BLIND By floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: BLIND By floria laldansangi (Completed)

Unread post by Ngaia » September 23rd, 2018, 8:49 pm

BLIND
By floria laldansangi
14

Mary-in phone alak rualin, "Mar keimah," ka ti sup, sawi pawh ka sawi zawm hma in, "nuam iva ti awm ve, min hre changlo ania, kan Spanish pa chuan a chawm ṭha che tih ka hre mai," a rawn ti nghal zat zat, a nui ar ar bawk, ka awmdan nen inmil lo lutuk chu ka thaw hak


"Ka thawmhnaw hak tur ṭhenkhat kengin min rawn hmu rawh, a hmun chu message in ka rawn hrilh angche, Lucas-an apartment a rawn pan chuan hmu suh angche, Mary ka thusawi chu i hrethiam tiraw?" Ka ti nghal zung zung, ka sawi vat anihloh chuan thu awihawmloh zet zet a rawn sawi leh vak ka hlau, a ngawih vang vang takah chuan, "ka thusawi i hria em?" Lungawilo zet chuan ka ti leh


"Ngawilawk teh, tunah khan Lucas-a nen in awmdunlo amaw Mede, engthil nge thleng?" A rawn ti nghal chul, henu ṭhin tak hi chu, "inbeng dai la mi phone ka hman sak si a, ka sawi ang chuan ti mai rawh," tih leh ka off nghal, in hmuhna hmun tur chu ka send nghal zat, phone pek let pah chuan, "ka lawm lutuk ania, tah hian ka lo nghak mai ang," tih leh kawngkhar hawn ka tum chu ka ban arawn chelh vat, ka en ve nghal vat bawk

Min vawn na thlah pahin, "khatiang kha chuan chhuaklo la a fuh zawk ka ring, ka nghahpui angche," a ti sup, ka in en, a sawi dik chiah, ka kawr hak tawng chham lutuk te chu, ka tih ngailoh ni miahlo mahse khawlai din pui reng nan chuan a mawi lemlo

"Ka lawm e," ka ti sep, "Bar ah khan ila thawk em?" Kan ngawih dun vang vang hnu chuan a rawn ti sep, bu nghatin, "thawk e, ilo kal tawh anih ka ring min hre emai," alam a hawi pah a ka tih chuan a nui hak, "min hre tawhlo tak tak em ni?" A rawn tih chuan ka lu ka lo thing ringawt

"I ṭhiannu ka lo chhan na lam ah min hnek kha, i hrelo amaw?" Ati deuh hâ, ka ngaihtuah let, ka hre chhuak thut, kumtir lam khan Mary-i car park na hmun a tu emaw in alo pawt buai, a pawt tu emaw ka tia, ka hnek tak kha, ka nui chhuak hak hak, mi engzah fakau nge ka hnek hi tuar tawh hlawm ni maw??

"I hre chhuak ta ni in alang?" A rawn tih chuan ka bu nghat nghat, a tawng reng, kan nui leh hak ṭhin, mipa fel tak ani, a ṭawng duh em embawk, Mary-in a rawn thlen tawh thu a sawi chuan car aṭangin ka chhuak, ka ban ka vai zauh, ka lam rawn pan pah chuan, "in sawifiahna tur i ngah takzet Medelia Morigan," a rawn ti hlak hlak

Paper bag a rawn khai chu min hmeh bel nawk nawk bawk, nuih tlawn pah chuan, "ka inthlak anga kan inbe dawn nia," ka ti ta ngawt, car chhung a inthlakin ka chhuah rualin min phur tupa leh Mary-i chu anlo inbe mawlh mawlh, a hming pawh kala hreve ta chuanglo

"Ka lawm lutuk ania," ka ti sep, bu nghatin, "kan la inhmu leh dawn nia, ka kal ange," tih inher vut chuan car ah a lut nghal, a tlan chhuah rual rualin, "awii Mede a chhiatloh zia kha, a fel si khawi ami nge iva hmuh leh bik," a ti nghal zat zat, mahnilo mah a rilru hah nak alai in ka melh hrawk

"Jamestown ka biak angai," ka tih chuan min en kawk, "i â ta em ni?" Tih melhin min melh, "thil tih chiloh lutuk anih chu, tun ah pawh hian nangmah zawngin a phi cheng maithei asin," uar zet a atih chuan ka en kawk

"Enge i sawi awmzia?" Chil lem khalh chuan ka ti chhuak, ani te kha chuan Lucas-a in ah ka awm tih a hre reng alawm, a lu thing mat mat chuan, "ka chianglo, Ailey Martin hi i hre ngai em?" Atih chuan ka bu nghat nghat, "a rawn kal zing khawp mai, ka hriatdan chuan Lucas-a nupui hual nilai ani bawk, James nen hian inzawmna an nei ni in ka hria, i chanchin pawh hre tak ani," atih sep sep chuan mak ka ti lutuk, ani te chu sumdawng fanu ani a, enge Jamestown nen hian inzawmna an neih ang?


“Chutiang engmah a awmlo ang, Lucas leh Ailey chu chungchang chu ka hria alawm," kalo ti vat, mak tih hmel zet a min en haw chuan, "chu chu em ni i rawn chhuahsan chhan, chu Spanish uicho pa mai mai chu leh," ati nghal tawn tawn, ka nui hak, ka pum a rawn ri ruk ruk, Mary-i thinrim pawh a rawn nui chhuak hawk, "ka ril aṭam lutuk zing aṭangin engmah kala eilo," kalo ti nghal vat

Nui vak vak chuan, "sawlai deuh ah sawn ei tur va lei teh ang, chuan engtia awm nge i tum, James bul ah chuan i let lo ang tiraw?" Tih leh pensawn a rual nghal, ka thaw hak, "ka biak angai, tun ah hian Emcey-i New York ah a awm mek tih i hria em?" Ka ti sep, a pen tawp chat chuan kalam a rawn hawi, "i fiamthu em? Engtin nge chu chu a thlen theih?" Hlauhthawg zet chuan a ti chhuak, ka kut a lo zap in, "ka hre chiahlo, Lucas pawh hian drugs dealers ka nintih a hria, min man tur in a rawn kal thuai ang," ka sawi zawng te chuan ka ṭah a chhuak tun


Mary-in lainat hmelzet a min en chuan, "Mede itan ka awm reng ania," tih pa chuan min rawn kuah, ka nui hak, "ka hria alawm ka ril aṭam teh ania," ka tih chuan nui dat a inla hrang chuan, "ti rawh ei ṭeuh ang," tih leh thawveng zet chuan restaurant lian lutuk lo lam chu apan, nui ver ver chuan ka zui ve nghal zat

Eitur kan order nghah pah chuan Mary-i phone chu ka hmang, "i rawn ti har ka ti reng ani Morigan," a pickup rualin Jamestown chuan a rawn ti nghut ka call hun a chang emaw tih maitur ani, ka thaw hak

"Tun ah chuan ka la buai viau ani, i nau awmna hriat i duh anih chuan ka hre bik hauhlo mai," tih leh ṭawng pawh ka ṭawng ve hma in a dah nghal daih, ngei lutuk chuan phone chu ka melh hrawk, mai mai chuan, saw American uicho pa sawn a hriatloh chuan tu in nge hria ang, Emcey-i nizan aṭangin ka be theilo, Jamestown hian min hrilh duhlo anih chuan kan thihdun ngaipawh nise ti mai mai hian ka tlawm dawn hauhlo, "a mood a fuh vak na nge?" Mary-in a rawn ti sep, nuilui sak chuan ka lu ka thing mat mat

Min en vang vang, "Mede, James hian a duh deuh che in ka hria," a rawn ti chhuak phawng, ka nui hak thung, awihawmloh lutuk, "i â ta ami, minduh nise min sawisa reng nang," tih leh kan eitur order lo thleng chu ka ban nghal zat, ka ṭam tawh em ani

"Ka ti tak tak alawm, i lak a adawh theih bik zia hi," ti leh hram chuan ei tur chu a ei ve nghal, ka chhang buai peih tawhlo, ka ril a ṭam tawh lutuk, Jamestown hian minduh lul lo ang, thil at thlak deuh deuh sawi hi a bansan theilo chu anih hi

Kan ei zawh chuan apartment a let duh viau mahila Lucas-an min rawn zawn ka hlauh avangin Johnny chen na lam kan pan, kan thlen rualin Johnny-a hnen ah silai min hman tir tur in ka dil nghal zat

Mary leh john-an makti zet a min en chuan, "thah itum em ni?" Mary-in ati haw, teuhlo ka pian a hnulam ah silai kala hmet puaklo hrim hrim mahse Jamestown hma ah chuan ka mamawh ka ring tlat ani


"ka mamawh mai ania," tih leh john-a silai rawn phawrh chu kalo phih thla sawk, "thiltih fuhber chu anih ka ringlo ania Mede," Mary-in a ti leh sup, ka ngai pawimawhlo, tun a ka hriat duhber chu khawi ah nge ka nau tih hi ani

Johnny apartment chhuahsan chuan Jamestown kal fo na thin casino lam chu ka pan, hmeichhe hur fe fe nen hun an hmang tih ka chiang em ani

Room nalh tak ah music ri hut hut chu kalsan in ka pen lut, dawhkan sei tak leh nalh fahran chu ka melh, alai tak a sofa manto zet ah hmeichhe pahnih kar cheh a ṭhu Jamestown American uicho pa ka nau hmang a min vau bet tu chu rui meng phi luai in a hmeichhe awmpui chu a lo chul kual vel

Ka silai hmang a ka kah nghal sawkloh nan ka in hum ruh, kum tamtak hnu ah pawh a hurherhna leh hmeichhe rawp na chu ala danglam hauhlo ani

"Ka rawn thleng e Jamestown ," chang fal a ka tih chuan ka lam a rawn hawi vat, a meng nghal kawk, min hmu chu mak ati tih leh a awihloh tih hriat zet in a mit mu a tal nghal rak rak, Jamestown anglo takin zam na mitmeng anei, a lu a thing mat mat bawk, zanin tut tut a ka hmuh a ringlo te pawh ani mahna

"Mitthi tho leh hmu te pawh i ang a lawm?" Ti nghat chuan sofa sei zet ah chuan ka ṭhu thla hnak, ka silai pai chu dawhkan ah ka dah ri bawl, hmeichhe pahnih ṭhu ve chu an meng phar awk, kei erawh Medelia Morigan diktak ang in zam hauhlo in ka hma a whisky man to tak Remy martin black Pearl Luis XIII, kum 115 zet a upa tawh chu ka thlek vang vang

Ka nui hak, "Mr. Town ti teh vak khan min thlek suh, ohhhh kum tamtak liam ta ai khan i whisky duhzawng pawh alo to hret tawh anih hi, nge ni a kha Ailey Martin hnen aṭang khan sum i la lut hnem zawk," seh chil zet a ti in ka thli chhuak, no khat pam chu ka in nghal pawp, ka kâ sa ham ham leh ka hrawk leh pumpui sa thla hat hat chu ka hre chiang teh e

"Medelia Morigan diktak ini, mahse i sawi kha ka hrethiam ta hauhlo mai, i rohlu tak neih duhin minrawn zawng ni in alang," tih leh hmeichhe pahnih ṭhu ve chu chhuak tur in a mitmei nghal zat, ka nui hul hak, " ohhh i hriat chhuah theih nan he ka silai mu hi kha i lu lian zet thluak thawl si ah khan ka verh luh kher angai itihna em ni?" Tih leh ka no ah whisky bawk chu ka thli leh nghal zat

Nui hakin, "i misawi chu hria ila ka ti hle mai, ngr ni a Mexican sumdawng hausa fanu neih chhun kha em ni," alo ti nghut, "thutam sawi ka tumlo, khawi ah nge ka nau i dah?" Dawh theihna tla chham zet chuan ka ti hrawk, ka silai chu ban mai ka rilruk nghal zat bawk

"He hmun ah hi chuan min tih hlum duh mah la itheilo tih nang leh kei hian kan hre hre ve ve," elhsen na akhat chuan anui zui sak bawk

"I ka aṭang a ka unaunu awmna ka hriatloh chuan ka thei ngei ani tih ka hmuh tir angche," tih leh ka silai ka ban nghal zat

"Insum teh Morigan, keipawh in hria ila heta ka ṭhut mai mai hi i ring em ni?" thinrim zet a ti chhuak hrawih chuan a zu no a awm zu khat pap chu a lem nghal pawp

"Enge i sawi awmzia?"

