I GIVE UP BY Nunui Franky Hmar

[Ngaia]

I GIVE UP
writter:Nunui
.

"Nuam I ti dawn tih ka hre reng ani. Ka hmangaih reng ang che" ka bialpa , ka pasal ni ta mai chuan kan lawithat zan chuan ka beng seh ner ner pahin ati a
.
Kum 25 chuang ka thianghlimna ka lo vawn that tawh chu ka pasal ka hmangaih em em chu ka hlan a, a hunlai chuan ka hlim ani. Min kalsan a, nupui dang a neih hma kha chu!
.
Kum 2 chuang kan lo innei ta, mahse a awh em em mai fa ka hrin sak theih loh avangin zanah lo haw tlai a ching ta. Hmeichhe min kawp san ang tih rinna ka nei ngai lova, chutiang rilru put chu ka duh Heklo
.
"Pui, tun kar tawpah hian ka zin chhuak leh dawn ania" ngati nge ka pasal hian hna angah bik em em thin le? Kar tin ram dangah eng hna nge a thawh bik thin?
.
Keimah in kan nupa khum zau takah ,thawl takin ka mu a, ka pasal ka ngaiin ka thlahlel ngawih ngawih ani. A hma kha chuan nupa hlim tak, khawvela nupa hlim ber kan ni hial in ka hre thin asin. Mahse tunah chuan !
.
"Ukim, ngaihzawng I nei em ni" Ukima chuan min rawn melh hraw a
.
"Nei pawh ni ila a pawi em ni? Nang ai chuan hlimna, nawmna nasa tak min pe thei alawm" chu thu a sawi lai chuan sazu kua a luh daih ka chak ngei mai. Tuna ka biak hi chu ka pasal min hmangaih reng min tiamtu kha ani lo. Mi hrang daih ani .
.
"Ukim, engtin nge ka chungah I tih theih" ka mittui ka biangah a luang zawih zawih a, ani erawh chuan a hmuh hmaih si. A tello in ka nung thei lo tih a hre tawh lo emni? A tello chuan slipper hrui neilo bun ang mai kani dawn si!
.
"He inah hian I awm thei ang, kei erawh ka chhuak ang" roomah a chho a, dang turin chakna ka neilo. Tah vak vak mai ka chak ani. Pawnah ka tlan chhuak a, ka kalna lam ber ka hrelo. Ka mittui tla in ka khaw hmuh ati fiahlo a, vawilehkhatah ka leng dawrh a, ka khawhmuh chu a fiahlo a, a thim ta ruai ruai mai
.
Ka harh leh chuan ka awmna hmun chu ka hrelo. Hospital! Hospital maw? Ngati nge hetah ka awm!
.
"Hahdam phawt rawh, in dim I la ngai ania" doctor pakhat chuan min nam mut pahin ati a, na ka nei ka taksa leh rilru hi
.
"Ngati nge helai hmunah hian ka awm"
.
Doctor chuan enge maw zep anei ani.
"Englo ania, I accident a, I fa chu kan chhan thei ta lo ani" maw?
.
"Fa a" ka au ring ngei mai. Kawngkhar a ri rawk a, Ukima chu a rawn lut ve chiah a, a mit chu ka ngaihbel nge ni a bui luk mai
.
.
"Ka lo va chhuak ange" doctor chu a chhuak a, sawi tur reng ka hrelo. Keihian fa ka lo chhiat amaw?
.
"Thil awmzia hi ka hrethiam lo" Ukima chuan min en lovin hmun dang a melh a
.
"Fa I pai a, chuan I chhiat a, ka fa min thah sak ani ,phiangsen che hian aw" nilo , ka fa chu ka that lovang, kei pawhin fa ka duh ve tho alawm
.
"I dam chian hunah kan inthen ang." Ka bula Glass no inhung chuan ka vawm pawp a
.
"Lalnunkim, engtin nge hetiang em em hian I nunrawn theih? Min hmangaih thin ani lawm ni? " thawh tumin ka bana venflon vuah chu ka pawt a
.
"Engmah hi I hrelo"
"Engmaw ka hriatloh? Ka hre hnem mah mah emni? Ukim hmana ka hmangaih Ukima, nunnem tak thin kha I ni tawh lo. Sakawlh ti kawlh zualtu te zinga mi ini" room chu chhuahsan tumin ka kal a, engmah pawh ka bun lo. Ka pum chu a na ngawih ngawih ani
.
"Lalnunkim min tlah rawh, ka hmu peih lo che" ka hnunglam atanga min vuantu ban chu ka thing per lawp a
.
"Hey ding teh" ka hawi let a, lalnunkima ani lo. Doctor ani
.
"I chhuak ngawt thei lovang ka pi"
"I thu a awmlo"
"Awm e, he damdawiin neitu hi ka ni. Ka thu lo in khawiah mah I kal lovang" min vawnna chu a phelh dul deuh a, chiang takin min en a. Ka mittui rawn tla chu ka dang theilo. Hmun fianrial a, tah hawm hawm ka chak ber ani

