The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Unread post by Ngaia » September 23rd, 2019, 6:13 pm

THE MAFIA SWEETHEART


CHAPTER - 7







YANOO POV





Ka harh chu Jimin room ah chuan ka lo awm reng a, nizân thil thleng ka ngaihtuah lêt chuan ka hlim ru deuh veng veng mai, nizân kha chuan ka chungah a thâ asin le, tiang reng kha ni sê ka ti,

Ni lo, enge maw ka ngaihtuah le? ka tho vat a, bathroom lam chu ka pan nghâl, dârthlalang a ka in en chu ka nghâwng vêl chu alo duk kalh kalh a, nizân kha ka mumang amaw ka tia, ka nghâwng vêl na veng veng kha hei hi ni maw? tûnah chuan ana tawh bawk sî lo a, engin nge maw min seh le? ngaihtuah rauh rauh pah chuan ka in ti fâi mawlh mawlh a.



Ka Chhuak chu Jimin pawh alo awm tawh lo,
Make up pawh hmang lo chuan jogger pants leh Jimin t-shirt dum lian zet a chu ka ha top a, ka sam pawh khuih lo chuan ka chhuk thla ve vat a.

________

Setting room lam ka pan chu Jimin, Taehyung leh Jungkook chu couch ah chuan thil ngaihtuah mûk hmêl zet hian an lo thu khâwm thap a, min hmu chiah chu mak tih hmêl zet hian min lo en thap a.


"Khatiang kawr kha ha tawh suh ang che"


Jimin chuan mit meng dur khap a min melh pah chuan a tî a, enge maw ka kawr hâk pawh chu a ngaih pawimawh viâu le?

"Noona, tinge i nghâwng kha? "


Jungkook chuan mak tih hmêl zet hian min en kar a,

"Ka hre bîk lo, ti hiân a rawn awm vê top"

Taehyung chu a rawn nui hak a, Mak ti tak chuan en top, Jimin chuan a âw arawn thiân kharh a, Jungkook pawh a rawn nui vê ta suk suk mai, enge maw an hriât hlawm le?

"Nizân ah enge maw tak chu a thleng chiâng alawm"


Taehyung chuan nui sâng hian a tî a, enge maw thleng tûra an beisei le? Jungkook leh Taehyung chu an in en a an nui dûn leh hak hak thîn, an awm dân hi ka hrethiâm top lo e a.


"I kalna tûr ah kal tache, tinge ila din reng a? "

Jimin chuan rawn ti khâih khâih a, rang tak chuan choka lam chu ka pan nghâl nal nal ringawt, enge maw an hriât hlawm le, engmah pawh ka hrethiâm vê lo e a.



"Ka pi i ril a tâm tawh em? "


Maid pakhat chuan nuisâng hian alo tî a, an pû sual sual nên hian tinge an fel hlawm phiân mai?

"Tâm lo e, coffee in ka duh a"

"Awle, ka lo siâm ange"

"A ngâi lo, keimân ka siam thei alawm"


"Ni lo e ka pi, kan tih tûr alawm"

A tih deuh tlat vâng chuan ka thu ngâwi leh ta vang vang a, an che vêl chu ngâwi reng chuan ka lo en top ringawt, Nuam lo ka ti vê lek lek, hetianga awm top hi ka tih ngâi a ni bawk sî lo a, ka pâ in ah kha chuan insúk, thlengsil, inchhúng tihfâi, engkim kha ka kutah a awm deuh chawt thín kha nia, hetah chuan hrehawm hlê mahse lalfanu ang maia in ngaih châng ka nei thín, lalfanu khawngaihthlâk tak ang mai niin ka in hria.


A khât tâwk chuan Jimin te awmna lam chu ka va thlêk leh dêk dêk thîn, uluk zet hian a thiante pahnih chu thil alo hrilh mawlh mawlh a, a thusawi lâi chu tâwp deuh chatin min rawn melh zawk a, ka lo hawisawn rang ngang mai, van âtthlâk thei tak, ka lo en leh char char a ni hrim hrim ang, tinge maw hepâ ringawt hi ka buaipui le? hahthlâk lutuk mai, min tih nat hnem tehrêng nên, ka haw tho na chungin ka ngaihven reng tho bawk sî.


"Hei aw i coffe"


Tihpahin coffee chu min rawn pê a, ka coffee tak tha zet ka'n lem chiah chu ka harh sawng sawngin ka hria.


"Thil ka zâwt thei che ngem? "


Maid hnathawk mawlh mawlh lâi hnen ah chuan ka'n ti top a,

"Aw enge ni ta? "
a thil tih lâi châwl meuh chuan a rawn tî a.

"Aa... ihh.. eng lo a nia... Jimin hian ngaihzâwng a nei thîn ami? "

"Enga! "

Mak tih hmêl deuh chuan min en reng a, ka zawh dân teh top hi, lo pehhêl vê deuh tûr a nia.

"Ka tih awmzia chu, ka hre châk mai mai, a sawi ngâi bawk sî lo a, a lêrh em? Hmeichhiate a rawn hruai hâw ziah lo maw? "

Nui sak chuân ka tí a,

"Ka sawi tih tûmâ bul ah i sawi lo ang tiraw? "

Inthlahrun hmêl zet hian arawn tî a, "Tehreng mai, sawina tûr pawh ka neih loh hi"

A hawi kuâl zak zak phawt a

"A hming chu Seulgi a nia, mi hausa tak fa nû a ni âwm e, hetah pawh a rawn kal fo alawm, Mr Park chu a bulah chuan a hlim thei lutuk, a nui reng zêl, a hmelthâ in Mr Park tih lâwm dân a thiâm bawk sia, mahse maw, kan lakah chuan suâl tak a ni, a chapo in a duh khirh thei aniâ, mahse Mr Park awm lâi chuan min hâu ngâi miah lo, chu nú chuan pasal dang a neih san a, Mr Park chu a rilru nat hmêl lutuk, a rúi reng a, a nih loh pawn hmeichhe chi hrang hrang hi a rawn hruâi hâw thin, mahse in ineih hnú atang kha chuan a rawn hruai hâw tawh ngâi lo"

Ei loh hmêl zet chuan ati siâm siâm a, ka awmdân hi ka hrethiâm lo, tinge ka thinzâwn hi anat tlat le, tinge tianga ka awm? Chu nû chu ka thîk tak zet a ni, Jimin hmangaihna a dawng bîk a, kei vê thung chu a naute lem, a thinrim hrîkthlâkna bâk ka ni lo, ka thík takzet, ka awmdân hi ka hua, ka haw takzet a ni, hetiânga awm túr hi ka ni lo asin.

