SOÑODORA BY Nunui Franky Hmar (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: SOÑODORA BY Nunui Franky Hmar (Completed)

Unread post by Ngaia » May 31st, 2020, 3:15 pm

SOÑADORA




Episode 9





Ziaktu: nunui





💫Min hmangaih tute hi kan hmangaih te aiin an hlu fo 💫







🌼NGURDINGPUII POV🌼









Choka ah ka awm reng a, ka chhuah chuan min lo ko leh ngei dawn sia.




Ngawi rengin ka thingpui in zawh hnu pawn ka la thu a, phone ka khawih a, Sangzuala lo luh lai pawh ka hre lo. Ka darah a rawn khawih a, ka phu leh zuk tawh.





" Minti phu fo suh " Ka awm ka dawm a, nui sukin ka biangah a rawn fawp a,




" Duhawm lutuk. Ka thiante an haw tawh a, inkawm ve tawh ila " Awmze nei takin a sawi tlatin ka hria. Engmah tih dun ka duh lo. A kut ka dar a vawnna chu ka paih thlak sak a,






Roomah ka chho a, chhuah tumin ka insiam a, thil neuh neuh lei ka duh. Room a rawn kik a, mahse ka kalh daih a, a rawn lut thei dawn chuang lo. Muangchangin ka insiam a, ka hla play ka sak pui rat rat reng bawk a,







Ka hla play chu rawn tawp in ka phone ringtone a rawn ri ral ral a, hmela chu.






"Enge? "




"Kawngka lo hawng teh"




"Ka hman hrih lo. Tikhan sawi mai rawh " Kekawr ka ha sawk sawk a, ka sam ka tawn tawm a, make-up tlem chiah ka hmang. Ka hmai bawl na hnu duk chu khuh ngaihna ka hre lo. Ka vun ah hian a langsar bik hrim hrim.







" Tinge I bulah hun hman ka duh hian i phal ngai loh? Hun kan hmandun tam loh chuan engtin nge min hriatchian theih anga min hmangaih theih ang ni? " Ka ngawi hmak. Chhan let dan tur ka hre lo.







"Ka chhuak lawk dawn a, ka insiam laklawh ka lo haw hunah kan sawi dun dawn nia " Tiin ka off daih a.









🍂ZOSANGZUALA POV🍂






Hrep hian! Min hnial reng ringawt mai. Ka dawhtheihna hian a tlin lo tep a ni.




Ka roomah lut in ka insiam ve nghal a, amah in khawiah mah ka kaltir thei lo.




Vawiin a ka inleng te pawh kha ka lam tang anni a, pakhat khan ka pa eiruk thil velah a case kha chhui chian turin a khawih anih kha. Mahse, MLA thil tithei tak ani tih a hria a, kan thiltihtheih zia a hre bawk nen min rawn hrilh pahin a rawn kal a,






" Pawisa chu i duh zat zat i dil mai dawn nia, a case i khawih tih a hriat chuan a lawm khawp ang " A nui vur vur a, a beer can keng chu a tuai leh zauh thin.






" A rawn report tu erawh tunge tih min hrilh ve dawn nia " Pawisa hian engkim ati thei tih hrechiang tu kan ni.







Ka private investigator rawih chuan min rawn phone a, reitak chhung ka lo chhui ruk tawh chu a chhui chhuak ta.




" Print chhuak la min rawn pe ang che nangmah ngeiin. Tu man an hre tur a nilo. I bank ac ah pawisa ka rawn thun ang "







Ka duati insiam pawh chu rei ka ti hle. A rawn chhuk ka hmuh chuan ka ner nak. Reitak a inkhung a, jumper leh jeans a ha a, a duhtawk der amaw?







"I rei em em sia " Rum zetin ka pan hnai chu min melh a,




"LBS" Ti supin kawngka lam a pan a, ka zui leh tho. Ka duhloh dan deuh hian min control kual ni berin ka hria.






Gate lam a pan chuan ka ko ding a, rum zetin a rawn leh hawi a,





"Ka duat ti khan min ko ziah suh. Khiangawi " Khiangawi a? Ka nui chhuak hawk a, ani pawh chuti tho.





" Ka hruai ang che, min lo nghak la" Motor ah ka lut a, ka inturn a, min lo nghahna sirah ka ding a,






" I nin vaih "




" I bulah chuan nin pawh a sawi theih loh " Ei lo zeta min en chuan ka nui suk.





Kal duhna a ngah phian a, hmeichhia si a pen hlawk hle bawk.




" Uite i ngaina em? " Ui vulh ka rilruk a, a duh chuan ka vulh anga a duh loh chuan ka vulh lo ang ka ti rilru a,.





"Ngaina lo. An bauh peih si, zawhte hi ka ngaina zawk. An fing a, mahse ka ngaina vak lo ve ve, ka duh lo ve ve vulh atan chuan... Ui ai chuan zawhte chu ka duh zawk tho. Ui à deuh phei hi chu. Bauh tur ringawt hi an zawng a, kaih na lam apiangah an kal a, ek thing bak va tawng suh "





"Teh duah che chuan"




" Min zawt anih kha! " Tiin a kal leh daih a, a hnungah ka zui a, leitur a hre si. Mipa kan tawh thenkhat te chuan an enduh hle hian ka hria, ka hmeichhia hi an lo melh pawh ka phal hleinem. Rum zet a lo en let bak tunah chuan tihtheih ka nei hrih silo a,









"Sangzual " Kan hmeichhe tawh mai mai chu. Ka sira kal ka duati chu a melh nghal zat bawk a.





"Hei khawi lam mi nge? "




" Kal vat ang, ka riltam ania" Ngurdingpuii'n ka bana a rawn chelh chuan mak ka ti hle a,




"Enge ilo kaih ve ngawt a? Sangzual hetiang ang... "




"Tawngtam suh aw Abby, kal phawt rawh " Ka ri hrawk a, min hlau hle tih ka hria. Rum zeta Ngurdingpuii en pahin a kal a,





" I ninawm, hmeichhe thian I ngah lutuk hi "





" Nangmah bak duh ka nei lo che tih i hria alawm. Chuan nangpawn keimah chiah hi min hmangaih in min la en bawk ang"






" Confi viau suh. Mipa pakhat chiah i awm lo ania, bazaar a pheikhawk an zawrh zo zai te khu en la."





"Chu.... "





"Mipa si, min hnial reng suh. Ka riltam ka tih chu " Restaurant pangngai takah hian a lut deuh tharh a, ka zui lut ve nghal a, hmun nuam deuhah hruai ka tum asin le.







Ka ei duh min zawt a, a ei ang ang ka ei tur thu ka hrilh chuan min en ha a, mahse engmah a sawi lem lo.










😈NGURDINGPUII POV😈






"Sawnu saw ka ngei ngawt mai. U Sangzuala luh khung tu antih kha mi? "




"A hma in a maid ah a tang a, tunah chuan a dick a fawhsak tawh ang chu mawle "





" A hmel en sawn engtin nge u Sangzuala hian a duh theih ni? " Chung tleirawl nge nula nge nuthlawi nge, tawngkam duh tui tak tak te lam hawi tuma ka in her lai chuan ka kutah Zosangzuala chuan a rawn chelh a,






" I hmeltha lutuk " Thla min lo laksak chu niin. Ka ner khum nek ringawt. Hmeichhe ho chu ka va melh hram a, ka rin ang chiah, fit 5 boruak hip pha chin te te, changkang hre ve si, changkang tluantling lo leh chhungte thawh hah sa ringa inchei par ho bak an ni lo.







Thil kan ei a, kan ei zo chu ei man a pe dawn emaw ka ti a, a kal daih a, uikawm reuh lutuk , mipa ve si.





Ka chhuak tur chu ka phone a ri a, school lama ka thawhpui te anni.




"Hello"




" I check zo tawh em? " Thil eng eng emaw kan sawi a, ka nuih deuh har har vang chuan Sangzuala chuan min en no lem lo hle.





"Anih nakinah kan inbe leh dawn nia" Phone ka off a, a bul ka thleng zui nghal a,




"Tunge i biak kha? "





"Ka thawhpui ania " Motor ah thut luh ka tum chu min lo dang vat,




" Mipa nge hmeichhia? "




"Zosangzual i mak e" Ka tukhumah min vuan a, a lamah min pawt hnai a,



" Ka sawi tawh kha. Keimah lo chu mipa dang i biak emaw i melh emaw ka phal lo "




"Ka hria, nangpawh hmeichhe dang i be lovang tih.. " Ka sawi zawh hma in a rawn kun a, min rawn fawp zui nghal a, kan awmna laiah mi awm vak lo mahse a khawlai lutuk.





A lei ka ká chhungah rawn hawl luh a tum pawn ka lo dang tlat a,




" Hremna anih kha . Ka duat, haw tawh ang " Min rawn fawp leh zauhin min thlah a, ka zun ka cheh deuhin ka hria.





Ngawi rengin kan chuang a, kan in thlen hma deuh dawrah chuan cigarette kan lei lawk ang tiin a ding a,



Motor ah ka lo awm a, a rei reuh zek lehnghal a. A phone motor hma a a dah chu a rawn vibrate a, a screen a rawn eng a, en pawh ka tum em em lo , mahse message rawn thawntu hming chu ka hriat tawh hnu a ang ks ti




" Ka ti zo tawh e, a ruang chu ka dah bo tawh " Tih hi a ni a, pakhat leh zawk chu "zanin dar 11 ah i inah an rawn dah leh ang. CID in an veh reng ania " Tihnen hian.






Hetiang em em hi chu a nih ka ring lo asin.





Motor ah a lo lut a, ka lo en reng a, frooti hi min rawn leisak ringawt a,




" Ka rei em? Ka hmelhriat in min lo be luama " Tiin a tlanchhuak zui nghal a, engmah ka sawi lo. Zanah chuan eng bungrua nge lo thleng tih chu en ruk ngei ka duh.







