SUCCESS BY Floria C Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: SUCCESS BY Floria C Laldansangi (Completed)

Unread post by Ngaia » September 2nd, 2018, 1:06 pm

SUCCESS
By floria laldansangi
25

Zing ka thawh rualin hman hmawh zetin ka insiam, ka nauin ka chhuak tur chu minlo ko, “Dr.Denny chu Delhi ah a awm anih chu, karleh khian hna vangin ka chhuk ang, hmuh ka tum bawk ang,” ka nauin a tih chuan ka bu nghat, “chuan Mate, i duhdan ani em ka hrelo na in, Reubena ruang phawrh leh hi enge i ngaihdan? Deborahi inpuan na ringawt ai chuan a taksa chhiat tak tak hma in kan endawn em ni?” A rawn tih chuan ka thaw kawk, diktak chuan chu chu ka ngaihtuah ve alawm, mahse ka fapa ruang hmu nawn leh tur hian ka inring tawk em ka hrelo ani, mawl leh dawihzep minti ani maithei, ka fapa ka thisen chu ruang vawihnih hmu tur chuan ka chak leh huaisen tawk in ka inhrelo ani

“Ka hrelo, kalo in ngaihtuah dawn nia,” ka tih chuan bu nghatin, “engmah ngaihtuah vak vak suh aw, court lam ah pawh tul awmchu ka ti zel ania,” ati leh sup, ka thenlui sak

Office lam ka pan nghal, ka thlen rualin hna ka thawk nghal mawlh mawlh, naktuk hi friday ani tawh, monday mai ah kan design thar pho chhuah nan AMC kan nei dawn, ka thluak hi chawl hman ani hauhlo, mahse in ka chhuahsan dawn a ka nau thusawi erawh ka beng sawiloh ka thinlung leh lungphu thlengin ati danglam, ngaihtuah duhlo mahila a cham reng, thaw ka la leh kawk kawk thin

Kawngkhar in kir ri karh karh ah chuan, “lo lut rawh,” ka ti liam puat, hawi chhuak lemlo in, “mami khawngaihin ka lunch chu minlo lam sak mai dawn em niang, ka chhuah loh hmel,” ka tih chuan aw rawn thian kharh kharh ri ka hriat rualin ka hawk chhuak nghal, “ahhh Roland ka beisei hauhlo che,” nui sang chuan ka ti chhuak, nui hak in, “i hmel ah alang reng alawm, hna chu tam mahse lunch erawh i skip hauh tur anilo, darkar chanve chauh hun kan hmang dawn em niang? Ilak ah ba ka nei tlat si a,” Hawihawm zet a atih chuan ka thaw hak, “a dik alawm minlo nghak lawk la,” ka ti ve mai, hepa hnen atang hian ka duh eng amaw ka hriat angai ani, ka hnar theih hauhlo bawk


Office atangin kan in zui chhuak, eng eng amaw min zawt luam bawk, Company building atang a hla vaklo ah chuan min luhpui, “i duh zawng ka hre hauhlo,” a rawn tih chuan nuisukin, “umm ka ril atam viau in ka hria chuvangin puar awlhna tham ka duh,” ka tih chuan nui hawk hawkin, “aw le ka hrethiam e,” tih leh order a siam nghal

“Chuan pasal nei ini lo tih ka hria a, kawppui lam te,” mit hmul kan ak a arawn tih chuan thensakin, “hun a uihawm viau in ka hria ngaihzawng neih tih vel hi, nangve nupui inei tawh em? Nge pathlawi, lengleh lam zawk?” Ka ti deuh kher

Thle bakin, “i hredik, pathlawi sexy em em,” atih chuan ka nui hak, “chuan inupui hlui chu a vanduai hle mai,” ka ti leh kauh, thensakin, “ka vanneih phah ah ka ngai, nangang nula chhelo leh talent neitha zet desinger lar ka hriat phah che a,” atih chuan nui sakin, “in inthen chhan zawt che ila apawi em?” Amit a melh kar chuan ka ti leh, ka hre chak viau tawh Cathrine-i pasal hlui ani miau a

“Umm fa kan neih theihloh vang ani ang chu, bakah hmangaihna a awmlo te pawh aniang,” ati ve mai, fa an neih theihloh chuan hepa hi a chi a hut anilo maw?

“Mahse chi nunglo hmel i pu hauhlo, a hma pawhin pasal sexy leh in fit tak ini awm si a,” fiamthu pah chuan ka ti leh sap

Nui hakin, “ohhh i sawidik chiah keini lo in ka nupui hlui zawk a kha a rai theilo, ka tihawmzia chu nau a pai theilo hrim hrim ka tihna anih chu,” a rawn tih chuan ka mengkawk, “enga?” Ka ti that, ka in thunun hmanlo, ka hresual zawk hial emawni ka ti

A kut a min zap pahin midang awmve chu a en kual, keipawh chu inbengdai in ka bul a tui inchhawp chu ka lem nghal kawlh kawlh, “a thawng hle che ani maw?” Nui sung a arawn tih chuan, “tehrengmai, ka tih awmzia chu, hmeichhe khawsa thei tak leh pangai tak nau han pai theihloh tawp chu,” ka ti niah niah, anih chuan engvangin nge Cathrine-i khan naupai angin a insawi ang, chuan kha Dr.Denny pawh khan, nau apai ka ringlo hrim hrim, amah leh amah intih nat aduh vangpawh in, naupai nise Benjamina zar buai nan hrim hrim a inti na hauhlo ang

Mahse nau alo pai theilo hrim hrim zawk maw?? Hreptak chuan!!!! Bum hmang satliah ani hauhlo, ahlauhawm, dawheh tak ani


“Eitur kha ei i tumlo nge i ngaihtuahna kha kawm ila duh rih?” Roland-an nuihza aw fe a arawn tih chuan ka harh zawk, “ohhh ka tihpalh,” ti sepin ka hma a ei tur chu ka ei ve nghal


Roland’a phone a rawn rik chuan, “minlo hrethiam lawk,” tih leh a pick-up nghal, “ka hrethiam e, 15mins hmu ah ka rawn thleng ang,” tih leh a dah nghal zat, min rawn melh zawkin, “pawi ka ti hle mai Sabrina, JK Comapany lam ah ka kal thut angai a, min hrethiam mai aniang chu,” inthlahrung tih hriat tak a atih chuan ka bu nghat, “a pawilo, keipawh hna ah ka let leh dawn alawm, lunch tui tak avanghian ka lawm lutuk ania,” tihzawm zat in ka ei nghal mawlh mawlh


“Anih Sabrina kan la inhmu leh dawn nia aw, a zialo hle mai,” tih leh din a rual, bu nghatin, “a pawilo ania,” ka ti sep, nuisak chuan kawngkhar lam pan in kan eiman vel a tifel nghal zat

Ka ei tur ka ei mawlh mawlh lai chuan tu emaw ka hma ah arawn thu tih ka hriat in muangchangin ka hawi chhuak, Deborahi mitmeng ling hlar leh Roberta nu ka hma chhawn ta ran mai

“Ithil ei kan tihbuai loh che ka beisei, Zodinpuii i video neih chu minpek angai in ka hria,” chang fal a Deborah-in a rawn tih chuan ka thensak, “chumi sawi tur chuan ka lunch eina ah in rawn kal vang vang a,” ka ti sep

“I fapa i chan chu tuarber ang in ilang a, mahse nuam ilo iti ber anih hi, mipa i kawp lehnghal maithei pawh hi i danglam na ani,” Roberta nu in ten hmelzet a min en pah a atih chuan ka nui hak, “ka fapa pa ni miahlo, a pa ang in ka puhlo tal ani lawm ni,” thinrim insum zet chuan ka ti chhuak, ka duhai ka tawngkam a chang mah mah


“Engthil maw i sawi?” A rawn ti that, “i beng a chhet anih loh chuan i hria angchu,” ti leh hmak chuan ka thut na atang tho in an thutna lam ah chuan tlemin ka awm hnai deuh, “kha LAWYER putar kha ka zawn hmuh vat ka inbeisei bawk,” ti sepin chair ah chuan ka thu let leh hnak, thinrim hmai sen tawn tawn in, “nang uicho nu i ka kha chip hmak angche, i fapa ang chiah a thih ve iduhloh chuan,” ti tuar chuan a hma a tui awm chuan ka hmai ah min theh that

Ka thaw kawk, ka bul a napkin thianghlim zet awm chuan ka hmai ka hru nghal, ngeiawm tawp a nui in ka mittui tla tur ka khap let sak sak, “ka nu kal teh ang, hetiang mihnuai hnung hmeichhia kan be reng anih chuan natna kan kailo ang tih tunge sawi thei,” Deborah-in hmuhsit fe a min tih chuan a ding chhuak nghal

Ka nui hak, ka bul a Avocado juice ka intur a ka chah, kala in hman hauhlo chu la kangin Roberta nu lam pan chuan a chhip atangin ka leih nghal, a rak in a per nghal dawt dawt, “nang sawn chhenu, engthil phiangsen nge itih hi?” Ti tuar tuar chuan a kawr hma te chu a thing fai nawk nawk, Deborah-in min rawn khawih a tum chu ka lo beng hmasa sawk, “Zodinpui,” a ti tuar, kan bul ah tute nge awm ka ngaihven hauhlo, phone in thla an la sap sap tihlah ka hai heklo

“Kha kha ka fapa, kum tlinglo sawiloh naupang kum 7 mi damdawi a in hrai vang anih kha, nilo, kha chu ala nep lutuk mah mah,” ka ti that, mitsen ram mai mitmeng ling phat a min melh pah chuan, “thih i duh te anihloh chuan kal bo rawh,” Deborah- in a ti that

Ka nui hak, “i hria em Deborah, mi beidawng te hi khawvel a mihlauhawm ber te an ni tih hi, a chhan chu maw keihian chan leh chuang tur ka neih tawhloh vang ani” a bengbul ah nuisuk chung a ka tih chuan a tha rawn khur nghal dar dar chu ka hrethei, ka aw thunun tum viau in ngeiawm tum viau mahila ka fapa an ka bawlhhlawh tak a anlam ve chhen hian ka inthunun na min hlauhtir zo thin

“I pasal ka ti dawn nge i pasal hlui leh i fapa kha veng tha angche, ka chung a itih angchiah khan amal te te in ka pe ve dawn che,” sehchilh zet chuan ka tih zawm zat, an hmel a zahna pakhatmah awmlo leh ramhuai angmai a an thinrim hmel hian ka thinrim na leh natna a chawk chhuak ani ber

“Ka pasal emaw ka fapa hi hnaih hauh suh Zodinpui, i nun hmasa lam aiin hremhmun vawi tamtak ana in ka tem tir duh angche, engtik ah mah ka pasal hi min chhuhsak ngailo ang,” thinrim aw khur dar dar chuan a ti chhuak

“I pasal hi chhuhsak ka tum reng reng lo che, nang hian i pasal hi i kut ngeiin min hlan zawk anih hmel, kha kha na iti em ni??? Kei chuan ka fapa ka rohlu, ka nun na, ka dam chhan khawngaihna nei miahlo a i thah tak kha, ana tuar lai leh ana tih a sawi lai kha ka mit ngei hian ka hmu a sin, Deborah nanghian min vo amaw?? I duh ineih theihnan engpawh iti thin tih i sawi tiraw?? keichuan ka duh ka neih nan leh ka duhloh thleng thleng a ka tih nan ka fapa hming chhal in ka neih phak sawiloh ithil neihsa hmang ngei hian ka ti chhe vek dawn che, ka hma ah hian thingthi in ka fapa thisen man kha i pe bawk ang,” thinrim taksa khur dar dar leh seh chilh zet in ka ti chhuak tuar

“Nang mihur nu engthil nge ka tih hi lo en angche,” ti leh hrawkin Roberta nu kai in an pen chhuak nghal hlawk hlawk, an kalsawn rualin ka kat nawk, ka tha a rawn khur ru dar dar, dawhkan hmer a mit chhing sawk a thaw la kawk kawk chuan ka thenlui sak, “engthil nge ka tih dawn lo en ve tawp rawh u,” ka rilru a ti mawlh mawlh chuan ka ding chhuak, thaw hakin ka kawr huh zet nen chuan ka office lam ka pan leh nghal

Ka kawr hak huhzet nen office ka luhrual in kawngkhar a rawn in nam hawng thuai, Cathrine-i te ho hian helai hmun hi an in amaw anti emaw ni? “I pa in ani lo tih hria la mipangai inih chuan kawngkhar kik na chang hria angche,” thinrimsa nen chang fal chuan ka lo ti hrawk

“Engthil in nge i ruahman na tenawm tak ah Roland-a hi hnuhluh tir che Zodinpui?” Cathrine-in a tih hrawk chuan za lo zetin ka nui hawk, “tu chungchang nge i sawi ka hrelo tlat mai, i duh i sawi zawh chuan chhuak rawh, i pasal company ani tih theihnghilh thakin ka che duh mai ang, nang nen a in hnial tur in tunah chuan ka chau mah mah ani, hna tamtak ka nei bawk,” ti san hmak chuan chair ah ka thu thla hnak

“Chiahhlawh in a pu chu anei thei dawn emni? Mibik ah i in ngai emni? I suangtuahna atang Khan harh chhuak rawh? Engtin nge i ngam zawk? Roland-a hi hnaih hauhsuh angche?” A ti leh tuar, ngeiawm zet a melh kual ralh pah chuan, “a pawi hle mai, ka duh duh ka hnaih thei tlat, chuan i pasal chiah ngaih ven angche, nge ni a i pasal hlui nen hian inla in hnimhnai mah mah zawk?” Nernawng chuan ka tih khum

A clutch ken a min rawn vawm thuai pah in, “ngawi chip cham rawh, nang angin bialpa te nupui neih tuk ah mipa ka chhuahpui ngai lo tlat, zodinpuii nanghian ka duhloh hnu hlir i chang tih i hria em? Ka duh hun ah ka nei let leh zel thin bawk,” hneh tu inti lutuk a hawi vah chuan a ti hrawk, ka thensak, min vawm fuh na ka awm chu a na zek leh nghal

“I pasal Benjamina chungchang i sawi anih chuan ka en chhin dawn em niang? I duh a ila let nge, ka duh a, ka la let thei zawk chu?” Cho zet a ka tih chuan a meng kalh nghal rak rak, ka nui hak, “hlauthawng suh, mipawmlai em ngaizawng turin ka fel mah mah, i chhuak tawh dawn em niang? Nge ni a i pasal duhtak ko in he hmun a rawn kal tir tawhlo tur che in ka hrilh dawn zawk, tu thu nge a awih zawk a irin?” A mitmeng thip ram a melh kalh pah a ka tih chuan a kut a hum ruh ngar, “lo nghak rawh he company atang hian mualpho takin ka pet chhuak angche,” ti hrawk in a in her nghal

“Cathrine i clutch ah hian thil pawimawh a awm hlauh ange,” ka tih chuan rawn in her in rum zet a min melh chuan ka dawhkan a a clutch ka dah chu a rawn la sawk, ka lo nuih khum hak, “min cho sual zia ka hmuh tir dawn che tih hrereng angche Zodinpui,” ti leh hram chuan kawngkhar lam apan nghal

Heng ho hian minti chau takzet, an hmel ka hmuh ringawt pawh hian ka chau hluah hluah, monday AMC hun tur ah hian an rinloh tak thil in a thawng dawn tihlah an hre tawp silo a


Office atangin hma tak ah ka haw, Lalremruata JK Company share holder zing a lianber chu ka biak angai tih ka hria, Mami’n address minpek lam chu ka pan nghal, Aizawl
khawpui chhung atang chuan a hla deuh hlek ani

An awmna lai vel ka thlen chuan ka hawi kual, in chhawng nalh tak ka hmuh chuan a bul hnai ah ka car chu ka hung rem, ka hma a in lian lutuk lo, mahse nalh tak ani, pawnlam ah chuan naupang infiamna leh pangpar thingkung a awm nual bawk, mihausa tak an ni tih a hriat ngawih ngawih, ummm Mami khan a sawi tak e, sumdawng hausa tak anih thu kha

Pawnlam gate chu remote hmang a hawn tur tih hriat takin a sir ah mihring luhna tur tawk a awm bawk, mahse chu pawh security code hmang a hawn theih tur a siam ani, an in hungna chu a him viau angle

Pawnlam atangin ka en kual, a sir a door bell awm chu ka hmet, reilo te ah tlem a upa lam hret hmeichhia hi rawn chhuakin, “puih theihna che ka nei em nula?” A rawn tih chuan bu nghatin, “Lalremruata tih hmingpu ka rawn zawng a,” ka tih chuan, “lo lut rawh mahse tun ah chuan amah a rawnla hawlo a, a nupui a awm,” tih leh mihring luhna atan a siam zawk kawngkhar ang reng deuh chu a rawn hawng, “ka lawm e,” ka ti sep

In chhung ka zui luh chuan a ropui dangdai takzet, engkim mai chu a thianghlim em em bawk, Mizoram ang ah chuan an insak dan chu a inhmeh lo hial zawk ani, ka tehkhin ber chu British hunlai vel ami kha ang ka ti, a changkang ru em em tawp

“Ti khan lo awm la, Pu ber nupui kan ko ange,” tih leh pensawn arual nghal, an inchhung awmdan chu ka en kual, sawi vak dan a awmlo analh ani tawp

Ka hnunglam atangin, “minlo nghak rei em? Ka fapa ka a muhil lawk duhlo alawm mawle,” rawn ti tu hmeichhe aw fiah nalh zet lam chu ka hawi nghal, ka meng deuh kawk, ani pawh chuan mak ati tih hriat tak in a meng awk, “e khai!!!! Zodini ini em?” A rawn tih chuan nui hakin, “U Terini ini tiraw?” Ka ti leh ve nghal, nui hak hak a min rawn pan a, min kuah chuan, “i danglam ta hle mai, ka hai lo chauh che lawm mawle,” nui chung chuan a ti leh sep

“Nangpawh i danglam tawh takzet, a hma ai i nalh leh zual alawm,” ka ti ve let ve var bawk, “tirawh pawn lam a dai deuh ang, nitlak dawn chuan a nuam zawk, in hmuhlohna a rei tawh si a, zanriah i ei ngei ngei angai ang,” atih zawm zat, min hruaina lam ah chuan kal in, thutna tur leh a hma a darthlalang dawhkan lian lutuk a awm bawk

“Hman ni ah i chanchin ka lo chhiar a, i fapa boral te pawh, rawn kal ka tum viau na in ka pa damloh ah Delhi kan chhuk ta daih sia,” min khawngaih hmel zet a atih chuan ka nuilui sak

“Eng maw i rawn ka chhan ber, ka ri ta hlut a?” Atih lai mekin gate rawnin hawng in Bolero dum fai nalh zet mai a rawn tlan lut, “kan pa a rawn haw chiah anih hi, amah zawk i hmu duh tak e,” atih zawm zat, Bolero atanga Uruata rawn chhuak chu kan lam a rawn pan ding nghal, a hma angchiahin a hmel ala nelawm teh chiamloh ani, a palian in a hmai vel a hmul to chuan ati lang nelawmloh leh zual, Benjamina nen a intiat viau angle

