V'Ches BY Nunui Franky Hmar (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: V'Ches BY Nunui Franky Hmar (Completed)

Unread post by Ngaia » June 30th, 2019, 8:02 am

V'CHES




EPISODE 13




By: Nunui franky hmar ...





(YMA tlawmngaihna kha hre rengin , tlawmngaih chhuah in min ngaizawng mai ta che?.....nunui)






FRANKIE POV ....





"Haw pui daih rawh , a nawm loh hmel lutuk "Stalin chuan min rawn melh zawk a, mahse a ruk tak chuan ka thik in ka thinrim em em tho si .






"Awle, bawihi ka kal ange aw, my boy mum thu lo awih la aw" Ezra chu a lu a bu nghut thung .





" Khua a va han var lo tak em" tiin ka thaw hak a, a dam lo tak tak nge a ti der zawk .Mahse tu mihring in nge cancer lem chang duh ang? A hlau lo em ni?







JOYSIE POV .....






"Plan a fuh viau , mahse kha Ezra leh Stalin bialnu kha " Ka thiannu Saii chu ka bia a ,





"Tunah enge i tih a, thil te kha ei nasa lo la aw"





"Stalin nen kan awm a, mahse enge maw lei turin a chhuk lawk a" kha Frankie dawrah khan kan kal a hrep hian . Ezra tawngthei zit zet reuh lutuk .






"Okay, i nat der loh chuan a hit viau dawn lo tih hria la aw"





"Mahse Stalin hian min rinhlelh hmel thei lutuk hi, min en leh vung vung zel. A bikin kha a bialnu khan a awih lo tih a mitah a chiang reng mai." Nie a awih thlawt lo tih a mitmeng ah khan a lang reng a ni. Stalin hian an hmangaih hi a vannei takzet.. Mahse tunah chuan ka ta a ni tawh ang.. Ka ta chiah tuma ta ni tawh lovin.





"Ka rei em? " Stalin chu a rawn lut a, eitur min rawn lei chu niin. Kan inngaihzawn thin laia ka duh ang tak kha a rawn lei a.






"Aih rei love, haw nghal mai ila " Ka phone chu ka bag ah ka ak vat. Ngawi rengin kan in lam kan pan a,





"Therapy lak i duh lo hi ka hre thiam lo"




"A ngai kher hleinem ka thi tho tho dawn a" Min neih hnu ah erawh ka dam var var dawn chiang.





"Mahse joysie "




"Stalin hun reilote ka neih hi khawngaih in min hman pui hram rawh aw, reilote chiah hlim chu ka phu ve ani tiraw" Min rawn melh zawk a.





"Bialnu leh fa nei tawh ka nih hi. I hrethiam lo mi?" Ka na zawk mahse beidawn ka tum lo. Kha hmeichhia ai khan ka tha zawk daih a ni.





"Ka tihpalh" Inthla hrun hmel tak chuan ka ti a, hetia ka awm hian an buai thin tih ka hria.. A in thiamlo leh ngei dawn, a chak lohna ka hre lutuk tlat.




"Ka sawitum tak chu " A kut ka va chelh sak a,




"Awle, ka hrethiam '"





"Ka theih ang a tam i bulah ka awm ang tih ka tiam a che "




"Awle, ka lawm e" A nui suk a, min thlah thleng a, lut tur in ka sawm hram a, ka nu leh pa in tha tak in an lo dawngsawng a, kha dawt kha ka hrilh tawh tlat. An fanu duh hi an ti hlawhtling ngei ngei thin.











STALIN POV....






"I hnathawhna lam te a tluang zel maw " Joysie pa chuan min zawt a,




"Aw a pangngai fu "




"Ka han inthlak ange aw" Joysie chu a room lamah a chho a, ka en sui reng a, tlem chuan a cher ve deuh a ni.





"Joysie hi hospital tha zawk pan pui a tha lo mi? " A nu leh pa chu an in melh zawk a,




"A mah hian an damrei dawn tawh loh chhuan lam hian eng treatment mah lak a duh lova " A nu chu a khawngaih thlak hle a, Tu nu mahin an fanu cancer a thi vat tur in an duh ka ring lo.





"Anih chu, i see. Mahse beidawn phah nan in hmang thei lo" Inchung lam atangin Joysie tre ri tuar kan hria a, kan chho vat a, thisen in a luak a ni ngei ang, a lo awm tuar a, a ka a sen huam bawka.




"Keiman kan buaipui ange, lo zu chhuk ru " Room kawngkhar chu ka khar ahe, toilet chu ka flash/flask a, ti chuan Joysie chu a kam ka thuah tir a.




"Vawiin a ka thil ei kha a ni ngei ang " Frankie restaurant ah khan thil kan ei a, mahse thil hlauhawm em em engmah ei a nei lo.






"I chau lutuk ang, lo kal rawh ka mut tir ang che" Ka kuah a, nghet takin min chelh a, a khum ah hian kan lo mu dun fo tawh .





"Ka muthilh hma chuan ka bulah hian i mu ve thei angem? " Ka melh zawk a, a chauh hmel hle a, thil tha lo em em tur ah ka ngai lo bawk. A muthilh hun ah ka haw leh mai ang ka ti rilru a, nuam ti chiah lovin a sirah ka mu a, min rawn kuah nghal vat.





"Joysie hei aia thui chu ka kalpui thei lo che tih i hria " A lu a bunch nghut a,




"Ka hria e, reilote chiah, reilote chiah a ni. Kumkhua in Frankie bulah i awm tawh dawn alawm " Ka awmah a bei a, a rimtui hman ngai ala hmang reng. Ka maimitchhing a, muthilh erawh ka tum hauh lo thung.








FRANKIE POV...






"Fake a ang ka ti. A sam kha a cut lova, a tuam luk ringawt a"





"Didi, ka hre bik hleinem. Tu in nge fake duh ang cancer leh ngal " Stalin tlaia a haw hnu khan min rawn la be miah lova, a buai ka ring deuh a, mahse chanchin tal min rawn hrilh kha chu ka phut ve asin.





"Anyway, zawt chhin rawh " Stalin number chu ka hmet chhuak a, ka tin vang vang a, a in ring mek . A pick chuan ka thaw huai a,




" A muhil hrih a, nakin ah ka lo hrilh ang aw " Zawi sapin a rawn ti a, Joysie ngei ani.






"Wow, i bulah a muhil amaw" Ka thinrim ka insum thei ta lo. Ka tawng zawi lem lo bawk.




"Aw, muhil e" Tiin phone a off a, a hnu lawkah kamis kilhna hawng huau a mu Stalin thlalak chu min rawn thawn a, ka call let vat.





"Mi hur nu, ka bialpa kha a phone pe rawh"




"Maw? A muhil ka tih kha "



"Pe vat rawh. Mi bialpa lo mutpui vel kha k zak lo mi? Kawng sirah vai ani tam tam nen"




" Pe duh ta lo ila"



"Pe rawh, ka dawhtheihna fiah hauh suh. I sam kha ka pawt tril vek tak tak mai ang" Ka thinrim em vangin ka lum pup pup a.





"Hello duati " Ka uak lo chauh.



"Duati a? Heh, i va muttui awm ve a, i dam lo buaipui pawh i mut san daih a"


"Ka lo muhil daih ka... "






"I hria em? Ka fapa nena kan mit hmuh ah hian rawn lang tawh suh... I duh I thlang tawh...i bialnu hlui kha i thlang tawh.. a tawk, kan inkar a tawp tawh "





"Frankie thutawp siam ngawt suh.. I ngaih ang kha"





"I chhe heu huau e a, i lo mak hle mai. " Ka off a, ka phone ka switch off zui hmak bawk. Ka thinrim a, mahse ka tah pawh a chhuak lo.




" Awle tha lawm... Kha doctor kha, reuh hian a" Ka mu tau hmak a, tunge a tawpah nui zawk kan hria ang chu..






Tukverh ah ka dak chhuak a, John i kalna pawh a rei ve ta hle mai. Tunah te hian ka bulah la awm la chu kan hlim dun tur ania. Mahse John engmah tih theih kan nei tawh so lo. Arsi pe tuar te chuan ka thin an ti rim zual a, ter tuar a, tul lo lhtuk mai.






Tukverh ka khar a, khumah ka lawn vat a, ka rilru a awm ber chu kan fapa Stalin chiah ani. Engtin nge a awm zel tak ang?



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 8:02 am

V'CHES




EPISODE 14





By:Nunui Franky Hmar...





FRANKIE POV....






"Daddy bulah hun ka hmang duh lawm, mum weekend a nih hi " Ezra Chu dawhkan chungah a ding sang a,





"I daddy Chu a buai ka tih kha" Ka mitthla ah Joysie kha a rawn lang vat a, ni hnih a liam tawh a, a number ka block daih vangin a chungchang engmah ka hre lo. Mahse kan inah pawh a rawn kal chuang lo, a damlo buaipui kha a na ta viau a nih te pawh ka ring.




"Mum, daddy bulah "




"Ezra Malsawmhlu (a hmingpum hi ka hre tawh lo, episode hmalam ah a awm) " Ka vin ngai lo tluk a ni a, ka vin chuan a ngawi vat a, a tap dawn titih ta mai a.




"Mum, sorry daddy bulah ka awm duh lo, i bulah chiah " Ka kuah vang vang a,





"I daddy chuan dam lo enkawl tur a nei a, a hman hun ah a lo kal dawn alawm " A nui ver ver a,





"Mum, ice cream ka ei thei angem " Ka lu ka bura nghut a, fridge chu a hawng vat a.



Tukthuan kan ei kham a, vawiin chu ka awl veng veng ang ka ti rilru a, mahse Deborah fapa( heipawh a hming ka theihngilh, Tim ti mai ang) Timothy birthday a ni a, Ezra nen an inkawm ngaih bawk a, tel ngei ngei tur in min sawm si.






