IT'S YOU BY Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: IT'S YOU BY Floria Laldansangi (Completed)

Unread post by Ngaia » December 2nd, 2018, 2:42 pm

IT'S YOU
By floria laldansangi
19

ZOTHANA...POV

Bawih'in a pa chungchang a sawilai a Malsawm'in pan hnaih a tun chu ka pawt let dawrh, rum lutuk a min melhin, "he thil hi i ruahman na ani tiraw?" Ati khar khar, hei hi chu ka ruahman na aiin a ṭha mah mah, bawihi thusawi zawhrual a Malsawmi neih ka tumloh thu sawi ka tum laiin ka rua hmanloh tawp in video an rawn upload ka hmuh chuan Malsawmi ban rek a vuan in ka pawt chhuak nawk nawk

"Engthil nge itih saw?" Ka ti ṭhawt, min thamlo zet a nui awr awr in, "nangpawh in engthil nge itih Zothan, zanin hian inneihna a awm dawnlo tih sawi itum ani lawm ni? Engpawh thleng dawnse nang leh i company hi ka ta ah ka siam dawn che u," ati tuar, "tinge? I ruahman na ai in ka che rang em ni? Zanin hian engpawi nge i sawi ilo en dawn nia," tih zawm let tuarin min su deuh sawk chuan inchunglam ah a tlan lut chu ka sam tuai puatin ka zui lut


Bawihi ka zawng nghal ruai, phiangsen hian, ka phone ka phawrh rawk rawk, "tun ah he video upload tu hi zawng chhuak angche, a rang thei angber in," ka hnuai a ka chhawr chu ka vin hrawk, Eric-an bawihi a kuah chhuak chu ka hmun hman hram, anlam pan ka tum laiin reporter ho in min rawn bawr, ka phun sup

"He video leh zanin party hi inzawmna a nei em? Khawngaih in eng amaw in sawi thei angem?" Zawhna tam lutuk chu kalsan ka tumlaiin Malsawm'in lem chan a rawn ṭan chiah, a rawn in hnit ri feih feih chu phawk fe in ka en, englem chan nge a tih leh tak hi


"He video hi kei leh Zothana kan ni," awihawm fahran a inhnit pah a rawn tih chuan ka en kawk, kei ang bawkin midang pawh a ṭhawng ani mahna a ai nasa in zawhna an ngah, Malsawm'in ka ban a rawn vawn pahin, "nupa nih hma in hmangaih na te chu an chen dun fo ani lawm ni? He video erawh tun hnai ami anilo, heng kan video kan phalna ni miahlo a post darh ani hi dan ang a hrem na ken kawh kan duh ngei ang," mit sen ram leh mittui tling piau a atih chuan ka nui hul hak, min vawn na chu na lutuk in ka phih sawk bawk


"He video ami hi.." Ka tih laiin, "tunge anih tih i sawi rualin Hmangaihzuali chan tur i hriat kha Zothan," Malsawm'in a rawn tih chuan rum lutuk in ka melh, tun ah hian min nek chep ani mahna rei anilo tawp ang, "he video ami hi keimah ni kan nilo, kan hmel a langlo a, fiahna dang a awm heklo, ni lawm ni?" Chang zet a ka tih chuan Malsawmi chu a sen nghal awp awp, a mitmeng ling hlar a min en chuan, "duhthlan na i siamsual tih hria angche," seh chilh lutuk in a rawn ti sup, ka kiai suk

Chanchinbu mite zawhna min zawh luai luai chu nek sawnin ka car lam ka pan, ka lawyer ka cal nghal zat, "tun ah video upload vang khan case file ka duh," motor ti nung pah a ka tih chuan, "tu lak ah nge case file i duh a, chhuichhuah ala ni silo a," a rawn tih chuan na lutuk in steering ka chum dawt, "Malsawmi te nufa," ka ti hrawk, min chhan leh hma in ka off nghal hmiah bawk

"Zualtei in a thleng tawh em?" Bawihi enzui tur a ka mirawih ka call, a pickup rualin ka ti nghal tawng, "ka pu party a chhuahsan aṭang khan kala hmu lehlo," a rawn tih chuan thinrim lutuk," engthil phiangsen nge ilo tih, tun ah a awmna ka hre duh," ka ti ṭhawt, tun ang hun ah chuan amah a awm chi ani hauhlo


Gate bul a car ti ding tuarin bawihi inlam ka pan nghal, kawngkhar ka chum dawt dawt, jacinta'in sam hnawk zet a kawngkhar a rawn hawng rualin ka hawng zau ṭhuai ka hawi thuak thuak, "khawiah nge Zualtei?" Tih leh jacinta'i ka melh nghal run, mak ti fe amin en chuan, "i bachelor party ah a awm angchu, Eric-a nen an rawn kal kha," a ti nuah nuah, ka phun sup

In aṭang a tlan chhuakin, jacinta'i min auhna pawh chhang letlo in, Eric-a in lam ka pan nghal, kawngkhar ka chum dawt dawt, a rawn hawn rualin, "khawiah nge bawihi?" Ka ti hrawk, ka awm a mi nam dawrh pahin, "na tak a i siam hnu ah i rawnla zawng amaw?" Ati ṭhat, ka kawrawm a rawn ṭham a tum chu vai sawn pahin ka lo ṭham let nawk, "tun ah khawnge a awm?" Ka ti leh hrawk

