JORDAN By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: JORDAN By Floria laldansangi (Completed)

Unread post by Ngaia » October 21st, 2018, 3:10 pm

JORDAN
By floria laldansangi
13

Zanriah ei zawh ah Jordan'a a haw nghal, ka nau te kan in kar ka hrilh miahlo, an ti ti aṭangin Jordan'a zawkin a hrilh anih hmel, ka inbual zo ṭhut khawmna lam ah chuan ka phei ve nghal, Ely leh bawihtei erawh room ah an awm, ka nau te pahnih ṭhu dun phone khawih mawlh mwwlh bul ah chuan ka ṭhu thla ve


"Duata, V-a, Jordan'a nen kan chungchang hi sawi ka duh a," ka ti sep, min rawn en vat, "ka hna thawhna ah a rawn kal a, a rawn sawi a, diktak chuan a tir kha chuan aw ka pawh teh chiamlo a, addict anihna hrim hrim hi keini ang tan chuan mi min hmuhdan tur nen ka pawmlo viau na, zanin kha kan han in kawm tak ah chuan pawmloh chhan pawh ka nei tawh lemlo," duata (fela) zawkin ka ṭawng leh hma in a rawn ti sup

"Kan school ah a rawn kal a, puitling kan ni ve tawh a, mahni tan a ṭha kan hre vek alawm," V-an a rawn ti ve sup, ka bu nghat, "doctor ni bawk si, engtin nge damdawi te a khawih duh zawk le, a nghawng a hre chiang viau awm sia, mi hausa ho hi hriat thiam an har ka ti," duata bawk chuan a rawn ti sup, ka lo bu nghat nghat, ni ngawt mai, doctor thiam tak ni si engtin nge drugs te a khawih duh reng reng ni, "ka duh vang a khawih ka nia," ati mai sia rilru hah leh eng amaw vang a khawih chu anih hmel siloh a

Kawngkhar rawn ri ah chuan ka tho vat, U Rina kawngkhar bul a lo ding ka hmuh chuan nuih var var in, "teh hlawl che chuan, lo lut rawh," tih leh kawngkhar ka hawng zau, ka piancham tlai bak kha kala hmu leh lo, phone ah tak ngial pawh kan inbe chhun zawm ta lo, enge an chanchin ni ta zel pawh ka hre lem lo a

"E... U Rina chu ilo leng ani maw?" Ka nau te pawh chuan na lo be vat, "nia hei ka rawn lang khat sia, enge inlo an, V-a pawh tlangval tak tak ini tawh lawm le kha," atih zawmzat, ka nau chu nui vur vur in, "nia mawle, nang zawk mo lawm ahnai in ka hria," alo to ve vat, a nui suk suk

"Mate ala hma tho a ka chhuak lawk dawn ania, U Rin lo leng rawh aw," tih leh a tho nghal, "keipawh lehkha zir tur ka nei a ka thawhsan dawn cheu," an pahnih a an kalsawn chu U Rin'an, "an tlangval tawh hle mai, ka rawn lang khat deuh aniang ka mi khual duk mai alawm," nui kur kur chung a atih chuan ka nui ve hak

"Bialnu neih i ngeih cher cher em a tin ni, min rawn hre tawh hleinem," ka tih chuan a ner nung, "chutiang pawh anilo, hna ah kan buai ve lutuk a, bawihtei amu tawh ami?" Tih pah chuan room lam a thlek deuh duk duk, " an mu nge mawni, ka hre biklo room ah an tawm char char mai a," ka ti sup

"Thil hriat ka nei a, tak tak anihloh ka beisei," a rawn ti sup, a hmel ka en vat, chiang zet in milo en, "engmaw?" Ka ti deuh hu, nui lui zet chuan, "Jordan'a nen in inkawp tih hi mawle?" Ati nghut, ka nui hak thung, inkawp ti a sawi tur pawhin rei pawh ala nilo ania, mite thusawi duh dan hi chu amak ani

"Rinte, thudik ani em tih zawh che ka tum a, mahse i hmel ah khan ka zawhna chhan na chu ka hmu in ka hria, mahse engtin nge Jordan'a te angber kher i thlan theih ka hre thiamlo ani," a rawn ti nghut nghut, a aw ah chuan Jordan'a chu a ngainep tih alang reng

"Enge i sawi awmzia?" Ka ti sup, nernawk chuan, "i hrelo tak tak amaw? Sawtiang drugs addict satliah, pathlawi leh nghal te duh reng reng, Rinte i nu kha la dam se chuan a duhpui hauhlo angche," atih chuan ka thaw hak, Jordan'a chungchang a sawi duhdan chu ka rilrem hauhlo, bakah ka nu kha la dam nise Jordan'a tan theih tawp ka chhuah theih nan minfuih zawk ka ring

"U Rin i ṭawngkam fimkhur teh, bakah tu pawn kawngsual chu an dai thei alawm, sim hun ala nei em em ang," ka ti sep, chu hun chu ala thleng ngei ang tih ka ring bawk

"Ilo â hle mai Rintluang, sawi theih ka nei hauhlo tih ka hria, mahse inchhungkaw mil anilo, ani i ngaizawng lo chung pawhin mi hmuhsih in ni sa ania, miin an hmusit zual lutuk angche u tih ka hlauh pui mai che ani," atih leh chuan za lo zet in ka nui hak, mi chuan engpawh lo sawi se, kan thlak danglam theihlo thil ani tlat

"Pathian a awm alawm, kan rinchhan Pathian hian mite thusawi ah minbuai tirlo ania nge," ka ti ve nghat, Jordan'a chungchang a rawn saw dan zawng zawng kha thudiklo a awm miahlo, mahse mipangai leh min duhsak tak tak tu thu min hrilh ah ka ngai thei chuanglo tlat

"A dik alawm, ani kalsan in ka kut vuan leh rawh ti che ila engtin nge min chhan ang?" A rawn ti sup, ka en kawk, engthil nge maw a sawi le? "I sawi awmzia ka hre hauhlo," ka ti sep, a nuisuk, a ṭhutna aṭang a rawn tho chuan ka bul chet ah a rwin sawn, kalo tawlh sawn vat

Ka kut rawn vuan pahin, "bul ṭan ṭha ang Rinte, Jordan'a emaw jenny tel velohna khawvel kan hman ang kha nang nen a hman leh ka duh ani, ni e, ka kaltir che kha ka thiamloh ani tih ka hria, mahse mipa ve bawk ka ni a, kar hla tamtak kha ka tan chuan a harsa ve em ani, tun ah chuan i nu min ngen ṭhin lo enkawl che kha ka duh ani," thutak zet a tih chuan awihlo lutuk in ka en tawp, ka rao mah mah zawk ani, zaktheilo ka tihna alian hle bawk

"I kut bawlhhlawh lutuk kha dahsawn rang rawh," ṭeng zet mai a Jordan'a aw ka hriat chuan ka hawi dawrh, ka lam a rawn oan chhat chhat, ka bul a ṭhu U Rina chu a kawr awm ah ṭham in a pawt tho nawk, amah palian si, a kang awk mai hian ka hria


Hnai lutuk a en chung chuan, "i kâ bawlhhlawh tak leh i kut bawlhhlawh tak hman leh ila duh anih chuan ka hmeichhe lam hawi pawhin rawn nui tawh suh angche," ti hrawkin a nam phih sawk, U Rina chu sofa ah abawk rawk rawk, kei erawh hlau thawng zet in ka ding khur der der

"Jordan nang hian Rintei kalsan tur in minti amaw? Anih leh ka zawt angche, i hmeichhia vang hian i damdawi khawih hi i bansan thei angem?" U Rin'an lehsen zet chuan a rawn ti fak,Jordan'a chhan na nghak chuan thin phu det det in ka melh ran, Jordan'a mitmeng chu atal rawk rawk ni mai in ka hria, min rawn melh zawk, beiseina a khat in ka lo en

"I zawhma chhang tur in ka engmah inilo, chhuak rang rawh," a ti nghut, a chhan na vang a ka thin zawn nat zia hi a hre awm tawp silo a, U Rina chu a rawn nui hak, "hmeichhe pakhat hringnun tih chhiat kha a tawk lutuk ania Jordan, Rintei nun leh zel chu ni lo e, keo hian ka..." A sawi zo hmanlo a thal thuai, ka rak ṭhawt ka nau a rawn tlan chhuak ve nghal, Ely'i pawh hlauhthawn hmel zetin aranw tlan chuak

Jordan'an U Rina kawr awm a ṭham tho leh nawk chuan, "nanghian engtin maw?" Tih leh a hnek leh sawk, ka hlau lutuk chu ka khur zawih zawih, "duhtawk rawh Jordan,"ka ti ṭhawt, min rawn en zawk Urina en leh chuan, "i kâ aṭang a Rintei hming a chhuak leh anih chuan i lei ka pawt dawk ang," ti ngut chuan chhuat ah a nam let sawk, U Rina chu a ka aṭang leh ahnar aṭang thisen a rawn chhuak, pan hnaih ka tum chu Jordan'an ka ban a lo man in alam ah min pawt hnai sawk

"Mipa anih saw a in buaipui thei," tih leh U Rina chu amelh ngur ngur, Ely'i leh ka nau in U Rina chu an pui vat, Jordan'an min kuah beh tlat avangin ka che sawn theilo, pawn thleng an hruai, Jordan'a taksa ṭang ṭung leh pawng ṭawlh ṭawlh chu khur der der in a hmel en tum in ka dak, mit sen ram in minlo en ve chiah, za lo tih hriat zet chuan a ṭhensak bawk

"I kut ana em?" Ka ti sep, thaw hak a sofa a min ṭhut pui pahin, min en vang vang, "na lo," ati sup, a hmel phi ruai mai, ruihnei tihbhriat zet chu ka en, keiai hian damdawi a thlang zawk fo dawn tih ka hria, mahse chuti chung chuan keihian ka kalsan thei silo, reilo te chhung a ka hria, pathlawi, drugs addict hi engtin nge a nuan ka simtir theih ang

"Bawihi," a rawm ti nghut harh zawk ang mai chuan ka en haw, a lo nernung, ahmel nen a inhmehlo mah mah, "ka thusawi i hre miahlo," ati leh nghut, nuih tlawn pah chuan, "tihpalh, enge i sawi?" Ka tih chuan nui nghawr dat a min fawp zauhin, "khapa kha hmu tawh suh angche," ati nghut, a sawi zawng a hmel siam danglam vel ah chuan a ngaina lo tak tak tih alang, keipawh in zanin a U Rina rawn chetdan kha chu ka ngaina hauhlo

Jordan'a haw hnu ah khum ah ka mu mengkar, "Rinte, U Rina thusawi kha ngaihtuah ṭha rawh, Jordan'a hian nang leh damdawi ah hian thlan tur nei ta se, a thisen in a mamawh zawk damdawi ania a thlan dawn," Ely'in a mut hma khan a sawi bawk, ni e, a thlang fo ang, mahse kei nilo in Pathian zawk a thlan hun ala awm em em ang ka ring bawk ani
.
.

"Jordan'a nen an in ngaizawng ani lawm ni? An inhmeh tawk ka ti, addict tih hriat ngawih ngawih lo ngaizawng tawk hi awm ve ania,"

"Nu leh pa an nei tawhlo a, nei se an fa te ngaihzawng atan an duh bik nang, amah pawh saw Singapore ah chhiahhlawh ani ṭhin ani lawm ni? Keichu Jordan'a hian engtin nge aduh theih le ka ti, hmeichhe satliah ve mai ani sia, khum lam ah a thlem thiam aniang," kan customer tleirawl te te ṭawng chu ka hre reng, min nuih zui ar ar bawk, Jordan'a nen kan in ngaihzawn aṭang hmeichhe rawn chawl ṭhin ho tamtak hi chu keimah min hmu tur leh min sawi sel tur hrim hrim a rawn kal an ni mai hian ka hria

"Thil ei tur in nge an rawn kal a, i awmdan entur hian le?" Dawhkan nawk sawk sawk pah a Ely'in atih chuan ka nuih san mai, "helai hi ilo ti fai thei angem?" Tleirawl pakhat in a rawn tih chuan ka pan vat

An ei ruahna plate vel ka khawm rak rak laiin hnai lutuk ah pakhat in ka thla a rawn la, "enge itih a?" Lungawi chiahlo chuan ka ti nghut, ka ding ngil nghal, "Jordan'a bialnu hi an hre ve duh alawm, tinge i phal lo ami? Aho e, mihausa leh milar bialnu inia tiang te chu itawk tur alawm, rilru te lutuk," atih zawmzat zat, a ṭhian te anlo nui ar ar bawk


Thaw hakin, "i phone kha min rawn pe rawh," ka aw chhuak chu a chang viau, school naupang class X zirlai awm tawk lek lek an ni, "i va zaklo ve, ka phone ka pek ngawt chhan tur che ka hrelo, helai a hnathawk satliah ve mai mai," min cho ar a arawn tih chuan ka nui lui hak, "ṭha tak a ka sawilai hian minpe rawh, emaw ka hmuh laiin ka thlalak kha delete angche, chuti anihloh chuan police ka bia ang, midang phal na la hmasa lo in an thla i laksak theilo angbawk in i post darh theilo, chu chu Singapore a chhiahhlawh ang a ka thawhlai a ka hriat anih chu," ka ti fak fak, midang awm ve zawng zawng chuan min en deuh ṭhap tawh


"Buaina a awm ami?" Muana aw ani, "awm hranlo e, ka thla an alo la a, delete turin ka ti anih hi," pangai tak in ka ti mai, "kanlo fiam a, Jordan'a bialnu te ani sia.." A sawi zo hmanlo, "infiam nge fiam lo khita khi CCTV a awm vek alawm, naupang te te chawpchilh a dawt sawi," Ely'in a rawn ti hlak, ka hma a ding hmeichhe tleirawl chu a meng khup lap lap, "i phone aṭang chuan delete rawh, ka dawr ah tiang thil thi a thlen nawn ka duhlo bawk," Muana atih chuan bu nghatin a phone aṭang chuan a delete nghal
.
.
.
Ni a kal ve zel, Jordan'a nen pawh kan in kawp ve zel, sawisel na leh ṭawngkam chhe tak tak ka dawn chang a awm fo, mahse ka tan Jordan'a a awm reng, chutiang bawkin ka unau te leh ka ṭhian ṭhaber Ely'i

"In inkhawm dawn em?" Sunday zing ani Jordan'a zing tlan a rawn lut kawi, kan in aṭang a kawi khat na ah chiah khian an rawn awm, inlian tak ani tih hla deuh aṭang in ka hmu ve tawh, kala kal hnai lo thung

"Khawm dawn e, nangpawh haw la inkhawm tur in min rawn sawm rawh, i intiam vek tawh kha," rawngbawl pawhin ka lo ti hlak hlak, nizan ah alo len khan a intiam ve ngei kha maw

"Bawihi in ah kalo nghak mai angche u," tih pah chuan chair pawt chhuakin a ṭhu thla nghal, a thingpui in tur ka chhawp nghal zat, nui vur vur a milo en chuan, "zingtin ti hian mintih sak tawh la ka ti ngawt mai," ti sup chuan thingpui chu a lem hlak, melh ram ram pahin, "inkhawm tur aw, amak emai, tuman an seh dawn lo che," ka ti leh hlak

Inkhawm ka sawm apiangin chhuanlam a siam ziah, ka hrethiam tho na in tihluih ve deuh angai hian ka hria, "au thingpui ka duh ve," bawihtei tho phang sam hnawk zet a rawn lut in a tih chuan ka lo nuih var var, "Good morning bawihte," Jordan'a alo ti vat, "good morning, kan in ah i riak ami?" Atih chuan ka nui hak, Jordan'a pawhin nui vur vur chuan, "ka riah i phal ami? I hmai va phih la au hian thingpui alo siam angche," tih zawmzat chuan a biang a piai zauh, choka lam bathroom a tlan lut pahin, "au chhang ka duh tel ania aw," a rawn ti lang lang

Ka nau te zing tlan pawn an rawn lut, thingpui ka lo pe ve nghal, "U vawiin chu nangmah ni in va inkhawm mai ta che u, kalna tur kan nei a," duat'an inthlahrung zet a rawn tih chuan ka en vat, "enge intih dawn, inkhawm ban lam ah ti mai ta che u, inkhawm ṭhulh a thil tih chu a chi dawn ami?" Ka tih chuan a nuilui sang, min tlawnve dan pakhat

"Vawikhat inkhawmloh te chu pawi nang," min tlawn pah atih laiin, "ka zui ve dawn cheu ṭhian ka neilo vawiin chu," lalv-an alo ti ve leh, kan unau hi ṭhian han kawm tam em em kan nihloh avangin pahnih thum tak tak kawm bik kan nei, keiphei chu Ely bak hi ṭhian ti a sawi tur ka neilo hrim hrim

