LOVE AFTER MARRIAGE By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: LOVE AFTER MARRIAGE By Floria Laldansangi (Completed)

Unread post by Ngaia » June 5th, 2022, 12:52 pm

{LOVE AFTER MARRIAGE}

By

Floria Laldansangi

Chapter < 19 >


Ka taksa na sil ṭhûm chu engvang nge a nih tih ka hria, ka bân pilh lah chu a thip sep sep bawk a. Nizan kha chuan chutih tehluain ka na lo a sin maw le!



"Thawh i la tum lo em ni?" Bathroom inhawng ri ka hriat rualin ka pasal inbual fai rimtui lutukin hnar a verh nghal zar mai.


Ka men hma hauhin khum rawn hniam sûtin, "i hliam kha enkawl zui a ngai a nia," a ti leh sup.

Mengin ka kut chu ka en a, Rammuanawma lam chu ka melh zui leh zauh, ka thawk ka chelh zui vat bawk.


A inbual zo hlim hmelfai ser sawr mai, a taksa tlem la huh te chuan a taksa a tilang nalh lehzual takzet!



"Khatia min en reng chuan i kut nâ theihnghilh ṭhakin exercise ka lâkpui ngei ang che," a mit a ti zîm sulha, a kiai zui suk bawk..


Rang tawka hawi sawnin ka tho vat a, ka kut nâ ka khawng palh chu, "a nâ..." Ka ti zui ṭhat.

Rang taka ka bula rawn tawlh hnai chuan, "khawimaw..." Ka bân chu a pawt nghal a, ka lo en haw ringawt, a rim lah chu min hniah poh leh a tui tulh tulh lehnghal a!


"Ka ṭha.." Tih leh ka pawt leta a thlah ve mai bawk.


Khum aṭanga tho chhuakin, ka phone rawn ri zui chu ka pickup vat a.


Rammuanawma erawhin ka che vel chu min la en reng tih ka hria, engtia ka chunga ṭha leh thut nge a nih a, nizan chanchin engmah min zawt lo nge maw a nih le?



"Message reply nachang i hre lo hi chu thuhran, call tal hi chhan nachang hre teh," Siamsiami'n a rawn ti bak hlak hlak.


Bathroom ah lutin, "sorry, ka buai deuh a tinni. Nge nita?" Phone chu speaker ah ka dah a, ka hmai ka phih zui sawk sawk.


"Zanin kha i rawn tlai ang e."


"Eng maw?" Phone chu ka melh zauh.


"I theihnghilh tih sawi miah suh Ramdinsang..."


"I theihnghilh tak tak elo? Ka birthday a nih hi," ka ngawih vang vang takah chuan a rawn vin vak. Ka phu zawk thei.

Thaw kawkin, "ka tihpalh, nimin chuan ka la hre reng," ka ti vat vat. Ka hre tak tak, a birthday present tur pawh ka lei ang ka ti reng sia, ka theihnghilh hmin leh ta hmiah a nih hi. A van zia lo ṭhin tak êm aw!


"Enteh Lala, diktak chuan i mize inthlak zia hi i hria em? I harsatna midang i hrilh ngai lo tih hre tho mah ila, i ṭhiante kan nia, message leh call i chhang khat bawk si. A chang hi chuan inhmelhriat kan ni em tih rum rum changte ka nei ṭhin. Vanneiha läwm loh zia te i hria tiraw? Hrilhfiah pawh i tum chuang lova.

Nangmah ngaihventu che leh ngaihtuah che an awm tih hre ve deuh la ka ti. Duh aiin i hma i sialin, midang engahmah i ngai lo emaw tih mai tur hi a ni ṭhin," a vin tawh lo nâ-in a awah erawh ka chunga lawm lohna bak hriat tur a awm lo.


Toilet bowl-ah chuan ka ṭhu thla hnak, ka harsatna sawi chhuah takah chuan ka pum la thep tak mai, ka rai nge rai lo pawh ka chian ngam loh chu dek de dein, "Siam, zaninah kan inbe thei ang em?" Ka ti chhuak sap a.


Läwm lo tih hriat tak hian, "kan inbe dawn nia," tih leh a off zui hmak bawk. Ka dul chu dawm vang vangin, "awm suh aw....." Ka ti chhuak leh ta sep. Awm lo se ka duh takzet, a tan leh ka tan a awm loh a ngai. Ni lo mi zawng zawng tân a ngai.


Bathroom aṭanga ka chhuah hnu pawhin Rammuanawma chu sofa-ah a lo la ṭhu run. Inthlakna tur thawmhnaw la chhuakin bathroom pan ka tum chu, "ka hmuh hnu vek a nih kha, hetah ha rawh," min ngaihsak lo deuh hian a rawn ti hluk. A computer chu a hmet zui mawlh mawlh bawk a.


Ngei deuha melh vakin, "ka hre ve reng," ti hlak chuan ka inthlak ve nghal mai bawk.

Ka kut nizana ka tihnat chhan min zawt miah lo te chu mak ka ti.


"Nizanah ka kut hi i khawih em ni?" Min rawn melh zawk, "pasal enkawltu tur che i neih kha, ka khawih a ngai tawh em ni?" A ti deuh nghut nghut.

Ka tum loh deuhin ka nui chhuak thut, a hmel leh a dawt sawi thiam lo lutuk, tum nasa bawk si hmel chu enin ka nui ta vur vur a.


"Engtin nge i hriat?" Min rawn melh leh, "phone i theihnghilh tih pawh i hre lo em ni?" A mit a ti zim sulh. U Gos-a ka pasal emaw antih kha a hre chiang lutuk.


"Engdang nge ila hriat?" Ka phone ka theihnghilh tih a hriat chuan Doctor a hmu ngei âwm si a, ka hlauthawng nghal, ka rai tih a hria tih sawi miah suh se. Thinphu ru dep depin chil ka lo lem khalh.


Mit zîm sûna min la en runin, "engdang nge ka hriat tur la awm?" Ngeiawm lam lek lek hian a nui a, a mit ko veilam a san awk bawk.



Ka lo thaw chhuak huai huai thei, "engmah," ti sepin ka phone chu ka la a, a hmai te a lo khi teh nuaih a nih hi.

Nizanah ka theihnghilh tih pawh ka hre lo tak tak. Ka bag ka ngaihtuah chhuak tel, a chhungah pawisa tam a awm lo nâ-in ka ID card a awm a, police-ah emaw report a ngai ngeiin ka ring bawk.


"Chhuah i tum em ni?" Choka aṭangin U Hnemi rawn au lang lang lam chu hawiin, "ka rawn let leh ang, zanriah erawh ka ei chhuak ang aw," tih leh kawngkhar a pên chhuah ka rual nghal a.


Civil-ah in entir ka duh a, dar 10 vêl aṭangin nghak ila, darkar 2 vel dâwn va ṭhut a ngai leh dâwn a, kal hmat var var a ngai tlat.


Ka phone rawn ri chu pickup pahin taxi ka chang ru pah bawk a, "Ruati..."


"Siamsiami nen in inti thiam lo em ni?" Ka nui ringawt. Taxi phar dingin, "chutiang pawh a ni chiah lo, a birthday ka lo theihnghilh a," ka kal duhna ka sawi nghal sep.

"Keipawh ka theihnghilh, engmah ila lei lo ang tiraw?"

"Lei nang."


"Chaw eikhamah lei dun ila, kan kal tlang ang a a ni mai alawm," a rawn tih chuan remti vatin, "Civil-ah ka kal phawt ang a, U Siamipuii dawrah kan inhmu dâwn nia."


"I dam lovem ni?" Min ngaihtuah deuh hian a rawn ti vat a.

"Dam e, nizanah ka bân ka ti na palh alawm le," ka tih chuan a thaw zui huai, "kan inhmu dâwn nia," tiin kan inbiakna kan ti tawp zui a.



"In checkup tur chuan em ni i rawn kal?" Nizana Doctor kha a ni. A aw hi a nêm lo ve hrim hrim nge a inti hlauhawm chawp le?


"Aw ni e."

"I zun i test tawh em?" Ka lu ka lo thing ringawt.


"Emily, pregnancy test kit kha rawn pe ta che, tunge en hmasak ber ngai?" A ti zat zat a.


"Ramdinsangi kha, a rawn kal hma khawp mai," nurse chuan min rawn nuih var var.


"A nih chuan in test la, i rawn lut dawn nia," ka lo bu nghat nghat.


Nurse-in pregnancy test kit minpek chu la in zunin lam min kawhhmuhna hmun chu ka pan a.


A result en tur pawhin huaisenna ka nei meuh lo chu a ni. Ka hûm deuh vang vang. Ka lung lah chu a phu ang dep dep bawk a.


Thaw deuh kawkin, muangchangin ka kut chu pharhin ka ṭhu thla hnawk.


"I awm thei lo a sin," ka ti chhuak riah riah bawk a.


Ka âwm tawt lutuk chu ka ṭham deuh vawng vawng, "engtin nge ti che sela min duh," ka ti chhuak sep sep a, ka theih tawp chhuahin boruak ka hip leh kawk ṭhin; Mahse, a harsa lam hret chu a ni.


"Eng nge a an?" Doctor room a ka luh rualin a lo ti vat.


Ka test kit chu ka hmuh tir a, nui var vara minpe letin, "i period hnuhnung ber i hre tawh lo em ni?" A rawn ti leh. Nizan leh nichin ai kha chuan a aw hriat a nuam deuh.


A hmaa ṭhu thla in, "thla hmasa pawhin ka period reng, thla tawplam a ni zawk mah," mangang ru zet chuan ka lo ti hap a.


"Tun thlaah nupa nun inhmang em?" Min rawn melh zawk, za vak lo hian ka lo nui ringawt a.


"Sex in hman hun chhut la, tunah thla tawp a ni leh tawh a. I naupai hi kar 2 leka upa a la ni bawk nen; tichuan, a dik theiin i ring em?" Kan sex hman hun nen a chhun deuh thlap thlap chu laih tur nge ni a tur loh pawh ka hrethiam lo.


"Nizan khan i taksa i sawh na ang reng a, a bâk chu hläuh thawn tur dang a awm lo. Thla 2/3 hi chu fimkhur hunlai a ni bawknen, fimkhur hle tluk a awm lo a nia," min en kual zawh chuan a ti zui siam siam.

Lungawi chiah lo chuan ka bu nghat nghat ringawt.


"Doctor...." Eng emaw hi a ziak mawlh mawlh, min rawn melh zawk a, a chhunzawm lehnghal malh malh.


"Nau hi ti tla dâwn ila, ka thei ang em?" Min rawn en hraw mai.


"Helai hmun emaw damdawi in dangah pawh i thei hauh lo ang," a ti ban charh a, pen dahthlain, "nizanah pawh i pasalin nau i pai tih a hriat ve kha maw le," a tih zawm zat .


Ka lo thaw halh ringawt, tihtlak dan tur pawh thil awl ai a ni dâwn lo tih ka hriatna chuan thawk a ti tawt zual takzet.

Doctor enin, "ka lawm e," ka ti ta sep ringawt a, thildang zawh vak ṭulin ka hre lo, eng emaw damdawi a awm ngeiin ka ring. Emaw, clinic khawi emaw tihtlakna tur pawh. Mi fate pawhin an titla alawm le, tihtlakna tur hmun leh damdawi chu ka hmu ve em em ang.



Nilenga Remruati nen kan bazaar hnuah taxi la in kan In lam kan pan dun a.


"Vawiin hi i hmel a dik lo a tlat a nia," taxi aṭanga ka chhuah rualin a rawn ti leh. Min zawt zing tawh a nia.



"I ṭha tak tak em?" Gate kan luh rualin a ti leh a. Lo nuih letin, "umm ṭha mah se thil zawh tur che ka nei, lut phawt ang," tiin ka luh pui a.


"Ehe! I rawn let dâwn lo emaw ka tia," U Hnemi'n a rawn ti hluai, "inbual turin kan rawn haw zawk. U Hnem, henghi sarang ṭha deuhah min lo dahsak mai ta che, kan rawn ti thler a," ka thil lei chu ka pe a.


"Kan han inbual ang a, kan chhuak lehnghal ang. Aw, sarang pawl a mi kha i ta tur aw," a rawn nui var var. Remruati chu kan room lamah ka hruai chho zui a.


"I inbual hmasa dâwn nge, ka inbual hmasa dawn?"

"Inbual hmasa rawh," a tih takah chuan bathroom ka pan vat a.


Ka inbual sawk sawk, ka inbual lai chuan ka dul chu ka khawih leh ṭhin, ka thaw leh kawk zel. Hriat chhuah zin a piangin âwm zawn hi a sa pup pup zel a, ka hlauthawng ru em em zel bawk.


"Heihi eng nge?" Ka bag a ka dah pregnancy test kit chu a lo lek va mai.


"Lala, i rai tih sawi miah suh," rang lutukin ka pan hnai, "ṭawng ring lutuk suh," ka khap vat vat.


"Rai e," sofa-ah ka ṭhu thla hnawk.


"I â em ni?" A kâ chu a chip leh.


Thaw chhuak hawkin, "ka hria, ka â pawh a ni lo, kei pawhin rin ngaihna ka la hre lo a nih hi. Rinhar ka ti zawk mah," ka ti hap hap. Ka ti tak tak bawk, rin ngaihna pawh ka la hre lo zawk.


"Sex i hmanpui hrim hrim a."


"Hmanpui lovin ka rai dâwn em ni?" Ka lo ti hlar. A la nui vur vur zui.


"Engtin nge a awm? A zei em? Amah a lian ṭhain a hrisel hmel bawk si a, i dâwl ve em ni?" Lalnunsiami a kawm nasa lutuk a a mizia a kai zo.


"Mi rilru hah lai laiin," ti hlak chuan ka tho chhuak a, "va inbual rawh, ngaihtuahna minsenpui ka ngai a nia, ka pai tlang dâwn lo," closets lam panin ka hawng zui zat a.


A thawmhnaw phelh pah chuan, "engtia tih nge i tum? Iti tla dawn tihna em ni? Amah te pawh hrilh ve hmasa la, a lo remtihpui lo maithei che a sin. Ka inbual peih lo ka insil ringawt dawn," a tih zawm zat chu a lam hawi hâwin, "i thlan nasat nen," ka lo ti hlak chu nui ar ar chungin, "ka insilfai dawn reng alawm. Tak takin Lala, inpa hrilh la ka ti," bathroom-ah luh a rual.


"Amah alawm a fa ka pai hläu zawk chu ni. I hre lo a nih kha, kan inneih hma aṭang tawhin 'tihpalh thilthu pawhin ka fapai suh ang che' a ti khur khur a," ka sawi zawng chuan ka thin a rawn rim hlur. Ka ṭah te tak a rawn chhuak dâwn et et.


Ka pum chu ka melh thla rawm rawm a, chum hrep tlak nise Rammuanawma aiawha chum hrep a nia ka nâp ni! Keimah zawk ka na mai mai dawn bawk si.


"Mipa te chu an rilru lo pui pui sawi anching alawm. Hmeichhia pawhin, 'ka ṭha' kan tia kan ṭah a chhuah em em pawhin. A hrim hrimin khatihlai te chuan hrawn pawh inla inhrawn lova, tunah te chuan a rilru a thlak ve tawh mial maithei a sin," a rawn chhuak lehnghal chu ka lo en haw a, "eng nge?" A la ti nui vur vur zui.


"Awi lalremruat, a awmang lo ê! I fai hman em ni?" A nui uar uar.

"Lalnunsiami i an tawh zia hi," nui chung chuan ka tih zawm leh ta ringawt a, "enteh, ka thawven sawt zia te hi, kawm tawh lo ila a ṭha ang," kan nui dun ta awr awr. Kan ṭhiani chu a hahchhiau nasa ve ang chu!


Kan insiam zo inhnuaiah chhukin Mary-i chiah chokaah phone a lo khawih mial mial.


"Mary, khawnge U Hnemi?" A hawi vual vual a a phone en lehin, "a chhuak a niang," a ti zui sep.


Remruati en chuan kan thil lei a lo dahṭhat ho chu khaiin, "U Hnemi bulah ka rawn haw tlai maitheih thu lo sawi mai rawh," min en lem lovin a bu nghat.


"Tunge a?"


"Rammuanawma te nula," ka ti chu lo ner nawngin, "i sual a nih hi Lala, mo sual ang chi kha ini, i pasal a ni tawh a, 'kan nula' te ti ve mai la. Awmpui pawh a ang lo," a ti zui hlak chu lo nuiin, "awmdan ka thiam lo alawm," ka ti ve mai.


Ka ti tak tak bawk, han inti neitu dâwn viau ila, a neitu ang a min lo en tel ve si loh chuan mahni beiseina siamchawpah kan intihnat mai mai ka hläu ve êm a ni.


< HOTEL REGENCY >


"Minbe miah suh u," kan luh rualin Lalnunsiami'n a lo ti hlar.

"Nilengin nangmah avanga kan hahzia hria la nui mai mai teh a," Remruati'n a tih chuan a lo ner nasa mai.


"Kha, kan tuam hman tawh lo," Zualbawihi a lo nui uar uar.


"Eng nge min rawn lei. Awii!!! An vahan ṭhing dun tak, a in ang te chu eng ngatan nge ka tih ang a," ring lênglawng hian a rawn ti chhuak.

Nui vur vur chungin, "a dang a awm hleinem, a rawng a in an chuan loh kha, zan inkhawmnaah a ṭangkai dawn lutuk," ka lo ti chu a nui ve ta uar uar, "inva han ṭhing dun tak," kan shawl lei chu phawrhin a bât chhin nghal a, midang anrawn lut sap sap bawk a.


"Khawnge kan Mawitea te hi?" Ka hawi vut, keipawhin ka la hmu miah lo.


"Zaii an va hruai dâwn a nih hmel," Siamsiami lam ka en vat a, "a rawn haw em ni?" A lo bu nghat.


"Hetah semester thar a zawm dawnin ka hria," a ti sep bawk.


Zualbawihi chu kan en zui ṭhap a, "ka ṭha, tikhan min en su," a lo nui vur vur.


Zaii hi a rilru a chhia ni miah lovin, a mipa duh zawng emaw engpawh hmuse neitunei annih lam a pawi sa lo, neih tum ngar ngar zel, keini aia tlema khawvel daizau ngam deuh chin mizia kha a nei ve a. U Zualbawihi bialpa pawh mutpui thei ang kha.



"Inva thleng hma hlawm ve," Vanneiha a rawn lut, min rawn melh zawk, ka lo nuih seih chu a haider leh daih, a la lungawi zan lo a ni. Romawia te ho anrawn lut zui ve mai bawk a.



"Lala...." Rang tawkin ka hawi. Midang pawh chuti tho chu anni, keiai mahin ka ṭhiante chuan mak antih hmel zawk. Lalnunsiami phei chu a mitmu a chhuak lo chauh.


"Rammuan...." Ka bul a rawn thleng hman, a vawikhat pên hi a zau ṭhin hle tih a hriat.


"Eng nge hetah i rawn tih?" Ka bulah minsi cheta rawn ring chu thaw dep dep hian ka lo en chho haw a.


Ka chhip aṭanga ka ke ler thleng uluk fahran maia min en thla chuan, "hei lo kawr dang hak tur inei lo em ni?" Ka zawhna chu hria ang pawhin a awm lo.


Ka kawrhak chu a mitmeng ti zim sulh leh, chal ti chuar nunga en leh vung vungin, a kawrchung chu a phelh a, a bân pahnih phar duaia ka darah rawn bâtin, "hetiang kawr hi vawikhatmah ha chhuak tawh suh ang che," zawi leh bul zeta tih nghutin, ka dar chen leka sei ka sam ka ṭawn chu a pawt phelh zat a, "i nghawng a lang tam lutuk," a ti zui hluk bawk.



A chetdan mak lutuk chu mit khap fak fak leh thinphu dep depin ka en mawl haw ringawt a.

"Tunge inih a?" Zualbawihi'n a rawn tih takah chuan ka harh zawk.


"Ka ṭhianpa..." Rang mangkheng hian ka lo ti chhuak, chet rangah ka tluk lo a ni maithei, ṭawng theihah na nâ nâ chuan ani aiin ka rang fe.


Rammuanawma a lo rum ri nghut a, chu erawh ka haider hmiah thung, Siamsiami mak ti hmel chu ka melh leh ṭhin, Remruati erawhin makti hmel pawh a pu ve lo thung, a hresa emaw tih mai tur a ni zawk.


Vanneiha erawh a lawm hmel viau loh, ka la thup ve tlat vang a ni ang.


"I bialpa em ni?" Romawia'n a rawn ti khauh, "ni lo," duhai ka chhang rang mah mah ṭhin.


"Ramdinsang...." Rammuanawma'n a rawn ti hluk. A aw chu ring si lovin mar ṭha fia fia tak a ni, thal ni sela ka âwmah a bur chat ang chu.

"Ṭhu phawt teh u..." Nuihza insum deuh hian Remruati'n a rawn ti a.


"Inva hma hlawm ve. E khai! Ramdin, khal zual ve a," Zingengmawia rawn lutin min rawn pan dingin ka mawng rawn ben leh a tum nge ni, Rammuanawma'n a kutah a lo vaisawn deuh sawk a, ka darah chelh zuiin alamah min pawt zui salh bawk. Duhai min hmer na mah mah.


Zingengmawia'n a kut a thin zui sawk sawk danah a vai nâ a nih ka ring.


"Mi iti na dawn a sin," ka melh chho nghal ran chu engah ngai lo tih hriat zeta hawi vah chungin, "mipa dangin i mawng an khawih kha rem iti em ni?" A thinrim ringawt em maw ni?

"Mipa dang ni lovin ka ṭhianpa a nih kha. Lerh zawng pawhin min khawih pawh ni lo," ti hlar chuan minkuahna kut chu ka dahsawn sak nghat a, chair pawh chhuah ka tum chu amah bawk a rawn che leh vut.

Chair chu pawt chhuakin min ṭhut tir a, Remruati rawn nui chhuak uar uarin, "awi i over e," a rawn ti chhuak uar uar.


Midang erawh nuihza viau siin Rammuanawma chu tunge a nih hriat chakin an la meng hraw hlawm.


"Lala, bodyguard i nei em ni? A va hlauhawm ve," Zingengmawia lah chuan nui vur vurin a rawn ti.


"A pasal..." Ka tuiin ka phuh ṭhawt. Tissue pawh chhuah ka tum chu rawn pawt chhuak sawk sawkin ka hnungzang a chul nghal vut vut a, "fimkhur ta che," a ti zui hluk.


Rum lutuk hian ka melh chho, "nangmah vang vek," tih melhin ka melh a ni zawk mah.


"Pasal a hmu zo lo kha khan," an nui khak khak hlawm, an awih loh ka ring sa hrim hrim a.


"Dan ang a a pasal," Rammuanawma chuan nin hmel zet a tih leh rawn kun hniamin ka khabe ah a chawi kâng salh a, ka inrin hmain a hmuiin ka hmui a rawn delh zui zat, ka meng kawk, ka thaw ka hip let kawk bawk.


Tihsual ka nei a, min hremna ang maia min fawp chuan a inla hrang zui vut bawk a, ka thaw chhuak kawk kawk. Tui tla, thaw lawk thei lo, thaw zui leh kawk kawk ang mai hi ka ni.


"Shit....." Romawia aw a ni.


"Eng nge awmzia?" Zingengmawia aw chu a dang ta daih mai, ani hi chu thawveng em em siin ṭhian ngaina, ṭhiante thlavang pawh hauhna a ni reng a.


"A pasal a nih saw, kan hriat lohin pasal a nei a," Vanneiha'n a rawn ti hlak.


"Ramdin..." Zingengmawia aw chu ngaihthlak a nuam miah lo.

Mahse, Rammuanawma min fawh thutna khan minla ṭhawng lutuk mah mah, ka lungphu zawih zawih leh kawchhung khur dar dar pawh a la reh thei lo.


"Lala-i thiam loh...." Rammuanawma'n a lo ti sup chu mit chhing sawkin, "inneih pangaia kan inneih theih loh vang a nia, nidangah ka sawifiah thei ang em?" Ka thaw chhuak leh ham ham. Ka kawchhung erawh thlamuang tak pawhin a awm thei tawh meuh lo.


"Ni e, zanin chu ka piancham läwm tura kal khawm kan nia, zanriah ei phawt ila titi pahin kan sawiho dawn nia," Remruati leh Siamsiami'n an lo ti ve vat vat. An läwm lo hmel chu a hmuhnawm miah loh, min haw hlawm viau mah se ka phu viau bawk si.


Rammuanawma lellul vang vek, engtin nge hetah ka awm tih a hriat. Bakah, engvanga rawn sawi chhuak thut thut nge maw a nih hrep le?



"Khawnge Zaii pawh chu, ei tur chah ru, a rei, ka ril a ṭam," Siamsiami'n a rawn ti zui lang lang.


"Ni e, keipawh ka ril a ṭam. Kan puitling tlâng tawh a ni ang, engmah kan inhrilh hriat tawh loh danah," Zualbawihi chuan a ti zui hlak bawk a, inthlahrung deuh leh ngei deuhin Rammuanawma ṭhu ve run chu ka melh ngat ngat. Ben hrep mai hi a nia ka duh ni, boruak a ti chhe vek!


"Phone ka hmang lawk alawm," Zaii a rawn lut zui a.


