JOHNNY (M&B) By:Nunui_Franky_Hmar (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: JOHNNY (M&B) By:Nunui_Franky_Hmar (Completed)

Unread post by Ngaia » September 1st, 2019, 12:18 pm

JOHNNY EPISODE 19





BY:NUNUI FRANKY HMAR.





(A ruk tak chuan min la chhui zui reng a, ka hrisel leh hrisel loh te, ka hlim leh hlim loh te, thil ka ei tha in ka mu tha em tih te pawh i rawn la ngaihven a nih kha. Ka online loh hun changin ka thlalak te i en kual a, i thinlung leh ngaihtuahna ka la luah hneh viau a nih kha tiraw? Mahse, i duhthlanna ania,bawnghnute aia vawk hnute thlang tlat tu kha i miau a, tui ti tak in i duh thlan ngei chu in mawlh rawh aw, Pathau..... Ig:Nunui_franky_hmar haha)







AN: Ka story, ka ta liau liau leh ka ngaihtuah chhuah liau liau hi tu emaw mi pahnih khat ngaihnawm tih loh vangin ka her danglam dawn reng reng lo, a chhiar duh lo chuan ngawi rengin a chhiar loh theih e, ka lawm e. Ps:Karleh atangin test ka nei, har mai sia😂...








NUNUI POV...






Saidingi chu ka melh zawk a, ka chhan let hma in ka in ngaihtuah a, he nu hi chhang let ta ila, amah ang leka hniam ka nih ngei ka ring, chu ai chuan ngawih san mai tha in ka hria. Ka mit ka chhing sak a,










" Ka hre hauh lo mai, i hriat zawk ka ring " Ka kal san a helai hmunah hian lo kal lo lek ila tha tur ania. Ka haw nal nal a,John call chu ka reject zel a, a in sawifiahna chu nakin ah.






Mahse Saidingi khan engtin nge hun kaltawh a mi kha tunah a rawn thar thawh leh. Ka pa thihna case an khar tak ringawt kha ka ngaihtuah chhuak a, john motor number ngei, ka pa rawn sawi kha a nih kha. A awmzia chu Saidingi pawh hian engkim a lo hre ve reng tihna emni?





"Ama nge hawn a" Ka fapa chuan min rawn pan nghal a, ka bag chu thuthlengah ka dah thla a, ka pawm kang a, a rit ve reuh tawh hle mai. Thil a in in a ei tha bawk a.






"Vawiin ah api thu i lo awih em? " Ka nu chu choka ah a lo awm a, Bawihpuia pawm chungin ka lut a, mai an bai tur a lo hik a,




"Um, api cake pawh ka ei teuh tiraw ? " Ka nui hak a, ka inthlak lai chuan John in a rawn call a, chhan ka tum lo zet a, Joshua chuan papa mi tiin a rawn ban a, ngawi rengin an inbia chu ka ngaithla reng a,






"Yes, papa lo tlan rawh" Enge an sawi ka hre lo, mahse Joshua hmela a lan dan chuan an hlim hmel hle a,





"Ama, papa in be duh che a"




"Bawihpui nakin ah papa chu ka lo bia ang aw, ka buai hrih a "





"Papa,ama a buai nih chu, toys thar aputea in min lei dawn a, kan haw hun ah " Toys bawk maw an sawi leh tak a.




An inbiak zawh chuan Bawihpuia sirah ka mu thla ve a, min rawn kuah a,




"Ama ngati nge papa hi kan bulah a awm loh a? " A mitmeng fing tak mai chuan min en kiau a, ka hamhaih zawk hle a,




"Papa kha hna a la thawk hrih a, a buai lutuk a, a hman hun ah a lo kal dawn alawm "




Chaw ei tur in a rawn kal a, ka nu nen chuan an titi leh ber a, kei erawh ka ngawi kur a, bawihpuia chuan a pa bula awm nuam a ti em em a,






"Vawiin a I thil hmuh kha engmah a nilo. Lo kal hma hret la chu ka lo hnar dan te pawh kha i hre hman ngei ang " TV kan en a, bawihpuia chu ka malchungah a mu a, apa phone a games chu a khel a, a tlei hle a, ka sirah John a thu a, ka nu erawh a mu hma hle a,






"John, kum 3 kalta a kan buai na thin pawh kha nurse kha a ni. Tunah pawh a ni vanga buai leh kha ka peih hauh lo " Min rawn thut hnaih a, a ban min nghen tir a,




"Ka tiam a che, kan inkar ah tumah an awm lovang" Ka chal ah a fawp zauh a, ka sam chu an tih thin dan bawkin a khal niap niap reng a, ka rilru ah erawh thil dang daih a awm thung si. Kha johna motor number kha.






"Riak ve mai la " A nui suk a, Bawihpuia chu ka roomah a pawm lut a, puan a sin tir thlap a, ka kawngah a chelh a, min chhuk en ran a,




"Ka riak a nih chuan kan thawm vangin kan fapa hi a harh ngei ang le. Nunu, I bulah ka insum thei ngai lo tih i hriat kha " Min kuah vang vang a, kaltir loh mai ka duh.





Pawn thleng ka thlah a, luh leh mai ka tum chu ka banah a chelh a,





"Nunu, min mangtha dawn lovemni? "



"Tluang tak in in khalh haw la, tui tak in mu ang che " A nui suk a, rawn kun in ka hmui ah min fawp vang vang a,



"Ka hmangaih che " A tlanliam tur chu ka thlir zui reng a,







"Ka khaw hmuh hi a fiah lo leh thut thin. Ka lu te hi a na ngut ngut a " Ka thawh pui nu bulah chuan ka ti a, ka lu rawn hai thut thin te, ka mitmu rawn nat ngut ngut chhan te hi phone leh social media bakah ka mit ka hman rim vangah ka puh mai a.







"I mit chu en chiang chhin ila, tarmit vuah rawh ka tih na che a rei tawh nen " Tiin mit test na lamah kan in zui lut a, karkhat kal ta vel atang khan a ni ti hian ka awm tan.





"Power sang lutuk chu ka zo lovang "




John a rawn lang zing hle a, a duhdan leh ka nu duhdan a lo in an avangin lung si zan lovin a in lian takah chuan kan in sawn ta rup a, bawihpuian nuam a ti hle. In fiamna hmun tur a nei zau hle a, a duhthusam ber a ni.




Ka nu pawhin hetia awm reng zawng a tha lo a ti a, inneih lam an sawi chuan ka phur rual rual in ka huphurh hle a, mahse kan fapa tan vek a ni.





Johna nen room kan in tawm ta nge nge , Joshua pawh a duh duh na ah a mu kual a, nuam a ti thin hle a, kan inkar ah kher te a mu duh thin a, apa ngaihdan a ni lo thin hle a.






"Nunu, khawiah nge ka necktie hi " Kha maw, min ko leh tawh . Toilet atangin ka chhuak a, John chu khumah thu in min en reng a





" A eng ber nge i duh a? "Ka pan hnai a, ka kawngah a lo chelh vat a





" Nangmah hi ti ta ila " Ka ner nak,



" Necktie ka nih loh hi John, vawiin chu ka.... " Ka sawi zawh hma in khumah min keuh thlu a,




" Ka ngai leh dawn che, Joshua ka hruai dawn ania, min hnial miah suh " A awmzia chu a rawn berh haw leh hle dawn tihna a ni. Hnial in awmzia a awm dawn lo tih ka hria, an rawn berh haw leh dawn anih hi ka ti rilru a,





"Bal lutuk lo ula aw " Min fawp zauh a, min en leh vung vung a,





" Nunu, tunlai chu i vun a dang viau ania, thil i ei tha em? " Ka ring a ni. John hian mi a chik hle tih pawh ka hria.





