IT'S YOU BY Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

Re: IT'S YOU BY Floria Laldansangi (Completed)

Unread post by Ngaia » December 2nd, 2018, 2:39 pm

IT'S YOU
By floria laldansangi
13

ZOTHANA....POV

Inthlahrun hmel zet a mitsen ram leh hnar sen hlar , biang sen tai tek a ṭhu ngawi ran mai chu ka melh leh zawk ṭhin, saw ti chung pawh sawn ala hmelṭha em em thei ania, ka ngaihtuah na avangin ka nuisuk, hmeichhe vawt tak ani ang tiin ka ṭhian te khan an sawi a, mahse nichin mai a ka khawihna alo dawnsawn dan ah chuan vawt tak anilo tih ka hria, nilo, a bul hnai a ka awm apiang hian hmeichhe vawt tak anih lai kala hrelo zawk, mahse engvang a khatiang a awm kha nge anih, ka melh leh zawk ṭhin

Motor ka ti ding dat, rawn hawi chhuak in a mittui a tling deuh kiau, a mitmu a tle ral, "ka lo lut kawilo mai ang," ka ti sep, a bu nghat, "fimkhur la," tih leh kawngkhar hawn a tum chu aban ah ka chelh vat, ka lam a rawn hawi, ka nuih sak, a hmel a hlauhthawn na te, a mitmeng mangang ṭanpui ngai ngawih ngawih ni awm tak rawn lang zut zut te kha engvang nge tih hriat ka duh ani, mahse he hmeichhe luhlul lutuk hian min hrilh dawnlo tih ka hming ka chian tluk hian ka chiang

"I ṭha tak tak em?" Ka tih chuan a lu bu nghat nghat in, "ka ṭha alawm? A vawt si haw vat angche," mittui vang a mitmu tle ral a atih chuan ka nuisuk, alam a awn hnai in ka fawp vawng vawng, "lut tawh rawh," ka ti sep, bu nghat a kawngkhar hawngin a chhuak nghal, ka ruak hawk in ka hria, hmeichhe lian tak anilo, ka lak ah phei chuan lianlo tak ani, te chhia erawh kan Mizo hmeichhia ah chuan ani hauhlo, mahse ka bul a a awm a, a taksa ka deh apiang hian keimah a kimlo kha a kim thlap ṭhin

Inlam apan chu ka thlir reng, ka phone phawrh chhuakin jacinta'i ka call vat, thil hriat anei tih ka hria, a hma khan ka zawt tawh engmah a hriatloh thu in min chhang anih kha, mahse kum 7 ngawt a chenpui a unaunu ang mai a en lakah hian engmah hriatloh tur a awmlo

"Zothan enge ni a?" Thil ei ni awm tak a tep chuap chuap pah a rawn tih chuan, "pawn ah ka awm lo chhuak teh," tih leh ka off nghal, Zualtei inchhung lut tur a rawn hawi let leh chu ka lo nuih sak, a nui hmel pawisawilo lutuk te, a mitmu dum fingkak a hmeichhe chaktak ang a lan a tum na te ka mitthla ah a rawn lang, ka thaw kawk, seat hnung ngheng dat chuan ka mit ka chhing sawk

Glass rawn in kik ri kharh kharh ka hriat chuan ka thle bak, kawngkhar ka hawn rual a jacinta'i rawn lut chuan, "in in hau ani maw?" A rawn ti nghal zat, nernung in, "teuhlo," ka ti sep, awihlo tih hriat zet a nernawk chuan, "Zualtei mitsen ram ah khan ka hre reng, enge inbuaina, a mittui itih tlak chhan han sawi teh," min melh ram ram pah ka lam a rawn hawi chuan thaw hak a ṭhu ṭha in alam ka hawi, chiang lutuk in ka en

"A nunhlui, a nunhlui engkim ihria tiraw?" Ka ti thlawt, bul han ṭan vak ngaihna ka hrelo, a meng kawk, "maw?" A ti nghal haw, ka ring, ka ti dik chiah, engkim a hria ani, eng emaw thil awm a awm bawk, "jacinta engkim ka hre duh, zanin khan a hma a mitmeng leh hlauthawng angchiah khan a awm leh ani, eng thil nge.." Ka tih laiin, "a pahrawn a hmu itihna na em ni?" A rawn ti ṭhawt, ka en kawk, a pahrawn maw?? Tu nge chu chu??


"Tu maw?" Makti lutuk chuan ka ti chhuak, sawi sual inti zet a a kâ hup chuan min melh hraw, ka en ran, engkim hi ka hre tur ani, a pahrawn maw? Tu kha nge? "Zo..Zothan," a rawn ti bah nak nak, chiang kelh kawlh a en chuan, "jacinta engmah zeplo in engkim ka hre duh," chiang zet chuan ka ti chhuak, a chil a lem khalh, thaw la kawk a mit chhing sawk in, "i putea, ka sawi awmzia chu Lalbiaktluanga kha a pahrawn ani," a ti sep, mak ka tih zia chu, ka ṭhu ngil awt ni mai hian ka hria

"Enge i sawi awmzia?" A sawi awmzia hi ka nu hrawn unaupa nupui hi Zualtei nu maw?? "A dik alawm, Malsawmi pa Pu Hmangaihsanga leh i putea nupui Laldingpuii fanu ani, Malsawmi hi pu Hmangaihsanga nupui fanu saw ani thung," ati sep sep, an in kungkaihna hnawk zet chu engpawh lo nise engber nge a hlauh a, a taksa mai nilo a mizia thleng a thlak danglam hawk thei tu chu

"A pahrawn nen chuan enge an in zawmna?" Ka ti hap, min rawn melh zawk, a kâ reh a chip hmak chu ngaitheilo zet, "jacinta," ka ti deuh hrawk, phuzawk chuan, a chil a lem khalh, "englo..a pa.. I putea khan a..a.. Kum 15 anih in a pawngsual ani," a tawp lam chu a ri chhuak ṭawk ṭawk, a mittui a rawn far kauh kauh, a thusawi hmasa ho mah in min ṭhawng ania, a tun a sawi zawh chiah kha eng maw?? Pawngsual maw?? Ka lung hi ala phu em??


"Zothan, engmah Zualtei hrilh suh angche, kum 7 chhung khan a hreawm tawrh hrelo in a mittui tla ka hmu fo a, ama inhawn hun ka nghak ang khan nangpawh in nghak ve la ka duh ani, i hria tih a hriat chuan mahni insitna leh indemna aneih ka hlau, ka hlau takzet," mittui tla zawih zawih a Zualtei chung chang a sawi chuan steering nghet lutuk a hum in ka en ngawih ngawih

"Iti ang tiraw?" Mittui nen a min rawn melh pah a tih chuan, ka en ran, sawi mai tur ka hrelo, "chhuak rawh," ka ti sup, meng kawk in, "Zothan," ngen ngawl lutuk in a rawn ti leh, "chhuak rawh," ka ti hrawk, ip chawih chuan kawngkhar a hawng nghal rawk rawk, a pen chhuak tawh chu rawn dak lehin, "Zualtei hian a duh hle che tih ka hria, ama in hawn hun nghak angche," tih leh hram chuan kawngkhar a khar nghal

Motor ti nungin chak zet in ka in her pawp, inlam pan in chak lutuk in ka tlan chhuak, ka mitthla ah Zualtei nui hmel a rawn lang, a ṭawng lai te, a muhil hmel pawisawilo lutuk te chu a rawn lang zut zut

A hlau leh thlabar hmel te, mangang ngawih ngawih mitmeng te kha, kum 7 chuang chutiang chuan hun a hmang tur ka ngaihtuah in ka thisen a so bawrh bawrh hian ka hria, steering ka chum leh dawt dawt ṭhin, in kawt a motor ti ding tuar chuan kawngkhar ka tlawh hawng ṭhuai

Chak lutuk in inchhung lam ka pan, ṭhut khawmna a ka pa leh a hnathawhpui te ho ṭhu khawm ṭhap a nui hawk hawk lam chu ka pan pawk pawk, ka putea whisky no dawm chung a nui vur vur lam chu ding zet a panin ka ṭham tho nawk, ka hnek ṭhuai, hmeichhe ho anrak tuar

A kawrawm a phih tho leh nawk chuan, "tenawm pa," kha zet a ti chhuak in ka hnek leh sawk, ka thinrim lutuk leh taksa za zek zek chu ka hri thlavek anih loh chuan ka â thei tak ngial dawn in ka hria, a hmui thi ser ser leh mitko thi te chuan Zualtei hmel thlabar kha min ngaihtuah chhuah tir, phih tho leh nawk a hnek leh ka tum chu ka pa in ka ban a rawn man chat, "lo in rawlh suh," ti hrawih in na lutuk in ka phih thla ṭhuai ka putea chu na lutuk in ka hnek leh sawk bawk

"Engthil nge i tih Zothansang," ka pa in ati ṭhat, ka thinrim lutuk chu ka kut hum ruh te chu a khur hial in ka hria, mipa puitling in hmeichhe awm nem zawk tihluihna hmang in sex a hmanpui ania tenawm lutuk, thinrim thaw ri hrawih hrawih a khawih leh ka tum chu Zualtei nu ka hma ah a rawn ding zat

Mit thip lutuk in ka melh, mahni fanu pawh venghim zo lo nu hi eng ang nu nge ni ngai? "Pensawn rawh," seh chilh zet chuan ka ti hriam hrak, "khawngaih in duhtawk rawh Zothan," ṭah aw lek lek chuan a rawn ti chhuak

"Zothansang nang hian ka unaupa kut i thlak ngam amaw? engah nge i in ngaih a, i putea ani tih i hria ani lawm ni? Nang hian min va zahlo ve," ti tawn tawn a ka dar a min rawn kuai her sawk chu rum lutuk in ka melh, ka nernawk, ka dar a vawn na kut na zet a paih sawn dawrh a hnai lutuk a enchhuk run chuan, "in unau hian fimkhur angche u, ka kut ngei a ka thah loh nanche u," ha pui ṭhial rap rap a ti hrawih in ka su sawk, a kat,nawk nawk, a sir a ka pa mak ti lutuk hmel chu ka hmu hman


Ni e, vawi tamtak ka pa leh a nupui hi ka in hnialpui fo, thinrim tak tak a in chhuah chang kan nei, mahse zan in tluk a ka thinrim insum theilo hmel hi anla hmuhloh ang bawkin keipawh in ka hre ngailo, thah hial duhna a vawihnih na atan Zualtei vang in ka nei ta hial ania

Pawn lam pan a chaktak a ka pen chu, "Zothan lo ding teh, khawngaih in inbe lawk ang," Zualtei nu, nu nun nem tak ka pute'an kut thlak fo ṭhin chung pawh a, vawikhat pawh chhanglet ngailo, Mizoram ka haw tirh leh kan chhungkua a ka mi ngainat ber mai in a fanu lak a a thil tih ka hria kha ka ten hluah hluah



Motor kawngkhar ka hawng sawk, ka ban ah a rawn vuan, a uai ani mah zawk, a thaw hlawp hlawp, ka kut chu ka phih sawn dawrh loh nan ka in hum ruh, motor kawngkhar chu ka hum ngawt ngawt, "khawngaih in reilo te," thaw hlawp hlawp a atih chuan, a kut thing thla sawkin muangchangin ka in her, a mittui a tling pam, "i..i hre tawh ani tiraw?" bah nak chuan ṭah aw ṭuau in a rawn ti sup, ka thaw ri hrawih rum lutuk a melh in, "kal bo rawh," ti hrawih chuan motor a lut in ka ti nung nghal, chak lutuk in ka tlan chhuak nghal zat


Khawilam nge ka pan pawh ka hrelo, chak lutuk in ka tlan, motor ka ti ding tuar, steering ka chum dawt dawt, ka mitthla ah Zualtei nui hmel pawisawilo lutuk te, a luhlul na phen a hmeichhe nun nem leh zahawm ru tak te, a mitmeng fiah kak kar a natna tamtak ka hmuh te kha a rawn lang zut zut, steering bawk ka hnek ṭhuai ṭhuai

Thaw kala kawk kawk, mit ka chhing sawk, ka awmna lai hriat tum chuan ka dak chhuak, Zualtei in gate bul ah ka ding tih ka hriat chuan ka nui hak, ka thinrim khaw hmuhloh lai pawh in amah bak hian min hnemlo ani ber, muangchangin motor aṭang in ka chhuk, Bawihi te inlam ka pan chhat chhat, kawngkhar ka hmet ri ral ral, an rawn hawn mailoh avangin ka chun dawt dawt


Kawngkhar rawn in hawng ri khap leh Bawihi hmel a rawn lan chuan min en kawk, "Zothan," atih rualin aban a vuan in kalam ah ka pawt hnai hrawk, nghet lutuk in ka kuah, ka thinrim hi amah bakin a ti reh theilo tih ka hria, ka thaw ri hrawih hrawih, mak ati tih hriat zet a ding khawng at a muangchang a min kuah let chuan, "engkim a ṭha em?" Ati sep, engmah a ṭhat loh thu hrilh a, kha mihring tenawm kha thah hial ka duh thu sawi mai ka duh, ka in seh ruh ngat ngat, "Zothan minti hlau ania," hlauthawng tih hriat zet a inlak hran tum a chet deuh hret chu a ai nghet in ka kuah, a chhip fawp vawng vawng in, "ka ngai che," harsa tizet chuan ka ti chhuak

Tlem a inla hrang hlek a ka khabe hnuai aṭang a min rawn melh chho kiau chuan, "i rui silo a, keimah vangin i chhungte nen..." Atih laiin a hmui a ṭawng zawng fawh chak awm em em chu ka chilh hmiah, ka fawp vawng vawng, he hmui khawizu ang mai a thlum, a ngawl ka vei em em mai ka hmuh tawh a fawh reng mai ka duh ṭhin hi amak ani

Inla hrang a ka chal in a chal ah ka nawr, a rawn nui sen sen, ka nui ve suk, he a nui hmel ṭha leh pawisawilo hian alawm awlsam te a minti lungawi leh ṭhin tu chu, a hnar a fawp zauhin, "ka riak ve thei angem?" Ka ti sup, min melh chho kiau, a duhawm zia hi a hre ve angem mawni? "Zothan a chiloh," ati sep, nui nghawr datin, "ibul ah ka mu dawn hleinem zanin chiah bawihi, lut ang a vawt," tih leh ka nawr lut det det

Phawk fe a min en chuan, "iti tak tak ami?" A ti hâ, ka dar san ak in, "tak tak e," tih leh couch ah ka ṭhu thla hnak, beidawn hmel zet a min en pahin, "tah khan mu mairawh room awl kan neilo, puan ka rawn.." A tihlaiin tho thut a pawm kang nawlhin a rak tur chu ka fawp hmiah bawk, ka dar ah a chum taih taih, ka nui hak, "engtin mah ka khawih dawnlo che ka hah ania bawihi," tih leh room ah ka pawm lut, "Zothan jacinta'in a hriat chuan aw," mangang zet a atih chuan, a biang a fawp zauhin, "ngaihtuah suh," tih leh khum ah ka nghat nghal

Ka inthawlh ve nghal zat, "ka awih theilo, iti tak tak ang tih," beidawng zet a ti hap chuan lehlam a hawi hmak, nui nghawr dat in a hnunglam aṭang a kuah chuan minsi chetin ka pawt hnai, a titau ve ani ngei ang, a duhawm tulh tulh tihlah a hre tawp silo a, a sam rim tui zet mai chu ka hip vang vang, a nghawng ah ka fawp dan dan bawk, a thaw hak, a awmbawr kawh lah mai chu ka hum hmiah, ka kut rawn vawn hnan vat chuan, "Zothan," aw lawi ratin a ti sup


Ka lam hawi a kuai her chuan ka chil ka lem khalh, "bawihi a ai thui ka kalpui dawnlo che," ti supin ka fawp nghal tawn tawn, a ai thui kalpui ka tumlo, a bul ka awm hian mahni in thunun harsa ka ti, mahse he hmeichhia hi tihluih ka tum hauhlo, a thiam ang tawk a min chhang let ve tan tan te, a kut tereuhte a ka ban puar a ham vei tân te hian ka bawiha awlsam lutuk in a kaitho ṭhin

Thaw chhan lek lek kan infawh hnu ah a rawn rui hak, min nek ṭalh ṭalh in ka ban khan pah chuan a kut tereuhte ka awm ah a nghat hnap bawk, ka kut erawhin a hnute ka hum ran, "muhil rawh," ti sup a a chhip a fawp zauh chuan ka mit ka chhing ve nghal


A muhil thaw sek sek chu ka thlir reng, a mit hmul sei er tarh te, a hnar tereuhte mai in vuan dik thlap leh a hmui lian silo sexy em em mai te hi uluk tak a a bik tak a siam ni awm a mawi ani, hetiang hmeichhe hmelṭha hi engtin nge anu leh pa hian an hmangaih loh theih, nu leh pa tel velohna hringnun amah a a fight chungpawh in hmeichhe zahawm tak leh vantlang chunglam ah a in hlang kai thei ania, ka nui suk, a hmui kau tiar mai chu naute muhil ang mai ani, kun hniam in ka fawp leh vawng vawng, he a hmui, a taksa leh a rim, a engkim hi ka kham thei ngai dawnlo tih ka hria, kei hian ka hmangaih em ni?
.
.
.
"Harh teh, nizan kan haw hnu ah engthil at thlak nge itih a?" Matt aw ka hriat chuan ka che ṭalh ṭalh, "minti buailo teh Matt ka mut a chhuak ania," thatchhe zet a ti chuan ka mutdan ka siam rem sauh sauh, "tlaidar 5 a pel tawh tih i hria em?" A rawn tih chuan ka mengkawk, bawihi in ka chhuahsan khan zinglam dar 4 ani, jacinta'i hriat a hlau tih ka hriat vangin ka thawh san kha ania, in ka thlen hnu ah whisky um 3 ngawt ka in zo leh bawk, ka mu nileng ṭhak tihna anih chu hreptak a!!!!


