JENNY (18+) BY Floria C Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: JENNY BY Floria C Laldansangi (Completed)

Unread post by Ngaia » December 20th, 2017, 6:23 pm

JENNY #7

Room atang chuan ka theih ang arang chuan ka chhuak,hall lam pan chuan ka pen hlawk hlawk,ka luak lah chu engvang a chhuak reng nge anih ka hre hauhlo,ka pum a ri rawk rawk,hall pan thlakna tur a ka pen rual in"khawi a kal nge itum?"ka hnunglam atang aw thum zetin a rawn tih chuan ka ding chawt

Chil lem khalh in kailawn ah chuan ka tlan thla nghal dawt dawt,ka hnung a rawn tlan ve nghal chuan"man rawh u,khawi ah mah a bo tur anilo"ti hrawk chuan midang pawh a pun nghal zat,kawngkhar lian zet mai chu ka kut na lo lam chuan ka nam hawng thuai,ka pheikhawk bun sang tha zetzawt chu phelh rawk rawk in ke lawng in ka hma zawn ah chuan ka thei tawp a chak chuan ka tlan


A hnunglam ah palian zet zet chuan min um zel bawk,a thimlai a tlan chuan kawngpeng a tang ka hma ah palian zet a rawn ding hlawl,ka hah tawh lutuk leh phu nasa lutuk chu lei ah ka thu thla hnawk,ka mawng chuan ka tawlh hnung hrat hrat,ka banrek lah chu a na em em mai leh nghal,ka kut leh lam chuan tu emaw pheikhawk ka tawk fuh,ka leh hawi vat

Palian zet mai chuan ka ban puar a na zet a tham chuan min phih tho lawp,ka rak that"min thlah ru"tih pah chuan ka tal ve laih laih bawk,min thing nawk nawk chuan"tlanbo i tum amaw,i thlan tur i lai mai ani"ti hrawk chuan a dar a min pu lawp in min pensawn pui nghal pawk pawk,ka kut na lo lam chuan ka theih tawp in a rem lai lai ah chuan ka chum dawt dawt

Room thim zet a min luh pui chuan,chhuat ah min nghat deuh chawrh,"boss kan rawn hruailet e"min pu tupa in a tih chuan rangzet in ka hawi chhuak,kan sir a chair lianzet a boss bawp khawkherh chung a chik zet a min en run ka hmuh chuan ka chil ka lem khalh,muangchang a ding in mit la sawn chuang miahlo chuan"in hna ah let rawh u"ti nghut chuan ka lam ah a rawn pen hnai hret hret

Ka hma a rawn ding in a rawn thuhniam,mittui tlingpam chuan ka khap fak fak,ka khabe a chawikang chuan"khawi ah nge kal itum a?" Ha pui seh chil rap rap a ti hrawih chuan min beng thuai,ka thle sawk,ka thu sawp chu min rawn chhir nghal zat,chhuat ah chuan ka vial ngawih ngawih,ka ka atang thisen ka khuh chhuak puat,min chhir leh zawt chuan"damdawi rawn pe rawh u,khawi mah a chhuak tur anilo"ti tuar a min pet leh chuan kawngkhar lam ah a pen nghal zat


Min chhirna ka pum chu vuan in ka kawm ngawih ngawih,thisen ka phuh chhuak khauh khauh bawk,pakhat in hnehzet a min tungtho nawlh chuan damdawi min barh nghal zat in"jas,a thliam hi enkawl la pawn a chhuak tur anilo,boss thupek hmuh hma chu"ti nghut chuan a bul a hmei chhia chu a melh zauh

Ka hliam min tih fai sak pah chuan"boss hian engvang a thatlo che nge anihle,ka hrethiamlo khawp mai?"atih chuan zalo zet in ka nersuk ,maktih hmelzet a min en chuan,"i nui alaw,tih i hlau miah nange"atih chuan,thawla kawk in"ka thi tawh alawm,enge kalak atang hian in duh,nawhchi zuar satliah mai ka ni si a"thei leh theilo chuan ka ti sup

A lu thing mat mat in"keipawh mak ka ti ani,boss hian kan mite,kan mi chhawr tlan chhuah tum emaw,aduhloh zawng ti hrim hrim a chhuah ngailo,engvang a thatlo che nge ani tih hi ka hrechak khawp mai"atih chuan ka thaw kawk kawk

Hmeichhe naupan hmel zet tray a eitur rawn chawi lut ka hmuh chuan ka ril tam zia ka hrechhuak,min enkawl tu Jas chuan mak tih hmel zet in"ei tur maw?" Ti ha chuan nula chu a melh kalh,bu nghat in"boss thupek ani"atih chuan min rawn melh leh"awle,ei tur hi eila tlanchhuah chu tumbuai tawh suh angche"tih pah chuan hmanrua vel chu a khungmawlh mawlh


