Dear John BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: Dear John BY Hlutei Jocund Pachuau (Completed)

Unread post by Ngaia » July 11th, 2021, 12:47 pm

KA SITORY LO CHHIAR ṬHIN TU TE LEH LO CLICK ṬHIN TU TE CHUNGAH THINLUNG TAKIN LAWMTHÛ KA SAWI A, READER TEHI MIN NAWR KAL TU LEH MIN TI PHÛR TU IN NI A, IN PAWIMAWH ZIA HI LO HRE RENG R'U AW..

KA LAWM EM EM EM, KA STORY THAR TÛR

The other side of Heaven KHA LO CHHIAR LEH NGEI NGEI HAWK ULA 😉😉😉





JOHN POV





Pâwnah chuan kei leh Rinfela leh Sawmpuii te chuan kan lo nghâk ṭhap a, arawn chhuak har ka ti tawh hlê, Police motor pakhat rawn tlân chhuak chu ka lo en vung vung lai chuan Constable pakhat hi arawn chhuak hlawl a,

"En teh, Khawnge Lalnunmawii kha? Arawn chhuah a hun tawh sia" ka lo ti vat a, min rawn en vang vangin, "Ani techu arawn chhuah daih tawh kha" awlsam zet hian alo ti nih chu, Kan pathum chuan kan in en hê hâw ringawt.



"Lawkin, Tuna Police motor lo kal ah khân amah ang deuh ka hmu" Sawmpuii chuan arawn ti chhuak deuh hlawl a, Eng khaw sawi set set lo in car ah chuan inthurual awm fahran chuan kan lût nghâl, châk thei ang ber chuan ka khalh chhuak zui a, mahse khâ motor kha kan hmu tawh miah lo, beidawng zet chuan ka ding dat a,

"Hun thâwl a mamawh rih a nih mahna, kal tîr phawt ang" tiin ka lêt leh a,

"Jonathan iti awm ang lo emai, khawi ah nge an kal chuan anga?" Sawmpuii chuan alo ti hlak, "Ka hre lo, In ngaihtuah na hun thâwl nei phawt rawh se" ka ti ta ringawt a, an pahnih min en dan aṭang chuan an la beidawng ve lo tih ka hria, chutiang bawkin keipawh beidawn ka tum lo, mahse rilru fîm pu se la, ama duh thûk ngeia alo lêt hun nghah hi a ṭha zawk.


In kan thlen chuan ka nu ṭap pawh alo bâng tawh, Ka fanu thih na a alo tel ve hlauh kha ka lawm takzet a ni, Tel ve ngat se chu hei ai hian ka na in ka thin a rim ngei ang, Beidawng zetin ka fanu room ah chuan ka kal a, a khumah chuan ṭhu in ka maimitchhing vang vang, ka chau takzet a ni,

"Lalnunmawi khawnge i kal?" Tiin ka phun chhuak sup a, khawi ah pawh kal se ka zawng hmu tho ang, ni leh lo, min hlat a duh a nih chuan tinge ka kal tîr mai loh ang? Khati khawp khân ka ti na a, mahse A tello a awm ka ngaihtuah ringawt pawn ka theih ka in ring lo, ngaihdam ka dîl lo kha pawi ka ti, ngaihdam tal dîl ila, a nih loh pawhin min hau se, min ankhum hrep sela ka rilru pawh Adam deuh tûr, khawi ah tak chuan kal ang maw.


"Mi rilru ṭha tak a nia, alo lêt leh em em ang" Tih rî ka hriat veleh chuan ka tho nghâl zawt, Sawmpuii chuan min khawngaih hmêl zet hian min lo enkiau a,

"Ka zawng dawn alâwm" ka lo ti chuai ruih ringawt, thâwk la hâkin ka bulah chuan arawn ṭhu thla a,

"Kan inneih lai khân nang hi ka haw ngai lo che, mahse maw, mi zawng zawng tih lâwm i tum ṭhin te, tih nat i hlauh lutuk na lama min tina ṭhin kha ka haw thei lutuk che, a chhan chu nangmah i in ngaihtuah ngai lo a, i hlimna tûr, i damna tûr thil iti ve ngai lo kha ka thin a rim thei lutuk, Mahni hmasialna khawvêl a ni tih vawi tam tak ka sawi ṭhin kha, i hmâ sual ve rawh, i hmangaih a, i kianga awm tûra i duh a nih chuan kal tîr ngai suh, Hetianga awm mai mai tûr hian ka kalsan lo che sin, Nangma tan, i hmangaih tan nung ve tawh rawh, in la pâ hlê si mawl lutuk" a ti deuh duah a, ka lo nui hak,

