GUARDIAN_ANGEL(18+) BY Floria Monoyono Croxz Chhakchhuak (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: GUARDIAN_ANGEL(18+) BY Floria Monoyono Croxz Chhakchhuak (Completed)

Unread post by Ngaia » November 19th, 2017, 7:07 pm

GUARDIAN_ANGEL #19

Taxi tlan chhuah rual chuan darthlalang ațang rempui'an kan lam a rawn hawi vung vung chu ka en theih chhung ka en reng "in tum ang ngawt chuan min ti tawh lo ang" ka ti sup,ka fapa in "mommy engmaw i sawi?" A rawn tih chuan alam hawi vat in,ka nui suk,ka fapa fing lutuk leh hmelțha zet biang chu ka zut,a chang chuan apa a chhun lutuk hi ka thinrim leh thut țhin,mahse he hmel apa chhun em em,apa in sawn ti a aman a pek ngei hian chakna leh tum ruhna tam tak min pe a,nun chakna min neih tir tu ani miau si a

"Eng mah nilo e,manun ka pi chu amah in emni a awm?" Tih zawm zat chuan manuni lam chu ka hawi nghal,nui sang in "imm anuam sam meuh lo a,lo hmuah ve che a duh tehreng nen" atih chuan ka bu nghat,Ivy te damlai kha chuan alo kal ve fo,nu fel tak ani tih a hriat ngawih ngawih,Emmanuela pawn angaina em em,tun ah chuan ka theih tawp in ka enkawl let ve tawh ang,a theih hmasak ber ah ka nu awmna nursing home ah kal in ka nu hruai chhuah ka tum bawk

Tlem a Aizawl khawpui ațang hla deuh khawpui pawn lam ah ah kan tlan chuan ka hawi kual "ava hla reuh ve"ka tih chuan Emmanuelan "mommy,kan awmna chu anuam lutuk pipu apa(ivy pasal) in min siam sak bawk a"nui vur vur a tih chuan a sam ah ka tuai zauh

5mins hnu vel ah chuan inlian ve tawk tak,a chhawng nisilo var nalh zet mai kawt ah taxi a din rual chuan ka fapa in,ring leng lawng in "api mommy alo haw thei tawh ania" tih leh taxi kawngkhar hawng rawk rawk chuan a tlan chhuak nghal

Keini pawh chhuak in inlam chu kan pan phei,kawngkhar ka pi in a rawn hawng chuan a nui ver ver,tar kum 65 lai ni tawh mahse tar chak tak,hrisel tak anih vang in kum 50 bawr vel ni awm tak ani,ka fapa in api pawm chung chung chungchuan "api mommy kan bul ah awm tak tak tawh dawn"uar zet fiah vak lo chuan a ti chel chul

Ka pi din na kan thlen chuan min lo chibai vat "arinte ka lo lawm ache,ka lawmpui lutuk che nia,tun ah chuan kan kim ta bawk,hlim tak in kan awm dawn nia,ka fanu khan i chhuak hi hmuve se ava hlim ve dawn tak em" lunglen hmel zet a tih chuan "ka pi ni e,lungngai lo la"ti sup chuan in chhunglam chu ka melh

In chhung kan luh chuan bang ah Emmanuela nausen lai thlalak a in tar chuai niber mai,an hmangaihlo pawh ti dawn ila,engmah ah hian alanglo,a pianna nu leh pa pawh ti ila an awih vek ngei ang tih tur ani

Ka pi leh kafapa,manuni te nen chuan kan awmho,Ivy'in ka nu an dah na nursing home a sawi chu ka zawng, ka nu awmna ni a an sawi chu manuni te nen ka fapa nen kan pathum chuan kan kal,ka fapa lah chuan ka nu hmuh a chak em em,nilo kei ngei pawh hian ka hmu chak in kuah vawng vawng ka duh tak zet,min hria emaw hrelo emaw,dam a ka hmuh chuan a tawk em em

A hmun chu lian ve thawkhat tak ani,a hmun kan thlen chuan hnathawk zing a pakhat in mamawh kan neih leh neih loh minlo zawt,kan mi zawn ka sawi chuan abu nghat "sawlam saw hotu te office ania,in zawt chiang thei ang" atih chuan lawm thusawiin a kawhna lam chu kan pan

Office kan thlen chuan nu valai ve tak in minlo be nghal zat "lo lut ru puih theih na cheu ka nei em" hawih hawm tak a tih chuan ka bu nghat "Remsangpuii kum 52 mi kan rawn zawng a,tih pah cuan ka ni thlalak chu ka hmuh nghal zat" ka thlalak ken chu la in a en vang vang,muang chang a ka lam rawn hawi chuan "a pawi ka ti hle mai nula,pi remi hi chu thla hmasa lawk khan a boral ani" atih chuan ka meng kawk "maw,ihhh..i..i chiang maw,en chiang tehh?" Bah nawk nawk chuan ka ti hrawih

A bu nghat "a pawi ka ti hle mai,a fanu lalrinzuali inih ka ring,he ta a rawn awmtirh ațang,aboral hma zawng khan a nghah thu che a sawi reng țhin" atih chuan ka mittui a rawn luang ngiai ngiai

"A thlan ah kal ka duh" țah in sum tak chuan ka ti țuak,bu nghut chuan "ka hruai angcheu,heta țang a hla anilo" atih chuan ka ding nghal uaih

Pawn ka chhuah chuan ka fapa in min lo pawm pah chuan "mommy api chu kan hmu thei tawh em?" A tih chuan in pet ruh fan chung in "kan kal dawn fel deuh in awmla"ti țuak chuan ka mittui tla tur chu ka khap let sak sak

Manun'in bawihtea rawn pawm kang vat chuan"bawihte lo kal rawh saw tah lo nghak ang" tih pah chuan a hruai hrang nghal

Min hruai tu tur a rawn chhuah chuan kan kal nghal,kawng tluan chuan ka nu awndan leh min nghah țhin thu te,min ngaih zia te a sawi chuan ka mittui ati tla reng,tlanmual kan thlen chuan "A mawnglam deuh ah khuan ania" tih pah chuan hma a hruai,ka nu thlan ah chuan kraws in phun in "REMSANGPUII kum 52" fiah kelhkawlh thlan la tharlam tak ani tih hriat tak,ka hmuh chuan ka țap chhuak hawk,a leivung an chhun pawn ah chuan ka bawk

"Nu...nu...ka tihpalh aw,khawhar tak in ka dah che a,nu kalo let tawh asin,reilo te lo nghak leh la țha tur,nangmah in khawhar tak in ka kalsan che vang in ka tihpalh,ka fapa pawh ka rawn hruai a sin,i hmu chaklo ami,min chhang teh nu" țap hawk hawk chuan ka ti pur

Ka fap in ka ban a rawn sawi pah chuan mittui tla ve phang in "mommy țap suh,api chu lei hnuai ah an dah ve tiraw? Anu leh apa ang khan?" țap pur a rawn tih chuan ka pawm thlawp "bawihte....nu i tupa hi vawikhat chauh hmu ve la țha tur" tih pah chuan ka țap hawm hawm

Thlan ațang kan let chuan khua a thim thet thet tawh,min hruai tunu Pi tetei chuan ka nu thil hlui vel a dah țhat thu leh ka duh chuan ka hawn theih thu a sawi chuan ka bu nghat,ka nu bungraw tlem hawn chuan inlam kan pan,kawng tluan in ka fapa min biak pawh ka Aw E kual vel mai mai "thla hmasa mai ah a boral,mal tak in laina awmlo in an thlah liam awm si a" tih chu ka ngauh tuah ngut ngut,in seh ruh țung chuan "Lalrempui,Irene lo nghak ru,ka nun hremhmun a in hnuh lut avang hian ka la rul ve angchu" ka pui seh chil rap rap chuan ka ti hrawih

Bawitea leh manun'in mak tih hmel zet a minlo en kiau chuan "urinte chhuk ila" in thlahrung hmel zet a tih chuan ka harh zawk,ka mittui chu hru hul sawk sawk chuan "tihpalh u,chhuak ru" tih pah chuan taxi fare pe in ka nu bungrua chu ka pawm chhuak

Inchhung kan luh chuan ka pi in mak tih hmel zet in "arinte" ati sup,ka pi hmel ka hmuh chuan ka țah chhuak zual,ka fapa hma pawh sawilo chuan ka thil ken chu chhuat ah nghat in ka pi chu ka kuah vawng vawng,ka țap khur dar dar bawk,ka sam a chul hliau hliau pah chuan "a pawilo țap thawl vek rawh,ka hrethiam che"tih chuan ka hnugzang ah a beng thak thak

Zanriah pawh ei lo chuan ka mu nghal,ka mittui a tla reng bawk,ka nu mui hmel ka mit thla ah fiahlo ruai chiah in ka hmu thei,ka thaw hak,tho chhuak chuan ka nu bungrua ka hawn let te chu ka phawrh,ka en kual dan dan,Rempuia nen kan in neih thlalak leh ka thlalak ani deuh tlangpui,ka khung leh tur chu lehkha thlep hi a rawn tla nawlh,chhar vat cuan ka en,a chhung ah thu inziak ka hmuh chuan ka meng kawk "ka fanu,ka tihpalh aw duhthlan na kalo siam sual ani,mahse ka hmangaih lutuk che tih hria angche,Alan zothansanga kha Irene'i thah tir ani tih ka hria,rempuia pa erawh,rempuia nu nen engkim rua hman na a thah tum an ni,mahse thil atthlak engmah tih tum suh angche,i nat leh i tawrh hi ka rem ti tawhlo ania,kei chu rilrukimlo mi à mai ka ni leh ang,hlimla ka duhber ka fanu,ka hmangaih che" hnawk deuh nuaih a inziak ka chhiar zawh chuan,mittui tla zawih zawih in lehkha chu ka hmet khawr nawk nawk

Ni a kal beuh beuh,ka pawisa neih ang ang leh,Ivy te nupa in bank a anpawisa Emmanuela hming a an dah a zarbe la chhuak chuan Aizawl khaw chhung lun lai deuh ah chuan thuamhnaw dawr ka hawmg,ka buai thei em em,inlam ah manuni'n kanpi leh bawihtea a awmpui ve bawk

Irene'i te chungchang ka hriat theih ang ang ka la khawm,ka pi in Ivy thawhpui țhin Delhi lam a awm,Police biak min ngaihtuah sak tur thu a sawi chuan ka lawm em em

Kum 1 chu jail ațang ka chhuahna alo ni ve leh reng tawh,kar leh mai hi Emmanuela birthday anih vang in dawr a buailoh kar in,bazar pui ka duh vang chuan manuni nen ka pi nen dawr a min hmu tur in ka hrilhsa,dar 1 rik dawn chuan ka michhawr nula hnen ah chuan ka chhuah a ka let tawhlo tur thu leh dawr lo khar leh mai tur a ka tih chuan chhuak tur in ka in siam

He dawr luah tur anka buai zia ka ngaihtuah,mitin mai khan jail tang chhuak,tual that tu ani ti ni awm tak mit meng a min en a,ka dawr luah tur biak angai a remloh dan te,he dawr pawh harsa tak a ka luah dan te ngaih tuah neuh neuh,ka office te ve tak ațang ka chhuah chuan ka aw hriat chian em em,engtik ah mah ka hai ngailoh tur chuan fiah fak in "he dawr neitu hi biak ka duh,dawr dang ah pawh hetiang design te chu atam lutuk,a tlawm lutuk bawk"thinrim awki tak a Irene'i aw ngeiin a tih chuan ka chhuak phei

Ka nula chhawr in inthla hrung hmel zet a kun ngar chuan "ka pi hei chu a rawn thleng thar ania,aman zat ve lai chuan kan ti hniam theilo" atih chuan a kawrfual ken,vawiin mai a rawn thlwng thar chu chhuat ah a vawm țhuai

"Ka dawr a buaina rawn siam ngam tur hian tu chiah nge inih a?" Chiang fak a ti chuan ka kuangkuah at bawk,rang zet a ka lam rawn hawi chuan,hmuh thianglo hmu ni awmtak chuan min en kawk "a..a..arinte"bah nawk nawk chuan ati chhuak hrawih

A hma a kawr chhar pah chuan "i lei duhlo anih chuan a tlawmna hmun chu i pan thei ani lawmni? He ta ka hna thawk rawn au khum chiam lo hian Sailo Indutries Limited neitu nupui mizia ang in awm rawh" ngeiawm zet a ner khum nawng chuan ka ti let sup

Kawr chu ka nula pek ka tum ka lek chhuak chu a rawn vuan min phih sawk"engmaw i sawi,nag tual that tu mai mai,jail tang chhuak leh nghal hian ka awm dan tur min hrilh amaw?" Ti tuar pah a kut a rawn lek chhuah chuan ka lo beng sawn sawk

Min vawn na chu phih thla sawk in,a hma ah chuan alam pan in ka pen hnai,nui suk in abengbul ah awn deuh chuan "hman a hmeichhe naupang,a thil tihsual miahlo a hremhmun a i thawn liam kha ka ni tawhlo,tun ah chuan i nun a mangchhia ber ni tur in ka lo let,TUAL THAT TU" zawi sup a chiang fak a ti chuan ngeiawm zet chuan ka nuih khum hak hak

A thlanfim rawnbawl țiam țiam leh amitmeng buai nak chu ka hmuh hmaih hauh(hoh) lo bawk "lal...lal...lalrinzual nang..."bah nawk nawk atih chuan ka kut chunglam a vai zauh chuan "bul kan la țan hleinem,in sum rawh,i pasal duh tak leh a fanu..ohh..Alan khawngaih thlak a fanuin an nghah che saw" tih pah chuan pawnlam a rempuia leh afanu lo ding chu ka melhzauh

