SUCCESS BY Floria C Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: SUCCESS BY Floria C Laldansangi (Completed)

Unread post by Ngaia » September 2nd, 2018, 1:02 pm

SUCCESS
By floria laldansangi
13

BENJAMIN..POV

Ka phone a rawn rik chuan ka meng diar diar, ka awm a hmai phum kak a muhil thaw ri sek sek ka hmuh chuan ka nui suk, nizan a thil thleng kha ka mithla nghalzat, thil nuamlo lutuk chu anilo chiang alawm, ka phone a rawn rik nawn chhen tak ah chuan a rawn zi mar talh talh

A awmna a hai ani ngei ang, ahawi vut vut, a awmdan duhawm zet chuan ka nuih ati za ka nui hak, ka kawng a la kuah reng chung chuan, “ dar engzah nge?” mut la chhuak tih hriatzet in a ti sup, a hmui kau tiar chu melh in ka fawp ta nge nge, min chhang tha ngang mai, a hnute kawhlah mai ka khawih rualin harh chhuak zawk ni angmai in a thu ngil nghal at

“Keihi, ka fapa ka riah bo san tihna ami” mangan hmelzet a atih chuan a dar a vuanin a khabe ah ka chawi kang “bawihi min en rawh, i fapa chu a tha tih ka hria, chuan khua avar tep, midang hmuh a chhuah i duh ka ringlo” ka tih chuan a sam chul mam thuak thuakin, “ engtin nge ka fapa telovin ka riah chhuah theih, ka a ani ngei ang” mahni inthiamlohna nen chuan ti sup in a kawrlum seat hnunglam ami chu a ban rak rak

“Office ah kan inhmu dawn nia,” hmanhmawh zet a chhuah a tum chu aban ah vuanin kalam a pawt hnai chuan ka fawp leh vang vang, inla hrang a nuisuk chuan “kal tawh rawh” ka ti sep, mawizet mai a min nuih let seih chuan a chhuak nghal, a chhuah rual chuan keima a thleng ngailo chu ka ruak huai tih ka hria, heipawh a vawikhatna ani, hmeichhia in minkalsan in ruak ta viau ah ka in ngai ngailo hrim hrim
.
.
.
Ka room ka luh rualin ka hnung ah ka nu in min rawn zui lut nghal, “Benjamin he thil hi enge awmzia?” thinrim insum tih hriatzet a atih chuan ngaihsaklo zetin ka kawr haklai chu ka hlip, Zodini rim anam vung vung te hian nia ka hriat

“Sawi fiah tur tamtak inei tih i hria em?” hriam hrak chuan a ti leh, zalo zet in ka thensak “sawifiah tur ka neih ka hre hauhlo” alam hawi a inher pah a ka tih chuan rum lutuk a min melh pah in chanchinbu chu ka awm ah a rawn hmehbel nghal nawk nawk

“Kha thil phiangsen kha sawifiah rawh?” ati that, chanchinbu chu ka en zawk, nimin a Restaurant a Zodini ka pawt chhuak lai kha ani, ka then suk “a inziak ang hi ani mai, swifiah tur ka neilo” tih leh chanchinbu chu ka khum bul a sofa in hung lian zet ah chuan ka theh thla nghal


“Tunge anih i hria em? Kha mihur nu kha” thinrim aw khur dar dar chuan ati chhuak, mahse Zodini chanchin a sawidan chu ka rilrem zawng ani hauhlo

“I tawngkam kha fimkhur rawh” ka ti that, ka duhai ka aw a chang mah mah

“Nanghian kha mihur nu vang khan min vin ngam amaw? Benjamin heihi hre rawh, kha mihur nu nen khan in inhnaih leh anih chuan enge ka tih tur hi lo en angche” ati leh tuar

“Mihur nilo in ka bialnu ani, ka nupui ani thuai bawk ang, chuan ka nu ka nun a in rawlh tur in ka duh heklo che, nilo ka nun ah hian i inrawlh ngailo hrim hrim, ka awm ve tih pawh i hriatloh ang khan awm leh rawh, tun a tak a nu thaber ang a i awm ka mamawh heklo” thinrim lutuk in ka ti chhuak hrawih

“Ngawi hmak rawh, i nu ka nih hi, kha hmeichhia khan nangpawh hi a dawi a tawh che anih hi, tunge anih i hria em? i unaupa hmei thin anih kha” ati leh tuar tuar

Zalo lutuk in ka nui hak hak “engkim i hria a, engvang a Roberta khan zodini nupui a aneih hnu a Deborahi neih tir nge inih?” ka thinrim lutuk chu ka kut ka hum ruh ngat ngat, ka nu chu nilo se ka vei thlu hnawk tawh ngei ang


“Engmah sawi sawi tur ka neilo, kha mihurnu hming kha he in chhung ah hian lam ri tawh suh angche, i nupui tur erawh Cathrine’i ani” hnial duhlo tih hriatzet a atih leh chuan thaw ri hrawihin “engvangin nge i fapa chu ineih tir leh mailoh ang ni, nupui neilai ani tih hrereng chungin nang hian Deborahi ineih tir a, tun tum ah pawh engvangin nge Cathrine’i chu i monu atan i siam leh mailoh ang” ka nu melh hrawk pah chuan ka ti chang fak

Ka sawi zawh rual deuh thaw in ka biang a thip nghal zak bawk, “i ka kha chip hmak rawh, kha fahrah engmah neilo leh mihur ang mai a mahni taksa hmang a ka fapa thlem kual tu kha he inchhung ah hian i hruai lut hauhlo ang” ti tuar tuar chuan kawngkhar lam pan in a pen chhuak, na zet in a rawn khar nghal thuai bawk


Thinrim lutuk thawri hrawih hrawih a bathroom ah lutin shower herh haw in bang chu ka hnek dawt dawt, kum 12 milek ka nih lai a Delhi a hostel a awmtur a minhruailai kha ka mitthla ah a rawn lang, ka nu hi ka haw hauhlo, ka ngaina heklo, NU ti a koh tur ka nei hrim hrim hi ka lawm em em, kum 3 ka nih in minhring tunu hian minboral san, keiai Roberta hi kum 1 chiahin a upa bawk

Ka unaunu erawhin ka nu hrawn leh ka pa a haw em em, kei erawh in ka haw lo a, ka ngaina lo ve ve thung, ka nundan ah engmah an sawisel ngailo, pawisa minpe a, ka duh ka ti a, Roberta erawh a nu thlazar hnuai ah seilian in ka pa te nen an chengho thung, keini unau erawh Hostel ah mindah in chawlh kan neih ni khua pawhin Delhi a kan Mension ah emaw kan hmang mai thin, Mizoram erawh kum 1 ah vawikhat pawh hawloh chang kan nei

Ka u in London ah pasal aneih khan ka zui ve, chutah chuan college te zawmin ka nun ka hmang, ka nu leh pa hian Robert hi an ngaina zawkin an duh zawk tih ka hria, ka nu tan chuan ahrin afa ani miau a, thik dawn pawh ni ila chanvo ka nei hauhlo, ka pa erawhin mahni ke a ding a company lian tak a din theih avangin a chhung em em


Ni e ka unaupa hi ka tluk lo hle tih ka hre thin, mahse tun ah chuan ani tawhlo, Zodini chung a, a khawsak dan hi ka unaupa tih atan kala awihlo fan, ka ngaina lo a ka haw heklo, mahse hetiang tak anunrawng anih ka ring lo thung, tun ah chuan ka duh zawng chu Zodini leh afapa hi venhim ani, engti kawngzawng pawh a venhim ka duh

Bathroom atang ka chhuah rualin ka khum a thu ka hmuh rualin ka ding deuh dat, “Wow tukkin ka thu hriat chu a ropui hle mai, ka unaupa hian ka nupui hlui ohhhh ka tih awmzia chu ka nupui hi hmeichhia ang in alo en ang tih ka ringphalo a” elsen na a khat a rawn tih chuan ka rum ri hrawih, ka kut tum ka lek kanloh na chu tlem te ani

“Chhuak rawh, i nupui Deborahi erawh ka mamawh hauhlo bawk” hriam hrak chuan ka ti let

Nui hak hak in “ka nau duhtak Benjamin ila hrelo em ni? Keihian engtiklai mahin Zodinpuii inthen na ka sawipui lo re re, ka in atang a tlan chhuak a, mahse ka then dawn tih kala sawi miahlo” hneh tu inti zet a atih leh chuan ka kut ka veng hmalo khum chung a athu lai chu ka phi tho lawp

Ka u mah nise keiai a lenloh mai bakah mihring thinlung apu lo lutuk hian kut vawikhat tuar chu a phu ve ani, mahse hnek tum na kala nei chuanglo, ka kut hi hetiang mihringlak ah hian ka ti bal duhlo ani mah zawk

“He hmun atang i chhuak ranglo anih chuan ka phih chhuak angche,” thinrim lutuk chuan ka ti chhuak, a kawr awm ka thamna kut chu phelhin a nui suk, “hmei pakhat vangin i U hi min cho a, heihi hrereng rawh, ka duh neih nan chuan eng hmanrua pawh hman ka huam tih hi, chuan Zodini tan Mipa hmasaber ka ni bawk,” ka bengbul a rawn ti sup chuan ka dar a beng thak thak in pawnlam a pan nghal


A chhuah rualin thinrim zet in ka din na bul a Cabinet chu ka hnek thuai, ka thawri hrawih hrawih bawk, ka thisen chu kut thlak chakna in a so bulh bulh ti ila a dik ber ang, ka unaupa ani emaw tupawh nirawhse, ka lak ata tuman Zodini anla hrang hauhlo ang, tunge ka nih anla hrelo ani.......


ZODINI...POV

Ka awihtheilo kei leh Benjamina a bolero ah zankhua in hun kan hmang tih hi, kum 7 hnuah a vawikhatnan tehmeuh ka fapa ka theihnghilh thak ania, engthil nge maw ka tihle, vanneih thlak lutukin room chhung ka luh rualin ka fapa tui ti zet in alo muhil, ka thaw nghal huai thei


Reubena te school kan thlen chuan “fel deuh a awm tur aw, chuan tumah hauhloh tur, hmelhriatloh biakloh tur” ka tih chuan a bu nghat nghat

“Mummy nizan ah khan ka harh a ka hmu miahlo che, mahse ka muhil leh nghal” maktih hmelzet a atih chuan ka thin a phu nghal dep dep, ka fapa hma ah hian ka zam niber in ka hria

“Ahhhh... Ni.. Nizan kha bawihte mummy kha hna a thawk a, lehkhabu chhiarna ah kalo muhil daih a” LALPA lehhhh!!!! Tun ah hian ka fapa dawt ka hrilh mek, ka lungphu hi a chhuak dawn in ka hria, ka thiaen hi a khang zawk aniang

“Mummy ka kal dawn aw, ni hman nuam le” lungawi hmelzet chuan ka biang a rawn fawpin an school lam ah a tlan lut nghal, ka thaw hawk, keihian a vawikhat nan a pa chanchin tihloh ah dawt ka hrilhna hmasaber ani, hmel atang hrethiam dawnse ka thusawi kha a awih tawplo ang


Company ka thlen rualin Staff Carpark na hmun bikah ka car ka hung rem nghal, ka hriatloh laiin ka lo nui leh suk thin, enge hmalam hun ah ka tawn dawn ka hrelo, mahse ka nau leh ka thian thanber Mike thusawi zawmin he ka thinlung in a duh zawng hi ka zawm mai ani


Carpark na hmun atang ka pen chhuah rualin ka tukkhum sam ah tu emaw hian min rawn phih dak awrh, ka rak that, carpark na hmun a min hnuk thla in “nang mihur zahna hrelo nu, ka fapa Roberta i bum kual hnu a Benjamina ithlem leh ngam amaw, vawiin hian ka that law law dawn che” ti tuar tuar chuan a kut hnih in ka sam ah a kek

A banrek a man in ka phih deuh sawk, ka nam sawn nghal dawrh bawk, ka sam a pawt til tih hriat zet in a ri deuh tuar bawk, ka lu vun chu a thip vawng vawng, a sa hat hat bawk, ka thinrim lutuk chu beng daih tumin ka thaw hawk, mit ka chhing sawk bawk

“Nanghian kut min thlak let ngam amaw? “ ti leh that a min rawn ben a tum chu na lutuk in ka lo vai kiang lawp “i kut hmawr pawh a min tawk leh anih chuan ben mai che ka duh tawk hauhlo ang” thinrim insum zet chuan ka ti chhuak

Zalo tih hriat zet a nui lui awr awr chung in “hman a tleirawl kum 18 angmai kha ila ni, i thlan tur ilai leh mek tih i hria em? Tha tak a ka hrilh lai che hian ka chhungkua leh ka fapa te hi kalsan angche, chuti anihloh chuan i fapa chawp khan ka dahbo leh duh mai angcheu” a tawp lam chu a au in a au ani ber

Ka nui hak “i hresualin, min zuam sual ni in alang, kum 18 milek tihluihna hmang a pum chhung a fa ilak sak tum leh nau tih tlakna hmang a thah sak i tum kha ka ni tawhlo, Ohhh Roberta pa hian i thiltih te leh ka fapa chanchin hi hre tase apawi em lo angchu” nui sang a, amit a en let kalh chung a ka tih chuan a beng atang mei khu chhuak theise zawng a dum ngut ngut in nia ka rin

A mitmeng ling hlar leh min thah hrehna pawh neilo tih hriat ngawih ngawih a min melh chuan “i ka kha chip hmak rawh” a ti hrawk, ka nui lui leh hak, “ka chip alawm, mahse nangni teh chhen hian ek lung angmai in a bawm a min bawm in tum ni in alang, ka sawi tawh kha, kei leh ka fapa hlat ah awm rawh u” seh chilh zet ati leh hrawih in ka pen sawn nghal, ka hnunglam a thinrim avang a car ni awm tak a chum ri deuh bur chu ka hre hman hram, keihian a fapa te ka bum nilo in, a fapa laktlakloh zet Lalduhzuala khan minbum mai zawk ani


Nileng in hna ah kan buai leh mup mup,Winter collection pawh rinai takin alar, abikin rampawn ah hralh a kal leh zual, chu chuan hna ati tam em em bawk

Ka office kawngkhar ri kharh ah chuan ka sect nih ring in hawi chhuak lem lo in “mami lunch ka ei chhuak lo mai ang, min rawn lei kep mai a ta che” tih pah chuan ka hma a file chu ka en mawlh mawlh, design thar ka neih ho hi kumthar lam atan ka buatsaih ho ani, mahse ka duhdan in engmah ka zo thei tlat lo

Ka paper chu file dang a rawn dah thuah tu an awm avangin ka dak chhuak vat, Benjamin’an mit meng zim san a minlo en eng ka hmuh chuan ka meng phar deuh ak, a rawn luh lai ka hre hauhlo

“Ohhh i rawn luh lai ka hre hauhlo a” ti sup chuan a kut chu dah sawn tumin ka vuan nghal

Hnar tum dat in “bawihi a tawk rih, hna chu nakin ah” tih leh ka thutna chair alam a pawt hnai chuan dawhkan chung a thu in a mal in kar ah chuan min pawt hnai, dak vah a en in “ka duhdan in ka design hi a chhuak thei hauhlo, chuan K1 home shopping ami tur kha karleh ani tawh, ka rilru abuai takzet” rilru hahzet chuan ka ti halh

Ka khabe a chawi kang in a hmui sexy leh lum ther ther chuan dim te in min rawn fawp, “nizan kha i inchhir em?? In chhiar vangin hlauhthawn na leh rilru hah na i neih ka duhlo ania? Ahma iti maithei, mahse ka ta ini a, ka ta chauh, a hmasaber ka phutlo, a hnu hnungber nih erawh ka duh tlat thung” rilruih a atih chuan mit khap fak fak in ka en ha, tu in nge inngaihzawn zan ah hmangaihna che dun ngai, min dem viau ka ring zawk a, mahse ka inchhir hauhlo, he mipa nuthlawi satliah mai nilo, a unaupa fa ka pawm tih hrereng chung a ata chauh amin siam duh tu hi, ka ta chauh anih zia leh ata ka nihzia hriase ka duh ani, chumai bakah hnar harsa khawp a mi hipna leh uapna Benjamina ani tlat a, ka duh satliah mai nilo in ka hriat hauhloh in ka lo duh tawh mah mah ani tih ka hre tel bawk, hmalam hun thui tak ka thlir theilo, tun hun ah bak chen lah ka duh heklo