"Eng ber maw intih dawn a?" Ka zawhna min chhan hma chuan, "bawihi tlangval an nih tawh kha, ka chhuahsan angcheu, keiman biakin ah chuan ka hruai dawn nia Fela ngaihtuah su i U te chu," tih leh thawh arual nghal, melh ram ram pahin, "inkhawm vek aṭha asin," ka ti hram chu nui hak a ka dar a min kuah pahin, "min thlahla, Pathian ni tuk ah an ang reng ngailo," nuihza aw zet a atih chuan ka nau te chuan pawmpui zet a lo bu nghat chuan, "ni e, malsawm na zingkarlo thei," minfiam pah chuan anlo tih zawm ve zat, an han ṭang rual thiam em em khawp a

Kawngkhar bul thleng chuan ka zui, "inkhawm loh tawp chu a ṭhalo asin," kala ti nang nag, ka dar a kuahna hmer salh chuan, "bawihi tlangval an ni ve tawh a, hrethiam rawh, a reng reng in tukin chu Ely ka va hmulo ve," tih pah chuan inchhung lam chu a hawi deuh, thaw hakin, "ala tho lo anih kha, nizan restaurant ah kan buai sia ani phei chu dar 10 thleng a awm bawk nen a chau ngawt ang," ka ti sep

Nui hakin, "nula mu rei lutuk nupui tlak anilo," fiamthu pah atih chuan hnunglam aṭangin, "awii Laljordan min duh mahla min changlo, bakah kha i hmel khan min support ve thlawt lo," Ely'in duhthawh zet a rawn tih chuan kan hawi vat, sam thur zet in mutkawr lian zet nen a ding chuan Jordan'a chu an melh rum lui a

Nui vur vur a min kuah nghet salh pahin, "heihian a support chuan a tawk viau, bakah Mizoram hmeichhe zat ve hian min atchilh ania, i tel ve chiang e," Jordan'a chuan ati leh ve sup, maktak mai chu Jordan'a hi pawnlam ah leh midang bul ah chuan a ngawi chawi em em, hlauhawm tih tham khawp ani, mahse keini ho bul ah chuan kan rualpui ang maiin a khawsa ve mai, mihausa fapa ani tih ahriat miah ṭhin loh, hei hian amah minduh tir zual nimai in ka hria

"I thaw ve anih chu," Ely'in ti hram chuan choka ah alut zui nghal, nui hak hak chuan, "Ely tak hi chu u aw," ti nuah nuah in ka hmui ah a rawn fawp zauh, "chakna tamtak nangmah aṭang a lak ka duh nen i nau te ho i hlau leh awmsia, ka kal nge ka rawn sawm angche u," mit siai zauh chung a atih chuan ka nenrawng, midang awmlai a min fawh thut hi a ching, ka hau nasa ṭhin a sim ve deuh ta ni in alang

"A thuhrim in Malsawmkim, he lai hi i in amaw iti em ni? Cheng ve ang mai i tam lutuk," Jordan'a kal tur Ely'in a rawn ti leh hlak, an in ngam tawk viau na in Jordan'a hian a hneh ngailo deuh chu ani, "ka in ala ni vat dawn tih hria la Laldinmawi," Jordan'an a rawn ti let ve sap, "chu mo mawnsei kan nei dawn ani maw?" Nui hawk hawk chung a Jordan'a tilui chung chuan ati leh kher, hnar tum dat in, "kher a che, ke in biakin i pan ang," tih leh kawngkhar a pen chhuah a rual, kan nui hak hak, a ngam lo deuh ṭhin chu ani

Jordan'a a rawn thlen leh chuan kanlo in peih at, "in hman tawh maw?" Rawn luh pah a atih chuan kan lo ding vat, ka reiiii lehhh!! A chhiatloh zia chu, a Kamis pawl hak leh kekawr dum dak nalh zet mai nen, vans a bun bawk, a simple in a in hmeh em em, a sam la ro kimlo hnawm deuh chhap te, a hmai fai sar leh hmui sexy tawk chiah te chu ava han tha tak, a palian in a awm pharh hlai zet te chu ka ta vek an ni mai sia, engtin nge he mipa hian min duh theih tih ka inzawt nawn nghal mawh mawlh


"I chil thli atla dawn," Ely'in ka khabe rawn khawih zauh pah a atih chuan ka harh zawk ni mai hian ka hria, Jordan'a chu alo nui vur vur, awiiii!!! Ka zak lutuk tun ah khan mit pawh khaplo in ka en anih chu!!! Khural thei ila emaw ka din na hi rawn pawp thut se pil vang vang ila ka va han duh tehlul em, Lalrintluang i va han che khir thei tak!!!

"Ahh i ho e, kal ang u," lai zet chuan ti chhuak in ka nau ding chu ka kai vat, Ely'i za zet anui chhuakin, "che chukchu thei e," tih leh min kalpel chuan a chhuak nalh, Jordan'a min en reng chu lai zet a en letin, "enge kal ang," tih leh pensawn ka rual, ka ban a rawn man chatin, "Bawihte i U Ely kha lo va zui lawk la," ati sup, ka nau chu bu nghat in a tlan chhuak nghal


Makti zet a Jordan'a en chuan, "eng..." Ka sawi zo hmanlo ka hmui ah duh thawh lutuk in a rawn fawp ngawng ngawng, a chetdan teh thut chu ka meng kawk, ka ham haih lutuk chu chhan mai na chang pawh ka hrelo, "min chhang rawh bawihi," a rawn ti thawp sap, min fawp leh chuan alam a min pawt hnai salhin ka puanbih chhan a ka mawng mipa tam zawkin khal nalh tawk antih ṭhin chu a tham salh, ril zawk a min fawh tak ah chuan duhthawh zet in ka chhanglet ve tawn tawn, he mihring hian min ti â zo ṭhin


Thaw chham lek lek a kan infawh hnu ah, inla hrang hlek chuan sexy lutuk in a rawn nui suk, a kut zungpui a ka hmui tuai zauh chuan, "a tlum tulh tulh mai in ka hria, inkhawmlo in ti hian awm nilen mai ka duh," a tih chuan thawla ham ham in, "awm anglo emai, kal ang min nghah kha," lawi zet chuan ka ti chhuak, ka lungphu ala pangai theilo, min khawih hlek tawh a ka danglam nasa thei lutuk hi ngai a neih tawh tur chu ka ni, mahse ka thei der silo a


"Bawihi," ati sup, a hmel en tum in ka dak chho deuh hâ min en chhuk ve run bawk, a mit ah chuan khawhar na te, hlauh na te, inthiamloh na te ka hmu nawk hian ka hria, nidang zawng a ka hmuh ngailoh a hmel ah mangan na ni awmtak ka hmu tel chu mak ti zetin ka en, "diklo a awm em?" Ka ti sep

Thaw hak a min thlah thawl deuh chuan chunglam a melh deuh vang vang, a taksa rawn pawng ṭawlh ṭawlh chu ka taksa hian rang lutuk in a hre nghal, "Jordan," hlauthawng zet chuan ka ti chhuak, min rawn en chuan amit a sen ram, ka hlauh a zual sauh, " i hria em biakin kawng hi engtia rei nge ka zawh tawhloh tih hi, bakah kei ang tan biakin kal hi amawilo a, mi sawi tur kan ti tam mai mai ang," Ati nghut, a thusawi tum ka man nghal, biakin kal a hreh hle tih ka hre thei, engvang nge zawh ka tum rihlo, mahse hruai thlen ngei erawh ka tum


Min kuahna kut chu phelh sakin hmalam ah kala, nghet takin ka vuan, melh chho ha chuan, "tlanchhe chung a ral bei tu chu hneh in a awm nge nge ṭhin, i ke pen hmasakber na ani tih ka hria asin Jordan, mahse i nun in a mamawh i hriat siloh zawng hmu turin huaisen tak a i din a, i pen angai ani, chutih rualin nangma chakna leh midang ngaihdan ah in nghatlo la, i rinchhan leh i en tur chu Pathian chauh nise ka duh, i kiang ah i kut vuan in ka awm reng bawk ang," mittui khap let sak sak chuan ka ti sep, a tum ve tih ka hria, ka sawm ngun tawh viau, min chhan dan aṭang a rilru ka hneh ve tawh viau tih pawh ka in hria chu ringawt pawh chu a ropui em em ani

Nui lui tih hriat zet a ṭhensak in, "ka tum tih i hriat kha, kal rawhle ka rilru ka thlak leh hma hian," tih zawmzat chuan min kuah kal nghal, a thaw hak, ka rilru in biakin chhung a luh duh nan ka ṭawngṭai mawlh mawlh bawk



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:10 pm

JORDAN
By floria laldansangi
14

Biakin kan thlen chuan Jordan'a hmel chu rum tak ani, ka ti thinrim palh anga min pawt hrep mai ang tih hlauhawm khawp in a rum, biakin lam pan a kal te apiang chuan en zui haw haw pahin an inhrilh ru deuh sar sar bawk, hmeichhe ṭhenkhat an in kheuh ang nawk nawk bawk a, amak ani, ringtu, Kristian, Pathian nung be si ah chuan biakin ah pawh heti hi kan nia, drugs addict emaw ruihhlo ngai hrim hrim te biakin kal kan hmuh a kan sawi zui ser ser ṭhin hi chu a mawi chiahlo ani, an kal ve thianglo emaw tih mai tur in kan en duh a

Jordan'a ke pen chu a tawp chat, Ely chu ka melh vat, ka nau kai chuan biakin lam apan pui nghal, "let leh mai ila bawihi, tiang chuan kan inkhawm tak tak theilo ang," ati nghut chu a kut a vuan vatin, "midang enlo in i kal chhan ah chiangla," ka ti sep, zalo zet a nui suk chuan, " ka kal chhan chu nangmah inia, in sawi Pathian leh heng mihring fel famkim lutuk ho vang nilo hian," a ti deuh nghut, "in sawi Pathian," atih chuan ka thinlung hi a deng dawt ni mai hian ka hria


Pathian a ringlo em ni? "Jordan Pathian hi a awm i ringlo em ni? I Pathian pawh ani ve alawm ti khan sawi suh," ka ti sup, thaw hak a ka kut hmer vang vang chuan, "ka Pathian hian mifel te ṭawngṭai na bak a chhang ngailo a, kei ang in a biak buk in thianghlim ka rah pawh hi a rem tih ka ringlo ani," a ti nghut, melh chho kar chuan, "mifel kan awm hleinem kan sual dan a in anglo mai zawk alawm, thinlung tak a au tu chu Pathian in a ngaithla ṭhin, vuina leh demna a amah au nilo in, lut angle, kan tlai dawn, tih leh pawh ka rual, ka pawt che eih lo leh nghal, ka puanbih leh pheikhawk sang bun hrep nen a


Nui hak in, "a ṭha alawm, mahse ka bul ah ṭhu tlat angche," tih leh min kai nghal dawr dawr, a pen zau nasa mai si, ka tlan dat dat hi ani ber, biakin chhung ah pawh chuan ka kut a hum ran, min khawih lo chung leh ka bul hnai a a awm mai mai chung pawh hian ka taksa a khur ru der der zel ania, a kut hrawl zet mai a ka kut tereuhte a hum bo hmak a, min si chet a a ṭhut phei hi chuan thawk pawh ka thaw ngam ṭhin lo hian ka hria

Inkhawm chhung zawng chuan kan hma a ṭhu te leh kan hnung a ṭhu ho chu an phun sar sar reng, a chang leh kan lam an rawn hawi deuh duk duk hlawm bawk, a ṭhen in Jordan'a chu duh hmel tak tak in an rawn en, biakin chhung ani tih an hrelo emaw tih mai tur ani


"Misual ni a kan ngaihte hi hmusit a diriam ngawt thei kan nilo, keini helai a inkhawm Pathian ring leh piangthar inti pawh hi enge kan nih bik le, kan thinlung huatna leh chapo na te kan upbet mai zawk ani, famkim kan intihna te hi em ni an ni ai kan ṭhat bikna chu nita? Kan zia kan thup vang a an ni ang velo mai kan ni hlawm ani lawmni, chuvangin kan LALPA Pathian khan engtin nge atih, '(luka 5:32) Mifel tak te lamtur a lo kal ka nilo va, misual te lam a simtir tur alo kal ka nizawk,' ati a, achhang,' tih anih kha," chuthu kan pastor in a rawm sawi chuan min hneh ngawih ngawih Jordan'a tan ka ngaihtuah na a vak leh nghal ruai hian ka hria, mahni insitna leh tlinglo a intihna thinlung lian tak ah thusawi se ka ti takzet bawk


Inkhawm bang an chhuak sap sap, ka kut hum ran tu palian zet ka bul a thu ngawi ngar chu ka melh zawk, enge a ngaihtuah ka hre maitheilo, "kan chhuak dawn ami?" Ka ti sep, harh chhuak thut ang mai chuan a hawi vut, min rawn en a bu nghat chuan min pawt tho nghal, a chhuak tur apiang chuan min en haw haw zel chu kei ai mahin Jordan'a hian nuamlo a tih a inkhawm nawn duhloh nan a hmang ang tih mawlh ka hlau


"Daddy," kan chhuah rualin Jordan'a fanu aw sin rat mai chuan a rawn ti lang lang, kan hawi vat, kan sir lam ah hmeichhe nalh tak pakhat in alo kai, a kai tu nu hmel a mak tihna chu hmuh hmaih theih pawh anilo, "mam'a ini tak tak awii, i nih ka ring silo a," ham haih leh mak ti zet a kan lam rawn pan pah a tih chuan Jordan'a chu a rum nghut, bawihtei leh puipuii in hmu chu an in be ve leh nghal bawrh bawrh, sawitur te hi an va ngah vereuh tak em


"Mate," Jordan'a chuan ati sup,"bawihi ka chhang chiah anih hi, mate heihi Rintei," tih pah chuan min in hmel hriat tir, "awii amak e, ka nu leh pa hrilh ka chak tawh, ka pa nuamsam lo chu avan pawi tak, chuan hei chu restaurant ami kha ani maw? Hruaii ka nia, ka unaupa biakin hruai thleng thei tu chu hmeichhe satliah inilo tih ka hre mai, ka lawm zia hi i hrethiam pha lo ang," ṭah nuih deuh uar uar chung chuan min rawn chibai, midang in min rawn en deuh huau huau chuan awm ati nuamlo, nuih let sangin, "a inkhawm ziah tawh dawn alawm," ka ti ve vat, Jordan'a chu alo ner nawng, a awih chiahlo aniang


"Kha malsawma chu i rawn inkhawm ve ani maw? Rinte i va ti ṭha ve, rawn hruai tel ziah rawh, KṬP lam ah te pawh," pastor leh Usanga rawn in zui in an rawn tih chuan kan lo nuih var, Jordan'a erawh angawi ngul, "Kumthar lam chu camp siam te kan tum a, Jordan min rawn tel pui ve ta che," pastor in atih chuan a ner deuh nak, "kan tum angchu," ati tak na a ṭawngkam chhuak ah chuan a tum loh zia mimawl ber pawn an hria angchu


"Karleh rinni hi KṬP hnatlang kan nei dawn a in pahnih in rawn tle ve ula," Usanga chuan a rawn ti vat, "nia kan rawn tum ve dawn nia, Usanga hi chu tluk i har ani," ka ti let vat, Jordan'a hmel tak ngul leh ṭawngkam bul lutuk chu nuamlo anti ang tih ka hlau letling, nui vur vur in, "kan tluk lo zawk che in ka hria hei alang reng alawm, pastor nen hian tih tur kan nei sia kan kalsan angcheu," atih zawmzat, "Jordan rawn inkhawm ziah rawh aw, inkawmna hun te hi nei thei ila a lawmawm dawn asin," pastor in nui sang a atih chuan a nuilui ve suk, "kan tum angchu," ati leh nghut ti em em a ṭawngkam bungrua anei tlem lutuk hi amak ani


An pensawn rualin, "Mam'a i ṭawngkam bul thei lutuk hi chu, Rinte amak e engtin nge i rawn hruai thlen le? Mak ka ti tawp theilo," amak tih zia chu sawilo mahse a hmel ah alang reng, "amak mate, chawhnu in inkhawm dawnloh chuan haw tawh ru, keini pawh kan kal dawn," Jordan'an ka chhan hma in alo ti nghut, ka hawi deuh thuak, awm rengna chi anilo tih ka hria, biakin pawn vel a nula awm ve te chu Jordan'a mit lak tum tak in an rawn thlek leh vang vang ṭhin ka thik reuh emaw ni zawk, awihawmloh hian


"E khai! Jordan'a chu, i rawn in khawm ve elaw?" Kan kohhran durtlang nula chhelo ti a an sawi ni in ka hria, Rami chuan no fahran a Jordan'a melh pah a rawn nek deuh ṭalh ṭalh chuan ka mit alo kham ve ngawt ka thik thu chhe ta lutuk te hi amak ani, thil mak te zing ami ala nizel

"Hip tu alian em alawm," Jordan'an min rawn melh zawk pah a atih chuan Rami chu a ner deuh nawng, "keipawh ni ila ka inkhawm hrim hrim, a hip tu hi a ṭha ve emai," Jordan'a nau chuan alo ti ve vat, mit min rawn siai zauh bawk, Rami lam chu a melh leh kher, nuamlo ka ti letling ka lo nuisuk

