BLIND By floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

BLIND By floria laldansangi (Completed)

Unread post by Ngaia » September 23rd, 2018, 8:46 pm

BLIND

PROLOGUE


Chek tlak tlak pahin, "Medelia khawngaihthlak, nanghian ka hnathawhna hmun, kha i bialpa Spanish sawn chhepa bul ah khan i hrilh ngam amaw?" Ati ṭhat, tunge a sawi ka hriatloh angbawk in engchung chang nge a sawi ka hre heklo

"Enge i sawi ka hre thiam hauhlo," zam hauhlo chuan ka melh let khai, "hreptak che hian Morigan, mintih thinrim tum hauh suh, nge ni a i unaunu Emcey Morigan tleirawl duhawm tak, pawisawilo zet mai, taksa mawitak nei kha ka duat in ka ângchhung ah ka la lut in, ka khum ka ṭawm pui zawk dawn," mitmeng hur herh lutuk a min en kual dan dan chung a atih chuan ka sa ve leh phat

"Jamestown American uicho pa, kha i kâ bawlhhlawh tak khan ka unaunu hming lam nawn tawh hauh suh," ka ti chhuak ṭhat, nui hawk hawk chung in, "chutiang thu sawi thei din hmun ah i ding in i inhre reng reng em ni?" Elhsen na akhat a arawn tih chuan ka thaw hak, a sawi dik tun ah pawh phuar hlawm in ka awm ania, phiangsen hian!!!! Ka pa Jeho Morigan ka hmuh leh hun che chuan ka va that dawn chiang tak che emmm

"Ka tih theihloh ring hauh suh Tony," ka ti ve tak na tun ah pawh hian min thatlo anih chuan alawmawm zawk viau angchu

Nui hukin, "kha kha alawm Medelia nangmah a ka duhna lai ber chu ni, engtiklai mah a tlawm tum ngailo Medelia Morigan, thi thei mai din hmun ah pawh i chapo na tlang aṭang a chhukthlak kha a har ani tiraw?? Mahse tun ṭum zet zawng minti lungawilo takzet ani, ka heroines tamtak man ani tih i hria em? Dollar maktak duai tamtak man ani bawk," thinrim lutuk a ti chhuak hrawih chuan ka khabe ah arawn hmer, chiang lutuk in min en bawk
TargetPreview.jpg
TargetPreview.jpg (20.03 KiB) Viewed 35653 times


BLIND
By floria laldansangi

1

"OMG.... Medelia Lo thu teh, zanin hian engzah chiah nge Raymond hian he inchawina ah hian a inchawipui che i hria em? $500 ania aw,” ka bestie Mary-in phur fe chuan a rawn au chel chul, melh kawk in, “i fiamthu tih sawi miah suh,” ka ti nghal chul

Nui ar ar chung in, “duhtak engvangin nge ka fiamthu ngawt angni, mahse zanin hian i chak ngei ang tih mintiam teh,” a sam khawih zauh pah a atih chuan ṭhensak in, “huizzz Mary tunge ka nih? Saw English sawn chhepa hma ah sawn tlawm ka tumlo tlat,” hawi vah pah chuan ka ti chhuak, a kutzuipui ti pir vahin, “Yeahhhh ka bestie Miss Morigan ani tlat e,” a rawn tih chuan ka nui sak

“Ohh kan tlaidawn, chuan zan dar 9 hian VIP room pakhat ah ka service angai tih i hria em, boss Johny sawidan in Spanish Mi hausa an ni awm e, ahhhh chulo leh dang awm chu tlemin an tawh khirh deuh tih nen,” nernawng a ka tih chuan ka thiannu in nui sangin, “C’mon duhtak i virgin i hralh dawn pawh nilo, engti kawng pawhin he kan appartment hi kan chhuahsan theilo, i pa leibat na te hnen a kir a, uicho ho hnen a hralh i in phal te anih ngawtloh chuan,” nernawk pah a tih chuan ka thaw hak

Ka bestie hian a sawi dik chiah, khang ui cho ho hnen ah kir emaw kut tawrh ka tum tawh hauhlo, mahse enge tun ah pawh adanglam na, Jamestown minun rawng lutuk a ui note ka ni mai hian ka hria, arghh ka hna hi a chhuanawmloh viau, mahse rules thatak kan neihna hian minvenghim thung alawm le

“Chuan duhtak zanin hian Lydia a rawn tel dawn tih ka sawi lawk ania,” min melh ralh pah a atih chuan ka thaw hak, “chu zawnghuri mai mai chu(h), Spanish leh English uicho ho ka hma chhawn dawn itihna ah ka ngai,” nernawk pah a ka tih chuan bu nghat nghatin a kawr hak ahlip nghal

“Iti dik, zanin hian kha Raymond khan a partner ah a hmang dawn alawm,” atih zawm zat, ka nui hak, “woww a nuam dangdai dawn e, kei Italian Keipui antih hian, Spanish leh English thisen ka dawt kawp dawn anih chu,” nui har har pah a tiin ka inthlak ve nghal

Keihi Italian nula hleitling tak Medelia Morigan, kum 22, 5’6ft ka ni, ka pa hi Jeho Morigan zu ngawl vei leiba tamtak nei ani bawk, a hnen a ka awmlai kha chuan a leibatna ten min man in min sawisa in ka lak atangin sum hmuh an tum thin, mahse an hmulo tluan chhuak thak chu ania, tun ah hian Johny Bar ah Stripper hna ka thawk, ohhhh STRIPPER tih khan hmechhe hur leh ṭawptak ah lo ngai hauh suh u, chutiang ngaihdan in nei anih chuan paihbo rang ang cheu, rules kan nei, ka customer te kan mutpui thianglo angbawkin nau kan pai thianglo bawk, an hma a intheh ṭhil leh lawmna siamsak chu kan hna ani mai, mutpui tawk an awm anih chuan an mimal nun leh pawnlam thil ani tawh bawk....Ohhhh ka sawi hmaih theih miahlo tur chu, DRUGS dealer kan ni bawk, kan hna ah na na chuan tuman min tluk hauhlo ang chu vang a Italian Keipui minti pawh an ni reng ani

“Zanin chu han nuai leh tak tak ila ani mai alawm,” Mary-in a rawn tih chuan ka nui hak, “johny hi engvang a hnar tlat nge inih ka hrelo ani, i chung ah a tha hle si a, Ohh sawi hmaih miahlo tur a z** a lian tha hle bawk ang,” nui ar ar chung a ka tih chuan Mary-i chu a hnar a tum dat

“Taksa nawm chen leh mipa thil ah chuan a hreber ang hian rak fo teh suh, chakna kan in hrithla tawn a, a tawk viau ani, relationship nghet tak ka duh tawhlo tih i hriat kha,” nurnang a atih chuan ka nernawk

“Kha American sawn chhepa kha theihnghilh hmak teh Mary Logan, ka hmuh leh hmasakber ni chuan a ring ruh ka ti tliak ang tih ka chiang ani,” kha American uicho Adam Brown mahni fa pawh duhlo a tlanbo tu ka ngaihtuah pawh chuan ka thisen amah thah chakin a so bulh bulh, ka ṭhian ṭhaber Mary hian engtiang takin nge hun harsatak amah vang khan apaltlang a hre der silo, ka hmuh leh chuan ka thatlo anih vek pawhin a mipatna hmang thei tawhlo tur in ka siam duh ang tih ka chiang ani

“C’mon inbeng dai teh, naute a awm tawhlo a, ani pawh chutiangin chuan damtakin i bul ah ka cheng mek, hna kan tlai dawn,” tih leh ka lam ah bike chahbi a rawn vawrh nghal, thaw hakin, “aṭha, sawi chhuak tawh suh, ka ngaihtuah pawh hian ka thinrim ania,” ka tih chuan anui ar ar, henu tak hi chu!!!!

Pawn ah chhuak in bike ah ka lawn, “khawnge i car?” Mary ka hnung a rawn lawn chu ka lo zawt, “bar ah mawle,” ati ve mai

“Ohhh chuan nizan ah boss in a rawnthlah ta che a,” fiam pah chuan ka ti zeuh, ka dar a chum dat in, “tlan chhuak mai mai teh,” nui ar ar chungin a ti leh, ka nui sap, bike ti nung in chakzetin ka tlan chhuak nghal


Kan hnathawhna hmun Club lian zet mai kan thlen chuan ka bike hung ṭha in, inthlakna room lam kan pan nghal, Johny-an min hmuh rualin, “Oh God, a tawp atawp ah in rawn thleng ta alawm, 15mins laiin intlai tih inhria em?” Johny-an atih chuan ka dar ka san ak

“Medelia,” atih rualin rum zet alo melhin, “Liza mawle,” ka lo ti changfak, heihi pawnlam a ka hming ani, nui hak hak in, “oke.. Ka tihpalh, Liza zanin hian dar 10 ah Russian sumdawn hausa takin a private room ah a darkar 2 atan ahauhlawk che anih chu,” atih chuan ka mit ka meng kual ralh, “a pawi hle mai John, zanin chuan ka theilo, dar 11 ah tihtur ka nei tlat, Mary pawh tiamin,” ka tih zawm zat

“Darkar 2 atan $2000 a hmang tih i hria em duhtak?” Arawn tih leh chuan ka hmai a make-up hnawih mawlh mawlh in ka dar ka san ak, “i hria em John zanin hian kha Raymond Cahill khan $500 rawn theh chhuakin Clementy Hills ah min hmuh a duh tlat, chuan dollar tamtak mahnise saw English uicho pa hma ah sawn tlawm ka tum hauhlo,” darthlalang aṭang a ahmel rawn lang chu melh zawk in ka ti chang rap

“Boss, Liza kha chu nawr lui duh suh, thei ngat se zawng saw abialpa hlui saw a ringruh a herh tliak duh ang tih i hriat kha,” hnunglam aṭangin Mary-in a rawn ti ve bawk

“Chuti chu min hnial tihna em ni? Helai hmun a boss ka nih hi,” atih chuan nui hak a ding chhuakin ka kawr phelh in bra leh kekawr te nen chuan ka ding nghal teu, opppssss... Heihi kan hna a kan inthuam dan ani tlat, abikin zanin atan, “Duhtak boss fel tak nen mawle,” abul a kal hnai in abiang a fawp zeuh in, “engvangin nge Amber-i itirh mailoh ang, kei leh Mary tihloh ah chuan ani tluk an awmlo tlat,” tih pahin ka taksa pum chu darthlalang ah ka in en kual, ka sam rangkachak rawng kha sam lem vuahin a dum ngil siau, ka hnute vum kawh lah bra in a khuh chin bak lang var han chu ka chul zeuh, ka mawng bawr mipa min hmutawh phawt in chil thli tla lo chauh a an thlir dauh dauh ṭhin chu ka beng taih, “ok, hna ka ṭan ang, darkar khat bak anilo ang itih kha, spanish ho kar a awmtam ka duhlo zia i hria,” mit sia zauhin room aṭang chuan ka chhuak nghal

Bartender bul ah kalin Whisky tak ṭha zet ka lam phawt, kan tih than fo ni mahse harhfim kur a mipa hma a han in thehṭhil vel chu awlsam bik miahlo, chuvangin thisen minti lum thei tur in ka hna ka tanw hma hian whisky tak ṭha ngetngawt no 3 ka in phawt ṭhin

“Zanin zet chu zandang aiin i mawng analh,” bartender Marcus-an alo tih chuan a kawr awm a pawh hnai in ahmui ah ka fawp tawn tawn, duh thawh zetin minlo chhang let ve bawk, thaw chham lek lek a kan in fawh hnu ah thaw huam huam a inthlah chuan, “i zan hman nawm nan anih kha Marc,” mit siai zauh a ka tih chuan a hmai a sen nghal tan tan, ka nui hak, he pa pawh hian min it tih ka hre reng, fawh anuam phian leh nghal a, huizzz

VIP thutnaw lam a ka ken luh tur tray ah Whisky man to tak tak chu a rawn dah chu nuisuk a chawiin VIP ṭhutna lam chu ka pan, Club mahnise room leh riahna tur a awm vek, chhawng lian tak ani, chhawng 2 na aṭangin ahnuai a lam bu lawp lawp ho a thlir theih, chumai bakah duh chuan room ang a siamin a khar hmiah theih bawk, ri bengchheng hrelo a, an che vel satliah en duh tan darthlalang in a tih phui theih bawk

Ka luhna tur room zawn ka thlen chuan ding in thaw ka la hak, nuisang chuan ka pen lut, ka thawhpui te dang Jun leh leana, Harper-i te anlo awm, zu thli in an kawp pui tur ṭheuh te nen anlo in zut kual nasa tawh, Harper-i alo in theh ṭhil mek bawk

Ka thil ken chu dawhkan ah dahin, mipa lo awm ho chuan minlo en thap, an bul a hmeichhe nalh ve tak tak te chu an sit nghal tih hriat takin ka taksa chu mit la sawn leklo in an en nghal thap, nui hakin, “ka chanpual tur a awm ve lo in ka hria, nge ni a room ka rawn hai zawk?” No zet chuan ka ti chhuak, kawngkhar lam aṭangin, “i hai hauhlo,” thum chhap mai a rawn ti tu lam chu ka hawi vat, LALPA lehhhhh!!!!!!!

A aw vangin ka hawi dawrh a, a aw chauh nilo, a hmel pawh a tha, a lian in a hmelpa tak sawwww!! Kan awmna room light dim tak hnuak a hmel pa tak mai chu ka vawikhat hmuh na ani, keimah ah nghawng anei nia, nilo, nilo ka rui ami? Teuhlo lutuk Medelia, ka lam a rawn pan chuan ka thin alo phu rang sauh chu amak tak zet

Thaw hak a in hum ruh chuan inthu nun ka tum, mahse he Spanish uicho pa huhang hi ana takzet, keimah Medelia Morigan anglo takin ka zam reuh emawni?