Kut khur dar dar a min kawk pah chuan "lo nghak rawh engthil nge ka tih tur hi"ti tuar chuan kawngkhar lam chu apan nghal hlawk hlawk

A chhuah rual chuan ka thaw kawk kawk,ka awm zawn a kut nghat chuan "arinte,iti țha lutuk e,abul țan na chauh ani kha" ka ti sep sep

Ka phone rawnri ah chuan ka harh zawk,ka pickup rual in ka fapa in ringlenglawng in "mommy kan nghak reng che nia,hman hmawh rawh" a rawn tih chuan ka nui suk "ka lo chhuak chiah e" ti sup chuan phone chu dah in ka nula hnen ah chuan ka chhuah tur thu ka sawi nghal zat

Millennium center kawt a ka fapa in lapo chini tui tih hmel zet a api kut a kai pah lo ding ka hmuh chuan ka nui hak,an lam ka pan nghal,a chhung alut in kan bazar,ka pi leh manuni thawm hnaw thar tur pawh lei vek ka duh vang in kan kal chhuk chho nasa hle

Naupang toys dawr lo awm kan kal pel tur chuka vawnna țang bawihtea tal pit chuan a tlan lut nghal nal nal,a hnunglam ațang "kan haw dawn bawihte api chau tawh"tih pah chuan ka um zui nghal,toys Captain America lem lian ve tak chu alo kuah vang,min hmuh rual chuan minrawn pan "mommy heihi ka duh e,hei chiah minlo lei"tih pah chuan a thil ken chu a en kual

Țhu hniam chuan "bawihte hei chu nidang ah ti ila,i tlangval tawh kha mmm"tlem.ti tih ka tih chuan kan sir lam ațang hmeichhe naupang in "mama saw saw ka duh" ti tu lam chu kan hawi,ka fapa ang rual vel hmeichhe naupang hmel faisar mai chuan ka fapa toys ken chu a rawn kawk va va

Bawihte'an kuah nghet sauh chuan "ka ta anih hi,mommy" tih zawm zat chu ngen ngawl zet chuan min melh kiau,ka fapa fing phakar lutuk hmel ti nurnang ka hmuh chuan ka nui hak hak

Kan sir a hmeichhe naupang in "ka ta tur anih kha mama ka duh ka tih chu"tih pah chuan a nu kekawr ah chuan apawt,sir deuh ațang "brianda mipa thil anih saw" mipa aw thum deuh in a rawn tih chuan ka khawng nghal at,ka che sawn ngamlo"benji" ka hriat tawk chuan ka ti sup



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 19th, 2017, 7:08 pm

GUARDIAN_ANGEL #20

Chesawn lo chuan ka țhu tung reng "nilo..bena anilo ang" ka ti rilru mawlh mawlh,mahse a mi uap na tak kha a hmel hmulo mah ila ka taksa hian ala hre lutuk tlat ani

Kan hnunglam ațang manun'in "urinte bawihtea hu a hman tawh em,ka pi hi ka lo va kal pui dawn nia?" Arawn tih chuan ka harh zawk,muang chang a ding chhuak chuan ka hawilet,chiang zet in benjamin'an minlo en chuan ka ip chawih,bawihtea kai chuan "kal ang" ti sup chuan chhuahpui ka tum chu,bawihte'an "mommy heihi"tih pah chuan a toys ken chu a melh zauh,thaw hak chuan hmeichhe naupang ben'a fanu ni ngei tur ani,alam chu hawi in ka nui lui suk"bawihte nangchu toys i ngah a,nidang ah kan lei mai dawn emni?" Ka tih chuan a lu a thing mat mat

Hmeichhe naupang nu ni awm tur tak a bul a hmeichhe nalh zet ding chuan a fanu pawm kang pah chuan "a pawilo,la rawh u,hmeichhe khalh chi pawh anih loh kha"nui sang a tih pah cuan benjamina ban ah inti nei tu zet a kuah chuan "lo thlem ve teh" tih leh nau chu a hlan chhawng nghal zat

Hmundang hawisawnlo a min en reng avang chuan ka awm a nuamlo takzet,thaw la kawk chuan bawihtea kai chuan recipetion lam ah ka kai phei nghal hmawk hmawk,pawisa ka pek zawh chuan hman hmawh zet in ka chhuah pui,amuan'in ka pi restaurant hnaiber ah a chawlhpui thu phone ațang a rawn sawi chuan kan thlen ve nghal tur thu ka sawi lai mek in ka dar ah rawm vuan tu chu tunge anih hrilh nawn ka ngai hauhlo,ka taksa hi current man angmaiin a țek sawk ni ber in ka hria

Ka beng zawn a ka dah ka phone chu rawn la in alam ah min kuai her sawk,ka fapa ban ka vawn na chu ka hmer nghet ve sauh bawk, chiang zet a min en chung chuan "engvang amin tlan chhiatsan tum nge inih?" Ti hrawih chuan alam ah min pawt hnai in min kuah nghal vawng vawng,ka meng kawk,tiang a minkuah hi ani lawmni ka ngaih a ka thlak hlel em em ni

Engvang a tiang a awm hi nge anih ka hrelo,nilo nupui nei tawh ani,a awm a ka kut leh lam a nam sawn chung chuan "e..eng..engthil nge maw ti ni a i inhriatle?" Bah nawk nawk a ka tih chuan ka thinphu rang lutuk te chu ka thaw tawp mai dawn in ka hria

Bawihte'an "mommy ana nia"a rawn tih chuan ka fapa ka hmer nat zia ka hre chhuak thut,rangzet a thlah chuan ka chul nghal "ka tihpalh bawihte..ka thpalh tak tak"tih chuan ka tuai nghal vut vut

Ben'an bawihtea kut ka tuaina chu rawn vuan pah chuan "ka zawh che chu engvang a min tlanchhiatsan tum nge inih" ti leh khur khur chuan ka fapa chu a en chhuk nghal run,bawihtea lah chuan ala hmuh ngailoh tih hriat tak in a melh kiau bawk

Min vawnna thingthlak sak pah chuan "tlan chhiat chhan tur ka neilo e,i nupui leh i fanu chiah ngaihtuah rawh"ti let hmak chuan ka phone a ken chu phih thla sawk in bawihtea kai chuan ka pen sawn nghal hlawk hlawk

Ka tukkhum za mer mer ah chuan min enzui reng ani tih ka hre thei,engvang a anupui tih ka sawilai a ka thin zawn rawn sa pup pup leh na tlat a ka in hriat na chu a chhan ka hrelo,ka lu ka thing nawk nawk "arinte harh chhuak teh"ka inti mawlh mawlh

Restaurant bul kan thlen chuan thaw ka la kawk,a chhung ah lut chuan manuni te țhutna lam chu ka pan ding nghal zat,bawihte'a chair a țhut tir pah chuan "kan rei ta deuh a" tih pah chuan dawhkan a tui an chhawp chu ban in ka lem nghal khawlh khawl,ka pi in "kha i hmai a sen vek alawm,i hah hle aniang" atih chuan za lo zet in ka țhen sak

Manun'in bawihtea chhaih pah in "eitur kan lo chah tawh a,tak in urinte nichin a,ka rawn koh che khan inbul a ding kha Benjamina JK industries neitu te fapa naupang zawk kha ni em,awii..a chhiat loh zia kha,engtik in nge mizoram a rawn hawle" ti zawm mawlh mawlh chuan a hmai chu a hup kual

Ka pi in a dar a beng thak thak chuan "mipa te i sawi ve ngam tawh ania ațha e makpa hmel kan hmuh vat dawn hi" atih chuan kan nui hak hak,ei tur chah a rawn thlen chuan kan ei,bawihtea erawh a toys thar neih a hlimpui khawp,ei tur pawh ei mumal lo chuan a khal reng mai

Bawihte'an a zun a chhuah thu a sawi chuan manuni lo ei tur a tiin ka hruai,washroom lam a ka hruai chuan,thawveng zet in "mommy, baddy tur hi ka nei theilo ami" atih chuan ka nui hak hak,a sam a tuai zauh chuan "lut rawhle,hetah ka lo awm ang"ka tih chuan abu nghat,a zun leh ek hi amah a tih theih hnu ah hian puih kan tum pawn a duh tlat țhinlo,tunlai naupang chu an dan ah ka ngai mai

A rawn chhuah chuan kut kan sil,kan nufa a nui ar ar a kan chhuah chuan kan hma ah rempuia a rawn ding hlawl,ka ding chawt,bawihtea ka hnunglam a din tir pah chuan "enge iduh" chiang fak ati chuan amit ah tak ka en let kalh

Keimah min enlo in ka fapa ka hnung a ding chu a melh ngar ngar,ka fapa din hliah pah chuan "sawi duh i neih loh chuan kalsawn rawh" ti leh hmuk chuan bawihtea chu ka kai nghal zat,kan kal pel tur chu ka ban ah a rawn vuan,rang zet in ka thing thla nghal sawk "i kut bawlhhlawh tak khan min khawih hlek suh"chiang fak chuan ka ti kha fak

Thaw hrawih chuan bawihtea melh zauh in "mate,khawngaih in ka fap..."atih lai mek chuan "i țawngkam kha fimkhur rawh,i fapa an awmlo,i fa chu kum 5 kal ta khan a thi tawh,ti khan min koh nawn tawhlo ka beisei bawk" ti let hrawih chuan chak thei angber in bawihtea chu ka kai nghal hlawk hlawk

Zahna chang hrelo mihring,nilo..an nikha zawng mihring an ni hauhlo,ramhuai,sakawlh an nih kha,ka fapa hi vawikhat pawh an tawk tur anilo,ka ti rilru mawlh mawlh

Kan dawhkan kan thlen chuan ka pi in "kan haw mai dawn ami,zan dar8 a ri mai dawn" atih chuan ka bu nghat,ka bag ka lak rual a kan hlat vak lo a rempui'an kan awmna lam a rawn hawi vang vang ka hmuh chuan thaw hak in "kal vat teh ang u" tih pah chuan kan thil lei ho khai chuan lehlam in bawihtea kai pah chuan pawnlam ka panpui nghal

In kan thlen chuan dar 9 a ri thuak,kan inti fai vel,khum ka lawn kai tur chu bawihte'an "mommy api bul ah ka mu dawn aw,nagchu light i off zel a,a thim emai"arih chuan a chal ah fawp zauh in "ninhlei lo la,api kha achau nia"ka tih chuan kiu ruai ruai chuan a tlan chhuak nghal,ka nui hak hak,engmah neilo mah ila,fapa ka nunna tluk a ka hmangaih ka nei a,ka pi leh manuni ka nei bawk,engmah mamawh ka nei tawhlo,ka chhungkua ka neihzawng zawng an ni,ka venhim tur an ni bawk

Zingkar a ka dawr ka thlen chuan ka nula chhawr dawr hawnglo in pawn ah alo din reng chuan ka pan vat,min hmuh chuan min rawn pan ve nghal zat chuan "urinte,kan dawr luahna nu a rawn kal a,dawr hi midang in an lei tur thu a rawn sawi ringawt a,hawnglo in kalo nghak tawp che"mangan hmel zet a tih chuan ka thaw hak,Irene'i thil tih ani tih hrilh nawn ka ngai hauhlo bawk

Ka phone chu phawrh in kan dawr luahna nei tu chu ka call nghal,vawi 5 chuang ka call tluk tluk hnu chuan a pickup hram,a lak rual in "tun kar chhung in kan in sawm chhuak ang,mahse kan in remna ang in,dawr hi,dawr sang ai a let hnih a sang a kan luah avang in inremna ang kal lo zawk zawk in pawisa chawitur kan tih zat leh pawisa ka peksa zawmg che minpe let ang tih anih kha,tunkar chhung ngeiin keipawn ka hmuh let ka duh bawk" ti hmak chuan ka off hmak

Ka off rual in a rawn call back nghal zat,pickup duhbik loh chuan chahbi la chhuak a dawr lam ka pan chuan ka hma ah Irene'i kekawr taksa phuar țang a pian ti lang chiang tur chu ha in,alo ding,fa mei tawh tih pawh hriat loh khawp jn ala nalh reng ani,mahse he ataksa nalh leh hmelțha tak chhung ah hian ramhuai a awm tih tunhe ring phal ang ni

Kuah kuah at a ka lam rawn pan pah chuan "indawr chu in chan dawn a anghle mai,min cho thinrim ngam tur chu i nilo mawle,nangni ang mihnuaihnung tan chuan" ner nawng pah atih chuan ka dawrlam chu amelh zauh

Nui lui hak hak chuan "tenawm tak a chet ila basanlo a anghle mai,he i hmelțha tak phen a sakawlh in phumru chu a zual mah zawk ni in alang" ti let ve hmak chuan dawr hawn ka tum chu ka kut a rawn phih sawk chuan "lalrinzual nang hian i fapa hmang a ka pasal hnaih i tum anih chuan ka kut ngei hian ka that angche" ti hrawk chuan min nam kat nawk

Kan sir a midang kal vel chuan min melh hrek hrek hlawm,mahse ani mah a zah loh chuan zah chhan tur ka nei hauhlo,alam pan chuan ahma ah ding a dak vah chuan "i hlau emni,hlauh tur i neilo ani lawmni? in ring tawk tache,ka fapa ani,ka fapa chauh,"ti hrawih chuan ka nernawk

A kut a rawn lek kan chuan ka hnunglam ațang "mama" hmeichhe naupang aw fiah zet in a rawn tih chuan a kut lek kan vu hu ala thla leh

