SOÑADORA
EPISODE 3 & 4
ZIAKTU : NUNUI FRANKY HMAR.
NGURDINGPUII POV
A thil in zo ka nghak a, ngawi rengin ka lo awm ve reng a, a inzawh chuan no ka sil a, mangtha in ka kalsan nghal daih a, a hur hmel ti viau mah ila a hur em em chuan ka hre lo, nge ni a chhiahhlawh mai mai chu min it lo zawk ni?
A mitmeng te kha, a taksa te, a hairstyle leh engkim te kha, hrep chuan engah nge maw ka lo dream ve ringawt ni? Dindini bulah ka mu a, min lo la nghak reng a, min hrilh tur a ngah thu a sawi tak anih kha. Mut a chhuak vak lo bawk nen kan titi a
" Ka pa hian pasal min neih tir a tum a? "
" Ehe, hnathawh a ngai tawh lo anga, a tha zawk daih ang chu. Eng ang mi nge ni reng reng? "
" A hmel chu ka hmu zeuh zeuh tawh a, pro pastor ania" A tih chuan insum hman lovin ka nui chhuak huk. Pastor nupui atan thil ruk ching maw?
" Kan thil tih thin te ka ngaihtuah a" A ni pawh a rawn nui zui ve awr awr.
" Chuchiah chu. Mahse, nu leh pa thu hnial tha lovin ka hria a, ka aw ringawt a, kan thil tih thin te pawh hi an hriatchhuah hma a kan sim chu a ngai dawn anih hi "
" Nia, ruk tur an hriat chhuah miah loh tur pahnih ka hual a, pakhat ve ve in kan insem dawn Nia, a bak chu lo awm ve mai mai tawh rawh se" Thildang sawi tawh lovin kan muhil zui nghal a, zingah thawh hma a ngai thei si.
" Ka pa hian min lo biak a tum leh reng tawh ka block leh dawn emawni? " Huan ah hlo kan thlo a , ni a sa lova , a nuam phian a, call ka pick a haw tur bawkin min ti leh ka rin dan chiah a ni.
" Hna pawh ka hmuhsak tawh che a, lo haw tawh rawh, pasal nei rual i ni dawn tawh "
" I duh leh I fapa kha nupui neih tir rawh. Kan awm ho apiangin I nupui thil a bo thin ani lawmni? Anih loh leh dawt eng eng emaw in min puh leh anga? Ka pa diktak chuan maw I fanu I thisen zawmpui ai hian I fahrawn leh I nupui kha I hmangaih zawk hian ka hre thin. Min ngaihtuah der anga awm lovin khang mi pahnih sum leh pai lawm tak te kha duat zawk rawh " Tiin thinrim zetin ka off hmak a, keimah chiahin ka awm lo tih ka hrechhuak leh si a , dindini chuan min signal zauha hnunglam hawi turin.
Ka leh hawi vat a,pu chu a form nen alo ding run a, ka phu chiang teh e, ka thusawi te kha a hre vek dawn tihna ani. Min en duh em em lehngal a , mahse engmah sawi lovin min kalpel a, huan enkawltu pu Mansi- a chu a be ta diah a,
" Ngatinge min hrilh vat loh ka hnungah a ding tih? "
" I lo hawi lo anih kha , enteh a ngaizawng chiang che lawm . Mahse duh miah suh aw, a hur em mai nupui pasal neih hma a sex hman ching ho hi chu ka duh lo. "
" Pastor nupui tur I nih vang mai khan inla serafim viau lo teh " A darah ka sik a,
" Ania lawm, sual viau mah ila, virgin ngeiin pasal ka nei duh. Nupui pasal neih hma a sex hman hi chu an inchhir tlangpui anti alawm. Bakah mi hausa awm ngaihna hre lo leh nawmchen nan chauha hmang hi an tam tawh bawk sia" Kan pu sawichhan deuh chuan a ti a , ka nuih ringawt.
Chhun chawlh a nia, pu chu a roomah a awm a, enge a tih kan hre lo. Hnathawk ho chuan thingpui kan in a, kan nui leh dar dar thin a,
" Tunlai kan pu zia hi a mak ka ti telh telh mai, inah a rawn haw ngun ta lutuk te hi. Karkhat ah ni khat vel bak a hmel hmuh tur a awm ngai silo a, ka pu ( Zosangzuala pa) pawh ka hrilha , mak a ti viau mai "
" Nupui neih a hnai pawh ani maithei asin " Pu Mansi-a chuan ati a, an nui leh dar dar a, engemaw sawi an tum ni?
Zanah chuan thil eng eng emaw kan siama , Nu Sangi pawh a la haw lova, ruah in a dang ani zawk mah ang chu. Ruah sur lo se chu a haw daih tawh ang ka ring.
Zikhlum kimchi leh purun kimchi kan siampui a, a zuar thin a, ina mi kan kawl pawh hi ama siam tho a ni a, a tui ka tih chi erawh a ni miah lo.
