JORDAN By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: JORDAN By Floria laldansangi (Completed)

Unread post by Ngaia » October 21st, 2018, 3:08 pm

JORDAN
By floria laldansangi
7

"Enteh u, Jordan-a leh anupui kha an inrhaui leh ami?"

"Awii amak e!! engtin nge ala duh theih a? an fanu pawh sawn natna a kai tawh hrim hrim ang, an sawidan phei chuan Jordan pawh sawn damdawi a khawih leh anti ania, amak e tiraw?" Kan hnung a ṭhu te chu an phun sar sar, kan mak ngawt mai Mizo te hi Kristian inti si kan hma lawk ah pastor in Pathian thu a sawi mawlh mawlh a, mi kan la rel zawt zawt ngam ania


"MLA fanu chhelo zet nen khan an inzui emaw ka tia, Jordan hi chu a chhelo ve thlawt alawm, an sawidan phei chuan a fanu nu saw one night stand ang kha antia," an nui ar ar, hauh hrep mai ka duh, tu chungchang nge an sawi hrelo mah ila biakin em em hi chu zah ve tur ania, nula ve uaih uaih tawh si, kan Mizo ṭhalai te nung chang tamtak hi chu in en fiah kan ngai hlawm ani


Biakin kawt a kan din laiin, "Jordan te pawh an lar leh ta hat alawm," Ely'in a raw tih chuan amah en haw pahin, "tunge an sawi nasa e," ka ti sup, min en kawlh pahin, "i hrelo amaw?" Atih chuan ka lu ka thing ringawt, chek tlak tlak pahin, "Mizoram tlangval hausa leh chhelo hrelo a i awm chu amak hle mai, kan Zoram dung leh vang hrut chhuak tu ani ania," atih chuan ka nernawk mipa hi ka buaipuilo ve em a, Urina lak ah khan ka rin na ka nghat tawp, mahse hmanzan a thu tawp kan siam khan mipa hi ka rin leh mai theih pawh ka inringlo, han melh bik lah ka neilo


"Single thar lam ka nih hi aw," ka tih chuan za zet a rawn nui in, "awii enteh i inhmeh velo e, fiamthu thawh hmel hi i pu lo ve sia," tih pah chuan anui vak vak, ka melh ram ram, ka mize cool ruih hi a ninawm tiin min sawi sak ṭhin mahse han rik phawr phawr ngaihna hi ka hre ve thlawt silo



"Rinte chawhnu KṬP inkhawm chu i solo tur anih kha aw," kan KṬP hruaitu U sang'an a rawn tih chuan ka bu nghat, KṬP ah hian in hmang viualo mahila zai tur leh chanvo minpek hi chu tih hlawhtlin ve zel ka duh ṭhin

"Nula fel leh mawngzang nagmah ang kan nei hi chu a lawmawm ngawt mai, tlem in han awl deuhla KṬP ah te nihna te han chelh theila ni tur hi ania," usanga bawkin a rawn tih chuan ka nuihsan mai, ka naute leh inchhung engkim ka enkawl angaih avangin duh ang hian ka in hmang theilo, inthlahrun ana duh viau bawk

"Sanga helam ah lo kal lawk maita che," an rawn tih chuan bu nghatin, "kan in hmuleh dawn nia," ti sup chuan a pensawn nghal, " kan KṬP hruaitu hian a duh chiang che alawm," Ely'in a rawn tih sar sar chuan ka thaw hak, henu hi chu amak ania, "i sawi awm anglo thei lutuk," ka lo ti hlak, ala nui awr awr ta nghal


"Au ka haw duh e," ka nauin a rawn tih chuan ka en vat, "i U te an awmdawn silo a, chawhnu inkhawm kan ngai sia," ka tih chuan, "ka lova haw pui ang, chawhnu inkhawm hi kei ka peih vaklo, bakah kan zawngi te saw ka hmu peihlo," ti deuh nghat chuan a hawina lam chu ka en vat, a ex leh a bialnu thar rawn inkai phei chu rum zet in a melh, ka nui hak, "anih lo va haw ula zanriah chu kan in ah ei rawh aw Ely," tihpah chuan chahbi ka pe nghal, "min sawm lo pawh nila ka ei tum hrim hrim a," atih chuan lei ka chhuah khum vak, henu hi chu amak ania, champhai lam aṭang a in rawn luah ani, kan awmna tlem in a inhlat deuh, Singapore aṭang inhre ṭan kan nia, kan inkawm chho thei ta phian, ti hian ṭhian dang em em neilo mahila kan hnathawhna alo in ang leh zel nen kan in kawp deuh chawt aniber


KṬP Inkhawm kan ban rualin pawn lam ka pan vat, "iva hman hmawh thut thut ve mawle," Usanga bawk, ka ding ka nui hak, "nia inlam ah ka nau leh Ely chuah an awm sia," ka tih chuan abu nghat, "zanin rawn inkhawm tum ula, minlo nghak la ka thlah dawn che emni?" Atih zawm zat, ka lu thing mat mat chuan, "ka ti buai lutuk angche, ka haw san zawk angche," ka tih chuan a bu ve nghat nghat


Kan in awmna hi durtlang pelh khaw chhung aṭangin tlem in ahla deuh, inkhawm dawn pawhin ka nau hian a bike nen min thlah ṭhin, ke akal nan chuan puahbih leh pheikhawk sang nen a hla tham viau, hawlam ka nauin min rawn lam hmanloh phei chuan ka pheikhawk hi ka khai nulh zel, ke hlap a haw anuam zawk


Ka pheikhawk khai chung chuan ka puanbih ka pawt sang, ka pen hlawk hlawk, ni a sat em avangin inlam thlen vat vat ka duh, ka pen hlawk hlawk lai chu ka hnunglam aṭangin motor horn ri tuar ka hriat chuan ka ding dawt, ka bul chet ah bolero lian zet mai a rawn ding ve nghal zat, ka awmna lam glass ti hniam in driver hmel ka hmuh chuan ka meng deuh kawk, alo nui suk, anuih zawng a mit sir chuar deuh nalh zia mai chu!!!


"Lo chuabg la," a rawn ti sup, ka lu ka thing vat, "angailo ka thleng ṭep ka lawm e," tih leh inher a pensawn ka tum chu a rawn chhuak nawlh, mak ti zet in ka en haw, ka lam rawn pan chuan kawngkhar a rawn hawng, a thle bak, "lut rawh," a ti nghut, a thu hnial a duhloh zia alang reng, mahse luh mai ka tumlo, ka bul hnai a awm hian ka lungphu a rang ve ngawt leh nghal, a hmelṭhat lutuk hmuh te hian thil nilo lo ka ngaihtuah ve ziah ka duh miahlo bawk

"Aaaa, angailo ka lawm tak tak ania," ka ti leh sep, engmah sawilo chuan kawngkhar vuan in ala ding reng, motor min tlan pel tu ho in min rawn en haw haw hlawm chuan nuamlo ti zet in muangchangin ka ṭhu lut, kawngkhar khar pahin min nuih leh hak, anui ri mawi zia mai chu!!! Min fan rawih rawih hian ka hria


Keihi ka dik hauhlo, mi pasal ani em tih pawh ka hriatloh lakah rilru mak pui pui ka pu tlat, ka lu ka thing nar nar, a tlan chhuah rualin, "hmeichhe naupang kha i fanu em ni?" A rawn tih chuan alam ka hawi vat, min rawn melh ve zawk, ka lu thing pahin, "nilo e, kan teber anih kha," ka ti ṭha ve mai, bu nghatin, "khawilai vel ah nge in awm?" A rawn ti leh sup, kan awmna lai ka hrilh chuan a en kual nghal, "in awm fianrial hle mai, khawpawn lam pan na anih hi," atih chuan ka nui sak

A motor chu lian viau mahse tun ah tak hi chuan boruak hip tur ka kham khawplo, ami uapnat zia chu ka chhungril khur siin ka taksa erawh a khawng auh thung, "Jordan Malsawmkima ka nia," a rawn tih chuan alam ka hawi vat, "Maw?" Ka ṭawngkam chhuak at thlak zia ka hre chhuak hnuhnawh


Ka lam a rawn hawiin motor a ti ding dat, aha var leh rual zet mai lang chuan anuih hak, anuihzawng a a mit sir chuar chu ahmuh nawm tham, "i hming minla hrilh ve miahlo," a thle bak, min en ran bawk, ka thaw a rawn rang, boruak hip tur tlem ta lutuk chu ka hrethiamlo, "ahhh Lalrintluangi," lai zet chuan ka ti sep, kawngkhar hawng a chhuah nghal ka tum chu, "thingpui rawn in chu i phal em angchu maw?" Nuihza aw lek lek a arawn tih chuan ka hawi let vat, mit zim san a minlo melh chuan zalo zet in ka ṭhensak, "tihpalh, lo lut la, ka lawm lutuk ania," ka tih zawm zat, engvang a hepa hma a lai ta em em nge ka nih pawh ka hrelo, kum 21 ka ni ve tawh dawn thlathar mai ah, ka lai chhe em em chu ania


"Nidang ah ni mai rawhse, i phal vak hmel siloh a," minfiam tih hre tho mahila anuam chiahlo, engtin nge engmah sawilo a chhuah ka tum ngawt theih ni, "ilo in ngei ngei dawn nia," ti let sep chuan ka chhuak nghal, in lam ka pan tur chu, "lo len i phal angem?" a rawn tih leh chuan ka hawi let vat, minlo nuih var var, hepa hi ka hlau deuh tlat, nilo ka hnaih ngamloh chi tur ani zawk in ka hria, a hmelṭha lutuk te hi a hlauhawm in ka ring, huizzz

Ka bu nghat, "i duh chuan le," kan ti khawmawi ve tak na in, lo leng lo mahse pawi ka ti lo zawk fe, min nuih vur vur chungin, "ka hre reng dawn ania," tih leh motor ti nungin a tlan chhuak nghal, ka nui hak, enge ka nuih chhan pawh ka hre chuanglo, mahse a hlim hmel kha hmuh nuam ka ti, nilo, nilo Lalrintluang harh tehhh


In chhung ka luh rualin sofa a ka nau leh Ely lo muhil bam mai ka hmuh chuan ka nui hak, ka ril a ṭam takzet, inthlak sawk sawk in choka ah lut chuan ei tur ka siam, an rawn harh chuan an ei ve duh dawn tih ka hre ve kar bawk


JORDAN...POV

"Avan fel reuh aw," ka nau aw ka hriat chuan ka dak chhuak vat, "engmaw?" Ti hu chuan a hawi na lam chu ka en, hmeichhe tleirawl ti ila kum 21 bawr vel tur, a sam buang deuh thang chu sang zet ah a ṭawn, JK hotel a hnathawk tih hriat takin waitress form aha bawk, a vun sen no suah leh hnarngul te reuh te in vuah dikthlap chu khawi ah emaw ka hmu tawh ani


"Pawisa saw ama pawisa ani sia, pitar bul ah sawn a thlauhlui a, pitar saw a ṭanpui anih chu, tunlai tleirawl, ṭhangthar ah tiang rilru pu hi kan tam tawhlo, ana chang pawh ahre zawk hle mai," ka nau in ka fanu ei tur pe mawlh mawlh pah chuan atih chhun zawm siam siam


Kei erawh ka hma a hmeichhe te fel et mai chu khawi ah nge ka hmuh tawh tih kalo ngaihtuah, a dik ani, kum 6 liamta a damdawiin a hmeichhe tleirawl kha, ka nui hak, "Enge?" Ka nau in a rawn tih chuan ka lu ka thing mat mat, a nuih zawng a a biangsum tlem lang te, a hâ ui ngho sei bik te saw kha hmeichhe tleirawl ka vawikhat hmuhna a ṭha ka tih leh ka awm ti nuamlo tu kha ani

A nu nikhaw hrelo khum a mu a ahlauthawng mitmeng kar a, lawmna rawn inthlak nui seih kha engtin nge kalo theihnghilh theih zawk ni, kum 6 chhung tehmeuh ani ta, "daddy i nui reng a," ka fanu kum 5 mi fing zet in a rawn tih chuan ka en vat, ka nau nen minlo en ha chu ni in


Ka fanu school luhna ah anau pawh alo kal ve lehzel nen, tih chi lutuk tlat, mahse kei pathlawi leh damdawi ruih ching tan chuan hnaih ringawt pawh a chiloh viau ang tih kahria, chutih rualin hriat chian ka chak in min ngaina se ka ti takzet


"Karleh ah chuan luah theih in a awm tawh ang," ka insa tur a ka rawih Pu hriat'an a rawn tih chhuan alam ka hawi vat, ka beer can ken chu ka lem hlak, ka nui var var, ka mood fuh zia chu mak ati tih ahmel ah alang reng, "i mood a fuh hmel hle mai," ka rin lawk chiah, bu nghat nghat in, "tehreng mai, takin khulai kual chiah a awm ve te khu i hriat zawng ani em?" Nichin mai a nula tleirawl ka phurh kha ani kala ngaihtuah ni, ka rinloh deuhin ka in sakna thlanglawk ah anlo cheng ve nen, an in hnaih a ka awm tur te chuan minti hlim ru riau in ka hre tlat pek


"Unau a chengte khu maw itih a?" A coffee no tlang zut zai zai pah arawn tih chuan ka melh vat, "unau chauh in maw an chen a?" Anu cher zet kha a boral tawh emawni? "Ni angchu, a upaber hmeichhia khu a puitling tih ka hre thei, thla 2 liam ta khan nuber khan a boral san in ka hria, an upaber hmeichhia khu Singapore ah chhiahhlawh in kum 6 lai a awm hnu ah khu pu zirliana in ding lai khu an lei thei alawm, Pu zira khan afak theih khawp mai, chuvang ania tlawmte a a lei tir ni, nula fakawm tak ani," ati sep sep, ka lo nui sung, ka hrelo ka chhuang ru veng veng hian ka hria

"Miram ah chhiahhlawh a awm hreawm tur nen, a puitling tawk tih ahriat hei Mizoram khawpui chhung ah in ṭha tak a din thei ania, a fakawm khawp mai, a unau te ti khuan anu awmloh hnu ah a kur pui leh ania," atih zawm zat, kum la naupang te ani awm sia, ka lainat ru tlat