Eitur rim ka hriat chuan ka uak thawt,ka che sawn dawn a ka taksa na lutuk chu ka se sawn mai theilo,jas chuan ka hnungzang a rawn zut pahin"I tha em?" A tih chuan ka bu nghat nghat,ka uak leh tuar tuar bawk,"eitur kha dahsawn rawh,tui rawn la angche"ti hrawk chuan jas chuan ka chal a dawm,engvang a hetiang a awm hi nge ka nih ka hrelo takzet


Tui a rawn lak chu ka in nghal khawlh khawlh,jas in min en vung vung chuan"i thlatin thi neih hun i hria em?" Thutakzet a atih chuan ka ngaihtuah vang vang,ka lu thing matmat chuan"ka hre tawhlo,i hriat kha kan hna chu"zawi sup a ka tih chuan thaw hak in"boss kalo be dawn nia,nau i pai anih ka ring"atih chuan ka mengkawk

Ka pumna zawk leh thip zawk ah chuan ka nersawk,ka thlan fim a rawn bawl tiam tiam,thaw kawk kawk chuan"mawwww!! Na..na...naute maw"ka pumna vang a aw khur dar dar chuan tham tuak in ka ti sup,"I tha em? Light on vek la boss ko rawh" hlauh thawn hmel zet a ti nghal chul chuan phone a sir a mi chu la kang in tu emaw a be nghal zat


Ka pumna lutuk chu ka vial ngawih ngawih,ka kap atang tui a rawn chhuak a ka hriat chuan"ja..ja..jas.."ti sup chuan ka melh tawk tawk,ka mawnglam a en chuan mengkawk in"thisen,engthil nge maw nile"tih pah chuan min mut rem tir nghal zat,kawngkhar rawn in hawng thuai ri ka hriat rual in"engthil phiangseng nge thleng hi"boss aw thum pawr zet maiin a rawn tih chuan ka mit ka chhing sawk

Jas in"boss a tha hauhlo,damdawiin a kan hruai a ngai mai ang"hlau thawng tih hriat tak a atih chuan"damdawi in hruai thei niila doctor kan koh a ngai hauhlo ang,khum saw lo va siam rawh ka rawn pawm ang,hreptak chuan nang hmeichhe naupang hian buaina tamtak min thlen ani"ti hrawih hrawih chuan min pawm nawlh

Ka pumna in ka thil hriat leh hmuh chu a fiahlo ruai bawk,khum a min nghah chuan kan lam pan a putar thau ve lam pang rawn pen chu ka hmu phe ruai ruai,"engthil nge a chung a thleng hi,engvang a thisen chhuak nge anih? hmanhmawh in enteh"boss in pawrzet a tih chu ka hre ruai ruai,ka ban a hriau a vih luh pawh chuan ka chau lutuk chu mengpawh ka meng peih tawhlo

Ka harh ruai ruai,tawng ri nak nak ka hriat chuan ka meng diar diar,"nau a chhiat ani,a pum hi a sawhna a ni ngei ang,a naupai kha thla2 bawrvel a ni bawk"tih ri ka hriat chuan ka mengkawk,mittui tlingpam chuan"ka...maw!!" Ka ti sup,ka hmui ka pet fan fan,Jas ka bul a rawn thu thla vat chuan"itha em? Darkar 5 lai imu tawh a?" Atih chuan ka mittui ka khap per sak sak

Boss in"a tha e,jas lily hi hna a thawh theih hma chu i kut ah awm rawhse"ti nghut a pensawn a tum chuan"ka naute,naute chung ah enge thleng"ka theih tawp a vin chuan ka ti that,ka pum ka dawm nghal in ka nersawk bawk,dingdat a ka lam rawn hawi chuan"zankhua in nang naupang,tunge apa pawh hriatloh fa pai hi kan buaipui che a,lawm hle tur ini in ka hria,nawhchi zuar chung kha nau kha pai tlang itum tih sawi hauh suh angche" ti hrawih chuan kawngkhar lam pan in a khar thuai



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2017, 6:24 pm

JENNY

chapter 👉 8

Boss chhuah rual in jas chuan"lily boss khan a sawi dik chiah ani"atih chuan ka mittui a luang ngiai ngiai,mu kawm ngal chuan"jas Pathian hi a awm i ring em? An sawi Pathian hi nun na thu a thuneitu anih si chuan engvang in nge minla nun tir reng nge anih angle" tah chhuak in pet ruh tau chuan ka ti chhuak sup