"Rintei ini tih ka hre mai, Singapore a chhiahhlawh hna thawk a awm reng tawh kha a dik em?" Rami chuan a rawn ti kher, ka thaw a tawplo chauh, ka hna kha ka zahpui ni lo in tiang kar a asawi chhuak chu ka zak lek lek zawk

"I hre dik chiah anih chu, ila hriat leh zel tur chu kan mo nu ani lo ang tih pawh kan sawi theilo tih hi ani," Hruai'in kha fe in a rawn ti fak, Jordan'an ka kut a hum ran, Rami chuan min rawn melh hrawk hrawk pahin, "mo in duhtui vaklo anih kha," ti nghat chuan in herin mawng sawi lawih lawih chuan a kal nghawng nghawng, "biakin compound tal hi zah ve tur ania," Hruaii chuan a ti hlak


"I ṭha em?" Jordan'an a raw ti sup, ka lo bu nghat nghat, "sawidiklo anei hleinem," nuilui zet chuan ka ti chhuak, Singapore ka awmlai kha ka zahpui reng renglo, ramdang, hnamdang kar ah awmin, chhiahhlawh hna thawk in, mi ei rawh in rawh tih nghak in kan awm a, kan theih tawpin chhungkaw tan tiin kan thawk ve ṭhin, eng ang tak a harsa nge kan tawrh hi a tawng tu lo tan chuan an hrethiam ngailo ang
.
.
.
Ka inthlak zo ṭhut khawmna lam ah ka phei, "au Rinte, ka tui ahal e," puipui'in kan haw tur min ngen tlat avangin in kan hruai haw ve, minla nel phian leh nghal, kum 5 lek si a fing em em mai bawk nen, ka ngai na nghal tawp, Ely lah chuan, "chhang chhe nu ini reng dawn anih hi," ala ti zuk zuk leh nghal he nu nghal fal thei lutuk hi chu


"Aw, lo kal rawh, thingpui kan lum pah ang," tih leh choka ah ka kai lut, bawihtei min zui ve bawk, "keimah chauhin ka ṭhu peih hleinem," Jordan'an ti nghut chuan min rawn zui lut ve nghal, Ely'i erawh room ah a mu, "daddy tinge au Rintei hi i zui reng a?" Puipuii te reuhin a rawn tih chuan ka nui hak, "puipuii i pa leh ka u hi an in ngaizawng alawm," Bawihte'in a rawn tih chuan naupang thusawi mahnise ka lai ringawt

Jordan'an a fanu pawm kang lawp a abiang a piai zauh chuan, "au Rintei hi nu atan iduh em?" A ti sup, an pathum chuan min en ṭhap, ka lai lutuk chu, "thusawi awm anglo lutuk mai," lai zet a ti hlak chuan tui ka chhuang nghal rawk rawk, ala nui huk leh ta nghal


"Duh lutuk, ka mummy anih chuan kan bul ah a awm ve dawn tihna ami, au lawmi pawh ka bul ah amu thei ang tiraw?" A tih zawm zat zat, "tehreng mai, mahse tun ah ni rihlo nakin ah, chuvangin a thu awihtur," Jordan'an a fanu thu a hril mawlh mawlh chu gas lam hawi tlat chuan ka lo lai chhe em em ngawt a hahthlak hian


"Mummy," ka kawng a rawn kuah pah a thawpsap a arawn rih chuan ka phu zawk, "Jordan minti phu alawm, naupang.." Ka sawi zo hmanlo, "room ah an kal tawh, ka awm ve renglai in enge ilo ngaihtuah i tui chhuan a so kang ṭep tih pawh i hre tawp nang," lungawilo aw zet chuan a ti nghut, ka tui chhuan ka en chu a sawi ang tak tak in alo kang zo ṭep ka off vat, engthil nge maw ka lo ngaihtuah le?

"Nangmah vang vek," tih leh tui leih belh chuan ka chhuang nawn leh, gas tui uihawmin he mihring hian minti â tak tak thei ang

Minla kuahbet tlat chung chuan alam hawi turin min kuai her, min nawr sawn dat dat chuan dawhkan ah min nawr bet, a mitmeng dum fiah kak mai a min en reng chuan ka khur chhe leh tak ngial dawn in ka hria, "naupang in min hmu ang," lai zet chuan ka ti sup, nui suk chuan a rawn kun hniam, min thawk khum ham ham, a thaw lum ham ham chuan minti mur er er thei


"Anlo kal hauhlo ang, heihi ka ngai a," ti sup chuan ka hmui hnuailam a pet zauh, a nui zui hak bawk, a sexy zia hi a in hre ve em le? "Ka tui chhuan a so dawn," tih leh namsawn ka tum chu ka hmui chu a hmui in a rawn bawh thuah nghal zat, min fawp tawn tawn, ka chhanglet ṭha kher mai, ka fawp leh ve tawn tawn, a kut ninhlei zet chuan a tihtur a hre khawp mai dawhkan a min hlang nalh chuan, ka hnute kawhlah mai chu ka kawr chhan ah a ṭhawm tawn tawn, ka rum chhuak hak

Ka kawr chhung a zen lut in a kut lawng a ka hnute a ṭham chuan ka taksa chhung zawng zawng hi a mur chhuak uar uar mai hian ka hria, ka hmui a fawhna la sawn chuan ka ngawng ah a fawp, a tukkhum sam ah ka ṭham ngar ngar, ka rum chhuak leh ham han ṭhin Jordan'a pawh chu ti tho, min rawn nek leh salh, a mipatna khawng zar mai ka tawk fuh chiah chu ka ṭek chuai chuai ni mai hian ka hria, "Jordan,"aw lawi rat chuan ka ti chhuak, thaw kawk a alam a min pawt hnai hrawk chuan ka hmui ah na zwt in min fawp nawk nawk, min kuahbet chung chuan thaw ala ham ham, a taksa ṭang ṭung ah chuan a insum nasa hle tih ka hria


Vawikhat mah minla nawrlui ngailo, thui tak tak kan kaldun chang a awm fo, mahse ka thianghlimna chu inneih zan ah ka pasal hlan ngei ka duh, Jordan'a pawh hian min nawr lui ngailo, heihi ka tan a hlutna ti zual tu ani, "ka insum nasat ṭhin zia hi i hria em?" A rawn ri chhuak hrawih, ka nui hak, " hei vang hian alawm ka duh em em che, ka tui chhuan," tih leh ka nam sawn nghal, anui hawk hawk, a vawihnih na atan ka ti kang zo leh ṭep ta


"Nangmah vang vek, in lo law law mai ang ti dawn ila naupang ho," phun nuah nuah chuan ka kawr siam ṭha in adang ka chhuang leh nghal, ka hnunglam aṭang a min rawn kuah a ka dar a khabe nghat chuan ka beng a seh zauh, a kut in ka hnute a hum ran bawk, "bawihi itan ka theihtawp ka chhuah tih i hria tiraw?" Ati sup, ni e ka hria ani a thusawi awmzia hi, damdawi pawh sawi kherlo mahse sim a tum ve tih ka hria ani, mahse a thisen ah zung akaih tawh tlat a, mihring chakna chuan a do zo dawnlo, engtin nge minkuah hlu hlu tu ka mipa hmangaih tan hian Isua thisen hlut zia ka hriat tir theih ang, LALPA minpui lul teh


"Ka hria alawm, ka chhuang lutuk che, Pathian chakna ring in ke pen tumla i thei em em ang," ka ti sep, thaw hak chuan, "Pathian," a nui zui dat, "ka auh lai khan a awmlo a, tun ah pawh a awm ka ringlo ani," a ti nghut, ṭawng tum a ka kâ ka an laiin ka tui chhuan a so avangin ka buaipui nghal

Thingpui kan in lai chuan ka phone a rawn ri, ka pickup rualin, "Hello, Lalrintluangi ani em aw?" Mipa aw tlem a thum ve deuh in a rawn tih chuan ka chhang vat, "i nau ti a in sawi Lalnunfela leh Biakdingliana te tun ah police station ah kan kawl mek a i rawn kal thei angem?" A ramw tih chuan ka ding nghal awt, "maw?" ka ti ṭhawt, Jordan'a leh naupang ho chu an rawn hawi ṭhap, ka au ring bawk aniang Ely'i room aṭang a rawn tlan chhuak nghal


"Aw le, ka hria e," bah nawk nawk chuan ka sawi chhuak, ka naute hlimen park ah an insual an man chu lo ni in, ka nau te pahnih ka ngaihtuah lutuk chu ka tha a rawn khur dar dar, "engthil nge thleng bawihi," Jordan'an min rawn dawm pah a tih chuan boruak tam tham zet ka hip kawk, "ka nau te, police station ah an awm," a ri chang chang ani, pensawn ka tum chu ka tha khur nasa lutuk a ka pensawn maitheilo

"Ely naupang hi lo awmpui la kan va kal ange, bawihi min en rawh, engmah an chung ah a thleng dawnlo, i hrethiam tiraw?" Ka biang tawn tawn a vuan chuan a rawn ti sup, ka bu liam ve na in ka nau te chung ah thil ṭhalo thleng ta se, nilo, engmah a thlenglo ang, ka nau te hi ka ring tawk tumah an ti buai hmasa dawnlo tih


Alam a min pawt a min kuahbet pah chuan ka chhip ah fawp vang vangin, "inbeng dai rawhle, naupang iti hlau ania," aw dam dup a atih chuan ka thaw ham ham, ka thla a muang suai suai tak tak hian nia ka hriat

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:11 pm

JORDAN
By floria laldansangi
15

Police station kan luh dawn chuan ka ding deuh dat, Jordan'an ka kut ah nghet takin a vuan, ka nau te vang hian hetiang hmun hi ka thlen ka ring ngailo, "bawihi tlangval an ni ve tawh a, tha za rual an nia, midang zawng aiin i nau te an nia i hriat chian kha, mi awm mai mai khawih duh tur an nilo," chu chu kawng tluan a Jordan'a thusawi ani, ni e, ka ring tak meuh mai, mahse keini mirethei fahrah tan hming chhiat ana zual bik dawn lutuk hian ka nau te hma khua ka ngaihtuah in ka hlauh in ka rilru ana niber in ka hria


"Lut ila," bu nghat chuan ka pen lut, kan luh rual chuan zu rui au leh police ho in khap ri chu a ri nuaih nuaih ni mai hian ka hria, "ehe! Dr Jordan'a chu enge kan station ah te i rawn tih dawn," police pakhat in zah tih hriat tak mai a a rawn tih chuan Jordan'a an ka kawng ah rawn kuah pahin, "kan nau te inti buai in man ani awm a, kan rawn ngaihven dawn anih hi," ati nghut


Chu pa chu a meng deuh kawk, "tu te nge in nau te hming chu, in hmuh ang hian vawiin ni chu tleirawl insual huai tak tak kan man hnem khawp a," tih pah chuan a dawkan lam apan chu kan zui vat, "Lalnunfela leh Biakdingliana," ka lo ti vat, police pa chuan min rawn en vat in, "Lalrintluangi ini ang maw? Pawi itih loh chuan Dr. Enge in in laichin na ni a?" Jordan'a lam melh leh pah chuan atih zawmzat


"Ka nupui nimai tur anih hi, chuan kan nau te chu," Jordan'an amimal chanchin a zawh chu ngaitheilo tih hriat zet in a ti bul hmuk, kei erawh hetiang hmun hi ka vawikhat kalna anih avangin ka awm anuam thei der lo


"Lo nghak rawh u, lockup ah kan dah a, kan hruai tir a nge," tih leh constable pakhat chu hui zauhin ka nau te chu rawn hruai tur in thu a pe nghal, lockup a an dah chu ka ngaihdan ani derlo, misual tak pawh an ni awm tawp silo a, "lockup a dah kher chu angai amaw ni le? Enge an intihbuaina bul niber?" Lungawilo zet chuan ka ti chhuak, ka bul ah Jordan'a min si chet a din vang nge ka huai sawt in ka hriat

"Pawi ka ti hle mai, dah mailoh chuan an in ban buai reng mai sia, an chhungte ho kan biak pawh chhung cheu kan dah ani," a ti ve mai, ka nau te pahnih leh a ṭhian te panga(5) vel rawn kal ṭham ṭham ka hmuh chuan rang lutuk in ka nau te chu ka pan nghal ruak ruak


An mit ko a kak deuh ve ve, an ṭhianpa pakhat pawh chu a mitko a vung deuh bur bawk, an sualpui te ni awm tak chu pali(4) an ni, an ngeng hmel hlawm em em bakah an mitmeng ah chuan an harhfim hlawl lo tih hriat ngawih ngawih

Ka nau chuan inthlahrung tih hriat zetin, "ilo kal kher a," ati sup, hauh a ben hrep mai la duh ania, an pahnih hmel bakah an ṭhian te hmel a inthiamlohna lang chuan ka thinrim na zawng zawng a hnawt kiang, ṭah khum hrep mai ka duh

"Minti mangang lutuk," ṭah insum zet chuan ka ti chhuak, V-a lam chu ka hawi, en paw min en ngamlo, a biang a khawih zeuh chuan, "i sual hmel lutuk," ṭah nuih pah chuan mittui tlingpam in ka ti sup, a rawn nui hak, "tunge ka fapa chu kut thlak a, tu fa phiangsen in nge khawih ngam," chu aw ṭeng zet rawn chhuah na lam chu kan hawi vat

Kawngkhar lam aṭang hun rei ve tawh ka hmuh tawhlo, ka nau te phei hi chuan an hriat pawh ka ring tawhlo, ka pa farnu neih chhun chu a rawn pen hlawk hlawk, kan sir deuh chiah a ding mipa tleirawl ka nau te ang rual vel, ka nau te nen a intibuai ni ngei tur lam pan chuan, "tu in nge hetiang hian ka fapa kut thlak," police station ani tih hrelo ni awm tak maiin a au in a au


A hawikualna lam ah ka nau te nen a kanlo ding a hmuh chuan a meng deuh kawk, "ka pi in bengdai rawh, i fapa te thiamloh ani tih hre hmasa phawt teh, hei a tihbuipui te chu an ni a..." Police ṭawng zawh hma chuan, "i sawi awmzia chu ka fapa hian mi awm mai mai kut ava thlak tawp itihna em ni?" Bak hlak chuan a rawn ti ṭhawt rum lutuk in kan lam a rawn hawi vah bawk


Keini erawh engmah sawilo in ka Ni in hrosa vel chu kan en kar, "chutiang in ka sawiloh kha, i fapa.." Ka ni chuan a kut chunglam ah phar zauhin, "an buaina bul tak sawi mai rawh hei leh chen ka fapa hian tumah a tibuai hmasa ngailo," a ti ram leh hmak, ka awihlo lutuk chu uak hrep mai ka duh, a in chei dan leh mitmeng rui chha chha tih hriat hluah hluah ah chuan buaina a nei fo dawn tih hriat reng reng ani


"Buaina bul tak chu enge? In hnial buailo khan han sawi teh u," Jordan'an a rawn ti nghut, ka nau te chu an ngawi reng, "hlimen Park a kan leng kan haw lam tur, Richard-a sawn Nunfela hi a rawn cho ringawt a, Nunfel'an ka cho lo che atih hnu ah kan kal pel tawh kha, 'i u bialpa drugs addict khan a duh tak tak i ring em ni? Luk mai mai atan bak a tilo,' tih leh rawn khawih a rual nghal a kan in sual chu ani nghal mai," ka nau ṭhianpa in a rawn tih chuan ka nau chu ka melh vat, Jordan'a hmel chang zet chu rapawm tak ani

"Dawtsawi suh, ka cho ngei chutiang ṭawngkam ka hmanglo," bah nawk nawk chuan Richard-a ka ni fapa ni ngei tur chuan an rawn ti ve nawk nawk, "ka fapa hi dawt in i puh tihna ami? Lalrintluang i nau te i enkawl dan alang hle mai," nernawk pah in a rawn ti kher, enge maw a sawi? Mai mai chuan, "i fapa thiamlohna hriat chu a hreawm anih ka ring, mahse ka nau te hian midang an khawih in an au hmasa ngailo tlat, chuan ruilo hailo an ni bawk," ka ti let ve sak, ani mai mai hian ka nau te ka enkawl dan ah sawi tur aneilo


"Nang.." Ati chiah, "i fapa ṭawngkam mawilo tak kha kan ngawih pui ring suh angche, dan ang in engkim tih ka duh, hremna an hmuh theih ang ang hmu bawk rawhse, fiahna engkim a awm in alang," Jordan'a chuan ati fak fak, ka ni hmaisen tawn tawn chu hmuhnawm hran lemloh, "Dr. I nau te hi," police pakhat in a rawn ti dek dek chu, "kan nau te thiamlohna a awmlo tih a chiang ani lawm ni, kut thawh hmasa tu chuan hremna a hmu ngei tur ani," chang fal mai a ti hrawk chuan min rawn din hnaih pahin, "chhuahsam teh ang u," tih leh ka nau te ho melh chuan min kai chhuak nghal dawr dawr