"E he! Heichu Dr. Rammuana a ni lo'm ni? Eng nge hetah te itih ve ni?" Rawn chibai a tum chu Rammuanawma lahin en pawh en lovin ka hmaah menu rawn dahin, "eng nge i ei dawn?" A ti sup a, Siamsiami lam hawi lehin, "zanin chu keiman ka lo tum ang e," a tih zawm sup.



Zaii chu lai deuh hian ka melh chho a, za lo tih hriat zeta nui luiin, "Lala, in inhria em ni?" Kan hma zawnah chuan a inrawlh lut zui.


"A pasal..." Zingengmawia'n a lo ti hluk.


A meng bial teh e!


"I pasal???"


Ka thaw ka lo chelh ran ringawt, engtia ka ṭhiante hi hmachhawn tur nge pawh minti hre lo.


"I pasal neih ka hre miah lo, engtik nge?" Uar deuh chuan a ti chhuak leh a.


"Zaii, ei tur chah rawh, nakinah kan la sawi dawn nia. Zanin chu Doctor-a bill pek tur a ni bawk a, dulvun khapmar phuarin ei ila a ni mai alawm," amah chauhin a nui vur vur, midang erawh za lo deuh deuhin an lo khi ve sun sun chauh a ni.



Keimah avanga boruak rit ta lutuk chu ka inthiam der lo, haw mai a nia ka nâp rum rum ni.


"Wine in in em?" Rammuanawma'n a rawn ti ve leh sup.


"Chah rawh, inpahin titi ang," Zingengmawia tak hi chu.


"I dry emaw tia," Romawia a lo nui vur vur.

"Parental Dry a nei a, zanin chu a nu leh pa an awm lova, a in ngam a ni ang," Mami'in a lo ti vat. Kan nui chhuak ta hak hak hlawm.


"Financial Dry zawk alawm, sum ka nei lo tunlai chu," kan nui dar dar hlawm. Rammuanawma pawh chu a khi ve suk suk tho.

Rammuanawma'n zu manto chi hrang hrang a chah chu inin an titi zui ta sup sup a, rinai takin ka ṭhiante mize milin a kawm thiamin, kan inneihna kan sawi chhuah loh chhan a sawi pawh a phuah thiam viau mai; Mahse, ama thiam lohah a sawi vek erawh nuam ka ti chiah lo, "ka pu avangin keiman sawi chhuah ka rem ti lova, a tán zep a harsat zia ka lo ngaihtuahpui a ni," a tih sup sup chuan inthiam lohna min neih tir ringawt lehnghal.


An titi mawlh mawlh laiin ka chair chu Rammuanawma'n alamah a pawt ri ṭawt a, ka phu deuh zuk, en pawh min en lem lo, Zingengmawia leh Vanneiha thusawi chu a en run thung.


A hmaa arsa chu suakin, Zingengmawia zawhna chhang pah chuan ka thlengah a rawn dah zui a. Min rawn en zawk a, "i ei hman em ni?" A ti zui sup bawk.


A chetdan danglam leh ta lutuk, dam hlup leh min ngaihtuahnaa khat chuan minti chawmawlh leh zo vek tawh.


Ka kut nalam chu a rawn melh zauh a, thaw hulhin, "iti huh a ni maw?" A aw ah chuan, ka tih huh avanga lungawi lo ri ka hre thei.


"Towel fai min rawn lak teh," waiter chu a tir zui a.


"A ro ṭep tawh.." Tia laksawn ka tum chu phun hlukin a chair nawr sawn deuhin ka lam a rawn hawi a, "a pûn i duh em ni?" Naupang thuawih lo deuh zilh ang mai hian dam hlup siin min hrilh leh nghut.


Ka ṭhiante ho lo nui vur vur leh lu lo thung nar nar lam chu hawiin, "inah kan tifai...." Towel chu a la a, a tuamna phelhin, towel pan ve lam pang chuan hnehsawh deuh hian a tuam zat.


"A rit deuh ang, haw hunah kan thlak dawn nia," min rawn en, ka phelh a hläu nge ni, "khawi suh ang che," thupe deuh hian antih zawm leh sup. Ka lo bu ve nghal nghauh ringawt a.


A chang hi chuan a mizia hi a ngainatawm ṭhin alawm. Zûn hi a nei hluah hluah ṭhin. A tam zawk erawh a ngeiawmin a sual viau thung!


Mawi deuh hian min rawn nuih a, ṭhu ṭha ve leh maiin, midang thusawi chu uluk takin a ngaithla ve leh mai bawk. Sir zawnga a hmelṭha tak chu ka thlir deuh vung vung.


A khabe ruh kual lian tak mai, mawi lo khawpa lian ni si lo te, a hnar ngul sang vah mai leh a mithmul dum chhah tak leh sei tak mai, mit khur thuk lam lek lek, thuk chhia ni miah si lo te, a hrawk bawk che leh ralh ralh zel te chu thlir ngawih ngawih tham vek an ni.


"I mit a tla dawn," ka harh zawk, Siamsiami leh Remruati, Zualbawihi te ho an lo nui hak, mipa ho an rawn hawi zui ṭhap chu lai zetin ka nui ve ta ngawt bawk a.


Ka ngaihbel nge, ka hre lo Zaii chu a mizia a inthlakin ka hria, a ngawichawiin a ṭawng tam viau lo; Mahse, ka pasal a melh no dan erawh en har ka ti ru ve viau tho.


Tin, dawhkan hnuaia a ke hi ka kham viau bawk!!!


"Nâ i nei em ni?" Min ngaihven lo emaw tih laiin, Zaii ke min tlawh min tlawhna ka en leh ṭhin chu a rawn kun hniam ve a.

"I ke hi la sawn rawh," Rammuanawma aw chang leh nelawm lo zet chu en haw in, "a ho lutuk," ka ti vat.

"Ohh! Ka lo tlawh che em ni?" A nui zui ar ar.


"Ka nupui i tlawh," a ti leh nghut a, ka chair ch, ka ṭhu lo emaw tih mai turin zo zetin a pawt hla zui zat. Zaii zak hmel, nuih za vak lo chu en a hrehawm mah zawk.


"Zaii, i la sim nange?" Zualbawihi kan en vat hlawm


"Zualbawih," Vanneiha'n a rawn ti zui hluk a.


"Lala pasal chu i tawktar lo'ng chu maw?" Mami pawh chu aw! Inhauhna siam lo hrâm rawh se. A hun miah lo tun hi.


Rammuanawma lahin engah ngai lo tih hriat deuh hian a zu no chu lek kangin a ti che ralh a, a tlak zui pup bawk.


Keimah zawk chu hrehawm ka lo ti, Rammuanawma lah hian vawikhat pawh a la melh der mai si lova!


"Kan ei zawh tawh chuan keichu haw mai ka duh," nuam lo ti deuh leh boruak rih leh hläu deuhin ka lo ti vat a. Rammuanawma ka lam a rawn hawi vat, "nâ i nei em ni?" A ti leh tawh.


Na nei reng hmel ka pu em maw ni? A hrim hrimin ka kut alawm ka tihnat le!


"Huiham! Ramdin pawh Doctor pasal bakah bodyguard inei ṭha tawh lutuk a," Romawia'n a rawn tih chuan an lo nui huk hlawm.


Zaii pawh nui ve tho mah se min rawn melh leh ṭhin chuan kan pahnih awm a ti nuam lo tih kan inhre ve ve. A nuam duh tawh lo êm a sin.


Hotel kawta inthlah liam liam hlawmin, Zingengmawia tak pawh chuan Rammuanawma chu a kuah deuh thuk thuk a. Rinai takin a nel em maw ni tih tur a ni leh zawk.


"Lala, kan inhmu leh dâwn nia," Zaii chuan min rawn kuah thak, ka hriat theih chinah a vawikhat min kuahna a ni, midang hi chu kan inkuah bawrh bawrh mai zel a, ani hi chu a dang tlat ka tih tawh kha.


"Umm..." Tiin a hnungzang beng chuan ka thlah ṭha ve vat.


Siamsiami te ho an lo ṭhen ṭhaw hlawm bawk, mak anti nge annuih a za pawh ka hre lo.


Kan inthlah liam hnuah ka sira kuangkuah runa lo ding mipa lian leh sangpui chu ka melh chho ralh a.


"Eng nge?" Nuihza insum deuha min entu chu ka tih khum hlar ringawt bawk.


Nui sukin, "lut rawh, kalna tur kan nei," nuihza hmel chu nge maw a put ngawt le?


"Khawiah maw?" Lut ta mai lo chuan ka ding leh, a säng si, a mita en dawn chuan dah vak hi a ngai ṭhin. Mizo nula 5'4ft awrh tán chuan he mihring 6'2ft ngawta sang hi chu a lian mah mah a ni.


"Police station-ah," a ti bul nghut, a lawm hmel viau loh.


"Nge kan tih dâwn, ka duh lo e a," rang lutuk chuan ka ti chhuak.

Damdawi in tih lohah police station hi ka hmun ngainat loh ber a ni. Damdawi in erawh loh theih lohna avangin ka tal tam hle a, ngaiah ka nei ve deuh tawha a ni mai.


"I bag an ruk sak che a ni lo'm ni?" Ti leh supin, "lut rawh, i hritlang ang," zan a tlai tawh avanga min ngaihtuahna ni awm tak hian a ti leh sup a, ka luh hmain amah zawk chuan zo zetin ka kawng aṭanga chawiin min hlang lut nawlh, amah pawh a rawn ṭhu lut zat bawk a.


"Bawngkawn Police Station-ah kal hmasa rawh," a ti zat.

"Nangman i khalh dâwn lo em ni?"

Min rawn en a, "fimkhur tluk a awm lo," a ti leh sup. A zu in ve deuh vang a nih ka ring, ka lo nuih seih ringawt, kawng lehlam takah chuan a fimkhur thiam viau lawi si.


"Engtin nge ka bag an ru tih i hriat?" Kan tlân chhuah tawh hnuah ka ti sep a.


Ka lam rawn hawiin, chal ti chuar zui tap hian, "i pasal i zawt lo nia," a ti hluk. Tunge maw a sawi le.


"Rawn ṭhu hnai teh," a ti zui chu ka ṭhut hlat tulh tulh a, kawngka lama ka tawlh zui hrut hrut chu phun hlukin amah a rawn tawlh hnai vut a, ka inrin hmain ka kawngah a kut hrawlpui mai rawlhin zo zetin min chawi nawlh, a malah min nghat chuan ka tal ve leh phat a.



"Che suh," a ti hluk, ka che tawh lo chiang teh e. Thupe aw deuh a chhuah hi chuan hnial a hlauhawm tlat zel.


"Minthlah teh, midang...."


"Midang an awm lo," a lo ti bul nghut a.


"A khabe hnuai aṭanga melh chho kiau in, "ka bag an ru tih engtin nge i hriat tak tak?" Ka ti leh. A zu rim lah chu a tui hrep lehnghal, ka lungphu mai ni lo, ka thawk thlengin tihdanglamin a awm lehnghal vek tawh bawk.


"Buaina satliah pawh ni lo, i nunna i chan lo chauh a. I pasal hrilh tumna pawh i nei lova," min bia pawh a ni lo, a lawm lohna sawi ve nghut nghut a ang zawk.


Ngei fe a melh chhovin, "i zakthei lo e a, call la thei lo leh hmeichhe dang buaipuitu inih kha, min thlah teh.." Ti leh hlar chuan inlak hran leh ka tum a, ka tal vêl naah ka kut ka khawng zauh, "a nâ..." Ka ti zui ṭhat chu phun hlukin, "ṭhu mai mai rawh," a la vin khur khur lehnghal. Amah vang vek a ni sia!

"Khawimaw..." Ka kut chu la in a thaw hulh a, "Bawihi, luhlul viau ṭhin suh..." Dam dupa a rawn tih chhuah chuan ka hresual emaw ka ti dâwn.


"Bawihi..." A tiin ka hre tlat nia!



Mak ti leh min kohna avanga ka thisen kal lai chawl ta ṭhuapa ka lo enna chu min rawn en zawk, a zu rim pa hrak mai thaw chhuak sek sekin, a ha var rual nalh zet mai lang ṭhat a nui chuan, "vawikhatmah mipa dang i pasal a nih thu sawi tawh suh ang che," dam dup siin thu minpekna leh vauna a lang tel.


Ka hmui ka lo tih pawrh khum vak a, "pawnlama ka pasal nih duh lo tu inih kha," ka ti let hlar chu a thaw huk, "chutiang a awm tawh lo," a ti bul leh sup a.


Hrethiam lo deuha melh chho haw in, "eng maw?" Ka ti leh.


"I chetsual zanah engtin nge Gospel-a nen khan in awmdun?" Ka zawhna a chhang leh tawh lo, U Gos-a hming a lam lai chu a chang fuk lehnghal.


Chhan tum lo deuhin ka ngawi ngal a, "zawhna ka zawt che," a ti leh hluk. Mak deuh maiin ka hnuk a ulh tlat a, ka mittui a rawn hnai kuar mai.


A mal chungah kuangkuah fel at chuan, "ka hre lo," ka ti nghat. Ka ṭah chhuak ve ringawt chu ka hrethiam lo.


Mahse, ka thiltawn ka ngaihtuah let a, Rammuanawma ka biak tlang theih loh leh damdawi in a ka thil va hmuh kha ka mitthlaah langin, ka hlauh zia ka hre chhuak lo thei lo. Ka na thar a ni ber.


"Biak pawh min biak i tum lova," bul deuha a ti leh sup chu mittui parawl kuang chunga melh chho vakin, "call la duh lo tu inih kha aw RAMMUANAWM.... Keiai te chuan i hmei te ho te an pawimawh fe alawm," uar leh ring fahran chuan ka ti chhuak nghek, ka mittui chu a rawn luang zui ang zawih zawih bawk a.


Ka kuangkuah leh, lehlam ka hawi leh daih bawk, "eng nge i sawi awmzia. Min enteh," ka ṭap chuan a nuih a ti za nge, a hmei te ho ka lam chhuak chu a läwm zawk pawh ka hre nek lo ve.


"Hmei lah i ngah rapthlak si," mittui tla chung chuan ka ti leh niah niah.

A la nui nghawr ang dawt dawt zui a, thinrim deuha a mala aṭanga chhuk ka tum leh min kuahbet nghet ang sauh zel lehnghal!


"Bawihi...." Min kawih her a tum chu ka lo ṭang ve ṭau. Zanin ka no thar riau chu ka duh lo viau mitmu hul halh leh ngeina deuh a melh ka duh veinen a.


A nui nghawr leh dawt a, "hmei ka nei hauh lo. Tin, i call ka hmu miah lo bawk," a ti dam leh sup sup, a aw ah chuan min thlem titih bawk.


Ka ṭah lah chu a chhuak tulh tulhin, ka mittui lah chu cartoon ami ang maiin a tam zual em em mai lehnghal a.

"Ka awih lo," ti hlar chuan a mal chungah ka la ṭhu tau deuh hmuk hmuk bawk a.


"Engtin nge ka thusawi i rin theih ang?" A nuihza aw chu ka la hre reng.


"Sawi suh..." Ri chhuak meuhin a nui zui hawk hawk, ka kawngah a rawn kuah nghetin, ka dul nêmkai a ṭham salh bawk a, a taksa si cheta min hnuk hnai lehin min kuahbet ta tlat a, a la nui nghawr dawt dawt reng bawk.


Tal ve laih laih pahin, car hma lama ka bag, min khai sak, a dah luh chu hmu in, "ka bag saw la rawh," ka melh chho, thuawih deuh chuan driver chu zawtin a la a, Rammuanawma kut a thlen rualin lo phih sak deuh sawkin ka phone chu ka la chhuak nawk nawk a, a lo thaw hawlh. Ka che vel chu naupang chhia a ti a nih ka ring.


"Phone thar lei i ngai a nih kha."


"Pawisa ka nei lo," ka ti nghal hlar, ani angin kan hausa lo, duh duh hunah kan lei thei lo.


"Enrawh, en rawh..." Ka call chhuahna hmet chhuakin a hmai bul chetah chuan ka lek chhuak a, ka nawr lo chauh zawk. Minpuh chhe khanglang a nih kha!


"A va mak nawk nawk," nui sun suna tih leh ka phone chu a la a, a kawrchung min hak tir, seat a ka dah chu banin phone a phawrh ve zat, eng emaw hi sawiin a phun hluk, "ka phone khawih an awm a nih hi," a ti zui hluk chu sam phe siau a hawi sawn vawhin, "i hmei te bak an ni lo ang e," ka ti kha hlak hlak bawk.


Hmeichhia a kawp bakah, a farnu te pahnihin an zar hneh bawk si, hmeichhe hipbehna magnet hlum lian hi a ni ringawt.


Hmeichhe hmelṭha deuh a piangin a en zui haw haw te leh en sawr sawr zel te hi ama thiam loh a nia!!


"Hmei ka nei hauh lo ka tih kha," nuihza aw bawk a ni leh tawh, a thaw chhuak ham ham a, "ka tihpalh," ti supin a lamah min pawt leh chêt chuan a awmah min kuahbei ta hlu hlu.


Ka mittui khap let sak sakin, "ka hlauh zia kha i hria em?" Ṭah chhuak ṭeu chuan ka chhal nghal ṭuak a.

Ka chhipa fawp vang vangin, "ka hria e.." A ti leh sup.


"I hre lo," lo ti hlar chuan, "vawikhat chauh pawh ni lo, vawihnih ngawt ka call che a," ka ṭap lo chauh tawh, ka thaw kawk kawk a, ani erawh a taksa a ṭangin, a khauh tulh tulh thung. A thaw lak a ring ta hruih hruihin, a thaw chhuak leh pawh sak ta tak a ni.


Ka chhipah a hmui a nawrbet tlat chu, ka hlauhna leh thinrimna tih reh a tum nge ni a, ama thinrimna inbeng daih a tumna zawk ka hrethiam lo.


Tuna a taksa ruh ta ṭul leh thaw ri hraih hriah hi chuan minti hläu ve leh lek lek zawk!!!


A âwma bei hle hle chung chuan, "engtin nge a man te i man theih zawk?" Ka ti chhuak sep sep. Ka ṭah ve deuhna vang nge ka aw a ṭial deuh ruai bawk.


Thaw ri deuh hraih hian, a chil a lem ri khulh a, "ka that lo zawk ngawt alawm," bung zet hian a ti chhuak hraih. A aw chhuakah chuan thah a pawi sa lo tak tak tih a lang reng


A taksa pawh a ai nasa in a rawn ṭang ruh tulh tulh a, ka ṭhutna a mal pawh chu ruh zual ta tak a ni!!!!

<><>~>~>

NOTE : Naktuk ka chawlh zan aw.🤗


Show post links
Top



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:52 pm

{ LOVE AFTER MARRIAGE.}


By

Floria Laldansangi

Chapter < 20 >


"I muhil em ni?" A âwm lum vung vung leh min kuahna thlamuan thlak takah chuan mutthilh ka inpeih leh at tawh.


"Lala.." A nuihza aw te chu ka hre reng. Ka chalah a hmui lum vung vung chu a nghat a, nui ri sukin, "kan tlai tawh hle a ni Bawihi," a ti leh sup.


"Lala" tia min koh pawh hi ka nghinng phah dawt ṭhin a nia, a aw ki hniam ruih leh rilruih maia "Bawihi" a tih phei hi chuan min hneh lutuk mah mah ṭhin.



"Hetah ka lo mu mai ang, nangmahin lut mai rawh," meng manghlei lo chuan a mal aṭanga chhuk ka tumin ka che ṭiah ṭiah.


Thaw hulhin a che hrut, zo zeta car chhung aṭangin, buaina awm miah lova min pawm chhuah nulh chuan ka meng kawk.

"Min dahthla rawh Rammuanawm, i â ṭhin em ni?" A darah ka beng zui dawt dawt. Nui hawk hawkin min nghat ve mai bawk a. Lai zetin ka melh chho ram ram chu a nuih a za tulh tulh emaw tih mai tur a ni lehnghal!


Police station an hungna bula zialzu a ding constable ding ve ho chu an lo nui ṭhaw hlawm lehnghal a!


Car kawngkhar chu hawng lehin a kawrchung chu a rawn la chhuak leh a, ka darah batin, "kan rei lo ang, i muhil thei ṭêp," a nuih deuh suk suk.

Chu erawh ka haw lo khawp mai, ka mit kawpza hian min peih loh san takngial dâwn.


"Inrawn kal dawn ta lo emaw ka ti dâwn a. Heihi em ni i nupui chu?" Nui vur vurin ka lamah kut a rawn lek chhuak a, ka lo chelh ve vat.


"Ramdinsangi.." Ka lo ti sep a.


"Inpa ṭhianpa hi ka nia, Kunga minti ve mai rawh. A hmel hmuh takah chuan engvanga thinrim em em nge inih tih ka hriat thiampui ta ruai ruai chein ka hria," a nui zui huk huk.


Rammuanawma chu a lo thaw hulh a, "khawnge a awm?" A va nelawm loh theih tak. Miin an fiam a, nuih te nuih ve âwm a nia.


A ṭhianpa lah chuan nui vur vurin, "inchungah," kalna tur min kawhhmuh zui zat. Mahse,a nupui ang a inhmelhriat tirna neih erawh chhungrilah a ruk takin nuam ka ti ru ve reng.


Inchunga kan chhoh hma deuh chuan pawnlamah an rawn ri khut khut hlawm a, "Sir. Bazaar puiah bike intlansik an awm a nih hmel, report a rawn lut a," Kunga chu hawi vutin, "Bawiha ka nau te ho hian an lo buaipui ang che u," a ti vut. Bazaar-ah te an intlansiak ngai em maw ni?



"Tunlai tleirawl ho tak hi chu aw, an nunna te hi an hlut lo lutuk a. Inchung lamah..." Lu thing nar nar chuan a pen chho zui a, Rammuanawma bâna chelh run chuan ka pensawn ve chhet chhet


"I hläu em ni?" Ngei deuhin ka melh chho, nuihza insum tih hriat deuh hian a hmui hnuailam a lo seh zauh bawk a.


"Ka hlau hauh lo," ka ti zui hlak chu a nui zui huk. Ka ngei reuh lutuk!


Kan hma zawna tleirawl, Duata ang rual vel tur ṭhu kun ngur lam chu min panpui a.


"I bag a ni tiraw?" Constable pakhat chuan min rawn pe, lo ban vatin, ka bu nghat a.


"A chhunga thil awmte a kim em?" Ka hawng a ka en vat bawk.


Pawisa phei chu Rs. 1000 bak a awm lo hrim hrim. Ka ID card zawk tak hi a nia.


"A kim e," ka bag la tu ni âwm tak chu a rawn dak chhuak a, addict niin ka hria, a kut leh a hmel vûn dân te, khurh dân te pawh chu zu châk khur nen a in angin ka hre law.



"Engtia tih nge i duh?" Rammuanawma aw chang fuk chu dawnsawn a inthlahrungawm zawk hial a lawm maw le.


Ka melh chho ralh a, ka bag ru tu lam chu a lo en run thung, a bek pawng ṭawlh ṭawlh leh khabe ruh pawng lian zual takah te chuan kut a thlak thut mai ang tih a hlauhawm mah mah zawk.


"Engtin nge hremna inpek ṭhin?" Ka zawhna leh ka hmel chu ka at hmel viauin ka ring.


"Section 379 hmang chuan thla 3 aṭanga kum 3 jail tán theih a nia. Leichawi nen."


Lo ṭhen deuh vakin, "ka ngaidam thei em?" Ka ti chhuak sep chu, "Lala..." Rammuanawma'n a lo ti sup. Melh chho ralhin, "min tihnat a tum chuang lova, ka bag chauh lak a tum tho a," ka ti dek dek chu, "i kut kha nangmaha i intihnat tih sawi i tum em ni?" Bung zet hian a rawn ti hluk.



A aw bul hluk hluk lutuk ngei deuha ner nangin, ka kut chu ka melh zauha, "ka lo ṭan ve deuh vang alawm. Duhse chuan ka call i lak loh lai khan min chhuthlu tawp ang a, kawngsirah ka ruang a zalh ang chu," a tawp lam chu ka uar leh tawh lutuk.


A hnar a tum ri dut a, a hawi deuh hmuk bawk, nui ta sen sen chuan, "case ka file duh lo aw," ka ti leh sep. Ka bag ru tu chuan mak tih hmel fe hian min rawn en a, ka mut chhuah lutuk vang nge a mittui te chu a tling deuh pamin nia ka hriat ni.


"Engtia tih nge induh? Ngaihdam pawh ni ula, anni ang addict hi chuan an ru leh fo dâwn a nia," Police pa bawk chuan a rawn ti leh a.


"Ka nupui sawi ang chuan ti mai rawh," min en miah lo, ka ngaihdam avangin a lungawi chiah lo tih a aw bul ta hmuk hmukah chuan alang reng.


Paper hi a rawn phawrh a, "sign ula, a bak chu kan lo buaipui dâwn nia," a tih chuan pen chu la vatin ka sign nghal vat vat a.



"Zaninah inchhuah ang tiraw?" A la naupang hmel si a, ka khawngaih zawk tak tak.


Ka bag ru tu chu a ṭhutna aṭangin a rawn ding a, "ka lawm e," a rawn ti sap.


