HIDE & SEEK (18+) By: Nunuifrankyhmar (Completed)
Posted: April 8th, 2019, 8:28 pm
HIDE & SEEK (18+)
By: Nunuifrankyhmar
PROLOGUE...
ADVOCATE ZORINPUIA
Ram danga advocate hna a thawh hrep hnu ah a ramah ngei a rawn let a.
Tlangval Senior ve tawh tak, chief minister fapa, hna thiam leh mite zah kai tak, thinchhia, pa, duhtui, lerh, hmeichhe mi tak, mize vawt tak, mi khawngaihna neilo tak mai ani a, a hna aia thil pawimawh a nunah a awm ngailo. Hmeichhe pakhat a tawn hma chu, chunu chu a neih theihna a nih phawt chuan engpawh tih a huam a, neih ngei a duh a ni, a fa pai tir a, a hnena kumkhua a awm reng turin a duh a, engtin zel nge a tih ang ...
ALICIA LALNUNKIMI
College 2nd semester kal lai, apa hospital bill rulh tur tamtak a neih vanga part time hna thawk thin, advocate thinchhe tak a tawn vanga a nun in thlak danglam leh hmangaihtu hlut zia hrechhuak thar tu, mi tu emaw a huat tak, mahse a thinlung chuan a hlat theih hauh siloh te, rinloh taka nau a pai dan leh a hmangaihna duhthusam kawng bumboh zia te ....
Minlo chhiarsak leh theuh ru aw
'Alicia, ka pawisa tamtak ba chung a tlanbo tum angin ka report thei che' Advocate Zorinpuia chu rum zetin ka melh a, engtin nge hepa ang mihring hi an lo piang ve i, hmangaih tum pawn a theih hauh siloh ...
' Ka...'
' Rawn haw vat rawh, chaw ka la ei lo ania' a duh a sawi zo a, a phone a dah zui nghal daih a, hepa thu han duh dan hi chu aw.
''Min kalsan theilo' hnunglam atang chuan min rawn kuah a, ka darah a lu a nghat a, a perfume rim pa zet chu ka hnar a ka hip lut vang vang a .
' Ka kalsan lo che, i pawisa kan bat pawh ka la hre reng' nie a hnen atang hian pawisa tamtham tak kan ba a ni.
' Nilo, pawisa kha theihngilh rawh, i tello in ka awm theilo' thawp sut hian a ti a .
' Ka thei alawm' min pawm nawlh a, sitting room a sofa dup zetah chuan min keuh thlu a, ka chungah min rawn bawh zui nghal a.
' Min kalsan theih ngailoh na tur in ka fa i pai a ngai a ni' atih chuan ka chil ka lem khawlh a ....
HIDE & SEEK (18+)
By; Nunui Franky Hmar
[Lovey ladies and handsome gentle man, thla tamtak hnu ah kan inhmu lehta , anyway hei story thar ka rawn ziak ve leh rawuih dawn a, minlo chhiarsak leh theuh ru aw, in duhloh lai emaw ngaihmawh zawng te leh lawmna thu leh hla te, commets lamah aw, chuan minlo chhiarsak leh theuh ula, comments like leh ads click kha aw, Pathian zara kan dam chuan zantin inhmuh leh theuh kan tum dawn nia.... Nunui]
''Ali [Alicia] alo kal leh tawh' thawk ka la hak a, kan advocate chhe hot leh thinchhe zet, Zorinpuia chu restaurant ah a bawp sei zet cu a rawn pen lut pawk pawk a, dawra chawl college student hmeichhe thenkhat leh student ho chuan an en thap a, thutna awlah chuan a rawn thu thla a, nidang ang bawkin a smart leh e .
' Order va la mai ta che' min nuih tlawn zetin Zualteii ka best friend chuan a ti a, paper nen a thutna lam chu ka pan a . Helai hmunah hian a rawn chawl zeuh zeuh a, a lar in a hna a thiam em em a,bakah a pa Chief Minister a ni lehzel bawk nen, nupui a la nei lova, bialnu a neih pawh ka hre lova, mahse hmeichhe mi tak chu ani. Chung zawng zawng chu engtin nge ka hriat inti maithei, mahse ka hriatna chhan chu ka best friend Zualtei hobby hi a chungchang sawi zuk ni tlat a . A hnar ngul sang vah te, fit 6 chunglam boruak a hip pha bik hrim hrim te, a hairstyle pa zet leh a mitmeng rum lam lek lek sexy em em mai te, a hmui fawh chakawm leka chhah te, a kut zungtang sei hal te leh a vun uk khak te, mizo hmeichhia ten kan MnB chhiara kan mipa duhthusam ang zawng zawng kha he Advocate Zorinpuia taksa ah hian a awm kim vek a ni, a hausa hle bawk a . Tehduah a.
