Ânchhia BY Hlutei Jocund Pachuau (Completed)

Moderator: writers

Ngaia
Site Admin
Posts: 18313
Joined: April 30th, 2016, 4:07 pm

Re: Ânchhia BY Hlutei Jocund Pachuau (Completed)

Unread post by Ngaia » February 7th, 2021, 5:43 pm

Bathroom ah chuan tuisa ver vawrin ka in tleuh zuai zuai a, ka harh hawk mai, na em em pawh ka nei tawh lêm lo, mahse tlêm chuan ka chau deuh, bathrobe ha in ka inbual zo chu ka chhuak zui vat a, Jake pawh alo awm leh tawh lo, inthlâk tuma ka wardrobe ka hawng chu ka thawmhnaw ken ho kha engmah alo awm tawh lo, kawrfual 5 hlîr hi alo inkhâi dal a, rawng vâr atam hle bawk.



Ka kawr ka dahna bag chu ka zawng nghâl ruai a, ka hmu miah lo, chutia hrilh hai zeta ka awm reng lai chuan Maid pakhat leh ka pi hi an rawn lût thut a, ka bathrobe hâk chu ka taksa alan thui loh nân ka lo siam ṭha mawlh mawlh ringawt.


"I mu ṭha em?"

Ka pi chuan arawn ti deuh var a, nui lui sakin ka lo bu nghauh nghauh ringawt,


"I inthlâk zawh ah min rawn hmu dawn nia"


Tihpaha chhuah mai atum chu "Mahse Ka pi, ka kawr ho hi ka hmu miah lo a" inthlahrung zet chuan ka ti tawp a, rawn hawi lêt in "Ka paih tîr anih kha, ka kawr dah tîr ho kha tun aṭang chuan i ha dawn nia, he inah hian hmeichhia in kekawr hâk kan phallo, engtin nge khatiang kawr te hâk i tum theih zawk le?" tihpah chuan an chhuak zui nal nal nia, a ṭawngkam kha zet mak ti zetin ka en tlawk tlawk ringawt.


Min râwn miah lo in tinge an lo paih ngawt le? Ka nutei min leithar ka la hâk miah loh tepawh a awm ṭeuh sia, ka thinrim deuh ut ut chu thâwk ka la hawk a, wardrobe chu hawngin kawrvâr fual bân tluan chu la in ka ha ve tawp, Ka pi chêt dan chuan ka lung ati âwi lo takzet a ni, eng ang chhûngkua ah nge ka lâwi pawh ka hre lo, an mâwl nge an sual? Sual ti a sawi tûr ni si lo hian An awm dan leh khawsak phung hian min ti hlau lek lek zawk.


Inhnuai lamah chuan muangchângin ka chhuk thla a, Ei rawng bâwl thiam lo tawp chu ka ni lo na in eng ang nge an ei ṭhin lah ka hre dêr lo.


Maid pahnih chuan eirawng an lo bâwl dûn rak rak a, min hmu chu mak an tih hmêl deuh.

"Puih in ngai em?" Ka tih chuan in en in an lû an thing ringawt a, an thil tih lai chu an chhunzawm leh mial mial ringawt, ngawi reng chuan ka chhuak leh hna hna a, Ka pi chu common room ah ala ṭhu reng tawh, ka hmu thut chu ka la phu zawk zui, nichin khân ka hmu miah si lo a.



"Lo ṭhu ta che"


Tihpahin a bula sofa chu a kâwk zauh a, ngawi reng chuan ka ṭhu thla ve nghâl zat.


"Dar 9 a rîk hunah tûk ṭhuan kan ei ṭhin a, rawng bawl chu i tih angai lo ang, mahse chaw ei siam angaih hunah i pui zawk dawn nia"

Ati leh mai a, ahma ang khân a nêlawm tawh hran lo, reilo tê ah Jake leh apa pawh an rawn thleng chawpchilh ve mai a, Biak chu sawi loh melh pawh min melh lo in inchung lam apan daih nia, thinrim hmel a pu in ka hria, ngawirengin ka kut ka khalh niap niap reng ringawt.


Jake-pa chu ka bulah chuan rawn ṭhu thla in thâwk ala deuh hawk a, "Angel hrehawm iti em?" Nui deuh sâng hian a rawn ti a, "Ti lo e" nui lui sak pahin ka lo ti ringawt.



"Angel va pui tache dar 9 ari tawh ania" a piin arawn tih takah chuan rang takin ka tho a, choka lam ka pan nghâl.


An chaw ei dawhkân lian zetah chuan chawhmeh chi hrang hrang hi an lo chhawp dal a, sa lam deuh hlîr a ni leh nghâl, sa hi an duh chhûngkua viau anih ka ring, ka duh lo chuang lo na in nitin ei reng chu ka peih teuh lo, tih tûr ber pawh hre lo in maid pahnih che sawk sawk reng chu ka lo thlîr tawp a, an chê reng reng chu an uluk in fork leh fiante a hran in dawhkanah an chhawp thlap a, an chhawp na ah chuan puan thianghlim an dah zêl bawk.


Nutei nen kan chaw ei siam ṭhin ka lo mitthlâ hmanhmawh a, keini chaw ei siam ve chu thlêng ka ti ri ang ṭhuai ṭhuai a, kan ril aṭam tawh chuan ramhuai ril ṭam ang maiin kan che buan buan zel kha nia, a hun leh hun lo pawh kan sawi lo, dar zat ah lah kan buai hek lo, kan ril ṭam hun hun kha kan chaw ei hun chu ni mai.



An thlêng chhawp tûr chu ka lo chhawp sak ve mai a, sauce an uar hlê bawk, a rawng lah hi a duk ruih lehnghâl, thisen a ang ka tih êm vâng chuan ka luak ati chhuak ut ut thei nia.


Chaw ei dawhkân kîl chuan an lo ṭhu ta sap sap hlawm a,
"Angel rawn ṭhu ta che" pa berin dam thlupa atih tâkah chuan Jake-a bula ṭhutna âwl ah chuan inthlahrung zetin ka ṭhu thla ve a, ka ril ṭam lutuk ka pum lah chu ari ruk ruk lehnghâl, "Ei ang ule" Pi berin a tih veleh chuan fian leh fork chu an lek kâng va a, ka lo lek kâng risk ve pawp, chutah ring zet hian ka pum chu arawn ri ta nih chu, phâwk hrû hian min rawn en ṭhap hlawm a, awii...!!!....ka zah zia hi, Jake chuan min nuih deuh hak a, a pa pawh chuti tho, a pi erawh nui ve lêm lo in a áw a thiân kharh ringawt, ka thi der tawp mai dawn mawni le ka ti hman hial a ni.



"Ei ṭeuh rawh Angel" Apa chuan nuihza insûm tih hriat zet hian arawn ti a, nui lui sak pahin ka lo bu nghauh ringawt, Jake chuan chawhmeh chu ka suah ngam loh aring aniang min suah sak dan dan a, ka lo nui lui sak sak ringawt, ka zah tawh tehrêng nen chaw lem pawh a sak ṭalh mai, ka thil ei reng reng chu lem pawh ka lem ṭha thei lo, ka hrawkah hian a tâng ṭhup vek mai in ka hria, ka tum loh deuh ka hrawk tâwt lutuk chu ka khuh chhuak kharh a, Ka khuh zui nghâl bawrh bawrh mai.


Jake chuan ka hnunga rawn chum dat dat pah hian tui min rawn pe a, ngati nge maw tukin ber khera hetia ka awm le? Ka ril ṭam pawh a reh zo vek tawh.


Chaw kaw puar pawh ei lo in a mawi ah ka kham ve leh ringawt a, Ka thlêng chawi phei ka tum lah chuan Jake-a pi chuan a phal leh tlat tawh lo.

"Kan ei na thlêng kan seng ngai lo, ti khân kham tawp rawh" Lungâwi loh hmêl fe hian arawn ti chang fak a, "E...Awle" zâwi zeta tihpahin ka'n dah ri leh ṭhuai anih chu, ka tum lâwk pawh a ni lo, ka zak lutuk hi ka ṭap lo chauh, Hmanhmawh lutukin eirawng bawlna lamah ka tlân phei a, tui vawt an lo dah chu ka lem pawp ringawt.


Jake chu hmanhmawh zet hian arawn phei ve a, "I ṭha em?" Tihpahin ka tukhum samah chuan arawn chûl hliau hliau a, ka lû bûk nghauh nghauh pahin ka lo mengkhup lap ringawt, "Ka hrethiam che lawm, a zahthlâk loh ania" dam thlupa arawn tih takah chuan ka mittui rawn parawl ringawt chu ka hru zui zauh a.

"Ehe...i ṭap alaw?" Hnai zeta rawn kûn pah chuan arawn ti deuh hluai a, men ṭiau pahin ka lû ka lo thing ringawt, ka zak êm a ni, ka pian tirh ata tiang em em khân ka la zak ngai lo.


"Hey...Ṭap suh le" tihpah chuan min kuahin ka hnungah chuan a bêng zui thak thak ringawt.



______________



Common room ah chuan desert ei tûrin an ṭhu leh ṭhap a, an khawsak phung reng reng hian min ti hah takzet a ni, Nutei te nen kha chuan khawia desert mah kan ei ngai lo, kuhva hring a awm kha chuan mi rêl pahin ka seh sen vel mai mai ṭhin kha ni sia, Apple ka vel niap niap Lai chuan ka kut zungpui chu arawn thîp zawk, ka râk zui ṭhat a, midang chuan min lo buaipui nghâl vat, "Ehe!....ana em? Awi a thî nasa lutuk" tih chûl pahin Maid pakhat chuan ka kut chu arawn lek kâng a, rin ai takin a thî duh phian lehnghâl.


"A thî hi tih tâwp vat angai" tihpahin ka kut chu pakhat zawk chuan min rawn fawh sak chawt a, a thîp zual lutuk.


"Engthil nge i tih kha?" Vîn tuara rawn tih pahin Jake chuan chu nû chu arawn namsawn lawp anih chu, a thinrim hmêl rum lutuk chu hrilh hai zetin ka en tlawk tlawk ringawt.

Chunu chu inthlahrun hmêl zet hian a hmui vela thisen kai chu ati fai nghâl thuak thuak a, midang ho pawh rang mangkhêngin an rawn lût nghâl, maid hmuia ka thisen kai ka hmuh chuan ka ner sak, a chêt dan chu a maksak riau in ka hria.


"Ka tihpalh, ka tihpalh lutuk"

Ati zui mawlh mawlh a, "Min puih a tum mai anih kha, thinrim vak a ngai lo" dam dap chuan ka lo ti a, Jake -a'n ka kut thî sar sar arawn hmuh chuan a maimitchhîng zui sawk nia, thisûk a nei anih ka ring.


"Angel, i kut kha hmanhmawh in han tuam rawh" ka pi in arawn tih takah chuan rang takin ka chhuak a, kan room ah chuan First aid box ka zawng zui nghâl ruai a, avâng em em lehnghâl.




Ka kawr hâk lai chu pawtchhia in ka tuam ta ringawt a, khumah chuan ka ṭhu zui hnawk, ka chau nghulh thei nia, room techu ka enkual a, Nutei ka ngai takzet a ni.


Ka phone chu la in ka han hmet êng a, Nutei missed call vawi thum lai chu alo tlar dal mai, rang takin ka call nghâl vat.


"I buai ami?"


A rawn ti nghâl var a, ka lo nui hak, "Buai lo e, Nute ka lung a lêng lutuk" ka ti zui sap a, ka mittui rawn parawl kiang kiang chu van va dâk meuhin ka khap lêt fak fak ringawt. "I pasal khân a duat lo viau che mi? An sual viau em? I lakah an ṭhat vak loh chuan lo haw leh daih mai rawh" Ati leh chûk chûk tawh, ka mittui chu arawn far fap a, nui hak chungin ka hru zauh, chutih lai tak chuan Jake pawh arawn lût ve chiah bawk.


