JOHNNY (M&B) By:Nunui_Franky_Hmar (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: JOHNNY (M&B) By:Nunui_Franky_Hmar (Completed)

Unread post by Ngaia » September 1st, 2019, 12:19 pm

JOHNNY





EPISODE 25






By:Nunui franky hmar




"John " Ka harh leh chuan khum dup nuam takah ka lo mu a, helai hmun rim hi ka hriat hnu a ni e.




"Khawnge ka pasal? " Hospital khumah bawk ka lo mu leh tawh a, John ka hmuh mai loh vangin ka mangang hman hle.




"Miss i pasal chu pawnah phone a hmang lawk a " Nurse chuan a ti a.





"Okay " Ka nui lui sak. Engtia rei nge ka mut ka hre li, drip khai chu a zo tawh a, ka banah venflon an vuah a, ka tho a, min hau lem lo.





Cabin balcony ah chuan min hnungchhawn zawngin John chu a ding a, pan hnai ka tum lai chuan ka ding chat a, he hmeichhe hming hian ka rilru a va ti na zing em.






"Saii, ka lo haw ah kan sawi tha dawn nia " John chuan a ti sup a, ka ngaithla reng. Heng hun chhung zawng zawng hian a lo be thin tih na emni?







"Ka fapa kha khawngaih in lo enkawl tha rawh. Ka kal ange, a nih phawt " Ka insum hman lo, Johna hnungah chuan ka sira vase intung chuan ka vaw chawrh a, a keh chuai bawk. A au that a.








"Nunu enge i hriat? " Min rawn pan hnai a, min khawih a tum chuan ka tawlh let leh dawr a, tenawm lutuk.






"John, kha nurse zah hre lo tak kha i la be reng a maw? Chutah kan fapa enkawl tur in I ti bawk amaw? A nu ka la thi em hleinem John I mak hle mai " Ka thinrim em vangin ka mittui a tla hial a.






"Rinmuanpui, conclusion siam ngawt suh. Min ngaithla phawt rawh " Nie, ka thiltih sual ani maithei, mahse ka duh kher lo. A chiang viau a ni lawm ni?






"Tawk rawh se. John, I nupui hi dam lo mah ila ka beng a chhet miah lo. Min hnaih miah suh "






"Nunu, inbeng dai teh "





"Thlawk bo rawh kha nurse nula senior zah hre lem lo, mi pawm lai pawh chhuh sak hreh lo hnenah khan. A tawk e " Ka thinrim lutuk chhan ka hre lo. Ka thusawi tawh te pawh chu ngaihtuah chiang mang lovin ka sawi.







Ka bag khum sir ami chu ka ban a, a chhungah ka phone a awm. Doctor leh nurse an rawn lut ve chiah a, mu tur in min ti a, Simon ka call a.






"Nunu hahdam rawh, I ngaihtuah ang khan engmah a awm lo. Ka biak na chhan chu! "






"John Vanlalruatdik ngawi hrih rawh. Heng vai ho hma ah hian pasal zah lo tak min nih tir suh " Ka phun sap a, i rilru a nat lutuk chuan enge i sawi i hrethiam tak tak lovang.





"Hello Nunu, i dam deuh tawh em? "





"Simon, ka ngai che, min lo hruai rawh " Ka mittui a tla ti tih a, ka bulah ka pasal ka hmangaih em em awm mahse ka thiantha ber hi tunah chuan ka mamawh zawk si.






"Hahdam rawh. Kha hmela khan engtin nge a tih che? Ka rawn thlawk thla ang bestie" John chu ka khum sirah a rawn thu a, ka hre lo der tlat thung. He mipa hi.






Doctor chu ka natna leh in enkawl dan tur te ka zawt a, doctor leh doctor in bia chu thu khel a awm lo va, tlang tak in kan sawi dun a.