"Ka pi, ka thusawi vâng khân i rilru anâ mi? "


Inthiâm loh hmêl zet hian a tî a, ka mittui tla mai tûr chu ka khap lêt fak fak a, ka nui lui sak.


"Na lo e, khawngaihin i hming min hrilh thei angem? "

"Bora ka nia"


Nui var var hiân a tî a, kei erawh a thusawi chuan min tina takzet a ni.

"Bora"

"huh... ""

"Seulgi chu ka thík takzet a ni, engtin nge ka tih ang?"

ka mittui chu a luangthla ta zâl zâl a, tûn a ka hriat chhuah chu, Park Jimin ka duh, ka duh takzet a ni, chumî vâng chuan ka nâ, ka inhaw hluah hluah, ka thinlung vawi tam tak ti kehsawm tu laka ka tui ral thei hi âwih harsâ ka tiin ka pawm thei lo a ni.

"Ka pi, lungngâi duh suh, ka pu chuan ala theihnghilh êm êm ang"


Min khawngaih hmêl zet chuan min en reng a, Bora hmâ a tah kher hi chu nuâm ka ti lo, mahse ka mittui hi ka dang thei ngang lo a ni.


"Enge in lo sawi a? "


Chu âw kan hriât vêleh chuan kan ding mar nghâl zawt a, ka hnunglam ka hawi chu Jimin chuan min lo en reng chu niin, rang zet chuan ka mittui chu ka hru sawk sawk a.


"Kan lo tî tî mai mai a"

Ka ti sap a, Bora chuan a rawng bâwl lâi chu ngâwi reng chuan a bâwl chhunzawm leh nghâl malh malh a.

"Inbia ang, ka room ah lo kal teh"


Tihpah chuan a lêt leh nal nal a,

"Ka pi, fighting aw, Pu ber thinlung chu neih ngêi tum ang che"

Ka nui suk a, Jimin chu ka zui vė nghâl.

____________


Room a ka lût chu min hnungchhawn zâwng hiân a lo ding tlat a,

"Enge i sawi duh a? "



A rawn hawi lêt vat a, a iptê atang chuan enge maw hi a rawn phawrh a.

"Hei hi kan company ah an sem a, pêk tûr ka hre sî lo a nei mai rawh"


Tihpahin Bakkilh cute zet mai, phêngphehlep lem a senno hi min rawn pê a, ala nui duh miah lo zui, an sem âwm lo emai a, min lei sak a ni tih ka chiâng lutuk, nuih insûm zet chuan ka la vê mai a, engmah sawi lo chuan a chhuak nghâl nal nal a,
___________



Dârthlalang hmâ ah chuan ka'n kilh chhin a, a nalh phiân leh nghâl, ka pian tirh ata midang hnên atanga thil pêk ka dawn hmasak ber a nih vâng nge ka hlim veng veng mai, nitin hiân Jimin ka huâtna leh hê in hrehawm ka tihna hi a reh vê tiâl tiâl in ka hria.



Ka in en mai mai lâi chuan Balcony ri rak lam chu hawi vat a, tûmah ka hmulo, Balcony ah chuan ka chhuak vat a, tûmah an awm lo rêng rêng, Jimin cara a lût tûr chiah chu ka zu hmu ringawt, a rawn hawi chho vung vung a, ka lo nuih sak a, mahse engtin mah a awm vê lo, a lût ta daih a, min nuih lêt vê ka beisei nên, keipawh hi a enge ka beisei rêng rêng le? Âtthlâk hian.



Ka lût leh tûr chiah chu ka hnung lam atang hiân tú emaw hiân min rawn kuah bet ta thut a, ka hmûi ah chuan min rawn hup ta thut mai, ka theih tâwp chuan tâl a, paliân leh chak tak a ni tih ka hre nghâl mai, ka tâl chhuah theih in ring in ka theih tâwp chuan ka tâl vak vak a, ka hmui a hup tlat vángin ka âu chhuak ring thei bawk sí lo, ka khaw hmuh chu rawn fiah lo in a rawn thim ta mup mai.



JIMIN POV




Ka thil pêk kha a ho viâu a ngem le? Ka lawm e tih tal a sawi ka lo beisei rilru deuh a, mahse engmah a sawi lo, a ho ati deuh pawh a ni mahna,

"Hyung, tinge i nuih reng a?"


Jungkook chu ka en vat, ka lo nui vur vur reng a ni maw? ka tûm leh nghâl hmak a.

"Enge a nuih loh ang, nizân a che tha êm alawm"


Taehyung chuan nui vur vur chung chuan alo tî a, hepâ lah hi hmeichhia chhâi vê ngam top sî lo,

"Yanoo chuan a duh ka ring lo"

Jungkook chuan a lo ti vat a, eng angah nge maw min ngaih le? rum zet chuan ka lo melh a.

"Jimin hi i hriat chiân êm kha"


"Mahse Yanoo chu hmeichhe thiânghlim tak a ni in ka hria"

Yanoo chanchin an sawi mawlh mawlh lai chuan tukverh lam chu ka hawi hmak a, mahse ka ning tawh khawp mai.

"In pahnih khân ka nupui chanchin lo hi sawi tûr dang in hre lo mi?"


An ngâwi ta hmak a,"Ka nupui" ka nui suk a, ngati nge kei hi ka chiân loh êm êm le? Yanoo lo chu ka ngaihtuah thei meuh lo, min ngaihtuah tír tú te hi lâwm, hemí te vâng hiân ka rilrú ah a awm vê mai mai a ni.


