2K18 (18+) BY Nunui Franky Hmar (Completed)

Moderator: Big bear

Ngaia
Site Admin
Posts: 25813
Joined: April 30th, 2016, 4:07 pm

Re: 2K18 (18+) BY Nunui Franky Hmar (Completed)

Unread post by Ngaia » August 19th, 2018, 12:39 pm

2K18


Episode 11




(Mizo zir tur ka ngah a, zanin chu a sei vaklo aw hmeltha ho, weekend ah bonus chapter nen aw)






SAVANAH POV.........





Ban tha chak zetin min pawt ding a, ka hawi let a, Jeremy chuan min chhuk en run a , a awmah min bei tir a, a thinphu dut2 chu chiang takin ka ngaithla thei a .





'Minti hlau lutuk ka naute, tlan vak thin suh' tiin ka samah a chul hliau2 a .




' Inah let leh tawh ang le' naupang chhia takin min bia a, ka kutah a chelh a




' Nilo! ka let duh tawhlo, khanu min hmuhsit zia kha i hria em? Fahrah kan nih hi hrilhnawn fo kan ngailo' tiin ami kaihna atang chuan tal chhuah ka tum a, mahse nghet takin min chelh tlat a .





' Bawihi, let ila, engkim kan sawi fiah vek ang' tiin in lam pan chuan min kai let leh dawr2 a, mi mawl ang maiin ka zui lut a, kan luh chuan apa chuan min rawn pan hnai vat a, ka that leh thatloh te min zawt a, Babie tih hmingpu nu chu a mit a sen deuh ram a, Jeremy nu hmai chu a sen deuh tan a, kut thla a lang kulh bawk a, ka tlanchhiat hnu khan enge thilhleng ka hrelo.




' Ka nu ka pa, in remti emaw remti lo emaw Savanah hi ka hmangaih a, ka fa a pai mek bawk a, neih ka tum nget bur ani, tui tel lova kan nun theihloh ang bawk hian a tellovin ka nung theilo ani, Savanah tello chuan Jeremy a awm theilo' tiin ka kawngah min kuah a , ka nghawngah a lu a rawn nghat a .





' Jeremy kei hi engtin nge ka awm ve anga?' Babie chuan inla no takin a rawn ti a, haw na tur in a nei ve lovemni?





' Kan hnaih ah awm tam lo la a tawk mai, ka pa kan haw tawh ange ' tiin Jeremy chuan a pa chu a melh a, apa chu a bu nghut a, pa fel tak ani, kan haw kwng tluan chuan tu mah2 kan tawng lova, in kan thlen chuan rang takin ka chhuk vat a, ka roomah lutin ka in kalh hnan a, hmuh ka duh hrih lo ani.






Ka harh leh chuan zing ani tawh a, ka khum bula sana in hung chu ka melh zawk a, dar 9 alo pel tawh a, tumahin min kaihthawh an tumlo emni, Jeremy hi nizan khan a let leh ani thei angem? Zawhna tamtak a rawn lut zut2 a , ka intihfai hnu chuan room chu hawngin ka chhuak a , choka ah ka lut zui nghal a .




' Morning Savy' David chuan phone bih ngur2 pahin ati a






' Morning David, Jeremy i hmu em?' alu a thing a.




' Nizan khan in inhau ami? A rui reuh lutuk a, chuan zanah i room kawngkhar bulah a thu reng a, mu tura ka tih in a duh silo a, a chahthlak hnu ah a roomah ka kuah lut a, ka sil vek phah'





Jeremy room panin muangchangin kailawn ah ka chho a, a room zawnah chuan ka ding vang2 a, kik lovin ka lut a, khum laiah chuan puan sin mang lovin amu a, ka ngai in ka thlahlel takzet, reilote te chhung ka hmuhloh pawn ka ngai nghal em2 zel ania, a tello in engtin nge ka awm theih tak ang?




Khumah chuan a bul sirah ka lawn a, a ban chu lukham in a awmah ka bei a, zu thing rim nam mahse pawi ka tilo, a kawngah ka kuah a, ka muthilh lai reng2 ka hrelo







JEREMY POV.......





Ka awmah min delhtu an awm avangin ka harh zawk a, ka Savy bawihi chu ka awmah beiin tui ti takin a muhil a, nizan khan hnem tur ka nih laiin ka chapo na vangin ka theilo a, a tap ri ngaithla in a room kawngkhar bulah ka thu tlaivar zak anih kha, tu in nge khumah hian min mut tir ka hrelo, David emaw Savy ani ngei ang , a samah ka fawp zauh a.






