BED OF ROSES BY NUNUI FRANKY HMAR (Completed)

[ngaia]

BED OF ROSES

BY; NUNUI FRANKY HMAR


EPISODE 2

[Khawngaihin ads kha minlo click sak leh theuh ru aw]


'Engemaw thawh tur te a awm lovemni, ina awm ringawt hi chu' ati sup a, a puan bih chu a phelh a , a thlep tha mawlh2 a


' Eng hna nge thawh i duh' hnathawh ka phal a ring reng2 emawni, min rawn melh leh zawk a, ka nupui ani, eng vanga it thar ta thut nge ka nih ka hrelo, keichuan a pa pawisa ba vanga nei mai ka ni, sex bak kan inkar ah a awm tur anilo



' Ka hrelo, thil tamtak thawh thiam ka nei alawm, ina awm reng hi chu thaw a pik emai' tiin a phone dawhkana a dah chu a ban zauh a , min rawn melh leh zawk a



' Ka nu tinge ka missed call zozai te kha i hmu lo emni' tiin bathroom ah a lut zui nghal a, a nu leh pa kha rawn be lo turin ka hrilh chiang viau si a, hrep hian, khang nuai 40 chuang kha min rul seng hauh lovang, an fanu hi an ba rulh nan an hmang anih kha , bathroom chhung chu a ri rawk a , kawngkhar chu ka chum dat2 a, ala kalh zui, tap chhuak hawk ri ka hre zui nghal a, Sunday day ah



' Ferina, kawng hi hawng rawh'



' Ka tihchhiat hma in' tiin ka chum bur2 a, engtin nge a awm ka hrelo , ka tihchhiat mai a ngai ani, kawngkhar chu ka ti chhia a, ka nupui floor tile a let reng chu ka hmu hmasa ber a



' Ferina, harh teh, baby c'mon ' ka pawm nawlh a, khum lamah ka phei pui a, a vun chu a da zualin thisen neilo ang maiin a var a, a zawi vek bawk a



' Doctor James , ka nupui nikhaw hrelo in a tlu a, rawn hmanhmawh rawh' ka thian kawmngaih ve tak pawh he hmeichhia vang hian ka vin phar vak2 chu ania




'Harh teh , minti hrilh hai lutuk' tiin a samah ka chul a, James rawn thlen rual2 chuan kan roomah a rawn chho a, Ferina khuma mu zawi hniang chu a rawn pan vat a



' I nupui hi a rai emni' ati sup a


' A rai lovang '


' A taksa chakloh vanga tlu anih ka ring, thu dengkawng tak hriat a nei em, in inhau emni'



' James, sunday anih hi, eng vangin nge kan inhauh lul ang ni, a rai lovang' ka ti leh sup a, drip a khai sak hnu chuan a vitamin eitur hming a ziakchhuak a, kan awmpui hnenah lei turin ka ti vat a, a rawn harh har zek lehnghal, hrep hian enge maw a hriat ni



' Hello' Moste tia a save mipa chuan a phone ah a rawn call a



' Enge , a pasal ka nia ' ka nupui hian mipa dang alo be thin tihna emni



' A mah kha ka lo be thei angem'


' Ka bulah hian i sawi mai theilo emni, ka nupui ani' ka tih chuan a thaw halh a



' Awle, tun mai khan a pa chu a chatthla chiah ani' atih chuan khuma mu Ferina chu ka melh zawk a


' Tumaw thi'


' Ferina pa kha a boral, in rawn phei vat dawn nia' tiin phone chu a dah a, ka mit sulh mai, hei vang hi ani ngei ang ka nupui nikhaw hrelo a atluk ni , a rawn che tial2 a, a rawn meng a



' Jasriel ka pa.' tiin a mittui chu a rawn tla leh a


' Engkim a tha leh mai ang, i bulah ka awm' tiin ka kuah a , hnem vak ngaihna ka hrelo ani, a duhtawka a tah hnu chuan a zawi hniang a



' Helicopter in kan phei dawn nia, Bawihi, pawi ka ti tih bak sawi theih ka neilo '


' I thiamloh vek ani, pawisa i puk tir ta sa2 pawisa tamtak, a in enkawl chhoh zel na tur tham tal puk tir ta che' tap tiau chung chuan ati a, henu hian eng thleng nge a hriat , nilo, kan inneih chhan hi a hria tihna emni



' Chutiang sawi hun anilo, insiam rawh, nilo, i drip khai kha zo phawt rawh se, awmpui kan koh ange' tiin room chhung chu chhuahsan in inhnuai ah ka chhuk a, awmpui nula ka tir chho a



' Thi turin ka dil kher hleinem che' tiin ka phun sap a, tlai ah lunglei panin helicopter in emergency takin kan thlawk phei a, pawisa a awm hi chuan engkim hi a tih theih, ni lawmni




FERINA POV.......