“Bawihi,” rawn ti nghut chuan an nu chu hmangaihna a khat mitmeng a melh vang vangin a hmui ah a rawn fawp zauh, kum 8 kalta a ka hmuh ai in tunah an in hmangaihna a zual zawk emaw tih tur ani

“Duhtak heihi ila hria em? Zodini kha, tleirawl te kha, aaa... A chanchin ka hrilh che kha,” atih chuan Uruata chu ka lam rawn hawiin a bu nghat, an nu bul a thu thla in a kawng ah a kut rawlh chuan a kuah nghal zat bawk, hmuh an nuam in a hahdamthlak hluah hluah

“Chuan biak che a duh a,” Uterini bawkin a ti leh sep, “Zodin i mamawh chu engmah sawi hresuh,” bung zet a Uruata’n a rawn tih chuan Uterini nui hakin, “hrethiam rawh atawngkam hi a bul ve thei hrim hrim a, keipawh a hma chuan ka hlau ania,” mit hmul kan ak a atih chuan ka nui hak

“Englo ania, sawi tawp ila, JK Company ah share ngah berin ni tih ka hria a, lei ka dil dawn cheu mawni ka ti, ka mamawh takzet,” ka tih chuan an pahnih chuan min en deuh kawk, “i mamawh chhan ka zawt thei che ngem?” Uruata’n a rawn tih chuan ka bu nghat, “thildang vak a awmlo JK hi a pum a neih ka duh,” ka ti sep, an hrethiamlo tih hriat takin an in en deuh ha

“Zodin engchiah nge tih i tum?” Uterini’n mak tih hmel zet a atih chuan ka thensak, “i chanchhin an sawi leh chhuah te ka lo hre nelnual a, a dik vek pawh ka ringlo, i duh chuan min hrilh thei reng ania, keichuan unaunu pianpui ka neilo a, a hma tang tawh in ka unaunu ang chiah in ka en che, chhan awmlo in iti dawnlo tih ka hria,” damdap a arawn tih zawm chuan ka en kar

“Sawi i hreh anih pawn ka tilui lo che,” a rawn tih leh chuan ka lu ka thing mat mat, “chutiang anilo,” ka ti sep, ka mitthla ah kum 8 hmalam a ka nun hman dan te leh tun hun ka thlen dan te chu a rawn lang zut zut, ka mittui rawn hnam tiam tiam chu khap let sak sak in, ka nun abul atangin ka fapa boral thleng chu ka sawi mial mial, a changin Uterini chu a in hnit leh hlap hlap thin, keipawh ka banglo, ka nunhlui hriat reng tlakloh te ka sawi ringawt pawhin ka awm ah hian min hnawh in ka thi mai dawn in ka hre thin

Uruata’n nghet takin a kuah, ka thusawi avanga tap ve nasa tih hriat takin, a mit a sen ram a, ka kut rawn vuan a hmer vang vangin, “i tuar nasa takzet ani, Zodin ka chhuang lutuk che, puih theihna che kan neih phawt chuan engpawh kan pui dawn che nia,” aw lawi rat a arawn tih chuan ka mittui hru hul in ka thensak, “ka lawm lutuk e, nangni inlo ni kher bawk nen,” ka ti ve sep

“Naktuk tlai dar 2 ah JK main building ah share holder meeting a awmdawn a, zanin ah share zawng zawng i hmingin ka lo dah ang, naktuk ah ka office ah min rawn hmu dawn nia, ti chuan naktuk atangin share nei tu angin i inlan thei ang,” Uruata’n a rawn tih chuan ka melh vat, “enge ka pek angche u, pawisa induh pawhin in duh zah zah in chhiar thei ania,” ka ti sep, Uterini’n, “enge maw i sawile, unau alawm kan nih, puih theihna che kanla neih chuan sawi hreh reng reng suh, chuan zanin chu hetah zanriah ei ve rawh,” nui sang a atih chuan ka nuihlet sak, bu nghatin, “ka hnial phal hauhlo ang,” ka ti let sap


Tun ah chuan JK Company ah share holder lianber ka ni tawh, a awmzia chu investor lianber ka ni, tun ah hian JK chuan financial lam ah harsatna an tawk tih pawh ka hria, chu chu hmanrua ah hmang in ka kut ah hian a awm ngei ngei tur ani......



(Note sei deuh hlek kan nei lawk ange🙈 story hi khawngaihin link nen zel min share/copy sak ula, chuan SUCCESS hi thiamlo chung chung a keima phuah chhuah tak tak ani a, whatsapp group ah midang ziah awmtawh thu vel sawi anlo awm ani awm a, thudiklo emaw a ziaktu hming hliau zawng chuan tawngkam neilo hram hram ang u, chapter 1 lek phuahtur pawn ka bei ve fe nia😂🙈 readers te ka zah cheu in ka ngaipawimawh ve em em che u a, nangni pawn khawngaihin ka ngen na te minzah sak ve tur in ka ngen che u ani❤️❤️❤️ka tan chuan ka VVIP te in ni, ka lawm vek e❤️😘)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:06 pm

SUCCESS
By floria laldansangi
26


In ka luhrualin ka nau in, “mate, heihi LAWYER pu Hlima awmna, Lunglei lam ah a awm a, tun a hmuh nge i duh a, midang en thlarih tur kan dah dawn?” Ka nau in a tih chuan ka thaw hak, “enthlak rih kha a pawilo, bakah Roberta nu in an chungchang ka hre tawh tih a hria a, an in hmu vat ang, engkim an che vel hrim hrim hriat ka duh,” ka tih chuan bu nghat in, “heihi court hnen a Reuben-a thih dan chhui zuina tur lehkha ka dil chhuah bakah kum 8 kalta a Deborahi te’n i chung a an thil tih leh ka nutei lakah case file na anih kha,” tih pahin envelope min rawn pe nghal, “ka lo en dawn nia, tianghi chu i kut ah ka dah ang,” ka ti sep

“Ihhh, tukin ka thusawi kha, Uhlima nen kan sawidun a, Mike pawh tiamin, fiahna thaber neihdawn chuan kan tih angaih hmel ka ti,” inthlahrung dek a arawn tih chuan ka mittui a rawn tla nghal zawih zawih, nileng mai a ka insumna chu a rawn baw hawk ani ber

Ka nau ka lam a rawn pen hnai in nghet takin min kuah, “ka fapa... Ka fapa kha vawihnih ngawt vui liam a, phum nawn tur a ka indah hian, ka helai hi hmun tin mai a sah sawk sawk angmai hian ana ani,” ka ti chhuak tuak

“Vawihnih.... Vawihnih ngawt chu ka phun nawn thei dawn em ni? Mihring ka nih ve tho hi, anu ka ni a, ka fapa ani bawk, engtin nge a ruang vawihnih ngawt ka hmuh theih angni, ka dam zo lul lo ang,” ka ti hawm hawm, nu a zawng a nu dawih tak chu ka va ni em? A ruang hi phawrh ila, fiahna tha tak ka nei thei ani lawm ni? Mahse he thinlung NU in FA a hmangaihna atang chuan vawihnih ngawt chu ka phun nawn theilo ani, enga tinge Pathian rorel hi a fair loh em em maile, AW LALPA ka chung ah zah ngaiin ka thinlung natna te hi minlak sak in, enge ka tihsual zo zai hi min hrilh theilo em ni????


Room ka luhrualin ka bag sofa a theh thla in khum ah ka bawk nghal thlawp, mit ka chhing vang vang, ka mittui bawk a rawn hnai leh kuar kuar, ka fapa thlapak chu la kang in ka en vang vang, ka mittui a far fep fep, “bawihte, min hua em? Nu dawih tak chu ka ni ani tiraw? I tan, i dikna hailan nan, i ruang hmuh nanw ka ngam lo ania, mahse maw.. He lai, ka thinlung hi kehsawm nawn leh tur chuan ka chak tawklo ani,” ti tuau chuan ka mittui a luang nghal zung zung, tun ah tak hian thlamuang tak a minkuah tu ka mamawh takzet ani, Benjamina.......

Ka mitthla ah Benjamina mitmeng a na tuar ang mai arawn lan kha ka hmu nghal, ka thaw kawk, “harh chhuak rawh Zodin, a duh a thlang alawm,” keimah leh keimah ka in hrilh, ka kaa hian sawi mahse ka thinlung hian chhan aneih a rinsak tlat thung chu ka haw takzet

Ka phone ka phawrh, contact list chu ka en thla dan dan, Benjamina number zawn ah ka tawp chat vawi tamtak call ka tum thin mahse ka huaisen na in a tlin thinlo, heng zawng zawng hi engvang a ti nge anih? Keini lo in engvangin Cathrine-i a thlan? Chung zawhna te chu hriat ka duh, mahse a chhan ka hriat erawhin minti na ang tih mawlh ka hlau bawksi, ka hre ngamlo ani mah mah zawk

“Enteh he video leh thlalak vel hi i en tawh em? A lar khawp mai, bakah mi tamtak ngaihdan in Deborahi thusawi hi Reubena boral na nen sawi zawm a hlawh tawp, i fapa that tu ani tiin,” ka sect in office ka thlen rual a alo tih chuan ka pe tawp chat in ka hawi let, “eng maw i sawi?” Ti ha chuan ka en kar, ka hma a phone rawn lek kang chuan nimin lam restaurant a Deborahi leh Roberta nu te nen kan inhnial buailai video te leh thlalak tamtak chu Facebook ah anlo post nasa


Mizoram MILAR TE CHANCHIN tih post na group bik ah te, World News leh Mizoram News group postna ah te ani nuk, “Thu thin thawk tak ani em? Mizoram company lian tak, JK company CEO nupui hian, a pasal hlui bialnu Designer Sabrina fapa hi damdawiin a hrai reng em? Video a alan dan chuan Robert Lalduhzuala nu leh anupui hian thah ah pawh an vo(vau) ni in alang, mit a hmu tu te sawidan in heihi case file se tiin an sawi nasa hle bawk, enge i ngaihdan le? Kum tamtak kalta khan ‘sawn pai’ tih leh mipawmlai ngaizawng ti a kan hriat hming chhe em em, tun a mahni ke a rawn ding ta hmeichhia hian thawnthu dangdai tak aneih i ring em le?” Ti in chiang takin a chuang kalh bawk

Ka thaw hak, “a pawilo,” ka ti sep, ni e, ka hmalak na pakhat ve tho ani, puipun na hmun a an thil tih ngei puan tir a, mipui tih phawk lek hi ka tum pakhat ani, reilo te ah a sex video pawh a chhuak ve vat ang, ka ngaihtuahna vang chuan ka nuisuk, ka office a ka luh rualin ka phone a rawn ri, “keimah,” ka tihrualin, “ka pi tun ah Robert chu i fapa thlan ah a awm mek,” ka mi chhawr, LALDUHZUAL enthla tur a ka tih in a rawn tih chuan ka ding dat, “i chiang amaw?” Ka tih leh hram, “tun ah hian thlanmual ah kan awm,” atih leh phone dahin ka chhuak nghal

“Mami meeting na ah ka ai lo awh mai rawh, vawiin ah chuan ka rawn let tawhlo ang,” tih leh lift lam ka pan nghal hlawk hlawk, lift ka luhrualin ka thaw hak, Lalduhzuala hmel ka hmuh hun a ka ben sawkloh nan ka in hrilh mawlh mawlh, ka hmanraw tha tak tur ani tih ka hria, lem ka chan thiam viau pawh angai, Deborahi ten Oscar Award dawng thei hial turin lem an chan thiam laiin engah nge ka thiamloh bik ang ni??

Thlanmual ka thlen chuan ka fapa thlan ka pan nghal, Roberta thlanlung ngheng a mit chhing chial ka hmuh chuan ka thaw hawk, pawh sawk a, kalve tawh ngailo tur a ka au khum nghek loh nan boruak ka hip vang vang, muang changin ka pan hnai, ka thawm hria ni ngei turin a rawn meng chhuak


Min hmu chu mak ati tih hriat takin a meng kawk, a ding nghal zat bawk, “ahhhh, mate.. Ka tih awmzia chu Zodin nang hetah maw, nilo, tun ang hun ah ka hmuh che ka inbeiselo a,” bah nawk a atih chuan ka melh zawk, ka fapa hming hmang tangkai a amah ka hnaih chu duhlo viau mahila kawngdang a awm rih tlatlo

Thlanlung kal hnaih chuan, Roberta hmel tla duk leh inthiamloh hmel zet melh zawk in thlanlung bawk ka melh leh vang vang, ka fapa thlanlung a mawitak mai a ahming in ker te chuan ka thin zawn hi an vit ngut ngut, a mawi pauh leh minti na emaw tih tur ani

“Hey.. Ka fapa tunlai chu ka rawn kal khat hle mai, chuan vawin ni chuan ka tiam tawh che ang in, Daddy tak tak inei tih ka hrilh tawh dawn che a, ka sir a ding hi i Daddy tak tak ani, ka bula i awmlai leh Daddy i duh thu i sawilai a, ka hrilh theihloh che avangin pawi ka ti,” mittui khap let sak sak chuan ka ti sep, Roberta lak a lem chan tum ni mahila ka thinlung zawng zawngin ka sawi thung, ka fapa in a Pa amamawh zia ka hre nawn uar uar, Roberta te ka huatna zual sauh bawk


“Zodin,” Roberta aw a maktihna akhat chuan a rawn ti sep, mitsen ramin ka melh zawk, “Bawihte hei hi i Daddy tak tak chu ani, ka hrilh vatloh che avangin min ngaidam dawn nia,” ka ti nawn leh sap

“Ka lawm e, chuan ka tihpalh ani Zodin, bul tan tha leh theiin hun te hi her danglam thei ni ila, nang leh ka fapa kha hreawm tamtak ka tuar tir hauhlo ang che u,” inthiamloh na khat a arawn tih chuan ka then sak, “hun her nawn thei ila chuan nanghi khawvel a ka hriat duhloh leh ka hmu nawn ngailoh tur ini,” ti a au khum nghek mai ka duh

Thlan bul a phul ah chuan thu thla in hma lam hla tak ka thlir vang vang, ka mitthla ah chiang takin ka fapa nui hmel kha a rawn lang, ka ngai takzet ani, ka bul a inthlahrun hmel tak a ding reng chu melh chho zawk in, “lo thu rawh, hun kal tawh chu hun kal tawh alawm, ka fapa pa inihna a bo chuang hleinem, a pa ini tih ka hrilh har erawh ka inthiam tawh ngailo ang, a pa diktak kha hriat a chak thei hle si a,” ka ti sep, Roberta bumnan ka hmang tak na in keimah ah ka fapa lak a inthiamlohna ka neih pawh ka sawi tel tho ani

Muang chang a ka bul a rawn thu thla in, “Zodin engtin nge ngaihdam ka dil angche tih pawh ka hrelo, ngaihdam tlak lah ka ni heklo, ka fapa tan Pa nih ka tlinloh zia pawh ka hre bawk, mahse ahunlai kha chuan engkim kha nang leh ka fapa him nan tih ka tum mai chauh ani,” a rawn tih chuan alam ka hawi, a mit ah chuan inchhirna leh lunglen na nasa tak ka hmu, a insawifiah na chu enge tih leh a chhuanlam chu enge anih ka hre chak hauhlo, mahse ngaidam ang tak a ka lan angai thung

Ka kut hum ruh tau chuan ka nuilui sak, “ka hrethiam che alawm, sawita daih ila, in nu nen inthen intum tih ka lo hria a,” misawi hre chawp angmai in ka sawi liam puat, a nuiri suk, “a dik alawm, mahse ka company ah share tam zawk mindil bakah sum tamtak a phut bawk a,” a aw ri ah chuan thinrim na alang tel, “thian tal kan ni leh thei angem?” A rawn tih zawm zat chuan alam ka hawi vat, ka rinai min ring hma, inthlahrun hmel zetin a thensak, “i duhloh chuan ka ti lui lo che ania, i thian ni tlak pawh ka nilo tih ka hre tho a,” atih leh chuan ka nui hak, zat erawh za lo tak ani


“Tehreng mai, chuan i fapa engtin nge a awm?” Ka tih leh chuan min en vang vangin, “Deborahi bul ah a awm, naupang chu hmeichhe bul ah awmse athaber lawm ni?” Atih chuan ka lu ka lo thing mat mat, “nilo e, Deborahi hian afapa ahmangaihlo ka ti miahlo, hman ni khan mipa pakhat nen Hote atang a an rawn chhuak ka hmu a, an rui deuh in ka hria, ka sawi tum tak chu tu nu leh pa pawh in ka fate hmakhua ah athaber kan ngai tlang thin, chutiang bawk in i fapa pawh, anu rui reng a hmuh chuan anun ah nghawng aneih mai ka hlauhpui che, engtiang pawhin kan nunhlui chu nangni lo chhe mahse ka fapa tan chuan aunaupa ang ala nih avangin, ka lo ngaihtuah mai mai ani,” ka ti leh zat


Ka thusawi chu min pawmpui zetin a bu nghat nghat, kalo thensak, eng ang chiah a fa te nen a thenhran hreawm zia nge anih hriat tir ve hrim hrim ka duh ani, “i sawidik chiah, naktuk hian ka lawyer ka bia anga, engti kawng pawh in ka fapa neih chhun hi chu chan ka tum tawhlo, Deborahi hian a hmu peh tawhlo ngailo ang, chuan ka lawm e Zodin,” a rawn tih chuan nuih let var var in, “thian kan nih tawh kha, e takin, i company ah share ka lei a, Remruata share kha ania,” ka tih chuan a meng kawk, ka nuisuk, “i fiamthu em, ani chu ka company a share nei tamber a sin, chuan itih awmzia chu ka company share holder lianber ini ve tihna maw?” Arawn ti chuan ka lo bu nghat nghat

“Kan thawh dun theih ka beisei ania,” ka tih chuan bu nghat a nui hawk in, “a that hlauh chu a, Durltang ah khan Reubena tan in ka leisak a, engtik ah nge i hnen ah ka pek ang tih ka ngaihtuah thin, tun hi a hun tak ni in ka hria, i nutei kha Deborah-in aluah tir a, i duh chuan i kut ah ka dah thei ania, i pawm dawnlo tih ka hria, mahse ka fapa lak a ka thupha chawina ah i ngaih hram ka beisei,” thutak zet a arawn tih chuan hnial ka tum zet a, mahse ka nute’in aluah tih ka hriat tak ah chuan ka bu nghat

“Dar 2 hian share holder meeting a awm in ka hria kan kal dawn emni?” Ka tih chuan a thensak, “meeting na ah kan inhmuh ngeidawn chu,” nuisang in arawn ti ve bawk, a hmel en chuan thawveng ta hawk te pawh a ang, mahse a ip pik telh telh dawn tih ahre tawp silo a