In kan thleng a, gate an lo hawnga , ka ngaihbel nge ni, mi ka hmuh ngai loh in bul hnai lutuk lovah chuan min lo en reng tu ni awm tak te hi an awm in ka hria.





" I tha em ka duat? '




" Aw ka tha , i tha zawk em? "




" Thatloh lai ka nei lo. Chhuk tawh la " Ka chhuk vat a , engmah sawi lovin ka room ah ka lut zui nghal a ,






Room ah ka awm a , tlai dang ang lo takin a reh deuh thiap hian ka hria a, a reh lo ngai ami? Hrep hian a,





Zanriah kan ei kham a, room ah luh mai ka tum lo, pawnah lehkhabu chhiar pahin puan nuam ka sin a, hetah hian ka nghak chhuak dawn hi a ni ringawt.






Reilote ah Zosangzuala ka bulah a rawn thu a, sofa hlui lam thutna turin a awm a, chutah chuan ke hlang chungin ka thu a, light a eng tha hle a, boruak a nuam bawk nen.






"Lut rawh " A ti hmuk a,





" Lut la nimai lawm. Nge ilo chhuah? " Min en vung vung a, ka puan sin a rawn pawtthla ringawt a, ka vin hlar mai...






To be cont



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 3:15 pm

SOÑADORA




EPISODE 10






😈NGURDINGPUII POV😈






Ka puan sin a la daih a, mahse inchhungah luh ka tum chuang lo. Ka thil tum chu a hre ru emaw ni chu aw ka ti hman a, mahse a hriat ka ring leh lo.






Ka bulah a rawn thu ve a, ka lehkhabu chhiar chu a rawn bih zawk a,





" I luhlul lutuk hi engtin nge maw ka tih reh dawn che ni? "





" Nangpawh I thinchhe lutuk leh sual lutuk hi " Ka ti hman chauh a, puan chuan ka lu ah a rawn khuh a,





"Min hnial let zawt zawt lo bawk la " Ka malchungah a mu a, tawt zetin kan thu dun a, min rawn chhoh en reng avang chuan nuam lo ka ti a, mahse a sual zia hre mahila ka hlat thei chuang si lo.






" Thiante I neih vak pawh ka hre lo " Ka melh thla zawk a, ka hawi sawn leh daih a, a inbual zawh vang nge a sam chu a nem hmel em em a, khawih ka chak takzet a ni.





" Thiannu pakhat ka nei alawm. Dindini heta ka thawhpui kha, mahse pasal a nei ta daih a " Ka kut a vuan a, lehkhabu ka ken chu chhuatah a dahthla daih a .






"Pasal neih ve i ngai tawh anih chu " Sawichhan a nei tih ka hria, ka hrelo der tlat a,




"Nangpawh nupui nei tawh rawh "




"Aw le , nei ang . I inpeih hun hunah kan innei dawn nia" A thusawi vang chuan a chhipah ka tham a, a chhing sak. A sam chu ka lo suangtuah ang khan khawih in a nem em em a, ka sam ni zawk se ka ti ngawih ngawih.





Ka kut chu la sawn ta lovin a sam chu ka khawih niap niap a, a sam hi meh a ngai anih hi. Mahse chu chu kei aiin a hrechiang zawk daih ang, ngawi rengin kan thu dun a,






" Ka pu I phone ila thei lo va, I pa in a be duh che a " Nu Sangi haw tur chuan a ti a,




" Aw le. Ka phone atangin ka lo be mai ang pi Sang nangpawh haw tawh rawh "




"Aw le, muttui ule" Tiin ka malchung atangin a tho a,




Engmah sawi lovin min en a, a rawn awn hnai a, min fawp zuk a, chumi hnu chuan ka pa kan be lawk ang tiin inchhung lamah a lut daiha .






Ka phone ka en a, dar 9:30 vel a lo ri tawh. Dar 11 anti anih kha , pawnah erawh thut reng ka ning deuh , coffee intur siam turin ka lut a, inchung lamah a chho ani ngei ang ka hmu miah lo.





Choka ka lut dawn a, mahse awmpui pahnih te thusawi vang chuan choka luhna kawngka ah ka ding a,





"Pu bialnu hian a hriatchhuah chuan a tha lovang , a chhuak anga, kan pahnih hian hremna kan tawk mai ang"





" A hriat loh tur in kan inthup viau a ngai dawn anih hi. Chhunah khan pu in dar 11 ah a lo thlen tur thu a sawi kha. Pawnah sawn Nguri kha ala awm reng a, a hre deuh emawni ka ti. A fing ropui si a"






" Pu thiltih hi hria se chu a then daih tawh ang . "





Engmah chutiang a thleng thei lo. A sumdawnna hi a tlachhia anga, chuan keini pawh. Pu ber (Sangzuala pa) hian min hrem mai ang, hetah hian kan thawk a, kan inthlunzawm vek tih pawh hi a hre thei lo ania. Pu hi duh ru ve viau mahila, kan tilang thei lo ania " Thil thar zel maw?






An lo in relate kual vek tihna anih dawn hi. Thawm ka nei lui a, choka ah chuan ka lut a, min hmuh chuan min en hra a, mahse an thusawi hre lo ang deuhin ka awm a,







" Duh I nei ami? " Pakhat zawk a sang zawk chuan min lo ti a, ka lu ka thing vat,





" Aih, mu tawh ru. Keimahin ka lo insiam mai ang " No hnih tur ang chu ka chhuang a, Sangzuala khan a duh ve in ka ring.





He inchhung hi ka hrethiam teh nuai tawh lo. Engemaw diklo chu a awm a ni , ka hrechhuak vat anga, helai hmun hi ka chhuahsan thuai bawk ang.





Ka in ngaihtuah muk em em laiin ka hnunglam atangin tuin emaw min rawn kuah a, ka tre that.





" Au vak thin suh. Keimah I duat mawle "




" Ka duat I nih lai reng reng ka hre hleinem. Min thlah teh " Min thlah ve mai a, dawhkanah a thu a, min en reng tih ka hria.





" I va mu har tawh ve, I mut a la chhuak lo ami? " Min ngaihtuah hmel takin ati a,




" Chhuak hran love, nangpawh " A nui suk ringawt.




Coffee kan in dun a, hemi kan inzawh hian mu turin minti ngei dawn tih ka hria mahse dar 11 nghah thlen ve ngei ka duh bawk si.






" In hnunglamah hian a hma khan thei kan phun a, chu chu hmanni khan ka hmu zuai a, a hmin pawh a awm nual sia, min kalpui lawk peih em? " Maktih hmel zetin min en a,





" Tun ang zanah maw? I rai ami? Nang hi mipa dang... "






" I ngaih ang engmah a awm lo ania aw, k period dawn hnai a, chuvang alawm. Hmeichhia ka nih hi" Min en leh vung vung a,




" Ka va kal ang lo awm la"




" Ka lo kal ve duh "tiin ka zui tlat a,








🦋ZOSANGZUALA POV 🦋





He hmeichhia hi ka hre thiam thei lo. Ka pa khan hmeichhia te hi i hrechiang thei ngai lo ang ati anih kha.




In hnunglamah kan inzui a, a thim deuh avangin ka phone light ka on a, ka sirah Ka duati a kal hnek hnek a,




Dragon fruit chu alo hmin sen tiar a, heihi maw a eichak.




" Min lo en la, kan lo ange" Tiin a awmna lam a pan a,




" Aw le, hling khan a chhun ang che nge" Ka ti zui a, ka en reng a, a hming tha a zawng nge, a en kual dan dan a, a mut vat loh chuan bungrua lo thleng kha a hre ngei anga a tha dawn lo.





Zanin ber kherah tinge a period dawn, hmeichhia hi chu!





"Hrep chuan! " Atih hluk ri ah chuan ka hawichhuak a,



" Fimkhur turin kan inhrilh mawlh mawlh a" Ka zaidam rei thei lo. Zaidam ka zir viau asin. Thinchhe thang leh vin thang ka nih vang nge, ka inthlak thei tak tak lo. Tum erawh ka tum nasa, ka inthlak nasa tawh viau emaw ka ti asin le.











" Min vin kher suh, thinchhe lutuk" A kut chu a en a, ka pan hnai a, hling hi a lo bur va a, ka phawi sak hnu chuan kan let a,






" Ka eichak tawh lutuk, ka lo siam ve ang che " Choka ah a lut a, ka zui nangin awmpui te pahnih ka pa in a rawn rawih te vang chuan ka ding a,





" Pu in a rawn thleng hma dawn a, phone i la thei lo ati a, reilote ah a lo thleng ang" .





"Dar 11 ah anih kha, tunah dar 10:30..." Hrep a, ka duati bula awm hi chuan hun a kalchak takzet a ni. Ani lah choka ah a thil eichak phur takin a siam suah suah mai si.




" Aw le" Tiin ka kalsan a,






" Ei kham ah chuan mu tawh rawh aw, i chau lutuk ang. I thi bawk sia " Chu thu ka sawi rual rual chuan min melh a,thil sawi diklo ka nei ta emni?





" I thi a? Hmela mu rawh "





"Thinrimna tur engmah a awm lo, thil diklo pawh ka sawi lo ".



"Nih tak vel chu hmela"





Ka hnial reng chuan awmzia a awm dawn lo tih ka hria. Ka en reng ringawt a, a thil eitur chu ban ve ka tum a, plate a pawt sawn daih a, hrep chuan . Uikawm lutuk.





A ei zo a, min be lovin a kal daih a, muttui tal pawh zu ti lova.






