JORDAN By Floria laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

JORDAN By Floria laldansangi (Completed)

Unread post by Ngaia » October 21st, 2018, 2:51 pm

Ka nu ṭhingṭhi a khawngaih dil ngawih ngawih chu ka naute pahnih pawm khawm a, kan teber paw chung chuan kan naute nen chuan kan en ṭhap, zan dar 10 a ri tawh, kan muhil min kaitho in kan in an rawn check a, ti chuan ka nu zu zawrh fun 5 lek la awm chu an man fai vek ta ani, "ka pu min khawngaih ula min ngaidam hram teh u, ka fate pali(4) nen hi chuan khawi ah nge kan kal ang ni," ka nu in kan khaw YMA president hma a ṭhingṭhi chuan a ngen ngawih ngawih, kum 14 ka ni ve tawh, ka kum phulo in kan retheih zar ah ka fingin thil ka hrethiam hma bawk

Kan teber ka pa hrawn nen a an fa chu kum 2 chiah ala ni ka paw bawk, ka naute mipa pa hnih chuan ka kut an vuan ran, "Pi mapui kan theilo ani, zanin hian hnawh chhuah in ni a, khua aṭang a hnawh chhuah in ni," ati leh fak fak, a kuhva ei na kam sir berh luai te chu luak a ti chhuak lek lek

TargetPreview.jpg
TargetPreview.jpg (15.41 KiB) Viewed 42400 times

A story tak hi khawiahmah copy phal a ni lo a, in group ah in post ve duh anih chuan a link hi share ula, a story erawh chu hetah chhiar tir rawh u whatsapp ah copy daih lo a, a link atanga an chhiar hian a story ziak tu ten hlawh an nei zel thin a, in copy chuan a ziaktute hlawh ru tihna in ni. A link share hi chu phal vek a ni e.
A link share dan: viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
www.storyfb.com

JORDAN
By floria laldansangi
1



Ka nu ṭhingṭhi a khawngaih dil ngawih ngawih chu ka naute pahnih pawm khawm a, kan teber paw chung chuan kan naute nen chuan kan en ṭhap, zan dar 10 a ri tawh, kan muhil min kaitho in kan in an rawn check a, ti chuan ka nu zu zawrh fun 5 lek la awm chu an man fai vek ta ani, "ka pu min khawngaih ula min ngaidam hram teh u, ka fate pali(4) nen hi chuan khawi ah nge kan kal ang ni," ka nu in kan khaw YMA president hma a ṭhingṭhi chuan a ngen ngawih ngawih, kum 14 ka ni ve tawh, ka kum phulo in kan retheih zar ah ka fingin thil ka hrethiam hma bawk

Kan teber ka pa hrawn nen a an fa chu kum 2 chiah ala ni ka paw bawk, ka naute mipa pa hnih chuan ka kut an vuan ran, "Pi mapui kan theilo ani, zanin hian hnawh chhuah in ni a, khua aṭang a hnawh chhuah in ni," ati leh fak fak, a kuhva ei na kam sir berh luai te chu luak a ti chhuak lek lek


Ka nu chu a mittui a tla zawih zawih, midang YMA member leh hruaitu rawn tel ve te chu an ngawi ṭhap, kan in en pawh in kan nung ṭawk ṭawk tih alang reng, kan in Di in abang dâp hlui chhe tawh tak, ruah a sur apiang a khum lu lam ruah far lohna lai a tawm khawm ngai, thli a tleh apiang a in chim mai hlauh vang a ka nu in kan bungraw neih zing a rintlak ber kan dawhkan thar ber leh rinawm ber hnuai a kan unau li a min tawm tir ṭhin na hmun chu a te in a hlui em em, ṭhenkhat mit ah chuan min lainat tih alang, midang pali(4) te khan ka nu zu dah kha an hmulo ani hauhlo, na haider mai zawk ani, an kalpel luih zel kha, he kuhva hehzet inla YMA tak mai hian a rawn hmu chat anih kha, midang in min lainat viau mahse YMA president thau bawk si, kuhva eina kamsir berh nuaih-a hian hnawh chhuah ngei ngei min tum tih a hmel ah alang reng thung


"Pu Ṭha chutiang tut tut a chi dawn em ni? Naupang nawi nen an ni si a, khualah a vawt tawh si, zanin chu ti hian han awmsela naktuk lam ah committee te ko in an chungchang hi kan rel dawn zawk em niang," pakhatin a rawn tih chuan midang chu an lu an bu tliar tliar hlawm, a kuhva ei tep chiap chiap pahin, "central lam thupek nangni pawh in inhriat vek kha, zanin hian khua an chhuahsa tur ani," a ti ban chap chap

Kum 14 a upa ka ni, ka nu rilru natdan tur chu ka hrethiam pha ve mai nilo in ka na ve ngawih ngawih ka pa kha, ka pa tak ni velo mahse min hmangaih em em, mi in a fa neih zat an zawh apiangin," ka fanu neih chhun," tiin min sawi kher ṭhin, tiang hian tuman hmusit takin minla ti ngailo, zu zawrh pawh hi loh theihlohna vang chuah a zuar kan ni tih ka hrethiam, kan naupang ber ka nu in a pai lai thla 2 lek anih in ka pa chu nat lawkna pawh awmlo in a hna bang rawn haw kha lu na sawiin rei pawh rial lo in aboral anih kha, chuta ṭang chuan ka nu in kan unau li (4) chu min kur pui a, kan naupang ber a pian hian a taksa hrisel lo nen natna tamtak in a tlak buak

Champhai ah district damdawiin ah nau aneih khan a chhul them alo tang a, thi in a hawrh nasa em em, thisen pek ngai khawpin a damlo, ka pa boral aṭangin hna thawk thei tumah kan awmloh avangin ka nu khan zu a zuar ṭan, zu zuar ta chu khawtlang ah sawi neuh neuh kan kai a, ka nu thisen pek ngai tih information a an puan pawh khan tlawm ngai a rawn kal kha mitlem te chauh an ni, tlemte ka tih khan kut ṭang a chhiar tham mi 9 vel an rawn kal, chung zing ah chuan kan khawbul chiah ami Burma lam kan mizo pui tlangval zu in ve ṭhin rawn kal chu ka nu nen an thisen alo in mil chiah a, chu chuan ka nu thisen kha unit 4 ngawt ape anih kha, kha tlangval kha awmlo se zawng ka nu pawh kha thi hawrh in a thi tawh ngei ang


"Pu Ṭha chuti rum rum chu ani theilo ang, ti teh u i chhuahsan phawt teh ang u, a fate nen tun ang zan ah khawinge maw pan se itih le?" Kan kawmchhak mai a awm pu thana YMA hruaitu member ni ve chuan lungawi vaklo chuan a ti bul hmuk, pu Ṭha-a chu za lo zet a nui in, "kan man chiang a engmah sawi leh tur a awmlo, Pi mapui zanin hian khua hi chhuahsan ula tih hi central lam thu chhuak ani," changzet chuan a ti nghut

Ka nu ṭhingṭhi chu muangchang a rawn tho in, "ka hrethiam e, pu Ṭha khawtlang duhloh zawng leh ram phal loh ti tu zawk kan ni a, dan chu dan ani alawm, mate kan bag kha han siam fel rawh khai, kan chhuak ange, khang hun chhung zawng zawng khawngtlang in min haider tawh a, heng kan tuar hi chu kan chan tur ve reng ani," ti siam siam chuan min rawn melh, a thu chuan pawm thiam viau mahse ka nu mitmeng ah chuan a rilru abuai in keini afate min vah vaihpui tur chu a mangang viau tih ka hmu thiam ve tlat ani


Ka nau mipa pahnih chu kan room neih ve chhun ti ila, puan kan zar pin ve te ah chuan kai lut in kawr lum an neih ṭhat ṭhat chu ka hak tir, ka nu pawh ngawi reng a rawn lut in a insiam malh malh, a mittui hru zauh zauh chu ka hmu reng, keini a fate hma ah hian chaktak angin lang mahse kei erawh minbum zolo ani, mahse hria ang in ka lang chuanglo, ka nu rilru na hmel hmuh hreawm zia chu, ka dam chhungin zanin hun hi ka theihnghilh leh tawh ngailo ang tih ka hria, ka pa boral aṭangin chaktak in ka nu hi a awm a, a mittui tla fo mahse zanin a atlawm hmel rilru na hmel ngawih ngawih kha kala hmu ngailo, chu chuan kei naupang kum 14 mi lek thinlung hi ati na ngawih ngawih ani


Zin bag lian lutuk lo ah kan thawmhnaw ho chu kan khung khawm, zan dar 11 a pel tawh, han in kenbawr vak theih lah niheklo, ka nau puak chu ka nu in rawn lak a tum ka lu lo thing in, "ka lo pua ang nu," ka ti sep, ka naute mipa pahnih chu hui in ka nu chuan min kuah khawm vang vang, a ṭap tih ka hre thei, keipawh ka ṭah a chhuak em em, ka naute erawh in engmah tak tak anla hrethiamlo, a pawilo viau zawk


Kan in kawngkhar ah chuan YMA hruaitu ho chu anlo ding ṭhap, kan chhuak chu ngawi rengin min en, kawngkhar pawh chu kalh pawh ni ila a duh chu lut dawnse an lut thei vek tho ang tih tur a chhia ani tlat, kan in zui diah diah hlawm, ka nu in bag ak chungin ka naute pahnih a kai, keiin kan teber pua in bag pakhat ka khai bawk, "Mapui lo ding teh u, tun ang zanlai dawn tawh ah khawinge maw in kal angle, kan in ah rawn riak phawt teh u khai," Pu than-an a rawn tih chuan kan ding dat

A ṭhian te erawh an in lam an pan hlawm tawh ani ngei ang, amah leh mipa pakhat lo ding chiah chu ka hmu tawh, "e khai(h) nilah lo e Pu than, keini nufa vang a khawtlang hruaitu dang te nen in inti thiamlo dah ange, sumo counter lam ah zanlai chhuak tur vel ala awm ang, kan han en ange," ka nui in mahni in thunun taka ti chuan a thaw hak, a ip te aṭang pawisa rawn phawrhin, "heihi chu la hram angche," ti sup chuan ka nu kut ah chuan ahmehbel, a ṭhianpa pawh in rawn phawrhin, "puih theihna che nei ila ka ti khawp mai," ti sup chuan pawisa chu a pe ve bawk


Ka nu chu a thaw hak, "kan kal ange, nangni pawh kal tawh rawh u, in nupui fanau ten an nghak awm cheu si a," tih pah chuan anui hak, pawn light eng ah chuan kan lang chiang viau ang, ka nu mit hnawm chap pawh chu alang reng bawk, an kal liam hnu chuan ka nu in ka naute pahnih kai chuan kawngpui lam min pan pui hnak hnak, khua lah chu a vawt vin tuk mai bawk si, kan khua hi thlasik lai chuan avawt in vur tlak chang anei fo, khua alum lah ah in alum em em bawk


Ka khur beuh beuh ṭan, chu tiang bawkin kan teber dawt tu Biaka pawh a rawn ṭap chhuak ruai ruai, "anu a vawt lutuk, ka mut a chhuak, in ah haw ang u," a rawm ti chhuak ruah ruah, engmahlah an hrethiam ve bawk silo, ka naupuak a rawn ṭap, ka awih pah pah bawk, "mate sumo counter lam chu pan ang u aw, bawiha ṭap tawh suh le, tlangval an ṭap ngailo, Aizawl ah kan zin dawn ania," ka nu in ka nau ṭah aw ṭuau chuan athlem, keipawh ka mittui ka khap let sak sak


