JOHNNY (M&B) By:Nunui_Franky_Hmar (Completed)
Posted: September 1st, 2019, 12:11 pm
JOHNNY (M&B)
EPISODE 1
By:Nunui_Franky_Hmar
Escalips...
"John Vanlalrindika a nia " Ka fian ken chu ka thlauh ri bawl a, chhar ta lem lo chuan choka atangin ka tlanchhuak a, TV hnaih set sawtah ka ding a, tunah hian TV ah hian live in ka kalbo San tak mahse a chungchang erawh ka ngaihven zui reng si Johnny te building lian tak chim thlu ruah ruah chu ka thlir mek a.
"John hi a tel ve em? " Ka pa chu ka melh zawk a, ka nau chiah pawh living roomah a rawn lut ve a,
"John hi a main building ah a awm lai a nih thu an sawi a, a chanchin hriat a la ni lo " Ka zawi vek a, taksa chak loh nen ka pum ka dawm a, ka nau in min rawn dawm lai chu ka hriat hnuhnun ber a ni.
Present time
Ka hming chu Rinmuanpuii a ni a, mahse Nunui ti a min hria an tam zawk. Kum naupangte ka nih atangin thawnthu ziah ka tui hle a, class 8 ka nih chuan thawhthu 6 ka phuah der tawh.
Mahse, ziah ringawt hi ei zawnna a tlin loh hrih em avangin ka pa in ka pawl sawm result te en in Science min lak tir a, Shillong science stream tha ber ah min dah a, tha tak in pawl sawmpahnih ka pass chhuak a, coaching te kal zawm in mahni tui na em em pawh ni lo doctor chu zir ka tum ta a.
Pathian zarah ka tling chho zel a, tunah hian Bangalore atangin Mizoramah ka haw a, Mizorama hospital lian leh changtlung tak ah ka thawk mek a (Bunghai Hospital) , kum 25 mi niin nu leh pa leh nau ka nei a.
Ka pa hi Ex-MLA Laltinkhuma Chhangte niin, ka nu erawh MHIP president ni lai mek Chhingpuii a ni. Chhungkaw pangngai tak atangin kan sei lian a, ka nau pawh tum MBSE result rawn chhuak HSSLC commerce stream ah khan dist ah a rawn pass a, ani pawh law lam zir a tum hneh hle a.
Awle, ka chungchang chu duhtawk ila, thawnthu ah lut teh ang.
"Thil ei ila " Ka thianpa tuai ve tak mahse doctor thiam tak ni si Simon chuan min rawn sawm a, ward round ka la ngai tlat. Ka sawi hmaih palh chu kei hi medical doctor ka ni e, specialist kum 3 chhung Imphal ah ka zir hnu ah ka rawn hawa leh a, he hospital ah hian ka rawn thawk zawm nghal.. Internship kha chu St Anthony hospital shillong ah.
"Ward round lawk ngai a, kan HOD hi boss reuh lutuk " Kan nui hak a, stethoscope chu ban in medical ward lam ka pan a, nurse duty pahnih chuan min lo zui a,
"Doctor VIP room ah damlo pakhat an rawn dah lut a , room 304 ah "
"Okay, kan check pah dawn nia " Ward a dam lo ho nen chuan kan in nel em em vek a, a then chu upa lam deuh te an ni a, sweet te ka ken sak nghe nghe thin.
"Pasal nei miah suh aw " Ka nui hak, neih tur pawh kan hmuh zawh loh hi.
Dr Simon ( surgery) ka thianpa em em chuan min lo zui kual ve chhen a, cabin pathum vel check leh ala ngai a, a riltam tawh si, min lo ei San rawh tih lahin duh si lo.
Cabin chu ka kik a, a reh ruih mai, a pawnah khan John Vanlalruatdika tih nge Vanlalrindika kha... Ka lo chhiar chiang miah lo.
Khum bed sheet var chu a senduk an lo phah hnan a, VIP access chang pha chin an nih chuan an khawsa thei fu tih na. A dam lo ber lah khumah awm hauh lo.
Nurse pakhat senior tawh lam hi a lo awm a, ka hmuh ngai pawh ka hre lo. Khumah a lo thu a, duty hours ah lehnghal. An chhung hnai a nih chuan thuhran.
