IT'S YOU BY Floria Laldansangi (Completed)

Moderator: Floria

Ngaia
Site Admin
Posts: 25813
Joined: April 30th, 2016, 4:07 pm

IT'S YOU BY Floria Laldansangi (Completed)

Unread post by Ngaia » December 2nd, 2018, 2:35 pm

it's-you.jpg
it's-you.jpg (19.26 KiB) Viewed 40438 times
IT'S YOU
By floria laldansangi
1

"Tu fa nge i pai? Hmangaihzual kum engzah nge inih i hria em? Kum 15, ti chuan sawn i pai amaw? Min va han ti zak em em ve," thinrim aw khur hlak hlak a ti tuar chuan ka hmai a thip zawk, ṭap tur ka awmlo, ka mittui a tling pam, ka hma zawn a ka pa hrawn ṭhu chu rum lutuk in ka melh, ka dar tawn tawn a rawn vuanin min thing nawk nawk, "enge kei hian tihsual ka neih, i pa nen hian kan enkawl ṭha viau che ani lawm ni? Sawn maw? Engtin nge khawlai kan chhuah ngam tawh ang?" Ka nu in ṭap hawm hawm chuan min thing nawk nawk bawk, a mittui lem lutuk leh min hmangaih ber ang a ṭawngkam a chhak chhuak te, nu ṭhaber ang mai a ṭawng te hian ka luak ati chhuak, ṭah khum chiam a, au khum chiam mai ka duh, mahse ka hrawk hi hnawh tu awm ang maiin a tawt, ana ut ut bawk

"Zualtei nu duhtawk teh, ṭha tak khan zawtla, iti na ange?" Ka pa hrawn inla pawisawilo zet, rawng tak a min pawngsual tu in a rawn tih chuan ka nu min vawn na chu na zet in ka phih sawk, ka pa hrawn ṭhut na lam a chak zet a kal in ka beng sawk, khur hlawk hlawk in ka kawk, ka thinrim lutuk chu ṭawng pawh ka ṭawng chhuak mai theilo, ka lei hi ṭawn beh ang tlat ani, kut ṭang khur dar dar chuan ka kawk

"I pa kut i thlak ngam amaw?" Ti ṭhawt chuan ka tukkhum sam a kek in ka nu chuan min rawn phih tlu sawk, chhuat ah ka thal thla ṭhuai, chhuat ka deh rual deuh thaw in ka pa hrawn in ka dul ah a rawn chhir zui zat, mim chhir zui zawt zawt, ka kawm ngawng ngawng, ka dul chu thei leh theilo in ka veng ve takna in awm zia a awmlo viau

"Nang mihur nu," ti tuar tuar chuan min chhir zui zawt zawt, ka thawk a sakin ka kâ ah hian boruak a leng lo, ka khaw hmuh a fiahlo tual tual bawk, ka thaw ṭawk ṭawk ni ber, ka nu thinrim ṭap aw chu hla tak aṭangin ka hre ruai ruai, chiang tak a ka hriat leh chu ka kap lum puat leh ka nu mangang au chu chiang takin ka hria, ka khaw hmuh a thim nghal mup

"Laldingpui fanu pakhat pawh enkawl zolo nu maw inih a? Zahpui awm lutuk teh suh, enkawl inhuam viau tu inih kha," ka pa aw fiah zet mai ka hriat chuan men mai ka tum a ka mit chu charbeh ang tlat ani, in her ka tum chu ka dul ana zawk, ka ṭhen sawk, ka thaw kawk kawK

"Hmangaihzual i fanu sawnpai chhan ah hian min dem tum hauh suh angche, i awmpui ve a hun tawh ka ti mai ani," ka nu chuan ati let ve khar khar, "ka nupui ka rawn phawt angai ka ti ani lawm ni? Ka nupui leh a fanu ka awmpui ka tih kha," ka pa in ati hrawk

"I fa hrawn i awmpui laiin i thisen, i fanu erawh i thei ve lo amaw? Mipa ini em? A rawn harh rualin hruai haw angche," ka nu chuan khauh lutuk in a ti ṭhawt, ka mittui a rawn hnam ṭiam ṭiam, naupang dang nu leh pa inṭhen te chuan an fa te lak an inchuh ani ngai, ka nu leh pa te hi chuan min enkawl hi a hlauh in an hlau niber hian ka hria, muangchangin ka meng ka nu leh pa in hnial kut phar vel chu rilru na lutuk in ka melh nghal ngawih ngawih


"Thlatin pawisa ka rawn thawn a, enge ila beisei, i duhbelh anih chuan i sawi thei ani lawm ni?" Ka pa in lungawi lo zet a atih chuan ka nu chu a nui hak, "pawisa hian engkim ati theilo tih hria angche, pa hmangaih na leh pa thlazar hnuai a awmte amamawh ve, a awmzia chu i rawn thawn angai tawhlo ang, nanghian i awmpui ve tawh dawn," ati leh phiar phiar

"Hmangaih sawi ve thei pawh inihloh kha, kan in ang reng tih hria angche, i fanu ai a i pasal thlang tu inih kha, a ṭha e, kum 18 atlin thleng ka awmpui ang," tih leh ka lam a rawn hawi, mittui tling pamin rilru na lutuk chuan ka lo melh, a thaw kawk kawngkhar lam a pan nghal hlawk hlawk

Ka nu ka lam a rawn hawi chuan a meng deuh kawk, ka lam rawn panin ka mutna bul a ding chuan ka kut rawn vawn mai a tum chu kalo dahsawn vat, thaw hakin, "kan thusawi kha i hria tih ka hrethiam mai e, i dam fel rualin ipa bul ah i awm tawh ang, i nau tihtlak hi keini ho bakin kan hrelo tih hriala, i pa bul aṭangin bul ṭan ṭha angche," ati ram hmak hmak, mittui nen ka melh chho, "nau tih tlak maw?" Ka tih tlak nilo an ni hian an that zawk ani

Ni e, nau ka pai tih ka hriat khan ka hlau a, ka mangang a, mahni intih hlum hial ka tum fo anih kha, vawi tamtak ka pa hrawn in min vo bet in, video hmang in ka kã ka ân rual a mintih mualpho ah min vo ṭhin, mahse mahni intih hlum ka tum apiang a ka hriat chhuah chu, ka pum chhung ah hian ka thawk rual a thaw, ka thisen hmang a nun na nei insiam mek a awm a, chu chu keima fa ngei ani tih hi


Sawi tur mai pawh hrelo chuan ka melh ngawih ngawih , "ransa te pawhin an fate an hmangaih ṭhin," ka ti sep, au khum nghek a ka mamawh loh thu sawi khum chiam mai ka duh, ka thei der bawk silo, "itan ati ka ni tih hria angche Hmangaihzual," ti hrawk chuan doctor rawn lut a melh zawk, ka tan maw? Rapthlak hian, an tan chuan hnuam hnawk, an kawngdal tu mai ka ni, ka pa thu sawi kha a dik chiah, danglam na pakhat mah an neilo

Doctor in min endik zawh chuan, "engkim a ṭha vek e, a ṭhuina hi chu karkhat hnu ah kan phelh dawn nia, kan in be lawk dawn em niang?" Ka nu melh zawk pah chuan atih zawm zat, an inzui chhuah rualin ka mittui ka bek ah a rawn luang ngiai ngiai, ka dul thep zet chu zut in, "naute ka thah che anilo tih i hria tiraw, hmuh ve che ka chak asin," ka hmui pet fan fan chuan ka ti chhuak ṭuak, ṭah hawm hawm mai ka duh

"A dang ila duh chuan ka awm reng tih i hriat kha," ka pa hrawn aw tenawm lutuk ka hriat chuan ka en vat, a hmel tenawm lutuk hian ka thisen a ti so, thawhlawk a thah ve mai duhna in ka khat liam

Ka mutna bul a rawn ding chuan, hnai lutuk ah min rawn en, ka hmai tlang a kut a chul zauh chuan, "i nu aiin i duhawm tih ka sawi tawh em?" Tham ṭuak chuan ati sup, a kut vaisawn lawp in, "ramhuai pa," ka ti ṭhawt, ka dul na zawk ah chuan ka ṭhen nghal ngawt ngawt

Nui hukin, "i thinrim lai hian i hmelṭha zual thin tih pawh ka hrilh nghal angche, abikin kha i taksa no nalh zet a ka luh lai a i hmel kha a ṭha leh zual," tih leh ka kut rawn man bet thut chuan ka chal ah a kut lehlam a nawr bet in ka hmui ah a rawn fawp nawk nawk, ka luak tak ngial dawn in ka hria, tal chiam a chum zawt zawt mai ka duh laiin ka inzaina avangin ka che hlei thei derlo

Na zet a ka hmui hnuai seh pah a nui huk a inla hrang chuan, "i nu hi bia ila kan bul ah awm tir tih che ila a ṭha ang, i nu aiin ka ngaina che," a hmui hnawm chap mai liak zauh pah a tih chuan ka uak ṭhawt, ka taksa na aiin ka thinlung ka chhungril keh chhe vek leh na lutuk hi ka thihpui dawn in ka hria

"Khanglang che chuan min ten amaw?" Ti hrawk a rawn kun hiam leh atum chu kawngkhar a ri rak, a per sawn dawrh, ka nu mit sen ram a rawn lut chu alo kuah nghal zat, ka ten lutuk, mihrang puitling tawh si hian ti em em hian mahni hrin te lak ah an nun rawng thei dawn em ni? Thinlung nei ve lo ang mai an ni

Ka pa hrawn chuan, "i kâ i ân vaih," tih melh in min melh run, "i dam fel thleng i awm anga, i pa in karkhat hnu ah lunglei aṭangin rawn hruai tur che in a rawn kal ang, mu hahdam rawh, i chau ang, mamawh ineih leh nurse i ko mai dawn nia," tih leh ka pahrawn a melh zauh, "haw mai ang, atlai tawh si," tih leh inla hrang chuan a pensawn nghal, ka nu ka hriat ṭhin nun nem leh khawngaih na ngah tak, min hmangaih tu kha khawnge a awm tak, ami kuahna kha ka ngai a, min duatna aw te kha ka ngai hluah hluah


Thli fim rawn thaw heuh heuh chuan ka hmai rawn chhem seng seng ka biang a mittui luan na chu a vawt sung sung, ka mitthla ah ka naupan lai a rawn lang, ka pa tel lo pawh khan ka nu nen khan kan hlim tawk em em, ka nu in ngaihzawng a nei tih ka hriat khan ka lawmpui viau bawk, ka pa hian ka pian hma in min chhuahsan tih ka hria, ka nu in kawppui ṭha tak aneih chuan a khua pawh aharloh ka beisei pui em em, nikum khan ka pa hrawn hian ka nu a rawn luh khung tawp, an kum inthlau lutuk chu duhpui chiahlo mahila ka nu in a hnar thei bik ngang silo a, lawm tak angin ka pawmpui mai kha ania

Rei pawh an inneih hma in kut thlak a ching a, hmeichhe dawihzep tak chuan ka hlau thei em em, ka nu kut a thlak lai kha kil khat aṭangin mittui nen ka en ngawih ngawih ṭhin, ka ngaihtuahna avangin ka ṭap chhuak hawk, ka awm chum dawt dawt chuan, "naute i kalna ah khan rawn kal ve in, mitthi khua, tuma mintih nat theihloh na ah khan kan hlim zawk ang tiraw?" Ti chhuak uah uah chuan inchung hmawr lam chu ka pan chhat chhat, thi ila ka natna te, ka keh chhiatna te hi lak bo in a awm ngei ang


Ka ban a min rawn pawt let dawrhin ka dar tawn tawn a vuanin min thing nawk nawk, mittui pherh phang chuan min thing tu chu ka melh, "intih hlum itum amaw Hmangaihzual, inti harh ta che, itih sual avangin mahni nun na lak itum amaw? Ka zirtir ngai che em ni?" Ka nu chu a au in a au, a mittui a rawn tla zawih zawih bawk, ka ṭah nui hak hak, ka mangang lutuk nui ka ni mah mah zawk, khawi ami te hi nge chawpchilh a mittui a neih bik ni, "ka tihsual maw?" Min han hrilh teh u, keihian eng fakau nge ka tihsual? Keihian ka nun khawloh vang in em ni ka pahrawn khan min pawngsual? Enge ka tihsual? Ka nu ṭawngkam avang chuan ka chhungril ah hian ka thi nawn awn awn, mittui tla zawih zawih in ka melh, "nu i fanu hi tiang tak hian em ni i huat a, i pasal chuan a dawi at che? I thisen ai hian ani saw enge i hmangaih chhan, min kuahna te ka ngai a, min duatna te kha ka nga asin," ti a au khum chiam mai ka va han chak tehlul em, minkuah se, engkim a ṭhat a, ka bul a awm reng tur thu min hrilh se kala ti fan anih chu, mahse chu chu van a rah ang ani, min thawnbo a tum fan tlat ani

"I pa bul ah awm in tuma hriatlohna ah che bul i ṭan thei ka ti ani lawm ni," a rawm ti leh hrawk, min vawn na chu na lutuk a phih sawkin, "min ngaihtuah ber ang khan awm tawh suh," ka ti ṭhawt, "nu ṭha ber ang khan awm tawh suh," ka ti riat nawk nawk, ka na lutuk hi ka â thei tak ngial dawn in ka hria

"Ka hria e, i pa ni 3 hnu ah a rawn kal dawn a, i zui dawn nia, ka rawn bia che anihloh chuan min rawn biak angailo ang, ka.... " A sawi zawh hma in, "lung ngai suh, ka rawn be hauhlo angche, i duhdan takin dam chhungin ka bo ang," ti tuar chuan na zet a su dawrh in step ah chuan ka pen thla hlawk hlawk, a ṭha a lawm, ka biak duhlo tu chu ka be ngai tawhlo ang, ka fa athah rual khan ka nu pawh athi ve nghal ani, eng ang takin nge ka tel lo a a nun nawm zia chu min hmuh tir mawlh rawhse



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:35 pm

IT'S YOU
By floria laldansangi
2

Ka pa bul a ka awmna pawh thla tam ani ta, ka pa in min hruai haw tirh a ka nu hrawn hmel zet kha zawng theihnghilh mai mai chi pawh anilo, ka nu erawh ka kal aṭang vawikhat mah min rawnla be lo, ka beisei heklo, school ka lut ṭha leh, ka nu hrawn fa nu, keiai a kum 1 a naupang nen kan kal rual ṭhin, minbe ngailo a ka be ngai heklo

Ka mamawh leina tur pawisa ka pa in minpe ngailo, nilo, ka nu hrawn in, "ka pe ṭhin," atih vang zawkin minpe ngailo ani mah zawk, ka sawisel ngai heklo, naupang hlim thei tak, ṭawng duh leh nuih duh em em Hmangaihzuali kha awihawmloh khawpin ka inthlak danglam, ka nui ngailo a, ṭul fe lo ah chuan ka ṭawng ngailo bawk

Ka nu hrawn thusawi tam ber, "i nu leh pa hian an hmangaih lo che, hnuam hnawk, kawngdal tu mai ini," tiin a sawi ṭhin, ni e, a sawidik chiah, ka nu leh pa ai chuan ka nu hrawn hi ka zah zawk, ka chung ah sual in nunrawng viau mahse ani chuan a hrin a fa a hmangaih a, ka pa aneih hnu ah a fanu chhawm lut in hmangaih takin a enkawl bawk, hetiang nu hi ka awt ve takzet, a ṭawngkam na tak tak dawn aiin a fanu duat tak a a kuah leh chul hmuh te hian minti na zawk fe, vawi tam ka ṭah pui reng ani, mahse tu hmuh ah mah ka mittui tih tlak ka tum hauhlo thung

"Hmangaihzual i nu ṭhi chu ilo la em ni?" Ka pa ka room kawngkhar rawn nam hawng ṭhuai pah a ti tuar chuan ka hawi dawrh, thinrim hmaisen tawn tawn chuan ka ṭhut na lam a rawn pan chhat chhat, "ka zawh na chu i hria em?" A ti leh hrawk ka ip zawk, thaw kawk in, "enge i sawi awmzia?" Ka ti sep, engdawt tak in nge minpuh leh tak, a changin pawisa ru ah, a changin a chawhmeh siam ei ruk ching ah, fridge a milk a dah in zo tu ah min puh thul, tun ṭum hi engtak ni leh ang maw?