Ka chhang chiah mipa pawh a khur beuh beuh tih ka hria, mipa naupang ngawichawi tak ani, na aneih pawhin zawh kherloh chuan sawi ngailo anih vangin vawt ati a hreawm a tih pawn a sawi kher dawnlo tih ka hria, "Rintluang khawnge in kal dawn?" Kan hnunglam aṭang a rawn ti tu an awm avang chuan ka hawi vat, ka nu pawh a rawn hawi ve vat bawk

Kan hawi rual deuh thaw in ka din na bul ah balu phur LPK 909 tripper a rawn ding nghal zat, khua a vawt em a ka bengte pawh a chhet zo emaw ni, motor tlan ri ka hre miahlo nia, tripper khalh tu chu a rawn dak chhuak, "zan lai ah enge intih a kha chhung chhungin," a rawn tih chuan ka thaw hak, tunge anih pawh ka hrelo, min hria tih erawh min rawn koh maidan ah alang reng

"Hei Aizawl lam pan kan tum a, sumo te hi ala aawm ange mawni?" Ka chhan mailoh avangin ka nu in a rawn ti vat, ka nau lah a ṭap bang duh reng reng lo, min en vung vung chuan, "champhai thleng ka kal dawn a, mahse in vai chuan inlen ka ring bawk silo a," ti nuah nuah chuan arawn chhuk, min nuihsuk, hmuh tawh na ka nei in ka inhria mahse khawi ah nge ka hmuh tawh erawh ka hre hauhlo

"E min ngaihtuah suh, sumo kan han en anga a awm ve mai," ka nu in a tih chuan nuisukin, "tun ah chuan avang tawh viau ang, a awmtawhlo zawk ang, pawi intihloh chuan naupang ho hi ahma seat ah ṭhu sela, champhai thleng chu heihian kal ve mai ta che u," ka bul a rawn ding ṭha pah a atih chuan ka nau puak ka lo awi darh darh

Ka nu chuan ka nau mipa ṭap hliam hliam leh haw ngen chhen chu a pawm nawlh, kum 10 ani ve tawh, mahse amah a te chi anih vang hian naute angmai ala ni, ka chhang chiah erawh kum 12 a hmang ve ṭan kan in chhang zing viau, kan teber erawh ka nu rai theih an rin tawhloh hnu a apai anih vangin a nau deuh

"A chi dawn amaw ni le?" Ka nu chuan a ti nuah nuah, ka nau puak a rawn ṭap ring zual sauh, zanlai ah khawilai ah kan in awi dawrh dawrh, "naupang te hi an damlo vat mai ang," chu pa bawk in a arawn tih chuan ka nu in min en kan unau chu, "mate a hma seat ah hian i naute ṭhut pui la a hnung ah hian kei ka chuang ange," atih chuan ka lu ka lo thing vat vat, ka nu hi khawvawtin a hmeh chuan a inzaina lai ana leh dawn tih ka hria, ka teber pawh hnute pek angai dawn kei chu khawvawt ka tuar thei mai ang


"Nilo nu, ka naute nen ṭhu ru, keimah ka ṭhu mai ang, bawihtei hi pawmlai, lalduata nen hian a hnung ah puan kan sin mai dawn nia," ka tih chuan a remti vaklo na in ka tihluih tlat avangin a aw ve ta hram, kan teber pawm chung leh ka nau mipa naupang nen chuan ahma seat ah an ṭhu keini erawh ka nau nen puan sin in tripper hnung ah chuan kan thu tawm kak, ka nau chu ka kuahbet, ani pawhin minlo kuah ve chawih chawih bawk, ṭah ava han chhuak duh ngawih ngawih tak em!!! Tuman engvang a zu zuar nge kan nih min hriatpui silo leh kan din hmun hre silo in kan thil tihsual an hre em em a, ka mitthla ah ka pa a rawn lang, tiang hian kan awm hmu se chuan a rilru ava na dawn tak em!!

Nilo, ka pa kha la dam se chuan tiang a hnawh chhuah hi kan tawk hauhlo ang, ka pa damlai kha chuan retheih te, nitin ei chawp thawk chhuak mah ni ila mizah kan kai a, chhungkaw hlim leh ṭhenawm khawveng te lo len luhna ber ani ṭhin, ka pian na pa anilo tih hi tuman an hrelo, ka nu leh ka nutei leh kei tihloh chuan, keipawhin a boral hnu ah chuah ka pa hrawn ani tih ka hria, ka pa tak erawh tunge anih hriat ka tum buailo, ka pa tak chanchin vawikhat ka nu ka zawh khan, "i pa chu Lalhriatkima ani, midang an awmlo," ati hmiah anih kha, ka lungawi chiahlo na in tunah kum 15 ka hmang ve mek, "ka fanu hi enge a an?" Tiin vawikhat mah thawm anla neilo, chuvangin keipawh in pa pakhat chiah ka nei chu chu ka unau te pa hi ani, ka pa pawh khan ka fanu duatlai tiin min ko ṭhin, thisen chu tui aiin a chak theilo anti na in, ṭhenkhat hi chuan an ril a rah ngei te pawh an ngaihsak lo in an hlam chhiah ṭhin tui a chak zawk chang a awm ani ka ti ngam tlat, ka pa lak aṭang chu chu ka mit a ka hmuh ka dawn ngei ani tlat si



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:05 pm

JORDAN
By floria laldansangi
2

Ka dar a min rawn sawi dat dat tu an awm tih ka hriat chuan ka meng riai riai, ka nau in milo en kur chung chuan, "au tho tawh rawh champhai kan thleng tawh ania," a rawn tih chuan ka puansin chuan in khuh ṭha sauh sauh in ka ṭhu tawm chawih, a vawt lutuk mah mah ani, "ka tripper hnung hi khum amaw iti ani maw?" Mipa aw nuihza aw lek lek ka hriat chuan ka meng kawk, ka hawi nghal vut vut, ka nau leh nizan a tlangval khan minlo en kur, an nui dun tut tut bawk, ka sam tuat puat puat chuan din mai ka tum a ka ke a mu er er, ka ṭhu thla hnak, an pahnih a min rawn vuan chuan, "i tho â ṭhin elaw?" Nuih ṭhu chung in a ti sup, rum tawk a melhin, "ka tho â mai mailo," ka ti hlak


A vawt nasa mai si, "anu khawnge a awm?" Tih pah chuan tripper chung ah chuan kan puansin chu ka thlep mawlh mawlh, "Aizawl lam pan tur tricket a buaipui anih kha, Rintluang min hre reng reng em?" Ka puansin lo la pah a atih chuan ka en zawk, chik tawkin minlo en, ngaihzawng ka nei ngailo a, mipa han hriat bik pawh ka nei lemlo, kan class a mipa te pawh an hming ka hrekimlo ania, "ka hre miahlo che, a pawi hle mai," ti sep chuan ka sam hnawk zet chu ka ṭawn ṭha mawlh mawlh

Nuisukin, "kumtir lam khan in school ah ka putea ai ka rawn thawk zawk tawh alawm, in teacher ka ni zawk hman anih chu," a tih chuan ka ngaihtuah let, Sir sanga ai khan tlangval rawn thawk zawk kha an awm ngei, amah ani tih pawh ka lo hre leh tawhlo, nui hak chuan tripper aṭang chuan ka chhuk, ka nau te leh ka nu te chu chhangtgawp anlo ei mawlh mawlh

"Nangmah ini tih pawh ka hre tawhlo a Sir," ka ti sep, thaw hakin, "Sir tih kher angailo emai, Rina ka nia, mahse Rintluanga nilo in Rinawma," nui hak hak pah a tih chuan ka nui ve hak, a ṭawng duh em em, ka nu in min hmuh rualin, "i ril a ṭam em? Heihi ei rawh," tih pah in chhangthawp sa ver ver chu min rawn pe, ka lo keih nghal buan buan, aṭam tawh takzet engtin nge nizan khaw vawt vin lutuk kha tuarin tripper hnung ah tui zet a ka muthilh theih pawh ka in hrelo

"Rina kan lawm lutuk ania, awmlo la chuan kan tal buai ang, chawhnu lam ah Aizawl kan pan ang, ka lawm lutuk tak tak," tih pah chuan ka nu in pawisa pek a tum chu alo duhlo nasa, "angailo khatiang, kan tripper hi ṭiau ah khan kan driver in ati tang palh a, a lawmawm hlauh ani, in chhuah hma kan in lam ah zing chaw te rawn ei ula," atih chuan ka nu in a lu athing mat mat

Kei erawh ka hmai phihloh hreawm ti zet in ka kut ti huh in ka lo in tuai fai mawlh mawlh thung, "kan bazaar ve deuh ange, champhai kal loh na chin pawh a rei tawh emai, kan ti buai che si a," ka nu in atih chuan Rina chu anui hak, "Aizawl ah thlathar lam ah keipawh ka rawn chhuk ang, class ka ṭan leh dawn a, rawn tlawh ngei cheu ka duh dawn ania," atih chuan ka nu chu uar zet bu nghat nghat in, "kanlo,in bengbel ve deuh tawh anga, chaw te i rawn ei dawn nia, matei te school a ilo thawk tawh hlauh chu a lawmawm tak tak ani," atih zawm zat

Ka nu hi chu mi han biak vel a thiam em avang hian inleng pawh kan nei ṭha, zu zuar mahila buaina siam leh zahlo tak a in namnul hi kan tawng ngailo, an mize milpui in tu pawh a ti ti pui vek thei, kei erawh ka ṭawng tamlo a ṭhian ka kawm tamloh sa nak alai zu zuar fa kan ni nen tu vak mahin kawm tin ah pawh min tin lo, ka kum phulo in ka taksa alian, ka kum ka sawi apiang awihlo tu hi atam zawk an nifo, kum 18 emaw 19 tur ah min ngai fo zel, mahse kan class ah ka naupang ber a ka lianber thung, a changchuan ka kum ka ṭhansan lutuk hi ka in sawi upa zeuh zel bawk


"Tehreng mai, Aizawl ka awm ve tawh dawn phei chuan ka rawn lang zing mah mah ang, anih kan veng lam ah ka pheisan angche u Nu Mapui, mamawh na te minla neih chuan min rawn be thei reng ania," atih pah chuan min rawn melh pahin, "Rinte Aizawl ah kan inhmu dawn nia," a rawn ti sup, ka lo bu liam ve ngawt, han biak vak ngaihna hre heklo

Ka naute pahnih kaiin champhai vengthlang bazaar ah chuan ka nu hnung kan zui dat dat, kan bag erawh sumo counter lam ah kan dah, dar 2 ah Aizawl lam kan pan anga, ka nu in Nu leh pa atan a zawn ka Pu Khûma te in ah kan in nghat dawn tih a sawi, pan duhlo viau mahila tun ah chuan pan tur dang tumah kan nei heklo le

Aizawl lam kan pan vang vang, zingpam dar 1 dawn ah kan thleng thei hram, kawng a thui takzet, ka naute pahnih motor an rui bawk nen, kan chhang chhe thla bawrh bawrh khawp mai leh nghal, mahse kan chuanpui te an fel em a, min buaipui thla ve zel bawk a


Ka nu pa zawn te in kan thlen chuan minlo chiau au vat, seven-day kohhran an ni a, mifel tak an ni, kan khua an rawn kal apiang in min rawn tlawh fo, zu zuar kan ni chung pawhin puih kan ngaihna ah chuan minpui in ka nu in nu leh pa a a zawn pawh lawmtakin anlo pawm bawk, thisen zawm nilo mahila kan harsatna hrethiam tak a min pawmtu te chu kan thisen zawmpui aiin an hlu zawk ah ka ngai

