HILDEGARD CASANOVA (18+) By:Nunui Franky Hmar

Moderator: Big bear

Big bear
Posts: 400
Joined: November 9th, 2017, 1:44 pm

HILDEGARD CASANOVA (18+) By:Nunui Franky Hmar

Unread post by Big bear » January 3rd, 2019, 10:40 pm

HILDEGARD CASANOVA (18+)

By : Nunui Franky Hmar





"I bulah chuan insum a harsa thin " a malpui ah ka chum a, zan reh takah chuan arsi en turin kan chhuak dun a, min pawm a, December thla tawp lam a ni a, a vawt hle a, coat suit a ha a, kei erawh ka night dress.




"Thla 5 chiah a ngai tawh" ti leh supin min fawp vang vang a.





"Ka ngai ngawt ang che " ka kuah let a, a thaw chu a rim a diklo.



"Zu I in tiraw" a then sak a.



"Nooo beer alawm, tlemte chauh " min piai a, min kuah leh vang vang a.




"I innei tawh em" zawi zawiin min kuahna chu a thlah dul a.



"Aw nei tawh e, tinge? " ka thinlung chhungril hi vih ang zawkin ana a. Ka nui hak a





"Mahse then che ka duh chuang lo" a hmui ah ka fawp zauh a, duhthaw zetin min fawp let a.





Mi pà lo ngaihzawn hi sual ani anti, kei erawh ka pawm zawng a nilo... I hmangaih tur chu i thlang thei.





"Hildegard " chu aw chu ka hriat hnu avan ang, mahse a ni chu a kal tawh sia, Shikhar chu ka mix a.



"Shikhar ei ka phal tawh lo" ka phu zuk a, hnunglam atangin Phillip chuan min rawn kuah a, ka thlamuang veng veng mai.


"Zan khat chauh" engtik atang khan nge a zunah ka lo uai ka hrelo. A mitmeng pa tak te, a aw pa leh ngaihthlak nawm tak, a hmui fawh nuam taka chhah tha, a taksa pà tak, mizo mipa sa tha tak, vun uk lampang, a zunzam hian min phuar a ni.



"Phillip , ka hmangaih ngailo ang che tih hre reng chhungin min duh emni" min kuah a nghet takin.




"Hmangaih che ila, nasa takin... Chu I ngaihtuahna chu a bo thei ang em? " zan thla eng hnuai ah pawh a hmeltha em em tho a ni.





Mi pa ani tih hre reng chung leh fa leh nupui a nei tih hre reng chungin ka hmangaih a, Pathian hian min hrem ngei ka ring a ni, mahse tunge duh thlang thei bik ang???







A bullet (ka duh tak a lei) hnung chu a nupui aiin ka thu hnem a, a chang chuan hreawm ka ti ve thin tho... Mahse diklo ni mahse ani nena hun hman dun te, thu ho tak tak sawia nuih dun te, mutchhuak chung chung a reply te, a ni nen a nih chuan a nuam vek a ni.





"Police officer bialnu thuhruk ka ni mai hi ka nuih a za" a coffee in lai chu a hak a, min rawn melh rum a, ka lo nuih suk a.





"Ka hmangaih che" zawi sup hian a ti a, a nau rual min ngaizawng hi mak ka ti fo asin.





Muthi park ah kan kal a, inngaizawng an tam hle a, a sang sia, kei ka hniam si, pa fa kan ang hle a.





"Hildegard "



"Enge? Ka hmingpum in min koh ziah suh" min piai a, ka kut chu a hum vang vang a.




"Tinge min duh " phul ah kan thu a, kan thlanga tleirawl ho chu kan en a.



"A chhan chu I Hausa a" rum zetin min melh a.



"Tak takah duh che chu sawiloh hmangaih che pawh ka tumlo, mahse mihring fanu thusawi ve hi zawng ek mai a ni " min kuah a, min fawp leh zauh a.





Hmun dangah an post a, a rawn haw khat thei hle a, mahse kan inbe reng tho a, a nupui te in lama a riah chang te hian ka thik thin, mahse enge ka nih a? Tunge lo thik turin ka nih? A hmei maw?





Thla 4 zet chu a rukin kan in zui tawh a, Lehkha ka zir theihloh phah a, ka tlahniam hle a.




"I putea te anlo kal a, hei chaw kan la ei lo" ka putea hi police inspector ve tho a ni a, Phillip-a te nen a chang hian an duty ho thin a.




"A hria em" tun ang hunah min rawn be ngai silo a, mak ka ti hle a.




"Aih, ka hrilh dawn, Hildegard nen kan inngaizawng ka ti dawn" a nui huah huah a.





"Hey a chi loh aw"



"Min zahpui ami? Tinge mi hriat I duhlo? " mawla fing ve teh , mi pa I ni a, kei tleirawl chhuak ve mai. Hre darh ta se engtin nge ni ang?





A ni nen hun kan neih apiangin kan inbia a, kan awmdun a, kan kalthui thelh bawk thin.





"Insum thei lo ta ila engtin nge niang? " kan inrel ah kan thu a.



"Ka thianghlimna hi chu ka pasal ta Tura ka venhim a nia " min kuah a, a che miah lova, ka ngaih a thalo hle a.



"Phillip" a mittui chu a biangah a Luang a.




