BUT STILL..... BY Nunui Franky Hmar

[Ngaia]

BUT STILL......
By: Nunui Franky Hmar
.
Ka room tukverh ah chuan ka dak a, tu emaw hmuh beiseiin vawitam ka dak nawn thin.
.

Wednesnay chawhnu lam ani a, khua chu a nuam ngei mai. In a haw ka chak a, a chhan chu ka nu chawhmeh siam tui tak ka ei chak tawh em vang ani
.
Hospital ah ka khup an zai avangin thla khat leh ni 5 ka awm tawh a. Cabin reh takah keimahin ka awm a. Tukverh ah dakin mi kawngkal ka en thin a
.
Tu emaw bike a rawn kal hi zing tin ka lo nghak thin a. Amah chu upa lam, khabe hmul nei, mitmeng thim raih leh sam tuak ve pherh pherh tawh ani a. A tir chu ka hmu fo ringawt a. Engah mah ka ngai lemlo . Ani telin ka hmu ngun a, doctor alo ni leh zel nen a rukin ka lo duh ve bur ringawt a. .
.
Ani lah chuan ka piang ve tih hi a hria nge hrelo pawh ka hre sili. A hming hi ka hre bel hlur a, a nau zaithiam ani a , a bike number nen lam ka thinlung ah hian ka vawng thin
.
Nitin in ka duhna a pung tial tial a. Ka cabin awmna a a rawn kal chang hian awmngaihna ka hre ngailo
.
Therapy te ka la a, ka zia awm ve tial tial a. Vawikhat ka therapy lakna a doctor pahnih titi chuan ka beng a verh zar mai a. Ka han ngaithla chiang a, nupui a nei dawn maw?
.
Khami ni atang khan nasa takin ka duhna chu a pung a, tihreh ka tum mahse a harsa ani. Tukverh atanga lo thlir bak tihtheih ka nei tawh silo. A nupui tur chu ka thik ani. Khawvela ka mipa hmangaih ber a pasal ani tur hi. Ka hua a, ka itsik bawk. Dam ila chu an biakin kawt a, an inneih lehkha tar , a ruka zuk pawhthlak ka nap a. Mahse ka kal thei silo
.
Nupui a nei a, tunah chuan silver zungbun kual sinte a bun ta. A inhmeh hle mai
.
Fa tamtak nei turin duhsakna ka hlan a, an fate chuan amah chhun em em vek sela, mahse keimah angin tuma thinlung an hriat miah siloh in hliam ve lul suh se
.
Damdawiin atanga ka chhuah ni chhuah ni chuan casualty ah alo awm a. Min rawn melh zawk a, a hawisawn leh a.
.
Inchhungah chuan an koh avangin a lut a, a kalliam tur chu ka thlir reng a, ava mawi em, mahse chelhdn theih ani silo.......
.
Engtik ni ah emaw chuan nang ang hi ka tawng ve ang..... tihpahin chu hospital chu ka chhuahsan ta a
.
.
(Keimah anga hmangaih a ruka nei te tan ka hlan e)
THE END
.
.
Nunui Franky Hmar