"Nute ka dah rih mai aw, nakinah ka lo be leh ang che" tihpahin ka off zui hmak a,


"Naktuk aṭangin college ka kal chhunzawm dawn a" ka bula rawn ṭhut thlâk pah chuan ati dul deuh ruih a, ka lo bu nghauh ringawt.


"Ka chhuak lawk dawn a, zanah chauh ka lo lêt ang, engemaw ei châk te i nei em?" Ati zui duah a, "Khawnge i kal dawn?" Ka lo ti nghâl vat, "Ka pa bulah mawle, Zanriah pawh kan ei nghâl ang" insiam zui mawlh mawlh pah chuan ati a, ka chhâng tawh lo, chawlh hahdam ka duh takzet a ni.



"Anih ka kal aw, ka pi khân a duat loh viau che chuan min hrilh dawn nia" tihpahin ka chalah chuan arawn fâwp zauh a, peih lo zetin ka lo nui lui sak ringawt.



______________
Nilêngin room ah ka mu a, ka khua ahar nilêng ṭhak ti ila ka sawi sual ka ring lo, phone nei ve mahila ṭhian biak tûr em em ka nei lo a, Nutei lah a buai thei bawk si.



Zan riah chu room ah min rawn pe a, ka ril aṭam bawk nen ka eihnem hle, ka ei fâi rât vek, a ṭam em bawk a ni.


Dar 7 rîk dawn thlengin a reh ṭhiap reng a, ka inbual a, khua a vawh em em hran loh vângin ka mutkawr chu ka ha a, ka mu nghâl daih, ka phone ah chuan Cinderella thawnthu ka play a, ka hriat loh kârin ka lo muhîl zui daih bawk.




Kawngkhâr in hawng ri ruk ruk ah chuan ka meng zawk a, Jake chuan ngawi reng hian bathroom lam alo pan mêk chu niin, a kamis hâk ah chuan thisen a kai hnuang in ka hria, rang takin ka tho a, bathroom lamah chuan ka zui lût ve nghâl zat.



Min hnungchhawn zawng hian alo ding zûn anih chu, che lo hian alo ding ngawi reng a, a kut aṭang chuan thisen afar tluk tluk bawk.


"Jake" ka tih rual chuan arawn hawi thut, ka ṭe chhuak ṭhawt thei, khum aṭang chuan ka lo ṭhu chhuak hluai chu niin, ka mumang lek!....Jake hmel rapthlâk lutuk leh a mit sen êng rûm mai mawlh kha.... ka hawikual a, sana ka en chuan 11 alo ri ṭep tawh, Jake chu alo la haw lo aniang ka bulah pawh a mu miah lo, tukverh aṭang chuan thlâ arawn êng dul ruih a, sihal rawn û chuah chuah techu ka râp takzet a ni.


Khum bula tui chu la in ka dâwt nghâl khawlh khawlh a, chiang taka ka mumang ka hriat tawh hi chuan awmzia a nei ngei ngei ṭhin, mahse enge awmzia ni ta ang? Rinthiam ngaihna pawh ka hre lo, bathroom aṭanga tui rawn in herh hâw chuan min ti phu zawk thei.


Rang takin ka tho a, bathroom lam ka pan zui nghâl vat, kawngkhâr kik dat dat pah chuan "Jake nangmah ami?" Hlauthâwng ru zet chuan ka han ti a.


Rûm hawk rî ka hre zui nghâl, Jake a ni chiang lutuk, thil ṭhalo a tâwk tihna em ni ang? Kawngkhar chu alo in kalh loh hlauh vâng chuan ka hawng rawk a, ka rei!....ka thil hmuh vâng chuan ka ding chawt,
Bathtub ah Jake chu alo inhnim pil vek a nih chu, thisen nen a ni nuaih mai, "Engthil nge a?" Tihpahin bathtub bulah chuan ka ṭhu thla hnawk a, tui aṭang chuan arawn chhuak vat, hah hmel zet hian thâwk ala deuh hawk hawk a, a hmêl rum ûl chuan min ti hlau in ka ngaih ati ṭha lo takzet a ni.


"I ṭha em?"

Tihpahin a kutah chuan ka vawn sak a, thisen nen ni nuai mahse a pem âwm leh hliam nei âwmin a awm pawn ka hre lo, "Ka chau lutuk Angel" awki hniam ruih hian arawn ti chuai ruih a, a awm dán chu mak ka ti takzet a ni.


"Hei hi enge thisen te hi? Hliam i nei ami?" Ngaih ṭha lo zet chuan ka enkual a, a taksa ka vawnna ka kut chu rawn vuan in mit meng thim khup hian min en vung vung a, muangchânga rawn thawh chhuah pahin min kai tho ve nghâl zat, hliam a neih âwm ka hmu miah bawk si lo.


"Ka chau lutuk" a ti leh ringawt a, a kawr huh hlup dek thlar chung chuan min kuah vang vang mai, keipawh ka huh zo vek tawh, ka kawr bah chu ti pial thlâ in ka dar ruak kângah chuan a fawp zauh a, a hmui techu a vawt vek nia,
"I vawt vek ania i damlo ange"

Aw khûr dar dar chuan ka han ti a, ka darah chuan a lu nghatin thâwk ala hawk, a rawn hawi chho leh a, ka hmui ah chuan dîm lo zet hian min rawn fâwp deuh tâwn tâwn nia, chhânlêt ngaihna pawh ka hre lo, ka nghâwng ah techuan a fâwp thla dun dun a, ka bân chu la kângin a fâwp thla dun dun mai, ka lungphu dat dat chu ngaithlâ in ka lo enkiau a, min rawn enkur pah chuan a nui deuh suk, a chêt dân chuan min ti hlau ru lek lek zawk.


Kiai suk pahin min kâng nawlh a, khum lamah bawk chuan min hruai leh tawh, khumah chuan dîm tê a min nghat riai riai pahin a in phelh zui sut sut a, a tih tum chu ka ring thiâm nghâl mai.


"Ka huh vek" ka sawi zawh hma in a kutzungchal chu ka hmui ah arawn dah a, ka kawrfual hâk chu hlîm chho in ka dulah chuan arawn fâwp vang vang a, ka lo îp châwih ringawt.



Ka awmbâwr chu ka kawrhnuai chhanah chuan arawn hup zui thak a, ka chalah chuan a fâwp zui vang vang mai, "I chungah ka thil tih tûr vâng hian ka tihpalh a ni" vawt ruih hian arawn ti a, a thusawi chu nupa nun min hmanpui vâng hi nih ka ring, nupa kan ni a kum kan tling ve ve bawk, a pawina pakhat mah keichuan ka hre ve lo, "Ni lo, hei chu i tih tûr dik tak alawm" ka lo ti ve mai a, "A dik chiah" tih pahin min rawn fâwp leh a, muangraih leh ril tak hian min rawn fâwp nia, ka thinlung a hneh takzet a ni, a lakah hian ka lawm a, in hre ngai miah lo in kan inneih ve tawp a, mipa a ni a, a hmelṭha in ngaihzawng pawh a neih ka ring, chuti chunga kei fahrah ve mai, lehkha pawh zir sâng em em lo, awm mawl satliah ve tawp apa thû a min nei a, duat taka min enkawl thei hi a puitling ka ti a, tlêm chuan hlauhawm deuh ṭhin mahse alakah hian vuina tûr ka nei lo, tûnah rih chuan ka hlim a, ka pasal hian a phû tawk nawmna lo pêk hi ka tih theih ve chhunah ka ngai tlat a ni.

Nûpa nun hlimawm tak hmang dun in inkuah rial chuan kan mu dun a, naktukah enge thleng dawn ka hre hauh lo, tûnah rih chuan ka hlim a ni, ka pasal míze hriatthiam har leh la naupang tak lakah hian ka hlim takzet a ni, kum 21 chauh la ni mahse, a rilru a puitlingin fapa ṭha tak leh pasal ṭha tak anih ngei ka ring tlat bawk.



Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » February 7th, 2021, 5:43 pm

Zîng ka harh chuan Jake pawh alo awm leh tawh lo, châu zetin ka tho chhuak ṭaih ṭaih a, ka inbual nghâl, zîng ka harh apianga ka bula a awm lo ziah hi ka hnual nghâl rawih zêl, ka inbual zo chu kawrfual vâr zîng ami chu la in ka ha leh tawp a, inhnuai ka chhuk chu alo reh ṭhap nia, ruah alo la sûr cherh cherh zui.


Khawi ah nge maw an awm vek le? Choka aṭang chuan maid pakhat chu thingpui leh a hmeh chawi chung hian alo chhuak hlawl a, "E...ilo tho tawh alaw? Hei hi i ta tûr ania" nui sâng hian arawn ti a, a hmêl chu ka la hmuh ngai pawh a ni lo.

"Khawnge midang hi an awm vek a?" Tihpahin ka lo ban ve mai a, "Ka hre miah lo, vawiin ah ka rawn thawk thar ve chiah a" tihpah chuan a kal leh mai a, thil ka hre chhuak zawk, nimina ka kut min fawh sak tunu kha an bân ta mawni le?



Ka ngaihtuah veng veng lai chuan Ka pa leh Jake chu an rawn inzui lût vut a, an hah hmêl viau bawk,Ruah asur sia an la huh miah lo zui, ka ṭhutna ṭang chuan rangzetin ka tho vat a, inthlahrung zetin ka lo ding ngawi leh reng tawh.


"Morning" Jake chuan thaw halh halh pah hian arawn ti a, apa chuan inchung lam apan nghâl daih bawk, "Khawnge in kal a?" Ka lo ti deuh ha a, a thlan hrûk thuak pah chuan a nui suk, "Exercise kan la, ee...min lo ngai dêr alaw?" Fiamthû a arawn tih chuan ka lo nui sak ringawt.


Ngawirengin tûk ṭhuan chu kan kîl ho leh ṭhap a, ka che buai leh ang tih mawlh chu ka hlau a ni, thâwm an nei miah lo, an tep rî tak ngial pawh hriat tûr a awm lo, "Vawiin aṭangin tiraw i zawm ang?" Ka pi chuan arawn ti chhuak deuh hlawl a, "Aw..." Jake chuan alo ti vat, a zirna chungchâng an sawi tih ka hre mai.


"Angel engemaw zir te i duh ve em? Lehkha zir ṭhat leh te" Ka pa in arawn tih chuan chhân tumin ka âng zuau hman "A ngai lo, pasal a nei tawha zirna chhunzawm a ṭul lo, hetah awm mai mai rawh se" Ka pi chuan alo ti deuh hmak a, ka ngawi leh ta ringawt, zêp lo chuan kan lâm zirna hmunah khân kal leh ka châk takzet a ni, mahse ka pi in a phalloh miau chuan tih luih tumna ka nei lêm lo.


"Mahse pi Angel hian talent ṭha tak a nei tih i hriat kha" Jake chuan ka thlavâng hauhin alo ti ve vat a, "Ni lo e, hetia awm hi ka duh zawk, pawi ka ti lo nia" ka lo ti nghâl vat a, ka pi lungâwi lo hmêl chu hmuh hrehawm ka ti takzet a ni.




A ngai tê bawkin room ah ka tawm leh ngawt ngawt tawh, ka khua a harin ka chhûngte ka ngai vawng vawng nia, hetiang rênga lunglên hi ka la nei ngai lo.



Khumah ṭhu chunga hlâ ka lo play mai mai lai chuan room kawngka chu tu emaw hian arawn kik karh karh a, rang takin ka tho a, ka hawng nghâl vat.