Office a let tawhlo in Uruata iffice lam ka pan, ka tlen chuan nuisang in a sect in milo chhawn vat, “a lo nghal reng tawh che ani,” tih leh kawngkhar nalhzet leh hnum hlarh chu min hawnsak nghal, lawmthu hrilh rualin ka pen lut, “ka lo nghak reng tawh che a,” tih pah chuan a thensak, a hmel tak run zel mahse mi rilru tha tak ani, “ka lawm e, engtia lawmthu han sawi tur nge pawh ka hrelo Uruat,” a hma a thu thla pah a ka tih chuan a nuisuk, “ka nupui sawi ang khan kan en hranglo che ania, mamawh ineih phawt chuan min hrilh hreh hauh suh, heihi i mamawh tur,” tih leh envelope min rawn pe, bu nghatin, “ka hrethiam e, ka tlai dawnin ka hria, hun ka neih ve leh Uterini ka rawn tlawh dawn nia,” tih leh din ka rual, bu nghatin, “alo beisei khawp angche,” ati ve zat, nui sen sen chuan ka chhuahsan

JK Company lam ka pan nghal, Meeting room lam ka oan nghal zat, kawngkhar ka hawn dawn chuan thaw kan la vang vang, muangchang a kawngkhar hawngin ka own lut, minlo en thap, keimah chiah min nghak tih hriat takin k thutna tur chiah a awl bawk

“Engthil nge he tah i rawn tih?” Deborah’in lawm lo tih hriat ngawih ngawih a arawn tih chuan ka chhan hma in, “kan company share holder zing a 30% nei tu thar Sabrina ani e,” Roberta sect in alo tih chuan a mengphar awn, “chu chu thil theihloh tawp anih chu?” Ati that, nui sak in ahma ah tak chuan ka thu thla nghal


“Helai hmun hi i infiamna amaw iti em ni? Chhuak rawh,” atih leh hrawk chuan Robert’an dawhkan a beng ri thuai, “Deborah nangai share aneih tam bakah helai hi inhauhna tur anilo, tun ah kan Company leh Mukesh Company inzawmna siamna tur chung chang ani sawi kan tum, i awmtheilo anih chuan chhuak angche, Muana tan rawh,” ati nghal zat, Deborahi hmel chu thinrim hmaisen tawn tawn in a hmui a chip hmak


Meeting chhung zawng chuan Deborahi chu vawikhat pawh a tawng leh tawhlo, rum lutuk a min melh ngur tihloh chu, meeting kan zo, an chhuak dam dam

“Engrua hman na tenawm nge i siam leh tak, kan company a share te rawn neih duh hialna tham chu?” Ngeiawm lutuk a Deborah-in a rawn tih chuan ka thutna atang a tho chhuak in ka dar ka san ak, “tum ka nei hauhlo,” ngai pawimawhlo zet a ti chuan ka nuihsak


“I...” atih laiin, “Deborah atawk, Zodin kha heihi, durtlang a in chu i hmingin ka dah ka tih kha,” tih leh paper min rawn pe nghal, Deborahi chu a meng phar awk, “engthil maw i sawi Robert?” Ati that, “durtlang a in khi he hmeichhe bul ah i pe tih sawi hauh suh, ka fapa in ani,” atih zawm zat

“Ka fapa Reubena in ani, ka hriat hauhloh in midang i luah tir a, tun ah chuan aneitu diktak hnen ah a awm tawh ang, ka fapa Rinhlua erawh kan chen mekna in hi ata ani thu,” ram hmak a Robert-an a tih chuan rum lutuk in min rawn melh, “fapa pakhat chiah inei LALDUHZUAL,” ati that, amitmeng chu min sawisak hrep chak ang mai ani

“Atawk Deborah, hei hi thu tawp ani,” Robert-an atih leh chuan nuisak in, “ka kal hmasa mai a nge,” Deborahi chu melh zawk kn ka then khum sak

Kawngkhar lam ka pan rualin ka hnunglam atangin, “Zodinpui nang hian i kuangli tur inawr ani,” ti hrawk a kalam rawn pan hnai a kanhriat avangin ka in her, Robert-an alo kuahbet hman, “min thlah rawh Lalduhzual, nanghian Zodini itih ang mai mai a ka hriatloh lai a nupui midang kawl itum anih chuan ka that duh hial angche, nang mihur nu pawh kha ka that dawn che,” a au in a au, Roberta ban chuna chum sawk sawk bawk

“Kal rawh Zodin kalo buaipui ang,” ati sep, amitmeng ah chuan inthiamlohna ni awm tak ka hmu, ka bu nghat, “ding nghal rawh, ding rawh ka tih chu zodinpui, nangnen hian thi dun law law ang,” a rawn la ri tuar tuar, kawngkhar ka pelh rualin ka thaw hak, nutling, puitling than kin tawh, fa nei tawh bawk, engtik lai mai pawh a kut thawh reng mai, heng ho hian ‘kut thawh’ hri an vei ani hrim hrim


(Zodini ngaihdan hi enge in hriat thiampui em? A fapa vawihnih na atan phum nawn tur chuan😞nu kala nilo a ka hrethiam chiahlo❤️❤️😍ngaihdan a sawi theih aw??)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:07 pm

SUCCESS
By floria laldansangi
27

JK company building atang a ka chhuah chuan sana ka en, dar 4 a pel thuak, kan meeting rei hle mai, office a let nan a tlai deuh tawh avangin durtlang lam a Roberta in minpek lam chu pan ka tum, Uhlima ka call nghal, “Uhlim i naute minpui tur in pathum vel ka mamawh tlat mai a,” a pick-up rual a ka tih chuan makti tih hriat takin, “enga tan nge? Itha maw? Buaina i tawk em ni?” A rawn tih chuan ka nui hak, “nilo e, eng amaw tih tir ka duh lawk a,” ka tih chuan a thaw hak, “aw le, tun ah khawnge i awm?” Arawn tih leh chuan ka awmna ka sawi nghal, 15mins hnu vel a an rawn thlen tur thu a sawi chuan phone ka dah


Ka nau ka call ve nghal, ka awmna sawi in min rawn hmu tur a ka tih chuan a aw ve mai, rei pawh nghah ngailo in Uhlima naute leh ka nau an rawn thleng, “enge ni a mate diklo a awm em ni?” Atih chuan ka lu ka thing mat mat, “ka nutei te inluah khi ka ta ani tawh, enge ka tih entir tur che in ka ko che anih hi,” thensak a ka tih chuan mak tih hmel zetin min en

“Enge i sawi awmzia?” Ati haw, ka thensak, “kala hrilh dawn che nia, tun ah chuan ka hnung ah min rawn zui ula,” tih leh ka car ah ka thu lut nghal, tlan chhuakin an ni pawh chuan min rawn zui ve mai

Durtlang a Roberta in minpek kawt ah chuan ka ding dat, car atang a chhuakin in chu ka thlir vang vang, in lian ve tak leh nalh tak ani, he in hi ka it in ka duh reng reng lo, ka nutei te nufa in an luah tih ka hriat khan kum 8 kalta a min hnawh chhuah ang chiah a tihve ka duh vang zawk mai ani


“Mate,” ka nau in ka hnunglam atang a arawn tih chuan ka hawi let, ka nuisuk, door-bell ka hmeh a reilo ah kawngkhar a rawn in hawng, ka nutei’n mak tih hmel zetin, “enge in rawn tih dawn?” Minlawm teh chiamlo tih a aw chhuak atangin ahriat reng

Engmah sawi lo in kawngkhar chu a vawn na tangin ka nam hawng thuai, a kat nawk, “engthil teh hrep nge i rawn tih hi Zodinpui,” ati that, alam pawh hawi lem lo in inchhung in cheidan vel chu ka thlir kual, muangchang a alam hawi letin, ka nui suk, “ka zawhna che i hrelo em ni?” Ati leh that

Ka dar ka san ak, “inchhung bungrua zawng zawng hi pawn ah theh chhuak vek rawh u, engmah hmaih (hmeih😁khawi ng?) leh chuang bang a awm tur anilo.... Engmah,” fiah fak a ti in Uhlima naute chu ka melh nghal

“Engmaw i sawi? Ka inchhung atang hian chhuak nghal rawh u, police ka koh hma in,” ka nutei’n a tih tuar chuan ka nui hak, “he in leh a hmun hi ka ta ani, chuan in hi luah tur in ka ti hauhlo che u, anei tu phal na lo a, mi inchhung a luh chu dan kalh ani bawk,” nernawk pah a ka tih chuan a rawn nui chhuak hawk, “i a tawh anih hi, he in hi ka hming a dah ani tawh,” min cho zet a atih chuan ka bag a LSC lehkha chu phawr in a hma ah tak ka pharh


“Ti khan itih sual i hre tawh em?? Ahhhhh i sawi kha ila hriat reng ka ring ka nute.. Ka tih awmzia chu Pi siam, court ah nangmah ngeiin he in hi ka hming a a awm thu i sawi kha, ni lawm ni?” Alam a pen hnai chuan chiang zet a khafak in ka ti chhuak

“Nang hian engthil maw i sawi? Nanghian min pet chhuak ang maw?” A au in a au, pawisa lo zetin, “tun ah thawmhnaw leh bungrua zawng zawng vawm chhuak vek rawh u,”ka ti tuar, inchunglam atangin, “engthil nge thleng,” mipa aw in a rawh tih chuan kan hawi vat, ka meng deuh kawk, he mihringpa ngei hi ani Robert lalduhzuala hringtupa chu, mahse ka nutei te nen hian enge inzawmna an neih??? Ka nau khan lunglei lam ah a awm ati si a

Mak ka tih angchiahin ani pawn min hmu chu mak ati tih hriat takin ameng deuh kawk, ka nuilui hak, ka thinrim lutuk vang ani mah zawk, “Ohhh ka hmuh tumloh tawp ka hmu nge ni a, ka hriatloh thil ka hriat belh tihna zawk?” Ngeiawm lutuk chuan ka ti chhuak, “nang hmeichhe naupang hi zirtirna kan la pe tha tawklo che anih ka ring,” ka nutei din na lam pan pah a atih chuan ka dar ka san ak

“Naupang ni tawhlo e ka pu, ohhh i fapa hian apa diktak hi a hre reng reng em? Ka sawi hmaih theih miahlo nang leh pi siamthari inkar hi Roberta nu hian ahria angem?” Amit ah tak en chung a ka tih chuan a mitmu a tal nghal rak rak

“Ngawi hmak rawh,” a rawn ti that, “hun kan khawh ral, kan tih tur ti vat teh ang u,” ka nau in rawn ti nghut chuan envelope ka nutei kut ah a hmeh bel nawk nawk

“Heihi engthil nge ni leh ta?” Arawn tih chuan, “court a dawt i sawi vang a case file na anih kha, court thu chhuak in, court a inlan hun tur an rawn hrilh vat angche, ka ngaidam lo angche ka tih kha,” ka nau in chang fak a atih chuan ka nutei chu a thawk lak buai tih hriat takin a meng phar awn awn

“Nangni hian min vau tihna em ni? Engthil nge ka tih theih tih chu in hriat kha Zodinpui,” chang zet a Pu hminga’n a rawn tih chuan ka nau chu a thensak, “nangpawh Pu hming Benjamina nu thihna chungchang ah Benjamin-an court lehkha a rawn pek vat che ka ring ani,” ka nau chuan a ti ram leh hmak, chu kher kher chuan min thawng takzet, Ben-a nu thihna ah hepa hi a inhnam hnawih amaw?? Sual engzah fakau (fako🙊khawi nge) nge an kut bawlhhlawh tak hian an tih angle????

“Engthil phiangsen nge i sawi ka hrelo?” Alo ti hrawk, mahse a aw chhuak ah chuan a zam hle tih alang reng

“Naupang in hmuhsih em em, fahrah intih te kha kan ni tawhlo, enge ka sawi kha, ka unaunu chung a kut lek apiang chu ka chhuahlo angcheu ka tih kha,” ka nau in ha pui thial rap rap chung a melh hrawk a atih chuan ka nutei chu a meng buai nak nak

“Kalteh ang duat a, ruahman na tenawm tak siamna hun i siam teh ang,” nernawk a tih pah chuan ka nau chu ka melh zawk, “darkar chanve hnu ah he in hi a ruak ngei ngei tur ani, inthhil tih chu a mal te te in angai ngai in indawng let ve ang,” hriam hrak a ti pah chuan kawngkhar lam ka pan nghal

Ka hnunglam a ka nutei in hrosa leh rak tuar tuar chu hawi let tawhlo in ka then sak, pawn kan chhuah rualin ka nau chu ka melh nghal, “ohh ti khan min melh lo teh mate, Benjamin-an min rawn bia a, anu thihna chungchang a chhui duh thu, dan ang a hremna a pek duh thu a sawi a, kalo pui mai ani,” engmah ka sawi hma hma chuan alo ti nghal zat zat, ka thaw hak, “engtiang a tam chiah nge thil sual an tih angle?” Ka ti sep, Benjamina chu ka lainat takzet, naupang te anih laiin anu a chan a, tun ah anu thihna lah thah anih thu a hre leh zel tur nen, ka lainat takzet......


XX (Misual ho ti mai ang aw)

“Hengthil tawp mai tawh tur, buaina tamtak siam leh in, kha naupang pawisawilo kha that lo la chuan buaina hi a rehh tawh ngei ang Deborah, i lu a thluak tlem te kha lo hmang la ni tur,” thinrim zet chuan Roberta nu chhuan a monu duatlai chu a vin hrawk, a hma ah chanchinbu leh phone chu a theh thla thuai bawk, “mi zawng zawng hmuhlaiin nang hian en nawm i chhuah a, kha drugs addict kha hmutawhlo tur in ka hrilh bawk che,” atih zawm zat

A hma a chanchinbu, restaurant a Zodini te nen an inhnialna thlalak intar kuau chu la kang a en in a nernawk. “Hengthil ah hian mawh min phurh tir tum hauh suh ka nu, ka ruahman na ang khan kum 8 hmalam ah khan kalni la heng hun hi kan thlenglo ang, i fapa laktlak loh lutuk lak a i thutiam chhe te avangin Zodinpuii i that duhlo, buaina chu kha hun ah khan a intan tawh,” a pasal nu ahma a thinrim tak a ding chu melh let hrawk in alo ti ram ve hmak

“Kha naupang pawisawilo chung chang kha ani ka sawi, ka kut ah dah rawh ka ti che ani lawm ni? Tun ah enge buaina i siam chhuah hi, chanchinbu mi leh mipui zawng zawng mit chu kan chung ah a fu tih i hria em? Nanglah kha drugs addict chhe zawr zet nen khan nuam inlo chen vel a, tenawm lutuk.” Alo ti leh tuar

Deborahi chu a thin a sa ve phat, a thutna atang a ding chhuakin, “kha naupang kha pawisawilo ti teivet suh, chuan drugs addict itih kha i fapa ai chuan alaktlak zawk, a hming chu Dika ani bawk,” ati let hrawk, “kha naupang kha zodinpuii thisen anih vang hrim hrim in ka pawi a sawi sa tawh, piang miahlo tur alo piang mai ani, nilo a thih hun tur ai tlai ah a thi mah mah zawk anih kha, chupawh nangmah phiangsen vang hian, heng zawng zawng bul intan na chu nang hi ini ka nu, Roberta khan keini lo in Zodinpuii bak nupui ah a duhlo tih nang leh kei hian kan hre chiang ani lawmni???? I fapa hnen a kei min neihloh chuan Zodinpuii thah a vau bet tu chu nang bawk hi ini, engkim i kut a dah a, i chinfel tur thu min hrilh ani lawm ni? Mahse enge thleng hi, kha naupang pian hma pawh a that theilo chuan engtin nge i chinfel ang ni?” Deborahi chu a au in a au tuar tuar

“Ka rinai i nasa ani Deborah, kalo thlang che hi ka ti sual tih ka hre chiah bawk,” Roberta nu chuan a ti let ve tuar, “heng zawng zawng mintih tir tu chu nanghi ini ka ti lo em ni? Benjamina nu i that a, Roberta a pa diktak hrelo tur in dawt hlang i fah bawk, nang ang em em chuan nasa lo e,” rapawm lutuk chuan Roberta nu chu a nuih zui nghal zat

“Kei nen a indo iduhloh chuan ka thu ang in kal mairawh ka nu, kha i bialpa laktlak loh lutuk leh i fapa pa kha ka hriatloh ring hauh suh, tun ah pawh hian lunglei ah a awm emaw itih ka ring, ka sawi dik em? Mahse ani erawh nangnilo hmeichhia chupawh kha ramhuai Zodinpuii nutei nen Sailo Hotel ah nuam an chen dun mek maithei asin,” hriam hrak chuan a tih chhun zawm zat


“Enge i sawi awmzia?” Roberta nu chuan seh chil zet in alo zawt vat, Deborahi chu nui hakin sofa hnung ngheng ar ar chung chuan, “i bialpa laktlakloh lutuk hian ka ruahman na te a ti chhe zo tel tih i hria em?? I khum atangin hmeichhe dang a pan lo ang tih ka sawi thei heklo.... A pa ang mai a tangkaina neilo i fapa lah in kha zawng zodini hnen ah Durtlang a in kha a pe hmak bawk, ti chuan enge thleng zel tur chu kha i lu bur a thluak, Benjamina nu uire a chhuah nan a i thluak tlem te kha i hmang anih chuan enge thleng i hriat thiam ka ring,” ati ram leh hmak

“I ka bawlhhlawh tak khan Hminga chungchang sawi hauh suh.”

“Engvangin nge ka thusawi te hi thudik ani em tih nangmah ngeiin Sailo Hotel ah chuan kalin i va fiahlo ang, mawl, mawl teh suh ka nu, nang leh kei chiah hi lawng pakhat a chuang kan ni, chuvangin kei min inhnial pui chiamlo hian Zodinpuii ruahman na kan hriat angai tih i hre thiam em,” thaw hak chuan ati leh

“Dawt min hrilh anih chuan Deborah ka that duh hial angche tih i hriat kha,” tih rualin kawngkhar pan chuan a chhuak nghal, na zet in a khar thuai bawk

Pawn a driver lo ding hnen ah Sailo Hotel rang tak a pan tur in thu a pe nghal zat, kawnglak ah pawh driver chu lakthlak loh anih thu leh hmanhmawh tur in thu a pe tuar tuar, a fapa pa, a mipa kawp lai chu hmeichhe dang nen an lo in tawm reng em tih fiahtur in Sailo Hotel chu pan ani, a monu duatlai thusawi kha fiah tur in a pan nghal dawr dawr

Sailo Hotel a thlen rualin rang takin Car atang chuan a chhuk, hmanhmawh zetin Hotel recipetion lam pan chuan, “he hotel ah hian Siamthari emaw Hmingthana tih hmingpu a room book an awm em?” A aw pawh a khur ru der der, engvang nge ni ang? A fapa pa chu a pasal A&J company neitu aiin a hmangaih in chan ahlau zawk em ni?