Kan pian na pi (ka nu nu)unau te kha ka ngaihtuah ṭhin, ka pi damlai leh ka pa damlai kha chuan tu pawh mai khan min rawn tlawh pawh a, min rawn inti chhung em em, ka pi leh ka pa an boral chiah a, zu kan han zuar chiah chu, khawlai ah pawh min hmu se hmel hriat en pawh in min en lo tih ka hrethiam ve, pawisa neilo in puktur kan zawn lai khan chengkhat pawh tumah khan minpuk tir zu han phal lo amaw le!!! A hlauh khan min hlau niber in ka hria

"In rawn thleng har lutuk a kan ngaih aṭha lo hman alawm, in chau em?" Ka pi (ka nu nuzawn) chuan alo ti sawk sawk, "nia mawle kawng a chhe lutuk a," ka nu in a ti vat, keini naupang ho erawh room ah an nula in min hruai nghal, kan chau tlang bawk aniang, ka naute pawh an harh peihlo an muhil nghal sek sek, keipawh rei rial loin ka muhil nghal

Zing ka harh chuan khua a eng uar tawh, sana ka en dar 6:30, kan khua anglo takin ni a chhuak hma, kan khua ah chu nise avawt in ni kanla hmu teuhlo, in phih fai sawk sawkin ka chhuak nghal, ka nu in rawng alo bawl pui mawlh mawlh, ka pi erawh bawihtei alo pawm

"Mapui inhnuai khu vawiin lam chu kan thian fai anga in nufa in inawm mai dawn nia, inluah tur dang zawnglo in," ka pu choka a rawn lut pah atih chuan ka nu chu alo bu nghat nghat puitling ho anti ti, chaw ei lai pawh in kan school luh leh dan tur an sawi ho, "matei chu class X chu han zo hram la thlathar mai in exam ani tawh sia," atih chuan ka pu chu ka en vat, February thla hi kan exam hun ani

"Englo, Pu Singapore lam hi ka kal dawn em maw ni ka ti, zeplo chuan school kal hi ka peih tawhlo," ka ti sep, ka nu in, "pawlsawm tal pass lo chuan school banloh tur," alo ti vat, diktak chuan school kal te chu ka chak alawm, mahse ti hian kan awm reng thei dawnlo, ka hriat dan in tun a kan in vawmluhna concrete in chhawng hi ka pu te hian an zuar dawn tih ka hria, mi in luah kawi reng a ka nu hrisel lo nen kan in phaman dawn hauhlo

"Nu school kal ka peih tawhlo alawm, kan khawlam ami te pawh an kal nual a, school kal ringawt pawh ni ila rilru a luh tak tak loh chuan awmzia a awmlo," chaw ei mawlh mawlh pah chuan ka ti leh sup

"Ni e, school kal chu a ṭha viau na in a kal tur ber in a peih miau siloh chuan pawisa hek mai mai ania, Mapui matei ngaihdan pawh chu a ṭha viau, khu kan kawmthlang ami te pawh an fanu pahnih khuan Singapore lam ah an awm a, an zia viau asin," ka pi in alo ti ve vat


Ka nu chu engmah sawi tawhlo chuan angawi ta hle hle, zing chaw ei kham lam ah inhnuai kan thian hlawm, inhnuai hi pahnih ah an siam a, lehlam saw lunglei lam aṭang Aizawl a lehkhazir a awm unau in an luah tih ka pu khan a sawi, keini alehlam hi kan luah dawn thung, ka pu sawidanin in hi leiduh an awm chuan hralh a shilong lam in benbel an tum ani awm e, an fate pathum ngawt shillong ah lehkhazir in an awm a, awmpui an duh tawh ni in ka hria

May thla ani, kan khua kan chhuahsan na pawh thla 4 vel ani ta, U Rina pawh a rawn kal ve fo, kan khawlam a kan bungrua pawh Urina tripper khan min thiar sak vek, min pui nasa em em, ani awmlo se kan bungraw neih ve chhun pawh kan la maitheilo tih ka hre bawk

Ka nu pawh chawhmeh leh thawmhnaw ṭhenkhat te la chhawngin a zuar kual ṭhin, ka naute pahnih chu kan veng hnaite sawrkar school ah an lut chhunzawm leh nghal kei erawh in ah awmin kan teber ka awmpui thung, kan awmna hi tlemin a fal deuh in pawh a khat pheuh pheuh chiah in a awm, Aizawl khawpui pawn deuh a awm anih vangin a fal riau bawk, a lian lutuk lo a concrete in chhawng pangai ve tak ani

"Iva han tho har, i naute school an tlai zo dawn," room aṭang a ka chhuah rualin Urin'an nui ṭhaw chung a alo tih chuan ka hmui ka ti pawrh tarh, dar 7 chauh ala ni, ka nu erawh zing khawvar hma in chawhmeh zuar tur in a chhuak tawh, "nizan ka mu ṭha lo alawm," tih leh kan choka kan neih ve te ah chuan ka lut nghal, ka nau rawn pawmlut pahin, "tukin chu chaw ka ei dawn ania he tah," ati sup, leh ngawt ngawt zel hian hepa tak hi chu


"Chaw hmeh ka in tum vek dawn ania aw," ka chhan mailoh avangin in a tih zawm zat, ka nui chhuak vak, alo kal apiang eng eng amaw hi alo keng ve ziah, "i inthlahrung ve tihna ami, a reng reng in ilo kal zing si, i bialnu thikthu chhe ropui si," chawhmeh kan tur zai pah chuan ka fiam hlak, na zet a ka biang a rawn piai pahin, "nizan ah kan Inṭhen tawh," ati nghut, amah en vat chuan, "i lerh san ani maw?" Ka tih chuan lungawilo zet a nernawng chuan, "a teuhlo emai, bawihte i u te kha insiam tur in va hrilh teh," ka nau kum 2 awrh kal thei ve dat dat tawh chu chhuat a dah thlak pahin ati zat

Ka naute ho hian an ngaina em em vek, keipawhin ka u ang taktak in ka en, ka nu pawh a nel em em, kan in chung ka pu te nula pahnih thingtlang lam aṭang a rawn awm te hian chhelo antih thu an sawi ve ziah, ka nuih san mai mai zel, kum 15 July thla hian ka tling dawn, bialpa neih vel hi ka rilru ah awmlo hrim hrim

Ka nau a U te room lam pan a a kal dat dat chu en zui in a luh rualin ka biang bawk a rawm piai leh, "Lalrintluang lerh hi minti ve ziah suh aw," tih pah chuan ka chawhmeh siam tur chu min tih pui ve nghal, aman a kang nghal bawk, rawngbawl hi chu minpuih ve ziah avangin ngai ah ka neih tawh ni in ka hria, ka nu zantlai tak tak a lo haw chang anei ṭhin, Urina hian min awmpui chang atam, an veng leh kan in awmna te ahlat tehlul nen zingkar hma tak tak ah hian a rawn thleng ve thei ziah

Ka pu (ka nu pa zawn)te pawh karleh ah shillong lam ah an insawnthla tawh dawn, vawiinnah champhai lam ah an vahnu damlo kan tur in an chho, in lei tu tur te nen an la inbe fel theilo tih ka hria, in hi an hralh anih chuan in luah tur dang kan zawn pawh angai maithei bawk tih ka nu khan a sawi tel

Urina leh ka naute pahnih school kal tur a in phur chhuak chu kan teber nen kan thlah, angen ve ziah leh nghal bawihtei hian, inthlem fe hi angai ṭhin, ka nau ṭap hliam hliam chu ka pi te tual a dinpui pah chuan ka thlem, "i ṭah zel chuan in Urina alo leng duh tawhlo ang, school kal an ngai a, tlai ah alo leng leh dawn alawm," tih pah chuan ka pawm nawlh

Mittui tla to pheng chu nuai nak nak in, "lau lin-a ta lo tal leh dawn ati," (au rin-an ka lo kal leh dawn ati) fiahlo zet a atih chuan ka nuih hak hak, kum 3 November hian a pum dawn chauh, a fing em em, a fin dan chu amak ka ti hial, kan ṭhenawm nula te leh inchung nula te pawn i U ila fin khalh ang mawle anti fo

"Aw lo leng leh dawn mahse i ṭah zel chuan alo leng tawh dawnlo," tih pah chuan in hnuai lam ka pan pui, step ka pen thla tur chu chakzet a bike rawn tlan vawk ah chuan ka ding dawt, ka leh hawi nghal, mahse a mawng phe bak hmuh tur awmlo, ava han mawl em em vele, khati khawp a chak a tlan, kawngpui ah te lo ding ila min su nawk angchu, tunlai tlangval ho bike chak tak tak a khalh ho hi ka ngaina ve derlo, bialpa pawh nei ila ka duh hauhlo tur an ni

Nilengin angai te bawkin kan unau in kan in awm leh, inchhung tihfai leh hna chu ka kut ani tawp mai, ka nau chhun mut hlan in suk tur leh tihfai tur zawng ka tih fai vek angai ṭhin, pawn a thawmhnaw zar na kan siam ah chuan ka thawmhnaw suk ho ka zar mawlh mawlh

"Rinte i nu damdawiin ah an hruai ania," ka inchung nula in min rawn auh chuan ka phu zawk thei, hlauhthawn na in ka khat nghal, "maw?? Ana viau em? Awii ngawi rawh ka nau," tih leh ka thil tih tlansan in ka nau muhil lai chu ka pawm tho, ka paw nghal sawk sawk

Inchung a tlan chho in, "engtin nge a awm? Tunge rawn hrilh che?" Hlauthawng zet a ka tih chuan, "i phone ila theilo a, he tah lane line ah an rawn phone anih kha, civil ah a awm," atih chuan bu nghat in kawngpui lam chaktak in ka pan, taxi phar din maitur ala awmlo zui, ka phone neih chhun ka nu hman hlui, Nokia C21 chu ka phawrh, Urina ka phone ve nghal, midang han biak maitur ka hre tlatlo


Taxi a rawn tlan hlauh, ka ṭhut luhrualin ka kal duhna ka sawi, "Rinte class ah ka awm a," Urin'an thawp sap a arawn tih chuan ka ṭap chhuaklo chauh, "Urin ka nu, ka nu damdawiin ah a awm ania," bah nawk chuan ka ti chuak, ka hlau takzet, ka mittui lah chu a rawn hnam ṭiam ṭiam, "Rinte chiai lo khan damdawiin pan la, keipawh ka rawn thleng ve nghal ang," a rawn ti zung zung, minva hnem lo tak em!!! Chiai lo chi pawh ka nilo, ka nau lo chik ngher ngher ka hriat phei chuan ka hlauthawng zual in ka hria

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:06 pm

JORDAN
By floria laldansangi
3

Ka nau pawh chuan ka awmdan hrethiam ni awm takin min en kar, nghet takin ka pawm, ka ṭah a chhuak tlat chu ka haw takzet, ka nu awmlo tur leh min kalsan tur ang a ka ngaihtuah na a vah phei chuan ka hlau ngawih ngawih, taxi driver chu khalh chak turin ka nawr sek

Damdawiin kan thlen rualin ka tlan lut nghal, ka nau pawh ka ngaihtuah hmanlo ka tlan pui lawp lawp, casualty ah ka tlanlut, nurse duty ka hmuh hmasakber hnen ah ka nu hming leh a awmna ka zawt nghal, ward ah an dah thu leh doctor in a en mek thu a sawi chuan ka pan nghal vat

Ka nu awmna ward ka luh rualin ka nu khum a mu bam ka hmuh chuan ka thaw hak, ka pan hnai nghal ruak ruak, "doctor ka nu chu engtin nge a awm? A ṭha em? A harh chhuak leh ang tiraw?" Zawhna ka kâ aṭang a rawn chhuak zawt zawt ani ber, doctor in min en zawk a nuisuk chuan, "nula hlauh tur a awmlo, a inti na lo e, damdawi in ka chiu a reilo ah a rawn harh anga in haw thei ang," atih chuan ka thaw hawk, ka nau puak alo ṭap ve chiah bawk, ka nu khum a mu a hmuh chuan chhuk a ngen leh tlat bawk nen