Roomah a lut ngei tih ka hriat hnu chuan pawnah ka chhuak a, gate ah chuan motor a rawn tlan lut ve mek bawk a, ka pa pawh a motor in a rawn kal a,





" Engzah man bawr nge anlo ken ? CID an in zarparh nasa khawp mai " Ka pa chu ka melh zawk ringawt.






"Thilsual chu manchhuah hun ala awm ang chu. " Driver chu a rawn kal a, ka pa nen an inchibai a,





" A den rem rem khawp mai. Check gate 3 kan palthlang a, vanneih thlak takin min man lo hlauh "





" Man che u pawh ni se duty ho kha ka fapa thawhpuite annia, CID lam te annih ngawt loh chuan an report tawp lovang. Bungrua chu en ila" Garage lamah kan inzui a, bungrua chu an remtha a, an phawrh zui nghal a, a tamtham khawp mai.







"A vai hian cheng nuai 25 man hu ania, hetiang tih hriat a lo phur teuh tur ania "





Pawisa te kan inpe a, an kal zui mai a, gate bul thleng ka thlah a, ka hawikual a, min enthlatu awm ang ka hmu lo , mahse kan in atanga fit 30 vela car dum helam hawia ding chuan ka mit a la tlat a, nidangah a din ngai ka hre lo. A rukin motor number chu ka chhinchiah a, in lam ka pan leh a.





"Dealer ho in naktukah an rawn la ang. Fimkhur kan ngai viau ania"




" Hetah pawh hian i rawn dah reng thei tawh lovang. Ka hna nen hian a inhmeh lo lutuk "




"Aw le, ka tibuai rei tawh lovang che. Kan hotel lo thang zel na tur anih hi " Ka pa a haw hnu chuan bungrua chu ka khuh tha a, inchhungah ka luhsan daih a, ka duati room chu tih harh hlau zetin ka hawng a, mahse Ngurdingpuii chu ka hmu miah lo. Hrep hian.






He hmeichhia hian min lo enthla ani angem? Khawiah nge a awm? Min lo enthla anih chuan a chak dawn lo lutuk .





" Nakinah kan inbe leh dawn nia. Inla pasal nei dawn vel lutuk emai. " Aw lo chhuahna lam chu ka pan a, balcony ah chuan phone alo hmang chu niin. Ka thaw huai a, a rawn hawi chuan rum zetin min melh a,





" Enge, mu ta che nge i rawn luh ruk ve ziah a? " Ka pan hnai a, ka fawp vawng vawng a, he hmeichhia vang hian ka nun hi siamthat ka duh thin.





" Min fawp ringawt zel suh" A hmui a nuai a,




" Mu tawh rawh ka duat , i chau lutuk ang"





" Aw le, nangpawh muttui, i chhuah pahin light saw min lo off aw, khum bul mi hi chu kinah ka off mai ang" Min tir zawm zat nia mawle. Eng hmeichhia nge maw anih le?








🍂NGURDINGPUII POV🍂




Min man teuh zia kha, balcony ah ka lawn chho anih kha. Ka tla tep lehnghal a,





Ka room ah min thlen khalh avangin phone hmang angin ka awm ta ngawt kha ania, engmah a hre love.






Ka lawn na lamah ka kawr ka tai tet a, hrep hian a, an thla ka lak ruk chu ka en a, pawisa an inpe lai leh drugs an phawrh lai te. Vo nan heihi ka hmang dawn a ni.






Tunah chuan min kaltir tawh ang. Ka nui suk a, ngawi rengin ka mu vang vang a, ka room lehlam a thawm chu ka ngaithla a, darthlalang keh chuai ri chu a chiang ngei mai. Enge a ngaihtuah leh tak?








To be cont...

MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 3:16 pm

SOÑADORA




EPISODE 11





(Ka readers duhtak te, a hmasa in comment lamah feedback min pek theuh ka lo beisei dawn ania. Silent reader te pawh kha aw, inthlahrung lo khan aw.... Comments min pek that te hian mi hi a ti phur ve a, tin ziah leh zel chakna min pe thin bawk a. Writer dangte pawh an nih tho ka ring. Engpawh nise, ads kha vawihnih theuh min lo click sak leh dawn nia aw...... Tih huks hnai nia😁)








🌼NGURDINGPUII POV 🌼






Ngaihtha lo zetin ka mu a, zingah pawh hma takah ka harh reng a, ka tho vat a, Zosangzuala room lam ka pan a , a room kawngka a lo inhawng deuh a,





Ka bih dak dak a, khumah thu in phone alo hmanga , a room chhung chu a hnawk niai mai.





Min hmuh hlauin inhnuai lamah ka chhuk a, Nu Sangi a lo kal tawh a, ka mut that leh that loh te min zawt a, kan titi luam a, awmpui pahnih dang te awmna ka zawh chuan inchhung thil lei tura pu in a tirh thu a sawi a.








Reilote-ah Zosangzuala a rawn lut a, a hmel chu hmuh a hreawm hle lehnghal. Min hmuh chuan min rawn pan hnaiin ka hnungah a rawn thu a,.






" Lo kaithawh che ka tum a, min thawh khalh ve tehmial a" Ka hmui ah min rawn fawp a, ka dawh tawp . Tinge ka duh let ve miah theih loh chhan hi ka hre lo. Mahse ka haw lutuk tawh lo tih erawh ka chiang viau si. Hnaih ka tum apiangin hlat telh telh ka duh a, hlat viau erawh ka hlau si.






Hna kal turin a insiam a, keipawh a chhuah hunah chhuah ve na tur ka nei.





" Inah lo awm la aw " A kal dawn chuan min lo hrilh a, vei nei a ang ka ti. A police form chu misual tak ni lo se chu inhmeh ka ti viau ang le. A zahawm hmel ngawih ngawih bawk si. A pa hliah hliah hian ka hria.






" Chunah ka chhuak maithei a"





"Khawiah nge i kal dawn? " Zawhna mitmeng a khatin a ti zui nghal a,





" Ka thiannu ka tlawh dawn mawle , ka ngai tawh alawm " A thaw deuh huai a, hepa hi.






" Aw le, min lo hrilh la, driver i in hruaitir dawn nia. I haw lam erawh min lo call la, ka rawn hruai ang che " Ka ngawi reng a, a lamah min pawt hnai a,






"Ka duat, kan awmdun rei tawh. Khawngaih in min duh tum ve tawh rawh, i tan tiin ka inthlak ve mek zel anih hi. Khawngaih in hun min pe ve thei lo emni? " A mitah ka en palh chu ka tihsual liantak a ni. Hun lo pe ta ila, lo duh let ve in hmangaih hial lo hmangaih let ta ila, engtin nge ni ang? A thil tihsual zawng zawng te hi a sim dawn emni? Mahse chung zawng zawng chu.





Ka lu ka bu nghat a, tawngka in ka chhang lo. Min nuih a, a lamah min pawt hnai a, min fawp vang vang a, tuntum chu ka lo chhanglet ve a, chuchuan a ti phur zuala, ka hnute a rawn vuan chat.




" Sangzual duhtawk rawh " Ka thaw a chham lek lek.





A mitmeng chu a sen ram a, ka kut chu la in a kap zawn chu a kekawr chhanah min khawih tir a, ka ip zawk thei. Rang zetin ka kut ka la let a,





" Min ti phur takzet. Nasa takin ka mamawh bawk che. Mahse ka duat, ka ta i ni tawh a, a nemngheh nan hun ka duh rei tawh lovang. Ka nghak thei che, hun reilote chhung chu " Tiin min fawp leh zauh a,





" Heti chuan ka chhuak thei miah lovang le " Ka nui ve suk. A zual zia ka lo theihnghilh hman alawm.







Ka thaw a la pangngai lo. A mipatna len leh hrawl zia kha. Chutah a la khawng em em zui a, ka ngaihtuah phei chuan ka hmulthi a ding sung sung thei. Virgin lo chuan pasal ka nei dawn lo tih hi ka thupui a ni rih tlat .






Rei fe roomah ka awm hnu chuan ka inti harh a, Zosangzuala a chhuak tawh bawk a, ka insiam a, dindini ka bia a, inhmuh na tur kan sawi lam panin ka chhuak a, driver ka inthlah tir lo.






Kan inhmuh chuan kan in ngai hle a, ka hriat leh hmuh ho chu ka hrilh vek a, thut awm thei ah ka thlalak sa ho chu ka thawn a, lo dahtha tlat turin ka hrilh a, ka ngaih a tha thei lo. Tinge miin min entha tlata hriatna ka neih ni?





" Dindin, Zosangzuala hi ka duh tan dawn in ka hria" Ka thiannu chuan ner nawng nawngin min en a,




" Kha kha lawm ka hlauh. A zei si a, a lem thluk che kha lawm ka hlauh, mipa tha tak a nilo tih i hriat kha. Duhna mai mai chu a pawi lo, mahse i hmangaih let thei lo. Eng ang mi nge anih i hria tiraw? " Ka lu ka bu nghat.




Ka mitthla ah Zosangzuala hmel a rawn lang a, hrep hian. A mitmeng te, a taksa te, a engkim. Pa em em mai leh zun ngah em em te chu. Ka hmulthi a ding sung sung thei.







Thil kan ei dun a, ka ei hnem hle, ani pawh chuti tho.


" A nuam em ? "




"Chutiang sawi ala hun lo, nakin ah ka hrilh ang che" Ati sa sa a , kan inthlah a, haw nan ala hma deuh vangin bazaar ah ka tei kual a, karleh ah school luh a ni a, ina awm ai chuan naupang ho bula nilen pawh a nuam zawk.






Mi hian min zui ru hian ka hre tlat a, ka hawikual lahin tunge ka hre si lo. Ka ngaih a tha lem lo. Hmanhmawh takin in lam pan turin ka kal a, ka phone lo ri ve chhen chuan ka thin a ti rim lek lek. Chutah ka pa alo ni bawk nen .







