SUCCESS BY Floria C Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: SUCCESS BY Floria C Laldansangi (Completed)

Unread post by Ngaia » September 2nd, 2018, 1:04 pm

SUCCESS
By floria laldansangi
19

Ka nutei in hnit hlap hlap in, “hethil hi kala hrechiang khawp mai, kha tih hunlai khan keipawh hian ka hrilh nasa, ‘sum vangin i fa ngei i hralh theilo, tiang hian awmsuh,’ tiin ka hrilh nasa, mahse Zodini khan, ‘sum vangin nau ka pai a, ka duh ka hmuh angai,’ tiin min chhang thung, ka tan chuan ka hrin ka fanu nen danglam na a awmlo, khatiang thil atih hnu ah pawh naute tlanbo pui tur a thuthlukna a siam khan ka fanu ani a, a hlimna tur a ka ngaih chu ka pui mai ani,” awihawm fahran a tih chuan ka melh tlawk tlawk, ka ka ah hian boruak a lenglo hial zawk


“Lalsiamthar,” ka nau in a tih hrawk chuan ka harh zawk, ka thawk lak erawh la harsa tak ani, ka mittui ka khap per sak sak, ka taksa hi a khawngvek nimai hian ka hria

“Sawi leh tur chuang ka neilo e,” Roberta te ukil in hneh tu inti tak anui suk a atih chuan ka tim er er thei, ka bul a thu ka fapa chu rang lutuk in ka kuah bet, “Mummy ka thaw theilo,” a rawn tih chuan ka thaw hak, mittui tla zung zung si tap chhuak theilo chuan ka kuah nghet sauh


“He case hi karkhat hnu ah neih leh ani ang, chumi hma chu naupang hi a pa ROBERT LALDUHZUALA bul ah a awm tur ani...” chu thu ka hriat rual chuan ka nghing lawih thei, engthildang nge a sawi ka hre tawhlo ka fapa chu chulai hmun atang hla thei angber ah tlan chiatpui ka in ring ran ani ber, Judge te chhuah pawh chuan ka ding theilo, ka nu in min rawn kuah ve bawk

“Atheihloh.... An la theilo,” ka hriat tawk in ka phun sep sep


Kan lam pan a Roberta rawn pen chhat chhat chu ka fapa kuahbet chung in rum lutuk in ka melh, ka nau leh ka pa te ka bul ah an rawn ding nghal zat

“Zodin buaina dang siamlo in ka fapa kha ka kut ah minpe rawh,” Robert’an hneh tu inti tak leh elhsen na akhat chuan a rawn ti chhuak

Ka lu ka thing nawk nawk, “tlawkbo rawh LALDUHZUAL ramhuaipa, ka fapa hi kei hian i kut ah ka pe lul lo ang,” ka ti tuar, ka fapa phuzawk chu ka hre thei

Ka bul a rawn pen hnaih a tum chu ka nau ka hma ah a rawn ding nghal zat

Nui hul hakin, “Jonathan Lawyer pawh nila court thu chhuak kha i hriat ka ring, tawlhsawn rawh, zodin dawhtheihna tlem kala neih lai hian ka fapa kha min pe rawh,” ram hmak in a ti leh

“Hrem hmun ah kal rawh,” ka ti leh that, nui hawk in, “kan kal dun angchu,” tih leh ka nau namsawn dawrh in ka fapa pawm bet chu a rawn vuan nghal, ka thlah mai mai dawn teuh silo, ka fapa rak tuar tuar leh kan in chuhna a na ti hmel ka hmuh chuan engtiklaiin nge ka kut ka lathlak ka hrelo

“Robert reubena khan na ati anih kha, kha tianglo khan ila theilo ami?” Ka pa in a rawn tih chuan ngeiawm lutuk a min melh ralhin a thensak


“Minpe vatla ni tur,” tih leh ka fapa chu a pensawn pui nghal


“Mummy, khawnge ka kal dawn, mummy ka duhlo, i bul a awm ka duh alawm, mummy khawngaih takin, Daddy pawh ka ngen tawhlo ang, mindah bo suh, mummy,” ka fapa in Roberta pawmbeh na atang a rawn tih tawk tawk chuan an lam pan in ka tlan nghal

“Robert ka fapa kha minpe rawh, ila theilo, nilo ka fapa telo lovin ka dam zolo ang, Robert ka fapa kha mipe let rawh,” tap zawih zawih chuan ka um, ka au tuar tuar bawk, car kawngkhar in hawng ah chuan rang lutuk in a luh pui


Car chu ka beng dawt dawt, “Robert ka fapa ka duh, min pe rawh,” car tlan chhuah hnu pawh chuan ka um, ka fapa in darthlalang rawn beng a atap ka hmuh te chuan ka thaw a tawp mai dawn in ka hria, car chu tap zawih zawih chungin ka um, kawngpui char ah chuan ka thu thla hnawk, an tlan liam thleng chuan ka en zui vawng vawng, ka taksa peng khat lakbo daih ang maiin ka ruakin ka na vawng vawng


Tap chhuak tur pawh ka awm tawhlo, ka mittui erawh ala luang ngiai ngiai, ka fapa tap hmel mawlh khan ka thin zawn hi a vit ngut ngut

“Bawihi ti chuan i damlo mai ang, lo kal rawh, Reubena chu engpawh tih ngaise i bul ah a rawn let em em ang,” Benjamina aw dam thluam ka hriat chuan ka tah a chhuak zual, court chhung ah khan ka hmu miahlo, ka mittui bawk a rawn hnai leh kuar kuar, ka tap khur dar dar, ka dar a rawn kuah in min kai tho, kan sir atangin chak zet in car a rawn tlan thuak bawk, tu car nge hrilh ka ngailo, Deborahi leh Roberta nu an ni

Benjamina lakah thinrim viau mahila, tun ah chuan ka mamawhber ani tlat, min kuahna ka thlahlel a, a bul ah hi chuan ka him hliah hliah in ka hria

Ka naute din khawmna lam chu muangchang in min pan pui, ka nau in ka nutei alo melh ran, ka pa hmel pawh dur tak ani, kawngthlang lam atangin ka patea a rawn chho ve chiah bawk, ka ding deuh dat

Ka patea ka naute bul a thlen rualin ka nutei hmai ah a bengsawk, ka nutei a rak that, chutiang a atih chu tuman an ringlo tih hriat takin an mengphar deuh awk hlawm, keipawh ka banglo, ka patea hian anupui a hlau tih ka hria, kut thlak ngat phei chu a thlak ngailo hrim hrim, ka vawikhat hriatna ani bawk

“Ringzel nang hian kut min thlak amaw?” Ka nutei in teng zet chuan a ti chhuak

“Nang ramhuai pai hi engtin nge ka nupui ah ka lo neih theih che, anu leh pa lak atang an in leh rosum ilaksak kha i duhtawklo em ni? Nang hmeichhe dawheh lutuk vang hian Nu leh Fa i then hrang tih i hria em?” Ka pate’an thinrim aw khur deuh dar dar chung a ti chuan a beng leh sawk, ka nutei hmel ah chuan inthiamloh na pakhatmah ala lang chuang hauhlo

Tumah kan tawnglo an pahnih chuan kan thlir tawp, ka pate’an min rawn melh zauh, ka nau a melh leh in, “duata ngaihdamdil tlak ka nilo, i nutei hi hmeichhe nasa tak ani tih chu ka hria, hrtiang em em ani tih reng reng ka lo hrelo ani, ka thiamloh vek ani a, court a inlan leh hun ah pawh keiman court ah engkim ka sawi vek ang,” rilru na tih hriat ngawih ngawih atih chuan ka thaw chhuak hawk, ka taksa a zawi nghal rawih rawih, nghet takin Benjamin’an min kuah


“Ka pate keini unau nen a inzawmna neih leh i duh anih chuan i nupui hi then angche, keini chuan kan ngaidam theilo ani, ka u leh a fapa a then hran man hi ka pe ngei bawk ang,” ram hmak a ka nau in a tih chuan, “Jonathan,” ka nute’in a rawn ti that

“Court ah dawt i sawi avang leh ka pa sum tamtak leh kan in min laksak dan hi ka thungrul vek angche, ka ngaihdam na beisei pawh tum buai suh, kut ka thlaklohna che hi tlem te chauh ani,” ha pui thial rap rap a ka nau in a tih chuan ka nutei mit ah chuan hlauhna ni awm tak ka hmu

“Sawilo pawh nila then chu ka tumdan ani, chhungkaw tikeh tu hi ka chenpui reng theilo ang,” ka pate’an a tih chuan ka nutei hmel chu rapawm tak ani, “Ringzel heihi hre rawh, nangni pafa tang ho khan keihi minbei hauh suh u, Zodinpuii i fapa i duh let anih chuan keihi min tihbuailoh a fuh ka ring, engtikah mah minti chhe ngailo ang, inthen i duh maw, nang putar engmah neilo, pianpui unaupa pawh bum duh mai mai inih kha, kutdawh nimai tur engkim neitu ah ka siam che tih hi hrereng angche,” ti tuar tuar chuan inher in kawngpui thla ah chuan chak mangkhengin a pen hmawk hmawk, ka thaw te hi a chham maidawn in ka hria, engtin nge khatiang em em a hmeichhe nasa kha an pian theih, ramhuai a kaw chhung ah aluh hial a rinawm mah mah zawk

Ka taksa zawi ngiai mai chu Ben’an min pawm kang lawp in, “Jonathan i u hi a chau lutuk car kha khalh la, ka pu in fanu chu hi hruai haw hmasak angai ani,” aw nelawm lo zet chuan a ti chhuak, ka nau ka lam pan a rawn kal leh ka nu leh pa chu ka hmu ruai ruai chauh ani, ka lungphu hi a tawp mai dawn a ka hriat angbawkin ka mit ka chhing chial


“Bawihi itha em? Damdawiin kan pan mai dawn ami?” Ben’an a tih ri chu ka hre vuai vuai chauh ani

Tawng ri nak nak ka hriat rualin, ka meng riai riai, “Ilo harh ta maw? Na inei em?” ka nu in mangan na leh lawmna inpawlh nawk a atih chuan ka thaw hak, ka mittui bawk a rawn hnam leh tiam tiam, ka fapa Reubena ka ngai ngawih ngawih


“Na ka neilo, ka tha keimah a awm ka duh ani,” tham chal a ka tih chuan bu nghatin, “chhuahsan rih ang u, hun a mamawh anih kha,” ka pa in alo ti vat

Ka room an chhuahsan rualin ka in let thak, ka ka chu puan a hnawh bet in ka tap khur nghal dar dar, ka mu mai mai pawh chu ka tawt up up, ka thu chhuak, ka room ah hian ka lenglo aniber, khum atang a ka chhuk rualin ka kaihza a zawi hnak, chhuat ah ka thu sawp nghal, ka ke tawm chialin khum ngheng chuan ka tap

Engvang nge? Ka fapa leh zel, karkhat maw??? Engtin nge a tel lovin karkhat teh meuh ka awm ang? Nilo ka fapa kha a muhil thei hauhlo, ka tel lovin a mu thei miahlo ang, mahse engtin nge ka tih ang?? Ka a maidawn in ka hria, ka awm hnawh tu awm ang mai a tawt chu ka chum dat dat


Ka dar ah min rawn kuah tu chu tunge anih hre mahila hnial turin chakna ka neilo, duat rak a ka dar a chul hliau hliau na leh ka bek a fawh vawng vawng na te chu ka thla hlel ngawih ngawih in ka mamawh ngawih ngawih zawk ani

Benjamin’an min pawm kang lawp in khum a min mut tir chuan a rawn mu thla ve nghal zat, ka che theilo, ka mit lah mittui a awm reng bawk si, ka ka ka ang anih chuan ka tap chhuak leh mai dawn tih ka hria

Ka tap muhil ani ngei ang, ka harh leh chuan keimah chiah ka ni tawh, Benjamina awmlo chu ka ruak riau in ka hre bawk, ka rilru ah ka fapa bawk arawn lang leh ka mittui a rawn hnam tiam tiam, “tiang hian awmsuh Zodin i fapa ineih let nan chaktak a i awm angai, i tah a i tluk sawp maite chuan i hmelma te tan kawng a awlsam lutuk dawn asin,” Ka thinlung ah chuthu chu a rawn ri chhuak, ka inlet thak

Inchung lam melh ran chuan ka bek ah ka mittui ka chaklohna ti lang tu, hmeichhe rilru awmnem ka nih zia ti chiang em em tu bawk chu a rawn luang ngiai ngiai, ka fapa in khawngai mindil a dah bolo tur a min ngen na chu a rawn lang nghal zat

Ka hmai ka kut pahnih chuan ka hup, ka in hnit nghal hlawp hlawp, “Aw LALPA enge ka tihsual a ka fapa nen min then hrang tur hian?” Chu zawhna chu khawi atang a rawn chhuak nge ka hrelo, mahse ka zawt chak miau si a, zankhua in ka muhil leh ta miahlo, ka fapa tel lova zan hman hreawm zia chu ‘chatuan’ tluk hial ani

(Phuba nunrawng tak a la tur chuan mihring hi nunbeidawn rat kan neih angai ania🙈lo tang fan fan ru aw, zodini fans te kha)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:05 pm

SUCCESS
By floria laldansangi
20

Sana ka en zing dar 7 a ri thuak, mit bui luk a tho chhuakin bathroom lam pan chuan ka intifai sawk sawk, Reubena te school lam ah kal ka ngai ani, school a rawn kal chuan ka hmu thei ngei ang

Room atang ka chhuah chuan ka nau leh Hlutei anla tho lo tih hriat zet in a reh thiap, pawn ah chhuakin ka car kala chhuak, ka thu vang vang, thawk ka la ham ham bawk, ka fapa ka hmuh chuan zawhna tamtak min zawt ngei ang, chhan dan tur ka ngaihtuah fe angai dawn ani

An school ka thlen chuan tumah anla thlenglo tih hriat reng reng a reh thiap, school gate sir deuh ah chuan ka car ka hung rem, gate lam chu ka melh ngar, school an chawlh tir emlo angchu maw, exam a hnai tawh nasa mai si

Dar 10 ah pawh ka fapa hmel reng reng kala hmulo, class an tan vek tawh, ka mittui ka khap let sak sak, ka car ti nung chuan Roberta te inlam panin ka in khalh chhuak, gate pawn lam atangin ka thlir, tumah hmuh tur an awmlo, gate lah a in kalh thap bawk