Karkhat zet Lunglei ah ka awm ta, Jasriel pawh a awm ve renga hna a ngaipawimawh hle kha ania , ka nu chaw ei theilo chuan ka rilru ati na zual a, ka kiangah ka pasal lem awm mahse min hnem zolo ani ,engtik ah nge min then dawn ka hrelo a, hmangaihna vang nilo in sum vang chauhin ani min neih ni, a pawisa chu nakin ah ka la rul leh em2 ang , engtik ah nge Aizawl ah kan haw phei dawn ka hrelo a, heta awm reng hi ka duh ani



Inleng neuh2 anla awm nual a, Mizo te hi kan lo fel hi ka tia, hetiang nikhua a khawhar chhungte ina len te hi , ka nu thiante leh ka pa thiantha te anlo kal zeuh2 bawk a , thingpui luma choka a ka lut chu Jasriel in minlo zui tih ka hre hauhlo , ka thingpui lum chu a so a, no ah ka thli chhuak a , ka pum rawn inlet thut chuan ka luak ati chhuak a, insum hman hauh lovin ka uak nghal tuarh2 a, toilet pawh ka thleng hmanlo, tui dehna ah chuan ka luak a , hnunglam atanga min rawn chelhtu an awm vang chuan ka phu zuk a




' Ferina i tha em, engtin nge i awm' hlauhthawn hmel taka Jasriel in atih chuan ka tim sawng2 thei, hepa hi duh, nilo, ka duh tur anilo, pawisa kan bat sakna mai chauh ani , ka hmai ka phih a, tlemin kla harh deuh a, ka nu chu choka ah a rawn lut ve chiah a



' Bawihi, i tha em'


' Aw ka tha e, ka dang ro lutuk ka uak deuh a lawm mawle' nui lui sangin ka ti a, Jasriel chuan min en reng tih ka hria , ka hrelo der tlat a , thingpui chu ka sem a, ka pum hi a diklo, nakin ah doctor pan tur ani



' Eng vanga khatianga awm kha nge inih Ferina'



' Min zui kual renglo thei angem, ka tih ai hi iti vek zawk duh em' ka tih chuan a then sak a


' Naktuk ah kan haw ang, lo inring ang che' tiin min fawp nawk a, min kalsan rual chuan ka pai deuh khat a , eng ang mipa nge anih ka hrechiang ngai dawn lo ani



Room ah intifai turin luh ka tum a, min hnungchhawn zawng chuan phone alo hmang a

' Naktuk ah kan rawn haw ang, chuan ka nupui ka rawn hruai bawk ang '


' I thu nilo in ka thu ani, a chungah engmah intih ka phal ngai lovang, ka nupui ani' tiin phone chu khumah a thehthla tawp a, a thin hi chu a chhe ve ngawt mai, lut ta lo chuan room pawnah ka ding a, tunge a biak pawh ka hre chak nek love , ka chungchang an sawi tih erawh ka chiang ani



' Nu, Jasriel hian hna thawh tur a ngah tawh lutuk a, naktuk ah kan phei tawh dawn a ' ka nu chaw bar lai chu a tawp chat a


' Awle, bawihte min ngaihtuah suh, hlim turin ka duh che ani, i hrereng dawnnia '



A tukah chuan rilru na takin in ka chhuahsan a, ka nu chu ka mangtha ngamlo ani, an fanu hi min hralh mahse ka nu anihna a bo silo, ka pa natna kha lo hrechhuak hma ila chuan minla dampui tur, helicopter kan chuan chhung zawng chuan ngawi rengin kan thu a