"Lo sual rihsuh bawihte anu hi maw a damlo a chuvangin tih buailoh tur," tih pah chuan ka puak dan ka siam rem, ka in her zawng a kan sir a tlangval lian zet mai lo ṭhu run ka hmuh chuan ka phu deuh zuk, makti fe chuan ka en, ani pawh chuan min en ve ngur ngur, Urina nen an inrual velin ka ring, mahse he tia en pawhin Urina aiin a lian zawk tih hriat ngawih ngawih ani


"Tunge inih a?" Ka ti tawng, a nernawk min chhan a tum lo tih hriat zet in ka chhip aṭangin ka ke ler thleng chuan a en chhuak dap, ka awm alo nuamlo ve ringawt leh nghal

"I nu rawn buaipui tu anih kha, nikhaw hrelo a awm ava hmu fuh hlauh a," doctor in a rawn tih chuan ka bu nghat nghat, "ka tihpalh, chuan ka lawm lutuk ania," inthlahrung deuh chuan kanti leh hnu hnawh a, mahse min en dan nger ngur hi ka ngainat zawng ani hauhlo

A bu nghat, "enge a an?" Kawngkhar lam aṭang Urina aw ka hre chhunzawm nghal zat, ka hawi vat, "a ṭha lutuk e, alo harh vat mai ang," doctor in ka chhan hma in alo chhang vat, ka bul a rawn din pah a bawihtei ka puak rawn ban pah chuan, "i ṭha em?" Ati sup, ka lo bu nghat nghat, nichin kha chuan ka hlau thawng lutuk a ka ṭap lo chauh ania, tun ah chuan ka zia tawh lutuk


Doctor chhuah rualin ka nu damdawiin hruai tu pawh chu a chhuak ve nghal, ka zui ve nghal zat, damdawiin kawt thleng zuiin, "ka lawm lutuk ania, nichin mai a ka ṭawngkam avang pawh khan pawi ka ti, awmlo la chuan ka nu chung a thil thleng.." Ka sawi zo hmanlo, "naupang chhia lutuk," alo ti sup, enge naupang chhia a tihber pawh hrelo chuan ka en ha, hnaizet ah minlo en chu ni in, ka tawlh hnung dawrh chu anuihza ani ngei ang a nuisuk, engmah sawi tawhlo chuan kan sir a bike lianzet a lawn kaichuan chakzet in a tlan chhuak nghal, ka mit ka khap fak fak, enge maw a hriat reuh ni???


"Enge ilo ngaihtuah a, i nu aharh ania," ka hnunglam aṭang a U rina aw ka hriat chuan ka harh zawk, in her vut in ka pan nghal, ka nu mutna ka thlen chuan a bul ah ṭhu thla in, "minti hlau alawm," ka ti sep, akut cher zet chu la kang in ka hum nghal, kum 14 chauh la ni mahila kan retheih zia ka hria ka nu, nu hmelṭha tak ni ṭhin kha rilru hah leh kan unau vang a a thawhrim lutuk na ah a cher chhe lutuk ta hian ka rilru ati na ngawih ngawih


"Inlo kal kher duh anih kha, hei drip hi han zo sela kan haw dawn nia," dam hluam in ati sep, ka bu nghat nghat, kan teber hi hnute kan nghei tir na ala reiloh avang hian ban leh mai chang anei ṭhin tun ah pawh ka nu awm a ban leh rak rak tawh hi, "te te i hnek chuan i nula thei dawnlo, anu a damlo te te ngenloh tur," ka ti vat, hrethiam ve ni awm takin a kut chu ala let zal zal, U rina rawn nui hakin, "te te ah khan damdawi a tel aniang, tirawh keiman ka lo pawm angche," tih leh a kut a phar, ka nau in nui ver ver chuan alo ban ve vat

Damdawiin kan chhuah chuan taxi kan chang nghal, Urina erawh class ala neih avangin an college lam ah min letsan, ka nu te nen taxi ah chuan ṭhu lutin in lam kan pan, "mate Singapore kal kha ila rilruk em?" Kan ngawih vung vung lai a arawn tih chuan alam ka hawi vat


Ka bu deuh nghat nghat, "a theih chuan kal ka pawi tilo ka tih kha," ka ti sep, ka ti tak tak bawk, ka naute pathum nen mi inhnuai luah ringawt chuan rei tak kan in daih dawnlo, kan khaw lam a kan inhmun lah kanla tiral maithei silo, ka nau te pawl a rawn sang anga, kan teber pawh school a rawn kal ve thei mai dawn, ka nu tan a phur a rit tulh tulh dawn si, ramdang kal ka chak vang hrim hrim pawh nilo in ka nu hahdam deuh zawk a a awm theihna anih phawt chuan khawi hmun ah pawh hna a awm anih chuan ka thawk hreh hauhlo

Ka nu chuan min thlek deuh vang vang, "ila naupang deuh si a, mahse i puitling tih ka hria," ati sup, ni e, kum 14 chiah ka la ni mahse ka rilru leh che vel pawh mi tamtak chuan ka puitlin thu min hrilh fo tawh ṭhin

In kan thlen chuan ka nu chu a chau deuh ani ngei ang room lam a pan nghal, keiina chaw hmeh zawrh bang vel dah ṭha in zanriah ka buatsaih nghal bawk, bawihte erawh ka nu rualin amuhil ve mai

Zanriah kan kil ho lai chuan, "nakin deuh ah inleng kan nei dawn a, mate Singapore a hruai tu tur che ania," ka nu in a rawn ti sup, ka phu deuh zuk, kal chu ka duh tho na in arang teh thut lutuk chuan min ṭhawng deuh ani mahna, ka bu nghat

"Au Singapore ah i kal dawn maw?" Ka chhang chiah in a rawn ti zat, nui suk chuan, "hna ka thawk dawn alawm, chuan lehkha lo zir ṭha ula anu lo pui nasa angcheu," ka tih chuan bu nghat nghat in, "chuat nawh leh chaw chhum pawh ka thiam tawh em kha," inchhuang zet chuan a ti var, kan nui hak, ka naute hi la naupang viau mahse an tih theih tawk inchhung hna hi ka nu in a sem vek, mipa pawh in a ṭul chuan inchhung tihfai pawh a ti tur ani tih hi ka nu thuvawn pakhat zing ami ani ve a

"I u awmloh chuan insuk leh rawngbawl lalduata hna, chhuat nawh leh hmun phiah lal V-a hna ani tawh dawn ania," ka nu in ka nau mipa la naupang ve tak tak te chu u a hrilh malh malh, an bu ve nghat nghat

TV en a kan ṭhut ṭhap laiin U rina a rawn lut, ei tur a rawn ken chu ka lo ban vat, "amak nula ber si," ka nu in a rawn tih hlak chuan ka nernang, kawngkhar a rawn rik leh tak ah chuan engmah sawilo in ka hawng vat, nutling hmel fai veng mai ka hmuh chuan ka nu sawi Singapore a min hruai tu tur atih kha anih ka ring thiam nghal


Ka ringsual lo bawk, mahse tunkar mai a kan kal ngai tur chuan tlemin minti hamhaih deuh, "passport naktuk ah kan siam tir anga, siam chhung a rei tawhlo a, ni 3 hnu vel ah Singapore apan thei ang, awmna tur ahmusa ah ngai ru, zanin ah a thlalak ka lo thawn anga Singapore lam agent ah," atih chuan ka lungphu tlem in a rang deuh, kan in mite ang a ṭha nilo mahse ka chhungkaw neih chhun lak a hla tak a ka awm tur chuan ka ṭah a ti chhuak tlat

"Passport siam nan khan karkhat vel nghah angai anti emaw ka tia," ka nu in a rawn ti sup, nui sang chuan, "tun ah chuan thil a awlsam tawh alawm, naktuk ah ka rawn hruai anga passport siam turin, ni thum (3) vel bak nghah angailo ang, tunkar a chhuak thei tur ah lo in ngai rawh u," a tih chuan ka lo bu nghat, U rina chuan min en ran

A rawn luh tirh a ahmel hlim sang kha ani tawhlo, rilru hah hmel te a pu deuh in ka hria, ka nu leh Nu sawmi(Singapore a min thawn tu tur) chu an ti ti mawlh mawlh, pawimawh leh thildang ka nu in a zawt nual, a hlauhawm leh awmloh te

Ka naute an mut tawh avangin in U rina nen chuan choka lam ah kan ṭhu, "i kal dawn tak tak ami?" A rawm ti sup, a ei tur rawn ken kala ei zawhlo chu hawng rak rak in, "ka kal angai lawm, in ah engmah tilo ngawt a awm chu a fuhber lo, anu lah hna han thawk vak chi ani tawh silo a," tih pah chuan ka ei tur chu ka hmawm nghal mawlh mawlh, puitling inti ve viau mahila ka kum in ala phak miau loh avangin ka naupan na alang leh ṭhin


"Kal lo la ka ti, kum 2 contract ania a rei e, bakah a hla bawk si, enge thleng dawn tih lah kan hre silo," chik zet a min en pah a atih chuan ka nuih hak, diktak chuan ka hlau lo ani biklo, mahse risk lak ve te pawh angai a, Pathian rin chhan tak meuh meuhin kei kum naupang te, rilru dawih em em, mahni hreawm tihna pawh sawi mai mai ngailo hi ka pen chhuak dawn ania

"Nia mahse tia awm tawp chu thildik pawh anilo, anu ka khawngaih tlat," ka ti sep, kalsan tur tak tak a ngaihtuah phei chuan ka ṭah a rawn chhuak, ka nuilui sak sak, dawhkan a ka kut dah U rin'an a rawn hmer vang vang, "Rinte," ati sup, alam ka hawi vat, chik zet in minlo en, nidang ai a hmel a thutakin min en dan hi ka hrethiam chiahlo

"Enge a minti hlau ania," ka ti sep, a ṭhut na chair nen a kalam a rawn tawlh hnai in, a thaw hak, ka lungphu a rawn rang nghal ringawt a, "kal lo tur in emaw inchhungkua hi pui thei cheu ila ka ti, ka hlat tak a i awm tur hi ka ngaihtuah ngamlo," ati sep, enge a sawi awmzia kala man chuanglo, ka tan chuan unaupa ang ania, hreawm pawh ati ve anih ka ring


"Keipawh ka ngai dawn cheu e, mahse dam chuan kum 2 /1 te chu reilo emai," ka ti let vat, a lu a thing mat mat, "kalo nghak reng angche, pawi itihloh chuan," ati sup, ka en kawk, a nui sak, ka kut la kangin a hmui nen a nawr chuan, "ka duh che, ila naupang a i hrethiamlo tih ka hria, mahse ka lo nghak angche chu chu phal rawh," ka mit ah tak en chung chuan ati sup


Sawi mai tur pawh ka hrelo, U rina hian minduh amaw?? Mahse abialnu kha a hmangaih hle khan ka hre sia bakah Singapore ka kal tak tak te anih chuan kan awm dun theilo anga, kar ahla si ka tan a rinawm reng theih pawh ka ringlo, mahse ka thinlung hian U rina ang mipa fel hi chu ka bialpa hmasaber atan a duh, ka duh em em ka hrelo, mahse mipa invawng tak leh hmeichhe duat thei tak, rilru puitling tak pu ani tih ka hria