Station kawt a min dinpui chuan, ka nau te ho chu a en kual, "ta ṭang hian Nunfel kan kalsan angcheu, Doctor Jordan kan lawm lutuk ania," an ṭhian te chuan an ti tliar tliar, khatiang teh tawp a police station chhuahsan pawh chu, midang kal kian hnu chuan, "buaina a fel em ni? Engmah tih kanla nei silo a?" Jordan'a melh chho hâ pah a ka tih chuan, "ka buaipui mai ang, khatiang kha hmu leh hre reg tur in ka duhlo che, Fela i bike in rawn haw la, i nau leh i U chu ka hruai haw ange," tih leh a bolero kawngkhar chu ka luh theihnan a hawng nghal zat, ka hnial buai peihlo, diktak chuan ka ni, keini min ngaihsak miahlo tu hmuh leh inhnial pui kha ka peih bik tlat lo

Kawnglak ah chuan, "V-a insual te ithiam ve ami?" Jordan'a chuan a fiam zauh, ka nau chu nui hakin, "thiam ve mai e, naupan lai ka insual bak chu tun hi ani mai a," a rawn ti sup, ka awm ve avangin a ṭawng ṭha ngamlo tih ka hria, insual lam hi chu sawi vak pawh ka phal lo, "zawhna awm anglo lutuk," kalo ti hlak, nui vur vur chuan, "tlangval an nia," ala ti duh lek leh nghal


Ka nau nen chuan in kan thhleng rual deuh reng, inchhung kan luh rualin Ely'in min rawn pan vat, "engkim aṭha maw?" A rawn ti nghal, bu nghatin, "ṭha e, in hmai dehma tur vur leh damdawi ka rawn la ange," tih leh choka lam ka pan nghal, ka let leh chuan Bawihte'in, "au tinge in hmai kha, ana em, in insual ani maw?" Alo ti zat zat, puipuii lah chuan, "anî chuan naupang sual chiah an insual ṭhin atia," alo tih zawm ve zat bawk, ka nau te pahnih chu za lo zet in an ṭhen sak sak, an khawngaih thlak zawk an inthlahrung lutuk chu


Tui vawt a an hmai kan deh sak hnu ah damdawi kan hnawih leh, "T-bek'a in ang e,"(prison break ami a sawina kha) Bawihte'in a rawn ti chhuak phawng, ka insum hmanlo za zetin ka nui chhuak, midang pawh an nui ve hawk hawk, "ka lo ngaihtuah mek a, an an deuh ka hria a ka sawi chhuak thei silo a," Ely'in a rawn tih zawm zat, kan nui hawk hawk

Jordan'a te pafa haw tur chu ka thlah, "hau lo la aw, an inthiamloh ve em kha, tlangval an nia hrethiam ve la," a ti leh hram, ka nau te a ngaihtuah zia ka hriat hian nuam ka ti, "ka hria alawm, puipuii lo leng leh ziah rawh aw," apa in a pawm, ka piai zauh, nui var var chuan, "nidang ah ka lo mu ve thei ang tiraw inbul ah?" Atih chuan ka bu nghat, "tehreng mai," ka tih chuan Jordan'a rawn kun hniam in, "keive," a rawn ti thawp sup, rum zet a melh chuan, "sofa ah chuan phal e," ka tih chuan a nui hak


"Kan kal ange, chaw ei tui u," tih leh ka biang ah fawp zauh chuan motor ah chuan an ṭhu lut nghal, an tlan liam thleng chuan ka thlir, ka bul ah ani awmlo se vawiin ni khan ka nau te kha awlsam takin an chhuak dawnlo tih ka hria, ka nî fapa kher alo ni bawk nen, ka nau te chuan an hre tawhlo ani ngei ang, engmah an sawiloh dan ah, a pawi tawplo, chhungkhat sawiloh hmel hriat en pawh a min enlo tu laina neih ai chuan a ṭha zawk

Monday tuk hi chu buai tuk hi ani ringawt, naupang school ka tur nen, kan ti ve nak nak hlawm, naupang school an kal rualin keini hna a kal tur in kan insiam, zing lam dar 10 ah hna kan ṭan, tlai zar 4 ah te kan bang, a chang chuan buai zual lai leh staff in daihloh hian zan dar 10 thlen chang kan nei ṭhin

Customer kan nei thei phian mai leh nghal, dawhkan ka nawh mawlh mawlh laiin, "kan inbe lawk thei angem?" Rawn ti tu chu ka en vat, Belinda'i nen ka in hma chhawn ran mai, "ohh hna ka thawhlai ala ni sia, enge pawimawh a awm em?" Ka ti ve mai, hna thawh hun chhung ala nih avangin hmun dang a han kalsan chi ni heklo


"Ka ngai pawimawhlo, keipawh ka hman bik hranlo tih hria la," ner nawk a atih chuan ka thaw hak, a ṭawngkam chapo ai mahin min en dan chu tawrh har ka ti, kan hna thawhna uniform chu uluk lutuk in a en, min en tlang a tum emaw tih hial na tham ani


"Enge ni reng reng a?" Pangai thei angber chuan ka ti leh, min nuih khum emaw tih mai tur in za lo tih hriat zet chuan a nui hak, dawr chhung en kual pah chuan, "helai a sawi i duh te chuan a pawi hleinem, hmeichhe pangai inih chuan ka pasal leh ka fanu hma ah inlan tawhlo la ka duh, i hriat thiam ka ring, kei leh Jordan'a hi kanla inṭhen lo ania, kan awm hrang mai chauh ani, i hrethiam tiraw?" Ati leh fak fak, a thusawi tin chuan min den nat zia chu a hrethiam tawplo ang


Sawi ve mai tur pawh ka hrelo, a ṭawng ring nasa mai sia, hnathawk dang leh thil ei a ṭhu ve dang te chu kanlam an rawn hawi ṭhap, Belinda'i erawh hneh tu inti zetin a hawi vah thung, zah pah vak aneilo tih a hriat ngawih ngawih bawk, "i sawi awmzia ka hrelo ni maitehse, chuan ka hnathawhna hmun ani a, hetiang sawina tur ni in ka hrelo," harsa ti zet a ti chhuak in pensawn ka tum chu kan sir dawhkan a tui in hung chu la lawk in ka chhip aṭangin a rawn leihbaw hawk, ka rak ṭhat, no chu chhuat ah a paih keh nghal chuai bawk, ka ip chawih

"Ti khan ka thusawi awmzia chu a chiang viau ang tiraw? Nangni ang mirethei lutuk bakah chhiahhlawh pension mai mai hian min nam nul tum duh suh, ka sawi tawh ka sawi nawn ngailo, kha ai thui kal i duhloh chuan Jordan'a leh ka fanu kalsan angche," ti tuar chuan min nek sawn lawp in a pen sawn nghal, midang hmai zahlek lo chuan a kal vah vah bawk, ava han nasa in zahna a hrelo lutuk chu angaihsan awm mah mah zawk alawm le


"Awi Rinte i huh vek ania, i ṭha em? Ava han nasa em em ve le?" Ely'in min rawn buaipui vat, midang pawh chuan min rawn kal hnaih nghal, customer an awm avangin ka ṭhat thu kalo sawi vat, "inthlak la haw hma mai rawh, Muana ka lo hrilh mai dawn nia," staff room kan pan tur chu Ropui'an alo ti sup, inthlahrung viau mahila tun ah chuan hna pawh thawkila ka rilru ka pe thei dawnlo

"Pawi ka ti hle mai, buaina ka thlen a," inthlahrung zet chuan ka ti chhuak, ka ṭah a rawn chhuak ṭun leh nghal, khatiang em em a inzahlohna kha ka tawn pawh ka ring ngailo, engtin nge khatiang em em a huangtau ngam pawh ka hrelo e a

"A ho lutuk Belinda'i mizia ve anih kha, hrethiam rawh," nui vur vur chung a atih chuan ka ṭhen ve sak, ka inthlak laiin, "Jordan'a hrilh angche, nasa lutuk, ka pasal te ati vel emaw ni? Zahna hrelo lutuk," Ely'i chu ati hmuar hmuar, kei erawh ka zahna chu thuhran ka rilru ana em em hian ka hria, midang min sawi na chu ka tuar thei mai, khatiang teh fak fak a inzahlohna erawh ka tawng ang tih ngaihna ka hriatloh vang te pawh ani mahna min ṭhawng lutuk mah mah


Taxi la in ka haw vat, in ka thlen chuan duata alo awm teh mial, "iva hma ve?" Ka luhrual a alo tih chuan, "ka nuam vaklo a, hna i kal lo ami?" Tih let pahin ka bag chu ṭhut thleng a theh thla tawp chuan thatchhe zetin ka ṭhu awn nghal, ka chau takzet ani, "kan buai lutuk lo a, ka rawn haw hma daih, damdawi te ei la," atih zawmzat ka lu thing mat mat in, "ka ṭha ve mai ang," ka ti sep

Kawngkhar a rawn rik chuan duata a tho vat, "enge induh?" A tih bul hmuk chuan tu te nge rawn kal ngaihven tum chuan ka ṭhu ngil, ṭhut khawmna lam a rawn pen hnai hmel ka hmuh chuan ka chauh ati zual, vawiin ni chu ka hmangsual nge a diklo hrim hrim zawk


Ka Nî nen chuan kan in melh ta ran mai, "ṭhu ta che u," pangai takin ka ti sep, duata ka bul ah a rawn ṭhu ve nghal, ka nî chuan uluk takin kan inchhung chu a en kual, "inlo ṭhang lian ta hle mai, ka hrelo lek lek che u alawm, inlah in nei nuam si a," mifakna mah nise a hmel ah chuan min sawi el na ni zawk awm ani

"Ava lawmawm ve, enge induh teh mial a," ka ti ve mai, sofa a ṭhu thla pahin, "nimin lam boruak kha a ṭha vak silo a, Jordan'a lah khan case a file mauh mai nen, kan inbiak rem angai in ka hria, mihrang pawh kan nilo a," tlawm nih chu ahreh hle tih a ṭawngkam ah alang reng, mihrang kan nilo tih a sawilai chuan ka nuih a za lek lek

"Jordan'a inbiak angai angchu keini nilo in, ama case file ania," ka ti ve hmak, ka ṭawngkam ngeiawm zia chu keipawn ka hria, mahse mamawh an neih chauh a mihrang mintilo chuan hawihhawm chhuah vak angaihna ka hre biklo

"Nangmah ni nen ania thubuai kan neih chu, bakah i cousin ania ka fapa pawh, unau in tih buai te pawh a zahthlak hrim hrim," ti leh hmak, ka nui lui hak thung, unau maw? Zaklo hian, "Jordan'a nen sawi dun teh u, kei chuan engmah sawi tur ka neilo, ka nau in kut alo thlak ani mahna, keini chuan case kan file hauh silo a," ka ti ve tlat chu ngaitheilo tih hriat zetin, "Rintluang tiang mai mai hian minlo chhawn hauh suh," a rawn ti ṭhat, a mizia tak tak a rawn lang mai alawm

"Hmeichhe fel tak ang a awm te kha bansan teh, case in hnuhdawhloh chuan ka fapa chung ah enge thleng dawn i hria em? I inla Pathian thu viau a, addict hial i kawp ani lawm ni, inremna chu min neihpui maila," a ti ta fak fak mai, mai mai a, tlawm zawk turin minla ṭawngkhum ang zawk a


"Ka fel vaklo anih dawn chu," ka ti ve hmak, min zah bik hleinem, zah vakna chhan tur ka hre biklo ani, ka kum ala naupan vang nge tlawm nih hi ka hreh em em tlat chhan hi ka hrelo ani, retheih viau e tilo hian hmuhsih nih te hi ka duh ṭhak lo


"Rawngbawl tu angmaiin nungchang ti ṭha der in heilek pawh i ngaidam thei lo amaw?" Ati ram hmak, "Rawngbawl tu ka ni hauhlo, mahse ka hlauhber mai chu, ngawlvei te biak phakloh leh zu ruih chingte be hlau em em tu nih hi ka hlauhber te zing ami an ni, chutiang bawkin mamawh neih chauh a laina te hre em em, midang chal delh ran a inremna siam tum mi pawh," ka ti let ve sak sak


Ka thu sawi avang a thinrim hmaisen tawn tawn chuan, "a ṭha alawm Lalrintluangi mai mai che hian, lo kal lo tawp tur kan ni, enge ka tih theih lo en angche," ti hrawk chuan ding hluai in a pen sawn nghal, a bul a mipa awm ve chu a pasal ni in ka hria, ka pa boral a thlan ṭhut ni bak kha ka hmuh awm kala hrelo, ka ni erawh ka hmu zeuh zeuh, min kal pel hmiah hmiah tu chu va hriat phet ka tum lem lo bawk, ka thaw hak, a duh duh chu rawn ti tehse, zahpuiawm lutuk, mihrang kan nilo te ala ti ta deuh deuh leh nghal, unau atihlai phei kha chuan ka nuih hreplo a vannei inti hle tur ani


An chhuah rualin, "enge awmzia, inchhun na kan nei ami?" Ka nau in a rawn ti sup, thaw hakin, "Apa farnu neih chhun anih kha, i hre tawhlo ami, apa boral pawhin thlan ṭhut ni ah an rawn kal ve kha," ka tih chuan ngaihtuah let deuh vang vang chuan, "ka hre deuh ruai ruai, kala te em a ka chianglo, anu te sawi kha chu ka hre ve, ohhh nitak Singapore i awmlai khan an rawn kal tawh anu nen pawh an in hnial deuh tak kha maw," atih chuan ka en vat

"Enge an rawn tih?" Seh chilh deuh chuan ka ti chhuak, ka nu leh zel alo tibuai ania, hre ngatila phone aṭang pawh in ka in hauh pui duh angchu, ka nu a rawn hmusit ngawt thianglo hrim hrim, "enge an in hauhna bul ka hrelo," ti sup chuan, "takin Atei (ka nu nau) an rawn zin kha, patea te chhung te in ah an in nghat anih hmel, zanin lam ah rawn len an tum kha," atih chuan ka bu nghat nizan khan kan inbia, a sawi tak kha maw, thil pawimawh sawipui tur an nei ani awm e, Aizawl rawn pan vang vang chhan ah a pawimawh viau anih ka ringlo, ka thil tawn vel ta lang ah kal mang nghil ta daih a


Zanriah kan ei kham hnu reilo ah Jordan'a a rawn lang, ka ṭhut na lam rawn pan chuan uluk zetin min en, a mitmeng si sap ah chuan ruih anei leh tawh tih ka hre nghal, ka bul a rawn ṭhut thlak pahin, ka kut a rawn hum chat, "i ṭha em?" Ati sup, alam hawi chuan, "ṭha e tinge?" kalo ti let hâ chu ṭhensak in, "vawiin ah restaurant ah Belinda'i alo kal tih ka hria alawm, tlai ah khan engmah i sawilo a," min dem aw lek lek chuan a ti nghut, tlai a kan inbiak khan engmah ka sawilo, pangai takin ka bia, hrilh kher pawh ka tumloh nen, Ely emaw ni lo sawi hman


"Engmah ani hleinem tunge lo sawi leh hman a," ka ti hlak, thaw hak a ka kut hum nghet salh chuan, chiang zetin min rawn en, "bawihi nangmah chauh a an ni ho hi hma chhawn lo turin ka duh che, in mizia a in anglo lutuk an ni chuan engpawh an ti ngam," ati leh nghut, a sawi ang chu ani tih vawiin khan ka hre tawh, nui let var chuan, "a reng reng in ka pasal ala ti che ania," fiam pah chuan ka ti deuh kher, lam a min pawt hnai hrawk a min kuah thlawp chuan, "ani sawi mai mai ah ka buailo, a pasal ka ni ngailo a, ka ni ngai heklo ang, i hria em?" Ati nghut nghut, min kuahna nghet zet chuan ka thaw a ti chham dawn hial ani


"Ka thaw chham dawn minthlah teh, naupang an rawn chhuak ang bakah," thaw chham lek lek chuan ka ti chhuak, nui nghawr dat chuan min thlah dul deuh, "ti hian awm rih ang," ati sup, ka nghawng zawn ah a athaw lum ham ham, ka chhungril a za leh mer mer tawh, thaw dep dep chuan, "minthlah teh, inleng kan nei dawn ania," aw lai lek lek chuan ka ti sep, min namsawm deuh pah chuan, "tu te maw, mipa ami?" Ati nghut, a aw a thikna lang chuan ka nuih ati za ka nui hak, ani nen kan inzui aṭang hian mipa hrim a ṭul fe te anihloh chuan ka be lo ti ila ka sawi dik khawp ang, a thikthu chhiat zia chu rapthlak


"Ani maithei, a pawi vak ami?" Fiam ka chak tlat, "Lalrintluang," a ti deuh hrawk, ka mit ka chhing sawk, kan in ṭhut hniah nasa mai si, a aw thum nen, "amak vak vak in, ka nutei te an rawn zin a an rawn leng dawn alawm," ti hlak hlak chuan min vawn na phelh tumin ka tal deuh phat phat, thaw deuh hak chuan, "mipa chu ti la an rawn pen luh rualin ka theh chhuak nghal ang," a ti tak deuh deuh, he pa tak hi chu, a ti duh leh tak tak mai ang, ka chhang peihlo ka melh vak