Beidawng zet chuan gate bul ah ka thu thla hnawk, ka mittui a rawn far fep fep, “bawihte ka tihpalh, ka tihpalh takzet, khawnge i awm?” Tah aw tuau chuan ka ti chhuak, khawnge ka fapa chu an hruai ang? Mizoram atangin hla takah an hruai ani thei mai angem? Nilo court thu chhuak chu karkhat chiah ani, an hruai hauhlo ang


Ni 3 lai ani tawh, ka fapa te school a kal leh Roberta te in ka kal erawh ka thulh lo, engmah ka ei theilo a zan lah ka mu thei heklo

“Mate, Diktei a rawn thleng a,” ka nau in inchhung ka luh rual a alo tih chuan choka lam atangin, “U zodin,” rawn ti tu lam chu ka hawi vat

Ka lam rawn pan a min kuah thlawp chuan, “ka ngai lutuk che, Reubena chungchang a thil thleng chu pawi ka ti khawp mai, mahse lungngai miah suh aw,” atih chuan mittui khap let sak sak in ka bu nghat

“Ilo nula tawh hle mai, ka hai tep che lawm,” nui lui sang a ka tih chuan nui hakin, “i mit hnuai te a val kulh ania, rilru ti hah suh,” ati leh sup

A kut a vawnsak in ka hum vang vang, “Diktei theihtawp chhuah in minpui rawh aw, nangmah ah ka in nghat leh tak meuh meuh ania,” tah chhuak zet chuan ka ti chhuak

“U Zodin lungngai suh, court ah chuan ka thil hmuh leh hriat zawng zawng ka sawi vek ang, an nunrawng ngawt mai, i naupai lai atang anti buai che a, i thawk tawp thleng a dan chep che an tum emaw ni?” Thinrim tih hriatzet a atih chuan ka thensak

“Engtin nge vawikhat court inlan na ah judge te hian naupang hi a pa kut ah an dah hi ka hrethiamlo ani?” Ti sup chuan ka nau a melh ralh

“Ka unaunu tan court ah ka ding theilo, a Lawyer ka ni thei ngei, buaina liantham court inlan ngai ah atan ka ding chhuak theilo, chu chu Judge pawn a sawi kha,” ka nau in a rawn tih chuan Diktei chu a bu nghat nghat, kei erawh engmah chutiang an sawi kalo hrelo, ka fapa Roberta bul a awmtur a antih bak kha ka beng ah khan alut lo hrim hrim

Choka lam atangin, “Zanriah a ei theih tawh ania,” Hlute’in a rawn tih chuan bu nghatin, “ti rawh u chaw ei phawt teh ang u,” tih leh choka lam ah kan lut nghal

Hlutei leh Diktei pawh champhai khaw chhuak ve ve tih tak ah an inbe nghal bawrh bawrh, tlemin ka khawhar lutuk pawh nidang ai a zia deuhin ka hria, zanah ka nu leh pa te an rawn kal, min hnem mawlh mawlh bawk

Diktei nen zinglam dar 1 pelh thleng kan ti ti hnu ah ka muhil ani ngeiang, ka fapa in, “mummy,” atih ri chu ka hria, ka mengkawk, mahse ka mumang mai mai ani leh tawh, ka mittui a rawn hnam sawk, zantin ka fapa aw hi ka hre fo thin

“Mummy,” tih ri ka hriat nawn leh chuan khum atangin ka in perh tho nghal, room atang tlan chhuak chuan ka fapa ka nau in alo kuah chu ka hmu nghal, ka ding chawt, ka mumang ani em tih fiah tum in ka lu ka thing nawk nawk, mahs eka fapa ngei ani, ka biang a rawn lum thla pup

“Bawihte, ka fapa,” tih leh alam ka pan, ka nauin lei a nghat chuan min rawn pan ve bawk, ka kuah thlawp, ka biang ah mittui a rawn luang nhal zawih zawih, a biang ah ka fawp mawlh mawlh bawk


“Mummy, ka ngai lutuk che, tinge min hmu tur a ilo kal loh, Daddy tur ka ngen thin vang ami, min kalsan?” Mitsen ram a min en chung a tih chuan ka tawng chhuak theilo, ka mittui lah ka dang thei heklo, ka fapa hi engtin nge ka hrilh ang

Mittui tla zawih zawih chuan ka lu ka thing nawk nawk, “Mummy hian Reubena hi a hmangaih lutuk tih a hria tiraw?” Tah aw tuau a ka tih chuan a bu nghat, “Reuben pawhin Mummy ahmangaih lutuk,” nui sen sen a atih chuan ka tap chhuak hawk, a biang tai hlar chu ka zut, ka fapa mitmeng dul hnak leh taksa sa vawr chu ka hre nghal

“Bawihte na inei em?” Ka ti nghal zat, nichin khan a hmel ka hmu ka lawm lutuk kha engmah ka hrelo, tun ah hian ka fapa taksa sa vur leh mitmeng pelh phang hi ka hre chauh anih chu!!!!!


“Mummy, ka mut a chhuak,” bah deuh nak nak a rawn tih chuan a mit a chhing nghal duar duar

“Mut a khamlo anih ka ring,” Bena aw in a rawn tih chuan ka dak chhuak vat, mittui kar atangin ka melh ha, Bena alo awm ve tih reng reng ka hrelo, amah ani ngei ang ka fapa rawn hruai tu


Kawngkhar rawn in pawt hawng thuai ah chuan ka hawi vat, police 5 leh Deborahi rawn lut chu kan lo en thap, ka fapa chu ka kuahbet nghal

“Engthil phiangsen nge in rawn tih?” Ka nau in atih chuan Deborahi chu zalo zet in a nui hak


“Engthil nge ka rawn tih in hrelo tak tak em ni? Engvang a ka thulo a hruai chhuak nge inih Benjamin?” Ka nau pawh melhlo chuan Bena chu a melh khai

“Ka fapa anih hi,” hriam hrakin ka lo ti nghal, a nernawk, “mahni fate pawh venghim zolo, karkhat chhung ka hnuai a awm tur ani, ka fapa rubo tu ah ka puh thei che tih i hria em?” Zamlo lutuk a atih chuan ka ding chhuak nghal

“I ka kha vengtha rawh Deborah, i fapa nilo in Zodini fapa ani,” seh chilh zet a Ben-an a rawn tih chuan nernawngin, “enge intih reng? Naupang kha hruai rawh u,” Deborah-in atih leh chuan rang lutuk a thu hniam in ka fapa chu ka kuah, mahse ka fapa taksa zawi leh sa vur chu ka phu zuk

“Bawihte..” Ka tihrualin ka fapa chuan min rawn ngheng nghal ruai ruai, ka kuah bet, “Reu..Reuben, bawiha..” hlauthawn na a khat chuan bah nawk nawk in ka ko, a taksa sat zia chu meiling ang mai ani

“Khawimaw?” Tih leh Ben-an ka kuahna atang chuan a rawn pawm nawlh, Police ho pawnlh an che changlo, “Jonathan car la chhuak rawh,” Ben-a chuan atih zawm zat, Dikte’in min rawn kuah

Ben-a pen sawn tur chu Deborah-in aban ah lo vuanin, “ka hruai...” atih lai mekin, “DEBORAH,” Ben-a chuan ati hrawk, Deborahi pawh a mit chhing sawk, Diktei a phu zuk bawk, keipawh hlauthawng a khur hlawk hlawk chungin ka lo ip chawih

“He i kut hmawr pawh a i tawk leh anih chuan ka that angchhe, ka sawi mai mailo tih i hriat kha,” ti hrawk a min rawn melh zauhin a pen chhuak nghal, kan zui ve nghal zat, car hnung ah Ben-a bul ah chuan ka thu lut, ka fapa chu Ben-an a kuah ran, “ka...Ka pawm duh,” bah nawk a ka tih chuan min melh zawkin ka fapa zawi hnuang engmah hrelo chu ka mal chungah a rawn dah hnai

Ka kuah nghal vawng vawng, a lungphu te chu a phu tawhlo nimai in ka hria, ka hlauh thawn na bawk a rawn so leh bulh bulh, “Duata khalh chak rawh, bawihtea hi a lungphu ka hre theilo,” tap pur chuan ka ti, ka fapa hmai sen tai hlar mai sa vut chu ka fawp leh vawng vawng thin, Ben-an ka darah a rawn kuah, tunah tak hi chuan Ben-a kuahna pawh hian minti thlamuang zolo

Damdawiin kan thlen rualin Ben-an kawngkhar a rawn hawng, ka fapa lak atum chu engmah sawilo in keiman ka pawm chhuak, damdawiin chhung ah ka pen luh pui nghal hlawk hlawk

Mike leh nurse pahnih kan lam pan a rawn tlan chuan bawihtea chu a nawrna tur ah ka mut tir, “ER ah tun ah, Dr.Jos ka mamawh bawk,” Mike chuan ati nghal zat, ka hlau thawng lutuk chu ka a thei maidawn in ka hria

ER room a an nawrluh chu zui luh ka tum, “Zodin hetah lo awm rawh,” Mike’an atih chuan ka ding dat, kawngkhar a khar zui nghal, ka khur hlawk hlawk, Ben-an min rawn kuah pahin, “hahdam rawh engtin mah a awmlo ang,” ka chhip a fawp vang vang chuan ati sep, a aw chhuak ah chuan hlauhthawn na ka hre tel thei, keiang bawkin a hlau thawng tih ka hre bawk

Kan sir lam atangin, “Mam’a Reubena chu enge a an?” Hmeichhe aw fiah zetin arawn tih chuan Ben-an minkuahna ti thawlin an lam min hawipui, ka mittui lah chu ka mit ah a hnam reng, hmeichhe sam dum nu lian zet Bena ang tak leh English mipa lianzet lo ding chuan min melh ran

“Tun ah doctor ten an en mek, U heihi Zodini anih hi, bawihi heihi ka unaunu lucy-i,” atih chuan sawi tur pawh ka hrelo ka bu nghat, ka lam rawn pan hnai chuan min rawn kuah, ka hnungzang a beng thak thakin, “ka nuhrawn leh a fapa te nupa thiltih hi ngaihdam tlak pawh anilo tih ka hria, pawi ka ti takzet Zodin,” aw tliang nalh zet a atih chuan ka bu leh ringawt, tun ah hi chuan khang ‘Awle’ ho kha ka ngaihtuah hmanlo ka fapa ER room a doctor ten harh tir an tum mek sawn ka rilru a luah lianber


“Engthil nge ka fapa chung ah thleng?” Roberta aw in pawr zet a rawn tih chuan Lucy-in min kuahna phelhin a in her, Ben-an ka darah min rawn kuah leh nghal, ka dar akuahna chu a hmer salh, kan boruak pik sa naklai heng ramhuai te hian an rawn tih belhchhan thawk ngaihna pawh ka hrelo

“Engtin nge helai hmun te ila rawn kal ngam hi ka ti, Lalduhzual zahna hi inei miahlo ami? Deborah nangpawh i pasal hi dang tur ini, heihi hre rawh u naupang chung ah engpawh a thleng anih chuan....” atih laiin kawmgkhar a rawn in hawng ri rak


Rangzet in ER lam kan hawi, Mike rawn chhuak chu ka pan nghal ruak ruak, min en vang vang, mittui tlingpam leh beisei nei zet chuan ka en ha, “Mike ka fapa chu atha tiraw?” Ka ti nghal sawk sawk

Min la melh vang vang, “Mike,” ka ti leh that, a lu a thing nawk nawk, “pawi ka ti Zodin,” ati sep, enge a sawi awmzia? A thusawi ka hresual zawk em ni?

“Enge i sawi awmzia? Sawi chiang ta che, engmaw pawi itih?” Ka ti tuar, kawngkhar in hawng zau atangin ka fapa puanvar a an khuh tur chu ka hmu, ka lu ka thing nawk nawk, “Aih..Anilo... Dawt anih hi, Mike ka fapa saw ti dam rawh, tun ah tidam rawh, nichin lawk pawhin min ngaihthu a sawi, tun ah pawi itih thu chauh maw i sawi, a dang sawi tur i hrelo em ni? l enkawl fo kha Mike tun ah ka fapa kha ka duh, khum atang sawn din tir rawh, tun ahh...” ti tuar tuar chuan Mike-a kawr awm ah tham in mittui nen ka tham in ka pawt nawk nawk


“Pawi ka ti, ka ti takzet,” tah chhuak tih hriat ngawih ngawih a arawn ti, “chu thu chu ka hriat duh anilo,” ti tuar chuan Ben-an min rawn kuah, alam hawiin, “Ben ka fapa saw ti dam rawh, khawngaihin, a pa emaw atih che kha, nilo atan chuan apa diktak ini, ti dam la he hmun atang a hla tak ah kan pathumin kan kal dawn nia,” beiseina zawng zawng nen chuan a ngen in ka ngen ngawih ngawih, min kuahbet in, “bawihi,” tham chal chuan a ti chhuak, min kuahna atang a tal chhuakin ka fapa an rawn nawr chhuah chu ka lo dang

“Engthil nge intih?? Tu thu in nge ka fapa hi in nawr chhuah?? Aih.. Tiang hi thil nihdan tur anilo, Nilo bawihte, Mummy i ngaih kha tho rawh le, Mike hian dawt min hrilh tih rawn ti fiah rawh,” ka fapa khuhna puanvar thianghlimzet, mahse hlauhawm em em si, natna tamtak leh ka hlimna, ka nun na, ka dam chhan khuh tu chu ka pawt hawng sawk

Mittui tla zawih zawih chuan ka fapa engmah hrelo chu ka ban da da, a hmai ka khawih, ala sa vung vung, “ka fapa hi ala sa ani, Nilo tun ah endik leh rawh Mike enta che ataksa pawh ala sat vek hi,” ti tuak chuan a kut chu la kangin ka fawp vawng vawng, “dawt ani, ka mumang mai ani,” ka phun sep sep


Ka sir atang a ka fapa kut rawn khawih tum tu an awm chuan ka lo vai kiang sawk, “Ramhuaipa i kut hmawr pawhin tawk suh angche, nangni nupa hi ani ka fapa that tu chu, ka chhuahlo angcheu,” ti tuar tuar chuan Roberta ding chu ka nam sawk sawk

Ka awm a hnawh tu awm chu ka thaw theilo, ka awm ka chum dawt dawt, ka tlu mai dawnin ka hria, ka lu a rawn hai in, ka thawk abuai nuaih nuaih ni maiin ka hria, ban tha chak takin min rawn kuah chu ka hre ruai ruai