Ka lu thing mat mat in, “chutiang ka ngaihtuah hauhlo,” ka tih chuan nui sukin “he i hmui damdawi ang mai a angawl vei awltak, khawizu ang mai a thlum zet hi a ngawl ka vei tan in ka hria, hna thawh ka tum pawn ka thei der lo, mahse min ngaihtuah ve miahlo tih hriat zet a i hna chauh rilru ah ilo dah khan ka lawm chiahlo” nurnang a atih chuan ka nui hak

“Hna thawh hun ah chuan ka hna chu rilru ah ka dah ve bawk angchu, nang.....”ka tih leh chuan duh thawh lutuk in a hmui in ka tawng lai a rawn khar hmiah, ka chhang let ve vat bawk, he mihring hi hnar harsa tak ani takzet ani, min fawhna hian ka thluak kal lai zawng zawng a ti tawp vek, khawvel ah hian kan pahnih chauhin kan awm emaw tih mai tur in min hruai thei nia


Ka dar avuan a min fawp reng chung a min kai tho chuan ka kawng ah kuahin alam ah min pawt hnai, a nghawng ah ka kut ka suih zawm ve nghal zat, a kut hrawl leh ninhlei zet chu ka hnung zang ah a vah kual tir riak riak, ka mawngtam vum lah mai chu a tham tawk tawk bawk, tumlo zetin ka rum chhuak hak, ka hmui a fawhna atang inla hrang hlek in ka ir ah a fawp thla dan dan, a kut lehlam in ka hnute kawhlah mai chu inti nei tu tak in a tham tawn tawn bawk, ka taksa za chuai chuai leh ka kaw chhung atang tisa chakna rawn in lumlet tan chu ka ti h tawp angai tih ka hria, tun a kan tawplo anih chuan kan tawpna tur chu hmangaihna am tak a chen dun ani leh ngei ang

“Ben” tham chal chuan ka ti chhuak sap, Benjamin pawh a thaw ri hawk hawk, a mipatna khawng at mai chuan ka dul ah a kam run, chu chuan zauthauna minpe nasa zual, “kan theilo” tisa chakna avang a aw lawi leh tham chal chuan ka ti chhuak leh, ka hmui a rawn fawp leh nawk nawk in alam a min pawt hnai sauh chuan ka sam ah ahmai a phum kak, a taksa sa ham ham leh ruh tang te, thaw ri hrawih hrawih ah te chuan in control a tum zia ka hre thei, ka tan pawh thil awlsam anilo, Benjamina tan ngat phei chuan a harsa viau in ka ring

Ka phone rawn ri ah chuan a phun hluk, ka nui hak thung, phone ka phawr tur chu ka biang rawn dawm in min fawp leh vang vang, he mipa hian ka thluak ati buai in hna thawh na chang re re minti hrelo

Phone ka lak rualin “U Zodin, Reubena te school ah i rawn kal thei angem?? Ihhh Reubena hi....” Hlute’in atih lai mekin a rak that ka hlauh thawn na in min rawn tuam nghal

“Engtin nge ka fapa chu a awm, nikhaw hrelo in a awm em? A thawk a buai emni?” ti zung zung chuan khur deuh hlak hlak chung in ka bag ka ban nghal rawk rawk

Ka awmdan avang chuan Ben’an rangzetin ka kut a rawn vuanin ka phone hmalai chu a rawn la nghal zat, ka fapa hi thawkna dawt fel lohna aneih avangin hahtak leh hlauthawng a awm thei anilo, a lung thisen pump tu hi a tet maibak ah a thawkna dawt hi midang zawng aiin a te zawk bawk

“Ka hrethiam e, kan rawn kal ang” Bena tawngri avang chuan ka ngaihtuahna tang ka harh zawk, “E..Engthil nge?” bah nawk nawk chuan ka ti chhuak


“Inbeng dai rawh bawihi, engmah thatlohna aneilo, an class ah insualpui anei mai chauh ani” dam dap a tih pah chuan alam a min pawt hnaih in minkuah vang vang


Ka taksa khur dar dar pawh a reh in ka hlauhthawm na pawh a reh hmak, mahse ka fapa hian tumah ka hriat theih chin ah ala ti buai hauhlo, naupang zaidam tak anilo tih ka hria mahse tumah a ti hmasa in a insual pui ngai hauhlo, a thinchhiat ang aiin a dawh thei viau tih ka hrebawk

“Mahse Reuben chuan tumah a sual ngai hauhlo, ava mak ve” ka aw ah pawh chuan mak tihna alang chhuah chiang ani

“Ka hria alawm, naupang fel tak ani ang tih chu, tirawh an school ah chuan kal phawt ila, engkim kan hremai ang” ti sup chuan ka hmui ah fawp zauh a inla hrangin ka kawng ah a rawn kuah nghal zat

Reuben te school kan pan lai pawhin ka fapa in midang atihbuai chhan tur ka ngaihuah in kala hrethiamlo fo ani

School kan thlen rualin Teacher office ah kan lut nghal, ka fapa chu pawr far in Umapui’in alo pawm, min hmuh rual a ka lam rawn in “mummy” tih leh a tap nghal hawm hawm, ka fapa tiang tak a tap hi kala hre ngailo, a chhan ka hrelo na chungin ka mittui a rawn hnam tiam tiam

“Ilo kal hma kha chuan a tap hauhlo asin, ahmu che a alung chhe thar mai mai anih kha” dam dap a umapui’in atih chuan ka bu nghat, ka fapa mittui hruk hul sak pah chuan “enge thil awmzia ni reng reng a” tih leh ka ding chhuak

“Kha naupang kha i fapa anih chuan nungchang mawi i zirtir ngailo em ni? Enta che ka fapa hnar a thi mek anih hi, naupang rapthlak lutuk, a kum ang rual lek ah thisen chhuah a ngam ania” mipa naupang nu ni awm tak chuan bak hlak in alo ti nghal tawn tawn

“Ka pi duhtawk teh, Mate Reuben hian muana a hnek chhan hi a sawi duh miahlo a, kan zawt nasa tawh mahse a sawi duh hauhlo” beidawng zet a arawn tih chuan thu hmian in ka fapa chu a sam a tuai zauh in ka nui sen sen

“Bawihte tumah tihbuailoh tur ka tih kha, tinge i thianpa saw i hnek reng reng” damdap a ka tih chuan tawng tumlo tih hriat zet in hnuailam a bih ngur, a luhlul hle tih ka lo theihnghilh ani

“Midang tihbuai i chin chuan i mummy hi ka lungawi hauhlo ang, a chhan tha tak ka duh bawk ang, engvang a i thianpa chu hnek nge inih?” ka aw chu a vin lek lek tawh, ka mit ah pawh enlo in hnuailam ala bih ngar, a luhlul dan em em hi tunge a chhun ka hrelo takzet

Zirtir tudang leh a naupang hnek leh anu chu an nersawk sawk ka hmu hmaih hauhlo, “naupang zirtir na dawng ngailo tih hriat reng reng, ka fapa thisen a chhuah avang hian ka ngawi hle hle hauhlo ang” hriam hrak a arawn tih leh chuan ka thaw hak

“Reuben lalmalsawm” ka ti that, ka thin tawt lutuk hi tun ah tak chuan ka fapa mawng a ben mai ka duh rum rum

A tap tih ka hria, mahse a tap ri hauhlo, “bawihi duhtawk teh, keiman kalo bia ang e” tih pah in Bena chu rawn thu hniam in ka fapa kut chu vuan in a nuih seih

Thinrim zet a ding chhuakin thaw ka la halh halh, “bawiha min enla, daddy kha ka nia, thudik min hrilh thei ang keichu, mipa chuan kan pawisawi tu chu kan khawih maitur ani, nangpawh chhan nei in kut i thlak ani mai, mahse kut i thlak chhan kan hriat ve angai a” dam dap a ka fapa biang piai zauh pah a tih chuan an pahnih chuan ka en reng, engthu nge maw ka fapa a hrilh hi

“Benjamin” ka ti that, naupang fuih nan a thil tha pawh anilo pui chu, “bawihi lo ngawi mai mai rawh” tih leh chuan ka fapa chu a pawm kang lawp, a naupang hnek lam chu hawipui in “le min han hrilh teh engtin chiah nge alo tih che, a diklo zawk anih chuan Daddy hian ka chhan angche” atih nawn leh chuan ka fapa mit hnawm chap chu rawn dak chhuak in Bena chu a melh zauh

“I mummy khan mi pasal angaizawng a, nangpawh i daddy in a duhlo che, i nu pawh mihur anih kha, mipa nen an in l*k lai pawh video a awm, ati a ka mummy chu chutiang anilo ka tih pawh in, ani ati tlat a, ka thian kawm te bul ah min kawmlo tur in a ti zel a, kan miss pawh in muana sawi hi a dik chiah alo tive a, ka hnek anih kha” inthlahrunh zet a atih chuan Bena nghawng ah a hmai a phum nghal daih bawk

Kei erawh chet na chang pawh ka hre tawhlo, ka thaw chhuak em pawh ka hrelo, Bena phen a ka fapa hmel ka en chuan ka na vawng vawng, rilru na zet in ka en tlawk tlawk

“Principal hi biak ka duh, chuan ka pi i fapa hi Mizoram school hrim hrim a lut thei tawhlo tur in ka siam dawn ani” Ben’an hriam hrak a atih chuan ka harh zawk, mahse engmah kala sawi thei chuanglo

Ka ban ah Ben’an rawn chelh chuan min melh vang vang, a mitmeng a min khawngaihna leh hahdamtur a mintihna chu ka hmu thei, alam a min pawt hnai in ka kawng ah a kut a rawn rawlh nghal zat, nghet takin min kuah

“Principal chu a rawn thleng chiah e” umapui’in a rawn tih chuan kawngkhar lam kan hawi nghal, Bena thawri hrawih chu ka hre chiang mah mah

“Ohhh Benjamin ka beisei hauhlo che, engthil nge thleng?” maktih hmelzet a min melh tawn zak zak chuan nuihzalo tih hriat zet in anui hak hak bawk

“Pawimawhlo ti tur lo in ka rawn kal i ring hauhlo ang, heihi ka nupui nimai tur Zodini anih hi chuan heihi ka fapa Reubena, he naupang hian ka fapa lak a tawngkam mawilo tak ahman avanghian Mizoram school hrim hrim a lut thei tawhlo tur a siam ka duh, ka sawi awmzia i hriat ka ring” nghet charh a atih chuan tumah kan tawnglo kan ngawi dak, kei erawh a nupui hual leh ka fapa chu a fapa ti a asawi avangin mit khap lek lo in ka bul a min kuah tu mipa lian zet chu ka melh ran

“Khawngaihin min ngaidam teh u, kan fapa hi kanlo zirtir tha tawklo ani ka pu, rampawn a school kal tir tur in kan neihin ala tlinloh mai bakah ala naupang emai, ka fapa hmalam hun ah zahngai teh u” mittui tla chung a naupang nu in a arawn tih chuan ka lainat zawk letling, nichin mai a hmeichhe nasa tak kha alang tawhlo hrim hrim

“In bengdai teh Benjamin engthil chiah nge thleng ka hrelo na in thil tih tut tut chu a fuhber in ka ringlo ani” dam thluam a atih chuan min rawn melh zawk

“Khawngaihin ka pi min ngaidam teh u, khawngaih ka dik a che u, nangpawh nu inih ve kha” kan hma a rawn kal thingthit a tum chu kalo dang vat

“Ben” ka ti sep, “engmah sawi tur ka neilo, he school a tang erawh in i fapa hi chhuak ngei se ka duh, hmun dang ah lut rawhse ka fapa hnaih a awmtur in ka duh hauhlo, chuan ka fapa te zirtir tu Miss hi tuber nge?” tih leh a hawi kual nghal, tawngve nachang pawh ka hrelo, Benjamina awmdan chu ka uipui tuilian thlir vel mai mai, minti ham haih lek lek zawk, umapuii hmel ah pawh maktihna alang tih ka hre reng, keipawh hian tiang a a chet ka ring biklo

“Miss hriati enge awmzia?” Principal in kan sir lawk a nula senior lam pang hmui hnawihsen zet mai ding chu a melh nghal, Benjamin’an “nanghi emni ka fapa te zirtir tu, naupang hnen a sawi tur leh tur lo pawh hrelo, ban nghal ini, in banlo anih chuan he school chawp hian ka thiat darh vek ang” ati leh hrawk, a tawngkam chu ring lutuk lo mahse a thusawi ah chuan a ti duh dawn tih leh vo na alang reng, Principal pawh chuan ahlau tih a hmel ah alang ngawih ngawih

“Khawngaih in ka pu ka thiamloh ani, ka hna hi chu min chan tirlo hram rawh” ka fapa te zirtirtu in arawn tih chuan tawng ka tum zuau tawh tih ah “kha thu i sawi hma khan ngaihtuah hmasala nitur, ka fapa zirtirtu atan ka duhloh ang bawk che in naupang dang nu leh pa te pawhin an duh che ka ringlo, chuan ka pi i fapa naupang, sawi awm leh awmloh hrelo bul a kan fate school kal tir an duh bik ka ringlo bawk” hriam hrak a atih leh chuan min melh zawk in pawnlam ah min pen sawn pui nghal dawr dawr

Car bul kan thlen rualin kawngkhar hawng in ka hnunglam a melh zawk, hlutei ka lo theihnghilh daih, minlo zui ve zel ni in, “hlutei nih hi” ka tih chuan bu nghat in car ah min thut luh tir, ka mal chung ah Reubena a rawn dah nghal zat, engmah sawilo chuan ngawi rengin a che vel chu ka en reng, Benjamin hi ka fapa pa nizawk se ka ti takzet, nise chuan tiang dinhmun ah hian kan nufa hian kan ding awm tawp silo a...Arghhhh engthil nge maw ka ngaihtuah le??? Ka thil ngaihtuah avang chuan ka lu thing nawk nawk in ka nuisak

“Engthil nge i ngaihtuah a, bawiha i ril atam em?” tih zawm zat chuan kemah min melhlo in ka fapa chu a melh zauh, ka mal chung a thu ka fapa chu ka melh ve nghal, minlo melh ve chiah, a hmel kimki dek chu ka lainat tlat, nichin mai khan ka vin vak sia, min hlau deuh ni in ka hria

“I ril atam em?” dam dap a asam tuai zauh a ka tih chuan uar zet a bu nghat nghatin “Mc Donald’s kan ei thei a ngem Daddy?” Benjamina lam hawi chuan a nui nghal sen sen

“Tehreng mai, i duh duh ani mai” nuih let sak a tih chuan an pahnih inbia chu ka en kar, Ben tawngtir dan athiam in, ti ti pui dan athiam takzet, a changleh mi hnek dan tur a hrilh bawk, kalo nernawng zel amah tibuai tu chu chhuah mai mai loh tur atih phei chuan ka nuih te an ti za zawk


“Tun ah chuan miin Daddy inei lo mintih pawn ka nei ka ti thei tawh tiraw mummy, mahse van ami Daddy kha a mittui atla angem le?” inthiamlo tih hriatzet chuan a tawp lam chu a phun sep

Ben’an a sam a rawn tuai zauhin “Bawiha keimah hi lawm van ami Daddy chu, nangma tan liau liau kalo chhuk a” atih chuan min rawn melh zauh

“Tak tak ami, mummy tak tak ani em?” lawm si ring chiah silo a min en chho ha chung a min zawh chuan sawi mai tur pawh ka hrelo

“Daddy chu iduh viau ami?” ka tih chuan bu nghat nghatin “mi zawng zawngin an nei a, mahse ka nei silo a” atih chuan a biang ka piai zauh “tun ah chuan hei van ami daddy kha a awm tawh a” ka tih chuan lawm tih hriat zet in a khek raih raih, ti em em hian ka fapa hian PA hi alo awt ang tih ka ring phalo, Pa a duh thu a sawifo, van ah a awm thu ka sawi hian angawi ve mai thin, mahse alo awt takzet anih hi



