JORDAN By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: JORDAN By Floria laldansangi (Completed)

Unread post by Ngaia » October 21st, 2018, 3:12 pm

JORDAN
By floria laldansangi
19


JORDAN...POV

Rintei thusawi kha ka beng ah hian a ri nawn tluk tluk ni mai hian ka hria, "Pathian hi i thinlung takin i au ṭhin nge? I ṭawngṭai chhan na i hmuh mailoh avangin i vui in i dem zawk? Khawvel hi i chen amaw itia nge, khawvel in a chen ve hun che chuan i nun mai nilo i mi hmangaih te thleng hian a chen dawn ania," atih chu ngaihtuah zuiloh ka tum nasat pauh leh a ri ring ni mai hian ka hria


A hmel pawisawilo tak te, a nui hmel te, amit meng fiah tak kar a tumruhna te, natna leh tawrh chhelna in phum zawng zawng chu ka hmu fiah in ka hriatpui ani, a mitmeng fim kak a min en a, keimah a beiseina a neih zawng zawng te pawh hi ka hrelo anilo, a sawi angtak khan khawvel ka chen a maw ka tih laiin ka nun mai nilo ka taksa, ka hmeichhe hmangaih mit aṭang mittui ka ti tla mek tih keipawh hian ka hmu thiam ve lutuk


Mahse he ka taksa chhung a zung thuk tak kaih tlat tawh damdawi chakna hi engtia do tur nge ka hrelo ani, ka tum a, ka bei a, ka rilru leh lamin, 'sual anilo,' tiin min hrilh mahse lehlamin sual lian tak anih thu a sawi ri chang chang chu ka hre det det bawk si, ka taksa in a mamawh zawk leh a sawi rin zawk lam chu ka pan leh nge nge ṭhin


A room ka chhuahsan rual a chhuak tak mai a ṭap te, Pathian a au zui te kha ka hrelo anilo, ni lo, ka tan a ṭawngṭai fo na leh ka nun ah mithar a beiseina hi ka hrelo anilo, chumi ai a min thunun tlat tu leh ka mamawh em em damdawi hi chumi vang ngawtin ka kalsan thei tawh silo ani


Inchhung ka luh rualin Belinda'i hmel chapo zet mai ka hmuh chuan ka thaw hak, "chhuak rawh," ka ti nghut, nui hak chuan, "ka sawi kha a dik ani Jordan, kha hmeichhe pawisawilo leh Angel ang mai thinlung pu mi nen khan kan khawvel a hran lutuk, a mit meng pawisawilo zet a mittui tlak tir reng i tum ami? I nunrawng emai, keini chuan kan duh danin khawvel kam chen, an ni erawh Pathian duh danin, a awmzia i hriat kha, kan khawvel a hran lutuk," tih leh a a ṭhutna aṭang a rawn tho chuan hneh tu inti zet a min en chho ar chuan, "hmeichhia ve tho ka nihna angin ka sawi anih chu, kalsan la, a nun a hlim zawk ang," ati leh nghat, pawnlam apan chu ngawi rengin ka en ngai ka en reng


A sawi dik, mahse chumi vang ringawt in Rintei hi ka kal tir thei chuanglo, chutiang bawkin ka taksa in a mamawh em em damdawi leh tun a ka hringnun hman mek pawh, thaw kawk chuan chunglam melhin ka sam ka tuai puat, room ah lutin ka damdawi la neih ka la chhuak, heihi ka mamawh chu ani, ni e reilo te ah ani chuan mipa ṭha tak tawngin hmalam a pan ang, kei pawn ka duhber drugs leh nun zalen takin ka nung leh ang


RINTEI....POV

Karkhat lai ani ta Jordan'a nen kan inbiaklohna pawh, a reh hmak ti ila ka sawi dik ber ang, Ely'i leh midang kâ aṭang ka hriat dan in harhfim a hmuh tur avang viau ani awm em, rinni chhun ani, hna ka kal loh avangin KṬP hna tlang lam ah ka kal ve


"An inṭhen aninlawm ni, Jordan'a khan a duh tak tak ka ringlo reng ani,"

"A duh zat sum a hmu tawh aniang, hmeichhe pangai tan pathlawi bakah addict kawp reng chhan tur aneilo e, a fing phian sum a hmu a, ti hian an inṭhen chu ani leh mai sia," kan sir a ti ti chu ngaihthlakloh tum eng ang mahila ka hriat tur a sawi an ni miau a, ka thil tih lai ka ti mawp mawp, engtin nge kan inṭhen tih te an lo hriat leh hman ni


"Jordan'a chu a nupui hlui nen an in zui leh tawh alawm," chu chuan ka beng a verh zar, ka lung a rawn phu nghal dawt dawt, mit ka chhing sawk, ka awm zawn hi a sa in ana veng veng, "in mak e ka ti, biakin ah KṬP hnatlang in rawn kal a, midang nun in sawi chhe char char bawk a," Uhriat'in ti hlak hlak chuan ka bul ah ka no sil lai chu min rawn silpui nghal

"Nuamlo iti viau em? An mak ania, tunlai kan Kristian na hi ka hrethiamlo, ruihhlo ti ve deuh ten biakin kal se, kal ve thianglo ang maiin kan sawi a, kan en zui a, kohhran a in hmang tak tak ruihhlo ngai leh chanhai zawk te biak hlau reng reng nun nei lah bo lo, kan mak ve ngawt mai Mizo hi chu," ati hmuar hmuar, a dik ka ti viau ani, kan Kristian na hi hma theh in a kawr ah kan hmang mai ami aw tih awl tak ani


"Ban zai kan rel dawn ami, khanglai ho kha intih fel chuan a tlai tawh si a, zanlam inkhawm duh in awm dawn nen khua a thim mai dawn," Usang'an a rawn ti lang lang, "Rinte, kumthar lam chu tak tak in Jordan'a pawh camping lam chu rawn luh tir ve la," Usang'an atih chuan, "i va han News lo thei tak, khang kha lo khawm rawh," Uhriat'in alo ti hlak chu hawi deuh hu in, "engmaw?" Ala ti deuh deuh chu ka nui hak


"Rinte inveng lam ah ka haw dawn a kan ṭin ṭan tawh tho ka rualin haw ve maila," kan KṬP hruaitu zing ami Nunthar'an arawn tih chuan ka kut sil fai sawk sawk in, "ava remchang dawn ve," ka ti ve mai, ni a tlak deuh tawh avangin haw vat ka duh, a vawt deuh vur tawh leh nghal ka hnial peihlo, nilengin ka buai ve em em bawk nen


"Rinte fimkhur rawh aw Nunthara kha lal deuh deuh hi an awm sia," Uhriat'in fiamthu pah a rawn tih chuan nui hak hak in, "chu ka sam pawt ṭil tu an awm hmel ve a," ka ti ve zat, nur nangin, "lo kal mai mai teh, keimah zawk hi kut tum ka dawng sawklo ang tih pawh hriatloh," atih chuan kan nui hawk hawk hlawm, tunkar chhung a za tak a ka nuih awm chhun ani ta ve ang

"Nimin chu Jordan'a ka hmu a, a ruih hmel khawp mai, kalo ngaihtuah ve mai mai a, a nun saw ti tak a chhiat chuan pui tu a mamawh takzetin ka hria, in inzui kha ka hre ve deuh a, sawtiang em em saw chuan a nung ngailo asin le, Rinte in inkar sawi thei chu ka nilo na in Jordan'a hian anun ah a mamawh viau che in ka hria," a car lam pan a kan kal chu Nunthar'an ati sep sep, Nunthara leh Uhriati, Usanga hi KṬP a ka in hman ve deuh leh kohhran ṭhalai lam ah chuan ka kawm deuh ber an ni, mipangai tak an nih bakah Jordan'a nun hi an vei ve hle tih ka hre bawk


Nuihlui ngial ka tum a ka thei derlo, Jordan'a, he mihring hming ringawt pawh hian mintihnat zia hi an hre tawp nang, a hmu leh a chanchin hria apiangin a hma aiin a nun a chhiat thu bak sawi tur an nei bawk silo


A car dahna kan thlen chuan kawngkhar ka hawng tur chu ka hnunglam aṭangin, "bawihi," Jordan'a aw ka hriat chuan rang lutuk in ka in her, ka thin a rawn phu nghal dawt dawt, ka bul a ding Nunthara chu a melh nghal run bawk, "inbe lawk ila," ti nghut a min rawn pan atum chu ka tawlh deuh hrut, a ding dat

"Haw kan tum chiah a tlai tawh si, Thara kal ila," tih leh kawngkhar ka hawng chu na lutuk in ka ban ah a rawn phih sawk, ka rak ṭhat, " a reilo ang," ati nghut min vawn na thin thlak tum chuan ka che phat, "min thlah rawh," ka ti let hlar

" A reilo ang ka tih kha a mak e bawihi," ati leh nghut, mai mai a, ani duh duh hun a pawh kawi theih ka nilo, "ka hmanlo ani mai," tih leh ka tawlh hnung tur chu min pawt let hrawk, "hmeichhe duhlo chung chu ti lui lo mai la Jordan'a haw kan lo tum tawh nen," Nunthar'an a rawn tih chuan Jordan'a hmel chu a inthlak nghak rawp rawp, chang tak ani


"Lo ngawi rawh," ati chher chher, he mihring zah hrelo lutuk hi, a rui tihtur hrelo in he tah a rawn kal ani hrim hrim, "minthlah rawh," ka ti leh vak, au vak vak mahila awmzia an awmlo em em khawp leh nghal


"Thlah rawh iti na anih kha," Nunthar'an a tih rual deuh thaw in Jordan'a kut tum chu a thlawk fua hi ani ber, Nunthar'a chu a let thla tawp, ka rak ṭhawt, min vawn na ka thing lawp, hnatlang ve dang atam zawk an haw darh tawh, ala awm ho an rawn tlan khawm, Nunthara hnar lah chu a rawn thi zawih zawih, ka hlau lutuk chu ka tha a rawn khur ti tih, ka ṭhingṭhi thla rawk rawk


"Engthil nge thleng? E khai aw! Nunthara chu," Usanga aw ka hriat rual chuan ka thaw kawk, Jordan'a lah chu a ding ngawi run, min melh ngur bawk, "min zuila ni mai tur," tih leh min pawt ding lawp, ka thinrim lutuk chhir hrep mai ka duh, alian rapthlak si ka hneh dawnlo nasa mai sia, a vawikhat hnek ah pawh mipa zawk pawh a che theilo nghal ania

"I va zaktheilo ve zui chhan tur che ka neilo, Jordan'a ti nge mipangai nun ang hian i nungtheilo ami?" a au in ka au khum, a mitmeng sen ram ruih nei tih hriat ngawih ngawih hmuh te chuan minti thinrim zual hian ka hria


"Zui phawt teh Rinte biakin huangchhung ala ni si, buaina a punlun hmain, Nunthara chu kanlo buaipui ang," Uhriat'in a rawn tih chuan thinrim tha khur dar dar in rum lutuk in Jordan'a chu ka melh, engah mah ngailo tih hriat zetin min pawt sawn nghal dawr dawr, min hnuk ani mah mah zawk


Gate pawnlam kawng chhak lam ah a Bolero alo hung reng chu ni in, kawngkhar chu hawngin a hnawh in min hnawh lut nawk nawk, amah pawh hman hmawh zet in a rawn ṭhu lut nghal, a Bolero lian zet chu a che dulh dulh ni mai hian ka hria, amah apalen vang nge a rawn ṭhut luh rual te chuan a hniam deuh sut

Chaktakin atlan chhuak, lehlam ka hawi hmak, khawi ah nge min hruai a tum ka hrelo, a duh duhna ah kal tehse, motor ding dat ah chuan ka hawi chuak, an in leh kan in inkar tlem a thim kawi deuh ah chuan a ding tih ka hre thei, "bawihi, ṭha deuhin inbe teh ang," a rawn ti sup, chhan ka tum lemlo, pawnlam ka en ngar, a ṭawng seh chilh deuh leh bah deuh nuaih ah chuan a rui hle tih ka hre thei bawk


Vawi lehkhat ah a rawn ri bawp bawp, ka hawi vat, steering chu a chum dawt dawt, ka tha a rawn khur, "engthil nge ti a i inhriat?" Ka ti ṭhawt, thinrim hmaisen leh mitsen hlar chuan ka lam a rawn hawi Lalpa a hmel hrep chu, sakawlh chiah chiah ani, a misen hlar leh rum zet te chu min pawtsawm vek ang tih hlauhawm tak ani


"Engthil nge diklohna ineih zawk Lalrintluang khang hun chhung min tlanbosan kha atawk lo ami?" Ti hrawkin ka dar tawn tawn ah a rawn man, min thing nawk nawk, ka thlarau thin chhuah a tum ta emaw tihmai tur ani, na lutuk in ka dar a hmer bawk, ka lu a hai nghal muai muai thei nia

"Minti na ania," theih leh theilo chuan ka sawi chhuak ṭawk ṭawk, a thawri ringawt pawh rapawm tham tak ani, a hmel phei chu ka en ngam lo hrim hrim ka thle tlat, chu chu ngaitheilo tih hriatzet, "min en rawh, Lalrintluang ka mit ah min en rawh," ka hmai bul chet ah a au in a au, a aw ring in a ṭeng bawk si, ka il chawih chawih, ka kawchhung a fan thla rawih rawih

Nazet a ka bek ah a chal in a rawn nawr bet, "bawihi khawngaih in, min en rawh, min hlau tur in ka duhlo che," a aw chu a khur deuh, a in thunun hle tih ahriat, kala ngawi tlat, hlau lk turin minduh maw? Tu in nge hlau lo awm anga, ka ṭah a chhuak mahse ka mittui tla tur a awm hauhlo