Ka bag, a ruk zawk aṭang chuan ka pawisa neih zawng zawng Rs. 1000 chu ka phawrh chhuak a, ka bula dawhkan a dahin, "i mamawh leinan i hmang dawn nia. Ruk erawh ruk tum tawh suh. I la naupangin, kut ke kim i nei a, mahni ruihna tur khawp thawk chhuak thei chu i ni a nia," ka sawi tum pawh a ni chiah lo chutiang chu, a taksa khur dar dar leh hlauthawng hmel ka hmuh sawn ka lainat ve ringawt a tin ni.



Zu rui leh zu chak hi chu ka hmu ve fo a, damdawi châk khur der der hi ka vawikhat hmuhna a ni hial ang. Bakah, a la naupang lutuk sawn minti lainat zual.

Rammuanawma lam ka hawi chu ipte zen chunga ding kak run chung hian, min chhuan hmel deuha min lo enin a nui ta suk a, lai zet chuan ka ner ve ta nawng ringawt. A thinrim tawh lo a ni ang. A thinrim lo leh nui hmel hi chu a ngainatawm maw le.


"Kan lo buaipui dawn nia," Constable-in a ti ri chu ka hre hman, ka mit kham lutuk car chhunga luh hmasak tumin, inhnuai lamah ka chhuk hmasa e ka tia, inhnuai ka thlen thlak rualin tlangval rui an man khawm ni âwm tak, nge ni a nichina 'bike intlansik' antih te kha nizawk ka hre lo, an rawn inhnawt lut ri nawk nawk hlawm a.


Hläu ru leh deuha chhoh leh ka tum ka inher chu Rammuanawma a rawn chhuk ve chiah, ka sirah rawn dingin ka kawngah chelhin tlangval rawn lutin min rawn su tur chu a lamah min pawt salh a, "in zo em ni Bawiha?" Kunga chu a en daih bawk.


A taksa lianpui ka deh a, nghet taka min chelh hi chuan hlauh ka neih pawh hi ka inhre ṭhin law.


"Ka haw hmasa ang e Bawiha. Zanin chu kan nu hi a nuam chiah lova."


"Kan nu," a tih lai chuan ka kawchhung a lo ṭim er er zel. Pangai tak hian a sawi chhuak ṭhin mai bawk si a.


"Ni e, ni e. Hei keini pawh duh aiin kan buai hmel. Remchangah no kan la dawm dun dawn nia. Ramdin, fimkhur tawh la aw," za vak lo hian ka lo nui seih ringawt, ka bula 'min si cheta ding,' ka ti dawn nge, ka sîk chêt mipa ṭawngkam khan ka thawk lak thlengin a la ti danglam tlat.


"Ti na tur che in a rawn kal leh lo ang tih i chiang amaw?" Car ka luh hnu chuan rawn ṭhu lut ve in, ka ngaihdam avanga la läwm chiah lo ri nen a rawn ti leh bul bul a.


Ham bui bui chungin, "ti lo ang, a mitmengah khan misual a ni lo," tih leh ṭhu ṭha sat satin, ka lu chu seat hnungah nghat rem sauh sauhin mit ka chhing zui nghal siai siai bawk, ka mut chhuak lutuk chu ka lu te a na ut ut thei zawk hial a ni. Tiang em em hian mut ka chak ngai miah lo, dam lohna ka neita emaw tih mai tur a lawm.



"Mutthilh i tum tak tak em ni?" Ka chhang peih tawh lo, ka muhil tawh zawk a ni tih hria se ka duh.


Rei loah ka muhil nghal tak tak a ni ang, min si cheta rawn ṭhu hnai leh, ka lu a dara nghah tirtu chet velna chu mumang lam ang maiin ka hre ruai ruai.


Car aṭanga min pawm chhuahlai ka hre hauh lo bawk, khuma min nghah rual leh ka chalah fawpin, "muttui le," a ti ri chu ka mang nge a niha atak ka chiang ngam lo.


Ka mu nasa ngang a ni ang, mumang nei miah lovin ka mu thei tlat.


Ka taksa chu eng ka tih ka hre si lova, ka sil ṭhûm bawk nen.


Zi mar ar ar a ṭhu chhuakin kan room zau zet chu ka melh kual a, Rammuanawma hmel hmuh tur a awm leh tawh lo, hna a kal a nih ka ring nghal ngawt bawk.


"Dinte," mit phak zet, mut la chhuak ru deuh tak chuan kawngkhar lam chu ka hawi a, inthlahrun hmel deuha U Hnemi rawn dak de de in, "i ṭhiante anrawn leng a," a nui sen sen.



Ka sam chul mam thuak thuak pahin, "tu ka ṭhiante nge a? Zing zingah lehnghal...." Khum aṭangin ka chhuk zat.


"Damtei leh midang pathum," U Hnemi chu ka en vat, "zing chaw rawn ei an tum em ni?" Ka nui. An hma ve êm bawk a ni.


Nui vur vurin, "12 a pel daih tawh alawm," a tih chuan mitmu pawt chhuak lo chauhin, "maw?" Ka ti chhuak ṭhat.


Sana kan hunna lam chu hawi vatin, "awi leh! Engtin nge chuti chen chen ka mut theih a? Tinge min kaih thawh loh?" Bathroom a tlân luh ka rual. Engtin nge chuti chen chen ka mut theih le?


Ka pian a hnu lamah ka vawikhatna a ni hial ang, chauh leh mutrei chang chu ka nei ve; Mahse, chawhma pum ṭhak ka mu ngai miah lo, engtin nge ka theih zawk??


"U Hnem, tikhan lo dah rawh, ka rawn ti mai ang," ha nawt pah chuan bathroom aṭangin ka dak chhuak a, nui chunga ka lam rawn hawiin, "intifai vat zawk rawh, darkar chanve dâwnlai an nghak tawh zawk che a nia," a tih leh phei chuan ka meng bial lehzual.


"Tinge min kaihtawh loh a," ka hmui ka tifai zui nawk nawk.


"Awi a! Tukin chu inpa eng hria ni maw? Ka khaih thawh che a hlau khawp a, chaw ei lai leh a chhuah dâwn thlengin min hrilh nawn sek alawm," a nui zui kur kur.


Ka pajamas phelh zui nawk nawkin, "hna a kal tawh em ni?" A lo bu nghat a.


Ka hmaia moisturizer hnawih leh sawk saqk chuan, "nizan aṭangin a mizia a inthlak leh tawh a, i hrethiam ve em?" Darthlalang aṭangin ka melh zauh.


Khuma ṭhu hnakin, "a mize inthlak i sawi takah chuan, nizan hmasa nita in ka hria, i bân i rawn tihnat zan kha, damdawi in aṭangin a rawn haw a. A Doctor coat nen ka hmu kha mak ka ti khawp a, i awmna min zawta i rawn la haw lo bawknen, a thinrim lutuk kha ka hläu ve lek lek a ni. Police te kha a bia in ka hria," a rawn ti ta siam siam a.


Ka ṭhutna aṭanga thovin kawngkhar lam pan pah chuan, "min ngaihtuah vang pawh a ni lo ang," ka ti awlsam et tak nâ-in, ka thinlung ṭhenkhat hi chuan min ngaihtuah a ni tih a ring ve reng tawh thung!




"E khai! Queen Elizabeth-i hmu lovin kan haw leh mai dâwn em ni kan lo ti hman a?"


Lalnunsiami chu ka melh zui vak, "min kaitho lova. U Damtei te lai lai, eng nge nita thut?" Zaii rawn tel ve zel erawh mak ka ti ru viau.


"Nizanah tawhsual i tawhthu ka hre ve chiah a, ka rawn kan ang che chu ka ti," a nui vur vur.


"Engmah a ni hleinem," an hmaah chuan ka ṭhu thla a.


"Chhun thingpui in a hun dawn sia. Dinte, chaw hi i ei duh ang em?" Ka lu ka lo thing vat.


"Kan vai ei tur siam mai rawh U Hnem," ka lo ti vat bawk a.


"I kut chu eng nge a an?" Ka en zawk, a tuamna a inthlak tih ka hmu nghal chiah bawk a, a ruka nui sen sen chuan, "a vun chauh alawm ni tawh, a na tawh lo. Eng nge inrawn tih hlawm?" Ka ṭhiante ho chu ka enkual. Ka kut tuamna chu ka melh leh bawk, Rammuanawma hi a duh chuan a ruka mi enkawl dan a thiam a läwm le.


A hrim hrimin ka hriat lai leh menlai te hian ka na te hi enkawl ve tur a nia. Hmmm!



Remruati leh Siamsiami in melh ralhin, "Zaii'n min rawn sawm a," Zaii chu an en zauh, no zet a lo nuiin, "aw...pasal te i nei a, in inte pawh hriat a chakawm alawm," a lo ti ve vat bawk a.


Ka nuih erawh a za dêr lo, nizan aṭangin Rammuanawma a en dan ka hrethiam ve reng, ka ṭhiannu a nih vang chauha khak lo ka ni bawk.


"A hrim hrimin U Damte, engtin nge kan Lala-i te i hriat daih daih a, ani ang mihring chut lutuk nena in inhre daih daih chu a mak e," Lalnunsiami kher kher zel hi chu.

A sawidik ve bawk tho sia, ṭhian siam hi ka thiam lo laileng lutuk êm a ni.


U Damtei nui chhuak uar uarin, "a chut pawh ka lo ti hleinem. Ka nau company-ah a thawk a, kan inhre chawp," nui chung chuan a ti a.


"DJ company saw inta maw?" Remruati'n a lo ti vat.


U Damtei chu a bu nghat a, "ka ta phei chu a ni ve tawh lova," kan lo nui hak.


"Vivian-i U maw inih a?" Zaii chu ka en haw. U Hnemi'n thingpui leh a hmeh tuihnai zet mai a rawn chhawp zui bawk a.


"Kan Vivi-i te i hria em ni?"


"Hria e, girls dorm khatah kan awm alawm," lawm zet hian a nui zui ar ar bawk a.


Cinthya lo chik ve chiah nen thawh tumin, "ka lo pawm ve leh dâwn em ni?" Min rawn enin, "i kut a la na sia, a ti buai mai mai ang che, nizan aṭangin a mu ṭha duh lova a sual zual lutuk," ka lo nui liam ringawt a, "na tak a ni tawh hleinem," tih leh a ṭhutna lama insawnin, "Tetei'n a pawm leh ang che aw," a rawn meng diar diar mai.


A chang hi chuan min hrethiam ve niin ka hre ṭhin.


"Naute neih te tum ve la Lala.." Zaii chu kan en vat a, Remruati'n min rawn en zui ralh bawk.

Ka khûp ti sai hlarh hlarh a Cinthya awi pahin, "fa nei chi pawh ka ni lo," ka ti sep. Ka chhungrilah erawh mahni inthiam lohna ka nei ringawt nghal thung.


Mahse, inthiam lo tur ka ni lo, atan veka ti ka nih miau avangin, he khawvel hi a hmu a nih chuan nu leh pa kar lo, hmangaihna mi nu leh pa-in an fate an pek ang kha a hmu ngai dâwn tlat lova.


Kan titi zui siam siam laiin, U Damtei chu bathroom-ah a lut zui a.


"Awm intam tawh loh nen, awmpui pahin ngawt inla nei a," Siamsiami'n a rawn ti zat.


Choka lam hawiin ka nui a, "ka ti deuh a, Rammuanawma hian engmah a la sawi si lova," ka nui zui sen sen.


"I vannei ngawt alawm le Lala, indinhmun ṭhin ngaihtuah te chuan pheichham man ini ringawt alawm le," uar deuh tak hian Zaii'n a rawn tih chuan Siamsiami ngaihdan a ni vak lo nge, "nge maw i kâ i ân hleka Lala-i khei zawng ringawt a i ṭawng le," a lo ti bak hlak hlak, tih ngaihna vak hre lo leh Zaii mizia tih kan hriat chian êm avangin kan lo nuihsan ta ringawt a.



"Chutiang lam pawh a ni lo. A hrim hrimin ka thusawi a piang i lo la kawi a nih kha," tleirawl ang maia an i khak chu, "inmak êm mai," Remruati'n a lo ti zui hlak, Lalnunsiami lahin a melh zui ram ram. Ka lu ka lo thin khum mat mat ringawt a.


Zaii hi chu ṭhian ho ah pawh 'a ber' nih duh ang chi kha a ni ve a, tlem hi chuan a buaithlak ve deuh. Lalnunsiami nen phei hi chuan kal hlatsan chi pawh anni lo, an insual a ni mai. An in ngam rapthlak mai bawk si.

A changleh Lalnunsiami thinrim lutuk hian, "Zaichhusei," te hi an ti vak a, pakhat lah lo zâm bik lo, "Siamchhulian," lo ti let ve khar kgar zel bawk, tih ngaihna kan hre lo hi kan lo nui ta ngawt zel.


"Sawita daih ila, Lala inpa no min lo pe teh a, ka rîl hi zai a ngai leh ang tih ka hläu, in entir ka duh êm mai," Zaii bawk a ni. Tun ṭum erawh ka nui der thei ta dêr lo.


U Damtei'n, Cinthya ka pawm mutthilh chu a rawn ban a, "a lo muhil leh tawh, naute hian an ngaina hrim hrim che em ni?" A nui vur vur. Zak vak lovin ka nui a, U Damtei pawh chhang lovin, ka thingpui dâi lam lek lek tawh chu tem hlekin, "i duh chuan Hospital-ah kalin appointment i siam thei alawm. Ka pasal number chu engvangin nge hmeichhe dang ka pek ang ni?" Ka aw chu a nelawm fahran miah lo.



Ka ṭhiante pawhin ka aw ki chu mak anti a ni ang, min en hraw hlawm mai.


Mak ti âwm pawh anni, ka mizia a ni miah lo ṭhiante ngei mei nei taka chhâl hi. Ka duh ngai hek lo.


Ṭhian siam ka thiam loh a leiah hian ka ṭhian neihsa te hi chu ka thiam ang angin ka kawmin, ka duh loh zawng deuha an awm pawhin palzam dan ka zawng hram hram ṭhin zawk a nia.


"Chutiang lam a ni lo. Inpa a nia, appointment siambuai ai ka ti mai alawm. A hrim hrimin sazu hauh i va ti na sawt ve," amahin a nui zui awr awr.



Ka lo ṭhensak a, "a hma aṭang tawhin ka thil neih chu ka hauh nâ tih i hria alawm. Min duh lo a nih chuan ngawi rengin ka kal mai ṭhin; Mahse, mitmei a hmuh loh che chuan ka ta a nihna angin vengturin dikna ka nei bawk," ka ti ta fak fak chu a nui hmel a reh riai riai.


Ka ngaihdan diktak a ni bawk, nizan aṭangin a mitmei leh che zia ka hre lo a ni lo. Ka ṭhiannu naupanlai aṭanga ka kawm tawh a nihna ah a hmai ka vengin, Rammuanawma leh midang laka zak taka siam ka duh loh avanga khak lo mai chauh ka ni.


Bakah, ka pasalin mitmei hmuh nise chuan ka pasal thiam loh a ni a, dem chhan tur ka nei miah lo, chuti ni lova, ka Inchhung ngeia ka pasal biak pawhna tur min dil chu min namnulna leh min tham lohnaah ka ngai hmiah.


"Chutiang lamin ka sawi loh kha. Lala, i ṭawngkamah chuan i pasal duh angin min chhuah alawm. Ka ṭhiannu ini a engvangin nge i pasal chu ka umzui tehlul ang ni," lungawi lo zawkah chuan a ṭang der lehnghal daih bawk a.


"Ka chhuah lo che, thil nihdan ka sawi mai chauh a ni. Keipawhin ka ṭhiannu inihna angin ka sawi mai chauh a nih chu," ka ti ve leh ta nghat a.

Midang awmve awm ka ti nuam lo tih ka hria, ka tum pawh a ni chiah lo mah se ka sawi chhuah loh chuan ka tawt tlat bawk si a. Bakah, Zaii mizia ka hre chiang lutuk hian ka khak vat loh chuan a umzui hreh lo tih ka hre chiang lutuk mah mah.


Hetiang hi ka ni ngai miah lo a sin maw le!


Kan ngawih deuh vang vang hnuah, "Dinte, ka haw mai dawn a sin. Ka nu te rawn lên antum a nih hmel," U Damtei'n a rawn ti sep. Inthiam chiah lova en in, "haw hmat i va tum ve," ka ti sep a, a bag ban pahin, "nidangah ka rawn lêng leh ang, in in awmna hi nuam ka ti, a reh bawk si," kawngkhar lam pan a rual a. Ka tho ve vat bawk.


"U Damte, taxi i lak dawn chuan haw tlâng ila, keipawh ka haw hmasa mai ang," Zaii'n a zui zat. Chelh pawh ka chelh buai peih rih lo, mood a ti off laklawh, tunlai ka thin tertek lutuk hi chhungrilah chuan ka inthiam chiah bik chuang law.


"E khai!" An chhuah fel rualin Lalnunsiami a rawn nui chhuak uar uar. Ka lo thaw chhuak han ham thung. Zaii ka biak laia ka ṭan zia ka hre chhuak rum rum bawk.


"I danglam tawh zia hi," Remruati a rawn nui zui ve kur kur bawk a.

"Mahse, a ṭha zawngin alawm. Zaii mizia hi chu ka mil thei thlawt lo, khak fawk loh chuan zah a hre bawk si lo," Siamsiami'n a tui zui hlak hlak chu ka nuih liampui ve leh mai. Sawizui vak pawh ka duh chuang lo, an hmaichhana ka sawi bak hi midang hnunglama sawi zui se se hi peih pawh ka peih lo hrim hrim.


"Lo ṭhu teh.." Ka ṭhu thla chu min rawn ṭhut hnaih surh surhin, "i naupai chu engtia tih nge i tum?" Ka thaw chhuak hawk. Boruak ka hip zui leh vang vang a.


Ka ṭhiante pahnih enin, "tih tlak ka duh," pehhel kual leh ngaihtuah vak lo chuan ka ti sep, an lo thaw ve hak.


"Keichu inpa hrilh la ka la ti fan," Remruati'n a rawn ti ve zat a.


"Ni e, fa neih a lo duh ve maithei a sin."


Siamsiami thusawi avangin ka nernung mai, "duh ni se a fa pai lo turin min hrilh lawk miah lo ang. A thiam loh pawh a ni bîk chuang lova, tihpalh thil tak taka pai ka nia, hre lo se ṭhat pawh a ṭhat zawk ka ring," ka ti leh sep sep. Ka duhdan diktak a ni bawk.


Diktak chuan hmeichhe ṭhenkhat an rai avanga lawmna mittui tla huh dup ang kha ka ni ve lo a ni ang, nge ni a ka fa hi ka hmangaih tawk lo pawh ka hre lo. He khawvel, pa hmangaihna ka dawn tir theih ngai loh tura pian tir chu ka duh tlat lo.


"Tihtlak tir dan che chu ka hria a, Clinic ka tihna. Mahse, inngaihtuah hmasa la, nunna nei, i fa ngei i that thei tak tak dâwn em tih. Chutiang tur chuan i nunrawngin ka hre lo Lala. I ṭhianṭha ber te kan nihna angin i inchhirna tur engmah ti lo la kan duh. Nau tihtlak hi a chhanna pawh a ni lo thei a," Remruati'n a rawn ti siam siam.


Ka pumchhunga ka fa ngei thah chu ka zawhna leh hringnun hman lehzel dan tur chhanna a ni miah lo tih ka hria. Ka hre chiang lutuk mah mah.


Mahse.....

Ni e, 'mahse' tih hi ka dinhmun, kan dinhmun aṭanga hi chuan a awm lo thei tlat lo. A pa nena kan inzawmna chu paper pakhat chunga hming thaikual satliah mah se kum 2 chhung leka inzawmna, inzawmna phuahchawp leh tihluihna, thinlung tel miah lohna hmun a ni tlat si a.


Chutiang karah chuan engtin nge pawisawi lo ka pianchhuah tir theih ang ni. Engtin nge ka thisen leh ka hrin tur ngei chu he inzawmna damchhung tawite pawh daih lo tur sawi loh, a hringnun chanve pawh a hmanpui theih lohna tur khawvel ka hmuh tir theih ang ni?



Ka titla a, ka titla takzet a nih chuan, engtik ni ah emaw ka la inchhirin, Pathian hremna pawh khi ka la tawk ngeiin ka ring a. Mahse, chutih hunah chuan ka tihsual, ka duhthlanna avanga hremna ka tawh chu sawiselna nei miah lovin ka pawm ngei ang tih ka chiang viau thung!


< FLORENCE-I....POV >

{Dah ve lawk ang aw, kan bo lutuk lohnan}



"Mizoram i rawn let chhan sawi ila tum lo em ni? Nge ni a, Rammuanawma nunah let i tum leh? I tum tak tak lo ang tiraw?" Jessica-in ka fanu a pawm chu melhin ka nui a.


"I hria alawm, ka fanu Pa a ni tih chu."


"Ka hria; Mahse, i fanu pa atan Tengheta i thlang zawk alawm," a lo ti ve nghat.


"Ka rai tih ka hre hauh lo. Tin, ka fanu Pa a ni tih ka hre lawk bik hek lo. A mak ka la ti, engtin nge ka hriat loh theih. Bakah, keimah ni lo Tengheta'n engtin nge a fanu a ni lo tih a rawn hriat," ka ti hlak hlak.


"Rinhlelhna a nei aniang chu," a ti sep a, ka lu ka thing mat mat, "min ringhlel ngai lo, rinhlelh tur lahin ka awm ngai hek lo, Rammuanawma fanu a ni tih hrilhtu an awm a ni mai."


"Nang leh kei bakin kan hre lova, tu in nge hrilh se itih ni?"


"Chu chu alawm mak ka tih," ka ti zui halh, sawitu chu an awm a ni. Mahse, a sawi erawh ka lawm zawk viau, pasal kutthlak ching lutuk lakah minchhan chhuak thung a.


"I dawhkana paper kha ka chhiar a."


"Florence...." Ka lo nui, "Rammuanawma nupuiin nau a pai iti a ni lo'm ni? Engtin nge Rammuanawma fa a nih theih ang?" Ka nui zui ar ar. Rammuanawma'n fa a neih theih tawh si loh chuan a nupui hi a uire ve tihna emaw ni?


Ka ngaihtuahna avangin nui zui awr awr a, "enteh Florence, i khawih loh tawp tur i khawih tih i hria em? He thil hi Rammuanawma i hriat tir thei hauh lo, nang leh i chhungte avanga accident kha tawk a ni a, kha vang a Infertility hi nei a ni bawk," Jessica-i hmel en chuan ka nuih a za tulh tulh.



"Eng nge ka ngaihtuah i hria em?"


"I uire thu sawi suh."



"A dik, ka uire san hnuah thingtlang hmeichhe pakhatin a la uire san thei fo hi ka khawngaih zawk," ka nui kiah kiah. Ka lainat ru viau bawk.


"Mahse, Rammuanawma a hlim alawm," a lo ti sep. Ka lu ka lo thin khum nawk nawk, "a hlim hauh lo, min la hmangaih lutuk mah mah. Min hmangaih lutuk," ka sawidik viau bawk, chuti ni lo se a nupui a rai a ni tih a hriat hnuah ngawih a chuh chhan tur a awm miah lo.


"I hresual ang e," ka nui hawk.


"A hmeichhe hmangaih hmasa ber leh awmchhun ka ni."


"I inring tawk mah mah lo maw? Ka hmuhdan chuan a hmangaih tawh lo che," ka nui lui hak, "mipa hi i hrechiang lo a ni," a lu a lo thing a, "Mipa dang chu ka hre lo; Mahse, Rammuanawma erawh ka hrechiang khawp mai," a lo ti ve leh vat.


"A tána hmeichhe hmasa ber leh fawh hmasak ber, amah ngeiin a nupui atan hial a a thlan hmeichhia ka ni tih i hre bawk ang chu," mahni inrintawkna a khatin ka ti let, engpawh thleng dâwnse ka fanu Pa hi ka neilet dâwn a ni tawp!


"He thilah hi chuan ilam ka ṭang miah lo, nupui fanau nei tawh, chhungkaw din tawh a ni," ka ner vak.

"Jess, Rammuanawma i hrechiang a ni lo'm ni? A thisen nge a thlan i rin a, a thisen farkhat pawh tel lohna naupang chhar chawp saw?" Ka ti leh fak fak.


Luhlul minti tih hriat takin, "i inchhirin, nangmah chauh ni lo i fanu thlengin iti na dâwn a ni tih ka hrilh lo che tih sawi suh ang che," ka thil tum avanga lungawi lohna nen chuan a ti leh niah niah. Ka ta a ni ṭhin, ni lo Rammuanawma hi engtiklai pawha ka ta a ni.


"I kalsan tawh a engvang rawn let leh nge maw i nih le? Bakah, Dintei naupai pawh kha sawi ri fo suh. 'Naupang chhar chawp' te kha i chhuak ang e," Ngaihsak vak lovin, TV Chanel hmetsawn pah chuan a ti leh sep sep a.


"Ka dinhmunah khan ding la, thlantur dang ka neih loh zia i hria ang."


Rammuanawma nupui hming a sawi lang chu ka nui zui hak bawk, a pumchhunga naute chu CHHAR CHAWP a ni mai lo em ni? Mahni pasal fa pawh ni lo chu.