" Bawihi inhmu ila, thil sawi dun lawk teh ang " Dam dap bawk chuan ati a, enge a sawi leh tak ang?






" Ka buai a, ka hman lo"





" Ka rawn kal thei tho. Sawi ngei ngei a ngai, i thianpa bulah pawh ka lo sawi mai ang" Ka pa leh Zosangzuala hi an in nel tan viau a, heihi ka duh lo. An lo inbiak ve chhen kha a ngai lem lo.








" Ka rawn kal ang inah khan " Phone ka off zui nghal a, ka nuhrawn leh a fapa pawh ka hmu khat viau alawm.





Ka kal tumna thlak in ka inher a, taxi ka phar a, ka nu min hriatchhuah tir a, inah va kal hi ka duh ngai lo.






🦔ZOSANGZUALA POV 🦔




"Hrep hian leh ka duat. Tunah chuan ka ta ah ka siam ngei che a ngai , min kalsan theih tawh hauh lohna turin " Ka inah cctv ka dah chhuak vek a, tun hnai hian ka dah thar a, tumahin an hre lem lo.





Nizan khan Ngurdingpuii'n min hmu vek a ni tih leh a landan in thla a lo la ru tih ka hriat chuan ka thinrim hle a, ka duh chuan ka dahtha anga tuma chhui zui theihloh in ka siam thei tih pawh ka hria, mahse he hmeichhia hi ka hmangaih tlat a, tih ngaihna ka hre lo a ni.





A room balcony ah a lawn liam lai te chu ka en reng a, a sang si a, engtin nge a lawn awlsam em em ni? A roomah pawh hian cam dah ruk a ngai dawn anih hi.





Balcony hungna sir ah a kawr a tai tet na them chu a kai deuh va va a, nizan khan hre tur ka ni asin. Kan chungchang a hriat tawh chuan enge a tih tum tih leh enge a tum chiah hriat ka ngai.





Amah enthla turin constable pakhat ka ruai a, chanchin engkim rawn report turin ka ti a, engthil chiah nge he hmeichhia hian a tum hi ka hre lo.






Tukin zing a kan awndan ka mitthla a, min chhanglet ve anih kha, ama duhthlanna ngei in. Duhthaw zetin min chhanglet anih kha. Ka insum thei lo hman tep a, mahse a hun takah a inla hrang hram a,






Ka phone rawn ri ral ral chu ka melh zawk a, Ka duati pa a ni. Engvanga min lo call nge a nih?





" Enge nita? "




"I buai loh chuan kan inah min rawn hmu ta che. Ka fanu pawh a rawn kal mek a, hmuh che u ka duh a , thil sawi ho tur kan nei "





"Aw le, ka rawn kal ang " Ka off a, banga sana intar ka melh zauh a, ka duati chhuak a la haw lo tihna a nia.







" Enge chanchin? " Ka private investigator rawih nen chuan a rukin kan inhmu a, files min pek chu ka en a, ka pa mi rawih ngei a ni e, ka bialnu hlui that tu kha.






Ka pa hi ka man tir ngawt thei si lo, haw viau mah ila. Pawisa ka pe a, a chhuk zui nghal a ,





Constable chuan Ngurdingpuii thiltih a rawn report a, a thiannu nen an inhmuh thu chu . Dawt chu min hrilh lo a ni. Haw tawh turin ka hrilh a, a pa te in thleng a zui hnu chuan. Keipawh reilote ah ka thleng a, ka puzawn chuan eng thu chiah nge a sawi dawn ka hre lo.







🌺NGURDINGPUII POV 🌺





Kan in ka thleng a, kawtah ka pa a lo awm a, ka hmuh peih lem lo mahse thil pawimawh sawitur a neih vang chauha hmu ka ni.





Inchhungah kan in zui lut a, ka nuhrawn chu ka hmu hmasa ber.





" I lo kal a ni maw bawihi i reh lutuk a" Min lo be tha vel lutuk, chhuat chhu denga ben vir nawk ka chak ania a.




Chhang let lovin ka pa ka zui a, inchunga a lehkha chhiar pindanah kan lut a,





" Sangzuala lo nghak lawk ang, a rawn thleng tep ang " Atih chuan rum zetin ka melh a,





"Enge a rawn tih ve anga? Ka duhloh zawnga i tih chuan "




Kawngka a ri rawk a, kan hawi din vat. Zosangzuala chu police form la ha reng chung chuan a rawn pen lut a, min hmuh chuan a nui suk a,





" I lo thleng tawh bawk a, lo thu la "






Ka pa nen chuan eng eng emaw an sawi phawt a , chumi hnu ah chuan ka chungchang a rawn sawi ri leh a,





" In khatah in chengdun a, a awmzia chu nupa angin in khawsa tawh anga "




" Ka pa, Zosangzuala ina ka awm ve vangin kan inkar ah engemaw a awm tihna a nilo ania" Zosangzuala chuan ka kutah a rawn chelh a, laksawn ka tum a, a duh lo. Ka kut lehlam chuan a kut chungah ka sik hlawk a, a dahsawn rang teh e.






" Bawihi, pasal nei rual i ni tawh a... "





"Ka ning ka pa. Ka pasal neih leh neih loh ah chuan lo buai lo turin ka hrilh tawh che kha. Ka kal dawn ania." Tiin ka ding a, inhnuai lamah ka chhuk a, Zosangzuala chuan min lo zui a,






" Enge i lo tih a? Kan inah te i lo kal? " Ka nuhrawn fapa chu.



" I lo hriat ve zel a ngai lo. "






" Heihi mi i luhkhung pa chu. Hetah i awmloh chinah chuan zantin mipa chi hrang hrang i kawp thei tawh ang chu " Thinrim takin ka melh a, ka chhanlet dawn lai mek chuan ka unaupa chu a ri chawrh a, chhuatah chuan a tlu ri nghal chawrh.






"I tawngkam kha uluk rawh. I farnu hi zah takin be rawh ka that hreh lo che nia" A hnek leh chawrh a, a hnar chu a thi nasa tawh hle. Thlavang hauhtu ka nei ngai lo, chutia ka thlavang min hauhsak chuan ka lung ati chhia a,




" Sangzual kal tawh ang " A banah ka chelh a, ka aw chu a dam mah mah.




Min rawn en a, ka unaupa hrawn chu a zu melh leh zawk a, ka kutah kaiin min kalpui nghal a, he inchhungah hian ka awm ve lai khan tumahin ka thlavang an hauh ngai lo, ka pa ngei pawh khan a nupui a tan zawk thin anih kha.






Kawngka bula ka nuhrawn lo ding chuan min rawn pan a, a thinrim hmel hle lehnghal.



" Nang hmeichhia hi, buaina bak engmah thlen ngai lo. I nu siar i nu siar" Min rawn khawih a tum chu ka bula ding chuan a nam kat nawk a, a tre that




Rum takin a rawn hawi a, kan pahnih chuan min rawn en a,.





" Hmeichhia mah nila, ka bialnu hi i khawih chuan ka dim dawn bik lo che ania" Pawr zerin ati a, ka en ringawt



" Rawn kal tawh suh u, zaktheilo dun lutuk " Kawngka min kharkhum hmak a,






Motor ah ngawi rengin a thu lut a, ka zui ve vat. Ngatinge khatiang khan a tih? A bialnu ang te in min sawi a, ka thlavang a hauh bawk si a.





" Ka tel lovin vawikhatmah kal tawh suh " Chubak chu in thlen hma chuan a tawng leh lo.






A in kan thleng a, ka room ka pan nghal, zanriah ei dawnah phur lo zetin ka chhuak leh chauh. Ala thinrim enawni a hmel a la rum hle a, nuam ka ti lo. Keimah vanga a lo thinrim ve ngawt kha,





To be cont ..


(A thui ve deuh em? Story hi chawlhsan turin min duh ve em🤣)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 3:16 pm

SOÑADORA




EPISODE 12




ZIAKTU : NUNUI FRANKY HMAR




WHATSAPP GROUP LAMAH AWM DUH TAN A HNUAIAH HIAN GROUP LINK KA DAH A, IN DUH BER NA AH IN LO JOIN MAI DAWN NIA AW... MAHSE HELAMAH PAWH IN LO COMMENT VE THIN THO ANGA , LEAVE LEH MAI MAI TUR NI LO TAN A JOIN THEIH E...

GROUP 3👉https://chat.whatsapp.com/DbswcdaG8KW0ib42kGZGxN

GROUP 2👉https://chat.whatsapp.com/JsA6gRNIrKDAux6H0wdgKu

GROUP 1👉https://chat.whatsapp.com/EwkZC8oiyW19QA4PKmFnAn









🤡NGURDINGPUII POV 🤡






Min biak hmasat loh chuan ka biak hmasak a tul lo tih policy kha ka la kalpui reng a , zanriah ka ei chak loh thu sawiin roomah ka awm daih a , A chungah lawmthu sawi duh viau mahila ka be ngam hrih lo.








Ka khumah thu in ka phone a notifications vel ka en lai chuan room kawngka a ri rak a, ka hawi vat a, Zosangzuala a rawn pen lut a, a kutah plate a rawn keng a, chaw ei ka duh loh thu kha ka sawi si a.







" Engmah ka ei chak lo" Min melh zawk a, ka sirah a rawn thu a, thei zai lep rawn ken chu khumah a dah a,






" I ei turin ka rawn keng hleinem, ka ei tur alawm . I ei ve duh chuan I thu ania"








" I roomah va ei ve mai ta che, enge hetah I rawn ei kher "





" Biak che ka duh vang alawm. Vawiin chungchang kha. Lawmthu min hrilh dawn lo ami? "





" Lawmthu hrilh phut in emni min tanpui a? " Rum zetin ka melh ngawt ngawt.





Ngawi rengin ka thu a, ka khumah a mu thung. A kal har ka ti tawh takzet.