"E khai!! Zu rim nen, Jerry a rawn haw zawk a, Eric-a club ah inhmuh khawm kan ti anih kha," khum a mu zal ar ar pah a a tih chuan lu na bur in ka tho chhuak, ka rim chhiat zia chu, ka bul a phone chu ka ban nghal rak rak, bawihi messages leh missed call tamtham zet ka hmuh chuan ka thaw kawk, ka call nghal, "bawihi ka tihpalh ka lo muhil a," a lak rualin ka ti nghal zung zung, Matt alo nui tut tut


Phak zet a tho chhuakin bawihi be pah chuan toilet ah ka lut tlang, "i thawhlai ka hrelo reng reng, min hrilh tur ania," a rawn tih deuh niap niap chuan ka nui suk, "i muhil lai darkar tamfe ka thlir hnu ah che, naute ang mai a muhil a, minkuah ṭai tu kha ka tih harh phal hleinem," ka tih chuan a rawn nui ri hak, a nui ri mawlh hian ka lungphu te hi ati danglam fo tih a hreawm der silo a

Kan inbiak zawh chuan ka inbual sawk sawk, Matt khum a mu thluang ar pah a phone hmet mawlh mawlh chu melh zawk a ka thawmhnaw hak tur la chhuak pah in, "nizan kan buai tih engtin nge i hriat a?" Ka jacket la chhuak pah a ka tih chuan nui hukin, "i putea mit ko vungluk ka hmu a, ka zawt a min chhan hma in i mother-in a rawn sawi chhuak," nui huk pah a atih chuan ka nernawk

"Kal ang," tih leh ka bike chahbi la in ka chhuak nghal min rawn zui ve nghal zat, inhnuai kan thlen rualin, "Zothansang nizan a i chet dan kha sawifiah i tum miahlo em ni? A vawikhat na ani tawhlo tih ka hria ania?" Ka pa in chang fal mai a choka aṭang rawn chhuak pah a tih chuan ka melh zawk, "ka sawi kha in hrelo em ni, ka kut a thih in duhloh chuan in unau khan fimkhur rawh u ka tih kha," ka nu hrawn ka pa bul a rawn ding ve chiah melh hrawk chuan ka ti kha fak


"I nu i biak dan ah fimkhur rawh ka tih kha," ka pa in ati ṭhat, ka nui hul hak, "ka fimkhur kher angailo ani lawm ni ka nu, kan in rul tawk chiah," melh zawk pah a ti nghat chuan ka pen chhuak nghal, bike a lawn in chak lutuk in ka dawk chhuak nghal zat bawk, ka nu hrawn hmel leh a unaupa ka mitthla ah a rawn lan phei chuan ka thinrim tun, a ai chakin ka tlan nghal

Eric-a club, car park na ah chuan ka tlan lut ka ding tuar, Matt a rawn ding ve nghal zat, nui vur vur in, "um phak i har hle mai, lut ang," tih leh bike aṭang rawn chhuk chuan a chhunglam a pan nghal, thaw kala ham ham, mit chhing sawk a intih thawn ven tum chuan boruak kan hip deuh kawk kawk, Matt kalna lam ka zui ve nghal
.
.
.
"E khai!!! Matt thusawi kha a dik tak tak em?" Jerry'an thawveng zet a room kan luh rual a alo tih chuan ka ṭhensak, khawilam hmeichhia nge an lo hmuh leh tak ni, an bul a ka ṭhut thlak rual in hmeichhe pakhat in min rawn ṭhut hnaih set set, "min hnaih duh suh, bialnu ka nei," ka ti nghut, lungawi vaklo tih hriat takin nernawng chuan Hlu'a lam a tawlh phei leh zal zal

"Ka fiamthu hleinem mahse kan Zothansanga hi hmangaih na a tlu lut tih in ring pha kherlo ang," Matt'an inti hre fahran a arawn tih chuan an nui hak hak, ka nui ve sak

"Chuan zanin chuan Jerry em ni chawi dawn ta..Euuuuuu, i wallet phawrh rawh le, a awm zawng zawng kan hmang zo dawn ani lawm ni," Hlu'an a rawn tih chuan Jerry chu ka lam a rawn ṭhu hnai chuan, "i tih dan sawi phawt teh pizza girl chu engtin chiah nge i bum thluk, vawi engzah nge i hman pui tawh," hre chak zet a min rawn ṭhut hnaih sauh sauh pah a tih chuan, a chal a nam let pahin, "ngawi mai maiteh," ka ti nghut


An nui hawk hawk hlawm, "nizan a che na tih hre ta che u, nileng in a muhil a, tun pawh kha ka va kaitho anih kha," Matt bawkin whisky in pah a a rawn tih chuan ka nernawk, "khawi i wallet chu, ka chaklo ngailo ka tih kha," thudang sawipui tum chuan ka ti hluai, ka hma a whisky no khat chu la kangin ka tlak pap

"Ka awih theilo, Zothansanga chu ilo ni ngei e, chuan engtia rei nge kan pizza girl chu kawp i tum," Hlu'an a rawn tih chuan min en ṭhap hlawm, "in pawisa chawi tur rawn phawrh mai mai teh u, ka sawi kha chakloh ka duh ngailo, chuan tun ah Zualtei ka ta ani tawh bawk, in wallet dawhkan ah hian dah rawh u," thawveng zet chuan hawivah in ka ti chhuak, kan awmna hi VVIP room anih avangin tumah in minti buailo, bengchheng pawh hriat tur a awmlo bawk

An nui hawk hawk, "inchawina hlimawm tak ani," Jerry'an nui huk huk pah a wallet rawn phawrh a, dah pahin, "a ṭha e, i chak e, mahse vawi engzah nge in hman tawh i sawi angai," atih chuan ka nernawk, ka no a whisky awm zawg chu tlak pap in, " in hriat ve zel ngailo ni mai rawhse," ka tih chuan, "lHuuuuu," an ti rual dual, kan nui hak hak

Kawngkhar lam aṭang a glass keh ri chuai kan hriat chuan kan hawi vat, kan awmna room thim deuh viau mahse kawngkhar aṭang a eng rawn lut in ka bawihi mit a mittui tling pam mai a chhun tle ral chu hmu chiang tak ka ni, ka bul a min si chet a hmeichhe ṭhu nam sawn dawrh chuan ka ding nghal zat, "bawihi," ka ti sep

In her vut chuan a tlan chhuak nghal, Eric-an kan lam rum lutuk a rawn hawi pahin, "tenawm lutuk," ti nghutin a umzui nghal, ka ding khawng reng, engtin nge helai a rawn kal theih, "chân i duhloh chuan zui la ngaihdam dil rawh," Matt'an a rawn tih chuan ka harh zawk, ka melh nghal vat, "kal rawh," Jerry'an alo ti ve sup bawk, hmanhmawh lutuk in ka tlan chhuak, mipui veivak leh lam zi hut hut chu ka nek phei nawk nawk

Hnunglam chhuahna kawngkhar a Eric-a tlan chhuak ka hmu hman hram, ka zui ve nghal, "Zualte lo ding teh, ka hruai haw angche," Eric-an a au lawm lawm, an lam pan chuan chak lutuk in ka tlan, bawihi a ding dat, Eric-a a bul a thleng nghal, an bul ka thleng ve nghal zat

"Bawihi," thaw hlawp hlawp chuan ka din hnaih, hnuai lam a bih ran, "Eric biak lawk ka duh," Eric-an rum lutuk a min melh chung a ding ve ran chu melh zawkin ka ti sup, "sawi tur kan neilo, i duh i hmu tawh a, a tawp tawh," ṭah insum tih hriat zet a bawih'in a rawn tih chuan ka thaw hak, a ban a vuan in, ka lam hawiin ka kuai her, a dar tawn tawn a vuan chuan, "ka sawifiah thei, bawihi min ring rawh," ngen ngawl lutuk chuan ka ti chhuak

Mit hnawm chap a rawn dak chhuakin za lo zetin a nui hak, a dar ka vawn na kut chu rawn vawn na a muangchang a dah thla chuan, "i kut hmawr pawh in min khawih tawh suh," thinrim zet chuan a ti tuar, pen sawn a tum chu thlah mai mai ka tumlo, "ka sawifiah thei ka tih kha Zualte," ka ti hrawk, aban aṭang ka phih her sawk, "min thlah rawh, ka hua che," mittui tla zawih zawih chuan a raw ti tuar

Ka dar ah Eric-an min rawn kuai her sawk, chu ve leh Zualtei chu chak lutuk in car lam pan a tlan in a ṭhu lut nghal rawk rawk, min hlau niber in ka hria, chu chuan ka thin a ti rim, "Hmangaihzual ka sawifiah thei ka ti ani lawm ni?" Ti hrawk a oan hnaih ka tun chu ka ban a min phih sawkin

"Duhtawk rawh zothansang, nang hian Zualtei hi kha i hringnun infiamna ah khan tel ve suh ka ti che ani lawm ni?" Min hnek ṭhuai pah chuan a ti hrawk, ni e, ka phu ani ka phu takzet, mahse Zualtei erawh ka kal tir thei chuanglo, ka sawifiah vek thei, ka ti bawk ang, "engthil pawh ti la, Zualtei hi ka ta ani," ka tih rualin ka kawr awm ah arawn ṭham leh sawk, "anih i hmangaih em?" Ati hrawih, ka mengkawk, maw?? Keihian maw? Ka hmangaih em?

"I hmangaih em ka tih chu?" Min thing nawk pah a atih chuan chhan mai dan tur ka hrelo, "anih chuan kei hian ka hrilh angche, Hmangaihzuali hi ka hmangaih, tupawh lo hmangaih in, lo duh pawh nise ka pawisa lo, tun aṭang chuan a unaupa ang nilo in, mipa a mah hmangaih tu ang in ka enkawl tawh ang," ti hrawk chuan min nam sawk, ka kat nawk nawk, Eric-a hian a hmangaih a maw? Anih kei hian ka hmangaih em? Zualtei car chhung a ṭhu kun lap chu ka din na aṭang ka en tlawk tlawk


Eric-a car a ṭhu lut in an tlan chhuak chu ka en vawng vawng, an tlan liam hma in Zualtei mittui tla chung a rawn hawi let chu ka hmu hman hram, lei ah ka ṭhu thla hnawk, "ka hmangaih che em?" Ka phunsep, Zualtei, ka bawihi awmtawhlo tih ka ngaihtuah chuan ka ruak vek hian ka hria



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:40 pm

IT'S YOU
By floria laldansangi
14

ZUALTEI...POV

"Zualte tho la damdawi hi ei teh, i khua a sik nasa lutuk ania," jacinta'in min sawi dat dat pah a arawn tih chuan ka hmai ka mittui vang a hnawm leh berh niah chuan ka ṭhu hlawl, ka sam hnawk zet mai rawn hui kiah pahin, "ni hnih lai engmah ei mumal lo in i awm tawh," a ti leh sup

A sawi dik chiah, ni 2 liam ta a Eric-a club a ka kal zan khan Zothana VVIP room lam a pan ka hmuh vangin Eric-a ka zawt anih kha, a ṭhianpa hming a room book lawk a awmthu a sawi avangin ni zanlam a a awmdan tehthut avangin ka ngaih ṭha thlawtlo in biak tum in ka pan anih kha, mahse eng thu nge ka va hriat teh hrep kha ni? Ka ngaihtuah zawng pawhin ka awm zawn hi chhun sawk sawk ang maiin ana

Ka kut a damdawi rawn hmeh belh nawk nawk chuan, "mitthi tho leh ang mai, inti fai la, intuai hnum rawh," ati nghal bawrh bawrh, Zothana hmel ka mitthla ah a rawn lang ka mittui bawk a rawn hnam leh ṭiam ṭiam


Ka phone rawn ri ral ral ah chuan damdawi hmawm in tui ka in khawlh khawlh, ka ban nghal zat, Zothana hming ka hmuh rualin ka lungphu a rawn phu chhuaklo chauh, rang lutuk in ka off nghal hmiah, a messages leh phone ka chhang ngailo, ni 2 chhung khan a beidawng lo tawp tih ka hria, dawr ah ka lang ngailo a, Zothana erawh nitin a rawn kal thu jacinta'in a sawi, kawngkhar pawh rawn chun dawt dawt chang a nei fo

"Dawr ah chhuk rawh, keipawh ka rawn chhuk ang," ka ti sep, min en deuh run chuan, "i duh leh awm hahdam zawk la, i chauh hmel lutuk ania," atih chuan ka lu ka thing mat mat, ni 2 chhung khan engmah ka tilo ka lu um ah hian Zothana bak ngaihtuah ka nei chuanglo, hna ka thawh a, ka buai chuan ka ngaihtuah lo deuh mahna
.
.
.
Restaurant ka luh rualin Eric-a hmel ka hmu nghal, alo nui var var, alam pan chuan ka ṭhu thka ve nghal zat, "ilo chho mailo a," ka ti sep, min en vang vangin, "engmah ei ngailo em ni? Ruh hlang ini ringawt alawm," minfiam pah a a tih chuan za lo zetin ka ṭhensak


Dawhkan a ka kut dah rawn vuan in a hum deuh vang vang, "Zualte engkim a ṭha vek mai ang, inti chak rawh," min nuih var var pah a atih chuan ka mittui a rawn hnam ṭiam ṭiam, engtin nhe a rilru hi a ṭhat em em theih ni, a sawi ang hian engkim hi ṭha vek tak tak se ka ti takzet ani

Min en tu an awm reng a ka hriat avangin ka hawi kual, kawngkhar bul a Zothana leh Malsawmi te nufa ding run ka hmuh chuan ka phu zawk, Zothana chuan inseh ruh tih hriat lutuk a rum lutuk in min en ngar ngar, Eric-an ka kut a vawn chu ka la sawn vat, rang lutuk in ka hawisawn nghal bawk


"Honey helai kher a ei itia," no zet Malsawmi'n Zothana a biak chu ngaihthlak loh pawh tum ila ka beng hian ka ngaihtuah na a phatsan nasa mai si, "washroom ah kan kal lawk ange," ka ti sup, Eric-an min en ran chuan, "i ṭha maw?" Min ngaihtuah tih hriat zetin a ti sup, bu nghatin, "ka ṭha lawm," tih leh pen sawn ka rual, ka taksa za mer mer ah chuan Zothan'an min en reng tih pawh ka hria, in seh ruh ran chuan washroom ah ka lut rawk rawk


Ka thaw kawk, darthlalang a ka hmel lang en chuan ka mitsen ram ṭah insum tih hriat zet chu en in thaw kala ham ham, "a tir aṭang khan ka ngaina lo reng che ani," rawn ti ru lam chu ka hawi vat, ka bul a rawn din rualin min nuih sak, "in aṭang a tlanbo chu enge a an?" Ngeiawm lutuk in a tih zawmzat, "tlanbo maw?" Ka ti sep, ka nui hul hak


Ka kut sil sawk sawkin, "i hmuh ang hi ani mai lawm ni?" Ka ti chang fak, pensawn ka tum chu, "ka kawngdal zawngin awm tawh suh angche, enge ka tih theih ṭhin i hriat kha?" A rawn ti nghat, muangchang a lam hawiin, chiang lutuk in ka en, "in kawng ka dal ngai em ni? I vo(vau) zam mai mai theih kha ka ni tawhlo tih hrethiam tur in mimawl ini lo tih ka hria " Thle bak a tih leh ka chhuahsan nghal, ka hnunglam a in hrosa ri chu ka hre hman hram


Inchhung lam kan pan tur chu ka ban a min pawt let dawrh tu an awm avangin ka rak tur chu ka kâ a hup bet nghal zat, bang a min nawr bet chuan, "bawihi keimah," Zothana aw in a ti sup, ka lungphu rang lutuk chu ka thaw a chham mai dawn, ka kã a hupna vai sawn pawp pahin, "engthil nge i duh?" Ka ti ṭhawt, ka lungphu ala pangai theilo, boruak ka hip kawk kawk, phut nasat nak laiin Zothana rim pa zet leh a mi uap na zet nen a min si chet a ding chuan ka thawk lak a ti harsa zual, boruak awmlohna ah ka awm ang mai ani


"Inbiak kan ngai takzet, sawifiah tur tamtak ka nei bawk," ati leh hap, thaw la kawk a rum lutuk a melh chho in, "i sawi tur ang i sawi tawh a, ka hriat tur zawng zawng chu ka hre kim tawh," hriam hrak a tih leh a awm ah ka nam sawk, a che sawn eihlo, cement bang sut kuak tum ang vel ka ni, thinrim lutuk a chum dawt dawt chuan, "kal sawn rawh," ṭah aw ṭuau in ka ti chhuak, ka thinrim vang nge engber in nge ka ṭah ti chhuak ka hrelo, ka mittui a rawn far kauh

"Bawihi," Phawk zet a ti sup chuan a tawlh hnung hret, chu veleh na lutuk a nam sawn in balcony aṭang a inchung pan na kailawn pan chuan ka tlan hlawk hlawk, inchhung a tlan lut chuan ka room ah ka lut, chhuat ah ka ṭhu thla hnawk, ka thaw kawk kawk, ka awm a kut nghatin mit ka chhing vang vang, ka mittui a rawn luang ngiai ngiai chu ka hru tawk, inchunglam a dakin ka thaw kawk kawk, zawi zet a khum a vak kaiin ka bawk thlawp, ka mit ka chhing diar diar, ka tan nun harsa bik lutuk hi ka hrethiamlo ṭhin lo ani
.
.
"Harh teh," jacinta'in min sawi dawt dawt pah a rawn tih chuan ka meng diar diar, ka mit a thip ram bawk, ka ṭap muhil a ni khawp ang, "tho rawh inti fai rawh," tih leh min pawt ṭhu nawk, "inti fai la David-a birthday party ah kan kal dawn nia," atih chuan awihlo lutuk in ka melh, chutiang a kal peih tur ah min ngai amaw ni? Bak ah tunge David-a pawh chu ka hre lo hrim hrim


"Ka peihlo," tih leh mut leh ka tum chu min pawt bet, "Zualte hetiang hian awm suh, mipa lak a phuba lakdan ka hrilh angche, antel lova i awmtheih zia hmuh rawh, na ang a ilan chuan i unaunu ṭawngṭhei lutuk Malsawmi'n sawitur angah dawn lutuk," ti hlak hlak chuan min pawt tho, chuti chungpawh chuan kala peih chuanglo

"In ah kalo awm zawk ang," ka tih rualin bathroom ah min nawr lut nawk nawk, "i hmai ka phih sak che iduh ami?" Ti hmuk in kawngkhar a rawn khar nghal zat, ka thaw hak, ka zawiin ka peihlo zia chu rapthlak tak ani

Bathroom aṭang a ka chhuah chuan khum a kawr ka hmuh rualin, "ka hak tur chu anilo tiraw?" Ka ti nghal min rawn pan pah a, nui vur vur chuan, "c'mon Zualte," ti leh min kai dat dat, "ka ha thiamlo bakah ka duhlo, jeans ka ha mai ang," mangang zet a ka tih chuan ka lam rawn hawi a ka kawr pawh chhuah tum pahin, "90 kum anih tawh loh hi," tih leh ka kawr a pawt chhuak


Kawr chhing zet mai chu lungawilo lutuk in ka in thawlh, ka hmai makeup hnawih sawk sawk in, ka sam tawm pawt phelh chuan, "kal ang le," tih leh min pawt chhuak leh dawr dawr, ka kawr hak ka taksa phuar vek, ka pian a ngial ngan a lang leh chhing lutuk mai, pheikhawk sang em em bun chuan ka zui chhuak

Car a khalh chu ka melh leh zawk ṭhin, kan tlan na lam en chuan, "jacinta Eric-a club lam ah enge kan tih dawn?" Lungawiloh sa nak alai club ah min hruai a tum chu ka duh derlo, "Eric-a club ah alawm," ti awlsam et chuan min rawn melh zawkin hmalam a en leh nghal ka thaw hak, zanin chu engmah ngaihtuah lo in han aw tum ve tak tak ila ani mai

Club kan luh chuan music ring lutuk ri hut hut leh mipui lam suau suau chuan ka lu an ti na, "he lam ah," ring lenglawng a ka beng bul a au chuan min kai sawn dat dat, tlem a thawl deuhna mipui zi nuaih nuaih kan kal pelh chuan, "hey, David," tih leh mipa lian ve lampang chu min pan pui, David atih pah chuan uluk zetin minlo en, ka ngaina lo nghal ringawt, "ṭhian i rawn hruai elaw, ka hriat hnu a ang hle mai," tih leh min rawn kuah ve thuak a tum chu ka kut kalo phar vat, nui hakin a vuan ve mai bawk


"Ṭhu ang," tih leh a sir a ṭhut na a min pawt thu chuan, "David-a ka nia Zualtei inih ka ring, hmanzan ah ka pa piancham lawmna ah ka hmu che," a rawn tih lang lang chuan ka en vat, jacinta'i ka melh nghal vat bawk, "Zothana unaupa anih hi," a rawn tih chuan rum lutuk in jacinta'i ka melh

Ka melh hrelo ang hmak a awm chuan a hma a whisky chu la in a tlak pap, thinrim inseh ruh ran chuan no khat pup a whisky thli in ka lem pawp, ka hrawk a sa thla ham ham, ka ner nung, "wow," David-an a rawn tih chuan ka ṭim ur ur thei


Kan hma zawn chiah a min hnung chhawn zawng a rawn ṭhu chiah ka hmu chuan tunge anih hrilh nawn ka ngailo, a mi uap na na lutuk hi 5ft dan ah pawh ka hria ka ring, kan lam a rawn hawi tur chu rang lutuk in ka in her, ka lungphu a phu dup dup, zantin Club ah hian a kal amawni? "A rawn hawi tawhlo," nuihza in sum zet a jacinta'in a rawn tih chuan ka melh hrawk, ka lu lah ahai muai muai leh ta nghal


"Lam ang u hmiang, ka piancham anih hi, in lam a party ka siamlo chu ka inchhir ta der lo mai, Zualte tiraw lam ang," tih pah a min rawn pawh thawh chuan ka meng kawk, "ka lam thiamlo, hetah hian kalo awm ang," ring lutuk chuan ka au, ṭawng lo a ngawi reng a awm ka tum vei nen, hepa hi ka ning lek lek, Zothana kan lam a rawn hawi vat, a mit meng dur khup mai nen chuan kan in melh ta ran mai

"Hei in rawh, in hmuam up lutuk teh suh,"tih pahin jacinta'in whisky tak zet mai min rawn pek leh chuan Zothana melh run chung a ban in ka tlak pawp, jacinta'i khan a sawi dik chiah, ka mamawh loh zia a hre tur ani, "no dang minpe leh teh," tih leh keimah zawkin dawhkan a in chhawp chu no khat pam a thli chhuak in ka tlak nghal pawp