"Phiangsen hian!!!! Kha uicho khan minbum alawm le," min melh ran chung a atih chuan ka nernawk, "i thusawi te hi ka rin i ringlo angchu maw?" Ka ti tak na James ka hriat ṭhin hmel dawtsawilo tum ruh tak hmel kha ka hmu tlat

"Min ring tih ka hria alawm Morigan, dawt ka sawi ngailo tih i hriat kha, sual in nungrawng viau mahila," nui hak chuan a ti sup, a sawi dik anunrawngin a sual viauna in dawt asawi ngai hauhlo tlat

Jamestown chu ka melh ngar, ani hian ka unaunu awmna ahriatloh chuan tu in nge hria ang, chu chu ka ring hauhlo, "dawt i sawi ngailo, mahse ilo sawi ṭan tawh anih hi," ka ti let sak, a nernawk, "min hre chiang hle mai Morigan, inremna min siampui dan a thu te aniang chu," a zu no kenlai ti che ralh ralh pah chuan min rawn melh zauh, rum takin kalo melh let

"Jamestown hian kei nen a inrem na neih a duh ka ring ngailo a, i chetdan tenawm tak hi i naute hian hriase Jamestown an mi ropui a chu engtin tak ngai angmaw?" Elhsen zet chuan ka ti ve nghat, a rum nghut

"Inremna chu i duh leh duhloh sawi mairawh Medelia," a ti deuh hrawk, ka silai chu ban mai tur in ka dah ve ran tlat, tun ah hian thah pawh ka pawisa hauhlo, mahse thinrim a dawr erawh ka tumlo bur, ka unaunu awmna ka hriat angai tlat, "duhlo ta ila? I thutiam ah i ding ngei ang tih ka hre hauhlo mai," ka hma a zu no awm chu lek kangin ka lem hlek


A rawn nui chhuak hak, "ni hnih chhunglek in Medelia Morigan min hlaulo ang a lang ṭhin min hlau ru em em tu mitmeng kha a bo hmak a, tun a Medelia Morigan erawh mahni in ringtawk tak tak min hlau lo der nilo in, min hlau miahlo tak tak tu mitmeng ani, kan Spanish sawn chhezet chuan enge alo fah chiah che le?" A tawp lam chu a seh chilh deuh nawk nawk


Ka ṭhen lui sak, ka no a whisky chu ka lem hlak, "luhlul dan leh mahni in rintawk dan min neihbelh tir ani mahna, James hmeichhe naupang hmang a awmhmun khuar i tum hi ilo tenawm takzet ani, ka hriat ṭhin Jamestown kha lem chan thiam lek alo ni a," ngeiawm zet chuan ka ti chhuak


Ka thusawi avang a lungawi lo tih hriat zet a meng rum khup khup chuan dawhkan chu a beng ṭhuai, ka ip deuh zuk, "i kâ kha chip hmak rawh Medelia, tenawm tak a che tur a minsiam tu chu nanghi ini, i unaunu chu karkhat chhungin ka zawng hmu angtih ka tiam a che, mahse inremna minsiam pui angai ka tih kha," ati hrawk


A sawi zawh rual chuan ka lo thaw hawk, a mitmeng hlauhawm zia chu, "inhnial pui vak che ka tum lo Jamestown ka unaunu awmna min hrilh vat rawh, naupang pawisawilo chung ah kut i lek anih chuan he ka silai mu hi i thluak a kah luh ka hreh hauhlo tih i hriat kha," ka ti let ve khar khar, min en ngur chung chuan, "ka hre rih hauhlo tih ka sawi kha, inremna minsiampui anih cchuan karkhat chhungin ka ti fel ang," a ti nghut

Ka melh let ve ngar ngar, kan awmna thim deuh ruih chuan a hmel chang zet chu a ti hlauhawm zual nimai in ka hria, "i duhdan chu zawmila min bumlo ang tih ka chiang hauhlo," ka ti ve ta nge nge, engpawh thleng dawn se ka unaunu ka zawn hmuh angai miau si a

A nui hawk hawk, a no a zu la bang zawng chu a lem zo nghal zat, lu thing nar nar pah chuan, "kum tamtak chhung khan ka bum che i hria em ni Medelia, kan inrem tihna ani mai lawmni?" Tihpah chuana no ruak thlikhat leh in a rawn chawi kang zauh

Ka thaw hak, "engthil nge kan inrem na tur chu ni a, James ka unaunu awmna sawila ti chuan inremna puitling tak chu kan neithei ani lawmni?" Amah en ngar chuan ka ti sup, a lu thing mat mat pahin, "ka hre biklo ka tih kha, New York ah hruai tur chuan ka ti ngei alawm, nizan khan Hostel ah ala lut hauhlo tih ka hre chauh ani, karkhat chhungin a awmna ka hria ang tih ka tiam a che, mahse ka duhdan i zawm tur ani," a tih zawm zat


"Engthil chiah nge i duh?"

"Aṭha kha tiang tur kha ani reng ani, awlsam lutuk mawle, ka bul ah ka partner ang in Russia ah minzui ang," ati sam et, a zu no chu a ti che ralh ralh bawk

"Enge i sawi awmzia?" Ka ti haw, ka hrethiamlo tlat ani, "minzui anga ka hna ah minpui ang ka tihna anih chu Medelia, a ṭul ka tih na piang ah," a ti nghut, engthil chiah nge maw a ruahman ni?

"A ṭha e, ka zui angche, mahse ka unaunu ka hma ah i rawn hruai thleng tur ani," ka ti ve nghat a ṭhensak, "ka thutiam chu ka ti hlawh tling ṭhin tih i hriat kha, naktuk ah lo inpeih angche," atih zawmzat, ka chhang buai peih tawhlo, ka silai chu la let in ka tho nghal

Kawngkhar lam pan chuan ka pen nghal zat, kawngkhar la thlen dawn a min koh leh chuan muangchangin ka inher, uluk zet a min en chung chuan a rawn tho chhuak, kalam a rawn pan chhat chhat, a mitmeng chu ka hrethiam hauhlo, eng amaw khawhar rukna leh natna ka hmu in ka inhria, nge ni a ka whisky in a thawk ṭan zawk??

"Medelia thlakhat chhung hian nang nen hun nuam tak kan hman ka beisei," ka bul chet a rawn ding pah a atih thawp sup chuan chhan awmlo in ka hmul thi a ding er er, ka hlau ru deuh ni in ka inhria, Jamestown ka hriat ṭhin mitmeng leh min endan kha ka hmu tlat lo


"Min chhuah zalen ka beisei," ka let nghat, a thaw hak, na tuar ri ni awmtak ka hre tel bawk, engmah sawi tawhlo chuan room ka chhuahsan nghal, James awmdan kha ka hrethiam hauhlo, ani in ka unaunu awmna ahriatloh chuan tu in nge hreta ang, chuan ka pa leiba kha min ngaidam ta tihna em ni? He Jamestown hi ka hrethiamlo takzet



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:50 pm

BLIND
By floria laldansangi
15


Room thim ruih aṭang a ka chhuah rualin ka thaw deuh kawk, mipui ri hut hut kalpel chuan pawn boruak ka hip vang vang, ka ṭah a rawn chhuak, ka mittui a rawn hnam ṭiam ṭiam, ka nun hman dan ka chhui kir, ka unaupa leh ka nu thi tur hmel ka mitthla ah a rawn lang, ka biang a rawn lum thla pup

Ka unaupa kum 18 tlin na champha chiah ani, dan in a pawm angin kum a tling tawh a hlim em em, ka pa pawh khami ni kha zu a inlo ka tih chuan dawt la sawi ka ring, mahse nidang zawng aiin a harhfim thung, ka unaupa piancham lawm turin kan chen na aṭangin khawpui lam kan pan anih kha

Kha tihlai khan kum 15 ka tling ve tawh, engkim ka hrethiam in ka puitling ve tawh viau, ka unaupa leh ka nu thi tur hmel mawlh khan ka hnuk ati ulh leh ṭhin, ka nu thu zawmin texas lam ah ka unaunu ka hruai, ka pa kha khawi hmun ah nge akal bo tak ka hre ta lo, ka nu leh ka unaupa ruangpawh pastor leh Emcey-i nen chiah kan thlah liam anih kha, ka pa ka huat rualin a fa ni miahlo a thisen farkhat pawh tel velo kha chen min enkawl na ah ka lawm in ka zah hle thung


ka dar a min rawn khawih tu an awm avangin ka ngaihtuah na ata chu ka harh zawk, ka mittui luang chu ka hru vat bawk, min khawih tu ka en chuan Mary-in maktih hmel zet a minlo en ka hmuh chuan ka ṭah a chhuak zual, ka mittui a rawn luang leh nghal zat, ka ṭap chhuak hawk, Mary-in min kuah pah chuan ka hnungzang a chul hliau hliau, ka awmdan chu mak ati hle tih ka hria, ni e, mak ti awm ani reng ani, hmeichhe luhlul leh ṭap ve mai mai ngailo kha chhuak tak mai a ka ṭap a hmuh hmasakber na te pawh ani hial angchu, Lucas ka ngai takzet, engvang a ngaihtuah chhuak nge ka nih ka hrelo, tun a min kuah mek tu hi amahni se ka ti takzet, a ban hrawl leh thahrui tamzet nen a minkuahbet Khan engkim a ṭhat thu min hrilhse ka duh ani

Ka duhtawk ka ṭah hnu ah inla hrang chuan ka nuihsak, minla en reng tih ka hria, "Emcey chungah thil ṭhalo thleng a awmemni?" Ati sup, ka lu ka thing mat mat, ka hrilh anih ngat chuan keiai in a phi nasa zawk dawn tih ka hria, a ngaihtuah em em reng si a

"I hre tawh ani tiraw?" A rawn tih chuan ka mittui hru hul pah chuan, "engthil maw?" Ka ti let ha, a ṭhensak, "angailo, tirawh i let tawh ang, kan apartment chu zanin atan chuan kan letloh apawilo zawk ang," tih leh ka bike hun na lam chu apan nghal

Bike ka lawn tur chu, "in chawina lam ah kalve ila intih harh nan pawh," Mary-in phur hmel fahran a atih chuan ka nui hak, "zanin chu min hrethiam maiteh, naktuk ah ka zinsan dawn che sia," ka tih chuan a mengkawk


"Enge i sawi awmzia saw American pa saw Russia ah i zui dawn tak tak tih sawi miah suh," a ti deuh tuar, engtin nge a hriat theih, makti zet chuan ka en, "engtin nge i.." Ka tihlai mekin a kut chunglam ah a vai thuak, "chutiang min zawt suh, kal lo tur in kaduh che," ati nghut, a hmel leh aw chhuak ah chuan alawmloh bakah mangan na a ri tel

"Enge thilawmzia min hrilhfiah thei em Mary?" Mak ti zet chuan ka ti chhuak, a thaw hak, "rua hman n anih kha Mede chuvang alawm he hmun ah hian ka rawn zawm che ni, kha Ailey Martin khan a kalsan hauhlo angche, phone in tu emaw a be lai ka hria ani, thah hial che pawh a pawiti hauhlo ang," mangang tih hriatzet chuan a ti chhuak, ka thaw hak, Mary-i kut a vuan chungchuan, "Mar ka hria alawm min ngaihtuah tih chu, mahse ka nau awmna ka hre hauh silo a, James ka rin hi angai ani, ka unaunu tel lo chuan engmah ka nilo, hei leh chen atan hreawm ka tuar a, ka nau chung ah thil thleng awmse engtin nge ka awm ang," ka ngaihtuah zawng pawh in ka ṭah a chhuak em em

Khawngaih tih hriatzet a min en chung chuan, "pawi ka ti Mede, pui thei che ila, mahse zuilo tur chuan kal duh fan che ania," a ti sup, ka lu ka thing mat mat, "chu chu ka hria alawm, ka rawn kir leh em em ang, chumi hun chuan Jamestown hian thu anei tawh bawklo ang," seh chilh deuh chuan ka ti chhuak hrawih, a hming ka sawi zawng pawh in thah chakna in ka khat, ka nun ti chhe tu ani ka ti lo thei tlat lo ani, engmah sawi zui tawhlo chuan a thaw hak


Johnny apartment kan luh rualin khum lam pan chuan ka bawk thlawrh, ka mit ka chhing nghal hmiah bawk, ka chau takzet ani, ka mit ka chhin rualin Lucas-a hmel pa zet mai chu a rawn lang nghal, mengkawk chuan ka ṭhu chhuak leh, he mihring hian minti buai takzet ani, ka thaw ham ham, engtikah nge min man tur in alo kal ang, ka unaunu ka hmuh let hma chuan min ti buailo se ka ti takzet ani
.
.
.
.
Russia kan awmna pawh kar hnih (2) lai ani tawh, Jamestown ka zui kual a,a changin a hmeichhe kawplai ang a ka lan a ngai a, a changin a secretary angin, ka hne hluah hluah, ka unaunu awmna hmun emaw a chungchang zawhna hun kala nei talo fo erawh ka lungawi lo takzet, a kut bawlhhlawh zet hmang a ka kawng a inti neitu tak mai a a kuahfo pawh hi thei ngatila phih sawk sawk ania ka duh


"I hman chuan kal ila," james aw ani ka peihlo takzet zanin hian Spain ah kan kal dawn, engchiah nge a tih ka hriatpuilo na in thilṭha chu ani hauhlo tih ka hre hle thung


"James i thutiam kha ila hria angchu tiraw? Nanghi kar hnih lai ka zui tawh bawk che," sofa a kuangkuah chung a ṭhu in ka melh ran, a thaw hak, "i unaunu chu ka zawng hmu alawm Medelia, mahse ibul ah kala hruai theilo ani," a ti nghut, ka en nghal kawk, "chuthil chu min hrilh tur ini Jamestown nanghian ka unaunu hmang in helai hmun hi min hruai thleng tih i hria em?" Ka thinrim lutuk chu ka puak keh lo chauh


"Ka hre hauhlo mai, kan inremna ani tlat alawm, hun tamtak kan khawhral hmanlo, rawn chhuak angche," tih leh kawngkhar lam panin a pen chhuak nghal, ka thinrim lutuk chu ka sir a lukham awm chuan ka vawm zui ṭhuai, "ka hua che," ka ti tuar bawk, a hre hman ani ngei ang a nui ri hawk, chu ringawt pawh chuan ka thin a tirim in ka ṭah a ti chhuak hluah hluah


Khang kar liam ta kan hmandun ah khan ka tan awmnuamlo tur in a awm ngailo, min ngaihsak em em tuman a bialnu lem emaw a nupui hual tak tak ka nilo tih an hrethiam hauhlo ang, ka bul ah dingin min vuan reng bawk, hlimlo hmel min hmuh ngailo a, ka hma ah anui reng te chuan minti rap lek lek ṭhin zawk hial ani


"Kha heihi ha rawh, kan kalna tur hmun kam thleng ṭep ania," tihpah in paper bag ka mal chung ah a rawn dah, Spain kan thlen rualin car lian leh nalh zet in minlo nghak ran, khawilam ah nge kan kaldawn ka hrelo ka zui mawl ve tawp, zawhlah ka tum heklo, zawt pawh ni ila chhan na ka hmu leh dawn chuang hauhlo tih ka hria