Christmas leh kumthar hlim takin kan hmang zo a, inneih puiah kumthar tuk khan ka sawm a,aih ati ang tih hlau in ka thin a phu dep2 a, mahse kumkhua in a in ngaiohtuah dawn emaw ka tih hnu ah AW tiin min chhang anih kha, naute pawh rthla 3 a upa ani tawh a, a dul pawh a rawn puar tan a, engtik lai pawhin a mut a chhuak reng a, nizan phei chu hmangaihna kan chen zawh rual2 in a muhil nghal a, raipuar zawng2 hi an heti vek emni? ka ti rum2 thin.





Hospital a ka office ah chuan ka thu a, ka lu na reng hi enge a chhan ka hrelo, ka thianpa ka rawn a ngai ani.




Dr Lalhmunsiama chu a rawn lut a , ka lu nat thin dan te, ka khaw hmuh a rawn fiah lo thut thin te leh ka thil ei chakna bo vek te chu ka hrilh a, muk tak hian a in ngaihtuah vung2 a .





' Jeremy, ka thil ngaihtuah hi a thlen dikloh hram ka beisei ani' mitmeng phelh phang a min melh pah chuan ati a




' Enge i sawi awmzia, eng natna nge ka neih?'




' I natna leh brain tumor rawn lan chhuah dan hi a in ang chiah ani' atih chuan fiamthu anih ringin ka nui a, mahse min en reng thung a




' Lungai lo phawt rawh, anilo maithei bawk a, test chi hrang2 kan ti anga.........' a thusawi tawp lam chu ka hre ruai2 a, ka mitthla ah ka nupui raipuar tan tir chu a rawn lang hmasa ber a, inneih em pawh kan la innei lova, lo thih san ta ila engtin nge a awm ang?Miin an kawh rawn anga, pa tello in nau a pawm anga, ka fa lo piang tur pawh ka hmu hman dawn silo, Doctor chuan min be mawlh2 a .




' Jeremy ka thusawi chu i hria em?' ka darah min rawn sawi a




' Engmaw i sawi?'




' Naktuk ah test chu kan ti dawn nia, i rilru ti hah lutuk suh' tiin ka room atangin a chhuak a, a chhuah hnu deuh lawkah Savy chuan min rawn call a, rang takin ka pick vat a




' Savy ka naute'




' Big Bear, ka ngai tawh che nia, kuah tur ka neihloh chuan ka muhil theilo tih i hriat kha' lungawi lo tak hian a rawn ti a, ka khawvel ani, a tello in ka awm theilo, mahse engtik ni ah emaw ka tello in a awmtheih angai ang.




Kar reilote kalta atang khan ka ban kham a a mut loh chuan a muhil theilo a, a ke in min khan a, ka awmah a lu a nghat a, ka kawngah nget takin min kuah a, chuti hlir chuan a muhil thin a, ani ka tawng hi vannei ka inti takzet ani.












SAVANAH POV......





Hun kal chak zia hi, thla thum lai ani ta, ka zing luak chhuak pawh a reh tan telh2 a, thil ka ei thei in ka mu tam em2 a, David-a phei chuan reilote ah sai te chi i ni mai ang min ti nghe2 a, Jeremy erawh chuan eitur tha tinreng min rawn hawnsak a, ka ei chak zawng leh duhzawng hlir min leisak thin a, ka hmangaih takzet ani.






Zan ah chuan ka thang harh a , Jeremy pawh alo la meng reng a, khum bula sana chu ka va melh zawk a, dar 2 alo ri tawh a





' Big bear i mu theilo emni?' tiin Jeremy chu ka en chho a, nui sukin ka chalah a fawp zauh a




' Savy muhil leh tawh rawh' tiin nghet takin min kuah a , tunlai chu a awmdan hi a mak ka ti, nge keimah zawk hi, a tawngtlem ta riau in ka hria .





' Ka hmangaih che' a ngawi reng a, ka en chho ha a




' Jeremy ka hmangaih che ka tih chu' tiin ka melh chho leh a, a mit chu alo chhing daih tawh a, hmmmm , min muthilh san daih nia, pawilo e, a chau aniang, hna a thawk nasa si a , a hmui ah ka fawp zauh a, kan inneih ni tur pawh a hnai telh2 a, ka phur in ka huphurh bawk a, Jeremy hi ka khawvel ani, a tello in engtin nge ka awm theih ang?









to be cont......