"Mum, enge kan present ang? " Toys store ah kan kal a, an lian deuh tawh a, educational toys lam deuh ka melh nangin ka fapa hian an thianpa duhzawng chu a thlang kual zeuh zeuh reng a,





"Heihi aw" Mercedes Benz car lem pawl duk chu kan la a, a duh ve deuh avangin a ta tur S sen ka leisak ve a.






"Mi zingah engtia awm tur nge ka tih kha(h)? "





"Fel deuh leh police deuh a awm tur" A samah ka tuai a, ka fapa duat hmeltha.





Car kan park a, an in a lian bawk a, mi an thahnem ve hle a, Deborah chuan min lo lawm vat A,




"Khawnge birthday boy Chu " Ka tih chuan a nu hnungah tum vuau hian an lo ding a,




"A thianpa hi a lo thleng har deuh a, midang a kawm duh thak lo, a hahthlak a nia, a cousin te pawh " Kan nui dun hak a, present Chu Ezra chuan a pe a, an in hrilh ru a, an kal sawn daih a.





"Chaw ei nghal ang che u, haw miah su "




"Chaw ei tur pawn kan lo kal chiah lo va" Inchhung lamah kan in zui lut a,




"A ho lutuk, kan pa thawhpui te deuh vek an nia, nang leh Nunui chiah thian ka nei. Ti daih ila Stalin nen in inkar te " Ka nui tawp riai riai a,





"Kan in be hrih lo. Damlo na tak buaipui tur kha a nei sia" Ka ti deuh kher a, a lu a nu nghut.





"Um, i mood tih off phah lo la, hetah an lo kal ve a, Dr Joysie nen khan " Chu thu ka hriat rual chuan ka na zawk a, chuti khawp chuan emni an lo that leh tawh.




"A pawi hleinem, an enjoy ve a ni mai a " Ka nui lui a, mahse thian tha chuan kan dawt sawi te an hre thei thin ani lawmni? Min en vung vung a,





"I tha miah lo tih ka hria, huizzz mi pa ngaihzawn ching ho hi " A ti hat a, Nunui chu Theodore nen an lo thleng a, a rawn meng lut raw raw a,





"Dr Cancer i chuan a sam a boys cut elaw" A rawn ti deuh lawng lawng a, awmpui pahnih te an awm ve a, a sam sei tak kha a cut tihna maw? Haw viau mah ila, Stalin hi ka hmangaih ang thi in a lo hmangaih ve A, sulhnu tamtak pawh an lo nei din ve tawh.






Thik viau mah ila en ngawt ngawt bak tih theih ka nei hrih si lo. A thi vat dawn alawm ti te in ka in hnem leh lawp lawp thin.







"Thil dang sawi ang u" Ka ti ta daih A.




Hunserh neih a hun a, duh lo viau mah ila Stalin leh Joysie chu ka hmu ta tho. Stalin bulah a ding a, a sam tawi mat chu engti emaw zawng tak chuan a inhmeh hle A, Stalin ka melh chuan kan mit A in tawng chat a, ka hawi sawn rang hle.





"My boy, " Stalin chuan Ezra a rawn pan a, Ezra chuan min rawn kuah ngal rawk rawk a, Stalin mitmeng a thinrimna leh rilru natna rawn lang chhuak chu ka hmuh hmaih hauh lo.




"Frankie ka fapa hi eng thu nge maw i hrilh hrep le? " A ti sup a, engmah ka hrilh lo. A pa hmeichhe dang bula ding, a hmeichhia in A bana kai deuh chhen a hmuh vang pawh a ni mahns. Fapa fing tak alawm kan neih.




"Daddy, tinge kha nu bulah khan i awm a? Ka mum hi i duh tawh lo mi? " Ezra ka chu ka hup vat A, kan sir A mi vel te chuan min en hrek hrek a,





"Ni lo my boy, chutiang engmah a awm lo. Mum hi daddy nen in tih thiam loh na an nei a, mahse an in hmangaih lutuk. Chuan saw saw Chu daddy thiannu ania " Tiin dr Joysie thutna Chu a kawk a,





"Daddy, i thiannu sawn nih leh tinge a kaih vel che? " Ka fapa tak hi chu aw, Ezra Chu a thianpa in a rawn koh vangin a kalsawn ta daih a, ka thaw huai mai.






"Toilet ah ka kal lawks ange " Tiin Stalin chu ka kalsan a, inchung lam toilet hmang tur in min ti a, ka chho a, rei tawk fang ka awm hnu chuan ka chhuak a, mahse kawngkhar bulah chuan Joysie Chu a lo ding a, kalpelh mai ka tum chuan na zetin ka banah a hmer a. Room kawngkhar Chu a kalh hmak a,






"Ka Stalin hi in nufa hian lo tibuai ve chhen tawh suh u" Thinrim taka a tih chuan ka nui hak, vawksa thau kha a ei ve emawni Chu aw ka ti deuh a thisen sang lutuk hi!





"Mi inngaizawng inkara lo inrawlh tu zawk in A chutiang te a min tih. Enteh, cancer lo la chu maw Stalin hi i hnaih ka phal hauh lovang "





''Kan innei dawn ti ta ila"tiin a kut aahe zungbun tle var chu min hmuh a,





"I mumang ah mi? " Thinrim zetin min rawn pan hnai a, min nam a, ka lo ding nghet lo nen table chu ka bawh thlu rawk rawk a, ka pum a rawn na zawk.





"Kan inkar ah lo inrawlh tawh suh. Thah che ka hreh hauh lo " Tiin a chhuak zui a, kawngka a kalh zui bawk. Ka pum ka dawm a, nau nei tur ang mai hian an rawn na a, ka mu tawm chial a, ka hmeichhiatna atangin a rawn lum chhuak pup pup a, ka khawih a, thisen... Lalpa enge a awmzia.






"Min puih ru " Ka pum a nat em avangin ka thlan a tla a, ka khaw hmuh a fiah lo tial tial a, engkim chu ka hmu phe ruai a.








SAITLUANGPUIA (THE DOCTOR) POV...





"Tluangpui kan nupa room-ah ka dah daih " Ka nupui Deborah chuan duhawm leh it awm tak in min melh reng a, insum a harsa thin.





Inchung lam panin ka chho a, step ka rah tirh a hmanhmawh zeta Dr Joysie rawn tlanthla chu ka tawk a, a cancer an tih tak kha. Mahse, ka nupui zia ka la a, Stalin te nupa tihbuai a tum ni hian ka hria. Ka hospital ah internship a rawn ti a, thawh zawm erawh ka rem ti lo maithei.







Kan nupa room chu pawn lam atangin a in kalh a, kan kalh ngai hauh si lova, ka hawng a, kawngkhar bula car chahbi chu ka la A, chhuah leh mai ka tum lai chuan khum sir deuh a hmeichhe let reng chu ka va hmu a, ka pan hnai vat.





"Frankie maw" A thlan in a bual a, a mu kawm chial a, thisen a chhuak bawk. Nau a chhiat ani thei mai angem? Nikhaw hre lovin a awm a, Tu emaw in he roomah hian an kalh hnan tihna a ni.






Ka pawm nawlh a, a kawrfual senno hak ah chuan thisen a kai nuai a, inhnuai lamah ka pawm thla a, min lo en thap. Stalin in min rawn hmuh chuan hlauthawng tak in min rawn pan vat a.






"My dear, lalpa leh Frankie chungah hian enge thleng " A scarf awrh chuan ka nupui chuan a thiannu chu a khuh a,





"Kan nupa roomah a lo tlu ngat a, Tu emaw in pawn lam atangin an kalh hnan bawk a ni " Pawnah ka chhuah pui a, Stalin chuan car a start vat a, a fapa leh Tim chu inah lo awm tur in ka hrilh ang.







"Frankie hian nau a pai em ni? Nau chhiat a ang riau " Ka tih chuan Stalin chuan min rawn en a, a hlauhthawn hmel hle.










STALIN POV...





"Khawnge i kal a" Ka bulah Joysie chu a rawn ding a, a dang deuh lap a, a chauh hmel hle a, boruak a zo lo deuh te pawh a ang.




"Boruak hi ka zo lo deuh a ni.. Kan haw tawh mai dawn emni? " A tih chuan ka lu ka bu nghut a, Frankie ka zawng a, ka hmu mai lo.



Car dahna kan thlen chuan ka phone ka theihngilh tih ka hrechhuak a, la turin in lamah ka let leh a, mahse inchung lamah atanga hmamhnawh taka rawn chhuk, Tluangpuia pawm, thisen kai hnuang ka hmuh chuan ka lungphu te hi a ri dawt dawt a,





"I bialnu hi nikhaw hre lo in alo tlu reng a, thisen a chhuak nasa phian a, bakah pawn lam atangin kan nupa room-ah kalh hnan a ni " Ka hmeichhe hmangaih nikhaw hre lo, da var pup mai ka en reng lai chuan ka ngaihtuahna ah thil pakhat a rawn lang zawk a, nau a pai em ni tih hi.







Hospital kawng chu thui ka ti hle a, ka zinkawng zawh tawh ah chuan darkar chanve rei ber a ni. Car seat hnungah ka nupui ni mai tur, ka hmeichhe hmangaih thi chhawng in a mu mek si a.






"Nau a pai emni " Chu zawhna chu Tluangpuia chu ka melh zawk a.






"A pai thu min hrilh miah lo. A pai dawn em ni? " Nie sex kan hman khan in danna kan hmang ngai hauh lo, hman tul ah ka hre lo bawk.