" Pi Sang, enge in siam a "
" Awi ka rei! " Ka fian ken ka thlauh bawl mai. Rum lutuk in ka hawi let a, pu chuan nuihzat hmel takin minlo en reng a, thil ka lo ngaihtuah tui lutuk bawk ani.
Nu Sangi leh dindini chuan min lo nuih a, ka nuih pawh a za ve lo. Ka fian thlauh ka chhar a, ka silfai a, ka thutna ngaiah ka let leh a,
" Hei ka thil zawrh tur ka siam a, a bawlhlo nen tlaiah khan ka rawn keng a, nula te pahnih tha chhawr hi ka chak ve reng reng a, lo thu ve rawh. Mamawh te i nei em? " ati zung zunga , ka rilru chuan mamawh neilo se hetah a rawn kal thu awmlo ka lo ti hmanhmawh a,
" Mamawh nei hran love, mahni a awm a khawhar thlak em a, ka rawn kal mai mai " Kan thil tihlai chu min en reng a, a hmuihmul meh fai loh te chu a inhmeh bik hliah hliah in ka hria, a sam thur bam te leh aaaaa engemaw ka hriat ni? Pasal atan virgin ngei neih ka duh thu ka sawi tawh kha.
A phone a rawn ri a, a ngawi vang vang a,
" Lo kal rawh, ka lo nghak ang che " Rindan tawk kan lo thiam nghal vek, tun ang zanah kha vainu chhelo-i bak kha a ni tawp nang, engmah sawi lovin choka atangin a chhuak daiha ,
" Su hur kan awm ani maw zan zanah" Dindini chu ka nghawk zauh , kan pu leh a bialnu hi kei aiin a ten zawk tih ka hria. Ka nui ru a, insum loh chuan nu sangi'n enge kan nuih chhan min zawt leh dawn si. Pumna tun in ka nui a, a ri lo leh kun chungin ka nui char char a, a thusawi kha ka ngaihtuah a ka nuih a za leh zel mai bawk nen.
Mu tura kan inpeih meuh chuan zan dar 9 a hnai thuak a, Nu Sangi pawh a pasal in a rawn lam a, kan in mangtha hnu chuan keini pahnih pawh choka ah lut leh in ice cream kan ei ru a, kan nui tha phal lo. Pi Sangi khan a lei teuh alawm. Pu Bialnu khan a ngai na em a, tlem lo eisak ila a hre teuh lo ti rilru chungin kan ei zel a,
" Enteh helai a pot hi an dahchhuak ngai miah lova, a nalh reuh sia, bakah a awm tih pawh tuman an hre tawh lovang hralh ru mah ila " Belbawm chung ber atangin a rawn phawrh a, a changkang in a nalh a, a bal mai pawh a,
"Khati khan dah hrih rawh, nakinah bawlhhlawh paih ni ah" Gate ah security pakhat hi a awm ve khanglanga , min rinhlelh chuan a chi loh lutuk.
Kan mu a, ruah a rawn tla leh cher cher tawh a, mut a nuam leh dawn lutuk.
Zingah dindini aiin ka harh hmasa a, ka tho a ka in tifai a, ani pawh a thawh hmasak chuan min kaitho ngai lo. Inhnuai ah chhukin ei rawng bawl leh thingpui vel lum turin ka pen thla a, ka thil hmuh vang chuan ka ke pen a tawp chat.
" Lalpa zing zingah " Ka ding lai bawk si. Living room a sofa pakhat ah chuan Kuri leh pu chu an lo in dog style anih chu . Pu chuan min rawn hmu a, engah mah ngai lo ni awm tak hian rang zet hian a dep zawt zawt a, a hmeichhia lah a rum ring, zah an hre hlawl lo ani. Dindini tihdan takah hur dun lutuk.
Choka ah rang takin ka tlanlut nghal a, ka mit ngei in ka hmu si. Ka ngaihtuah chhuah phei chuan ka uak tuar dawn in ka hria..
" Ka nu" Ka darah tu emaw in hnunglam atang hian min rawn chelh a, ka thing thla rang chiang teh e. Kuri hnute a kut lawnga a khawi zawh chiah na khan min rawn khawih anih kha hrep hian.
" Enge nita? " Tawlh hnung deuh rawkin ka ti a, min en vung vung reng chuan ben hrep mai ka duh.
" Ah, nichin a I thil hmuh kha chu... " Ka ner nak
" In neitu pawh I ni maithei, mahse I duh duh na hmunah khatia nawmchen kha afuh ber lo ania. Heti reng chuan ka thawk rei peih lovang " Ti deuh hmak in choka tangin ka chhuak a, dindini nen kan intawk a, ka ten rum tawh mai. Ka kai a , ka thil hmuh chu ka hrilha , nu sangi kan hrilh anga kan bang daih dawn nia, ban ka tum na arei tawh atih chuan ka remti khawp mai.