Amah en haw pah chuan, "he lai hmun ah hian inphelh ruak tur in minduh tih sawi miah suh," ka ti let hrawk, Driver a awm ve a, chuan he American pa hma ah hian in phelh ruah ka tum reng reng lo ani tawp mai

Nui hawk hawk chuan, "C'mon, medelia keilo mipa tamtak hma ah pawh kekawrte leh bra nen ilam fo ani lawm ni?" Mit hmul kan ak chung a atih chuan rum lutuk in ka melh, "Jamestown," ka ti ṭhawt, a ai nasa a nui chung chuan, "a ṭha e, a ṭha e, sawlai deuh ah sawn car ti ding rawh, rei miah suh Morigan, kan tlai nasa tawh ania," atih zawm zat, ka chhang peihlo ka hawi hmak, ala nui kur kur ta nghal a

CAr din rualin, "rei suh angche," ti leh hram chuan a chhuak nghal, driver pawh chu a chhuak ve nghal zat, ka thaw hak, khang kar liam ta khan sumdawng mi lian tak tak hma ah a mah pui tu leh a kawppui angzelin ka hma chhawnpui, sumdawng mikhirh tak angmai a alan chang lah a tam narawh, Jamestown hi ka hriat James kha ani hauhlo, smugglers nunrawng tak anih ka rin vei nen

Ka inthlak zawh chuan ka in en kual, kawrfual Senlar zet mai ka ngalrek thleng a sei ani, a ban bulin ka awmbawr ti lang chiang tur in a zau viau bawk, glass chu ka kik kharh kharh, an pahnih a ka lam rawn hawi chuan James chu a nui suk, rawn luhpahin min en vang vang, thaw hak chuan, "i inhmeh kha ka ring reng ani," tih leh driver chu a melh nghal, a tlan chhuah rualin, "ka bul ah zel awm angche, engpawh thlengse kan inremna hriala, thlakhat atlin hma chu ka thu hnuai a awm ini," a ti charh charh

Nernawk in, "ithutiam ah dingla min chhuah zalen in ka unaunu minpe let angche," ka ti let ve sak, nui huk chuan, "tlawm nih hi i tumlo ani tiraw," ti nghut chuan car ding datin kawngkhar hawng chuan a pen chhuak nghal, a hnunglam ah rum lutuk in ka melh hrawk, melh vak vak bak tih theih nei heklo

Ka ṭhut na lam kawngkhar rawn hawng chuan ka vawn theih turin a kut a rawn phar chhuak, thaw hakin ka vuan, ka pen chhuah rual a kan hma zawn a inlian tak chuan ka mit ala nghal em em, a lian in a ropui takzet, ka kawng a rawn kuah pahin, "thlakhat chhung anih kha," a rawn ti sup, engvang a sawi nawn chhen nge maw anih hrep ni, ka beng a chhet in hriatna neilo pawh ka nilo

"Ka hria," ka ti let hrawk, nuisuk chuan, "i inring em? Kal angle," nui tuh tuh pah chuan min pensawn pui nghal, light nalh tak tak awm chu hmuhnawm tham ani, kawngkhar kan pen luh hma chuan ding dat in thaw kala halh, ka kaw chhung ah hian nuamlo tihrukna ka nei, thlawhna chhung leh car ah pawh ka ṭha viau si a, thil eng amaw thleng tur hria ang maiin he inchhung ropui zet a penluh hi ka hreh ru tlat


"Lut ila," james aw ka hriat chuan ka harh zawk bu nghatin ka pensawn nghal, kawngkhar chu uluk tak aven ani, security a khauh ṭha tih ahriat ngawih ngawih, kan pen luh rualin music ri ruai ruai leh light nalh tak tak eng hnuai a mihausa tawn taw tamtham tak lam dalh dalh ho ka hmuh chuan ka thaw hak, en reng reng pawhin khawvel mihausa kalkhawm tih an hriat hluah hluah

James-an ka kawng a kuah reng chung chuan, min pensawn pui zel, min kuah kawi ang ang chuan ka zui mawl tawp, "james nupui inei hmelṭha hle mai," rawn ti tu lam chu James nen chuan kan hawi vat, mipa tar lampang wheelchair in a nupui ni awmtakin a rawn nawr chu kalo en ran, ka mitthla ah Lucas a rawn lang zawk, ka lu ka thing nawk nawk, engvang a ani chu ngaihtuah chhuak ngawt nge maw ka ni le? Kan bul hnai an rawn thlen chuan hmeichhia zawk chuan uluk takin min en, a nuihsak, "hmeichhe nalh tak ani James," a ti sup


"Ka lawm hle mai Mrs. Santos Averoi, Mede hei hi Mr. Santos Averoi leh anupui te," min melh ralh pah a atih chuan ka nghing lawih thei, tun a ka hma a ding mek hi Lucas-a nu leh pa te maw?? Engthil nge thleng hi, chuan he in ropui tak hi Lucas-a te in tihna em ni??


Chhan mai nachang pawh ka hrelo, ka lungphu a rawn thum dawt dawt, Lucas ka hmu ang tih ka hlau ve ngawt bawk, ka kawng a James-an min kuahna chu a hmer salh, "Ahhh Medelia Morigan ka ni e," bah nak chuan ka ti chhuak, ka kut phar chhuakin ka chibai nghal zat, "ohh inla innei lo tih ka hre mai, in inhualna zungbun chu analh takzet, ka fapa Lucas te inhualna min rawn telpui thei chu ka lawm takzet," Lucas-a nu ngei maiin nuisang a atih chuan ka kaihza tha a zawi hnak thei, chu thu phei chuan mindeng ma leh zual, keihi he hmun ah hian Lucas-a nupui hual lawmpui tur a hruai ka ni anih chu!! Phiangsen chuan


Ka kut a zungbun simple leh nalh tak hi a fapa min bun tir ngei tih hriase keiai hian a ṭhawng na zawk ngei in ka ring, "ka fapa te pahnih pawh an rawn thleng ṭep tawh in ka ring," Lucas-a pa zawkin a tih zawh rual chuan kan hmai zawn ah hian kut tum a rawn thlawk phei nimai in ka hria, Lucas-a nu chu a rak ṭhat, ka sir a min kuah tu James chu chhuat ah a thal thla ṭhuai bawk

Kei erawh chet nachang hrelo in ka ang chung chuan ka meng kawk, ka per sawn dawrh nimaiin ka hria, chu veleh ka harh zawk, ka sir a Ailey thinrim hmaisen tawn tawn leh Lucas-an James kawr awm a ṭham chu ka hmu hmasaber, ka inthing harh nawk nawk, Lucas-an James ahnek leh sawk, "duhtawk rawh engthil nge maw itih le?" A bul a ding chuan ka ti tuar, midang awm ve zawng zawng leh Music ri riai riai pawh kha tawp in hmuhnawm thlir in min thlir hlawm

"Lucas a tawk," apa in a rawn tih hrawk tak ah chuan James-a kawrawm a ṭham na chuan chhuat a nawr sawkin a rawn ding chhuak, ka lam a rawn pan chhat chhat, rum lutuk in kalo melh, thaw ri hrawih hrawih chuan ka ban ah a rawn man chat, thingthlak tumin ka che ve phat bawk, mahse min vuan nghet lutuk mah mah, mipui lam hawi chuan a nu leh pa mangan hmelzet a meng zawk zawk lam chu a en leh

"Zanin hian eng inhualna mah a awm dawnlo, nupui nei tawh ka ni a, ka bul a dingmek hi ka zawn mek ka nupui ani," chang zet chuan a ti chhuak, a thusawi chu rapthlak ti zet in ka melh tlawk tlawk, engthil phiangsen nge maw a tih le?? Kei ang bawkin anu leh pa chu an meng phar awn awn, "engthil nge maw i sawi le Lucas keihi inupui tur chu ka ni," ka ṭawng hma in Ailey-i kan hma a rawn ding chuan a ti tuar

Keipawh ni ila ka thinrim viau ang, mahni pasal hual ten nupui an neih thu an sawi chuan tu hmeichhia nge thinrim a rilru na lo awm angni, "min thlah rawh Mr. Santos Averoi min hai ani ngei ang," changfal chuan ka ti chhuak, min vawnbeh na chu thing thla sawk in ka persawn dawrh, James awmna lam chu ka pan nghal hlawk hlawk, he Jamestown pawh hi engvang a Lucas hi in khawih tir reng nge maw anih hrep ni? A inlak pa theih tehlul nen? James bul ka thlen phei hma in min pawt let dawrhin, ka dar tawn tawn a vuan chuan min thing nawk nawk, "he mihring phiangsen vang hian maw ka in i chhuahsan," ka hmaibul chet ah chuan a ti tuar


Ka ip chawih, thawk pawh ka thaw ngamlo, a thawri ringawt pawh rapthlak tak ani, min pawhsawm vek a duh tih ka hria, a mitmeng phei chu ka en ngamlo hrim hrim, "ka mit ah en rawh Medelia," ti leh hrawk chuan min thing leh nawk nawk, "i kut bawlhhlawh tak kha la sawn rang rawh Santos Averoi," rawn ti hrawk tu chu James ani, zalo tih hriat lutuk in Lucas chu anui hawk, "ka nupui chung ah thuneih chu i tum emlo angchu maw? Nge ni a ka hnek che kha ila duh tawklo zawk?" Lucas-a aw chu a ring tawh hauhlo mahse a hlauawm zual sauh, a tawp lam phei chu a sehchilh deuh nawk nawk


Ka dar avawn na thlah in ka kanwg ah nghet lutuk in a rawn kuah, ka meng kawk, ka thaw kawk bawk, "engthil nge awmzia hi ka fapa?" Lucas-a pa ani, zaidam zet chuan a rawn ti sup, camera a de zawk bawk, "tumahin he hmun a thilthleng hi inti chhuak tur anilo," Lucas-a nu in a rawn ti ram hmak, ka bul a ding pa lian leh thinrim insum thawri hrawih hrawih bak ka beng ah hian ri dang a lut lo hrim hrim

Ailey ka melh chuan mit sen ramin minlo melh, "mintih buai hi duhtawk teh Lucas in inhualna ka lawmpui takzet che u," ka taksa chhung a khur ru der der, he mihring hlat tak a awmhi ka duhber ani, ka kawng a kuahna phelh tum chuan ka tal phat phat, "ka lak ata 1 inches pawh a i tawlh sawn anih chuan Medelia i unaunu i chan hlen ang," a aw chu a ringlo, ka beng ah erawh a ri ṭha fal fal khawp mai, ka khawng nghal awt bawk


"Engthu nge i sawi chhuah Lucas?" Ailey aw chu hlauh thawn na in akhat, kei erawh makti zetin Lucas chu ka melh hraw thung , engtin nge ka unaunu awmna chu ahriat, amah hi emni ru bo tu chu? "Ka unaunu chu i rubo tih i sawi na em ni?" Au khum nghek ka tum nen ka inrinloh dan takin leh duhloh dan takin ka khur chhuak der der, Lucas erawh engmah sawi tum tawhlo tih hriat zet in a chip hmak, chu chuan ka thin ati rim zual, "ramhuai pa," ka ti leh tuar, thaw hak a min kuahbet chuan, "ka nupui nen hian inbiak kan ngaiin ka hria," ti nghut in minpu nghal nawlh

Ka tal laih laih, a rem lai lai ah ka chum dawt dawt bawk, "Spanish uicho pa min dah thla rang rawh," ka au nghek nghek, kan kal pelh tak Ailey -in mittui tla zawih zawih a auhna pawh ngai pawimawhlo tih hriat takin ding zetin kawngkhar lam a pan hlawk hlawk, tun ah hian thei ngatila a ringruh hi ka herh tliak chiang khawp ang, ka haw ngawih ngawih

"Medelia kha i hruai theilo tih nang leh keiin kan hriat kha Santos Averoi, i hruai lui anih chuan a unaunu mai nilo Medelia pawh hian anun na a chan thei tih i hre tel bawk," chang zet a rawn ti tu chu James ani, engthil nge ka hriat veloh hi nita, ka unaunu dinhmun an hria a, a awmna hmun pawh an hre ve ve bawk, engvang a keimah abuaina chu tawp tur angai nge maw an nihle? Nge keihi buaina ber chu ka ni zawk

Minla pu reng chung chuan a inher, a nui tih hriat zetin a taksa a che dat bawk, ka tal ve phat, min nghat ve mai bawk, nilo ka tlak hlau a min nghat ani mah zawk, ka kawng ah arawn vuan nghal chat, James biang thi ser ser leh Lucas-a hmel chang rut mai chu hlauhawm dun tak ani, an palian dun in an in ngam em em mai bawk nen


"Chu chu i buaina tur nilo in he hmun a irawn kal ngamhi ibuaina tur ani Mr. Town," Lucas chuan thamlo zetin a ti let nghut, "engthil nge thleng ka unaunu chu nangni pahnih hian a awmna in hria tih sawi teh u," ka lo ti ve hlak, ka thinrim lutuk chu ka â tak ngial dawn in ka hria, ka thusawi ve te chu minbeng khawn saklo tih hriat zet in an in melh ram ram, "Lucas," ka ti leh tuar, min ngaihsak miahlo leh ka thusawi hrelo ang mai a a awmngul chuan ka dawh theihna ati chhe zual, thaw hakin, "tun ah chuan a awmna hmun diktak ka la hre biklo Medelia, saw uicho pa remruatna ani ngat anih chuan a thin ka phawrh chhuak ang tih hre rawh," ati hrawk

James chu a nui hak, "i nupui hual thiltih ani tih sawi mai ta che Lucas, nge ni a hmeichhe pahnih te hi hum him i tum ve ve zawk, chu chu thil theihloh ani tih i hriat kha," james chuan hneh tu inti zet in alo ti ve nghat, minti â tak tak dawn in ka hria, chuan ka unaunu chu Ailey kut ah a awm tihna em ni? Tuber hian nge ka unaunu chu kawl ta ang???