' Ferina, eng vanga uak reng nge i nih, rawn thu la i thlenga chaw hi rawn ei rawh, nang hi i rai anilo maw, i rai emni' nilo ka rai miahlo ang, ka chianglo ani, tun thla ka la period lo, ka rai theilo, he mihring hian min thah sak mai ang



' Aih, chutiang engmah a awmlo, ka rai theilo, pills ka ei alawm' tiin room lamah ka chho a


' I awmdan hi a mak th i hria em' tiin hnunglam atangin min kuah thut a, ka te that a


' Jasriel, ka pa vanga ka tawrhna taksa chakloh vang pawh aniang nge'


' Awle, thil thleng tawh chu thil thleng tawh ani, Doctor ka koh a, alo thleng thuai ang' atih chuan hriatthiamloh hmel takin ka en a



' Eng vangin maw ' ka ti hu a


' Nanghi i rai maithei asin, ni lawmni'


' Naute i duhlo ani lawmni' ka tih chuan khumah thu turin min kai phei a



' Ferina, nang nena kan fa chu ka duhlo tih ka sawi reng2 emni' tiin min fawp leh zauh a


' Naute chu hrin sak thei che ila, ipa hian mo atan min pawm ngei ang' library inkawng deuh atanga thawm rawn chhuak chu ka ngaithla a


' Nupui ka nei tawh, min rawn hmu fo tur ini lo' Jasriel chuan ati sup a, tuna a awmpui saw Lucy, a secretry zaktheilo zet kha ani ngei ang , mi pasal ala zar buai fo chu ania


' Fa ahrin sak hunah che i pet chhuak dawn tih i sawi kha ka la hrereng ania' a thusawi vang chuan ka ding chat a, min neih chhan pakhat leh chu fa hrinsak tur chauhin maw, engtin nge Jasriel an a chhan tih lam ngaihtuah tawh lovin inhnuai ah ka chhukthla a, mihring tiang em2 a rilru chhia hi a awm theih dawn emni



' Parte , khawngaihin chengkek kha min va lawh ta che, ka ei chak takzet' ka tih chuan phur takin pawnah a tlan chhuak a



' Ferina bawihi, nau i pai animaw' kan rawngbawl tu nu upa lam Pi Sangtei chuan ka dara rawn vuan chungin ati a



' Aih , ka ei chak mai2 ' ka tih chuan ka mit ah tak a en a, ka nu rual vel chu ani , nu fel leh zaidam tak ani bawk


' I awmdan hi ka hai hleinem, in enkawl that i ngai ania, Jasriel hian a hre tawh em' atih chuan ka lu ka thing vat a


' Khawngaihin tumah hrilh suh, abikin Jasriel hi, ka ngen a che' kla tih chuan mak ti takin min en a


' Ka rai leh rai loh ka chianglo ani, a fa ka pai theilo ' ka tih chuan min hrethiam zetin min en a, a sawichhuak lovang tih ka ring ani




' Ferina, roomah chho ila Doctor James-a pawh alo thleng tawh a' Jasriel chu a rawn dak zawk a, huphurh zetin ka zui a, Lucy kha khawnge a awm ka hrelo, a haw tawh pawh ani mahna , ka thik , nilo, lo thik ve ngawt tur ka nilo



' Hetah hian zung la, chuan........' test kit chu min pe a, a tihdan tur chu min hrilh a, ka test theilo ang, ka zun aiah tui chu dispo cup ah chuan ka thli a , test kit chu ka vuah a, ti hi chuan a positive theilo ang




' Ka rai lo anih hi, rin pakhat chiah a awm' ka thusawi laia Jasriel hmel chu ka haw hluah2 ani


' A pawilo, bawihi' tiin min rawn panhnai a, min rawn kuah a, ka samah a fawp zauh a, heihi drama emni


Jasriel office tura a chhuah hnu chuan Partei chu a ruka test kit dang lei turin ka tir vat a, test kit chu bathroomah thu chungin ka in ngaihtuah vang2 a, ka lo rai anih chuan he ka fa hi ka enkawl turin Jasriel hian a phal hauh lovang, kha a hmei nu thuawi kha ka hre tawh ani, nau ka neih hunah min pet chhuak ang,. fa an neih theihloh chu keihi neih tir min tum ta a


' Lalpa, khawngaihin negative tir hram rawh'