[lehkha zir ka ngai tawh a, naktuk zanah a aia thui in aw zir loh aiah rawn dah zuais]



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 19th, 2018, 12:39 pm

2K18



Episode 12




[Mi diklo lo hmangaih hi sual anih chuan misual kan lo va tam dawn em] ...... Nunui





SAVANAH POV......




Khum atangin ka tho chhuak a, Jeremy erawh tui takin amu a, tunlai chu mut a duh leh lutuk a, a mu reng ringawt mai , a hna lamah a buai deuh thin pawh ani mahna.




Kan awmpui tawngthei zet2 pathum te chu choka ah anlo awm a, ano titi ser2 a, ka luh thut avang chuan an ngawi thap a , min en zuk2 a .






'Pi Savanah, enge i ei duh ang ?' pakhat chuan minlo zawt a, chhang lovin fridge ka hawng a, Jeremy nena kan eitur chu ka siam a




' Ka pi lo khawih suh, pu a thinrim lutuk ang'




' Choka tang hian chhuak vek tu' tiin ka vin that a, hlau takin an chhuak dawr2 a . Keimahin ka awm a, rawng ka bawl lohna chin pawh a rei ta hle mai, nui ver2 in rawng ka bawl a, hnunglam atanga min rawn kuahtu an awm avang chuan ka te that a .






' Shhhh bawihi tinge min thawhsan' tiin Jeremy chu ka darah a lu a rawn nghat a, alo inbual fel dim diam tawh a .





' Rawng ka bawl alawm, eichak deuh te i nei em?' ka tih chuan min fawp vang2 a , a lehpek awm tawhlo tur ang maiin.





' Che vak lo turin ka tih che kha, ka thu hi i awihlo emai' tiin min en leh vang2 a, a san em vangin a kawngah ka kuah a






' Ka hmangaih che Jeremy'



'Maw? Savanah min hmangaih thu i sawi tiraw?' a inla hrang a, min en a .






' Nasa takin ' tiin ka nuih a ,, a hlim hmel hi ka theihngilh leh theiin ka ring tawhlo ani , min pawm nawlh a, min vir pui ta chiam2 a .





' Min dah thla teh, ka luak a chhuak ania' ka tih chuan rang takin min dahthla a , min kuah vang2 a





' Ka hmangaih lutuk che keipawhin..... ka chungah engpawh a thleng anih chuan nun bul tan tha leh turin ka duh che Savy' thutak zeta atih chuan ka en vang2 a, ti teh thut nge, min ti hlau lek2, phak leh phak lovin a hmai chu ka chul a .





' I chungah engmah a thleng lovang , chutiang sawi suh' tiin ka kuah leh a, ka mittui rawn luan chhuah lai reng2 pawh ka hrelo, hmangaihna hi chu a mak ve ngawt mai, mittui te pawh alo keng tel vek a....... Nunui






' Vawiin chu ka chawl a, enge kan tih ang'




' Um..... movie en dun te, chuan inbual dun te........' a nui hak a, min pawm kang nawlh a, kitchen counter ah chuan min thut tir a






' Tikhan lo thu rawh , keimah kan bawl chhunzawm ang' tiin min fawp zauh a, ka thil tih laklawh lai chu a tih chhunzawm a. A rawngbawl lai chu hmuhnawm ti takin ka thlir a, Pathian in ani ang ka tan a zuah hi ka va lawm em.






Kan inneih ni tur pawh ni 5 chauh in a dal tawh a, Jeremy chu Velore ah hospital thil vangin hmanhmawh takin a zin a ngai a, min hruai ve tura ka tih pawhin naute tan a tha hrih lo tiin min hnial tlat a ,Davida nen kan awm a, a bialnu leng turin ka sawm nghe2 a, ani pawh tha takin 12 a pass a, football lamah in sawr bing a duh a, ka hnial lemlo, a tui zawng ani a, lo sawisel sak ka tumlo.






Jeremy chu ka ngai em2 a, phone ala thei silo, nakin ah misscall a hmuh hunah minlo call back mai ang tiin ka bulah chuan phone ka dah a, chhuatah thu in THE TEACHER/STUDENT AFFAIR tih chu ka en a, ka mittui ati tla zawih2 a .