" Ka period dawn vang anih hi John, insiam tawh la, Joshua ka va siam ve ange aw " Min kai tho a, ka mawngah a beng hram a. Ka chhuah pah chuan darthlalang ah ka in en a, ka hmel chu a da bei mai.






Hospital ah min thlah tlang phawt a, Joshua nen chuan construction site lamah an kal ta a, ka ngai nghal veng veng mai.





"Doctor, emergency a awm a" Ka room atangin ka tlan chhuak a, ka lu rawn hai chu ka ngaih thah hram hram a, Operation theatre lam chu ka pan vat a,





"Car accident ania, an rawn thlen tirh pawh khan a mar a awm tawh lo va, mahse oxygen kan pe a... " Nurse chuan min lo hrilh mawlh mawlh a, ka in thlak a, gloves ka bun a, thisen a chhuak nasa hle bawk. Ka awm nuam vak lo nen a in mil teh chiam lo.







"Atlast" Vanneih thlak zetin a mar a rawn awm leh a, a lungphu a rawn pangngai chho tan a, ka thaw hak. Darkar chanve hnu ah kan zai zo a, ka kut ka sil a, ka chhuak zui nghal a, a dang chu nurse hovin an ti thei tawh.







Ka pum in let bulh chu ka hrethiam lo, ka in ring hman meuh lo, tukverh lo in hawng chu ka pan rawk rawk a, ka uak tuar tuar a, thisen ka khawih nasat em vang kha a nih ka ring.






Lunch break laiin John chu ka bia a, kan fapa pawhin nuam a ti hle a, a rawn berh haw leh vek dawn a nih hi.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/




Canteen ah ka chawl khat viau, vawiin chu ka thawhpui, ka kawm ve deuh ber Dr Mamtei Ophthalmologist nen kan ei dun a, a tawng duh hle lehnghal a, tarmit min chawh pawh a lo thleng tep a, aizawl lamah an order a.





"Tuntum nurse lak thar ho hi an va senior ve " Ka melh zawk a,



"Mi 10 an la tih chiah ka hria" Tute nge an nih ka hre reng reng lo.




"Minister chhungte deuh pakhat awm pawh a awm kha, private nurse anti, nula senior zet mai zah hre lo deuh " Ka rilru ah chu thil a sawi lai chuan Saidingi a rawn lang a, ka lu ka thing a, engvangin nge hetah a rawn thawh ngawt ang ni?




"Nurse lerh leh zah hre vak lo ho hian an nurse pui te hi an ti mualpho thin " Kan nui dun hak a.




"Ni chiah" Karleh hian free clinic neih a ni dawn a, ka hupurh lawk hle, doctor ho chuan in hriatthiam ka ring.




Kan department ami doctor ho nen banah meeting kan nei zuai a, clinic neih tur lampang hawiin, kan ban chuan dar 5 a hnai thuak a.





Hospital building ka chhuahsan dawn mek lai chuan khawvela ka mi nin ber chu ka hmu leh ta, henu hi minister ticket an tih kha a nih ngei ka ring. John hi a rawn zui a ni pek ang.





"Doctor " A hmui send hlar leh a hmai paw phuk mai te, a nghawng rawng milh miah si lo te chu a hmu lovemni?





"Khawvel hi a zim hle mai " A kut tanga ka zungbun ang deuh a bun chu ka hmu lo ang tih hlau zetin a han ti lang vel a,





"John khan nangmah emaw minti asin, khang kum 3 chhung khan. Mahse , ilo lang a, engkim i ti buai vek. Mahse, lungngai lo ila, ka pum chhungah naute a awm tawh a" A dul chu a chul vel a, ei lo lutuk in ka melh a,



"Okay, in enkawl tha la auh. I fa lo piang tur chuan a chhun loh hram che beisei ang aw " Ka kalpel a, ka hun ka ui hle, khatiang mi inkar tih buai tum reng reng a khawsa thin ho biak nan khan. John pawh ka ngei phah hle a, sawi dun tur kan ngah hle mai. John nen hian.






Ka mitmu chhung rawn na ut ut chu tuar a har hle, ka thluak a pawt zar a, nachhawkna sang kha ka ei asin le, inah ka lut a, awnpui ho leh ka nu chiah ka hmu, Bawihpuia te pafa hi an la thleng lo a ni ngei ang. Roomah lut in dandawi ka ei leh a, in enkawl vat ka ngai a ni. Ka luhai thut leh ka awmdan te hi.






JOHNNY POV....





"Mama ka ngai tawh papa " Kan haw kawngah chuan Bawihpuia chu a tawng siam siam a, a inti bal hle a, lei vungah a jcb nen an tawlh leh thin a, inthlakna ka ken sak chung pawhin, mahse ka hau lem lo. Hnathawk ho chuan an nel phian a.





"Bawihpui, mama a haw tawh nih hi " Api chuan a lo pawm a, tui a lo lum lawk avangin bual tur in roomah a pawm lut a, Nunui awmna ka zawh chuan a lu nat vangin a mut hahdam thu in min chhang a, ka ngaih a tha lo hle. Ka nupui hi tunlai chu a hrisel hmel loh. Tukin zing pawh khan, makeup a hman loh vang nge a da bei a nih kha.






Khumah a lo mu a, a inthlak a, a mu nghal ni ngei tur a ni. A pang ka khawih a, a sa miah si lo. A hna hi chawlhsan se a tha ang, a hriselna in a tuar ka rem ti lo.






"Ka nupui hi hospital ah pawh a thil tih engkim ka hre duh ang, enzui tu tur dah ang che, pawisa ah buaina a awm lo " Tiin ka secretary ka rin ber chu ka bia a.






Message a awm nual a, missed called nen, ka ner nak. Saidingi hi ka hrilh fiah tawh viau emaw ka ti a.








To be cont...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 1st, 2019, 12:18 pm

JOHNNY


.. EPISODE 20




By: Nunui franky hmar..





(Thing chu maw ! Story leh Status tih vela in kah chiam chiam mai leh in tih chhan na thu post vel hi 😂😂 nu la senior zia emai ana ..... Nunui)






NUNUI POV...




"Vawiin chu hna ka kal dawn lova " Ka fapa chu a hlim hle a, John erawh enge an tih ka hre lo.




"Ama chuti chu park ah kan kal thei" A samah ka tuai a, John ang chiah a ni, a sam khawih a duh lo thin hle a nih kha.





"Nunu, hospital ah i kal dawn lo ami? " Ka nu chuan ati a,





"Ka peih thlawt lo nu, ina awm hahdam ka duh "





"Enge na i neih, tunlai chu i hmel a dik miah lo " Ka nui suk a, ka nu hi chu a hlauthawng hma ve hrim hrim.




John a rawn thleng a, ka lo in siam si lo va, ani pawhin a chhan min zawt a,




"Ka tha John, vawiin chu ka peih thlawt lo a ni " Min en vung vung a, ka roomah kan thu a, khumah ka thu a, ani erawh tukverh bulah a ding thung.






Karleh ah kan innei ang, min hnial miah suh " Ka bul ah a rawn thu a,




"I nu ka rawn vek tawh, chutiang bawkin ka nu leh pa te pawh... Palai an lo kal thuai ang, Aizawl ah inneih i duh ka ring " Engmah sawi lovin ka kuah ta ngawt a, kuah vawng vawng tluka chak ka nei hrih lo. A rimtui pa hrak mai chu ka hip lut vang vang a, ka kuah hneh meuh lo , a lian em a ni.