Ka khabe a rawn dawm chuan min kuaiher deuh, a thaw ham ham pawh chuan ka lungphu zawih zawih chu ala ti reh theilo aniber, "bawihi i mitmeng teh," seh chilh zet chuan ati leh sup, muangchangin ka meng, a mitsen ram chu a hnawm deuh chap, a mittui atla ve emaw tih mai tur ani, a nuisak, a hmeltla duk chu amak zawk, karkhat lek ani, mahse abiangki ta viau te, a hmai khur tla deuh kak te chu ka hmuh hmaihlo nasa


Duat tak a hmai ka chul mailoh nan ka in hum ruh, ka kaw chhung erawh a khur der der thung, duhlo in inlak hran deih(daih) duh mahila ka taksa hian he mihring min khawihna hi phatrualloh in a dawngsawng ṭha mah mah ani


"Ka ngai che, chu chu i hria em? Karkhat chhung khan ka tum, ka bei, mahse heihi ka thunun theih piahlam ani," harsa tih hmel zet a ti hrawk chuan ka kut chu la kangin a lungphu zawn ah a nghat, "min ngai ve ani tiraw?" Ati leh sup,"Aw ka ngai che, ka huat tluk zetin ka ngai che a, ka thi thei hial dawn in ka hria," ti a au khum nghek mai ka duh, mahse ka theilo


Ka mittui a rawn hnai ṭiam ṭiam, "ka chau ani, ka chau takzet Jordan keipawh in ka tum, ka bei asin, mahse vantirhkoh ka nilo, hmeichhe awmnem tak, na thei leh chau thei ka ni, hmuhsihna ka tawrh te, ṭawngkam chhia ka tawrh te hi ka kiang a i awm chuan ka pal tlang ve mai ka ring a, mahse ka theilo, ka chau ka chau takzet," mittui tla zawih zawih chuan ka sawi chhuak, ni e, ka chau ani, ka chau takzet


Thaw hak chuan uluk zet in min en, muangchangin a inla hrang, kuah a, a awm a bei a, engkim paltlang dun ka tiam thei, mahse a thei ve lo, kei aiin a taksa in a mamawh damdawi hi a thlang dawn tih ka chian em avang zawkin ka chau in ka na ani

Min en ngar ngar chuan, "kal rawh," a rawn ti sup, mittui kar aṭang chuan ka en, a mitsen ram a min en chungin, "kalrawh ka tih chu," a rawn ti leh hrawk, ka mit ka chhing sawk, inher in kawngkhar ka hawng rawk rawk, ni e ka kal anga, he motor ka chhuahsan rual hian ka nun ata Jordan Malsawmkima hi a bo tawh ang, "drugs addict bialnu," tih ṭhin kha ka ni tawhlo anga, "pathlawi hausa lem kual tu," tih pawh ka ni tawh heklo ang, Belinda'i leh anu in ṭawngkam chhe tak takin min an khum tawhlo anga, khawi ah emaw OD in a tlu angem? A suffer angem? Tih ngaihtuah reng reng in ka awm tawhlo ang, chu chu ani lawm ni ka duh


Motor aṭang chuan ka chhuak, chaktakin kan in lam ka pan hlawk hlawk, ka mittui lah chu dan rual loh in a luang zung zung, khawpui rawn ri dur dur te chuan ka natna leh lung ngaihna min hriat thiampui ni ve mai hian ka hria, mihring ve tho ka ni a, sawi chhiatna leh hmuhsihna zawng zawng kar a chaktak a rin na neih chu a harsa em asin!! Angel ka ni bik silo



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:12 pm

JORDAN
By floria laldansangi
20

Bathroom ah duhtawk a ka ṭah hnu in mit bui luk chuan ka chhuak, chaw ei tur pawhin min rawn ko ta lo, ṭap chung a inchhung tlan lut na na chu min rawn tibuai duhlo ani mahna, room aṭang a ka chhuah rual in pawnlam aṭang a ka hming a minko ka hre deuhin ka hria ka ding dat, ruah a tlak tam em avangin ṭawng ri oawh a hriat hleih theihloh


Ka nau choka a ṭang a rawn chhuak chu, "min ko tu an awm in ka hria?" Ka ti sep, bu nghat chuan, "pawnlam aṭang ni in ka hria," atih rual deuh tawhin Hruaii aw ṭap aw ti tih chu ka hre zui nghal, ka tlan chhuak rawk rawk, zan dar 8 a pel tawh, tun ang hun ah engthil nge thleng ni?


Ka hawi kual, a thim in ruah a tla bawk nen tlem in chhum atam deuh, "Rinte helam ah," Hruaii aw hlauthawng tih hriat zet ka hriat rualin ka hawi nghal dawrh, kan in aṭang a kawngpui pan na sir lam ah Jordan'a ṭhingṭhi ka hmuh chuan ka pan nghal vat


A bul ka thlen rualin Jordan'a taksa khur det det huhzawr nuaih lei a ṭhingṭhi ka hmuh chuan ka mittui a rawn hnam ṭiam ṭiam, a haw daih tawh ka ring ania, "eng.. Engthil nge thleng?" Bah nuaih chuan ka ti chhuak, Jordan'a chu a hmel ka hmuh theih nan a rawn dak chhuak, a thim bawk si, ruahlah chu a rawn sur nasa sauh, "tinge tiang hian i awm haw rawh," tih leh in her ka rual

"Ka duh nilo thei ila ka ti," bah nuaih in a rawn ti hrawk, ka ding dat, muangchangin a hmel ka hmuh theih nan ka inher, Hruaii a bul ah nithliap khumin mittui hru zauh zauh chuan a ding ve ran, "Lalrintluang ka nun ata hi hla tak ah kalbo la ihlim zawk dawn asin, keipawh hian kal bosan thei che ila ka ti, Pathian i awm anih chuan ka nun ata hi la bo rawh, kei hian enge ka pek, zahna leh natna bak ka pe silo a," Jordan'a ruahsur hnuai a ṭhingṭhi, au hawm hawm hma ah chuan ka ṭhingṭhi thla hnawk, a awm ah ka chum dawt dawt, ka kut man bet chuan alam ah min pawtbet, ka kuah vawng vawng, ka ṭap chhuak hawm hawm bawk

"Tinge? Engvang in nge tiang hian i awm? Ka nun hreawm tak a siam chauh hi em ni i thiam? Khawi emaw ah rui la, OD pawhin i thi maitheilo ami?" A au in ka au

"Chu chu, chuthil chu ka duh lutuk asin, mahse i tel velohna khawvel, i awmlohna mitthi khua ah chuan rei ka awm theih ka ring lo ani, bawihi minpui rawh vawikhat chauh ka nun na hi chhan him tur in i Pathian hi au rawh," aw ava na vawng vawng tak em!! Keihian engmah tih theih ka neilo atan a ṭawngṭai bak theih ka neilo tih hi engtin nge ka hrilh fiah ang

"Vawikhat chauh bawihi itan ka theihtawp ka chhuah theih nan Pathian hi au rawh," ati rawih rawih, a nun beidawng tak mai hi engtin nge kei hmeichhia ah pawh awmnem lutuk chak vaklo tak hian ka puih tak ang, LALPA minpui rawh!! "Jordan keimah vang nilo in Pathian hi i mamawh vangin i au theilo em ni?" Ṭap hlawp hlawp chuan ka ti chhuak, a taksa a rawn khur der der ṭan ka hriat rualin

Vawileh khat ah a taksa a rawn khur hlawk hlawk, min kuahbet, "Jordan harh teh," ṭah aw ṭuau chuan ka ti ṭuak, "ka..ka hrebiklo, nimin aṭangin damdawi ala ti miahlo tih ka hria," bah niah a arawn tih chuan ka mengkawk vawiin tlai ka hmuh pawh khan a rui ni in ka hre si a, tun ah pawh khan a ruilo amaw??


"Inchhung ah lut phawt teh ang u," ka nau in a rawn tih chuan ka bu nghat, kei a kuah din rual nilo chu, ka nau in a rawn kuah, alian mai si, kei Mzio hmeichhia ah pawh 5'4ft vel lek tan chuan a lian leh lutuk mah mah ani


"Tlailam ah khan kan in hmu a," inchhung kan pan pah chuan ka ti chhuak, "ka hria alawm, zantin in inkawt ah a rawn awm ṭhin Rinte ka U hi itel lo chuan a awmtheilo, damdawi pawh hi nghei a tum tih ka hria, mahse amah mai chuan a theilo ani, karkhat chhung khan mi â ang maiin a rui a, bungrua a ti chhe thul, engtin nge kan tih tak ang," mittui far fep fep chuan a sawi

"Room ah duata," ka ti sep, room kan thlen rualin vawt ti ni awm takin a rawn khur chhuak hlawk hlawk, puan ka sin tir vat, "a thawmhnaw hi thlak angai," ka ti sep, ka nau in, "kalo ti ange," tih leh a hlihsak nghal, a taksa tla duk te, a ban vel a inchiuna hnuhma hmuh te chu min vit na teh e!!! In tawng tawh em? In mi hmangaih te taksa ngei mai a damdawi in hna thawh lai thkir tawo mai chu!!! He thinlung hi ti khawp hian ani maw alo nat theih ni?? "in ah damdawi kawl aneih pawh ka hrelo, kan pe vat anihloh chuan a thi thei mai ang," Hruaii bawk ani, a thlan a in a bual huh zuih, mahse a khur hlawk hlawk thung, ka hlauthawng zual


"Engtin nge niang, a leina hmun in hria em?" Jordan'a hmel sen ṭawn ṭawn mai leh khur hlawk hlawk chu mittui nen a en in ka ti chhuak, "aw, aih, ka hrelo," Hruai'in a rawn tih chuan ka mangang leh zual, engtin nge niang? Kan hmu vat anihloh chuan Jordan'a... Jordan'a hi a khur nasa tawh lutuk, "ka zawn hmuh theih mai ka ring," ka nau in a rawn tih chuan kan en vat, "ka lo zui angche, a ṭhian te pawh kan zawt kual thei maithei asin," Hruai'in a lo tih zawmzat, bu nghat chuan, "hmanhmawh ru aw," ka ti leh hram

An chhuah rualin thawh a hrukfaina tur tui lak ka tum chu ka ban ah a rawn man chat, mitsen ram leh khur hlawk hlawk in a rawn meng ruai, "Jordan," ṭah aw ṭuau chuan ka ti sep, a bek thisen zam rawn pawng chhuak ṭawlh ṭawlh te chu rapawm lek lek ani

"V-a," ka au vak, min thlah mai loh avangin che sawn thei heklo, kan room sir a ka nau lehkhazir chu ka au, a rawn luh rualin a meng deuh kawk, nichin kan buai laivel kha a hrelo tih alang reng, Bawihtei muhil hma pawh a tih chi viau mai, Ely'i inkhawm bang a rawn lut ve chiah bawk, "tui, chawhtawlh ah tui dah ula puan thianghlim nen min rawn pe teh u," ka tih zawmzat, Jordan'a lah chu a khur nasa tulh tulh emaw tih mai tur ani

Ka nau te chhuah na pawh darkar chanve a tling tawh dawn, darkar chanve sawilo minutes khat lek pawh rei ka tih zia chu rapthlak tak ani, Jordan'a hmai chu tui thianghlim hi ka hruk sak, ka mittui lah chu a rawn far ang fep fep a, Ely'i leh V-a pawh tih ngaihna hrelo ngawi rengin kan room sofa ah chuan an ṭhu ran, ka rilru in Pathian ka ko mawlh mawlh bawk


Chawh tawlh hun sawn pahin khum lu a ka Bible dah ka hmuh chuan ka mit ala nghal, ka ban nghal zat, khawilai nge chhiar tur pawh ka hre chuanglo ka rilru chu Jordan'a hi damdawi chak lutuk vang hian a thi mai ang tih hlauhna bakin a khatlo aniber


Bible chu keu in Jordan'a kut khur dawt dawt chu ka la leh, Bible a nem tir chuan mittui tla zawih zawih in, "Aw Lalpa indona tual zawl ah heibak hi hmanrua ka neilo, minpui hram rawh, mangan na khur ah hian chhuahna awmlo in min hruai dawnlo tih ka hria, engtik nge ni eng mawi chu ka hmuh dawn? Lalpa min pui hram teh," ka aw pawh a chhuak ṭawk ṭawk aniber, ka bul mai a mu taksa khur hlawk hlawk, che theilo leh mahni pawh insa sengtheilo, mi â ang mai a awm mek tan hian enge ka tih ang? Ka ṭawngṭai na hi a tawklo em ni?


