THE DOCTOR By Nunuifranky (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: THE DOCTOR EPISODE By: Nunuifranky (Completed)

Unread post by Ngaia » June 2nd, 2019, 1:55 pm

THE DOCTOR


EPISODE 31



By; Nunui franky hmar



TLUAGPUIA POV ....






''Missin vengah rawgbawlna a nei mek tak kha '' Stalin a rawn kal a , zanah ka study ah kan thu dun a ,




'' Ka pa in a lo sawi a ''




'' Inkhawm ve chu tha ka ti, anih loh pawn i nupui chu tawngtai sak tur ah khan a hming kan pe ve thei alawm''





'' A dam chuan ka thinlung zawng zawng in ka chawimawi ang '' ka ti tak tak ,




Ka fapa a rawn tlan lut a , Stalin chuan ka fapa chu a chheih a , he mihring hian naupang a ngaina ngai si lova ,





'' Stalin , nupui nei tawh rawh '' a nui suk .



'' Nia, kan ti huk tep tawh '' ka nui suk, ngaihzawng a neih tak kha , Joysie heta intern ti kha ,





'' Ka faten i fate an vel ngun lutuk dawn tlat '' Deborah chu naute Belle pawm chungin a rawn lut a , naute chu ka laksak a , ka sirah a rawn thu a ,





'' Tim, inbual a hun a nia '' ka fapa chu a rawn tlanchhe lut leh pek tawh a ni .




'' Ama, a vawt alawm, papa pawh inbual miah lo, tiraw papa ''





'' Bawihi, ka inbual rualin ka bual mai ang '' ka nupui chuan min melh vang vang a, a lu a bu nghut, Stalin chu a melh leh zauh a , a mithmul a ti sang ak, thil dik lo a awm tih ka hrethiam bawk.





'' Dr Stalin''



'' Enge nita Deborah ''





'' Bialnu i nei tiraw '' ka nupui hian enge a zawh tum ka hre lo, ka en reng ringawt, Stalin chu a nui huk a ,




'' Nei e , enge nita '' Deborah chu ka melh a, a ner sawk.




'' Shillongah St Anthony's ah i thawk thin bawk em'' Stalin chu a lu a bu nghut .





'' One night stand i nei tawh em'' za takin Stalin chu a nui chhuak huk, enge ka nupui hian a hriat a ,




'' Bawihi, chutiang te....'



'' Dear, lo ngawi teh , lo ngaithla mai mai rawh '' Tim chu a toys kengin a tlanchhuak daih .




'' Mipa ka nia, mamawh ka nei alawm'' ka support chu chu .




'' Okay, anih i one night stand zinga pakhat , virgin bengbeh thlauh hriat i nei em ?''





'' Deborah chutiang zawhna in zawh chi emni '' ka lo in rawlh, Stalin hmel chu a inthlak vat, ka nupui hian eng chiah nge maw a hriat hrep le .





DEBORAH POV...





Stalin mitmeng chu a in thlak ngal, thudik ka sawi tih ka hrechiah bawk, kha V'ches kha true story a ni tih ka hrtethiam chiah bawk, chuan heta mipa hi a changtupa kha a ni, mahse he doctor hian a hre hauh lo niin a lang thung .






'' Chutiang thu chu...'' Stalin chu tawng tawh lo turin ka hui vat ....





'' I one night stand zinga pakhatin i fa lo pai ta se kum 5 hnu ah hmu leh chauh ta la , engtin nge i awm ang '' ka mitah chiang takin min en a , ka hlau deuh rauh, mahse thudik ka hre duh, kha writer kha ka hmelhriat a ni, Nunui nen .




'' Deborah thil hriatsual palh i neih ka ring, mu tha la aw'' nui suka a tih chuan ka haw hle , tenawm reuh lutuk, kan inah pawh hian rawn kal tam turin ka duh hauh lo.






'' True story dawt a awm ngai mi le '' za lo takin ka nui hak, Tluangpuia naute pawm chu ka la a , study chu chhuahsan in inhnuai lamah ka chhuk a .





''Pa Dr Stalin hi i hrechiang em'' ka nu leh pa varandah ah an lo thu a , ka nu chuan Belle chu a pawm vat a ,




'' A pa hi mizo a ni lova, anu erawh India ambassador ania, a pension tawh a '' ka lu ka bu ngat .





