THE DOCTOR By Nunuifranky (Completed)
Posted: June 2nd, 2019, 1:13 pm
BY; NUNUI FRANKY HMAR
EPISODE 1
[Surprise te ti vel ila, enge story hi in ngaihdan, feedback a chhiar tu zawng zawng atangin dawn ka in beisei a nia aw, in duhthu a samloh lai te, tawng hman dik loh te, sawi hreh lovin comments lamah emaw, message lamah min lo hrilh dawn nia , minlo chhiarsak leh theuh ru aw , he story THE DOCTOR hian in ka story zawng zawng ka ziah lai aiin ka rilru ah a awm nasa in ka uluk zawk a, mahse mi famkim ka ni bik lo tih kha min hriatsak leh theuh dawn nia ... Nunui]
SAITLUANGPUIA [ THE DOCTOR POV]
Kum thum kalta khan Specialist zir zovin Mizoram lamah ka haw a , ka pa hi doctor ve tho niin hospital ama pualin a nei a, chutah chuan in thawk tura min tih avangin sawmna tamtak hnawlin mahni pian leh seilen na ramah ngei ka kir leh ta a .
Kum 34 na ka hmang mek a , nupui ka la nei lo tih kan sawi tel hram ange .
''Bawiha, i nute Sangi te inah min va kalpui teh, i pa a thupui hawn ania, a in en duh sia '' ka nu chu room ah a rawn lut tlang a ,
''Khatiang ringawt buaipui lo khan nupui neih lam te hi ngaihtuah ve rawh '' ka laptop chu ka khup a, tunah khan Mizo zaithiam p0rn video leak out ka lo en mek a, mahse ka nu a rawn luh khan games ka hmet chhuak vat a .
''Nu, car khalh ka peih lo, bullet in kal ang'' a ner nang a .
'' Tlai lam a nih tawh hi, traffic a jam nasa lovang'' tiin ka hnungah chuan a rawn lawn ta tho a .
Ka Royal Enfeld 500cc , ka pa in ka pianchama min present chuan Electric veng atangin Bawngkawn lam kan pan vang vang a , nu leh pa thuawih hi a tha ngai e, chawhmeh kan suah vang vang hnu chuan in ka pa a inkhawm duh bawk nen, kan haw leh vat a .
'' Ka thianpa a rawn haw a, ka chhuak lawk dawn a, ka nu leh pa an lo haw chuan ilo hrilh mai dawn nia'' kan awmpuinu bulah chuan chhuah pahin ka ti a, chak takin
'' I rawn kal thei maw'' ka naupan lai thian te ho, Advocate Zorinpuia, Ex Minister Dr Hmangaihzuala leh Police Officer Lalnunkima Sailo, ka pitei fapa [ ps heng ho zawng zawng hian an mahni in story an nei hrang vek e ] chu anlo kim thap tawh a, nupui an nei vek tawh a, keimah chiah hi ka bang tawh a, mahse la neih mai ka tum hran lo, hmeichhia te chu an tam lutuk.
Bar changkang ve tak , ram dang tluk vak lo mahse a changkang thawkhat ve a, Mizoram chhunga awm atan chuan, beer an dawm far laiin kei erawh Whisky ka in thung a .
'' Tluanpui, in hnem vak suh, ka thlah haw hman dawn lo che , kan nu a rai no a'' ti supin Lalnunkima aka Kima chuan in ka dar a rawn ben thek thek pahin a ti a, hna chungchang bakah mimal nun te kan sawi a , ka haw chuan dar 10 a hnai thuak a tawh a, Zodin phei ka tlan lai chuan in hmeichhe pahnih zu rui nge rui lo ka hrelo, ring zeta zai a ice-cream kawng sira lo ei hi ka hmu a, ks an ni ngei ang ti supin ka tlan pel a, tunlai boruak tak hi chu a .
In ka thleng a,in chu a reh hle a, ka room pan in ka inbual a, ka mu ve zui nghal a .