"Hyung, Yanoo hi i hmangaih tawh in ka hria"

"Hnâ chauh ngaihtuah rû, naktuk ah Namjoon Hyung leh Hoesok Hyung an lo tel tawh dâwn kha, engkim zirtîr tûr in lo inpeih rû, Namjoon Hyung hian thluâk tha tak neiin tawng pawh a thiâm hnem hlê a, Taehyung a pui thei ang che, i hmêlthatna leh i thluâk kha a pawimawh tih hriâ la"



An lo bu nghauh nghauh a, Taehyung hi chu lemchan a thiâmin a hmeltha bawk a, a fingin thil a man chak hlê bawk, enthla tû ah kan hmang ber thîn, security kan paltlang theih loh pawh ani chuan a paltlang zung zung zêl, Jungkook hi chu ka body guard ang reng deuh a ni a, ani chuan thluâk hman aiin tharum lam hi a hmang tam ber thin, kan in zui tam ber bawk.


Ka phone rawn rîk ral ral vâng chuan ka phone chu ka en vat a, In lam atangin a nih hi, engthil niâng le aw?..


"Aw sawi rawh"


"Master"


Pi Kimi chu hlauhthâwn hmêl zet hian a rawn thaw hlawp hlawp a,

"Enge sawi rawh pi Kim"

"Ka pî kan hmu zo lo, in room chhûnga bungrua zawng zawng pawh a darh vek a, thisen pawh a awm"


Tap chung chuan a rawn ti a, Yanoo an ru bo tihna ni thei angem? "Ka rawn hâw nghâl" tihpah chuan ka phone chu ka hûm vang vang a.


"Taehyung, in lamah lêt leh rawh"

Ka thinrim lutuk chu ka puâk keh lo chauh a, ka in seh ruh tung mai.

"Enga ti maw?"


"Yanoo an ru bo"


"Enga?!"


An ti ruâl thawt a, Taehyung chu hmanhmawh tak chuan a tlân lêt leh vat a, "Hrep tak chuan"

Tihpahin car chu ka bêng dawt a, an pahnih chuan an ngâwi reng thung.


__________

In chhûngah chuan thinrim zet hiân ka lût vat a, tûmah chu an lo tawng ngam lo,

"Engtik lâiin nge a thlen? "


Pi Kimi chu ka'n ti nghâl tâwng a,

"I kal hnû deuh lawk khân chaw ei tûrin han koh ka tum a, mahse a awm tawh lo"


Tap chung chuân a lo tî a,

"Vêng tha tûr in ka tî che u ni lâwm ni? enge in lo tih a? "

Ka security pakhat kawr nghâwnga thâm chung chuan ka tî a, alo muthlu anih vaih chuan ka that nghâl ang.

"Ka tihpalh a ni"

"Nêp lutuk"
tihpahin ka hnek thal nghâl thuai a, a hmûi chu a rawn thî nghâl ser ser mai,"Inbeng dâi rawh Hyung" Jungkook chuan ka dâr a rawn vawn pah chuan a tî a,ka thinrim in beng daih tum chuan thâwk ka'n la hak a, a tlânbo nge nî anga miin an ru bo zâwk? Lee Yanoo lehh...


"Jimin, CCTV atangin en ila"


Taehyung chuan a rawn tî a, ni dâwn tak e, lo hriât chhuah vat tûr a nia.

"Kal ang u"


Tihpahin Security room lam chu kan pan nghâl vat a, Yanoo room a ka bakkilh pêk nui var var chunga a in teh vêl lâi chu CCTV ah chuan kan en thap a, ka ngâi veng vang mai, lâwmthu sawina châng pawh a hre lo, a hnû deuh ah chuan mipakhat palian zet in Yanoo a hnunglam atanga rawn hup tú ka hmuh chuan ka sa zak mai, ni lo! hepâ hi zîngah ka hmu, security amaw ka tih kha ni chiâng lutuk, ka lo ngaihven duh lo kha mâwl ka inti ngawih ngawih, Yanoo chuan a bei lêt ve nasa hlê, mahse a hnû deuh ah chuan a rawn zawi ta hnak a, Yanoo chuan min tlânbo san amaw ka lo ti hman a, ka tihnat dân te kha ka ngaihtuah lêt a, Yanoo chu ka khawngaih takzet a ni, hmangaih lo mahila hetiâng mai mai a tih a tân chuan ka phal bík lo asin le



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:13 pm

THE MAFIA SWEETHEART

CHAPTER-8


YANOO POV




"Tui"


Ka ti chhuak sap a, ka dang a ro huâm huâm a, ka lû a hai bûr bawk, ka hawi kual chu in ram tawh zâu zet ah hian ka lo awm reng a, Chair ah ka thû a, ka kut chu ka hnungah chuan nghet taka phuar tlat ani tih ka hre nghâl bawk, ka âw pawh a chhuak tha thei meuh lo.


"I lo harh tawh maw ka Boihte"


Chû âw chu, ka hnunglam chu thei leh thei lo chuan ka hawi vat a, Park Jinyoung chuan min lo pan mêk chu niin, hè pâ hmêl ka hmuh hian ka luâk te hi a chhuâk bûr thei.


"Ka ûnaupa nupui ka hmangaih tlat hi chu hrehawm ka ti vê tho, mahse ani âiin kan intawng hmasa tlat in ka hria"


Ka hmâ a rawn thut pah chuan a tî a, ala nui sâwng zui, a hmai ah sâwn rah hruâl hrep ka châk ber.

"Tenawmpa"

Thei leh thei lo chuan ka ti sap a,

"Tunge tenawm zâwk chu kan hre vat dâwn alawm Yanoo, kei nge Park jimin hi?"



Ka hmâ ah chuan laptop hi an rawn hûng a, pendrive chu laptop ah chuan a vit lût a,

"Lee Yanoo, en rawh le, i pasal Park Jimin thil tih hi"

Jimin chuan putar pakhat lainat na hmêl pu miah lo a kâphlum lâi hi chiâng tak chuan a lang a, khawngaih a dîl mawlh mawlh chung pawn a kâphlum ania, ka mittui chu a rawn luângthla nghâl ngiai ngiai a, engtin nge a tih theih? Tih chu ka thinlung chuân a in zâwt nghâl mawlh mawlh bawk, mihring pakhat nunna awlsam taka la maithei tú hi ka pasal a nih ka lo ring phâk ngai lo, ka ring phal bawk hek lo, ka en ngam tawh loh vâng chuan ka maimitchhíng ta daih a,.