'' Tinge Debo , i pawi a sawi deuh mi'' ka pa in nui huah huahin ati a , ka lu ka thing vat .




'' Vai thlah deuh a ang ka ti '' kan nui dar dar .






'' I tha em'' Tluangpuia cabin-ah kan thu ran a , test eng emaw neih a ngai a , mahse kar kalta khan ka mut laiin ka lung hi a tla chawrh ang mai hian a rawn in sawh dwt a , ka thawk harsa deuh thin kha a kiam daih mai a , ka hrethiam lo, in check-up tho tho chu a ngai .






'' Ka tha, i tha lo'' nui hakin a malchungah min thut tir a , ka hnute karah a hmai a phum vang vang, ka kawngah nget takin a kuah bawk a .





'' Tunlai i mizia i thlak nasa '' a rawn dak chhuak a , a sam ka tuai a , a chalah ka fawp zauh .




'' Ka hrelo le, ka thinchha ka inti keipawh'' a nui hak a , duhthawh zetin min fawp a .




'' Ka kham thei ngai dawn lo che a nih hi '' tiin min hmer na sauh ,





'' Oh...'' kawngka lam kan hawi rual thawt a , Dr Joysie an tih chu a rawn lut a , sawnu saw maw Stalin bialnu chu , ka nui hak.






'' Kawngka kik nachang i hre lo mi'' k kawngah a hmer salh, mahse pawi ka ti lo.




'' Ma'am , ka tihpalh ka...''




'' Mi pa ka lo ngaizawng ang tih ka hlau ngawt mai my dear, phone kan hmang lawk'' tiin Tluangpuia malchung atangin ka tho a, Dr Joysie chu ka melh reng, a mitmeng ah chuan rilru natna ka hmu bawk, mahse kan thian thar Frankie kha ka khawngaih zawk, kha writer kha chuan kum 5 chhung Stalin fa a lo chawi seilian tawh a , tunah hrilh a tum velah Joysie a rawn lang leh si , ka thin a lo rim pui hle, khavang chiah khan Dr Stalin pawh ka hua ni.






'' Deborah, kei leh ka fapa chu kan tha e, Dr Stalin leh a bialnu chungah khan engmah ti suh aw '' hetiang ang hmeichhe fel lutuk hi an awm dawn emni .





'' Engtin nge i huat loh theih, i fel lutuk hi ka thik ngawt mai che ,Ezra kha rawn len pui vat la a tha ang, Tim pawhin a sawi fo ania '' a rawn nui har har a,





'' Awle, ka pa restaurant hi ka kut a ni deuh mai sia, tunlai chu kan buai ve lutuk a '' Chawngthu Restaurant cangtlung leh lar tak kha Frankie pa ta ani tih kan sawi tel leh hram ange .




'' Awle, in hman veleh aw ''





'' Um, hei Nunui leh Theodore kha an rawn lut, Nunui a tum bar mai...'' nui hakin phone ka off a , ka in her leh chu Joysie nen kan intawk chiah a , hmmm , ka thiannu a tha fe zawk, zaidam hmel viau in lang mahse ka lo haw ngawih ngawih a ni, a chhan ka hre lo.






'' Joy ...'' ka hawi let a , Stalin chu kan din na lam a rawn pan , hmmm hospital romance neih an tum emni .





'' Deborah'' a ti leh suk, ka melh rawm rawm ringawt, a thil a hmang lawr lutuk a , fa a nei tih pawh a hre hauh lo.




'' Enge hetah i tih a '' Dr Joysie chu a zawt a , ka ding ve reng ,





'' Ah director hnenah files ka pe lawk a , ka kal phawt ang sir '' hah.





'' No hospital romance on working hour '' Stalin chu mit siai in Tluangpuia cabin ah ka luh san .





'' Deborah , i ti mah mah lo mi, tinge Stalin hi i huat em em, ipawi a sawi si lova ''




'' Sawi e '' ka ti sup, ka pasal in min tan lova, doctor dang a tan chu ka rilru a na a ni, ka bag chu ka la a, eng test mah neih ka duh lo.




'' Deborah...'' a ding hluai a .