"Nang nge nge min lo hre chiang ber a nih hi" ka tih chuan min rawn bêng taih a, ka lo râk ṭhawt,

"College kan kal lai kha chuan i lakah hian ka luangliam thei mawle, Hetianga i tla chhe lai hi hmuh ka duh lo, I ṭhian ka la ni reng ania" arawn tih chuan ka lo nui leh suk a,
"College kan kal lai kha chuan ka lâr êm vangin ni lâwm ni Min bêm?" Ka tih chuan min rawn bêng leh ṭhuai tawh, "A...i mawl Lalnunfel, hawh zawng ang, Rinfela'n ala zawng a, va kal ve ang, In awm dun ngei angai, Bawihtei duh ber kha a ni tih ka hria, in tana ti ka ni lo, ka fanu tan a nih hi ka tih" tihpah chuan min pawt tho dawr dâwr a, ṭha tho lo zet chuan kan in zui chhuak leh ta nge nge e.



NUTEI (point of view)


Kum chanve dâwn aliam ta, Ka nu leh pa kiangah awm in hun ka hmang a, ka chanchin zawng zawng chu hre lo mahse rilru na takin ka pasal ka ṭhen tih erawh an hre vek tho, midang min sawi dan ka ngaipawimawh lo a, tuna ka duh ber chu ka fa hi ṭha taka hrin a ni mai, ka dul pawh a lian tawh hlê a, ka in Fit lo viau bawk, engmah ka ti thei meuh lo, che hlek ila ka hah em em zêl, Pawn lamah chuan chhuakin ka nu mai an inbul huan ami techu ka sik mai mai a, Khawpuia ka awm lai ai khân, mahni in a nih vâng nge ka hah damin nuam ka ti daih zâwk.

"Enge khâng te ilo tih ve? Lo awm mai mai ta che" ka nu chuan arawn ti lâng lâng a,
"Ka zo ṭêp, tlêm a chêt ve deuh loh chu ka in tha zo lo lutuk a"Ka lo ti lâng lâng a,
"Lo chho vat teh mikhual kan nei ania" atih chuan tu chu ni maw ti rilru nauh nauh in intha zo lo zet chuan ka chho ṭaih ṭaih a, pen thum ka pên paw'n ka hah lutuk, thaw deuh hlâwi hlâwiin ka châk dat a, ka kalna tûr en a kal leh mai ka tum chu tu emaw hian a kut arawn fawh da da a, ka phu nasa ngang mai, rang tak chuan ka hawi chhuak nghâl zawk, ka mi hmuh zet chuan min va han ṭhawng kher êm.


"Vuan rawh" arawn ti deuh sup a, a thusawi pawh ngaithla lo in ka en ta tlawk tlawk ringawt, kan inhmuh loh kâr kha kum tam tak ang mai a ni, rilru na reng reng in mittui nen Ka hun ka hmang liam a, Tûnah ka theihnghilh ve dawn chauh a, ni leh lo, a tello a awmdan ka zirthiam dawn chauh a arawn lang leh nia, Khâ hmangaihna dâk tawh anga ka lo ngaih kha ala dâi lo tih hi ka chiang lutuk, tu emaw mî kan hmangaih amaw kan tih, hmangaihna a dai zo ta ti a an sawi ṭhin hi ka ring ta lo, he khawvêlah hian hmangaihna diktak ni a ka hriat chu engtikah mah a dâi thei lo.


Ka ngaihtuahna vângin ka mittui arawn tling nghâl pap a, rang taka hawisan in keimah a kal ka tum chu ka kut rawn la in min kâi chho ta dâwr dâwr a, kan in kawt kan thleng chiah tih in min vawnna chu thing thla in ka lût zui hmak a, kawngkhâr ka pên luh ruala ka mittui tla chu ka hru nghâl tâwk.


"Bawihte, Haw leh mai rawh, i pasal hian a hmangaih takzet che a, hei fa hial innei dâwn a, in ṭhen reng chu thil ṭha a ni ngai lo" ka pa in arawn tih chuan ka mittui ka hru tâwk,
"Ka fa hi chu keiman ka enkawl mai ang" khûr dar dar a tihpahin ka room ah ka tlân lût a, ka ṭap nghâl zawih zawih ringawt.