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:50 pm

BLIND
By floria laldansangi
16

Thinrim zet chuan minkuah bet tlat tu palian zet chu ka melh chho khai khai, ka hlauhlo ang bawkin min hlau biklo tih lah hriat reng reng bawk, "nangni hian kan unau nun na hmang in fiamthu in thawh tihna ami?" Ka ti tuar, ka thinrim lutuk chu ka tha te a rawn khur dar dar in nia ka hriat hial ni

"Thlakhat chhung kan inrem siamna i hriatreng ka ring Morigan?" James aw changzet chu ngai pawimawhlo zet chuan Lucas hmui chip hmak chu ka melh chho ran, "Lucas De Santos Averoi, ka unaunu chu tun ah, tun ah ngei hian ka hma ah rawn hruai rawh," ka ti tuar, a thaw ri hak, "hruai thei ni ila ka rawn hruai em em tur ania," ti nghut chuan James-a lam melh pahin, "i uite khawilai nen khan man intawh mailoh nan bihrukna khur i hai ka ring zawk a," ti changfak chuan min pensawn pui nghal, ṭan khawh ve teh eng angmahila ka tha leh ani ban hrawl zet leh bawp sei leh tha hrui ngah tak chu hnehlo tak ka ni

Car kawngkhar a hawn rualin Lucas chu a her sawk, James-an a hnek ṭhuai, a pai khat khat, James-an a kawr awm a ṭham chhunzawm chuan, "awlsam tak a ka lakbo tir leh che i ring anih chuan iti sual khawp ang," ti hrawk chuan Lucas chu a hnek ṭhuai, an lam chaktak a pan in, "duhtawk rawh James," ti tuar chuan lei a Lucas tlu sawp zet chu ka ṭhut hnai nghal rawk rawk, Lucas-an James a hnek ai khan ka hlauthawng fe zawk

"Medelia ka thusawi i zawmlo anih chuan i chantur chu i hriat kha," a ti bul hmuk,"ka hre lutuk mah mah Jamestown i sawi nawnsek angai hauhlo, chutiang bawkin Lucas kut thlak pawh," Thinrim zet chuan ka ti let tuar

Lucas rawn ding chhuakin a nuisuk, enge nuihzatna tur ahmuhni, "tunah chuan i duh leh ka duh a in ang in kan hre ve ve tawh ani lawm ni Jamestown, nge Tony ka ti dawn zawk che?" Lucas aw chu a thawp sup, mahse a hlauhawm viau thung, Lucas hian Tony a hria, chuan keipawh smugglers ho ka zui ṭhin tih a hre chiang viau bawk angchu, Lalpa lehhhh


"He American sawn chhe zet hi inhnial pui ka hmanlo tih hre bawk angche Medelia," tih chhun zawm zat chuan ka ban ah vuan in min pawt leh nghal dawr dawr, ka ban lehlam a James-an rawn chelh pahin, "Lucas nanghian thah i tum tihna em ni?" A ti hrawk, engthil phiangsen nge an hriat dun teh hrep, thinrim zet chuan min vawn na ve ve chu ka phi thla sawk, "nangni pahnih phiangsen infiamna hi ka nilo, ka unaunu awmna in hre ve ve a min hrilh theilo ve ve ani tiraw? A ṭha e keimahin kazawng chhuak mai ang," a au in ka au ani ber, ka sir ve ve a ding mipa pahnih te chu ka melh dun kawk kawk bawk

Lucas-an ka ban arawn man leh chatin alam a min phih sawk pahin, "i hmeichhe uite khawilai raipuar mek saw ngaihven zawk rawh Tony jail bang i zut san thuai dawn si a, he hmun ah hian Medelia pawh hi rawn hruai tur ini hauhlo, inhum nan hman i tum anih chuan iti sual khawp ang," elhsen zet a Lucas-an ti nghut chuan car ah chuan min hnawh lut nawk nawk, tal buai leh ṭan buaina hun pawh awmlo in a lock nghal hmiah

Kawngkhar chu ka chum dawt dawt, "min chhuah tir rawh rawh Lucas," ka theih tawp a ringin ka au, car rawn ṭhu lut in a thle bak duh lek leh nghal a awmdan engkim hi ka haw hluah hluah, darthlalang aṭang a Lucas-a nu leh Ailey kawngkhar aṭang a rawn pen chhuak hmawk hmawk chu ka hmu hman hram


"Engthil nge i duh? Tu in nge ka unaunu chu la bo tur in ti che?" Ka thinrim lutuk chu keh nawk nawk mai ka duh, minchhang dawnlo tih hriat zetin a ka reh mawizet mai chu a chip hmak, a motor khalh lai ah chauh rilru pe tih hriat takin hmalam a en run, chu mi mai mai pawh chuan ka thin ati rim hlur tawh


"Ka thusawi chu i hria em Santos Averoi?" Ka ti leh tuar, "hreptak che hian Medelia kha mihring phiangsen bul a let tir tur che khan ka kal tir hauhlo angche," ti hrawk in motor chu a ti ding tuar, hmalam ka bawh nghal rawk rawk, ka dar tawn tawn a rawn man chuan alam ah min kuai her sawk, "kha mihring phiangsen nen khan engthil nge intih dun Medelia?" Ka hmaibul chet a changzet chuan ati ram hmak

A thawri leh lungphu ri dawt dawt chu ka hre thei in ka hria, ka chil ka lem khalh, "ka awmdan report zel tur in ka engmah inilo, ka unaunu minpe let rawh," hlau ang in ka awmduh bik ṭhak lo, mahse tun ah tak hi chuan min hnaih lutuk vangleh a thinrim mitmeng sen ram hi sakawlh ang ka ti, ka tiril a khur dar dar

Nuihul hak chuan, "i unaunu i hmuduh anih chuan ṭha tak a i awm angai anih hmel," ti nghut chuan a hmuiin ka hmui a rawn bawh thuah nghal zat, min fawt tawn tawn, min fawp satliah pawh anilo, inhremna ni awm tak ani, a thip in ana em em, nemsawn ka tum ve takna in a taksa khauhzet chu nemsawn chi rual va nisuh, ka biang a nghet takin a chelh bet, min fawp na tulh tulh bawk


Ka chakna zawng zawng ka hmang zo tawh, ka dawh mawl tawp, minfawhdan thlak in dam dap a leh ngen ngawl zetin min fawp, engtiklaiin nge ka hmui ka tih chet ka hre hauhlo, chu ve leh a ai uar in min fawp tawn tawn, ka lo chhanglet ve vat bawk, ka thinrim leh ka huat ve em em na thinlung te kha a fawp rla ve ta emaw tih tur ani, thaw chham lek lek a kan in fawh hnu ah a chal chu ka chal a nghatin ka hmui hnawm chap chu a kut zungpui in a tuai zauh, "ka ngai che Medelia, he i hmui thlum tak pawh hi ka ngai takzet," tham ṭuak chuan a ti chhuak sup, keipawh hian ka ngai asin

Ka biang thai riak riak pahin, "Medelia min ring rawh, i unaunu chu i hnen ah ka rawn hruai kir em em ang, min ring turin ka duh che," a aw chhuak chu a thawpsap, amah ring turin min duh hle tih alang ngawih ngawih bawk, kala chhanglo, ka hmui kau tiar ah chuan dimte in a rawn fawp vang vang, "minring tiraw?" Ati leh sup, ka ring tih ka inhria, ka bu nghat nghat, nuisuk chuan, "lo chhuak rawh le," tih leh inla hrangin kawngkhar hawng chuan a pen chhuak nghal

A awmdan tehthut chu makti zet in ka en haw, car kal hual chuan, ka awmna lam kawngkhar rawn hawng in, "lo chhuak rawhle," ati sup, nichin mai a a thinrim hmai sen tawn tawn ai kha chuan tun a alan dan cool zet hi hmuh anuam zawk fe tih kalo ngaihtuah leh daih tawh

A kut rawn phar chhuah chu kalo vuan vat, min pawt chhuakin ka kawng ah akuah nghal chat, duh thawh zet in min fawp nghal buan buan, a nghawng a kut suih zawm chuan kalo chhanglet ve vat bawk, a kut chu ka taksa a vahkual tir in ka hnute kawh lah maichu a sawk tawk tawk bawk, ka tumloh zetin ka rum chhuak hak, ka nghawng a fawp zauh chuan a inla hrang deuh


Ka biang tawn tawn a vuanin, "Medelia ka mit ah en rawh," ati sup, minfawh na in ka kaw chhung ati danglam hneh lutuk, mitmeng buai nak chuan ka en kar, "zanin hian ka lawng hmangin France inpan ang," ati sup, makti zetin ka mengkawk, "a teuhlo lutuk Lucas ka unaunu.." Ka sawi zo hmanlo ka hmui a rawn fawp vang vangin, "ka hria, tunah hia Ailey-in a kawl mek tih pawh, khawi ah mah an tlan chhuah theihloh nan ka dang chep tawh lutuk Medelia min ring rawh, Russia emaw Italy i let leh anih chuan ka thuneihna piahlam ani tawh dawn," a thusawi chu hrethiam se minti hle tih ka hria

"Mahse Lucas ka unaunu chung ah eng amaw thleng ta se," ka aw pawh chu a chhuak ṭawk ṭawk, Emcey-i ka ngaihtuah chhuah phei chuan ka ṭah a chhuak tlat pek

"Minring em?" Ati sup, ka bu nghat nghat, ka ring alawm, keimah ka in rin ai nasa in ka ring tih ka hria ani, ka chhan mailoh avangin ka khabe ah chawi kang chuan ka mit ah tak min en, a mi en na rilruih chuan minti zam leh nghal der tawh

"Tunah hian Russia leh Italy a Jamestown leh Ailey te bungraw tawlh ruk zawng zawng chu ka thu hnuai ah a awm tawh, he lai hmun ah hian ka hmu angche tih ka ring hauhlo, kha American pa khan in ven nan a hmang ang che tih ka hrelo hi ka â takzet ani, mahse tun ah chuan i him nan France i pan angai," a ti leh sup sup, a awmzia hrelo zet a en haw chuan, "Jamestown leh Ailey hi an thawk dun itihna em ni?" Ka ti chhuak phawng, mak ka ti lutuk tlat, engvang a James hian he lai hmun min hruai hi nge anih tak ang??

"Sawifiahna hun ka nei hauhlo Medelia tun aṭangin reilo ah James leh Ailey man turin police an rawn kal ang, chumi hma in he ram hi i chhuahsan angai, Ailey khan i hming vek hmang in thang a kam tih ka hre chauh ani," seh chilh zet a atih phei chuan mak ka ti leh zual, keihi Jamestown leh Ailey ruahman na hmang a helai min hruai thleng in an thang ah ka awk tihna maw?? Mary-i thusawi kha a dik tak tak tihna em ni??

Ka ṭawng leh hma in kan din na bul ah car a rawn ding dat, Mary-i hmel ka hmu phei chu mak ka ti lehzual, Lucas lam makti zet a hawi chuan, "enge thilawmzia?" Ka hrelo tak tak ani, "Mede thang ah kan awk ani, engkim nangleh keima hming in a kal ani, tun ah Johnny an man tawh, France a rang thei angber a kan pan angai, Ailey Martin khan a unaunu that ah apuh bawk che," Lucas ṭawng hma in Mary-in a rawm ti zung zung, tu unaunu maw ka thah a? Zawhna ka ngah lutuk tlat kei hian

"Heta ṭang a darkar chanve kal ah lawngin alo nghak angche u, kei erawh Medelia i unaunu hruaitur in ka let leh angai," ati sup, kan hma lam leh hnung lam aṭang police motor, sirens ri chuah chuah ka hriat phei chuan ka thin a rawn phu dawt dawt, keimah anglo takin ka chiai ani mah zawk

"Tun ah hian nangmahni man tur a thupek ka ni, tun ah kal rawh u, lawng ah ka hnuai a thawkin alo nghak reng che u," Lucas-an ti sup chuan min en vang vang, "engkim ka chingfel anga ka rawn hruai angche, ka tiam ache," ti sup chuan min fawp vang vang chuan inla hrang in, "kal ru," tih leh Mary din na lam ah nim nam dat dat, ka ṭah lah chu a chhuak tlat leh nghal

Car kawngkhar ka thoen dawn chuan, "Medelia min hnek rawh," Lucas-a thusawi chu awihlo zet in ka melh hraw, engvang ngawtin maw ka hnek anga? "I â ami?" ka ti chhuak phawng, a nuisuk, "tunah hian Italian smugglers rothao tak man tur a thupek ka ni, ka buk ahni awm tih hria an awm, engmah tilo a ka chhuah che chuan i cae a sang zual anga ka ṭanpui theilo angche, min hnek rawh,@ atih zawmzat

Ka ding mawl tawl chu Mary-in Lucas hmai ah chuan nazet in a rawn hnek ṭhuai, "in melh no na hun a ni hauhlo Mede," a rawn ti nghut, Lucas chuan a kam sir thi ser ser chu tuai zauhin, "Medelia min hnek ve rawh," ati leh nghut, a duh ahnu ka hnek anga nimai alawm, ka tha neih zawng zawng sawm khawm in ka hnek ṭhuai, a kat nak tak tak, ka kut chang pawh na tak ani, a rawn hawi chhuak leh chu a hnar aṭang thisen rawn chhuak ka hmuh chuan keimah bawk ka chiai leh

"Lucas i hnar," pan hnai ka tum chu a kum chunglam a ohar zauhin "ka tha tibhi chuan smugglers rothao tak tak, Italian keipui hnek na a ang ta alawm," a ti sup, ala nui vur vur zui, mahnilo mah a hlauthawn nak alai, ka dar a rawn vuanin

