THE DOCTOR By Nunuifranky (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: THE DOCTOR EPISODE By: Nunuifranky (Completed)

Unread post by Ngaia » June 2nd, 2019, 1:24 pm

THE DOCTOR


EPISODE 13


By; Nunui franky hmar


[I hringnun ah min tel tir dawn anih chuan misualnu nih ka duh lo, a changtunu min nih tir rawh.... Nunui]




'' Ka lo phur haw ang che chu '' saturday a ni a, saturday chawhnu hi kan off thin a, Chhanhima MLA chu a haw ve deuh chiah bawk a .



'' A buaithlak lawng maw, bus leh taxi a tam alawm''



'' In vengh tihtur ka nei a, lo chuang mai mai teh'' a tih chuan ka nui hak a, thu duh ve reuh lutuk. A Bolero varah chuan ka lawn a, ka thut luh rual a ka rim hriat hmasak ber chu Tluangpuia rim a ni, an perfume rim ngainat zawng a in ang tihna.



'' Nupui neih te hi i tum lo mi?'' a nui hak a ,



'' A hmanhmawh thlak hran lo, kan la tlangval dawn chauh alawm, ti daih ila i pasal chu, engtikah nge a rawn haw dawn?''



'' Tun kar chu an awm ka ring , an lo haw thut maithei bawk a , hna an ngah dana zir a niang chu''



'' Um'' thil chi hrang hrang kan sawi a , kan in kawt kan thlen lai reng ka hre lo, kan in gate chhungah chuan ka pa leh Tim-a ball lo pet chu ka hmu vat a , a sirah kan awmpuite ka hmu bawk a .


'' Lo leng lut la, thingpui te maw ''



'' Nidangah auh, kalna tur ka la nei sia, i fapa chu a duhawm reuh hle mai, min lo biak dawn nia ''




'' Awle tehreng mai,a tihzia tak tak a ni'' bolero atangin ka chhuk a, naupang chhia zetin ka ban ka vai a , gate ah ka lut a, ka luh pah a ka hmuh leh hmasak ber chu kan awmpui pakhat choka lama che deuh ber Didi chuan phone in min lo tin a, ka hmuh rual rual chuan a tin sawn vat a,




'' Ka thla i lo la mi'' ka tih chuan a lu a thing a , Tim-an min hmuh chuan min lo pan hnai vat a ,




'' Ama nge hawn'' ka bag ka hai a, chocolate ka hawnsak chu ka phawrh a, apa a awm lo bawk a, chocolate leh sweet lampang hrim hrim hi ei tam a phal lo hle a , thlai hring , thlai hring, doctor fa nih hi hreawm a la ti dawn khawp alawm.




'' Ka pa, khawnge ka nu'' Tim-a ka pawm a, ka pa thutna lam ka pan a ,



'' Ei rawng a bawl kha mawle, a rawn chhuak ve tep ang '' Tim-a nen room lamah inthlak turin kan chho a, vawiin lama a thil tih te ka zawh chuan a thiam ang ang chuan min chhang a , ka nui ringawt a .




'' Papa phone ang aw '' ka tih chuan a phur hle a , Tluangpuia chu kan video call a .



'' Hello, ka naute duat leh a nu ka hmangaih tak'' office chhung ni awm takah an awm a, a hnung deuhah files vel en in Sangtei chu a thu bawk a .



'' In va buai hmel ve '' Tim-a chuan phone a la daih a, apa chu a nui hak a, a toys a hmuhtir leh tawh dawn a ni ngei ang, ka kawr ka phelh a, Tim-a room atanga tlanchhuak chu a rawn tlan lut leh a , phone chu min pe a ,




'' Papa in min hmu duh mi'' alu a bu nghat a, room atangin tlanchhuah leh a tum a,



'' Bawihte , step-ah khan i lum ange aw '' ka au zui a, phone chu ka bih a, a kalsawn tawh a, bathroom ni awm tak a ni.




'' I hah em'' a lu a thing a ,



'' Hah love, ka ngai che '' ka nui hak a, bra chiah ka ha a, a rawn thlek vak vak a,



'' Ka chak zia i hria em'' ka thaw hak a,



'' Aih, i mak e, Sangtei khan a hmu che nge ''


'' Ka nupui ka ngai a, ka mamawh a , a hrethiam ang''



'' Lo haw vat rawh aw, chuan thil ei tha la, mu tha bawk la , chuan tui...''



'' Bawihi ka hria e, ka hria e'' ka nui hak a ,



'' Tim-a kan en zui ange '' a rum hak a,



'' Zanah min rawn be rawh aw '' ka lu ka bu zauh a ,



'' Ka hmangaih che '' ka nui hak a,



'' Ka hria, keipawn ka hmagaih che '' phone ka off a , ka inthlak a, Tim-a chu ka zawng a , api leh pu bulah apu phone khawih in a rak nak nak reng a, a sawi ber hriat theih bawk si loh .




...



''I va hma ve '' hnunglam ka hawi a , Chhanhima chu ka bul a rawn thleng titih nghal a , vawiin chu a inchei dan a pangngai viau .



'' Nia, kalna tur i nei mi''



'' Bank-ah rawn kal ka tum a, traffic a jam nasa lutuk a , ke in ka rawn kal, driver pawh a rawn thleng tep ang '' bank lam kan pan a , tinge tunlai chu a rawn lan ngun viau ka hre lo.



'' Um, buaipui lai deuh i nei ami''



'' Aw, nei e, loan lak ka duh deuh alawm'' min kai dawrh a, kawng en hmasa lovin cross ka lo tum leh pek, ka tawng tui lutuk hi chuan a .



'' Fimkhur la'' ka kawngah a la chelh reng a , ka thawk a buai dawn, hrep hian, inhaler ka phawrh a , thaw hah ka nei tih hi inla hriat bik ka ring lo, Tim-a ka neih hnu khan thaw hah ka nei tan a, Tluangpuia'n min enkawl a , tun thlengin damdawi eng eng emaw ka la ei a .



'' I tha maw'' min ngaituah hmel takin a ti a .



'' Ka tha, tunlai chu boruak a lum deuh bawk nen '' ka nui lui sak a .



TLUANGPUIA POV...



'' Sangte, i inpeih tawh em?'' kan haw ni a ni tawh a , Sangtei chu zing chaw pawh la ei lovin a room-ah a inkhung reng a ,



'' Reilote aw'' a rawn au a , nizan hna kan thawh laklawh lai khan a luak chhuak nge a uak tuar tuar a, a haw hma daih , hotel a pan hmasa deuh kha a nia .



'' I tha maw '' a dang lep a, thisen a neih loh hmel hle a, a bah chu a rawn khai a ,



'' Tha e, moring sickness ''' mit min siai zauh a ,



'' Mipa kawp lai...'' a lu a thing a ,



'' One-night stand mawle, chupa chu i hre lutuk '' \


'' Tunge naute pa chu'' ka tih chuan a thaw hak a ,



'' I thianpa Remruata , a fa ka pai a ni, i birthsday party ni khan '' nie ka hrechhuak e, party ni a ruih hmel zeta min rawn su tu kha amah hi a ni tih ka hrechhuak, room-ah ka luh khan Remruata a lo in ha tha mawlh mawlh a nih kha .Kan inchhungah sex hman ka phal loh thu ka councelling nghek a nih kha .






'' Rem'an a hria em'' a lu a thing vat a .



'' La hre lo, engtikah nge ka hrilh dawn ka hre lo, mahse ka la hrilh ang, min zep pui angai ania boss '' ka lu ka bu zauh a, chuvang chu a ni ngei ang le, Deborah pawh morning sickness a neih nasat theih zia kha , ka ngai takzert, tunah chuan bank-ah dawr tu a ngah leh ngawt ang le , ka fapa pawh api leh pute bulah a hlim ang , ka hmu chak takzet, karkhat zet kan awm hrang a, kum tamtak ang mai a ni.




'' Thla khat vel tihna a ni maw '' a lu a bu zauh a, a maimitchhing daih a, ka car chu ka khalh a, biak tur an vang leh dawn mange .




'' Chawl lawk ang '' zun ram thiar in kan ding a , car-ah ka nghak a, Ka phone-ah message a rawn thleng a, ka en a , Deborah leh MLA Chhanhima an i a, kawng an cross dawn lai vel te, \a kawnga a khawih te leh an nui dun lai te, motor-a an chuang dun lai leh thil ei dun lai, ka phone chu nghet takin ka hum a ,



'' Ka that khawp ang che '' ka nupui a .o hnaih ve ngam a, a in chhir khawp ang. Deborah ka phone a , a vawihnihna ah a pick chauh a,



'' Enge ni ta ''



'' Khawiah nge i awm''


'' Hna-ah a niang chu, in lo chhuak tawh em'' a aw ah chuan a hlim hmel hle a ,



'' Chhuak tawh , ka ngai che'' ngawih ka thlang leh ta zawk a, tu emaw kan nupa inkar tihchhiat tum an awm vang a ni , ka nupui hian min phatsan dawn lo tih ka hria, fa kan nei dun tawh a, kan hlim bawk.



'' Keipawn ka ngai che , fimkhur la, tluang deuhin lo thleng ru aw, ka buai deuh a, ka dah phawt aw'' ka chhan let hma hma chun phone a off a, ka thaw chhuak hak a, phone number chu biak ka tum a, a switch-off daih bawk si, Zorinpuia ka chhui tir angai dawn a ni.



'' Bro, i buai em?''



'' I rawn phone hma kha chuan buai love '' ka nui hak a ,



'' Number ka rawn thawn che kha min lo chhui sak ta che, a kimchang chuan nakin-ah ''



'' Awle, in nu leh MLA Chhanhima ka hmu dun a nia'' ka rum nghat a,



'' I hmu ang chu, mit i nei alawm, ka dah'' phone ka off a, kan sawi dun ngei angai a ni.



Sangtei ka thlah kawi a, in-ah ka let a, Tim-q ka pawm a, api leh pu te nen an chhuah dawn avangin a insiam a, Deborah rawn haw ka nghak a, ka chau ve deuh hle a , ka inbual a, khumah ka mu a , in kawta motor ding ri ka hriat chuan ka tho a, tukverh bulah ka ding a , bolero var kan in kawtah a ding a, ka nupui chu nui har har chungin a chhuk a, tunge a rawn thlah tu chu hrilh ka ngai love, ka awm loh chhung kar khat lek ah mipa dang a .o mamawh ta em ni, nilo conclusion ka siam ngawt lovang, a ni nen hian kan sawi dun phawt ang.




'' Ehe i lo haw alaw'' room a rawn lut a, a bag sofa-ah a theh thla a , min rawn pan a, ka pawt hnai a, ka fawp vang vang a, kha mipa khan a fawh loh hram ka beisei a chhan chu minister tupa emaw fapa pawh nise a hmui kha ka thui ping dawn chiang a ni, a MLA nih na a hlauh rak thlengin ka tichhe ngei ang .




'' Tunge lo thlah che a ''



'' MLA Chhanhima kha, tunlai chu kan in kawm ngeih riau mai, bank ah a rawn kal ngun a ''



'' Anih chu, a rawn rim deuh che niang '' a nui hak a, ka nghawngah min kuah a ,



'' A ni lo, thian ang chauh alawm kan nih, i chau em'' nie thian ang chauh in nih bak ka phal ngai lovang , thian pawh a nasa mah mah tawh .




'' Ka riltam''



'' Oh, eitur ka siam ang che, inhnuai-ah chhuk ila '' ka kuah a , khumah ka bawh bet a ,



'' Eitur tam in a tam hauh lo'' a nghawngah ka fawp a , a awmah ka fawp thla a .



'' Hey, ka thawhpui ten min zawt fo a nia, khuh a harsat zia, make-up chhah tak hman fo a ngai a nia '' kha kha alawm ka duh, tu mipa mahin an lo hmuh taih che ka rem ti lo .




'' Ka dim dawn lo che '' a jeans hak phelh har zet chu ka phih hrawk a ,



'' Min dim suh '' a nui suk a, ka nupui hi k mamawh takzet, hetiang hian hmeichhe dangin min la ti phur zo hauh lo, ka boxer ka phelh a , ka mipatna chu a rawn ban a, a bra phelsak in ka chungah ka pawt kai nawlh a, a nui hak thung .




'' Ka chungah thu rawh '' nui ver ver chungin ka chungah a thu a ,





A vawrtawp vawi 4 chuang kan thleng dun a, ka dim lo bawk a, a chau hle a, ka sirah a mu a, reilote hnu ah a muthlu zui nghal a, nui sukin ka lamah ka pawt hnai a .




'' Ka hmangaih che '' a period zawh na a la rei lo bawk a, in venna ka hmang lova, a nin a ei lo bawk tih ka hria, naute a pai ngei ka beisei , tu mipa mahin an melh ka phal tawh ngai lovang .




Kan nupa kar a tha a, kan chhungkaw pawh, Tim-a pawhin hma a sawn chho zel a , office-ah ka hruai zeuh zeuh a .



'' Tim, tan lo awm lawk la, ka lo kal ve vat dawn, khawiah mah lo kalsawn suh aw '' casualty chhunga chair pakhat-ah ka thut tir a, nurse duty ho chu lo en turin ka ti tho a ,




'' Kha i tha maw?'' Tim-a drinks tur ka lei a, ka let leh lam chuan Dr Sangtei ka tawk a ,



'' Tha lo, ka luak chhuak reng mai'' a nui hak a, a la hrilh ta lo a nih hmel.



'' Thla khat lek ni mahse ka dul hi en teh, a kiar ve hrim hrim bawk nen'' tiin a dul chu a ti kawh a, ka en thla zauh a ,



'' Phir i pai nih kha'' ka banah min rawn chum a ,



'' Tluangpui '' kan sir lam chu ka hawi a, Deborah chu a rawn lang hlawk a, hna ah a buai lovemni, kan lam a rawn pan hnai a, a lungawi vak hmel loh hle a .




DEBORAH POV...





Ral khat angin Tluangpuia leh Dr Sangtei te titi chu ka en a, ka hnaih telh telh a , Sangtei chu a rai emawni, Tluangpuia chuan a pum a en , an nui leh hak thin a, a banah te a chum a, an va in nel hmel ta hawr hawr ve . Doctor tha tak ni mahse ka pasal sawtia a flirt pui dawn chuan ka ngai na lo thuai ang le, mi pasal a ngaihzawn kha a bansan ta em tih pawh ka hre lo .




Ka au vak a, an rawn hawi rual a, Sangtei chu eng emaw sawi in a pum a dawm a, a kal ta daih a .




'' Enge i lo tih dawn?''