Zingah ka nu neihchhun ka hmangaih em em in ka alarm set hma aia hma in min rawn kai tho a .
'' Inbual fai la,i pa rualin hosital ah kal rawh, nakin lawka i enkawl tur ani a, tun atanga engkim i hriat vek angai''
'' Nu, ka hmangaih che '' puan chuan ka in khuh tha leh a .
'' Tho mai mai rawh'' tiin ka puan sin lai chu min pawh thlak sak a, nui sukin ka in perh tho a.
''Doctor nula thiam tak tak, nupui atan pawha iai awm lo tamtak hospital ah an thawk a nia '' ka nu in mit min siai zauh a , kan kal dawn chuan.
''My dear, a mak thin emai, nupui neih te chu a hmanhmawh thlak hleinem'' ka pa chu ka lamah tangin min lo chhan a .
''Kan upa tan tawh, kan dam lai ngei a , tu hmel hmuh ve te pawh ka chak alawm'' a in sawi tui hma in ka pa nen chuan hospital lam panin kan chhuak a, a car a keng a, ka bullet ka keng thung a .
''Dr Saitluangpuia Sailo neurosergeon anih hi, hospital hi nakin ah chuan a kutah ala awm thuai ang'' ka pa in ka thiantha a tih, Medicine dept a HOD Dr Lalnuntluanga Ralte chu min in hmelhriat tir a .
'' A puitling tawh hle mai, a naupan laia heta i rawn hruai thin lai te kha a ngaihawm alawm le, nurse emni a mawnga hriau a a chhun kha '' fiamthu thawh nan min hmang leh dawn e .
Ward kan fang a, thisen pe tu an awm nual a, ka lut chhin a, tleirawl ni wm tak pakhat hian hriau len thu a lo comlain a, ka kalhnai a, mahse tleirawl ani hauh lo, nul hmeltha tak ani tih erawh ka chiang.
A thiannu chuan in a lo hau ve bawk a, nurse hriu ken chu la in a vein ka zawng a,ka chiu zui nghal a, a tre that a, nui sukin ka kalsan a . Ani ang reng a hmeichhe duhawm kha ka la hmu hauh lo.
Chhun chawlh lai a ni a, canteen lamah ka pa te chu ka zui a, doctor leh nurse te chuan min be tha hlawm hle a.
''Fimkhur ta che, hrep hian'' ka dr coat hak var tha zet chu hmeichhe lian lo tak hian min rawn su pahin a thil ei chu a rawn ti kai a, ka chhuk en a, kha hriau hlavi kha a ni.
'' I kalna en ta che'' tiin rum zetin min melh a, a kutah sanitary pads a keng a, thisen a pe zo chauh a, a period lehnghal tihna emni, ka en zui a, mase canteen chhunga a thiannu ta tur chu a lo leisak a ni reng zawk a .
A hming hriat ngei ka duh, enge a tih a, ngaihzawng a nei em tih zawng zawng nen . Ka ngaihtuahna chu nuih puiin cateen ah chuan ka lut a, ka pa in min lo hui zauh a, an thutna lam ka pan a .
DEBORAH LALRUATKIMI POV
Karkhat zet a liam tawh a , kha doctor hlauhawm zet kha ka mitthla ah erawh a cham reng thung a .
''Dam lo kan tur kan nei'' Nunui ka thiannu ka best friend chuan a brace vuah lai chu rawn kher phei mawlh mawlh chungin min rawn pan a, ngaihzawng a duh upa ve thei hle a, ngaihzawng thlan a thiam a , pasal min neihsan daih ag tih erawh ka hlau hle a .
A sang hran lova, kan inchen deuh reng a , a sam a kir a, a ti buang deuh thang a, a mah ango bawk nen a inhmeh in a hmeltha hle a, mahse a mawl ru zek a , ani ang hi Pathian in thian tha min pek avangin ka lawm hle a ni.