Car ah min ṭhut luh tir pahin, "min ring rawh ka tih kha," ti leh chuan kawngkhar a rawn khar nghal, Mary-i rawn ṭhu lut in chak zetin a tlan chhuak, ka ṭawng chhuak mai theilo, "Mede ngaihtuah suh engkim a chingfel dawn tih ka hria, tun a pawimawh ber chu he hmun kan chhuahsanhi ani," Mary-in a tih chuan ka bu nghat nghat, "engtin nge Spain i rawn thlen?" Ka tih chuan a nuisuk, "Lucas khan min rawn ṭanpui tur mi a rawn tir a, Johnny erawh an man ta tho anih kha, Jamestown leh Ailey ruahman na ah kan tang ta anih hi," a ti bul hmuk

Tu a mah kan ṭawng tawhlo, lawngchawlhna hmun kan thlen chuan Lucas-a sawi angchiah in min hruai tu tur Spanish pa lianzet mai alo ding, kut vai zauh chuan min hui zauh, kan pan nghal vat, lawng kan luh rualin, "kan chhuah vat angai ania," Mary-in a ti nghal, lawng khalh tupa chu a bu nghat nghat, thaw ka la vang vang, engtin nge thil hi a thleng thut tih kala hrethiam talo fo ani

Khawi ah nge ka tel lo a kal in tum a Medelia?" Aw rawn chhuahna lam chu rang lutuk in kan hawi dawrh, nilo, nilul lo, Jamestown hi engtin nge he hmun ah hian a rawn kal theih

"Engtin nge i rawn kal Jamestown?" Ka ti let hrawk, lawng chhung a rawn pen lut tawh zawk mawle, "nanghian khang police hnen ah khan min mantir tum in engkim kan ko ah i dah ani," ka tih zawm leh zat, rum nghutin, "Morigan buaina in tawh chuan keipawh ka bang bik dawnlo tih hre tur ini, tun ah hian police ten min man tum in min um ve mek bawk, lawng pakhat a chuang ho kan ni reng zel ani lawm ni?" Hnehtu inti zet chuan a ti chhuak sup


Zak theilo ka ti lutuk chu ka melh ram ram, Mary ka bul ah a ding ve ran bawk, kan awmdan chu insual kan hman at tih alang reng, "james buaina dang i duhloh chuan chhuak rawh," chang fal chuan ka ti leh hrawk, a nernawr duh chauh leh nghal, "inhnialna hun kan neilo tih i hriat kha Morigan, reilo te ah police an rawn thleng ang, khawi aṭang mahin kan bungrua te hi Russia kan thlen pui theilo ang, he lawng hmang tihloh chuan," ati sup sup, rapthlak ti zet chuan ka melh


"Thil theihloh anih chu Tony," Mary-in a rawn ti hrawk, he lawng hi Lucas-a ta ani a, buaina ah ka hnuk lut thei hauhlo, chu chu Mary pawh hian chiangtakin a hria ani

"Kan vai a thih ho induh chuan le Morigan, he lawng hian khawi lawng chawlhna ah mah checking a nei ve dawnlo tih kan hriat kha, ka tiam a che minpui anih chuan ka chhuah zalen angche u," ka mit a min en ran chung chuan a ti bung nghut, rin tur nge tur loh ka hre thiamlo

"Jamestown American sawnchhe mai mai dawtsawi a tawlh thlu leh chi ka ni ah i ngai anih chuan iti sual letder tih hre rawh," ka ti hriam hrak, nui hakin, "ka thu tiam ah ka ding ṭhin tih i hriat kha, inremna chu kan nei ani mai lawm ni?" Tih leh a thle bak

Duh thlan tur dang kan neilo tih ka hria 30mins pawh kan nei tawhlo, ka inrempui emaw puilo emaw tihluihna ahmang dawn tho tih ka hria, enge thlan tur ka hrelo ani, mahse he mihring nen hian eng in rem siam na mah ka neih pui tawh hauhlo ang, "i chhuaklo anih chuan kan in chinfel hmasak angai anih chu," melh hrawk pahin ka ti let, nernawk in, "a ṭha alawm, i duh thlan na ani tih theihnghilh suh," ti ram hmakin,"phuar bet rawh u," atih zawm zat

Kan lampan in anaute ho lian zet zet mai chuan min rawn pan hnai, kanlo in dang ve vat, kan insual chu a ni nghal der, ka ban rek aman in pakhatin hneh lutuk in a herh sawk, ka rak ṭhat, "phuarbet ula kan tum ram pan vat teh ang u," min melh zawk a ti chuan lawng khalh tu chu silai a tin va pahin, "lawng hi khalh chhuak rawh ka tih hun ah chhuah tir angche, bungrua kha helai hmun ah hian hlang vek rawh u," atih zawm zat, Mary-i nen min phuarbeh tlat avangin kan che thei tawh derlo, mahse Lucas khan kan tumram kan panlo tih a hre thuai anga min rawn zawn vat ka ring bawk, a ti ngei bawk ang

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:50 pm

BLIND
By floria laldansangi
17

LUCAS.. POV

Medelia leh Mary tlan liam chu ka en reng, reilo te ah police pawh an rawn thleng chawpchilh nghal, Mr. Anderson chu rawn chhuakin, "Lucas i chhuah tih sawi miah suh?" A rawn ti bul hmuk, he mihring hi Ailey putea ani, engti kawngzawng pawhin Medelia te hi man a tum tih ka hria, a chhan chu a vahnu leh amakpa humhim a tum miau a, medelia unaunu dahna pawh he mihring hian a hre ngei bawk ang


"I hmuh ang hian hliam nei in min kalsan anih hi Mr. Anderson," ka ti let fak, zalo zet a nui hawk chuan, "hmeichhia in kut thlak che a i chhuah ta mai," awihlo zet chuan a ti sup, "hmeichhia chauh nilo in i makpa lo ni tawh ṭhin Jamestown pawh tel in mawle," ka thusawi avang chuan makti in a meng kawk, ni e, kei hian Jamestown leh he Martin chhungkaw vuah leh vang in zawmna hi ka hre chhuak tawh miau a


"A lawmawm anih chu, an vai a man tur thu chhuah ani, pakhat te mah zuahloh tur, kah an ngaih pawhin in kap mai tur ani," a ti changbal, ka nui hak, medelia a sawi tel na ani tih kan hre ve ve, ni e kah ngai anih chuan keihian Jamestown thluak hi ka kap darh duh khawp ang

Mr. Anderson leh anau te ho tlanliam rualin Willy ka bul ah rawn dingin, "sir hmeichhe naupang awmna chu ka hre tawh e," a rawn ti sup, bu nghatin, "tunah ka lawng lam ah i naute pathum tir angche, Medelia leh athiannu an awm tih hrilh la, himtakin France an thleng tur ani," ka tih zawmzat, mi tamtak ka ven tir chuan awlsam tak a lawngchawlhna dang an pal tlang theihloh ka hlau ani, tun ah chuan mitin in an zawn chu Medelia hmel ani tlat, kha Anderson-a khan Medelia hmel chanchinbu mite hnen ah alo pe khanglang hman a

"Khawiah nge naupang chu andah kal vat teh ang," tih leh car chu kalhualin ka ṭhu lut nghal, Willy rawn ṭhu lut ve in, "hmarchhak lam ah, Ailey mansion ah ni in alang," ati sup, ka ṭhensak, chakzet a tpan chhuak in, "Ailey Martin awmna chin ila hre zel em?" Ka ti sup, thaw hakin, "in chen na hmun a chhuahsan aṭang khan hmuh tur a awmtawhlo, a mansion lam ah chuan a let hauhlo bawk," a tih zawm zat, bihrukna hmun tur leh inhumhimna a zawng pawh ani mahna

Ailey chen na hmun kan thlen chuan zingkam dar 1 a pel thuak, Willy nen chuan thawm dimthei angberin mansion lam chu kan pan dun, "sir helam ah hian," willy a kawhna lam chu ka pan vat, inhnuai pan thlakna awm ah chuan a lut thla, ka lut ve nghat, kawngkhar chu muangchangin a nem hawng, a ri ṭuah ṭuah leh ta nghal


Kan luhfel rualin light on na ka zawng nghal, light ka hmeh en rualin chhuat a an phuarbeh hmeichhe naupang lam chu ka pan vat, a taksa chu ka en kual, hliam a nei hauhlo, a biang a beng thak thak pahin, "Emcey Morigan, i harh em?" Ka ti nghal sawk sawk tiang a Medelia-in a hmuh ka duh hauhlo

Ka pawm kang lawp, inchung pan na aṭangin, "tu phiangsen nge awm?" Ṭeng zet a Ailey pa aw rawn chhuak ah chuan ka in her vut, kailawn ah ani a ding, kan in melh ta ran mai, a inhnuai a athuhruk hmeichhe naupang pawm chung a ka lo awm chu a ṭhawng hle tih a hmel ah a lang reng, "Mr. Martin i inhnuai a ka lo awm chu mak itih hmel hle mai?" ka ti changbal, a lu thing deuh nak in, "Lucas nangmaw? Enge awmzia?" Nichin mai a makti hmel kha abo leh daih tawh, tenawm lutuk


“I naupang thuhruk na hmun ah ka rawn lang ta si a," ka ti bul hmuk, nui hawk hawkin, "itihsual lianber ani reng ani Santos Averoi," nernawk a ti chuan kan luhna lam kawngkhar chu a melh zauh, veng tu pa lian zet zet pali (4) ngawt an rawn lut khup khup, ka thaw hak, "awlsam tak a inchhuah chu i beisei lo angchu tiraw Lucas?" Hnehtu inti zet a Ailey pa in a rawn tih leh chuan ka ṭhensak, "Mr. Martin inchhir suh angche," ti nghut chuan ka naupang pawm chu lei ah nghatin ka ding ṭha nghal, ka sir ah Willy a ding ve ran bawk.....


Medelia.. POV

Lawng a ding ani tih kan hriat chuan Mary-i nen phawk fe in kan in en, "nungdam a awm tawh tur an nilo tih i hriat kha James engthil phiangsen in nge an nun na la zuah tir che," Ailey aw ṭeng zet mai ka hriat rualin kan awmna room chu a rawn in pawt hawng ṭhuai, min phuarbeh ang angin kan lo la awm, Ailey thinrim hmai sen tawn tawn chuan rum fahran in min rawn melh


"Tun ah, tun ah ngei hian Miss longan-i hi room hran ah dah rawh u, thupek anih chu," ṭeng zet a ti tuar chuan min rawn pan hnai chhat chhat, "engthil nge i duh Ailey," melh let khai chung chuan ka ti changfak, nui hak chuan, "i kâ kha ang ngam tur inilo tih i hria angchu tiraw, i unaupa te rual khan he Jamestown hian that tur che ani asin, jeho Morigan-a fanu ini tih lo hre daih tawh tur ka ni bawk," ti hrawk chuan min beng sawk, ka che theilo leh min phuarbet chung chuan ahuai ve pang pang hle mai maw!!! Hreptak a, ka kut hi ka chhuah hun hun ah a hnar ruh hi ka hnek tliak khawp ang

"Ailey he ta rawn kal tur ini miahlo, engthil phiangsen nge itih?" James chuan a tih ṭeng chuai, thinrim zet a Ailey hawi let pahin, "he hmeichhe naupang vang hian nanghian kan ruahman na te i ti chhe vek tih i hria em? Italy leh Russia a kan bungrua zawng zawng kha Lucas-a phiangsen khan a thuhnuai ah a dah tawh bawk," Ailey aw chu ṭeng tak ani

"Medelia leh a unau te hian tihsual an neilo, i umzui angai tawh hauhlo," ti bul hmuk chuan ka sir ah a rawn ding nghal, Ailey chu za lo zet a nui awr awr chuan, "ka awih theilo che Jamestown, i nupui raipuar su hlum tu kha he Morigan-i pa ani tih i theihnghilh chu ani emlo maw? A nu leh pa a unaupa rual khan thi tur ani, ka unaunu that tu fanu tih sawi ni la khang chen chen kha i hnuai ah hna ka thawh tir lo ang," a au in a au tuar tuar


"I kâ kha chip hmak rawh Ailey Martin, ka nupui thihna ah erawh apa leh a nu ten aman an pe tawh, i kut hmawr pawh in khawih tawh suh angche," james aw pawh chang ṭha tawh tak ani, "he hmeichhia hi i hmangaih tih sawi miah suh, ka unaunu chu ka en liam thei mahse henu erawh ka kawng dal tir ka tum hauhlo ania James, engtiklai pawh a ilam ka ṭan reng chhan chu nanghi ka mipa inih vang ani," Ailey thusawi chu makti zet in ka en kawk, Ailey hian James hi a hmangaih amaw? A sawidan chuan a unaunu pasal ani si a??