"Meng rawh Yanoo, Khâ lo pawh kha thil sual tam tak a ti tawh a sin,Rawn hruai rawh u le"

A tih thawt rual chuan mipakhat hian tleirâwl hmeichhe pakhat hmêltha zet mai hi a rawn hruai lût a, chu nû hmêl chu hlauhna hlír hian a khat bawk, a hmêl ah chuan lungngaihna hlír ka hmu thei.


"Ani hi Kang Jungri a ni a, Ani hi Park Jimin khân a duh lo chung a khawih lui bawk"

"A ni thei lo, Chutiâng êm êm chu a ni thei dâwn ami? Ka ring thei lo a ni"

Ka ti sap a, ka âwih thei lo, Jimin chu misual tak ni mahse hetiang tleirâwl khawih duh tûr khawpa mi tenawm anih chu ka ring thei lo, ka kut chu min rawn phelh sakin tui in tûr te min rawn pê a, ka dâwt nghâl khawlh khawlh ringawt, tui ka in zawh chuan thâwk te ka'n la leh hak a,


"Kum engzât nge i nih a Boihi? "

"Kum 17, Unnie, Park Jimin kha mi tenawm tak anih kha, ani kha tenawm takin ka chungah a khawsâ asin, ka duh lo chung"

"Duhtâwk rawh"


Tih thawt pah chuan ka maimitchhîng vang vang a, ka ngaithla thei tawh lo, ka thinlung zawng zawng hi hmun hrang hrang ah a keh darh vek ni mai hiân ka hria, tunge rina tunge rinloh tûr pawh ka hrethiâm lo, tun ah chuan ka na takzet tih chiah ka hria.


"Yanoo, hêng finfiahna zawng zawng hi kengin police hnên ah report rawh, i pasal hian hei lo pawh hi thil sual tam tak a ti sin, Drugs a tawlh rû a, hmeichhe hralhte, tualthah te, i pasal hi khâihlum tlâk a ni, i pâ ngêi pawh a inhnam hnawih vê, mahse ipâ chuân bânsan mai tumin Police a in pêk a duh a, mahse Park Jimin hiân a rem ti lo, a chhan chu amah pawn a tuâr vê dâwn vâng a ni, chuan ipâ ka hup nân nang hi a nei tâ che a"

Ka mitah tak chuan rawn en in a rawn kún hniâm deuh a,

"I hmangaih tih min hrilh miah suh Yanoo"

A rawn ti sup a,



"Ka hmangaih, aw, ka hmangaih alawm"

Ring taka tih pah chuan Ka tap ta hlap hlap a, an thusawi zawng zawng hi ka âwih angem? mahse Jimin mîzia ah hi chuan tiang êm êm chu a tih hmêl sî loh, mahse kei hian ka lo hrechiâng lo pawh a ni thei, ka pâ leh zêl pawh maw, engtin nge a nih theih? Ka thu hriât hi engtin nge ka tih ang, ka rilru zawng zawng hi a buai vek tawh, indawm kún tlawk tlawk chung chuan ka bek sam tawn tawn chu ka thâm ngar ngar ringawt.


"Pawisawi lo in an tawrh leh hmâ hian nang chauhin iti tâwp thei Yanoo"


"Tinge nangmân itih mai loh? Ka pa leh Jimin hi jail ah ka tân tír ang maw? A teuh lo mai"


"A ûnâupa ka ni miau alawm, ka ti thei lo"


Hah.... tinge kei kher? hepâ hi ka ring dâwn nge? saw tleirâwl khawngaihthlâk zet saw ka ring dâwn? engmah ka hrethiâm lo, ka hmâi chu hupin ka in ngaihtuah vang vang a,Park Jinyoung chu ka hnunglamah chuan rawn kalin ka dâr tawn tawn ah chuan a vuân a.


"Mi thenkhat chu i nun ah khân hmangaih túr che ni lo in hmang tang kâi túr che in an lo lút zâwk a ni, chu chu pawm har iti maithei Yanoo, mahse thil nihna dik tak a ni, i nun ah khân eng hlimna mah thlen a tum lo a, lâksak che a tum zâwk a ni, ani chuân mihring angin a en lo che a, bungraw pakhat vê mai angin a en zâwk che a ni, thil pakhat ang chauh in en ang che, min ring rawh Yanoo"


Zâwi zet sí fiah tak hiân ka beng bulah chuan a rawn tí a, Ka taksa te chu rawn khúrin ka âwm ah techuan min hnawh ut ut a, ka mittui luâng lah a châwl hek lo, hê pâ sawi hi ka ring lo ngawt thei lo, a chhan chu dikna tam tak a nei, Jimin pawh hiân a naute lem ang chauhin min en thín, tinge ka nun hi hetiâng hi a nih bík, thih daih ka châk a ni, ka âwm chu dawmin ka tap hlap hlap a, ring taka tah ka duh a, mahse ka thei lo, Kei hi hman tang kâi túr chauh a piâng ka ni lo.

"Khatiâng thú ka sawi kha pawi ka ti, Yanoo, ka kiângah hiân awm zâwk mai rawh, keichuan ka hmangaih che sin"

"Ka Thei lo, Túmâ bula awm ka duh lo, thih ka duh"


Ka theih tâwp a ring chuân ka tih khum ta tâwn tâwn a, ka thaw nghâl kâwk kâwk thei, Ngâwi reng chuan min en reng a, chutia kan ngawih thap lâi chuan kawngkhâr chu a rawn ri thuai a, ka phu chiâng ngêi mai, Ka hawi phei chu Jimin hi thinrim hmêl zet hiân a lo ding vâng a, Taehyung leh Jungkook pawh an tel vê,Jimin chuan Park Jinyoung a ho te chu pakhat tê tê chuan a rawn kâp thal ta thuai thuai a, ka hlâu lutuk chu bangkil lamah chuan ka beng hupin ka lo maimitchhîng ngat ngat ringawt,a hnú deuh ah chuân thâwm chu a rawn reh ta duâk a, ka hawi chhuak chu Park Jinyoung leh midang zawng zawng chu an lo bo vek tawh.