Nui vur vurin, "lam ang u," tih leh lam na lam ka pan khat khat, a thawk rang viau emaw ni le? Lam tual a midang zi nuaih nuaih kar a in rawlh chuan ka su ve nghat nghat, Club a ka thawh lai pawh khan lam kher kher hi chu ka lam ngailo, ka hriat a chin a ka lam vawikhat na ani hial ang, mahse ka duh aiin he David-a hian min hnaih mah mah ṭhin, ka rui deuh ani mahna, mahni erawh ka in veng ve ran tlat


Ka lu hai lutuk chu ka vir muai muai ni hian ka hria, lam bu lawp lawp a ka ban a min pawt her nawk an awm chuan ka nek rawk rawk, tu emaw awm ah ka bei thlap, a rim pa hrâk ah chuan tunge anih hrilh ka ngailo nasa, a rim tui leh pa lutuk lungphu ri dup dup ka hriat chuan ka awmna hi a reh duk mai, khawvel hran daih ah min hruai leh tawh

Min nam sawm deuh a ka bengbul a rawn kun hniam chuan, "Hmangaihzual engthil nge ti a i in hriat?" A ti hrawk, ve mai mai chuan, a hriat ve leh zel angailo, mit phak chuap a a hmelṭha zet leh pa zet mai light eng de zawk zawk kar a en chho vah in, ka kut ṭang a kun hniam tur a hui chuan a rawn kun hniam, "i mit a del em ni? Ka lam anih hi," ring leng lawng a a bengbul a au chuan min vawn na phelh sak tum in ka tla ve laih laih, a vuan nghet tulh tulh, ka tha lah chu a zawi em em

"Ka hruai haw angche," tih leh min pawh sawn a tum, mai mai a!!! A naute lem pawh ka nilo, ka duh duh in ka awm ang, a kut ka theih tawp a herh sak chuan, "ka mamawh lo che, kalbo rawh," ti tuar in rum lutuk a melh chuan lamna lam bawk ah ka inher, rei pawh kalam hmain ka pum aṭang min rawn pump awp awp, ka luak chhuak lutuk chu ka uak ṭhat, ka hawi kual Zothana hmel ka hmuhloh rualin chak lutuk in mipui kar ah ka in hnawh lut, hnunglam kawngkhar ka pan phei nawk nawk

Kawngkhar ka pen chhuah rualin ka uak tuar, tui hlang ka uak chhuak hawk, ka hnungzang ah rawn chum dat dat in, ka sam ka hmai zar nuaih chu a rawn hui kiang, "i ṭha em?" A rawn ti sup, ka chhang theilo ka uak leh tuar tuar, mittui tla phung a ka uak hnu ah zawi zet in ka ding chhuak, a hreawm zia chu rapthlak zawk

David-a hmel ka hmuh chuan ka meng deuh kawk, insiam ṭha vatin, "ka ṭha lutuk ka lawm e," ti sup a inchhung lam pan leh ka tum chu ka ban ah a rawn vuan, ka hawi vat, ramg lutuk in a kut ka thing thla nghal, "ka thlah haw angche i rui anih kha," tih pah ka ban a rawn vawn leh chuan, thing thlak tumin, "ka ṭha ka tih kha," ka ti hlar, ka ngaina lo viau bawk hepa hi, ngaina lo tak ka ni

"Ka unaupa pawhin a vuan fo che ani lawm ni? Hmeichhe zurui mai mai leh nghal," tih pah a alam a min pawh a tum chu ka in dang vat, ka thil in hrep nen, ka duh angin ka che theilo, ka tha a zawi bak ah ka lu ana lutuk, "min thlah rawh," ka ti tuar, ka kawng ah kuah bet in ka kut lehlam a hum bet tlat bawk, ka tal laih laih

I kut kha la sawn nghal rawh," rawn ri hrawk tu ah chuan kan hawi dawrh, Zothana ka lam rawn pan chhat chhat chuan David-a kut chu a phih sawk, a kawr awm a ṭham sawk chuan, "ka hmeichhia hi khawih suh ka ti ani lawm ni," ti hrawih in a hnek ṭhuai, ka rak ṭhat, "i kut hmawr pawhin tawk suh ka tih kha," ti leh hrawk chuan a hnek leh sawk, a kawr awm a ṭham let sawk chuan, thaw ri hrawih hrawih in anam let sawk, David-a chu a kat nawk nawk, lei ah a thal ṭhuai, ka lam rawn hawi chuan ka ban ah vuanin min phih sawk, ka tal laih laih, "min thlah rawh, maw? I hmeichhia maw? I thluak a ro ami?" A au in ka au khum, min rawn chhan vang a lawmthu ka sawi a ring anih chuan a ti sual khawp ang

Ding dawt ka lam rawn hawi in mitsen ramin min en, "ani lo em ni? Ka ta, ka ta chauh ini?" A ti tuar, ka mittui a rawn hnam tiam ṭiam, ka nui hul hak, min vawn na chu na lutuk in ka phih, "ita, i ta chauh maw?" Ka ti nawn sup, ka lu ka thing mat mat, "i lawm tawh em?" Tih pah chuan mittui luang ngiai ngiai in ka en chho, mitsen ram chuan min en let ve ngar

"Bawihi," ti sup a min rawn ban a tum chu kut kalo phar zauh, "i infiamna ang kha nuam ka ti ve lo Zothana, ka bang, aih, ka peih tawhlo, i duh i hmu tawh ani lawm ni? Engvang a ka nun a la inrawlh tlat nge inih? I tum ang ngeiin inchawina ah chuan i chak tawh alawm, min kalsan rawh," ṭah chhuah hawm hawm mai ka duh, mahse amah ngeiin a sawi kha, "minti na tu te hian kan mittui hi an phulo," atih kha, a phu tlat lo, ka mittui luang chu ka hru tawk, rum lutuk a melh chho ram ram chuan, "in fiamna a zo tawh," kha zet a ti chhuak in jacinta'i rawn tlan chhuak ve chiah lam chu ka pan nghal hlawk hlawk, ka mittui erawh a rawn luang leh nghal ngiai ngiai

"I ṭha em? Engthil nge thleng?" Jacinta'in meng phi luai a min en pah a tih chuan ka melh nghek, helai hmun ah hian min hruailo se tiang hi a thleng tawplo ang, aban a pawt sawk in, "haw ang," tih leh ka pen pui hmawk hmawk, "khalam ah kan motor kan dahlo," a rui ṭawng seh chilh nawk nawk a atih chuan ka ding dawt, ka ruih ve deuh vang nge ka ṭah a chhuak in ka thin a rim ṭun leh nghal

Thinrim zet a ke perh tarh tarh chuan ka in her leh nghut, ka ban ah na lutuk a min pawt dawrhin, "in biak kan ngai ka tih kha?" Zothansanga aw ṭeng zet mai ka hriat phei chuan ka thin a rim zual, "min thlah rawh, ṭanpui tu ka auh hma hian min thlah vat rawh," a au in ka au chu a niber tawh, lungtum biak angmaiin ngawi ngul in min pawt dawr dawr, thei ila chuan a tukkhum ah hian ka chhu bu lawp ngei ngei ang, zui duhlo mahila ka tlan ani ber tawh


"Zothansang min thlah rawh ka tih chu? I beng a chhet ami? Nge ni a, i duh ila hmuh kim loh vang zawk? Min mutpui hma chu minthlah zalen i tumlo amaw?" Ka thinrim lutuk chu ka ṭawng ka seh chilh nawk nawk, khawi aṭang nge chutiang zo zai ṭawngkam chhe zet zet mai chu arawn chhuah pawh ka hrelo, a ban ah ka chum dawt dawt, ka rui hle amaw ka tia, he mihring ngel ngul vang hian a reh leh zo


"Ramhuai pa, kha ramhuai nen khan danglam na in awmlo, in in angreng," ka sawi zawh rualin ka ṭap chhuak ani nghal der, ka pahrawn nen an danglam lo ka tih chu ka inchhir nghal rawih rawih, a pen lai a tawp chat, a rawn in her rualin ka su dawt, ka tlu tur ka kawng ah vuan in alam ah min pawt hrawk, mittui nen ka melh chho, ka din ṭhat rual a a awm a chum dawt chuan, "i kut hmawr pawh in min khawih tawh suh," ka ti hlar, ka ṭah lah chu engvang a chhuak em em nge maw anih hrep ni, ka hrawk ana ut ut


Ka dar tawn tawn a vuan a min thing nawk nawk chuan, "Hmangaihzual engmaw i sawi, kha ramhuai nen khan min tehkhin miah suh," a ti ṭhawt, ka ding khawng awt, tunge ka sawi a hria em ni? Nge ni a Zothana hian engkim a hre tawh zawk, aih anilo ang? "Maw?" Mittui tlingpam a en chho chuan ka ti sup, thaw hak in, "ka in sawifiah na ngaithla rawh bawihi, i duhdan dan in kal suh, ka diklo.." A tihlai in ka nui hak

Min vawn na phihsak lawp in, "dawt i sawi leh dawn ami? Min bum leh dawn ami? Ka lak aṭang enge ila duh, sex maw? Ti chuan i ṭhian te bul ah kal in iva insawi thei leh dawn tihna em ni? Kha ti ta che, chakloh i duh ngailo ani lawm ni, ti ta..." A au a ka au laiin ka hmai a thip zawk, Ka thle sawk baw, a sa vin vawng vawng, ka mittui a per sawk bawk


Ka biang thip sa vawng vawng mai ka kut a hup chung chuan ka melh let khai, tun ah chuan harhfim tawh tak ka ni, ka harh mah mah zawk, min ben na kut en in min rawn en leh, "bawih...bawihi," ati bah nak, a hmel ah chuan a duhloh tawp thil ti ang mai ani, min rawn ban a tum a kut a rawn lek kang chu ka tawlh hnung hret, ka mittui ka khap per sak sak, "ilawm tawh em? Ka kal thei tawh ang tiraw, a tawp tawh ani lawm ni?" Ṭah chhuak lutuk chuan ka ti chhuak, ka mittui a rawn luang nghal zawih zawih bawk, heng mittui zo zai te hi khawi ami nge maw an nih hrep ni? He mihring hma ah kher leh nghal


Ka mittui vang a ka khawhmu phe ruai kar ah chuan Zothana hmel na tuar hmel chu ka hmu ruai ruai, a lu a thing mat mat, "ka tum anilo," a rawn ti chhuak hrawih, ka nui hul hak, "i danglam biklo," ka ti hul hak, muangchangin ka inher, "a tawp tawh," ka phun sep, ka tukkhum za mer mer mer ah chuan min en reng tih ka hria, mahse ka hawilet tur anilo, ka nun infiam nan a hmang a, kut min thlak bawk anih chu??? Ka pa, ka pahrawn, mipa ka nun a tel ve a piang te lak a ka hmuh chu kut tawrh leh bum leh tihnat ani


(naktuk ka chawlh zan aw😘ka lawm vek e ania, in comment te ka chhiar vek zel, ka reply seng veklo che u tih min hriat sak hram ula😍😍mifel ho sawi ngailo a advertisement min click sak zel avang pawn ka lawm lutuk e😍😘)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:41 pm

IT'S YOU
By floria laldansangi
15

ZOTHANA..POV

Bawihi rilru na lutuk a kal liam chu ka en ngawih ngawih, engtin nge kut ka thlak theih, hmeichhia ka vawikhat kut thlakna ani, chupawh ka bawihi maw? Ka â ta emaw ni? A mittui tla hmu theilo a, a mittui a tlak tawh a tihtur ber hrelo leh buai vek ṭhin ngei khan kut ka thlak anih chu!!!!

Thinrim lutuk chuan motor ka hnek in ka chum ṭhuai ṭhuai, ka pet pawp pawp bawk, thaw ri hrawih hrawih a ka sam tuai puat chuan motor ngheng in ka ṭhu thla hnawk, ka mit ka chhing sawk, engthil nge maw ka tih tak kha le? Min hua angem? Min haw ngawt angchu, ka bul ṭan dan a diklo tih ka hria, mahse kei hian saw hmeichhia saw ka duh ani, ni lo, ka duh tawh mah mah ani

Thaw kawk a hmanhmawh lutuk a ding in motor ah ka ṭhu lut, ka ti nung nghal sawk sawk, chak lutuk chuan ka tlan chhuak, engpawh sawi se, engtiang pawh in thinrim mahse zanin hian kan sawifel angai, ka sawi fel ngei bawk ang


Chak zet a tlanin bawihi te inlam ka pan, ka mitthla ah a mittui tla lai, a rilru na lutuk kha a rawn lang, steering ka chum leh dawt ṭhin, mipa hmeichhe kut thlak hi ka ngai nep hluah hluah ṭhin, mahse ka mi ngaih nep ber te tih angchiah ka ti ve tih ka in hriat phei chuan keimah leh keimah ka in dem hluah hluah bawk

An in gate zawn ka thlen chuan ka ding ri tuar, hmanhmawh lutuk a tlan chhuak rawk rawk chuan an inlam ka pan, kawngkhar pawh hmet ri lo in a chum in ka chum dawt dawt, "Bawihi ila muhil lo tih ka hria kawngkhar hi hawngla in bia ang," thinrim insum zet chuan ka ti chhuak, mutthilh na hun ala awmlo tih kan hre ve ve, kut ka thlak avangin ka thiamlo tih ka hria, mahse engkim ka siam ṭha thei


Rei tawk fe ka nghah hnu pawhin kawngkhar hawng duh miau heklo, inseh ruh leh beidawng zetin ka motor lam ka pan chhat chhat, ti mai mai chuan ka beidawn san dawnlo, ka thusawi a ngaihthlak hma chu engpawh ka ti mai ang, engpawh
.
.
.
"I hming min hrilh thei angem?" Bawihi restaurant ka luh rual a nuisnag a bawih'in a hma a mipa a bia tih ka hmuh chuan ka awm zawn ah hian thikna a rawn khat, kal hnaih a ka bialnu anih thu va hrilh mai duhna in ka khat hluah hluah


"Zualtei ka ni e, i eitur a rawn thleng vat ang," Zualte'in ti sup chuan a pensawn tur in ka din na lam a rawn hawi chiah, a mitmeng buai deuhnak chu thup tum viau mahse ka hmu hman lutuk tlat, a hming a hrilh ringawt pawh chuan min hnawh up up thei, tiang hian vawikhat mah kala awm ngailo, ka eng hi nhe diklo ber ni?

"Tluangi customer dang saw lo buaipui rawh," tih leh pensawn a rual nghal, min hmu reng a, ka awmve lo ang mai a awm te chuan ka thin ati rim hlur tawh, Tluang'in maktih hmel zet a min entawn zak zak chuan, "ahh, helam ah lo ṭhu rawh, enge i ei ang?" Pangai tak a atih chuan ka melh zawk

Zualtei counter a ṭhu chu melh reng chungin, "saw sawn order rawn la tur in ka duh," ka nghut, a hming leh number ka zawh hmasak ber khan engtin nge min chhan kha kala hre chiang lutuk tlat, mipa dang a melh emaw neih a tum anih ngat chuan a ti sual khawp ang, ka thlen tir lo tawp bawk ang

"Mahse ani..." Tluang'in atih laiin, ka melh chho hrawk, " heta ka ṭhut reng induhlo angchu maw?" Ka leh ti nghut, hreawm tih hmel zet a Zualtei ṭhut na lam pan chuan ava hrilh ser ser, ka en reng, kan lam an rawn hawi zawk, thinrim hmel zet a min en chuan a bu nghat

Ka lam a rawn pan chu uluk lutuk in ka en, a biang chu a vung deuh emaw ni? Nge ka ngaihbel zawk, engtin nge keihian hmeichhia mai nilo ka bawihi ngei thinrim hle pawh ni ila kut ka thlak dan kha ka hrelo ani

Ka bul a arawn din pahin, "mamawh inei em ni?" A ti sup, ka en vang vang, a hmelṭha lutuk te, a kut tereuhte leh hmui nel zet mai te hi ka ngai ani, kuah a fawh ka chak zia chu pui tak ani bawk, a thinrim hmel te hlei hlei hi a ṭha emaw tih tur ani leh nghal, ka ngaihtuah na avangin ka nui suk, khawnge nichin mai a ka thinrim na kha a awmtak ni


"Nangmah ti ta ila," en chho reng chuan ka ti sup, rum zet a min melh hrawk pahin, "Zothansang helai hi i infiamna.." Atih laiin, "ka infiamna hmun tur ni lo in ka bialnu dawr ania," ka lo tih zawmzat, thinrim tih hriat zet a min melh ram ram pahin, "i duh ilam dawnloh chuan chhuak angche," tih leh a in her nghal, ṭawng tum a ka âng zuai hman tih ah, "Zualte ilo awm ta maw?" Mipa aw in a rawn tih chuanka hawi vat, mipa sa ṭha nelh nawlh Zualtei din na lam pan a nui sang a rawn pen chu uluk lutuk in ka lo en


"Enge ni teh mial a?" Bawih'in nuisang a a chhanlet chuan chhan awmsilo inka thinrim leh ṭun tawh, "hrilh tur che ka nei a," tih leh a bengbul ah eng amaw a hrilh sup, bawihi a nui hak, ruh lutuk in ka kut ka hum, ka melh ngar ngar, thawhlawk a bawihi bul a ding mipa saw pawh chhuah mai ka duh rum rum

"A chakawm viauna ka theih ka ringlo, lo ṭhu ru induh lo en ula," Zualtei'n tih leh a pensawn nghal, ka zui vat, aban ah pawt dawrh in balcony lam ka pan pui hmawk hmawk, theise chuan min sual let leh buan buan ngei ang, mahse a hnathawk te hma a insual a duhlo tih minzui mai dan ah ka hria

Balcony a pawt chhuakin store room ni awm tak chu pawt hawng sawkin ka nam lut rawk rawk, chhuar lian lutuk mai thlai leh thildang andahna hmun chhuar ah chuan ka nam bawt nawk, a ṭhensak, "kha mihring kha i tan enge anih, a hma ah i nui bawk a enge a hrilh che?" Ka ti hrawk, ka luh tirh aṭang vawikhat pawh ka hma ah anuilo pawh khan ka thin a ti rim hrim hrim


Min melh rawm rawm pahin, "min thlah rawh, ka mimal nun hrilh tur che in nangpawh hi ka tan enge inih?" Min ti let ve khar khar, enge ka nih maw? I hre vat ang, a kut pahnih man khawmin a tukkhum a vuan chuan ka kuai dak, a tal ve phat phat, ka din hnaih lehzual, a hmui thlum leh fawh nuam ka tih em em, a ngawl ka vei em em ah chuan ka fawp chat, ka fawp tawn tawn, a tal laih laih, ka fawp lui zel, a tha a thlah tial tial a ka hriat ve leh ka fawh dan thlak in ngen ngawl zet in ka fawp

Ka lei hmangin a hmui ka nawr kau, min sual let lo a min chhang heklo a dawh mawl tawp aniber, mahse ka beidawng duh biklo, ka fawp ngawng ngawng, thaw chham lek lek a ka fawh hnu a inla hrangin a chal ah ka chal ka nghat, ka thaw chhuak ham ham, ka melh zawk, a hmel ah enge a ngaihtuah ka hrelo, ka fawhna khan nghawng neih awm pawh in a awm chuanglo

Inla hrangpahin, "bawihi," ka ti sup, ka fawhna hmui nawm chap chu liak zauhin, min rawn melh ralh, a hmel a lang dam dap, nidang chu nise min beng emaw min sual let buan buan maithei, mahse a tilo, thaw hak a ka vawnna melh zauh chuan, "i duhtawk tawh em? Kha kha ani lawm ni i duh? I duhtawk tawh chuan ka kal thei tawh ang tiraw?" Dam dap a min melh chho kiau pah a arawn tih chuan ka ham haih lek lek

Min vin chhiam a, min an khum chiam ka rin nen, ka rinloh lam daih ani, ka vawn na chu ka thlah dul tial tial, a kut la let sawk pahin ka vawn na chu a nuai vat vat, ka melh zawk, kalo hmerna viau ani mahna a sen kual ruih ka hmuh chuan ban mai ka tum, rang lutuk in a hnunglam ah a thukru vat, "ka ṭha, i duh i hmu tawh bawk a kan inhmuh tawhloh ka beisei," a ṭawng chu a ringlo, mahse ka beng ah chuan ri ring tak ani, khawpui ri dum dum angvel ni mai hian ka hria