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:02 pm

SUCCESS
By floria laldansangi
14

Mc Donald’s ei tur chuan kan lut, “Ti khan lo awm ula eitur kan va order ang, hlute lo thutpui la” Ben’an atih chuan min rawn kai nghal zat, amah in order ve maise, in tlar ngai leh nen, thildang ei mai hi ka duh zawk thin

Midang intlar na ah intlar ve chuan a hma ah mindin tir, ka hnunglam atang ka kawng ah rawn kuahin ka dar ah a khabe a rawn nghat, a pa lian rapthlak si, hnunglam atang chuan ka lang tham miahlo ang

“Dingtha teh mi an tam em hi,” Nghawk zauh pah a ka tih chuan engah mah ngailo tih hriatzet a nui nghawr datin “ka bialnu ka kuah ani mai, aho mai mai,” Ti sup chuan ka sam chu a rim a hip vang vang “i rim ringawt pawh hi ka vei ni mai hian ka hria,” Ka bengbul a thawp sap a arawn tih chuan ka tal phat, a nui hawk chu rum lutukin ka melh, kan sir vel a nula mit lah chu Benjamina chung ah a fu thup tih lah ka hmuh hmaihderlo, thikna ka nei deuh te in ka hria, chutih rualin ka bialpa chhelo tak hi ka chhuang vah bawk

Mc chiken spicy big size 3 set leh Mc chicken meal 1 seat a order hnu ah kan thutna lam ah kan chawi phei, ka fapa hian KFC aiin Mc Donald’s hi angaina zawk tlat, mahse ei reng erawh ka rem ti lemlo, kan ei chhung zawngin Ben leh ka fapa an in be reng

“Mummy naktuk Wekeend ania Mike sawm ila Daddy te nen hman a kan kalna ah khan kal leh ang u,” Ka fapa in a rawn tih chuan Ben’an min rawn melh vat, Mike hming lam tel chu a ngaihdan anih vaklo tih hriat zet in a nernawk chu ka hmu reng, engvang a Mike hi ngainalo em em nge anih ka hrelo

“Mike chu damdawiin ah a awm angai lawm,” Ka tih chuan nurnangin “Daddy, mummy te nen hian kan leng theilo ami?” Bena lam hawi chuan a ti leh sep

“Thei tehreng mai, naktuk ah Falkland park ah kan kal dawn nia, darsawm ah ka rawn lam angcheu, lo insiamvek ula,” Atih chuan ka fapa chu a rak that, kan nui hak

“Wash room kan kal lawk ange,” Tih leh ka tho nghal, Toilet ka luh te chuan keimahin ka nui leh suk thin, nizan lawk ah inzawmna ka siampui a, kum tamtak inhre tawh angmai in ka in ngai ani, ka fapa lah hian angaina tih hriat reng reng

Toilet atang ka chhuah rual in tu emaw in ka ban ah vuan in min pawt kal nghal dawr dawr, ka rak that, mahse tunge min pawt tu ka hmuh chuan min vawn na phelh tum chuan tan ka khawh, mahse keiai alian in Mipa tha na na chu ka hneh teuhlo

“Lalduhzual engthil teh hrep nge i duh?” Ka ti tuar, car bul a min pawt leng lawp chuan “ nang nu phiangsen hian engthil nge i duhzawk, engvang a ka unaupa ngaizawng nge inih?” Ati tuar, a mitmeng sen ram ah chuan mintih nat a pawisakloh zia alang reng

Hul hak a nui in “tunge ka ngaihzawn a tunge ka ngaihzawn loh ah i buaina tur a awm hauhlo, i phalna lak lah ka mamawh heklo, chumi sawi tur chauh a i rawn kal anih chuan ka lut tawh ange,” Tih leh in her ka tum chu ka dar ah na zet a min khuai her sawk in car ah chuan min nem bet nghal zak, ka then sak, duhai min nem na mah mah


“Engvang a ka fapa hian saw uire nu fapa saw Daddy ti a ko nge anih? Nangphiangsen hian pasal ah neih i tum chu ani em lo maw?” Ka hmai bul ah a au in a au tawn tawn, a aw teng zet te chuan minti hlau pha tawh teuhlo, vawitam ka tawn tawh ani, he mihring hi hlau rual leh tlan chhiatsan rual kha ka ni tawhlo, ni e kum 7 hmalam kha chuan a thinrim hian ka khur in ka hlau ngawih ngawih thin, tun ah erawh kum 18 tleirawl a duh duh a apawh kawi leh thinrim khum thin kha ka ni tawhlo tlat

Tunge uire nu atih chu, Robert leh Benjamin hi nu hmun an nilo tih chu ka hria, mahse Benjamina nu hi a chanchin ka hre hauhlo

“Uire nu fapa itih kha ka bialpa leh i unaupa ani, ka neih leh neihloh tur chu ka thu anih angbawkin ka fapa in Pa ti a akoh leh koh loh pawh i sawi theih a awm heklo, minthlah rawh,” ti let hrawkin min vawn na ka phih thla sawk


“Saw mihring saw ka fapa hian PA tiin a ko ngai hauhlo ang, keihi a PA chu ka ni, Zodinpui ka dawh theihna enchhin tum hauh suh, Benjamina hi then angche, nge ni a kei nen inzawmna siam leh i duh in ka unaupa laktlak loh zet chu i hnaih lui zawk?” Tenawm lutuk a nernawng pah a min pan hnai chuan a ti hraih, rum lutuk in ka melh let

“Nanghi engtik ah mah ka hnaih ngailo angche, ka nun a inrawlh tur in ka engmah inilo tlat, fapa lah kei nen hian inei heklo, kei chuan fapa ka nei nang erawhin Deborahi nen fapa in nei ve tih chu i hriat kha” thinrim in sum zet chuan ka ti chhuak

Ka dar tawn tawn a vuan a min thing nawk nawk in “Ka fapa ani, kan fapa, nangpawh hi ka ta ini, saw mihring pa saw nanghian PA tiin i koh tir a maw? Ka that law law zawk dawn ami?” Ti hrawk in min rawn fawh tum ni awm tak a rawn kun hniam chu ka thle sawn nghal, a nui hak, anuiri a elsen na leh hmuhsitna tel te chu a rapthlak lek lek

Ka theihtawp in a awm ah namsawn ka tum, ka thle tawn sek bawk, thawri huam huam leh min din hnaih a min fawh a tum na chu vawi leh khat ah a leng lawp, ka mit ka chhing sawk, ka men leh chuan chhuat ah Roberta chu Benjamin’an a hnek sawk sawk

Roberta ka tang leh hnar atang thisen chhuak ka hmuh chuan rang lutuk in ka pan hnai “Ben duhtawk rawh, duhtawk rawh khawngaih in i unaupa anih kha,” mittui nen chuan hnunglam atang a kut ka man bet, a thinrim zia chu a kut khur dar dar leh taksa tang tung ah chuan ka hrethei

A kawrawm a tham hnawk in lei ah nem leh sawk chuan a rawn tho chhuak, ka lam rawn hawiin min kuah nghal zat, a thawri hriam hrak leh taksa pawng tawlh tawlh ah chuan a thinrim insum a tum zia alang reng bawk


“I tha em?” A aw pawh ala pangailo, a chang in a bul viau, ka bu nghat nghat, boruak hip kawk chuan a thaw chhuak leh ham ham, ka chhip a fawp vang vangin “lut ila, Reubena alo mangang ang,” ti sup chuan min kuah reng chung chuan min pensawn pui nghal, hnunglam hawilet in lei a Roberta let reng chu ka en “a thi ngem? Ala che sawn hauhlo,” ti zawi sep chuan Bena ka melh chho ha

Ka hmui a fawp zauhin “lung ngaisuh, a thilo ang,” nuisuk a atih chuan ka thaw hak, ka kawng zawh hi a dik em tih ka ngaihtuah that leh angai in ka hria, tun ah khan keimah vangin Benjamin te unau thi lek lek in an insawisa a, kei hian ka tumloh tawpin an unau inkar ka ti chhia nimai in ka hria, Roberta hi haw viau mahila Bena erawh engmah tihsual neilo ani, keini vanga midangin an hmuh khawloh leh a chhungkua te nen a inhmuh thiamloh ka duh chuang hauhlo


“Bawihi ka thusawi i ngaithla miahlo,” Bena aw ka hriat chuan ka harh zawk, min melh chhuk run chu ka then khum sak “ahhh.. Enge i sawi?” Inthiamlo zet chuan ka ti sep

Thaw hak a ka dar tawn tawn a vuanin alam min hawitir “i ngaihtuah ka hria, kei leh ka unaupa emaw ka chhungte vangin ka kut hi thlah tum ngaisuh angche,” ka mit ah tak en chung a atih chuan ka mittui a rawn hnam tiam tiam, he mipa hi ka phulo tih ka hria, ka ngaihtuahna te hi a hmu tlang vek thei emaw ni

“Mahse Ben ka tan chuan engkim hi a diklo vek tawh ani, nangchuan keiai tha i phu a, hmeiche pangai tak, chuan kei chu ka....ka ka fapa pawh i unaupa...” ka sawi zawh hma in alam a min pawt hnaih in ka hmui chu a hmui in a rawn khar hmiah, ka biang a rawn lum thla pup, min fawp vawng vawng tha takin ka chhang let ve nghal

A chal chu ka chal a rawn sik tir in, a kut zungpui a ka mittui hru hul pah chuan “engmah sawi suh, nei tu tur che chu keimah ka ni, tu pawh nila ka pawisa lo ka tih kha, vawikhatmah sawi tawh suh,” ti sup a min fawp leh vang vang chuan inchhunglam ah min kuah lut nghal, ka melh zawk zawk, a hmel ah enge angaihtuah ka hrethiamlo, kei erawh min en se chuan ka ngaihtuahna zawng zawng a hmu leh vek thei angchu


“Mummy iva rei,” ka fapa i. alo tih chuan nuisuk in “haw in hman tawh emni? Haw mai ila,” ka tih chuan bu nghat nghatin “Hna i thaw tawn dawnlo ami? Daddy kan in ah ilo awm ve tawh dawn em?” Tih zawm zatin Bena chu a melh nghal

Ben’an min rawn melh zawk chuan “la awm rihlo ang, mahse ka tiam a che nitin ka rawn hmu angche,” atih chuan lungawi chiahlo tih hriat zet a nurnang chuan “lo awm ve tawhla ka ti e,” ati sep, ka nui suk

“Reilo te lo nghak la, mummy nen hian ka awmna ah kan awm dawn nia, kan pathum chiah,” Ben’an a tih leh chuan nui raih raih pahin “Aputea kan hruai tel ve thei angem, amah chauhin a awmdawn sia,” atih leh chuan ka nui hak, aputea hi chu angaihtuah ve thei ania

“Ummm, ani pawh nupui kan neih tir mai angchu, chuan amah a, a awm angai tawhlo anga,” Ben’an min rawn melh zauh pah ti leh in ka mal chung a ka kut dah chu a rawn hum vang vang, dah sawn ka tum pawn hrelo ang hmak in ka fapa a be zawm malh malh

“Mahse maw Daddy, aputea chuan bialnu aneilo a, bialnu neihloh chuan nupui aneih theihloh ati sia, keichu bialnu ka nei tawh kan class ami mimii ania, ka neithei tawh angtiraw?” Atih chuan za lutuk in kan nui, engtin nge bialnu neih te alo hriat, ka fapa hi ka dam chhan leh hlimna tamtak minpe tu ani


Kawngtluanin an inbia, ka awmve tih pawh hrelo angmai in ka fapa chuan Bena a be mawlh mawlh, thu mak tak tak lah a zawt


“Daddy ilo lut ve dawn em?” Kan chhuahna tur kawngkhar Ben’an a rawn hawn chuan alo ti vat, lu thing mat mat in “hna thawh tur tlem kala nei a, zan ah kalo kal ang, lut rawh ru,” tih leh ka fapa biang a fawp zauh in ka hmui ah a rawn fawp ve zauh, nuisuk a ka bengbul a rawn kun hiam a ka bengkawm seh zauh chuan “i hmui hi a ngawl ka veiin ka tih kha,” ti sup a ka nghawng a fawp leh zauhin a inla hrang nghal, a nuisuk, ka hmai a sa nghal hat hat, ka thin alo phu leh nghal dup dup tawh


A tlan chhuah rualin inchhung kan lut ve nghal “inlo haw thei ta maw? Vawiin lam school chanchin kanlo hria a, intha em?” Ka nu in min ngaihtuah tih hriat tak a atih chuan ka bu nghat

Reuben lah api a hmu chu lawm tih hriatzet in a khek raih

“Kan tha lawm Nu, bawiha pawh a thiam vek biklo a,” ka tih chuan ka fapa chu kuah pahin “thilthleng dan i U mapuii khan a sawi a, apawi reng reng lo, tunlai nu leh pa tamtak te hi kan tawngkam kan fimkhurlo a naupangin anlo hre ve kar zel bawk si, zanin chu inpui lam ah zanriahin rawn ei phei dawn em ni?” Tih zawm zat chuan ka fapa biang ah a fawp zauh

“Hna zawhloh kala nei sia Nu ka rawn phei thei awmlo mange, bawihte inthlak la inbual faila, duh leh api rual khan inkal dawn nia,” ka tih chuan bu nghat nghatin “api minlo nghak rawh aw,” tih leh “Nute minbual fai thei angem?” Tih zawm zat chuan Hlutei awmna lam a pan nghal

Thutkhawmna a thu in ka nu chuan ka kut a rawn vuan “mate Benjamin nen in chanchin kanlo hria a,” atih chuan ka bu nghat, enge an ngaihdan ka hrelo na in an lawm viau erawh ka ring hauhlo

“Roberta vang khan a tir chuan ka pawmlo viau a, mahse vawiin lam thilthleng mapuii khan a sawi tak ah chuan ipa nen pawh kan inbia a, hei leh chen hreawm i tuar tawh a, kawngdik leh diklo i thliar thiam tawh bawk, keimah ni ah chuan ven thawn tur a awm miahlo ania, keini chuan i hlim hi kan duhber tih hria la,” dam dap a atih chuan ka mittui ka khap let sak sak

“Ka kawng thlan hi a dik meuh em ka hrelo ani Nu, Bena hi Reubena tan chuan apatea ani a, an unau sawiloh an chhungkaw tih chhiat hi ka tumlo, engti khawp pawh in Roberta hi haw mahila ka fapa Pa anihna a bo chuang silo, ka hrethiamlo ani,” mittui khap let sak sak chuan ka ti sep, ka tan hian aharsa takzet ani, mi sawidan ah buailo mahila, Robert hi ka fapa pa anihna abo chuang miahlo reng ani


“Ka hrethiam che mate, engpawh ti la ilam kan tang tih hriala, harsatna tamtak i paltlang tawh a, hlimna chauhin a vur tawh angche tih ka hria ani, nu ropui tak ini bawk tih hria angche,” dam dap atih leh chuan min kuah pahin ka sam a chul hliau hliau bawk, ka nu minhringtu nen min hmangaih dan hi a danglam ka ringbiklo ani
.
.
.
Door bell ri rang rang ah chuan ka room atang ka chhuak, sana ka en dar 8 ari dawn, ka nau leh Reubena te, ka nu te inlam ah chaw ei an rawn haw tawh anih ringin kawngkhar ka hawng

“Cathrine” ka ti sep

Ka biang a thip nghal vawng vawng, “nang hmeichhe zaktheilo nu engthil phiangsen nge itih hi, Benjamina hi ka ta ani, nanghian Roberta neih let nan i hmang kual nham amaw?” Tih leh min ben leh a tum chu in chhunglam a tawlh hnung dawrh in a ban ka vai thla sawk

“ka in chhung anih hi kut min thlakna hi, police ka koh hma in chhuak rang rawh,” ka ti that, min thamlo tih hriat ngawih ngawih a nui awr awr chung in “enge itih ang, min man tir dawn em ni? Mawh enge itih ang? nanghian ka thil min chuhpui ngam amaw?” Ti leh tuar a min rawn khawih leh a tum chu tu emaw in a pawt hnung dawrh

“Ben,” ka ti sep, a rawn luhlai ka hre hauhlo

Min kuah pah in “Itha em?” Atih chuan ka bu nghat nghat

“BJ engthil teh hrep nge itih kha, kha mihur nu khan engtin nge atih che?? Hmanrua mai mai ini tih i hria em? Nuthlawi pakhat bawl kual ah i awm amaw?” A au in a au tawn tawn