Ka hnungzang a rawn chul thuak thuak chuan" ka hrelo awm pawh nise kan tan anilo aniang"ti awlsam et chuan ka sir a lehkhabu chu la in a keu nghal zat,mittui khap per sak sak in"ni e,kan tan a nilo ani"ti sup chuan mit ka chhing sawk

Jas chuan min enkawl,damdawi minpek pawh damdawi angai anilo tih ka hria,ka rui in ka natna te ruih chhung chauh pawh ka theihnghilh chu nuam ka ti tan em em,thla khat hnu ah ka hliam te pawh dam in,jas ang in zanlam ah hna ka thawk in,mitamtak ka ti lawm bawk,damdawi tello chuan ka nun chu a ruak ngawih ngawih a ni ber

Jas in " lily boss in a ko che" a rawn tih chuan ka nuisuk boss room chu ka pan nghal,boss room ka luh chuan hmeichhia tarlam lek lek,Mrs.burton ai a upa hret tur nen a in hmachhawn zawng a lo thu ka hmuh chuan"boss"rui phur tawhnen a ka tih chuan an rawn hawi vat,a kut a alam a minko hnai chuan"Miss margareth,heihi jenny parker,lily chu ania,lily tun atang chuan miss margareth hnen ah hna I thawk tawh ang"atih chuan "maw!!" Ka ti thawt

"Makti suh,hralh ini tawh,miss margareth tha tak a inthawh tlan ka ring ani"tih zawm zat chuan in chibai in,a pensawn nghal zat,ka mit ka khap fak fak,"margareth ka nia,jenny kan kal dawn em niang?" Pangai tak a tih chuan ka nibu ve nghat,sawi theih nei heklo,an mamawh tawhloh hun a,hralh chhawn mai tur a sal kha kan ni miau a

Pawn kan chhuah chuan pa lian zet zet pa 5 lo ding in zah tih hriat tak in an lu an bu zauh,car chhung a min thut luh tir chuan Margaret pawh rawn thu lut in,a nuisuk,mrs.burton ka hre chhuak lo theilo,achevel a dang hret thung,a tawngkam a tang chuan a nel awm teh chiamlo khawp mai

Hotel lian zet HOTEL PALLAZO tih intar luah mai hma ah chuan car chu a ding dat"ka sawisa ang,tu pawh ka miduh zawng emaw tihluihna in ka hnuai ah ka thawh tir ngailo tih hre phawt rawh"ti nghut chuan a chhuak nghal zat,awmzia ka hrelo takzet,enge tih luih atih chu awmzia? Mit khap fak fak chuan ka chhuak ve nghal


In chhunglam pan chuan a hnung ah ka zui ve dat dat,in chunglam pan chuan,kawngkhar lian zet mai chu nam hawng in a penlut,lut ve nghal in amah a nulian hranlo,mahse a kal leh hawiher chu a ni vah thung,atan bik liau liau a siam ni awmtak chair ah chuan thu in dawhkan ah chuan lehkha a rawn phawrh

Minrawn melh ralh a zamawm lek lek ani,"awle jenny ka sawi tawh ang in,tupawh an duh thlanna ngeiin ka hnuai ah ka thawh tir thin,heihi kan inremna tur ani a,buaina i tawk anih chuan,i thuthlukna ani,i hlawh 10% a %8 ka chan ani ang,i taksa analh in sumdawng tamtak i hip dawn tih ka hria,lehkha hi chhiarla i duhlo chuan kawngkhar awmna i hriat kha,i chhuak thei"ti zung zung chuan lehkha chu ka hma a rawn lek kang

Ka hrethiamlo takzet,ka duh thlanna maw? Ka chil ka lem khal,helai hi Australia ani,he hmun hi chhuahsan ila khawnge ka kal ang,khawlai a rethei tak a nawhchi zawrh bawk ka hmabak ani lo,ni lawmni? Ka nun ah beisei tur a awmlo

Bu nghat chuan"atha e,inremna chu ka pawm e"ka tih chhuan nui hak in"i hming sign rawh tah khan"atih chuan lehkha chu en in ka sign nghal zat

Margareth-i nen contract kan sign hnu chuan ka room tur ah min hruai in,engkim a felfai thlap Mrs.burton-i aiin a hmel lan dan nelawm loh zawk mahse engkim hi dan hnuai ah fair tak a tih a duh thu a sawi ani,buaina kan neih pawh a kan duh thu ngei anih thu leh engkim kan hming sign na a awm vek a buaina ah a in veng thei ani

Hotel PALLAZO ah chuan ka thawk ve țan zing lam leh chhunlam ah ka theih ang ang in hotel ah margareth-i ka pui ve,ka chung ah pawh a lawm tih ka hria mahse Mrs.burtoni ang in a tilang velo mahse a rilru erawh a țha tih a hnuai a thawk ten an zah dan ah hriat em em