"Thlantur dang i nei lo ni lovin, i hma i sial a nih kha. Mipa, thinlung zawng zawnga hmangaihtu che, a Nu leh Pa hmaah i kut chelha chhungkaw Dinpui a duhthu sawitu kha i phatsan a ni," Jessy-i chu a thinrim tih hriat takin a aw tawp lam chu a sehchilh deuh nak nak.


Inthlahrung hnuhnawh tak chuan, "ka hria alawm; Mahse, hei ka rawn let a ni lo'm ni? Jess, ka fanu hi, ni lo, kan fanu hi chhungkaw pangai pek ve ka duh, ka duh takzet," ka mittui avangin a thinrim mitmeng chu a reh zui riai riai a, ka nuih sen sen, Jessica, rilru ṭha leh khawngaihna ngah tâk, bum nuam tak kha a la ni reng tih a ti fiah hle bawk!!!


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:53 pm

[ LOVE AFTER MARRIAGE]

By

Floria Laldansangi


Chapter < 21 >


< RAMDINSANGI...POV >


"I night shift emaw ka tia," harh chiabg mang lovin, zandang ang bawka ka dul nêmlaia rawn kuah da daa, ka nghawnga fawpa ka rim tui ti taka hip zui vawng vawngtu chu ka be zui ṭiak a.


Mahse, zanin erawh zandang ang lo takin damdawi in rim piahlamah rimdang a rawn kai nam haw tlat, ka lo hip deuh kawk a, thaw chhuak leh hawkin, "zu i in a," mut la chhuak deuh takin ka meng zui diar diar bawk.


Nui ri sukin, "Umm..." Tih zawnga min chhangin rang taka ka chunga invawrh kai chuan, ka hmuiah a fawp zauh. Ka meng zui chiang teh e!


Karkhat dâwn lai chu a mizia a damin, a ṭha mah mah ti ila ka sawi sual miah lo ang. Siamsiami birthday zan aṭang khan a mizia a danghlak, a ṭha mah mah zawk.


A chang phei chuan duh aiin a fel over mah mah em aw tih turin min ngaihtuah a, a zahthlak mah mah zawk ṭhin.


"Muhil rawh, i ruih chuan," ka chung aṭanga namtlak tumin a awmah chuan ka kut nghatin ka nam zui dat a.


A lung phu dawt dawt chu chiang takin ka hre thei.


"Zanin chauh..." Min ngen a ang mah zawk, a aw ri leh mitmeng avanga thaw zui ve ta dep dep chuan ka melh chho ran a, rawn kûn hniamin, mintih nat hläu tak siin, dimtê chuan ka hmuiah fawp vang vangin, a inla hrang hlek a, ka chalah a chal nghatin kan hnar intawk chunga thaw chhuak ham hamin, "ka ti na hauh lo ang che Bawihi...." Aw ki hniam sût hian a rawn ti chhuak ham ham.


A thawk rang zual ta sauh leh lungphu rang zual ta em em te. A aw ki hniam tak, sak ta ṭalh mai. Thawk lak ri ta hrawih hrawih te chuan ka kawchhung an ti let a, an ti sa ve nghal bulh bulh bawk.


Thaw dep depin, "Rammuan....." Ka aw chu leh!!!!


A khur dâwn lek lek nia maw le!


"Bawihi......" A thaw chhuak leh hulh. Eng emaw sawi tur nei ni awm tak hian thatchhe takin a rawn meng a. A mit chu a zu ruih vang nge a sen rûm mai.


"I rui chhe lo tiraw?" Harsa tih hmel tak hian a rawn nui a, kan chal la insi reng siin a lu a ti che zauh. A thaw chhuak leh ham ham ṭhin.


Keipawh zawitein ka thaw chhuak ve ta ham ham a, ka lungphu rang ta dup dup leh, ka thaw lak buai ta nak chu tihreh tumin ka chil ka'n lem khalh a, "mu tawh la," ka ti leh sep. Ṭawng chhuah ringawt pawh chu ka harsat ta takzet, hlauh tur awm miah si lovin, hlauh nei ang maiin ka lungphu a rang a, ka thawk a harsa bawk.


Ka kawchhung a ṭang ṭung a, boruak a tam thei ang ber ka mamawh ni maiin ka inhria.


"Ram....." Ka hmuiah bawk a rawn fawp leh zauh a, "kei hian ka duh takzet che a ni..." A ṭawng chu a sehchilh loh chauh avang leh a sak ṭalh avangin hriat a har lek lek. Ka hresual emaw ka ti dâwn zawk.



Ka lungphu rang dup dup leh thisen kal lai sa ta pup pup kha vawi lehkhatah a chawl zui dük a, ka thawk ka chelh nghal tlat bawk.


"Eng maw.....?" Ka aw chu a chhuak ṭawk ṭawk, ka lei hmawrah hian a ral zawkin ka hre hial.


Dim light hnuaiah chuan a mitmu dum mawi tak mai, sen ram leh tak ngûk a min en chungin, "keihian ka duh takzet che a ni Lala..." Ka lo thaw chhuak hawk. Ka mittui a rawn hnam sawk bawk a. Ka hresual miah lo tih ka hriat rualin, rin tur a ni em tih ka chiang ngam miah lo bawk.


"I rui....." Ka ti hman ṭawk ka hmuiah bawk a rawn fawp leh, tun ṭum erawh inhremna a ang zawk mah. Na taka min fawp nawk nawkin, a inla hrang leh a, chiang kelh kawlha min en leh in, "ka rui hauh lo," a ti bul nghut, a lungawi lohna chu thup buai pawh a tum chuang lo.



Mittui tla lek lek chuan ka khap ta fak fak a, thaw chhuak leh ham hamin, ka lu chunga a kut innem khalhna chu la kângin, ka sam, ka hmai zartu sam chhawl lêng chu hui kiangin, ka hmai tlâng chu a chûl zui riak riak a. A kutin a thlen chin a piang chu meilingin a dep ta emaw tih mai turin a sa zui hat hat a. A chülna enzui zel chuan a nui ri zui suk bawk.


A hmel hahdam tak mai, chetze dam thlup leh ngainatawm tak chuan ka thawk a ti rangin, ka taksa mai ni lo, ka hriat leh ṭha hriatna thlengin a ti danglam leh ta vek mai!



"Thilsiam zinga hlu ber ini. Hlutak...." Rilruih hian a rawn ti chhuak leh a, thawk chhuah nachang ka hre leh tawh lo hrim hrim.



A mitmeng thim ruih mai, thuk takah chuan dawt a sawi ka ring hauh lo mah se rin ngaihna pawh ka hre chuang hek lo.


Ka hmai tlâng a zûtna chu sawn thla in, thinphu dep depin a chetdan chu ka dawh mawl tawp a. Che turin ka â vek a ni mah zawk.


Ka kawnga zût thla zai zai chuan, ka pajamas pan ve tak, hak nuam takah chuan zen lutin, ka nâknêm lai a zut zui riak riakin ka lo ip chawih a, ka thaw chhuak hawk bawk. Âwm sep dawrh dawrh a thaw zuiin, "Rammuan..." Ka ti chhuak leh sep ṭhin. A bak erawh sawi mai tur ka hre ṭhin law.


"Che suh..." A kut zei tak mai, a hranpain zirna a nei emaw tih mai tura zei chuan ka dul nêmlai chu a thai zui zai zai a, thaw ham hama rawn kûn hniamin, ka heh bawk chu, naute tihnat hläu ang chiaha dim thei angber a fawp leh vawng vawngin, "hmeichhe ngainatawm tak ini Lala," a aw chu ka bengbulah phun sup sup mah se ka thinlung a nghawr dawt dawt thung lawi si!



Thaw dep dep chuan ka hnute lama kut vah chhoh tir mêk, mitmu dum fiah tak mai, a zu hnathawh ni âwm tak avanga sen deuh rûm mai leh de sawr sawr chunga hnai taka min en vawng vawngtu mipa hmelṭha tak chu en chho ve kiauin, ka chil ka lem khalh a, a kutphah hlai leh kut ṭang sei tak maia ka hnute hup lum zui vung vungin ka lo thaw leh halh ṭhin.


A ṭham zui salh takah chuan kâ âng meuhin thaw ka chhuah a, ka kut ka nghahna chu ti che riai riaiin, a t-shirt hak chu ka zen ve ta riai riai bawk.


Ka danglamna nasa tak bakah, chet ka la ngam ve ta a ni tih a hriat veleh rang takin a che hrut a, min tung tho nawlh chuan ka kawr hak chu hnehsawh lutuk hian ka lu lamah a pawt chhuak pawk a, a t-shirt hak lai chu engtik laiin nge a lo phelh hman ka hre lo.


Duhthawh taka min rawn fawp zuiin, keipawhin ka lo chhanglet ve nghal tawn tawn a, khang karkhat dâwnlai mai, tisa châkna nasa tak, vawitam zanlaia thovin tuivawt hmanga a chiah daih fo ṭhin leh, ka theih tawp tak meuh meuha ka haider luih ṭhin chu tâwn darhin a awmta emaw tih mai turin kan chetdan chu a rangin, a hmanhmawh em em a. Tih khalh hläu kan ang ber.


Nupa kar chauha thleng tura ka dah fo ṭhin, inhmangaihna leh duhna tel miah lova kan hman fo ṭhin chu, ka pasal kâ aṭanga min duh takzet thu hre chunga lei ânchhe dawng a, vanram kan siam dun chu âm takin kan chendun a, a aw rilruih leh taksa danglam avanga aw khur leh sak lam lek lek a, "Lala..." A ti thuk ruih zel te chuan thla nei si lovin vawitam boruakah min lêng tir ni maiin ka hre bawk.


Thlan tla dap leh thaw hlap hlap a inkuah chiala kan mut rualin, a rawn nui nghawr dat dat a.


"I aw no taka ka hming ilam hi ka rimawi ngainat ber a ni ang tih ka ring pha ngai hauh lo," min fiam tih hre tho mah ila lai zetin a awmsak leh khauh takah chuan ka chum taih a, "Rammuanawm..." Ka ti zui hlar chu a awma min kuah nghat sauh sauha nui hawk hawk chuan ka chhipah a fawp zui vang vang a.


"Ka ti nâ che em?" Thutak zawka rawn tiin min kuahna a thlah dul hret a.


Melh chho ve nghal kiau chuan nui sen senin, "ka chau..." Ka ti chhuak sep chu a nui leh huk, ka chalah fawp lehin, ka hmui chu a kutzungpuiin a tuai zauh a, "muhil tawh rawh, i chau hle ang," min ngaihtuahna bak hriat tur a awm lo.


Zanin hi ka tan chuan zan duhawm leh chhinchhiah tlak, ka damchhung pawha ka theihnghilh tawh ngai loh tur a ni tih ka va chiang si êm!


A khabe hnuai aṭang chuan ka la melh chho kiau a, "hmeichhe dang pawh hetiang hian i duatin, i duh ṭeuh âwm si a," ka sawi tum pawh a ni lo mah se ka sawi zo vek tawh. Rin a la har êm a sin.


"Ka duh takzet che," a tih kha ka tán rin ngaihna a la awm tlat lo a ni.


A thaw ri hrawih a, "ka nei hauh lo," ti bul hmuk. Hmeichhe tam tak a nei ang a ka sawi chu a ngaina vak lo a ni ang.


A kut a laksawn tawh chu ka khabeah a rawn nghat leh a, chawikâng deuh salhin, a mitmeng la phi ve nak nen chuan chiang tak maia min en kawlhin, a thaw leh deuh ham ham a, "Lala, ka khawih hnuah che hmeichhe dang ka khawih thei tawh hauh lo ti ila min ring ang em?" Za vak lo tih hriat tak hian a ner zui sawk bawk a.


"Mipa tán chuan thu lawmawm tak a ni hauh lo bawk," a ti leh nghut. A thaw ri leh hulh bawk.


A hmel thutak zet chu enchian tumin ka inbeng kâng a, mit ti zîm salha min en tu chu en ranin, "hmeichhe tamtak i nei alawm," ka ti leh hrâm chu a rawn nui ta hawk. Ka lo melh ram ram thung. Nuihzat tur pawhin ka sawi lo, thudik alawm ka sawi ni.


"Nui suh," ti hlar chuan a awmah ka chum zui dat a, aw chhuak meuha nui hawk hawkin, "ohh..." Min la tih khum zui, "Rammuanawm....." Ka ti ṭeu hlar. A na tawp lo aw chhuah turin.


A ngaihzawng te ho ka sawia nuih hun pawh a ni lo. Mahse, ka chhungril khawi emaw laiah hian Jessica emaw Partei emaw thikna lian tak ka nei miah lo, ka thik leh ka rilru zawng zawng luahkhattu Florence-i hming erawh ka lam chhuak tîm tlat thung si!


Hma lama ka sam rawn tla chu ka bengah zepin, la nui reng chuan ka tukkhumah a chelh a, a lama min kuai kûn salhin, ka hmuiah a fawp zui leh vawng vawng, min fawh dan ril leh thuk tak chu mipa-in a hmeichhe ngainat leh duhtak, âm leh thlahlel taka a fawp ang mai hi a ni.



Thaw chhuak ham hama ka chal leh a chal insik tirin, "engtin nge he hmui thlum tak, nel leh nêm tak hi hmeichhe dang hmuinen ka pawlh theih ang ni," dim light hnuaiah chuan mawi lutuk hian a nui zui a, ka lung rawn phu rang zual ta dup dup chuan minti thaw chhuak ngam lo, a awmah min kuahbei lehin, thinphu dep depa mu ta hle hla chuan, ka dar leh hnungzang ruak kâng mai chu chul zui hliau hliauin, ka chhipah a fawp zui vawng vawng a.



"Muhil rawh le....." Aw dam dup leh zawi supin, naupang mutpui ang mai chuan a rawn ti leh a, thaw chhuak ve ta ham hamin, a âwm ka nek zui ṭalh ṭalh rual a, ka khupin a mipatna ka khawng palh chu, "Oppss" a thaw hawk.

Inthlahrung deuhin, "tihpalh...tihpalh..." Ka ti nghal chul chu harsat hmel zeta rawn nui chungin, "che tawh miah suh, mut i kham lo mai ang," a rawn ti hawk, ka nui ta vur vur ringawt a.
.
..
..
.


Ka tlân chhuah hläu ni âwm taka zankhua maia nghet taka min kuahtu, thaw sûk sûk chu mitmeng phak deuh tak hian ka en chho a, ka meng zau zui diar diar bawk.


A hnar ngul sang vah mai, hnawr zum nalh tak chu a khabe hnuai aṭanga melh chho vawng vawngin, a hmui pan chhia ni si lova mawi leh fawh nuam tawk taka pan chu ban de dein, ka tawk zui da da bawk a.

Rawn thaw ri deuh hruihin, "zingkarah chuan ni lo Bawihi. Hnathawka ka kal a ngai hle si a," harsa tih hmel deuh leh mu tho hlim aw ṭeng deuh tak hian a rawn ti chhuak a, ka lo nuih khak.



"Engtin mah ka ti hleinem che."


A hnar a tum dût, phak deuh taka rawn meng ve in, "chimawm miah suh," ka hnar a piai zauh, ka lo nui var var thung.

Zo zeta a chunga min hlang zui nawlh chuan, "nge ni a, zingkar exercise kan la dun zawk dawn?" A mitmeng de sawr sawrah chuan a duh ka hre reng. A awmah ka beng taih, "thawh a hun, hna ka kal ve a ngai tho," ka la nui reng.


"Hna hi chawlhsan la ka duh," a ti bul hmuk chu ka chal ka lo ti chuar nang mai. Ka duh teuh lo nasa.



"A teuh lo êm mai a. Hna hmuh harsat nak alaiin," ka ti hlar, a chung aṭanga chhuk ka tum chu min kuahbet nghet sauhin, "i inti na mai ang," a ti leh sup a, lu lama min pawt tawlhin, min fawp zui zauh bawk.


Saruak ngal ngata taksa la in dai na nâ nâ chu, thawk lah a buai rang thei rapthlak mai si a. Duh aiin ka taksa lah hian min phatsan rang thin em em bawk si. A chi miah loh!



Keimah ang chiahin Rammuanawma pawh tihdanglamin a awm a ni tih a taksa ṭang zui ṭawlh ṭawlh leh thawk lak rang ta sawt te, lungphu ri ta dup dupah te chuan chiang takin ka hre thei.


Thaw hawlhin mit a chhing zui sawk a, a chunga la bawk reng chung chuan ka pasal tisa châkna insum hmel ṭha tak mai chu ka thlir vawng vawng.


Ni chhuakin kan mutna a rawn chhun eng te chu ka vawikhat hmuhna ang maiin a mawi ka ti zualin, ka pasal hlim hmel leh min duatna mitmeng zingkara ka hmu ta mai te chu mumang emaw suangtuahna te pawh a ang rum rum zawk hial!



Rin har ka la tiin, rin ngam a ni em tih leh, he mihring, a pangti lumin min ur ham ham tu, duat taka min kuah hlu hlu tu hian min duh tak tak em? Ka duh ngamin, ka ring ngam ang em? Tih thlengin rindan leh awmdan tur ka la thiam lo zawk hial a ni.



A chung aṭanga chhuk ka tum chu a rawn meng zau a, lo ṭhen khum deuh vakin, "hna kan tlai dawn," ka ti sep. A thaw hawk a, zo taka a chung aṭanga min hlang thla leh chuan, "tunthla bak i thawk tawh lo ang," a ti nghut.

Nichin te chuan thinrim hmel pawh a pu der si lova.


"Ni 3 hnu maiah Guwahati kan chhuk dâwn tih theihnghilh bawk suh," a ti leh nghut nghut.


Intha zo deuhin a tho zui nulh bawk a, bathroom lam pan a tum chu, "hna bansan ka tum reng reng lo a nia. Bansan chhan tur pawh ka nei lo," a hnunglam aṭanga ka ti ṭeu ta hlar chu rawn hawi zawkin, a mit a ti zîm salh a, ṭawng tum ni âwm taka awmin, "kan la sawidun ang, i hna chungchanga inhnialpui che ka duh lo Bawihi," a dam leh dup tawh, a aw ki te hi a thlak zung zung a. A thinrim chauh pawh ni lo, tisa châkna thlenga a insum thei leh thunun thei lutuk hi ka ngei lek lek ṭhin.


Bathroom aṭanga a rawn chhuah leh chuan ka lut ve vat, melh pawh ka melh duh loh vang a ni ang, a thaw ri deuh hraih ka hriat ni.


Ka inbual sawk sawk, ka inbual chhung rei loh tehrengnen ka chhuah leh chuan room a lo chhuahsan fel der tawh.


A awmdan rilru na ru deuh chuan ka insawh deuh nghawng nghawng a. Nizanah duat taka min chûlin, min fawp a, min duhthu a sawi hnuah a thusawi vawikhat ka hnial avanga min ngaihsak leh ta miah lo chuan ka duh miah lohin ka ṭah a ti chhuak urh mai lehnghal!


Tum bura inhnuai chhukin phone-ah tu emaw hi a lo be mawlh mawlh, ka lam a rawn hawi chho chu na deuh hian ka lo melh vak a, a la khi suk duh lek lehnghal.


"Ka theih ka va ring love Bawiha, Guwahati kan kal ni tur a ni tlat mai," a phone hmang chu melh rawm rawm chungin choka lam pan ka tum a.


Ka kawngah lo chelh vutin, a taksa sichetin min kuahbet zui zat a, ka tal ve phat phat, a nui nghawr dat dat a, "kum engzat nge?". "Che suh..." Ti zui supin ka tukkhum ah a fawp chu zat. Ka thaw chhuak hawk. Ani phone hmang ka nghak peih hleinem, ka ril a ṭam, ani pawhin min nghak chuang lo.


"Ka hrethiam e, ka lo tum dawn nia," phone chu a dah zui a.


Rum deuha ka lo melh khai khaina chu nuihza insum deuh taka alama min kuai herin, "le, i läwm loh chhan han sawiteh le," naupang ang maia min cheibawl chu ka ngei lek lek.


"Min thlah teh ka ril a ṭam a nia," a kut phelh sak ka tum chu a sak em em lehnghal.

"I thinrim chhan sawi phawt la," nuih a la tum reng, a hmui hnuailam a pet zui zauh lehnghal!


"A rim lo..." Duh aiin a ring mah mah, a nui ri ta huk mai, ka pêt ṭawk dâwn em maw ni?



"U Rammuan, chaw in ei dâwn lo em ni? Tinge Cereal hi i siam a?" U Hnemi'n a rawn tih hliai takah chuan ngei deuhin ka hawisawn a.


U Hnemi nui ru sun sun ka hmuh chuan, lai ru zetin Rammuanawma chu, "min thlah teh," ka lo ti ru ve chhen bawk.



Ka chumna chu engah ngai lo tih hriat deuha min pensawn puiin, "Lala tán a nih kha, zingkarah chuan cereal leh bawnghnute ei se a hrisel," min rawn melh zawk, ka lu ka lo thing vat vat.


"A teuh lo mai, i duh leh nangmahin ei rawh, tar chaw ei peih ni ila hna ka thawk lo tawp ang," uar zet chuan ka lo ti chhuak a.


"Tar chaw" ka ti chu a läwm vak lo nge a hnar tum ri dut hian, chair pawt chhuakin min ṭhut tir a, "i tána ṭha tur a nih chu," a ti leh sup chu ring deuha ṭawng tumin ka kâ ka âng hman zuai chuah a ni, "Bawihi, thuawih rawh," tih leh ka hmaah cereal tam tham zet bawnghnute nena a siam chu a rawn dah a nih chu, luak chhuak vek se mi ti chiang lutuk.


Bakah, a buh ka ei hek a hläu a niang, tiang te chu dam lo chaw ei thei lo ei chi alawm maw le.


"Dam lo chaw a nih hi," ka nawrsawn rualin, "i hna chungchang kan sawi hmasa dâwn em ni?" Ka van ngei ber tak, mi nawr danlah hi a thiam em em mai bawk si.


"Ka inenkawl thei, bakah ka kut chhete chauhin alawm a nat," ti hlak hlak chuan cereal bawk chu ka la let a, titau ti tih chuan ka hawp zui pawk, ka kâ a luh rualin ka ngawi deuh vung vung a, Rammuanawma min en kurna chu melh zauhin, "a zia hi," ti ta sep chuan ka ei zui mawlh mawlh, rin aiin a tui phian, cereal ka ei tui ber ṭum a ni hial ang.


Kan zing chaw ei kham a ni mai ang chu, hna kal dun ka duh lo viau nangin, min thlah luih a tih tlat avangin kan inthlah ta nge nge a, a eng hria ni maw, nâ ka neih chuan hrilh vat turin min chah zing viau bawk.


Nilengin ka hna ngaiah ka bur leh ngut ngut a, U Gos-a erawh ka la hmu leh miah lo thung, hmu lo mah ila pawi ka ti vak lo bawk. Sawitur a vang thei êm mai.


"Dinte, hmu duh che an awm a," U Khawngaiha aw ka hriat rualin ka ṭhutna aṭangin ka hawi chhuak vat, Nu Mahlimi hmel ka hmu hlawl chu mak ka ti viau bawk.


"Nu Mahlim...."


"Kan inbe lawk thei em?" Eng nge Mizoramah a tih tih ngawt ka lo ngaihtuah leh hman.


"Ka hna ka la zo lova," ka thawhpui te chu ka enkual.


"Building hmaa coffee dawrah sawn ka lo nghak ang che," pangai tak chuan a ti ve leh mai a. Ka bu zui ve nghat. Ka rilru chhungril erawhin ka hnathawhna hmun thlenga min rawn kalchilh danah thil ṭha lam a ni lo tih min rawn hrilh nghal mawlh mawlh thung!



"I bialpa nu em ni? A en dan em em che kha," U Mami zawhna chu kan nuipui hak hlawm, chutin a hmel landan pawh ka lo en chiang lem lova, ka hmu thut khan min ṭhawng deuh bawk nen, a hmel lam ka lo ngaihsak lo hrim hrim zawk.


Chhun chawlh nei tura kan chhuah darh sang sang hnuah coffee dawr, a ṭhut vang nalam chu ka pan ve vat a. Tum loh deuhin U Zoi a lo ṭhu ve ran bawk.


An nufaa anlam ka pan chu la lai lek lek dâwn zawk alawm.


"Lo ṭhu rawh," an hmaa chair pawt chhuakin ka ṭhu ve zat a. Mahse, ka chhungril erawhin nuam a ti miah lo, tlânsan thei ila ka ti viau bawkm


Ka ṭhut fel rual deuh thaw a ka hmaah pregnancy test kit rawn dah chhuakin, "i ta a ni tiraw?" Nu Mahlimi'n a rawn ti zat.


"Huh!" Ka ti heu mai, ka test kit te engtin nge an kutah a awm theih ni.


"Heihi...."


"Tufa nge i pai?" U Zoi teh tawp chu, pasal ka neia ka pasal fa ka pai ang chu maw le.


"Eng nge i sawi awmzia?" Ka ti le ve fak. A nuṭa pa fa lo tu fa nge nise tih a beisei?


"Rammuanawma fa a nih chuan titla turin ka duh che. In inneih chhan i theihnghilh lo ang chu tiraw?" Nu Mahlimi aw chhuak tinah chuan naute chu ka paitlang a hläu hluah hluah tih a hriat.