“Ka pi a awm e, Room no...” nula chuan nuisang a sawi rualin room lam pan tur chuan lift lam apan nghal, lift anghah chhung pawh chu rei tiin a phun in a insawh deuh nghawng nghawng, an chhia a chhak chhuak deuh chhen bawk

Lift a rawn in hawn chuan a lut nghal, a kut te chu a thlan dap, a chhuah rualin room no chu zawngin a kal, nula in room a sawi no zawn a thlen chuan kawmgkhar a chum dawt dawt, kawngkhar a chumlai reng pawh chuan a rilru in a fapa pa Hminga chu a rin ang aniloh nan a tawngtai ru mawlh mawlh

Kawngkhar a rawn in hawn rualin a meng kawk, Deborahi thusawi kha thudik ani tih a hnung a kawr engtham mah inbel lo hmeichhia a hmuh rualin a hre nghal zat bawk

Hminga leh Zodini nutei hmel ah chuan Roberta nu an hmu chu mak anti hle tih ahriat ngawih ngawih, a hma a ding mipa a fapa pa chu na tak a nam sawn in a hnung a hmeichhia, kawr ha mumal lo sam ah chuan a phih nghal sawk, “nang mihur nu ka mipa te ilo mutpui ngam amaw?” Ti tuar chuan a beng sawk bawk

A hnunglam atangin ban tha chaktak a rawn kuah bet chuan a pawt sawn dawrh, “duhtawk rawh mawii,” ati that, “keihi minbum in he hmeichhe hnuaihnung lutuk hi nuam i chen pui a maw? Itan leh i fapa tan ka nun ka hlan lai in nangin ka hnunglam ah min bum khanglang a,” a au in a au

Siamthari pawh chuan hmeichhe hnuai hnung tih chu alo duh bik thaklo, “hmeichhe hnuai hnung minti khanglang suh, nangchuan i fapa pa pawh sawi ngamlo in sum vangin i kalsan a, keichuan a hreawmna te kalo chhawk asin,” alo ti ve hrawk

“I ka kha chip hmak rawh, he hmun a thih te i duh anihloh chuan,” Roberta nu in a ti leh tuar chuan, “a tawk mawii ka kham tawh takzet ani, engkim hi ithu ang in kalpui i tum a, i duh i sawi a, keiin i hna tenawm tak chu ka lo thawk zel a, siami bul ah hi chuan mipa tak tak ka ni thin,” alo ti hrawk

“Engmaw i saw?? Itan leh i fapa tan heng zawng zawng ka tih hnu ah hian min kham thu i sawi amaw? Hmingthan chiang takin ngaithtla rawh, nanghian anih kha ka naupai lai chu Zirsanga (Benjamina pa) fa ang a lan tir tur a minti tu chu, nanghian i lehkhazir i chhunzawmduh vangin mi nupa inkar mintih chhiat tir a, A&J company i kut a dah tur in min hrilh bawk, JK company i fapa tan ka din bawk a, min kham thu i sawi amaw, mipa tak tak ini ngai reng reng em ni?” A hma ah chuan au in a au, a thinrim zia chu a hmai sen awp awp leh mit sen ram ah chuan alang hluah hluah, tualthah hreh na pawh aneilo tih alang reng bawk

“Ka hria, ka hre teh meuh mai, chu vang ani lawmni nupui neilo a itan engtik lai pawh in i buaina siam ka lo then fai zel ni, chu chu ka kham takzet ani,” Hminga pawh chuan alo ti ve leh hrawk, “chuan engthil nge tih i tum? Nanghi i him i ring em ni? Chuan nang mihur nu pawh, ka thu a kawi a ngil a inzawmlo anih chuan kha naupang Zodinpuii khan a kut ngeiin in lu an tan ngei ang,” ti ram hmak chuan room chu chaktak in a chhuahsan, Hminga leh Siamthari chu an in melh an thaw dun hak, engkim mai chu abuai in, bul an tan na diklo tak avangin an nun mai nilo an fate te nun leh an tu te nun thleng in atuar tih an hre dawn chauh ani

Mahni thawh rah chu kan seng ngam tur ani tih hi an hre chhuak ve angem????

BENJAMIN...POV

Zantin zodini room zawn a car nen a ka din kala sim theilo, engkim hrilhfiah a, ka phatsan loh zia hrilh ka duh ngawih ngawih, Cathrine-i hi ka nupui nilo in, a hming mai a ka nupui ani tih hrilhfiah ka duh bawk

Mipa dang hma a anui ka hmuh in ka thinrim a, ka hma ah nilo mipa dang hma a a hlim hmel hian ka thisen kal lai zawng zawng hi a ti so bulh bulh thei, Henry pawh tiamin, engvang a dinner ei chhuak fo nge an nih ka hriat duh avangin chhui zui tur in midang ka ruai hial ania lehhhh!!!! Ka hmeichhe hmangaih chu alang pawhin ka venghim theilo ania!!!! Hreptak hian

“Ka pu, heihi i unaupa nen a in DNA testna result chu, chuan heihi vawiin a Sailo Hotel a i nu leh mipa pakhat inbiakna kan record,” tih pah in ka hma ah ka mirawih, Ka nu, nilo Roberta nu zui tur a ka tih chuan paper leh voice record ni awmtak chu a rawn dah, ka bu nghat

“Enge Cathrine-i chanchin?” Ka tih chuan bu nghatin, “khami envelope ah khan a awm vek ka pu,” atih chuan lawmthu hrilhin a kal theih tur thu ka hrilh nghal

Ka hma dawhkan a envelope var lian zet chu ka en, muang changin kala kang, thaw hakin ka hawng, ka hriat lawk mah nise DNA result ka en chuan ka kut ka hum ruh, ka hre dik chiah ani, Roberta hi ka pa fa ani hauhlo tih hi

Mahse.... Heihi engthil phiangsen nge???? Cathrine-i hi nau alo pai reng renglo amaw??? Chupawh nilo in nau apai theilo tawp, a awm zia chu engti kawng mahin ka fa a pai theilo tihna ani!!!! Zawng phiangseni chu (h)!!! Pathian lehhhhh.... Biakin leh court ah pawh inneih ka lo duhlo kha ka ti fuh khawp e, chanchinbu mite leh mipui hma ah kan innei tih kan puang mahse inneihna engmah a awmlo, Cathrine-i lungawilo viau mahse ka nupui anih dawn chuan zungbun ah lungawi tur in ka ti thei hram anih kha... Hreptak hian

Voice record chu ka ngaithla, an thusawi zawng zawng ka ngaihthlak zawh rualin dawhkan a thil awm zawng zawng chu ka hui thla thuai, ka hnek dawt bawk, “engthil phiangsen nge ka nu chung ah khan in tih?” Ka ti hrawk, dawhkan chu ka hnek thuai thuai, ka thinrim lutuk chu ka puak keh mai dawn in ka hria

Ka office atang a thinrim tak a chhuah ka tumlaiin, ka mi chhawr zing a pakhat a rawn tlan lut, “ka pu buaina kan nei, Sabrina thawmhnaw design Monday mai a pho chhuah tur kha, truck nen a phurh chhuah anih laiin truck chu accident in thawmhnaw zawng zawng chu a hmun a kang ral vek ani,” arawn tih chuan ka thinrim a zual sauh, “engtin nge chu chu a thlen theih?” Ka ti that

A lu thing mat matin, “kan la hre chianglo, alandan in accident satliah anilo, tu emaw...” atihlaiin ka sect a rawn lang, “Sir buaina kan tawk, tun ah hian kan thawnhnaw pho chhuah mai tur chu..” a sawi zo hman lo, “ka hria,” kalo ti hrawk

“Tun ah a hmun ah kal ka duh, engti kawng zawng pawhin he thil ti tu hi zawn chhuah ka tu, tupawh nirawhse, a thil tihman a pe ngei tur ani, tupawh,” thinrim seh chil zet a ti chuan ka office atangin ka chhuak nghal, hethil hi Cathrine-i tih anih ngat chuan ka kut ngei hian ka that duh hial ang, Zodini hna thawh hahsa zawng zawng engmahlo a chantir a tum anih ngat chuan ka chhuah hauhlo ang


Police station atangin kan inlam ka pan, vawiin hian ka pa Delhi atangin a rawnthleng dawn, AMC a tel tur in, enge ka sawi ang, a monu in kan design phochhuah mai tur a hal ral ka ti dawn em ni? Nge ni a, Roberta hi ka unaupa ani ngailo tih hi??? Hreptak hian!!!

Inchhung ka luh rualin ka choka atang a rawn chhuak chu ka biak duh thu ka hrilh nghal, a lehkhabu chhiarna room kan luh rualin, “engthil nge ni a, in hnalam ah buaina a awm chu ani em lo maw?” Ti churh churh chuan chair ah a thu thla


Ka pa hian a hre tawh angem? Engber nge ka sawi hmasak ang, “i hre tawh ani tiraw?” Kan ti tlawng ahhhh

“Eng thu nge i sawi?”

“Ka pa Roberta hi i fapa anilo tih hi i hria....” ka tih lai mekin, “Benjamin i thu sawi tur ngaihtuah rawh,” a rawnti chang fak

Ka thenlui sak, “ka rin tawk chiah ani, keini unau min kalsan in i hmeinu leh a fapa i thlang a, naupang engmah hre thiamlo a i ngaih te khan engkim kan hre ve vek asin,” rilru natna a khat chuan ka ti chhuak hrawih

“Ka kalsan hauhlo che u,” min rawn melh vang vang, “khatih hunlai khan keipawh in ka hre bik hauhlo, ka fapa ah ka ngai nghet hmiah, khawi atang nge chungthu chu i hriat ka hrelo, kha tih hunlai khan kanlo chesual ve bawk nen, i nu khan min uire san emaw ka tihlai khan ka rilruna hrikthlak nan zu ka in nasa, ti chuan ka ruihlaiin Roberta nu nen hian ka lo mudun a, engtin nge kha thil kha a thlen ka hre hauhlo, mahse nau aneih hnu, i nu boral hnu ah ka fa anilo tih leh i nu kha alo uire hauhlo tih ka hre chhuak ani,” a sawilai a ahmel chu hmuh hreawm tak ani, inthiamlohna, natna leh mahni in dem na

“Ti chuan hrereng chung in ka nu that tu te chu nungdam in i awmtir a, fahrah nen ka u nen khan kan danglam hauhlo, vawikhat... Vawikhat chauh pawh pa inih na i hlen tawh em??? Ka unaunu in pasal aneih ni thleng pawh in nangchuan i sumdawn na leh i hming thatna, i hmei te nufa bak i ngaihtuah hauhlo,” ka ti leh hrawih

A lu a thing mat mat, “in unau hmel ka hmuh apiang hian inu lak a ka chet dan ka hre chhuak thin, chu chuan dam chakna min neih tir ngailo, ni e, Roberta hi ka fapa anilo teh meuh mai, naupang thuawih thei tak ani a, ka thusawi a zawmin thu a awih em em, kha naupang pawisawilo bul ah khan enge ka sawi ang?? I pa ka nilo a, midang fa ini tiin ka hnawt chhuak dawn em ni?” Min melh let ha pah chuan a ti chhuak


“Mahse ka nu thihna kha natna vang anilo tih i hre si a,” ka ti leh hram, ka lungawi thei hauhlo ani, ka nu thlarau tal zah a, pet chhuak tur chu ani

“A dik alawm, Roberta kha nu te lova nangni ang chiah a arawn seilen ve leh ka hlau ani, nangni pawh in nu kha ka laksak ah cheu ka in ngai hmiah, chu chu i unaupa chung ah pawh hian ka thlentir leh ka hlau em a tin ni,” a tih chuai raih chuan ka nui hak, thinrim lutuk vang a nui ka ni mah zawk


“Roberta, Roberta, engkim ah nang chuan i hmeinu fapa Roberta bak ngaihtuah ineilo ani tiraw ka pa, kum 3 chauh ka nih in nu ka neilo a, ka pa chu mitthi tawh ai pawh in a tangkailo zawk, mahni nupui pawmlai ngei pawh venghim zolo, ring ngamlo tu ini, chuti chung chuan mahni fa te fahrah ang mai a, tu sawn emaw vang a kalsan tu ini bawk, engtiang a rei nge i fapa Roberta leh anu chu i humhim theih kan en dawn nia,” seh chil nawk nawk chuan ka sawi chhuak, ka thinrim lutuk chu keimah pawh ka anglo hial in ka inhria

Room atang a ka chhuak tur chu ka hnunglam atangin, “Benjamin, in naupan lai khan ka ngaihsak tawklo che u tih ka hria, i nu lak a ka in thlahrun em vang khan ani, engpawh tun ah chuan ti la ka danglo angche, ka fapa ini a, chutiang bawkin Roberta pawh,” damdap a arawn tih chuan hawi pawh hawilet lo in kawngkhar na zet in ka khar thuai

Pawn ah chhuak in thaw ka la kawk kawk, ka thisen so bulh bulh hi tih reh dan ka ngaihtuah angai, car chuan chak takin ka inkhalh chhuak, khawilam nge ka pan dawn ka hrelo, khua a thim tan tawh viau bawk, chaktakin ka tlan, khawilam nge ka pan ka hre hauhlo, ka car ka tihdin meuh chuan Zodini room zawn ka din fo na, zankhua khua a, a room ringawt ka thlirna hmun ah chuan ka ding leh run tawh tih ka in hria

A room lam chu ka melh cho ran, tukverh rawn in hawng a vanlam dak vauh vauh Zodini chu car atang a chhuak meuhin ka thlir, ral khat a tang pawh hian ka thinrimna leh ka sahalhna te a bengdai thei ania, eng ang hmeichhia nge maw anih hrep le???? Ka ngai a, kuah ka duh a, a hmui nem thep mai thlum dek dek te khi fawh ngawih ngawih ka duh, a mitmeng a natna leh minhuatna ka hmuh hian min tina in mahni leh mahni inhuatna min neih tir fo bawkk..... “Mahse reilo te, reilo te chiah lo nghak rawh, engkim hi anihna tur diktak a ka dah hun ah engpawh huamin ka hnen ah ka hruaikir leh angche, ka hmangaih che Zodinpui,” ka phun sep sep

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:07 pm

SUCCESS
BY floria laldansangi
28

Kan unau a TV hma a ṭhu in News kan en, Diktei kan bul ah a ṭhu ve bawk, hlutei erawh a inkhawm, ka fapa awm tawhlo mahse Hlutei pawh kanbul ah kanla awm tir, mahse hlawh ala duh ta miahlo, class a kal chhunzawm a, part-time hna a thawk pah bawk, Diktei erawh ka nau in khawiah mah hna hawh tir aphal lo ama firm ah a thawh tir, a sect ang anih chu!!!


News kan ngaihthlak laiin, “Tun ah hian JK company Building kawt ah Reporters tamtak fuan khawm in JK Company CEO Robert Lalduhzuala leh a nupui Deborah Lalnunhlimi leh a pasal nu Mawizuali te chu biak ngei tum in an chang ani, tunlai a video lar em em leh thlalak tamtak avangin mipui leh chanchinbu miten thuzawh ngei tum in an chang, he video ah hian Robert Lalduhzuala bialnu hlui Designer lar tak Zodinpuii, Sabrina ti a kan hriat leh Roberta fapa thihna chungchang ani, video a Deborahi leh a pasal nu ṭawngkam ngeiin natna vang a thi nilo in damdawi a hraihlum ani tih an sawi hi thudik ani em tih chanchinbu mi te leh khawvel hriat chak chu ani...”

TV chu ka nau in a off, “pawnlam ah pawh sawn chanchinbu mite an awm ania,” min rawn melh ralh pah a atih chuan ka nuisuk, “Deborahi sex video kha Nilaizan ah ti chhuak angche, a hun tur ka hrilh dawn che nia,” ka ti sep, a bu nghat, ka mualpho angchiah in amualpho ve ang, keiai mahin a mualpho nasa ang, a thiltihman a hmu ani mah zawk


“Hun kan ngah tawhlo ania mate,” ati sup, bu nghatin, “ka hria alawm,” ka ti sep, thaw hakin, “i chiang amaw?” Ati leh sep, ka thaw hak, enge ka duh kala hrelo ani, ka fapa ruang phawrh hi kala ngam tlat lo a, mahse kan tih ngei angai tih ka nau in a sawi tlat, "thil kaldan kan en phawt dawn em ni?" Mit khap fak fak chuan ka ti sep, bu nghatin, "Roberta company lam chu enge a an?" a rawntih leh tak ah chuan, "a pangai ani mai, rei chu a daihlo ang, Roland-a hian chan ngei a duh bawk si, ka puihna a mamawh dawn a, chu chu remchang ah kala ve bawk ang," ka ti sep, a nuisuk

Ka ṭhensak, ni e hmeichhe nasa tak minti maithei mahse chan leh chuang tur ka nei miau lo a, an company, an neih zawng zawng a bul aṭangin avaiin ka ṭhentdarh vek dawn

Naktuk hi AMC kan hman hun tur ani, hma tak ah ka mu, ka nu leh pa nen kan inbiak khan min ngaihtuah hle tih ka hria, News vang te pawhin, ka buai theih em avangin ka tlawh khat, ka ngai ve reng

Zingkar office ka thlen chuan Mami’n, “nizan ah News kan lo en a, mahse engmah thuhar hriat ala ni silo a, zanin ah repoters rawn kal khawm te chuan kan thawmhnaw design te aiin heng thu leng vak vel vangin zawhna an ngah zawk ka ring,” alo ti nghal, ka bu nghat, chu chu ka hriatsa ani tlat ani

“CEO office ah ka kal anga, Henry nen buaipui ngai chu inlo ti mai dawn nia, ka rawn zawm vat ang che u,” tih leh Benjamina office lam ka pan nghal, a office kawngkhar zawn ka thlen chuan ka hawi kual, “a sect a awmlo amawni le?” Ka phunsep, ka phun zawh rual rualin office chhunglam aṭangin hmeichhe thinrim ṭe tuar ri ka hre nghal, ka hawi nghal dawrh

Hman hmawh zetin kawngkhar ka nam hawng, mahse ka ding dawt, “nang hian engvang a hengthil zawng zawng ti nge inih, khang thawmhnaw man zo zai kha engzah fakau nge i hria em?” Benjamin-a chuan thinrim ha pui thial rap rap in a hma a ding Cathrine-i chu a melh ngur, a hmel chu rapawm tak ani

“Nanghian tilo theilo in minsiam anih kha BJ, thudik chu hrilhin Zodinpuii hnen a let ah min vau khanglang tawh suh angche, a design ka hal ral chauh ani, amah pawh kala hal ral lo ang tih ka sawi thei hauhlo, he inneihna lem hi atakin ka thlen tir bawk ang,” Cathrine-in thinrim kut hum ruh chung chuan a vin leh tuar tuar, engthil nge an sawi ka hrethiam lo takzet


“I kâ kha chip hmak rawh Cathrine, nanghian naupai ang in min bum a, ka hriatloh i ring em ni? Fa nei theilo inih kha, i dam chhungin chu chu a thleng ngailo ang,” Benjamin-a hmel ah chuan kut thlak in sum hmel alang, mipa chu nise a veithal tawp tawh ngei ang


“Min chhui iduh vang ani tiraw inneihna tak tak kha i pawmloh, kalo van â tak em!!! Heihi hre rawh BJ keimin khawih itum rualin i hmangaih Zodinpuii hi ka ti chhe nghal ang tih hi, ka theih zia pawh i hriat kha, zanin a a show tur thawmhnaw pawh mei vap ah ka chantir theih anih chuan mihring pakhat ṭangkaina neilo, buaina siam ching si chu awlsam takin ka dah tha mai aniang chu,” ati leh hmak, chutah zet zawng an thusawk ka hrethiam uar uar, thinrim lutuk in Cathrine-i din na lam chu ka pan, Benjamin-an, “bawihi,” ati sep

Cathrine-i khuai her sawk chuan ka beng sawk, “nanghian ka thawh hah sa i hal ral amaw?” Ka ti tuar, ka thinrim lutuk chu ka taksa a khur dar dar thei ka kaw chhung aṭang ka za in keh hrep duhna in ka khat, “kut min thlak amaw?” Ti tuar a min rawn ben let a tum chu ka hnunglam atang min pawt dawrh tu an awm, engtik laiin nge Ben-a hi ka din na a rawn thlen ka hrelo, thli thaw angmai a chak in ani rawn thleng ani

“A ropui hle mai, ka pasal duhtak hian a bialnu hlui, nilo a hmeichhaw kawp ṭhin sawnpai chu ka hma ah ngei a rawn chhan ania,” a thusawi chu a seh chilh nawk nawk, Benjamina min kuahna chu ka phelh, rum lutuk in ka melh chho khai bawk

“Engkim i hria a, engmah min hrilhlo bawk, i nupui thiltihsual hi i ngawihbo pui theih i ring em ni? Ka thawhrim na, zan tamtak ka mut loh chhan kha meivap ah nangni hian in chan tir a, a ṭha e, Benjamin he i company aṭang hian ka bang e, heihi ka ban na ni rawhse,” mitsen ram a melh chuan ka ti chhuak phiar phiar, ka thusawi chhuah ai mahin Cathrine-i nen a inneih na lem hmang a an in kungkaihna chhan a sawi khan ka thinlung leh lu bur hi aluah fe zawk, mahse hrelo ang hmiah a ka awm angai tlat, engpawh thlengse a duh thlan na in lawm bul aṭan ni

“Engtik ah mah a thleng ngai hauhlo ang, ka thu lovin i bang theilo ang bawkin he company emaw ka hnen ata hi pen khat pawh in i pen sawnlo ang,” ati hrawk, za lo lutuk in ka ṭhensak, “i nupui chauh ngaihtuah rawh, i theih chin chin chu han hum ta che, he ka kut ngei hian i nupui..” ka tihlai mek in, “chhen a che, he hmeichhia hi ka nupui ani ngailo tih engtin nge ka hrilh fiah angche Zodinpui, engmah i hrethiamlo nge i hrethiam duhlo zawk, heng zawng zawng ka tih chhan hi i hria em? Ka hmangain vang che ani,” bek a ṭhisem zam pawng tawlh tawlh a au thawt chuang a atih chhuan, dawhkan a thil awm chu a hai thla rum rum bawk

“LALHRUAITLUANG,” Cathrine-i aw chu ring tak ani, thinrimna leh natna a inpawlh, a pasal in a hma ngei a ding chung a, hmeichhe dang a hmangaih thu a sawi vang ani mahna, tu hmeichhia nge na lo awm reng ang ni???