"Nahhh U rin, bialpa nei rual pawh ka la ni hleinem, bakah kan awm hrang tawh dawn sia, mipa tan chuan distance ngaihzawng tih vel chu an peih rei tak tak ngailo antia," lai zet chuan ka ti chhuak, a nuisuk, ka biang rawn piai zauhin, "ka ring che alawm, ka tan i rinawm chhung chuan ka rinawm ang, i nu leh i nau te pawh rawn ngaihtuah reng reng suh, damtak in hna va thawk la, buaina ineih chuan itan ka awm reng ang, ilo haw hun ah chuan ka nupui ni ngei turin ka duh bawk che," thutak zet a arawn tih leh chuan ka nuih sen sen

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:06 pm

JORDAN
By floria laldansangi
4

Naktuk mai hi Singapore ka kal ni tur ani, ka nu chuan min fuih in awmdan tur te, ṭawngṭai tam tur te inleh chhel tak a awm tur in min hrilh reng, a ṭawngkam ah min kaltir phal viau mahse a hmel ngui raih ah chuan ka nu pawh hian ram hla tak ka kal tur chu a huphurh ve hle tih ka hre thei, zan a ṭawngṭai lai a mittui tla zawih zawih pawh ka hmu ta fo mai, retheih na avang a lohtheihloh a ka kal tur mah ni ila ka chhungkua ka kalsan tur chuan Pathian hnen ah vuina aw ka nei lek lek ṭhin

"Naktuk ah min kalsan tawh dawn sia," kan ṭhut thleng sei neih ve chhun ah min si chet a ṭhu ka bialpa ani mai ang chu tun ah chuan, Urin'an atih chuan ka nuihsak, karkhat vel chiah in ngaizawng ang in kan awmdun hman si a, atan pawn a hreawm ngawt ang, kum tel tawp ka awmbo san leh tur nen, "Urin ka tan i rinawm theihloh pawhin ka dem dawnlo che ania," ka ti sup, ka ti tak tak bawk, ka tan chuan ka bialpa hmasaber ani a, ka tan a rinawm bur tur pawhin ka beisei heklo, kum 2 ngawt ania ka thangbo san dawn ni


"I â thei lutuk, itan rinawm reng tur te in min ngen ve la," nui tuh tuh pah a atih chuan ka nui hak, ama tan a hreawm ka hlauh vang zawk ani sia, "ka hma ka sial duh hleinem, distance hi chu rinawm reng te ahar sia," ka tih chuan ka chal a rawn kuk deuh fawk chuan, "hreber ang mai, a hmasaber ka nia, a hnu hnungber pawh nih ka duh," thawpsap a ti in a rawn kuan hniam, ka chal ka lo tuai vut vut, "ana ve ania," ti nuah nuah chuan ka en kar

Nuisuk a ka hmui arawn fawp zauh, kalo meng deuh kawk, ka hmui virgin a hawng tihna anih chu!!! "A hmasaber nih ka duh," ti nawn sup chuan muangchangin ka hmui a rawn tawk de de, ka meng kur chu a kut lehlam a ka mit rawn hup in ka tukkhum ah a man bet nghal, min fawp uar nghal zat, ka vawikhat na anih avangin chhan let dan ka thiamlo maipawh anilo engtia lo awmtur nge pawh ka hrelo chu ka dawh mawl tawp, anawmna em em pawh ka pawh chuanglo, rei tawk fang min fawh hnu a inla hrang chuan min nuih sen sen, ka lai lutuk chu ka hmai a rawn sa hat hat

"Haw tawh rawh," ka ti nghut, za zet a rawn nui in alam amin pawt hnai chuan nghet zet in minkuahbet, "lawmawm lutuk, zanin bak i bul ah ka awm thei rih dawn silo a, tleivar(tlaivar) pui che asin ka tum," a tih chuan ka nui ve hak hak, kuahlet pahin, "Urin ka nu leh ka nau te ho hi i kut ah ka dah tak tak ania aw, nanglo chu rin tur dang ka neilo ania, anu hi a damloh te hi a sawi ngai silo a, minlo enkawl sak tak tak rawh aw," naupang in an nu te hnen a thil an ngen ang tak tak hian ka ngen ani mai


Ka chhip a fawp vang vangin, "ngaihtuah reng reng suh, rilru puitling takin awmla, i nu leh i nau te in nghahna ini tih hre rengin chhel takin awm rawh aw ka naute, itan ka lo rinawm reng ang, fa tamtak min hrin sak tur in lo let vat la," atih chuan a hnungzang ah ka chum taih, a nui nghawr dat dat, ka zeplo Urina hi keipawn ka duh alawm, enge hmangaih na tih vel hi kala hrethiamlo mahse ka duh tih erawh ka hre thung, kala naupang viau na in ka mipa ngainat zawng ani miau a


Lengpui airport ah kan ṭhu, ka nu mittui hru zauh zauh chu ka hmu ru reng, a ṭah a chhuak tih ka hria, keipawh a chhuak takzet, ka lungphu te hi a diklo zo in ka hria, retheih hi ka hua ani, engkim ah Pathian hian kan tan kan ṭhat na tur in a ruat a, ramdang a mi chhiahhlawh nitur tawp a kal chu vui lek lek ava awl si em!!!


"In enkawl ṭha la, helam chu rawn ngaihtuah reng reng suh, i theih hmasaber ah chanchin min rawn hrilh dawn nia," ka nu in mittui tla lek lek aw lai rut a atih chuan ka bu nghat nghat, ka naute chu ka kuah diat diat, Urin'an nui lui tih hriat zet a min rawn kuah pahin, "ka naute ka ngaidawn lutuk che," ati sup, ka mittui ka khap let sak sak, "keipawh in ka ngai dawn che u," ti sup chuan ka kuah vawng vawng, min thlah tur te chu a hreh ngawih ngawih ni mai hian ka hria


Checking lam kan pan tur chu ka nu te din na lam ka hawi letleh, ka nu in a mittui a hru mawlh mawlh chu hmuhloh tum eng angmah ila thil harsa tak ani, amit bui luk te chu nizan lam a a ṭah na kha ani tih alang reng, keipawh ka kal liam vat anihloh chuan ka ṭap mualpho mai ang tih ka hlau

Thlawhna chhung kan lut te chu pawn lam ka hawi tlat, kal rualpui pahnih te lah chu lungkham em em an nei pawh in alang lo, pakhat erawh champhai lam mi ni in, a vawihnih kalna tur ani tawh, a ṭawng duh em em, Mizoram kan thlawh chhuahsan chiah chu ka taksa peng pakhat hi lak hran ang maiin ka na ni mai hian ka hria, a tawnglo tu tan chuan in hrethiam kherlo ang, ka ruakin ka mal ngawih ngawih

Delhi ah nikhat kan cham, ahnu ah Singapore direct in min thawn nghal, ka taksa te chu ana em em, zin ngailo leh thlawhna vawikhat chuan na ni bawk nen, ka ni deuh hui hui hian nia ka hriat ni

Singapore Bording House antih mai ah chuan min nghat rawih, kan thleng chiah chu chhiahhlawh a za tel tel a awm khawm chu an hmuhnawm dangdai riau hian ka hria, Indonesia, Philippines, Myanmar, Mizo hnam hrang hrang hi kan in chawhchawrawih ani ber, Building lian tak chhawng 3, zau em em mai ah chuan chhiahhlawh tur sangtel mai hnam dang dang kan awm khawm, a ṭhen transfer, a ṭhen kalthar keimahni angbawk, a ṭhen Ex Singapore kan tihmai ahlui kal nawn leh te kan ni nuk bawk

Engkim chu dan fel fai tak a siam ani,agent hran hran ami kan nih avangin hming an lam leh an agent te awmna a zir in an in tlar ṭhap ṭhap, ka tehkhin ber chu sipai in enkawlna hi ang ka tiber, zing ah intlar in hming kan lam thlap, tlai ah nise chuti bawk

Bording house ah nihnih laimai ka awm ve hnu ah ka awmna tur ten min rawn lam ve ta, Mizo awm an awm ve zeuh zeuh, mahni Mizo pui ngei han biak leh kawm chu anuam in a thlamuan thlak ani tawp, reilo te chhung a ka hriat mizo ṭhenkhat ka hmu pawh ramdang ah chuan ava thlamuan thlak hliah hliah tak em!!!!



Ka awmna tur te in ka lut chu ka ni duk mai, Chinese pitar thau lam pang hian uluk lutuk in minlo en, "Rintei maw i hming kha, heihi ka nu ania, chuan saw saw ka pa, keini chuan kan chenpui dawnlo che u a, ka nu leh pa leh in enkawl hi ani mai i hna tur, an ei in siamsak, leh intih fai a ṭul ṭul, karkhat ah vawikhat kan rawn tlawh ṭhin angch u," minla tupa in zaidam zet chuan min hrilh, ka bu nghat nghat, "i hriat tur chu English anthiamloh avangin Chinese ṭawng i zir ve angai dawn a, nangma tan pawn anuam zawk ang," ati leh sup, a nupui chu alo nui vur vur, ka ṭhen ve sak, mahni ṭawng lo hman tur mah hrehsa nak alai Chinese leh zel zir ngai chu ka peihlo sa takzet

Pitar leh putar nen chuan kan awm ve nawk nawk, enkawl em em an ngai hranlo, hreawm ber maichu English anthiam hauhlo leh ka pitar enkaw sual lutuk chu, a changin a tiang(walking stick) hmang a mi vuak a ching te, ka hming pawh a minko duhlo a Bàndàn(mawli) tih ngat a minko te hriat hreawm ka ti ngawih ngawih

Chhuat nawt ila ka nawhna lai apiang ah bai auh auh chung a vak kual chuan an ṭawng in, "helai pawh afai lo, mawli i nawt fai theilo ami," ṭawngkam pangai hian minbe lo ti ila ka sawi sual tawplo ang, engtik lai mai pawh amin vin phar reng maite chuan mahni in khawngaih na min neih tir hian ka hria, kan in ka ngaihzia chu rapthlak tak ani, te in engmah neilo mahila athlamuan thlak bik zia ka hre thar uar uar, zantin ka ṭap a, Bible kuah chungin ka pitar enkawl nen kum 2 chhung chauh hun kan hman dun theih nan Pathian hi ka dil ngawih ngawih ani ber

Bible chang sam ziak tu in, "mittui tla chung a tuh te chuan hlim takin an ât ang. Ṭap chungin an buh chi feh chhuahpui mahsela, an buh phal te kengin hlim takin anlo haw leh ang," (sam 126:5-6) hi ka in nghahna ani tawp, rilru kalsual chang a awm phei chuan mahni intihnat duhna a awm fo bawk, mahse chung ka ngaihtuah lai chuan ka nu leh ka unau te ka ngaihtuah vat ṭhin, an U, an fanu hi an in nghah na neih chhun ka ni miau a, ka tawrh na leh ka thawh hahna te tuman hrelo mahse van a kan Pathian khian hetiang reng hian ka chung ah a sual tir dawnlo tih ka hre chiang ani


Thla 7 chhung zenzawn ka awm a loan ka rulh zawh hnu ah ka thla hlawh kim a kalak hmasak ber chu ka thawn ve vat, tam anilo thla 7 chhung pocket money atan $62 min pek te ka khawl leh ka thlakhat hlawh $500 belh khawm vek chuan ka thawn ve rawih

Thla 7 hnu ah ka nu te ka biak an phal ve ta, ka nu te call na tur international calling card minlei sak hmang chuan ka call vat, thla 7 chhung kha ka tan chuan kum tamtak nen a danglam lo, ka nu aw ka hriat hmasak lehber phei chu ka insum zolo ka ṭap chhuak hawm hawm, ka nu pawh a in sut ri hraih hriah

