LOVE AFTER MARRIAGE By Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

LOVE AFTER MARRIAGE By Floria Laldansangi (Completed)

Unread post by Ngaia » June 5th, 2022, 12:32 pm

3lmm8l3z.jpg
#PROLOGUE
<><><>~>~>~>~>

"I pasal alawm a nih, i ta, thuneihna pumhlum neitu i ni a, mualpho khawpa sual let a ngai lo, i pasal a ni tawh a, sual let a beihlet chhan tur i nei lo; Mahse, in inkar humhim tur erawhin dikna tluantling i nei, i hrethiam em?" U Damtei thusawi lai chu ṭah chhuak ṭeu chuan ka en a, za vak lo hian ka nuih sen sen bawk.

A hresual a ni, ka pasal a ni a, mah se kan inkar hum turin eng dikna mah ka nei lo, a chhanchu a tir aṭangin ka ta a ni ngai lo ang bawkin, inneihna LEM, thinlung tel lova bul ṭanpui ka ni tlat a ni!!!!

<>~>~>~>

Inzawmna chu mipahnih inhmangaihte tán a ni a; Mahse, keini erawh kan tam lutuk mah mah, mipathum tán chuan he thinlung hi a tê êm a ni.....

<><>



{Love After Marriage}

By

Floria Laldansangi


Chapter < 1 >


~ Mangchhia ~

"APa, anu a dam lo a nia, naute pawh a dam lo. I zin tawh lo thei lo a mi?"


"Bawihte, pawisa ka thawh chhuah a ngai alawm." Ka Pa-in a bag-ah thawmhnaw a khung mawlh mawlh a.


"Anu a dam lo nasa lutuk alawm, Faktei pawh daktawr ten a dam lo nasa lutuk a, anu bulah pawh an awm tir lo," ka thiam ang angin ka Pa bulah chuan ka sawifiah ve niah niah a, ka mittui a rawn hnam ṭiam ṭiam bawk.


Ka pa-in ka sam rawn chulin, "Bawihte, i fel tawh kha, i nula tawh alawm, anu leh naute chu i enkawl thei tiraw?" Ka lu ka lo thing vat vat.


Ka nau duata a rawn ṭap chhuak riah riah a, room puanzâr keu a rawn chhuakin, "APa..." APa a rawn kuah zui thak.


"I nau hi mutpui tawh rawh le," ka nau chu ka bulah rawn nawr pheiin a ding zui a, a kekawrah vuan bet vatin, "APa, zin tawh lo la," ka mittui a rawn luang ta ngiai ngiai mai.


"Thudik hrilh maiteh a ninawm," kawngkhar lam aṭangin hmeichhe pakhat hian ning tih hriat tawkin, bak hlak hian a rawn ti chhuak hlak hlak a, mak ti deuhin kan unau chuan kan en hau.


"Naupang anla nih hi Nunmawi," ka pa chuan a ti let hluk.


"An hre dâwn tho tho, i pa khan i Nu a duh tawh lo, a ṭhen tawh, ka pasal a ni tawh," ti zui hlawk hlawk a, inchhunga rawn lutin ka pa Bag khai chu phih sawkin, "kal ang," a ti zui ngat bawk a.


A thusawi chu, ka nau sawi loh, kei kum 8 leka upa tán hian hriat thiam a harsa lutuk mah mah. Ka pa chu ka en chho hâ a, a lo thaw halh, rawn ṭhu hniamin, "Mate, i nula tawh a, i Nu leh i nau te ṭha deuhin enkawl rawh aw," dam diai a tiin ka kutah pawisa dah chuan, "i Nu i pe dâwn nia," tiin ka vawnna phelhin kawngkhar lam a pan zui vut a.


Ṭap chung chuan ka ûm zui ve chawn chawn, leikapuiah tlân chhuakin, kâiṭên a ka pa chhuk thla mêk nan ngei tum chuan ka hnunglama ka nau pawh ngaihsak lovin ka umzui chawn chawn a, leikapui hmawra inchhuihin, lu birh zawng a bin thlà in, ka lu leh ka khup, ka kiu, ka taksa nâ leh kak aṭanga thisen chhuak avangin ka rak chhuak tuar tuar.


Ka Pa in ding meuh a min rawn en avangin a rawn let leh beisei êm êm chung chuan, "APa, a nâ... Apa.... Zin tawh suh," tiin, ka tlakna hmunah chuan ka ṭap chhuak tuar tuar a.


"Motor-in min nghak thei lo Ramthianghlim," hmeichhia bawk khan a rawn ti leh, ka nâ chu haiderin ka innem kang a, "Â U, i thisen a chhuak," ka nau in ka thisen a hmuh avanga hläu in a lo ṭap ve bawk.


Apa lam en tlatin, "APa, anu a dam lo nasa lutuk a nia, min zinsan tawh suh. Zanah anu a ṭap leh dâwn," mittui tla zawih zawih chuan kei naupang kum 8 miin ka Pa chu zin tawh lo turin ka ngen ve ngawih ngawih a, zin tawh lo se ka ti takzet bawk.


An inṭhen em? Ka Pa saw a uire em tih ka hrethiampha lo, ka hriat zawng chu ka Nu leh kan naute thlà 3 mi lek damdawi in ah awmin, natna natak antuar mêk ve ve a ni tih ka hria a ni.


"Inchhungah lut tawh rawh u," chu chu ka pa ṭawngkam ka hriat hnuhnung ber leh hemi ṭum hi ka pa ka hmel ka hmuhna hnuhnung ber a ni bawk.

A kal liam tur chu ke bai auh auh chungin, aw rawl tâwp tâwp chuan ka ṭap a, ka au a, chil thli leh hnaptui nen, aw rawl neih zawng zawng chhuaha ka sawi zin ber chu, "anu damdawi in ah a awm, Faktei pawh a dam lo nasa lutuk Apa, zin tawh suh, ka nau nen chauh inah kan awm ngam lo," tia ka auh läwm läwmna chu a ni.


"Â u, ṭap tawh suh," ka nau in ka kutah chelhin ṭap chungin min pawt ve dat dat a.


A ai chhuakin ka ṭap nasa zual sauh, ka kum ang rúalah chuan naupang fing tak ka ni a, ka Pa sumdawng a zinin, ka Nu nitin bazaar-ah chawhmeh zuara a ṭhut ṭhin avangin ka nau hi ka enkawl tawp ṭhin, mah se ka pa min zinsan fo erawh ka hrethiam thei ngai lo thung.

Hemi zan hi "APa" tia kan kohna hnuhnung ber a ni rêng bawk a.

Naupang kum 8 miin, a pa zin lo tura angen läwm läwm chhan kha, a zin a hlauh vang ni lovin, a chhungril khân a lo let tawh ngai dâwn lo a ni tih a hriat ruk ve vang zawk a ni.
.
.
.
.
Ka Pa min zin bo san zanah kan naute Lalfakzuali, Faktei'n pneumonia natna avangin min bo ralsan a, ka Nu mawlh kha, a ṭap a, a pasal hmeichhe danglaka a chân rualin a fanu, thla 3 lek a û, pianhlim aṭanga pneumonia natna nei, theih tawp a chhuahpui, zanah a awih tlaivarpui leh ṭahpui fo ṭhin a chân a, mi â ang mai a ni.


Ni a ral a, thla hial ral mah se ka Nu rilru nâ erawh dam ni hmel rêng a hmu thei lo, zanah aw rawl chhuah tak meuh meuha a ṭah ruah ruah châng a nei fo a, ka Pa thawmhnaw kenbân, thlalak leh thildang chu mittui tla zawih zawih a chepsawmin a hal ral fai vek bawk.


Ka nau kum 5 miin hläu leh khur ru dar dar chunga min nek chawih chawih chungin, "Â U, anu hi a dam lo ami?" Tia ṭap ṭiau a min zawh fo na kha, kuah bet chungin kei naupang ve mai khân chhân ngaihna reng reng ka hre ṭhin lo.


Ṭhenawm khawveng zawng zawngin ansawi ṭhin chu, "Dinsang, i Nu hi a â tawh a nih hi, i pa pawh a lo haw tawh lo ang, nupui dang a nei daih tawh alawm," tiin. Kei naupang â na nâ nâ chuan thinrim hlar chung hian, "a ni lo, a zin a sin," tia ṭap lek lekin ka pa thlavang kha ka hauh ve ang ṭawk ṭawk bawk a.



Mahse, kum 8 lek mah ni ila, ka hre ve reng tho. Tin, ka nu pawh hi mi Nu leh ka ṭhiante Nu angin a rilru a pangai tawh lo a ni tih ka hre ve kar bawk!


Ka Nu rilru nâ leh taksa nâ in a tlakbuak a, chi leh châw chauha chaw ei chang kan nei fo a, huan vela chawhmeh, ankasa, kuangkuah leh thildang ka zawn khawm changa ka siam tih lohah chuan chi nen a chaw ei kha a ni mai ṭhin.


A chang phei chuan ka nau khan hawi vual vualin, "nghapih tal a awm lo mi?" A tih vawng vawng chang kha a awm fo bawk!


Mahse, kha ti chung khan vawikhatmah ka Nu khan ril ṭamin mindah ngai lo, chaw ei tur nei lovin min siam ngai miah lo a, a theih tawpin dam lo khawsik hluah hluah chung pawh khan, "Ration lakna khawp tal," tiin, chhunlamah thlai hnah te a zuar ve lawp lawp ṭhin.
.
.
.
Kum 11 ka nihin ka Nu in pasal, pasal leh pa a zawnga ṭhaber neiin chhungkaw thar a din a, hemi kum hi, ka kum 8 nihlaia mangchhia aṭanga ka harh chhuah kum leh, chhuang taka "Pa" tia koh tur ka neih kum chu a ni

Ka Nu khawvel thim a rawn ti êng a, kan unau tán In minpe bawk a, kan tán chuan ka Pa(Pahrawn) hi kan khawvel neihchhun tak meuh meuh a rawn ni ta a ni.

Ansawi ṭhin, "tui chu tui tho tho, thisen aiin a tak thei lo," tiin. Mahse, keini unau leh ka Nu tán chuan, tui hi thisen ai pawhin a hlu a, he khawvel, tun dinhmuna min din tirtu a ni tlat thung!





{ November 2011, Zokhawthar}


"Hmingthansang....... Ding rawh, ding rawh..."


"Nangni unau chu eng nge ni leh ta vak vak," mittui tlingpamin ka Nu lam chu ka hawi a, ka hnute ka nau-in a ṭhamna na lutuk mai dawm chung chuan, "ka hnute a ṭham alawm," ṭap ṭuau chunga ka ti chhuak chu ka Pa leh kan teber an lo nui zui huk huk.


"Insiam vat rawh dar 8 : 30 a ri dawn. Bra nen te hian i rawn tlân chhuak mai mai zel a, i â thei lutuk," nui chungin ka Nu bawkin a rawn ti leh.

ka nau, kawngpuia a tlân chhoh nalam chu rûm deuha melhin, "a chak lo ang," ti hlarin inchhung lamah ka let tau nghawng nghawng a, ka hnungah ka Pa in, "Lalduata â thei lutuk hi chu aw! Ka hrilh zin nen," Nui huk huk chunga a ti ri chu ka hre hman tho.



A sazu ka la pawh sak dâwn alawm, a mawl si, a lian si, ka thi neih hmasak ber ṭum te khan zing dár 7-ah tho in, kan school gate a ṭhu chungin school kal a piang ka ṭhanthi neih thu lo hrilh a maw le. Amah vangin kan school naupang zawng zawngin thi ka nei tih an hriat phah.




School kal tura kan insiam dun a piang lahin ka hnute hi a ṭham thut a, a tlan chhe daih zel lehnghal, ûm ila ka umpha dêr si lo, ka ngei thei lutuk.

Tunhnu hian Apa hian a hrilh zin avangin a sim deuh tawh mai mai, ka hnute um tirh phei kha chuan nitin ṭap chungin school ka kal ti ila ka sawi sual tawp nang!


"Anu, pencil lei ka ngai," kan teberin in aṭanga ka chhuah rualin a lo ti.


"Keipawh lehkhabu lei ka ngai," ka ti ve zat.


"Khawnge ka bra-a ka chêngsawm dah kha?" A in dap rak rak.


"Pheikhawk siai pawh a zo dâwn ka ti mawlh mawlh a, Lalanu hi chu i ngaihsak lo si," ka phun niah niah.

"Lala, i hman em?" Ka ṭhiante pahnih, Remruati leh Siamsiami an rawn inzui chho, kawmchhak kawmthlang kan nih avangin keini pathum hi chu naupanlai aṭanga inzui chawt hi kan nia!


"Keipawh nawhreh pawh ka ngai tel," hepa hi chu ka tih ang a piang hi a lo tia, ka la kuk fawk a, min la melh zek zek lehnghal!

Nâ sawi ila, "Keipawh," hi a lo tia, duh sawi ila, "Keipawh," hi a ni zo vek, thil tisual se, "keichu ka ni lo," hi a ni leh daih a, kum 6 lek chi fing phakar em em lehnghal!


"Pheikhawk siai te a ngai em ni? Meihawl chhudip ula, têl tlem telhin a ṭha lutuk ringawt. Bawihte, nangpawh i Pa slipper chhia ka lo zai ang a, nawhreh chu ka lo siam sak ang che ."

A va chawh tak! Lei ngai sawi leh duh hi a lo ngah ve thei si.


"Nu Mapuii hi chu bawn thei ngawt mai," ka Nu thusawi avangin ka ṭhiante an lo nui kiah kiah, Lalanu hi chu bawn thei tak a ni, a chang leh belmang hnawih tur te in minti thul, buaithlak!


"Mambawih," Apa hi a fel ber.

"Thanks Dad.." Ka ban vat, ka nui nghal ver ver bawk a.


Ka Pahrawn a ni tih hi mi tlemte chauhin a hria ang, kei leh ka nau Duata min hmangaih dan hi kan teber a hmangaihdan nen a dang chuang miah lo.


"Ka duh ve, a sendang ang." Sawmhnih note a rawn ban, ka pe âwm lo!!!

"Blehhhhh," lei chhuah khum pahin, "kal ang u," ka ṭhiante lam nui vur vurin a hawi zat.


Kei hi Ramdinsangi kum 17 a Upa, class XII zirlai, hmelṭha leh fel tia sawi tur ni lo, unau pathum zinga upa ber leh hmeichhe awmchhun ka ni a. Kei leh ka chhang chiah hi Nu hmun, Pa hmun tih inhriat kha, kan teber erawh ka Nu leh Pa fa bîk a ni thung. Kan pianna Pa chanchin erawh sawi duah ka tum lo, a chanchin sawi aiin thih ka thlan fê vang zawk a ni.

.
.

{ Zokhawthar HSS}

"Tumahin Home work kan neih thû sawi suh ang che u. Lalremruati te ṭhian ho kha, insawi chuan ka hnekpawp tak tak dâwn che u nia," hmeichhe lam a rawn hawi zat.


"Thiam ve mai la," Ruati'n a lo ti hrâm bawk a.


Nui vur vurin, "keipawh ka thiam lo a nia, sawi lo ang u, Monday hi chu engmah ka thiam ngai lo," ka lo ti zat chu tumahin an awih lo tih hriat lutuk hian min rawn melh hraw hlawm.


"Zawngi i dawheh lutuk," Zingengmawia ṭawngkam thlahdah thei lutuk hi chu aw!


"Dik chiah, thiam lo ti reng a, pakhatna i ni reng bawk a," midang pawhin an lo ti niah niah.


"Lalnunsang, i bialnu kha hnek rawh, dawtsawi a ching lutuk," ka hnunga min si chêta ṭhu, ka kawngah kuah a, ka dara khabe nghat tu chu a rawn nui nghawr dat a, "ka ngam hleinem," a nui zui dat dat, midang an lo ner nawng nawng thung a, kei erawh inti thei fê-in ka hawi vah thung, min ngam lo rêng alawm. Dawtsawi miau heko i!


Kan class-ah hian mi 16 chiah kan awm a, pahnih hi khawmawi, Burma lam aṭanga rawn kal niin, a dang hi chu Zokhawthar khúa vek kan ni.

Ohh.... ka biapa, chhe lo em em mai, volleyball thiam bawk si hi Aizawl khúa, a Pa hna avanga kan khúaa rawn awm an ni a, class-8 aṭanga rawn ṭanin, class-9 kan nihin kan inzui ṭan ve bawk.


Kan tam lo bawk a kan inngamin, class dang kan mamawh viau lo, kan sualin, kan bengchheng thei em em bawk.

Burma lam aṭanga rawn kal pahnih leh Nunsanga bâk hi chu primary aṭanga inhrawn chho vek, middle school, high school nihlai pawha class-ah sual leh bengchheng ber class nithei zel kha kan ni ve tlat a.


"I thiam em?"


"Thiam lo," ka melh rum vak, nur vur vurin ka sam karah a hmai phum daih a, "pass ve tho ang," a la ti ta deuh deuh. Ka nghawk zauh chu, a la nui zui hawk hawk zui a'h. XII result pawimawh zia a hre ve reng sia!

Bakah, ani phei chu doctor nih a tum lehnghal, kumin hi a inthlahdah lutuk, kum dangah chuan pakhatna hi kan innih chhawk zak zak zel a nia, kumin chu kumtir aṭangin top 5 ah a lang ṭawk ṭawk chauh a ni.


"Class-X ho nen khan engtik nge kan incho leh dâwn?"


"Zaii..." Zaii lam kan hawi nghal ṭhap.


"Nilaiah, pawisa la thawh lo khan naktuk ral hma-in thawh ru aw," a tih zawm zat, High School ho nen hian kan school hi a inzawm titih a, tichung hian volleyball ben hi kan incho reng mai a ni, volleyball-ah hi chuan ui leh kêl thlundun ang vêl kan nia!


"Vawiin chu class kan va ṭan har tak," Mimi'n a rawn ti sap.


"Dár an vaw tawh em ni?" Kan lo nui vur vur, an vuak lai pawh ka hre bîk miah lo.


"Miss Thartei a lo kal," kan ṭhu ṭha sap sap hlawm a. Nunsanga pawh rang lutukin an ṭhuna lamah a zuang phei zawk.
.
.
.
.

"Inthiam em?" A rawn lut dek dek a'h, "inthiam em," a tih nghal ngawt le! Ka thiam lo tak tak a sin.


"Miss chu, home work pekrual pawh kan nih tawh loh hi," Zingengmawia bawk a ni, Miss Thartei hi chu a ngam ve hrim hrim a. Miss a lo fel bawk nen, an inhnial bap bap zel.


"Pe lo phei che u ila chuan lehkha zir nachang pawh inhre nang, exam hnaih tawh zia hi inhria em?"


"Chuvang alawm 'inpek a hun tawh lo' ka tih ni," kan nui lo nui hak hlawm.


"I thiam lo leh tawh a nih kha, 12 i fail chuan Zokhawthar-ah hian muṭia bâk i thawk dâwn lo tih hre rawh aw Morning Bright Beautiful," ka'n nui dur dur hlawm, Zingengmawia a koh duat ve na a nia.


"Muṭia thawk ho hausak zia khu i hre lo em ni Miss."

"Hetah beng rawn su teh," a hûi zauh zauh.


"Ka Muṭia dâwn lo ka tihna alawm."

"Beng vawi 20 rawn su rawh le," Miss Thartei'n a ti leh ṭalh chu a tho ṭiah ṭiah a, kan lo nui vur vur hlawm.



Zingengmawia beng suk chhungin, "Aw le, aw le, vawiin chu engmah ka zawt lo ang che u, class pawh kan la hman dâwn lova, SSA lamin doctor anrawn tir a, High School ho an en zawhin kan school an rawn tlawh tel ve dâwn a, naupang chhia leh doctor hnial zawt zawtin awm suh ang che u. A bikin Zingengmawia te ṭhian ho, uṭawk sawt a exercise lak inchak te a nih loh chuan," a nui zui vur vur.

"Min zawh dâwn loh te chuan veng minsuk tir kher," ding ngial pahin a ti niah niah, Miss lah chuan, "i hmuhnawm alawm," ti awlsam etin a pensawn san daih a.


"Harh suh u aw," a chhuah dâwnah a ti nawn leh hrâm bawk a.



"Don't worry Miss, Doctor khal deuh an awm chuan bêm keuh a ni mai," Miss chhuak tawh chu Lalromawia'n a au zui hram a, an nghal ve a nia, Lalnunsanga pawh hi anhruai sual zo!
.
.
.
.

"Awii!! Doctor saw chhe lo lutuk," ka ṭhiante kawhna lam chu ka hawi ve vat. Ka bialpa thikthu chhe zetin ka tukkhumah mi lo nam zui dawt bawk a.


"A va chhe lo tak," a chhe lo tak tak lutuk, a coat var inhmeh zia te lah chu'h, thawnthubu a uluk leh ṭha thei tawpa an ziah ang mai a nia läwm le!


"Bialnu a nei angem le?" Remruati a tih rualin, "Bae, professor-in a ko che," Doctor coat var ha ve tho, säng leh no nalh zet mai, kawngfek leh malmum nalh tak maiin a rawn tih chuan kan ṭhian ho a in en in, "BAE!!!" Ti rual dual chuan kan nui zui awr awr a.



"Ramdinsang....." Ka bialpa lam chu ka hawi vat, mitmeng thip rup maia mi lo en lehna chu nuih tlawn var varin, "kan fiamthu alawm," ka'n ti thla ve leh ringawt a'h. A thikthu hi a hmel ai pawhin a chhe zawk.


"Hmelṭha an thinrim ngai lo," mit tizim salhin ka challah a penfawk, "a nâ!!!" Ka ti ring em em zui!!


"Ka thluak i pendarh dâwn a sin," ka ṭhiante an lo nui vak vak, Doctor chheloa leh a bialnu pawh kan lam anrawn hawi ve nghal vat.

Ka hmui tipawrh vakin, "i sual si," ka ti zui niah niah a, Doctor chheloa lah chuan min ngei hmel viau lehnghal, min en run run mai. A nelawm vak loh sawti saw chuan!


"En tawh suh," ka mit a rawn hup, ka nui chhuak ar ar, a thikthu chhe over lutuk hi chu aw! A duhawmna a ni bawk si!
.
.

.
Ni a ral a, thlà ralin, kum hial a vei leh ta, Pathian zarah kan class harh leh bengchheng, thunun harsa tak tak pawh kan pass ṭha hlawm viau in ka hre bawk.


"Lala, eng nge lâk i tum? Law college-ah i luh chuan inpa nen college in kal tlâng thei dâwn lo a nia," Siamsiami en in, "Ummm, tlâng thei lo ang, in awm alawm, ka tán in lo vêng ve ang chu," ka nui vur vur, kan college luhna a in an dâwn loh avangin Nunsanga pawh a läwm vak lo tih ka hria. Bakah, phâia lehkha zirzawm ve turin kan neihin a tlin lo hrim hrim bawk.


"Kan inṭhen hrang nuaih dâwn sia," Remruati'n a rawn ti vawng vawng.


A ṭhen tuicheng a, a ṭhen eirawng bawl ho lam en in, ka nui sen sen.


Ka phone la chhuakin, anthla chu ka laksak mawlh mawlh hlawm a, vawiin hi college entrance exam kan neih hma leh, a ṭhen phâia anchhuk hmaa farewell picnic kan neihna a ni a, nuam ti viau mah ila, chhungrilah erawh kan ṭap ru vek hlawmin ka hria, kan mitah hian a lang ruai ruai vek mai .


"Ka thlà lâk i tum ve lo em ni?" Ka hnung aṭangin minrawn kuah thaktu chu tunge a nih ka hre lutuk mah mah.


Nui var varin melh ka ralh a, thlà bawk chu la kualin, "i thinrim a ni lo'm ni?" A thaw ri hawk, "ka thinrim rei thei lo tih i hriat kha," ka thlem loh avanga lungawi lo tih hriat takin a ti sup sup a.


A lam hawiin ka inher a, eu deuh vak chuan a nghawngah ka kut suih zawmin, a hmui, ka hmui Virgin hawngtu ngei mai chu fawp zauhin, "titau thlem dan ka thiam lo tih hrechiang ber tu alawm inih," ka mitko ka san ak chuan a nui nghawr dat, kan nui dun ta var var mai alawm! Tihlawm hi chu a har lo nâ-in han thlem kual vêl hi ka thatchhe ve hrim hrim a.


Ka bialpa hmasa ber a nih vang nge ka hre lo, ka duh em em ringawt mai a ni.

Diktak chuan ani phâiah daih awm ang a, kei Mizoramah, reitak inhmu lova, ralkhat inngaizawng kan nitur chuan minti lunghnur ve takzet; Mahse, kan hmalam hun atan a ṭul bawk si.


Ka hmuiah rawn fawp vawng vawnga inla hrangin, "khawimaw tu thlà thlà nge ilak, mipa thlalak hlir a nih chuan ka delete vek ang," a nui vur vur. Ka kuk hrep dâwn maw ni?


"Lalropeka thlalak a tam lutuk," ka pensawn tur chu ding meuhin ka bialpa chu ka en let, a nui tawituk duh lek lehnghal, Lalropeka te sawilan.

.
.
.

"Chaw kan ei kham tawh hlawm bawka Sir-in thu sawi sela," An lo bu tliah tliah.


"A khaih! Nangmahni khan inthlahna thu ṭha tak sawi rawh u. Dinsang..." Min rawn en ṭhap, âwm ang lo e!!! Sir Vala hi chu aw!!!


"Miss Tharte, hrem duh te i nei em? I chance neih chhun a nih hi," Zingengmawia zung zung hi chu. Boruak siamtu ber a ni ang lawi a.


"Sawtah sawn beng va su phawt teh," kan nui ho dar dar.

"In rilru a awm, duhsakna inhlan te, lawmthu inhrilh tawnna leh duhzawng thuchah sawina te nei rawh u. Zinga hian ka hrem zin êm avanga lawmthu sawina a neih duh pawhin, lawmthu sawinan uṭawk sawt pwh a ti thei tho a," Miss Thartei'n a tih zawm leh chuan nui dar dain, kan lu kan buk tliar tliara, min en tâk ṭhapah chuan zà vak lova ṭhen sawng sawng chung chuan ka ding ta ṭiah ṭiah.



Ka ṭhiante, kan zirtirtu mintelpui thei pahnih en kualin, ka bialpa mitmeng de sawr sawra min enna chu ka nuih seih a, "bulṭan dân tur pawh ka hre lo. A hmasain kan teachers te bulah lawmthu kan zavai atan ka sawi duh a, enkawl kan harsat zia leh luhlul a, lehkha thiam theih loh hlawm zia chu sawi ngai lovin kan hre vek a," an lo nui dar dar.


"Heti chung hian class 12 pass thei leh college entrance exam pe thei tura mark ṭha tak hmu ṭheuh thei a min siam hi kan läwm takzet bawk," ka hnuk a ulh nghal ringawt bawk a'h!


Ka ṭah chhuak vang nge midang hmel pawh chu a ngui ruih hlawm a ka hmuh ni!

Ka phone phawrhin, thlalak ho chu ka hmet chhuak a, ka ṭhiante, kan zirtirtute hmel en chung leh mittui parawl ṭiau chung chuan, "Ni aral ang a, thlà leh kum hial a la vei ang.
Engtik nî-ah emaw heng kan inbiak pawhna te hi bo in, chhungkaw thar dinin, mahni nun leh chhungkuaah ṭheuh kanla buai ang.
Fa neiin chhungkua kan din hunah, ka fa ten, kan thlalak en in, "Anu, heihi tu te nge?" Ti a min zawh hunah chuan, kan thlalak en in, nunhlui ngaihtuah vawng vawng chungin ti hian ka chhang ang...

'Ka tan chuan classmates leh kan zirtirtute satliah mai ni lo, ka ṭhianṭha berte, ka lungngaihna min hnem a, ka fel lohna leh ka tlinlohna hmuhhmaih chuang hauh si lova kal kân a, midangte hmuh phak lohva ka tlakchham zawng zawng hliah khuh a, ka mawina leh ṭhatna haichhuak a, ka tán awm reng ṭhin, vuak ka tawrhpui ṭhin te, ka ṭhatna duha min zilhtu te, ka school tlânbo pui theih, ka tawrh aia tuar ngam, nunhlimawm zia leh hlut zia min hmuh tir a, ka hringnun a hunmawi ber leh hun hlimawmber ka hmanpui ṭhinte anni,' Tiin ka chhang ang," a tawp lam chu ka aw a richhuak chang chang chauh a ni.


Ka inhnit rizui hraih a, Nunsanga'n tissue min pek pahin min rawn kuah vang vang, midang pawh chu an inhnit ri ve thliah thliah tho.


Hetiang tak hian inthlahna neih hi a lo harsa-in, a lungchhiat thlak theih ang tih ka hre ngai lo hrim hrim, ka ringpha lo a ni mah zawk.


Kan kawng ṭheuh zawh a, kan hringnun leh hmalam hun ṭheuh a kan pêng ta hlawm tur chuan minti lungchhia-in, hlauhna kan nei a ni ber!!


"Hringnun a ni a, engtik ni ah emaw, a ṭhen hlawhtlingin, a ṭhen tum ram thleng ta lo te pawh in awm ang; Mahse, hrereng rawh u, indinna hmun thleng thei tur leh beidawn hma te , chapo hma te in, khawi aṭanga ding chhuak nge innih a, beidawng mai turin khawi aṭanga bulṭan nge innih theihnghilh ngai suh a.

Tin, harsatna intawhin, kan tána hlu ber chu kan ṭhianṭha ber Isua a ni tih leh, nang leh keini hi inkiangah kan awm a ni tih in inhre ṭheuh dâwn nia!" Sir Vala'n mit sen râm leh harsat tih ve hmel fe hian a rawn ti chhuak ve leh a, kan in enkual a, kan ṭah nuih ta hawk hawk hlawm.


Ṭap nih duh si lo, ṭah chhuak inthup nui kan nihlawm mah zawk!
.
.
.
.

{ 23rd April, 2012}


"Ka ngai dâwn che e," ka tlânbo hläu ni âwm taka min kuahbet tlattu hnungzanga beng thakin, "phâiah keiaia chhe lo leh nalh, hausa bawk si duh tlattu che an awm chuan engtin nge itih ang?" A rûm nghut a, inla hrang hlekin, pawn light êng ruih hnuaia min en vang vangin, "nupui ka neih tawh thu ka sawi ang," awlsam zeta a tih chhuah chuan ka nui chhuak thut.


"I â......" Ka kâ a hmui hmanga rawn chhinin, duhthawh taka minfawp zui bawrh bawrh chuan ka hnute ah a ṭham zui nawk nawk a, ka hnunglama min nawr kal dawt dawtin, ka room pawnlam bang chu ka su deuh dawt a, min fawp reng chungin ka mawngtam ah ṭham zui salh salh a, a ai nasa leh thuk zawka min fawh chuan, kan tawp a hun tih ka hria, a âwm, lungphu ri dup dup zawnah ka kuta namsawn datin, "Di...Di....." Thaw hlawp hlawpa tiin ka nam zui leh ta ṭauh ṭauh mai.


A vawikhatna a ni lova, vawitam hetiang hian, inthunun zo lo lek leka kan awm chang hi a awm fo mai; Mahse, vawikhatmah ramri erawh kan pel ngai lo thung.


"Di, zanin chauh chu a theih loh em ni?" A ṭawng a sehchilh deuh bap bap, a thaw lâk leh lungphu ri chu keiai mahin a rangin, a ring daih zawk bawk.


"Inneih hunah kan tih kha," ka aw pawh a dang chuang bîk miah lo.


Thaw kawk kawkjn a lamah min pawt hnai sawka, min kuah vawng vawng chuan, thaw a la kawk kawk bawk.


A mipatna khawng leh ruh tak maiin, ka hmeichhiatna chung deuh chiaha a kam rânna pawh chu ka hre chiangin, ka vawikhat tawh leh, hriatna a nih loh avangin mak erawh ka ti hran law.


"Ka nupui inih zân chuan aw!" Aw khur ru deuh dar dar chung leh sak deuh ṭalha a rawn tih leh chuan ka lo nui dat. Hetianga kan awm a pianga a sawi ṭhin chu, "ka nupui inih zân chuan," tih hi a ni.


'Nula fel tak' tia sawi tur ka ni ngai miah lo, ṭhian ho chhuah nikhuaah pawh, Beer te pawh 'rualpawlnan' ti a lem ve mai thei hmeichhe tleirawl, School pawh tlânbo ve zeuh zeuh thei, oral sex hial pawh nei tawh ṭhin ka ni a, Nunsanga nen kan inkawp dan hre tu tamtak hian ka la thianghlim a ni tih erawh awih antam viau lo ang, mah se, ka la thianghlim ve tlat thung!


Ka Nu hian a sawifo ṭhin, 'Pathianin i pasal tána thilpek hlu ber a pek che chu i thianghlimna a ni a, i pasal laka zahawmna i hlawhchhuah hmasak ber tur pawh i thianghlimna tho hian a ni,' tiin.


Hmeichhe Virgin hi eng ang taka ropui leh hlu nge a nih ka la hrethiampha chiah lo nângin, ka pasal tur erawhin hmeichhe thianghlim ka ni tih a damchhunga hre turin ka duh thung!

Ni e, ka hriat phak leh hmuh phak lohah min lo chhuangin, kan fate lakah pawh a sawifo in, fuihnan pawh a hmang maithei a sin!!!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:48 pm

[ Love After Marriage ]

By

Floria Laldansangi


Chapter < 2 >

{ Intiamna }


"Message reply lovin awm ngai suh, call-a insawifiah i duh loh chuan," ka bialpa thupek chu nui chungin ka ngaihthla ran a.


"Ka thusawi chu i hria em?" Ka khabe ah a rawn chawi kang salh a, ka hmui hnuailam lo ti pawh tarhin, "Yes Boss, zu lerh miah suh ang che," ka hmai tisawi kual vela ka tih leh chuan nui vur vur in a bu ve nghat nghat.


Ka chhungril erawhin ka ngaihdan tur a hria a, a nâ in, a lungai ru veng veng, distance relationship harsat zia ansawi ka hre fo ṭhin, ka hlauh ber zawk erawh chu, ka hriat miah loh leh hrilhfiahna, sawilawkna awm miah lovin kalsan leh duh loh ka ni ang tih hi a ni.