"Haw ka duh. Ka hun hnuhnung lam hi ka fapa leh chhungte bulah hun hman ka duh "





"Awle doctor i ni a, i tana tha i hria e "




"Thank you Doctor " Mit ka chhing vang vang a, ka lu na reng chu a reh thei hauh lo. John chuan min en reng a, thil tamtak sawi duh a nei tih ka hria mahse, ngaihthlak sak erawh tun tum chu ka tum bo lo.






"Nunu, thil ei la" Eitur tha tha min rawn lei a, ka melh zawk duh chauh.





"Saidingi ka biak chhan chu.... "





"Kha hmeichhe hming kha i sawi leh anih chuan ka hrai hlum ngei ang che John. I nupui ka la nih hi. Ka thih hnu ah duhtawk in i sawi dawn nia "









SIMON POV... (For the first time)





Nunui min rawn hrilh chuan ka thin a ti rim hle a, vawiin ka off a, inah awm in movie ka en a, ka phone phawrh in ka doctor thian tho chu ka call a, kha mi nasa nurse te in lam pan chuan kan kal a, ka thiannu hi an ti na a, an na ve ang.







I ngaihtuah ngai em? Kum 10 aia rei i thiantha lo ni tawh chuan natna huat thla la zet a vei a, chutah a pasal in nurse lerh zet a kawp san bawk nen.







"Saidingi te in ani em? " An awmpui nge an monu nge ka hre lo. Ka care lo, a lu a bu ngat a, min luh tir a .






"Nang maw? " Nie min hre tawh. Nunui nen kan in zui nasa lutuk tlat. Ka thiana chu car ah min lo nghak turin ka ti a, a thiante ni awm tak mit hnawih dum keu kuau ho leh pian model lo ve tak tak ho chu an lo thu deuh thap a.






"Dr Simon a chu! " Ka hospital thawhna a nurse leh male nurse thenkhat pawh ka hmu e.








"Mi inngaizawng inkar kha kum tamtak liam ta khan i ti chhia a " Ring fek fawk chuan ka ti a.





"Engei rawn sawi tum? "






"Hre lo der suh... Nang vang hian tunah ka thiannu te nupa nun a buai leh tawh hmeli. Nula senior tih tak ah zah i va han hre lo em em ve " Zah hre lo tak bawkin a nui leh hak.







"Min hai aniang doctor i.... "





"Hmeli, ka hai hlawl lo che. I hmel hi a common viau a, mahse i pawt beh dan atang hian hai theih ual i ni lo " Thian te chhan pe na tak mai ka ni a, a tul na ah chuan zah ka hre lo. Rum takin ka melh a, ka sawi duh ka la sawi zo mai lo.






"Lo hre rawh, nula senior zah hre lo chin i ni tih chu ka hre tho a, mahse mahni phu tawk te te an awm ve aw. Mi pawm lai lo carolie vak suh... Ringtu hmasa zia lutuk hrep che hian... Nangmah vang hian ka thiannu a tap ngun tawh lutuk " A hlauh hmel hle a, mipa chu nise ka beng her nawk ang mawle .








"A tawp nan. Mi hlim tha hle hle lai lo tibuai tawh hauh suh ang che hmeli... I leng tar thak mai tur sin" Tiin an in chu ka chhuah san a, chhuah pah chuan an chaw ei dawhkan a an monu ni awm takin apple a vel chu ka ei hram pek a.







Tum lawk loh deuhin Bangalore lam ka pan leh vang vang. Ka mamawh laiin ka tan a awm a, a tan ka awm ve tur a ni lawm ni?







"Ka tawng na mah mah em le? " Ka lal thiana nen chuan kan nui har har a, ka thinlung ang pu mi ka chhar ta.





JOHN POV...





"Ka nu Joshua a dam deuh tawh em? " Ka nupui dam lo mek bawk, ka fapa lah a tangseh bawk. Nunui ka hrilh lo, a chhan chu a rilru tih hah belh ka duh lo. A hlauhawm loh thu an rawn sawi a, mahse ka la ngaihtuah em em tho







"Bawiha a infiam peih e, Josepha nen hei games an khel a, Nunui chu enge a an? " Cabin pawnah ka awm a , Nunui chu ka ngaihtuah a, ka maimitchhing vang vang, thil a la kawi laklawh tih ka hria, hrilhfiah ka tum a, a thinrim telh telh mai si.