“Ngawi hmak rawh, cathrine keimah ngei in he hmun atang ka theh chhuah che iduhloh chuan i ka kha chip in chhuak rawh,” ati hrawk, Cathrine’in meng phar awn awn chung in rum lutuk in min rawn melh

“Atha e, engthil nge ka tih hi lo en rawh u, a chhan chu ka ta hi tuman an khawih ka phal ngailo, a awmna hmun tur diktak ah ka dah let leh vek dawn ani,” ti tuar a inher chuan kawngkhar na zetin a rawn khar thuai, ka thaw hawk, engtin nge ka inchhung ah em em buaina a rawn siam ngam ni?? Hmeichhe na mailo tak chu ani chiang ani


“Tihpalh, tihpalh, helai thleng thleng a rawn kal ka ringlo a,” ti sup chuan nghet zetin minkuah bet, ka thaw theilo lek lek zawk ani

“I hresa maw?” Amk tih hmelzet a en chho ha a ka tih chuan ka hmui a rawn fawp zauh in, “tlailam khan ka office ah buaina a rawn siam chiam tawh alawm, a thinrim hle tih chu ka hria mahse he lai thleng thleng a rawn kal ngam ka ringlo a,” thaw halh a atih chuan ka bu nghat

“Ben,” nghetzet a kuah let pah a ka tih chu ka chhip fawp vang vang in “ummm” ati sup

“Cathrine hi ila duh em tlem tal in,” ka tih chuan anui nghawr dat, nuihzat tur ka sawi hauhlo, “enge,” thinrim zet a tih leh inlak hran ka tum chu a ai nghet in min kuahbet “minthlah teh, nuihzat tur ka sawi miahlo,” titau aw lek lek a ka tih chuan a nuihza telh telh emaw tih maitur, keilah ka thinrim tulh tulh

“Min enteh, Cathrine nen khan rei tak kan lo inkawp ve tawh ngei, kan in then na pawh rei tawh tak ani, inzawmna tun ah chuan ka neihpui tawhlo, tun a inzawmna ka neihpui leh ka rilru mai nilo ka nunphung zawng zawng buai vek khawp a ka duh chu ka hma a hi i awm hi,” rilruih a atih chuan ka hlim veng veng, ka nuisuk

Dingdi hlip ak ak chuan ka fawp zauh, nui hawkin “kha chauh kha ka kham hauhlo,” tih leh min fawp nghal tawn tawn, keipawn duh thawhzet in ka chhanglet, he mihring hi ka in rin hma hauhin ka duh lutuk tawh tih ka hria ani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:03 pm

SUCCESS
By floria laldansangi
15


“Mummy, i hmanhmawh thei em? Daddy alo thleng tawh ania,” ka fapa phur lutuk min au lang lang chu nuisuk in, “ka hman tep,” tih leh ka towel ven chu phelh in kekawrte leh bra nen chuan ka thawmhnaw hak tur ka zawng

Kawngkhar ri ka hriat chuan hawi lemlo in, “Bawiha pawn ah lo va awm rawh, ka hman tep,” ka tihrualin ka kawng ah min rawn kuah thut, ka phu nasa lutuk chu ka au chhuaklo chauh

Ka nghawng a thaw lum ham ham in ka bengkawm a fawp dan dan, “Ben minti phu lawm,” ti hlak a inlak hran ka tum chu a ai nghet a min kuahin a nui nghawr dat, “ti hian awm rih ang,” thawp sap a tih leh alam hawi a min kuai her chuan mit zin san leh si sap chuan min en dan dan, a mit thlen chin apiang chu meiling a deh na ang maiin a sa hat hat

“Ti khan min en reng suh, engmah ka inbel loh hi, midang an rawn lut ang,” hmai sen tan tan chung a ka tih chuan a lu athing nak nak, “tumah anlo lut hauhlo ang, i nalh lutuk,” tih leh a hmui in ka hmui a rawn bawh thuah nghal

Min fawp dim lo tulh tulh, keipawn duh thawh lutukin ka chhanglet, ka bra hak hnunglam kilhna phelh chuan ka dar ah a hrui a hui liam nghal zat, min pawm kang lawpin a kawng ah ka kherh nghal chial in a nghawng ah ka kut ka suih zawm nghal

Muang chang a kan sir khum a min pawm phei chuan ka nghawng leh ka ir a fawp dan dan, ka thaw chhuak hak, “Ben, midang,” tisa chakna vang a aw lawi rat a ka tih chuan mit meng si sap a min en in, “an kaltawh, an kal hmasa nih kha,” tih leh min fawp leh nghal tawn tawn

Khum a min mut riai riai chuan ka chung ah a rawn bawk nghal, ka taksa khuh tu awmlo chu en vang vang in, “hmanzan khan ka hrilh hauhlo che, i nalh lutuk bawihi,” thawmsap a atih chuan ka hmai chu ling hat hat mai hian ka hria, anui suk, ka dul fawp zauh in a kut hrawl zet chuan ka hnute var han mai tisa chakna vang a a hmursen chek kawhlah mai chu a hup nghal chat

A hmui leh lei hman thiamzet chuan ka dul leh naknem a fawpin a liak kual dan dan, ka lo rum chhuak leh hak thin, ka panty hak chhan a kut a nghah chuan ka rum hawk, chutiang bawkin benjamin pawh, ka hmui ah duhthawh tak a rawn fawp leh chuan a kut tang chu zei zetin ka panty chhan ah hmeichhiat na awmze nei takin a chet tir, a thai riak riak, awm ngaihna ka hrelo ka mawng ka kan leh thin

“Ben,” ka aw zet chu keimah ngeipawh hian ka awihlo, ka aw khur dar dar bawk, “bawihi min mamawh tih sawi rawh,” tih leh ka panty hak chu pawt chhuak in ka ir atang a fawp thla dan dan, ka bawp chu kau in ka hmeichhiat na a thawk khum ham ham, ka taksa chhung a aluh hma ringawt pawh in ka taksa zawng zawng hi chakna in mintuam khat nawmna chitin in min tuam hlup hlup nimai hian ka hria

A hmui leh lei sa ham ham a ka hmeichhiatna a tawh chuan ka ip chawih chawih ka eu ngawng ngawng, a lei rul tur pai ang mai a thilti thei chuan ka hmeichhiatna a hawl kual, a ti che zet zet, a kut leh lam in ka hmeichhiatna a nawm na lai a nuai nawk nawk bawk, “Ben khawngaih in,” bah nawk nawk chuan ka sawi chhuak, a hmui hmang a ka hmeichhiat na a fawp dawk dawk hnu ah ka hmui ah rawn fawp leh in a kekawr haklai chu hman hmawh lutuk kn a phelh sawk sawk, kalo pui ve bawk

“Bawihi nawm na nasa tak ka pe angche, tuman an pek theih ngailoh tur ka pe angche,” ti hrawih chuan ka bawp chu chawi kang in ka khum ah a thingthi, a mipatna thingtum ang mai a khawng len hrawl chu ka hmeichhiatna ah a nawr lut riai riai, a luh rual in ka rak that, Bena pawh a rum chhuak hawk

Atir in min dim viau mahse a d**p rang tulh tulh, keipawn ka theih ang ang in kalo pui ve bawk, hetiang reng reng a nawmna nasa ka dawn hi kala hre ngailo, heingei hi ani Angel te thlen phaklo na hmun an sawi chu****


Thlan hluam a ka bul a rawn mithla chuan anui hak, “kha zet chu a ropui takzet,” ti sup a alam a min pawt hnaiin min fawp vang vang, ka chau lutuk tawng pawh ka tawng peihlo, a nui ngawr dat dat erawh ka hre thei, “bawihi muhil suh aw, kan chhuah ve vat angai ania,” tih leh inla hrangin khum atang min pawm kang nawlh

That chhe zet a meng diar diar chuan, “ka chau takzet kan kal lo thei mailo em ni?” Ka tih chuan nui hawk hawk in, “Ohh ka duhdan mahse i fapa leh i unaunu bul ah chhuanlam tur i hre hauhlo ang,” tih leh bathtub a min nghatin tui a rawn dah lut nghal zat, ka harh sawng sawng thei

Bathtub chhung a rawn thu lut in alam a min pawt hnai in ka hnute a hum nghal chat, “duhtawk chin nei rawh kan tlai i hlauh kha,” ka tih chuan nuisuk in, “inbual pah ani mai,” tih leh min fawp leh nghal zat

Bathtub chhung ah pawh duhthawh tak a hmangaihna kan chen dun hnu ah Falk land lam kan pan, darkar 2 dawn aliam tawh minkalsan na an lungawilo viau maithei ani
.
.
.
“Saw lam a saw, tirawh i kal ang,” tih leh ka kut a chelh in ulawmi te awmna lam chu min pan pui nghal

An bul kan thlen rualin “em em a cheu enge intih em em a?” Ulawm’in alo tih chuan ka nui tawp, phat vak ngaihna ka hrelo tlat

“Hrethiam ve maila, benjamina chal ah a inziak vek alawm,” Hlu’an atih pah a min rawn melh chuan ka hawisawn hmak, ala nui vak vak leh nghal


“Thu nilo lo sawilo maiteh,” Ben’an ti hluk chuan kan sir a thutna ah min pawt thu nghal, ka fapa chu nuam ati ngang aniang kan thleng atang minla be lo hrim hrim

“Mummy enteh ka hmai hi,” kan lam pan a rawn tlan pah a tih chuan a hmai a rawn kawk

“Enge ni a, vun tan a tha dawn ami?” Tih pah chuan ka en sak, Dragon lem tereuh te in an lo ziak ni in

“Engmah hlauhawm a awmlo, an thiam lutuk hei keini pawh kan ban a hi kan ziak rang,” Ulawm’in alo tih chuan ka nernang

“A nalh lutuk tlan vak vak suh, i thawk abuai leh ang nisa ah te awm tamlo ang, tui in la,” ka tih chuan a bu nghat nghat, Ben’an kan nufa in buaipui chu khawdang hawi lek lo in min en reng tih ka hria, a hmel enlo mahila ka taksa hian a hre lutuk tlat

“In rawn tlai man ah dinner chu Heritage launge lam ah in tum ang,” hlu’an a rawn tih chuan Ben’an nernawng in, “lutuk tun ah khan hriati call la,” ati nghal zat

Hlua nui vur vur pahin, “ka thiam zawng tak,” tih leh phone a phawrh nghal, Hlua hi chu Delhi kan awmlai atang ka hre tawh, ulawmi nen pawh an inkawp na a rei ve thawkhat viau. a mizia hi thawveng viau ang hian lang mahse a puitling em em, ulawmi a dawh thei in mipa anihna leh upa zawk anihna ah hriat thiamna pawh angah, kawm anuam hle bawk, Bena nen hian bestfriend an ni ang tih rin ngaihna kalo hrelo re re
.
.
.

Ni a ral ve zel, Bena nen pawh tha takin kan in kawp chho, ka fapa lah chuan apa tak tak emaw ati hmiah tawh bawk, maktak maiin Cathrine emaw Robert leh a chhungte hrim hrim an reh hmiah, karleh mai khi Christmas anih tawh vangin kan in puah chah ve luih luih

“Mummy vawiin kan bazaar dawn em?” Ka fapa in room rawn luh pah a atih chuan ka lo nuih sen sen, “ka hre hauhlo, ka chhuah peih pawh ka ringlo a,” ka tih chuan nurnang in, “Daddy tal chuan peih se ka ti e,” ti nuah nuah in khum ah alet thla tep, ka nuih hak

“Mummy, Daddy ka be thei angem,” rawn thu chhuak pah a atih chuan ka bu nghat, phone phawrhin ka call nghal, a ring ve leh ka fapa phone pe in, “be rawh le,” ka tih chuan nui sen sen in, “Daddy vawiin ah kan in hmuthei angem?” Ati lang lang

“Naaaaa... mummy pawh chhuak peihlo a, aw le,” lungawi chiahlo a phone minpe chuan “Daddy in abe duh che a,” atih chuan nui suk in ka la nghal

“Bawihi vawiin chu ka hman ka ring chiahlo a, hna pawimawh ka lo nei a,” inthiamlo tih hriatzet a atih chuan, “a pawilo kan lei tur ang kan lei vek tawh alawm, chhuah hi a chak hrim hrim a, hna tha deuhin thawk rawh,” ka tih chuan nui huk in, “ka hria e, zanah kan in hmu dawn nia,” rilruih a arawn tih chuan nui suk in ka off


Kawngkhar ri rang rang ah chuan room atang chhuak in, “bawihte milk ka dah hi ila in zo lo in vat rawh,” ti lang lang chuan kawngkhar ka hawng

Ka thaw hak, “enge ni leh ta Robert?” Nelawm loh zet chuan ka ti hlak, luhtir pawh tumlo in kawngkhar ah ka ding ran

“Bawihi amak ti khan min melh run zel suh, Christmas ahnai tawh si a, bawiha vawikhat chauh lunch ka ei chhuahpui thei angem?” Mitmeng zuai deuh a min en chung a atih chuan ka thensak

“I duhtawhloh ani a, tinge tiang a i rawn awmleh, nangmah ngeiin anih kha i hmuhnawn duh tawhloh thusawi, Robert i fapa bul ah hengthu hi ka sawi chhuahloh nan kan hlat ah awmrawh, i fapa in a huat kher che hi ka duhlo ania,” ti duat chuan ka melh ran

“Ka hria alawm, pawi ka ti, vawikhat chuah lunch ka ei chhuahpui ang khawngaih in,” ngen ngawl zet a atih leh chuan ka lu ka thing mat mat

“Mummy kan chhuak dawn ami?” Ka hnunglam atang ka fapa in a rawn tih chuan ka leh hawi, “ahh auncle kha ini,” ka fapa in a tih chuan Roberta ka melh zawk, a hmel ah chuan na tuar hmel alang, ni e, a fapa a duhloh ngei khan Auncle a ti miau alawm

“Hi.. Bawiha i dam maw? Lunch ka ei chhuahpui thei che angem?” Ka fapa melh chung a atih chuan ka fapa chu anui ver ver “mummy ka kal thei angem?” Min rawn kuah pah a tih chuan ka thaw hak

“Robert engthil nge tih itum?” Melh rum zet chung a ka tih chuan thaw chhuak ham ham in ,“bawihi khawngaihin ka fapa hi lunch ei pui ka duh mai ani,” thutakzet a atih chuan a hmel ah dawtsawi hmel aput loh em avangin ka bu nghat mahse ka fapa chauh a kal tir ka tum aw kawnglo, an in ah lo hruai haw daihse engtin nge ka tih ang?

“Atha e, min ringlo miau chuan i tel ve thei ang, lunch vawikhat ei pui ka duh mai ania,” dar san ak a atih chuan, ka fapa melh zauhin, “i jacket ha rawh le,” ka tih chuan nui raih raih in, “ kan chhuak tak tak dawn ami?” Atih chuan ka bu nghat
.
.
.
Red pepper restaurant ah kan lut, diktak chuan ka awm anuamlo, he mihring hi zui ka chaklo takzet ka fapa nen chauh ka thlah ngam teuh silo, Benjamin call ka tum lah in ala thei bawk silo


Ei tur chah a rawn thlen chuan kan ei, ka fapa chu a dan ngaite in a tawng leh siam siam, Robert chu zawhna a zawt zat zat bawk, thil te lah hi a hre mak thei sia

“Mummy kan school a lalvena khan i daddy in a duhlo che mintia, mahse ka hnek tawh miahlo, ka fel tiraw, ka daddy chu Benjamin kha nia, minduh tih ka hrereng a,” a tih chuan Roberta thil eilai chu a phuh that, a hmelah na tuar hmel alang leh, a hmel a chang tulh tulh bawk

“I fel lutuk, tumah kut thlak loh tur, insual ching chu misual an nia,” ka tih chuan a bu nghat nghat, Roberta erawh a ngawi ngul

“Tu in nge i daddy chuan duhlo che tih hrilh che a,” ka fapa melh ran chung a atih chuan ka fian ken in thleng ka khawng ri kharh kharh, ala haider hmak zui

“Mi in an sawi alawm, chuan ka mummy pawh mihur an tih,” atih chuan ka lo ip chawih, ka fapa hian enge a sawi hre thiamlo mahse midang thusawi chu a hre ve zel ani

“Chutiang engmah sawi tawh suh, i ei zawhnchuan haw ang,” tih leh ka ding chhuak nghal, Roberta rawn ding chu rum lutuk in ka melh, “a thusawi kha diklo a awm ka hrelo a, ti khan a tawk em?” Tih leh ka fapa pawm chuan ka pensawn nghal

Pawn a taxi rawn tlan hmasaber ah chuan ka chuang lut nghal, ka fapa chu ka kuah vang vang, hengthu te hi a hre zui zel anih chuan thil a hriat thiam hun ah loh theihloh in a rilru hi ala na dawn si a, chutih hun ah chuan kei hian engthil nge ka tih tak ang???