"Ka hlauh i hre duh em?" Ka bialpa chu ka en chho a, hlauhthawnna nena mit khap fak fakin, "thinlung zawng zawng ka nghahna, ka rinawmna te hi fiamthu ah anchang ang tih hi a ni," nuihluih ngial ka tum a, ka Bialpa reilote hnua hmun hla taka min awmbo san tawh tur hmel ngui ruih mai, mit sen ram mai chuan ka hrawk a ti tawtin, chil lem a ti sak ṭalh a, thawk lâk a ti har ṭalh bawk!

"Hlauh tur i nei tawh lo a nih chu. Di' ka sawi tawh kha, ka tán hmeichhe awmchhun i ni, engtikahmah fiamthu i ni ngai lo ang, engtiklai pawhin ka intiamna awmchhun leh neitu awmchhun i ni," a lamah min pawt hnaiin min kuah zui vawng vawng bawk a.

Tunah hian, tunah tak hian he khawvel hi tawpin, tihian ding rih se ka ti takzet!


Motor rûm ri vung vung kar a, a Nu auhna, "Bawiha, kal a hun tawh viau e," a ti ri chu a ringin, a hriam takzet!


Ka chhipah a fawp vang vang a, ka inla hrang ve riai riai bawk, "phone a awm a, in inbe reng dâwn alawm, intawrhna te hi nakinah chuan inlawmna tur a la nia!" Pa Zira, Nunsanga Pa, kan khaw OC ni bawkin a rawn tih nuih vur vur chuan lai zetin ka lo nuih let ve sen sen a.


"Ka kal lo mai dâwn em ni?" A awmah ka beng zui taih, "kal rawh, bialpa Doctor neih te chu ka chak alawm," ka fiamthu tak nâ-in nuih erawh a harsa ṭalh thung, za vak lo hian a nui suk a, a tawlh hnung zui hrut bawk!


Harsa zeta kan inthlah hnuah an tlân liam thleng chuan kan in thlir zui vawng vawng a, message leh call chhâng zung zung a, Christmas a pianga rawn haw tura intiam leh, rinawmna thutiam sawinawn a, hrereng tura beiseina nen ka bialpa hmasa ber, ka duh em em chu ka vai liam vawng vawng ta!




< ACCIDENT / HOSPITAL >

"Lala, i Pa te an accident a nia," ka dinna lam rawn pan mêk Siamsiami chu ka en haw, ka bialpa kal liamta avangin ka mittui pawh a la hul êm lova!



"Khawiah?"


"St. Joseph school chhakah," phone ka kutah rawn hmehbel a rual, "i nau..." A tih leh ka beng a chuktuah ka rual ve zat.


"Eng nga tinge tumah ka call theihoh che u. I Pa Mercy-ah kan hruai dâwn, i Nu te hrilh la rawn chhuk rawh u," Au Bawiha aw a ni, a aw ah chuan a chiaive deuh tih a hriat theih, "a nâ viau em?" Ka pensawn nghal hlawk hlawk.


"Engmah thuchiang a la awm lo, Bike khalhtu erawh a hmunah a boral nghal," a tih chuan ka ding dawt. Ka lungphu rawn rang ta lutuk chuan ka thaw lâk thlengjn a thunun nghal vek a ni ber.


"APa teh?" Ka aw a khur lek lek, "a ṭha ang, hei damdawi in kan panpui dâwn alawm, ka dah a nia," tih leh phone a ri nghal tut tut, sawi chian ve tur alawm.


Hlauhthawnna nen kan inlam pan chuan ka tlân kat nawk nawk a, "Nu..." Ka Nu a rawn tlân chhuak ve chiah bawk.



"I nau te lo awmpui rawh." A aw chu a khur tih ka hre thei.


"Ka lo kal ve duh...." A phone a rik zui avangin ka chhanna pawh a hre hman tawh lo.


"Counter-ah ka lo awm ang," a ti ri chu ka hre hman, ka rindanin Champhai emaw Aizawlah emaw an refer a nih ka ring ringawt a.



"Au, ka ril a ṭam," ka nau a rawn tlân chhuak, ṭah chhuak ṭeu chunga a lam hawiin, "chhun chaw i ei chauh a ni lo'm ni?" Ti deuh hlar chuan a lam ka pan hnai nghal a.



"Lala, ka phone..." Inchhung ka luh rualin Siamsiami phone ka la hum tih ka hre chhuak chiah.


"Tihpalh..."


"Ngaihtuah lutuk suh, Damdawi Inpui lama an refer nghal a nih chuan na lutuk a ni lo ang," min hnem tum zetin a ti ve tak nâ-in, natak ni lo se damdawi in liana an refer chhan tur a awm miah lo tih kan hre ve ve.


Mi rilru hah ve nak alaiin ka nau lah chu a ril ṭam thu a lo sawi sek lehnghal a'h. He nau hi chu ben hrep a nia ka duh ṭhin ni!
.
.
.
.
{ Zân dár 10:30.}


"Anu te'n anrawn la be lo che em ni?" Ka bulah ka nau a rawn ṭhu thlà, ṭah chhuak ru zetin ka lo bu nghat ringawt a.


Chanchin engmah kan la hriat loh danah thil ṭha lo chu a thleng lo a ni phawt ang a. Ka rilru erawhin ka ṭawngtai ru ve mawlh mawlh tho.

Rohlua rawn chik leh chu ning zetin, "muhil rawh nangmahin, i tlangval tawh," ka ṭhut hmun aṭangin ka lo ti hlar, kum 6 lâi a ni tawh, a ṭawng a fiahin a duhna ah chuan a fing fel lutuk mah mah


Tar lam fâ tih takah kan duat rawn tih a hre ve bawknen, zamlamah phei hi chuan hnute deka la mut a ching a, zanin Anu a awm si lo, dár 10 pelhah kan in awi mu thei ṭawk a nia, tunah a rawn chik leh ngher ngher hi!



"Anu..." Ka nau phone rik rualin a ti sap. Ka pawt thlak sak rualin loud speaker ah ka dah zui a.


"Nu, tinge tunah chiah i lo call, eng nge APa a an? A na viau em? Tunah khawnge in awm?" Ka ti nghal zung zung, ka ṭap zui ṭiau bawk.


"A mâk zawt zawt," ka nau in a lo ti hluk chu ka melh zui nghek. Mi rilru hah ve te.


"ICU ah andah lut chiah a, ngaihtuah lutuk suh u, Doctor pawhin a ṭhat thu a sawi tawh a nia. I nau a mu tawh em ni?" Ka lo thaw zui huai mai.


Room lam melh vakin, "a mu deuh chiah, a sual rapthlak si," ka ti leh ṭuau chu, "ṭah ṭum nghal zel suh," ka nau in nui ruh ruh chungin lo ti ve leh zat chu ka'n tlawh zui hram a.


"Damdawi Inah kan la awm rih hmel si a, inhau lovin, inngeih deuh khan lo awm ang che u. Mate, i nau te vin khur khur lovin ṭha takin thu hrilh la, Lalduat nangpawh i U thu lo awih ang che. Mate, Steel Almirah-ah Rs.500 ka dah kha mamawh leinan leh Ration laknan lo hmang ang che u. Naktukah kan inthlakna tur vêl Pi Kimi counter bulah bag nen lo han dah bawk ula," pawimawh a sawi zung zung, a aw ah a chau hle tih ka hre thei.


"Umm, Nu zanin khawnge i riah dâwn?"

"Ka Nî-ten min rawn hruai dâwn a, hei ka nghak mêk. Naktuk i nau te result puan ni a nih kha, lo zu kalpui ang che. Mu hma rawh u, ka dah dâwn a nia," a ti leh zung zung.


Khawvâr lamah chanchin min hrilh ve zel tura inchah mawlh mawlh chuan kan in mangṭha fel a.


"I pass i ring em?" Ka nau phone pe let pahin ka zawt a, a pass ka'n ring lo khawpa keihi chuan, lehkha zir a thatchhia tih hian a sawifiah lo hrim hrim, ngaihzawng te chu a la inti nei ve leh chhechhawng a.


"Pass dâwn e!!! Pass lo thei hian ka mawi lo," uar fe a a tih chuan ka lo ner vak.


"Mu tawh rawh, keipawh ka mu dâwn," ka tihsan chu a ngaihdan a ni vak lo a niang, "ka pass chuan eng nge inchawi i ngam?" Room-ah ka luhsan daih, a pass chuan ka hming ka thlak ang. An exam lai khan lehkha a zir âwm pawh ka hre lo hrim hrim.
.
.
.
Ka Pa pawh ni 3 lai ICU ah a awm hnuah, Pathian khawngaihna zarah ward pangaiah a sawn ve tawh a ni âwm e. Eng ang a serious nge a nih tih sawi kher lo mah se a serious viau tih erawh ka hre thung.


"Ate, Apa chu eng nge a an? Engtik nge an lo haw dâwn?" Ka Nutei Champhai kal rawn haw, ṭhu fel deuh chiah chu zawhna ka lo zawt leh nghal mawlh mawlh a.

A ṭhut dan siam rem sat satin, "Doc sawi dan chuan a spinal cord a sawhchhia a ni awm e," a tawp dat a, a zozial phawrha ṭan leh tete chuan, "a kawnga chin hnuailam a zeng dâwn niin a sawi a," a tih leh chuan, ka nghilh nghal dup thei.


Apa hmel ka mitthlaah a rawn lang nghal zat a, tukkin video call-a ka biak dâwna a duh loh chhan chu a taksa hliam leh nâ kan hmuh a duh loh vang satliahah ka lo ngai ringawt kha a nia.


"Mate," ka Nutei lam chu mittui khap let sak sakin ka hawi a.


Ka lama rawn awn hnaiin, thaw anla deuh halh a, min en deuh vung vungin, "i Nu-in a sawi hreh si a, nakinah i rilru a buai lohnan, college zawm loh hmasak hi eng nge i ngaihdan?" A zawhna chuan minṭhawng lutuk a chhân mai nachang pawh ka hre lo, mit khap fak fakin ka en kar ringawt.


College zawm loh maw? Eng nge ka tih ang?


"I Pa hi hetiang a nih chuan sum lamah harsatna innei dâwn a, i Pa enkawl zawm a tur leh i nau te school leh mamawh zawng zawng nen, nangin college luh i duh bawk si chuan i Nu ko a rit dâwn lutuk a," a tih zawm leh dap dap. A thusawi chu ngun deuha ka ngaihthla chung leh ka hrethiam chung pawhin College kal lo tura ka indah chhin ringawt pawh chu ka ṭah a chhuak ru-in, ka hnuk a ulh nghal ṭeu thei, ka lo suangtuah dan te, duhthusam ka lo neih ve ṭhin dan te chu a rawn lang zut zut bawk.


Ka lu ka thing nawk nawk a, "APa a dam leh dâwn a läwm, college ka rah loh a duh miah lo ang," mittui tla lek lekin ka ti chhuak sep sep.

Fa U ber ni mah ila, duat rawn leh duati bîk nih ka hlawhnaah, ka duh a piang nei turah ka indah tawp ṭhin.

Rethei hle mai ila, Ka pa, kan unau tána Pa a rawn nih hnu hian retheih awmzia hre miah lova seilian chho kan ni ta a, mi angin kan hausa miah lo mah se kan duh zawng a piang chu ka Pa hian kan neih loh a hläu a, kan nei ve zel tho.


Ka Nu chuan, "malsawmna," tiin a sawi ṭhin. Chuvangin Apa pawhin ka college rah loh chu a phal dâwn lo, ka tum leh duhthusam a hria a, hlawhtling turin min duh em em ang.


"Naupang ini tawh lova, rilru puitlingpu a, i Nu ko chhawk rual chu i ni ve tawh maw le," ka cousin Muansanga'n room aṭanga rawn chhuak paha a tih chuan, mittui tla lek lekin ka lo melh nghek ringawt.


Puitling rilru ka pu lo a ni lo, Apa pawhin a phal loh tur thu ka sawi mai chuah a ni.
.
.
.
Ka Nutei thusawi ngaihthuah rêng rêngin zan pawh ka muhil thei ngai lo, ka Nu ka biak lahin engmah a sawi ngai si lova, "a ṭha mai ang, Doctor ten an enkawl alawm," tih bakin engmah a sawi ngai lo hrim hrim.


A changin ngaihṭha takin ka awm a, ka Nu ka biak a, a rilru hah thaw leh halh ṭhin ri ka hriatin, "college kal lovin, hna ka thawk mai dâwn em ni?" Tih ka ngaihtuah leh ṭhin. Kal lo tur tak taka ka indah phei chuan ka rilru hi a na vawng vawng zel nia maw le.
.
.
.
< Thlà 1 Hnuah >

Ka in chhunga ka Pa wheelchair nena ka Nu in a raw nawr luh chu mit khap fak fakin ka dinna ngai aṭangin ka lo en ran a.


A Mal a chin chu puanin a inkhuh a, a wheelchair sirah a zun bâwm tih hriat tak pipe tereuhte invuah lutin, a inkhai bawk.


A biang kî leh khúar ta duk te, a vun dang bel mai hmuh te chûan minti na vawng vawng thei.

"In lo dam em Mmabawih?" A aw pawh a tham chal mai, a nui hmelṭha deuh te kha a cher lutuk nalamah mi a rap lek lek zawk hial a ni.


"APa tinge i ke hi i khuh a. Ka chuang ve duh hetah hian," kan teberin a lo tichul bawk a.


"I pa ke a na inpawm tir miah suh," ka Nu in a lo ti sawk sawk.


Ka pa lam chu ka pan hnai hret hret a, "Pa..." Ka mittui a rawn hnam ṭiam ṭiam.

A dam leh a, kea a kal leh te, college a min kaltir ka lo beisei rukna te kha vawi lehkhatah vuak chimihin a awm nghal vek bawk a.

"A khaih! Ka dam tawh alawm, upa ber ṭah i tum leh tlat ni," a nui var var. Ṭah chhuak ṭeu chung chuan ka hmui ka lo ti pawh vak ringawt a.


"Ṭahblehi a nih hi," ka tukkhumah ka nauin a rawn nam sawk, ka lo ṭeu hlar, kan in hau zui hlak hlak chu, "hah in va tidam lo thei tak êm," ka Nu in ti hlak hakin bag chu min rawn pe zui zat bawk a.
.
.
.
.
< October, 2015 ~ Kum 3 hnuah >

"Kekawr tlawn, a chhung hmul, a chhung hmul, lum nuam lutuk lo en ve rawh u," ka au lawng lawng a.


"Dinte, ha ila a hmul ve tho angem?" Pa Vl-an mi lo fiam zui, nui awr awr chungin, "hmul vek ang chu, i tán phei chuan a buk ang," ka ti let chu bazaar-a ṭhu ve ho an lo nui dar dar.

"Hei, Lawmsang kekawrte set thleng thar ka nei a nia, accident pui ngam aw. Christmas a hnaih tawh hi, leakout pui ngam kekawrte hi neih zel tur," midang an lo nui ṭiah ṭiah a.


"I ninawm Ramdinsang, i thawmhnaw zuar hi i over fal thei lutuk suh," ti hlak hakin a rawn kal hnai tho sia.

Nui awr awr chungin, "innalh loh hi ka hlau tih hre ta che Lawmsang. Bakah, tunlaiah video leakout te a tamin, a awl a, leakout leh mualpho pui ngam kekawrte leh bra in inbel reng tur, accident palh pawh a, accident tinuam tu tur a nia," nui kur kur chuan ka ti leh duah.

"I chhe e, accident-na tur nei lo ber hian i inla hre zut zut si," nui chunga a tih chuan ka nui chhuak tak uar uar a.


"Dinte, i phone hi a ri char char a nia." Ka veilama ṭhu Nu Roi'n a rawn ti.


"A bialpa, kan ASSAM RIFELS pa kha a nih leh dâwn kha, anla in try tlu thei meuh lo niin alang," Nu Sangpuii'n a lo ti ve zat, an nui zui dar dar bawk a.


"Ka bialpa a ni ngawt lo a," tia nui ruh ruh chungin, "Aw, Mapui," ka ti zat bawk.


"I buai em ni?"


"Umm buai ve deuh. Pawimawh a awm em ni, tûn ang hunah te min rawn call a," a duty lo emaw ni?

"Heihi size dang a awm em?" Lawmsangi chu ka melh zui.


"I buai chuan zaninah ka rawn be mai ang che," a ti leh hnuhnawh ang lawi si.

"Eng nge sawi ve mai mai la," tih pahin midang thawmhnaw rawn en ve ho chu ka lo kawhhmuh pah zel bawk a.


"Inneih sawmna ka dawng a," a nui ri huk.


"Nanga inneih sawmna dawn kei mirawn hrilh ni ka U."


"I hriat chakin ka ti, tute inneihna nge tih," zà vak lo hian ka lo nui seih, ka hmu ve alawm, a IG lama a post ka la hmu ve zel thei tlat.

Pathian zarah kum 3 lai a vei ve ta, ka Pa accident avanga hnathawh theih loh aṭangin, hna awm awm ka thawk ve nawk nawk a, kuli te phurin, mi lo-ah te ka inhlawh ve nawk nawk ṭhin. Kumin kumtir lam aṭangin thawmhnaw te zuarin bazaar-ah ka ṭhu ve ṭan bawk a.

Chutiang reng renga chhungkaw chawma ka buai a ngaih tâk vang nge ni a, kan buai a inrual ka hre lo, nikum Christmas a rawn haw a, a let leh hnu aṭangin mihrang ang hlak a ni, ka ngaihbel pawh a ni maithei zawk, ka hlauh ang leh rin lawk, rin phal si loh ang ngei chu thleng dikin, "ka tihpalh, ka hmangaih tawh lo che," tih thumal tawite hmangin kan kum 6 inzawmna kan chhu chat a nia!


Mahse, ka rin aiin hmalam a pan hma. Ni lo, kan inṭhenna thlà 7 chiah a nih laiin, kum 1 leh thla 4 an in ngaihzawnna social media ah an post tak kha.

Diktak chuan, Nunsanga mizia ka hriat ṭhindan ka ngaihtuahin, min phatsan a, message kaltlang ringawt a min ṭhen hi mak ka la ti, zep rual lohin a thlalak te, kan thlalak dun te ka enlet chang hian ka la ngai a, ka la na em em zel mai chu a nih hi.

Mahse, eng nge tih theih ka neih ni, nupui nei mai tawh tur a ni tawh tlat.

"i ṭha maw?" Ka chhan mai loh avangin Mapuia'n a rawn ti thûm leh dût..

"Ka hmù alawm, Mapui zanah kan inbe dâwn nia," min fiam leh dâwn tih ka hriat avangin minchhan hma in ka dah vat.

"Ramdin, tumaw i bialpa?" Lawmsangi'n thawmhnaw en mawlh mawlh pahin a rawn ti chhuak heu.


"I hre hman lo ang a Lawmi, kan OC fapa naupang zawk Nunsanga kha, hmelṭha deuh mai," ka ṭawng hma in Nu Ro-i bawkin a lo chhang.

"Thil hi i hre lo lutuk Ro-i, Lalnunsanga te chuan nupui a nei dâwn alawm, an inṭhen daih tawh, a ni lo'm ni Dinte? Kan khúaa thu a lên chak nen, i lo hriat ve loh ni, nangmah i ang lo zawk alawm," a thingpui dawr aṭangin kan ṭawng hrepha tih hriat takin Nu Chhîngi a rawn au lang lang, za vak lovin ka lo nui lui sun sun ringawt a.


Keiai a Upa fe leh ka Nu te ang rúal karah tihian nitin ka tâl a, ka chungchang ansawi tawh leh tawp nachang hi an hre ṭhin si lo, a buaithlak lampang chu a ni.


"E khai aw! Ka lo hre ve leh pek hleinem. In innei ṭep tawh ang chu tih lai a, damlai lû i lo sûn reng elo chu," kan nui ho dar dar.




"Ni ang chu, keipawh ka bo thut mai thei a sin, a pahnih a i lâk chuan 2500-in ka pe ang che," ka ti zat, an lo nui hawk hawk hlawm a.


"Ka la dâwn, mah se sanghnih (2000) chauh ka keng chhuak a, zangâ (500) chu naktukah ka rawn pe ang che," a ti ve mai bawk a.


"Assam Rifles pa kha duh ve tawh mai rawh Dinte, a chhiat loh êm kha," Nu Sangpuii'n a rawn tih chuan nui chungin, "Aizawl ka kalsan hunah che u chuan aw!!! Min ngai viau ang aw!!!" Ka ti deuh vung vung chu, "a rawn zui ve mai lo'ng che maw?"

"A zui duh tak tak ang," Nu Sangpuii thusawi vangin kan nui ho dar dar. Mapuia chu a hahchhiau nasa viau ang chu aw!!

Nitin, hnar za deuh deuha a hahchhiau tuar tuar zel a nia ka rin, nitin deuh thaw hian minchhaih a, Mapuia hming anlam bawk si.
..
..
..
..

< Zinkawng >

"I thlen ve leh min rawn bia ang che. Hreawm itih a, i thuthlukna i thlak a, i inchhir a nih chuan engtiklai pawhin i rawn haw thei a nia. I Pu Kamlova pawh ring suh ka tih kha hrereng rawh, putar fing tak a ni a, a tupa nupui atana a duh chhan che hi i pu (Apa pa) laka a thutiam chauh a ni lo ang." Ka pa min ngaihtuah lutuk chu ka nuih a za lek lek.


Ka thuthlukna hi a dik ber em ka hre lo, ka hriat ngai loh leh, vawikhat pawh la hmuh ngai loh pasal atana neih chu a atthlak tih ka hria; Mahse, ka Pa sawi loh ka Nu cancer enkawlna tur leh, ka nau te thlenga enkawl a intiam avang chauha a tupa nei tura inremna siampui tur ka ni.


A tupa ka hriatdan lah chu 'hmeichhe mi tak, ngaihzawng mumal leh nghet nei ngai lo, khawvel mi ansawi ai pawha khawvel mi ' an ti lehnghal a, ka hmalam ko leh thim tak hmachhawn tur erawhin ka dairy-ah hian "inchhir," tih thumal aawm chuang miah lo!
.
.
.

Aizawl leh Zokhawthar inkar chu hla tak a ni, kawng a chhia in, kan insawh thla deuh bawp bawp a, a khat tawkin kan tîng leh awk awk ṭhin.

Kawng tluan chuan ka chunga thil thleng thei chi hrang hrang ka ngaihtuah a. Mahse, thil pakhat chiahin ka rilru a luah, 'engtin nge ka pasal tur, vawikhat pawh ka la hmuh loh chu ka hmachhawn ang,' tih hi a ni.


Ka mitthla ah Pu Kamlova hmel a rawn lang, kan inremsiamna tur a paper min hnutchhiah kha ka hmu zui zat bawk a.


Ka bag aṭangin lehkha chu phawrhin ka en vang vang, "ka inhralh a ni ringawt alawm," ka hriat tawk lek chuan ka phun chhuak sap.


Mahni inhralh nih duh si lovin ka inhralh chu a ni dêr ang lawi si. Ka chhungrilah erawh mahni inthiam chawpin, "ka Nu-in cancer treatment a dawng thei ang a, ka Pa-in therapy pangai takin a dawng thei bawk ang a. Ka nau Duat a'n college zawmin, Bawihtea pawh private school ah ala chhunzawm thei dâwn alawm," tiin ka inhnem ve mawlh mawlh tak nâ-in, Aizawl kan hnaih a, Zokhawthar kan hlat poh leh, ka chhungte ka hlat ta hle a ni tih ka hriat a, ka hmuhin ka ṭah a chhuakin, ka mittui a hnai ang kuar kuar lawi si.


"Engkim hi a ṭha vek mai ang, kan nunna chhan leh ka chhungte himna a pawimawh hmasa ber tawh," tiin ka infuih ru leh mawlh mawlh ṭhin.


"Dinte, Aizawlah chuan engti turin maw i kal ve dâwn a? Thawmhnaw la turin em ni?" Ka bula ṭhu Nu Ṭhai'n a rawn ti hluai, a motor rui a reh deuh a ni ngei ang, a ṭawng ve ta alawm.

"I rui a reh deuh em ni Nu Ṭha?" Kan Driver Kima pawhin a rawn ti lang lang, kan lo nui ṭhu hlawm a.


"Ni love, ka zin lawk mai mai dâwn," ka lo ti ve vat.


"Reh deuh e, Dintei theithur minpek kha a ṭha khawp mai," a ti nui vur vur, a fanu erawh ka darah a la muhil bam thung.


"Vawiin chu kan sawngnawi hle mai, kan vawkte phurh thlengin motor inrui vek a," Kima'n a rawn ti nui huah huah, hnunglama ṭhu ho thleng chuan kan nui ho dar dar a.

A ni lah taka, khawzawl kan luh dâwn phei kha chuan vawk luak kha thli in a rawn beng ta sia, tukverh ka lo khar hman chiah a, kan berh lo mai mai a ni. Tukverh erawh a berh ta nuaih tho a.


"Zanriah eiin Selingah kan chawl dâwn em niang? Aizawl kan lut ṭep tawh tho a?" A rawn ti leh. Pawm pui zetin, rang fahran hian ka lo bu nghat, midang erawhin chawlh an duh loh thu an lo sawi sap sap thung. Khawzawla kan chawlh bâk chawlh leh kan nei si lo, ka ril a ṭam lutuk keizawng chawlh ngei ila ka ti.



"Ni e maw le, i chawl teh ang u khai! Khawzawlah bak kan chawl si lova, chhawl te pawh a hâl hrim hrim alawm maw le," Nu Ṭhai'n a rawn tih takah chuan, upa ber a nihnaah an hnial ngam ta zân lo a nih hmel, duh vak lo chungin an "aw" ve ta tliar tliar a.


Chaw eina tur dawr kawtah Sumo a din rualin thei zuar leh thildang zuarin min rawn bawr deuh nak nak.


"Bawihte, chaw kan ei dâwn a sin," ka taksa ngheng a muhil a fanu Bawih Bawihi chu a rawn sawi dat dat a, a harh rualin luak leh a tum nghal ngawt bawk

Motor ruih hreawm zia hi ka hre ve tawh a, ani damsam lo nen phei chuan ka lainat tak tak a ni.


"Nu Mabiak.." Kima a au lawng lawng.

Restaurant aṭanga nulian tak mai rawn chhuakin, "Dinsang....." Tih leh ka lama rawn pan a rual ta daih mai, ka meng phar awn hman, ka insiam ṭha vat thung a.


Keimah ang chiahin Kima pawh chu a rawn hawi let haw mai, "in inhria em ni?" Tih en in min en hlawm. Kei erawhin ka mi hriat a ni lo tih ka chiang.


"I Nu-in min rawn bia a, inchawlh pawh ka ring lo a nia. Lalkima motor-ah i rawn tel chu a lawmawm hle mai, i Nu Mabiaki ka nih hi, min hre tawh lo em ni? I tetlai a ka awm nasat che nen," nui huah huah chunga min chibaiin a ti nghal zung zung.


"Anu sawi chu ka hre ṭhin," ka ti zawi sap.


"Lo lut rawh u, zanin chu hetah riak la, cham te pawh cham ve la, Aizawlah ka fapa ten anthlah thei reng che alawm," ka ṭhutna bulah ei tur an rawn ken dah pahin a rawn ṭhu thlà ve mai bawk a.


"Biaki min va ngaihsak ta lo ve," Kima'n arawn fiam zauh, nui huah huahin, "Lalkim zanin chu ka fanu hi kan be ve phawt ang e," a ti lawng lawng, mikhual an ngah si, pawnlam a motor ri leh thlengsil ri tawk rawk ri nen, ṭawng leh music nen, ka luak ve mai dâwn!


"I Pa i hmù dâwn em?" Ka chaw ei lai chu ka tawp dat.

"Hmu lo ang," ka ti zawi sap ringawt a, ka aw chhuakah chuan a chanchin ka sawi fuh lo a ni tih a hrethiam ngeiin ka ring.

"Ani pawhin hmuh ngam che pawh ka ring chuang lo," a tih leh sep, ngam tur a ni lo rêng a ni.


"Khawnge Bawih Bawihtei?" Nu Ṭhai rawn ṭhu ve chu ka lo zawt nghal a.

"Châw a ei peih lova, motor-ah a mu a nih kha."


"Nimbu tui in sela, a harh kawk mai ang, kan nula ka'n siam tir ang e," tih leh Nu Mabiaki pawh chu a tho nulh.


Ka pa a sawilaia ka hmel leh ṭawngkam bul zet kha a mawi lo tih chu hre tho mah ila, ka pa chanchin sawi hi ka peih lo satliah pawh ni lovin, ka duh lo hrim hrim tlat a tin ni.

.
.

.

"Dindin..." Motor-a ka lut tur Nu Mabiaki bawkin mi lo au lêt a.

"Kha hei hian i Nu leh Pa ka lo kan ve ang e," tih leh ka kutah pawisa thlep rawn hmehbel nawk nawk a rual a.


"Nu Mabiak, ka la thei lo ang," tia pek let ka tum chu a kut hnunglamah dah vatin, "la rawh Dinte, i Nu pawh ka ngai ve hrim hrim alawm le," a hmel, pawn ligh in a chhun ênah pawh chuan ka Nu a ngaih thu a sawi chu a ti tak tak a ni tih ka hmu thei.


"I haw lêt lamah pawh min rawn tlawh theih chuan min rawn tlawh tum la aw," tih zawmin, "kal tawh rawh u, ka ti khawtlai dâwn che u," a ti leh zung zung, han hnial ikna hun ka neih loh avangin lawmthu sawi mawlh mawlh chung chuan motor ah chuan ka luhsan ta a, kan liam thleng chuan min thlir tih side-glass aṭangin ka hmu thei bawk!
.
.
.
< AIZAWL >

"Awiha! Dintei ruala kan zin chu a tih zia hle mai, kawng tluanin min buaipui ta sia. Haw lam pawh haw rual dan ngaihtuah leh ila a ṭha ang," thawmhnaw an unload laiin Nu Ṭhai'n a ti siam siam a.


"Engtia rei nge awm i tum Dinte?" Motor chung aṭangin Kima'n a rawn ti ve zat.


"Ka hre lo le, ka awm rei deuh ang kei chu, hnathawk tura kal ka nia," ka ti chu mak ti ni awm takin, "a khai! Thawmhnaw dawr te pawh i hawng ang chu tih laia," a rawn ti hluai.


Ka lo nui sun sun ringawt a, ka luggage a rawn khai chhuah chu, a tlak hläu zeta ban vatin, ka sirah tu emaw hian min rawn pui ve vat bawk, "ka läwm e," leia ka ngah rual chuan ka ti zui a.


"Dinsangi i ni ang maw?" Ka bu zauh.


"Pu Kamlova rawn tirh ka nia, ka rin aiin inrawn thleng har a, kan kal mai dâwn em ni?" Driver a rawn tirh a nih ka ring ve ngawt a.


"Nia maw le. Nu Ṭha, ka kalsan ang che u. Kim, ka läwm lutuk a nia. I chhuah leh hun tur min hrilh la ka Pa damdawi tur ka thawn haw ang che," ti lang langin, motor chung aṭanga min hrilh tur thu sawi chuan keini pawhin kan kalsan ta hlawm a.


"Min lo nghak rei em?" Car nalh tak mai, eng ang car nge a nih pawh ka hriat ve lem loh, dum liantak hnungah chuan ka luggage chu a khung a.


"Rei hran love; Mahse, dár 9 vela inrawn thlen kan ring a," pangai tak leh aw ki zângvah hian rawn ti ve in, kawngkhar min hawn sak a tum chu ka lo chelh khalh vat.


"Zanriah ila ei awm si lova," car a ka luh rualin ka ti leh a.


"Ei lo, kannu in min lo nghak ang chu," min rawn en a, a nui sun sun.

A nupui in a nghah tur thu a sawilaia a hmel nung sârh chu hmuh a nuam takzet. Sawi lo mah se nupa inhmangaih tak an ni tih a hriat theih aläwm.


"A va inthlahrunawm ve maw le, Selingah kan rawn chawl kawi lawk alawm maw le."


"Inthlahrung love," aw nelawm takin a ti tak nâ-in, a nuam miah lo, keini kan puar pengpawng tawh laiin, a ril a ṭam dâwn bakah, nupui nghaktu a nei lehzel nen.


Rei tawk fang kan tlân hnuah kan hmaa inchhawng liantak mai, TV ah chauh chutianga lian chu hmu tura ka lo indah ṭhin, eng ût lam chu kan pan hnai zel a.


Gate lian tak, remote hmanga inhawng ri ruah ruahah chuan lutin, car chu a ding zui dat bawk.

"In lo thleng thei ta maw. Dintei maw kha'h?" Ka chhuah rual a min rawn chibai tu chu ka lo chibai let ve vat a.


Min hruaitu driver nupui a nih ka'n ring ringawt bawk a. A pasal hmel hlimsangah hian a hai theih miah loh.


"Hnemi ka nia, Piana nupui hi. I room turah ka hruai ang che," ka luggage chu a hnuk zui dat dat. Ka zui ve mai bawk a.


Inchhung chu ka hawi kual thuak thuak, ka hmu vek lo nachungin, ka hmuh chin erawh ka tán chuan mak leh ropui tih tham vek an ni.


Engkim mai chu a fai sersawrin, a changkang em em vek mai bawk si.


"Pu ber a mu tawh a, inbual fai la, zanriah ila ei loh..." A tih laiin, "ka ei tawh e. U Hnem, ka lo inbuaipui tawh ang e, zanriah va ei zawk rawh u," inthiam lo ru deuh chuan ka ti let vat.


A inthlahrunawm mah mah tawh, helai kan thlen meuh phei chuan sàwm pakhat a pel duai tawh mai si a, an zanriah la ei lo nen.



"A nih chuan lo inbuaipui ve nawk nawk mai rawh aw. Mamawh leh zawh duh i neih chuan choka hnunglamah sawn kawngkhar a awm a, i rawn chhuak mai dâwn nia, in hnunglam In têah sawn kan awm a nia," keiaiin kum tamin a upat ka ring miah lo; Mahse, a ṭawngkam engkim a chhehdan chu a ni thlap thung. Tihsual neih hläu a ang mah mah ka ti hial a ni


Ka room tur aṭanga U Hnemi chhuah rualin chhuatah chuan ka ṭhu thla hnawk a, boruak hip vang vangin mit ka'n chhing zui vang vang bawk a. Mahse, kan in angin ka hah a dam miah chuang law.