'' Ka rawn kal thei lo mi? khawiah nge Tim'' casualty lam a kawk zauh a, nichin mai a ka thil hmuh khan min ti luak chhuak zual hrep hian, khatiang kha ka thik chu a ni si a , casualty ah ka lut a, ka thilh hmuh vang chuan ka nui sak a, Tim-a chu nurse pakhat nen an lo infiam a, an nui leh hak thin a, syringe ruak hriau tel lo hi a keng a, nurse chu a chiu der thin a .




'' Tim'' ka koh a, a rawn hawi a, min hmuh chuan nui ver ver in ka lamah a rawn tlan ter ter a .



'' Ama, chiu a '' a kawk a , nurse chu ka nuih suk a , Tluangpuia a rawn lut a , Frooty chu Tim-a a pe a, a hne nghal dawk dawk a, hnute kan nghei tir a, a chak hi a khawngaihthlak thei hle a .





'' Ka cabin-ah kal ila'' tiin ka hnungah a nam a , engmah sawi lovin ka kal a, Tim-a ka pawm a, ka hnungah Tluangpuia a rawn kal a, a fapa chu a rawn chheih reng a.




'' A mutchhuak nih hi '' a ham bai bai reng a , ka malchungah ka thut tir a, ka hnute a zen rak rak a , a hum chat a , frooty a hne zo a, a maimitchhing a, reilote hnu ah a muhil a, mut hi chu a awlsam ve ngawt mai . Sofa-ah tih harh hlau takin ka mut a , ka hawi chhuah leh chuan Tuangpuian min lo melh run a ,




'' In bang hma mi'' a malchungah thu turin min ti a, ka pan hnai a, a malchungah ka thu a ,




'' Um, haw vat ka duh '' ka kawngah a chelh a , ka nghawngah a lu a phum a,



'' Awle , ward ka round a nga, kan haw dawn nia '' min fawp vang vang a , ka hnute a hum chat a, in chhun pa fa lutuk.




'' Office chhung a nih hi, bakah kan fapa a awm'' Tim-a chu ka kawk zauh a, a rum nghut a , ka mawng zawnah a mipatna chuan min do run a , ka feel veng veng thei .




'' Haw vat ang '' ka hmui ah na zetin min fawp leh nawk a, hepa hi aw, ka hmui chu ka inlak hran hnu ah ka khawih a, a lian leh vek dawn a nih hi, ka sam a tuai thur chu ka tuai mam thuak thuak a .




'' Tim-a ka lo awmpui ang '' ka hmui ah a pet leh zauh a , cabin atang chuan a chhuak a, Tim-a chu ka pawm a , a mutui hle a, kawngkhar chu rawn in hawng lawpin thu mak zet doctor Sangtei chuan a rawn sawi a,



'' Naute hi tihtlak ka duh, ka ....'' min hmuh chuan a tawng a tawp chat a , a mitmeng a buai nak a, eng naute nge a sawi awmzia, tu fa nge a pai, zawhna tamtak ka thluak tereuhte chhungah hian a kal zet zet a, ka pasal nen hian in hun an hmang dun emni tih te .




Tluangpuia a rawn lut ve chiah a, Sangtei a hmuh chuan min rawn melh vat a ,



'' Eng lo...'' Sangtei chu a ngawi daih a, a pum chu a dawm a , Tluangpuia chu ka melh a ,




'' Tu fa nge i pai Doctor Sangte ?'' ka zawhna avang chuan doctor pahnih room chhunga awm ve te chu an rawn hawi a , an in en leh a, thil hriat ve loh ka nei em ni.



'' Deborah'' hmm tunah chuan bawihi ni dei duai lovin Deborah maw , ka fapa tui ti taka mu chu ka la pawm reng a,


"Saitluangpui" kawngkhar a ri thuai a, thinrim takin Nunui a rawn lut a, enge thil awmzia hi. Min hmuh chuan mak a tih hmel hle a, Sangtei lam chu a melh a, a thinrim hmel hle a, ka hriat ve rem lo thilthleng a awm emni?

to be cont ...



[comments lamah in ngaihdan a zirin story hi her danglam tum a ni, shhh.... Nunui]



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 2nd, 2019, 1:25 pm

THE DOCTOR


EPISODE 14

By; Nunui franky hmar



NUNUI POV...[ DEBORAH BEST FRIEND]




''Saitluangpui'' cabin kan
lut a, ka hmuh hmasak ber chu kha doctor ngeiawm zet Sangtei kha ni, keh hrepmai ka duh a .




Deborh thil hrilh tur ka ngah avangin a awmna ka zawt a, a pasal te hospital ah a kal a , chutah chuan ka pan mai ang, a pasal pawh biak ka duh, vanduai thlak zetin Theo ka hmu fuh a, ka scooty a lo phar ding a, a hnungah a thu hun a, a rit si, a pa lian si , ka kawngah a chelh tlat ang lehnghal a .

'' I kut kha la sawn rawh, vawn tur dang a tam lutuk''



'' Awle, hmun dangah ka vuan mai ang'' ka mawngah a vawn chuan ka brake hrawih a , min rawn bawh a,



'' Hey , khatah lo'' awmze nei lo zetin ka thinrim a, a nui hak thung, eng ang mihring nge maw a nih le .





Deborah thil hrilh tur tamtak ka nei a ni, Lunglei lama kan thian tha ve tak Gospel-an video clip min rawn thawn a, fa te hial an nei dun a, a pasal hian doctor dang a neih san a ka ring ngai lo, hotel a an thleng dun lai, te, thil ei dun hlim hmel taka an titi te, kut in vawn leh motor a in kai lut, Dr Sangtei kha a rai emawni lehnghal ni.




Hospital kan thleng a , Deborah a kal tih ka hria, nizan lamah kan inbia a , Tluangpuia zui a tum thu te pawh a sawi mahse Gospel-a thil lo thawn avang chuan hmuh vat a ngai a ni.




'' I tet tet nen i va kal chak e '' min zui ve tih reng ka hre tawh lo, ka ding a , ka hawi let a ,




'' I len len nen i va phun chiar'' ka banah a chelh a , a awmah ka bei thlawp a ,




'' Ngawi tawh rawh, kal ang ti hian'' ka kutah a chelh a , Dr Tluangpuia cabin lam kan pan a, ka au lut a ni ber a , mahse Dr Sangtei lo awm ve vang leh Deborah Tim-a pawm chunga mak tih hmel taka min en ka hmuh chuan ka ngawi a .








DEBORAH POV...





'' Nunu'' min rawn pan a, Dr Sangtei chu ka melh leh zawk a, thil awmzia hi engmah ka hre lo, tuman ka zawhna min chhang lo bawk.




''Tu fa maw i pai'' A rawn hawi a ,




'' Ka.. ka ..ka ...'' a awn ruai ruai a , a tlu ta daih a , nge a ti der , Tluangpuia chuan a lo chelh a , thuthleng ka thutna ah chuan a rawn nghat a .




'' Deborah engemaw i tih le''



'' Min hau maw, enge ka tih, tu fa nge a pai ka zawt mai alawm, i fa a pai chu a ni em lo maw '' Tim-a chu tih harh hlau takin Nunui chuan a pwm a, pawnah a chhuahpui daih a ,



'' Eng thu at thlak tak nge i sawi a , hrep che hian''



'' Saitluangpui, min vin hauh suh, i duhleh i doctor kha lo buaipui rawh, ka ring zo zai tawh lo che '' room ka chhuahsan zui nghal a , enge rin tur a rin loh tur ka thliar hrang thiam lo, engvangin nge kha doctor nen khan an in close tak viau tih te pawh.



'' Engin nge in lo kal'' Tim-a pawmin Nunui chu thutna an sim coridoor a mi ah a lo thu a,



'' Scooty in, enge a an a kha doctor lerh hmel tak kha '' a sirah ka thu thla a ,



'' Ka hre lo, kan nunah hian a a chang tute an tam mah mah tawh a ni''




''Thil hmuh tir tur che ka nei a, chumi vanga inhmuh pawh duh kha ka ni, mahse a hun em tih erawh ka hre lo''


'' Min hmuh la'' phone chu min pe a, gallery a video en turin min hrilh a, ka thil hmuh vang chuan ka kut te chu a thlan hap , ka tha a khur ru der der a.





'' I ring ve tho em'' ka tih chuan a lu a bu nghat a , a nih chuan saw naute a pai saw ka pasal fa a ni thei mai angem , hrep hian a nih chuan a chak lo ngawt ang le .




TLUANGPUIA POV...




'' Ka tihpalh, a zia lo tak tak'' Sangtei chu a rawn harh a, Theo chuan a en run run a .



'' Tu fa chiah nge i pai''



'' Ka sawi thei lo''



Theo chu a rum nghut a, a zawhna a chhan sak loh avang chuan .



'' Tluangpuia hi puh chu i tum em lovang tiraw, mi pa a nih hi'' Sangtei chu ka melh leh zawk a, min lo en ve chiah a ,



'' Theo lo ngawi teh, a nau pai lai pa hi ka ni lo, a tha em, a pa chu Remruata '' ka tih chuan a mithmul a ti che ak ringawt a .





'' Awle, ka lo va chhuak ang, nangpawh kha doctor a fa pai na pa hming pawh hre lo buaipui lo khan i nupui titau kha va thlem rawh '' thinrim taka a chhuak chu ka melh ringawt , engemaw tih dik loh ka neih ni .


'' Ka tihpalh , i nupui va um zui rawh, mahse thil pakhat min tiam rawh ''



'' Eng chu''


'' Ka naute pai na pa hming hi tumah la hrilh suh aw '' engmah sawi lovin ka chuahsan a, hrep hian tinge maw ka lo buaipui i, ka nupui a thinrim phah bawk a .




'' Deborah '' Nunui chuan Tim-a a pawm a, Theo'n a zui bawk a , an rawn hawi let zawk a, mase Deborah chu an kalsan a ,




'' Tu fa nge a pai saw '' thinrim zetin min rawn pan a ,



'' Deborah hetah lo'' a kut ka chelhna chu a thing thla nawk a .



'' Aih, heihi enge a awmzia, pasal in duat hmel taka a nupui rai no tan tir a buaipui te pawh a ang alawm'' phone chu ka en a, Lunglei kan awmlai a mi a ni, hrep hia tunge ka nupui rilru hruai kawi a min beih tum tu hi .



'' Thian chauh alawm kan nih '' ka tih chuan za lo takin a nui a,



'' Awle, friends with benefits ang kha mi''



'' Nilo, nang lo chu...'' ka sawi zawh hma chuan min dang a ,



'' A tawp nan dik takin min chhang rawh, a nau pai lai saw i fa a ni em, nge ni lo''


'' Ka fa a nilo '' ka tih chuan a thaw chhuak hak a ,



'' Anih chuan tinge i buaipui viau si, enge in zawmna in neih''




''In bengdai teh, hmeichhe nasa tak anga i awm ka duh lo'' a banah ka chelh leh a , thin thlak a tum a, mahse ka chelh nghet zual sauh thung .




'' Dr Msi, tunah Dr Sangtei, a dawtah chuan tu doctor tak ni leh ang maw, pasal ah ka lo nei che hi ka inchhir takzet a ni, rilru natna tur awm reng mai leh thik tur tam lutuk hi'' ka kut chu na zetin a thing thla a, a kal liam tur chu ka en zui reng a, min nei hi a inchhir thu tunah khan a sawi a nih kha, chuti khawp chuan emni ka lo ngaihsak loh .




'' Ka haw dawn'' casualty ah ka lut zawk a , in lam panin ka haw zui nghal a , in ka thlen chuan ka rin loh deuhin Deborah a lo thleng tawh a, ka fapa erawh ka hmu lo.



'' Khawnge Tim-a '' ka nu chu ka zawt a , apu nen thenawm te inah an len thu a sawi a , a mutho suak bak deuh a len pui a ni ngei ang, Drborah chu min hnungchhawn zawngin a ding a, a inthlak a, bathroom ah a lut zui nghal daih a , a rawn chhuah leh hnu chuan biak ka tum a, min chhang lovin room atangin a chhuak leh daih a .




'' Silent treatment maw'' rum hakin ka inphelh a, bathroom ah lutin tui vawt zet nilo, tui lum pup hnuaiah chuan ka ding vang vang a .





'' Deborah min be lo reng dawn emni?'' chaw eikham chuan Tim-a nen an infiam a , an nui dun a,



'' Ka be chak lo che , hrethiam ta che, i hmel ka hmuh pawh hian ka luak a chhuak ngawih ngawih, mipa mak tak i ni, nupui nei reng laiin hmeichhe dang tikhan i care a , thian pawh ni ula khati em em khan in care kher ngai mi?''




'' Thil a kawi zawng vekin i la a ni'' nie sawi tur dang reng ka hre lo, thinrim zeta min melh chu ka en tlawk tlawk a .



'' Nia,. ka sam hi en la, ka sam pawh a kawi a lawm, Tim, lo kal rawh pupu te inah kan leng dawn nia '' phur zetin ka fapa chuan a ban a ,



'' Khawiah mah in kal dawn hauh lo, Deborah naupang chhia viau lo teh ''



'' I thu lo sawh beh '' Tim-a chuan min bye bye a, rum nghutin ka en reng a .



'' Khawiah nge ka nupui '' dar 9 a ri tawh, an chhuak lo tih ka hria , inchhungah ka hmu bawk si lo.


'' Ih, library ah Tim-a nen an riak dawn atia '' library chu ka pan a , zawi te in ka hawng a , chhuatah puan an phah a , Tim-a chu thawnthu a chhiar sak a ,



'' Mama, papa mu dawn lo mi''



'' Bawihpui , papa kha a sual a, mama in ngei a, naktuk-ah ice cream kan lei dawn nia aw, park-ah te kan kal anga '' an thusawi ka ngaithla a, nupui rilru lian zet ka nei tih ka hria, ka thlem lungawi mai mai thei dawn lo tih pawh, zanin chu mu thei dawn lo mah ila hun thawl ka pek a ngai a ni.




Kan nupa room-ah ka lut a, khum thawl zet ah chuan keimahin ka mu meng kur a , zingah thawh ka hai loh hram ka beisei .





DEBORAH POV...




Karkhat chuang zet kan nupa inkar a tha tawh lo, ka la thinrim reng tho, hna ah ka kal a, ka mood a fuh thei lo, ka nu pawhin kan in karah thil tha lo thleng a awm leh awm loh min zawt a , thudik takin ka chhang anih kha , a fapa neihchhun hi biak ka chak hrih lo a ni, ngaihdam min dil a, mahse ka rilru len a chhuak tlat , ka biak chak hunah ka be mai ang .




Office ah ka buai a , ka rilru a la peng hlauh zawk a , mamager room atanga ka let leh hnu chuan ka thawhpui pakhatin min nghaktu ka nei tih a sawi chuan ka let vat a , min hnungchhawn zawngin a thu a, ka hnaih zel a, Dr Sangtei a ni .