Min melh hrawk chuan "hlauhmaw? Nanghi maw? Tualthah thubuai awrh nawm i duh anih loh chuan kei leh ka chhungkaw hlat ah awm angche" ti hrawk chuan min kal pel tur chu a ban ah ka vuan,ka nui lui sak,a fanu lam chu hawi in "i fanu hi Alana fa ani tih hi rempuia hian hreta se engtin nge angaih ang tih ka hre chak takzet" ngeiawm zet a ti sup chuan ka nuih khum hak

Ka vawn na thing thla sawk chuan "fiah chhinla,Alana fa ani tih chu"in ring tawk tak a tih chuan ka nernawk,a fanu lam chu ka pan,sam chul sak pah chuan Irene'in rum fahran amin rawn melh chu ka melh nui sang chuan "apa chiah chiah ani"ti sup chuan a sam zai chu ka tih bun sak zauh, "ni e,finfiahna a duh ni lawmni,ka pe ngei angche"ka ti sup bawk

Ka dar min kuai her sawk chuan "kha i kut tenawm tak khan ka fanu hi tawk hlek suh,in dawr hi tunkar chhung in chhuahsan angcheu" ti tuar chuan a kai kal nghal hlawk hlak

Za lo zet chuan ka nui suk,an hnunglam ațang chuan ka en reng,ka kut a afanu sam zai ka lak chu ka melh zauh"a țha lawm finfiah na chu i hmu thuai ang" ti rilru chuan ka nui hak

Dawr ka luh rual chuan ka hnunglam ațang,ka nula chhawr mahriat'in "awii..urinte kha tiang em em nasa leh chapo kha mizo ah kan lo awm ngai animaw?" A rawn tih chuan ka nui hak,ka sam zai ken chu plastic bag te a dah pah chuan "ka awmloh hun a arawn kal pawn,min rawm call vat zel dawn nia" ka tih chuan a bu nghat

"I awmloh phei chuan rawn kal tamlo se ka duh,keichu ka kut a ram si,i chhan dan hneh sawh lutuk leh a hmel awmdan kha ahmuh nawm tawp"tih pah chuan a nui kur kur,ka nui ve hak hak "hausa mahse a nun kha a awhawm lo emai"atih leh chuan ka bu nghat,a dik ani,hausa eng ang mahse,a hlim in nun entawn tlak apai tlat lo ani

Mahriat'in thawmhnaw a khai țhat mawlh mawlh lai chuan "mahriat dawr thar tur chu enkual in ka chhuak dawn ania,pawimawh awm chuan minlo be mai la tiraw" ka tih chuan abu nghat "kan dawr luahna nu pawh hi a fair lo khawp mai,urinte pawisa kha dil let tak tak angche" ti hlak hlak chuan thawmhnaw ho chu a khai mawlh mawlh

Ka bag chu la in kawngkhar ka pan lai chuan kan dawr luahna nu,nu ropuii chu hah hmel zet in a rawn kut hlawl,thaw hlawp hlawp chuan a kut in min rawn vai "arinte engtin nge kha tiang zah zah pawisa karkhat chhung in ka pek let thei angche?" Thaw hluam hluam a tih chuan,ka ner nawr

"Nu ropui nangpawn hriat tir lawkna awmlo in karkhat chiah hun pe in,in suan chhuak ttur in min tia, kha chu i buaina ni in ka hria,dan zawng zawng kha i siam vek ani bawk" ti let hmak chuan ka en kalh,chair a țhu thla pah chuan "ka hria alawm mahse..."atih lai chuan kawngkhar lam ațang "bawihi" aw thum deuh dut a rawn ti tu lam chu ka hawi nghal vat

Ka ang huau chuan ka en,benjamina kekawr dum dak zarh leh T shirt var thianghlim lutuk,a taksa phiar fat mai ti lang chiang em em tu,chu ha in kawngkhar alo ding chu ka en hau

Midang pawh chuan an en țhap,ka lam rawn pan in,ka dar ah a rawn kuah,chet na chang pawh ka hrelo,min en chhuk run chung a nui suk chuan,nu ropuii lam chu hawiin "buaina a awm emni?" Atih chuan nu ropui'in rang zet in "ahh..ben..benjamina ini tiraw JK neitu fapa te zawk kha,neilo e... neilo e..in hriatsual palh a awm mai chauh ani,arinte kan sawi țha leh dawn nia" ti zung zung chuan kawngkhar lam chu a pan nghal zat

Harh chhuak thut angmai chuan ka lu ka thi sawk,nu ropui chhuak mek chu au zui in "nu ropui kan.."tih pah pen sawm ka tum chu min pwt let dawrh in "kal tir mai mai teh,buaina ti khan a kiang ani lawmni? Kan pahnih hian inbe zawk teh ang" ti nghut chuan ka dar a min kuahna chu ti nghet sauh chuan min min sia khum zauh

A naknem a nghawk sawk chuan "kal sawn teh,engkim i rawn ti buai vek alawm?" Ti let hrawk chuan ka kal sawn nghal,mahriat'in mak tih hmel zet leh zawhna mitmeng minlk en chu ka haider hmak

ka office te ve tak lam chu pan in ka kal,min zui ve zel tih ka hriat chuan leh hawi in ka melh hrawk "i nupui leh i fanu va ti buai rawh,he ta min zui kual renglo hian,hna thawh tur tam tak ka nei" ti leh hrawk chuan office ah ka luh san,rawn lut ve nghal zat a,ka ban a min pawt let hrawk chuan a awm ah min kuah bei nghal hlawp

Tal țaih țaih chung chuan,a rem lai lai ah ka chum dawt dawt,engvang a anupui leh fanu ka sawi zawng a țah chhuak tlat nge ka nih ka in hrethiam lo tak zet,nui nghawr dat dat chuan ka dar tawn tawn avuan in a inla hrang hlek

Mit sen ram chuan ka melh ve khai khai bawk,nui hak hak chung chuan "nangte hi,i thik ani tiraw?" Nuiza aw hmel fe a atih chuan,rang zet in "a teuhlo mai,mi pawmlai chu enge ka thik ngawt ang,min thlah teh" uar zet atih pah chuan ka tal laih laih

Rang zet alam amin pawt hnai hrawk chun min fawp nghal tawn tawn,ka meng kawk,min fawh dan thlak in,ka kà chhung ah chuan a lei hrawl zet chu rawn hawl kual chuan,ka hmui hnuai lam chu a fawp dek dek,engtik laiin nge min fawhna ka chhan let ka hrelo,thaw chham lek lek a kan in fawh hnu chuan in la hrang hlek in,a chal chuan ka chal a rawn sik tir,athawk dan ah adanglam tih ka hrethei

Keipawh ka danglam ani,thaw la kawk kawk chuan "ka ngai lutuk"ti sup chuan min kuah vawng vawng

Keipawh hian ka ngai takzet ani,mahse thil tamtak a danglam tawh,mittui khap per sak sak chuan "ben i nu....."ka tih lai chuan nui hak hak chuan ka biang tawn tawn a rawn vuan in "min en teh,nanglo hmeichhe dang neih ka tumlo,i awih em ka hrelo,mahse ka kalsan hnu che khan,nikhat pawh ngaihtuahlo che in ka awmngailo,ti chung chuan nupui ka neih i ring amaw?" Atih chuan mak tih hmel fe a en hau chuan "mahse kha nu...." ka tih chuan ka chal a min tauh (toh) deuh bop chuan

"Â lutuk mai,ka u nupui leh a fanu nih kha,arinte bul țan țha leh ang"a tih chuan min vawn na lak thlak sak chuan ka in la hrang,nilo engtin nge bul ka țan pui theih teh lul ang,kei chu..nilo...nilo thil theih loh hul hual ani.

Lehlam hawi pah chuan "thil theih ani tawhlo tih i hriat kha"ti sup chuan ka pen sawn,ka ban a rawn man chuan "ka..."atih lai mek in a phone a rawn rik chuan phun hluk in "enge"ti deuh hrawk chuan min rawn melh zauh"ka rawn kal nghal" ti sup chuan off in a ka nghal zat

Ka lam rawn pen hnai chuan "ka beidawng dawnlo,nilo ka kalsan tawh ngailo angche,min ring rawh,zan ah ka rawn bia angche" ti sup chuan ka chal fawp zauh in a chhuak nghal

A chhuah rual chuan ka ruak nghal vek ni maiin ka hria,ka thaw kawk kawk,ka kut ka awm a dah chuan,ka thin phu nasa lutuk chu ka sa pup pup,ka lu thing nawk nawk chuan "thil theih anilo...nilo ani mgailo ang"ti sep sep chuan chair ah ka țhu thla hnawk

Ka mit chhing vang vang chuan,min kuah lai ka thlamuang zia te,a nui hmel sexy zet a min melh te,min ngaih thu a sawi lai a hmel te chu a rawn lang ngal zut zut,meng kawk in,thaw ka la hawk "theih nghilh rawh,theihnghilh rawh" ka ti sup

Mahse kei min ngaihtuah lo a nikhat pawh a awmngailoh thu leh,keilo midang neih atum loh thu asawi ka hriat chhuah chuan,ka nui suk,ka hmai rawn sa nghal hat hat chu ka kut in ka zap"at thlak lutuk"ti sup chuan ka hma a thawmhnaw rawn thlen zat kan ziahna chu khi vur vur chuan ka keu nghal zat

(😃click aw,ka lawm vek e in fel si😘)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 19th, 2017, 7:08 pm

GUARDIAN_ANGEL #21

Ka hma a lehkha awm chu ka en,a chang in ka nui leh suk țhin,tiang a ka hlim lohna chin hi ka hretawhlo,ka fapa vang chauh in ka nui țhin,mahse hepa hian ho te ang a lang ah pawh minti nui fo mai si a

Kawngkhar in kik kharh khar ah chuan nui sang in ka en,mahriat in chik zet a min en pah chuan "urinte i hmel a eng phet phet mai alawm,mahse engmah ka zawt lo angche,a chiang vek e,Emmanuela te school a ikal a hun tawh in ka hria" tih zawm zat chuan sana bang a tar chu a melh zauh

Rangzet ka lehkha en chu khup nawk nawk chuan "kalo theihnghil daih alawm,bawihtea chu a lungawi tawhlo viau ang" ti sawk sawk chuan ka bag la in chhuah ka tum,ka hnunglam ațang "i phone" mahriat in a rawn tih chuan hawi let in,ka nui hak min rawn pek pah chuan "ngaihtuahna luah khat tu dang an awm ta ang hle mai" min fiah pah chuan a ti zauh,nui suk chuan "ka ringche nia,ka kal" tih leh in her vut in ka chhuak nghal

Taxi rawn tlan hmasa ber chu ka phar nghal,a din rual chuan rangzet a lut in ka duhna hmun ka sawi nghal zat,ka thaw hak,engtin nge ka fapa tan ni pawimawh ve ber te kalo mang nghilh theih ni"benjamina vangvek"ka tih sup chuan driver in "ma?" A rawn tih phawng chuan ka ngaihtuahna ka sawi chhuak tih ka hre chiah

Nuisuk chuan "engmah nilo e,i hman hmawh thei deuh em?" Tih zawm zat chuan ka sana bun chu ka melh zauh bawk,school kan thlen chuan hman hmawt zet in hall lam ka pan,a chhung ka luh chuan stage ah bawihtea te class chu an lo ding țhap tawh,min zawng ni awm tak hian alo hawi kual,min hmuh rual in ban vai meuh in a nui ver ver

Vai let zauh chuan ka sir a țhutna awm ah chuan ka țhu nghal zat,ka sir a nutling dang țhu ve te chuan min melh hrek hrek,ni e,mitam tak ngaihdan ah chuan pasal pa te thah tum tu,Alana that tu kha ka ni tlat alawm

Bawihtea te function zawh chuan pawn ah ka lo nghak,a rawn tlan chhuah rual in ring lemg lawng in "mommy" tih pah chuan a rawn tlan nghal ter ter,min kuah thlawp chuan "ilo kal dawn lo amaw ka tia" atih chuan a sam ah tuai zauh in "sorry aw,ka buai deuh a" ka tihlai chuan kan sir lam ațang "ehe nangni chu toys dawr ami te kha ini em?" Rawn ti tu lam chu ka hawi

Benjamina nen a ka hmuh hmeichhia leh a fanu chuan minlo en kar,nui sang in "i fapa he tah alo kal ve reng elaw" tih pah chuan kan awmna lam a rawn pan nghal zat,dingchhuak in ka nuihlet sang"nia hei,nangni pawh a kal ve ang hle mai"ka tih chuan afanu chu a melh zauh,nui hak hak in "nia hei duh aiin kanla inti naute deuhbik anih hi"tih pah chuan a nui hak hak,a hmelțha in anel awm em em

Kan sir lam ațang "ehe arintei ini em" mi pa aw in a rawn tih chuan ka hawi phei vat,benjamina ang tak mai mipa ka lam pan a nui vur vur a rawn phei chu ka en reng,hmuhna chu ka nei tawh,mahse ka hrechhuak mai theilo

Ka lam a kut rawn phar chhuak pah chuan "hector,benjamina u,i nalh leh zual anih hi" tih pah chuan,bena nupui emaw ka tih anupui chu a mit siai zauh,ka hrechhuak chiah,nui suk chuan rang zet in a kut chu ka vuan nghal zat "i dam maw? Chuan hei nupui leh fanu i nei hmelțha tawh hle mai" ka tih chuan nui huk huk chung chuan anuipui kuah pah in "ava lawmawm ve,heihi i fapa em ni? Alian ve tawh hle mai,chuan i chung a thil thleng kha ka lo hreve a,pawi ka tih pui hle mai che,midang ngaihdan hi chu ngaipawimawh vak suh,thudik a thup bo reng theihloh ania" ti duah chuan a nui suk