Keimahpui roh hian ka ngaihbel nge ni, ka hmun hriat ngai loha ka din vang zawk boruak chu a rit riauin ka hre tlat pek a.


Muangchanga mengin, ka room tur chu ka'n melh kual vêl a, lian tak a ni, a lian mah mah zawk.

Mahse, a chhung erawh a ruak viau thung, an siamna, chei ṭhatna a la rei lo a ni tih hriat takin, air-freshtener an hman Lavender rimtui chêk chêk kara rawng hnawih thar rim nam leh hak ṭhin chuan a tichiang hle bawk.


Ka ṭhutna aṭanga tho chhuakin ka hawi kual a, bathroom pawh a hranin a lo awm lehzel nen, mah se he room lian tak leh mawitak a chei, sum tamtak an hmanralna ai hian; kan In, kan unau room inṭawm, kan inhauh a, zân mut dâwn a pianga kan intih ṭahna ṭhin room tetakte kha ka ngai nghal vawng vawng viau thung!


Mahni In chu, mahni In a lo ni nge nge a nia nge, zankhat pawh ka hman ral hma in kan in ka ngai nghal ringawt a nia leh!


Ka chau deuh nge ka inbual zo sam pawh chhem ro lem lova khuma ka mu zal chu, "pasal nei tur ringawt a khawdang pan pawh chu aw!" Tia ngaihtuah rauh rauh chungin ka muhil zui a ni ngei ang, ka harh leh meuh chuan varṭian a lo ni dêr tawh tih ka thlang lam tukverh aṭanga êng tlem rawn lutah chuan ka hre thei.


Mahse...mahse, engthil rit lutuk nge min delhbettu hi? Ka luggage nen ka mut awm ka hre si lova.

Ka âwmah thil rit tak a min delhtu en tuma ka inher chu, min hnaih lutukah patling lianzet hi a lo mu a nih chu!!!


"LALPA!!!!" Tih leh ka namsawn sawk a, a che dût chauh a ni, a len zia leh mut ngheh zia chu a incharbet ta emaw tih mai tur alawm.

"I bengchheng Jessica," nin hmel zet hian a rawn ti hluk a, a ṭawng zawngin zu rim a rawn nam huk bawk.

Khum aṭanga tawlh thla rawk rawkin, chhuatah chuan ka ding kat nawk nawk bawk a, ka tiril a khur a ni mah zawk, hlau leh mangang ru zet chuan ka indap kual sawk sawk, "Lalpa ka la Virgin," ka tichhuak thlawt!!


Ka hriat lohin ka thianghlimna ka hloh emaw ka ti dâwn hial alawm!


A hrim hrimin hepa hi tunge ni ngai? A taksa lian pui leh khal ṭha zet mai, tattoo inchhu thluah bawk nen, gangster zing a mi ni âwm tak a ni.


"Jessica, mutpui duh tur khawp che in hmeichhia ka tlachham hrep lo," a la meng miah lo, a ṭawngkam hman duhdan lah chu a thlahdah em em lehnghal a!

Bawkkhup zawnga mu a nih bakah, a lu lukhama a delh tir miau avangin a taksa lianpui leh hrawl zet mai, inphiar sek ṭha zet bâk ka hmù thei lo.

A dár pharh hlai ṭha tak mai leh tihrawl mawi tak mai, a nih an tur diktak a lem ziaktu in a ziah ni âwma a mawia i dawt thluah chu thlir vawng vawng tham alawm!!!


Arghhhhhh!!! A hun lutuk!


Ka hawi kual nghal vut vut a, ka mutna room a dik bawk si, engtin nge maw a rawn luh le?


Mak ti taka ka hawi kual laiin, "I harh tawh em?" Rang lutukin kawngkhar lam ka hawi let dawrh. Ka thaw chhuak hawk bawk.


"Pu Kam...." Ka ti chhuak hap. Min ngai dik lo ang tih hläu zet chuan, "tunge a nih ka hre lo a nia...." Rang zeta ka tih zawm laiin, nui vur vur a, khuma mu mipa rûang âm lian zet mai en chuan, "inphihfai la, pawnah kan inbe dâwn nia," ti dam ta thlupin a kalsawn leh daih nia!


Khuma mu-pa lah chu maw.... chatthla tih hriat reng reng!!!! A thaw ri kawk kawk a, a thawk zawnga taksa lianpui che dut dut te chu a hlauhawm lek lek zawk.

Beng pawpa tlân chhiat daih a nia ka duh ni. Mawl lutuk mai!

Khumah mi an mu tih hriat te chuan hmundang te zawn ve tur alawm, a tunge a nih phei chu ka hre law; Mahse, a mawl a nih hi! Tlema tlemah pawngsual ka tawk lo chauh alawm le...


Rilru a ka bula mu ve tawp mipa rel zawt zawt chungin, Room bathroom pawh hmang ngam ta lo chuan ka chhuak a, U Hnemi rawn lut ve chiah nen, "U Hnem, bathroom dang hman tur hi a awm em?" Ka hawi kual, nizana ka hmuh pawh khan in hi a lian tih ka hria; Mahse, khawvar hnua han hmuh chian leh zual takah chuan lian tih ringawt hian a sawifiah zo meuh em ka hre law.


In chung pan chhohna kailawn liantak mai indawh chho rup, hnûm leh tliang nalh tak chu thing hmang veka siam ni siin a lang ropui takzet a. A piah maia sitting room, kan in chhung ai pawha a let tamtaka zau turah chuan, sofa L shape uk tak ngâk mai, a tlâng var inhûng rup mai leh dawhkan, sofa chhawm tih hriat tak, kil li nei uk mawi tak mai inhung rum mai te chu hmuhnawm thlir a thlir tham tak meuh meuh a ni.


Ka dinna hmun, chhuatlah chu glass tiles satliah emaw ka tih kha, marble tiles vek a ni lehzel bawk nen, mumang te pawh a ang lek lek zawk alawm. Hetianga inchhung ropui leh lian ka hmuh ve phak chu Champhai Zotlanga LPS Chanel neitu te In chauh kha a ni. Mahse, chu ai pawhin he in hi chu a ropui in a lian zawk daih. Kan khúa emaw Champhai vela In lian kan tih te chu he In lakah chuan In satliah sawi loh an tlâm ang mai chauh an ni ang.

A lo berah he in saknan hian kan kum 10 thawh chhuah chu an hmang hrim hrim ang. Chuai pawh chuan a tam mai thei bawk!


"Dinsang..." Ka harh zawk, an inchhung chei leh sawngbawl velnana an sum hman zat tur ka'n lo chhut leh hman pek a'h! A va hahthlak ṭhin tak êm!


"Chokaah sawn va intifai mai rawh, inchung khi chu Pûte nupa room lam a ni si a," a tih leh chuan ka bu nghat.


Choka ka lut pawh chu!! Ka rei maw!!! A changkang lutuk mah mah, engkim mai chu a thianghlim em em vek mai bawk si.


Mahse, mak tak maiin, han awh em emna ka nei hauh lo, kan In a tapchhak, thlasika kan chhungkuaa kan inhnawh laih laihna hmun kha ka la hmu mawi zawk tlat pek a!


"I intihfai zawh chuan min rawn hmu dâwn em ni?" A mak e, ka dinna leh hmuh a piangin ka ngaihtuahna a hruai pen zel le maw le.


"Aw, ka hman a ni mai," tih leh rang taka bathroom a tlân luh ka rual a.

Pu Kama leh U Hnemi nui hak hak ri chu ka hre hman hrâm!


Rei pawh ka intifai lo, nizanah ka inbual tho, ka sam lah chu chhem ro lova ka mutpui ngawt vang nge a ban deuh chuap lehnghal!


"Lo ṭhu rawh," hahdam deuh hian tualzawl, phul chunga mau hmanga siam dawhkan leh chair-ah chuan a lo ṭhu vàng a, chanchinbu pawh a la chhiar thei nia maw le. Tarmitnen ka tihna.


Kum 80 vêl a nih ka ring ringawt a, a chak vakin, tar hrisel tak a ni tih a hmuh theih!


"Vawiin lam te eng nge itih ang Dinte? Hna kha zawn i tum em ni kha'h?" A chanchinbu chhiar lai chu uluk taka thlepin min rawn en a.


A mitmu, pawval ral mai, vun chuarin a a khuh deuh hnap thawh nena fing tih hriat tak maia min en sängin a nui deuh säng bawk a.

"Engvangin nge college i kal leh loh ang ni, hnathawh ngawt ai chûan. Lehkha lah duhthusamin i thiam si a," a aw ban chap ṭawngkam felfai leh ni thlapah chuan putar fing satliah pawh a ni lo, mahni hmasial leh midang thunun tumran mi a nih zia a hriat theih!


Huizzzz!! Eng ka ti zo nge ka mihriat chuan loh ka judge tak vak vak mai le.


"I thutiamah ding la, keipawh ka thutiam leh ka mamawh chinbakah duhâm ka tum lo bawk," fiah fai taka tiin, U Hnemi kan lam a rawn pan tâk avanga nui vur vur rih chuan, "thingpui kha han in phawt teh," a ti leh churh a.


"Rilru siamfelin min rawn pan ang chu maw? Reilotea inchhir tur inih dâwn chuan hun ila nei a nia."


"Inchhir turin ka pan lo che a, chutiang bawkin, i thutiamah i ding a nih chuan engtia rei pawh nise i tupa nupui ka ni thei," ka ti let ve leh nghat chu a nui ri hak a.


"I fing tih hi ka hre rêng a ni," a la nui reng.


Nizan ka mut dâwna ka iptea ka ah paper chu phawrhin pek ka tum mai nâ-in, la let leh chuan, "zawhna ka zawt thei che ang em?"

"Min zawt ta che," a tihna ni âwm takin a kut chu a lek kang zauh a, a ṭhut dan siam remin, a bawp a khawkher a, ka thusawi tur chu chik takin a ngaithla ran bawk.


"Engvanga kei kher hi i tupa nupui atana min duh nge inih? Min hre ṭha pawh a ni chêng si lova," a lo nui ri hak. Ka hamhaih lek lek zawk.


"I Pu nen kan tu upa ber ve ve innei turin thu kan tiam tih i hre tawh ang chu maw," a thusawi chu ka awih a ring lo tih a mitmeng fing takah chuan ka hmu thei.


"Ka Pu, ni lo, ka Pa fa diktak ka ni lo tih i hria a läwm," ka ti leh nghat, a ṭawngkama min dâwi a tum nia ka hriatna chu ka ngai thei dêr lo.

"Rammuanawma nupui tur diktak i ni, ka thlang sual hauh love. A nih minhan hrilh teh Dinte, i pianna Pa a nih loh avangin i hmangaih loh phah em? I Pu khan a en hran phah che em?" Atir a nui kha a tawp lam chu a thutak fûk mai.


A zawhna hretiam chiah lo chuan ka'n en ren rawn a, rawn nui ṭha leh vur vurin, "Pafa, putu niturin thisena inzawm kher a ngaiin i hria em ni?" A nui hmel leh mitmeng, ṭawngkam dam leh fiah tak kara mize nekluih leh palzam theih miah loh a neihna lang chhuak ṭhin chuan minti zâm lek lek ṭhin.


Mahse, a zawhna chhanna chu chiang taka ka hriat ang bawkin, ka hria a ni tih a hre ve bawk.


"A chhanna i hria a ni lo'm ni?" A rawn ti leh ngat. Ka chhan tâk mai loh avangin in lam chu en in, "ka tupa i hmu tawh bawk a ngaihdan te i nei em?" A raw ti ta daih mai. Phawk fe hian ka lo en thung a.


"Kha gangster....." Ka chip leh, ka lei ka veng hman lo deuh....


"Aw kha gangster kha ka tupa neihchhun Rammuanawma, i pasal tur chu a ni e," fiah felfai deuh maia a rawn ti leh charh charh mai chu e, ka chhipah hian khû chhuak theise a phít sût sût ang a, ka ral raih ka ring.


Kha mihring, tattoo ngah lutuk leh taksa lianpui mai, mihring pangai ai pawha aleta lian kha a tupa maw ni a???



A fiamthu ti dawn ila fiamthu thawh ve hmel lah a pu dêr mai si lova.


Ka rei!! A nih chuan khatiang mihring pangai pawh ang lo kha ka nei dâwn tihna maw? Min nei duh lo se, tlân te tlânbo se ka va han ti tak êm!



"Thil pakhat, i tupa hian min duh lo a, he inneihna hi a pawm ngang lo a nih chan tihluihna tel lovin kan ti tawp tur a ni," ka maktihna dahṭhain ka hmaa putar kum 80 ralkai tawh fing vervek deuh mai chu ka en leh ta ran a.


A mitmengah chuan min neih tir ngei a tum tih chiang takin a hmuh theih.


"Chu erawh i ngaihtuah tur niin ka hre lo. Ka tupa chu biak hmasak te i duh lo em ni?" A rawn ti ta charh rêng bawk a.


"Tihluihna hmanga tu mihringmah neih ka tum lo. Tin, chutiang tur êmin tawng lo lah ka ni hek lo," ka ti leh ngial, zâm loh ka tum veinen, ka duh aiin ka ṭawngkam a nem ta duai mai, he putar hian mi thunun theihna riau a nei reuh tak tak a ni.



"A ṭha alawm, a nih chuan i Nu leh Pa, i unau te mamawh lo pein, an damdawi in enkawlna lo pefel ta ila," a ti bân leh churh churh.


"Chu erawh ka rulh tur che a ni ang chu."



A nui a, "kan fair tawk e, a duh lo che a nih chuan sawi theih ka nei hleinem; tichuan inremna kan nei thei em?" Muangchang leh fiah tak hian a rawn ti ban leh chap chap a, ka lo bu nghat. Amaheraw a tupa be mai turin tunah chuan huaisen na ka la nei rih tlat lo.


Engkim mai chu a thleng chakin, suangtuahna sawi loh, mumang ramah pawh ka la mangphan ngai loh hringnun kawng ka thlang a, engtia pên a, ka hmalam hun thim tak mai, ka duh thlanna ngeia meichher ka tihmit tâk hringnun kawng hi engtia thlira zawh tur nge tih ka hrethiam mai rih lo; Mahse, he hringnun hian duhthlan tur dang eng nge minpek? Mahni chakna leh thiamna, theihna, hlawkna tur kawngpan chu sualah ka ngai ka tlat lo!!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:48 pm

[ LOVE AFTER MARRIAGE ]

By

Floria Laldansangi


Chapter < 3 >


"Hi!!!!!"


"I ṭhiante anrawn la thlen loh chuan customer kan ngah, min rawn pui rawh," tehnghal thlawr chuan.


"10mins Rs.50," nui chungin order chu la in, "table no.3," a tih sepna lam chu ka pan zui nghal a.


Ka cousin puia ka phibuai vut vut laiin, "Americano..." Aw thûm leh zawi sup hian a rawn ti dût a, midangin an puih ka rin bakah, ka siam thiam miau loh avangin tunge tih pawh en lem lovin, ka dawhkan nawhlai ka chhunzawm mawlh mawlh.


"Ka sawi chu....." Ka hnunglam aṭanga a rawn tihnawn hluk chuan thinchhia tiru deuh tak chungin, "Siam.... Americano a tiiii!!!!" Ka ti chuai raih.

Chiang lutuk maiin ka hmaa palian zet mai awm chu ka en kawk a, ka thaw ka hip let kawk bawk, a khabe zawnah dingin ka khap zui fak fak bawk a.


Muangchang hian ka hawi chho riai riai a, mit zimsan leh mahni hna tlin lo tih en a min en na chuan minti thaw chhuak ngam lo.


A vahan lian turu bawk ve maw le!!


"Muanawm...." Rindiki'n a rawn ti hlar riah chuan ka harh zawk, ka tumoh lutukin nazetin a awmah chuan ka nam sawk a, a su luih chauh nia maw le!



Rang taka pensawnin ka thaw chhuak hawk bawk a, a taksa rim pa zet mai leh taksa lianpui.. Aw... Ka khawihna sak ṭalh nen khan ami uapna duh aiin a na mah mah.


"RAMDINSANGGGGGG...." Teh tuar tuar ṭhin hian aw! A zahthlak thei!!!!


Ka kutin ka ṭhiante rawn inhnawh lut khut khut chu zâpin, "bengchheng su," ka lo ti vat vat.


Paliana lah khan, awm nuam lo tawk tur leka min en run run chungin, "Siamthan, i dawr hi Daycare center em ni?" Bengchheng a ngai thei lo nge ni a, a thusawi ka chhan loh avanga min tihletna zawk, a enga pawh chu nise a palen el ul nen, rilru a nei small hle mai!


"I intur hi la mai maiteh, naupang tihṭhaih a ṭul lo," ka cousin in tiin, "Dinte, inchunglamah han inkawm rawh u," nui säng a rawn tiin Paliana melh lui vakin ka ṭhiante ṭawng nawk nawk chu huiin ka hruai chho ve vat a.


"Tunge a, a va chhe lo em em?"


"Tattoo a ngah tawp."


A tattoo pawh ka lo hmu ve hman leh pek lo.


"Khawlai mi deuh deuh hi chhe lo i tia," an inhnial chho bap bap ka lo nui ṭhu ringawt a.


Tattoo ansawi takah chuan nichina paliana kha khawiah nge ka hmuh tawh tih hriat tumin ka ngaihtuah let rauh rauh. Ka hre chhuak maithei lo nâ-in, hmuh tawhna chu ka nei a ni.


"Hei!! Ramdinsang..." Ka harh zawk.

"Eng maw?" Ka ti chhuak heu chu an lo ner nawng.


"Intur induh dâwn em?" U Siami hnathawk pakhatin tiin anduh zawng ansawi sap sap a.



"Engtik maw Aizawl i rawn thlen?" Läwm lo ri ka hre tel.



Nuih tlawn sawngin, "karkhat vel a ni tawh...." Ka hnungzang a ri nghal awk awk.


"I phu tawk chiah," an nui zui uar uar, ka nui ve var var tho.


"A nuam e, kan inhmu khawm leh thei a, kan school kal ho lai ang mai kha alawm," Zualbawihi'n a rawn ti hluai. Kan lo bu tliar tliar.

"Lalnunsanga tel phei se chuan," Tetei'n a rawn tih chhuah deuh vawng vawng chuan midang zawngin an lo melh rawm rawm a, kei erawh za vak lova nuiin, "remchangah kan la inhmu ho ang chu," ka ti sep. A hming han hriat leh takah chuan ka lungphu hi a la ti rang ve deuh tih ka hre chhuak.



"Nupui a nei tawha a hman lo ang," Zingengmawia'n a rawn ti zat. Kan lo nui hak a.

"An la innei lo a ni lo'm ni?"


"Nei tawh e, insuih ṭhat antum zawkin ka hria."


Min rawn en deuh dai hlawm a, ka ṭha tih hriat tirnan a lo nuiin, "pasal ka nei ve thut thei a nia, nangni pawh sa ei turin inbuatsaih rawh u," an awih lo lutuk an ner nasa ngang mai.


"Aizawl karkhat lai awm tawh si mi biak pawh i tum lo hrim hrim hi mak ka ti. Engmah ka hrilh bîk dâwn lo che emaw ni?" Siamsiami'n a rawn ti hlak hlak.


"Dikchiah, a hrim hrimin eng nge itih dâwn thawmhnaw zawrh tur ila dâwn nge?" Intur an rawn ken chu ka lo pui vat a.


"Dinte, zanin chu ka Nu-in châw rawn ei rawh se a tih che kha aw," U Siampuii'n a rawn ti ve bawk a.


Ka bu nghat, "nakinah inhre chawp ve mai ang, eng nge inzirlai a an?" Diktak chuan ka ṭhiante hi ka awt ṭhin. A hma kha chuan duhthusam in ang, kawng in ang leh tum in ang kha kan nei ho a, college khatah kan lut lo a nih pawhin inhmuh hova, intih hlim ho te kha kan suangtuah nasat ṭhin nen.


An thlalak an post a, college thiltih leh an zirlai chungchang anhan sawiho nak nak hi chuan mihring rilru, thîkna rawn langin, kan ṭhian ho group pawh en loh emaw chhiar duh loh chang ka nei fo mai.



"Keichu a zia a ni mai. Mahse, ka subject lâk hi ka inchhir ṭanin ka hria," Remruati'n a rawn ti niah niah.

"Lala, dawr neitu nen hian in inchhung nge?" Zualbawihi'n a rawn ti hluai.


"Aw ka cousin, Apa nauchiah fa û ber a nia," chhuang deuh hian ka lo ti var. U Siampuii hi a chhuanawm ve ema sin. A rilru lah hi a ṭha em em mai bawk si!


"I Pa tak nge tuna i Pa?"

"Lalnunsiam...." Remruati'n a lo khak vat.


"Nge????"

Nui chungin, "tun ami. Bakah, ka pa tak te chu 'apa' pawh ka ti ngai em ni?" An lo bu nghat, "nitho mai, a hming hian i ko mai a," Siamsiami bawkin a ti leh.


A sawidik chiah, a chanchin hi sawi loh a, hriat loh tawp ka duh viau laiin, sawi a ngaih chang hi a awm leh zeuh ṭhin, mah se a hming hian ka lam mai zel thung.


Ka Pa tak hian farnu 2 a nei ve a, U mipa pakhat nei bawkin chu erawh a boral tawh thung; Mahse, a farnu la dama te nen hian kan inpawh viau loh bakah, khawkhat lo kan ni bawk nen hmel hriat en pawhin kan in en lo a ni ber mai.


Apa chhungte erawh atu mai pawh hian mihrang enin min en miah lo ve leh thung a, minhau a, min zilh rawn a, sum lamah harsa in mamawh ila, anthawh khawmin, minpui liam liam zel bawk.


Ka college kal lo tur ui a, kawngdang dap ṭauh ṭauh tu pawh ka Ni te ho vek hi an ni.



"Sawita daih ila Lala, i inthlak zia hi i inhre ve êm?" Zualbawihi bawkin a rawn ti leh. Min endan chu Pitari enin min en in ka hria.


"Engti zawngin maw?"


"Ka sawithiam lo, hmelah ni lo keini aiin i upat hmel," kan lo nui hak hlawm.


"A puitling tawh alawm," Zingengmawia'n a rawn ti ve leh khauh.

A sawidik ve pakhat ang, ka mize hlui, ṭah belh tâk, Nu leh Pa ring em em ringawt ṭhin kha retheihna in minhan tuam tak tak chuan kan puitling awk awk mai alawm.


"Retheihna in mi a siam puitling," antih kha, keimah ah hian a dik viau mai.


"I va hmanhmawh hmel Ve Zinga?"


"A bialnu-in a ko leh tawh a nih hi, ngaihzawng chhe fahrah tete hi innei a, ṭhiante aiin ka ngaipawimawh e hi inhan ti ve bawk a, ṭhiante aia ngaihzawng thlang hi anti fuh lo chawk a nia," Remruati'n a rawn ti hlar.

Hrethiam chiah lova ka lo en chu, "a bialnu ila hre lo em ni?" A rawn ti leh nghat.


Ka lu lo thingin, "sns vela anin post chu hmu ve tho e."


"Sikulpui kawnah sawn an awm a, kum 1 dâwn an inzui tawh, vawikhatmah kan ṭhian ho karah hian tuisik tak ngial pawh a la in lo, i hrethiam mai em? Thiltih ho nei ila a sawmtu nih pawh a zahthlak zawk," Siamsiami'n a rawn ti ve hlak hlak.


"Kannu inrel leh dâwn sia, ka kalsan dâwn che u," nui vur vurin Zingengmawia'n tiin a tho zui nulh.


"I kal tak tak dâwn a?" A bu nghat, a coffee in zo chuan, "i haw dâwnah min hrilh rawh thilthawn duh che ka nei," pensawn a rual, "Haw mai ka tum rih lo a nia," ka au zui lang lang. Hria ang pawhin a awm chuang lova.


"Hey..hey..hey..... Thuthar ka nei ve a nia," Siamsiami lam hawiin,"Engmaw?" Tih enin kan en ṭhap.

Lai dêr vel chung chuan, "bialpa ka nei a," a nui zui chawih chawih.


"Maw? Khawi a mi? Kan College a mi maw? Tinge ka hriat loh?" Remruati zung zung hi a.




"Higher zirlai," ka coffee ka phuh chhuak ṭhawt lo chauh, ka khuh zui kharh kharh.


"Âwm ang lo êm maia Lalnun...."


"Ni ngawt mai, a naupang em em lutuk," kan lo ti sap sap .


"A sazu pawh a la hmul dâwn em ni?" Kan lo nui hak.


"Cute deuh hian a mam pulh mai ang a," Zualbawihi thusawi chu kan hnunglama ṭhu te pawhin an hrepha a ni ngei ang an lo nui hak a.


"Nau awm ang char char inih dâwn chu."


"Zawngho, a hmul a hmul, a len nak a lai," uar fahrana a tih chuan kan nui zui tak uar uar a.

Hmeichhe ho hetia kan awmkhawm hi chuan kan ṭawngkam hi a tlahawlh ve thei a nia aw!

Hmeichhe dang inkawm khawm hi anni ve em phei chu ka hre lova, fiamthu a mipa hisap te hi kan ching ve lutuk!
.
.
.

Kan ṭhian ho kan inthlah darh hnuah Siamsiami nen ka hna interview-na tur lam kan pan hnak hnak a, "Lala, Aizawla i awm chuan i Nu leh Pa tunge enkawl dâwn?"


"Pathian zara dam chuan Aizawlah anrawn chhuk ve vat ang," ka ti chu min en he haw hian, "inpem dâwn tihna em ni?" A ti chhuak haw a.


Nui chungin, "in enkawl turin. Ka Nu chemo lâk ṭan a hun dâwn a," ka tih chuan khawngaih hmel deuh hian min en a, "kan zingah chuan college kalchak ber leh nihtum nei awmchhun kha i nia sin maw le. Keini 12 exam hnaihah pawh kan subject lâk tur pawh kan la chian loh laiin, nangchuan nihtum leh nihchak kha i nei fel at tawh a. I suangtuah nasat ṭhin nen," a ti chhuak vawng vawng.


Nuihluih ngial ka tuma ka theih ṭhak lo, ka school kal ve lai, college kal hun tur leh ka subject lâk tur te ka suangtuah ve nasat ṭhin zia ka hre chhuak thar uar uar a.

Mihring hian engtiang chiahin nge hmalam hun kan hriat loh ni, mit khap kar lekin ka suangtuahna, duhthusam, lo ruahman vena te kha vuak ṭhiahin a awm a, ka suangtuah ngai loh, a takah pawh thleng ngai lo tura ka ngaih hringnun kawngah ka innawr liamta chu a ni si a.



"Midang inlak te chuan sawi tur alawm, a hlat hlat nen kan rawn kal thlawn a," ka hmaa dawr neitu inthlahrung deuha ding chu Siamsiami'n a ankhum hlak hlak a, ka hmaia thlan hrufai pahin, "a läwmawm hrim hrim e, hnathawk tur mamawh an awm chuan min hrilh dâwn nia aw. Ka mamawh ve hle si a," ka ṭhiannu hah thin thawk bana chelhin ka pawt dat dat. A hah phei hi chuan a thin hi a awrh leh zual a.


"Hnathawk tur anzawng a, anhmuh tawh te chuan inhrilh tur alawm," a ti zui niah niah chu nuih pahin, "experience nei tawh chu atan pawh a ṭha zawk alawm," tih leh ka phone phawrh mai ka tum a. Ka indap, ka sling bag ah te chu ka hai let leh ṭhin, ka phone a awm miah lo.


"Ka phone i hmu em?" A lu a lo thing a, a indap ve nghal rak rak bawk.


"Ka'n call ang e, i thlauh emaw i U dawrah i theihnghilh a nih ka ring," a call zat.


Rei pawh a ring lo, "Hello...." Aw ki hniam ruih mai, zawi leh fiah tak hian a rawn ti dût a.

Siamsiami'n, kà âng vak chunga nuiin, "a aw kha...." Hmui phun hian a rawn ti zui duai bawk.


Melh rum lui vakin phone chu ka laksak a, "hello, ihhh...phone neitu kha ka nia," kan ti tawp ringawt a, a aw ki hian minti zâm ringawt emaw ni? A thaw ri surh chu ka hre thei, "ka hria..." A aw ki ngai rengin a ti bul leh tawp.


"Khawiah nge ka rawn lâk theih ang le?"


A reh vung vung a, minchhang dâwn ta lo emaw tih fe hnuah, "Zanin dár 9, Chillax Lounge -ah min rawn hmu ang che," aw Ki ngai pât leh fiah bawk si a, ti thüm dût dûtin, ka chhanna pawh ka sawi zawh hmain a off ri nghal tut tut a nih chu!



Eng Lax nge a sawi pawh ka hre reng reng hleinem!


"Eng nge a sawi kha?" Ka ṭhiannu lam chu ka hawi â deuh haw a, nui vur vur chungin, "chillax lounge. A aw pâ zia kha, a ki hniam ruih dan te kha, ka kawchhung a fan nghal. Aw ki hniam thüm dût khan min han duat sela," ka phone lamdan tur reng reng min ngaihtuahpui lo chuan a ti zui zat zat.


Ngei deuha phone pe letin, "Eng nge chu restaurant nge Hotel hming. A hrim hrimin a awmna pawh ka hre hleinem," ka ti bak hlak hlak. Ka biak dan kha a polite viau lo tih ka hria; Mahse, kei aiin a polite lo fe zawk, zandar 9-ah tu hmeichhia nge chhuak daw daw ngai ni?


"I nî te inah chaw i ei dâwn a ni lo'm ni? Keipawh ka haw a hun dâwn, i U te tu emaw inhruai tir la, telve chak viau mah ila group project-ah tel ka mamawh sia. A pawi e," a tawp lam chu min ṭhen khum sawng sawng a, kut lek kanga ben taih ka tum chu tlân chhe pahin, "a chhiat loh viau chuan, a number dil kha theihnghilh lo la," a nui zui uar uar, henu á lutuk hi chu. Ka nui ve vur vur ta tho a!

.
.
.
.

In chhungah kan ri nawk nawk, ka cousin fate 3 phei hi chu naupang sàwm rual vêl awm ang hi an ni, an rak ring thei bawk si.


"Dinte, kan in lamah te rawn awm phei la," ka Ni pasal, pa Zitea'n a rawn ti lang lang, naupang an au ring lutuka aw ki säng deuha inbiak a ngai.


A lam hawiin, "ka hnathawhna pa hi a khirh lutuk a, a rem ti lo ang," ka ti let vat.


Inneih emaw Aizawl-a ka awmchhan diktak pawh ka sawi ngam rih lo; Mahse, U Siampuii erawh hmeichhe fing tih takah tlailamah khan min zawt chhuak vek, "Rammuanawma maw!!" Ti deuh vawng vawngin engmah phei chu a sawi zawm tawh lem lova.


"I Pa-in tukkin khan min rawn bia a, thlatharah Gauhati lama in enkawl tura an kal tur thu a sawi teh nuaih mai a, eng nge thil awmzia le? Sum a ngaih tam dâwn tehlul nen khi kan daih daihah chuan," ka Ni-in a rawn tih zawm zat.



Ka ngawi deuh vang vang a, U Siampuii chu minpuih beisei deuh hian ka va melh leh ṭhin, a vahte hovin an chhaihbuai lutuk a, kan lam reng reng a rawn hre chang dêr mai si lova.



"A hnathawhna Pa-in a peksak a, tunah khan i vahnu khan hlawh a nei miah lo a nia," ka thaw huai huai, kan ṭawng a hre lo emaw tih laiin, ka Ni mitmeng fing zet mai kha ka tlanchhiatsan theih pawh ka lo beisei loh nen.


"A va ropui ve, tunge i hnathawhna chu ni a, lawmthu te pawh rawn sawi tur a nih chu, chaw ei te pawh la sàwm ila, kan In angah a rawn tailut ve duh te a nih chuan," ka Ni chuan läwm tih hriat deuh hian ti leh hluai.



Za vak lova nui sun sunin, "ka lo hrilh dâwn nia. Ni, ka phone tihbo lam tur chuan ka kal tawh mai dâwn a sin," ka ding zui a.


"Khawnge Roluaha kha, va thlah che rawh se," a hawi vual vual laiin, "keiman ka va thlah ang e, ka thil order lâk ka ngai pah," U Siami'n a rawn ti vat.



"I kal daih te chuan i nau ten car anhmang duh ang chu."

"Rohlua bike khan inthlah haw rawh se," tih leh, "ka kawr ka'n thlak lawk ang e," tih zawm in Room-ah luh a rual zat.


Mamawh leh harsatna ka neih chuan hrilh vat tura min hrilh luamin kan invai liam thei ta hrâm a.


"I ni hi chu, chhuah dâwn veleh hian sawi tur leh chah tur hi a ngah thei sia," kan nui dun hak hak.


"Dinte, Rammuanawma neih chu i ngaihtuah chiang maw? Inneihna, nupaa insiam te hi fiamthu na chi a ni lo a nia. Vawikhat ka tisual tawh a, ka nau te ho hi chuan rawn daisual ve lo ula ka ti khawp mai. I Nu enkawlna tur te chu Pathianin a hun takah minpe ve mai ang, chhungkua te han ṭang ho leh ila, tihdan dan a awm mai hi ka ring tlat a nia, hetia i hmangaih miah loh leh hriat ngai pawh ni lo damchhung kawppuia neih ngawt ai chuan," car tlân chhuah rualin a rawn ti dap dap.



Tukverh lam hawiin, khawpui êng ut mai kan tlân pelh zut zut en dauh dauh chuan ka thaw chhuak ham ham a, "ka hre lo, mah se U Siampui tih theih leh duhthlan tur dang a awmin ka hre lo a ni. I sawi ang khan chhungte puihna pawh dil ila, a dam chhuah thleng turin engtia rei nge kan inpuih tawn theih ang. Tunah ka Pa therapy man pawh kan phuhru ṭawk ṭawk a ni si a," kan chhungkaw dinhmun, harsatna leh neih zat ka chhutin heibak hi kan tán dam khaw chhuahna awmin ka hre tlat lo, vawitam ka ngaihtuah pawhin kawng a ping tulh tulh hian ka hre ber.