'Ka pu enge i duh ang' dawhkana a laptop dah chu a bih ngur ngur a, a rawn hawichhuak hauh lova ,
' Coffee leh veg chow chuan coffee kha tak deuhin' min en chuang miahlo chuan a ti a, awle tiin ka kal sawn a, order cu choka lamah ka dah a , chhun chawlh lai a ni a, customer an tam hle a, tunkar chawlh ka la bawk a, inhlawh nan ka hmang thei dawn chiah a ni.
'Ka pu, kha i order, tui deuhin i ei dawn nia' a eitur chu dawhkan awl laiah chuan ka dah a, min rawn melh zawk a, kei erawh nui lui sangin ka hawi sawn vat a, a pa chu ka ti ve tho, mahse ngaihzawng tih te, hmangaih tih vel te nei tur hian hun ka nei ve lo, ka buai utuk tlat, ka pa hospital bill ka pek a ngai a, ka college fee nen, kan eitur man vel erawh ka pa pension tlem kan lakin tui bill leh electric bill vel a phuhru hlauh a, hringnun hi a harsa takzet a ni.
'Ali alo bia che em' counter bulah chuan Zualteii chuan min lo pawt ding a, lu thing chungin ka nui a ,
' Tinge min biak ngawt ang' min en vang vang a ,
' Ka hrelo le, i shift a zo dawn nia' atih chuan ka ban reka sana te takte, ka nu saa hlui [timex] dar rawng chu ka bih zauh a,dar 1 alo ri tep a, manager roomah ka lut a, ka haw tawh tur thu ka hrilh hnu chuan ka inthlak a ,
' Zualtei ka hawsan che aw, hospital ah kal kawi ka duh a ' ka tih cuan polythine dum hi min rawn pe a, ''Pa David-a ta tur'' tiin min nam chhuak nawk nawk a, ka pa nen hian an in gaina hle a .
' Restaurant piah deuhah chuan bus ka chang a, ka pa ka phone a, a la thei hauh silo .
' I kalna tur en ta che, hrep hian' chu aw vin zet vang chuan ka hawi chhuak a, ka piah lawkah chuan kha advocate khan putar pakhat hi a lo vin khu khu a, putar chu a inthiamloh hmel hle a, hmeltha chapo lutuk.
' Ka pu ka tihpalh, kawng ka hmu fiah thei lova' putar chuan hlauh hmel takin a ti a, pa te rual han vin chu, rag takin ka pan hnai a .
'Nang aia upa vin tur khan dikna i neilo' putar bulah chuan ka ding a, Advocate chhe hot-a chuan rum takin min chhuk en run a , a kut a kuangkuah a, ka hlau lek lek, putar chu a banah ka chelh a .
' Ka pu khawilam ah nge i kal duh' nui sang chuan ka ti a, kha advocate min melh rum chu ka hrelo der a.
'Mami, sawlai ah sawn ka kal dawn a' tiin kan piah deuh lawka building eng chu a kawk a, muagchagin ka kai phei a, a kal duhna a thlen chuan lawmthu min hrilh a, kan in mangtha hnu chuan bus stand lamah ka let leh a, makti taka a dinna ngaia ding reng Advocate chhe hot-a chu hrelo der in ka kal pel a .
Bus lo tlan chu ka phar a, rang zetin ka chuag lut nghal a, min eizawh vek tum te pawh a ang alawm, hausa in thil tithei viau mahse khatianga a aia upa biak theihna dan kha a neilo.
'Pa' ka pa roomah ka luh rual rual chuan ka au vat a, ka lehkhabu leisak chu a lo chhiar a , min hmuh chuan minlo nuih var a ,
' Bawihi, ngaihtuah ka gai hleinem, inah haw la, chawl hahdam rawh' a bulah ka pheikhawk tlawh phelhin ka mu zui zat a .
