih pawh hriat loha ti bul vutin min kal pel zui a.


"A ṭul lo," duhai ka chhang rang mah mah, a rawn hawi leta a mit a ti zîm sulh chu za vak lova lo nuihin, "keimahin ka kal thei," ka ti zui leh sep chu a rum ri hraih a, "lut rawh, ka hrilh lo che, thupek a nih chu," bul zeta tih leh a car dum lianpui kawngkhar chu hawngin, hniam zui sût chuan a ṭhu lut a.


"Ka sawinawn lo ang Ramdin," nin hmel zet hian a rawn ti leh hluk.


Sana chu ka bih zauh, ka tlai ve tawh deuh vang hrim hrim nen zui pawh a pawina a awma ka hriat tak loh avangin ka pan hnai ve ta chhat chhat a.


Car a ka lut chu hma lam a en run, ka duh lo rang lutuk kha a lungawi lo a ni ngei ang. Ka ṭhut fel rualin a tlân chhuak zui zat a.


Keipawh chu engmah sawi tum bik lovin ka ṭhu fel ve than bawk.


Ka lam a rawn hawi zawk a, hmalam hawi lehnghalin, " khawnge i zungbun?" A aw chu a nelawm miah lo.


Ka kut, ka mal a mi chu en vatin, "in ah ka dah," ka ti ve mai, pawnlamah chuan bun ngaiah ka dah duh lo law law. Bakah, ani pawhin a bun ngai bik chuang law.


Car chu hneh sawh lutuk hian a her kual vut chu, seat hnung ngheng vakin, "eng nge itih Rammuanawm...?" Ka ṭhat.


Thui kan tlân hman miau loh avangin gate pawh kan thleng rang viau mai.

"Khawnge i dah?" Car a din rualin a rawn ti hluk a.

Ngei zeta lo melh vakin, "ka hre lo, haw hunah ka bun mai ang," ka lo ti hlak hlak.


"RAMDINSANG....." Ka mit ka lo chhing sawk, car chhung chu a nghing dur maiin ka hria.

Thinrim thawpik zeta en in, "nangpawhin i bun loh chuan min bun tir tum bik suh, i thu thua awm tur pawh ka ni lo," aw khur lek leka tih leh, "i duh leh nangmahin kal rawh, i ruala kal aiin kal loh pawh ka thlang fe," uar zeta ti chhuak leh vak chuan kawngkhar ka hawng rawk rawk a.

Min chelh bik chuang lo, ka chhuah a, na zeta kawngkhar ka khar rualin chak mangkheng hian a tlân chhuak a nih chu!


"Rammuanawm...." A car hnunglam chu ka'n au khum nghek a, thinrim ke per tan tan chungin, "in ah pawh ka bun tawh lo ang," ka au zui leh ta nghek tho. Ka thaw zui kawk kawk bawk.


"U Dinte, i la kal nange?" Thaw zui leh kawka inherin, "kal dawn chiah," tih leh ka sling bag ak ṭha sauh sauh chuan ka pên zui hlawk hlawk. A car chauh khan ka kal thei lo chiang êm mai.


Thinrim ṭaua taxi ka chan laiin ka phone a rawn ri a, "hello..." A va mak teh hmuk e. Ka inthiam lo leh deuh.


"E khai! Zingtho mood off ka tawng fuh em ni?" U Gos-a chu a nui zui huk huk.

Boruak hip kawka thaw chhuak ham hamin, "fuh lo ve, nge nita?" Ka aw ki a la ngai thei chiah lo.


"Hna ila thleng lo tiraw?"

Taxi rawn tlân ve chiah chu ka lo phar ding zui a.

"Hei ka kal dawn chiah."


"Hotel Regency-ah rawn kal hmasa zawk ta che, hna chu ngaihtuah duh suh," a rawn ti vat a.


"Minpui lawk turin ka duh che a," a tih zawm leh takah chuan driver bulah ka kal duhna sawiin, Hotel Regency kawtah ka hmuh tur thu sawi chuan ka dah zui a.
.
.
.

"Dinte.." Ka hawi vat.

"Ka lawm e," a bul ka thlen rualin a bag khai leh eng eng emaw sarang a khai chu enin, "eng nge hetah itih?" Ka melh chho.


"Thil mintihsak lawk ta che," a hmelah chuan nuam lo tihna ka hmu thei.


"Eng nge nita?"


"Henghi room-ah minhan peksak ta che, sawlai staff sawn a hruai dâwn che nia," ka en he chu kiai suk hian, "ka U thawmhnaw a nia, min hmuh a duh lova," a ti leh sup.

Nui ta sun sun chuan, "room no engzah nge, ka han pe ang e," ka la a, a room no a sawi rualin ka bu nghat, Hotel-a inzui lut chuan, "ka lo nghak ang che," ka pensawn tur chu a lo ti leh sup a.


A U awmna room kawngkhar zawn ka thlen chuan ka kik kharh kharh, kawngkhar zimtea rawn inhawngin, "i thawmhnaw leh mamawh tlem ka rawn dah a," a hawng zau a.


"Ka lawm e," ka hnung vel melh kualin, "Gospel-a a rawn tel lo em ni?" A ṭap a ni ang a hnar a sen hlarin, a mit a bui luk bawk.

"Min rawn tir a," ka nui lui sang, lawmthu min hrilh nawn lehin a lut zui nghal zat bawk.


"Eng nge a an? Sawi a nei em?" A hlauhthawn hmel lutuk chu ka khawngaih letling zawk.


"Inbeng dai teh, hmeichhe tleirawl ang mai," a mita a farnu a ngaihtuahna lang chhuak zut zut chu ka nui vur vur.


Thaw hulh hian, "coffee hi in rawh, a ṭap leh em?" A tih leh zat tho


Nui ta khek khekin coffee chu ka tem hlek a, "min ngaihtuah suh se a ti che a," ka ti sep. Hotel kawt a chhuakin, U Gos-a hmel la ngui deuh churh chu en a nui vur vur chungin, "i ngaihtuahawm hmel zawk fe a nia," ka ti chu a rawn nui ta suk a, ka chhipa rawn tawk zauhin, "i sam thar chu i inhmeh hle mai," a thle bak, ka lo nui var var.

Hetiang te hian mite fak ve tur a nia, Rammuanawma nger ngur hi chu a! Pitar pawhin fakna te chu an läwm tih hriat ve tur a nia!


"Dr. Rammuanawma kha i Putea a ni lo tiraw?" Ka coffee in ka hak ṭhelh.



Nui chungin ka lam a rawn hawi a, rukru man ang maiin za lo lutuk hian ka ṭhensak ta ringawt mai.


"In inhriat ṭhat hmel viau lawi si a," a ti leh. A ruka thaw ham hamin ka pasal tih sawi ka tum viau a, kan inremna ka hre chhuak lo thei lo, za lo lutuka nuiin, "a pu leh ka pu hi ṭhian an nia, kan inhre chho ve nawk nawk," ka ti chhuak ta sep sep.


Ka chhungril erawhin mak tak maiin, "ka pasal," tia sawi a chak lutuk chu ka inhaw ru viau thung.


Ni e, chhuang taka ka pasal a nih thu te, ka ta a nih thu te chu sawi ka châk ru ve reng. Mahse, chutiang sawi thei leh ti thei dinhmunah ka dingin, hlutna leh pawimawhna ka nei hauh si lo tih min hriat chhuah tirna chuan ka âwm chhung hi a rawn ti na veng veng.

.
.
.

"Zanin ka thlah haw thei ang che tiraw?" Company building kawt kan thlen chuan a rawn ti sup.


Nui liam ringawtin, "ka tibuai lutuk ang che," ka ti chu a lungawi hmel vak loh, "Dinte, ka zawhna che pawh in ngaihtuahna hun ka pe tam tawk viau che sia, i ngaihtuah ve lo zawk a ni tiraw?" A rawn ti ta nghat nghat.


"Inzawmna neihpui thei che dinhmunah ka ding lo a ni. Ka ding ngai lo maithei zawk."


"Harsatna ineih chuan sawi la, kan hmachhawn dun thei alawm. Sum emaw chhungkaw lam pawh nise," ka lu ka lo thin khum mat mat, "chutiang lam a ni hauh lo," ka ti sep, pasal nei lai ka ni tih sawi ka châk takzet. A beiseina neih hi nawr sän tir ka duh hauh lo, beiseina beidawn thlak bâk a hmu ngai dâwn si lova!


Mahse, ka pasal hi inremna hmanga ka pasal a ni tih leh, amah pawhin a sawi chhuah loh, pawnlama a nupui ni ngai lovin midang bula a 'ka pasal' lo tih kha a dik lo vin, kan inremna piahlam a ni daih bawk si.


"Pawmlai nei emaw ngaihzawng nei emaw pawh i ni lova, a rem lohna min hrilh thei lo em ni?" Beidawn mai tum lo tih hriat tak hian a rawn ti leh, ka lo thaw deuh halh, car chhung chu a uap ka ti ta takzet tawh.


"Kei lo hmeichhia, fing leh fel, i class pui tur zawng zawk rawh U Gos. Min hre chiang ang a, tuna min duh emaw i tih ang hian min lo duh lo a ni tih i hre chhuak ngeiin ka ring," beiseina pek ka duh lo a ni tih hrethiam se ka ti tak tak.


Khang kar liamta zawng zawng pawh khan engmah a sawi leh tawh si lova, ka lo läwm ruk hman nen, a rawn sawi chhuak leh ta kher kher chu ka ngei ru ang reng viau bawk.