''Tumaw''
''Anu nau nia, an zai a, heihi han pe rawh u , Debo-i sawm la ati'' tiin a bag ah chu a kawk zauh a .
'' Khalh rawh'' tiin ka scooty chahbi chu ka pe a , a scooty tlan loh ni ani hlauh chu a vannei a ni .
''Eng hospital ah nge ''
''SAILO '' a tih chuan in ka mitthla ah kha doctor ka bana min chiu tu leh ka sut chawrh pa kha ka mitthla ah a lang a , hmuh leh ka chak rualin ka hreh hle a, eng agin nge min ngaih ang, zaktheilo minti angem.
''Chhuk rawh , i rit'' kan park fel a, a cabin awmna lam kan pan a , mimal hospital atan chuan a lian hle a, an dinna a rei tawh bawk a, doctor chi hrang hrang an awm a, lung[heart] lam doctor an neih thar thu te news ah ka hmu bawk a .
''Doctor chhelo an vang e'' an doctor hmeichhia te chu an hmeltha in an chhelo hlawm hle a, mahse mipa ho erawh tarmit an vvuh loh leh hmuihmul an zuah buk chhup a , khawlum anti zual.
''Saw , i star pa kha'' cabin kan thleng phei tep tih chuan kar kalta a ka doctor sut pa, sang tha zet leh hmel rum lam, hlauhawm zet nen chuan kan in tawk a , min en vung vung lehnghal a, kan kalpelh dawn chuan Nunui chuan ehems ala ti zui a, rum zetin ka melh a .
''Tuna ka bialpa hi ka then aga, doctor bialpa tur ka zawng ve dawn'' a tih chuan in ka nuih ringawt a, a bialpa hian a then dawn chuanglo tih ka hria a ni, innei se hlim takin awm rawh se .
''Dawrah kal lawk ang '' tiin Nunui chuan min sawm , canteen piah a dawr ah chuan kan kal a .
'' Assignment pawh kha ka la ti zo lo''
''Keipawh, mahse last date ala hla emai, enge i chan''
'' Enhance mawle''
''Keichu Elegant''
'' A har ve ve lehnghal'' eitur kan lei a, a man kan pek fel hnu chuan room lam pan leh kan tum a .
''Deborah'' mipa aw pa zet hian min rawn au a, ka ding chat a, kahawi kual a, kan sir lam atanga Dr-a rawn pen phei ka hmuh chuan ka kut te hi a thlan huh hlap a .
''A star ve chiang che, chance ka pe ang che u'' tiin Nunui chu a kalsawn dah a, henu hi .
''Engtin nge ka hming i hriat'' kan din dun chuan kei aiin a sang hle a , a rintui in a palian bawk a .
''Deborah hriau hlavi tiin i hming an ziak alawm'' nui suk chung chuan a ti a .
''I mumang a nih chu'' tiin kalpel ka tum a, mahse ka banah min chelh a ,
''Ka hming i hre duh lovemni'' a tih chuan a kawr hma a hming intar chu ka chhiar a .
''Dr Saitluangpuia Sailo, tawk em'' a nui suk a .
'' Interesting one''
''Two''
''Hmm''
''Three'' tiin a kapah ka pet a, min vawn na chu a thlah chiang hle a, rang zetin ka kalsawn a .
''Deborah, i chak dawn lo'' tiin a rawn au zui a, ka bye bye ta ringawt a .
Karkhat a liam leh ta, kha doctor kha ka hmu zui leh ta lova, hospital ah tihtur em em ka nei lo bawk nen . Saturday tlai a ni a , Nunui nen buhfaitham kan khawn a, kan haw leh lam chuan kan nui nasa hle a .
''Debo en rawh'' ka en chuan a hnai tawh lutuk, Wagon R chak taka rawn tlan chuan kawngsira ka kal tha hle hle lai chu min rawn su chawrh a, ka ke vei lam chu a hik ngal chuai a, ka lu leiah ka sawh bawk nen ka khaw hmuh a fiah lova.