Kawngkhar rawnin hawng ri rak ka hriat chuan ka hawi vat, Hruaii leh ka nau rawn lut chu ka lo ban nghal ruai, ka kut a an dah rualin, "ka chiu thiamlo ania, Jordan'a i ti thei angem?" mittui hru hul pah chuan ka ti leh, ka sir ah Bible a awm a ka kut lehlam in drugs, ka nun ah hetiang hun hi ka tawng ang tih ka ngaihtuah phak sawiloh ka mumang ah pawh ka hmuh atan ka duhloh ber thil ani

Ka kut a damdawi chu khur hlawk hlawk in a rawn ban, a tih theih pawh ka rinloh kha mu chung chuan a in chiu, a vawikhat tihna anilo tih hriat tak maiin khur zawih zawih chung pawhin a invit maithei te chuan minti na zual, a che vel ka en ringawt pawhin ka taksa chu alo ṭang ṭung thei, a zawh rualin ka thaw kawk, ka taksa ṭang lutuk chu ka na ut ut hian ka hria

"A zia mai ang, engtin nge niang ka hruai haw thei awm silo a," Hruai'in a rawn tih chuan Jordan'a damdawi in a taksa a hneh ṭan tih hriat tak a taksa khur reh tial tial en tlawk tlawk chuan, "zanin chu tah hian riak mai rawhse," ka ti sep, ka ṭah a chhuak ut ut bawk, engtin khatiang tak a mahni pawh in buaipui theilo a awm amak ka ti tih hian ala hrilhfiah zolo ani

"Kan van tibuai tak cheu aw, Rinte pawi ka ti lutuk ania, ka nu te lunglei lam an kal an rawn la haw silo, puipuii amah chauhin in ah a awm a, a muhil ka kalsan nen ka chho phawt ang, buaina a siam cheu chuan min rawn be mai ru aw," a tih chuan ka bu nghat

Midang chhuah vek hnu chuan Jordan'a sir a ṭhingṭhi in ka ṭawngṭai tawp, enge sawi tur pawh ka hre chuanhlo, mahse Pathian engkim ti thei hian he a saltan na ata hi hruai chhuakin tuihal na pe se ka ti em ani


"Bawihi," Jordan'a aw tham chal mai ka hriat chuan ka en vat, khum tlang bawhin ka muhil tih ka hre chiah, "lo mu la," a ti sep, awihawmloh lutuk nupa pawh kan nilo, sana ka en, zinglam dar 6 a ri thuak, thawh a hun dawn tawh hrim hrim, "i ṭha tawh em?" Tih leh ka thu chhuak nghal, ani pawh rawn thu chhuakin min en vang vang, "ka tihpalh ka ti hlau fo che ani tiraw?" Mahni inthiamlo tih hriat zet a atih chuan ka bul lam ah a rawn hnai leh

"Min tih hlauh zia i hria em? Engtin, engtin nge Jordan khatiang khan i awm theih? Mahni pawh inbuaipui theilo khawp khan i awm a, ka chan dawn che amaw ka ti hman asin," ka mittui a tla nghal zung zung, "sihhh, lo kal teh," tih sup chuan min rawn ban nghal, khum a ṭhu kai pah chuan a awm ah min kuahbei, ka hmai phum kak in ka ṭap hlap hlap, naupang pangchang tak mai a ṭap hi ka angber


Ka sam a chul hliau hliau pah chuan, "ka tihpalh, a thleng tawhlo ang," ati sep sep, "ka hlauh zia kha i hrethiam lo ang," ka ti chuak leh ṭuak, ka ngaihtuah let pawhin ka hlauhthawn zia kha, ka mangang takzet anih kha


"Ka hria alawm, ṭap tawh teh suh," tih leh inla hrang hlek chuan ka biang tawn tawn a vuanin a kut zungpui in ka mittui a rawn hru fai, anui suk, a cher zia chu rapthlak tak ani, "i ṭah lai pawh hian i hmelṭha tho anih hi," ati sup, ka nuih pawh a zalo, khatiang khan awm leh ta se, khawi emaw ah tuma hriatloh te hian a awm ang tih ka ngaihtuah te chuan ka hmul thi a ti ding ur ur thei

"A thleng tawhlo ang ka tih kha, hlauhthawng suh," ti sup chuan ka hmui ah dimte in a rawn fawp, min fawp vawng vawng, tisa chakna lam hawi a tel lo, mipa in a hmeichhe hmangaih tak ngai leh thla hlel tak a a fawp vawng vawng ang hi ani, ka bek ah ka mittui a luang ngiai ngiai, he mihring hi keihian ka thinlung zawng zawng in ka hmangaih ani, beidawn san ka tum, ka tum nasat pauh leh ka theihloh zia ka hre chhuak ni maiin ka hria, "mu ang, ila mu tam silo," tih leh min kuai mu, nui hakin ka mu ṭha ve sat sat, nghet zetin amah si chetin min pawt, min kuah nghal hlu hlu

"Jordan, nizan a i sawi kha ila hria em," a awm a bei hle hle pah chuan ka ti sep, thaw hakin, "ka hria alawm, nangmah vang anih chuan engpawh ka theih ka ring," a rawn ti sup, chu chu ka duh miahlo, keimah vang nilo in Pathian a nun ah hian a mamawh vang zawk nise ka duh ani, inla hrang hlek a hmel en tum chuan ka dak deuh hâ

"Aih, keimah vangin Pathian hi lam lo la ka ti ani, Jordan chhan neih vang nilo in, i nun ah i mamawh vang zawkin Pathian ko rawh, zawng rawh, i zawn chhan hi kum khaw daih ani lo, i zawn chhan leh i koh chhan a awmloh hun ah a ai nasa a Pathian i demloh nan," ka ti sep sep, ka mittui bawk a rawn hnai leh ṭiam ṭiam

Min melh chhuk chuan, "min kalsan dawn tihna ami?" Ati nghut, ka lu thing mat mat in, "mihring kumkhaw daih kan awmlo, khawvel pawh a chakna chawpin ala boral dawn, Pathian erawh kumkhua in, i zawn chhan pawh Pathian ni rawhse," ka ti sep, hrethiam se ka ti ngawih ngawih bawk

Thaw kawk in, "keiang tan hian a awm tak tak iring amaw nile?" Anui nghawr dat mahni insit na nasa tak anei tih a hmel ah alang reng, chu chu paihbo vang vang se ka duh, " 'BUL ṬAN TUR IN MI ROPUI NIH ANGAILO,'tiin thu ziak tu pakhat chuan ati, mi famkim leh Pathian hma a tling reng kan awmlo, kan tlinglo tih a hriat vang zawkin ni khawngaih na a chhandam kan nih ni

Mahni insitna ineih a, tlinglo bik a kan in ngaihna hi sual ani tih hrethiam tur in ka duh che, khawvel ah hian mifel te lam tur nilo in misual te chhandam tur zawkin ni alo kal, ka Pathian nih pawh zaklo chuan engah nge i Pathian nih pawh a zah tehlul ang ni, misual te ṭhian ṭhaber Isua, awmlo ata awmtir tu, ahun te a rah ṭhin, chanhai te tan a in nghahna LALISUA alawm anih," ṭah aw ṭuai chuan ka ti leh sep, nghet takin min kuah, a taksa pawng ṭawlh ṭawlh chu ka hre thei, Jordan'a hian Pathian hi hnaih a duhve tih ka hria, mahse amah a tlinglo bik a in ngaihna hiam ahnaih tir ngamlo mai zawk ani

Lu na deuh bur in ka harh, min kuahbet tlat tu rit zet chu ka en, ka bul ah thaw ri sek sek a Jordan'a a tui ti zet a mu chu ka en vang vang, a mit hmul er zet leh hmaitlang hriam ta em em chu ka zut riak riak, ti chung pawh hian ala hmelṭha em em chu ania, ka nui sak

Tho chhuakin ka in phih fai, zinglam dar 8 a ri thuak, choka lam ka pan Ely'in rawng alo bawl mek, Sunday tuk anih avangin chet buai vak angailo, naupang school an chawl tawh bawk nen, kan in daih viau, "ilo tho peih maw, khum tlang bawhin i muhil tlat a, kaih thawh ka hre si che a ka mut ṭhat tir lo law law che anih kha, Jordan'a chu enge a an?" Ely'in alo ti vat, tui in khawlh khawlh chuan, "a ṭha tawh e," ka ti sep, nizan lam ka mitthla ah a rawn lang nghal zat, ka mit ka chhing sawk, hriat reng pawh ka duhlo


Kawngkhar a rawn ri ral ral, ka hawn rualin, "lunglei aṭangin kan rawn phei chiah a, nizan lam chanchin kan hria a, a zialo hle mai Rinte," ka hmel an hmuh rualin Jordan'a pa in a ti nghal zung zung, sawi maitur pawh ka hrelo, an hmel a inthiamlohna lang hmuh chu a hreawm zawk mah mah

"Lo ṭhu ru, ala mu a, aṭha tawh ania ngaihtuah awm a awmlo," ka ti sep, kawngkhar lam aṭangin, "zing zing ah pu Hmingthana te nupa chu hetah ka hmuh cheu ka beiseilo a, nge ni a in fapa chuan Rintluangi hi alo luh khung tak tak zawk," ka ni aw elhsen na a khat tih hriat ngawih ngawih in a rawn tih chuan kan hawi rual ṭhap, ka ni te nupa mai nilo a nu leh pa tar tawh tak ti ila an kum ngaihtuah chuan la ṭhalai tak an ni, kan din na lam an rawn pan, engthu thang at thlak nge a rawn hriat leh tak


Pathian ni tuk a hmel hmuh atan chuan alawmawm loh khawp mai, bakah Jordan'a chhungte rawn kal lai berkher nen, "engthil nge nita a zing zing ah?" Nelawm vaklo chuan ka lo ti sup, ṭhut khawmna lam pan pah chuan, "Nu par lo ṭhu ru, thingpui te in intawh em?" Ka tih zawmzat, ka nî te erawh awmlo ang hmakin ka ṭawng


Anvai a ṭhut khawmna a rawn phei chuan an ṭhu thap, "hei, Rinte zingkar hi kan hman hun ani sia, naupang ho awmdan tur kan lo ngaihtuah kha kan rawn bawh zui deuh a," ka pu ( ka nau te pu) in a rawn ti ban chap chap, ka nuih a za, ti em em a mihring chhungkaw zaktheilo tih hi kala nei ngailo


"Kan chhan na pawh in hriat tawh ka ring a, sawi tur awm tawh pawhin kalo hrelo asin," ka ti ṭha ve mai, ka ni hmel chu hmuh nawmloh tak ani, "court lam a chinfel kher hi kan duhber lo ania Rintluang, Jordan'a hian aluhkhung che tih kan hria ania, naupang enkawl turin dikna inei hauhlo," ka ni in a rawn ti chang fak, awihlo zet in ka melh hrawk, Jordan'a nu leh pa chu nuamlo tih hmel zetin an ṭhu ve ran, awmlo se chuan chuan ka nî te hi kan inchhung ka rah tir ka ring hauhlo


"Naupang ho chu Rintei nen kan kut a awm an ni, i sawi angin ka luhkhung a, man leh mual kan in hlan vat ang, Rintei emaw nunfela pawh mahni a voters ID nei an ni tawh a, engdan hmang mahin inla theilo, an tan tihsak pakhat mah inla neilo lehzel nen," Jordan'a aw nelawmloh zetin a arawn tih chuan kan hawi rual ṭhap, ka lam rawn pan in min si chetin a rawn ṭhu, a thusawi mak ka tih zia chu, keiang bawkin a nu leh pa te chu a ṭhawng tih alang reng bawk


(Lalpa chuan a ko tu zawng zawng chu a hnaih ṭhin a. Tih takzet a amah ko tu zawng zawng te chu)(Sam 145:18), he Chapter chu CHICKS MAGNET fb pages kan hre ṭheuh in a rinawm, an admin Lorreta Khawlhring thuziah, "Bul ṭan turin mi ropui nih angailo," tih khi ka rawn zep tel ta mai😊😊a dikin ṭha ka ti ve em ani❤️ Mahni tlinglo intihna leh Pathian lak a kiltawih khawp a beidawn hi thil awmthei tur tak ani, mahse "thil tih vang anilo e, khawngaihna vang a chhandam in ni," atih hi hre thar leh ṭheuh ila, tlinglo chung pawhin amah i bel tlat zel ang u❤️❤️)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:13 pm

JORDAN
By floria laldansangi
21

Makti zet a Jordan'a en chuan, "enge maw i sawi le?" Ka ti sup, ka nî bul ah leh nghal chutiang a sawi chu ka lungawi vaklo, he in an pen chhuah rual hian kan veng pumpui sawiloh mizo mipui tam zawk hian an hre nghal vek dawn tih lah chiang reng

"I sawi awmzia chu Rintluangi nupui ah neiin a unau te hi i enkawl vek dawn itihna em ni?" ka ni in nernawk pah a rawn tih chuan sawi ve tur pawh ka hrelo, engthil berin nge tibuai hlawm pawh ka hrethiam phalo, pasal neih maw? Ngaihtuah pawh kala ngaihtuah ngailoh ani, Jordan'a chu, 'i â ta ami,' tih melhin ka melh


"I sawidik chiah, ka thlazar hnuai ah an awm ang, court in thleng anih chuan mualpho tur chu nangni bak in nilo tih in hriat ka ring, Rintei hmeichhia anih vang leh puitling luahlum loh in ang ah in rawn ngai a in pal zut fo anih chuan keimah zawk hian case ka file ang tih ka sawi lawk ni rawhse," ati leh fak fak, ka ni hmel chu a inthlak nghal sawp sawp


"Chutiang a rawn ti pawh kan nilo a, kan lo hriat danin an khawsak a harsa in naupang hlang chauh a khawsa an ni si a, an pi leh pu te kan la dam ve ṭawk ṭawk a, kan thlazar hnuai ah seilian se kan duh vang zawk ania, engpawh nise nupa ah in insiam tawh a man leh mual sawi te pawh kan kut aṭang aniang chu," ka pu in a rawn ti leh charh charh, ka nui hak, a zat vang anilo ka tilui ve hrim hrim ani zawk

Ka ni hmel chapo zet chu tih tlawm ka chak ve hrim hrim, "mihrang in ka man leh mual an sawi chhan tur ka hrelo, pasal lo nei ta pawh ni ila ka pi leh pu shillong lam ami te kut ani ang," ka ti ve nghat, ka thusawi dan ah ka rilru an hrethiam ani ngei ang engmah an sawi chhunzawm ta biklo, ka nau te zing tlan an rawn lut, duat'an ka ni te hmel a hmu chu lawm vaklo tih hriat zetin engmah sawilo in room lam apan nghal