"Yanoo hâw ang le"


Tihpahin Jimin chuan a kut chu a rawn phar chhuâk a, A hmêl ka en chuan min ngaihtuah hmêl zet hian min lo en reng a, Park Jinyoung khân lo sawi dik ta sê, kei hi bungraw pakhat vê mai chuan min en tak tak angem? Khânú kha a duh lo chung a khawih lui tak tak a ngem?


"Engmah hlauh tûr a awm lo ania Noona"


Jungkook chuan a lo ti vê vat bawk a, ka ngaihtuahna atang chuan ka harh zawk, Jimin kut chu inthlahrung zet chuan ka vuân dê dê a, a kut lum thar thar ka dek chiah chu mak tak mai hiân ka thlâ a muâng huai mai, alaka ka awmdân hi hriatthiâm theih sí loh hiân engtin emaw hiân ka awm veng veng zêl.





Ka khaw hmuh a fiah thei bawk sî lo, ka taksa techu a rawn khúr ru der der a, ka lû techu a rawn hai zuâl in ka hria, ka maimitchhîng ta riai riai a, ka taksa chu a rawn zawi nghâl vek. Tû emaw hian min pawm kâng lawp tih chu ka hria, ka taksa chauh lutuk vâng a ni mai thei, ka mang hriât ruai ruai chauh a ni.


"Kan lo thleng har mah mah a ni, Yanoo chu ka khawngaih ngêi mai"


Taehyung tawng rî a ni tih ka hria, mahse ka meng thei lo, khâ Park Jinyounga thusawi ringawt kha ka beng hiân châm reng a, ka na ngawih ngawih a ni ber mai.



________________



Ka harh leh chuan khum ah ka lo mu reng a, Jimin room a ni tih ka hre nghâl mai, ka tui in hâl lutuk chu tui zawngin ka hawi kual nghâl vat a.


"i tha em?"


Ti tú lam chu ka hawi vat, Jimin chuan couch a thu chung chuan min lo en reng a, a hmêl ka hmuh hiân khânú hmêl kha ka mitthlâ ah hian arawn lang reng bawk si, ka thinrim nghál tún mai.


Chhâng lo in thei leh thei lo chuan ka tho taih taih a, min rawn dawm nghâl vat.

"Min khawih suh"


Ka lo ti nghâl vat a, mak tih hmêl zet chuan min en reng, tinge a hmêl ka hmuh hiân ka nat tlat le? Ka hrethiâm tawh bík lo,

"enge maw i hriat le?"


A ti sup a, ka mittui rawn parawl kiâng kiâng chu ka khap lêt fak fak ringawt, thinrim hmêl zet chuan a chhuâk ta daih a,keipawh chu inti fâi túr chuan bathroom lam chu ka pan vê nghâl a, bathtub ah chuan tuilum in ka inchiah vang vang mai, ka harh sawng sawng in ka hria, ka'n maimitchhíng leh vang vang a, Park Jinyoung kha ka ring thei angem le? Ni lo, túmah hi ka ring túr a ni lo, keimân thudik tak chu ka zawngchhuak ang, Jimin nge dik a Park Jinyoung zâwk hi, Jimin pawh ka lakah suâl hlê mahse ka ring chhe ngawt thei bík lo, a chhan chu midang lakah a suâl lo tih ka hriât chiân êm vâng a ni, ka pâ pawh hiân enge alo tih sual vê le? chu erawh ka hre lo, engmah hi ka hrethiâm lo, ka in ngaihtuah vung vung lâi chuan bathroom kawngkhâr chu a rawn ri rak a, Ka duh thei lo, Jimin chu bathrobe nên a lo lút a nih chu, mak tih hmêl zet hian min en top a.


Ni dâwn tak, room hran kan nei tawh reng sia, mahni tâ ang maiin ka lo awm vêl a, awi! Engmah ka ha lo leh nghâl., rang zet chuan ka inhup nghâl châih châih a.


" Zak duh suh, I room ah i awm amaw ka tia"


A rawn ti sup a, Jimin awm dân hi amak tlat, ka lakah hiân a inthlahrun hmêl tlat in ka hria, nge ka ngaihbel mai mai zâwk? A chhuâk túr chiah chu ka ko ding vat a.


"Jimin shii"


A rawn hawi lêt nghâl, ka lo nuih sak a, alakah hiân that ka chhuah der anga, enge thudik chu ka zawng chhuak ngêi ngêi ang.


"Inbuâl dún ang hmiâng"


Ka tih chiah chu mak tih hmêl zet hian min en reng a, ka lo nuih sak ringawt.


"Nang hi enge i hriat a? Ka lakah hiân game khelh i tum anih chuan i thi nghâl a ni mai"

A rawn ti fak a, a rúk tak chuan ka hlâu a ni, mahse engmah a pawina ka hre lo, enge thudik hriat ka duh mai chauh a ni.

"I lakah hiân Game khêl tum hmêl in min hmú a mi? Inbual dun ka duh mai chauh alawm, i duh loh chuan ka ti lui lo che"


Ka ti lêt vê sak a, hmúi ti pawrh zauh pah chuan a bathrobe chu phelhin a rawn thu lút vê nghâl a, a piân sexy zet chu ka lo en deuh deuh ringawt, ka hnungah chuan a rawn thu tharh a, chú chu remchângah lâ in a âwm ah chuan ka lo bei hlê hlê a, dik tak chuan alak atanga hmangaihna dawn hi ka châk a ni, duâtna te, hlimna te,Chhúngkaw din te, ka duh in ka thlahlel ngawih ngawih tih ka hriâ, mahse chu chu ka dawng ngâi dãwn lo tih pawh ka hre chiâng hlê bawk, kei hiân ka hmangaih in ka hria, chu chu ka duh loh ber te zíng ami a ni, hmangaih chu la tawng ngâi lo mahila mahní a alo thlen chiah hiân tú tân mah hai chí ruâl a ni lo, mahse kei chuan ka hai der a, ka pawm thei lo a ni, ka mittui chu a rawn luâng nghâl fap fap a,


"I tap ami?"


Rawn ti sap chung chuân a rawn kún hniâm deuh a, ka lo kún tlat thung, ka mittui chu ka hru hul sawk sawk a.