"Aawwii Malsawmkim i zaklo e, duh leh inleng chu nei ve bawk angchu, nula, sava thlawk lai anih kha," Ely'in kan bul a rawn kal pah chuan a ti hlak, Jordan'a chu nernawk in, "ka ta chu tuma ṭawmpui ka duhlo," ti nghut in alam ah min pawt hnai nghal zat, a mal ah kalo chum taih, midang awmlai a in hnaih vak a awm hi ka duhlo, mihrang nilo mahse nula kala ni tlat


"I nupui pawh ala nih tawp loh kha," Ely'in ati leh hram, Jordan'a ṭawng tum a ang zuai chu kawngkhar a rawn ri ral ral, "kalo hawng ang," ka nau room aṭang rawn chhuak pah in a tih chuan ka ṭhu ṭha sawk sawk, ka nutei hmuh a in hnaih chet a lo ṭhut kha mawiin ka hrelo, Jordan'a ka melh zawk, Ely'i thusawi kha a lungawi chiahlo tih hriat zet in min melh run, a thu tum vuau chu amah a palian nasa si, anuihzat thlak zawk, ka nuih deuh sun sun chu a hnar tum datin min melh kawk, ka nui hak

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:11 pm

JORDAN
By floria laldansangi
16

Room aṭangin ka nau rawn tlan chhuak chuan, "Ate," tih leh a kuah nghal, Ate'in pawm kan mai atum chu alo rit phian sia, kan nui hak, "E khai! I rit tawh lutuk a ka zo tawhlo che alawm, tirawh ka kai mai angche," tih leh kan ṭhut na lam ah an rawn in kai phei, kan lo pan vat, "keimah ni zawk rawn kal tur kan ni sia, in rawn kal kher duh a," tih pah chuan ka chibai nghal, "i va nula tawh ve hei," pate'an minfiam pah a atih chuan ka nui hak


An rual a rawn kal patea ai upa hret tur chu, "I pa Ṭha'a anih kha mate, kan rawn kal chhan ania," ati sup, bu nghatin, "ka hmu che chu ka lawm hle nai, Atei heihi Jordan'a chuan heihi ka sawi kha Ely'i," tih pah chuan ka in hmel hriat tir, an mipa rawn hruai chuan min en duh riau a hriatna ka nei tlat leh nghal, a sang viau bawk, Jordan'a nen an inchen deuh reng, mahse Jordan'a taksa in phiarfat maichu a tluk lo deuh, bakah upa lam anih tawh nen, a tlangval lai chuan pa te chhetak chu ani bik hauhlo ang


"Ngawiteh i ṭhianpa chu, Pu Hmingthana fapa ini mial lo maw?" Pate'an a rawn ti chhuak deuh haw, Jordan'a ka en vat, bu nghat in, "ka ni alawm," alo ti ve mai, "ka hmu tawh che in ka hre reng ani, doctor inih tak kha maw, Delhi kan kal tum a thlawhna chhung a ka thawkbuai lai in min ṭanpui tak kha, ka hai lek lek che alawm," patea chuan a rawn ti hluai


"A rei tawh deuh em ani, keipawn ka hre tawh hleinem," Jordan'a chuan alo ti ve mai, patea lah chuan ngaihsan hmel fe in a en, a rui tih pawh an hre tho ang, mahse ka bialpa ani hi ka chhuang leh zual takzet, "thingpui kan lum ange kei in," Ely'in a rawn tih tak ah chuan kalo ngaihtuah lo reng reng


"Lehkha zir kala ngai sia kei room ah ka luhsan dawn cheu," V-a pawh chuan a rawn ti sup, "inthil tur kan rawn hawn pawh kan rawn keng phei rihlo, naktuk lam ah rawn len pahin la mai teh u," Ate'in atih chuan bu nghatin room lam a pan nghal, "Atei keiteh min hawn em?" Bawihte'in alo tih chuan a biang a piai zauhin, "nangte chu chiang sa, lehkhazir ila ngailo ami?" Atih zawmzat nernung chuan,"ngaitho e," ati niah niah, kan nui hak hlawm, "va zir la zir zawh ah ilo kal leh anga," atih chuan bu nghatin room lam ah atlan ve nghal mai bawk a

"Kan rawn kal chhan tak chu i pa hi ania," Ate'in a rawn tih sup chuan alam ka hawi vat, tumaw? Pa maw? Jordan'a awm ve chu a sawi tim deuh tih ka hria, mahse mihrang ang in enlo se ka duh, "enge i sawi awmzia, sawi vat maiteh," Atei en pah a ka tih chuan a thaw hak, an rawn hruai pa lah chuan mit tla lek lekin min en ziah leh nghal

"Heihi i pian na pa anih hi mate," ati leh sup, a thusawi chu ka hresual emaw ka ti hial ani, sawi mai tur pawh ka hrelo, ka taksa ṭang nghal ṭeu chu Jordan'an a hrethiam ani ngei ang ka kut a rawn vuan vat, ka hma zawn chiah a ṭhu putar lam pang chu ka en leh, ka pa atih tak ah chuan in an na lai kan nei hial a hriatna ka nei, mahse khang kum zawng zawng chhung a min hre lo tu leh min ngaihsaklo tu anihna a chal ah sawn a inziak ni mai in ka hria

"I thusawi awmzia hi ka hrelo," ka aw chu a ri chang chang, Ate'i chu a thaw hak, "Hriata ( ka nau te pa aw) chhungte nen kan inbia a, heti ngawt a naupang ho awm khawm chu a fuhber in kan hrelo ani, nizan khan min rawn bia a, nimin lam ah insualna ah te Fela te in tel ani awm a, i pa hian an bullam a awmtur in anlo duh ve bawk che nen mate, i nau te ho a Nî ten enkawl an inhuam viau bawk nen in unau tan school kal ṭhat leh na leh thildang zir na chance ani mai a, tiang ngawt a awm hi a fuh in kan hrelo ani," ati charh charh

A thusawi chu hresual ila emaw ka mumang nise ka ti hial ani, awihlo zet chuan ka en tlawk tlawk, engtin nge kan unau chungchang chutiang a thu thlukna anlo siam ringawt theih, ka nu nau ani tak meuh mai, mahse engtia nasa nge ka nu leh pa khan an tawrh, sawng ka pa tui thlar tu te, ka nu mo atan a pawm ngailo tu te sawn tun a hnu ah ka nau te rawn enkawl an tum amaw? Chuan ka pian na pa lehzel pawn, tiang em em hian mihring hian zah an hrelo ang tih kalo ngaihtuah ngailo

Ka hma a thu mipa chu ka en vang vang, "ka hming i hria em?" Ka ti sep, ka thinrim lutuk vang nge ka aw chhuak te chu a khur lek lek, nuisuk in, "ka fanu inia lawm ka hria angchu, i lungawilo hle ang tih ka hria alawm, mahse inu..." Ka kut chunglam ah ka phar chhuak hluai, ka nui zui hak, a zat vang erawh ava nilo chiang tak em, ka mangang lutuk nuiza te pawh ani mahna


An vai mai chuan min en ṭhap, ka nau duata hmel hlauthawng deuh chu ka hrethiam, ani pawh hian a Nî te lam a awm chu a hlau ve hle ang tih ka hria, mahse engmah chutiang thil chu a thlenglo ang, ka thawk ṭek ṭek chhung chu ka nau te hi ka enkawl thei ani


"Kei erawh in i hmel sawiloh i hming pawh ka hrelo, i fanu maw? Khang kum chhung zawng zawng khan fanu inei tih hre chungin, 'enge a an ang? A lehkhazir na ah rual a pawl em? Enge a hriselna a an?' Tiin vawikhat te pawh min rawn ngaihven em? Aih, iti hauhlo, fanu maw? Pa maw? Ka nu in kan school kal theih nan theihtawp a chhuah lai khan khawnge i awm, ka school fee tur rilru hah tak a a ngaihtuah lai khan, 'hei te hi,' i rawn ti em? Aih iti hauhlo, kan nun khaw chhuah nan zu a zuar a, khawngaih dil a a ṭhingṭhit ngawih ngawih lai leh thlasik khawvawt hnuai a kan unau min vahvaih pui lai khan khawnge ka pian na pa chu a awm? Khawiah mah i awmlo, mit thi ang maiin i reh a, i hmel sawiloh ila dam ve em tih pawh ka hriatloh kha tun ah i bul ah chengin ka nau te kalsan turin min hrilh amaw? Mihring ini ngai anih chuan zak ngawih ngawih tur ini, Ate engtin nge heng thu te hi i sawi theih zawk, ka nu tuar na zawng zawng kha midang ai a hre chiang tur ini, Pa din hmun ropui zia hi i hrelo ani, kei chuan ka nun ah hian PA pakhat chiah ka nei, chu chu Lalhriatkima ani, ani chuan a ei ai pawh minpe phal asin, a chhungte tui thlar tawk hial in ka nu nen khan min tuam hlawm, Pa hlutna i hre hlawl lo ani," a au in ka au, ka sawi zo chu ka thaw hlawp hlawp

Ka zawi hnak, ka ṭap khur ngar ngar bawk, tumah an ṭawng lo an ngawi ṭhap, ka thinrim na leh ka pian na pa ka hmuh hun ah ka sawi ang ka tih zawng zawng ṭhin kha ka au chhuah pui a, ka thawl hawk ang chu tih nak alaiin ka thaw a ip pik tulh tulh ni mai hian ka hria

Pate'an aw thian deuh kharh khar chuan, "mate in unau tan a i nute'in a ṭhat arin vang chauh ania, i ngaihdan chu a dik khawp mai," a rawn ti charh charh, ka nutei pawh a in hnit hlap hlap, "kan thu ngai changlo a ngaihdan inlo siam tawp chu a diklo khawp mai, chuvang anih chu ka Nî pawh alo huang tau em em ni," ka nau in lungawilo tih hriat fe chuan a rawn ti ve nghut


"Bawihte, sawi tur pawh ka hrelo, khang kum chhung zawng khan rawn be pawp tur che ka nih laiin," ka hma a thu mipa chu ṭah aw lek lek in arawn ti ṭuak, en pawh ka en peihlo, mifel famkim ka nilo, ka hma a ṭang hian bo vat vat se ka duhber, "iti chuang hleinem ani lawm ni, i nupui leh i fate nen in hlim a, indam anih chuan chu bak ngaihtuah suh, kei erawh ka nu ai awhin ka nau te ka enkawl ang, chu chu ka duhber ani bawk," ka ti ram hmak

Ka dar ah Jordan'an min kuah ran, midang pawh ka hmaizah zolo, min kuahloh chuan ka khur chhuak tak tak dawn in ka hria, "mate i ngaihdan tur ka hrethiam, naupang chhia in ni tawhlo a nawrluih che u ka tumlo, in unau a tiang a awm induh pawhin ka hnial chuanglo che u, mahse intan aṭhat ka rin vang ani," Ate'in in hnit deuh hlap hlap a arawn tih chuan sawi leh tur chuang pawh ka hrelo, Jordan'a awm ah chuan ka hmai ka phum tlat, ka hma zawn chiah a thu "ka pa" ti a inchhal mihring hi ka hmu peih thlawt lo ani ber, ka mit sir in a hmuh chu rilru nat hmel tak a min en ngawih ngawih chu ani


Chutiang a min en phei chuan ka thinrim zual sauh in ka hria, na tur anilo, khang kum chhung zawng pawh ka awm ve tih hrelo in a nun a hmang a, tun a min rawn khawngaih thar thut angailo, ka duh heklo

An haw tur pawh chu ka thlah liam peihlo, Ate'i pawh ka dem lek lek, ka hriat ah ka nu khan a hminglam pawh aduh lo tih a hre chiang hle si a, engtin nge khatiang ngaihtuah na te kha a put theih zawk, ka nu ka ngaihtuah chhuah chuan ka ṭah a chhuak zual, ka mittui a rawn hnam ṭiam ṭiam, "ṭap rawh bawihi i thawl hawk mai ang," Jordan'a chuan a rawn ti sup


Engmah sawi thei heklo chhuak lutuk in ka ṭap chhuak, tu nge awm a tu nge hria tih ka ngaihtuah theilo, ka ṭap hawm hawm ani ber, ka in lainat hluah hluah, vanduai bik leh kalsan leh duhloh ah ka in ngaihna chuan mintuam hlup hlup ni mai hian ka hria, nghet takin Jordan'an min kuah, ka hnungzang chu dam zet in a chul hliau hliau


Duhtawk a ka ṭah hnu ah min namsawm deuh chuan, a kut phah hlaizet a ka biang tawn tawn a rawnvuanin ka mittui chu a kut zungpui a rawn hru hul pah chuan, "i bul ah ka awm reng dawn alawm, bawihi chaktakin awmrawh, i nau te innghahna ini tih hriala, ka chakna ini bawk, ka kalsan ve ngailo angche," rilruih mai a atih chuan min hneh ngawih ngawih, ni e tumah ka mamawh lo, ka kiang ah ka unau te, Jordan'a an awm phawt chuan khawvel pawh hian min hnung chhawn mahse ka hlau lo ang


Ka hmui ah dimte a rawn fawp in, "ṭap tawh suh aw, i mittui tla ka hmuh hian ka he lai hi ana ve ania," ti leh sup chuan ka kut la kangin a lungphu zawn ah a nghat, ka ṭah nuih hak, "ka â tiraw? Pa ka awh ngawih ngawih ṭhin kha tun ah ka hma ah a rawn in lan ta cheng a, kalo hnawt bo leh ta si a," ka ti chhuak ṭuak, a hmel kha ka mitthla ah a rawn lang nghal, ka nu hmel a rawn lang zawm zat ka mittui bawk a rawn hnai leh kuar kuar


"Hey, min enteh, iti ṭha lutuk, mahse i pa anihna abo chuanglo tih hriala, a bul a cheng kherlo pawh in a fanu ini dawn tho alawm," a thusawi chu hrethiam se minti tih hriat takin ka mit ah a en kar bawk, ka thaw hak, ni e, a thisen ka nihna a bo chuang hauhlo, mahse tun ah rih chuan ka pawm mai theilo ani

Alam a min pawt hnai salh a min kuahbet chuan, ka hnungzang chul hliau hliau pahin, "ka hria alawm, a harsa tih, in nawr lui suh, engtik lai pawhin i kut ka vuan tlat ang," ti sup chuan ka chhip ah a fawp vawng vawng, ka thla amuang in ka ring takzet, he mihring hian min venghim tlat dawn tih ka chiang em em ani

Zinglam ah chuan hna pawh ka kal peihlo, Ely'i bul ah ka nawmsam loh thu lo sawi maitur in ka hrilh, ka nau te school kal vek hnu ah sofa ah chuan zawi zet in ka mu, Lalduata hna akal biklo, in ah kan pahnih in kan awm dun, nizan a thil thleng kha kan sawi chhuak tawhlo hrim hrim, ngaihtuahloh tawp ka duhber, nilengin ka mu zawi nguai nguai ani ber


Kawngkhar a rawn ri ral ral, mu zawi hniang chuan, "duata hawn sak maiteh, ka tho peih lo," ka nau choka a awm chu ka au lang lang, "enge in rawn tih leh dawn a?" Ka nau aw changzet ah chuan tu te nge rawn kal en tumin ka ṭhu chhuak, ka nî leh a pasal ṭhut khawmna lam rawn pan chuan engmah sawi set set lo chuan ka hma chiah ah chuan a rawn ṭhu thla tharh, a che zia hrim hrim chu ka huat tawk a tling vek nimai hian ka hria


"Nizan lam ah i nutei te nen in sawidun tawh tho in ka ring a, naupang ho kan enkawl tur chungchang ah khan," ka ṭawng hma hma in a rawn ti nghal zung zung, nimin aṭang khan engkim hi a diklo vel vek, min hmet chau hluah hluah, "i hriat tho chuan ka nau te ka enkawl theih zia leh ka duh dan i hriat ka ring," ka ti let ve hmak, a nernawk


Ka nau ka bul ah a rawn ṭhu thla ve nghal, "thil hi a harsa zawngin engmah la suh Rintluang, itan leh i nau te tan anih hi kan tih, court kan thlen kher hi angailo ania," ati ram leh hmak, mai mai chuan an duh duh court chu thleng se la ka hlau ther te hleinem, ka thin a sa zak, a ṭawngkam min chal delh ran te chuan ka thin ati rim hluah hluah

"In duh duh court ah chuan thlen ta che u, mahse heihi hre rawh u, ka lak ata hi tuman ka unau te hi inla sawn dawnlo, naupang chhia an ni tawhlo duh thlang thei an nih bakah ka nu hnute tui leh thisen man kha in rul thei anih ngawtloh chuan he kan in chhung aṭang hian engmah in khawih che lo ang," thinrim aw khur dar dar chuan ka ti chhuak tuar


"Ka nî inti awm anglo khawp mai, ka pa boral leh vakvai a kan awmlai in dere pawh in min ngaihsakna inti langlo, keini chuan ka u thlazar hnuai a awm hi kan duhber, puitling ka nih ve tawh ang in ka sawi anih chu," ka nau in a rawn ti ram hmak


"Rintluang itan alawm kan tih, Lalnunfel i nu leh pa kha rawn sawi chhuak reng reng suh, kan buaina bul leh bal engmah in hrelo, naupang mai in nih hi, i pa khan kan remti lo chung kha i nu, nuthlawi fa nei tawh kha neilose tiang hian in retheih tawp nang, Rintluangi pawh i pianna pa te'n rawn lak che antum ani lawmni, unau in nihna a bo dawn chuanglo, naupang hlang ringawt hetia awm ringawt chu thil nihdan tur pawh anilo, school te inluh ṭhat leh vek kan duh a," a ti hmuar hmuar

Awihlo lutuk chuan ka melh ngawt ngawt, ka thinrim lutuk chu ka khur chhuak hial thei, khang kum chhung zawng zawng khan kan chhungte sawiloh hmel hriat en pawh a min enlo khan tun atak a Ni leh pi leh pu leh Pa ṭha ber rawn nih antum chu amak zawk hial ani

Enge an rawn tum chiah ka hrelo na in an duh ang ngawt chuan engmah a thlenglo ang, ka pa ruang ni pawh nilo, a thlan ṭhut ni bak pawh rawn lawrlo khan keini unau ṭhat na tur tehlul hi an ngaihtuah dawnlo, bawihtei phei chuan tute nge an nih pawh a hrelo, keini unau thum pawh hian ka pa thlan ṭhut ni a kan hmuh bak ka pa laina hnai te hi kan hmuh ngai tawhlo ti ila a dik ber ang, khawlai a min hmuh pawhin hmelhriatloh en in min en in min kal pel tawp ṭhin kha ania


"kan unau in kha leh chen kan in enkawl tawh, nangni puihna chhe te pawh tel lo hian kan awm thei, kan in aṭang hian chhuak vat maiteh u," ka ti khur hlak hlak, "engpawh rawn ti rawh u, naupang duh thlang thei kan ni tawh, inthil tih zawng zawng leh min haider dan ngaihtuah phei chuan engmah rawn sawi ngam tur in nilo," ka nau in a rawn tih zawm ve zat


Ka ni pasal chu an rawn luh tirh aṭang ala ngawi char char, mi sawi hi a dik ani tih ka pawm nghal hmiah, pasal chhungte pawh mil lo leh pasal te duh duh a kawk kual ṭhin an tih kha maw!!!