Hospital kan thleng a, emergency ward ah ka pawm lut vat A,





"Stalin i chi ai hrih lutuk tlat. Pawnah lo va awm hrih rawh " Tluangpuia chuan a ti a, nie ICU kawtah ka awm a, reilote ah a thiante, a nu leh pa an rawn thleng a.






Darkar chanve hnu ah doctor an rawn chhuak a, Tluangpuia hmel ka hmuh chuan hlauhthawnna in ka khat am,.






"Tluangpui, Frankie chu a tha em? " Deborah chuan a zawt a, Ezra chuan min rawn ban a, ka pawm nawlh a.





Min en kual hlawm a, a thaw hak a, hnuailam a melh a,





"Naute kan chhan hman lo a ni.. Thla khat leh kar hnih mi a chhiat a ni " Ka tha a zawi hnawk a, ka fa a pai a, mahse a chhiat a maw? A hre reng em, nge keimah ang bawkin engmah a hre lo ve tho.






"Stalin biak lawk che ka duh " Ka fapa hrilh hai tak chu ka puzawn in a pawm a, coridoor reh laiah chuan kan in zui phei a. Ka thiamloh vek a ni.






"Frankie hian nau a pai thei tawh dawn lo a ni "




"Enge i sawi awmzia "




"A tluk dan hi A mak hle a, a mah a tlu a ang lo bawk, dawhkan kil ah khan a in sawh a, a chi kawng engtin emaw a sawh tel a ni ngei ang, chu chuan a ti chhia a, nau pai leh theihna chance a hniam hle a ni " Lei ah chuan ka thu hnawk a,





"Nau a pai tih A hre lo a ni ngei ang " Ka ti sup a, keimah leh keimah ka in bia te pawh a ang hle a.





"Room kawngkhar pawnah kalh hnan ani tih ka sawi leh hram ang. Accident mai mai a ni lo tih ka chiang "






"Tu tih nge ni thei ang " A lu a thing a,




"Pa chiahin a hria" Tiin ka darah a beng a, a kalsawn zui ngal a.





Frankie, ka duati awmna lam chu ka pan a, ka hmu ngam tawh dawn em ni he thil hi ka hre lo... A thleng dawn tih hria ila chu a bulah ka awm reng tur ania. Mahse tui baw hnu a ruh theih tawh si lo.






"Engmah a sawi duh lo. A rilru a na hle a ni " Anu chuan a ti a, khumah chuan kan fapa a mu ve a, an in kuah chial a.





"Duati" Ka aw a hriat chuan min rawn melh zawk a, a mitmeng ah chuan rilru natna nasa tak ka hmu thei a ni. A mittui a biangah a luang a, a hawi sawn daih a.





"Ka nu, kan chhungkua bak tumah hmuh ka duh lo " A tih chuan hrilh ang va hai duh em. Ka en ngawt ngawt a,.




"Doctor, ka fanu thusawi chu i hria em? Kan chhungkaw mi ni lo chu room pawnah hian khawngaih in chhuak rawh u " Apa in a ti mauh mai si, Tluangpuia chuan min kuah chhuak a, tih ber tur ka hre lo. Ka fa a awm ve tih ka hriat hma in ka chan ngawt a nia.






Duati rilru nat dan tur te ka ngaihtuah tel a, Tu pawh chu lo ni rawh se, ka fa min thah sak Tu hi dam in ka chhuah ngai lo ang.





"Stalin i tenawm hle mai maw" Ka in rin hma in Deborah chuan na zetin ka hmai ah a beng a, ka hawi sawn dawrh thei nia.






"Kha aia na khan ben hrep che ka chak. Chhe de du lutuk. Hmeichhe pakhat chiah thlang rawh, kha cancer der ni lo kha, i mit kha meng zau rawh, meng pawp rawh aw na lovang. Tu cancer in nge treatment la duh lovang. A sam a tawi a, a cher vang khan a cancer tihna a ni kher lo. A proof na i nei emni? Nunui pawh a sam A tawi a, a cher a, a cancer bik emni? " Thinrim zetin an thian dun chuan cabin lamah an let a,




Ka office ka pan a, ka kekawr ipte a ka ah ka phone chu a nghawr dar dar a, ka phawrh a, Joysie.





Pick lovin ka reject a, ka off hmak a, ka duh ka thlang sual leh ta. Eng hremna nge ka hmuh hi?





Duati hmu turin a vawihnih nan ka let leh a, a nu leh pa an awm a, Ezra pawha muhil bam a, a nu bulah.





"Lo lut suh " Apa chuan a ti hmuk a, mahse ka lut lui ta tho.





"Ka pu, in fanu hi ka fapa nu leh ka fa lo piang lo nu a ni tih min hriat pui ka ring e "




"Ezra pu, hetah chuan in hnial buai lovang u khai, Duati hi hahdam hrih rawh se " A nu chuan a ti a, a mizia ka duh lai tak Frankie'n a chhun na lai chu a ni. Mi hriatthiamna a ngah na lai tak hi.




"Kan fanu vang chiah in ka ngawi ang " Duati chu ka pan hnai a, a dang lep a, thisen a neih loh hmel hle a, damdawiin kawr var a hak te chuan a ti dam loh hmel zual em em a.





" Ka tihpalh lutuk min ngaidam rawh " A kut vawt thler chu ka chelh sak a,.





"I bulah awm reng tur ka nia sin " A chalah ka fawh sak zauh a, hreh takin ka chhuahsan a,





Ka lam panin nurse hmanhmawh taka lo tlan chu ding meuhin ka en a,.





"Doctor i phone i la thei lo va, Dr Joysie kha an toilet ah a ban a zai a, thisen a chhuak nasa lutuk a, tunah an inah an awm, hrilh tur che in min hrilh ang" Hrep hian, buaina dang leh bawk maw?





"Joysie nge Frankie " Tu zawk nge ka thlan tak ang?





A thui deuh tiru?

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/







.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 8:02 am

V'CHES EPISODE 15




By:Nunui franky hmar






(Jo) (Jo) (Jo) (Jo)



FRANKIE POV...



"Ka naute ilo awm ve tih ka hriat meuh chuan hmun hla tak ah min kalsan tawh si " Ka pum chu ka dawm a, rilru chhe tak ka pu mek a ni. Kha Joysie vang kha ni lo se chu naute hi ka chan hauh lo tur.




Ka tap a, tah in awmzia a nei si lo. Ka fapa Ezra in min en chuan ka dam sawng sawng a, ka neih zawng zawng, ka engkim a ni... Kum 6 mi lek mah nise min duat em em a, a danglam bik tlat.






"Te amo mum " Ka nui suk a, ka sirah a rawn in thawlh sat sat a, a lu ah ka tuai a,




"My boy, school kal I ngai a nia " Ka tih chuan min kuah a, min tih nat hlau tak siin.




"Mum, I dam hunah " Ka mittui tla tur ka khap let sak sak a, John ka mitthla ah a lo lang a, a taksa lian tak, min kuah lum hlu hlu thin Tu kha ka ngai takzet a ni.






"Nu awm reng ka duh lo, haw ka duh " He hospital ah hian ke pen luh leh ka duh tawh lo. Ka naute lo la piang lo min laksaktu te awmna hi.





Ka pa in bill pek a tum chuan Stalin in a lo pek fel vek thu an sawi a, ka thinrim phat a,





"Kutdawh kan ni hauh lo, ka pa pe tho rawh. Donation camp ah kan awm lo " Tiin ka pa chu ka pek luih tir a, dam lo ho te, duty te, doctor leh nurse ho chuan min en thap a, mahse ka ngai pawimawh lo. He hmun hi chhuahsan vat ka duh a ni.






Khum ka thawh san loh na pawh karkhat a tling ta, ka taksa a tha sawt lo hle nie, nu in a fa lo piang tur chu a chan a, chutah a pasal tura a rin ngaihzawng hlui vangin a pai thei tawh dawn lo bawk a, ka na nawn awn awn mai a ni.





Sunday zing a ni a, ka tho chhuak ve peih tawh a, ka nu leh pa leh Ezra, Didi an inkhawm vek a, in ka lo nghak a, tual zawlah chuan eng ti em em lovin ka thu a, gate atanga police officer rawn lut chu ka hmu hauh lo.




"Ka pi thil... " A aw thum dut vang chuan ka phu zuk a, ka chair thutna atangin ka tla thla chiang hle a, min rawn kai tho vat a, a taksa lian leh tihrawl lian tak te, a mitmeng rum lam lek lek leh a nuih zawng a biang sum khuar kalh te, a hmuihmul tam lo te, a khabe hmul zuah mawi tak. Engkim chu minute 1 ral hmain ka lo en kim vek hman a.







"Ka tihpalh, ka koh che i hre thei lo va " Inthiam lo tak in a ti a, ka lu ka bu nghut a, sunday a police officer form ha rawn lut ngawt hi ka hrethiam lo..





"Enge nita ka pu, lo thu ta che " Tiin chair chu ka kawh hmuh a, chair atanga ka tlak na chu ka ke a na deuh.






"Ka hming chu Inspector Vanlalruatdika a nia " A kut zum sang, a ban bul lian leh sek tha tak chu ka melh chho a,




"Frankie " Ka ti sap a, a lu a bu nghat.






"Eng lo ania, i pa be turin ka rawn kal a, a inkhawm a nih ka ring A" A hawi kual a, min rawn melh leh zawk a, ka lu ka lo bu nghut thung.




"I see, a nih chuan lo nghak ila ka tibuai lovang che tiraw? "





"Tibuai hauh love " Lehkhabu chu ka khup a,





"Inchhungah thu lut ila thingpui kan lum anga " Police A nih vangin a hlauhawm lo turah ka ngai ngawt a.