"Khawnge dam lo ber chu " Tiin khum mawnga board chu ka ban a, a kawng a na, a spinal cord.... Therapy... Chu zawng chu maw? Sum hman na tur hre lo lutuk rawn khawh ral a nih ka ring vel e a.
"Toilet ah a kal lawk a" Nurse chu ka melh a, a hnar beh leh a hmui sen vawt te, a kut tanga zungbun intlar tuar te chu a mawi ber lo fo... Bengbeh te chu thuhran a ni ta a.
"Chuan nang? " Simon-a chuan a lo ti bauh.
"Ka thianpa a nia, ka tlawh lawk " Ka ring vel a ni. Nurse lerh tak tak an tam tih complain a awm nawlh tawh anih kha
"Hello " Hnunglam chu kan hawi thap a, ka hmuh tum loh deuh ka hmu ta, toilet kawngkhar zawnah chuan pa lian leh sek zet, mitmeng thim ruih leh hmui fawh chakawm zeta chhah nei, hnar ngul in vuah dik tak, a ban rek a Rolex sana lawk zet bun, fit 6 boruak hip pha ngat chuan min lo en reng a, kei doctor nula senior hi ka lai chhe lo chauh.
"Hey handsome, i enge na le? Sawisel lai te i nei em? " Simon rawn tawng avang chuan ka harh zawk a, Johnny, John eng a pawh chu nise, chupa chu khum lam a rawn pan a, nurse lo awm ve nu chuan a lo puih vat a, eng personal nurse mah pek a nih thu a in ziak miah lo.
"Ka kawng hi ka accident na vang khan a na a, nurse Saidingliani hian damdawi min lo pe a, a chhawk hrih e" Nurse chu ka melh zawk.
"Wow, chu doctor hna min lo thawhsak vek a nih chu... Wow, anih chuan drip khai a ngai lo va, in lo in enkawl zel dawn nia auh. Chuan nurse, i duty hours lai chuan i duty na ah i awm hram hram dawn nia. Simon kal ila " Kha palian zet khan min en reng tih ka hria mahse ka zam duh bik thak lo. A nia lawm, kan hna tur kha nurse khan a lo ti zo vek tawh a lawm.
Nurse pahnih chuan min zui chhuak a,
"Doctor, khanu kha bangalore hospital atangin a rawn thawk thar a, nula senior lerh zet antih ang kha... Hmani ah ka night partner ania, mi a hauhrep lehnghal" Nurse la naupan ve hmel tak chuan min nel tak in an vui na te min hrilh ve thin a.
"Anih ka ring,ring tu hmasa hmel a pu alawm.. A hnar beh te kha a tul ber lo mawle " Ka ti sup a, Simon nen chuan canteen lamah kan in zui a, ka ngaihtuahna ah erawh kha Johnny ringawt kha a awm.
"Night shift " Simon chu a ner nang a, Champhai ah a u te inneihna ah a kal ngei ngei a ngai a,
"Zan thum tiraw? " Ka khawngaih deuh hlek a, a chhan chu a ni pawh ka buai zual lai kha chuan shift min in thleng pui thin a,
"Anih chuan shift inthleng ila, ka lo night sak che nga, ilo haw ah ka night ve dawn chiah a, i night anga " Phur zetin a nui har har a, hetiang thian tha lutuk ka tawng hi ka vannei takzet a ni.
Ban a hun a, Simon-a scooty hnungah ka thu leh vang tawh. Ka scooty tlan ni a ni lo tlat.
Min thlah haw a, thingpui leh ka nu pickle siam a suah haw hnu chuan zai rat rat chungin a haw a,
"Nunu, vawiin lam te in buai em? " Ka pa sirah thu in dawhkana chanchinbu chu ka ban a,
"Pangngai nimai anih nang enge ka nu nen in lo tih a? " An thil tih chu ka hre reng, kan picnic spot (Gila picnic spot, Mizoram a nuam ber leh compound tha, mite pan nasat ber) chu an enkawl a, sum a lo lut hnem ve hle a, a sirah restaurant lian vak lo kan siam bawk nen.
"Pa khawnge ka nu hi? " Inah kan haw a nu a lo awm loh hi chuan kan zawng hmasa ber thin a ni lawmni?
"I nau nen thakthing bazaar ah eng emaw an va lei lawk dawn a nih kha " Ka room ah lutin ka inthlak a, ka muhil sek a.