Ka en tlawk tlawk, a din na aṭang tawlh hret chuan min kal hualin kawngkhar lam a pan chu chelh na chang pawh ka hrelo, na hmel leh thinrim hmel a pu lo te, engah mah min ngailo te kha ka thinrim nge ka tlawm la tih pawh ka hre nek lo, na lutuk in chhuar ka nam ṭhuai, chunglam a an rice flour dah a rawn baw hawk, ka lu chung ah bua in a khu rum rum, phiangsen chuan leh!!! Thinrim zet a chum leh ṭhuai in ka inbeng fai sawk sawk, mahse chuti mai a fai chi a ni aw zawnglo, hreptak chuan thinrim nen a hunlo takzet
.
.
.
Restaurant chhung ka lut chu customers leh hnathawk ho in mak ti fe in minlo en, ni e, ka mak ngawt ang, ka hmai, ka kawr leh lu var vo chu en nawm a tling khawp ang, a ṭhen an nui tut tut, ka thinrim zia chu pui tak ani, tiang ang em em a ka zah hi ala awmlo ang, inseh ruh zet chuan kawngkhar lam ka pan pawk pawk


Dawhkan pakhat a Eric-a leh Zualtei nui dun kar kar ka hmuh phei chuan phindarh vek mai ka duh, ka lam an rawn hawi rual, rum lutuk in kalo melh, Zualtei chu a meng deuh kawk, mahse a insiam rem leh vat, a nuih hak, min nuihzat niber in ka hria, Eric-a lam hawi leh hmakin eng a maw a sawi zawm malh malh, ruh lutuk a ka kut hum in pawn lam ka pan nghal, ka motor hun na bul ka thlen chuan motor bang ka chum ṭhuai, thaw ka la kawk kawk, mit ka chhing sawk, ka beng ah hmuh minduh tawhlo tih thu a sawi kha a rawn ri nawn rum rum, boruak hip kawk in ka thinrim na inbeng daih tum chuan ka thaw chhuak leh ham ham, ka ta anihloh chuan kha Eric phiangsen a ta pawh kha ani bik tawplo ang


Restaurant aṭang Zualtei leh Eric-a rawn inzui chhuak ka hmuh chuan thinrim zet a motor kawngkhar pawt hawng sawk ti nung nghal chuan chak lutuk in an hma zawn ah ka tlan pel fua, side glass aṭangin ka tlan liam an rawn thlir vung vung chu ka melh hram, bawihi chuan a hlau deuh ani mahna a tlu tur chu Eric-an a dawm bet tih ka hmu hman hram bawk, na lutuk in steering ka chum dawt, "hreptak a," ka ti chhuak hrawih


Kan in ka luh rualin chak lutuk in ka room lam ka pan, bathroom ah lut in ka in phelh sawk sawk, ka ban chuap mai hian ka hria, engtin nge chunglam ngaihtuah miahlo a kha thil kha ka chum nat em em theih ni, ka in bual sawk sawk, bathroom aṭang ka chhuah rualin ka nu (nuhrawn) ka room ah a rawn lut ve chiah

"Enge i mamawh?" Nelawm loh zet a ti nghut chuan ka thawmhnaw ka inbel mawlh mawlh, tun ah tak chuan ka mihring hmuh peihloh ber a ni awm e, ka khum lu bul a ka hun ka nu thlalak, ka neih chhun ka hun chu a melh zawk, a nernawk bawk

"I nu i zawng tih ka hria ania," elhsen zet in a rawn ti chhuak sup, ka nui hul hak, a hria angchu ka pa nen kan inhauh lai ngaithla miau hek, "i hria angchu," ka ti let nghut, nui hakin, "kha kha a awmna anih kha," tih leh lehkha phek ka khum ah a theh thla nghal zat, rang lutuk a la kangin ka en nghal


"Ka hriat hnuhnung ber a a awmna anih kha," a rawn tih zawmzat, engvang a heng thu hi min hrilh nge maw anih le? A hma zawng pawh a sawi duh silo, "engvang a ti nge inih? A hma zawng pawhin in zep tlat si a," melh ran chung chuan ka ti nghut, a dar a san ak, "tukin khan Malsawmi'n i bialnu pizza girl nen a in inṭhen thuin min hrilh bakah nupui a ineih tur thu a sawi bawk a, tun ah chuan i nu awmna ka hrilh che ahun tawh in ka hria," ati sam et


Phiangsen a!! "Engtik laimah in nupui ah ka nei ang tih ka sawi ngai hauhlo, i duh anih chuan i fapa neih tir rawh ka tih kha," chang fal a tih leh kalpel fua in inhnuai lam ah ka pen thla pawk pawk, ka kut a lehkha chu ka en leh zawk, thenzawl ah maw alo awm reng a, ka nu ka rawn kal dawn e


Motor a thu lut in chak lutuk in ka tlan chhuak nghal, thenzawl lam ka pan nghal vang vang, engpawh thleng dawn nise ka hruai haw anga, rethei tak a awm angai tawhlo ang, ka nu hrawn duhdan ang ngeiin ka pa sumdawn na ah inrawlh ka tum bawk heklo

Ka tlan chak bawk a thenzawl chu reilo ah ka tlan thleng, Aizawl aṭang a hla lo em bawk ani, khaw luh dawn a Motel tih in tarna ah chuan ka lut, room ka book te te, kal chhuak leh in intin chu ka nu thlalak hlui zet ka phone ami nen chuan ka zawt kual, ni a sa in khua a lum em em, ka chau takzet bawk, khaw thet thet thet thleng chuan ka zawt kual, hria an awmlo nge ka nu hrawn hian min bumzawk, beidawng zet a in Pakhat a lut in ka zawt leh


Ka phone en vang vang chuan, "U mahluii ava ang ve, ngawi teh nang pawh hi," ti hluai chuan minen deuh vang vang, "i pa hi Biaktluanga ani mial em?" Uluk zet a min en pah a atih chuan ka bu nghat, nui suk a min en leh in, "i pa i chhun hle mai, mahse i mitmeng erawh inu chiah chiah ini," ati leh sup, "ka nu chu i hria amaw?" Phawk lutuk leh lawm bawk si chuan ka ti chhuak


Bu nghatin, "lo ṭhu rawh, i nu chu kan hnen ah khan a awm reng alawm," tih pah in ṭhut khawmna lam pan chuan ṭhut thlengsei hlui vetawh tak ah chuan a ṭhu thla, ka zui ge vat, "mahse ipa in engmah a hrilh lo che em ni?" Min en haw pah chuan a tih zawmzat, en kawk in, "engthil maw?" Ka ti hû, thaw hak a mit chhing sawkin, "kum liam ta khan a boral tih hi, a bungrua pawh i pa rawn lak vek anih kha, a mak hle mai," ati leh siam siam


A sawilai ka in hum ruh zia chu, ka nu a boral tawh amaw? Chu pawh kum a liam tawh, mahse engmah ka hrelo anih chu!!! "A boral a maw?" Ka ti sup, mak ka tih dan chu pui tak ani, chuai mah chuan ka nu boral em pawh ka hrelo chu ka in haw hluah hluah, "i pa in a sawilo chu amak ka tih rualin, ka tihlohna pawh a awm tho mai," atih leh sep sep


Uluk lutuk in ka ngaithla, "engtia na nge?" Ka ti sep, ka awm ah hian eng amaw in min hnawh up up, thinrimna leh natna in pawlh ni in ka hria, "lung na, kan hriat chhuah kha chuan i nu lung kha thlak alo ngai tawh a, i pa pawh kha vawihnih lai chu alo kal, vawikhat kha chu a nupui a rawn hruai tel ve hial tak kha, i pa khan hmunpui lam pan tur in a duh a, i nu khan aduh ngang silo, in enkawl aiin a fapa hmuh che kha a dil a, chu erawh ipa khan a rem ti ta silo a," ṭah in sumzet chuan a ti chhuak, nghet lutuk in ka kut ka humruh

Kawngkhar lam aṭangin, "mami nu inleng kan nei em ni?" Ka pa ai a la nau deuh tur rawn lut chuan a rawn ti sup, "aw ni e, i rinloh lam daih ani ang, U zau heihi U mahlui fapa anih hu, Zothana tiin kan hria che a, i nu sawi dan ṭhin kha ania, i hmingpum ka hre hauhlo mai, lo zawh na changlah ka hre silo che a, heihi ka pasal, i nu in nuṭa atan a zawn anih hi, keichu Pi Din minti mai dawn nia," ti leh zung zung, chibai pahin ka hmingpum ka sawi ve vat


"I pa i chhun hle mai mahse i mitmeng erawh inu chiah chiah ani, mi luhlul tak, mahse nun nem, rilru ṭha tak mitmeng ang chiah kha ani," A pasal chuan a tih zawm zat, ka nuisuk, mitthla ka tum ngial a ka nu hmel ka mitthla thiam tawhlo, thlalak hlui tak ka kawl tihloh chu a hmel awmdan hmang ka hrethiam tawh lo ani


"Ka nu thlan ah chuan min hruai thei angem?" Ka ti sep, min en deuh kawk, pawn lam en leh chuan, "aa tun tut tut ah nilo naktuk khawvar lam ah kan ti dawn em niang, hei unau hmel hai hun ani tawh si a," Pu zaua zawkin a rawn tih chuan ka lu thing vatin, "tun ah min hruai theih chuan ka lawm khawp ang, Aizawl let leh nghal ka duh si a," ka ti sep, an nupa a in en chuan, "anih leh zanriah ei hma i kal ang u hmiang," tih leh an ding nghal, ka ding ve vat, kan in zui chhuak nghal

"Ka nu nen hian inzawmna in nei em? Ka tih awmzia chu ka hriat danin chhung hnai anei tawh silo a," thlanmual lam pan a kan kal chuan ka ti sep, ka hriat dan chua fahrah ni in ka hre tak tak, "neilo e, kan kawmchhak ah khan in a rawn luah a, thla tam aluah hma in in nei tu nu khan a hnawt chhuak ta mai si a, ṭhenawm khawveng khan mak kan ti a sin aw, i pu zaua hian kan in a insuan lut a chen ho mai a tih tak ah khan duhlo viau mahse pan tur anei silo a, ti chuan kan cheng ho ta a, i nu kha nu ṭha tak, taima leh mi inthlahrung mi tak ani, kan nu pa tan pawh unaunu ang tak tak ani bawk," ngaihtuah let vawng vawng ang maiin a ti vawng vawng, ka nu chanchin ami zia te an hria a, kei erawh ka nu hmel tak ngial pawh ka mitthla thiantawh der silo


"Kan thleng e, kha lai ami kha anih kha," Pu zau'an a rawn tih chuan ka pan hnai, ka nu thlalak mawi zet mai leh a hming nalh fahrna a in ker, thlanlung pawh man to tak ani tih hriat a, mawi zet mai a in ker chuan mawi hle mahse ka awm zawn hi a vit vawng vawng


Ka tlai ani, hei ai hma khan lo zawng ila, kum liam ta te khan zawn na chang lo hria ila tiang hi a thleng awm tawp silo a, ka nu thlanlung hma a ṭhu thla in ka zut riak riak, hreawm tamtak a tuar tih tuman sawilo mahse ka hria ani, ka nu ka ngaih ṭhin ang bawk khan kei a hrin a fapa hi min ngai ve dawn tih lah ka chiang em em bawk


"U mahlu, hei i fapa i sawifo ṭhin kha a lo kal ania, i hmu tiraw? I ngaih thu i sawi nasat theih tehlul nen, hmu ve hmanla ni tur," ṭap chhuak hawk hawk a pi Din'in a rawn tih chuan ka mittui a rawn far kauh kauh, rang lutuk in ka hru vat, ka in khawngaih ai nasa in ka nu ka ngaihtuah in ka khawngaih zual, amal in a khua a har dawn zia ka ngaih ruat ringawt pawhin ka thaw a chham mai dawn in ka hria


Thlanlung zut riak riak pah chuan, "nu, kalo kal asin, tun ah chuan ka vengithei tawj che a, majse ka venhim phak loh ah i awm tawh si a, vawikhat, vawikhat chauh i hmel ka hriat reng theih nan hmuh che ka chak ve asin," seh chilh zet chuan ka ti chhuak, ka hrawk ana ut ut, ka hnar a ping tûn bawk, ka mittui khap let sak sak, ka nu hmel mitthla thiam tawhlo mahila a thusawi erawh ka beng ah hian ala ri ring khawp mai, "mipa inih kha, mipa chu an ṭap ngailo, chaktak in an ding a, an hma a thil awm an tawn tlang ṭhin, mittui tel lo in an hmangaih te, mipa an nih na angin an venghim ṭhin bawk, i ṭap ngai tur anilo," atih kha ka beng ah hian a khawk rum rum

Pu zaua te lam chu ka hawi, ka ding chhuak riai riai, an mittui an lo hru ve mial mial bawk, an chung ah hian ka lawm takzet ani, reilo te chhung mah nise an fel tih ka hria, ka nu pawh kha reilo te chhung chu a khaw har an hnem viau bawk ang


"Heta ṭang hian ka let mai ang, Pu zau," ka ti sep, an nupa in en chuan, "zanriah tal i eilo ang maw?" Anti sep, ka lu ka thing mat mat, "thathar in ka rawn kal leh zawk ang, Aizawl ah hna pawimawh tih zawh tur ka nei si a," ka ti sep, ni e ka pa nen thutam tak sawi tur kan nei, Pi Din'in ka kut rawn hum vang vang a min melh chho kiau chuan, "in enkawl ṭha hle angche, i nu khan a hmangaih lutuk che ania," ṭah in sum zet chuan a ti chhuan ṭawk ṭawk, ka bu nghat nghat
.
.
.
Aizawl lam ka pan leh vang vang, Aizawl ka luh chuan a tlai tawh viau bawk, in kawt ka thlen rualin motor ka ti ding tuar, ka chau deuh nge ka lu ana ut ut bawk, inchhunglam ka pan pawk pawk, midang zawng an mu vek tawh tih hriat takin a reh ṭhap, ka pa lehkha chhiarna room eng va ka hmuh chuan ka nam hawng ṭhuai, a rawn hawi vat


Alam ah ka pen hnai chhat chhat, engtin nge a nun rawng em em theib, a fap nu nhei thi pawh a zep thei ania, mihring ani dawn em ni, "vawiin ah engvang a meeting rawn kal lo nge inih, Zothansang i hna ah i rilru pe tur in ka ti che," alo ti khar khar, tun ah hian ani sumdawn na kha ka buaipui aw zawnglo, ruh lutuk in ka kut ka hum, ka hnek sawk maihloh nan ka inseh ruh zia chu rapthlak tak ani


"Ka nu a boral tih i hria a, ti chuan kei a fapa ngei lak ah hian i zep bawk a, ka pa engthil chiah nge ti a i in hriat?" Ka thinrim lutuk vang chuan ka aw chhuak pawh chang tak ani, a meng kawk, ka nu boral ka hria chu mak ati tih a hmel lan dan ah chuan hai chi rual anilo, ṭawng tum a a kâ a an zuai laiin

"I hre duh amaw? I nu tlanbo chhan leh a thih tak ngial pawh a kan hrilh loh chhan che," ka nu hrawn aw chang zet ka hriat rualin ka pa bula rawn thleng nghal, "hethil ah hi chuan inrawlh suh ka nu," ka ti ṭhawt, a ip chawih, "Zothansanga i aw ki kha ti hniam rawh," ka pa in a rawn ti hrawk, ka nui hul hak, mipa ah pawh pa tak ni ṭhin hi ka thinrim leh rilru nat avangin ka mittui a tla lo chauh, ka meng sen ram

"I nu tlanbo chhan kha i hre duh em? Nangmah, nang naupang leh tihmawh lutuk vang anih kha, Delhi ah khan kal duh ni la inu kha a kalbo kher angailo ang, naupang kum 6 mi luhlul si vang mawle," nernawk nawk pah a a tih chuan ruh lutuk in ka kut ka hum

"A tawk Muani, Zothana a nu kalbo chhan ah khan Zothana thiamloh a awmlo, kei.." Atih chiah ka bul a vase in hung lian zet chu ka kuai let ṭhuai, "a tawk, duhtawk rawh u, kha naupang tih mawh leh luhlul tak khan anu hmangaih na hnuai a seilen kha aduh in ringlo em ni? Dawt, dawt min hrilhin ka nu chu a tlanbo tiin, mahse ka pa nangmah ngeiin i thawn bo thu i sawi kha ka hria asin, engmah hrelo ang a ka awm chhan i hre duh em? Ka nu thu ithiam ani lawm ni? Mizoram ata ka awmbo anih chuan ka nu awmna min hrilh tur thu kha, tenawm lutuk," a au a au chuan mit hnawm chapin ka hma a ding ka nu hrawn leh ka pa chu ka melh ngur ngur

"Ka hrilh lo che em ni?" Ka nu in hneh tu inti lutuk a a rawn tih chuan ka nui hak, "a dik min hrilh ngei alawm, mahse a boral thu i sawilo ani lawm ni? Mihring pawh in nilo," ka ti kha hrawih


Ka nu hrawn lam a pen hnai in, hnai lutuk ah ka din chilh, amit a khap fak fak, "ka pa rosum hi rochun i duh itiraw, tun aṭang chuan ka kut a awm thei thei amal mal in ka la dawn, chu chu i hlauhber ani tih ka hria, mahse i duh hi awlsam takin inei thei tawhlo ang," ha pui ṭhial rap rap a ti chhuak hrawih in ka pa mak ti a ding khawng reng chu melh hrawk chuan chak zet in kawngkhar lam ka pan nghal, khawilam nge ka pan dawn ka hrelo, pawn a car awm ah chuan ka ṭhu lut rwk rawk, chak lutuk in ka tlan chhuak, ka mitthla ah naupang te ka nihlai a ka nu min infiam pui lai vel a rawn lang zut zut, ka nu hmel erawh fiah takin ka hmu theilo, ka nu hmel ka hrethei tawhlo ngawt pawh chuan ka pa ngaihdam theihloh na chhan lian tak ani, engtik ah mah ka ngaidam ngailo tur ang bawkin a phulo hek lo

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:41 pm

IT'S YOU
By floria laldansangi
16

ZUALTEI..POV

Ka phone ri ral ral chu ka kut lehlam a tray chawi chung chuan kala chhuak, Siama hming ka hmuh chuan ka nuisuk, ka pickup rualin, "zanin chu ilo kal ve dawn em? Ka ring che ania," a rawn ti nghal lang lang, diktak chuan party emaw eng party pawh nise ka peih var ngailo, huau huau hi ka lawm teh chiamlo ani mahna


"Ka rawn kal theih pawh ka van ringlo," ka ti sep, ka tray ken chu Mawii ka pe nghal zat bawk, "ka rawn lam thei che ania, bakah ka piancham min lawmpuina hrim hrim ah i rawn kal angai," ati leh ṭalh, ka nui ta hak, Siama hi bawngkawn SBI bank ah manager in a thawk mek, a fel in kawm a nuam takzet, ṭhian siam ka thiamloh tehlul nen min nel ve em em hi amak zawk

"Jacinta'i nen rawn kal kan tum dawn nia, mahse ka awm rei peih miahlo tih ka sawisa," ka tih chuan za zetin a rawn nui hawk hawk, "chung te chu chiang sa alawm, bakah kan lalfapa Zothana kan ngamlo ang," min fiampah a arawn tih chuan ka nernawk, Zothana a sawi chhuah tak ah chuan ni 3 lai a rawn lang ta lo, ni 3 liam ta khan ka hmuh duh tawhloh thu ka sawi anih kha, diktak chuan ka ngai em em, mahse kut min thlak na khan mahni in duh leh chapo na tlang ah mindah ka tilo theilo

"Zan ah kan in hmu dawn nia," tih leh phone ka dah nghal, Zothana hming an lamrik emaw ka ngaihtuah tawh hi chuan ka na veng veng zel, ka hmu duhtawhlo ka ti na in ka chhungril khawi emaw lai hian a beisei ru tlat bawk si, alo kal a, ngeiawm tak tak a minfiam leh te kha ka beiseina ah hian a reh phah chuang silo


"Enge i ngaihtuah leh tak," jacinta'in a rawn tih chuan ka harh zawk, en vatin, "eng mah?" Ka ti sep, awihlo tih hriat zetin, "Zothana anih kha, khatia in ngaihtuah leh ngai leh tur chuan a in sawifiah na te ngaithla ve tho la, diklo takin bul a ṭan tih chu ka hre tho na in, tumah famkim kan awmlo ania, nangpawn engmah ila hrilh theihloh kha," ti duah chuan customers lo lut chu a buaipui nghal zat