Ka bul a rawn thlen thleng chuan khawdang hawi lek lo in ka taksa chu a X-ray ta emaw tih mai tur in a en lawr dan dan, kan awmna thim deuh ruih, eng tlem te awm ah chuan ka taksa a mit in a thlen chin chu a sa hat hat, a nernawk, hrep tak chuan tun ah khan a ner amaw??? Kei Medelia Morigan mipa zawng zawng thlir ngawih ngawih ṭhin taksa en in ala ner zui ania, zanin hian enge a chung ah ka tih dawn lo en tawp mai tehse, a mipa na thunun thei lek lo in ka siam dawn ani

“Ohhh, room a ilo awmloh vang anih dawn hi,” no hnap a ti chuan ka melh ralh, ka kut sei zen thlarh chuan a kawr awm a zut chho in a hmui bul chet ah chuan ka thaw lum ham ham bawk, a taksa chu khauh ṭha tak ani, a hrisel in taksa nalh tak anei tih ka feel veng veng thei, a pa lian rapthlak mai sia(h), kei Italian hmeichhia 5’6ft zenzawn a sang tan pawh ding di hlip ak ak angai lawm le

Ka zut vel na chuan amah nghawng anei tih hriat takin a thaw hak, ka nuisak thung, mahse keimah pawh hi ka dik hauhlo, ka chhungril a khur der der nia mawle!!!!! Takzet hian

Ka kawng a, a kut hrawl zet mai chu zen in alam a min pawt hnai dawrh in a awm khauh leh tihrawl ngah tih hriat tak ah chuan ka taksa a bet nghal thlap, ka taksa chu a zut nghal dan dan, ka kaihza tha a zawi hnak, ka nghawng a thaw lum ham ham chuan anul thuak thuak, ka tumloh zetin ka rum chhuak hak, ka hmui a fawp chiah silo in a nul thuak thuak chuan ka kaw chhung aṭang chakna ka hriat ngailo za chuai chuai a siam chhuak, ka sa pup pup, ṭhutna lam a min nawr phei chuan a kut hrawl leh zei zet chuan ka hnute vum lah chu a ṭhawm nghal tawn tawn

Ka thaw chhuak hak, "Lucas, i nula chu rawn in theh ṭhil tir ve la mawle, mahni a pumbilh chu i tumlo ang tiraw?" Mipa aw thum ve lam pangin a rawn tih chuan kan inthlah chiang teh e... Engtin nge ka awm LALPA Lehhhh tun ah khan mipa mamawh ngawih ngawih angin ka lang anih chu!!! Stripper diktak angin, phiangsen chuan lehhhh

Ka bul a ṭhu palian zet chu ka melh zawk, ka awmdan i thlak chu a hrethiam ani chek angchu a inla hrang vat, thaw hakin dawhkam a zu chu ka tlak pawp, mai mai chuan a, mipa ah pawh customer satliah mai mai lak ah ka thawmhnaw inbel ve chhe te ka hlip lo chauh anih kha!!!


Nichin a lam tur a minti tupa aw bawkin, "kan hma ah hian han in theh ṭhil ve teh le, liza i hming hi ka hre fo tawh reng ani, henglai hmeichhe nalh ber ini tih nen hian, $300 nen hian aw," tih leh a ṭhutna aṭang a tho chhuakin ka bra kar ah chuan pawisa tel chu a zep nghal zat, ka nuisuk, mihausa turu te atih tak kha mawle, an ni tan $300 lek chu engmah ni nang

Ka ṭhutna aṭangin ka tho chhuak, ka sir a ṭhu mipa lianzet chuan min melh run tih ka hria, ka zam dawnlo hrim hrim, Medelia Morigan ka ni tlat, tu mipa hma ah mah ka zam ngailo, Spanish sawm chhe lak ah ngat phei chuan


Music rik rual chuan ka taksa ka ti che, ka in zut kual, "i bra leh kekawrte kha phelh ta che," an zing a midum awm chhun in a rawn tih chuan ka mit ka siai zauh, "pu-a zan in atan chuan ka hun a zo tlat mai, zandang ah ni rawhse," ka ti no nghalh, a hnar a tum dat, dawhkan a no ruak chu zei fahran a la kualin ka thli kual, ka pek pah in kan fawp nghal zauh zel bawk a, an dang mawn alang lo chauh ani an nuih na ah


"Liza, Diane hian alo chhawk angche," mary-i aw ka hriat chuan alam ka hawi, a nuisuk, "pu te u, zandang ah kanla inhmhuh leh ngei ka beisei, nilawm ni?" Nui sang a ti chuan min melh run tu paliana chu ka nuihsak, room ka pen chhuah rualin mipa ho phun hluk ri chu la hre hman hram, mipa room ka chhuahsan dawn reng reng a ka hriat ṭhin ani a, ngai ah ka nei viau

Pawnlam ka thlen chuan ka thaw kawk, kha VIP room kha alian ve tawk hle ani, kha Spanish pa khan a luah hneh mah mah anih kha, kan boruak hip ve tur zawng zawng a dal vek alawm mawle

"Mede, i ṭha maw?" Mary-in a rawn tih chuan thaw hak in ka bu nghat nghat, "tehreng mai," ka ti tak na ka aw ah pawh chuan ka ṭha lemlo tih alang reng, kha mipa fawh nuam tak kha ka hmui leh thluak hian ala feel thei hial in ka hria arghhhh... Medelia harh teh!!!!

"Room ka rawn luh a ka hmuh chu Medelia ka hriat ngai miahlo mizia ani, zanin hian mipa hip tu inei chiang alawm," nui hak hak chung a arawn tih chuan inthlakna room a luh pahin, "duhtawk teh, ka taksa it a chil thli tla lo chauh ho zing ah a tel tih ka chiang alawm," kan tih leh ngawt pek ahhh, keihi alawm ataksa ka deh sawilo a thaw ri mai mai pawh khan minti danglam ni, medelia Morigan nun a thil thleng vawikhatna ani hial ani

"I thusawi ah khan Medelia ka hriat ṭhin aw a awm hauhlo, engpawh nise kan tlaidawn, kan tlai anih ngat chuan i duhlai Raymond kha alo in ti thei lutuk ange," room aṭang a chhuah rual amit min siai khum zauh pah a atih chuan ka nuisuk, a insawi theih na te aho em asin, engtin nge kha uicho Raymond kha kalo ngaihzawn theih ni???


"Liza, Russian sumdawng chu hun reilo te i hman pui duhlo tak tak amaw?" Johnny-an a rawn tih leh hram chuan ka bike chahbi vawrh zauhin, "boss pawisa chu ka duh ngei alawm mahse Morigan hi tuma lak ah atlawm ngailo," tih leh kawngkhar lam ka pan nghal, a thaw ri hak chu ka hre hman hram



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:46 pm

BLIND
By floria laldansangi
2

Kan inchawina hmun tur kan thlen chuan dan pangai te in anlo tam leh tawh khawp mai, aṭhen an rui bawk bawk, aṭhenin damdawi anlo hip bawk, intlansiak tur ho pawh an partner te ṭheuh nen anlo in keih mawlh mawlh hlawm

"Woww Medelia ka hmuhloh na che a rei ta em ni? A hma aiin i lang it awm zual anih hi," Raymond hmel phak-an a rawn tih chuan ka bike aṭang a chhuk in ka ṭhensak, "i mit ah kha chuan ka it awmlo ngailo ani lawm ni Cahill," a bul a ding hmeichhia melh zauh chuan hnehtu inti fe in ka ti chhuak

"Chu chu i ngaihdan mai mai nise ka ti hle mai, mahse ka pha hauhlo ni rawhse, zanin hian $500 ka Bat a, i chaklo anih chuan enge i chawi ve angle?" A rawn tih chuan ka dar ka san ak, "pawisa ka thehchhuak ve dawnlo tih i hriat kha Raymond Cahill," chang fal chuan ka ti chhuak

"Duhlai, stripper satliah hian khawi a pawisa nge neise itih a, a in phelh ruah phawt angai ang chu, nilawm ni Mary, i romeo Adam pawh Italy ah arawn let tih ka hria a," nui ar ar chunh a lydia'in a rawn tih chuan a ha hmai bal sawk khawp a ka hnekloh nan ka kut ka hum ruh, ve khanglang hian, Jamestown-a ui khawi lai mai mai leh nghal

"I kâ kha chip la kan tih tur ti vat teh ang u, i sawi ang in stripper tan chuan mipa hausa tak tak hma ah kan in phelh ruah angai leh dawn si a, ni laam ni Raymond, vawi engzah nge i hma ah ka in phelh ruah tak kha," ka ti lui ve sak, Mary-i chu alo nui kar kar, "vawi hnih chu Raymond a ṭaplo chauh ka hmuh ve kha," alo ti zauh, ka nui lui hak, vawitam ka in phelh ruak alawm, sex kan hman dawn apiang in kan puitlin theilo ve ziah, mahse a pawi tawplo, he American ui cho dawheh pa lak a ka thianghlim na ka hlauhlo (hloh) hi Pathian in mal min sawm na te pawh ani mahna

"Medelia Morigan Italian sawn chhe nu i kâ kha chip hmak rawh zawng hur," Lydia-in Raymond bike aṭang a chhuk a kalam rawn pan chhat chhat pah a atih chuan ka dar ka san ak, ka hlauh a ring amawni, ka vawikhat hnek kha ala duhtawklo ani mahna

"Lydia i hnar ngul hnek kawih i duh tawhloh chuan Medelia hi rawn hnaih tawh suh, ka ṭhelh tawh dawn lo ania," Mary-in a bike a ṭhu chung a meizial zu khu hlat hlat chuan van lam a dak vah bawk, ngeiawm thaw khat ani

Lydia chu a ding chawt, nuisak in, "i hmel mawi tak kha ka ti oem leh nuaih chhin dawm amaw nile," nui hak hak chung a zial phawrhin ka ṭan nghal

"Medelia Morigan chak ta viau leh thil ti thei ta viau ah in ngaisuh angche, ka hlau hauhlo che ania," ati ve tak na a mitmeng verther lutuk ah sawn min hlau tih ka hre reng, ka dar ka san leh ak, "Jamestown ui nkte khawilai inih chhung chuan i hlauhawm ve reuh alawm, James-a lalram ah chhauh chu pawh," tih pah chuan ka meizial chu lei ah paih in ka rap hlum nghal

Ka bike a lawn in, "Raymond i bialnu lei hi ka pawh dawh in duhloh chuan kan tih tur tih a hun ta viau e," nui ṭhu chung a Raymond-an milo en chu melh in ka tlan chhuak nghal

In tlansiak tur ho kan ding ṭhap, partners nei vek an ni, kei erawh Raymond nen kan inzui lai kha chuan ka khalh loh chuan a hnung ah ka ṭhu ṭhin, henglai vel ah chuan keini pahnih inkawp tluk a lar kha an awm kherlo ang, a mipatna a veng thei thlawtlo a saw Spanish uicho nu lak a alo hma theh hma kha chuan mipa ṭha tak ah ka ngai kha ania, khanglang chuannnn


Bike dang rawn tlan lehin ka din na aṭang pathumna ah chhiah a rawn ding, tunge anih ka hrelo, alu kawlh vek, alian in amum pul leh ta nghal, apa lian viau bawk, umm a an ber chu rapper Pitt bul kha.. Haha

"Mithar kan nei ni in alang," ka ti lang lang, a bengchhen em avangin ka ṭawng pawh chu an hriat ka ring chuanglo, kan hma ah linda-i kekawr te leh bra chauh nen a rawn pen chhuah chuan a kut a scarf chu van lam ah a vawrh, atlak rual leh lei a deh ruak deuh thaw in kan pit chhuak zawk hlawm

Dan ngaite in Raymond ka tlanpel, mahse he kan mithar pa hi bike khalh ahneh viau, kan pahnih chuan kan tlan fal dun viau bawk, ka speed ka ti sang, tumah in kei Medelia Morigan hi min hneh tur anilo tawp

Finishing ka thlen dawn chuan ka khalh chak zual sauh, ka thlen rual in hneh lutuk in ka bike ka her kual pawt, mipui an au dur dur, ka thlenrual deuh thaw in lukawlh-a pawh a rawn thleng, ka lo hawi vah thung, Raymond pathumna, ka bike aṭang chhukin Raymond din na pan chuan, "$500 chu ka ta anih hmel," tih leh ka sir a min si lek lek a ding Linda-i chu pawt hnai in a kekawrte tlang a $500 in zep tat chu ka pawt chhuak, a biang a fawp zauhin, "ka lawm e," ka ti sep, anui ver ver

Linda-i hi lesbian ania, minbeisei ṭhin ka sual viauna in mahni hmeichhiat pui ngaihzawn ka tum hauhlo, patil lah ka ni heklo, amah ang han ni ngatila chuan ka chhaithluk tur zing ami ani chiang alawm, analh vet vet em!!

"Itan te chuan engtik lai pawhin mawle Medelia," no zet a ati chuan anui ar ar, kan tam nasa in kan ri hut hut, heihi kan dan ve ania, Raymond-a ṭhu tum vuau lam chu pan hnai in tu emaw in beer-can min rawn pek chu ka la nghal

"Chaklo zawk nihdan ithiam tawh hle mai," ka tih chuan a ṭhen lui sak, "kan mitharpa lak ah saw chuan i tlawm ka ring ania," tih leh lukawlh-a lam chu a thle zauh, ka nuisak, ka chaklo ṭep anih kha tlem a tlem ah

"I hmel hriat em ni? Hmelhriatloh i rawn hruai a," dem aw lek lek chuan ka ti chhuak, ka beer-can ken chu ka lem nghal khalh khalh

"Linda-i rawn hruai ania, a sual hranlo ang, ka tihawmzia i hriat kha," atih chuan ka dar ka san ak, ka hawi kual, aṭhen an lam, a ṭhen anlo in pawt nawk nawk bawk, Mary-i erawh ka hmu hauhlo khawi emaw ah nuam a tawl ve te pawh ani mahna

"Medelia duhtak nangnen hian kan inmil viau tih i hria em?" Raymond-an a rawn tih chuan za lo zetin ka nui hak, ka jacket hak chu phelh in ka beer ken lai chu ka in zo nghal

"Lydia-i hian i khamkhawp a pe lo che em ni Raymond," Lydia-i melh palh a ka tih chuan ani pawn a bul a ṭhu hmeichhia chu a melh zawk, rum lutuk in Lydia-i chuan minlo melh let

"Ka.." Atih laiin silai arawn puak, kan au deuh ṭhawt hlawm, ka hawi nghal dawrh, a vawihnihna a rawn rik leh chuan atam zawk chu an insa seng tawh, ka bike lam pan a ka pen chu tu emaw in ka ban ah arawn man chat, phihthlak ka tum a aman nghet mah mah ani

"Tunge maw inih leh?" Ka ti ṭhat, ka dak chhuak chu, hreptak chuan lehhh kha mitharpa kha ani, "engthil nge i duh?" Tih leh ka tal leh phat mahse hneh lutuk a min man bet in ka kut ah handcuff min rawn bun tir nghal, engthil nge atih hi??? Mahse kan lam pan a midang an man khawm an rawn hruai chuan tunge anih ka zawh nawn angai tawhlo.. Phiangsen chuan lehhh

"Police zawng chhepa lehh," ti ṭhat chuan min vawn na aṭangin ka tal leh phat, min thlah rualin ka per sawn dawrh, min rawn man leh atum chu handcuff nen chuan a kut ka lo herh, a rak ṭhat, "nang hmeichhia hi," tih leh min rawn beih a rual, kalo in dang ve zel, mahse insual athiam lutuk, keni tual chher mai mai tan a hneh chi ani awkawnglo

Min pawtsawk ka bawh nghal rawk rawk, "Mede, engthil..." Mary-in arawn tih chuan ameng deuh kawk, a hawi kual, thilawm zia a hre nghal vat, “kha pawh kha hruai angcheu,” tih leh min pawt kal nghal dawr dawr, “engvang amin man nge inih?” thinrim zet chuan ka au, a rum nghut

“Hey... Lukawlh ka biak che chu i hrelo ami?” Kan ti thla ve leh ngawt a, ami man dang te chu ka en, he hmun rawn thleng tur hian a bei ve fe ang, linda-i khan a pui ka tih chuan ka ti sual maithei, linda-i hi hmeichhe rilru chhia leh tiang ti duh tur hi anilo, he mihring hian thiam takin a dawr kual vel a helai hmun hi a rawn hruai tihna ami???