England ka chhuahsan dawn a ka thil tawn rapthlak tak vang te leh Australia a ka thil tawn nasa tak te avang khan zan mut ka harsat fo,zan ka mut theih nan damdawi in jection emaw ei mai ka ching em em,tun ah phei chuan heng damdawi tel lo chuan ka mu thei lo tiila ka sawi dik ber ang,chhunlam ah pawh ruih zeuh zeuh ka ching țan mahse ka hna erawh ka tihbuai tir lem lo

Margareth-i bul a ka thawh na pawh thla5 lai a lo ni ve leh ta,zan in hian mihausa sumdawng hlang in kan hotel ah company branch thar hawn na lawmna an nei dawn tih margareth in a sawi chuan ka chhungril ah eng amaw zawng tak in ka huphhurh ru tlat thildanglam tawng tur ah ka in ngai

Zanlam atan kan inbuatsaih laih laih, kan buai tlang hle,zan dar 8 vel ah chuan mikhual pawh an rawn thleng țan tam zawk chu ka hmel hriatsa zanlam a hun ka hman pui tawh te an ni,rin ai tak in party pawh a tluang ei tur sem a ka kal kual lai chuan pa tling pa1 hi ka su deuh dat ka lam a rawn hawi chuan ka beisei loh lutuk leh khawvel a ka mi hmuh duh loh ber nen kan in hma chhawn chat maile

Min hring tupa ngei mai,a in a țang a mihur chhuah a min pet chhuak tu kan unau min țhen hrang tu ngei mai,min rawnlam leh tiamtu,rawn lang leh silo,kha hmun ka naute ka chan na hmun a min hnutchhiah tu ngei mai kha suit nen a in duang zarh in ka hma ah a ding ran,alan dan chuan tlem in alang upa hret ani,mahse ka hre lutuk tlat a ril arah a fate ngei pet chhuak tu pa kha ani tlat ani

"Jenny bawihte" thawpsap chuan min ko,min koh dan chuan ka nuih te pawh a ti za zawk

Nui hak chuan thaih hmel zet a en let in "Mr alberto parker,ti khan min ko lo la ka lawm hle ang"chang fak chuan ka ti let

A bul ah aban vuan chuan ka nu hrawn ngei mai chu a rawn ding nghal zat,a nalh telh telh amaw tih tur ani,a hawi sang vah bawk

"Hei tu nge ni,bawihi kan zawn nasat zia che hi i hria em" min ngaihsak hmel tak chuan min rawn ban a tum chu chu ka thil ken lai nen chuan a kawr hma ah ka theh sawk,a rak țhawt bawk,mizawng zawng kan thawm hria in kan lam an rawn hawi țhap

"I kut bawlhhlawh tak khan min khawih hlek suh angche,pasal te awmloh a mipa dang hruai lut zan tin,fel ber ang alang,fa te pet chhuak a,unau țhen hrang tu i nih kha" a au in ka au khum

Engtik laiin nge ka pa chuan ka hmai aben ka hrelo a thip zak "nang mi tenawm nu zir chhuah ila neilo em ni,mi hur nawhchizuar mai mai kan ngaihven che leh kan hmel hriat duh che hi lawm.hle tur ini asin" ti hrawk chuan a nupui chu a kuah nghal thlap

Ka rilru ana ltawh lo,a chhan chu mi tin hian mihur min ti alawm zah tur ka nei em ni?

Amah melh let chuan ka nui hak hak "a ropui hle mai,mihur a min siam tu chuan,ka hur hnu ah min hmusit leh si em ni?" Mahse heihi hre rawh u in rilru tenawm tak ai kha chuan kei mihur hi ka zahawm zawk,nangni min ngaihsak der na ka mamawh lo a,chhungril mihur leh tenawm nih ai chuan ti hian mizawng zawng hur tih chu ka ni mai aniang chu, pasal awm loh in mipa ka hruai lut lo a,nu pui te hriat loh in nawh chi zuar ka pan ngai hek lo,ani lawm ni" ten hmel zet chuan ka chek tlak tlak

Ka pa thinrim mit meng chu tap thlak tak ani,min ben leh a tum chuan tu emaw hian a kut ah lo man in "Mr parker midang in ti phawk lek e,duh tawk tawh rawh u" a rawn tih chuan nui lui hak in "min lo hrethiam dawn nia,hlim tak in hmang rawh u"tih pah chuan hawisang vah in ka kalsan nghal hmak