"I phal phawt te chuan le " A nui suk a, a nuih zawng a a biang sum lang kalh chuan in a ti pa zual em em a, a taksa lian leh in phut mawi tak te, a mitmeng rum ul te chuan ka hmul thi a ti ding sung sung thei. Mihring a ni lovang tih te pawh ka hlau a ni.








"In in nei nuam hle mai "


"Chutia mi? " Ka ding a, choka lam ka pan lai chuan kawngka an lo kik a, inkhawm reh lai laiin tunge mawni?





"Hmuh che ka duh lo " Kawngkhar chu khar ka tum a, Stalin chu a rawn lut zui nghal a, ka banah a chelh a, ka tre that.





"Min thlah rawh misualpa, ka haw lutuk che kalbo rawh " Ka ti tuar tuar a, awmzia a awm hauh lo.





"In sawifiahna hun min pe dawn lo ami? "





"I cancer enkawl lai chu a thi ta em? Nge a la dam? " Mak ti zetin min en a, tawngkam mawi ka fa that Tu chungah hman ka tum hauh lo.






"Duati i ti mah mah lo maw? " Zal tak in ka nui a,





"Hah, i tan leh si a maw? "





"Frankie i tha em? " Ka bulah Ruatdika chu a lo thleng chawpchilh nghal a,





"Tunge hepa hi " Stalin chuan rum tak in A melh a, chutiang bawkin Ruatdika pawhin. World War 3 a chhuah loh hram ka beisei.




"Stalin mamawh i ni lo, dam lo na tak enkawl tur i neih kha, eng dawt dang leh nge a fah che ka hre lo "





"Hepa hian ka nupui tur bulah enge a tih ka hriat hma chu ka kalsawn dawn reng reng lo "




"Anih chuan i din ngai khan ding reng la ti nia, kan thingpui in lai te min lo en dawn nia, hrilh che ka tum hauh lo. Lo kal rawh Ruatdik, choka lamah " Stalin thin chu nasa takin ka ti rim ani tih ka hria mahse ka na lutuk tlat, min dem thei bik lovang.






"Joysie hi a ni em kan fa lo piang tur that tu chu " Ka ke pen ka tawp chat A, ka ding khur dar dar a, ka hma ah Stalin chu a rawn ding a,




"I fa a ni ve lo, Ezra hi keima fa chauh a nih ang bawkin naute boral ta pawh kha keima fa chauh... Pa an mamawh laiin an pa khan a bialnu hlui dam lo kha a buaipui tlat a " Ka nui hak a, Stalin ka hmangaih thin na kha huatna in A thlak ta vek hi mak ka ti, mahse tihtheih ka nei lo.





"Lo va chhuak phawt ta che " Ruatdika chuan a ti sup a, an palian dun si a, an hlauhawm hle a, mahse ka ding ngawi reng thung.





"Chhuak zawk rawh, tunge maw i nih le? Tiin Stalin chuan a hnek a, ka tre that, kan inchhungah chupawh sunday ah lehnghal insual ka phal hauh lo.





"Duhtawk rawh u " Ka thusawi chu an ngai pawimawh lo hle a, tih ngaihna ka hre lo choka ah lutin tui ka dawh khah sa chu ka chawi a, mipa lian tak tak pahnih te chu ka theh thawt a, Ruatdika a au that a, Stalin a rum nghut bawk.




"Naupang chhia in ni emni, sunday tukah lehnghal " Ka thinrim hle, an inthlah a, an meng no lo hle bawk.





"Ka man thei che zawnga " Stalin chu a nui hak a,




"I hna hi i chan khawp ang " Lalpa an duhtawk dawn lo.





"A tawk, chhuak rawh u. Chhuak vang vang rawh u, pawnah sawn in duhleh va insual leh ula in duh leh va in that law law ru, inchhungah chuan ni lo " Min en dun reng a, min ti chau zo takzet. Leiah chuan ka thu hnawk a, Stalin ke che hrut chu ka hmuh hmaih lo.




A phone ri chu a melh zawk a, min rawn en leh a, Joysie bak ah ni leh tawp nang.






"Ka rawn kal nghal " Ka tih reng kha maw, kei aiin a ngai pawimawh zawk tih ka hria alawm. Ani a hmangaih ang khan min hmangaih ve reng reng lo.






"Duati zanah ka lo kal leh ang " A pen chhuak nghal a, a chhuah rual rual chuan ka tap zui haw hawm a, Ruatdika a awm ve tih reng ka hre toh lo. Min rawn kuah a, ka awm ngaiin ka awm tawp. Vanduai tur bik reng hian an pian theih a nih hi.







STALIN POV...




"Frankie nge Joysie ka thlan ang " Ka ngaihtuah nasat a ngai lo. Ka duati ka dah pawimawh hmasa ber tawh ang.





Joysie in zai thu ka hriat pawh chuan ka pan lova, ka duati rilru tih nat belh ka duh tawh lo. Min hmu duh lova, ka fapa lah hmuh an phal tawh lova, biak takngial pawh. Ka doctor thian tr chu ka Duati lam tang vek an nih avang pawhin ka mal hle. Ka thiam loh leh ka thil tih dik loh hi engtin nge ka siamthat leh theih ang ka hre lo a ni.





Karkhat rei ber A ni. Sunday zing a ni a, ka inkhawm lo, Pathian a awm chu ka ring ngei, mahse mi hausa te leh a thu awih tute bak ah chhang ngai lo, ka tawngtai na te kha a chhang si lo.







Ka insiam a, Duati a inkhawm dawn lo tih hre chungin an in lam ka pan a, min hmu duh dawn lo tih hre chungin an kawtah ka car ka dah a, bullet dum lo ding ve chu tu ta nge ka hre hauh lo. Mahse ka ngaih a tha lo nghal hle a.





Icompound ah ka lut a, a reh hle a, kawngka ka kik A, reilote ah Duati chuan a rawn hawng a, a mitmeng chu, hrep hian.






Xxxxxxxxxxxx





Emergency hospital lamah a awm vangin min rawn ko a, ka kal vat angai, mahse ka thinrim chhan erawh kha officer kha ka nupui tur bula a lo awm vangin. Enge ka tih theih chiah hi lo en rawh se.





"Ka chhuah pah chuan a bullet ka car hma A mi chu ka pet pawp a, ka nam thluk nghal loh.





Hospital ka thleng a, emergency roomah ka lut zui nghal a, accident thisen chhuak nasa tak a awm a, kan chhan hman ta lo reng bawk a.



Anih na ah tak chuan hospital an rawn thlen hma khan and mar hmuh tur a awm tawh miah lo a ni.






"Kan chhan hman lo a ni, a pawi khawp mai " Tih bak sawi theih ka nei lo.








FRANKIE POV...






Stalin a haw a, Ruatdika chuan ka roomah min pawm lut a, ka hmelhriat a ni lova, ka vawikhat hmuhna a ni, mahse ka ngainat ngawt na chhan ka hre lo.




"Ka lawm e " Ka ti sap a, min en vung vung a,





"John-a nau ka nia" A tih chuan ka meng kawk a,




"I bialpa boral ta John-a nau ka ni. Unau a nei tih a hrilh che ka ring lo. Amah chiah kha emaw fa ka nu leh pa in an neih an ti fo, mahse keihi a unaupa ka ni, Vanlalruatdika"






"Kan chungchang engkim i hre vek tihna emni? " Ka tih chuan a lu a bu nghut a,




"Ka u khan and hmangaih zia che a sawi fo a, ninawm khawpin i thlalak min rawn hmuh thin " A nui suk a, a hmel te, hre ngai miah si lova ka lo nel ve ngawt chhan te hi John a nau alo nih reng vang a ni ngei ang.





"Enge i rawn tih dawn? " Ka ti tha leh a. Min en vung vung a,




"I pa thil pawimawh takah biak ka duh ka tih tawh kha " A tih chuan ka lu ka bu nghut a, tun hnaia thilthleng zo zai hi ka hrethiam lo.





To be dont....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 8:03 am

V'CHES

EPISODE 16



By:nunuifrankyhmar




FRANKIE POV...




"John kha chu a fel asin " Ka ti sap a, ka mitthla ah a mitmeng nelawm lo tak te, a hmui chhah tap leh a a engkim kha, min duat thei em em tu kha ka mitthla ah a lo lang uar uar a, ka ngai thar takzet a ni





Ka nu leh pa an lo bang a, John chu room atangin a chhuak a, John-a nau Ruatdika ka tih na anih chu. Ka nu khan ka mitmeng atangin thil dik lo a awm ani tih a hrethiam tih ka hria, mahse engmah sawi lo in mahni a awm ka duh thu ka sawi vangin min chhuahsan ta a nih kha.







Ka lo muhil daih a niang, ka harh leh chuan khua a lo thim ruih tawh a, ka riltam ang reng lehnghal a.




Inhnuai ah ka chhuk a, Ezra chuan TV a pu nen an lo en a, khawnge ka nu hi.



"Mum, i mu tha em? " Ezra in min hmuh rual chuan a lo ti a, nui sukin ka lu ka nu nghut a.




"Pa, khawnge ka nu hi " Ka pa chuan choka lam chu a kawk a , ka nu tel lo chuan in hi a nuam lo.





Hun a kal ve leh hret hret ta, ka duh loh deuh erawh Stalin a rawn lang ngun lutuk hi. Ezra hmuh chhuanlam in a rawn kal fo a, ka nu chuan kei ang tho in a be mang lo, mahse ka pa erawh mi puitling tih takah puitling tak in a lo bia a, i fapa pa alawm, i haw hlen thei chuang lovang a ti nih kha.






Ka fa, ka pum chhungah a awm tih pawh ka hriat miah loh khan in min kalsan a, nu tan chuan a nat dan tur zia in hrethiam pha lovang.