Kawngkhâr bulah chuan ka pi leh Hmeichhe pakhat hmelṭha zet mai hi an lo ding dûn reng anih chu, "Ka pi lo lût r'u" ka lo ti nghâl vat a, ka pi hi a hmâ ang kha a ni tawh lo, ka lakah hian thinrimna a nei amawni le ka ti ṭhin.


"Hei hi an room chu nia" Tihpahin ka pi chu arawn lût tlang nghal a, chu nu lah chuan ka chhîp aṭanga ka ke lêr thlengin min en nia, ner sak pah chuan kan room chu an enkual vel a.

"Pi green tea ka in châk e, en teh green tea min lo siam sak thei angem?" A rawn tih nih chu, a thusawi vâng chuan ka en vang vang ringawt, kei hi an awmpui ah min ngai amawni le?

"Sheryl hei chu Jake nupui ania, maid a ni lo" ka pi in a tih takah chuan nuih deuh te tet chung hian min rawn en a, "Ka tihpalh lutuk, Maid amaw ka ti che a, Sheryl ka nia, min hriat dan tûr chuan kei hi Jake-a ṭhian ṭha tak ka ni" tih zat zat pahin a kut chu arawn phar chhuak a, thinrim ru ṭeuhin a kut chu ka vuan ve mai a, alo vawtthlur nia, ka phu zawk thei.


"Nang hi ! Alpha thlah ini maw?" Chiang zeta min rawn en pah hian a ti a, a thusawi awmzia chu hrethiam lo zetin ka lo enkar ringawt, "Sheryl, chutiang Engmah Angel khân a hre lo" ka pi chuan alo ti vat, "Nia tunge Alpha chu?" Ka lo ti deuh hâ a, sawi sual in ti âwm tak hian a ner sak, "Ka fiam che nih kha" awlsam zet hian ati leh mai a, ka lo nui lui hak ringawt.




Reilotê ah ka pi chu an rawn koh avângin a chhuak ta daih a, Sheryl i nen chauh kan awm ta, Jake hian a chanchin hi engmah min hrilh ngai lo a, a ṭhian tepawh ka hre ngai lo,


"Khum khatah in mu dun tihna mi?" Tihpahin kan khum chu a kâwk deuh vâ a, ka lû ka lo bu nghauh ringawt, "Avan mak, Jake-a hmeichhe duh chî ini miah si lo a" a ti leh niah niah a, athusawi chu ka tân dawn sawn nuam tak a ni lo tih a hre lo aniang, ka thin a khei kher mai.


"Khum khata in mut dun vâng mai khân i pasal tak tak amaw ti reng reng suh, Jake hi mi lêrh tak a ni, kei min kalsan in nang hi a thlan che ka ring lo"

Min enkal chung hian arawn ti nih chu, Tunah chuan ka man ta kuar kuar mai, a awmzia chu he nula hmelṭha sual zet hi a bialnu a nih dawn hi, "Australia ah khân kan chêng dun ṭhin alawm, kan party a, chaw te kan ei dun a, a nuam thei asin aw" nui har har chung hian arawn ti leh a, ka kut khinghnih ka suih chu aia nghetin ka hûm ngat ngat ringawt, "Chuan khum khatah pawh kan mu dûn tho" arawn ti leh a, chhân dân tûr pawh ka hre lo, ka thinrim leh rilru na inchawh pawlh chu ka ngawih bo pui ta ringawt, "Ih maw...i thawmhnaw hâk leh Maid ho hâk khu a in ang lutuk a, hetiang hi Jake hian a ngaina lo ania" nui sâng chung hian arawn ti leh a, nui var var mahse a ṭawngkam chu chemtê ang maiin a hriam a, min vit zawt zawt ni mai hian ka hria, ka ngawi reng a, ka chhâng lêm lo, chutah min rawn kal pêl in min melh ralh pah chuan a chhuak ta vang vang anih chu, a chhuak chiah chu ka âwm dawmin thâwk ka la hawk, ka mittui rawn tling pam chu ka hru nghal sawk sawk ringawt.


Ani pawh kha enge anih vak bîk le? khatiang thawmhnaw the hlêp lutuk inbel ai kha chuan ka kawrfual hâk pawh hi ka duh fê zawk.



Ka hah takzet a ni, nitin mai hian thil mak tak tak hi ka tawng reng mai a, mahni chuan ka in ngaihtuah lungpuam a, ka mittui lah chu ka hriat loh kârin arawn tla chhên leh nghâl.


"Angel" Rawn ti tu lam chu ka hawi vat a, Jake chuan uluk zet hian min lo enkur nia,ka tho a, ka va pan nghâl vat, "I ṭap alaw?" Chiang zeta min rawn en pah hian a ti a, nui lui sakin ka lû ka lo thing ringawt, min rawn kuah leh vang vang a, sana ka en chu a haw alo hun dêr tawh, "I lung a lêng tih ka hria lawm, I nutei te inah kan kal dawn mi niang?" Arawn tih chuan phâwk fê hian ka enkâwk a, ka hlim lutuk hi sawi ngaihna pawh ka hre lo, "Iti tak tak em?" Ka ti nghâl chûk a, ani pawh a nui ve vur vur tho, ka kuah nghâl chung chung a, ka tum loh deuhin ka phûr leh hlut tawh, chutah kawngkhar chu "Jake" tihpahin tu emaw hian arawn hawng rawk a, kan inthlah rang ngang mai, Kha nu Sheryl i in ti bawk kha a ni, Jake chuan phâwk fê hian a en vang vang a, chu nu chuan min su sawn dat pah hian Jake chu arawn kuah anih chu, Ka mitmei a vêng deuh aniang Jake chuan anamsawn deuh lawp a.


"Enge hetah itih?" Ati deuh hmuk a, "Hmmm...ka ngai che mawle, min rawn be duh si lo a" lungawi loh hmel zet hian chunû chuan ati leh a, inhûm ruh ṭûn in ka lo kun ngal ringawt, "Chhuak rawh" ati leh deuh hmuk a, "Ka pi in a ko che a, kan pahnih in min biak a duh niang" a tih takah chuan Jake chuan ka kut chu arawn vuan a, ka lo hawi chhuak vat, "Ka rei lo ang, min lo nghâk rawh" tih suppahin a chhuak nghal vut a, chunû pawh chu a chhuak zui ve vat.


Khumah chuan ṭhu in ka lo nghâk rân a, darkar hnih dawn arawn lêt tawh lo, zanriah pawh room ah min rawn pe a, zanriah hi an kîl ngai lo anih ka ring, tui ti lo zetin ka ei ve a, ka chhûngrilah hian nuam lo tih rûk na lian tak a awm tlat reng a, chu chuan ka thil ei pawh ati tui lo.



Dar 10 ari ṭep ta, ka nutei te inah chuan kan kal hman tawh lo, ka rilru ana vawng vawng mai, ka lo hlim ve tawh tawh nen, ka ngaih ṭha thei tawh lo chu pawn lamah chuan ka chhuak dâ dâ a, alo reh ṭhuap mai, ka kal phei lui zel a.


Chutah ka thâwm hriat chuan min ti ding dat, room pakhat kawngka lo inhawng deuh aṭanga ka thil hmuh chuan min ti ding chawt, Jake leh Sehryl i kha hnai zetah hian alo in en nia, an infâwp lek lek bawk, ka hmui chu hupin an pahnih chuan ka en tlawk tlawk a.

"Zan in chauh chu khawngaihin hetah riak la, ka mamawh che" Sheryl-i chuan a ti sa sa anih chu, rang takin kan room lamah ka tlân phei a, ka thleng chu khumah chuan ka ṭhu hnawk tawp, ka na vawng vawng nia, enge awmzia pawh ka hrethiam tawh lo, hei hi engthil nge ni ngai? Ka chunga thil thleng chu hriatthiam harsa ka ti takzet a ni.



Khumah chuan mu in ka mittui luang ngiai ngiai reng chu ka hru zauh zauh reng a, ka hmusual chu ni si lo, tinge maw room aṭang khan ka lo chhuah kher kher le? Chhuak lo in lo tawm mai mai ila tiang hian ka ṭap ka ṭap awm si lo, mahse bum ka lo ni reng tihna nia, awih harsa ka la ti reng, Khâ nui hmêlṭha tak phenah khân thil tam tak alo inthup reng tih ka lo hre lo a ni, tinge maw ka lo neih kher kher le? Nutei bulah khan lo awm in lâm tekha lo zir mai mai ni ila tianga natna leh thil mak tak tak hi ka tawkin ka tuar reng âwm si lo a, ka thuthlûkna siam tawh azawnga ka la inchhîr ber zân a ni ngei ang.




Ka ngaihtuahna chu hmun hran hran ah avak kual a, ka hriat loh kâr in ka lo muhîl daih nia.



Ṭêk tla ri chhuai chuan ka muhîl tui lai chu min ti harh zawk, ruah alo sûr buan buan chu niin, room chu alo êng dul ruih mai, bati pakhat hi alo inchhi êng teng teng a, tu chhit nge pawh ka hre lo, ka tuiin hâl huam huam vâng chuan hreh zetin ka tho ṭaih ṭaih a, ka ṭhu chhuak chiah tih chuan ka phu zawk thei, khum mawnglama sofa ah chuan Jake chu ngawireng hian alo ṭhu reng anih chu, min enkur reng lehnghâl, "Min ti phû lawm" tih nang nang pahin tui chu la in ka in khawlh khawlh a, tui ka in zawh hnu pawh chuan min lo la en reng nia, dawhkân chunga a zu dah lah chu a rim rawn nam hak hak lehnghâl, ngawi reng chuan a tlâk deuh pap a, chutah a hmui chu tuai puatin muangchâng hian min rawn pan a, mak ti zetin ka lo enkiau ringawt.



Rawn kûn hniamin ka tukhum samah chuan arawn ṭham lawp a, dîm lo zet hian min fâwp ta buan buan a nih chu, a âwmah chuan ka lo nam ve ṭang ṭang a, ka kut khinghnih chu rawn la in na zet hian a hmer zui bawk, ana lutuk chu ka ṭê chhuak ṭhat a.


Tuna a awm dân hi chu ka hlau takzet a ni, khumah chuan min bawhthlu rawk a, ka ṭap pûr tawh, chutah min thlah in ka kut khing hnih chu ka lu chungah chuan a nam bet chawt a, ka ka zawnah chuan arawn thaw halh halh mai, chal chuar nângin ka lo en thung.


"Engthil nge i hriat a?"


Insehchilh rap rap chuan ka han ti khûr dar dar a, a mit meng thim khup chu a râpawm lek lek zawk,
"Phuba nih hi" vawt ruih hian arawn ti a, ka enkâwk ringawt, "Eng ang phuba nge i sawi ve ziah hi? Sheryl i laka i phuba nge? Tinge tiang hian i awm ziah a?" Thinrim zet chuan ka ti ve ta nge nge a, rum lutuk hian min rawn en anih chu, chutah min pawm tho lawpin Balcony lamah chuan min hruai phei a, Balcony kawngkhar chu hawngin ruah sûr hnuai ah chuan min din pui nia, min nghat deuh chawrh a, a lû chu tuai puat in bang chu a hnek deuh chawrh a, ka lo ṭê ṭhat ringawt, "Engthil nge i tih hi? I â ta mi?" Vín zet chuan ka ti tuar a, ruah alo sûr hnem bawk nen ka huh vek tawh, a vawt hlê bawk.


"Ni e, ka â tawh, chuvâng chuan min ti thinrim tawh suh, i hria em? Thah che hi ka châk ngawih ngawih tih i hria em?" A rawn ti tuar a, a thusawi vâng chuan ka en tlawk tlawk ringawt, "Engthil nge i sawi awm zia hi? I eng pawi fako nge ka sawi a?" Aw khûr hlak hlak chuan ka ti a, a nui hawk, chutah dîm lo zet hian min rawn fâwp leh tâwn tâwn a, a âwm ah chuan ka lo nam ve ṭang ṭang ringawt.