"I nu ṭhi chu tun ah rawn la nghal rawh," ati ṭhawt, ka pa awki vin lutuk chu rum zetin ka melh let, "ka la tih chianna a nei em ni? Ka lak lai a hmu em?"Ka ti let tuar, ka ṭhut na aṭang ka ding nghal zat bawk, vawi tam dawt in min puh, kut min thlak chang pawh anei fo, ka kâ vawikhat mah ka ang ngailo, ka ang anih vaih chuan ka pa bul ah minhek in ka pa bawkin kut min thlak leh dawn tih ka hriat vang ani


"Min vinlet ngam amaw?" Tih leh min beng sawk, chair ah ka ṭhu leh nghal rawp bawk, na lutuk in ka lehkha zirna dawhkan a rawn chum ṭhuai, "Hmangaihzual ipa hi min bum tum hauh suh," ti hrawk in rum lutuk in min rawn melh, mit sen ram a melh let chuan, "ka la lo," tih let tuar in ka ding leh nghal, min ben leh a tum chu ka melh luih ngar ngar, "min beng leh ta che, a vawikhat na ani hleinem tiraw ka pa? Thi ila iti zawk hial lo maw? Mahse kala dam ve ṭawk ṭawk chu ani sia, lung ngai suh, i nupui ṭhi awrhlai, a nghawng ami em ru turin ka thiamna leh ngaihtuah na in a phalo," ka mittui tih tlak loh tum a ka hmui ka peh fan fan chu chianglutuk in ka hlawh chham, ka mittui a rawn luang zung zung, ka pa chu a kut la let zal zal chuan, "kanla hria ang, dawt min hrilh anih chuan hre rawh ka dim dawnlo che ania," tih leh in her vut in kawngkhar lam apan nghal, a rawn khar ṭhuai bawk

Ka ṭhu zawi hnawk, ka kâ hup bet chuan ka ṭap nghal hlawp hlawp, engvang a he khawvel min hmuh tir nge an nih, min hmangaih ka phutlo, ngawi reng hian kil khat ah hian min awmtir ve mai mai theilo em ni? Ngawi reng hian ka awm ve mai theilo em ni? Nge ni a tu emaw anchhia ka chung ah a thleng zawk, ka ṭap hlawp hlawp, engvang a Pathian hian ka nun hi tiang a min hman tir bik nge anih? Enge tihsual ka neih, nu leh pa minpe a, hmangaih tu minpe tel silo

Pawhdawh chu hawngin ka hai rawk rawk, sleeping pills ka dah chu ka la chhuak, kut khur dar dar in ka hawng rawk rawk, ka mittui lah hruk senloh khawpin a rawn luang zung zung, ni e, thi ila, khawvel leh ka nu leh pa hmuh theih tawhlohna mitthi khawvel ah awmila, kei emaw ka nu leh pa tan malsawmna ani zawk daih angchu, pills chu ka kut ah ka bun rawk rawk, kut khur hlawk hlawk a hmawm ka tum chu ka kut ah tu emaw in a rawn beng sawk, ka damdawi ken chu a tla darh chuai bawk

Ka tukkhum sam a min kek dak awrh chuan, "Hmangaihzual nang hian intih hlum itum amaw? I nu sawi hi alo dik vek anih hi, rapthlak lutuk," ti ṭhawt in khum ah min theh thla lawp, ka che theilo, ka mittui vangin ka khaw hmuh a fiahlo ruai, kawngkhar bul a ka nu hrawn leh a fanu min nuihzat hmel zet a ding chu ka melh ṭawk ṭawk, "chaw nghei angche, chaw ei tlak pawh i nilo," ka pa in atih leh rualin, "duhtak naupang mai ala nih kha, hrethiam rawh, iti lutuk mah mah," ka nu hrawn in a rawn ti no hnap

Mittui nen a mu chuan ka nui hak, ka mangan leh nat lutuk vang a nui chhuak ka ni mah mah zawk, ka pa chu rum nghut in a pensawn nghal, ka nu hrawn ka bul a rawn pen hnai chuan ka sam in ka hmai a khuhna leh mittui nen a in chiah niah chu ngeiawm zet a rawn hui kiang pahin, "Ui note fel tak ang hian awm mai mai la ni tur," ti sup chuan anui hak

Ka tukkhum sam a ṭham sawk pahin, "mu zawi renglo khan ei rawng bawl rawh, zanriah min nghei tir i tum em ni? Thatchhe lutuk," atih zawm hrawk, an chhuah rualin ka ṭap khur nghal dar dar, "hman hmawh ta che Hmangaihzual," a rawn tih leh tuar chuan ka ṭhu chuak nghal, ka sam hnawk zet chu ka tawm khawm mawlh mawlh, darthlalang a ka hmel lang chu mittui tlingpam in ka en vang vang, chiang lutuk in ka pa kut thla alang kulh, a sen deuh tan bawk, ka mittui hru hul tawk chuan thaw hakin in hnuai lam ka pan nghal

Inchhung tihfai engkim ka kut ah a awm, chhiahhlawh nen ka danglam na awm chhun chu a hmingin school min luh tir ve a chu zawng chu ani mai, school ah lah Malsawmi ṭhian te ho in min tihbuai reng antum bawk, ka hawi na lam apiang leh ka bul a mihring awm apiang hian min haw hluah hluah vek ni hian ka hre ber, mahni in ven nan a ka insualpui angai fo a, school ah buaina ka neih apiang in inlam ah a ai nasa a kut thlak ka tuar fo bawk

"Zuali ka kawr kha i nawt mar tawh em?" Malsawmi'n ka thlengsil mawlh mawlh lai vin zet a arawn tih chuan ka thlengsil lai keng chuan ka in her, ka mitmei in thawmhnaw nawh marsa kan dahna room chu ka melh zauh, ner nawkin, "i kâ kha ang ta che, i ṭawng theih zit zet tehlul nen, in ah hian mi â ang mai hian i awm a," ti hrawk chuan ka thleng kenlai chu a rawn beng tla sawk, ka thlauh(thloh) keh nghal chuai

Chawpchilh in ka pa leh a nu an rawn tlan lut nghal, awihawmloh khawpin malsawmi chuan a mittui ati tla nghal zung zung thei anih chu, rapthlak hian, "engthil nge thleng?" Ka pa in ati fiak ṭhak

Malsawmi ṭap hlap hlap chuan anu awm ah abei nghal chial, "puih ka tum mai chauh ania, engvang a thinrim tak a thleng paih keh nge anih ka hrelo ka pa, ka unaunu nen hian inpawh tak a awm ka tum mai chauh ani," in hnit hlap hlap a atih chuan awihlo lutuk in ka nui hul hak, ka pa thinrim mengrum zet a ka lam rawn pan tur chu aban ah alo man vat, "ka pa ka tihsual anih kha, u zuali kut thlak tawh suh," mittui tla zawih zawihin ati tham ṭuak, sawi ve maitur pawh ka hrelo, alem chan thiam zia chu Oscar award dawnghial tlak ani


Ka pa chuan engmah sawilo in rum zet min melhin choka a chhuahsan nghal hmak, a chhuah rualin ka nu hrawn te nufa chuan, "chawh," tih melh a min melh chuan hawivahin an chhuak ve nghal zat, ka mittui a rawn luang thla pup, hru tawk chuan thleng ka sil zawm sawk sawk, ka mittui a rawn luang zung zung bawk, he in leh hengho lak ata hi hla lutuk a tlanbo ka chakna chu sangtak ani, fahrah chanchin hi ka hre ve fo tawh ṭhin mahse ka tun a ka awmdan hi fahrah tamtak ai pawhin ka fahrah zawk ni hian ka in hria, nun na neilo, duh hun ah kut thak hnawihna, kawih her mai mai ka ni tih ka inhriat hian keimah leh keimah ka in khawngaih hluah hluah bawk


Vawiin hi class XII result chhuah ni ani, ka result a chhuah rualin hna ka zawng anga, keimah in ka awm hran theih tawh ka beisei, tuma tihbuai leh tuma hmuhsihna hnuai ah ka awm angai tawh heklo ang, ka ngaihtuah na avang chuan ka nui suk, result chhuak ka en chuan ka nui var var, ka nuih khat zia ka hre chhuak nghal zat bawk, kum tamtak hnu a nui hmel vawikhat ka put lehna pawh ani mahna


Ka result hawn chuan inlam ka pan nghal, in chhung ka luh rualin ka nu hrawn nui ri awr awr chuan inchhung aluahkhat, engthil ṭha nge thleng hrepni? Ṭhut khawmna lam a mi pawimawh hmel tak tak nen alo ṭhu khawm chu ka melh zawk, minlo en ṭhap, ka nu hrawn hmel phakar lutuk pawh a ha pui tawp thleng a lang ṭhu in minlo lawm nghal chul

"Zualte ilo haw ta maw? Han inthlak rawh hei mikhual kan nei dawn a," no lutuk a arawn tih chuan ka chhang peihlo, ka room lam ka pan nghal nal nal, an nufa lemchan hi ka hne hluah hluah, Mizo film ah te hian part pe ve se an nufa hian an han hnehsawh dun dawn nen, an eizawn na an hai lutuk mah mah ani

Zanriah kan ei lai pawhin an ṭawng siam siam, a mize letling thawk in ka thleng ah chawhmeh te a rawnla suak ta deuh deuh, ngawi rengin ka ei mawlh mawlh, in ka luh tirh aṭang in kala ṭawng lo hrim hrim, tu te nge an nih a, tu chungchang nge an sawi ka ngaihtuah buai vel peihlo

Kan mikhual te an haw rualin ka room lam pan ka tum chu, "Zualte hetah rawn ṭhu teh," ka pa in a ti sup, ka nu hrawn ka melh zawk, nichin a anui hmel sawng kha alo reh leh hman tawh nia rapthlak hian!!

Ka ṭhut na a ṭhu let leh chuan, ka pa chu ka en nghal kar, ka pa nen hian kan inbe ngailo ti ila ka sawi dik ang, min hauh leh kut minthlak chang bak a ahranpa a inbiak kan nei ngailo hrim hrim, "kan mikhual te kha mi pawimawh tak an ni tih i hria ang tiraw?" A ti sup, ka en nghal kawk, mak ka tih zia chu ka thup thei meuhlo, ka sawi tawh kha, kut minthlak leh min hauhdawn tihloh chuan pangai tak hian ka pa hian minbe ngailo hrim hrim

"I pasal chhungte tur an nih kha," atih phei chuan ka hresual amaw ka ti hial, "enge i sawi awmzia?" Mak ti lutuk chuan ka ti chhuak, pasal ati em ni? Keimah maw? Kum 18 chiah kala ni, bakah pasal neih hi ka tum ngailo hrim hrim

"Pasal inei dawn ka ti anih chu, mihausa chhungkua an ni a, i nungchang ti ṭha hle angche, in inneih hnu ah colleges i chhunzawm thei bawk ang," atih zawm charh charh, a aw chhuak reng reng chu hnial a duhlo tih ahriat, min hrilh pawh nilo in min vo ani mah mah

"Ka nei dawnlo," tih leh ka ding nghal, hnial chiam mai ka duh, mahse sawi tur ka hre tlat bawk silo, ka ṭawngkam bul leh sawi tur hrelo thei lutuk hi a chang chuan hreawm ka ti in ka in hau fo thin, "ṭhu rawh Hmangaihzual," ati hrawk, mahse tun ṭum erawh minti lui bik hauhlo ang, naupang ka ni tawhlo kum ka tling ve tawh

"Ka pa inti lutuk ani, naupang ka ni tawhlo, min rawn miahlo in ka pasal tur in lo hual a, inlo sawirem thlap bawk a, bungrua ka nihloh hi," rilru na lutuk chuan ka ti chhuak, ringzet a au ka tum nen ka aw a dam dap, ka inhum ruh ṭang thung, "kum itling dek dek a ipa thu i hnial nghal ania," ka nu hrawn in nernawk nawk pah a a rawn tih chuan rum zetin ka melh


"I duh emaw duhlo emaw inei dawn tho tho, itan vek anih hi, hmalam hun a nun zahawm tak ineih nan a ti ka nih hi," ati hrawk, ka nui hul hak, zahawmna maw? Phiangsen hian!!

"Zahawmna hi lei theih anilo ka pa, a hlawh a hlawh chhuah chi ani, lei theih ani heklo," tih leh pensawn ka tum chu thinrim zetin ka pa a rawn ding nghal zat, "Hmangaihzual sawnpai a ti tla tawh hian zahawmna ineilo tih hria angche, i pa ka ni a itan ati ka ni ka tih chuan i zawm mai tur ani, ka thu i zawm thei dawnlo anih chuan ka inchhung hi chhuahsan angche," ati hrawk, rilru na lutuk chuan ka nui hul hak, ka thinrim lutuk vangleh nat lutuk vang anui ka ni mah mah zawk

Ka pa lam chu muangchangin ka hawi, ka pa thinrim hmai sen tan tan ah chuan min ben leh mai a pawisa lo tih alang reng, ka nu hrawn hmel a maktihna chu ka hmuh hmaihlo, ni e, sawnpai, a pahrawn fa pai a, an thawnbo tak naupang kum 15 kha ka ni alawm, "a ṭha e," mittui tlingpam a tih leh chak zetin ka room ka pan nghal, ṭah chiam ka duh mahse mittui far tur pawh ka nei tawhlo, ka kaw chhung erawh a tawt in ka na ut ut thung

Ka pawisa neih chhun leh ka thawmhnaw tlem khung chuan ka chhuak, kawngkhar ka thlen rualin, "ka inchhung ipen chhuah rualin pafa kan nihna i chhu chat tih hria angche," ka pa aw changzet ka hriat chuan alam ka hawi, mitsen ramin ka en, ka ṭhen lui sak, "pafa kan nih na chu i thisen ai a pawnlam mi irin zawk ni leh, i fanu ngei i sawisak fo lai khan a chat tawh ka pa, nilo, Ka pa ini tawhlo, tun aṭang chuan i sawi angin he inchhung, ka tan a hremhmun hi ka chhuahsan rualin inhre ngailo kan ni tawh ang, engkim vang khan ka lawm e, hna ka thawk anga a, kum 3 chhung min enkawl na man chu ka rul leh angche tih ka tiam bawk ni rawhse," mittui khap let sak sak chuan ka ti chhuak, a tawplam chu ka duhaiin a ring mah mah, ka bag khai thawmhnaw tlem te ka dah chu nghet lutuk in ka hum bawk

Kan in ti a ka sawi ve ṭhin ka pa in chu mittui luang ngiai ngiai in ka chhuahsan, khua athim in ruah a sur seng seng bawk, thui pawh ka kal hmain, "Zuali lo ding teh," tih ka hriat rual deuh thaw in ka nu hrawn leh a fanu ka din na an rawn thleng chawpchilh ve nghal, pawn light eng in a chhun chin a ka din avangin an hmel pawh chiang lutuk in ka hmu thei, an nufa hmel a min nuihzat na leh min hmuhsihna mitmeng chu haider tum viau mahila ka mittui kar aṭang pawh hian haider chu har tak ani


"Sawn ilo pai tawh amaw? Mipa ngaihsak lo leh ngawichawi ang deuhin ilang a, ilo nasa phian mai," malsawm'in ten hmel zet a atih chuan min chhun sawk sawk ni mai hian ka hria, ka naute, ka pum chhung a thla 4 bawr vel lek ka pai kha ka hre chhuak, ka mitthla ah ka nu leh ka pahrawn an rawn lang nghal zat


Ka nu hrawn chu min hmusit zet a nui hakin, "inu ang mai ini, i pa in i chhuahsan hi lawmthu hrilh che ka ngaiin ka hria a, ka sawi ṭhin kha, hmangaih tu ineilo, hnuam hnawk mai mai ini," ati leh fak fak, an nufa min nuihsawh chu mittui kar aṭangin ka en, tiang em em a min hmuhsit tur hian an engpawi nge ka sawi tehhrep ni

"Enge intih a, a duh duhdan in a awm thei khawi ah emaw sawn a pai leh anih pawhin kan buaina tur a awmlo, ngaihsak suh u, rawn lut rawh u," ka pa aw ṭeng zet mai ka hriat phei chuan ka tlu lo chauh, engtin nge hetiang hian a fanu a ril a rah ngei hi mintih theih zawk, mihring thinlung khawngaih na leh lainat na pawh hi anei ve miahlo em ni

"Kan kal ange, ui vak rawlai mai mai ini ta tak tak anih kha," nui hak a tiin, "kal ang nu, tun ah chuan ka pa leh nang leh kei chhiah ah kan ni ta," nui ar ar pah anu ban a kuah chuan a inher pui nghal, ka tlawm lutuk chu ka thinrim in ka na vawng vawng, hetiang tak hian mihring hi a mihring pui lak ah a tlawm thei dawn em ni? "Lo nghak ru, inchhir vawng vawngin kala siam ve angche u," ka rilru in ka ti mawlh mawlh


Khawpui rawn ri dur dur ah chuan vanlam thim mup lam chu dakin, "phuba reng reng la suh u,' iti ani tiraw? Mahse ka natna leh hnuam hnawk ang a min ngaitu te hi ka ngaidam ngailo ang," ṭap chhiak hawk chuan ka au chhuak, ruah leh khawpui ri te chuan min tuar pui ve emaw tih maitur in a ri in a rawn sur buan buan, pawn light eng a thim nghal hmak bawk, khawilam nge ka pan anga, engtin mge bul ka ṭan ang ka hrelo, mahse hei erawh ka chiang ani, vawikhat mah ka nun na minhlut saklo tu te avang hian ka nun na tih tawp hi ka tum tawh ngailo ang, nghet takin ka ding anga, ka pen anga, tunge ka nih tih ka hmuh tir bawk ang

"Mami harh teh, khai aw!! I khua a sik nasa lutuk tho teh," hmeichhe aw ka hriat chuan ka menh diar diar, ka lu na lutuk leh vawt ti lutuk chu ka bag huh zawr vek chu ka kuahbet ran, "min rawn pui teh," a tih ri chu ka hre ruai ruai, tu emaw ka thawmhnaw haklai a hlip tih ka hria tunge tih en turin ka mit erawh ka meng theih hauhlo, ka che theilo in ka tluak a fimlo viau bawk


Ka dangro lutuk chu leh taksa na ṭhum ah chuan kaeng riai riai, ka mutna dup ta lutuk chu makti zet a meng kawk in ka hawi kual, room thianghlim leh hnumhlarh mai, bungrua reng reng chu amanto tih hriat ngawih ngawih ka hmuh chuan ka thin a rawn phu nghal dawt dawt, nizanlam ka mitthla ah a rawn lang, tawmhulna tur zawngin mi bathlar ka zawng anih kha, tu emaw in ka kawr a phelh bawk, hlauthawng lutuk in ka taksa ka en nghal, ka kawr ka ha tawhlo, mipa t-shirt lian zet mai ka ha!!! Lalpa leh!!! Engthil nge ka chung ah thleng???