In lama awm ngawt ngawt lovin dawr lamah ka inti buai lui a, customer an tam a, ka buai deuh chang hian ngaihtuah ngut ngut ka nei lo va, a zia deuh a ni.





"Chawngthu Restaurant a ni em? " Teh hmuk chuan a, reservation ti duh a ni ngei ang. A tawng a bul teh hmuk lutuk a




"Aw nie, enge puih theihna che kan nei em? "




"VIP room pakhat book ka duh " Ole




"Awle, engtik hun ami tur nge? Chuan mi engzah nge in nih anga, Tu hmingin nge reservation ka siam ang? "




"John, John Vanlalruatdika, chuan mi pahnih kan ni ang, tlai dar 4 bawr velah " Ka chhan let hma hma chuan a dah daih a, a takah hmuh ka chak loh zawng tak a ni. Chu bakah a palen hmel em em si a. A bialnu emaw a nupui nih a hreawm reuh ngawt ang. Ka ngaihtuahna avang chuan ka nui suk a.








"Kha, va nui nasa vur vur ve " Ka phu zuk a, ka thutna atangin ka tla lo chauh.




"Min ti phu lawm, in bang tawh ami? " Ruatdika nen kan inbe ta zeuh zeuh a, mahse a u John a ka en ang kha chuan ka en thei lo va, thian nang bakin ka en lo a ni. Bakah ngaihzawng duhawm zet a nei.





"Yup, dar 3 a rik tawh hi" A sana chu min hmuh a, thil ka la ei miah lo tih ka hrechhuak a, ka pum a rawn ri ruk ruk nghal bawk. Ava hit love ae.





"Lo kal rawh, ka treat ang che, i restaurant mah nise" Tiin ka kutah a chelh a, ka nui hak. Mi hi an hmel atang hian judge mai mai tur a ni lo tih hi. Vur anga vawh hmel tak pawh hi an chhungril kha a lo tuiral ve thei reng a ni tih ka hrechhuak thar a.





"Enge kan ei ang " Menu chu a bih a,



"Eng lo, steam momo ka lo ei ang aw, chuan nang " Ka va melh zawk a, ani erawh kawngkhar lama palian zet leh nula nge nu te lampang chal sam rual hmek maiin a rawn zui luh det det chu a lo en reng a, a ngo reuh hrep lehnghal a.





"Keipawh steam momo chuan, beef roll nen " Waiter chu lu bu nghutin a kalsawn a.


"I hriat zawng a mi? " Tiin ka zawt a,





"John Vlruatdika nih saw, i hre lehpek nange" Nuihzat hmel takin min en a, ka hria e, reservation rawn ti tu kha.




"Hria e, reservation a rawn tia, nelawm loh reuh e" Ka tih chuan a nui hak a,




"Ania lawm. Mahse kawm an nuam awm, an rilru a tha a" Ka lu ka bura nghut a, inchung lamah VIP room a awm avangin an chhoh ngei a ngai a, mi rawn kalpelh a ngai bawk. Min rawn kalpelh dawn chuan Ruatdika chuan a lo bia a.





"Bhai chu, kha va thing tha ve " John A tih chuan a ti a, secondhand ka ni tawp si lo. A bula nula hmeltha zet a sam hmawr var 😁 tunlai ve hmel tak chua nui a, a nuih zawngin a brace senno vuah chu a rawn lang that A, duhawm reuh lutuk. A ngo si a, a inhmeh hle a, Nunui te pawh min ti hrechhuak e a.





"Nope, kan nu ni lo, heihi John big bro ex kha" Ruatdika chu ka melh hrawk a, an nui hak a.




A hmeichhe hruai chuan John tih pa chu a hnungah a kheuh zauh a, John chu harhchhuak thut ni awm hian an rawn hawi a,




"Ka boss hi kan hrai puar vat ange, chuti lo chu zan lamah.... " Kan nui ho dar dar a, rin ai tak chuan a lo tawng duh ve phian a.






"John kha i hre lo maw? " Tinge celeb emawni? Ka hre bik hauh hleinem.





"Tikhan ka hre chiah " Ka nui suk a.





"A bialnu kha kum 19 nih kha " A la naupan hmel kha ka ti reng a ni. Mahse love is blind an tih kha, kum naupang chhe zawk zawk a ni tawh chuang lo va, a bialpa kha kum 30 ral kai tawh pawh ni mahse...





" Chuan engtin nge Ezra pa nen hian " Ka topic duh lo ber a rawn thur chhuak nalh e.





" Ka hre lo le, hmuh ka peih hlawl lo a ni " Ka lu ka bu nghut a,




"Tha lawm... Mahse Ezra pa nia, i hmangaih tih pawh ka hria.. Hmangaihna chuan engkim a ti thei an tih kha, tlang hial pawh a sawn thei " Ka melh zawk a,




" Chu tlang chu a lu chungah thlak ka chak mange "





Ruatdika a haw a, a haw hnu chuan counter ha ka thu a, pawisa vel ka rem fel lai chuan John te pahnih kha an lo chhuak a, John chu a nui suk a, a bula nula en chung chuan, a bialnu erawh a pum a dawm a, thil thak a ei emawni?





"I tha maw? " Ka ti sup a, a lu a thing a, a bialpa chu a en chho ha a,




"Ka puar ka tih hnu pawn min ei luih tir zel alawm mawle, a pumpui tiat ka nei ve si lova " John chu anui hak a, keipawh ka nui suk.





"I ei that loh chuan fa kan nei lawk thei nang. Fa ta deuh neih kha i duh sia" Ka chil ka lo hak pek. Mi inngaizawng thusawi ka ngaihthlak mai mai vangin. A hmeichhia zawk chu zah vang nge a sen tan tan a, duhawm reuh phian a.









Ban hun aia tlaiah kan bang a, vawiin chu customer an tam deuh a tin ni . Dawr sirah car ka park a, chu lam chu ka pan a, ka hma ah tunge ding ka hmuh loh vangin ka su ta chawrh a, ka rak ta that. Hrep hian.






" Duati min ngaihtuah chu ka ring chiah si lova, tunge i ngaihtuah veng veng a? " Stalin chu nui suk hian ka hma ah a ding a,





" Ka hmu duh lo che ka tih kha" A thaw ri hrawih a, a mitmeng ah chuan nelawm na pakhatmah hmuh tur a awm leh tawh lo. Ka hlau deuh lek lek ani.





" Chahbi " Tiin ka kut atangin a la a, ka car chu a hawng a, a driver seat ah a thu deuh hmak a, zak lo reuh lutuk mai.





" Khua a thim tep, lo lut vat rawh " Ka chuan luh hma chu a awm ve reng dawn tih ka hria, hreh ru tak in a sirah chuan ka thu a, khawilam nge min pan pui tih chu ka hrechiang hle. A in lamah a ni.





" Enge i inah tihtur ka neih? " Min rawn melh zawk a, traffic jam nasa lutuk pawh a reh tan tawh ang.




" Thil tamtak sawi dun tur kan nei a ni. Tamtak mai. " Ka ngawi reng a. Mission veng kan thleng a, a in compound ah a tlan lut a, ka chhuk duh lawk lo zawk dawn emawni?



" Enge i sawi tur chu sawi vat la, ka fapa in in lamah min nghak reng tawh ania" Light a on a, a inchhung chu a hma ang bawkin a fel fai em em a, a mah ang maiin. A biang ki a lang deuh a, a cher deuh emawni? Tinge ka lo buaipui ve ngawt?






" Intur emaw eitur i duh em? " Ka lu ka thing vat a.





" Sawi la " Ka bulah a rawn thu a, ka lo tawlh sawn vat.





" Bul kan tan tha leh ang. I duh emaw duh lo emaw" Ka ding a, chhuah zui nghal mai ka tum chu hnunglam atangin min kuah a,




"Aih, ka duh lo"





" Ni lo duati, kan tan tha leh khawp ang " Nghet takin min kuah a, tal chhuah ngaihna a vang hle a,




" Joysie a third wheel dawn nge keimah bawk ka third wheel leh ang "





" Ka tihpalh, dawt sawi hrat tak a ni " Min thlah a, a hmel en tur in ka in her a,




" Hmangaihna leh duhna chuan dawt nasa tak min sawi tir thin alawm "





" A limit erawh a awm ve " Eng ti tur in nge min rawn hmuh ka hre lo. Ka rilru hi tina leh tur bawk in emni a rawn in lan leh? Bum ka awlsam viau emni? Hmeltha mawli bawk kha ka ni leh ta emni? Tha mawli kha?







" Ka tihpalh, ka tihpalh takzet kha nu kha hnaih lo tur ka ni asin mahse cancer hmangin dawt a sawi duh ka ring bik lo atin ni"




"Tunah engkim a chhiat vek hnu ah i hrechuak ta a, chuan engtin nge ni zel ang? Ka naute kha a lo kir leh dawn emni? I bialnu hlui in ka naute min thah sak kha, nang leh kei hian bul kan tan that leh avangin a rawn kir leh dawn em? Ka pum ah hian an rawn lut leh dawn ami? " Ka sawi zawng chuan ka mittui atla zawih zawih a.






" Engkim ka siam tha leh vek ang" A tih chuan awihlo zetin ka nui hak a.





"Wow, ka pum chhungah hian naute a awm thei tawh lo tih hre reng in naute thun luh leh i tum chu a ni em lovang chu tiraw? " A mitmengah chuan in natna, inthiamlohna tamtak ka hmu mahse ka mamawh lai leh ka bulah a awm ka rin lai khan in Joysie cancer der bula awm kha a thlang tlat a ni. Chu vang chuan ka ngaidam mai thei hrih lo a ni
.