Pawn balconi ah chuan thaw ka la kawk kawk khang mite ka hma chhawnlai a ka taksa in san mar zia ka hre chiah, rei tak ka thinrim na ka lo up beh tawh chu zan in khan ka sawi chhuak ka thawl hawk dawn amaw ka tih laiin chhungril ah ka hriat thiam siloh in min mawlh tu a awm,ka duh ai ka tawng nat loh vang te pawh ni mahna

Zing ah hall lam pan a ka kal lai chuan kan hna thawh pui zing ami pa1 hian margareth in min hmuh a duh thu a sawi chuan ka hre thiam nghal mai nizan lam thilthleng kha a nih ka ring thiam nghal

Margareth-i office lam pan chuan ka kal hna ham ka luh chuan coffe lo in ka rin loh dan lutuk in min lo nuihsang

"Lo țhu rawh jenny coffe i duh em?" Zangkhai vah chuan min lo zawt,min hauh hrep ka ring nen ka hamhaih zawk alawm

"Mm..ahh..awle pawi lo ang" bah deuh nak chuan ka ti sap,nui hawk hawk in "min hlau suh chutiang a mi hlauhawm ka nilo nia" tih pah chuan coffee chu min pe nghal zat

Min en kar in "jenny Mr parker kha i pa maw ni a" atih chuan ka coffe ka hak nghal hawk

"Ohhhh,pawika ti i sawi duh loh chuan " ati leh nghal zat

Ka lu thing in "a pawilo,a dik alawm a hma chuan" ka ti ve mai,ka sawi dan chuan mak ati deuh ani ngei a ahmel a buai nak

"Ahma chuan itih awmzia chu" a ti deuh ha

Khi suk in "a in a tang min pet chhuah ni khan ka pa ani tawh hlei nem" rilru natna nen chuan ka ti sap

"Apawi ka ti khawp mai lo sawi miah lo tur ka ni sin" a tih pah chuan ka kut chu a rawn vuan vang vang,he tiang amidang in ngaihsakna tak tak a min hnem na ka dawn loh chin pawh hi ka hretawh lo

Dawhkan chung a lehkha chu la in min pe,ka en chuan awih lo leh mak tihna in ka khat "hei hi i ta em ni,i fiamthu em ni?" Ka tih chuan a lu a thing mat mat

"Adik alawm jenny,engvang in uluk tak in ka hnuai ah ka chhawr chhanche chu ka ai awh tur in ka duh che ani,ka hriat tirh chuan ka hotel leh engkim hi hralh ka tum mahse ka hmuh che khan tleirawl tum ruh tak ini tih ka hria,rei ka dam dawnlo a engkim hi enkawl la ka duh ani" a tih chuan ka en tlawk tlawk tawp, cancer last stage maw anih ava mak ngai ve ti khawp ahausa leh awm thei hi

Margareth-i sawi ang chiah engkim a hnuai ah uluk tak in ka zir,zanlam.ah mipawimawh ka ti lawm pah reng bawk,damdawi leh drugs ka ti nasa telh telh thung

KUM 5 HNU AH

Kum 5 lai alo vei leh ta PALAZZO hotel ka enkawl pi ber ni mah ila nula mahni tawk analh tak chu kan hotel tan a mipawimawh ho in min beisei chuan tih lawm chu ka hna ah ka dah mai

Kan hotel lei tum tu ka pa ani tih ka hriat khan he hotel enkawl chhun zawm hi min ti chak zual sauh anih kha

Office a ka awmlai chuan tu emaw hian min hmuh a duh thu a sawi chuan rawn luh tir tur in ka tih chuan kawngkhar a rawn in hawng,ka mi beisei loh tawp ani ka hma chhawn ni

"Enge i mamawh ve teh mial a" ngaihsak lo tak chuan ka ti

"Alo rei ta hle mai,bawihi" dam duap chuan a rawnti,ka ten lutuk ka luak dawn in ka hria,ka in enkawl a,australia a hotel lian tak a sawi ka enkawl tak avang in min rawn hre chhuak ani tih ka hai mawlh lo

"Ni e min pet chhuah lai kha chuan hmeichhe naupang engmah hrelo kha ka nia" ka ti ve hmak

"Min ngaidam ngailo ang tih ka hria,mahse ngaihdam dil che hi chu ka ba ani" a ti leh hnap,ka ner nawk

"I sawi tur i sawi zawh chuan hna thawh tur ka ngah si a,kum 5 kal ta a i sawi kha mihur mi tenawm mai ka ni a mitam tak tih lawm ka ngai ani"ka ti let leh hmak,ka pa mahnise tiang a min siam tu hi ani ka zah der vak na tur ka hre miah tawhlo,nilo..kum 5 kal ta khan a zahawmna,Pa anihna amah ngeiin ati chhia ani mahzawk