"Ailey duhtawk rawh," james chuan ati hrawk, a nui ar ar, "a teuhlo he hmeichhia vang mai mai hian minkalsan tum ngai suh, min kalsan rualin engkim ka ti chhe vek thei tih i hriat kha," ati let khar khar, James chuan amelh run run thung

"A ropui hle mai, i unaunu pasal i hmangaih a, chuan keihan engchiah nge i pawi ka sawina chu ni a miss Martin?" Tumah an ṭawng loh lai chuan ka ti chang fak, "Medelia Morigan i kâ kha lo chip rawh he hmun a thih te i duh anihloh chuan, James hian rawn hruailo tawp tur che ani," ati hrawk


"Ailey he hmun hi chhuahsan rawh tun ah hian Russia kan pan angai hle tih i hriat kha," james chuan bul hmukin a rawn ti, "lo va chhuak rawh sawifel tur kan nei in ka hria Miss Morigan nen hian hian," Ailey-in atih chuan ka nui hul hak, "ka kut leh ke i phuarbet in i duhtawk in min sawisa dawn itihna ah ka ngai mai ange Miss Martin i nep takzet," hmusit zet chuan ka ti chhuak, ka hnuai chhiah hluah hluah reng ani


Ka ṭhut na chair rawn tlawh ṭhuai chuan lei ah chair chawp in ka thal thla tawp, min chhir zui zat bawk, "Ailey a tawk," james aw chu ka hre vuai vuai, min chhir zui zawt zawt, "i kâ hi chip tur in ka tih che kha Morigan," a aw chu ṭah chhuak aw te pawh a ang mah mah zawk

Ka thaw kawk kawk, ka kut hnunglam ah an phuarbeh bakah ka ke an phuarbet bawk, ka tan ṭan ngaihna awm heklo, ka kâ chhung al puat chu na zetin ka chil ka chhak chhuak, ka mitsir in Ailey chu James-an a pawm kang tih ka hmu, ka nui hul hak, ka nui a hmu ani ngei ang a ai nasa in James-a pawm na aṭang atal leh phat, "min nuih amaw?" A ti tuar

An zing a pakhatin min tung tho nawlh, ka chil sir lam a chhak sawk chuan, "Ailey Martin ka hmuhsit zia che i hria em, nangchuan min phuarbeh lai bakin min khawih ngamlo, mahni unaunu pasal ngaizawng tu ang mai mai ka nilo," ka ti let hrawk

"Ngawi hmak rawh, nang stripper mihur nu," ati tuar, ka nui lui hak hak, "nangai chuan hur lo e, tun ah khan i mi pa hmangaih fa pawh i pai chuanglo ani lawm ni?" Ka ti ve ngawt a tufa nge apai ka hre ngawtlo, nau a pai tih Lucas-a ṭawngkam aṭang ka hriat vang chauh ani


Ailey chu a mengkawk, "dawt phuahchawp pawh i thiam hi, James min thlah rawh," ati tuar, James-an pawn a pawm chhuak nawlh chuan a rak tuar tuar, ka nuihlui leh hak, mai mai chuan, ka kut hnunglam ah darthlalng keh them ka hum ran, ka chhuak khawp ang, Ailey Martin thin phawrh chhuak tur hrim hrim pawh in he hmun a thih hi ka tum hauhlo

James rawn pen lut chu ka lo en ran, amitmeng in ka sir a ding pa lian zet chu chhuak turin thu a pe nghal zat, a chhuahrual a ka sir a rawn ṭhingṭhi thla chuan ka kamsir thiser ser chu akut zungpui in a tuai zauh, "ana em?" Ati sup, rum lutuk a melh chuan, "ka hua che Jamestown," ka ti hrawk, a thlebak

Ka biang tawn tawn a akut pahnih a vuanin chiang lutuk in min en, "kha mihring khan ka pek loh enge pek che aneih Medelia, keinilo a kha mihring kha engvang a thlang nge inih?" a tawp lam chu a seh chilh rap rap

Ka ṭhensak, a in khaikhin ngam hi ka ti lutuk tlat, "nangai tamtak a aṭhat zawk avangin, ka nu leh pa, ka unaupa that tu anihloh avangin," a au in ka au khum, tho thut chuan ka sir a chair in hung ho chu a tlawh let rum rum, ka ip chawih chawih, "phiangsen a che Morigan, i pa khan ka nupui raipuar mek a su hlum tih i hria em? Thih kha a phu ani," ti tuar chuan ka khabe ah na zet a rawn hmerin min kuai dak awrh


Ka hmui ah na zet a rawn fawp tawn tawn chuan a seh zauh, ka tal ve phat phat, min phuarbeh tlat vang leh ka khabe a dawm beh tlat avangin ka tal chhuak theilo, na zet in ahmui ka lo seh sawk, inla hrang pah chuan a phun hluk, ten lutuk chuan ka melh, "tenawmpa," ka ti tuar, ka thinrim lutuk chu ka ṭap lek lek zawk


Ka hmai tlang a rawn zut riak riak, ka sehna hmui thiser ser chu a tuai zauh, ka lo thle sawn ve zel chu dawhtheilo tih hriat zetin ka hmai ah a hmer nawk, "awm ṭha tur ini Medelia, keihian engvang a venghim zel che nge ka nih hi i hrethiamlo tak tak em ni?" A ti hrawk, rum lutuk a melh in ka kâ chhung a thisen awm leh leh chil awm zawng zawng sawm khawmin a hmai ah chuan ka chhak thlawrh, "thisawn rawh American uicho pa," khazet chuan ka ti hrawk, ring zet a au ka tum nen ka khabe ruh na tlat ah chuan ka au ring thei tawhlo, ka thinrim lutuk vangin ka tha a khur dar dar bawk

"Hreptak a Medelia," ti ṭhawt chuan min beng sawk, chair chawp a ka tlu tur chu ka dar tawn tawn ah a rawn vuan chat, a kut lehlam ka dar vuanin lehlamin ka biang a hmer bawk, ka kâ ti ang lui chuan na zet in min fawp ngawng ngawng, rum nghut a min thlah thut chuan ka hnar ah fawp zauhin, "Medelia Turkey ah minzui rawh, tuma tihbuai phaklohna ah," tham ṭuak a ati te chu ka luak a chhuak hluah hluah


He ramhuai hi ka zui aw kawnglo ang, ka zui ai chuan he hmun a thih pawh hi ka thlang zawk fe angchu, "i mumang ah pawh a thleng ngailo ang Jamestown," ka ti hrawk, nui hul hakin, "kan hria angchu Medelia ka ta inihloh chuan tuman an nei dawnlo che, Lucas-a rawn lan ve hma ang khan ka hmeichhia chauh ini leh ang," ati hriam hrak, engtiklai mah in ani hmeichhia hi ka ni ngailo, ka ni ngai bawk heklo ang

"Engtik ah mah a thleng ngailo ang," ka ti nghut, ka chauh tawh em avangin aw pawh ka nei tawhlo ani ber, nui hak in, ka kâ bawk hmet kau leh chuan min fawp leh nawk nawk, "kanla hria angchu Medelia," ti sup chuan ka biang ah fawp zauh a inher vut chuan kawngkhar lam a pan nghal nul nup, rawn hawilet zawk a min nuihsuk chuan, "ka ta ini vat dawn tihbhria angche, i duh emaw duhlo emaw," ti leh sup chuan a pen chhuak nghal, a ṭawngkam chhuak leh min melhdan te chu min chal delh hluah hluah, ka thinrim lutuk chu hnunglam ah ka darthlalang keh them ken chu ka hum ngawt ngawt


Ka kut aṭang a thisen far ri kauh kauh leh sana hluizet bang a intar ri leh ka thawri bak hriat tur awmlohna hmun ah thimzet ah chuan ka inseh ruh ngar ngar, ka kut an hnungkhirh chu ka darthlalang them ken chuan hrui chu ka at det det, he hmun aṭang hian khawi hmun mah khang uicho ho kha zui ka tum aw zawng lo, he hmun aṭang hian thi a ka chhuak anih pawhin ka duh thu ani tur ani tawp

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:50 pm

BLIND
By floria laldansangi
18

LUCAS..POV


"Tun ah car ah naupang hi dah lut rawh," Willy chu ka vin hrawk, khang Martin mi leh sa ho khan min rawn zui ve vat dawn tih ka hria, he lai hmun hi rangthei angber a kan chhuahsan angai, police kan awmna chin hrilh mahila ahla tham hle si a, car a naupang a pawm luhrualin chak lutuk in ka tlan chhuak, ka hnung ah car dum pahnih in min rawn zui ka hmuh chuan ka nersawk, a ai chakin ka tlan leh, "Sir naupang hi damdawiin kan thlen pui vat angaiin ka hria," Willy-a aw chu hlauhthawn na alang tel, ni e drugs tamtak nen an hrai maibakah eng damdawi nge tih pawh hriatlohin an chiu miau a


Damdawiin hnaiber kan tlen chuan minzui tu te pawh khan min hlauh (hloh) tawh ani ngei ang, hman hmawh zet in kan in pawm lut, doctor min rawn pan hmasaber hneh ah, naupang awmdan leh an damdawi pek ni a ka hriat chu ka sawi zung zung bawk, a thaw phei chu ka hre tawhlo, a lungphu erawh tlem ala hriat theih ṭawk ṭawk chauh ani

ER room ah rang thei angber a nawr an nawr luh rualin, "Will enge Medelia te chanchin," ka ti nghal zat, police pakhat rawn lut in, "ka pu tun ah hian i lawng France lam pan a thudawn a awmlo, kan hriatdan in darkar khat liam ta khan Turkey lam pan a a chhuak tih hriat ani," a rawn tih chuan thinrim zetin, "engtin teh hrep nge chu chu a thlen theih," ka ti hrawk

Kan hma zawn a bang a TV screen lian zet in tar ah News rawn puan chuan ka lungphu a ti rang zual, "tun ah hian Turkey tuipui leh a chheh vel chu cyclone na takin anuai vel mek a, lawng tamtak tuipui ah pil in..." A thusawi ka ngaithla zo hman lo chak lutuk in damdawiin kawt lam ka pan, wily-anin rawn zui tih ka hria

"Damdawiin ah lo awm rawh, tun ah hian Turkey lam pan in ka chhuak dawn, engkim lo ti fel angche," ka ti nghal zung zung, ka rilru ah Medelia bak a awm tawhlo, kha Jamestown phiangsen kha engtin nge ka lawng ah alo va thlen ve theih ni, ka that khawp ang, Car a ka ṭhut luh rualin, "naupang kha lo enkawl angche," ti leh chak takin ka tlan chhuak nghal


Medelia.. POV

Ka kut an phuarna ka zai chah hnu ah rang lutuk in ka ke an phuarbeh chu ka phelh sawk sawk, ka ding chhuak, ka nak ana zawk, ka din rualin ka pai nawk bawk, lawng chu thli na takin rawn nuai ang maiin a buk luih luih, ka ding ngil mai theilo, kawngkhar zawn rawn ri rawk rawk ka hriat chuan ka tha zawng zawng sawm khawm in ka ding ngil, ka sir a thingtlawn min vuak nan a an hman chu ka la kang vat, kawngkhar lam ka pan chhat chat, ka kut a thi nasat em avangin ka vuan nghet theilo, anal puat

Kawngkhar sir ah ka ding fel chiah tih chuan a rawn in hawng sawk, chu ve leh a hnung zang a ka theihtawp in ka hlap ṭhuai, a eu awk, chhuat a atluk rualin a khabe ah ka chhir zui zat, Ailey chu a vial nawk nawk, kala duh tawk hauhlo, a dul zawn a chhir zawt zawt chuan ka kek dak awrh, "zanin hian kan thi dun law law angchu Miss Martin," seh chilh zet chuan ka ti hrawk, lawng lah chu a buk luih luih


"Thi dawn chiang e Morigan, tun ah hian kan chuan na lawng hi reilo ah cyclone in anuai chhe vat dawn si a," a kâ thi nuaih akar chuan a rawn ti kha fak, a nui zui ar ar bawk, mawww??? Tun ah khan cyclone a ti em ni? Chuan keini hi khawi lai ah tak nge kan awm, kan rindan in Russia kan pan dawn hauhlo, Turkey tuipui zawl ah kan awm tih ka chiang ani


A hmai a hnek sawk chuan, "khawiah nge Mary-i a awm?" ka ti hrawk, thawk lak tum chuan a theihtawp a chhuah tih alang reng, a thaw kawk kawk, "engvangin nge Jamestown i zawh mailoh ang, a hmangaih hle si che a," rilru na tih hriat ngawih ngawih in a rawn ti chhuak, a mittui a khap let sak sak bawk, thinrim zet a phi tho sawk chuan ka tung tho nawlh

"Tun ah hian fiamthuna hun ka nei hauhlo Martin," ka ti bul hmuk, nui hak in, "kan in ang anih chu, kan thi dawn, kan thi vek dawn Morigan he tuipui hi dam in i chhuahsan lo ang, tun ah Jamestown chu chhanhimna lawng te in tuipui kam lam apan tawh si a," a aw chhuak ah chuan a rilru ana hle tih alang, a awmzia chu he lawng ah hian keini bak kan a tawhlo tihna ani, phiangsen chuan leh!!!

"Tun ah Ailey dam ila duh anih chuan Mary-i awmna sawi rawh, ti chuan helai hmun ata hi kan chhuak ho thei ang," dawhtheilo zet chuan ka ti tuar, lawng lah chu a che nasa tulh tulh, mahni a in vawn na tur dap chawp angai bawk nen, "i awmna piah chiah room ah hian nikhaw hrelo a awm mek ka ring ani, a chhan chu drugs tamtak a taksa ah chiu luh ani si a," a rawn ti chhuak ṭuak thinrim zet chuan ka melh hrawk, "helai hmun ata hi dam in kan chhuak dawnlo Morigan, James pawh in a phatsan che tih hre tur ini," ati tuar, a mittui a tla zung zung bawk, ani phiangsen kha ka ngai pawimawhlo min phatsan tur in ka engmah anilo miau a


"He hmun ata hi chhuak vat rawh,Mary-i ka lam chhung in lawng chunglam pan angche," ti hrawk chuan kat nawk nawk in kawngkhar lam ka pan, min phuarbeh na kha lawng hnuailam ani, ka sir chiah a kawngkhar chu na zet in ka nek hawng ṭhuai, chhuat a Mary-i let bal mai chu ka pan nghal ruak ruak, ka tlu bawkkhup thlawrh, bawk vakin ka pan hnai rawk rawk, lawng lah chu a in sawi nawk nawk mai hian ka hria, Mary-i bul ka thlen rualin ka kuah nghal, "Mary harhteh, tun ah hi chuan mutthilh a hun tawh hauhlo, harh vat rawh," ka theihtawp in ka au ka sawi bawk

A rawn meng dawn ṭhin, mahse a meng thei tlatlo, a thaw deuh kawk kawk bawk, kan awmna room chu tui in a rawn theh ṭhawt ṭhawt, thli leh ruahna takin a rawn theh ang mai hi ani, ka let lo chauh chauh, nghet takin Mary-i chu ka kuah, thawk leh khat ah kawngkhar a rawn in nam hawng ṭhuai

James hmel ka hmuh chuan mak ti zet in ka meng kawk, ka lam a rawn pan chhat chhat, a pai nawk nawk bawk, "tun ah helai hmun hi kan chhuahsan angai Medelia, lawngte ah chuang rawh," a rawn au ani ber, tui lah chuba rawn luhbelh zel bawk, mahse Mary-i tel lovin khawi mah kal ka tum aw kawnglo

"Mary-i tel lovin khawi mah kal ka tum hauhlo James, i sa himna zawng a i tlan chhuah tawh ka lo ring," chang fal chuan ka ti hrawk, rum zet amin melh pahin, "ka buaina an ni hauhlo, nang erawh in min zui ang," ti nghut chuan min rawn pan hnai, Mary-i chu ka kuah nghet sauh, ka bul a rawn thlen fel hma in na lutuk in tui kan awm na a rawn theh ṭhawt, lawng chu a awn ruih ruih hian ka hria, in ham tan na tur ka dap


Lawng che dulh dulh ah chuan Mary-i a rawn meng duar duar, "Medelia hreptak chuan kan chhuah vat angai, lawng hi reilo te ah a pil dawn, tui a lut nasa tawh lutuk," james aw chu chang ṭha tak ani, mahse ka thi dawn anih pawhin ka ṭhiannu bul ah hian ka thi mai tur ani, heng zawng zawng hi James-a thiamloh vek ani bawk


"Nangmah in chhuak rawh Jamestown, zui che ka tumlo ka tih kha," ti hrawk in Mary-i ka ban leh nghal, alo meng duar duar,kan awmna lah chu tui a rawn lut nasa tawh mai si, kan thi ngei ngei dawn tih ka chiang viau bawk...