"Kan haw dawn em ni? Rinte kan rawn la kal leh dawn ania, chutiang a i pasal berin thu a sawi si chuan sawi theih kan neilo anih ber chu, naupang chungchang ah chuan," ka pu in a rawn tih leh din arual, ka pi leh ka ni hmel chu en reng chi pawh anilo, ka pi chuan engmah sawilo mahse a hmel ah min lawm teh chiamlo tih alang reng bawk


Nileng in ka rilru ah Jordan'a thusawi kha a awm, inkhawm lo chuan in ah ka awm nileng, naktuk lam ah chuan a tam zawk chuan dawt an sawi nasa leh dawn tihlah chiang, nimin mai a Jordan'a chetdan zawng zawng, ka hawina lam a piang mai chu a pik tulh tulh nimai hian ka hria

"Rinte, Jordan'a nen in innei tak tak emni? Engtik nge a inva rang ve?" Kan thawhpui zing a Sawmte'in minfiam pah a rawn tih chuan nuih pawh ka nui peihlo, ka rin lawksa vek ania, "dawt vek anih kha, in hna thawk mai mai teu," Ely'in a rawn ti hlar

Dawhkan ka nawtfai mawlh mawlh, tray a thleng ruak ka chawi ka inher chiah ka tray ken chu tu emaw in a phihtla ṭhuai, atla keh nghal rum rum, ka hawi chhuak tur ka sam a min phih nawkin, "nang nawhchi zuar nu, Jordan'a bum kualin i inchhung ah i hruailut a, hmeichhe pawisawilo ang maiin khawlai i leng leh vel amaw? Ka fanu leh a pa lak ata hi inthiar fihlim rawh ka tih kha," Belinda'in a rawn ti tuar tuar


Chhuat ah min phih ṭhu hnawk, min rawn khawih leh atum chu Ropui'an hnunglam a ṭangin a pawm kang nawlh, "Ely, Rintei kha hruai chhuak rawh," a rawn tih zawmzat, kei erawh chhuat a ṭhu sawp niah in Belinda'i in hrosa vel chu mittui luang ngiai ngiai in ka en, "nang chhiahhlawh ve mai mai hian min pal zut khanglang a, mihur inih kha, i inchhung ah mipa hrang hrang hruailutin i khum i ṭawm pui a, hmeichhe pawisawilo ang maiin khawlai i leng leh a," a au in a au, "kei a drugs addict ai pawhin i tenawm zawk, inkhawm in biakin ah i kal a, mipa lak ah i fihlim chuang silo," ati leh tuar

A thusawi tin mai chuan min deng dawt dawt, "engthil nge thleng?" Ely'in min kuah tho chiah Muana aw chang falin a rawn tih chuan kan lam a rawn pan nghal, customer tamlai tak ani bawk a en nawm kan chhuah hi ani tawp mai, phone in thla an la deuh char char bawk, ka khur dar dar chu Ely'i taksa ringin ka ding ṭawk ṭawk

"Lalmuanawm, Lalrintluangi hna aṭang bantir tur che in ka ti che, khanglang hlawm cheu hian, mifel len hian in leng a," ati leh tuar, a rui tih ka hre nghal, a mit meng sen ram min huatna akhat chuan min rawn melh Ropu'an a pawm beh na aṭang a tal chhuah tum pahin min rawn kawk sawk sawk, "nang nawhchizuar mai mai," ati leh tuar, lu hai in ka tlu mai dawn in ka hria


"Ely chhuahpui vat ta che mawle, Ropui nangpawh ka office ah Belinda'i kha rawn hruai rawh," Muana chuan ati deuh hrawk, Ely'in min kuah sawn, mi zawng zawng mit chu ka chung ah a fu ṭhap, an phun ser ser leh in hrilh ru ser ser chu ka mit hian ka hmu ve reng, ka na lutuk chu ṭap vak dawn pawh ni ila chhuak tur reng reng ka neilo, ka â vek nimai hian ka hria

"Bag kala anga ka hruai haw angchu he tah minlo nghak rawh," Ely'in a tih chuan ka bu nghat, "i ṭha em? A rui anih kha hrethiam rawh Rinte," Ropu'an a rawn tih chuan chhang pawh ka chhang theilo, ka ṭah a chhuak ngawih ngawih, ka mitthla ah a kut zungchal a min kawhlai a rawn lang uar uar, ka mit ka chhing sawk, ka hrawk ana ut ut, hnawh tu awm angmaiin ka hnungzang lah chu min do ul bawk


Ely'i nen taxi chang turin pawn kan chhuak te chu mitin mai chuan min en bik hian ka hria, ka hawi chhuak ngamlo, ka mittui ka khap let sak sak, ka mitthla ah kan naupan lai a rawn lang, zu zuar hnawh chhuah in kan awm a, retheihna leh hmuhsihna hrang hrang ka dawng in ka tawk tawh mahse tun ṭum ang em em a inzahlohna hi kala tawng ngailo, chupawh ka nihlohna tawp a au khum leh kawh ka nihna chuan mintina zual nimaiin ka hria


"Bawihi," Jordan'a aw ka hriat chuan ka hawi vat, mittui kar aṭangin ka lam pan a mipa lian zet t-shirt var thianghlim zet leh jogger kekawr uk bawp sei ṭha tak rawn pen thauh thauh (thoh) chu ka en kar, lo ṭah khum hrep mai ka duh mahse ka theilo, ka hrawk ah hian min hnawh tlat, "engthil nge thleng?" Tih leh ka dar ah a rawn vuan, ka mittui a rawn luang ngiai ngiai, he mihring ka hma a ding vang hian ka hringnun hi ti tak hian a inher danglam ang tih ka ngaihtuah ngailo, tun ah hian hmeichhe tenawm ber ang maiin mi zawng zawng in min hre ta chu ania

A kut a ka dar a rawn hmer salh chuan chiang lutuk in min en, ka ṭap chhuak hawk, khawlai ah kan awm tih ka hria mahse chutiang ka ngaihtuah theilo, chhuak lutuk chuan ka ṭap, a awm ah miah kuah bei, kal kawng a min kal pel leh motor a min tlan pel apiang chuan min en haw haw hlawm tih pawh ka hria


"Sihh, engkim a ṭha vek e," dam thluam in ka sam a chul chuan a ti sup, ka duh tawk ka ṭah hnu ah, inlak hran ka tum chu minkuah nghet sauhin, "ti khan awm rih rawh," ati sup,"Jordan miin min en ania," ṭah aw ṭuau si lai zet chuan ka ti chhuak, a rawn nui nghawr dat, "a pawi ami ka nupui nimai tur ka kuah ani mai," atih zawh rualin, "nupui kha sawi teivet suh, i nupui hlui anasa ropui si," Ely'in alo ti hlak, Ely'i a awm ve tih reng reng ka lo hre leh tawhlo, Belinda'i a rawn sawi chhuah takah chuan ka inla hrang vat


Ely'i khan a sawi dik chiah, "bawihi," a rawn ti sup, "haw ka duh," tih leh ka mittui pherh niah chu ka hru hul thuak thuak, min en vang vang chuan a thaw hak, "sawtah sawn ka motor ka dah kava la lawk ang lo nghak rawh u," tih leh pensawn a rual nghal, a hnunglam aṭang chuan ka thlir reng, damdawi vangin a taksa chhe ve ṭan tawh ala hriat miahlo


Inchhung kan luh rualin Jordan'a nu leh pa hmel ka hmu chu mak ti zetin ka en, "inlo leng ani maw?" Ka ti hâ, nu pari kalam rawn pan a ka kut vuanin, "a pawi emai Rinte, kan fapa laktlakloh lutuk vangin zahna nasa tak i tawng si a," atih chuan ka en deuh hû, Belinda'i thiltih kha an hre tawh emaw ni? "Belinda'i vang anih chuan a ho lutuk ania," ka ti sep, diktak chuan aho ka tilo tawp, zahna tawp khawk ah ka ngai


"Chutiang anilo, tun ah hian social media vel ah naupai angin an sawi che a, post darh tu hi kan chhui tir mek ania," Jordan'a pa in a rawn tih chuan ka nghing dawt thei, ka sir a Jordan'a ding run chu mangang lutuk in ka melh chho, thil thleng hresa ni awm tak chuan mit chhing sukin, "engkim a ṭha vek ang," a rawn ti sup, tun ah tak hi chuan ben sawk ka duh ber, kei hmeichhia ah pawh fahrah, mi hmuhsih sa hi mite hian dawt hmangin minva hmusit leh zual dawn tak em


Ṭawng tum a ka kâ ka ang zuai hman tih a ka phone a rawn ri, ka en, ka pu ani, "pu," ka tih rualin, "bawihi enge hei News a kan hmuh hi, Ebenezer hospital neitu fapa nen in inneih thu te, nau i pai thu te, eng thu nge ni ngai?" A rawn ti ban chap chap, chhan mai dan tur pawh ka hrelo, ka bula ding ho chu ka en kual hrek hrek, Jordan'an ka phone ken lai rawn la pahin, "pu khum, in tunu hi nupui ah neih ka duh ani," ati nghut a sawi dan teh tlawng chu, awi keizawng he mihring hian minti â tak tak dawn, a rui ti dawn ila rui hmel a pu hauh silo

"Khawimaw keiman kalo bia ange?" Apa in a rawn tih chuan a pe ve mai, kei erawh kan thil tawn rang lutuk leh mak teh nuaih lutuk avangin tihmai tur pawh ka hrelo, ka en kual hrek hrek hlawm ani mai, ṭhut khawmna ah kn ṭhu ṭhap, "i pu te chu naktuk lam ah an rawn chho dawn anih chu," Jordan'a pa atih chuan ka en kawk, enge an rawn tih dawn?

"Enge i sawi awmzia?" Ka ti sup, "Rinte hmeichhe tan chuan vawikhat mualpho hi a pawi sia maw, kan fapa vang a mualpho tak a i awm hi kan duhlo, Jordan'a hi pasal atan i duh phawt chuan keini ah chuan harsatna a awmlo ania, mahse i rilru ang ang kha sawi rawh, heng thu theh darh tu te pawh hi hremloh in an chhuak dawnlo ania," Jordan'a nu chuan a rawn ti dap dap

Sawi mai tur ka hrelo, ka â vek ani ber, engtin nge pasal ka neih ngawt theih ang, ka nau te engtin nge niang, "i nau te chu ngaihtuah miah suh aw," Jordan'an a rawn ti nghut, rum zetin ka melh, tun ah tak hi chuan buaina minpek zawng zawng avang hian a hmel pawh hi ka hmu peihlo aniber

"He thil zawng zawng hi Jordan i bul ṭan ani," a pa chuan lungawilo tih hriat zet in a rawn ti deuh hmuk, ni e, min luhkhung tih kha sawilo se chuan hengthil hi a thleng tawplo ang, mahse keipawh ka thiam chuanglo, ka room ah engmah ngaihtuah lo in ka riah tir ania, engmah sawi tur ka neilo ka chiai enge ka pu te ka hrilh ang


Ka pu te rawn thleng leh ka nutei te pawh chuan sawi tur vak an neilo, thil anih tur ang ang anih zawh tawh avang leh khatiang dawt thehdarh tu khan Jordan'a nen a kan innei tawh ang a thu ahriat vangin alo sawi ani awm a, tuma thiamloh ni heklo, "nupa a insiam chu tunah chuan kawng awm chhun ani, nakin ah i hmalam hun ala hrilh zel dawn," ka pu thusawi awm chhun, avan mangan thlak rawih rawih tak em!!!


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:13 pm

JORDAN
By floria laldansangi
22

JORDAN....POV

"Jordan," kan nupa room kawngkhar bul a mittui tling piau a ding a min en kar tu chu ka melh zawk, a rilru na hmel chu ka hmulo anilo, a mittui te hi hruk sak ka duh mahse he ka kut lehlam mai ka ken damdawi hi ka thisen hian a mamawh miau si a


Kan inneih na pawh thla thum ani ta, mualpho takin ka siam tih ka hria, mahse ka hmeichhe hmangaih ka ta ah ka siam tal alawm tiin ka inhnem, mahse tunah chuan he hmeichhe hringnun hi keihian ka ti chhe vek ani, ni e, a sawidik chiah, khawvel ka chen emaw ka tihlai khan ka nun mai nilo ka hmangaih te thlengin khawvel hian min chen zawk ani, ka ti na a, an biang ah mittui ka luan tir fo, ka nupui in zanlai ah tho a Bible nen a mittui tla zawih zawih a pasal addict tan Pathian a auh hi ka hrelo anilo, ka hre vek ani

Mahse a rinchhan a Pathian hian kei tlin na neilo, alak ah vuina leh demna ngawt nei ṭhin ṭawngṭai na hi angai thla angem? Amah au turin ka tlinloh zia ka hria, ka nun anguai a, ka hmeichhe hmangaih hringnun hremhmun ah ka siam a, engdang nge tih theih kala neih ve?