Tleirawl kum 17 mi leh tlangval senior kum 35 mi inngaihzawnna chungchang lungchhiat thlak tak ani a, a fa rual ngaizawng tiin a mipa chu an dem a, a hmeichhia lah apa rual ngaizawng tiin an sawisel a, mahse an in hmangaihna chu a pung tial2 a, in hmu lovin awm harsa anti a, a hmeichhia chu 12 a pass velah an teacher nen chuan an in ru a, in khatah an cheng dun a, fa te nei in hlim takin an awm dun a, ka awt takzet, mahse Jeremy nen pawh hian kum tamtakin kan inthlau ve tho a, lo intawng hma deuh ta ila engtin nge kan awm ang le, tiin ka ngaihtuah veng2 a .






Ka phone rawn nghawr der2 chu ka pick up a,



' Jeremy ka call i pick thei lova' ka lak rual2 chuan ka ti a




' Savy ka naute, ilo tha em, thil te i ei tha em?' thildang a rawn sawi daih a





' Ei tha, nangmah kha i tha zawk em' ka tih chuan a thaw ri hak a




' Ka tha lutuk ka naute, naktuk tuklehah ka lo haw ang, enge ka lo hawn ang che'





' Engmah ka duhlo, lo haw vat rawh ka ngai tawh che'




' Keipawn ka ngai che lawm'




' Awle, Savy ka....' ' Arghhhhh.....' ka lam pana Siberian Husky dum leh var a tial liantak lo tlanphei avang chuan ka phone hman lai chu chhuatah ka thlauh a, sofa ah ka lawn nghal rawk2 a .




A hnu lawkah mipa leh hmeichhe nui thawmin ui boh thawm chu a rawn zui a, David leh hmeichhe tleirawl ngo ving veng chu an rawn in zui lut a, ui lian zet chuan a pan a






' Savy a fel lutuk, tumah a seh ngailo' David chuan ati a, muangchangin sofa atang chuan ka chhuk a, ka phone hman laklawh lai pawh ka thlauh daih alawm. Ka chhar a, alo in switch off hman a, ka on vat a .






' Savy hei ka bialnu thinchhia leh mi sih hrat deuh Emily anih hi' ka nui hak a, anni pawh an nui ve a, tleirawl laia ngaihzawng neih nawm zia hre turin hun ka neilo a, neih nachang lah ka hre heklo, mi zawng2 in ka ngo bik vang te, mipa in min en duh bik thin avangin hmeichhe tamtak phei chuan min haw thin a, mahse enga tan mah ka ngai lemlo....






Choka ah eitur siamin kan titi pah a, Jeremy chuan minlo call a





' Savanah enge thleng, tinge phone i off daih, tinge i au vak' mangan hmel tak chuan ati a




'Lungai suh, ui liandeuh alo lut a, David-a bialnu ui ania, ka hmu thut kha ka au vak a, phone ka lo thlauh a'




' Minti mangan hman lutuk' ati leh sup a



' Ka hmangaih che'




' Nasa takin ka hmangaih che .... Savy Davida i bulhnai ah a awm em' atih chuan Davida chu ka koh a



' I be duh mi'



' Ka lo be lawk ang' atih chuan David-a chu phone ka pe a









TIME SKIP.........




Zing thawh hlim atangin ka zam chhe takzet, ka dul a rawn puar ve tawh bawksi, vawiin hi pasal ka neih ni ani , Jeremy chuan a tha ber2 engkim min tihsak vek a , mo kawr, pheikhawk, make-up artist pawh a lar2 , ka inthlahrung letling zawk a .






Thian em2 ka neihloh avangin monu thiannu ah David-a bialnu chu ka hmang a, a phur hle a, khatia alo len ni atang khan kan in nel sawt hle a , hmeichhe fel tak ani.







Jeremy erawh mopa thianpa atan Doctor Hmunsiama a hmang dawn a, a hospital pakhat a HOD ani a , tlangval senior ve tho ani nghe2 a, tunlai mizo mipa ho hian len rei hi an in tihhmuh emni? Tleirawl lah hi an ngaizawng duh phian a, an kum rualpui nula senior duh leh mang tawp silo , ka ngaihtuahna atthlak tak avang chuan ka nui suk a.







Biakin lam pan chuan a hrangin kan chuang a, Jeremy pawh motor hrangah a chuang a .





