FILLING IN THE BLANK By; Nunui Franky Hmar (Completed)
Posted: April 26th, 2019, 7:46 pm
FILLING IN THE BLANK
By; Nunui Franky Hmar
Episode 1
[AN; Mi famkim ka ni biklo a, in zir chho zel ka ni a, ka tihdik loh lai leh ka that loh na lai te, midang hnena sawi mai lovin ka hnenah rawn sawi thin ang che, lawm takin ka lo dawngsawng ang che. Readers duhtak te u, minlo chhiarsak leh theuh ru aw, ka tan in hlu lutuk vek a nia]
''Duhsak heihi kan sport minister Pu Hmangaiha chu a nih hi'' Nu Rintei chuan a ti a, kan sport minister lerh zet kha maw..... A la nui sawng lehnghal a ...
[Prologue chu Hide ad seek episode tawp ber ah a awm kha aw ]
'' A va tha reuh ve, kum engzat nge'' Pu Hmangaiha chuan a ti a, Nu Runtei chuan a chhang vat a .
'' Kum 19 na a hmang ve tawh, pawl 12 a pass chhuak ve chiah a'' min en deuh vung vung avang chuan nuam lo ka ti hle a .
'' Home ah hian a awm ve nge a thawk zawk'' eng vanga min buaipui thar ta thut nge a nih ka hre lo.
'' A awm thin a, hei khawpui lamah hna zawng a chhuah te a duh tawh a nih hi'' a mit meng hlauhawm em em mai chu ka taksa ah ala fuh reng a, ka chetzia engkim a endik ni ber hia ka hria.
'' Awle, awmna tur a duh phawt chuan ka inah hmun awl tamtak a awm ania, kan kal phawt ange'' tiin ka lam pan chuan a raw pen phei a, kei aiin a upat hmel daih a, nupui hial a nei tawh, mahse tinge min melh kur kur erawh ka hre thak lo.
'' Pu Hmagaiha khan home tan cheng nuai khat a pe a''
'' Enga'' Nu Runtei chu a nui ver ver a.
'' A fel tak tak a ni, ani ang hi minister zawng zawng ni se ka ti ngawt mai'' a tih chuan ka room te ve tak ah chuan ka lut a, sport minister in fahrah run a tlawh tiin naktuk zing chanchinbu phek hma ah a chuan ngei ka ring, kan politician ho hi chu a .
Fahrah run ah hian naupang an tam lutuk lova, mi 30 bawr vel bak kan awm lova, thawk tu 5 nen, kum 15 ka nih atangin ka awm a, ka nu leh pa an boral avangin , chuta tang chuan ka la awm char char a ni.
''Au Duhsak, inkhel en ve ang u'' kan awmna run thlang lawk a ni a, inkhel turin mi an rawn kal khawm nasa thei hle a, tuna inkhel ho phei hi chu a thiam hle a, mipa naupang hovin hmuhnawm an tih theih em avangin kan en pui thin a .
''Nu Runte, en pui ila'' phur takin an insiam a, field lam pan chuan kan chhuk dem dem a .
'' An eitur va leisak la, Duhsak'' cheng 100 chu min pe a, kawng sira eitur eng eng emaw man tlawm tak tak an zawrh chu ka lei a, mi tu emaw ka su tep lehnghal a .
'' Ka tihpalh lutuk'' kal leh mai ka tum chuan ka dar ah a rawn chelh a, ka ding chawt a .
'' I va bawr ve, ken pui te i ngai em'' chu aw chu, ka hawi chho ha a, kan sport minister Pu Hmangaiha bawk kha ani, a va in daihzai bik em em ve a.
'' Ngai hran love, ka kal ange, ka hmanhmawh a'' tih leh tlan ka rual a, ka tukhum za mer mer avang chuan min en zui tih ka hria, ve mai mai chuan a, kei ang fahrah eng atan nge min tih ni.