'' Enge i rawn tih dawn'' ka chair-ah ka thu a , hmuh ka chak vak hran lo, ka hriat dan a dang tawh a, ani min hrilh nen, mi pa lo ngaihzawn hrat tiin ka hre lar laklawh tawh tlat .



'' Biak che ka duh a , reilote chiah ''



'' Ka buai viau a, i sawi duh chu sawi la '' ka en reng a .



'' Ka mipa kum 8 chhung ka hmangaih kha ka duh thu ka hrilh tawh a ''



'' Tinge chu chu min lo hrilh, ka pasal pawh i lo ngaizawng bawk tih nen ami [min hrilh i tum'' inthlahrun hmel takin min melh a ,



'' Eng lo ania, ka mipa hmangaih kha..''



'' I thlak a mi''



'' Nilo, i pasal hi ka mipa hmangaih, kum 8 chhung ka hmangaih kha a ni'' ka kut chu engtik laiin nge a hmai zawnah a thlawh phei ka hre lo, a ri thlawrh a, ka kut a na nghal vang vang a .



'' Sawi tha leh teh'' thinrim takin ka melh a ,




'' Thudik a ni, vawiin ah ka hmangaih thu ka hrilh a , kum tamtak ka...'' a hmai ah chuan na zetin ka beng leh a, miin min en tih ka hria . mahse zah ka hre tawh lo, ka mittui ka biangah a luang a, ani pawh .



'' Hmeichhe tenawm tak i ni, khang hun chhung zawng khan ka pasal hi i lo ngaizawng amaw'' ka au a ni ber , ka thawhpui pakhat chu a rawn kal a ,



'' Deborah, henu hi security guard ka hruai chhuah tir dawn emni'' a tih chuan ka ngawi reng a .




'' Deborah ka tihpalh, i tawn hma daih khan i pasal hi ka lo tawng tawh in ka hmangaih tawh a , mahse min hmagaih let ve lo, vawiin ah ka huaisenna zawng zawng sawm khawmin hun reitak ka hmangaih thu ka hrilh a , a chhanna min pek i hre duh em'' a nui sak a, rap zetin ka melh thung .



'' Mi pasal ngaihzawn ching tia ka au khum vat hma che hian chhuak rawh, ka nunah rawn lang leh tawh suh, ka ring che a mahse doctor tenawm tak i ni'' fiah takin ka ti a , staff thenkhat lehj bank dawr tu ho chuan min en thap a, ka bag la in toilet ah ka tlan lut a .




'' Lalpa a fair lo'' ka tap a , Tluagpuian a chhan let dan ka hre lo, engtik tak chhang let ang maw , ka lo ring ve em em a, ka khawngaih bawk a, mahse ...




'' Boss ka haw hma thei angem'' manger ka dil a, ka mit a bui luk a, engmah min zawt lovin a lu a bu nghut a , ka scooty dahna bul ka thleng a ,


''Deborah i tha meuh maw'' Chhanhima



'' Ka hmanhmawh a ''



'' Deborah ka la sawi zo lo, reilote chiah hun min pe rawh'' ka banah Sangtei chuan a rawn chelh a, khawi lai atangin nge a rawn chhuah ka hre lo, ka thing lawp a, a tlu sawp niai a .



'' Deborah '' engatinge vawiin hian mi chi hrang hrangin Deborah, Deborah an tih hlawm a, ka pasal chu kan awmna lam panin a rawn kal ve chiah bawk a, lei a Sangtei thu sawp niai chu a melh a, min melh leh a .




''Bawihi'' min rawn hnaih a tum a, ka tawlh hnung hret a ,




'' Henu hian dawt min hrilh thin tih i hria em? ka bulah thian angin a awm a, mi pa a ngaihzawn thu te min hrilh a, a takin ka lo khawngaih a, mahse i hria em, mi pasal kum 8 chhung a lo hmangaih kha, ka pasal hi i lo ni lek a, lo in tawng lo tawp ila tha tur'' ka nui lui hak a ,




'' Sangte, enge ka nupui i hrilh''




'' Ka hmangaih thu che ka hrilh a , ka....'''



'' A tawk, khawlai ah en nawm chhuah ka duh lo, hun thawl ka mamawh , ka ring che hi ka inchhir hle mai, hmuh leh che ka duh tawh lovang '''



'' Deborah min sawi zawh tir hram rawh'' ka ke rawn khawih a tum a, ka tawlh vat a .




'' I ka khan ka hming pawh hi lam ri tawh suh, nau i pai vangin ka nasat ka chhuah lo a ni, i nau pai pawh kha i duh chuan ka pasal fa hi a ni tiin i puh thei ang, hrep hian'' ka tah a chhuak ut ut a , au vak vak ka chak ber , ka pasal ka bulah ding mahse tunah chuan ka mamawh ber si lo, ka bianga mittui luang ka hru hul a , helmet ka khum a ,



'' Ka thlah haw ang che, ti chuan i haw thei lovang'' vanneih thlak zetion Chhanhima chuan a ti a ,



'' Ka nupui chu ka hruai haw mai ang''




'' Saitluangpui, i thiannu rai puar kha thlah haw rawh'' Chhanhima chu ka helmet khum lai ka pe a.



"Mipa dang bulah I chuang ngai dawn li tih hre nawn fo teh, I thianpa Gospela ang khan hmun dangah ka dah hlauh ange, I scooty hi chu driver in a rawn la mai ang" ka banah a chelh dawrh a, a car dahna lamah min hnuk titih a.


"Min ti na ania " ka tah vak loh nan ka hmui ka pet a, car kawngkhar a hawng a, ka lut ta nge nge, kei aiin ka pasal hi a luhlul daih tih k hria .




"Khawiah nge kal I duh? " ka ngai reng a.



"Hmun thawveng takah thil kan sawi fel dawn nia puitling takin " hmun fianrial takah kan ding a, tukverh lam ka hawi daih a, Tunge tawng hmasa ang.



"Sangtei kha"


"Aih, a chungchang kha sawi suh " ka au a ni ber, a ni pawh hi ben hrep ka duh.



"Bawihi, kan in hriatthiam theih nan kan sawi a ngai si alawm" zaidam takin a ti a.



''Mahse sawi ka duh si lo alawm, khanu chungchang kha'' ka mittui ka biangah a luang a ,



'' I sawi hmeichhia kha a i tih hria ila chu ka hospital ah ka thawh tir ngai lovang'' ka kut a chelh a ,



'' Ka nupui, ka fapa nu, khawvel a ka hmeichhe hmangaih ber i ni tih hi hrilh nawn fo che angai in ka hria, nang lo chu hmeichhe dang duh ka nei lo, neih pawh ka duh hek lo. Ani nen kan inkar ah engmah a awm lo, boruak bak, ka hmangaih lutuk che asin''



'' Mahse ..ka'' ka tawng thei lo, a lamah min pawt hnai a ,


'' I duhtawk in, i thawl hawk hma chu tap rawh , i hahdamna a nih chuan min chum la, min beng la, min ham la, i damna tur a nih phawt chuan'' nghet takin min kuah a, hun reitak ka pai tawh chu ka tap chhuak ta hawk a, aw rawl chhuah meuhin ka tap a, ka pian a hnu lamah ti em em a ka tah nasat hi ka la hre lo, ka inlak hran chuan Tluangpuia kawr hma chu ka mittui in a ti val kulh a, ka biang ah a rawn dawm a, ka chalah a fawp vang vang a .




'' Sangtei khan min hmagaih thu a sawi a ....'' ka lu ka thing vat a ,



'' Khawngaih takin a chungchang sawi ri tawh suh''



'' Nilo, bawihi ka chhan let dan i hre duh lo emni?'' ka en reng ringawt a .




'' Nang chauh hi ka khawvel i ni tih leh ka hmangaih awm chhun i ni tih ka hrilh asin, ka engkim i nih thu te, ka natna tawrh hreawm ber leh ka hlima vawrtawp i nih zia te, ka in, ka taksa thlarau zawng awng neitu i nih thu ka hrilh a, bawihi thih hnu piah lamah pawh ka thlah ngai dawn loh thu che ka hrilh a sin'' a mitah chiang takin ka en a, dawtsawi hmel reng a pu si lo, a hmai ah ka chul a .




'' Helai chhung hi a tawt up up a, a na takzet '' ka awm chu ka dawm a .




'' Ka tihpalh aw ka naute, engkimah ka rawn hmasa zel tawh ang che, i tel lo chuan engmah ka ni lo, khang karkhat chhung kha rei tak a ni, khum khatah mu dun mah ila hmelhriat loh ang mai kan ni si'' ka sawi tur hre lo leh ka pasal khawngaihna a ka khat avang chuan in ka in thiam lova, a tukhum ah ka chelh a, ka fawp vang vang a, a tir ah chuan min chhang let lo, mahse a hnu ah chuan duhthawh leh uar zetin min chhang let a, a hnu ah phei chuan a malchungah min pawm kang nawlh a .




'' Putar, ka hmangaih che '' ka mittui chu ka biangah a luang leh a, tinge ka mittui per pur reng hi.



'' Nie, ka tar sawt khawp asin, fa dang ka hnung zui tu tur ka mamawh khawp mai '' a awm ah chum nat hlau tak siin ka chum taih a, mahse ka dam ta tihna erawh a ni lo.





'' Bawihi, i tha em'' ka en reng ringawt a .


'' Tha lo, mahse ka tha vat ang '' a lu a bu nghat a , in lam panin kan tlan a, gear a thlak kar lakah chuan ka kut a rawn chelh
reng a , a hum leh vang vang thin.





''Tu fa nge a pa reng reng''



'' Dr Remruata ''



'' I thianpa kha maw'' mak ti zetin ka ti a .



'' Um,amah pawn a hre tawh a, a fa tih fahrah a duh ka ring lo, nupui atan neih a tum thu a sawi a '' erngmah sawi zui lovin k ngawi reng a, kan in thlen hma dawrah chuan ding turin ka ti a , Tim-a eitur engmah ka hawn loh te chuan.




'' Lo awm la, ka rei lovang '' mahse a rawn chhuk ve ta tho a,



'' Deborah ka fapa thil thlum pe vak vak suh ka tih kha'' rum zetin ka melh a, ka pe vak vak a ni lo, chaw eikham ah bak.



'' Ka fapa a ni ve tho'' chocolate bar chu ka la a , jelly leh drinks dang ka la leh a, chips lampang eraw kan pe ngai lo thung .




'' Ka riltam'' car a park fel a, inchhungah kan lut a ,



'' Inthlak phawt ila aw '' ka kutah min kai a , inchung kan pan a, ka nu leh pa leh Tim-a khawnge an awm ka re lo, awmpui te pahnih pawh ka hmu zui chuang lova .




'' Engtik nge i period hnuhnun ber '' ka inthlak mek lai chuan ka hnunga din pahin a ti a ,



'' April ni 1 ah, ka period dawn hnai a , ka tai a na deuh reng mai'' ka hnunglam atangin min rawn kuah a ,



'' In danna kha i la ei tiraw '' a tih chuan ka nui suk a, ka hnute chu na zetin a tham a, ka tre that thung .




Timothy birthday, kum 2 tlinna chu pui taka lawm tumin api leh pute pahnih chu an phe buai hle a, hetah kan inah kan lawm dawn a, naktuk mai hi a ni tawh a , Nunui pawh a rawn inti thu khawp e, ka sawi hmaih miah loh tur leh thil mak tak chu Theodore kha pathlawi a ni, fanu pakhat kum 3 mi a nei, Nunuin min hrilh tirh chuan ka nui nasa hle a .




'' Nui suh, fanu siam chawp ngai lovin a rawn chhawm thlap lehnghal ''



'' An inthen mi''



'' Sawn ang deuh aniang, tuna naute nu te chu hir ha deuh a nia, aizawl officer ho a kawp kual thin'' ka ngawi reng a .



'' A fanu chu cute em, Tim-a birthday ah rawn hruai ula'' a nui hak a ,



'' Anu min ti erawh ka lawm viau lo, naupang ka ngaina bo lo tih i hriat kha, Theo lah hi, uite emaw minti emawni , min koh buai reng lehnghal a , ninawm reuh lutuk''




'' Hna tha tak i nei a, Theo plus a fanu hausa lutuk i nei a, nu leh pa i nei bawk a, sawi hmaih theih miah loh kei i thian fel em em mai min nei bawk nen, pasal neih i hun tawh''


'' Um nie , a dik, mahse a nei lian lutuk a'' za zetin ka nui hak a, nei lian a, ka pasal ta tiat a nih chu ka ring lo .




PRESENT TIME..



'' Tluangpui'' inhnuai atangin ka ko a, a hre thei lo, kan fapa piancham a ni a, hna thulh meuhin inah ka awm a, a birthday boy pawh a phur hle a, apa in harley naupang bullet a leisak erawh tul ka ti fahran lo.



'' Saitluangpui '' room atangin a rawn dak a, towel chiah a venga , a inbual a nih dawn hi.




'' Enge Deborah '' ka nui suk a ,




'' Lo chhuk vat rawh, Theo te an lo thleng ''



Tluangpuia cousin te leh thiantha te ho an kim hle a, Zorinpuia Advocate, Lalnunkima police officer , Theodore sumdawng hausa leh Remruata doctor hausa, an va han hausa hlawm em , an chhe lo em em bawk, mahse an nupui thlan te erawh chhungkaw pangai tak leh rethei te te an ni.



'' Khawnge birthday boy hi'' hnunglam atangin min kuah a ,




'' Theodore-a fanu Kimkimi nen an inkawm a nih kha , '' ka nghawngah a fawp zauh a .



'' A khawng tih ziaawm tumin darkar chanve ka inbual asin le '' ka mawng zawnah a mipatna khawng tha zet chuan min do a, vanneih thlak takin choka ah kan pahnih chiah in kan awm hlauh e .




'' Tim'' pawnah naupang dang te nen an ri laih laih a, sawm bik leh thian tha te, chhungkua te an lo tel tha hle a .




'' Deborah '' ka phu zuk a, chu aw chu, ka in her a , ka hma a mihring ding chu ka en ngawt ngawt a , glass ka thlauh keh lai reng reng ka hre lo,





to be cont ....



[a chhiar zawng chuan comments ru aw hmeltha ho]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 2nd, 2019, 1:25 pm

THE DOCTOR


EPISODE 14


By; Nunui franky hmar [Doctor-a bialnu]



[AN; Mi chungchang ka sawi hi chuan sawi ngaiin an awm tihna a ni mai, tul lo pui pui ka sawi ngai lo, mahse miin ka chungchang an lo sawi ve hi chuan , an hman lutuk vang te, min ngaihsan vang leh min tluk vak loh vangah ka ngai hmiah... There will always be critician in every 3 person an tih kha, mizo tawng chuan ... Aaaa story type tawh zawk ang ... Nnunu]




DEBORAH pov ... [ongoing]




'' Nang maw , i lo tel thei dawn lo emaw ka ti a '' ka la awih thei chuang miah lo, glass tla keh chu ka melh leh zawk a, ka harh chhuak ta chiah , ka pan hnai a, a hmai ah ka beng thlawrh a .