"Kum engzah nge a nih tawh?" Ngaihsakloh hmel tak chuan ka ti sep, diktak chuan a chanchin tamthei angber ka hre chak, "aa ka van chianglo em, Pu zira sawi dan kha chuan kum 21 bawr bak ala nilo ang, ramdang akal khan kum 15 emaw 14 bawr ania, kum tlinglo in ramdang a kal ania, a huaisen reuh khawp mai, retheih na hi chuan ṭhenkhat hi chu puitling tak ah minsiam anih hi," ati leh sup, ka lo bu nghat nghat, belh chian ka duh takzet tih ka inhre bawk



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:09 pm

JORDAN
By floria laldansangi
8

"Rinte i haw tawh dawn ami?" Kan hotel nei tupa ti ila a fapa aniang chu, ka bul a rawn ding pah a atih chuan ka bu nghat, a hre reng sia ka haw tur, min zawt leh kher a, ṭul vak lo ah tunlai chu minbe tam riau, "haw dawn anih hi," ka ti let sup, min rawn din hnaih leh deuh chuan ka tawlh hla hret, duh aiin tunlai chu minbe tam mah mah, a sual ka ti hauhlo mahse ka ngainat chi ani chuanglo

"Zanin chu ka rawn leng dawn asin," nui ṭhu chung a atih chuan ka nuih let ve suk, "keini in ang ah te ilo leng duh anih te chuan tehreng mai," ka ti let ve mai, ka nau ka lam pan a rawn tlan ka hmuh chuan ka ban ka lo vai zauh, vawiin hi ka pian cham ani a, zanin ah ṭhian ṭhenkhat ti ila ka nau te ṭhian ho in min lawmsak antum, Ely pawh a rawn bang hma dawn keipawh kan pu Muana hi ka dil hnu a haw hma tur ka ni

Ka kut ah a rawn man thut, ka phu nasa lutuk chu ka hawi dawrh theih, "ka tihpalh tih hlauh che ka tumlo, ka rawn leng tak tak dawn ania, i piancham te ani sia," thutak zet a arawn tih chuan min vawn na phelh sak pahin, "tehreng mai Sir," ka ti zawi sup, nui hakin, "Muana tih ka duh zawk," atih chuan ka nau ka bul ah a rawn ding ve chiah, ka nau bike a lawn pah chuan, "kan in hmu leh dawn nia," tih leh ka nau kawng ah chuan nghet lutuk in ka kuah, min en dan te hi ka duhlo lehzual


"Zanah kan in hmu dawn nia," atih chuan ka bu nghat ka nau a tlan chhuak ve nghal mai, ka nau hian a hman changin ka hna kal tur leh ka haw hi min rawn hruai ṭhin, dawr a an buailoh chang hian, bawihtei school ah kan lam kawi nghal, "i nau in nghak ami?" Rawn ti tu lam chu kan hawi vat, ka nau erawh a phone bawk amelh leh, "aw hei remchang ah kan rawn lam kawi pah," Dominic-a kan lam rawn pan chu ka chhang vat, tlangval sa ṭha tak ani, a smart in a ni zuah mai, mahse kha Jordan'a kha chu a tluk chiahlo ani, enge maw ka ngaihtuah le?? Hrep chuan!!!


"An bang dawn tawh ang, i naute hi lehkha an thiam thei ngawt mai," kan bul a ṭhutna an siam ah chuan a rawn ṭhu thla ve, ka nui var var, ka chhuang ve takzet ka naute mahnise, "i van ti lawmawm ve," ka ti let var, ka nau ka sir ami chu melh zauhin, "inpa ami?" Atih chuan za zet in ka nui, "a teuhlo ka chhang chiah anih hi, Lalnunfela ania," ka tih chuan a rawn nuive hawk hawk, ka nau pawh rawn nui vur vur chuan Dominic-a chu a rawn chibai


"Ka ṭawng sual ah ngaihdam ka dil e, unau pali (4) maw in nih, nau inei ṭha hlawm hle mai, inhmel pawh aṭha hlawm," ati leh luam, "saw an rawn bang alawm," atih zawm zat, an class aṭang a ka naute rawn chhuak chu ka pan vat, min hmu thut chu anui var var, kalam a rawn tlan pahin, "au minlo hruai dawn ami?" Ati nghal chul, pawm pahin, "tehreng e, i U V-a te anla ban ve hmel siloh a," ka tihlaiin ka sir lam aṭangin, "kan bang ve chiah, mahse lo va haw hmasa ula, bazaar ah ka ṭhianpa hi kalpui lawk ka ngai a, U zanin ah a rawn tel ve thei ang tiraw?" Lal V-an a rawn tih zawmzat, bu nghatin, "i u ṭhian te party siam ania, ka thulo emai, mahse rawn hruai vela," ka tih chuan bu nghat a abul a ding mipa chu melh zawkin, "kal ila, in ah kan inhmu dawn nia," tih leh a ṭhiante ho en in an kal sawn nghal


Naupang dang tlem a la nau deuh chu an nu ten an rawn hruai ve zel, "kan haw san angche Domi, tihtur kan la nei sia," kan sir a Dominic-a ding reng chu ka melh zawk, bu nghatin, "zanin rawn len te hi i phal em?" Nui tuh tuh chung a atih chuan ka nui hak, "tehreng mai i duh phawt chuan, kan kal ange," tih leh ka nau chu kaiin ka nauin min nghahna lam chu kan pan nghal

Mahse bike awmna kan thlen hma deuh chuan naupang rak ri ṭhawt ri ka hriat chuan ka ding dawt, kan sir ah nu pakhatin hmeichhe naupang alo beng pawp pawp ka hmuh chuan ka pan vat


"Puipuii," Bawihte'in a rawn ti vak, kei erawh naupang ṭap leh hlau tih hriat zet a khur dar dar chu ka en, "ka duhlo mama ana ania," a ṭap khur dar dar, "tihmawh lutuk mai, minzui tur in ka ti che lalnunpui," a nu chuan ati leh tuar, a ban ah a phih dawrh bawk, bazaar a ka naupang hmuh kha ani tih ka hre chiah, a awmzia chu Jordan'a fanu ani


"Naupang mai anih kha, iti na ania," ka insum thei tawhlo, saw ti saw chuan a ban te saw a pawt dawk mai angtih a hlauhawm rum rum, anu chuan rum zetin min rawn melh, a mitmeng pelh phang chu ruih anei te pawh a ang lek lek, "ka fanu ani a, engmah sawi theih ineilo, in kalna tur ah kal rawh u," ati ṭhawt

A fanu pawh nise sawtiang a kut thlak theihna saw aneilo reng reng, ka buaina ani hauhlo mahse kalsan ringawt ka tum chuanglo, "i fanu khan a duhlo che anih kha," ka ti let ve fak, min rawn melh rawm rawm, min kek maiduh hmel a pu bawk

"Au lawm, mamma hi ka zui duhlo," ka nau ka sir a ding chu a rawn melh ṭawk ṭawk, abiang a tai hlar, kum 5 bawr vel tur ani ka lainat lutuk chu anu chu keh hrep mai ka duh, kan sir a nau hruaive dang te pawh chuan min en hrek hrek


"Lalnunpui mai mai a che, kal rawh," ti tuar chuan a pawt leh nawk, engtik laiin nge naupang ban ah hian kava vawn hman ka hrelo, ka pawt bet nghal, ka su na deuh aniang anu chu a kat nawk nawk, "zawngi leh," a rawn ti tuar, naupang pawm bet chung chuan, "i fanu mah nise iti na alawm, bakah rui chung a i fanu i hmu hrim hrim hi zui duhloh na tham a tling," ka ti let hlar, ka nau ka lam pan a rawn tlan chu ka melh zawk, bawihtei pawh ka bul ah ka kawr vuan deuh ṭau chuan ading, ka naupang pawm lah chu hlau tih hriat takin akhur dar dar

"Khanglang che chuan tu mihur fa nge inih?" Ti tuar chuan min rawn pan chhat chhat, ka tawlh hnung duh biklo, zirtirtu leh naupang la awm ho leh an nu te an rawn tlan khawm, "engthil nge ni a?" Ka nau ka bul a rawn ding pah chuan a ti nghut

"Lalramlian i fanu rawn hmu tur pawh in rawn kal tawh suh ka tih kha," mipa aw thum khauh zet mai rawn chhuahna lam chu kan hawi dual, Jordan'a kan lam pan in a rawn pen pawk pawk, a palian nasa si, a cotton kekawr hak leh t-shirt var thianghlim zet hak chuan a ti lang pa leh zual, akal ringawt pawh en zui vawng vawng tham ani


Kan bul a rawn ding pah chuan rum lutuk in a nupui chu a melh, hmeichhia zawk chuan mit meng pelh phang in a en ve ram ram, "ka fanu ka hmuh leh hmuhloh chu ka thu thu ani, nang mihur, nupui pawh khamkhawplo," ati tuar, Jordan'a chu a thaw hak, zirtirtu dang awm ve lam chu hawiin, "ka fanu in school ah ahimlo anih chuan ka sawn tur thu ka sawi kha," ati bul hmuk, principal chuan zah hmel zetin, "anu ani si a kan ti lui..." A sawi zo hmanlo akut chunglam ah avai thuak, a hmel dur khup chu nekluih harsa tak ani tih alang, "kanla sawi ṭha leh ang, lalramlian ka fanu hma ah i inlan leh chuan kut ka thlak hreh dawnlo che ania, ka tih kha," ati khauh leh fuk, a aw a ringlo mahse khauh tak ani


Kan lam rawn hawi chuan a fanu ka lo kuahbet chu min thlek deuh hâ, kan lai ringawt a, hunlo thei, "bawihte lo kal tehle," a fanu ka pawm a rawn ban a aw chu ala mar ṭha hret ani, muangchangin mittui pherh phang chuan a rawn dak chhuak, kalo nuih var var, a khur nasa lutuk pawh tlemin a zia ve tawh, apa rawn kal lai khan ka awm ah a hmai aphum tlat avangin a hrelo aniang, apa hmel ahmu chiah chu ṭah tum leh awm in a rawn mên leh ruai ruai

Apa ban pah chuan, "daddy ka duhlo, mamma bul ah ka kal duhlo," chhuak zetin a ṭap ṭha leh chu Jordan'an nghetzet a kuahin a sam ah a chul hliau hliau, a nupui ding ve run chu ka va melh zawk, mitmeng sen ramin a pasal leh afanu inkuah chu a melh ram ram, a enge diklo a chutiang a mahni fate kut thlak vak pawh chu?? A hlauhawm takzet ani, tiang hian a ti fo ang tih lah hriat reng reng, engtin nge Jordan'a te pawh hian an fanu kum naupang te chu an thlah fal viau, ka ngaihdan alo nilo ve ringawt chu duhlo viau mahila puipuii hi ka lainat tlat


"Kan kal dawn ami?" Ka nau aw ka hriat chuan ka harh zawk, ka ngaihtuahna ka lo kal ding tir leh lutuk hman, bawihtei bag ka nau in rawn ban pahin, "kal ang," ati leh sup, bu nghat chuan Jordan'a leh afanu in pawm chu ka melh zawk, bawihtei kai chung chuan ka pensawn pui nghal, Jordan chuan engmah sawilo in min melh run, a mitmeng chu thinrim hmel te a pu in ka hria, mahse a fanu ka lo chhan zawk a ka chung a thinrim chhan tur aneilo e, nge ni a an chhungkaw buaina ah ka inrawlh ah angai zawk, mahse khatiang hmeichhia mahni fa te pawh kutthlak duh kha kal pelh an har ve em ani


Bike a bawihtei ṭhut tir chuan ka lawn ve nghal, "hmeichhe nasa deuh antih kha adik anih hmel," ka nau mipa ṭawng tlem zetin midang chanchin a chhe zawng a sawi chu kala hrelo, ka en ha, "i hria amaw?" Ka tih chuan bu nghat a helmet khum in, "mihausa fa ania alar alawm, chhelar ve a," ti sup chuan bike ti nung in a tlan chhuak nghal, Jordan'a te lam chu ka hawi leh hram, ka ngaihbel nge min en zui vawng vawng nimai hian nia ka hriat, ka â zo tawh anih hi, lo len a tum thu te kha asawi ve a, tun thleng a rawn leng lo, mi pawmlai lo len ka beisei ngawt pawh chu ka zaklo takzet, nge ni a an inṭhen tawh tak tak zawk, huizz ka buaina anilo e

In kan thlen chuan Ely te ho anlo awmkim tawh, pawnah anlo ding laih hlawm, inthlahrung zet a nuih tlawn pahin, "inva hma hlawm buaina kan tawk lawk alawm le," ka ti zung zung, "kan hria alawm, inlar ve hat dawn anih kha," Ely'in alo tih chuan kawngkhar hawng pahin ka en hâ, midang ka naute ṭhian panga(5) vel awmve pawh chuan minlo nuihsang hlawm


"Belinda-i fanu iva chhan anih hmel, an post a video tlem," Ely bawk in inchhung penluh pahin a ti leh sup, tunge lo la hman le? Amak ngawt mai, phone kan nei hlawm a, chhan ngai leh puih ngai awmse hmuhnawm thlir in kan thlir a, video a lo cover hmasa tu nih hi kan inchuh ta hlawm emaw tih maitur ani

"Ava mak zung zung ve, ka rawn hmuh ve cheu kha chuan inbuai vak hmel siloh a, video lo cover leh hman pawh chu," ka nau pawh chuan a rawn ti ve sup, dawhkan an thil rawn lei ho dah ṭha pahin ka lo bu nghat nghat, "nichiah e," ka ti leh sup

"Aizawl mihausa fanu ania, mi zawng zawngin a chanchin a chhia emaw ṭha emaw an ngaihven kha ani tlat a," ka nau ṭhianpa rawn lut pah in a tih chuan ka nuih ringawt, hausa viau mahse anun awh awmloh zia kha, a fanu hmel bawk kha ka mitthla ah a rawn lang, a pian na nu ngei hlau in akhur ania, a lainat awm takzet


"Umalsawm'an anei duh kha mak ngawt mai, mak kala ti tawp theilo keichu, nau alo pai pawh nise khatiang hmeichhe leplerh lutuk nupui a anei kha mak ka ti emai," ka nau ṭhiannu kimkim'in a rawn ti hlak hlak, "mipa ah pawh pa tak ania, mahni tuh rah a seng angchu," pakhatin a rawn ti ve nghut, "bakah Jordan'a ṭhian ṭhaber bialnu anihlai kha ania, an in ṭhian ṭhat na pawh a keh phah ania, hmeichhe mak tak ani," atih zawmzat, "sawi tawh lo teh u mi chanchin a mawilo emai, hei zanriah in rawn lei vek sia, in fel in ka lawm lutuk ania," nuih var var pah chuan ka ti sep, an ei tur rawn ken chu dawhkan ah akhat tak tak, tiang em em ka beisei loh tehlul nen, ṭhian ti a han sawi tur hi ka neilo, ka naute ṭhian ho hi ka nel ve deuh a, Ely ani leh mai