.
.
"Min kaltir hram rawh"
.
"Khawiah nge I kal chuan anga? Inti hlum turin ka kaltir lo ang che"
"Tu pawh chu lo ni la, khawngaihin ka buaina ah hian lo inrawh suh" min vawnna chu ka thing thla lawp a, damdawiin chungah chuan ka lawn chho zel a. Ka pum an zaina chu a na ngei mai
.
Thli thaw in min chhem heuh heuh a, ka au vak vak a, ka tap hawm hawm bawk a, ka thawl huai in ka hria.
.
Chhuatah chuan ka thu hnawk a, ka fa leh ka pasal kha ka ngai ani. Ka lak atanga hmun hla takah an awm ve ve tawh si
.
"Bei duh suh, I tum nasat poh leh I na ang , I thinlung peng pakhat ah awm tir ve rawh" jacket a min khuh pahin Ukima aw ang deuh chuan a rawn ti a, engtin nge!
.
"Lalnunkim thlawk bo rawh min hnaih suh" ka en a, Ukima anilo, doctor ninawm zet kha ani. Eng vanga Ukima ngaih a ngai nge ka nih le
.
"Ka hming pumin min koh lawl² thin suh, thla ka nei lova, ka thlawk bo thei hleinem" zehzuah chuan aw, ka bulah a rawn thu sawp ve niai a, paper them hi min pe a, enge maw hi alo inziak a, ka han en chu ka luak lo chauh chu ani. Uire san ka ni amaw!
.
"I pasal ah ka lo tang hrilh anga I duhtawkin min sawisa rawh, mahse ka hnar chu khawih tel suh aw" hepa hi ka hua. Mahse tunah rih chuan ka bula awm turin ka duh . A samah chuan ka tham a, ka au vak vak bawk a, doctor chuan a dawh reng a, ka tap tawp hlei theilo. Ka tha a zawi tan a. Doctor chuan min man bet a, min kuah ta hle hle a, keipawh a tangah ka bei hle hle a
.
"Hmeichhe tahbelh tak ini I upat ve tawh tehreng nen"
"I buai na tur a awmlo ang doctor" thawh tumin ka ding a, ka pum a rawn na vin tuk a, ka khaw hmuh a fiahlo tan a , ka tlu tur chuan min lo man hman a, ka khawhmuh a thim ta mup mai
.
"Oxygen kha , chuan chuan ...nn" enge maw an sawi neih nuai le
.
"A harh tawh e" ka meng siar siar a, kawr var ha an va tam ve le. Phir an tam bawk
.
"Tahbelh I lo harh chhuak lo ang tih ka hlauh zia chu" tahbelh a? Ka tahbelh maw?
.
Hospital ah kar hnih ka awm tling tep ta, Ukima chuan vawikhatmah min rawn tlawh a tum lo. Doctor kima ve tho erawh chu a rawn lang zing khawp mai. A hna a hai aniang
.
Nitin in ka taksa chu a tha chho zel a, ka thinlung erawh in a hliam chu tihdam tumin damdawi a phul a, mahse thil enge maw a hriat chhuah changin damdawi aiah chi a phul zawk thin si.
.
"Tahbelh, vawiin ah I duh chuan I chhuak thei tawh ang" doctor chuan Theihai hel rawn khai luh pah chuan ati a, ka chil a lo put hman khawp mai. Doctor nen pawh kan in nel ve tawh khawp mai. Ka tih theihloh deuh erawh chu a chapo mah mah thin hi, chapo pui tur a nei tha bawk em ani. Amah ang hi Pasal nei vek ila chuan thinlung hliam chunga nung kan awm ngai lovang
.
Damdawiin atanga ka chhuahna a rei tawh a, doctor khan min rawn tlawh fo thin a, ka pasal hlui chuan nupui dang anei a, thla reilote an inneih hnu ah nau a pai a, a awh ber fa hrinsak tu kei aia tha anei a, atan chuan engmah ka ni tawh lo ani .
.
Nitin Ukima chu theinghilh ka tum a, ka bei ve tang tang thin, mahse awmze awm lo tak ani.
''Theihnghilh tum buai duh suh, I hriatna I hlauh te anih ngawt loh chuan I hre reng tho ang" doctor chuan ati thin.
.
Hun leh nite a ral a.Sailo Construction neitupa pawhin fapa anei ta. Ka fa kha lo piang ve ta se, tun dinhmun ah hian ka awm angem? Ukima chuan ka bank account ah thla tin cheng nuai 1 a rawn dah ziah a, mahse ka khawih ngai lo. Ka mamawh chu ka thawk chhuak ve thei alawm. Ka bank pass book chu a in ah va kalin a nupui thar kut ngei ah ka va pe a, nupui tha tak anei ani.
.
.
5 years later

Hotel pakhatah ka thawk a, hlawh pawh a tha khawp mai.
"Auntie, khawngaihin ka pa bulah min hruai rawh" ka pawnfen hmawrah chuan naupang, mipa naupang pakhat in vawn de de pahin ati a, ka zu en thla a, a hmeltha ngei mai . A sam a kir chiat lehnghal ! A mitmeng chuh!
.
"Juniour " pa pakhat hian a rawn tihna lam chu ka hawi a! Ukima!
.
"Pa ka zawng che u alawm" a fapa chuan ava pan phei a, Ukima chuan alo pawm chat a, pafa tih an hriat ngawih ngawih. Ukima chuan min hrelo ang maiin a awm a, a bulah chuan nu hmeltha tak anupui chu a ding bawk a, gate ah chuan an chhuak ho a, ka thlir reng a, an va mawi em
.
"Thiannu , I pasal, I hmangaih kha ka pasal ani ve thin a, ka hmangaih ve em em bawk a, chuvang chuan lo enkawl tha rawh aw, hlim takin awm rawh u. Ka beidawng tawh e, beiseina ka nei tawhlo" tihpahin ka mittui ka bianga rawn luang thla ngiai ngiai chu mi hmuh hlau takin ka hru hul a
.
THE END