' Savy, monu ka hmuh tawhah chuan ila hmeltha ber, i inhmeh ber bawk, khalai kawr senno ha ve kha chu a thinchhe lutuk a, inhmeh pawh ka ti velo' David-a chu a seat hma ah driver bulah a thu a, kan nui dar2 a, ka nau hian a hmangaih tak tawng a hlim ve reng turin ka duh ani.





' Ngawi mai teh, ka chocolate dahthat eiruk i chin2 nen' tiin an inhnial a, an la naupang chhia takzet .





Biakin chu kan thleng a, mipui taktak an awm a, biakin chhungah chuan an khat mup bawk a, thlalak hmun hrang2 ah a de sup2 a





' Zam suh aw, i bulah ka awm reng ania' tiin David-a chuan ka kut a rawn hum a, ka nui sak a, biakin panin step ah chuan kan chho a, huizzzz ka tithei ang, ka pum chu ka chul a ''ka naute, anu leh apa an innei tawh dawn , i hlim em'' tiin biakin chu ka hnaih zel a, a hun ta e.





Biakin chhungah chuan ka pen lut a, mi tupawh mai chuan min en thap a , Pulpit hma ah chuan ka kalphei zel a, a sirah mipa lian leh hmeltha tak coat suit senduk thui nalh leh manto hmel tak ha tu chuan ka mit a la hmasa ber a , min lo nuih sak a, ka kut te hi a thlan in ka hria, a bulah chuan ka ding a , ka kutah min chelh a .





' I nalh lutuk ka naute' ati sup a




' I cute tawp' ka ti chuan ring vaklo hian a rum hak a, ka kutah a hmer vang2 a ........







' A nuam ah emaw, a hreawm ah pawh........' tiin damchhung innei a, hlim dun reng turin Pathian leh pastor leh mipui tamtak hma ah kan intiam a, tunah chuan nupa tak2 kan ni ta.




Jeremy chhungte pawh an rawn tel kim hle a, anu nen erawh kan la in melh no lo khawp a, apa erawh chuan a fanu tak ang maiin min en a, thlalak chhung chu rei ka ti hle a, pheikhawk sang ka bun bawk nen, Jeremy chu ka kuah deuh reng a.




' Savy, i nuamlo deuh emni' atih chuan ka bu nghat a




' Ka ke ana tawh, ka bun sang lutuk a' ka tih chuan ka mo kawr var hak chu a hlim a, min en vang2 a




' A flat i bun duh em' mintih chuan ka lu ka thing a




' Hetianga sang ka bun chung pawh hian i dar ka chen tawk2 ani a, ka bunloh phei chuan ka lang te leh dawn lutuk asin' ka tih chuan a thle bak a, reilote hnu ah in lam panin kan haw a, car ah kan chuan chhung zawng chuan ka kut a thlah lova, min fawp leh zauh thin bawk a , kan in kan thlen chuan an lo chei nalh hle a .





' Ka ta ini reng ang'




' I ta lo tu ta nge ni se min tih '




' Tu ta mah' tiin min fawp vawng2 a, hnunglam atanga mipa khuh thawm kan hriat avang chuan kan inla hrang vat a




' Khatiang kha chu zanah aw' tiin apa chuan mit min siai zauh a, zah vangin Jeremy banah chuan ka sik vawt a .






JEREMY POV..........



To be cont........





[ tihtur ka ngah deuh a, zanin chu a thui lo, bakah bonus chapter ka lo dah tel leh ta chuanglo, mahse next ah chuan promise in a rawn tel tawh ang, sure loh pawn ngei2 .... ka hmangaih vek che u ania]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 19th, 2018, 12:40 pm

2K18



EPISODE 13



[Guys, hmai baw duk rehna tha deuh home made remedies [aireng, khawizu, nimbu, alu ] tihloh in hria em]





JEREMY POV..........





Ka hmeichhe hmangaih, ka khawvel , ka engkim chu ka bulah tui takin amu a, a ban tereuhte chuan min kuah ve tai a, a dul puar ve ek2 tawh chu ka chul a, Pathian hnenah nitin lawmthu sawi ka ba ani.




Vanneih thlak takin test chi hrang2 kan tih hnu ah Brain tumor ka lo ni lo hlauh a, mahse in enkawl vat ka ngaih thu min hrilh a, ka fa lo piang tur ka hmu hman lovang tih mawlh kha ka hlau a.