Ka harh chhuah rual a ka thil hriat hmasakber erawh khuang ri tlang tlang leh zai ri ani, ka hmulthi a ti ding er er thei, ka thu chhuak hlawl, ka nu mitsen ram leh Diktei mitbui luk ka hmuh te chuan min vit ngut ngut, “mate ilo harh ta maw, hahdam ila mamawh hle ani,” ka nu in tah aw tuau a atih chuan ka mit ka khap sak sak

“Khawnge ka fapa?? Ka fapa hmuh ka duh tun ah hian,” ka ti chhuak hrawk, ka nu in khawngaih leh lainat hmel tak a min en chu ka duhlo, ka duhlo takzet, ka fapa awmlo leh lusun Nu ang mai a min en chu ka hua ani, ka lu ka thing, “aih ti khan min en suh u,” ti chhuak tuar chuan khum atang chuan ka chhuk nghal

Room atangin chakzet chuan a tlan in ka tlan chhuak ani hrim, kan inchhung a mi tamtak awm, zai khawm leh nula tlangval lo thu te chuan min en thap, thutkhawmna lam ah ka fapa engmah hrelo ka pa te leh ka unau ten an kil laih chu ka pan nghal ruak ruak

“Anilo, ka mumang mai ani tih tu emaw khan min hrilh lul teh u, ka fapa i mit meng rawh, mummy alo tleng hi, heta hi ka awm, khawngaihin Reuben tiang hian i nu hi min awmtir suh, ka tihpalh, engkim ah ka thiamloh ani khawngaihin,” ka fapa chu bawh ruak ruak chuan ka au chhuak

Zinglam a ataksa sa vur kha chu a dai dap tawh, thisen neilo ang maiin a dang bei, a hmui sen no hlar te kha a duk ngut bawk, ka fapa hmel chu ka thlir ngawih ngawih, ana ani, ka na vawng vawng, engkim mai hi ka mumang mai nise ka va han ti tehlul em!!! Mahse zai ri te, khuang ri te leh kan vel a midang awm te chuan mumang mai anihloh zia ati lang chiang ngawih ngawih, chu chuan keipawh hi min hmet hlum mai dawn in ka hria

Engkim mai hi thawk leh khat ah ka lam ah thli chhia na tak ang maiin a rawn thaw a, a reh dawn emaw ka tihlaiin a aina zawk a rawn tleh in, dingchhuak thei tawhlo in min chhem thlu in min nuai chimih atum nimai hian ka hria

Ka awm ka chum dat dat, “ka fapa hi tu emaw tal khan ala nung ani tih min hrilh teh u, ka nung zo lo ang, engtin nge ka awm ang, nilo ka phal lo ani,” tap hawm hawm chuan ka ti chhuak leh

Ka chauin aw chhuah tur pawh ka awm tawhlo, ka fapa sir ah chuan thu in a kut vawt thlar mai chu ka vuan ran, ka kut leh lamin a hmai vawt leh thisen neilo tih hriat ngawih ngawih dang bei chu ka chul ruai bawk, “Reuben, ka fapa mummy hian a hmangaih lutuk che tih i hria tiraw?” Ka ti sep sep, ka fapa ka hmangaih leh min hmangaih em em tu kha a awm tawhlo ani, min chhang tawhlo, ka thusawi reng a hrethei tawhlo hi DAWT ani tih min hrilh lul teh u...

Ka thaw te hi a chham lo chauh, ka thin zawn ah hian min vit sawk sawk tu a awm, ka rilru in Pathian an chhia ka lawh mawlh mawlh bawk, kan nufa hian eng em em nge kan tihsual a, ti em em a natna min thlen bik, kan tan hian Pathian nung ani velo zawk nge?

Zinglam thleng pawh in ka tap ri thei tawhlo, ka mittui erawh a luang reng thung, ka fapa ka melh ngawt ngawt, nu in afapa engmah hrelo en tawp nat zia hi tunge hrethiam ang che u?? Pathian ka dem avang hian min dem let em ni? Min dem ta che u, ka thiltawn leh ka tawrh tawh ah te lungawi na tur ka zawng hram hram thin, mahse enge tun ah ka chung a thleng hi!!!! kum 7 chuang teh meuh ka enkawl, ka thisen ka dam chhan thawk leh khat ah ka lak ata alak sawn anih tak hi!!!!


Khawdang ka hawisawn loh em avangin tu te nge ka bul ah thu a awm pawh ka ngaihsaklo, ka dar ah tu emaw in a rawn beng thak thak, muang changin ka hawi, Ben-an mitsen ram a milo en chuan ka tah a ti chhuak zual, mahse tap chhuak turin chakna reng reng ka nei tawhlo

“Mate bawihtea kha kuang ah kan dah angai tawh ani,” ka nau in aw lawi rat a arawn tih chuan ka mittui a rawn luang nghal zawih zawih, ka fapa chu ka kuah bet nghal, “khawi ah nge dah intum, inla sawn theilo, ka tan ni 4 pawh kha chatuan tluk a sin, atel lova ka awm theihloh zia in hriat kha, ka thi thei mai ang, ka fapa hi tuman an laksawn ka rem tilo,” tap hlap hlap chung chuan ka ti chhuak, a tawp lam phei chu a ri chang chang ani

“Bawihi, hahdam takin kan kal tir angai ani,” Ben-an a rawn tih chuan ka lu ka thing, “ka fapa anih hi,” ka ti chhuak tuar, ka fawp ngawih ngawih, “bawihte min ngailo em ni? Ka tel lovin i awmthei dawn em ni? Awm theilo tiraw? Keipawh hi ka awm theilo asin?” ka rilru in ka ti mawlh mawlh

“Bawihi tirawh le, nu ropui leh chaktak inih kha, bawihtea hi hlim tak a, a awm theih nan kan thlah angai ani,” tah insum zet aw lawi rat a arawn tih chuan ka fapa ka kuah chu a rawn phelh, tan buai ka tum viau na in tha reng reng ka neilo

Kuang a andah fel rual in, kuangbul ah chuan Roberta a rawn ding, tupawh mai chuan kan en thap, Bena min kuahna atangin ka ding chhuak, mittui nen rum lutukin ka melh

“I lawm tawh em? Ka fapa nen karkhat mai nilo kumkhua chatuan atan minthen hrang ta bawk a, i lawm em? Tun ah chuan engmah neih ka nei tawhlo, heihi ani lawm ni i duh? Lalduhzual heihi hrereng rawh, ka fapa hmingchhal in ka tiam angche, nangni ho hi hremhmun a ka hnuk liam lo cheu tih hi,” mittui tla zawi zawih chuan ka au khum

“Zodin, i fapa thihna ah hian keini min rawn mawhpuh hauh suh angche, i thiamloh vek anih kha, nanghian i fapa natna engmah i sawilo, he hmun ah hian court...” atih lai mekin tu emaw in a rawn beng sawk, a thle sawk

“I ka kha ang ve tawh suh, he hmun a thih ve nghal i duhloh chuan,” Benjamina aw chu hlauhawm tak ani, Robert erawh a ngawi ngul, Deborahi hmel chu rapthlak khawpin a sen in a inhum ruh

Lucy-in a pasal bul ah, “he mite pahnih hi theh chhuak rawh,” english a atih chuan a pasal Mark chuan Deborahi ban ah vuani a pawt chhuak, midang tamtak chuan an en thap, “Zidinpui heihi hrerawh nangpawh i tawpna a thleng thuai ang,” kawngkhar lam atang a rawnla ti tawk tawk, ka khur hlak hlak, ka thi ve tak takmai dawn in ka hria, ka fapa hun tawp pawh hengho bawk hian rilru damtak pawhin min thlah tir theilo

Thlalak pui lai te chu ka manglam hriat ruai ruai ani, engmah hi fiah takin ka hrelo, thlanmual lam kan pan pui lai te chuan keima tha in ka kal hauhlo, ka dar a kuah tu Benjamina tha ringin ani ka pentawk tawk chauh ni

Ka fapa thlahna Pastor in thu a sawi chuan kalo nuisuk, ka mangan leh rilru nat lutuk vang a nui ka ni mah zawk, “lei chu lei ah vei vut chu vai vut ah,” atih te, “Pathian in a duh tak a siam chu, ama hnen ah bawk a kir leh tur ani,” atih phei chuan Pathian demna nasa tak in ka thinlung ah hmun a verh ngut ngut, harsatak in fa minpe a, ka vui hauhlo, tun ah minlaksak leh a, engvang a minpe nge anih???

Thlahna thu an chham mawlh mawlh, pangpar an thlak zel bawk, “bawihi, a tawp nan eng amaw tal sawi teh,” Ben-an a rawn tih chuan ka mittui a rawn luang leh nghal zung zung, lei ah chuan ka thu thla hnawk

Khawnge Pathian hi a awm?? Min hre thei em?? LALPA minung te Pahian, engkim ti thei khawnge i awm?? Ka tawrh hi tawk iti tawh em em lo emni? Mualpho na leh hmuhsihna min pek te kha a tawklo em ni? Nungrawng tak a ka lak a chet hi a ngai em ni? Ka fapa hian enge tihsual aneih?? Pathian chu ini tak meuh amaw??” A au in ka au ka tap hawm hawm bawk

“Ka nun hremhmun a chan tir tu te nungdam in i awmtir a, kei hian eng em em nge ka tih sual?? Min chhang teh Pathian ka fapa hi minpe let rawh khawngaih, Van te u min ngaithla em?? Ka tan Pathian hian phuba ala lo anih chuan kei hian ka kut hmang ngei hian ka la dawn ani,” ka chhungril zawng zawngin Pathian ka dem ani, tunge min dem thei awm che u??? Ka tihsual rah chu mualpho na leh hmingchhiatna namenlo in ka tawng ani lawm ni??? Hmeichhe then khat pawhin sawn an pai a, ti tla tawk an awm fo, hremna an tawk in ka ring bawk, mahse kei ang em em chuan anih ka ring hauhlo

Thli chhia zawng zawng hi engvang a ka lam a rawn thawbik nge anih? Ka tan hian Pahian hi a awm velo zawk em ni? Thi ila ka tan hian anuam zawk ngei in ka ring ani, khawvel ka fapa tel lova hma chhawn ka zuam lo a, a telo a nitin ni chhuak hmuh ka hlau ani, ka fapa lei hnuai pil ril a awm chu zui ve mai ka duh, thihna hi ana ani, a tawp hian a tawp vawng vawng.....


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:05 pm

SUCCESS
By floria Laldansangi
21

Ka fapa min kalsan na pawh thlakhat lai ani ta, nitin a thlan a kal ka bansan theilo, ka a zo ni mai hian ka hria, ka tawngtai ngailo a, Parhian ka au ngai heklo, ka nun ruak tak hi tuman an hnawh khat theilo, Pathian pawh khian a thei ka ring heklo

Ka fapa thlan lung chu ka zut riak riak, “ka fapa ka lo kal ania, thim kha i hlau lo tiraw? Mahse a thim leh lutuk in ka ring, a dik em?” Tah insum zet chuan ka ti chhuak, court vawi hnihna pawh kan inlan leh hma a tiang thil a thleng hi amak ka tih bak ah pawm har ka ti takzet, ka fapa kha hrisel tak anilo tih ka ria mahse kha ti teh thut a awm kha ngaihtuah dan ka thiamlo in angaihna ka hrelo takzet ani, engkim hi keimah vang a thleng ni vek mai hian ka hria

Ka mittui arawn far fep fep, “bawihte, a hreawm em? A thim iti em? Min ngai em? Kei chuan ka ngai lutuk che hi ka thidawn in ka hre hial ani, thawk ngaihna ka hrelo, min hruai ve thei mai lo em ni?“ Hrawk na ut ut chuan ka ti chhuak

Hnunglam atangin ka dar rawn khawih tu chu tunge anih en kher ka mamawhlo, thlan ka kal apiangin min hruai haw tur in Bena a rawn kal fo thin, ka fapa thihni atang khan minla thlah thlam lo hrim hrim, in hauh emaw hnial buai ka peihlo bakah chutiang tur in tha ka nei hauhlo bawk

“Bawihi,” ti sup chuan ka thutna sir ah a rawn thu thla ve, “Ben ka fapa hian min ngaih ve i ring em?” Mittui khap let sak sak chuan ka ti lawi rat

Ka dar a rawn kuah pahin ka bek ah a fawp vang vang, “tehreng mai, mahse a pi leh pu diktak bul ah a awm anga, a hlim viau ang,” atih chuan an bul a kal ve ka chak zual takzet

“Kan let tawh dawn em niang?” A rawn tih chuan ka bu nghat, “Bawihi kan inlam ah kawi lawk ila, ka u te naktuk mai ah an let tawh dawn si a, hmuh ve zuai che a duh a, mahse a pasal a dam silo a chhuak theilo a,” inthla hrung zet a atih chuan ka en vang vang


Diktak chuan Bena leh a U lucy te hi ka fapa boral atang khan nitin deuhthaw kan in ah rawn kalin engmah tih neilo mahse an rawn kal reng, Lucy pawh hi vawi tam a unaupa Roberta tan thupha a chawi, Lucy leh Bena thiamloh anilo na chungin an ni chhungkua hi hnaih ka duhlo ani

“Kan reilo ang,” ka chhan mailoh avangin a rawn ti leh sup, ka bu ve nghat, an in kal duhlo viau mah ila Lucy erawh ka tan atha em em, va hmuh ringawt chu a rei lo ang

Bena nen pawh Cathrine-i naupai chungchang kan sawi dun leh tawhlo, hunlah a awm heklo, sawi chhuah kan duhlo ve ve ni in alang

“Bawihi,” a rawn tih chuan ka harh zawk, alam ka hawi vat, “sawi hun chu anilo a,” arawn tih chuan ka lung a phu nghal dut dut, Cathrine-i nen an inneih hun anti fel tawh ani ngei ang

“Cathrine-i naupai hi ka fa ani ngei em tih fiah tur in thla 5 tal ka nghah angai a,” a rawn ti leh sup, min enlo in a motor khalh chauh ah rilru a pe emaw tih maitur in hmalam a melh ran