"Mai mai a che u, in hma khua ngailo ila kan rawn kal tawp lo ang, court kan thleng anih chuan nangni naupang mai mai hetiang a awm kual vel hi dan hian a phal dawn lo ania, Lalrintluang ka vah nu ini velo na chungin ka nau khan a fanu ang tak tak in a hmangaih che a, itan a rawn ti kan nih hi, drugs addict ila kawp kual sap vei nen, mi pawmlai an la ti zui emaw ni, khawlo reuh lutuk," ten hmel zet chuan a ti phiar phiar, a thusawi chu haider tum eng angmah ila Jordan'a hmer zawng a ṭawngkam a chhak chhuak chuan min khei zak, haider mai mai theih lah mi heklo


Mittui tling pam chuan ka melh ngawih ngawih, "chhuak rawh u, i duh duh chu rawn ti angche, mahse hrereng rawh, in vah te tan hian engthil chiah nge in rawn tih ve tawh, an tan chithlum pakhat pawh inla leisak em hleinem, thu in nei awkawnglo ania, bawihtei tak ngial pawh hian nangni nge a thlan a kei hi kan en ang, lalduat theh chhuak rang rawh," a au in ka au aniber


Ka nî chu a ṭhutna aṭangin thinrim zet in a rawn ding hluai min rawn kawk sawk sawk pahin, "ve mai mai a che Lalrintluangi, mi zawng zawng in tunge i kawp a i inchhung a i luh tir hi an hria asin, ka vah te hi nang ang mihur naupang tê a addict leh mi pawmlai ngaizawng mai mai in an enkawl ka phal aw zawnglo mai, ka vah te.." A sawi zo hmanlo

"A tawk ka ni, ka unaunu anih hi i kawh sawk sawk mek hi, ka farnu khatiang a i ṭawng khum tur khan engdik na mah ineilo, i vah te nih pawh kan duhlo, naupang ho rawn let hma in i nupui hi chhuahpui rang rawh," ka nau in a rawn ti hrawk, ka ni pasal ṭhu ngawi kur chu amelh hrawk, ka ni lam chu hmaisen tawn tawn in a melh leh, a aw chu ṭeng tak ani, chutiang reng reng a ka nau thinrim chu kala hmu ngailo, a bek pawng ṭawlh ṭawlh leh khabe ruh che ṭalh ṭalh ah chuan a thinrim insum zia alang hluah hluah


"Court chu in thleng ngei dawn nia, chuan Rintluangi hian mipawmlai ngaizawng nilo in pathlawi addict ani angaihzawn ni, ka nihna ka hailo a, mahse dawt a inrawn puh avangin ka ngawih bo pui ring suh angche u," kawngkhar lam aṭang aw thum zet rawn chhuak ah chuan kan hawi dawrh, bawihtei kai chung a Jordan'a rawn pen lut chu mittui kar aṭangin ka en ran


Ka bul a rawn ṭhu in ka kut a ran hum vang vang, kan unau chu kan awmkim ta ṭhap, Jordan'a rawn thleng chu ka thla amuang nghal suai suai hian nia ka hriat "chhuak tawh teh u, thinrim a kan in nawr chhuah hma in," ka chhang chiah chuan a ti leh nghut, Lal V-a chuan thilawm ze hrelo zet in a hawi hru hru, bawihtei pawh kan boruak chu mak tih hmel zet in a meng ker


"Au i ṭap ami?" Bawihte'in a rawn tih chuan ka malchung ah ka pawm vat, nghet lutuk in ka kuah, ka nau te hi ka hmangaih vek, tuman minlaksak ka phal lo, an tel lo hian ka dam zo lul lo ang


"Ṭap lo e, au kha a dam vaklo a," ka chhan hma in Jordan'an a rawn ti sup, ṭawng chhuak thei pawh ka nilo, ka nau te ho hmel ka en kual hian ka rilru ana vawng vawng, ka ni chu ka melh zawk, alo nernawk nawk, "kan rawn kal leh ang, ti rawh duhtak kal teh ang, mite lo sawi kha a dik anih hi," tihel zet chuan ti nghut in kawngkhar lam a pan nghal hawh hawh, kawngkhar an thlen hma chuan, "kan inchhung hawi zawng pawh a in rawn nuih tawhloh ka duh ania," ka ti hrawk, thinrim tih hriat zet a rawn hawi let chuan, "lalrintluang ka vah te hi ka rawn hruai thuai dawn tih hria angche," ti tuar in a pen chhuak nghal hmawk hmawk, pasal chu hawi vual vual in a chhuak ve mai bawk


An chhuak chiah chu ka thaw hawk, ka taksa ṭan zia ka hre chhuak ka na urh thei, "V-a inau hi lo va inthlak pui ta che," Jordan chuan a ti sup, bawihtei ka pawm chu, "au hi hahdam lawk rawhse aw, lehkha lo va zir ula, eitur kan hawn kha kan ei dawn nia zir zawh ah," atih zawm zat, ka mal aṭangin bawihtei chhuk chuan min en leh vang vang, "au mi in an hauh che chuan au duata hian a chhan dawn che tih a sawi a, au V-a pawn," a rawn tih chuan ka ṭah nuih hak, midang pawh an rawn nui ve huk, ni e ka nuṭâ te hian min venghim zel dawn tih ka hria


Bu nghatin, "ka hria lawm, inthlak la lehkha lova zir rawh aw," mittui khap let fak fak chuan ka ti chhuak ṭuak nui var var chuan room lam apan nghal, ka nau leh Jordan'a ka bul a rawn thu hnai chuan, "mate rilru ti hah suh, naupang chhia kan ni tawhlo, engmah a thleng dawnlo ania," a ti sup, bu nghat nghat chuan, "ka hria alawm, mahse bawihtei chauh pawh hi min chhuhsak ang tih ka hlau," aw lai rut chuan ka ti chhuak, ka ṭah a rawn chhuak zual sauh, ka nau in ka dar a rawn hmer salhin, "i unaute kan nia lawm, khangho khan engmah an ti theilo," seh chilh zet chuan ati hrawih, ka bu nghat

Ka nau tihtur aneih avangin a chhuak, zanriah buatsaih thei ka nih tawhloh avangin Jordan'an eitur a order tawp, bawihtei lawm ah atla zawk a lawmawm, kan in hauh buailai vel a an awmlo chu lawmawm tak ani, khatiang thil hre tur khan ka duhlo, "U zanin chu ka ṭhianpa birthday ania, ka kal ve zawk thei ang tiraw, ka rawn haw harlo ang," V-an a rawn tih chuan ka bu nghat

"Zu te i inve ange aw V-a, fel deuh a awm tur, tleirawl tha za rualin nia buaina ah te intel ange," ka ti sup, tleirawl tha za rual an ni, mi fate angin buaina tawkse kan chingfel mai mai dawnlo tih ka hria, kan vanneih em em na chu kan unau hi tleirawl sual antih ang hi kan nei vaklo, Biakdinga ber hi a chang a han ngen chang leh thusawi ngaihthlak ṭhat duhloh chang anei zeuh ṭhin lalduata hian hrethiam takin khauh tak siin a hrilh mai zel, ka thu pawh an awih viau, Pathian malsawmna ka tilo theilo ti kawng zawng ah hi chuan


"Teuhlo mai, lehkhazir kala duh dawn sia haw pawh ka rawn haw tlai lo ang, ka va insiam ange," tih leh an room lam apan nghal

Ka phone phawrhin ka pu te (ka nu pa zawn) te ka call nghal, vawiin tlai kan buai neuh neuh lai khan ka naute ho thil tur an rawn thawn kala be miahlo, chanchin hrilh tur pawhin, "indam tlang maw pu?" Phone alak rualin ka ti nghal, "dam alawm, nangni zawk," aw ki zang vah a rawn tih chuan, an thil rawn thawn kan hmuh thu leh vawiin lam a ka ni rawn kal vel ka hrilh malh malh

"Mai mai chuan Lalveni chu ava zaklo ve, chhungkaw neilo angmaiin a chhuah che u alawm, ka tu te in nia, keini kanla dam chhung chu engmah an rawn ti hauhlo ang, lung ngai reng reng suh, kha leh chen an ensan che u a, tun ah in inhmun, in indin na kha inhmun manto ani tawh tih an hria a an rawn tharthawh mai mai anih chu, Mizoram rawn let ngai pawh nise kan rawn chho mai ang, zak theilo chhungkua lutuk," ka pu chuan a rawn ti hmuar hmuar

"Lungngai reng reng suh bawihi, i pi leh pu kan la dam hi, i naute chu nangman i inhuam phawt chuan i enkawl em em ang, duhleh kan thlazar hnuai ah pawh in awmthei," ka pi in a rawn ti ve lang lang, ka thla amuang suai suai thei, kan pian na an nilo, mahse kan vahrawlaih lai, engmah kan neihloh lai pawh a ka nu leh keini hmangaih tak a minlo tuam hlawm tu te an ni, kan pian na pi leh pu te ho ai chuan min hmangaih zawk daih tih sawilo mahila kan hre ve tlat

Kan inbiak zawh rual deuh thaw in Jordan'a leh a fanu puipuii rawn in pawm lut ve chiah nen ka lo nuisuk, zanriah ei kham khan an rawn ko a, a haw zawk, tun ah a fanu rawn hruai in a rawn let leh nghal


"Au rinte, au lawmi a awm em? Ka ngai lutuk a," a rawn ti lang lang, "bawihte au nilo in engtia koh tur nge ka tih kha?" Jordan'an alo ti sup, engtin nge minko se atih le? Puipuii chu a hmui ti pawrh tarh chuan, "mummy tih tur," laizet chuan a ti sup, rum zetin Jordan'a chu ka melh, ka lai ve ngawt pek leh nghal, awm anglo lutuk chutiang naupang te zirtir, nui vur vur chuan mit min rawn la siai khum zauh zui, chimawm lutuk mai


"Puipui i U lawmi.." Ka sawi zo hmanlo, "au puipuii alo kal maw?" Atih rual deuh thaw in kan bul arawn thleng nghal, an ri nghal chul, "ka room ah lo kal rawh, apu ten thil minlo thawn a, nalh hlawm lutuk," Bawihte'in puipuii kai pahin a ti lang lang, an inzui lut chu nui ṭhu chuan ka en, ka nun anti hlim takzet, puipuii anu in a kalsan dan leh tun hnu a a fanu lak a chetdan ka ngaihtuah leh ka hriat hian ka lainat takzet

Ka hnunglam aṭang a min rawn kuah thut chuan, ka phu deuh zuk, thaw hakin, "ka awm ve tih pawh i hrelo, naupang chauh thlir reng suh," a rawn ti nghut, nui nghawr dat chuan, "naupang pawh chu i thik tihna em ni?" Ka tih chuan a rawn nui ve hak, anuih rik hian hriat anuam ka ti, ka chhungril zawng zawng hi a fan chhuak ṭhin hian ka hria

A lam hawi tur a min kuai her chuan, ka kawng ah kut suih zawm in amah si chetin min pawt bet, a mipatna khawng zet mai chuan ka dul ah a do ran bawk, ka thaw kawk, ka danglam hma lutuk hi amak ani

Ka sam hma tla chu ka bek a hui in ka hmai tlang a zut riak riak, "bawihi naktuk chu zanriah kan in a ei turin ka chhung ten an sawm che a," ati sup, kei erawh ka meng kawk, "maw?" Ka ti haw, a nui suk, "ka nu leh pa ten hmuh che an chak a," atih leh chuan inlak hran ka tum nghal

"A chiloh lutuk, i nu leh pa maw? Jordan, engtin nge ka hmuh ngam ang?" Ka ti tak tak, an ni ang mihausa lutuk te, ka ngaihtuah zawngpawh in ka ṭim ur ur thei

"Min enteh, mipangai ve mai alawm an nih, i bul ah ka awm tlat dawn alawm," ti sup chuan ka hmui hnuailam a rawn pet zauh, ka thaw hak, "minlo duhlo tase," ka rilru a awm hmasaber ani, kei ang engmah neilo leh fahrah hi an fapa hmelṭha lutuk tan hian min it lo tawp ang

Nuihzat hmel zet a min en chhuk run chung chuan, "keiai mahin an duh angche tih ka chiang," ti sup chuan min fawp vawng vawng, inla hrang hlek chuan sexy lutuk in a rawn nui suk, a kut zungpui a ka hmui tuai zauh chuan, "he hmui hi ka kham thei ngai dawnlo anih hi," ṭhensuk a ti in min fawp leh zauh, a nui nghawr dat bawk


(Aw le, tun ṭum ka story chu Chapter ka rawn dah deuh zut zut mai a, ka edit hmasak a piang ka rawn dah tawp aniber, karleh aṭang hian duh angin ka online thei tawh dawnlo a, laklawh deuh a chawlhsan cheu ka hlau ve lutuk a chuvang ania, duhsak tak a sawi ngailo a, advertisements min click sak zel a ka lawm lutuk bawk e❤️😘😘)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:11 pm

JORDAN
By floria laldansangi
17

Jordan'a a rawn thlen chuan kalo in peih at tawh, nilengin hna ah pawh ka rilru ka pe theilo, nimin lam hna ka kal lo a vawiin haw hmat ka dil leh nen ka thawhpui te lakah ka inthlahrung viau, kan in aṭang a hlat loh avangin reilo te ah kan thleng nghal

An in chu pawnlam aṭang pawhin a ropui takzet, hla deuh aṭang bak kala hmuh loh vang nge kal hnaih chuan pui tak ani, gate chu remote hmangin a in hawng ruai ruai, ka thinphulah chu a rang tulh tulh, ka thlan fim te a bawl chhuak lo chauh

Motor ding dat ah chuan Jordan'a lam ka hawi vat, min nuihsak chuan ka kut a rawn hum vang vang, "awm hahdam rawh engkim a ṭha vek mai ang," ati sup, min hnem se ka ti a ṭawngkam chuan, mahse tun ah tak chuan rorelna hma a ding tur ang maiin ka zam chhelo chauh ania

Motor aṭang a kan chhuah rualin puipuii kan lam rawn tlan pah chuan, "au Rinte, ilo leng dawn ami?" Tih leh min rawn kuah arual, zahzel ṭha tak ani, ka lo pawm kang lawp, a rit ve reuh phian leh ta nghal, Jordan'an ka dar a rawn kuah pahin, "au tihloh tur ka tih kha," a rawn ti sup, rum zetin ka melh hrawk, an in ah tal chuan mummy mintih tir lo hram rawhse

"Inlo thleng maw? Rinte kan in hnaih tehlul nen in hmuh a khat hle mai," Hruaiin aw ki zangvah in a rawn ti lang lang, an inlam a min pan pui chuan, "ni e, hna ah kan buaitlang hlawm ani," ka ti ve mai, "inchhung ah lut ang u," Jordan'an a tih chuan kan in zui lut