" A chiang em alawm. Ka luak a chhuak zual, ka ni nghulh mai " Pum pelh dan kawng ngawt ka zawnga , a mawi lo lulai bawk em atin ni.
Inchung lamah breakfast an ei tur thu an sawi a, nu sangi chuan kan awmdan hria in amah ngei chuan a han pe ta ringawt a, thla a ral leh tep tawh a, thla thar ah chuan ka thawk tawh lovang ka ti rilru a, hna dang eng emaw ka zawng ang.
Chaw tui tilo zetin kan ei a, eikham ah darthlalang te , chhuat leh thil tihfai ngai insuk te nen lam kan ti leh vek a, in a lian si a, a hahthlak ve hle a, insuk inchungah ka pho a, ni a sa lova , zan lamah chuan ruah a sur leh dawn anih hi. Chair ah thu in van lam ka hawi vang vanga , ka nu ka ngai hle mai.
" Tukin zinga i thil hmuh kha. "
" Lalpa... " Thla chu nei ila ka thlawk tawh ngei ang. Mi hriat loh laia tih phut thut thut hi a zia ami? Ka piah ah a rawn dinga, ka en lo, ka hawisawn daih thung.
" A thleng tawh lovang " Ti supin inhnuai lamah a chhuk zui nghal a, a in mah nise khatia a khawsak kha a mawi lo lutuk.
Dindini chungte lam pawhin palai hmel an hmu tawh a, pastor ni mai tur a ni bawk a mipa tha tak anih ka ringa , ka thla a muang ru hle a, a chhan pawh ka thiannu mai ni lovin ka chhungkua ang tak tak a ni a, a thian ah min hman ala tum zui bawk nen.
" Nu Sang thla thar atang hi chuan insawn chhuah chu kan tum ta a, ka nu ber a boral tawh bawk si a, dindini lah pasal neih a tum bawk nen " Nu Sangi chuan min ui der viau a, mahse ka thawk reng peih tawh teuh lo.
☘ZOSANGZUALA POV☘
" An ban ngawt chuan tunge inchhungah che ta anga? " Ngurdingpuii hmel hmuh tur awm lo ringawt tur ka ngaihtuah chuan ka thin a rim zual .
Zep loh chuan kha hmeichhe mak tak khan min ngaina hlawl lo ani, min trih deuh hian ka hria, ka nelawm lo viau mahse ka phut sang lutuk nge, a bulah khan ka nui tam ve viau a, hmeichhia ka mit la awm chhun ani miau a, kuri hi chu thuhran ni ta se.
" Pasal nei tur chu thawk tawh lo se, mahse Ngurdingpuii erawh chelh beh dan zawng rawh anih loh chuan in bang vek ang" Tiin ka room ka chhuahsan a, inhnuai lamah ka chhuk a, dawhkan lo hru fai mek tu chuan min rawn melh zawka , min hmuh rual rual chuan min hre lo ang maiin a hawi sawn leh daih a, nui sukin ka chhuak zui nghal ,
Ka motor ka start a, ka in ngaihtuah vang vanga , neih ka duh ka hmeichhia kha. A kawng erawh ka hre silo. Engtin nge ka neih theih ang?
" Ngurdingpuii lo ngai reng rawh, ni 365 chhung min hmangaih a min duh theih nan hun ka pe ang che, ni 365 chhung " Tiin chak zetin ka tlan chhuak a,
Ka office ah ka pa a rawn kal chu mak ka ti hran lo, MLA meuh police station ah a rawn kal erawh midang ho chuan mak anti thung ang . Midang awmloh na ka roomah kan awm a, buaina eng emaw a awm tih a hmelah hian ka hria.
" Burma lam atang bungrua lo lut tur hi a tam tham viau a, pawisa pawh a tam ang, nangmah hi eng emaw chhuanlam in zin la, rawn phur mai la, tumah in police officer an ringhlel dawn lo" Ka ner nak.
" I hausa tawk tawh lovemni? I buaina ah hian min hnuklut fo lo teh " Tiin ka phone ka bih a,
" Kan sumdawnna hi I enkawl hun a la awm dawn tih I hriat kha . Hotel hi chu a hming chauh a ni. Mizoram ah a ber a nih hi, ram pawn lam atang pawhin mi a hip em vanga rawn thlawk lut tam zia chu thuhran, kan thil tih vanga pawisa lo lut te hi, chuti maia awlsam a tawpsan chi a ni lo alawm. "
" Man chhuah hun ila awm lovang tih tunge sawi thei? Kei ngei pawh hian ka man thei che asin! "
" Ka fapa ngei hian min man dawn lo tih ka hria alawm. Chuan CID pakhat hian min chhui zui tih ka hre ru a, lo buaipui ang che. Dahthat a ngaih pawhin I thiam zawng anih kha. " atho a, kal mai a tum lai chuan a rawn hawi let a,
" Tunlai chu hotel ah nilo in lamah i haw ngun viau tih ka lo hria a, haw na chhan tur tha tak i nei emni? Tu hmel te hi engtik ah nge ka hmuh ve dawn? Kha vai lak atang khan ka tihna erawh ani lo ania" Ka nui suk, ka mitthla ah Ngurdingpuii a rawn lang a,
" Chuan, kha hmeichhia kha i thlah loh chuan tihtheih ka ngah zia i hriat kha, i nupui tur tha tak ka hmuhsak che ania "
" Ka pa, ka bialnu hi duh lo eng ang mahla ka then dawn lo tih i hriat kha " Lungawi vak lo chuan a chhuak zui nghal a.