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 20th, 2017, 6:24 pm

JENNY

chapter 👉9 (last chapter)

Ka pa ka office a alo kal ațang kar1 lai aliam leh tawh,tlai nitla tur chu ka office tukverh atang chuan ka thlir vang vang,kan hotel atang a hla lo te ah chuan biakin ni awm tak ka hmuh chuan ka mit ala takzet,ka chhungril ah hian kal chakna a rawn awm,mahse ka mamawh miau silo a

Ka tei chhuah khat em avang chuan chhuah ka chak tlat avang in driver hruai chuan ka chhuak park reh ve lam pang ah chuan ka țhu ka hmalam ka en vang vang,ka nunhlui te ka ngaihtuah Pathian hi a awm tak tak angem le? Awm ta se khawnge a awm ang? Ka mangan lai in tumah ka neilo a,ka hausak hnu a min pet chhuak tu te ngei ngei in min be leh huam huam in min hmangaih leh hle bawksi ansawi Pathian hi zawng hausa te Pathian ani

Ka bul ah midang an rawn țhu tih ka hriat chuan ka hawi phei putar lam kum 50 vel bawr hi hmalam en ding vang vang chuan alo thu ve

Haw tum a ka thawh rual chuan "nula Pathian hi i ring em"? Keimah minbiak ka ring silo ka hawi let min lo en kar

Ka nui suk "Pathian hi a awm.anih chuan mi hausa leh mi fel te tan ani ang" ka ti ve mai

Ka bul ah rawn ding in ka mit ah tak min en kar,engvang a putar hma a zam nge ka nih ka hrelo,ka chil ka lem khalh"midang tan itih zel chuan i tan a awmve tih i hre ngai dawn lo anih chu,ani chu misual te țhianțha tak ani asin" fiah tak chuan a ti leh sap

Nui hawk in "ka tan ani ve lo anih dawn chu" tih leh ka car awmna lam chu ka pan san nghal,mahse ka chhungril ah putar thusawi chuan engti zawng emaw tak hian min hneh a hriat belh ka chak tlat hian ka hria

Hotel ka thlen chuan kan hnuai a thawk pa1 Chuan tu emaw in ka office a min ngahthu a sawi chuan,lungawi vak lo chuan "ka awmloh in ka office ah min hmuduh a piang luh tir tawh suh angche u" tih pah chuan ka office lam chu ka pan nghal

Kawngkhar ka hawn rual chuan mipa sa țha nelh nawlh hmel tak chu min hnung chhawn zawng chuan a ding ka pen ri a hriat chuan ka lam a rawn hawi,ka ke pen chu tawp chawp "frère(unaupa) engtin" sawi tur mai ka hre lo ka hamhaih tak zet,min kalsan atang kum7 lai aliam tawh ka theih ang Ang in ka zawng mahse hmuh tur reng a awmlo,tun ah ka hma ah nungdam in a rawn lang,ka en tlawk tlawk,ka mittui engtik laiin nge ka biang ah a rawn luan ka hrelo

"Soeur,a pawi ka ti khawp mai" tih pah chuan aban phar chhuak in ka pawm theih nan min rawn pan hnai bawk

Ka unaupa ka hmu leh chuan ka hnuk a ti ulh,pan hnai in ka pawm vawng vawng,dan rual loh in ka mittui atla bawk ka unaupa pawh chu ti tho,rei fe kan in pawm.hnu chuan ka lu ah fawp in "souer pawi ka ti,i unaupa hi min ngaidam angche i nun kanti chhe vek si a,kha hmun ah khan lo kalsan tawp lo tur che ka ni a sin" mittui tla phung chuan a ti leh sup

Ka lu ka thing mat mat "frère khawi hmun ah nge i bo vang vang ka zawng nasa che asin engtin nge hetah ka awm tih i hriat" țah in sum tak chuan ka ti leh tawk

"Newyork lawng chawlhna ah dan phal loh in kanthawk a min man reng mahse van neih thlak takin kan tan na an sawn dawn in lawng a che sual a,tuipui ah kan pil engtin tin amaw dam khawchhuak in England ka rawn pan a,engmah i chungchang an hriat loh thu bak in min lo chhang silo ka mangang hman asin,kawngsir a beidawng lutuk a ka țhut laiin i sex video anlo en a"a sawi lai chuan min melh ralh,keimah ah in thiam loh na a rawn lang ka zak chem chem bawk

"Ti chuan ka zawt chiang a,australia lo kal theih nan kawng ka zawng leh ta a,kar2 hnu ah lawng hmang bawk in ka rawn kal leh ta ani"a tih zawh rual chuan amittui tling pam.kar a țang chuan min melh "keimah vang vek in tiang hian i awm.si a" in thiam loh na mitmemg chuan min en