' 'Ka ngai che lawm' nie ka pa hi ka chhungkaw neihchhun a ni a, ka ngai takzet a ni, karleh mai hian zai a ngai dawn a, pawisa erawh ka la khawl tlem em em a, tih ngaihna ka re lo a ni, zai a nih loh chuan a damchhuah an ring silo.
' Pa i riltam em, hei Zualteiin a thawn che a' tiin sarang cu ka hawng a, min en zauh a, eitur chu a ei a, hetiag pa tha lutuk hian tinge hetiang natna hi a tuar bik le.
Pawnah thli fim dawng turin ka chhuak a, ka mittui chuan ka khaw hmuh a ti fiah lova, tunge ka hma ah awm pawh ka hrelo, tu emaw hi ka su chawrh a, ka mawng vaw ri dawtin floor tile chang zetah chuan ka tlu a, ka hma zawnah phone a tla keh bawk a ..
' Ka... ka tihpalh lutuk' ka tah chu a chhuak zual telh telh a, ka mittui chu hruk ka tum a, mahse a rawn tla lehnghal zel a .
' Min ngaidam rawh' tappur chuan ka tia, ka sam chu ka bengah ka zep a, phone to tak a ni ngei ang, engtin nge ka tih tak ang, chawi turin min ti ta se, ka purse ah cheng 100 chiah ka nei si.
' Hey, tap tawh suh' vin zetin min tia, ka hawichhuak a, tinge hringun hi a fair hlol loh, ka mipa huat tak bawk maw, tinge a ni kher, ka rinloh deuhin ka zawnah a rawn thu thla a,ka kuta a phone ka ken chu a la a, engtin nge hepa ian min tih tak ang.
'Ka... ka pu ka tihpalh lutuk, kawng ka lo en lova ka.....'
' Alicia' ka hnunglam atang chuan ka sawi zawh hma in tu emaw hian min rawn au a, doctor Sangzuali ani a, ka pa enkawl tu doctor a ni a, senior doctor a ni a, a thiam hle a .
' I pa an zai tur thu kha ilo hre tawh em' dam dap hian a ti a , ka tawng chhuak theih mai loh avanginka lu ka bu ringawt a .
' Alicia, ungai lo la, i pa chu a tha leh mai ang' tiin ka bula ding advocate-a chu a melh a, a mithmul a ti che ak a, a tawng leh hma a a phone a rik avagin a kalsawn ta daih a .
Advocate-a nen chuan kan inhmachhawn ran a, tin nge min tih ang le, min chhuk en run tih ka hria .
' Hna ka offer ang che'ka phu deuh zuk a, ka hawi chhuak vat a, ka mittui kar atang chuan ka en a , chik zetin min zir ni awm tak hian min en a ,
' Eng hna maw' kan piaha thutna awl lam chu a pan a, a sir a thutna awl chu a beng zauh a, hlauthawg ru takin ka pan hnai a .
' Restaurant-a hmeichhia kha i ni em' ka lu ka bu nghat a.
' I tawngthei lo emni'
' Ah aw nie ' ka rilru chuan hlau viau mah ila, anchhia ka loh mawlh mawlh a.
'Ka inah awmpui ka mawmawh a, chumi hna cu i thawk thei ang, hlawh pawh a tha ang'
' Ka pu, college kal lai alawm ka nih , ka...'
' Pawi ve, anih chuan he ka phone siamthat na man tur hi cheng sing khat min pe ta che' awihlo zetin ka en a, ka neilo tih a hre awm reng si a , ka mittui chu ka biangah a rawn luang a, ka hru zauh a, tinge ka tahbelh bik viau ni.
' Tap per pur lo la mawle, miin ka hau che emaw anti hlauh ange' ati hluk a . Ka ngawi reng a, sawitur mai ka hrelo a ni.
'I class banah i thawk thei ang, last offer' dawhtheilo tih hriat zetin min en a, ka chil ka lem khalh a
' Awle, eng vengah nge i awm' Chief Minister fapa ni mahse apa te bulah a awmlo tih ka hria a ni.
' Ramhlun South ah.....' a address chu min hrilh a
' Naktuk atangin rawn thawk tan ang che, chuan i period i mean i class neih dan ziakin min rawn pe bawk la, chuan rawn tlai suh ang che' a duh a sawi a, min kalsan ngal daih a , eng ang hna nge maw ka thawh dawn ni, Lalpa min puih ang che...