Jacinta'i thusawi chu ka ngaihtuah neuh neuh, tumah famkim kan awmlo, kei phei chu Zothana hian ka nunhlui hi hre chhuak tase min ngaidam kher angem ka hrelo, thuruk lian tak ka nei a, ka bum ve tho tihna ani, ka ngaihtuah na avangin ka thaw hak, ka phone phawrh chhuakin Zothana number ka hmet chhuak, ni 3 chhung khan messages tak ngial pawh min rawn thawnlo tih ka hriat chhuah in ka ak leh hmak, be hmasa tu ah ka ṭan chhan tur a awmlo
.
.
.
"Siama hian a hel deuh che anilo maw?" jacinta'in arawn tih chuan ka motor khalh lai anih vangin ka melh zawk, ka nui hak bawk, amah hi ani sia Siam-an a beisei zawk tak chu, hahthlak hian


"Min hel chhan tur a awm hleinem nangmah zawk kha anih ka ring," ka tih chuan a nernawng, ka nui hak hak, min melh zawkin, "teuhlo emai a," uar zet a atih chuan ka nuih a za zual, a laih apiangin a aw rawl a ti sangin a uar thei viau tih kei tluk a hre chiang an awmlo ang


Siama te in kan thlen chuan car in hung a tam viau, a sawm hnem viau pawh ani mahna, kan luh chuan an ri deuh hat hat tawh, Siam'an min hmuh rual a kan awmna lam rawn pan chuan, "helam ah, inlo thleng har lutuk a, ka rawn lam ṭep che u, jacinta i nalh hle mai," a tih zawmzat, jacinta'i lai hmel vel chu nuih a ti za, a hmai a sen tan tan

"Cake kan zai tawh dawn nia, in rawn thleng ta bawk a," Siam'an phur fe a arawn tih chuan nui hakin a kalna lam chu kan pan, cake nalh zet leh lian zet mai an rawn nawrh chhuah chu ka en reng, a nalh takzet


Birthday hla an sak lai chuan jacinta'i chuan Siama chu a melh leh zawk ṭhin, ka lo nui sun sun, "pawn thli thaw ka dawng dawn a nia, ti khan lo inkawm ru," an cake zai zo a ṭhen an lam, an ṭhen duh thawh zet zet a in fawp hmuh hi ka zo velo ni ber ka hria, "i haw duh hun ah min rawn ko mai rawh aw," jacinta'in a tih chuan ka bu nghat


Pawn lam ka pan varanda lian leh nuam zet mai leh khaw thlir nan rem em em ah ṭhutna andah leh dawhkan tereuhte mai an dah na lamchu ka pan, thawm ri hut hut pawh zia awmtak ani, ka hmalam eng tuar chu ka thlir vang vang, khua a vawt deuh vur tawh nen thlasik inṭan leh tak tak tur a huphurh awm takzet


"Kan in hmu leh ta maw?" Kan lam rawn pan hnia pah a rawn ti tu lam chu ka hawi vat, pawn light chhit in a hmel a rawn chhun rualin ka nernawk, "hmuh leh che pawh ka in beisei hranlo a," atih zawmzat, ka sir a chair dang awm ah chuan a ṭhut thla nghal zat bawk


Chhan tin ah ka tin lemloh avangin thaw mai ka tum chu min pawt ṭhu hnawk, rang lutuk in a kut vai sawn pahin, "engthil nge itih?" Ka ti ṭhawt, a nui hawk hawk, rum lutuk in ka melh, "tih hlauhthawn che ka tumlo, in kawm ila ka ti mai ania," a mitmeng tenawm lutuk leh min melh dan ṭawp lutuk chuan ka luak ati chhuak, "ka kawm peihlo che tih hre tur in i mawl lo," ka ti ram hmak, engtin nge Zothana nen hian unau an nih theih zawk, an hmel leh pian, mitmeng zawng zawng in an na pakhat mah an neilo, Zothana ka ngaihtuah chhuah chuan ka ngai vawng vawng bawk


"Ka unaupa i ngaihtuah anih chuan a ngaihtuah awmloh khawp ang, inneih na buaipui in a buai viau ang," elhsen zet a rawn tih leh chuan ka nghing dawt thei, inneih na maw? David-a lam ka hawi vat, nui ṭhu in minlo en chu, "enge i sawi awmzia," ka ti sup, a dar san ak in, "i hrelo em ni? Malsawmi nen an innei vat dawn tih," ti awlsam et chuan a nui vur vur, ka nuih a zat veloh zia chu a rapthlak zawk, ka awmzawn hi ana vawng vawng, chem hriam leh sa tak a vih ang mai in ana, ka lung a phut zawng hian ana veng veng


Ka ṭhut na aṭang muangchangin ka tho chhuak, ka pen sawn tur chu ka ban ah David-ana rawn chelh, "ka unaupa awm tawhloh chuan bul kan ṭan thei angem? I duh ka pe angche nga ka duh minpe ve dawn lawm ni? Thinlung na tihdam dan chu ka thiam ania, ka unaupa ai chuan nuam iti zawk ang," tenawm lutuk a arawn tih chuan na lutuk in ka kut phih sawk a alam hawi chuan chiang lutuk in ka en chho, ka ruih lai a min hneh ang khan min hneh a ring anih chuan a ti sual khawp ang


"Hmeichhe rui sual kha ka nilo a nia, i lei veng ṭha rawh," hriam hrak in rilru natna nen ka ti chhuak, tun ah hi chuan ani nen a infiam tur in chakna ka neilo, a nui hawk, "ti zawk hian em niang?" Tih leh a kut ka lam a rawn phar a ka kawng zawn vel a rawn dek fua chu a ban rek a man chat in ka lam a pawt hrawk chuan ka theih tawp ana in ka hnek ṭhuai, a kat nawk nawk chu a awm ah ka tlawh zui zat, keiai a lian fe, ka chet dan a arinloh lam tawp anih vang ani mahna min khawih let hman thlawtlo, varanda chhuat a a thal tawp chu kal hnaih in, "ka ruih laiin min khawih luih i tum ani mahna, ani tawhlo ania, i kâ veng tawh angche," ti hrawk in ka in her


A rawn nui hak hak, "phiangsen chuan nang hmeichhia mai mai, i pahrawn fa kha pai tlang mai mai ta che," a rawn ti ṭhat, ka ke pen a tawp chat bawk, ka kut ruh lutuk in ka hum, ka hnunglam aṭangin, "ka sawi diklo em ni? Min rawn khawih leh la, nge ni a ka putea fa i tih tlak kha khawvel ka hriat tir zawk dawn? Hmeichhe lepchiah lutuk," Hneh tu inti lutuk a arawn tih chuan muangchangin ka inher


Kan thawm hre pha ho an rawn chhuak sap sap, ni e, he David-a hi a au ring em ani, "enge i sawi ang? Khawvel chu hrilh ta ila?" Ka hnekna kamsir thi ser ser tuai zauh a atih chuan ka nui lui hak, ka ṭah chhuah zia chu rapthlak tak ani, tun ah hian min chhan tur leh ka hma a ding turin Zothana ka mamawh ngawih ngawih hian ka hre bawk

"Ti ta che, i duh chu tila, khawvel hi ka nunhlui i hriat tir dawn nia," seh chilh zet chuan ka ti chhuak, min en haw, ka chhan dan chu a rinloh lam daih ani mahna, alam a pen hnai in, "fiahna ṭha tawk tak inei anihloh chuan min vo(vau) ve tawh suh, i putea an a hmel leh ṭawngkam tenawm zet hmang a a vo(vau) zam mai mai ṭhin hmeichhe naupang kha a puitling tawh tih ilo hrilh tel dawn nia," ti kha fak chuan ka inher hmak

Jacinta'in mak ti zet a min lo en chu ka kut hum ruh a nui lui sukin, "kan haw dawn em ni?" Ka ti sup, ka aw te chu a khur lo chauh, mahse ka hmelma emaw mintihnat tum tu te hma ah hian tlawm tak a awm ka tum tawh aw zawnglo mai, bu nghatin, "Siama kan haw phawt ange, naktuk ah kan in hmu dawn nia," jacinta'in tih pah chuan ka ban ah a rawn vuan, "i ṭha em?" A rawn ti sep, ka bu nghat
.
.
.
Ka phone ri ral ral chu mut chhuak zet in ka dap rak rak, ka pickup rualin, "Zualte, Matt ka nia, kan inhmu lawk thei angem? I dawr ah ka rawn kal ang," atih chuan ka meng diar diar, "ka lo nghak dawn che nia," tih leh ka off nghal, enge Zothana ṭhianpa hian zing zing ah min hmuh duh ni? Tho chhuak chuan ka inti fai sawk sawk

Restaurant ka luh rualin kawngkhar lehlam aṭang Matt a rawn lut ve chiah, kalo nuih sang, a hmel erawh a buai nak in ka hria, ka hriat sual zawk nge, "i dam maw?" A rawn ti sup, bu nghat in, "ka office ah kan inbe dawn ami? Intur i duh em?" Tih pah chuan ka office lam ka pan nghal min zui ve zat, "duhlo mai ang, thil zawh duh che ka neih vang zawk ania," atih zawmzat

Ka office luh rual a couch a ṭhu thla chuan, "engthil nge nita?" Ka ti sep, a hmel buainak chu ka hrethiam lo, rilru hah hmel ngawih ngawih hi a pu, "Zothana, Zothana chanchin ania," ati sep, ka ṭhu ngil nghal at, "enge ni ta?" Ka ti vat bawk

Min en deuh vang vang chuan, "ni 3 liam ta aṭang khan kan be tlang thei miahlo a," thaw hak chuan a ti sep, ka lungphu a rawn rang dawt dawt, enge a sawi awmzia, "enge i sawi awmzia?" Mangan na nen ka ti chhuak, thaw kawk in, "i hre tawh ang tiraw tun a apa nupui hi anu anilo tih?" Min en kar pah a atih chuan ka bu nghat

"A nu awmna a hre tawh a," atih zawmzat, a sawi awmzia kala man lo, anu awmna a hriat chuan chutah chuan a awm tur ani lawm ni? "I sawi awmzia enge sawi chiang law law teh?" Dawh theilo zet chuan ka ti chhuak, "a nu awmna a zawng chhuak a, mahse anu boral a hre zui bawk si, anau Grace-i khan min rawn bia a, tiang hian a bo ngailo, keipawh ka mangang ṭan ani, biak pawh theihloh in ni 3 ngawt a awm tawh si a, a rawn biak che ka ring a," atih chuan ka thaw em pawh ka hrelo, anu boral tih ahriat chuan khawi emaw ah rui in misual kut tuar ta se, ka ngaihtuah ngam lo ka lu ka thing nawk nawk


Ka phone ka phawrh chhuak rawk rawk bawk, Zothana number hmet chhuakin ka call nghal, mahse a in off tlat, ka mangang zual, "Matt hmun dang te in zawng tawh em?" Chiai lutuk chuan ka ti chhuak, "inbeng dai rawh, vawiin hi kan zawng leh anga, a chinchang kanla hriatloh chuan police ah report kan siam dawn nia," ti sup in a ṭhut na aṭang a ding nghal, ka ding ve vat, "ka lo zui ve angche," ka tih chuan min en deuh vang vang, a bu nghat

Kan inzui chhuak hlawk hlawk, a motor a ka luh rualin, "a pa te hian an hria em?" Ka ti sep, rawn ṭhu lut pah a motor ti nung chuan a lu a thing nak nak, "hre rihlo se a ṭha zawk, naktuk mai hi Share holders meeting ani tawh a, David-a te nufa in remchang an zawnloh nan a fuh zawk," a ti leh sep sep, ka thaw ip pik zia chu rapthlak tak ani, Zothana chu khawi emaw ah nikhaw hrelo te in lo awm tase ka ngaihtuah ngamlo


Matt nen Aizawl khawpui chhung a hotel alian ate in kan lut kawi, lunglei lam a a ṭhian te Matt-an a zawt kual reng bawk, ka phone te chu ka vawm chhelo chauh tawh, ka ṭah lah a chhuak et et, a changin a hminglam in ka hau mawlh mawlh bawk

"Zualte rilru ti hah lutuk suh aw, naktuk chuan a rawn inlan ka ring tlat ania," a motor a ṭang a ka chhuak tur chu a rawn ti sup, ka bu nghat na chu min hnem teh chiamlo, amah ngei pawhin a thusawi chu a chiang biklo tih a hmel ah alang reng, naupang chhia ani tawhlo engvang teh hrep a chanchin hriat tur awmlo a bo nge maw anih hrep ni


Matt tlan liam chu en in gate lam ka pan chhat chhat, zan dar 10 a pel thuak, nileng in hotel hrang hrang kan lut in a awmna tur hmun awm a kan ngaih kan lut chhuak nasa, ka chauh zia leh ka nat zia chu pui tak ani, gate lam pan a ka kal chu gate ngheng a kekawr ipte zen ap a ding Zothana ka hmuh chuan ka ke pen ka tawp chat


A rawn hawi ve chiah bawk, a nui suk, ka lung a rawn phu dawt dawt, alam a pen hlawk hlawk chuan ka kuah thlawp, nghet zet in milo kuah let, "bawihi," tham ṭuak chuan ati chhuak, ka mittui a rawn hnam ṭiam ṭiam, nileng mai a ka ngaihtuah na ṭha lo zawng zawng ka neih te kha thawk leh khat a vawm bo ang mai ani

"Mintih hlauh zia hi i hria em? Engvang in nge biak theihloh a i awm? Khawnge ni 3 chhung khan i awm bo Zothansang naupang ini tawhlo," ṭah chhuak zet chuan ka hmiar hmiar, a nui nghawr dat, inlak hran ka tum chu a ai nghet in min kuah, a ngawi vung vung, thaw ala leh hak ṭhin, a lungphu ri dup dup leh a thawk lak dan ka ngaithla ran, anu boral tih ka hria hi ka sawi chhuak dawn nge dawnlo ka ngaihtuah

Ka chhip a fawp vang vang in, "bawihi," a rawn ti sup, inla hrang deuh chuan a khabe hnuai aṭang ka en chho kiau, "vawiin nileng kha rilru hah in ka awm tih i hria em?" Kala lungawi theilo, "i phone tal on tur ini asin," ka tih zawm leh zat, min en vang vang, enge a ngaihtuah ka hre thei mailo, a mitmeng erawh abuai nak thung, na lutuk tuar ang mai hi ani, street lights leh kan gate bul a light chhit avangin in chhiang lutuk in kan in hmu thei, a mitsen ram mai, natna thuk tak tuar leh buai nuaih mai chu hnem thei ila ka ti takzet

Nu leh pa hmangaih na hi ka dawng velo a, ka hrethiam chiahlo, mahse Zothana tan erawh anu kha a engkim ani tih a mitmeng aṭang ka hre thei, "Zothan i ṭha em?" min en ren avang a nuamlo ti lutuk chuan ka ti sep, hnem a mamawh lai a ka hau chiam mai chu ka inthiamlo leh hnu hnawh

Thaw hak a min kuhna thlah in a sam buk laih mai chu a tuai puat, min en leh ngawih ngawih, a hmai kaw duk te,a mitkhur thuk ta duk leh a hmai a hmul ṭo tam ta lutuk te chuan a hmel a ti hlauhawm zual, "hrilh tur min nei em?" A rawn ti nghut, a aw bul zet chuan minti phu dawrh, nichin mai kha chuan minthla hlel ngawih ngawih hmel a pu anih kha


"I nei zawklo em ni? In sawifiah i ṭul tak zet ani," ka ti let sep, a mit ah tak ka en ve ran, zalo tih hriat zet in a rawn nui hul hak, "engtia rei nge zep itum?" A ti hrawih, ka ip chawih, mak ti lutuk chuan ka en, "zo.." Ka tih lai mekin, "ka putea, nilo, i pa hrawn fa chu engtin maw itih a?" Kha zet leh ten hmel zet chuan arawn ti chhuak hrawk, ṭek in mindeng ni mai hian ka hria, ka nghing dawt thei, engkim a hria ani, mahse a hriat dan erawh thudiklo tawp ani tih ka hrethiam nghal


Ka thawk a sak nghal ṭawlh ṭawlh, "Zothan i ngaih ang kha.." Ka tih laiin a kut a vai thuak, "nang hian ani lawm ni ka nun infiam nan a hmang tu diktak chu," a ti ram leh hmak, min melh run chuan a nernawk nawk, min melh dan leh a mitmeng a min ten na ni awm ka hmuh chuan min vit sawk sawk, ṭap tur ka ni, mahse mittui tla tur ka nei hauhlo, ṭawng chhuah tur lah ka nei heklo, ka lei hi phuarbeh ang mai ani

"Ka..ka.." Bah nawk nawk a ka tih laiin min rawn din hnaih in min fawp nawk nawk, min fawhdan chu inhremna ni maiin ka hria, a inla hrang thut, ka kat deuh nak, ka mit a hnawm chap, ṭah erawh ka ṭap chhuak thei derlo, ka hnungzang ah eng amaw in min do ul bawk, "in enkawl ṭha angche," ti leh nghut chuan min kal pel fua, chet na chang pawh ka hrelo, ka ding mawl tawp, ka thaw em pawh ka hrelo zawk

Engtia rei nge ka din ka hrelo, lei ah ka ṭhu thla hnawk, ka nui hul hak hak, tun ah ka nun aṭang ka mipa hmangaih chu ka nunhlui vangin a kalbo chiah anih kha, "hmangaih maw?" Ni e, keihian Zothansanga hi ka hmangaih ani, mahse enge tih theih ka neih? Engmah, ka duh dan ani biklo tih tal hria se chu zawng chu ani ka tih theih awm chhun
.
.
.
Lu na bur in ka tho chhuak, nizan ka mitthla ah a rawn lang, mit ka chhing sawk, zan khua in chhin khat mah ka chhinglo ti ila dawt ka sawi tawplo ang, lu na bur in restaurant ah ka lut, nidang aiin hnathawk ho in min en duh riau in ka hria, an phun ser ser, ngaihṭha lo zet in, "jacinta enge thleng a?" Ka ti sup


Min en haw pahin, "i hrelo tak tak amaw? Nizan a i mut theih miahloh chhan kha anih kalo ring a," a tih chuan ka en leh hâ, enge maw a sawi le, "enge i sawi awmzia?" Ti hû chuan counter ah ka ṭhu thla nghal zat, ka hma chanchinbu awm chu kala kang inka en nghal nghal zat

A phek hmasaber a thu inziak chuan min deng dawt, ka awm zawn a ah min vit sawk sawk hian ka hria, ka thawk sak zia chu rapthlak tak ani, boruak hip tur ka nei ta lo emaw tih mai tur in ka thawk a sak, thawk lak tum in boruak a tam thei angber hip tum chuan ka ang kawk kawk, mahse ka thin hi ana lutuk, lak chhuah daih ang mai hi ani

Ka ṭhut na aṭang muangchangin ka ding, "Zualte i ṭha em? Mawii chanchinbu hi paih rawh ka tih kha," a tih zawmzat, ka nui hul hak, kawngkhar lam chak lutuk in ka pan, engvang a Malsawmi hi in hualpui nge anih ka hrelo, mahse ka in sawifiah a, thudik ahria anih chuan a neih kher angaihlo ka ring nghet bur ani, ka ring ani

Ka car la chhuak in chak lutuk in Zothana office ka pan, ka thlen rual a car pawh hung ṭha lo chuan, chuak rawk rawk in lift ka hmet nawk nawk, lift ka nghah chhung pawh chu rei ka ti takzet

A office ka thlen chuan a secretary alo ding vat, ka lut thlang tur milo dang in, "ka pi appointment ineihloh chuan ilut theilo," alo ti chu ka melh hrawk, ka tlan na ah ka hah em avangin ka ṭawng mai theilo, "Zothana ka be suh," thaw hlawi hlawi chuan ka ti chhuak, min en vung vung chu ning zetin, "lut la ka hmu duh tih hrilh ta che?" Ka ti hrawk, bu nghatin a tlan lut nghal


Reilo ah a rawn chhuah rualin kawngkhar ka luh na tur min hawn sak nghal zat, kawngkhar a hawn rual in ka inrin tawkna te kha a chhem bo vek ni maiin ka hria, ka zam zia chu, Pathian hma a in sawifel tur ang maiin ka in ngai, a danglam teh chiam in ka ringlo bawk, ka kut thlan dap chu ka kawr ah ka tat tawk, boruak hip kawk a thaw chhuak ham ham a in seh ruh chuan ka pen lut ṭham ṭham