Ka lu thing in a thusawi leh in thiam loh na chu thil dang sawi pui ka duh ani "ka hmu leh che hi ka lawm tak zet ani frère tun ah chuan hetah ka bul ah awm in minpui tawh angchu" nui hmel pu sang chuan ka en

Lu bu nghut in "engkim ka siam țha leh ang " tih pah chuan min kuah vang vang

Ka unaupa ka bul ah awm a,ka hna engkim hotel enkawl ah min pui bawk,kei erawh sex leh damdawiin ka thisen ah zung a kaih tlat tawh avang in ka bansan theilo ti ila a dik ber angchu,nitin ka rui a sex nen ka unaupa ngei pawn tih ngaihna a hre tawh lo

Park a ka hmuh putar erawh kha chuan maktak maiin ka rilru aluah tlat thung

Park a kal leh chakna kha min neih tir tlat bawk,eng tih tur em em ka neih loh vang in rui phelphual chuan park lam ah chuan ka in khal phei leh ka hawi kual a rei tawh deuh avang in a awm pawh ka ring chuang lo, thutna an siam ah chuan ka thu ren rawn haw mai ka tumlai chuan ka bul ah rawn ding in

"Ilo kal hun hi ka nghak reng țhin a sin jenny" min rawn tih chuan ka phu zawk,engtin nge ka hming a hriat,tun mai pawh khan ka hmu hauh silo a,ka rui viau em ni?..ahhh..ka sex video te chu mipa en duh ber alawm ka hming chu hretur ani

"Ka lo kal chhan ini" kan ti ringawt ah

"I thinlung a hmunruak kha damdawi sex leh hlimhlawp ah tlak tum suh a hnawh khah na a awmlo,Pathian hi a awm i ringlo a,a awm em tih hre tur pawn i zawng ngailo alawm,ni lawmni? Min aula ka chhang angche a tih kha" tih pah Chuan thuhna ah chuan min hui ka thu ve mai

"A awm tak zet anih chuan engvang in nge khang hun harsa tak tak ka tawhlai khan minpuih loh,engvang in nge minbiak loh a a awm ngei ani tih a fiah loh" zawhna tamtak ka nei,mahse zawh hmasak mai tur ka hre hauhlo thung

Min en vang vang in "be tur che in i zawng reng em,dem na thu chauh i chhah chhuah reng chuan i hmu ngailo ang,ngaithla la zawngla,ti chuan i hmu ang,jenny Pathian in a hmangaih zia che hi i hria em? I unaupa pawh damtak in a rawn let tir ani lawm ni? Vawi tamtak thihna ata a venghim bawk che a sin?" A tih chuan ka phu zawk

"Engtin nge ka unaupa alo haw tih i hriat,Chuan thihna ata min veng amaw?" zawhna mit meng chuan ka en

"Jenny ka fanu engtik lai pawn i bul ah ka awm alawm,min zawn hun ka nghak a,ka lam ilo hawi hun ka nghak mai ani" a tih chuan ka hmul thi a ding sur sur ka taksa chhung hi a vawt rawih rawh bawk

Ka hriat miah loh in ka mittui a rawn tla "Pathian hi ka ring ngailo a thu pawh ka awih ngai hek lo,engtin nge kei ang hi min lo nghah theih " țap aw țiau chuan ka ti leh

Ka kut ah rawn vuan in "Pa,Pathian engkim ti thei chuan misual ber te hi alawm a hmangaih ni,misual te ngaidam tur in anih kha kraws ah kan tan a thih ni" a tih leh chuan keimah ah thu nasa tak in ka hriat thiam silo in min hngawng

"Engtin nge ka rin ang" ka ti leh chuan

"Ti rawh min zui rawh,hmun pa1 ah ka hruai angche" a tih chuan ka kut ah vuan in min kai dat dat,kan kalna lam chu ka en biak in lam kan pan ani tih ka hre nghal

Ka dingdat ka nu thih hnu ah biak in hi vawi1 mah ka la kal lo,tun ang ah ngat phei chuan ka ngaihtuah ngai lo hrim hrim

Ka lam.lo hawi in "hlau suh ka fanu,nun thar i neih dawn chuan a biakbuk in thuanghlim hi a bul tan na chu ani"atih chuan min thlamuan hliah hliah

Tim dai chuan ka zui lut,min kai lut in a hma ah chuan a țhing thi ka en reng kan hma a kraws lian ve tak a Isua an khen beh lem an tar chu ka en ngar