'Nilo, ka rai theilo' thil sen pahnih in rin riak chu ka en ngawt2 a, test kit pathum ah a positive vek ani, nu ka ni tawh dawn tihna emni, engtin nge ka tih ang, Van Angel te u, min puih hram teh u, he thuruk hi ka zep reng theih nan '




Jasriel nen chuan nupa dang ang bawkin kan la khawsa dun a, min bazaar pui a, thuamhnaw min lei a, eitur ei turin min hruai chhuak a, hmangaihna min chenpui bawk a, a chang chuan min hmangaih tak2 emaw ka ti hial thin , nau ka pai hi nakin ah chuan ka zep hlen thei dawn silo, a rukin ka tap a naute hi Jasriel kutah ka hlan thei ngawt silo



' Hnathawh tur chu min hmuhsak ta em'


' Oh, thawk lo zawk mai rawh '


' Jasriel, a turin min duh emni'


' Min vin suh, Jasriel a nupui chuan hna a thawk tiin miin an sawi ka duh reng2 lo '


' Mi sual tak ini, i faten an chhun loh hram che ka beisei.......' Ka ka zetzawt hi chu aw , makti zetin min en a


' I rai loh thu i sawi kha'


' Nilove, nupui dang i neih hunah, hna zawng turin naktuk ah ka chhuak ang'


' Min hnial suh Ferina'


' Jasriel heta min khung reng tur hian tunge i nih chiah a ' ka vin em2 chhan chu ka hrelo ani, tihian vawikhatmah ka la tawngkhum ngailo, naute vang ani angem, thla hnih em pawh ala tling silo



' I PASAL , chu2 a tawk viau ani' atih chuan room chu ka chhuahsan a,inhnuai ah ka chhukthla a, kawngkhar puia Lucy lo lut mek nen chuan kan intawk a, rawn inha parh leh tawh khawp e , ei loh hmel zetin min melh a


' Khawnge Jas hi' a thusawi chu hrelo ang hmakin ka kalsan a, pheikhawk sang chu bun lo selang zawng, min chen hauhlo ang, a pian pawh kei aia a nalhna ka hre nek love, nasa ropui si




'Ka bia che i hria em' tiin min pawt ding a, ka te that a


' I inla nu ber ta hle maw ' ngeiawm zeta atih chuan ka nam sawn dawrh a, ka nam na deuh pawh ani mahgna chhuatah chuan a husawp niai a


' Mi pasal rawn hmuh reng hi i zak lovemni, i zawhna ka chhan loh che chuan ka be peihlo che tihna ' tiin ka kalsan a, ka kalsawn pah a inchhung kailawn tawpa Jasriel lo ding reng, inkuangkuah chunga min rawn thlir reng chu ka hmu a, hrelo ang hmaka awmin pawnah ka chhuak a



' Naute, anu hi kum 22 a tling ve tawh dawn a, a thinchhe deuh a lo tuar hram2 rawh aw' tiin ka dul thep zarh chu ka zut a, Partei te pangpar tui pe lam chu ka pan a , engtia rei nge tihian hreawm takin ka rai ani tih an hriatchhuah hlau reng2 hian ka awm ang, hrilh ta ila khawiah mah ka kal a phal dawn hauh silo



' Ferina'


' Awih enge ' min chhuk en run a , you-tube ah thil ka lo entui lutuk atin ni


' Mut a hun tawh viau asin' tisup in ka sirah a rawn inthawlh ve nghal a


' Chhunah ka mu a ka mut ala chhuak lo deuh ,lo mu mai rawh' tiin ka tawlh sawn deuh a


' Chhunah mu fo suh , a tha em' tiin min fawp zauh a, min kuah reng chungin a muhil a



'Vawiin chu kan awmpui te hi ka bazaar pui dawn ania , pawisa mi pe thei angem' ka tih chuan a nui hak a , min rawn en a


' Awle, ngaihdan tha tak ani, hmundangah erawh i kal ka remti lo ania' tiin pawisa chu a cash in min pe a , nilo bazaar pui tak2 ka tum lemlo, pawisa khawl ka duh vang mai chauh ani, a office kal tur chu ka enliam a


' Ka pi, engmah kan mamawh lo, nangman nei zawk rawh'


'Nilo, ka chhuahpui lo che u tih a hriat chuan.........'