Bu nghat chuan "ni e,Pathian remruat ah ngai ang.."ka tihlai chuan bawihte'an "mommy ka ril ațam tawh" a rawn tih chuan ka en vat "awle kan kal dawn nia" tih pah chuan hector te lam chu hawiin "kan kalsan phawt angcheu,kan in hmu leh vat dawn nia" ka tih chuan a nupuiin "lidya ka nia,rinni hi kan fanu brianda birthday hi nia lo kal ve ta cheu?" Nui sang atih chuan,ka nui suk "ka fapa birthday ani ve tho a,a va zia lo ve aw"ka tih lai chuan Hector'an rang zet in "a țha lutuk kan lawm dun dawn nia,ni 2 chiah awm tawh sia,cake kan lo chah țha ang,a hmun a rawn hruai tur cheu in ka nau a rawn kal dawn nia,tirawh u keini pawh kal ang u,arinte ruahman na dang chu lo siam suh aw"tih zawm zat chuan a fanu chu pawm nawlh in a in her nghal vut

Mit khap fuk fuk chuan ka en reng,lidya'in nui hak hak chung in "an unau zia hi chu amak ania,kan ring che nia arinte,engkim kan lo buatsaih ang,ka kalsan phawt angcheu"tih pah chuan ka fapa sam a tuai zauh chuan an pa te awmna lam chu a pan nghal zat

Bawihte'an "mommy kal ve tawh ang" a tih chuan en chhuk in"awle,keipawh ka ril ațam tawh,tirawhle" tih leh a bag chu khai in kan nu fa chuan kan nui phei ar ar,ka fa, ka nun na,ka nun a hlimna tamtak min thlen sak tu hi ani tel lo chuan tun hun hi ka thlen ka ringlo fo

Restaurant pangai ve tak ah kan luh chuan,customer an tam em em lo nen a laili ber lam pan chuan kan țhu,ei tur kan chah lai chuan kan bul te ațang "kalo țhu ve thei angem?" Rawn ti tu lam chu rang zet in ka hawi,rempuia kan bul te lo ding chuan bawihtea chu a melh ngar,rum zet a melh pah chuan "țhutna a awmtawhlo tih i hmu thiamlo ami,hmun dang ah sawm țhu mai rawh" ti let hmak chuan bawihtea chu ka nui suk

Chair pawt chhuak chuan "bawiha ka lo țhu ve aw,tunge i hming?" Tih zawm zat chuan bawihtea chu a be nghal zat,thaw hak in "lalrempui engthil chiah nge itih hi" ti țhat chuan a dar ah ka kuai sawk,ka thusawi ngaipawimawh lo zet chuan,a nui suk "ka fapa bul ah chhunchaw ei ka tum mai chauh ani"a tih chuan ka in sum hman lo dawhkan a tui no chu la in a hmai ah ka theh sawk,ka thinrim lutuk vang chuan ka tha te a khur dar dar thei "mihring pawh inilo" ti hrawih chuan bawihtea chu kai in ka dinpui nghal

Ka thil chah a rawn thleng ve chiah bawk nen chuan,thaw hrawih in "dawhkan dang ah sawn kan țhu mai ang" ti sup chuan bawihtea chu ka kai kal nghal,ka ban ah rempui'an min phih let sawk chuan "i fa chauh anilo tih i hria angchu tiraw" ngei awm zet atih chuan,mitmeng sen rum a melh let hrawk in "i fa chu kum 5 kal ta khan athi tawh ka tih kha,sawn man pe tu inih kha i hre tawh lo ami" ti tuar chuan min vawn na chu ka thing thla sawk,midang awmve pawh ka zah zolo,a hmai ah ka beng sawk,ka tha a khur dar dar bawk

Bawihte'an țah aw țuau in "mommy" a rawn tih chuan khur dar dar in ka țhu hniam,thaw ka la kawk,ka fapa hma a k tih duh ngailoh,in hauh chu loh theih loh vang in ka tih angaih na chuan lalrempuia minti haw zual em em,a hmai a chul pah chuan "tihpalh bawihte" ti sup chuan ka kuah

Rempui'an "ka fapa nen a chhun chaw ei dun ka duh mai ani,arinte khawngaih in" a rawn tih leh chuan bawihtea thlah in muang chang in ka ding chhuak,mittui tlingpam a melh hrawk chuan "kha i kà bawlhhlawh tak ațang khan KA FA tih thumal hi ti chhuak ve tawh suh,i duhloh a i paih chhuah tawh kan nih hi"ti hrawih chuan bawihtea kai in ei tur pawh ei lo chuan pawisa phawrh in aman zat awm dawnkan a dah chuan ka kai chhuak nghal hlawk hlawk

Taxi rawn tlan hmasaber chu ka phar,kan hma a din rual chuan kawng khar hawng in bawihtea ka țhut lut tir,ka lut ve tur chu ka dar a min khuai her sawk in ka hmai a ri nghal sawk,a thip sawk bawk,ka biang dawm chung chuan min beng tu chu tunge tih en tum in ka dak chhuak

Irene'in mitmeng ling hlar a min lo en chuan ka thaw hak "nang mihurnu ka pasal chu, i fapa hmanrua ah hmang in i ko chhuak amaw?" Ti tuar chuan min rawn ben leh a tum,a kut lo vai kiang sawk chuan "i pasal thudik i zawt hmasa zet lo ani" ti hrawk chuan taxi a luh ka tum chu,hnunglam ațang ka sam ah min kek dak lawp pah chuan "nang mihurnu,tual thattu,jail tang chhuak mai mai hian ka pasal ilo be ngam amaw? ka that khawp angche" ti tuar tuar chuan ka sam chu a kek,ka lu a kuai dak tlat avang chuan ka che hlei theilo

Tu emaw in a kut a rawn phih thlak sawk chuan,ka sam chu țil tuar ang mai a thip zawk,ka sam thur pawh tuai mam lo chuan ka fapa țap chu ka pan nghal zat,Irene'i lam ka hawi chuan rempuian alo kuah bet,au tuar tuar chuan "nang mihurnu ka that khawp angche,in nufa khan ka that angcheu" ti tuar tuar chuan rempuia kut chu a chum dawt dawt

Ka hawi chhuak ngamlo,kan sir vel a mipui ho chuan an phone in thla an la sup sup,ka fapa lah țap bang mai theilo,ka mittui ka khap per sak sak,taxi chhung a ka țhut luh rual chuan "ka pu hman hmaw rawh aw" țah aw țuau chuan ka ti sup,bawihtea pawm chung chuan,ka mittui a rawn luang ngiai ngiai

Engtia rei nge khami te vang khan zahna ka la hma chhawn anga,ka fapa ka tawrh tir ang,ka mit ka chhing sawk,rempuia thuswi "i fapa chiah anilo" atih chu ka beng ah a rawn khawng rum rum,ka lu thing nawk nawk chuan "ka fapa,ka fapa chauh" ti sup chuan ka kuah nghet sauh bawk

Bawihte'an "mommy" țah aw țuau a a rawn tihve chuan rang zet a thlah in ka en,mittui la tling pam chuan min en kiau,a hmai a chul pah chuan "tihpalh aw bawihte"ka ti sup,ka kut a rawn vawn hnan chuan ka mal chung ah rawn țhu kai in ka awm ah a bei nghal zat

A hnungzang a chul hliau hliau chuan,rempui'an bawihtea hi minlaksak duhna rilru pu tase engtin nge ka tih ang,nilo..chungthil chu a ti theilo,ati lo top ang,ka ngaihtuahna vang chuan ka à mai dawn in ka hria,ka thaw kawk kawk

Inkawt kan thlen chuan ka mal chung țang țhu thla chuan kawngkhar hawng in inlam pan chuan a tlan nghal ter ter,taxi fare ka pek zawh chuan ka pan ve nghal,in chhung ka luh hma chuan thaw ka la kawk,mit ka chhing sawk,inchhung ka luhrual chuan manun'in "urinte bawihtea hi engmah ala eilo tak tak emni?" Alo tih chuan ka bu nghat "manun ei tur lo pe la, lo ti fai mai tache ka chau deuh tlat a" ka tih chuan nui snag in "ngaihtuah suh,ka lo ti fai ang" atih chuan ka bu nghat" ka pi hi enge an vawiin lam te" tih pah chuan a room lam chu ka melh zauh

Bawihtea ei tur chawk mawlh mawlh pah chuan "a zia lutuk e,a muhil deuh chiah anih kha" atih chuan ka thaw hak,tunlai ka pi nuamsam lo deuh reng hi ka ngaihtuah tak zet,in entir tak tak lah aduh hauh silo nen,rilru ati hah takzet

Zawi zet chuan room lam ka pan,ka luh rual in ka bag chu khum a theh thla pah chuan ka bawk thlawp, mahni lo mah a rilru hahna tur ngah sa nen,Irene'i leh rempuia rawn in lar chhen hian minti hah takzet

Ka mit ka chhing diar diar tih chuan ka phone a rawn ri,ngaihsak loh chuan ka chhinglui tlat,a rik nawn tluk tluk avang chuam in beng kang in ka bag chhung ami chu ka phawrh,caller ID ka en chuan ka no hriat ngailoh anih vang chuan ka phone chu power ka off hmak,ka sir a theh thla pah chuan ka mu leh nghal zat

Ka mu kha kalo muhil tlang ani ngei ang,ka harh chuan ni alo chhuak uaih tawh,sana ka en dar 9:30 pel tawh tih ka hriat chuan ka in perh tho nghal zat,hman hmawh zet a inti fai huan ka chhuak nghal,manuni kawngkhar ațang a rawn lut chiah,nui sang chuan "i nuamsam meuh nange?" Min tih chuan ka pi choka țang rawn chhuak in "enge i an arinte i țha maw?" Min ngaihtuah hmel zet a min em chung a tih chuan ka bu nghat "ka țha lawm,ka kal nghal mai ang,ka pi dar 10:30 ah mi hmuh tur ka nei a,manun bawihtea kha i kur ah ka dah aw" tih zawm zat chuan ka tlan chhuak nghal

Ka thawh hlim ațang alum ka tih em avang chuan kalawrbul,ka khup khuh lo deuh chiah chiah vel,leh Tshirt var plan chu ka ha tlawng,ka sam ka tawm sang vah bawk,dawr ka luh rual chuan customer țhutna kan siam ah chuan benjamina in kuangkuah chung a tum hmuk a lo țhu ka hmuh chuan ka ding dat,chik zet chuan minlo en kur bawk,ngaihsak loh hmel zet chuan,,mahriatin customer a be mawlh mawlh lam chu pan in "ka rawn tlai deuh a,hna thawk thar tur pawh naktuk ațang a rawn țan ang aw" ti sup chuan bena kal pel chuan ka office lam chu ka pan nghal zat

Office ka luh rual chuan ka thaw hawk,a awmve tih ka hriat ringawt pawh hian minti awmnuam lo takzet,chair ațhu thla pah chuan kan thawmhnaw lakdan vel chu ka en mawlh mawlh,dawhkan rawn ri in beng ri dawt ah chuan ka phu zawk,ka dak chhuak,chiang fahran in benjaminan min chhuk run ka hmuh chuan thaw kawk in "minti phu alawm,kal sawn teh hna thawh ka ngai" ti hrawih chuan lehkha chu pawt in ka en leh nghal ngar ngar,ka rilru ah a lut lo takzet

Ka lehkha ken rawn lak sawn pah chuan "bialpa i nei emni?" Thutak hmel fe a tih chuan ka nui chhuak hawk,chhan tin a ka tin loh vang chuan ding chhuak in a lehkha ken chu ka pawh thlak sak"nang ang a mihausa ka nihloh hi,ka chhungkua leh ka fapa ka chawm angai,i sawi tur i sawi zawh chuan kal tawh rawh"tih zawm zat chuan ka țhu thla leh

Dawhkan rawn kal hual chuan,ka dar a vuan in min tung thi nawlh,ka chhip ațang ka ke ler thleng cuan chik zet in a en thla dan dan,a awm dan mak sak tak leh min en chik em avang chuan ka laiin ka khup ka tawp chawih"e...e..engthil nge itih?" Bah nawknawk ka tih chuan a thaw hrawih

Ka țhutna hnung a ka puanphel ban,a chang a ka bih zeuh zeuh țhin chu pawt thla sawk chuan,min rawn bih tir nawk nawk,a awmdan chu mak ka tih em vang chuan ka en ringawt,min bih tir zawh chuan chair ah min nam țhu in amah pawh chu dawhkan chung ah a țhu kai nghal zat,ka chair chu alam a pawt hnai chuan "vawikhat mah kekawr bul emaw kawr chhing lutuk ha tawh suh angche,nilo...khawlia chhuahpui nan hmang tawh suh angche,bialpa chu i nei em?" Tih khur khur chuan ka țhutna chair chu ka chhuah theih loh nan a vuan ran bawk

Awih loh zet a nui hak chuan "engthil nge maw i hriat le,neilo..neilo..nei.."ka tih lai tak chuan min rawn fawp nghal chawt,min fawp vang vang chuan,inla hrang in a kutzungpui chuan ka hmui a tuai zauh,sexy zet a nui chuan "neilo tih kha tawk,ilo nei anih pawn chu mipa chu ka pawtsawm duh ngei ang"ti sup chuan ka khabe chawi kang in min fawp leh vawng vawng