"Ala hma tho a dar 5 ala rilo nen U kan ṭhian ho hian kan chhuak lawk dawn ania," ka nau in atih chuan ka bu nghat, "kim, ka u tebul ah hian lo awm rih maila," atih zawm zat, nui ver ver chuan alo bu ve nghal, ka nau nen hian an inzui na ala reilo tih ka hria, hmeichhe tleirawl fel tak anih ka ring


Kawngkhar bell a rawn rik ral ral chuan ka pan vat, ka hawn rual in ka meng deuh kawk, "heihi enge a?" Ka ti hu, "lalrintluangi ini em?" Ka hma a tlangval ding chuan a ti sup, "ka ni alawm," tih leh a pangpar bawr zet pawm chu min rawn hmehbel, "i tan ania, chuan heng pawh hi, tah hian i hming i sign thei angem?" Atih zawm zat, tu min rawn thawn nge le, mak ti zet chuan ka hming chu ka sign


"Tunge min rawn thawn tu?" Akal tur chu ka ti hram, alu thing mat mat chuan, "i piancham lawmpuina atia chubak ka sawi theilo," nui vur vur chuan a in her, tunge le? Ka piancham hre tu chu mi tlem te chauh an ni sia


"Enge a? Awi amawi lutuk," Ely'in a rawn ti chul, ka pangpar ken bawr zet chu ka hnim vang vang, "tu rawn thawn che nge?" Tih leh a rawn kal hnai, ka lu thing pahin, "ka hre biklo," ka ti sup, amithmul kan ak chuan, "Pu Muana anilo maw?" A tih chuan ka nernawng, "zan a rawn kal a tum alawm, anilo ang," tih leh ka sir a parcel chu melhin, "minlo ken luh teh," ka tih zawm zat


"Amah bak anilo ang, tunlai Hotel restaurant a arawn lawr zin dan em em te hi," ti nuah nuah chuan min rawn zui, "awi ava mawi ve," kimkim'in a rawn ti ve nghal, kalo nuih var var, tu pawh minrawn thawn tu nise ka pawm chiang emai analh em ani, "hel tu kan nei ṭha deuh ani chiang mai lalrin," Ely bawkin a rawn tih leh chuan ka nui hak


"Au i dawn ami ava mawi ve?" Bawihte'in arawn tih chuan ka bu nghat, "khawimaw ka lo chhiar teh ang, 21 chiah anih ka ring apar hi," Ely'in a rawn tih chuan en ha pahin, "awihawmloh," ka ti sup, "rawn la teh," tih leh ka pangpar pawm bawr zet chuna rawn la, a chhiat ka hlauh avangin ka lo pe ve mai

"21 ani tak tak mawle au, au Ely khan a sawi dik tak tak ania," ring fahran a ka nau in a rawn tih chuan Ely te chu ka en haw, "kum 21 piancham lawm nan chuan a romantic vel e," kimkim'in a rawn ti sup, kei erawh tunge ka piancham ah tiang zat zat pangpar min rawn thawn tih ka lo ngaihtuah


"Parcel pawh hi ka hawng dawn ania," Ely'in a rawn tih chuan rang lutuk ka chhuhsak, "angailo," tih leh pensawn pui ka rual nghal, za zet a rawn nui chuan, "a chhung ah kekawrte leh bra sexy tawk a awmloh ai leh ka thi ngam," za zet anui pah a tih chuan rum zetin ka melh hrawk, naupang awmlaiin sawi chiloh lutuk, ka nau leh kimkim'i pawh chu an nui vak vak, tu min rawn thawn pawh nise ka hlut ru tlat

Room ah ka tlan luhpui nghal, an la nui nasa zual sauh a, room aṭang a ka chhuah leh chuan kan sofa chung a Urina leh a bialnu lo ṭhu ka hmuh chuan ka meng deuh kawk, zingah khan message in min rawn wish tawh, atih dan ṭhin in, mahse a rawn kal erawh ka ring chiahlo ani mahna


"Ehe inlo kal elaw? Bawihte i nula tawh nangmah in ṭhu rawh," ka tih zawm zat, Urin'an ka nau biang a piai zauh chuan, "ka hmuhloh chhung in alo nula tawh sia," tihpah chuan a biang a piai zauh, "Rinte heihi ka ṭhiannu Jenny anih hi, Jen ka nau ka tih kha," ti sup chuan min in hmel hriat tir, min nuih sen sen pah chuan, "i chanchin ka hre nual tawh a, kan in hmuh hmasakber lah khan in hmanhmawh sia," tihpah chuan a kut a rawn phar chhuak, "ka nau," mintih chuan tlem in ka awm ati nuamlo, ka thin a rawn phu dawt dawt

Za lo zet a nui suk chuan, "nia a rawn hruai har che sia ka hau hman ṭep ani, zanriah ei ve nghal ula," chibai let pah chuan ka ti let zat, Ely te lam ka va melh zawk, Ely chu alo ner nasa ngang mai, anau ang a min sawi chu a ei vak bikli aniang

"Kan ei hmanlo ang, jen te in ah hian ei kan lo tum a, a chuan heihi birthday thilpek," tih pah chuan paper bag min rawn pe, "ava lawmawm ve," tih pah chuan ka ban ve mai, Urina chuan min en leh vung vung ṭhin, rei pawh awmlo in an chhuak vat, ka naute ṭhian ho pawh an rawn lut khawm ṭan ei tur kan lo ti lum mawlh mawlh

Ka naute ṭhian ho 7 vel leh kimkim'i leh Ely te ne chuan kan ri ve hlut, ei tur an order tam bawk nen kan ri ve nawk nawk hlawm, "U i ṭhianpa alo kal ania," ka nau in ṭhut khawmna lam aṭang a min rawn auh lang lang chuan ka thiltihlai chu kimkim'i lo ti zo tur a hrilh chuan ka kal vat, kan ṭhut khawmna a Muana lo ṭhu nui vur vur ka hmuh chuan ka thaw hak, alo kal tak tak pawh ka rinloh nen, "ilo kal tak tak ani maw," tih leh ahma ah chiah chuan ka ṭhu thla ve nghal

Midang erawh an ri nawk nawk, ei in tur kan lei pawh nilo ka nau ṭhian te ho lei atam bawk a rin aiin kan hniang hnar, dawhkan a chips in chhawp chu ka ban zauh, "i piancham thilpek te pawh pek ve chhe ka duh a," ti sup a ka ṭhut na arawn in sawn chuan min si lek lek in a rawn ṭhu ka tawlh sawn vat chu a thaw hak


"I piancham ka lawmpui che," ti sup chuan bawmte hi a rawn phawrh, "ivan ti lawmawm ve, tiang te chu angailo asin," ka ti ve mai, anui vur vur, Ely leh kimkim'i te pawh an rawn lut ve, an ri deuh hak, Ely'in, "tunlai chu hel tur ṭha kan hria ani maw?" Muana rawn fiam pah atih chuan anui ar ar, ka ngei tawk alo tling leh em em, bakah hepa nen hian min hmehbel vaklo se ka duh zawk

"Minpui angchu," Muana'n min rawn melh zawk pah atih chuan kalo ṭhen suk, Ely'in nui awr awr chungin, "beihve fe angaih hmel ka ti," alo tih zawm zat, an nui hak hak hlawm, kimkim'i phone a rawn rik chuan ka en vat, ahmel in thlak nghal rawk rawk chu ka hmuh chuan, "diklo a awm em?" Ka ti vat

"Ka pa damdawiin ah an hruai anih chu," bah nawk chuan a rawn ti chhuak, a ding nghal hluai bawk, ka pan hnai vat, "avan zialo ve mahse hlauthawng suh, El kanaute inchhung lam ah an awm han ko la," ka tih zawmzat


Ka naute ṭhian ho nen chuan an in zui chhuak, zui ve duh viau mahila bawihtei awmpui angai bawk si nen ka ngaihtuah ve viau, "a zialo e ka piancham alo ni kher nen, kimkim'i pa chu engtin mah awmlo hramse," ka ti sep, bawihtei ham bai bai chu hui zauhin ka pawm nghal, ka malchung a pawm chuan, "muhil tawh rawh atlai tawh," ka tih zawmzat

Ely phone hmang a room a awm avangin kei leh Muana chu kan ṭhu ran, bawihtei a muhil duar duar, "Rinte," a rawn ti sup, alam hawi chuan, "umm," ka ti ve mai

A ṭhutna rawn in sawn leh chuan ka bul hnai chet ah bawk a rawn ṭhu leh, diktak chuan ka ngaina lo takzet tih ka hria, ka lo ṭhu ngil nghal auh, "ka sehlo ang che," ka awmdan hrethiam awm tak chuan ati nghut, ka nui hak, mahse a za thlawtlo, min hnaih mah mah, "ilak a ka rilru put hmang hi i hrethiamlo nge inhrelo der," a rawn tih chuan alam ka hawi hu, nula kum 21 ka ni ve tawh, ka chung a thilthleng zozai te avangin ka puitling ka inti ve em em, tuman minfaklo mahse, kalak a arilru put hmang hrethiamlo tur hian ka â biklo mahse ka ngainalo ani tawp

"Enge i sawi awmzia ber?" Nui sang chuan ka chhang, thaw hak a bawihtei ka pawmna kut rawn vawn hnan chuan, "ka duh che tih hi i hrelo tak tak ami?" Ka mit a tak a rawn en, sawi mai tur pawh ka hrelo, ka mit ka khap fak fak

Aw rawn thian khurh khurh kan hriat tak ah chuan rang zetin kan inthlah, min thlah pawh anilo ka inla hrang ani mah mah zawk, ṭhut khawmna kawngkhar bul ah Jordan'a lo ding run ka hmuh chuan ka mengkawk, a mitmeng dur khup leh sen ram si, pelh deuh phang ah chuan harhfim hmel pawh a pu lo, "ka ti buai cheu em?" Ati nghut

"Buai ṭep," Muana chuan lungawilo tih hriat zet in a ti nghat, kei erawh ka ṭawng lo Jordan'an min melh reng tih ka hria, a nernawk, "ti buai che u pawh ni ila, ka luh tawhna ah chhuah leh mai mai ka tum silo a," changzet ati chuan a rawn pen hnai, sawi mai turnpawh ka hrelo, boruak a rawn ti rit zual hian ka hria, "lo lut rawh minti buailo ania," ka ti vat, Muana hmel lah chang tulh tulh, Jordan'a hmailah en nawm fahran lo, enge maw inhnial buaina awmse in ban duh mai tur hmel anpu, ka ngaihbel zawk nge

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:09 pm

JORDAN
By floria laldansangi
9

Jordan'a rawn pen lut chuan kan hma zawn a sofa ah chuan a rawn ṭhu nghut, minla en char char, nuam ka tilo lehzual, in nei tu zawk ka inthlahrung duk pawh chu thil dik ani pawhin ka hrelo, thaw kan la hak, ka ṭawng dawn chiah tih ah, "Rinte ka haw san phawt angche, ka thusawi kha lo ngaihtuah la aw, ka ti tak tak ania, Jordan ka fiamthu anih kha, ka hawsan angche u," Muan'an nui sung chung a atih chuan a ding zui nghal

Nau ka pawm avangin ka tho ve maitheilo, "la leng rihla, ala hma lawm," ka ti khawmawi ve diktak chuan nuam ka tilo, a thusawi pawh kha ngaihtuah loh tawp ka duh, "natuk chu rinni ani bawk a chawlh ka pe angche, piancham lawmpui na ani mai," mit min siai zauh chung a atih chuan ka nui hak, "ava lawmawm dawn ve mahse inthlahrun awm emai a," ka tih chuan a lu thing mat mat in, "ila thuber maithei a sin, ka kal ange," atih chuan, Jordan'a lo thaw ri hak chu ka hre hman hram


A chhuah rualin boruak rit zet a chhuahpui angchu tih nak alai in ahma aiin rit ka ti fe zawk, han sawi maitur lah chu avang nasa mai sia, "i bialpa ami? Chhun a phur tu che kha chu i nau tih ka hre tawh a," a rawn ti bul hmuk, rang lutuk in alam ka hawi nghal, ka nau kha ka bialpa emaw alo ti emaw ni? "Anih hmel emaw ni?" Ka ti let nghat

Nernawk chuan, "ani em ka ti reng alawm," a rawn ti changbal, enge maw a thinrim ve em em le, lo ni pawhnise a buaina anilo hrim hrim, "ka mimal nun anih chu," ka ti hmak, a thawri hrawk hrawk, kan inchhung hi a te chhe hranlo, a tawk vel viau kalo ti ṭhin ania, a zim zia ka hre thar uar uar mai hian ka hria

A reng reng in khawnge Ely laldinmawii pawh hi, zankhua a phone hman a tum emaw ni? Mamawh lai a awm thei derlo, tun ah tak hian ka mamawh zia hriase min khawngaih zawk ang, "i mimal nun kha buaipui ta tlat ila," a rawn ti nghut, ka harh zawk, ka ngaihtuahna ka lo kawm leh tawh tih ka hria, "i buailohna tur tawp anih chu," ka ti let, engvang a hnial let zel nge ka nih hrep pawh ka hrelo

"I fanu chu a ṭha maw?" Thildang sawipui ka duh, ka hre mai silo, a bu nghat, "a piancham ania," ati sup, "ohh," chubak sawi tur ka hrelo, kan piancham a in ang chiah, "in piancham a in angchiah," ka ngaihtuah na hria ni awm takin a rawn ti leh sup, ka melh kawk, engtin nge ahriat le??

"Engtin nge ka hriat i ngaihtuah mek," nuisuk chung a atih chuan mi â ang maiin ka bu nghat nghat, ka mit ah tak chiang lutuk a min rawn en chuan, "i mimal nun ah ka buai ka tih kha," ati sup, ka chil ka lem khalh, a mitmeng sen deuh ram, harhfimlo tih hriat zet leh a sam hnawk deuh niah chu a inhmeh mah mah zawk, nilo, nilo enge maw ka ngaihtuah le?