“Chuan,” ka ti sep, ka lam rawn hawi zawkin, “engkim ka chinfel hun min nghak rawh,” atih rualin a thaw hawk, ka mit ka khap fak fak, “min ring tiraw?” A rawn ti leh, ka ring alawm, ka ring takzet, bu nghatin, “ ka ring che lawm,” ka ti sep, car kawngsir a ti ding chuan kalam a rawn hawi

Mitmeng hriat thiam har leh tawrh har zet amin melh vang vang chuan kalam a rawn awn in a hmui rei tak ka fawh tawhloh chuan min rawn fawp vawng vawng, mit ka chhing riai riai, tisa chakna pakhatmah a tel lo, mipa in a hmeichhe hmangaih, hmangaihna tamtak nena afawh ang hi ani


Ka hahdam sawng sawng thei, ka fapa min kalsan hnu a hahdam tak a ka vawikhat awmna ani hial ang, Bena te in kan thlen chuan Lucy-in minlo kuah vat, “ilo kal duh pawh ka ringlo a, vawiin chu ka pasal a khuasik nasa deuh a, naktuk zing kan chhuak mai dawn si a, a dam vat angai bawk nen,” alo ti zung zung, ka bu nghat nghat, inchhung luh chu hreh hle mahila pawn ah ka ding reng thei silo


“Lo lut rawh tumah an awmlo ania,” ka rilru hria niawm tak a Lucy-in a rawn tih chuan zalo zetin ka thensak, inchhung kan luhrualin, “U bawihi hi ka room ah kan hruai lawk ange, zanriah kan ei lo ang aw,” tih leh min pen sawn pui nghal, a room kan luhrualin hnunglam atangin ka kawng ah a rawn kuah, ka darah a khabe a nghat nghal zat

“Bawihi hmeichhe chaktak ini tih ka hria alawm, hun khirh tak i tawng tih ka hria, mahse chung zawng zawng te chu hma chhawn a hneh a, ding chhuak turin i chak tawk tih ka hria ani,” ti sup chuan ka nghawng ah a hmui lum ther ther chuan anul thuak thuak, ka beng a seh ner ner bawk, ka thaw chhuak hak


“Mama..Ohhh..” hnunglam atangin lucy-in a rawn tih chuan kan inthlah vat, nui sang in, “ka tihpalh, Mama min rawn pui lawk hman em? Zodin ti khan lo awm rawh aw, kan reilo ang,” tih leh Bena chu a melh zauh

“Ka reilo ang, i duh leh lo mu hahdam la,” tinsup chuan ka chal ah fawp zauhin a pensawn nghal

A room chu ka en kual, mipa room tih hriat hluah hluah in rawngthim lam a hmang, khum bul side-table chung a thlalak in hung ka hmuh chuan ka mit ala nghal chat, ka pan hnai, la kangin ka nuisuk, falkland park a ka fapa te nen kan pathum a kan selfie na kha ani, ka mittui a rawn hnam leh tiam tiam chu duhlo in ka khap let sak sak, “bawihte engtin nge nun ka hman chhoh angle?” Ka phun sep

Kawngkhar ri rek ka hriat chuan rangzet in ka hawi chhuak, “Pi lucy khan heihi i induh a ring a,” inthlahrung zet a an nula in a rawn tih chuan thlalak chu dahlet in ka nuihsak, “ka lawm e,” tih leh coffee no chu la in ka lem hlek, ka mamawh lai tak ani

Room chhung a awmreng chu nuam ka tih chiahloh avangin inhnuai lam ah Bena te zawn ka tum room atang chuan ka chhuak, coffee no ka la dawm ran bawk

Room ka pen chhuak rualin nui awr awr ri ka hriat chuan ka ding deuh dat, engmah anih ka rinlh vangin pensawn ka tum leh chu Deborahi aw in chiangzet in, “Reuben naupang khawngaihthlak kha,” atih ri ka hriat rualin rang lutuk in aw lo chhuahna lam chu ka hawi nghal, Ben-a room paih deuh chiah a Roberta room lam atangin ani

Muangchangin ka pan hnai, kawngkhar in hawngsa deuh chu ka nam zau hret, Deborah-i leh Cathrine-i khum chung a thu chung a nui ar ar chu ka melh ran, an bul vel ah Apple eina hnawk zet leh chemte an eina kawr an velna chu a awm bawk

“Ka awih theilo kha mimawl Zodini khan a fapa kha lungphu thatloh vang leh thawkna dawt dikloh vang a thi ah angai kha, damdawi (No 4 )a ka a ka dah luh lai a, kha naupang khawngaih thlakin a nu a au vel kha hmuhnawm tak ani,” Deborahi nui awr awr chung a atih chuan ka coffee no ken ka thloh ri chuai, ka biang a rawn lum thla nghal pup

An pahnih chuan an rawn hawi nghal, engtik laiin nge an awmna ka thlen ka hrelo, Deborahi rawn ding chhuak chu ka theih tawp ana in a hmai ah ka beng, ka mittui a rawn hnam nghal tiam tiam nen, ka chaklohna ti lang tu ka mittui hi ka haw takzet

“Engthil chiah nge ka fapa chung ah khan intih?” Khur dar dar chuan ka ti chhuak tuar, Deborah-in minthamlo tih hriat ngawih ngawih a nui hakin, “enge kan tih, tih chu i rawn hre hman ani lawm ni? Engvang a zawhna at thlak tak min zawt nge inih?” Hneh tu inti fe a min melh khai chung chuan minti let sak

Ni e, ka zawhna kha a at thlak takzet, “mihring pawh in nilo, nangni hian ka fapa kha inthat ani,” tih leh ben leh ka tum chu Cathrine-i ka kut ah lo man in a phih sawk

“Zodin ka sawi kha ila hre reng em? Ka duh ka neih nan chuan engpawh ka ti mai thin, tun ah pawh hian i fapa hnung ka zui tir angche,” chang fak a Cathrine-in ti pah chuan an sir a chemte chu ala kang nghal, ka tawlh hnung hret, ka meng buai nak, “eng..engthil nge tih i tum?” Bah nak chuan ka ti chhuak

Rapawm lutuk a nuisuk chuan, “ka duh chu engti kawng zawng pawhin ka nei thin ka tih kha,” tih leh chemte chu ama pum zawn a lek in a in vit nghal, ka rak that, ka kaa ka hup nghal, min rawn pan hnai chhat chhat chuan chemte phawi chhuakin ka kut ah a rawn hmeh bel nawk nawk, ka mangang lutuk chu ka khur hlawk hlawk, a na tuar hmel phen ah chuan hnehtu intihna alang hluah hluah, then sak sak mahse min nuihsawh tih alang ngawih ngawih bawk


Ka mangang leh hlauthawng lutuk chu chet mai na chang pawh ka hrelo, chuat ah Cathrine-i chu a thu thla hnawk, chuve leh Deborahi ring lutuk in a au tuar tuar bawk, Lucy rawn tlan lut mak ti hmel chu a mengkawk, ka hnunglam atangin, “bawihi,” rawn ti ka hriat rualin ka in her, ka kut a chemte chu a melh nghal, rang lutukin ka thilken chu ka thlak ri bawl

“Ka nilo..ka nilo..” Bah nawk nawk chuan ka ti chuak, ka lu ka thing nawk nawk bawk, ka kut a thisen leh Cathrinei thisen chhuak chuan minti a zual dawn in ka hria, kalam rawn panin min rawn kuah, minthlamuan tum takin ka chhip ah a fawp bawk

Lucy pasal rawn lut chu Lucy-in Cathrine-i pawm tur in a hrilh nghal, pawm nawlhin an chhuahpui, Ben-a nen an hnung ah kan zui ve nghal bawk, ka hlau leh mangang lutuk chu ka khur ala reh hleitheilo, engvang a khang thil kah ti nge anih? Mahni leh mahni in vih khan enge thil tum aneih leh ni ang?? Nau apai tih a inhre reng awm si a


Damdawiin kan thlen chuan an lo buaipui nghal ER ah an nawrlut, ka taksa khur dawt dawt reh theilo chu ka haw takzet, Ben-an min kuahbet ran, Deborah-in tap hlap hlap chung in, “Zodin i fapa i chan avangin Cahthrine-i naupai pawh hi thah i duh ve ani tiraw?” Mitsen ram a min melh pah a atih chuan sawi tur pawh ka hrelo khur dar dar chuan mit khap sak sak in ka melh

“Deborah duh tawk rawh, a hlauthawng anih kha,” Lucy-in a rawn tih chuan Deborahi chu anui hul hak, “Police rawn thleng rawhse ka unaunu chung a ithil tih man hi i hmu ang,” ngei tih hriat ngawih ngawih chuan min melh pah, ka thaw kawk kawk

BENJAMIN...POV

Ka u nen ka room atangin kan inzui chhuak, “Ben ka pa hi zawh chian itum em?” Ka unaunu ka hma a thu chu ka melh ran, ni e kan zawh chu angai ngei ang, mahse finfiahna kan nei hauhlo

“Ka nu kha a uire lo tih ka hria, ka chiang em em bawk, mahse Roberta kher hi chu ka pa fa anilo ang tih ka ngaihtuah ngailo hrim hrim,” a rawn ti leh hap, keipawh in ka ngaihtuah ngailo, ka pa fa ni ve tur ah ka ngai char char, nizan kan unau in ka room ah London lam a an let hun tur vel sawiin kan inbia, ka pa lehkha chhiar na room atangin Roberta nu leh mi phakhat putar lam in hau kan hriat atangin Roberta hi ka pa fa nilo in midang fa anih kan ring kha ania, chupawh kan la chiang chuanglo


Kan unau a kan inbiak mawlh mawlh lai chuan inchunglam atangin rak tuar tuar ri kan hriat chuan in melh hra in kan tlan chho nghal, Roberta room kan luh rual a ka thil hmuh chuan ka pen a ti tawp chat, Bawihi hlau tih hriat tak a khur hlak hlak chu ka kuahbet, “keimah ka nilo,” tiin a phun sep sep bawk

Damdawiin kan thlen pawh chuan a khur ala reh theilo, ka kuah bet reng, Deborahi lah chuan a an khum phiar phiar henu pawh hi ka ring hauhlo, chemte kha Bawihi hian alo hum ngei, mahse a tih anilo tih ka hming ka chian tluk hian ka chiang ani

Kan hnunglam atangin, “Zodinpui in awm em?” Rawn ti tu vangin kan hawi thap, kan hawi rualdeuh thaw in Zodin hmai ah Roberta nu chuan a rawn beng sawk, “Nanghi ini Cathrine-i thah tum tu chu,” ti tuar a rawn ben leh a tum chu a kut ka lo phih sawk, “ka nu,” ka ti that, Nu tih thumal ka sawi chhuahrual chuan keimah ah diklo a awm, ka ten hluah hluah

“Pawi ka ti hle mai, thu zawh fiah tur in tun ah station ah kan hruai angai ani,” Police pakhatin a rawn tih chuan handcuff phawrhin Zodini kut a rawn vuan nghal, handcuff chawp chuan ka veng per sawk, chhuat ah a tla ri bawl bawl, “thil tisual tu angmai a in hruai angailo, keiman ka rawn hruai ang,” chang fal a tih pah chuan Zodini ka melh zawk

“Kan kal dawn ami, a reilo ang,” thaw ri hawk chuan ka ti sup, ka taksa erawh ala sak talh, ka hma a hmeichhe ding te pahnih mitmeng thip lutuk leh tualthat tu angmai a Zodini an melh chuan minti thinrim zual

Police station kan thlen chuan room pakhat ah minluh pui, a thim khap, chu hmun chu mipa tan pawh a rapawm lek lek ani, ka kuahna atang Zodini taksa rawn khur leh dar dar chu ka hrethei, a ai nghetin ka kuahbet, “tah khan thu rawhse,” Police palian ve takin a rawn tih chuan ka thuthlak pui

“Minlo va chhuahsan dawn em niang?” Min melh kar chung a atih chuan ka thensak, a teuhlo lutuk hi niringawt, “i zawh duh chu ti khan zawt rawh,” chang fal nekluih theih miahloh tur chuan ka ti chhuak

A thaw hawk, “atha e, engmah lo sawi ve suh angche,” ti nghut chuan Zodini melh ran chungin, “engvang a Cathrine-i kha thah tum nge inih?” A ti nghal khur khur


Zodini’n a lu thing nak nak chuan, “ka...ka tih anilo, amah leh mah in vit ani, dawt ka sawilo,” bah nak chuan a ti chhuak, abiang ah mittui a rawn luang nghal ngiai ngiai

Dawhkan a beng dawt, Zodini phu zawk chuan ka thin a ti sa phat, engtik laiin nge kha police kha ka hnek ka hrelo, a let thla tawp, midang an rawn lut nghal

“Iti hlau tih i hria em? Tha tak khan i zawt theilo ami, ahriat zawng chu a sawi tawh kha,” seh chilh zet chuan ka ti hrawk, Zodini pawt tho chuan, “in chhui duh anih chuan in hna thawk tha ang cheu, hmeichhe hma a au vak vak lo khan,” ti leh hrawkin ka pen chhuahpui nghal, kan chhuah rualin anu leh pa leh anaute kan lam an rawn pan vat


Anu in alo kuah vat bawk, en mai hi chuan thisen zawm an nilo tih a hriat hran hauhlo, keiphei chuan nufa tak tak an nilo tih hi Zodini ka kawp atangin thla khat hnu vel ah ka hre chauh anih kha, an ril arah an fate an hmangaihna nen a nep chuang hauhlo, nu leh pa dangte hi an ni vek angem? Nge ka pa hian keini unau aiin sum hi a hmangaih fal bik em ni?