" Rawn mu ta che, i hnung a kham lo mi? "




" Hetah rawn riah i tum mi? " Ani nen khum khata mut dun ka duh lo. Vawikhat kha kan riak dun tawh .





" Aw, ka nupui tur i ni tho a, lo mu vat rawh "




" Aih, hetah hian i mut dawn chuan i khumah ka va mu mai ang. Ka khum ai pawh hian a dup nuam zawk tho" Ka tho a, rang zetin a roomah ka tlan lut a, awmpui pahnih khan mak tih hmel takin min en kha ka hmuh hmaih hauh lo. Kawngka ka kalh zui a, a room rimtui, pa hrak chu ka hip lut vang vang a, a khumah ka lawn a , ka mu zui hmak.









🦔ZOSANGZUALA POV🦔




Ngurdingpuii room atanga ka chhuak chu awmpui pahnih te chuan ka roomah a tlanluh thu an sawi a, engmah sawi lovin ka room lamah ka kal a,






Vawiin thilthleng khan ka duati unaupa kha ka haw takzet. Sawisak hlum mai kha ka duh a, mahse min lo dang hlauh a, khatiang khan hreawm takin a inchhungah a nuhrawn leh fapa nen khan an lo siam thin chu a ni si a.







Engpawh nise tunah chuan ka venghim tlat tawh dawn a ni. Ka nupui a ni thuai bawk ang. Ka room chu chhunglamah a la kalh daih zui.






" Rinmawi, ka room chahbi spare kha rawn la teh. " Awmpui pakhat zawk ka pa hnuaia thawk thin bulah ka ti a, he hmeichhia hi ka rin zawng a nilo, mahse ka pa in ka inah thawk tura a rawih a ni a, buaina a awm loh chuan ka sawisel lo.






Chahbi a rawn la a, min pek paha ka kut a khawih chuan rum zetin ka melha ,





" Ka pu i bialnu hi ka ring lo" Mitmeng thip zetin ka melh a,




" Ka ring bik lo che. I kal thei ang " Ka room ka hawng a, lukham in ka hmaiah min lo vawm nghal chawrh .






" Enge I rawn kal leh daw daw si a " Min melh rawm rawm a, hmeichhe naran chu nise ka beng hrep tawh ngei ang mawle.





A bulah ka in thawlh zui nghal a, ka kuah bet vat. A thawh ka phal tawh teuh lo.




Ka rin loh dan deuhin a mu ngawi hle hle a, a che mai lo. Ka kuah dan dan chuan a awm tawp.



A rawn che thut a, ka khawngah min rawn kuah let a, he hmeichhia hi hmeichhe mak tak a ni. Min duh lo a, mahse min kuah leh tho sia.





" Tinge min kuah? " Ka ti chhuak ta nge nge, ka lawm vang zawk a ni.




" Kuah I duhlo ami? I duhloh te chuan a pawi chuang lo ania " Tiin a kut chu laksawn a tum a, mahse ka kuah nghet zual sauh. Ka awmah a hmai a phum a,






" Heti hian, min hnial leh runluih reng lovin, inngeih tak leh hlim takin awm dun ang. Kan buai reng kha chuan I hlim bik lo tih ka hria, ni engzat nge kan awm dun tawh, ?





"Ni 365 atang khan ni 69 kan hmang dun tawh, thla 2 leh tlem tihna anih chu. Huntha ka pek che I duh chuan fel tum rawh. I nunhlui chu engpawh nise kalsan rawh. I ruala ka kal I duh chuan I hun kal tawh a I thiltih te, I nunhlui te zawng zawng kalsan vek rawh. Bul kan tan tha leh dawn nia, thuruk awm lovin. "







A thusawi chu ka mumang emaw ka ti hial, thutak zetin min en a,






" Ka theihtawp ka chhuah ang. Ka ti beidawng ngai lovang che min ring rawh "





"Rin ngamin awm ang che "ka kun a, ka fawp vawng vawng a, min chhanglet tha kher mai. A hnute chu a kawr chhanah ka tham a, a kekawr lama kut ka dah thlak chuan min lo dang chat.





"Virgin ngeiin pasal neih ka duh a, chu chu min hriatsak dawn nia " A thutlukna chu ka zah sak a, ka Hmeichhe hmangaih hi ka khawihchhe ngai lovang eng ang pawhin mamawh mah ila.






"Ka hmangaih che " Insi chial in kan mu a, ka ngaihtuahna erawh a kal thui hle. Ngatinge min duh let thut? Kan thiltih a hria a nih kha, engemaw tum a nei zawk nge? Ka rinna zawng zawng erawh ka hlan thei lo.






Tuna tan chuan a bulah hlim takin awm ka duh. Amah vang hian ka inthlak dawn a ni, mahse a harsat viau ka ring. Ka thiltihsual tawh zawng zawng vang te khan jail hian ka tang thei ang, ka pa pawh chuti tho.






A muhil lai chu ka en reng a, a eng lai hian nge min hip em em ka hre lo. Hmun dang leh khaw dang ka hawisan thei silo.




Zing ka harh chuan alo la muhil tui hle a, tih harh hlau takin ka insiam rem a, ka thawhsan a, inhnuai lamah ka chhuk a, ka phone ka kenchhuah zana ka switch off chu ka on pah a, choka ah lutin coffee ka siam tir a,








"Ka pu nizan kha " Rinmawii chu ka melh a,






" Lo buai suh. I hna chiah thawk rawh " Min melh dan te, a awmdan te hi ka hai lo. Nguri a en dan nen lam, a chungah engemaw han ti na tehse, kei aia sual an awm lovang.






Chanchinbu ka chhiar a, ka chhiar zawh chuan sana ka en a, dar 7:30 a lo ri tep. Ka tho hma lutuk lo, hna kal ka ngaih avangin room lamah ka duati kaitho tur bawk chuan ka chho leh a, khumah tui ti takin alo la mu thlerh thlerh nia. Mut duh lutuk.







Ka fawp zauh a, a hre miah lo. Zawite in ka sawi a, a rawn rum tiah tiah a, lehlam a hawi daih a,




"Ka duat a tlai tawh ania, tho tawh la "





"5 mins please " Tiin a in khuh tha leh sauh a, saturday a ni tho a, a duh chen chen mu mai rawh se tiin shower nei turin bathroomah ka luhsan a,





Ka inbual fai hnu pawn ala mu nia, mut a theih em em zia hi. Ka kaitho tha leh a,







" Ka ning , ka roomah ka mu leh mai ang. School pawh kan kal dawn chuang lova " Tiin a slipper pawh bun lovin a chhuak tau daih a, ka thlem hman lo. Mahse a hmel kha inlo hmu ve lo anih kha! A duhawm zia chu.








(COMMENTS , LIKE LEH ADS CLICK KEUH KEUH KHA AW HMELTHA HO)









🐰NGURI POV 🐰




Ka meng thei lo, ka mut a chhuak reng mai. Hetiang em em a muttui pawh hi ka neih ka hre ngai lo. Zosangzuala bula ka mut vang kha ani ngei ang ka ring .






Ka room lamah mu tur in ka insawn leh a, nizan khan hun pek ka rilruk anih kha. A thil tihsual erawh sim se ka duh. Sum an ngah tawh awm tehlul nen ngatinge heng thi sual te hi. An duham mah mah lutuk.







Ka maimitchhing chu ka lo muhil tlang daih a, chhunah chiah ka harh nia . Ka riltam vangin ka harh a, ka inphih harh a, inhnuai lamah ka chhuk a, Sangzuala khan a kal dawn khan min hrilh miah lo anih hi.




1.
Nu Sangi chuan min lo bia a, ka damlo tiin Sangzuala chuan alo sawi chu niin.



Awmpui pakhat zawk Sangzuala lo be be chhen tu chuan min en no lo thei hle a, ka tithei lo, a pawi ka sawi si lo. A hming kha ka hrechiang lo. Nu Sangi chu ka zawt sa sa a, min hrilh a,






"Rinmawi, min va en duh ve, ka hmeltha viau mi? " Ka ti deuh sak a, a hawi sawn vat a, a lawm lem lo tih a hmelah a hriat.






" Ka tihpalh"





"Okay, min melhrum ve khanglang suh. Ka ti thei vak lo ania, a vawikhatna pawh a ni tawh lo. Min lo melh ve vak vak chhan tur a awm lo ania, i pawi ka sawi pawh ni hlei lo " Ka insum hman lo. Nasa min ti ngawt ang chu. Living room lamah ka thil in lai chu ka keng daih a, he inchhung hi nuam ka van ti lo em.






Sangzuala ringawt ka rilru ah a awm a, ka be dawn emawni?





Inchungah ka phone ka dah a, la turin ka chho a, ka roomah lut in khum a ka phone dah chu ka ban a, Sangzuala chu ka call a, kawngkhar hnungchhawn zawnga ka din lai chuan tu emaw lo lut thawm hi ka hria a, ka hawi let tur chu tu in emaw ka lu ah na takin min rawn vaw chawrh a,engmah ka hre zui lo.







🤡ZOSANGZUALA POV 🤡






"Ka pa, ka buai ania, enge i sawi duh chu sawi vat la " Hnathawh laklawh lai ka nei a,





" I bialnu, I ina cheng ve khan kan thiltih hi a hria tih I hre ve tawh em? " Hrep chuan a!





" Enge I hriat? " Engtin nge ka pa hian a hriat ka hre lo. Ngurdingpuii nuna a derthawng tih ka hre nghal a,






" Bungrua kan inpe lai vel te kha min lo hmuh thu ka hria a, kan dahthat loh chuan a sawichhuak ngei ang "





" Engtinmah ti suh ang che, keiman ka ti ang. Lo inrawlh suh "





" I tlai tawh lutuk maithei ani ka fapa, ka kawng daltu apiang chu ka dahtha zel thin tih I hriat kha. Ka duhloh zawng te pawh telin " Ka bialnu pawh a that hrehlo anih chuan Ka duati pawh hi a hreh lo ngei ang.