''Hmela, ka ngaih zia che hi aw '' a nui hak a ,




'' Kei deuh hian ka ngai che , khawnge Tim-a chu , hei present ka rawn ken a nia '' ka nui suk a , a awmna lam ka kawk a, reitak kan in hmu tawh lo, mahse a rawn hlawl khan min ti hamhaih lek lek a ni .




'' Bawihi '' Tluangpuia nen kan awm dun a, hnunglam atangin min kuah a, ka hnute a hup vang vang.



'' Hey, miin min hmu ang, a mawi lo'' rum ri hak in a lamah min pawt hnai leh dawrh .



'' Nupa lawm kan nih, kan fapa hlim zia saw '' tiin kan piah deuh a an infiam lam chu a melh vang vang a, a zakhnuai ah zen luh pahin a awmah ka fawp zauh a, min rawn chhuk en run a, a nui leh suk thung .




'' Haw rem vat vat se ka ti, tihfel tur a tam si, ka chau hnawp mai'' a nui nghawr dat a , ka chhip ah a lu a nghat a .




'' Naktuk-ah mi zai tur ka nei a , ka huphurh reuh khawp mai, a damchhuah a beisei awm vak lo bawk nen''




''Midang zai tu tur an awm mai lawm ni?'' a lu a thing a ,



'' I lu tereuhte chhung a thluak tereuhte kha hmang nasa lutuk suh ka naute ''




Mi an haw rem a, Tim-a chu a pi leh bu, ka nu leh pa diktak te bulah riah a duh mauh mai a, an in phur hw ta nge nge .




''I muhil ngal dawn mi'' ka kawngah a rawn zen lut a , peih lo zetin ka meng a ,



'' A tlai tawh lawm '' ka tih chuan a nui hak a ,



'' Dar 8 chiah lawm, min mutsan daih chuan games ka khel mai ang'' a bengchheng leh dawn tih ka hria, Pubg an tia mi, tul lo leh lutuk, a chungah ka lawn kai vat a, a nui hak thung .





'' Ngai lo, ti khan i duh duh sawi rawh''



'' Naute dang ka duh leh''



'' A la hun lo lutuk , kum 2 chiah a la nih hi, an chhang a zing lutuk ang '' ka kawngah a chelh a ,



''Ka tar tawh em hi, min khawngaih lo emai'' a khabe hmul chu a rawn to siar siar a, a ziah fai loh hian a inhmeh zawk , ka khawih niap niap a,



'' Mipa hmuihmul te, khabe hmul nei te hi ka ten thin, mahse nang chu i inhmeh ka ti, dawt ka sawi miah lo''



'' Chhe lo min ti ve hrim hrim tih ka hria '' a nui nghawt dar a, a in let thawk a, a hnuai lamah min bawh bet ta run a ,




'' In danna ka ei miah lo ania ''



'' A chhungah ka ti tla lovang '' ka kut pahnih in a la a, chung lamah a vuan bet a , a kut khing khatin ka kawr a hlim chho a, ka bra hak a hlim tel nghal bawk a, ka hnute chu a en vang vang a .




'' Ka fapa hi a chang chuan ka thik thin'' a ti sup a, a sawi zawh rual rual chuan ka hnute chu a ka lum thar thar chuan a hmuam a ,



'' I fapa i thik ten'' a kut hlei zet chu ka taksa ah a vah kual tir a, ka rum chhuak hak a, ka pasal hian hetiang feelings sawi fiah theih si loh hi min neih tir reng mai a nih hi, ka kham thei ngai dawn lo.



'' Hey, i pawt chhe ngun lutuk'' ka underpnt thar hak chu a pawt thler hrawih a, \engzat nge a pawh chhiat ka hre lo, a thar erawh min rawn hawn fo, a lei zak lo emawni.


'' A thar ka lei ang che'' ka bawp leh bawm inkar ah a tawlh thla a, a kun a, a thiltih chuan ka hmul thi a din tir sawng sawng thei .



'' O God'' ka ti chhuak hrawih a, a mipatna in min do run a, a mipatna chu ka khawih a, a rum hak thung , he thil hi engtin nge ka hmeichhiatna chhungah hian a luh len tih hi ka la in zawt fo mai .



# # #





'' I birthday pawh a hnai tawh lutuk'' a sam buk lam lek lek chu ka tuai a, a chhing duar duar a , a kut lehlam ka khan a, lehlam in kass hnute a khawih a, a hmur chu a hrual ne ne a , hrep hian ,




'' Duhtawk teh, ka chau tawh lutuk''



'' Bawihi zingah thawh hma i ngai '' ka hrethiam e , a birthday ah enge ka present ang ti a ka zawh chuan a ngawi vung vung a ,



'' Naute ka duh, Timothy naute tur '''




'' Kan sawi tawh kha '' a nui hak a, ka awmah a hmai a phum a , min muthilh san leh ta daih e .





Zanlai ah ka thanharh a, thlan in min bual huh hlup a, Tluangpuia min kuah na ata chu ka in la hrang a, ka thawk a chham lek lek lehnghal a, inhaler khum bula mi chu la in ka hip lut hrawk a, bathroom-ah in tleuh turin ka lut a, kan chet nasat vang kha a ni ngei ang.




A sirah chuan tih harh hlau takin ka mu leh a , ruak vekin a la mu a, kei erawh mut kawr pan te chiah ka ha thung , light on lo mah ila October thla eng tak chuan tukverh atangin a eng a rawn kap lut a, a muhil hmel chu chiang takin ka hmu thei a, a khabe in vuah fuh tak te, a hnar leh hmui, a mithmul leh a pian zia, engkim khuanu duan dan hi, ka pasal a ka nei thei hi vannei ka in ti takzet a ni .




A awmah ka lu ka nghat a, a lungphu chu ka ngaithla a , engtikah emaw chuan tu emaw zawk zawk hi kan la boral dawn si, mahse chumi hun a lo thlen hunah chuan keimah hi boral hmasa zawk ila ka duh a ni, a tel lo chuan ka dam zo dawn lo.




Ka muthilh leh lai ka hre lova, mahse ka harh leh chuan keimah chiahin ka lo mu tawh a, saturday a ni bawk a, hna lamah pawh kan bang hma dawn bawk a, tlem in a phurawm deuh ev .




'' Morning'' choka ah ka chhuk thla a, ka pa leh Tluangpuia chu titi pahin thingpui no an lo dawm a, an sirah ka thu a ,




'' Duhai ka lo mu rei deuh a ''' ka bag ka nghat a , chaw pawh ka ei chak meuh lo.




'' I chau tawngkhawng a nih kha, Bawihpuia va hruai teh u, a tel lo chuan in a reh emai'' ka pa chuan a ti a, api leh pute pahnih hian an duat lutuk a, awm ngaihna a hre tawh lo.



'' Chaw tlem tal ei la, chuan i kal dawn nia '' Thupe aw zet leh hnial harsa takin a ti a ,



'' Ka riltam lo lawm'' tui ka in a, ka hnungah a ding a , min melh leh run dawn tih ka hria, muangchangin ka in her a , ka sawi ang chiah, a kut a kuangkuah a, min chhuk en run a ,



'' Okay, tam lo pawh ni la, hei tal hi'' tiin cake tlang lian zet chu min pe a, thingpui nen, ka ei zawh vek loh chuan min nghak leh reng dawn tih ka hria, hnial awm ze awm lova hi hnial theih a ni lo, ka ei ta nge nge .




Hospital-ah a kal dawn avangin kan kal rual thei a, min thlah kawi phawt a , boruak a nuam hle a , a lum lutuk hran lo.




''Bawihi, thisen nei tam lo i ang '' ka mar a rawn dek a , min thlek leh vut thin.



''Ka period tur in tham aniang, ka ai te hi a na '' a lu a bu nghut a,



'' Vitamin ka rawn hawn ang, thisen siam tu nen, i vun rawng hi a dik lo, thisen nei lo ang miin i da bei lawm''




'' Awle, all the best aw'' damlo zai tur a neih thu kha min hrilh a , a huphurh ve hle a nih ka ring .




'' Um, i hope so'' bank sirah a ding a, ka biangah a fawp zauh a ,




'' I haw dawnah min lo hrilh la aw, kan haw rual thei maithei a ni ''



'' Yes boss '' ka chhuk a, bank ah ka lut a, ka seat ah thu in computer ka on a ,



''Hei invitation card i dawng a nia '' ka en a, birthday party celebration maw , MLA Chhanhima te atangin, kan chhungkua in min sawm a nih hi mawle, Tluangpuia hrilh ila a hmel awmdan tur ka hmu chak ngawt mai .




'' In bang tawh em'' Nunui chuan min rawn phone a , kan bang dawn chiah a ,



'' Bang a ni mai, kya he ''




'' In office sirah ka awm, thil hrilh tur che ka nghah lutuk'' a tih chuan min lo nghak turin ka hrilh a, ka off a, ka phone a ri zawm leh zat a .



'' Aw ''



''In bang tawh em'' chauh hmel zetin ka pasal chuan a rawn ti a ,



'' Um, mahse Nunui nen kan nia , ka rawn in thlah tir mai ang, enge i an nang '' a thaw hak a ,



'' A la harh chhuak lova, zai chu ka zai hlawhtling a , mahse ...'


'' Awle, thil tui deuh ka lo hawn ang che '' a nui hak a ,



'' Nangmah kha rawn haw vat rawh '' phone ka off a, Nunui awmna lam chu ka pan a ,



'' I va tum nasa viau vuau ve '' a biangah ka piai a , ka kut a thing thla nawk a , ka nui hak thung .




'' Kan pathlawi-a ka huat zia hi, en teh naupang chhia pawh a nilo, chi a thlah tawh a..'' a kawr ban chu a hlim a, a seh vual tut a , nui lo turin ka insum nasa hle a ,




'' I nghawng te pawh kha '' love bite a duk thluah a, khuh a tum ve nasa a nih hmel, a make-up hnuai ah pawh a lang thluah tho.




'' Ka ning, thlawh bo san daih ka duh''a ti tak tak lo tih ka hria , a hnungah ka chuang a , Zarkawt lam kan pan a .




'' Sawi la bawihte '' a thaw hak a, eitur kan chah a ,




'' Min neih a duh thu a sawi a, mahse ka hre lo, a fanu hi ka fanu ang takin ka hmangaih thei angem tih te pawh''




'' Lungai suh, hnute pek chawp ngai a ni hleinem'' kan thil ei tur chah a lo thleng a , a rim ka hriat rual chuan ka uak thawt a , rest room ka pan nghal rawk rawk a,




'' Deborah i tha em'' ka chhuak a, ka hma zawnah Dr Sangtei chu raipuar luahin a lo ding a , tinge vawiin hi.



'' I ruak lo emni'' chhang lovin kal pel mai ka tum a ,



'' Lo buai lo teh, i nau pai lai chah kha ngaihtuah la'' ka banah min la chelh reng a, ka thaw hak a, a lam chu ka hawi a ,




'' Enge i duh a ''




'' I pasal ti ta ila'' rap lutukin ka melh a,



'' Ka fiamthu a nih kha, pasal ka nei dawn, Tluangpuia thianpa, ka nau pai na pa ''




'' Tha lawm, mi pa ngaihzawn ching tawh lo la '' ka kalpel a,




Nunui nen thil tamtak kan sawi hnu chuan min thlah haw a, Tluangpuia pawh a thleng daih tawh a .




'' I va rei ve '' a ti leh sup a, hnunglam atangin min kuah a , a kut in ka hnute a hum chat a , naupang chhiat bi a bansan thei dawn lo a nih hi.




'' Khawnge bawiha ''




'' A awm, a toys room-ah , enge in tih a ''




'' Theo an inneih puiah a sawm kha i hre tawh em?'' ka tih chuan a lu a bu nghut a, engmah min hrilh ve lo maw .





'' Chuan Sangtei ka hmu bawk a '' ka tih chuan min thlah a, a lam hawi turin min her a,




'' Enge a sawi, thil thleng a awm em'' a tih chuan ka lu ka thing a ,




'' Pasal neih a tum thu a sawi a ni pawhin, chuan fiamthu tih tak in nangmah hi min dil che a '' ka nui hak , a nui miah lo thung .



'' Hrep chuan'' a kawngah ka kuah a, a awmah ka bei hle hle a ,




'' Shhhh, i thinrim hian i hlauhawm a nia, min vin khur khur phei chuan '' ka hnungzangah a chul a ,




'' Ka tihpalh, ka insum hman thin lo, min ngaidam rawh '' min kuai dak a, min fawp vang vang a , kawngkhar rik rak vang chuan kan in la hrang vat a, Tim-a chuan nui put putin min lo en a, a kutah jcb lem a keng bawk a ,




'' No kissing on public places pupu in ti'' ka nui hak a, kan bulah a rawn tlan phei a, ka khawvel te pahnih, pa fa tih hriat ngawih ngawih, mitmeng , duhzawng, nuam tih zawng leh huat zawng, engkimah an in ang vek a ni e , a len hunah phei chuan tawrh a hreawm ngawtin ka ring a ni .




'' Enge i tih '' ka phu zuk a , Tluangpuia chu ka melh zawk a .



'' Story ka chhiar '' writer pakhat thuziak ka chhiar thin a, a ngaihnawm hle a , ka atchilh chu a ni ta ber, ka nun nen in hmeh tak tak pawh a awm.




Ka sirah a rawn lawn a, min pawt dawrh a , a chungah min mut tir a , boxer chiah a la ha zui .





'' Ka naute ''



'' Enge putar'' nui hakin nghet zetin min kuah a, min kuah hneh si, kan in len hleih bawk, ka nui hak a, min pawt sawm theih hial ka ring .





'' Tikhan min koh fo suh,putar in fit tak nupui i nih kha hre reng la '' ka awmah a hmai a phum a , zanin chu kan muhil har leh dawn mange .




# # #



'' Tihpalh'' ka pasal leh ka fapa chu an hla tial tial a,




'' Min kalsan suh u, khawngaihin'' an hla tial tial a, ka din na gaiah ka ding reng si .




Room pakhat ah ka awm a, hmeichhe kawr var ha tamtak an awm ve a, a then chu in chei tak tak te an ni.



'' Deborah '' hnunglam ka hawi a, ka hma ah chuan ka pasal coat var ha a ding a kut vei lama rose var keng a ding .