Ka pa roomah ka lut a, min lo nuih sen sen a, inah haw tura min tihluih tlat avangin ka haw ta nge nge a, kha advocate kha enge hospital ah atih ve le, nge min zui ru, nilo tihtur a nei ve a ni mai, enge ka lo hope san viau ni.
A tuk ah chuan ka pa chaw eitur ka pek hnu chuan restaurant lamah ka kal a, tun kar chu leave ka la a, karleh atangin class pangai ka tan ang, Zualtei chu chhun lam atangin a thawk thung a, ani pawh college kal lai ve tho a ni a, thingtlag atanga rawn awm a ni a .
' In hria em Zorinpui-an nupui a nei dawn an tih kha'
'Nizan ah pawh khan Tuikual ah an hmu asin'
' A bialnu tal ni ila, an hausa si '
' A pa si, min melh ve se vawikhat tal' college naupang keimah ang rual ho chu anlo thu khat leh mur tawh a, a then te chu ka hre ve bawk a, mahse kan inbe lem lova , ka shift a zawh tep chuan Zorinpuia chu a rawn lut a, dawr chhung chu a reh deuh duak a , a en thap a, a thutna thin ah bawk chuan a thu a, ka rinloh lutuk tak maiin min rawn melh a, engmah a sawi lem chuang lova.
' Zualte ka kal aw' ka inthlak a, ka hlawh ka lak hnu chuan bus stand lam rang takin ka pan a .
' College i kal hauhlo' ka hma zawna smart shoe man to tih hriat zet, tle zak chu ka melh a.
' Ka...'
' Dawtsawi ching hi ka haw takzet, a bikin hmeichhia' min thamlo tih hriat zetin a tawng a .
' Dawt ka sawilo, ka kal alawm, mahse tun kar chu chawlh ka la a' ka tih chuan min en vung vung a,
' Kal ila' tiin a kal zui nghal a, at hmel zetin ka en zui a, a ding vut a, a rawn leh hawi a .
' I beng a chhet ami, min rawn zui ta che' thawp suta tih pahin parking na lam chu a pan a, a rualin ka kal dawn tihna emni.
'Lut vat la, ka hawnsak che i phut lovang tiraw' rang lutuk ka lut vat a, car chhung boruak chu a uak churh bawksi, a hreawm takzet, ka sa pup pup lehnghal.
'Kum engzat nge i nih' min en chuang miahlo chuan a ti a .
' Ka kum zat maw' ning tih riat zetin min rawn melh a ,
' Aw, nangmah lo chuang an awm ami' min vin kher a ngai emni.
' Kum 22'
'Chuan hospital ah khan enge i tih' a awmpui hna ka thawh dawn vangin engkima hriat vek a ngai tihna emni.
' Maw'
' I beng a chhet deuh tak tak emni'' ka chil ka lem ri khalh a, sual lutuk, engtia rei nge ka thawh ngai anga.
' Ka pa a awm a' ring vak lo chuan ka ti a.
' Awle' a tawi hle ....
Building var gate zawnah chuan a ding a, gate chu chhukin a hawng a, heihi a in chu a ni ngei ang, amah chiahin emawni a chen le , car ah a rawn thu lut leh a, gate chhungah chuan a tlan lut a, khai, mi hausa nih hi a nuam hle dawn a nih hi.
'I tihtur chu inchhung leh a chheh vel tihfai , rawng min bawlsak, insuk leh inchhung mamawh lei vel a ni mai, a harsa lo' tiin inchung lamah chuan a pen chho a, he in zau takah hian enge ka tih anga.
' Ka pu minlo hrethiam lawk' a ke pen chu a tawp chat a, min rawn chhuk en leh run tawh a, lazer chu nita se a kap sen tial vel nuaih in ka ring a ni ....
'Enge ni leh ta' a necktie chu a pawt thawl a ,
' Rawng ka bawlsak dawn che emni' tim dai chuan ka ti a , rum taka min melh pah chuan,
' Rawngbawl hun a ni emni' tiin min vin let zawk a, room kawngkhar pakhat chu hawngin a lut daih a, sual leh lutuk, thinchhe si, chapo si, si hlir a ni, hmeltha nunrawng lutuk, tihtur min hrilh loh te chuan enge ka ti a nga.