Min rawn melh zawk, a hma a file awm a melh leh nghal, "mamawh inei em ni?" Ati bul hmuk, Zothana ka hriat ṭhin kha khawnge a awm tih ka thinlung ah a rawn ri nghal, a hmel landan nelh awmloh lutuk te chu midang daih ang mai ani

"Sawi tur ineih loh chuan hna thawh ka ngai tih i hmuh ka ring," a ti leh nghut, ka chil ka lem khalh, ka in sawifiah thei, nilo thudik ahriat angai ani, thudik hrelo in tiang hian kan tawp ngawt theilo

"Ka..i..in sawifiah..." Ban chap chap a ka tih laiin dawhkan ah a file keu chu a khup ṭhuai, ka ip chawih, "i sawi duh sawi la chhuak rawh," a ti hrawih bawk, vawikhat pawh minla melh lo, nilo ka luh tirh a min en zawk bak kha a hma a file ala en ngar ngar, chu ringawt pawh chuan min hmet hlum mai dawn in ka hria, "ka.." Ti leh sup chuan mit chhing sawkin thaw ka la kawk

Ka mittui a rawn luang pap, ka hru tawk, ka nui hul hak, engvang in nge ka nun hi a buai chuar em em bik ka hrethiamlo ani, "in sawifiah ka tum lo," ka ti sep, chawl dat chuan, "nuih na chang pawh ka hriat tawhloh hnu leh tihluihna tel miahlo a mi â ang mai a min nuih tir ṭhin tu chu i hming Zothansanga hi ani," ka sawi zawng chuan ka ṭah chhuah mailoh nan ka hmui ka pet fan fan, ka hrawk ana ut ut bawk, engvang a chuthu chu sawi ngawt nge ka nih ka hrelo, mahse in sawifiah emaw thudik hrilh in awmzia aneihloh zia a hmel chang rût mai ah chuan alang reng, ka tumna pawh vawm bo ang mai ani

"Ka nunhlui vangin ka inhua a, chuai nasa in ka hmangaih vang che in ka in haw zawk, ka..ka.. Nupui ineih tur ah lawmpui che ka duh mai ani, ka lawmpui che," insawifiah a, thudik hrilh vek mai ka duhna kha vawikhat pawh min en duh tawhlo tu hmel ka hmuh hian in sawifiah in awmzia aneilo tih ka thinlung ah hian ring lutuk in a ri nawn, ka mittui vang a chelh thei ni in, a ngaihdan thlak thei ni ila ka ṭap in ka ngen mahna, mahse chu chuan awmzia aneih loh zia a hmel rum lutuk ah sawn ka hmuh hmaih lo

"I sawi zawh chuan i chhuak thei tawh ang," ti nghut a a ṭhu na aṭang a rawn ding chhuak a min melh zawkin a inher hmak, min hnung chhawn zawngin kekawr ipte zen at chuan a ding run, a hnunglam aṭang a pian nalh tak mai, dar pharh hlai zet, inkhai fithla thlarh mai chu a tawp nan ka en vawng vawng, engtik ah mah saw ataksa nalh leh lian tak mai, a banbul hrawl leh tha hrui ngah takah sawn ka bei in, minkuah in ka himna kulh ani tawh dawn lo tih ka hriat chuan ka thi mai dawn in ka hria, ka nui suk, ka tan hian hlimna antih leh hmangaih tih hian awmzia aneilo ani mahna

Muangchangin ka inher, kawngkhar lam ka pan chhat chhat, ka pen leh tur chiah Malsawmi rawn lut nen kan in tawk chat, kan in melh ta ran mai, hneh tu inti zet a hawi vah in, "min lawmpui tur a rawn kal inih ka ring a," elhsen na a khat chuan a ti chhuak, ka mittui tla tur chu ka khap let sak sak, heng ho hma ah hian ka mittui farkhat pawh tih tlak ka tum tawh awzawnglo


Ka nuihluih sak, ka mitmeng ah erawh ka nuihzatloh zia mi â ber pawn an hre thei ang, ka kut a melh zawk, anui hak, "ka ring dik chiah ani, honey zungbun kan en angaih kha i hria angchu tiraw?" Min enreng chung chuan a ti no nghal, ka kut ka en ve vat, chanchinbu kha kala hum reng tih ka hre chhuak chiah, nghet lutuk a hum khawr rawp rawp in, ka nui hul hak

Malsawmi lam a pen chuan a kut la kang in ka hmeh bel nawk nawk, "ka thinlung zawng zawng in ka lawmpui che, unaunu, nupa hlim tak ni angche u," chiangfek fawk a ka tih chuan a meng tal nghal rawk rawk, "i unau.." Atih laiin ka kut ka vai thuak, "keimah chiah hi he khawvel ah hian nunhlui thup ka awmlo tih inla hre chhuak thuai ang," Zothana ding ngawi ngul, min hnung chhawn tlat tu tih chhan zet chuan ka ti chhuak hrawih, nui hakin Malsawmi min melh rawm rawm chu su deuh salhin ka pen chhuak

Kha office lian leh bungraw man to tak tak in hun na hmun ah khan ka tan thawk ngaih na a awmlo, mahse a ai thawpik in ka awm ni hial in ka inhria, ka thin na lutuk chu ka awm a kut nghat in thawk laktum in boruak ka hip, ka thaw a chham mai dawn in ka hre hial ani

Building lian zet mai kawt ah chuan ka ding vang vang, ka mittui a rawn luang ngiai ngiai, khawpui a rawn ri rum rum, ruah a rawn baw hawk, nikhua te chuah chuan ka natna min hriat thiampui ani mahna, Zothana office zawn chu ka en chho vang vang, ruah sur kar ah chuan ka ding tlawk tlawk


"Zualte," Eric-a aw ka hriat chuan ka mittui ka hru vat, min rawn din hnaih pahin, "kan haw dawm em ni?" Ti sepin nihliap min rawn zawn nghal, Eric-a lam hawi chuan, "Hmeichhe tamtak ang a nun ka duh a, min hmusit in, min nuihzat mahse nun kala duh ve fan, chu chu ka tihsual em ni? Ni e, ka nunhlui ka hrilh loh avangin ka tihpalh ani, mahse nun khaw chhuah a, tuma tihbuai leh tihnat na tel lova nun ka duh ve asin," mittui luang ngiai ngiai chuan ka ti chhuak ṭuak, ka aw chu a ri chhuak chang chang ani, ṭap chung chuan ka nui hak, "ka nunhlui tel lo a ka nun hman chu a sual viau em ni?" Ka ti chhuak hrawk, thei ni ila nun hi a bul te aṭang a ṭan duhber tu ka ni angchu, nu leh pa ṭha tak kar a seilian nih te, hmangaih na dawn te ka duh ve tho a sin, ka nunhlui te kha ka duhthlan an ni bik awzawnglo

Eric-an min rawn kuah pahin, "i nunhlui avangin ka kalsan ngailo angche," a tih ka hriat chuan ka ṭap khur dar dar, Zothana thusawi ni zawkse kala ti fan ani, mahse chu chu ka tan chuan van a rah ang ani, ka dam chhung sawiloh ka thih hnu piahlam ram ah pawh a thleng in ka ringlo

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:41 pm

IT'S YOU
By floria laldansangi
17

ZOTHANA...POV

Rilru na tih hriat zet a ka office Zualtei'n a chhuah san chu en hreawm ka tih em avangin ka hnung chhawn tlat, a chhuah hma a a thusawi min tih chhan tih hriat ngawih ngawih te chuan ka kut ka hum ruh ran

Kawngkhar ri rak ka hriat rualin ka inher, dawhkan a file leh thildang in hung chu na lutuk in ka hui thla ṭhuai hlawm, ka hnek ṭhuai bawk, Malsawmi chu rum lutuk in ka melh, ka thaw hrawih hrawih bawk, ka thinrim na chu engah mah ngailo tih hriat zet in, "Honey zung bun chu kan en dawn em niang?" No nghalh in a rawn ti sup, "chhuak rawh," ka ti hrawk, a nui hak, "Zothan hetiang hian minti theilo tih i hriat kha," a rawn ti let ve khar khar, ni e, tun ah chuan ani mahna, mahse rei a rial hauhlo

"Min nei ani mahna, ka hmeichhe hmangaih erawh Hmangaihzuali ani," seh chilh zet chuan ka ti chhuak hrawih, "i kâ kha chip rawh Zothansang ka pawi sa lo ka tih kha," a ti tuar, za lo lutuk in ka nui hul hak, "kanla hria angchu," ka ti nghut, couch lam pan chuan thlanglam khaw thlir nan ka office hi abang darthlalang vek ani, building kawt a ruah sur kar a ding ka office lam rawn dak vawng vawng ka bawihi ka hmuh chuan ka pen hnai salh

Darthlalang chu ka chum dat, hmanhmawh lutuk in office ka chhuah san, "Zothan i thutiam a i dinloh chuan ka tih tur i hriat Kha," Malsawmi min auh pawh chhanglo in lift ka hmet rawk rawk, building kawt ka thlen rualin Eric-an ka bawihi lam nihliap nen a pan ka hmuh chuan ka ding dat

Bawihi thusawi ka hriat chuan ka kut ka humruh ngat ngat, a thiamloh a awm miahlo tih ka hming ka chian tluk hian ka chiang ani, a sawidik chiah bawk, min hmangaih hi a ti sual takzet ani, keimah vangin tiang takin a retheih na kabelh dawn tih hria ila ka hnaih hauhlo tur

Ka ban a Malsawm'in a rawn vawn chuan thing thlak mai ka tum a Zualtei leh Eric-a an rawn hawi chiah ka insiam rem vat, Malsawmi kawng a peihlo zet a kuahin ka lam ah ka pawt hnai salh, bawihi mitmeng a tuarna sawn ka tum zawng zawng ṭhulh vek a akut vawn mai min duh tir tak ngial dawn in ka hria, chak lutuk in carpark na hmuh an Malsawmi chu ka kuah thla nawk nawk , ka tukkhum za deuh mer mer ah chuan bawihi'n min en reng tih ka hre thei, ka taksa hian saw a mitmeng fiah kak a min en na hi a hre chiang lutuk mah mah ani

Ka motor zawn ka thlen in Malsawmi ka namsawn dawrh, "nangmah in zungbun chu i en dawn nia," tih leh motor a ṭhu lutin chak lutuk in ka tlan chhuak nghal, building hma a Eric-an bawihi a motor a a ṭhut luh tir chu ka hmu hman hram, na zet in steering ka chum dawt, engkim hi ka chinfel vat angai tih ka hre chiang hle bawk

In ka luh rualin, "vawiin ah share holders ho i hmu tih kalo hria a," inchung lam aṭang a ka nu rawn pen thla pahin a tih chuan ka nui hak, engkim mai hi alo hre zung zung hi a fakawm takzet, "i hria anih chuan in zawh angai em ni?" chang fal a tih leh kai lawn ah ka pen chho nghal, a zawn ka thlen chuan, "ka sawi tawh kha, ka duh chu a mal te te in ka nei dawn tih," ti leh nghut in ka kal pel fua

"Khatiang te mai khan mintih chhiat theih chu i ring em lo ang chu maw?" Elhsen zet a arawn tih chuan ka ding dat, "tih chhiat che ka tum hleinem ka nu, ka nu ini tlat alawm, kei min buaipui hman in tunlai chu i khawsalo deuh in ka hria," ka ti let nghat, ka lam rawn hawi in ṭeng zet in, "Zothansang min vo tihna em ni?" A ti ṭhat


Alam hawi a inher in amitsen ram chu ka melh let, ka dar ka san ak, "naupang luhlul tak hian engtin nge a nu hi a vo ngam ang ani, i hria a lawm i bialpa damdawi ken an man buaipui tur inei zawk tih chu," nui suk a ka tih chuan a mitmeng a i thlak rawp rawp, ka nernawk, ka room ka luh rualin khum ah ka bawk thlawp, ka chau in ka hah takzet, Zualtei ka ngai a, kuah a amah aṭang chakna tamtak lak ka mamawh takzet ani


Cupboard aṭang whisky phawrh chuan ka thli chhuak, "enge thil awmzia hi, i sawifiah ngei chu angai ang?" Matt ka room a rawn lut pah a atih chuan couch a ṭhu thla hnakin, "i hmuh ang kha ani mai," ka ti sup, ka bul a rawn ṭhu pahin, "Malsawmi neih itum chhan hi ka hrethiamlo ani," ati hap, keipawh hian thei ila neihloh ka duh takzet, neih ka tum heklo


"Zualte'in a hre tawh em?" Tih pah chuan whisky chu a inthlit ve nghal, ka bu nghut, bawihi hming alam chuan darkar reilo te liam ta a hmel kha ka mitthla ah a rawn lang ka thaw kawk, a mit a natna te, a aw a tlawmlakna te, natna a khat te kha ka hmuh hmaih hauhlo

"Engchiah nge i thil tum chu ka hrelo na in a ṭhalo ka tihpui khawp maiche," a tih leh chuan ka kiai suk, "duh thlan tur dang ka nei silo anih hi," tih chiam mai ka duh, tun ah hi chuan Zualtei nu kâ chip tlat chhan leh a fanu a hmangaih em em a hlat tlat chhan kha ka hre chiang ta lutuk ani, chutiang bawkin ka nu in ka pa kut a min enkawl tur a min kalsan chhan pawh, a chang hi chuan kan hmangaih te an him zawk nan kan hlat tak a awmtir kan mamawh ṭhin tih hi
.
.
.
"Board meeting i koh chhan hi ka hrethiamlo ani, naktuk mai ah CEO thar kan thlang dawn a, i hlau chu ani em lo maw?" Meeting room a ka pen lut tur chu ka nu in a rawn ti nghat, ka nui hak, alam hawi chuan, "ka koh chhan in hre thuai dawn alawm," tih leh ka pen lut nghal, ka pa leh share holders dang an lo awm ṭhap tawh, ka ṭhut na tur a ka ṭhut rualin, "vawiin a meeting i koh chhan chu ngaithla ila," ka pa in a rawn tih chuan ka ding nghal


Ka secretary in paper a sem nghal zung zung, "heihi enge?" David-an a rawn ti ṭhat, ka dar san ak in, "i hmuh ang khan thla hmasa a kan bungraw hralh chhuahna record anih kha, 10% ah 6% kha mimal account ah lut in a bak 4% hi company ah alut tih in hmu ang," ka ti fak fak board member ho an phun sap sap

"Heihi a prove na inei hauhlo, fiahna awmlo in board meeting i ko chu ani em lo maw?" Ka nu in dik inti fe a arawn tih chuan ka bu nghat, bang a screen lian zet on pah in, ka melh zawk, a meng kawk, "khi khi enge anih i hria ang tiraw? I account chet vel dan ani," ti sup chuan ka hmet sawn leh, "heihi tun a kan department head director account chet vel dan ani bawk," tih zawmzat chuan an lam ka hawi, "fiahna dang ala ngai em?" Nui suk a ka tih chuan ka nu hrawn thinrim zetin dawhkan a beng ṭhuai


"Heihi siam chawp anih hi," a ti ṭhat, kawngkhar rawn in hawng rap ah chuan kalo nghah reng police an rawn thleng nghal zat, "hei engthil dang nge?" Ka pa in a rawn tih chuan ka nu hrawn melh ran pahin, "ni 4 liam ta khan ka hotel riahna ah tu tih hriat loh in min that tur in mi tu emaw a rawn tir a, mahse kala thi ta silo a," ka dar ka sak ak, "thah tum tu che chu he room ah hian an awm ve itihna em ni?" Ka pa in a tih chuan a nui hak, David-a chu a meng tal nghal tap tap

"Pi lalthlamuan company pawisa ti ching pen tu a puh ini a, i ai a dingtur in lawyer i ruai thei bawk ang, khawngaih in min zui dawn em niang?" Police officer pakhat in atih chuan ka nu chuan rum lutuk in min rawn melh, police dang an rawn thleng leh chiah, "tunge David lalramdina?" An rawn tih chuan kan en ṭhap, "ke..k..keimah," ati bah nak nak

Ka nui hak, "tualthah tum thubuai ah man ini, i ai awh a ding turin dan hremi i ruai thei ang," tih leh an nufa chuan handcuff an bun tir nghal zat, board member ho chu hawi hai tak an ni, an phun ser ser hlawm


Kawngkhar lam an pan pui chu ka nu hma a ding in, "ka sawi kha, min buaipui hman ini lo tih," ka ti sup, mitsen ram mai a min melh let chuan, "ka tawp mai iring em ni? Ka kâ ka ang anih chuan i pa mai nilo a company chawp hian a tlu chhe thei tih i hria ang tiraw?" A ti khar khar, ka nui hak, "ka pa mualpho na leh a sumdawn na ah ka buailo ka tih tawh kha, ka nu lak a i chet dan kha ka rul mai zawk che ani," ka ti fiah ṭhak, anui hak, "i nu ang chiah a mawl ini," elhsen zet a atih chuan nghet lutuk in ka kut ka hum

"Ka nu ang mai mai kha chuan min bum theilo ani lawm ni? I case hi ala pun belh dawn ania," ka tih chuan a meng kawk, kun hniam in a bengbul te ah, "i unaupa pawhin a rawn zui vat dawn che," ka ti sup, a tal phat chu police in an man bet nghal, "Zothansang nanghian min tih chhiat theih i ring em ni?" Ti tuar tuar chuan room a ṭang an pawt chhuak

David-a an rawn hruai phei chu ka en ran, "ka tawpna ah ngai suh angche," ati ram hmak, ka dar ka san ak, "keinilo in i sawn thlakna buaipui hmasa zawkla," tih leh kawngkhar lam ka thle zauh, a meng bial kawk hi ani ber, "phiangsen che hian," ati ṭhawt ka nui hak

Pawnlam ah media ho in an bawr luih luih, "tikhan kei chuan CEO thar zawn ngai ah pawh ka dah tawhlo," pakhat in a rawn tih chuan ka hawi vat, an ding sang sang hlawm, ka dar ah an rawn beng thak thak, "iti ṭha lutuk," an rawn ti sap sap

An chhuah rem hnu ah ka pa lam ka en min en vung vung a rawn nui sukin, "i thawk rim e," ati sup, ka nernawk, "itan a ti ka nilo tih i hria angchu," ka ti nghut, nui vur vur a ka lam rawn pan a ka dar a beng thak thak in, "ka hria alawm, i nu nen kan inkar a thil thkeng erawh engtikni ah emaw chuan ila hrethiam em em ang," ti sup in kawngkhar lam a pan nghal, ka thaw hak

Ka sir a chair pawt chhuakin ka ṭhu thla hnak, mit ka chhing vang vang

***FLASH BACK 3 days ago**

"Zothan heihi ka theihnghilh dawn, i nu khan a boral hma khan lehkha hi pe tur che in minti a, i rawn lan ngei a ring a, a ring dik chiah ani," Pi Din'in atih chuan ka lo ban vat, "i pa hi haw lutuk suh aw, kim chang in ka hrelo na in i pa khan i nu hi venhim atum tih chu ka hria ania," nui var var a atih chuan ka nernawk, ka pa mahni hmasial tak hian chu chu a tum hauhlo ang

Aizawl ka thlen chuan zan dar 10 a pel thuak, kawt ah ka motor ti ding dat chuan Pi Dini lehkha minpek chu la kangin ka en vang vang, a hlui tawh tih hriat takin lehkha phek pawh a uk deuh kharh, ka pharh riai riai, ka nu kut ziak ni ngei tur pherh ve tak mai ka hmuh chuan ka nui suk, a kut ziak ah hian ka chhun hle tih ka in hrethei, a chhan chu ka kut ziak khet kher hi chu ka chhuang teh chiamlo

"Ka fapa Zothansanga he lehkha i chhiar hi chuan kei chu he khawvel ah hian ka awm ve tawhlo ang, engkim ah hian ka thiamloh ani tih hre hmasa phawt la ka duh ani, i pa hi haw miah suh tih ka chah duh bawk che, ani chuan min venhim nan heng zawng zawng hi ati ani tih hrethiam la ka ti takzet bawk