Thu tamtak min hrilh, minfuih in min ṭawngṭai sak bawk, phone aṭang chauh mahnise ka nu ṭawngṭai na leh fuihna chuan min chhawk zangkhai in chakna thar minpe leh ni mai hian ka hria, nu te nge nge chu phone aṭang pawh in kanlo va thlamuan pui tehreng em!!! Ka thawh chhuah ngei mai ka thawn tih ka sawi lai a ka nu lawm na ri te, a ṭap ri te chu ka tan hian ngaihthlak anuam mah mah, a fanu kum 15 lek ramdang a harsat na vang a kal ta hian a vawikhat nan tak tak ka nu hnen ah pawisa ka thawn ve ania, ka hlim tluk zet in ka nu pawh ahlim tih ka hre thei


Ṭawng ka theih ang ang in ka zir ve zel, Chinese pawh bolo tawk chuan ka thiam ve tawh viau, vanduai thlak ka ti dawn nge ka tan malsawmna ka ti zawk dawn, kum 1 ka awm hnu ah ka putar enkawl zawk chu Dementia natna anei hlauh, midang enkawl duh heklo chu ka enkawl chho, home nurse an lak pawh a duhlo, a fate takngial damdawi pek pawh ei duhlo ta chu engkim ka enkawl tak tak angai, ka enkawl chho ve nawk nawk, home nurse an lak hnen ah enkawl dan tur leh damdawi pek dan tur engkim ka training leh vek, ti chuan ka enkawl ve nawk nawk, nikhat ah dar 3 bak hi ka mulo ti ila a dik ber ang, mi anglo na na chu khawlai ah buaina siam chang lah angah, mahse ka tan malsawmna ani ve leh tlat bawk si


Thla 6 vel kan in enkawl hnu ah putara pawh chu aboral ta, Pathian hian ka tawrhna te kha alo hrereng hi alo nia, kum 2 ka awm tlin hnu ah chuan chhunzawm tur in a ngen in min ngen, ka pitar awm thleng thleng chuan ka chung ah an ṭha mah mah tawh zawk, Pathian khawngaih na zar ah kum 2 ka awm zo, ka chhun zawm ve leh mai

"Mate inhmun kha nuai 4 in kan hralh a, hei tun a kan inluah mek hi a in chawp in nuai 6 in an phal a loan hi lak belh ila mi in luah reng ai chuan a ṭha zawklo maw?" Ka nu in a rawn tih chuan ka thaw hak, ka pu te in kha an hralh tak avangin in maldin durtlang lam fianrial deuh tak ami chu sangruk (6000) in tun ah ka nu ten an luah mek, ka la hmuhpui lo na inhmun a fianrial a anuam erawh anti phian in ka hria


"A ṭha lutuk alawm, in luah khawi reng ai chuan, ka in huam lutuk ania," ka ti sup, kan inbiakna kan itih tawp hnu ah Urina nen messenger aṭang kan inbe ve leh, ka contract ka chhunzawm dawn khan a lawmlo viau tih ka hria, kum 4 dang min nghah leh theih pawh ka beisei hranlo, mahse ka chhungkaw tan ka beih ve zel angai si a, ka nu kumtir lam khan a kâl (kidney) kan zai avangin sum kan seng nasa viau, ka naute school fee leh mamawh nen, ka hlawh ringawt hi chuan min daih senglo ṭhin

Tun ah chuan kum 6 lai Singapore ah ka awm ve tawh, vawikhat mah ka haw lo, kan ram chu ngai viau mahila haw a, lungleng tak a ka chhungte kalsan kha ka huphurh em a tin ni, tun ah chuan ka nau te pawh an lian ve tawh in ka chhang chiah phei chu keiai a sangtawh tih ka hria class X a zawh khan a kal zawm duh tawh miau lo a tun ah furniture lam zirin Bethel furniture dawr ah a thawk ve mek bawk, naktuk mai ah Mizoram kum 6 chhung zenzawn ka kalsan tak kan ram ngei mai ah ka let ve dawn ta, ka phur lutuk chu ka muhil theilo te in ka hria, ka nu kuah a, ka naute ho hmuh ka chak lutuk chu ka za zek zek ani ber

Ka haw dawn zan chuan ka pitar enkawl pawh a mittui a tla fep fep, a tir in ka chungah sual viau mahse kum 6 chhung ngawt ka hrawn, maid dang awmpui theih miahlo ka tawrh chhuah rah ka tilo theilo, tun ah erawh a fanu ang tak tak a min en tu kalsan chu ka hreh ve viau na in ka nu dam theilo lutuk ah loh theihloh in ka haw angai ve bawk nen, ka khawngaih letling viau thung

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:08 pm

JORDAN
By floria laldansangi
5

"Mate helam ah," ka nu aw ngei mai mipui tamtak zi hut hut kar ah ka hriatna lam chu ka hawi vat, ka pan dawr dawr, kan teber ka kalsan lai kum 2 chauh la ni pawh kha kum 8 lai alo ni tawh, ka chhang chiah phei chu ka chho en vah, kan in kuah nawk nawk hlawm, ka nu cher zia ka sawi lawk ange, tunlai adam theilo tih ka hria, min rawn hmuah pawh ka ring lem lo ania

Ka nu in mittui tla zawih zawih in minkuah, "aww ka fanu ka van chhuang tak che em," chu chu ka nu thusawi zinber ani, mihriat leh mi ang a hlawhtling nilo mahila, ka nu tan fanu chhuanawm tak ka nih tluk a ka tan lawmna a awm pawh ka ringlo


"Nau-i i ṭhanbelh miah nange," ka nau in min rawn kuah thuak thuak pah a atih chuan ka lo melh ram ram, "min u mai maiteh," tih leh a dar ah ka lo beng taih, kum 18 ani ve tawh, alian em em, kan mipa teber V-a pawh keiai a sang tawh, a u ai a taksa erawh a te zawk, ka pa a chhun bik a ahmel ah pawh ani hi chu

"Ka rawn tlai ani maw?" Rawn ti tu aw ah chuan ka hawi vut, Urina hmel fai vang mai video call nilo a tak ngei a han hmuh chu ka lai lek lek, min rawn kuah pahin, "ka ru nghal mai dawn asin Nu mapui," ka nu chu a fiam zauh, kan nui hawk hawk hlawm

Airport chhung ah chuan mipui tamtak awm mahse ka nu, ka chhungkaw neih chhun te nuiri chu ka beng ah hian a ring ṭha em em hi ani tawp, "haw phawt teh ang u, ti chuan kan tlai zo dawn," ka nu in a rawn tih chuan ka luggage vel chu ka dahrem, "Fela ka bike khalh haw la, i nau phur la, i nu leh i u te nen taxi in kan haw mai ang," Urin-an ka nau atih chuan ka nau chu alo phur ngang mai, bike hi a ngen ve zeuh zeuh, a leina a tuak ve mek bawk in ka hria

"Rawn fimkhur angche, chak tak tak a tlan kha angailo ania," ka nu in a tih chuan a bu nghat nghat, tlangval puitling tak tak te pawh a ang ve tawh, 5'11ft zet zawt ania, kei mizo nula 5'4ft bawr tan chuan a sang mah mah tawh ani, Urina nen an in chen viau tawh

Kan in, ni e tun ah chuan keimahni pual a in tak tak ani tawh, Pathian khawngaih na zar ah kan khawlam a kan inhmun hralhna leh ka hlawh chhe te te vawmkhawm in Aizawl khawpui ah ngei in kan nei ve ta chu ania


"Awii ka rinai in a zau anih hi," ka ti lut chul, kan in a sofa lo in hung ve ta te, TV stand nalh tak leh TV tunlai ve tak lo awm ta te hmuh chuan ava han nuam tak em!!! Mahni thawh chhuah ngei thianghlim tak a lakluh aṭang a cheimawi leh in din hmuh chu e mahni leh mahni pawh in chhuan ruk veng veng na ani

"Nia kan lo ti danglam deuh a, i nau furniture lam zir pawh kan hlawk pui khawp mai kha," ka nu in a rawn tih chuan ka nuih ver ver, kan dawhkan in hung mawi zet pawh ka nau kutchhuak ani tih ka hria, ka van chhuang tehlul em!! Over minti em?? Mahse kum 6 lunglen leh hreawm ka tawrhna leh ka nu taimakna, kan hreawm tawrhna lang chhuak ve dek dek hmuh chu a nuam ve em a sin


Urina kan in ah zanriah a ei nghal, ka haw hma deuh aṭang khan kan inbe tamlo, minbe tam lo ani mah zawk, vawiin ka haw pawh min rawn hmuah ka beisei loh tehlul nen, ka nu leh ka nau te alo enkawl zawng zawngna ah ka lawm takzet, ka nu in a chanchin min hrilh fo, ngaihthlak anuam em em vek zel

"Ka ngai lutuk che," ka hnunglam aṭang a min kuah hlu hlu tu kum 6 chhung ka tan rinawm tak a awm, ka bialpa hmasaber, ka pasal tur a ka ngaih chuan a ti sup, ka nui nghawr dat, "ka rawn haw hma vel kha chuan min ngailo aniang minbe khat sia," ka tih chuan a thaw hak, ka chhip ah a khabe nghat in boruak a hip vang vang

Rilru hahna anei ni in ka hre tlat, alam hawi chuan ka in her, kan in hi concrete in ani, a chung ah hian ka nu in pangpar vel a lo hung thluah mai bakah ṭhut na nuam tak Aizawl khawpui phe un mai thlir theih a ṭhutna tur a dah bawk

A kawng a ka kut suih zawm chuan ka dak chho ha, thla a en em avangin chiang takin a hmel ka hmu thei, "diklo a awm em?" Ka ti sup, ka hmui a rawn fawp vang vang in, "ka hmangaih che tih i hria tiraw?" A ti sup, ka bu nghat nghat, "min ring em?" Atih leh chuan uar lutuk in ka lu ka lo chu, a nui nghawr dat dat, "i mirin na chauh ka mamawh, chu chauh chu," ti sup chuan min fawp leh vawg vawng, ka mipa fawh hmasakber ani a, kum 6 hmalam a kan infawh bak kha tun hi ani leh mai, a nawmna pawh kala hre chuanglo, ka thiam dan chuan ka chhang mawl ve tawp


Thlakhat lai Mizoram ka awmna pawh ani leh tawh, ka nu erawh ka haw aṭangin dam var a awm lai anei thei meuhlo, a inzaina ana atihloh leh na neuh neuh a sawi reng, hna ka zawng ve ngat ngat bawk, ti reng chuan kan in phaman lo vat dawn tih ka hria


Vanneih thlak zet in JK hotel ah waiters hna ka ṭhiannu Singapore aṭang a ka hriat in min tihpui hlauh, naktuk aṭangin ka thawk ṭan ve thei dawn, ka lawm zia chu kâ hian a sawi senglo aniber, ka nu lah ramdang kalsan chi anih tawhlo, kanla in enkawl char char, khawzawl lam a ka nutei te pawh kan chah, vawiin lam ah an rawn thlen tur thu a sawi, ka pu te pawh shillong lam aṭangin an rawn chho ve dawn tih ka nau khan a sawi bawk

"Nu damdawiin lam pan leh mai ang," ka nu khawsik reh theilo khum amu chu lungawilo zet in ka bia, a rawn meng diar diar, "awmzia a awmlo ang, ka hun tawp ahnai ta anih hi," a rawn tih chuan rum zet in ka melh, mahse ka nu hmel ah chuan beisei tur a awm tawhlo tih ka hria, alang chau ngawih ngawih ani ber, ka nu hmeichhe tawrh chhel tak hmel kha a awm tawhlo