'' Tluangpui'' ka nui a, pan hnai ka tum a, mahse ka sirh hmeichhe pakhat a rawn ding a , mo kawr nalh tak a ha a ,




'' Deborah i rei hle mai'' ka bula hmeichhe ding kut chu a kai a, vawikhat pawh min en lovin a kalsawn pui a, enge a awmzia , ka au zyui lawm lawm a, an hre duh tlat si lo.





'' Tluangpui''





# # #


'' Saitluangpui'' ka harh hlawl a, thlan in min bual huh hluam a ,






'' Bawihi, mumang tha lo i mang em ni'' ka bula mu ka hmuh chuan rang zetin ka hnaih a, ka kuah nghal rawk rawk a, mumang a ang lo , thil tak tak a ang takzet .




'' I tha em'' ka lu ka thing a, nghet takin ka kuah a, a awmah ka bei hle hle a ...






to be cont...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 2nd, 2019, 1:25 pm

THE DOCTOR



EPISODE 16




By; Nunui Franky Hmar




SAITLUANGPUIA POV...




''Mumang tha lo mai mai anih kha, muhil leh tawh rawh le '' ka awmah a bei a, nghet takin min kuah a , dar 2 vel chiah a la ni.



''Ka mumangah in lo bo daih a '' ka nui suk a ,





'' Khawiah mah ka kaltir dawn lo che , keini pawh khawiah mah kan kal dawn lo'' ka awmah a fawp zauh a ,




'' Mumang ni lo in thil thleng tur a ang'' ka kuah nghet sauh a , mumang mai a ni, a hrisel na a tha alawm , keimah ang bawkin.




Zing ka harh chuan nghet takin min la kuah a , tui takin a muhil a , ka nui suk a , a samah fawpin ka thlir leh vang vang hnu ah tih harh hlau takin ka tho a , dar 6 a ri tawh a, Tim-a leh apu chu an lo tho leh daih tawh.




'' Morning bawiha '' a samah ka tuai a, a pu phone a games a khel a .



'' Papa khawnge ama''



'' Nizanah a mu tha thei lova, ala mutui lutuk, tih harh loh tur aw '' a hmui zawnah a kut a dah a ,



'' Yes , papa '' min rawn ban a, nui sukin ka pawm a., hei pawh a lian tawh hle mai .




'' Morning sweet '' room-ah ka lut a, bawihi a lo harh ve chiah a ,



'' Tinge min kaithawh loh a '' ka pan hnai a, a hmui ah ka fawp zauh a , a rawn tho a, a mut a la chhuah hmel hle a .



'' I mutui lutuk a, kaitho tur che in ka nunrawng lo a ni '' nui sakin min en a ,



'' Vawiin ah in check-up turin ka rual in lo kal la , i duh em, i mu tha lo si a, bakah i bp te pawh a hniam a ni maithei a '' a ngawi vang vang a ,



'' Um nia, hna kal pawh ka peih lo, chawlh kan dil phawt ang aw ''



'' Awle, shower zuai ila '' ka tih chuan nui hakin towel a ban a , bathroom-ah ka kai lut a ,




'' Ngati nge heihi '' a ban te, a nghawng te, hnungzang, malpui , a rawn duk pheuh pheuh a , a tharlam viau lehnghal, nizan khan ka dim tih ka hria , hetiang lo lan chhuah chhan chu.....



'' Nizan khan min dim lo em alawm, mahse a na miah lo'' a nui sen sen a , shower hnuai ah kan ding dun a, a natna a zual emni, nilo damdawi ka pe tha alawm .



'' Na i neih chuan min hrilh vat rawh aw '' a lu a bu nghat a , sahbawn ka hnawih a , ka awm a melh reng thung.



'' Dam lo bula i awm hian i dam lo ve dawn a hriatna i nei em'' ka nui hak.



'' Aih, ka hrisel tha alawm'' ka pawm nawlh a , room-ah ka pawm lut a, kan inthlak a, inhnuai ah tukthuan ei turin kan chhuk a ,


'' Tim, papa rualin hospital ah ka kal dawn a '' Deborah chuan Tim-a hrai pahin a ti a ,



'' Bawihi, i dam lo mi, i tha em'' ka nu chuan a lo ti vat a, ka pa ka melh zawk thung .



Ka pa nen a hma in kan sawi dun tawh a , ka nupui lung that loh chungchang, mahse a zual zel hma khan kan enkawl a, amah a hlauhthawn lutuk loh nan te kan thup a, Tim-a a pai lai daih a mi a ni tawh a , tunah chuan a dam tawh hle in ka hria a, mahse tukin zing khan lung tha lo , lo lan chhuah dan angin a awm tlat si ..




'' Ama, bye bye '' api in a pawm a, min ngen ngai meuh lova, a dam thatloh bak hian a suakbak vak ngai lo, bakah pi leh pu bulah a awm tam zawk bawk nen .




'' A vawt deuh sung mai'' ka melh zawk a, khua a vawt hauh lo.



'' Nia, boruak a nuam reuh khawp mai '' car in kan kal a , hospital thlen hma zawng chu eng eng emaw kan sawi a, kan inneih hma atang daih tawh khan kan inpawh a, mahse tunlai hian kan in pawh zual a ni .




'' Msi khan enge a tih thin ang le ''



'' Hospital dangah a thawk'' aq rum nghut a , glass a down a , a dak chhuak daih a ,



'' Ka mumangah ka hmu a , zan hnih lai ka hmu a, mahse zan thumna ah kha chuan thildang daih ''



'' Engtin nge i hmuh '' min rawn melh zawk a , a thaw hak a ,




'' I nupui a lo ni daih a , chuan Tim hian ama tiin a koh bawk a '' thil awihawm loh lutuk a sawi avang chuan ka nui chhuak hawk a , mahse rum takin min melh thung.



'' Mumang i nei reng mai, ka ngaih i ti tha lo''



'' Keipawh, ka thi dawn hnai emawni'' brake ka rap a, a kutah ka hum vang vang a ,



'' Thih hi sawi fo suh, min kalsan i chak viau emni'' a lu a thing na na a,



'' Aih, ka kalsan che u chuan engtin nge Tim-a nen hian in awm ang ''




'' Ni chiah, engtin nge i pasal leh fapa hi kan awm ang, chuvang chuan i hrisel that a ngai bawihi, ti daih ila , na dang i ei em, i thawk te a la buai em''



'' Ka hah chang leh ka in ngaihtuah ngut ngut chang hian a zual deuh a , ngatinge le ka lung hi a tha lo viau ami le ''



'' Bawihi, tha lo engmah a awm loh kha result ah pawh, kan en leh chhin anga engkim a tha leh vek mai ang ka tiam a che ,''


'' Um, thil min treat thei'' za takin ka nui, kum 26 a tling tawh dawn mahse a la naupang chhia in a rilru a la no em em a, ka vin chang leh ka thinrim deuha a hriat hian min hnial let dawn emaw tih pawhin min en vung vung a, min hlauh hmel takin min melh a ,a tap vak thin, a rilru tihnat sak ka duh lo, ka tihnat chuan keimah ka na tel ve zawk a ni.




''Deborah '' a nui suk , test keiman ka buaipui vek a, ka kut a chelh fo reng bawk a .



'' Test result naktuk ah a chhuak ang '' cabin-ah kan pahnih chiahin kan awm a , a ngawi deuh vang vang reng a ,




'' Bawihi thil hlauhawm engmah a awm lo a nia ''



'' Thi ta ila nupui dang i nei angem''



'' Chu chu eng zawhna nge ni ngai a , khawiah mah i kal ka phal dawn lo ka tih kha ''




'' Kan la thi vek dawn alawm'' ka malchungah a rawn lawn a, ka nghawngah a kut pahnih a suih a .




'' Kum 100 chuang i dam theih nan damdawi tamtak ka eitir ngei ang che '' a nui hak a ,




'' Doctor sual lutuk '' ka sam chu a tuai a, vanneih thlak takin wax emaw gel ka hmang lo hlauh, hair serum min hman tir a, nilo ka samah a sama hnawih pahin a rawn tuai a , ka sam erawh tlemin a buk phah deuh e .




'' Ka mut a chhuak, tihian reilote ka awm duh '' a awmah ka lu ka phum a, a perfume rim nu zet te .




'' Mi an lo lut thut ange''




'' I pasal malchungah alawm i thut'' duhawm takin a nui a, a ha var leh rual tha zet chu a lang a, brace a naupan deuh laiin a vuah tawh ngei ka ring a ni .




Ka dam lo tlemte en zawh chuan ward ka round a , dam lo pkhat an rawn admit thar natna leh ka nupui natna chu in ang ka ti hle a, ka en chiang vang vang a, thaw hah, lungphu rang leh chau ngawih ngawih, nikhaw hre lova tluk thut leh lu na , ka thaw hak a , Arrythmia diseases a ni . ka nupui natna zawk erawh Tachycardia [fast heart rate] a nih ka ring a, result a rawn chhuah hma chu ka hre mai thei bik lo.




'' A hreawm i ti em'' dam lo chu ka zawt a, a nui ver ver a, tih dam theih natna a ni, thihpui erawh an awm fo bawk.



'' Ti hran love , ka fate ka kalsan ang tih erawh ka hlau, ka nupui pawh hi lung tha lo in a boral a, kan faten min chhun leh zel bawk nen'' khawsa ve thei tak an nih ka ring a , mahse natna hi chuan mi lian leh mi te a thliar hrang si lo.



'' I dam ang tih ka ka tiam a che '' a nui leh suk a, cabin lam ka pan a , ka lut a, Deborah chu dawhkan bawhin a lo muthlu a , kai tho lawk lovin ka thlir reng a ,




'' Ka ti dam ang che '' ka nui suk a, ka pan hnai a, kaihthawh hreh viau mah ila a darah ka sawi a , peih lo tih hriat zet hian a rawn meng a ,



'' Evening lovely lady '' a ner nak a ,



'' Ka heti lai hi a na'' a lung zawn vel chu a khawih a , ka ngawi reng thung, kha natna ngei kha a ni, result la chhuak lo mahse a ni tih ka chiang .



'' Min lo nghak lawk la aw'' damdawi zawrhna ah ka kal a, tlem a zawng ka nupui ei tur ka lei a, hospital canteen a cake slice tui hmel tak chu ka kalpel zet nangin ka lu kawi a, thil thlum a eichak thu zingah a sawi a nih kha.




'' Cake'' phur hmel zetin a lo ban a ,



'' I ei ve duh em'' ui hmel taka a tih chuan ka lu ka thing a ,. a puar chuan ka puar a ni mai.





DEBORAH POV..




''Tinge min lo en zauh zauh reng a, i ei chak chuan sawi mai la '' a nui hak a ,



'' I hmeltha em alawm'' awih lo zetin ka melh a , ka hnute a rawn hup chat a, motor khalh lai lai in, a tham sawk a, ka tre that a .




'' Duhawm reuh lutuk mai'' a nui suk a, hmalam a bih ngar a , nachhawkna min ei tir a , ka na erawh a zia awm vak lo, na lutuk anga lan ka duh loh vangin ka sawi lova, pasal doctor neih hi chang chuan a hreawm thin, na han nei deuh hlek ila, chu chu a nih chu, chu ei rawh, chu ei suh .




'' Tim-a tel lovin zin khawthawng i duh em''



'' Duh lo, ka ngai , tunlai chu kan in awm mumal lo lutuk a ''



'' Chawlh la hrih mai rawh bawihi, i dam that hma chu '' ka kutah a rawn chelh a .



'' Ka tum deuh a, mahse ka that leh vat ka ring '' alu a bu nghat a , ka hmui ah min rawn fawp zauh a .



In kan thleng a , Tim-a chu a lo tap bai bai a, api in a pua a , min hmuh chuan a lo ban vat a ,


'' Ngatinge bawihpui '' ka nghawngah a hmai a phum a, a in hnit feih feih a .




'' Thenawm te husky sawn a lo zuan leh a , a inpal tlu alawm, a haw em a, a tap a nih kha '' ka nu chuan a ti a ,




'' Bang tawh la, papa in cake a lo hawn che nia '' tiin cake slice khat ka ei bang chu ka hmuh a, a mittui ka hruk sak a, thuthlengah ka thutpui a , Tluangpuia chu a rawn lut ve chiah a, Tim-a tap a hmuh chuan a rawn kalhnai a .




'' Tinge ka fapa hi '' a tih chuan Tim-a chu a lungchhe thar leh a, a men puai puai a, a pa chu a ban a, huizzz , a pawm a, a tap leh hlep hlep phawt a, a hnar a sen a, a mit a sen ram bawk a .



'' Papa , Tim-a kha a pa tawh sin'' ka ding a, Tluangpuia thinrim chu beng daih ka tum a, thenawm te ui in a lo zuan thluk hmasak pawn a thinrim hle a, va kah hlum mai a tum kha a nia, ka pa awm lo se chu a thi daih tawh ang, tunah lah chuti bawk, fate chhan hi chu kan pe na thin teh e,




'' I thinrim hian sakawlh i ang thin'' ka hnunglam atangin min pawm nawlh a ,




'' Sakawlh ti zaidam tu '' ka nghawngah a fawp zauh a .






Zanreh ah bawk ka thanharh leh a , ka sirah ka pasal a mu lo bawk, khawiah nge a kal daih ang le , ka tih lai mek chuan kan room balcony tukverh in hawng ah mipa thla ang ka va hmuh chuan ka thaw hak a , ka va pan hnai dawn a, a mi biak chu tunge ka hre lo, a tawng zawi hle a .




'' A thi thei lo i hria em chu chu, i thi zawk mai ang ''


'' Hrep hian,ka hmeichhe hmangaih awmchhun a nih hi, ka that ang che i sawi chhuak a nih chuan''


''A dam dawn, ka enkawl dam dawn '' phone chu a off a , a rum chhuak hak a, keimah a sawina a ni thei mai angem, nge ni a , midang , a beidawn hmel em em bawk si .



'' Lalpa, min laksak thei lo, keimah hi min la hmasa ang che '' van lam a hawi vang vang a , thil thup a nei tih ka hrethiam leh ta , a awmzia chu kei hi ka thi dawn tihna emni, chu chu ka lakah hian a zep bawk emni, ka hmui hup in bathroom ka pan a, ka kalh a, tui ka herh haw a , bath tub ah ka thu a .






'' Bawihi '' kawgka reilote hnu ah a rawn kik a . Rang takin tui ka herh tawp a, ka hmai ka phih a, ka tap tih a hriat loh hram ka beisei .



'' Ka zunchhuak in min kaitho a '' min en vang vang a , a lamah min kuai hnai a, min fawp vang vang a. Ka chhang let thei lo, ka mittui ka biangah a luang a, a hriat chuan a inla hrang vat a .