An mi man ka hmuh chin ho chu drugs addict vek an ni, a awmzia chu keini hi drugs dealer kan ni tih an hria, mahse sawngho lak ah sawn kan hralh ngai hauhlo, fiahna emaw ka kut ah ngei drugs a man pawh anilo, hreptak chuan darkar 24 chhung indawpna hmun ah hun ka hmanloh ka beisei

Motor chhung ah min hnawh lut nawk nawk, "ka ṭhiannu kha chhuah rawh u," ka ti ṭhat, "mede min ngaihtuah suh, heng American sawn chhe ho hian darkar tam min kawl lo ang," ka ṭhiannu fing em em in a rawn tih chuan ka bu nghat, kan awmna meicher leh bike headlights eng bak enghmuh tur awmlo kha police motor eng pup ah chuan kan va lang chiang tehreng em!!!

Lukawlh-a chu motor a min dah luh rualin, kawngkhar a rawn khar ṭhuai, ava han ṭawng mawh em em ve mawle, min phurhna motor chu kei leh driver bak kan chuanglo, min man khawm na na, min ṭhut khawm tir tur ania

Motor ding dat ah chuan ka harh chhuak, kawngkhar a rawn in hawg, lukawlh-a bawk chuan min phih chhuak lawp, "mindim ve deu ta che, lulian," ka ti hlak, mawl lutuk hmeichhe dim na chang pawh hrelo

"Bike hneh sawh tak in i khalh thei a, mipa tamtak tlukloh inih chuan khanglek kha chu na itih ka ringlo a," bung zet a atih chuan ka nui chhuak hak, ka chak avangin atlawm ala chiang alawm

"Chuan midang zawng ai a min dimloh chhan chu min hnehloh vang ah ka ngai mai ange," elhsen fe chuan ka ti let, phunhluk in min kalpui nghal dawr dawr, midang ho kha khawnge an hruai ang, engvang a min hruai hrang bik nge maw an nih chiahle??

Room pakhat thim zet mai, light dim tak a eng ṭawng ṭawng tihloh eng reng reng luhlohna ah chuan min pawt lut nawk nawk, "min dim ve ta che lukawlh, min man chhan pawh hrelo hian misual chei in min chei hauh suh, American mimawl ho thluak ah hian eng chiah nge awm ṭhin hrep ni, sex bak ngaihtuahlo mihring," ka ti leh hlak hlak, a hmel ngerngur ah hian min chhang leh dawn chuanglo tih ka hre reng, a ṭawng tlem dan chu rapthlak tih piah lam ani, ka biak mawlh mawlh pawh a mi chhan na chang hrelo, lu chauh lian thlawn a lu bur ah sawn enge awm bik ang ni??

"A chang hian i ṭawngtheilo thut ṭhin em ni?" Ka ti thla leh ringawt ahh, huizzzz engtia rei tak he hmun ah hian awm ang maw? Ka awmna hmun chu ka hawi kual, ka ban bul a rawn vuan leh chuan, en ringawt te chuan lung ti chhe thei hmel pu chair riangvai hmel zet, hlui lam pang ah chuan min nawr ṭhu hnawk pahin, "i kâ kha chip hmak la kan zawhna bak min chhang suh angche," tih nghut chuan ka hma a chair awm ah chuan aṭhu thla ve nghal

A hma a computer laptop awm chu hmetin, "i hming leh i kum," a rawn ti nghut

"Medelia Morigan, kum 22, chuan min man chhan ila sawilo," ka tih zawm zat, athil tihlai chawl in min rawn melh zawk, ka lo melh ram ram thung

Ṭawngtum a a ân zuai laiin kawngkhar a rawn in hawng, engluhna tur adal vang leh he hmun a eng awm chhun chu a dim em avangin a hmel ka hmu theilo, palian tak ani, ka hma a ṭhu lukawlh-a mah hi lian tawh tih nak alai a, hengho hi ahranpa a siam bik emaw an ni lawng maw??


A rawn pen lut, a taksa lianpui rawn luh rual chuan hriat thiam harzet boruak a rawn keng tel, he hmun thim tak mitamtak in an hlauh in dawpna hmun ṭhihbai awm zet hi ka tan chuan thil thar anilo, naupang te ka nihlai aṭangin ka pa leibatna ten min man in min sawisa in, hmun thim tak tak ah min khungbet fo, Jamestown pawh tiam in mawle, ka hlau lem tawhlo

Mahse he mihring palian zet rawn lut hian ka hriathiam siloh boruak rit tak ka chhungril dek zar mai a rawn keng lut tih ka chiang, ka hma a rawm ding in a rawn kun hniam, tun ah zet zawng ka hmu chiang ta, khapa kha ani, Johnny bar ami kha!!!!

Ka mengkawk, helai ah enge atih ve, anih chuan he mihring phiangsen hi sumdawng mi nilo in police min chhui ru reng tu tihna em ni?? Aw anichiang alawm.... Mit zim san a hnai lutuk a min rawn en chuan ka lungphu a phu dawt dawt, enge maw ahriat le?? Minva en hnai ngur ngur ve mawle, min dawlh a tum chu ani em lo maw?? Min hre em lo angchu maw???

"Sir. Henu hian Tony-a awmna chu min hruai thleng angtih ka chiang ani," lukawlh-an a rawn tih chuan min man chhan ka hre chiah, hmela chu (h) atir te khan sawi ve tur ania, an ni hian Jamestown man an tum ani, dawhkan chung a ka kut dah chu la sawnin ka mal kar ah ka zep tat, ka zam leh dawt ka sawi hian ka kut hi kalo keuh leh neuh neuh ṭhin, an hriat ka hlau ani, Tony-a ka hriat leh hriatloh min zawh chuan dawtsawi har ka ti ang, ka kâ hian pha mahse ka taksa hian dawt a sawi theilo, ka nu pawh khan, 'hmeichhia ka hriat tawh a dawt chhe te pawh sawi thiamlo ve tak ini,' minti ṭhin reng a...

Lukawlh-a lam hawi chuan, "henu hi em ni kan michhui lai hre tu chu?" Ati nghut, nichin a athusawi kha a hrelo mawni? Inla boss reuh lutuk

"Aw ni e ka pu, ani hian kan mizawn awmna leh abiakpawh dan a hre khawp ang," min melh hrawk pah chuan a ti deuh nghut, a aw aṭang chuan min ngaina lo tih ahriat reng, nge ni a bike racing ah khan ka chak kha alana mah mah zawk huizz

"He hmun a min hruai chhan hi ka hrelo ang bawkin in sawi Tony-a phiangsen pawh chu ka hrelo, he hmun ah hian darkar 3 dawn ka awm tawh hial lawng maw? Nangni Spanish uicho ho leh American mimawl thluak thawl lutuk ho hian hmeichhe stripper satliah in man ania," ngaihnep hmel fe chuan ka ti chhuak, ka hma a ding palian zet pahnih chu an lungawilo nasa tih an hmel dur khup khup ah chuan alang reng, he ka lei hriam lutuk hi kaveng zo ṭhinlo, Spanish pa min melh rawm rawm tu chu melh let in ka chil ka lem khalh

Hlaulo ang leh zam miahlo ang in lang mahila ka chhungril khur nasa lutuk chu ka khur chhuak dawn hial in ka hria, a mit te chuan power an nei ta emaw tih mai tur ani, min en na hrim hrim chu tumloh zet a in puan mai a awl khawp ang

"Ṭha tak a i sawi anih chuan i chhuak nghal ang tih ka sawi e, i kut phiangsen kha dawhkan chung ah dah rawh," atih zawm zat, ka phu zawk thei, a aw fiak ṭha zet chu a mar pat, a ṭeng chher chher, hnial luih ngam chi ani hauhlo bawk


Muangchangin ka la chhuak zal zal, ka thaw kawk, ka mit a en chuan dawt ka sawi tih a hre hauhlo ang ka zam hle tih a hre thung ang, mahse ka kut ah hian saw mitmeng fing lutuk saw ka bum dawnlo tih ka hming ka chian tluk leh ka beng awmna ka chian tluk hian ka va chiang si em!!!

"Mr. Officer police laktlak loh tak in ni, min man chhan ka hriat chu in sawi Tony-a phiangsen chu ania, he hmun a min hreng tur hian fiahna in neilo, anilawm ni lukawlh?" Kha fak chuan ka ti chhuak

"Fiahna angai em ni? I hria tih ka hria ani," lukawlh-an a rawn tih chuan ka nernawk, a pu erawh in engmah sawilo in min en ngar ngar, ka zam lek lek

Thaw hakin, "fiahna tel lovin pawisawilo in man theilo tih hre tur in inmawl lo angchu maw?" Ka zaidam ve na zawng zawng kan sawm khawm ve ngawt a, ava har si em!!

"Enteh Mr. Officer he hmun..."

"Lucas De Santos Averoi ” bung zet chuan a ti nghut, ava ṭul teh duah lo em a hming zet chu, a ṭawng kam chhuak hrim hrim chu nelawmna pakhatmah a awmlo, amitmeng thukruih leh thim rap te leh a biang a hmul ṭo te chu misual dawp nan a siam hrim hrim te pawh ani hial in ka ring

“Mr. Averoi..”

“Lucas tih kha a tawk,” ka sawi zawh hma in alo tih zawmzat

Ka luhlul leh ngen na a chawk chhuak leh zak, ka ṭhen khum sak, ngeiawm tawp chuan ka mitmu ka ti che kual, “i hming chu a tu pawh lo ni la, Micheal jackson emaw Shakira pawh nila ka tan a pawimawhlo, a pawimawh zawk chu he hmun ah hian fiahna awmlo in minhruai tih hria angche, MR. OFFICER laktlak loh pa,” nernawk chuan ka tih khum ve sak


ka ṭawngkam chhuak tin chuan a ti thinrim tih hriat takin a thawk ri hrawih hrawih, sa kawlh thinrim te pawh a ang dawn lawm le, ka chhungril a ti khur der der mahse hlau angin ka lang duh teuhlo, kei Medelia Morigan hi tu hma ah mah a zam ngailo, mahse... Mahse ka kaw chhung hi vur ram a awm ang maiin a khur hlawk hlawk nia mawle!!!!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:46 pm

BLIND
By floria laldansangi
3

LUCAS...POV

Ka hma aṭhu hmechhe sam rangkachak rawng tle siau leh mitmu pawl phat mai, light dim tak hnuai ah chuan a pawl dal zual, tuipui cham dul angmai a pawl phat chu hmuhnawm dangdai ti zet chuan ka en ngar ngar, a chil lem khalh ah chuan amah nen a inhmehlo zet in a zam tih ka hria

Kan awmna thip rup a eng chhe in chhi in a sam a en te chu a tle sep sep ni mai hian ka hrebawk

Engtia helai hmun rawn thleng nge ti a ka ngaihtuah laiin Willy-an kan mizawn mek smuggler hmingthang tak Tony awmna a hriat thu a sawi chuan ka phu deuh zuk, engtin nge he stripper hmeichhia hian Tony awmna chu a hriat ang, Tony te ang mituru, police leh FBI pawh in kan zawn nasat a hmel tak ngial pawh kan la hriatloh ani tlat, nge ni a Tony-a phiangsen chuan he hmeichhia hi ata ang maiin alo ngai tawh zawk ang, hreptak chuan, duhleh ngai ang hmiang, hmeichhe lepchiah tak alawm anih, pawisa avang a mipa mutpui ṭhin hmeichhia, Tony pawh chuan a duhzat a tam pawisa in avawm chuan a in phelh ruak mai angchu!!! Mahse engvang a thinrim ve ngawt nge ka nih???

Thinrim zet chuan akut dawhkan a dah chhuak tur in ka ti hrawk, ala phu zawk zui, ka thaw ri hak, min hlau lo ang hian langmahse a kut keuh neuh neuh te leh chil lem khawlh khawlh ah te hian min hlau tih alang reng

Mahse hethil hi ka duh hauhlo, he hmeichhe hlauh nih hi ka duhlo, engvang nge ka hrelo, ka duhlo takzet tih erawh ka hria ani, Tony-a a hriat ngailoh thu a sawi chuan ka nernawk, mahse fiahna awmlo in Willy hian aman amaw?? Phiangsen chuan lehhh

"Ka kut a handcuff min bun tir te hi la ve em em tawh teh lukawlh," melh ram ram chung a Willy atih chuan ka nuih a za takzet, hmeichhe pakhat ti a sawi tham chu ani, maktak maiin kei mipa in thunun hneh tak hi he hmeichhe huhang hian ka insum theihna min hlauh (hloh) tir anih kha, stripper hrim hrim ka fawh ka ring ngailo, he hmeichhia erawh ka hmeichhe fawh tawh zawng a hmeichhe hmui thlum tak nei ani

Bar ah khan ka luh hma in ka hmu, bar a a ṭhiannu nu nen an lut tur ka hmuh khan mak tak maiin ka en zui anih kha, chutah bartender a fawp ngawng ngawng lai ka hmuh hnu lawk ah VIP room ah khan ka thluak ti nu bulh thei khawp hial in kan i fawp leh nghal ania, hreptak chuan ka inten leh hnuhnawh, mahse fawh nuam tak ani kala ti fan

"Ngawireng khan ṭhula, Tony awmna chu sawi mai rawh," Willy-an dawh theilo zet a atih chuan a ner khum nawk, a awmna hmun hi a hrelo emaw ni? Hlau hmel lah apu lo, kei min en dan anglo takin a cho ar ar thung, "ka hre hauhlo mai, bakah Tony tih hmingpu chu ka thawhna bar ah rawn kalin a lawmna kalo siamsak tawh pawh ani mahna, ka mipa tihlawm zawng zawng te hming ka hre veklo, ni lawm ni Mr. Officer," min rawn melh pah chuan a ti let ve hmak, bar a kan awmdan kha ala hria tih ka chiang ani, kan in hip tawn viau te pawh ani mahna

"I hria tih ka hre chiang ania Miss Morigan," Willy-an atih leh hrawk chuana nui hak, ka rinloh lam daih ani, hlauthawng tak a men ker ka rin nen, a en vah, "fiahna ineilo ka tih kha, fiahna neilo in pawisawilo i man chuan case ka file let thei, chuan ithu hriatna chu Lydia Moor anih ngat chuan a thin ka phawrh anga ka rawn pe angche, ila hriatloh takin a hnar ngul ka hnek kawihsak kha ala duh tawklo ani mahna," ati sak sak, a hlauhloh dan chu pui tak ani

"Stripper lepchiah lutuk," Willy-an atih chuan mitmeng mawii hmel chu a inthlak nghal zat, thinrim hmel a pu, a meng ram ram, a thinrim hian a hmelṭha tulh tulh emaw ni?? Lucas ahunlo lutuk engthil nge maw ka ngaihtuah le??