Case khawih lai kan nei a, kan buai hle a, ka pa chui ru tu chu a rukin ka zawng ve mek bawk a, police officer mai mai mah ni ila kei aia rank sang te pawhin min chung en na lai a awm lo thei lo va, ka pa chu thuhran, kan thiltih theih zia an hre tlat.
"Sir, Folkand dai ah tun mai khan ruang an chhar a, a lan dan chuan tual thahna a ni. "
" Engtin a? Mipa nge hmeichhia? "
" Hmeichhia ania, nasa taka kut thlak ani a, pawngsual ani bawk . A lainat awm khawp mai " Ruang en tur chuan kan kal zui nghala , a hmun kan thlen chuan mipui an lo tam hle a,
Ruang an khuh na lam chu ka pan hnai , thisen kai hnuanga lo mu ka hmuh chuan ka thisen a lum zak.
" Kuri " Ti sapin leiah chuan ka thingthi a, hetiang ti duh tur hi chu mi pakhat chiah an awm. Ka pa kha vawiin khan a rawn kal anih kha, hrep hian.
" Sir, i bialnu ani tiraw? " Ka lu ka bu nghut ringawt a, ka bing mup mup mai, tihtur ber pawh hre lo. Ka à chhuih hian ka hria.
Postmortem turin an la a, ka chhui ka chhui chuan ka pa ah engkim a tawp dawn tih ka hria, chuvang in case pawh ka la ta lo reng a, midang in an la a, mahse ka sun em em tho.
Ka pa hmu turin kan in pui lam ka pan a,
" I tih a ni. Enge i pawi a sawi? " Ka nu chuan min lo vin that, mahse engah mah ka ngai lo. Ka pa chuan inla hre lo takin engmaw ka fapa alo tih chuan hnek chqrh ka chak ngei mai.
" Ka thil chhiar pindan ah inbe teh ang " Thinrim zetin ka zui lut a, hetiang hi a tih duh em em chu ka ring ngai lo asin.
"Sawifiah rawh " Chairah a thu thla a, ka pa chu nilo se ka that daih tawhin ka ring a ni
" Warning ka pe ngun dun viau che u anih kha mawle, ka thiltih theih i hriat kha"
" Ka en liam mai mai dawn lo che tih lo hria ang che " Thinrim takin ka chhuak zui nghal a, hrep chuan .
" Bawiha enge thleng a ? " Ka nu hian kan thiltih hi engmah a hre ve lo va, a hriat lah ka duh lo,
" Nu, engmah rilru hahna tur a awm lo ania " Ka inbengdai hram hram a ni. Choka ah min kai lut a, a thilsiam min ei tir a,
" Bawiha hetah lo haw ziah rawh, mahni a awm reng chu a tha lo. Pi Sangi rawngbawl ei reng ai chuan i nu ei siam ngei hi rawn ei rawh, bak ah nupui neih lam te hi hnaih ve tawh rawh "ka nu pawh chu.
"Nu, Ka bialnu a boral zo chiah anih hi. Sun pawh ka la sun zo lo va "
" I bialnu, vai titih deuh kha a thi maw? Ngatinge? Eng na nge ni? " Ka thaw hak a,
" Miin an that a ni. Pawngsual ani bawk "
" Awii ka nu, a va nunrawn thlak em, chutianga titu chu man chhuak la, a phu tawk hremn a hmu mawlh rawh se " Ka nu ka pa hi lawm a thah tir tu chu tih khum chiam ka duh, mahse ka ti lo.
Hna ban velah ka haw tlang nghal a, Ngurdingpuii chu coffee ka roomah min pe turin ka hrilh zui nghal a ,
Roomah lut in darthlalang chu ka hnek keh chawrh a, ka kut tum ana nghal vung vung a, a thi nasa bawk. Dawhkan ah ka thu a, ka awmdan ka hre thiam neih nuai lo.
" Ka pu i coffee tur " Min hmuh chuan a tre that a, min rawn pan nghal rak rak a ka kut chu a rawn chelh vat a thisen hi a hlau lovemni?
" I va inla pa tak, tunlai ah tunge darthlalang te hnek hnek ngai? I mawl ami? "
" I awki San suh " Tiin ka kut ka la sawn a, khumah ka thu a, min en vang vang tih ka hria,
" Aw le tha lawm. I duh duh danin enkawl rawh I duhleh chi phul rawh chi ka lo lak dawn che mi? " Min tham lo taka min biak hi ka ngai thei lo viau asin. A chhuak tur chu ka pawt let sawk a, ka awmah a intauh chawrh a, min chhoh en ran mai.