"Jimin shi kei hi itân enge ka nih? Kei hi i bungraw pakhat vê mai chu ka ni lo tiraw? "


Tap âw tiâu chuan ka tí a, a âwm ah chuan min bei tír leh ta hlê hlê a, nuâm ka tih zia hi sawi chhuah pawh a zahthlâk zâwk.


"Ka tân mi pawimawh tak chu inia lawm Yanoo"


Tih zawng chuân min chhâng a, ni e, ka pâ ka hupna kha ka ni miâu a, ka mittui chu a rawn luâng leh tawh, hetiânga tah reng te hi ka kham ngawih ngawih a ni.


"Seulgi lo hmeichhe dang tunge i mutpui tawh?"


Inti pachang luiin Nêm thei ang ber chuan ka tí a,
Kan tí tí ka thlâk vat loh chuân ka insúm theilo mai ang tih ka hlâu.


"Nangmah"


Tih zawng chuân min chhâng a, chú erawh ka âwih lo kher mai, ani ang mipa hausa leh hmeltha bawk sí techuan a duh ang ang a mutpui thei tih ka chiâng, hmânni a hmeichhia te kha, a lo kal leh vaih chuan ka lo kêk leh hrep ang.


"Tak tak ah, hmeichhia min mutpui châk tak tak an tam alawm, mipa ka nia, ka hnar reng thei bík lo a"


Thudik min hrilh vâng chuan ka nui deuh suk a,

"Anih an lo pan hmasa thín che mi?"


"Aw, túmah a hranpâ in ka sâwm ngâi lo"


"Anih chuan in vênna tal i hmang em?"


A hmel chu ka en vat a, hri tha lo te lo kâi palh ta sê kei hiân ka kâi vê dâwn tih ka chiang.


"Eng angah nge min ngaih a? Chutiâng pawh hmanna châng hre lo túr khawpin min ngâi a ni maw"


A rawn ti hmuk a, a thinrim leh hmâ hiân ngâwi mai ila tha zâwk, a thusawi chu ka âwihih deuh tho a, mahsê ka ring bur túr a ni lo, khâ hmeichhia kha alo khawih tak tak anih chuan engti kawng zâwng pawn ka dâwp chhuak túr hi ni ringawt.



"Jimin"

"Ummm..."


"Tinge ka chanchin hi min zawh vê ngâi miah loh a?"

Nui deuh suk hiân min rawn en a, ka hmúi ah chuan arawn fâwp zauh,

"I chanchin lungchhiâtthlâk tak chu ipâ hnên atangin ka hre vek tawh alawm"

Ka en vang vang ringawt, ka pâ nên hiân an lo thawk dún tak tak amawni le, ka zawng chhuak khawp ang, thil dik lo tak an lo tí anih chuân ka hmangaih te vê vê pawh ni sê an phú tâwk hremna chu an tuâr ngei túr a ni.

"ka hmêltha viâu ami?"


A rawn ti sup a, ka harh chhuak zawk, ka lo en reng anih dâwn hi, ka inthing nghál nawk nawk a,

"Enge kan la nghah a?"



A mit hmul leh lam chu a rawn ti sâng zauh a, a ngaihtuah chu ka hrethiâm nghâl, ka peih teuh lo mai.


"Ka châu emai ka peih lo"


Ka lo ti sap a, mahse awmzia a awm tawh lo, a tho thut a, a bathrobe chu aha nghâl sawk sawk a,

"I thinrim ami?"


Min chhâng lo, towel chuan ka intuâm vê nghâl vat a, bathroom atanga a chhuak túr chu ka pawt ding ta chat a, hmêl rum zet hiân min en leh khúih tawh.

"Ka hun i khawh ral mai mai a ni"


A rawn ti ta fak a, dím lo zet hiân min rawn fâwp leh ta bawrh bawrh a, khum lamah chuan min nawr phei pah bawk, mahse ka chhâng lêt thei tlat lo, ka thinlung chhúnga natna bawk kha arawn chhuâk leh ta, ka theih tâwp chuan ka in thunun vê tang tang bawk.


Khum ah chuan min nem thlú in min bawh bet nghâl a, hnâi zet ah hiân min en ta reng a, ka múr chem chem thei,

"Nang hi bungrua ini lo Yanoo, ka nupui chauh ini, chuan Nangmah vâng hiân hnâ ah ka tlâi phah dâwn anih hi"


Tih sup pah chuan min rawn fâwp leh ta, ka lo in hawng nasa tawh mai, a hnungah chuan ka lo kuah lêt vê a, ni lo, engthil nge ka tih tâk? Rang tak chuan ka kut chu ka la lêt leh a, min fawh lâi chu a châwl datin min en zawk a, min rawn fâwp chhunzawm leh nghâl vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:13 pm

THE MAFIA SWEETHEART
CHAPTER - 9







Chuan ka story te ngaihnawm in lo ti anih chuan Click kha aw❤️❤️❤️❤️❤️


Ka thil huât ber te zíng a mi chu ka chungah a thleng leh ta, hrehawm tiin na ngawih ngawih mahila ka taksa chungah pawh thú ka nei tawh sí lo.


A duh tâwk a hmuh hnú chuan ka sír ah chuan a let thla tawp a, sír lam chu hawiin ka mittui chu ka hru fap fap a, hê hun hi ka huâ a, keimah leh keimah ngêi pawh hi ka inhua a ni, ka hnunglam atang chuan Jimin chuan min rawn kuai her vat, ka mitah tak chuan a rawn en vang vang a, ka mittui chu dím zet a hru hul chung hiân , ka chal ah chuan arawn fâwp nghâl vang vang a,ka mittui chu a luâng thla ngiai ngiai bawk.



"Yanoo, nang hiân min hmangaih em? "

A rawn ti chhuak sup a, a hmêl chu ka en vat.
He zawhna hi engvânga min zâwt nge a nih ka hre lo, mahse he thû hian min tina a ni, "Hmangaihna" an tih hian min ti nâ, hmangaihna hi ka tân chuan natna a ni a, hmangaihtú neih pawh ka tân chuan vân a rah ang vêl a ni.