'' Enge ilo thinrim ve em em ringawt, ilo buaina tur a awm lo, mahni nupui pawh tan lova doctor satliah thlavang i hauh zawk a , saw Stalin sawn fapa kum 5 mi a nei tih pawh i hre ve tawp nang, min vin vak vak lo khan min zawt ta che '' k in her a , k\wngkhar ah Stalin lo ding reng ka hmuh chuan ka phu zuk, engkim kha a hre vek tihna a ni, thinrim zetin ka kalpel hmak.






'' Bawihi, lo ding teh , ka tihpalh ''




Min rawn um zui vat , ka banah a rawn chelh a , mahse ka thingthla nawk, a mitah thinrim takin ka en a ,





'' Minti dam lo zual dawn, ka haw hrih che, hmuh che ka peih lo, ka nu te inah kan riak ang, rawn kal tum buai duh suh ''



'' Deborah eng thil nge maw i ngaihtuah le '' ka thinrim tulh tulh chhan ka hre lo, ka depression vang hi a ni thei angem, ka mittui chu ka khap per sak sak , min vin khan ka thinrim zual a , ka tah a chhuak zual sauh .






'' Min ngai pawimawh lo tih ka hrechhuak, hrep che hian , min rawn zui suh '' thinrim zetin ka kal hmawk hmawk a , min au zui lawm lawm pawh chu ka hria , ka ngai pawimawh lo, taxi ka phar a , kan in lam panin ka haw vat , ka haw hrih ang , ka nu leh pa te inah .





'' Bawihi i va lo haw hma ....'' ka nu naute pawm lai chu dim te in ka la a, room-ah engmah sawi lovin ka pawm chho a, Tim-a ka koh a, a nau thuamhnaw tlem nen ka siam a , a bag te ka ah tir a , ama khawnge kan kal dawn a tih chuan Pupu pakhat zawk te inah kan riak dawn ka tih chuan a phur hle a, Belle ka pua a , thuamhnaw leh diaper, hnute siamchawp tur nen ka keng a , ka u chuan mangan zetin min lo ti ding a , mahse Tim ka kai a , kawngkhar lam ka pan lui.






'' Ka nu, ka nu leh pa in lamah kan awm hrih dawn, Tluangpuia kha rawn kal tir suh ang che, a nupui aia a thian ngaipawimawh tu bulah ka awm reng peih lo, min vin vak vak lehnghal a, damlo zawk pawh...'' ka tah mai ka hlauh vangin kan chhuak vat, taxi chuan min lo la nghak reng a , kan in lam panin kan kal a , Tim chu wengmah hre lo tih takah a phur hle a , kei erawh ka rilru a na , ka ti mah mah em aw tih ka ngaihtuah bawk .







'' Ka tlan titih a, ka nu leh pa inah kan awm rawih, zana rawn leng ru, Nunui leh Frankie chu ka sawm a , Ezra hruai a rawn len a tum thu a sawi a, Nunui chu chiang sa .






Ka nu leh pa chu thil hre sa ang maiin engmah min zawt lo, Tim chuan nuam a ti hle a , ka nu leh pa in an tunu chu an pawm deuh chawt bawk.





Tluangpuian a lo call reng a, ka dah busy daih a , message ah a in thiamloh thu a rawn sawi a , ngaihdam a rawn dil, enga tan nge ngaihdam a rawn dil, ka huat na a zual sauh, ka awmdan hi a dik lo, tah vak vak mai te ka duh, ka awmdan hrep chu .








'' Vawiin ah Stalin awm laiin fa kum 5 mi a neih thu kas sawi chhuak zauh '' Frankie chu a hmelah engmah a lang lo,




'' Engtikah emaw aa hrechhuak dawn alawm, mahse a bialnu nen an inkar tihchhiat ka duhlo'' he hmeichhe fel lutuk hi kha Stalin khan a phu hlawl lo a ni.





'' A hre tawh emni'' ka tih chuan a nui suk a ,





'' A hriat thuai ka ring ''






Zanah an awm rei lova, an haw diak a , Belle hnute hnek tir in ka ti mu pah a, Tim chu a mu daih tawh, kawngka an rawn kik a , ka room-ah chhoh ka tum mek laiin , ka ding a , ka fanu pawm chung chuan kawngka ka hawng , khar lehnghal ka tum a, mahse a ke a rawn rawlh lut hman .






'' Aih'' ka ti sap, a mitmeng ah chuan na tuar hmel ka hmu thei, a rawn lut a , kawngkhar a kalh hmak bawk, mahse biak tum na ka nei miah lo.