“Bawihi, i pa te rual khan hawng mai ta che, damdawiin lam ka pan leh angai sia,” ka tih chuan min en lo in a bu nghat, “alawmawm lutuk e ilo buaipui a, thildang chu kanlo buaipui tawh ang,” a pa in damdup a arawn tih chuan ka bu nghat, an tlan liam thleng chuan ka thlir zui, a hmel a mangan na te, hlauhna te khan min ti na in min vit ve ngut ngut, a fapa a chan chauh a, tun ah buaina dang bawkin a tlak buak leh a, mipa tan pawh a tawrh hreawm khawp tur leh beidawn rum rum na tham a nun ah hian a tawng zing laileng ani


Damdawiin ka let leh, Cathrine-i awm na ward ka luh chuan anlo awm thap, a u te nupa an lo awm bawk, minlo en thap, “a tha em?” Khum a mu bam mai melh zauh chuan ka ti sep

“I lawm tawh em ti khan, kha hmeichhia vang khan i ril a rah ngei i fa chu i chan a, nanglah in ilo tan hlur bawk a, ilo ropui hle mai Benjamin,” ka nu in ti el zet a arawn tih chuan ka thaw chhuak hawk

“Naute chu a awmtawhlo,” ka thianpa Dr. Denny-an a rawn tih chuan ka thaw chhuak hawk, lawm tur leh thinrim tur tih pawh ka hrelo, lehlam ah ka fa pai tu leh ka fa awmtawhlo, lehlam ah khawvel a ka hmeichhe hmangaih ber a awm bawk, ka thawk lak a sak in enghi nge tih a tihloh tur ka hrelo tkazet

“Benjamin engpawh thleng dawnse hremna na thei angber kei hian ka pe dawn ani he thil thleng ah hian, ka nau in nun na a chan thelh a, ka ngawi mai mai lo ang, nagpawhin ka nau hi nupui ah ineih ngei angai ang,” Cathrine-i U kima’n ram hmak a arawn tih chuan sawi maitur pawh ka hrelo, room atangin chak thei angber in ka pen chhuak, ka car chuan khawilam nge pan tur pawh hrelo chuan ka in khalh chhuak, ka hma zawn ah chuan dingtak in ka tlan, ka mitthla ah Zodini na tuar hmel, hlauthawng leh makti hmel a rawn lang zut zut, Motor chu ti ding tuarin steering ka chun dawt dawt, ka thaw ri hrawih hrawih bawk

Zodinpuii lo nupui atan tu hmeichhia mah neih ka tum reng renglo, Cathrinei ngat phei chu nau apai lai mahin neih ka tumlo ania, naute ber a awm loh phei chuan TEUHLO LUTUK hi ani tawp


(🤗Get ready for next chapter🤭 in nui thei tep tawh e)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:05 pm

SUCCESS
By floria laldansangi
22

Nithum a liam tawh, Zodini biak ka tum in call ala duhlo mai pawh nilo in an in a ka kal pawhin min hmuh a duh chuanglo, engthil teh hrep nge a rilru ah awm pawh ka hrelo

Damdawiin ka thlen rualin Cathrine-i nu leh pa te an rawn chhuak ve chiah, “a nghak reng che ania, inneih hun tur te sawi fel aduh anih kha, station lam ah kan lan angai a keini kanlo va kal ange,” atih chuan ka nernawk, engvang a an fanu chu min neih tir phet tum nge maw an nih hrep ni

Engmah sawilo in ka kal pel, Cahtrine-i ward ka luh rualin minlo nuih sang, damlo pawh a an loh hi a make-up zawng zawng te nen, nau a chhiat tih a hrelo zawk emaw ni? Ni thum (3) chhung khan ka tlawh lo hrim hrim, Zodini bak ka rilru ah awm heklo, ka hlauhber chu jail atan ani

“BJ ilo va kal har ve, ka hrah chhuah rual khan hmuh che ka in beisei a,” lungawilo zet a min melh ralh pah a tih chuan ka nersawk, “i dam tha tawh alawm, i case file hi hnuk dawk bawk angche,” bul nghut a ka tih chuan a hmel ah chuan ka thusawi a lawmloh zia alang nghal uar uar thei

“Kha hmeichhia i fa thah sak tu tan khan min rawn hmu tih sawi miah suh,” ati tuar, min melh nghal rawm rawm bawk, ka thaw hak

“Cathrine duhtawk tawh teh, in tihbuaina tel lo pawh hian hun harsa tak a paltlang mek asin,” ka dawh theihna zawng zawng sawm khawmin nem thei angberin ka sawi chhuak, a mutna khum sir ah chuan ka thu thla nghal zat

“BJ ka pa in a sawi tawh ka ring, kan pahnih hian kan inneih tur thu, kan innei anih chuan i duhdan takin case ka file tawh chu ka sut leh ang, mahse ka innei lo anih erawhin ka fa ka chan avang hrim hrim pawhin ka ngaidam lo ang,” min melh rawm rawm pah chuan a ti leh hmak

Ka thensak, “hethil i duh vang hi em ni? Mahni leh mahni i invih?” Hriam hrak a ka tih chuan a meng kawk, ka lo thensak, “kha hmeichhia vangkhan dawtin min puh hauh suh,” ati that,, “BJ i danglam tawh takzet, ka fa ka pum chhung ami ngei chu keihian ka ti hlum duh angmaw? Min hmangaih tawhlo tih ka hria mahse tlem talin ka tan hian i rilru i seng ve theilo em ni? Ka fa lo piang maitur thahsakin ka awm hi,” a in hnit nghal hlawp hlawp


Sawi maitur pawh ka hrelo, “inneih na chu a awm ngailo ang,” ti sup chuan ka ding chhuak nghal, “atha min nei lo anih chuan Zodinpuii hi kum 1 emaw kum 2 jail a tang dawn tih ka hrilh lawk angche,” chang fal chuan a rawn ti chuak, zalo lutuk in ka nui hak, tunmai a tap hlap hlap kha tun ah a rawn pawr leh em em a, englem chan na ropui nge maw ni le??

Rum lutuk chuan ka melh hrawk, a nui lui hak, “Duhtak BJ ti khan min melh lo teh, i nupui ka ni thuai ang tih pawh ka sawi theihloh hi, ni 1 hun ka pe angche, naktuk zan dar 8 hma in ithu thluk na ka hre duh, eng ang mi nge ka nih chu i hriat kha, ka duh chu ka nei ngei ngei thin, i hmangaih chu chhan ta che,” ngeiawm lutuk chuan a thensak, Zodini sawi kha a dik ani, amah leh amah a in vit tih ka chiang, mahse fiahna ka neilo, mit a hmutu ber Deborahi lah chuan a sawi dawnlo rapthlak mai si, thinrim tun chuan room chu ka chhuahsan, Zodini lo nupui a neih ka tum ngailo hrim hrim

ZODINI...POV

Karkhat lai aliam leh tawh, Cathrine-i pawh damdawiin atang a chhuah tawh thu ka hria, atir a kha ti khawp a thinrim leh jail tang tur hial a minduh khan case an file sa an hnukdawk leh vek kha mak ka ti takzet, mahse a lawmawm viau zawk, ka tan chuan engmah insawi fihlimna tur a awm dawnlo tih ka nau khan a sawi chiang viau, mit a hmutu ber Deborahi lah chu ka lam atang dawnlo ropui si

Zing ka tho chhuak chu ka lu ana bur, sana ka en zing dar 11 a pel daih tawh, choka lam ka pan, Diktei rawn lut min hmu chu a phu zawk, a hnung ah chanchinbu ni awm tak chu a thukru nghal zat, ngaihsaklo hmel zet chuan nuisuk in, “morning,” ka ti sep, in morning na hun chu ani tawhlo viau, bu nghat chuan, “morinig,” tih leh in her in pawnlam bawlhhlawh bawm ah chuan chanchinbu chu a paih nghal

Room a luh rualin bawhhlawh bawm chu panin ka la chhuak, pages hmasaber a thil inziak ka hmuh chuan ka khur nghal dar dar, ka sa nghal pup pup, ka thin zawn hi chemte hmawr zum tak nen a vih sawk sawk ang hi ani, ka rinlawk mahnise mit ngei a han hmuh chuan dawnsawn dan thiam ahar in anatdan chu min vit ngut ngut thung

Ka biang ah ka mittui a rawn lum thla pup, ka kekawr ipte ka zen rak rak, ka phone la chhuakin Ben-a ka call nghal, “khawngaihin,” ka phun sep sep

Ala dawnlo emaw ka tih hnu ah, “bawihi,” thawp sap a arawn tih chuan ka thaw chhuak kawk, ka tah a chhuak nghal em em, a aw ringawt pawh hian ka kaw chhung zawng zawng hi a fan chhuak vek thei, Cathrine-i pasal atan ka ngaihtuah ringawt pawhin ka thaw a chham mai dawnin ka hria

“Ben, ti suh, kalsuh,” ka riat nawk nawk ani ber, min chhanglo, a reh vawng vawng, ka thinzawn hi ana in ka mittui a rawn luang zung zung bawk, “khawngaihin,” ka ti leh sup, a thaw ri hrawih hrawih chu ka hrethei, “pawi ka ti bawihi,” chu zawng chu maw a sawi theih, chu chu ka thu hriat duh ani hauhlo, ni e, keihi engtin nge min neih emaw ka bul ah a awm duh tehlul ang ni, a fa that tu ah min ngai miau a, min rin thu a sawi mahse min ring hauhlo

“Min ring miahlo ani,” ka ti leh, ka sawi chhuah zawng pawhin ka thi mai dawnin ka hria, “chutiang anilo, ka...”atih laiin, “BJ i hman dawn em?” Cathrine-i aw nalh fahran in a rawn tih chuan ka thaw kawk, ka mit ka chhing sawk, “bawihi ka kal angai, in enkawl tha angche,” tih leh phone dah a rual, chhuat ah ka thu thla hnawk, ka awm ah leh ka hrawk a hnawh tu awm vangin ka thaw tha theilo, ka ang hlawi hlawi, ka mittui a thla zawih zawih thung

Engtia rei nge chhuat ah chuan ka thut ka hrelo, “awii... U zodini tha em?” Diktei’n a rawn tih chuan ka harh zawk, ka kut a chanchinbu a hmuh chuan lainat hmel taka min en chungin, “hmeichhe chaktak inih kha, i pal tlang thei em em ang,” ti sup chuan rawn thu hniam in min rawn kuah, ka tap khur dar dar, ka hmangaih te apiang hi tinge laksak a ka awm zel bik???

Ka tap chau hnawk, room ah lutin khum ah ka mu tawm chial, ka hma zawn bang a sana intar chu ka melh ngar ngar, dar 12 rikloh nan Minutes tam a duh tawhlo, 12 hnunah erawh khawvel a ka mipa hmangaihber chu ka hmelma pasal ani tawh dawn, chumi ka ngaihtuah chuan ka thawk a sak boruak kham khawp hip tur reng reng ka neilo

**** “Mummy,” ka fapa aw chu hla tak atangin ka hre vuai vuai, ka hawi kual, ka awmna chu phul hmun nuam tak, hringdup mai ani

“Mummy, helam ah,” ka fapa aw chiang tak a ka hriat rualin ka in her nghal vut, ka fapa ka hmangaih em em chu kawr var thianghlim zet ha in minlo nuih sen sen, ka mumang ani em??? A hmai tai sen chek thin te, a hmui ni sen tek leh anui hmel mawi tak te chuan ka fapa anih zia ati lang ngawih ngawih

“Bawihte, mummy hian angai lutuk che, minkalsan tawhlo ang tiraw?” Mittui tla chung leh hrawk na ut ut chuan a lam ka pan dawn chuan ka pen sawn thei hauhlo

Ka fapa erawh a nui a hmel eng sarh chu vawikhatmah kala hmuh ngailoh ani, “Mummy, a pi leh a pu te bul ah ka awm alawm, ‘kan bul ah chuan ilo kal ve thei rihlo a ti a,’ a pu in, mummy nitin kan lo thlir thin che a, keimah ang bawkin helai ami api leh apu pawh in an hmangaih ve che asin, tinge i tah reng? I tah chuan Reubena pawh a tap ve ziah zel,” nui sen sen chung a atih chuan ka tap chhuak hawk

“Bawihte min hruai ve maitheilo em ni? Ka awmna hi a hreawm lutuk, ka fapa helai hi, helai tak hi pawh sawm vek angin ana ani, ka chan che a, tun ah Bena leh zel pawh ka chan a, min hruai ve maitheilo em ni? Hlim hi ka phu ve lo em ni? Nangmahni ang a natna awmlohna leh in nui hmel ang neih kha ka duh ve ani,” tap zawih zawih chuan sawi chhuakin ka awm ka chum dawt dawt

“Ka fanu, bawihte, kan chhuang lutuk che ania, vawi tamtak i tlu a, i tho leh zel thin anih kha, tun tum pawh i tlu a, i hliam ani thei, tho la, chaktak in ding rawh, i hlawh tlin na leh hmeichhe ropui tak ini tih kha hmuh tir angche,” ka pa aw ngei maiin a rawn tih chuan ka dak chhuak vat, “pa, nu,” ka phun sep, ka fapa kai chung chuan minlo nuih ver ver, ka mittui bawk a rawn hnam leh tiam tiam

Ka lu ka thing, “ka chau tawh ani, ka chau tawh takzet, ka thi ve mai dawn in ka hria, ka tan khawvel hi hremhmun ai pawh in a hreawmna a nep chuang in ka ringlo,” in hnit hlap hlap chuan ka ti leh, “i khawvel thlakdanglam turin nangmah kha inring tawk ta che, Reubena nu leh kan fanu ini alawm, kan kal a hun tawh e, bawihi chaktakin ding angche,” tih leh an in her riai riai

“Aih, bawihte mummy hi kalsan tawh suh, nu, pa min hruai ve mai rawh u,” ka au lawm lawm, mahse vawikhat pawh an rawn hawilet lo, boruak ah an tham ral riai riai***

Ka harh chhuak hlawl, ka thawk kawk kawk, ka taksa chu thlanin min lo bual huh nasa, sana ka en, zinglam dar 1 a pel thuak, ka mutthil lai reng reng ka hre huhlo, tun mai a thil thleng kha ka mumang em ni? Mahse atak ang chiahin engkim ka feel vek thei ani, ka sir a ka fapa thlalak ka tak chu ka ban da da

La kang in ka en vang vang, “bawihte Mummy hi chakna tamtak rawn pe rawh aw, i chung a thildiklo tak ti tu te hi alet tamtak in hremna ka pe dawn ani,” mittui far fep fep chuan ka sawi chhuak, engmah chan tur leh venhim tur ka nei tawhlo, engtin nge antih kha??? Khawvel a mihlauhawm ber te chu nunbeidawng te an ti em ni? Ka nun hi a beidawng nilo in, beidawng tur in minsiam a, mahse chu chu antan hremhmun a hruai thleng tu ani dawn ani

Ka fapa thlalak kuah chung chuan ka mu mengkar, ka nundan ka ngaihtuah, film leh lehkhabu vel ah chuan ka nundan hahthlak leh buaichuar tak te ang hi chu a awm ngei e, ka naupanlai atangin tun hun ka ngaituah kir rauh rauh, ka tehkhin ber chu lehkhabu ziaktu in thiam tak a aziah, chhiar tu te tan rilru hneh tum leh khawngaihthlak thei angber a an ziah hi ka tehkhin ber, lem chan na tual zawl ni mai hian ka hria, Ni e, pawnlam ah mi mit fu tur in lem an chang alawm, keipawh hian engvangin nge ka theihloh angni?????