Thinrim zetin Office atangin chhuanlam siam in ka haw nghal a inah tumah an awm lo. Nu Sangi ka hmu lova, awmpui nula pahnih pawh






Ka duati roomah ka lut a, a hmel hmuh tur a awm lo ka ko a, ka call a,a phone a switch off daih bawk si .








Ka thawm hria in awmpui te pahnih chu huan lamah hnathawk zo awm tak hian an rawn lang a,.






" Khawiah nge Ngurdingpuii? "






" Ka pu a awm reng emaw kan ti a , a chhuak si lova "






" Chhuak lo se a awm ang chu. Khawiah nge in lo awm a? "





" Huanah purun hnah kan phun pui a, Pi Sangi nen " Rinmawii chuan a ti a,






" Inah a awm lo. Zawng nghal rawh u"





Security chu ka ko a ,a hmuh loh thu in min chhang a, ka thin a rim zual. Engtin nge a bo ringawt theih? Ka pa bak rin ka nei lo. Ka pa hi alo inrawlh anih chuan ka that hreh dawn lo. Warning pawh ka pek tawh kha.








Ka roomah beidawng zetin ka zawt a, ka laptop atangin CCTV ka dah chu ka en a, mahse mak deuh chu a chhe vek. Hrep hian a, ka inah hian mi an rawn lut ru tihna a ni.







Anih chuan hetah hian an la awm nge ni ang? Lo ruk bo tum ta se gate saw an paltlang a ngai awm sia.








Nilo nilo nilo, in hnunglamah khan gate tereuhte a awm a, mahse ta tang khan tumah an chhuak ngai lo. Chulam chu hmanhmawh zetin ka pan a, gate kalhna chu a lo awm lova, heta tang ngei hian anih hi an lo chhuah.





Min hrechiang deuh tu an ni ngei anga, in chhung lam atang hian puihtu an awm ani thei mai angem?




( a tawi ti ti sih hlawkah).

MEMBER TE HNENNA NGENNA THU PAWIMAWH

Internet bazar lam pawhin tunlai covid19 avanga khawvel economy thla chhe mek a tuar chho ve nasa hle mai a, online advertisement hlutna tlak hniam kan website lamah a rawn lang ve ta tlat mai.

Vawi khat click hlutna hi cheng 0.02 a ni thin a, tunah 0.01 a tla a, chumi awmzia chu nidanga vawi khat click leh tunlaia vawi 2 click hi a intluk tawk tihna a ni a, click lamah khawngaihin member ten tha hnem i ngai hram2 ang u aw. Website sum lak luhin writer te hlawh tur a daih loh palh a hlauhawm khawp mai. Nidanga click ngai lo te pawhin click ve hram hram ang u aw..

NIKHATAH VAWI 2 CLICK

Nidanga kan vawi khat click leh tunlaia kan vawi 2 click hi a intluk tawk avangin en chhin nan hrim2 tun thla chu nikhatah vawi 2 (zingah leh zanah) click chhin teh ang u, awmzia a awm em hriat nan hrim2.

Story chhiar tura website a in luh apiang hian website bandwidth in hmang ve zel thin a nia, chumi awmzia chu website a in luh apiangin pawisa kan lo chawisak ve zel che u tihna a nih chu, website hi a thlawna kan neih a ni lo a, thla tin pawisa kan chawi teuh2 zel a nia, writer te hlawh bakah website man hi reader ten in tum sak theih loh chuan website hi kan run reng thei lo ang, website hi a awm zel in duh chuan click hi in tih ngei2 tur a ni

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 3:16 pm

SOÑADORA






EPISODES 13








ZIAKTU : NUNUI FRANKY HMAR.






(Click te, like te, comment te kha, in lawmthu sawinan ka duh let ve aw... Keipawn zantin thatchhe deuhin story ka lo dah ve zel man.... Comment lo lo chu an nulat laiin pathlawi ngaihzawn hrat kan ti ang ehhh🤪)










🤡ZOSANGZUALA POV🤡






" Ka bialnu ru bo tu hi i nih chuan ka chhuah dawn lo che ania "





" I ina cheng ve kha maw? "





" Ka pa i tih anih chuan i inchhir dawn nia " Ka off a , Ngurdingpuii pa ka phone a, an in lamah a kal thu lah a sawi silo. Rin pakhat chiah ka nei a, chu chu ka pa a ni. Midang in an ruk bo ngawt thu a awm lo.







Ka mi rawih ka phone a, ka bialnu zawng turin ka ti nghal. Kan hlim dun dawn chauh a, mahse ngatinge a bo daih? Hrep hian. Ka zawng hmu anga , a ru bo tu hi ka dim lem lo khawp ang .






Lo nghah tawp bak tih theih ka nei lo. Ka vei tawn sek a, a chang leh ka thu a, awm ngaihna ka hre lo. Ka phone ri ka ngaichang reng bawk. Hetiang hian emni miin hmangaih an neih hian an awm thin? Hmangaihna hian ze tha lo sim duhna te, inthlak danglam duhna leh mahni hmasialna te hi a keng tel vek emni?







"Ka pu, hnu a tawp hrih khawp mai. Mahse, theihtawp ka chhuah ania"





" I pawisa phut zat zat ka pe ang che, mahse him dam takin ka bialnu kha rawn hruai let leh ang che "







Ngurdingpuii tel lovin ka awm thei lo tih tunah hian ka hre chiah a ni. A chunga thil thalo titu chu ka tawtawlit ang. Hrep hian.








Ka pa ka ringhlel ber a, mahse fiahna tak engmah ka nei lo. Ka bialnu hmasa a that tawh a, Ngurdingpuii hi a duhlo a ni silo nge a lo duhlo reng zawk ni? Engmah a sawi si lo. Hrep hian!








" Ka pu thil hrilh che ka duh a, a fal in " Pi Sangi chu ka melh zawk a, a hmelah engemaw hlauhna ka hmu, ka phone rawn ri a, pi Sangi chu kut zaizirin lo nghak tur in ka hrilh a , ka mi rawih anih avangin ka room lamah be tur in ka chho a,






" I pa hi tuntum chuan a inrawlh lo a ang hle mai nge a inthup thiam viau zawk ni? Hnu chhui tur engmah a hnutchhiah lo hi a mak. I inchhung ngei atang khan puihtu / puitu an awm anih ka ring, ka ring sual maithei bawk. A chin hriatloh bo hmak danah hian " Ka maimitchhing vang vang a,






"Aw le, theihtawp lo chhuah la, keipawhin ka theihtawp ka chhuah e "






Ka Ngurdingpuii zawn dan chu ka ngaihtuah a, hnu lah a tawp hmuk vek mai si. Pi Sangi thusawi ngaithla tur in inhnuaiah ka chhuk a, mahse ka hmu mai lo. Rinmawii ka hmu a, a awmna ka zawh chuan a hriatloh thu in min chhang a, he hmeichhia pawh hi ka ring nek lo.








" Ka pu , ei siamtu kha a lu ah an vua a, huanah a awm " Hrep hian a, inchunga ka awm laiin .






He inchhung ami ngei hi a ni tih ka chiang ta, police pahnih ka naute chu ka hnathawk ho room khatah khung vek tur in ka hrilh a, tin gate hma leh in hnunglam ami ah duty pakhat ve ve ka dah bawk a, lut ru leh chhuak ru an awm chuan kap pawp tur in ka hrilh bawk.








" A la dam em? " Pi Sangi chu hnunglam atanga vuak a ni a, enge hetah hian a va tih daih daih ni?






A mar phu ala awm a, mahse a thisen a chhuak nasa hle. A pasal bia in hospital lamah an hruai nghal a, inchhungah thu zawtfiah tur in ka lut leh a,








🐰NGURDINGPUII POV 🐰






Khawiah nge ka awm a? Ka lu lah chu a, ana hai mup lehnghal.





Ka awmna room chu a hing deuh hian ka hria, khum dup vak lovah ka lo mu a, min phuar bet lo hlauh. Ka tho vat a, light on na tur chu ka dap kual nghal chung mahse ka hmu mai lo.







"Kawngkhar ri rak thawm ka hria a, a rawn eng nghal pap a, ka mi hmuh vang chuan ka khur zawih zawih thei.






" Nang maw? " Awih lo lutuk leh thinrim lutuk in ka melh ngawt ngawt a, ka ring ngailo hetiang an ti duh hi. A hnungah a fapa a rawn lut leh a, engtin nge Zosangzuala inah khan an rawn luh theih? Nge lamtang an nei zawk?







" Min beisei nange mi hur nu. Nang ilo awm ve hi chu a pawi ngawt mai. I nu rual khan thi ve nghal daih la tha tur a nia " Ka nuhrawn chuan min hmuhsit hmel zetin min en a, an nui sawng bawk a,






"I dam ve chhung hi chuan I pa ro hi kan kutah a awm thei lo. I chhuak chung pawhin I pa hian a ngaihtuah reng che a, in leh ram I hmingin ala dah tho a, saw tar mawl sawn " Ka thu hriat chu awih lo lutuk in ka ngaithla a, ka pa hi sum a duh vang chauhin alo nei tihna ani a,







"Engtin nge I theih zawk? **** hur nu? " Tiin pan hnaih a keh bawrh bawrh ka tum a, mahse a fapa Chester ka unaupa hrawn chuan min lo chelh bet a,







" Engtin maw min ko kha? Han sawi nawn leh teh ka that thei che sin. I bialpa police officer khan kut min thlak vel a tiraw? Kan inah ngei huai sar takin a rawn che vel a, a drug tawlh ruk te kha ka report duh phawt chuan ka thei asin. Ka la report khawp ang , hrep hian a" Ka hmai ah min rawn beng ri thlawp a, a thip thak. Rum zetin ka melh a, a **** vum that hmel tak ah chuan ka pet sak chawrh a, ka ke a tlum lut thuih lo chu ka vannei... (Zahmawh deuh lai hi screenshot in duh takin... In chawh)








"Zawngi " Tih leh min keh a rual a, ka tre that a, an va chak dawn lo lua em. Duhtawkin min sawisa a, khumah min keuh dawt a,







" Ka duhtawkin ka lu ang che nga chyant tuma hriat lohin ka phum bo ang che " Rap zetin ka en a, chutiang chu a thleng ngai lo ang. Thih ka duh zawk.