"Eng maw?" Ka ti ngawt, a bak zawh tur ka hre lo, nu an nihna piahah hmeichhia ve tho an ni a, engtin nge heti em em hian anhmeichhe pui lakah ansual theih tih hi ka la hrethiam thei lo a ni.


Tunah, ka pumchhunga antu, an vah lo piang tur ngei chu that turin minti a nia. Ni e, kan in ang viau mai. Dem thei phei chu ka ni lo. Mahse, rapthlak ka tihna a reh chuang lo.


"Nangpawhin i Pasal tak ni lo fa hrin chu i duh bik nang," Nu Mahlim bawkin a rawn a ti leh, a aw a min tih elna chu ka hre chiang viau bawk.


"Duh e..." Khai! Ka sawi tum a ni miah lo. Nghet takin ka mal chungah ka kut chu ka hmer khawm a, a meng bial kawk chu ka en ran bawk.


"Engmaw i sawi?" U Zoi zawkin a rawn ti heu mai.

Pai tlang tumna ka nei miah lo, nizan thlengin ka rilru a la insual nasa, diktak chuan anfapa leh an nuṭa pa hi rin ngam a ni em tih pawh ka hre bik lo mah se hetia min rawn kal chilh tur hi an ni miah lo.


"Engzah nge i duh, i nu leh pa enkawlna tur nen ka pe ang che," Nu Mahlimi chuan a ti ta fak fak mai.


Ka pasal nu mah nise min hnehchhiah lutuk chuan ka ngeng a chhun niin ka hria, ka ring ka ti khawng at a, "ka paitlang dawn em tih leh, ka titla dawn em tih chu ka thu thu a ni," ka ti ve ta ngat a.



Diktak chuan pangai takin min zawt sela, ka rilru te leh paitlang a rem loh thu te pangai takin sawi sela, a thurawn ka la lo ang tih pawh ka sawi thei miah lo; Mahse, min zahna pakhatmah an nei lo leh thu minpek chu sawi loh, pawisa nena ka fa titla tura minti chu ka läwm dêr lo.


Ka titla dâwn a nih pawhin an pawisa chengkhat pawh hi ka lak ring suh se. Nge, ka paitlang lui ngat dâwn zawk em maw ni?


"Rammuana pawhin fa neihpui che a duh miah lo tih i hria alawm. Bakah, i duh chu sum a ni lo'm ni. Nge ni a, inneihna pawhsei nan hman i tum zawk?" U Zoi ṭawngkam chu ka lo nuih hul hak ringawt. Kutdawh emaw minti em maw ni?


"I chiang amaw, keinena fa neih a duh lo tih?" Ka ti ve leh nghat, ka ṭhutna aṭanga dingin, "ka pasal nu leh a farnu te inihna angin ka zah em em zel che u Nu Mahlim. Mahse, mihring hi innawr leh in cho chintawk a awm ngai a nia. Tin, ka fa, ka thisen a ni a, tihtlak tumna ka nei lo, i fapa leh nang, i chhungkua in duh lo mah ula, ka thawk ṭek ṭek chhung chu ka fa hian inpuihna a mamawh ngai lo ang. Kutdawh kan ni lo," ka ṭawng tawp lam chu ka sehchilhin ka hrawk a rawn na ut ut.


Ka ṭah chhuak ta ut ut chu ka duh lo takzet. Confi taka sawi chhuah ka tum veinen, hun lo lutukah ka mittui a rawn hnam ṭiam ṭiam chu ka inhaw lutuk tlat.


Ka thaw kawk a, mit khap fak faka min en tu te chu nghet taka inhum ruh chungin ka pensawn san nghal hlawk hlawk bawk.


Mizo, Christian ramah hetiang tak hian mihring sual kan awm thei ang tih pawh ka ringpha ngai lo, ansual pawh a ni lo, an rapthlak a ni mah zawk.


Mihring chu ṭhat leh ṭhat kan inläwm a ni ngai a. Mahse, Nu Mahlimi te erawhin vawikhat pawh mitmei ṭha min hmuh ngai loh ang bawkin ṭawngkam pangai hian minbe ngai lo hrim hrim.


An dinhmunah dingin, an thlirna aṭangin thlir ve ila, an mizia ang hi chu ka pu ve tho vin, mi zawng zawngin an pu ang tih ka ring ve reng. Mahse, a chang hi chuan mihring famkim nih bîk loh chuan nâ ka ti ve ṭhin.



Ka mittui rawn lum thla pup chu ka hru zui tawk a, "ka paitlang ngei ang, ka paitlang ang a, tu ka pe ngei ang che," kha zet chuan ka ti chhuak nawk nawk.


Nilengin Rammuanawma mize inthlak danglam fo avangin ngaihdan ka la siam thei lova mah se tunah erawh tihtlak ka tumna te kha pakhatmah ka nei tawh lo.



"Dinte....." Ka ding dawt. Ka su dawt a ni mah zawk.


"I ṭap elo?" Ka mittui chu dan ka tum nasa mah se dan ngaihna awm lo khawpin a rawn luang zui zawih zawih a.



Hetiang hi ka ni ngai miah lo, ṭah ka awlsam ta viau hi ka inhrethiam bik chuang lo.


Khawlaia ding kan nih miau avangin min hliah khuhnan leh midangin min enzui lohnan min rawn din hnaiha, min kuahzui daih bawk.

Rammuanawma ang emin min kuahbo hneh lo nâ chu, tunah erawh ka mamawh ber a ni tlat thung.


U Gos-a kuahnaah chuan chhuak takin ka ṭap khur zui zawih zawih a, nghet takin min lo kuah ve tlat bawk.. Min kuah tlat lo se zawng, he khawlai ual au takah hian ka ṭap mualpho ngeiin ka ring.


Mihring ka ni a, zah leh na tuar thei ka ni ve bawk, khatiang taka intham lohna leh i rahbehna kha ka la tawng ngai miah lo.


Ni e, sum ka mamawh ber a ni mah se mahni thisena midang chelhbet tur erawhin ka nunrawng miah lo, chu aia nunrawnga ka chet theih awmchhun chu, nunna la nei lo, thisen hlawm paih hi a ni. Chu erawh tumna pakhatmah ka nei ta miah lo thung!!!!



Ka pai ang a, ka hring ang a, tunge ka nih tih an hmu ngei ang. Nawrluih chi ka ni lo. Ka â lutuk, min nawr nasat poh leh an duh loh zawng a awm nuam ka ti ting a ni tih hi an hre lo a ni!!!!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:53 pm

{ LOVE AFTER MARRIAGE}


By

Floria Laldansangi


Chapter < 22 >


RAMMUANAWMA....POV


"i hlim sual ang e aw. Tunlai chu DJ Company neitu leh a bialnu thar sawi a tam riau a nia," ka lo rum nghat. Gospel-a sawi leh ka nupui ansawi tel ta fo hi ka duh miah lo.


"Hna i nei lo em ni?" A nui huk huk a, "thudik hi chu a kha a nia?" Ka ṭhianpa mah nise ṭawngthei tih chang hi ka nei ṭhin.


"Eng nge in lo sawi a?"


"A nupui rai hi a fa a ni tih a chiang em ka lo tia," Jessica-i chu nui sakin, "dam lo thar i neih kha aw," ka hmaah a rawn ṭhu thla.


"Ka hman miah lo. Lala Nu an zai a hun dâwn ka tih kha."


"I specialist-na alawm. Bakah, Delhi aṭangin anrawn pan vang vang che a."



Ka lo thaw ham ham, Lala ruala chhuk ngei ka duh si a.


"Enkawl..."


"No...no...no...kannu bulah tu aimah ka lâk loh tur thu ka tiam tawh, zan lam OP tur phei chu... teuh lo lutuk," a lo pha nghal zung zung. Thaw ta hawk chuan, "tute nge ni reng reng?" Jessica-i chu ka en zui run.

"I hre ve mai ang," a tih rualin kawngkhar a rawn in kik a, "Doctor.." Nurse Tetei a rawn dak.



"Rawn luh tir rawh."



"Hi!"

Ka hmaa hmeichhe naupawm rawn lut chuan rei lo te chhung min ṭhawng ve det.


"Florence...." A nuisang a. A hma ang chiahin a la hmelṭha reng a ni. A hma aiin a khal mah zawk!


"Daddy....." Chu ka hming lem, 'Daddy' tia min ko ṭhintu awmchhun Florence-i ngei naupawm chunga ka lam rawn pan hnai zel chu ka en ta ngur a.


"Eng nge i lo an?"


"I fanu em ni zai ngai ansawi chu?" Ka ṭhiante pahnih chu ka en zui. Enkawla'n a mitmengin a lo pha vat a, Jessica-i erawh nui vur vura tho in, "ward fan ka ngai dawn," tih leh ka office chu an chhuahsan zui nghal bawk.


"A rei ta hle mai," Nurse Tetei rawn lutin file min rawn pe a.


"Dr. Mandy-in a zai dawn nia," ka dam lo a ni a, pangai taka ka biak chu thil nihdan tur a ni tlat. Chutih rualin, nunhlui emaw min hria ang a a awmna erawh chhan ṭul ka ti lem lo.


"Daddy...."


"Dr. Rammuana," a meng phar deuh awn.


"Mahse...."


"Mahse' a awm lo, i fanu erawh theih tawp chhuahin kan enkawl ang," ka lo ti kha fuk chu a läwm lo hle tih ka hmu thei.


"Nangmah ngeiin zai la ka duh."


"Hun ka nei tlat lo. Tete, heihi Mandy-i i pe dâwn nia," file chu a lo pawt thla vat a, "Delhi aṭanga ka rawn kalchhan hi Doctor dang ni lovin, nangmah ini Rammuanawm," Florence-i diktak a la ni, ngaihsak lo nih a ngaithei miah lo.



"Hun ka nei lo ka tih kha," ka ti ta nghut.



"I neih a ngai. Min lo va chhuahsan rawh," Nurse Tetei ding ve reng chu chhuak turin thu a pe zui a.


"Florence..."


"I zai a ngai ka tia lawm, i fanu hi midang kuta dah i duh em ni?" Ka nui huk.


"Ka fiamthu lo a nia. Daddy, i fanu, kan fanu a ni," sawi hrehna emaw pawh a nei hauh lo chu Florence-i ti Florence-i tu a ni, a fanu a rawn ṭap zui a.


"Doctor, Dr. Maena'n i nupui ER-ah an rawn luhpui tih a sawi a..."


Ka ding vut, "tuin nge en?"

"I nupui aiin i fanu hi a pawimawh zawk Rammuanawm..." Ka bâna lo chelhtu chu en ta chhur chhurin, ka phih sawk a, a fanu chu a rak ring zual sauh, "Biaksang, i dinna hi ka hnathawhna a nih vang chauha i dawtsawi la ngaihthla ka ni," chang taka ti chhuak fuk chuan ka pên chhuak nghal pawk pawk.



"Tunah eng nge a an?"

"Ka hre hauh lo Doctor..." Ka rum nghut, hei vang hi alawm hnathawk tawh lo tura ka tihni. Ka fapa chungah engpawh a thleng a nih chuan amahin a sin tuar dâwn!


"Eng nge a an?" Enkawla'n min rawn en a, thaw halhin, "hlauhthawn tur a awm lo, a ṭah nasat vang chauh niin alang," a ti sup sup a.


"Engthil nge thleng?" Gospel-a en zawkin, ka nupui damdawi in khuma mu kut chu chelh zuiin ka hum vang vang, a kut hmawr chu a vawt mah mah bawk.


"I nupui nikhaw hre lova a awmchhan chu i hre zawk lo em ni?"


"Min tih thinrim tum miah suh Gospel," ṭha takin a ni zawhna ka zawh ni.


Ka nupuiin a endan ka hria, mipa ka ni a, Gospel-an a endan pawh ka hrethiam bawk. Ka nupuiin mipa ena a en miau loh avanga engmah la sawi lo mai chauh ka ni.


"I nu leh i farnu in i zawhna chu anchhan theih ngei che ka ring," a ti bul leh nghut a, ka nupui rawn en hnaiin, "eng inzawmna nge inneih ka hre lo mah se i phu lovin, i chhungte lak aṭanga hmuhsitna dawng turin hmeichhe sual a nih ka hre lo bawk," a thusawi awmzia chu hriat a har khawp mai.


Mahse, ka Nu thiltih a ni tih erawh ka hrethiam thung.
.
.
.
"Bawiha...." Ka rin aiin a damdawiin a hneh mah mah


"I en vek tawh a, natna dang a nei lo tih i hriat kha hahdam rawh. Bakah, nurses' lounge a nih tawh hi," ka thaw hulh. Nikhaw hre lova ṭap tur khawpin engthil phiangsen nge maw a chungah an tih ni?


"Inbe teh ang.."


"Florence-i chungchang a nih chuan sawi tur ka nei lo," ka lo ti bul hluk.


"I hriat a ngai. A fanu saw i fanu a ni tih i hre tawh ang tiraw?" Ka nui hul huk.


"Nang lehzel chuan sawi teh suh Enkawl."


"Ka sawi a ngai alawm. I fanu, i thisen ngei a ni." Jessica-i a rawn lut ve bawk.



"Sawi tumna ka nei lo nâ-in mah se ka sawi a ngaiin ka hria. I nupui naupai hi i fa a ni tih i chiang meuh maw, i thisen ngei haider siin," Jessica-i chu ka en zui run.


"Eng nge i sawi awmzia?"


"Ka sawi chu, i a fa a ni ngei tih i chiang...."


"Pathian!!! Jessica, ka fapai tu hi ka hriat loh i ring em ni? " Ka lo ti kha fuk!


"Chu chu ka sawitum a ni lo. I hrechiang a nih chuan engvanga Florence-i fa chu pawm thei si lo nge i nih?" Ka ding chhuak a.


Thaw ri hrawihin, "he thu ah hian nangni nena inhnial ka duh hauh lo, a chhan hrechiang ber tu in ni," ka ti bul ta nghut nghut a, hnial ka duh loh zia an hre ngeiin ka ring.


"A nih chuan he thil hi sawifiah rawh Rammuanawm. Ka fanu pawm thei si lovin, engtin nge i nupui pumchhung a mi chu i chian em em theih tih hi?"


"Lalbiaksang..."


"Chhuak turin minti miah suh," ka hmaah medical record ni âwm tak hi a rawn dah a, "Florence, hei chu...." Jessica-in a lo ti vat.


"Kan thup kumkhua thei dawn chuang lo, ka fanu-in Pa kutthlak ching leh, ânchhia ti fo tu a neih laiin, engtin nge a thisen pawh ni lo chu, ka fanu pa thlazar hnuaiah ka piantir theih bik ang," Florence-i thusawi chu hria ang pawhin ka awmta lo, a duhthlanna a engkim thleng a ni.


Paper chu la kângin ka nui ta huk, a zat erawh a za miah lo. Keihian fa ka nei thei lo ang maw?


"Heihi eng nge?"



"He thilah hian inhnam hnawih ka duh miah lo. Ka kut ka sil ni rawh se," Enkawla'n ti hlukin a pensawn ta vut a.

Jessica-i chu ka en ta run, "i hmu lo em ni, Infertility ini tihna a nih kha..."


"Ka be lo che Florence....." Ka ti hrawk, duh ai ka aw ki a sang ta deuh nge, an meng zui kawk bawk.



"I hmuh ang kha a ni Rammuan. Accident i tawh a, in zaipui i tawn aṭangin a inṭan. A awmzia i hriat kha...."


"Thil theih loh tawp a nih chu. Ka nupui ka hriat chian ang bawkin, keihi a naupaina ka ni," paper chu ṭhuai sawkin ka vawm let zui bal a.


Thudik nise Jessica-i hian a thup chhan tur a awm loh mai bakah, Doctor ka ni a, ka inhre ve bawk.


"Test nawn leh i duh...."

"A ngai hauh lo," ka kut chunglamah vai thuakin, ka lo ti chang fuk, ka hmai ka tuai zui puat bawk a, "Doctor ka ni ve tih theihnghilh suh u," ka ti leh hulh bawk.


Jessica-i hmela beidawnna chu ka hmu reng mah se ka inrin tawkna aiin, he thu ah hi chuan Ramdinsangi hi ka ring tawk thung. Mipa dang fa a pai thei lo.


Hmeichhe thianghlim, tu mipa mahin an la khawih bawrhban loh a ni tih hretu leh fiahtu ngei ka ni tlat!!!!


<><>~>~><>


RAMDINSANGI....POV


"Eng thildang nge a fiahnan ila duh cheu ni, kan fanu a ni tih rin tir tur che in?" Hmeichhe aw tliang nalh tak maiin a ti ri chu ka hre ruai ruai. Minti harh a ni zawk mah ang chu.


Ka taksa dang na miah si lovin, ka lu chu a na ngut ngut thung a, puak keh tur ang mai a ni.


"I aw ki ti hniam rawh Biaksang, ka nupui dam lo hi i hmu lo em ni?" Rammuanawma aw a ni, a ring lo nâ-in a dawhtheihna a pel em maw ni. A bung viau mai.


Hmeichhe aw chu ka hriat ngai a ni miah lo tih ka hre chiang nghal hle bawk a.


Men ka duh, ka meng thei reng tawh bawk mah se men mai chu ka ui viau ringawt a. Tu inbiakna mah hi a rukin ka ngaithla ngai lo, ka thil duh loh ber te zing a mi pawh a ni hial ang mah se tun ṭum erawh, ka awmna hmun enkual tur takngial pawha men loh ka thlang ta tlat thung!


"Hetiang hi ini ngai la Daddy. Mahni fa ngei haider turin i nunrawng lo bawk," ka mutphah chu ka hmer zui salh. Ka thaw ka chelh zui vat bawk a.

Tunah zet zawng tunge a nih ka chiang lutuk mah mah, Florence....


Ni e, Florence-i, a hmeichhe hmangaih ngei kha a ni tih meng miah lo mah ila ka chiang lutuk mah mah.


Rammuanawma chu a ngawi vung vung, a thaw leh hrawih hrawih ṭhin. Ka thin a lo phu ve dep dep bawk.


"Rammuan, i fa a ni tih ka sawi tawh a, i ring emaw ring lo emaw, i thu a ni tawh. DNA test i duh ṭalh chuan ka buaipui thei tih i hriat kha," chu aw erawh chu Jessica aw a ni. Engkim a hria tihna maw?

Mahse, tuna rawn sawi chhuak nge a nih?


"Chutiang chuan kan ti dâwn nia," Florence-i aw bawk niin ka hria, a aw ah chuan inrin tawkna a khat a, test ngei a duhna pawh a lang chiang viau bawk.



Ka âwm zawn na lutuk chuan ka thawk lak a ti harsa a, meng chhuakin ka thaw hawk, "Lala...." Rammuanawma'n min rawn hnaih nghal rawk rawk.


A mitmeng buai nak chu ka hrethiam lo. Keimah vang nge a nih a, Florence-i vang zawk?


"Nâ i nei em?" Ka marphu a dek zui a, ka chhan hmaa min enkual zui zung zunga thaw hulhin, "min ti hlauh zia i hria em?" Lungawi lo, lungawi lohna tilang ngam si lo a ang ka ti.


Ka khap fak fak a, a hnunga ding hmeichhe naupawm leh Jessica-i chu ka melh ran.


Thlalak leh lemziah ngawt ai chuan a hmelṭha alawm. Ṭha tak a ni!



A vun no sen no chek mai, a nau pawmna kut ṭang zen nalh tak te, a hmui hnawihsen manto tih hriat taka sen vâm hlar maia a hnawih te chu inhmeh tak a ni.


"Min chhuahsan rawh u," Rammuanawma chuan ka kut hum reng chung chuan a ti nghut a, kei erawh ka dang ro theihnghilhin, an pathum che zia chu ka en kar thung. Awm ve lo ang maiin Florence-in min en kan zui daihin, "DNA test chu kan ti...."


"CHHUAK RAWH!!" A chang fia fia teh, ka lo ip chawih, naute pawh a rawn rak zui a, Jessica-i leh Florence-i pawh an meng bial dun khawp mai.


Keimah tak pawh chu thawk ngaihna ka hre leh ta dêr lo.

"A ṭha e, keimahin ka ti ang a, ka fiah ngei ang," Florence-i chuan Rammuanawma chu hlauhna pakhatmah a nei miah lo, aw ki sang ve takin a rawn ti let ṭhak ngam chu a huaisen ka ti takzet.


"Min thlah teh," thinrim taka Florence-in a fanu ṭap a chhuahpui rualin Rammuanawma min hmerbehna chu laksawn ka tum a.


A bek pawng ṭawlh ṭawlh te, khabe ruh lian zual ta sauhah te chuan a fanu a ni tih a ring ve tho a ni tihka hmu thei. Chu chuan ka hriatthiam rual lohin ka kawchhung a hmer na hle bawk.


Ka mutna aṭangin ka ṭhu chhuak a, ka sira tui i chhawp ka ban chu min lo ban khalh vatin, minpe ve mai bawk a. Mahse, keimahah a rilru pakhatmah a awm lo thung, mi â ka nih miau loh avangin thup viau mah se tun ṭum erawh a thup thei meuh lo a ni. A fanu tih a chian lutuk vang te pawh a ni mahnâ!


"Engtika sawi nge i tum?" Tui ka in zo chu ka en deuh haw a.


Ani leh ni lo ang maiin, ka mitah rei a en miah lo, a mit thim zual khup erawh a nelawm viau loh thung.


"Eng maw?"


"I hria alawm. Hun ka pe tam tawk viau che in ka hre bawk," a ti leh sup sup.


"I thusawi awmzia ka hre hauh lo."



"Ramdinsang...." A rawn ti ta hluk mai.


Khum aṭang chuan ka ke ka hläng thla a, "eng nge itih?" Thawh ka tum chu a lawm lo zual tih a hriat.

"Ka haw dawn," a chhip chu a tuai puat a, "hreptak che hian, i nâ a nih chuan damdawi in ah awm la, i naupai kha thi se iti em ni?" A aw chhuak bung leh kha fuk mai chu harh hlim leh lu nat lai a hriat atan chuan a khauh mah mah ṭhin.


Ka lo thaw hawk a, "i hria a maw?" A hre vek tihna maw?


"Hrep a!," chu zawng chu a sawi hluk. A hmai chu a tuai leh puat a.

"Ka thlah haw ang che. Hna kal tum buai tawh suh. Guwahati i chhuk ve tur pawh ngaihtuah ṭha leh ila a ṭha ang," nichin maia a aw aiin hriat a nuam ta deuh. A lungawi lohna erawh a insum hle tih a aw ki bul leh chang fuk fukah chuan a lang chiang hle thung.


"Natna ka nei hauh lo," ka ti chhuak hlak. Ka âwm chhung na veng veng chu Florence-i vang a ni tih hre mah ila, ka la sawi chhuakin, a nupui hlui nena an fanu a ni em tih ka la zawt ngam lo ta fan mai.


Keimahah inrintawkna a awm lo niin ka hre ber.


"Ka fanu a ni," ti a min chhan emaw, "Florence-i nena kan fa a ni," tia min chhanna hriat ka hläuin, thudikin min den nat ka hläu ru tlat a ni ber.


"Ka hruai haw ang che," min rawn chelh a tum a.


Ka lo vai sawn vat, ka mutna chu damdawi in ward pangai emaw ka ti a, a ni hauh lo, dorm emaw ka ti mai dâwn alawm.

Nurse rawn lutin, "ohh, Doctor inla awm a ni maw?" A rawn ti lut a, nurse ho chawlhna leh mutna a ni tih ka hrethiam chiah bawk.


"Bawihi....." A mi enna ka haider chu a lungawi lo tih a aw ki hniam leh bul takah chuan ka hre chiang viau mai.



"Taxi ka la haw mai ang," tiin Nurse dang rawn lut ho min en hrek hrekna chu nuam lo ti zetin ka pensawn san a.



"Ka thlah ang che," ka hnungah min rawn zuiin ka kawngah a rawn chelh zat.


Ding dawtin, "i â em ni? I hnathawhna hmun a nih hi," Nurse ṭhenkhat lah chuan mitmu pawng chhuak lo chauhin min en ta hlawm.


"Ka Nupui ka kuah chu dan phal loh a ni em ni?" Ka melh zui vak chu a kiai suk a, "ka pawm zawk dâwn che em ni?" A ti leh sup, nichin maia a lungawi lohna te kha a bo leh daih tawh. Engmah thleng lo leh hre lo ang maia a awm leh mai thei chu mak ka tiin, mi ti hlauthawng zual sauh bawk.


"Keimahin ka haw mai ang. Doctor duty lai ini a, chutin dam lo i kalsan ngawt thei lo," pawn kan chhuah rualin ka inla hrang a, min thlah ve mai bawk.


"Jessica-i....."


"Naupang ka nih tawh loh hi Rammuan, ka haw thei," taxi a lo awm remchang ve bawk nen, ka hmaa taxi kawngkhar chu ka hawng vat a, min chelh hlau zetin ka ṭhu lut thak, kawngka khar zui dawt chuan, "tlân rawh," tih leh Rammuanawma mak ti hmel leh nuihza hmel lek lek chu hawi letin ka en ta hrâm a. Mahse, ka hawi ta kher kher chu ka inchhir zui nghal rum rum mai.