Ka la hmangaih reng hi ka inhaw takzet a ni, huat ka duh a, luhlul taka kalsan hmak ka duh, mahse tinge a har em em le? Tinge hetiang em em hian ka chak loh, haw tûrin chakna ka nei lo, a mit meng dul ruih ka hmuh khân ka khawngaih lutuk, ka kalsan vânga mahni inthiamlohna in ka khat a, chu chu ka duh lo takzet a ni.


"Nute keimah Sawmpuii ka nia, ka lo lût dawn" rawn ti lâng lâng tu âw pawh chu ka hriat lohna a rei ta, Sawmpuii chu kawr nalh leh man to tak ha in arawn lût a, min khawngaihna mit meng chuan ka mittui ko chhuakin pangchang takin ka kuah thlawp a, ka ṭap zui hak,

"Haw ka duh tawh lo" ṭap ṭiau chuan ka ti a, ka hnungah chuan min lo bêng thak thak,

"Ka hria, i hua ang tih pawh ka hria, haw i duh loh tlat chuan kan ti lui miah lo che nia" a tih chuan ka kuahna chu thlahin hnuailam ka en rân a, ka khumah chuan min ṭhut puiin,
"Jonathan hian a zawng nasa che sin, in khua ah i haw tih hi kan hriatna a rei tawh, vawi tam tak hmuh tum che in arawn kal ṭhin asin, i hria anga, Aizawl leh inkhua in hlat zia leh kal a awlsam loh zia chu, Vawi tam tak arawn kal tawh" a tih chuan mak ti zetin ka lo enkiau a,
"A dik alawm, Hetianga a awm hi ka la hre ngai lo, hrehawm a ti a, hnâ pawh an thawk ṭha thei lo, hmuh hrehawm ka ti êm a, Rinfela nên kan rawn kal pui ta ringawt alâwm, amah chuan ahma chhawn ngam thlâwt lo che a" a tih chuan A naupang chhia ka ti lutuk chu ka ṭap chhuak hak a,

"A hmangaih lutuk che, ka ti tak tak, helai thleng thleng nangmah hruai tuma alo kal ziah hi ropui iti ve lo ami?" A tih chuan inhûm ruh in,

"Min tih natna te ngaihtuah chuan ala nêp lutuk" ka lo ti hmak a, Sawmpuii chu A thaw deuh hak.

" Nangmah leh nangmah kha in bum reng tawh suh, ila hmangaih reng tih ka hria nia, mahse i duh loh tlat chuan A pawi lo, zan in chu kan riak anga, naktûk ah kan haw ang, kan rual chuan i haw ve ngei kan beisei dâwn nia"


Tihpah chuan A chhuak leh vut a, ka en zui tlawk tlawk ringawt, rilru han siam vak ngaihna pawh ka hre lo, lêt leh chu ka duh tawh loh rualin ka pasal kianga awm chu ka la thlahlel em em tho si, ka in hrethiam teh nuai tawh lo e a.



Zan riah kan ei lai techuan nidanga ei tûn tûn ṭhin kha ei pawh ka ei mang lo, ka thai kual vêl mai mai in ka hria,

"Hremna pe tu nih ai chuan A ngaidam thei tu nih hi an ṭha zawk a nia" ka pa chuan arawn ti chhuak sup a, ka chaw ei lai chu tâwp in ka kham hmak,

"Enge an buaina pawh kan hriat loh hi mawle tiang chuan sawi ve ngawt suh" ka nu chuan alo ti vat a, ka chhûng techuan room a ka kal tûr chu min lo en deuh ṭhap tih ka hria.


In ngaihtuahna hun thâwl ka duh vângin pâwnah chuan ṭhu in zân boruak thiang kâk hnuai ah chuan ka ṭhu veuh veuh reng a, helaia kan ṭhut dûn lai tekha rilru ah arawn lang ruai ruai a, mahni in hriat loh kâr in ka lo nui leh hak hak ṭhin, thil âtthlâk zawng A va ni êm, a hlimawm tho si.



"Tinge nangmah a i ṭhut reng a?" Rawn ti tu lam chu ka hawi vat a, Lalrinfela lek chu lo niin, in hmuh lohna rei ve ta bawk a, a thau deuh tlatin ka hria.

"A tui lutuk a, buaina Asian kan hlau bawk sia lo bêng dai teh" arawn tih chuan tu chanchin nge a sawi zawh hran pa ka ngai lo, ka tho deuh hluai a.