Zosangzuala ka ngai takzet, engtik laiin nge ka lo duh thawt thawt pawh ka hre lo. Tunah hian ka awm lo tih a hria angem? Chuan min lo ngaihven ve angem tih te? Amah chiah chu ka rilru ah a rawn lang a,








Ka lo duh lo lutuk te kha ka inchhir a, ka chawh ngawih ngawih a ni. Engtik ah nge ka hmuh leh ang tih lah ka hre silo. Ka hmu chatuan tawh lo mai thei bawk si.







" Bawiha let phawt ang, i duhleh naktuk lamah i duhtawkin i pawngsual dawn nia, heta tang hian a chhuak thei dawn chuang lo. Haw phawt ang, i pa in min ringhlel hlauh ange, a bo thu te pawh hi a lo hre ve tawh ngei ang " Ka nuhrawn in a fapa chu a lo khap a, ka thaw huai.






Min chhuahsan a, min kalh hnan daih a, bang chu cement vek ani a, kawngka lah a rinawm si. Tin, tukverh ah chuan bar a awm vek a, engtin nge heta tang hian ka chhuah theih ang? Chhuah dan ka zawn ngei a ngai a ni.







Tukverh lam chu ka pan a, pawnlam atangin a in hawng theilo tura tih a ni a, perek in an chhu tlum vek a ni ngei ang, darthlalang paw deuh rei ruai ang kha hman anih vangin ka hmu hlei thei lo va, ke lawngin ka awm si. Khuma puan pan te sin tura an dah ni awm tak chu la in ka kut ka tuam a, darthlalang chu ka hnek chawrh a, hrep a, na chiah ka hlep.









Ka hnek keh zawh loh vangin tihdan tur kawng ka zawng leh s, mahse room ah chuan bathroom takngial pawh a awm lo a, khum chiah chu a awm chhun a ni.






Ka chakna zawng zawng ka sawmkhawm leh a, darthlalang chu ka tha neih zawng zawngin ka hnek a, a keh ta chuai ( ava vai flim sawt em?)









Ka dak chhuak vat a, hrep hian. Ka awmna chu a fal lutuk. Engtin nge heta tang hian ka chhuah theih sng? Darthlalang dang chu ka tih keh belh a, ka aw thian kharh in ring mangkheng in min pui tura ngen in ka au ta vak vak a, a reh hian a reh tlawk tlawk mai si.






Khaw pawn nita in ka hria. Beidawng zetin ka au ka au a ka peih ta lo. Khumah ka mu vang vang a, khua in min rawn thim hnan a, helai hmunah hian mahni chauha awm ka ngam lo.







Hrawk thip vekin ka au ka au a, mahse tuman min chhawn lo. Khumah ka thu a, ka tap ringawt a, pawn lam lah khua a thim chhah vek tawh mai si.







Min pui tur pawhin tumah ka au ngam tawh lo. Chutia ka thut reng lai chuan kawngkhar lam chu a rawn ri rawk a, ka phu chiang teh e. Ka lawm rualin hlauhna chuan min rawn tuam nghal a,






Tun ang zanah leh hmun falah tunge lo kal ang tih chu ? Misual emaw ramhuai a ni thei. Ramhuai leh thlarau tih vel phei chu ka hlau ropui si.






Darthlalang keh lian ber chu ka keng a, thawm chu ka ngaithla kar a, a lan dan chuan tala chhut chhiat tum a ang ber?






Vawi lehkhatah a ri rawk a, kawngka chu a rawn nam hawng a, ka mipa sang tak hmuh chu ka vawikhat hmuhna a ni.





A hmeltha em em lehnghal a, mahse ramhuai te hi an hmeltha thei lutuk antih kha ka hre reng a, min en reng a, chet sawn lah a tum si lo.. A incheidan chu kamis dum a ha a, a ban a thlep a, kekawr dum leh pheikhawk dum... A ramhuai nghawih ngawih






Mihring a nihloh ka ring hial tawh zawk a, a tawng miah loh danah leh a chet miah loh danah... Ka darthlalang keh them hum chuan ka vawm ringawt a, chutah chuan a rawn che ve ta, a aw a thum em vang chuan ka au tuar a, lalpa ramhuai ani chiang lutuk.






Bang lamah ka tawlh nghal rawk rawk a,



" Khawngaihin min kaltir rawh. I duh chuan I chhungte emaw nangmah thattu te ka zawnchhuah sak ang che. Khawngaihin min tina suh " Hlau leh khur zawih zawiha ka tih chuan a rawn nui ta chiam a, ka rap lutuk. Chutah min rawn pan hnai a,








" Mawli, mihring ka nih hi. Dawih lutuk. I au thawm kha kawng atangin ka lo hria a, kaltlang zet ka tum a, mahse ka rawn kal a, ramhnuai ah hian. Tu nge hetah hian hruai che? "






" Ka nuhrawn leh a fapa in ka pa ro an duh vangin min thah an tum a,Ilo kal chu ka lawm takzet. Min pui hram rawh " A lu a bu nghut a, ka chhungte ka biak duh leh duh loh min zawh chuan ka insit ngei mai. Mahni phone number takngial pawh byheart thei lo ka ni sia. Ka chawh.







" Helaia awm reng hi a him lo. Engpawh nise chhuak phawt ang " Tiin kawngka lam a pan a, ka zui vat, pawn lam a thim si. Ka hmun hriat ngai lah a ni silo, ka trih takzet. Ka mi zui pa pawh hi misual nge mifel tih lah engmah ka hre bawk silo.





"Saw " Ka sawi zo hman lo, Chester kha a rawn let leh a, torchlight in min rawn chhun a, chutin min rawn chhan tupa khan a phone chuan a rawn chhun ve bawk a, Chester chuan a in rinloh lai takin ka bula mi chu s rawn vit a, mahse a banah ani hlauh.








Ka hlau lutuk chu ka tre chel chul a, an in bawh bet a, lung ka zawng a a vang si.





Thing bung ka hmuh hmasak ber chu la in ka unaupa hrawn chu a lu ah ka vaw chawrh a, a thal tawp mai.





" I tha em? Kan kal vat loh chuan ka nuhrawn pawh a rawn let ve ngei ang" Torch light chu ka la a, a ban chu ka en a, thi a chhuak nasa em em lehnghal.





" Ka tha, engmah a nilo "






"Zosangzuala ang mai, inlak pa na chi a nilo " Ka vin hlar a, ka unaupa hrawn chu ka dap a, a rawmawl ah chu ka la a, wallet bak engmah a ak lo. A rawmawl ka lak chuan min chhan tupa ban chu ka tuam sak a, ala tawk mai silo. Ka tshirt hak chu ka phelh ringawt a, a hnuaiah kawr bah ka ha tho.






" Tih kher a ngai lo "





" Dawh mai mai rawh " Tiin ka kawr ka pawtthler a, a ban chu ka tuam sak a,






"Kal vat ang, ilo kal na lamah chuan. Chuti lo chu.... " Ka sawi zo hman lo. Ka nuhrawn aw chuan Chester chu a rawn ko a, thawm atang chuan amah chauh anilo tih a hriat. Light ka ti thim vat a,







"Hepa hi a hnim deuh laiah min zawn sawn pui rawh " Tiin hnim deuhah min zawn pui a, leia thisen kai vel te chu lei ro dang chuan ka phul a, ngawi rengin chumi hmun chu kan chhuahsan a,






'" Motor kawng atangin helai hi a hla em? "





"Hla vak lo. Mahse kawng kan bo a ang khawp mai. Eng a hman theih siloh a" Nie a thim chhah mup a, thla a eng eih bawk silo..







To be cont....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2020, 3:17 pm

SOÑADORA





EPISODE 14





ZIAKTU : NUNUI FRANKY HMAR.



( a thui sin.... Comment deuh zeuh ula in... In chawh si 😘)




🐰NGURDINGPUII POV ONGOING 🐰










Ramhnuai ka hmun hriat ngailoh na ah ka hmelhriatloh mipa nen kan bo dun chu a ni sia. Keimah vangin hliam a tuar lehzel bawk nen .





A bulah ka kal det det a, kan bo thuk telh telh in ka hria. Ka harhchhuak zawk a,






"Phone ilo keng lo ami? "







" Motor ah ka dah alawm mawle. Ka motor chahbi zawk ka rawn keng a"






" Keimah vangin hliam i tuar sia ka inthiam lo takzet" Ka thinlung leh tihtakzet in ka sawi.





" Rawn kal lo ila chu i thi maithei asin. Engpawh nise, kawng zawng ang. I nuhrawn te kha an awm hla lo tawp ang."





" Aw le, ka hming chu Ngurdingpuii ania "






" Anih chu " Tih chiahin min chhang, a hming min hrilh let ve ka beisei tehreng nen. Zosangzuala nen a in ang reuh lutuk.






Ngawi rengin kan kal zel a, rin loh deuhin motor kawng kan thleng hlawl a, ka thaw huai mai. Ka tap lo chauh.....