“Chhuak rawh,” Ben-an ti hrawk chuan a melh nghal khur, a bek pawng tawlh tawlh te, a ban thisen zam rawn pawng ṭawlh ṭawlh te chu hlau a tlan chhiat vawn vawn na tham ani

“Engmaw i sawi keinilo in he hmeichhe laktlak loh tak hi ani chhuak tur,” hriam hrak a ti chuan min rawn melh hrawk, a sawidik he hmun minzahpah na pakhatmah awmlohna, ka thawhrim ve em em na te zah hauhlo a an thu thu a ankal na hmun ah hian engvang ala awmve reng nge ka nih ka hrelo

“I sawi dik, he hmun ka theih tawp ka chhuahna hmun ah hian thil thleng engmah ka lo hrelo a, ka hriat hauhloh in ruahman na ṭhulh anih bakah kan CEO nupui ngeiin company tan a ka design a hal ralna hmun ah hian 1sec pawh ka awm thei tawhlo,” Benjamina dem na akhat chuan ka ti chhuak, ka in her nghal vut bawk

Mahse ka pen sawn hman leh ta lo, engtiklaiin nge a rawn thlen leh hman, thli thaw ai pawh in em ni a ran ni? Min kuai her lawp chuan, “i din na aṭang hian 1inch pawh a i che sawn anih chuan he hmun ah hian ka char bet angche,” ram hmak a ti chuan Cathrine-i lam melh in, “ka thusawi i hrelo ami?” Ti hrawk chuan a melh khai

Kawngkhar rawn ri rak ah chuan ka hawi dawrh, a sect inthlahrun hmel zet a rawn lut chu, “engkim cancel vek angche, chuan he hmeichhia hi pawt chhuak bawk rawh,” ati that

“Lalhruaitluang hetiang hian minti hauh suh, i company pawh hi ka pa kut a awm ani tih hria angche,” Cathrine-in thinrim lutuk a arawn tih chuan Bena chu a ṭgensak, a hmel rapthlak zia chu en mai pawh in hlau a khurh zawih zawihna tham ani

“I duh duh chu ti rawh, ka ngai pawimawhlo, nang leh i chhungkaw laktlak loh zet ai khan ka hma a ding hmeichhia hi ka ngaipawimawh zawk tlat, in tel lovin kum tamtak kan awmthei, ka hma a hmeichhe tel lo erawh in ka awm thei hauhlo, chumi hrilhfiah tur che a ka kut thawh kher a he hmun a ṭang a ka theh chhuah che iduhloh chhuan chhuak rawh,” a aw chhuak ah pawh a hlauhloh zia leh a theh chhuak duh tak tak dawn tih a lang ngawih ngawih, sawi ve mai tur pawh ka hrelo, bakah he mihringpa nen hian duhai kan in din hnaih mah mah ani


Cathrine-i ban ah chuan vuanin a sect chuan a pawt chhuak, “minthlah rawh keimahin ka kal thei, BJ ithil tih avang hian ila in chhir khawp ang,” Ben-a be mahse a mitmeng verther leh thinrimna a khat chuan min melh ngar thung, an chhuah rualin ka thaw hak, Bena pawh a rawn thaw chhuak hawk

Ka ban a vawn na chu a hmer salh, chutah ka ṭang ve phat, ka tawlh sawn dawrh bawk, engvang a ahnaih tak alo ding reng nge maw ka nih hrep ni???

“Engthil nge maw itih le?” Ati hluk, alak aṭang ka tawlh sawn chu alungawilo tih alang ngawih ngawih, ngaipawimawh lo lui tlat chuan, “i lak aṭang hla tak a awm ka duh mawle,” ka ti let ve hmak, a thaw ri hrawih, a mit ah ka melh let khai, nichin lawk a amit meng sen ram leh kut thlak chakna akhat kha abo leh tawh, mit a chhing sawk, a rawn men rualin chiang lutuk in min rawn melh, a mit mu dum fiah zet phen ah chuan ‘ka Bnejamina’ zaidam leh min hmangaih tu mitmeng tle ral chu ka hmuh hmaih hauhlo

Sawtiang a min melh tawh chuan he ka thinlung hi alam ah a awn nghal ruai ruai ṭhin, chu chu ka duhlo takzet, hmun dang ka hawi sawn vat, “enge ila duh?” Nelawmlo zet chuan ka ti chhuak, ka aw te chu a khur chhuak lo chauh ani, he office zau zet ah hian ka tan boruak hip tur a awm velo nimai in ka hria

“Enge ka duh a ila hriat?” Ati nghut, a aw chu tlem in a nelawm deuh tawh, mahse ala chang ṭha bal bal khawp mai, “mamawh ineih tawhloh chuan ka chhuak tawh ange, he hmun hi ka hnathawhna hmun ani tawh silo a,” ngei awmzet chuan ka ti leh kher, thaw hak in, “chhen a che, kha thu kha sawi tawh ngai suh, i rilru tih hah ka duhloh vang a hrilhlo che ka nih kha,” a aw chu a hma mi ai khan a rawn chang leh tawh, min vei thluk tawp loh nan tlan chhiat ka inring reng

Ka awmdan chu hrethiam ni chek angchu a rawn nui chhuak hawk, a ngaihna hrelo zet chuan ka en haw thung, nuihzat tur a awm pawh ka hrelo, ka hrelo mai pawh nilo in ka hnathawh sa ka hriatmiahlo in alo ti tawp a, chu mai nilo a nupui khan a hal ral anih kha, ala nui ang hawk hawk a, hneh dawn ngat ila chuan a nui hmel pa lutuk sawi ka hnek thal tawp angchu

“Engtin mah ka ti lo ang che, hahdam rawh,” nuihza insum tak chuan a rawn ti thaw, rum tak a melh chung in, “pawimawh a awm tawhlo hi, he hmun minzahna pakhat mah awmlo, thil diklo in thupmawina hmun hi ka ngaina lo e,” chang fal a tih leh inher ka rual

“Hreptak che hian Zodinpuii, mintih thinrim kher hi tum ṭhin suh,” ti hrawk in min khuai her leh sawk, ka lo ṭang ve phat bawk, “i kut bawlhhlawh lutuk hian min tawk hlek suh, i naute lem ka nihloh angbawkin i hnuai a hna thawk lah ka ni tawh heklo, i duh duh a pawh her tur ka nilo,” ka lo ti tuar

Ka dar tawn tawn a min vuan bet in min thing nawk nawk, ka thluak te chu thinper vek a rum emaw tihmai tur ani, ka lu a hai nghal muai muai thei, ka dar a vawn na lah chu ana ngut ngut bawk, a vawn nghet lutuk vang nge a hit mer mer thei hial ani

“Kha thu kha sawi tei vet suh ka tih che kha,” a aw chu min ei zawh vek duh tih hriat ngawih ngawih ani, “min thlah rawh, ka duh duh ka sawi ang chu, ka kâ anih hi, i thuhnuai a kun du du tur ka nilo, ilo hriat ve mai mai ah, heilo company hi thawhna tur atam lutuk, mipawmlai ngaizawng ang a ṭan leh lah ka duh heklo,” ka aw chu thunun tum viau mahila a khur tho


Mit meng thip zet chuan min melh chhuk run, min en tlang a tum zawk a ang hial, ka ip chawih, ka dar avawn na chu phelh tum in ka in hai ve ṭang ṭang bawk, phelh chu sawilo a kut zungṭang pakhat lek pawh ka ti kau zolo chu ani e!!!!

“Ka nuipui ani chhenlo, ka thil tih chhan ka hrilh tawh che,” a thusawi sawi nawn aduhloh zia a ṭawngkam chhuak ah alang reng, min vawn na chu thlah in a sam chhip lam a buk laih chu a tuai puat, kei erawh a tha ring a ka din reng avang khan min thlah thut chu ka kat nawk, ka in ham buai lo chauh ani

“I sawi ngei alawm, mahse i insawifiahna kha ‘ka pawm e’ ka ti tlat lo, ka pawm ngai heklo ang, HMANGAIHNA maw??? Benjamin hmangaihna nilo in mahni hmasial na anih kha, i nupui neih chhan ah minpuh hauh suh angche,” thinrimna leh rilru natna nen chuan ka ti chhuak tuar

Min kalsan lo tur a ka ngen lai te, chanchinbu a nupui aneih thu ka chhiar lai a ka thinglung natzia te leh ka mittui tlak nasat zia te, ka mamawh ngawih ngawih lai a ka bul a awmlo te ka ngaihtuah chhuah chuan ka awm zawn a rawn na leh nghal ngut ngut


Engmah sawilo in min melh ngur chu ka melh let ve sak, ka mittui a tlak mailoh nan ka khap sak sak, “i chhuanlam ah min hmang suh, i duhthlan na a kal ini, mahni hmalsial takin hmeichhe dang kut i vuan a, tun ah ka nat hlauber ni awm takin i awm leh a, kei min kalsan lai khan minti na tawh, ka nat hlauber ang khan awm tawhsuh, khang thil itih avang khan ka hlim phahlo a, ka natna tamtak minbelh chhahbak ah, ka nun hremhmun ah i chantir nawn leh zawk ani, kha kha hmangaihna anih chuan, hmangaihna hi a awmlo tihna ani mai, mahni hmasialna ka ti thung ani,” chiang zet chuan ka tih zawm zat, a thaw ri hrawih bak hriat tur a awmlo

Muangchangin ka inher kawngkhar lam chu ka pan, min dan a tum tawhlo pawh ani mahna, ka tukkhum za mer mer leh taksa za chuai chuai ah chuan min en reng tih erawh ka hre thei, hawilet ka tumlo a, tun a ka duh thlan na hi na hle dawn pawh ni ila ka tawn ngailoh leh ka pal tlang ngailoh anihloh avangin ka ding chhuak leh em em ang tih ka hre bawk

Ka chhungril ah erawh Benjamina demna pakhatmah ka nei tawhlo, mahni hmasial tak ani ka ti ani mahna, keimah vang a anun chhe vek hi ka hmuh hmaih hauhlo, kawngkhar ka pen chhuah rualin ka biang a rawn lum thla pup, hruk buai ka tum lem lo, ka mittui vang a khawhmuh fiahlo ruai chuan ka office ka pan chhat chhat

Ka mitthla ah Benjamina mitmeng rilruih a min melhna leh min hmangaihna avang a atih thu a sawi lai bak alang lo, ka na ani, keihi Benjamina nun a lang ve miahlo tur ka ni, a nun ah lut ve miahlo ni ila, tun lawk a amitmeng a natna lang te kha a nei hauhlo anga, Cathrine-i nen pawh inhmangaih takin an innei maithei asin, anun ka ti chhia a, ka hmangaih teh meuh mai, mahse kei hmeichhe nunhlui ṭawp tak nei leh buaina tinrengin a bawr a an bawr berkher hi min thlang a, hun harsa leh natna tamtak ka pek phah ani

Ka phone messages rawn ri rang ah chuan ka harh zawk, ka mittui chu ka hru vat, Ben-a hnen aṭang ani, “mahni hmasial takin keimah chauh ka in en a, ka hmangaihna che avang a i him theih ka ring kha ka lo ring sual letder ani tih ka hria, mahse reilo te... Reilo te chiah minlo nghak rawh, ka hmangaihna leh he ka hmasialna tak avang pawh hian engpawh huamin ka nei let leh ngei angche, a chhan chu mahni hmasial tak, ka duh apiang nei ṭhin ka nih vang ani,” ka chhiar zawh rualin ka haw hak, a messages thumal tih chu in rin tawk na in a khat hluah hluah

Ka phone en ngar ngar chuan, “mahse kei chuan i nun a tel tawhloh ka duh ani, keiai ṭha, hmeichhe fel leh nangmah phu hluah hluah tu che i phu ani, keiang hmeichhia nilo in, ka mit ka chhin in ka hma ah ka nunhlui chu nimin mai a thleng angin a rawn lang a, ka mit ka men lahin khawvel mite hmuhsitna leh nuihsawhna ka hma chhawn angai bawk, chung zawng zawng chu ka nunhlui chhuanawm loh tak avangin ka tawrh angai thung, ka hming an lam rualin ‘sawn pai kha’ tih ani kumkhua tawh ang, chutiang hmeichhia , keiang hmeichhe engmah zahawmna neilo hi chuan ka phulo che, chu chu ka pawmlo mai zawk ani, mahse tun ah chuan ka pawm a, kalsan che a nun ṭha zawk ineih theih nan,” mittui luang ngiai ngiai chuan ka ti sep sep, ka awm a hnawh tlat tu awm chu ka chum dat dat

Ka hringnun ah mipa pahnih ka tawng a, pakhat erawh ka mualpho laiin min hnung chhawn a, pakhat lah ka mualpho hlau leh ka nat hlauin a hlimna hial a hlan thung a, ka tan erawh an pahnih hian ka hnaih ngailoh tur ka hnaih palh leh ka nun a thil thleng palh te an ni, mahse thilthleng palh te hian ka nunpum pui minti chhe zo vek chu anih si hi !!!!

BENJAMIN...POV

Ka office aṭang a Zodini rilru na tih hriat tak a chhauk hnak hnak chu che sawn eihlo in ka thlir reng, keihi a sawi angtak khan mipa hmasial tak, mahni hmeichhe hmangaih pawh venghim zolo chu ka ni takzet em ni?? Mahse ka tumber chu Cathrine-i leh a chhungte lak venhim ani, engkim hrilhfiah ka duh, ka ruahman na engkim a tel tir ka duh, mahse chuzawng engtik ah mah a remti ngaidawn hauhlo bawk, chumai anilo, Cathrine-i leh a chhungten awlsam takin an fanu ka hmang ṭangkai ani tih an hre vat dawn tlat ani

Ka phone rawn rik avang chuan ka harh zawk, mit chhing sawk in thaw kala hak, ka pickup hma in kawngkhar lam ka melh leh hram, "ka pu trcuk driver kha a harh tawh a, tun ah damdawiin ah i rawn kal thei angem?" Ka michhawr zing a pakhatin a rawn tih chuan ka thlen nghal tur thu hrilhin phone chu ka dah


Ka office ka chhuahsan, ka car bul ka thlen rualin Zodinpuii leh ka ṭhian hlui, Cathrine-i pasal hlui nibawk nui chung a inbia ka hmuh chuan ka sa zak, va kal hnaih a, a mitmu ka Zodini, ka ta bik, ka ta liau liau it tak a a en na mit saw kher chhuah hial ania ka duh ni, mahse chutiang a ka che anih vaih zawngin Zodinpuii hmeichhe luhlul leh mahni lu zo vehvawh hian min haw zual sauh ang, chuthil chu thleng tur in ka duh hauhlo

Thinrim zet chuan car ah ka ṭhu lut steering chum dawt chuan chak lutuk in ka tlan chhuak, Zodini te din na chu ka tlan pel fua, hlau tih hriat takin a per dawh bawk, Roland-an alo vuan vat, ka hmu hman hram, chu ringawt pawh chuan ka thisen a ti so nasa ani, engvang a chaktak a tlan chhuak nge maw ka nih hrep ni? Phiangsen hian a kut hmawr pawh a ka Zodini a khawih anih vaih zawngin ka that chiang khawp ang

Thinrim ṭun chuan damdawiin ka thleng, "ka pu helam ah," ka mi chhawr zing a pakhatin arawn tih chuan ka zui vat, room ka luh rualin, "a mu hil em ni hei?" Chang bal chuan ka zawt, nichin mai a ka thinrrmna kha ala reh tlatlo, "kan kaitho ange," tih leh khum amu damlo chu a sawi dat dat, muangchangin a rawn meng, min hmuh rual chuan a mengdeuh kawk, ka ṭhensak

"Thu sawitur tamtak inei in ka hria, ni lawmni?" Chang zet chuan ka ti chhuak, "enge i sawi awmzia ka hrelo, keichuan truck kha ka khalh ani mai," chauh hmelzet a arawn tih chuan ka bu nghat, "a ṭha i ka kha i ang dawn nge dawnlo kanla en angchu, midang kha chhuak rawh u," tih leh muangchangin ka pan hnai, amitmeng tal zawk zawk aṭang chuan min hlau hle tih ahriat ngawih ngawih

A khumbul a chair chu pawt chhuakin ka ṭhu thla, "le... I kâ kha i ang dawn nge ka ân tir dawn che," changzet chuan ka ti leh nghut, chil a lem ri khalh, ṭawng tumlo tih hriat takin a hmui a chip hmak bawk, "tihluihna ka hmang hreh hauhlo tih i hria tiraw?" Ka aw chhuak pawh dawhtheihna tla chham tih a hriat hle tawh

"Sawitur ka nei hauhlo, keipawh min hmuh ang hian a tuar tu ka..."