I pa nen hian kan tleirawl lai aṭang in hmangaih kan ni tih chu i hriat ka ring, mahse kei fahrah enkawl na aṭang a seilian ve mai kha i pa chhung te khan mo a tan min duh miau silo a, i pa in, i nu(nu hrawn) nupui atan neih a remtih thu ka hriat khan ka rilru nat zia kha engmah in min hnem zolo ang, retheih na ka hua a, i pa ka hmangaih vang pawhin ka in haw hluah hluah, i pa nupui neih ni te khan khawvel hi chhuahsan vang vang mai ka duh rum rum, ti chuan Aizawl chhuahsan in lunglei lam ah ka awm ta a, tah chuan ani i pa, nangmah hring tu hi ka tawn ni," ka chhiarlai chuan ka meng kawk, ka pa maw? Anih chuan min enkawl tu ka pa hi ka thisen zawm anilo amaw? Hmanhmawh lutuk in thuziak chu ka en leh nghal

"I pian na pa nen hian in ngaihzawn na em em awmlo in kan inru ve tawp a, i oa lak a ka rilru na te a dam ka rin vang ani, ka chung ah a ṭha em em a, ka tan engtik lai mai pawh khan pasal anih piah lam ah ṭhian ṭha tak ani tel bawk, mahse vanduai thlak takin kan chuan na bike truck nen in su in i pa erawh chhan hmanloh in a hmun ah a boral nghal ani, chu chu ani i pa(enkawl tu) nen a kan in tawn leh na ni, mahse khatih lai khan ka pum chhung ah thla 5 mi nau ka pai mek che a, accident na a mawhphurh na zawng zawng ka chung ah atla ta vek mai si a, kei raipuar belh tur neilo kha ka va mangang si em!! Pathian pawh in min hawisan ta emaw ka ti hial ani

Ti chuan i pa hian an in ah min hruai haw in, a fa ka pai thu a nu leh pa a hrilh ta rup mai a, khathil em kha chu ka beisei na piahlam ani, mahse kha thu hmang a min hum anihloh chuan tualthat tu angmaiin case ka awrh dawn si a, chutih lai chuan i unaupa David-a erawh kum 1 mi ani tawh, i nu(nu hrawn) rilru na hmel mawlh kha, tu hmeichhia in nge mahni pasal ten hmeichhe dang hruai lut a rilru na lo awm ang ni? Ka thinlung zawng zawng in ka hrethiam in ka dem hauhlo

Ti chuan i pu khan intiamna min neih tir in, kum 6 inih thleng i bul a cheng tur leh kum 6 hnu a vawikhat mah i hma a inlan tawhloh ani, ka hringnun a ka thuthluk tawh a ka inchhir ber ṭum ala ni hial ang, nitin mai khan ka ngai che a, naupang hmelṭha leh duhawm tak mai ka fapa kha kuah a, fawh te ka chak ṭhin mahse ka ât luat leh dawih zep luat ah ka tlanchhiat san che, chu chu ka nun a ka thil tihsual lianber ani bawk

Ka fapa nitin mai hian kha ka thuthlukna kha ka inchhir tih min hriat sak la ka va ti tehlul em!! I pa tan phur rit tak ka hnutchhiah a, ani erawhin hmangaih na leh duhsakna in a enkawl che tih ka hria, engkim hi i kut vuan a kim changtak a hrilh che ka chak ṭhin, mahse i pu lak ah leh i pa lakah ka intiam a, thi dawn pawh ni ila i hma a inlan loh kha, ka ti hlawh tling ngei dawn ta anih hi, ka fapa i pa hian a hmangaih lutuk che ania, a hrin inilo chung pawh in a nupui leh i pu te, khawvel lak ah zepin hmangaih takin a enkawl che tih hrereng angche, fahrah tur leh rethei tak anung tur kha a thlazar hnuai ah a hui che tih hre reng angche, ka hmangaih ai nasa in a hmangaih che tih hre bawk angche," ka nu kut ziah pherh zet mai ka chhiar zawh chuan ka thaw em pawh ka hrelo, keihi ka pa fa ka lo ni reng reng lo anih chu!!!

"""END OF flash back***

Ka phone messages rawn thleng ri ral ral ah chuan ka ngaihtuah na aṭang ka harh zawk, ka mit alo hnawm leh chap tawh, ka nu lehkha ka chhiar aṭang khan ka pa hi kala hua em ka hrelo, mahse ka lak a heng thu pawimawh tak tak a zep hi kala thinrim fan in ka in hria

Ka phone ka en rualin ka ding nghal awt, Eric-an ka bawihi motor a apawm lut lai ani, hmanhmawh lutuk in ka call nghal, "engthil phiangsen nge bawihi chung ah thleng?" ka ti ṭhawt, "ka pu club ah kalin a rui lutuk amah in a haw theilo ani," bawihi enzui tur a ka mi chhawrh in a rawn tih chuan thinrim zetin dawhkan ka beng ṭhuai

Thinrim zet a phone off in ka tlan chhuak nghal, car awmna lam panin ka ṭhu lut rawk rawk, a ruihlai a Eric-a phiangsen in chance lak atum anih chuan ka that duh hial ang, bawihi inlam chak lutuk in ka pan

Ka thlen rual a chhuk rawk rawk chuan kawngkhar ka chum dawt dawt, thpeng tla keh chuai ri ka hriat phei chuan ka chhir zawt zawt, "Hmangaihzual kawngkhar hi hawng rawh," ka ti hrawk hrawk bawk


Kawngkhar tih chhiat ka tum mek laiin a rawn in hawng ṭhuai, Eric-a hmel ka hmuh rualin ka rek chawt, "engthil phiangsen nge itih?" Ka ti ṭhawt, bawihi sam thur leh ruih nei tih hriat tak a room aṭang a rawn pen chhuak ka hmuh chuan Eric-a chu ka nam sawn dawrh

"I ṭha em? Na inei em?" Hlauhthawn hmelzet chuan ka ti nghal ka en kual nghal thuak thuak, mak ti zet leh mitmeng pelh phang a min en hau chuan, "Zothan," mittui tlingpam chuan a ti chhuak sup, ka harh zawk, ka mengkawk, ka ngaihtuah lutuk luat ah engthil nge ka tih hi, "i ṭha em?" Ka ti nawn leh sup, a rim tak lutuk leh zu rim nam hum hum chu thawk ati hre awm mah mah, mit meng buai nakin min en kiau, na leh engmah aneilo tih ka hre nghal, ka ngaihtuah lutuk luat a thil ṭha lo lo ka lo suangthuah ani, "ka tihpalh," tih leh ka inher nghal hmak, ka kawng ah a kut rawn suih bet chuan ka hnungzang ah a bei thlawt

Ka ding khawng at, "engthil nge itih?" Vin hrawk ka tum ania, he a kut tereuhte te leh taksa nem tak maiin min kuahbeh ve ṭai tawh hi chuan ka aw mai nilo ka taksa ka kaw chhung thleng hian a thunun, "minla ngaihtuah ve ani tiraw?" Ṭah insum tih hriat zet chuan a ti chhuak ṭuak, ka thaw kawk, ka ngaihtuah mai nilo in heng zawng zawng hi atan ani tih hrilh ka duh takzet

Min kuahna chu muangchangin ka phelh sak, "i rui anih kha mu rawh," ka ti sep, ka nuilui hak, "dawt min hrilh tu leh nunhlui tenawm tak nei a thupbo tum tu hi ngaihtuah chhan tur ka nei em ni?" Seh chilh zet chuan ka ti chhuak ka mit ka chhing sawk bawk, a ṭap tih hriatzet in a hnit feih feih, alam hawi a kuah a, ka hmangaih thu hrilh mawlh mawlh mai ka duh, mipa ah pawh pa tak inti ṭhin khan hlauh ka va ngah sawt ta si em!!!

Kawngkhar lam ka pan chhat chhat, Eric-an rum mang kheng a milo melh chuan, "inbe teh ang," ti nghut in kawngkhar ah a oen chhuak nghal, ka chhuah hma chuan bawihi kun lap a ding chu ka melh leh zawk, thawh phut a let leh a kuah vawng vawng mai ka duh, chak lutuk in kawngkhar ah ka pen chhuak, ka taksa hi ka thunun theihloh mai ka hlau ani


Ka motor bul a Eric-a ding runlam ka pn, a bul ka thlen rual in min hnek ṭhuai, khawih let chhan tur ka neilo, ka phu ve reng ani, "nang hian engzât a tam fakau nge Zualtei mittui hi tih thlak itum?" ati ṭhawt, chhan dan tur pawh ka hrelo, theih nise a mittui ti tla tu nilo in kuah a hmangaih tak a enkawl tu nih ka duh ve tho a sin


Ka kawrawm a rawn ṭham nawk in, "keihian Hmangaihzuali hi nupui ah ka nei dawn ani, engpawh thleng dawn se ka ta ah ka siam dawn," ti hrawk in mi nam kat nawk, ka kut ruh lutuk in ka hum, min su deuh sawk chuan, bawihi inlam a pan chu ka din ngai ah dingin ka en ngai ka en tlawk tlawk, motor bang ka chun dawt, ka sam ka tuai puat


Ka phone phawrh in Malsawmi enzui tur a ka mi rawih ka call nghal rawk rawk, "hmuh chhuah inei tawh em?" Ka ti hrawk, ka bawihi hi ka chan theilo, nilo, ka chan hlem aw kawnglo ang

"Ka pu a chen na leh a hnathawhna hmun engkim ka dap chhuak tawh, video leh voice record engmah a awmlo," a rawn tih chuan thinrim zet in motor bawk ka hnek leh ṭhuai, phiangsen chuan!!!


"Mahse thildang hmuh chhuah ka nei ani," a rawn tih chuan ka ding ngil at, "engthil nge?" Ka ti vat, "ka rawn thawn tawh che kha, i en thei ang," atih rualin phone ka off nghal, ka thlalak dawn ka en chuan ka hnai kawk, ka nui hul hak, tun ṭum erawh engti kawngmah in i chhuak biklo ang, video emaw voice record pawh nise hmanrua ah i hmang rei tawh bik hauhlo ang

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:41 pm

IT'S YOU
By floria laldansangi
18

ZUALTEI....POV

Ka lu na ut ut chuan min ti harh, min tur ut ut hian ka hria, ka ṭhu chhuak hlawl, ka mit chhing sawkin ka bek ka dawm vang vang, thaw kawk in ka hmai ka tuai puat, nizan khan Eric-a club ah khan ka rui hle anih kha, chuan engthil nge thleng, nilo..nilo, keihian Zothansanga ka chelh anih chu!!! Rapthlak hian!!! Ka kut a zungbun pawh!! Nilo!!!


Ka thaw kawk, keihian Eric-a zungbun minpek ka pawm anih chu!!! Engthil phiangsen nge maw ka tih hi le? Ka hmaih ka hup vawng vawng, ka â tawh ani khawp ang, ni e, ka â tawh takzet ani

Ka room kawngkhar rawn in hawng ri rek ah chuan mit thip ramin ka en, "i harh ta maw? Heihi in rawh, khawizu tui anih kha," tih leh min rawn pe nghal, kalo ban vat, ka in nghal khawlh khawlh, jacinta'i chek tlak tlak chu melh zauh in, "jacinta, nizan ah engthil at thlak nge ka tih?" Mangang zet chuan ka zawt, nui hakin, "engmah tih ineilo, inti fai rawh," atih chuan awihawmlo zetin ka nernawng, mit ka chhing leh vang vang, ka hriat zawng chu Zothana ka kuah a, kal lo tur te khan ka ngen ta in ka hria


Lu na bur in dawr ah ka lut thla, ka ṭhut rualin coffee jacinta'in min rawn pe nghal zat, "khawngaih in thuchiang in sawi thei angem? Zothansang fa lak ini tih hi a dik em? Malsawmi nen chuan naktuk ah maw inneih in tum? Khawngaih in thuchiang in sawi thei em?" TV a ṭawng ri nawk nawk ka hriat chuan ka en vat, chiang lutuk in Zothana hmel ka hmu nghal, ka thaw kawk

TV mai mai pawhin minti zam in minti danglam thei ania, jacinta'i melh pah chuan, "enge thleng a?" Ka ti sep, fa lak antih chu enge awmzia ni ang? "Ka chiang biklo, Zothana hi chu David-a nen nuhrang an ni tihbak ka hrelo, tukin chu hemi te chhungkua hian kan zoram dung leh vang an luah khat leh dawn anih hi," ti nuah nuah chuan hna a thawh zawm mawlh mawlh, chanchinbu mi ten an bawr luih luih chu ka en ran, mi tamtak kar ah pawh a lang fi lawr lak zel ania

"I lo hmu tawh tih ka hrethiam mai e," rawn ti tu aw ka hriat chuan ka en vat, Zothana an bawr luih luih ka en tui na talang ah Malsawmi rawn luh lai reng reng ka hrelo, "zing zing ah eng thli chhia in nge rawn chhem lut che a?" Nelawm loh zet a ka tih chuan a nui hak

"Zanin hin ka bachelor party ani tih i hria angchu maw?" Elhsen zet a atih chuan nghet lutuk in ka coffee no ka hum, ka nui lui sak, "chumi sawi tur chauh a zingkar a ka restaurant a i rawn luh ka ring hauhlo mai," ka ti chang fak, a nui hak hak, a nuiri tin mai chuan hneh tu anih zia ati lang ni mai hian ka hria, min hneh chhiah hluah hluah

"Teuh nang aw, ka unaunu tel lovin bachelor party ka nei thei dawn em ni? Ni lawm ni?" Tih pah chuan dawr chhung chu a thlek kual, a awmdan leh chezia engkim mai chuan hnehtu anih zia ati lang, ka thaw hak, "i sawi awmzia chu i pasal ni mai tawh tur ngaihzawng hlui, nilo, a thinlung neitu hmeichhia chu i rawn sawm tihna em ni?" Ka ti let fak, ka thusawi chu keimah ngei pawh in mak ka ti, a thinlung ka neihloh zia chu nizan mai khan a chiang tawk viau, mahse he mihring lak ah hian tlawm ka tum bik lo

Min melh hrawk, a hma a ahmel hneh tu inti zet kha chawpchilh in abo nghal, nuilui tih hriat tak a nui sawng chuan, "i sawidiklo deuh, anei tu chu keimah ka ni, alan dan in nangpawh in i nun ah lakluh inei ani lawm ni? Zanin chuan i mit ngeiin hriatpui tu i rawn ni ve angchu, ka beisei reng che," seh chilh nawk nawk a ti hrawk chuan a inher hmak, ka kutzung ṭang a zungbun chu ka melh zawk, ka thaw hak, engtin nge he zungbun manto zet hi Eric-a ka pek let ang?
.
.
Ka phone ka en ran, Zothana number ka hmet chhuak, thaw kan la vang vang, ka bia ang nge be lo ang? Nizan khan chiang takin min ngaihven chhan tur a neihloh thu a sawi tawh a, engvang a la ngaihven fo nge ka nihbik? Mit ka chhing sawk, ka phone rawn ri thut ah chuan ka phu zawk rang lutuk in ka pickup

"I tho ṭha em?" Eric-a aw ka hriat chuan ka thaw kawk, "tho ṭha lutuk, eng lo..Eric," ka ti ban chap, a rawn nui hak, "nizan vang khan ngaihdam min dil angai miahlo ania," nui tuh tuh a arawn tih chuan ka ṭhensak, ka sawi tum anilo, engtin nge zungbun hi ka sawifiah ang? Thaw kala kawk, "zanin ah Zothana te bachelor party na ah minzui duh angem?" a rawn ti sup, ka lungphu a rang nghal dep dep he mihring hi a hming ringawt pawh hian ka lungphu leh thawk te a ti danglam vek thei ani

"Zualte nangmah ngeiin i mit a i hmuh a, ita ani tawhlo tih i fiah angai ania," ka chhan mailoh avangin a rawn ti leh sap, ni e, a sawi dik chiah, mahse ka ta ni tawhlo kumkhua tur a ka suangthuah hian minti na vawng vawng, "ka thusawi ila ngaithla em?" A rawn tih leh chuan ka lu ka thing mat mat, "min rawm hruai dawn nia," ti sepin ka off nghal

Ni e, zanin hian Zothana ka nun aṭangin ka thlah fel anga, chutiang bawkin Eric-a pawh, ka nun ah hian tu mipa mah ka mamawh lo, ka mamawh ngai heklo ang
.
.
"I ṭha takzet maw?" Ka ṭhu ngawi kur chu Eric-an a rawn ti sup, alam ka hawi zawk, a ni erawh a motor khalh lai chiah a rilru pe ni awm takin hmalam a en ngar, ka ṭha em ka hrelo, ka zam takzet, thil ti sual tu ang zawk mai ka ni

"Ka ṭha lutuk," ka ti takna he party ah hian kal ka duh chiah em kala hrelo ani, motor a ti ding dat, car tam thma zet mai a in tlar dul, ni e, mi hausa fa te in nei tur an ni a, an bachelor party pawh tihna mai mai anilo ang, ka awmna lam kawngkhar a rawn hawn chuan za lo zetin ka lo ṭhensak, ka lungphu mawlh hi a hmun kan thlen vang nge a phu rang zual

Thaw kala kawk, ka pen chhuak chu Eric-an uluk zetin min en, a nui vur vur, "lut ila," ati sup, a ban a vuan chuan, "Eric kan luh hma in," tih leh a pen tur chu ka chelh ding, min en deuh haw, ka chil ka lem khalh, ka kut ṭang a zungbun chu muangchangin ka la chhuak, "Zualte," a rawn ti sep

A kut a dah let pahin, "ka tihpalh, ka theilo ani," ka ti sep, min rawn din hnaih pahin, "ka nghak thei che ka tih kha," ati sup, ni e, a sawi ngei alawm, mahse engtia rei nge ka in nghah tir ang? Zanin hian ka nun aṭang kum khua in Zothana a kalbo tawh dawn tih fiah turin helai hmun hi ka thleng a, mahse ka thinlung erawhin ala pawm velo, engtik thleng nge pawm tur in hun ka mamawh ka sawi theilo ani


Min rawn din hnaih leh hret chu ka tawlh hnung hrat, "Zualte zanin hian Zothansanga hi hmeichhe dang ta ani tawh dawn tih hriatpui tur a kal ini," ati deuh hrawk, engvang a thinrim nge anih ka hrelo, ka hlau lek lek, Eric-a hian aw ki vin hian vawikhat mah minla be ngailo, "Eric," mak ti zet chuan ka ti hau


Ka kawng a rawn man chuan alam ah min pawt hrawk, ka kut in a awm ah kalo do ve vat, "engthil nge tih itum, Eric duh tawk rawh," Mangang lutuk chuan ka ti chhuak, engvang a tiang a awmthut nge maw anih? "I kut bawlhhlawh lutuk kha la sawn nghal rawh," Zothana aw ṭeng zet ka hriat rualin Eric-a chu a per sawn dawrh ani ber, thlipui ang maiin Zothan'an a hnek nghal ṭhuai, ka rak ṭhat


Lei a Eric-a let bam mai chu a phih tho nawk, hnek leh a tum chu na lutuk in Zothana lam a tlan chuan a kut ka vai sawn lawp, ka rak ṭhat, ka kut ka dawm nghal vawng vawng, "engthil nge itih?" ti ṭhat a min rawn khawih a tum chu na zet in a kut ka vai kiang leh sawk, rum lutuk in ka melh let, engthil nge ti a a in hriat zawk?