"Chutiang sawi suh, Urina ka ko anga kan kal dawn nia," tih leh ka phone ka phawrh nghal, ka call ala theilo, tunlai hi alo kal khat maibak ah phone pawh in minbe khat, hna thar anei a, abuai viau anih ka ring ve tawp

"Ko buai duh suh, mate lo kal teh," ka nu in thei leh theilo a arawn tih chuan ka pan vat, "ka fanu ka chhuang lutuk che tih inhria tiraw?" Ati sup, ka bu nghat, "ka awmloh hun ah pawh inaute pathum hi ṭha takin lo enkawl angche, phur rit tak tak i ko ah ka tlak tir fo tih ka hria, mahse kei i nu hian ka fanu ini hi ka inchhuang lutuk ania, min ngaidam tel bawk dawn nia, nula dang ang a i mamawh tak ngial pawh lei theilo a chhungkua i chawm angai ta si a," thaw kawk kawk chung a atih chuan ka mittui a rawn tla zung zung


"Nu chutiang sawi suh, min enkawl na zawng zawng ah hian ka lawm asin, ala reilo emai, thutawp sawi nan chuan," in hnit hlawp hlawp chuan ka sawi, ka nu chu a thaw kawk kawk, "rei tak dampui che u ka duh tehlul nen, ka hmangaih lutuk che u ka fa te u," ka sir a ding ka naute pathum melh kual chung chhuan a ti ṭawk ṭawk, a upa ber mai chu ka ṭap hawm hawm



Ka kut a vawn na cher zet chu a zawi hnak, ka nu lam rang lutuk in ka hawi, ka bawh nghal rawk rawk, "aih, nu, nu a theihloh, ka lo haw chauh hi, nu min chhang rawh," ka au khum ani mah mah zawk, ka naute an rawn ṭap ve tliar tliar, ka nu taksa cher zet chu ka kuahbet, a tel lo in engtin nge ka nau te ka enkawl ang, "nu i mawh phurhna minpek hi a rit emai, ka zolo harh teh," ka au hawm hawm

Tu tu te nge kan inchhung ah rawn lut a kan chhungte neih ve chhun an rawn lut em pawh ka hrelo, ka nu chu ka kuahbet, ka ṭah khum hawm hawm, mahse ka nu, keima nu, chaktak a awm a, chhel tak a awm tur amin fuih fo tu kha a awm tawhlo, a pangti lum erawh ka la feel veng veng thei


"Nu engtin nge bul ka ṭan ang, ka naute enkawl tur chuan kala naupang emai, inchhung engtin nge ka enkawl ang?" Ka ṭap rawih rawih,"a U anu hi a thi tak tak ami?" Kan teber kum 8 milek aw ka hriat phei chuan ka thinlung hi ṭheh darh vek ni mai hian ka hria


Kan inchhung a lengkhawm zai ri tleng tleng te, ka pu(ka nu pa zawn) leh ka nu unaunu neih chhun ka nutei te thusawi ri te chuan min hmet na zual, mahse mite lo ṭhat zia hi, keini daikil kar ami, mitan a thil ṭha ti ngailo hi ka nu boral ni hian mi an va tam si em!!!


Ka nu hmai hil bam mai chu ka en ngawih ngawih, a natna lo tawrh zawng zawng te kha alo na dawn tehreng em!! Ka rilru tih hah a duhloh vangin alo tuar tlawk tlawk chu ani sia, " ka U mam, i fate hi chatuan ram kalsan atan chuan anla te mah mah emai a, i nau hi min ngaidam angche, tihsak reg ka nei silo che a," ka nutei ṭah hla mawlh te chuan min vit hlum dawn in ka hria

"Nu, nu vawikhat chauh chakna minpe tur in lo meng teh, khawngaih takin LALPA kan unau neih chhun ngawih ngawih, fahrah tak tak kan nih lohna kan nu hi minpe let hram teh," chu chu ka dil nasa takzet ani, mahse a fate mittui tla hru tur pawhin a rawn meng tawhlo

Aw khawvel hi ava nunrawng si em!!! Ka nu hi nun nuam in kan awmtir ve dawn chauh asin, thihna kut vawt in aman atan chuan ala hma emai, thihna nunrawng zet hian khawngaih na chhe te tal aneilo em ni??


Ka nu thlanmual lam kan pan pui lai te chu ka mang hriat ruai ruai, pastor in thlahna thu a sawi, an thlah diat diat, kei erawh chuan thlah aharsa ka ti, ka nu, khawvel a kan neih chhun ngawih ngawih thlah liam hi harsa ka ti takzet ani, "nu fanu fel tak ka nilo tih ka hria, mahse ka tum zel ang," chubak sawi theih ka neilo, kan teber kuahbet chungin, "bawihtei tal hi khawngaih la rawn let la kala ti fan ani," ka tih zawm ngawih ngawih, thihna hi chu ava tawp tak em!! A tawp vawng vawng

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 21st, 2018, 3:08 pm

JORDAN
By floria laldansangi
6

Ka nu min kalsan na pawh thla 2 aliam ve leh tawh, keipawh JK Hotel ah ka thawk ve lawp lawp, Urina nen pawh kan la in be ve zeuh zeuh, hna ah abuai thu a sawi reng, ka nu boral aṭang phei chuan kan inbe mumal lo ti ila a dik ber ang

"Awi enteh u, hrangbana a colleges a an lecture thar Rinawma leh abialnu saw an inhmeh e," kan thawhpui Âmte'in ring fahran a rawn tih chuan a hawina lam chu ka hawi vat, a chhan chu Urina thawhna colleges ani miau a

Ka thil hmuh avang chuan ka nghing dawt in ka hria, Urina ban a hmeichhe nalh tak maiin inti nei tu tak mai a vuan hnap leh an in nuih ver ver hmel ka hmuh chuan ka mit ka khap fak fak, "an inhmeh tiraw, an colleges naupang ho chuan an inneih vat an ring ania," a rawn ti sar sar, kei erawh mak tih luat ah engmah ka sawi chhuak theilo, ka na em pawh ka hrelo, mahse mak ka ti viau thung tih erawh ka hria

"Rinte," Ely'i aw ka hriat chuan ka harh zawk, ka hawina lam a en ve nghal zat, a thaw hak chu ka en vat, ahresa ni awm tak in a lu a thing mat mat, "i hria ani tiraw?" Ka ti sup, min en vang vang chuan, "i nu boral lai vel khan ka hria, hrilh che ka tum a, inu i chan chauh nen ka sawi ngamlo anih kha," ati sup, ka bu liam tawp, sawi belh vak tur ka hrelo em a tin ni, kum 6 chhung ka bialpa a kalo chhal in minlo kawp reng ania, mahse tunge ka dem theih, Urina pawh ka dem chuanglo, hlimse hmeichhe ṭha tak aphu reng ani


"Kal ang hna thawk ang," nui lui zet chuan ka ti sap, min thlek vung vung in, "i ṭha maw? Ka rinai i ṭha," nui hak hak pah a atih chuan ka nui hak, nia keipawn mak ka ti, michu an bialpa ten an bum chuan an ṭap in an rilru ana ania, keihi ka dangdai riau, ka lawmpui viau ania, ka mak khawp mai!!

"I duh duh kha ei rawh, i pass lawm na anih kha," ka hma a ṭhu pitar in a tupa ni awm tak chu a be malh malh, an sir ah order nghakin ka ding ran, "pi pawisa pawh inei ami?" Zawi te chuan a tupa in a ti sup, api chu bu nghat nghat in, "ka nei alawm, enge iduh?" Alo ti vat, menu chu en in min rawn melh, ka lo nuih sang, a ei tur duh zawng chu a rawn kawk, kan neih zing a tlawmber ani, api tih lungawiloh a duhloh vang a chah nimai in ka hria

An order ka lak zawh chuan kalsan mai ka tum chu dawhkan hnuai a pitar in a kut a pawisa neih a chhiar ru malh malh ka hmuh chuan ka pensawn theilo, ka ipte aṭang ka nau monthly fee tur Rs 500 ka ah chu ka phawrh, chhuat ah ka thlak zauh, "ka pi i pawisa i thlauh(thloh) palh ania," tih leh chhar in ka nuihsang, min en hâ pah chuan, "nula ka pawisa anilo ang, i pawisa ani zawk ang," atih chuan a kut a hmehbel pahin, "hnathawhna ah khatiang zah zah ah chhan tur ka nei hleinem, i thlauh anih kha," nui hak hak a pe chuan ka pensawn vat, harsa ve te mah ni ila ka nau hlawh leh ka hlawh in kan inchawm ve thei viau

Ka naupawh furniture dawr ah thawk tur in an sawm nasa mahse a zirchhuahna Bethel furnishing ah a thawh chhunzawm, kan teber leh a dawt chiah school fe leh mamawh Pathian zar ah kan inphu hru ve viau, inluah man chawi ngai tawh heklo

"Awi i phone a ri char char ania," Ely'in alo tih chuan ka ban vat, "ka pickup rualin, Biakdingliana U ini em aw?" Mipa aw in a rawn tih chuan, "aw ni e, diklo a awm em?" Ka ti vat, "hei school ah an inti hliam palh a, tun ah ilo kal thei angem?" A rawn ti leh nghut, ka kal theih tur thu sawiin ka dah vat

"Ely ka naute school ah ka kal angai a, manager sawn a phal angem le?" Ka ti sup, "hei table 17 ami tur," ei tur rawn thleng chu ka ban vat, Ely lah chuan nui tut tut pahin, "a phal khawp ang, a melh tai deuh che in nia ka hriat," a tih chuan ka nernawng

Pitar'i te order ka pek zawh chuan kan manager hmutur in ka kal nghal, ka luh rualin, "ka pu ka naute school ah buaina a awm deuh a vawiin ka haw hma thei angem?" In thlahrung dek chuan ka dil, "thei e, a pawilo, thlah i ngai em?" Aw ki zang vah a rawn tih chuan ka lu ka thing mat mat, "angailo, ka lawm lutuk," ka nuih let var var, tlangval senior lam ani, he hotel hi anta tih ka hria, Mizoram tlangval hausa zing ah Ely khan a tel ve thu a sawi tak kha maw


Hotel aṭang chuan taxi la in ka naute school lam ka pan vat, an school ka thlen rualin office ah ka lut nghal, ka nau hmai khem nuaih ka hmuh chuan ka mangang nghal ka pan nghal ruak ruak, "engthil nge thleng?" Ka aw ki chu a hniam fahrah lo viau, "i fapa em ni? Nung chang mawi pawh hrelo, ka fapa kut te alo thlak ngam a, zilh lo fa ang mai," kan sir a hmeichhia in alo tih hlak hlak chuan afapa chu ka melh zawk, class X zirlai an ni tawh, naupang chhia an ni tawhlo, ka nau ka ṭan nghal nilo in tumah antihbuai hmasak hi ka hre ngailo a ka ringlo bawk


"Ka pi ka nau ania, enge buaina chiah ni a?" Ka nau bul a ding chuan ka ti let ve hmak, "inbeng dai teh u, principal a awm lo hlauh a vanneih na ah ngai ru, Rintluangi maw inih? Hei Biakdingliana kanlo zawt a engmah a sawi duh silo a," an zirtir tu min rawn be tu ni tur ngei khan alo ti sup sup, ka nau chu ka melh vak, "enge buaina bul ni reng reng i.." Ka sawi zo hmanlo ka nau tihbuai pui zawk chuan, "min rawn khawih hmasa anih kha, min khawihlo se chuan ka khawih let lo ang," alo ti zat