Car kawngkhar hawng chuan chhuah ka tum uk a, "a nih chuan, nangai hmeichhe ṭha ka hmuh hma chu tihian ka nghak dâwn che nia," luhlul zet hian a rawn ti leh hram, a lam ka hawi zawk a, za vak lova nuihin ka chhuahsan zui ta daih, ka chhang buai peih tawh lo a ni mah zawk.


Engtik ni ah emaw Rammuanawma hi ka pasal a ni tih a la hria ang a emaw, a ngaih ang a hmeichhe fel leh ṭha ka ni lo a ni tih a hriat hunah engtiang takin min demin, min hua ang i maw????
.
.
.
.
.
"Au, engtikah nge anu ka hmuh theih dâwn?" Hlutea, ka sira ṭhu chu ka melh zauh a, a thleng a chawhmeh suah sak pahin, "kartharah kan tih kha, rei nghah a ngai tawh hleinem," ka nuih var var.


A lunglen tawh zia ka hriatpui, nichin video call-a an inbia pawh a ṭap lo chauh a nia. A teber leh tarlam fa tih takah mipa fa si hi a no em em ringawt mai a, a awmna a piangah lah duat a hlawh bawk nen hian, a kum rualah chuan sawngnawi tak hi a ni.



"U..." Duata a rawn lut ve nulh.


"I rawn tlai dâwn emaw ka tia, ei ve nghal mai rawh," ka lo ti sawk sawk.


"Khawnge inpa?" A hawi kual deuh a, chokaah a rawn lut zat.


"A rawn tlai tur thu a sawi a. A rawn thleng a niang chu," a car ri ka hre zui.


Tin, car dang ri ka hriat chu, ka hriat sual loh chuan Nunsanga car ri a ni, ka peih lo ru nghal viau bawk.



"Hi U Dinte..."



"Chinghne note...." U Hnemi'n ka hriat tawk lek tur hian a rawn ti zui a, ka lo nui ru sak.


Rin loh deuhin U Zoi te nupa anrawn lut tel ve bawk a.



"Hmingthana te unau chu engtik nge Aizawl inrawn thlen?" Nunsanga'n pangai takin a rawn ti a.


"Kar hmasa khan," ka nau chu chaw a ei zui mawlh mawlh, Nunsanga a huat hi a la reh chiah lo ni hian ka hre ṭhin, ka pasal neih chhan a sawi phei hi chuan Nunsanga thiam loh emaw hi a ti dawn dawn zel bawk a.


"Ohhh.... Kan in ah Unau chaw ei khawm in lo nei a ni maw?" Ely-i ṭawngkam chu hnial let ka tum zeta Hlutea a la awm ve reng avangin ka chip leh ta zawk.



"Ely, ka In chu ka Nupui in a ni bawk, i lei veng rawh," Rammuanawma'n ngaithei lo zet hian, fiah fuk maia a rawn tih chuan a lo ner nawk.


"Ka fiamthu a nih kha, takan a, tunkar tluan chu Regency lamah an hmu zing riau mai che u a, eng nge intih a, DJ Foods company neitu nen in ni zel lehnghal?" A aw no leh nêm deuh te, a hmelṭha tak te saw ben sawk hi ka châk ṭhin.


U Gos-a sawi takah chuan U Damtei ka mitthlaah a rawn lang, eng ang tawh ang i maw?



"Gospel-a em ni insawi? Tunlaia a bialnu neih thu ansawi hi Dinte nangmah em ni?" u Zoi chu a nui zui ruh ruh, Rammuanawma hmel chu a hmuhnawm fahran loh khawp mai.

Ka nau ṭawng tuma a che hrut chu, "Lalduat..." Ti sepin, ka mitmengin ka khap vat a, ka nui lui säng bawk.


"Chutiang pawh ka lo hre hleinem. Hlute, ei zo la i U Hnemi te inlamah lehkha lova zir rawh," Hlutea awm laia in khak fek fekpui ka duh lo, tun thleng ka nu leh pa inhau takngial pawh a la hre ngai lova, midang inhau ri leh inkhak ri phei chu hriat tir ka tum lo hrim hrim. Kan chhungkaw kalphung pawh a ni lo, naupang hriata inhauh hi!



"Ni e, Hlute kan in chu a nuam a nia." U Hnemi'n mei nei deuha a rawn tih chuan ka mitmengin lawmthu ka hrilh vat. Ani chiah hi he inchhunga ka lam ṭang tak tak awmchhun ti ila ka sawi sual hauh lo ang. Rammuanawma pawh hian ka thlavang hauh der ve ṭhin mah se a thinlungah erawh engmah ka ni lo tih ka inhre ve reng.


"Inchhungah room ruak a awm khi, tah khian an riak thei reng, an room tur atana ka tihfai tir a nih khi," Rammuanawma'n a rawn ti nghut nghut.


Ka chaw ei zo thleng chawi pahin, "ka Ni ten an rawn hruai dawn alawm, zan anriah a ngai lo, hmelhriat loh in ah an muhil thei lo," ka ti let ve ngat chu Rammuanawma hmel hmu lo mah ila min en ding viau tih erawh ka hre thung.


"Kan tihtur chu ti vat teh ang u," U Zoi pasal hian nin hmel zetin a lo ti vut, "ni e, zan chhuahna tur ka nei a," Nunsanga'n a lo tih ve takah chuan an ṭhu ṭha sap sap. Engtih an tum ni maw?


Ka nau chaw ei chu a puar meuh em ka hre lo, thleng sil tur rawn dah pahin, "min zui haw mai rawh," lungawi lo tih hriat ngawih ngawih hian a rawn ti bul hluk a, ka lo khap vat.


Rammuanawma chuan ka nau ṭawng chu a hrepha nge chu ka hre lo, kan lam a rawn hawi zui rûn bawk a.


"Dawhkan saw lova tifai rawh, khata kha dawhkan nawhna, chaw hmeh ei bang kha chu tikhan dah la i U Rammuana'n a rawn ei ve duh ang," ka nau chu tih tur ka kawh hmuh nghal zung zung, lungawi lo deuh chuan a kal ve hnuk hnuk tho a.


Ka nu hian a sawi ṭhin, "mipa leh hmeichhe hna a awm lo. Mipa thawh âwm leh hmeichhe tana harsa a awm a ni mai," a ti ziah, ka nau te hi a insuk surh surh chang te hi a tam a nia!!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:52 pm

{ LOVE AFTER MARRIAGE }

BY

Floria Laldansangi


Chapter < 17 >


"Ngaihdan te i nei tawh em? Keichu hralh mai pawh pawi ka ti tawh lo, hetah chhiahhlawh ai pawha enhniam i nihna hmun hi chhuahsan vat vat la ka duh," Ely-i leh U Zoi ṭawngkam avanga la lungawi thei lo ka nau chuan a ti nghut nghut a.


Nui lui var varin, "Rammuana'n ka thlavang a hauh ziah a nia. Ka rinai takin a puitlingin, ka thlavang hauh hun a hria a," ka ti vat chu a lo rum nghut. A awih hmel viau loh.


"In leh lo hralha khawdangah inbendel êm chu ka ngai ngam chiah lo deuh alawm," ka ti zawm leh sep sep.


"Damchhungin kan khaw neih chhun, kan khua, kan pian leh seilenna a nih loh phah dâwn chuang hleinem," Duata hluk hluk ṭhin hi chu.



"Ka Nu te pawh han zai zo sela, kan la ngaihtuah ṭha dâwn nia. Eng nge i part time hnathawh leh lehkha zir kawp te a har em?" Thildang ka sawipui ta daih a. In dinglai hralh êm chu ka la zuam lo deuh a tin ni.


Engdin hmunah pawh dingin, rethei viau mah ila, tlân luhna tur In chhete a lo ding a, awm ve te, baihvai taka vak kual lova 'In' tih tur kan la neih ve chhun tihral chu ka la ngam lo deuh tak tak.


"Hmingthan, eng college-ah nge i luh?" Nunsanga a rawn chhuak nulh, inchhungah an committee emaw tia.

U Zoi fanu te pahnih chanchin, engtia awmtir chi nge ni a, phai lamah awmtir mai chi nge tih ansawi ho niin ka hria, 'lo ngaihthlak ve reng aiin' tiin, pawnah ka nau nen kan ṭhu ta daih a, Hlutea erawh U Hnemi bula awm nuam a ti khawp mai. Ka koh ka koh pawhin a rawn phei duh dêr lo.


"Government-ah...." Ka nau chuan biak leh duh lo tih hriat deuha a sana bih sanin, "U, haw lam kan hnaih mai dâwn a sin, dar 9 a ri mai dawn," ka lo bu nghat, ka tum loh deuhin, ṭawng ka tumna ah turkverh aṭanga Ely-i kan lam rawn hawi reng ka hmuh chuan ka nui chhuak hak, a va buaithlak ṭhin tak êm! Pasal ven reng ngai a nei ti dâwn ila, Lalnunsanga mizia enin ven ngai a ni bawk si lo, a hahthlak ṭhin mange!

Kawng lehlam takah chuan Nunsanga a lainatawm mah mah zawk, mipa zaidam dup mai, hmeichhe dimdawi lutuk a ni bawk si nen. A nun a zalen lo riau in ka hriatsak, ka ngaihbel zawk nge. Midang ni lo keima lakah chiah a fimkhur a nih chuan le'h a lawmawmah ngaihsak mai ila.