"A tuar tu ini tih chu mit ka nei a ka hmu ve bawk, engtin phiangsen nge Bawngkawn lam a tlan lo a Worldbank Road lam ah itlan theih theih??? Driver kawngbo chu ini em lo maw?" Thinrim sehchilh zet chuan ka ti chhuak, tunlai thil thlenh zawng zawng hian ka dawhtheihna neih zawng zawng enchhin vek an tum nimai hian ka hria

Amitmeng tal zawk zawk, hlauhnei ang mai a awm chuan ka thin ati rim zual takzet, "aṭha i ṭawng dawnlo anih chuan ṭawng tir dan che ka hria alawm, nupui leh fa pali (4) nei ini tih ka hrebawk," kha zet a tih leh ka ding chhuak nghal

"Khawngaihin ka sawi ang, ka nupui fanau te chu tina ve lo hram rawh," hreh hmel zet a arawn tih chuan ṭhensakin ka melh ran, "sawirawh, dawhtheihna ka neilo hle tih i hriat kha," ka kekawr ipte zen at chuan ka ti ram leh hmuk


"I nupui alo kal a, keichuan i nupui ani tih ka hre hauhlo, 'thawmhnaw hi WB road lam ah phur angche,' a rawn ti tawp a, a ngaihna ka hrelo hle, mahse i nupui anih thu leh ka hna chan ka duhloh chuan a thu sawi zawm tur in minti a, ti chuan WB road lam ah chuan ka tlan ta ani," a sawi zawng pawh chuan min melh zawk zawk

"Ti chuan accident chu i tawk a, i truck kang chhe vek siin ka company thawmhnaw a chhe tel vek a, nang lah hliam chhe bak ineilo, chu chu awih turin min beiseilo ang tiraw?" Ka lo ti ve leh nghut

A lu a thing mat mat, "a dik alawm, WB road ka pelh dawn khan min tawk zawngin car chaktakin a rawn tlan a, mahse ka accident hauhlo, trcuk aṭang in kha car kawng chhaklam su tu kha a inhliam em tih en tur a kal chu, i nupui leh mipa pathum (3) an rawn chhuak hlawl mai a, 'thawmhnaw chawp sawn hal ral vek rawh u,' i nupui in atih rualin pahnih chu ka truck awmna lam an pan nghal, ti chuan pakhatin min rawn vawthlu tawp mai a, ka kâ ka ang anih chuan ka nupui fanua te thleng a an chhuahloh tur thu inupui khan a sawi bawk, ka pu mi inhnuai luah ve mai kan ni a, fa pali (4) naupang te te ka nei bawk, khawngaihin ka nupui fanau te chungah engmah thlen tir suh," tah aw lek lek a arawn tih chuan ka thaw chhuak hak, ka kut ka hum ruh

Kawngkhar rawn ri rek ah chuan kan hawi vat, "papa," tih leh naupang kum 4 awm leh kum 8 mi awm an rawn tlan lut, an hnung ah mipa tleirawk kum 14 tur vel leh anupui ni ngeitur in fa sen pawm chung a mitsen ram a rawn lut chuan a pasal awmna lam an rawn pan chhat chhat

"Lo kal duhsuh u ka tih kha, ka ṭha lutuk alawm," a nupui leh afate tan chuan pa ṭha ta ani ang tih alang chiang ani, "ka rawn kal leh ang," ti leh inher in kawngkhar lam ka pan nghal, a nupui in ngaihsak leh hmangaih tak a a en ang khan Zodini pawh hian min en ve se tih kalo ngaihtuah hman hmawh a...


Kawngkhar ka chhuah rualin ka sect a rawn lang ve nghal, "damdawiin awm man zawng zawng pe la, truck pawh kan company hming in kaltir angche, loan anla rul zolo iti maw kha, kan company hmingin i rulh sak dawn nia, chuan thildang, an fapa kha school kal lai anih chuan College a zawh thleng kan company hming bawkin scholarship itih sak dawn nia," tih leh ka car awmna lam ka pan nghal, "ka pu i thusawi te kha, hepa hian kan company thawmhnaw leh sum tamtak a ti chingpen..." A sawi zawh hmain,"ti rawh ka tih ang chuan ti mai rawh, ka thusawi ka sawi nawn ngailo tih i hriat kha," ti nghut chuan car ah ka thulut nghal


Ka phone message ka en chuan ka car ti nungin Zodini nau Jonathan-a min nghahna lam chu ka pan, ka nu thihdan min chhui pui tu ani a, a chung ah ka lawm takzet, a unaunu lak a ka rilru pawh min hriat thiampui tu awm chhun ani bawk......

(ka duhai a sei ta ani zanin chu😂😂🙊🙈)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:07 pm

SUCCESS
by floria laldansangi
29

(Nizan ka chawl ta sia🙊mi inlo hrethiam em em zel bawk nen hah a dam sawng sawng ṭhin😘)

Ka office aṭanga ka chhuah chuan ka car in hun na lam ka pan nghal, ka piah lawk a Bolero dum lian zet in hung chu ka thlek vang vang, zantin ka room zawn a ding ka hmu ṭhin, atir chuan misual emaw ka ti anih kha, mahse Benjamin-a alo ni leh ta sia, chutiang a a awm ringawt pawh chuan amah va pan a kuah vawng vawng minti chak takzet ani

Ka dar rawn khawih zauh tu an awm avangin ka harh zawk, Roland-an minlo nuih var var chung chuan, "biak emaw hmuh fuh che i har hle mai, thilawmlo zawn angmai alawm inih," nurnang a atih chuan ka nui chhuak hak, a hmel a alawmlohna lang chhuak chuan a ti lang naupang chhia takzet

"Hmm ka rawn hmuh tirh ngawt ai che kha chuan ti kha chuan Sabrina i ang ta deuh alawm, nichin mai kha chuan ramhuai hmachhawn zo chiah hmel i pu a," mit min siai khum zauh a atih chuan ka nernang, "chumi sawi tur chauh chuan helai ah min rawn zawn ka ring chiahlo," kalo ti ve kauh, nui hawk hawk in, "ohhh hmeichhe fing zet kha ani leh ta, nilai zan ah JK Company in kum 10 lawmna an nei dawn a, an share holder lianber te zing ami hi kalpui ta ila an CEO chu a thinrim emlo ang chu maw?" Atih chuan ka thaw halh, Roberta chung chang hrim hrim emaw, anupui leh anu, an kaih hnawih hrim hrim hian minti chau

"Thinrim chhantur anei hleinem," kalo ti chang bal, ka hre peihlo takzet ani tun ah tak phei hi chuan, "ohh ithin ka tihrim loh ka beisei, nge ni a thuoha chawi nan lunch ka treat zawk dawn che," nui ver ver chung a atih chuan ka nui sak ka bu nghat bawk


"Ka..." Ka tihlaiin ka sir aṭang chak zet a car rawn tlan chuan min su lo chauh, ka per sawn dawrh ani ber, Roland-an min rawn vuan vat, "i ṭha em? Tunge maw nile, mawl lutuk mai," ati zawm nghal hluk, kei erawh engmah ka sawitheilo, Benjamin-a car ani, engvang a khatiang a rawn tlan chhuak nge maw anih le? Minti hlum lo chauh anih kha

"I ṭhat thu ila sawi miahlo," Roland-an min la vuan reng tih ka hriat chuan ka nuilui sak, "ka ṭha alawm, lunch chu kan ei dawn em niang?" Ka tihsan daih, min rawn thawi deuh fua tu kha Benjamin-a ani tih a hriat ka duhlo ve tawp te chu amak ani

"A ṭha khawp ang, mahse i ṭha chiah amaw?" Ngaih ngam zanlo chuan ati leh sup, ka bu nghat, "anih ka car lam ah aw,"nui suk a atih chuan ka nui ve hak, mipa ṭha tak ani a, engtin nge nupui dang pawh nei leh lo a tun thleng thleng ala awm theih ni

Nana restaurant kan luh chuan minlo be vat, Mike nen an inzui hnu hian Mike pawh ka hmu khat ta, "i dam ṭha zel amaw Zodin?" Nuisang a alo tih chuan bu nghat in, "dam alawm, takin Mike nen enge in chanchin, tunlai chu Mike hi a in duh tlat," nui chung a ka tih chuan ka hnunglam aṭangin, "ka hmingte ila hre ve ani maw?" Rawn ti tulam chu kan hawi vat, nernawng in, "minla hre ve zawk elaw?" Ka lo ti let sak, a nui hak, "hei makpa thar tur em ni ni?" Minfiam zauh pah a Roland-a chu melhin mit hmul a kan âk, "ngawi mai mai teh, ka ril a ṭam ania," tih pah chuan kan ṭhutna tur ah chuan ka ṭhu thla nghal

"Roland-a heihi ka unaupa leh ka ṭhian ṭha em em Mike chuan nichin a nula kha aṭhiannu," tihpah chuan in hnel hriat tir na ka nei nghal, an ṭawng zui nghal barh barh, mipa tihtak ah hna lam chunchang an sawi zui thei nghal mai
.
.
.
"I hman dawn tawh em mate? I ṭhianpa alo thleng ania," ka nau in ka room kawngkhar rawn hawn pah a atih chuan alam hawiin ka bu nghat ka inchei dan chu in en leh vang vang chuan ka nui suk, "zanin zet chu engtiang in nge Deborah-i hmel a awm ang tih ka suangthuah thiamlo tlat," ti sup chuan ka kawr hak taksa phuar lam lek lek, ka awm bawr lang lian tur a tlem a zau deuh chu ka zut zeuh, a sen lar vet chuan ka vun ati lang no zual bawk, thaw hakin khum a clutch chu la in ka chhuak nghal


Roland-an min hmu chiah chu a ṭhutna aṭang a ding meuhin min melh haw, "tinge diklo a awm ami? Kal ila?" Ka tih chuan harh chhuak thut angmai in, "ahhh aw le, i nalh lutuk a," nui hak a arawn tih chuan ka nui ve sak, keipawh hian nalh ka inti viau ani


Kan inzui chhuak, ka nau ahun ka tih a video ti darh turin ka hrilh thlap tawh bawk, engkim mai hi a tawp lam kan hnaih hret hret a, mahse engmah hi fel duak duak aiin a hnawk tulh tulh ni maiin ka hria, a tir kha chuan ka fapa minlaksak vang a phuba lak ngei ka tum a, mahse chuta ka hmuh chhuah chu Benjamin-a nu thihna te, Roberta hringtupa te an ni nuk, chu mai anilo, kei leh Benjamin-a inkar phei chu sawifiah thiamloh in ahnawk in abul ṭan na zawn hmuh theihloh khawp in a in vet hnawk ni mai hian ka hre bawk


"Ka pawm chhuah chu i duhlo ang tiraw?" Nuihza aw lek lek a Roland-an arawn tih chuan ka harh zawk, ka hawi kual, JK Company building lian zet kawt ah kan lo awm reng tawh alo ni, "ahh ka tihpalh ani ka lo in Ngaihtuah nasa deuh a," bah nak a ka tih chuan chik zet a min en in, "kawngtluan khan i khawvel siam chawp ah i cheng reng ani," ti sup chuan a chhuak zui nghal

Ka awmna lam rawn hawngin a kut a rawn phar chhuak, kalo vuan ve mai, min nuih sak a chang hi chuan min en dan hi minduh ta mai emaw tih mai tur hian a awm ṭhin

A chhung kan luh hma deuh chuan kan sir aṭang camera a rawn de chuai chuai, ka rinlawk angchiah in zawhna tamtak min rawn zawt nghal, engmah chhanglo a pensawn ka tum chu pakhatin, "hei Deborah-i te anlo thleng e,""Deborah video leh thlalak te, video a in thusawi te kha thudik ani em? Naghian i pasal bialnu hlui Sabrina fapa chu i ti hlum takzet em ni?"..."i uire antih te hi thudik ani em, thlakak a kan hmuh mipa hi tunge tih i sawi thei em?" Zawhna tam tak ani, kalo in hum ruh ṭûn


A chhan na hre chakzet chuan ka melh ran bawk, "tu in nge kha video phuahchawp lutuk kha siam ka hrelo, in hriat ang in tun hnai hian ka chanchin leh ka pasal nen a kan chanchin thudiklo tak tak pawh a darh tih in hria ang, khatiang thil rapthlak tak kha ti ila chuan keihi khawlai ah zalen takin ka leng dawn em ni? He lai hi, heng thusawina hmun tur anilo viau na in minzawh tlat avangin kan sawi ange...

"A hma in Reuben-a kha kan nupa hian enkawl kan tum tawh a, court kan thleng ngei, ti chuan a hringtunu ngeiin sum hmuh nan ka pasal a rawn vau bet ta a, ti chuan hnehna...." A tihlai takin hnunglam ah Robert-an a rawn pawt dawrh, a rak ṭhat, "Pu Robert i nupui thusawi te kha thudik ani em?""Sabrina sawi tur inei em?" An ti nghal mum mum, chhan ka tum lem lo, thudik chu reilo te ah ka ti chhuak dawn tho

"He hmun hi mimal chungchang sawina hmun tur anihloh angbawkin ka company share holder lian ber Sabrina chanchin sawina hmun tur ani heklo, he hmun ah thildang hmuh intum anih chuan ka pet chhuak angche u," ram hmak a Robert-an atih chuan an phun sap sap

"Kan lut dawn ami, ṭan a hun dawn tawh ang, i ṭha em?" Roland-an min ngaihtuah hmel zet a arawn tih chuan ka bu nghat, in chhung kan luh chuan mikhual leh mi hausa tak tak an lo awm ṭhup, an phi nuaih nuaih ni mai hian ka hria, Roberta nu pawh nalh fahran in alo ding ve ran, ka ngaihbel nge Deborah-i rawn lut chu alo ner khum nawk in ka hria, kan sir lam aṭang a rawn lut mek te chu ka lo melh kar, business suit uk nalh zet a rawn ha, a sam buk deuhlah chu a chhiplam ah a hnawk deuh niah, a in hmeh takzet, ka lam arawn hawi thut, kan mit a in tawng chat, ka thaw hak, a mi en na ringawt pawh hian minti danglam fo mai chu anih hi

Ka bul a ding mipa a hmuh chuan a nernawk, a mitmeng rilruih ṭhin kha a thim nghal khup khup bawk, ka thaw hak, dawhsan lam aṭang no in khawg ri ka hriat chuan ka in her vat, Robert-an thusawi alo tum mek lam chu ka melh lui ngar ngar, mahse ka awm na aṭang a hlam thum (3) vel lek a hla a ding mipa lian tak in min melh rengna chu he ka taksa hian a hre reng tlat ani, chu chuan ka duhai minti awm nuamlo takzet

Roberta thusaw lai chuan ka sir ah tu emaw a rawn ding tih ka hriat chuan ka ngaihtuahna aṭang ka harh zawk, ka bul ah Roland-a reng reng alo awmtawhlo, Deborah-i champagne no dawm chung a min melh ralh chu no lo fahran in kalo melh deuh khai


"Ti vak khan min melh teh suh khai, ṭhianṭha tak kan nih ṭhin kha," a no ken lai a champagne tlem chu a tem hlak, ka nui lui sak, 'ṭhianṭha' he thu ka huat zia hi hriase chuan a sawi awm chek silo a

"Ṭhianṭha tak, mahni hmangaih pawh i ken ngamna kha ka ni tlat a, ani lawm mi?" Ka lo ti ve sak, a thaw ri hak chu ka hre thei, "ka kian hauhlo che," ati chang fak, ka nui hak, alam hawi a ngeiawm fahran a ṭhensang chuan, "nitak, i pasal hmangaih kha ka ni tih kalo mang nghilh ani, min hrethiam teh khai," ka ti leh deuh kher

Thinrim hmai sen tawn tawn a min melh chuan, "khang repoters uicho ho vang khan ka hlauh che ring hauh suh, nanghian minbeih i tum a, min paih thlak itum anih chuan fiahna ṭha tak i mamawh miau a, nge ni a ithil neih ve zawng zawng te chu a lem tiin ka hnawl sak leh mai dawn che, thla 4 liam ta a i fapa court a i chân angchiah khan," thle bak a atih chuan ka kut ka hum ruh

"Fiahna i duh em ni? Ka fapa thihna chuah fiahna i duh in ka ringlo, uire tu chuan a uire lai a en dawn lawm ni?? Tunge kha (h) ahming nita kha(h)?" Ngeiawm fahran chuan ka ti zawi sap, a meng tal nghal rawk rawk, midangin kan thusawi an hria em tih en ni awm takin a hawi nghal zek zek bawk

Ka nui hak, " i kâ kha chip hmak angche Zodinpuii," ring silo fiah ṭhak chuan ati hrawih, ka nuilui hak hak, ka sir a waiters in intur a rawn ken chu kalo ban zauh, "Thudik hi chu a kha fak ani tiraw... Nilo a kha vin tuk ani ngei ang, i hmel ah khan alang alawm ni lawm ni?" Ngeiawm zet a thle bak chuan ka ti let sak, ka no ken lai chu ka ti che ralh ralh bawk

A champagne no ken chu a hum keh mai ang tih hlauhawm khawpin a kut chu a hum ruh, "han tun chhin ta che, tunge hremhmun tem leh hmasa zawk chu kan en angchu," chang fal a ti chuan a pen sawn nghal, ka thaw hak, reilo te bak nangni ho tih chhiat nan hian ka mamawh tawh chailo e.....


"Kan lam dun thei angem?" Rawn ti tu an awm avangin ka harh zawk, ka duhaiin ka ngaihtuahna hi kalo kawm nasa thei lutuk ani, Benjamin-a awmna lam ka mit sir in a zawng nghal ruai, nui var var chuan, "chakawm viau mahse ka lam thiam hauhlo," ka lo ti vat, nui hak hak in, "titeh Sabrina ka seh dawn hleinem che, ka lam dan angzel in ka chetpui angche," ti leh ka kut a rawn vuan nghal, ka no ken chu la in midang a pe nghal zat, hnialna hman pawh awmlek lo chuan midang inkuah rial a anlam na hmun chu min pan pui der tawh


"Enteh Roland ka lam ngai hauhlo ania," ka ti nghal chul, nui hawk hawk chuan, "ka hria alawm, kha i mitmeng fiah zet ah khan alang reng ani," i tih duh lek chuah, alam ah min pawt hnai, ka lo nui hak thung, ka kawng a kut rawn rawlhin amah si chet chuan min pawt hnai zual sauh, ka kut pakhat chu a dar a min vawn tir in lehlam in a kut ah avuan bawk, "tirawh leh, ka in sawi rual hian in sawi ve zel rawh," min nuih var var chung a atih chuan kalo nui ve hak hak bawk, mahse min in sawipui rual a kan pen sawn chu ka nui hmel a tawp hmak

Benjamin-an mitmeng hriam hrak leh thim khup mai a kan lam a rawn hawi ngar ka hmuh chuan nuihluih ngial pawh duh ila tun ah chuan van a lawn tum ang vel ani, "Roland duhtawk teh ang, ka chau deuh tlat boruak thianghlim dawn ka mamawh ani," tih leh inlak hran ka rual, alo bu ve nghut nghut

Pawnlam pan tur ka pen chhuak chu ka hnunglam aṭangin, "Sabrina zawhna ka zawt lawk thei che angem?" Rawn ti tu lam chu ka hawi vat, hmeichhe te fel et ani, repoter ani tih ka hre nghal bawk, ka thaw hak

"Tunkar thawhṭan ni a kumtin A&J company in antih ṭhin AMC an ṭhulh chhan an sawi hi thudik ani em? In company design chu ilo ru chhuak tak tak em ni?" Arawn tih chuan kan bul vel a ding awm ve zawng zawng chu an rawn hawi nghal ṭhap, camera a rawn de nghal chuai chuai, khawi aṭang nge heng zo zai repoters te hi anlo pun leh hman hrep ni, chuan kei hi design ru tu maw ka nihhhh??? Phiangsen chuan lehhh!!