Saidingliani ka biak chhan chu ka fapa enkawl tura ka duh vang a ni a, mahse ka tihsual lian tak a ni e.





"Ka nu, a mu hahdam hrih a. Rawn haw vat kan lo tum ang. Joshua kha min lo biak dawn nia, kan ngai lutuk "





"Awle bawiha, in enkawl tha ula aw" Cabin ah chuan muangchang in ka lut a, Ka nupui, khawvela ka hmeichhe hmangaih awm chhun chu a lo muhil a, a sirah thu in a sam a hmai zar tu chu ka hui kiang a, a chal ah tih harh hlau zetin ka fawp a.






"Engtik ah mah kalsan che ka tum ngai lo. Chutiang bawkin min kalsan ka phal ngai dawn lo, hre reng rawh chu chu, ka nupui duhtak" A hmui ah ka fawp leh zauh a, nizan ah ka muhil miah lo va, ka chau ve hle a, khum sira sofa ah chuan ka mu a, ka chau tawng khawng ngang aniang ka muhil zui mai a, Nunui harh hma in ka harh leh tho ang .









NUNUI POV...






"I va rawn thleng hma ve" Simon chu a rawn thleng nghal mai a, ka khum piah ah chauh hmel tak in ka pasal a mu a, haw viau mah ila, ka huatna aiin ka hmangaihna a thuk zawk daih si.





"I tan te chuan " Lehkhabu pakhat Madeleine tih hi a rawn zak zeh lut tawlh tawlh a.






"Kha chu " Min rawn pe a, a ngaihnawm hmel zek lehnghal a. Ka sirah a rawn thu a, eitur tui hmel tak tak min rawn lei a, a fel thin.




"Saidingi nula senior hmai hmuar chu ka rawn trim hrep kha"





"A ngai kher hleinem. A duh ve hleuh hleuh a ka pasal hi " Ka ti sap a, a ner nak thung.




"A za*g rawo thlak e, em em ana, vai ram ah awm se tha ang" Ka nui hak a.






"Simon, i mak bawrh bawrh e " Thian nasa tak neih hi a chang chuan a nuam. Hepa rilru that dan em em hi chu.






John chu a harh a, a rawn hawi a, Simon chuan a melh rum zek a, ka nuih a za zawk .



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 1st, 2019, 12:19 pm

JOHNNY




EPISODE 26





By: Nunui franky hmar




Ig ah min lo follow ve theuh dawn nia... Nunui_franky_hmar (Mrs Nunui Johnny)




(Hmangaih na dik leh rinawm chu a tlo a, mi mithmuh ah pawh a mawi thin... Nunui John)






John chuan min rawn en deuh kawk a. Engmah dang kan sawi lo. Simon nen chuan eye battle an nei a, hmeichhe awm chhun nih a nuam lem lo.





"I tha em? Ei chak i nei em? "Min ngaihtuah hmel taka a tih chuan ka tah a chhuak zual a, ka lu ka bi nghut ringawt. A mitmeng tawrh har zet chuan min en vang vang a.





"Awle, lo hahdam la, ka zu lei ange " Tiin cabin atangin a chhuak a.






Simon a nen ngawi rengin kan thu a,
"Ka be dawn lo che, inpa hi ka ngei nasa over. De du a, ex te be reng ringawt " Tiin ka sirah a rawn mu a, ka nui suk. A lehkhabu rawn ken chu ka en chiang a, ka chhiar chak hle.






Writer tleirawl te pakhat bum a nih thu leh mi ingaizawng in karah a lo tlak zep dan te, na taka hliam a nih hnu ah kalsan a nih thu te, a ta ni thei ngai lo tur a chelhbeh vanga natna nasa tak a tawrh chungchang a ni a, ka chhiar chak lutuk. Hetiang hi.