"Umm, keipawh ka lo in ngaihtuah dâwn nia," la nui ta reng chuan ka ti sep a.



"Au...." Hlutea a rawn chhuak ve chiah bawk.

"I riak nghal dâwn emaw ka tia," a nui vur vur.



"Au Hnemi pasal chuan maw toys a ngah rap. Transformer pawh a nei..." A uar thei angreng bawk sia!

"Ka paih ṭhen tawh zawk alawm, naupang ang mai robot ti ang reng te hi a la läwm lutuk a," U Hnemi a rawn âng ti tih. An pa toys ngaina lutuk sawi leh thinrim hi a hman nghal at zel.


In lam ka melh leh ṭhin, ka nuih a za zel, ka nui ta ṭhu reng chu mak tih hmel zeta Nunsanga nen min en chuan ka nuih a za tulh tulh a, nui chhuak ta khek khek chung chuan, "Nunsang, inchhungah lut teh, innu in min melh hlum mai dâwn,"nui chunga ka tih chhuah chuan in lam chu an hawi ve vat a, Rammuanawma pawh chu kawngkhar bulah a lo ding ve run chu ni in, nuiza insum deuha ka hmui pet chuan ka la nui kiah kiah tho. A sawti melha min rawn melh ni maw!



"Komolika leh Prerna te ni mai rawh u," ka nau in nui vur vur chunga a rawn tih chuan Nunsanga zial zu lai a rawn nui huk, keimah tak pawh chu insum zo tawh hek lo za zet chuan U Hnemi nen kan nui chhuak ta uar uar a.

Rammuanawma pawh a rawn pên chhuak ta pawk pawk mai.



"Hlute, khawnge i Jacket?" A hawi leh vual vual tawh, a theihnghilh leh tawh a ni ang. Keini chu kan heti reng mai hi a ni, kan nawi thei bik lutuka mi nau te ai hian!


"Au Hnemi te inah niang," a ti niah niah.


"Bialnu nei rual tawh si nangchu i buaithlak e!" Ka sawi zawh rualin ka ṭhutna bulah Rammuanawma rawn dingin ka darah a bân rin zet mai a rawn nghat a, ka dar a hmer zui salh bawk.


"Chokaah a awm kha Hlute," Rammuanawma chuan a ti zui sup a, a aw ki hniam supah chuan lungawi loh na nasa tak ka hre thei. Midang erawhin an hrethiam ve kherin ka ring law.


"Helmet rawn la nghal la. Kal rawh," Duata'n a nau a tir zui zat.


Rammuanawma chu ngaihsak lo luiin, "Rotea'n a bike i khalh tih te a hria em? Ka Ni ten i khalh phal viau mah se chelek tam lo la ka duh khawp mai, a roh ropui si a," pangai taka ti siin Rammuanawma'n min deh reng vang nge ka thaw a tawt ru tlat thung.


"Ka hrilh alawm," a ti sup, Bike hi a awt ve si a, tunah chuan a thawh chhuah ang ang pawh a duh leinan a la hmang thei bik si lo hi a chang chuan ka khawngaih ve ṭhin.


Ka bula rua(mau) aṭanga siam chair chu pawt chhuakin, ka bul chetah a pawt hnai a, "bike i duh em ni Hminga?" A rawn ṭhu thla zat. A eng hria ni maw chuti hnaiha min rawn hnaih ni?


"Duh hran lo ve," ka nau chuan pangai tak hian a lo ti ve mai


"Ka bike saw kawl la a ni mai alawm, ka hmang chuang lova."


"A ṭul lo," duhai ka chhang rang mah mah tih ka inhre chhuak, mitmeng thim ruih hian hnai set sawtah min rawn en nghal, kan in ṭhut hnaih ang reng si a, ka thaw ṭha leh thei tawh lo.


Pawn light hnuaia a mitmu dum fiah tak thim rup mai chu a hmuhnawm fahran loh khawp mai!


Nuam ti leh chiah lova hawisawn pahin, "mahni thil lo kawl a ṭulna a awm lo. Thilman to inrulh harsa ang chi phei chu in kawl tir chi pawh a ni lo," ka ti leh duah chu a ngaihdan a ni lo nasa nge a thaw ri hraih a. A ṭhutna, mau chair bân chu a hmer ri ṭawt ṭawt bawk.


Keipawh ka thawk laka a sakin, ka awmah boruak a inhnawh khawm leh tawh!



"Naktukah ka rawn dah tir ang," bul zeta a tih rualin, "Rammuanawm...." Ring si lo hian ka lo ti hlak a.


Min ngaipawimawh lo leh ngeng ngulh hian, "i nei dâwn nia," a ti bul leh nghut, hnial a duh loh zia leh ka lo hnial avanga lungawi lohna bak hriat tur a awm lo.


"A ngai lo, a ngai lo. Hlute, tlân rawh leh," ka nau chu a ding chhuak nghal, Rammuanawma erawhin ding takin a hmalam a en ngur ngur, keilah chuti bawk, Rammuanawma hmaiphel ngeng zet mai chu ka melh ve ram ram bawk a.


"Keini pawh kan haw mai dâwn a sin Mama. Tei te unau chu i biak turin kan dah mai dâwn a nia," U Zoi te ho anrawn chhuak ve tih ka hre ve chiah .


Rammuanawma lah chuan ka lungawi lo hmel leh melhna en kn daihin a U chu a en a, "ngaihtuah suh u," a ti sup.


"Hlute..." Duata'n bike chung aṭanga a nau a koh leh chuan keipawh ka ṭhutna aṭangin ka ding chhuak a, Rammuanawma min rawn en chhohna chu haider hmakin ka pensawn vat bawk.


"U Dinte, i nau bike te i lei der elo? U pawisa i pe em ni?" No zet hian Ely-i bawkin a rawn tih chuan, nghet takin ka kut ka hum ruh, a nuṭa pa-in intih theihnan leh min hnehchhiahnan a bike a hmang zo chauh a!


"Ely, i pasal avanga i lei i veng zo ṭhin dâwn lo a nih chuan i pasal chungah khan hrithla rawh. Emaw ka chungah ṭuan rawh, a remchang a piang hmang lovin, mihring hian dawhthei tawp kan nei tih hriat tur, i U sum tel lo hian he khawvel êng hi ka hmu-in vawiin ni thleng ril ṭamin kan la awm bik lo...." Ka duh aiin ka vin, ṭawng tuma a kâ a âng zuai chu, ngei na lutuk hian ka kut ka vai khum zauh a, "Theihnghilh suh, he inneihna hi i sawi chhuak dâwn a nih chuan, ka duh ka hmuh ang chiahin nangni pawhin ka lak aṭangin inhmu dawn tih hi. Lehkha thiam zawk innih kha, inlehkha zirsanna ang zat tal inthluak kha hman tum rawh u. Tin, i dinna hi ka In a ni a, ka nuṭa te zahna inneih loh chuan rawn pên luh tum tawh suh u, tu ta nge a nih tunah chuan inchian ber ka ring," ka thaw zui kawk, ka inrin hmain ka puak chhuak ti ila a dik ber ang.


Rammuanawma thuneihna fawng chu dawmpui tumna ka nei miah lo. Mahse, tunah rih chuan heihi ka pasal in, ka pasal thuneihna compound chhung a la ni tih hria se ka duh.


"Ramdin..." U Zoi'n a ti hman ṭawk, "ka Nupui thusawi kha inhria a nih chuan haw rawh u," Rammuanawma'n khauh zet hian a rawn ti chhuak deuh hraih a, a rawn ding zui zat.


"Mam..." Ely-i chu a ṭap leh ṭeu tawh.


"Nichina ka thusawi kha i hre lo em ni? Ka nupui zahna inneih loh chuan he inah hian ka phalna lovin in rawn lut tawh lo ang ka tih kha. Thu ngai min sawinawn tir fo suh u," a aw chu nichin ai khan a dam daih zawk, a ki hniam rût chu a khauh fukin a nghet churh thung a, hnial a duh loh zia leh a ti ngei dâwn a ni tih a hriat hliah hliah bawk.


Ka bulah rawn dingin ka kawngah inti neitu tak hian a rawn chelh zat, a lama min pawt zui dawtin, "ka nupui a ni tih theihnghilh tawh bawk suh ang che u," a farnu te tána sawi nge a nih a, Nunsanga leh ka tán a sawi tih hriat hran harsa khawpin Lalnunsanga chu a en vung ang lawi si!



U Zoi läwm lo hmel leh Ely-i thinrim ṭap lek lek hmel chu a hmuhnawm miah lo. Hmuhnawm loh tak a ni.


"Rammuana thusawi kha i hre lo em ni? Chhungkaw hran nei vek kan ni tawh. Inrawlhna chi leh chi loh te hi hriat tur," U Zoi pasalin a lo ti nghut nghut a, annu bânah chelhin a pensawn pui zat bawk.


Nunsanga pawhin, Ely-i min la melh ran tu chu a pawt kal ve dat dat bawk a.


"Minzui haw mai rawh," ka hawi vat. Lalduata chu a läwm loh hmel takzet.


"Haw rawh u," ka ti sep, ka nau chuan ka bula ding palian zet chu a melh run run a, "rei he in ah hian i awm lo ang U," a ṭawng a sehchilh lo chauh. Za vak lova nuiin, ka nau Hlutea'n inthlahrun hmel zeta a kut min vai khumna chu vai letin, "khakh fimkhur ula," ka ti chhuak sep, ka ṭah a rawn chhuak ringawt lehnghal.