"Nang ang hi ka phulo a ni, Hildegard thil sual liantak ka ti a ni " ka kutah a hmer a, a vawikhat tah na a ni. Ka en reng a.




"Ka tihpalh " awmzia hrelo zetin ka en a.




"Nizanah ka riak a" inthiamlo takin a ti a, nie nizanah ka biak pawn min rawn be miah lo a nih kha.




"Chuan " ka lungphu chu a rang hle a.



"Nau a pai thu min hrilh a" ka kuta ka glass no ken chu cement chhuat charah chuan ka thlauh a.




"Ka tihpalh" ka muttui chu dan rual lohin ka biangah a rawn luang a, keihi ka inchhir tur a nilo.




Kan hlim lai te, kan awmdun thun lai te, engkim chu ka mitthla ah a rawn lang nghal zut zut a.





"Ka lawmpui a che" ka mittui chu a hmuh hlau takin ka hru a, ka nui lui sang a.




"Chuan he secret affair hi kan chhunzawm zel dawn em". Ral hlatak chu a thlir a.




"Sawi tur ka hrelo a ni " beidawn hmel takin a ti a, ngawi rengin engtia rei nge kan thut ka hrelo.




"Ka haw tawh ange" ka chalah min fawp zauh a, mangtha tur pawn chakna ka nei lo. A bullet tlan ri bak hriat tur dang aawm silo.





Ka rin loh deuhin zanah chuan a nupui chuan min rawn be leh a, ka zak takzet a ni. Ka duh loh hunah ka pe ang che a tih tawngkam khan minti na a ni.





"Philip mangtha aw" a call 20 chuang chu ka reject zel a.




Memories.

"Lehkhabu a a changtupa te hi ka thik thin " Rest house tlangah kan awm dun a.


"Nah " a malchungah ka mu a, ni a tla tep a.



"I lehkhabu te hi kei aiin I ngaina zawk hian ka hre thin " ka lehkhabu a khup a, a dahsawn daih a.




"Ka hmangaih tho che lawm " a nui suk a, rawn kun hniam in min fawp a.





"Kan thawnthu hi la ziak ve rawh aw" thutak zet hian a ti a.


"Aih, miin an hria anga sin"



"No, keimah ka ni tih ka in hriat chat theihna tur in ziak rawh aw"




"Um kinah Sarah hi zo phawt se" min piai leh zauh a.




"Hlawh tha deuh ka pe ang che " ka kuah a, ka nui ver ver a, eitur min leisak fo a, tlereuh lei erawh a thiamlo hulhual. Ka birthday in silver set Bengbeh te, ngun te, zungbun te min pe a, kha erawh ka la dahtha reng a, kawr min leisak erawh anu pawhin a thawl a nih kha. Ka tan engmah a ui Ngailo a, min hmangaih ve tak tak chuan ka hre thin.






Stop....





Ka muttui tla tur ka dang a, ka thil tihsual vangin ka zak takzet a ni.




Mi pa a rukin ka lo ngaizawng a, affair ka lo neih pui si, mahse ka thiamloh a ni bik vek lo asin, min rawn be hmasa lo se chuan tiang hian kan awm lo tur.





An chhungkaw thlalak chu ka en a, an va mawi em! An fate an lo puitlin hunah chuan engkim a pangai tawh mahna.



In hmangaih turin kan intawng a, in hrereng turin kan in kalsan leh si. Chu hriatrengna chuan natna min thlen a, natna chuan thihna hial a thlen thei si.





Kum 7 zet a liam ta, tunah chuan puitling ka ni tawh a, ka nih chak em em nurse ka ni tawh bawk a.





Casualty ah ka duty a, chhun chawlh lai a ni a, pawnah ka chhuak a, ka lut leh tur chu a sira bench a mipa naupang chuan ka mit a la hle a.






Ka mit ka la sawn thei lo, ka pan hnai a, a mahte Chauhan a thu a.




"Mama khawnge I chhungte " naupang Kum 5/6 bawr vel tur a ni a, a mitmeng fiah Tak chuan min en kal a, ka zam Chhe lek lek a ni.




"Joe an ciu a" a ti sap a, a sawi awmzia ka hre lo hle a.




"Apa" a ding a, a tlan daih a, ka en zui a, ka thil hmuh chuan minti na nawn leh ta. Kum 7 hnu ah ka hmangaih thin kha ka hmuh leh hmasak ber a ni. Mipa naupang Kum 10 mi vel a kai a, annu chuan hmeichhe naupang Kum 3 mi baar vel a pawm bawk a. Philip nen chuan kan mit a intawng chat a. Ka thin chu a phu dut dut a.





"Philip " ka ti sap a.



"Hildegard " a hmuiphun chuan a ti ve a, nui lui Sakin ka kut ka vai a, a nupui hmuh lohin, casualty duty roomah ka luh san a. A hlim hmel takzet a ni.





" Ka sawi kha, Pathian hnenah I hlim theih nan ka lo dil ang ka tih kha" tiin ka bianga mittui chu ka hru zauh a......











Duhtak te u, a chang chuan kan mi duhtakte hi kan nei thei ngailo a nia.







"Mama I pa kha ka ex asin " mipa naupang pahnih hmeltha tak te chu ka en reng a.


(Hildegard hi I khawngaih anih chuan comments lamah lo drop rawh aw �.... Likes comments, share, click...)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)