''Debo harh teh, Deborah '' hlauhthawng taka Nunui'n min koh chu ka thil hriat hnuhnun ber a ni .
''Damdawi rim a va nam rum rum ve'' ka harh a ka thil hriat hmasak ber a ni.
'' Na i nei em'' Ka nu, ka pa leh Nunui hlauhthawng taka min lo hual thup ka hmuh chuan ka nui suk a.
'' Nangi thian dun hi hospital ah in in awm chhawk a '' ka nu in a tih chuan thut ka tum a, ka ke vei lam an char khawng tlat leh tuam var vu ka hmuh chuan ka ke ruh a tliak tih ka hrethei a, kha driver mai mai kha aw .
''Ka hlauhtawn zia chu , i malpui ruh a su tliak a , i lu i sawh deuh a , i ha i sawh bal bawk a '' ka pa in a tih chuan an nui dar dar a , Nunui nen rei tak chhung chu kan in awmpui leh dawn a nih hi.
College lamah sport week a ni hlauh a , Nunui chuan a kal peihlo chu min chhuanlam a , hospital rim nam rum rum ah chuan in ni thum zet kan awm tawh a .
''Canteen ah kan etur ka zuk lei ang''
'' Pickle lo lei tel rawh''
''I thu lo'' ka nui hak a, Nunui chhuah hnu chuan in a saisir in ka mu a, kawngka lam ka hnungchhawn a .
SAITLUANGPUIA POV..
''Deborah-i thiannu kha ani lawm ni'' ti supin ka pan hnai a, a bul ka thlen dawn hnai chuan in mipa pakhat hian a lo hnaih ve a .
''Ka thiannu kha motor in a su a , ka awmpui a, hei eitur te ka lei bawk a '' turkish lam a ang reuh zek lehnghal, a sam sen deuh thur leh a vun te chu , mahse en chiani a hmai erawh a bawl ve sep sep a .
Chuti chu Deborah , kan hospital a hian a awm maw, tih chi lutuk tiin casualty ah ka lut a , patient hming chu ka zawng a, nui sukin a cabin awmna lam ka pan a , eng vangin nge he hmechhia , mize vawt tak hi ka ngainat , ka vei tlat ka hre lo a ni.
''Nunu, ka zunchhuak lutuk, i rei si'' kawngka ka kik a, lo lut rawh tih pahin a zunchhuak thu min hrilh a .
'' Nang maw''' min hmu thut chu a in khuh tha leh vel a, nui sukin ka pan hnai a .
''Tinge i ke ber bur chu''
''A na anih hi'' khumah ka rawn thu a,a ke char khawng luk chu ka khawih a.
''Thla khat vel i awm angai dawn nih hi'' nui suka ka tih chuan rum zetin min melh a.
''Teuh lo lutuk, ka chhuak tep tawh, a reng rengin eng doctor nge i nih a, i tam riau lehnghal''
'' Thinlung doctor mawle'' nui sukin ka ding a .
''I zunchuak khan ka hria a, i thiannu sam sen khan midang a be laklawh bawk si nen, ka lo puih mai dawn che emni''
'' Nilo'' rang zetin ati nangin ka kun a, ka pawm nawlh a , toilet lam ka pan a
''Min thlauh chuan ka pet sak leh ang che ''
'' Ka chelh tlat che'' ka thut tir a, chhuak turin minti a, ka chhuak a, toilet kawtah ka ding a , roomah chuan a thiannu chu a rawn lut ve chiah bawk a .
'' Deboi engtin nge a awm'' a rawn ti lut nghal a .
''Toilet ah a awm'' nui sukin ka ti a .
''Hey, doctor min rawn puh leh rawh'' toilet chhung atanga ring zeta a rawn au chuan nui sukin ka hawng a .