Lucas.. POV

"Tun ah ka Jet lo buaitsaih rawh, Turkey lam kan pan ang," ka phone chuan ka hnuai ami chu ka vin hrawk, darkar tam lo ah tuipui fawn kar a ka Medelia pil bo maithei ka ngaihtuah phei chuan ka thaw a chham mai dawn in ka hria


"Ka pu tun ang hun ah chuan jet hian i kal chhuak theilo ang, ram tamtak ah cyclone tleh tur vangin an in sa seng mek zel ani," a rawn tih chuan ka thaw kawk, ka bul ah awmse chuan ka vai thlu tawp duh ang, "ka pawisa phiangsen lo, tun ah lo buatsaih rang angche," ka ti hrawk, ka off nghal hmiah bawk, rei pawh rial lo in ka chen na hmun ka thleng, chaktak in ka private Jet awmna lam ka pan nghal, pilot lo ding chuan, "ka pu tun ah cuuan Turkey khawpui chu an insa seng vel mek ani, thil ṭha ber ani hauhlo," a aw ah pawh thilṭha lo ani tih a alang reng

"Ka pawisa neklo," tih leh Jet ah ka tlanlut nghal, a khalhna hmun a ṭhu lut in ka mamawh tur ang ang chu ka dap kual, ka khalhlohna chin a rei deuhta bawk a ka fimkhur viau angai ang tih ka hria, Spain aṭang darkar 3 hnu vel ah ka thlen ka ring bawk

Ka thlawh chhuah rualin, "ka pu tun ah hian Turkey khawmualpui Alanya aṭang a mel 589 na ah i lawng chu atang mek tih thu dawn ani, abul hnai ah lawng dang hmuh anih tawhloh bakah vau kam an hlat em avangin an dam chhuah kan beiseilo viau," tih thu ka dawng phei chu ka thaw a tawt up up, "tun ah chhan chhuak tu pawl tamthei angber tir rawh u," ka ti hrawk

"Pawi ka ti lutuk Mr. Santos Averoi, tun ah chuan tuipui lam a mihring awm pawh kan suan chhuak mek ani a, khawmualpui aṭang a mel tamtak a lawng awm chu kan chhan chhuak theilo ang," tun a thu min rawn hrilh tu chu ka hmu anih vaih chuan a ringruh ka herh tliak khawp ang, ṭanpui ngai te ṭanpui tur in alawm ahna athawh ni phiangsen a


"Ka lawng tur lo buatsaih angche u tun aṭang darkar 3 hma in ka rawn thleng ang," ka ti hrawk, "Mr Santos Averoi thil hlauhawm tak ani i tum ni, thli leh ruah anasa tawh lutuk mihring sawiloh tuipui chhung a cheng te pawh an mangang tawh angchu," a rawn tibnghut, duh duh chu mangang ang hmiang, Medelia ka hmuh hma chu tuipui mawng pawh thleng dawn ila ka pawisa neklo e



Darkar 3 zet van chung zawl ah thli leh ruah kar a ka thang hnu ah Turkey hmun Alanya lawngchawlhna hmun ah ka ṭum thei ṭawk, jet a ṭang a ka chhuah rualin, police officer pakhat in min rawn pan, ruah a sur nasa in thli a thaw vuk vuk bawk, "Mr Santos Averoi, tun atan chuan tuipui lam pan lo tur in kan duh che ani, cyclone hi ana mah mah ani, tun ah han...." A sawi zo hmanlo, "he ta ṭang ka lawng chu engtia hla ah maw a awm?" Ka ti hrawk

"Khawmulpui aṭang hian tun ah tak chuan 309..". "Ka hria e, ka lawngtur ka duh, tun ah," ka ti hrawk

Luhlul minti tih hriatzet a min melh chuan, "Mr." Ati chiah, "ka nupui tuipui mawng a pil tur a min hrilh leh dawn anih phiangsen chuan thlawk bo rawh," ka ti hrawk, lawng awmna lam chu chaktakin ka pan hlawk hlawk, "tun ah hian i nupui awmna lawng chu a pil mek tih i hria em?" Ka hnunglam a min au zui chu ding dawt in ka hawi let, a kawr awm ah ka ṭham nawk, "ka pawisa phiangsen lo, i kâ hi lo chip rawh," ti tuar chuan lawng ah ka pa kai nghal zat

"Kha heihi la rawh, i mamawh ang," tih leh emergency a hman tur ṭanpui kohna atan an light tih en ṭhin chu min rawn pe, ka nernawk, lawng ah lut in ka ti nung nghal, lawng a an hman ṭhin chin hriatna chu ka en ran, a kawhna lam ah chuan ka in herh ruai ruai, thli anat ema vangin duh angin ka in her hleitheilo te chuan ka thin a ti rim hlur bawk, engpawh thleng dawn se ka Medelia awmna hmun chu ka thleng tur hi ani tawp

MEDELIA..POV

Kan lawng chu a awn duai duai ni mai hian ka hria, James pawh chu ka zui duhlo miau avangin a in vuan bet ve ṭai, Mary-i phakzet a rawn meng chuan, "engthil nge thleng Mede?" A rawn ti tham ṭuak, a meng kawk kawk bawk, a harh chiang teh angchu, tui in a rawn theh ṭhawt, "tun ah lawng pawnlam pan tum rawh u, chunglam ah," James-a aw in a rawn ti ṭhawt, hnial ka tum buailo, lawng hi a pil telh telh tih ka hre miau a

Mary in ka kut rawn chelh in theih leh theilo chuan kan in ham tang, kawngkhar lam kan melh ding ngar ngar, kan kat chhuak nawk nawk ani ber

Lawng chunglam kan panlo chhoh mek laiin Ailey a rawn lang hlawl, "Jamestown nang leh Medelia Morigan te hi thi tur in ni, nanghian he hmeichhia vang hian thi tur in min hnutchhiah amaw?" A rawn ti tuar, ava han hunlo ṭiah ṭiah tak em, lawng pil mai thei tawh turin kar ah sa himna zawn laiin


"Ailey Martin ithil sawi kha a hunloh zia hre tur ini, lawng hmalam pan rawn," James-an seh chilh zet chuan ati hrawk, a silai ken chuan min tin va bawk, "teuhlo lutuk he hmeichhia hi hruai tur in ani lawm ni i rawn let, he hmun ah hian kan thi vek law law angchu," ti tuar chuan silai chu amet puak nghal, ka thaw kawk, ka dar veilam a hit nghal sawt bawk

"Mede," Mary-i chu au ring tak ani, "kan thi ho vek angchu Jamestown," Ailey aw chu rapthlak tak ani a ṭeng chher mai in ka hria, ka dar veilam hup bet chuan, "thih i duh anih pawh in nangmah in ithi dawn nia Ailey Martin," ti hrawk in ka hnunglam a inven nan a darthlalang them ka zeh chu phawrh in ka vawm, a kut a tai hlek chuan a silai ken a thlauh nghal, rangzet in Mary-in alo chhar vat

Lawng rawn buk leh luih ah chuan kan in nek rawk rawk hlawm bawk, chunglam pan chhohna ah chuan ka kat chhoa nawk nawk, Ailey ka hma zawn a ding chu min rawn khawih tum in a kut a rawn phar, ka lo man chat, ka lam ah ka phih thla nawk, a thi anih oawhin ka pawisa phiangsen, thih aduh anih chuan a thi mai tur ani

Kailawn ah a lum thla bawp bawp, "Mary inchung pan rawh, Jamestown khawi ah nge lawgte chu a awm," ka tih zawm zat, lawng hmalam ah kan ding tawh, kan lawng awn bur chu a zatve a pil tawh nimai hian ka hria

Thli ana in tui a fawn nasa tulh tulh bawk, a thim mup mup, "Lucas ka awmna chin i hria em?" Ka thinlung in a lam mawlh mawlh, mahse he tuipui zau lutuk khawi ah nge kan awm pawh ka hriatloh na ah chuan min rawn hruai chhuak hauhlo ang....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:52 pm

BLIND
By floria laldansangi
19(last chapter)


"Kan lawng a pil zo tak ngial dawn, azat ve ai tam a pil tawh, tun ah lawngte kan hmuh i ring em ni?" James-an ṭeng zet a atih chuan ka thaw kawk, Ailey min kahna ka dar lah chu ana ngut ngut bawk, he hmun ah hian kan pil vang vang dawn tihlah hriat reng


"Phiangsen chuan James min dem zawng khan i kâ kha ang hauh suh," ti hrawkin ka bul a life jacket awm chu ka phih sawk, "ha rawh," Mary-i ding ngawi ngul leh hawi zek zek chu ka ti hmuk, thli ana tulh tulh, mahni a din ngheh pawh thil har tak ani tawh, "he hmun ah hian thih ka tum reng renglo," ka ti ram hmak, mahse ka chau tawh takzet ka lu ahai in ka mit a phe ruai tawh tlat, thisen tamtak ka hlauh tawh miau a

Thawk leh khat ah ka lawng chu a chim rup ni mai ka hria, tui fawn na zetin a rawn bawh rup, Mary-i a rak ṭhawt, ka per nawlh hian ka hria, tui ka hak bawrh bawrh, ka in hai, mahse ka pil tulh tulh, ka ban ah tu emaw in a rawn vuan, a thim lutuk tunge anih tih ka hre thei mailo, min pawt bet ni in ka hria

Ka rilru a harhfim in ka thinlung in Lucas-a hming alam mawlh mawlh, tui ah erawh ka pil in tuipui thuk tak ah pawh chuan min fawn pui nawk nawk hian ka hria, thawk ka tum mahse boruak hip tur a awmlo, tuipui thuk zawk ah ka pil riai riai tih erawh ka in hria, athim a, a vawt tulh tulh bawk, ka hriatna a tlem tulh tulh bawk a, ka thi riai riai tih ka in hria

"Kar thum dawn nikhaw hrelo in a awm tawh engtin phiangsen nge in enkawl, a harh a hun tawh takzet," chu aw ṭeng zet chu hla tak aṭangin ka hre vuai vuai

"A chuap ah tui tamtak a lut a, kah hliam anih mai bakah nau a chhiatna khan a taksa ah nghawng anei na lutuk ani Mr Santos Averoi, aharh chhuak leh ngei ang tih kan tiamloh che kha," Doctor ni ngei tur in damdap chuan ati sup

Lucas ani thinrim aw ṭeng zet kha, ka thaw kawk, ka awmna hi tuipui ani emni? Tuipui mawng ah keihian mumang ka nei em ni? Boruak hip ka tum, ka thaw dawt dawt hian ka hria, ka taksa kang awk awk chu ka hre thei, khawl chaktak hmang a tih kan awk awk ka ni in ka inhria, khawlri chur chur te, Lucas-an doctor ni awm tak a vin tuar tuar te chu tuipui mawng aṭang chuan ka hria ani


LUCAS...POV

ka awmna tuipui fawn hlup hlup, leh thli na tak in min chhem kual vel na ah chuan ka beidawng tawh takzet, a chhan chu he tuipui chung ah hian ka Medelia awmna hmun ka hre thei tawh tlatlo, nge ni a an pil bo tawh zawk, khua a thim mup in ka eng chhit chhe te pawh chu a eng zo tawhlo, cyclone lah chu ana tulh tulh, thawk leh khat ah thli na zet leh tui fawn rawn in let phut chuan ka lawng chawp chuan min vawrh ni mai hian ka hria, ka kang lawp, tui ah chuan ka lawng chu a pil vawng vawng


Keipawh tui ah ka tla ri bawrh, ka in hai na lam ah tu emaw ban ka man chat, ka lam ah ka pawt hnai, tui fawn anasat em avangin ka pawt hleitheilo, tuifawn in a duhna lam lam ah min hruai ni mai hian ka hria, tuipui thim tak leh vawt tak ah chuan ka rilru fim hman ka tum, ka kut vawn fuh palh chu tunge anih ka hre mailo, mahse thlah erawh ka tumlo bur, ka lam ah theih tawp in ka pawt, ka kuah chawt

Tuipui chhung ah pawh ataksa in ka taksa a deh rualin tunge anih ka hmuh a, ka enchian kher ava ngailo tak em, amah a vang a cyclone leh tuilian pawhin mindan zawhloh na chhan kha ani tih ka hria, nghet takin ka kuah, engtin nge he tuipui aṭang hian ka chhuahpui dawn ka hrelo, mahse thlah erawh ka tum tawh hauhlo thung, he tuipui mawng tawp ah hian amah chauh a thih tir ka tum awkawnglo mai
.
.
.
Ka lu rit bur leh taksa na kham ut ut ah chuan ka meng riai riai, boruak tam thei angber hip tum chuan ka hip kawk, ka hmaibul chet ah ka nu hmel fiah lutuk in ka hmu, "a harh ania doctor ko rawh will, tun ah," ka nu aw chu chiang takin ka hria, chet mai ka tum a ka che thei hauhlo, doctor rawn lut in min en dik nghal sawk sawk


"Engkim atha tawh e, khatiang a ala dam chhuak ve kha mak ka ti hle mai," doctor in a tih chuan mit ka chhing sawk, ka ngaihtuahna chu tuipui chhung a ka pil lai ang chiah kha ani, ka thawk a rawn sak leh ṭalh, ka thaw kawk kawk


Ka hawi kual, "Lucas i ṭha tawh ania, ilo harh leh hi ka lawm lutuk," ka nu in mittui tlingpam a min melh chuan min rawn kuah, khawnge Medelia??