"Will, i ṭawngkam fimkhur rawh," ka lo ti hluk, engvang a lepchiah atih vang alo thinrim ngawt nge maw ka nih le? A sawidik amah ngei pawhin a nihna a zahpui hleinem, anihna ahre chiang lutuk te hian minti thinrim ṭun in nia ka hriat ni

"Lepchiah maw?" Kha zet a rawn tih leh a ding chhuak, a kut a handcuff bun chung chuan Willy din na lam chu a rawn pan hnai chhat chhat, a mit ah tak a en ran, kan mi man tamtak hian Willy hmel hi an hlau ṭhin, a inti hlauhawm thiam em em bawk, midang khei zak a ṭawngdan a thiamin mihan dawp vel lah thiam, bike khalh a hnehsawh ang bawkin insual pawh thiam tak ani, chuvangin ka thachhangdawl tu a hmang ka ni rengbawk

"Ka lepchiah na tak sawi tur i hria em?" Cho zet a dak vah chuan a en chho, Willy hi 5'11ft asang ani, henu pawh hi hmeichhe te zawk zawk anilo, ka tan erawh te viau thung, "Miss Morigan ka thinrim cho chhuah tum suh i ṭhutna ah let rawh," Willy-an alo ti hrawk, a nui hak

"Police laktlak loh lutuk, ka lepchiah iti si a, kan fiah dawn em ni?" Ati leh sak, a hmel en reng reng chuan angeng ngal, a chapo in tlawm a tumlo hrim hrim tih alang bawk, ka bul a chair ah chuan ka ṭhu thla an pahnih incho vel chu ka en ran bawk

"Kut ka thlak loh nan che ṭhu rawh ka tih kha, stripper ho chuan sum a awm chuan an taksa an hralh ṭhin," ati leh fak fak

"Iti dik, kala thianghlim ti ila i awih dawn silo a, anih chuan ka hma ah hian 3 millions dollar rawn theh chhuak la, i khum ah ngei kan fiah dawn em niang?" Mahni inring tawk tak chuan ati leh sak, kalo ṭhensak thung, chuthu chu tu in nge ring se atih le, amawl emaw ni??

Willy chu anui hawk, "Medelia Morigan stripper virgin maw? Ka rin che i ringlo ang tiraw?" Tih leh za zet in anui, medelia Morigan maw? Liza kha ani sia, hminglem a nei khanglang anih chu.. Medelia Morigan hming common lo tak ani, amah nen a inhmeh hliah hliah chu!!

"I ngamlo anih chuan kha i kâ kha chip hmak rawh i lei pawh dawh i duhloh chuan," ati leh khar khar, amize ngeng ngal hi amah ti Medelia tu anih dawn hi

Willy nuilai chu a tawp hmak, an in melh khai khai lai chu, " fiah chu duh ta ila ka tan enge itih ve ang, lo thianghlim ta lo la, pawisa chutiang zat chu inei ve awm hauh silo a," ka tih chuan an pahnih in an rawn hawi dawrh, engthu nge ka sawi kha, he hmeichhe stripper hi a thianghlim ka ring tak tak chu ani lo maw?? Mahse ka sawi zo vek tawh tlat

A nernawk, a awmdan engkim hi ka hua, hmeichhia leh nghal min thamlo lutuk leh "tuhma ah mah ka tlawm ngailo," tih men a ameng te hi tlawm tak a siam ka duh hrim hrim, "tinge i ngam leh si nange?" Ten hmel zet chuan ka ṭhen sak

"Anih 5 millions ti ila, i ngam tho angem?" Nui sak a atih chuan ka thaw hak, hmeichhe thianghlim leh hlimloh enchhin nan chutiang zat han ngai pawh chu (h) Lucas i â ta em ni???

"Duh ta lo ila?" Ka tih let rualin a nui hak, "Mr. Officer insum ula, in handcuff hi la let tawh rawh u, 5 millions dollar ka tan in neihloh chuan hmeichhe ṭawngthei ang maiin ṭawng zuap zuap suh u," hneh tu inti tak chuan akut chu Willy-a hma ah a la kang va

Mipa chu nise ka va han beng tawh dawn chiang em!!!!!

"Chhuah rawh, fiahna a awmlo atih kha," ka tih chuan min rawn melh zawk, Willy erawh thaw hakin handcuff chu a la let, "tun ah chuan mipangai te pawh ka ang leh ta alawm, Mr. Officer i nau-a ai chuan tlem in thluak inei deuh anih hi, heyyy lukawlh ka bike dahna thleng min thlah angchu maw?" Atih zawm zat, a che vel leh ṭawngkam, a mitmeng hrim hrim chu haw duhtu tan chuan ngeiawm hluah hluah a tling, he tiang hmeichhia hi ka pian a hnu lam a ka vawikhat hmuhna tak meuh meuh ani

"Pawn ah a awm kha," Willy chuan a ti hluk, bu nghatin salute a pe zeuh, "police mawl chhah tak ni mahla police ila ni ve sia," a tih khum leh sak, ava han chimawm thawkhat tak emm

A pensawn dawn chuan min melh zauh, "5 millions ineih hun ah min rawn pan dawn nia," tih leh hawi vah in kawngkhar lam a pan, vawikhat pawh rawn hawilet lo in a chhuak nghal

Willy chu thaw hakin, "hmeichhe mak tak zawng ani, Italian keipui antih kha ka ringhlel ta hauhlo," ti sup chuan anui zui hak, "Italian keipui a?" Ka ti hâ, Italy, Ghaut hmun ka thlen hian "Italian keipui chhelo leh henglai mipa zawng zawng te leh khualzin tamtak tluak ti nu bulh thei khawp a nalh leh zei a awm" antih kha kha nu kha maw?? Ka ngaihtuahna avangin ka ṭhensak

Nui hak hak in, "ni e mawle, hmeichhe mak dang dai rak ani, a duhawm viau in ka hria," ti leh sup sup chuan a nui chhun zawm hawk hawk, a thinrim viau emaw tia, "khawi hmun ah nge iva hmuh reng reng?" Ka tih chuan nui kur kur in, "clementy hills bike racing kan neihna hmun ah mawle, Lydia-i khan min hrilh a ka va tel ve," a sawi zawng chuan a ner nawk nawk

"Chuan i chak zo talo a," ka tih chuan a thaw ri hak, "hmeichhe bike khalh thiam tak ani, ka vawikhat hmuhna ani," a aw ah chuan ngaihsan na alang, Willy chakloh vawikhat ka hriatna ani, chupawh kha hmeichhia Medelia Morigan lak ah khan, engti kawng emaw takin hriat chian ka chak, Tony-a ka hrelo atih kha ka ring hauhlo bawk, a kut leh mit khan dawt a sawi tih min hrilh, chu pawh chu ka hnaih chhan tur ṭha tak ani

MEDELIA...POV

Room thim zet leh kha mihring Lucas inti huhang na zet ka chhuahsan rualin ka thaw kawk kawk, tunah khan zep rual lohin ka zam, ka zam takzet

Pawn boruak thiang kak mai chu mit chhing in ka hip vang vang vang, thaw chhuak ham ham chuan muang changin ka meng, bike lo inhung ran ka hmuh chuan ka nuisak, ka bike hi ka hmangaih ani, hahh

Ka bike chung a ka jacket lo awm pawh chu mak ka tihtawh nak alai ka helmet thlengin, hmm kha lukawlh-a kha misual zawk zawk chu anihloh kha ka thil a hre phian leh nghal

Ka bike a lawn in ka helmika khum nghal, bike ka tihnun rualin ka ban ah rawn man tu an awm avangin ka phu deuh zuk, ka hawi vat bawk, hepa hi engtiklaiin nge ka bul a rawn thlen ka hre hauhlo, min vawn na hit mer mer te chu lehhh


A kut vai kiang pah chuan, "engthil nge ila duh," helmet phelh chuanglo chuan ka ti sup, ṭawng tumlo tih hriat takin a ka reh a chip hmak, a kut ṭang pahnih vai zauh ah chuan ka helmet phelh tur in min hrilh tih ka hre thei, ava inla boss reuh tak, ka tan chuan ka engmah anilo, ka boss lah ani heklo, a thulo ber awm e

"Sawi mai rawh," kan ti leh hram a, ahmel tak run ah chuan ṭawng hmel reng reng a pu lo, hrep a... Ava ninawm teh chhen ve mawle, zanin zet chu hengho vanghian ka â tak tak in nia ka hriat ni

"Sawi rawh," ka ti hrawk, a nernawk duh chauh leh nghal, ka helmet hian ka hêm zawt dawn mawni zawk

"Zanin hian engvang in nge bul kan ṭan mailoh ang, 5 millions chu kan en chhin dawn em niang," min en run chung a atih chuan ka thaw hak, engvang a kha thu kha lo sawi chhuak ta kher kher nge maw ka nih, midang pawh in lepchiah te chu minti fo sia, mai mai hiann

"Ka hma ah pawisa i rawn theh chhuah hun ah min rawn hmu dawn nia ka tiin ka hria Mr. Averoi," chang fal chuan ka ti chhuak, diktak chuan haw vat vat ka duh tawh, Mary te kha a haw tawh em angchu maw

"Hlawh la hmasa ṭhin in emni hna i thawh?" Tih leh min rawn din hnaih, min hnaih leh lutuk chu ka thaw a diklo leh zo dawn a ka hriat avangin min din chilh hma in bike aṭangin ka chhuk vat, ka tawlh sawn dawrh bawk, ka chet ze at thlak zet chu ka hre chhuak nghal, mahse ka che hman tawh

"Min hlau leh si em ni?" Ngeiawm lek lek a ti sup chuan aṭhen sak, ka hmelṭha lutuk.. Nilo... Nilo chutiang ngaihtuah suh Medelia, "ka hlau hauhlo che, pawisa nen kan inbe rem dawn ani lawmni, ka duhber chu pawisa tih i hriat kha, chuan nangni police mihman lutuk ang in hun ka neilo, stripper ka.." Ka tihlai mek in, "Phiangsen che hian kha i hna ṭawp hnawk tak kha i sawi lan fo angailo, engzah maw iduh, enge ka tan itih ve ang pawisa chu rawn theh ta ila," ti hrawk chuan min rawn pan hnai chhat chhat

Ve mai mai a, ka hnathawh hi a chhuahawm hauhlo, mahse ṭawp hnawk anilo tlat, ka kut ka hum ruh, "i kâ kha chip hmak rawh," hriam hrak chuan ka ti chhuak, a ṭhensak, "ka duh sawi thei tur in dikna ka nei ani lawm ni?" Ti leh rawn pen hnai in ka kawng ah a kut rawn rawlh chuan lam ah min pawt hnai hrawk, ṭawngtum a ka kâ ka âng zuau tih ah ahmui sexy zet chuan a chilh hmiah

Min fawp ngawng ngawng, chhanglo tur in ka in hum ruh, a awm phiarfat ah chuan ka nem ve ṭang ṭang, cement bang sut kuak tum angvel ani, taksa sawizawi ṭhat tih hriat tak a phiarfat leh nghet bur, 6'2ft vel a sang tur in min man beh chuan tal chhuah ngaihna a awmlo, a kaw tawp ah ka tang ani ber

Thaw chham lek lek a min fawh hnu a inla hrang hlek chuan, "luhlul reuh lutuk a ti sup," ka harh chhuak zawk, a mi fawhna khan min nghawng na lutuk a ka tha kalo thlah hman ani, rum lutuk a melh ṭha leh chuan ka kut hum ruhin ka tha zawng zawng sawm khawm chuan ka hma a ding mek sakawlh angmai a ruangâm lianzet hmai ah chuan ka hnek ṭhuai, a thle bak chuah ani, a pai ve khat khat ka rin nen, ka hnek na lo mah mah em ni? Mahse ka kut ruh ana viau bawk si

"Kut ram reuh lutuk," ati hluk, min vai thluk tawp ka ring a ka lo in puahchah ruk ve nen, a ṭhensak duh chauh ani, ka haw lutuk, "Spanish Uicho pa, i kut bawlhhlawh tak khan min khawitawh ngai suh angche thih i duh te anihloh chuan," ka ti tuar, ka hna thawh ka hria, mahse mipa nazawng hian ka taksa hi ka phalna lo chuan an tawk tur hi ani lo tawp

"Ka ta ila nivat dawn tho ani lawmni, nge ni a i hmui vawikhat fawh pawh khan man anei?" A ṭawngkam chhuak tin min hmuhsitna lang hi ka hua, ka haw takzet, chapo mawl si, Spanish nunrawng

"I ngaihdan chu a dik thlap anih chu, chuan athlawn in tumah ka fawo ngailo nangni Spanish thluak thawl ho ngat phei chu," elhsen fe a tih leh namsawn deuh in ka bike ah chuan ka lawn nghal, ala nui ri huk leh nghal, ka helmet hian ka hêm tak tak dawn amawni??