"John chutiang tut tut te chuan " A awmah ka la bei reng a, a ni pawhin min la kuah reng tho.





"Ka bulah awm reng tur in ka duh che u alawm, nupa ang tak tak in " Ka chalah a fawp zauh a, site ah kal angaih vangin kawngka thleng ka thlah a, Bawihpuian ngen mahse ka phal lo va, a inti bal thei lutuk emai.




"Lo haw vat la aw " A nui suk a,



"Awle, lo hahdam ang che hmeltha" Hetiang ang a mihring hmeltha leh pa hi an awm thei dawn emawni ka ti hial a ni.





A tawngkam bung vut thin te, a thinchhe em em mai leh a mitmeng rum leh pa em em mai si te , a hnar ngul sang vah lem lo leh a vun rawng te, a hmui fawh chakawm taka chhah tap te chu, Pathian hian a siam lai hian a mood a fuh ngei ka ring a ni. A tlanliam lai reng reng ka hre lo. Roomah ka chho a, khum ka siam a, ka inti fai a, bawihpuia nen kan in awm nileng dawn anih hi.







"Nunu " John a missed call chu a lo awm nual a, Bawihpuia nen kan mu emaw ka tia, min lo thawh San daih a, ka bulah John chu a lo ding reng a,




"John I va lo haw hma ve " Engmah sawi lovin a rawn kun hniam a, min fawp vang vang a, a pheikhawk tlawh phelh in ka sirah a rawn mu a,




"Khawnge bawihpuia"




"Api nen an leng dawn a nih kha " A awmah ka lu ka nghat a, a ban ka khan bawk a,






"Ka khawvel, ka beiseina awm chhun, zing ka thawh apianga ka ngaihtuah chhuah hmasak ber leh ka mut dawna ka suangtuah ber, ka fapa nu" Ka ngawi reng a, a awmah hian ka bei khat takzet tih ka hrechhuak a,






"Ka hmangaih che John, chu chu hre reng ang che " A biangah ka fawp zauh a, a mah si chetin ka mu ve a, ka hmangaih tak tak a ni.





"Tuifinriat kang chah hma chu ka hmangaihna che hi a dai ngai lovang " Nghet takin min kuah a, ka muthilh lai reng reng ka hre lo.





Ka harh chuan bawihpuia nen ka sirah an lo thu a, games an lo khel ani ngei ang. Ka harh tih an hriat chuan min lo en a, John pawh alo inthlak fel vek tawh.





"Ama i hnar a, papa in thla lak sak che a" John chu ka melh zawk a, pawisawi loh hmel taka min en chuan a duhawm zual hle .





" Inhnuai ah chhuk ila, api in enge a tih a "




"Pangpar an khawih a " Awlsam zetin min chhang a, anih chuan Joshua hian lei khawih nuam a ti viau si a, a lo tih pui leh nghek dawn a nih chu.






John sawi ang ngeiin palai hmel an rawn lang ta rup a, ka nu pawhin a lo hnial lem lo. Engkim John kutah a awm vek a, chawlh pawh min dil sak thlap a, kei hian pasal ka nei tawh dawn. An pafa chuan an phur hle a, Joshua phei chuan mopa thianpa ah a tan duh thu a sawi reng bawk a,


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/



"Khua a vawt hle mai " A in bual zo chu a rawn lut a, towel chiah a veng a, a hnuai ah engmah a ha lo tih a hriat hle





"Mi hmu tai tih sawi tum lo mai rawh " Ka ner khum nak a.
.





Ka chawlh hma hna ah ka kal a, kan inneih tur thu hre ho chuan min chibai sap sap a, canteen ah Mamtei nen kan thu a, eng eng emaw kan sawi lai chuan Saidingi chu nurse pahnih nen an rawn lut a, min rawn melh no lo hle a,






"Tah hian thu ang u, mi pasal hual chhuhsak ching rim te pawh a nam alawm " An nui hak a, eng eng emaw an sawi a, hrep hian. Nu la senior tihtawk lek a ni, kei hian a pasal hual ka chhuhsak lai ka hre si lo va.







"Nau ka pai hman sia, mahse mawhphurna erawh aman a la vek dawn a, a zia hlauh. Min la duat lutuk " Ka hriat tur kher in emni an sawi a,






"Chunu chu a zakthei lo e, a hausak vang bakin a duh teuh lo Johnny hian " Nurse pakhat chuan a ti a,






Kan chhuah pah chuan tih luih tih hriat tak hian an zawn ka thlen chuan ka in chhuih a, ka tui glass no a ken chu saidingi a buak a, a tre that a,





A beng bulah ka kun hniam a, a hriat tur chauh in ka hrilh ru a " I paw rual lo ania" Ka chhuahsan zui nghal daih a, ka milh thei thak lo.






Tunah chuan haw vat vat a John leh Joshua bula awm tluka chak ka nei lo. Ka tarmit tur chu a lo thleng a, ti hi chuan ka zia deuh tawh mahna...





(A tawi hle keipawn ka ti zan dang au pawhin. Mahse,naktuk atangin test ka nei dawn si a, dah loh ai ah in zahawm em vangin ka rawh dah e )

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 1st, 2019, 12:18 pm

JOHNNY



EPISODE 21




By:Nunui franky hmar.




(Ig ah min lo follow ve theuh dawn nia, quotes ka post thin e, chuan ads kha min lo click sak leh theuh ula aw)






"A sum vang bak ani lo ang, tlangval senior ngaizawng duh te chu anti a, a sawi tu te khan tlangval senior lo pawh ngaihzawn tur an hmu em aw ka ti thin. Mi thenkhat hi chu mi nunah kan buai peih hle a, hming that tum vanga midang bulah kan sawi bak bak te, kan tih bak bak te report ching kan awm. A duh chuan putar ha bal vek tawh pawh a ngaizawng ang, mi nunah i buai lo tlang ang u,hetiang mi hi chu an leng tar duh an ti ania " Nunui.....








NUNUI POV....




."John " Bathroom ah a lo awm a, room ka luh chuan a lo chhuak ve chiah bawk. Min rawn pan hnai a, ka hmui ah min fawp vang vanga , heihi ka mamawh takzet. Ka harh sawng sawng in ka hria.






"I chau em? " Ka lu ka thing a, joshua chu inhnuai ah ka nu nen TV an en a,





"Thil hmuhtir tur che ka nei a" Tiin bawm nalh zet hi khum bula drawer atang chuan a phawrh a,





"John tlereuh ka ngai na lo tih i hria tiraw" A lu a bu nghat a,




"Ka lei che ania, i beh ngei angai ang, a mawi em a " Tiin rangkachak bengbeh a bet chi simple leh dangdai tak hi a phawrh a, min beh tir leh thlap bawk.





"Thanks ti mai ang " A ner nak a,





"Zanah lawnthu i sawi thei ang " Tiin ka nghawngah a hmai a phum a, ka thaw hak.





"A duk leh ange, bawihpuia bulah dawt sawi fo A ngai ania" A nui suk duh chauh a.







Zanriah kan kil a, bawihpuia pawhin chaw a ei tha hle a,




"Ama, I nghawngah khan thosi lian chi in a seh leh che mi? " John chu ka melh vat a, engmah ti sual lo ang maiin a la awm zui a, vawm kawrh mai ka chak.






"Nu, karleh lawk a ni tawh " Ka nu nen varandah ah chuan kan thu a,





"Nie bawihi, ka ngaihtuah a. I pa hi la dam ve se, tupa a nei tih te tal hi hre hman se ka va ti em " Van lam chu ka thlir a, arsi a pe tuar a, thla a eng hle bawk.