An inchhung ropui zia chu, engkim mai chu a fai in hmuh a hahdam em em, "ehe kha kan inleng tur alo thleng ta ani maw?" Inchung kailawn aṭang nu lian ve lam pang hmelṭha zet mai leh pa saṭha nelh nawlh Jordan'a ang zet mai rawn pen thla chu ka lo en kar, puipuii chu lei ah ka nghat nghal


"Rintei ini angmaw? I hming kan hre zing si a, i hmel lah hmuh ni reng reng kan nei silo nen rawn hruai ve tawh em em teh kan tia hei, alo ni tak tak ani hi, Jordan'a nu leh pa te kan nia, Nu par minti la kanpa Pa hming iti mai dawn nia," atih zawmzat, chibai pahin, "zanriah ei a min sawm avangin ka lawm takzet," ka ti sep

"Mo lawm vat kan inbeisei nghal em em ania, nula hmelṭha tak kan in a alawi hun ka nghak hlel fal leh ber anih hi, engtin chiah nge maw kan fapa laktlakloh zet chuan Angel angmai a hmelṭhat a bum thluk reng reng che ni," a pa chuan a rawn ti deuh duah, ka lai lek lek chu ka hmai a rawn sa hat hat

"Ka pa ṭhin tak hi chu iti lai ania, lo ṭhu ru, keichu JK restaurant a kan chawlh khan mam'a awmdan kha mak ka ti tawh hrim hrim, bakah biakin ah Rinte'in arawn hruai thei maite kha mak emai a, kan Jordan'a hi a puitling ve ta aniang mipangai kawp nachang te pawh a hre ve ta alawm," nui awr awr chung atih chuan Jordan'a chuan ahnar a lo tum dat

"Khawnge midang hi?" Apa in a rawn tih chuan ka hawi deuh hu, midang an sawm tel ve ani ngei ang, "bawihi minlo nghak lawk dawn em ni? Midang hruai tur kala nei sia ka reilo ang," atih chuan, "kal rawh kanlo ei zo lo ang," anu in a rawn fiam hlak chu ner nung in, "ka kal ania, inlo fiam vak ange," tih leh kawngkhar lam a pan nghal, a kal liam chu ka en reng, a palian nasa mai si, hnunglam aṭang pawhin a dar pharh hlaizet mai te chu hmuh nawm tham ani


Kan ṭawng deuh nak nak ti ila Jordan'a nu leh pa in zawhna min zawt, ka rinai takin a hreawmlo, min ngaihsak em em, "kan fapa biakin hruai thleng thei tu chu engtiang takin nge maw i thlem bik ni?" Apa chuan a rawm ti chuar chuar, ka nui suk sawi mai tur pawh ka hrelo


"Au," Bawihte'i aw ka hriat chuan ka hawi vat, ka nau te pathum kawngkhar a lo ding ka hmuh chuan ka mengkawk, puipuii nen an in kuah leh nghal chat, Jordan'a rawn pen lut chu mak ti fe in kalo en, a hrethiam ani ngei ang, "i nau te pawh kan sawm vek a," ti supin ka dar ah a rawn kuah, a nu te awm ve lai reng a min kuah chu ka duh derlo ka lo dah sawn sak vat, a thaw hak


"Inlo thleng maw? Saw saw ani maw kan puipui'in au lawmi a tih rengchu, chuan heihi i nau te chu em ni?" Jordan'a pa in ti pahin ka nau te chu a chibai, kan unau kim a min sawm chu mak kala ti, bakah Ely'i pawh telin, ka rinaiin an chhungkua an zau, ka lo ngaihdan chuan mihausa chhungkua chuan keini ang te chu engah mah min ngaih ka ringlo ang, keimah ni ang mai an che leh ṭawngkam chhuak te chuan an chhungkua an fakawm na ka tilo theilo

"Ka room ah kal lawk ang," ka beng bul a Jordan'an a rawn tih sup chuan ka en vat, awm anglo lutuk a, a nu leh pa awm lai lai in, a thusawi hrelo ang hmak a awm chuan ka nau te leh a nu leh pa ti ti lam chu ka hawi hmak, thaw hak a min pawt tho nawlh chuan, "thil kan entir lawk ange," tih leh min kai sawn nghal dawr dawr, thinrim zet chuan ka melh nghek chu bak tih theih nei hek lo

A room ni awm tak a min pawh luh rualin min vawn na chu na zetin ka thing thla, "Jordan i nu te an awm ve reng kha ti awm anglo emai," tih leh chhuah ka tum chu min pawm kang lawp, ka rak deuh ṭhat ala nui huah huah zui a, khum a min dah chuan, amah pawh a rawn ṭhu ve nghal, a dar ah ka lo chum taih, "iti mak thei emai," ka ti hlak

Nui vur vur in, "ka ngai che alawm," tih leh amah si chet in min pawt nghal, a room chu ka hawi kual, mipa room tih hriat ngawih ngawih in rawngthim lam vek hman ani, side-table chung athlalak chuan ka mit ala nghal chat, ka ban nghal, Jordan'a ang zet mai mipa chu kala hmuh ngailoh ani, an in ang viau na in Jordan'a ṭha kala ti zawk tho, huizzz

"Ka u anih kha," a rawn ti sup, alam ka hawi vat, ani erawhin ka kut a thlalak chu rilru nat hmel fe in a en vawng vawng, "ohh, khawnge awm a?" Ka ti sep, thaw hak in, "van ah," tih leh khum ah a let thla tep, ka en nghal kawk, "ka tihpalh zawhloh tawp tur che ania," ka tih chuan a kutin a hmai a hup vang vang, "ka thah ania," a rawn ti chhuak ṭuak a aw chu a seh chilh deuh

Jordan'a en tum chuan ka in her rem, "Jordan," ka ti sep, a hmai tui puat in, mit sen ram in min rawn en, "chhuak rih ang," tih leh thawh a rual, min pawh thawh atum chu uluk lutuk in ka lo en kiau chu za lo tih hriatzetin a nui lui suk, a hmel sen ṭawl leh inseh ruh ran ah chuan chak anei leh tawh tih kei mimawl pawh hian ka hrethiam


Ka vawn theih tur a kut a rawn phar chuan a kut khur deuh der der chu ka hmuh hmaihlo, ka bul a ṭhu tur in khum chu ka beng thak, min en deuh haw chuan a rawn ṭhu ve mai, "heng ithil tih te hi mahni in thiam loh vang a ti ini tiraw?" Ka insum theilo, a thinlung chhung a vei em em hi sawi chhuak se ka ti, ti chuan puih dan tur pawh ka hre mial maithei asin


A hmai tuai puatin hnuailam abih ngar, a chang leh a ke a rawn ti che deuh dat dat, a awmdan chu ka hrethiamlo, a za cheng ni mai hian ka hria, "Bawihi chutiang sawi hun anilo," tih leh a tho nulh, mak ti zet chuan ka en haw, ka ṭhut na sir a pawhdawh awm chu hawngin a hai rawk rawk, "Jordan enge itih dawn?" Mangang zet chuan ka ti chhuak


Ka thusawi chu hria ang pawhin a awmlo, a hrelo ni zawk hian ka hria, a awmdan teh thut chu minti mangang, ka hlau deuh lek lek, syringe leh damdawi ni awm tak a rawn phawrh phei chuan minti hlau leh zual, ka mittui ka khap let sak sak, rang lutuk in bathroom ah luh pui nghal atum chu ka ding ve nghal zat, "min rawn zui suh angche," ti hrawk, ka ip chawih, a ṭawng chu a changin a seh chilh deuh nawk nawk, chuti teh thut a awm chu ka hlau in ka tha a khur zawih zawih thei, tihmai tur pawh hrelo chuan khur dar dar in khum ah bawk ka ṭhu thla hnawk, khatiang a awm ka vawikhat hmuhna ani, a awm fo ang tihlah ka hrethiam ve bawk



15mins vel bathroom a awm hnu ah mit sen ram in a rawn chhuak, mittui tlingpam in kal en ran, ka ṭah a ti chhuak, engtin nge khatiang khan a awm theih, ka lainat ni mai hian ka hria, "bawihi, ka..." Ka bul a rawn ṭhu thla chu ka lo kuah thlawp, ka ṭap khur dar dar, ka hnungzang chul pahin, "ka ti hlau che ani tiraw?" Seh chilh deuh chuan ati sup

Inla hrangin a mit a en chung chuan, "khathil tel lo khan i awm thei tih i hria em? Jordan'a a hlauhawm emai, tinge sual chu ithurualpui tlat maile?" Mangang lutuk chuan ka ti chhuak ruai, thaw hakin, "ka tum, ka tum a sin, mahse tal chhuak turin a chak lutuk tawh ani, i hria em bawihi, ka unaupa ngei ka kut a ka thah lai khan engmah in min hnem zolo, kha in zaina kha kalpui lo ila, emaw keimah kher khan zailo ila a thi kher lo ang," a rawn ti chhuak hawk, a rilru a athup reng ṭhin sawi chhuak tih hriat takin a ri chhuak phawng hian ka hria, a thaw chhuak ham ham


A hmel chu uluk lutuk in ka en, inla hrangin a sam buk deuh laih chu a tuai puat, "tuman an hrethiamlo ang, khang hun chhung a Pathian ka auh nasat zia kha, in zaina hmun ka luh dawn leh ka zai lai pawh in Pathian kha ka au mawlh mawlh asin, mahse ani chuan ka kut ngei ah a thih tir a, ka ṭawngṭai na leh amah ka auh te kha ahrelo em ni? Nge an sawi Pathian ka lo rin em em ṭhin kha a awm lo zawk?" A nui hak, "Damdawi bak hian min hnem miau lo ani, khawvel hi ka ta ani a, ka chen ani mai, sual ka thurualpui hleinem, nuam ka tihdan leh ka duhdan in ka chen ani zawk," za lo tih hriat zet chuan a nui lui hak bawk

A kut chu la in a mitsen ram pawisak neilo tih hriat zet ah chuan tha khur dar dar in ka en, " i ṭawngṭaina chhanna i hmu lo va, Pathian hian angaithla lo ah che i ngai tiraw? Jordan vawikhat chauh i thinlung takin i au tawh em? I dil a, a pek loh che avangin i vui leh zawk ani lo maw? Chumi avang chuan engtia ṭawngṭai tur nge pawh i hre tawh lo ṭhin a, Mahse Jordan hei hi hre reng rawh. Lalpa hian i duh dan thlen tir zel kha a tum ber a ni lo va, a mah ah i thinglung zawng zawng i nghah a duh a, 'i thu ni zawk rawh se,' i tih theih a duh zawk a ni, i duh dan ni lovin a duh dan zawkah lungawi tum la, i duh dan aiin a duh dan i ṭhatpui zawk tih hre reng ang che.

Khawvelah kan awm a, sual leh a thiltihtheihna ten min chim buai reng ṭhin, heng te hi Lalpan dah sawn vek a tum lo va, heng lak ata nangmah zawk lak hran che hi a duh zawk a ni. Buaina leh harsatnate, natna te hian min chim buai ṭhin mahse chungten a khawih buai phak loh nun thuhruk min pek hi he khawvelah ngei hian kan thlamuanpui tur chu a ni. Kan duh dan diak diaka thil thleng tura kan duhna leh beiseina hian min ti na ṭhin a ni, chumi avang chuan kan ṭawngṭaina pawh chhan loh ang maiin a awm fo ṭhin a ni zawk

(Joh 15:7) Nangni keimaha in awm renga, ka thu nangmahnia a awm reng bawk chuan, in duh apiang dil rawh u, in tan tihin a awm zel ang.

Kan duh dante hian Isuaah min awm tir thei lo va, kan duh dan avangin a thu chu keimahniah a awm reng lo va, chuvangin kan ṭawngṭaite hi chhan loh ang maiin a awm ṭhin a lo ni. (Sam 37:5) 'I awm dan tur chu Lalpa chungah nghat la; Amah chu ring la, aman a ti vek ang' tih anih leh kha, ti hian han ngaihtuah ve teh, a hnen ata thilṭha kan hmu a, thilṭhalo pawh kan hmu lova ngem ni? I au nge ni a Pathian hneh ah i ṭawngṭai chhan anih mailoh avangin i vui in, i dem zawk? Jordan khawvel hi i chen emaw iti ange, khawvel hian i nun a chen ve hun chuan nang mai nilo i mi hmangaih te zawng zawng pawh a chen tel dawn ania," mittui far zawih zawih chuan ka sawi chhuak, a tawplam phei chu a ri chang chang ani


A thaw hak hak, ka thusawi chu hrethiam se ka ti takzet, min en ngur ngur chuan, ka mittui rawn hru hulin, "chhuak ila, chaw ei an peih tawh ang," tih leh din a rual, tun ah rih chuan engmah sawipui a theih tawh dawnloh tih ka hria, ka in hru fai mawlh mawlh, "ka hmai ka va phih lawk anga ka rawn zui angche," tih leh bathroom lam ni awm tak chu ka pan nghal

Darthlalang a ka hmel buar zet chu ka en, ka mitthla ah Jordan'a hmel buai chuar leh damdawi chak hmel hreawm ti hmel kha a rawn lang, ka thaw kawk kawk, toilet a ṭhu thla hnak chuan ka hmai hupin, "Aw LALPA Pathian i thu te a ralthuam anih theih nan a thinlung ah tuihalna min tuh sak angche," chu bak sawi theih ka neilo, anun tal hi tui hal se ka ti ngawih ngawih

Rei tawk fang ka ṭhut hnu ah inti faiin ka chhuak, Jordan'a chu alo la awm ran, min hmuh rualin a nui suk, min rawn pan hnai chu ka chal ah fawp zauhin, "chhuk ila," tih leh min pensawn pui nghal, rinai takin kan zanriah kil pawh kan hlim, Jordan'a chungte pawh keimahni ang maiin an ti ti bawrh bawrh, an insiam rem thei lutuk chu an fakawm takzet, room aṭang a kan chhuah rual a anu mitmeng a na tuar hmel kha ka hmuh hmaihlo


Ni e, keiai an fapa damdawi rui leh chak hmel chu an hmu fo ang, khatiang ringawt pawh ka nat pui chuan anu leh pa tan hian ava rilru nat thlak dawn tak em!!

Ni akal ve zel, Jordan'a te in a zanriah kan ei aṭang pawh in kar tam aliam ta, Jordan'a pawh ahna avang in a rawn lang tam theilo, lunglei lam ah ka hriat danin damdawiin thar hawn an tum ni in ka hria, a buai em em, phone erawh in kan inbe reng thung, chang chuan min hlat riau hian ka hre ṭhin, a damdawi tih hi vawikhat mah sim tur in kala hrilh chhin eihlo, mahse nun thar a neih theih nan ka ṭawngṭai in ka chetzia in ka ti lang fo ṭhin


"Au Rinte," min au lang lang tu lam chu ka hawi vat, ka nau te school ah hna ka ban hma avangin lam kawi turin ka kal, puipuii leh Belinda'i ang zet mai pitar upa lutuk lo in kai ka hmuh chuan nui var var in ka pan hnai, rang lutuk pitar chuan a pen sawn pui nghal, ding dat in mak ti zet chuan ka en haw


"Ka duhlo api au Rintei bul ah ka kal duh," puipuii chu a ṭap nghal hlawp hlawp, "in ah kan haw ang, ṭap miah suh," pitar chuan ati ṭhat, an lam pan chuan, "ka pi aban kha ana ange, puipuii school ban ahun tawh sia i pi kha zui haw maila," ka tih zawmzat pi atih dan ah Belinda'i nu ani tih ka hre nghal, an in an zia chu


A pi in a vawn na aṭang tal pit chuan kalam ah a rawn tlan, min kuahbet pahin, "ka duhlo, i bul a awm ka duh zawk," ṭap par a atih chuan ka ṭhu hniam vat, ka kuahbet, "Rintluangi chu ini ang maw? Eng chiah nge ka tunu hi thu ilo fah ka hrelo, vawikhat mah ka thu a zawmlo ngailo, hmeichhe fing vervek tak antih chu ilo nih dawn chiah hi, mi pawmlai pawh ngaizawng duh," ati ta phiar phiar mai, naupang hruai ve tur awm ho chuan min en ṭhap ka zah zia chu van a tawng in ka ring


"Thu i hre sual ni in alang, puipuii i pi hi zui rawhle," tih leh inlak hran ka tum chu a ai nghet a minkuahin, "ka duhlo au Rinte," ati ve ṭang ṭang chu ka lainat takzet, engvang a anu te lam hian tihluihna hmang fo nge maw an nihle? Lunglei lam ah Jordan'a nu te an phei tih ka hria, Jordan'a nau in alam ka rin nen, ala rawn thlenglo ani ngei ang