Ka harh leh chuan keimah chiahin ka lo mu tawh a, zing dar 8 alo ri daih tawh a, Savy chu bathroom ah a awm silo, inhnuai lamah a awm ani ngei ang, kawr ka ha a, boxer nen inhnuai lam panin ka chhuk a, kailawn laklawh lai vel a ka din lai chuan choka a thil tla ri bawl chu ka hria a, rang takin ka pan hnai vat a, Savanah chu dawhkanah hian alo lawn a, glass no pakhatin tukverh a tin bawk a, misual lo luh ruk an tum emni?




' Savy!' min rawn en a, a thaw huai a, tukverh lam chu ka pan hnai a, mipa mah ni ila ka thil hmuh avang chuan ka phu deuh zwk a, ka pian a hnu lama pangang ka hmuh len ber ani, choka tukverh ah chuan a khamphei zawng hian a bawk zur a, a lian in a sei si, hmeichhe tan hlauh loh chi pawh anilo.





'Savy, lo kalrawh, ka lo pawm ang che' tiin ka pan hnai a, rang takin min rawn pan rawk2 a




' Ka khawih fuh teuh zia chu' tiin ka nghawngah min kuah a, chawhmeh ut rim chu a rawn nam rum2 a, artui a kan chu a ut vek a, ka off vat a , sitting roomah ka pawm phei a.




' Lo thu rawh aw, ka va that lawk ang' ka tih chuan min chelh vat a.



' Naute insiam laiin rannung emaw an that ngailo, a thalo' tiin ka banah a chelh a, loh theihloh in ka driver chu koh in ka thah tir a, ani pawh a hmu thut chu a te ve that tho a, mipa pa tak pawh hlauh zawng ah hi chuan a pa tak2 theihloh ani lawmni?





Zing chaw kan ei dun a, room ah movie kan en dun a



' Min bazaar pui la' tiin ka awm chu a chul kual a, ka bawiha pawh a rawn inperh tho nghal zat a .




' Mahse bawihi, i hah lovemni?' nichin deuh lawk a kan thiltih chu ka ngaihtuah a , ka nui sak a





' Chau tho a, mahse chhuah vah vel ka chak ve a' atih chuan a chalah ka fawp zauh a.



' Awle, inbual phawt ila' tiin bathroom ah ka pawm lut a, shower hnuai ah chuan rang takin round khat kan ti leh a




'Ka tleirawl lai vel khan khawnge i awm? tleirawl zakzum tak ang maiin a lai a, a biang chu a sen tan2 a.




'Ka hrelo, ka nu leh pa ten minla siam lo aniang!' atih chuan ka nui hak a, he hmeichhia hi ka hmangaih takzet ani, kum 15 in inthlau mah ila pawi ka tilo, kum te chu number mai2 alawm an tih thin kha.





Bazaar turin kan chhuak a, a chhuak khat hle a, a rai tan tirh tangin in ah a awm deuh chawt a, eitur chi hrang2 ka leisak a, a tana tha ho chauh a, thil manto tak2 leisak ka tum laiin ka duhlo a ''I pawisa avanga nei che emaw min ti anga sin'' tiin min kai a, hmeichhia ka pawisa vanga min hnaih lo awmchhun ani, ka chhuah tawh hauh lovang, mit chhing sakin kan fa lo piang tur te nena kan awm dan tur ka suangtuah a




' Anu an chun ngei ka beisei'' tiin Savy chezia chu ka thlir reng a




' I kalna en rawh Savy.........' mipa palian tak chu a su chawrh a, vanneih thlak takin a tlu lo hlauh a, rang takin ka pan hnai vat a .




' Savy i tha em ?' a bulah chuan ka ding a, a mipa sut chu a rawn hawilet a, ka hmelhriat Immanuel-a Ela ani a, ka chibai a



' Euuu, in inneihna ah pawh min sawm lova' ati sup a, keimah ang tho a hausa ani a, playboy ni ve thin, engtik ah emaw keimah angin nupui tha tak a tawn ve ka ring ani. Savy nen chuan ka in hmelhriat tir a




' Ela, ila thlak kual reng emni?' ka tih chuan a nui hak a , a lu a thing a



'Ka sim tawh, khawnge maw kan nu pawh kha a awm le?' tiin a zawng kual a.



' Saw2 anih saw, Nunui' tiin kan lam pana teirawl higher kal lai ni awm tak , ngo ving veng, Savy ang vela sang chu a kawk a , he tlangval senior hian tleirawl a ngaizawng amaw?