"Khawiah emaw ber atang khian nu, ka pa in min rawn thlir reng ngei ang " John leh bawihpuia chu an rawn ri chhuak har har a, thosi a awm lo bawk a, boruak a nuam hle bawk.







JOHNNY POV...



Nunui awm dan hi ka chik a, ka lakah zep ruk a nei tlat hian ka hria a, a taksa da bei leh a duk kulh kulh te chu. Mahse doctor a ni a, thil thalo a nih ka ring lo ve tawp a.





Kan inneih ni tur pawh a hnai tawh hle a, a mo kawr tur ka order a, Aizawl ah naktuk ah kan chhuk dawn a, inneih zawh ah erawh ka ngaih ngam nan tal phai lamah hruai ngei ka duh.




Ka duhthusam zawng zawng te kha tih hlawhtlin in a awm dawn ta, ka hmeichhe hmangaih ka bulah a awm a, fapa harh tha tak leh duhawm tak, min chhun em em tu min pe bawk a.





Ka nau Joseph a rawn zin chho a, ka nu leh pa erawh Aizawl ah. Bawihpuia chuan nuam a ti hle a, Joseph pawhin a nel hle bawk a.






"Mama, Nunui hi tunlai chu wed stress nge, a hmel hi a dik lo " Kan ngaihdan a in ang a nih hmel.






Nunuin chawlh a la a, Aizawl lamah kan chhuk ta duak, kan fapa pawh a phur ber berah a tang a.





Ka nupui ni mai tur nen a seat hnungah kan thu a, anu leh bawihpuia a hma ah an in pawm a, min rawn ngheng a, ka kut a khal niap niap reng a,






"Nunu"




"Um, i aw a sexy tawp " Ka tum loh deuhin ka nui suk. He hmeichhia hian min tibuai zo thin.




"Ka rit em? " Min rawn en chho a, ka lu ka thing a, a lu ah ka fawp zauh.



"Ka hmangaih che "





"Keipawn ka hmangaih che "





Darkar 4 vel kan tlan a, an inah kan drop phawt a, tichuan kan in pui lamah kan haw zui nghal a.





After party chu an farm Gila resort ah neih a duh thu a sawi a, restaurant pawh a awm nghal bawk a, ka phur mah mah a ni. Midang tamtak sawm kual lah a duh hek lo. Mi tlemte chiah sawm a duh a.







THE WEDDING...






Kawngka lam chu ka hawi a, tuna mo kawr var ha saw ka ta tur chiah a ni. Ka tana khuanu ruat chu. Ani ang em em a hmeichhe hmeltha hi ka la hmu lo, hmuh lah ka tum hek lo. Ka bula ding turin Joseph chu a in volunteer a, kei aia nalh a tum tlat pek lehnghal a.







Nunui ve thung erawh a doctor thawhpui Mamtei chu a hmang thung a, ka mit erawh a mah ah chiah.




Inneih ceremony a zo a, Nunui chu a nin tawh hmel hle a, a biang tai tek te chu ka piai chak kher mai. Kan fapa pawhin nuam a ti e.





"Monu kha i va hniam ta ve" Nunui chu kan en thap a, photo session kan nei a, haw a chak tawh thu a sawi reng a, a chau tawh a ni ngei ang.





"Ka phelh daih alawm " Tiin a mo kawr fual hak chu a chawi chhing a, ka tui hmuam lai chu ka phuh chhuak thawt a, he hmeichhia hian min ti hlim ber a nih hi. Converse var a lo bun deuh tat a, pheikhawk sang kha a bun peih tawh lo alo ni a, khawiah nge maw a lo thlak hman ni. Kan nui dar dar a,






Ni chhinchhiah thlak tak a ni. Kan fapa chu aputea bulah a riak duh tlat a, ka lawm phian. Nunui nen kan nupa room thar ah kan awm a, damdawi a ei a, a chauh hmel hle bawk a, a sirah ka mu ve a,





"Na i nei em? " A lu a thing a, ka awmah a bei a.





"Aih, tinge min zawh reng a? Vawiin vel vang kha lawm. I nei zawk a mi? " Ka lu thing vatin nghet zetin ka kuah a.





"Min kalsan ngai suh ang che, ngenna ni lovin thupek a nih chu "





"Min duat leh duat loh ah a in ngat " Ka fawp vang vang a, kan titi dun reng a, engtik laiin nge a lo muthilh ka hre lo, duhawm lutuk. Ka phone la in a muhil lai thla chu ka lak sak a, a thinrim leh ngawt ang le.







Zingah chuan a vawt ka tih vangin ka harh zawk a, ka ban khan in Nunui chu a lo la muhil a, tunah chuan ka nupui a ni ta, tu mipa mah in an melh hlek pawh ka phal tawh ngai lo ang.





"Min en reng suh, tho ang. Ka riltam viau nia " Ka nui nghawr dat. He hmeichhia hi ka hmangaih takzet.






In ah awm reng a ninawm avangin kan leng chhuak a, kan nupa in. Nie kan fapa hian a putea te pahnih hi a nel em em a, an duat bawk nen. Min zui ve duh ta miah lo. Ka lawm phian. Ka nupui duat hi duat hlek ka duh.






"Simon-a lo kal ve ka duh a " Ka ner nak. Kha doctor tuai ve chhen kha.




"Enge a rawn tih ve anga? Ka inti lai en tur in maw? " Ka nui hak A la, ani erawh chuan rum zetin min melh thung.











NUNUI POV...





John chu rum zetin ka melh a, thu khuh mawi awm miah lo mai chu. Simon-a ka ngai viau asin le, kan inneih ni khan a kua tha lo a, biakin toilet ah a tlan tlut tlut a nih kha.





"Khawiah nge min hruai dawn a? " Ka en reng a, a car duhber Nexon platinum color chu hneh zet in a khalh a.



"Surprise a nia. Anyways, bawihi bra I ha lo mi? " Ka hnute chu ka hup vat a, hrep hian. Tukin zingah joshua khan ka hnute a khawih a, ka inbual zawh hlim khan. Apa in min lo tur ve chhen bawk nen ka ha ta lo a nih kha.



"John Vanlalruatdik " A nui hak a, rawn awn phei in min fawp zauh a,





"Enge Rinmuanpui, nang ai chuan ka upa viau a, pasal te an u ngai si lo va, darling tal... "




"Okay dahlin "




"Darling... I duh duh dan khan " Ka kut a rawn chelh a, a kut a lian bik si , a lum ther ther reng a.





"Saw saw Johnny a nih saw " Tleirawl pahnih chuan thla rawn lakpui phet an tum a, a bulah a nupui ka awm reng ani lawmni? Thla la turin min la ti zui bawk a, a tha vek tho e.






"I thik tiraw? " Ka lu ka bu nghat. Ka kawngah a rawn chelh a, ka chhip ah a fawp vang vang a.






"Ka mit la tu erawh ka bulah hian a ding reng alaw. Ka thinlung neitu " Ka nui ver ver a, ka kuah let a, khawi khawiah emaw kan kal a, a nuam hle a, John bulah chuan a thinrim rei theih loh. Ka tana khuanu ruat ngei a ni.







Car ah ka lo nghak a, dawr ah a luh lawk chhung in. A phone a keng lova, car chhungah a awm a, a rawn rik chuan ka phu deuh zawk a. Hrep hian a. Saidingi number a lo nei reng amaw?







Phone chu ka la a, ka ngawi reng a.