Ka thaw rualin bathroom ah lutin ka inti fai sawk sawk, ka harh leh khan ka mu nawn tawhlo hrim hrim, ka mitbui luk leh sen ram chu ka in en vang vang, “Zodin tu chiah nge inih chu entir rawh, AWLE nangmah ei zawh vek tum te chu i that dawn anih chuan nangmah ngeiin an chen na tui ah chuan i luh chilh angai ani lawm ni,” keimah leh keimah chu ka in fuih mawlh mawlh, boruak ka hip kawk

Ka thawmhnaw dahna chu hawngin pencil skart dum ka khup khuh lo deuh leh kawrban tlawn, sen duk chu kala chhuak, ka mitbui luk mai hliah khuh turin make-up tak deuh hlekin ka hmang bawk, ka sam ka dar thleng lek a sei chu ka thlah tawp, ka hmui chu sen hlarin ka hnawih bawk, ka phawikhawk sang tha zet chu ka in thawlh nghal, darthlalang a ka thla lang chu ka in en vang vang, ka kawr hak taksa phuar lam lek lek chuan ka awm bawr ati lang lian zual, ka pencil skirt fen chuan ka pian a ti lang chiangin ka bawp nalh tak ka chhuan ve em em chu a ti lang mum zual, ka thaw hak, tun ah chuan Zodinpuii kha a thi tawh, a fapa an thah sak rual khan a thi ve nghal ani, Sabrina... Sabrina mitum ruh, designer hmingthang leh hmeichhe lu zo leh a hma a awm tawh phawt chu tawn tlang vek thin kha ka ni tawh, ka ni kumkhua tawh bawk ang....


Room atang a ka chhuah chu minlo en hau hlawm, ka nau in, “mate i tha maw? Enge itih dawn?” Mak tih hmelzet a min en chuan ka nuisak, Diktei leh Hlutei pawh chuan min en haw, “hna ka kal lo rei tawh si a, ka tan ve tawhloh chuan,” nui lui sang a ka tih chuan mit an khap fak fak, ka chhungkaw hma ah eng ang hmel nge kalo put thin ni chuti tak a ka inchei mak ti tur chuan


“Ahhhh... I tha chiah ang maw? Reilo te chu chawl leh rihla?” Ka nau in min ngaihtuah zet a tih chuan ka lu ka thing mat mat, Benjamina vang in min ngaihtuah zual tih ka hria, mahse tun ah chuan ka ta ani tawhlo, engvangmah a ka hmelma te en liam mai mai lah ka tum tawh heklo, anupui te ka bei dawn a, pasal anihna angin a venhim pawhin ka dem chuang heklo ang

“Ka kal ange, zanah kan in hmu dawn nia,” “chuan duata khawngaihin Dr. Denny’a, Cathrine-i doctor rawn thin kha minlo chhui zui sak teh aw,” tih zawmzat in ka pen chhuak, pawn boruak chu ka hip vang vang, ka fapa thih tangin ka khawvel chu ka room leh ka fapa thlan ani mai, tun ah erawh engkim hma chhawn turin AWLE awmna tui ah chuan ka zuang lut dawn ani

Car alut in ka tlan chhuah rual a chak zet amin rawn tlanpel tu chu ka en zawk, ka thin a phu rang ve ringawt, Benjamina car ni in ka hria, zing zing ah kan inlam ah enge a rawn tih? Ka lu ka thing mat mat, enge maw ka ngaihtuahle? Ani te chu Cathrine-i nen Honeymoon hmang in khawi amaw ah an awm in nuam an chen ang chu, min khawihna kut dam dap a min khawih ang khan Cathrine-i a khawi ve awm si a, chu thu ka ngaihtuah ringawt pawh chuan ka thaw ati chham dawn, boruak hip kawk kawk in, “Zodin nupa an ni tawh, theihnghilh ngai suh, Sabrina hmeichhe lu zo tak engmahin a tihnat ve theihloh ang khan awm rawh,” phun sep in ka tlan chhuak ve nghal


Company building hma ah chuan dingin ka thlir vang vang, a vawihnihna atan hmeichhe lu zo tak Sabrina kha he hmun ah ngei hian a lut leh dawn ani mahse luh ka hreh tih piahlam in ka hreh ani, muangchangin ka pen lut, midang veivak awm chuan min melh hrek hrek nimai hian ka hria, ni e, Benjamina nen khan kan in kawp tih kha an hre fur tlat ani

Lift inkhar tur chu hmanhmawh zetin ka hmet, a rawnin hawng leh rualin ka kal tir hmasalo kha ka inchhir ta rum rum, Benjamina ban ah inti neitu takin Cathrine-in a vuan hnap, min hmu thut chu an beisei loh lam anih ka ring an meng deuh kawk, muangchang a pen lut in ka sect mami’in minlo nuih sang chu nuihlet duh viau mahila tun ah tak hi chuan nuihluih chu a harsa lam hret ani, ka beidawng thak

Lift chhung chu a zim sa naklaiin Benjamina huhang hi keizawng ka thaw lak ati sak talh, ka in hum ruh, “BJ karleh chu Delhi ah ka pa te chu kan tlawh dawn em niang?” No zet a Cathrine-in a tih chuan ka thin zawn hi a na veng veng, thikna nasa lutuk in min tuam hlup hlup, Benjamina chhan dan tur ka ngaihthla reng, mahse lift a din thleng pawh chuan a ngawi ngul, ka tukkhum za mer mer ah erawh min en reng tih ka hre thung

Lift a din rualin ka pen chhuak nghal, a inkhar ta maw tih ah a tlan in ka tlan, ka office ka luh rualin duhthawh lutuk in boruak ka hip kawk kawk, kha lift chhung ah khan ka thaw em pawh ka hrelo, boruak hip tur a awmlo zawk nge? Ka in sangmar zia ka hre chhuak chiah bawk

Kawngkhar ri rawk ka hriat chuan ka in her nghal, Cathrine-i mitmeng thip ram nen kan in melh ran, ka thensak, “ka lo beisei hauhlo che, ka ti dawn nge? Ka beisei ai kan in hma chhawn hma ka ti zawk dawn?” A tawng hma chuan ngeiawm zet chuan ka tih khalh zat

A mitmeng linghlar atang chuan meialh chhuak thei se chu a alh hluah hluah in ka ring ani, “zaktheilo nu kan company ah hian engthil nge i rawn tih?” Thinrim zet chuan a ti that, ka nui hak thung, zahna hi an pianpui velo ani hrim hrim

“Kan,” a hriat tur tawk chuan ka sawi ri leh sap, ngeiawm zet chuan ka thensak bawk, “Ohhh ni dawn tak, Benjamina nupui ini tih kalo theihnghilh alawm le, min hrethtiam teh, helai hmun a ka thil tih chu i pasal
pa leh i pasal i zawt mai dawn em niang? Hna thawh tur kala nei si a i rawn luhna atang khan i chhuak leh thei tawh ang,” ngaipawimawhlo zetin ka thle bak, ka chair a thu thla chuan ka hma a files ho chu ka keu nghal hmak bawk

“Zodinpui,” ti tuar a ka dawhkan a thil dah ho rawn hai thla thuai chuan ka sam a rawn kek nghal, ka duai tawh biklo nasa, ka fapa damlai kha chuan ka fapa hmalam hun tur vang hrim hrim in ka ngawih kha angai fo thin, tun ah chuan engkim a danglam tawh tih hi an hre tur ani, a kut ka phih thla sawk, ka ding nghal at, ka thaw hak, heng ho hi thinrim a ka hma chhawn anih chuan ka chaklohna an hre dawn tih ka hria

Ka nuilui sak, “A&J company CEO nupui meuh in Honeymoon thulh thak khawp a, a hnuai a hnawkthawk ve mai office chhung a a chetdan hi reporters ho hian hre tase thawnthu phuahtur tha lutuk an neih ka van ring em?” Melh let hrawk pah a ti chuan ka nui lui hak, “helai hmun atang hian ka hmuh phakloh ah kalbo rawh,” ti leh tuar a ka din na lam rawn pan in min ben atum chu a ban ah ka lo man chat

Paih thla lawp in, “tinge i hlau em ni? Ohhh i pasal ka tih awmzia chu ka bialpa min chhuhsak tak kha ka zar buai i hlau em ni?” Ngeiawm thei angber chuan ka thensak bawk

“Zodinpui, i ka bawlhhlawh tak kha chip hmak rawh, jail chhung a lo dah hle hle tur che kha ka ni a sin,” thinrim hmai sen tawn tawn chung a atih chuan ka nuisuk, alam a pen hnai in a hmai ah na zetin ka beng sawk, a rak tuar, “nanghian kut min thlak ngam amaw? Tunge ka nih i hria em?” Mitmeng sen ram mai, mittui tla lek lek chuan min melh

“Kha bak chu ka kut i tuar tawhlo ang, ka kut hian i thinglung bawlhhlawh mai nilo i taksa bawlhhlawh tak hi ka ti bawlhhlawh phal lo e, kha ka ben vawikhat pawh na iti anih hmel, i hria em Cahtrine- khawvel a mi hlauhawmber antih hi?” Thenlui sak pah chuan ka pen hnaileh, a kawr awm chu ka siam that sak, ngeiawm lutuk a nuisang chuan a dar ah ka beng thak thak, “ka hmuh tir dawn che alawm, kar leh hian Dr. Denny nen inhmuh kan tum a, a pawi emlo angchu maw?” Ti sup chuan ka melh ralh, a taksa tang nghal at chu ka hre nghal thuai, ka nuisuk

“Ka buaina tur a awmlo, he hmun atang hian ka theh chhuah che i nghah kher ka ringlo, nangma ke in pen chhuak la, ka hmuh ah inlan tawh suh angche,” mit meng buai nak a ati chuan ka kut a dar a ka nghah chu a peih thla lawp, rum zet a min melhin kawngkhar lam pan chuan a in her, ka nui hak, “Cathrine, i duh neihnan engpawh iti thin tiraw? Kei chuan in neihsa hmang hian hremhmun ah ka hnuk lut angche u,” ka tih chuan rawn in her in rum lutuk in min melh, “i fapa rual khan hremhmun a ka lo thawn lo thawn velo che kha ka thil tihsual lianber ani,” seh chilh zet a ti chuan kawngkhar ah penlut in na zetin a rawn khar nghal thuai bawk

A chhuak chiah chu ka zawi nghal hnak, dawhkan tlang vuan chuan ka ding boruak tam thei ang ber ka hip kawk kawk, ka mittui ka khap let sak sak, ka fapa chung a anthil tihman chu a let tamtakin ka hmuh tir ang, “Zodin bul i tan dawn chauh alawm, Deborahi te nupa, Roberta nu pawh ila hma chhawn em hleinem chaktakin awm rawh,” keimah leh keimah chu ka infuih mawlh mawlh, ding chhuak in ka thaw halh, ni e, bul ka tan dawn chauh ani, tlawm ngawih ngawihin ka siam a nga, ngaihdam dil phulo hliah hliah in ka siam bawk ang... Zodinpuii nilo in Sabrina engmah nei tawhlo, humhim tur leh ngaihtuah tur nei tawhlo ani ka nih tawh.....

(🙊ka story chhiar tu te chung ah lawmthu sawina😍in fel em em a mi hriathiam na in ngahin Advertisment pawh, “min click sak hram hram rawh u,” tih ngailo in minduhsakna vangin inclick zel a ka lawm em em a, chuan ka mizo tawng hman dikloh lai comment leh inbox ah min rawn hrilh thlap thlap zel avangin ka lawm in hma ka sawn phah em em ani❤️❤️)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:06 pm

SUCCESS
By floria laldansangi
23

Ka chair ah thu thla hnawk in ka phone ka phawrh nghal, “Zodin,” Uhlima aw in a rawn tih chuan, “umm keimah, minpuih ka mamawh dawn a,” ka tih chuan a rawn nui huk, “tehrengmai, nangberin itih te chuan,” minfiam pah a arawn tih chuan ka nernawng, Uhlima hi a pa hi Chawngthu conts. Neitu pa ani, an awm thei, Mizoram ah chuan awm thei ve pawl tak an ni, amah hi awmtha duhlo ti ila Bike racing te leh zan chhuah insual te a peih em em, ka nau in buaina a tawhlai in a pui a, ka nau nen an inkawm ngeih ta hle, Police ai pawhin hnu chhui chu an thiam zawk, hnungzui tu pawh tamtak anei bawk

“Cathrine-i nunhlui, a pasal hlui chanchi zawng zawng kim changin ka hre duh, nilo, tun hnai a, a pasal hlui chanchin ka hre duh animah zawk,” ka ti hap, ngawi vung vungin, “a harsat dawnloh chu,” a rawn ti nghut, thaw hakin, “chuan thildang leh,” ka ti sep

“Ohhhh, Zodin inthlahrung suh, i unaupa ang ka nih hi,” lawm vaklo a arawn tih chuan ka nui hak, “Deborahi leh Roberta, Roberta nu, an vaiin tun atang hian enge an tih, tunge an hmuh tih ka hre vek duh,” ka ti sep, ka thiltuh tur ah hian risk lak fe angai tih ka hria, mahse ka tih ngei angai, anchaklohna lai ka zawn chhuah angai tlat

“Zui ru tur in minduh tihna ami?” A rawn tih chuan ka thensak, “chutiang deuh chu, midang tumah ka ringlo tih i hriat kha, ka fapa boral dan hi an ka ngeiin sawi se ka duh ani,” seh chilh zet chuan ka ti chhuak, ka fapa ka mitthla ah arawn lang nghal zat, ka mittui a rawn hnam tiam tiam, ka khap sak sak

“Ka hrethiam e, lungngai suh, engkim ah kan pui dawn che lawm, a hunlai khan tihsual lian tak kan nei, ruang kanlo endiklo kha ani, a tu pawh mai kha kan chiai a tin ni, lungngai miah suh,” min hnem tum zet a rawn tih chuan ka nui lui hak, kan inbiakna kan tih tawp hnu ah ka sect in meeting kan neih tur thu a rawn sawi