Ka vawn na paih sawn dawrhin, "a in ah a awm angchu, Zothansang nanghian.." Atih laiin ka phone a rawn ri, rang lutuk in ka la nghal, "khawi ah maw?" Hlauhthawn na in min rawn tuam nghal, bawihi chung a thil thleng a awm vaih chuan hengho zawng zawng hi ka that duh hial ang


Ka mi chhawr in bawihi awmna hmuh address min rawn thawn chu ka en vat, Eric-an, "engthil nge thleng?" Ka tlan chhuak tur min pawt ding chung a atih chuan ka kut ka phih sawk, chhang lo in ka tlan chhuak nghal


Ka nu (nu hrawn) ram lei Aizawl aṭang a hla vaklo ani, ka pan ding nghal, a hmun ka thlen chuan zanlai dar 12 a pel thuak tawh, in din na lam chu ka pan hlawk hlawk, kawngkhar zawn ka thlenin bawihi aw ngei mai ka hriat chuan ka tlawh hawng ṭhuai, ka inthunun hman lo ka putea sawisak hlum ka tum ani ber

Police in min hruai dawn a bawihi mittui tla ka hmuh chuan kuah vawng vawng mai ka duh, engkim hi a tawp kan thleng ṭep tih hrilh mawlh malh ka duh, mahni leh mahni in haw tur in ka duh ngailo
.
.
.
"I lak a case an file hi thudik ani em?" Ka hma a police ṭhu palian ve takin atih chuan ka nui hul hak, "engzah nge pawisa in dawn? He video ang hian lo pawngsual ta ila fiahna in nei em? Medical report ka hma ah in rawn dah hma chu in zawhna ka chhân chhan tur che u ka hrelo," ka ti ram hmak


Dawhkan a beng ṭhuai, "mi hausa fa inih avangin engmah ti ngamlo tur ah min ngai suh angche," ati khur khur, kan in hlau lo tih hriat zet in kan in melh ram bawk, kawngkhar a rawn in hawng ri rak, "Sir, Malsawmi te lawyer nen a rawn thleng," constable pakhat in a rawn tih rualin Malsawmi leh a lawyer rawih an rawn pen lut chhat chhat

Hnehtu inti fe in a hawi vah bawk, "inremna ziah kan duh ani officer, a hma a kan inrem na ang bawk khan, inneih kan tum a, ka pasal ni mai tur hian eng pawh lo tisual mahse min neih a intiam avangin case hi sut leh kan duh ani," a rawn tih chuan ka nui hul hak

"In rem ka duh tih ka sawi lai ka hre hauhlo, ka lawyer a rawn thleng ve ṭep tawh a, he video hmel pawh langlo hi ka ni iti em ni kha? Dawt i sawi anih chuan hremna a let in i dawng dawn tih i hria angchu maw?" Ka ṭawng tawp lam chu ka seh chilh deuh nawk nawk

Ṭawng tum a kâ a ang zuai tih ah, "Dr in sexual abuse finding lehkha in rawn dahloh chuan pawngsual ah in puh theilo tih in hria angchu tiraw?" Ka lawyer rawn penlut pahin atih chuan ka nui hak

Malsawmi lawyer in lehkha dawhkan a rawn dah pahin, "kha kha ani e, tun ah chuan case kalpui leh kalpui loh chu inthu ani tawh," a ti fak fak, lehkha la kangin ka en, "heihi OPD lehkha ani, finding na nilo in, sexual abuse ah reng reng doctor hian inquiry leh investigation tilo in finding a ziak theilo, ka sawi dik em Officer? police requisition tel lo pawh in exam theih na dan Dr te hian an nei ani lawm ni? Tun ah ka pawngsual ngei em tih hre tur in examination neih ka phut ani, he dawt a minpuh na hi ka fiah thei ngei bawk ang," ding nghal zat a ka tih chuan Malsawmi chu ameng rang nghal rawk rawk


"He case hi sut leh.." Atih lai mek in ka kut ka vai thual, "fiahna awmlo in pawngsual tu ah min puh a, video hmel pawh langlo hmangin min vo(vau) bawk a, defamation case ka file let ni nghal rawhse, criminal case kan ti zawk dawn em ni, darkar 24 chhungin he intih mualpho na, social media a video post zawng zawng hi a bo vek tur ani, video post chhawng emaw a hnu leh a awm anih chuan case file zel ani bawk ang," ka ti chang leh fak fak


Ka lawyer in lehkha a rawn phawrh chhuah chu pawt thla sawkin, "heihi ka chhan let na che u ni rawhse, hengbuaina i cho chhuah hma khan i thluak tlem te kha hmangla ni tur, he video hi nang leh kei kan nilo tih i hming i chian tluk zet in i chian ka ring, ani lawm ni?" Kha zet a ka tih leh chuan mitsen ram in min melh ngar ngar


Kawngkhar rawn ri rak ah chuan thinrim zetin ka hawi, kawngkhar a bawihi kut tuam luk mai, awrh chung a rawn pen lut ka hmuh chuan ka mengkawk, engthil nge maw rawn tih a tum ve le? In a awm mai mai tur ani

ZUALTEI...POV

In dawpna hmun ni awm tak thim zet mai a ka pen lut chu Zothan'an min rawn pan nghal ruak ruak, a hmel changzet ah chuan helai hmun a min hmu chu a lungawilo hle tih alang bawk, "engthil nge i rawn tih? In a awm tur ini," a ti hrawk, ka thaw hak, light dim zet hnuai a ahmel hriam hrak leh mit hnuai val kalh chu ka en ran, keimah vangin hreawm a tuar nasa tih ka hmu hmaih hauhlo bawk