"I thutiam kha hrereng angche," tih leh in her vut in kawngkhar lam pan chuan inchhung ah alut nghal, a che rang lutuk chu ka mit ka khap fak fak, engmaw ka tiam, a mawl deuh emawni?? Arghhh Medelia Morigan i mawl takzet khapa fawh ah khan engtin nge i danglam in, ilo theh sawn dawrhloh le?? Ka lu thing nawk nawk chuan ka bike ti nung in chak lutuk in ka tlan chhuak

Kan apartment luah hlui tawh zet kawt ka thlen chuan ka bike ka hung rem, tualzawl a hnahro tla chu kan building neitu nu Miss jolly leh abialpa thar ni leh awmtak chuan anlo phiat fai, sana ka en, khai lehhhh!!!! Zinglam dar 5 a pel tawh, kha hmun ah khan ka awmrei pawh in ka hre chai silo a, zankhua in min khung tihna ania, zawng ho mai mai chu(h)

"Miss jolly in tho hma hle mai," anlam pan pah a ka tih chuan min rawn nuih sen sen, khua la thim viau mahse pawn light leh Street lights in a rawn chhun avangin kan lang chiang hlawm viau

"E khai! Medelia iva hma ve kha, zanlam i riak chhuak zawk em ni?" Nui sen sen chuan min rawn chhang, abul a ding mipa tar lam pawh chuan min rawn nuih ve sang, he pitar hi Pi ti a koh a duh hauhlo, a pasal thihna kum tamtak ani tawh, pasal neilo hian ti hian ngaihzawng a nei reng, thla 4/5 bak an inzui ngai chuang miahlo, pawisa a nei a, a rilru ṭha in a khirh viau thung, a building luah tu ho pawh hi miharsa te te kan nihlawm bawk

Ka lu thing mat mat Chuan, "nilo e Miss jolly, ka luhsan angche u," tih leh building hluitawh lam chu ka pan nghal, ka mut chhuak leh chau lutuk chu ka mit vun a rawn uaithla lo chauh ani, kan apartment ka luhrualin Mary-i haw tawh tih hriat takin a jacket ṭhutna ah alo vawm let leh tawh, ka sawi zin nen a sim theilo, ka mu phawt anga naktuk ah thil thleng ka zawt fiah ang, khum ah ka let thla tawp, khum ka deh rualin ka muhil nghal ni maiin ka hria

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:47 pm

BLIND
By floria laldansangi
4

"Tho teh mede, nizan khan engthil nge thleng, dar engzah ah nge i rawn haw?" Mary-i aw zet chu(h)

"Mar, khawngaihin reilo te mut kala duh ania," thatchhe zet a ti chhuak chuan puanin ka in khuh ṭha sauh sauh, "chawhnu dar 2 ari tawh, nilengin i mu tawh alawm, tho la thil thleng kha min han hrilh fiah teh," tih leh ka puan sin a hlim pawp, ka meng kawk, thaw hakin, "sawibelh tur a awmlo, Lydia Wood ka hmuh leh hmasak ber ni chu a thihni ani mai," nizan ka ngaihtuah let nghal zat, ka thin a rim thar takzet

"Enge i sawi awmzia?" A rawn tih chuan ṭhu chhuak pahin, "engmah, nizan khan enge an zawh che?" Ti let hâ chuan ka en, "khang addict ṭawng lutuk ho lak a damdawi zawrh ah min ngai a, min zawt mawle, vanneih thlak lutuk in nizan khan damdawi kan kenglo maipawh nilo kha tiang addict satliah ho mai mai lak ah kan zuar ngailo kha kan vannei ani," ati hlak hlak

"Addict satliah leh addict chu an in angvek, an mamawh chu drugs vek ani," tih leh khum aṭangin ka tho chhuak nghal, nui hawr hawr chung chuan, "a dik ve thlap bawk sia, zanin ah kan mihausa fapa in a duhdawn a, nangmah ngei in pe tur che in a duh ania, 67 North Bridge Road ah party a siam in ka hria zanin hian," a rawn ti lang lang

Bathroom a darthlalang ah chuan ka in en vang vang, ka mitmu pawl phat leh ka sam rangkachak rawng te, ka vun sen no suah te hi ka danglam na emaw ka ti ṭhin, a chhan chu ka unau te leh ka pa te an sam a dum in an vun pawh avar bik, an sen no ve tlatlo, an mitmu thlengin a dum, ka unaupa leh ka pa erawh a uk thung, mahse ka nu thihdawn khan ka hriat chhuah chu keihi an fa ka ni ve lo tih kha ani, ka naupan laiin ka pa zuiruih apiang ka nu chung ah ṭuan in midang fa enkawl tiin a ânkhum ṭhin, kalo hrethiam ngailo kha ania


"Mede i hman dawn em, ka ril aṭam ania," Mary aw ka hriat chuan ka ngaihtuahna ata ka harh zawk, ka nu leh ka unaupa kha ka mit hmuh ngei a thah an ni, Emcey hi chu ka enkawl tur liau liau ani bawk, tumah in Jeho Morigan-a fanu diktak ka nilo tih an hre chhuak tur anilo, chuti anihloh chuan Emcey zawk hi an umzui mai ang tih ka hlau ani

Ka in phih fai sawk sawk, ka mit, mut khamlo tih hriat ngawih ngawih te chuan ka thin ati rim zual, ka room aṭang a ka chhuah rualin cheese rim tui veng veng ka hre nghal zat nuisak chuan choka lam ka pan nghal

Dawhkan a pizza tui hmel zet leh soft drinks awm ka hmuh chuan ka nui sak, "tukin chu i tho fuh tihna em ni?" Tih leh ṭhu thla in pizza chu la in ka ei ve nghal ava han tui tak, 102 block ami Pizza hunts ami saw ani chiang lutuk, "i order em ni?" Pizza ei ṭawlh ṭawlh pah a ka tih chuan alu a thing mat mat

"Ṭhenawm thar min rawn pek anih kha," atih chuan ka thil ei ka hak lo chuah, "Mary," ka ti ṭhat, tunge an nih pawh hriatloh hnen aṭangin eitur a dawng ania, tûr te lo tel se engtin nge kan thi daih dawn asin

"Hlauthawng suh, mifel tak ani, rawn awm thar ania, nizan ka nghah lai che khan tual ah khuan meizial kan zu dun a, Toronto aṭang a rawn insawn ani awm e, amah chauh ani bawk, a chhelo hle," atih zawm zat, thaw hakin, "tunlai hian kan nun ah mithar kan tawng zing mah mah, James-a mi chhawr min enthla tur a atih pawh ani thei ania fimkhur tluk a awmlo," ka ti sep, a bu nghat nghat, Jamestown hnen ah hian ka pa khan pawisa tamtak aba, midang lak ah chuan ka Tlan chhia in kan biru thei, mahse James-a lak ah chuan khawi hmun ah mah kan biru theilo chu anih hi

Ka nau Emcey-i erawh ka nun na pawh hlan ngaise a zawng hmu tur anilo, ka nau sawi chhuah tak ah chuan ka ngai takzet tunlai kan inbiak khat zia ka hre chhuak

"Diktak chuan kan hna te, James hlau reng reng a nun te hi ka hne, i hne ve em Mede?" Athil ei chawlhsan meuh a min rawn melh chuan ati sep, ka nuilui sak, kan nun zalen lo lutuk leh anduh na hmun apiang a min tir kat te hi ka hne tih piahlam ani, mahse an pawisa tamtham tak kan ba miau a

"Kan nun ah atel tawh miau a, Mary a thim zawng in ngaihtuah lo la, i hria em nang leh kei, ka unaunu nen a kan awmdun theihna anih phawt chuan engpawh hi nuam ka ti vek," alam a pizza lek kang pah chuan a kâ ah ka hnawh lut nghal, alo âng ve mai, anui suk, "nizan khan Emcey-i khan rawn biak che atum a, hna i thawh thu in Kalo chhang anih kha, texas aṭangin rawn zin a chak hle tih a sawi bawk," min melh ralh pah chuan ati sup, ka ngai ani keipawh hian, a tetlai aṭang a awm tu ber ka ni miau a

"Ka be dawn nia, mahse heta awm chi anilo Jamestown hian a hre chhuak anih ngat chuan kei nilo in Emcey-i hmang hian ka pa koh chhuah a tum mai ang," ka ti sep, khawi ah tak nge maw ka pa pawh a bihruk ni, a thi tawh hial in nia ka rin, kum 15 ka nihin ka pa leibatna ten ka nu, kei leh ka unaupa min man in rooom thim tak ah min khung, ti chuan min sawisa in ka pa awmna min zawt nasa hle bawk, chu mi zan chu ani Jamestown ka hmuh hmasak ber zan chu, ka hmuhlai ngeiin ka nu leh ka unaupa kha silai in a kap hlum a, kei erawh engvang a min that velo nge anih ka hrelo, mahse tun hnu a ka ngaihtuah let hian tiang a hnuai a drugs dealers ang a min hruai kual aduh vang ah ka ngai hmiah tawh bawk, khami zan min man hma a ka pa ka hmuh bak kha ka hmu leh tawhlo hrim hrim

Ka nu leh unaupa ruang ka thlah fel rualin ka unaunu Emcey-i khan a tuar ve ka hlauh luat a texas ah hruai in Home ah ka dah nghal anih kha, chu chu ka nu duhdan ani bawk, Italy let lo theilo in ka pa leibatna ten ka pa an man thu leh ka kal lo anih chuan an thah tur thu an sawi, lo ring miahlo tur ka nihlaiin ka pa ani miau a, Italy ka thlen rualin Spanish uicho ho khan min man in min sawisak hrep hnu ah an boss tar hur zet hmei atan min cheibawl nghal ania, Jamestown awmlo se tun ah chuan kha putar hmei kha ka ni ngei ang, ka pa leibatna ni mahse ka nun na chhan tu ani ve leh lawisi, chutih rualin ka nu leh ka unaupa that tu ani bawk


"Medelia ka kal dawn ania, 108 block ah i mi hmuh tur in dar 8 ah alo nghak angche, nangin north bridge Road ah i keng dawn anih chu, i phone khawnge i dah?" Atih zawm zat, ka phone chu eng pawh alo eng tawh reng reng lo, charge pahin, "ka hria e, zanin ilo haw dawn leh dawn loh rawn sawila," ka tih chuan min en vang vang nileng khan ka nunhlui ka ngaihtuah let, ka ṭap lo chauh anih kha, "i damlo ti a Johnny ka hrilh chu lawmawm hle mai, i pek zawh ah haw nghal la awm hahdam tum rawh, inau chu ngaihtuah duh suh," tih zawm zat a min rawn kuah chuan ka hnungzang ah a beng thak thak


A kal liam hnu chuan ka zi mar ar ar, vawiin nilengin keimah anglo tak in ka cool em em, ka ṭhiannu ngaih a ṭhalo hial ania, Medelia Morigan thawveng, engmah hlauh neilo, lungkham neilo leh thinchhe si kha ka nilo tlat ani

Ka insiam sat sat, thaw hak a darthlalang a in en vang vang chuan, "Medelia, hna ah rilru pe la, nangmah kha inring tawk rawh," in en vang vang a in nuihsak chuan ka ti chhuak

Ka bike chahbi la in sana ka en dar 7:30 a ri tawh, ka kal chhungin lo nghak hmasa ila ṭha ang, pawn ka chhuah rual chuan kan ṭhenawmthar tlangval atih ni awmtak chu a rawn chhuak ve, min rawn nuihsang, Mary-i sawi angchiah ani a hmelṭha, huuhh

"Medelia ini ang maw?" Tih leh ka lam ah kut a rawn phar chhuak, lo vuan vatin, "ka ni alawm, handsome neighbour chu ini angmaw?" Mit siai zauh a ka tih chuan anui hawk hawk, "ohh chu i unaunu chuan ka hming a sawi nange? Mahse min sawidan chu a lawmawm loh miahlo," alo ti let vat,"Bryan, Bryan Moor," atih zawm zat

Lift lam pan pahin, "Medelia Morigan," ka tih chuan min en haw, "Mary nen khan inhming tawp a in ang hauhlo," arawn ti chhuak, nui hak hak chungin, "ohh unau ai pawh a inzawmna thuk zawk ṭhianṭha satliah ai a thuk fe," ka ti ringawt, bu nghat nghat in, "ṭhian in kawm ngaihtak in ni ngei ang, khawnge kal itum, umm ilandan chuan khawi emaw bike racing na vel a tel tur i ang," mit hmul kan âk a atih chuan ka ṭhensak


"North Bridge Road ah, ka ṭhian pakhatin min hmuh lawk a duh a," ka ti ve mai, a bu ve nghat nghat, Mary-i sawi ang takin misual tka chu anih hmel loh, a sang a, amitmu a dum ang chiahin a sam rawng pawh a dum, avun rawng pawh a sen uk deuh, mahse kha Spanish officer kha ala chhelo zawk, nilo, nilo engthil nge maw ka ngaihtuah le?? Awihawmloh lutuk


Ka bike a ka lawn rual chuan, "bike khalh i hneh sawh hmel hle mai, i duh chuan kan intih hlimna lam ah pawh i rawn kal ve thei ania," Bryan-an a rawn tih chuan ka helmet khum pahin, "ka lawm e, nidang ah ni rawhse, Bryan zan hman nuam le," kiai suk chuan bike ti nung in ka tlan chhuak nghal

Mary-i sawina hmun ka thlen chuan James-a rawn tirh tih hriat tak coat dum ha chu ka lam pan in a rawn kal, drugs chu min rawn pe ru zauh, ka ip a ak in ka tlan chhuah san nghal zat


Ka pekna tur hmun ka tlen chuan car nalh tak tak to hmel zet zet lo in hung tlar dul na hmun leh bike nalh tak tak kar ah chuan ka bike ka hung ve, beach kam ani bawk a vawt nuam in boruak a thiang kak mai alawm le

Music ri hut hut lam chu ka pan, ka hawi kual, ka phone ka en, thlalak leh phone number min rawn thawn chu ka en vang vang, number ah chuan ka call, a pickup rualin ka thlen tawh thu ka sawi reilo te nghak tur a mintih chuan ka dah ve mai, nula tlangval nalh tak tak mi awmthei tak tak awmkhawm tih a hriat ngawih ngawih


"Heyy, Liza ini ang maw?" Rawn ti tu lam chu ka hawi vat, mipa sam buang deuh, kawr pawh ha lo taksa fit ṭhat hmel zet ka lam pan a rawn kal chu ka en reng, ka chil ka lem khalh, damdawi khawih hmel pawh a pulo, a taksa nalh zia chu a!!!!!