Comments leh click kha aw, chuan hetah tho hian episode 4 ka rawn dah leh dawn a , in lo chang leh theuh dawn nia
SOÑADORA
EPISODE 4
ZIAKTU :NUNUI FRANKY HMAR
☘NGURDINGPUII POV☘
A awmah ka intauh chawrh a, ka hawi chho ha a, a kut lehlam lek pawh kha a chak hle mai. Mahse, ka ngei laklawh buaipui te kha a duh lo vel anih kha. Inla pa leh lutuk hrep a,
" First aid box chu bathroom ah sawn a awm " Ka melh nghek lo chauh, buaipui a duh si te chuan khatianga min tih vel te kha a ngai ami, chhuatah thisen a la far fep fep reng zui bawk nen.
" Enge a tir te khan i tran vel, kha a thi nasat em kha " Ngei ru viau mah ila, bathroom pan chuan ka kal ta tho a, box nen ka let a, a kut chu ka hrukfai sak a, thisuk chu nei ila ka thal tawp tawhin ka ring.
" Darthlalang keh them a tang anih hi " A bur vu a, ka phawi chuan a rawn thi nasa zual dawn. Min en reng vang chuan chum chawrh ka chak ngei mai.
" Phawi chhuak rawh, twizer a awm kha " Tiin a kut na lo lam chuan a kawk zauh a, thisen ka kai ve nuai mai.
"A na dawn nia, min lo ti che miah suh " Ka warning lawk a, a nui suk duh chauh. Ngawi rengin ka buaipui a, a kak thut vak lo hlawm a, mahse a pilh nasa anih hi. Ka tuam a, ka zawh chuan ka ding a, a darthlalang hnek keh ni awm tak chu ka en vang vang a,
"I pawi a sawi ami? " Ka ti sap,
" Tham lo deuh in min be suh ka tih kha" Hmmm a khawilai nge tham loh thu chu ? Melh puak pawp ka chak ngei mai.
" Chutiang te chu I ngaih dan bak va ni suh ka pu. " Tiin bathroom ah ka luh san a, ka dahfel hnu chuan ka chhuak leh a, inhnuai lamah hmunphiah leh bawlhhlawh ruhna ka zu la a,
"Ngatinge I kawr chu, thisen ni awm tak I kai neng nung ni? " Nu Sangi chuan alo ti vat a,
" Pu khian darthlalang a hnek alawm. Buaipui ngai leh tho si " Ti nang nangin ka chho leh a, kawngka ka kik a, ka lut zui nghal a.
Khumah a lo mu duai a, a maimitchhing daih a, a muthilh tak tak erawh ka ring miah lo. Ka tihtur ka ti mawlh mawlh a, coffee pawh kha a dai vek tawh ang.
"Ka pu coffee hi a thar ka rawn siam leh dawn che nge? "
" Chhuak rang teh " Ati hluk a, ka phu zuk. Ka bawlhhlawh ruh khawm sa hian ka theh that lo chauh a ni hmela chu.
Coffee tray pawh keng chuang lovin ka chhuk daih a, a hnu fe ah chuan chhuak tur ni awm tak hian a rawn chhuk a, min rawn en chuan hawisawn hmak in ka thil tihlai ka ti leh daih a,
" A bialnu kha a thi alawm. Miin rawng zetin an that a , mahse news velah chuan chhuah lo turin an hup bet hram hram antia, nihna zahawm tak tak an chelh pafa bawk sia, a khawngaih thlak tak tak a ni " Nu sangi thusawi vang chuan ka inchhir hle a .
Ka lo ngei ve em em ringawt a, a thil hnek keh vel te avanga khan mahse a bialnu thi a lo sun mek chu a ni si a, tham lo deuh te khan ka lo bia a, ka inchhir leh hle a, a thiltih te pawh kha awm ka ti leh hnuhnawh a, mipa hi chu an tuar ngawt ngawt a ngawireng hian. Hmeichhia te angin an nat zia leh tuar zia te hi an ti lang ve ngai mang lova, lu pawh an sun na bik thin.
Ka rilru ah a awm reng a, nu sangi sawi dan kha chuan an in zui rei tawh viau anih kha, lu sun nat zia ka hre tawh a, mahni a awm a nuam ber a ni.
Zanriah ei tur pawhin a rawn haw lo va, apa in nu sangi chu a rawn call a, enge an sawi chu ka hre lova.
Zanah kan mu hma a, mahse ka mut a chhuak thei lo. Naktuk mai ah dindini a kal tawh dawn a, a in pack vek tawh a, a phur rual rual in a hreh leh deuh an tih ang khan a awm a, ka hre thiam viau mai.