"I kut hi ana em? In ah awm mai mai tur ini asin," ati nawn leh nghat, ṭah in sum zet in ka nui sak, engvang a he mihring pa bul a tawrhzuau ta em em zel nge ka nih pawh hi ka hre biklo, "kha video a hmeichhia kha tunge anih kan sawi chhuak law law dawn em niang? Zothansang keimah chauh a hremhmun a min paih luh itum anih chuan iti sual khawp ang," Malsawmi aw chang fe ka hriat chuan ka en vat


Zothana inher in ka dar ah kuahin alam ah min pawt hnaih nghal salh bawk, "kha video kha i buaina anih chuan.." Ka tih laiin, "video a hmeichhia kha inilo tih i pawm tihna em ni? Ni lawm ni officer?" Zothan'an a rawn ti hrawk, ka dar a hmer salh bawk, min rawn melh chhuk run in, "engmah lo sawi ve suh," tih melh in min melh ni maiin ka hria


"Ka..ka.." Malsawm'in a ti bah nawk nawk, "he case hi a bul te aṭang a chhui ka duh, intih mualpho tumna hi dan ang thlapin hremna lek kawh ka duh bawk," Nelawmloh zet a Zothana ti leh chuan min inher pui in a pen nghal pawk pawk, Malsawmi thinrim rak tuar tuar chu ka hre hman vuai vuai chauh ani

Pawn a min pen chhuah pui rualin, "engmah sawi velo turin ka ti che bawihi," lungawilo tih hriat zet in a ti nghut, ka hria, ka hre lutuk, mahse keimah vang a buaina a tawh hi ka duh tawhlo ani

"Keimah vang a buaina itawh ka duh.." Ka tih laiin ka dar tawn tawn a vuanin ka hmui chu a hmuiin a rawn chilh hmiah, min fawp tawn tawn, police station kawt ah kan awm, police duty pawh an awm nual bawk, mahse ka thinlung hian chutiang a ngaihven hmanlo, duham zetin ka chhanglet, khang hun chhung zawng zawng a kan tih theihloh kha vawikhat ah tlak vek tum hi kan angber

Thaw chham lek lek a kan in fawh hnu a inla hrang chuan a chalin ka chal a rawn nawr, kan thawk lak pawh ala mumal tih a hriat reng, ka lung a phu dut dut, "bawihi min en rawh," a aw pawh ala pangai biklo, pelh phang a mengin ka melh chho, "kum tamtak liam ta i thil tawn kha i sawi chhuah kher angailo, min ring rawh, hremna ana thei angber ka pe dawn, mahse i nunhlui i sawi chhuah kher angailo, i hrethiam tiraw? Min ring tiraw?" A aw chhuak ah chuan ring ngei tur in minduh tih a hriat hluah hluah

Ka bu nghat nghat, sexy lutuk a nui suk chuan ka hmui hnuailam a seh zauh, min fawp vawng vawng, ka ring mai nilo ka thinlung zawng zawng in ka ring, keimah leh keimah ka inrin ai nasa in ka ring zawk ani


A lam a min pawt hnai salhin min kuah vawng vawng, min kuah nghet lutuk chu ka thaw a chham lek lek, ka ban ka awrh chu ana zawk, ka rak ṭhat, rang lutuk a inla hrang in, "ka ti na che em? Khawilai nge?" Amah nen a inhmeh lo zet in a mangang ni maiin ka hria, ka nui hak, ka ban tuambur mai melh zauhin, "ka ṭha alawm, min kuah leh rawh," inla baby zet in ka ti no nghalh, a rawn nui chhuak hawk hawk, a nui ri chuan ka kaw chhung zawng zawng hi a fan chhuak, anuih zawng a a hâ uingho nalh zet mai lang var han te, a mit sir chuar deuh te, a engkim mai hi ka atchilh ni hian ka hria, a hmai a hmul ṭo siar siar te chuan a ti lang pa leh zual

Alam a min pawt hnai a, mintih nat hlau zet a, dimte a min kuahin, "Engtia a nasa in nge hetiang a kuah che ka suangthuah ṭhin i hria em? Nitin nilo darkar tin mai hian ka bul ah awmin kuah vawng vawng che ka chak ṭhin, tun ah ka bul ah awmin ka kuah mek che ania, kala ring hlel rum rum," tham ṭuak a arawn tih chuan nui det in ka inla hrang hlek, a hmel en tur a dak deuh vah chuan, ka nuih var var, a mit hnuai val kalh leh senram ah chuan zan a mu tamlo tih ahriat ngawih ngawih in a chauh hmel takzet

Dingdi hlip ak ak chuan ka fawp zauh, a meng kawk, "ti khan ila ring hlel em?" Ka ti sep, min en reng avang chuan ka fawp nawn leh zauh, rawn nui chhuak hakin, "ti hian ka ring ang," tih leh rawn kun hniam chuan duh thawh lutuk in min fawp tawn tawn, a hmui la sawn chuang hauhlo chuan anui leh hak, ka biang tawn tawn a vuan in a ai uar in min fawp, ka chhang let ve tan tan, tun ah tak hi chuan khawvel hi tawp daih mahse pawi ka tilo, khawvel hran daih, tuma tihbuai leh tel velohna khawvel ah kan awm ni maiin ka inhria, kei hian he mihring min fawp mek tu hi ka lo hmangaih tawh lutuk ani
.
.
.
Car a dimte a min ṭhut luh tir in amah pawh a ranw ṭhu lut ve nghal zat, a tkan chhuak chu a kut lehlam in ka kut a hum ran, min rawn melh leh zawk ṭhin, a hmel chauh hmel ngawih ngawih kha hmuh tur a awm tawhlo, a hmep hmuh a hhdam thlak takzet, ka taksa a chau hle ani mahna ka muthlu duar duar, Zothana nui ri huk ka hriat pawh chu ka melh peih tawh nganglo