An tlân chhuah rualin ka thaw kawk a, "awmsawn teh," a naknemah namin tawlh sawn ka rual, min thlah ve mai bawk.


Inherin inchhung lam ka pan zui vat vat a, ka thaw kawk kawk bawk. U Hnemi chokaah a lo la zai rat rat.

"I la mu dawn lo em ni?"

"Mu ṭep e," a rawn nui.


"Ka mutsan ang che, naktuk thawh hmat ka duh si a," a bu nghat. Zingkarah U Damtei bulah ka tlawh tur thu ka tiam avangin hmataka thawh ka duh.


"Engvanga Hotel-a kal chu nge innih?" Room a rawn luh rualin bung zet hian a rawn ti nghal a.


Melh zawkin pajamas chu ka inbel mawlh mawlh.


"Ramdin, zawhna ka zawt che," ka chhan loh avanga lawm lo tih hriat zet hian min en run bawk.


"Min kalpui lawk," awlsam deuha tiin bathroom lam pan mai ka tum a, rang deuha ka hma zawna rawn ding ngur chuan, "engvanga kal nge inih?" Ka thaw kawk. Min din hnaih si, a rim pa hrak mai hian thluak a tibuai leh mai dâwn!



"Ramdin, ka thinrim hun nghak miah suh," a rawn pên hnaih leh hrut takah chuan tawlh hnung vatin, "ka ṭhiannu kan va hmu," a lo nui hul huk, a zat vang a ni miah lo.



"Chu chu ring turin min duh tihna em ni?" A lu kawlh zet chu a tuai zui puat a.


"I ring emaw ring lo emaw, thudik a nih chu," ka tih rualin chak zet hian a pensawn vut a, ka bag sofa chung a mi chu phih sawkin, a zipper hawng chuan chhuatah thingthla zui nawk nawk.


"Rammuanawm....." Ka ti ṭhat.


Chhuata indanna nimina ka lei chauh tla chu chhar ka tum laiin kei aiin a che rang daih zawk, a lo chhar vut a.


"Heihi eng nge?" Ka thin a phu rang nghal dup dup, a ka thaw dep dep bawk.


U Damtei'n, "rai i ang?" A tih avangin indanna ka ei ngai lo tih ka hre chhuak a, lei hnuhnawh leh kha ka nia.

Diktak chuan ani pawhin ka rai a hläu tih a hma aṭangin a sawi lawk a, tihpalh thilthu tak taka ka lo rai a nih chuan naupang avanga kan inzawmna hnawk lehzual tur kha ka duh bik miah lo.


"I hmu ve reng alawm kha, indanna a nih kha," pangai tak chuan ka ti chhuak sep sep. Mahse, zep rual lohin a thaw ri hrawih hrawih leh min en ngur ngurna chuan ka thawklak a ti sak takzet a, ka kawchhung a ti ṭang ṭung bawk.


"I ei amaw?" A aw chu a sehchilh lek lek.


"Ei e, tihpalh thilthu a i fa pai lo tura min hrilhtu inih kha. Minpe let teh," pan hnaih ka tum chu na lutuk hian bangah a vawm sawk, a thli a mar bawk nen, damdawi lian tak a ni lo chung pawhin a thli chu a thaw vuk nia maw le!


Mit ka lo chhing sawk, min rawn din hnaih a, a thaw ri ringawt pawh chu tlân chhiat vawn vawn thamna a ni tawh.


"Keimah vanga ei nge inih a, pawnlama i mipa kawp vang zawkin?" A aw chhuak chu thinrimna mai bakah min tenna ka hre tel thei.


Chu chuan minti sa ve phat, "nangmah ang tur lek hian min ngai ziah suh," ti let ta vak chuan chhuatah ka thil a thin darh ho chhar khawm ka tum chu ka bânah min lo chelhin min pawt ding nawk a.


"A nâ! Min thlah rawh," mintih nat a hläu in min chelhna pawh chutin a nal miah lo.


A thinrim viau tih hre mah ila, hlauh tumna ka neih loh ang chiahin, inthunun tak siin min chelh a ni tih ka hre bawk.


"Engin laichin na nge inneih?" A ti leh khur khur.


"Engmah kan nei lo, min thlah teh," a ner nawk a.

Ka kut a vawn chu paih nawkin, "Ânchhia i nih hi...." A ti chhuak tel hraih, a ṭawngkam dengkhawng leh na tak tak hi ka vawikhat dawnna leh hriatna a ni lo; Mahse, "Ânchhia," minti turin tu phiangsenah nge a inngaih?


"Ngaihdam min dil rawh," a ṭawngkam avanga rilru na ru tak, nâ ang a lang duh si lo chuan ka ti chhuak a.


"I ni lo em ni?" Ngeiawm lam lek leka ner zui leh sukin a chhip a tuai zui leh puat a, kawngka lam a pan zui nulh chu a bânah ka theih tawpin ka pawt bet vat.


"Anchhia minti tur hian tuah nge i inngaih?"

"Ramdinsang...." Ka rak chhuak tuar chu ngaithei lo zet hian a rawn ti let hrawk a, ka lo ipchawih. Mahse, engahmah ka ngai duh bik lo, ka lung lah chu a phu nasa narawh!


"Ânchhia minti turin eng nge ka chanchin hriat i neih? Vawikhat pawh ril ṭam leh ei tur neih loh avanga zan vawikhat pawh la tlaivar lo hian eng nge i hriat? Vawikhat Doctor hmuhman ringawt pawhin a tilungai ve tawh che em? Ngai lo, vawikhat buhfai thlak pawh neih loh avangin i tlaivar ve tawh em? Ngai lo. Tunge inih a ânchhia min ti tur hian," a au in ka au khum tawn tawn.

Ṭah erawh ka ṭap chhuak thei dêr lo, ka tawt lutuk leh lâknat lutuk vang te pawh a ni ang. Thawk lak kawk kawk ka duh veinen, ka âwm chhung tawt lutukah duh angin thawk ka la thei tlat lo.


Ka hmaa palian tak ding ngawi run mai, mitmu thim zual rup chu thinphu zawih zawiha en in, ka hnunglamah ka inher san ta daih a.



A hmel thim rup leh khawngaihna nei lo, luhlul bawk si kha ka hmu peih thlawt lo.

"I ṭap em ni?" A hma aiin a aw a nêm daih, ka au khum chiam vang a ni ang; Mahse, ngaihdam min dil erawh tumna a la nei miah thung.


"Nang leh i chhungte tán hian ka ṭap ngai lo vang. Ka mittui farkhat pawh hi tih tlak ka tum lo," uar zet chuan ka ti chhuak leh ta chiam a, indanna a vawm tak, chhuat a mi chu ka melh ngar ngar bawk.


Thaw ri hrawih hian a che deuh hrut, a reh leh deuh vung vung, min en reng a ni tih erawh ka taksa mur chem chemah hian chiang takin ka hre thung.


Inher vûkin, kawngkhar a ri zui dup a, ka thaw chhuak hawk. Ka taksa na nghal ut utah chuan ka ṭan zia ka hre chhuak.


Ka tum miah loh leh inrin hma in ka biang a rawn lum thla pup a, hru tawk chuan, ka damdawi awmna lam ka pan zat.


Ka mittui lah chu rin aiin a rawn tam zual a, mittui tla pur leh ṭap ni duh si lo chuan chhuata ka thil tla ho chhar khawm mawlh mawlhin, "engtin nge damdawi ka nei tih te a hriat ni?" Ṭap ṭiau chuan ka ti chhuak nawk nawk.


Ka mittui lah chu a ai nasa in a rawn tla ve bawk, chhuata ṭhu sawp hnawk chuan inchung lam en chho ngar ngar chuan ka mittui chu tih tawp ka tum ngar ngar bawk a. Naupangin ṭah loh tuma an bei ang mai hi ka ni.


"Ṭap suh Ramdin, ṭap suh...." Ka phun chhuak sep sep.


Rammuanawma aw "anchhia inih hi," a tih bawk chu ka bengah a rawn ri leh ṭhin, ka mittui rawn hnai leh kuar kuarah chuan mitchhing ta ngawt ngawtin ka thaw chhuak ham ham ringawt a.
.
.
.
Zankhuain chhin khat pawh ka chhing leh ta miah lo, Rammuanawma pawh a rawn let ta bik chuang lo.


Khawnge a kal rindan neiin, kei lo hmeichhe kawplai leh, a mal rit tak leh pangtilum ṭawmpui tur hmeichhia a nei a ni tih inhrilh mawlh mawlh chung siin ka tlaivar leh ṭhak tho!


"I mu ṭha nange?" Ka lu ka thing ringawt.


Tui in khawlh khawlhin, "ṭukṭhuan ka ei lo ang," ka aw chu tlemin a chhâng deuh.



"Nizan lah engmah i ei mumal si lova, a ṭha dâwn em ni?" Min ngaihtuah hmel deuh hian a rawn ti a, lo nuiin, "pawnah eng emaw ka ei mai ang, ka kal a nia," tih leh choka chu ka chhuahsan zui vat.


Mary-i rawn lut tur nen kan intawk chiah bawk. Pu Kamlova te an awm tawh chuang lova, engvanga Mary-i la thawh tir reng nge annih ka hrethiam lo. Ka sual vang nge a bulah hian ka him pawhin ka hre lo.