"John, Nunui pa thihna ah hian i inrawlh tih a hriat chhuah hun ah chuan a kalsan ngei ang che " Ka hmui ka hup vat a.





"Chu mai anih loh kha, i bialnu hlui phuba lakna avanga nei i ni tih te, apa i huat vanga a fanu i ngaihzawn ..... " Phone chu ka off a, ka awih thei lo. Ka hmai ka hup a, ka thil rinhlelh thin kha a dik tihna emni?






John hian ka pa a hua amaw? Ka pa chuan eng pawi nge a lo sawi reng reng ni? Chuan keihi phuba lakna maw ka nih ? Thil dik lo chu a awm chiang a ni.






To be dont....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 1st, 2019, 12:18 pm

JOHNNY



EPISODE 22





By:Nunui franky hmar.







NUNUI POV.....






John ka hmuh dan a dang ta vek. Car ah a rawn let a, hmel pangngai put hram hram ka tum a, mahse a harsa takzet. Ka mi rin ber hi rinhlelh awmin a awm si.






"I tha em? " Ka kut a rawn chelh a,




"Tha e, haw vat ila "



"Okay love " Ngawi rengin kan chuang a, ka mit ka chhin san daih a.







Karkhat chawlh ka la a, ni 6 vel chawlh ka la nei tihna, Aizawl ah kan awm a,John chuan min duat hle a, a nuam viau. Mahse rinhlelhna ka neih hi a reh thei tawh tlat lo.





Simon chu a rawn kal a, eng eng emaw kan sawi a, ka zep ruk chu ka hrilh ta nge nge. Mak a ti ve hle a, advocate hmelhriat a neih leh FBI lama thawk hmelhriat tha kan neih te chu a ruk thei ang berin kan be pawp a.






"Johna bialnu hlui chu Josephine tih ania, mahse a boral tawh " Ka thaw hak. Heng buaina te hi engtin nge ka chin fel tak ang le?







"Simon, tumah hrilh suh ang che, John hian kan chhui ru tih a hre tur a ni lo. " .





"Tehreng, Saidingi hian eng emaw thuruk hriat a nei tih ka chiang "




"He nurse in rawlh chikim lutuk hi a" Kan in atang a haw a, John nu leh pa, ka nu leh pa leh kei, joshua leh awmpui te, apute Joseph a te nen kan awm a, John erawh khawiah nge a chhuah ja hre lo. Sumdawnna thil ah a chhuak tih chiah ka hria.







Joshua ka bual a, roomah kan awm a, toys te kan khal a, ka fapa bula awm tluka nuam ka hre lo. Center carpet ah chuan a toys thenkhat chu a bun ruih a, a sirah thuthleng nghengin ka lo thu a , ka mutthluk lai reng ka hre lo.







JOHN POV...







Hna thil buaipui in ka chhuak a, haw vat tluka chak ka nei lo. Ka nupui leh ka fapa ka ngai takzet.






Nunui mizia dang ta thut erawh ka hre thiam lo hle a, min hlat ta riau a hriatna ka nei bawk.





In ka thleng a, ka nu leh pa chu living roomah an lo thu a, joshua leh nunui awmna ka zawt a, kan nupa room ah ka chho tlang vat a,





"Papa shhh " Room ka luh rual rual chuan Joshua chuan a lo ti a, Nunui chu thuthleng nghengin a lo muhil a, a sirah bawihpuian toys a lo khal bawk a.





"Tinge mama hi, a dam lo a mi? " Ka thu thla ve a, nunui pang chu ka dek a, a sa deuh vur a, ngatinge mawni le aw?






" Papa, riltam "inhnuai ah Nunui tih harh hlau zetin ka pawm thla a, ka nu chuan a lo la vat a, rang zetin roomah ka let a.




"Love, i tha em? " Nunui ka sawi a, a harh thei mai lo. Dim takin ka pawm a, khumah ka nghat a, a harh huna ei tur damdawi chu a sirah ka chhawp a, inthlak in a bulah ka mu ve a.





"John " A kawngah ka kuah a, a rawn harh a





"I khua sik deuh a, damdawi ei la " Ka kut chu laksawn a tum a, mahse ka kuah nghet zual sauh thung. A in lak hran deuh tlat chhan hi ka hre thiam lo.







"John ka tho duh ania " Min en miah lo chuan a ti a.






"Kan tha em? " Min rawn en ta zawk a, a mitmeng ah chuan eng emaw ka hmu zawk a, ka hrethiam lo. Huatna mitmeng a ang mah zawkin ka hria.








Zanriah ei lai chuan bawihpuia nen an inbe reng a, ka biak loh chuan min chhan pawh a tum lo. Ka nu leh pa erawh a be tha viau si. Thil tih dikloh ka nei emni?





"Vawiin ah tunge Nunui hmu turin lo kal? " Awmpui te chu ka zawt a,



"A thianpa dr Simona kha a lo kal a, tuma tihbuai an duhloh vangin room ah an awm char char a" Tuai chu ni lo se a thi daih tawhin ka ring a ni. Ka hmeichhia a lo hnaih ngam a.





"An thusawi engmah in hre lova " An lu an bu nghat a, mu tur in ka hrilh a, study roomah lutin ka thu vang vang a,





"Sir " Ka secretary chu ka bia a,





"Ka nupui enzui turin mi ruai ka duh. A hrechhuak tur a ni lo. Tunlai a mizia hi a dang ta thut a"




"Sir, i nupui hian a pa thihna case kha a file tha leh tih i hriatpui em? "





"An close hnu khan engmah ka hre zui tawh lo. Kum 3 kalta ami daih tawh kha a nia "




"Sir, ka la chiang chiah lo nangin i nupui hian a ringhlel che a ni. A phone kan connect vangin a mi biak leh text te kan hre thei vek a, accident thlen ni a I car in ka zui na number kha a thianpa a thawn a ni " Hrep chuan, tu chiah in nge min lo hek ni? Kan nupa inkar tihbuai tum tu... Saidingi a ni hrep ang le.





"Chanchin min rawn hrilh zel ang che " Phone ka off a, kum 3 kalta a apa thihna tuna a tharthawh leh chhan hi ka hre lo. A pa kha ka haw ngei a, mahse a fanu ka hmangaih atangin a dang ta a nih kha.





Ka car number a hriat theih dan leh thil thlen ni in milh te, thuruk eng emaw tak chu a awm ngei a ni. Ka hriatchhuah vat a ngai.





Kan nupa roomah ka lut a, Joshua erawh inla tlangval takin a patea bulah a mu a, Nunui chu khumah a lo thu a, a malchungah laptop a dah a, min hmuh chuan a phu deuh zuk a. Mahse a in siam rem leh thuai a.




" I mut a chhuak tawh em? "





"Um, mut ka lo tum chiah a " Pangngai tak chuan a ti a, a sirah ka mu ve a, a kawngah ka kuah chuan a ip deuh zawk a, min hnungchhawn zawngin a mu a. Hreawm ka tih ber te zinga mi a ni ngei ang le. Amah pawh a muthilh theih bik ka ring lo.






"Ka hmangaih lutuk che tih hi theihngilh ngai suh " A samah ka fawp zauh a, zingah engkim siam that leh ka tum ang. Enge thuruk awm a, ka thil tih dik lo awm te ka zawt chhuak a nga, hetia awm reng hi hreawm ka ti takzet. Ka khawvel in min hawi san a, awm ngaihna ka hre lo.






Ka muthilh mai theih loh vangin ka tho a, study ah lut in whisky ka dah chu phawrh in ka thli a, he thil hian min hnem deuh mahna. No hnih ka in chuan ka pum a sa hat hat a, roomah ka let lai chiah ka hria. Zingah ka lu a na leh hle dawn a nih hi.