“Mummy ka thaw theilo ania?” Harsa tih hmelzet a ka fapa in a rawn tih chuan ka harh zawk, “ohhh ka tihpalh,” ti chuan a chhip ah ka fawp vang vang

“Office ah tihtur ka nei lawk a, kawi lawk ang aw?” Tih chuan a bu nghat nghat


Company kawt kan thleng rualin kan chhuak nghal, ka fapa kai chung chuang building lian zet ah chuan kan pen lut, a tawng siam siam, ka fapa hi tawng duhtak anih bakah tumah han duhloh em em pawh hi a neilo, a tetlai pawh khan ka vanneih ve na, hnathawhna a ka hruai chang pawh khan min pawmpui ve theizel ka thawhpui te pawhin

Building kan pen luh rualin ka biang a thip zak, a sa vung vung, min beng tu en tum in ka dak chhuak, ka hma ah Deborahi leh Roberta nu thinrim tih hriat tak a ding chu ka melh ran

Ka fapa in hlau tih hriatzetin, “mummy,” tah aw tuau a atih chuan kun hniam in ka pawm kang

“Engthil nge intih kha?” Ka fapa hma ah ka aw chu ka thunun hram hram

“Nang mihur zaktheilo nu, kha i fapa sawn hmang khan ka pasal a rukin ilo hmu thin a, hremhmun thleng law law in ka hnuk dawn che,” ti tuar tuar chuan min rawn ban, ka lo tawlh hnung vat, nghet lutuk in Reubena ka kuah

“Nanghian ka fapa te pahnih i dawi a zo anih hi, i sawn fa vang mai mai khan roberta hian a nupui hi a then i ring ami?” Ti tuar in ka tukkhum sam a Roberta nu in min phih dak awrh, ka fapa ka pawm miau avangin engmah ka che theilo, Reubena lah hlau lutuk in a tap ri tuar tuar bawk, ka mittui a tla zung zung, hemi te hian ka fapa hma ah engthil teh hrep nge an tih hi???

“Thla rawh,” ti hrawk a min kehna phih thla sawk chuan ka sam a a pawt bung tih hriat takin a ri riap, ka lu vun a thip vung vung bawk


“Benjamin engthil nge itih i hria em? Kha ramhuainu khan a fapa hmangin i unaupa neihlet leh a tum a, keihi minthen tur in ati anih chu,” ti tuar tuar a min rawn ban leh an tum chu Ben’an min kuah pahin an kut alo vai kiang sawk

“In ka in emaw inkut hmawr pawh a Zodini inti na leh anih chuan ka nu ini emaw ka unaupa nupui in nihna theihnghilh thak in, in awmhmun ah ka phum duh hial angcheu,” seh chil rap rap chuan a ti chhuak hrawih

Ka fapa ka kuahbeh tlat chu rawn la in aman apawm kang, ka fapa in hnit hlap hlap chu Bena a hmuh veleh a ai ringin atap, ka fapa tap ri chuan ka kaw chhung zawng zawng hi a fan chhuak, ka na vawng vawng

Min rawn kuah pahin, “ka hruai haw angcheu,” ti sup chuan min pensawn pui chu hnunglam a tang, “Zodinpuii heihi hre rawh, nang leh i sawn fapa kha hremhmun ah ka thawn dawn che u,” Deborah’in a rawn tih chuan ka thaw chhuak hawk, ka fapa chu awmlo se kha ti khan an che hauhlo ang

Hnathawk leh veivak awm ho in min en thap chu, “engthil hmuhnawm mah a awmlo, in mit ka kher chhuah sak che u induhloh chuan in hna ah let rawh u,” hriam hrak a ti chuan pawnlam min pan pui nghal, ka fapa erawh Bena nghawng a kuah in a hmai a phum kak

Car ka thutluh rualin ka fapa ka malchung a rawn dahin ka kuah vawng vawng, nichin mai a ka tap theihmiahlo kha ka tap chhuak hawk, ka khur dar dar, Ben’a rawn thu lutin ka lam a rawn hnai a min kuah chuan, “bawihi insum teh bawiha awm hi iti hlau thawng ania,” ti sup chuan ka chhip ah a fawp vang vang


Ka fapa ka melh chuan mittui tling pam in milo melh kiau, pawi ka ti, ka ti takzet, ka fapa rilru na tak a ka siam hi ka in haw hluah hluah bawk

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:04 pm

SUCCESS
By floria laldansangi
16

(story hi copy/share dawn chuan khawngaihin link nen ni hram rawhse, ka lawm e)

Christmas leh kumthar chu kan hmang ve nawk nawk, Company building chhung a Deborahi leh Roberta nu in kut min thlak atang ka fapa pawh anun a nguai riau in ka hre thin, a thaw a mumal lo thut thut thinbawk, Benjamin pawh ka hriat thiam siloh, sawi tham ni silo hian min hlat tlat in ka hre bawk, nge keimah hi ka fapa vang zawkin ka in khar khip lutuk zawk nge ka hrethiamlo ani, ka ngai a, mahse biak hamsak erawh ka tumlo, min be khat em em, kan inbiak chhun pawhin a buai thu a sawi fo reng


“Mummy naktuk ah school kan lut tawh dawn, Daddy ka be thei angem?” Ka fapa aw ka hriat rualin ka harh zawk

“Ahhhh, aw le, mahse abuai ka ring a,” ti nuah nuah chuan ka call ta tho

A lak rualin, “pawi ka ti Bawihi, ka buai lutuk a ka rawn call let angche,” tih leh a off nghal, a ngaihna hrelo zet chuan phone chu ka melh nghek

“Mummy abuai leh tawh ami?” Lungawi chiahlo a atih chuan nuisuk in, “Mike call ila dinner kan ei chhuak dawn em niang?” Ka fapa nurnang tih hlim tum chuan phur hmel zet in ka ti chhuak, khek raih raih pahin, “Yes.... Mike ka ngai ve tho a,” atih chuan ka nui hak, phakar reuh lutuk, a kal chhuah chak vang ani reng sia

Mike ka call reilo ah rawn pickup, “Minla hria em aw?” A rawn tih chuan ka nernawng, “ngeiawm viaulo maiteh, bawiha hian dinner ei chhuahpui ah sawm che a duh in ka hria, nge keini ai lal dang an awm tawh sia,” fiam pah ka tih chuan a rawn nui huk

“In lalber e, dar 5 chauh ania ka rawn thleng vat ang, lo insiam ula, kan leng pah ani mai,” nui tut tut chung a atih chuan nuisuk in phone ka dah

“Insiam rawhle, Mike lo kal dawn,“ ka tih chuan phur tih hriatzet a rak that in bathroom ah atlan lut nghal, ka nui hak, ka fapa hi awmlo se nungdam hian ka la awm angem, nung pawh ni ila, ‘nungreng chung a thi,’ antih ang kha ka ni ngei ang

Mike a rawn thlen chuan kan in phur chhuak, dan ngaite in an inbe leh siam siam, kei erawh Bena nen kan inkar in ka rilru a kap tlat, lungawilohna aneih ka hrelo silo a, keimah atang a inla hrang tlat hi ka hrethiamlo ani

“Restaurant thar ania chhuk ang ule,” mike a aw ka hriat chuan ka harh zawk, ka fapa nen minlo melh ran chu nuih tlawn pahin, “thildang kalo ngaihtuah daih a,” tih leh kawngkhar hawng in ka mal atang Reubena chu a tum thla thak, Mike a kut vuan in Restauran lam ah an pen lut

A chhung kan luh chuan a nuam in a changkang ru takzet, “ehe ilo kal dawn tih i sawilo a,” hmeiche sam sei hniang mai ngo ving veng lian lutuk lo chuan nuisang a alo tih chuan Mike’an, “hei lalber te hian dinner ei chhuah an rawt thut a,” tih pah in mit a siai zauh, anui hak

“Room in hauhsa silo a, hetah hian thu mai ru,” tih pah chuan thutna min kawh hmuh

“Zodin heihi Nana anih hi,” tih pahin hmeichhe hmeltha vingveng lam chu a hawi “Ohhh i chanchin chu ka hre nual tawh mahse Mike sawidan ai che in i hmeltha, engtin nge Mike ang mipa zeilo lutuk te i duh a?” Nuisang a ka fiam chuan nui hak hak in “JCB kan nei atia, ka duhloh chuan mi a dahna ah ka dah angche minti bawk sia” atih chuan kan nui hawk hawk, “awihawmloh lutuk, amah khan ka duhloh chuan in awh hlum a tum a,” a rawn ti ve nghal zat

Ei tur kan chah kan nghah laiin Nana leh Mike ka fapa te chu an tawng siam siam, kan nui leh hak thin

Kawngkhar lam ka melh chuan Benjamina mit leh ka mit a in tawng chiah, ka sa pup, kawngkhar an rawn pen lut chiah tih hriat takin Cathrine’in a ban ah a vuan leh hnap tawh, ka thin zawn hi a sa hat hat, hawisawi ka duh mahse ka hawisawn maitheilo, “Ka buai lutuk,” atih kha ka beng ah a rawn ri nawn nghal zat

“Zodin,” Mike’an a rawn tih chuan ka harh zawk, hawisawn vatin, “ahhh min hrethiam teh u,” bah nawk nawk a ka tihlaiin in, “Daddy,” ka fapa in a tih chuan ka mit ka chhing sawk, en tawhlo mahila ka sir ah an rawn ding tih ka taksa khur ru der der leh za mer mer ah hian ka hrethei


“Daddy i buai tih mummy hian a sawi a,” tih pah a thutna atang thawh atum chu kalo vuan vat, “Reuben i daddy anilo,” ka aw chu a hriam mah mah, ka fapa hawi hai hmel chu ka lainat lek lek zawk, engvang a chuthu chu sawi nge ka nih pawh ka hre teh hreplo e

“Hi..Nana i restauran chu anuam hle mai,” Cathrine’in no fahran a rawn tih chuan nuisang in, “ka lawm e,” Nana chuan a ti sep

“Cathrine khalam ah in awm daih a, Hi.. Benjamin nangni pahnih hi chu in inthen thei tak taklo anih hi,” hmeichhe aw tliang zetin a rawn tih chuan ka thin zawn hi vih sawk ang mai ana thip sawk

Muang changin ka hawi chhuak, Benjamin chuan min melh ran, a mitmeng thuk raih ah chuan angaihtuahna engmah ka hre theilo, inthiamlo hmel pawh a pu chuanglo, chu chuan minti na zual nimai in ka hria

“Inthil chah alo thleng e, Maam phone ah an be duh che a,” waiter pakhatin ei tur rawn chhawp pah a atih chuan Nana chu bu nghatin, “Zodin min hrethiam ru, ka kil puilo mai angcheu, bawiha kan inhmu leh dawn nia,” tih leh Mike chu melh zauh in Mike chu a bu zauh

Kan sir a ding run te pawh hi kal sawn vat vat se ka ti lutuk, ka thaw a chham dawn, boruak hip tur leh lo luhna an dang vek in ka hria

“Daddy kan rualin i ei ve dawn em?” Reuben-an, Ben-a melh chho kar pah a atih chuan ka thaw hak, “i chaw ei rawh,” tih leh a thleng a ei tur ka suah sak nghal, ka kut khur dar dar chu an hriat hlau zet in ka in hum ruh

“Kan kal dawn ami BJ midang in min nghak reng sia,” no nghal a tih leh min rawn melh ralh, a mitmeng a hneh tu inti lutuk chuan ka tah a ti chhuak, ka luak maidawn in ka hria

Benjamin chu chet sawn tumlo tih hriat zet a min melh run chung chuan a rum nghut, ka nui lui hak, “Mike an eitur siam chu a tui hle mai, la kal fo tur anih hi,” seh chil zet a ka tih chuan Mike chuan mit khap fak fak in min en, ni e ka aw thunun tum viau mahila ka rilru natna chu ka aw ah khan alang reng, mit ka chhing sawk

“Tehreng mai, kan lalfapa hian a ei tui ve em?” Mike pawh chuan min hrethiam takin nui sang a ka fapa sam a tuai zauh chuan anuih sen sen, Benjamina thawri hrawih a pensawn chu ka hre reng, ka thlarau a kalpui ta emaw tih tur khawpin ka zawi hnak, ka bul a adin chhung a kalo in sanmar zia ka hre chhuak

“I tha maw? In inhau em ni?” Mike-an a tih chuan ka lu ka thing nawk nawk, ka tukkhum za mer mer ah chuan Benjamin’an minla en reng tih ka hrethei, he ka taksa hian a huhuang hi a hre hneh lutuk mah mah tawh ani

“Mike bawiha ala ei zo chuang lo wash room ah kan lut lawk aw,” ka tih chuan min en ha chung in, “engtham mah ila eilo ania,” atih chuan nuilui sakin, “ka puar tawh washroom hman ka mamawh zawk,” tih leh tho in toilet lam ka pan nghal, ka hnung a mike nui hak ri chu ka hre hman hram, khawnge Benjamin leh Cathrine’i kha an awm ka hrelo, ka hnunglam ah an thut reng ka rin nen anlo awm tawhlo

Toilet darthlang ah ka hmel ka en vang vang, ka mit ah hian keimah leh keimah ka in en pawhin natna ka hmu thei, ka mitthla ah Cathrine’in Bena ban a vawn kha a rawn lang nghal zat, ka thaw hak

Toilet atang zawizet chuan ka chhuak inchhunglam ka luh dawn in sirlam
room ti ila, store room atan an hman ni awmtak atang aw teng zet rawn chhuak chu ka ding dat

Cathrine’i aw ni mai in ka hria, tlem a pan hnai deuh chuan, “BJ khawngaihin tiang hian awmsuh, ka pum chhung a naute nen hian kan mamawh che a sin, engtin nge i fa ngei hi khatiang khan itih theih,” tah aw tuau a Cathrine’in a tih chuan ka nghing dawt, ka mit ka chhing sawk bawk

Tun ah khan Benjamina fa a sawina em ni? Ka hresual anih ring chuan ka kal hnai leh

“Thil thleng palh anih kha Cathrine, engmah ka hretawhlo kan inkar ah engmah a awmlo,” nelawmlo zet a Bena aw ka hriat chuan ka kaw chhung ah hlauhna a rawn awm, ka khur nghal hlawk hlawk, engmah hrilhfiah leh chuan ka ngailo, ka mitthla ah kum 7 liamta a Room chhung a Roberta leh Deborahi inbe lai ka ngaihthlak kha a rawn lang zut zut, phatsan leh hmeichhe thuhruk ka ni nawn leh tih chu ka thinlung ah a ri nawn nghal zat

Kawngkhar chu ka nam hawng thuai, phawk zet a Bena rawn hawi chu mittui nen ka melh, “Bawihi,” ati sup, Cathrine’i hmel ah erawh, “i chawh,” tihna ni awmtak leh min hmuhsitna alang chhuak zut zut


“Bawihi,” tih nawn sap pah a min rawn ban a tum chu ka tawlh hnung hrat, “I rawn lang fuh hle mai, engmah hi ka zep peih tawhlo,..” atih laiin Ben’an, “ngawirawh Cathrine,” alo ti hrawk, kalam rawn hawiin mitmeng ngen ngawl zetin min melh