Ka taksa kang deuh nawlh ka hriat chuan ka meng diar diar, inchhung eng zet mai ka hmuh chuan kan in anilo tih ka hre nghal, mahse ka ṭang buai peihlo, min pawmtu palian zet bul ah hi chuan khawi hmun pawh nise ka him dawn tih ka chiang mah mah ani


Khum ah dimte a min mut in, "muhil der miah suh," a rawn ti sup, puan min sintir in a ri rak rak, reilo ah a rawn inthawlh ve sat sat, ka kut tuam tihnat belh hlau zet a min kuah hlu hlu pahin, "ka inbual miahlo," ati sup, mut chhuak zetin ka nui nghawr dat, a balh a ring ani mahna, mahse a rim pa hrak ah hian engmah bal rim anamlo, ka Zothana rim chiah ani ka hriat, alam a nek ṭalh ṭalh chuan, "muhil ang," ka ti sep, nui nghawr datin ka chhip a fawp vang vang chuan ka nghawng ah a hmui lum zetin a rawn nul thuak thuak, ka meng kawk, ka taksa hi a ṭek chuai chuai ni mai hian ka hria


Alam a dak pahin, "Zothan ninhlei suh," aw lai zet a ka tih chuan a nui suk, ka hmui a rawn fawp chawtin, "hei chauh," tih leh min fawp tawn tawn chuan a kut hrawl zetin ka hnute a ṭham tawn tawn, ka insiam rem ve sat sat, min nawrlui dawnlo tih ka hriat avang pawh ani mahna ka hnial lo nasa
.
.
.
Ni zungin ka hmai a rawn chhun eng ser ser chuan ka meng riai riai, ka mutna bul ka dap nghal rak rak, mahse Zothana a awm tawhlo, rang lutuk in ka in perh tho, ka hawi kual Zothana hmel reng reng ka hmulo, khum aṭang a chhukin bathroom ka en, a awm chuanglo, room kawngkhar ka hawng de de, midang tunge in ah hian awm ka hre tlat lo

Ka bih duk duk, ka awmdan chu thilru tur te pawh ka ang ngawtin ka ring, room lehlam aṭang a aw thum deuh dut ka hriat chuan ka hawi vat, kawngkhar hawng zau in kan piah chiah a room lam chu ka pan

Kawngkhar nam hawn mai ka tum chu Zothana aw ka hriat rualin ka ding dat, kawngkhar tlem a in hawng deuh chu ka nam hawngzau, ka nu hmel natna leh mitsen ram mai ka hmuh chuan ka ding dat, Zothana erawh min hnung chhawn zawngin ka nu hma ah a ding ran, " Anu mahnila, Zualtei tina leh tur chuan a hma ah inlam tawhlo la ka duh, ka rilru i hriat thiam ka beisei, pawnlam ah chaktak angin lang mahse a chhungril keh chhe vek tawh hi tihnat nawn tur a awmtawhlo," ati nghut, "i thil tih te kha engpawh a chhan lo nise Zualtei ti na tur chuan a hma ah inlan tawhlo la ka duh," ati nawn leh sup

Ka nu chuan a mittui a khap let sak sak, zalo tih hriat zet a nui suk chuan Zothana chu a en chho vah, "tu in nge mahni ril arah tina ngai ang ni?" Ka nu chuan nuilui zetin a ti sup, a aw tham ṭuak ah chuan ṭah insum tih alang reng, ka kut ka hum ruh ran, pen luh tum a kawngkhar ka nam hawng tur chu, "venhim ka tum luat ah ka fanu ka hlat tak ah ka dah angai a, ka ti na a, ka ti chhe vek ta anih hi, ni e, nu fel tak chu ka nilo alawm, Lawmzuala lak aṭang khan venhim ka tum mai chauh ani, vawi tamtak anu kut min thlak lai ahmu a, 'i fanu in a tuar i duhloh chuan,' tiin min vo bet fo a, tu nu in nge mahni fa na tuar tur hmel hmu ngam ang ni, khang hun chhung khan zankhat te mah thinthi in ka muhil ngailo


Ka mutthil chhungin ka pasal sual leh nunrawng tak khan ka fanu kut a thlak ka hlau a sin, mahse ka venghim zolo a, thla kua(9), thlakua (9) teh meuh ka pai leh retheih tak a ka chawiseilen hi keihian ka hmangaihlo ang maw? Aih nu ka ni a, nu thinlung hi tuman an hrethiam lo ang, a mualpho ka hlau a, ka kawng zawhsual avang a ka fanu na tuar hmel leh hmalam hun chhe vek tur kha keihian ka hmu chiang em asin, mi zawng zawng in, 'sawn pai, pahrawn fa pai,' anti tur kha tu nu tehlul in nge hmu ngam ang ni," a tawp lam chu a riat nawk nawk, atap khur dar dar