Hlauthawng zet a ka hawi kual laiin kawngkhar a rawn in hawng rak, ka hawi dawrh, room a rawn pen lut pitar lam pang ka hmuh chuan ka thaw hak, "ilo harh ta maw? Damdawi hi eila buh hawp(porridge) ka siam hi i ei dawn nia, khawimaw khawsik ila nei em?" Tih leh a tray ken chu dawhkan a nghatin ka chal a rawn dek nghal

Thaw huai chuan, "khawsik a awm tawhlo e, damdawi hi eila, hei ei bawk rawh aw," nuisang leh damdap a tih leh chuan ka ṭah a rawn chhuak ut ut, engtia rei nge ngaihsakna leh tawngkam nem ka dawn tawhloh chin pawh ka hre tawhlo, min en na mitmeng te hian ka mittui a ko ruai ruai thei nia

A buh hawp minsiam sak ka ei mawlh mawlh lai chuan, "Pu Sanga fanu upa zawk kha ini tiraw?" A rawn ti sup, ka pa hming ka hriat chuan ka thinrim nghal hlur, ka mittui ka khap let sak sak, ka bu nghat, "engmah zawh che ka tumlo ania, ei zo vek rawh aw, i damlo palh hlauh ange?" Damdap a atih chuan mittui tla ṭau chuan ka hawp

"Ka fapa.." Atih laiin kawngkhar a rawn inhawng rak, mipa sanglam hmelṭha vuk mai a rawn dak, min nuihsuk, ka bul a thu pitar en leh chuan, "nu ka kal dawn ania, Aizawl ka thlen ve leh ka rawn bia angche," atih chuan ka harh zawk

"Ihh, ka zui thei che ngem?" Bah nak a ka tih chuan phawk fe in min rawn en, "Aizawl kal ka duh ve a," ka ti leh sup, "ipa ten an remti dawn em ni?" Anu in a rawm tih chuan ka bu nghat, "awmna tur thlakhat vel min ngaihtuah sak thei angem khawngaih in, hna ka zawng anga, ka rul leh angche u," mittui khap let sak sak a ka tih chuan an nufa in min en kar

"Ka dawr ah i thawk duh angem, wine shop ka hawng thar a, i riak nghal thei ang," a fapa in a rawn tih chuan ka en haw, uar lutuk chuan ka bu nghat nghat, "ka lawm ngawt ang, ka rul leh vek angche u," ka tih chuan an nufa in am nui suk, "anih chuan inthlak la, kan chhuak dawn nia, nu ka be lawk thei che ngem?" Tih leh a pen chhuak nghal

"Insiam rawh le, i bag kha a huh vek si a, khalai bag inkhai kha hmang mai rawh aw," tih pah chuan bag chu a kawk zauh, nui var var chuan ka bu nghat, "ka lawm e, ka lawm lutuk ania," ṭah aw ṭuau chuan ka ti chhuak, nui vur vur a ka dar a beng thak thak in, "chhel takin aw, hringnun kawng a bumbauh (bumboh) pauh leh a hlut zia kan hre ṭhin, chhumdum phen ah ni engmawi tak a awm ṭhin tih hriala," ti sup chuan, "insiam tawh rawh," tih zawmzat pah chuan kawngkhar lam apan nghal, a thusawi chu ka ngaihtuah, a sawi dik chiah ani, ka chung ah hian chhum a dum in ruah a sur rengbik dawnlo



:Hringnun hi hmuhna mit nei a, hriatna beng neilo leh, hriatna beng nei a hmuhna mit neilo te an ni

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:36 pm

IT'S YOU
By floria laldansangi
3

"I hming kala zawt maihlo che," Motor khalh chung a arawn tih chuan alam ka hawi vat, "Hmangaihzuali," ka ti sup, kan tlan pelh tak lunglei lan theih chhung chu ka thlir let vang vang, ka nun chu tun aṭang chiahin a in ṭan ve dawn tih ka hria

"Eric Lalhmachhuana ka nia, nangai ka upa tho na in Eric minti mai rawh, engvang a Aizawl lam a hna thawh tur duh nge inih ka zawt thei che angem?" Nuisang a arawn tih chuan ṭhu ṭha pahin mit ka chhing sawk, ka mitthla ah ka pa hmel a rawn lang, "ka duh ve mai mai," ka ti sep, thaw hakin, "a ṭha alawm, ka dawr hi ka hawn na ala reilo a, dawr ah i riak nghal thei ang, tlaidar 4 aṭangin kan hawng ṭan chauh a, chhunlam ah erawh i hah chawl thei thung ang, mamawh leh harsatna ineih chuan min hrilh dawn nia, mut thil tum rawh kanla tlan thui dawn si," atih zawm zat, alam ah ka thle bak, mipa hmelṭha tak ani, a ngil nei in a ṭawngkam chhuak engkim chu ngaihthlak anuam em em vek, ka nu hrawn leh ka pa te anglo takin damdap in min be reng bawk


Pawnlam thlir chuan kan tpan pelh zut zut thingkung ho chu ka melh ran, "sawnpai, ti tla tawh hian zahawmna ineilo tih hria angche," ka pa thusawi ngei mai chu ka beng ah ring lutuk in a rawn ri nawn, ka lungphu a rang nghal dawt dawt, ka thin xawm chu a sa veng veng, ana ut ut bawk, ka mittui a rawn hnam ṭiam ṭiam, ka biang ah ka mittui a rawn luang ngiai ngiai, "sawn a pai leh anih pawhin kan buaina tur a awmlo," ka pa ka thisen zawm ngei mai tawngkamw tin mai chu a ri nawn in min vit sawk sawk mai hian ka hria

Ka inrin hma hauh in ka ṭap chhuak hawk, ka kâ hup bet eng ang mahila ka bul mai a ṭhu motor khalh mek tan hian hriatloh theih anilo, ka mittui lah ka dang thei derlo, "Ohhh Zualte i pawisawi ka nei em ni?" Mangang tih hriat zet a rawn ti chuan motor a ti ding nghal zat

Ka lu ka thing mat mat, "ka..ka.." Ka ṭawng mai theilo chhuak lutuk chuan ka ṭap chhuak hlawp hlawp, kalam a rawn awn hnai chuan nghet zetin minkuah, ka hnungzang a chul pahin, "a ṭha vek e, i chhungte hlat a i awmtur chu i lung ngai deuh ani tiraw, ka nu khan ka farnu angchiah a ngaihsak tur che in min chah nasa a, itan ka awm reng dawn nia, nula inih tawh kha, bang tawh rawhle," min hnem tum tak chuan a ti siam siam, a ṭawngkam min thlamuan na ka dawn ngai reng renglo leh min kuahna damdap mai chuan ka ṭah a ti chhuak zual sauh, a ai nasa in ka ṭap hawm hawm

Duh tawk a ka ṭah hnu ah inla hrang hlek chuan, tui bottle min pek pahin, "kha i mit a bui vek ania, mut hahdam tum rawh, kan la tlan thui dawn si, i damlo leh ang," nui vur vur a atih chuan ka bu nghat, a sawidik chiah, tun ah pawh hian ka sawifiah thiam siloh in ka taksa hi a chau hluah hluah, rilru hahdam tak a mut vang vang ka chak takzet


"I ril a ṭam leh sawi rawh aw, kan chawl khawmuang dawn silo a," tihpah a motor ti nung chuan a tlan chhuak nghal, ka melh lehbzawk ṭhin, keimah anglo takin engti kawg zawng emaw takin ka pawh tlat, ka hlau lo a, ka ring hmiah erawh ka ti ngam chuanglo, misual tak erawh an nilo chiang ani


Ka muhil ani ngei ang ka harh leh chuan khua a thim deuh ruih tawh, ka zi mar ṭiah ṭiah, "ilo harh ta maw?" Min nui suk pah a arawn tih chuan ka bu nghat, "seat hnunglam ah sawn eitur ka dah, ka kai tho duhlo che anih kha, Aizawl kan lut tawh a, i mu hahdam thei ṭep ania," a tih zawmzat, amah hi hahdam mamawh zawk chu ani sia, seat hnunglam a plastic bag chu ka ban vat, cheese cake ka hmuh chuan ka ril ṭam zia ka hre chhuak ka pum a rawn ri ruk ruk, Eric-a chu anui hak, "ei vat rawh i pumpui in a nghak thei tawhlo anih kha," nui ruh ruh chung a atih chuan ka zak chem chem, ka biang a asa hat hat, nui hawk hawkin, "naupang chhia lutuk ei vat rawh," atih zawmzat, nurnang chuan la chhuakin ka ei nghal mawlh mawlh

"Kan thleng e," tih ri ah chuan ka harh zawk, cake ka eizawh hnu khan ka lo muhil leh hman, Eric-a lam chu inthlahrung deuhin ka melh, nui vur vur in, "chhuk ila, ahnuai khu ania, alian lo na in anuam ania, inbual la i muhil nghal thei ang," ti zung zung chuan a chhuak nghal, ka zui ve vat


Ka bag, Eric-a nu minpek chu khai ka tumrualin alo ban vat, min nuih vur vur, a hmel en hahdam zia chu, tiang hian tuman minla en in minla be ngailo, abul ah reilo te chiah hun kala hmang, mahse mihring, mipangai ang ka ni ve ta in ka inhria, ka nu emaw ka pa bul a ka awmlai khan mihring nivelo, ui ai pawh a hlutna neilo ang mai ka ni tih ka hrefiah leh zual

"Lut rawh le, i bag hi room ah ka dah anga, sawlai saw bathroom ania, lo va inbual faila, phone kan hmang lawk ange," ati leh nghal zung zung a che vel chu ding chung in ka en haw haw ringawt, inchhung chu ka en kual, Mipa chen na tih ahriat hluah hluah, mahse a chefel tih hriat takin engkim bungrua chu a hnum hlarh, hmeichhe inchhung chetfel enkawl ang mai ani


Room a ka bag a khai luh chu pan in ka inthlakna tur ka la chhuak, Bathroom a kawhna lam chu ka pan, a lian lo na in a fai in engkim mai chu a dik thlap, hmuh a hahdam thlak takzet, shower hnuai ah chuan tuilumin ka in phuh seng seng, ka harh kawk kawk thei, ka taksa na ṭhem ṭhum pawh a dam sawng sawng thei, ka thil tih engkim mai chu a vawikhat na ni vek hian ka hria, ka pa bul a ka awmlai khan hman hmawh reng reng a ka inbual angai a, chaw eilah in ka oa thinrim hma leh ka nu hrawn kâ an hma.ka ei zawh vat angai ṭhin, tun a ka awmdan hi ka tawn ngailoh ṭawng ang mai ka ni, pangai tak a minbe tu neih te chu a hlu riau in ka hre bawk

Bathroom aṭang ka chhuah chuan choka aṭang coffee no dawm chung in a rawn chhuak ve chiah, a nui sang, engtik lai maipawh a hmel hlim sang mai a pu reng thei hi a fakawm takzet, "i duh ve em?" Atih chuan ka lu ka thing vat, "i sam kha ala huh sia, hairdryer ka ti chhe daih sia, TV en pahin i nghah ro mai a ngai dawn nih kha," tih pah chuan ṭhut khawmna lian vaklo lam chu a pan nghal

A bul chiah sofa a ka ṭhut rualin min lo en ran, a nui deuh suk suk bawk, "nula ṭawng tlem tak zawng ini," a rawn ti sup, alam ka hawi vat, min la en ran, vawiin kan zin kawng ka ngaihtuah let ka ṭawng tamloh sa nen vawiin ni berkher chu ka ṭawng tamlo lehzual, kala mutthil san ang veng veng zui a, ka ngaihtuahna avang chuan ka nui hak

Rawn nui ve hak chuan, "kha nuih pawh ilo thiam ve elaw, nileng in i bul ah ka ṭhu a i ṭawng lo a, i nui heklo, nuihdan i thiamlo emaw ka ti hman a," nui hawk hawk a arawn tih chuan ka nui ve hak hak, ka nuih khat zia te chu ka hre chhuak uar uar, ka naupan deuh lai kha chuan, naupang hlim thei tak, ṭawng duh ṭhian ngaina tak ka ni ṭhin, ṭhenawm khawveng te leh zirtirtu te pawh in min lawm em em ṭhin naupang kha ka ni ṭhin ania, ka nun chu ka beisei ngailoh leh ka suangthuah ngailoh tawp thli chhia rawn tlehin min nuai a, kum 14 milek khan nitin deuh thaw anu kut tuar lai a en angai a

Ka nu chhan nan a ka theih tawk chu lo kuahbeh a, ka pahrawn kut tuar tel ve kha ani mai, min chhir zui ve zawt zawt changlah a tam narawh, ṭhian te kar a awm aiin mahni a awm nuam ka ti ṭan a, tupawh mai kha ka hlauin kut minthlak ve mai ka hlau vek ani ber, mahse ka nu bul ah ka awm a, engmah ka mamawhlo, kut tuar ṭhin mahila nu kala nei tal alawm, ti khan ka ngaithuah ṭhin, mahse a hma ai anasa in chu thli chhia chuan min chhem a, khami zan ka kum 15 piancham zan khan, ka nun zawng zawng ti chhe vek tur leh ka dam chhung a siam ṭhat leh tawh ngailoh tur chu ka pahrawn ngei mai khan athlen tir anih kha, a vawikhat nan, a vawikhat nan teh meuh PA tih thumal ka kâ aṭang a chhuak ngai reng reng khan Pa tiin ka ko a, " Pa khawngaih in min khawih suh," tiin a khawngaih ka dil lawm lawm ani kha....


"Zualte," Eric-a aw ka hriat chuan ka harh zawk, alam ka hawi vat, ka biang rawn lum thla pup ah chuan ka ngaihtuahna bawkin min ti ṭap leh ani tih ka hre nghal rang lutuk in ka hru vat, "i ṭha maw? Sawi sual ka nei leh tawh em ni?" A rawn tih chuan nui lui sang in, "teuhlo mai, ka mit ah bawlhhlawh a lut palh a," lawi zet chuan ka ti chhuak, awihlo tih hriat zet a nui hak chuan, "room pakhat chiah ka nei sia, i mu mai dawn nia, zanin chu hetah hian ka mu mai ang," atih chuan ka lu ka thing vat, "tah hian ka mu thei ania, i room ah mu zawk rawh," ka ti ve takna a pawmdawnlo tih a hmel ah alang reng

"I sam ro hun ah i mu maidawn nia aw, mi hmuh tur ka nei a ka rawn let harlo ang, mahni in ilo awm thei ang tiraw?" Tho thurh pah atih chuan en haw in ka bu nghat, "ka rawn haw harlo ang," nui sang a tih leh a pensawn nghal, mi zawng zawng hi hmangaih na neilo pawnlam a ṭhaber ang a lang, chhungril bal vek tur ah kalo ngai kha, Eric-a te nufa ka tawn hian ka ngaihdan dikloh zia minti hre chhuak
.
.
.
Zankhua in ka muhil lo ti ila ka sawi dik ang, zinglam dar 4 vel ah ka muhil ṭawk, ka harh leh chuan dar 9 a pel thuak, rang lutuk in ka in perh tho, ka inti fai sawk sawk, choka ka luh rualin, "ilo tho ta maw, chaw ei ka peihfel chiah a," Eric-an nui ṭhu a alo tih chuan ka zak chem chem, thawh ka hai ngai hauh silo a, zan muhil theilo ṭhin mahila ka hai ngailo, thinthi khan ka muhil ngailo ani zawk, ka thla alo muang takzet ani

"A pawi ka ti hle mai, thawh ka hai ngailo asin le," inthlahrung zet a ka tih chuan nui hawk hawk in, "lo ṭhu rawh le, thawhtlai man ah chaw i ei ṭeuh thei, nula si i khal lo lutuk," minfiam pah a atih chuan ka nui hak, a bul ah chuan ka nui ve ta zeuh zeuh alawm

"Duhleh hetah i awm ve thei ania Zualte, wine shop chu alian lutuk lo a, storage pawh alian hranlo, chutah chuan i mut mai angai dawn sia, hetah keimah in ka cheng tho a, i duh chuan i awm thei ania, a hreawm lo zawk ang," atih chuan chaw bar mawlh mawlh in k lu ka thing, ka tibuai lutuk theilo, in hawng in ṭha viau mahse ka tan chuan mihrang a ni tlat