'' I no reuh hle mai'' ka tih chuan ka banah a sik vak a, a kuttin tan a ngai a nih hrep hi .
'' Zanah ka rawn tlawh ang che ''
''A ngai love'' atih chuan nui sukin cabin chu ka chhuahsan a ...
''Ka nupui in nau a nei dawn, cabin lo dah awl rawh'' a off zui leh hmak a, nui sukin Kima te room tur chu en turin counter lam ka pan a .
''Sorry'' doctor ni awm tak pakhat hi files keng hian chak zetin a rawn kal a, min rawn su chawrh a , a hmel ka en a, ka hriat hnu a ang hle a, mahse ka hrechiang mai thei lo .
''A pawi lo'' ka tih chuan min nuih suk in a kal liam zui nghal a .
''Dr Saitluangpuia, Surgery ward ah mamawh i ni. Dr Saitluangpuia..'' in her in surgery ward lam pan chuan in ka kal a, nurse ka tawh ho chuan min en duh in an lai chhe thei hle a, mahse engah vak ka ngai hran lova .
''Ka lo haw tlai deuh ang'' ka pa chuan ward a round zo a, kan sawi lawk anga, ka pa hi chu hmeichhe lam doctor a ni a, gynaecologist a nih chu, ka nu in min neih dawn pawh khan in amah ngeiin min chhar a.
''Tihtur ila nei emni'' a tih chuan ka nui suk a .
''Damlo tlawh kawi tur ka nei a '' ka nui suk a awmze nei takin, ani pwh chuan hrethiam in min nuih let a, mit min siai zauh a .
''Eitur a ngaina tak alawm'' tiin dawr lam ka pan a, hmeichhe eithei tak hi ka ngaina ngailo, Bangalore-a ka awm lai pawhin hmeichhe thian [friennds with benefits] tamtak ka nei, model te leh actress te an nih vang nge thil an ei tlem thei em em a, thuamhnaw leh tlereuh erawh an duh changkang hle thung a .
Ka pa an hria a, specialist ka zir hma in ka thawk tawhna a ni bawk nen .
''Tinge min hmu turin i rawn kal'' cabin pawnah ka ding a, kawngkhar erawh a in khar phui lova, tawng thawm ka hriat avangin ka ding a, reilote hnu ah a thiannu sam seni bawk a rawn thleng ve a, bengchheng lo turin ka hrilh a .
''Ka la duh che, hun min pe leh hram rawh'' mipa chuan a ti a ,
''Bawlhhlawh bawmah , chu bawlhhlawh bawm pawh chu thil tawih chhe paih na ah lehnghal thil i paih tawh a, i chhar leh dun dawn a mi, chhuak tawh teh, i hmel ka hmuh hian ka khua te a rawn sik thar dawn in ka hria'' ka nui suk a, a lei pawh a hriam tha e .
''Ngaihzawng dang i nei em''
''Nei e, sawm ka nei '' thinrim zetin mipa pakhat a rawn chhuak a, Nunui nen chuan min melh a , Nunui chuan a hmui a pet a, a hmui peh zawnga a brace senno vuah rawn lang thet chuan min hawisawn tir chiang hle a .
'' Thinawrhte-i ka ti tawh ang che'' cabin a ka luh rual chuan ka ti a .
'' Tinge i rawn kal chhen a, nang te chu lung lam doctor i ni si a '' a tih pah chuan ka kuta khai chu a melh zauh a , ka nui suk thung a .
'' Thian kan ni emaw ka ti a'' ka tih chuan a in siam chhe nasa hle a
'' Nah, min chiu vak atang khan ka la hua che '' a tih chuan a sirah ka thu a, eitur ka kensak chu ka thehphei a, nui ver ver in alo man chat a .
DEBORAH POV...
''Hmelchhe viau mahla, ka lawm e '' he doctor hi ka star ruk na chu a rei tawh a, mahse sihhnip min ti ang tih ka hlauh avangin ka hnaih lova .