Ka muhil thei lo inhnuai lamah tui in tur a ka chhuk chu choka ah chuan a lo thu ngawi reng a, min hmuh chuan min melh zawk a, dawhkana zu no bawk chu a ban leh a, a ruih hmel viau tawh lehnghal a.
"Ka pu chaw I ei duh em? Mamawh te i nei em? " Min rawn en rum hle a, a hawi sawn leh daih.
" Coffee min siam rawh " Coffee leh zu inpawlh te chu a tui dawn emni? Mahse, hnial ta lo chuan ka chhuang a,
"Thil eitur i duh em? "
"Zawhna pawh chu i va ngah ve" Ati vin that a, ka phu zuk
" Aw, ka ngaihtuah vang che ani mai alawm. Ngaihtuah lo che ila engmah ka siam lovang che" Ka sawi zawh rual rual chuan ka inchhir nghal a, min en chiang tawh hle bawk.
" Min ngaihtuah maw? "
"Aih " Ti hmakin lehlam ka hawi daih a, a nui ri chu ka hre pha, a nui ring lem lo nangin.
Coffee chu ka siam zo a, a zu no vel chu dahthat sak ka tum a,
" Zu leh coffee chu a inrem lovang " Ka tih chuan a no ken lai chu min pe ve mai a, zu um chu a dah thinna chhuar ah chuan ka dah lut a, no chu ka silfai a, ka khup daih a, a thil in zawh chu nghah law law ka tum ta zawk a, fridge bulah ka ding a, min en reng vang chuan ka mur chem chem mai. A meng no lo ve ropui si a.
"Lo thu ve ta che " Atih chuan ka lu ka thing a,
"Aih, ti hian a nuam zawk, i in zawh ka lo nghak ang che " Ka ti a, ka melh zawk a, a mit leh ka mit a intawng fu chiah a, electric hi a kal chuai hian ka hre thin.
Ngawi rengin kan awm a , ka tui in hal pawh chu a reh vek in ka hria , engemaw ngaihtuah muk hmel tak hian a melh ngai a melh leh vang vang thin a, enge maw ka lo ngaihven ve ringawt ni?
"Ka lawm e" A rawn tih chuan ka va melh vat a, a kut na lam, ka tuamsak luk chu a lek kang a,
" Hei vang pawh hian " Ti leh in coffee no chu a chawi kang leh zauh a, ka lu ka bu nghut ringawt.
A in zova no chu ka sil a, kalsan mai ka tum lai chuan min lo ko ding leh a, enge a duh leh tak?
" Ka lu a hai deuh a, min puih teh " Ka rin dan vel, step atang khian ka nam thla daih dawn emawni? Engmah sawi lovin a banah ka va chelh a, min rawn kuah vat a, a hnunglamah ka chelh bawk a, min uai titih a kan in lenhleih ang reng sia, ka tlu lo chauh, a rit bawk nen.
" Min uai vak suh i rit sia ka zo lo che a, muangchang in chho ang "
" Aw le ka pi " A irhfiak uk a, ka bengfawk chak thung.
Step chanve kan thleng a , ka thaw hlawi hlawi tawh. A rit si , a eu thut anga a hnung zawngin min lum pui ang tih ka hlau zawk a, mahse pangngai takin kan thleng thei hram a,
" Muttui le" Khum thleng ka thlah a , hawi let lo va chhuah tum chu ka hawi let zuk a, kha mitmeng kha zankhua in ka mitthla ah a cham phah.
" Tui takin le" Ka chhuak zui nghal a, roomah ka tlan lut a, feelings ka duh loh tak kha ka nei dawn. Ka hnaih reng thei lovang.
Zingah hma takah kan tho a, pu chu a ruih em vang khan kaihthawh chi ah pawh ka ngai lo va, dindini kan thlah a, hlawh vel chu nu sangi kut atangin kan la vek thin tho a, keipawh chhuah zui ve nghal ka tum a,.
" Angur, nangchu pu hian la awm rih deuh turin a duh che a, midang thawk tur awm leh hma chu. A rual rual a inchuah chuan ka buai zual dawn lutuk a" Fel viau mahse kan awm hma atang tawkin alo thawk tawh thin a, kan awm tak vang mai a ka ti rilru a,
" Ni hnih khat bak ka awm belh lovang, bakah ban ka duhna a rei tawh a , hnathawk tu thar lo luh velah ka chhuak ve ang. Hna dang zawn ka duh " Ka lung a leng sa nghal hle. Ka thiannu berin min haw san daih sia, mahse kan la inhmu leh dawn chauh, heta tang hian ka chhuah hunah.
" Pu Sangzuala hi ala tho lo mi? Hmu duh tu an awm a" Security chuan a rawn ti a, nu sangi chuan han kaitho turin min ti a, ka hupurh ru ang reng hle a, mahse inchung pan chuan ka kal vat a, chhun a ni tawh a, a la mu reng sia, ngaih a ti tha lo lek lek.