Ka night duty dawn vangin chhun lamah ka mu a, tlai chaw ei kham ah doctor duty thlak tur in ka kal a, peih awm lo viau mahse ka best friend a ni miau si.
Dar 8 velah chuan a reh chho tan hle a, 8:30 ah ward kan round leh thin a, chuti chuan light down in a zawm a, emergency em em a awm loh chuan dar 11 thleng kan meng a, doctor rest room-ah kan in mut chhawk thin a, mahse mut a har hle thung.
"Tui ka va fill ang " Ka water bottle keng in toilet piah deuh a cooler lam chu ka pan a, hospital ah kan khawsa thang bawk a, reh ruih mahse han hlauh em em tur ka hre lo. Mahse he hospital building rau rau ah pawh floor number 3 ah khian zanah chuan mahni in ka vei kual ngam lutuk lo. Emergency a nih loh chuanchuan.
Han sawi hran em em pawh tum lam ni chuang lovin cabin 303 ah khian ka thawh hma in inti hlum an awm tawh a, chu chu a thla a hrang deuh tih te Simon khan a sawi a, chuvang chu a ni ngei ang, room 302 khi tumah in an luah lova, an kalh reng ni. A bul 304 leh 306 khi an khawngaih thlak.
Ka ngaihtuah zawng pawh chuan ka mur chum chum thei nia. Ka ngaihtuah muk vang nge ka hnunga mi lo ding reng thawm reng reng chu ka hre lo. Ka hawi let a, mipa palian tako ding run, min rawn chhuk en run ka hmuh chuan ka bottle ken chu ka thlauh ri bawl a, ka tre chhuak tur chu ka hmui min hup sak a,
"Bengchheng lo la " A ti thawp sut a, a mitah tak ka en a, ka hrethiam lo, hawi sawn vat mah ila eng emaw ka hmu zuai a ni. Min thlah a, ka ding sawn vat a,
"Mamawh i neih chuan nurse te emaw.... "
"Hospital mah nise, tun ang zanah mahni in an vei ngai lo "
"Nia, mahse... " A sawi dik reng, nurse pakhat emaw ka hruai ziah kha a nia.
"Duty nuam le, Doctor Nunu " A kal zui nghal a, mahse muangchangin, a kawng a na tak tak a nih ka ring.
Ka en zui reng a, keipawh casualty lamah ka let a, ka tih ngai miah loh in a hming register a mi leh a chanchin chu ka en ta vak a,
John Vanlalrindika, (Mission veng) kan veng a in hnaih hle mai ka ti rilru a, kum 34 mi niin company pakhat JJJ company ah a neitu ber chan a chang mek a, nupui a la nei lova, ngaihzawng a neih ziah lan a ni lo. (Source hi Internet) Unau pali an ni a, mipa pathum leh hmeichhe pakhat. An te ber hi hmeichhia niin ram dangah lehkha a zir. Wow, an graduate vek a, hna hmun hrang hrangah an thawk a, a then engineer a then architects... An nu leh pa chungchang pawh hmana tanga mi khawsa thei zel an ni.
"Emergency em em a awm lo va, I chauh hmel si a, va mu ta che" Ka lu ka bu nghut. Hun lo takah kan HOD hi a rawn round, ziah, an in a hnai bawk a.
Zingah min rawn thlak hma in ka round a, ward pangngai ah pum na an awm nual, mess a nih ngei ka ring. Kan cook thar hian a hma khan chi aiah ajinomoto a lo telh teuh mai a, pa upa lam a ni tawh si a, kan nui nasa hle a, dam lo kawthalo an tam phah hle a.
"Apa fanu a nihna a bo hauh lo " Ka ding chat a, nurse ka bula rawn kal pawh. Room 304 ah chuan luh tumin ka kut chuan door handle ka vuan fel vel tawh, mahse a chhunga mi in phone a lo hmang a,
"Muangchangin a tuar ang. Ka rawn chhuak thuai dawn alawm "
"Zawi muangin a pa thiltih vangin a la tuar ve ang " Tu chungchang nge an sawi pawh ka hre lo. Mahse an ro rum hmel hle a, ka hrethiam lo. Hriatthiam pawh ka tum neih nuaih lo. Ka hna leh a tul bak chu.