Ka office ka chuahsan rualin, “Autumn Mid Collection hi nang leh Henry kut a awm tur ania,” ka bu nghat, “ chumi chungchang chu em ni tun tum a meeting neih tur pawh?” Melh zawk a ka tih chuan a bu nghat, ka mamawh tur vel keng chuan ka hnung ah min zui dat dat, Meeting room luh hma in Henry-an nui vur vur pahin, “wow... Team leader khal deuh pawh kan hmu leh thei ta alawm, tlemin i cher deuh tihloh chu ila itawm viau,” nui hawk hawk chung a atih chuan ka nui hak, he mihring thaw veng lutuk hi chu

“Ka lawmpui lutuk che ania,” mit siai zauh, ka dar a rawn kuah pahin, “dinner ei a min chhuahpui angai anih chu, bakah tun tum AMC phei chu kan in kawp dawn leh nghal,” ka beng bul a arawn tih sur sur chuan nui hak in, “itih te chuan, lut phawt ang,” ka tih rual a min rawn kal pel thuak tu rim pa thak mai chuan ka thisen kal lai hi a ti tawp mai dawnin ka hria, ka thaw kawk, “diklo a awm em ni? CEO a lut tawh ania,” a tih zawm zat, lu thing mat mat in ka nuilui sak, a rim mai mai pawh hian min ti buai hneh mah mah ani

Room chhung kan luh rualin Benjamin a hmel thim rup mai leh mit meng thip ram mai chu ka melh ran, a hmel chu to haw tur ang maiin a thim khup leh nghal, nupui anei a, hlim viau awm tak, thilti sual tu angmaiin min melh run leh nghal, ka thaw halh, “Zodini nilo in Sabrina ang khan hma chhawn rawh,” ka phun sep, dak vah chuan ka chair ah chuan ka thu thla, midang pawh an rawn kal khawm zel, kan kim ta maw tih ah meeting ka tan, ka thusawi leh meeting kan neih chhung zawng chuan khawdang hawi leklo in Benjamin-an min melh run tih ka hria, haider tlat ngai chu thil hreawm tak ani, ka melh leh zawk thin, min lo melh run zel chuan ka thin a ti rim lek lek zawk


Meeting chu a tawp atawp ah kan zo thei ta hram, midang an chhuak dam dam, Henry pawh ka lam rawn hawiin, “zanin kha aw,” a rawn tih chuan ka nui hak, ka lo bu nghat, chhuak tur a ka ding chu, “Zodin la chhuak ve suh, midang kha chhuak vek rawh u,” chang zet mai a Benjamin’an a rawn tih chuan ka thin a phu leh nghal dep dep, engthil nge maw sawi a duh ni?

Midang chhuah zawh rualin, muang changin alam ka hawi, lehlam lo hawi char char tur ania, a hmel chang rut chu hmuhnawm teh chiamloh, min rawn bawh thut anga, min ei daih ang tih a hlauhawm mah mah, ka thaw hak, nuilui sangin, “Sir sawi duh inei em ni?” Nem thei angber in ka ti sep, zalo tih hriat zet in a nui hak, a rapawm lek lek, “khapa kha i enge anih?” Chang tha rem rem

Ka meng deuh kawk, “i thusawi ka hrethiam hauhlo,” ka ti sep, nernawk a athutna tang a rawn ding in ka lam a rawn pan chhat chhat, ka lungphu rang lutuk chu a sawt chhuak dawn hialin ka hria, “kha mihringpa kha engvang a chhuahpui tum nge inih?” Ti hrawk chuan ka thutna tang min phih tho lawpin ka dar tawn tawn a vuan in minthing nawk nawk

Min vawn na kut phelh sak tum chuan kalo tal ve laih laih, “minthlah teh, ka duh duh ka chhuahpui ang chu, ka tan engmah inilo,” thinrim na leh hlauhna nen chuan ka ti chhuak, ka tan engmah anihloh thu ka sawi chhuah rualin ka in chhir nghal der


Min vawn na chu muangchangin a phelh, min en ngawih ngawih, a mit meng ah chuan natna ni awm tak ka hmu, “Bawihi,” tham chal a arawn tih chuan ka sa phat, “ti khan min ko tawh suh, Benjamin, nupui neilai ini, kan tawp, kan tawp tawh a chiang em?” Ti tuar tuar chuan a awm ah ka chun dawt dawt, ka kut man in alam a min pawt hnai hrawk chuan min kuahbei thlawp, ka mittui a rawn luang zung zung

“Minthlah rawh, tiang a awm tur hi kan nilo,” tih leh inlak hran ka rual, min thlah ve mai bawk, “pawi ka ti hle mai, a thleng nawn tawhlo ang,” tih zawmzat chuan a hmel pawh en tawhlo in chakzetin kawngkhar lam ka pan, ka tukkhum za mer mer ah chuan min enzui reng tih ka hre thei, hawilet lo tur in ka inhum ruh ngar ngar bawk


Ka office chu hman hmawh zet in ka pan, ka thaw kawk kawk, ka lungphu rang lutuk te chu ka thlanfim a rawn chhuak tiam tiam thei, office ka luhrualin boruak ka hip kawk kawk, sana ka en chuan dar 4 a pel thuak tawh, ka bag la in ka chhuak leh nghal, “mami JK company share holder ho hming minlo zawnsak teh aw, an share neih dan nen,” ka tih chuan min en deuh kawk in a bu nghat, “zanriah kan rualin ei ve ta che?” Ka tih chuan nui hakin, “Henry kha ka ngam tawplo ang,” a rawn ti sap, a hmai sen tan tan chu ka hmuh hmaih hauhlo, nui hakin, “tirawh a nuam viau ang, kan pathum in ani mai a,” tih leh ka kai nghal, Mami hian Henry a melhdan hi ka hrethiam reng

Building kan chhuahrualin Henry chuan hrethiamlo zet aminlo melh pahin, “Ohh thian inei dawn tih ka hre hauhlo,” hepa hi alai ve reuh amaw nile? Nui sak in, “pawi itihloh chuan,” ka thle zeuh, bu nghat nghatin, “a pawilo mah mah,” mami mit siai zauh chuan ati sup, mami hmai sen tan tan chuan ka nuih ati za takzet

Nana Restaurant kan luh chuan minlo be thuai, “Awii Zodin inlo kal dawn tih sawi lawk tur che nia, Mike pawh zanin ah a rawn let ang,” nui sen sen a atih chuan ka nuih letsak, Mike pawh Delhi lam ah a zin, min ngaihtuah thei lutuk hi a inthla hrunawm letling thin

“Nana heihi ka thawhpui leh ka thiante, mami leh Henry te, zanin chu lawmtur kan pathum hian kannei a, relationship thar nen,” tih pah chuan Henry leh Mami ka va melh zauh, an pahnih lai chhe lutuk chu ka nui chhuak hawk, Henry leh zel alo lai em em chu a inhmeh lo lam pang ani

“Wow.. Anih chuan zanin chu kan VIP room ka hman tir angche u,” Nana’in a tih chuan ka bu nghat nghat, “kan team leader ber in min sawizawm atun chuan ka hnialo viau e,” Henry’an nui sung pah a arawn tih chuan Mami a melh zauh

“Tiru lut ang u,” tih leh ka pen sawn tur chu ka hnunglam atangin tu emaw in min rawn su dat, ka hawilet rualin, “ka tihpalh, kawngka lo en lo deuh ani,” mipa sanglam pang inkhai fithla zet in a rawn tih chuan bu nghatin, “keini pawh kawngah kanlo ding ani, kan thiamloh ve tho anih kha,” nui leh sang chuan ka ti sep, kan room tur lam kan pan nghal


Rinai takin kan dinner ei ho pawh a hlimawm, Henry lai chhe lutuk pawh a rei hnu chuan a ze ngaite, thaw vengzetin a tawng leh barh barh, Kan nui leh hak thin

“Henry, Mami chu i kut ah ka dah aw, i thlah kawi mai dawn nia,” tih pah chuan ka car lam ka pan nghal, ka car bul a mipa sang ve lampang car dum thlir vawng vawng chunga beidawn hmelzet a ding chu ka pan hnai, “ummm, buaina inei em ni?” Ka va tih chuan a rawn hawi vut, nichin a restaurant chhung a min rawn su tu kha ani

Nuisukin, “ka hrelo, hei tu in nge maw ka motor ke lo ti them ni,” thinrim aw lek lek a atih chuan ka thensak, “ava zialo ve, taxi avang tawh awmsia, i awmna ahla em? Ka thlah mai dawn che emni?” Ka tih chuan a meng deuh kawk, Nia keipawh hian enge maw ka hriat le? Ka vawikhat hmuhna leh nghal, mahse mi hlauhawm ani lo ang tih ka hre ve bawk, Mizo tlawm ngaihna kha ho te ah pawh ka hre ve reng tur ani

“Pawi itihloh chuan JK Hotel thleng min hruai maidawn emni?” Nui sen sen chung a atih chuan ka bu nghat, “tirawh kan kal dawn em niang?” Tih leh ka car lam ka pan nghal

Ka tlan chhuah rualin, “Roland ka nia, chuan i hming min hrilh ve thei angem? Nula ngil nei tak hming hriat chu ka chak viau bawk,” min rawn melh zauh apah a atih chuan ka thensak, “Zo... Sabrina, ka ni e, Hotel a ithlen dan ah Mizoram ah i awmlo anih hmel,” ka ti sep

“A dik alawm, sumdawn na thil ah JK company nen inremna ziahdun kan tum a, ka thianpa nupui neih lawmpui pahin,” atih chuan ka bu nghat, JK Hotel kawt ah ka car ti ding in a chhuak zui nghal, “ka lawm lutuk ania, i remtih chuan naktuk lam ah lunch kan ei dun dawn em niang? Lawmthu sawi nan?” Nui sang a arawn tih chuan, “Ka lo ngaihtuah dawn nia,” ti leh sap in ka tlan chhuak nghal

Inchhung ka luh rualin Uhlima hmel ka hmu nghal zat, nui vur vur chungin, “ilo let thei talo emaw kan ti hman a,” alo tih chuan ka thensak, a bul ah hmeichhe hmel tha veng mai alo thu bawk, ka mit hmul ka kan ak, nui hakin, “Rintei anih hi,” tih pah chuan minin hmel hriat tir nghal

“Heihi vawiin tlailam a Deborahi hmuh ania, Hotel ah chawhnu pum kha an awmdun anih hmel,” tihpahin thlalak min rawn pe nghal, ka en vang vang, ka hre ngai hauhlo, “ka rindanin khapa vang kha ani maithei inthen an tum,” Uhlima bawkin a rawn tih zawm zat, ka en nghal kawk, “Roberta te maw?” Ka ti ha

Bu nghatin, “naktuk hian inthen na tihfel antum ni in ka hria, alandan in Deborahi hian sum a phut hnem viau ni in alang,” atih zawm zat, “anih chuan hepa nen a an awmdan kimchang, Hotel chhung a ankhawsa lai pawh ka hrevek thei angem?” Ka tih chuan bu deuh nghutin, “kan lo tum dawn nia,” ati sep

Ka kut a thlalakchu Diktei’n rawn en pahin, “Ehe hepa chu,” ati hluai kan en nghal thap, “i hriat zawng em ni?” Ka nau in a rawn tih chuan bu nghatin, “Argg kan school kal lai khan kan kal ho thin,” atih chuan a hmel ah thildang a awm tih ka hre nghal, “thildang amah hi i hre chiang em?” Ka lo ti nghal zat

“Hre chiang ti ila, kan inzui ve hman thla 4 vel, mipa thawveng deuh anghi ania, an awm thei ve a, hna thawh mumal a neih pawh ka hrelo tun ang ah hian,” atih zawm zat, ka nau alo thaw ri hrawih, a hmel chu dur tak ani, thikna alang tel bawk, ka nui chhuak hawk, rum zet a min melh in Diktei lam chu en leh ngur chuan, “mitha vak anih dawnloh chu,” ati nghut, Uhlima te nen chuan kan nui hak hak, a thikthu alo ti chhe ve em em ringawt a, bem tak tak pawh in ala bem tawp silo a

“Thik tur in dikna ineih pawh ka hrelo a, thikna rim anam tan tiraw Dikte,” Uhlim’an ka nau fiam zauh pah a atih chuan a hmel chu a dur leh zual, ka nuih a za tulh tulh, “inhna ah khan let ula nih chu,” ti nghut chuan a athutna atang a tho chhuak nghal

Nui hak hak pahin, “i chhai thluk vatloh chuan midang aneihsan angche,” Uhlim’an au zui pah a atih chuan ring lutuk in room kawngkhar a khar thuai, kan nui hawk hawk hlaw, “heihi Cathrine-i pasal hlui chu ania, Delhi ah sumdawn na anei ni awm e, ka hriatdan in tun ah hian Mizoram ah a awm mek,” tih zawmzat pahin thlalak dang min rawn pe leh, ka en vang vang ka hmuhtawh ani khawi ah emaw.... Ahhhhh ka hre chhuak zanin a JK Hotel a thleng ka thlah kha, “hepa chu ka hria alawm,” ka ti sep, min rawn en ha pahin, “i hria amaw?” Ti hu chuan mit akhap fak fak, bu nghatin, “a awlsam dawn viau hi, a hnen atang hian thu tamtak ka hriat theih ka ring,” nui ver ver chuan ka ti sep

Uhlima te haw hnunah intifai in khum ah ka thu thla hnawk, ka fapa thlalak bawk chu la kang in ka en vang vang, “bawihte ka thil tih hi a dik em ka hrelo, mahse kan nufa min thenhrang tu te hi tumah chhuah ka tumlo” ka ti sep, ni e, a hma kha chuan ka fapa vang tal pawhin ka tlawm a, hmeichhe chaktak ka ni emaw nilo emaw, ka din na ngai ah ka din tlat angai thin, tunah chuan ani tawhlo, engmah neih nei tawh lo hmeichhia, venhim tur leh chan leh tur chuang neitawhlo ka ni tlat, enge ka sawi kha, nunrawng tak a phuba la tur chuan nunbeidawn thleng rat neih angai ka ti ani lawm ni, chu nun min neih tir tu te chu an ni ho hi an ni reng ani....