Engkim hi a reh țhuap niber in ka hria,tun ah hi chuan emah lungkham ka nei hauhlo,ka phone a rawn rik chuan phun hluk in a inla hrang,ka nui suk,phine ka lak kan rual chuan,ka kut a rawn vuan in "engvang a nizan a ka call chhanglo nge ini?" A rawn tih leh chuan thaw hak in,ka phone ka melh zauh "kan chhang phawt ange" ka tih chuan ka phone chu min laksak pah in "sawi phawt rawh"tih leh hnai zet a min en chhuk run

Thaw hak in "i no ka hrelo,ka no hriatloh ka pickup ngailo ațha em? Hna thawh ka ngai" tih pah cuan ka phone min pe let tur chuan a hma ah ka kut chu ka dawh,nui hak hak in "ila ngai reng" ti sup chuan min fawp zauh in ka phone chu ka kut ah a rawn dah

Kan thawmhnaw lakna te nen kan inbiak chhung zawng chuan ben'an kalsawn phal lo in ka chair a vuan bet ran,kan inbiak zawh chuanelh hrawk in "ka chhuah angai kal sawn tawhteh"ka tih chuan dawhkan a țang chhuk in min pawt ding ve nghal zat,chiang zet a min en chuan "mipa tumah melh suh angche"ti sup chuan ka sam tawmna chu a phel nghal zat

Rak țhat in"ka sam țawnna kha rawnla khawlum nen"ti tuar chuan ban ka tum chu a ak nghal daih,ka biang tawn tawn a vuan in min fawp zauh pah chuan "ti khan i nalh zawk,ka kal ania"toh pah in min fawp leh zauh chuan inla hrang in pawn lam a pan nghal zat

Ka en tlawk tlawk,a awmdan mak lutuk leh,naupangchhia lutuk chu amak takzet,nui suk chuan,ka sam chu chul mam in chair ah chuan ka țhu thla leh nghal

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 19th, 2017, 7:08 pm

GUARDIAN_ANGEL #22

Thawmhnaw lak na te nen call a kan inbiak a vang in tlailam ah Hospital ah ka fapa samzai leh Irene'i fanu samzai ka lak chu DNA tih tir tur in ka ken angaih vang in,dawr ah mahriati chu ka pui ve nawk nawk,ka dawr hi lian em em rihlo mahse,dawr tu neuh neuh hi Pathian zar ah kan ngah phian thung

Mizote pawh kan changkang in kan incheina sang in thawmhnaw lam ah pawh kan ngamsang tawh hlawm hle ani,customer awmloh lai chuan chair a țhu chung in mahriat'in plate a theithur bawl a rawn chawp chu ban in ka ei nghal zat,nernung chuan "tukin kha,u bena kha,i rawn kal tawh leh tawh loh en tur in i office ah luh a tum kha,nizan lam ah chhuahpui i neih thu in ka lo fiam zauh a,ka fiam sual in ka hria"nui kur kur pah a tih chuan ka ner nawr

Nui hak hak chuan "anilo tih pawh ka sawi ngam tawhlo a,ka inthiamlo letling alawm"a tih chuan ka nui suk,kawngkhar lam ațang "helai hi thawmhnaw an nei nalh an tia en chhin teh ang" ti tu lam chu ka hawi,rempuia nu nen kan mit a in tawng chat

Mahriat'in "lo leng ru englam nge in duh?" Tih pah chuan an awmna lam a pan nghal zat,muang chang chuan ka tho chhuak,rempuia nu hmela mak tihna chu a hmuh nawm tham hial ani,min melh run chung chuan "dawr neitu kan be duh,tirhkah satliah nilo in" chapo zet a min melh kalh chung atih chuan,mahriat in min rawn melh vat"saw saw dawr nei tu ber chu ania" zawisup a tih chuan ka țhensak

An ni ang a milian ni in,hausa lo mah ila,hman a hmeichhe naupang a hmuhsit em em țhin,a dikna pawh sawi ngamlo kha ka ni tawh tlat lo,hlauh leh zah chhan tur ka nei heklo

An lam pan chuan ka nuilui sang,rempuia nu bul a ding chuan "aw haw nangmah maw a neitu,ava lawmawm ve a neitu ngeiin minlo buaipui tur chu,naktuk hi ka birthday ania,Hotel Regency ah lawm kan tum a,chumi hun a hak tur nalh tak kha min han thlanpui teh"nui huah huah chuan a ti bawrh bawrh,rempuia nu mitmeng thimkhup chu haider hmiah in ka nuilui sang "tehrengmai,he lam lo kal rawh,nimin lawk a rawn thleng thar ho ka en tir angche" tih pah chuan kawng chu ka kian nghal zat

Kan hnunglam ațang "arintei chu engtik khan nge i rawn chhuah a,jail ah ila awm reng tur ah ka ngaiche a,hei kan pawisa pek che khan emni dawr hi ilo hawn a?"ngeiawm zet a rawn tih chuan,a țhian nu chuan min melh ralh ralh,nui lui hak hak in,ngaihsak lo zet chuan thawmhnaw ho chu ka khai chhuak "henghi rawn thleng thar ania i duhzawng a awm em han en chhin teh" tih pah chuan kawrfual ho chu ka pek pah chuan rempuia nu chu ka melh zauh "ka nihlohna a puh in ka awm a,chunglam khian alo hria te pawh ani mahna,engpawisa mah inlak ațang ka dawn ka hre hauhlo bawk,ka pi"nernawng ngei awmzet ka tih chuan, rum zet a min melh pah in "mitin in kan tihsual rah țheuh alawm kan seng,anih chuan pawisa chu ila nei aniang maw" a tih chuan ka bu nghat

Ațhiannu inthlakna room ațang a rawn chhuah chuan ka nui sang"i nalh lutuk,i vun rawng analh a engrawng pawh kha i in hmeh" tih pah chuan "adik alawm nu ruatpui,mitin in kan tuhrah kan seng,thudik pawh khuh hlen theih ani ngailo,pawisa chungchang erawh ka hre hauh lo mai Pi ruatpui " tih zawm zat chuan,rempuia nen kan in neihlai pawh khan KA Nu tih kha a duh ngailo anih kha,tun ah phei chuan ka koh chhan tur ka hre bik hauhlo

A țhian nu in "khawizawk hi nge nalh ang"tih pah chuan a rawn khai kang,a thawmhnaw thlek vang vang chuan "a sen no pawh kha i inhmeh lutuk i lang no zual a" ka tih chuan nui ar ar in "ka lo rilru deuh a,anih heihi kalo la ang,puii i en ve dawnlo ami"tih zawm zat chuan a kawr lak tur chu minpe nghal zat

Rempuia nu in "hmundang ah en ka duh,tiang mihnuaihnung lutuk hi chuan thil țha tak an zawrh ka ring hauhlo" tih pah chuan min melh kalh,hrelo ang hmak chuan "mahriat heihi lo pack sak rawh aw,chhuah ka ngai tawh tlat a,minlo hrethiam mai teh u" nui sang ka tih chuan,ațhian nu zawk chu a bu nghat

Ka inher ka pensawn tur chu rempuia nu in "remi minlo nghak lawk tache Arintei hi biak lawk ka duh a"atih chuan muang chang in ka inher,ațhiannu chuan mak tih hmel zet amin en chung chuan a bu nghat

Nuilui suk chuan"ațha lawm minbiak duh chuan helam ah kan sawi dawn em niang"tih pah chuan ka office lam chu ka pan nghal zat,ka luh rual in a rawn lut,a lam ka hawi rual chuan na zet in ka biang ah a rawn beng țhuai,ka biang dawm chung chuan ka dak vah,thip zet a melh let chuan,ka nui lui hak,ka beng let ve sawk"hman a hmeichhe naupang i monu..nilo..mo atan pawh i pawm ngailoh i tihduh dah leh hmuhsit em em kha a awmtawhlo,vawikhat min beng anih chuan keiai i upa emaw a rul tawk in hmu ve zel tawh ang" ti hrawih chuan ka melh hrawk

Thinrim mitmeng sen vek chuan min melh,kut khur dar dar chuang a zungchal a min kawk chung chuan "nang..nang hi ilo huaisar tawh hle mai maw,tun ah chuan kut min lek khum ngam tawh ani mahna,i dam chhung hremhmun ah chantir in jail ah ka khung leh lo angche tih ka sawi theilo,ka fapa hnaih ah rawn in lar suh angche" ti tuar chuan min rawn ban leh a tum chu ka lo man bet,ka phih sawk "han tum chhinla,kei hianmaw,ka nu leh ka nun intih chhiat vek man hi ka pe let dawn che u...ohhhh..in company ah share 15% ka nei tih ilo theih nghilh ange,nilo..i hrechiang khawp angchu,ro ka chan ve i hlauh vang anilawmni,ka pa pawh kha Irene'i nen thah in tum" ka tih hrawih chuan a mitmeng a mak tihna chu ka hmuh hmaih hauh lo

A ding khur tihlah ka hai heklo"nang..nang..nang hian pakhat mah chan i neilo,e...eng..engtin..." bah nawk nawk a atih chuan melh hrawk in "engtin nge ka hriat maw? Mak ti suh kha chu a bul țan na nih kha, ka Nu,nilo...nu tih țawngkam ka lak ațang i duhlo ang bawk in i phu heklo,i sawi tur i sawi zawh chuan chhuak rawh" ti hrawih chuan kawngkhar lam ka kawk vah

Ka mit thla ah ka nu nen a rethei tak leh hmusit tak a mintih lai leh min țawngkhum lai te,Irene'i vang a kut min thlak lai te leh,an in chhuahsan kan tumlai a,hmusit tak a min țawngkhum lai te leh chhuak tur a mintih lai te,ka nu mi anglo atih țhin lai te chu,nimin lawk ang maiin ka hma ah a rawn lang zawt zawt,ka mittui a rawn luang ngiai ngiai

A chhuah rual chuan ka thaw hrawih "kan tuhrah kan seng,iti tiraw kha....lo nghak rawh u pakhat tete in ka seng tir ve angcheu u" ka ti hrawih,ka nu lehkha a ziak kha a dik chiah ani tih ka chiang lehzual,engtin nge a pasal ngei share ka neih a hlauh vang a thah a tum theih,lehkhabu kar a,Sailo Industries limited a ka share neihna lehkha inzep kha mak ka ti em em,ka pa kha ka lak ah khan rilru țha tak alo pu ani tih ka hriat thar uar uar phah "in neih hi ka awt hauhlo,mahse nangni tih chhiat theihna cheu anih chuan enghmanrua pawh hman ka pawisa hauhlo bawk"ka ti leh sup

Ka sam tuai mam thuak thuak chuan ka mittui ka hru hul tawk,ka office ațang ka chhuah chuan mahriat in "urinte awii enge pi ruatpuii kha i hrilh a,min rawn vin hrawk hrawk a" mak tih hmel zet a tih chuan ka nui hak"ka lo let tawh kher lo ang aw,a phutawk ang chhan na ka pe anih kha" ka tih chuan a bu nghat nghat,ni e..mintih angzat chiah zel ka pe let zel tawh dawn,ka sawi ang in kum5 kal ta a hmeichhe naupang an hmuhsih leh an kawhkual mai mai kha a thi tawh,tun ah chuan Nu chan tawh hmeichhia,Emmanuela nu ka ni tawh tlat ani

Taxi ka chanlai chuan ka phone a rawnri,ka pickup rual in "khawnge i awm?" Ti khur khur a, Benjamin'an a rawn tih chuan ka thaw hak,phone chu melh hrawk pah in taxi rawn tlan chu ka phar,"civil hospital aw ka pu"ka tih chuan ben'an "enge damdawiin ah itih dawn i țha em?" Mangan hmel zet a rawn tih leh chuan "tihtur ka nei ka buai lutuk,ka dah nia"tih rual chuan ka off nghal hmak,ka nui suk

Civil ka thlen chuan taxi fare ka pe,damdawiin chhung ka luh hma deuh chuan ka ban ah min phih lawp a,car park lam min pan pui hlawk hlawk tu chu ka melh,min vawnna ban chu ka theih tawp in ka chum bawk "min thlah rawh mitenawm pa,min thlah rawh lalrempui" ti tuar tuar chuan ka chum in ka sik bawk

Min thlah thut a vang chuan ka pai deuh chawn chawn,min rawn vawn leh a tum chuan ka lo vai kiang sawk,rum zet a melh chuan "engthil phiangsen nge itih,lalrempui?" Ti hrawk chuan kalsawn ka tum chu ka ban ah vuan in ka hma ah a rawn țhingțhi rawp,makti zet chuan ka en,"engthil nge itih lalrempui?"ka tih chuan zawi muang in a rawn dak chhuak

Amit meng sen rum ah chuan ațap ve te pawh a ang lek lek,a hmel chauh hmel zet leh beidawn hmel zet chu a khawngaihthlak lek lek bawk"arinte ka tihpalh,khawngaih in min ngaidam rawh..nilo...ngaihdam tlak ka nilo tih ka hria,mahse nang leh ka fapa hi ka hmangaih takzet che u ani,khawngaih in chance minpe leh rawh" tih pah ka kut rawn vawn atum chu,ka tawlh hnung hrat

Ka awihlo hial zawk,engtin nge a ngam zawk,ngaihdam maw? Mittui tlingpam chuan ka melh "maw ngaihdam maw?" Ka ti sup,kun hnap chuan "ka hria,i lak ah thil tamtak ka tisual tih,mahse nang leh ka fapa....."a tih lai chuan "kha i kâ bawlhhlawh tak khan vawi engzah nge ka fapa ti tawhlo tur in ka tih che,lalrempui mihring zahna hrelo lutuk...nilo..mihring pawh ini,ramhuai inih hi,ramhuai" ti tuar tuar chuan a țhing țhi lai chu ka chum dawt dawt