"Hii ka ni alawm," ti sup chuap ka ipte aṭang damdawi chu ka phawrh, ka hawi kual, ka hawi kual laiin min rawn kuah thut, ka ding khawng nghal awt thei, ka kut a damdawi chu la in ka bengbul ah, "hmeichhe nalh tak ini," ati sup, ka thaw hak

"Ka lawm e," ti let chuan ka inla hrang, mahse enge ka thil hmuh hi, ka zawn chiah a ding mipa ka hmuh chuan ka kut ka hum ruh, "Adam Brown," ti sup chuan ka bul a ding mipa chu namsawn in chak lutuk in ka pan hnai

Min hmu thut chu mak ati tih hriat takin a mengkawk, ṭawngtum a a kã a an zuau laiin chak tak a tlan in ka hnek ṭhuai, lei ah a thal tawp, a bul a hmeichhe awm.ho anlo rak ṭhat

Rawn thawh tum a a inbengkang chu ka khup in a awm ah ka nawr bet, ka hnek leh sawk, "a hmasa zawk kha Mary tan, a vawihnihna kha chu i fa, i kalsan tak thlarau tan anih kha Adam brown American sawn chhepa," kha zet chuan ka ti chhuak hrawih

A kawrawm ah ṭham in vaivut ah chuan ka nem sawk, "engthil nge ti a i inhriat ka bialpa kha thlah nghal rawh," hmeichhe aw ṭeng zetin a rawn tih chuan ding chhuak pahin hmeichhia chu ka melh hrawk, "i bialpa chhe zet ang a i khabe ruh ka hnek bal i duhloh chuan i ka kha chip hmak rawh," ti hrawkin Adam-a rawn tho ṭuah ṭuah chu ka melh leh khai, midang awm zawng zawng tan chuan en nawm ka siam ani ringawt


"Medelia ila danglam lo takzet, helai hmun lo ah hian kan sawifel theilo em ni?" A kamsir ka hnekna chu a thi ser ser, ka ṭhensak, "i hmelchhe zet leh laktlak loh zet kha Mary-i hma ah rawn inlan tawhlo la ani mai, zanin a i ringruh ka ti tliak lo kha lawm hle rawh," ti hrawk chuan inher ka tum, ka ban ah a rawm chelh, ka thingthla sawk

"Medelia khawngaihin," ati sup, "duhtak Adam engthil nge maw i hriat le kaltir rawh hmeichhe hnuai hnung lutuk," a bialnu ni awmtakin a rawm tih chuan ka melh hrawk khanglang chuan, ṭawng ka tum lai takin, "jasmine lo ngawi rih rawh," Adam-an ti hluk chuan min rawn mwlh zawkin, "helam ah inbe teh ang khawngaihin," tih leh inher a rual, music ri dup dup kha a reh ṭhuap tuipui fawn ri hlup hlup tihloh chu hriat tur a awmlo, ka meng kual hrek hrek, min en ṭhup bawk sia nuam ka ti ta chiahlo, an party hlimawm tak ka ti chhia ani ringawt alawm


Adam chu ka zui, reilo te ah music pawh a ri leh nghal mai, tuipui lam thlir chuan alo ding vang, "ka be chaklo hle che tih i hrethiam lo em ni?" Chang fal a ka tih chuan ka lam rawn hawiin, "ka fa chu a thi em ni?" A rawn ti sup, ka ṭhensak, ka hnek leh sawk loh nan ka in hum ruh

"Hre turin dikna ineilo tih hre chungin Mary-i taksa chaklo tak khan a pai tlang ta theilo anih kha," kha zetin ka ti chhuak, a thaw hak, pawiti ber leh inchhir ang a alang te chuan minti thinrim, "Mary adam maw?" A rawn ti sup, "a hma ah rawn inlan lo la adam ani mai, zanin a ka thatlo che hi Adam brown Mary vang chauh ani tih hria angche, Mary-i hma a irawn inlan ni chu i thin ka phawrh chhuah ni tur ah ngai angche," ti leh hrawkin inher chuan ka pensawn nghal


Kan lam pan a bialnu inha sexy satliah bawp tawi zet rawn pen tarh tarh chuan, "ka bialpa kut ithlak.." Atih laiin alam a pan hnai chuan, "i kâ i ang leh anih chuan he hmun ah hian ka phum angche," ka ti fak, ani ai ka san fe avangin min chho en kiau, mit akhap fak fak, min hlauh hmel lutuk chu a lainat awm letling, chil lem khal a tawlh hnung hret chuan chaktak a in herin Adam-a awmna lam chu apan hlawk hlawk, ka nui hak, a te reuh sia, ahlauh hmel bawk si chuan ka nuih ati za letling


Nui vur vur chung chuan ka bike hun na lam.ka pan, ka bike a ka lawn rualin ka sir ah tu emaw rawn ding a ka hriat avangin in ka en vat, khapa ka damdawi leitu kha ani, "ka duh zawng tak ini," nui ṭhu chung a arawn tih chuan ka dar ka san ak, "ka duhloh zawng tak ini tlat mai, engpawh nise ka lawm e," tih leh ka bike tih nun ka rual, nui huk in, "liza, nilo Medelia Morigan kanla inhmu leh ngei ang, kan inhmu zing mah mah mai thei zawk," tih leh inher in midang awmna lam chu apan nghal, ka nernawk, "drugs vang bak khan kan inhmu lul lo ang," ti sup chuan ka tlan chhuak nghal


(in mifakna ṭawngkam te hi thiamlo tih inhre reng chung pawh hian tak tak emaw tiin ka phur phah em em zel ani❤️❤️ka lawm thei lutuk ania😘)


Show post links

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:47 pm

BLIND
By floria laldansangi
5

"Heyyyy.. Ding teh, ding teh," ka tlan pelh tak hmeichhe au ka hriat chuan ka ding tuar, ka bike lam a rawn tlan pahin ahnung ah alawn nghal ngawt, "tlan tawh rawh, hman hmawh la, arghhh minpui la ka duh, tun ah," thaw hlawp hlawp a atih chuan ka hnunglam a car ri ka hriat chuan chaktak in ka phit chhuak nghal

Ka tlan chak hle amaw ka tih laiin ka hma zawn kawngpeng aṭang chuan sport car nalh fahran mai arawn tlan chhuak, ka ding tuar, ka hnung a ṭhu hmeichhe tleirawl chuan min rawn bawh nghal rawk rawk

Car aṭang chuan mipa lian zet mai arawn chhuak, ohhh alandan chu kha Spanish pa nen khan an in ang viau, hrep a!! Engvang phiangsen a chu mihring chu ngaihtuah chhuak teivet chu nge maw ka nih?? ka hnung a ṭhu hmeichhe tleirawl chu aban ah rawn phih lawp in a kai sawn dawr dawr, "ana minthlah thlah teh, ka U minti na ania, lawmthu kala sawilo," ati ve nawk nawk, unau an ni maw??? An in anglo hle mai, bike aṭangin ka chhuk ve nghal zat tlem in ka pan hnai

Mipa chu thaw ri hrawk in, "tlan bo tum tawh suh angche," ati nghut, nui sen sen chuan kalam arawn pan, "Hi, ka ti hlau che em? Lisa Dallas ka nia, chuan saw saw ka unaupa sakawlh Ivan Dallas anih saw," kut rawn phar chhuak pah a atih chuan za lo zetin ka ṭhen sak, "Medelia Morigan," ka ti sep

"Bike khalh ithiam khawp mai, ka nu tihloh ah chuan hmeichhe bike khalh thiam tak ini tih ka sawi chiang ngam sak, iti ve em Ivan?" A unaupa lam chu a hawi nghal, alo rum nghut ringawt, ava nelawmloh beibui tak

"Kha inlo in nang maw?" Hmeichhe te lam 5'5ft vel a sang tur sam dum nalh zet car aṭang a rawn chhuak pahin atih chuan kan lam arawn pan nghal

"Ashley nangleh zel maw? Ka unaupa lam iṭang tihna em ni?" Lisa chuan ati nuah nuah, "ohh Lisa tun ṭum chu ka ṭang nirawhse, zan dar9 a pel tawh i nu leh pa an mangang hle ani," tih pah chuan Lisa unaupa chu amelh zawk, "ka hria alawm, enteh Medelia minpui a ka lawm lutuk ania, mahse ka unaupa hi chu tumah hian an khalh theilo anih ni, karleh ah ka unaupa leh Ashley te hi an innei dawn a bik takin ka sawm che aw," ati nghal zet zet, nui hakin, "i sawmna avang chuan ka lawm hle mai," ka ti ve khawmawi a, Dallas chhugkua chu ka hre ve alawm, Europe khawmualpui ah hian hausa tawntaw an ni bawk, tunge hrelo ang tun a asawi zawh tak anu Allison Dallas kha ka hmeichhe ngaihsan tak ani miau a, Asian lam thisen kai ani bawk, martial art ah pawh mipa tamtakin an tluklo tih ka hria

"Kal tawh angle Lisa, ka pa lak ah ka chhan hauhlo angche, ka nu iti mangang hle tih hre tel angche," a unaupa aw bungzetin arawn tih chuan nernang a a kut min vai khum zauh pah chuan aunaupa te din na lam apan, "min chhan dawn tih ka hria alawm," nui har har a tih leh sport car ah chuan atlan lut nghal, mipa chu athaw hak, abul ahmeichhe ding chu a melh ralh bawk, an in en dan chu, an mahni pahnih chauh an awm emaw anti ani ngei ang, saw saw em ni hmangaihna nen a in en chu???

"Pawi kan ti hle mai kan tibuai che a, Lisa khan Medelia ati che in ka hria, Medelia kan inneihna chu min rawn tel pui ngei dawn nia," Ashley chuan aw nalh zetin a rawn tih chuan ka nuihlet sak, hmeichhe lu zo tak leh zahawm rukna ngah tak ani tih ka hmu thiam

An tlan liam chu ka en reng, Ivan Dallas khan Ashley amelh dan leh an in melhdan kha kala hmuh ngailoh ani, huizzzz "Medelia Morigan engtik ah tak hmangaih hi tawng ve angche maw??? Pathian khian ka chung ah zah angai te anih chuan van aṭang khian a rawn thlak tawp mai ang," nui kur kur chuang a phun chuan in her ka tum

Ka pensawn hma in tu emaw hi ka hma ah a rawn bawk thlawp, ari thum dup ani ber, ka en chu awiiiii a palian lutuk a ri pawh kha ari dup reng ani, ka tawlh hnungdawr, mahse ka rak lo ania, hmeichhe dang ang a han rak tuar tuar hi ka nei lem lo

Ka awmna lai hi beach aṭang khan hla lo te ani, a fianrial viau bawk, chu palian-a chu arawn ding chhuak... Ka reiiiiiiii.. Ka mumang ami??? Teuh nang... Kha Spanish Mr. Officer-a lek kha lo ni in, ṭawng tum a ka kâ ka ang zuai tawh tih ah hnunglam aṭangin palian zet zet pali(4) ngawt an rawn chhuak


Ka tawlh hnung nghal dawrh, silai an la keng far zui ahhh!! Thah mintum ani em lo maw? Min rawn umzui tihna em ni? Nge he officer hian Jamestown tan ka thawk tih a hre chhuak tawh zawk? Ani lul lo ang?? Nge minpawngsual an tum?? Awiii nilo, nilo, ka virginity hi Dollar khat ($1) pawh la lo in a thlawn ngawt chuan ka in pawngsual tir theilo.... Min that ta se, virgin in ka thi dawn tihna mi???? Vawikhat pian ve man a virgin a thih ka duh hleinem, min that tho ta se??

Thih kala duh teuhlo mai, tihtur kala ngah lutuk, virgin ngat phei chuan thi thei ka nilo, ba rulh tur pawh, ohhh ka tan chuan ba rulh ngailo chu a lawmawm zawk angchu.. Teuh nang... Tun ah tak hi chuan ba tamtak rulh pawh ka duh feee...awwwwww... Medelia Morigan hi hmeichhe huaibak tak leh hlauh em em neilo sawisak tawk fo tawh insual pawh ti ve fo hi, heng palian tak tak, silai keng ho hma ah hian zep rual loh in ka zam ani

Tunge thih chu hlau lo ang ni, thih te chu kala duh teuh lo... Lalpa min rawn thlawh pui teh, emaw thla minpe thut teh, anihloh pawn minti bo lawk maiteh.. Ka ṭawngṭai mawlh mawlh, kum tamtak hnu a ka ṭawngṭai vawikhatna ani hial lo maw???

"Heihi i bike em ni?" Aw thum chher chher ka hriat chuan ka harh zawk, ka phu dawrh thei, LALPA min va en hnai em em ve!!!! Ka lungphu, awiii lungphu ṭhalo ka nei em ni??? He mihring hian min dawi zawk anilo maw??? Keimah Medelia kha khawnge a awm??

"Ka biak che chu," ti leh nghut,"ahh ihhh aw ni e," ka ti bah niah, ahnunglam chu ka bih dek dek.. Ka reiiiiii.... Alo tuk zalh vek anih chu ka thaw hawk, pa lian zet zet pali amahin a tuk zal ania, ava han ngaihsan awm tehlul em!! An jnsual pawh kalo hmulo reng reng enge ka ngaihtuah le?? ka melh chho ralh, ava pa tak em, ka khap fek fek, power anei ani em lo maw???

Ka en dan chu mak tih hmel fe chuan a mengkawk, a tawlh hla deuh bawk, min hlau chu ani em lo maw? min en ran, amitmeng thim rap kha a awmtawhlo, kan awmna hi khawpui dai mah nise light eng uar in min chhun pha reng, "diklo a awm ami, he hmun aṭang hian kal sawn vat rawh buaina i duhloh chuan, nge kha room thimzet kha i ngai zawk?" A rawn tih leh chher chher chuan thinrim ah pawh kala theilo, ka nui sen sen, ka bu nghat nghat, thu ka va awih reuh em!! ka bike a lawn in ka melh leh hram, tun ah tak hi chuan tleirawl zakzum tak leh thuawih thei tak ka an viau ka ring, huizzz a silai ken leh a form FBI tih inziahna lian tak mai chu ava in hmeh tak em!!! Planet dang, hmleṭha awmkhawmna hmun aṭang a rawn kal ni awm hial ani

Chaktak in ka tlan chhuak, ka tlan chhuah dawn khan anui suk, ava ṭha chiang tak... ngawilawk tehhh, nichin mai khan kha Spanish uicho pa khan pá ka tih thu leh ṭha ka tih thu ka sawi em??? Lalpa lehhh tunlai ka awmdan hi a diklo Medelia thluak ah hian tumum lut in ka thluak hi a ei chhe ṭhen anilo maw??? Huizzz Medelia Morigan harh rawh harh rawh....