Ka țap chhuak hawk,hlauhna,lawmna,hrilhhaina ka hriat thiam siloh hian ka chhungril ah hna an thawk,mahse chiang tak a ka thinlung thu awm chu ISUA krista hi a awm ngei ani tih hi ani

Thingthi țawngtai ka tum sawi tur reng reng ka hrelo,ka țawng chhuah hmasak ber chu "kalawm e LALPA tih leh min ngaidam ang che" tih hi ani

Ni akal beuh beuh damdawi chakna in ka thisen a fan chang chuan keimah leh keimah thisen in chhuah hial khawp a ka taksa zat chang a awm țhin,bible chhiar in ka thiam dan dan in ka tawngtai bawk,a changchuan ka beidawng leh lek lek țhin mahse ka let leh dawn in chhungril ah min kap tu a awm tlat bawk si a,harsa leh hreawm mi hmuhsih na ka dawng țha leh a nuihzat leh endawng ka nihna kha amal te te in an rawn let leh ani ber,nilo..nawhchi zawrh ka tan lai ai mah khan hmusihna,huatna,sawichhiatna ka dawng nasa zawk

Mahse tun ah chuan ka mal tawh lo,Pathian ka nei a,ka unaupa ka nei a pastor john in nitin counceling minpe bawk

A țhen in ka sex video hmang in minbei a,nawhchizuar drug addict tiin tamtak in min kawk bawk

Maktak maiin media lam atang minkawm na hun hman an duh,ka u leh pastor john ka rawn chuan "khawvel ah mitamtak nangmah ang a nunbeidawng te tan Isua an țhiantha an nei tih i puan na hun LALPA'n ape che anih kha" tiin min lo hrilh

Tluang tak in in terview kan nei an zawhna pawh harsa leh zah thlak tak tak ani,ka nun ah chhuan tur reng reng a awmlo

"Harsatna tawh in,amah aula Pathian hian kan do zawh loh tur a rit harsatna thlem na min tawh tir ngailo"

Kan mangan lai a amah kan auh hi ani anghah ni

Sunday chhun in khawmbang Chu daniela nen biakin ah kan in hmu hlawl mai,mahse hmeichhe naupang kum2 mi awm vel hi a pawm bawk

"Daniel nangmaw" mak tih tak chuan ka en ha

Nui suk in "jenny i dam maw i chanchin ka lo hria a ka lawmpui lutuk che ania,pastor john hian i chanchin tamtak min hrilh țhin a" a tih chuan ka meng kawk

"Makti suh keipawh beidawng tak ka awmlai ka nunna chhan tu ka fanu nen a min suih zawm tu ani bawk" a tih chuan a naupang pawm chu a fanu ni tih ka hre nghal

"Ohhh...ka lawm e, nangpawh ka lawmpui tak zet che,i nupui alo kal ve lo emni?" Ka tih chuan

Min en kar "jenny ka nuipui a tan ka duh che ani tiila min ring angem, min hmuh ang hian pathlawi fa nei tawh ka nisi a" chuai raih ati chuan hnuailam a bih nghal

"Keipawh nun sawi tur ka nei emni daniel" ka tih chuan min en vat

"Khang kum tamtak chhung khan ka zawng che a sin,mahse mihausa i um an ti a,ka rilru na lutuk in marry kha ka nei ta mai ani,ka thiam loh vek ani" ati leh halh,Mrs.burton khan putar hausa nen a innei ang chuan minlo sawi ngei ani

Kal hnai in a fanu chu "ka pawm thei angem ka fanu chu" ka tih chuan min en kawk,nui ver ver chung chuan "tehreng mai,ka lawm e,he thu hi ka sawi hun tur nitin ka nghak thin ka hmangaih che jenny parker" tih pah chuan min fawp vawng vawng

Tun ah chuan chhungkua ka nei a,Pathian ka nei bawk,ka pasal daniela leh ka fanu jasmine te nen french ah awm in hnuchham in tamtak kan enkawl bawk Isua nen chuan hlimna famkim ka nei ani,nunruak,mal bik riau a in ngaihna,tuarbik leh endawng amaw intihna kha ka Pathian nen chuan engmah reng reng hi alo awmlo

Harsatna kan tawh hian amah dem lo in kan auh minlo nghak țhin ani

Kan zawn miau loh chuan kan hmu dawn silo a

Engkim ah lungawi thiam a,amah kan hnaih hi Pathian chuan a nghak ani

THE END

Note : mangan a i awm in amah hnaih la,harsatna i tawh in vui lo in lawmthu sawi zir angche,Lalpa kan Pathian hian kan phurh zawh loh arit harsat na buaina minpe ngailo,chhuahna awmlo in khuarkhurum ah min hnuk lut ngailo (jenny parker)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)