Ka pawmna aṭang a puipuii rawn phih thla sawk chuan, "nangni ang ho hi chu ka hre chiang khawp maiche u, ka tunu emaw ka makpa te inlam hawi pawh in rawn nui tawh suh angche, sum duh vang a mi pawmlai ngaizawng duh," ti leh tuar chuan puipuii chu a kal sawn pui hlawk hlawk, sawi ve tur pawh hrelo chuan ka hawi â hu aniber, puipuii chuan min rawn en ṭawk ṭawk, en hreawm ka ti, tih theihlah ka nei derlo, chumai nilo va chuh let turin dikna ka nei heklo, engtin nge Jordan'a leh Belinda'i hi inṭhen lo anga an sawi tlat le, nge ni a Belinda'i sawi ang tak tak khan an awm hrang ringawt zawk, nilo, chu chu thleng lul suh se

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:12 pm

JORDAN
By floria laldansangi
18

Inchung lam a ka thawmhnaw suk ka zar mawlh mawlh laiin kawngkhar ri ka hriat chuan ka phun sep, Ely'i leh bawihtei chu dawr lam ah an kal tak tak emawni? Nisat nak alai, ka thawmhnaw zar tur chu zar zo lui chuan ka chhuk thla, "kalo kal," ka ti lang lang


Kawngkhar ka hawn rualin, "eng.." Ka ti chiah ka tawp chat, Belinda'i nu hmel ka hmuh chuan ka meng deuh kawk, kan in ah enge maw rawn tih atum le, buaina dang rawn siam leh chu a tum ani em lo maw? Puipuii te school ah khan ti khawp khan min ṭawngkhum tawh a tun ah kan in ah a rawn kal leh ania, "Enge ni ta?" Ka ti sep, diktak chuan an ni nufa hian min zahpahna an neilo lutuk hi han hawihhawm vak pawh ka tum biklo, "lut tur a min sawn ka ringlo hrim hrim a," nernawk pah chuan ati nghat

Thaw hakin, "pawimawh a awm ami? Lo lut la," ka ti ve mai, ka nu te rual ani a, pawn a han din tir reng lah thil mawi pawh va ni suh, rawn pen lut pah chuan kan inchhung chu x-ray a tum emaw tih mai tur in uluk zet in a en kual, a ner deuh nawk nawk bawk, a hmel lan dan mai mai pawh ngei tu tan chuan ngeiawm thawkhat viau ani, "ka rinai apangai viau hi a," a aw chhuak reng reng chu hmuhsih na in a khat mai hian ka hria, ka ngaihbel zawk nge pawh ka hrethiam tawh biklo e

"Engtak maw i rawn kal chhan?" Kan in chung a awm reng atan ka ngaina hauhlo, "hmeichhe fing tak ini tih ka hria, i fing mah mah ani, ka makpa hi addict ani tih hre chung leh fa nei tawh nupui neilai ani tih hre chung a sum vang a i zarbuai hneh dan ah alang reng bawk, sum i mamawh chuan ka pe angche, mahse Jordan'a leh ka tunu hma ah inlan tawh suh angche, i duhber sum ani tih ka hria," ati fak fak, a thusawi mal tin mai chuan min chhun sawk sawk ni mai hian ka hria


Sawi mai tur pawh ka hrelo, ka en kar ka khap fak fak, "nupui neilai, sum vang," chung a thusawi te chu amah pawh hian a awih ka ring tawplo e, zak theilo ka tih zia chu nasa tak ani, zahna ai hian thla 7 vel a a upat hial ania ka rin, "khatiang a mak tih hmel tak amin en angailo, mi zawng zawng in an hria alawm, nangang nula pangai tan drugs addict kawp reng chhan tur ineilo, i nau te ho school kalna leh in mamawh tamtak a tum pui che tih ka hria, sum i duh zat sawila ka pe angche," atih leh chuan za lo zetin ka nui hak, a mitmeng min hmuhsit na leh hneh tu inti ar chu tih tlawm ve ka chak takzet


"I sawi ang in hmeichhe pangai ve mai ka ni a, kei tehlul in mipa fing tak, doctor ni pha hial hi money chhas mai mai tur atan han tih kual dan ka thiamlo ani e, nupui nei lai ani tih phei chu i sawi khan ka hre chiah, a hma a i sawi kha i fiamthu emaw ka ti zawk a, kan chenna in tlawm tak thleng a min rawn umzui tak ah chuan i thutak hle tih ka hre mai e, kei minti buai renglo hian i makpa, ka tih awmzia chu i makpa hlui zawk hrilh tur che ania," ka ti let fak, amitmeng rapawm zia chu min ei zawh mai duh hmel a pu, a mittui a tla lo chauh emaw tih tur in a dur nghal khup khup bawk


"Nang naupang fahrah mai mai hian min va zahlo ve," a ti ṭhawt, min ben tum a kut rawn lek kang chu ka man bet chat, "ka inchhung anih hi kut mi thlak i tum na hi, zahtur leh turloh chu kei fahrah hian ka hre ve bawk e," ti let hrawk chuan ka phih thla sawk, naupang zawk ka ni tih ka hria, ka chet dan leh ṭawngkam pawh amawilo tih ka hre bawk, mahse an ni nufa hian an duh duh hun a an ṭawng khum tur ka ni biklo, ka nu leh pa la dam se chuan an fanu duatlai ka ni ve dawn tho tlat


"Ithil tih avang hian enge ka tih theihlo en angche, i bialpa hian ka fanu hi a kalsan tak tak theilo, tun ah pawh a inchhung a room ngei ah enge antih tih pawh i hre tawp nang, nangang mirethei zirsang silo, Singapore chhiahhlawh pension satliah hi engatan tehvak alo tilo che tih hrethiam tur ini," ti hrawkin kawngkhar lam pan chu a pen chhuak hlawk hlawk, ka thinrim lutuk chu ka khur lo chauh, ka thaw kawk kawk

"Belinda'i nu elaw? Enge a rawn tih a a thinrim hmel em em zui a, ala phun vak vak zui," Ely'in a rawn tih luh nang nang chuan ka nuilui sak, "ka hrebiklo," ka ti sup, min en vang vangin, "a rawn ṭawngkhum leh che ani maw? Ka awmlo chu avannei hle mai, awii ti em em nge saw mi te nufa saw an nasat le? Mihring rilru pu ve si ah chuan zahna te hi an va han tlachham tak, mi hausa chhungkua aṭang chhuak nilo pheise zahawmna an nei hlawl lo," ati hlak hlak

Ka thaw hak, ka mittui ka khap let sak sak, ka ṭah a rawn chhuak thar ta em em chu ka haw ru takzet, engvang a min hmuhsit bik em em nge maw an nih? Kan duh vang leh kan thlan vang a fahrah nun hmang hi kan ni reng reng lo, an ṭawngkam chhuak apiang mai a fahrah kan nih thu an sawifo hi angailo asin

Engmah sawi zui pui lo chuan room chhung ah ka lut, Belinda'i nu chhuah dawn a a thusawi chu ngaihtuah chhunzawm duhlo pawh ni ila ka rilru a kap tlat, ka phone chu phawrh in ka en, Jordan'an minlo call na ka hmuh chuan ka nuisuk, heng zawng zawng hi tuarin, ṭawngkam chhe tak tak dawng ṭhin mahila he mihring hming ringawt ka hriat pawh hian chakna minpe ṭhin


Ka duhber chu a thiltih hi sim se tih ani, abak engmah alak ah beisei ka neilo, ka ṭawngṭai na a ka dil fo leh atan a mittui tla chung a ka ṭawngṭai na hi a thlawn dawnlo tih ka hria, ka rin chhan Pathian hian ka ṭawngṭai na hi angai thla tih ka chiang ani, ka tan a remruat na hrethiamlo in, vuina tur hlir zawng ṭhin mahila, ka mamawh leh ka dil a hria, minpe bawk ṭhin tih hi ka chiang ani

Jordan'a chu ka call let nghal, a ring ral ṭhak ṭhak, beidawng zet a phone ka dah tur chu messages a rawn thleng, rang lutuk in ka en, "in ah lo kal rawh tun ah," tih zawng, ka hlau thawng nghal, a damlo ani angem? A chhungte an awm silo, nge ni a, ani hi a damdawi chak in a suffer zawk ni ang? Rang lutuk in ka in perh tho, room aṭang a tlan chhuak pahin, "Ely ka chhuak lawk dawn ania, ka rawn haw har lo ang," choka a awm chu au in ka tlan chhuak nghal, "ko tu alian bawk a hman hmawh hle mai," Ely'i aw chu ka hre hman ṭawk ani, kan in aṭang a kawi khatna ang chauh a an awm avangin in ka tlan thleng vat


An in hi vawikhat chiah kala lut, khami ni zanriah kan ei ni bak kha kala lut leh miahlo, pawnlam aṭangin in lian zet ding luah mai chu ka en vang vang, chhawng hnih ani, a sakdan engkim chu a changkang in sum tamtak an seng ral dawn tih hriat reng reng, gate lian zet sir a mihring luhna tur an siam ah chuan awlsam te in ka lut, a chhungte dang an awmlo tih ka hria, midang awmloh lai a mipa in a luh ngawt pawh chu ka tim deuh, mahse Jordan'a chung ah enge thleng tih hre miau heklo


Kawngkhar lian zet hma a ding chuan door bell ka hmet ri ral ral, min chhang tu an awm mai loh avangin in ka nam hawng ve tawp, a in hawng ve mai bawk, lut in ka hawi kual, ka awmdan chu thil ru tur te pawh ka ang, bakah ka awm anuamlo lutuk ka tim dai chu hreawm ka ti, let leh mai ania ka duh rum rum ni, Jordan'a room lam ka pan nghal, kawngkhar tlem a in hawng sa deuh chu ka nam hawng hret, ka thil hmuh avang erawh in ka khawng at thei, pen sawn emaw tawlhsawn turin tha ka neilo aniber ka thawk a rawn rang, boruak ka hip kawk kawk

Jordan'a chu rui tih hriat zet a mitmeng sen ram leh si sapin khum lu lam ngheng chuan a ṭhu awn duai, a sir ah kawr mumal pawh inbel lo in Belinda'i a thu ve ran bawk, ka tha a rawn khur zawih zawih chu pen sawn tum in ka inher, ka kaihza tha a zawi hnak, vawn mai tur ka dap ruai ani ber ka sir a vase lian zetin hung chu ka nek rawk rawk, a tlu keh chuai, chhuat ah ka ṭhu thla hnawk


Ka biang a rawn lum thla pup chu hru tur pawhin ka kut ka han ti che thei derlo anih chu!!! Rapthlak hian!!! "Bawihi," Jordan'a aw seh chilh zet mai leh rui aw tih hriat ngawih ngawih ka hriat chuan ka na vawng vawng, ka thinlung hi chemte hriam tak hmang a duh lai lai hleh thlak ang mai hi ani, ka sa pup pup, ka thlan fim a rawn bawl nghal ṭiam ṭiam

"Bawihi engthil nge i rawn tih?" Ka lam pan a Jordan'a rawn pen chhat chhat chu tlan chhiatsan thei ila ka ti ngawih ngawih, mahse tlan chhiat sawiloh ka tlukna aṭangin thawh pawh ka tho theilo chu ania, engvang phiangsen a he hmun kal reng reng hi nge ka nih? Belinda'i nu thusawi kha ring tur ka ni, ka mawl takzet


Ka ṭhut na a rawn ṭhu hniam chuan meng phi ruai in ka dar a rawn vawn a tum chu ka theih tawp ana in ka lo vai kiang, phun hluk a ka dar tawn tawn a vuanin min tung tho nawlh, a rui hle emaw ka tia, ala chak em em zui, "min thlah rawh," ka ti ṭhawt, ṭah khum hrep ka duh na in ka mittui a tla thei derlo, mahse ka khur zawih zawih thung

"Phiangsen a!! Ka thlah hauhlo angche, engthil teh hrepin nge tiang a awm tir che?" A ti hrawk, a ruih zia chu a ṭawng seh chilh nawk nawk leh ding bu deuh lawp lawp ah chuan alang reng, ka thinrim chhan a hrelo anih chu rapthlak hian!!! He mihring phiangsen hian a hmeichhe dang nilo a nupui hlui nen room khat ah an in khung dun tih pawh a hrelo phiangsen emaw ni?


"Duhtak sawi zo vat teh ang," Belinda'in no fahran a rawn tih chuan ka luak lo chauh, ka kaw chhung a rawn in let but but, ka ten lutuk hi ṭawngkam a sawi tur pawh in ka ṭawngkam thiam in a daihlo

"I kâ kha lo chip hmak rawh Belinda ṭha tak a ka sawilai hian chhuak rawh, engtik ah mah a thleng ngailo ang," a ti hrawk, engthil nge an sawi ka hre thiamlo angbawkin ngaihthlak reng chhan tur ka neilo

Min vawn na chu na lutuk in ka phih thla, "i kut hmawr pawh hian min khawih tawh suh angche, tenawm lutuk," kha zet a ti chhuakin ka in her, theih tawp a chakin ka tlan chhuak nghal, min auhna pawh chu haider in ka tlan dawr dawr ani ber

Ka thinrim vang nge ka rilru na thawpik lutuk vang zawk pawh ka hrelo ka mittui tla tur a awm hauhlo, ka awm chhung erawh ana ngut ngut, sawifiah thiamloh in ka kehdarh ni mai hian ka hria

Inchhung ka tlan lut chu Ely'in phawk fe in minlo en, zawhna a khat mitmeng ka hmuh phei chuan ka tawt zual, room ah ka tlan lut rawk rawk, khum ah ka bawk thlawp, ṭah chhuah hawm hawm ka duh, ka awm zawn tawt leh na lutuk chu ṭah thawl hawk ka duh mahse ṭap tur ka awmlo, ka na ngut ngut


"Diklo a awm ami? Jordan engthil teh hrep nge thleng a?" Ely'i aw ki ring zet ka hriat rualin room kawngkhar a rawn in nam hawng ṭhuai, "ka reilo ang, ka be lawk duh alawm," Jordan'a aw chu chang tak ani, ka mudan siam rem banglam ka hawi hmak


"Ti lui miah suh," Ely'in ti hram chuan a chhuak zui tih hriat takin kawngkhar a in khar ri khap, a hmel hmulo mahil min en reng tih ka taksa hian ahria mai pawh nilo in ka lam a rawn pan tih thlengin ka hre thei nia, khum hniam sut ah chuan ka in sang mar nghal at, a thaw ri te chuan ka lungphu a ti rang zual, ka sa hat hat


"Bawihi ka tihpalh vin tur che kha ka nilo tih ka hria, i rawn hmuh ang kha anilo ania," a ti bah nuaih, a aw inthiamlohna ka hriat chuan ka mittui a ko ni maiin ka hria, a rawn hnam ṭiam ṭiam, ka mittui a tlak mai hlau chuan ka mit ka chhing hmak


Ka chhan mailoh avangin khum ah a rawn inthawlh, hnunglam aṭang a min rawn kuah chuan ka phu deuh zuk, a nui nghawr dat bawk, insiam rem vat chuan ka awm ngai in ka awm ran, ka chelo a, ka thaw em pawh ka hrelo, ka lungphu erawh rang dawt dawt tak ani


"Bawihi," a rawn ti leh sup, ka mit ka chhing tlat, ka na ani, ka mitthla ah Belinda'i hmel a rawn lang, ka sa phat, thawh thut a amah hi vuak hrep mai ka duh, mahse ka theilo, tun ah chuan khawi ah emaw in au thawl ka duh, chu pawh a theih aw kawng siloh a


Rei tawk fang minkuah chung a amut hnu ah atho thut, ka ruak huaiin ka hria, menglo mahila min en reng tih ka bek za mer mer ah hian ka hrethei, "i thinrim reh hun ah kan inbe dawn nia," ti nghut chuan a ding nghal, khum chu a kang awk thei

Ka en lo, min en reng tih erawh ka hria, ke pen ri ka hriat chu a hla tial tial, kawngkhar ri khap ka hriat chuan ka thaw kawk, ka mittui a rawn hnam ṭiam ṭiam, lukham a ka hmai nawr bet chuan ka ṭap khur zawih zawih, ka theih ka ring a, a kut vuan in nunthar aneih theih nan Pathian rin chhan a ke ka pen theih ka ring kha ania, kei hmeichhia ah pawh awm nember leh rin na a pachhe em em hian ka mihrin na hi ka up bet zolo ani ber


Mihring mihrin na in thik chin anei a, dawh theih chin anei antih kha ka tawng mek ni hian ka hria, a rui meng phi luai hmuh te, a damdawi chak hmel ṭang ṭung hmuh te kha hreawm ka ti thar uar uar hian ka hre bawk, khum aṭang a tho chhuak in mittui nen chuan inchhung lam ka melh, "LALPA nangin min hria a, ka nun chhungrilber thlengin i hre si a, ka duh tin dilin ka vui fo ṭhin, ka tum a, ka bei a, i chakna rin chhan ka tum a, mahse he ka mihring thinlung hi a chau ani, ka hmangaih thlarau nunthar ah ka hruai theih ka ring a, mahse ka chau ani, enge ka tih ang? I kut a in nghah ka tum a, ka hlauhthawn na in mintuam lian zawk si?" Ka ṭap chhuak hlawp hlawp


Pathian ah rin na nghah famkim ka duh, Jordan'a pawh ka hrilhfo ṭhin mahse tun ah, tun ah tak hian he ka thinlung kehsawm mek nen hian ava harsa si em!!!!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)