“Aih ka theilo BJ kei leh ka pum chhung a i fa hi Zodini hian a hriat ahun, ti khan BJ hi ka thlah theihloh chhan i hre tawh em? Nang leh i sawn fapa vang hian ka pum chhung a ka fa hi tih fahrah ka tum hauhlo,” Cathrine’in a rawn tih tuar tuar chuan ka khur hlawk hlawk, Benjamin chu a hmai a ben sawk ka duh mahse ka che theilo maipawh nilo in ka kaa atang hian engthu mah ka sawi chhuak theilo, ka hrawk ah hian hnawh tu awm angmaiin a tawt up up

In her in inchhunglam ka pan tur chu ka ban a min pawt her nawkin, “bawihi ka thusawi ngaithla rawh,” Ben’an a tih chuan mittui nen rum zet a melh chuan min vawn na chu ka phih thla sawk, “he i kut bawlhhlawh tak hian min khawih tawh suh,” hriam hrak a ti chuan ka pensawn nghal hmawk hmawk, au khum hrep ka tum nen, au turin chakna ka neilo te pawh ani mahna


Kan thutna ka thlen chuan khur hlawk hlawk in ka bag kala kang, “Zodin i tha em?” Hlauhthawn na nen Mike’an a rawn tih chuan ka lu ka thing nawk nawk, “haw ka duh, ka lu hi ana lutuk,” ka tih chuan bu nghat in, “bawiha i mummy hi a damlo anih hi, i ei zawh chuan haw mai ang,” tih leh tu emaw a hui zauh

“Bawihi bill lo ti fel maita che, Zodini hi anuamlo tlat,” tih leh card phawrh in Nana chu a pe nghal, “E khai aw!!! Kha i dang vek alawm, hawpui vat rawh,” ti hluai chuan Mike’an ka fapa kaiin min rawn chelh, “naktuk ah kan inhmu dawn nia,” ti leh min kuah sawn nghal

Engmah ka ngaihtuah theilo, ka mitthla ah Robert’an kut minthlak lai te, Deborah’in naupai elhsen tak a min tawngkhum laite leh Cathrine’in hneh tu inti lutuk a nau apai min hrilh lai te chu a rawn lang zut zut, ka kaa ah hian boruak alenglo, phatsan leh duhloh, kalsan leh hnawl ka nih nawn leh na nimai a ka inhriatna chuan ka chhungril hi min verh ngut ngut


Ka rilru khawi emaw lai ah chuan Benjamina khan min um zui ka ring a, Nilo ka beisei deuh pawh ani mahna, mahse min umzui emaw ka duhlo chung pawh min hrilhfiah a tum miahlo chuan minti na zual ut ut

“Zodin i zia deuh tawh em?” A rawn tih chuan ka bu nghat nghat, “bawiha inchhung ah lo va lut la mummy hi kan be lawk dawn em ni?” Seat hnunglam hawi a atih chuan ka fapa chu chhuakin inlam apan nghal, zan dar 7 vel ani tawh ang


“Engthil nge thleng min hrilh thei em?” Damdap a arawn tih chuan ka lu ka thing nawk nawk, tawng chhuak tur kala awm chuanglo, ka chhungril ah erawh thu tamtak a in mung khawm

“Min biak duh leh inbun ruah i duh chuan ka awm reng ania,” tih pah a ka kut a rawn hum chuan ka tap chhuak hawk, ka tap hawm hawm chu kalam a rawn awn in min kuah bet, a tih thin fo dan in duat takin ka sam ah chulin ka tah chhuah zualpui a reh hma ngawi rengin min kuahbet

“A rai a..... Phatsan leh duhloh bawk ka ni leh a,” bah nawk nawk chuan ka ti chhuak ka in hnit hlawp hlawp

“I sawi duhlo chuan sawi kher angailo ania,” tih pah chuan min namsawn deuh in ka mittui chu a kut tang a min hruk hul sak pahin, “ i fapa ai pawh hian i tap belh a,” atih chuan mittui nen chuan ka nui hak, “ti khan nui reng rawh, i tap hmel hi a tha bik silo a,” nernawng a atih leh chuan a awm a nam dawtin, “i sual lutuk,” lawi rat a ti chuan car atang ka chhuak nghal, “ka kal dawn ania, naktuk ah kan in hmu dawn nia,” nui vur vur chung a car tukverh atang a rawn tih chuan alam hawiin ka bu nghat

In chhung ka luh chuan Hlutei TV alo en, min hmuh rualin, “Reubena chu room ah a awm alo ti vat,” nuisuk a bu nghat chuan room lam ka pan nghal

Khum a ka fapa infiam ka en chuan ka mittui bawk a rawn hnam leh tiam tiam, abul akal hnai in khum ah chuan ka thu thla, ka lam rawn hawiin, “Mummy i damlo leh tawh ami?” Min en kar chung a atih chuan ka lu thing mat mat in, “ka dam alawm, bawihte Daddy kha i Daddy ni tawhlo se a pawi angem?” Tah insum zet chuan ka ti sep

“Tinge minduh tawhlo ami?” Atih rualin a mit atang mittui a rawn hnam tiam tiam chu hmu in ka kuah vat, “mi pawn Daddy an nei vek a, mahse tinge Daddy chu ka neiloh leh angai a,” tap hlap hlap chung a tih chuan ka mittui ka khap per sak sak

Chung lam a dakin ka tah mailoh nan ka hmui ka pet fan fan, “Mummy leh Reubena chauh hi kan ni theilo ami, hman ang khan aputea leh Mummy leh Reubena,” tah chhuak aw lawi rat chuan ka sawi, a tawp lam chu a hriat pawh ka ringlo

“Daddy leh Mummy, Aputea pawh ka duh alawm, mummy, Daddy chuan minduhlo leh tawh ami? mipawn ka Daddy in minduhlo anti a,” a rawn tih chuan engmah ka sawi thei tawhlo, ka tap khur dar dar, ka fapa pawh a tap hlap hlap, taplo tur a thlem tur ka awmlo, ka chhungril hi ana ani, ana vawng vawng, engtin nge ka hrilhfiah ang, a Daddy emaw atih kha naupang rawn piang mai tur Daddy ani tih hi engtin nge he ka fapa pawisawilo, rilru thianghlim si hi ka hrilhfiah ang, LALPA minpui hramteh, ka fapa rilruna hi khawngaihin min hrilhfiah sak teh, nu thinlung hian engtin nge a hrilhfiah anga, a fapa rilru na hmel chu engtin nge a en ngam angle????



(ten ten...🙈Benjamin leh Zodini inkar hi ngaihtuah tan ru le, an tawp na tur hi enge ni ang🤔 Zodini ala rawn come back lo anih hmel hle mai😚tihsual leh Mizo tawng diklo lai awm chuan sawi hreloh tur, min hauhna tur in neih pawhin, min hrilh in min hau bawrh bawrh ula, mahse na lo te in😂🙈)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:04 pm

SUCCESS
By floria laldansangi
17


“Mummy ni hman nuam aw?” Ka fapa in ban vai lap lap chung a atih chuan nuih sak in, ka ban ka vai let

Nizan zankhua in ka in ngaihtuah, chhingkhat mah ka chhinglo, Benjamina call emaw messages tak ngial pawh a awmlo, ka lu na lah chu min tur ut ut

Office ka thlen rualin kumthar chibai kan in buk sap sap, hnathawh na hmun ah hi chuan nui hmel put luih hram hram ka duh thin

“Maam kumthar chibai,” ka sect in nuisang a alo tih chuan kut phar chhuakin, “Kumthar chubai le,” ka ti sup

Office ka luhrual deuh thaw in ka hnunglam atangin, “inbiak kan ngaiin ka hria,” rawn ti tu aw ka hriat chuan muang changin ka inher, ka thaw hak, zing zing ah lu na nen Cathrine-i hmel hian lu na a belh chhah, a rimtui hman rim na zet chuan ka lu um a verh ngut ngut in ka hria

“Lo thula, ka office ah te zing zing ah i rawn kal ka ringlo a,” pangai thei angber chuan ka nuihlet, diktak chuan ka chhungril hi ana vawng vawng, mahse ka hmeichhiat pui ani a, ka hma ka sial theilo, a tawn ang tawng tawh ka ni a, kei leh ka fapa vangin Benjamin hian Cathrinei leh a naupai hi a kalsawn ngawt theilo, arghhh a kalsan pawh ka ring chuanglo, Ben-a hi mipa diktak ani, Robert-a nen unau ni mahse Roberta lak a ka rilru put ang khan Benjamin lakah hian ka pu lo in ka danglam thin, Benjamin pawh hian min duh hle tih ka hria, engti chiah a Cathrine-i hian naupai nge anih ka hrelo, mahse Bena ka rin rualin, naute leh Cathrine hi kalsan lo se ka duh, ka na dawn, Nilo ka na tawh reng mahse ka fapa din hmun ang leh kan nufa dinhmun ang hian tu hmeichhia mah hi ding velo se ka duh takzet


“Ka lo kal chhan awm i riat ka ring,” thensak a atih chuan ka dar ka san ak, a hmel ah hnehtu inti lutuk leh min hmuhsit tih hriat ngawih ngawihna chuan ka chapo na ka dah tha seng in ka ringlo, khawngaih in hrethiam viau mahila

“Ka ring thiam chiahlo,” tih leh a hma ah ka thu thla nghal

“Nau ka pai mek tih i hria tiraw?” Inti thei fahran a atih chuan ka nuisuk, a za hauhlo, chuthu a sawi rual chuan ka thin a thip zak

“Nizan khan ka hria alawm,” ka aw chu natna a lang tel, a nui hak, anui ri ah chuan elhsen na alang mah mah, “ni e, ka naupai hian ka ngaihtuahna hi a ti tawi tut a, khatiang a min hmuta kha a pawi ka ti takzet, i hriat angin nau ka pai ta mai sia, BJ nen pawh inneih lam kan sawi dun tawh a, nang leh i fapa hian ka kawng indal loh ka beisei, i hrethiam tiraw?” A tawp lam chu a chang mah mah, mit ka khap fak fak, inneih thu a sawi chu ka rinlawk mah nise ka chhungril a ti khur dar dar thei, Benjamina hi ka duh satliah mai nilo ka lo hmangaih ani mahna

Harsa ti zet a then sawk chuan, “ka lawmpui che,” ka tisep a dang sawi tur ka hrelo, nilo ka na ani

A hmel ah chuan ka thusawi chu a awihlo hle tih alang, “Ohhh imi lawmpuina ka beisei hauhlo mahse ka lawm e, ka thusawi te i hrethiam a, min hrethiamla ka kal ange, pangai tak a kan inbe thei chu a alawm hle mai, chuan hmuh tamloh che ka beisei bawk, abikin BJ kiang vel ah hian” nersawk a tih leh kawngkhar lam a pan nghal, a chhuah rualin ka thu thla hnawk, boruak ka hip kawk kawk, ka awm ah hnawh tu awm ang mai a tawt tlat chuan boruak hip a ti harsa takzet

Kawngkhar in hawng ri rak ka hriat rualin, “maam heihi tu emaw in pe i tan a ranw dah a, kawngkhar kik i hrethei silo a ka rawn lut mai,” tih leh ka lam rawn pan in Envelope hi min rawn pe, bu nghatin, “ ka lawm e,” ka ti sep


Thaw la kawk chuan Envelope chu ka hawng, paper a thu ziak ka hmuh rualin ka ding chhuak nghal, ka tha a rawn khur dar dar, “Nilo... Nilo a theihloh, Lalduhzual engthil phanhsen nge itih hi, ka fapa leh kei mintih buai tawhloh i intiam ani lawm ni?” Thinrim lutuk leh hlauhna nen chuan ka ti bah nawk nawk

Ka bag la in ka phone ka phawrh nghal, ka nau lunglei lam ah akal leh tawh, ka biak angai ani, office atang chuan ka tlan chhuak

Car park na hmun ka thlen chuan lut rawk rawk a tlan chhuah ka tum mek laiin ka sir ah car rawn in hung atang Roberta rawn chhuak ka hmuh chuan hmanhmawh zet in k chhuak leh nghal

A lam pan in a dar a khuai her sawk chuan ka beng sawk, khur dar dar chuan paper nen chuan a hmai ah ka vawm sawk bawk “ROBERT LALDUHZUAL nang ramhuaipa engthil phiangsen nge itih hi?” A au in ka au tuar tuar

A dar san ak in, “I hmuh ang kha ani mai, ka fapa hi ka enkawl duh a chu zawng chu, ka hmuh i phal lo a, a Pa ka ni tihlah a hre heklo, chuvangin ka fapa ka duhlet ani mai,” awlsam zet a atih chuan rapthlak ti lutuk in ka melh

“Mihring pawh ini lo ramhuai inih hi, ka fapa duhlo tu chu nang hi ini, nang hian vawikhat pawh hmuh iduh tawhloh thu i sawi anih kha,” ti tuar tuar chuan mittui nen a awm ah ka chum dawt dawt

Ka kut man bet pah chuan, “ka hria, ka hre lutuk, chuvang alawm ka bul ah awm tir a, ka tihsual te siam that ka duh ni, bawihi min ngaithla rawh bul tan tha ang, ka tiam a che ka ti na tawhlo ang che, ka fapa tan pa thaber ka ni anga, itan pasal thaber ka ni ang,” tih pah a min pawt hnai chuan min kuah bet

Tal laih laih chung in, “ramhuaipa nang nen hian engtik ah mah bul kan tan ngailo ang, Pa tha tak nih i duh chuan ka fapa hlat ah awmrawh, LALDUHZUAL hremhmun ah kal rawh” ti tuar chuan inlak hran ka tum

Thawk leh khat ah Roberta chu a per sawn dawrh, ka kat nawk nawk, “itha em bawihi?” Benjamina aw ka hriat chuan ka tah a chhuak zual sauh, ka bu nghat nghat


Kan hnunglam atangin, “Wow a ropui hle mai, i bialnu in i fa apai mek laiin he tah ka nupui i rawnla buaipui hman ania, unaupa,” Roberta aw ngeiawm zetin a rawn tih chuan Benjamina chu a thawri hrawih

“I ka kha chip hmak rawh,” ti hrawih in min kuah pah chuan min pensawn pui a tum chu a dar a rawn kuai her sawk in a hnek sawk, Benjamina chu a pai nawk, ka rak that bawk

“Kha i kut hmawr pawh khan Zodini hi khawih tawh suh angche, ka nupui ani, ala ni reng, ka fapa nu ani bawk,” ti hrawk a hnek leh a tum chu Benjamin’an a lo hnek let sawk, a kawr awm a tham in, “ He i ka bawlhhlawh tak atang hian thumal chhah chhuah leh ila duh anih chuan chip hmak angche, anihloh chuan i dam chhung a tawng leh tawhlo tur in ka siam hrehlo bawk che tih i hriat kha,” seh chilh zet a ti ram hmak chuan a hnek thal thuai

Thaw ri hrawih hrawih a ka lam rawn pan chhat chhat in ka ban ah vuan chuan car ah min thut luh tir, hnial ka tumlo, hnial pawh ni ila tihluihna hmangin min pawt lut dawn tho tih ka hriat vang ani

Chakzet a tlan chhuak in a bek a thisen zam pawng tawlh tawlh leh steering a hum na ban thazam rawn pawng tawlh tawlh te, a kut var pup leh a hmel chang rut te chuan ka ti ril a ti khur thei, tiang em em a Benjamina thinrim hi kala hmu ngailo, ka hlau lek lek.. Nilo ka hlau mah mah zawk

A khalh chak em avangin thawk pawh ka thaw em ka hrelo, mit ka chhing, car ti ding tuar chuan hmalam ah ka bu lawp, ka rak that, car steering chum dawt dawt chuan a thaw ri hrawih hrawih chu tha khur dar dar leh mittui khap per sak sak in ka en, tun ah tak hi chuan tlan chhiatsan vang vang ka duh, ramsa kawlh hliamtuar ang mai ani, athinrimna hmel chang rut leh thimkhup ah chuan na tuar hmel alang chiang viau bawk


Steering bawh a inbeng daih tum tih hriat tak a boruak hip kawk kawk chuan mit sen ram in ka lam a rawn hawi, kalo ip chawih, alan dan chu a rapthlak takzet, sakawlh thinrim mitmeng sen ram hi ani ber

“Bawihi ka tihpalh tih hlauh che ka tum anilo,” seh chilh nawk nawk a ti hrawk in ka lam a rawn awn chuan min rawn kuah, kuahlet na chang pawh ka hrelo, ka tha a khur dar dar, ka hlau ani