Ka harh chuan ka lu a na hle a, Joshua chuan min lo en kiau bawk a, Nunui pawh A tho daih tawh. Dar 8 a pel thuak tawh a, ka mu rei hle mai.





"Good morning my son "




"Good morning papa" Nunui phone chu a hum ran a, phone a neih tawh hi chuan a thinrim thei ngai lo. Ka fapa tak hi chu.





"Khawnge mama a awm a? "




"Mama chu phone a hmang lawk a " Ati tha ve mai a, reilote hnu ah Nunui a lo lut a, min rawn melh zawk a.





" Min thawh san daih a" Pangngai takin ka ti a,





" I mu rei em anih kha " Nui lui tih hriat zeta nuih pah chuan a ti a, heng lemchan hi enge a awmzia? Ka chang thiam ve hauh lo.





Tukthuan kan ei zo a, ka nu leh pa chhuak tur in Joshua an hruai ve a, inah kan awm a, Nunui chu chhuah a tum a, roomah a Insiam a.






"Chhuahna tur i nei ami? "



"Aw, thil tih lawk tur ka nei a "




"Ka hruai ang che "




"Simon a nen kan ni dawn a " Ka rin dan ang vel. A hnungah ka ding a.






"Min zawt rawh nunu, hetia awm reng lo hian " Darthlalang atang chuan min rawn melh a.








NUNUI POV...






Darthlalang atang chuan ka melh a, ka hnungah John chu a ding kur a.





"Enge i sawi awmzia? "





"Min zawt rawh... Min zawh tur tamtak i nei tih ka hria " Mit ka chhing sak a, John chu ka melh vang vang a,.





"Tunge Catherine chu? " Chu ngei chu a ni ka zawh duh chu.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 1st, 2019, 12:19 pm

JOHNNY




EPISODE 23




By:Nunui franky hmar.








(Kan inkar ah lo in rawlh in dawt tinreng in min puh a, nangmah a min ngei ngam lo khan i thiante i fuihpawrh kual a, ka "MIPA" kha i nei ta cheng a, i hlim viau ka ring e. Mahse khuanu hian hlim turin a duan dun lo che u a ni mahna tiraw thiannu? Mihring in a lo ruat chawp nawk nawk pawh a ni lo a nih hi... Tunah chuan a neitu hnenah a let leh tawh asin. A awmna tur ngei ah. Lo tibuai tawh suh aw, hmalam pan la, duhsakna kan hlan a che✌)






NUNUI POV ..






"Tunge Josephine chu? " John chuan min en vung vung a, a maimitchhing a, zawhna harsa tak ka zawt a ni ngei ang le.





"Ka bulah hian lo thu la bawihi " Thawp sut leh ril ruih chuan a ti a, ka pan hnai ta nge nge e.





Inngaihzawn na leh nupa inkar a chhiat fo nachhan chu kan in ngaithlak tawn loh vang te leh engmah hre chiang lo va kan in dem ringawt te hi a ni tih ka hre tlat. Thudik chu kha mahse midang kà atanga hre lovin ka pasal hnen atang ngei hian hriat ka duh si.





Ka kut a chelh a, a mitah ka en ngam lo. Keimah zawk hi ka khur ru dar dar a, engtak nge min hrilh dawn ka hre lo. Ka hre chak a, ka hlau bawk.





"Josephine chu ka bialnu hlui ania" Ka ngawi reng a,




"Kum tamtak liam ta khan a boral tawh a" Tichuan a chungchang chu a sawi ta zel a, a sawi dan atang chuan a la theihnhilh lo ani tih a hriat hle a, mitthi tawh chu ka thik takzet a ni. La dam se chu John nen hian kan intawn ka ring hauh lo.




"Enge Josephine leh ka pa hian in zawmna an neih? " Chu chu ka hriat chak ber a ni...






Engtia rei nge ka ngaihthlak ka hre lo va, ka pa thiam loh engmah a awm lo a ni. Lei min vanga boral kha, ka pa MLA nih lai, lei kha a tih min a ni hauh lovang. Khum atang chuan ka tho chhuak a,






"Nunu, ka tihpalh.. Ka hmangaih lutuk che, tunah chuan.... " A lam ka hawi a, ngawi hrih tur in ka hui a.





"John tawk hrih rawh se tuna tan chuan " Tiin room ka chhuah san a, varandah ah ka chhuak tlang a, ka thu hriat kha engtia han digest tur nge ka hre thiam lo.





"Lalpa min pui rawh " Ka maimitchhing a, ka lu a rawn na hle a, ka mitmu zawng zawng te pawh. Tihngaihna ka hre lo. Ka sam ka tham tawn a, nachhawkna sang ka kawl kha ka ei leh mai a ngai dawn a ni. Enge maw diklo a awm tih ka hrethiam a. Ka natna rawn lanchhuah dan te leh awmdan hi.








Ngawi rengin John chu ka sirah a rawn thu a, ngawi reng tak meuh meuh in. Van lam chu kan hawi vang vang a, ka pasal hi kuah ka chak lutuk. A awmah bei hle hle ka duh, ka chak takzet. Chu chu ka ti thei angem?






"John" A rawn hawi a, ka insum hman lo, a lamah ka awn phei a, nghet zetin ka kuah a, a awmah ka bei a.





"Min kuah let rawh John nghet takin " Ka hnungah min rawn kuah a, ka insum thei ta lo. Ka tap chhuak hawk a, John chu a hamhaih dawn tih ka hria mahse ka insum thei lo. Ngawi rengin min kuah a, ka hnungah a chul hliau hliau a,engtiang a rei nge chuti chuan kan in kuah a, ka tah ka hre lo. Ka inla hrang a, ka mittui chu a hru a.







"Ka tihpalh, engtin nge ka siamthat leh theih ang? " A mitah ka en a, a mit a sen ve ram bawk a.







"Ani aia nasa in min hmangaih rawh.. Nitin min hmangaih zia lantir ang che? " A awmah bawk min kuah bei leh a, ka tan ala harsa lutuk. Mahse, he mipa hi ka pasal mai a nilo a, kan fapa pa pawh ani bawk. Naupang chhia takin thutlukna ka siam ngawt thei lo.







"Mu tawh ila? " Ka kutah min kai a, room lam kan pan a, thudik min hrilh a, ka zang huai. Mahse ka pa vanga a thil tih erawh ka ngaidam thei hrih lo a ni.






Insi chialin kan mu a, a awmah ka lu ka nghat a, a rim pa hrak chu ka hip lut vang vang a,






"John ka hmangaih che "




"A let tamtak in " Tiin nghet zetin min kuah a, engtik laiin nge ka muthilh ka hre lo. Ka harh leh chuan zing a lo ni tawh a, John pawh a tho daih tawh.







"Ama papa in vawiin ah zoo ah kan kal dawn atia " Ka nui hak...





"Kal kher ngai mi? Hei ransa i ngah lawm " A hmui a ti pawrh a, John chuan chanchinbu a chhiar a, min hmuh chuan min rawn pan a, ka nui suk.






"I va han mu rei ve, mo sual lutuk " Ka pa leh ka nu chu an nui hak hak a, a nuam ta hle mai.







Tukthuan ei lai te chuan kan titi pah a, nizan lam boruak kha ka hre leh tawh reng reng lo. Khua a var a, zan thim khan a liam pui ta ani ngei ang le.