"Hmangaih che pawh ni ila enge? , kei chu i naute lem chauh alawm ka nih"


Aw khûr deuh hlak hlak a tihpahin khum atang chuan ka tho vat a, mittui tla zawih zawih chung chuan ka taksa ruak deuh kâng mai chu ka puan sin lâi chuan ka khuh vat a, bathroom lam ka pan tûr chu ka lû rawn hai deuh chiai chiai mai, ka pai nghâl deuh chhat chhat a,


"I tha em? "


Tih pahin ka hnunglam atang chuan min rawn dawm vat a,

"Ka tha e, insiâm rawh i hnâ ah i tlâi palh ang"


Dam thei ang ber chuan ka tî a, ka nun hrem hmun a siam tú ni mahse ka hmangaih tlat sî a ni, min tih hrehawm zia leh ka pâ chunga a chêt thin dân te ka ngaihtuah chuan ka hua a, hmangaih túr ka ni lo tiin in hrilh vê mawlh mawlh mahila ka thinlung thunun túr khawpin ka chak tâwk lo a ni.


"Ya Noo... "


"Mmm... "

"Min haw miah lo ami? ka tina che a, i nun hi hrehmun ah ka siam a sin"

"Mî huat neih nân nun hi a tâwi lutuk Jimin shii,hetiâng túra piâng hi ka ní a, ka lo pian chhuah nî atang tawh khân keichu khawvêl hnuchhawn ka ni daih tawh alawm"


Bathroom lam chu ka pan ta daih a, ka mittui luang vâng chuan ka hmu phê ruai thei, tui chu ka herh hâw vat a, ka âw pawh ka chhuah ngam ve ta, a hriat hlâu tak chuan ka tap ta hlap hlap a, ka tih loh dân pawh a ni lo, amah ka tawn ní atang khân ka nun chu heti reng hi a ni mai.

Ni lo, Heti ringawt chuan ka awm thei lo, Yanoo, inti chak rawh, keimah leh keimah chu ka infuih mawlh mawlh a, ka mittui techu hru hulin ka infâi leh nghâl mawlh mawlh a, bathroom atanga ka chhuah hnú chuan Jimin pawh alo awm tawh lo, dârthlalang hmâ ah chuan ka thu vang vang a, make-up chu ka thiâm ang ang chuan ka inhnawih vê a, ka hmui ah chuan lipstick sen lâr hlar chu ka in hnawih bawk, closet chu hawngin mut kawr dum sexy zet ka mal chanve hawk lang thei chu ka hâ a, ka âwmbâwr phír deuh thai lâi pawh a lang thei, a chungah chuan cardigan silk chu ka ha leh bawk a, room atang chuan ka chhuâk vê nghâl a.




___________



JIMIN POV




Kei, Taehyung, Jungkook te nên chuan kan thusawi túr chu office lama sawi chí anih loh vângin in lamah chuan kan rêl khâwm a, ka thil tum ber chu Park Jinyounga'n keimâ hminga a thil lo tih zawng zawng hai lan a ka fihlim zia hai lan ka duh a ni, hepâ vâng hian ka thil tih loh pui tí angin ka lang vek tawh.


Taehyung chuan a tui in lâi chu a rawn hâk kharh kharh a, Jungkook lah chu a mengbial nasa mai, an hawina lam ka en chu, Yanoo chu night dress sexy zet hâ hian alo ding reng chu niin, sawi mai túr pawh ka hre lo, a nalh tak zet a ni, hmeichhe piânthiâm leh hleitling zet kha a ni ve hrim hrim bawk a, a âwmbâwr mawlh mai chuan ka mit ala leh chat tawh, ka inthing deuh nawk a, ka thiante hmâ a hetianga a in lan hi nuâm ka tih loh mai bâkah hmeichhia inha chhíng thei deuh hi ka huât zâwng tak a ni, hmeichhe dang inha chhíng techu lâwm viâu tho mahila ka nupui tih a tân chuan ka duh lo bur.



"Kawr han ha rawh"



Ka ti fak a, min hlauh hmêl zet chuan min en kar mai, mahse a din ngâi chuan ala ding reng thung.


"Biâk che ka duh a"


Inthlahrun hmêl zet hiân a rawn tí a, a kut chu a sik kuâl leh neuh neuh tawh.


"Enge ni ta?"


"Hetah lo hian, room ah ka lo nghâk ang che"


Tihpahin muângchâng chuan a chho leh hnâ hnâ a, nichin kha chuan a tap hlap hlap rengin ka hre sia, engtak chu min sawipui ang maw?


"Noona hi chu a nalh vê thlâwt"



Jungkook chuan a rawn ti sap a, rum zet chuan ka melh a, min nuih var var ringawt.


"Yanoo chu khatiâng êm êm khân a sexy tih ka lo hre miah lo"



Taehyung pawh chuan alo ti vê bawk a, tih ngaihna ka hriât loh vâng chuan ka nui suk ringawt, room lamah chuan ka chho vê mai a.


"Hyung tha deuh in aw"


Step atanga ka zu hawi thlâ chu an pahnih chuan min lo nuih var var a, keipawh ka nui suk ringawt.


________


Room a ka lút chu min hnungchhawn zâwng hian alo ding tlat a, a hnungah chuan ka va kuah chat a, alo phu deuh zawk mai.


"Ka ti hlâu che mi?"


"Aih, midang amaw ka ti hman che lâwm"


A ti sap a, a aw ngaihno bei zet hi lâwm tawrh har ka tih thin, ka hahdam sawng sawng zêl.


"Enge i sawi duh a?"


Ka lam hawi chuan ka kuâi her a, current chu a rawn thim ta thut mai, rang zet hian min kuah thlap a, ruah a súr vâng aniang current a thim, a hnú deuh ah chuan a rawn êng leh ta mai a, kuah lêt vê lo chuan a awm dân chu ka lo en top ringawt.


" I sawi túr chu sawi rawh le"

Rang zet chuan min kuahna chu a thlah a, zah hmêl zet hian a kún tlat bawk.


"Englo a nia, Park Jinyoung khân engkim min hrilh tawh"

"Enge a sawi"


"I thil tih engkim"

Ka mit ah tak chuan min en kar a,

"Chuân ilo âwih tâ a?"