"Ka nu khawnge ka nupui a awm?" Ka aw chu a ri chang chang ani, min kuahna thlahin min en kawk, "nupui a??" A ti ṭhawt, ka nu melh vak pah chuan, "tun ah khawnge a awm?" Ka aw neih zawng zawng sawm khawmin ka ti leh nghut

"Kha hmeichhia kha inupui ani ngailo ang Lucas khanu vang khan i thilo chauh tih i in hria em?" Ka nu aw chu a lungawilo hle tih ka hria, thaw kawk in, "a awmna sawi vat maiteh he hmun hi keimah a ka chhuahsan loh nan," ka ti ṭhawt, "ICU ah ala awm, karkhat ngawt mai engmah hrelo in i awm tih i hria em? Ani phei chu aharh chhuah pawh an ring tawhlo," a ti sup


Ka nghing lawih thei, nilo, ka Medelia a harh chhuak tawhlo ang maw? Thiltheihloh tawp anih chu!! "Thu awihawmloh tak ani," ti nghut chuan thawh ka tum, ka lu hai nghal chiai ah chuan ka tho maithei lo, "awm hahdam rih rawh, tuman an la sawn dawn hleinem, nangmah i dam hmasak angai," ka nu in aw ki dam zawk a arawn tih chuan ka thaw chhuak ham ham, a sawi dik chiah ka dam chhuah angai ani, Medelia-in min mamawh dawn chauh tih ka hria

"Engtin nge min rawn hmuh?" Mu ṭha pah chuan ka ti sup, puan min rawm sintir pahin, "ni hnih ngawt mai tuipui kam ah nikhaw hrelo in inawm antia, Alanya hmarchhak lam ah an rawn hmu cheu ani awm e, kimchang tak erawh ka hrelo na in, 'anupui nghet tak a pawmin tuipui kam ah kan hmu,' antih zawng chu ka hriat ani, hriat tam pawh ka duhlo, ka fapa ka chan ta che emaw ka tihlai i pa nen kan rilru nat zia kha i hrethiam lo ang," ka nu in mittui far kauh kauh a atih chuan ka thaw hak, ka nu hi hmeichhe chaktak ani, medelia angchiah a ṭap ve mai mai ngailo, kapa accident tawh pawh khan chaktak a awm in tun thleng hian ala enkawl ania

Ka nu kut chu vuanin ka nuihsak, han hnem ngaihna vak ka hre miau heklo, "ka nu ka ṭha alawm, ka dam hi, kapa in amamawh zawk viau angche, i hria em Medelia hi a harh chhuak anihloh chuan keipawh hian awmzia ka awmlo ang, kapa i hmangaih angchiah hian keihian Medelia hi ka hmangaih ani tih ka in hria ani," ka ti sup, min en vang vang chuan, "ka hria alawm ka fapa, inhualna hmun i chhuahpui aṭang khan ka hre tawh," a nui hak, "zanriah kanla kil pui ngei ang," atih zawm zat, ni e ka nu leh pa hian ka hmeichhe hmangaih hi an ngaina thuai dawm tih ka hria ani
.
.
.
Ka harh chhuahna pawh kar thum(3) ani ta, ka Medelia ve thung erawh ala harh chhuak theilo, khawimah ka kalsanlo ti ila a dik ang, bathroom ka lut te anihloh chuan a bul a awmreng ka duh, rawn harh chhuak se, a ṭhian thaber Mary-i chanchin engtin nge ka hrilh ang? A tuar viau dawn tih ka hria, mahse Mary leh James te erawh kha tuipui fawn nasa tak khan a pil pui ta si a

Thinrim zet a doctor ka vin tuar tuar laiin Medelia taksa chu a rawn che dawt dawt, boruak hip tum ni awm tak chuan a ang hlawi hlawi, a mit a rawn mengvar pawng pawng, tuipui ah ala tang emaw tih mai tur ang in a in hai nawk nawk bawk

Doctor in, "pawn ah lo va awm rawh Mr Santos Averoi," atih chuan a kut ka lo vai kiang sawk, teuhlo lutuk mai, Medelia kut rawn vai ruai chu ka lo manbet, a biang a chulin, "hey.. Medelia keimah khawngaih in harh tawh teh, hetiang a i awm hi hmuh ahreawm lutuk,tuipui ah khan i awm tawhlo, i bul ah ka awm," ka phun sep sep, a thaw kawk kawk, boruak hip tum in ala ang hlawi hlawi bawk

Oxygen a kâ a an vuah hnu reilo ah a taksa a rawn khur dawt dawt, nghet takin ka kuahbet, tuipui thuk tak ah khan amah maiin a pil lo a, chuta ta chu a chhuak tawh ani tih hriase ka duh ngawih ngawih, he hmeichhia hi kha tuipui thim mup leh fawn nasa tak kar ah khan ka hmangaih zia ka hre chhuak ni maiin ka hria...

Medelia...POV


Ka taska kham na ut ut chu thil rit takin min delh ni mai hian ka hria, ka che dawn a ka che sawn mai theilo, ka meng diar diar boruak ka hip vang vang, ka thaw chhuak hak, ka taksa min delh rit tak tu kha laksawn angmaiin a zang hawk, hnai lutuk a Lucas-a hmel phak zet in min rawn en chu mit khap fak fak in ka en kar, chu tah a rawn nui chhuak hawk, "doctor," ati nghal chul bawk, kei erawh ka awmna hmun hriat tum in mit ka chhing leh vang vang


Doctor in min en vel lai pawh chuan Lucas chuan ka kut a vuan ran, "diklo a awm em doctor ka nupui chu a ṭha tiraw?" Chu zawhna chu vawi engzah fakau nge zawh a tum ni, doctor pawh anui suk, "a ṭha lutuk e, hlauhthawn tur engmah a awm tawhlo, indam chhuak leh pawh hi thil mak ani hrim hrim tawh ania," nui tuh tuh pah a ti chuan Lucas-a dar chu a beng thak thak


Lucas chu a thaw hak, "ka nupui chu a ṭha takzet amaw?" Ti leh hram chuan min rawn melh vang vang, ka lo lai ringawt, ka nupui a tih zawng te chuan zak viau mahila nuam ka ti veng veng nia mawle


Doctor chhuah rualin hnai lutuk a min rawn en chuan, "na ila nei em?" Ati sup, a hmel hlim hmel leh min ngaihtuahna hmel hmuh nawm zia kalo theihnghilh tawh ani ngei ang, ka lu ka thing mat mat, ka hawi kual, Mary-i leh James te kha engtin nge an awm ve tak??

"Lucas khawnge Mary-i leh James, Ailey pawh tiam in?" Ka ti sup, thaw hak a ka mutna bul a chair a ṭhu thla hnak chuan ka kut chu afawp vang vang, "dam ṭha phawtla, an ni chungchang chu kan sawi dun dawn nia," a ti sup, a aw ah chuan thil ṭhalo tak a thleng tih ka hre thei, mahse tun ah ngei hian ka hre duh tlat, inbeng kan ka tum chu milo chelh vat

"C'mon Mede ka thusawi awih ve maila," atih chuan rum tawkin ka melh, ka taksa ala chauh em avangin ka ṭawng mai thei ṭhin lo chu ka haw tak zet

"Aw le, aw le, ka hrilh angche, Mary-i leh James te chu tuipui ah khan an pil ani, vanneih thlak takin ka lawng a pil khan i ban ka rawn man hlauh a, ti chuan nang leh kei erawh tuifawn in khawmual lam ah min len chhuak, chu chu ka hriatdan ani bawk, Medelia rilru tina lo tur in ka duh che, khuarel chhiatna ani tih hria la ka duh," ti sup sup chuan min rawn kuah, ka mittui ka khap per sak sak, ka mitthla ah Mary-i hmel chiang lutuk in a rawn lang


Kan lawng a pil thut khan min namsawn dawrh in keiai tuipui ah khan a pil hmasa zawk anih kha, min namsawnlo se Lucas khan min rawn man fuh kher lo ang, ka mittui a rawn luang zung zung, ka ṭap khur dawt dawt, ka mutna khum a Lucas rawn mu kaiin nghet takin min kuah, kum tamtak chhung ka unaunu angmai a ka en ka chenpui a ruang pawh ka hmulo chuan min vit ngut ngut hian ka hria, ka tan Mary-i kha ka unaunu diktak ani

In hnit feih feih chuan, "Lucas ka unaunu Emcey-i.." Ka sawi zo hmanlo,"ka unaunu chu naute angmaiin a ṭap ṭhin tih kalo hrelo a," kawngkhar lam aṭang a aw rawn chhuak ah chuan ka hawi vat, ka nak an zawk, ka ṭhensak bawk, Lucas-an hlau thawng zet a min en chuan, "i ṭha em, Emcey i U iti na alawm," ati nghut, ka nau in min rawn pan pahin, "engtin mah ka tih loh kha, Mede keimah vangin khang hreawm zawng zawng kha ilo tuar ania, Mary-i i chan avangin pawi ka ti, engmah puihma che leh itan phur rit mai ka nih ṭhin avang pawhin pawi ka ti takzet," mittui tling pam a min em chung a atih chuan ka lu ka thing mat mat


Ka thaw kawk kawk, Lucas-an minla kuahbet reng chung chuan ka nau, ka chhungkaw neih chhun ka venhim reng ṭhin, lo nula ta lutuk chu ka en vang vang, "kan pahnih chiah kan ni ta," mittui luang ngiai ngiai chuan ka ti chuak ṭuak, Lucas alo thaw hak, "keipawh tiam in mawle, Medelia kalak ata hi kalbo tum buai tawh suh, Emcey-i leh nang hi ka venghim angcheu, min ring rawh," Lucas aw rilruih chuan min hneh ngawih ngawih, ka thinlung zawng zawng in ka ring bawk, mittui kar aṭang a melh chuan ka nuih sen sen, ka hmui ah a rawn fawp vang vang

Ka nau in aw thian kharh kharh chuan, "ka aw ve pawh in pawisa lo ania, awii thil ei tur in ka chhuak dawn," nui vak vak pah a ti chuan kawngkhar lam apan nghal, Lucas-a inla hrang a nui sukin, "ka venghim angche u," ati sup, keipawhin amit ah ka en kar, ka ring ani, min venghim anga, min venghim fo bawk ang tih hi
.
.
.
"Medelia i rei takzet," Lucas aw dawh theilo zet ka hriat chuan ka nui hak, damdawiin ka chhuahsan na thla tel ani leh tawh, italy ah letin ka nau Emcey-i te nen kan cheng ho, Lucas nu leh pa erawh Spain ah an awm thung, khatih lai khan nau thla khat pawh tlinglo kalo pai ani awm e, mahse vanduai thlan takin kan Chetsualna ah ka chhiat bawk, ka taksa a chaklo em em, mahse engtiklai pawhin ka bul ah ka pasal phuahchawp em em mai min hmangaih tlat tu Lucas leh ka unaunu Emcey-i an awm reng thung

Bathroom aṭang ka chhuah rualin, "i rei takzet ani," ti nghut a min rawn pan hnai chuan ka kawng ah kuahin min fawp vang vang, inla hrang hlek chuan ka rim chu a hip vang vang, ka nghawng a fawp zauhin, "mit del angmai ka ni, ka thinlung mai nilo ka tisa mit pawh he i taksa hian a ti del zo ni in ka hria, ka hmangaih che Medelia De Santos Averoi," ati sup

Nernaawng chuan,"ka hming tawp hi a sei mah mah lo maw?" Ka tih chuan ka naknem ṭham salhin, "ka ta inih zia ti nghet tu anih kha," ti nghut chuan ka hmui hnuailam a seh zauh

Nuihakin, "ka hmangaih che Lucas De Santos Averoi," ti let sup chuan a nghawng a kut suih zawmin dingdi hlip ak ak chuan ka fawp vawng vawng, nghet tak a min kuah chuan min fawp let ve mawlh mawlh bawk, phuahchawp tak a ka pasal hian ka mit ati del a, phuahchawp tak hringnun ata min chhan chhuakin ka mit a ti var ani, ka hmangaih a, ka hmangaih ai nasa a min hmangaih tu hi keimah avang hian amit hi del tlat reng se ka ti ani....

www.storyfb.com mizo story thar englai pawhin chhiar tur a awm reng
A TAWP TA😃

(Ka story te min ngaih hlut sak tu te chung ah thinlung leh tih takzet in ka lawm a, ka tih dikloh leh tihsual te duhsak tak a min hrilh a, tihdan tur min rawn fo tu te chung ah ka lawm em em ani😘❤️❤️❤️story thar nen ka rawn let vat ka beisei ❤️❤️❤️ ka hmangaih em em vek che u😊😊)


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)