"A lawmawm viauna mutna a awm chuan a tawk lutuk ania, chuai chuan i sawi dan khan tlaidar 4 aṭang i hawng ṭan a, chhunlam ah hna dang zawn ka duh dawn a, a rem angchu maw?" Melh zawk pah a ka tih chuan a chaw barlai chawlhsan meuhin min en kar, "i hah lutuk dawn ania, i thei ang maw?" Atih chuan thaw hakin, ka bu nghat, hna engpawh ka thawk anga sum tamtak ka thawh chhuah angai, zahawm na neilo minti tu te hma ah ka zahawmna ka hlawh chhuah leh ka nundan hmuhtir ka duh ani

"A ṭha e, ka tilui lo angche i hmel ah khan i tum lui tlat dawn tih ka hria, anih chuan vawiin chu dawr thianfai ila, i mutna tur te kan ti fel dawn nia, security guard ini nghal mai," nui hak hak atih chuan ka nui ve hak

A dawr chu a sawi ang tak tak in a lian lem lo, mahse zu um chi hrang hrang chu nalh leh awmze nei takin a inrem dul, glass no lah chuti bawk, a hmuhnawn dangdai takzet

Nileng a thil tihdan tur leh ka hna tur min zirtir in ka mutna tur kan thian fai bawk, chauzet chuan chair ah ka ṭhu thla hnak, tui min pek pahin, "i chau hle ani maw? I biang a tai vek," nui vur vur a atih chuan ngaihsaklo zetin tui chu ka in khawlh khawlh, ṭawng chhuak tur ka awmlo ani zawk, "heihi ka ṭhiannu ania, hna i duh belh in ka hria, a dawr tifai tu tur a duh a, i peih chuan a awm ania," tihpahin phone number a rawn hmet chhuak, ka en vat, nuisuk chuan, "tehreng mai, engtik aṭang in nge ka ṭan theih ang," lawm zet chuan ka ti chhuak

Min en run run a nui huk in, "i va mak reuh tak e aw, i hah tih i theihnghilh nghal elaw, naupang te te si pawisa i hre lutuk," atih chuan ka nui ve vur vur, ka din chhuah theih nan leh ka nu leh pa min hmangaih miahlo tu te hma a ka hawisan theihnan ka mamawh miau ani
.
.
.
Nitin Eric-a ṭhiannu dawr ti fai chuan zingdar 10 aṭang tlai dar 1 thleng ka thawk ṭhin, chumi hnu ah abul lawk a restaurant ah darkar 2 chhunglek thleng sil in ka in hlawh leh nghal ṭhin bawk, tlai dar 4 aṭang erawh in Eric-a a wine shop ah ka thawk leh thung, Eric-a erawh a chang zeuhin a rawn kal ṭhin, hna dang anei tih ka hriatna ala rei hauhlo, tlangval taima leh tum ruh tak ani, a dawr erawh a hnathawk ten kan enkawl mai bakah, Ruata tlangval fel takin a enkawl sak bawk

Dawr chhung ka nawh fai mawlh mawlh lai chuan tu emaw in min rawn su dawt, bucket a ka tui dah chu a baw nghal zuih bawk, rak ṭhawt in, "fimkhur ta che," ati ṭhawt, ka sut nilo in aman a rawn su ani sia, "ka tihpalh lutuk,ka bucket hun i rawn su palh anih kha," tih leh ka dak chhuak chu chiang lutuk in ka nu hrawn fanu malsawmi nen kan in melh ta ran mai

A thinrim mitmeng ling hlar kha chawpchilh in maktihna in a inthlak, amak atihna chu a reilo, a nui hak, anui ri erawh elhsan na leh hmuhsih na in a khat, "ka tumloh deuh mihring ka hmuh chu a," thil tenawm sawi ang maiin a nernawk bawk, ka ngaihsak peihlo, ka chhuat nawh na chu ka ti fel mawlh mawlh, chhan let tin ah oawh ka tinlo, ka chhanglet anih chuan a thiam thil lem chan kha a show off leh anga, ka mualpho mai mai dawn tih ka hria, "ngaihdam min dil dawnlo em ni? Ka pheikhawk i tih huh vek hi," ka ngaihsak loh vang a thinrim tih hriat zet chuan changfalin a rawn ti ṭhawt, muangchang a dak chhuakin, "ka tihpalh ani e," ban chap chuan ka ti chhuak, midang awm ve ho chuan min en ṭhap

Nernawk in, "fimkhur tawh angche nangni ang lei mai mai phak anilo," atih zawh rualin,"Mal, tunge i hria em ni?" A ṭhiannu ni awm takin a rawn tih chuan min en ran chung a nuisuk in, "kan chhiahhlawh ṭhin anih hi, ka nu ṭhi a ru a ka pa in ahnawt chhuak a," dawt mar pat mai a sawi chuan phawk fe in ka en, min nuihzui ar ar bawk, an ṭhian ho anui awr awr chuan, "kalteh ang u, a hri in kai palh ang," atih zawmzat, nghet lutuk in ka chhuatnawhna chu ka hum, tlan lawk a a tukkhum sam a keh dak awrh ka chak zia chu pui tak ani

Dawr a awm ve leh thawk ve ho zanwg zawng chuan min en ṭhap, an phun deuh sar sar bawk, Malsawmi chu ka bul a rawn let leh in ka bengbuk chet a rawn ding chuan, "Delhi ah ka zirlai ka chhunzawm dawn a, i pa, ohh ka pa in ka zir duhber na hmun ah min kaltor dawn a, nang erawh chhuat nawt tu," a nui hak, "ui chuan atih awm tawk leh a awmna hmun tur tawk a hre tur ani reng ani, good dog," tih zawmzat chuan nui hakin a pensawn nghal, ka thinrim zia chu ka kut ka hum khur dar dar, ka chhuatnawhna ken lai chu chuat ah thlak bawl chuan chakzet in ka pan hnai

A dar a kuai her sawkin, mittui tling pam chuan rum lutuk in ka en, min hlauh hmelzet leh mak tizet a min en ha chuan, "e..enge iduh?" Tih leh ka vawn na kut dah thlak atum chu a ai na in ka hmer, thei ngat ila a ruh zawng zawng hi hmer sawp vek mai ka duh, "min thlah rawh, security koh i duhloh chuan," ati ṭhawt, "lo nghak rawh, i tlan anih chuan kei chu ka thlawk ang," seh chilh zet a ti chhuak chuan ka vawn na thlah pah chuan ka nam deuh sawk, a kat deuh nawk nawk, ka kut ka hum ruh nghal ngut ngut, chutilo zawng kut thawh a ka sual duh mai ka hlau, min melh rawm rawm pahin, "kanla hria angchu, ui vak rawlai mai mai hian min cho sual ang tih hre rawh, ui chuan an pi te eitur pek hun an nghak mai ṭhin, i nu leh pa te pawhin an duhloh tur khawp a nun tenawm, nawh chi zuar mai mai inih kha," ti hrawkin rang lutuk in dawr aṭang chuan a petek chhuak ani ber, a pen hlawk hlawk chu ka en ngawt ngawt, ka biang a rawm lum thla pup, hru tawkin, "nawh chi zuar maw? kanla hria angchu," hapui ṭhial rap rap chuan ka ti kha fak, boruak tam tham zet hip kawk chuan ka thaw kawk kawk, nu leh pa duhloh hi eng ang tak a hlawh tling nge i hre dawn alawm

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:36 pm

IT'S YOU
By floria laldansangi
4

ZOTHANA...POV

"Alo thleng, alo thleng, lo enru, a hmelṭhat zia saw."

"Nangte chuan hmeichhia tawh phawt chu ṭha iti vek alawm, Delhi ah pawh khan bar tender mai mai pawh zan i hmanpui duh ania."

"Ngawi mai mai teh, enru, kan lam pan in a rawn kal, ka hrilh angcheu, pizza deliver girl satliah amaw inti ange, insual a thiam teh ania, ohhh he Bar ah pawh hian DJ ani ṭhin, Eric-a bialnu ve deuh reuh ni in ka hria, min duhse chuan ka lerh hi ka sim chiang ang mawle," ka ṭhian te inhnial chu music ri hat hat kar ah ka ngaithla ran, Eric-a bialnu an sawi chuan ka nui suk, Eric-a hian ngaihzawng aneih awm ka hre ngailo hrim hrim, Delhi ka awmlai khan tleirawl duh ve deuh aneih thu chu a rawn sawi ve ngei kha

Ka bul a hmeichhe nalhzet ṭhu in min zut hliau hliau, an ni ho thusawi hi chu ka ngaihsak ngai lemlo, hmeichhe nalh leh an tawn apiang hun hmanpui a, kalsan leh mai ṭhin an ni maiu a

"In pizza chah alo thleng e," hmeichhe aw nalh zetin a rawn tih chu music ri dup dup kar ah pawh hre chiang tak ka ni, ka dak chhuak vat, dawhkan sei zet hma a ding hmeichhia 5'5ft vel a sang tur, a t-shirt var hak chhan a awmbawr rawn kawh lah mai, a jeans kekawr mar nalh tawk chiah leh bawp nalh tak anei tilang chiang thu chu ngun zetin ka en, kan ṭhut na tlem a thim deuh ah pawh chuan alandan simple tak chu hmuh nuam tak ani

"Ahh, ka..ka engzah tur nge kha?" Jerry'an bah deuh nak a atih chuan midang chu an lo nui hak, he mihring tak hi chu(h)!!! Lerh ve si, a hmeichhe duhzawng tak ahmuh leh a dang a awk tlat zel bawk, ka no kenlai a whisky la bang zawng chu pizza deliver girl en chung chuan la thlak pap

"250," atih rualin a phone a rawn ri ral ral, "minlo hrethiam lawk," tih leh a phone la chhuakin a en nghal, pensawn pah chuan kan awmna aṭang a hla vaklo ah a au deuh lang lang, a che vel engkim mai chu ka tih ngailoh tawp leh Zothansanga mi inti vei tak anglo takin ka en zui haw haw ni mai hian ka hria

"Wowwwww, Jerry'a thusawi leh hmelṭha tih ka vawikhat ṭawmpuina ni rawhse, a ṭha takzet, a awmbawr saw, t-shirt leh jeans chhan ah pawh bawp nalh tak anei tih ka chiang bawk," Hlu'an a rawn tih chuan midang ho chuan pawmpui zetin anlo bu tliar tliar

"Mipa umzui tu a angah ania, kan colleges naupang ho phei chuan amah vang sawn pizza an order deuh chhen mai, mahse tu mipa mah in an Bem tlu zolo, a chapo hranlo a, mipa amah hnaih tu hma ah erawh a chapo viau thung," Jerry'an pizza girl en chung chuan a ti leh siam siam, hei pawh ka vawikhat na, hmeichhe chanchin an sawi ka ngaihthla ngailo hrim hrim

"Ohh chuan Mizoram mihausa M&A Company CEO kha inhria em, kha pawh kha a hnawl ṭhak," chek tlak tlak pah a tih zawmzat chuan ka nui hak

"Pizza sem tu mai mai sawn maw?" Ka ti sup, an vai a min en ṭhup chuan, "ilo hre ve alaw kan thusawi," Pui'an a rawn ti haw, ka meng deuh kawk, thaw hakin, "in ṭawng ring em alawm ka hria angchu, beng ka nei ve," tih leh whisky bawk ka tlak leh pap

Nui hak hak in, "Pizza sem tu mai mai ti suh, nangpawh hian i thei biklo ang, i unaupa pawh sawn a sit hauhlo anih hmel," Jerry'an a rawn tih chuan ka nui hak, ka unaupa hrawn ṭhut na lam chu ka melh zawk, mit tla lek lek in a en tih ka hmu nghal, ka bul a hmeichhia ka nghawng thawk khum ham ham tu chu namsawn in, "Pizza girl lak ah mai mai tlawm ka tum hauhlo, engzah nge i chawi ngam?" Tih pah chuan ka melh ralh, mak tih hmel zet chuan min en haw hlawm, ni e, ka tih ngailoh ani miau a

"Wuuuuu, Bawiha chhuahpui a i sawm thei anih ngat chuan ka wallet a pawisa awm hi i duh zah zah i hmang thei ang," Jerry'an a rawn tih chuan ka nui hak, " deal, hun rei ka mamawh dawnlo tih inhriat kha," ka tih chuan Matt alo nui hak

"Matt itel ve dawn em, tun ṭum chu Jerry lam ah ka ṭang ni rawhse," Hlu'an a tih zawmzat, "ka tel velo ni mai rawhse," tih leh ano kengkang chuan a nuisuk

"Alo let, i hun a in ṭan chiah e," Hlu'an atih chuan ka thaw hak, engtin amaw ka zam ru deuh emaw ni? Awihawmloh lutuk, ka whisky in a thawk ṭan ani khawp mai, "pawi ka ti khawp mai ka in nghah rei tir che u a," tihpah chuan Jerry'a pawisa pek chu a ban nghal

Midang chuan min melh zawk zawk, thaw hakin ka ṭhut na aṭang a tho chuan a din na lam chu ka pan, a bul a ka din rualin a rimtui hman rim na lo tak chu ka hre nghal, ka hip kawk, ka hmeichhe hriat te anglo takin a rim ana lo, a bul hnai chet a ka din rualin ka lungphu a rawn phu dat dat, phiangsen chuan leh!!!

Pawisa kir pek tum a rawn lek kang chu aban ah ka lo man chat, phawk fe in min rawn en, a mit lian tha kelh kawlh leh hmui kau tiar chuan minti zam lek lek nia, "i number leh hming min hrilh dawn em niang?" Ka ti sup, za lo tih hriat zet a nui suk chuan hnehsawh lutuk in ka vawn na aṭang chuan a tal chhuak, "in order siam ah khan a tel lo tlat mai," thle bak a tih leh pawisa kir chu ka kut a rawn hmehbel in a inher nghal hmak

Ka ṭhian te an lo nui hawk hawk, "Jerry'a sawi kha a dik anih hmel," Pui'an a rswn tih chuan ka thaw hak, a vawikhat nan hmeichhe number ka dil a, minla hnawl zui ania, phiangsen chuan leh!!! Reilo te ah a ngen in minla ngen khawp ang

"A vawikhat nan hmeichhe number idil kan hriatna, hnawl ini bawk, i hlawh chham phawt, a number kan order tel lo anih chu," Jerry'an nui hawk hawk chung a rawn tih chuan thinrim zet in pawisa chuan ka vawm sawk, "hreptak a!! Lo nghak ru karkhat chhungin ka hma ah hian a in phelh ruak khawp ang," ti hrawk chuan whisky no chu la in ka tlak pawp, ka hrawk a sa thla ham ham, ka ner nawng


"I tlawm ala anih kha, ka hawsan dawn che u, naktuk chu rawn kal angcheu," Matt'an ka dar a beng thak thak a atih chuan ka bu nghat, lungawilo zet chuan Pizza girl chhuahna lam chu ka melh leh hram, thaw kawk in, "keipawh ka haw dawn, naktuk ah kan in hmu hlawm dawn nia," tih leh inher ka tum chu, "min thlah haw angai, ka bike ka rawn kenglo, Jerry hi ka rawn zui a, haw ala tum hmel siloh," Pui'an ka dar a rawn kuah thuk pah a a tih chuan Jerry'a lam chu ka hawi vat, hmeichhia alo fawp leh ngawng ngawng tawh, hepa tak hi chu!!!