Rawnding chhuak in,ka kut chu man bet in,min kuah bet nghal zat,tal laih laih a rem lai lai ah ka chum bawk "lalrempui min thlah rawh,nang leh i chhhungkua hi ka hua cheu,hremhmun ah kal rawh u"mittui tla zawih zawih chuan ka ti tuar tuar

"Arinte ka hmangaihche,lo let leh rawh"ti sup chuan min namsawn deuh chuan a rawn kun hniam,ka theih tawp in a awm ah nam sawn ka tum bawk,min fawh tum in a rawn kun hniam tih ka hriat chuan ka thlesawn zak zak"tenawm pa min thlah rawh"ka au tuar tuar bawk

Ka tha zawiin ka țang hlei thei tawh lo,vawi leh khat a min rawn phih dawrh tu an awm vang chuan hnunglam ah ka kat nawk nawk,mittui kar ațang chuan tunge tih ka en chuan,benjamin'an rempuia a hnek sawk sawk ka hmuh chuan,rang zet in ka pan nghal,ka dang lo anih chuan bena hian rempuia a that duh mai dawn a ka hriat vang chuan,ben'an rempuia kawr awm a țham sawk a,a hnek leh tur kut tum lek kang vah chu rang zet in ka vuan bet "ben a tawk i that mai dawn"țah aw țuau a ka tih chuan,mitmeng sen rum a min melh in,ka vawn na chu a phih thla sawk,a hnek leh țhuai,ka rak țhat

Rempuia hmel ka en chuan thisen in a hmai chu a khat ti ila a dik ber ang,a mit ko te,hnar leh kâ țang chuan thisen a chhuak,benjamin'an a kawrawm a țham leh a hnek leh atum chuan,"a tawk duh tawk rawh benjamin"ka thei tawp a ring chuan ka au,ka beng hup in "duhtawk rawh,khawngaih in,duhtawk rawh iti hlum mai dawn"ka ti sep sep,ka tha a khur dar dar,ka țap nghal hawk hawk bawk

Benjamin'an rempuia zawi zet a ding chu nam sawk in ka lam rawn pan in min kuah bet"ka tihpalh,engkim ațha vek e,bawihte ka tihpalh"ha che chil rap rap chuan a ti hrawih

A aw chhuak leh ataksa pawng țawlh țawlh ah chuan,athinrim in sum a tum hle tih ka hre thei,a thaw deuh hrawih hrawi bawk,ka tha khur nasa lutuk chu bena tha ring in ka ding țawk țawk,khatiang em em a bena thinrim kha kala hmu ngailo,ka hlau takzet,sakawlh angchiah ani,a mitmeng rum lutuk sen ram leh, chevel kha ka mitthla a cham reng atan pawn ka duhlo takzet

(😃ka khuasik reuh a vawiin chu,ka tlai hret😘mifel ho click kha aw😍click..)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 19th, 2017, 7:08 pm

GUARDIAN_ANGEL #23
www.storyfb.com mizo story thar englai pawhin chhiar tur a awm reng

Engtia rei nge ben'an min kuah ka hrelo,tlem a inla hrang hlek,ka hmai zar tu sam chu hui kiang pah in,a hmel ka hmuh theih nan min kuai dak,ka mittui hnawng chap a kutzungpui a,hruhul pah chuan "i țha em?" A tih sup chuan ka bu nghat

Rempuia awmna lam ka melh chuan engtiklaiin nge a kalsawn ka hrelo,ka thaw hak,ben'an "kan kal dawn ami?" A tih leh chuan bu nghat chuan ka melh,ka pensawn tur chu lei a tissue paper a thisen kai tla dar deuh nuaih ka hmuh chuan ka ding dat,bena melh chho ha chuan "thisen a chhuah ve che em?" Ka tih chuan nui suk in alu a thing mat mat,rempuia thisen anih ngei ka rin avang chuan ka pan hnai

Ben'an ka hnunglam ațang "enge itih dawn?" A rawn cbuan chhang pawh chhanglo chuan tissue paper a thisen kai chu ka chhar khawm,ben'an "engthil nge maw itih le?" Tih pah ka kut a rawn vawn chuan ka nuisuk"i kut ram lutuk hi vawiin chuan a țangkai hle mai" tih pah chuan ka hmui ka ti pawrh tarh

Nui hak hak in "nangte hi kut ram te min tih,kha mihring kha i bul hnai a ka hmu leh a nih chuan ka that duh hial ang" atih hrawih chuan ka ner nawng

Kal sawn pah chuan "enge i rawn tih dawn re re?" Tih pah chuan lei a ka bag tla chu chhar in a chhung a plastic bag ka dah chu phawrh in rempuia thisen kaina tissue chu ka khung nghal zat,ka bul a rawn thlen rual chuan,ka dar rawn kuah pah in "hmutur che in,engatan maw i mamawh khapa thisen kaina chu" chik chet a min melh run pah a tih chuan hmui ti pawrh tarh in "ka thuruk"ka tih chuan a hnar a tum dat

Damdawiin chhung a kan luh chuan a awm ve dang te chuan min melh hrek hrek,ben'an min kuahna dah thlak ka tum chuan min vuan nghet sauh in "che che suh"ati duh lek,a nak a nghawk sawk chuan "miin min en țhup hi,a zah thlak bakah......"ka tih lai tak chuan rang zet a ka hmui a rawn fawp zauh chuan "ka bialnu ka kuah ani mai,duh duh in min en ang hmiang" a tih chuan ka ding chawt,ka hmai a sen nghal tan tan

Rum zet a melh hrawk chuan a nak ah na thei ang ber in ka nghawk sawk,chak thei angber in ka kal sawn nghal hlawk hlawk bawk,ka hnung lam ațang nui hawk hawk pah in "bawihi minlo nghak teh,ka fiam che anih kha" a rawn tih pawh chuan hawi let duhlo chuan ka kal hmawk hmawk,tu emaw ka su dawt,hnunglam ah ka kat nawk nawk

Ben'an min rawn vawn pah chuan "i țha em" atih chuan ka bu nghat,ka sut cu tunge en tum chuan ka dak chhuak,mipa sang țha ve tak,bena nen an in chen vel ang,mahse bena taksa a phiar țhat zawk vang in a lang lian mah mah zawk

Doctor ni awm tak ani,doctor coatsuit a ha zarh bawk,a in hmeh em em,nui suk chuan "ka tihpalh ka lo en miah lo a ka kalna tur ka tina che em?" A rawn tih chuan ka lu ka thing mat mat,ben'an "i țha tak tak maw bawihi?" Min ngaihtuah hmelzet atih chuan nui suk in "ka țha "ka ti sup

Ka mi sutpa chuan "helam ah te i rawn kal a enge puih theihna cheu ka nei re re em? Ngaihdam dil nan" hmel hlim sarh a tih chuan ka harh chhuak zawk,rempuia fanu samzai leh rempuia thisen chu ka la chhuak nghal vat,a hma a khai kang vu chuan "heihi,DNA test tih ka duh a,a theih angem? Ka sawi awmzia chu,tissue paper a thisen zawk hi nia ka tih" dang awk lek lek ka sawi chuan a bu nghat,ben'an minkuah reng avang leh min melh reng avang chuan ka awm anuam lo in ka lungphu a chhuak mai dawn in ka hria

Doctor chuan ka thil ken chu rawn ban pah chuan "theih e,helam ah min rawn zui rawh u"nui sang a tih chuan bu nghat chuan,doctor kalna lam chu pan ka tum,ben'an ka kawng a kuah run chung chuan ka bengbul ah"a en dan che kha ka duh hauhlo" a rawn tih sa sa chuan ka nghawk leh sawk "miin min em renghi,uang hun anilo"ka tih chuan hnar tum dat in "a țha lawm" tih leh min thlah dawn emaw ka tihlaiin min pen sawn pui nghal pawk pawk

Room pakhat ah kan luh chuan doctor ka sut khan minlo nuih sang "doctor robert ka nia,chuan heihi an hming vel i ziah ngai a" atih chuan paper min pek chu la in ka en,rempuia chu ka hre mai a,a fanu hming ka hre hauhlo,bena melh zauh chuan "Irene'i fanu hming i hria em?" Ka tih chuan ner nawk in "lucy lalrinawmi niin ka hria,lawk internet ah kan en chhin ange"tih pah chuan phone chu pawrh in a en nghal zat

Bu nghat chuan "imm a dik" atih chuan ka ziak nghal,doctor in "benjamina ini em"tih pah in ka paper pek chu la in a en nghal zat,ben'an min melh zauh chuan "a dik alawm"ti nghut chuan k ban ah a rawn vuan leh nghal zat

Doctor chu nuisuk in "linda'i i hria angchu Australia a i țhian ka ti dawn nge i țhian hlui"nui sang a rawn tih chuan bena a thawri hrawih leh min vawnna hmerna salh ah chuan eng amaw diklo a awm a ka hriat vang in "engtik nge result ka rawn lam theih ang"ka lo ti vat

Doctor chu nui suk in "naktuk tlai lam ah in rawn lam dawn nia,ka lawmpui lutuk che benjamin bialnu ilo nei hmelțha em anih hi" a tih leh ngat avang chuan,bena ka mel zauh,a bek a thisen zam pawng țawlh țawlh ah chuan a thinrim hle tih a hriat ngawih ngawih,tu chiah nge maw ni linda'i chu? ti khawp a benjamin'an a hriat duhloh,nilo a bialnu hlui te pawh alo ni mai thei a sin,ka lu thing nawk nawk chuan "kal ila ,naktuk tlai chuan ka rawn lam ang" ti sup chuan bena chu ka pawt chhuak nghal

Damdawiin kawt kan thlen chuan engvang a lungawilo ngawt nge ka nih ka hrelo,chakzet in bena chu ka kalsan hlawk hlawk,ka chhaklam a taxi rawn tlan chu ka phar nghal zat,ben'an ka dar a min rawn kuai her sawk chuan "engthil nge maw i hriatle? Engvang a thinrim ngawt nge inih?" A ti hrawih chuan,ka mit ka chhing sawk,engvang a țah chhuak em em nge ka nih ka hrelo,mahse hmeichhe dang vang a awmdan a danglam kha ka thinrim a rim takzet

A kut chu vai thla sawk chuan "min thlah rawh,i duh duh a bum theih ka nilo"ti tuar chuan in her in taxi kawngkhar chu ka hawng nghal zat,kawngkhar chu rawn nem khar țhuai chuan min kuai her nawk chuan min fawp nghal chawt,min fawp tawn tawn,min fawhdan chu in hremna a ang mah mah zawk

Khuathim lek lek mahse damdawiin kawt anih vang in vaivak vel an la awm neuh neuh bawk,thaw hawk chuan a inla hrang,a chal in ka chal rawnsik tir chuan,a thaw ham ham,ka awmdan zawng zawng leh lungphu chu a danglam vek,ka thlanfim in min leih nghal,ka tha a khur ru dar dar bawk,ka chal tauh deuh bawp chuan "thinrim suh aw"thawp sap a tih chuan ka melh chho ralh "tunge linda'i chu?" Ka tih chuan a thaw hak,engvang a hriat chak em em nge ka nih,nilo bul țanpui tur in a tan kantlinglo tih ka hria,mahse midang tan ka phal hauh silo,ka van huam hap si em!!!