Inchhüngah chuan min pawt lût deuh nawk nawk a, lo sual lêt ve eng ang mahila awmzia a nei thui lo kher mai,



Inchhûnga min hruai lût chu dîm lo zet hian ka kawr chu a pawtthlêr hawk nia, bangah chuan dîm lo zeta min nawr bet chawrh a, ṭap hliam hliam chungin a hmel rum ûl chu ka en tlawk tlawk ringawt, "Engmah hi ka hai bîk lo, khanu kha ila duh vâng anih kha, hetia min ti hrehawm lo hian min ṭhen mai rawh" ṭap chung chuan ka lo ti tawp a, "Teuh lo, hremhmun ka tem tîr phawt dawn che" a ti nih chu, ka kawr chu a hlîp thla hawk a, kekawrtê leh bra nen chauh ka awm tawh, min vawnna ṭang chuan ka tâl chhuak phut a, ka phone awmna lam chu rang takin ka pan nghâl, nutei number hmeh chhuah tuma ka lek chhuak tih in ka phone chu min rawn chhuhsak lawp a, balcony kawngka in hawng ah chuan a paih chhuak lawng lawng nia.



"I va han sual tak" ṭap chung chuan ka ti hlak ringawt, tih ngaihna pawh ka hre tawh lo, Ka au vak mai dawn mawni le? Ka tukhum samah chuan rawn ṭhâmin min kuai dak lawp a, min rawn fâwp tawn tawn nia.



A darah chuan ka beng mawlh mawlh a, ka hlau takzet a ni, chutah a hmâ zân ang bawk khân ka kut chu rawn phuarin saruak ngal ngatin min awm tîr nia, ka lo sual lêt na lamah ka chau tawh bawk nen chêt pawh ka che ṭha thei tawh lo.

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » February 7th, 2021, 5:43 pm

JAKE (point of view)




Chhuak zeta a ṭap lai chu ka en tawp a, thinrim zetin ka thawhsawn ta ringawt, na thei ang bera siam ka duh, mahse a harsa takzet a ni, Hetiang mi hi ka ni ngai lo, midang tih nat hlau tak a nung ṭhin leh midang te ṭanpui nuam ti tak mî ka ni a, hetianga hrehawm taka ka nupui ka ti hi keimah zawk ka hrehawm daih si a.




Sofa ah chuan ṭhu in zu chu ka tlâk leh ringawt ṭhin, Hetiang hi ka ti thei lo, ka thei thlâwt lo, a inhnît hlap hlap reng chu hriat hrehawm ka tih em vângin ka nu room lamah ka kal ta ringawt a.



Ka nu ka hmû chu ka thinrim thar leh ni mai hian ka hria, a bulah chuan ṭhu thla in a kut vawtthlar ah chuan ka vuan a, Angel-i ka neih chhan hi keipawn a tîr kha chuan ka pa thusawi vâng kha amaw ka lo ti ṭhin a, Mahse na taka siam tu a nu kan tih nat theih tawh tâk si loh ah chuan a fanu laka ṭuan turin ka pa in min ti ta a ni, ka nu hi thingzum taka vih a ni a, thi si lo dam si lo a siam tu chu a nu kha a ni, engtin nge a thlen ka hre hauh lo a, mahse ka pa hian dâwt min hrilh ka ring ngai lo, amah duhna rilru ka put lai kha chuan ka hlim a, mahse tunah chuan ka thinlung hi khâk na in a khat zo tawh, ka pa chuan ngaidam mai turin min ti a, achhan pawh Angel hi a khawngaih vang a ni, mahse ka pi nen hian kan thei ve ta tlat lo hi atân a pawi dawn tihna ni mai.



Mahse chu chu Tuna ka buaina ber a ni rih lo, Sheryl hi tuna ka buaina zawk chu a ni, henu hian Angel hi a tina ang tih mawlh ka hlau, keini ang tan chuan a ît awm êm a ni, a rimtui bawk si, a châng chuan keipawh hian insûm zawh loh lek lek ṭum ka nei ṭhin, ka la incontrol hrâm hrâm chu nia.




Ni e, keini hi mihring pangngai kan ni lo, Kan chhûngkua leh kan in enkawl tu te zawng zawng nen hian kan ni lo, mihring tana hlauhawm tak kan ni a, mahse mihring tina lo in ramsa lakah kan ṭuan ṭhin, Angel hi kan inah chuan mihring awm chhun a ni a, Sheryl i saw kan zíngah chuan ala tharlâm ber si a, a insum zawh loh chu thuran, kan hmelma lian ber Alpha thlah alo ni kher bawk nen alo tina mai ang tih ka hlau takzet a ni.



ANGEL (point of view)





Lal in ni awm tak, kulh hlui tawh tak mai kawtah hian ka lo ding reng a, kulh chu a lian in a hlui tawh tih a hriat hlê bawk, mak ti zet chuan ka hawikual ruai a, Chhûm a zîng nasa bawk nen, chutia ka hawikual ruai ruai lai chuan ka hminga min ko thâwm ka hre tlat, min kohna ni awma ka hriat Kulh lian tak luh dawna gate lian tak lam chu ka pan ve mai a, chhûm zîng techu mak tak mai hian arawn kiang tial tial mai, chutah hmeichhe pakhat hmelṭha zet mai, sambuang thâng leh mit meng paw râm hi nui var var hian alo ding reng anih chu, min lo hui zauh zauh a, rang takin ka pan ve nghal vat, Ka enchiang chu hmuh tawhna ka nei tlatin ka hria, ni tak, Jake-a nu a ang lutuk.


"Angel ka hmu che chu ka lawm takzet a ni" nui var var hian alo ti a, chhân ka tum a, ka âw a chhuak thei dêr lo nia, "Khawngaihin ka fapa hi min chhanhim sak rawh" mittui tling kiau hian arawn ti a, hrilh hai zetin ka en há ringawt, "Ka fapa hi thinlung thianghlim tak a ni, mipa naupang fel leh thu âwih thei tak a nia sin, a thinlunga khâk na awm hi iti dâi thei a nih chuan nangleh nangmah thlah tu te zawng zawng hi in remna ka siampui ang" Beisei nei zet hian min enkar a, a thusawi awmzia hi pakhat mah ka hre lo, zawh duh tam tak ka nei a, mahse ka âw a chhuak thei miah lo chu hrehawm ka ti takzet a ni, thâwk leh khatah khuma ka mu chu ka harh chhuak zawk a.



Kan room chu alo êng uar tawh, ka kut chu phuar a ni tawh lo a, thawmhnaw ka la ha lo na in puan erawh ṭha takin ka lo sin tho, tu tih nge ka hre miah lo, khumah chuan zangthal arin ka mumang chu ka ngaihtuah lêt a, a awm zia hre hauh si lo hian Jake -a nu ṭawng ri chu ka bengah ari nawn tluk tluk reng mai, chutah kawngkhâr chu arawn ri rawk a, Jake chu thlan hluam hian arawn lût a, melh pawh min melh lo in bathroom lam a pan daih nia, ka mittui arawn luangthla ngiai ngiai a, thawh chhuah tumna em em pawh ka nei lo, ka taksa leh rilru te hi ana vawng vawng mai ni, haw daih ka duh, ka insiam anga engpawh thleng se ka haw ang, ke a haw ngai dawn pawh ni se ka kal thleng ṭhak mai ang.




Bathroom aṭanga arawn chhuah thleng techuan tho duh lo in ka awm ngai chuan ka lo la awm reng a, a inthlâk sut sut tih ka hria, mahse melh pawh ka melh lo, a awmdan chu ka mumang nen techuan ka han tehkhin kual vel a, ka laka asual ta em em hi engvang nge ni ang? A nu khân khatiang thil kha ka mumang lamah min hrilh ro ro anih chuan engkim chiang takin min hrilh fiah law law se ṭha tur a nia, Jake pawh rawn chhuak leh tawhin a inthlâk zui mial mial a.



"Jake, i hman tawh em?"


Tihpaha thawveng zeta rawn lût chu ka lo en zawk a, min rawn en chu a mi ko asân âk nia, ka lo mengkual ralh ringawt, "Mmm....i outfit chu i inhmeh lutuk" tihpahin Jake biangah chuan a chuk zauh a, ka puansin lai chuan intuamin ka tho sawk sawk a, bathroom lam ka pan nghal hmak.


Ka hmu peih thlâwt lo, ni leh lo....ka hmu hreh a ni mah zawk, ka inbual fai sawk sawk a, bathroom aṭanga ka chhuah leh hnu chuan an lo awm tawh lo, khawnge an kal dawn ka hre lo a, zawh pawh ka tum lo, hriat pawh ka duh hek lo, he in aṭang hian engti kawng zâwng pawn ka chhuak tur a ni, hetianga ka laka an awm nachhan hi ka hre lo a, hre lo ila ka tan pawn aṭha zawk ang, Pathian hma a inkutsuih lo a khumkhat kan in ṭawm an phal te hi mak tihna tham a ni, ka lo mawl rei ngawt mai.


Thawmhnaw khung tur em em ka hre lo a, ka bag lian vak lo ah chuan ka pawisa nei sa tam lo tak leh ka thil pawimawh zual tak tak techu la in ka insiam sawk sawk a, ka chhuak zui nghâl hmak.




Thinrimna a ka khah vângin rilru nat vânga ṭah emaw, hrehawm tihna em em ka nei lem lo, Inchung step aṭanga ka chhuk thla chu ka mi hmuh vâng chuan ka ding chawt, ka pi chuan verther zet hian min lo enkawr nia,


"Khawnge i kal dawn?"
Alo ti chang fak a, chhâng ta mai lo chuan ka en vang vang a, chhân dan tur mai pawh ka hre lo, reifê ka in ngaihtuah hnu chuan chhâng lo in ka kal pêl lui ngâuh ngâuh a.


Mahse kawngkhar bulah chuan mipa pahnih lian zet zet tehi an lo ding reng anih chu, thinrim ṭun in rum zet chuan ka melh khâih khâih a, "Kalsan rawh u" ka ti chhuak thei ṭawk a ni, "He Inah hian kan thû in i rawn lâwi lût a, kan thû lo a i chhuah hi kan phal reng reng hleinem" ka hnunglam aṭang chuan ka pi chuan arawn ti nih chu, ka chil ka lem khawlh ringawt.


Rang takin ka hawi lêt a, sawi tûr ka haihchham kher mai, ka thinrim hi chuan ka heti tlat ṭhin, "Kal tîr rawh u" ka hnunglam aṭang vêk chuan an rawn ti leh a, kawngkhar lam hawi chuan ka inher leh vat, Jake chuan mit meng fiah zet hian min lo enkar anih chu, vanneih thlâk takin Sheryl-i erawh a tel tawh lo.


"Ka pi helai hmunah hian ka thu in arawn lût a, ka thu bawkin a chhuak leh thei e, a duh phawt chuan kal rawh se, A tello pawh hian kan awm thei lutuk ang" Chiang zeta min en pah chuan ati chang ta fak fak mai, ka mittui arawn hnâm ṭiam ṭiam a, sawi tûr hre lo in ka ding khawng leh reng ringawt, "Kal tache....I kal duh a ni lawm ni?" Vîn lek leka arawn tih chuan ka mittui chu arawn luangthla ngiai ngiai a, mak ti zetin Jake hmel vawt ruih, danglam eih lo chu ka en tlawk tlawk ringawt.


"Itih tlat techuan aṭha lawm, I zalên e Angel" ka pi chuan arawn ti ve leh a, ka kut chu hûm ruh sauh sauhin ka mittui chu ka hru sawk sawk a.