'' I tel lo chuan ka mu theilo tih i hriat kha '' zawi sup hian a ti a, Belle chu a rawn ban a , mahse ka tawlh hnung vat .





'' Mu lo mai rawh'' a thaw chhuak hak,




'' Min ngaidam rawh bawihi, vin tur che ka ni lo, ka thiam lo takzet, nangmah kha tan zawk tur che ka ni, khawngaih takin min ngaidam hram rawh '' ril ruihin a ti a ,




'' Haw rawh , mut kan duh ''





'' In tel lovin ka haw dawn lo''




'' Anih chuan haw lo mai la '' inchungah ka chho a, a haw ve mai ka ring kha ka pasal ka hriatchian lohna pakhat chu . Min rawn zui chho a , ka hawi let a , a palian si, a ding run a ,





'' Tluang...'' ka hmui chu a kut zungtang sei takin a rawn khawih a ,






'' Ka tihpalh, mut kan mamawh bawihi, mu ang, min hnial hneh dawn lo tih i hriat kha '' thaw hakin ka room-ah ka lut a , Tim chu a sirah a mut tir a , a laiah ka mu a, a sirah Belle , a chep zek lehnghal.






Tluangpuia chu saisir in min kuah a , a kut hlai pui chu ka dul zawnah a nghat a, ka kawrhnuai nam chho in ka hnute chu a hlim leh hmiah, ka thaw chhuak hak.






''' In thlah dul la , bawihi tui deuhin mu rawh ''' a ban ka khan a ka lu ah a fawp zauh. A kut a vah kual tir reng chuan engtin nge ka mutghilh theih ang, a kut hrawl leh sei bsal chu ka kekawr hak chhungah a rawlh lut a, ka thaw hak, ka hmeichhiatna chu a khawih a, a kut ti che lovin a hup vang vang .






STALIN POV.....




''Thudik ani lovang bro, hrethiam rawh '' Tluangpuia chuan a ti sup a, a nupui in min en kjan min huat zia k hria , ka hrethiam ta hauh lo, fa ka lo nei maw , tu nen nge fa kan neih, dawt a sawi ka ring hauh lo.







Joy chuan min lo nghak lovin a haw daih a , min lo nghak ziah si a , tinge a chhan ka hre lo, a thiannu chu ka hmu a , ka zawt a , a sawi duh loh hmel hle lehnghal.






'' Ka hrilh thei lo che , Joy rilru a na lutuk a ''





'' Eng vangin, sawi chiang teh ''




'' Eng lo ania, vawiin ah test a nei a, chuan nau a pai thei dawn lova'' ka car chahbi hum chu ka thlauh a ,





'' Dawt sawi suh''





'' Sir, dawt ka sawi lo,a rilru a na lutuk a , a haw hma alawm'' ka thu hriat chu mak ka ti hle, ka bialnu kha nau a pai thei lova maw, naute a awt hle si a , ka motor khalh haw te chu ka chiang lo ruai a , naupang pakhat kawg cross chu ka hmu hauh lo, ka brake ri tuar a , ka su hman em ka hre lo, ka chhuk vat a , kha hospital a ka hmuh mipa naupabg kha a ni.





A hlauthawng chu a tap nasa hle a , a awmtu kha a rawn thleng chawpchilh nghal, a khup a thi phang a , a ban chu na a ti hle a , ka khawih chhin a , a ruh a tliak a ni.






'' Bawiha tap suh lem ka tihpalh lutuk, hospital ah ka hruai ang che u aw '' tiin ka pawm a , ka car ah ka pawm lut .






'' Pi, Ezra car in su a, ban ruh tliak a, hospital pan mek'' au awmtu ni awm tak, a hnunga Ezra pawma thu chuan a ti a , thil tha lo lam hlir mai maw , ka bialnu hmuh vat ka ngaih nen .





'' Eng hospital-ah nge kan kal dawn''




'' Sailo hospital'' ka ti sup, hospital kan thleng a , casualty ah ka pawm lut a, a ban chu a dah zawihniang a , ka in thiam lo hle ,



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 2nd, 2019, 1:55 pm

THE DOCTOR




EPISODE 32
[Last episode]




by; Nunui franky hmar ...