Min rawn hmu tur in a rawn kal tih ka hria, khumah Nunui a rawn lawn ve chuan rang zetin a hau a .
'' Sam sen kha, damlo mutna ah tinge lawn ve ngawt i tum ''
'' Ka thiannu alawm mawle'' ka tih chuan Nunui chu zah hmel takin khum atangin a chhuk a .
'' I thiannu a dam lo ve hleinem'' ti supin a bawp a khawkerh a, a kut a suih a, min en vung vung a, tunah tak chuan ka sam hi ar bawm ang tiat vel a nih ka ring a, ka hmai ka la phih lo bawk a, ka chal a bawl bawk a , makeup ka hman loh chuan ka hmai a arngeng bawl na hnu ser a hmuh theih a, mahse ka bialpa pawh a ni em hleinem le, zah vak pawh a ngai lo .
''Ka kal ange , lo in enkawl tha la '' ka chhipah a kut a rawn nghat a, ka sam a mawm dawn dawn nen a .
'' Bye, ilo kal leh hunah pawh eitur lo keng leh teuh rawh aw'' ka tih chuan za takin a nui chhuak hawk a, rawn hawi let lehin a chhuak zui ta a . Tunge hre bik ang, he doctor hi ka naute pa tur tih hi .
Kha doctor hlauhawm hmel tak kha ka hmu fo a, a hming ka hria a , nurse pakhat sawi danin he hospital neitupa fapa a ni a, an hausa thawkhat hle tih a hriat a , ka phu lo.
Nunui college kal angaih tawh avangin ka nu in min awmpui a, zanah a changin Nunui'n min riahpui thin a , Fr Tluangpuia a rawn lang zeuh zeuh bawk a,
''Tunge doctor lo kan thin tu che kha '' ka nu in ka lu min suksak a, min bual titih bawk a, a harsa hle a .
''Ka thian thar '' tih bakin ka chhang lova .
Ka nu commeettee a ngaih avangin a haw a, zanah a rawn kal leh dawn a, awmpui em em ka ngai hran lova .
Ka malchungah laptop dahin THE PROPOSAL chu ka en a, ka en tui dawn chauh a. kawngka a ri rak a, kha doctor bawk kha a rawn lut a . Form kha a ha lova, kamis pawl duk a ha a, a in beng lut zaih a, kekawr pawl duk nen, pheikhawk smart tak pawh. A kamis ban a thlep a, a sam thur deuh bap chu a inhmeh hle a, ka lo en reng a ni tih ka hre hauh lo.
'' Khawnge ka eitur '' ka ti sap a, nui chungin ka sirah a rawn thu a, tawlhsawn turin minla ti zui a .
'' Dam lo mutna tur a nih hi, i dam kha ''
'' I lei hi chu aw, ka chiu mu che nga, ka tan then dawn emawni'' a tih chuan in rum taka melh in ka tawlhsawn a, a kekawr hnunglam aangin dairy milk silk chocolate chu a rawn phawrh a
''Kha, naupang chhia ang mai '' tiin min pe a , kum 24 ka ni tawh tia vin hrep mai ka duh a ,
'' Thanks ''
''Eng movie nge '' tiin ka mal chunga laptop ka dah chu a rawn bih a,
'' En la, i hre mai ang'' ka tih chuan ka biagah min piai zauh a .
''Eng subject nge i lak '' ati ta daih a .
''Hey'' ka en leh chuan alo muhil daih a, he doctor hi min va han nel reuh tak . Khum lu nghengin a thu mu a, a ban a phar hluai a, a pheikhawk a phelh lai reng ka hrelo.
A hmel chiang takin ka en a, a khabe hmul te, hmui hmul te, buk lutuk silo mahse amah ti pa zual tu, kum emgzat nge a nih ang tih te ka ngaihtuah zui a .