A be zo maw tihah chuan ka lut a, phone a lo dahthla ve chiah bawk a, min rawn melh zawk a,
"Good morning doctor " Lu bu nghutin ka wish let a,
"Enge i an a? Na te I nei em? " A dar a ti chhing uk a,
"Nei lo. Ka dam tha tawh e, vawiin hian ka chhuak ang "
"Ka chhuak ang a? " A neitu ber ang zia zanga a tawng vang chuan ka melh nghek pek a,
"Yes, ka chhuak ang, nang ang tho in hna thawh tur ka nei alawm doctor" Min la en reng,
"Okay, tha lawm, mahse i concern doctor hi a zin rih si a " Simon-a patient a ni, ani lah Champhai ah a zin daih sia.
"I awm tho lawm " Chhan ngaihna hre lovin a bp te chu ka check ta ngawt a, ka chhuahsan vat a, boruak hip tur ka tlachham mai dawn tlat.
Ka haw vat, mut tluka chak thil dang reng ka nei lo. Ka scooty khalh pah te chuan ka mitthla ah ka khum a rawn lang uar uar a tenawm hian.
"Nu ka riltam lo, ka mu phawt dawn " Tiin ka room ka pan zui nghal a, ka pa erawh ka hmu lo. Hna eng emaw a nei a nih ka ring. Nakin ah ka nu in min hrilh leh mai ang.
Dar 1 velah ka harh chauh a, tlai dar 5 ah day thlak tur in kal leh angai husss... Mahse hlawh a tha a, a tihzia tal e.
" How are you btc? " Tlai chaw ei kham chuan Simon-an min lo call a,
" I'm fine, Champhai chicks min lo hawn dawn kha aw " A nui har har a,
" Model Jonathan kha ka hmu a, rawn selfie pui thei hram" Ka nui ta hak .. A hmel leh a tawng kam hi pa viau mahse a thinlung erawh a nu tlat.
" Okay, i rawn rai aange" Kan in ngam hrim hrim a, doctor ka zir tirh atanga ka kawm ngeih em em ani a, kan in thlah thei tawh meuhlo.
Sana en sual vangin ka tlai deuh a, hospital ka thlen chuan dar 5 a pel tawh. Ka in report a, casualty ah ka lut a, nurse duty pakhat chu kha nurse Saidingliani kha ani. A hmel a senior tawh em em lehnghal a.
"Emergency kan nei a" Ka ding a, gate bul an rawn thleng tawh a, zan rei tak a ni leh dawn e.
Accident a ni a, a thi nasa em em lehnghal a, a pem nasa bawk si. A thisen khawng deuh te chu kan hru fai a, a thang ang ta hum hum lehnghal a, doctor nih hi chu a chang chuan hreawm ka ti thin.
"A mar a va awm lo ve aw" Ka phun sap a, mihring ah kan in chan zawh loh ka va ring em.
"A blood group lo zawt la a chhungte, ti chuan blood bank atangin unit 3 va la la " Nurse chu ka bia a, rang zetin a tlanchhuak a,
"Doctor thisen a chhuak nasa lutuk " A malpui kak ka thui lai chuan nurse pakhat a awm lo nem chuan a ti a, hliam a ngah si, a khawngaihthlak awm hle a, a la naupan hmel in kan inrual hmel hle a,
"A blood group chu A negative " Okay, a tha e. Theihtawp chhuah in a taksa kak lai te chu ka thui phui a, a then chu a chhungril a thau, a ti a lang dei duai a, a damchhuak a nih chuan ser a ngah fu ang.
"Engtia accident nge "
" Truck in kawng sira a ding lai a su. SUV a khalh a, a car hmalam chu a chhe hneh hle.
Darkar chanve hnu velah ka zo a, nurse ho chuan an tifai a, a mar a rawn awm leh zawk thin a, oxygen pek reng a ni bawk. A chhungte hmuh a hreawm leh dawn mange.
" Thisen hi pe ila, ti chuan kan ngaichang zel anga, a bak tihtheih vak a awm lo. Pathian hnena kawltir bak chu "
Emergency ward atangin ka chhuak a, a chhungte zingah chuan kha John kha ka hmu tel tlat, palian pui pui an lo ding khup a, police pawh. A then an tap bawk a. Min hmuh chuan min lo pan vat a, thawk ka la hak a,
To be cont...
(Minlo chhiarsak leh theuh ru aw, chuan comments leh likes, ads click nen aw?)