[Zan 32 zet kan in hmu ta , ka van ngai dawn che'u em, mahse thla thar atangin V'ches kha a lo chhuak leh dawn aw , min lo chhiar sak leh theuh turin ka rawn ngen nghal bawk che u a ni. ]








TLUANGPUIA POV ....





''Ka hmangaih , a chang chuan i mize naupangchhia tak hian minti thinrim thin'' ka nupui tui ti taka mu lai chu ka thlir reng a , duhawm reuh lutuk, a hmui ah ka fawp vang vang a , peih lo tih hriat zetin a rawn meng siar siar a ,






'' Moring ka nupui duhtak'' a hmui a ti pawrh tarh a ,




'' Belle diaper thlak angai ang ''





'' I rawn harh hma in ka thlak daih tawh bawihi, kan fate an mutui viau ania, ti harh suh '' tiin a kawngah ka kuah a ,





'' Ka la ngaidam miah lo che '' a chalah fawh zuk pahin a awmah ka bei a ,






'' Ka hria a , kan haw hunah i duh duh min tih tir thei ang ''




'' I ti leh chuang lovang '' nghet takin ka kuah a , a rimtui tak chu ka hip vang vang, ka nupui hi ka hmangaih takzet, a bula awm hi ka kham thei ngai dawn lo a nih hi .





''A mak khawp mai, scan hnuhnung berah khan i nupui lung hi a pangngai leh vek mai, vawi thum lai ka en nawn a , thil mak a ni ''





''Sawi chiang teh '' kan ramah super specialist ka thian tha tak ni bawk chu a rawn zin a ,





'' Thil mak a ni, i nupui khan in sawiselna a eih ka ring tawh lo '' ka maimitchhing a, Pathian hnenah lawmthu ka sawi nghal, a tlai ve ngai lo,






'' I nupui chu hospital-ah i rawn hruai em ''




'' Kan fanu in lamah a buaipui a , Timothy school a kal tawh bawk a '' a nui vur vur .






'' I nupui i neih loh hlauh theih zia kha '' ka nui suk .






'' Ka hria e , kan inah zanriah i rawn kil ngei angai dawn nia ''




'' Lutuk tlat, mizo hmeichhe chicks pawh an tam fu''






Casualty lamah ka chhuk a , dam lo an awm hran lo, in hliam palh, zai ngai lutuk lo, nachhawkna a chiu a haw tir leh mai tur ang te an ni .




'' Stalin khan naupang a su pek a '' Remruata chuan a ti bauh a ,





'' Naupang a , a na viau em ''





'' Ka hre bik lo , hetah a awm a , min rawn hrilh '' Naupang ward lam kan pan a , khum sir berah chuan naupang pakhat hi a lo mu bam a , Stalin chu hrilhhai hmel zetin a awm bawk.





'' Stalin'' a rawn hawi zawk a , mipa naupang chu ka melh leh a , an va in ang tak ve , naupang chu a kut lehlam an tuam bur a , a khup a pilh deuh bawk a , a muttui hmel hle a .





'' Tu fa nge '' heta a awmpui tu hi mizo a ang si lova, a nu chu a nih ka ring si lo.





'' Miss Frankie fapa nih hi, Chawngthu Restaurant owner '' bah deuh nakin vai ti dawn ila a ang lo, manipuri lampang ni awm tak chuan a rawn ti a , Chawngthu chu ka hria , ka nupui hian a sawi..... Anih chuan heta mipa naupang hi Stalin fapa hi tihna emni .





'' Khawnge a nu chu ''




'' A rawn kal mek, a rawn thleng tep ang ''





'' Ezra bawiha '' kawngkhar lam chu kan hawi thap a, Dr Remruata nen chuan tih ngaihna kan hre lo hle,hmeichhe te lampang ngo ving veng, chal sam nei, tarmit vuah hi a rawn tlan lut a , kan bulah chuan a rawn ding chawpchilh nghal a ,





'' Tinge ka fapa hi, didi what's happen to my son?''





'' He was trying to cross the road but, one mad doctor was driving his car like he was in a race , so he hit Ezra , luckily his left arm only broke '' English a a sawi zawt zawt chuan Remruata nen kan in en a , kan nui suk, doctor-a a tih kher lai chu , Stalin chu ngawi rengin mipa naupang nu chu a en ngawt ngawt a , chunu erawh a fapa taksa en dikin a buai hle thung .