"Kal teh ang," tih leh ka pensawn nghal, "Delhi ah chuan let leh i tum em?" Pui'an arawn tih chuan motor khalh chungin ka melh zawk, ka lu ka thing zauh, nui hakin, "Amy ava khawngaih thlak dawn ve, a rawn zui ve leh mai lo che maw? A reng reng in Amy nge Malsawmi zawk i kawp a tunlai hi," nui ṭhu chung a rawn tih chuan ka melh hrawk

Midang sawi mah tih nak alai, ka ṭhian te tal hi chuan an ni pahnih hi chu min chhaih nan hmanglo se ka duh, "aw le, aw le, mahse Malsawmi ai chuan Amy hi a zia awmzawk tih ka rawn angche," nui sung chung ati chuan, "Pizza girl kha," tih leh a nui huk, "chhuk vat maithei ka theh chhuah hma che in," ti hluk chuan ka ti ding tuar, ala nui ang hawk hawk zui a

Inchhung ka luh rualin choka ka pan nghal zat, light on lem lo chuan fridge ka hawng rak rak, tui vawt la chhuakin ka in nghal khawlh khawlh, ka mitthla ah kha pizza girl bawk kha a rawn lang leh, "phiangsen a!!! I hre khawp ang," ka ti sup, "Mizoram ah hian awm hlen i tumlo angchu maw?" Ka nu aw chang fe ka hriat chuan ka phu zawk, rang lutuk in light ka on nghal, dining table bawh ti tih chuan wine um nen alo in chhawp ram

Chhanglem lo in fridge khar sawk chuan kawngkhar lam ka pan nghal, "ni 2 hnu ami tur tricket ka book lawk a, Delhi ah chhuk leh angche," a rawn ti ban chap chap, ruh lutuk in ka kut ka hum, hawilet lo in, "naupang ka nih tawhloh hi, bihruk reng chhan tur ka nei hauhlo bawk," kha zet a ti nghut chuan ka pensawn nghal, thui pawh ka pen hma in bottle vawm keh chuai ri ka hre zui zat, ka thaw hak


Ka room a lut in khum ah ka bawk thlalawp, ka mit ka chhing vang vang, ka mitthla ah minhring tunu hmel a rawn lang ruai ruai, a hmel erawh ka hmuchiang hleitheilo, kum 6 milek ka nih khan ka pa in tirbo in a awmna chin a sawi duh ta lo, "Nu ila dam em? Engpawh thleng dawnse ka rawn zawng hmu em em angche," sehchilh zet chuan ka ti sup


ZUALTEI....POV

"Engthil nge thleng a," dawr ka luh rual a ri hut ka hriat chuan ka ti nghal, "boss ilo thleng tawh maw? Nupa an nih ka ring, an in hnial a, a mipa sawn kut thlak a tum a an ṭhelh anih saw," jacinta'in a rawn tih chuan ka pan hnai nghal

Customer ten an din hual luih luih na kar ah chuan ka in rawlh lut, ka hma a ding hmeichhia sam hnawk zet mai, mitsen ram ka hmuh chuan ka khawng nghal awt, ka lam a rawn hawi ve chiah bawk, a hmel a mak tihna leh natna ni awm tak chu chawpchilh in alang zut zut, ka in sehruh nghal ṭau, ka hma ding mi pahnih ka hmuh rualin kum 10 liam ta a ka chung a an thiltih kha nimin ang maiin ka hma arawn lang zut zut

"Kaldarh tawh rawh u, engkim a ṭha tawh e, pawi kanti hle mai," jacinta'in midang ngaihdam dil pah chuan ati lang lang, ka nu chuan mittui tlingpam in ka lam a rawn pan, "Zual... Zualtei ini em?" Bah nawk nawk chuan a rawn ri chhuak ṭuak, ṭap mai tur hmel a pu, ka melh ngar ngar

"Ini tiraw? Ka fa..." Ati leh tur chiah chu ka ban ka vai thuak, a fanu ka nih thusawi atum anih chuan ati sual khawp ang, "min hai anih dawn chu, in nupa buaina chu i inchhung ah ni rawhse, ka dawr ah hian buaina in siam tawhloh ka beisei, KA PI," changfal chuan ka ti chhuak, a thaw hak, a mittui a rawn luang ngiai ngiai, ka nuih khum sak, ka pahrawn lam ka en chuan uluk lutuk in minlo en, a mitmeng hur herh lutuk pawh ala danglam lo, ka chung a athil tih te kha nimin ang mai ani, ka na thar awn awn mai hian ka hria, ka kut hum ruh ṭau chuan, "jacinta dawr ah buaina a awm in police be nghal ṭhin angche," ti deuh hrawk chuan ka kal pel nghal hmak, ka nu hmel a natna lang kha ka hmulo anilo, mahse a fanu ngei mindahbo tu ka hriat reng chhan tur a awmlo tlat ani

"Ilo nula ta hle mai," aw tenawm lutuk ka dam chhung a ka theihnghilh leh tawhloh tur ka hriat chuan ka ding dat, balcony ah chuan ka ding ran, muangchangin ka inher, ka pahrawn nui sung a ka lam rawn pan chu rum lutuk in ka melh, "nula puitling ilo ni ve tak tak ta anih hi, puitling leh hlawhtling tak," thlebak chuan atih zawm zat

Ka hma a rawn ding chuan a rawn pen hnai leh hret, ka tawlh hnung vat, ruh lutuk in ka kut ka hum, kut ka thlak mailoh nan ka inseh ruh ngar ngar bawk, "i hmelṭha zual sauh bawk," thawp sup a arawn tih chuan ka inveng hman lo ka tha neih zawng zawng sawm khawm in ka hnek ṭhuai, a thal tawp, ṭhu hniam nghal rawk rawk chuan a kawr awm a ṭham nawk in, "ka hma a i rawn inlan leh anih chuan..." Seh chilh zet a ka tih laiin a nui hak, a kamsir thi seng seng chu liak zauhin a kawrawm ka ṭham na chu amelh zawk, "tha pawh ilo ngah ta hle mai, ka rawn inlan leh anih chuan engtin nge mintih ang?" Ti hrawk chuan ka kut chu a thing thla sawk

Rawn ding chhuakin, "kum 10 liam ta a ka tih ang tho kha kala ti thei tih hria angche," thinrim zet a ti hrawk chuan min rawn din hnaih, "a ai nuam pawhin mawle," tenawm lutuk a ti sup chuan a inher nghal, ka thinrim lutuk chu ka kut ka hum khur dar dar, umzui a sawisak hrep mai duhna in ka khat hluah hluah bawk, a hriat ṭhin naupang dawihzep tak, anu a sawisak a hlauh vang a ngawi mai mai leh a mah hlau a khur hlawk hlawk a, zun cheh hial ṭhin naupang kha a thitawh tih ala hre vat ang


"Zualte order delivered tur a awm a, i kal dawn nge Dinpuia ka tir mai dawn?" Jacinta'in a rawn tih chuan bu nghatin, "dawr pawh kha khar law law mai rawh, zanin chu i kut ah ka dah ania," tih leh min chhan na pawh nghaklo in kailawn lam pan chuan inchunglam ka pan nghal, ka biang a rawn lum thla pup, ka mitthla ah ka pahrawn min khawihlo tur a ka ngen lawm lawm lai kha arawn lang zut zut

Ka room a lut in kawngkhar kalh rawk rawk chuan chhuat ah ka ṭhu sawp hnawk, ka ṭap khur nghal dar dar, chak tak a awm a hma chhawn ka duh, mahse an hmel ka hmuh hian helai, ka lungphu zawn a ser ah hian an vit nawn leh ṭhin, chu chuan minti na ngawih ngawih, kum 10 aliam tawh, hmeichhe chaktak ka nih ahun tawh takzet tih ka hria, mahse ava har si em!!! Mi tamtak chuan, thisen vawt tak, hmeichhe chaktak hlauh neilo ah min ngai tih ka hria, mahse ka chhungril hi a rum a, ser nung leh khawhar na in a khat tih tuman an hmu thiamlo

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:36 pm

IT'S YOU
By floria laldansangi
5

Jacinta...POV (ti tel lawk ang aw)

"Jac kan haw ve tawh dawn em? Vawiin chu boss hlauhawm sa nak laiin a hlauhawm zual, a thin kan ti rim palh ang tih ka hlau lutuk," Mawi'in a rawn tih chuan ka nui hak, "hei pizza hi ei ang u, midang ho kha an haw ta vek sia," tih leh pizza chu kala chhuak


"A rilru a ṭha tho alawm," Dinpui'an a rawn tih chuan Mawii chu alo nernawng, "ka hre tho a, ee, Jac, boss hian chhungkhat laina hnai hi aneilo amile, a hausa ropui maisia, mahse midang hi ka hmu ngailo," atih chuan Pizza ei chung chuan, "ka hrebiklo," ka ti sup, ka mitthla ah Zualtei hmel a rawn lang, ka hmuh hmasakber leh kan inhriatdan te, zan ah a ruk a ṭap fo te, nung ve mahse nunhlimawm zia leh hlutna a hriatloh zia a hmel a ka hmuh ṭhin chu a rawn lang zut zut, ka thaw hak

"A nui ngailo e, a nun hi engti kawng emaw takin ka khawngaih, mihausa ho pawh hi an nun a awhawm vekloh anih hi," Mawi'in a rawn tih chuan ka bu nghat, engtak nge harsatna aneih leh a thil pal tlang ka hriat puilo na in, anun ti chhe vek tu thil tawn anei tih erawh ka hmu thiam ani, tamtak sawidan chuan, "Nula sum duh, nui ngailo, pawisa bak ngaihtuah neilo, khawngaihna neilo," tiin an sawi fo ṭhin, mahse chapo te tiin sawi fo mahse a rilru a ṭha in harsa te tan a in hawng em em, tiang dinhmun a thlen dan hi ka mit ngeiin ka hmu a, ka hre bawk

Kum 18 mi tleirawl Wine shop a ka thawhpui, chhunlam a hmunpphiat leh waitress hna chi hrang hrang thawk ṭhin, hringnun sual ve ṭang ṭang ṭhin ani tih hriatpui se tumah hian, "nunrawng, chapo," tiin an sawi kher lo

"Bialpa te hi neise inti hlimse a inthlak maithei asin, mahse amah duhtu pawh a hnawl zel ania," Dinpui'an a rawn tih nuah nuah chuan kan nui hak, mipa hi engah mah angailo aniber, "awii keichu patil lo nithut se ka ngaizawng hreh miahlo, a cool si, bakah boxing a thiam reuh bawk si, bike a khalh phei hi chu mipa tamtak ai pawn chhelo ka ti fe zawk," Mawi'in uar fahran a arawn tih chuan za lutuk in ka nui chhuak, keipawh khan patil amaw ka tia ka lo star ruk hman pek kha mawle, hmeichhe pangai ani tih ka hriat ni ka zah zia kha

Dinpui'an a tukkhum a beng bu lawm chuan, "i thluak ah hian enge maw bikni," ati deuh nghut, Mawi'in a tukkhum tuai vut vut chuan, "ana, ka lu ah hian min beng lawl lawl zel suh laldinpui ka thluak te beng chê in ka rilru kimlo se engtin nge itih ang," thutak fahran a arawn tih chuan ka nuih a za zual, Dinpuia pawh nui hawk hawk chuan, "i rilru a kimlo sa tih i hriat hun chu i fin hun tur ani mai," atih rual deuh thaw in Mawi'in a pizza eilai chuan a vawm sawk, kan nui hawk hawk hlawm

"Minlo hrethiam lawk teh u," mipa aw thum lam pang fiah zet mai kan hriat chuan kan ngawi ṭhap kan hawi nghal dawrh, ka mengkawk bawk, kan hma zawn a mipa hmelṭha lutuk ding chu mit khap fak fak in ka en, "awwhh, ahhh, dawr kan khar tawh a," bah niah chuan ka ti chhuak, ka melh leh zawk, aww ka hria ani hepa hi, Zothansanga Mizoram mihausa lutuk pafa naupang zawk kha ani, khai!!!!! A takah a chhelo zawk fe anih hi

"Ka hria alawm," tihpah chuan a nersuk, "naktuk zan dar 10 ah helai hmun ah hian pizza box 10 min rawn pe dawn nia," a ti nghut, makti fe a en chuan, "maw? Ah ka tih awmzia chu eng ang nge iduh, chidang.." Ka tihlai mekin, "in neih ang a to ber ang kha ani mai," tih leh a inher nghal vut

Kawngkhar a pen chhuah rualin, "awiii a chhiatloh zia kha, Zothana ani tiraw?" Mawi'in a rawn ti nghal zat ka bu nghat nghat, "Mizoram ah alo awm ve leh tawh ani maw? A takah a chhelo fe zawk anih kha, mahse engvang a order siam a amah kher rawn kal nge maw anihle? A rawn call thei reng sia," atih zawmzat, nui hakin, "ka hrebiklo tiru a tlai dawn dawr hi khar fel ila haw ang u, inchung ah Zualtei ka han enlawk ange," tih leh ka pensawn nghal

ZUALTEI....POV

Ka zing tho chu lu na bur in ka tho chhuak, inhnuai lam ka pan chhat chhat, "good morning boss," anlo ti sap sap, ka bu liam satliah, tumah pawh chu ka chhang peih lemlo, "Dinpui vawiin chu deliver ngai ho kha i kut ah awm mai rawhse aw, ka nuamsam lo emai, counter ah hian ka ṭhut pui mai ange," tih leh zawi zet chuan ka ṭhu thla hnak

"I damlo ami, i dang vek ania, kha dark circles te inei," Jacinta'in alo tih chuan ka lu ka thing ringawt, "ka chau deuh a chuvang aniang," ka ti sep, "takin zanin dar 10 ah hetah hian pizza box 10 lai anduh a, Dinpuia lah vawiin chu a haw hmat kha rem ilo ti hman tawh sia, duhleh keimah pawn ka delivered thei ania aw, damdawi ei rawh ka rawn lak angche, hnathawk an awmtho a i damloh hi chuan inchunglam ah awm rihla a ṭha asin," ati zawm mawlh mawlh


Zawi zet a ṭhu chuan a che vel chu ka en ran, customer rawn lut chu ka lo en kar bawk, dawr neitu ber ni mahila choka ah leh deliver lam ah ka puih ṭhin avangin tumah in he dawr neitu ka nitih an hrelo, ka hnathawk te tihloh chuan, ka pa in ka chhuahsan na kum 7 lai ani ta, khang kum chhung zawng zawng khan rimtak in hna ka thawk a, pawisa ka hmuh theih ang ang ah chuan ka thawk aniber, mahse thianghlim takin sum kala lut thung, ni e, a chang chuan beidawn rum rum chang kha ka nei ṭhin ngei alawm, mahse ka beidawn dawn apiangin, "i bul lam ah te mahla, a tawp lam ah ilian ang," tih Bible chang hi ka hre chhuak fo ṭhin, mifel tak leh Pathian bel mi tak ka nilo, Pathian lak ah pawh ka vui nasa ṭhin viau, mahse Bible chhiar leh ṭawngṭai ka thlah thlam chuang hauhlo thung

"Kha hei ei rawh, in enkawl ṭha rawh U Eric-a i ngam leh awmder silo," tih pah a damdawi min rawn pek chuan ka nui hak, ka bul a rawn ṭhu thla chuan a ṭawng leh nghal bawrh bawrh, ka dawr chhung chu ka en kual, pawnlam ka melh rual a ka mihring hmuh chu ka meng deuh kawk, kawngkhar sir deuh a ka nu ding ka hmuh chuan uluk zetin ka en, ka lam a rawn hawi thut, rang lutuk in ka hawi sawn nghal, ka mit sir erawhin ka melh zeuh zeuh, ni 2 liam ta a ka hmuh bak kha kala hmu lehlo, hmuhleh pawh ka duh heklo

Enge rawn tih atum ka hrelo, mahse minduhlo tu leh min dahbo tu ani tih erawh ka beng awmna ka hriat chian tluk in kala chiang ani, "Zualte ka thusawi chu i hria em?" Jacinta'i aw ka hriat chuan ka en vat, "maw enge i sawi?" Ka ti hu, min melh ram ram pahin, "enge ilo ngaihtuah le? Henghi enla dawr hi tih len i duh thu i sawi kha, design dan tur kalo en a, hetiang deuh hian VIP room kan siam dawn em niang?" Atih chuan a tablet ken chu la in ka en kual, "Japanese restaurants ang deuh hian em ni itih?" Ka tih chuan a bu nghat, "enla kan restaurants chei dan hrim hrim hi, ti chauh pawh hian Japanese restaurants a ang sa lutuk ania, Japanese food vel menu ah kan telh belh bawk anga," atih chuan kan en leh vang vang


"VIP room kan hmanlai hi customers pawimawh tak tak VVIP, ṭawng ngaihthlak theihlohna turin kan siam anga, a tih chi viau tak ang," ka ti sup, nui var var chuan, "ka ngaihdan chiah ani," uar zet a atih chuan ka nui hak, pawn lam chu ka melh leh zauh, ka nu leh ka pahrawn ding dun ka hmuh chuan ka insang mar nghal ṭeu, min hmu tur a arawn kal ka lo ring ringawt te kha ka mawl zia ka hre chhuak, minduhlo tu chuan engvangin nge min rawn hmuh ngawt ang, khang kum chhung zawng zawng pawh a min ngaihsaklo tu, ka thi nge ka dam pawh ngaihsaklo tu ani a, ka pahrawn hmuh a tum vang lek anih chu!!! Ka á takzet

Nileng a dawr a ka ṭhut ve tak ah chuan hnathawk ho nen pawh kan inpawh deuh in ka hria, dawr ah tak ka awm tamloh em avangin min hlau thei hle, ka nui tamlo leh ṭawng tamlo ve bawk nen hian ka nel awmloh zia jacinta'i hian min hrilh fo ṭhin

"Minlo hrethiam lawk," tih ri ka hriat chuan ka dak chhuak vat, ka hma a hmeichhe ngo veng nelawm hmelzet ding chuan milo nuih sang, "puih theihna che ka nei em?" Ka ti sup, dawr chhhung enkual pah chuan, "a neitu ka be thei angem? In boss hi hmuhlawk ka duh a," atih chuan a kut a a camera ka melh vat, reporter ani tih ka hre nghal, mi tamtak in ka dawr avangin interview neih an duh thu an sawi ṭhin, a neitu hriat an chak hle ṭhin bawk, mahse ka peih zawng anihloh avangin ka hnial fo bakah dawr neitu ka nih ka sawi ngailo bawk, chutiang bawkin ka hnathawk te pawhin

"Kan boss a awmlo a," ka tih rual in a ner deuh nung, a awih chiahlo tih alang reng, a hmel chuan ka nuih a ti za tlat ka nui suk, "hmuh avan har ve mawle, anih thil ka zawt thei che ngem? He dawr Collins restaurants hi Aizawl mai nilo Mizoram pum a restaurant lian leh sum la lut hnem ber ani a, a chanchin tlem min hrilh thei angem? Ka hriat dan in anei tu hi hmeichhia ani anti a, adik em?" Dil chhut zet a atih chuan ka lu ka thing mat mat, "ka hre miahlo," ka ti leh sup, thaw hakin, "helai a hnathawk hrim hrim ho pawh hian thuruk chu in nei chiang alawm," amah chuan a phun sep sep, "anih chuan heihi in boss chu heihi lo pe la, hun reilo te min pek theih chuan ka lawm ngawt ang," tihpah chuan a card minpe nghal, ka bu nghat, nuisang a pensawn chuan dawr chhung enkual pahin thla ala mawlh mawlh