' Awle, eitur min lei la, kan sawi lovang ' nui har2 a tih chuan chhuak turin kan insiam a, ei kas theih a zual bawk a, thil ka ei hnem ngei mai, waiter meuh pawhin makti takin min en anih kha



' Kawr engemawni tal ka lei loh che chuan, bakah midang thil tur te lei ang ' tiin ka kalpui talh a, Aizawl ah hian ka chhuak tam lemlo a, mi enduh ka hlawh hle mai , Millenium Centre ah kan kal a, ka sawi hmaih theih hauhloh chu tunlai thalai te hian khawvel hi runway emaw tiin an inchei nita ber hian ka hria




' Model ber a hmanloh chuan tu in nge .....' kan piah lawka dawr liantak chhunga inhnial deuh laih2 chu ka en a, kan kalpelh dawn chuan mipa pakhat hian minlo ti ding a



' Mami, minlo tanpui lawk thei angem' tiin thuamhnaw dawr ah chuan min kai lut a, midang ho chuan minlo en thap a


' Emily ai khan a pian a nalh zawk daih ani, nula khawngaihin kan thuamhnaw hi min fak sak thei angem, hlawh tha tak kan pe ang che ' atih chuan Partei chu ka melh zauh a


' Pu in a hria ange'


' A hre miah lovang, Parte, ka naute tan vek ani' tiin ka dul chu ka zut a, ka hmai make-up ka hnawih ngailoh chu min chei sak a, ka sam an ti kir chiat bawk a, ka thuamhnaw hak te chu designer kutchhuak vek ani a , MUA pawh George ngat ani a, hepa hi chu Mizoramah mai nilo Bangalore thlenga min hriat ar leh thiam ani


' Eng vanga modelling lama kallo nge maw inih le, My dear' minti sap a, darthlalang lian taka ka hmel lo lang chu ka en vang2 a, tihian lo inchei thin ta ila, nilo , hlawh thatak ka nei dawn chu zawng chu ani, shooting darkar khat zet kan neih hnu chuan kan chawl a, ka ke a kham ngei mai , ka ril a tam leh der tawh bawk



' Ferina maw i hming, khawiah nge i chen' designer chuan ka bula rawn thut thlak pahin ati a


' Ah, Zotlangah'


' Anih chu, hnathawhtur i duh phawt chuan min rawn be thin dawn nia, mi hlawhtling takah ka siam ngei ang che tih ka ring tlat ani' tiin a card chu min pe a, Dubai lam daihah pawh sumdawnna alo kalpui tho anih dawn hi , ka hlawh chu min pe a, ka rinaiin a tam ani, vawikhat lek kawr ka hak sak vangin 5000 chuang ka hlawh ania, lawmthu ka sawi mawlh2 a



' I la naupangin i hmeltha si a, make-up i hman hian i langtha zual' tiin ka sam a rawn tuai a



' U Ferina, saw U Jasriel' ka phu zuk a, kan awmna dawr lam pana Jasriel chak taka rawn phei chu ka en reng ringawt, ka make-up hman ka tireh hman tawhlo a, ka kawr hak lah ka thlak hman tawh kelo, makti leh thinrim takin min en chhuk run a, a hnungah Lucy chu pawnfen chhing zet fengin a rawn kal bawk a, dawr chhung chu a reh thiap a


' Ferina, heng thuamhnaw e hi enge a awmzia ' min zawt siin designer nu chu a melh daih thung a


' Saiding , i hmelhriat emni, model chhelo leh hmeltha tak anih hi, ka.......'


' Achhan, lo ngawi rawh, engvanga ka nupui lo chei ngawt nge maw i nih le' atih chuan Achhani mai nilo dawr chhunga mi chu an phun sar2 a


' Oh, i nupui maw, i nupui thuhruk kha.... Lucy' tiin Lucy chu eiloh hmel zetin ava melh a, ka rindan chuan henu pawh hian Jasriel hmei hi a ngei ve tho anih le



' Feri....'