A hmaa awmpui thar lak sawisel nasa ber Nu Mahlimi'n a la chelh ve miau sia, Mary-i tan lah hna a tam lo bawk nen a zia viau tho chu ka ring.



Zingkar tak tak a la nih avangin boruak a thiang kak a, taxi châng ta mai lo chuan ke in ka kal ta hnak hnak, nizan Rammuanawma nen kan inhauh dan ka ngaihtuah zui rauh rauh bawk a.


Ka hma zawnah chak taka car rawn tlân chho chu ding meuhin ka lo en haw a, tu car nge a nih hrilh ka ngai miah lo, chak taka min tlân pel chung pawhin, tunge a sira ṭhu tih leh, nizanah tu bulah nge a awm tih ka hmu in ka hrethiam nghal vek.


Ka inrin hmain ka âwm, ka lungphu zawn hi a rawm sa pup a, ka thaw kawk bawk.


Ka rin lawk, ka rindan mah nise, ka mit ngeia ka hmuh chuan min la ti na ru veng veng tho nia...

Ni e, Doctor Mandy-i nen khan in ngaizawng ni si lovin inzawmna thuk tak an nei rêng a ni!


Mahse, chumi hre reng chung pawh chuan ka thawk a sakin, ka lungphu zawn hi ka lung a phut rual a piangin a na veng veng a.


Ka duh miah loh leh tum miah lohin chiang taka Dr. Mandy-i nui hmel leh Rammuanawma hmel tak ngûi mai, min tlânpelh lai bawk kha a rawn lang a, ka thawk ka hip let nghal kawk thei.


"Ka ṭha, ka ṭha. Ṭhat loh chhan tur ka nei lo," ka rilru in ka in hrilh mawlh mawlh ringawt.


Mahse, chu erawh ka thinlung nâ hian a phatsanin ka kawchhung leh thinlung na ru veng veng chu a tihdam phah chuang miah lo!!
..
.
.
.
"Dinte, i ṭha meuh maw, i va ngawichawi êm?" Ka harh deuh zuk, Rammuanawma leh Dr. Mandy-i te ka lo ngaihtuah leh hman a ni. U Damtei enin za vak lo hian ka nui a.


"I chhawr nasa lutuka a lungawi lo a nih kha," car khalh chungin U Gos-an a lo ti zat chu ka nui ta hak.

"Chutiang lam a ni lo, thildang ka lo ngaihtuah vang zawk a nia. U Damte, mahni a awm chu a va khawharthlak dâwn ve," ka ti zui vat.


An nufa chuan ka en ṭhin, ka lainat tak tak, an fa pianghlim nen a pasal hian a uire san tawp mai a nia.

Tichung hian a nu te inlamah a tlân duh miah lo, Hotel-ah a biru char char a, a pasal leh a nupui thar an chhuah veleh a fanu nen an haw let tawp a. Tihian, an in luah a tum niin ka hria.


Ka chanah ka indah ru ṭhin, U Damtei'n "nau i pai a ni lo'ng maw?" Min tih kha rei lo te chhung chu ka hlauthawng ve hman. Mahse, tunthla ka P8 (thi nei) hlauh a ka hlauh a reh deuh.


Pai palh hlauh ila chuan U Damtei ang êmin ka chan chhe dâwn lo mah se kan inremna thuthlun avangin 'nuthlawi naupawm' ka ni ve ngei dawn si a. Ka beng awmna ka chian tlukin Rammuanawma hian a fa ka pai a duh lo tihlah ka chiang em em mai bawk si!

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:52 pm

[ LOVE AFTER MARRIAGE ]

By

Floria Laldansangi


Chapter < 18 >


"Ka naua hian pawmlai nei i ni tih a hriat hun chuan a va tuar na dâwn êm aw!" Car aṭanga chhuak pah chuan U Damtei'n a ti sa sa, za vak lo hian ka lo nui ringawt a.


U Gos-a hmel ka hmuh a piang hian ka inthlahrung ru ve thei lutuk. Kan inhmu zing ropui mai bawk si.


"A nih chuan Dinte hna ka kalsan ang che. Hna bânah ka rawn lam kawi ang che nga, ka thlah haw dawn che nia," U Gos-a room aṭanga rawn chhuakin a rawn ti a.


Cinthya-i pawm chungin, "rei ka awm nang, hna ka chawlh i rem tih rau rau chuan zanriah ei hmaa ka Ni te in lama phei ka duh a," ka lo ti ve vat.


"Zanriah ei khamin i haw ang chu, kan nufa chauha awm ka duh loh vang alawm ka chelh che ni Dinte. Zanriah ei phawt la, ei hmat kan tum dawn nia," U Damtei'n a lo ti ve zat.


"Kan tlai lutuk ang a U Damte."


"Tlai lo ang," a ti awlsam et mai. Diktak chuan U Gos-a inthlah tir leh min rawn lam hi ka duh loh vang pakhat a nia.


"Chhun lamah kan ngaihtuah ṭha dâwn nia. Tunah dar 9 chauh alawm le," ka tihsan ta ringawt a.

U Gos-a chhuah hnuah, "ka nau mah nise a zei lo lutuk hi chu a buaithlak ṭhin. Ka hriat sual loh chuan a hmeichhe duh hmasak ber ini a nia aw Dinte," a nui zui kur kur, inchhung bal chu a tifai zui zung zung bawk a.


An inchhung felfai thlup leh hnum hlurhah chuan nupui ṭha tak a ni tih a hriat theih. A che fel hle a ni ang an inchhung fai ser sawr danah hian!


"Ngaihzawng a nei ngai miah lo tak tak em ni? Hman niah a sawi a, ka lo awih lo khawp a," Cinthya-i ṭah tum chu ka awi zawi der der bawk a.


"Nei nang aw!" Uar zet a tih leh a nui zui uar uar.

"Dam lohna a nei emaw kan ti dâwn hial alawm. Gay emaw tih chang te hi ka nei tak tak a nia! College a kal lai kha chuan ngaizawngtu te kha a nei ve ṭhin a, lehkha bak kha ngaihtuah nei hek lo, ṭhenrual kawm lah thiam lo lulai, ṭhian a neih vak pawh hi i hre nang," ka lo nui vur vur. Ṭhian chu a nei vakin ka hre lo, ka hriat theih chinah.


Mahse, keini a hnathawk te tan erawh Boss fel tih kan sawifiah theih piah lamin a fel thung. Biak a nuamin tu mai pawh hian Boss aiin ṭhian enin kan en fur thei hlawm tlat.


"Hmeichhe pakhat, tunge a hming nita kha le aw, ka hre chhuak zo ta mai lo a, chu chuan a duh thei khawp mai a, try te pawh kha a try hialin ka hria. Mahse, khatihlai khan Gos-a kha lehkha zir atchilh, Professor nih tum ruh lutuk mai kha a nia, anin try tlu ta lo in ka hria," nui kur kur chuan a tih zawm leh siam siam a, nui vur vur hian ka lo ngaithla ran.


U Damtei nen hian kar 2 ṭha vel chauh kan la inhre tak nâ-in, a bula awm nuam ka tiin, a titi ngaihthlak hi a nuam ka ti em em a. Mi ṭawng tir danlah a thiam narawh, ka lei ka veng zo lovin a pasal ṭhen rilru nâ ka hnemnaah ka inpuan phah ngawt bawk.


Chhun thingpui kan in zo, U Damtei insuk chhungin Cinthya ka lo mutpui e ka tia, ka lo muhil ve daih nge ni. U Damtei'n min rawn sawi dat dat takah chuan ka harh hlawl.


"Ka lo muhil elo? Ka mu rei em?" Inthlahrung deuh tak chuan ka tho chhuak vat a. Ka sirah Cinthya pawh a lo la muhil ve bam bawk.


"Mu rei lo ve, zanriah ei ka hman a," a nui sen sen.

"E khai aw! Ka van lo mu rei ve, ka tihpalh lutuk U Damte, tunlai chu engti zia nge ka hre lo, ka kal tawpna a piangah ka muhil nghal bawrh bawrh zel mai a," ka tho chhuak vat vat. Ka ti tak tak bawk.


Zingkar, Hotel-a ka va tlawh ṭhin lai pawhin, Hotel leh Company inkar lek pawh U Gos-a car-ah ka muhil hman hrâm zel, a mak tak tak a ni.


"Hetiang hunlai hi a awm ve a nia. I thau dawn a ni ang. Cinthya lah chuan a ngaina em em che a, i pawm mu-in i mutpui thei ve zel mai a, nurse pangai pawhin an pawm thei miah lo a sin," a nui zui ruh ruh. Nui vur vurin ka kut chu ka sil a.


Chaw ei pah chuan kan titi zui siam siam bawk.


"Dinte, zawh che ka châkna a rei ve tawh a," a ngawi deuh vang vang.



"Inpa nen hian engtia innei nge innih? Ka sawi tumtak chu in inkar hi midang hriat i hlauh hmel êm a, i mizia âwm ka en hian a mak ka ti riau," ka lo nui sen sen ringawt a, engtia han sawi tur nge hriatthiam a har êm a ni.



"Kan Pu te thutiam vang a nia," ka ti liam ve mai a, bu nghat nghatin, "in hmangaih saa innei te pawh buaina kan ngah a, nangni phei chu a hahthlak viau lo maw?" Ka lo nui liam leh mai.