Ka inchiu na hmanrua vel ka khawm sawk sawk, ka bul ah ngawi rengin mittui khap let sak sakin a rawn ṭhu, ka thaw hak, "naupang an mu tawh ami?" Ka ti sep, nui suk in a bu nghat, kan inneih na kha a chawpchilh in pasal neih ala in peihlo viau tih ka hria, mahse chan kha ka hlau em atin ni


Ka fanu tan nu ṭha tak ani a, ka tan banglo in a ṭawngṭai ṭhin, a rinchhan Pathian hi ringve thei ila ka ti ngawt mai, khum a mu ṭha in ka bul chu ka beng thak thak, nui hakin a rawn mu ve nghal, nghet takin kalo kuah, ka nupui ka hmangaih ka venhim a, hlimna ka pek theih ka rin kha nitin mai hian ka tina tih kei hian ka chiang nasa mai si, "Jordan Pathian nen ihneh thei ania," tiin vawi tam a sawi ṭhin, ka tan a beidawng ngailo

RINTEI....POV

Ka tih ṭhin dan ngaite bawkin ka tho leh ṭham ṭham, khumbul a Bible la in ka pasal muhil thaw sek sek bul a ṭhu in ka ṭawngṭai, "Aw Lalpa thil tamtak ka dil lo che, ka pasal ka hmangaih tak nangin ka kawp pui atan minpek hi a nun ah tui halna pe angche," tiin zantin ka dil fo ṭhin

"Mummy, Tete'i te anla bang velo a," puipuii ka lam pan a rawn tlan mekin atih chuan nui var var in ka pan hnai, restaurant a ka thawh Jordan'an a phal tawhloh bakah midang pawhin an remtih vakloh vangin naupang enkawl leh inchhung lam ah ka awm tam, in ah phei chuan nula pathum ngawt kan awmpui vangin tih tur engmah awmlo hi Jordan'a bul ah ka phun fo, awmzia a awmlo viau leh nghal

"Vawiin ah i fel em?" Ṭhu hniam pah a ka tih chuan bu nghat nghat in, "kan teacher in Lalnunpuii a felber ati a," atih chuan ka nui hak, "i fel ber alawm, tirawh sawtah sawn ṭhu ila tetei lo nghak ang aw," tih leh ka ding ka kaisawn nghal, thui pawh kan pen hmain puipuii chu an rawn pawt let nawk, a rak ṭhawt, ka hawi dawrh

Belinda'in hneh zet a puipuii ban a vawn chuan ka pawt let hrawk, ana ti chu a rak tuar tuar, a ṭap nghal hawm hawm, nghet lutuk in ka kuahbet, "engthil nge ti a i inhriat?" Ka ti ṭhawt, ka thinrim lutuk leh puipuii na tuar ṭap ri ka hriat vang a sa pup pup chuan ka thaw kawk kawk

"Nang phiangsen hian ka fanu NU nih i tum amaw? Nang mihnuai hnung mai mai," ti tuar a min rawn pan hnai chu hnunglam aṭangin an rawn pawt her sawk, "Belinda zahna chhe te tal hi nei ve rawh u, i ruih buai apiang bawihtei hma ah buaina siam hi sim rawh," Hruai'in a rawn ti hrawk, kei erawh puipuii khur dawt dawt chu ka kuahbet, mahni hringtu nu te hlau a khur zawih zawih hmuh chu lainat awm tak ani

Belinda'i mitmeng phi luai a nui hak hak chuan, "nanghian minzilh ve khanglang amaw? Ti chuan nangni chhungkua hian ka fanu nu atan saw hmeichhe chhiahhlawh saw in pawm bawk a," ati tuar, amah leh amah chu a in kek nawk nawk bawk, ka lam rawn hawi in thip lutuk in min rawn melh, "nang hian ka fanu minlaksak itum amaw?" Ti tuar in min rawn pan hnai chhat chhat, ka tawlh sawn duh biklo

Min ben tum a kut a rawn lek chu na lutuk in ka phih sawk, a awm ah ka nam sawk bawk, a kat nawk nawk, "I fanu anihna chu thisen ah chiah ani, i kut hmawr pawh a i tawk leh anih chuan hre rawh Belinda dan angin ka che ang, dan ang in keihi anu ka ni, ka fanu hma ah i rawnin lan leh anih chuan police ka ko hrehlo ania, naupang tina duh tur khawp a rilru buai inih chuan doctor pan rawh, helai a buaina rawn siam lo hian," a au in ka au, midang awm ve zawng zawng chuan min en ṭhap

Zirtirtu dang leh school naupang an rawn tlan khawm tual tual bawk, khur hlawk hlawk a min rawn kawk in, "nanghian rilru kimlo minti amaw?" Ati ṭhawt, melh let khai chuan, "naupang ti na duh tur khawp a rilru khingbai inih kha," kha zet chuan ka ti chhuak, thinrim avangin a thaw kawk kawk a min rawn pan a tum chu Hruaii ka hma ah rawn ding in, "car ah luh pui rawh kanlo buaipui ang," ati sup thaw hak in puipuii hruai chuan car lam ka pan nghal

Ka ṭhut luhrualin ka nau a rawn lut ve chiah bawk, "au lawm..ohh tete mama kha i hlau ve em?" Puipui'in mittui tling piau chuan ka nau chu alo zawt, ka en ngawih ngawih, ka lainat lutuk, mahni hrin te tiang em em a hlau thawng a siam mai chu

Inchhung kan luhrualin, "Bawihte inau nen han inthlak ula, eitur ka rawn siam ange," ka nau leh puipuii school aṭang ka hruai haw chiah chu room lam an pan nghal, Belinda'i ka ngaihtuah chhuah chuan ka sa leh phat ka thaw hak, ka sawi ang khan ka ti duh tak tak tawh ang, puipuii thlabar tak asiam fo hi ka ngeithei (ngaithei) ṭhaklo, ka pasal neih na kha ka duhdan tak anilo, a chawpchilh mai bakah ka inpeih lo aniber, mahse tunah chuan Jordan'a nupui, puipuii nu ka ni tawh tlat

Pasal nih atlin a, ka tan a a awm reng chutiang bawk chuan venhim ka duh ve, Jordan'a hian a sawi ang takin ka nau te ho thlengin min enkawl pui, anu leh pa an ṭha em em, puipuii lah ka ngaina, chhungkaw thar leh chhungkua tak tak ka nei tih ka hria ka chhungril takin ka hlim, ka pasal neih ni khan ka pa (ka pian na pa) pawh an nupa in anlo tel ve tak kha, Pathian au in Jordan'a tan a khawngaihna dil fo mahila, mihring ve tho ka ni a, ka pa leh ka ni te lak a ka lungawilohna erawh kala ti reh thei bik nganglo ani, ka pa anihna abo lo tih ka hria, engtik ni ah emaw chuan PA tiin kala ko ve mahna


Choka ka luh rualin bawngsa kan rim ka hriat chuan ka pum a inlet nghal but but, ka uak ṭhawt, toilet ah ka tlan lut nghal rawk rawk, ka nu(Jordan'a nu) in min rawn zui nghal, mangang zet chuan, "engthil nge nita, Rinte i ṭha em?" Tih leh ka chal a rawn dawm, ka uak tuar tuar, luak chhuah tur nei silo chuan ka uak nghek, 10mins dawn ka uak hnu ah toilet chhuat ah chuan ka ṭhu thla hnawk, ka nu in, "ngawiteh, nanghi i rai a nilo maw?" Tih pah chuan ka chal sam tla hnawk niah chu a rawn hui kiang, ka mengkawk, a sawi tak ah chuan tunthla ka thineih hun a pel tawh tih ka hre chhuak chiah


Ka nu rawn let leh chuan test kit a rawn ken chu ka kut ah arawn hmehbel, ka lo en hâ, "ti chhin teh," nui sang a ti chuan toilet kawngkhar chu chhuah pahin a rawn khar nghal, ka kut a test kit en chuan ka mit ka chhing sawk, nau ka pai ka in rin na leh rinlohna chu a inzat chiah, chu ai mahin nau pai tur chuan ala hma ka ti in Jordan'a nundan nen naupai mai chu a inrem rih chiah pawh in ka hrelo

Muangchangin ka ding, toilet-bowl a ṭhu chuan ka test, "Rinte i ṭha em? Enge a an?" Ka nu aw a phurna lang chu ka hre thei, muangchangin ka en de de, rin pahnih ka hmuh chuan ka thaw kawk, kawngkhar a rawn in chum deuh dawt dawt, ka hawn rualin, "i rai em? I rai ani tiraw?" Ka nu hmel ka en chuan ka nui hak, naupang in an thil hriat chak an zawt sek ang mai ani


Ka kut a test kit awm chu la in a en, "awii ka ring reng ani, tunlai i mizia dang deuh hi ka hrethiam reng ani," ati nghal chul chu ka en deuh kawk, "ka mizia a dang maw?" Ka ti hâ, keimah leh keimah pawh ka in hrethiamlo ania, ka va han tlaw tak, "dang e, Jordan'a kha ka hrilh a, ani pawhin a ring ve tho aniang," engmah ti tawh suh, kan nula pawh naktuk ah a rawn let dawn kha, i taksa leh naute kan tupa lo piang tur kha enkawl ṭha em em la ni mai," atih zawm leh zat zat, ka nuih tawp, a hmel hlim lutuk chu a eng sawt sawt in ka hria

Choka aṭang a kan chhuak chu Jordan'a kawngkhar bul ah alo ding ran, a hmel chu ka hrethiamlo, lawmna, hlauhthawn na te a in pawlh nuk in ka hria, "ilo haw tih i sawilo a.." Ka ṭawng zawh hmain, "ilo haw chu lawmawm lutuk in nu kha damdawiin ah hruai teh, nau a pai ania, duat viau angche , awii keizawng ka lawm emai i pa kan be teh ang, a lawm dawn lutuk," tih leh an room lam apan nghal ka nu che naupang chhia lutuk chu ka nuih hak


Jordan'a lam ka en chuan chik zetin min lo en, a hmel chu ka hrethiamlo takzet a buai, "diklo a awm ami?" Nuisang chuan ka ti sep, harh chhuak thut ang mai a ka mit a min en haw chuan, "bawihi hna zawh fel loh kala nei a, ka pa lo nghak zawk maita che," tih leh ka chhan na pawh nghaklo chuan in her vutin kawngkhar ah a pen chhuak nghal, a chetdan mak ka ti lutuk chu ka en hau ringawt, atlan liam thleng chuan ka en mawl tawp


"Khawnge a kal dawn a?" Ka nu aw ka hriat chuan ka harh zawk, "hna zawhloh ala nei anih hmel," ka ti sep, ka rilru erawh in enge diklo awm ang a ngaihtuah, ka rai chu alawmlo tihna ami? Ka ngaihtuah na avangin ka ṭah a rawn chhuak ka mittui tla tur chu ka khap let sak sak, "Rinte i ṭha em? Engthil nge maw a hriat le?" Ka nu chuan ati hlak, nuilui zet chuan, "ka ṭha ania, abuai anih dawn kha," ka ti sep, ka ṭah chhuah mailoh nan naupang rawn in um chhuak chu kalo buaipui vat bawk, ka nu in khawngaih hmel tak amin en vang vang ka hmuh phei chuan ṭah vak mai ka duh

Zanriah ei hun ah pawh a rawn la hawlo, ka pa leh Hruaii te, ka nau te chu an lawm viau, puipuii lah chuan, "mummy hetah hian ka nau tur a awm tak tak ami? Ka en thei angem?" ati deuh chhen, kan nui leh hak ṭhin, nui ve mahila ka rilru erawh pawnlam ah a awm daih, Jordan'a khawnge a kal ang, khawi ah emaw rui in OD te in awm ta se, ka ngaihtuah ngamlo zawk

Room ah chuan vei (vai) tawn chhen, zan dar 11 a pel daih tawh, Jordan'a chanchin engmah kala hrelo, ka call lahin a ring ral ṭhak ṭhak, Bible chhiar pawh ni ila ka rilru ah alut thlawt bawk silo, ka ṭah te a chhuak ut ut, ka phone rawn ri thut chu ding chawtin rang lutuk in kala, "jor..." Ka sawi zo hmanlo, "ka pi he phone nei tu hi tun ah durtlang damdawiin pan pui mek ani.." Thudang enge a sawi ka hre tawhlo, ka nghing dawt ka phone chhuatah ka thlauh (thloh) nghal bawl


Ka mittui a rawn lum thla pup, ka lu thing sawk sawk in, rang lutuk a ka phone chu chhar in room aṭang chuan ka tlan chhuak, ka tha a khurh nasat em avangin ka nu te room thleng tur pawh chuan harsa tak ani, room kawngkhar ka chum dawt dawt, ka mittui lah chu a rawn luang zung zung bawk


Ka nu te ka au, kawngkhar rawnin hawng rualin, "bawihi engthil nge thleng?" Ka nu in a ti vat, ṭawng chhuah mai ka tum a ka hrawk chu hnawh tu awm ang maiin a tawt, "ka.. Jor..Jordan'a tun ah damdawiin ah a awm," ka sawi chhuak thei ṭawk ani, ka ṭap chhuak hawk, ka pa in Hruaii a au nghal, kan driver in a min awmchilh tu zawk chu a ko nghal chul bawk


Kei erawh engmah ka hre mumal lo ti ila ka sawi dik ang, ka â vek, ka khur hlawk hlawk, ka nu in min kuahbet, "engkim a ṭha vek mai ang," ti mahse a aw ah chuan a hlauthawng ve tih a hriat ngawih ngawih, kawngtluan in Hruaii leh ka nu in minkuah, ka â vek ti ila ka sawi dik ang, Pathian ka au mawlh mawlh


Damdawiin kan thlen rualin ambulance kan sir ah a rawn ding ve nghal zat, ambulance lam chu ka pan nghal ruak ruak, Jordan'a a an rawn nawr chhuah ka hmuh chuan ka bawh nghal rawk rawk, a taksa hmun tin mai chu thisen in a khat, ṭah ka duh mahse ka theilo, ka hrawk ah hian hnawh tu lian lutuk a awm