Ka biang a rawn lum thla pup, ka nu chu mittui kar aṭangin ka melh ran, "ka fanu tlanbo pui ka tum apiangin ka hlawh chham a, khawi ah pawh tlanbo ila he Mizoram chhung ah hi chuan kan himlo tih ka fanu hming ka hriat chian tluk in ka chiang bawk, mihausa fapa neih chhun khan khawi ah pawh tlawmlak avang hrim hrim in min umzui dawn tih ka hria, duhthlan tur dang nei ila ka fanu in min mamawh ngawih ngawih lai khan kuah a, hnem ka chak asin," a sawi zawh rualin a ṭap chhuak hawk, ka kaihza tha a zawi ve hnak

Ka mittui a rawn luang zung zung, hnunglam ah ka tawlh hret hret, room a pen luh ka tum chu ka nu bawk in mittui hru tawk tawk in, "vawi tamtak F.I.R. Ka theh lut ve bawk a, mipui leh khawtlang hriatloh dan tur berin case kal pui ka tum ṭhin, mahse kei hmeichhe thu mai zawng min bawhzui pui duh silo, khang hunlai a ka mangan zia kha tuman an hrethiam lo ang, kei anu ngei hian ka fanu na tuar lai leh nun chhe vek kha ka hmuh in ka natloh i ring em ni? Ka thinlung, ka taksa peng pakhat hleh thlak hlawk ang mai hian ana tih hi tinge tuman an hriat thiamlo, nu thinlung hi a fa venhim nan thim kar ah a din angai ṭhin a sin, tu nu tehlul in nge mahni ril arah mualpho lai leh hmalam hun chhe vek tur chu enliam thei ang ni," a tawp lam chu a seh chilh nawk nawk


Ka din na ah chuan ka ṭhu thla hnawk, ka nu, ka nu tuarna te chu avaiin ka hrethiam ka ti hauhlo, mahse ka hmu ve ani, kha kum 10 liam ta ah khan pawngsual ka ni tih khawvel hian hria se ka dam chhuak kher angem? Rilru lam buai vang pawhin mahni leh mahni ka inti hlum tawh mai lawng maw? Ka mittui a rawn luang zawih zawih, kawngkhar rawn in hawng zau in, "bawihi," Zothan'an ti sup chuan min rawn ṭhut hnaih nghal rawk rawk, a awm a min kuah bei chuan chhuak lutuk in ka ṭap chhuak hawm hawm, ni e, ka nu, he khawvel a nu awm zawng zawng te chuan mahni fa te hmalam hun tur leh nun chhe vek tur chu tu in nge duh ang ni??? Fate tuar ai chuan a tawp thleng a tuar an pawisa lo vekin ka ring ani



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:42 pm

IT'S YOU
By floria laldansangi
20 (last chapter)
www.storyfb.com mizo story thar englai pawhin chhiar tur a awm reng


ZUALTEI..POV

Zothana awm a bei ṭap khur dar dar chuan ka in hnit hlawp hlawp, ka ṭah hrep hnu ah muangchangin ka dak chhuak, ka mit a thip rûm, ka nu lam ka melh chuan mittui tlak na vang a mitsen ram mai leh hnarsen hlar chuan milo en ran

Zothana min kuahna aṭang inla hrang chuan, muangchangin ka ding chhuak, Zothan'an milo pui vat, ka nu lam chu mittui nen ka pan, a ṭhut na a ṭang alo ding ve vat, a hma a ding chuan mittui tling piau in ka en, ka nu, nu hmelṭha leh vun no tak ni ṭhin kha a zur in a dawl dang takzet tih ka hmuh phei chuan ka lo huat ve na te kha khawnge an awm ka hre tawhlo

"Nu," harsa ti lutuk chuan ka ti chhuak, mittui luang ngiai ngiai a kut khur dar dar a ka kut rawn banin ka lo vuan vat, "Zualte nu ni tlak ka nilo tih ka hria, mahse ka fanu ini hi ka chhuang lutuk che," ṭap hlawp hlawp a arawn tih chuan alam a pen hnai in ka kuah, kan ṭap khur dar dar


"Ka tihpalh ani, ka dawih luat leh ngaihtuah tawi luat ah hreawm tamtak i tuar phah si a," in hnit hlawp hlawp a atih chuan ka lu ka thing mat mat, kei ang bawkin hreawm a tuar ani tih hrilh ka duh mahse ka lei hi phuarbeh ang tlat ani, ka ṭawng chhuak theilo, "nu," tih chu ka sawi chhuak thei ṭawk ṭawk chauh ani.

Kan sir a Zothana nuisang a ding chu mittui hru hul pahin ka melh zauh, "Zothana," ka ti sep, ani hi awmlo se chuan ka nu hi kala haw reng ang tih ka ring ani, ka hua ka ti tak na in ka ngai ani mah zawk, ka nu kuahna te, a hmangaih na te kha ka ngai in ka thlahlel hle ani tih ka hre chhuak uar uar ni mai hian ka hria, min nuihsuk a ka mittui a rawn hru hul chuan ka ṭah nuih hak, ka nu ka kuahna aṭang a inla hrangin Zothana lam ka hawi


Ka biang tawn tawn a vuan in ka chal ah a fawp vang vang, "ka lawmpui che," a ti sup, mittui nen a melh chho kiau chuan, "ka lawm e, ka nu.." Ka tih laiin ka hnar ah a fawp zauh, "engmah sawi tawh suh," tih leh alam a dimte a min pawt hnai in min kuah vawng vawng