Ka thutna ka siam rem a, lehkhabu chu ka han keu a,





"Nipui laiin kan in tawng a, a hria apiang mak tih leh hlawh a ni. Ka rilru pek ka tum hran lo, mahse a zun a zam in min phuar vel a, kan inhmuh hnu atang phei chuan ka hmangaih lutuk tawh tlat" Ka natna leh ka hun tawn hreawm tak theihngilh in he Madeleine hi tawrh pui ka thlang ta zawk a.






"Kum 18 ka ni a, ani erawh kum 33. Kum te chu number mai mai alawm tiin ka in fuih a, a tir chuan kan hlim lutuk, kawp ka ni tih ka hre lo va, min duat dan te, min ngaihsak leh kan hun hman dan te, zing chhun leh zan rei tak tak a kan inbiakna te, kan nitin hun hman kan in hrilh tawn thin lai pawh khan kei hi bum ka lo ni leh reng tawh a.. Nilo, an ni inkar ah khan kei hi ka tla zep zawk emni? " Ka mittui chu a rawn tla sawk a, Simon a chu ka va melh zawk a, min lo en kur a.





"Chhe per pur e " Tih pahin a rawmawl min pe a, ka nui ver ver. Ka chhiar zawm leh a John lo let hma in.







"I chal sam rual hmek te leh i brace te, an deuh i nei" Ka kut khal niap niap pah chuan a ti a, ka nui dat, a palian bik hle a, kg 85 anih laiin kg 50 chiah ka ni, ka tling tha thum lo leh nghal.

"Engmaw, nangchu Big bear aw, hmul i ngah a, i lian bawk a, ka big bear chauh" Tiin a biang ah ka fawp zauh a, a biang sum lang pahin a nui suk a, ka lu ah a fawp zauh a.


"Hamster ni rawh. My little cute hamster ! " Tiin a lam hawi tur in min kuai a, a mitah rei tak ka en ngam lo cheu. A car chhungah hian chaw kan chhum lo chauh a ni. College banah chuan min thlah haw deuh ziah a, a zin te a nih loh chuan, tichuan class ka bunk phah fo bawk a.


"Big bear, hamster te chu sazu var a ni lawmni? " Ka sawi zawh rual rual in ka hrechhuak a, a ni pawhin.


"Innei tawh mai ang, ka kum hi ngaihtuah la" A tih laia aw ti a ka lo chhang lo kha khawvela ka thil tihsual lian ber a ni fo ang.













John chuan kawngkhar a ti ri rak a, ka hawi chhuak zawk a, ka ngaihbel nge a mit a sen deuh ram a, ni lo ka ngaihbel mai mai a ni ngei ang le.






"I duh ber ka rawn lei a " Ka ei duh zawng leh ngainat zawng te kha tunah chuan chaw pangngai mai an ni tawh a, engmah ei chak ka nei hran pa tawh lo.




"Ka lawm e John, nangpawhin ei rawh. Simon ei ila " Tiin Simon lam chu ka hawi a, John nen chuan an lo in melh reng a.








"Johnny, John engpawh chu nise biak che ka duh. Nunui nge Saidingi tih i thlanfel thiam loh chuan thlanpui tur che a rawn chhuk deuh nawk ka ni, a buai buai hian "


"Simon! " John ka melh vat a, min en reng.





"A tha lawm "






"Saidingi ang nula senior, zah pawh hre tawh lo, ring tu hmasa, vanram kai daih tawh tur, mi pa ni raw sek sek, engah teh vak care lo, sum um tih hriat reng reng nge ni a, in fapa nu, i nupui Nunui hi i thlan dawn? "






"Thil hriatsual palh a awm laklawh vang a ni. Ka insawifiah thei... " John tawng lai chu Simon chuan a lo ti tawp hmak a, John chuan a hnek chawrh ang tih ka hlau hle.






"I insawi fiah theih loh in. Chhan awm lo in tumahin engmah kan ti ngai lo. I nupui dam loh laia i ex chhe khir ve tak i lo be ve chheh hi ka tuar dam thei lo, ka best friend a ni lehnghal" Mipa te pahnih thusawi chu khumah thu chung chuan ka ngaithla reng a.