A tuk zing chanchinbu chu ka rin ang chiah a ni, a phek hma ah ti hian a inziak a KAN SPORT MINISTER ZAHAWM TAK DR LALHMANGAIHZUAL SAILO CHUAN A HAW KAWNG A FAHRAH RUN A HMUH CHUAN A MIT A LAK EM AVANGIN A LUT KAWI A, NAUPANG TE A HMUH CHUAN A HNUK A KHAWIH HLE A, NAUPANG TE TAN TIIN CHENG NUAI KHAT HOME ENKAWLTU HNENAH A PE.... Bla bla bla..... Va ropui em, kan minister-a chu.
'' Aizawl ah te i awm hunah fimkhur la aw'' Nu Runtei nen chuan in hnaih takin kan thu a, ka u tak angin ka en a, ai pawhin midang te ai chuan in min duat bik hle a .
'' Hna tha tak ka neih hunah ka lo thawn thin ang che ka hlawh''
'' A a lo mai rawh, i hlawh te chu i ta tur alawm, hei engmah chu a nilo nangin mahse kan inbiak thin na tur aw'' tiin phone thar keypad awm ang chi chu min pe a, ka kuah thlawp a.
'' Ka lawm lutuk aw'' ka biang a mittui luang chu min hruk hul sak a .
''Engkim ah Pathian dah hmasa ber thin ang che''
'' Awle''
Karkhat chiah home ah ka awm tawh dawn a, ka inhlawhna chhe te ka khawl bakah ka scholarship te zawng zawng nen chuan bultan na tham chu a ni ve a , ka ngai dawn takzet a, mahse hetia hmasawn lova ka awm reng erawh chuan enge awmzia awm ang, hetah hian ka awm reng theilo a ni.
''Chhuak dun ang hmiang'' tiin Nu Runtei chuan ka room a ka lo in thlehfel lai chuan a ti a .
'' Tihtur a awmlo emni'' ka tih chuan hun kan hman dun khat tawh tur zia te a sawi a, dik ka ti ve tho. Ka bata chapal kum 2 kalta ka piancham-a min pek chu ka rawlh thawt a, khawi lamah nge min hruai dawn hre lovin nu Runtei chu ka zui a, hmun nuam tak tak ah min hruai a, eitur tamtak min lei bawk a .
'' Chawgbawla park hi ka hre ringawt a, ka la kal miah lova, a nuam lutuk'' tiin park ah chuan in kan kal duh a, ka phone te takte chuasn thla te kan la dun a, mite angin phone hlai tak, whatsapp suppport a nilo, mahse ka tan chuan a hlu takzet a ni, a chhiat hnu ah pawh ka dahtha zel ang .
'' I hmeltha si a, khawpui ah chuan in mipa tamtak i tawng anga, fimkhur hle rawh aw'' ka nui suk a.
'' Ila hria em, pawl sawm ka nih laia minlo ngaizawng ve tu ka velh tah kha'' hun kal tawh te sawiin kan nui dun bawk bawk a, kan mi tawh avang chuan ka ke pen a chawl a, ka ka ka chip hmak a .
'' Pu Hmangaiha te an nih saw'' kan hma zawn pen 8 vela hla ah chuan Pu Hmangaiha leh hmeichhe te ve lampng keimah ang chen vel ngo ving veng hi a kal ve a, an in nel hmel hle a, an rawn nui phei vel a , hepa hi hawi na apiang ah hmuh tur zuk awm a, ve mai mai hian.
'' Pu Hmangaiha te chu kha in va hlim hmel ve'' a mitmeg rum leh thim ruih chu keimah ah bawk a tawp a, a bula kal nu , a hmai cake ang maia chhah make-up hnawih tu chuan min ei loh hmel zetin nu Rintei nen chuan min melh bawk a, kan chetzia te chu a ei lo ni ber hian ka hria, ka ei biklo.
''Enge in tih a Duhsak'' atih chuan chhang lovin ka ngawi reng a, Nu Runtei bawk chuan min chhansak leh a .