A room kawngka vawi nga vel ka kik hnu pawhin a rawn hawng thei silo a, ka nam hawng ta ngawt a, a kalh lo hlauh e, khum lam ka en hmasa ber a, khumah chuan a lo la mu reng a, a harh miah lo emawni?
" Harh teh ka pu, i dam lo ami? " Ka sawi a, a harh thei lo. A pang ka khawih chhin a, a lo sa vur a, a khuasik nih dawn hi .
Ka sawi vak vak a, a rawn harh hram. Min rawn en a, a nui suk a, engmah ngaihtuah chiang lo chuan ka lo nui ve suk a,
"Hmuh duh che an awm a, inhnuai ah khuan an awm tawh ang, mahse i damloh thu ka zu sawi mai ang " A che hrut a, a ban na lam chuan ka kal tur chu min rawn hmer a, a then sak. A ban ka en vat a, ka tuamna chhanah khan a rawn sen nguai nguai nghal a,
" A thi leh tawh. A na tih i theihngilh thut ami? " Bathroom ah ka lut vat a, aid box chu la in ka let leh a, a lo thu tawh a, lukham nghengin hahdam takin a lo thu a,
" Tham lo deuh in min be thin suh "
"Pangngai deuhin ka biak che hi " Ka ti sap.
" Mahse, pawi ka ti lo. Vin deuha min biak pawh khan" Ka melh zawk a, min lo en reng a, a mitmeng rum ul kha a bo a, a meng no ve reuh lutuk. A zaidam ve hmel bawk.
" Chuan hetah hian thawk hrih la ka duh. I thiannu a chhuak tawh sia, midang an awm mai hrih si lo a" Ka hawisawn thei lo. A hmui ringawt chu ka en reng ringawt a,
"Hna dang zawn ka duh a, bakah mahni a.... " A mitmeng rawn thim thut avang chuan ka ngawi leh ta daih a,
" I kut chu ngatinge? Chuan kha khawilam nula nge? " Kan hawi rual that a aw lo chhuah na lamah chuan.
To be cont...
SOÑADORA
EPISODE 5
(Zan lamah hetah hian ka rawn dahbelh ang aw)
SOÑADORA
EPISODE 5
NGURDINGPUII P0V
Putar, Zosangzuala ang deuh a rawn pen lut a, TV vel ah ka hmu tawh chiang, ngawiteh, MLA ani ta in ka hria. Kan awmna lamah a rawn pan hnaia , a kut ka tuamsak chu a rawn en a,
" Ka pa, enge hetah i rawn tih? " Apa anih ka ring reng ani.
Ka lo ngawi reng a chhuah mai ka duh viau lai in awm turin min la duh hmel bawk si.
" I dam tha lo tih ka lo hria a, chuan he nula hmeltha tak hi tunge? " Min zawt nawn leh sak.
A chhanna duh loh thleng thlenga chhan ka chak tlat pek a,
" Ka hming chu Ngurdingpuii ania , ka hmu thei che chu ka lawm hle mai" A nui suk a, a kut a rawn phar a
" Enge i pa in a thawh a? Chuan hna i thawk tawh nge? Ila zir? " Ka rin dan vel.
"Ka pa chu Saichhunga ania, MBSE Chairman ni lai mek hi ania, chuan keichu M.A (English) ka zo tawh a, chuan hna zawn chhungin i fapa inah hian ka inhlawh a" Ka thusawi chu Zosangzuala chuan a awih ka ring miah lo. Mahse thudik ania, ka thusawi mah nise keipawhin mak ka ti. Ka pa nihna hi ka zahpui thin anih kha.
"I pa chu ka hria alawm. Fanu a nei hmeltha hle mai che " Haha, ka nu chhun lo ila ka hmeltha lovang.
"Nguri lo va chhuak lawk ta che, ka pa hi biak lawk ka duh a" Ka lu ka bu nghat a, an thusawi ka ngaithla peih reng reng lo .
" Enge an rawn tih deuh thup a? " Inah chuan mi an awm nual a, Nu Sangi chu thingpui vel lum turin ka pui a, an thu deuh thap mai.
" Sangzuala pa thian hnai te annih hi. Hetah hian engemaw an rawn ti dawn a, hotel lampang pawh ani ang chu? "
" Eng hotel maw? " Ka lo ti ha a,
" Pu te hi an hausa lutuk alawm. Mizoram a hotel lian ber neitute hi alawm annih " Ka lo hre leh miah lo anih chu mawle.
Engmah sawi ta lo chuan ka ngawi renga , chhang tui hmel deuh deuh an rawn deliver teuh a, a bang hnem dawn sia ka ei teuh ang.
" Coffee min siamsak la " Sangzuala chu choka ah a lo lut a, Nu Sangi chu a bo leh daih. Khawiah nge maw a awm ni?
"Aw le " Tiin ka siam zui nghal a,
" Min buaipui avangin ka lawm e" Tiin a nui suk a, a nui mawi hle,a nui khat em bawk a, mahse nel erawh ka duh lo.