"A hrim hrimin Rammuanawma pawh chu ila hmu lo em ni?"


Ṭhu ṭhain a lam ka hawi a, ṭhen lui vak chuan, "a hnungzang chiah ka la hmu," ka ti chuan zà zetin a rawn nui chhuak uar uar a, "awi ka nau!!" Ti leh a nui zui leh bâwk bâwk.

Ka nui ve ta vur vur tho a, mahni pasal hmel tur pawh ka la hmu lo a nia, hmeichhe pakhat, ât huai ve tak chu ka ni.


"Vawiin...." A ti hman, a kâ chip lehin, "aaaa... Engpawh nise i hmuh a, i hriat hunah nikhaw hre lovin awm lo la a ni mai," a la nui reng.

Alam hawi ṭha sauh sauh chuan, "i hria amaw?" Ka ti haw.



Nui kur kur pahin, "B.A. Kan kal ho a, reilote chu ka star ve hman," a fiamthu emaw ka ti dâwn a, nui mah se fiamthu hmel lah a pu dêr lo.


"I U Chawia nen kan inngaihzawn hma khan a nia," a tih zawm leh, ka nui chhuak hak, "Eng ang hmel nge a put, an in ah thlalak te ka zawng ru deuh ṭhin a, hmuh tur a vàng lutuk a. U Hnemi'n, 'in a chhuahsan khan Pu Kamlova'n a dahbo tir vek' a ti mai a," nui chung chuan ka ti leh duah.


"I hre chawp ve mai ang, a hrim hrimin karkhat lai awm tawh si a hmel tal ila hmuh loh ni."


Nih chu a ni ve tho mai, bakah ka ngaihsak lo ve hrim hrim bawk a, eng ang hmelpu nge a nihah ka buai vak lo, buai pawh ni ila ka neih a ngaih tho bakah, ka sum hmuhna tur a ni tih hria ila a tawk mai.
.
.
.
< Chillax Lounge >


Car chu a ti ding dat a, ka lam rawn hawiin, "ka rawn lut ve duh ang em?" Ka lu ka lo thing vat, seat belt phelh a kawngkhar hawnna chelh zuiin, "ka rei lo ang," tih leh kawngkhar hawngin chhuah ka rual a.


'Chillax Lounge and Cafe' tih intarna lamah chuan ka lut phei a, ka kalna hi a dik meuh em ka hre lo, zu zawrhna hmunah ka lut ni maia ka hriat chu ni.



Music ri kara nula tlangval nalh tak tak lo ṭhu a, nui a, kut inchelh emaw in fawp leh zauh zauh ṭhin awm nuk karah chuan lutin, at hmel zet chuan ka hawi kual thuak thuak.


Call leh turin phone ka nei dêr mai si lova, "puih theihna che ka nei em?" Ka en vat.


"Ohh.." Ka'n ti ngawta a hming pawh ka hriat si loh maw!


"I phone ka hmang lawk thei angem? Ka phone ka theihnghilh a."


Tleirawl, waiter ni ngei turin a phone chu minpe ve mai bawk a.

"Hello..." An lâk rualin ka ti lehnghal tawl.


"Khawiah nge i awm aw, hei ka rawn lut tawh a," ka zawhna chhang lovin waiter phone pe tura a tih hnuah waiter chuan min rawn en.


Tlaia ka aw hriat kha a ni tawh miah lo, keihi min bum kual mai mai te hi a lo ni lo'ng maw aw? Mahse, minbum pawh nise hetiang hmun lûn lutukah chuan engmah anti ngam bîk nang.


"U Malik-a ṭhiannu ini tih i sawi lova, he lamah min rawn zui rawh," a sawi awmzia pawh chu ka hre chuang lo, ka phone kawl tupa hming a niang chu ka ti mai a.

Mahse, vai aw phawi a nei miah lo, Mizoram vai ho pawh hi Mizo ṭawng anthiam tawh lutuk a ni tih min ngaihtuah tir alawm.


Room pakhatah hian min luhpui a, chulaia an music play erawh a cool raih thung, light ên dan pawh a cool viau mai.


Ohhh... Kha palian polite lo deuh kha a ni, hmeichhe pakhat nen 'pool' anti in ka hria, chu chu an lo khel a, kan lut chu min rawn en zawk, a thiltih lai chu a chhunzawm leh a. Min dang a ngaih pawimawh loh hmel thei hle in ka hria!

Mipa pahnih ṭhu ve chuan ka lama kut rawn vaiin, ka phone chu lukawlh zawkin a lek kang zauh a. Ka pan ve vat bawk.

"A wallpaper aiin a chhe lo," a tih chu ka hre ve thei.


An ṭhutna lam panin, "ka läwm lutuk a nia," tia ban ka tum chu, ka phone la let zauhin, "nilengin i phone kan veng a, awlsam deuhin i la let theih nang," an nuih dan leh min en dan chu ka ngaina dêr lo.


"Eng nge induh, pawisa induh chuan ka ngah lo nâ-in ka pe thei ang che u," diktak chuan helai hmun hi chhuahsan vat vat ka duh.


Dawhkana an zu um hun remrum aṭang te chuan ka ngaina miah lo.

Ni e, Zokhawtharah awmin zu tamtak ka hmu ṭhin, tamtak chuan "Sodom leh Gamora" ti hiala an koh khúa, zu tamna hmuna seilian ka ni a, kan khúaah tak awm lo mah se, kan râl lawk Burma ramah duhtawk atam hmuh a, in tur a awm tlat vang a ni.

Kei ngei pawhin beer phei chu han in ve zeuh zeuh te chu ka nei a, mah se heng an zu manto hûn leh changkang tak tak hi ka vawikhat hmuhna a nih ang bawkin, an che zia leh ṭawngkamah, mi hausa fâ awmṭha duh lo inkâwm khawm tih hriat tak hi ngaina lo zual tak ka ni.


"Umm, pawisa chu ice-cream lei nan i hmang dâwn nia, i number minpe la," a nui sawng lehnghal, ka beng pawp dâwn maw ni le?


Hmeichhia leh kha paliana lah kha beng nei lo leh mit nei lo ang hmakin an awm hmiah bawk a. Lukawlha, ka phone minpe duh lo tu bula mi lah phone bihin, music remin a su nghut nghut bawk.



"Tihpalh, ngaihzawng ka nei," ka sawi zawh rualin an ball tereuhte, tianga an hawlh chu ri khapin ka ke bulah a rawn tla ri thek a, an lam hawi vatin, mitzim sût hian min lo en leh rûn tawh, rang tawkin ka hawisawn tak nâ-in ka en nawn leh ngat.


Khapa kha a niin ka hria, Pû Kamlova tupa!!!

"Aaaa... A ni lo ang, a ni lo ang," ka rilruin ka inbe mawlh mawlh.


"Dik lo a awm em ni? Zanin chu i rilru i pe lo riau," hmeichhe awmchhun, aw tliang nalh deuh maiin rawn tiin ka lam a rawn hawi a, a nui seih bawk. A va hmelṭha kher êm!


"Ball kha chhar rawh," bul zetin, ki hniam dût tho si, thupe aw deuhin minti a nih chu!


A va zak lo tak, puitura minduh a nih chuan sawtiang mitmeng nelawm loh lutuk leh thu minpe loa ṭha taka sawi tur alawm, a chhiahhlawh pawh ka ni lo. Ka va han chhar âwmhlei lo tak êm!


Ring tun vaha hawisawn hmak in ka phone kengtu lamah chuan ka pen hnai sauh a.


Mahse, ka bek zà mer mer leh taksa awm nawm loh danah kha paliana khan min en run a ni tih ka hre thei.


Ka phone minpe tura tiin ka kut ka dawh zui ran a, he lukawlha hi ka ngei ṭan riau bawk.

"Pe mai mai teh Malik, iti khawtlai mai mai," hmeichhia khan a rawn ti hlak. Dik chiah!

"Pe teh," a bula ṭhu mipa pawh chuan a rawn ti zat a, a vawikhatnan a rawn hawi chhuakin nelawm deuh hian a rawn nui suk bawk, "i ti ṭap dâwn," a ti nawn leh sup. Ṭap tur hmel ka put erawh ka ring miah lo thung.



Lukawlha phone ken chu phih thlà sawk in, ka lamah paliana kha a rawn pen hnai ta chhat chhat mai.


Mit khap fak fak hian ka lo en let ve ran bawk a.


Mahse, mak tak maiin he mihring min en na leh biakna hian minti zâmin, awmnuam lo takin minsiam zel nia maw le.


Ka hma ti ila, tlema hla deuhah chuan dingin, ka âwmah a thehin a rawn theh a nih chu, a va han sual uluk tak!

"Chhuak rawh.." A ti bul zui hluk bawk a.

"Sawi lo mah se ka chhuak dâwn lutuk, min hrilh kher a ngai lo," a ṭhian te an lo nui huk.


Ka ngaihtuahna ka sawi chhuak a ni tih ka hre chawpchilh zat bawk a, mah se a tlai tawh lutuk, kha paliana khan hnai lutuka min din chilhin, a thaw lum ham ham leh zu rim, a rimtui hman inchawih tawk zet mai, rimpâ tak, mipa dang zu rim nise ka tlân chhiatsan tur rim chu ka hip kawk a, thawk erawh ka thaw chhuak ngam tawh lo hrim hrim.


Rawn kun hniam hrutin, "ngaihzawg i nei amaw?" A thusawi chu a ring miah lo, mah se a fiah em em tho.

Min dai ang tih ka hlau satliah pawh a ni lo, min ei zo ang tih ka hläu ta emaw tih mai turin ka eu ngar ngar a.


Chuti chung pawh chuan a sam, engtin nge antih kha Japanese chem sei deuh ang kha.

Aw.....samurai maw le, an uar em em samurai hairstyle a neih avanga a sam hma sei chuan ka mit leh ka hnar a rawn zar sep sep pha ta tho lehnghal!


"Aw....aw... Nei ve bawk ang chu," thaw chhuak kawkin ka tawlh hnung nghal rawk rawk a.

A ding ngil a, a kut dinglam ipte a zen lutin, a mitko veilam hi a ti che zauh bawk, a mitmeng leh hmelah chuan hmeichhe nikhua lo deuh emaw ka inti mai dâwn alawm, min hre ngai miah si lovin, min ten hmel ringawt chu ka ngei tawk a tling viau bawk.

A che zia engkim mai chu misualpa zia diktak a ni. A thaw lâk ri thleng chuan an hlauhawmin ka hre mai a.



"Kal tawh rawh," ngaipawimawh lo zet hian a ti leh sup, a inher zui vut bawk a, ka hmu sual nge ka hre lo a nui deuha ka hriat ni, ka hmu sual a nih ka ring.

A ṭhiante lah chuan, a hmeichhe hriat ngai loh biak dan leh en dan, hnaih dan chu mak ti ve awm pawhin an awm lo, an lo nui ang ṭhu hlawm ringawt a.


Chet mai nachang ka hriat loh avanga la ding khawng reng chu, nuihza hmel lek lek pu hian ka lam a rawn hawi leh a, "i tel ve duh em ni?" A aw ah pawh nuihza aw ka hre thei.

A hmaa zu no nalh zet mai, lei dâwn ila kan karkhat buhfai thlak man zàt lai ni tur a mawi châwikangin a tlak deuh pap a, a khi zui suk bawk.



"I Number chu minpe dâwn em ni?" Lukawlha'n a rawn tihnawn veleh chuan rang lutuka inherin kawngkhar lam pan chuan ka tlân chhuak a ni hrim.


Kha mihring boruak khan minthnunun ni berin ka hria, ka hriat leh ṭha hriatna ka hloh lo chauh alawm le!!!


Pawn ka thlen ruala ding ngil awk chuan, boruak hip kawk kawkin, ka thaw chhuak leh ham ham bawk a.


"I ṭha meuh maw?" Ka hawi rang teh e!


Thaw chhuak huai chungin, "Ummm, ka rei em?" Ka pan hnai vat.


"Rei lo ka tih chuan dawt ka sawi âwm sia," a nui var var. Inthlahrung deuh taka nuih let in car kawngkhar chu ka hawng zat a, ka ṭhut luh dâwnah, kha paliana ngei mai kha, meizial pawh a kut ṭanga chep lovin, a kutzungpui leh zungchal hmanga, a zial hmawra sikin a hip vawng vawng lai chu ka va hmù leh hrâm a.


Ka lam rawn hawiin a vei kiai suk chu rang lutukin car-ah ṭhu lut rawk rawkin hmalam ka hawi nghal at bawk, ka chezia khir lutuk chu hre tho mah ila, ka thunun hman tlat lo....



"I ṭha maw?" U Siampuii'n a tlân chhuah rualin a rawn ti, a lam hawiin, "huh!" Ka ti heu chu a nui hak a, uluk zeta hmalam en chuan, "i hmai a sen taitek a," min rawn melh zawk, ka biang tawn tawn a chelhin, ka thawk lâk chauh a lo sa lo a nih hi, ka biang a tai a tihdan ah!



A engtia kha mihring mit hmuh leh aw ri a zâm ta tlat zel nge maw ka nih hrep chu le. Ka kum ngaihtuah chuan han laih ve chawih chawih pawh thil âwm lo zawk zawk a ni hauh lo nâ-in, ka mizia erawh a ni chuang miah lo.


<>~><><~>~>~<>


RAMMUANAWMA..POV


Khanu kha a ni, khanu ngei kha Jessica-i emaw tia ka mutpui kha! A taksa rim no chek mai, Lavender leh Gardenia rim inpawlh no tak mai rim kha hmeichhe satliahin annei miah lo, mah se kha hmeichhe naupang taksa aṭanga chhuak kha a ni lawi si.


Siampuii dawrah khan a ni tih lo chian tawh tur a nia!


Min hlauh hmel taka car-a a lut chu ka nuih ri suk a, a lai hmel, a hmai sen ṭalh ṭalh leh mitmeng khap buai nak kha hmuhnawm tihna riau ka nei lehnghal!


"I rawn let ka ring tawh lova," an nui zui huk, ka lo rûm nghut thung.


"Zial zu tura chhuak alawm ka nih," ka tih chu an awih leh viau ta lo.


"Ka haw dâwn a sin."


"Ahhh..... Rammuan, ka hrilh lo ang che ka tia, mah se i hre dâwn tho thoin ka hria. Florence-i te nupa an inṭhen."


"Ummm...."


"Ummm' chauh maw....biak i tum lo em ni?"


"Engah nge a biak ang, duh lo kalsantu zawk alawm a nih," Jessica-in a rawn ti ṭeu hlar.


"Ka kal...."


"I ṭha tak tak maw Bawiha?" Ka lo bu nghut.



"Thla 4 bâk an la innei em ni?" Rochhara(Malika) a rawn nui huk.


Ka zu no chu nghet takin ka hûm a, "Florence," ti chhuak supin ka tlak zui pap bawk, hrawk leh pumpui a sa thla nghal ham ham mai.

"Haw ang u, haw ang u, kan ṭha dâwn lutuk tlat, naktuk aṭangin ka nigh shift ka tih kha," Enkawla chu a ding zui hluai.


Sawibuai ta lem lo chuan ka ding zui ve mai bawk a.
.
.
.
Ka room chhungah ka Nu in zanriah ei a ka haw loh a hlauh êm avangin min nghak ran, ka haw emaw haw lo emaw awmzia a awm lo tih kan hre ve ve si a.


"Tunu thar a nei emaw nei lo emaw ka buaina a ni lo, haw rawh Nu," ka thawmhnaw ka phelh mawlh mawlh.


"I Pu-in hruai haw tur che in minti ka tih kha," a ti dam diai.


"A in a ṭanga min petchhuah hnuah haw turin min duh lul lo ang," tih leh bathroom lam pan ka rual.


"Inbual zo la, inhnuaiah ka lo nghak ang che, i Pa pawh a rawn thleng ṭep ang," tih leh ka chhan letna pawh nghak lem lovin ka room chu a chhuahsan vat a.

<Bathroom > Group call >

"Zanin chu....”

"Ka Pu in tunu thar a nei a nih hmel..."


"Haw i tum tih sawi suh..." Enkawla thusawi vanga midang nui hukin, kei erawhin ka hnar ka lo tum Sat thung!


"Diktak chuan i pu dem thei i ni bîk lo a nia. Florence-i nen in inṭhen chhanah phei chuan a duh vanga kalsan che a nia," Jessica-in thutak zawkin a rawn ti ve leh.


"Kan ṭawng i hre thei em?"

"Zanah ka rawn hmu ang che u," tih leh phone off ka tum a, "hna hi engtik nge rawn zawn i tum?" Enkawla zawhna chu midang pawhin rawn zawm sap sapin, "nia, hna rawn zawm tawh rawh, suspend hun che zawhna pawh a rei tawh alawm le."


"A hun tawh viau a ni Bawiha," ka la zawm ang chu.


"Kan la ngaihtuah dâwn nia," tiin ka off zui a.

Ka inbual zo inhnuai ka chhuk rualin ka Nu leh Pa chhuah inring in an lo ding ran.


"Ka kal dâwn lo, haw rawh u."

"Min rawn zui rawh," ka Pa chuan hnial a duh lo tih hriat takin kawngkhar lam a pan zui vut a.


"A rei dâwn lo, i Pa lung a awi lo hle tih i hriat kha," ka Nu in ti susu in min pawt kal zui ṭauh ṭauh bawk. Ka thaw hawk, ani tunu thar neih chu engvanga ka hmuh pui beisei ta thut nge maw a nih hrep le?

.
.
.
"Thingtlang nula, Ely-i nena inrual vel tûr tû atan a rawn hawn a nia, eng nge maw ka Pa hian a ngaihtuah le, lehkha lah zirsäng chuang bawk si lo," ka Nu chu a ang hlak hlak.

"Kan hmu ang a, kan hre mai dâwn alawm," ka Pa-in a ti sup. An ni pawh Aizawl anrawn let chiah a nih hmel.


"Inhau bawkin kan in pet chhuak leh mai mai," inlam pan a ka tlan lai chuan ka ti bul bul.

"Ngawih chuh la a ni mai," ka Pa-in a rawn ti ve zat bawk a , kan unau ah kei hian ka Pu ka chhunber, ka Pi damlai pawh khan a sawi fo, "hmel chang a ni lo, luhlul leh ngeng lamah pawh i Pu chiah chiah, inthu hi a Lalber emaw intia," tiin ka Pi khan a sawi fo mai.

Mahse, ka Pu ang êma mahni thu duh ka nih loh bakah, kan in anna kei chuan ka hre ve hauh lo bawk.


"Hawihhawm takin chhawn angche, i Pu ṭhianpa tunu a ni tih hre tel bawk la," ka Pa car aṭanga chhuak turin a tih leh sup chuan, steering ka chum dat.


Glass rawn in khawng ri kurh kurh ah chuan ka hawi chhuak a, ka U in min hui zuk zuk chungin, "lut ang," ti sep chuan kawngkhar min rawn hawnsak, peih lo zet chuan ka chhuak ve leh ta nge nge a

"Tar a lama laizawn dang neih leh pawh chu'h," a nui vur vur, "in inhau ri ka hre peih lo a nia, ka Pu chu i hriat kha, ngawih chuh tum rawh," a tih zawm zat, a sawi dik chiah, inhauhpui vak mahila, luhlul ve ve kan in tâwng leh ang a buaina atam mai mai. Ngawih a ṭul a ni mai.


Inchhung kan pen luh ruala kan lama rawn hawi hmeichhe 5'4ft vel awrh a sang tur, sam dum ngil zet mai, âwm bawr lian lutuk si lo, pian nalh tawk tak ding chu, ka tum em em vang pawh ni lo in ka pan hnai chhat chhat.

Kha hmeichhia ngei kha a ni, hman zanah ka ruih luat avanga a bula ka mut leh a phone ka chharsaknu ngei kha!


A hmaah tak ding chuan ka en chhuk run a, min en let ve kiau chungin mit a khap fak fak bawk, a mitmu dum fim kak leh hnar tereuhte, zum zên mai leh a hmui hnawihsen tel miah lo tih hriat tak, sen no chêk mai, kau deuh tiar a min en chuan fawh kan chak tlat pek a'h!

Shit!! A chi dâwn miah lo....


A sam hma lam phiar, hairband atana ahman dan lah chu ala inhmeh vei phian leh nghal, eng nge maw ka ngaihtuah hrep ni? He hmeichhe rim hian minti danglam ta fo mai. Ta fo ka tih hian kan inhmuh chhun ah ka tihna a ni.

Ka nu a rawn ṭawng takah chuan a hawisawn ta vut a.


Ka Pa-in a biakna leh a chhandan te, a che vel chu, tum em em vang pawh ni lo in ka lo en leh ṭhin.

A hming a sawilai chuan ka lo kiai suk a, min chibai a tumna erawh ka hnar thung. A ngaihdan ni lo hmel hi hmuhnawm ka ti tlat a.


A phone a rik avanga pawnlam a pan chu ka enzui vang vang, engti kawng zawng emaw takin, mi hip theihna riau neiin ka hria, "lehkha a thiam lo," ka Nu khan a ti emaw ka tia, a English lam erawh a dik thlap thung.


Ka phone a rawn rik ve takah chuan pensawn tumin ka che hrut a, "khawnge kal itum? Chhungkaw rorel kan nei dâwn," Ka Pu in a rawn ti banchap chap. Ka Nu in min mitmei nghal vat chu ka ṭhensak a.

"Tunu pasal nei rual i la a, eng rorelna nge ila mamawh ni?" ngeiawm zet a ti nghut chuan ka kawngkhar lam ka pan nghal nulh nulh, ka Pu thaw ri hak chu ka hre hman ta tho.

Ka phone ri chhen chu ningzet a pickup ka tum laiin hmeichhe nui ri ar ar ri rawn chhuahna lamah chuan ka inher a, he inchhung leh a chheh velah hian hlim avanga nui ri hriat tur a awm tawh lohna chin pawh ka hre tawh lo e, in hnunglam pan chuan ka pen hnai hret hret a, kha ka farnu thar-i kha lei a ṭhusawp niah chuan a nui ar ar nia!


A landan naupang chhiazet chu duhawm tak a ni, a samdum ngil zet mai, tlai ni tla turin a rawn chhun tlêt sar sar leh a nuihzawng a a biang sum khuar kalh te, a hâ, sahdah leh shikhar pawhin a antih bawlhhlawh ve loh var siau te chu uluk taka enkaw tih a hriat viau.


Ka phone a rawn rik leh tak thut avangin an rawn hawi dawrh a, keimah pawh ka phu deuh zuk tho, chiang kelh kawh a min rawn en chuan ka ṭhensak a, ka phone pickup chuan ka kalsawn hlek bawk.

"Duhtak, Florence-i lakah let i tum leh lo ang tiraw?" Ṭah aw ṭuau a Pari'n a rawn tih chuan ka lo rûm nghur, engvang a hmeichhe ho hi mittui ngah bik em em nge maw an nih le?

"Florence-i hming lam tawh lo tur che in ka tih che kha, zaninah ka rawn hmù ang che," ka ti ram hmak. Henu, Lalparmawii nena kan inkawpna pawh thla 2 lai a ni ve leh ta. Hmeichhia ka lo kawp tawh te ang lo takin, min zar huam lo a, hei vang te pawh hi a ni ang thla 2 lai ka kawp ve tâk ni, mah se nupui sawi loh kawppui nghet atan erawh ka duh chuang hauh lo, hmeichhia, mipa in kan tih ang apiang ti ve thei zel hi ka hmusit lo nâ-in ka ngaisang lem lo maipawh a!


"Let leh i tum em tih ka zawt che alawm. Nge ni a, nupuia neih leh i tum zawk," a rawn ti tán tán, Florence-i vanga inhauhpui hi ka hne viau mai.


"I ngaih dan dan."

"Eng nge i sawi awmzia, hmei ka ni dawn tih sawi miah suh Rammuanawm, eng ang a hnuai hnung nge anih i hria em?" A rawn ti ṭhat.

Tu lakah mah ka insawifiah ngai lo tih hrechiang ber tu a ni, phone ka off zui a, a duh duh dan khan lo inngai vel teh se!


Inchhung lam a let ka tum laiin ka Pu tunu thar-i nui ri bawk ka hriat leh avangin ka hawilet leh a, naupang kum 10 mi ang maiin an kut bal an hmai a in tat chu ka thlir reng, a nui hmel saw hmuhnawm ka ti, tiang hian tu hmeichhe nui mah mawi tih leh en ngawih ngawih kala nei ngai hauh lo. Florence-i ngei pawhin sawtiang nui hmel hahdam, lungkham nei lo leh, lan dana buai lova nuihlai a nei ngai lo.


Ka thlir reng tih a hria a ni chêk ang chu, min rawn en in, khabe poh vah chungin, "eng nge?" A hmui phun hian a rawn sep, ka tum loh zetin ka nui ta huk a. Ka Nu-in min rawn auh leh takah chuan ka inher san ve ta a.


DINSANGI.....POV


Inchhungah paliana a rawn pen luh thauh thauh ka hmuh khan chet nachang pawh ka hre lo, hnai tak maia min rawn din chilh phei kha chuan lo tawlhsawn tur ka nih laiin, ka en let kar mai a nih kha.


Bakah, ka ring sual hauh lo bawk, khawi emaw ah hmuh tawhna ka nei ka tih kha, he a taksa lianpui hi hai theih a ni mawlh lo.

Pu Kamlova'n inhmel hriat tirna min neih tir diat diat laia Rammuanawma Nu hmel leh a farnu hmel chu en a hreawm mah mah.


Min ngaina lo satliah pawh a ni lo, zakthei lo min tih hmel hliah hliah, a âwm ve tho bawk a.

An mi enna in ka awm a tih nawm miau loh avang leh ka phone a lo ri ve chiah bawk nen ka chhuahsan ta kha a nia!

.
.
.



Inchhung lam ri ta bur bur leh hmeichhe aw ki säng leh inhnial ri kan hriat chuan kan thiltih châwl meuhin kan in en haw a, in lam chu ka hawi vat bawk.


"An ṭan leh ta, Pu Bawla te nupa hi awm rei lo se ka ti e, an awm leh inhau ri hriat tur a awm reng a, a ninawm," U Hnemin a rawn ti niah niah.

He In a ka awm chhan a sawi a nih ka ring ringawt a, luh mai tumna pawh ka nei chuang law.


Nichin khan Pu Kamlova tupa chhuah chhan te U Hnemi'n a sawi zo chiah a, ka rilru-in, "hmeichhia vanga in a chhuahsan a nih chuan he inneihna hi manglamah pawh a thleng ngai dâwn lo a nih chu," tih ka ngaihtuah nghal rauh rauh.

Kawng lehlam takah chuan ka läwm ru viau tho mai.


"An innei em? Ka tih awmzia chu Pu Kâma tupa leh a bialnu chu?"


"Nei e, mah se rei an innei lo, U Rammuana damdawi in awm chhungin Florence-i khan pasal dang a lo nei daih a, pasal a ûm sana nih ber chu," a sawi zawnga a hmel landanah, an Lalfapa nupui...ohhh nupui hlui chu a ngei hmel viau lehnghal.

Damdawi in awmlaia pasal dang a ûm San tih a sawi lai chuan ka pianna Pa ka hre chhuak zawk, za vak lo hian ka nui a, ka mit a rawn thip zui sek bawk.


Chutiang chiah chuan, ka pa khan kan unau, ka Nu, min sazu meidawh san a nih kha!


"An in ngaizawng sa a niang," zawitêa ti sepin, anṭam chawr hlimah chuan lei ka vur belh sauh sauh a.


"Kan ring vek alawm. Mah se maw an inzui deuh chawt sia Rammuana nen hian, phâiah lehkha an zir dun bawk a, cousin an nih bakah nausen aṭanga seilian dun an nia, mipa dang neise chuan Rammuana te ang tlangval fing lutuk chuan hre âwm tak, mak kan ti hlawm a nia! Keimah tak phei chuan mak ka la ti tawp thei lo, Rammuana lah khan khawvela hmeichhe awmchhun ang maiin a duat bawk si," a tih zawm leh siam siam.


Nu Mahlimi, Rammuanawma Nu aw rawl ring zet maiin, "ka pawm lo, thi dâwn pawh ni ila he i thuthlukna hi ka pawm ngai lovang," a ti tuar tuar ri kan hriat chuan kan ding dun zat.


"Tun ṭum chu ka rin aiin a nasa," min rawn en a. Pensawn ka tum chu ka bâna vuanin, "kal duh suh, Rammuana thinrim a hlauhawm lutuk," min dan a tum chu min vawnna phelh sakin, "keimah vang pawh a ni mai thei a," ka ti chu mak ti deuh tak hian min en haw mai.


Ni e, he Ina ka awm chhan ka la hrilh miau lo a, a hriat huna min ngaihdan tur lah ka hmù tlang reng mai bawk si, Florence-i hming a lam laia a hmel nen khan min ngaihdan a in ang reng tawh dâwn tih!


Inchhung lam pan chuan ka pen hlawk hlawk a, inchhung ka thlen fel meuh chuan engkim mai chu a kehin, a lo darh rem rum tawh.

Kawngkhar bula ding khawng at chuan, thinphu dat datin ka pen lut dên dên a. Pu Kamlova a âwm dawm vawng vawngin thaw a lo la kawk kawk, a vawikhatnan Pu Kamlova mitmengah zahna ni âwm tak ka hmu zui zat bawk.



Rammuana ka lam rawn hawi vut a, min en zui ngur ngur chu ka lung hi a phu nghal zawih zawih, a thawk lâk zawnga a âwm in sep dawrh dawrh te, mitmu sen alh phut leh thinrim hmaisen ruh ṭal mai chuan ka kawchhungah min manbet nghal tlat bawk.



"I hresa a ni tiraw?" Thinrim thaw ri hrawih hrawih chung leh bek pawng ṭawlh ṭawlh mai, a chalah pawh thisen zàm lang zui ṭhuah chunga ka lama rawn pen chhat chhat chu, hlauhna leh mangan rukna avanga hrawk ro halh leh kawchhung khur ru zawih zawih chungin ka en let kar a, thaw lâk sakṭalh chungin ka khap fak fak bawk.


Ka khurh chhuah mai lohnan nghet taka insehruhin, ka inhum ruh ngar bawk a.


Kan inhmuh chhunah pawh Rammuanawma mitmengah hian reilote pawh mitmeng hmuh nuam tak hmuh tur a awm ngai lo.


Mahse, tuna a mitmeng erawh sakhawlhin, thinrim chunga a sa sehlai ṭhetsawm ang maiin, min pawhsawm vek duhna mitmeng leh alh phut phut a ni ka hmuh ni, a nelawm lo mai ni lovin, a hlauhawm zual takzet!


"Rammuan...," Aw khur ru dar darin ka ti chhuak sep hman ṭawk chauh, ka thaw ka hip let nghal kawk a, ka hrawka rekbet tlattu bân hrawl leh sak tâk mai chu ka chum zui dawt dawt a.

Engtik laiin nge ka hmazawnah a rawn thlawh phei a, a kut hrawl tak leh bâna thisen zam puar thluah chuan ka hrawkah min rehbeh ka hre lo, mit khap kar lek tak tak a ni.


"RAMMUANAWM....." Pa Bawla'n a rawn ti hrawk....


Ka thawk theih miah loh avangin ka kâ âng hlawi hlawi chung chuan tâlchhuah tumin ka chuma, midangin min pawhṭhen an lo tum ve bawk.


Mahse, ka hrawkah hian a chelhfuhin, a kut a dah rem lutuk mah mah, a incharbet ta emaw tih mai turin a nghet a, ka thaw a tawi tulh tulhin, ka khaw hmuh a fiah lo tial tial a, ka lu thlengin a hai chho muai muai bawk.


"Thlah rawh!!! A thi dâwn!!! Bawiha... Mama.. Rammuanawm..." A chhungte au nuaih nuaih chu ka hre hla tual tuala, chutiang kara chiangtak maia ka hriat chu, aw zawi tâk si, changrût mai, huatna leh tennaa khatin, "thi rawh, thi rawh.." A ti ri hraih hraih chu a ni


A ring miah lo; Mahse, ka bengah hian a va ring si êm!!!


Ka hrawka vuanbet tlattu bân sek leh hrawl, sak ṭha tak mai ka vawn ve ṭau na chu muangchangin ka thlah riai riai a, ka rilru-in thi turin ka inpuahchah a ni ber, ka mit ka chhing zui riai riai bawk a.

"U..." Tih ri ka hriat rualin thawk leh khatah ka lêng lawp, ka thlawk a ni mah zawk!



Chutiang bawkin mitmeng phei ruai kar aṭangin, Rammuanawma kê phet ve dat leh ri deuh dawt chu ka hmu in, ka hria a, mah se engber nge ri kha ka hre lo.



"U...U...." Kun zui tlawk tlawk a, ka hrawk dawmbetin, ka thaw chhuak zui kawk kawk, ka hnungzangah ka nau-in rawn chulin, a chum zui dat data ka khuh nghal bawrh bawrh bawk.

Hlauhna mai bakah, min rekbet rei lutuk khân, min thlah ruala thaw ka lâk mai theih loh chu sawi loh, khuh pawh ka khuh chhuak thei lo tih ka hrethiam nghal.


"Duat..duata....." Ka nau hmel ka hmu hlawl chuan, a vawikhatnan nuṭa ka neih avanga thlamuanna min neih tir.


Ka mittui pawh a hmaa tla miah si lo kha, a rawn far ta kauh kauh mai , mit thip leh fiah lo deuh ruai mai, la thaw kawk kawk chunga min en chhur chhurtu Rammuanawma chu ka melh chho ṭawk ṭawk bawk a.


Pa Bawla'n a hmai zawna a au khum tawn tawnna te chu ngaithla leh hria ang pawhin a lang map lo, min en hlum a tum emaw tih mai turin min en ngur ngur ringawt a, hmeichhe pangai sawi loh, patling tán pawha tlân chhiat vawn vawn natham mitmeng alh vut vuta min en tlatna chuan, ka thawklâk a tisak zual takzet!!!!


"Dinsang, tui hi inrawh," Rammuanawma U, U Zonuni kuta tui no chu ban rawk rawkin, ka lem nghal khawlh kawlh bawk a, ka hawi chhuah leh meuh chuan Rammuanawma hmel chang ṭhazet mai kha hmuh tur a awm leh tawh lo.