"Grace Lalfakzuali," ka ti sup, nuisuk chuan kawngkhar lam a a pen chhuak chu ka en, hmeichhe tho thang ṭha tak ani ngei ang, reporters dang anglo takin zawhna min zawt lui chiamlo pawh kha a ṭha hrim hrim

"Zual, heihi order pek tur ania, Mawii nen hian kan pe pah mai ang," ka phone khawih lai min rawn biak chuan ka en vat, "dar 10 hnu lam a haw chu an veng a hla si haw tlang rawh u, keiman ka delivered mai ang," tih pah chuan ka ding nghal

"I damlo sia boss kan thei tho ania," Mawi'in a rawn ti vat, nuisuk in, "ka ṭha alawm, naktuk hna in ngah dawn ania, kan sa order a rawn thlen bakah Delhi lam aṭangin VIP customers kan nei dawn hahdam hma rawh u, jacinta zanin bak i riahpui angai tawhlo tiraw?" Tihpah chuan ka jacket chu ka ha ṭha mawlh mawlh

"Min ngai ani maw? Naktuk ah anu a rawn haw dawn alawm, anih kan kal mai dawn," atih chuan ka bu nghat, tu nge maw zantlai a pizza box 10 lai chah ni, kan restaurants a special pizza ngat leh nghal, jacinta i address minpek chu ka en vang vang, ka thaw hak, Aizawl khawpawn daih anih hmel

Pizza box khai chuan car chahbi ka la chhuak, ruah a sur leh zanlam a deliver tur a awm hian car hi kan hmang mai ṭhin, pizza ka dah luhrualin ka thaw hak, ka tlan chhuak nghal, Aizawl ka pelh hnu ah pawh chuan address minpek chu ka en nawn leh, tumah ka hmuhloh avangin ka kal na chu a diklo emaw ka ti hman lek lek, phone number awm chu ka call vat

Rei fe a ring hnu ah, "hello," aw thum deuh chhap in a rawn tih chuan ka phu deuh zuk, "hello," a rawn tih nawn leh chuan rang lutuk in, "awhh, pizza in order kha a rawn thleng a, mahse ka awmnalai hi a diklo in ka hria, ka rawn dahna tur hmun chiang takin i sawi thei em?" Ka ti nghal zung zung, a aw thum leh fiahzet chuan engtin amaw minti zam reuh hian ka hria

"I awmna lai vel sawiteh," a rawn ti sup, ka hawi kual, ka awmna lawi bawr vel ka sawi zawh rualin, "i hma zawn ah rawn tlan la, kawi thumna ah khan kawng peng i hmu ang tah chuan i rawn tlan lut dawn nia," a sup, a aw chhuak chu a hlauhawm ru viauna in ngaihthlak anuam min fan rawih rawih hian ka hria


"Ka thusawi chu i hria em?" A rawn ti nghut, enge maw ka ngaihtuah le?? Ka â mawni? "Aw hria," tih leh rang lutuk in ka off nghal, phone chu melh zawkin ka thaw kawk, zinglam a ka khua a sik deuh vang emawni nile? Ka lungphu te a rawn rang ang det det a

A sawina lam pan chuan ka tlan chhuak leh, kawngpeng ah chuan ka tlan lut, gate lian ve tak ka hmuh chuan a bul ah car ti ding in ka en vang vang, mihausa chawlh hman na hmun ni awmtak ani, a awm na a pil ril tih ahriat ngawih ngawih, car aṭang a chhuakin pizza chu ka khai chhuak, gate a lut chuan in eng ut mai lam chu ka pan zel, music ri ka hre nghal zat, party vel an nei ani tih ka hrethiam nghal

Inchhung a lut chuan ka hawi kual, music lah chu a ring em em, a then an in fawp ngawng ngawng a ṭhen lah an lam ang hut hut a, Eric-a night club ang vel ani, pen lut zel chuan dawhkan awmna, intur vel an hun na bul ah chuan ka ding ran, ka pizza ken chu ka sir a dawhkan a nghat chuan ka phone ka phawrh, ka call nghal, a lak rualin, "ka rawn thleng tawh," ring zet a au chuan ka off nghal, tiang ah te chuan kawngkhar bul a minlo nghah tur ania

Lungawi chiahlo a ka hawi kual laiin, "heng zawnghi ami?" Aw thum zet mai ka hriat chuan ka hawi dawrh, ka bul chet ah a rawn ding nghal zat, a rim pa zet leh whisky rim in pawlh chiai mai chu ka hip kawk, ka thluak a thleng a fan in nia ka hria, ka lungphu a rawn rang nghal dawt dawt, ka thaw kawk, "aw.. Aw ni," bah niah chuan ka ti chhuak sup, engvang a ka dang rawn awk ta thut nge maw anih le?? Ka lungphu hrep chu leh!!!! Anui suk, a nui mawi phian maileh nghal, arghhh Hmangaihzual lehh!!!

"Engzah tur nge?" Ti sup chuan chiang lutuk in min en, kan in din hnaih lutuk chu ka thaw a chham dawn, boruak hip tur ka kham ta lo emaw tih mai tur ani, tawlh hnung hret chuan, a man zat ka sawi sup, bu nghatin a wallet a phawrh nghal, a pawisa rawn phawrh ban ka tum chu ka ban rek ah aman chat, phawk fe a en chuan, "engthil nge maw itih le?" Tih leh laksawn ka tum tih hria ni awmtakin a hmer na zual salh, rum lutuk in ka melh, henglai hmeichhe awm ho ang a min zuam anih chuan a ti sual khawp ang

"I hming min hrilh la ka thlah angche," a ti sup, mai mai chuan, "ka zuar tel lo," tih leh na lutuk in a kut ka herh, engtin mah ala awm lo phiangsen leh nghal, "i ṭan nat pauh(poh) leh ana ang, anih i hming hriat nan engzah nge ngai? Ahh, order ve kher kha angai em ni kha(h)?" Min rawn din hnaih leh pah a atih chuan ngei lutuk in ka melh kawlh, ka chhan hma in hnunglam aṭangin, "honey, enge itih a?" Rawn ti tu aw chu chiang lutuk in ka hria, a hmel hmulo mahila tunge anih he ka beng leh thinlung hian a theihnghilh ngailo ang, a hre lutuk mah mah ani, rang lutuk in ka kut chu ka la let sawk

Ka ding khawng awt, ka hma a mipa ding lianzet phen aṭang a ahmel ka hmu theih chiah chu ka hresual hauhlo, ani pawhin min hria tih hriat takin a meng deuh kawk, a makeup hman chhah ṭha zet leh hmui sen hlar chung pawh chuan kum 7 liam ta a Malsawmhluii mitmeng minhuatna leh hmel kha ala awm reng

"Aw haw!!! Khawilam hmeichhia nge ni a, pawisa a duh em ni? I duhzat sawila i kal thei ang," a ṭawngkam chhuak tin mai chu ala ngai reng, a chapo na leh min hmuhsih na kha ahma ai mahin a nasa zawk emaw tih mai tur ani, mahse ati sual ve det tawh dawn anih hi, min melh ang chiah a melh let a hawi vah chuan, "ni e ka pawisa chu min pek ngei angai alawm, heng pizza in chah man zawng zawng hi avaiin," changfal a ka tih chuan ka pizza khai lai chu a melh zawk, dawhkan ah chuan ka dah ve leh nghal, "minpe ula ka kal dawn nia, henglai mi dukdaklo ho awm khawmna hi ka ngaina teh chiamlo," malsawm'i melh ralh pah chuan ka tih zawmzat, ka hma a ding mipa chu a nui suk


"Ka zawhna minla chhanglo," min en reng chung a atih chuan melh hrawkin, "i zawhna chhan na pek che ka bat anilo," ti let hmak chuan ka kut ka dawh nghal, "pawisa chu minpe vat maiteh," ka tih zawmzat, "honey pe vat teh, hetiang pizza deliver girl mai mai lak ah hian fiamthu thawh kual teh suh, hmeichhe zaktheilo tak ani tih ka hre thei ani, ka ngai che ania," min rawn melh hrawk pah in mipa lam chu a melh leh ralh, no lutuk a ti hnap chuan a nek ṭalh ṭalh, ka lo nernawng, hman a tleirawl lemchan thiam tak kha, tun ah pawh nula lemchan thiam leh zei tak ala nizel tih alang reng, ohh a hma ai nasa in a thiam tawh zawk mawle, Angelina Jolie ai pawh in a hnehsawh tawh zawk angchu, a eizawn na ahai hi chu pawi ka tih pui ngawih ngawih, Hollywood lam ah te lutse an lar dawn tehreng nen


Ka hma a ding mipa kut a pawisa awm chu pawh thlak pah a min rawn pek pahin, " i kal thei tawh ang," chang zet chuan a rawn ti hrawk, mipa erawh nui ṭhu in min en reng, a â zawk emaw ni? "Sawilo mahla ka tum ani," ngeiawm zet a tih leh inher hmakin kawngkhar lam ka pan nghal, mak tak maiin kha mihring pa khan min enzui reng ani tih ka hre thei, ka tukkhum za mer mer ah chuan hawilet lo mahila ka chiang lutuk tlat

Kawngkhar bul ka thlen hma chuan tlangval rui tih hriat zetin hmeichhe pakhat alo pawt beh tlat ka hmuh chuan ka ding dat, "minthlah rawh," hmeichhia chu a ṭap lek lek, "min khawih tawh suh khawngaih in," hlau tih hriat zet a tih leh chuan ka mitthla ah ka pahrawn min khawihlo tur a ka ngen lawm lawm lai a rawn lang nghal zut zut, chakzet a an din na lam pan chuan ka kuai her sawk, "khawih suh," ka ti ṭhawt, mipa chu chhuat ah a thal nghal ṭhuai

Hmeichhe hlau lutuk chu a khur hlawk hlawk, a mittui a tla zawih zawih bawk, ka mittui a rawn luang thla ve pup, ka mitthla ah ka pahrawn ka hlau lutuk khur hlawk hlawk leh zun ka cheh hial kha a rawn lang, ka biang a mittui chu hru tawkin, "i ṭha em?" Ṭah insum zet chuan ka ti chhuak, ka hrawk ana ut ut leh ta nghal

Hmeichhe tleirawl chu en reng reng pawh in ala naupang tih ahriat, party na a waitress tur a an chhawr tih alang reng bawk, ka mitthla ah amah ang rual ka nihlai a rawn lang, keipawh kha heng mihausa fa awm ṭha duhlo ho party ah te tirhkah in kalo inhlawh ve fo ṭhin anih kha, zantlai tak tak ah mahni a haw angai ṭhin chuvang a Eric-a hneh a boxing a rual a zir ve ka duh thu sawi kha ka nia, a ṭangkai viau bawk


Ka jacket haklai hlip chuan ka hak tir, "tirawh haw ang, ka thlah angche," ka ti sup, ka kuah rual a ataksa khur dawt dawt chu ka hre thei, kawngkhar lam ka pan pui tur chu, "hmeichhe tleirawl kha thlah la kalsan rawh," mipa bawk kha ani, a aw lah chu a fiah phian leh nghal, ngai pawimawhlo zet chuan ka penluih ka tum chu ka dar ah a rawn hmer nawk, thlah rawh ka ti kha," ati leh hrawk, music ri hut hut kar ah chuan kan thawm chu tumahin an hrelo tih hriat tak maiin an thil tih an chhun zawm mawp mawp hlawm, tun ah pawh khan he mihring hian hmeichhia hi khawih pawh nise an hre hauhlo ang, a tu maipawh chu an rui in an in ngaihsaklo tih ahriat reng reng


Hawi let chuanglo chuan ngeng zetin, "I kut hi la sawn rawh," changzet chuan ka ti hrawk, nui ri hak in, "phiangsen che chuan," tih leh min kuai her sawk chuan min hnek ṭhuai, ka kat nawk nawk, ka sir a ding ho chu ka su rawk rawk bawk, ka ke ka rah lek(lêh) deuh avangin ka ṭhingṭhi thla hnawk, hmeichhe ho anlo rak ṭhawt, ka kâ a al nghal puat bawk, thaw hak a ding mar chuan ka ṭhensak, ka ke veilam chu ana et et nghal, rum lutuk in ka melh let, mi zawng zawng chu an thil tih chawlin min en ṭhap hlawm, "hmeichhia te te, ka thu sawi kha awihla nitur," hneh tu inti zet a nernawk a hmeichhia bawk pawh leh a tum chu, "zawng a leh i rui hauhlo," ka ti ṭhawt, a rui chhe hauhlo, rui silo a hmeichhe duhlo chung a khawih chuan ka thin a ti sa phat, ka lam rawn hawi dawrh in, "Engtin maw min koh a, zawngi ala na tawklo ani tiraw?" Tih leh ka lam pan a rawn tlan pah a min hnek a tum chu na lutuk in a awm ah lo kick let ṭhuai

Chhuat ah a thal thla tawp, ka mitthla ah ka pahrawn bawk a rawn lang leh, ka kut hum ruh chuan ka bawh bet nghal rawk rawk, hlau leh khur zawih zawih a khawngaih ka dil lai a rawn lang zut zut, ka theih tawp ana chuan ka hnek ṭhuai ṭhuai, ka mittui a rawn far zung zung bawk, ka tha zawi hnak thleng a ka hnek hnu chuan ka mittui hru tawk in a hmai thisen kai nuaih chu rum lutuk a en kawk in a kawr awm ah ka ṭham nawk, "i kut hmawr pawh a hmeichhe duhlo chung i khawih leh anih chuan i kut zungṭang hi amal te te in ka tan ang tih hre rawh," ti hrawk chhuat ah ka nam let sawk


Ka thinrim lutuk chu ka khur deuh dar dar, ka ke veilam lah chu ana ut ut bawk, muangchang a ding chuan thaw ka la kawk, ka bai sawn euh euh, mittui tla pur a hmeichhe tleirawl lo din na lam pan chuan ka bai phei, "i hnunglam," ti ṭhawt ri ka hriat rualin ka in her nghal, mahse ka thal ṭhuai, ka dahchhuah leh rual a, "nang ui cho nu," ti ṭhawt a min rawn bawh beh a tum chu tu emaw in hnehsawh lutuk in hnung lam aṭang a pawt let dawrh

Banglam deng dawt chuan a thehsawn ni mai hian ka hria, bang a deh rual deuh thaw in thlipui ang mai in a bul a thleng nghal zat, a kawr awm a tham tho nawk chuan a hnek nghal sawk sawk, hnek leh tum a atin leh rualin mipa amah ang tiat vel tur in, "duhtawk rawh Zothan, a hliam tawk tawh," tihpah chuan a ban ah arawn man chat, na zet a bang ah namlet chuan, "tu rawn hruai phiangsen nge, tun ah ka in aṭang hian thehchhuak nghal rawh u," a ti hrawk, a aw chhuak chu khawpui ri ang mai ani, hlauhawm leh thupek in a khat

Thaw ala kawk kawk tih hriat zet chuan a dar a kang awk awk, ka lam a rawn hawi thut, chhuat ah kala ṭhu sawp reng tih ka hre chiah, ka lo ip chawih, light eng hnuai ah pawh a mit sen ram mai chu chiang tak ani, a hlauhawm zual sauhin ka hria, ka lungphu a rawn rang zual dawt dawt, "Honey ina em? Khawilam hnâwmhnawk nge maw in nihle? Ka party siam ah buaina in rawn siam a?" Malsawm'in min melh hrawk pah chuan a ti tuar, min tih chhan tih ka hria, ka melh leh khai khai, ani melhna vang a tlan chhe dawr dawr tur ka ni tawhlo, hlauh chhan tur ka nei tawhlo tlat ani

"Honey, i ṭha em?" Tih pah a pan hnaih a tum chu Zothana tih chuan kal pel thuak in ka lam a rawn pan chhat chhat, mak ti zet chuan ka en haw, thawhmai na chang ka hrelo, ka bul a rawn thlen dawn chuan harh chhuak thut ang maiin din mai ka tum chu ka ṭhensawk, chhuat ah ka ṭhu let hnawk, rang zet a ka bul a rawn ṭhingṭhi thla chuan, "i ṭha em?" Tih leh min rawn ban a tum chu rang lutuk in a kut kalo vai kiang

"Ka ṭha," bak hlak a ka tih chuan anui ri hak, enge nuihzat tur awm, ṭhian tui tanglo lutuk a hruai luh vang a buaina in ṭan ani tih te hi a hre velo emaw ni? Rum lutuk chuan ka melh, engvang a a chung a thinrim ta ngawt nge ka nih pawh chu ka hre chuanglo, "i hmui a kak a nih kha," la nui ṭhu chung a atih chuan ben sawk mai ka duh, "i mitko pawh," tih zawmzat chuan a mitko a khawih zauh, a che vel ngeiawm lutuk chu hnek ve hrep mai ka duh

"Ka hria, kalsawn teh," ti hlar a thawh leh ka tum chu ka rak ṭhat, ka ban bul ah a rawn dawm vat, ka ke chu duh aiin ana mah mah ani, "khawimaw ka lo en," tih leh ka ke rawn khawih a tum chu ka lo vai kiang leh, "khawih.." Ka tih lai mekin ka dar a vuan a chhuat a min nambet nawk chuan, "ṭhu ṭha mai mai teh," ti nghut in ka kekawr hmawr chu a hlim nghal sawk sawk, dim zet a a kut hrawl zet a a khawih chuan ka lo ip chawih, ka kaw chhung a khur ti tih chu mak ti zet in ka en haw, ka thaw a chham dawn in ka hria, a tawhna chu a hit mem mem thei nia

"I bilh anih hi, ka hruai haw angche," tih leh min pawm tum a kut a rawn lek chhuak chu rang lutuk a bengsawn in, "ka.. A.. A teuhlo," bah niah chuan ka ti nawk nawk, malsawmi lam ka melh zawk, rum lutuk in kut hum ruh ngar chuan minlo en, a ṭhian te niawm tak chuan nui ṭhu in minlo en ran hlawm bawk, midang an awm ve ani tih ka theihnghilh ṭhak chu ka zak leh hnu hnawt

"Luhlul reuh lutuk," ti sup chuan ka in rin hma in min pawm kang lawp, ka rak ṭhat, a dar a chum dawt dawt chuan, "min dah thla rawh, keimah in ka haw ve theih reng," a au in ka au khum, min sep lawp chuan a ai nghet a min kuahin, "awm ṭha mai mai rawh, tlak i duhloh chuan," ti hluk in a sir a mipa ding chu a melh zawk, "nula saw?" Ka tihrual in,"ngaihtuah suh, ka ṭhian te an awm, eng in nge ilo kal, gate pawn a car saw ani em?" A tih chuan thuawih zet chuan ka bu nghat, "chahbi," atih zawh rualin ka jacket ka hak tir chu ka kawk vat, enge ka hriat a?? Awiiii a thu ka awih tihna ami? Nichin mai khan ka hnial zawt zawt sia!! Hrep chuan lehh!!!