"Hrelo la a țha zawk"atih chuan ka biang a vawn na kut chu dahthlak sak pah chuan "ațha lawm"ti hmuk chuan hmun dang ka hawi nghal hmak,nui ri hak chuan "itan a țhat zawk a ka rin vang alawm,bawihi min ring rawh,ka tan nagmah chiah hmeichhia i awm"ti sup chuan ka kut chu la in a hum vang vang

Khap fak fak chuan ka melh ralh,nui suk chuan "ti khan min enlo teh,dinner ei zawh ah ka thlah haw angche"tih pah chuan ka kawng a kuah in min kalsawn pui nghal zat

Ka thinrim em em lai leh keimah pawh in control har ka tihlai pawh in he mihring hi chuan ho te in min tilungawi leh mai țhin hi amak ka ti takzet ani

Dinner kan ei zawh chuan kan inlam kan pan,stearing a vawn lohna lam chuan ka kut a hum ran,a chang in min rawn melh leh zawk"bawihi min ring rawh midang in engpawhsawise,min ring tawp tur ani,i hrethiam tiraw?" Thutak zet a rawn tih chuan ka mit ka chhing sawk,tun a ka awmdan hi a dik reng em? Nilo..keihi bena nun ka ti chhe vek angem,keilo midang,kei ai țha hi a phu takzet ani,mahse chu chuan minti na vawng vawng bawk si ani

Ka kut rawn hmer salh chuan "vawikhat chiah i thinlung duh zawng kha zawm ve teh"a tih sup chuan muang chang in ka meng riai riai,ben'a lam chu hawiin ka en kar,a hmel pa tak,a khabe ruh kual lian lam lek lek,a hmui sexy em em te,a engkim hi ka duh vel vek ani,nilo ka hmangaih takzet ani

Ni e,engpawh thleng dawnse,ka thinlung duhdan zawm chu enge a harsatna,nilo..a vawikhatna ani hial ang chu,ka thaw hak "i tan chuan ben keiai țha hi i phu ani,keichu fa neitawh,nuthlawi,tualthah thubuai lo awrh tawh ka ni bawk"zawi sup a ka tih chuan tukverh lam hawiin ka mittui tla tur chu ka khap per sak sak

Ka tan sawi ahar em asin,ka hmangaih em em hnen ah atan ka tlin loh thusawi chu,ka thin zawn chu vih sawk ang maiin a thip zawk zawk

motor chu ti ding in,ka dar ah a rawn vuan"min en teh " ti sup chuan min kuai her,mittui tlingpam chuan ka en kalh,nui suk chuan ka lam a rawn awn deuh in ka hmai a rawn zut thla riak riak "bawihi i nunhlui ah ka buailo,nunhlui i neih hma in ka hmangaih tawhche,thlawi ini emaw,tual that tu ini emaw engmah a danglam lo,engmah ngaihtuahlo la,min ringtawp rawh,ka sawi i hrethiam tiraw?" Atih sup chuan ka mittui a rawn luang ngiai ngiai,bu nghat nghat chuan "ben" tham țuak chuan ka ti sup

Ka hmui a rawn fawp vang vang chuan,a kut țang in ka mittui hru hul pah in "i mit mengmawi tak ațang hian mittui ti tla tawh suh ka tih kha"ti sup chuan sexy zet in min nuh sak,nuih let sak chuan "a tlai tawh bawihtea alo mangang ang haw vat ang" ka tih chuan hnar tum dat a inla hrang pah chuan "ka neih vat che angai dawn nih hi,hawnkawng in anglo reng hi ka ning"ti nuah nuah chuan motor chu a ti nung nghal zat,a hmel nernung chu ka nuih hak hak

Kan in kawt kan thlen chuan ka chhuah na tur kawngkhar rawn hawng in,ka pensawn tur chu "min mangțha i tum nange?" Lungawilo aw fe a rawn tih chuan nui ar ar chung in "muttui le,kal tawhrawh a tlai tawh"ti pah chuan in her mai ka tum chu "khanglek ka duhlo"tih leh min pawt her sawk in,a bolero lian zet a min nem bet chuan min fawp tawn tawn,duhthawh zet in kalo chhang let ve bawk,ka kawr chhan a ka hnute a rawn hup chat chuan rangzet in ka nam sawn"a hunlo lutuk"ti țuak chuan ka thaw halh halh

Ani pawh thaw hrawih hrawih chuan "hmm ka neihvat che ngai nih hi lut tawh rawh"ti sup chuan ka chal a fawp zauh in,ațhu lut ve nghal zat,nui ver ver chuan a tlan chhuak chu ka vai lauh lauh

In chhung ka luh chuan țhut khawmna ah ka chhungte,ka neih chhun ngawih ngawih te chu an lo țhu khawm,bawihte'an min hmuh rual in "mommy,i van reive"alo tih chuan ka nui suk"ka buai deuh a,thu ilo awih viau em?" Ka tih chuan a pi melh zauh in "api ka fel tiraw?" Atih chuan ka nui hak hak,ka pi in "zanriah i ei tawh em?" A rawn tih chuan ka bu nghat "ei tawh e ka han inti fai ange" ka tih chuan,manun'in rangzet ka ban a rawn kaiin,room ah min pawt lut nghal rawk rawk

Mak tih hmel zet ka en chuan phone a rawn phawrh "urinte heihi,bena ani tiraw chuan a fawh hi nangmah,Lalpa lehhhh!! In inngaizawng tih i sawi miah lo" lungawi loh hmel zet a, uar fahran a atih chuan,a kâ hup beh pah chuan "țawng zawi deuh rawh ka pi leh bawihte'an an hriat ka la duhlo ania,engtin nge maw anlo lak hman ni" ti halh chuan ka bag chu khum a theh thla pah chuan ka kawr chung hak chu ka phelh nghal zat

Khum a let thla tawp pah chuan "urinte i vannei lutuk ania,toys zawrhna hmun a ka rawn koh che pawh khan a en dan che kha mak ka ti tawh hrim hrim a" nui sang atih chuan ka thaw halh,a bul a țhu thla pah chuan "manun atan chuan ka tling lo em ani,keichu heti mai hi ka nia sia"beidawng zet ka tih chuan ka bul a rawn țhu țha pah chuan "chutiang ngaihtuahlo la,in inhmangaih a chu chu a tawk lutuk ania,bawihtea pawn pa a awt em em a,i thinlung kha zui rawh" atih chuan ka khi suk

Zankhua in ka ngaihtuah,enge dik a diklo tih ka hrelo,kalsan tur a,midang tan a ka ngaihtuah apiang in ka thinzawn hi vih sawk sawk ang maiin a thip sawk sawk,ka na vawng vawng bawk si,keimah vang a harsatna tamtak a tawh ka hlau em em lawi bawk si,a harsa takzet ani

Rinni anih vang in dawr ah mahriati kal lo tur leh birthday lawmna ka hruai tur thu ka hrilh chuan a phur em em,hnial duh viau mahila bena u chu ka hnial theih hauh(hoh) lo,a sawi angchiah in dar10 ah benjamina kan in kawt ah a ding vang tawh

Ka pi hruai ve kan tum chuan a duh tlatlo,in ah a awm duh zawk thu a sawi chuan hrehzet chuan kan chhuahsan,kawngkhar kan pelh rual in bawihtea chu bena lam a tlan ter ter chuan "benji ilo kal tak tak alaw"ring leng lawng a tih chuan mak ti zet in manuni chu ka melh,hriati pawn min melh nghal ralh

Dar san ak chuan "nimin khan bawiha te school ah a rawn kal a chawhma chhung deuh thaw chu an teacher te a dil a chhuahpui alawm,in inhmuh hma deuh ani ang" nui sung a tih chuan ka hnar ka tum dat

Anbul ka thlen chuan minlo nui suk,mahriat'in "ehem ehem,kal ang u in melhno renglo khan"manuni melh zauh chuan an nui hak hak,ner sawk chuan inthlakna tur vel ka ken chu bena pek pah in "nimin ah bawihtea i chhuahpui tih i sawilo a" lungawi chiahlo a katih chuan ka biang a piai zauh chuan "khawnge i awm tih ka zawh che khan i off daih a phone"dik inti fahran chuan mit ko ti sang ak ak chuan a nui suk

Hmui ti pawrh tarh chuan "chu pawhnise"ka tih lai chuan motor chhung lam ațang manun'in "lo lut vat teh u,in fapa hian a nghak thei tawhlo anih hi"a rawn tih lang lang chuan bena nen chuan kan nui hak hak

Kawngtluan chuan bawihte'an bena chu a be țawng char char,engtin nge anlo in nel hman em em ni,bena lah chuan biak dan tawk a thiam em em bawk,mahriati leh manunin nui suk suk a min kheuh zeuh chuan "thlawi chhai dan chu thiam hle mai"an tih chuan melh hrawk in "ngawi mai mai teu"ka tih chuan an nui hak hak

Bena te resort kan thlen chuan Hector leh lydia'in min rawn pan vat,Hector'an bawihtea pawm kang lawp pah chuan "Happy birthday Emmanuel"tih pah chuan an nu in thilpek ni awm takchu rawn pe in "heile kei pawn Happy birthday ka ti che" tih pah chuan a pe nghal zat

Min rawn melh chuan,an nupa a in melh ralh ralh in "vawiin chu naupang kan kawikhawm zawk dawn anga hle mai,duhtak"hector'an mit siai zauh a tih chuan ka hmai asa nghal hat hat,mahriati te pawh an nui hak hak,ben'an "in ho mai mai"tih nghut pah chuan ka kawng ah a rawn kuah nghal zat,an nuih a za tulh tulh emaw tih tur chuan an nui hawk hawk hlawm,ka zah lutuk vang chuan bena nak ah chuan a ngawk sawk,min en chhuk run chuan a nui suk duh lek lehnghal

Manuni te ka hmel hriat tir hnu chuan naupang dang awmna lam ah kan kal,rinai tak in ka fapa leh brianda'i te pawh an in kawm ngaih em em,naupang dang,lydia sawi dan in a caosin te fa pali nga awmve te pawh an kawm lem hranlo bawk

Cake zai(zei) dawn chuan birthday hla kan sak lai mek in,hnunglam ațang "kan rawn tlai anga hle mai"ti tu lam chu kan hawi țhap,Irene'in a fanu kai chung lo ding nen chuan kan in melh ran,a hmel ah chuan helai hmun a min hmu chu a ring chiahlo tih alang reng

Lydia'in "Irene lo kal rawh,cake kan zai dawn chiah a,lucy lo kal rawh u"hawih hawm zet chuan alo ti vat vat,ngawireng in ka ding,mununi leh mahriati pawh chuan nuam anti chiah tawhlo tih a hriat reng,min melh ralh ralh bawk,ka bengbul a ben'an "i țha em?" A rawn tih sup chuan ka bu nghat

Cake zai(zei) lai te chuan Irene'i chuan min melh ngar ngar,nuamlo tih chhan tur ka neilo tiin ka in hnem mawlh mawlh,naupang tui cheng ka en lai chuan Hector'a ka bul a rawn țhut pah chuan "khawnge bena,nagmah a i țhut a"arawn tih chuan, alam ka hawi vat

Nui suk chuan"phone ahmanglawk anih kha"tih pah chuan kan zawn deuh a Irene'i nui ar ar chu ka melh zauh,Hector'an "kan sawm ka hre silo,a zialo hle mai"inthiamlo zet a tih chuan ka lu ka thing mat mat,nui lui hak chuan "aho lutuk"ka tih chuan inchhunglam ațang lydia'in "Duhtak,arintei nen khan lo kal lawk teh u" a rawn tih chuan ka tho nghal zat

Ka fapa lam ka hawi chuan pool sir ah lydia'i fanu nen an infiam ka hmuh chuan ka luh san,lydia'in "heihi nimin a ka chah nia,tem chhin teh u"tih pah chuan wine tui hmel zet chu min rawn pe,ka lak rual chuan "ka rui emlo angchu maw"ti sup chuan ka nui hak,ka in ngailoh vang hian ruih hi ka hlau em em

No minpek ka in zawh chuan "pawnlam ah naupang kalo va en ang,a tui viau na ka duhtawk e"ka tih chuan an nupa in min nuih hak hak pah chuan"ațha lawm kan tihlui che chuan kan naua a thinrim lutuk ang"lydia'in a tuh chuan ka nui sak

Ka chhuah rual chuan ka hawi kual,bawihtea ka hmuh mai loh vang chuan ka kal kual,puitling chenna tur a an siam pool lam ațang chuan,manun'in "awi lalpa ka duh theilo bawihte"ti tuar ri ka hriat chuan rangzet in ka tlan nghal,manuni bul ka thlen rual in bena tui ah a rawn zuang lut nghal zat

Ka khur nghal hlawk hlawk,ben'an bawihtea tui chhung ațang zawi hnuang a rawn pawm chhuah ruak chuan,țap țuau in "nilo bawihte,harhteh,khawngaih in" ti mawlh mawkh chuan a hmai ah huan ka beng,midang pawh rawn tlan khawm chyan tihtur an sawi nghak mawp mawp,engmah ka ngaihtuah theilo,lydiai leh manun'in min rawn kuah,bena leh hector'an tih harh tum in am awm ah an nem,ka khur nasa lutuk chu ka ding hlei theilo"harhteh khawngaih in"ka ti sep sep

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 19th, 2017, 7:09 pm

GUARDIAN_ANGEL #24

Bena leh Hector'an bawihtea tih harh tum chuan CPR an ti mawlh mawlh,ka khur nasa lutuk leh ka inhum ruh lutuk chu ka na vek,10mins hma deuh chuan a rawn khuh chhuak hawk,a kâ țang tui a phuh chhuah hawk hawk chuan,lei ah ka țhu thla hnawk,ka țah a chhuak ngawih ngawih,mahse ka țap thei hauhlo

Ka mittui erawh a luang ngiai ngai,Hector'an bawihtea chu pawm kang lawp chuan "duhtak motor lo va la chhuak rawh damdawiin kan kal pui nghal angai a awmdan a diklo,bena arinte kha rawn buaipui rawh,manun naupang hi lo enkawl angche"ti zung zung chuan a pensawn pui nghal

Ben'an ka dar a rawn kuah pah a min tung tho pah chuan "bawihi engtin mah a awmlo ang, inti chak hram hram rawh"ti sup chuan min pen sawn pui nghal,Irene'i kan pelh dawn chuan nui hmel sang a min melh ka hmuh chuan, a sam a keh nghal bawrh bawrh mai ka duh,ka fapa tui a nam tla tu anih ngat chuan ka chhuah mai mai hauhlo ang

Bena nen Hector'a hnung ah chuan kan zui ve nghal,ka fapa thi chhawng in a awm a,engmah tih theih neilo leh,bawihsawm ngai zawk a ka awm chu keimah leh keimah ka in haw hluah hluah,ben'an ka kut ah a vuan ran,ka awm hi hnawh tu awm ang mai chuan a tawt up up ka chum leh dawt dawt țhin,ben'an "bawihi hahdam tum rawh,a țha leh dawn alawm"ti sup chuan ka kut a vawnna chu a hmer nghet salh

Damdawiin chu kan thleng rual reng,motor ațang ka theih ang a rang a chhuk chuan Hector'an ka fapa zawi hnuang a pawm chu ka pan nghal,damdawiin chhung ah chuan a tlan luh pui,doctor a hmuh hmasak ber hnen ah chuan "Emergency doctor a zawi tawh lutuk" ti nghal zat chuan doctor in room a sawina lam ah chuan a pawm lut,nurse in luh min phal loh avang chuan kawngkhar an khar nghal vek