"Han inhrawn takah chuan in ngainat te a awl a. Bakah, kanpa hi a puitlingin ka thlavang hauh hun a hria a, a harsat em emna pawh ka hre hran law," ka tih chuan a rawn nui hak, "i duh tih ka hre reng, inpa chanchin sawi hi nuam iti ru tlat a, i sawi ṭha ngam lo mai mai," ka ko ner deuh nang mai, nuam ka tih vak pawh ka hre lo. Sawi erawh ka tîm ru viau zel tih ka hre thung!


Mahse, a chanchin sawi tawh hi chuan a dinna nghet churh zel, a hun taka ka thlavang hauh hun a hria leh dik a tih lam chu tu pawh nise a ngaihdan a sawi tim ngai lo hi ka fak lo thei ṭhin lo.


Kan chaw ei kham kan titi leh luam hnuah U Gos-a nghak ta lo chuan taxi la in U Siampuii dawr lam ka pan ta vang vang a.



"Awi Ramdinsang, min la hre ve em ni. Message en nachang pawh hi i hre ngai si lo," dawr ka luh rualin U Siamipuii'n a lo ti hluai. Ka nui lut vur vur a.


"Tunlai chu a ngai che a niang, a rel reng mai che," Leon-an a lo ti ve vat bawk a.


"Min ngaih a piang hian min rel a tiraw Leon?" Kan nui khak khak.


"Lo ṭhu teh..." A kut hrufai nawk nawk chuan ka dinna a rawn kalin min pawt kal dat dat a.



"Ṭhu teh.." Kan bul vel chu melh kual zauhin, "Inpa nen in inkar a ṭha em?" Teh ngawt a.


"Ṭha e...." A lo nervak.


"A nupui hlui Florence-i fanu kha Rammuanawma fa ti an awm a," a tih chuan ka lungphu hi a rawn rang dawt, rei erawh a ni lo.

Rammuanawma mizia enin a fa nise a laksak loh chhan tur a awm lo. A bikin Florence-i nen an fa phei chu.


"Rammuanawma fa nise a laksak daih tawh ang, Rammuanawma te ang mah ni hmasial lutuk sawn a fa midang a enkawl tir phal i ring em ni?" Rammuanawma hming ka lam chuan ka tum miah lohin minti thinrim ringawt.


"Teh vak a che, ka zawt reng che alawm maw le. In inhau zawk a ni lo maw?" A nui zui kur kur chu ngei deuh hian ka lo melh vak.



"A nia lawm. A hrim hrimin i va ṭan sawt ve," U Siamipuii ka ngei ber ṭum a ni hial ang.


"Ṭan lam pawh a ni lo, a mizia nen a in mil lo ve êm alawm," ka ti ṭha ve leh mai a.



"An chungchang sawi takah chuan an dinhmuna din hi a har ka ring alawm le. Florence-i emaw Rammuanawma tán pawh inzawmna dang neih leh hi a har ka ring tlat. Florence-i pawhin a tihsual rah a seng chho chu a ni mai sia. Tihian a damchhungin sese thu a dawn a, a hriat reng a ngai tawh ang a. Rammuanawma tán lah hmeichhe dang hmangaih a harsa tawh dawn bawk si," thutak zawk hian a rawn ti leh.


Mak tak maiin Rammuanawma'n hmeichhe dang a hmangaih thei tawh lo tur ang a ka ngaihtuah chuan ka na ru ve ringawt lehnghal.


"Mipa alawm a ni," ka ti tak nâ-in, U Siamipuii thusawi chu ka thinlung hian a ring hmiah ang lawi si. A sawidik mah mah zawk a ni ang. Rammuanawma thinlungah hmeichhe dangin hmun an luah ngai tawh dâwn lo tih hre chiang bertu ka ni si a.



U Siampuii dawra ka ṭhut leh fe hnuah dar 8 dawnah taxi la in ka haw ve ta a. An in lam pawh ka thleng ta lo law law. U Siamipuii bula awm hi chuan pawimawh hi ka theihnghilh daih zel.




A dawr ka chhuahsan dawnah Ely-i ka ṭawng khun dan a hriat thu sawiin, Komolika laka ngawih chuh tlat lo turin minti ve ngei bawk a. Ka chuh pawh ka hre chuang lo, min kher peih ang zat chiah ka chhanglet ve tho in ka hria. Kan inhmeh tawk vel viau.




"Ka Pu, khalai kawiah khan ding mai rawh, ke in heta ṭang hian ka kal mai ang e," taxi driver chu ka din tir a. Thla a eng ṭha bawk nen, ke in pan chhoh hnak hnak ka duh, in thlen chhoh vat ka peih lo a ni mah zawkin ka hria.


In ka thleng ang a, Rammuanawma leh Dr. Mandy-i an lo awm dun emaw a nia nga, nilenga inah an tawmdun duh hmel lutuk khan ngaih ti ṭha miau hek lo.


Muangchanga in lam ka pan chhoh chhet chhet laiin ka hnunglamah hian minzui tu an awmin ka hre ta tlat a.


Ka pên chu ka ti chak ta sauh, ka bag aṭanga ka phone phawrh rawk rawkin Rammuanawma no chu ka dial nawk nawk bawk a.


"La rawh, la rawh...." Ka phun ru sep sep.


Vawi 2 ngawt a ring ral ṭhak ṭhak hnuah phei chuan ka hlauhna a zual a, ka hmalam chu en in a tlânin ka tlân a ni ber tawh.

Chutah zet zawng min zuitu an awm ngei a ni tih ka beng awmna ka chian tlukin ka chiang tawh lutuk tlat. Ka pên chak emaw ka tlân chak rualin a ke chheh thâwm chu a ring ve tual tual bawk a.

Kan in awmna aṭanga kawngkawi inkar thui ka tihber ṭum a ni hial ang. Nidangah chuan 15mins kal vel chauh ni si kha, zanin zet zawng a thui ka ti mah mah tawh. Ka kawchhung lah chu a khur ṭan der der lehnghal a!


Thawk leh khatah ka bag ah lai chu a rawn phih sawk a, ka rak ṭhat. Ka nghawngah ka ah avanga phih chhuak thei lo tih hriat takin keimah zawk chu hneh lutuk hian kopang lamah chuan min nêk chho zui dawrh. Min theh chho ti ila a dik zawk ang chu rak tuar chung hian ka thüm awk.


Ka bân na lutuk leh hnungzang nâ chu ka thaw chhuak mai thei lo, ka hnang deuh awng awng a. Ka hnungzang ruh hi a tliak ta emaw ka ti ta hial zawk.



Ka lam a rawn pan hnaih leh vut chu fiah lo ruai hian ka hmu thei. Ka bag chu a phih leh sawk a, ka bag chauh a duh tih a chian êm avangin vawnbeh buai pawh ka tum lo. Ka pum, ni lo, ka tâi zawn rawn na riai riai chu khur dar darin ka dawm zui deuh vang vang a. Thaw lak ka tuma ka thaw ṭha thei dêr lo bawk!


Ka bag la tu chuan thawm a hria a ni ang, a hawng zet nâ-in a tlân chhiatpui ta vut a.


"Dinte..." Ka thaw hawk, ka taksa dang aiin ka tâi a rawn nâ, "U...U Gos...." Ka thaw chhuak kawk. Ka ṭawng mai thei lo. Ka bulah U Gos-a a rawn ṭhu hniam rawk rawk a.



"Dinte..." Min ṭhut tun tir chuan ka thaw zui ta kawk kawk. Ka tâi chu ka chelh leh deuh vang vang, ka sawh lohna lai ber rawn na ta thut khan minti mangangin, ka thaw a tichham lek lek dâwn alawm.


"I ṭha em?" A phone phawrin a ti eng a, thla eng ve viau mah se taksa hliam vel en kual nan chuan a eng tawk tlat lo.


"I bân hi a pilh a nih hi," ka bân chu ka bih ve vat, a lo pilh deuh phung tih ka hmuh rualin a thip tih ka hre ve chiah bawk a.



"Damdawi in ah ka hruai ang che."


"A ngai lo ang, kan in ah...." Min pawt ding chu, ka in a hnaih thu sawi ka tum zeta ka chawl leh ta dat.


Min rawn en in, "damdawi in a kal a him zawk," ka thusawi awmzia a man hman lo a ni ngei ang. Ka bu ve ta nghat ringawt.




"Eng nge khanglaiah te itih?" A car khalh chu ka hliam tifai pah neuh neuh chuan ka melh zauh.

"Eng nge itih zawk a U Gos?" Ka ti let daih a, za vak lo hian a rawn nui huk, "a tawp thlenga zep i tum niin alang," a tawp dat, a thusawi chu hrethiam chiah lovin ka em deuh haw a.


Min rawn en leh zawkin a mita natna ni âwm tak ka hmuh chu ka hmusual emaw ka ti ṭep zawk.


"Dinte, a tir aṭangin pasal nei lai ini tih min hrilh la ni tur," a aw zet te chu, ka thaw ka lo hip let kawk a, sawi mai tur hre lo chuan, "U Gos...." Ka ti chhuak sep. Inthiam lohnain min tuam nghal hlup hlup bawk.


"Midang kâ aṭang hriat ka tan a nat zia i hria ang chu tiraw?" A aw ah pawh natna bak a lang lo.


"Ka tihpalh..." Ka tihpalh tak tak, keipawhin sawi mai dan tur leh sawi mai theih loh chhan ka nei ve si a.