"Ka nu kan vai kal dawn lo ami? "





"Dawn e, bawihpuia leh awmpui te pahnih hi kan phur anga, Joseph-a a hman si lova, John nen hian rawn in phur mai ru " John chuan car a khalh peih loh vangin a bullet chuan kan in phur a, a kawngah ka chelh a, a len em vangin ka kuah seng meuh lo.







"A vawt em? " Traffic jam ah kan tang hram a, ni a sa tha hle bawk a, a malpui ah ka chum kawr a, sualthiam reuh lutuk hian.






Sahuan ka ti dawn nge ramhnuai hring deuh kan thleng a, zawng an tam em em leh ringawt dawn a nih hi. Kan in park fel a, Joshua chuan nuam a ti hle a, a phur hle bawk a. Apu nen an inkai a, an kal deuh nal nal a, ka nu chu awmpui nu la te pahnih nen kan hma ah an kal a, a hnung berah John nen inkai in kan kal aa la. Sawitur engmah a hre leh pek lo.








Rawn kun hniam in min fawp zauh a, ka nui suk thung.



"I awm bawr a lang zau hret " Tiin kamis hnuaia kawr bah ka hak chu a pawt chho a, hmana John bawk kha a la ni.





Ka nu te kan um pha a, thla kan la zel a, hun nuam tak kan hmang a ni. Haw lam erawh kan nupa in ruah in min dang a, mi in kawtah kan ding ringawt a, tleirawl in ngaizawng te pawh kan ang e.







"A vawt em " Ka lu ka thing a, step ah ka thu a, ka sirah rawn thu ve in min kuah a.





"Ka hmangaih che " Ka nui hak, vawiin ah pawh vawi engzah nge a sawi tawh ni?





"Keipawhin " A hmui ah ka fawp zauh a.






Thil eng eng emaw kan sawi a, a hma aiin kan in pawh zual sawtin ka hria a, ka pasal hi ka hmangaih takzet.





Ruah lah chu a sur tam telh telh a, in ngaizawng ni awm tak ho pawh an rawn chawl ve a, huh an hlau ve tho a ni ngei ang.







Tleirawl hmeichhe ho chuan John chu an rawn en leh zuk zuk thin a, ka pasal hmeltha tak lah hian a hre hauh si lo. Ka sam a khal niap niap reng a, ban a ngheng a, keiin ka ngheng chhawng leh bawk a.





"Do haw mai ila " Ka en chho ha A la, min lo en reng a, ka lai lek lek.





"I damlo leh ang, a reh mai ang " A phone chu a khawih mual mual reng a, mahse enge a khawih tih en ka tum hran lo. Reilote hnu ah a phone chu ka malchungah a rawn theh thla a.





"Har hrep a " Ti supin ka lu chungah a khabe a rawn nghat a,





"Va naupang chhia tak " Tiin a word puzzle khelh lai chu ka en zauh a, ruah pawh a han tan a, bullet kan keng chu kan rei ta deuh bik a nih hi.








NEW SERCHHIP...






Serchhip ah kan chho leh tawh a, hna ka zawm a hun a, Joshua erawh api leh pute bulah awm a duh tlat a, ka nu leh ka nau nen pawh kan inbe ziah a, Bawihpuia hmu turin an kal fo thin a, John pawh a thinchhe leh viau zel e.








"Doctor Nunui pasal hi a hmeltha e, man si, ka M&B bu chhiar a, a changtupa ang mai a ni " Toilet ah ka lut a, ka piah ah chuan nurse ho an inchei tha ani ngei ang.





"An hausa bawk sia. An sawi dan chuan Dr Nunui hi a pasal awm bo hlan hian fa a nei antia, mahse a pa pawh John tho hi a nia, an nghet bik e " Ka nui suk a. Kan chungchang an va hre ve le.






"An inhmeh e, mahse Johna kha chu a thinchhiat hmel e, Beast a ang, handsome beast " Ka hmui ka hup a, John ka hrilh ngei ang le. An chhuak fel ta maw tih ah chuan ka awmna atangin ka chhuak a,







Vawiin chu rawn in entir an awm nual a, ka buai ve nileng hle bawk.






"Thil ei ila " Mampuii chuan min rawn sawm a, ka roomah kan chah a, kan ei tui hle a.







"Ka mit mu te, ka lu hai leh na thin lutuk hi. A chang chuan nikhaw hre lovin ka tlu mai ang toh hlauhawm khawpin ka na, ka khaw hmuh a fiah lo ruai bawk si. Brain tumor ka nei ami aw ka tia" Mampuii chuan min en vang vang a.





"Sawi theih che ka tum lo nunu, mahse heng a rawn lanchhuah dan leh a rei danah hian natna satliah a ang ka ti hauh lo. Hmunpui lam I pan vat a ngai " Ka thu vang vang a, engmah ka ngaihtuah ngam lo.







(Ava tawi ve 😂😂😂😂, kan zir ve tawh nge aw)








"

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 1st, 2019, 12:19 pm

JOHNNY



Episode 24






By:Nunui franky hmar.





(He episode hi khawvela ka mipa hmangaih ber John (big bear) tan ka hlan e. Ka ngai hle mai dulkiara kha 😭🤧.....)







Nunui pov...





Engpawh thleng se, John hi engkim ka hrilh a ngai tih ka hria, mahse. Mahse, chumi hma chuan engkim ka confirm erawh a ngai.




Ka mitthla ah kan fapa Joshua a rawn lang a , a la naupang lutuk a, ka kalsan thei lo. Thil a negative zawnga ka ngaihtuah ringawt pawhin ka hmul thi a ding sung sung a.








"John ka be lawk duh che a " Ka mit ka chhing sak. John Chu bawihpuia nen an lo infiam a, ka lut ve a, ka mitah tak bawk min en leh a.






"A tha lawm. Bawihpui, lo awm la aw" Ka hnungah a rawn nam dat a, kan nupa roomah kan in zui lut a, lalpa min pui rawh aw, engtin nge bul ka tan dawn ka hre lo.






"Hrilh tur che ka nei a " Khumah kan thu dun a, bul tan dan tur ka hre lo.




"Sawi la, ka ngaih a tha lo "






"John... Ka... " Ka sawi thei lo. A awmah ka bei a, ka tap chhuak hawm hawm a. Min rawn kuah a, nghet takin ka kuah a.






"Nunu ka... "





"John, ka thi tep tawh " Ring zetin ka tap chhuak leh hawk a.







"Dawt sawi lo la. Fiamthu na hun a ni hauh lo ania " Ka kuah nghet zual sauh a, ka tah a chhuak telh telh bawk.






"Ka tihpalh John.... Ka natna rawn awmdan te leh ka.... " A inla hrang a, ka mittui ka bianga rawn luang Chu a hru a, ka hmui ah a rawn fawp zauh a, min melh vang vang a, min fawp leh vang vang a.







"I tan ka awm reng dawn tih i hria tiraw? " Ka lu ka bu nghat a.





"Mahse John... "





"Ka hmangaih che. Kaltir che ka tum tawh hauh lo ania hre reng rawh aw "





"John " Sawi tur ka hre lo. Ka maimitchhing a, ka tah a ti chhuak takzet.






"Joshua hi " Nghet takin min kuah a. Khumah min kuai mu a, engmah sawi lovin nghet takin min kuah hle hle a, tunah rih chuan ka pasal kuah hi ka mamawh takzet. A rimtui tak chu ka hip vang vang a, he rimtui tak hi ka hip leh tawh lo maithei asin tiraw?







JOHN (BIG BEAR) POV
.







Nunui ka hmuh hmasak ber kha ka la hria, ka ngaihtuah let vang vang a, a nui khat hle a, mahse a nuih chuan a duhawm viau anih kha...