Boruak hip in a thaw chhuak ham ham, min kuahna a ngheh em avangin ka thaw a chhamlo chauh, “ka thaw theilo awmsawn teh,” ti tawk tawk chuan ka namsawn, nui nghawr datin, “ ka tihpalh,” ti sup chuan a awm sawn ve mai, a hmel landan chu tlem in apangai ve deuh tawh, mahse ala chang tha viau


“Ka lawm e min rawn puih avangin, mahse a leh pek ah chuan lo inrawlh tawh suh, ka buaina ani a, keiman ka chingfel mai ang,” ka tih chuan a thaw ri hak “Teuhlo lutuk, kha mihring khan a kut hmawr pawh a atawk leh che anih chuan ka that duh ngei ngei ang,” hriam hrak a ti chuan min melh run, a aw chhuak ah pawh chuan a ti duh tak tak dawn tih alang reng bawk


Za lo zetin ka thensak, “ka buaina ani, kha leh chen kei leh ka fapa hian i venhim na leh ngaihsak na tel lovin kan awm tawh, tun ah pawh kan awm thei ani,” rilru natna nen a inpawlh chuan ka ti chhuak, ka mittui a rawn hnai leh kuar kuar tawh, he mihring bul a ka tahbelh ta em em zel hi ka inhua ani

“Engthil teh hrep nge i sawi, kha ka unaupa laktlakloh lutuk hnen ah khan let leh chu i tum tak tak lo ang tiraw?” Ram hmak leh ten hmelzet a nernawk a arawn tih chuan ka melh ngawt ngawt engtin nge chutiang thu te a sawi thei zawk

“Cathrine’i leh i fa lo piang tur chiah ngaihtuah rawh, keini nilo in,” kha zet a ti chhuakin chhuah tum a car kawngkhar ka ban chu rang lutuk in min kuai her sawk, “Cathrine’i sawi tel hauh suh, kan buaina ah hian a tel velo, ani nen chuan indanglam lutuk,” ti hrawih in min rawn thut hnaih, kawngkhar lam ka nek rawk rawk

A thusawi maltin mai chuan min vit sawk sawk nimai in ka hria, ni e kan danglam, kan danglam takzet, “ chuvangin min khawih tawhsuh, kan danglam ani lawmni, kan danglam takzet,” ti tuar chuan a awm ah theih tawpin ka namsawn, “Hreptak che hian Zodinpuii ka thusawi la kawi miah suh,” ti leh hrawk in min melh run, ka mittui tla tur khap let sak sak in, “ ka la kawi hauhlo, thu dik i sawi sa kha ka hriat nawn tur mai che ani, chuan nangnen hian in hnialna hun ka nei heklo, kawngkhar hi hawng rawh,” ti tuar chuan kawngkhar ka chum dawt dawt

“Teuhlo lutuk ka rualin i let ang,” tih leh nghut chuan car a ti nung nghal, “nangnen hian let ka duh hauhlo,” ka ti that, za lo tih hriatzet a thensak in, “i duh emaw duhlo emaw i let chu anih hi,“ ngeiawm zet a min rawn melh ralh pah a ti sup, a aw ah chuan nuihzatna lang tel, ati dik ka duh emaw duhlo emaw a tlan chhuak tawh chhuk theih pawh nitawhlo chu, thinrim lutuk in ka kut ka kuangkuah, a sam a keh nawk nawk ania ka duh ni

“Office ah let rawh,” tum hmuk a ka tih chuan engmah sawilo in car a her ve mai, kei ang bawkin inhnial a peihlo te pawh ani mahna, engmah sawilo in kan chuang dun, sawi tur pawh ka nei tawh heklo, tun a ka duh ber chu he mihring hlat tak a awm vang vang ani


Company kan thlen rualin car a hun rem rualin, hman hmawhzet a chhuah ka tum chu ka ban a rawn vuanin alam ka hawi, mitmeng hriat thiam harzet a min en chung in, “bawihi tha takin kan inbe theilo em ni?” Ti hap chuan min melh ran

Ka lu ka thing nawk nawk, kan inbia a, a insawi fiahna ka ngaithla anih chuan keihian engtik ah mah ka kaltir phal dawnlo tih ka beng ka hriat chiang tlukin ka chiang ani, “sawi tur kan neilo, i fa lo piang tur tan Pa tha tak inih ka beisei nia, ka ti takzet bawk,” rilru natna nen ti sup chuan ka mittui tla tur chu khap let sak in min vawn na kut chu phelh in a car atang ka chhuak nghal

Hman hmawhzet in ka car awmna lam ka pan, ka thulut nghal rawk rawk, steering bawh in ka tap khur dar dar, dan rual loh in ka mittui a rawn luang zung zung bawk, ka na ani, ka na takzet, tinge?? engvang? Ka hlim ve dawn chauh emaw ka tih laiin harsatna bawkin min chim leh a, ka tan hian hlim hi thil theihloh ani em ni? Ka mitthla ah Benjamina hmel pa thak mai a rawn lang, ka thaw kawk kawk, engtin nge ka tih ang, ka fapa chan thei din hmun ah ka ding a, min kuah a minthlamuan a, “engkim a tha leh vek mai ang,” tiin min hrilhse ka duh takzet, mahse chu chu ka tan van a rah ang ani tawh

Duhtawk a ka tah hnu ah ka phone phawrh in ka nau ka call, vawi hnih a ring hnu ah a rawn pickup, “Duata,” tah aw lawi rat chuan ka ti chhuak

“Diklo a awm em ni? I tha em? Bawihtea tha em?” Min ngaihtuah tih hriat tak a arawn tih chuan ka tah a chhuak zual, upa zawk mah ni ila ka nau minduatna leh ngaihsakna ka hriat hian ka tah a chhuak

“Robert... Kha Roberta khan ka fapa min laksak a tum a, court a inlan angai dawn, naktuk mai leh ani nghal, engtin nge ka tih ang? Bawihtea hi min laksak ta se,” ka thusawi tawp lam chu a ri chang chang, ka fapa chan ka hlauhna leh Benjamina ka chan na rilru natna in pawlh chhuan ka tap chhuak leh hawm hawm

“Mate in bengdai rawh, Helicopter in darkar 1 hnu ah ka rawn let ang, hlauthawnglo la, ka pa te ka rawn bia anga, engkim a tha vek ang, awm hahdam rawh,” min thlamuan tum tih hirat tak a arawn tih chuan in hnit hlap hlap in phone ka dah, ka fapa hi ka chan theilo, ka dam zo lo ang, Benjamina kumkhua atan ka chan ta anga ka in ngaihtuah pawhin thawk ngaihna ka hrelo ania, ka fapa leh zel chu sawng ramhuai ho kut ah sawn ka chan theilo

BENJAMIN...POV

Inchhung ka luh rualin ka lam ah plastic chair-arawn thlawk phei fua, lo thle sawnlo ila chuan min fuh chiang khawp ang, ka hawi chhuah rualin ka hmai a ri nghal chawrh bawk, ka thensak

“LALHRUAITLUANG engthil phiangsen nge itih kha i hria em? Nang hian kha hmei nu vang khan mi tamtak kar ah min ti mualpho ngam amaw?” Ati tuar

Thaw ri hrawih chuan, “ka sawi tawh kha, mihur nu nilo in ka bialnu Zodinpuii ani,” ti ram hmak a pensawn ka tum chu ka ban ah chelh a min ben leh a tum chu ka vai kiang sawk, rum lutuk a min melh pahin, “Uire nu fapa leh hmei leh sawnpai mai mai hmeichhia inkawp chu a awmlo hranlo e,” ti leh nghat chuan a nernawk, a tawngkam hman chuan min khei zak, ka nu kha a uire reng reng lo, chu chu ka U min hrilhdan ani bawk, ka nu hre ve hmanlo pawh ni ila, ka U hian dawt emaw a rin thu ringawt min hrilh dawnlo bawk

“I ka hi vengtha rawh, chuti anihloh chuan i lei hi ka pawt chhuak ang,” ti hrawk chuan a dar tawn tawna vuanin ka thing nawk nawk, amitmeng a min hlauhna leh maktih na chu ka hmureng, ka pa nupui ala ani a, Nu dinhmun ala din avangin ka ngawi mai mai zel, chintawk hi a awm ve bawk

“I kut kha la thla nghal rawh,” teng zet a hnunglam atang rawn ti tu chu ka melh hrawk, Roberta thinrim lutuk a ka lam rawn pan chuan anu ka vawn na kut chu phih sawk in min hnek nghal thuai, ka kat deuh nawk, ka kawr awm a rawn thamin, “i kut hnawr pawh hian ka nu hi khawih tawh suh angche, nangni unau enkawl nan hian a nun a hmang asin, zahna tlacham lutuk, uire fa ve mai mai,” ti hrawk chuan min hnek leh sawk

Pai (pei dik zawk ka hrelo) khat khat chuan ka hmui thi ser ser chu ka tuai ka nuisuk, a zat vang ani hauhlo, ding ngilin, “uire a chhuah tu fapa inih kha i inhrelo palh ange, uire pa,” changfak chuan ka ti chhuak

Robert’an ka lam rawn pen hnai a min rawn hnek a tum leh chuan ka lo hnek let sawk, a kat nawk, ka nu chu a rak that bawk, “hre rawh u, Zodini hian nangni vang a mittui a tla leh anih chuan in awmhmun ah ka phum angche u, ka nu uire a chhuahtu ini tih hi kan hriatloh ringsuh angche,” kha fak a ti chhuak hrawih in kawngkhar lam pan chuan Car-ah lut in chak lutukin ka tlan chhuak

Hrep tak hian.....

Zodini te in pan ka tum zet a, ka in leithar lam ah ka in her, Zodini nen bul kan tan khan an nufa a ka neih hun a kan awmna tur in zotlang lam ah in lei tur ka zawng nghal anih kha, tun ah chuan engkim a fel a, enkawl tur mi ka dah bawk


Inchhung ka luh rualin cupboard lam ka pan nghal, whisky la chhuakin tak ngeng ngawng chuan ka lem nghal khawlh, sofa a thu thla hnawk chuan thatchhe zet a thuin ka mit ka chhing vang vang, tun ah tak hi chuan engmah ngaihtuahlo a ruih chhum hmak ka duh rih ani, whisky bawk chu ka in leh nghal pawp pawp

Lu na bur a thang harh chuan ka mit ka chhing sawk sawk, keimah chuahin ka mu lo tih la hriat rualin ka mengkawk, light-dim zet hnuai ah chuan saruak ngal ngatin Cathrine’i nen kanlo mu dun anih chu!!! Hreptak hian engthil phiangsen nge ka tih hi???

Min kuahna kut chu phih lawp in ka thu chhuak nghal, ka lu na lutuk chu ka bek dawm in mit ka chhing vang vang, Cathrine-i rawn rum tiah tiah chuan, “i harh ta maw BJ?” Mut chhuak tih hriatzet a arawn tih chuan ka meng kawk, khum atang ding chhuak chuan, “engthil phiangsen nge hetah itih? Tho la in ha rawh, he room hi aranglam in chhuahsan angche,” seh chilh zet chuan ka ti chhuak


Thinrim zet a rawn thu chhuakin, “he hmun ah hian min mamawh thu i sawi vang chauh a rawn kal ka nih hi, ka mihringnu phiangsen vang khan kan inkar a chhia a, phuba lak nan bak a hmanglo che tihlah i hre tawp silo, BJ nimin ah i unaupa leh a fapa te nen an chhuak ho tih i hria em? Harh chhuak rawh, a bum mai mai che ani,” ti hlak hlak chuan a saruak pawh zahpui hauhlo in a rawn ding chhuak

Sana ka melh zauh zinglam dar 1 a pel thuak tawh, chhun lam a thil thleng ka ngaihtuah, engtin nge Cathrine hian ka in a rawn hriat ngawtni, rui hle pawh ni ila henu kher hi chu ka call hauhlo ang

“Engmah sawilo kha chhuak rawh, ka theh chhuah hma che hian,” ti leh hrawk chuan bathroom lam ka pan nghal

Thaw hrawih in shower hnuai ah chuan ka ding, engthil teh hrep nge maw ka tih chu le? Khanu kha ka khawihloh ka beisei, nilo ka khawih hauhlo ang, Zodini ka nun a alo luh atang tu hmeichhia mah kala tawk hauhlo, bang ka hnek dawt Zodini ka mitthla ah a rawn lang nghal, a hriat chuan a rilru ana khawp ang, eng ang mipa nge maw ka nih hrep ni?? Mahni thil tih hrelo khawp a ka ruih

Cathrine-i nen kan mutdun tuk atang a reh hmak, mahse Zodini lakah ka inthiam theihloh avangin ka pawh tamlo, christmas leh kumthar pawh kan hmang ve nawk nawk ani

Kumthar tuk a ka thu hriat erawh khawvel a zawng a ka duhloh ber ani, Cathrine-in a rai tih thu min hrilh chuan ka awihloh lutuk chu ka nui hawk, mahse ka thianpa Doctor Denny-an a rai ngei thu min hrilh chuan ka rilru a buai nuaih nuaih, Zodini zawkin ka fa apai thu min hrilhse chuan min hrilhna hmun hmun ah inneih thutiam ka chham pui duh ngei ang, Cathrine-i erawh engtia tih tur nge ka hrelo, ka unaupa ang mai a nunrawng tak a chet lah ka duh heklo, Zodini rilru tihnat ka duh chuanglo, nilo a hriatloh hian ka ti na tawh lutuk zawk, mahni inhuatna in ka khat

Zodini ka hel a theih ang ang in ka inla hrang, mahse ka ngai lutuk hi ka a thei maidawn in ka hria, min biak atum apiangin ka buai thu ka hrilhfo, Reuben-a pawn min ngai tih ka hria, keipawh hian an nufa hian ka ngai takzet, zantin an in hnunglam atang an in ka hawi vawng vawng thin

Tumloh lutuk in ka buai thu sawi in, Nana restaurant hawnthar ah Zodini te nufa leh Mike ka hmu hlawl, Zodini lah chuan afapa hnen ah a Daddy ka nihloh thu a sawi hmak bawk, ka chhungril ka sawi thiam siloh in ana, Huhh kei thinlung pawh neilo ang hial kha he hmeichhia te hian minti na thei anih chu, Mike bul a anui hmelte, a tawngkam hman te hian minti thinrim hluah hluah

Cathrine-in Zodini biak atum tlat avangin Washroom sir lam a Store-room lam ah chuan ka kai lut rawk rawk, tuman kan inbiakna an hriatloh ka rin tehlul nen thawk leh khatah kawngkhar a rawnin nam hawng thuai, Zodin-in rilruna tih hriat ngawi ngawih a mittui tlingpam a min melh chuan sawi tur reng reng ka hrelo, biak a, hrilhfiah a, thla 5 atlin hun a DNA test ka duh thu te chu hrilh ka duh, mahse be tur in ka ngam tlatlo, kei mipa ngamloh tak tak pawh nei ngailo antih khan, he hmeichhia hi ka hlau in anat ka duhlo takzet, mahse ka tina tawh tih ka mit ngei hian ka hmu bawk si, restaurant atang a chhuah khan umzui ka duh, chupawh umzui turin kei hian ka tihnat belh mai mai ka ring em atin ni

Zodini ka be ngailo a, zanlam ah an in tlir erawh ka bansan theilo, Roberta phiangsen lah chuan Reubena laksak atum khanglang a, Car park na hmun a, ka car atang a chhuah rual a, a car chhung a atap khur dar dar chu inhum ruh tau in ka thlir, keihian ka ti na takzet ani, anun hremhmun ah ka vawihnihna atan ka thlen nawn tir ni maiin ka hria

Company atang Zodini i khalh chhuah rualin Robert-a Company building lam ka pan nghal, a sect milo biakna pawh ngaihsaklo in kawngkhar ka hawng thuai


Couch chung a thatchhe zet a thu awn duai chu ka phih tho lawp, thensak chuan, “nichinlam a kut minthlak kha ila duh tawklo ami,” elhsen na akhat a atih chuan ka hnek thaui, a kawr awm a tham tho leh lawpin, “Zodini te nufa hi ti buai tawh suh ka tih kha, Reubena hi lak hran itum anih chuan ka chhuah hauhlo angche, TENAWM PA,” chang zet a ti hrawk in ka hnek leh