"Chu chu ilak aṭanga ka hriat duh ber a ni lo tih i hriat kha," a lo ti leh khauh. Ka thaw deuh hawk a.


"Diktak chuan hrilh che ka tum ve ṭhin. Mahse, engtia bul han ṭanpui tur che nge ka hre lo a tinni," ka ti chhuak sep sep. Min ring se ka ti takzet bawk.


Min rawn en a, car a ding zui dat bawk, "i insawifiahna ni lovin engvanga Rammuanawma hi nei nge inih tih ka hre duh zawk?" Ka lam a rawn hawi ran.


"Hmangaihna vang tih sawi tum suh, in inhmangaih lo tih hre turin ka mawl viau lo," a tih zawm leh a.


Za vak lova lo nuihin, "inneih dawnin chhan a awm a ngai em ni?" Ka hawi kual nghal daih a, "kan thleng tawh a nih hi," min en rengna haiderin kawngkhar chu ka chelh zui zat, hawngin ka chhuak nghal vat bawk a.



A rawn chhuak ve mai bawk, ka din mar ruala ka tâi la na leh deuh veng veng chu mak ka ti ru ang reng viau, ka sawh ve pawh a ni si lova!
.
.

Damdawi in kan luh rualin kan hma zawnah duat tak maia Rammuanawma'n Jessica a lo chelh lai leh, lei rahchim hlau ni âwm taka dimtê thei ang bera a penpui lai ka va hmu fuh chuan ka âwm chhungah hian min vit zawk mai. Ka thaw zui kawk bawk.


"I ṭha em?" Thawk chhuah leh vak ka tum pawhin ka thei tawh rih lo, U Gos-a bân chu ka chelh a, ka hmer zui deuh vak bawk.

Ka en na lam enin, "Inpa a ni em?" Chet a tum chu ka pawt vat a. "U Gos, ka kut hi a na lutuk..." Ka pasalin hmeichhe dang a buaipui lai chu en ngar ngar chungin ka ti chhuak hap. Nâ erawh ka kut lam a ni hauh lo, chu chu U Gos-a pawhin a hre reng.


Ka mangan laia ka hriat chhuah hmasak ber, ṭanpuina ka zawnna hmasa ber a ni tih ka hre chhuak chuan, natna min siam chawpin, min tuam zui hlup hlup a, ka thawk lak a sak ṭalh bawk.


Doctor coat var a ha lai ka vawikhat hmuhna a nih avang nge ni a inhmeh bîk riauin ka hria, a taksa lianpui nen chuan a inrem thlap bawk si a. Hmundang emaw, a bânah hmeichhe dang chelh nei lo se zawng mit tla lek lekin ka thlir ngei ang; Mahse, duat tak leh tihnat hlau taka a hmeichhe chelhna sawn ka mit a la in, ka hmuh tum angin min hmuh tir lo niin ka hre ber.


"I kut hi entir phawt teh ang," tiin U Gos-a chuan min pawt sawn a, min pawhah ang ang chuan ka pên dat dat.


A lan danin Jessica-i pawh a inti nâ a ni ngei ang. Tin, Rammuanawma pawh Doctor a ni a, a hna chu dam lo leh enkawl ngai enkawl a ni tih ka hria mah se ka chhungril hi a na tlat si a, ka thawk zawnga ka âwm chhung na ru veng veng te hi eng chiah nge a nih ka hrethiam lo. Hetiang hian ka awm ngai lo a sin maw le. Nichin maia ka thiltawn vang kha a ni ngei ang.



"Hliamna lutuk i nei lo a nih hi. I naute pawh a ṭha e," Doctor rawn lutin a kuta lehkha en mawlh mawlh chunga a tih chuan ka en chho haw mai.

Nurse-in ka bân pem a tuam lai theihnghilhin ka ṭhutna aṭangin ka ding zui zawt bawk a, "eng naute maw i sawi?" Ka ti chhuak deuh hau bawk.


Kei ang bawkin U Gos-an, "naute i ti em ni?" A lo ti ve sup bawk a.


U Gos-a chu mitmeng buai lutukin ka en, ka thisen kal lai chawl ta dük leh thinphu ta dep depah chuan hresual ila ka tihna in min tuam ṭan a, a buk tam zawk hle bawk.


"Nau inkeng tih in inhre nange?" Doctor chu a lungawi hmel chiah lo.


"I hresual a ni lo'ng maw Doctor?" Kan ti leh hap a.


"Enta che, test kan neih zawh chiah kha i hre lo em ni? A pai tu zawkin engtin nge i hriat loh theih?" Minti ta zek chuan paper chu ka hmaah a rawn lek a, ka thu hriatin minla den nat êm avangin ban nachang pawh ka hre lo.


Thawklehkhat ah engkim mai chu a reh dük a, ka chawmawlh vek maiin ka hria. Darkar reilote liamtaa beih ka tawhna ai pawhin min ṭhawng na daih zawk!


Paper chu U Gos-an a lo la vat, "Dinte...." Ka en hau ringawt, "a ni lo tiraw?" Za lo deuh leh ât hmel deuh hian ka nui chhuak a.


"I hresual a niang..." Tumah ka bia pawh a ni lo, keimah leh keimah chu ka inbia a ni ber. Rai thei ka nih loh zia leh, rai ngai lo tur ka nih zia inhre chiang bertu ka nih tlat vang a ni.


"Nupa inni lo'm ni? In nupa nun hmandan chhut ula," Doctor chuan tiin, "tunang a i chetsual leh chuan nau i chhiat lo ang tih ka sawi thei lo a nia. In checkup pangai nei la a fuh berin ka ring," tiin nurse chu a en a, "a hliam kha tuam zo ula," a ti leh zat bawk. Nurse in ṭhu tura min pawh ṭhut leh pawh chuan ka la pangai thei lo.


"A ni lo," ka ti leh sep sep ṭhin.


"A zo em ni?" U Gos-an a ti ri chu ka hre vuai vuai, ka beng leh ka lu ûm chhungah hian Doctor thusawi zawh chiah bak kha ri dang hriat tur a la awm thei tlat lo.


Ka duh miah lohin Rammuanawma hmel a rawn lang zat chu thaw kawkin mit ka chhing sawk bawk a.

Ruh lutukin ka inhum ruh, pawn kan chhuah a, car bula kan dinlaiin, "i ṭha meuh maw?" U Gos-a ka en heu a, ka lu ka thing zui mat mat bawk.

"Ka ṭha miah lo," ka ti chhuak sep, mak tihna leh awih loh, rin lohna in minla tuam bet tlat.

"Naktuk lamah te in checkup ṭha leh la," ka lu ka lo thing vat a, "tunah...tunah in checkup ka duh.." Ti leh sep sep chuan ka inher a; Mahse, damdawi in aṭanga Rammuanawma intha zo tak maia rawn pên chhuak pawk pawk ka hmuh rualin harh kawk ang mai hian ka meng zau kawk a, inher sawk sawkin, "U Gos, lut rawh, tlân chhuak rawh.." Ka kut nâ theihnghilhin hawn mai ka tum a, "a nâ..." Ka kutna lo lam chuan ka pawt hawng rawk rawk.


"RAMDINSANG...." A aw chu khawpui ri dur dur ang hi a ni. Ka thin a phu nghal zawih zawih a, ka lungphu zawn na lutuk chu ṭham bet ngat ngat chungin Rammuanawma thinrim inhrosa, chhip tuai leh puat chu side glass aṭangin ka en zui ta reng a. Ka thaw zui hawk bawk.


"Hrilh i tum lo tih sawi miah suh..." Thaw chhuak ham ham chuan ka ṭhu ṭha hnawk a. Reilote chhung pawh ka taksa a ṭang nasa man hle mai.

"U Gos, khawi emaw, boruak thianghlim ka hip theihna tur leh rilru fim ka put theihna turah min hruai thei ang em?" Ka lungphu la rang lutuk chuan ka aw thlengin a ti khur der der thei.


Min rawn en deuh vung vung a, a car chu herin khawilam nge minpan pui dawn ka hre lo, ka lungphu zawn sa leh rang dup dup chu tih reh tumin mit ka chhing vang vang.


Boruak chu dimtêin ka hip a, muangchangin ka thaw chhuak ham ham bawk; Mahse, chuti chung pawhin, "naute" tih ri ka benga rawn ri nawn leh ṭhin chuan ka âwm chhung hi a rawn ti sa leh veng veng ṭhin a, chu chuan a ngaite bawkin ka thawk lak a ti sak leh ṭalh ṭhin.


"Pawnah boruak hip la," muangchangin ka meng chhuak riai riai, kan dinna chu khawi hmun nge a nih ka hre lo; Mahse, ka hma zawna khawpui eng phe un mai chu mawi tak a ni.


Muangchangin ka ṭhu ngil a, kawngka hawngin ka pên chhuak vat.


"A mawi hle mai," car hma lam pan chuan ka ti sep. Kan chhak lamah pawh nula tlangval khawpui eng phe un mai thlir an lo awmve nuk bawk a.

"Folkland. Khitah khian park a awm bawk a," a hawina lam en chungin, "ka hre ve ṭhin, ka la thleng chho chiah lo," ka ti sep chu a lo nui huk, min rawn en a chal ti chuar nung hian, "ṭhian i kawm ngai lo em ni?" A nui vur vur.

Nui ve ta hakin, "kawm ve e, pawn chhuak tam lo zawngin," amah pawh ṭhian kawm tam chi a ni bîk dêr si lova.