'' Tinge '' a ti thawp sat a , ka en ngam lo, amah en turin min kuai dak a,



'' Tinge i tah, mawh , i rilru na lai leh tap lai ka hmuh hian ka na lutuk thin tih i hriat kha '' a mittui chu a tling pam a, a tap vawikhat mah ka la hmu lo, tunah pawh hian tap lo turin a insum nasa hle tih ka hria .



'' Ka damlo nasa takzet tiraw '' pangngai thei ang berin ka ti a, a lu a thing vat a , mahse ka nui suk thung.



'' Ka natna tak min hrilh rawh khawngaihin, engtia rei nge hun ka la neih tih te , ka fapa leh nangmah, ka nu leh pa leh thiante bulah ka hun tamzwk ka hman theih nan, khawngaihin, i nupui ka nih kha '' a biangah ka dawm a , a mittui a rawn luang a, mipa pawh ti pa zo lo tu natna ka nei tihna emni .





'' Ka enkawl dam dawn che, i dam nan chuan engpawh ka ti dawn, tlachhe vek mah ila pawi ka ti lo, ka chan thei lo che '' a bianga mittui luang chu ka hru a ,




'' Eng natna nge ''




''Arrhythmia '' ati sup a , chu chu eng ang natna hming nge pawh ka hre lo, ka hamhaih tih a hriat a vang chuan a hmai chu a tuai puat a, khumah min pawt thu a , ka hnungah thu in hnunglam atangin min kuah pah a ,




'' Chu chu eng lampang nge a ''



'' Its a heart diseases , bawihi natna vang tak chu a ni lo, a tihdam theih bawk, hlauhthawng miah suh aw, ka enkawl dam dawn che '' hlauhthawng, in ring tawk lo, llungaihna chung pathum te chu a aw ah let a mit atangin a hmuh in a hriat theih a .





'' Ka ring che , min tidam leh ang tih pawh'' ka kuah a , tap lo turin ka hmui ka pet fan fan a , ka lung a chhe takzet a ni.



'' Min ring tawp rawh bawihi, ka hmeichhe hmangaih tel lo chuan khawvel hi a hreawm tur zia ka suangtuah thiam lo''




'' Mu ang , zingah kan sawi dawn nia um, hna kal te pawh i ngai dawn nia '' a kutah ka chelh a , khumah kan mu a, light a off a , a awmah ka bei a, a ban lehlam ka khan a , lehlamin min kuah a .ka hnute a hup vang vang bawk a ,




'' I hria tih chu ka hre tho, mahse hrilh nawn leh che ka duh, ka hmangaih che Saitluangpui'' a che dat a , ka samah a rawn fawp zauh a .




'' Isua lo kal leh hma loh zawng, keipawhin ka hmangaih che '' a awm ah bei chungin tui ti takin ka muhil a .





Zing ka harh chuan keimah chiahin ka lo mu leh tawh a, ka inphih fai a, inhnuai ah ka chhuk a, Tim-a chuan awmpui pakhat zawk a lo hnial a , nui sukin ka pan a .



'' Tim'' a rawn hawi a, min hmuh rual rual chuan nui chungin min rawn pan a ,



'' Ama, Sangi sual tuk, ka toys min laksak duh lo'' a ti niah niah a, Sagi chu ka va melh a,in thiam loh hmel takin min rawn melh a,



'' Keiman ka lkpui ang che aw, vawin chu nilengin kan infiam dawn nia, ka chawl a'' ka tih chuan lawm takin a zuang tar tar a, a ha rawn to thar te chuan a ti cute reuh hle a , ka lu a hai deuh lehnghal a, tukin zing hi engemaw ka hriat ni.




'' Ama pawm pawm'' pawm turin ka kun chu ka khaw hmuh a rawn fiah lo thut a, ka awn riai riai a, thil a ri chawrh a , engmah ka hre zui ta lo.



(Doctor te thil tihtheih zia leh a hun taka che thin Pathian kan neih zia a lo lang dawn e 😉)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 2nd, 2019, 1:26 pm

THE DOCTOR 17



By; Nunui Franky Hmar



Episode 17



[Min hring lo la chu heng ka khawvel siam chawp atanga ka mi tawn ka readers te hi ka tawng dawn huauh si lo, social media a in wish vak vak hi chu a ho deuh tlat ka ti, mahse NU , khawvel eng hmu tura min hrin chhuah avangin ka lawm e, happy mother's day mom .... Nunui]





'' Deborah '' ka harh a, ka hmuh hmasak ber chu Tluangpuia leh Timothy te an ni .



'' Ama'' Tim-a chuan ka hmai a rawn chul a, khumah , ka sirah an thu ve a .




''Thil tha lo thleng a awm tiraw '' Tluangpuia chu ka melh a , engmah a sawi lo thung , Tim-a chu ka sirah a rawn mu thla a , ka awmah a lu a nghat a ,.




'' Nikhaw hre lo in i tlu a '' a ti sup a , Tim-a sam ka chul hliau hliau a ,



'' Ama, nangmah tlu a '' hlauhthawn hmel takin a ti niah niah a .




'' Ama hian chaw ei tha lo a, chuvang chuan Ama anga tluk ve loh nan chaw tam deuh deuh ei tur aw ''



'' Um, apu bulah kal dawn'' ka nui suk a, khum atangin a zuang thla a, a rawn hawi let leh a.



'' Ama thi suh aw '' Tluangpuia chu ka melh chho a ,



'' Um'' tih bakin ka chhang thei lo. A tlan chhuak a, Tluangpuia nen kan awm a, ka bulah a rawn mu thla a , min kuah hle hle a .




'' Ka kalsan dawn ang mai che in'' ka nui hak a , a ni erawh a rum nghut thung .




'' Min ti hlauthawng lutuk, i fapa pawh , ti tawh reng reng suh ''




'' Ka thu a ni hleinem , tinge drip hi '' ka banah venflon a lo vuah daih tawh a , enge a tul na, ka hrisel tha viau sia .




'' I mamawh lawm, thil ei la, damdawi i ei dawn nia aw'' ka lu ka bu nghat ringawt thung , inhnuai ah kan in zui thla a , ka nu leh awmpui te chuan ka that leh that loh min lo zawt chiam a ,




'' Ka tha , ka bp a lo hniam deuh a '' ka nu bulah dawt ka sawi a , ka pa erawh a ngawi reng thung .




'' Anih chu , thil i ei tlem sia, nau i pai leh te hi a ni lo maw '' ka lu ka thing a, ka rai thei hrih lo, Tluangpuia ngei pawhin a sawi a, ka damdawi ei lai hian naute a thah theih avangin nau pai a him hrih lo.







Karkhat zet a liam ta, luhai thut thut chu ka nei nangin ka ziawm tawh viau a , ka thin ti rim tu chu ka banna Tluangpuian a lo thehlut kha a ni, kan inhauh phah nangin min ngaihtuah vang a ni tih ka hria .




'' Ama ka duh lawm, kal rawh'' kan awmpui nu chu a tre that a, choka atangin ka chhuak a, kawngkharpui bulah chuan Tim-a thinrim tak leh Sangi tihngaihna hre lo zet lo ding chu ka va en reng a .




'' Ama dam lo a, keiman kalpui dawn che lawm'' zaidam takin ati a, ka nui suk thung ,




'' Duh lo, kal rawh, Ama ka duh '' Tim-a chu a hawi kual a, min rawn hmuh chuan a nui ver ver a ,



'' Ama, Sangi sual'' ka nui hak a, ka pan hnai a, kan fapa hian kan awmpui te hi ka duhai in a ngam mah mah chu a ni .



'' Khawiah nge kal i duh a bawihpui '' ka pawm kang a,



''Ice-cream duh a , ama kalpui , Sangi chu duh lo'' ka nghawngah min kuah tlat a, nui suk chungin Sangi chu ka purse kan room-ah ka dah chu la turin ka ti a ,



'' Pu in chhuah a phal si lo a ''



'' Thenawm ah lek alawm, ka tha lutuk, lo awm mai mai rawh. Tim kal ang aw '' phur zetin a tawlh thla a , gate kan chhuah san a, kan in thlang deuh a dawrah chuan kan kal a, footpath kan zawh a,ka kutah a chelh tlat a, a titi ve nak nak a, a sawi thenkhat erawh hriat a harsa viau.




'' Papa hi lo haw tep tawh ngem'' dar 3 a la ri lo deuh a, lo haw tep erawh ka ring .



'' Haw tep tawh ang , bawihpui , eng ber hi nge i duh'' ice-cream section ah kan kal a, nuam ti in a khek raih reng a .


'' Aman ka pek chhung tah lo thu la aw '' a lu bu nghatin ice-cream sandwitch chu tui ti zetin a ei a , conter lam ah a man pe turin ka kal a .



Ka let leh lam chuan a bulah mipa pakhat a lo thu a , a lo tawng barh barh a, hmelhriat loh a ngaina ngai si lova .




'' Tim'' ka koh a, an rawn hawi ruat that a , Tim-a chuan min rawn pan vat a ,



'' Ama, saw saw Tim-a ve tho nia'' tiin mipa palian tak leh hmeltha tak, sunglass vuah , t-shirt dum pawl leh denim kekawr dum, sneakers nike original sport shoe bun lo thu chu a kawk a , ka hmu ngai hauh lo, kan vengami a nih ka ring lo, a rawn ding a .




'' Helai mipa naupang fel tak nu hi i nih ka ring, Timothy Vangchhia '' a kut a rawn phar a , ka chibai let vat .



'' Deborah Lalruatkimi'' ka nui lui sak.



'' I fapa hi a fel hle mai '' Tim-a chu ka melh thla a, ice-cream tui ti taka ei pahin a kut lehlam-ah chocolate ball ni awm tak, gold rawnga intuam hi a hum ran a .



'' Nia, ka chhuang ve viau a nia , Timothy, kan in hmuh leh ka beisei'' a nui suk a, a nuih zawng a a hma ui ngho var tha zet rawn lang chuan Tluangpuia min hriatchhuah tir .



'' Keipawh kan inhmuh leh vat ka beisei '' kan din na piah a XUV limted edition sen duk ah chuan a lut a, a tlan liam pahin Tim-a chu a rawn bye bye a .




In kan thlen chuan ka beisei loh takin ka nu leh pa an lo kal a, Tluangpuia pawh a rawn haw tawh. Inchhung kan lut chiah chu min melh no fahran lo hle.




'' Chhuak lo tur khan ka hrilh chiang viau che a bawihi'' min rawn pan hnai a, Tim-a chuan phur zetin a pa a ban a .





'' Papa, Pu Tim-an hei min pe, car nalh tawk a nei, a sen a nia '' ka nui suk a, a hmelhriat loh hmuh a ngaisang em em chu a nia .




'' Tunge in hmuh '' ti leh supin min kai a, inla hriat loh takin pasal thikthu chhe tak ka nei e.



'' Ka hre bik lo, kan in hmu fuh a, dawr kan kalna ah, chu zawng chu, i van lo haw hma ve '' min melh vang vang a .



'' I bulah lo chuan a nuam hauh lo'' nui sukin a khabe ah ka fawp zauh a, Tim-a chuan nuam a ti lutuk awmngaihna hre lo chu apa in a hau a, ring zetin a tap bai bai a .




'' Hau vak zel suh, i aw a hlauhawm si'' bang turin ka thlem a, a tap uar sauh sauh mai bawk s, rum zetin ka melh a .



'' Bawihi, tun atanga kan control loh chuan a len hunah control a har lutuk ang '' ka samah a fawp zauh a, hnute ka nghei tir tawh nangin ka hmuam tir leh ta ngawt , Tluangpuia a rum nghut thung .





Ka hawi chhuak a, ka nu leh pa leh Tluangpuia nu leh pa te chuan hmuhnawm thlir in min thlir a, ka sen ap ap ka ring hial a ni.



Zanriah kan kil a, ei na ka tihfel pui lai chuan Tluangpuia chu choka ah a rawn lut a, ka kutah a vuan a ,



'' Enge '' ka tih chuan a kutphah -a a hum chu min en tir a ,



'' Ops, thanks '' lak mai ka tum a, mahse ka ban rekah a la chelh tlat a .



'' I tih ve a ngaih loh thu ka sawi fo kha '' chiang fek fawka ti in tui no min pe tel a.


'' Ka hria, mahse awl taka awm der der reng hi ka ning alawm'' damdawi chu ka ei a, chaw ei a tih tui bakah ka mu nasa hle a, ka lung phu pawh a zia awm sawt viauin ka hria .



Ka nu leh pa an haw a , Tim-a leh Tluangpuia nen Paw Patrol kan en a, kan ngawi leh deuh vang vang thin.



Sofa-ah a thu a, keini Tim-a nen chhuatah kan thu a, sweat carpet kan phah avangin a vawt thlur lem lo. Tluagpuia chu ka ngheng a, ka dar a hmet niap niap reng a, ka sam hmawr a khawih leh neuh neuh thin bawk
..




'' Ama zunchhuak '' Tim-a chu zun pui turin choka a toilet ka pan pui a, a zun chhung chuan pawn lam ka hawi chhuak a, hla deuh atanga kan in thlir tu hi an awm tlatin ka hria a , ka en chiang deuh a, mi pakhat motor ngheng a ding, kan lam rawn hawi vauh vauh a ni, tu tak ni ang maw, Tim-an min koh avangin ka kalsawn a, living room lam bawk kan pan leh a .





'' Mu tawh ang u '' Tim-a pawh a ham bai bai a, Tluangpuia chuan a pawm a, a room-ah a pawm lut a, a muthilh hma a bulah ka mu a ,



'' Ka riahpui dawn zanin chu '' Tuangpuia chuan rum nghutin ka banah min kai a , ka nui suk thung , kan nupa room-ah kan lut a , ka hmai te ka phih fai hnu chuan kan mu a , a awmah ka beio leh hle hle .




'' Vawiin hna lam te ''



'' Dam lo serious deuh an awm lo, mahse admit thar an awm nual ''



'' Doctor SAaitluangpuia Sailo''



'' Ka hming hi a mawi ka ti'' a awmah ka chum tawlh a ,



''In fak viau suh aw '' a hmui lum thar thar ah chuan ka fawp zauh a .





@ @ @



''Happy birthday '' Nunui birthday a ni a, kum tin kan birthday apiangin chawhma lam chu kan pahnih chiahin kan hmang thin a , chutiang bawkin vawiin pawh .




'' Tluangpuian chhuah a phal lo lutuk a, mahse ka thlem thei hram'' a hmui ti pawrhin Tim-a chu a bye bye a, min ngen deuh hlek nangin thil tui deuh ka lo hawn ang che tia ka thlem hnu ah chuan a pu malchungah a thu leh ta nge nge.