"Aih....ka chhuak dawn lo, He in ah hian ka duhthlanna in ka rawn lût a, in thû ni lo in, ka duh hunah ka chhuak leh záwk si ange" Jake enkar pah chuan ka ti ve leh ngat a, awm ka châk vâng a ni hran lo, engvanga sawi nge ka nih pawh ka in hre lo, ka chapo na leh ka luhlulna an cho chhuah vâng tepawh a ni mahna.



"Leh lawi si a" tih suppahin Jake chuan min rawn kal pêl nul nul a, a hnunglam aṭang chuan ka en zui vawng vawng ringawt, "Lê lo lutuk mai" ka pi pawh chuan tih zui hlak pahin a room lam chu min san ve nghal hmak a, ka maimitchhíng vang vang a, Ni e, an ni kha chuan min ngaina lo mahse ka mumangah tal Jake a nu khân min la ngaina lawm le, tih rilrûk nauh nauh pahin inchung lam chu ka pan zui ve vat a.






Room chhûng ka lût chu Jake pawh alo inthlâk mek a, ngawi rengin ka bag chu ka thawmhnaw dahna hnuai ah chuan ka dah a, ka wordrobe ka khâr leh chiah chu ka phu zawk thei, Ka wordrobe kawngkhar phenah Jake chu alo ding reng chu niin, a nui deuh hak a, a nui hmêl te hian min ti hlau zo tawh, hmelṭha pawh ka ti leh tawh lo e a.



Tûm hmakin balcony lam ka pan a, baLcony vawnchhan chu vuan kawmthlanglam ramhnuai chu ka thlîr vang vang a, ka chunga thil thleng techu ka han chhût neuh neuh ṭhin, thil mak tak tak hi tinge ka chungah hian a thlen reng bîk le? Ka hah tawh a ni, thih daih mai te hi ka châk rum rum zêl, Jake lah hian min lo duh ve hlê maw ka tia, ani hi lawm mi lê lo tak chu, ka in ngaihtuah thinrim chuan ka thil vawn chu nghet zet chuan ka vuan a, thâwk leh khatah ka vawnna bar chu arawn sa thut nia, ṭe ṭhawt pahin ka tawlh hnung dâwrh thei.


"A sa lutuk"

Ka ti tuar tuar a, ka kut durh pep pep chu ka chhêm nghâl mawlh mawlh ringawt, Jake chu pawh arawn tlân chhuak ve vut, ka kut chu arawn la lawk a, chal chuar khup hian a en vung vung mai.


"Tinge a?" Phâwk fe a min en chung hian arawn ti a, "Ka hre lo" tih hmak pahin ka kut chu ka la lawk a, ka vawnna hnu bar kha kan han en leh chu alo ling vût nia, mak ka ti lutuk chu ka ka huau reng ringawt, tu tih nge ni ta ang? "Tu chu nge mawni le?" Ka ti deuh sap a, Jake chu ngaih ṭha lo tih hriat zet hian min en rulh ringawt.



Khumah chuan min ṭhuttîrin ka kut kângah chuan damdawi te min hnawih sak a, a tuam leh thlap bawk, a hmêl chu uluk zet hian ka lo en a, hmelṭha vût chu ka ti lo, mahse ka hre lo, a eng ber hian nge min hîp ni, ka duh telh telh in ka hria.


"Insiam rawh, nalh deuhin inchei la, chhuahna tûr kan nei"

Ka kut a tuam zawh chuan en pawh min en lem lo in ati zawi ruih a, "Khawi ah mah ka kal lo ang" ka lo ti ve hmak, mak tih hmel zet hian min rawn en vung vung a, ka lo melhṭha duh ṭhak lo.


"Tunah dar 5 ania, darkar chanve insiamna hun i nei, i duh lo anih chuan....." tihpahin min rawn pan hnai a ka hmui ah arawn fâwp zauh, ala ding nuih suk zui, "Enge ka tih theih i hriat kha" ka beng bulah chuan arawn ti sur sur a, ka lo awm khawng reng ringawt, nui suk pahin bathroom lam chu apan zui nghâl daih a, a kalsan chiah chu thâwk ka la hawk ringawt.



Hmanhmawh tak chuan ka insiam leh ta nge nge a, kut kâng nen chuan mahni a insiam a har kher mai.

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » February 7th, 2021, 5:43 pm

Kawrfual eng ka ngal chen vêl bân bul ka ha a, sneaker var ka bun leh tawp, ka sam dum hlap kawi lek lek chu ka thlah hniang a, ka sam hi a tam lêm lo bawk a thlah mahila alang buk luih ngai lem lo.



Make-up erawh ka hmang lutuk thei ta lo, ka kawrfual hnunga Zipper chu zip tuma ka lo beih ngar ngar lai chuan ka kut chu kut vawtthlur hian arawn dek zawk nia, ka phu nasa ngang mai, Jake chuan min lo nuih var var a, chal chuar nângin ka Lo enkar ringawt, "Lo kal hnai rawh" tihpahin min pawt hnai a, ka sam ka hnunglama tla hniang chu ka hmalamah chuan rawn dah thla in a tâwp deuh chut a, darthlalang aṭanga a hmel ka en chuan ka hnungzâng chu mit sen rûm hian alo en reng anih chu, ka phu dâwrh thei "Jake i mit kha" tihpahin alam chu ka hawi vat a, rang mangkhêngin min hnungchhawn nghâl, a lu chu a thing deuh nawk a, arawn hawi leh vut, mahse nichina a mitmeng sen rûm kha a awm leh tawh miah lo nia, ka hmusual tihna em ni ang? "I mit kha tinge?" Amah enkar chuan ka ti a, a hrawk bâwk kal chho ralh aṭang chuan a chil a lem khalh tih ka hre mai.


"Engtin mah a awm lo, in her rawh" a ti deuh hmuk a, ngaihṭha lo zet chuan ka in her leh mai a, mahse ka kawr chu zip ta mai lo chuan a kut hlei zet chu rawn thun lûtin ka âwm bâwr ah chuan arawn hup ta thuk mai, Ka kawr chu muangchâng hian a phelh thla a, ka dâr ruak kângah chuan a fâwp ri chak mai, ka âwm bâwr khalh niap niap pahin ka darah chuan a khabe arawn nghat a, darthlalang aṭang chuan kan in enkar ringawt.


Ka dar chu fawp kual dan dan in ka nghawngah bawk chuan a fâwp leh dun dun a, a liak vêl ni maiin ka hria, ka meng ngam tawh lo, ka beng techu arawn seh ner ner a, ka âwmbâwr a khalhna a bân chu ka lo hmer ngat ngat ringawt.


A châng chuan ka ning ve ṭhin, ngaihsakna leh hmangaihna ka dawng ngai chuang lo a alaka ka tlâwm fo reng hi hrehawm ka ti takzet a ni, ka in ngaihtuah harh deuh thut vâng chuan ka tawlh hnung dat a, min en hau mai, "Tinge?" Arawn ti deuh hû, thâwk halh pahin ka kawr chu ka siam ṭha mawlh mawlh ringawt, ani pawn min be zui tawh lêm lo, ngawi reng chuan kan insiam dûn mawlh mawlh a.




"I in peih em?" A rawn tih veleh chuan ka ṭhutna ṭangin ka lo tho chhuak nghâl vat, "Hawh le" tih leh chhuah arual nghâl, ngawireng chuan ka chhuak ve mai a, khawi ah tak chuan min hruai ang maw?





______________



Pâwn ka chhuak chu ka thawveng hawk hian ka hria, pâwn ka hmuh lohna hi avan rei tawh tak, car ah chuan ngawi reng hian min lo nghâk rûn a, ka lüt zui ve vat.


"Khawnge kan kal dawn?" Amah enkiau chuan ka ti a, min chhâng lêm lo in a car ati nung a a in khalh chhuak zui vut nia, tukverh lam hawi hmakin ka hmui ka ti pawrh zui zauh ringawt.


Car a khalh thiam tih ka lo hre ngai miah lo, ti hian ka pasal chu ni ve sia, " Khawi ah nge kan kal dawn?" Ka han ti leh ngat a, "I nutei te inah" a rawn ti deuh hmuk, ka nui hak a, ka awih thei lo zawk, "Iti tak tak Maw?" Ka han ti leh ngat a, ngawirengin alo bu nghauh ringawt, ka hlim bawk si, hlim lutuk anga lan ka duh bawk si lo.


Ngawi renga kan chuan hnu chuan Nutei te in kan thleng a, phûr zetin ka tlân chhuak nghâl, "Nute" ring zeta tihpahin gate chu ka hawng nghal rawk rawk a, ka kalpui pa pawh ka ngaihsak tawh lo, Kawngkhâr chu hawn mai ka tum a, chhûnglam aṭangin alo inkalh tlat nia.


"Nute keimah Angel" tihpahin ka chhûm dat dat a, Jake pawh ka hnungah alo ding reng tawh, An awm lo tepawh a ang zawk, a reh ṭhuap mai, "Nute keimah" tihpaha chum leh ka tum chu Jake chuan ka kut ah alo man vat a, "An awm lo niang kal leh mai ang" ka rin lâwk ang ngeiin arawn ti hniam ruih a, ka hnual rawih thei, "Vawikhat leh chiah" tihpahin ka kik leh ngat a, an rawn la hawng chuang lo, beidawng zetin Car awmna lam chu ka pan hnak hnak a, Tun ang te hi chu patea pawh a office bân hun a sin le? Ti rilru nauh nauh chungin car ah chuan ka ṭhu lût hnawk a.




JAKE (point of view)




Angel-i chuan a chhûng techu angai ngang aniang a ngui raih reng mai, biak ṭawng zawh a har viau ang le, "Khawi ah emaw kal i duh em? I ṭhiante in ah te" Hrehawm ka lo ti ve lutuk chuan ka ti chhuak tawp a, "Aih, ṭhian ka nei lo" arawn ti chuai raih mai, engtin nge ka tih ang aw..



"Hotel ah chaw kan ei dawn mi niang? Khawi ah nge kan chawlh ang min hrilh la" ka han ti leh a, kun lap chungin a kut chu a khalh niap niap mai.
"Haw zawk mai ang, ka be thei bawk si lo a" arawn ti chuai leh raih a, ni tak e, a phone kha ka vawm chhiat sak daih alawm, a thar ka la leisak miah lo.



"Phone chu kan lei dawn nia, khawnge dawr a awm ang aw?" Tihpah chuan ka hawikual deuh a, phone dawr awm ang pawh ka hmu mai lo, "A ngai lo ka lawm e" a rawn tih chuan a hmel chu ka en vat, alo vawt deuh raih nia, "Phone nei lo a awm techu a ṭha hleinem" tihpah chuan car chu kawmgsir rem lai ah chuan ka ti ding dat a, "Ka lakah hian Ṭhat chhuah lutuk suh Jake, i laka ka rilru put ang hi ilo pu ve tak tak amaw ka ti palh ang" chiang zeta min enkal chung hian arawn ti a, a thusawi chu mak ti zetin ka en vung vung ringawt, Ni e, ka tum lâwk ni si lo hian ṭhat ka lo chhuah a, ka lo ngaihsakin ka lo duat leh lutuk ṭhin a ni, ka tih tûr letling thawk ni mahse nuam ka ti tlat lawi si lai hi ka buaina ni ber tawh.


"Lalhriatpuia nupui hi phone nei lo a awm ka duh loh vâng chauh ania, ngaih loh lamah i ngai anih chuan i thu lawm" ka lo ti ve deuh ngat a, rilru nat hmel zeta min enkiau chu ngaihsak lo luiin car ka ti nung zui vut vut a, "Keimah pawn ka lei thei tho a" arawn ti leh sep, za lo zetin ka nui hawk, " Awle, lei ta pauh che" ka lo ti nghat ringawt.