"Ava mawl ve, mahni zawh tûr chin hre rual chu A ni ve tawh" tihpahin Lalrinfela chu ka pan dâwr dâwr a,

"Khawnge Mawla chu?" Vîn ṭhah a ka tih chuan Lalrinfela chu A phu zawk nghe nghe, "Sawtah, In VCP te inah khân" a tih rual chuan hmanhmawh lutukin ka kal nghâl dâwr dâwr a, kan in piah lawk a nih vângin a hla lutuk lêm lo.

"Lo ding teh, raipuar ûl si Iva kal châk ve?" Arawn tih deuh kûng kûng pawh ka ding hman tawh lo, Kan VCP te in chu hawng rawkin, "Enge thleng a?" Ka va ti thâwr a, tûnah an lo awm lo, alo reh ṭhap mai, chutah room aṭang chuan rawn chhuakin mit meng dul ruih hian min en vang vang a, Lalrinfela leh Sawmpuii chu engtik laiin nge ka bulah an lo din ka hre lo.


Ka hnunglam chu hawi lêt in "Nang ni hi" ka ti nghâl hlak a, Lalrinfela nuih insûm hmêl chu ka va haw mai mai tak, kal mai ka tum chu Lalrinfela chuan min lo dang vat, "A theih loh, sawifel tûr innei, tichuan i kal chauh dâwn nia" alo ti tlat nia, thâwk la hâkin John-a awmna lam chu ka hawi lêt a,

"I sawi tûr neih ang ang chu sawi rawh, keichuan sawi tûr ka nei lo" ka lo ti hmak, chutah A âw rawn thian khurh in Sawmpuii chu A en zauh a.

"Ihhh...englo....Nute...khaw....khawngaihin...lo lêt rawh" a han ti ringawt a, a dang te a âwk nia, ka ṭawng thei tawh lo, ka mittui rawn tling pap chu khap lêt fakin thâwk ka la hak a.

"Pathlawi zawng zawngah chuan i zei lo ber" ka ti hlak ringawt, mak tih hmêl zet chuan min rawn en hû a,
"Ka...ka hria lawm, mahse chutianga zei lo lutuk chu ka nih bîk loh kha" arawn tih chuan mittui tling pamin ka nui lui hak,
"Hetiang hi nupui tê tlân koh dân tûr a ni mi? I mâwl takzet, kei hi ka mawl viau amaw ka tia, kei aiin i mawl fê zawk"

Ka ti zui hlak hlak a, inthlahrun hmêl zeta a ding zum zût techu ka haw takzet a ni, ka khawngaih bawk si.


"Nia, lo ding deuh ila ṭha tûr, Mahse khawngaihin kei mi mawl tak hi min pawm leh la, lo hâw leh hrâm rawh, ka ngên a che" arawn tih chuan chhâng ngaihna pawh ka hre tawh lo,

"Midang ka nei tawh, Ka lo haw tawh dawn lo" Ka sawi tûr hre lo chuan ka'n ti thla ngawt a,

"Khatianga raipuar ûl chung khân a tu chuan nge maw lo duh ang che le" Lalrinfela chuan ka hnunglam aṭangin alo ti zut zut nia, rum zetin ka va melh nghek a, Alo nui sûn sûn zui,
"Engtik lai aṭang khân nge i unaupa lamah hian ilo ṭan em em a?" Vîn zeta ka tih chuan, "I kal bo aṭang khân" rang deuh hian alo ti nih chu, sawi tûr pawh ka hre tawh lo,

"I thiamloh vek a nih hi" John-a lam hawi chuan ka han ti leh ringawt a,
"Ka tihpalh a ni, Nia, thil tam tak ka tisual tih ka hria, mahse khatih lai khân ka hmangaih zia che hi ka lo hre ngai lo a, min dem rawh, a âwm ka ti lutuk, Mahse engkim a fel tawh a, chuan keipawh ka danglam tawh, ka tina tawh ngai lo ang che, Nang leh kan fa lo piang tûr tân ka hun zawng zawng ka hmang ral anga, khawngaihin lo lêt leh rawh" min rawn en a, a thusawi chu mittui tla zawih zawihin ka lo ngaithla ngawt ngawt ringawt.