Movie a tawp chuan in laptop ka off a, Dr-a nghengin ka muhil ve a, a rimtui lutuk , a mah si chetin ka thu mu ve a , a bialnu emaw a nupui, nilo nupui chu a neih ka la ring lo , an hausa in a hmeltha si a, ngaihzawng chu a neih ka ring a, min rawn hmu se chu ka ke lehlam pawh hi min khawngtliah sak duh hrim hrim ang mawle .
''Damdawi ei a hun a '' ka harh a, doctor-a pawh a kut lehlama min kuah in tui takin a la muhil a, nurse chuan lai leh inthlahrung takin min en a , keipawh ka lai chhe hle a .
'' Harh tawh teh'' tiin ka sawi a, meng mang lo hian ''Sweet , reilote chauh'' ti supin min rawn kuah leh a .
'' Harh tawh teh'' tiin a banah ka sih vak hnu chuan a rawn harh zawk a, ka melh na lam chu a melh ve zui nghal a .
A tho vut a , a in siamtha mawlh mawlh a, nurse nu in ka damdawi eitur min pe a, bp te a check zawh chuan hlauh nei ang maiin a chhuak vat a .
''Chhuak ve rawh, lo muhil ve ringawt '' ka tih chuan min rawn pan hnai a
''Nuam ti takin min nghen der der kha aw''
'' Ka mutna turah i awm vang alawm'' ka tih chuan a rawn kun hniam a, ka hnar ah a piai zauh a .
'' Ward round te ka ngai a, zanah ka haw hma ka rawn tlawh leh ang che , min lo nghai lutuk lo la aw ''
'' Eitur minlo ken leh la ''
'' Lutuk, lo mu hahdam rawh '' tiin a chhuak zui nghal a, a awmlo chiah a, heti lai chhung hi a reh huai a
Karthum et hospital ah ka awm tawh a, doctor-a nen pawh kan in nel tawh hle a , a bulah awm nuam ka ti a .
'' Naktuk ah ka chhuak thei tawh doctorin a ti a '' therapy ka la zo chu ka sil hle a ,
''Min ngai dawn em''
''Ngai lovang , i hming pawh ka hre lo zui nghal ang '' ka tih chuan a tum hmuk a .
'' Ka ti mai mai , kum engzat nge i nih ''
'' 34, Going on 35 ''
'' 24, going on 25 '' ka ti ve a, ka biangah a piai a .
'' Ka rawn len i phal angem'' a tih chuan a ngaihna ka hrelo hle a, duh ve mah ila a hma a ka ngaihzawng te angin min bum leh lovang tih ka sawi thei lo.
'' I duh leh duhloh a ni mai''
'' In enkawl tha la '' ti supin a rawn kun a, ka rin loh lutuk maiin a hmui vawt thler chuan min rawn fawp a, ka hamhaih lutuk avangin ka chhang let lo.
'' Vawikhat chiah'' tiin min rawn fawp nawn leh a, a vawihnihna ah chuan ka chhang let ve a, a zei in fawh a nuam hle a, ka ngaihzawng hlui te kha tiang hi an ni ngai hauh lo.
'' Inbual fai tha la aw '' a inla hrang a, zah vangin ka sen tawn tawn a .
'' I sual emai'' ka tih chuan nui sukin min piai a, mi zai tur a neih avangin a kal a , ka hriatchian chu kha doctor kha duh a ni.
''Doctor rawn nui chhuak vur vur kha ka makpa ata ka va it ve '' ka nu leh pa an lo lut a ,
'' In ho emai, mahni inah awm vat vat ka chak tawh ania '' bill chu min su tupa khan a pe vek a , a zia hlauh e, kha doctor khan ka phone number a la bawk a, mahse a number min pe ve hauh lo .
www.storyfb.com mizo story thar englai pawhin chhiar tur a awm reng
[enge in ngaihdan, THE DOCTOR chu hei aw, comments like leh feedback kha ka beisei ve ania]