"A ngai pawh ka ti rih lo, mahse" inthlahrun hmel zet hian arawn ti leh a "Mahse enge?" Ka lo ti vat, "Zanah min Kalpui leh la, Nutei ka ngai tawh lutuk a" aw khûr lek leka arawn tih takah chuan a hmel chu ka en zawk, Ka rei!!!....a mittui alo tling pam nia, tukverh lam hawiin ka hriat hlau tak chuan a hru zui fap fap a, ka hmu lo der tawp, chhân pawh ka chhâng zui tawh lo.




Reilote ah in kan thleng a, Chhuak turin ka insiam lehnghâl.

"Khawnge i kal dawn?" Mak tih hmel zeta min enkar chung hian arawn ti a, nichina athusawi khân ka thin a khei chu sawiloh ka bengah hian ari nawn tluk tluk reng nia, ka run em em ringawt mai ni.



"Ka leng dawn" tih zawngin ka chhâng a ka leather jacket chu ka ha zui mawlh mawlh bawk, "Mahse Nutei te inah chuan min kalpui leh dawn maw ka tia" lungawi lo lek leka arawn tih chuan rum zet hian ka melh a, "I laka ṭhat chhuah hi ka ba lo Angel, I kal châk viau anih chuan i duh leh va haw daih rawh, rawn lêt tawh reng reng suh" Ka tih zawh rual chuan chak thei ang berin ka pên chhuak nghâl pâwk pâwk a.



ANGEL (Point of view)





Ka inbual lai techuan Jake-a thusawi chu ka bengah chuan ari nawn tluk tluk a, tun angah chuan eng lîrthei mah a awm tawh âwm si lo, an in aṭanga motor chân angai dawn si, ke in kal ta ila a thim phei mup bawk si a, chhuah daih techu ka duh ve tho, mahse enge achhan ka hre lo, engemaw hian min pawt bet tlat nia, ka hrethiam tawh bîk lo, Ka lo hmangaih êm vâng pawh hi niang, Hetianga ka laka a awm chung pawh hian ka la duh in ka la thlahlel em em reng tho a, ka la hmangaih em em reng tho.



Ka inbual zo mutkawr ka hâk lai chuan hmeichhe pakhat in ha chhíng zet hian Jake-a rûi kal pawh kal ṭha thei tawh lo chu arawn kuah lût deuh nawk nawk a, a hnungah ka pi arawn tel bawk.



"I pasal hi ngaihtuah ve tache, naktuk exam a nei ania, Mawl leh lutuk, zan in angah techuan chhuah tir loh tûr alawm, eng ang nupui nge maw inih le?"
chunu hriat lai lai chuan min ti ta zêk a, ka rilru nat zia hi sawi pawh ka sawi fiah thiam lo, Chunu chu a en leh a, chek tlak tlak pahin a chhuak lehnghal daih.



"Tluang takin ilo thlah a kan lawm lutuk ania" ka tih chuan a thil ṭhial hâm puar pap pap pah hian "Khawi?" tihpahin a kut chu arawn dawh zauh a, hrethiam lo zetin ka lo enkiau ringawt.


"Pawisa mawle," Vîn deuh lek lek a arawn tih chuan ka in dap nghâl ruai a, ka pawisa chu ka phone leina tûr ania ka pe phal teuh lo mai, Jake khuma chatthla reng chu ka dap nghâl ruai a, a wallet a rs2000 tlang pathum chu ka pe risk ve pawp a, "Hei chauh hi maw? In hausak tehreng nen in va uikawm ve, i pasal lah kha thinchhe ropui si" a ti deuh hlaih hlaih a, 2000 tlang pahnih chu ka pêk belh leh tawp a, a mithmul sân zauh pah chuan a chhuak ta nal nal mai.



A hmelṭhat reuh teh lul nen a khawlo ve hlê mai, ka tâwt lutuk chu thawk la hawkin a wallet chu ka en vang vang a, khumah chuan ka theh thla zui tawp, thil ri rak ka hre zui nghâl, a wallet aṭang chuan ṭhi dangdai zet hi alo tla chhuak nawlh a, chû ṭhi chu thilbial chhûnga arsi lem awm hi a ni, lâk tuma ka ban dê dê lai chuan ka rin loh lutuk in a rawn ṭhu chhuak luau nia, ka phu nasa lutuk chu chhuatah chuan mawng sawh dawpin ka tlu sawp nuai thei, a rûi viau amaw ka tia alo rûi miah lo.




"Enge tih i tum?" Chiang zeta min en chung hian arawn ti chang fak a, ka chil ka lem khawlh "Ih...nia..ṭhi kha...i wallet aṭang khân arawn tla a, chuan chhar ka tum a" ka lo ti bah nawk nawk a, a mit meng sen rûm chuan min ti hlau lek lek zawk.

"Tawh pawh tawk suh ang che" tih nghut pahin a wallet ah chuan a dah nghal rawk rawk a, a pheilhawk phelh a tum chu ka lo pui vat, "Khawi ka lo phelh ang" tihpah in a pheikhawk hrui chu ka phelh sak nghal mawlh mawlh a, a kut chu a rawn la sawn lawp nia, hrilh hai zetin ka en kâwk.

"Kal sawn rawh, ka chhiah hlawh inia mi? Lal fapa ang maia min en hi sim rawh" thinrim zet hian min tih khum tawn tawn a, bathroom lamah chuan lûtin a khâr ri nghâl ṭhuai, ka lo phu dâwrh thei, che lo in ka ṭhut ngai chuan ka ṭhu tawp a, ka mittui rawn luang chu hrûk pawh ka tum lo, ka en ngai en in ka ṭhut ngai chuan ka ṭhu tlawk tlawk ringawt.



A rawn chhuah leh hnu chuan a rimtui vut vut khawp mai, thei leh thei lo chuan tho in khumah chuan ngawirengin ka mu thla a, ka taksa te hi ana ṭhum mai,hmeichhe hrisêl ṭha tak ka ni a, hritlâng khawsik mai mai pawh ka lana em em ṭhin, tuna ka taksa nâ pawh hian ka awm ati nuam lo zo vek tawh, ka dang lah chu a ro huam huam bawk si.



Khum bula dawhkân hma ah chuan ṭhu in ngawi reng chuan a lehkha chu a en ngur ngur a, lehkha a zir a nih ka ring, a dawhkâna light chiah a ên vângin ka ṭap tih pawh hi a rawn hmu thei lo maithei,bakah min en lo hrim hrim bawk, mahni inkhawngaihna in ka khat leh tawh, tinge englai maha min hmangaih miah lo tu, pasal a nihna khum laizawlah chiah hlen ṭhin tu hi ka hmangaih tlat? Hei hi thil pêk a ni lo a, Eng ang vanneihna mah a ni hek lo, ÂNCHHIA dik tak a nih hi, mu chunga ka ṭah vângin ka in sût ri leh hraih hraih ṭhin, tunah chuan ka rilru mai ni lo in ka taksa zawng zawng tepawh hi ana vek tawh.

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » February 7th, 2021, 5:43 pm

Zîng ka harh chuan ka lu te hi alo na bûr nia, thei leh thei lo chuan ka tho chhuak ṭaih ṭaih a, Jake pawh alo awm leh tawh lo, ka dang ro huam huam leh ka taksa na ṭhêm ṭhum te chu ngai pawimawh lo in ka inti fai a, ka kawrfual chu ha in ka sam chu ribon vârin a half chuan a ṭawn a, ka sa vur vek hian ka hian ka hria.


Jake dawhkân hnawk nuai tih fel ka tum lai chuan dawhkân a a lem ziah chu ka thlîr vang vang a, ka muhîl lai lem kha alo ziak chu niin, a ziak nalh em em lehnghâl, Lehkha a zir amaw ka tia, ka mutthilh lai chângin ka lem alo ziak reng a nih dawn hi, nui sak pahin ka lem a ziahna chu ka pawtthlâ a, ka kawr fuala ipte lo awmah chuan thlep ṭha in ka ak hmak, lehkhabu bâwm in rem tuar ah a lehkhabu chhawp nuai ho chu ka rem ṭha mial mial a.



Lehkhabu pakhat rit zet mai a kâwm aṭang pawha a hlui tawh tih hriat zet chuan ka mit ala tlat, lehkhabu in rem tam tak kar aṭang chuan la thla in ka han keu chhin a, Eng ṭawng ṭawng nge pawh hriat loh leh sign mak tak tak hi alo in ziak dul mai.


Mipakhat ka mumanga ka hmuh ang chiah mit sen rûm chuan nula hmelṭha zet pakhat a nghâwngah alo seh thî phung lai lem techuan min ti hlau in ka thau ah min man tlat nia, chutah kawngkhar chu arawn ri rak a, lehkhabu chu hup in ka thuk ru nghâl vat.



Maid pakhat hian ka thingpui leh a hmeh tur hi ngawi reng hian arawn dah a, ka lo nui lui sak ringawt, a chhuah leh hnu chuan lehkhabu chu ka keu leh ngat a, english a in ziak ṭhenkhat chu ka hrethiam ve kuar kuar mai, thisen thianghlim a ṭhat chungchâng te, hmeichhe thianghlim dawithiam laka fa neih a ṭhat zia techu alo inziak nual a, eng ti tih a hetiang lehkhabu te nei nge maw a nih le? Vampire chungchâng ziahna bu ni in ka hria, Hetiang lehkhabu lem lutuk hi ngatan nge maw a tih le?



Chek tlak tlak pahin lehkhabu chu ka dah a, dawhkan a ka thingpui leh a hmeh an lo dah chu in in hahdam zet chuan ka ṭhu vang vang a, Tunah tak hi chuan vawk ang chauh niin ka in ka hria.


Ka in zo chu make-up tlêm tal inhnawih tum in darthlalang hma ah chuan ka ṭhu rân a, ka kut chu alo hil duak tawh, powder inhnawih tuma ka in en chiah chu ka tâwp chiang kher mai.



Ka nghâwng chu rûl chukna hnu hma ang tak hian pem pahnih alo awm anih chu, a senduk ruih bawk, ana bawk si lo, ka khawih chhin pawn engtin mah a awm miah lo, chutia ka in en ka in en lai chuan Jake pawh arawn lût chhut chhut a, a chauh hmel hle nghe nghe.


Biak ka tum zeta han sawi tur em em ka hriat loh vâng leh, alaka ka la lungawi chiah loh vângin a be hmasa tu nih ka duh leh ta lo, ka inchei lui mial mial a, ka hmu lo der tawp, ka nghawng chu engvanga awm nge ni ang aw, rannung engemaw in min seh pawh a ni maithei ni.



"Ka dawhkân hi iti fai ami?"
arawn tih takah chuan alam chu hawiin ka bu nghauh a, min en ve chiah chu ka nghawnga pem lai chu arawn hmu nghâl chat.


"I nghawng kha tinge?"
Tihpahin hlauhthawn hmel zet hian min rawn pan rawk rawk a, min kuai dâk lâwpin ka nghawng chu mengdur khup hian a en vung vung mai, "Ka hre bik lo, zing ka harh in ti hian alo awm tawp a" amah enkar chuan ka ti a, pawi tih hmel zet hian a sam chu a tuai puat, a thinrim hmêl chuan min ti hlauthâwng nghal et et mai, chil lem khalh khalh pahin ka lo en ve kiau a, chutah chhuak leh vutin kawngkhar chu a khâr ri leh ṭhuai nia, ka thlîr zui vawng vawng ringawt.




Reifê hnu ah arawn lêt leh a, dawlthlêngah hian puanthianghlim zet leh tuilum dahin ka nghawngah chuan arawn dep vang vang a, a hmuisîr arawn kak lüt bawk.