Rammuanawma min thlir zuina lam pan a, lu zo leh a pawp sei, zen nalh tak nena Florence-in a pan vawh vawh chuan ka âwm chhung hi chhan awm lovin a thip seng seng a. Hawisawn ka duh zat ang chiahin, engtin nge Rammuanawma'n a lo dawnsawn tih ka hmu duh ang lawi si!


"Nula, khawnge ka hruai dawn che," ka harh zawk, driver lam chu hreh deuh taka hawiin, "Bethlehem Vengthlangah," ka ṭhu ṭha zui hnak bawk a. Thaw zui ham hamin, za vak lo chuan ka nui zui ta sak ringawt.


Ka suangtuahna te, ka lo beisei ve te chu mitkhap kar leka pawhdarh ang mai niin ka inhria.


Ni e, nizan leh tukin kha chuan beiseina säng tak, ka läwn thleng ang tih pawh ka beisei loh leh suangtuah ngai lohah mitkhap kar lekin min hlängkai a, ka inrin hma leh ka dinna hmun pawh ka chian hman hma, ka chian ngam hma hauhin theh thlak ka ni leh lawi si.


Ka ngaihtuahna avangin ka mittui a rawn hnam sawk a, boruak hip kawk chuan ka thaw chhuak leh ham ham.

Engtik niah emaw Rammuanawma lakah hian beiseina säng tak ka nei ang a, ka beiseina bawkin mintih nat a, min vuaklet ka hlauh ang ngeiin, tunah hian ka chungah a thleng mêk niin ka inhre ber. Chu chuan ka âwm chhung hi a ti sa veng veng a mah se mahni beiseina siam chawpa nâ ka nihna chuan ka tlawm erawh a ti lâ-in, ka chantawk a ni tih ka inhrilh mawlh mawlh bawk.
.
.
.


"Lala...." Ka hawi chhuak a, "eng nge hetah itih?" Siamsiami rawn ṭhu hniam chu mittui tling piau hian ka lo en.



A inluahah ka luh theih loh avangin, a in kawngkhar bulah, thim zingah ka lo ṭhu ngar ngar mai a nia.



"Tinge min rawn call loh a, inchhungah lut ang," Tala chu a hawng sawk sawk a.


"Ka phone a thi a," ka aw chu a lai rut mai.


Bati a rawn chhi zui a, "current kan la pawt lova, i ṭha em?"


"Ummm.."


"Ṭha lo' ti ve mai ṭhin rawh. Ka rawn bia ang che ka ti hrim hrim a, Clinic ka hmu tawh a, a rei hmaa tihtlak a ngai a nia."


Ka lo thaw hak a, "Siam..." ka chawl deuh vang vang, ka ṭhiannu mita en kar chuan, "ka paitlang dâwn," ka ti ta sep chu min rawn ṭhut hnaih vatin, "Lala, zanin hi i ṭha tak tak em?" Za vak lovin ka lo nui var var ringawt a.


"Ka hre lo, ka awmdan hi ka hrethiam lo. Diktak chuan, a hmeichhe hmangaih ber nen fanu a nei a nih chuan lawmpui tur ka ni si a. Mahse, ka chhungril hi a nâ, a thip a, hetiang tak hian 'mahse' tih leh 'theih changse' tih thumal hian thu tamtak a sawiin, awmzia a nei thui ang tih ngaihna ka hre lo hrim hrim," ka thusawi tawp lam chu a ri chang chang.


Ka thusawi chu a hrethiam em tih pawh ka hre lo, ka bia pawh a ang lo zawk .


Ka mittui a rawn luang ngiai ngiai a, ka beng chhungah hian, "kan fanu," a ti ri te, ka mitthlaa Florence-i, hmeichhe hmelṭha tak hmel te a rawn langin a ri tluk tluk bawk, chu chuan ka thawk lak a ti sakin, thawk ngaihna min hriat tir lo zawk hial!


"Lala..."

Mittui avanga khaw hmuh phe ruai a enin, "Siam.. Ka duh niin ka hria..." Ka ti chhuak zui ṭiak chu a lo thaw halh, "ka sawidik chiah a ni," min khawngaih hmel deuha min enin min rawn ṭhut hnaih a, "buaina lian takah i intat lut a ni Lala," min rawn kuah zui.


Ni e, ka kihhnawkah ka in awk tángin, ka inpal tlu mêk tih ka hria. Mahse, phelh a, thianfai turin ka chhungah hian min deltu lian tak a awm tlat tawh si a. Engthil nge ka tih ang a, engtin nge beiseina ka insiam thar theih ang ni?


Ka âwm chhung na lutuk chu ka thaw ṭha thei lo, ka ṭham zui deuh vawng vawng a.


"Beiseina ka nei ngam lova, a ngaihsakna leh duatna te engtia lo dawnsawn tur nge tihlah ka hrethiam hek lo...." Mittui tla zawih zawih chuan ka sawi chhuak.

Ka chhungril ber aṭanga chiang taka ka hriat erawh, keihian Florence-i kha ka thik takzet a ni tih hi a ni.



Chu chuan Rammuanawma nim rin tir ngam lova, ka rinna tlâng aṭanga tlak leh a, hmeichhe naupang kum 8 mi kalsan a nih ang khan, kalsan ka ni leh ang a, "ka duh takzet," mintitu ânka nêm tak mai ring ila, nuihzat siamna mai ka nih leh ka hläu leh tawh bawk si.


Ka dinna tuipui zau tak hi, thük miah si lovin pênsawn na tur a awm miah lova; Mahse, muangchangin ka dinhmun ka sawh nghet a, ka lam pana tui fawn lah a khauh tulh tulh bawk si!



"I ring ngam lo a ni tiraw?" Ka ṭhiannu zawhna chu chhan ngaihna pawh ka hre lo.

Rin sawi loh, engtia ka pasal lakah hian beiseina neih tur nge tih pawh ka hrethiam thei lo chu a nih si hi.


Hrawkna zet chuan ka chil ka lem zui khawlh a, ka thaw hawk bawk!!!!

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:53 pm

{LOVE AFTER MARRIAGE}

By

Floria Laldansangi


Chapter < 23 >


Ramdinsangi...POV



"Doctor-a Nu sawi vang chauha titla duh lo chu i ni lo ang tiraw?" Khumah muin kan ṭhiandun chuan kan titi sep sep a.



Ka ngawih veng veng hnuah, "a ni tak tak em ni?" A rawn ti leh hliai.

"Ni lo," lo ti vatin, "tum chu ka tum tih i hriat kha mah se ka duhdan emaw tih luihna vang a ni lo ve ve. Han ngaihtuah la, i hmangaih leh hmangaihtu pawh ni lo. Kum 2 hnuah mi hrang nileh mai tur fa pai la, chuta chhapah, i fapaina chuan hmeichhe hmangaih, theihnghilh theih loh nei ta sela, engtin itih ang?"



Ka ṭhiannu chu ka melh zauh, "a hmeichhe hmangaih engtik hunah pawh in nuna rawn lang thei ni bawk sela?" Ka thaw chhuak ham ham, ka mitthlaah lah hian Florence-i a lo lang ve sek zel bawk a.



"Mahse, Lala thildik tak iti a nia, duhthlanna diktak a ni." A ngawi deuh vung vung a, "a nupui hlui pawh rawn pang mah se Doctor-a pawh mi â a ni lova, chutin a let tawh maiin ka ring bik law," a ti leh sep sep a.


"Ka rilru hi a la buai a ni, lo piang sela, a mamawh Pa ka pe thei lo ang tih mawlh hi ka hläu. Pa tel lo leh Pa awh natzia hre chiang bertu ka ni si a," ka lo ti ve sep sep, ka ti tak tak bawk. Keimah ang maia pianna Pa huat tlatna thinlung te ka tuhsakin, a nei mai ang tih ka hläu ru em em bawk si.


Bakah, Rammuanawma mizia en phei hi chuan, engtikah nge a mizia min inthlaksan ang a, engtikah nge min en leh duh loh ang tih pawh a hriat si loh a.


Thimthama titi siam siam chung kan muhil zui a ni ngei ang, tui hal avanga ka harh leh meuh chuan khua a lo var ṭan der tawh. Mut lehna chi pawh a ni lo.



Khum aṭanga tho chuan bathroom lam ka pan zui a, Siamsiami pawh a rawn tho zui ve a ni ngei ang, a ri zui rek rek.


"I haw tlang dâwn em ni?" Bathroom aṭanga ka chhuak chu thingpui rim ka hre nghal, ka pum a rawn ri zui rawk rawk bawk. Nimin aṭangin engmah ka la ei mumal lo tih ka hre chhuak chawpchilh bawk a.


"Nizan chaw ka ei lo tih ka hre chhuak chiah," a zawhna chhang ta lo chuan ka pan hnai vat a.


"Naupai phei chuan in enkawl ṭha ang che. Paitlang i tum tâk rau rau chuan," thingpui in pah chuan ka bu ta nghat nghat a. Ka ril a lo ṭam tak hle mai.


"Zingkarah class ka nei a."

"Hna ka kal tlang ang," ka ti vat tak nâ-in, "ka haw hmasa maithei bawk," ka ti leh chu a lo nui vur vur a, "nizan i riakbo ve ringawt a, inpa i hläu leh deuh em ni?" Ka lo ner nang, hlauh lam phei chu a ni miah lo.



"Chaw ei phawt la hetah? E, inchungah i phone ka charge sak che aw," a ti zui zat.



"Engtikin, eng nge min hmeh pui dawn?"


"Nizan i mut hnuah. Engmah ka nei chuang lo, anṭam tlak hang leh artui a ni mai. Class ka tlai ka hläu sia niminah anṭam chu ka chhum sa a, chaw nen, artui kan chiah kan mamawh," a nui zui kur kur.


Thingpui in chunga nui ve khak khakin, "chutianga chaw ka ei lohna chin pawh ka hre tawh lo mai dawn alawm," ka ti chhuak a.


Ka mitthlaah ka hringnun danglam chhoh dan a rawn lang zut zut.

Rammuanawma ka tawn aṭanga ka nunphung danglam ta lutuk te, ka mize inthlak mai sawi loh, ka khawsak dan säng ta lutuk te ka ngaihtuah chuan keimah Ramdinsangi kha ka inngai ru ve veng veng ṭhin.



Ka nun hmasa kha awlsam tak a ni maih lo mah se hetiang hian lem ka chan fo erawh a ngai lo thung.

Ka nihna, ka dinhmun ang angin ka lang a, ka nâ a nih chuan ka natna ka tilang mai a, ka nui thei lo a nih leh nuih luih tumna ka nei chuang law.


Mahse, Rammuanawma ka nuna a rawn lan chinah erawh ka na hmel leh chau rûm ri te, ka chak lohna leh beidawn ngawih ngawihna te ka nui hmela ka hliah khuh a ngai ta fo a. Ka dinna hmun ka chian êm avangin hmeichhe zakthei lo nihna chelh chungin ka pên luih ṭauh ṭauh a ngai ṭhin bawk!


Pawi ti lo, ngaihsak lo leh ngaipawimawh lo ang a lan luih te hi thil awl tak lah ni chuang law.


"Rai no huat te i nei tawh em?" Ka harh zawk, ka rilru ka lo kawm leh nasa hman.


"Nei lo, a la hma lutuk a niang," ka ti ve mai a. Ka rai no hun tur vel ngaihtuah a, ka awmdan tur sawi lawk chuan kan nui dun ta khak khak a.



"I phone ka'n la ang e?" In kawtah chuan Siamsiami chu ka lo nghak a.


"Siamte, i phone a ri zing khawp mai, i bialpa a ni maithei, a rawn ṭawng bul nghut nghut si," inchung nu chu a nui zui ar ar.


"Ka phone a ni lo, ka ṭhiannu phone alawm," a rawn chhuak a, "a ri zing lutuka kan lo chhang mai a, in la charge bawk nen," an nula a ni ngei ang, inchhunga lut turin nui vur vurin a lo ti ve zat.



"Inpa a thinrim viau ang, engmah sawi lovin i riak bo daih sia," phone min pek pah chuan a ti zat. Za vak lova lo nuiin, "a hre lo ang, damdawi inah alawm a awm," ka tih zawh rual deuh thaw hian, "RAMDINSANG...." Khawng awtin, ka hawi nghal dawrh.


Kan dinna lam pana Rammuanawma zau taka rawn pên pawk pawk chu ka thawk chelh vatin, thinphu dep depin ka lo en â haw a.


A hmel chang rût leh thim khup mai chuan min rap lek lek, min rawn pawtsawm vek duh hmel a pu bawk!


"Naupang em ni inih?" Ka bula a rawn din rualin a ti leh hrawk. Ka lo ip chawih a, a thaw chhuak hawk chu ring tak a ni.


Inbeng daih tuma a hmai tuai puatin, "Pathian! Min tih hlauh zia i hria em?" A ti leh khur khur. Inthunun tum viau mah se a aw chu la mar ṭha fia fia tak a ni.


"Doctor, min riah pui turin ka sawma chuvang a nih kha," kimki dek hian Siamsiami'n a rawn ti da da a, ka lo thaw chhuak hawk thung. Siamsiami chu ka mitsir zauh, Lalnunsiami ang lo takin hläu hmel te a pu ve lehnghal.



Ka thiam lohah ka ṭhiannu dawtsawi tir ka tum awkawng lo, "damdawi inah i awm tho a, ka riak...."



"Hreptak che hian Bawihi. Naupang ini tawh lo, i awmna chin sawi turin i fing tawk," a lo ti leh hluk hluk a, ka thiam miau loh avangin thaw dep dep chuan ka ngawi ta rauh rauh ringawt a.



"Muana, nangmah elo? Kha engthil nge nita bawrh bawrh ni?" Siamsiami in luahna te anrawn chhuak sap sap. Min lo thlir reng zawk a ang.


An Pa ber chu kan bul deuh chiahah a rawn ding a, Rammuanawma chu inthunun tum fe hian a la thaw deuh hrawih hrawih.


Keimah tak pawh chu Rammuanawma ka hlauh luatah ka lungphu a la dik zân bik chuang law.


"Lala, class ka tlai dâwn," Siamsiami'n a rawn tih takah chuan, ka chil ka lem deuh hrawk a, "ummm, ka rawn bia ang che," harsa taka ti chhuakin, midang min en ṭhapna hre lo ang maia min en chhuk runtu chu ka melh chho zauh, a mit a lo chhing sawk a, thaw chhuak hawlhin, "Pa Kungte...." A ti ta sup chauh.


A aw chu thunun nasat tih hriat takin zawi tak siin a bul zualin, a sak ṭalh bawk.


Min rawn din hnaih hrut a, ka kawngah hnehsawh taka a bân rawlh chuan, tilui tih hriat ngawih ngawihin alamah min pawt zui hrawk a, a hrawk bawk che rawlha a chil lem chuan, "tukkin a hmel ka hmu lovin, minti hläuthawng deuh alawm le," tuna a aw chhuak erawh a dam ta dup mai. A taksa erawh a la ṭang ṭha viau thung!


Keipawh chu ka lo thaw chhuak ve ta ham ham a, "i nupui a ni tihpawh kan lo hre hleinem. Engtikin nupui i lo neih reng reng ni?" Pa Bawla te ang rual vel tur putar chu nelawm deuh hian a nui vur vur a.



Rammuanawma chu tlem tala a nuih ka rin nen, hmel thutak deuhin, "kan fa hmasa ber tur kan pai ve der tawh alawm," a ti leh sup.


"Kan fa bmasa ber tur," a tihlai chuan ka lo ip lo chauh, ka duh miah lohin Florence-i hmel a rawn lang ang zat bawk a!



"Inchhungah te rawn lut kawi ula maw le Muante le. Kha i nupui a ni tih pawh kan lo hre reng reng lova, a zia lo êm mai," nichina Siamsiami lo fiamtu nuberin a rawn ti lang lang.

"Ni e, i Pu chanchin te pawh hriat ka duh hle a nia," Pa Kungtea a tih chuan a lo ti leh a.


"Nidangah kan ti zawk dâwn nia Pa Kungte. Kan haw hmasa zawk ang e," min rawn en a, a mitmeng hlauhawm deuh kha a awm tawh lo, nelawm deuh hian a kiai ta suk a, "hnazawh loh tlem ka la nei a, remchangah, a hranpain kan rawn la lêng dawn nia," a tih leh takah chuan Pa Kungtea chu bu nghat nghatin, "innu chu tumaw a hming ni a?" Min rawn nuih.


"Ramdinsangi....." Keimah zawk chuan ka lo ti vat.

"Inhriat reng tawh tur a nih chu, Pa Kungte minti ve mai la, i ṭhiannu in kan inhnuai a luaha kan inhmu fo turah ngai ang," a ti leh duah. Kan inhmu zing mah mah maithei a ni.


Kan tlân liam tur thleng chuan min vai liam a, Siamsiami'n, "chhungkaw member pathum chauh an nia, an inluah man a tlawmin anfel lutuk," a tih ve luam kha tak tak a lo nih dawn kha.


Tunlai chhanah thla khatah cheng sangthuma inluah tur hmuh chu a har chu sawi loh, awm pawh a awm ka ring meuh lo.


"Engvanga engmah sawi lova riakbo nge inih?" Kan tlân fe tawh hnuah a rawn ti sup. Thinrima min zawt erawh a ni tawh lo. A aw chu a dam dup a, lungawi lo leh läwm lo ri ai mahin min ngaihtuahna ni âwm tak hriat tur a tam mah zawk. Chu erawh rin chi a ni em tih ka hrethiam chuang miah law.



"Ka phone battery a low lutuk a."


"Bawihi, naupang i ni miah lo, i ṭhiannu phone pawh a awm a ni lo'm ni."


"A nachang ka hre hleinem," ka lo ti vat erawh a thaw ri hawk a, min rawn en zawk, a nachang ka hriat loh chu a ring vak lo a ni ang mah se engmah sawi zawm lovin, nghet taka steering chu chelhin hma lam a enta ngur ngur a.



Keipawh car chhung boruak rit leh uap phui mup chu haider lui tumin ka ṭhut dan ka siam rem sat sat a, ka lu dah remin mit ka chhing zui hmiah bawk. Ka chhungrilah erawh ka inthiam ta chiah chuang lo, a mitmeng leh aw ri min ngaihtuahnaa khat khan inthlahrunna mi siam niin ka hria.



Rammuanawma chuan min rawn en leh ṭhin tih meng miah lo mah ila ka hre thei, hrechiang tak ka ni.



"Bawihi....." Aw ki hniam leh thawp supa Rammuanawma min kohna chu ka hre ruai ruai.


A nui ri suk a, a chhuak a ni ngei ang, Car che ta dulhah chuan ka meng chhuak riai riai, ka lo muhil leh hman peka'h.


Ka hmaa mipa car kal hual pawk pawk a, ka ṭhutna lam a rawn pan chu mak ti fe hian ka lo en a.


Car kawngkhar a rawn hawn rualin harh chiang ta tak ka ni, "eng nge?" Ka lo ti zui haw chu a kiai suk, min pawm tum ni âwm taka a rawn kûn hnian chu, rang lutuk hian ka lo ṭang zui ve a, "ka kal ve thei reng," ka lo ti nghal chul chu ri chhuah meuhin a nui zui huk huk. A nui ri leh nuih zawnga taksa che oah chuan min fan thla nghal rawih rawih lehnghal a!



"A nih chuan lo chhuak la," la nui reng chungin a hmui chu a tuai zauh, a ding sawn deuh a, ka chhuk hun a nghak zui ran bawk.


Melh lui deuh ram ramin, "awmsawn rawh," kawngkhar a la hnaih lutuk chu ka ti leh hlak.


A mitko san akin a kalsawn dawn emaw tih laiin, ka hmaah a rawn ding zui leh run a, a thim nghal mup bakah boruak a hliah nghal khup ni maiin ka hria.

Car chhunglama eu deuh vakin, "Rammuanawm..." Mit ka khap fak fak.


Ka lama rawn kûn hniam zualin, a bân hrawl leh vein lang ṭhuah mai chuan kawngkhar chu chelh zuiin, a mit a ti zîm salh a, thle zui bakin, "nizana i riahbo chhan chu eng maw?" A ring miah lo, a aw ki hniam leh thük tak chuan minti mur er er thei.


Ka lung a rawn phu rang sauh a, "ka...ka sawi tawh kha. Awmsawn...." Ka thaw ka hip let nghal kawk a, ka thaw chhuak leh ngam tawh lo hrim hrim .


Hnai setsawtah min rawn enin, "chhanna dik ka duh Bawihi," a aw chu a pangai aiin a zawi a, kan pahnih chauha hriat tawk lek mah nise ka lungphu erawh a rawn phu chhuak lo chauh. Ka hmul thi a ding nghal sung sung thei.


"Sawi la..." A nui zui suk, kei erawh thaw chhamin ka thi mai dâwnin ka inhre hial tawh.



Ka hnar a hnarin a rawn deh hlek takah chuan ka thaw chhuak hawk a, boruak him kawk kawk mah ila, ka boruak hip tamzawk erawh Rammuanawma rim pa hrak mai hi a ni thung!


"Rammuanawm..." Vin vak ka tum a nia, ka aw a khur lek lek a, ka lei hmawrah a ral nghal vek bawk.


Mawi lutuk hian a kiai leh suk a, ka inrin hmaa ka hmuia fawp zauhin, a kut lehlam, car kawngkhar chung a dawmna chu la thla in, ka tukkhumah a rawn chelh a, ka chalah a chal nghat datin, hahdam ta huai ang maiin a thaw chhuak zui ham ham.


Keimah tak pawh chu thawk nachang ka hre leh tawh lo, ka thisen kal lai te thleng chuan a chawl leh ta duk ni mai hian ka hre leh tawh.


"Engvanga i naupai thu sawi hreh em em nge inih?" A ti leh ta sup sup.


Thaw dep dep chunga mit khap fak fak chuan, "i thinrim lo em ni?" Ka ti chhuak ta sap. A lo thaw hrawih a, a mit la chhing reng chungin, "a rim hauh lo," ti leh supin a inla hrang vut a, "tun aṭang chuan i hriselna leh ka fapa lo piangtur chauh kha ngaihtuah ang che," min hrilh pawh a ni lo, thu minpe lehnghal chu ka lo ter ve lehnghal hlar. Pangai takin min hrilh ve mai sela.


"Mipa a nih leh nih loh pawh i hre ngawt lo. Bakah, jail tang ka ni lo," a khabe hnuai aṭangin ka ti ta nghek chu a nuih a za zawk nge, a nui ta suk suk a.


Ka inrin hma bawkin ka hnara rawn fawp leh zauhin, "keimah zawk hi jail tang chu ka nih hi," a ti zui sup. A sawi awmzia pakhatmah ka hre lo nâ-in, a hmel leh mitmeng landanah thilchhe lam erawh a nih ka ring lo ngawt a.



"Daddy..." Chu aw no nalh tak chu, vawikhat ka hre tawh a, ka damchhungin ka hai ngai tawh loh tur a ni.


Rammuanawma chu ka hmaah la dingin hawi let sawi loh, hria ang pawhin a awm lo, a khabe ruh pawng ṭawlh ṭawlh leh, car kawngkhar a chelhna bâna thisen zâm rawn pawng zual ta ṭawlh ṭawlh hmuh chuan min rap lek lek zawk. Tlân chhiatna tur awmse ka tlân chhe hreh miah lo bawk.


"I tlân emaw kan tia lawm," Nu Mahlim aw a ni. A hmel hmu lo mah ila mintih chhan tih ka pasal lungawi lo hmel ka chian tluk hian ka chiang bawk.


"Betty, 'Papa' tirawh le," Nu Mahlimi chuan a ti zui zat.



Rammuanawma taksa lianpui hian min khuh hneh lutuk a, anhmel ka hmu thei hauh lo, min hmu bikin ka ring law. Mahse, Nu Mahlimi aw chhuaktin mai a min runluihna chu ring tak a ni thung!



A thaw chhuak hrawih a, "Inchhungah lut rawh Bawihi," mitmu thim zual khupa min rawn en chhukin, harsa tih hmel zet hian a nui lui sak bawk a.


Mahse, chutia luhsan mai ka tum bik lo, ka pasal in, ka inah inleng kan nei a, a neitu alawm le ka nih le.


"Inlêng kan nei niin a lang," ti chhuakin, Rammuanawma taksa ṭang zet chu namsawn ka tuma, a che eih lo, a thaw chhuak hulh.


"Luhlul suh," a rawn ti leh, ka luhlul a ni lo, thil nihdan dik a ni ka tih zawk ni.


"Awmsawn teh," tih leh ka ke chu ka hläng thla nghal a, a tawlhsawn ve ta hrut mai. Khawdang erawh ala hawi sawn lo hrim hrim thung. Minti lai lek lek zawk dâwn.


"Hi..." A kut no leh sei zen mai, mahni kekawrte takngial pawh a su dâwn em ni tih tur khawoa kut tinsei bawk si nena min rawn chibai a tum chu ka lo insang mar ve sauh a.


"Hi..." Ti letin kawchhung rawn tawt zui up up chuan ka chibai ve vat.


Diktak chuan, a hmelṭha tak leh pumraw nalh tak, hleitling bawk si hmuh a, din hnaih takah chuan ka te zual rawih rawih maiin ka inhria.