.
.
.
Gauhati high Court, Aizawl Bench tih lian zet a intarna hma ah chuan kan ding ran, ka nu ka sir ah dingin Zothan'an ka kut lehlam ah a chelh ran, ka thaw kawk, vawiin hian enge thleng dawn ka hrelo, Zothan'an, "engkim ka kut ah dah rawh," ti a min hrilh avangin eng ah mah ka beng ka chhi duhlo ani ber

Ka pa leh a nupui an ran thleng ve chiah, ka pa hmel a inthiamloh na ni awm tak ka hmuh chu ka hmu sual emaw ka ti hial, ka nu hrawn erawh ala hawi vah thung, "Zothan vawiin hian ithil tih pawi zia i hmu dawn tih hria angche," ka nu hrawn in ti kha fak chuan a pen lut nghal, Zothana chu a thaw hak, eng ruahman na nge an neih ka hrelo, mahse Zothana hi za ah za in ka ring ani

"Ka zawt nawn leh angche Pi Malsawm, 'he video a hmeichhia hi ini takzet em?' Nangmah ngeiin Chanchinbu mite hma ah i sawi kha i pha leh si dawn em ni?" Zothana lawyer in a tih chuan ṭhu ngil at a, in sang mar ur chuan ka en kar, Malsawmi chu ala hawi vah, ka pa hrawn pawh hmai duk leh mitko la duk bur in a ṭhu ve ran bawk, engtin nge an kalpui dawn ka hrelo na in ka ngaih erawh a ṭha thei derlo

"Min chhang theilo anih chuan keiman kan sawi ange, he video a kan hmuh hmeichhia hi, kum 10 liam ta a hmeichhe naupang pawngsual ani, chu chu kei ai mahin in hre chiang zawk tih ka hre bawk ani," Richard'an (Zothana te lawyer) a ti leh fak fak

"He case ah hian tel miahlo kum tamtak liam ta ami hnuh luh itum ani, ka pawmlo, he hmeichhia hi ka client ani emaw nilo emaw.." Malsawmi lawyer in a tih laiin, "i sawi dik chiah, he case hi video emaw ka client Zothansanga puhna vang anilo, kum 10 liam ta aṭang a inṭan tawh zawk ani," alo ti leh khauh, Malsawmi chu a hawi nghal hrek hrek hian ka hria


Ka pahrawn phei chu a mitmu a chhuaklo chauh tawh, "he case a tel miahlo hnuh luh i tum ani, kum 10 liam ta pawh chu lo nise fiahna pakhat mah a awmloh maibak ah case thi tawh ani," Malsawmi lawyer in a rawn tih chuan Richard chu anui suk, "kum 10 ani emaw kum 20 pawh nise pawngsual chu pawngsual ani tho ani lawm ni? He case tih nun leh na leh chhui zui dilna kan thehluhna lehkha ani, heihi high court in a phalna lehkha a pek chhuah ani bawk," tih pah in lehkha a phawrh chhuak nghal, heng zawng zawng hi Zothan'an ka tan a buaipui chu ani sia, ka ṭah a rawn chhuak ut ut, mittui tling pam in ka melh zauh, ka chak a rawn fawp zauhin a thaw chhuak leh ham ham

"12 June 2008 khan he video a naupang, a hming Hmangaihzuali kum 15 mi chu a pahrawn in a pawngsual vang a F.I.R thehluh ani a, a thehlut tu hi anu Laldingpuii ani, vawikhat mai nilo vawithum ngawt F.I.R a file hnu in a vawithum na chu a lehkha ngai ngaiin an in a hawn let leh ani, a hawn let tu hi tudang nilo in a pasal, a fanu pawngsual tu Lallawmzuala ngei ani bawk," chiang zet mai a sawi fak fak chuan ka thaw em tih pawh ka hrelo, boruak hip tur ka nei ta lo emaw tih mai tur ani, Zothana ban chu ka hmer ngawt ngawt, ka nu khan case alo file anih chu, eng tinge engmah ka hriatloh theih??

"Ka pawngsual ngei ani tih fiahna a awm hauhlo," ka pahrawn in min rawn melh khur khur chung chuan a ti ṭhawt, "kum 10 a liam tawh a, tun ah case tharthawh in medical exam awm silo in kan case hi thlun zawm in tum ani, pawngsual case a in puh dawn chuan Doctor lehkha a findings na a awm angai ani lawm ni," lawyer in a rawn tih zawmzat

Richard chuan hneh tu inti zet a nui hakin, "heihi kum 10 liam ta a tleirawl kum 15 nau chhiat ta medical record ani, a naupai kha chhiat satliah nilo in kut a tawrh vang a chhiat ani tih fiahna ni nghal rawhse," a ti nghet leh charh, Malsawmi te lam chu an dang der ni mai hian ka hria


"Thu tamtak sawi ka tumlo, kum 10 liamta a pawngsual na kha tun ah ka client Zothansanga chu video hmang a vo(vau) beh ni in, he video hmel pawh langlo hmang hian pawngsual case in file bawk a, he in puhna leh in tih mualpho na hi dan hian hian ana thei angber in hremna pe se ka duh ani, chutiang bawkin kum 10 liam ta ani emaw kum 100 pawh nise pawngsual chu pawngsual ani tho, kan police ten hma an lak ngamloh avang a hmeichhe pakhat in hreawm tamtak a tawrhna hi court hian hriatsak se, pawngsual tu hi dan ang takin hremna pe se ka duh bawk ani, tumah dan chung a leng kan awmlo, judges zahawm tak ten ka ngen na hi mintih hlawh tlin sak hram turin ka duh ani," Richard'an atih leh charh charh chuan Malsawmi a ṭhut na aṭang a rawn ding nghal zawt