"Nunu, kan nupa in kan inbe thei angem? "





"Thei lo thei lo. Ka awm ve kar dawn, chu chu ni mai, ka la ngei che nia, de daw che hian " Nuih huk chi lah va ni suh.







John in sawifiahna ka ngaithla a, awih tur a ni nge nilo ka hre lo.





"Ka rawn kal hma khan in inah ka lut kawi a, Joshua chu a tangseh tak e, i hria emaw ka tia " Ka mittui bawk a rawn hnam chhuak leh ta. Tunah chuan ka best friend ni lovin ka pasal zawkin min kuah ta.





Nghet zetin ka kuah let a, kaltir ka thei ngai lovang, a mah zawk hian min kal tir a ngai dawn a ni.





"In inkar ah nurse tih mai mai, nula senior zah hre lo leh hmel trawk ve tak, kezungpui bawk lil lel, mahni pawh a loan rul thei ngat leh thenawm hnai pawh a, ka hming in va ba rawh ti thei chin ngat hi in inkar ah inrawlh tir tawh reng reng suh u. A hmel ka ngaihtuah chhuah chang hian ka allergy te hi a rawn chhuak dawn " John chuan min thlah a, a nui ve deuh suk. Simon bulah hian a lungaih rei thei ngai lo.





"Simon tawk tawh rawh se " John chuan ka kut a la kang a, kan inneih zungbun chu a fawp zauh a.







"Ngaw rawh, ka la zo lo deuh... An inah kal in ka va ankhum zek kha. Ka kek nawk lo kha a vannei, khatiang kha ka milh thai lo " Ka nui hak a.. A tel lo hian heng buaina te hi ka chingfel zo dawn em ni?








Joshua ka bia a, min ngai tawh hle a, keipawhin ka ngai tawh takzet, haw vat ka duh....







To be cont..



Naktuk zanah final kan tum dawn nia...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 1st, 2019, 12:20 pm

JOHNNY




EPISODE 27





By:Nunui franky hmar...




(Ig ah min lo follow ve dawn nia, thu tawi te te ka post thin e, @Nunui_franky_hmar )







(Awm dun tur kan nih chuan engtik ah emaw kan in tawng leh ang....nunui)








"Nunu " Simon chu bazaar a duh vangin min kalsan vat a, Cabin zau leh nuam tak chhungah ka pasal nen chiah kan awm leh ta. Khumah a rawn thu a, pasal tawng tlem tak ka nei tih ka hria, mahse a mitmeng ah chuan sawi duh tamtak nei hmel a pu a.




"I sawi duh chu sawi la "






"Ka hmangaih lutuk che tih bak sawi theih ka nei lo "






"Keipawn ka hmangaih che " Min rawn kuah chuan nghet zetin ka kuah let a, ka chau tawh lutuk. A chakna ka hawh then angai a ni.





"Ka tihpalh... Ka tihpalh, engtin nge ka siam that leh theih ang? "





"John ti tawh suh. Min ti na lutuk, khawngaihin kha hmeichhia kha be tawh suh hun reilote pawh "





"Nunu, kha hmeichhia kha ka be toh lovang " A awmah ka bei hle hle a, ka hun hnuhnung lam hi ka pasal leh ka hmangaih dang te bulah hman ka duh a ni.







"Haw ka duh John " Engmah a sawi lo va, doctor ka ni a, ka taksa awmdan ka hrechiang viau, damdawi ei mah ila ka natna a rawn chhuah chuan tuar thiam a har zia hrethiam tu awmchhun ka ni.







"Mama, papa" Mizoram ah kan let a, kan thlawhna chuang chuan min ti chau zual hle a,





"Thil tha deuh ka lo hawn che a, i lo dam lo a mi? " Sofa ah ka thu thla hnawk a, John chuan min en reng a, chutiang bawkin midang ho pawhin.