(awii min haulo mairu🙈naktuk ah sei tawk ani ang)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:06 pm

SUCCESS
By floria laldansangi
24

Office ka luh rualin ka hnung ah mami’n min rawn zui lut, “maam, heihi karleh AMC a meterial kan hman ho chu ania, chawhnulam ah endik tur in kan kal thei tawh ang, chuan heihi JK Company share holder te list, ahhh heihi i mamawh ka ring, JK Company share holder zingah chuan a lianber ani, 100 ah 30% hi a share ani bawk,” tih pah chuan files min rawn pek chu ka en nghal

“Heihi address minpe thei angem?”Melh zawk pah chuan ka ti sep, bu nghatin, “10mins bak ka mamawhlo ang, ummmm chuan maam nizan kha kan lawm lutuk,” lai zet a arawn tih chuan ka nui hak, ka mithmul ti kan khum ak chuan, “in sawi zawm thei maw?” Ka tih chuan hmai sen tan tan a bu nghatin, “umm bul kan tan ve a,” tih leh inher in kawngkhar lam a pan nghal zat, ka nui hak hak, kum 22 ani ve tawh, ngaihzawng ala nei ngailo tih ka hria, ka lawmpui takzet Henry pawh mipa fel tak ani bawk nen


Nileng in hna ah ka buai, kawngkhar rawn in kik dat dat rualin, “hey... Sample ka rawn keng a,” tih leh Henry chu a rawn nui lut vur vur, nuih letsakin, “ohhh, ahmun ah kal ka lo tum hrim hrim, ka hman chiah kan kal dawn ami?” Ka tih chuan alo bu nghat, ka bag la chuan kan inzui chhuak nghal, Mami karleh lam a Show vel ami tur buaipui tur in office ah a awm angaih vangin min zui lem lo


Lift kan nghah pah chuan, “kan CEO chu hna athawk nasa bawk aniang, Spain ah kan design te thawn chhuah belh thei ania,” arawn tih chuan ka nui tawi tak, “amah chauh a thawk hah hleinem, staff ho zawng zawng pawh,” nuih letsang a ka tih chuan nui hawk hawk in, “hmmm team leader tha tak hi chu iva ni tak em,” tih pah chuan fiamthu in ka biang a rawn piai zauh, chumi rual chuan lift a rawn in hawng ve chiah bawk

Benjamina mitmeng thip ram chu ka hawi chhuah rualin ka hmu nghal, ka ip chawih, a hmel dur khup chu min ei zo vek mai ang tih hlauhawm khawp in a thim rum rut mai, Henry nen chuan ngawi dakin kan lut, “nizan kha lawmthu ka la sawilo a, chuan zandang ah ka treat ve thei che in ka hria i thawk ropui emai,” nui ruh ruh pah a Henry’an ka bengbul a arawn tih chuan ka nui hak, mahse ka nuih erawh za lo tak ani, ka hnung chiah a ding mipa huhang na lutuk hian duhai min din hnaih mah mah

A taksa lum na te chuan min ur pha hial emaw tih tur in ka hit mem mem thei, ka thaw hak, in hum ruh chung chuan, “anih chuan engvangin nge AMC neih hma hian min treat mailoh ang,” melh let ha pah chuan ka ti sep, Benjamina thaw ri hrawih chu ka hre thei, “Miss Sabrina i hnuai a hnathawk te i chhuah pui fo chuan staff te sawi i kai vat ang, Company anih hi Hotel nilo in,” kha fak a Benjamin-an a rawn tih chuan ka hawi zawk, pawisak loh hmel fe chuan ka nernawk bawk, a tawngkam rawn hman duh dan kher kher chu a, tumah awmve lo pheise chuan a hmeltha lutuk leh pa tak ah hian ka beng sawk duh ang


“Pawi ka ti hle mai Sir ka hnuai amite nen hian kei chuan inpawh tak a awm ka duh mai ania,” ka ti let hmak, Henry chuan Benjamina chu ahlau tih hriat takin a ngawi dak, ka khawngaih zawk, za lo tih hriat tak anui huk in, “in pawh dan dangdai lam pang pawh i duh zawng ani ngei ang,” awmze nei fe a arawn tih chuan lift in hawng ve chiah nen ka pen chhuak nghal hmawk hmawk, Company chu nilo se ka au khum nghek ang, ani ang a mizawng zawng hi lerh leh awlsam vek tur ah angai ani khawp ang

Ka hnunglam atangin ka ban a min kuai her sawk tu awm avangin ka rak deuh that, Benjamina mitmeng thimruih nen chuan kan in melh ran, “engthil nge i duh?” Changfal chuan ka ti chhuak hrawk, Company chhung ala ni hi lawm hle tur ani, “inbiak kan ngai, Henry a car ah lo va nghak rawh,” tih leh min pawt kal dawr dawr, ka tal ve laih laih, mahse ka tan nasat pauh leh en nawm kan siam nasa tihna animai, ngawi rengin min pawh kal ang ang chuan ka zui

1floor a staff meeting room ah chuan min nawr lut rawk rawk, “engthil phiangsen nge i duh?” Ka ti nghal tuar, min vawn na ka banrek chu a kut hniak alang kulh bawk, thinrim tih hriat ngawih ngawih a min en ngur ngur chung chuan min pan hnai chhat chhat, ka tawlh hnung ve zel, “engthil nge i duh?” Ka aw hrep chu!!! Hlau lo ang a lan ka tum vei nen

“Nuipui ka nei tih i hriat tukah mipa i chhuah pui nghal a,” a thensak, “mipa i mamawh viau anih chuan engvangin nge min hrilh mailoh, ka hmei ah pawh ka siam thei tho che ani lawmni?” Ti hrawk chuan ka dar tawn tawn ah vuan chuan in min thing nawk nawk, a tawngkam vangchuan ka sa phat, min vawn na kut chu phelh tumin, “tenawm pa min tawk hlek suh, i nupui neih vang a indawm kun leh tap tlawk tlawk tur a min ngai anih chuan i ti sual letder anih chu, ‘Hmei maw???’ Chu chu i mumang an pawh a thleng ngailo ang, nanghi anih hi phatsan tu diktak chu,” ti tuar chuan min vawn na chu theih tawpin ka phih

Nui hawk chuan min thlah, ka kat nawk, a nui ri te chu a rapawm mah mah, “tinge? A hma pawhin hmei ilo ni thin tho ani lawm ni?” Elhsen na khat chuan ati leh, mitsen ramin min melh hrawk, ka thin hi fei hmawr zum lutuk leh hriam tak ang a vih zawt ang mai ani, ka sa pup, ka biang a rawn lum thla nghal pup bawk, ka lungphu te chu a chawl ta dukin ka hria, “Ben,” ka ti sep, sawi tur ka hre tawhlo, kei hi a unaupa hmei ang ah minlo ngaive reng anih chu!!!!! Mipa danglam tak leh ka nun hrethiam a, ka nihna diktak hre tu a ka ngaih mipa khan HMEI tiin minko anih chu!!!! Ka biang a ka mittui rawn luang chu ka hru tawk

“Bawihi, ka..ka.. ka sawi tum...” bah nak a tih pah a min rawn ban a tum chu ka lo tawlh hnung hret, ka nui lui sak bawk, “ka lawm e, i rilru diktak min hrilh a,” rilru natna a khat chuan ka ti sep, chakzetin room chu ka chhuahsan nghal, Benjamina erawh ngawi rengin ala ding reng tih ka hria


Ka mittui rawn luang chu duhlo zetin ka hru tawk, Ni e, vawikhat ka ti sual, HMEI tih leh SAWN PAI tih hi ka dam chhung in a reh tawh ngailo ang, ka sawi tawhin ka hria hmeichhe mualphona chu engtiang pawhin nunbul tan mahila, “alawmpui awm hle mai, MAHSE...” Tih hian hnung a zui zel tawh thin tih hi, tun ah ka hmangaih ka ngei atangin ka fiah zual hian ka hre ber


Car chhung ka luh chuan Henry chuan minlo melh kiau in, “i tha em?” Alo ti sep, bu nghatin, “ka tha alawm, min nghak rei sia pawi ka ti hle mai,” tih leh Car ti nungin ka tlan chhuak nghal, kan design an thui ho pho chhuar mai thei anih tel tawh thu vel chu an sawi nak nak, ka en kual viau na engmah ka rilru ah a awmlo, Benjamina thinrim hmel leh tawngkam HMEI atih ri bak kha ka rilru ah awmin ka mithlah ah a awmlo theilo


Office kan let hnu pawh in hna ka thawk hleithei tawhlo aniber, ka phone rawn ri ral ral chu ka en vat, ka lak rualin, “zanin chu in ah ka rawn hrilh thei dawn lo chhe a, i phone ah khan video ka rawn thawn che a lo en mairawh, i mamawh viau ang,” Uhlim’an nui tut tut pah a rawn tih chuan nernawngin, “engthil nge mawle, ka lo en ang,” tih leh line chu cut in video chu ka en nghal

Ka nuisuk, “Deborah, engkim hi minpek ang thlap thlap in i dawng let dawn,” ti sup chuan Deborah-i ka call nghal

“Hello,” a aw chu ruih nei angmai a ti deuh nak, “inbiakloh na arei ta hle mai Deborah,” ka ti sep, rawn nui hakin, “Ohhh Zodinpuii maw, ka tanpuina rawn dil i tum nge? Min rawn biak tehmial?” Nui awr awr chung a arawn tih chuan thensakin, “video pawimawh tak rawn thawn che ka tum mai chauh ania,” tih leh line ka cut nghal, video ka thawn nghal zat

Ka thawn reilo ah ka phone a rawn ri chhunzawm nghal zat bawk, lak pah in ka nui hak, “ZODINPUII thih i duh em ni?” A au in a rawn au, “inbengdai teh Deborah nangangin Social Media kala hmang tangkailo ani lawm ni?” Ngeiawm tawp chuan ka ti chhuak, “Tun ah..Tun ah ngei hian ka hmuh tur in rawn kal angche, ka kut hian ka that dawn che i fapa ang chiah khan,” seh chilh nawk nawk chuan ati leh tuar

Ka kut hum ruhin ka khap sak sak, “min mamawh na leh i thilduh ti tur chuan engvangin nge min rawn pan mailoh angni,” tih leh ka off nghal, ka office atang chhuakin ka files keng chuan Benjamina office lam ka pan, diktak chuan he mihring hi hmuhloh hram hram ka duh, a bul hnai a ka awm mai piahlam ah ahming ringawt pawhin ka lungphu hi a ti tawp dawn in ka hria


A office ka thlen chuan a sect in, “reilo te lo nghak lawk rawh, inleng anei lawk a,” nuisang a tih chuan ka bu nghat, diktak chuan a hmuhloh law law theihse pawi hrep lo ang mawle

Benjamina office atangin aw pawr zet a rawn chhuak, ka meng nghal hraw, a sect pawh chuti tho, “ahhh intur minpe thei angem?” ka ti sep, bu nghatin, a kalsawn ve mai, Benjamina office kawngkhar lam chu ka pen hnai, engthil nge tih ka tum a hriat ka tum hrep pawh ka hrelo e a

“Nanghian i fapa pian na pa diktak thup in ka nu kha uire chhuah in i chhuah a, i ropui hle mai,” Benjamina aw sehchilh zet in a tih chuan ka meng deuh kawk, tu chungchang teh hrep nge maw an sawile?

“Benjamin fiahna inei hauhlo, Roberta hi i unaupa ani, i pa ngei pawh hian ahria ani lawmni? Dawt aminpuh anih chuan tunge ka nih i hriat kha,” Roberta nu in thinrim tih hriat tak chuan ati ve hrawk

“Roberta pa diktak hi ka hriatloh ring hauh suh, nanghian ka pa i bum a, ka nu uire in i chhuah bawk, kha mi laktlak loh kan chhungkaw Lawyer kha ani tih hi,” changfal chuan Benjamin-an ati leh that, Roberta nu hmel hmuh tum chuan kawngkhar chu ka hawng zau, a hmel dang sawp sawp chu ka hmu thei, keipawh hi min hmutu awm ngat se thisen nei ve reng reng hmel ka put pawh ka ring neklo e, Roberta nu hi hmeichhe nasa tak ani tih ka hria, mahse engtin nge a fapa pa ni miahlo chu a puh tlat thei zawk

“Enge itih?” Ka hnunglam atang a aw ranw chhuak avangin ka phu zawk, benjamina Sect in mak tih hmel fe aminlo en chu zalo zet in ka then khum sak, “umm ka rindan in heihi lo pe mai te che nangman, sawipui tur chu ka nei tho a, mahse tihbuai chi ni in ka hrelo,” tih leh ka files ken chu a kut a hmeh bel nawk nawk in chak lutuk in ka pen sawn nghal


Ka rilru a insual nuaih nuaih chu enge awmzia? A awmzia ber chu Roberta nu hian engvangin nge Roberta pa diktak chu thup in Benjmaina pa hi a puh ang tih hi ani? Ka phone phawrh in Uhlima ka call nghal, “Uhlim thil pawimawh tak tun ah hmuh che ka duh,” tih leh ka off nghal, messages a rawn thleng nghal zat, ka office ah lut kn ka bag la in ka chhuak nghal, kan inhmuhna hmun tur ka hoen chuan alo thu vang tawh

A bul a thu thla chuan ka thaw hak, dawhkan a tui in chhawp chu ka in nghal khawlh khawlh, “in muang deuh rawh, chuti tak a ti zam tu thil chu engthil chiah nge?” Uhlima’n a rawn tih chuan thaw hakin, “Ihh.. Lawyer hmingthang ve tak Hminga tih lam inhria em? Nilo kei chuan ka hria a, achanchin ka hre zui ta miahlo, amah chu Reubena ka pai lai khan ka duhlo chung kha paper ah khan ka kutzungpui thla anem kai,” ka ti chhuak

Bu nghatin, “chuan enge i sawi tumtak,” a ramw ti sep, “ka rindan in kha pa kha Roberta pa diktak ni in ka hria,” zawi thei angber chuan ka tawng, Uhlima pawh a thawng tih hriat zetin a rawn mengkawk, “i chiang em?” Ati sup, bu nghatin, “ka nau hian a hriat ka ring, kha Lawyer kha, ka nau nen sawi dun in minchhui sak ula ka duh,” ka tih chuan bu nghatin, a rei hauhlo ang, chuan video kha engtia tih nge i tum?” A rawn tih chuan thaw hakin, “a hun ah mintih angchiah khan ka ti ve ang, rei arial tawhlo ang, chumi hma chhuan a fapa hi Robert-an a enkawl theihnan eng amaw ka tih angai,” ka ti sep, ka fapa nen min then hran a vangin engvangin nge ka then hranloh bik angni???

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)