' Hnathawh tur ka zawnga, chu chuan i pawi a sawi emni'



' Haw ang'


' Hna ka la thawk alawm mawle , nangpawh i meeting pawimawh tak chu i zo tawh a ang'


' Tihian awm suh' tiin min kai a, inthlakna roomah min nam lut rawk2 a, ka nau pai ka lo theihnghilh daih ani



' Tihpalh, mipa dangin mit tla lo chauha an thlir ve che ka duhlo, kawng kal apiangin an sawi nula hmeltha leh piannalh kha ka nupui hi ilo ni ang tih reng ka hrelo' ti supin min thut tir a, ka pheikhawk bun chu a phelh a



' Modelling lama kal turin ka duh lo che ani ' ati leh sup a


' Ka kal dawnlo tih pawh ka sawi theilo'


' Thuamhnaw chhing tak inbel hi a mawi lo' atih chuan ka nui hak a


' Sawlai a i secretry pawh sawn chutiang mawilo itih thin ang chu a inbel fo a, min sawisel ang hian i sawisel fo emni' ka tih chuan min vin vak ka rin tehreng nen a ngawi reng a, min chhan dan tur a hre awho ani ngei ang thudik ani ka sawi ni



' Ferina ka thusawi kha hrereng rawh aw ' Achhani chuan alo la ti a


' Awle, ka lawm hle mai vawiin vang khan' tiin kei leh Jasriel kan kal a, kan hnungah Partei leh Lucy chu anlo kal ve bawk a, mi ho chuan min enduh ngei mai



' A hma ah thu rawh' ti supin a hnunga thut ka tum chu min kai a, Lucy chua meng no lo fahran mai, pastries dawr a cake ka lei chu ka malchungah dahin ka ei a



' Parte i duh ve em' tiin hnunglamah ka lek phei a, alu a lo thing a


' Lucy nangchu i duh ka ringlo, thau na a tam lutuk a' ka tih chuan Jasriel chu a rum hak a, ka hlau ani ka pasal hi, mahse nu ka ni tawh dawn keima tan leh ka naute lo piang tur tan hian thil tamtak tihtur ka nei ani , kum 21 pakhat mi lek amah aia a let fe a upa pasal an neih luih tir kha ka ni tawhlo, nu ka ni tawh dawn



Pawisa khawlin hna dang ka zawng zel anga, he mi hausa pa hi engtik ah emaw chuan ka pa ba kha ka la rul zo vek ang, chu2 ka thutiam ani


Karkhat zet a ral lehta, Jasriel chuan min duat telh2 a, a chhan ka hrelo, inah a awm tam a, min be chhen reng bawk a, a chang chuan ka rai no vanga min duat emaw ka ti hial thin, mahse ka rai tih a hre hauhlo ang hepa hian



'I danglam tawh zia hi i hria em' ati sup a, ka sam chu a khal niap2 a


' Aw, ka danglam ang chu nula ka ni tawh hleinem' ka tih chuan a nui hak a, ka kawngah min kuah a, hmangaihna kan chen dun a, heihi chu thil pangai ani, naute tan a thaloh loh hram ka beisei ani , chau takin ka mu a, ruak vekin kan mu dun a, ka lungphu chu a rang ngei mai


' Jasriel, eng hna chiah hi nge i thawh' ka tih chuan a bawkkhup a, min en kar a


' Architect ka ni tih i hriat kha '


' Anih engtik ah nge min then ang ' ka tih chuan a hmel hahdam tak chu a inhlak nghal vat a, mipa vawt tak kha ani leh tawh biak huphurh awm khawpin a hmel chu a chang rut a , a zangthal a, a ngawi vang2 a



' Ka then ngai lovang che , kumkhua in' ti supin a tho a, a saruakna zahpui lo tih hriat zet chuan a kala, bathroom ah a lut a



Keihi ka la hlawhtling anga, ka fa lo piang tur tan hian nu thatak ka ni bawk ang, apa ang hian ka nunrawn tir ve hauhlo ang, he in hi nau ka pai tih a hriat hma in ka chhuahsan angai ani, ka nu pawh ka bia anga, ka sawipui ngei ang



[Awle, a thawnthu ah tak kan lut chho zel dawn e, minlo chhiarsak leh zel ru aw, hmeltha ho, in thiante lo hrilh ve zel bawk ula aw, ka hmangaih vek che u, ads kha aw khawngaihin......NUNUI ]



To be cont.....