" I motor chu zawng ang. I khalh thei angem? Mahse I ban kha a na sia . Kan accident palh thei a, police kan phone tawp mai dawn nia aw"







" Ngawi mai mai teh. " Ati hluk duh chauh a, ka beng chawrh dawn mawni?





Engmah sawi lovin ka zui hnak hnak a, kawngpui thui vak lovah car dum tliang hlarh hi a lo ding a , a chahbi chu a hmet ri zeuh a, car ah chuan kan thu lut a ,






" Khawngaih in min thlah haw rawh "







"Ka ban hi "





"Ni dawn tak. Hospital ah kan kal phawt dawn nia, chuta tang chuan keimah pawn ka haw thei tawh tho a" Ngawi rengin kan chuang dun a, kawng chu! Durtlang lam anih hi. Helam kawng daih daih ah.






" Khalai hmun vel kha khawilai nge I hria em? "






"Durtlang Zion veng mawng anih kha" Ani pawh chutiang hmun daih daih ah enge a rawn tih ni!








Damdawiin kan thleng a, a ban chu an lo buaipui vat a, kei erawh hliam ka nei lo. Ka hmai vel hi a thip hlara nimai.





" Ka phone number ka hre silo a, I number min pe la, lawmthu sawi nan ka rawn bia ang che "





" A ho lutuk. Taxi in I haw ai chuan ka thlah haw ang che"






"I ban kha ana sia "





Kan inhnial tang tang a, taxi ka la haw hram a, Zosangzuala in bak pan tur ka hre lo. Ka pa ka hrilh vat a ngai bawk. Mahse proof na tur engmah ka nei si lo. Zan zanah chuan rang takin ka haw a,








Kan thleng vat a, a reh ruih a, Zosangzuala ka zawng a, mahse ka hmu lo. Nu Sangi takngial pawh ka hmu lo. A room lamah ka chho a, a room ka luh dawn lai mek chuan a rawn inhawng a, ka phu chiang kher mai.




Rinmawii awmpui nu kha hmanhmawh zetin a rawn chhuak a, mak ka tih leh chu in ka luh khan gate ah khan duty ka hmu miah lo te kha. Enge hetah hian thleng hi. Zan zanah lehngal, tinge a mut loh tih te?





" Ka pi, ilo haw elaw? "





"Khawiah nge Zosangzuala? A number i nei em? Ka lo be lawk ang" Tiin ka dil zung zung a, a mitmeng erawh hriatthiam har ka ti takzet.







"Chuan midang hi khawiah nge an awm reng reng a reh lutuk a, thil diklo thleng a awm emni? " Ka hlauthawng a, ka nuhrawn te khan min rawn man leh mai ang tih ka hlau.





Zosangzuala a phone chhung chuan ka roomah ka lut a, ka phone ka zawng a, ka hmu mai lo .






" Ala thei lova"






"Khawiah nge a kal ka tih chu, chuan midang te pawh "





"An awmna ka hre bik lo. Pu room ka tifai zo chiah alawm "zanah hna thawh kher a ngai emni? Ka ringhlel zual sauh a,






Henu pawh hi ka ring thei chuang lo. Ka roomah ka inkalh hnan a, Zosangzuala rawn haw chu ka nghak ngawt ngawt ringawt. Ruah lah chu mi hoor kekawrte ang mai, tlak rawn tum ve chhen bawk nen. Zan a rei telh telh mai bawk si. Zosangzuala hi khawiah nge a kal? Tinge alo haw vat loh?






Ka beisei loh hnu fe ah a motor chu gate ah a rawn tlanlut a, rang takin inhnuai lam panin ka chhuk a, step ah rang zetin ka tlanthla a, mahse engemaw huh ka rah palh avangin ka tawlh zawt a, step tawp lam atang chuan ka bawk thla thlawp a, ka lu ka sawh vangin ka lu a hai muai muai a,






" Bawihte, ka duat " Chu aw chu....






🤡ZOSANGZUALA POV🤡






" Ka pu i bialnu bo chungchangah hian i awmpui te pahnih ah hian tu emawni zawk zawk hian an phatsan che. Chuan, a nuhrawn leh fapa kha Ngurdingpuii bo lai khan an inah an awm lo "






"Khawiah nge an awm i hria em? Chuan enge antih tih te? "





" Ka hre lo va, mahse an awmpui te ka zawt a , chuan a pasal Ngurdingpuii pa pawh hian a nuhrawn leh fapa hming a a ro dah lo hian a fanu tan a dah vek a ni " Ka thuhriat chu ka ngaihtuah a, amak ka ti tulh tulh.





" Ka pu i inah sawn security khauh lehzual in dah ang che. Chutih rual chuan a thawkte saw ring suh ang che. An inhnamhnawih ve vek ania"






In lam panin ka inkhalh haw a, zan tlai tak a ni tawh , sana ka bun chu ka melh zawk a, dar 2:30 a ri tep. Ka mut pawh a chhuak nek love.





In ka thleng dawn a, gate a security ka dah chu a hmel en ka tum a, a kun daih a, nge nihliap a khum a, ruah a sur nasat vang zawk ni. Gate min lo hawn a , in kawtah tak dah in inchhungah ka lut nghal a.






Ka hmuh beisei loh tak chhuata lo mu reng ka hmuh chuan ka pan hnai vat. Ka duati hi an ru bo si a.








Awmpui pahnih te chuan ka thawm hria in an rawn kal a, a hma zawng khan khawnge an awm?






Ka pawm kang a, a tlukna ah hian a lu a sawh a ni. Thisen a rawn chhuak a, hrep hian. Hrep tak hian. A chungah engemaw a thleng anih chuan ka in ngaidam thei ngai lo ang.






" Hospital ah rang takin hruai angai " Ruah nasa takin a sur a, mahse ka ngai pawimawh lo. Pawnah ka pawm chhuak a, motor hnung min lo hawn a, ka mut tir a, a khalh chak theih si lo.






Apa ka be thuai a, ka hmuh tawh thu leh hospital ah ka hruai mek thu ka sawi a, a pa hi haw viau mahse a chungchang a hriat ve chu a phu.







Kawng thui tak a ni. Reitak hnu awmah kan thleng a, casualty ah ka pawm lut a, an lo buaipui vat a, a harh theih loh avangin emergency roomah an nawr lut a , CT Scan leh Xray chi hrang hrang tih nghal a ngai dawn a, doctor duty chu ortho lam alo ni hlauh a, kan vannei takzet






Engtin nge ka pa hian a hriat ka hre lo, ka nu leh pa chu zan lai pawh sawi lovin hospital ah an rawn kal a, Ngurdingpuii pa pawh.





"Khawnge bawihi chu? ".





" Room chhungah hian a awm " Tiin ka melh zauh a, engmah kan sawi lo. Ka nu chu ka bulah thu in min thlamuan a, ka mamawh lai tak a ni.





Darkar 100 chuang ang maia rei darkar chanve hnu ah chuan doctor a rawn chhuak a





"Enge a an? A harh tawh em? " Ka lo zawt vat. Min en kual a ,






" A chhungte emni in nih? "





"Aw nie, ka duati awmdan chu min hrilh vat teh "






" A taksa na dang vak a awm lo va. Ruh tliak leh tih vel a awm lo va, mahse a lu hi a sawh na deuh a, a tlu a na takin a vaw chawrh a ang hle a, a thluak a che deuh nen, a hriatna tha zam lam hi a khawih palh thei a, damlo hi lo harh phawt se a chiang ang "






" Tunah chuan damdawi a kan chiu avangin a muhil hrih anga, ward lamah kan sawn dawn nge... "






" Cabin ah. Cabin awl a awm em? " Ka lo ti vat a.






" Aw le, ka lo en ang" A kalsawn zui nghal a, reilote ah ka duati an rawn nawr chhuak a .





Cabin awl a awm avangin kan in suan lut a, driver phone in in lama motor pakhat chuan awmpui te chu puanthuah leh inthlakna rawn dah tur in ka hrilh a, keimah ngei hian ka awmpui dawn a ni.







"Lo va haw rawh u. Keiman ka awmpui ang. Zing lamah in lo kal leh zawk dawn nia "






" Zing chu a ni daih tawh alawm. Khua a la var lo mai pawh a" Ka pa chuan ati sup a, ka pa hi ka ngaidam tawh lovang he thila mawhphurtu hi a nih chuan.






🐰NGURDINGPUII POV 🐰





Ka harh leh hmasak bera ka awmna chu ka hre lo va. Ka kut nghet taka chelh tu chu ka melh a, Zosangzuala hi ka bulah tunah chuan a awm ta . Ka thla a muang a, ka pa bula awm aiin .








Thil ka ngaihtuah a, thil nal ka rah a ka tluk kha ka ngaihtuah hnuhnun ber a ni. Ka harh leh chuan hospital ni awm takah hian ka lo mu a, ka lu a na bur bawk.






Ka sirah Zosangzuala chu thu in khum bawhin a muhil a, ka bulah a awm reng tihna emni?






Kawngka lamah thawm ka hriat chuan ka maimitchhing vat a, doctor leh nurse ni ngei tur a ni.





" Doctor a rawn la harh miah lo ania" Mangan hmel taka a tih chuan k khawngaih hle a,




" Tui... Tui ka duh " Harh chiah ang in ka awm der a, ka kut min rawn chelh sak a,





" Ka duat ilo harh tawh maw? Na i nei em? Enge i an? Engtin nge ilo haw theih zawk? " Zawhna hlir.





Ka rilru ah thil engemaw a rawn lut a, ka nuhrawn leh a fapa kha hrem let ve ngei ka duh ani.




" Tunge i nih a? Khawiah nge ka awm? "





" Bawihi i tha em? Doctor a hriatna a hlauh tak tak emni? "






Drama ka chan a ngai rih dawn anih hi. Lemchanna khawvel ah kan cheng alawm.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)