"Ana lo tak tak a nia" ka lo ti ringawt a, min chhâng chuang lo, "Ka vênhim theih loh vâng che in ka tihpalh aw" awki hniam ruih hian arawn ti a, a inthiamlo hmel chu mak ti zetin ka lo en vung vung ringawt.

"Ka...ka ṭha lawm, Rannung in min seh palh aniang" bah nuaia ka tih chuan arawn nui hawk, ka lo beng ngawng nuih ve ringawt a, a nuihna chhan hi engmah ka hre lo.


"Mmm...ni e, khâ rannung kha ka haw ngawt mai" Nêl awm zeta arawn tih takah chuan ka lo nui ve sak sak ringawt, lehkhabu chungchâng kha zawh ka tum ük a, mahse ka ṭhulh leh ta mai, khatiang thil ho mai mai kha a nei tih a hriat pawh ka ring lo e a.




"I dam lo mi? I pang ava sa ve?"


Tihpahin ka chal chu arawn khawih a, nia ka khawsik pawh ka lo hre tawh miah lo, ka nghawng techu arawn khawih a, a hlauthâwng hmel chuan min ti hlau ve lek lek nia.



"Doctor ka'n ko ang" tihpahin a phone chu a phawrh a, a buai nghâl chûk chûk vâng nge ka na zual ta riau tehian ka hria.


"Khumah sâwn va mu rawh" a phone a beng zâwna dah vung vung pah chuan a ti deuh vut a, rang takin ka tho a, khumah chuan ka mu ve nghal thân, ka lû lah chu a hai em em lehnghâl, "Aw...Helo" tihpah chuan a chhuak zui vut a, ka lu te hi ana ut ut mai, ka taksa chak loh lutuk vâng nge mut chhuakin min rawn zêm mghâl chiai chiai a, ka muhil leh nghâl hmak.






Ka harh leh chuan Min lo kîl bial laih a, Ka pi, ka pa leh Jake, an lo awm kim ṭhap nia, Doctor ni âwm tak putar pakhat chuan Drip min lo khâi sak bawk.



"Nâ te ila nei em? I lu tekha a hai em?" Chu doctor chuan damthlup hian alo ti a, "Tlêm in ka lu a hai deuh a" ka lo ti ringawt, "A dik ang, thisen tam tak i hlauh alawm, i pum ami tân khân a pawi thei a nia" nui suk hian a ti a, hrethiam lo zetin ka lo en ho ringawt.



"Avan ṭha êm, ka suangtuahna a thleng dik dawn e, nizân ka mumang kha ṭha ka lo ti rêng a" ka pi chuan phûr hmêl fê hian alo ti a, an thusawi awmzia hi ka hrethiam lo takzet a ni.



Doctor kal leh hnu chuan eitur tui hnâi tak tak min rawn chhawp sak hlawm a, Ka ril a ṭam miah bawk si lo, Ka pa lah chu nui huah huah reng mai, "Ei zo vek rawh Angel" Ka pi chuan nui sâng hian arawn ti a, hrethiam lo zetin Chhang pakhat chu ka la a ka hmawm nghâl zauh, min nuih hak hlawm a.


"Doctor khân i rai an tia" Ka pa chuan nui sûng hian arawn ti, ka bawnghnute in lai chu ka hâk nghâl bawrh bawrh nia, Jake chuan ka hnungah ngawi reng hian alo chûm dat dat a, ka khuh nghâl bawrh bawrh thei.


"I ṭha em?"

Arawn ti zauh a, ka chhâng thei lo, Kei hi ka rai maw? avan mak, ti rilru nauh nauh pahin bawnghnute chu ka dâwt zo nghâl pawp a, "Ka Rai maw?" Jake chu chiang zeta en pah chuan ka ti chhuak phawng a, hmêl tak rûn hian alo bu nghauh nia, ka la âwih thei lo, hetiang lam hi ka lo ngaihtuah ngai miah lo, "Ka râp é" ka han ti ringawt a, an lo nui hak hak zui.



"E...a ṭha lutuk, kan lâwm teh mai nia" ka pa chuan ka hnungah min rawn bêng thak thak a, a chhuak zui nghâl, ka pi pawn nui sângin a zui chhuak ve nghâl a, ka hma a ei tûr an chhawp ei melh melh pah chuan ka ngaihtuah mai mai a, rai an sawi ang hian ka awm ngai bawk si lo.




JAKE (point of view)



Angel thil ei melh melh lai chu ka en vang vang a, heti khawpa a tawrh chhan hi hria se heta awm hi a duh âwm si lo, a nghâwnga athisen thianghlim tam tak ti kâm tu kha ka pa hi a ni tih hria se engtin nge a awm ang le?



Ka pa hian a lan naupan theih nan hmeichhe tleirawl thisen thianghlim a mamawh reng ṭhin a, midang a hmuh tâk si loh ah chuan ka hriat loh laiin Angel-i alo khawih kha nia, Ka pa chu ni lo se ka that daih tawh ang, mahse....Ka pa a ni tlat si a, haw viau mahila ka khawih thei si lo, Ka pa hi mi ṭha tak a ni lo, keichuan midang tihnat ka hlauh em em laiin ani chuan a tân aṭha dawn a nih phawt chuan midang tihnat chu sawi loh, an nunna hial lâk pawh a pawisa ngai lo, Angel-i naupai hian engtikah emaw chuan a rilru ala thlâk danglam ngei ka ring tlat a ni.



"Jake"
"Huh?..."

"I phone ka hmang thei angem?" Inthlahrun hmêl zeta arawn tih takah chuan rang takin ka phone chu ka phawrh nghâl a, ka pe nghâl vat, "I chhûngte i hrilh dawn ami?" Ka tih chuan a bu nghauh nghauh a, ka phone chu a hmet nghâl niap niap mai.


"Pattern i dah a"

Tihpahin ka phone chu min rawn pe lêt a, a bulah chuan ṭhu thla in ka pattern bluetooth sign chu ka han thai kual a, "Hei hi ka hmang a, han ti ve chhin teh" ka tih chuan alu chu a hiat nauh nauh a, " Á...a har teh nuai emai, ka hre thei lo" zah hmel zet hian ati niah niah a, ka nuih tawp, a rilru hi a chak lo ve ngawt mai, mi fing tak chu ni se kan chhûngkaw dinhmun hi a hrethiam daih tawh ang, a mâwl hlauh hi a ṭha lamah ngai zawk ang.


"Nute, i dam em?" Arawn ti nghâl hluai a, a nui hmêlṭha tak pawh hmuh tûr a awm leh ta, thu ho deuh deuh sawi chuan ari leh hlut ṭhin, kan tv remote kha a chhe daih a tih vêl arawn hrilh a ni âwm e, An thusawi ho tak tak ngaithla chuan a bulah ka lo ṭhu ngawi ve reng a, reifê an in biak hnu chuan an duh tâwk ve ta hrâm, mahse a rai thu kha asawi miah lo.


"Tinge i rai thu kha i sawi loh a?" Ka tih chuan a ner deuh sak a, "Ka zak deuh a, nangmân hrilh mai la" a rawn tih chuan ka nui tawp, a hmui ah chuan ka fâwp zauh a, "Mipa nge hmeichhia a nih i rin?" nui var var hian arawn ti a, "Ka van hre mai lo e, Eng ang pawh rawn piang se ka hlim vek mai" ka tih chuan anui deuh hak hak a, thil hre chhuak ni âwm tak arawn phu dâwrh mai.

"Vawiin hi exam i neih kha?" arawn tih deuh hluai a, Ni e, exam chu ka nei ngei alawm, mahse Ka tân chuan lehkha zir hi a ve lek chauh a ni, ka nuna pawimawh ber a ni lêm lo.

"Naktukah ka exam thei alawm, Vawiin chu class ka kal lo ang" ka tih chuan lâi zet hian min rawn en a, a biangah ka lo piai zauh ringawt.

Link:
BBcode:
HTML:
Hide post links
Show post links

Ngaia
Site Admin
Posts: 18313
Joined: April 30th, 2016, 4:07 pm

Unread post by Ngaia » February 7th, 2021, 5:44 pm

ANGEL POV





Keimah vânga a exam thei lo chu ka inthiam lo ru angreng viau na a, ka bula a awm chu nuam ka ti viau lawi si.

"I kut chu enge a an?"


Tihpahin ka kut chu arawn khawih a, a tuamna a phelh chiah chu alo hil vek tawh, mak ka ti takzet a ni, a kâng nasa hlê khân ka hre si a, "A dam hma hle mai" a ti deuh sup ringawt,


________________



Serthlum ka ei châk vângin Jake chu lei tûrin a chhuak lawk a, Kei erawh room ah ka tei mai mai thung, chutia ka tei mai mai lai chuan tu emaw hian kawngkhâr hi arawn nam hawng rawk a, ka phu chiang ngang mai, Ka rin loh lutukin Sheryl chu thinrim hmel zet hian alo ding reng a nih chu, min rawn pan hlawk hlawkin ka ban rêk ah chuan arawn man chawt a, room aṭang chuan ngawi reng hian min pawt chhuak nghâl dâwr dâwr nia.


"Min thlah rawh" Vîn hlara tihpah chuan ka lo tâl ve nasa mai, mahse enge chhan ka hre lo henu hi a chak lutuk, mipa thâ ang mai zu nei a mawle.


Room pakhat zâu zetah hian min hruai lût dâwr dâwr a, "Engthil nge i hriat a?" Vîn zet chuan ka ti a, ka hah vângin thâwk ka la hawk hawk bawk, "Hmeichhe mâwl tak ini, Jake fa hi engtin nge i pâi theih zawk Angel, nang hi hmanrua mai ini, he lai zíng a awm tehian an hmangaih tak tak lo Che, nang leh i fa hi an tân in ṭangkai vângin an hmang mai mai che nih hi" thinrim awka vin zet chuan ati ta bawrh bawrh a, a thusawi awmzia hi ka hre lo takzet a ni, "Angel i âwih lo mai thei a, Jake-a pa hian a chak ṭhat nan leh Jake-a nu dam ṭhat leh theih Nan nang hi an mamawh che a ni, i hrethiam em? Hmanrua mai inih chu"

Sawi tûr rêng ka hre lo, a thil sawi hi âwih tûr a ni em pawh ka hre chuang lo, "Dawt i sawi tiraw?" Amah enkar chuan ka ti sap a, hahthlâk min tih hmel zet hian a nui hawk.

"Jake hian a hmangaih tak tak che i ring amaw? hmeichhe pakhat hriat pawh ala hriat ngai loh nupui ah a nei che a, mak iti ve ngai lo mi? In intawn dân tekha engkim kha thil thleng palh a ni lo, ruahman sa vek a ni, i patea pawh a in rawlh"


Ka chil ka lem khawlh a, ka âwm tâwt lutuk chu thâwk ka la hawk, "Anih thudik pawh lo ni tehrêng se tinge heng zawng zawng hi min hrilh a?" Ka tih chuan mittui tling kiau hian min en vang vang a,,


"Tuna ka thusawi tûr hi i âwih lo maithei a Angel, Jake hi ka hmangaih a ni, Jake mifel leh rilru ṭha tak, a pa vânga thil rapthlâk a ti tûr hi ka ngai ngam thei lo" ṭap chung hian a ti a, a thusawi awmzia chu ka hrethiam thei chuang lo, Sheryl i chu ka en vawng vawng ringawt.