LUCAS.. POV

Kha hmeichhia Medelia kha engvang a ngaihtuah leh veng veng zel nge maw ka nih hrep ni? Willy-a rinhlelh angchiah hian smuggler ho nen an inkawp anih ngat chuan jail tang mai tur ani, achhan chu kei hian dan bawh chhe tu leh dan pal zam tu te ka ngaidam ngai hauhlo

Tony-a leh a thawhpui ṭhenkhat ten in hmuh tum in heroines tam tak Russia ah thawn antum tih ka hriat chuan hmanhmawh takin an chuan na tur lawng chawlhna hmun ka pan nghal

Ka hnung ah Willy leh midangin min zui ve bawk, lawng chu vengtu palian tak tak an awm, kan insemdarh, lawng kawngkhar hnaihber a ding pahnih chu an hnunglam aṭangin ka silai chuan ka kap ve ve, a chhung ah ka luh chilh nghal, kawngkhar ah Willy te an rawn lut ve chiah bawk, kan dang chep lutuk mahse ka tum ang ka hmu hauhlo, mi panga in heroines tamtham zet chu suitcase lian lutuk lo pathum khat ṭan chuan anlo rem

"Man vek rawh u," tih leh pawnlam ah ka tlan chhuak nghal, kan chhak lam a car a tu emaw lut tur ka hmuh chu ka umzui vat, ka thlen hma in min zui tu an awm a ka hriat avangin phun hluk in kawng peng awm ah chuan ka kawi, ka tumloh zet in ka in chhuih khut, kawngpui ka pawh tawh tih ka hria, kawng pui chhuah na ah chuan ka bawk thlawp leh ta nghal

Ka din chhuah rual a ka thil hmuh erawh ka rinloh daih ani, Medelia ka hma a mak tih hmelzet a ding chuan ka en ve haw, chutah ka hnunglam a bik dek dek, a awmdan chu amah nen a inhmehlo tawp ani, hnunglam thawm ka hriat chuan ka hawi vat


Ka thaw hak, phiangsen hlawm chuan lehh min rawnla umzui tih hre tur ka ni, "in ho tute rual khan tlanbo daih tur in ni," ti nghut chuan ka hnung a ding hmeichhia chu ka en leh zawk, kan awm ve tih pawh hrelo angmai a ngaihtuahna zu han kawm a mawle!!! Hmeichhe maktak chu ani, nichin mai kha chuan hlau hmel deuh te kha apu ania, tun ah erawh ama khawvel siam chawp a cheng ang mai ani

"Hlawh minpe tu thu zawm chu kan hna ani reng ani," pakhatin a rawn tih chuan ka ṭhensak, "in silai ken te kha dahthlah te u, pali(4) in nia kei erawh keimah zawng," tih leh ka silai chu muang changin lei ah la dahthla, "min bum hauh suh," tih leh ka lam rawn pan hmasa ber chu ka hnek ṭhuai, min rawn bawr nghal hak, pakhat rek bet chuan pakhat lam ah chuan ka theh ṭhuai, an rawn tho leh tur chu na lutuk in ka chhir zui, ka hnunglam aṭangin min rawn vuak avangin ka eu zawk, ka in her, a thingtum ken chu phihsawk in an mahni vuak nan ka hmang nghal, damdawi an rui ani khawp ang rinai takin an tha zawi tlat ani

Medelia din na lam ka hawi chuan enge ala ngaihtuah pawh hriatloh in a lu a thing leh naw naw ṭhin, hlau hmel a pu chiah bawk silo, henu mizia hi amak takzet zawng ani, kal hnai chuan a hnung a bike chu ata nih leh nihloh ka zawt, ala phu zawk zui ahh

Zan hmasa anglo takin min nuih ver ver, a nui hmel chuan ati lang naupang in a ti duhawm zual, mahse amah nen a inhmehlo tawp anih vang nge minti hlau lek lek alawm mawle

Haw tur a ka tih chuan thuawih zetin bike ah lawn in atlan chhuak ve mai, ka nui hak, mize engzah tak nei maw? Ka hnunglam aṭangin, "Sir iṭha em?" Willy aw ka hriat chuan ka hawi vat, "phuarbet ula, midang kan man ho nen dah khawm rawh u," tih leh ka car awmna lam ka pan nghal, car lam ka pan te chuan Medelia hmel kha ka mitthla ah a rawn lang ka nui suk, hnaih ka duh, hriat chian pawh ka duh takzet ani

MEDELIA...POV

Kan apartment ka thlen chuan nui vur vur in ka lut, enge ka nuih?? Huizzz ka â deuh anih hi, choka ah lutin beer-can thum(3) kala chhuak, ṭhut khawmna lam a kal chuan sofa ah chuan ka ṭhu thla hnak, beer chu hawngin ka in nghal khawlh khawlh, sana ka en dar 12 a ri thuak

Ka phone rawn eng va va chu la kangin ka en, "5 millions dollar nen ka rawn pan che," tih ani, tunge anih pawh la hre neklo e, chutiang zah zah pawisa dawn na tur lah ka nek heklo, chutiang atam nei ila Medelia hi a ṭhu mai mai lo tawp ang, ka ngaihtuah na avang chuan ka nui hak

Kawngkhar rawn ri ral ral ah chuan mak ti zetin ka hawi, tun ang zan ah tunge maw nile? Mary chu anilo tih ka chiang, muangchang a tho chhuak in kawngkhar bul a baseball bat chu la in kawngkhar chu ka hawng riai riai, misual an nih vai chuan ka hem thlu nawk mai ang

Kawngkhar ka hawn rual a ka thil hmuh erawh mak ka tih luat ah ka che sawn eihlo, ka ding khawng at, "lut tur in min sawm dawn nange?" A rawn tih chuan ka harh zawk, kawngkhar lai tak a ding chuan, "inleng neih hun pawh ani em ni? Enge i duh?" Chang zet chuan ka ti chhuak, he mihring pa ka hmuh apiang a lungphu hran ka nei ziah hi ka hua, nichin mai a ka lungphu pangai kha khawnge anlo awm hman ṭhin ni???


"Nangnen hian sawidun tur kan nei ani lawm ni?" Tih leh min nam sawn chuan a rawn pen lut, ava han zaklo tak, "Mr. Officer, police ini a, dan leh hrai i hre tur ani, ka inchhung aṭang hian chhuak rawh teh mut ka duh?" Awii ka chil per ka va han ui tak em!!! Sofa ah hahdam zet a ṭhu in ka beer can hawn loh chu hawngin a in ve ngawt anih chu


"Spanish mimawl, ka ta anih kha, intur in ka ti hauhlo che," ka tih zawm zat, minzahlo lutuk hian hawihawm chhuah angaihna ka hrelo ka in ani miau

"Lucas, Lucas tih chu a har viau em ni Medelia," nui suk a min rawn melh pah a atih chuan ka lung a phu dawt dawt, a nui hmel pa zia chu in awih kherlo ang

"Ka koh dan che chu ka thu thu ni in ka hria, i hming a ko tur che in kan in hriatna ala rei hauhlo Mr. Averoi," ka nersawk, a nui ri hak, anui ri chuan min fan rawih rawih thei nia mawle, sofa a hahdam hmelzet a ṭhu awn duai chuan beer chu a lem leh khalh khalh, a lem zawng a a hrawk bawk che ralh ralh chu hmuhnawm tham ani

A sam buk laih buang deuh chu a chhip lam ah a buk laih, a hnawk deuh nuaih, a hmit hmul dum chhah tap leh erh tarh te, a hnar ngul sangvah, te chu a invuah dik thlap, a hmai a hmul ṭo te chu mipa dang hmul nise ka ten zia ka sawi chhuak chiam tawh angchu, mahse he Lucas hmai ah hi chuan ṭo na hmun tur diktak a rawn ṭo ni awm fahran amawiin ati lang pa hluah hluah.. Argghhh Medelia Morigan harh rawhhh, ka lu ka thing nawk nawk


"Min endik zawh tawh chuan rawn ṭhu la," a aw chhuak ah chuan nuihzatna alang, engtiang a rei chiah nge maw kalo en le? Ka thaw hak, ka danglam tawh tur anilo, "khawngaihin Mr. Averoi sawi tur pawimawh ineihloh chuan min chhuahsan thei angem?" Pangai thei angnere chuan ka ti chhuak, a lu ala thing mut mut zui ahh, ka baseball bat ken hian ka hem zawt dawn emaw ni?


A rawn ding chhuak, kalam a rawn pan hnai, ka tawlh hnung hrat, beer rim nam chem chem leh a rimtui hman pa hrak mai in pawlh chiai chuan ka thluak a thleng rang teh e!!!

"5 millions dollar nen ka rawn kal dawn ka tih kha," tih leh min rawn din chilh nghal, tawlh hnung dawrh ka tum nen keiai a che rang fe, ka kawng ah aman chat, ka naknem ah nghet takin avuan nghal, ka che ngamlo, ka che anih vaih chuan a hmer na anga, keimah bak na tuar tur ka awm hauhlo, ka thaw kawk, mit ka chhing sawk, engvangin nge ka zam ve em em a mihring ve tho anih hi

Ka men chhuah leh chuan chiang lutuk in min lo en kur, ka chil ka lem khalh, a nui suk, awiii a nui hmel mawlh hi sexy lutuk!!!

"Min thlah phawt teh, pawisa pawh ineih chuan loh kha," kan ti thla ve ngawt a nei ta tak tak se engtin nge ka tih ang??

"Dawt sawi hmel ka pu em ni Medelia," a aw rilruih chu ka kaw chhung a fan thla rawih rawih nia

"Dawt i sawi ka ti hauhlo mai Mr.."

"Lucas mawle," alo ti nghut a hming kalam duhlo chu a lungawi viaulo tih alang reng

Ka melh chho ralh, "ka duhdan a ka koh theih nan che phal na lak ka mamawh hauhlo mai, bakah pawisa kha theihnghilh rawh, stripper ka nia ka thianghlim tak tak iring hi i mawl hle mai," ka ti let salh salh, a ner nawk duh chauh leh nghal, kanla indin hnaih lutuk leh kan taksa in si de de te chuan ka thawk a ti buai zo, ka lungphu thum dup dup te chu a hria ang tih ka hlau takzet

"Anih chuan ka stripper duhtak mutpui nan engzah chiah nge ka sen ngai angle?" Mit hmul kan ak a atih chuan ka thaw hak, "chu erawh i phal zat aniang chu, khawngaihin kalsawn tawh teh," tih leh a awm ah ka nam, alam a min pawt hnai hret chuan a hmui sexy zet leh lum veng veng chuan ka hmui a rawn bawh thuah

Min fawp ngawng ngawng, chhanglet lo tur in ka in thunun theihna zawng zawng ka sawm khawm, a lei zei tak leh hrawl si tham hrap chuan ka hmui a rawn nawr kau, ka ká chhung ah zei fahran a chet tir in ka hmui hnuai lam chu a hne dek dek, chu tah zet zawng ka in ven na chu lungbang suh kuak angmai ani, ka fawp let tawn tawn, chu chuan ati phur zual tih hriat takin a ai nasa in a lei chu ka kâ chhung thuk zawk ah a rawn hawl kual

A kut lehlamin ka hnung zang a zut ruai, pakhatin ka hnute a ṭham tawn tawn, ka hmui hnuai seh ner ner chuan ka ir ah a fawp thla, ka dak awrh awrh, ka beng kawp fawp in ka awm bawr a fawp thla zel, ka rum chhuak hak, ka ir a rawn fawp chho chuan ka hmui ah duh thawh lutuk in a fawp leh tawn tawn

Ka chhang let ve vat, mahse a inla hrang thut ka inringlo lutuk chu ka kat nawk, ka tlu tur chu milo chelh vat bawk, mitmeng pelh phang chuan ka melh, a chetdan mak lutuk chu ka hre thiamlo, a thaw kawk kawk, kei ang tho in a thawk abuai tih alang reng

"Ti khan kan in hip tawn zia i hrethiam ang tiraw," a chal a ka chal rawn sik tir pah a atih chuan ka harh kawk, ka thisen sa hat kha a vawt nghal rawih rawih, engthil nge ka tih, hepa nen hian in hip tawn in tisa chakna kan in phuhruk saklo chauh anih kha, Lalpa lehhh

A awm ah chuan theihtawp in ka nam, ka zah vang nge ka thinrim vang zawk pawh ka hre neklo e, "nang.." Ka tihlai takin, "min hnek leh dawn em ni?" A rawn ti nghut, ka haw lutuk chu ṭham nawk nawk thei ila ka va han ti tehlul em!!

"Chhuak rawh, i duh duh a i khawih theih amaw minti em ni?" Ka ti ṭhat, a nui hak, a nuiri ah chuan tih el na alang chhuak chiang mah mah, amah ka huat rualin keimah leh keimah pawh ka in haw hluah hluah bawk

"Zanin atan bak ka kal dawnlo ania Medelia naktuk ah kha Bar ah khan kal suh angche, ka hrilh che nilo in thu pek anih chu," a ti fiah kalh, a thu chhuak hrim hrim chu hnial a duhlo tih leh zawm ngei ngei tur in a sawi tih hriat ngawih ngawih, mahse kei Medelia Morigan lak ah hian engmah anilo, thu min pe tur in ka engmah ani tlatlo

"Thu minpe tur in emaw, i thusawi zawm tur in ihmei emaw i hmeichhe kawp lai ka nilo hlauh mai, a pawi ka tihpui dawn che nge a lawmawm lam ah ka la dawn ka hrelo, i chhuak thei tawh ang," ngeiawm zet chuan ka ti let sak, a hun tak mai a ka mize ngeng ngal mai rawn chhuak chu ka rilru in lawmthu ka sawi mawlh mawlh

"I zawm ngei chu angai dawn anih chu, mu rawh a tlai tawh," tih leh kawngkhar lam a pan nghal, ka thinrim lutuk chu ka sir ah amah vawm na mai tur ka melh, khawnge ka baseball bat pawh kha a awm hrep ni

Kawngkhar a a pen chhuak tur chu, "nang Spanish uicho pa, ka hua che," ka ti tuar, ding dawt a rawn hawk let chuanglo chuan anui ri huk, ka va han haw hluah hluah tak, ka hma a rawn lan leh hun hun chu a khabe ru bal hawk in ka hnek tawh ang, hreptak hian!!!