Rum lutuk a kan lam rawn hawi in, "he thil hi ka pawmlo, video a hmeichhia khi ka nilo ani tih fiahna in nei bik em ni?" A rawn ti tuar, "bengchheng siam phal anilo," judge in a rawn tih chuan Malsawmi chu min en ngur ngur in a ṭhu let leh, kei erawh ka in sangmar at reng, Court chhung chu ka tan chuan a te in boruak hip tur a tlem mah mah ani


"He video a hmeichhia hi ini ngei ani tih fiahna ineilo ang bawkin Zothansanga hian a pawngsual che ani tih fiahna a awmlo, chutiang bawkin he video hi kum 10 liam ta a pawngsual na ani tih ka sawi tel bawk, dan hian diktak in rorel rawhse, chu chu ka sawi theih zawng ani," Richard'an a tih chuan ka mit ka chhing sawk, ka thaw kawk kawk, Zothan'an nghet lutuk in ka kut a hum, ka mit a hnawm chap bawk, kum 10 a liam tawh, thudik ka sawi chhuah ngam reng reng loh, mahse ka chung a thleng si kha tun ah ka hma ah ngei a mal te te a phawrh chuah in a awm leh ta chu ani si a, mahse a danglam tawh, kum 10 liam ta kha chuan keimah in ka ding a, ka sual bawk, tun ah erawh ka kut lehlam vuan a, ka tluk hlau em em tu Zothana a awm a, chutiang bawkin ka ṭhian te leh ka nu te pawh
.
.
.
"Tunlai video lar em em, Chhangte Industry neitu fapa Zothansanga leh a nupui hual ni a sawi HM industry nei tu fanu naupang zawk Malsawmi te video ni a sawi chu court in thudik anilo tiin, kum 10 liam ta a pawngsual na thleng ani tiin a sawi."


"Zothansanga lawyer Richard lalramdina chuan, 'he case hi kum 10 liam ta aṭang a inṭan ni in, heng pawngsual na leh dan ang a kalpui anih mailohna chhan hi Kristian ram a thil thleng atan chuan a rapthlak atih thu leh, mihausa te leh mi retheih te hi dan hnuai ah chuan angkhat vek kan nih thu sawiin, mi hausa ten thil anti sual a, awlsam tak a chhuah antum leh an chhuak mai ṭhin hi kan ram hruaitu te thiamloh ani tiin a sawi bakah, Kristian ram a thudik ṭan ngam hruai tu kan mamawh zia sawi telin, thudik leh rinawmna chu hlawhtlin na leh rorelna dikin a umzui ṭhin,' tiin a sawi tel bawk ani."


He pawngsual tu a puh GC real estate agent nei tu fapa neih chhun Lallawmzuala chu a nupui fanu a pawngsual vang leh sum hmang a thamna a pek avangin dam chhung tang tur a tih ni in, Malsawmkimi HM industry fanu naupang zawk chu kum 10 tang tur a thu chhuah siam ani bawk, heng pawngsual..." Ka TV enlai chu jacinta'in a rawn hmet tawp chat, Court rorel na a tawp aṭang in karkhat a liam leh tawh


Pawn ka chhuak ngailo a, ka khawvel chu ka inchhung hi ani ber, ka tan ka nu leh ka ṭhian te, Zothana awm mahse thudik Mizoram mipui zawng zawng in pawngsual ka ni tih an hria tih ka thinlung in a hriat hian zahna leh mahni insitna in ka khat ani ber, kum 10 liam ta khan ka nu khan khawvel lo hriat tir se ka dam chhuak kher angem?

"En angai tawhlo, ti teh Zualte insiam teh," jacinta'in ka ṭhu ngawi ngal chu min pawt tho nawlh, ka thaw kawk, nilengin Zothana a reh vang pakhat pawh ani mahna nidang ai ka mood a off zual, call sawiloh messages tak ngial pawh min thawnlo chu ka lawmlo em em, " ka chhuak peihlo ania," zawizet a ka tih chuan ka sam hnawk zet mai rawn tuai mam thuak thuak in, "ka hria alawm, mahse teichhuak teh ang, i in khung â zo dawn, ti chher chhur chuan Zothana hian alerhsan daih mai angche," nui kur kur chung a atih chuan ka nui ve suk, Zothana nitin a rawn kal ṭhin, vawiin a reh hmak chhan hi ka hrethiamlo ani, nge ni a midang a nei tak tak zawk, ka lu ka thing mat mat, Zothana chutiang mi anilo keimah leh keimah ka in hau ru nghal mawlh mawlh

Peihlo zet chuan kan inzui chhuak hnak hnak, diktak chuan pawnlam a chhuah a, midang min endan tur leh sawizui dan tur ka hriatsa avangin tumah hmuh ka duhlo aniber

MC kawt a motor hung ṭha chuan, "lo chhuak rawh, thil tui deuh ei teh ang," tih leh min pawt chhuak leh, ka zui hnak hnak, MC kawt chu pangpar leh thildang in an chei nalh takzet, boruak ka hip vang vang, entrance aṭang a carpet sen nalh lutuk phah in a chung a rose par sen nalh zet zet mai awmze nei lutuk in a inrem dul chu ka en dan dan, "jacinta enge antih dawn ava nalh em em ve," jacinta'i melh pah chuan ka ti sep