'' Aizawl lamah a chhuk hnai tawh si a, kan leg vel lawk a nih hi''
'' Anih chu, engtik ah nge i chhuk dawn a'' tinge k chungchang chu a buaipui viau a, fa atan min lak te a duh emni.
'' Karleh ah'' tiin ka chhang a, a ni in min en laiin kei erawh chuan a bula ding nu nen chuan no takin kan in melh a , make-up hmang lo se chu a no bik tawp nang, ve mai mai a.
'' Zobiakfeli ka secretry ania, Zobiak tiin an koh thin, chuan heihi ka hmelhriat te an nih hi'' tiin min hmelhriat tir chuan ka uak lo chauh, kan thil ei ah khan purun sen a tam bawk nen, kan thaw purun deuh ham ham ang chu.
''U Hmangaih, kal tawh ila, kan tlai ange'' no takin Zobiaki chuan a han tih takah chuan an kal a, an kal hnu chuan kan nui vak vak a .
'' Khanu kha a nupui hlui chu mi, a nupui hlui kha a secretry te antia''
'' Tinge min zawh, nangmah lawm ka zawh tur zawk che'' kan nui dun bawk bawk a, in tia ka koh ve home lam pan chuan in ka haw a .
Naupang ho ka chhuahsan tur chu ka rilru a na hle a, an vaia enkawl vek mai hi ka duh a, mahse pawisa ka nei hrih silo, mi chi hrang hrang, chhungkaw hrang hrangin an la la darh anga, nakin ah phei chuan kan in hre tawh lo hlawm te a ni anga .
'' Au duhsak , Anu Runteiin hmun hla deuh ah i kal tep tawh a ti a'' fahrah naupang a nu in a ekawl theih loh vanga a tlabo san Phiilip tia an koh mipa naupang duhawm leh hmeltha tak kum 7 mi chu ka bulah a rawn thu a, engtin nge hetiang mipa naupang fel leh cute lutuk hi an kalsan theih zawk ni, thinlung an nei ve lovemni.
'' Nakin ah maw in toys tur te in kawr mawi tur te ka lo thawn thin dawn alawm'' k tih chuan a ha hmai bal lag chuan a nui ver ver a , ka fapa nise zawng ka kalsan ve hauh lovang le .
'' I bulah hian ka lo riak dawn aw, Anu Runtei hrat loh in'' atih chuan ka nui hak a, nie ka bulah hian a lo riak fo va, Nu Runtei hian in riah ho i a phal vak lova, a kut leh ke ka sil sak a, a hmai te ka phih hnu chuan in ka mutpui a, a puitlin hunah chuan sipai nih a tum mauh mai a, sipai lem hi a ngaina em em bawk a .
''Anu ni daih la ka ti''a tih chuan ka kuah a, a sipai lem chu a kuah ve tat a, duhawm reuh lutuk hian a. Sual in ngeiawm viau mah ila tawngtai erawh ka thla gai lova, keini ang fahrah tan chuan tawngtai hi a hlu takzet a ni .
''Duhsak lo kal lawk teh'' Nu Runtei chuan in min au lauh lauh a, a awm tam ber na chokas ah chuan in ka lut a, envelope sen hi a lo keng a , ka hming a chuang kulh a .
'' Tu lo thawn nge a'' ka tih chuan a thawn tu hming a in ziak lova, ka hawng chhin a, pawisa fai tha hnem tak leh lehkha zak hi a lo awm tel a .
'' Tu minlo thawn nge maw ni le'' tiin lehkha ziak chu ka chhiar a , ka zirna senso tur leh ka mamawh huna ka hman atan tiin cheng sing 5 chu min pe amaw, tunge min pe tu tih lah ka hre der silo a .
'' Pathian malsawmna a ni, i vannei lutuk, Pathian in kan tawngtaina te a chhang a nih hi'' a ti leh sup a, tu a pawh chu nise hetianga min tanpui tu hi Pathian in a let tamtak in malsawm rawh se .