" Ka chahbi haw ka duh " Engmah a sawi zui lo. Kawngkhar a ka chhuak chu min en zui reng tih ka hria, mahse awmzia a awm lo . Carah ka luh rual chuan ka thaw hak a, tichuan ka in khalh chhuak a.









5 YEARS LATER...






"Ezra, i thianpa a lo kal ania rawn thlah tur che in " Ka fapa kum 12 mi thawh hre lo tak chu vawi engzah nge ka kaihthawh tawh ka hre lo.





Kum 5 chuang zet hmun dangah kan awm a, Ezra pawh ka bulah a awm a, company pakhat ah ka thawk a, hlawh pawh atha hle a. Mahse ka pa in upat lam a hnaih tawh bakah Ezra a ngaih em vangin Mizoram lamah let kan tum ta a. An ngaihawm hlawm dawn takzet a ni.





"Mummy, zing dar 8 chiah lawm, nizanah dar 2 velah kan mut kha " Min chen lek lek tawh ang, a thang duh leh lutuk a, ka biangah a fawp zauh a, choka ah ka luh san a.







"Engtikah nge kan chhuah ang "




"Dar 11 flight nia, i pi leh pu pawn an ngai tawh lutuk che " Kan in pack zo a, dar 10 a pel hret a, chhuah mai bak tihtur a awm tawh lo.




"Mummy, ka pa ka hmu angem? " Ka ke pen A tawp chat A, ka fapa mitmeng fiah leh fing tak chu ka en A, min en ve reng.




"I pa chu i hmuh duheh duhloh i thu a ni " A lu bu nghut a,




"Mommy, zantin amah vanga i tah na thlen tu hi pa ti a koh pawh ka duh hleinem. Nang ka neih che chuan a tawk " Ka kuah vang vang S,





"Ka thilthlawnpek hlu ber i ni ka fapa " A nui suk a, a nuih zawnga a biang sum lang kalh chuan a ti duhawm in a ti hmeltha zual hle a.






"Mommy, i sam hi mizoram ah cut daih rawh aw sei tawh emai" Ka lu ka bu nghat a.





TUIKUAL, AIZAWL MIZORAM..






In kan thleng a, kan chhungte ho an lo awm nual bawk a, ka nu leh pa leh didi chu ka ngai zual bik em em a.





"Mommy, kan inbe lawk thei em? " Ezra chuan inchung atangin min rawn ko a, kum 5 aia rei deuhthaw vai leh khasi ho awmna ah mizo mumal awm vak loh na ah kan awm a, mizo tawngin ka be reng nangin mizo thian a neih meuh loh vangin a thian kawmte tawngkam leh chetzia tamtak a la a.





"Enge ni ka duat? " Khumah a thu a, a room chu an lo tifai in an lo chei tha a,




" Mommy, eng schoolah nge ka kal ang? Mizo thian neih chu ka duh vak lo e, an tawngthei si a, mahse ka thian hlui Tim khan min la hria angem? " Nie Timothy, Deborah fapa kha. Kum 5 chhung kan reh bo ta hmak a nih kha.






Ka number ka thlak a, tuma number ka nei lo, tumahin an nei hek lo. Ka nu leh pa number chiah ka nei a, midang ho biak pawh kha ka tum lo.






"La hria ang, tlaiah kan leng dawn nia, i duh em? " Phur zetin a nui a, ka fapa hian min chhanchhuak leh a, dam chhan min pe leh a ni.







Didi chuan thil min chah hnem bawk a, a nui ver ver reng a, zawhna zawh ka chak si, mahse a chhanna ka hriat ngam si loh a awm a, chu chu ka rilru ah ka vei ngut ngut mai si.




"Di thil ka zawt che nga, mahse tumah hrilh suh aw" Ka bulah a rawn thu hnai a,




"Wale, i duh duh min zawt la " Ka thaw hak a, ka maimitchhing vang vang a,





"Stalin a dam em? Ngaihzawng emaw nupui a nei tawh em? " A mitah ka en ngam lo a ni.





"Aw dam e, a rawn kal zeuh zeuh thin A, a ngaih thu che u a sawi fo thin, mahse in awmna kan hrilh duh ngai lo. " Ka nui suk a, hmuh hlau takin.




"Mahse... " Ka thin A rawn phu dut dut a,




"Enge mahse chu " Min rawn vuan a,






"I nat phah leh ang tih ka hlau a ni " Ka lu ka thing s, tinge ka nat ang? Na leh chuang tur ka awm em ni?




"Nupui a nei dawn " Ka nui lai chu ka tawp chat A, toilet ah tlan luh A tah vak vak chiah ka rilru ah a awm.




"Wow, van tha ve, tunge a neih dawn a? " Ka kut khing khat chuan bedsheet ka hum ngawt ngawt a.






"Ka hre chiah lo. An in zui ve nasa antia... A rai aniang hmeichhia kha. Hetah pawh A rawn kal tawh ngai lo " Ka nui suk a, hmalam a pan ta tak tak bik mae? Mahse kei ve hi tinge haw viau mah ila zantin ka suangtuah a, ka ngaih em em mai le?





Tunge a nupui tur chu ni ta ang?





STALIN POV...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 8:03 am

V'CHES



EPISODE 17





By: Nunui Franky Hmar





"Tunge a nupui tur chu, a va vannei ve aw" Ka nhi lui hawk hawk a, ka chhungril erawh a khur ngawr ngawr si. Hmalam a lo pan tawh tihna a nia, nie kum 5 zet a liam tawh miau alawm.




"Raipuar kha a niang " A tih leh phei chuan ka nuih te a za hial a, raipuar😁, an lo kal thui tawh hle tihna a nih dawn chu.






"Tha lawm, hmalam pan kha " Toilet ah ka lut a, nau a pai thei bik a, a vannei ngawt mai, keichuan ka pai thei tawh hauh dawn si lo.






Ezra chu Timothy, Deborah fapa te inah ka len pui a, an ri chel chul a, Deborah chuan min hau hrep a, engmah sawi lova ka kalbo daih vang khan. Rei tak kan awm phah ta a,






"Stalin chungchang hi hriat i nei em " Ka zawhna chhan duh lo ber leh zawhna hriat duh loh ber maw?




"Didn'n nupui a neih tur vel te kha min hrilh ang, ka lawm pui khawp mai" A ner nak a, thil dik lo a awm tih ka hre thei nghal a.




"I rilru nawm nana sawi ka ni lo nangin a neih tur kha drugs addict nita in ka hria, a enkawl lai a ni awm e, se ka hre lo le, a raipuar lian tawh sia, Stalin tak phei chu ka hmu khat hle " A sawi lai chuan ka rilru ah a va duh hniam sawt ve tih a rawn lang a, mahse tihtheih ka lo nei ve hleinem.







"Nunui leh Theo kha " Ka tih chuan a lu a thing a,




"Theo nen khan an inthen na a rei tawh alawm. Tunah chuan Nunui chu MLA pakhat nen an in zui mek. Engineer a nia " Ka lu ka bu zauh ringawt. Nunui chu a thinchhia a, a puitling lo bawk a, a mah dawn thiam a, enkawl tu tur a mamawh ber a ni. Theo pawh chu.







Deborah pasal chu a rawn haw ve a, min hmu chu mak a ti ve deuh ni ngei tur a ni. Kan inbia a, eng eng emaw a sawi luam a,





" Mum, Tim hi kan inah chaw a lo ei thei angem? " Timothy leh Ezra te chu tu dang reng hi an ngai lo hle a, an pahnih chuan enge an sawi a an tih ka hre lo, an inkawm ngaih ngaiin an la in kawm ngaih reng a.





" Thei tehreng a, mahse a daddy leh mommy te hi i dil phawt angai ang chu " Ezra chuan Timothy chu kan in a chaw ei tur te chuan a han dil a. Timothy farnu pawh chuan lo kal ve a chak reuh hle A, ka nuih te pawh A za mange.







STALIN POV...







"Saii, I hman dawn tawh em? " He hmeichia hi ka hmangaih ka ti lo. Mahse ka enkawl lai, nau nei mai tur leh chhungte hnawhchhuah a ni a, naute pa in a duh lova, a hnawtchhuak a, ka inah ka chen tir ve ta a, a dam rei tawh dawn lo tih pawh ka hria.






Kum tamtak a liam ta, mahse ka Duati erawh theihngilh ni reng ka nei lo. Ka ngai ngawih ngawih a, chutiang bawkin ka fapa pawh kha. Khuannu ruat kan nih chuan kawiah emaw kan in tawh leh ngei ka beisei a ni.







"U Stalin enge i ngaihtuah vung vung a" Saii chu ka sirah a rawn thu a, a dul chu a puar lang tawh a, ka naute pawh kha a dul kiar lah ka hmu hman lo a nih kha.






"Hun kaltawh ka ngaihtuah chhuak thut alawm mawle " A nui ver ver a, eng vangin nge henu hi nupui atan ka neih ngawt dawn ka hre lo, khawngaihna vang bak a dang engamah a awm lo a ni. Hmangaihna a tel ve lo.








" Hmeichhe vannei tak a ni ngei ang " Alam ka hawi ha a,





"I ngaihtuahna leh suangtuahna zawng zawng luah khat tu hmeichhia chu. Ka dam lai ngei hian hmuh ve a, a vanneih zia hrilh nawn ka duh a ni. Nang ang mipa thinlung a luah khat bik mai hi " Sawi tur reng reng ka hre ta lo.






" Kal ila " Naute mamawh amah a lei a tum chu ka off day A ni bawk nen amah maia kaltir lovin ka kalpui a, hmeichhe tawngtam taka ni lem lova.





"He dawrah hian maw " Naute mamawh zawrh na sir lawk chu Duati, Frankie te dawr restaurant a ni a, helamah hian engtia rei nge ka kal tak loh pawh ka hre lo.