Nui vur vur in, "ka hrebiklo," ati sep, midang awm ve te pawh chuan thla an la sap sap, tiang hian an chei awm ka hre ngailo, eng function emaw an hmang dawn ani mahna

"Kal.." Ka tih lai mekin ka hla ngai nat em em Henry Lau hla, "IT'S YOU," a ri ral ral, ka ding dat, ka hriat thiam silohin ka lungphu a rawn phu det det, he hla hi chu ka duh ve thlawt ani

"jacin..." Ka tihrual ka hnunglam ka hawi chu jacinta'i hmel reng reng ka hmu tawhlo, ka hnung fe ah ding in min rawn nuih vur vur chu hrethiamlo zetin ka en haw

Ka inher leh ka hma zawn a business suit vutbuak rawng nalh zet mai ha chung a rose par bawr lutuk keng chung a Zothana ka lam rawn pan chu kâ hau in ka en, engthil nge thleng ta hi


Ka hma tak a rawn dingin sexy em em in anui suk, alai emaw zawk ni, "happy birthday bawihi," ati sup, ka harh zawk, vawiin ka piancham ani tih reng reng ka hre tawhlo, mahse nileng a min rawn biakloh avangin ka lungawilo hle anih kha


A pangpar ken nalh zet mai minpek chu muangchangin ka la, "Zothan," ka ti sep, heng zawng zawng hi a ruahman na maw? Engtik ah nge min ṭhawn thut hi a sim angle? Mahse ka duhlo chuang miahlo


Ka nui sak, ka hma a ṭhingṭhi in a ipte aṭang zungbun nalh lutuk mai a rawn phawrh, ka meng kawk, "zo.."Ka tih laiin, "kan bul ṭan na leh kan intawn dan chu engpawh nise ka nun pumpui hi bul min ṭanpui tur in ka duh che ani, bawihi tunge inih a, eng ang mi nge inih ka pawi sa lo, ka duh chu nitin i nui hmel hmuh a, zing ka thawh rual a i hmel hmuh leh zan ka mut dawn a i hmelṭha tak mai thlir chung a muthil ani ka duh," min en chho kar chung a a tih chuan ka mittui a rawn hnam ṭiam ṭiam, amah hi ani reng sia hmelṭha chu


Nui sukin, "Sunday tuk tin ka fa te thawhlawm pe tu tur leh ka necktie min awrh tir tur in ka duh bawk che, hmeichhe dang tih atan chuan i ui lo ami?" A rawn tih chuan ka ṭah nuih hak, midang awm ve zawng zawng pawh an nui huk, "min pawm dawn em?" A rawn tih leh chuan mittui nen uar lutuk in ka bu nghat nghat, lawm tih hriat zet a rawn ding a min pawm kang lawp chuan min vir pui nghal


Rak tuar tuar pahin, "min dah thla teh," ka ti chel chul, ka ṭah nuih uar uar bawk, tiang tak hian ka nun ah hlimna kala tawng ngailo, ka mipa hmangaih in dam chhung atan a nun a tel turin min sawm ania

Lei a mindah pahin, ka biang tawn tawn ah vuan chuan ka hmui ah a fawp vang vang, inla hrang hlek a zungbun nalh leh manto tih hriat zet mai minbun tir chuan, "ka hmangaih che, nangmah Hmangaihzuali inih chhung chuan ka hmangaih angche, a chhan chu nangmah inih vangin," thawp sap a ti chuan min fawp leh vawng vawng, keipawh in ka hmangaih ani, Zothansanga anih chhung chuan ka hmangaih ang

Note: 'Sual man chu thihna ani si a' Dikna ah chuan rinawm tak leh huaisen takin ding rawh, ti chuan hlawhtlin na leh rorelna dik in a umzui angche


A TAWP TA❤️

(Ka story IT'S YOU chu alo tawp leh ta reng mai😪inva ngaihawm dawn tak em! He story hi mizo mipui ten kan buaipui em em tunlai Zothansanga case nen in ang ti an awm palh a😬he story hi tunlai kan buaina rawn irh chhuah hma daih a ka complete tawh ani tih min hriasak hram ula, ka story te reng reng hi complete ka neih hnu ah rawn post in, Chapter thar post tur hi keiman ka thiam dan tawk a ka edit leh ṭawngkam ka belh hnu ah ka rawn dah ṭhin ani a, he ka story IT'S YOU leh tunlai buaina hmehbel a rilru na inlo awm palh anih chuan ngaihdam ka dil nghal mawlh mawlh a, han siam danglam turin a tawp kan hnaih tawh si a, a tir a ka ziahdan leh kalphung ti danglam ta lo in ka rawn complete ta tho ani

Kumin atan a ka story tawpna ber anih ka ring a, lo in enkawl ṭha ula, dam tak leh hrisel takin kumthar ah story thar nen kan inhmu leh vek dawn nia❤️ka story te min hlut sak a, feedback ṭha tak tak te minpek bakah ka tih dikloh duhsak tak a min hrilh ṭhin tu te invai chungah ka thinlung takin lawmthu ka sawi ani😘Pathian nen Kristian te hunpui in hman ṭheuh theih nan duhsakna ka hlan mawlh mawlh a che u😍❤️)


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)