Pangpar kha ka hre chhuak zawk, "pangpar kha i rawn thawn ami?" Ka ti hu, a ṭhensuk, a hâ var zet chu a lang deuh, a vei nuih han mawi zia mai chu!!!! "I duh zawng ani vaklo em ni?" A rawn tih chuan ka lu ka thing mat mat, "analh lutuk ka piancham te i hria a mak em alawm, bakah i fanu pian ni nen alo in angleh zel nen hria ila tlai ah khan ka wish ve tur ania," ka ti sep, ka ti tak tak, a piancham ah anu kut atuar kha ka lainat thar leh riau bawk

"I naupawm kha va mut phawt teh a rit anih kha," kan ngawih vang vang hnu ah a rawn ti sup, a rit ka ti ve reng, ka chesek, mahse ka zahzel kha ani ve sia, diktak chuan a ni nen chauh a kan ṭhu dun pawh hi ka khur chhe tak ngial dawn in ka hria, tleirawl tak tak teenage vel a inleng vawikhat neihna ang vel ka ni mai hian ka hria ka zam zia maichu!!! A hrethiam ang tih ka hlauh vang zawk ania ka nau pawh ka mut tir maiduhloh huizz

"Ka sehlo angche, a rit iti anih kha," nuihza aw lek lek in a rawn ti nawn leh sup, melh hrawk chuan, "minseh dawn pawh ka tihloh kha," ka ti leh hmuk, anuih a za tulh tulh tih hriat zet in ahmui hnuailam a pet zauh, ava han sexy ngawih ngawih tak, nilo, keihi enge maw ka ngaihtuah vak vak maile, mi pawmlai, fa nei tawh leh nghal ka â mawni


"Itihloh chuan va mutla, i ke ana vek mai ang," la nui sawng chung chuan ati leh sup, ka nau muhil bam chu melh zauhin ka thawhpui, duhlo viau mahila a sawi dikchiah bawksi, a rit ve tawh viau pawm reng chi niheklo, room lam ka pan nghal, ka hnungzang za mer mer ah chuan min en zui tih ka hrethei, tiang hian mipa dangin min en zui leh zuiloh ka hre ngailo, mahse he Jordan'a min en na hi chu hmu kherlo mahila ka feel thei nia mawle


Room ka luh rualin ka thaw kawk, khum a kak zet a Ely mu ka hmuh chuan ben hrep mai ka duh, a phone hmang a muhil nghal tih hriat zet in kawi sawi zet chuan alo muhil bam, a mal a beng taih chuan, "mu ṭha teh," ti leh ka nau chu a sir ah ka mut ve nghal, rawn meng diar diar chuan, "a haw tawh ami, a sawi lungrun sia ka rawn tibuai duhlo cheu anih kha," nui sun sun chung a ti ṭuak chuan ka nau chu akuah nghal hlu hlu, rum zet a melh in, "awm anglo lutuk," ka ti hlak, anui nghawr dat

Ruah a tlak a a vawh deuh sung avangin ka kawrlum phiar hma phel zang deuh chu la in ka in ha sawk sawk, room aṭang a chhuah ka huphurh ber ṭum ani hial ang, sawi tur avang bawk si, bakah Jordan'a bul a ka awm emaw a hmel ka hmuh hian ngaihtuah na ṭha lo zet zet ka nei ziah ka duhlo hle bawk

"Min mutsan ta emaw ka tia, ka rawn lut ve ṭep ani," nui sung chung a alo tih chuan ka ner nawk, a hma ah chiah ka ṭhu thla ve nghal, min en reng hian ka thin phu hi a diklo ṭhin min en miahlo se ka lawm zawk ang mawle, "in nu te i lensan mai mai a, i fanu piancham te ania awmpui ve awm," ka sawi tumlohzet ani ka sawi ni, engvang a anupui pawh chu sawi chhuak ta kher nge maw ka nih


"Nupui ka nei tih tunge sawi a?" A ti nghut, a pawi ka sawi ta emaw tih maitur ani, a ṭawng kam bul lutuk chu, ka zam chhe leh vek tawh, ninawm vel e, bialpa kala neih vak ngailoh vang nge tiang a hepa bul a ka awm tlat hi ka in haw ru ngawih ngawih in ka in zahpui takzet


"Aw inei miau sia," ka let sep, thaw hakin, "ka fanu pian hma in kan inṭhen tawh, min ngaihsak velo tih hre tho mahila mi pawmlai ang a min ngai chu a lawmawm viauloh," a thle bak, a nernawk bawk, en deuh kawk chuan, "i fanu pian hma maw?" Mak ka tih zia ka thup hmanlo aniber


"Mak iva ti awm ve?"

"Ti ve tho e, a rei ve tawh em a, bakah in fanu a khawngaih thlak awm, fa neih hnu a inṭhen hi a ṭhalo asin, fa te inti fahrah mai mai," ka ti duah, ka sawi tur ani miahlo tih ka hria mahse ka ngaihdan diktak ani tlat, nupui pasal a insiam hnu a inṭhen leh hi enge an buaina va hrelo mahila thil ṭha tak anilo, kar ah fa te an awm tawh phei chuan hmeichhia chuan a fa vang tal pawhin a theih tawp a chhuah tur ah ka ngai

"Hmangaih loh nen a chendun reng te chu a," ati sup,"hmangaih lo si enge i rai tir," ka rilru chuan ka lo ti let ve nghal, "mipa leh hmeichhia an ruih dun chuan thil thlenglo tur a kan duh pawh a thleng fo ania," arawn tih chuan ka ngaihtuahna ka sawi chhuak tih ka hre chiah, ka ṭhen khum vak ringawt, sawi maitur pawh hre heklo

"Ila mu nange," ka nau aw ka hriat chuan ka hawi vat, "ohh inleng ilo nei a, zanin chu Ufela a rawn hawlo ang, riahpui an ngaih hmel a, ngaihtuah awm chu anilo, ka mu dawn nia," a tih zawm zat, ka bu nghat, "kimkim'i aṭha maw?" Ka tih chuan bu nghat nghat in, "a hlau thawng ve deuh anih kha," tih leh room lam apan nghal


Ka nau room luh fel rualin, "kha kha bazaar a ka hmuh kha ami?" Arawn ti sup, alam hawi vat chuan ka bu nghat, nuisuk chuan, "i nauten an ṭhan san vek che anih kha," mit hmul kan ak atih chuan ka melh hrawk, ka naute hi an lian hle tih ka hria mahse khatia a sawi kher kha angailo, ka pa hi pa lian tak aniloh nen ka nau mipa te hi an lian em em, an ruh invuahna pawh alawk bur bur khawp mai, ka nu leh pa hi lian ti a sawi tur an nilo, te chhia erawh an ni chuang miahlo, kei erawh ka hriat dan in ka pian na pa hi 6ft khum ah a leng lo tih ania, ka nu ka chhun em avangin ka lian vaklo thung


"Mahse i hmelṭha ber ania," arawn ti leh sup, ka lai leh nghal ngawt pek a, "i fanu kha kum engzah?" sawi ve tur hlawl ka hrelo, "kum 5 a pum chiah vawiin khan," a ti sup, "inhruai leh te in rilruklo ami? I fanu tan pawh nu thlazar hnuai a awm chu a ṭha zawk angchu," ka melh ralh, ani erawh in khawdang hawilek lo in min melh leh ngar tawh

"Duh dang ka nei sia, hruai tawh dawnlo tihna anih chu," ati nghut, ka dang leh der tawh, mi hnial khan ahre em em chu a hmel nen pawh in hmehlo lek lek zawk alawm

"Ka haw ange? Zan dang a lo len te i phal tawhlo palh ang," ti nghut chuan a tho thurh, ka en haw, a tho thut chu mak ka ti ani mah zawk, "awihawmloh e," ti nung nung chuan ka ding ve nghal, kan han ding dun chiah chu ka te zual rawih rawih hian ka hria, ka lian lo tih ka hre tho na in Jordan'a lak ah chuan te tak hi ka ni, te tak, mite chi antih mai khi ang

Ka kawrlum phiar ka ngal thleng vel leh tlem a thawl lam anih vangin ka in kuangkuah deuh than bawk nen chuan ka lang te leh zual hian ka hria, naupang thu awih tak te pawh ka ang ve ta viau ang, ka chhip aṭang a en thla dan dan chuan anui suk, kei erawh ka lai lutuk chu ka lo ip chawih chawih, "duhawm reuh lutuk," ti sup chuan a pensawn nghal ka thaw hak, kawngkhar thleng chuan ka zui, a chhuah rual a ka lam rawn hawilet chuan a ha rual zet leh var sar mai lang chuan min nuih leh var var, ava han ṭha chiang tak, tu hmeichhia mahin an hnarloh tawp tur mipa ani chiang alawm

"Lut tawh rawh," ti si chuan min rawn din hnaih hret, ka thaw em pawh ka hrelo, ka lungphu erawh rang dawt dawt tak ani, rawn kun hniam chuan ka chal ah a hmuilum zet chuan arawn si zauh, ka khawng nghal awt thei, "kha kha i ngaihtuah chhunzawm atan, tih ka chakna a rei tawh a, muttui le," aw sexy zet thawp sap a ti leh chuan ka hnar chu a thai zauh, chet sawn sawiloh thawk pawh ka thaw ve tawh in ka hrelo, chil lem ringawt pawh harsa tak ani


A kal liam chu milim ang maiin ka en liam, a bolero a aluh dawn chuan rawn hawi let leh in min nuih leh suk, ka za chhuak vek hian ka hria, ka thinrim lo a, ka chhungril a lawm lutuk tih erawh ka chiang viau thung, a tlan liam thleng chuan che sawnlo in ka ding khawng reng, kei hian Jordan'a hi ka duh ami, nilo ang, reilo te chhung a ka hriat, pathlawi chutah drugs addict hi ka duh angmaw? Ka lu ka thing nawk nawk, min bawl mai mai ani, chu chu nise ring nghet tlat bawk ila ka duh ani

A sawi ang tak tak in ka chal a fawhna chu ka ngaihtuah chhunzawm, eng vang a khatiang a che kha nge anih le? Ka chal chu a khat tawkin ka khawih leh zauh ṭhin, a chang leh ka nui a, a changleh mak tiin ka ngaihtuah chhunzawm, a hmel pa tak leh ṭha zet ka mitthla a arawn lang phei chuan ka hmai a rawn sa hat hat zel nia, ka in zahpui takzet, mahse ka thunun theih ni heklo

Zing ka thawh chuan anlo tho vek tawh, zing ah ka nau te antlan ṭhin avangin ka thawh ve hma hian chaw chhum siamin an kalsan ṭhin ka thawh ve tawh chuan chaw alo in chhhum hmin a, chawhmeh siam hi ani mai, tukkin phei chu nizan lam a kan ei bang nawi a tam avangin han siam em em tur a awmlo


"Hna i kal dawn em?" Ely'in thingpui in chung a alo tih chuan ka sam ṭawn ṭha mawlh mawlh chuan, "kal lo ang, chawlh chu min pek ve ngei kha le," ka ti sep, mit hmul rawn kan ak in, "an han induat ṭan nghal ringawt a," atih chuan rum zet in ka melh, coffee in tur siam rak rak in, "iti awm anglo e, bak ah El keichu Muana hi ka hlauh zawng tak, nizan a thusawi pawh kha ngaihtuah loh law law ka duh," a bul a ṭhu thla pah chuan ka ti sep

Ka ti tak tak bawk, mipa ṭha tak ani tih ka hria, sualna phei chu anei pawh ka ti hranlo, mahse ka ngaina thlawtlo, min hnaih te hian ka awm anuamlo, ka hlau tak tak hian nia ka hriat ni

"A duh hmel viau che kalo ti asin, nge ni a a hnu ami zawk kha a tla na zawk," mit hmul kan ak ak chung a atih chuan ka coffee in chu ka hak lo chauh, Jordan'a rawn kal kha ahria ani chiang mai, "i hria maw?" Ka ti hu, hmui ti sawi zauh chuan, "a haw tur kha ka hmu alawm, a chhelo ve em ani Jordan'a hi chu, hmeichhia in kan dream ṭhin mipa chu amah ah hian a famkim tawh, damdawi te hi tilo pheise chuan perfect kan tih ang tur kha ania, addict ani kher hi a pawi e," ati zawm zat zat, damdawi a sawilai chuan ka lo hnual nghal rawih rawih hian ka hria


A sawidik chiah, a chhelo a sang em em, 6'ft a pel a, a sam dum buk deuh laih kha chhip lam a ti hnawk deuh niah, a mit hmul dum sei zam nen, a hnar ngul invuah sang vah te khan a ti lang chhelo zual, mahse addict tih ṭawngkam chuan ka hriat thiamloh hian minti hnual em em nia mawle!! Ka engmah ani tawp silo a

Nileng in in ah ka awm, bawihtei nen in kan ti fai dun, Ely erawh hna a kal, ka nau pawh chu ti tho, lal V-a erawh a ṭhian te nen an leng chhuak, "au Aizawl kan awm hma in khawnge kan awm a?" Bawihte'in lunch ka siam mawlh mawlh lai chuan a rawn ti chhuak phawng


Ka ngawi deuh vang vang, ka mitthla ah khami zan, kan veng YMA president khawngaih na nei miahlo a kan chen na aṭang a min hnawt chhuak tu hmel kha a rawn lang, ka nu mangang hmel te kha a rawn lang zut zut, kan khua, ka pa lu kan phumna hmun ngei chu ngaihna chhe te mah ka neilo, ka ngaihtuah chhuah apiangin rilru natna nasa tak ka neih phah fo zawk ani


"Au," ka nau aw ka hriat chuan ka harh zawk, ka mittui rawn hnam ṭiam ṭiam chu khap let sak sakin, "a hla lutuk, he ta ṭang chuan," ka ti sup,"zin ka chak ve e, au Christmas dawn ah kan zin theilo ami a?" A rawn tih leh chuan ka nau lam chu ka hawi, a hma ah eitur chhawp pahin, "kanla ngaihtuah dawn nia, lehkha i zir ṭhat dan a zir in kan zin ang," ka tih chuan uar lutuk a lu bu nghat nghat in, "ka zir ṭha viau ang," uar zetin a rawn ti chhuak, ka nui hak, ka pa thlan pawh kum tamtak chhung kan tlawh tawhlo, enkawl loh ani ang tih chu ka hria, mahse kan khua a let leh emaw zin ringawt pawh hi hreh takte in ka hreh, khami zan kha ka beng awmna ka hriat chiang tluk zetin ka chian em vang pawh ani ang