Hector'a a rawn chhuah chuan chuan "arinte hlau thawng suh aw,a țha leh mai ang" tih pah chuan min thlamuan tum tak chuan min rawn melh,bena tha ring chuan ka ding țawk țawk,1minutes lek pawh chatuan tluk ani,tiang em em hian hun a rei in,kala hlau thawng ngailo

15mins hnu vel ah chuan doctor a rawn chhuak,Ben'an "doctor enge a an?" Atih chuan doctor chu a bu nghat "hlau thawng suh u,tui ah a awm rei deuh a,a chuap ah tui alo tam deuh anih kha,chuvang ani e,tun ah chuan athawk pawh a pangai leh tawh e,a chau anga ala harh lo mai mai ani e"dam dap a tih chuan ka hnung a țhutthleng an dah ah chuan ka țhu thla hnawk

Ka zawi nghal vek,ka taksa chu ana ut ut,ka in hum ruh nasat zia ka hre chiah bawk,ben'a rawn țhu thla pah in a awm ka nghen theih nan min kuah,lydia'in ka kut rawn vuan pah in "arinte engkim a țha tawh nia,naupang kan lo va ngaihtuah ange naktuk ah kan rawn kal leh ang"atih chuan mittui kar ațang melh chuan ka bu nghat

An chung ah ka lawm em em,an ni awmlose chuan engthil nge thleng ang,ngaihtuah pawh ka ngaihtuah ngamlo zawk,an kal liam hnu chuan ben'an "kan lut dawn emni?" Zawi sup a atih chuan la khur ru dar dar chuan ka ding chhuak

Room chhung ka luh chuan ka fapa damdawiin khum a mubam mai ka hmuh chuan ka țah a chhuak takzet,engvang kalsan nge maw ka ni re re tiin keimah leh keimah ka in hau mawlh mawlh,a mutna bul a țhu thla pah chuan a kut vawt thler chu ka hum vang vang,ka mittui a rawn luang ngiai ngiai "ben ka chan dawn ta emaw ka tia,chan ta ila engtin nge ka nun ang"țah aw țuau a tih pah chuan ka fapa hmai vawt thler dang bel chu ka zut riak riak

Ka dar a rawn vawn pah chuan "engkim a țha tawh alawm,ila hlau thawng anih kha bawihi" atih sup chuan ka mit ka chhing vang vang,ka fap kut chu ka fawp vawng vawng bawk,chan tur ang a ka ngaihtuah zawng te hian ka thi mai dawn in ka hria

Zan dar 7 dawn vel chuan ka pi leh manuni an rawn lang hlawl,ka piin hman hmawh zet a bawihtea mutna lam rawn pan chuan "ka tupa chu enge a an,LALPA ana em bawihte,engtin nge tiang hian i awm theih "țah aw lek lek a arawn tih chuan ka mittui ka khap per sak sak, ben'an "ka pi hlau thawng suh,ala muhil rih anih kha,engkim a țha tawh e" atih chuan ka piin kan lam rawm hawiin "nangmah pawh i țha re re amaw?" Min rawn tih chuan ka bu nghat

Manun'in "urinte eng amaw tal zu ei rawh u,ka pi nen kanlo awm ang"atih chuan ka lu ka thing mat mat"ka ril ațamlo"ka tih chuan ka piin"kha i dang vek alawm,i damlo ve mai ang,zu eiru" atih chuan hnial in awmzia a nei dawnlo a ka hriat avang chuan ka bu nghat

Ka fapa chal a fawp zauh chuan "kan reilo ang"ti sup chuan bena nen chuan kan chhuak,bena eitur lam ho chu a tui nge tuilo pawh ka hrelo,ka lem liam ve satliah tawp,ka mitthla ah Irene'i nuihza hmel a rawn lang leh zat țhin vang chuan ka thaw leh hak hak,damdawiin lam kan let leh chuan ben'an "sawlai ah sawn i țhu rih tehang"tih leh min kai nghal dat dat,țhutna an siam ah chuan min nam țhu

Ka bul a rawn țhut pah chuan alam ah min pawt hnai nghal zat,ka bek a fawp zauh chuan "bawihi nichin a ka thusawi kha i hria em?" Atoh sup chuan ka țhu ngil nghal at,bena lam hawi ha chuan "enge i sawi"in thiam lo zet chuan ka ti sup,minbiak emaw a thusawi ka hrelo tak tak,ka fapa leh Irene'i ngawt ka ngaihtuahna ah awm vang chuan ka inthiam lo takzet

Thaw hak chuan "kar leh ah ka nu leh pa Delhi țang an rawn haw dawn a, hmel hriat tir che ka duh" atih chuan ka mengkawk,inla hrang hlek chuan "mahse ben.."ka tihlai tak chuan min pawt hnai a min kuah thlawp chuan"engmah sawi suh,min ring tawp rawh"atih chuan, a aw ah hlauh thawn a nei tih ka hrethei,mahse zawhlo a țha zawk a ka hriat avang chuan ka bu nghat

Nui suk chuan ka dar tawn tawn a vuan in "engkim ah min ring rawh,nang leh Emmanuela te hi ka kalsan ngailo angcheu,min ring tiraw?" Nui sang atih chuan ka nuih let sak,ka ring alawm ka ring lutuk,mahse keimah hi ka in ring tawk lo ani,anu leh pa ten min duhlo se,nilo minduh hauhlo ang JK Industries rochun tu tur nupui atan chuan kei ang nuthlawi ah pawh thubuai awrh tawh,fa nei tawh hi min duh hauhlo ang

Ka hmui a fawp vang vang chuan "lut tawh ang"ti sup chuan min kai tho nghal zat,bawihtea room kan luh chuan manuni hnen ah "manun ka pi nen khan hahchawl rawh u,kalo riahpui ang"ka tih chuan manun'in "haw la hahdam zawkla,ka pi nen hian,kalo riahpui angchu"atih chuan ka lu ka thing mat mat "angailo,ben i thlah haw nghal thei angem?" Tih pah chuan bena ka melh zauh

Bu nghat chuan "ni e,ka pi ka thlah haw angcheu,ngaihtuah awm anihloh kha,bawihi ka rawn let leh dawn nia"atih chuan ka mengkawk "riah ve i tum ami?" Phawk fe a ka tih chuan ka piin "anih chuan bena khan a riahpui dawn bawk che a min han thlah hmasa ta poh(pauh) che" a rawn tih chuan,ben'an mit ko ti sang ak ak chuan "kal ila"tih pah chuan ka pi bul a kal chuan a kai nghal zat,ka pi chu a nui hak hak bawk

An chhuah dawn chuan ben'a rawn hawi let in"ka lo let vat ang"hmui phun a ti sup chuan mit a siai zauh,ka nui hak,a chang chuan a hlauhawm in,sakawlh ang mai a awmchang nei mahse,naupang chhia angmai a awm chang a nei leh bawk țhin hian minti hrethiamlo fo țhin in,ka hlim phah fo țhin bawk

An chhuahfel hnu chuan ka thaw hak,bena bul a ka awm hian,ka tumloh zet in kalo țang leh țung țhin hi keimah pawh hian ka hrethiamlo takzet,bawihtea mutna a țhut thla pah chuan a sam chu ka chul hliau hliau "bawihte,ka tisual lo ang tiraw,kha mihring ang mai anilo ang tiraw..nilo..ani hauhlo ang,mal tak a hnut chhiah kan nih leh chuan i nu hian ka tuar chhuak zo hauhlo ang"hmui pet fan chung chuan ka ti țuak,ka mittui a far fep fep bawk

Hnutchhiah nih leh,hmuhsit nih leh te,bum nih leh te kha ka hlau tawh em ani,ka tan chuan khang zawng zawng tuar leh tur chuan chakna reng reng ka neitawhlo,nilo..ka thi thei mai ang, bena hian rempuia ang mai mai khan min hnut chhiat tase....nilo ati hauhlo ang,engthil teh hrep nge maw ka ngaihtuahle,ni e,bena chuan a ti hauhlo ang

Khum tlang bawh chuan ka lo chhingsek ani ngei ang,tu in amaw ka hmai rawn nul a ka hriat avang chuan ka țhu tung nghal at,ben'an nui sang a minlo en chuan ka thaw hak,a thawmhnaw a thlak nghal ani ngei ang,thawmhnaw fai a rawn ha,a in hmeh em em zel mai bawk hi amak ani,nge ni a,ka hmu țha reng zawk,ka ngaihtuahna vang chuan ka nui suk

A hmui hnuai seh zauh chuan "ka hmelțha tih chu ka hria,min en renglo la,thawh hlim a hmut atan chuan ka țha viau in ka hria"tih pah chuan a khabe ruh kual lian leh nalh zet chu a tuai zauh,ka hmai a sen nghal tan tan,sawi mai tur ka hriat loh avang chuan,bawihtea melh zauh chuan "a harh har emai a"ka tih sup chuan bena chu nui hak hak in "duhawm reuh lutuk,doctor in an jection a,damdawi hna thawh anih kha,hei inthlak rawh"tih pah chuan a sir a plastic bag chu a rawn khai kang,nui suk chuan "ka mamawh viau tawh ani"ti sup chuan bag a ken laksak ka tum chuan khai hla hret in "lawmthu sawina a ngai"thu tak zet a tih chuan ka nui hak hak

A hmui rawn ti pawrh chuan"vat rawh"a rawn tih chuan nui hak hak chuan ka fawp zauh,rangzet a inla hrang pah chuan,a plastic bag khai chu pawt thla in bathroom ah ka tlan lut nghal,hnunglam a nui ri hak hak chu ka hre hman,bathroom kawngkhar ngheng chuan ka thin phu rang lutuk tihreh tum chuan thaw ka la hak hak,nileng in hlau thawng in ka awm a,ka fapa ka chan mai dawn emaw ka tih a,hlau thawng reng reng a ka awmlaiin,hepa zet hi chuan hote ah minti nui leh țhin anih hi

Khum te ve tak oakhat awm ah chuan bena nen kan mudun,ka thinphu te hu a hrethei hial in ka ring,vawitam min kuah tawh,mahse ngai ah ka nei thei tlatlo,nilo khum a mut dun phei chu kan vawi hnih na chiah ani,min kuah rial a bena muhil thaw ri sek sek chu ka en kar,a mit hmul sei tak er zet te,a hmui chhah lam lek lek,sexy zet te,a khabe kual ruh lian lam lek lek,in vuah dik thlap mai te chu hmuhnawm tak ani

Naupang nui ri ar ar ka hriat chuan ka meng diar diar,bawihtea khum a țhu chung a lydia'i fanu nen an infiam ka hmuh chuan rang zet in ka țhu chhuak,lydia'in "e ilo harh ta maw? I chau awmsia,bengchheng su ka tia,an theih nganglo anih hi"nui sang a tih chuan ka țhen sak,ka sam tuai mam thuak thuak chuan,bawihtea lam chu ka pan nghal

Chiang zet a en chuan "bawihte i țha em na i nei em?" Ka tih chuan a lu a thing mat mat"mommy enga tinge,min vawn na hi ana nia"uar zet a tih chuan ka thlah vat"ohh ka tihpalh,na i neilo maw?" Ka tih nawm leh chuan kawngkhar lam ațang "kan en anga kan hremai dawn alawm"rawn ti tu lam chu ka hawi nghat vat

DNA kan test ni ami doctor robert chu a rawn nui lut sang,ka thaw hak,lydia'i lam chu hawiin "bena te hi"ka tih chuan,nui suk in"hna pawimawh kanpa nen khan an nei a,i harh hma khan an chhuak anih kha"atih chuan ka bu nghat

Doctor in bawihtea chu check vel zawh chuan"arinte test kha i rawn la thei tawh aw"atih chuan ka bu nghat "ka inti fai anga ka rawn ka ang"ka tuh chuan nui suk chuan kawngkhar lam a pan nghal zat

Ka intih fai zawh chuan lydia'i bul ah lo awmlawk tur a ka tih chuan test la tur in ka kal nghal,robert'an min hmuh rual chuan nui sang in "lo kal rawh,heile"tih pah chuan paper chu min rawn pe,rang zet a la pah chuan ka hawng nghal sawk sawk

Ka thaw hak,ka rin ang chiah ani,Irene'i fanu chu rempuia fa ani hauhlo,ka țhensak,doctor lam chu hawiin "doctor heihi copy ka duh a"ka tih chuan phawk fe a min chung chuan "engthil nge maw tih i tumle?" Tih pah huan ka paper ken chu "rawn la rawh kalo ti ange,lo nghak lawk la"ti nghal zat in a pensawn pui nghal zat

A rawn let leh chuan "heihi original ania,heng zawng hi xerox copy aw"nui sanga tih chuan ka bu nghat, "ka lawm e"ti sup chuan ka in her nghal,ka hnunglam ațang "benjamina kha i ring em?" Arawn tih chuan ka ding dat,muang chang a hawi let chuan ka nui lui sak"ka in rin ai nasa in"ti sup chuan ka chhuak nghal

Enge a hriat a,engvang a min zawt nge anih ka hrelo,mahse tun ah chuan thil dang tihtur ka nei lian zawk tlat ani,DNA test result chu envelope a thun chuan a pawnlam ah,FINFIAHNA tih liah kelkawlh a ziak chuan,Rempuia te inlam ah post office hnai ber ațang chuan ka thawn nghal,ka nui sak,"ka fapa tihnat emaw i tum anih chuan,ka chhuah che ring hauh suh"ka ti sup

(Nimin kha min hrethiam tlang a in fel em em e😙😙😙)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)