' Choka ni awma ka rin ah chuan ka lut a frige lian zet chu ka hawng a, eitur te chu a khat tun hi mawle, a che fel phian lehnghal a .
Dawhkana ka phone dah chu a nghawr dar dar a, ka la vat a
' Alicia-i a ni em, damlo pu David-a chhungte' hmeichhe pakhat aw no zet hian a rawn ti a, ka pa chungah thil thalo a thleng ta emni le .
' Aw nie, ka pa chungah thil thalo a thleng emni' ka lugphu chu a rang nghal hle a .
' Englo aia, bill hi pek then a nih loh chuan kan zai thei lovang' lei ah chuan ka thu hnawk a, tunah cheng sang 7000 vel bak khawl ka nei silo....
' Ka pi, cheng 5000 ka pe phawt anga a theih angem, ka inhlawh na te ka dawng kim anga a dang chu k rul leh em em ang che u] ka mittui per pur bawk chu a rawn luang leh a '
' Director i hmu dawn nia, tihtheih kan nei lo a ni' tiin phone chu a dah a, damdawiin bill kan ba hnem si, tu pawisa nge ka puk tak ang. Chhuatah chuan ka thu a, ka tap ta vak vak a, zah pawh ka hrelo a ni.
' Zawhte hur an awm emni' Zorinpuia chu inbual zo hlim tih hriat zetin ka hma ah t-shirt var leh sport pants dum ha in a rawn ding a, ka mittui chu ka hru vat a , min hmuh apiang hian tinge ka tah reng mai le.
' Ka tihpalh, bathroom ah kan kal lawk ange...' tiin kalpelh ka tum lai chuan ka lu chungah a kut hrawl leh hlai zet chu a nghat a, kan in sang hleih mange aw .
' I tah chhan kha i sawi hauh lo' chik zetin min en a ,
' Englo, chhungkua lam thil ania' nuih luih ka tum nangin ka fail chiang a ni, ka mittui ka bianga luang chu ka hru leh zauh a, ka hmui ka pet fan fan a .
' Engzat nge hospital bill chu' a zawhna avang chuan ka phu zuk a, ka chhoh en ha a, min chhuk en run thung a .
' Ka hrilh theilo che' kati sap a, mahse a hriat hma chu min zawt reng dawn tih ka hriat avang chuan thawk ka la hak a,
' Cheng 80,000' min en vang vang a , engmah sawi lovin a room lam ni awm takah chuan a chho leh daih a .
' A chaw eitur te ka bawlsak hnu chuan haw ka dil , a phal ve mai a, ka pa ka gai tawhtakzet a ni, bus la in hospital lam bawk ka pan a .
' Pa' ka pa roomah chuan ka lut a, mahse a hlim loh hmel hle a , ka pan hnai vat a ,
' Pa, na i nei emni' min en vang vang a,
' Bawihi khawia pawisa zozai nge i neih, kan bill zawg zawng pe thei turin' atih chuan mak ka ti hle a, room atang chuan rag zetin ka tlanchhuak a ,
' Nurse, ka pa bill rawn pe tu an awm emni' ka tih chuan mawi takin nurse duty pahnih chuan min nuih a ,
' Aw, Advocate Zorinpuia khan tlaiah a rawn phone a, a rawn pe tawh' Hepa i tinge a lakah ba min simsak teuh mai le, enge ka lakah chih hian a duh le , min ngaizawg ka tih chuan satel in hmuihmul a nei tih ag vel a ni dawn si, a phone number ka nei bawk silo.
' Pa tui deuhin mu rawh aw' tiin ka pa chu ka mangtha a,in lamah ka haw a,tinge kha advocate khan min tanpui le, ka hmelhriat a ni hauh silo, nge ka vin vang kha nge ni anga, a phone ka tihchhiat man zawk kha, eng pawh chu nise , a chhan keimah ngei hian ka zawh a ngai a ni.
A tuk ah chuan ka part time hna ka zawh chuan a in lam panin ka kal a, in chu ka kik a, rei fe hnu ah a rawn hawng a.
"Hospital bill kha" ka tih chuan ning tih hriat zetin min melh a, a kal zui nghal daih a, vawm tawk mai ka duh...
To be cont....
(A ngaihnawm dawn chauh aw, hmeltha ho, minlo chhiarsak leh theuh dawn nia aw)