"Ka tih natna zawng zawng ah che khân min ngaidam hrâm rawh, Nute" arawn ti chuai ruih a,
A hmêl ngui lap chu pan in ka kuah thlawp, rang zet chuan min rawn kuah lêt ve a,

"Ka hua che, ka haw takzet che" ṭap hlap hlap chuan ka ti a, a âwmah chuan ka chûm zui taih taih ringawt,
Chutah ka pum chu arawn na riai riai a, ka thil tih lai chu tâwp chatin ka pum chu ka dawm a,

"Tinge? Enge a?" Arawn ti nghâl ruai mai, ka pum chu namên lo hian arawn na ut ut a, chutah ka kap aṭang chuan engemaw hi arawn luangthla zâwih,

"Ka duh thei lo, a tui bâwm a leh ania" Sawmpuii chuan arawn ti ruai a,

"Rinfel, engemaw tih teh u" a ti zui ruai a, Kei erawh Ka pasal in zei lo zetin min lo buaipui thung,
"Am... Ambulance ka ...ka ko dawn mi?" Ati deuh nawk nawk a, Sawmpuii chuan Lalrinfela dâr ah chuan abêng ṭhuai, "Mawla, Hetah Ambulance a awm lo, car va la rawh" ati vîn tuar a, hmanhmawh zet chuan A tlân chhuak zui ruai a, chutah arawn tlân lût leh, "Chah..chahhh....chahbi" arawn ti leh nawk nawk, Ka pasal chuan alo en ho ringawt.

"Pe ta che" Sawmpuii chuan arawn ti vîn leh ṭhat a, "E..e..e... Aw" tihpahin a kekawr iptê aṭang chuan chahbi chu rawn phawrh in Rinfela bulah chuan A theh phei a, Rinfela chuan lo dawngin car chu ava ti nung vut vut a, John chuan min pawm chhuak nghâl nawlh mai.



Ka pum na lutuk chu nikhaw hre lo te'n ka awm deuh in ka hria, Sawmpui'in ka pasal te unau ham hauh leh zei lo lutuk a vîn tuar tuar techu hla tak aṭang hian ka hre ruai ruai a, arawn thim ta mup mai.





Ka harh leh chuan alo êng deuh pap a, thâwm ri rak ruala kut lum thar thara min rawn vuan tu chu ka pasal a ni tih ka hre thei,

"Hey..." Damthlupa tihpahin ka chalah arawn fâwp zauh a, "Khawnge ka naute?" Ka tih rî chu keipaw'n ka hre ruai ruai thei, ka tui a hâl bawk si, ka âw pawh an chhuak thei lo, nurse chu rawn lût vat in,

"Engkim a ei thei tawh ania, hnute tui tamna tûr kha pe char char rawh u" arawn tih chuan John chu A nui suk a,

"Bawihte" ka nu chuan nui var var hian arawn ti a, naute a pawm bawk, chutah puan var a khuh na chu rawn hawngin naute hmelṭha zet muhîl nên chu min rawn hmuh a,

"Mipa a nia" Ka nu in nui var var hian arawn ti nia, ka nui zâwnga ka mittui ka bekah luangthla lum pap chu ka hre thei, "A hmelṭha sin âw" ka nu (Ka pasal nu) chuan arawn ti ve a, Ka hmui chu hupin ka ṭap chhuak hak,

"I tuar nasa bawk a, tinge i ṭah a nui ta che" ka sama rawn chûl hliau hliau pah chuan A ti a, ka ṭap zawih zawih ringawt,

"I ṭha lutuk ania, Ka hmangaih che" ti a ka Chala rawn fâwp tu ka pasal chu in ka ṭap nui deuh hak a, "Ka mumang a ni lo tiraw?" Ṭap ṭiau chuan ka ti chhuak thei ṭâwk, "I mumang a ni lo, An zai chhuak a, ila pawm thei rih lo ania" nui sûn sûn hian arawn ti a, ka hmui ah chuan rawn fâwp in ka sam chu arawn chûl hliau hliau mai.

"Ka lawm e aw" arawn ti sup, Ka nu te erawh naute nawlh a ngaih vângin an chhuak vek tawh, "Enga ti maw?" Ka lo ti vat, "Fapa ṭha tak min pe a, mahse fanu pawh ka la duh leh dawn nia, Nakinah i dam ṭhat veleh Bawihtei thlân kan tlawh dâwn nia" dam thlup hian arawn ti a, ka nui hak, ka nui zo thei lo, ka hlim takzet a ni.




A TAWP TA....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)