YMA te hi ṭanpui ngaite ṭanpui tu, Mizo nunze mawi chhawm a, kan hnam in nghahna pakhat ani, Mizo nih ti nuam tu pakhat kan inchhuan rukan ni in ka ngaiin ka zah em em, mahse a hming ka lam fak theih, ṭanpui ngaite ṭanpui ai a nihna hma chhuan a, rethei zawkte hriat thiamna nei miahlo hruaitu kha ka hua ani, khawnge ṭanpui ngate ṭanpui tu tur kha? Kan ram leh hnam hmangaih dan hi a lem tawh lutuk ka ti ngam ani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:09 pm

JORDAN
By floria laldansangi
10

JORDAN....POV

"A mak e... Mama i awmdan hi sim tum teh, tunlai i awmdan phei hi chu addict tak tak nun ang in nia i awm, i fanu hmai tal hi zah ve teh," ka nau ka room a rawn lut pah chuan a phun hmiar hmiar, kei erawh nichin lawk a ka taksa chhung a ka thun damdawi hna thawh avangin ka mu kai chiai chiai, ka thluak a fan ka ni miai miai mai, anuam tih hian a sawifiah rihlo tlat


"Harhfim lai reng reng ineilo, ka bei hi a dawng takzet," ati leh nghut nghut, "addict tak tak ang," a thusawi avang chuan ka nui hak, addict ka nilo ti mahila ka ni miau a, addict tak tak leh tak taklo nun te ka lo nei ani maw? Amak ania, ka thle bak, ka room kawngkhar ngheng a ding ka nu chu ka melh zawk, amit a mahni inthiamloh na leh min khawngaihna mitmeng saw hmuh hreawm ka ti


Angaihdan chuan heng damdawi ka khawih chhan hi amah vang ah angai, mahse anilo, ka duh thlan na hmang a ka tih ani, tumah ka demlo, kei fapa laktlakloh lutuk an nei hi ka lainat takzet, Belinda'i a rai tih kan hriat khan a thawmhnaw keng in kan in ah min rawn luh khung tawp, nupui ah neih ka duhloh thu ka sawi nasa, mahse fa te tih fahrah a ṭhatloh thu sawiin ka nu khan min neih luih tir, ka neih duhloh chhan kha amah vang anilo, a chhan chu Belinda'i kha ka ṭhian ṭhaber hmeichhe hmangaih ani tlat, mahse mipa tenawm tak ka ni, engtin nge ka unaupa ang mai ka en leh min en tu hmeichhe hmangaih kha ka mutpui theih zawk ni, ka chan tur ve reng ani tlat


Belinda'in ka fa apai tih a sawi lai a Muanawma hmel kha ka dam chhung in ka theihnghilh leh tawhlo ang, a rilru na hmel leh min huatna mitmeng mawlh kha, ka dem hauhlo mahse tun ah, tun ah ngei hian ka hmeichhe duh ruk em em alo duh ve ang tih ka ring phalo ani, mahse ani ngei si a, Rintluangi te in a len nawn leh ka tum zan khan Muana chuan tih takzet a aduh thu a sawi lai ka mit ngeiin ka hmu in ka hria ani, ni e, kei pathlawi drugs addict ai chuan a thlang zawk ngei ang tih ka hria, mahse mipa dang kut a vuan tur ka ngaihtuah hian harhfim a hma chhawn minti hlau a, nidang leh a hma zawng aiin ka rui zing bawk

"Vawiin chhun ah U Linda-i nu te an rawn kal leh a, bawihtei rawn lak an duh thu an sawi leh bawk nen, tiang reng chuan court an thleng anga, an la thei mai ang tih pawh ka hlau hlel lo e, nanglah in nghahna tlak hlawl i awm silo," ati hlak, ka nui nghawr dat thung, zaktheilo chhungkua ve ngawt mai

"Anduhlo a minpek tawh lak ah hian thu neihna an neilo e," ka ti kha fak, nau apai a ama thu in min rawn luh khung hnu ah nau aneih hma in min chhuahsan leh a, chutah nau a piang fel chiah ah, "rawn la rawhse a fa hi," mintia, kan va la a tun atak a rawn ngaihsak chhan tur an neilo, ka fanu ani a, saw chhungkua a seilen tir saw ka tum aw zawnglo


"Saw chhungkua ah sawn seilen tir ka tum aw zawnglo mai, anu addict hnuai lak ah seilian se iti ami?" Ka ti leh nghut ka ṭhu chhuak nghal, ka nau chuan rum lutuk in mi lo melh, "addict a??? In in angreng?" Ni e a dik chiah kan in ang chiah, mihring tak hi chu!!! Sa in ang ah pawh hmuhsih bik kanla nei ania


"I fanu hum tlat tur hian dikna inei biklo ania, i nundan in a zir silo, puipuii ka khawngaih emai, nu leh pa neilo ai pawhin a fahrah zawk, a hming hre tu apiang in nu leh pa addict kha anti zel tawh tur nen," rilru na tih hriat zet chuan a ti hap, ka hmai ka tuai puat


"An la ngailo ang," kan ti thla ngawt a, ka fanu hi ka khawngaih lo ani miahlo, anu nun tal hi chuan zir se ka rui lai hi hmulo se ka duh ngawih ngawih ve tho asin, mahse ka thisen hian chu chu a zawm tlat silo a


"Ve leh ngawt ngawt zel a, i nun dan en phei hi chuan engmah sawi ngam tur inilo, in zahpui awm nupa emai," ati thlawt, nupa, ka nuih te pawh a za e a, nupui nei ṭhin emaw nei tawh a kala in ngai thlawtlo, mahse a hming chuan pathlawi ka ni alawm, chu chuan ka nun a tibuailo a, ka damdawi khawih avangin ka nun abuai ngai heklo, tun ah erawh a buai mek ani, ka fanu nun mai nilo ka hmeichhe duh ve ngawih ngawih ka hnaih ngamloh phahna ani ta hial mai si a


Khum aṭang chuan ka tho thut, ka damdawi in minfan dawn chauh a, ka nau phun ang ka hriat chuan minti harh fim zo tak tak dawn in ka hria, "amak emai, upa zawk si hauh che lah hian i ngaithla duhlo, engtia nun hman zel nge itum? I fanu vang tal pawh hian nun sim hi tum teh, ka nu leh pa mittui sen zo zai te hi lainat na neilo lutuk mai," ati leh hlak hlak, sim ka tumloh chu thuhran kei a rui mai mai lo eng helh viau, a rui ṭhin ber pawn ka ninloh ahnu

Room aṭang chuan chaktak in ka chhuak vut, "Enge itih leh dawn?" Ka nu min auhna pawh chu chhanglo in pawnlam ka pan vut, "mama enge itih dawn zan a tlai tawh si, chhuak tawhlo mairawh," ka nu in kawngkhar aṭang min rawn au lawm lawm, ngaihsaklo chuan ka car ah lut in chak takin ka tlan chhuak


Car steering chu ka chum pawp pawp, engber khan nge ka thin ti rim em em pawh ka hrelo, mahse tun a ka chak ber chu tu emaw sawisak hrep ani, ka tha a za aniber, motor ka ti ding tuar, thaw ka la kawk kawk, ka nun hmandan ah tumah ka demlo, ka nu emaw ka chhungte tumah, ka duh thlan a he kawng zawh hi ka ni, khawvel ah ka duh engkim ka nei ka khawvel chen dan ah lawmlohna leh han lawm em em na pawh ka nei hranlo bawk, chu chu a tawk viau ah ka ngai


Ka hawi chuak, ka din na lai ka hawi kual, Rintluangi te inkawt thim chin ah ka ding tih ka inhria, he hmeichhia hi tunge maw anih chiahle, ka rilru ngaihtuah na zawng zawng nei vek tu hi, karkhat chhung teh meuh engmah ngaihtuah theilo in minsiam, ka ṭhian ṭhaber ni ṭhin Muana tan ka duhpui mahse ka ta nise ka ti tlat bawk si, chu chuan minti thinrim ni ber in ka hre tlat


An inlam chu ka thlir reng, kawngkhar a rawn in hawng, ka ring chu a fan thui teh e, mahse ka thil hmuh erawh in ka thisen a ti sa phat, Muanawm'an hnai zet a Rintluangi a din chilh chu hmuh hreawm ka ti, ka kal lawk a hnek sawk sawk mai ka duh, chu erawh ka ti thei der silo




RINTEI....POV

Ka piancham zan a Jordan'a rawn kal bak kha kala hmu leh miahlo, a thusawi ka lo ring te kha mawl ka inti in ka zak ngawih ngawih, alo len leh ka beisei tih hre pheise chuan hmeichhe zaktheilo tak ah min ngai ngei ang, engtin nge ani ang mihausa leh Mizoram hmeichhia zawng zawng deuh thaw in an duh rawn chu kan in alo len nawn leh te ka beisei reng reng ni, mawl ka intih bakah ka zak ru zawk

Khang karkhat chhung khan Muana hian min hel char char, mahse atan beisei awm in ka awm ngailo, ka hrethiamlo ka thinlung hian mi nghah anei tlat hian ka hria, ka famkim tlatlo ani, Muana haw tur chu pawn ah ka thlah ve khawmawi, "i thinlung nei tu nih kha ka chak zia i hria tiraw?" A rawn ti sup, ka nuih tawp, sawitur ka hre tlatlo, "ka nghak thei che ania Rinte," ati leh sup, min rawn din hnaih deuh avangin ka tawlh hnung hret


"Muana mipa ṭha tak inia, ka chung a i ṭhat zia pawh ka hria, engtia rulh tur che nge ka hrelo, mahse ṭhian leh hna a kan inzawmna bak a thui chu ka thei rihlo ani," ka ti sup, bu nghat nghat a min rawn melh chuan, "i thinlung nei tu mipa chu avannei takzet, ka haw ange, naktuk ah kan inhmu dawn nia," tih leh inher vut in a motor ah chuan alut nghal, a tlan liam thleng chu ka thlir, duh ve thei ila ka ti takzet, Ely'i sawidan takin kan unau tan pawh nun a awlsam zawk ngei ang tih ka hria, mahse chu mi vang ringawt in midang rilru ka ni na ngawt theilo, duh tak takloh kawp vel ka thiam zawng pawh anilo


Muana tlan liam chu thlir in ka ding deuh vang vang, van lam dak chuan boruak ka hip vang vang, ka nu la damse tih ka ngaihtuah chhuak ka mittui a rawn hnam ṭiam ṭiam chu duhlo in ka lu ka thing nawk nawk, "i lung aleng nghal der elaw?" Aw thum zet mai ka hriat chuan ka per dawrh, ka hawi kual nghal, kawngpui thim chin aṭang ruang am lianzet mai chu ka lam ah arawn hnai tial tial, engchin a rawn thlen a hmel ka hmu chu ka thaw kawk, ka lungphu rang lutuk chu ka awm ah kut nghat in boruak ka hip kawk kawk bawk


"Lungphu chawl a mintih hlum itum ami? Khati teh thut a rawn awm," bak hlak chuan ka ti ṭhawt, a nuisuk duh chauh leh nghal, chhe nger ngur lutuk mai, ka thaw kawk kawk, "enge?" Min en reng tu chu bak zet chuan ka ti leh hlak, "thinchhe lutuk," ti sup chuan min rawn pan hnai, chhe ve bawk angchu khatiang teh thut a thim zing aṭang a aw rawn chhuah, mi â nghal loh


Tawlh hnung hret chuan, "chhia e," tih leh inher ka tum chu ka ban ah na zet a min pawt her sawk chuan ka kawng ah man bet nghal, ka rak chhuak tur chu ka kâ chu kalo suangthuah fo ṭhin a hmui sexy zet chuan a rawn chilh hmiah


Ka tal phat phat, a awm ah leh dar ah ka chum dawt dawt, ka tukkhum sam a hneh zet ṭham bet chuan a ai na in min fawp ngawng ngawng, ka ṭan nasat pauh (poh) leh min vawn na atih ngheh avangin ka tha a zawi vat, ka inthlah dul tial tial tih a hriat chuan a ai dim zawkin min fawp, a lei thap leh hrawl zet chu ka kâ chhung ah a hawl kual, min fawp dawk dawk ni mai hian ka hria, ka hmui ka ti che ve zeuh, chu chu rem chang ah ala tih hriat zetin a ai thuk ah alei a rawn hawl, chutah zet zawng he mihring ka duh ruk ve em em hian min ei zo pawh pawisa lo chuan ka chhang let ve tawn tawn, tiang ang tak hian infawh hi a nuam in a tui ang tih ka ngaihtuah ngailo hrim hrim


Min fawhna chuan khawvel hran ah minhruai ni maiin ka hria, a nghawng ah ka kut suih zawm chuan ka chhang let ve tan tan, alam a min pawt hnai salh chuan a ai thuk leh ril zawkin min fawp ngawng ngawng, boruak chung ah chuan ka kâng ta emaw tih mai tur in ka leng delh delh hian ka hria, thaw chham lek lek a kan infawh hnu a inthlah chuan thaw kan la dun halh halh, alam a min pawt hnai leh salh chuan a awm pharh hlai zet mai, kalo suangthuah fo ṭhin bawk ah chuan min kuah bei, aban hrawl leh chak tih hriat zet chuan min tuam nghal vek

Ka lo suangthuah ai nasa in he a awm pharh hlaizet hi anuam in ka thla amuang, ka him hliah hliah in ka hria a, ka mal na leh lungngaihna, khawharna zawng zawng kha ahliah khuh ni maiin ka hre bawk, ka chhip a fawp vang vang chuan, "ka ngaih ang che hian min ngai ve ani tih sawi teh, nilo, Rinte ka rilru ang hi i pu ve tih sawi hram rawh," a aw chu zam aw te pawh a ang lek lek

Ka thaw dep dep, ka lungphu erawh rang dawt dawt tak ani, "keihian ka kuahmek hmeichhe tereuhte hi ka duh lutuk tawh ani," ati leh sup, anui zui dat bawk, tereuhte tih chu ka duh bik teuhlo a awm ah ka chum taih, "ka te kherlo," ka ti bak hlak, mahse a awm khauh ṭha zet aṭang a inlak hran ka tum chuang hauhlo, a ai nghet a min kuah chuan ka chip ah a khabe nghatin, "helai ah hian i lian mah mah ani," rilruih ati chuan kankut tereuhte chu la kangin a thinphu zawn ah chuan a nghat, ahmel en tum chuam tlemin ka dak deuh hâ