Nu Mahlimi'n a pasal leh Pu Kamlova melh rawm rawm paha pensawnin, a fapa chhuahna lam ni awm tak pan chuan a au zui tuar tuar bawk a.

"I ṭha em Dinte?"


Harsa ti tak chuan ka lo bu nghat, ka nauin minla chelh ran, min chelh tlat lo se chuan ka tha khur ru dar dar hian chhuatah min ṭhut tir hnawk tawh ngeiin ka ring.


Ka kâ ân a, ṭawng mai ka tum a nia, ka thei dêr lo, ka kawchhung khurh leh hlauh a la reh lohvang tepawh a ni mahnâ!


"I hrethiam dâwn nia, keini a Nu leh Pa tán pawh he thu hian min ṭhawng lutuk a, engtia hmachhawn tur che nge pawh minti hre lo," Pa Bawla'n a rawn ti kauh kauh.


A pa lam chu hawiin, "he thilah hi chuan Rammuanawma i dem thei lo ang, puih lah ka pui thei hek lo che," a aw ah chuan lungawi lohna a lang, a pa a nih avang erawhin a thinrim ngam lo tih a hriat thung!


"Hnemi, ka Room-ah min hruai chho rawh.." Pu Kamlova aw chu a khur ve lek lek, putar inthunun thei tak a ni, a tupa in min rehbeh lai khan engmah ti thei lova a awm avanga a mitmeng khup chu ṭawngkama han hnem ngial ka duh nâ-in ka kâ duh angin ka la hmang thei lo.



Putar chak leh hrisel tak a ni a, engtin nge sawtianga zawi leh chau tur a siam ni tih pawh ngaihtuah thiam a har.

.
.
.

"Haw ang," ka nau chuan min pawh kal a tum mai, ṭang ve ṭauh chungin, "ṭhu phawt la," ka ti dek dek chu, "helai hmunah hian kan ṭhut nachhan tur a awm lo, he inneihna hi ka pawm lo, haw ang," min pawt leh nawk.

"Duata!" Beidawng deuhin ka ti chhuak hap, ka hrawk rawn na zui ṭau ah chuan, ka kut lehlam a chelh lohna lam chuan ka'n dawm zui vang vang a.


Ka kut a vawn chu theh deuh sawkin, "kha mihring kha ka that dâwn khawp," kha zet hian a ti chhuak hraih, thaw chhuak ham ham in ka nau thinrim mitmeng sen ve ram mai en chuan ka ṭah nuih ta hak hak a.


Ka thlamuan vang leh ka nuṭa pa min chhanna aw ri hriat avanga lawmna mittui nen chuan ka nui chhuak ta ar ar.


"I hnek a mi nichin kha," min en a nui zui ve ta sun sunin, "a phutawk chiah a hmù a nih kha," a nui zui ve ta huk huk tho.

Ka mittui rawn tla chu hru zui vatin, ṭhutna lam chu ka pan a, ka bulah a rawn ṭhu ve zat bawk.

"Ka Pa te?"

"Nizan khan ka Nu Synod-ah kan admit a," ka ṭhu ngil nghal awt, "tinge? A zual em ni?" Hlauhna bawkin min rawn tuam.


"Tunah chuan a zia tawh, zingkarah rawn kal ka tum zawk a, ka Pa...." A tawp dat. A mitmeng danglam zawk chu chiang takin ka hmu hman.


"A...a zia tawh, karlehah Phâiah kan chhuk ang," a thusawi tur sawi tlang lova thildang a sawi daih chu, en ran ranin, "tu 'ka pa' nge itih?" Ka ti chhuak fak.


"Tunge niang ka Pa, tukkinah a ke nâ a zual a, sawi suh a tia," a ti leh hliai, ka thaw chhuak huai, ka mitthlaah ka Nu leh Pa an rawn lang zat bawk a, ka hnuk a ulh nghal ṭeu bawk, engti kawng zawng pawhin he inneihna hi a thlen a ngaiin, neih ka tum nghet sauh sauh tur a ni.



"Haw ang U, kha mihring kha rawn letin kut a thlak leh loh ang che tih tumahin ansawi thei lo," naupang ang maiin ka bânah a pawt leh dat dat.



Nui chhuak hakin, ka sira tissue pawt chuan ka hnap ka hnit zui thlawrh a. Ka hnar hrufai nawk nawkin, "chutia haw mai mai thei ka ni hleinem. I dinhmun nita se khatiang tho khan i che ve maithei a sin, a ngaihdan leh thudik ni chu, kei hian a sum duh vangin pasalah ka nei dâwn tih leh, thingtlang aṭangin a sum êm vang chauha he khawpui pan hi ka ni tih chu a ni," ka ti dam diai diai chu ngaithei lo zet hian, "a tirin i hmel hriat ngai miah loh i nei dâwn tih hria ila Aizawl i kal kha ka phal miah lo tur," a tawp dat a.


Min rawn en in, "school ka chawl ang a, hna te thawkin, ka Nu enkawlna tur chu ka thawk chhuak ve em em ang," a mitah chuan min khawngaihna ka hmu thei.


Mahse, School chawlh a rilruk avanga läwm lo zetin a malah chuan ka chum deuh ṭawk a, "School chawlh kha sawi reng reng suh. Apa te hriatah te i sawi ang e, an rilru iti na dâwn a nia. Keimah mah college ka rah loh avanga anu leh Apa mittui tla te kha i hre ve lo em ni? An inthlahrung zual dâwn lutuk. I lehkha chiah i rilruah dah rawh," ka ti zui hlak hlak.


Thaw chhuak hawk hian sofa hnung chu a ngheng dat a, inchhung melh kual ralh ralh pahin, "an in chu a nalh hle mai," a rawn thle bâk, ka lo la melh rawm rawm avanga nui lui sun sunin, "engtia awm nge i tum?" Thutak zawk hian a rawn ti leh.


Chutia minzawh takah chuan ka hawi kual deuh duk duk a, in neitu te ho ber pawh tumah an awm si lova, engtia awm nge ka tum le?


"Palai naktipah kan tir ang," rawn ti tu lam chu kan unau in ka hawi vat. Pu Kamlova a rawn pen thla charh charh a.


"I farnu kut tuarlai i rawn hmu kha pawi ka ti hle mai," thupha a rawn chawi zui zat.


U Hnemi rawn ding ve chu ka melh zauh, a mitah chuan maktihna leh awih lohna ka hmu thei. Mahse, min en dan tur ang a ka lo ngaihruat ang em em erawhin min en miah lo thung!


"Ka Nu leh Pa ka lo be ṭha ang, rawn tir pawh ni la a neitu tur berin a pawm loh a, neih a tum miau loh chuan ka farnu hi thlah ka tum miah lo," ka nau bânah chuan ka chelh vat a, ka hmer salh bawk. Hre lo ang hmaka awmin Pu Kâma chu a en run bawk a.


A puitling ve ta a ni tih erawh ka hmù thei, chu chuan ka Nu leh Pa a kutah kalsan pawh ni ila thlamuang takin ka buaina ah chauh rilru ka pe thei ta tih min hriat tir bawk!


"Chu erawh chu i thuthlukna tur niin ka hre lo Vala. I farnu nena thuthlung neia inremna siam kan ni," nghet churh hian a ti bân churh a.



"Eng inremna nge insiam ka hre lo, sum rul let tura i duh a nih chuan a ai awhin ka rul thei...."


"Lalduat...." Ka lo ti ṭhat, Pu Kamlova te ang hi ani cho chi a ni lo lutuk, pakhatin tharum a hmang a, pakhatin thluak chutiang vêl chu an ni.


Pu Kâma chu a nui deuh hak a, "a khaih! Vala, chu chu ka sawi tum a ni love, i ngaihṭhatna tur a nih chuan thlà thar te pawh kan nghak thei a; Mahse, ka tupaah buaina i nei a nih chuan buaina tur a awm lo tih ka tiam ang che, a duhthlanna ngeiin a nei dâwn," putar mahni thuduh lutuk maiin inring tawk lutuk maiin a ti nghet charh a, ka mit ka lo khap fak fak ringawt.


He putar hi a hlauhawm, a hlauhawm takzet a ni!!!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:49 pm

{ LOVE AFTER MARRIAGE}

By

Floria Laldansangi


Chapter < 4 >


Dinsangi...POV


< Synod Hospital Durtlang >


"Anu chu eng nge a an?" Theitui ka lei ho chu ka dah nghal sawk sawk a.

"A muhil deuh chiah a nih kha, a lo nghak ve deuh reng che a sin maw le," ka Ni-in a lo ti zat. Rin aiin traffic jam ah kan tâng rei a tin ni.


"Eng nge a an Ni? A âwm chu nâ te a la ti em?" Ka Nu cher kaw dawk mai en chung chuan ka ti leh sep.


Ka nau a pawm chu chhuk tirin, ka lam a rawn pan hnai a, "a âwm nâ ai mahin nichin kha chuan thawk harsa a ti a. Bakah, thia a khuh a reh hleithei bawk si lo," beidawn hmel zetin ka Ni-in a ti leh sep sep.



Ka Nu dam lo mu bam mai en chuan keimah pawhin thawk harsa ka tiin, ka âwm chhungah hian min hnawh ve up up.


"Ka Pa hi..." Ka ni lam chu ka hawi a, theitui phawrh pahin, "ka haw tir a nih kha, nizan a tlaivar ve khan a taksa a ti chak lo zual niin ka hria a."


"Ka rawn let leh mai," kawngkhar lam chu kan hawi vat, "Aw!!! Engah nge i lo let leh ni?" Ka Ni-in a lo ti hluai.


U Siampuii'n rawn nawr lut pahin, "a ngaih a ṭha thei lova, kan rawn let leh ta mai," a rawn ti vat.


Ka Pa lam panin, "i hnungzang leh ke ah nâ inei tih ka hria a nia," ka ṭhu hniam a.

"Nei lo ve, exercise ka la nasa deuh a ni ang, a zâwng deuh mai mai maw le. Eng nge i an zawk ni?" A mit a min ngaihtuahna chuan ka hnuk a ti ulh dâwn ringawt nia maw le.


Eng ang pawhin puitling tawhin, paukhauh mah ila, Nu leh Pa hmaah hi chuan a chaktawk leh puitlin tak tak theih loh a nih hi.


"Ka ṭha lutuk," ka ti sep.


Ka thusawi chu a awih vak lo tih hre mah ila, engmah min zawt nawn tawh lem lo.


Ka ni te nufa haw hnuah, "i thuthlukna chu thlak te i rilruk tawh em?" A rawn ti hlawl.



Ka en vat a, uluk deuh hian min lo en ran, "Mambawih, hun ila nei a nia," a ti nawn leh sup a.


Ka pa nuihlet var varin ka ṭhut hnai surh surh a, "Pa, ka ṭha tak tak a nia, min ngaihtuah lutuk a nih kha, nula, hmeichhe puitling a läwm ka nih tawh. Mahni ṭhatna tur leh hlawkna tur hrethiam lo tur khawpin i fanu hi ka â hleinem," ka ti var var chu a rawn nui ve ta sun sun a.


Ka kut ka malchuang a mi chu rawn banin, a hum deuh vang vang a, "vawiin a thilthleng ka lo hria a, inneihna hi keichuan rem ka ti ta miah lo," a tawp dat a, "kei emaw i Nu emaw avanga damchhung a i hmangaih ngai loh tur mipa bula hringnun hmang turin kan duh lo che tih i hria ang tiraw?" A mit chu natna in a khat a, mahni i thiam lohna nasa tak ka hmu tel bawk, ka mittui tla tur khap let sak sakin ka bu nghat nghat a.


A kut tar ve tawh, mah se kum upat avanga chuar ni lo, taksa chak lohna avanga vun chuar ve tawh tak chu vuanlet vang vangin, "ka thiltih hi a dik lo tih ka hria. Rammuana lakah hian thil pawi nasa tak ka khawih dâwn tih leh, ka nun mai ni lo, a nunpawh ka tichhe tel maithei tih ka hria a sin.

Mahse, chuai a ka hlauh chu maw Pa, duhthlanna siam tura ka rilru a insual lai leh, midang min ngaihdan tur te, ka kawppui tura ka thlan ngaihdan tur leh hringnun tur ka ngaihtuah lai hian Anu hi ka chân mai ang tih ka hläu a ni," ka sawi zawng leh ngaihtuah zawng ringawt pawhin ka thawk lâk a sakin, ka thaw a chham mai dâwn!

Ka mittui rawn far kauh kauh chu ka hru vat tak nâ-in, hrüksên pawh a ni lo.



Kûn a, ṭap khur deuh dar dar chungin, "mahni hmasial tak chu ka ni tiraw Pa. Mahse, hläu leh khur a, zahna leh hmuhsitna tuar huama ke pen hram hram ka tum a, bul ka ṭan hma hauhin ka beidawng ṭan niberin ka hria," ka ti chhuak niah niah, a tawp lam chu boruakah a thâm ral sep sep.



Ka kut chu a beng thak thak a, "thih na hlim kawr ruam zawhmah ila thil țha lo reng reng ka hlau lo vang; Nang ka hnen ah i awm si a' tih a nih kha maw le. Mambawih, Pathian râwn chung zela ke pen tum la, mihring ruahmanna te chu thu mai a ni a, a ti hlawhtlingtu chu Pathian a ni tih hre reng rawh. I kawng thlan a dik em, dik lo em tih i hre duh a nih pawhin ṭawngṭai la, Pathian khian i mamawh chhanna dik a pe em em ang che," dam dapa a tih chuan mittui nen ka pa chu ka en ngawih ngawih ringawt a.


"Pa ka thil tum hi ṭhulh ila engtin nge kan awm ang?" Kan sum la neih tlemte hian rei min daih dâwn lo tih chhungrilin a hre reng si a.


A nui a, ka mittui min hrukhul sak pahin, "engtin nge ni ang, Pathian a awm alawm le Mambawih le. I Lungngai a nih kha, mi nung Pathian, awm lo a ta awmtir theitu, cancer petu a ni a, tidam theitu pawh amah alawm, lungngai mah ta che. Tlâng sawn theihna khawp hial rinna han nei phawt ila," awlsam leh âwka zâng vah hian a rawn ti chhuak a, ka lo ṭah nuih hak hak.


Ka sawi tawh em? Rilru hahna, harsatna ka neih emaw ka ngaihzawng neih pawha ka inbun ruahna, thurawn ka lakna ber chu ka Pa hi a ni ve tlat. Ka Nu pawh hian min hrilh fo mah se ka pa lakah hian a zawng zawngin ka inhawng mah zawk...


< IN ~ ZAN DÁR 10:30 PM. >


In ka thlen chuan zândar 10:30 pm a pêl duai tawh, 11 rik lohnan minutes tam angai tawh dêr lo.

Damdawi in aṭanga kan chhuah khan ka Ni te In lamah ka han kawi ve leh khan minti khawtlai zo ta vek mai.


Ka Pa-in let leh phei chu a rem ti chiah tawh lo nâ-in, inneihna a thleng ngei dâwn a ni tih chian hma chu ka Ni te in lamah awm pawi ka tih loh thu sawiin kan inthlah thei hram kha a nia!


Inchhung ka luh chuan light a la ên thluah avangin an la meng vek a nih ka ring ringawt a.


Choka lam ri raawk rawk leh U Hnemi zai ri rat rat ka hriatin ka pan zui vat a, "e he! Mut i la tum lo em ni?" Dawhkanah bungbel nawhfai tih hriat tak mai, a tlêtin a tlê lo chauh, chutiang khawpa fai in tiang urh mai en chuan ka ti hluai.

Ka lam rawn hawiin, "aw, i lo haw maw, i riak nghâl dâwn emaw ka lo tia. Vawiin lama ka nawhfai ka'n hru ro law law ang chu ka ti," a hrukfai sâ rem pah chuan a rawn ti zat.


A sira puan thianghlim a hrukna ni ngei tur chu banin, chair pawt chhuakin ka bag ka sira dah chuan ka hrukpui ve nghal a.


"I inbual dâwn lo em ni? Keimahin ka ti thei a nia Dinte."


"Ka Nî te Inah ka rawn inbual tawh alawm, midang hi an va reh ve?" Choka pawnlam chu ka melh zui zauh bawk a.


"An...." Ka ti hman ṭawk, inchung lam aṭangin, "engtia rei nge dawh tura min duh. Theihnghilh suh Lalrawngbawl i farnu leh i unau dang te pawhin a an enkawl peih loh, an theih loh a nih hi vawiin ni thlenga ka enkawl a ka chenpui ni," Nu Mahlimi aw ki säng tak maiin a rawn ti zui tawn tawn.


Aw ki sâng pangai a ni nâng, a au in a au zawk maw le!

Choka pawnlam a ka hawi dawrh laiin, U Hnemi erawhin a thiltihlai a tihzawm mawlh mawlh thung.



Ngaiah a nei ni maiin a lang.


Pa Bawla ṭawng chu thüm dût hian tlem a hriat theih a, eng nge a sawi tak tih erawh ngaihthla fe pawh ni ila kan hre lo ang tih tur a ni.


Ka tihlai chu ka tihzawm ve leh mai bawk a, "tichuan, kha thingtlang kilkhawr hmeichhia, lehkha thiam lo leh berhchep lutuk kha ka fapa nupui atan pawm turin min beisei amaw? Hre rawh, thi pawh ni ila ka pawm ngai lovang. Hetiang a minti tur hi a ni lo i pa hian, lawmthu a sawi thei lo a nih pawhin mintih thinrim hi a hläu ve tur a sin," a au tuar tuar.


Ṭhenawm leh midang awm ve hovin an hre lo ang tih a hläu emaw tih mai tur a ni zawk!


Kan naupanlaia kan ṭhenawm a awm ṭhin 'Nu Sangtei' kan tih mai hmelṭha veng mai kha ka hre chhuak lo thei lo, an nupa an inhauh a piang khan kawngkhar bulah dingin, kawngkhar biang a vuan a, a kut lehlama kawng dawm at chungin a au tawn tawn zel a nih kha, ṭhenawm khawveng zawng zawng hian a tlâng au hi kan ngaithla tawp a, keini naupang tih takah an inzawnah an nupa insual em tih en tum khan kan tlân pel leh ang fua fua zel bawk a.

"A mo leh makpa dangte pawhin a anrawn peih loh ka hrawn a ni tih hria ang che," kha deuh hian a ti leh tuar.

Tu chungchang nge ansawi tih chu mimawl ber pawhin an hrethiam ngeiin ka ring.


U Hnemi ka hmaa rawn ṭhu thla-in, bel chu a rawn hrufai ve leh zung zung a, "Dinte, engvanga U Rammuana hi neih tum nge maw inih le?" Min rawn melh zawk, a aw ri ah chuan mak tihna leh min ngei deuhna ka hmu-in, ka hre tel deuh.


Nui lui seih chuan, "pasal neih dawnin chhan neih a ngai em ni?" Ka ti chu a rawn nui hak.


"Mipa min hmangaih lo tu neih a, damchhung hremhmuna hmanral ai te chuan, i hmangaih leh hmangaihtu che nei la retheih pawhin nun a hlim zawk ang chu. Sum ringawt hi engkim a ni ber lo a nia. Nupaa insiam dâwn ngat phei chuan," a ti leh duah.


"Sum vanga ka fapa neih duhtu hmeichhe lepchiah leh zahna hre lo lutuk khu ka fapa ka neih tir ring ngai suh," Nu Mahlimi'n a rawn ti zui ve leh ṭhawt a.



Ka bel nawhlai chu ka châwl dat, thudik mah nise lem a har ṭalh nia maw le.


"Thudik chu a kha fak e," antih kha maw!

"Chuthu chu i hre fo tawh ṭhin ang chu maw?" Aw ki hniam reih ruih, kha tak siin a rawn tihna lam chu ka hawi dawrh a. Ka thaw ka hip let kawk bawk.


Choka kawngkhar bula Rammuanawma lo ding khat luah mai chu thinphu dat datin ka en kar a.


A mitmeng thip ruih mai leh sen râm, zim deuh salhah chuan, nimina min rehbeh ang mai khan min khawih leh a chak tih a hmuh thei. Ni lo, chu aia nasa chuan min ṭhehsawm a chak hmel mah zawk.


Min en tlâng a tum nge ni a min en hlum a tum tih pawh hriat loh, min en ngur chunga a din ve tlat avanga thaw dep depin, zawitê chuan ka thaw chhuak ham ham a.



Ka chil lem ru deuh khalhin, a thusawi leh a mi enna ngaipawimawh lo lui tak si chuan, "ka vanneih a zarah nge ka hre lo, lehkha thiam chhungkaw kâ aṭang chiahin ka la hre ve e," ka aw pawh pangai takin ka chhuah thei. Ka läwm zia hi!


"Ramdinsang....." Zawi si, changfal mai hian a rawn ti chhuak hraih a, ka lo ip zui chawih thei. A ring lo nâ-in nekluih ngam chi a ni lo hrim hrim.

Khawi aṭangin nge ka hming te a hriat ni? Inhmel hriat tirna pangai tak pawh kan nei a ni si lova.


Ohhhh.... Nimin khan ka hming sawipaha chibai ka tum khân, a iptea a kut a phawrh duh loh tak kha maw le!


U Hnemi pawhin Rammuanawma chu a hläu tih hriat takin a bêl hrukfai pawh chu dîmtete hian a hru a, khawn rik hläu tawkin a dah dêm dêm bawk.


Diktak chuan keipawhin ka hläu ve reng, mah se hläu ang erawhin ka awm duh teuh lo, min ngam zualin, a inti hlauhawm zual ang tih ka hläuh mai bakah, sawi aia hlauhawm Rammuanawma ka hmuh ka hläu ve takzet tho.


"Tihpalh, thingtlang nula lehkha thiam lo hian i zawhna kha ka hrethiam pha lo," inphah hniam ka tum veinen, a eng aiah nge maw ka tih thinrimbelh le?


"Ngawi rawh Dinte...." U Hnemi'n a hmui phumin a rawn ti su su. A mitmengah te chuan Rammuanawma chu a hläu takzet tih a lang bawk.

Ka tum ve tho alawm, mah se tumahin "lepchiah" min la ti ngai lo.


Kei thingtlang nula thin tertek hian paidam harsa a ti a ni mai!


"A laka aṭangin eng chhuanlam nge i beisei, zahna hre ve nise he inchhungah hian a la rawn luh i ring em ni?" Nu Mahlimi'n a rawn ti tawn tawn.


A ṭawngkam chu a khâ in a na takzet nâ-in, dik lo pakhatmah a awm miau loh avangin thinrim theihna emaw, ṭawng lët theihna dan ka nei tlat lo.


A dinhmunah dingin, tu emaw hmeichhia, kan hriat ngai pawh ni lovin ka fapa a sum vangin rawn neih tum ngawt sela, Nu Mahlimi ai hian ka nasat daih ka inring hial zawk.


Mitmeng thip ram a min rawn enna chu a mitah pawh ka en let ngam loh laiin, Rammuanawma lêm ka hnial ang zet zet sia, a mak ve ngawt mai!


"He in, he chhungkua kum 40 dâwn tehmeuh ka lo venhim tawh hi kutbenga ka chhuahsan a, ka lo let leh tawh ngai lo a nih chuan, nanghi a chhan ini tih inhria ang che." Min rawn kawk ta sawk sawk mai.


"Eng nge i sawi awmzia?" Rammuanawma a rawn ti kha fûk a.


"Hlimpui, duhtawk hun hre rawh," Pu Kamlova'n a rawn ti ta hluk mai.

Pa Bawla pawh chuan annu bengdaih tuma, a thinrim belh hlau tak chungin, a pa chu a melh leh ṭhin, a pa zah bawk, annu hläu tel bawk si chu ka dinhmun aiin a dinhmun a la chhe ve leh chhawngin ka hria!


"Zawhna ka zawh che u chu!" Rammuanawma bawkin bul zet leh mar ṭha zet hian a rawn ti nawn leh a, keipawhin a chhanna ka lo nghak ve ran tho, keimah avanga he in chhuahsan a tum a nih chuan a zia lo viau ang.


Tin, he thûah hian thiam lo hlawm tawp ka ni a, a chhuahsan dâwn a nih chuan keimah zawk hian ka tum ka ṭhulh zawk mai a niang chu!


"He in, he Inchhunga thil awm zawng zawng leh i chenna, i unau te awmna sawi loh a neih zawng zawng, a vaiin saw hmeichhe hming sawn a dah a nih chu," Nu Mahlimi thusawi avangin ka ṭhutna aṭangin ka tho zawt thei, mawngah chhuntu an awm emaw tih mai tur alawm.


Chutiang chiah chuan U Hnemi pawhin a bêl hruklai chu a thlauh ri zui bawl bawl bawk a.


"Engmaw.....?" Chu bâk chu ka kâ aṭangin thumal chhuak tur a awm lo. Heihi kan inremsiam dan a ni miah lo. Ka duh zawng chu ka Nu leh Pa enkawlna tur chauh a ni, ka nau te zirna erawh ka beisei ngam loh a sawi vang chauha pawmtel mai chauh ka ni bawk!


Min râwn miah loh va chutiang thuthlukna a siam chu ka läwm loh hle laiin, kei aiin Rammuanawma chu a läwm lo nasa tih hriat takin, a hmel ṭo ruah haw tur ang mai a dur khup khup nen chan min rawn panhnai leh ta chhur chhur a.


Min thah ngei ka rin tawh avangin tlân chhiat tumna pawh ka nei lo hrim hrim. Tin, ka phûtawk hmu tur angah ka in ngai hmiah bawk.


Ka bânrek a rawn chelh thut chuan ka phu zawk, ka lung lah chu a phu dup dup bawk a.

"Min neih i duh a ni tiraw?" A nui hmel leh aw ri chu a rapawm lutuk mah mah. A mitah lah chuan pawisak neih lohna bâk hmuh tur a awm lo.


Chutah zet zawng, "ka thi dâwn a nih hi," tih bâkin ka thinlung leh ngaihtuahna a luah tawh lo hrim hrim.


"Zanin hian engvangin nge ka taah ka siam loh ang che ni?" A aw ri chhuak tin mai chuan minti ṭim a, hlauhna in mintuam nghal hlup hlup bawk.


"Eng... Eng...eng nge i duh?" Ka tih bah nakna chu ngaipawimawh lo leh, hre lo ang maia awmin ka dinna aṭang chuan min pawt lêng zui lawp, Ka thlawk zawkin ka hria!


Choka aṭanga min hnuk chhuak rawk rawk chuan ka mutna room lamah min hnuk kal a.


A thiltih tum hi a ṭha miah lo. Ni lo, engthil chiah nge a ngaihtuah hi?

"Min thlah rawh Rammuanawm...." Ka ṭang nasa in, ka chumve dawt dawt a, a bânmah te chuan ka sik nawk nawk bawk a.

A pa leh a pu kohna te chu hria ang pawhin a awm lo hrim hrim, a pên ngai a pênin, a tha hman ngai reng hmangin roomah chuan a thehin mintheh lut nawk a, chhuatah ka vial thla tawp bawk.


Ka rak ṭhat pawh chu engahmah ngai lovin, nazetin kawngkhar chu a khar ri ṭhuaiin, a kalh nghal hmiah bawk.


Ka lam a rawn hawi chu hlauh lutuk avangin, bang hnaihah ka lo tawlh hnung nghal rawk rawk.


Room pawnlam aṭangin, a pa leh a Pu-in kawngkhar anrawn chum dawt dawt a, chu erawhin vawikhat pawh a ke rawn pên hnai chu a ti ding pha lo.


"Hlauh i nei lo a ni lo'm ni?" Chu a zawhna chu min zawt pawh a ang lo, a mit thisen chhuah chaknaa khatah chuan, "ka kut aṭanga i chhuah ring suh," tih bâk a lang lo hrim hrim.


"Engthil nge i duh Rammuanawm," ka aw chu a khur lek lek, hlauhna vang nge ni a ka khurh nasat vang zawk ka hre lo, ka thlanfim te thlengin a rawn chhuak ṭiam ṭiam nia!


Bang nekbet a tawm chawih chawih a ka ṭhu chu, dimna tel lek lova min phih tho chuan khumah min theh tîng awk a, thli pui ang maia thaw vûkin ka chungah a rawn bawk zui zat bawk.


Chutah phei chuan ka lungphu ran lutuk avangin ka thawk lâk a buai a, ka thaw a chham lo chauh lo.

Lung phu zawih zawih a min delhbet tu taksa lianpui maiin, hnehsawh lutuk a ka kut pahnih ka lu chunga hmer khawmtu ngei chu, ka chunga aṭanga theh thlak tumin ka tâl ve phat phat a, theh thlak chu sawi loh, 1inch khat pawhin a che eih lo hrim hrim .


"Eng thil nge i duh?" A tum leh a duh chu ka hre lutuk mah mah. Tin, zanin hian he hmunah hian khawihchhiat ka ni dâwn tih ka chiang viau bawk.


"Min thlah rawh, ramsa pawhin hetiang hian anti duh lo Rammuanawm. I inchhir dâwn a nia!" A hnuai lam aṭangin, thaw ri hraih hraih a ka kawr bân pawt thler thawt tu chu a au in ka au khum a.


"I duh ka pe dâwn che. Heihi a ni lo'm ni i duh?" A sehchilh rap rap.


Hläu viau mah ila, ka chhungril hian min khawih chhe dâwn lo ih a la beisei ru em em tlat tho. Pawnah a Pu leh a pa au ri ka la hriat phak vang te pawh a ni mah nâ!

A mit, thinrimnaa khat chuan min rawn en leh a, "heihi a ni lo'm ni i duh," ti nawn leh hraihin min fawp nghal nawk nawk.

A fawhna lah chu a nâ in, a thip em em mai bawk si, a lei lian leh thap deuh hrâp maia ka kâ hneh sawh taka hawlh kau a, a lei rawn hawlh lûtin, a ai nasa in min fawp a.


Tal phat phat chuan a hmuiah ka lo seh sak vak chu a phun hluk a, ânchhia ni âwm tak phuh chhuak hluk hian, "kawlh lutuk," minti zui hraih bawk.

Ka sehna hmui thi nghal ṭiam ṭiam pawh chu a ngaihsak lem lo, ka kâ zawk a al ta puat a.


Ka ṭah a chhuak miah lo leh, hläu chung chung pawha min khawih chhiat ka ring lo a, ka sual let ṭauh ṭauh ngam chu mak ka inti ru ngawih ngawih. Hmeichhe fuh lo chunga mutpui duhtur mipa niin ka hre tlat lo.


"I taksa ni lovin, i sum alawm ka mamawh a, ka duh ni," kha lutuk chuan ka ti chhuak tuar.

A ner sawk a, "vawikhat mutpui manah che engzah nge i inchhiar?" Min ten hmel ngawih ngawih. Ni lo, min ten takzet zawk.


"I neihin a tlin lo." Ka tâl leh phat.


Ning tih hriat zeta min sawi nawkin, "kan la hria ang chu," bul zet a tih leh ka kawr hak chu a kut lehlamin a pawt thler zui leh sawk sawk a.


"Pathian pawh khi i hläu lo em ni?"


"Hläuh nei ni ila, ka chhungte hriatah ka khawih che i ring em ni?" Ka hnute ka bra chhanah a rawn ṭham tawk tawk tâkah chuan ka mittui a rawn hnai ṭiam ṭiam a.


Ka kawr hak nawr lip nawkin, ka dulah zut thuak thuakin ka kapah a zen lut a, theihtawp a tâlin, ti lo turin ka au ve bawk, chu erawhin ṭangkaina a nei lo viau mai, ramsa, sakeiin a sa sehtur um a, thah ngeitum a speed ti chak sauh sauh ang mai chuan ka hmeichhiatna chu a kut lawng ngata nuai nawk nawkin, a mah zawk chu a rawn rûm chhuak nghur a nih chu!

Tenawm hian!!!!


Zanin hian he hmun, ka duhthlanna ngeia ke ka chheh luhna hmunah hian, ka zahawmna, kum 22 dâwn teh meuh ka lo humhim tawh, ka bialpa ka duh ve ngawih ngawih ṭhin lakah pawh ka lo venhim chu ka hloh ngei dâwn a nih tih, ka chunga bawk a, ka taksa duhna lai lai mai tîmna leh khawngaihna rûm ri chhete mah chhuah lo tu hian a la dâwn a ni tih, a kutṭang hrawl tak mai pahnih, dimdawihna tel miah lova ka hmeichhiatnaah a hnawh luh sawk chuan a ti chiang takzet!



Rak ṭhatin, ka dak awrh bawk a, ka mittui rawn hnam sawkin, ka tha ka thlah riai riai bawk, sual let leh au khum hian awmzia a nei lo tih a kutṭang a tih chet leh rual chuan ka hre chiang tulh tulh bawk.

Ka bekah ka mittui rawn luang ngiai ngiaiin, chunglam ka en ta ngawt ngawt a.

Ka hnute tham tawn tawnin, ka nghawngah fawp nawk nawk chuan, ka hmeichhiatna chhungah chuan a kutṭang chu tichê in, a kutzungpui hmang chuan a nûai tel nawk nawk bawk a, nawmna pakhatmah a awm lo ang bawkin, nâ ka tihna ai mahin, ka tlawm ngawih ngawih lutuk leh, hmeichhia ka nihna ang a ka tihtur, ka thianghlimna pawh ka venghim zo lo chuan min vit ngut ngut a, ka thaw a chham dâwn hialin ka hre bawk!


"Hetiang...." A tawp dat. Phun hlukin, "i mittui kha min hmuh tir phiangsen suh Ramdinsang.." A ti kha fûk a.



Mit khap fak fakin, thinphu zawih zawih leh aw lawi rât chung chuan, "chhunzawm rawh; Mahse, ka mamawh zat chiah chiah minpe ang che," mittui nen chuan ka melh leh ta ran. Ka inseh ruh a, hlauhna aiin thinrimna, zahna, luhlulna, phû intihna leh mahni inkhawngaihna in min rawn tuam nasat tâk avangin, a mitmu dum fiah tak leh dur khup maiah chuan ka melh lui ve leh ta ngar ngar.


Ka taksa a nei dâwn a nih tho tho chuan ka mamawh ka neih ve a ngai alawm. A ni lo'm ni?