"Ka fapa thisen man hi pek ka duh ang, tunlai fahrah ho hian zahna pawh in neilo, nu lehnpa enkawl lo tih hriat ngawih ngawih," anu in a rawn tih ve zat chuan ka sa phat, ka naupan lai aṭangin ai upa hi kan thiam emaw thiamlo emaw chhan let loh tur tiin ka nu in a sawi ṭhin mahse ka nau te chung a hmuhsitna lan tir tu hi ka en mai mai lo ang, fahran kan nilo, ka awm chhung chuan an ni ngailo ang


"Ka pi i ṭawngkam a mawilo hle mai, i fapa pawh in nang chiah anih kha alo chhun ni, ka nau hi athiam e, a famkim e ka tilo, mahse tumah a khawih hmasak ka ringlo, i duh duh chu tirawh, i ṭawngkam chhe tak tak kha keini chauh nilo hei zirtir tu dang awmve te pawn an hria, i chapo mah mah ani," ka ti let nghek, a mitmeng tal rawk rawk leh sen ram ah chuan a thinrim hle tih alang


"Enge kut i thlak chhan chu ni a?" Ka nau bawk chu melh in ka ti nawn leh hrawk, "kan class a hmeichhe pakhat an lo fiam a, a pawnfen an hlim sak a, ti tawhlo tur a ka ti kha an thinrim in ka dawhkan an rawn hai tlu a, ka thinthawk in ka hnek anih kha," ka nau chuan ati sup, "dawt anih chu, kan fiam mai mai anih kha," a sualpui pa in alo ti vat, hmeichhia chu va ko teh u," an teacher in a lo tih zawm zat

Office a hmeichhe naupang rawn lut chu amit a sen ram, "tete nangmah em ni an sawi hi?" Teacher chuan alo ti nghal, bu nghat nghat in, "zuala te hian ka pawnfen an hlim a, i kekawrte rawng ka hria anti chhen a, ṭap chung minfiam tawhlo tur a ka tih pawn minti luizel a, Biaka hian min lo chhan a," muttui tla zung zung chuan a sawi


Zuala atih pa nu a mengkhup nghal lap lap hian ka hria, "Zuala ithil tih avang hian hnawh chhuah theih ini tih i hria em?" An teacher chuan ati ṭhak, "ka pi i fapa hremna tur chu principal te rawn in kan rawn hrilh leh angche u, chuan kan school leh avel ah hian fahrah hmuhsitna ṭawngkam hmang tawh ngai suh, keipawh hi nu leh pa zilh tu neilo ka ni ve bawk," a ti ṭhak ṭhak

Office aṭang a kan chhuak tur chu, "Bawihtei te an bang dawn tawh ang a kan nghak law law dawn ami?" Ka nau melh chho pah a ka tih chuan alo bu nghat, an school a in ang, nursery aṭang XII thleng an school ah hian a awm, kan teber pawh class 2 a zir ve mek, lehkha a thiam thei in an zirtirtu te pawn an ngaina tih ka hria Pathian malsawmna hi ho te ang in lang mahse kan va dawng nasa tak em ka ti ṭhin

"Rintluang, tunge inla nghah a?" Nichin a teacher kha ani, "hei kan naute kan lo nghak a," pangai zet chuan ka chhanglet, kan bul a rawn ding pahin, "kha Biaka na iti em i hmai chu vur a deh angai anih kha," atih zawm zat

Ka nau melh pahin, "kut thawh hi chinloh tur, nangpawh ithiam chuanglo ania, i u in ahau ngei ngei angche," ka tih chuan a ṭhensak, ka chhang chiah hi a kum phulo a puitlin avangin kan zah em em, chhungkaw mipa puitling kawl kan neih chhun ani a, ani pawh anaute entawn tur in a a awm thiam bawk


"Mipa chu thinthawk hi kan nei vek alawm, Pi siami te chhung saw chu an ṭawngkam te hi ana hrim hrim a hrethiam hram hram rawh, aa keihi ka hming pawh kala sawilo, Dominic-a ka nia," nui vur vur a kut a rawn phar chuan ka lo vuan vat, "min hre sa sia," ka ti let ve mai, anui suk suk, a mizia a nelawm in school naupang tan pawh a in hawng thiam viau in ka ring


Ka naute school an rawn ban takah chuan inlam ke in kan pan, a hla viauna bazaar vel ah chawhmeh lei kawi kan duh vang leh kan chhuah khat em avangin ke in ka kal pui, bawihtei lah chuan nuam ala ti em em zui

"Au rin," Bawihte'in ring zet a mi tamtak kar a auh chu kan lam a rawn hawi vut, min hmu thut chu a meng deuh kawk, chhunlam a ka hmeichhe hmuh nen khan anla ni, an bazaar ve pawh ani mahna, tlem chuan ka awm anuamlo deuh, mahni bialpa te hmeichhe dang nen a hmuh chu anuam vaklo alawm, "enge in tih a?" Bah deuh nak a rawn tih chuan min rawn pan hnai, "au te nen kan bazaar a," Bawihtei bawk, "kan kalsan angcheu, rawngbawl te kanla ngai sia," a ṭawng leh hma in ka lo ti vat


"Keini pawh kan haw ṭep, zan ah kan inbe dawn nia aw Rinte," ati sup, kalo bu liam ve ngawt, a hmeichhe hruai chuan min nuih var var, hmeichhe hmelṭha tak leh ngainat awm tak ani ang, Urin'an keiai a thlang zawk pawh han en chian chuan a awmlo hran lo

Urina te kal sawn rualin, "in inṭhen alaw?" Ka nauin a rawn ti sup, "kan ni ngai reng reng amawni?" Ka tih chuan awihlo zet in a nernawng, "kum 6 chhung khan nangmah bak chaz aneilo tih kan hre vek alawm," nui tuh tuh chung a atih chuan ka nui hak, alo nei anih kha le!! Ka na em ka hrelo, ka lawmpui ka tihrualin hmuhdun erawh hreawm ka ti ve reng, ka bialpa hmasaber ani a, ka rin em em in minbum tih hriat hi anuam miahlo


"Puipui," kan pensawn tur chu bawihtei bawk in mi a au leh tawh, "khawilai ah au vak vak suh," ka lo ti vat, kan lam pan a hmeichhe naupang kum 5 bawr vel tur leh anu leh pa ni awm tak rawn kal chu uluk zetin ka lo en, a pa ni awm tak palen zia chu, ka nau leh Urina hi Mizo mipa ah chuan lian pawl ah ka ngai ve ania, tun a ka hma a ding mipa hi zawng aliens te pawh a ang alawm, mahse a hmelṭhat takzet, 6ft a tling zan tih alang reng



"Puipui tinge school ilo kal loh a," ka nau in naupang chu pan in a kut ah avuan vat, hmeichhe naupang pawh chuan alo kuah ve nghal, "ihhh," atih lai mek in, "alo kal tawh dawnlo a school luhna kan sawn dawn," anu ni ngei tur in alo ti hlak, naupang biakna aw ka atan chuan amak hluk hluk hle mai ka lo ti hman hmawh


"Alo kal leh ang, naktuk aṭangin vawiin chu a dam vaklo a kan in entir dawn anih hi," mipa chuan alo ti nghut, a aw thum lam lek lek chu a nalh vei phian leh nghal, a hnar ngul sang vah leh mit hmul dum chhah tak te, ahmui pan chhia nisilo sexy zet chu a in vuah dik thlap, nilo.. Nilo enge maw ka ngaihtuah le, a nupui a bul lawk a ading ania, ka â ani ngei ang



"Kal vat teh ang, ka hman renglo ania," anupui bawkin a rawn tih leh chuan min rawn melhin a nernawk nawk, "Bawihte lo kal rawh keini pawh kan tlai ang," ka tive nghat, min melhdan ah hian min ngaina chiamlo tih alang reng, hawih hawm vak ka peih biklo, "au lawm naktuk ah school ah in hmu ang aw, daddy ka kal dawn tiraw school," ati leh zat, a pa in pawm lawp pah a ka nau sam a tuai zauh chuan, "naktuk ah in inhmu dawn nia, kan kalsan angcheu," ti sup chuan min rawn melh zawk, ka lo ip chawih, ka thaw hak, ka diklo ani, mi pawmlai chhelo ka ti ve ngawt pawh kha sual ani


"Khatiang mihnuai hnung lutuk i kawm avang alawm in school sawn ka duh," anupui ṭawng ri chu ka hre hman hram, a in thuam dan leh hawiher vel chu ani vah, mihausa chhungkaw chhuak tih ahriat ngawih ngawih, mahse naupang bul a a ṭawngkam hman duhdan chu nu ṭha tak ah ka ngailo, fa kala neilo na chung leh mi fa enkawl dan ka sawisel theilo na in, a mawi ka tilo ve tawp a

"Puipuii nu hi chu a sual e," ka nau in ka kut a rawn vawn pah a chuan a ti niap niap, "khatin misual an ti ngailo," ka nau in alo chhang vat, nernung chuan, "kan school ah pawh kan Miss in zurui chungin lo kal tawh suh ati lawm," atih chuan ka nau chu ka en vat, "arui ṭhin amaw? In class pawh a in ang awm silo a?" Mak ti zet in ka ti hu, bu nghatin, "Puipuii pawh a vaw tawh, ka khawngaih rap mawle, kan infiam laiin alo ko ziah alawm," a hmel ah pawh a ṭhiannu chu a khawngaih tih alang reng, ka lainat hnu hnawh, apa pawh khan chutiang te chu anupui chu zilh tur ania, arghhh ka buaina tur a awmlo, enge kalo ngaihven ve viau ho emai


"Rinte," aw rawn chuahna lam chu ka hawi vat, zanthla eng hnuai ah inchung ah ka ṭhu thawveng, "ilo kal maw?" Tih leh ka ṭhut dan ka siam rem sat sat, ka bul a rawn ṭhu thla in abu nghat, "min hua em?" Kan ngawih vang vang hnu ah a rawn tih chuan ka nuisuk, huat chhan tur ka nei miahlo, a chung ah hian ka lawm lutuk zawk, ka awmloh kum tamtak chhung khan ka chhungkua minlo enkawl sak ang ani a, ka lawm tak tak, mahse tlemin ka awm anuamlo in min ṭhawng deuh mai chauh ani


"Huat chhan tur hhe ka nei amawni?" Ka ti let sup, thaw hak a ka malchung a ka kut a rawn hum chuan ka phu deuh zuk, diktak chuan nuam ka ti lo, ka in la hrang ka tilo theilo, "iti tak tak em?" Ati sup, bu nghat a min vawn na phelh chuan ka ṭhu ṭha vat, a nui hak, "min hlau ami?" Atih chuan ka nui ve hak hak, "teuhlo, kan chhungkaw chung a ithil tih zawng zawng te kha ka hria alawm, Urin hmeichhe ṭha tak i phu ka ti, khang kum chhung zawng zawng ka khawhral tir che pawh kha pawi ka ti fe zawk sin, ka unaupa ang maiin ka la ngai che," ka ti let siam siam


Ka ti tak tak bawk, engtia rei nge minlo kawp ruk reng ka hrelo na in rei chu ala nilo tih ka hrethiam ve, ka nu leh ka naute a thlawh fo a, ka nu boral thleng ka tan bialpa ṭha tak leh unaupa angmaiin a ṭul ṭul ah a che bawk, ka phulo hliah hliah, a thaw hak, "ni e, itan chuan i unaupa ka ni reng dawn alawm," arawn ti sup, sawi mai tur pawh ka hre tawhlo, "i bialnu chu rawn lenpui ve la vawikhat tal te chu," ka fiam hlak, nui hak in, "tehreng mai, remchang kala zawng dawn nia," a ti ṭha ve mai bawk a, ka lawmpui takzet, abialnu kha hrechianglo mahila misual tak ani dawnlo tih ka hrethiam ve, hmeichhia ve bawk ka ni miau a

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)