' Nunu, heihi ka thian Jeremy anih hi, heihi a nupui' tleirawl chuan a mitmeng lian kel kawl chuan min melh a




' Beast, ka riltam tawh lutuk ania' tiin Ela chu a banah a kai a



' Kan kal phawt ange , duhsakna ka hlan che u' tiin inkai riain an kal a , an kalliam lai chu kan thlir reng a , Savy nen chuan kan in en a, kan nui dun hak a




' Age is just a number an tih kha mawle' tiin ka fawp zauh a, thuamhnaw ka leisak a, a mamawh bak2 , ka in khai bawr nasa hle a.




' Engemaw duh i la nei em ?' alu a thing nar2 a






' Aih, haw vat ang' tiin min kuah a, kan mi tawh apiang chuan min en zui a, kan thla la tu lah an tam, engtak social media ah post ang maw?





Kan haw kawngah chuan kan titi a




' Big bear, fa kan neih hunah enge kan tih ang?' a kut chu ka chelh a





' Kan enkawl seilian aga, chumi hnu ah a nau tur kan siam leh anga ........' ka sawi zawh hma chuan min rawn chum a, a te na vang2 in a kutthlak ana ania.





' Ka hmangaih che' ka biangah min rawn fawp zauh a



' Keipawn ka hmangaih che'









DAVID POV.......



5 YEAR LATER...



Kum nga a liam leh chuan India rama footballer tha ber Pathian zarah ka ni ta, ka farnu neihchhun pawhin fapa duhawm tak leh fanu tahbelh tak annei tawh a, a pasal nen an hlim hle a , nupa awhawm tak anni.





Mizoram ah awm lovin B'lore ah ka awm a, Mizoramah chuan a chang2 in ka haw zauh2 a, Emily nen erawh kan daih rei ta lova, kum chanve vel kan in ngaizawng a, mahse kan awmdun reng theihloh avangin kan inthen ta a, khami hnu khan ngaihzawng ka nei leh ta lova.




Kum 23 mi ka ni a, lehkha ka zir sang lem lova, class 12ka pass a, ka farnu hi awmlo se chu hetiang hian ka awm theiin ka ring lo, a pasal pawhin min puih bawk a .






Thlasik a intan chho a, thla chanve vel chawlh neiin Mizoram lamah ka haw thei dawn a, airport lam panin ka inkhalh , driver ka hruai bawk a , fans tamtak ka nei ve a, thla min lak pui tawk lah bo lo, an jersey ah ka sign bawk a.





Ka kalna tur ka en lo nge min rawn su chawrh tu chuan a kaln a enlo zawk ka hrelo, hmeichhia ngo ving veng tak chu ke vawr thuau in a thal tawp a, ka ding chawt a , Mizo a ang hle a, mahse a ngo em avangin manipur emaw khasi vel anih ka ring, ka kaitho a




' I na em?' English chuan ka bia a, a kekawr mawng chu a beng fai a , mawi takin nui a, hmmmm brace a vuah ani maw?




' Ka tha e, ka lawm e' English no nalh tak chuan ati a, a kal leh zui nghal mai a, hmeichhe dangdai tak ani.



Thlawhtheihna chhungah ka lut a, 1st class ah ka thu a, ka taksa a chauh deuh avangin ka maimitchhing a, reilote ah a thlawk chhuak a, ka farnu fate phnih ka ngai tawh takzet. Ka tute pahnih, ka va upat hmel si em.





'Please' hmeichhe aw no nalh tak avang chuan ka harh zawk a, aw lo chhuahna lam chu ka hawi a, kha hmeichhia bawk kha alo ni a, hostess pakhat chuan a kut hnungah chocolate a keng bawk a, a landan chuan chocolate bar saw a dil ani ngei ang, ka en reng a, a hmeltha hle mai, hostess nu chu rum takin a melh a




' Vai ho lah hi uikawm lutuk' tiin ka hma hma leha thutna ah chuan a thu a, tunah khan mizo tawng a hmang! Mizo ngei ani, , thlapawlh tal ani ang, ka ngaihtuahna avang chuan ka nui suk a.







BONUS CHAPTER + EPILOGUE




SAVANAH POV......



KUM 5 zet a liam ta, kum nga, ka upat tawh zia hi kum 27 lai ka ni ve tawh a, Jeremy pawh 41 huh, fa pahnih kan nei a, pathum na ka pai leh mek a, Jeremy nen kan inkar a tha hle bawk a, ka tawng lovang tih ka hlau takzet ani.