"Keipawh le"
" Ka pa bula i thusawi kha " Ka va en zawk a,
" Thudik alawm. Mahse, engahmah ngai suh. A tangkai lo lutuk " Ka ti zui zat a,
" Engtin emaw la tih che i ngaiin ka hria " Ka ner ru nak.
" I ngaihdan anih chu " A hriat loh tawk leh ka hriat tawk lek chuan ka ti sap a,
An thiltih an zawh chuan an haw deuh sang sang a, apa pawh chuan min nuih sukin min kalpel a, Sangzuala erawh ka hmu leh tawh lo.
Ka tifai mawlh mawlh a, ka zo a Nu Sangi ka pui leh a, engkim kan tih zawh hnu chuan kan thu a, kan titi mai mai a, Sangzuala chanchin ka hriat tam phah a, ka ngaih ang em em a sual leh hur kha chu a lo ni lo tawp a, a lo hrawn rei tawh bawk nen a hrechiang hle a.
Mipa pangngai ve tak a ni thin a, a nui duh in a hlim ve thin lutuk. Mahse a rawn puitling chho a, apa kalh zawng hian a khawsa ta tlat mai a, apa sumdawnna te pawh a enkawl duh lo va, hei police hna hi a thawk lui ngat a, mahse tunlai hian a hlim ve riau hian ka hria a, I awm vang pawh ani mai thei ani , hmeichhe dang hi chu Pari tih loh kha chu a nel ngai meuh lo asin le. Tiin nu sangin min hrilh a, keimah vang a nih erawh ka ring lo.
" I room tihfai a ngai em? " Dindini a awm ve tak silo ah chuan keiman engkim ka ti vek hrih a, awmpui tur pawh an zawn belh mek bwk a, in a lian in bungrua tihfai ngai a tam si a.
A room chhungah a awm lo emaw ka ti a, tukverh lam hawiin a lo thu a, ka biak te chu a hrelo emawni?
" Lo lut rawh " Tih zawng chauhin min chhang a, ka lut a, enge sawitur mai ka hre lo . Coffee i duh em tih leh ringawt zel pawh ani si lo va.
" Ka kut tuamna hi min thlaksak leh la" Khawngaihin a tih tel ka rin tehlul nen. Mahse engmah sawi lovin a kut chu ka tuam that sak a, damdawi ka hnawih sak bawk a, a lo ti thi leh tawh nia.
" A thi reng chuan a dam thei dawn lo va " Ka thusawi chu hria ang pawhin a awm lo. A en ngai a en reng ringawt a. Ka ngei deuh chuan ka ti na vak a, engmah a hre lo. Hrep chuan a.
" Hetah hian awm ve reng rawh " A rawn phun chhuak sap a, ka en deuh ha ringawt.
" Inah hian cheng ve reng rawh. I duh I ti thei bawk anga, mahse chhuak kher suh kalna tur pawh I neihloh kha ' ka nui sak.
" Aih, chhuah ka tum fel vek tawh a. Bakah hna tha deuh neih a,mahni a in lian deuh neih ve te ka duh a, I in ang tiat hi. Hausa tak nih ve te ka duh alawm "
" Hetah I awm reng thei alawm " Ka kut chu a kut hrawl leh lian tak chuan a rawn hum vang vang a, mahse ka la sawn vat a, chuan ka ding a, ka kalsawn nghal daih.
Ka kut a rawn khawih khan engtin emaw hian ka awm a, chu feelings chu ka duh lo.
Ka chhuah tum ni a lo thleng tawh a, Sangzuala hmuh chu ka hreh a, ka hlawh pawh ka la vek tawh a, hotel ah awm hrih ka rilruk a,
"Ka roomah min rawn hmu rawh " Inchung atangin Sangzuala chuan min rawn ko a,
" Ka kal tawh dawn a, anih aw" Tiin ban ka vai a, kal mai ka tum a, inchung atangin chak zetin a rawn tlanthla a,
"Kal suh ka tih kha" Engtik laiin nge ka bulah a rawn thlen hman ka hre lo. Na zetin a ban na lam chuan min hmer a, a thi leh hrim hrim ang. Engemaw a hriat ni?
"Min thlah teh engemaw i hriat a? "
"Inbe lawk ang ka tih chu. Ka vawikhat thusawi hi ka sawi ngun ngai lo ania "
"Tikhan sawi mai la, enge i hriat a? "
" Lo chho lawk rawh " Tiin min en leh vang vang a, ka zui lo thei lo. Ka zui chho ta nge nge. Nu Sangi makti hmel chu ka hmuh hmaih hauh lo.
(A tawi... Min hau luai luai ru... Mahse ja ziah sa kha ka ti danglam leh vek a, ka type thei tawh rih lo va ka kut ka zai na lai tak hi ka type na ani ber bawk nen. Episode 6 erawn a thui viau ang, ka sawi sak ngam)