Eric-a let reng chu ka ṭhut hnaih nghal rawk rawk, "i ṭha em Eric-a? I hmui a kak ania,".ka ti nghal chul chu ka kut na lam ah Zothansang'an rawn man chat chuan min phih tho nawk, ka rak ṭhat, ka dar tawn tawn a vuanin min thing nawk nawk, "khawih suh ka tih kha, Hmangaihzual he mihring hian fawh che a tum in a nawrlui che tih i hria em?" A ti hrawk, ka ip chawih, zak theilo ka tih dan chu pui tak ani, a rim pa zet leh a thinrim thawri hrawih hrawih chu rapawm tak ani bawk

"Ka duh fawp turin i phalna lak ka mamawh em ni? min thlah rang rawh Zothansang, engthil nge ti a i in hriat zawk a? I bachelor party anih hi," thinrim aw khur hlawk hlawk chuan ka ti let, ka sawidik chiah bawk, a nupui nimai turin inchhung ah a nghak a, hengthu leh ka buaina a inrawlh turin ka engmah anilo

Ka dar a vawn na a hmer nghet tulh tulh avangin ka ṭhen sawk sawk, ka thaw em pawh ka hre tawhlo zawk, min melh run run chuan min vawn na a thlah thut, ka kat nawk nawk chu Eric-an milo vuan vat, ka thin a phu dawt dawt, "i ṭha em?" Eric-an alo ti vat, Zothana kut hum ruh ran a kan hma a ding chu ka melh ngar ngar, a thawk leh thut anga Eric-a bawk a rawn hnek leh mai hlau zet chuan ka in ring ran hi ani ber


"Kan haw mai dawn ami?" Ka ti sep, Zothana chu thawri hrawih a in her vut chuan inchhunglam a pan nul nul, ka thaw kawk, kan bul a a awmve reng khan kalo in sang mar mah mah ani, "nilo e, a hmun kan thleng tawh a kan let ngawt theilo, i ṭha tak tak maw?" Atih zawmzat, ka bu nghat nghat tak na in ka ṭhalo takzet, ka thawk leh lungphu thleng hian ala diklo, haw vang vang ka duhber


Eric-an ka kut a rawn vuan chuan min nuih sak in, "lut ila," ati sup, ka bu ve nghat, inchhung kan luh chuan mi hausa pui pui an vei suau suau hian ka hria, "e khai leh!! Eric nang maw?" Rawn ti tu te lam kan hawi vat, tu te nge an nih ka hre ve lem lo, Eric-a ṭhian te an nih ka ring ve tawp, "khawilam ami nge? I va thing nalh leh si ve?" Min rawn melh pah a antih chuan kalo kiai ve suk suk

An ṭawng nak nak hlawm, ka hma zawn a Zothana ban a Malsawm'in inti neitu zet a a vawn ran chu ka en ran, ka awm zawn hi ana veng veng, ka sa pup pup, "Zualte," Eric-a aw ka hriat chuan ka harh zawk, "i ṭha em? Ka ṭhian te hi," atih laiin, "ka ṭha ania, kal rawh," ka ti nghal sep, min en vang vang in, "ka reilo ang," nui sang a atih leh a pensawn nghal


"Ilo kal duh chiah ka ringlo asin," ka nu hrawn aw hneh tu inti zet mai ka hriat chuan muangchangin alam ka hawi, a hmui sen hlar leh inthuam dan engkim chu thil ti thei hliah hliah hmel apu, a hawi vah bawk, ka sir a waiters in intur a rawn ken chu ka ban zat, "ka unaunu, ka tih awmzia chu ka unaunu hrawn in abik tak a min sawm na chu ka hnar thei dawn em ni?" Ka ti let salh, anui ar ar, kan thusawi hre phalo tan chuan in pawh tak te pawh kan an ka ring


"I mit ngeiin i kuanglo tur i nawr ani tih rawn nem ngheh itum chu i huaisen hle mai," a tawp lam chu a chang hret, ka dar ka san ak, kan lam pan a ka pa rawn pen nui vur vur chu ka wine kenlai a ka theh ṭhawt loh nan ka kut ka hum ruh, ka nu hrawn ka chhan hma in, "ilo kal ve elaw Zualte," ka pa in a rawn ti sup, ka nu hrawn chu a meng kalh ralh, a che zia engkim mai chuan min thiamlo hluah hluah


"Pu Hmangaihsang zanin hian i fanu upa zawk chu kan hmu thei ang tiraw? Kum tamtak i fanu upa zawk hi i thup tawh si a, Mizoram mipui ten kan hmuh chakber te zing ami hi kan hmuh theih kan lo in beisei a," hmeichhe pakhat reporter tih hriat zet in a rawn tih chuan ka nu hrawn a ang zuai, ka nek sawn lawp, ka pa ban chu tumloh lutuk in ka vuan chat, ka pa in min en kawk bawk, "engthil nge tih i tum?" Zawi si fiah si in ka nu hrawn in a rawn ti ṭhak

Chutiang bawkin midang pawh chuan ka chetdan mawilo zet mai chu mak ti zetin an rawn hawi ṭhap hlawm, ka tumloh lutuk thil ani, mahse tu ber in nge kuanglo nawr chu ka hmuh tir dawn ani

Kan lam pan a Malsawmi rawn pen a tum chu Zothan'an a pawt let dawrh, ka nui suk, "Collins restaurant neitu kha ini em? pu Hmangaihsanga nen hian enge in zawmna in neih? Zothansanga nen hian in inkawp ṭhin tih hi a dik em?" Zawhna a ri nghal nuaih nuaih, ka pa in mak ti fe in min en chu haider hmankin, "a dik alawm, kehi HM industry neitu fanu neih chhun ka ni," mahni inring tawk zet chuan ka ti chhuak


An phun nghal sur sur, Eric-a mak ti hmel mawlh te chu, camera a de chuai chuai bawk, "enge i sawi awmzia, anih chuan Malsawmi hi i pa fa ani velo itihna em ni? Engvang in nge khang kum chung zawng kha biru nge inih?" Zawhna tam lutuk chu ka nuih sak, Malsawmi hmel thinrim hmai sen tawn tawn chu melh ran chungin, "enga tinge chanchinbu mite hian dawt phuahchawp in thawnthu in ziah chiam mai zel le, ka pa hian keibak fa dang aneilo, ni e, a dik alawm a nupui fa chu a fa ang tho ani, a awmzia chu thisen zawm kan nilo ka tihna anih chu," hawi vah in ka ti chiang fak, ka pa chu sawive tur hrelo ni awmtakin a hawi lawl lawl hi aniber, ka awmdan teh thut chuan a ṭhawng hle te pawh ani mahna, nge mualpho a hlauh lutuk luat ah a ṭawng ngam lo zawk, an ni mualpho na hi ka engah mah a thawk phalo


Ṭawng tum a ka âng leh chiah tih ah an phone a ri sap sap, "heihi enge? Pu Hmangaih he video a hmeichhia leh i fanu te pahnih hian inzawmna an nei em?" An rawn ti sup sup, mak ti lutuk chuan ka en, ka phone ka phawrh vat, ka khur nghal hlawk hlawk, heihi engtin nge anih theih, kum 10 lai liam ta a ka pahrawn in ka taksa ruak vek a sawisak hrep hnu a video a lak kha ani, ka hmel erawh alanglo, mahse ka taksa ruak vek ka hmeichhiat na khuh tu awmlo te chu lang chiang tak ani


Ka kaw chhung a rawn khur dawt dawt, ka pa ka ner rawk rawk bawk, "khawngaih in enge sawi tuelr in neih, he video ami nen hian in zawmna in nei em? Hmeichhia hi nangmah em ni? Hei vang hi emni khang kum chhung zawng kha i bih ruk?"Zawhna tam lutuk leh camera de chuai chuai ah chuan ka tlu mai dawn in ka hria

"I ṭha em?" Eric-a aw ka hriat chuan ka harh zawk, Zothana te lam ka melh ṭawk ṭawk, mahse Malsawmi kaiin kawngkhar lam ah an pen chhuak chiah ka hmu hman hram, chu ringawt pawh chuan minti â dawn in ka hria, ni e, heivang hi ani Zothana pawn minkalsan ni, ka che thei tawhlo duh tawk mai ka taksa a sawngbawl lai en tawp chu tu ngaihdan ah pawh pawngsual ani theilo hrim hrim, ka hmai thisen kai engmah lang heklo, ka mit ka chhing sawk

"Haw ka duh," reporter ho ṭawng nawk nawk kar ah chuan ka ti sup, ka pa kut min vawn na chu ka vai thla sawk bawk, "ka pu, Zualtei chu ngaihtuah suh ka hruai haw ange," Eric-an ka pa a hrilh chuan min kuah chhuak nghal

"He video a mi hi ka fate an nilo ve ve, he intih mualpho tumna hi ka ngawihbo pui dawnlo chhui an ni anga, hremna ka pe bawk ang," ka pa aw ṭeng zet mai chu ka hre hman hram, chaktak a din a, engkim mai chu sawi vek mai ka duh rum rum, mahse engtin nge khawvel ka hma chhawn tawh ang, ka ngaihtuah ngamlo ani


Car chhung a Eric-an min ṭhut luh tir lai te chu ka mang hriat ruai ruai ani, mangang zet in ka hawi kual ruai, Zothana ka hmuh a, min rawn hnem ka beisei zawk emaw ni? Mahse ani te chuan min ten ngawt angchu, kum 10 liam ta kha ka mitthla ah a rawn lang ka thawk a sak, boruak ka kham lo ani mah zawk, mit ka chhing tlat


"Zualte sawi dun i duh em?" Motor ding dat a Eric-an a rawn tih chuan mit hnawm chapin ka meng chhuak, a lam hawi in ka lu ka thing mat mat, mahni a awm ka duh, in ngaihtuah fim ka ngai takzet, "ka ṭha Eric, haw tawh rawh a tlai tawh si," ṭah insum zet a tih leh ka chhuak nghal, rawn chhuah ve a tum chu ka kut in ka vai zauh, "mahni a awm ka duh," tih leh kan in awmna gate lam ka hawi vang vang, motor tlan chhuak ka hriat rualin ka biang a rawn lum thla pup, ka phone phawrh chhuak in FB leh social media lam a ka video hmel tih rân an post chu ka en nawn leh, ka awm zawn hi vih sawk sawk ang mai ani, ana thip vawng vawng

"Hemi hunlai pawh hian i nalh takzet ani," aw tenawm lutuk ka hriat chuan rang lutuk in ka inher, min si chetin ka pa hrawn a rawn ding nghal zat, tawlh hnung ka tum chu ka ban rek ah aman chat, Zothana kut ka vaisawn na ah khan ka ban ka ti na bawk nen ka ner sawk, ka kã a hup bet nghal zat bawk, ka tal laih laih chu ka nghawng ah eng amaw hi a vit bur ni maiin ka hria, ka tha a zawi ruai ruai, ka khaw hmuh a fiah lo tulh tulh bawk


Ka harh leh chuan ka banrek ah hrui hrual lian zetin a in ṭawn, ka che phat, ka ke erawh a phuar loh avangin min mut tirna khum aṭang chuan ka theih ang a rangin ka zuangthla a ni hrim, kawngkhar a rawn ri rak, ka pa hrawn kawr pawh ha lo a rawn lut ka hmuh chuan ka taksa ka in en nghak thuak thuak, a nui hak, ka rilru hria ni awm takin, "hlauthawng suh, kala khawih leh miahlo che, i na tuar leh nuam ti hmel hmulo in hmangaih na ka chenpui theih hleinem che," tenawm lutuk a atih chuan ka kâ chhung a chil awm zawng zawng sawm khawm in a hmai ah ka chhak sawk

"Thi rawh," ka ti ṭhawt bawk, ka chil chhak luai chu hui puat in ka biang ah a rawn beng sawk, ka kawr awm a ṭham nawk in, "ka nun a ka thil tih sual ber i hre duh em?" Nui sawng chung a ti chuan min nam kat nawk, "chu chu i nu nupui atan a ka nei kha ani, a chhan chu maw, i nu ai khan a fanu kum 14 milek khan ka thinlung a luah hneh zawk vang ani, nanglah chuan hlauh tak te khan min hlau khanglang a," a tawplam chu a seh chilh nawk nawk, khum bul a chair in hung chu a tlawh let ṭhuai bawk

A tir a hlauhna kha khawnge a awm tak ka hrelo, hlauh ka nei tawhlo zawk nge hlau turin chakna ka nei tawhlo zawk pawh ka hrelo, ka mittui tla tur ka khap let sak sak, "ka nun a thil thleng tawh leh ka pian na nu in ka chung a athil tih tawh a ka lawmber i hre duh em?" Hawi vah chuan ka ti let ve salh, zial ṭan pahin a dar a san ak, ka nui hul hak, "i fa, ramhuai thisen ka pum chhung aṭang a ala chhuak kha ani, kha ramhuai thisen ka pai tlanglo kha ka nun a thil thleng tawh a ka lawm ber ani," a tawp lam chu a au in au


Ka biang a rawn beng leh sawk, "i kâ hi chip hmak rawh," ati ṭhawt, "kan fa kha i hmangaih tih ka hria alawm, Zualte nang leh kei hian enge harsat na dang kanla neih fa kan nei dun tawh a, a dang ala ngai em ni? Kan fapa kha kan hmangaih ani lawm ni?" Nui hawk hawk a atih chuan rum lutuk in ka melh

"Ka fa kha ka hmangaih em tih min zawt amaw?" Ti nawn sap chuanka nui lui hak, "ka hmangaih ngai hauhlo, kha ramhuai kha ka hmangaih ngailo, a chhan i hre duh em? A chhan chu maw i thisen anih vangin, mipa ani iti em ni kha," tih pah in ngeiawm lutuk chuan ka nui leh hak hak, a kut a hum ruh ṭâng chu ka melh zawk, "a pianglo hi ka lawm ta zawk ani, a chhan chu maw, pawngsual tu fapa ani anga, pawngsual vang chauh a piang anti emaw ania nga, ohhh a thisen ngei a chhun che chuan keiang bawk a tleirawl pawisawilo a pawngsual velo ang tih tunge sawi thei," a tawplam chu ka seh chilh nawk nawk

"Nang ramhuai nu Hmangaihzual," ti hrawk in ka nghawng ah a rawn rek chat, nghet lutuk in a rek, ka ang hlawi hlawi, ka thaw theilo, "e..e..eng..engthil nge itih?" Harsa ti lutuk chuan ka ti chhuak, mitsen ram leh pawisak neilo zet chuan, "thih i duh ani lawm ni? Kan in ang reng ani lawm ni?" Ha pui ṭhial rap rap a ti hrawk hrawk chuan ka nghawng a rehna thlah thut in ka chhip samah a tham nawk, ka khuh bawrh bawrh, ka chhip sam aṭang a min hnuk chuan, "kum 10 liam ta a ka tih ang bawk kha a ai nuam in ka ti leh thei tih ka hrilh tawh che em kha?" Rapawm lutuk a rawn ti tuar chuan khum ah min theh ṭhuai

Min rawn delh bet nghal zat, ka ke ka leng, mahse ani mipa tha ngah zawk leh kei ka kut phuarbeh tlat nen chuan hnehlo tak ka ni, "ramhuai minti em ni kha? Ramhuai zia chu ka hmuh tir angche," ti khur khur chuan ka kawr a pawt thler rawp rawp, ka theih tawp in a hmai ah ka ham ve nawk nawk na in min pawisa lo lutuk in ka kut a phuarbeh na chu ka lu chung ah man khawm in akut lehlam in ka hnute a ṭham tawn tawn, ka biang ah a beng leh sawk

Ka taksa chau tawh zet ah chuan pawngsual nawn ka ni leh dawn anih hi ka ti rilru mawlh mawlh, kawngkhar a rawn in tlawh hawng ṭhuai ka hriat rual deuh thaw in ka pahrawn ka taksa chung a ṭhu chu a leng lawp, ka theih ang a rangin ka kawr ka pawt khawm sawk sawk, ka pahrawn chhuat a let reng rawn thawh tum chu Zothan'an a chhir zui zawt zawt, Zothana chetdan chu sakawlh hi a ang ber, a palian rapthlak si, a ṭham nawk, a hnek leh sawk sawk, ka pahrawn kâ aṭang leh hnar leh mitko aṭang thisen a rawn chhuak zawih zawih, a that thei mai dawn in ka hria, tawp tur a ti turin ka che thei der bawk silo

Kawngkhar lam aṭang matt-a rawn tlan lut, "duhtawk rawh Zothan, tual that tu nih i duh ami?" ti hrawk chuan a kuahbet, a hnehlo deuh chu ani ber, "minthlah rawh, tualthat tu nih hi ka pawisa hleinem," Zothana aw chu ṭeng tak ani, inchhung a khawk rum rum, ka ip chawih chawih, "police an rawn thleng insum rawh Zothansang, Zualtei iti mangang zual ania," atih leh hrawk chuan Zothana chuan bang ahnek ṭhuai ṭhuai, a chum in a pet dawt dawt bawk


Jacinta'i leh Eric-a an rawn tlan lut ve chiah, jacinta'in min rawn kuah rawk rawk, "Zualte i ṭha em? Na inei em?" Jacinta'in ṭah aw lek lek a arawn tih chuan ka lu ka lo thing mat mat, ka taksa khur erawh ala reh hauhlo, Zothana mitsen ramin ka lam a rawn hawi, mittui tling piau in kalo melh let ve ran, rawn thleng hmanlo se enge ka chung ah khan thleng ang ka ngaihtuah ngamlo ani

"Officer mibo ka report kha ani e," Eric-an a rawn tih chuan police pa in, ka pahrawn thisen nen a let bam chu melh pahin, "hruai rawh u," ati sup, kawngkhar lam aṭang police dang rawn lut leh an awm chuan kan lo en ha, jacinta'i kawr chung ha chuan khur dar dar in jacinta'i taksa ringin ka ding chhuak

Zothana erawh thinrim in thunun tun tih hriat zetin thaw ala leh halh ṭhin, a ban a thisen zam leh a bek a thisen zam pawng ṭawlh ṭawlh te chu rapawm tak ani, a thawk thut anga kut a thlak leh hrep ang tih mah hlauhawm

"Zothansanga hi tu ber nge?" Constable pakhat in arawn tih chuan Zothana kan en ṭhap, "Zothana chu ania, engthil nge ni a?" Matt-an alo tih chuan, "Malsawmkimi pawngsual tu leh video dan phal loh a i post chhuah avang a man ini, dan hremi i rawih phal sak ani bawk ang," tih leh handcuff bun tir a tum chu Zothan'an a kut alo vai sawn dawrh

Engthil hi nge ni ta neih nuaih, kha video kha keimah ka ni, engtin nge Zothana leh Malsawmi ah an tlak theih, "kha video.." Ka tih laiin, "Hmangaihzual," Zothana aw ṭeng zet in a rawn ti hrawk, ka phu dawrh thei, ka mit ka chhing sawk

Ka lam a rawn pan chhat chhat chu uluk lutuk in mittui tlingpam in ka lo en, ka hma rawn ding in boruak a hip kawk, kei erawh ka lungphu a rang dawt dawt, ka biang tawn tawn a rawn vuanin, a rawn kun hniam, "min en rawh bawihi," ati sup, a aw chhuak chu ala mar ṭha takzet, a seh chilh deuh rap rap


"Ka thusawi hi ṭha deuh in ngaithla angche, engmah in rawlhna ineilo, keihi Malsawmi pawngsual tu ka ni, i hrethiam em?" A thusawi chu hrethiam ngei se minti tih hriat takin min en ran, mahse ka hrethiamlo, ka hrethiamlo takzet, Malsawmi pawngsual anilo a, Zothana pawh pawngsual tu anilo, engtin nge heng hi a inher chhuah ka hrelo, ka hrethiam heklo


Ka lu ka thing mat mat, "ka hrethiamlo," ti a au chiam mai ka duh, mahse ka lei hi phuarbeh ang tlat ani, ka hrawk ana ut ut bawk, "bawihi naupang ini tawhlo, ka thusawi i hrethiam tih ka hria ani," ti leh sup a alam a min pawt hnai in nghet lutuk in min kuah, ka chhip ah a fawp vang vang, "Zothan engkim ka hria ani," ka ṭawng chu keimah pawh in ka hre ṭawk ṭawk

Inla hrang a mitsen ram a min en chuan, "ka hria alawm, mahse engthil nge thleng tur i hrebawk tiraw?" Ati leh sup, engthil nge ka chung ah thleng dawn tih ka hre chiang mah mah, pawngsual ka ni tih khawvel in an hriat rualin ka pahrawn fa ka hmet tla tiin an hre zui bawk ang, mahse Zothana ka tuar tir thei chuanglo


"Uluk deuh in ngaithla rawh, engkim i nu leh kei in kan tih kha itan ani tih hriala, ka sawi angchin bak ti suh angche," atih leh l phei chuan uar lutuk in ka lu ka thing, ṭawng tum a ka kâ ka an laiin, "kan kal a hun tawh e," police pakhat in Zothana ban a rawn man chuan rang lutuk in ka lo chelh bet, "i kal theilo Zothan," mittui tla zawih zawih in ka ti chhuak a nui suk, ka mittui a kut zungpui a rawn hru hul pahin, "ka rei dawn hleinem, Matt bawihi hi hruai haw angche," tih leh inher vut in kawngkhar lam a pan pawk pawk, a kal sawn chu ka thlarau ankal tel pui ni mai hian ka hria, ka zawi hnawk

"Pawngsual tu chu ini tak tak em? Engvang in nge mihausa ho hian dan in bawh chhiat hian sum hmang a chinfel intum ṭhin? Malsawmi chu nupui ah inei dawn em?" Reporters ho thusawi chu ka hre ruai ruai, ka taksa a chau tulh tulh, ka kaihza tha a zawi hnak, ka hriat leh awmchhun chu jacinta'in mangang lutuk a ka hming alam chu ani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)