Ka ngaihtuahna a hria nge ni a rawn nui ve huk a, "a pawi lo zawk," hma lam a en ve leh vang vang.


Ka âwm chhung rit tak leh tawt tak chu tihreh tumin boruak ka'n hip leh kawk ṭhin; Mahse, muangchangin hläuhnain min rawn tuam ṭan a ni tih ka hre thei thung!



"Pasal i nei tih ka hre chauh a, i rai lehnghal der bawk si a," ka lam a rawn hawi a, za vak lo hian ka lo ṭhen khum sak ringawt, a lakah inthlahrun pawh ka inthlahrung hman meuh lo chu a ni!


"U Gos.." Ka ngawih deuh vang vang hnuah hma lam en chung chuan, ka lam a rawn hawi chu ka melh zauh a, "i hmangaih miah loh hmeichhia in i fa pai ta si sela engthil nge itih ang?" Ka hmalam ka en vang vang. Ka aw ah chuan beiseina pakhatmah a lang lo.


"Dr. Rammuana nen in inkar min zawt a nih chuan chhandan tur che ka hre hauh lo," a nui ri deuh a, "mahse, mipa, nangmah duhtu che leh mipa diktal rilru angin ka chhan dâwn che chuan, min hrilh hriase, chuta thuthlukna erawh kan pahnih siam turah ka dah, mi pakhat chauh mawhphurhna ni lovin, nunna insiam mêk kha mi pahnih mawhphurhna a nih avangin," ka hriatthiam beisei takin dam deuh hian a rawn ti a.


Thaw la ham hamin, "engtiang chiaha in inzawmna hi nghet lo nge a nih ka zawt lo ang che. A chhan chu in inkarah hmangaihna a awm lo tih mimawl ber pawhin anhria ang. Mahse, in inzawmna aiin i pumchhunga i thisen hmanga nunna rawn insiam mêk kha eng hringnun nge pe theia i indah ngaihtuah hmasa rawh," a rawn ti leh dap dap.


Thaw chhuak ve ham ham chuan U Gos-a chu ka en ta vang vang a, "ka lawm e," ka ti sep. Mahse, ka âwm chhung hi a sa veng veng mai, meiling nena deh ang mai a ni.


Ni e, kan inkarah hian hmangaihna a awm miah lo, chu chu ka pawm angai tih ka hriat rualin a awm ngai dâwn lo tih ka inhrilh nawnfo a ngai a. Kan inzawmna chu inremna paper pakhata nemnghet ve mai a ni si a.


"Diktak chuan, thudik i hriat hunah min huat a, minten viau ka lo ring a," ka tih zawm sep.


A ipte aṭanga cigarette phawrhin a ṭan a, hip vang vanga thaw chhuak lehin, "ka U hnen aṭanga hria ni lo ila chuan ngaihdan dang ka nei maithei a," a khi suk, "mahse, pi leh pu tena thu an thlun hnial a har zia ka hriat avangin ka thinrim ngam lo," a nui ta huk.


"In inkar kha, inhmel hriat satliah chu inni lo tih ka hria alawm," a ti ve leh mai, U Gos-a min ngaihdan hriat takah chuan tlemin ka thawk a nuam ta deuh.

Tin, naute chungchangah erawh naktuk hian in entirin, ka rai ngei a ni tih chian ka duh a, ka lo rai ngei a nih chuan ka paitlang ngam meuh ang em tih pawh ka la hre chuang law.


Ni lo, ka ti tla ngei ang, chu chu keimah chauh ni lo Rammuanawma duhdan pawh a nih ka ring hmiah bawk.


Engtia rei chiah nge chu hmunah chuan kan din ka hre lo, ka hläuh a reh thleng chu U Gos-an min titi pui ti ila a dik ber ang. Kan haw kawngah chuan kadul chu zawitein ka khawih leh de de ṭhin.


"I awm tak tak lo tiraw?" Tia ka ngaihtuah loh leh, "awm suh aw," tiin ka ngaihtuah bawk a. Diktak chuan nu leh pa in hmangaih miah lo, nakin maia awmhrang tur kara piantir chu ka duh miah lo. Ka duh lo takzet!


Tin, ka rai a nih ngai chuan tih tlak ka duh ngei bawk. Ni e, ka duh ngei bawk ang!!!

Ṭhenkhatin mindem mai thei tih ka hria mah se nunna pe ringawtin chhungkaw hlimna leh famkim pe thei si lo ila Nu nih ka tlin chuam si loh chuan a nun tichhe turin ka piantir a ni mai dâwn si a. Chu chu ka duh miah lo.




"Ka lawm lutuk a nia U Gos...."

"Naktuk chu hna rawn kal duh suh ka tih kha aw, i kut nen kha chuan i thawk thei dâwn chuang lova," läwm deuh hian ka nuih var var, "ka boss ini lo ang tih hi ka hlau ṭhin," a lo nui ve sun sun tho. Gate-a ka luh thleng chuan min thlir zui a, ka luhfel hnuah a tlân chhuak ve chauh bawk.


Kawngkhar pawnah chuan ka ding ren rawn, boruak hipin ka'n thaw chhuak ham ham a, kawngka hawngin ka pên lut a, an mu vek tawh a ni ngei ang.


Chokaah pawh lut kawi ta lovin kan room lam ka pan hnak hnak.

Room-ah oawh Rammuanawma a la awm bik loh avangin damdawi in ah a la awm a ni ka ring.


Insilfaiin engmah ngaihtuah tam duh lo lui leh, naktuk in checkup pangai hun nghak ru chung chuan khumah ka lawn kai a, mu ṭha sat satin ka mit ka chhing zui daih bawk.


Zanin chu ka taksa mai ni lo, ka thlarau thleng hian a chauin a zawi ngawih ngawih ni hian ka hria!


Ka chauh deuh vang nge ka muhil nghal mai a ni ngei ang, ka hmai tlâng za mer mer chuan minti harh a. Mahse, ka rim hriat avangin men erawh ka meng ta êm lo.

Ka kut na lam chu dimtê hian a chawikang a, an tuamna chu phelh zai zaiin, a phun deuh sup sup bawk.


Kei erawh men hläu tak, thaw dep dep siin a che vel chu maimitchhing tlat chuan ka daw mawl tawp a, ka meng a nih chuan zanin ka tlân chhiat avanga min chhalin, keiin ka lei veng zo lo ang a kan inhauh leh a, thinrim a kan in chhuahsan leh ka hläuh ve vang pakhat a ni bawk!


Eng nge a hnawih ka hre lo, a hit mai bakah a thip sek chuan minti phu zuk a, a chawl lehbdeuh vung vung, a hmel en aiin a kut hi a dam thlup mai zel lehnghal, a khawih vêlna hi dawh a nuamin, lo dawnsawn a nuam takzet ṭhin.


Eng nge a sawi nuah nuah chu ka hre thei mai lo, chiang taka ka hriat erawh, "damin a chhuak hlek lo vang," tia kha fuka a sawi chu a ni. Tu chungchang nge a sawi phei chu ka hre chuang lova!


Ka kut a damdawi a hnawih zawh hnuah dimtê, mintih harh hläu tak si bawkin a tuam leh thlap a, dimtêa blanket hnuaia dah lutin amah pawh chu a rawn lawn kai zat.


Ka lama rawn tawlh hrut hrutin, ka kawngah a kut a rawn rawlh a, ka dul nêmlaia a kut a nghah chuan, a rukin ka lo thaw ka lo hip let kawk, thawk chhuah ka duh laiin, ka thaw a nih chuan ka harh tih a hriat ka hläu leh bawk si a, ka thawk chu ka chelh ta ngar ngar.


Nghet taka min kuahin, ka tukkhumah a hmui a nghat a, ka rim chu hip vang vangin, "ka tihpalh, na tuar miah lo tur i ni a..." A ti sup sup.


Ka lung a phu rang zual sauh, ka khur ru ta der der bawk!

Zanin thilthleng kha a hria em maw ni tih mai tur a ni.


A lama min pawt salhin min kuai her a, a bân pakhat ka nghawnga rawlh chuan a awmah min pawt bei zui hlu hlu bawk.


Pasalin, nupui rei tak a hmuh tawh loh thlahlel ngawih ngawih ang maiin min kuah ta hlu hlu a, ka chhipah a hmui lum veng veng chu nghatin a nawr lum vung vung a, ka kut nâ chu a chul zui hliau hliau bawk!


Ka thaw chhuak ta ham ham, engmah ngaihtuah lovin ka nek zui ve ta ṭalh ṭalh a, lo nui nghawr dawt dawtin, "muttui le Lala," ka hnarah fawp zauhin ka kut nâ khawn hläu tak chuan min kuah zui leh hlu hluin a thaw zui ve ta sûk sûk a.


He a taksa lianpui hian ka rilru hahna te, ka thinrimna leh natna te hi, thir hip thei ang maiin a hip betin, a hip dam a, thlamuanna nasa tak minpe ṭhin hi a mak a ni.



Tin, ka mamawha ka rin ngai miah loh kha, min kuah a, a kut lianpui mai damdup leh thilti thei tak, damdawi ang maia damna keng tel, Doctor kut tih hriat tak maiin min chul a, min chelh tawh hi chuan dam lo tam tak ai pawhin ka thâ ka thlah rangin, he Doctor hmelṭha tak leh Pa tak mai hi ka mamawh zual ṭhin a ni tih ka inhre chhuak nawn fo ṭhin !!!!!


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)