Pawn light eng a kan din avangin kan in hmu chiang viau, amit meng sen deuh ram, ruih nei tih hriat tak kar ah chuan minlo en ran, ka chil ka lem khalh, ka hmui kau tiar ah chuan a rawn fawp leh vang vang, "Lalrintluangi tereuh zun ah hian ka uai nghet mah mah tawh ani, kha karkhat chhung kha engtiang a hreawm in nge ka hman i hrethiamlo zawk ang," ati nghut

Keipawh in kalo beisei ve reng ṭhin mahse a rawn lang miahlo ani, "vawikhat pawh i rawn lang leh tawhlo a," lungawilo tih hriat zet chuan ka ti nghat, a kut hrawl zet mai a ka sam hmalam a rawn tla chu hui kiangin ka bek ah a zep zui zat, ka hmai tlang a zut riak riak, "Muana khan a duh che tih ka hria a, ani ang tlangval fel kha itan aṭha tih he ka thinlung hian hre si in keilo mipa dang in an vuan tur che ka ngaihtuah in ka ngaingam bawk silo, ka din hmun hreawm zia i hrethiam phalo ang, itan chuan mipa ṭha tak ka nilo a, ka phulo hle che tih hre chungin engtin nge beiseina ka rawn neih ngam ang ni," a aw chhuak ah pawh mahni insit na alang ngawih ngawih

"Tinge chutiang a i ngaihtuah a?" Ka ti sep a thaw hak, "i hriat kha Rinte, keichu.." Ka sawi zawh tir hmanlo, a kâ ka hup vat, min en chhuk run chu melh chho hâ in ka lu ka thing mat mat, "aih chutiang in ngaihtuah suh, mihring chuan tihsual kan nei fo alawm, thilsual pawh kan ti fo, mahse chu chu kan inhneh tir tur anilo, tinge kawngdik zawh tum in hma ilak mailoh?" Ka ti sep, ka ngaihdan diktak ani bawk, mahni in kil tawihna aneih chu ka duh hauhlo


"Ka thiltih ah leh ka tih tawh ah ka vui ngailo, ka tihsual ka hre heklo, ka duh thlan na in engkim ka ti, ka ngawl veina ah pawh," atih chuan ka en ngawih ngawih, "i tihsual ila hriat loh vang anih chu inun ah beidawn na ala awmloh ni," ka ti sep

Thaw la ham ham a min kuahbet chuan, "ka nun hi beidawn san turin minduh tihna ami?" Ati nghut, aih chu chu ka sawi tum ani hauhlo, anun ah hian tuihalna, Pathian lam a tui halna awmse tih ka sawi tum na ani

"I nun dan reng hian i nungthei dawnlo, fanu inei a, i fanu hmalam hun ini bawk, nun bul ṭan duh hun ila nei ang, chutih hun ah chuan ka thusawi awmzia i hriat ka ring," ka ti tawp, a nui nghawr dat, nuihzat tur ka sawi tawp silo a, "Enge i nuih a?" Lungawilo zet chuan ka ti nghat, inlak hran ka tum chu a ai nghet a min kuahin, "i thusawi te kha ka hrethiam vek, ka kut vuan hian kawng dik min zawhpui tur in ka ngen ngam silo che a," rilruih a arawn tih chuan ka inla hrang hlek

Beiseina tamtak nen ka melh chho, "i nun kalsan tir tur che in engmah tih theih ka neilo, mahse i penrual a pen ve hi ka huam a sin," ka ti let vat, mitmeng de sawr sawr amin melh chuan, "iti takzet em?" A rawn ti sep, uar zetin ka bu nghat nghat, anun tui hal tur in ah ka siam thei ka tilo, mahse a pen rual zel a pen tur in ka huaisen tawk tih ka inhria ani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:09 pm

JORDAN
By floria laldansangi
11

Jordan'a tlan liam rual chuan nui sun sun chuan inchhung lam ka pan, ka khi leh suk suk ṭhin ka thinlung takin ka hlim veng veng, choka aṭang a Ely'i sam hnawk zet a rawn chhuak ka hmuh chuan ka phu zawk, "Ely," ka ti ṭhat, nui hawk hawk chuan, "i hlauh pawh ka ringlo a, changtupa tak tak a rawn lan chuan mi â ang maiin i ṭhen ṭhu reng alawm," atih chuan ka nernawk, "minti hlau," ka ti leh hlak

Tui in khawlh khawlh pahin, "tun kar tluan i hmel en hreawm zia kha, zanin chuan a dik thlap mai alawm, mahse ka ṭhian duhtak heihi ka rawn ve hrim hrim angche, i mipa duh saw addict anih mai bakah pathlawi fa nei tawh ani tih hre reng rawh, ka duhpuilo che tih ka sawi dawnlo, puitling mahni tan aṭha leh ṭhalo hre rual kan ni tawh, mahse rilru na tak a i awm ka duhlo," ti duah chuan nui ṭhaw chungin, "kha i eng sawt sawt alawm naktuk hna kal ngai nen mu tawh rawh," tih zawmzat chuan room lam apan nghal

Hnunglam aṭangin ka en reng, a thusawi te kha a dik tih ka thinlung hian ahria, mahse puih chakna leh Jordan'a kut nghet tak a vawn duhna in ka khat zual sauh zawk, he mihring mahni tihsual hrelo khawp a nun ram hian min mamawh tih ka hria, ka mamawh ang chiahin, Pathian mi tak leh hmeichhe fel famkim ka nilo, mahse tupawh Pathian au tur leh a kawng zawng turin dikna kan nei, famkim kher angailo ani lawm ni? Mifel te tan nilo in, keimahni ang misual, sual abo hnu te tan alawm alo kal


Ka zing tho chu tuk dang aiin ka tho zang, ni chhuak te chu a eng bik riau in nia ka hriat, zahthlak zawk hian, vawiin aṭangin Ely'i pawh kan bul ah a rawn insuan lut dawn, ka sawi tawh em aw?? Ely'i hi fahrah ve tho ani a, Singapore aṭang ka hriat ani bawk, Singapore a awm chhung zawng khan a nutei te hlawh a thawn ṭhin, Singapore aṭang a haw hnu ah anutei pasal hian a ngeithei (ngaithei) vakloh bakah a cousin in nupui aneih khan an mo nu hian amil vaklo tih hria in Aizawl lam ah inluah hrang in a rawn awm, mahni a awm ai chuan tiin ka nau pawn kan in a cheng ve maitur in ati, duh vaklo mahse mahni a hmeichhia inluah ai chuan ala ṭha zawk tho tho

"Kan ni hman anum tih alang reng e," lunch ei a kan ṭhut ho lai chuan Ely'in a rawn ti su su, ka lo melh ram ram, "i kâ veng maiteh," kalo ti hlur chu za zet anui in, "ral ngai kan awm dawn anih hmel," tih pah chuan kawngkhar lam a melh zauh, Muana rawn lut chuan min nuih vur vur, nuam ka ti chiahlo

Thaw hakin, "engmah thu chiang a awmlo e," kan ti thla ngawt a ka thinlung erawh in Jordan'a ta ka ni tih apawm hmiah tawh zawk,
"Ti daih ila Belinda'i pa hi MLA hlui kha tiraw?" Ely'i phone khawih mawlh mawlh chu ka be sup, bu nghatin, "MLA hlui hausa lutuk fanu naupang zawk anih saw, anu sawn anupui hmasa alân alawm, a nu siar, a nu siar, nasa dun si," ati hlak hlak, thaw hakin, "i mak El i ṭawngkam i duh hlawk lutuk, thil te lah hi i hre thei zut zut sia," ka ti hlak

Ka lam rawn hawi a dar san ak chuan, "hria angchu, nangte chuan engmah hre heklo, i bialpa ve ṭep leh anupui hlui fb ah an lar leh vel mek tih pawh i hre leh tawp nang," tih pah chuan a phone ken chu ka kut ah a rawn hmehbel nawk nawk

Nurnang a en pah chuan, "enge, ka bialpa a ni ngawt ngawtlo," Tih leh ka meng deuh kawk, sawi leh maitur pawh ka hre tawhlo, Jordan'a leh a nupui hlui inkuah rial a hotel aṭang an chhuak lai ani, ka hriat thiamloh in ka na zawk hian ka hria, ka hnual nghal rawih rawih thei, "i hmel perpur kha," Ely'i aw ka hriat chuan zalo zet in ka nui lui hak

"Rin, Muana aiin Jordan'a hi i duh tih ka hria alawm, inthup tum viau mahla, U Rina ai pawh khan i duh zawk daih tih ka hria, mahse keichuan Muana hi kala duhpui zawk tho tho che, pathlawi anih nak alaiin addict ala ni zui a, hmalam hun a thim emai," a rawn ti siam siam, ni e ka duh tih ka pha hauhlo, ka rilru chu a in lum let tawp tawp ni maiin ka hria

Thlalak comment ṭhenkhat chu ka en thuak thuak, a ṭhen in an inhmeh thu an sawi, a ṭhen in addict nupa anti bawk, a ṭhen in an fanu vang tal pawh a nupa nilehse an beisei thu te ani nawk, an inṭhen thei tak tak lo anih hi, lo ti pawl an awmbawk, ka vai ruai hian ka hria

"Khawimaw lo la teh, chhiar chhiar angailo," Ely'in phone chuna rawn phih sawk, ka nuilui thei thlawtlo, nizan lawk a minduh ngawih ngawih thu sawi tu khan nikhat pawh aral hma in anupui, nilo a nupui hlui zawk mawle, nupui pawh ani zawk ang induh hmel takin an inkuah leh ania, enge rin a rinloh tur ka hrelo takzet


Nizan ah kha chuan a kut vuan a akawng zawhlai zawhpui a, a pen rual a pen ve kha ka thinlung hian ahuam lutuk mahse tun a ka rilru hian enge a duh chiah, anupui nilo a nupui hlui, atu pawh chu nise hmeichhe dang kut avuan tih ka hmuh ringawt pawhin ka na ania, maw??? Ka na amaw? Teuhlo, ka bialpa ngei pawh in hmeichhe dang nen minkawp tih ka hriat pawh in mak ka ti deuh chauh ania, mahse tun ah hian ka awm zawn hi Jordan'a hming ka ngaihtuah ringawt pawh in a sa veng veng ania, ka va han zahpuiawm ber tak em!!!!

Zinglam hna thawh tha atho tehlul nen thlalak pakhat vang lekin ka nileng hman nuamlo ta em em chu ka in haw ru hluah hluah, min rawn be miahlo te chuan ka ngaih ati ṭha lo lehzual, arghhh be dawn pawh ni ila a phone number pawh ka nei hleinem, ka at zia alang tulh tulh mai bawk si, engtin nge nizan a awmdan vang mai mai a kei ang lak a thutak te ka rin ni, Lalrintluang iva han mawl tak em!! Keimah leh keimah ka in hau ru mawlh mawlh, chawh ka intih dan chu pui tak ani, pui tak


Ka phone rawn ri thut ah chuan ka harh zawk, ka ngaihtuahna ka lo kawm leh nasa lutuk ta, avan han buaithlak tak em!! Bialpa neilo hian awm mai mai ila ka ti fuhber ang, tunge min rawn call tu pawh en lemlo chuan, "hello," ka ti nghut lungawiloh sa nak alai, buai nen phone alo ri ve chhen leh nghal

"Ka ngai che a," chu aw ril zet mai leh thawp sap mai ka hriat chuan ka thiltih chawl dawtin ka ding khawnglah, ka thin a rawn phu nghal dawt dawt, "bawihi," a rawn ti leh sup, ka harh zawk, chhunlam a thlalak kha ka hre chhuak, "tunge aw?" Bah nak chuan ka ti lui ve nak, mahse tunge anih tih ka hre chiang mah mah, a rawn thaw ri hawk, "i bialpa," bungzet a atih chuan ka nuih a za lek lek, nichin lawk a ka thinrim na leh lawmlohna ka kha vawmbo ang hmiah ani

"Bialpa ka neih ka hre lo reng reng, iti sual anih.." Ka sawi zo hmanlo, "Lalrintluang fiamthu na chi anilo aw," a rawn ti hrawk, a aw ṭeng zet chuan minti phu zawk, mai mai enge min vin ve ngawt, "sawi dikloh ka neih pawh ka hrelo, in thlalak mawi tak tak ka en zo chiah a," ka sawi zawng chuan ka rilru a rawn na thar leh in ka hria


Thaw hakin, "ka rawn kal dawn ka sawifiah thei," atih chuan a rawn kal tak tak hlauzetin, "hna kala thawk a ṭul lo, ka dah ania," ti zung zung chuan ka off nghal, ka lungphu rang lutuk chu dawm vang vangin ka thaw ham ham, ka nui suk

"Zahpui awm lutuk suh," ka hnunglam aṭang a Ely'i aw ka hriat chuan ka ner nawng, dawhkan nawt fai chuan plate ho la kangin, "enge?" Tih leh ka inher, "rawn be tu che kha ka hre reng, i hmel inthlak zut zut te kha," atih chuan ka nui hak, chutiang em em in ka hmel ah alo lang amawni? Ava zahthlak tak, "ka lo va haw ang, in ah kan in hmu dawn nia, i nau in pawn ah min nghak tawh," atih zawmzat bu nghatin, "haw hmat ka rawn dil ve ang," ka tih chuan bu nghat in pawnlam apan nghal

Chhan awm silo chuan ka khi leh suk suk ṭhin, engtin nge tiang tak a ka inthlak danglam theih ni? A ṭawngkam chhe te avang leh awmdan te avangin ka mood zawng zawng a in thlak hlawk hlawk thei ania


"Kha hmuh ṭha kan hmu em ni ver ver mai a," Ropui'an a rawn tih chuan nui hak hak in, "anih ka ring," tih leh customer rawn lut mek lam chu ka pan nghal, hotel restaurant ani a, lut chhuak an tam thei hle, ka hriat danin chanmari ah pawh JK hian hotel thar an hawng leh dawn, an hausa tawk tih hriat reng reng

An order nghak chuan ka ding ran, ka nui sag bawk, "Rintluangi ini em?" Hmeichhe aw in a rawn tih chuan ka en vat, ngo ving veng a sam chu a dar thleng a sei dum hlarh ani, a sir a ṭhu hmeichhia pawh chu hmuh tawh na ka nei, a makeup hman tak lutuk chuan a hmeltak a hliah nimai in ka hria