'' Who's the mad doctor di?'' thinrim zet chuan a ti a , didi tih nu chuan Stalin chu a kawk zauh a , Stalin a han melh chhoh chuan a mitmeng ah thil hre chhuak thut, natna , rilru natna , a rawn lang zawk a ,mahse a inthlak vat , a tarmit vuah a siam tha a .






'' Di please tell me again , who's fault is it, my son or this mad doctor ''




'' It's his Miss , the traffic police says that we can cross the road but this doctor ....''





'' Okay , it's fine , please tell my father and also tell him not to worry ''





Stalin chu a melh rum a , eng vanga Stalin saw milim nga ding ngawi reng nge ka hre lo, Rema nen min rawn en leh a , midang ho pawh chuan min en duh hle, a chhan chu specialist doctor pathum in naupang pakhat kan din hual thap a nia .






'' Ka fapa hi hei ai hian na se chu ka that ngei ang che '' a ti sup a ,




'' Nangmah i ni, kha .....'' Stalin thusawi tur chu tawp turin a ti a ,





'' Sawi chhuak tawh suh, ka hre ngai miah lo che, mad doctor '' min rawn melh zawk a ,





'' Deborah pasal kha i ni tiraw '' a tih chuan ka lu ka bu nghut .





'' Eng lo, general ward a awm ai cuan cabin velah kan insawn thei angem, awl a awm chuan '' ka lu ka bu nghut , .




'' Awle , i fapa chu a dam leh vat mai ang , chuan ka thianpa vang hian ngaihdam ka dil e , a haw tur kha a hmanhmawh deuh a '' Stalin chu chak zetin a chhuak daih a , Remruata chuan a zui vat bawk .





'' Khawiah nge naute pa hi '' ka tih chuan a nui suk a, he mipa naupang hi ka fapa sawi fo, a thianpa kha a ni .




'' A pa maw , a awm lo , pa a nei lo'' a ti sup a , hmeichhe thlem vel hi ka thil thiam loh tak a ni, ka nupui ngei pawh ka thlem khat viau , ka kalsan a , nurse pahnih chu cabin kawhhmuh turin ka ti a .






'' Kha hmeichhia i hmuh a i danglam zia kha , nu a ni tawh nia aw bro '' Remruata chuan a lo fiam ve mek bawk . An bulah ka ding a ,






'' He thil neitu hi a ni '' tiin a wallet chu a phawrh a , rangkachak bengbeh kual sin hi a rawn phawrh a , kha naupang nu khan a beng chung deuhah hetiang hi lehlam ah chiah a beh anih kha .





'' Anih chuan Ezra pa kha i ni tihna mi'' Remruata chu ka melh zawk .




'' Kha hmeichhia kha a ni, kum 5 chhung min mut that tir thei lo tu chu, mizo a lo ni reng maw ''





'' Joysie hi '' Remruata hian thil sawi hun a hre hlawl lo.






'' DNA test tih ngei ka duh''





'' Awle '' ka kalsan , midang buaina ah lo inrawlh vak ka duh lo.




Ka haw lam chuan ka nupui eitur thil tui chi hrang hrang ka lei haw a , Timothy ta tur pawh, thuamhnaw chu ka lei thiam thak lo, nakinah amahin lei mai rawh se .






'' I va lo haw hma '' inchhung ka lut a , choka ah ka lut tlang a , ka nu nen thingpui no an lo dawm dun ran a, awmpui pakhat zawkin ka fanu chu a awi dar dar a .





'' Nia, bawihi hei i ta tur '' pan hnaiin a chalah ka fawp zauh a , dawhkan ah ka nghat a , ka nu chuan mit min siai zauh a , ka nui suk thung .





'' Khawnge tim '' ka tih chuan a toys room ah a awm thu a sawi a , a thiannu fapa accident chungchang hi ka hrilh ang nge hrilh lovang ka hre lo, a mood tihchhiat ka duh si lo.




'' A tui lutuk'' momo chu hmuam tawlh tawlhin a ti a , a sirah ka thu thla ve a , thingpui min siamsak vat a .



'' Bawihi'' a rawn hawi a , thil a ei tha a , damdawi a ei tha bawk a , a vun a eng leh sawt hle a , a vung da lutuk thisen nei lo tak ang kha a ni leh tawh lo, a nung sarh tawh .