Ka chhan hmain hnunglam ah ri huk ka hriat rualin glass no tla keh chuai in a zui nghal zat, an phun nghal mur mur, Deborah-i lam ah camera a de nghal chuai chuai, bang a screen lian zet ah chuan a mipa kawp lai nen a hmangaihna an chen dunlai chu a rawn lang nghal, alam ka hawi, alo khur hlawk hlawk, ka nuisuk, khawngaihna ka neilo, kalak a a chet angchiahin ka che ah ka ngai hmiah bawk

"Khi video khi Deborah nangmah ini tiraw, thu leng vak hi thudik tihna em ni? Nang hian i pasal chu ilo uire san reng em ni? Khi khi thudik ani em? Sian chawp tiin ipha leh dawn em ni?" Antih chuan ka nui suk, engpawh hi a lem ati vek zel alawm, mahse ama nun ngeipawh hi alem hle tih a hre silo

"Tu nge he thil hi ti?? Ka nilo.. Keimah ka nilo... Tu emawin dawt a min tal awh tir a tum ani, ka chhuah hauhlo ang," a au in a au tuar tuar, repoters ho tanlah thu phuahbelh tur an ngah tulh tulh dawn tih hriat reng reng

Thaw hakin ka inher, ka tawn tawh thil ani a, khawngaih kherlo mahila en hreawm ka ti ani, ka mitthla ah ka khanghunlai a ka mangan zia kha a rawn lang, ka fapa chungchang min zawh phei kha chuan thawk ngaihna ka hrelo hial ani kha

"Ilo ropoui hle tih ka hre chiah ani Sabrina," rawn ti tu lam chu ka hawi vat, Roland-a ka lam pan a rawn nui vur vur chu kalo melh há, "engmaw?" Ka lo tih hû chuan a nui hak

"I tlan chhiatsan reng theilo ang, a rawn chhuah ve ṭep ka ring," tih pah a ka ṭhutna bul a rawn ṭhu thla in zial phawrhin a zu nghal zat, ka hnar hup bet a kut vai lap lap chuan, "Roland a rim chhia," ka lo ti hlak, nui hawk hawk in, "hmeichhe thianghlim lutuk," ati sup, chuthu a sawi chuan minti khawngat, keihi hi hmeichhe thianghlim ka ni aw kawnglo, ka tenawm zia hi keimah ngei pawhin ka inhria ani

"A hmangaih che," a rawn tih chuan ka phu zawk, "enga???" Ka ti haw, min rawn melh zawkin, "mi â ka nihloh hi Sabrina, Benjamin-a khan a hmangaih che," a rawn tih nawn leh chuan ka nui hak, ka nuih erawh a za ṭhaklo, "i hresual anih chu, nupui neilai in minlo hmangaih ve ngawt tur chhan a awmlo," ngaih pawimawh loh hmel zet chuan ka ti chhuak, mahse "nupui" tih ka sawi lai chuan duhai in a chang hret

Ka lam rawn hawiin min en vang vang, "enge in inkar ah thleng ka hre hauhlo, mahse Cathrine-i meuh nupui a aneih chuan chhan ṭha tak anei ngei ang, mipa te hi hmangaihna kawng ah chuan hmeichhia ai kan ngaihtuahna te hi a tawi ania, kan huat pawh a in rinloh hi hmangaihna vangin kanlo hua a, in nat kan hlauh luat a kan duhdan leh thil dikni a kan hriat ah kan kal fo ṭhin, tamtak chuan mahni hmasialna anti fo, mahse mipa chuan kan hmangaihte him nan chuan hmasial nih hi kan pawisa miahlo ania," ati leh dap dap, enge a hriatle, hengte rawn sawi vak vak

Ka nuilui hak, "chutiang chuan ka ngai hauhlo mai," ka ti sep, mahse ka mitthla ah Benjamin-a a rawn lang nghal, keipawn hmasial tiin ka ko anih kha, mahse ka thinlung chhung erawhin ka tan a inpekna erawh ka hre kar thung

"Ding teh," tih leh ka ban a raw vuanin min pawt ding thut, a ngaihna hrelo zet chuan, "enge tih itum," ka ti hâ, "lo ngawila," tih leh ka kawng ah kut rawlhin alam ah min pawt hnai deuh, a raw kunhniam chu, "heyyy.." Ka ti hman ṭawk tu emaw in a rawn kuai her nawk, a leng dawrh ani ber, ka rak ṭhat, ka hawichhuah leh rual chuan Benjamin-a taksa lian zet in Roland-a alo thut bet ran chu ka hmu nghal, engtiklaiin nge alo thlen hman???

"Nang phiangsen hian ka hmeichhia i khawih ngam amaw?" Ati ṭhawt, engthil nge a tih saw?? "Benjamin duhtawk rawh," ka ti tuar, an lam chu ka pan hnai, ka thusawi chu hrelo ang hmiah in a hnek chhunzawm mawlh mawlh, "duhtawk rawh, duhtawk rawh ka tih chu," ka ti tuar, a kut lek kang leh chu kalo man bet, thaw ri hrawih hrawih a rawn hawi chho in min melh chang rat, a ku khur leh ruh ṭung ah chuan a thinrim zia leh insum a tum zia alang reng

Amitmeng chu a sen râm nilo... A senduk mah mah zawk, pawn lam leh chhunglam aṭang a eng in a rawn chhun avangin amitmeng chu alang rum in a sen nasa leh zual, "duhtawk rawh," ka phun sep, ringtak a sawi ka tum nen ka tha a ṭhum vek

Rawn ding chhuak vut chuan ka ban ah a chelh nghal zat, kalo tal ve phat bawk, "min thlah rawh," ti ṭhat chuan ka thingthla lawp, ṭhu hniam in Roland-a hmai thi hnuang chu ka ban nghal rawk rawk, "i ṭha em? Ina em?" Engthu nge ka zawh!!! ât thlak lutuk ana ngawt angchu

"A thi lo," ti hrawk a min pawt tho lawp chuan Roland-a chu a melh zawk, "i chan tawk anih kha," kha zet a ti leh chuan min pawt sawn dawr dawr, "minthlah vat rawh ramhuaipa, engthil nge tih i tum?" Ti tuar tuar chuan ka chum dawt dawt, a ban ah chuan ka uai ani hrim, phun hluk a ding dawt chuan engmah sawilo in ka lam a rawn hawi, tlan chhiatin in ring ran in ka ding ve ran, awii..... LALPA minpui teh a hmel rapthlak lutuk hian ka tha a ti khur chhe zo dawn!!!!


"Min khawih tawh suh," ka ti thla ve ngawt a, minla vuan reng chu anisia, rapawm zet a ṭhensak in min rawn din hnaih chuan min pu nghal lawp, ka ke ka lêng, a hnungzang a ka chum awk awk, na ti hmel pawh a pulo, "LALHRUAITLUANG, mindah thla rawh, zawnga," ka ti tuar tuar, ka au ri te chu chhunglam a awm ho chuan an hre dawnder silo, an ri hat hat ringawt a, he mihring ka huat zia hi, ka huat tluk zetin ka hmangaih bawk si hi ka inhua ani

"Ngawi mai mai rawh," ti hluk chuan a ai chakin min pen sawn pui, car awmna bul kan thlen chuan car chhung ah ahnawh in min hnawh lut, seat ka deh rual in ka lo ṭang leh phat, ka dar a na zet a hmer chuan min nem ṭhu leh nawk, "phurbeh law law i duhloh chuan che tawh suh," ram hmak a tih leh kawngkhar khar in a rawn ṭhu lut ve nghal


Ka ngawi hmak chiang teh e, chak lutuk in a tlan chhuak, ani pawh biak huphurhawm khawpin a kâ reh mawi zet chu a chip hmak bawk, rei ngial kan tlan hnu ah, "khawilam nge kan pan dawn, sawi duh inei ani lawm ni sawi ta che," ka ti chhuak sup ka aw chu a ringlo lungawilohna pawh alang heklo, pangai tak a dawnsawn ka tum animah zawk

"Kha mihring kha tu nge anih?" A aw chu a ring hauhlo mahse chhan ngei ngei a duh tih hriat takin a khauh fak, "Tung i sawi ka hriatloh ang bawkin hria pawh ni ila ka mimal nun ka sawi chhan tur ka hre heklo, keiai i hre chiang zawk tih lah ka hâi hek lo," ka ti ve sak, car a ti ding tuar, ka in ringlo lutuk nen ka bu lawp, "i mawl em ni?" Ka ti chhuak ṭhawt

"Engmaw i sawi?? Nang hian kha mihring kha i duh tih sawi hauh suh," ati hrawk, a hmel rawn chang leh ṭawlh ṭawlh chu bihruksan na tur awmse bihruk daih ania ka duh ni, "chutiang ka sawilo, ka mimal nun ka sawi chhan tur a awmlo ka ti mai ani," ka ti let ve ṭhak

"Zodinpuii, ka tan apawimawh," ti tuar, ka lam rawn awn hnai a thawri hrawih hrawih bawk, kawngkhar lam ka nek rawk rawk, "i tan enge ka nih a? Ka tan tunge inih, engmah... Engmah kan nilo ve ve, i duh kawng i zawh a, keipawhin ka zawh, khawngaihin... Khawngaih takin chumi kawng ve ve chu zawh ang," a au in ka au, ka mittui tla tur chu ka khap let sak sak bawk

Benjamin-a chuan min melh run, "kan inkar ah hian engmah..." Ka sawi zo hmanlo alam a min pawt hnai hrawk in ka hmui chu a hmui in a rawn chuk tuah nghal, ka tukkhum sam a nghet tak a ṭhamin min fawp ngawng ngawng, min fawhdan chu inhremna ani, ka hmui chu pêh (t) tlak a tum emaw tih mai tur ani

Thawchham lek lek a min fawh hnu ah a chal chuan ka chal ah a rawn nawr bet, a thaw chhuak ham ham, keipawh ka bang biklo, a fawhna natak kha ka taksa hian alo dawngsawng ṭha em em tho anih kha, "bawihi, kan inkar ah engmah a awmlo tih kha sawi tawhsuh, ka tan enge inih ti khan i hre tawh em? Ka engkim ini," ati sup, ka en kar, ka tan pawh hian ka engkim ani ve tho asin, mahse enge ka tih ang

Keimah vangin hreawm tamtak leh ṭawngkam chhe tamtak a dawng a, a duhthlan na neih chhun min humhim nan nupui nei ang a alan angai bawk, keihian enge atan tih ka neih, a zalen na chhuhsak tu leh ahlimna laksak tu ka ni lawm ni??? company ah nise keimah vang in nuai (nuaih) tamtak man thawmhnaw hal ralin a awm bawk, ramdang aṭang a tawhpui tam zawkin inzawmna tih chah an duh tih te ka hre ve vek asin, heng zawng zawng hi keimah vang ani, a nun ah keihi awmlo ila buaina leh harsatna tam zawk hi a nei hauhlo ang

"Khawngaihin Benjamin min hre ngailo leh he khawvel ah hian ka awmve ani tih i hriat hma ang khan awm rawh," ka ti sep, a thaw ri hrawih, ka dar tawn tawn a vuan in min en kalh, "kalsan tur che in minhrilh suh, thildang erawh min dil rawh i duh duh ka ti ang, engkim ka pe angche," a aw chhuak chu mahni thuneihna leh chapo na alang hauhlo, a ngen tak meuh meuh in min ngen tih alang

Ka mit ka chhing sawk, "ka nun ata hi hla tak ah kalbo rawh, i awm ve a, Benjamin-a hi tunge anih tih leh a piang ve em tih pawh ka hriat hma ang khan awm ka duh, chu chu ka duh thusam ani bawk," ka ti chhuak sep, ka ṭah a chhuak ut ut, ka duhthusam diktak hi engtik ah mah a thleng ngai dawnlo tih ka hming ka hriat chian tluk hian kava chiang si em!!!!

Mit en vawng vawng, "ka thlah haw angche," ti sup chuan ka dar a vawn na thlah in a ṭhu ṭha, car ati nung nghal zat, a tu mah mah kan ṭawng tawhlo, mahni ngaihtuahna ve ve kan kawm tih alang reng, a changin ka melh leh zawk ṭhin, ani erawh dingtakin hmalam a en thung, a hmelpa ṭhak te, anui hmel mawitak te hi tu emaw tan engtikni ah emaw chuan an khawvel ala ni dawn si a, chumi ka ngaihtuah ringawt pawh in ka na vawng vawng, ka mit ka chhing chial, a rimpa ṭhak mai chu car chhung ah anam chem chem, ka hip vang vang bawk, engtik ah mah tiang a in hnaih hian ka ṭhudun leh tawhlo ang tih ka chiang ani

"Reubena ruang chu phawrh iti lo tak tak em ni?" A rawn tih chuan ka harh zawk, ka ṭhu ngil nghal awt, engtin nge alo hriat ni, ka en vat, milo melh ran, "ka hrelo," ka ti sep, thaw hakin, "zanin ah Deborah-i khan a phatmawi zia i hmuh kha, i fapa dikna hailan i duh chuan engkim i tih theih a piang itih angai ania," ati leh sep, 'i fapa' atih lai chuan engtin amaw ka awm, ka thin zawn hi a rawn sa veng veng, nidang ah chuan 'Reuben-a emaw bawihtea' tiin a sawi ṭhin anih kha, ka ṭhenlui sak, "i thurawn avangin ka lawm e," tih leh kawngkhar ka hawng nghal

"Zodin," a rawn tih sep chuan ka chawl dawt, chupawh chuan minti na tho, tinge?? Engvang nge ka nat?? Ka hming ani lawm ni???? Muangchnagin ka hawi let, mitmeng hriat thiam har lutuk a milo melh chuan a nui suk, a nui hmel te chu 'MANGṬHA' tihna ni awm hrim ani

"In enkawl ṭha angche," ati sep, a aw chhuak ah chuan natna thuk tak alang tel, ka kâ ka âng theilo, ka ṭah a chhuak takzet, ka bu nghat, "mangṭha le," a rawn tih pawh chu chhang letlo in car kawngkhar khar chuan chaktak in inlam ka pan nghal, ka biang rawn lum thla pup ka hriat in a ai tam ka mittui a rawn baw zung zung

Kawngkhar ka pen luh rual chuan chaktak in ka room ka pan, ka ṭap chhuak hawk, ka awm ka chum dawt dawt, ka thin chhung hi an ani, ana thip vat vat, chemte hriam tak mai a zai sawm ang mai hi ani, "ka fapa min ṭanpui rawh, akal tawh, engtik ah mah lo let leh tawhlo tur in a kal ani, ka kal tir ani, enge ka tih ang, LALPA ka nun ah hian tinge ka hmangaih te chu ka thlah liam zel angaih bik?" Ka ti chhuak hawm hawm, "hmangaih neih hi ka tan thil theih anilo em ni?" Ka ti chhuak ṭuak bawk, enge ka tih ang, chelhbet tur in dikna ka neilo a, ka kiang a awm tlat tur angen tur in chhuan tur pakhatmah ka nei heklo, vawikhat ka ti sual a, a vawihnihna ah erawh ka duh thlan na ngeiin Pathian duhloh zawng bawkin bul ka ṭan leh anih kha, heihi em ni a hremna ni ta?????


(Vawikhat tihsual a awm, vawihnihna erawh kan duhthlan na ani❤️❤️❤️❤️❤️Engtin nge kan tih ang BJ leh Sabrina te hi??? Kum khua in an in hmangaihna chu an mahni in kan vawn tir mai dawn em ni???)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 2nd, 2018, 1:07 pm

SUCCESS
By floria laldansangi
30

Ka zingtho chu lu na bur in ka tho chhuak, ka mit lah chu a chhah em em bawk, bathroom ka luh rualin darthlalang a ka hmel rawn lang ka hmuh chuan ka phu zawk... Awiiiiiii heihi keimah em ni, ramhuai naute ka ni mai alawm, ka mit lah chu a bui nasa em em, ka sam lah chu a pheng nasa siahhhh...

Tui lum sa vervawr in ka in chiah vang vang, ka thaw chhuak ham ham bawk, ka harh kawk kawkin ka hria, mit ka chhing chial, ka mitthla ah nizan a Benjamin-a hmel kha arawn lang, na tak tuar ang maiin min en anih kha, ka thaw chhuak hawk, ka fapa tan a ka tih theih hnuhnungber chu engti kawng pawh a hneh na chan ani, ka chang ngei bawk ang

Room aṭang ka chhuah rualin ka nau chhuak tur pawh room aṭang a rawn chhuak ve chiah, "thu thlukna diktak k siam ania mate," arawn tih chuan angaihna hrelo zetin ka en hâ, "engmaw?" Ka lo ti hâ chu nuisuk in, "Benjamin-a hnen aṭang bawihtea ruang phawrh leh i duh tih kalo hria a, chawhnu lam hian kan ṭan ang,” atih chuan ka âng hau ringawt, nizan khan phawrh leh aṭha tih thu chu a sawi ngei mahse ka remti ka ti hauhlo, chupa phiangsen chu lehhhh

"Ka kal ania, i rawn lan ve duh chuan dar 2 ah thlanmual lam i rawn pan dawn nia, court lam ka buaipui fel tawh a, Deborah-i te pawn court a inlan hun tue an dawng tawh ngei ang," tih leh ka dar a beng thak thak chuan a pen chhuak nghal, ka nau chhuak chu ka en ngawt ngawt tawp, ka rilru leh ngaihtuah na ah engmah a awmlo

Nileng deuh thaw chuan ka vei tawn chhen, Benjamin-a biak ka duh, ka be theilo.. Nilo ka ngamlo ani mah mah zawk, enge ka hlauh? Ka hrelo, ka hrelo takzet...

Ka fapa chu an phawrh dawn chiang, keihian a tawp nan ka hmu leh dawn lawm ni?? Mahse enge ka tih ang, ka ngaihtuah zawng ribgawt pawhin ka na vawng vawng ania, ka ding chhuak leh zo angem?? Vawikhat... Vawikhat dang leh hi ka hmuhlai in ka phum nawn thei dawn em ni???