"Tun ah in zai na room ah nawr lut rawh u," tu te nge awm pawh ka hrelo, an ri nuaih nuaih, Jordan'a kut thisen kai vek chu ka hum, "khawngaih in, Jordan'a i thi theilo ania," ka phun sep sep, a rawn meng diar diar, a mit thisen in a bawh huh zuih mai chu ka hui kiang, ka mittui a far zung zung, an nawr kal hlawk hlawk, ka um ve dat dat, Pathian ka au mawlh mawlh


Inzaina hmun an luhpui dawn chuan, "ka pi i lut ve theilo," tih leh ka pasal ka vawn na kut thisen kai vek nal puat chu muangchangin ka thlah riai riai, kawngkhar an khar rual chuan ka thlarau an la chhuak ta emaw tih mai tur ani, chhuat ah ka ṭhu thla hnawk, Hruai'in min rawn kuah, "Rinte chak takin awm rawh engkim a ṭha vek dawn alawm," ni e, Pathian hian ka pasal hi timai in min laksak lo tawp ang, ala in peih mawlhlo, kanla in peihlo ani

"Ti rawh ṭhut na awm ah sawn ṭhu ang i nau te pawh an rawn thlen ṭep ka ring," atih zawm zat, mi â ang maiin kei erawh min kuah ang ang chuan ka awm, ka mit aṭang mittui erawh a hul thei derlo, ka taksa khur lah a nasa tulh tulh emaw tih mai tur ani, ka nau te leh Ely'i te rawn thlen pawh chuan ka manglam hriat ruai ruai chauh ani, ka rilru ngaihtuah na zawng zawng chu saw in zaina room chhung a thih leh dam in kar a awm mek ka pasal bul ah chiah a awm


"World Bank Road ah LPK nen an in tai ani awm e, a hmun ah LPK driver leh Belinda'i an boral nghal, alandan in mam'a car ah hian Belinda'i a chuang ve ni in alang," ka pa ṭawng ri ka hriat chuan mittui kar aṭang ka en haw, enge Belinda'i nen antih ang, ka thin zawn chu a hma ai mahin a rawn na, min vit nawn awn awn ni mai hian ka hria, ka thinlung ah, ka nau pai vang a he thil hi thleng ni in ka ngai hmiah bawk, ka naupai thu kha hrelo nise hengthil hi a thleng hauhlo ang, ni e, Jordan'a a pawh a dam anga, Belinda'i pawh a thi lo ang


Mihring ve tho ka ni a, Pathian hnen ah hian vui ka va chak ve ṭhin tak em!!! Enge ka tihsual a ka pasal tan a ka dil zozai te chhan na chhe te pawh ka hmuh hma in hengthil te hi kan chung ah a thlen bik?? Ka mittui a tla zung zung, ka rilru in Pathian ka dem dawn a, mahse ka ngam silo, "i manganna,harsatna leh buaina chauh i thlir nih chuan, beidawnna leh thinurna bak hmuh i nei ngai lo ang, i mit len la han inher rem hret teh le, i kiangah ah khan i chaklohna ata pui tur che,Lal Isua a awm e," he thu hi ka nu khan ramdang ka awmlai khan a sawi fo ṭhin, "aaw LalIsu ka mangan leh buaina, harsatna ata hi engtik ah nge khawvar eng chu min hmuh tir ve angle?" Ka ṭap chhuak ruah ruah, khawngaih tih hriat takin Ely'i leh Hruaii ka nu in min rawn kuah bet


Inchunglam a dakin, "enge ka tihsual a ka dil na zozai leh ka auhna zozai min haider sak tur hian? Aw LALPA a rei ka ti emai, tun ah, tun ah ka pasal thi chhawng a awm mek tan ka dilna kha eng chhe te tal i chhuah theilo ami?" Ka au hawm hawm, ka awm ka chum dawt dawt bawk, a chang chuan Pathian hna thawh hi keini mihring te tan chuan a rei mah mah ṭhin ani, a rei lutuk emai!!!


Note: mi suaksual hlimna chu a tawi a, Pathian hrelo mi lawmna chu mitkhap kar chauh ani tih hi. (Joba 20:5)

***(I mangan na,harsatna leh buaina chauh i thlir anih chuan, beidawnna leh thinurna bak hmuh i nei ngai lo ang.
I mit len la, han inher rem hret teh le, i kiangah ah khan i chaklohna ata pui tur che,Lal Isua a awm e❤️❤️mangan ni a ṭanpui var tu hnaiber LALISUA a awm tih hrereng angche❤️)***

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:13 pm

JORDAN
By floria laldansangi
23


JORDAN....POV

Ka taksa na ut ut leh lu na ut ut ah chuan men ka tum, char beh ang tlatin ka meng thei derlo, ka kut chu tu emaw in nghet takin a vuan tih ka hre thei, "Jordan khawngaih in min hrethei anih chuan i mit meng teh, a rei tawh emai, kan naute, kan naute tan tal hian rawn meng teh," ka nupui aw tham chal leh ṭah aw ṭuai mai chu chiang takin ka hre thei, a awmzia chu keihi kala thi lo ani, thi tur ka ni a sin, thi ila, kan naute lo piang mai tur leh ka nupui nitin mai a rilru na pawh hi a zia awm zawk tur


Ka nupui in ka fa ngei a pai tih ka hriat tluk a lawmna kha ka neilo, mahse kei a pasal laktlakloh tak hian enge ka pek ang, a pum chhung a ka nupui thisen hmang a insiam mek kan fa lo piang maitur chu kei addict hian natna bak ka pek belh dawn em ni? Ka hlau a, ka mangang ani, in ka chhuahsan rual khan thi ila ka tan mai nilo ka chhungkua, ka nu leh pa tan buaina pakhat ka sut kian sak tur ah ka ngai kha ania

Ka meng ruai ruai, hnaizet a Rintei hmel ka hmuh chuan ka thaw kawk, "i harh, i harh tiraw Jordan?" Bah nuaih a tih leh doctor a au nghal chul bawk, a mit a mittui chu fiahlo ruai in ka hmu, doctor in min endik vel te pawh chu ka mang hriat ruai ruai, "i mit chhing tawh teh suh Jordan, minti hlau ania," Rintei aw chu a hla tial tial


Ka harh leh chuan a hma aiin ka harh chiang tawh zawk, ka che dawn a ka che maitheilo, ka taksa chu a khawng vek hian ka hria, ka sil ṭhum bawk, ka mit ka chhing sawk, ka mitthla ah LPK nen a kan in tai kawngthlang a kan liam lai chu a rawn lang, ka thaw kawk, ka mutna khum bawh a muhil ka nupui chu ka melh, a chau tih a hriat ngawih ngawih, a thaw sek sek, a muhil hmel hahdam zet chu ka en vang vang, ka lu a rit in an tuam tih ka hrethei, kha kawngthlang kan liamna ah khan thi ila he hmeichhe tan hian a phur rit tak, zantin a ṭah fo na chhan hi ka awmtawhlo anga, a nun a hlim zawk daih awm si a, engvang a Pathian hian ka nun na hi la zuah bik nge anih? Engvang a min thih tir a an sawi hremhmun ah chuan mindah mailo nge anih, ka nupui leh ka chhungkaw tan hremhmun siam tu mai ka ni si a?


RINTEI....POV

Ka sam tu emaw in a rawm khawih chuan ka mengkawk, Jordan'an nui ver ver a milo en chuan ka ṭhu ngil nghal awt, "Jordan i harh maw? Na i nei em? I ṭha em?" Zawhna ka zawt nghal zung zung, nuisuk chuan a bu nghat, "a ṭha tawh e, hlauhthawn tur a awmlo ania, a.." Doctor chu ka melh vat, a tawp chat, keimah ngeiin ka hrilh ang, tun ah chuan a dam a, ka hma ah, ka bul ah a awm a tawk rih em em

Jordan'an zawhna mit meng a khat chuan min rawn en, "i nu leh pa pawh an rawn thleng ṭep ang, ilo harh leh a ka lawmpui che, Dr Jordan nupui hmelṭha leh hmangaih deuh tu che inei a i vannei takzet," doctor chuan atih zawmzat, ka thaw hak, Jordan'a chuan nui var var in minlo en

Doctor chhuah rualin, "ilo harh tawh dawnlo emaw ka tia, Jordan mintih mangan zia i hria em?" Ṭah aw ṭuau chuan ka ti sep, a bu nghat, "ka tihpalh," ati sep, ka ṭhut na aṭang tho chuan a khum ah ka ṭhu kai, min kuai hnai chuan a awm ah dimte in min bei tir, heihi ani ka lo thlakhlel em em chu, a awm pharh hlaizet a thlamuang tak a beihi

Ka mittui a rawn luang ngiai ngiai, ka ṭap khur dar dar, engtin nge bul ka ṭan ang, nikhaw hrelo khan karkhat lai a awm a, doctor khan, "alo harh leh anih pawhin, ke in a kal leh theih tawhlo ang," tiin min hrilh anih kha, ka pasal hi engtin mge chuthu chu ka hrilh tak ang

"Bawihi ṭap tawh teh suh, i bul ah ka awm tawh hi," thawpsap chuan a rawn ti chhuak, ka ṭap chhuak hawk, ni e, ka bul ah a awm tawh, a nun na Pathian in minlaksak lo pawh hi lawm tur ka ni asin, mahse lawm ava kimlo si em!!! A ke ngei hian engtik ah mah a kal leh tawh ngai dawnlo anih chu!!! Pathian rorel dan hi keini mihring tan hian hriat thiam ava har tak em

Inla hrang chuan mittui kar aṭangin ka en, "ka awm i delh na ana ania," ati sup, hlauhthawng zet chuan, "khawilai, doctor ka va ko ange, ka tihpalh," ti chul chuan thawh ka tum, a nui nghawr dat ka ban rawn vuanin, "ka fiamthu anih kha, ka nupui hmelṭha tak mai ka awm a bei a ṭah khan ka dam sawng sawng zawk," atih chuan rum tawkin ka melh


"Ilo harh tawh maw?" Ka pa aw ka hriat chuan ka hawi vat, ka nu nen Hruaii leh naupang ho nen an rawn kal, "daddy i dam tawh ami?" Tih leh puipuii chu min rawn pan nghal, ṭhut na a ṭhu thlain ka lo pawm vat, "dam tawh e, mummy thu ilo awih em?" Jordan'an atih chuan uar zet a lu bu nghat nghat in, "ka naute tur a pum chhung ah a awm a, au lawmi ohhh tetei nen kan nghak a, kan duat bawk," atih chuan kan nui hak, ka nau hi "au lawm" tihloh tur tiin kan hrilh, ala ko thiam lutuk lo

"Mama kha van ah a awm tawh a daddy," puipui'in a rawn tih chuan Jordan'a chu a hawi deuh hû, "takin Belinda'i kha engtin nge?" A rawn ti sup, kei erawh Belinda'i hming a sawi chuan ka thin a sa, ka thik zawk nge? Awihawmloh lutuk mitthi tawh thik ngawt chhan tur ka neilo

"A hmun ah driver nen an boral nghal a, a pawi tak tak ani, nang erawh Pathian khawngaih na kan chung ah alang anih hi, i dam a, i harh chhuak leh hi a lawmawm lutuk, Belinda'i te chhungkua an khawngaih thlakawm khawp mai," ka pa in a rawn ti dap dap, Jordan'a hmel chu ka hrethiamlo, a buai nuaih niin ka hria, "avan pawive," ati sup, abak engmah a sawilo

"Engtin nge in inphur theih reng reng?" Hruai'in a rawn ti nghut, ka zawh duh si, ka ngamloh a rawn zawt chu ka lawm ru phian, "ka hrebiklo, ka rui lutuk a, kawngsir ah alo kal kha minlo phar ding ta in ka hria," tih leh mit a chhing vang vang, a thaw hak, ka en ran, a tuar ve ani mahna, inṭhen tawh mahse a fanu nu anihna abo lo miau a, ka lainat takzet, a thlarau nun ka ngaihtuah pui phei chuan ka khawngaih ngawih ngawih


"Bawihi," Jordan'a aw ka hriat chuan ka en vat, midang an haw tawh, inlam a chawl hahdam tur in minti nasa viau, Jordan'a kalsan erawh ka tum hauhlo, damdawiin pawh hi anuam lutuk, Jordan'a te damdawiin ani a, VVIP room ani bawk nen, in nen a danglam na vak ka hrelo


"Umm," tih pah chuan ka ṭhut hnaih, "khum ah hian rawn ṭhu la," ati sup, ka en deuh haw, a nuisuk, ṭhu kang pahin, "Jordan i ngaihtuah ve ngai em Kan vanneih zia hi?" Ka ti sep, thaw ala ham ham, min rawn en leh, "nungdam a kala awm ve hi amak ani," a rawn ti chhuak sup, mittui khap let sak sak chuan, "Pathian in a awmpui tlat che alawm, Jordan Pathian hian a hawisan bik che emaw iti ange, thihna ko tlang a i dinlai pawhin ani chuan a vuan reng zel che asin," ka ti leh sep, ka mittui a rawn luang ngiai ngiai, "inzaina room i awmlai khan keipawh kha Pathian hnen ah ka vui lek lek a, nilo ka vui nasa lutuk zawk, ka tihsual zawtin engvang a i chung a tiang thil hi thleng nge ani Pathian ka zawt nasa, mahse chhan na ka hmuh chu, Pathian engkim ti thei hi kan bul ah a awm reng ani tih hi ani," ka tih zawm leh sep sep


"Rin hi ala harsa ani bawihi, vawi tam ka dil ve ṭhin a sin, ka ko eih zolo ni in ka hria, nge ni a kei ang tan a awm velo zawk?" A rawn tih chuan Jordan'a chu ka en vat, milo en ve chiah bawk, ka lu ka thing mat mat, "Lalpa tan theih tawp in pen i tum ṭhin a, mahse harsa iti fo ṭhin a ni ti raw? Kan chakna hmachhuana theih tawp kan chhuah hi chuan tlin loh chin kan nei ngei ngei dawn, kan chakna chak loh zia hi Pathian thu aṭanga kan hmufiah hun chuan kan chaknaah rinna nghat lovin, Lalpa chakna zawk kan rinchhan hunah chuan harsa kan tih te hi harsa kan ti tawh lo ang.