"Hreptak che hian!" Ti hrawihin a inla hrang vut a, a vawt nghal vûkin, ka hmul thi a ding nghal sung sung bawk, bâwm tawt aṭanga pawh chhuah ang mai ka ni, ka thaw chhuak kawk a. Chet erawh ka la che sawn chuang lo.


Eng emaw hi sawiin blanket pawt chuan ka chungah a rawn theh thlà a, a chhipsam tuai puatin, "tih hlauh che ka tum mai chauh a nih kha," a aw vawt ruihah chuan inthiam lohna a lang miah lo nâ-in, min tihnat erawh a tum lo tih a ti lang chiang viau thung.


Mahse, ka la che ve mai thei lo, kawngkhar invaw chhe ri ni awm tak te, ṭawng ri leh inhau ri te chu hre mah ila ka taksa khur nasa lutuk leh kawchhung ṭang ṭung mai kha a la reh ve mai tlat lo a, ka duh angin ka inher thei tlat lo.


Ka thianghlimna venhim leh hloh lo turin chutiang taka nasa chuan tumah ka la sual lët ngailoh vang te pawh a ni mah nâ!


Ka chhungril hian minti na dâwn lo a ni tih ringin, hre mah sela, ka pawnlam erawhin chet ngaihna a la hre miau lo a ni.


"Dinte....." Blanket pawt khawmin khumlu lam hawi chuan ka inher riai riai a, "keimahin min awm tir rawh u," ka taksa a la khurh nasat vang nge ka aw chu a la lawiin, ala khur dar dar mai.


"Dinte, a zia lo hle mai khatiang em em chu a thlen kan ringpha bîk lo a sin. Damdawi inah kan hruai dâwn che em ni?" Pa Bawla'n inthiam lo leh inthlahrung aw tak hian a rawn ti sap sap a.


Ka mit chhing a, nghet taka blanket kuah bet tlat chung chuan, "ka ṭha, engtin mah minti lo. Keimahin min awmtir rih rawh u," ka aw chu thunun ve viau tawh mah ila, a tawp lam chu a la khur ta tho mai.


An reh vung vung a, rei loah pensawn riin a zui zat bawk.


An chhuah dâwn a Nu Mahlimi aw ka hriat chian em em, a fapa in, "thi rawh, thi rawh," mi tih tluk zet a hnaia a sawi ang maiin, "a phutawk chiah a hmu a nih kha," tia a sawi ri chu a ni.


Ka âwmah hian ka inrin hma in, thil hriam leh zum ṭha tak maiin, na tak maia vih sawk ang mai hian a na thip nghal vawng vawng mai nia!


Ka mittui a rawn hnam zui leh ṭiam ṭiam bawk a.


Ka taksa hi a na miah lo, engtinmah min tih miau loh avangin han na em em tur pawh ka nei lo, mah se, anthusawi, dik leh ka nihna ni bawk si chuan a ni min vit ngut ngut ni!


A thusawi kha a dik vek a, heng ka chunga thilthleng te, heng hmuhsitna leh diriamna te hi ka tawn tur diktak a ni.

Mahse, ka chhungril erawhin pawm har a tih ang bawkin, tu hmeichhia mahin pawngsual hi anphu in ka hre tlat lo.


Pawngsual ka tawk emaw tawk lo emaw a fapa chetdan avanga a ṭawngkam chuan minti na zualin, mahni in khawngaihna in min tuam hlup hlup a, chhuak lutuk chuan ka ṭap khur zui dar dar a.

"Pa...." Ti chhuak ṭuak ṭuakin ka ṭap zual sauh!!!


< THE NEXT DAY. >


Zankhuaa chhin khat pawh chhing lova mittui nena tlaivarin, mit bui luk leh lu na ut ut chuan ka tho chhuak a.


Ṭhu tungin, ka taksa che lova awm rei lutuk kham sil ṭhûm chu mit chhingin ka'n thlah zal riai bawk a.



Boruak hip vang vang a thaw chhuak leh ham hamin ka chil ka lem khalh a, khum aṭanga chhuk chuan, blanket pawt hlipin, ka thianghlimna ka hloh em tih fiah tum chu ka mutna hnu chu ka en kual a, mah se thisen farkhat pawh hmuh tur a awm lo. Ka indap kual leh ṭhin, 'ka thianghlimna ka hlohpha lo nge ni,' tiin ka rilru in ka phun sep sep bawk.


Nizan kha chuan ka hloh ngei ka inring a, ka hloh ngeiin ka inhre bawk si. Khatiang taka kutṭang lian leh hrawl kha ka taksa chhungah ala luh ngai miau loh vang a ni.


Ka lung hlauhthawnna leh läwm rukna, maktih rukna avanga phu dat dat chu dawmbet vang vangin, "min khawih chhe lo tak tak a niang," mittui tla ṭeu chuan ka ti chhuak ṭuak a, ka ṭah nuih zui hak bawk!
.
..
.

Bathroom darthlalanga ka hmel thur tak, mit bui luk leh hnar sen hlar mai, hmai mittui vanga berh niap bawk en chung chuan ka thaw chhuak hak a, ka hmai ka phih zui sawk sawk bawk.


Ka sira makeup bag ka neih chhun chu pawt hnaiin ka mit bui thupna tur makeup ka'n zawng ve ngial a, ka neih zawng chu aloe Vera moisturizer leh sunscreen, eye liner pencil leh strawberry lip gloss zawng chu a ni.

Ka hmaia moisturizer tat nawk nawk pahin, "damdawi in ka kal mai thei dâwn lo a nih hi," ka ṭahna avanga aw tham chal chuan ka ti chhuak zui sap bawk.

.
.
.
Room aṭanga ka chhuah chuan tumah an la tho lo tih hriat takin a reh ṭhiap mai.

Varṭian tak tak a la ni bawk nen reh dük mai, thingtlang angin zing lama sava chiap leh ar khuang ri hriat tur a awm lem lo bawknen!

zingkar boruak vawt deuh ruih leh thiang kak erawhin nizan lamah khatiang thil kha a thleng a ni tih pawh a awihawm loh zawk lek lek alawm!
.
.
.

"Hnemi, eng nge i siam a va rimtui em em ve?" Chokaah Rammuana Nu-in a rawn ti lut lang lang.

Nuisänga leh hawiin, "salted porridge ka siam a, i duh ve em?" Ka lo ti säng chu a hlim hmel chawpchilhin a reh nghal rawk rawk nia maw le!

Nge ni a, nizan maia khatiang thil a thlen hnuah hmel nuisäng chunga ka la hmachhawn vangin mak a ti zawk?


"Eng nge hetah itih?" Nelawm lo leh min huat hmel zeta tiin min ner khum nawk bawk a.


"Porridge ka siam mai chauh a nia," ka ti ve mai, min ngaihdan leh en dan ngaihsak a buaipui viau turin hun ka neih viau loh avangin ka haider lui zel mai a niang chu!

Bakah, zingkar bâk hi min hmu tawh dâwn lo hrim hrim bawk nen, darkar reilote chu min hrethiam a niang chu!


"Huh!!..." Tia ner nawka a inher chu ka hmù in ka hre hman tho, keimah chuan a rukin ka nui ta sun sun ringawt a. Diktak chuan hmachhawn dan tur keipawh hian ka hre bîk miah lo, eng nge ka sawi ang a, engtin nge anhmaah ka awm ang tih te ka ngaihtuah ve nasa lutuk tho, hetia huat hmel taka min en a, haider ber pawh hi thildik a ni chuang lo tih ka hre ve tho a.


Mahse, tunah rih chuan an mit tlung tura che a, insiksawi turin ka buai lutuk rih tlat. Bakah, sawi leh sawihnu zingkar bâk hi min hmu leh tawh pawhin ka ring lo.


"Engrim nge ni? A va rim tui ve?" Pu Kamlova a rawn inhâwl lut a, "lo ṭhu rawh Pu," ka lo ti vat chu nui var varin, "Pu Kamlo' tih hriat aiin min koh dan chu hriat a nuam daih mai. Eng nge i an Dinte? Nâ te i nei em?" Ka lu ka lo thing vat a, "engtinmah minti hleinem," ka ti let sap bawk.


Diktak chuan duh nise, duhtawkin ka taksa kha a chinglet thei reng, a kut khata ka bânrek pahnih a hmer khawm a, ka bawp a chehbeh hmak khan ka tán chet ngaihna a awm tawh lo hrim hrim. Tin, a kutṭang ni lovin, a mipatna kha awlsam takin a thunlut thei bawk.


Mahse, ka ngaih ang em em a nunrawng chu a ni lo a nih hmel!


A sawi ang khan min tih hlauh a tum tak tak a nih chuan a ti hlawhtling a, min chinglet lo erawh ka läwm ru viau thung!



Nui sun sunin, "tukkin chu chaw pangai ei lovin buhhawp hi ei ang u aw," U Hnemi a rawn lut ve chiah bawk a, ka thilsiam rimtui thu a rawn sawi lut ve nghal zat bawk. An mitah erawh nizana thilthleng kha sawi lan loh leh thup antum viau tih ka hmu thei.


Keipawhin engtikah mah sawi lan ka duh tawh ngai loh tur thilthleng leh zan rapthlak a ni tlat.


"Anchovies (Ikan Bilis) rim leh Dried shrimp (kaikuang ro) inpawlh hian a tirimtui êm a ni," ka lo ti vat.


"Dintei awm aṭangin Pu Ber pawh zingkarah thingpui chauh in lovin, chaw pangai te pawh i ei ve ṭan alawm le. Doctor Mandy-i pawhin nizan khan i taksa pawh a hma aiin a chak ṭha a tih kha," U Hnemi'n thleng silna lam pan a, khawih nghal rawk rawk a a tih chuan, "ka tlangval dâwn chauh alawm, Hnemi ṭhin hi a. i Nu ei tura i siam a ni âwm si a, min daih ve ang maw?" Min rawn en.


Thleng kuma suak pahin, "ka siam hnem alawm, U Hnem nangpawh ei ve rawh aw. Inpa pawh kha," tiin Pu Kamlova hmaah chuan ei tur chu ka dah a.

Sitting room lama ṭhu Nu Mahlimi chu ka en leh ṭhin, chanchinbu chhiarin kan thawm ri va chu hre lo ang hmakin a awm hmiah thung.


"Ngaihsak suh, pumin ro a rel ang a, a rawn lut mai ang," Pu Kamlova lah chuan a ti awlsam et mai bawk si.


Nizana a mo-in a sawidan te kha a hre âwm reng si a, engmah hre lo ang hmaka a MO a hmachhawn leh mai te chu a mak ang reng. Nge ni, keimah chauh hian an awmdan hi mak ka lo ti zawk ni?



"Kha eng nge ni kan ei dâwn tükṭhuanah," Pa Bawla a rawn lut ve chiah a, annu lam hawiin, "ei i tum lo em ni? Kalna tur te kan neih kha," a ti zui a.


Nu Mahlimi rawn hawiin, "ka ril a ṭam lo, inchhungkua khan ei rawh u," dam deuh si, mei nei deuha tih leh thawh a rual zat, ka tán hian men a va har ṭhin tak êm!


"Dinte, i ṭha em? Nâ i neih a, damdawi in pan te i duh a nih chuan ka hruai dâwn che en ni?" Pa Bawla'n a rawn ti ve sup sup a, ka lu ka lo thin khum vat vat.


"Ka ṭha lutuk, engthilmah ka chungah a ti hleinem. Buaina nasa tak ka thlen avangin min ngaidam zawk teh u," ka ti let vat a.


Pu Kamlova'n ka ṭawngkam chhehdanah ka rilru a hria tih hriat tak hian min rawn en a, "eng nge tih i tum ni Dinte?" A rawn ti chat bawk.


Nui chungin, "a tir aṭangin henghi a thleng dâwn a ni tih ka hre lawk tho nachhungin, hetiang takin mi tamtak rilru ka tina ang tih ka ringpha lo a tin ni. Pu Kám, min puih tawhnaah läwm viau mah ila, kan inremna leh ka Pu nena inthutiam te ka ti hlawhtling thei dâwn ta lo ni in alang," ka thusawi tâwp lam chu a lawi lek lek. A zawi sep sep khawp mai.


Diktak chuan ka hlauhna te, mahni inkhawngaih ngawih ngawihna ten min la tuam a, nizan thil thleng ka mitthlaa a lan a, ka ngaihtuah let piangin ka khur rû in, ka hmul thi a la ding ser ser a, ka tawtin, ka lungphu hi ṭhâmbeh tlat ang maiin a pik ngut ngut bawk.


Mahse, chutiang vang ngawtin ka mittui ti tla a, hläu a, ka chak lohna tihlan erawh ka tum chuang law.


Kan inremna thutiam ka sût a nih chuan ka koki lehlamah, ka Nu leh Pa ka chhungkua an awm ang a, lehlamah khawvel. Ka chhungkaw phaw ka ni a, engvangin nge ka nghîn ang a, awlsam taka ka tawlh hnun ang ni.


Ka chhungkaw tán ka dinna ka sawh ngheh sauh sauh a ṭul hle si a!!!!


Show post links
Top

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:49 pm

[ Love After Marriage]

By

Floria Laldansangi


Chapter < 5 >

{ A Chhan}


Rammuanawma....POV


"Eng nge i ngaihtuah vung vung?" Partei'n min rawn nek ṭalh ṭalh a tih pahin ka kap a dap zui nghal ruai a, thaw chhuak hawkin, "zanin chu a mood-ah ka cheng lo," ti supin a kut ka dahsawn sak chu a lungawi lo hle tih ka hria, mah se ka haider thung!



"A mood-ah i chen hun chauha mutpui turah min ngai miah suh," ti hlak chungin a saruakna zahpui map lova tho chhuak chuan, khum mawng dawhkana zial chu ban zui a.



Couch a ṭhu thla hnawkin, cigarette chu a ṭan zui zat bawk.



"Kha thingtlang nula, lungkhungtu che kha i ngaihtuah tih sawi miah suh. Florence-i vanga buai pawh tih nak alaiin, hmeichhe dang ka buaipui hman lo tih i hriat kha," a ti zui leh hlar.


Kei erawhin kha hmeichhe mitmu fiah tak mai, luhlul tak, tlang tak bawk si, chhungril pawisawi lo tak kha ka ngaihtuah vung vung a.


Hmeichhe â a ni lo tih ka hria; Mahse, engthilin nge chuti taka a hmelhriat leh hmuh ngai pawh ni lo pasal atana neih tir duhtu chu ni ang?


A mitmu bial leh lian tak, fiah kak maia mittui tlingpam mai, tle ral ral ka hmuh khan keihian a vawikhatna atan tu emaw lakah khawngaihna ka nei ve in ka inhriat bakah, ka tum tawh leh tingei tura ka inrin min ṭhulh tir ṭhak theitu, thinrim chung a tisa châkna minpe theitu awmchhun hmeichhia tiin ka sawi ngam tlat a ni.


"Rammuanawm...." Lukhama min rawn vawm dawt chuan ka lo rûm nghut a, khum aṭanga tho chhuakin ka thawmhnaw awmna lam pan vutin, "Pari, engvanga hmeichhe dang aia kawp rei che nge ka nih i hria em?" Kekawr ka ha zui mawlh mawlh.


"Eng nge i sawi awmzia?"


"Hmeichhe dang ang lo taka min zarbuai ve ngai loh vang a ni; Mahse, hetah hian kan tawp dâwn nia," ka tshir lâkkân chu rawn ban ve in a pawtbet zui a, "ka tihpalh, ka tihpalh Duhtak," ka thaw halh, tunhnai a hetianga a awm hi alawm ka ngaihtheih miah loh ni!


"Thlah rawh," a lu a thing nak nak.


"I kawppui ka ni a, i hmeichhe kawplai ka nihna angin ka thikthu ka tichhe mai chauh a ni. Chupawh chu ka thei lo amaw?" A ṭap lek lek. A mittui hian ka lakah awmzia a nei lo tih hre tawh tur chu a ni.


"Duhtawk teh Pari," ka pawh let chuan duh aiin ka pawt nâ ang tih ka hläu ru si a. Ka pawt leh dat ṭhin, thlah erawh a tum bîk lo nasa.


"Ka ta, ka bialpa, ka mipa lakah ka thikthu ka tichhe thei lo amaw?" A ṭap zui pur chu ka ning ta lek lek.


"Parmawi, engtiklaiin nge i ta ka nih ngai ni?" Vawt ruih leh thim rup a en chunga ti supin ka t-shirt chu ka pawt zui dawt a.


A mittui luang nghal zawih zawih chu melh zawkin, "khang thla 2 chhunga mamawh kan inpek tawn kha a tawk viau a ni," ti leh supin tissue pawt chhuakin ka pe a, "in enkawl ṭha ang che," a dár a beng thakin Hotel room chu ka chhuahsan pawk pawk.


Hnunglam aṭangin, "Rammuanawm, mihring pawh i ni lo, engtikah mah hmangaihna awmzia hi i hrethiam ngai lo ang," a au tuar tuar.


Ka kut chunglamah ka lek khum zauh a, ka kiai suk bawk.


"Hmangaihna......" Ka hre ve ṭhin! Ka ring ve ṭhin bawk, ka ât laiin.
.
.
.
.

< Hey, you know what rhymes with drunk....'SEX'......> { DJ Night Bar.}


"Hey! Handsome, ka join ve thei che ang em?" A perfume rim a na mah mah.


"Min ṭhut hlat deuh la."


"What?" Ka thusawi chu a ngaihdan a ni lo hle a ni ang, "chhe lo viau mah la gentleman lo êm mai," tiin min kalsan nghal nal nal, nui sukin ka no chawikang chuan ka lem zui pap, Malika a lo nui ṭhu thung a.


"Hmeichhia vanga i rilru buai pawh hmuh lohna a rei tawh alawm maw le!" A nui huk huk.



Ka lo rum nghut thung, hmeichhia vangin ka rilru a buai hauh lo. Kha hmeichhia, thingtlang nula, kut thap lutuk vang lek phei chuan TEUH LO LUTUK!


Mahse, hmeichhe dang ang lo takin a rim a tui a, hnim hnaih a, a rim hriat rei poh leh hnaih zual minti chak tlat thung!

A hmui, hnawihsen manto pawh kâi ngai lo tih hriat tak, nêm leh nel thap mai, fawh zawnga thlum dek dek te kha aw!


A vun, khawpui nula tamtak ka sawngbawl tawh ho aia no nalhna pawh nei lem lo mawlh kha nêm thep ang lawi si, a kut phah lah kha thingtlang nula kut tih hriat tak leh rit chawi a, hlo thlo nasa tih hriat taka thap deuh hriat leh a hriam ru deuh tak te hlei hlei kha chelh nuam ka ti ang lawi a.


Chutianga vun nêm leh nel, deh nuam tak ka khawihna leh manbehna, fawhna te khan a aithui kaltir minti chak a, thisen kal lai a tiso thei hial tho nia!


"Tu hmeichhia innge maw i thluak tibuai le? Heihi han....." La-in ka lo tlak zui pap a, duh aiin a tak mah mah, ka ner zui sawk a, ka hrawklah chu meiling ka dawlh ta emaw tih mai turin a sa thla vung vung bawk!


"Ka siamthar ka ti dâwn a, a hming ka la phuah lo, eng nge a an, 53% alcohol a nih kha," a nih ngei hi, lu a kai nghal chiai chiai mai alawm.


"Rammuanawm....."

Ka sira rawn ṭhu thla chu ka lo rum khum nghut a, nui uar uar chungin, "nupui inei dâwn tih engvanga sawi lo nge inih?" A la nui zui uar uar tho.


"Tumaw? Rammuanawma hi?" Jessica-i chu a bu nghat nghat.


Nui awr awr chungin, "i U vawiinah clinic-ah a rawn kal a, a rawn âng nasa mai," a la nui reng.


Zonunsangi chu'h! Henu hrilh hi a ṭul viau lo a sin maw le!


"Engtin maw? A rawn luhkhung mai che a maw?" A la nui kur kur tho.


"Ngawi mai mai teh Lalremsiam," ning zeta ka ti hluk chu a ai nasa in anrawn nui a. Kei erawh ka zu no ah zu thlit belh chuan ka tlak zui pap pap thung!


Ka rui har hrep lehnghal!!!!

"Thingtlang nula sawngbawl chu eng nge a an?" An la nui reng.


Chhan pawh ka tum lem lo, an pahniha annui ri ngaithla reng chuan, "a la thianghlim," ka ti chhuak sup.


Malika'n, "a la thianghlim amaw?" A aw ki ah chuan a awih hmel viau loh, keipawhin zen kher lo ila, a thianghlim ka ring miah lo.

Ka hmaa ding ka ṭhianpa chu ka melh a, a zu siam lai chawl meuhin, "i fiamthu tiraw, kum 20-25 bawr vêl a nih ka ring a, Mizo hmeichhia-ah chutiang rual thianghlim an awm tawh lo," nui chung hian a ti leh duah.


Chu chu ka rindan ṭhin a ni. Kei chauh ni lo, Mizo mipa tam zawkin a kan rindan a ni tlat. Mizo hmeichhia, kum 20 chin zâah sawmriat hi thianghlim tawh lo ang an ni tiin.

Mahse, kha hmeichhia khan ka rindan dik loh zia min hriat tir thung.


Ka no chu lek kangin, ka tiche ralh a, ka kutṭang, kha hmeichhia ka zenna ngei chu en run chungin ka nui ta suk, hmeichhe mak tak a ni!


A hunah a nihna leh dinna a hre em em a, engtiang pawhin miin sawi mah sela phatmar emaw chhuanlam siam a tum ngai lo; Mahse, a ring erawh a hniam ngai miah lo thung. Hmeichhe pakhat, huaisen ve tak chu a ni.


"Engtin nge i hriat? Nanghi i mut....." Jessica-in a tih laiin, "ka hawlh," ka lo ti vat chu Malika nui hawkin, "i hawlh lohin, a hawlh che i beisei em ni?" A nui zui hawk hawk.


Jessica-in, "nanghi, a hawlhna suk te hi a lo ral tawh bîk te hi a ni lo'ng maw?" Ka ṭawng sual hre chhuakin ka nui ve ta huk a.


"Hi!" Kan nuih huk huk laia ka sir chair a rawn ṭhu thla, kekawrte dawr lang lo ṭawk tura chhing kawr tigh ṭha tak mai a hak avanga a taksa lang mar tak chu enin ka kiai suk a.


"Hey!"

No pakhat chu a lamah nawr hnaiin, "Mandy, inhmuh lohna a rei ta hla mai."


"Ka sawi tur ni âwm tak a ni, eng nge i lo an?"


Ka zu no dawm chunga a lama hawiin, "i hmuh ang hian..." A lo nui zui ar ar a.


A kut ka malah rawn nghatin, a zut zui riak riak a, ka mipatna tawpin, a ṭham salh bawk, "you know what rhymes with drunk...." Ka beng bulah a ti zui sâ sâ bawk, a duh ka hre lutuk mah mah. Hmeichhe nalh tak a ni a, pasal hual nei lai a ni bawk; Mahse, engtin nge ka mipatna tem tawh hian a zawngchhang loh tehlul ang ni.





Ka lo nuih suk a, "SEX," ti zui leh sepin, ka beng liak zauh chuan, "ka awmna tur i hriat kha," thawh a rual.


"CD i neih loh chuan kal suh ang che," Jessica-in a lo ti zui hlak. Nui sukin, "Malik..."


"Roger!!! Buddy," a ipte aṭanga rawn phawrhin ka hmaah a rawn dah a, Jessica lam hawi chuan, ka kiai suk, mi lo melh run thung.


Mandy khan a sawi sawidik alawm , ruih hnua inmil ber chu sex a ni.
.
.
.
Car ka luh ruala min rawn bawhin kan fawp zui ve nghal bawrh bawrh a.

A hmui ka deh rual erawhin ka duh loh ber thil, kha thingtlang hmeichhe naupang hmui nêm leh nel thep mai kha ka hre chhuak zat.


Mandy-i hmui pawh hian kha hmeichhe hmui thlumna neih ang kha a nei miah lo.



"A rei ta hle mai Bawiha," a aw ah chuan min mamawhna bâk hriat tur a awm tawh lo.


"I pasal hual lakah inthiam lohna i nei lo'ng maw?"


"Kan vawikhatna pawh a ni hleinem, he i thil hlu tâk ang tiat tal hi neise ni tur," Aw hur tak hian a ti leh a.


Nui hukin, a hmeichhiatna chu ka kawm a, "ka kut ang pawh hi a nei em ni?"


Rak ṭhatin, "teuh lo lutuk Bawiha, min siamnuam ber tih i hriat kha," a aw a khur dar dar.


"Sex-ah kan pahnih hian kan inmil zia i hria alawm," tiin min fawp zui tawn tawn bawk.


A hmeichhiatna a ka kutṭang ka hnawhluh chu ti che in, ka rûm chhuak ve hak a.



Rûm dár dár chuan, "khawngaihin, a ai thukin Bawiha, a ai rangin....." A ṭe ṭhat ṭhat.


A ai ranga ka kut ti che in, ka kut lehlam chuan a kawrbah hak chu a darah ka hui thlà a, a taksa ka zut a, ka fawh lai te chuan kha hmeichhia bawk kha ka mitthla ah a rawn lang leh ṭhin.



Ka rilru zawng zawng Mandy-i taksa dah ka tum a.


"A hma aiin i chak zawkin i hria em?"

"Min ngai i tihna em ni?" A nghawhah fawp in a hnute, vawi tamtak ka lo fawh tawh ṭhin, lian leh dup tak mai chu duhâm taka ṭhamin ka fawp kual a a, a rûm chhuak dár dár bawk.


Hnute lian, dup leh zei bawk si, vun mam leh no bawk si ka chungah a awm laiin, engvangin nge kha hmeichhe khawro tak kha ka ngaihtuah reng ang ni?



"Tehreng," ti khur dar darin, ka kawnghrenah a vuan zui chat a, khur dar dar a phelh chu ka pui ve sawk sawk bawkm


Ka mipat khawng ṭha tak mai kawh luah chu ṭhut thlum mai a tum a, "CD," ka lo ti sup.


Nui chungin, "yes Doctor," ka vuah pawh ngai lovin hnehsawh taka seh hawng chuan a vuah zui a.


Ka nghawngah a kiu pakhat nghatin, a mawng siamrem chuan muangchangin a ṭhut tlum zui riai riai a.


Ka lo thaw chhuak ham ham a, rawn kun hniam a min fawp tán tánin, a mawng a ti che in, ka mipatna a ṭhut tlum zui pawk pawk a, car nghing awk awk, su luih luihin a rûm leh dar dar ṭhin, a vawikhatnan hmeichhe dang ngaihtuah chung a sex hmangin a vawrtawp kan thleng dun ta rat mai!


"Bawiha, kan Inzawmna hi friends with benefits chauh mah nise, ka taksa chhunga i awm laiin hmeichhe dang ngaihtuah tawh lo tur che in ka duh che, ka tlawm hmel tla," seat-ah a ṭhu thla zui hnak.


Nui nghawr datin cigarette chu laa ṭanin ka hip zui vang vang a.

"Tu hmeichhia nge kei aia siam nuam zawk che chu?"

"Mandy, engtiklai aṭangin ka hmeichhe ngaihtuahah hriat i lo tum tâk ni?"


Cigarette ṭan ve nghalin, "Dr. Rammuanawma thluak meuh tibuai tu chu hriat a chakawm alawm le. Lalparmawii tih sawi miah suh," a nui zui kar kar.


A ti buai hauh lo, a mize hriatchian chakawm reuh tak leh, vun no leh ro ve tak deh nuam tak a nei khan min hriat reng tir mai chauh a ni.

"ka theihnghilh dâwn, i Pu medical result ka rawn thawn che kha lo en ang che." A kekawrte a ke bula tla chu chharin a ha ve leh mai bawk a.


"Amah hrilh ta che," ka lo ti hluk, a sam ṭawn ṭha mawlh mawlhin, "en la i hre dâwn alawm," tih leh a zial bawk chu a hip zui ve leh mai a.


Eng chiah nge hre lo mah ila, ka Pu erawh a hrisel hle tih ka hre thung!

.
.
.
.

RAMDINSANG.....POV



"A hahthlak iti em?" Coke can min pek lo ban vat pahin, "ti lo' ka tih chuan ka daw maithei a, ka rinai erawhin a harsa lo," ka ti ve mai chu an lo nui hak hak hlawm.


Midangin min rawn zawm ve-in, "ka rin aiin Dinte i chak daih mai. Henghi chu hmeichhe thawh chi-ah pawh ka lo dah vak hleinem," midang pawh an lo bu tliar tliar.


"Thingtlang nula ka nih hi U khawngaih, kuli phurh chak ka nia läwm," nui kar kar chunga ka tih chuan an nui ve hawk hawk hlawm a.


"Tak takan a, thingtlang leh tlâng lo lam pawh a ni lo, heng bungraw chawisawn ang te hi chu kan tunlai nula tamzawk hian mipa thawh tur bikah hian andah a, heng kher loah pawh, thatchhiat kan inzirtir chho ṭan hian ka hre ṭhin. Rethei ve tak tak pawh hian retheihna awmzia tak tak hi kan hre tawh lo tlat," U Gos-an a rawn ti ve zat.


"Naktuk pawh i rawn thawk leh ang tiraw?" Hlawh la tura ṭhu khawm kan ni bawk a, kan aw rawl pawh hnathawh lai ngawt ai chuan a ringin ka hria.


"Thawk dâwn e a, hna nghet hmuh hma te chu Puten min duhte chuan thawk ve zel ang chu," Aw ki zâng vah hian ka lo chhang a, an nui vur vur hlawm.


Pu Kamlova In ka chhuahsanna pawh ni 3 lai a ni ve tawh, tunah hian DJ Foods company-ah daily rate-a hnathawk tur anmamawh tih ka hmuin ka kal ve tawp a, rinai hlawh a ṭhat bakah ansawi ang em ema harsa a lo ni lo lehzel nen nuam ka ti phian lehnghal!


Daily-a thawk ho hlawh minsem diat diat a, truck-in, Noddles Box kan load ho pawh an phur chhuak ta chur chur mai.


"Dinte, khawilamah nge i haw dâwn?" Ka bulah U Gos-a a bike nen a rawn ding dat a, "Ramhlunah," a nui huk, "khawi zawk?" Nuichung chuan a ti leh a.


Nui ve ta vur vurin, "South-ah," ka ti ve leh mai.


"Lo chuang rawh, ka thlah ang che, North-ah ka haw dâwn a," a bike hnunglam chu a melh zauh.



"Ka ti khawtlai mai mai lo'ng che maw," ka'n timawi hnai ve a, ka hmanmawh ru viau thung.


"Tlai love, zan nula rim tur ka hre chuang lova, tlai pawh ni ila i tán te chuan a pawi nang," vawiin a ka hriat chauh mah nise ka nel ve êm êm ringawt a. Amah lah a lo nelawm ve bawk nen.


"Lo chuang rawh le," a tih leh takah chuan, "a nih, ka ti khawtlai deuh dâwn che a nih hi," tih leh bike-ah chuan ka láwn zui zat.


Traffic jam karah chuan kan titi pah ve zel a, kan khaw chanchin te min zawtin, Rihdil a kal chak thu te leh a la rawn zin ngei tur thu te kan sawi ta luam a.


"Ka läwm lutuk a nia U Gos."


"Ka rawn lêng tak tak dâwn a sin remchangah, i phal tak tak ang maw?" Bike aṭanga ka chhuk chu a lo ti zat.


Nui var varin, "tehreng mai, lo lêng rawh, lo lêng rawh, ka inleng hmasa ber ini dâwn ka tih kha," nui chung chuan ka ti leta.


"A nih zanriah ei tui le," tia inthlahin, a tlân let a, a liam thleng chu thlirin, nui deuh vur vur chunga ka inher chu, "LALPA!!!!" Tih leh hnunglamah ka tawlhlet dawrh!!!


"RAMMUANAWM.....!" Ring lutuk chuan ka ti zui tuar bawk a.


Ka phu nasa lutuk chu ka thlarau a thlawk chhuak lo chauh alawm le.


"I mawl em ni, eng ngah nge thimthamah chuan i lo din?" Ka lungphu la rang lutuk chu ka aw thlengin a khur dawt dawt thei.

Ka âwmah ka kut nghat chuan ka thaw zui kawk kawk bawk a.



"Tunge khapa kha?" Ka thusawi leh zawhna pawh a chhang lo, a mawl si a!


"Eng nge hetah i rawn tih? Inhmuh kan ngai tawh lo," a zawhna chhân chhan tur ka nei lo ve êm mai.


"Tunge a nih ka tih chu?" Dawhthei lo zet hian a ti nawn leh hluk a, thaw la kawk a thaw chhuak hawkin, ka en chho ta vah, "ka mimal chanchin hrilh tur che in kan inhnaih tawk em ni?" Ti let ngatin kal pelh ka tum a, ka banrekah chelhin min pawt let nawk.


"A na!!!" Ka rak leh ṭhat.

Rang tawk hian min thlah a, "tihnat che kha ka tum a ni lo," a ti ve vat tho.


Nat phei chu a na viau pawh a ni lo, ka uar ve hrim hrim bawk a ni. Ka nâ a ni tih lantirnan ka bânrek chu ka'n tuai zui ang vut vut bawk.


"Ṭha deuha min biak tur alawm," a la ti ta deuh deuh, sawidun tur pawh kan nei tawp si lova.


"Eng nge i duh?"


"Nangmah," ka en heu mai.


A hnar a tum dat a, "inbiak kan ngai ka tihna a nih chu," bul zet hian a ti leh a.


"Sawidun tur kan nei tawh em ni? Neihluih tumna che ka nei bîk lo," tia pensawn leh ka tum chu ka hmaah tak rawn dingin, "Ramdinsang, min cho ar ar zel suh," naupang luhlul deuh angah min ngai reuh emaw ni?


"Ka cho lo che, ka cho phak pawh i ni lo, i sawiduh chu hetah sawi mai rawh," khabe poh vahin ka en chho ve ran a.


Luhlul minti tih hriat tak hian min rûm khum nghur a, "engtin nge maw i Nu ten an enkawl che ni?" A aw ki hniam sût mai chu a ring miah lo, ka hriat tura sawi pawh ang chuang law.