"Ama a sen tut tut a " Tiin a sen tut na hnuhma chu min hmuh a,






"Nunu, i sam hi ti trial deuh nuai ila " Ka bulah ka thian tha tak a awm hi ka lawm. Nuihna tur tamtak min siam sak a, John bulah chuan ka him a, simon bulah erawh ka nui reng thung.





"A tul miah lo. I duhleh i sam kha ti trial rawh " John chuan a rawn ti bauh a, ka nui suk, hemi te pahnih hi an in ngeih hlawl lo.





Roomah ka in dah fel a, ka sam ka tawn tawm chu ka phelh a, a tla tan tawh a, nakin ah chuan sam tihtur pawh ka nei tawh lovang. Darthlalang hma ah ka ding vang vang a, ka hnungah John a rawn ding a, hnunglam atangin min kuah a.






"I chau em? " Ka nghawngah a fawp zauh a, darthlalang atang chuan in ka en vang vang a, a hmeltha takzet a surgery tih hnu pawhin.






" John " A lam ka hawi a, ka dingdihlip a, ka fawp zauh a,





" Mut hahdam lawk ka duh a " Ka tih chuan khumah min mut tir a, ka sirah mu ve tur in ka ti a, a pheikhawk tlawh phelh in a rawn lawn ve vat a. A awmah ka bei a, a lungphu ri chu ka ngaithla a,




"Muhil rawh " Ti supin ka samah a fawp a, ka chau deuh hlek ani ange, ka mut lai reng ka hre lo. ....





*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/



JOSHUA POV.....






"Ka duhzawng a nilo ti ta ila " Restaurant pangngai tak a ni, mahse a neitu hi ka duhzawng leh ka huat zawng tak a ni thung.







Business thil ah ka thiannu nen kan inhmu dawn a, ka nghak rei lehpek hle, hmeichhe ho tak hi chu. Ka bana Rolex sana ka bun chu ka melh zawk a,ka thutna piah a customer leh manager in din chilh ran chuan ka mit a la bawk.







"Ka pi anih chuan i ei lo mai dawn nia, a man pek a ngai lovang" Manager chuan zaidam tak in a ti a, a vun ngo tak leh a sam dum hlap, a chalsam rual hmak te, a hmui sen no chak leh a mitmeng lian kel kawl tak te chu.






"Vawikhat mah kan chawl tawh lovang " Tiin customer te chu an chhuak tau a, manager Vawti erawh a ding ngawi reng thung. An eina table chu a tifai a, staff bulah engemawni a hrilh ru a, room pakhat ah a lut daih a .






Hetah hian ka chawl fo, an coffee tui tak hi ka addict tawh a ni . Ka chah a rawn thleng a, mahs e ni dang ang lo takin a rim a tui lo, ka in chhin a, ni danga ka in nen a in ang lo






" Nidang ami nen a in ang lo " Waitress bulah chuan ka ti a,





"Ka pu a hma mi ho kha chu manager in a siam thin a, vawiin ah chuan cook in a siam a"





"In manager siam kher chu ka in duh " Hnial harsa zeta ka tih chuan a kal sawn vat a.





Ka phone chu phawrh in kan chhungkaw thlalak chu ka melh vang vang a, vawiin hi ka nu piancham a ni. Reitak min dam pui lo mahse ka thinlung ah erawh a thi thei ngai dawn si lo.





" Ka nu, i piancham ka lawmpui a che " Ka nu boral dawn hnaih a khuma kan lak dun chu ka en vang vanga, mipa inti pa tak mit atang hian mittui a rawn luang chhuak a, ka phone screen ah chuan a far a.








Ka darah tu emaw in a rawn chelh chuan ka phu zuk a, ka dak chhuak vat a, kha hmeichhe vawt tak kha a ni. Ka zawnah coffee cup chu a dah a, min nuih suk leh min khawngaih na mitmeng a min melh chungin min kalsan a,







"Ka rei em? " Restaurant chhunga mi ho chuan ka hma a hmeichhe inchei nasa leh in feng chhing zet leh a hmelthatna hre tak chi alo ni leh zel tan.. Ka tan ui a nei lo, apa vang chauh a hnaih ka ni thung.