'' A thak reuh lutuk'' pork roll chu a ei leh a , hmuhnawm ti zetin ka en , ka nu pawh chuti tho .





'' Hmanhmawh suh pi, tuman an ei khalh dawn lo che '' kan nui dar dar , Timothy a rawn lut a , a rawn thu ve chat bawk .





'' I inbualna tur ka siamsak dawn che em '' room-ah min zui lut a , ka lamah pawt hnai in ka kuah vang vang .





'' Ka ngai tawh che '' a nui hak a ,





'' Ka puar lutuk a , ka mut te chhuak'' a hmui ah chuan ka fawp vang vang a ,





''Min ngai ve miah lo mi ''





'' Darkar reilote chiah alawm i awm bo , inla romantic lutuk suh aw '' ka zakhnuai ah a dek a , he hmeichhia hi chu aw , ka hmangaih takzet .






'' Ka hmangaih che putar '' ka sam a tuai thur a , khumah ka malchungah a thu.






'' Gym kal i ngai a nia '' a dul chu ka khawih zauh a , thinrim zetin thawh a tum chuan ka dang vat , nupui duhawm lutuk,







'' Ka fiam che nih kha bawihi, ka tihpalh, keimah zawk hi a ngai'' ka dul chu a rawn khawih a , nie ka nupui rawngbawl leh eitur siam tui tak tak ka ei fo avang leh gym ka kal khat lutuk vang hian ka dul a rawn kiar dawn tan .






'' A ruh tung ai chuan hetiang one big pack hi khan a nuam zawk '' ka nui hak, duhthaw zetin ka fawp vang vang a , min chhang tha khawp.








DEBORAH POV ....


3 YEARS LATER ...



''Saitluangpui, ka fanu sam hi engtin nge i tih '' Belle sam hmawr kir chiat kha an lo hlep vek a , ani lah chuan nalh a ti mai si, ka fanu a ni chiah em, ka hrin ve chu a ni ngei si, mizia ah min chhun hle a , ka vun pawh a chhun mahse thinchhiat leh luhlul, thu duh leh chapo lamah a pa an chhun vek hi chu ka duhdan a va ni lo em .




'' Bawihi, a nalh zawk, naupang sam sei chu a mawi lo'' bathroom atangin a rawn chhuak a ,





'' Tan ka phal lo tih i hriat reng kha '' belle chu khumah a pa phone khawihin a thu a , paw patro bak a en leh tawp nang .







'' Mama , cute em'' ka en vang vang a , Tluangpuia chu ka melh leh zawk bawk.





'' In pafa hian kan vaw dawn che u mawle '' ka nui hak, chhungkaw duhawm tak Pathian in min pe a , ka va lawm em, hei bak a malsawmna .






''Bawihi, i tlai chuan Stalin te nupa i ngam dawn lo'' nie , vawiin hi kan thiannu Frankie leh Stalin te inneih ni a ni, kum 3 chhung teh meuh a hmangaihna a fiah a nih kha ,






'' Ka dul hi a puar sia eng ver nge ka hak dawn ka hre lo'' tunah hian thla 4 mi ka pai leh mek a , Tluangpuian min duat hle bawk .




'' Engkim i inhmeh vek, nangmah bak tumah ka en leh peih chuang lovang '' ka nui hak, tleirawl thlalak pui tur ho rum zeta a melh pah a ''ka nupui nen hian thla min lo lakpui zawk ula'' a tih lai kha ka mitthla ah a cham zawk .




Hringnun chu a changin hlimna, lungaihna leh beidawnna, harsatna ten min chim buai chang a awm fo, mahse tlu hlen lova tho chhuak leh te hi ding chang leh a hlim ber ber te an ni fo ......





www.storyfb.com mizo story thar englai pawhin chhiar tur a awm reng


Tihian a tawp chu a ni ta , a chhiar tu zawng zawng te , la comment ngai miah lo te pawh, khawngaihin zanin chu a last episode na a ni tawh bawk a , in comments hlu tak kha ka dil e , thu tawi te pawh , a tawp ho e tih erawh ka pawm loz aw ////







Next story tur V'Vhes kha min lo chhiarsak leh vek ru aw, June thla atangin , ka lawm e , Nunui


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)