"I rindan ang chiah khan," awlsamtêa ka lo tih chuan a nui ri ta huk a, a nui ri hi hian min fan rawih rawih ṭhin hi mak ka ti.

A hmui hnuailam pet zauhin, a mitko hi a san zauh bawk a, "pawimawh a awm loh chuan..." Ka lo ti hmanhmawh leh chu, "innei ang.." A rawn ta ti sup mai.


"Huh!" A bâk sawitur ka hre lo. Ka hresual zawk emaw ni?


A mitko sän lehin a thlebak a, "eng nge?" Tih enin min en ran bawk a.


Engmah ka la sawi mai thei lo, tunah khan inneih a sawi amaw?

"I uang em ni? Thah hial minduh tih leh i tum a ni tih i theihnghilh a nih ka ring," kan ngawih fe hnuah ka ti chhuak ta hram a.


"Ka hria." Teh tawp zel a.


"I hriat chuan neih che ka hläu tawh a ni tih i hria ang chu," kalsan ka tum a.


"Min neih i hläu tih i chiang maw?" A rawn ti leh sup.

Hmai zangthal hâ hian ka melh chho leh. A mize hriatthiam har zet mai chu hriatthiam a, zirchian ka tum a ni ber. A mizia hi maw mipangai mizia aiin a let sàwm vêl hian a danglam a, a thin te lah hi a chhia nge ni a, a inthlak ran dan em em hi a mak.


"Pawisa i duh a ni lo'm ni?" A aw chu hnehtu intihna in a khat.


"Duh e," ka la melh ran, "mah se ka nunna ka hmangaih zawk," tih leh ka pensawn a.



A rûm ri nghur kha ka hre hman, thui pawh ka pen hman lo, ka Ni te inpanna step-a ka chho tur min pawt let nawkin, "i phone..." Ning zet hian a ti leh fuk a.


"Eng atan nge i tih? Min thlah teh," ka tâl zui phat, min thlah ve mai bawk a.


Min en run runin, ka hnunglam kekawr ipte chu a ban thut a, chet pawh ka che hman lo, inven te chu hnai lo lutuk, ka phone ah chu hnehsawh zetin a la nghal hmak nia, a va han zak lo tak!


"Minpe let rawh Rammuanawm..." Lâklet ka tum chu ka lu chungah a kut pakhat nghat in, a lu chungah ka phone chu kengin eng emaw hi a hmet mawlh mawlh a nih chu!


Ka zuang ve ṭauh ṭauh tak nâ-in ka ban pha lo nasa mai.

Fiamthu ka thawh emaw a ti a ni hrim hrim a rawn nuih rik huk danah, chu chuan minti thinrim zual takzet bawk!


Ka phone a hmeh zawhah ka awmah a theh hian a rawn theh leh a, ka thinrim lutuk va lng nge ka hâ thlengin a za vek nia maw le, seh hrep a nia ka duh ni.


"Hetiang hian em ni khawpui lehkha thiam ho inchet?" Bak hlaka tih leh Rammuanawma chu melh na deuh hian ka melh zui hrawk hrawk bawk a.


Nuihza insum tih hriat taka a hmui hnuai lam pet leh zauhin, a khabe khawih zeuh chuan, "ṭhanbelh i ngai a ngai a kha," a aw ah pawh ka sán zawng a nuihzat tih hriat reng reng.



"I rilru i thlak dâwn tih ka hria alawm," mahni inring tawkna a khata tiin a pensawn nul nul, a hnunglam aṭanga thinrim leh ngei zet chuan, "nangang ka ni lo, ka san zawng pawh a tawk chiah, ka bialpa-in min duh tho," ka au khum nghek a, rawn hawilet miah lovin a kut chunglamah min lek khum zauh duh lek lehnghal. A va han hmelchhe ngawih ngawih tak, ka rilru thlaka, a Pu in kha chhuahsan ka ni reng alawm!


Thinrim zeta insawh nghawng nghawngin step ah chuan ka pen chho a, Rammuanawma min tham lo lutuk ka ngaihtuah let leh anchia lawh hrep mai te ka duh rum rum.


Eng thli chhia in nge hetah te rawn chhêm thleng reng reng ni?
.
.
.

"Engti zia nge kha?" Tûm vuaua ka lut chu ka Ni in a lo ti vat.


"Kawmthlanga inhau ri ka hriat kha i aw a ni em?" A tih zawm zat a.


Ka lu thing vatin, "ni lo," kan ti thla ngawt bawk.


"Inbual la zanriah ei rawh, i Pa pawh inhnuaiah a awm kha, zanin chu i U Siamipuii'n i Nu a riahpui dâwn a," a tih zawm leh zung zung.


Bu nghatin bathroom lam ka pan ve nal nal bawk a.


Ka inbual kham, chaw ka ei puar leh meuh chuan zan dár 10:30 a pel duai tawh, ka Ni pawh mu turin a lut ve chiah bawk a.


Inhnuai lama chhuk pahin Rammuanawma'n ka phone ah eng nge a tih enin ka hmeh zui niap niap.


"Zanin chu i va rawn tlai ve Mambawih," ka luh rualin ka Pa aw ka hre zat.


Ka phone en a ner nawngin, "nia, hmelhriat hlui ka rawn hmu kawi maw le," ka phone chu ka ak leh nghal daih, a number te a save a, ka mamawh tawh dêr mai si lo.


"Pa i ṭha em?" Tukverh lam hawia a ṭhutna lam chu ka pan hnai a, ka mit vai nge, light dîm vang zawk ka hre lo, a mit chu a hnawm chap mai.


"Pa..." Ka biakna chu a hre lo hrim hrim, mük taka thil ngaihtuah ang maiin a awm alawm.


"Mate, khaw lama in hi tiral ila, i Ni te inhnuai hi tihian kan luah ve rih mai dâwn em ni?" A rawn ti chhuak phawng. Ka en haw a, a ngaihna hre lo zetin, "dik lo a awm em ni? Nge ni ka Nu a zual zawk?" Minti mangang lek lek alawm.



"In enkawlna a hla mai mai e tih thuah maw le," a rawn nui, reilote chhung lek a hmel buai tak kha ka hmu hman reng.


Ṭawng tuma ka kâ ka âng zuai hman tihah ka phone hi a rawn ri a, "ka mutsan ang che, nangpawh mu hma rawh naktuk hna kal leh i mamawh dâwn chuan," tiin khum lamah chuan a innawr kal ta daih a.


Ka pa room a luh fel ruala phone pickup in, ka thu hriat erawhin min din tir zawk, "eng maw?" Ka ti chhuak deuh ṭhat bawk a.


"Dik lo a awm em ni Mambawih?"


"Awm lo ve, Pa ka chhuak lawk dâwn a nia aw," pensawn ka rual.


"Zantlaiah khawnge kal i tum a?" A rawn tihna chu ka chhang ta lo law law.


U Siamipuii a awm si lo, ka Ni pasal lah Kolasib lamah a kal lai tak a ni bawknen, taxi lâk tur a vângin a to dâwn si a, Hmingthansanga chak loh dân tur hi zia hi a!


Tunang hunah khawia taxi nge maw ka lâk ang ni?


Step ah chuan ka tlân thlà dat dat a, kawngpui lam pan chuan ka pen hlawk hlawk bawk.


Ka hnungah car a rawn tlân avanga kawngsir lam panin ka pen hlawk hlawk zel a.

"Ramdinsang...." Ka ding dawt, ka sirah car lianzet mai, Hmingthansanga'n a awh em em ṭhin 'SUV' a tih ang chi, a dum chu ka bulah rawn ding ve datin, "Khawnge kal i tum?" A aw ki ngai rengin hniam sût hian a rawn ti leh a.



"I haw dâwn em ni? Synod Hospital-ah min hruai tel thei ang em?" 'Aw' ti hrâmse ka ti takzet.


Mit khap zek zek leh thinphu dat dat hian ka en a, min chhang dâwn lova ka hriat takah chuan, ngei zet a enin pensawn ka tum chu, "rawn lut rawh," a ti bul leh ang sup tho si.


Mahse, han thinrimna hun ka neih miau loh avangin a thlekbak nalam chu rang taka panin kawngkhar hawngin ka ṭhu lut nghal rawk rawk bawk a.


Ka che vel min en ngur chung chuan ngawi rengin a tlân chhuak ve mai bawk.


Car chhung chu a len tehlul nen, ka nau ka ngaihtuah luatah nge ni ka thawk a pik em em ringawt a, boruak hip tur tlachham ang mai ka ni.


Glass chu hawng dâwn ila, kan sira ngawi runa ṭhu, ngun taka hmalam en ngurtu hian a duh loh ka hläu ve ang reng bawk si!


Ka lungphu lah chu a hma ai mahin a phu rang zui lehnghal, thawk pawh ka thaw ṭha thei hleinem maw!!!

A car-a ka lut ta kher kher chu ka inchhir rum rum mai dâwn alawm maw le!


"Tunge awm a?" Ka phu nasa ropui lutuk.


Min rawn melh zawk, ka lo meng phar awn mai chu hmuin, hnar tum datin, "hahdam rawh, ka ei zo lo ang che" bul zet hian a ti zui hluk, amah pui roh hi a ni sia ka hahdam theih loh chhan.


"Ka nau te an accident a ni awm e," ka sawi zawngin ka hmul thi a ding sung sung thei. Accident sawi leh hriat hi chuan ka chiai vek zel. Ka pa chunga thilthleng tawh a nih vang a nih ka ring.


Ka kut chu ka Mal inkarah nghet takin ka chelh bet a, ka rilru-in ka ṭawngṭai mawlh mawlh bawk.


Ka awmdan a hrethiam a ni ngei ang, a ai chakin a khalh zui a, a chak leh lutuk zawk, minti hläu zawk dâwn alawm!


Rei loah Damdawi In kawtah min dinpui ta reng a. Kawngkhar hawng rawk rawk a lawmthu sawi chuan, ka zuangthla a ni hrim.


"Dinsang..." Ka hawi let, ka kalna lam lo dik lo niin, a kawhna lam chu en in a tlânin ka tlân a.


ER ka luh rualin ka nau hmel hmuh tumin ka hawi nghal vut vut, "U...." Ka hawi dawrh, chak taka alam panin, "engtin nge i awm? I khawilai nge nâ?" A bân nâ leh taksa dang en kualin ka her kual a.


"Ka ṭha, ka bân hi ka ti pilh deuha a ni mai," ka bengin, ka chum zui dawt dawt.


Doctor leh nurse, midang awm ve ho pawh ka zah zo lo, "mintih hlauh zia i hria em?" Ṭah aw ṭuau chuan ka ti ṭhat.



Ka mittui a tla lek lek, "tihpalh, tihpalh, min chum tawh lo teh," nui huk huk chungin ka kut chu a kut na lo lamin a chelhbet a.


Na deuha melhin, "eng nge doctor-in a sawi?" Ka ti bak leh hlak, midang awm ve ho an lo nui ṭhu tih ka mit sira ka hmuh rualin lai ru leh deuh takin, "hliam dang i nei lo bawk tiraw?" Ka ti zawi ta sep sep a.


Nui huk huk chungin, "nei lo, ka ṭhianpa bike ka khalh chhinsak kha kan chesual palh alawm," ngaihdam min dilna mitmeng nen a a tih chuan ka thaw chhuak hak.


"Bill ti fel ila kan haw dâwn nia," kawng tluana hlauthawng leh thinrima ka awm vang nge ka taksa a chau hnawk thei.



"Doctor Maen," Bill ka pe zo kan chhuak tur chu, ka Nu enkawltu Doctor ka hmu hlauh, ka pan vat a.


"Duata pawnaah min lova nghak rawh Doctor hi ka'n be lawk ang e."


"Eng nge nita a?" Ka sawi tawh em, Rammuanawma ṭhianpa, ka phone ka lâklet ṭuma mipa, "a ṭap dâwn," minti tu kha ka Nu enkawltu ber Doctor a ni tih. Rin loh lam daihin biak a nuamin dam lo a ngaihsak em em a, dam lo chhungte thleng hian biak hreawmin a awm ngai lo hrim hrim.


"Ka Nu dinhmun eng nge a an, inzai thei dinhmunah a ding tawh em?"

Min en deuh vung vungin, a lu hi a thing a, ka lo thaw chhuak hak, a taksa a chak lo tulh tulh mai hian ka hria, chu chuan minti hläu ru ve takzet.


"A taksa a chak lo êm mai Dinte, inzai chi a la ni lo. Chemo pawh hi a la ngam ang em tih ka ngaihtuah a," Doctor Maena chu ka en chho haw mai.


"Chemo hian a taksa a ei chhe ve dâwn a, chu chu a zawh loh ka hläu deuh a," a ti ve leh mai bawk a.


Beidawng deuh hian, "Chemo hi ṭan tak tak ila engzah vêl nge kan sen ang. Tin, ka Pa therapy te nen?" Thin phu dep depin ka en chho kar mai. Sumbâwma chhungkaw sum neihzat, chengkhat pawh hmaih lova hretu nih chuan, tuma hriat thiam phak loh hian mang hi a ang ru takzet zel.


"Ka sawi mai thei lo kha chu Dinte. Mahse, pre-surgery Test Cost-ah mai mai pawh a lo berah Singnga aṭanga Singruk hi chu inla seng ang, Chemo leh inzaina vêl sawitel lovin aw. Inzaina ngau ngauah hi chuan Rs.250000% vêlah dah ila," fiah tak leh sawisual hläu tâk maia a ti leh kauh kauh mai chu, thawk lâk pawh a ngam tawh hleinem maw le!


"Ka läwm e," ka aw pawh a chau rawih thei.


"Sumah i lungngai a nih kha, a dama te hi in enkawl ila kan thawk chhuak ve mai alawm," ka dárah rawn beng thakin, nui vur vur chuan a pensawn a.



"Chutiang zat pawisa chu khawiah nge ka hmuh ang, ka Pa therapy pawh hi la tawh lo dâwn pawh ni ila, ka Nu zaina tur leh enkawl zelna tur nen, khawia pawisa nge chutiang zat zat chu ka hmuh ang ni...." Ka rilru in pawisa hmuhna tur leh hna tur ka dap kual nghal riau riau a.


Mahse, ka hna, ka hlawh leh pawisa neihsa zawng zawng belhkhawm pawhin ka daih lo tih ka beng awmna ka chian tlukin ka chiang bawk si!


"U....U...." Ka harh zawk, "Aw..ah.. Haw ang," ka ti bah nawk nawk.

"Saw! A nghak che," a enna lam chu ka en ve nghal a.


Car ngheng chunga ding Rammuanawma en haw chuan, "ila haw lo em ni?" Ka ti hlawl. A haw daih tawh ka rin nen.


"Lut rawh u, ka thlah ang che u," a inher vut, "taxi kan la mai ang," ka nau banah ka chelh nghal vat a.


"Ramdinsang, tihmawh viau suh," a thu hnial a duh loh theih zia chu a aw ki hniam leh bul zet mai, mar ṭha zetah chuan a lang chiang thei teh e!


"Kan tibuai....." Ka tih laiin, "Bawiha..." Kan hawi vat.


"Aw haw! Dinte, inla haw nange?" Dr. Mandy-i, Rammuanawma bulah dingin inti neitu deuh chuan a bânah a chelh zui zat a.


Engtin emaw ka lo ngaithei lo rù in, ka lo ip ve chawih ringawt lehnghal. Ka awmdan chu duh viau lo. 'Ka ngaihdan hi ka duhdan a ni lo,' tih ang vêl a ni tuna ka awm rûk dan hi!


"I Nu inriahpui dâwn lo em ni?" A ti leh zat.


Ka lu ka thing mat mat, hetiang hian kan hmù thei lo, kan ti mangang mai mai, ka Pa-in a hmuh hun tur pawh rilru ah a in kam urh a nia!


"Ka nau hi a inhliam palh alawm maw le," ka ti zo deuh chiah, "Aw haw! Heichu kan Sentei ṭhianpa kha a ni lo'm ni?" Rawn ti hluai tu kan hriat rualin kan bulah a rawn ding ve zat.

"U Mam," ka nau-in a ti sup. U Mami a tih chu keiai pawhin a zah hmel zawk, ka beng pawp dâwn maw ni?


"A bialnu U ka nia," a rawn nui säng, ka hrethiam chiah, ka nau melh chho zawkin, "a U ka nia," ka ti ve mai a.


"Kan kal dâwn em ni?" Dr. Mandy-in Rammuanawma a biakna chu ring viau lo mah se ka hre chiang viau mai.


"Ramdinsang, rawn lut rawh u," a bialnu zawhna chhang lovin min rawn ti leh hluk.

"In inhria amaw?" A bialnu chuan mak a tih hmel viau.


"Hre lo."


"Hria..." Kan chhanna in ang lo chu an vaiin min en hau mai.

Ka chhanna avang erawhin Rammuanawma hmel chu a ai nasa in a dur zual a, mit pawh a khap lo emaw tih tur khawpin min en ding leh rûn rûn tawh!


Sawtianga min en a piang sawn, ka lungphu chauh ni lo, ka hmulthi thlengin a ding sur sur zel a, ka ngaina miah lo.


"What's going on here?" Dr. Mandy-i lungawi lo ri leh mak ti ri chu ka hre tel.


Rammuanawma lah chu a kâ a chip hmak a, a bialnu makti hmel leh mitmeng pawh a ngaihven dêr lo.


"Ka Nu cousin a nia..." Khai!!!!


Ka nau a lo nui thut, khawi aṭangin nge chutiang thu chu ka ngaihtuah chhuah pawh ka inhre bîk lo ve a.


"Ummm, kan Putea a nih hi," ka nau chu a nui zui nghal kur kur a, keipawh chu ka nui ve ta ṭhu tho. Rammuanawma hmel erawh ka melh ngam tawh lo hrim hrim.


"Ohhh... I tûte tih sawita che, i U pawh kan damdawi in ah a awm tih i hrereng âwm sia," Dr. Mandy-i lah chuan nui ta var var chung leh Rammuanawma laka läwm viau lo ri tel chung chuan a rawn ti chhuak a.



Ka nau nuihza insum chu ka bânah nghet tawka chelhin, "Pate, kan haw mai ang," tih leh, "kal ang," min inherpui a rual zat.


Keipawh ka insum zo lo, "Pate," ti ve leh kher chuan ka inher a, ka inher dâwna a läwm lo hmel mawlh kha, ṭap tur hmel te a pu hialin a nia ka hriat ni.


"A hmel kha...." Ka nau chu a nui ang bawk bawk a.


"Ka hnek ai pawhin ka läwm zawk," nui bâwk bâwk chungin a ti zawm leh.


Ka nau nuih nasat lutuk vang nge, keipawh chu ka nui chhuak ve ta hak hak a.


Thui pawh kan kal lo, chak tawk hian kan sirah Rammuanawma car-in min rawn pel vuk, a thli chu mar ṭha tak a ni.


Ka nau pawh ka lamah a rawn zuang deuh dawrh a, nui tawp hmakin, "KÂIRUM...." Ring tawk leh thinrim tawkin a car chu ka'n auh khum leh ang nghek a.

Hepa mizia ka ngei zia hi pui tak a ni, a palen renrun nen hian a rilru hi ti chhe khanglang lutuk a, mite tâi palh se engtia tih nge a tum. Mawl lutuk mai!!!!


~><><>~>~>

Note : Naktuk ka chawlh zan aw. Sawitawh angin, Thawhleh zan leh Rinni zan ka chawl ang. 🥰


Show post links
Top

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2022, 12:49 pm

{ LOVE AFTER MARRIAGE }

By

Floria Laldansangi

Chapter < 6 >


RAMDINSANGI....POV

< Hospital >



"Nizan i mu nange?" Ka Nu awmna ward ka luh rualin a lo ti zat, a dam lo chung pawh hian ka hmel danglam hi a hria in, a hmu thei a nia aw!


Nu leh Pa aia min hrechiang leh chïktu hi an lo awm lo a nih dâwn hi!


"Mu e, tinge?"

"I mit hnuailam a val kulh kha."


Ka biang tawn tawna dawmin ka Nu chu ka nuih ta ringawt a.

Nizan zankhua in chhinkhat pawh ka chhing leh ta lo, Rammuanawma thusawi leh ka Nu damdawiin enkawlna leh in enkawl zel dân tur ringawt ngaihtuahin ka tlaivar leh ṭhak kha a nia!


Engvanga inneih sawi ri ta thut nge maw a nih ang? A hma zawnga min neih ai chuan min thah hial pawh pawi sa lo khan, tuna taka min neih a duh ni.



"I hna i tlai dâwn Mambawih," ka Pa rawn lutin a tih chuan ka harh zawk.


"I fanu hian ngaihzawng a nei a ni lo maw?" Ka Nu chu a nui vur vur.


"A awihawm loh thei e," uar fe hian ka lo ti a.


"Nei hlauh se la ka ti a nia," ka Pa lah chuan a ti awlsam et, bialpa neih sawi loh han melh taih pawh ka nei lo a nia!


Tunah rih chuan story-a changtupa te ho hi antawk rih viau, an rinawm ber bawkin ka hria!


"Ka kal dâwn, vawiin chu dár 5-ah ka rawn bâng dâwna, rawn tlawh haw che ka tum dâwn nia," tih leh pen chhuah ka rual nghal a, ka Pa in, "nizana bike nena rawn thlah haw tu che kha ka hria a nia," min au zui chu hawiletin, "a ni leu," ka hmui phuna tichuan ka kalsawn ta vat vat a.



"U Gos," damdawi in kawta U Gos-a ka hmù hlawl mai.


"Dinte, eng nge hetah itih?" Ka zawhna zawh tum mêk a ni.


"Ka Nu a awm â. Nangzawk?"

"Ka U in nizan khan nau a nei alawm maw le. Hna i kal nghal dâwn em?"


Ka bu nghat, "kal dun ila a ni mai alawm," a tih leh chuan, "nizan lah ka i thlah tir tawh che sia, a chi dâwn em ni?" Nuam lo ti deuh tak chuan ka ti a.


"Kan kalna tur a in ang tho tho alawm," tih leh ka bânah a rawn chelh zat a, ka ṭang buai leh ta lo mai, taxi la dâwn ila ka seng leh nual dâwn tho a, a free hi chu hnawl lo ngam zel phawt mai ang.


"I Nu chu eng nâ nge ni a?" Helmet minpe a, vuah pahin, "thin cancer," ka ti sep.

A helmet khum tur chawl meuh a min enin, "tihpalh lutuk, chuan a pawi hle mai. Pathian zarah dam vat turin duhsakna ka hlan mawlh mawlh," inthiam lo tih hriat tak hian a ti zui a.


Nuiin, "a ho lutuk. Ni e, Pathian zarah kan dam ve leh mai ang," a lo bu nghat.


U Gos-a zarah hna a hun takah ka thleng ve ta hrâm a; Mahse, nimin lam ang lo takin vawiin erawh ka rilruah thildang a awm tlat avangin, ka hnaah pawh rilru ka pe hleithei meuh lo chu a ni.


A changin engvanga inneih duhta thut nge a nih ang tih ka ngaihtuah a. A chang leh 'a ṭha daih zawk läwm ni' tia ngaihtuah chang ka nei leh bawk a, ka a ngaihtuahna pawh hi a inthurual thei meuh lo.


"Vawiin chu kan nula neih chhun a ngawi thei lutuka damlai lu a sûn emaw kan ti mai dâwn alawm," U Khawngaiha'n a rawn ti lawng lawng.


Ka lo en vat a, nui chungin, "ka thawm inhre lova, ser amu inthur meuh nange," ka sirah anrawn ṭhu thla sap sap.


"Niang chu maw le! Nimin lam te kha chuan 'tel thar e' ti lovin i zai rat rat a, vawiin lamah i ngawi leh ta daih sia," U Siama'n a tih chuan kan nui ho dar dar a.


U Gos-an min inti hrethiam takin, "a ai ka zai mai dâwn em ni?" Nui chungin a rawn ti ve vat a.

"Nangni pahnih hi dik lo a awm tlat, ri ret ret innei ni lo maw?" U Khawngaiha'n a tih rualin midangin, "nimin pawh khan an inphur haw a, vawiin an rawn kal dun leh bawk a, 'seat kan chang lo kan haw mai ta nge," min rawn fiam zui nak nak.


Thutaka laksak ta loin, "keini ang tán te chuan kan beisei ngam nang," ka ti chu an lo nui dar dar.

"Dintei bula awm hi nuam ka ti ṭan riau mai, hnathawh i chak bawk si, fiam i dawl bawk si nen," an lo bu tliar tliar a.



"Takan a, Dinte class XII kha 'ka pass' iti em kha'h," U Zemawia lam chu hawiin ka bu nghat a.


A phone ka lama rawn lek chhuakin, "hei, Govt. Venglai Middle School hian Season thar 2016 a mi tur zirtirtu hna dil theihna notice ansiam a, kan group-ah anrawn forward a, ka hre chhuak tlat che, han dil ve chhin teh, 12 i pass ṭha bawk si a, i hmu mial mai thei a sin," a rawn ti hluai.



A phone chu ban vatin, "min lo share teh a, tihchhin pawh pawi ka ti miah lo," ka hmuh hlauh chuan a lawmawm dâwn em a sin. Lawyer ka nih theih loh rau rau chuan Zirtirtu nih hi ka tum zinga parukna a nia!!!



"Ngawiteh! Dinte, class XII engtik kumah nge i pass ni?" U Khawngaiha'n a rawn ti ve hluai a.


"2012 khân."


"I ni khan ka hrereng a, Mizoram pumah pahnihna inih kha maw le. Ka tunu hi pathumna a nia, Mark 6-in a umphak lo che a, a ṭap nasa khawp a sin," a rawn ti leh ta hliai hliai a.


"E khai! I lova bawn ve Dinte," min lo fiam nghal liam liam, college ka kal loh chhan te minzawt zawm zel chuan, ka thiam ang angin chhungkaw harsatna avanga chawl ka nih thu te ka sawi ve liam a.


Kan titi bawrh bawrh laiin chawlh hun a lo zo leh dêr tawh, ka bân hma dâwn bîk avangin tha tho taka tho chhuakin, "Khawnge, keimah Zokhawthar nula chak Ramdinsangi hi han che leh tak tak ila a ni mai alawm," uar deuha ka tih chuan nui hawk hawkin anrawn tho ve sap sap a.


"Hnadang pawh zawng duh lo mai la, tihian i thawk ho reng mai u," U Zemawia'n a rawn ti chu kan lo dur dur.


A châng chuan ei tur vek mah nise box pakhat chauh pawh hi 9kg-10kg te a nih ve ṭhin avangin a rit chu ka ti ve ṭhin, mah se ka thawhpui te hi anfel khawp a, vawiin pawh hei a rit deuh ka chawi dâwn chuan min awl zel mai, a i thlahrunawm mah mah zawk.



"Karlehah kan inhmu leh hlawm dâwn nia aw," ka haw tur chuan ka ti lang lang, anni aiin ka bân hma avangin ka hawsan ta hlawm a.


Inbual pawh inbual hmasa lo chuan taxi laiin damdawi in lam chu ka pan vang vang.


Ka Nu damdawi In a awm hi ka awmpui tam lo lutuk a, hun ka neih chuan a tam thei ang ber awmpui ka duh ve.


Damdawi in kawtah chuan taxi chu a ding a, chûan man pea chhuakin, ka chhuah ruala ka aw hriat erawhin chawpchilhin min pawt let tu awm ang maiin min inher tir.


"Di...." Chu aw chu, ka hriat fo tawh ṭhin, ka theihnghilh ngai miah loh aw a ni.


"Di..." Tia koh ve leh mai ka tum a, hriat chhuah ka neih avangin ka kâ chip leh ta zawkin, ka lampan a rawn pen mêktu mipa chu mit khap fak fakin ka en mawl tawp a.


"I dam em?" Ka hmaah dingin, hmana ka hmuh fo ṭhin mipa nunnem leh ngainatawm tak mitmeng nen ngei chuan min en a, mawi ka lo tih ṭhin em em a nui hmel chu min hmuh säng bawk.


"Nunsang...." Ka ti chhuak sap chu a lo nui ri huk a, "i la danglam lo a nih hi," a tih chuan ka awmdan atthlak zia ka hre chhuak nghal.


Inthing harh vatin, "eng nge hetah itih?" Ka zawhna a dik lo, mah se ka zawt laklawh tawh.


"Nimin khan kan rawn thleng a, i Nu damdawi inah a awm tih ka lo hria a, rawn kan ka tum," engmah thleng lo ang maia a awm chuan, ka tum miah lohin minti thinrim ru nghal ṭau.


"Kan" a tih te lah chu ka hre ring bîk riau lehnghal . Mahse, ka thinrimna erawh tihlan tumna ka nei hauh lo thung, a phu pawhin ka hre tlat lo a tinni.


"A ṭha tawh e, i rawn ngaihtuaha a lawmawm hrim hrim, ka luhsan ang che," pangai taka tiin ka inher a.


"Min la hua em ni?" Ka ding dat.



Zà vak lovin ka nui ta tawp a, "ka haw hman lo che, huat lah ka haw ngai hek lo che," ka inher a, mitmeng dul raih hian min lo en ran.


"Min la theihnghilh lo a ni tiraw?"



Ka lamah a rawn pen hnai chu tawlhsawn pawh ka lo tum bîk chuang lo, kawng kal leh vaivak awm neuh neuh chuan min en duh viau lo lehnghal.


"Inbia ang," tiin amah zawk chuan ka ṭan hman hma hauhin min pawt kal ta dat dat a.

Ṭan buai viau pawh ka tum lo, ṭawngkam leh hmaichhana chinfel a pawina awma ka hriat loh vang pakhat a ni.


Unau hmel hai hunlai a nih avangin vaivak antamin motor lut chhuak a tam nen, nula leh tlangval chutia kan inkai ta hlawk hlawk chu min en haw haw tawk an awm nawk mai, damdawi in kilkawm lai deuah chuan min pawt lut a.


Ka hmaah dingin, min en deuh vang vang, keipawhin engmah ka sawi bîk chuang lo, sawi ṭan dan tur leh zawhna zawh ṭan dan tur ka hre tlat lo a ni.

5mins dâwn kan dinhnuah, "min la hua em?" A rawn ti leh sup a.


Ka lu ka lo thing vat, en chho kalhin, "ka haw ngai lo che ka tih kha, mah se tlawm erawh ka tlawm a ni," ka ti chhuak, ka ngaihdan diktak a ni bawk. Message kaltlang leh chhan awm lova min ṭhen kha ka tlawm takzet.


"Min la theihnghilh lo a ni tiraw?" a zawhna ngai bawk chu min zawt nawn leh a.


Kûna inherin, dam lo vaivak leh mipui vaivak lam chu hawiin, "theihnghilh che hi ka tum ber a ni lova, hriat reng che pawh ka tum chuang lo," ka tawp dat a.


Ka bula ding ve reng Nunsanga chu melh chho zauhin, "mahse, thla tamtak kha chu i insawifiahna ka lo beisei ru ve ṭhin. Min ṭhen chhan tur ka ngaihtuah a, thil tamtak ngaihtuahin, ka thiam lohah ka ngai hman hial bawk. Mahse, i nupui nena kum 1 leh thla 4-na anniversary inrawn lawm chiah khan, ka ât ṭhin zia ka hre chhuak a, ka dik tih leh dik lo chu nangmah i ni tih leh, kan Inzawmna, kan thutiam phatsan hmasatu pawh nangmah tho ini tih ka hriat hnu erawhin, inthiam lohna ka nei tawh lo," ka thaw chhuak zui ham ham.


Min rawn din hnaih leh chu ka lo tawlh zui hrut a.

"Di, i tel lovin ka hlim zo lo' ti ila engtin nge min chhan ang?"


Mak ti fe hian ka en chho, mak ka tih chhan erawh, hlim zo lo nise hmanah, ka tána a rinawm loh tirh khan a hlim lo a ni tih a sawi tawh ngei ang. Chu chu Lalnunsanga mizia a ni bawk.

"I fiamthu em ni?" A lu a lo thing a, "ka theihnghilh ngai lo che, hriatreng tlak ka ni lo tih ka inhre chung pawhin min hrereng turin ka duh tlat si che a," ka kut a rawn chelh a.


"Ka hmangaih tawh lo che,' Ka tih ni chiah che kha a ni, keima thinlung ngei mai ka bumna ni hmasaber chu, kha hun kha her let leh thei ila, tawng leh zawk ni ila, i hmangaihna chu engtianga to leh hlu pawh nise ka neih ngei theih nan theih tawp ka chhuah ang tih ka chiang," a ti leh sup sup.


A aw chu nidng zawng aiin a thutak a, a inchhir tak tak te pawh a nih ka ring.



Mahse, a hma ang kha chu nise ka ngaidam ang a, ka kuah ang a, ka ngaihthu leh ka la duh thu ka hrilh ngei ang, mah se a ni tawh lo. Tin, pangai taka biak a, en ka duh tehlul nen, vawikhat pawh a kâ aṭanga ngaihdam dilna chhuak lova, ka nuna rawn let duhna a nei leh a sawi ngam chuan minti thinrim ṭau thung!


Min vawnna chu la letin, "hetiang hian tisuh Nunsang, kawng dang i thlang tawh, keipawhin kawng zawhlai ka nei ve tawh. Bakah, i duhthlan tur ka ni lo, tu mipa duhthlan tur mah nih ka ni ngai hek lo ang," a tawp lam chu chu duh aiin a kha, mit ka chhing sawk a, thaw chhuak hawkin, a thusawi pakhatmahin min sawinghing pha tawh lo a ni tih hria a, mak tihna nena min entu chu ka en let kalh bawk.


Mahse, zep tur a awm lo, chhungrilah hian natna lai ka la nei ru tlat thung. Ka beisei ngaihdam dilna ka hriat loh vang te pawh a ni mahna!

"Mumal taka inthlahna neihpui che ka duh mai chuah a ni, ka lakah erawh engmah beisei tawh suh. Phatsantu i ni a, ini kumkhua tawh bawk ang," ti leh sep sepin ka pensawn a.


"Min hmangaih tawh lo tih i chiang maw? I la nâ a ni lo'm ni?"