'' Dawr thar ah kal ang, Kulikawn-ah a to over si .lova ''



'' Ka hria a , tu dawr thar nge, an hausak hmel e, building pum khan ani lawmni an neih''



'' Nie mawle, Lunglei lam ami anni anti, an hausa khawp tih Theo khan a sawi thawi fua tawh , hei lo pawh dawr lian tak tak an ngah lutuk'' building hnuai ah kan park a, tunlai mi hausa te hi an hausa tial tial a, a rethei te an bet tial tial zel si.





'' Enge i duh '' hmeichhe thuamhnaw kan en dan dan a ,



'' Kan en kual phawt ang, thil tam deuh ka ngen dawn, i pasal a hausak em kha '' ka nui hak a , a in hak chhin vel chhungin ka lo nghak a ,



'' Deborah kha i ni em?'' ka dak chhuak a, ka hma ah hmani a kan hmuh pa kha a lo ding a ,



'' Aw nie, Timothy-a '' a nui suk a, ka sirah a rawn thu thla a ,



'' Boss coffee i duh em'' dawr nghaktu pakhat chuan a ti a, boss maw , chuti chu he building neitu thar chu emni.



'' Coffee i duh em'' tiin min rawn zawt chhawng leh a , nui sangin ka lu ka thing a ,



'' Duh lo mai ang, ka lawm tho e ''



'' Engemaw in tur dang te, i thiannu kha a rei hmel sia'' ka nui sak a , tuisik min rawn laksak a .




'' In building maw, a lian sia, store hrang hrang hi kan en kual , ka ke a na deuh thum tawh '' a nui hak a .




'' Tim-a a dam tha maw ''



'' Ym, dam tha animai e, a harh viau '' a nui leh suk a .




'' Enge i thawh thin a '' a tih chuan ka ke ka melh a ,



'' Bank-ah ka thawk thin a, mahse ka hrisel that loh avangin ka chawlhsan a hmani deuh lawk khan'' a bawp khawkherh in min rawn en a .




''A va zia lo ve, i dam leh vat ka beisei '' ka nui suk, a bula awm a uam reuh hle mai, Tluangpuia nen an in ang viau erawh ka hrethiam lo, zawt ila a hriat ngei ka ring a ni.



'' Vangchhia tiraw kha''


'' Yes, tinge '' ka lu ka thing a ,



'' Ka pasal nen han in in ang lutuk a '' ka tih chuan a mithmul a san uk a ,



'' Tunge i pasal chu '' a nui suk thung .



'' Dr Saitluangpuia Sailo hi i hre tawh em'' ka tih chuan chiang zetin min en a, a in seh ruh tih a bek a thisen zam pawng tawlh tawlh atangin a hriat theih.



'' Hria e, doctor lar tak alawm'' a tih chuan ka thaw chuak hak a, nel vak loh a that ber ka ring, Tluangpuian mipa dang ka hmu tih a hriat chuan a thinrim leh nasa dawn tih ka chiang .




'' Debo enchhin teh'' Nunui chu a rawn chhuak a, kwr senno leh var inpawlh par nalh zet hi a rawn ha chhuak a, a inhmeh hle a , pheikhawk te nen kan lei bawk a , nu dang atanga ka unaunu a ni, ka laizawn.




'' Kan kal ange '' Timothy chu a rawn ding ve a , Nunui chuan mak ti zetin min en a .




'' Ka riltam min treat thei'' tiin ka kutah a rawn kai a , Timothy chuan nui sukin min la en reng a, ka lo bia kha ka inchhir tan hle a, hmeltha mahse ...



'' Ka lo treat ang che u, building ah hian restaurant tui tak a awm alawm , lo kal ru''



'' Aih, a in thlahrun awm kan...''


'' Awle, i van fel reuh'' Nunui chuan min lo pawt chat a ., henu hi engemaw a hriat ni.




Timothy chu kan zui a , eitur tui zet min treat a , ka awm zawn chu a rawn hnawh ut ut a, ka thawk a buai mai dawn in ka hria a, rang zetin Tluangpua ka phone a, restroom ni a ka hriat lam ka pan vat bawk a .



'' Bawihi i va rawn haw...''



'' Ka thaw tha thei lo, ka... ka awmah hian hnawh tu...'' phone chu ka thlauh a, ka kawchhungah hian engin emaw a hnawh a, ka khaw hmuh a fiah lo ruai bawk a .



Phone chu chhar turin ka thingthi a .



'' KKhawiah nge i awm hrep hian, chhuak lo tur i ni asin bawihi, i awmna sawi rawh'' mangan hmel zetin a ti a .



'' Sweetheart Khatla -ah ...'' ka thu hnawk a, ka khaw hmuh a fiah lova, zawi muangin ka awm riai riai a .








SAITLUANGPUIA POV ...




'' Hrep chuan'' rang takin hospital ka chhuahsan a , khatla lamah ka tlan phei zui nghal a, a thiannu birthday ni lo se chu inah a awm ngei ang, ka tlanchak em vangin traffic police pakhatin min lo ti ding a, tunge ka nih a hriat chuan min kal tir a, mawl lutuk.




A hmun ka thleng a, ka phone leh a, a thiannu in a lo pick a, manager room-ah an awm thu a sawi a, rang zetin chu lam chu ka pan a, ka lut a, sofa ah Deborah chu alo mu bam a ,




'' Chhuak lo tur a nia sin, hrep hian a dam lo tih lai kha kawilai nge i hriat thiam loh'' a thiannu in thiamlo hmel tak chu ka hau a .




'' A thiam loh a ni vek bik lo'' mipa lo tawng ve chu ka melh zauh a , hawi sawn ta lo chuan ka en reng ringawt a , ka pa thuruk ... A nui suk duh chauh, ka nupui te nen hian in hriatna an nei a nih chuan ka thirim zual ngawt ang.




'' Ka nupui hi lo hnaih tawh suh '' a nui suk a .




'' Chuti maw, a fel viau asin, lo tawng hmasa phei ila chu'' a thusawi vang chuan ka pan hnai a, a kawr nghawngah ka tham a ,




'' Ka nupui leh fapa hnaih ah awm turin ka duh lo che.In dawr hi ka khar hmak i duh loh chuan'' a beng bul chet ah chuan ka phun sup a .




Ka nupui nikhaw hre lo a mu reng chu ka pan vat a, a mar ka dek a , a la awm e, a hah vang a nih hrep dawn hi, a chhuak tawh hauh dawn lo tih ka hming ka hriatchian tluk zet hian ka hrechiang a ni.




'' I tha leh mai ang'' ka bag chu hai rak rak in hriau leh syringe ka phawrh a, damdawi ka hip chhuah chu a banah ka chiu lut a ,




'' Ka tihpalh'' in thiam lo zetin a thiannu sam sen-i chuan a ti a, engtin mah ka chhang lo thung , darkar chanve hnu velah a rawn harh a .




'' Hrep hian'' min hmuh chuan a ti a ,



'' Ni chiah, hrep hian'' a hawi kual a, kha ka pa thuruk kha chu a chhuak a, a thiannu erawh a awm ve reng thung.



'' Debo tihpalh lutuk, keimah vangin ti hian i awm a ''



'' Ni lo , i thiam loh a ni lo, Tluangpuia hian a hau che em ka muthilh chhungin'' Deborah chuan min rawn melh a , za lo takin ka nui suk...





A lu hai a zia deuh hnu chuan in lamah kan in phur haw a, in kan thlen hnu ah ka hau leh ngei dawn.




Room-ah kan lut tlang a, a hnungah ka luh avangin kawngkhar ka kalh nghal hmak a, khumah a thu a , a kun lap a .




'' Ka thusawi vawikhat tal awih la tha tur , ka ngaihtuah vang che a ti ka ni tih i hria em''



'' Deborah vawikhat mah i chhuak tawh lovang'' ka vin mah mah a ni ngei ang, ring zetin a rawn tap chhuak a , hrep hian ka naute a tap leh ta , ka pan hnai a , ka insum hman meuh lo. Ka kuah a ,




'' Min vin vak tawh suh'' in sut hlap hlap chungin a ti a ,



'' Shh, ka tihpalh, min ngaidam rawh, ka vin leh tawh lovang che ''




'' I thinchhe lutuk, i hlauhawm, midang daih i ang thin i thinrim hian'' nie midang daih ka ang thin a ni, a lakah ka thikthu a chhe em em a, khua ka hmu ngai meuh lo, tunah pawh a hriselna ngai pawimawh lova a chhuash vang leh kha ui cho nena an lo awm ho avang khan ka insum thei lo a ni , nghet takin min kuah a .




''Ka tihpalh lutuk, ka hmangaih che, min ngaidam rawh'' ka awmah a bei a, a in sut hlep hlep reng a .




'' Min vin tawh suh ''



'' Um , ka vin tawh lovang che '' hrep hian khapa vang kan ka bawihi rilru ka ti na a ni, rei fe a tap a, a mittui chu ka hruk sak a ,




'' Min ngaidam rawh aw '' a lu a bu nghat a .



'' I rimtam em, nge i mu hahdam duh zawk'' a lu a thing a, ka kawngah min kuah a , ka awmah bei chungin a maimitchhing daih .




'' Reilote mu ang'' engmah sawi lovin khumah ka nghat a , a chau tawngkhawng a ni ngei ang, a muhil zui nghal a, tih harh hlau zeta tho in ka pa hmu turin inhnuai ka pan a .




'' Pa reilote inbe lawk ang ''



'' Awle '' an room-ah kan in zui lut a ,




'' Deborah chu a tha maw '' min rawn en a ,




''A tha lo, vawiin ah pawh nikhaw hre lovin a tlu, a hmuh i hria em''



'' Enge i sawi awmzia chu'' ka thaw chhuak hak, ka tawt up up erawh a zia hauh lo.




'' Ka pa, Timothy aizawl-ah a awm, ka nu hian a hrechhuak ang tih a hlauhawm khawp mai'' ka thusawi zawh rual a a hmel dang ta sawp sawp te chu ka hmuh hmaih lo .





'' Mahse he lamah rawn kal lo turin a intiam tawh kha ''




'' A nu boral hma in, anu , ka nu laka i uire-na nu kha a thi tawh, ka pa ka zep pui reng theih che ka ring tawh lo, ka nupui hnaih a a awm leh anih chuan ka thiltih ah sawi buai theih tuman in nei lovang''





'' Tluangpui, i unaupa a nih saw '' ka chhuak tur chu ka ding chat a, za lo taka nui in ka hawi let ,




'' Ka unaupa a ni ngai reng reng lo , i sawn anih saw ka pa , in zawmna kan nei ve lo'' thinrim takin ka chhuak a, Deborah a harh tawh ngei ka ring





[naktuk ka birthday yoooo]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 2nd, 2019, 1:27 pm

THE DOCTOR



EPISODE 18



By; Nunui franky hmar ..




[AN; Ka piancham min lawmpui tute chungah ka lawm vek e, Lalpan malsawm vek che'u rawh se ]




SAITLUANGPUIA POV... [Ongoing]





Ka pa te room ka chhuahsan a, kan nupa room-ah ka kal tlang nghal a, Deborah chu a lo la mu reng a, engtin nge ka pa sawn nen khan an lo in hmelhriat ka hre lo, a ka ngei atanga ka hriat chuan ka thinrim leh dawn tih ka hria, ka vin tawh lovang tin ka tiam a nih kha, a rawn harh huna a damdawi ei tur chu tui nen khum bulah ka dah a, a lu ah fawp zauh in ka chhuak a .





'' Chaw min lo ei san dawn nia , ka nupui thil lo ei that tir bawk ula'' awmpui ho chu ka chah a, ka pa n ka kalna tur min zawh pawhin engtin mah ka chhang lo.





Chak zetin ka royal enfield 500 cc limted edition [matte black] chu ka khalh chhuak a, kha mihring tihpalh thil thu a lo piang ve kha ka biak ngei a ngai .



'' In manager ka hmu duh'' a office pangai a ka kal a , min en duh hlawm le .



'' Meeting a nei....''



'' Tunah ka hmu duh, ka hming sawi la, a rawn chhuak em em ang '' char ah chuan ka thu thla a , reilote hnu ah a rawn chhuak a, min hmuh chuan a nui vur vur a, hnek pawp erawh ka chak viau.




'' Ka nupui lo hnaih tawh suh'' a nui hak a,




'' Ka room-ah lo lut la '' a room-ah ka zu lut a, sofa in hungah chuan ka thu a .



'' Ka unaunu ve tho alawm''




'' Fimkhur rawh, i unuanu i ni lo, ka unaupa i nih loh ang bawkin''




'' Ka naupan tet atangin u angin ka en thin che , engkimah ka dah sang che a, ka chung en che, mahsae nang chuan hmelhriat loh en in min en reng a, ka pa hmangaihna ka dawn tur ai pawh nang hian i dawng vek asin'' ka thaw chhuak hak a, ka melh a,




'' Engmaw, in building lian tak te, in dawr lian leh changtlung tak te, i zirna leh i hlawhtlin chhan hi tunge i rin, ka pa in min rawn zel chunga engkim ti a ni tih hria ang che , kan chhungkua hi rawn hnaih suh ''





'' I nupui hneah hian i unaupa duhloh ka ni tih hrilh ta ila engtin nge a ngaih i rin''




'' Hmela, i hrilh chuan heng i sumdawnna hi pakhat te te in an tluchhe lai ka thlir chak e i ti ah ka ngai ang'' chhuah tumin ka ding run tawh.



'' Deborah leh Tim-a kha min lo biak dawn nia'' ka sira vase nalh tak in hung chuan ka vawm pawp a, vanduai thlak takin a lo bum hlauh.





''Thupek a ni tih hre rawh'' ka chhuahsan a, chak zetin in lam pan lovin hospital lamah ka kal a , ka nupui result te chu ka en tha leh a ,



'' Lo lut rawh'' cabin-ah ka awm a, Remruata a rawn lut a ,




'' Tinge i la haw loh '' ti supin chair-ah chuan a thu a ,


'' Ka haw tep, i bullet ka hmu a, i rilru a va hah hmel ve '' ka maimitchhing vang vang a,



''In nupa inkar a tha lo emni''



'' Tha e, ka mu tlem deuh a, ka chauh hmel angin a lang a nih hi ''



'' Okay nih chuan ka haw san dawn che, Sangtei a nuam vak lova '' ka melh zuk a, thil sawi loh tur sawi ang maiin a hmel a inthiam lohna a rawn lang chhuak a ,




' Va haw rawh, a mamawh ang che'' nui sukin a chhuak a, kha hmechhe khawngaih thlakb kha, engtin nge kum 8 chhung temeuh min lo duh tih ka hrie thiam lo, hmeichha kav ngaihsak vak loh la leh Deborah chiah ka mit la tu hmeichhia an awm vang te pawh av ni mahna .