(Comment zawng zawng hi ka reply vek cheu ka duh ṭhin, atheih ngang siloh a, ka lawm vek zel ania in mi fuihna leh fakna ah❤️❤️❤️

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2018, 8:47 pm

BLIND
By floria laldansangi
6


Zing ka harh chhuah rualin nizan a kha Lucas De Santos Averoi-a chetdan huat thla la awm zet kha ka mitthla ah a rawn lang nghal, ka thaw hak, bathroom lam pan in ka inti fai, kha mihring kha ka hnaih tawh tur anilo, ka hmelma ani, police leh a kaih hnawih te hi ka hmelma an ni, kei drugs dealer ka ni a, an ni min man tum reng reng a buai, an mi veh ber Jamestown ka boss leh ka leibatna ani bawk, ka thaw kawk, "ka hnaih tur anilo," ka phun sep sep

Room aṭang a ka chhuah chuan choka lam ah mipa aw ka hriat chuan makti zet in choka ka pan nghal, "Bryan engthil nge itih a?" Makti zet chuan kan choka a Bryan eitur lo siam chu ka en ha

Min rawn nuihsak in, "morning Medelia, breakfast kan ei ho dawn tih Mary-i khan a sawi a, pawn lam a lei ai in ka siam anih hi," a thil tih lai tih zawm mawlh mawlh pah chuan a ti sup, ka thaw hak, henu hi duhai a hmelhriatloh angaina hma mah mah, mahse Bryan pawh misual ani chuang hauhlo

"Ilo tho ve ta maw?" Mary-i aw ka hriat chuan ka hawi vat, rum zet chuan kan melh ringawt a, hrethiamlo ang hmakin, "Bryan hian breakfast a siam a atui hmel tawp, ka ril a ṭam tawh hle ani," tih leh min kalpel in ṭhutna chu pawt chhuakin a ṭhu nghal zat, Bryan chu alo nui hak

Keipawh engmah sawilo chuan ka ṭhu ve nghal, "vawiin chu tih tur a awm chuanglo a leng ila," Mary-in atih chuan ka chhang lem lo, ani hi chu a khawi khawi ah emaw vah chhuah hi a nuam tihber ani miau a

"In duh chuan kan leng chhuak dawn em ni? Italy hi min fan pui ula, karleh aṭangin hna ka zawm tawh dawn sia," Bryan-an a rawn tih chuan Mary chu a bu nghat nghat min rawn en ve ve, en let haw pah chuan, "aṭha lawm," kan ti thla ve ngawt a, ka peih teh chiamlo, an pahnih chuan an nui sak

Apartment aṭang a kan chhuah chuan Bryan-a car ah kan ṭhu lut, Mary-i nen an ṭawng deuh reng, kei erawh karlak ah kalo in rawlh ve zauh chauh ani, tumloh zet zet in kha Lucas phiangsen kha ka mitthla ah ala rawn lang fo leh nghal, Lake como hmun kan thlen chuan thaw aveng deuh alawm, a hmun anuam in analh takzet, he hmun hi Italy ram a hmun hmingthang tak ani, milar tamtak in ineihna leh ni pawimawh an neih in he hmun ah hian an lawm ṭhin

Dil kam, in ngaizawng an ṭhut far na hmun ah chuan kan ṭhu thla ve, Mary-i phone a rawn rik chuan pickup pahin min rawn melh zauh, "ka lo kal dawn nia," tih leh din a rual

"Enge? Hna a awm ami?" Ka tih chuan lu thing mat mat pahin, "ka tan chauh mawle," min nuih tlawn pah a tih leh Bryan lam chu hawiin, "Bryan ka unaunu kawlh zet hi chu i kut ah ka dah rihmai, a hmelma ni awm a i hriatbul ah chuan awmpui suh aw, insual a in peih at reng zel ania," nui kur kur a ti chuan, "ka kal taxi ka la mai ang nuam deuh in hmang ru zanah kan in hmu dawn nia mede," tih leh pen sawn arual nghal, avan phakar tak e aw

"Insual i thiam em ni?" Bryan-an nuihza insum tih hriatzet a atih chuan ka thaw hak, ka nui ve tawp, ka kawlh hle tih chu ka hre ve tho bawk sia, "ka mihuat tawh chu tih nat ngei ngei ka duh ṭhin, coffee in a chakawm hle mai," ka tih zawm zat

"Sawlai deuh ah sawn coffeehouse nawm hmel deuh a awm, nichin khan ka hmu a, tirawh i kal ang," tih leh kan ṭhutna aṭang a tho chuan min pawh thawh a tum chu keimahin ka inbeng kang, a nui hak, hmeichhe no tak dawm a min dawm a tum chu ka duh derlo, ka bialpa pawh nilo leh nghal

"Tah khan lo ṭhula, enge i induh ang?" Atih chuan "cappuccino 5 in 1 milk tamtawk," ka duh ka sawi zawh rualin ka thusawi dan naupang chhia zia ka hre chhuak, Bryan chu a nui hak, keipawh ka nui ve hak tho, ka mize thaw veng takhi ka sim hlei theilo chu ani

"Ka hrethiam e, cappuccino milk tamtak," ti nawn kher chuan a in her vut, ka nui vur vur, mipa sual tak leh ka ngaih ang a min enthla tu chu anilo tawp ang


Intur keng pah a rawn let chuan ka hma ah a rawn ṭhu, "heile milk tamtawk chu," nui vur vur chung a ti in ka hma ah a rawn hung, lawmthu sawi zauh chuan ka tem hlek, "umm Zu in ai ngawt chuan minti hahdam alawm," ka ti sup, za zet a Bryan rawn nui chhuakin, "Medelia hmeichhe maktak chu ini, coffee leh zu tehkhin maw?" Tih leh a nui leh nghal hawk hawk, ka hmui ti pawrh tarh chuan, "a tuidan adang ka ti reng alawm," nuih pah chuan ka ti leh mai

"Ngaihzawng lam te hi," min melh ralh pah a arawn tih chuan ka dar san ak in, "ngaihzawng neih chu hman angai emai?" Nuih hak pah a ka tih chuan anui ve suk, "ka rinai kawm i nuam, i rilru aṭha tak ini, engvang a haw tlat che nge maw anih le?" A rawn tih chuan hrethiamlo zet in ka en hâ, "ahhh haw tu ka neih pawh ka lo hrelo a," ka tih chuan nui hakin, "ka ti mai mai anih kha, nizan khan Adam i hnek thluk (tluk.. Adik em?🙈) kha ka hmu che alawm," nui tut tut pah atih chuan ka mengdeuh kawk

"I awm ve a maw?" Mak ka tihzia chu ka thup peihlo, bakah mize thup ṭit ṭet chi ka nilo, kha party kha mihausa hlang party ani ber, kan drugs rawn lei fo tu nizan ami pawh kha Maxican mi sumdawng hausa tak fapa ani, an zing ah khan Netherlands lam mihausa tawn taw tamtak chanchinbu leh news a lang zing fe fe hmel pawh ka hmu bawk, khang ho zing a atel kha amak ka ti em ani


"Ka ṭhianpa in min sawm ve alawm mawle," atih chuan ka bu ve nghat, ani ang hmelṭha tak te chuan ṭhian pawh anei ṭha viau ang bakah kan kan building chhe zet a a chen ve avangin keini ang a retheih tak ang ani kherlo thei bawk

"Ka chanchin min zawt dawn lo em ni?" Atih chuan ka en vat, ka nui sak, "zawh vak tur i awm em ni? Hriat chhan tur lah ka nei bawk silo a," ka tih chuan anui hak, anui hmel hi aṭha takzet, keimah ang a mitmeng pawl phat nei ani, a inhmeh takzet bawk, mahse mipa han kawp atan erawh ka it hauhlo huizzz

"Ka unaunu kha la damse chuan nangmah ang rual vel hi ani ang," lunglen hmelzet a ti chuan pawn lam a thlir, a unaunu a chan tawh tihna maw, ka lainat takzet keipawh hian amah ang rual vel tur unaupa ka chan ve tawh tho si a, "kan kal dawn em niang, hna thawh tur nei kala ni si a," ka ti vat, mi lungleng hnem vel hi ka thiam hlawl lo

"Tehreng mai," tih leh a tho tharh, min en chhuk chuan a nui var var, ka nel dawn riau a ka hriat reuh ni!!!

Car dahna lam chu ti ti pahin kan pan, kawng pui sir lam a mipui ri hak ah chuan Bryan nen kan hawi ve vat, milar emaw politics lam mi chanchinbu mi leh an fans ten an bawr huk ani ngei ang, milar emaw hmeichhe talented tak ka nilo hi ka lawm ani, sawtiang nun zalen lo lutuk saw ka peih chi ani derlo, thuruk awm thei silo, an chhiat na a zawn in an zawn sak a, anti mualpho bawk a, ka lainat hlawm ṭhin, mahse tun ah tak hi chuan tumah lainat thei din hmun ah pawh ka ding lo, ba rulh tur ka ngah lutuk

"Kan kal dawn em ni?" Bryan aw ka hriat chuan ka harh zawk, bu nghat a ka pen sawn tur chu hnunglam aṭangin, "Medelia Morigan," chang zet a aw rawn chhuak avangin ka ding dawt, tu aw nge tih hrilh ka va ngalo si em!!! Lungphu hran daih a rawn phu leh tawh

Muangchangin ka in her, chiang lutukin Lucas-a nen kan in melh ta ran mai, abul ah hmeichhe nalh tak a ding bawk, a ban ah ala vuan hnap zui, ka mit ala chat, ka hriat thiam siloh in ka thin a tawt up up, ka thaw hak, camera de chuai chuai leh mipui in an bawr luih luih avangin duh angin ka lam arawn pan theihloh tih hriat zet in a phun hluk

"Mr. Averoi inneih a hnai tawh tih hi thudik ani em, Miss. Martin nen hian engtik nge inneih intum?" Zawhna tamtak ani, kei erawh an zawhna te avangin ka awm alo nuamlo in ka thin a lo rim ve ngawt, tiang a awm tur hi ka ni tawp silo a

"Kalteh ang, min ko tu an awm emaw ka tia," ti sup chuan ka in her, Bryan chuan min zui ve mai

Car kawngkhar ka hawn rualin na lutuk in ka ban a rawn vuan chuan min phih let sawk, ka tal ve phat, hneh zet a ka kawng a min man bet chuan, "ka koh che kha i hre lo em ni?" Ati hrawk, ve mai mai a, akoh avang a ding a lo nghak tur a min ngai ve ringawt chu a zaklo ka ti takzet

"Ka beng hi a chhet deuh ani mahna, hria ila ka ding tur ania lehhhh," uar fahran chuan ka lo tih khum ve tuar, engvang a thinrim ngawt nge maw ka nih hrep ni??

"Duhtak Lucas he tiang hian minti theilo," a hmeichhe kalpui in ṭah aw ṭuau a arawn tih chuan min kuahna kut chu phelh tum in ka che ve phat, ṭap mai tur aw a chhuah vei nen a mitmeng erawh "thi nghal rawh," tih melhin min melh thung

"Ailey, i hmuh ang hian ka bialnu ka chhuah pui dawn tih i hriat ka ring," ti nghut chuan min rawn melh nghal run, phiangsen a!!! A bialnu ka ni awkawnglo mai!!

"I thluak ah khan tu mum alut ani ngei ang, min hai dan ah," tih leh na lutuk in a naknem ah ka kiu in ka sawh zawt, min thlah chiang mai mai teh e

"Bryan, stripper hmeichhia maw?" Dutch ṭawng a arawn tih chuan car ah ka lut hman ṭhelh ani, ka ding dawt, ka in her, alam a pan hnai chuan, "harsatna inei em ni Miss?" A ṭawng hman ang chiah a ti let salh chuan ka en ran, ve mai mai a, kei Medelia Morigan hian ṭawng engzah fakau nge ka thiam pawh ahria em ni? West Germanics ho ṭawng mai mai hi ka thiamloh chhan tur a awm em ni, Netherlands thleng ṭhak tur a ka hnek nghal loh

Lucas nui ri hak ka hriat chuan ka hawi vat, Ailey atih hmeichhia chuan rum lutuk in min melh, mexican thlah pawlh ani ngei ang, "ka pasal hual hi kal bosan rawh, nang stripper mihurnu," ka rin dan tawk chiah Mexican ani, Latin a ṭeng farhan a atih chuan ka nuilui hak, "Miss Ailey, i hming tawp sawi duh viau mahila ka hre tlatlo, kei stripper mihur minti buai tawhlo tur sawn hrilh angche," Latin chuan ka ti let ve sak, aṭawng hman a piang ka thiam chu mak ati tih hriatzetin a meng phar awn awn

Inher a pensawn ka tum chu ding leh dat a inher in, "Italy ah i awm tih hre bawk angche," ti leh khwr chuan Lucas nuihza insum hmel zet a lo ding ngur chu melh hrawkin, "mahni hmeichhia pawh khuahkhirh zolo khan min tihbuai tum buai tawh suh," ka ti leh nghat


Ka ṭawngkam avangin a thinrim tih hriat zet chuan a meng dur nghal khup khup, "Medelia i ṭawng chhuah tur ngaihtuah ṭhin rawh," a ti bul hmuk, ka nernawk, "ka kâ ani tlat Mr, Santos Averoi," ti let salh chuan car ah ka ṭhu lut nghal, min melh ngur ngur

Bryan rawn ṭhu lut chuan an pahnih in chak zetin a tlan pel, an lan theihloh chin ah chuan thaw kala hak, ka awm dawm in mit ka chhing sawk, "ka rinai Ailey kha i hnehsawh tlat," nui tut tut a arawn tih chuan ka thaw hak, "in inhre sa a," tih leh ka melh ralh

Dar san ak in, "hria chu ani mai angchu, a ṭawngkam avang khan pawi ka ti hle mai," min melh zawk pah chuan a ti sup, nui hakin, "sawi dikloh aneihloh kha, khawngaihin ka hnathawhna lam ah min hruai ta che," ka tih zawm zat, bu nghat chuan a inher


Ka hnathawhna bar kan thlen chuan, "ka lawm lutuk ania vawiin kha," tih leh ka chhuak nghal, atlan chhuak ve mai, inthlakna room lam ka pan nghal, room ka luh chuan tumah an awmlo ti ila tunge ka hmuh hi, "Jamestown," ka ti sup

Ka lam rawn hawi in ngeiawm lutuk chuan min nuih khum, thei ngatila he mihring hi ka vahan that tawh dawn chiang em!!! A hmel hrim hrim hi ka hua ani

"In hmuhlohna a rei ta hle mai duhtak Medelia," ka taksa en lawr dan dan pah a atih chuan a nernawk, "tlemin i cher deuh anih kha," atih zawm zat

"Eng thli chhia in nge helai ah rawn chhem lut che a?" Ti letsalh chuan ka sir a chair chu pawt chhuak in ka ṭhu thla hnak

Nui hakin, "sawi dun tur tamtak kan nei itilo em ni?" Atih leh chuan ka dar san ak in ka mengkual ralh, "ka hre hauhlo, phone aṭang pawhin thu minpe kual thei reng si a," ngei awm zet chuan ka ti let

"Kei erawh in ka nei in ka hria," tih leh mirawn pan hnaih nghal ruak, ka ding chhuak hman lo na lutuk in ka ṭhutna chair chu a nam sawk, bang ah chuan min nawr bet, ka hrawk ah a rek nghal chat bawk

Ka ang hlawi hlawi, harsa ti zet chuan, "mi... Min.. Min thlah rawh," ka ti ṭawk ṭawk, a mitsem ram ah chuan min thah a hrehlo tih ka hre reng

Min thlah thut in min beng sawk, "nang mihur nu," ati tuar,"phuarbet rawh u," atih zawm zat, min rehbeh na kha ka khuh hawk hawk, ka mittui a rawn far fap fap

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)