Ka ding a, za vak lova nuiin, ka bu nghat, "a dik alawm; Mahse, phatsantu avang erawhin natreng ka tum lo, i hriat ṭhin hmeichhe âwm nêm tak kha a awm tawh lo Nunsang. Ka tuara, ka tuar mêka, ka la tuar zel dâwn, mah se phatsantu avanga ka tawrhna erawh ka tuar chhuak dâwn a ni tih ka hre chiang viau thung," hrawk na ṭeu chuan ka chil ka lem khalh a, thaw zui kawkin, "kan pahnih inhmangaih ṭhinna kha chu 'hmangaihna lungchhiatthlak' tiin ka lo hrereng tawh zawk a sin," tih zawm leh sep sepin ka kalsan ta hlawk hlawk a.


Min la enzui reng a ni tih ka hria, ka lo duh em em ṭhin mipa a ni a, nunhlui kan sawi chhuah chuan minla ti na ru ve em em nachungin, a hma ang em em erawhin ka tuar na tawh lem lo, ka chhungril khawi emaw lai erawh a hahdam ta suaiin ka hre thung.


Reitak ka lo nghah tawh, hmaichhan ngeia ka rilru ngaihtuahna, ka ngaihdan ka sawi vang te pawh a ni mahna le!!!


"Mambawih.." Ka Pa ward pawna lo ṭhu kun ngal lam chu ka pan hnai vat a.

"Pawnah tinge i awm a?"

Ward lam enin, "i Nu oxygen anpe mêk a," a tih chhuah hap chuan ka Pa chu meng kawkin ka en nghal.



"Zingkarah te chuan a la ṭhat viau kha," ward lam chu ka pan hnai nghal vat a.


"Doctor..." Dr. Maena leh Mandy-i rawn chhuak dun chu mitmeng buai deuh nak hian ka lo en a.


"Pre-surgery test neih tir pawi ka ti tawh miah lo, zai tur a....."


"Ni lo, Chemo a lâk loh chuan a taksa hian a tlin dâwn lo, a vawikhatna pawh tikhawp hian a chauhpui a nia, ka remti miah lo," Dr. Mandy-i leh Maena rawn inhnial chhuak bap bap chu ka hau hian ka lo en ringawt a.



"Dinte, vawiin khan chemo kan khai ṭan a, a taksa hian a zo lo ni in a lang, mah se hlauhthawn tur a awm tawh lo e," ka hriatthiam theih dan tur ber chuan Dr. Maena'n min hrilh a, chhan mai nachang pawh ka hre lo.

Ward chhung lam chu ka melh ngat ngat, ka Pa pawh chu ka sirah a rawn ding hnai a, "zai ila a na tih hi a reh ang em Doctor?" A rawn ti chhuak hap.

Ka Nu na tuar hmel hmu nasa bertu a ni a, vawikhatmah a lungngai hmel hi ka hmù ngai lo; Mahse, nizan aṭang khan ka Pa hmel hi a hma angin a hlim sarh tawh lo mai ni lovin, a ngaihtuahna a hmelah ka chhiar thei ta tlat mai. Chu chuan hlauhna nasa tak minpe ru tlat bawk.


"Ka sawi tawh ang khan a risk a säng lutuk a ni Pu Zel," Dr. Maena'n tiin, tunah chuan a pangai chho alawm, Dinte, ka be thei che ang em?" Dr. Mandy-i enin ka pa ka en leh a, "kal rawh, i Nu ka lo awmpui ang," a tih chuan ka Pa kuahin, a chhipah ka fawp vang vang.


Ka pa mit meuhah manganna leh hlauhna ka hmuh chuan minti na ve vawng vawng.


Rang taka kalsawnin ka mittui rawn lum thlà pup chu ka hru zui vat a. A tam thei ang ber boruak ka hip kawk kawk bawk.


Ngaihtuahna a kalthui nghalin, a chhe ber thleng turah thinlung a in dah nghal rawk rawk a, 'ka Nu hi awm ta lo se, ka Pa hian engtin nge a hringnun a hmanral ve tâk ang?' Tih thleng chuan rilruah a rawn insulpel nghal zut zut mai. Chu chuan minti khur ve lek lek lo chauh a ni.


"I ṭha meuh maw?" Ka mittui ka hru vat a, canteen chhunga ṭhutna awm hmasa berah chuan ka ṭhu thla a.


Ka hmaah Dispo (disposable)coffee no hnih keng chungin a rawn ṭhu ve a, "lungai lutuk suh, i Nu awm ang te hi chu anni ang tán chuan a dân ve tur a nia," a aw dam dap chu ngaihthlak a nuam takzet.

"Thudang daih zawh che ka duh a," mit hnawm chap chuan ka lo en kiau.


"Nizan khan Rammuana kha i Nu cousin iti si a, i Patea leh daih sia, in inhre tak tak êm?" Pehhel kualna pawh nei lem lovin a rawn ti a hmiah a, a thusawi dân tlang lutuk chuan minti phu zawk.


Ka meng deuh awk a, rei erawh a ni lo, "Aw..ahh, ka ko sual a nih dâwn chu," ka ti deuh nak a. Ko sual pawh ni ila, a âwm lo hran lo, Inzawmna nei miau hek lo i le!



Mahse, Dr. Mandy-i lakah chuan ka inthiam lo ru viau thung.

A rawn nui ta hak mai, a ngaihna hre lo deuh hian ka lo en heu chu, "Rammuanawma chhungte hi ka hre ve nual a," a rawn tih leh takah chuan ka dawtsawiah chiang taka man ka ni tih ka inhre nghal. Nuihluih ngial ka tuma ka thei ta dêr lo, Dr. Mandy-i mitmu fing tak mai ka chungah a fu tlat a tin ni.


"Dawtsawi i thiam lo hle mai Dinte," a nui zui kar kar a.

Sawi mai tur pawh ka hre lo, zah erawh ka zak ru ve chem chem reng. Kan inman chiang lutuk a!

Nui chunga coffee tem hlekin, min en deuh reng a, "nangmah hi ini," a rawn ti leh, a thusawi chu hrethiam lo tak ka ni.

"Tu maw?" Tih ena ka en letna chu minchhang lovin.

"Engtin nge in inhriat a?" A rawn ti leh a.


Zep neih ngaia ka hriat tawh loh bakah dawt ka sawi leh a nih chuan ka inti zak mai mai dâwna ka hriat avangin, "a Pu nen hian kan inhria a, Rammuanawma tak phei hi chu a hranpaa hriatna ka nei lo," pangai takin ka ti ve ta nge nge a.


A bu nghat nghat, min ringta a ni ang, "awih a har hle mai," ka hriat tura sawi pawh a ang lo, amah leh amah inbia a ang mah zawk. Eng chu nge maw a awih loh ngawt hrim hrim ni?


"Ka hmaiah thil kai a awm em ni?" Ka harh zawk mai, ka lo en reng chu niin.

Coffee chu in ve vatin, ka buai lohna tawp tur zawhna zawh ka chak tlat pek a, "engtia rei nge in inkawp tawh?" Ka zawt ta tho mai.


Nui chung hian min en deuh vung vung a, hmeichhia ve ve mah ni ila ka zâm ve lek lek reng, "engtin nge ka sawi ang aw," ti deuh vung vungin, coffee chu a lem leh hlek a, "kan inzawmna hi i ngaih ang a nih loh ang bawkin, i ngaih ang aiin a thuk," a chhânna awmzia ka thluakin a manpha ta dêr lo. Ka en heu ringawt mai.


A ṭhutna aṭanga dingin, "ka hawsan ang che, ka shiff hun a zo a," a ti leh zat, ka buk khum nghat ringawt a, Rammuanawma nena an inzawmna a sawilai a a hmel kha a nelawm vak loh, ka ngaihbel nge phei chu ka hre law.



"U...." Ka nau canteen-ah a rawn lut, ka lo tho ve chiah bawk a.



"Chatuantawia kha i hmu em?" Coffee no chu paihin, "Tu maw?" Ka en chho zauh a, ka pensawn pah bawk.

"Kumkhawtawia," a ti leh, "Hmingthansang, mi hming hi i duh duh hian phuah suh, an hming pangaiin sawi rawh," ka zaidamna hian a tlin ṭhin lo, tu tu emaw hi hming lem mak deuh deuh hi a pe a, keipawh hi min ko leh ṭep tawh ang.


"Ṭekhmuam," ka melh nghal vak, ka sawi reng kha!


"I bialpa hlui kumkhawtawia," a nui zui huk huk, Nunsanga a tihna a ni tih ka hriat rualin zà zet chuan ka nui chhuak ve ta a, a inhmeh ka ti leh ang lawi bawk sia.


"Mi karah te i ko ang e, a läwm dâwn lo a nia," nui chung a tiin ward lam chu kan pan a.

"I inthlah zan khan, 'vàna arsi ka chhiar zawh hma khi chuan ka hmangaih ang che' te kha a tiin ka hria. A chhiar chak khawp mai, nge ni a, shillong-ah arsi a lang ve ngai lo zawk le?" Ka nau en chho chuan zà zetin ka nui chhuak a, ka kâ hup leh vatin, "i nghal lutuk," nui chung chuan ka ti chhuak vur vur , a lo nui ve kur kur tho.



"Mate, i ṭhianpa rawn chhuak chiah kha i lo hmu em?" Ka Ni-in a lo ti chuan kawngkhar lam hawiletin, "Tumaw?" Ka ti deuh hû a.


"Chatuantawia ka tih chu," ka nauin a tih takah chuan, "aw hmu e, a rawn lut zâwk em ni?" Kan inbiak zawh khan a haw daih ka ring a nia.


"Hei, i Nû ei theih tur ang te a rawn lei a, a fel khawp mai," ka ni chuan a fak hliai.


"A lung a rawn lêng a ni lo'ng maw Mambawih?" Ka Pa lah hi a.


Nuihza vak lovin, "nupui a nei tawh alawm Pa," ka lo ti deuh hlak chu, ka nau nen chuan annui dun hawk hawk a.



Ka ni lahin engmah hre lo tih hriat zetin, "a hrim hrimin Mate, ngaihzawngte kha i nei ve emaw ka tia, Doctor kha?" A rawn ti ta deuh deuh, ka chhungte hi chu aw!


"Kumkhawtawia ka tih chu Ni, kumkhuaa rinawm turin nupui a neihsan," ka nau chu a nui zui kur kur, ngei deuha melhin, "ngawi mai maiteh," ka ti hlar bawk a.


"Mate, zanriah ila ei loh kha haw tawh rawh u, hei a tlai tawh êm mai," ka Nu a rawn meng, kan pan vat.


"Eng nge i an?"

"Ka ṭha lutuk, haw tawh ru, inbual te inbualfai rawh u," a ti tham leh ṭiak a.


"Ni e, zanin chu Duata riak sela, thawhṭan lamah a haw tawh dâwn phei chuan," ka Ni-in a lo ti ve vat.



Ka Pa-in a hnial bakah ka Nu pawhin awmpui a ngai lo a ti viau nachungin Lalduata chu kan kalsan ta tho a.
.
.
.
.
.
"Eng nge i bih ngur ngur ni?" Ka phu nasa lutuk!!!



"U Gos.." Läwm vak lo ang maiin a chal a lo ti chuar nang a.


"Ka lo lêng dâwn ka tih kha," ka sira chair pawt chhuakin a ṭhu ve zat, sitting room lamah ka Ni-in chanchin thar a ngaihthlak avangin choka lamah ka ṭhu daih kha a nia.


"Eng nge i chhiar ni?"

Ka phone dawhkana dah pahin, "thawnthu ka lo inti chhiar a," ka ka chhiar ja inti ve tak nâ-in, rilruah luh erawh a lut mawh khawp mai.


"Tunlai chu ka nau te ho pawh thawnthu an buaipui nasa khawp mai a, a ṭhat lohna em em ka hre hran lo nâ-in an exam hnai tawh nen lehkha zir anti khailak tlata a buaithlak riau mai," a nui vur vur.


"A hunlai hi a awm ve a nia, keipawh hei kumtir lam aṭanga khan ka chiar ṭana hun awl hnawhkhahnan a ṭha ve ruai a sin," a lo nui vur vur a, "chu, Zoramchhana antih te pawh i atchilh ve hle dâwn a ni maw?" Ka nui chhuak thut.


"Khawi aṭangin nge i hriat a?" Ka nui reng.

"Ka sawi kha, ka nau te pahnih hian an atchilh lutuk alawm," kan nui dun hak hak.

"Hetiang a nih chuan thawnthua changtupa an lal zawk mai ang a," a tih zawm leh zat chu kan nui dun ta kur kur a, a ni thei dâwn viau mai.



Thildang dang te sawia kan titi liam hnuah, "ka haw ang e, a tlai tawh êm mai?" A ding nulh a.



"A la hma alawm le."


"A khai! Zandangah lo len a inthlahrunawm lutuk ang," ka lo nui ve sun sun.


U Gos-a ka vai liam, inchhung ka luh leh rualin, "tlangval fel tak a sin Gospel-a kha, engtin nge i hriat ni Mate?" Ka ni in a lo ti a.

A bula ṭhu thlain, " i hre ngai em ni?" Ka ti let deuh haw a.


"Hria ang chu, kan inṭhenawm reng alawm, DJ Foods company neitute annih kha," a tih chuan phawk fe hian ka en a, "i chiang maw Ni, Daily-a ka inhlawhpui alawm," ka nuih a zà lek lek zawk. A hresual lutuk a.


"A khai! A neitute fapa neihchhun a nih kha, amah a fel a, mi hausa fa ṭhenkhat anga inla chi a ni ve lova, a insawi lo mai mai a niang, an chhungkau hi chu an ṭha hrim hrim, an in ngaitlawm bawk si," a ti leh duah, mak ka tihna ka thup zo lo, "a van mak ve!" Ka ti chhuak hao ringawt a.


Kan zingah ṭhuin a titi ve bawrh bawrh mai zel hian ka hria a, hnathawhah lah nise a taima mà a ni bawk nen, rin a har takzet.


"Sawita daih ila Mate, i Nu chemo a la ṭan tawh mai si a," a sawitum ka hria, ka lo thaw hak, ka ke sofa chunga hlangin ka ṭhutdan ka siam rem a, ngawi deuh vang vang chuan, "Ni, pasal ka nei dâwn," ka Ni lam ka hawi a, ka fiamthu emaw a ti a ni ang a rawn nui chhuak hak a, "thutak dâwn lai a," a ti zui vur vur.




Zà vak lova nuiin, "Pu Kamlova tupa a nia," ka ti leh chu a nui hmel tawpin, "i Pu ṭhianpa kha maw?" A rawn ti ta a, ka lo bu nghat.


"Ngawiteh, i Pu nen khan thutiam annei dun khan ka hre tlat mai, i sawi takah chuan. An tu hmasa ber ve ve kha inneih tir an lo tum a ni âwm a, a hunlai khan a tupa khan ngaihzawng a neih bakah nupui nei mai tur khan a sawi si a, tunah a tupa nupui atan a rawn beisei che em ni?" A aw ah chuan lungawi lo ri ka hre thei.




"Beisei pawh a awm hran lo, a tupa zawkin a nia inneih sawi ni," mak a ti tulh tulth tih a ṭhut ṭhat surh surh danah leh ka lam a rawn hawi ṭhat danah ka hre thei.



"Tunge a hming kha'h?" A ngaihtuah deuh vang vang a, "Aw Rammuanawma. I hrechiang amaw Mate, mipa hlauhawm tak a sin a nih nu," a ti ta a.


Kei erawhin eng eng a sawi awmzia hre lo tak hian ka lo en haw ringawt a, thaw han la in, uluk taka min enin, "hnaih pawh hnaih lo la ka duh hle mai. Tualthah tum thubuai awrh tawh a nih tih i hre lo em ni?" Thutak zet hian a rawn ti leh a, mak ka tih em avangin ka kâ ka lo âng hau ringawt a.


"Eng nge i sawi chu?" Ka ti chhuak haw bawk, kan sawi a in ang ta lo emaw ka ti mai dawn alawm.


"Pu Kamlova tupa maw le, a nupui hlui pasal thar a sawisa hlum lo chauh alawm, Hotel-a an va hmuh khan a hnuk a chat emaw anti zawk a," a ti leh siam siam.



A sawi lai te chuan ka lung hi a lo phu dep dep ve ringawt nia maw le.


A nupui hlui Florence-i nena an chanchin chu U Hnemi khan a sawi ve nual tawh a, ka hre ve nel nual bawk; Mahse, chutiang takin buaina an lo nei nasa tih ka lo hre lo hrim hrim.


Mak tak maiin a tihchhan ka ngaihtuah a, han demna em em ka nei miah lo, mipa a ni a, a nupui uire a hriat chuan thah hial a chak a nih pawhin a demawm hran lo ka ti ve tlat.


"Annu te kha kut a thlak ṭhin hial a nia ka rin ni, chuti ni lo se naupanlai aṭanga inkawp tawh kha tia a uire thut chhan tur kha a awm lo reng reng," ka Ni bawkin a tih zawm leh niah niah a, a thusawi erawh rindan tur ka thiam loh laiin, ka chhungril hian chutiang mipa turah erawh a ngai miah lo tih ka hre thei.
.
.
.

Zankhuain ka Ni thusawi chu ka ngaihtuah zui rauh rauh a, mipa kut ram ve tak a nih tih ka hria, mah se a hmeichhe hmangaih, nupui atana a neih hial khawih duh tur êm chuan a nunrawngin ka hre tlat lo.


Ka awmzia hi ka hrethiam tawh lo, ka chhungril hian hepa ka hriat ngai pawh ni lo, ni reilote liamtaa ka hriat, thla tam pawh ka ka hriat loh hi, han haw viau mah ila, ka chhungrilin misual tak a nih ka ring lo ve ringawt chu mak ka tiin ka inhrethiam lo takzet a ni.



Ka chhungte dang inkhawm turin an insiam nak nak hlawm a, "i inkhawm dâwn lo em ni?" A vawithum min zawhna a ni tawh, ka inkhawm lo tur chu a ngaithiam thei lo deuh a niang.


Nui chungin, "kan tlar kan chawl a," ka ti chu lawm vak lo tih hriat takin, "i pa hi inchhun lutuk a, kan Rohlua pawh hian i pa a chhuna a inkhawm khat ṭhin khawp mai," âng pah deuh chuan a ti hlak hlak a, Rohlua nen in enin kan lo nui ru tut tut ringawt.



"Dinte, vawiin nilengin inah i awm dâwn em?"



"Aih, awm lo ang, chhuahna tur ka nei a," U Siamipuii zawhna chu ka lo chhang vat.


"Pawimawh a awm em ni?" Ka tih zawm a.


"A pawi lo mai. Rohlu, dár 1 vela ka rawn la hawn loh chuan Leon call la, Cafe lo hawnpui ang che."


Inkhawm tura an chhuah hnu rei loah keipawh ka thawmhnaw thlakin chhuah ka tum ve nghal a.

"U Dinte, kha tia chhuah kha i tum em ni?" Ka in enkual nghal thuak thuak a.


"Dik lo a awm em ni?" Rohlua chu ka en let hê a. T-shirt var hâ-in, jeans high waist, light wash, tigh lutuk lo ka hak chu inhmeh ka inti ve viau a sin.


"I thawmhnaw hak ka sawi lo," a nui zui ṭhu, chu ka hmui lo ti pawrh vakin, "sawi ta che, dik lo a awm emaw ka ti dawn alawm," ka ti chu nui huk chungin, "min lo nghak rawh, damdawi in ah ka hruai ang che, kalna tur ka nei a keipawh," tiin a tho nulh a, ka hnial leh ta lo mai. Free hi chu hnial loh ngam a ṭha ka tih kha.


Ka sam chu säng taka tawmin, ka phone ka phawrh a, U Hnemi ka call chu ka rin lawk ang chiahin Rammuanawma neih ka la tum ṭalh em ni tih min zawt nghal chat mai. A awmna lai vêl a sawina chu ka hre leh ta miah lo bawk.


Aizawl veng neuh neuh tam lutuk hi, keini ang thingtlang lam mi tán chuan a buaithlak lam deuh a ni.


"Hlua, a veng awmna a sawi hi i hria em?" Room aṭanga a rawn chhuak phone ka lo pe rawk rawk a, "eng maw?" Ti deuh hû a phone en in, "hello," a ti zat bawk.

"Hria e, ka kalna tur alawm," tih leh phone min pek let a rual a, U Hnemi bula lawmthu sawi leh Pu Kamlova pawh ka tlawh vat tur thu sawi chuan kan inbiakna kan ti tawp a.


"Hlua, engtin nge ka lawn dâwn?" A bike khân säng lutuk chu chûan huphurh zetin ka en a.


Nui ruh ruh chungin, "ka dárah hian rawn chelh rawh, ka lo pui ang che," a nuih a zà hle tih ka hmu thei.



Kei Mizo nula 5'4ft vêl tán chuan hetiang em ema khân säng bike chu huphurhawm ve deuh a sin aw.


Zei lo deuha ka lawnkai rualin, "khalh chak suh aw," ka'n ti nghal zat bawk a.


Nui chhuak hawkin, "ka Nu ang mai alawm inih le," Bike a ti nung zui zat. Ka nui ve vur vur tho, anni ang tleirawl mahni inrintawk em em lai ho phurh nih hi chu a thlamuan thlak loh ve êm a ni.


Bakah, hmeichhe ṭhenkhat ang lo tak hian Bike hi ka ngaina dêr lo bawknen.


Damdawi in ah kal kual hmasain, rei pawh awm lo chuan ka kal duhna hmunah Hlua'n min hruai leh vat a.


~ The Contract ~


"A van hla em em ve."


"Durtlang luh ṭan dâwnah, in mal din a nia," a rawn au lawng lawng. Chutianga hlaah te a awm, lêt leh hun tur ka ngaihtuah nghal, a va peihawm dawn loh ve maw le.


Kan thlen chuan, Hlua sawi angin hmun fal deuhah in mal din hi a lo awm a, pawnlam aṭang ringawt chuan lian tak a ni miah lo, nupa tuaka awmna tawk lek a ni.


"Ka nghak dâwn che em?" Ka lu ka lo thingvat, "i ṭhiante i hmuh dâwn kha, taxi lâk tur ka zawng haw mai ang," ka ti vat a.


A tlân let hnuah hawi deuh vual vual chungin in mal din lam chu muangchangin ka pan ta a.

A ruk tak chuan nuam ka ti miah lo, ramhuai ni si lova heti em em a awm fal. A hrang hiala innia ka rin ni.


Kawngkhar zawn ka thlen chuan thawm ka'n ngaithla deuh vang vang a, a reh vung vung avangin ka hawi kual a, a car leh bike a in hung thi bawk si.


Maruti car sen erawh a ta a nih ka ring chiah chuang si lo, "a awm lo a niang a," ti sâ sâ in ka kik zui ta tho a.



Kawngkhar ka kik rei loah a rawn inhawng ri rak, meng kawkin, ka inher nghal vat a, "Dr....Dr. Mandy...." A saruak deuh thaw a Dr. Mandy-in kawngkhar a rawn hawn chuan minti phu nasa lutuk.


"Dinte, heta eng nge i rawn tih dâwn?" Pangai tak hian a rawn ti a, kei erawh ka la hawisawn reng, hmeichhia ve ve mah ni ila, saruak deuh thaw a hmeichhe dang, ka ṭhian leh mi nel pawh ni lo hmuh leh en chu nuam ka ti dêr lo.


"Lo lut rawh," Aw thüm dût maiin inchhung lam aṭanga a rawn tih chuan zà vak lo a ner nungin Dr. Mandy-i läwm vak lo hmel chu tim daiin enturin ka inher riai riai a.


Ka ṭhiannu Lalnuni'n a sawi ve fo, 'satin night dress' a tih mai ṭhin, sexy tak, kekawrte dawr lang lo chauh khawpa chhing, a hnute zawn tak lace ni leh ang lawi si a hak chu en hreawm ka ti, a inhmeh loh vang ni hauh lovin, bra pawh ha lova, a hnute hmùr thlenga ka hmuh ve vek vang a nih ka ring.



Inchhung ka luh rualin kawngkhar bulah chuan pawh din ang maiin ka tawp leh dawt a, ka hawisawn leh deuh vat a, thaw ka la zui kawk bawk.


Engtia chutia min lo chhawn nge maw annih le, an zak lo a nih pawhin mite hmaizah ve êm tur a nia.


"Thawmhnaw pangai inha thei lo em ni?" Ka ti thlawt. Sex anhmang a ni tih mi zawng zawng hriat tir a hmuh tir antum emaw tih mai tur alawm.


"Hmeichhe thianghlim ang mai kha awm suh," a rawn ti hluk, ka thin a khei zak mai, a lam hawi sawkin, a taksa ruak vek mai, nisa em ṭhan emaw tih mai tur a uk kharh leh inphiar fat mai, thau chhia awm lo tih hriat taka mar ṭang chu en loh hram tumin a mitah ka en kalh a, ṭawng tumin ka kâ ka âng zuai hman, a kut chunglamah min vai khum zauh a, ka dinna lama rawn ṭhu awnin, "i rawn kal chhan sawi rawh," aw ki hniam ruih leh nin hmel tak hian a ti bul zui hluk bawk a.

A nelawm loh thei ren run si.



Dr. Mandy-i lah chu beng nei lo ang maiin, Rammuanawma ngheng ar arin phone a khawi zui mawlh mawlh a, an awmdan chu ka hrethiam lo takzet, an inngaihzawn loh thu a sawi si a.


"Ka rawn kal hun hi a fuh chiah lo niin ka hria," inher ka tum, kal miah lo tur zawk ka ni.


"Ramdinsang, i rawn kalchhan sawi rawh," sawinawn a duh lo tih hriat tak hian arawn ti leh chhur chhur a.


Ngei deuh hian ka melh nghal vak, engtin emaw tak ka rilru hi a na reuh nia maw le, ka tlawm ka intih ruk vang te pawh a ni ang.


"Mandy, min chhuahsan tawh rawh," a ti leh nghut. A awm ve reng chu a ngaithei lo emaw tih mai tur a ni zawk. A aw chhuakah lah a duh a hmua hnar ang mai a ni bawk si.


"Ka la awm ve thei lo em ni?" Min rawn melh, ka chungah a lawm hmel viau loh. Keipawh ni ila ka thinrim ve tho ang, bialpa te nena Sunday tlaitlam hun hman dun laia intihbuai chu a lawmawm viau loh alawm.


Rammuanawma chu a thaw ri hraih a, Dr.Mandy-i pawh tho ve maiin, "room ah ka lo han mu ang, ka chau," a aw ri chu an thiltih min hriat tirna a ang mah zawk, min rawn nuih chungin, "in inhmeh dawn viau hi," a ti leh a, a thusawi awmzia chu hriat pakhatmah ka nei leh ta lo.


A taksa ruak lek lek leh hnute lang pawh chu a zahpui chuang hlei lova.



"Sawi rawh le," a aw ki a dang leh daih tawh, hriat a nuam deuh ka tihna.


A lam chu tîm deuh tak hian ka pan hnai a, sofa manto tih hriat tak dum fai tak mai, inchhung sofa hûn atana ka awh loh ber rawngah chuan ka ṭhu thla a, ka che vel chu ngun tak hian min lo en thung.


"Kawr tal i ha thei lo em ni?" Kan ti leh thlawt a, kawr ha lova mipa taksa ka hmuh vawikhatna pawh a ni tawp si lova, en hrehawm ka tih bakah, ka thawk a ti harsa chuan awm nuamin min awmtir lo tlat.


Ka pa leh ka nau, ka bialpa Nunsanga taksa ngei pawh ka hmu ve fo ṭhin, hetiang hian ka zâm nga miah lo.


"Ka towel ven hi ka sin zawk mai dâwn em ni?" A fiamthu tih hre mah ila ka ngei tawk a tling tawp, na deuhin ka lo melh a, a lo nui chhuak huk thung.


"Ka rin aiin i rawn thleng hma. Le, sawi rawh, ka lakah hian eng nge i duh?" A aw ki dam dup mai, hriat nuam tak chuan minti hamhaih tel bawkin ka hre tlat.



Dr. Mandy-i nen khan a lawm inhmeh zawk fe ni, an mize inthlak chak lutuk te, an mitmeng leh aw ki danglam chak lutuk te hi an inhmeh mah mah zawk.


Ka kal dawn tih te hi a hresa emaw tih mai tur hi a nia!

"Engvanga inneih minsawm ṭha leh nge i nih? Ka tih awmzia chu, min thah hial pawh kha i pawi sa lo si a?" Ka thusawi chu a ngaithla em pawh ka hre lo, dawhkana cigarette leh lighter chu la in, a ṭan a, sofa hnung ngheng datin thatchhe zeta ṭhu chung chuan, "engvanga min neih duh nge inih?" Ka zawhna chhang lovin min rawn zat let khauh.


"I sum, i pawisa...." Zep buai ka tum lo, ka duh leh a chhan a ni miau a.



A nui nghawr dawt a, "i duh ang tho' ti ta ila," nuihza aw lek leka a rawn tih chuan ka meng buai dâwn a, a Pu ro ka hmingin a awm tih ka hriat chhuah zat avangin pangai taka en letin, "tichuan eng inremna siam nge i duh?" Ka ti ve ta vat a.


Mit tizim sana min enin, "eng inremna mah siampui che ka tum lo," a ti leh ang lawi si.



Hrethiam lo zeta ka en laiin, a zial chu a hip vang vang a, thaw khu chhuak ham hamin, a sira file ni âwm tak chu dawhkanah rawn theh thla in, "kum 2 chhung ka nupui angin i awm ang, i mamawh ka tum ang a, ka nupui i ni tih leh kan inzawmna erawh pawnlam miin an hre tur a ni lo, ka chhungte tih lohin, a chiang em?" Thu minpe leh tawh.



"Inneihna chu mipahnih inkar a ni a, i duhdan ni lovin, kan duhdah a pawimawh tih i hre lo em ni?" Ka ti hlar, ka sign loh dan tur zia chu!


Kawmthlang nuin, "mâi thû thûtê lo ziang," a tih ang mai, a ma thu chauha kal a tum ni!



"Mi pangai ang a inneih i duh tihna em ni?" A ti bul nghut a.


"Chu chu ka sawi tum a ni lo," ka lo ti vat a, ngeiawm lam lek leka thle bak chung hian min en leh run tawh, a ngeiawm leh tawh viau mai.


"I duhdan chauh ni lo, ka duhdan pawh ka sawi a ngai alawm. I duhdan ka zawm dâwn chuan ka duhdan i zawm ve a ngai bawk a. I sawidan te chuan ka chhungte, ka Nu leh Pa takngial pawh hrilh lo turin min duh tihna a nia," mahni inrintawk hmel deuhin ka ti zat zat a.


"Min duh avanga min nei tur ini tihna em ni?" Ka thusawi a lakawi zel chu ka ngei hluah hluahin, ka thin tertek a ko chhuak leh mai dawn.


"A ni hauh lo, an fanu neih chhunin pasal ka nei dâwn a, ka hrilh lo ang maw, teuh lo mai; Mahse, lungngai suh, kan inremna erawh an hre hauh lo ang."


A lo bu nghut a, "sign rawh," a ti leh sup.


Ka thusawi chu a pawm a ni hmiang ka ti mai a, file chu la in ka keu a, ka'n chhiar ve thuak thuak chu min en kur a ni tih ka taksa za mer merah hian ka hre thei.


"Mimal nunah inrawlh loh tur tih i hre tel ang chu maw?" A ziaka ka hmu ve reng. A sawinawn a ngai lo, mitdel pawh ka ni lo. Inla thu lutuk mai!



"Ka hria," tih leh ka hming chu ka sign a, file theh thla pahin, ka kut ka dawh nghal zat.


Hrethiam lo tih hriat tak hian a chal mintih chuar khum nak, a thle bak bawk.

"Pawisa ....." Ka kut ka dawh ran.



"Eng pawisa maw?" Min ngaihsak lo tih hriat zetin a zial zuk lai nawr hlumin a bula zu awm chu a thli chhuak zui zat bawk ac ka beng hrep dâwn emaw ni?


"Pawisa-in hmingdang a nei em ni? Pawisa chu pawisa a ni mai alawm. Give and take..." Ka ti chu za tak hian a rawn nui chhuak hawk hawk a, "i bank account number dah rawh," a la nui reng.


Ka nuih pawh a za ve lo ve a, sum vanga nei tur ka nia, ka duh ka hmuh ve hmasak a ngai alawm.


File chu keu lehin ka bank account number chu ka ziak leh mawlh mawlh a, tho chhuakin, uluk taka min en tu chu en chhukin, "inneih i duh hunah min hrilh dâwn nia," tia haw mai ka tum chu, "ṭhu rawh," a rawn ti bul leh nghut tawh.


Ka inher a, a hmel lawm lo hmel dur khup bak hmuh tur a awm leh tawh miah lo.


"Zanin aṭangin ka Pu inah insawn lut ang che," min hrilh emaw min zawt pawh ni lova thu minpe reng chu ka ngei takzet. Naute lem pawh ka ni lo.


"Ka pasal ila ni lova, ka luhchhan tur a awm lo," ka ti ve nghat chu ngaithei lo zet hian, "a hma pawhin i cheng," a rawn ti hluk, "lut ang che," hnial duh lo tih hriat zeta tih zawm chuan a tho nulh a, a taksa lianpui mai, inkhai fithla tak, a abs mai bakah, V line lang kulh mai chu enh lo hrâm ka tum en, ka hmaa ding luah mai hmuh loh der chu thil theih loh tawp a ni.



Ka hawisawn vat a, chila ka lem nghal khalh bawk.

A nui ri suk chu ka hre hman, "ka thlah ang che," a tih chuan alam ka hawi leh vat a, a chal ti chuar nung leh nuihza insum hmel tak hian min lo en a, a hmel nelawm leh zûn ngah tak chuan ka lungphu a ti rang leh ringawt nia maw le.


"A ṭul lo, ke ka nei ve reng," tih leh rang tawk bawka inherin ka pensawn nghal vat vat a, ka hnunglama a nui ri te, min enzuina te chu ka taksa hian a hre ta lutuk chu a mak zawk hial a ni.



Hetiang hian ka awm ngai miah lo, ngaihzawng leh duh ngawih ngawih te pawh ka lo nei ve tawh ṭhin a, hetiang ang hian tu hmaah mah ka zâm chhe ngai lo hrim hrim, hepa hi ka hlat hle a ngai a ni.


Mahse, engtin nge ka hlat ang, ka pasal a ni mai dâwn si a????


Show post links
Top

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)