Ka kal hun chu a thleng ta,b Sumo hnungah chuangin Aizawl vawikhat chiah ka la kalna lam pan chuan hmelhriat a lawi pawh nei lovin khawpui a nih vanga bel turin ka kal ta, naupang te ho ka ngai em em a, ka fate ang maiin , virgin chunga ka fate vek an ni, ve mai mai hian .
'' Kan hnunga VIP light chhi ho saw, min tlanpel duh hauh silo'' tiin sumo driver chu a phun nang nang reng a, kei erawh ka maimitchhing daih thung a, tu a pawh chu nise, sumo hnunga tlan an duh tihna a i maini.
Zingkara chhuak kan ni bawk a, Aizawl chu tluang takin chawhnu lamah chuan kan thleng a, ka nun bul tanna tur chu.
Hotel changkag tak kawtah chuan in a ding a, ka suitcase hlui ve tawh tak chu ka khai a, pan na ber tur pawh ka va hre lo em. Ka riltam tawh em avangin kawng sira restaurant man tlawm ah chua ka chawl a, in luah tur ka zawn angai a, man to vaklo, tichuan hna thawh tur nen.
Vanneih thlak takin Zarkawt an tih a pil ril deuh laiah chuan mi inhnuai cheng 4000 a luah tur a awm hlauh mai a, a zau hran lo hle nangin a tha lutuk tho a ni, bungrua lah engmah ka nei silo, gas takngial pawh ka in lei chawp vek angai a, pawisa ren taka ka hman loh chuan ka in daih dawn hauh lo.
Khum lian lo tak kil khatah a in hung a, tui erawh a free hlauh a, bathroom pakhat, bedroom chu parda hlui tawh lampang hi an zar a, dawhkan te leh stool pakhat a awm a, chu zawng chu, mahse ka hlim veng veng mai ani. Ka thuamhnaw te ka dah fel hnu chuan ka pawisa khawl te leh mi fel tak tunge a nih ka hriat loha min pek chguan ka inchhung buyngrua te lei tur chuamn ka hmun hriat ngailoh na atang chuan ka chhuak a.
Ka in awmna chu ka chhinchhiah thlap a, ka kalna chin pawh, bus a kal lovin ke hlir in ka kal a, dawr changkang tak tak a tam hle a, lirthei a tam hle bawk a, kei mi rethei chapo ve tan hi chuan a haw duh tu pawi ka sawi nasa ngawt ang ka ring a ni.
''Bang ah hna ruak an tar te chu ka en a, graduate ngai te a ni vek hlawm a, ka vak chau deuh nge, eitur min ti puar thei tu tur leiin ka in tia ka sawi ve lam pan chua in ka haw hnak hnak a, min en hrek hrek tu lah an tam hle a .
Ka chau deuh ngang a ni ngei ang, ka mutui hle a, zingah chuan ar khuang ni lovin lirthei horn ri tuar tuar chuan in min ti harh a, heihi maw khawpui nun an tih chu, eitur neuh neuh ka pum ruak hnawhkhah nan ka ei a, hna zawng turin ka chhuak a, Lalpa min puih ang che.
Ka vak hah hle a, pheikhawk 250 man flat bun nuam tak ka bun a, Nu Runteii phone min leisak chu ka ak ve tat a, t-shirt par ka ha a, jeans rawng da lam second hand kan thin chu ka ha bawk a, ka inchei ang han in mi ho pawh an inchei hlawm ve tho a ni.
''Ban i ni, rawn kir leh tawh suh'' dawr changkang tak ka kalpelh lai chuan a neitu ni awm tak hian mipa pakhat hi alo hau a , a tlanchhe daih lehnghal a , kalpelh mai ka tum lai chuan min rawn koh a.
''Mami, hna i mamawh em'' a tih chuan phur takin ka pan hnai a.