"Rei love " Ka nui suk. Kum 33 tling tawh mah ila nupui neih ka hmanhmawh hran lo. Ka pa nen hian kan in kawm ngeih viau.





"Eitur chah ila, mahse ka indiet sia, vegetables ka ei mai ang " Menu chu a bih a, kei erawh ka rilru ah kha manager coffee tui taka siam tu, vawt tak si mahse belhchian chakawm em em si kha a awm reng thung a.





"Josh, ka bia che ' ka hawi chhuak a, Zozovi chuan min rawn en reng a.





"Sawi tha leh la " Ka ti sup a, a ner nak a.







"Zanin ah La_Rubi rooftop ah party kha a nia, i rawn kal ang tih min tiam tawh kha " Engtin mah ka chhang lo. Ka nu khan zan chhuah hi a tul fe ah lo chuan a phal ngai lo a nih kha.






Manager vawti chu bag akin a chhuak ta daih a, staff pakhat thil a hrilh a, ka en zui reng chhan ka hre lo. Ka mit lak tum in hmeichhe tamtak an awm thin, mahse he hmeichhia hian chutiang ti miah si lovin min hneh em em si.






Thil kan ei zawh chuan ka haw a, ka pa chu varandah zau taka sofa kan hun ah chuan a lo thu a, ka nu thlalak a en a ni ngei ang le.





"Ka pa " Ka inthlak a, ka nu Nunui thlan lam pan in kan kal a, kawngah chuan kan inbe lo hle a, kan ngaihtuah erawh hmeichhe pakhat, kan hmangaih awm chhun ka nu Dr Rinmuanpuii a ni.






Thlanmual kan thleng a, rose par senno nalh tak chu ka keng a, ka nu khan rose sen hi a ngaina ngai lo, a ni chuan rawng da leh no lampang hi a inbel uar hle a, rawng ni vut te a ngaina ngai lo. Thlamual kan thleng thla a, thlan chu a bal deuh a, hnah thel tla te chu kan ti fai a.






"Josh, I nu hi a falin ka be lawk duh a, motor ah min lo nghak ta che " Ka pa John Vanlalrindika chuan a ti a, ka nu thlan chu melh vang vang in ka kalsan a.






Thlamual ka chhuahsan tep tih chuan a sir deuh a hmeichhe in hnit ri hi ka hria a, a hrang emaw ka ti hial mahse a ni lo. Ka en chiang a, kha restaurant nei tu hmeichhe vawt tak kha a ni. Tu thlan ah nge a tah ka hre lo. Ka tih tur a nilo tih ka hria, mahse ka pan hnai ta tho a.








"Ka nu i birthday a nia, cake ka rawn keng a, mahse bati ka theihngilh daih. Ka hmanhmawh lutuk a" Thlan lung chu a be mawlh mawlh a,.





"Ka pa pawh rawn kal a duh lutuk a, mahse khum a thawh san thei hrih silo a, a hmangaih zia che hrilh tur in min ti a, chuan .... " A in hnit leh hraih a, a hnungah ka ding reng tih a hre miah lo....







"Nu, ka ngai lutuk che, min kalsan hma lutuk ka nu " Ring tak in a tap chhuak ta hak a, enge ka tih ka hre lo ka thu hniam ve a, a darah ka chelh chuan a phu zuk a,





"I tha em? " Ka zawh na ber kher chu, a tha lo tih ka hmu reng sia, ka rawmawl ah chu ka pe a, a la ve mai a.









(Johnny min lo chhiar sak tute zawng zawng chungah lawmthu ka sawi e, tikhian a tawp ta a, ngaihtuah ti thui tu atan aw, next story nen ka lo let leh vat ang, story erawh eng ang nge a nih ang tih chu thuruk a ni hrih e, min lo chhiar sak leh theuh ka beisei e.... Nunui)











JOHNNY THE END.....

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)