Engvanga Rammuanawma hian lo hmangaih em em nge a nih tih ka hmuin, ka hrethiam nghal uar uar bawk, chu erawhin tuma hriatpui leh hriat thiam ngai loh turin min vit zui ngut ngut a, thiknain min tuam nghal tlat bawk.


"Nimin lam aiin hmuh i nuam daih a nih hi. Betty-i Nu, Florence-i ka nia," a aw no nalh tak, zangvah mai, nui hmel hawihhawm tak, mahni inring tawk mai chu mipa tan hnar theih a ni miah lo tih kei hmeichhe mawlmang tak pawh hian ka hre thei.


"Ramdini...." Ka ti ve sep a.


A fanu, Nu Mahlimi'n a pawm chu rawn ṭapin, "ni, a ril a ṭam a ni ang, inchhungah lut ila, hnute ka pe dawn nia," Florence-i chuan a fanu ngaihsak tak chuan a ti nghal zung zung a.


Nu Mahlimi nena a fanu ṭap an kalsawn pui te chu mi â ang maiin ka en liam a, ka sir a ka pasal ding chu âwm chhung na ngut ngut hian ka melh chho.


Engvanga lungawi lo em em nge a nih ka hre lo. Nge ni a, Florence-i ka biak avangin a lungawi lo zawk?



"Naute hmelṭha tak a ni," inchhung an lut enzui leh chuan sak tak maiin ka ti chhuak, ka mittui rawn hnai kuar chu duh lovin ka thaw chhuak hawk a, boruak hip kawkin, ka khap zui vat vat bawk.


"Bawihi...." Bul zeta Rammuanawma tihna haider luiin inchhung lam chu ka pan zui ve ta hlawk hlawk, a mitah ka en chuan ka duh miah loh vin ka mittui a rawn luan chhuah leh mai ka hläu a ni. Keihian a nupui hlui Florence-i ka thik hle si a.


Inchhung ka luh rualin, "zanin chu Florence hetah zanriah ei ta che u. Betty pawh awmpui ve rih ka duh a. Damdawi inah in awm pawh a ni chuang lova," Nu Mahlimi'n a lo ti lang lang. Ka dinna aṭanga hla vak lo vah an ṭhu a, an ṭawng chu ka hre lo ang tih a la hläu zawk em maw ni?


"A chi dâwn em ni. Ramdini tan harsatna kan siam palh ang. Nidangah ni rawh se," min rawn nuih var var. Nuih let ve ngial ka duh ṭhin mah se ka la hlawhchham ta fo mai.


"I rawn kalchhan sawi la, haw rawh..." Rammuanawma ka bulah rawn dingin, a nu te ṭhutna lam chu a en zui ngur a.


"Ka rawn hruai a nih hi, ka tunu a dam lova, ka in a hruai luh chu thilsual pawh a ni em ni?" Nu Mahlimi zawkin a lo ti hlar, a mitmeng leh min endan ah erawh ka thiam loh a ni leh vek tawh.



"Engtik nge zai hun tur te chu?" A ti leh hlak bawk a.


Rammuanawma chu ka melh chho zauh, ka awmdan lai lutuk chu kalna tur leh hawina tur mai tur pawh minti hrethiam lo.


"Ka rei lo ang," a phone rawn ri chu phawrhin, a nu biakna hre lo ang hmaka awm chuan, ka chalah a fawp zauh a, pawnlam bawk a pan lehnghal pawk pawk.


Florence-i leh Nu Mahlimi pawhin ka awm ve lo ang maia an titi an chhunzawm leh hnuah, U Hnemi choka hnunglam kawngkhar aṭanga rawn lut chiah lam chu ka pan ve ta ngawt a.



"Awi Lalramdin, minti mangang lutuk alawm," ka darah a rawn beng taih, "U Rammuanan min pet chhuak ve lo chauh," U Hnemi'n a ti zui leh sar sar.

"Tingawt maw? U Hnem, ei tur eng emaw kan nei em, ka ril a ṭam tawp," nichin maiah anṭam hang nen chaw ka ei ṭeuh a nia, ka pum a rawn ri leh nghal rawk rawk tawh.



"Chaw ei pawh an la awm hleinem. I la ei bik lo em ni? A hrim hrimin nizan ang khan riakbo tawh suh ang che. Zingkarah in chhungah chhim thli pui i tleh tir a ni ringawt alawm. I pasal nu lah duai lo, inpa thinrim a insum zo lo lek lek a ni," U Hnemi chuan min hau pahin a âng zui titih hlak hlak a.


"Midang saw ei ve antum lo em ni? Florence-i bawk chu, nizan pawhin Nu Mahlimi'n a rawn hruai lut tawh," a ti leh zat zat. Za vak lo hian ka lo nui a, "khawnge Mary-i?" A zawhna leh thusawi lai chu thildang ka sawipui daih.


Diktak chuan ka chhungril khawi emaw lai hi Florence-i an lam rik apiangin ka lo tlawm ru ngawih ngawih ringawt zel a tin ni.


"Inpa in a sawi lo em ni?" A chawhmeh rawn chhawp ban zata ei nghal ṭawn ṭawn chuan, "eng maw?" Ka ti zui a.


"Awi Dinte, i â e, i rai tih sawitu leh test kit petu kha Mary-i tih i hre lo em ni?" Thil hmuam ṭun chung chuan ka nui â heu ringawt, kuta man awm loh mah se rindan tawk erawh ka nei thiam reng.


"Hnemi, Ramdini ei zawh khan kan room-ah min rawn ko ve ang che. Kan ei ve nghal dâwn a nia,"Nu Mahlimi chuan min melh miah lo. Ka awm ve lo emaw ka inti ve mai dâwn alawm.


"DNA result chu engtikin nge a chhuah dâwn? Thil ṭul miah lo a nia," Nu Mahlimi'n, Florence-i chu a be zui zat. Ka hriat tura zawt a ang mah zawk!


DNA test ansawi chuan nge ka lungphu zawn hi ti nâ ka hre lo, a sa nghal veng veng a, a rukin ka thawk a ti harsa nghal em em bawk!



"Lo ei ve nghal ula," U Hnemi'n a ti chu chhan pawh a tum lem lo, ring tung vahin a inher a, U Hnemi min rawn melhna chu ka lo nuih lui vak ringawt, keimah zawk chu inleng zakthei lo ka ang zawk ta riau lehnghal!



"Mary-i chu sawi leh ila, a ṭawngthei lutuk ka ngei rualin, inpa-in hna rawn kal tawh lo tura a tihlaia a hmel kha ka lainat reuh lutuk a. Inpa Nu lah chuan a chhan ngam der bawk si lo," U Hnemi thusawi chu ka ngaihthla ve reng mah se ka bengah a lut satliah a, lehlamah a chhuak lehnghal a ni ber.


Nu Mahlimi thusawi khan ka rilru a luahkhat, naute kha Rammuanawma fa lo ni takzet se ka pumchhunga naute hi engtin nge ni ve dâwn?

Kan dinhmun lah chu khaikhin rual a ni si lova.



Ka pasal chokaa rawn pên lut chu mit thip ru tak leh thawk harsa tak chuan ka lo en zui kar. A hmeichhe hmangaih nena fa nei dun tura ka mitthlaa rawn lang chuan min hnawhbet hneh em em bawk.


"Hnemi ka lo ei ve nghal ang e," ka hmaah a rawn ṭhu thla a.



A nupui hlui he inchhungah hian a awm ve a ni tih hre lo ang maia a awm leh, a che vel ngeng ngulh mai chuan minti na ngut ngut. Tlem tala a ngaihsak a, a ngaimawh lo anih pawhin, hria ang tala a awm ka ring a nia, ka ring sual chiang a ni!



"Bawihi, Guwahati chu in unau a inchhuk hmasak a ngaih hmel," min rawn en zawk.


A rukin ka lo inhum ruh ngar chu ka hrethiam lo. Kan ruala a kal theih loh chhan zawh ka duh rualin, a chhan hriat ka hläu ru leh ang lawi bawk si!



U Hnemin ei tur a rawn chhawp chu a ei zui mawlh mawlh a. He inchhungah hian engthilmah a thleng lo emaw, awm lo emaw ang maia a awm chuan minti thinrim ru ṭun bawk. Nge ni a, keihian ka lo la thutak lutuk zawk?


Mahse, a awm ve a ni tih hriat ringawt pawh chu ka duh miau lo, ka inrintawkna piahlamah ka pasal ka rinna a tinghet lo zual niin ka inhriatna chu ka duh lo zual takzet bawk!


"Emergency ka nei thut a tin ni," a ti leh sup, ka ngaihbel nge ka hre lo, tunṭum a thusawi chu ka mita en a hläu ni berin ka hria!


Chu chuan minti na zual. Ni e, hetia ka laka ṭhat a chhuah chin hian ka duh leh beisei ngai miah lohvin ka no zualin, alakah ka pangchang zual em em tih ka inhria a ni.


A dik lo a ni tih hre tho mah ila, he mihring min enna lungrun tak leh, aw ki hniam sut a "Bawihi" a tih fo na, a kut hrawl leh thinrim vang ni miah lova vein lang ṭhuah nen a, nghet tak leh duat taka min chelhna te a ngawl ka veiin, hriat fo hi nuam ka tiin, ngaiah ka nei chho ṭan chu a ni si a.


Ni e, ka dinna tuipui zau takah hian ka pil mêk a ni tih leh, ka dinna a nghet tual tualin, tunah ka pensawn lo a nih chuan, he tuipui thük leh zau takah hian ka pilin, ka chakna hmangin ka chhuak leh tawh ngai dâwn lo a ni tih, ka hmaa ṭhu mipa ka duhin, a nuna hmeichhe pawimawh tak nih ve ka duh a ni tih ka hriat chian tâk ang maiin ka chiang a.


Mahse, chumi hria a, vawng a, inhrilhfo siin, ka hnarin, ka thlah thei lo ṭan chu a ni lawi si.


Ka ngaihtuahna avangin ka mittui a rawn hnam sawk.


"Bawihi....." Ka mit ka khap nghal sawk sawk a.


"Ka zawhna ila chhang hauh lo," lungawi lo tih hriat tak hian a ti zui leh sup a, ṭawng ka tum zuai hman, "inla kham nange. Rammuan, Bawihtei hi damdawi in a awm lovin, inlamah te hian a in enkawl thei lo em ni?" Nu Mahlimi te nufa an rawn luh takah chuan ka ṭhutna aṭangin ka tho nalh.


"Ṭhu rawh...." Rammuanawma chu ka en vat.

Muangchanga min rawn en chho vin, läwm lo nasa tih hriat tak, mitmeng dur khup maia min en chuan, "ṭhu rawh, ila puar loh kha," ban chap leh khauh fuk hian a rawn ti zui a.


Ka lo thaw deuh kawk, Nu Mahlimi hmel lah chu a thim tulh tulh.



"A duh a thu a ni ang chu, an inah in enkawl an duh leh duh loh a Doctor leh Biaksangi kha zawt la," bul zet zet hian a tih zawm leh nghut nghut a.


A nu zawhna chu a chhang pawh a ang lo, min la en run bawk si.


"Bawihi..." Ka ṭhut mai loh avangin a ti leh, a aw ki chu a hniam tulh tulh tak nâ-in hnial ngam a ni lo tulh tulh, hmul thi te pawh a ti ding sung sung mai dâwn alawm.


"Ni, kan haw hmasa ang e, Bawihtei khua hi a sik leh tawh," Florence-i chu ka melh vat, a fanu ṭap chu a awi zui darh darh a.


Nu Mahlimi be siin, Rammuanawma chu a en daih bawk, Rammuanawma lahin mit la sawn eih lovin min en la rûn bawk a.



Awmdan minti thiam leh tawh lo, ka duh emaw duh lo emaw ka pasal Nu mitmei ka ven a ngai bawk si.


"Ka puar alawm," ti sep chuan ka pensawn lui ta tho a, Rammuanawma pawh eng sawi lovin, bar hnih thum bak a la bar hman nâng, a rawn tho ve nulh, ka kut silna sirah rawn dingin, "min mutpui rawh," nichina a awm nelawm loh deuh kha a bo leh daih tawh.



Ka ip chawih mai, a ṭawng zawnga ka beng a thawk khum vang nge ni a, min hnaih lutuk vang zawk ka hre lo.


Ka sa nghal pup pup a, ka chil lem khalhin, "inbual te..."



"Nghah theih a nih chu..." Tih leh ka kut sil zo, hruk pawh ka hruk hul hmain, ka banah chelhin min pensawn pui nghal pawk pawk.

Florence-i leh a nu chu awm ve lo ang maiin a ngai a, chu ringawt pawh chuan ka thinlung chhungril a tibuai leh nak tawh.


Florence-i a tihluihna nge ni a, min thlahlel ve tak tak zawk? Tih zawhna a rawn lut zut zut bawk.
.
.
.
"I inbual hmasa dawn em?" Room kan luh rualin a hlat thei ang berah ka tawlhsawn nghal dawrh chu a ngaihdan a ni vak lo a ni ang, a thaw ri hulh a, "ka mu dawn ka tih kha," a ti nghut bawk.


Min enna ngaihsak lo luiin, "a nih chuan ka inbual dawn," tih leh closet lam pan ka rual, ani erawhin a dinna hmun aṭangin min la en reng thung!


"Bawihi....." Ka khur lek lek, min enna pawh tih tawh nak alai a, min rawn pan hnai a ni tih ka taksa in a hriat rualin ka kawchhung a ṭangin, a khur lehnghal der der.



Hnunglam aṭanga dimtêa min rawn kuahin, ka dul nêmlaiahna kut chu a suih zawm a, ka nghawngah a hmui lum ther ther mai chu nghatin, ka rim a hip zui vang vang.


Kei erawh chet chu sawi loh, lungphu rang lutuk avangin thawk ngaihna pawh ka hre lo.


"Ka nupui, ka fapa Nu tur i ni tih theihnghilh ngai suh Bawihi," ka nghawng fawp reng chung chuan a rawn ti sup sup a. Ka mur er er thei. Chu thu a sawi chhan erawh ka hre hauh lo thung.


Ka lo thaw chhuak ham ham a, a lam ka hawi theihnan min kuai herin, ka mitah a en a, "i hrethiam em?" A thusawi chu hrethiam se mintih laiin, ka hrethiam hauh lo.


Ni lo, hrethiam turin inrin tawkna ka nei lo a ni mah zawk.

Mit khap fak fak chuan ka melh chho kiau a, "ka hria alawm; Mahse, i nunah hmeichhe tam tak an awm a, engtin nge i ngaihtuahna ka hriat theih ang ni?" Ka dang a ro zui halh, ka thawk a sak zual sauh bawk.


A hnar tum dutin, "thinlung tam tak nei ang mai alawm ka nih," a tideuh nghut, a läwm hmel viau loh.


"A ni reng alawm," ka lo ti let nghat chu a kiai ta suk a, ka sam chu ka bengah a zep a, ka mitah rawn en lehin, "mipa ka ni a..hrisel tak," a tawp duta, a kiai leh suk bawk, "kawppui nei lo pawhin inhrik thlakna tur duh khawpa hrisel; Mahse, ka mamawh erawh nanghi i ni, i hrethiam em?" A mitmeng ril leh thuktak chu rin duh loh teh mah ila, a aw nghet churh te nen chuan min tuam hnehin, ka dinna hmun tuipuiah chuan, hleuh chhuah zawh rual loh vin ka pil ta riai riai a ni tih ka inhre chiang em em bawk.



Ka kawng aṭang chuan alamah min pawt hnai salh a, thinphu leh tawh dep depa ka pasal âwm khauh tak maia ka kut nghatin, ka si chet bawk a.


Ka khabeah dimtêa chawi kangin, ka hmui chu a hmer kau zui tiar bawk a, min tihnat leh, ka heh chu a pilh ang tih a hläu ta emaw tih mai tura dima min fawp vawng vawng chuan, kan thaw chhuak dun ham ham bawk a.



Kan nupa room, a changa thawk lak ngaihna ka hriat loh leh zau tak si, ka pik em em ṭhinna hmunah ngei chuan, ka pasalin dimdawih taka min fawh dek dekna avanga vanram emaw tih tur, khawvel pawnah leh van boruaka lêng ang maiin, ka kâng delh delh ni mai hian ka inhria.


Min fawh dan thlakin, a lei chu ka kâ chhungah a rawn hawl lut a, min pawt hnai zual sauhin, min fawp zui tawn tawn bawk. Keipawh ka dang chuang miah lo, ka thiam leh theih ang tawkin ka fawp let a, kan thisen rawn so bulh bulh leh kawchhung inlet zui chu chiang takin kan hre ve ve.


"U Rammuan...." U Hnemi aw avangin rang lutuk a tawpin min kuahbet vat a. Min kuahbet chung pawhin âwm sep dawrh dawrhin ka thaw chhuak kawk kawk, chutiang bawkin Rammuanawma pawh a lungphu ri chu ring ṭha dup dup tak a ni. Tin, a taksa ṭang ṭulh ṭulh leh, hnuailama ka tâi zawn do nghal rûn chu chiang takin ka hre bawk.


"Kawngkhar kik ta che," a aw chu a nelawm loh takzet!


"Ka tihpalh, inhre thei lova, naute khu a luak nasa lutuk a," U Hnemi aw a inthiam lohna chu ka hre thei.


"Kawngkhar khar rawh, ka rawn zui ang che," bul zet hian a ti leh hluk a, ka chil ka lo lem khalh. Ka thaw chhuak zui ham ham bawk.


Chutiang bawkin Rammuanawma pawh rawn thaw ham ham chuan, min kuahna tinghet sauhin, ka chhipah a fawp zui vang vang a. Inbengdaih tuma min fawp a ang zawk mah.


Inla hrang hleka ka chala fawpin, "ka zu en ang e," hreh hmel zeta ti supin a inla hrang zui zat a, a thaw ri hulh chu ka hre hman.


A inlak hran rualin ka vawt nghal sung sung thei, a pangtilum leh kuahbehna kha ka lo thlakhlelh zia ka hre chhuak iariar bawk.


Ka pasal taksa inkhai fithla zarh mai, intha zo leh fit tak, a hnunglam ringawt pawh thlir vawng vawng thama ṭhain kawngkhar a pên chhuah chuan za vak lo hian ka nui ta sak a.


Reilote chhung kha tihdanglamin ka awm a, ka lawmin ka hlim em em a, hun hi ding mai se tih duhna ka neih pha hial hman; Mahse, tu fanu enkawl turin nge min chhuahsan tihin ka ngaihtuahna thinlung a rawn paltlang leh meuh erawhin chawpchilhin ka thawk lak a ti sak lehnghal thei.



Doctor a ni tih leh, dam lo tihdam ngai enkawl chu a hna leh tih tur a ni tih hre mah ila, tuna a dam lo zet erawh tu fanu nge a nih tih ka chian lutuk vang nge ka chhungrila awm nawm lohna chu, haufer emaw beng daih mai chi rual a ni hauh lo!!!!


Zankhua ti ila ka sawi sual tam lo vang, zinglam dar 2-ah pawh Rammuanawma chu a rawn la let leh lo, call emaw message tal ka lo beisei ru ve kha a nia!


Zanriah ei laia U Hnemi'n, "i lo nghak ang e, mutsan ang che," tia min fiamna kha lo gaihthlak mai mai tur a nia. Mutthlu duar duar leh, eng emaw ri rek a, men hraw hraw ai chuan!


Rammuanawma laka lungawi lo ru deuh chungin, zing khawvar hma deuhin ka lo chhing ve sek a ni ngei ang, "Bawihi," aw chau deuh ruih ri ka hriat rualin zo zeta min pawm kâng nawlh a rual a.


Men ka duh em em laiin ka mitmu kham leh lu na et et avangin ka meng mai thei lo.



Ka pasal thaw ri hraih hriah te, khumah dim thei ang bera min nghah rualin ka sirah a ṭhu thla ve nghal tih hriat takin khum chu a hniam zui sût bawk a.


Ka bekah rawn fawp zauha thaw ham hamin, "khumah lo mut tur che a nia," a ti leh sup.


Che zui ṭalh ṭalhin, "eng nge a an?" Ka meng zui diar diar.


Ka pasal chu harsa tih hmel tak hian a kiai suk a, ka mit kham lutuk luat nge ni, a mit chu a sen deuh rûmin ka hre bawk.



A hmai chu a tuai puat a, min rawn en chhuk leh rûn, eng emaw sawi tur nei ni âwm taka min en deuh ngur ngur hnuah, "ICU-ah kan dah," zawi tak leh fiah tak si hian a rawn ti sup sup a, a hrawk bawk che ralh a chil lemin, "muhil leh rawh, i chau ang," tih zawmin a tho zui nulh.


Bathroom lam a pan chu ka enzui reng a, a hmel mai ni lo, a che zia zawng zawngah chuan Rammuanawma ang lo tak maiin zâmna ka hmu thei. Chu chuan ka chhungril khawi emaw laiah hian minti zâmin, "a fanu vangin.." Tih ngaihtuahna min neihtir nghal vawng vawng bawk!!!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:54 pm

{LOVE AFTER MARRIAGE}

By


Floria Laldansangi


Chapter < 24 >



"U Hnem, luggage saw tu ta nge nihlawm a?" Ṭhutkhawmnaa luggage inhung enin, chokaah ka lut zui a.


Min rawn en zawk, "Pu berte maw le, damdawi inah an tlang nghal a, ka la dah chho hman lo a nih saw. Chaw i ei duh em?" Ka lo bu nghat.


"Keimahin ka insiam mai ang, kha kha damdawi ina ken tur em ni?"



"Umm, Pi Mahlimin chaw pangai ei a duhthu a rawn sawi sia, ka han pe chho ang e. Chhuahna tur i nei em vawiin?" Ka lu ka lo thing vat vat.


Chaw leh chawhmeh thleng pakhata suak khawm vekin dawhkan lamah ka let a, "ka in pack ve ṭan ang chu, zanlama in pack aiin," ka ti chu thil hre chhuak thut ang maia âng hliai chuan, "awi! Nitak e, naktuk tiraw Guwahati inchhuk dâwn kha?" A rawn ti hliai, chaw ei tuam tuam chuan ka lo bu nghat nghat.



"Inpa lah chuan a zui thlak theih hmel bawk si loh che a. A fanu....." A ti zet tawh, min rawn en vat, sawisual inti zeta ṭhen lui deuh vakin, "ka sawi tum a ni lo a nia," a ti zui nghal vat vat chu ka lo thaw chhuak hawk.


DNA test result a hria tih leh, Florence-i fanu chu ka pasal, ka fa Pa la ni ve mai tur Rammuanawma fa a ni tih, ka lungphut zawng chuan a ri zui nghal tluk tluk a, ka rin lawksa, ni lo, ka hriat sa mah ni se, ka thawk lak a ti sakin, ka lungphu zawn hi a nâ in a sa nghal veng veng bawk a, ka chaw ṭhial lai ka lem sual ang tih hläu ni âwm tak chuan ka ṭhial muang zui ta riai riai bawk!


"Engthu nge inlo sawi leh tak a?" Ka pasal hmel fai vung mai, inbual zo hlim tih hriat taka a hmaiah pawh tui mal la bawl sep sep chunga ka lam rawn pan pawk pawk leh, ka chhipah rawn fawp zauh pah a, "min thawhsan a," a ti zui sup te, a rimtui hman pa hrak mai te chuan ka thluak a verhin, min zêm zui chiai chiai a, ka thaw chhuak leh hawk.


Ka zâwn chiah a ṭhu thla mipa taksa inphut nalh tak, lian thelh thawlh leh sang ṭha tak mai, Adidas t-shirt var thianghlim tak mai a hak leh, Jogger pants, a mal sek tih hriatnana phiarfat maia a hak te, Loafer dum a bun te chu a taksa nen a inremin, a inhmeh hliah hliah, atan chauha siam an ni hlawm emaw tih mai tur a ni.



"Khatia min en reng chuan i chaw ei lai ka ei zawh tir miah lo ang che," nuihza aw lek leka a rawn tih sup sup chuan ka harh zawk, ka pasal hmelṭha leh fai vung mai, chau mitmeng hmuh tur awmta miah lo chu ka lo en reng chu niin!



"I indah säng lutuk," ka ti hlak, ka melh zauh tho, nuihza insum taka a hmui hnuailam pet zauhin a mitko veilam chu a ti sang zauh bawk a, ka lo ner nawk thung.



Cereal bawk U Hnemi'n a rawn pek chu ka lo en kar a, "tar ang mai," ka ti sep chu U Hnemi nuih a za a ni ngei ang a rawn nui chhuak hak, "a hrisel alawm Dinte," U Hnemi zawkin a lo ti let vat bawk a.


Ka chaw bar deuh pawk pahin, "ei chak zawng leh tui tih zawng ei theia damna kan nei hi malsawmna leh hriselna a lawm," ka ti hlak hlak, a eng nge ka thinrim leh ringawt pawh ka hre lo, "cereal ei peih ila ka inhralh tawp nang," ka ti zui leh kher bawk a. Ka thusawi chu hria ang pawhin a awm lo, a hrethiam duh lo zawk nge ni?


A ngawi vung vung a, a nui leh suk ṭhin chu alak aṭanga hriat ka duh ka hriat mai loh vang zawk nge maw ni? Ka huat tawk a tling lutuk mah mah.