"Um, restaurant ah hian kan haw pahin kan chawl nghal thei angem? " Ka hre lo le, ka bialnu hlui te dawr ania tih mai ka duh a,




" Kan tum dawn nia " Naute mamawh zawrhna ah chuan ka zui lut a, a inthlahrung em em a, ngeiawm lamah a kal zawk. Tamtham tak kan lei a, mipa a nih a rin deuh vang nge hmeichhe thuamhaw lam a lei hnem lo hle a.







"I hah tawh em? " A thlan a tla hlap a, a bag atangin rawmawl sen duk a phawrh a, a thlan chu a hru a,





"Ka riltam tawh " Ka nui hak a, Duati te restaurant lam kan pan mek lai chuan a kawtah car sen ka hriat lar lutuk kum 5 kalta a mi chu a rawn ding a, ni hram rawh ka ti mawlh mawlh a, driver seat atang chuan ka hmeichhe hmangaih awm chhun Frankie chu a rawn chhuak a, mak ti tak in ka en reng a, min lo hmu tawh nge, ani erawh a mitmeng a buai eih lova,






Ka bula hmeichhe raipuar luah chu a sunglass bun ti hniam in a melh zawk a, min rawn melh leh zawk a, dawr chhungah chuan min hre lo ang maiin a lut a.





"A hmeltha hle mai a, lut ila" Saiin a rawn tih tak ah chuan ka harh zawk a, min hre lo der tak tak a ni. Min theihngilh in hmalam hun a pan daih tawh tihna emni?





" Ka pu dawr hi vawiin atan chuan kan khar tawh a" Kawngkhar a kan luh lai khan Frankie khan receptionist bulah khan engemaw a sawi tih ka va hmu hman a, inchung lamah a chho zui a nih kha, kan chawlh a phal lo a ni ngei ang le.






" Okay, hmun dangah kan ei mai dawn mi? "Saii chu a bunch nghut a, muangchangin ka kai chhuak a, kan kal liam hma chuan ka hawi let thuak a, step pan chhoh na sir kil a a ruka Frankie min lo thlir zui reng chu ka va hmu a, mahse a biru vat a.







Carah kan thu lut a, hmun dangah thil kan ei ta zawk a. Saii chu nitin in a chau telh telh a, naute in a tuar ve ang tih a hlau hle a, doctor thawhpui tamtak in min dem a, drugs addict mai mai kawp tiin, mahse engah mah ka ngai lem lo. An duh chu an sawi thei alawm.








FRANKIE POV...





Engah mah ngai lo anga lan ka tum nasat zia kha, a bula raipuar lah ka hmuh khan ka na leh zual a, engtik ah mah naute ka nei ve thei tawh dawn si lo.






Dawrah ka kal chu ka inchhir hle A, an hlim lai hmel hmuh ka hreh vangin dawr ka kkhar tir ta ngawt a nih kha. Kum 4 hnu ah pawh A la ngai reng a, a palian belh in ahmui hmu te a zuah tih mai loh chu. Ala pangngai vek a ni.




An chhuak lai chu ka en zui reng a, duat hmel taka Stalin in a kaih chu ka thik takzet a ni. Stalin chu a rawn hawi let zuk a, mahse min hmuh hma in ka biru vat a.




" Duh vang rengin kan piang si lo" Tih hla chu ka rilru ah a rawn lang a.




Ezra pawh a school luhna ka tifel tawh a, A thianpa Tim luhna Home Mission School ah laklawh deuhin ka admit ve a, an principal Sir Muantea leh ka pa hi an lo inhre tha hlauh a, a tihzia ngei mai.






" Mommy, ka daddy hian nupui dang anei dawn ami? Chuan nau ka nei dawn bawk a mi? " Ka fapa tui ti taka ice- cream ei chu ka melh reng a,




" Ezra, I daddy leh mommy te hi an innei thei ngai dawn lova, chu chu pawi i ti em? " A lu a thing a,





" Mommy, daddy ka duh kher lo, I hlim chuan ka hlim, bakah you know, zingah daddy nei ho chu an tho hma a, keichu weekend ah rei deuh ka mu thei a" Ka kuah vang vang a,




" Pathian thil thlawn pek liau liau i ni ka fapa"




"Mommy, tlangval ka nih hi" Ka nui suk, a naupan lai atangin piai hi a duh ngai lo reng a ni.






Zanah home work kan ti zo a, a insil fai hnu chuan ka mut tir a, kum tamtak thawnthu ka ziak ta lo. Ka dawhkan hma ah ka thu a, ka hma ah laptop ka chhawp a, ka rilru chu a chawmawl vek a,







July thla tir a ni a, ruah a sur duh em em a, zing thawh pawh a peih awm loh thin hle a, John birthday thla pawh a ni. A thlan ka tlawh miah lova, ka tlawh vat angai a ni. Hrilh tur tamtak ka nei si a.






JULY RAIN ☔ Chu chu ka rilru ah a rawn lang hmasa ber a, mahse a awmzia ka hre lo, July Rain tih ngawt mai kha a ni a, eng lampang in nge ka ziah dawn erawh ka hre lo thung.







Ka mu a, ka mutui phian a, zingah pawh Ezra zawkin min rawn kaitho a, Zemabawk ah daih an school a awm a, dar 8:30 ah an tan a, dar 8 velah a lo ber ah chhuah a ngai tihna a nih chu.





Breakfast kan ei kham a, Ezra school thar ah chuan ka thlah a, school bus a awm vangin haw lam chu kan veng thleng a rawn haw thei dawn a, hruai a ngai dawn lo tihna a nih chu.








Restaurant lamah bawk ka in khalh a, customer an tam hle a, staff ho pawh an hah cher cher hle a.





" Kan inbe thei angem? " Receptionist counter ah ka thu a, laptop ah chuan thil ka chhu mawlh mawlh a, tunge min be Tu pawh ka en hman lo.





" Aw thei e, min lo nghak lawk la" Ka ti tha ve mai a,





" Kum 5 chhung ka nghak che a, minute 2/1 lek lo nghah belh che chu ka thei lutuk ang" Ka chair thutna atang chuan ka tla thla lo chauh a, ka hma a ding chu ka melh ngawt ngawt a.





"Stalin maw? " Ka mit vai a nih ka ring A, ka khap sak sak a, mahse a tak ngei A ni, a biangsum langin a nui kalh a,




" Aw keimah Stalin, i dam tha maw Mi Amore"





" Enge hetah i rawn tih dawn? " A hnunglam chu ka bih vat a, mahse a nupui tur kha a tel ve miah lo.






" Hmu tur che in ka rawn kal, chuan i nalh zual sauh "






"Stalin a hma ang khan... "





" A hma ang khan kan awm leh ang... Ka kalbo tir tawh dawn miah lo bawk che hre reng la"





" I nupui tur kha, fa in neih tep tawh kha mawle Stalin, i bungrua ang bawkin emni min ngaih leh tak. Hmalam pan a hun tawh "




" Pan duh ta si lo in, kum 10 hmalam ah khan kir duh ta tlat ila, kan in tawn tirh, Stalin Vangchhia ni lova, Stalin V'ches ka nih lai khan " Ka lu ka thing a,






" A theih tawh loh. Kan inkar ah hian tlang lian tak a ding tawh a ni" Ka sawi rual chuan a nupui tur raipuar luah kha a rawn lang a,






" Tlang chu lawn liam theih a ni lovemni? "




"Engtik atang khan nge tawngkam hi i lo thiam tak em em Stalin? " A nui suk a,





" Writer ropui leh ril zet ngaihzawng ka neih thin vang ani ngei ang" A dar a chhin ak a, counter bulah chuan bill pe tur in an rawn kal a.





" Ka buai a, i hmuh angin titi mai mai hman ka ni tawh lo " A lu a bu nghut a,





"Awle , zanah ka rawn kal ang, kan fapa pawh hmuh ka chak takzet " Stalin hi a rui emni mahse zu far khat pawh a in ka hre si lova.






Rilru nuam lo zetin ka awm a, a nupui tur nen khan an inti thiam lo emni? Nilo engemaw an intih thiamloh ang le? An thiam a, a pum chhungah a puar pawng a lawm. Ka lo buaina tur a awm lo emai.








Zanah lehkhabu ka chhiar a,




" Tleirawl mai i la nia, i inchhir dawn lovemni? "


" Hmangaihna hian kum a thliar em ni? " Tiin ka zawt let a, ka nu chuan sawi tur reng a hre lo.


"Ka fanu i nia, i duhthlannna ka zah sak ang che. Mahse heihi hria la, hmangaihna kawng chu a tluang purh ngai lo tih hi. Kawng bu boh tak in zawh dun dawn ania"




" Hmangaihna nen bawk kan paltlang leh anga" Ka nu chuan min kuah a, ka lo ngai tawh takzet a nih hi




***** ******* *****








" Mommy, daddy a lo kal a, living room ah apu nen an inbia a, i mommy han koh rawh api in atia" Ka harh kawk a, Stalin chu a rawn kal tak tak tihna maw? Enge a rawn tih dawn.





" Mommy relax, ramhuai i hmu a ang alawm " Ka lu ka thing nawk a,





" Ka lo chhuk ang, toilet ah ka lut phawt anga aw" Ka ti sap a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 8:03 am

V' CHES EPISODE 18




By: Nunui Franky Hmar.






" Tunlai in ngaihzawnna te hi chu theihngilh la, hriat pawlh rawh tih nen hian a in ang deuh a"







FRANKIE POV....







Inhnuai ah ka chhuk a, ka nu chu choka kawngka bul atangin ngawi rengin a rawn hawi a, Stalin leh Ka pa an ti ti a, Ezra chuan TV a en thung a, khawnge didi a awm ka hre lo.