A nui hak, a kamsir thi sung mai chu liak zauhin, “tenawm maw? A mawiloh lemloh chu, keiin Zodini nei chungin Deborahi nupui ah ka nei a, nangin Cathrine-i i fa i pai tir bawk a, Huhhhh... Pa hmun chu kanlo ni ngei e, ni lawm ni?” Hneh tu inti zet a, a kamsir thi chu a khawih zauh, ka hnek leh mailoh nan ka kut ka hum ruh

“Zodini te nufa hi kalsan angche,” sehchilh zet a ti hrawk chuan in her vut in kawngkhar lam ka pan

Ka hnung lam atangin, “Benjamin, Reuben-a hi ka fapa ani a, Zodini pawh ka nupui ani, ka nei let ngei bawk ang, nangnen hian Indo ngaipawh nise ka pawisa lo tih i hriat kha, nangni unau hian in unaupa ah min ngai ve ngailo hrim hrim ani lawm ni?” Ha pui thial rap rap a atih chuan kut hum ruh ngat ngat chuan ka pen chhuak, kawngkhar ka khar na bawk aniang a sect alo ip chawih chu ka hmu hman hram

Car a thu chuan steering ka chhum pawp pawp, ka beng ah Robert-a thusawi a ri nawn tluk tluk bawk, a sawidik chiah, keihi mitenawm tak ka ni, ka unaupa nen kan in angreng, engvang phiangsen a kha mihringnu kha mutpui khanglang nge maw ka nih hrep ni? Zodin’in rilru na tih hriat ngawih ngawih a, a mitmeng bial kalh atang mittui tling piau a min melhna kha ka mitthla ah a chan reng, insawifiah ka duh mahse insawifiah turin dikna ka nei tlatlo

Insawifiah pawh ni ila ani hmeichhe luhlul tak, atih tawh a tawlh hnung ngailo, a tihsual ah pawh lawmtak a mawhphur ngam, mualpho pawh huam, inchhir ngailo khan min ngaidam ngailo ang tih ka hria, kei mipa hian ka thil tihsual ngei chu pawmin mawh ka phur ngamlo zawk ani, Nilo ka pawmlo zawk ani.....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:04 pm

SUCCESS
By floria laldansangi
18

Muang changin inlam ah ka in khalh haw, inchhung ka luh rualin ka nu in mittui tlingpam in ka lam rawn pan chuan “itha em?” Ati sep, bu nghat nghat in “Khawnge Reubena?” Tih leh ka hawi kual nghal

“A room ah lehkha a zir anih kha, mate helam ah rawn thu phawt teh u,” ka pa in a rawn tih chuan ka nu nen thutkhawmna lam chu kan pan, ka nau pawh alo awm vang tawh, khawngaih hmelzet a min en chuan a nuisuk

“Engtin nge ka tih ang? Robert hian min laksak ta se,” ka sawi chhuah zawng pawh in ka thaw a chham dawn

“Chutiang engmah a thlenglo ang, naktuk mai ani bawk si a, vawikhatna ah hi chuan kan zo mailo ang, kum 7 liamta a Diktei video record kha ka phone hmasa ah khan a awm a, ka ti bo ta sia, Diktei kan zawn hmuh phawt angai ani,” ka nau in a rawn tih chuan kan bu nghat

“Champhai lam ah a awm thu ka hre tawh a, kan hnuai a thawk te leh ka thiante ho zawng tur in ka hrilh tawh a, rei an zawnglo ang,” a rawn tih zawm leh zat, tlem chuan ka thla amuang deuh mahse ka hlauh thawn na erawh a reh phah eihlo

“Reubena hi court ah kan hruai ve kher a tul angem?” Ka ti sep, diktak chuan inlan ve lo se ka ti takzet

“A inlan ngei angai ang,” aw thum bulin ka nau sir lam atang a rawn tih chuan ka melh vat

Ka nau sir a thu palian zet chu ka hmu ve chiah, ka luh tirh khan ka hmu lo reng reng

“Mate heihi u hlima anih hi, ani hian min pui ang, Diktei awmna pawh a zawn hmuh ania, amah pawh kan hmu harlo ang,” a ti sep

Bu nghat a chibai in, “i kut ah kan in nghat ania,” ka ti sep, hmuh tawhna ka nei in ka hre tlat mahse khawiah nge ka hre chhuak zolo


“Ka theihtawp ka chhuah dawn nia, lung ngai lutuk lo la,” aw thum bul a atih chuan ka bu nghat nghat

“Min hrethiam ula ka chau emai, Pa room ah ka luhsan angcheu,” ka tih chuan ka Pa in, “hahchawl rawh kha i dang vek alawm, engmah ngaihtuah ngut ngut lo la,” atih chuan bu nghatin ka nu melh zauh chuan ka thawhsan

Ka fapa room ka luh chuan lehkha anlo inzirtir, ka pan hnai, “mummy ilo haw tawh maw? Ka fel em lehkha ka zir a?” Nuisang a atih chuan bu nghatin, “fel lutuk mut i duh tawh em? Zanin chu mummy nen mudun leh ang hmiang?” Ka tih chuan za zet a nui in, “Mummy min ngai leh tawh nimaw?” Atih chuan nui hakin ka bu nghat


Room hran a nei ve tawh, a inti tlangval lutuk hi amah a mut a thlang fo, a changchuan keimah zawk hi a tel lo a ka mut theihloh avangin a room ah hian ka mut chang a tam, ka fapa tel lova mut hi harsa ka ti em ani

“Inti fai la kan mu dawn nia, naktuk chu school kal lovin khawi ah emaw kan kal angai a,” ka tih chuan thle ha a min en in, “hmun nuam deuh ami?” Atih chuan mui suk in, “ka hrelo le,” ka ti sep

Bathroom ah nui ver ver a atlan lut chu mittui tlingpam in ka en, “U zodin inti chak hram hram rawh aw,” hlute’in min lainat tih hriat tak arawn tih chuan bu nghatin, “ka lawm e,” ka ti sep
.
.
Ka fapa kuah chung chuan a chal ah ka fawp vang vang, “bawihte in exam zawh ah mummy nen hian hmun hla deuh ah kal ang hmiang,” ka tih chuan rawn dak chho ha a min melh chuan, “Mummy Sonia te awmna em ni?” Nui ver ver a atih chuan ka nui hak, Sonia hi a tet te atang enkawl tu a ni bawk a angai ve hle tih ka hria

“I ngai ami? Kan awm leh mai dawn ami?” A hnar a piai zauh a ka tih chuan bu nghat nghatin, “ka ngai alawm mahse mummy sonia te awmna a kan awm chuan Daddy in min zui ve thei dawn ami?” Ka khabe khawih niah niah pah a ati chuan ka mitthla ah Bena arawn lang nghal zat, ka thaw chhuak hak

“Mummy leh Aputea, Sonia leh Reubena ang khan, thian tamtak inei bawk a, Daddy chu hna ah a buai em em a, lo tel theilo ta se, pawi iti angem?” Melh zawk pah a ka tih chuan a ngawi vang vang, a hmel ah chuan Bena ka sawi tel velo chu a lungawi vaklo tih alang reng

Ka fapa muhil thaw ri sek sek chu ngaithla in ka mengkar, alo lian anga, loh theihloh in a Pa chungchang ka hrilh ala ngai ang, a pa emaw atih hi apatea ani tih ala hria anga, a pian chhuahdan loh theihloh in ka hrilh ala ngai bawk ang, engtin nge min ngaih ang, a pa diktak ka hrilhloh avang hian min dem viau angem?? Nge ni a Roberta hi a haw hle ang?? A pian na Pa uanuapa zawk kei hian ka thinlung zawng zawngin ka duh tih hriase min hua angem?

Engti khawp pawh in then hrang mahila, a pa anihna abo silo, in huat tir ka tum hauhlo mahse hriat tir pawh ka tum chuanglo, duhloh a hnawl kha kan ni miau a
.
.
.

Ka fapa T-shirt sen hak tir in ka en vang vang, ka nui suk, “mummy enge kan tih dawn a?” Arawn tih chuan ka lam a pawt hnaiin ka kuah vawng vawng, engthil pawh thleng dawnse ka fapa hi ka chan dawnlo hrim hrim

“Aputea hnathawhna ah mawle”, ka tih chuan maktih hmelzet in, “mahse a office ah bak a kal theih siloh a, Court ah chuan naupang an kal ngailo ati sia”, nurnang a atih chuan a hnar ah piai zauhin, “vawiin chu a theih hlauh a,” nui suk a ka tihnchuan khek raihin, “ka len hun ah Aputea ang hian misual te ka hrem thei anga tiraw?” Lawm tih hriat zet a khek raih raih pah a atih chuan ka bu nghat

Room atang kan chhuah rualin, “Apute i hnathawhna ah min hruai dawn tak tak ami?” Tih leh ka nau lam pan chuan atlan nghal, ka nau in pawm kang lawpin, “vawiin chu fel leh zual tur aw,” atih chuan uar zetin a bu nghat nghat, ka hlauthawng leh ka lungphu rang lutuk hi nuih luih ka tum ngial pawhin aharsa lam hret chu ani

“Kan kal dawn ami?” Ka nau in a rawn tih chuan ka bu nghat, car chhung kan thut luh leh kawng tluan in ka tawngtai ru mawlh mawlh bawk

“Gauhati High Court, Aizawl Bench,” tih inziak lian zet hma ah chuan ding in ka khur der der

“John, Diktei chu kan hmu tawh a, tukin khan Ani a boral a, zanin chuan a rawn kal theih hmel loh,” U hlim’a ka nau pui tu in a tih chuan ka nau in min rawn melh zawk

“Kan naute kha hrilhla kan din hmun, video kha ala neih chuan min rawn thawn rawhse,” atih chuan Uhlima chu a bu nghat, phone in tu emaw a be leh nghal

“Mate ka nu te an rawn thleng tep ang, lut tawh ila, hlauthawng suh,” atih chuan thaw la kawk in ka bu nghat, Court chhung kan lut, boruak hip tur ka tla chham mai dawn in ka hria, ka fapa chu nghet takin ka kai, kan thut a reilo ah ka sir ah ka nu a rawn thu, Judge leh midang pathum rawn inzui lut ah chuan kan ding thap, thei ngatila he hmun hi tlan chhiatsan vang vang ka duh


Darkar 1 dawn an in hnial tawh, Roberta te Ukil rawih chuan, “Zodinpuii, Sabrina ti a kan hriat tak hian kum 7 kal ta khan ka client Robert lalduhzuala nen fa nei in, a naupai chu hmarua ah hmangin sum tamtak alak ah a phut a, sum mai duh tawklo in Durtlang lam a Robert laldunzuala in dinglai pawh hi a dil nghe nghe ani, hetah hian a pawm tih a nem ngheh na a awm bawk e,” a rawn tih chuan a thusawi chuan min demg dawt dawt, keihian sum tamtak ka phut amaw? Chumai nilo in dinglai a??


“Ka hnial e..... Ka sawi tawh angin Zodinpuii leh Robert lalduhzuala te hi an lo in kawp ve tawh ngei tih ka pha hauhlo, nau a pai tih ahriat rualin nau titla tur a hrilh tu pawh Roberta tho ani, a tih tlak duhloh avangin Zodinpuii chu bumkual in nupui ah anei a, mahse tuman nupui anei tih an hrelo, a thukru a, chutihlai mekin tun a nupui Deborahi hi anei leh ta ani, kha lehkha a a kutzungpui a nemkai pawh tihluihna ani tih ka sawi tel bawk e,” ka nau in khauhzet atih chuan Roberta te Ukil chu a nui suk

“Tihluihna a hmang tih finfiahna in nei hauhlo,” hnehtu inti zet a arawn tih chuan ka nauin Uhlima amelh zauh, Uhlim’an phone la chhuakin Judge te thutna hnuai chiah a thu hmeichhe coat dum ha hneh ah chuan a pe nghal

“Khatah khan tihluihna hmang a nemkai tir ani tih alang ang, engtiklai mahin Zodinpuii hian a fapa hmang hian sum a dil ngailo ang bawkin, a pai lai pawhin a dil ngai heklo,” ka nau in atih leh chuan video chu an rawn play nghal, ka tap lai leh khawngaih ka dil lawm lawm lai te chu chiang tak ani

Kum 7, nilo Kum 8 ani zawk tawh angchu, ka nunhlui chu ka hma ah arawn lang zut zut, mintina duh tu leh ka thih hial duhtu te hma ah thingthi a khawngaih ka dilna te chuan ka kaw chhung a ti khur hlawk hlawk thei, ka biang a rawn lum thla pup, ka hrawk hnawh tu awm ang maiin ana nghal ut ut

“Khi video khi atak ngei ani tih fiahna ala awm chuang hauhlo Jonathan, kan case khelh mek a Zodinpuii hi i unaunu ani a, video siam chawp hmang pawhin i unaunu tan i ding thei tihlah ka sawi thei heklo, dan i hria anih chuan, i chhungkhat te tan an Ukil ang in court ah i dingtheilo tih i hria angchu maw?? I nihna hlih sak theih ini bawk tih nen?” A thle bak

“Khi video khi atak lo ni tehreng pawh nise engvanga kum 7, nilo kum 8 kan ti zawk dawn em niang? Chutiang thleng thleng kawl a engmah sawilo nge in nih?? Case file in indikna in hum thei ani lawm ni??? Mahse intilo, video khi tu lak nge tihlah infiah thei heklo,” ram hmak a Roberta te Ukil in a tih chuan ka thaw a chham mai dawn in ka hria

“Dan chu ka hre tehreng mai, ka nihan hlih huam a ding ka ni bawk e.... He video hi Roberta mi chhawr ngei in a kum 8 kalta a alak ani, tunah hian Ani boralna vangin amah a rawn kal theilo a, he video chungchang a case kan file loh chhan erawh engthil pawh thlengse naupang tan hian apa anihna abo lo a, an rawn tihbuai leh pawh kan rinloh vang ani, pawisa duh vang a naupai emaw, a fapa hi enkawl nise khang kum tamtak chhung khan engvangin nge a ngawih reng ang, Nilawm ni?” Rum zet a Roberta melh pahin, “nupui emaw naupang Pa nitur leh chuhbuai tur hian Zodini man leh mual emaw sawn man a pe hauhlo bawk, chuhpui theihna dan aneih hauhlo,” ka nau in ram hmak a a tih chhunzawm zat chuan zalo lutuk in Roberta te Ukil chu a nui suk

“Thuhre tu dang koh ka duh ani, he inpuhna leh video a alandan anihloh zia sawi tur hian Zodinpuii nutei ngei koh ka duh ani,” Judge lam hawi a atih chuan ka thungil nghal awt, ka nutei maw?? Engthil nge tihtur aneih?? Ani hian dawt a rawn sawi em lo angchu? Chu ka beiseina erawh a rawn luhrual a ahmel sawn thawkleh khat ah a vawmbo nghal nimai hian ka hria

Thudik chauh sawitur a aintiam hnu ah “Pi siami, he lehkha chungchang ah leh naupang hmang a sum tamtak phut chunchang a ithu hriat kha Court ah hian i sawi thei angem?” Ukil in a tih chuan a bu nghat, min rawn melh ralh, a hmel a minhmuhsit na chu alang reng, ka nau a melh leh, ka nau chuan alo melh run, ka nau bek a thlan fim luang ngiai ngiai leh pawng tawlh tawlh te, a khaberuh lianzet che ralh ralh chuan a thinrim insum zia alang ngawih ngawih

“Ka zawt nawn leh angche Pi siamthar, he lehkha chungchang leh, Zodinpuii nau pai chungchang i hriat ang ang min hrilh tur in ka duh che, thudik i sawi thei em?” Ukil in a tih nawn leh chuan ka nutei chu a rawn tap chhuak hawk, mahse kei hunrei tak chhung hre tawh tu hian saw alem chan saw ka hre chiang mah mah, a din na hmun atang sawn ka phih thlak sawkloh nan ka in sum nasa viau


(atawi tih ka hria🙈min hrethiam teh u, naktuk ka chawlh zan ani na, ka chawl lo mai ang, zanin chu heihi nitawp rih tehse, mi fel tak tak te u❤️)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)