"Bawihi..." Min rawn melh zawk, ka chaw ei kham, thawh mai tum chu ka ṭhu ṭha leh tete a. A fanu chanchin min hrilh inbeisei ru tak chuan thinphu ru zaih zaih chungin ka en kar bawk.



A kâ aṭang ngeia hriat a, a ngaihdan te, ka pasal a nihna ang a eng emaw tal ka ngaih ṭhatna tur min hrilh leh tiam chu ka beisei a ni ber. Ka beisei säng viau em ka hre lo mah se a nupui hlui leh a fanu hian keimaha inrin tawkna min hloh tir fo si a tin ni!




"Naktuk chu Airport-ah ka rawn hmu ang che," a thu rawn sawi chuan minti beidawng niin ka hria.



A nupui ka nih thu a sawi a, hrereng turin min duh bawk mah se ka lakah thil tam tak a thup hi ka hrethiam lo a ni. Zawt turin ka huaisenna te kha khawnge an awm ka hre tawh tlat bawk si lo.


DNA an test tih a sawi miah lova, a result takngial pawh sawi tumna a nei lo chuan ka pasal chungah thinrimna nasa ka nei zual a, beiseina ka neih ruk ve, nupui tak ka ni tih inrinna ka neih dâwn a pianga vuak chhiat a ni fo chuan keimah leh keimah ka indah tlawm zia ka hre chhuak nawn ta fo bawk.


"Dik lo a awm em ni?" Ka ṭhutna aṭanga ka tho ta nulh chu min rawn melh chho a, "awm lo," ka lo ti nghat chu a thaw hulh a, "i rilru a awm sawi ṭhin rawh," bul zeta a tihna pawh ka chhanglet peih tawh lo. Min en zui reng tih lah ka hre reng bawk.



"Au..." Hlutea aw ka hre zui bawk nen, Rammuanawma pawh chu inbeng daih tum leh a läwm lohna thup tum ni âwm takin a thaw zui ham ham bawk a.


"Tunen nge inrawn kal?" Ka ti hman ṭawk, U Siampuii hmel ka hmu zui zat.


"I Pa khan bawngsa rep rawn ken tir rawh a tia, Lalduata'n a thawmhnaw rimchhiat a hlau kual nen, kan rawn dah dâwn," a nui vur vur.


Rammuanawma min en rengna chu âwm chhung sa ru veng veng chunga haider lui tlatin, ka hawivah bawk a, tlawm ṭhin viau mah ila, ka tlawm zia tilang tur erawhin ka chapo na tlâng aṭanga chhuk hi harsa ka ti ṭhin, tu vang pawh nise.

"ka la insiam lo, minin siampui la," choka aṭangin ka nau nen chuan ka pawt chhuak nghal dawr dawr.



Rammuanawma min enzuina pawh ka taksa hian a hre lutuk; Mahse, ani pawhin ka hriat duh eng nge a nih a hria a, a haider ang chiahin ka haider thiam ve a ni tih hi a hre tur a ni tawp.


"In inhau em ni?" Room kan luh rualin U Siamipuii'n a ti sep. Ka lu thing vatin, "hauh pawh a awm lo," ka ti vat a, luggage ka dahna lam ka pan zat bawk.


"Naktukah thlawhna kan chuang dâwn a nia, thla ka la nasa ngawt ang, ka ṭhiante hmuh turin," Hlutea phur lutuk chu enin ka ṭah nuih hak. Ka lu um chhung aṭanga Rammuanawma leh Florence-i hming 1mins lek chauh pawh theihnghilh ka chak si zia hi!


"Florence-i vangin khatiang hmel kha i pu tih sawi miah suh," ka thawmhnaw phawrhsa thlep pahin a lo ti hlak.


Za vak lo hian ka ṭhensak a, thaw zui hakin, "U Siampui...." Min rawn en zawk, thawk kawk kawk ka duh mah se ka thei der mai bawk si lo.


"Sawi la," ka lu thingin, "a pawi lo mai," ka ti leh sep si chu min rawn en vang vang a, "Dinte, a hma aṭangin hrilhsa lo che ka ni lo, vawikhat ka tisual tawh a, rawn tisual ve lo tur che u in ka duh ka tih tawh kha. Inzawmna siam tawh chuan chhutchah leh mai hi en leh hriat, sawi ngawt aiin a har tawh ṭhin. I naupai te kha engtik nge sawi chhuah i tum?" Min hau pah pah, a mitah erawh min khawngaihna ka hmu thei thung!


Ka chhungte, ka ṭhiante, ka unaute mit aṭanga khawngaihna hmuh hi ka thil duh loh ber a ni. Mahse, Rammuanawma nena kan inkar an hriat chhuah a, ansawi chhuah a piangin ka hmuh fo a ngai si a, chu chu ka haw takzet bawk.


"A hria alawm," ka hrawk rawn na ta tlat chuan ka lei a ti tawtin, a ti sak zual.


"Engthu nga a sawi?"


"Ka hrethiam lo, a lawm vea ka hriatna leh hriat lohna a inzat chiah," ka lu thing mat matin, "ka hrethiam lo," ka ti leh sep sep, ka ti tak tak bawk. Ka pasal mizia hi ka hrethiam lo takzet a ni. A changin a ta leh ka ta chauh ang a inngai turin minsiam a, a changin min hlatin, kan inzawmna ah indai danna bangchhah tak a hung leh tlat ni hian ka hre ṭhin. Chu chuan sawifiah thiam rual lohin hlauthawnna minsiam fo zel bawk!


"I rilru a awm kha hrilh la, sawi rawh. Nupa inni tawh a, in inzawmna chu engpawh nise nupa kara zep leh thup, sawi ngam loh ngah lutuk te hi thil ṭha a ni ngai lo," a ti leh dap dap.


Han sawipui viau leh hrilh viau turin sawi tur ber ka hre leh lawi si lo hi ka buaina pakhat chu a nia. Engtia awmtur nge ka hre lo a ni mah zawk!


"Au, heihi ka ti phawi," Kan titi zui mawlh mawlh laiin Hlutea'n a rawn ti a, a lam hawiin ka pan hnai nghal rawk rawk.


"Engah nge hei chu i khawih ni?" Thlalak a phawrh ho chu ka chhar khawm mawlh mawlh nghal.


"Ka pawta a inhawng alawm," ka thaw hak, "engmah khawih suh helai chu, i U Rammuana thil a nih hi," ka ti zui hlak. A hrim hrimin he pawhdawh pawh chu tuna taka a inhawn ni? Vawitam hawn ka tum ve tawha ka hawng thei ngai si lova. A kalh theihnghilh zawk nge ni?


"Kha chu Jerry-a elo?" Ka kuta thlalak chu en zawkin, "heihi maw?" U Siamipuii lam chu ka hawi a, rawn awn hnaiin, ka kuta thlalak rawn ban chuan, "ni e, a rei ta hle mai," a nui var var.


"I bialpa hlui em ni?" Nui chungin ka lo fiam zauh.



"Teuh nang. Jessica-i bialpa a nih hi. A pasal hual zawk niin ka hria," ka en deuh heu, Jessica-i hian Rammuanawma hi a duh ve hle in ka hre sia.


"Inpa, Jessica-i, Jerry-a leh Enkawla, Florence-i te chu ṭhenhran theih loh an nia lawm. College-ah pawh a chhe lo pawl, a 'ber' anni zawk ang chu. Inpa leh Jerry-a phei chu an compare nasa ṭhin a sin," thlalak dang pawh chu a en zui zel a.


"Ka hmu ve ngai miah lo. Bakah, a chanchin ka vawikhat hriatna," ka lo ti sep. Hmuh tawhna tak ngial pawh ka nei lo.


"A boral tawh alawm," thlalak minpe letin a ti sep a. Lo en haw in thlalak bawk chu ka bih leh, a hmelṭha tak hle mai, Rammuanawma nen an inchen thawkhat viau nâ-in, Rammuanawma taksa a len zawk vang nge ni Jerry aiin tlemin a lang lian zawk mah!



"Engtikin nge a boral a, a la naupan hmel sia," thlalak ho chu dah lutin ka khar zui a, Hlutea kut aṭangin a pawhna bal chu ka la zui zat.



"A rei ve ta deuh, ka chiang ta mai lo. Inpa te ho Medical zirlai vel kha nge zirchhuah hlim zawk kha aw! Chutiang bawr vel chuan a boral," ngaihtuah let veng veng tih hriat tak hian a rawn ti a, "a la naupang sia, a lainatawm hle mai. Jessica-i a khawngaihthlak dâwn bawk si," U Siampuii chu a bu nghat nghat.


Ka luggage chhin pahin, "tunthleng pasal a ngaihsak loh chhan pawh hi a ni ang," a nui vur vur, za vak lo hian ka lo nui a, "engtia boral nge?" Ka dilchhut ṭhin lutuk hi chu aw!



Min en deuh vung vung a, kawngka lam melh lehin, " Rammuanawma nen an accident. Thudik phei chu ka hre lova, Rammuanawma nen an accident hnuah, damdawi in an thlenpui khan Rammuanawma bawkin surgery tih a duh thu a sawi antia, surgery laiin a hnuk a thlah anti," rawn ti su suin, ka lo khap fak fak, a insawh na ve lo tihna em ni?


"Jerry-a insawh na hle siin, tinge Rammuanawma chu a nat ve loh?" Ka zawt lo thei lo, accident hnua surgery la kalpui theih thu awm lo.


"Ka hre bîk lo, a ṭhenin, 'Jerry-an a ṭhianpa chhan a tumnaah hliam a tuar na zawk ta' antia," a ti leh niah niah. Hliam tuar na lo pawh nise Rammuanawma chutiang a che thut thut duh tur chi a ni dâwn em ni tih ka ngaihtuah zui rauh rauh.


"A hrim hrimin inpa te pawhin Jerry hming te chu a lam ri ve lo em ni?"


Lo thaw deuh ham hamin, "chutiang sawi keuh keuh dinhmun leh inzawmna nei kan niin i hria em ni?" Ka ti chu a nui chhuak hak a, "nia tiraw," a nui chu khek khek. Za vak lovin ka nui ve ta sun sun a.


Ka ti tak tak, han titi keuh keuh emaw mimal chanchin leh hun kal tawh sawidûn turin kan inpawh tawk lo a ni ang.


Han inpawhin, min duh thu hial sawi tawh mah sela, kan inzawmna chu inrem siamna pakhat ve mai a la nih tlat avangin, mi nupa inkar emaw hmeichhia leh mipa emaw inzawmna ang a thusawi dun, thiltih dun, rêl dun, engkim mai hi rem lohna leh sawifiah thiam si loh daidangtu awm tlat hian ka hre ṭhin. A awm ngei bawk si a.
.
.
.

"Kha Siampuii chu i lo lêng elo?" U Siampuii leh ka nau haw tur ka thlah a, pawn kan chhuah rualin ka Pa (Pa Bawla) te anrawn thleng ve chiah bawk.


"Nia maw le, naktuk an chhuak dâwn sia, eng emaw ka thawn e ka tia. Pu Kama chu i va nalh suah suah ve maw le kha, Shillong i ngeih a ni maw?" U Siampuii'n a fiam zui zauh.


Pu Kamlova chu nui vur vurin, "ka tunu a rai a damdawi dang ka mamawh hleinem," a nui huah huah. Lai deuhin ka lo nui ve sen sen.


"Dinte, i U te kha thlah la ka room-ah min rawn hmu ta che," Pu Kamlova'n a ti zui churh churh a, 'aw' tihnan ka bu nghat a.


"Awi! Taxi kan zawng ve mai ang, i Pu chu han hmu rawh," Pu Kamlova te luh rualin, U Siampuii'n a ti vat.


"A nih chuan naktuk chu rawn phei hma tum sela, U Pianan min thlah a tum a, anrawn tlai chuan flight kan nang lo ang," tih leh Hlutea zan mu hma tur tea chah mawlh mawlh chuan kan invai liam a.


Ka Pu room kawngkhar chu ka kik kharh kharh a, "lo lut rawh," ka hawng zui.


"Dinte," a thiltih lai chu a tawp a.


Ṭhu ṭha zui sat satin, a hmaa ka ṭhu thla chu uluk taka min enin, "naupai i haw dâwn a niang a, i cher riau mai," a nui vur vur.


Awih lo zet hian ka lo nernang a, "thla 1 pawh ka la tling hleinem," ka lo ti vat chu nui huah huahin, "shillong ka chhuk lovang tih a nia ka hlauh lam lam tak ni," a intih theih hmel em em bawk a.


Laizeta nuih letin, "i ho e a Pu," ka ti ta ngawt chu a nuih a za tulh tulh lehnghal.


"Rilru hahna te i nei em? Florence-i rawn let te hian i rilru a kap viau em?" Thutak zawk hian a rawn ti ta churh churh a. Pu Kamlova ka hriat leh hmuh hmasak ber ang, putar fing vervek hmel deuh kha a ni leh tawhin ka hria. Mahse, amah chiah hi a ni Florence-i te nufa rawn lan hnua ka rilru awmdan tur min zawttu chu.


Za vak lo hian ka lo nui a, "kap em em chuang lo ve. Eng nge a fanu a an vawiin lam te?" Diktak chuan Florence-i sawilan fo pawh hi ka kham ṭan nge ka thik thar leh ṭhin.



"ICU-ah a la awm a," a thaw deuh hawk, "tun ṭum chu i mitmei ven ngai chungin i rilru kan lo ti na palh a nih chuan i mi hriatthiamna kan dil a ngai a nih hmel Dinte," a ti leh dap dap. Ka ngawi ran, engkim mai chu a fiahin, Rammuanawma lak aṭanga hriatthiam ka beiseina leh, thudik, a fanu a ni tih hriat ka lo beiseina te chu midang kâ aṭang hlira ka hria chuan ka kawchhung hi a ti nazual niin ka hre bawk!


"I naupai te eng nge i an? Ei chak te i nei em?" Ka lu ka lo thing vat a, "a la hma deuh a ni ang," ka ti sep, ka thaw lak harsa leh ta lutuk chu lungphu ṭha lo ka nei emaw ka inti ṭhin dâwn alawm!


"Hei hi mamawh leinan i hmang dâwn nia," ti lehin ka hmaah a passbook ni âwm tak hi a rawn dah a, Pu Kamlova en haw in, "a awihawmloh êm mai a Pu. Ka duh leina tur chu ka nei ve alawm. Bakah, kanpa pawhin thlatin pawisa minpe a," ka lo hnial nghal vat vat.


Rammuanawma hian thlatin ka AC-ah singhnih aṭanga Singthum a rawn thun fo ṭhin, chu erawh dere pawh ka la khawih hêk lo thung, alakah ba neih ka duh lo a ni zawk mah ang chu!



"Ka tu lo piang tur tán khan alawm ka pek che ni," ka lamah a rawn nawr hnai leh a, ka lu lo thing mat matin, "ka mamawh chuan ka hrilh zawk ang che Pu," ka ti zo hman ṭawk kawngka a rawn inhawn rik rak rualin Nu Mahlimi a rawn lang zat a.



Passbook chu a hmuh hlau zeta la sawn vatin, ka sirah chuan ka thukru zat bawk. Heti chung pawh hian min haw em em tawh a nia, Pu Kamlova'n pawisa mipek sawi loh, a passbook thlenga minpek a tum tih a hriat phei chuan, a ṭawngkam dengkhawng tak tak ka hre zing dâwn lutuk tlat.


Min en danah chuan a hmun hman zawk nge ni?


"Eng nge ni a?" Pu Kamlova chuan a en chho a.


Nu Mahlimi erawhin min en kan leh hmiah a, boruak ngaiha min ngai zui lehin, "Betty-i te nufa hi damdawi in anchhuah chuan hetah hruai haw ila ka ti a?" Ka lo ip ru chawih mai. Pu Kamlova pawhin min rawn en vat bawk.


"Chutiang a ni thei dâwn em ni? Kan tunu a ni tih kan hria a, a mamawh tihsak chu kan tih makmawh mah nise, heta hruai luh chu 'zawnga hmai mah zah a nâ' antih kha, Dintei hmai pawh a zahawm alawm le," a ti churh churh. Min venthawn zia a lang chiang hle bawk.


"A hrisel si lo, hetah midang pan tur annei bîk si lo nen, an mahni a awmtir chu a ni thei dâwn zawk em ni?" A ti leh hlak hlak a, inherin min melh eih lo chuan ka hnunga sofa ah a ṭhu zui zat, min en em tih erawh ka hmu thei tawh lo thung.


"A nu leh pa te pawh Siaha aṭangin rawn phei antum a ni lo'm ni? A mamawh kan tihsak leh, a khat tawka kan ngaihsak kha a tawk lutuk reng. I fapa hian chhungkaw hran a nei tawh tih pawh hrereng teh khai Hlimi," a ti dam leh churh churh a.


An titi chu nuam ti zan lo chuan ka ngaithla ve ran ringawt a. Ngawi renga chhuah thurh thu awm hek lo le, inleng ang maiin ka ṭhu ngawi kar ringawt.


Ka pasal nu lah chuan a ṭawngkam tin maiah min venthawn lohna mai ni lo, engah min ngaih loh zia a tilang tel zel mai bawk si. Hawina tur sawi loh, a chang hi chuan men ngaihna pawh mi ti hre ṭhin lo.


Bakah, mak ka ti ve ṭhin. Nu hawiher zâng tak, fing tak leh ṭawngka zâng tak niin a lang si a, a awmdan leh ṭawngkam hi a chang chuan a naupang chhia ka ti ṭhin hle.


Keini thingtlang mi, hawiher zim lutuk pawhin "a ti mah mah. Ngaihkhata ngaih chi" tia kan sawi tur ang hian a awm fo hi mak ka ti ṭhin. Nge ni a ka lakah chuah a lo awm zawk nge?


Chutiang a nih chuan a mak hran chuang lova, a dinhmun angah ding ila, ka fapa emaw ka nuṭa pa nupui atana a sum chauh duh hmeichhia rawn langin, nupuiah hial nei sela ani aiin ka nasa mai thei zawk.


"Ramdin, Bawihtei te nufa chuaha awmtir chu nuam pawh iti dâwn em ni? Nangpawh nu ni mai tur ini a, Florence-i rilru leh Bawihtei dinhmun i hrethiam ve tho ang chu," zawhna min zawt nge ni a min chhuahchhal pawh ka hrethiam lo ve!



"ngaihdan ka nei ve ta hauh lo mai, kanpa thu thu a ni ang chu. Sawi ve chiam dâwn ila, i vahnu leh i tunu an ni si a," ka ti ve ta kher, Rammuanawma chu a nu hriatah "kanpa" tih pawh chu ka tum ngai lohnen, a fapa nupui ka ni tih hre nawn se ka ti ve hrim hrim.



"Inpa in remti pawh nise thil âwm leh mawi pawh a nih loh chu. Mi hrang a ni tawh a, a fanu erawh kan puih theihna zawn zawna puih chu kan tih makmawh a ni thung," hnial duh lo tih hriat takin Pu Kamlova'n a rawn ti ta hluk hluk a.


Nu Mahlimi pawh a rawn ṭawng ve leh ka rin nen, ngawi zui ta rauh rauhin a chhuak ve leh mai bawk. Engmah a sawizui tawh loh danah ka Pu thusawi chu a pawm ve ni ngei tur a ni.


Ka Pu room aṭanga ka chhuak chu choka lam ka pan ve leh mai a, zanriah buatsaih hunlai hi chuan U Hnemi hi puih ve hrâm ka duh ṭhin. He inchhunga eiin siam hi thil namai a ni tlat lo. A bikin, Nu Mahlimi a awm phei hi chuan. A ei duh angin western style deuh ngawt hi a ni ṭhin si a, tih neuh neuh tur a tam bik hian ka hre ṭhin.


"Pu Ber-in pawisa a pe che em ni?" Ka luh rualin a lo ti nghal tawl.


En deuh haw a, a mai-an hih chu hih pui nghalin, "tunge sawi a, ka la duh lo a nih kha," ka ti zui sap. Ka pe let tak tak bawk. Ka thawhchhuah a nih miau loh avangin lak chhan tur ka nei lo hrim hrim. Duh leh naute te hi lo piang sela, a mamawh a leisak a, a pe duh a nih leh ka la la ve ang chu.


"Keini pawh nau kan paiin, fa thumlai kan hring ve, tu pawisa mah a thlawnin kan la lo' a rawn ti hlak hlak a," Nu Mahlimi ṭawng dan zir ni âwm tak chuan, nui ruh ruh pahin a hmel chu a ti danglam vel bawk a.



Ka lo thaw hak thung, a hmu hman ta hrâm a nih dâwn chu, ka la lo chu inchhir lo tak ka ni lehzual.



"U Hnem, Nu Mahlimi te chhungkau hi eng ang nge annih? Aizawlah hian an awm lo vek nge?" Rammuanawma nen kan inneih aṭangin a chhungte lam hi ka la hmu vak lo hrim hrim tak tak.


Pawnlam melh zauhin, "Nu leh Pa an nei tawh bik lova, Pi Mahlimi hian tihian a nau te pathum a enkawl chho a, an lehkha zirna pawh hi ka hriat sual loh chuan Pu Kamlova tumsak alawm a nih a. Anteber dawttu hi Aizawlah a awm ve bawk a, inneih ni pawhin a lo kal ve kha, a chhang chiah hi Siaha lamah an awm tawh bawk a. Florence-i Pa ka tihna a nih chu. An teber erawh OD in a boral tawh," a tawp lam chu ṭawng ring hläu deuh hian a ti zui sa sa a.



"Diktak chuan chhungkaw pangai han tih lua tur annei bik lo alawm. Florence-i nu lah nise a fate pahnih aiin, amah aia kum 6 vela naupang a thlang a nia. A uire sana nih ber chu. Mahse, Florence-i Pa a vannei a, zu te ngheiin, , tar a hnu lamah nupui naupangtê mai, fel deuh a nei leh a. Kawng lehlam takah chuan Pi Mahlimi hi a khawngaihthlak a sin. Chuvang a nia Pu ber pawh hian a hriat thiam a, a dawh em em ni," ti leh siam siamin, "Pi Mahlimi leh an teber dawttu chiah hi mi pangai tak tak chu an awm. Mahse, eng ang pawha lehkha thiam leh zirsäng pawh ni ila, chhungkaw inzirtir na lwh inchhung khur a kan zirlai tluka hringnunah zirlai pawimawh, damchhung daih a lo awm lo a nih hi ka ti mai," a ti zawm leh zat zat bawk.



Za vak lovin a thusawi tawplam chu dik ti ru tak siin ka lo nui seih ringawt a; Mahse, Nu Mahlimi te chhungkua erawh ka lo ngaihtuah loh lam daih a ni thung.


Mi hausa pangai, nei ve tak leh pangai ti mai ang, harsatna leh retheihna hre lova seilian, awmchho, retheihna awmzia hre miah lo, mi hausa chapo ve tak ang an nih ka lo ring rilru ve ngawt chu ka inthiam lo ru nghal viau bawk!


<>~>~>~>~>~>


RAMMUANAWMA....POV


"Result hi nangmah ngeiin i la tih i chiang amaw?" Ka kuta medical result paper chu nghet taka chelhin ka ti chhuak bul bul a.



"Bawiha, theihnghilh suh SCD ti tu nangmah ngei ini. Tin, result hmu hmasatu ka nih avangin ka thlak i ring lo ang chu tiraw?"


Ka thaw chhuak hulh, kei hian fa ka nei thei lo ang maw? Thil theih loh tawp leh thil atthlak tak a nih hi. Result emaw SCD test ah hian dik lo a awm tih ka chiang lutuk tlat.


Pathian leh! Eng fiamthu nge ka hringnunah hian i thawh le?


"Test hi tih ṭhat leh ka duh."


"Vawi engzat a tam nge test i duh Rammuanawm? Vawi 3, vawi 4 nge ni a vawi tam tak i nihna i pawm hma zawng?" Jessica-i rawn lutin a ti hlar, ka lo thaw hulh a, ka hmai tuai puatin ka chil ka lem zui khawlh.


Ramdinsangi hian ka fa ni lo, mipa dang fa a pai ang maw? Thil atthlak a ni ka ngaihtuah ni. He ka hmeichhe duh leh nupui, hmeichhe tlang tak, mi pawisawi hläu leh hmeichhe invawng tak hi a uire lul lo vang!


"Eng nge sawi tur i la neih Rammuanawm?" Ka hmaah thlalak tam tak a rawn theh thla a, "mihring hi kan pawnlam landan ang a ni lo tih hre turin i puitling tawk tawh. Mipa â tak ini lo tih i inhriat kha. A hmel emaw i duhna kha inhneh tir suh," a ti zui leh tan tan.




"Hmeichhe pakhat vangin ka mit a del thu i sawi tihna em ni?" Ka thaw zui hrawih.


"A ni lo em ni?"


"Stop it Guys. Engvangin nge naute pian hnuah DNA kan test vs mai loh ang ni? A ni lo'm ni? Heta nangni lo inhnial emaw Rammuana hrilhfin tum hian awmzia a nei lo ve ve," Enkawla thusawi avangin ka thaw chhuak leh hawlh.


Thaw zui ham hamin, "kan ti ngei ang," ka ti chhuak ta sup bawk.


Engtin nge keihian fa ka neih theih loh ang ni? He thil hi a atthlak takzet a, nuih pui erawh a har hle thung!!


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)