A sam sei tak te, a mitmeng vawt tak leh thuk raih mai te, a engkim khan min hip vek a ni. Ka hmuh tirh atangin ka ta ah siam ngei ka tum a, tunah ka ta ani ta a.






Khumah sam darh niaia a mu chu ka thlir reng a, kaltir ka phal lo. Ka hmangaih lutuk tlat. Mahni hmasial na a ni lo.





Joshua, kan fapa chu a lo lut a, a toys ngainat ber anu lei chu a rawn keng a.






"Papa ngatinge mama hi? " Joshua chu ka pawm a, Nunui tih harh hlau takin ka chhuah pui a.





"Mama a hah deuh a, nakin ah kan infiam leh dawn nia aw, muhil phawt se " A lu a bu nghat nghat a.










Kar hnih a liam ta. Hna chawl tur a ka tih chu hreh viau mahse min hnial ta lo. Phai a doctor tha ber ber ka phone kual a, Nunui Chu ka hruai a, kan thu hriat chuan minti na hle. Mahse, a pasal ka ni a, hreawm lai leh bawrhsawm lai pawhin a bulah awm reng ka in tiam tawh a, kalsan ka tum lo.






"Nunu " Park ah kan thu a, a kut vawt thlar chu ka chelh reng a,





"Ka tihpalh John." Ka mitah min rawn en a, ka thaw chhuak hak





"I thiam loh engmah a awm lo ka nupui duhtak. I dam leh ang tih ka.... " Ka hmui ah chuan a rawn fawp zauh a, chhan let tuma a lama ka awn lai chuan a inla hrang leh vat a,






"Doctor ka ni tih i hria tiraw?, John engtia rei nge hun ka la neih? "





"Nunu, chutiang sawi ka duh lo " Nui sukin min rawn kuah a, mipa, inla pa ve tak pawh hi ka pa zo lo tep a ni. Vawiin a kan hmuh chuan thla 4 a tlem berah a neih thu a sawi a, doctor a ni a, a natna rawn lanchhuah tirh khan a inhre daih tawh ang. Mahse tinge engmah min hrilh loh?






"Bawihpuia ka ngai e " A ti sep a, kan fapa kan zin san a, karkhat kan la cham lo deuh.





"Kan haw tep tawh alawm. He I dul thep zet hi hnawh puar ang hmiang " A nui leh suk a, ka kai a, restaurant changkang tak lam ka pan pui a.








Zanah a muthilh hnu ah doctor chu ka be leh a, enkawl dam theih a ni nge ni lo tih te, mahse a na chhawkna bak a awm hauh si lo. Ka mit ka chhing a, shower hnuai ah chuan ka ding vang vang a,







"Lalpa, min laksak suh. Ka kehchhe vek dawn asin" A vawikhat nan tih takzetin Pathian ka au a.






"Ka nupui hi min tihdam leh sak hram rawh " Tiin ka dil mawlh mawlh a. Ka in hru hul a, khum lam ka pan a, a sirah mu in ka kuah a, ka awmah a rawn bei a.






"Ka hmangaih che rimtui pa " Ka awmah a rawn fawp zauh a, a harh reng maw?





"Muhil tawh la bawihte, a tlai tawh " Ka kawngah min rawn kuah a, boruak a nuam hle a.






"John ka hmangaih che "




"Keipawn ka hmangaih che " Ngatinge tun a taka min hmangaih thu min hrilh tluk tluk chhan ka hre lo. Mahse hriat reng erawh ka duh ang. A samah ka fawp zauh a,







"John, zaithiam lo viau mahla hla min sak sak leh la " Tunah zet zawng ka nui nghawr ta dawt a.




Kan nupa ngaihsan em em English pa, hrang hlui Johnny Cash hla I walk the line tih chu ka sak sak a, ka aw thum dan hi in ang minti tlat a.






"Ka thih hunah nupui dang nei suh aw, kan fapa hian nuhrawn a hrawn tur ka ngai ngam lo " Nghet tak in ka chelh a, ka in seh ruh hle.





"Thihna chungchang i sawi leh chuan ka lungawi lo hle ang Nunu... Ka thu lo chuan khawiah mah i kal dawn reng reng lo. Hre reng rawh. Tunah chuan muhil tawh la."






"Goodnight big bear " Tiin ka biangah a fawp zauh a, a chal ah ka fawp a. Ka lei pangpar, par mawi em em mai chu tih chhiat hlau takin ka kuah vang vang a.







Zing ka harh chuan Nunuin min lo en reng tawh a, hetia thawh hi a nuam. Ka bulah ka khawvel a awm a,





"Hrep che hian. Duhawm lutuk " Tiin a hmui ka peh sak zauh a.





"Hrep che hian, pa reuh lutuk " Ti sep in min rawn kuah a, ka awmah a bei a, a tho nuam a nih ka ring.





Breakfast chu hotel hnuaia restaurant ah kan ei a, vai staff leh sumdawng mi hausa tak tak in ka nupui an melh chu ka duh dan a ni hauh lo.






"John i hlauhawm emai"








NUNU POV




"I kuta zungbun hi an hmu lo emni? Ka nupui i nih hi "John thikthu chhe lutuk chu ka nui suk a. Ka mipa hmangaih pakhatna hi engtik ah emaw chuan ka kalsan ngei dawn tih ka hrechiang si.







"Vawiin chu beach ah kal ila " Ka chak hle. Phur tak in ka insiam a, mahse chung ka phur na te chu a reh nghal rawih a, ka sam ka khuih a, sam tamtak rawn tla chuan ka biangah mittui a luan tir a, John hmuh hlau tak in ka paih vat a.








Ka hun hnunhnung neih hi ka hmangaih te bulah hlim taka hman ka duh a ni. Room kawngka bulah min lo nghak a, min hmuh chuan a ner nak a? Ka nalh a ti lo emni? Min rawn pan hnai a, min fawp zauh a.







"Inthlak leh rawh. Khatiang khan vai hovin an melh che ka phal reng reng lo. " Ka nui hak, hepa hi chu ka hmangaih a ni. Ka in thlak leh ta nge nge. John nen insi rial in kan awm reng a, a bula hun hman hi hetiang hian a nuam tih ka lo hre har takzet.







"Hmela ti miah suh " Tui thuk lai ah chuan min pawm a, min paih a tum chiang a ni. A ha ui ngho langin a nui a, ka insum hman lo. A hmui ah ka fawp vang vang a, a hma aiin ka thlahlel zawk daih a, a bulah hun tam thei ang ber hman ka duh. .







"I phakar reuh hle mai my little cute hamster " Ti supin John chuan min nuih suk a, ka tre that. Tuiah chuan min paih thla ta nge nge.





"John Vanlalrindik, hrep che hian aw " Tui ka hak lo chauh.. Ani lah za zetin a nui mai si. He mihring , ka pasal hi a chang chuan ka haw takzet thin. Mahse chung ka huatna te ai chuan ka hmangaihna a chak zawk daih.








Hotel lamah kan kir a, vawiin kan kal na vel vang nge ka chau hle a, ka lu a na hle bawk a.





"John ka lu a hai deuh a" Khumah ka thu a, ani erawh phone ah mi a bia a, ka tho chu ka khaw hmuh a rawn fiah lo va, hlauhthawng taka John au that leh ban tha chak zetin min rawn chelh chu ka thil hriat hnuhnun ber a ni.






(Ka ziak hlei thei lo. Ka John ka ngai emai🙏😭😭😭😭😭😭😭)

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)