A chhan chu maw Jordan Lalpa chakna zawkin min hruai tawh dawn avangin. Chuvangin kan chakna hmachhuan duh lo ila, kan chakna kha kan chak lohna a nih zia hmu fiah ila , tichuan mi chak Pathian ah tlu lut ila, a nin kan chakna chu rap betin a chakna zawkin ke min pentir tawh dawn alawm.

Jeremia 17:5 Lalpa chuan heti hian a ti: “Mihring rinchhana, mihring ban chakna ringa, Lalpa hawisanna thinlung neitu chu Anchhe dawngin awm rawh se," Tiin. Vawikhat chu pui tur che in mintih kha, keipawh hian tih theih engmah ka neilo, ṭawngṭai bak chu, mihring chakna leh kan mihring pui a rin na kan ngah chiah hian asin anchhe dawngin kan awm ṭhin


I ko a, a reh vawng vawng a, i nghak a, alo thleng silo ani tiraw? Mahse kan Pathian hi tlai ngailo Pathian, awmlo ata awmtir tu Pathian, misual te tan a ṭhian ṭhaber ani asin, kan nghak dawn lawm ni?" Ka ti sep, ka mittui bawk a rawn hnam leh ṭiam ṭiam, Jordan'a en kar chuan a nuisuk, "ka nupui mit aṭang hian engtik ah nge keimah vangin a mittui tlak hi a reh angle?" A rawn ti sup, ka ṭah nuih hak, engtik ni ah emaw Pathian hian heng ka mittui tla te hi lawmna mittui in minla thlak sak dawn tih ka chiang ani a chhan chu Bible in min hrilh kha, "Jeremia 17:7-8 Lalpa ringtu, a rinchhan Lalpa ni erawh chu a eng a thawl e. Tui kianga thing phun, lui kam a zung kai, Khaw lum lo thleng pawh hlau lo, A hnahte hring reng si, Khawkhen kum pawisa lo, Rah chhuah ṭhulh chuang si lo ang hi a ni ang," tiin

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:13 pm

JORDAN
By floria laldansangi
24 last chapter

"Chhuak ru, chhuak vek ru," Jordan'a aw thinrim tih hriat tak ringzet mai ka hriat chuan ka harh kawk, ka hawi kual nghal, Jordan'a wheelchair a ṭhu chung a thinrim hmaisen tawn tawn a doctor leh a nu leh pa a melh hrawk hrawk ka hmuh chuan ka pan vat, "engthil nge thleng?" Ka ti vat


"Jordan doctor ve tho ini a, i hriat thiam angai, i ke a kal leh tur chuan chance a tlem lutuk ani," doctor in atih chuan Jordan'a hmel chu a ai nasa in a dur, "keimah ngeiin ka hrilh ang ka tih kha, engthil nge maw itih le?" Ka ti hlar, Jordan'a pan hnaih ka tum chu a kut chunglam a phar thuak, "min hnaih suh, chhuak ru," ati leh hrawk, chhuahsan ka tum aw zawnglo mai

Ka pa in, "chhuahsan phawt teh ang u," tih leh ka nu chu a kuah nghal, ka nu mittui tlingpam chu en in ka thaw hak, doctor ho chuan an chhuak, kei erawh ka din ngaiin kala ding ran, "chhuak rawh, min kalsan rawh," ti leh nghut chuan wheelchair a in nawrsawn atum chu engtin ge a in vai ka hrelo, wheelchair chawpin alet ṭhuai, ka rak ṭhat, "Jordan engthil nge maw ti a i inhriat le?" Tih leh ka ṭhu hniam nghal rawk rawk


Ka kut na zet a lo vai sawn in thawh a tum, "itheilo ani kha," ṭah aw lek lek in ka ti chhuak, khum tlang vuan chuan a ṭhu chhuak, "a dik ka theilo, engtik ah mah ka thei tawh dawnlo, kei hi ka ke in ka kal tawh ngai dawnlo, chu chu i hria ani lawm ni? Engvang a ka bul a la awm nge inih? Lalrintluang i â em ni? Min kalsan rawh," ati hrawk, mittui luang ngiai ngiai chuan ka ṭhu sawp hnawk, ka en ngawih ngawih, ni e, ka â tawh ani, ka ât na a rei tawh lutuk, addict tih hre chungin a kut ka vuan a, pathlawi fa nei ani tih hre chungin asin hringnun bul ka ṭanpui, mi zawng zawngin ka ât zia chu an hria angchu


"Jordan," ka ti sep, "min kalsan rawh ka tih kha, en rawh, i Pathian chuan enge minpek hi, hetiang tur hian maw min dam chhuah tir a? Mi zawng zawng hmuhsih nitur leh khawngaih ni tur hian maw?" A au in a au ani tawh zawk, "enge diklo awm? Enge i lawmlohna, ti nge hma i sial em em? Kei emaw ka nu leh pa, kan fanu puipuii emaw ka pum chhung a naute hi vawikhat tal i ngaihtuah ve tawh em? Tinge nangmah chiah i in ngaihtuah, i duhdan in inung a, hun ṭha tamtak Pathian in a pe che, tinge vawikhat chauh tal chu vawitam nun na pe tu che chu i nun ah khan hun i pek ve loh ang? Vawikhat chauh Jordan, keini min ngaihtuah vang pawhin Pathian ṭhat zia leh Pathian hian a nghak reng che ani tih i hmuh fiah nan i hawidan kha han siam rem teh," ṭap zawih zawih chuan ka sawi chhuak


"Mahni hmasial tak khan engtia rei nge awm i tum? I Duhdan a thil a thlenloh veleh nun na pe tu che Pathian bawk i dem a, thihna lak ata a chhan him chhan che hre tur tal pawhin vawikhat chauh chu i nun ah khan hun i siam ve theilo ami?" A tawp lam chu a ri chang chang ani, ka pasal hi ti tak hian mahni hmasial ani ang tih ka ring ngailo, vawikhat chauh tal Pathian tan hian hun akian ve thei mailo em ni?

"Ka ke a tih tliah hnu pawh hian la ko fo turin min duh amaw? Engvang in nge ka nun na chu a lak mailoh, ke a kal leh tawhlo tur leh rualbanlo a minsiam tur hian maw i Pathian teh hrep chuan min nun tir a?" Ati hrawk, ka en ngawih ngawih, engtin nge ka hrilhfiah ang?

"Pathian hian chhuahna tur awmloh ah mihring te hi harsatna leh mangan khuarkhurum ah min hruai ngailo asin, i nun ah ruah a sur tir reng i ring em ni? vawikhat, vawikhat chauh Jordan Pathian rinchhan in i hawidan kha han siam rem teh, Pathian puihna dil in, a ropui zia hmuh kan tum dawnlo em ni?" A ngen in ka ngen ngawih ngawih, ka ṭap khur dar dar bawk, vawitam ka dil lo, vawikhat chauh anun ah hian Pathian puihna dil se ka ti ani


"Lalpa minpui hram rawh," kan ngawih ngawih vang vang hnu ah, Jordan'a aw ani, aringlo mahse ka beng ah hian ava ring si em!! Mittui kar aṭang chuan ka dak chhuak, mit sen ram mai hnawp chap in milo en, "min chhang ve ang tiraw?" A rawn ti leh sup, uar lutuk a lu bu chuan alam ah ka tawlh hnai nghal ruak ruak, kuah thlawp chuan, 'khawvel a misual ber pawhin amangan tawp chuan siamtu bawk ani a auh ṭhin ni,' antih kha, "min au ula ti tu chuan a thil ropui thup chu min hmuh tir em em ang," ṭap zawih zawih in ka sawi, mahse lung ngaihna vang nilo in ka pasal in Pathian puihna a ngen vang zawk a hlimna vang ani, Pathian hian a thil ropui thup chu min hmuh tir em em ang, thinlung tak a au tu te chu angaithla ṭhin si a

Ni a kal ve zel, Jordan'a nunhlim lo lutuk chu hreawm ka ti, a bikin a thisen in damdawi a mamawh chang hian ava hreawm si em, nachhawkna sangber pawhin a hnehloh chang tamtak a awm, taksa khur hlawk hlawk leh nikhaw hrelo dawn dawn a chak changlah a nei zing tulh tulh emaw tih mai tur ani, kan hmanraw neih chhun chu ṭawngṭai leh Bible ani mai


Ka tehkhinber chu indo na tual zawl a ding kan ni mai hian ka hria, mahse he indo na ah hian Pathian in min kalsan dawnlo tih ka hria, "hlau suh u, kei in hnenah ka awm si a; mangang suh u, kei in Pathian ka ni si a; ka ti chak ang che u a; ani ka ṭanpui angche u, ka felna kut dinglam in ka chelh angche u (Isaia 41:10)," ti a mintiam tu hian min chelhin kan do mek hi min hnehsak dawn tih ka hria ani


"A rei tawh e, bawihi Pathian hian minla ngaidam ve tak tak angem?" Ka pasal beidawng tih hriat zet aw chu ka lainat takzet, ka ṭah bawk a rawn chhuak, damdawiin kan chhuahsan na thlakhat ani ve tawh, Evan Rohlua, Myanmar lam mi, karkhat chhung khan nitin Jordan'a tan Pathian thu sawiin a rawn kal ṭhin, pastor leh U sanga, U hriati leh Nunthara pawhin an rawn tlawh ve fo, Evan Rohlua hi kan naupan lai aṭang ka hriat, kan zu zawrh lai pawh a kan khua a camping asiam chang chuan min rawn tlawh in, kan in ah pawh ṭawngṭai na a rawn nei fo, tun ṭum pawh khatla south ah sawn camping a siam, an chhunzawm leh hma Jordan'a tan ka va be pawh tawp, ani lahin inhawng tak in Pathian thu ṭha tak tak nen minlo fah, tun ah chuan a hma ang em em in Jordan'a pawh Pathian thu ah a bo tawhlo, mahse mihring rilru sual thlem na leh a taksa a damdawi hna thawh a chhuah chang chuan a beidawng lek lek ṭhin, ani chauh anilo


Kei ngei pawh hi ka pasal che theilo, damdawi chak in hrosa leh khur hlawk hlawk hmuh fo chuan ka beidawng lek lek ṭhin ania, Jordan'a tan phei chuan beidawn san rum rum na tham ani ṭhin tih ka hria, ka pasal khum lu lam ngheng a ṭhu awn lama tawlh hnai chuan a kawng ah nghet takin ka kuah, minlo kuah ve nghal chial, ka dul puar ve ek ek tawh thla 3 lek a upa kan naute insiam mek chu a chul zeuh

"A chang chuan Pathian hian min ensan tawh ni hian ka hre ṭhin," a rawn ti leh sup, "a beidawn thlak, keilo pawh mipa ṭha tak i tawng awm si a," atih zawmzat, ke a a kal theihloh chin aṭang hian ka lak ah hian a inthlahrung riau ṭhin, mahse ka pasal ani a, a nuam ah pawh a hreawm ah pawh ti a, kohhran leh Pathian hma a ka vawn tawh hi thlah ka tum hauhlo

"A chang chuan kan thil dil te leh kan nghah te hi a thleng har ṭhin reng ani, mahse maw Pathian in, 'min nghak tu te mualpho in an awm ngailo ang,' atih kha, Pathian thu hi a nung a thil ati thei bawk, enteh Jordan tun ah pawh Pathian ropui zia kan hmuh hi, i thisen in damdawi a chaklo anilo ani lawm ni? Mahse i sual let a, i chakna nilo in Pathian chakna rin chhan in kan do a, tun hi kan thleng ani lawm ni?