Ka ngaihtuahna avang chuan ka mittui a rawn hnam ṭiam ṭiam, "Bawihte mummy hi chakna mi pe hram teh, i hmel ka hmu leh ngam angem, a vawihnihna atan ka phum nawn ngam dawn che em ni?" Ka room chhuat ah chuan ṭhu thla hnawkin ka ṭap chhuak hawk hawk, "van mite u minpui teh u, Aw LAL Pathian vawikhat dang leh chauh chakna minpe hram teh, ka fapa.. Ka ril a rah ngei min laksak tak kha, vawikhat, vawikhat dang leh ka hmuh nawn leh ngam nan chakna minpe hram teh," ka au chhuak hawm hawm

Rei tawk fang ka ṭah hnu ah muang changin ka ding chhuak, ka mittui hnawng chap chu ka hru tawk, ka fapa thlalak chu ka en vang vang, "Bawihte mummy hian arawn hmu dawn che ania," ti sup chuan ka mit aṭang bawk ka chaklohna, ka natna ti lang tu mittui bawk a rawn luang leh nguai nguai, ka thaw hak

Ka thawmhnaw thlakin room aṭang ka chhuah chuan kawngkhar a rawn ri ral ral, sana ka en, dar 1:30 a pel tawh, kawngkhar ka hawn rual rual chuan a rawn in pawt hawng ṭhuai, "Zodinpuii nang sawn chhenu engthil phiangsen itih hi?" Ti tuar chuan lehkha phekin ka hmai a rawn vawn sawk

Ka nau sawi ang khan court thu chhuak a hmu tawh tih a hriat ngawih ngawih, "engthil nge ka tih en tur a ilo kal anih chuan chhuah ka tum chiah tih ka hrilh angche," athusawi hrethiamlo ang hmak chuan kalo ti let

"Nang uicho nu," ti tuar a min rawn khawih atum chu a kut lo beng sawn lawp in a hmai ah ka beng sawk, vawikhat mai ka duhtawklo a rawn hawi chhuah rualin ka beng her leh sawk, "nanghian kut min thlak amaw?" Ati tuar, a hmai a ka kut thla lang kalh leh sen tawn tawn chu a kutin a khawih zauh bawk, kut thlak satliah mai nilo thei ngat ila keh bawrb bawrh a ani nen hian hremhmun kaldun mai pawh pawi ka ti chai lo, he mihring vanghian natna engzah fakau nge ka tawrh la ngai dawn, he mihring vang hian ka fapa a vawihnihna atan ka ohum nawn daw asin!! Min dem in awm em?? Tu pawh chuan min dem ta che u, ka fapa vang pawh hian thih hi a phu hluah hluah

"Kei uicho nu hian dam chhung a i hriat tur ser ka pe ve dawn che tih hi hria angche, ka inchhung hi 1mins chhung a i chhuahsan lo anih chuan police ka ko bawk ang," thinrim zet chuan ka ti let hrawk, "enge ka tih theih en angche," hriam hrak a atih chuan ka nuilui hak, "minla hrechianglo ani DEBORAH LALNUNHLIM hman a i ṭhian ṭha ber engmah hrelo ang kha ka nitawhlo, i vau beh theih leh i nawrluih theih ang kha ka ni tawhlo, a kaw tawp thleng kei hian ka nawr bet dawn che, chhuak rawh," ti hrawk chuan ka nam sawn dawr

"Zodinpuii i fapa kha ka thah ah i ngai em ni? Kei chuan damdawi ka pe mai ani, ka that hauhlo, nanghi ani a that tu diktak chu, mahni fapa pawh venghim zolo Nu inih kha... Roberta kha ka chhuhsak ah che i ngai em ni? Ka chuhpui hauhlo che, keihian ka hmangaih hmasa asin, ka hmangaih... Ka hmangaih takzet, nangnen a bul in ṭan dawn pawh khan ṭap chungin ka ṭhian inih thu ka sawi asin, ti chuan enge a sawi i hria em?? Kei chu hmeichhia angin min en ngailo tih leh nang fahrah satliah mai mai kha ahmangaih che tih hi ani...

Ka hmangaih a, ka ta ni ngeise ka duh bawk, nang a ruk lai che a ka helai nat zia hi i hria em?" A awm a chum dawt dawt, "ka ṭhianṭhaber leh ka mipa hmangaih chu an inkar ka sawfel sak fo an ngai a, ka thinlung leh ka hmangaih pawh hre thiam ngailo, ka mizia pawh hrengailo ṭhian ini kha i thiamloh ani... ka ṭhian ka tih, a nun ka awh em em, engkim ka nei chung pawh a mi zawng zawng in keiai an thlan Zodinpuii kha ka hua ani, chu chu keinilo in nangma thiamloh anih chu.... Mahni fapa pawh venghim zolo, mahni mipa hmangaih pawh nei theilo hmeichhe khawngaihthlak inih kha, engkim ah min puh hauhsuh, hmeichhe mawl leh khawngaihthlak lutuk inih kha," ati tuar tuar

Ka din na hmun ah chuan ka in hum ruh ngawt ngawt, a sawi dik ani, ka ṭhianṭhaber ti a ka sawi thinlung pawh hrethiam lo khawp a mawl ka ni, mahni fapa pawh venghim zolo khawp a nu lak tlakloh chu ka ni takzet ani, tun ah.. Tun ah ngei pawh hian ka fapa ruang ngei pawh ka hmu ngamlo chu ania, eng ang nu nge maw ka nih le???

Engtiklaiin nge Deborah-i kha a chhuah ka hre hauhlo, engtiang a rei nge ka din lah ka hre heklo, sana ka en zawk, dar 3 a pel daih tawh, ka harh chhuak zawk, hmanhmawh tak a tlan chhuak in car ah ka lut, thlanmual lam chu chaktakin ka pan bawk, ka tlan chak bawk a rei ka tlanlo khawp mai, thlanmual ah chuan ka car ka hung rem, hmanhmawh takin ka fapa thlan zawn ka pan nghal chawn chawn

"Bawihte, mummy alo kal," ka ti thla ṭuak, ka ṭawng an hria ani ngei ang ka nau a rawn hawi vat, "mate," ti sup chuan kalam a rawn pan, "khawnge ka fapa, ka fapa ka hmu duh," mittui tla zawih zawih chuan ka ti chhuak, "lo kal rawh, i ṭha takzet ang maw?" Ati leh sep,"ka fapa hmulo a ka thlah liam tir che u chuan ka ṭhalo zawk daih ang," mittui nen chuan ka lo ti sep

Ka fapa ruang an phawrh chu leiah puan an phah ah chuan anlo zalh, ka hmu thut chu ka kâ ka hup, mahse eeeee ka fapa.. Ka fapa chu ataksa ṭawih ṭan tawh te, a vun chhe tawh te chu, ka thin hi ava na tak em!!! Tu emaw in min rawn vut ni mai hian ka na ani, tunge na lo awm ang che u??? In fapa in ril a rah ngei chu taksa ṭawih tawh te han hmu teh u, in na lo bik angem ni??

"Bawihte," ka ti chhuak thei ṭawk, lei ah ka ṭhu thla hnawk, "ka fapa i mummy hi min ngaidam rawh aw, vawikhat... Vawikhat mai pawh nilo vawihnih ngawt phum nawn ngaiin ka siam ta che a, enge ka tihtak hi, nu a zawng a nu lakthlam loh ber ka va ni tehlul em?? Pathian min khawngaih lo em ni, han enteh ka fapa ruanghi, a taksa chhung ah hian engthil chiah nge thleng? Chu pawh kei anu hian ka hrelo ania, Aw Pathian ka chung ah hian zah i ngai thwi nganglo em ni???" Ka awm ka chum dawt dawt, ka hnang awng awng

Ka thil hmuh leh hriat chu a phe ruai ruai, ka nau aw chu hla tak aṭang ka hre ruai ruai chauh ani

****
"Mummy enga tinge ila ṭah ziah a?" Ka fapa in ka mal chung a ṭhu in atih chuan ka kuah vawng vawng

"Ka mumang ani em? Anilo tiraw ka fapa ka kuah che, ka kuah che ania, min kalsan tawh suh aw," mittui tla zawih zawih chuan ka sawi chhuak

"Mummy ka kalsan ngailo che, i ṭah pawhin i bul ah ka awm alawm," nui ver ver chuan ka kuahna aṭang a rawn dak chho hâ chuan a ti var, ka bu nghat nghat, "tumah ka mamawhlo, ka fapa nangmah chuah ani ka mamawh che ni," ka ti sep

"Min hua em? I mummy hian itan engmah tihsak theih che ka nei silo, ka venghim zo silo che a," hmui pet fan fan chuan ka ti chhuak ṭuak, "Mummy i sawi kha mifel chuan tumah an haw ngailo, mummy, Reuben hian mummy a hmangaih alawm," ka biang khawih pah a a tih chuan ka ṭap chhuak hawk, "Mummy pawh hian Reuben-a hi a hmangaih lutuk, i hria tiraw mummy hian Reuben-a a hmangaih lutuk tih hi?" Ka ti chhuak ṭawk

Ka fapa chu anui ver ver, a bu nghat nghat, mahse ka kuahna aṭang chuan a ral tial tial thung, "aih.. Nilo.. Bawihte, khawnge i awm? Mummy hi kalsan tawh suh ka tih kha," ka kut chu ka en ka fapa ka pawm lai kha ka hmuh lai ngeiin a bo ani, khawnge a awm?? "Bawihte..khawngaihin min kalsan suh.." Ka ṭap hawm hawm ka hawi kual ka awmna zawl dao ah chuan tumah reng an awmlo
********

"Bawihi..." "Mate harh teh, harh hram teh," ka ṭhu chhuak hlawl, ka nau leh ka nu leh pa, ka unaute anlo awm ṭhap, an hmel ah chuan mangan na nasa tak alang, ka hawi kual, ka fapa ka zawng ani, "khawnge bawihtea, ka fapa kha khawnge, ka kuah lai khan a awlo, nilo khawnge a kal, nu, pa Reuben-a ka hmu ani, min kalsan ngailo tih pawh a sawi ani," mittui tla zawi zawih chuan ka au


Ka nu in min rawn kuah thlawp pah chuan, "ka fanu khawngaihthlak, engtiang a rei nge ila tawrh ngai dawn le, aw LALPA Pathian zah ngaila ka fanu hi hlimna tlem te tal han tem tir ve teh," ati chhuak rawih rawih, kei erawh ka ṭap chhuak zawih zawih, ṭawng chhuah tur reng reng ka nei tawhlo, thihna hi a rapthlak ani chu aimahin vawihnih na atan a mahni fa ngei mai phumnawn leh hi anat dan hi ana ngut ngut, min hmet hlum mai dawn in ka hria


Doctor rawn luh chuan min chiu in ka muhil leh nghal, ka harh leh chuan khua pawh a thim ruih tawh, ka mutthil lai a engmah ka hrelo ang mai hian, awm ani ka duh, engkim tlansan a, khawi ah emaw tuma min hriatloh na hmun ah tlanbo ka duh takzet mahse khawi hmun ah mah ka tan tlanbona tur a awmlo tih ka hria, ka mit ka meng riai riai

Ka thaw kawk, room chhung chu a reh ṭhap, ka kut chuan ka chal dawmin ka bek ah ka mittui a rawn luangthla nguai nguai, hringnun ah harsatak a nung tur a bei ṭang ṭang te an awm tih ka hria, harsatna nasa tak tawng a, nun harsa tak nei te pawh ka hre fo mai, mahse kei tluk a mi vanduai hi an awm dawn em ni??? Ka mit ka chhing sawk, ka fapa a boral khan Pathian ka dem hle anih kha, kha mi ni aṭang khan vawikhat mah ka ṭawngṭai tawh ngailo, biakin kal te chu a teuhlo mai, ka mamawh oawh in ka hre heklo, keiai thil ti sual tu te leh ka chung a diklo tak a ti tu te nuamsa tak a awm tir hi ka dem em em, rorel na diklo tak in alek kawh ah ka ngai hmiah bawk

Enge ka tihsual a enge heng hreawm leh natna zawng zawng tuar tur hian thildiklo tih ka neih bik em em? Tiin ka in zawt fo anih kha, mahse tun a ka thinlung hian enge a sawi, Pathian.. Pathian ka mamawh zia leh a thu a ka tui hal zia a sawi nimai hian ka hria

Ka chakna leh ka theihna ring in ka hmelma te beih ka tum kha ania, mahse a tawp ah min nawrbeh na chu ka fapa ruang lak chhuah ngai khawpin ani, ka mit ka chhing sawk, "LALPA minpui hram teh," ka ti chhuak sap


Tu emawin ka hmai chu lu khamin a rawn nawr bet, ka tal phat, ka kut in ka in vai, taksa lian tak ani tih ka hre thei, damdawiin khum tlang chu ka sawi au chhuah ka tum ka theilo nasa lukham a min nawrbeh na chu a nghet lutuk, ka thaw theilo, thawk ka tum, mahse boruak hip tur a awmlo, ka kut ka vai chu ka tha a zawi tial tial, thawkleh khat ah min nembet tu chu a per lawp, ka thaw kawk kawk, ka khuh nghal bawrh bawrh bawk

Ka lungphu rang lutuk leh ka thin zawn sa hat hat chu hreawm tih piahlam ani, ka nau in, "mate i ṭha em?" Tih pahin min tung tho nawlh, ka lo kuahbet nghal chawih, ka thawk ala pangailoh ang bawkin ka lungphu pawh ala rang lutuk mah mah, "Uhlim kha mihring kha phuarbet rawh, court ah a inlan ve ngei angai ang," ka nau in sehchilh zet a ti chuan a taksa pawh a pawng ṭawlh ṭawlh thei

"I zia awm tawh em?" Thinrim i sum tih hriat zet chuan min mansawn deuh, ka mittui a rawn hnam ṭiam ṭiam, ka bu nghat nghat, ka tha erawh ala khur ru dar dar thung, kan sir a Benjamin-a lo ding ve run ka hmuh chuan ka phu zawk, enge hetah a rawn tih ve? "Ka ṭha, mahse tunge anih khapa?" Mittui tlingpam chuan ka nau chu ka melh, a lu thing mat mat in, "ka hrethiam hauhlo mai, mahse lung ngai miah suh, tunah chuan engkim fiahna kan nei tawh ania, kha mihring pawh kha Deborah-i rawn tirh ani ngei ang," seh chil zet chuan a ti chhuak hrawih

"Jonathan kalo va chhuak ange, office lam ah kan inhmu mai dawn nia," arawn tih chuan ka melh zawk, minlo melh vang vang, a mit meng ah chuan min ngaihtuahna ni awmtak ka hmu thei, thaw hakin kawngkhar lam a pan nghal, ka nau in min en vang vangin, "ni hnih hnu ah court kan ṭan ang," ati sep, ka bu nghat sawi tur vak ka hrelo, court ah kan thlen tawh chuan kan buaina te chu a tawp vat ang tih ka hria, lawm hle tur ka nihlaiin ka lawm na leh thlamuan na ala famkim hauhlo.... Ka thinlung kil khat ah hian Benjamin-a nen heng zawng zawng tawp hun ah chuan mihrang tak tak kan ni tawh dawn tih a hre tlat ani


Nihnih chhung ngawt damdawiin ka awm hnu ah vawiin ah ka chhuak thei dawn, damdawiin a min rawn bei tu pa kha ka nau sawidan in Cathrine-i rawn tirh ani awm e, engvang a min thah tum ve ngawt nge maw anih le? Ani nen hian eng ang fakau a buaina nge kan neih, ani chuan Benjamina ahmangaih avangin min bum a min hua ani mai, mahae Benjamina berin duh thlangin a kut avuan tawh ani lawm ni? Engvang a min ngaithei (ngei) lo em em nge maw anih hrep ni??,

"Mate heihi i inthlakna tur aw," tihpahin ka nu in bag a rawn ken chu minpe, "kan inthlak lawk ange," tih leh toilet lam ah chuan ka let leh, damdawiin ka awm chhung khan min veng turin Uhlima naute kha an awm reng, ka nau leh Uhlima pawh an rawn kal fo, Benjamin-a erawh khami ni bak kha ka hmu leh tawh hauhlo

Ka inthlak zo ka nu in, "pawn ah i u in min nghak a court lam kan pan nghal mai dawn nia," atih chuan ka bu nghat, pawn kan chhuah chuan U hriata alo awm vang, min nui seih

Ka zam takzet, kawngtluan in tu vakmah ka ṭawnglo, ka rilru ang hi anpu ve tih ka hria, ka kut ka sik neuh neuh, rei tak chhung ka ṭawngṭai ngai tawhlo, a ka fapa ruang an phawrh ni khan Pathian hnen ah angen in ka ngen tak meuh meuh anih kha, tun ah pawh ka rilru chuan Pathian bawk alam leh, Pathian hnen ah han vui in lungawilo ṭhin viau mahila, Bible in enge a sawi, "mangan ni a ṭanpui var tu hnai ber," ati anih kha, mifel tak nilo amah dem em em ṭhintu au thawm pawh hi a hriat ve ngei ka ring ani


Court kan thlen chuan ka thlir vang vang, ka mitthla ah ka fapa kan in chuh ṭum kha arawn lang nghal zat, kan sir a car rawn ding dat ah chuan kan hawi, Deborah-i leh a Lawyer zam map lo a rawn chhuak chu kan lo en kar, an hmel ah zamna pakhatmah lang lo chu an chhuanawm letling, thil ti sual lo tu zawk pawh ka zam chhelo chauh ania lehhhh!!! Khawnge Roberta nu te hi, an rawnla thlenglo ani ngei ang....


"Mualpho tak hian court hmun hi i chhuahsan leh ang tih chu ka hlauhpui khawp mai che," ngeiawm zet a Deborah-in arawn tih chuan ka ṭhensak, "i dam chhung a ser nung ka siamsak angche ka tih kha," tih leh ka in her nghal, ka hnunglam aṭangin, "minti chhe tur chuan Zodin i fiahna neih ho kha engmah anilo tih hre phawt maiteh," arawn tih chuan ka nui hak, alam pawh hawilo in, "vawiin hian i in chhung i rap leh tawhlo ang tih ka tiam a che Deborah," inring tawk tak a ti kha fak chuan muangchangin ka in her

Mit meng thip ram a min melh ran tu chu ka nuihsak, kan hnunglam aṭangin, "mama," rawn ti tu lam chu kan en nghal ṭhap, "enge he tah i rawn tih?" Deborah-i aw chu chang tak ani, mahni fapa te biak nan chuan a chi viauloh

"Ka rawn hruai anih hi," Benjamin-a pa in a rawn tih chuan Deborah-i chu a thaw hawk, "ka pa helai hmun hi naupang awm na chi anilo," hriam hrak a atih chuan, "i fapa khan a puitlin hun ah anu thil tihsual te zawhna neih ngailo in amah ngeiin ahmuh theih nan a awm ve kha a pawi lo ani lawm ni? Ka fapa court aṭang a min laksak angchiah khan," kha fak chuan ka ti chhuak, ka fapa ka sawi tel chu ka mitthla ah he hmun ngei a mittui nen a kan inṭhen lai kha arawn lang zut zut, ka thaw hawk

"Zodinpuii nanghian ka fapa tihnat i tum anih chuan..." A sawi zawh hmain,"tihnat tum ni ila ka fapa itih angchiah khan i hma ading tur leh, ka fapa ti a koh tur awmlo turin ka nuaibo ang," changfak a tih leh ka in her nghal, engpawh thleng dawn se vawiin ni hian a ke in an in chhung a rap leh tawh lo ang


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)