Min be tu zawk chu en in ka bu nghat, "awii ini tak tak, ang kha ka ti reng che a, min hria em?" A rawn ti hliai, ka ṭhensak, kum naupang te ni si hian mi ka hre rei theilo lutuk hi ka in hau ru fo, a zahthlak lam zawk ani, "ka van chianglo e," ka ti sep, nui hak hak chuan, "a rei ve tawh em ani, kan khua in ang alawm, class X pawh kan kal ho kha, nilo primary aṭang kan la kal ho char char," atih chuan ka en vang vang


"Ṭhapuii ini em?" Ka tih chuan a bu nghat, ka nui hak, a bul a ṭhu hmeichhia chuan, "ehe heihi Lalrintluangi kha maw? Kan khua aṭang an hnawh chhuah kha," nernawk a arawn tih chuan ka nui hmel a reh hmak in ka ring, alam ka hawi vat, tunge anih hrilh nawn ka ngai tawhlo, khawngaih na tel miahlo a zanlai a kan chen na in aṭang ngei a min theh chhuak tu fanu neih chhun Lalhlupuii kan school kal lai pawh a ṭawngkam na tak tak a min ṭawngkhum fo tu kha ani tih ka hre nghal, a sam rawng ti danglam leh makeup tak lutuk in ahmel ahliah vangin ka lo hrelo mai mai ani


"Amak e Hluii," Ṭhapuii chuan a ti sup, an bul a ṭhu ve mipa chuan min en hrek hrek nimai hian ka hria, "enge ani lawm, Rinte bakah Singapore ah khan maid ang khan i kal anti maw ka tia?" A rawn tih zawmzat za lo zet chuan ka ṭhensak, a mize chapo zet kha ala simlo tih hriat reng reng

"Hluii," Ṭhapui'in a rawn ti deuh ṭhat, ka nuilui sang, "a dik alawm, kum 6 ka awm a ka nu hrisel na ṭhatloh avangin ka rawn haw anih hi," pangai thei angber chuan ka chhang, "enge in ei ang?" Ka tih zawmzat, mipa awm ve chuan a duhzawng a rawn sawi vat, Hluii chu ka melh zawk alo ner deuh nawk nawk, min ngaih nep ang bawk in keipawh hian engteh ual ah ka ngai biklo silo a, kan in ngaisanglo tawn ve ve ani ber


"I nu chu a dam tawh em?" Ṭhapui'in arawn tih chuan lu thing mat mat in, "a boral na thla 4 vel ani tawh, ei tur chu reilo te ah a rawn thleng ang, hnathawk lai ka ni sia ka kalsan angcheu, kan in ah rawn la leng ula aw," nuilui zet a ti chuan ka kal sawn nghal, Ṭhapuii hmel a inthiamlohna lang chu ka hmu hman, kan school kal lai pawhin in pawh em em lo mahila minbiak zeuh zeuh a ching, ṭhian ka kawm tamloh avang hian tumah hi han kawm bik ka neilo, mahse Ṭhapuii te ṭhian ho hi pali(4) an nia an in zui deuh chawt tumah an ti buai ngailo a school ah pawh a thiam thei pawl an ni ziah, engtin nge Hluii nen te an rawn in zui luh theih ni, mize in persan daih an nei sia


An ei tur chah keng a ka let leh chuan kawngkhar aṭang a Jordan'a rawn pen lut ka hmuh chuan mak ti zet in ka en haw, ka thin a rawn phu nghal dawt dawt, thaw hakin ka insiam ṭha, hmulo der chuan Ṭhapuii te eitur chah chu ka pe, "Rinte, Mapeka hruaiin kan rawn leng dawn ania, a star thei ropui che sia, Aizawl ah in awm tih a hriat chuan a lawm ngawt ang, khawkhat vek kan ni tho a," Ṭhapui'in a rawn tih chuan ka nui deuh hak, Mapeka a sawi tak ah chuan high school kan luhtirh a min duh thu sawi hmasaber tu ani, ka hre chhuak zawk, ka nui deuh hak hak, "i hre ve elaw?" Tih pah chuan ei tur chu ka chhawp mawlh mawlh

"Hria angchu, kan school naupang chuan an hre vek, kan school mipa chhelo ber in a duh zia che kha, Hluii pawh hian a..." "Ngaihzawng nei lai ini tih i hrilh lo em ni?" Ṭhapuii ṭawng mawlh mawlh lai a rawm ti tu aw ah chuan kan hawi dawrh, kan sir ah Jordan'a hmel thip zet a ding ka hmuh chuan ka meng kawk

Kei ang bawkin Ṭhapuii te ho chuan mak anti tih hriatzet in min en tawn zak zak, "bialpa nei lai ani tih inlo hre tawh dawn nia," ti nghut chuan ka kawng ah rawn kuahin ka thil tih lai chu a rawn pawt sawk, sawi maitur pawh ka hrelo ka hawi â hu aniber, "aaa Jordan'a kha ini tiraw?" Hlui chuan bah nakin a rawn ti, Jordan'a ani tih an hria ania LALPA lehhh!! Engthil nge maw a rawn tih le???



"Engthil nge maw itih le?" Ti sup chuan inlak hran ka tum chu a ai nghet a minkuahin, "vawiin chu bang hma mai rawh," tih leh kan sir a ka thawhpui dang awmve chu ahui nghal zauh, rum zetin ka melh, customer dang zawng zawng mit chu kan chung ah a fu tih hriat zetin a ṭhen an in hrilh ru sar sar, a ṭhen in thla an la ru bawk, nghawng sawk mai ka duh, "kan lo fiamthu mai mai ania, naupan lai thil sawiin, a ṭhian hlui te kan nia," Ṭhapui'in inthiamlo tih hriat zet a arawn tih chuan a mit ah pawh en pawh ka en ngamlo, he mihring pa hian zah pawh a hre velo aniang

"Rinte diklo a awm ami?" Ropuia aw ka hriat rualin ka in her nghal, a meng deuh kawk, "ehe Malsawmkima," ti hluai chuan ka bul a ding palian zet ban bul ah chuan a rawn hnek deuh taih, min en leh chuan a mit ko a san ak, "bawiha lehh!! Rintei maw?" Nui sung chung a rawn tih chuan Jordan'a mit a siai zauh, Jordan'a chu thaw hawkin, "vawiin chu haw hma mai rawhse," alo ti nghut, kei erawh zah avangin ka sa hat hat thung, a ṭawngkam chhuak tin mai chu thuber angmai thupe aw vek ani

"Ka phal lo pawh ti ila i hruai chhuak dawn tho tih ka chiang sia, en nawm chhuah hmain haw hma mai rawhse," tih pah chuan Ropuia chu a thle bak, kan sir a awm ve zawng zawng chuan hmuhnawm thlir in min thlir tih ka hmuh chian phei chuan khuk ral daih mai ka duh, "va inthlak la," Jordan'a aw thawpsap ka hriat chuan rum lutuk in ka melh chho, min kuahna kut phih thla sawk chuan ka kal tau nghawng nghawng, Ropuia nui leh Jordan'a nui ri hak chu ka hre hman

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:10 pm

JORDAN
By floria laldansangi
12

Ka hnung ah min rawn zui ve tih ka hriat avangin a ai chakin ka pen, a nui ri hak hak ka hriat phei chuan ka thinrim a zual, inthlakna room ka luh rualin, "engthil nge maw ti a i inhriat le, ka hna thawhna hmun ah khatiang te a rawn chet, mi zawng zawngin min en vek kha, Jordan naupang chhia pawh ini tawhlo, mi minsawi dan..." Ka sawi zo hmanlo ka hnunglam aṭangin hneh zetin min rawn kuahbet


Ka ding khawng nghal at, "engthil nge itih?" Vin hrep ka tum nen ka aw chu keimah pawhin ka hre ṭawk ṭawk, ka lungphu rang viau si in ka thaw dep dep, a ai nghet lehzual a minkuah chuan ka nghawng a hmui in arawn nul thuak, ka mur er er, "ka ngai che," tham ṭuak in a rawn ti chhuak, ka kawchhung a fan rawih rawih ni maiin ka hria, vawh tih vang ni silo in ka hmul thi a ding ur ur nia mawle!!!! Rapthlak hian!!!!

"Jordan," bah nak in ka ti chhuak, ka diklo, ni e, ka awmdan hi a diklo, ka danglam in ka hria, "bawihi ka ngai che," ti leh sup chuan ka nghawng chu a fawh in a fawp dawk dawk, ka thaw kawk, "ka bal viau ania," ka tih chuan a raw nui nghawr dat, keipawh ka nui tho, sawi tur hre ve heklo, alam a min pawt hnai leh salh chuan ka sam ṭawn kim loh in ka nghawng a zar chu hui kiang pahin, "i rim tui zia te, i taksa thlum zia te hi i hrelo ami?" A aw sexy zia chu khawlum nen ka tui ral zawih zawih hian ka hria

Ka kawng zawn a a mipatna khawngzet in min do ran chu chiang takin ka feel thei, chu ringawt pawh chuan thawk a ti sak ṭalh, a lam hawi tur in min kuai her, a mitmeng sen deuh ram, harhfim chiahlo tih hriat tak mai a uluk tak a minlo en kar chu ka zam chhelo chauh ani, a mitmeng pelh deuh phang chu a ti lang sexy zual hian ka hria


Alam a min pawh hnai leh salhin, a kut leh lam a ka hmai tlang zut zai zai chuan, muangchangin a rawn kun hniam, dimte a ka hmui ah fawpin rilruih in a lei ka kâ chhung ah a rawn hawl lut, ka thiam dan tawk a lo chhang letin kan duh thawh tulh tulh, a lei chu a biktak a siam ni awm fahran a zeiin a hawl kual, engkim mai hi a reh duk, khawvel hran daih a awm ang mai in ka awm leh tawh, Jordan'a min fawh a nuam ka tih ang leh khawvel hran daih a min hruai ang hian U Rina nen kan in fawh khan vawikhat mah ka awm ngailo, Jordan'a min fawhna hi chuan ka thluak thleng hian min fan ni mai in ka hria

Thaw chham lek lek a kan infawh hnu a inla hrang hlek chuan a chalin ka chal a rawn nawr, ka hnar ah a fawp zauh, anui ri suk bawk, chu ringawt pawh chu hriat nuam tak ani, "in thlak rawh, pawn ah ka lo nghak angche chuti lo zawng ka kham thei silo che a, thil ṭhalo tak a thleng mai ang," ti sup chuan ka hmui a fawp leh zauh a inla hrang in kawngkhar lam a pan nghal, kei erawh min fawhna in min nghawngna lutuk ka la che mai theilo

Thaw la kawk a thaw chhuak leh ham ham chuan ka nui suk, ka thinrim tihreh dan a thiam lutuk te chu ka nuih a za, tiang em em hian mihring hi a mihring pui ve mai lak ah a danglam thei dawn em ni? Mahse ka chung ah ngei a thleng mek chu ani sia, nui vur vur chuan ka inthlak, ka chhuah chuan minlo nuih suk, ka lam rawn pan in ka kut ah a vuan nghal chat, a taksa lian zet in hnai tak amin din chilh rualin ka him bik riau hian ka hria, engmah hian minti na theilo angmaiin ka thla amuang hliah hliah

Hotel kawt kan thlen chuan bolero lian zet kawngkhar chu a hawng, kan sir a midang kal vel chuan min en duh riau hian ka hria, ka ṭhu lut vat, ka awmdan naupang chhia zet chuan anuih a ti za tih hriat zet a nui huk in kawngkhar rawn khar pah chuan, "naupang chhia lutuk," ati sup, kei erawh in kalo melh ram ram thung, nui vur vur a rawn ṭhu lutin, "MC ah thil ei hmasa ang hmiang, lunch i ei mumal lo tih ka hria ania," ti sup chuan motor ti nungin a tlan chhuak nghal, hnial dawn pawh ni ila a tlan chhuah tawh miau avangin pawi ka ti lem lo, ka eilo tak tak bawk

"Bawihi thlalak kha," kan tlan deuh hnu chuan a rawn ti sup, min rawn melh zauh bawk, ka lo hre leh tawh hrim hrim, alam hawi pah chuan, "enge?" Kan thinrim ṭha leh vel a, rim tawh der silo a, "a rui lutuk a, a mualpho ka hlauhpui bawk sia, hotel ah ka hruai anih kha," a rawn ti sup, en kar chung chuan, "chuan nangpawh i rui ve tho a," ka ti sep, a ṭhensak, a hmel a inthiamloh na rawn lang zut zut chu hmuh hreawm ka ti, ka hawisawn vat, pawnlam ka en vang vang, tlai lam dar5 vel ani tawh, ni tla tur eng phut chu ka en, "bawihi ithinrim em?" Motor ti ding dat chuan a rawn ti sup, alam hawiin ka lu ka thing mat mat


A thaw hawk, hahdam sawng sawng hmel hi a pu, traffic a jam nasat em avangin kan tawlh bek bek chauh ani, "Jordan ithil tih hi nuam iti ami?" Zawhloh ka tum viauna ka lei ka veng hmanlo, min rawn melh zawk, hmalam a en leh nghal, "ka zawh tum chiah che pawh anilo," inthlahrung zet chuan ka ti hnu hnawh leh, he ka lei zet hi ka veng hman ṭhinlo

"Bawihi inthlahrun na tur a awmlo, a tir chuan ti e, nuam ka tih piahlam in ka ti, ka thiltih tawh zawng zawng leh tihlai hian tumah ka demlo ka duh thlan na ati ka nia, nuam ka ti bawk, ka duh ka neih chuan chubak a nun nuam a awm dawn ami? Nangpawh ka duh che a ka nei bawk che a, ka ta chauh nithuaila ka ti bawk," a rawn tih chuan ka en ngawih ngawih

"I inchhir tawh ngai em?" Ka ti leh sep, a rawn nui hawk, "inchhirna tur engthil mah kala tilo ka tih chuan dawt ka sawi ka ring, a chhan chu ka ṭhian ṭhaber hmeichhe hmangaih ka lo rai tihloh chu engmah hi kala inchhir lo," atih chuan ka en kawk, a hmelchhe rai chu puipuii nu tihna ani awm sia


"I fanu nu hi maw?" Ka ti hâ, bu nghat in, "ila hre dawn tho tho a, puipuii nu Belinda'i leh in boss Muanawma hi an in zui ṭhin, inṭhianṭha tak kan ni bawk, engtin nge khathil kha ka thlen tir theih keipawh hian ka la awihlo ani," a sawi zawng pawh chuan mak atihna leh mahni indemna in akhat hluah hluah, chuvang anih chiah chu Muana khan Jordan'a hi huatna mitmeng a alo en ni, "mahse Pathian remruat ah ngaila fanu duhawm zet ineih phah alawm," nuih tlawn pah a ka tih chuan a rawn nui suk