Ka sawi kha ila hre reng em? Tlan chhe chung a ral bei tu te chu hnehtu an ni ngailo, hneh in an awm ngei ngei ṭhin, ringtu nun kawng ah hian Pathian hian tlanchhe tur leh beidawng turin minti ngailo, hlau leh khur a, zam chung pawhin chaktak a ding a, beiturin min hrilh anih kha, midang ten engtinnge min tih ang, ka tisual palh lehsi anga tih hlauhna avangin, ringtu an nihna pawh an ti lang ngam lo fo ṭhin

Mahni inhmangaihna avanga mualpho kan hlauhnate hian minti mualpho fova, mahni in hmangaih luat avangin kan bansan in kan beidawn san fo ṭhin, mahse kan Pathian a fapa mal neih chhun minpe tu hian min beidawn san ve ngailo ani lawm ni? Luka ziak ah khan, "Pathian thu chhuak reng reng thil ti thei lovin a awmlo vang,' atih kha, kan rinchhan Pathian anih chuan, rei mahsela thil ti lo in a awm dawnlo," mittui tla ṭeu chuan ka ti siam siam, ka pasal nen Pathian thu kan sawi dun ta mai te hian ka hnuk ati ulh thar em em, ka mumang mai ani ang tih ka hlau rum rum ṭhin


Ka kut la kang chuan a fawp vang vang, "Pathian hnen ah hian lawmthu sawi mawlh mawlh tur ka ni, ka nupui inih vang hrim hrim pawh hian," ti sup chuan ka khabe ah chawi kangin min fawp vawng vawng, keipawh hi lawm fo tur ka ni, ka pasal anih avangin, chhungkua minpe a, hmeichhia Pathian ring inti si mahse Bible pawh chhiar tam lemlo leh ṭawngṭai hun a ṭawngṭai ve tawp ṭhin khan, Jordan'a vang hian Pathian ka ring zual a, engkim ti thei anih zia ka hmu in ka hria ani


Naktuk Pathian ni durtlag biakin ah KṬP inkhawmpui na ah Pathian thusawi turin ka pasal chu an ruat ve hlawl mai, a lawmawm in Pathian ropui puan chhuah na hun ah ka ngai, Jordan'a pawh a in puahchah ve nasa em em, a pian ahnulam a mipui hma a Pathian thu a sawi vawikhat na tur ani, Bible hi vawi engzât chiah nge a keu tawh pawh ka hre senglo, "bawihi ka pha mai dawn em ni?" Tih thu pawh hi min zawt ngun ta laileng, mahse kan Pathian hi mualpho pui ngam Pathian ani tlat ani


Inkhawm kan ṭha hnem em em, Jordan'a pawh wheelchair nen a thusawi hun tur a thlen nan reilo te chiah a ngai tawh, ka rilru in ka ṭawngṭai mawlh mawlh, thusawi tur a an koh lai chuan Pathian ka ko mawlh mawlh

Ka pasal wheelchair a ṭang a ding chhuak chu mak ti zetin ka en kawk, "engthil nge maw atih le?" Ka nu pawh chuan mak ti leh hlauthawng zet in a rawn ti chhuak, ka kut a rawn hmer vak bawk, kei erawh ka pasal doctor pawh in a dam chhung a ake a ding leh tawhlo tur a antih, a ke ngei mai a pulpit lam apan chu mittui nen ka en ran, midang pawh chuan mak anti tih hriat zet in an ri deuh huk


Pulpit a thlen chhoh chuan hah tih hriat zet a thaw ham ham chuan a rawmawl la chhuak in a chal chu a hru zauh, kan ṭhut na lam rawn en vang vang chuan anui var var, tun tluk a ka pasal hmel hmuh nuam hi ala awmlo ang, a rui mitmeng leh damdawi chak avang a hmai sen leh hmai ṭawk te kha hmuh tur a awmlo, a hmel a nui hmel saw hlimna tak tak ani tih kei mimawl pawh hian ka chhiar thiam ani


"A hmasa in he hmun a tlinglo tak ka ni tih hre chung a min din tir tu Pathian hming fakin awm sela, kohhran mipui te leh rawngbawl tu te chung ah lawmthu ka sawi hmasa bawk ani


Tunge ka nih tih leh eng mi nge ka nih chu sawi ngailo in, inbeng in hriat chian tluk in inchhian ka ring, ka hming Jordan malsawmkima tih a rik rual emaw, ka nupui leh ka chhungte hming an hriat rual a, sawi hmaih ni ngailo, 'drugs addict kha maw? Hman ni lawk a OD vang a anupui hlui nen a accident tawk, dam chhung a ke a kal tawhlo tur antih kha em ni?' He zawhna hian keimah mai nilo chhungkaw hming hretu apiang in a zui tawh tur kha ani a

Mahse a khawngaih na leh lainat na dai ngailo a chuan kei mihring zawng zawng a a pawisawi nasa ber, a hma a chhuan tlak nun pakhat mah neilo hi, vawiin ni ropui tak mai a inhma a ding thei leh ding tur a minsiam tu Pathian hming fak in awm rawhse

In hma a ding tur hian ka tling lo em em tih ka inhria, ka suangthuahna leh ka nun a thil thleng tur a ka beisei ngailoh tawp thil ani bawk, ka nun hmasa chu sawi ngailo in ka chal ah hian a inziah fiah viau ka ring, ka nun ah lawmna ka hmuh ngailoh angbawkin vuina ka nei ngailo, "khawvel te chu a chen thiam thiam ta alawm" tih kha ka thupui ani ber, khawvel ah ka duh ka nei a, sum, zu leh sa, ka thisen leh ka nun in a mamawh ber a ka ngaih damdawi ka neih chuan khawvel kha ka ta ah ka ngai hmiah


Khawvel ka chen emaw ka ti a, khawvel hi ka ta emaw ka tih khan, min ta neih mai nilo in ka chhungkua, ka hmangaih te thlengin minlo chen zawk kha ania, khawvel kan chen emaw kan tihlai a, khawvel nawmsit bawlna rapthlak tak maiin kan nun a eiral mek chu ka ta ah ngaiin ka lem duak duak a, min chen zawk ani tih ka hriat chhuah meuh chuan kuar khurum mawng tawp neilo, mahni a in hai chhuah ngaihna reng reng awmloh na hmun thim ṭihbai awm tak mai ah ka lo pil vawng vawng tawh hi alo ni, chhuak leh turin chakna ka neilo a, Pathian hminglam tur in huaisen na ka nei tawh heklo

Ka nupui ka tan banglo a ṭawngṭai ṭhin tu mit ah en harsa ka ti a, pawisak nei ngailo leh vuina nei ngailo khan Pathian hnen ah vui na tur ka zawng a, ka nun a alo luh tir avang leh ka tihnat fo avangin ka vui a, ka nun a thil thleng ah ka mawhpuh bawk, ka ṭawngṭai chhan a awmloh avangin ka dem a, Pathian nung anih pawhin kei ang tan anihloh thu ka sawi khum fo bawk, khami zan accident ka tawh zan khan ka mit awmna ka chian tluk hian kala chiang ani


Ka taksa ah damdawi tamtak ka thun lut, amum chi ka ei bawk a, a chhan chu ka nupui mitmeng fiah kak a mittui tling pam ka hmuh hian harhfim a hma chhawn minti hlau a, ka harhfim chuan anatna te, a tum ruhna leh keimah a beiseina chhe te aneih eng det det chu ka hmuhfiah pui em avangin ka zak a, chu tak chu mahni insitna leh zah avang a khaw eng hmuh ngamlohna ruam ah min hruai a, ka nupui mit a harhfim a en ngamlohna nun ah min hruai tlat ani, zankhat lek rui lo hailo a ka awm chang a, ka chhungkua, ka nupui min hmangaih em em tu te mitmeng a lawmna nasa tak kha ka hai mawlhlo, ka hmuh hmaih heklo, hmureng chung khan ka thisen in alo hriat ṭhan em em damdawi chakna a ti reh pha chuang silo

Thi ila ka nu leh pa ka chhungte tan khan a thawven thlak ka rin vangin thih hlauhna reng reng ka neilo, an nun hremhmun a siamtu hian ka kalsan chuan an nun kha a nawm zawk ka ring miau a, damdawiin a in zaina room kan pan lai te khan ka va harh chiang tak em!!! Ka hmai thisen kai nuaih mai, ka mit thisen in a bual huh zui mai ka nupui kut nem thap in a rawn hui kiang a, amit meng kar a mittui, natna leh mangan na nasa tak kha ka hmu fiah ropui maisi

Engtiklai pawh a a fak ṭhin a Pathian tun a ka Pathian lo ni ve ta, lawmthu a sawi fona leh beidawng ngailo a a auh ṭhin Pathian hming alam mawlh mawlh kar a, kei a pasal thi pawh ni ila a nun nawm huaina tur tih hriat ngawih ngawih min ko mawlh mawlh te kha ka hmu chiang em asin!! Khati chung khan thih kha a ṭhat zawk kala ring fan a, a pum chhung a kan pahnih fa liau liau, a thawk zawng a thaw ve, a thisen hmang a insiam mek Pathian malsawm minpek tih hriat tak chu ka melh ṭawk ṭawk, a kut khur zawih zawih chu vawn let a, "hetiang a ka awm hian aṭha zawk" ti ahrilh mawlh mawlh mai kha ka duh


Mahse kan Pathian hian ka duh hun ah ka nun na ka lak hi alo remti aw zawnglo ani tih ka hrefiah leh zual ani, kei engmah nilo, addict satliah a hminglam ngai reng reng lo hi damna minpe a, mitthi khua ata min hruai chhuakin Pathian nung leh engkim chung a rorel tu anih zia ka nun laktlakloh zet hmang a arawn puang chhuak hi rin chhan ngam Pathian anih zia ava lang fiah si em!!!

Awmlo ata awmtir tu, khawngaih na leh zahngaihna a khat Pathian, nun beidawng tawh te tan leh ruihhlo bawih a tang te tan a Pathian nih pawh zaklo, thinlung leh tih takzet a au tu kut chelh tlat ṭhin tu Pathian Isua Krista chu tun ah chuan zahna leh ṭihna tel lovin, chhuangtakin ka Pathian anih zia ka au chhuahpui thei tawh a, kan chhungkaw Pathian amah ringtu leh bel tu Pathian anih zia ka puang chhuak ngam tawh ani.. "Ka khawngaihna i tan a tawk e, a thiltih theihna hi chaklohna ah asin tih famkimin a awm ni," ti tu Pathian ngei mai kha ka Pathian tiin chhuang tak in kei addict leh nun ṭawp tak nei tawh hian chhuang takin ka puang chhuak ani


A tawp ber atan ka sawi duh chu, Pathian chuan kan thinlung zawng zawng a kan auh hun a nghak ani, i beidawng a, i au emaw iti em ni? I auh dan kha han ngaihtuah ve teh le, kan dil a kan hmulo a, kan vui a kan dem ṭhin, mahse Pathian chuan kan dil apiang hmu tawh ah in ngaitur in minti ani lawm ni

Khawvel hian par ala rawn chhuah dawn chauh, arimtuina i hip ṭan chauh ani, hei ai nasa hian hlimna leh mawina a rawnla chhuah dawn, mahse khawvel hlimna in chatuan a daihlo, mitkhap kar chauh ani tih hi ka sawi duh ani, khawvel kan chen amaw kantih laiin khawvel hian min chen hlauh dah ange..."


Ka pasal mitsen ram muttui hru zauh zauh a thusawi zo chu tumah ṭawng kan awmlo, a sawi chhung zawng khan naupang sawiloh nausen ṭap ri pawh hriat tur a awmlo, kan ngawih ṭhap laiin, "Halleluah, Pathian hming chu fakin awm rawhse," ka nu a rawn au chhuak ṭhawt, kei erawh ṭawng chhuak tur ka awmlo, ka ṭap khur zawih zawih, mahse lawmna vang ani zawk, Jordan Malsawmkima drugs addict vang khan ka ṭap tawhlo, tun a ka mittui hi chu Pathian thlarau in a fa atan a lak Jordan Malsawmkima ka pasal kalo nghah reng ṭhin beiseina nen a ka thlir ṭhin kha ani


Mipui kut beng leh lawmna AMEN pe ri te chu a ri mawi zia hi a hmulo leh ṭawnglo chuan in hrethiam kherlo ang, ka nun a tir aṭangin ka chhui kir, Pathian tan hian enge maw kan nih a min hriat rengfo ni? A malsawmna leh khawngaihna a min chelh reng maile? Tih zawhna bawkin ani ka thinlung luah leh ni


Inkhawm bang ka pasal ke a ding chu a ban ah vuanin ka chelh ran, Pathian ropui zia hmu tu ka ni hi ka va inchhuang tehlul em

(Isuan ahnen ah, 'i rin chuan Pathian ropui zia i hmu ang, ka tilo che em ni?' Ati a.(Johana 11:40)


JORDAN...POV

Ka nupui ka hmangaih em em Pathian in ka tan a aruat dul puar kawh ve lah tawh muhil thaw sek sek chu ka en, ka nuih suk, ka nunhlui ah khan chhuan tur pakhat mah ka neilo, tun ah pawh hian ka thisen hian damdawi kha a chak tawhlo ani miahlo, mahse damdawi ai a chak Pathian thu hian ka hneh zawk ani

Ka nupui muhil chu kuah pahin a hmui sen no chek mai ah chuan ka fawp vawng vawng, " ka hmangaih che," ka ti sep, a rawn nui hak, ka nui hawk hawk, "i muhil emaw ka tia," tih leh a chung ah ka lawn nghal, amut dan siam rem sat sat chuan, "doctor thusawi kha aw," lai deuh chung a atih chuan ka nui hak, "vawikhat atih kha," ti leh ka fawp zauh, ka nghawng a kut rawn suih zawm chuan, "Jordan Malsawmkim ka hmangaih che, kan fa te nen hian," ka mit ah tak em chung a atih chuan nuih sak in, "ka hmangaih lutuk che ka nupui duhtak Lalrintluang," tih leh ka fawp leh vawng vawng.......(Lalpa chuan an kalna turah a hruai thin a, aduhzawng titute chu a vêng thin. Tlu mah sela, an tlu hlen lo vang;LALPAN a kutin a chelh reng si a.(Sam 37:23-24.)

www.storyfb.com mizo story thar englai pawhin chhiar tur a awm reng
A TAWP TA

MIHRING A ṬANG A BEISEINA TLEM LA NEIH CHUAN ṬAWNGṬAI PAWH A NUAM ṬHIN, MAHSE, ṬAWNGṬAI PAWH IN AWMZIA A NEI TAWH LOVANG TI A, BEISEINA ZAWNG ZAWNG TAWP HNU A ṬAWNGṬAI FAN FANNA HI A NI ZAWK LO MAW, PATHIAN RINNA TAK TAK CHU??? (Jordan❤️)


(Ka story te minhlut sak a, minchhiar sak tu te invaiin inchung ah ka thinlung takin ka lawm em em vek ani❤️❤️Pathian zar a kan dam chuan story thar nen lo let vat ka tum dawn nia😍lo dam ula, lo hrisel ṭha ula, nitin Pathian nen midang te tan malsawmna lo nizel rawh u😘😘)

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)