"Angel ka thusawi tur hi i awih dawn lo tih ka hria lawm, ni e, hriatthiam pawh a harsa ang, mahse, Jake hi mihring a ni lo, an vai hian an ni lo, Jake hi A kum zat diktak chu kum 60 leh tih a ni tawh, an chhûngkua hian an lan naupan reng theih nan Nang hi an nei che a, Jake nu khi a dam leh theih nan i fa thisen thianghlim tak kha inthawi nan hman an tum a ni, tuna i râi hun hi a dik thlap a, an chhût dân chuan thla bial zanah naute i nei ang, Chumi zân ah chuan Chinghne mihring ho hnenah in rem nan an hlan che anga, chuan i fa hi in thawi nan an hmang bawk ang, i hrethiam em? Jake leh a chhûngte hi mihring ni lo in Mihring suattu an thisen thianghlim dâwt ral sak ṭhin tu an ni sin, keipawh ka tel ve tho"




A thusawi chuan ka nuih tepawh a ti za lek lek e a, "Hollywood film amaw iti mi? Nge i mumang a ṭha lo zawk? I thusawi kha ka âwih i ring amaw?"


Thinrim zeta tihpahin kal mai ka tum chu engtik laiin nge ka hre lo, ka hma takah a rawn ding a nih chu, ka phu nasa lutuk chu ka ṭê ṭhawt thei, "Nang....nang hi" ka ti bah nawk ringawt.


"Lo en la, dawt ka sawi nge sawi lo chu" tih pahin a phe deuh vuai a, room khawi kil kil emaw lai ah techuan awlsam zet hian a in sawn zawt zawt nia, ka mumang chu ni si lo, ka thau ah min man in ka râp lutuk chu ka zawi hnawk a, chhuatah chuan ka lû ka tauh ri bur tih ka in hria, a thim nghâl mup ringawt.



JAKE (point of view)




In ka thleng room ka lût chiah chu Ka rin loh lutuk in Sheryl ka hmu nghâl, a hmêl hian ka mood ati off vek thei nia, Angel-i khuma lo mu bêm chuan ka ngaih ati ṭha thei lo.

"Engthil nge i tih?"

Ka han tih lût nghâl ringawt a, alo nui hak thung, "In thurûk zawng zawng engkim ka hrilh vek, duhtâwk tawh rawh Jake, i tunu rual zet anih hi" ring zeta arawn tih chuan Angel-i hriat ka hlauh vângin pawn lamah chuan ka kâi chhuak dâwr dâwr a, Ni e, kei hi kum 70 ka tling ṭêp tawh, ka hria, mahse Angel-i ang hmeichhia hi ka la tawng ngai lo, tih nat ka duh lo takzet bawk.


"Engvângin nge i hrilh?"

Thinrim inseh chilh rap chuan ka ti a, " Jake ani hi chu tina tawh suh, i pa ang kha ni ve suh Jake khawngaihin" ṭap chunga arawn tih chuan ka nui hawk, "He hmeichhia hi tihnat ka tum reng reng lo" in sehchilh rap a ka tih chuan mak tih hmêl fê hian min rawn en kar a, "I hmangaih tih min hrilh tum miah suh" arawn ti zui sap, kalsawn mai ka tum chu min pawt lêt deuh dâwrh a.



"Ka that dawn, mihring hmeichhia i hmangaih thei lo" tih tuar pah a kan room a luh atum chu pawt lêt dâwrh in bang dêng dawt khawp chuan ka nam lawp a, hmeichhe ṭê ṭhawt rî ka hre zui nghâl.


Rang lutukin ka hnunglam ka hawi chu Angel chuan râpthlak min tih hmêl zet hian min lo enkiau anih chu, "Angel" tihpahin ka va pan hnai chu alo tawlh hnung dâwrh a, mit meng sen râm chuan min melh kiau ringawt.



"Angel i ngaih ang kha engmah awm lo" ka tih mawlh mawlh pawn khûr hlak hlak hian min en reng ringawt, khânu vâng vek kha a ni, ni e hmanrua ah chuan hman kan tum ngei alawm, mahse ka rilru a hneh êm vâng leh ka thinlung lung ang maia sak kha min tih nêm sak ta a ni, Ka tân chuan Sakeibakneiin Berâm sa thau ṭha tak a hmangaih ang vêl hi a ni a, Chu berâm rilru thianghlim zet chuan Sakeibaknei thinlung hi min tih nêm sak ta a ni, engpawh thleng se Angel hi ka vêng him anga, ka thih thlengin Angel leh ka fa hi ka vênghim ang.


"Ni lo, mihring ini lo"


Ṭap ṭiau hian arawn ti a, a rilru tûr chu ka hrethiam tho rualin ka kal tîr thei tawh lo, ka fa a pai tawh a, he naute hi eng anga pawimawh nge ani tih ka hriattîr ngei a ngai.


"Hetah hian ka awm duh tawh lo, ka haw duh"

Tihpah chuan A thawmhnaw bawma a bag chu ala chhuak rawk rawk a, ka lâk sak nghâl vat, tunah rih chuan tih luih angai tih ka hria.



"Angel khawngaihin ka thusawi tûr hi ngaithla rawh, ani thusawi kha engmah dik a awm lo, kei hian mihring ka bei ngai lo, ran thisen chauh ka ring ṭhin, Mihring tûmah ka tina ngai lo, ni e, kan intawn dan te, engkim kha ruat lâwk vek a ni, Mahse Angel ka hmangaih che, nang leh kan fa hi hlauhawma in awm ka duh lo"



A inhnît zui ta hlap hlap a, ka sîk hlek pawh a duh bawk si lo, "Angel ka hmangaih che, ka hmangaih takzet che" ṭap chung chuan min rawn enkiau a, a mit meng aṭang chuan ka lak aṭang hian beiseina a nei tih ka hria.


"Min ring rawh, Ka hmangaih che" a mita enkar pah chuan ka ti nawn leh sak a, tlêm in a inthlah dul deuh tawh aniang, "En teh, Kan naute hi Chinghne mihring leh Keimahni ang ho tân hian a pawimawh hlê a, an tihnat mai loh nan ka vênhim che angai a ni, i nutei te in lama i haw anih chuan Chinghnia ho khân an rawn bei nghâl che u anga, i chhûngte zawmg zawng hlauhawmah an awm vek dawn, chu chu i duh mi?"


A lû chu arawn thing vat a, nghet zet chuan ka kuah nghâl vawng vawng bawk, ni e, insûm harsa tih châng ka nei ṭhin, mahse A hma ṭang daih tawh khân ka tina thei tlat lo a ni, Angel ang hmeichhia hi ka la tawng ngai lo, hetiang renga duh hi ka la nei lo.



Zanah chuan ka rin ang ngeiin Omega hnen aṭangin message ka dawng ta, Kan naute hi ka pêk loh chuan Angel-i chhûngte hi an pawtsawm vek dawn tih thû an rawn sawi a nih chu, engtin nge ka tih ang? Angel hnenah ka sawi ngam bawk si lo.



Keini lam aṭangin tumah min pui duh an awm ka ring bawk si lo, Angel-i mut hnu ah a rûk chuan ka chhuak leh ringawt a.




ANGEL (point of view)



Zîng ka harh chu tûmah an lo awm lo, peih lo zet chuan ka tho nghâl vat a, vawiin chu ka engtih mah a tui lo, englai pawn hlauthâwng reng rengin ka awm a, tiang chuan rei tak ka dam pawh ka ring lo e a.



Maid pakhat chuan thingpui leh ei tûr tuihnai tak tak min rawn pe a, ei châkna pakhat mah ka nei lo, ka en ngawih ngawih ringawt, ka chunga thil thleng chu âwih harsa ka ti a, thil thleng thei a ka ngaih ngai loh, film vel chauha thleng ṭhin tura ka lo ngaih Kha thil tak tak alo ni si, Vampire tih vêl film pawh hi ka en ngai lem lo a, ka hlau in ka râp tlat zel, mahse ka chungah ngei atakin arawn thleng ta si.



"Angel"

Tihpaha hmanhmawh taka rawn ri ruai lam chu ka hawi vat a, Sheryl alo ni, henû hi ka râp deuh tlat tawh, in ring rân in ka lo ding nghâl vat a,


"Enge i duh?"
In ring rân chuan ka lo ti a, ṭawng pawh a ṭawng ṭha thei lo, a thaw deuh kâwk kâwk a, Dawhkana kan tui dah chu a dâwt nghâl khawlh khawlh mai, "Jake in buaina a tâwk ania Angel" a ti nghâl tuar mai, "Eng? Eng buaina?" Ka lo ti nghâl vat, "Chutiang sawina hun a awm tawh lo, min zui vat rawh" tihpahin min rawn pawm nawlh a, Chak zet hian min tlân pui nghâl dâwr dâwr nia.


Ka lu a hai lutuk, kan thlâwk ni mai hian ka hria.


JAKE (point of view)




Hah zetin in ka thleng chu tûmah an lo awm lo nia, Angel lah chu room ah a awm miah lo, Ka zawngkual deuh chhin a, ka pi ka zawh lah in a hre bawk si lo, ka beidawng chuan maid ho chu ka han zawt leh hrâm a.


"Nichin kha chuan I ṭhiannu nen khân an awm sia"


Pakhat chuan alo ti a, hlauhthawnna in ka khat nghâl, Sheryl-i hian Angel hi a tina duh dâwn tih ka chiang, engtin nge ka tih ang?


Ka pi ṭê tuar tuar chuan min ti phu zawk mai, rang takin choka ṭang chuan ka tlân chhuak nghâl a, Ka duh thei lo Angel.!




Angel chu thî hnuang hian kawngkhâr bulah alo mu reng anih chu, rang takin ka pawm tho a, ka pa alo thleng ve chiah bawk, "A mar a awm tawh lo" ka pi chuan ati nghâl chûl mai, ka mit sulh thei, sawi tûr mai pawh ka hre tawh lo, a kap aṭang chuan thisen arawn luang kâwi nuaih reng bawk.


Lei ah chuan ka ṭhu thla hnawk a, Chinghne mihring ho bulah khân lo kal lo tawp tûr ka nia sin le, hei hi tu thiam loh mah a ni lo, Ka pa vek a ni, thinrim zetin ka pa chu ka enkar a, a kawr âwm ah chuan ka ṭhâm lawp.

"I thil tih hi i hria em? Angel hi pawisawi lo ania sin" ring zet chuan ka ti tuar a, ka pa chu ala nui suk duh lek chauh nia, "Jake thlah vat rawh i pa a nih kha" ka pi chuan alo ti ve vat, " Sheryl bulah engkim sawi lo la chu Angel hian engmah a hre lo ang, Angel hi i thah anih hi" ka ti vîn tuar a, kan in chhûng techu a khâwk rum rum thei, " Hei hi ruat lâwk sa vek a ni Bawiha, Angel hi mihring a nih hi i venghim reng thei dawn chuang lo" ka pa in a tih chuan kan in bang dêng dawt khawpin ka nam lawp a, Ka thinrim lutuk hi awm ngaihna pawh ka hre lo.


"Tuna ṭang hian kan zíng ami a ni tawh"

Tih sap pahin ka bân rêk chu ka seh thî in Angel-i nunna nei tawh lo dâng vâr pap kâ ah chuan ka thisen chu ka far tîr ta a ni, hei lo chu duhthlan tur ka nei lo.



"I ti thei lo ang Jake" ka pi leh ka pa chuan an lo ti tuar tuar a, ka pawisa tawh lo.





Reifê hnu ah Angel chu arawn thaw chhuak hrâwk a, a rawn khuh chhuak nghâl bawrh bawrh mai, "Jake, ka la dam" arawn ti sap ringawt, nui hak pahin ka kuah nghâl vang vang a, Tunah chuan kan zîng ami a ni ta, Angel hi Vampire a ni tawh.


In zavai chungah ka lawmthû em em e.....He thawnthu hi zirtir nei ṭha em em tura ka ziah a ni lêm lo a, Hetiang lampang Thawnthu han neih ve reng reng ka duh avânga ziak mai ka ni e...

Ka lawm thu em em e

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)