"Ni e, nu ṭha tak a mamawh vat dawn bawk a," a rawn tih chuan kalo lai leh nghal der, ka biang arawn sa hat hat, ka dawm vang vang, "kha i biang tomato ang mai a sen hlar hma in kal vat ang," tih leh a chhuk nghal, ka hawi chhuak chu MC kawt kanlo thleng tawh ni in, ka chhuahna tur kawngkhar rawn hawn pahin, "thil ei nan atlai tawh sia, dinner tur kan lei haw law law dawn nia, Ely kha ka be tawh a rawngbawl lo turin," atih chuan ka en haw

"Engtin nge Ely number ineih, bakah ka number pawh," makti zet a ka tih chuan ka kawng a rawn chelh pahin, "ka bialnu phone number em ka neiloh te chuan," ti sup chuan min pen sawn pui nghal, thil ahre thei lutuk chu amak zawk, MC a min luh puiin restaurant ah chuan kan lut tlang nghal, "i duh kha chah la, i nau te pawh an ril a ṭam tawh viau ang," ati sup

Engmah sawibuailo chuan menu chu ka en ve mai, order ka siam zawh rual deuh thaw in kan bul ah tleirawl pahnih rawn kal chuan, "Jordan'a ini tiraw?" Lai lek lek in an rawn ti, bu nghatin, "ka ni lawm," ati sup, kalo en reng, tleirawl pahnih te lawm lutuk chu ṭe deuh ṭhat in, "thla kan la dun thei angem? Awii atak ah i chhelo fe zawk," an ti nawk nawk, ka nui hak

Jordan'a min rawn melh zauh chuan, "ka bialnu hi dil ula," a rawn tih chuan min rawn en vat, "bialnu ivan nei hmelṭha em em, nangpawh kanlak pui thei che ngem," ngen ngawl hmel zet a antih chuan ka lu ka lo thin khum vat, "kalo click ang, khawi le," tih leh an phone ken lak sak chuan ka tin nghal, ka duh teuhlo mai, social media vel a lar ka duhlo nasa lutuk


Jordan'a nernawng ka hmuh ka chuan ka nui suk, an duh ang zat ka click sak hnu a lawmthu sawi mawlh mawlh chuan nui ar ar in an kal sawn, kei erawh ka bialpa hmelṭha zet chu uluk zet in ka en, a englai hi nge alar pui bik em em ni ta, zaithiam ani silo, actor anih awm lah ka hre bawk silo, hausak vang alar ti dawn ila Mizoram ah mihausa fa antam tawh ropui maisi

"I bialpa hmelṭhat zia i hre chhuak chauh a ang," a rawn tih chuan ka neknawk, "i engtak hi nge i lar pui tih kalo ngaihtuah a, zaithiam ti dawn che ila ini silo a, actor ti dawn ila lemchan i thiam hmel loh ropui maisi, hausak vang ngawt chu ani awm silo a, engchiah nge i lar chhan em em?" Ti duah chuan ka en kar, ka zawhna chu at thlak ti zet in a rawn nui chhuak hawk hawk, ka kiu dawhkan a nghat in khabe dawm meuh a ka en kiau avang chuan ka chal ah a rawn tuk kawrh, tuai vut vut pahin, "enge?" Ka ti hlar

A nuih a za zual tih hriat zet a nui chung chuan a kut hrawl zet a ka biang tawn tawn a rawn vuanin, "he i lu um tereuhte ah hian chu zawng zawng chu ilo ngaihtuah amaw?" Nui hawk hawk chung a tih chuan ka ner nawng, nuihzat thlak pawh ka ti velo e a, enge a lar em em chhan tur ka ngaihtuah ve ani mai a

"Minthlah teh, enge i lar chhan ka hre chak ani mai alawm vak vak a," ti hlar chuan ka biang a dawmna phelh tum chuan a kut ṭang chu ka pawt ve takna a che eihlo ani mah zawk, alam a min pawt hnai deuh a ka hmui a fawp zauhin, "duhawm lutuk mai, i duhawm ang chiahin ka hmelṭhat vang ani mahna," atih phei chuan ka awihlo leh zual, ti ila tlem te chuan ka ring ve deuh, nilo ka ring pumhlum vek ani mah zawk, a nui hmelṭhat zia te hi a in hre awm tawp silo a, "engvang a lar nge ka nih chu a pawimawh ber lo, mahse engthil nge ka tih ṭhin leh ka tui zawng tal chu hre tur ini," ati sup

A hmel chu ka en vang vang, a tui zawng tur ka ngaihtuah pawn ka hre thiamlo, he mipa hnai tak amin en tu, hmelṭha leh pian nalh em em, sexy bawk si hian Lalrintluangi hmeichhe khawvel zim tak, hawizau silo thluak hmang tlem bawk si ngaihtuahna a ti nu bulh bulh anih ber hi a, min en hnai nasa maisi, ka lai chhe leh zo dawn

"Khawimaw minthlah teh mi in min en ania," lai lek lek a ka tih chuan a hmui hnuailam ti pawrh deuh chuan min rawn fawp vang vang, chet pawh ka che ngamlo, ka khawng at, "min en mai mai ang hmiang, ka bialnu duhawm zet hi ka fawp ani mai a, ka au nghek nghal loh," inlak hranrual chuan ati sup, kei erawh ka zak lutuk chu ka thlan fim te a rawn bawl ṭiam ṭiam in nia ka hria

"Jordan," lawi rat chuan ka ti sep, nui vur vur a min rawn fawp leh zauh a min thlah chuan, "ei zawh vek mai che ania ka duh ni," atih chuan ahmel nen inhmehlo lutuk chu ka nui chhuak hak, min rawn melh deuh ram ram chuan, "ka ti tak tak ania," tih leh rawn awn hnai leh chuan, "i hlauh em kha," ati nghut, nui hak hak in, "ka awm tawh nang min ei zawh chuan," amah en kar chung a ka tih chuan anui suk


A hmel a engkim mai hian min hip hluah hluah, za tak a anui hmel te, a vei nuih sak te, a mitmeng dum fiah tak sen deuh ram te, engtin pawh hian a ṭha em em vek hian ka hria, engtin nge tiang tak a mipa hmelṭha hian kei ang hmeichhe naran ah pawh mi rethei, hmel leh pian a chhuan tur nei bawk silo hi min duh theih tih ka ngaihtuah lo theilo, thilmak pasarih(7) zing a tel ve hial chi ani

Haw kawng tluan pawh chuan ka ngaihtuah, Jordan'a lam chu ka en leh zauh ṭhin, ka rilru hria ni awm tak chuan amit ko milo kân khum leh zauh zel bawk, "khatiang a keimah chiah min ngaihtuah tih ka hriat fo chuan hna pawh ka thawk theilo ang," Jordan'a aw nuihza lam lek lek ka hriat chuan ka harh zawk, Jordan'a erawh kan in lam ah eitur khai in alo pan nal nal tawh ni in, ka chhuak ve vat, mila nuih ang vur vur zui a

Kawngkhar kan pen luh rualin room aṭangin, "au teddy bear hi ka ta ani tawh, mahse zanin ah au Ely'i bul ah ka riah angai dawn a, nangmah in i mu ngam ang tiraw?" Ka lam pan a bawihte'in a rawn tih chuan ka lo nuih var var, hna aṭangin hahtakin haw ṭhin mahila, inlam ah ka unau ka engkim te hian hah anti dam sawng sawng ṭhin, hna thawhhah nawm zia min hriat chhuah tir tu an ni


"Ohh puipuii pa ini chiang," ka bul a ding Jordan'a melh chho ran chung chuan atih zawmzat, a ei tur khai ho choka a luh pui pahin, "minla hria ani maw, au lawmi ini tiraw?" Dawhkan a eitur ho dah pah atih chuan ka nau chu a melh zauh, "au lawmi ka nilo bawihtei lawm, puipuii chauh in au lawmi minti, ani chu ka nau ania, nang chu i upa tawh," Bawihte'in alo ti hlar, ka nui chhuak hak

Jordan'a chu a hawi deuh hâ há, a tetlai aṭangin "bawihte" tih kher lo hi chuan kan ko "eih" zo ṭhin lo keini pawh hian, ka nau choka bathroom aṭang a rawn chhuak chu, "au duat ka hming chu bawihtei tiraw?" Alo tih zawmzat, "aw le bawihte ka tihpalh ni rawhse, ka lo hrelo a, anih class engzah nge inih le?" Jordan'an ṭhu hniam pah a atih chuan nui var var in, "class 2 chuan kum 8 ka ni tawh bawk," atih zawm zat zat, kan teber hi chu a mak zet zet thei ania

"Khawimaw u, awii awii, choka ah in khat, Fela leh Jordan'a kha chhuak teu, in lian ropui si eitur kha kanlo phawrh ange," Ely'i rawn lut chuan a ti hlak hlak, ka nau te leh Jordan'a chu nui tuh tuh chuan an inzui chhuak

Kan thil hawn phawrh mawlh mawlh pahin, "Ely, Jordan'a hi lar sia, enge a tih ṭhin le?" Ka ti sep, a thil tihlai chawl meuh in min rawn en pah in a nui uar uar, thinrim zet chuan ka en, nuihzat tur ka sawi pawh nilo, "enge?" ka lo ti hlar , "i bialpa hna thawh pawh i hrelo ania, damdawi tawlh ru ṭhin pawh ti ila i awih ka ring tun ah tak chuan," ti chung chuan nui uar uar

Rum zet a melh pahin, "nuihna tur a awmloh kha aw laldinmawii," ka ti hlar, a sawi dik ve tho bak sia, ka hriat chhun chu pathlawi fa pakhat nei tawh tih leh mihausa fapa drugs addict tih kha ani mai, ka hriat dan hi hreve se chuan Jordan'a pawh alawm viaulo ang

"India ram Doctor sexy ber te zing ami, Sexy Man alive ah pawh an thlan tawh anih hi, bakah India vogue magazine kawm lo mawi zak zak tawh hi i hrelo ania, Lalrintluang eng khawvel ah nge i chen bik ṭhin le," nui ar ar chung a atih chuan ka ner nawng, enge a sawi awmzia pawh kala hre chuanglo, vogue magazine chu milar tamtak te thlalak chuan na kha ani mai a

"Engber maw a thawh, chuan eng alive maw?" Ti hu chuan ka zawt nawn, a nuih a za zual tulh tulh tih hriat zet chuan a nui uar uar, a pum a dawm ngawih ngawih bawk, "awii Lalrintluang min rawn khawng thlu tawp teh, ramthim aṭang a rawn kal inilo maw? I nu hian apai lai che hian ei sual anei mawni, i va han kawlo em em ve," ti chung chuan a nui thlawrh thlawrh, ka thinrim tawk a tling em em, ka khawng thlu tawp tak tak zawk dawn amawni


"Doctor, doctor sexy leh hot tak ani ka tihna anih chu," thaw hlawi hlawi chung a arawn tih chuan, "Enga?" Ka ti ṭhawt, ka in sum hmanlo, ka au ring bawk aniang ṭhut khawmna a ka nau leh Jordan'a ṭhu an rawn hawi nghal dawrh, choka pin hran na darthlalang anih avangin kan lang thei vek, Jordan'a chu a rawn nui suk, kei erawh mak ka ti lutuk chu Ely'i nui thlawrh thlawrh chu ka melh ngawih ngawih


"I fiamthu em?" Ka aw ah chuan ka mak tih zia ala lang, "mawli fiamthu lo, Ebenezer hospital khi an ta alawm, Mizoram hmun hrang hrang ah an nei angchu, awii khawimaw damlohna te hi inei anilo maw? Eng ang khawvel ah nge maw i chen bik le?" Tih pah chuan ka chal a rawm dek vel, ka lo beng sawk

"Awm mai mai teh, chutiang ngaih ven nan hun ka neilo, doctor nih vang pawh a lar ta em em chu amak tho tho, mizo te hi hmelṭha deuh apiang chu kan milar chei nghal zel anih hi," ka tih chuan nernawng in, "model atan an sawm nasa ania, an thawmhnaw fak tur te pawhin, bakah Jordan'a hi chu a fuh ve em a, hmeichhe duh chi ania, lar hi chu a phu ve lawm, chaw rawn ei ru, i U zawhna at thlak zet zet in mintih at zawh hma hian," ti kher chuan a au zui lang lang, ka fian ken chuan ka khawng ṭawlh ala nui vak vak zui a, henu thawveng lutuk hi chu, ka ngainat chhan ani bawk si huizzz


Zanriah kan ei lai pawh chuan Jordan'a chu ka melh leh zawk ṭhin, a hmel chu a ṭha alawm, mahse doctor ni tur em chuan ka ring chhin ngailo hrim hrim, "i chaw kha ei teh, Nunfel i nu in i U a pai lai chanchin a sawi i hre tawh ngai em?" Ely'in a rawn tih chuan melh hrawkin, "enge?" kalo ti hlar, Jordan'a chu anui deuh suk suk, dawhkan hnuai aṭang chuan ka mal a ranw ṭham salh, ka ṭhu ngil awt, ka rak chhuak teuh lutuk, rum tawkin ka melh, engmah tilo ang maiin a ei tur ala ei mawlh mawlh zui, ka van ngeiber tak em!!

"Thi ṭep a a hrin tih chiah ka hria, ka nu a damlo nasa a, a hrin hnu pawh hian ka U hi chu doctor te pawh khan a dam chhuah an ringlo, ati thin ka nu khan," ka nau chuan thutak zet in a rawn ti sup, ka nu khan min pai lai leh vei lai kha a sawi ve ṭhin, a retheih zia te, ka nau te pa, ka pa khan a buaipui nasa em em tih a sawi fo bawk


"Chuvang anih chiah chu a thluak hi a tlem bik em em, Sexy Man Alive pawh a hrelo ania, ilo thih ṭep vang anih chiah chu," za zet a nui pah a tih chuan ka thinrim lutuk chu ka melh vak, Jordan'a chawp chuan an vai nuih huk, kei erawh thinrim zetin ka tho nulh chu Jordan'an ka ban ah arawn vuan vat, "i ei tur ei zo rawh, i puar loh kha," ati sup, melh vak pahin, "ka puar," tih leh min vawn na chu ka phih thlan sak, an la nui ang vak vak zui a, ka hrelo ani ve mai a, ka hriat ang an hre awm bik tawp silo, sual thiam hlawm lutuk mai

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)