In ka thlen chuan khua a thim ruih tawh a, zanriah an ei vek tawh ka ring , inchhungah ka lut a, a reh deuh thap a, awmpui te chu khawiah nge an awm ti a ka zawh chuan Tim-a leh bawihi chu an infiam a, ka nu leh pa erawh a nupa room-ah an awm thu min hrilh a .





'' Ama, ice-cream eichak e, papa awm loh lai '' a toys room-ah a awm a, Deborah chu a thusawp niai a, Timothy tawng chu a ngaithla kar a ,




'' Papa thu awih tur bawihpui, boss a nia, chuti lo chu a seh mai ang che tiger ang in'' an nui har har a , tel ve chak vangin ka pen lut ta nge nge .





'' Papa papa '' Tim-an min hmuh chuan min lo koh vat a , Deborah chu a rawn hawi let a, pan hnaiin a chalah ka fawh sak zawk a ,




'' Chaw in ei tawh em'' a lu a bu nghat a ,




'' Inthlak la, chaw ei ka lo siam ang che '' room chu chhuahsan in kan room ka pan a, a nui hmel hmuh hi chuan engkim a pangai leh vek thin, ka inthlak a, jogger pants dum plain leh t-shirt var ka in thawlh a , crocs grey ka phawrh a, ka bun a, inhnuai ah ka chhuk a , choka ah Deborah chu min hnungchhaw zawngin a ding a, ka tum sa ni hauh lovin hnunglam atangin ka kuah thut a, a phu zek a .





'' Min ti hlau alawm''




'' Mahni pasal an hlau ngai em ni'' a bengah ka seh sak a, a rum chhuak hak a, a nghawngah ka fawp thla a ,




'' Choka a nih hi '' ka awmah min nam a, ka nui chhuak hak thung .







DEBORAH POV...


''Naktukah i buai angem '' chaw a ei kham a, ka tihfel sak a ,




''Ka hre lo le, tinge duh i nei emni'' ka lu ka thing a,




'' Tim-a hi zoo a kal a chak a, papa hman chuan ka ti a '' room-ah kan chho a, ka kutah min kai a , a kut len bik zia hi.




Tim-a chu Sangin a mut tir a, ka va en leh thlap hnu ah kan mu ve chauh a , khumah ka thu a, a ni erawh a mu zur a , a sam ka khalh sak niap niap reng a, a chhing duar duar thung a .



'' Tinge i thinrim vak a Timothy i hmuh khan '' ka zawt ta nge nge, eng in laichinna nge an neih ka hre lo, mashse ka pasal hian a huat hmel hle a nih kha , a rawn meng a .




'' A chungchang kha sawi ka duh lo,''



'' Awle in hmel a in ang deuh ka ti, ka hmuh tirh pawn i cousin vel emaw ka ti a, mahse in hnam hming kha a lo in ang ta si lova ''




'' Deborah a chungchang ka sawi duh lo ka tih kha, lo mu tawh rawh'' ka kawngah min chelh a , a chungah ka bawk rawk rawk a .





'' Um, tihpalh'' a awmah ka fawp zauh a, tih luih chi a nilo tih ka hria , ka hnung zangah a chul heuh heuh reng a ,




''Ka hriatloh chuan i hmu thei lo ania aw'' ka lu ka bu nghat a, nghet zetin min kuah a , a rim pa hrak chu ka hip lut vang vang a ,




'' Naute dang neih leh ka duh tawh, min hnial suh bawihi Tim-a pawh kum 2 a tling tawh'' ka chungah a bawk leh run tawh,;




'' Awle '' awlsam taka ka sawichhuah theih vang chuan kei pawhin mak ka ti zawk hle a , nui sukin ka hmui ah min fawp vang vang a, a kut hlei leh sei tharh chu a hmang thiam leh narawh e , nichin deuh kha chuan a mutchhuah hmel viau si a .




'' A hmasa ber ka ni a, a tawp na ber pawh ka ni bawk ang , ka ta chauh i ni tih hre nawn fo rawh theihngilh ngai suh, mipa dang han hmu na teh, ka that ang che u'' ka nui hak a, a awm thla deuh dapah chuan ka bei hle hle a , tho leh turin chakna tha hrui ka nei tawh lo.




Zingah min kaithawh dan avang chuan ka rum chhuak hak a, ka chhungah a awm a, ka chungah a bawk a, ka meng siar siar a hmuh chuan rawn kun hniam in min fawp zauh a ,




'' This is no, very no '' ka chungah a su uar sauh a, zing kar atangin kan zawi leh em em dawn a nih hi.




Tukthuan kan ei kham a , Tim-a ka bual a, Tluangpuia a rawn haw hma dawn vangin kan lo insiam lawk deuh a , a rei deuh avangin story ka chhiar a , writer pakhat Franky tih ziak a ni a, nutling deuh turah ka ngaih laiin kum naupan hmel te a la ni.





LUST tih chu ka chhiar a , a ngaihnawm in mood ah ka cheng hle a ,



'' I neih thei ngai dawn lo ni a i hriat hunah, Pathian in a rawn tanpui ang che''


''Nah, Pathian pawh hi a induh ve reuh lutuk , ka star thu zantin ka tawngtai na ah ka chham tel ziah a , awmzia awm chuang lo, a in duh lel lul lutuk''




Ka nui hak a, ka hnunglam atanga min rawn bawh tu an awm a , ka tre that .




'' Saitluangpui minti hlau lutuk'' ka phone chu a la a, a bih vung vung a, min rawn melh leh zawk a ,




'' Story mai mai chhiar in ilo nui har har a '' ka tho chhuak a,



'' A ngaihnawm zia , Tim-a ka siam zo tawh a, nangmah chiah ni mai '' ka sam tawn chu a pawt phelh a ,



''I sam i thlah hian i hmeltha zual sawt '' ka nghawngah rawn kun hniam in a fawp leh zauh a .




'' Eitur ken vak chi lah a ni silo'' ka nui hak a, kan tet deuh laiin kan kal tawh a, zawngte balhla pek kan tum a, security pakhatin min um hrep a nih kha .




'' Ama papa '' Tim-a chu a khek chel chul a , nuam ti takin, hmuhnawm ti takin kan thlir a, a thui mai sia ,



'' I hnar a thi '' ka hnar chhung a rawn lum pup a, Tluangpuian min kuai dak vat ,



'' Ni a sat vang aniang'' a rawmawl in a rawn hup a, kan bulah Tim-a pawh a rawn tlan vat a , a sra thing tlu thuna atana an dah ni awm takah chuan min thut tir a ,





'' Deborah hetah hian kal lo tawp tur kan ni , haw tawh ang u '' bawihpuia chu ka melh zawk a, a in thiamloh hmel hle a, ka kawr hmawr a khal niap niap a ,




'' Aih, ka tha , i fapa i ti hlauhthawng a nia '' ka tih chuan a thaw hak a, Tim-a chu a koki-chhuan a, chhungkua a kal ve ho te chuan min en duh thei hle a, students thenkhat in an tlawh ve bawk a .




'' Ama riltam tawh '' Tim-a chu a mutchhuak nge a tlei lo riau a , kan chawl a, kan eitur ken chu ka phawrh a ,




'' Tim, haw tawh ang u aw, ama hi dam vak lova, ni dangah kan kal leh dawn nia '' Tluangpuia chuan zaidam takin a ti a , ka thaw chhuak hak, tinge min ngaihtuah viau mai le .




Kan haw a, Tim-a chu a muhil a, a seat hnungah kan mut a , ngawi rengin in lam ka pan a ,




'' Petrol kan la lawk ang, lo thu la'' ka chalah min fawp zauh a , a chhuak a, ka maimitchhing vang vang a , glass ri kerh kerh chuan minti phu zuk a, ka hawi chhuak a, Timothy kha a lo nui vur vur a, za lo takin ka nuih let ve a .




'' Dam maw '' a tih chua ka lu ka bu nghat a .




'' I la ve dawn mi''



'' Yup khawnge Tim-a '' a tih chuan hnunglam ka hawi a, a hnung seat ah tui ti takin a la mu reng a ,



'' In chhuak ami, va nuam awm ve aw ''



'' Zoo-ah kan kal a , kan haw hma leh deuh a nih hi'' a nui suk a, khawnge Tluangpuia a awm daih ka hre lo.


'' Anih chu, khawnge i...'' a sawi zawh hma in a kawr awmah Tluangpuia chuan a tham a, rang lutuk in ka chhuk ve nghal a, puitling ve ve lehnghal.




''Ka nupui lo hnaih lo turin ka hrilh tawh che kha '' Tluangpuia chu a thinrim a sen vek a, hepa thinrim beng daih tum hi chu lung tum cake a chan tir tum ang mai a ni.




''Dear duhtawk teh'' a chak bawksi , an in din chilh run a , mi ho chu an lo pung tuau tuau a ,




'' I nupui hian eng ang mi nge i nih a hre tawh em , eng ang unau,,,'' Tluangpuia chuan na zetin a hmai ah a hnek chawrh a, Timothy chu a pai khat a ,


'' Ngawi hmak rawh, ka thah hreh che i ring em ni'' Tluangpuia chu ka kuah bet a , a thaw a rang hle a , a insum ve nasa tih ka hria, tunge he Timothy chiah hi a nih ka hre lo, mahse, ka hriat zawng chu ka pasal nen hian an in ngeih lo hle tih a ni.




'' Khawngaihin duhtawk tawh rawh, khin tlak a ni lo'' a biangah ka dawm a, ka tha a khur zawih zawih a, thilthleng hi a awmzia ka hre lo bawk.




'' Deborah engtik-ah emaw chuan i pasal nihna diktak hre chak hian min rawn la pan ang'' kamsir thi deuh sung a rawn tawng, Timothy chu ka melh zawk a




''Lo ngawi teh, i biang lehlamah pawh khan hnek i duh mi'' Tluangpuia chu engtin tin emawni ka bengdai thei hram a , a thinrim hle a ni.



Tim-a a harh a, a seat hma ah ka pawm a, a rak nak nak reng a , in kan thleng vat a , api leh pute a pan nghal a, Tluangpuia nen room-ah kan in zui chho a, a thinrim a la reh hauh lo.




'' Kha mipa kha hnaih tawh lo turin min tiam rawh'' ka kawngah na zetin min hmer a ,






'' Enge i tih hi minti na ania'' a lamah min pawt hnai sauh a ,



'' Min tiam rawh '' ka lu ka bu nghut a ,



'' Ka tiam a che, i hmelma chu hmuh reng bik ka duh lo'' min kuah thlawp a , ka awmah a hmai a phum a, engtia rei nge chutianga kan awm dun chu ka hre lo.




Zanriah kil zawhah ka pa nen eng eng emaw an sawi a, ka vah hah deuh avangin ka mu hma a , Tim-a erawh kan bulah mut en pawn a en tawh lova, amah in a riak hrang vat a , a tirah rem ti vak lo mah ila apa in a ti miau si a .





Vawiin lama thilthleng ka ngaihtuah let a , Timothy thusawi kha ka ngaihtuah chhuak a, a awmzia ka hre lo hle a , ka pasal hian ka lakah thuruk a neih ka hre si lo.





Room-ah a rawn lut a, a t-shirt hak a phelh hnuah a jogger pants hak a tlawh thla a , boxer nen chiah khumah a rawn lawm a, a lamah amah si chetin min pawt hnai a, a awmah ka bei hle hle a, thuruk kha zawh ka chak zek zek mahse ka ngam lo, a thinrim belh ka duh lo.






'' Timothy kha ka pa sawn ania ''



'' Maw'' tih that pahin ka in la hrang dawrh a ,




'' Shh, ka bengngawng lo bawihi'' a awmah bawk min bei tir leh a, a awm bawr vel te chu liah duai duai mai ka chak .



'' Ka pa hi doctor a ni thin tih i hria, Lunglei-ah a thawh laiin Timothy nu nen hian an chesual a , ka nu hian a hre lo, ka pa nen chiah kan hria'' chu chu thuruk a sawi kha em ni, a hnute chu ka khal niap niap a, a hmur chu ka tuai ne ne a .




'' Tinge thuruk te kha a sawi si a '' ka tih chuan rum hakin ka awmah a hmai a phum daih a ,




'' Thuruk kha chu ni dang atan bawihi, damdawi i ei tawh em'' ka lu ka bu nghat a , a ngawi vang vang a, reilote ah a thawk dan a danglam a , a muhil zui tih ka hria .




Zanlai ah ka thanharh a, November thla tir lam a ni a, ruah te a tla vel, khua a ti vawt zual a, Tluagpuia chu ka awmah a lu nghat in tui takin a la muhil barh barh a , engemaw hian min tham a, chu chu enge a nih ka hre si lo, ka maimitchhing leh vang vang a , dar hnih chiah a ni, Tluagpuia sam chu ka khal niap niap a, a sam hi a nem bik ngawt mai, a fair lo.




Muthilh ve leh mai ka tum lai chuan khum sr a ka phone dah chu a rawn nghawr dar dar a , ka ban a, message hi a lo awm nual a, Tluangpuia tih harh hlau zetin ka hawng a , ka thil hmuh vang chuan ka thaw hak.





'' Edit chawp a nih ka ring'' tiin ka thawn let a, number pangngai atangin a ni a, dp a nei lo bawk, Tluangpuia leh Msi in duh taka an infawp lai te, kut in kai leh chi hrang hrang, Msi nen khan nunhlui an nei tawh tih ka hria, a nupui a ni tep tih pawh , mahse tunah chuan kan innei tawh, ka pasal a ni a, ka ta a ni tawh .






Dr Msi a nih ngei ka ring a, kan in kar tih that loh a tum a ni lehpek a nih hi. Message pakhat a rawn thleng leh a, ka hawng a ''I pasal hi ring ngai suh, a hospital hi kawrah mai mai a hmang, nang a hman kual ang bawk che khan'' ka nui suk a, nui lem emoji ka thawn tuar a, call vel leh tunge a nih zawh chian ka tum hran lo.





Phone dah in Tluangpuia kuah chung chuan ka mu leh a, reilote ah ka muhil a , ka mangah hmun nuam takah ka lo kal a , chutah leh Tim-a nen kan awm a, ka pasal ka zawng thin a, mahse ka hmu lo, ka auh pawhin eih tu tur an awm lo.




''' Papa awmna i hria em Tim''


'' Papa chu khitah zin'' tiin van lam a kawk a , ka hawi chho a, nichin mai khan ni a sa tha hle a, tunah ruah sur a tum leh a, ka hrethiam lo.





to be cont...

[ka chau ka kohinoor lunghlu te u , a ngaihnawm loh ka ring, next ah erawh a aia thui leh ngaihnawm lo dah ka lo tum ang, ka lawm e , birthday girl Nunui ]





By the way, ka mumang-ah Saitluangpuia hi miin an vit a, a thi emaw kan lo ti vek a , mahse kum 4 hnu velah a rawn kir leh a , ti chuan.....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)