" Duati hei inleng i nei a" Ka melh zawk a,





" Ka pa sawi tur kan neih pawh ka va hre lo ve, bakah Stalin khan nupui a nei dawn a, chung vel chu mi in lo sawi a" Ka ti lui ngat a, hmuh ka chak viau hran miah lo.






" Chutiang deuh chu kan lo sawi a" An sirah chuan tui lo zetin ka thu ve a, ka peih lo hle. Mut vat kha ka duh tawh zawk daih. Bakah vawiin ah ka buai lutuk kha ka chau a ni.





" Ezra i lo lian tawh hle mai a, tlangval te pawh i ang tawh alawm" Min rawn ngheng a, Ezra chuan.





" Tinge i lo kal a" Ezra zawhna chu.





" A chhan chu nang leh i mommy hi ka ngai tawh che u A, engmah daddy hrilh lovin in kal bo daih a"






" Ka mommy nen hian kan hlim viau asin" Ezra chhan na vang chuan ka nui suk.. Pa a mamawh tih chu kei hian chiang takin ka hria, mahse a pa nen hian hlim tak leh in rem takin kan awm leh thei tawh dawn lo tih hi a hrechiang ve pawh a ni mahna.







" Duati "




"Stalin, Frankie ti a koh ka duh zawk e" Ka ti sap a, a mitmeng ah chuan natna ka hmu a ani,







STALIN POV....




A harsa tawh takzet a ni, he hmeichhe thinlung vawt tak mai rilru hneh sak hi.





Engkim ah min hnial a, a lan dan ah chuan kan bul hnai ah hian awm a duh lo a ni. Chutiang bawkin kan fapa hi ka hnaih a duh lo tih pawh ka chiang.






Ezra chu a thang tha hle A, a lian chak bawk a, anu aiin keimah min chhun nasa zawk tih ka hria, a mitmeng, chetzia leh hmui hmai, ka naupan lai ang zel a ni.







"Ka nupui neih tur chungchang kha hriat sual a awm in ka hria " Nie, Saii nen pawh khan kan sawi dun tawh a, a naute chu ka enkawl sak ngei ngei ang tiin...







" Wow 😮" Min en reng e, a mitmeng ka chhiar thiam lo a ni. Khua a va han var lo tak em







Min hlat thei ang berin a thu a, ka fapa nen chuan in ngaih tak in an thu a, an in kawm ngeih/ngaih lutuk chu ka thik a ni... Ka fapa kum 5 dang ka hmu lo leh a, alo tlangval tawh hle a.





" Saii khan ka fa a pai lo, ka enkawl lai a chhungten an hlamchhiah a nih kha, k khawngaih a, chenna in tur a neih loh vangin ka inah ka chen tir ve ta mai A nih kha " Sawi tur reng ka hre tawh lo. Awih tur nge awih lo tur pawh ka thusawi chu ka hre lo, mahse thudik ngei chu a ni si. Frankie hma ah hian engtia rei nge ka insawifiah la ngai dawn ni?






"Chuan "





"Min ring miah lo tiraw? " Ka han ti tawng a,





"Ring tur che in min duh emni? " A nui hak a.







"I thu alawm, mahse tihluih theih i nilo tih erawh ka chiang viau si a" A lu a bu nghut a,





"Stalin, ka hre lo le, kan inkar hi a tha tak tak thei lo a nih hi. Hmeichhe dang chi hrang hrang, cancer atanga naupai thlengin. A dawtah phei chuan eng ang nge lo lang leh dawn? "



FRANKIE POV...





"Nangmah, a dawtah chuan nangmah chiah i rawn lang ang, a chhan chu nangmah chiah hmangaih ka nei "A nunhlui ah chuan mipa lo kawp lawr ve tak emaw nun uluk lo tak pawh a ni maithei a, hmeichhe mi tak pawh. Mahse a hun kaltawh a ni a, tunah chuan sawi theih engmah ka nei lo va, a hun kaltawh a mi te thik thei lah ka ni hek lo.





"Hun tha khawngaih takin min pe leh dawn lo a mi, khawngaih takin? " A mitmeng ah chuan dawt pakhat mah a thusawi ah a tel lo a ni tih a chiang a, ka en rei ngam lo.





"Mahse naute ka nei thei tawh dawn lo tih pawh i hriat kha " A maimitchhing sak a, kum 5 hmalam bawk kha ka ngaihtuah let leh a.





"Kan hlim dun a, Ezra te nen kan pathum a kan hlim kha a tha ber lovemni? "






"Stalin, ka hre lo le, in ngaihtuahna hun te pawh ka mamawh ve a ni. Tunah tut tut thutlukna ka siam thei lo " Ka ngaihdan diktak ka sawi A, nie khang kum liamta pawh khan ka zing thawh hlim leh muthilh dawn apianga ka ngaihtuah chu kha Stalin kha a ni reng a, Stalin chiah kha.







"Ka lawm e, i inchhir miah lovang tih ka tiam a che "




"Mom, kan inbe thei em? " Ezra vang chuan kan nui hak a, Stalin pawh tiam in.






"Daddy neih leh ka duh mom, i phal chuan " Choka ah kan in zui lut a, ka nu a lo awm bawk a, ka nu nen kan in melh a, ka nu chuan a lu a bu nghat s,





"Daddy hi daddy tha ber A ni tih prove na hun vawikhat pe leh ang hmiang? " Ka tih chuan hlim zetin min kuah a, ka khawvel zim tak te chu a rawn par chhuak leh dawn ni hian ka hria a. Mahse ka hlim ve apiang in tahna bawkin min zui leh si thin avangin phur lutuk erawh a tha ber lova.







Stalin a haw a, Ezra mu tur chu ka mangtha a, ka insil fai hnu chuan ka roomah ka lut a, laptop ka malchungah ka pawm a, ka melh vang vang a,






"July Rain " Tih bawk chu ka mitthla ah a rawn lang leh a, bultan dan tur ka hre lo, ka rilru a rawn awm chu ka ziak chhuak tawp a, ti hian,





"June chu nise ka hre thiam, mahse tu nu leh pa in nge July tiin an fanu te hming sak sak ngai "


"Ka pian lai hian ruah a sur nasa lutuk a, July thla a ni bawk nen, ka nu in taxi ah min nei A" Ka secretary thar chu ka melh zauh a, ka nui tawp hmak bawk.



"I sam kha tih tial kher a ngai emni? " Tiin a sam hmawr ombre chu ka kawk zauh a,




"Sir, ka sam ka ombre nachhan chu miin an khawih loh nan. Ka sam hi khawih an ching lutuk a" Ka nuih a za hle. Kum 21 mi chiah a la ni zui.




"Ila virgin em? " A hmui a ti sawi nawk s,




"La virgin e, i virgin tawh lo mi? " Zawhna min zawt let nghal zat a,




"Ngaihzawng i nei em? "



"Aw nei e, zaithiam ka ngaihzawn chu BTS ho te, Justin Bieber te, Austin Mahone te, EXO te.... "





"Tawk tawh rawh, chutiang ka zawt lo che " A hmel puitling hmel viau mahse a la naupang chhia hle tih ka hre mai. Ka nui suk a,





****** ****** ******








Zing ah ka harh hma a, Didi leh ka nu rawngbawl chu ka puih a, ka phone ri chu ka fapa in min rawn pe a,





"Tunge a my boy? " A lu a thing a,





"Ka hre lo le, tunge a nih" Phone chu ka la A,




"Hello, Frankie ka nia "





"Hello, Saii ka nia, min hriat ka ring chiah lova, mahse kei chuan ka hre lutuk che a, kan in hmu thei angem reilote tal pawh? " Ka thaw hak a, Stalin in neih a tum kha a ni tih ka hrechhuak a, tinge min hmuh a duh tih ai chuan engtin nge ka number thar hi A neih tih.






Tukthuan kan ei kham a, Ezra school ah ka thlah hnu chuan restaurant lamah tlang lovin Saii hmu tur chuan ka kal a, hun a vawng dik reuh zek a, a lo awm reng tawh. A kawrfual hak chu a tawn mar tha hle A, min hmuh chuan min lo nuih a, ka nuih let ve lem lo...






"Enge min hmuh duh chhan chu "





"A takah i hmeltha hle mai " Ka ner nak a, thil peh hel kual ching deuh hi ka ngei a nia.




" I sawi tur chu "




"Ka fa lo piang tur hi khawngaih takin i fa ang chiaha min enkawl sak tur in ka ngen a che.. Keichu enkawl turin ka dam rei tawh dawn lo " Ka chair thutna atang chuan ka tla thla lo chauh a, enge a awmzia?





"I thi dawn maw? " A nui suk a,




"Drugs addict thin ka nia, mahse nau ka pai tih ka hriatchhuah atang khan ngei ka tum takzet a, Stalin hian min puih a, naute in engmah a kai loh nan leh a hrisel that nan min puih nasa hle asin. Ka unaupa ang maiin ka ngai " Eng ber nge awih tur ka hre ta lo. Ka melh ngawt ngawt a,





"Chuan " Ka han ti leh ringawt a.




"Khawngaihin nu hmangaihna dawng ve ngei turin ka duh si a " A thutak hle a, a mitmeng ah chuan dawt sawi lo tih a hriat hle A.




To be dont...





" Mipa chu intih pa chawp an ngai lo va, Pathian in a duh ang taka a siam an taksa lo tih sek vel kha bible ah hian khawiah mah a awm lo. Dul a kiar poh leh hmeichhe tan delh a nuam in a dup tha a ni mai a, six pack ruh tung nei hlawh nei leh si lo, gym tha apiang aawmna hre em em ringawt te kha, an six pack khan vanram hruai chho thei ang maw? "...... Nunui

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)