''Aw mamawh lutuk ka pu'' min en vang vang a
'' Pawl 12 i pass em''
'' Aw pass e'' a lu a bu nghat a, dawr changkang tak chhungah chuan min luh pui a, a changkang in a fai em em a, mipa thuamhnaw zawrhna hmun a ni a .
'' Zing dar 9 atanga tlai dar 4 thleng kan hawng thin a, krismas leh kumthar bawr velah erawh chu ai rei chu, thla khatah cheng 7000 i hlawh tan ang, tha i ti em'' cheg sang sarih maw, zanah hna dang ka thawk thei bawk anga, tha lutuk...
Form eng eng emaw ka fill up hnu chuan in hna chu ka tan a, form chu ka ha a, inhmeh tak ka ni.
Nu Runtei te ka be pawp reng a, kan inbiak laiin a chang phei chuan ka tap thin a , ka ngai takzet a bikin mipa naupang te Philip kha .
''Duhsak , kha i hlawh aw, bonus tlem nen'' tiin boss fel tak chuan hlawh ba sem a, bonus cheng 500 ka dawng tel a, ka nui ver ver a.
'' Naupang nghal deuh i ang, i nuih ver ver khan'' dawra tlagval college kal lai thawk ve Lawmawma chuan a ti a, sang tak a ni a, a hmel chhe hran lo, dawrah mi thawktu pali kan awm as, keimh chiah hmeichhia ka ni a, mahse ka hnual phah chuang hauh lo .
'' Ehe, saw vawin chu kan in hralh theih ni a ni dawn anih hi'' tiin boss chuan kawngkhar lam chu a melh a, kan hawi ha hlawm a, kawgkhar ah chua nui sangin Pu Hmagaiha chu a rawn lut a, a nui hmel saw nuai reh nawk nawk mai ka duh .
Min rawn hmuh chuan nui sukin kan din khawm thupna lam pn chuan a rawn kal a , a mei Zobiaki cuan a rawn zui hnek hnek a .
''Pu Hmangaih , lo leng rawh u, eng lam nge in zawn deuh a'' boss chuan tha takin alo bia am, kei rawh min hria ang tih hlau in customer dang chu ka buaipui san daih a .
'' Duhsak, Ubero Uno hi size 10 rawn phawrh tel teh aw'' store room ah ka awm lai chuan Lawmawma chuan min rawn au lang lag a, minister-a pheikhawk tur kha a ni hrim hrim ang le.
'' Hei tu bun tur nge'' tiin inchung atang chuan pheikhawk lian zet chu ka khai thla a.
'' Keima ta tur a ni e'' tiin lo nui sawng chu vawm chawrh mai ka duh a, ka pan hnai a, pheikhawk chu ka pe a .
''Engtik in nge i rawn kal a'' kha, kha kha kha, ka hlauh ang ngeiin min rawn be ta .
'' A rei ve tawh mai''
'' Khawiah nge i chen a'' eng vanga min be reng nge maw anih le, a bula hmeichhe thu leh boss chuan mak ti takin min en a .
'' Saw ti lai deuh ah sawn'' vanneih thlak takin Lawmawma chuan in min rawn koh hlauh a, tih chi lutuk....
'' Minister nen khan in inhria elaw''
'' Kan khua ah vawikhat a rawn kal tawh a nimai''
'' Chu chauh chu maw''
'' Aw, i ninawm kal teh''
'' Tah hian min rawn be dawn nia, mamawh i neih chuan'' ka dinna lam panin a rawn kal a, card tereuhte chu min pe a, tinge min ngaihtuah vau a , a kalliam a, chumi rual chuan card chu dustbin tih in ziak kulh ah chuan ka score lut zauh a .
'' A nuam dawn e. A rawn kal apiangin cheng 3k man vel kan hralh ziah chuan'' boss chu awihlo lutuk in ka melh a ....
to be conrt...
[ enge in ngaihdan, naktuk zanah a aia thui leh ngaihnawm zawkin ka lo zawm ange]
Show post links
Top