Nuisuk a mit min siai zauh chuan hmeichhe tleirawl din na lam min pan pui, "chahbi minpe la, Jerry hian a thlah haw angche," ati nghut, min pawm ta sa sa tlak hlau leh hnu hnawh zet chuan a nghawng a kut suih zawmin, Jerry'a a tih pa lam chu ka melh, kan pizza pawh a order fo tih ka hria, colleges ah a thawk tih ka hre bawk, a lerh ve hle tih pawh min endan ah ka hre reng, hmeichhe tleirawl melh zawk chuan ka bu nghat, "Jerry i kut hmawr pawh a i khawih chuan i ring ruh ka herh tliak ang tih hre rawh," ka tih chuan minpawm tu chu alo nui hak, ka melh chho rawm rawm, midang pawh an lo nui hak hak

A hmui pet zauh chuan, "a him ang tih ring rawh," nuihza insum tih hriat zet chuan ati sup, "naktuk ah Collins restaurants ah lo kal rawh aw, ka jacket chu min rawn pe mai dawn nia," ka tih chuan a bu nghat

A ṭhian te ho nui thaw leh signal an rawn pe zauh zauh chu ka hmu reng, malsawm'in min sawisak mai duh hmel pu chuan ṭap lek lek in min en bawk, "honey kei hi engtin nge?" Ṭah aw ṭuau a tih pah rawn pan hnai chuan rum lutuk in min rawn melh, "Hlu'an a hruai haw dawn che nia, arualin ani lawm ni irawn kal," tih leh a ṭhian te bawk chu a melh hrawk, Zothana chu alawm vaklo tih a hmel ah alang reng


"Mahse.." Atih rualin, "ka hmanlo tih i hmuh hi," tih nghut chuan min pensawn pui nghal hmak, makti zet chuan ka en hau, mahni bialnu te khatiang a kalsan, keimah vang mai mai leh nghal, min hre ngai pawh ni silo, malsawmi lam ka melh chuan thinrim ke per tan tan chuan rum lutuk in kan awmna lam a rawn melh, ka nuih lui sak, theih ngatse chuan min rawn kek sawk sawk duh angchu, a beng aṭang mei khu a chhuaklo chauh ani, light eng hnuai ah pawh a hmai sen tawn tawn chu a hmuhnawm fahranlo viau

Zo fahran a min pen pui pawk pawk chuan pawn ah min chhuahpui, boruak a vawt nghal vawr mai, a ṭhian te leh inchhung ri hut hut, Malsawmi mitmeng rum zet kalsan in thawpik a zia deuh angchu tih nak alaiin a uap telh telh hian ka hria, khaw vawh tehlul nen ka kaw chhung khur der der si in, ka thlan fim a rawn bawl ṭiam ṭiam, car a min dah luh pah chuan, "kawlh reuh phian," ati sup chu ka hre hman hram, rum lutuk in ka melh, nui hakin seat belts min rawn hren tir nghal

Amah pawh chu rangzetin a rawn ṭhu lut ve nghal zat, ka lam rawn hawi chuan, "khawilam ah nge ka kal dawn, ka pi," nui ṭhu a atih chuan ka melh ram ram, car chhung te chu a te ta ruai hian ka hria, boruak hip tur a awm talo emaw tih mai tur ani, a nuih zawng a a biang veilam a biangsum lang deuh te chuan ka thawk a ti sak ṭalh, ka damlo zawk mge, kha mihring phiangsen min hnek na ah khan ka taksa hi diklo a awm zawk pawh la hre hreplo e

"Collins restaurants," ka ti sup, nui hakin, "zantlai tawh ah pizza deliver tur ila leh dawn tih sawi i tum emni?" Ngeiawm lek lek a atih chuan rum tawk in ka melh hrawk, "a chung kha ka luah alawm?" Ka ti bak hluk, nui hawk hawk chuan, "ok, ok sorry, ka kal e," tih leh ṭhu ṭha chuan car ati nung nghal, kan tlan chhuah dawn chuan in lam pang chu ka melh leh hram, balcony a Malsawmi ding ka hmuh chuan ka thaw hak, engtin amaw chet lak a tum leh dawn tih ka hre nghal ran bawk, mahse tleirawl anu nen a ṭang kawp a, ui note ang mai a an kawh kual, an hmuhsih em em ṭhin kha ka ni tawhlo, tun ah chuan Mizoram mipui leh media tamtak in a a chanchin hriat an chak, Aizawl mai nilo Mizoram pumpui leh ram pwn thleng pawhin an hriat lar em em Collins restaurants lian leh changkang tak neitu ka ni tlat tawh

"Heihi ei rawh," ti ri ka hriat chuan ka harh zawk, alam ka hawi nghal hraw, a kut a damdawi mum ka hmuh chuan ka nernung, damdawi ei hi harsa ka ti, min ti lui te anih ngawtloh chuan ei mai mai ka tumlo, "ka mamawh lo," ti nghat chuan ka hawisawn hmak, ka ṭawng zawng a ka khaberuh na ṭalh chu ka ti che zauh, ka mitko lah chu ana em em bawk, ka ke in milo tur ve ut ut bawk nen, he mihring pa vang vek hi ani, ṭul lo deuh ah engvang a pizza chah nge maw anih, a ei duh pawh ni silo, a awmna ala hla em em zui, ka ngaihtuah na avang chuan ka sir a ṭhu chu rum lutuk in ka melh rawm rawm

"Min melh vak vaklo khan eibrawh, i mitko kak leh i hmui leh khaberuh kha darkar khat hnu ah chuan kha ai ana dawn ania, i ke pawh tiam in," ati sup, ka mitko ka khawih hlek, ka sî nghal hlar hlar, athip reuh phian ani, ka sî ri a hriat chuan a rawn hawi zawk, nui suk in, "Luhlul lo khan ka thuawih mai ṭhin la, nge ka barh i phut," rawn thle bak pah a atih chuan rang lutuk in ka ban sawk, ka hmawm nghal zat, tui ban ka tum chu min ban khalh leh hman, na zetin ka pawt thla sawk, ala nui ang hawk hawk zui, a nui ri te chuan min ṭham er er in ka hria, nge ka taksa na vang zawk??


Ka restaurants kawt kan thlen chuan hman hmawh zetin a chhuak thurh, a che vel chu kalo en ran, a palian in a che vel chu a ti thauh thauh mai a hmuhnawm letling, a chhuah tak ah chuan car chu a ting awk mai hian ka hria, ka ṭhut na lam kawngkhar rawn hawng chuan a kut a rawn phar chhuak, "keimah in ka kal thei tawh ang," tih leh lo hui kiang chuan pen chhuah ka tum chu min pawm kang leh nawlh, ka rak ṭhat, min zo lutuk chu ka ngei lek lek, min pawm ang lawp lawp a, ani 6'3ft bawr tur sa ṭha rapthlak si chuan min zo tak ani, "enge maw i hriat ṭhin le?" Ka ti hlar, rum nghut in, "enge i hriat ṭhin zawk a, i ke ana tih i hria luhlul chhuah chhen ṭhin suh, naupang chhia lutuk," ti hlur chuan, "a chung khi ami?" Atih zawmzat, a thusawi hnial a duhlo tih a hmel chang rut leh aw chang zet ah chuan alang reng, ka bu nghat

Inchunglam lam pan tur a a inher rualin kan hma ah Eric-a maktih hmelzet chuan alo ding run, ka phu zawk, amitmeng chu a inthlak nghal, thinrim ang maiin a meng rum in a hmai a chang ṭawlh ṭawlh, a rum em em, chutiang tak a Eric-a hmel chang chu kala hmuh ngailoh anih vangin ka hlau lek lek, "mindah thla teh, Eric i hmuh ang hi anilo ania," mangang zet chuan kan ti ngawt a, a hmel chan dan chu ala ngai reng, rum lutuk in Zothana a chu amelh, Zothana lah chuan min dah thlak tumlo tih hriat zetin min pawm nghet sauh, enge maw hepa hian ahriat le, Eric-a pawh tun ang zan ah enge a rawn tih???

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2018, 2:36 pm

IT'S YOU
By floria laldansangi
6

Engchin ah Eric-a adin avangin a hmel chang rut mai chu light eng hnuai ah chuan a lang chiang zual, kan din na a thim deuh avangin ka hmai khem vel a hmulo tih alang reng, "mindah thlah..." Ka tihlai mekin, "engthil nge thleng? Zothana engvang a Zualtei rawn pawm haw nge inih?" Chang fal a ti chuan min rawn pan hnai, Zothana lah chuan chhan tumlo tih hriat zetin a ding ngawi ngur, a awm ah ka chum dawt, eng ahmah a ngailo tih hriat zetin a rum nghut duh lek

"Amah in kal theise chuan ka pawm kherlo tur, khilai khi ami i in chu?" Min melh zawk pah chuan a tih zawmzat, "engthil nge thleng? Engtin nge i hmai te.." Eric-a kan bul a rawn thlenrual a atih chuan, "ngawi reng khan kawngkhar khi han hawng rawh, ka kut a kham ve thei tih hria la," Zothan'an nelawm lo zet a atih chuan Eric-a chuan min melh zawk, rang zetin in lam pan chuan kawngkhar a hawng nghal rawk rawk

Rum nghutin Zothana chu in lam pan in a pen pawk pawk, inchhung min luh pui rualin sofa ah min nghat dawt, Eric-a a rawn ṭhu thla ve nghal zat, ka hmai uluk lutuk a en chuan, "engtin nge itih nat a?" Lungawi chiahlo chuan a ti sup, "zawhna zawt chhenlo khan tui vawt in deh sak rawh, a vung len hma in," Zothan'an a rawn ti nghut, melh chho ha chuan, "haw tawh rawh," ka ti sep, nernawk in, "haw na tur ka neilo tih i hriat kha i car in alawm ka hruai haw che, Eric-a rualin ka haw mai ang," tih leh ka hma a sofa ah chuan thatchhe zetin a ṭhu thla hnak, zak theilo ka tih dan chu pui tak ani

Rum lutuk in ka melh, "tuman.." Ring zet a au ka tum chuan ka hmui kak a thip sak, ka bek ana nghal ṭawlh ṭawlh bawk, thatchhe zet a ṭhu awn duai chuan a mit a chhing hmak, "au tum vak vaklo khan i hliam kha enkawl rawh u, Eric i bialnu mitko kha ice cube in deh sak rawh," atih zawm zat, tupawh mai thu ape kual zawt zawt chu ka haw takzet, a lalram a maw ati ani khawp ang


"Vur kava la ange," Eric-an ti sup chuan choka lam a pan nghal, rum tluk in ka hma a ṭhu awn duai mipa chu ka melh ram ram, "min melh reng suh, i bialpa a awm ve hi," nui suk pah a mitla chhing reng chung a a rawn tih chuan rang lutuk in ka hawisawn vat, laizet chuan, "ka melh lo che," zawi sup in ka ti bah niah, nui hak a rawn ṭhu chhuak in chiang lutuk in mi rawn en, mit zim san a min en chuan, "hriat chian i chakawm telh telh mai," ati sup, a mi en na chuan power anei amaw ni? Nilo, nilo, ka taksa na vang zawk hian ka lungphu hi a diklo mai zawk ani

"Min hriatchian tum buai duh suh, thilṭha hmuh tur ineilo ang," ka hmui kak khawi zauh chuan ka ti let hmak, Eric-a tui lum leh ice cube keng a rawn let chu ka lo nuihsak, ka hma a ṭhu Zothana erawhin min la en reng, "khawimaw ka lo en ange," tihpah chuan ice cube chuan ka mitko a rawn dep hlek hlek, ana phian leh nghal

Ka ke bilh pawh tuilum a ahmeh hnuh ah min tuam sak leh thlap, ka ke a hmehlai chuan ka ham bai bai, "engtia inti na nge inih reng reng? Tu in nge khawih che police nen chinfel angai ani, hetiang...," Eric-a aw chu hla tak a ṭawng ang maiin ka hria, ka mit ka chhing duar duar, "duhawm reuh lutuk," ti tu chu Eric-a aw ani tawh hauhlo, tunhe tih hriat tum pawhin ka meng buai peih tawhlo, ka taksa kang deuh nawlh ka hre zui zat


Ka taksa sil ṭhum ah chuan chet mai ka tum a ka nak nem ana zawk, ka ṭhensak bawk, "ilo harh ta maw? Awii mintih hlauhzia hi i hria em?" Jacinta'in lungawilo zet a ka bul a rawn ṭhu thla pah a atih chuan ka en deuh hu, enge alo hlauh ve ngawt, ka dang ro lutuk chu thawh tum in ka in bengkang, minlo pui vat, "tui," ka ti sup, rangzet a rawn la in, "i rawn harh har bawk si, tiang a rei i mu ngai silo a, i hliam nen, damdawiin ah kan hruai ṭep che alawm," ti hlak hlak chuan, "kha hei ei rawh, Zothana rawn ken anih kha," atih chuan ka en kawk, sana ka en chuan chawhnu alo ni daih tawh, engtin nge chung chen chen ka mut theih

Enge a rawn ken ve ngawt, "nizan a i hmeichhe chhan kha a rawn kal a, ila harh silo a tlailam a rawn kal leh turin ka ti anih kha, damdawi kha eila porridge hi i ei dawn nia," atih zawm leh mawlh mawlh, nernung in, "eitur dang min rawn lak rawhse, ka ei peihlo porridge hi, chuan hmeichhia kha dawr ah thawh tir ve ka duh a ilo buaipui dawn nia, inbual ka duh," tih leh thawh ka tum nghal, khum aṭang chhuk in ka ke in chhuah a deh rual deuh thawin ka rak ṭhat, ka ke bilh ka theihnghilh, "i ke na tih pawh i hre leh tawhlo," jacinta'in chek tlak tlak pah a rawn tih chuan ka thaw hak, dam ṭhat nan engtia rei nge ni ang

Bathroom lam a min kuah chuan bathtub ah tui lum min dah sak, "buai dawn laiin ka in hliam ta sia," ka ti sep, min melh zawk pahin, "dawr chu ngaihtuah suh, Eric-a a rawn kal a, ila harh silo a, lunglei lam ah a phei a ngai a, i rawn harh hma deuh khan a chhuak," ati siam siam, ka kawr hak lai phelh ah chuan, "nakin ah ka be mai ang," ka ti sep," Eric-a sawi chhuah tak ah chuan nizan a ahmel chang rat mai kha ka mitthla ah a rawn lang

Engvang a khatiang a hmel chang nge maw anih, nizan ka hliam min enkawl sak lai pawh khan ka hriat ṭhin Eric-a kha anilo midang daih ang ani, "enge i ngaihtuah a, inti fai rawh," jacinta'i aw ka hriat chuan ka harh zawk, bu nghatin bai auh auh chuan bathtub lam chu ka pan, "dawr lam ah ka pui thei dawn silo che u a, ka ring mai che ania aw, pawi mawh chu i rawn keng chho mai dawn nia,"ka ti sup, chhuah pahin, "ngaihtuah duh suh, mamawh ineih leh rawn sawila," tih pah chuan a chhuak nghal