' Joshua, engvangin nge i farnu sam i lo tan?' Kan fte room ah chuan ka lut a, ka fanu kum 4 mi chu a chalsam a chal lai vel thleng hian rual hmukin Joshua chuan alo tan sak a, ka hmu chu an phu zawk a , ka fanu Priskil chuan min rawn pan a



' Ama, a nalh em?' tiin min rawn kuah a , Lalpa ka thinrim loh nan min puih teh, ka pasal pawh hi ava rawn haw har ve, Jushua kum 6 mi chu ka melh a, apa sam kir chiat ang chu ka tuai a .





'I pa fate in va ni chiang em' tiin ka chhing sak a .




Kum 6 chhung zet kan innei ta, kan inhmangaih hle a, min duat hlum lo chauh a




'Savy, i sam hi a sei lutuk a' tiin Jeremy chuan ka kawng chena sei chu ka dar thlengin a tan hmawk a, karkhat chhung kan inbe lova, mahse min tihhlim dan a thiam a, engtin2 emaw kan inngeih leh a






' Savy' ka nau aw vang chuan ka fate room atangin ka tlanchhuak a





Sitting room ah chuan David-a leh ka fate pahnih chu anlo awm a, toys a rawn hawnsak leh teuh a, in ti hnawk tu.





'Khai a, sai tereuhte' tiin min nuih a, tunah chuan tlangval hausa tak ani ve ta, ka chhuang takzet ani.




' Priskil , sam thar i nei law, ama tan ami ?' tiin ka fanu chalsam chu a melh zauh a,



' Jo min tansak anih hi, a mawi em?' tiin a hmui sen tak chu ati pawrh a,ka lipstick REVLON original , Jeremy min leisak chu engtik laiin nge kan room atangin a lakchhuah ka hrelo , fanu neih hi chu aw ..... a kut lehlam ah chuan a hum tat2 a, a hunlai ani.






' Ka nupui leh ka fate hi khawnge an awm diak a?' apa aw an hriat rual2 chuan kawngkhar lam an pan vat a , David nen chuan kan zui ve a




' I chau em?' David chu ka kuah a




' Chu love, thlawhna ah ka rawn mu a'




' Savy' Jeremy chuan min rawn pan a, a fanu leh fapa chu a rawn pawm phei a, min rawn fawp zauh a .





' Kan footballer hausa chu a rawn thlenna a rei tawh em' tiin David chu a nuih a, an awmdun tawh chuan football chungchang ringawt an sawi a.




' Ama, ka fanu hi sam thar a nei animaw' a fanu chu a fawp zauh a, Lalpa chhungkaw tha tak min pek avangin ka lawm e, tiin lawmthu ka hrilh mawlh2 a .







Engpawh chu nise, i hmangaihna zinkawng kha nuam takin i siam thei a, hreawm takin i siam thei bawk a, nun hi hlim lo taka hman atan chuan a tawi lutuk, i riltam chuan ei la, i duh chuan i duh thu hrilh tawp rawh.



Inchhir takin hun hmang ngailo la, i tha ber tih inhria ang che, mipa umui lo la, mipa in umzui tir ang che, hmeichhe zahawm tak angin.... Nunui




Hmangaihna hian kum a thliar lova, hmel leh vun rawng pawh tiamin, mizo kan ni a, Christian sakhua kan ni, hnam dang neih thiang lovah kan ngai bawk, heihi kan sim tlan a tha in ka hria, an in hmangaih chuan enge pawi ? Kan chhungkua ah an rawn lawi dawn hleinem. Sap pasal nei kan fak hluak2 laiin vai pasal nei kan hmusit leh si, hnam dang ve2 anni a, an inhmangaih phawt chuan a sualna awmin ka hre lemlo, mizo mipa an duhzawng an hmulo ani mai.




A tawp berah chuan nun hi a tawi lutuk a, i nuam tih zawng apiang ti rawh, tlangval senior i ngaizawng duh anih pawn ngaizawng mai rawh, mite ah buai duh suh

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

the end ....


www.storyfb.com mizo story thar englai pawhin chhiar tur a awm reng
minlo chhiarsak tute zawng+ chungah lawmthu ka sawi a, ka next story minlo chiarsak leh theuh down nia, ka hmangaih vek che u 😘😘😘

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)