Bathtub a tuisa ver vawr ah chuan ka ṭhu vang vang, ka hmai chu hmulo mahila a awmdan tur ka hre thiam, tui ka tih huh zawng te chuan a thip em em mai leh nghal, ka dul chu muangchangin ka zut, ka inzaina ser zawn ka khawih chuan mit ka chhing vang vang, ka mitthla ah ka nu leh ka pa hrawn an rawn lang, ka mittui a rawn hnam ṭiam ṭiam, ka naute kha pai tlang in, la dam ve se chuan kum 10 ani ve tawh ngei ang, mipa nge anih anga hmeichhia, khang kum chhung zawng a ka hriat chak leh zantin deuh tawh a ka ngaihtuah na luah tu ani, thaw kawk in ka ngaihtuah na chuan minti ṭap leh mai dawn a ka hriat avangin ka lu ka thing mat mat

Ka sir a bathrobes ban chuan bathtub tlang ah chuan ka ṭhu chhuak, ka ke na chet vel ti harsa lutuk chu ka thinrim tun mai, bai auh auh chuan ka pen chhuak, ka in ha sawk sawk, ka pum rawn ri rawk rawk ah chuan ka ril ṭam zia ka hre chhuak, room aṭang a ka chhuah rual a couch chung a lo ṭhu ka hmuh chuan ka phu zawk

Min rawn en ve chiah bawk, "enge i rawn tih dawn?" Mak ti lutuk chuan ka ti chhuak, kiai suk chuan, "i hmuh ang hian ka rawn leng," ti awlsam et chuan couch hnung ngheng in a ṭhu awn nghal dual, rum lutuk a mwlh chuan a hma ah ka ṭhu thla hnawk, "a neitu phal na lo ka in chhung a i rawn lut ngawt hi i zaktheilo ve hle ani, chuan inleng neih ka mamawh lo, i haw thei tawh ang," ngei awmzet a ti chuan ka kuangkuah at, anui suk duh chauh leh nghal, "i ṭhiannu khan ka rawn len aphal sia, haw pawh ka tum lem lo," ti awlsam leh et chuan min nuih vur vur, ngei lutuk chuan ka melh


Kawngkhar lam aṭang, "boss i ei tur," Mawi'in a rawn tih chuan ka hawi vat, Zothana a hmu chu a meng kawk, alai deuh emaw ni zawk? "Ohh Inleng inei tih ka hrelo," lai zet chuan ati leh sup, dawhkan a ei tur a rawn dah chu, "zanin ah a ṭhaber turin inbuatsaih angche u, engmah tihsual a awm tur anilo, customers pawimawh tak an ni ka tih kha, ka rawn lan theih dawnloh avangin jacinta'i nen engkim lo buaipui mai rawh u," ka ti nghal zung zung, bung nghat chuan a chhuak leh nghal, ka ṭawng chhung zawng chu uluk lutuk in min lo en

"Pawimawh sawi tur ineih loh chuan i chhuak ve thei," tih leh ka hma a sa hrang chu forks a chhun chuan ka hmawm zauh, ka khabe ruh ana zawk leh ta nghal, nui hakin, "vawiin chu he tah ka awm nileng dawn," tih leh ka fian a sa hrang ka ken sa chu ka kut a rawn dawm hnan chuan a inbarh nghal zat, mak ti lutuk chuan ka en, ṭhial tuam tuam pahin, "a tui hle mai, pizza girl, nilo, boss," ngeiawm zet a atih chuan ka fiam ken a ka vawm chawrh lohnan ka in hum ruh, "enteh KA PU?" Chang zet chuan sehchil zetin ak ti chhuak, ka kohdan chu a lawm vakloh tih hriat zet in a rum nghut


Nurnang in, "Zothansanga, Zothan tih ka duh zawk, i pu rual ka nilo," ati bul nghut, a awmdan engkim chuan minti thinrim hluah hluah, "nungchang mawi i hrelo ni in ka hria, tunge inih ka hriatloh ang bawkin nangpawhin min hrelo, chuan ka in aṭang hian chhuak turin ka duh bawk che," chang lutuk chuan ka ti hrawk, dar san ak a a ṭhut na aṭang ding chhuakin, hnai zet a rawn kun chuan mitzim sanin min en, ka kâ ka chip hmak, ka chil ka lem khalh bawk, ka lungphu a rawn phu rang leh nghal dawt dawt, ka thaw a chham dawn hialin ka hria

"Ka.. Kalsawn teh," sir lam a thlesawn pan a ka tih chuan, "ka hria che ti ila, ka kal ala ngai dawn tho em?" Ati sup, a ṭawng zawng a thaw lum ham ham te chuan ka thawk ati buai, ṭawng tum a ka kâ ka ang zuai tih ah phone a rawn ri ral ral, nuisuk a a ṭhut na ngai a ṭhu let chuan a nui hak, ka lungphu rang lutuk vangin kala che ve mai theilo, boruak hip kawk chuan ka thaw chhuak ham ham

Nui ṭhu a phone a pick rualin, a ding nghal zawt, "Ka rawn thleng nghal," ti hrawk chuan a pen sawn nghal, a awmdan teh thut chu makti zetin ka en hau, kawngkhar bul a thlen chuan rawn hawi let zawkin anui suk, ka awmzawn a rawn sa hat hat, ka thaw kawk, ka awm dawm vang vang chuan thaw ka la kawk kawk, he mihring Zothansanga ka hnaih deuh apiang a ka lungphu leh ka mizia thleng a danglam ziah hi ka hrethiamlo ani, ka mitthla ah club a ka hming min zawh zan kha arawn lang nghal zat, ka nui hak, nui sawng chuan ka ei tur chu ka ei zawm mawlh mawlh

ZOTHANA...POV

He hmeichhia Hmangaihzuali hi belhchian ka chak tulh tulh, nizan mai a ka in a party na hmun a mipa pakhat in kut alo thlak ka hmuh khan ka tih ngailoh leh ka mizia nilo tawpin ka in control hmanlo hial anih kha, a hmui kak aṭang a thisen rawn hnam ṭiam ṭiam a a ṭawng zawng a hmui che vel fawh ka chak zia kha a hrethiam tawplo ang

Eric-an a endan kha ka hrethiam a duh ani, mahse Hmangaihzual'in a endan ah erawh in ngaizawng an nilo tih ka hrethiam nghal, a thinrim mitmeng min melh deuh ram ram te hi a ṭha zual sauh emaw tih tur ani, a lai hmek biang tai tek te, a thinrim lutuk vang a hnar ti ohu zeuh zeuh te, a hmui hnawihsen vang nilo a sen no chek mai a pet leh zauh ṭhin te chu kei mipa ah pawh ka insum thei lutuk, ka tum viau anihloh chuan ka mipatna che ngailo hi he hmeichhia ka en mai mai pawh a hnuailam che tual tual zel hi amak ani

ka rinloh lam daihin Mizoram a restaurants lianber Collins restaurants nei tu ani tih ka hriat phei chuan mak ka ti leh zual, he hmeichhia hian min ṭhawng thut dan athiam lutuk ani, uhhhh ka rinai insual a thiam phian bawk, a insual lai mit in ka hmulo na in Hlu'an alo video record alo nei hlauh, tukin ah ka en tak kha, pui tum lem lo a anlo en mai maj erawh ka lungawi viaulo


Zualtei ka fiam kual laiin ka phone a rawn ri thut, ka lak rualin ka nu chanchin chhui tur a ka tih kha ani tih ka hriat chuan hmanhmawh zetin Zualtei in chu ka chhuahsan, "helam ah," ti ri ka hriat chuan ka pan vat, ka ṭhut rualin, " a awmna chu i hrethei tawh em? Khawnge a awm?" Beisei nei zet chuan ka zawt, thaw hakin, alu a thing mat mat, ka zawi hnak, khawi ah nge ka nu chu a awm ang, ka pa a hlauh vang leh ka pa in a thawnbo vang a biru anih chuan atih angai tawhlo tih hrilh a, biru reng reng anun ahman angai tawhlo tih hrilh ka duh takzet

"Heihi kum 2 liam ta a chen na hmun ania, champhai lam ah a awm ṭhin ani awm e, an ṭhenawm vel ka zawt kual a, an sawidan chuan, 'kum 2 liam ta khan hmeichhe pakhat a in ah rawn kalin an in hau chiam ani awm e, chumi ṭum a hmeichhe rawn kal thusawi ṭhenkhat chu, i fapa hmalam hun a chhiat vek iduhloh chuan vawikhat mah i hmel rawn inlan tawh suh,' tiin a au khum chiam a ni awm e, chumi hnu reilo te ah champhai a chhuahsan, khawilam nge a pan an hre zuilo ani, hei hi thlalak ṭhenkhat a inluahna te hnen aṭang a ka neih ania," tih pah in thlalak hlui hmel tak tak a rawn dah chhuak

Muangchangin ka la kang, ka nu nui hmel ka hmuh chuan ka ṭah a chhuak et et, ka hrawk ana ut ut, kum 6 ka nih lai bak kha ka hmu lehlo, thlalak ah tak ngial pawh, heihi kum tamtak hnu a ka vawikhat hmuh leh na ani, "ka pu heihi ipa thlalak ṭhenkhat, tunlai a a hmeichhe kawp deuhber nen," tih pah thlalak dang a rawn dah chu rang lutuk in kala kang, thlalak a ka pa bialnu thar leh ka pa nui hmel ka hmuh chuan nghet lutuk in thlalak chu ka hmet khawr rawp rawp, "chhui chhun zawm angche, ka rawn be vat dawn che nia," tih leh tho thurh chuan chaktakin pawnlam ka pan


Ka pa nen kan inbiak hi angai tawh takzet ani, engmah zep neilo a kan inbiak a hun tawh, chak zet a car khalh chuan inlam ka pan nghal, inchhung ka luh rualin, "Zothan i air tricket.." Ka nu hrawn in alo tih chuan rum zetin ka melh kawk, "engtik lai mahin Mizoram ka chhuahsan dawn ka tilo," ti hrawkin ka pa lehkha chhiarna room lam pan chuan ka hawng ṭhuai

Min rawn en vat, min hmuh rualin thaw hak in dawhkan a lehkha bawk chu a bih leh, "enge mamawh ineih, natuk ah Delhi i pan dawn tih kalo hria a," atih chuan za lo lutuk in ka nui hul hak, alam pan in, "kan inbiak angai in i hrelo maw ka pa?" Seh chilh zet chuan ka ti chhuak, a hna thawk zawm mawlh mawlh in, "ka hna hi kan zo phawt dawn em niang?" Min en chuang lo a atih chuan thinrim zetin a hma ah chuan thlalak ho chu ka vawm thla ṭhuai

Min rawn en vat, rum lutuk in ka lo melh, "henghi enge?" Tih pah a thlalak en chuan a nui hak, "min ngaihtuah anih chuan media lam ah rilru tih hah tur a awmlo, chinfel har anilo, pawisa a rawn dil che em ni?" Nui vur vur a atih chuan ka kut ruh lutuk in ka hum, ni e, heng te hi chu atan chuan dahbo thil har ani nang, emaw ka nu hrawn fing vervek lutuk hian sum nen a kalbo tir leh hman tawh te pawh anih ka ring, ka pa hmeichhe kawp apiang chu thiam takin sum nen a kalbo tir ṭhin reng ani, "i nun tenawm lutuk ah khan ka buai hauhlo, thlalak dang ami zawk kha ani," mitsen ram chuan ka ti ban chap chap

Min rawn melh zawkin thlalak dang chu a en leh, a meng deuh kawk, "heihi khawi aṭang a ineih nge?" Chang fal chuan a rawn ti chhuak, ka nui lui sak, "khawi aṭang a ka neih nge a pawimawh viau em ni? I hria angchu, ka pa kum tamtak chhung ka nu i thukru tawh a, kalak ah thu i tiam bawk, tun ah ka nu awmna min hrilh tur in ka duh che," thinrim lutuk chuan ka ti hrawk, thaw kawk a a ṭhut na aṭang a ding chhuak chuan, "Zothansang i nu chung chang chu kan sawi ngun tawh ani lawm ni? Engvang phiangsen a ka hnunglam a min bum nge inih? I nu i zawng tih i sawilo," Ati chang fak, ka nu awmna ka zawh apiang a a thinrim ziah pawh hi ka hrethiamlo, chuai mah a ka nu ka hmuh a hlau em em chu amak leh zualin hmuh ngei ka tum ruh zual

"I intiam ani lawm ni? I duhdan angthlap in ka zirlai zo in Delhi ah i sumdawn na ka enkawl bawk, tun hi i intiamna itih hlawhtlin ve hun ani ka pa," ka aw ki chu a hniam fahran biklo, min melh ran ran chuan, "ila zo hleinem..." Atih laiin kawngkhar lam aṭangin, "Malsawmi nen in inneih na i pawm hnu ah keiman ka hrilh angche, ka thutiam ka hlen ṭhin tih i hriat kha," ka nu hrawn in a rawn tih chuan ka hawi vat, kan lam pan in hawi sang vah chuan a rawn pen lut, dawhkan a thlalak a hmuh chuan a ban vat, a kut a hum ruh nghal tih ka hmu hmaih hauhlo

Ka ha pui ka ṭhial rap rap, "ui note emaw min ti em ni?" Ka ti hrawk, a nghawng a ka reh mailoh nan ka kut ka hum ruh ngar ngar, nui hakin, "Zothan kei leh i pa chuan i ṭhat na tur kan duh ber, Malsawmi pa hian kan sumdawn na tamtak in minpui theih tih i hriat kha," nuisawng a hneh tu inti zet a tih chuan rum zet a melh in ka pen hnai, a kut a ka nu thlalak awm chu ka phih thla sawk, "i fapa nen i inneih tir mailo nia, engpawh thleng dawnse naupang engmah hrethiamlo a ithusawi a kawi a ngil a zawm ṭhin leh i bum ṭhin kha ka ni tawhlo, ka nu chu keimah ngeiin ka zawng chhuak bawk ang," hapui ṭhial rap rap a ti chhuak hrawih chuan ka pa ding ngawi ngur chu melh zawkin inher vut chuan pawn lam ka pan nghal

"Zo.." Ka nau Grace-in min auh pawh chhanglo chuan car ah lut in chak lutuk in ka tlan chhuak nghal, car steering chu ka chum dawt dawt, Eric-a a club ka thlen chuan car ti ding tuarin a chhung ah ka lut nghal, hnathawk ho in min hriat tawh em avangin VIP room ah ka lut tlang, whisky an rawn chhawp chu thli rawk rawk in ka lem nghal khawlh khawlh, ka hrawk a sa thla ham ham, couch hnung ngheng chuan ka mit ka chhing vang vang

"Diklo a awm em ni a?" Matt'a aw ka hriat chuan ka thaw hak, ka bul a rawn ṭhu thla pahin ka dar ah a beng thak thak, ṭhu ṭha in ka hma whisky chu ka no a thli pahin Matt pawh chu ka pe ve nghal, ka no a ice cube dah lut kauh pahin, "ka nu chanchin ka hriat belh a," ka ti sep, "iti tak tak em? Khawnge a awm tun ah i hre thei tawh amaw?" Lawm tih hriat zet a tih chuan ka nui hul hak, "champhai lam ah a awm ṭhin tih ka hria a, a awmna chin tak kala hre theilo," ka ti leh sep, ka no chu ka ti che ralh, thaw hakin, "in ngaihtuah hah lutuk suh, i hnaih hret hret zel ania Bawiha," min hnem tum zet chuan a ti sep ka nui hak

"Takin kan pizza girl chu," a rawn tih chuan ka mitthla ah a rawn lang nghal, chhanglem lo chuan ka nui suk, "nanghi i duh tak tak ani lo maw?" A rawn tih chuan ka en kawk, "awihawmloh lutuk," ka duhaiin ka aw ki a ring mah mah, nui hak hakin, "kanla hria angchu, hmeichhe hriat chian chakawm tak ani," tih leh a no lek kang zauhin a lem nghal khalh, ka mitthla ah pizza girl hmel a rawn lang ka nui hak hak

Inchhung ka luh rualin, "ka unaupa duhtak in anu awmna a hre tawh tih kalo hria a, i nu duhtak leh i ngaih em em nen chuan in awm dun vat ka beisei pui lutuk che u ania," ka nu hrawn fapa, ohh ka pa bik aniang chu, ka lam pan a rawn pen pah a atih chuan ka melh ran, "ka unaupa duhtak hian pizza sem tu mai mai chhan nan a party siam ah ngei a mikhual kut a thlak duh kalo ringlo a," ngeiawm lutuk a a rawn tih leh chuan ka din hnaih hret, "i kut hmawr pawh a i tawk ve anih chuan i hrawk hrui ka pawt chhuak ang," chang zet chuan ka ti sup

Nui hak hak in, "wow, a ropui hle mai, mahse nupui hual nei mai tur hi kan pizza girl duhawm te-i chuan engtin tak ngai ang maw? Lung ngai suh, hmeichhe enkawl dan ka thiam tih i hriat kha, i nu zawn tur inei bawk nen i buai lutuk palh ange," nui hak hak a ri chuan inchunglam ah a pen chho nghal, ka kut ka hum ruh ngar ngar, ka umzui a ka hnek ṭhuai loh nan ka in thaw kawk, a kut hmawr pawh a tawk anih vaih chuan ka that duh khawp ang

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)