"Ni lo, chu chu ka sawi tum a ni lo, thudik hriât ka duh mai a ni, khâ putar kha engvânga that nge inih? Chuan khâ hmeichhia pawh kha engvânga a duh lo chung khawih lui nge inih? Min hrilh teh khawngaihin"


A thusawi chu ka hrethiâm nghâl mai, ka nú hrehawm taka pâwngsuâl tupa ka that lâi kha Park Jinyoung khân a hmuh tír a nih ngêi hi, mahse túmah ka pawngsual tlat lo, Yanoo hiân min ring lo,Kei aiin engtin nge Park jinyoung thusawi kha arin theih zawk, a mittui kâr atanga a mitmeng val riai hian min rinhlelhna a khuh bo lo chiâng ngei mai, ka nú pâwngsual tupa hmêl kha ka mitthlâ ah chuan arawn châm leh ta chuai chuai mai, ka inseh ruh nghâl tún a, thâwk chu la hak in balcony a ruah súr kâr ah chuan ka kal chhuak a, tinge henú hian ka thinrimna chawh chhuah hi a thiâm êm êm le?.


"Kha putar khawngaih thlâk deuh kha tinge i thah? "

Min rawn la úmzui ka ti,Park jinyoung chu ka that dâwn, ka that khawp ang.

"Khâ putar leh a chhúng te chungah khân ngaihdam díl rawh Jimin"

"I lo inrawlhna túr a awm lo"



In seh ruh tún chuan ka tí a, a mit meng sen râm chuan min en kar thung.

"Tinge? Tinge i theih loh, i thil tih kha a dik lo takzet a ni, misual tak inih hi Jimin, mihring pawh ini lo"

,kan pahnih chuan kan huh zawr vek tawh, Yanoo min tih dân vâng chuan ka thinrim lutuk chu awm ngaihna pawh ka hre lo, ka kawchhúng hi a alh pup pup in ka hria.


"Ngâwi hmak rawh Yanoo, engmah i hre lo"


"Ka hriât loh chu min hrilh ta che, Jimin ka hua che, khâ hmeichhe naupang khân hma hun êng tak a nei a sin, nang hiân i tih chhiât sak vek a ni Park Jimin"

Tap hlap hlap chung chuân a tí a, ka thinrim lutuk chu inchúngah lút in ka kawl dah that chu ka la chhuâk a, Yanoo kut leh lamah chuan bun tír in leh lam chu balcony a in vawnna ah chuan ka vuah a, ka ning tawh êm a tin ni.

"Eng thil nge maw i tih le?"


"Min nawr luih vâng a nih hi, ti lo túrin ka insúm a, nangmah cho chhuah a nih hi"



Ka thinrim lutuk chuan ka tih khum ta tâwn tâwn a, room ah chuan lút in balcony panna kawngkhâr chu ka kalh ta hmak a,


"Jimin khawngaihin phelh hrâm teh"


A thusawi chu haiderin ka thawmhnaw huh zawr vek chu ka thlâk sawk sawk a, in hnuâi lamah chuan ka chhuk thlâk sawn ta daih a.

Ka chhuk thla chiah chu Taehhung leh Jungkook chuan min lo nuih var var a.


"I thawmhnaw i thlâk chhan ka hre mai"


Taehyung chuan a lo ti vat a, mahse lem ka chang kuâl peih lo, ka la inseh ruh reng tho.


"Kal ang u, hnâ kan ngah"


Tih zawng chu ka sawi a, Park Jinyoung hi a kal thui mah mah tawh a ni, Yanoo bulah khân engthú thú nge alo fah ang ka hre lo, Yanoo chu ti khiân in ngaihtuah fím rawh se, kei hi eng ang mí nge ka ni tih hi, nitin in ka hriattír a ngâi a ni.


"Keichu Pi Kimi'n chaw chhún min siâm sak dâwn a, ka lo awm rih ang"


Taehyung chuan a lo ti vat a, ka lú chu ka bu nghauh ringawt,

"Hyung, keipawh lehkha zir ka ngâi a"


"A tha e, a pawi lo, keichu company lamah ka lo va kal ange"


Tihpahin ka chhuak vat a, Jungkook pawh ka ruâlin a rawn kal vê nghâl a,


_________


Jungkook in a a lút túr chu ka thlír zui vawng vawng a, min nuih var var chung chuân a lút vê mai a, ka nuih lui vê sak ringawt, Maimitchhíng vang vangin Yanoo thusawi chu ka ngaihtuah lêt a, ruah lah chu ala súr reng bawk sí, Yanoo khân khawilam hmeichhia nge a sawi kha ka hre lo takzet a ni,

"Kei hi Ramhuai maw ka nih"

Ka ti chhuâk sup a, Yanoo hiân min haw takzet tih hi ka lo theihnghilh leh thín, min hua hi demna túr ka nei lo, a chhan chu alakah ka suâlin that ka chhuah ngâi loh vâng a ni,mahse tiâng êm êm a min tawngkhum kha chu tlêm chuan min nghawng vê deuh, ka hriatthiâm theih sí loh hiân ka na veng veng in ka hria.


Ka phone rawn rík ral ral vâng chuan ka ngaihtuahna atang chuan ka harh zawk a.


"Aw hello"


"Jimin"



Chú âw zet chu, ka hriât lohna a rei vê leh ta hlê mai, tap âw tiâu a min koh vâng chuan ka ngaih a tha chiah lo.


"Enge thleng a Seulgi (siawlgi)?"


"Jimin, ka pasalin min hnawt chhuak a, khawngaihin min lo hruâi rawh"


Tap hlap hlap chung chuân a tí a.


"Khawnge i awm?"



Tih leh car tih nun chu ka ruâl nghâl a,

"Kan in kawt ah ka ding, hmanhmawh rawh"


Tap chung chuan a rawn tí a, Seulgi hi ka hmangaihna hi ala reh fel vek lo pawh a niang, atap tih ka hriat tawh hi chuan ka buai vek zêl, hmanhmawh takin Seulgi awmna lam pan chuan ka in khalh chhuak ta nghâl a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:14 pm

THE MAFIA SWEETHEART

CHAPTER - 10




Advertisement click kha hrereng bawk ila❤️❤️❤️😘👌





TAEHYUNG POV








Pi Kimi thil min siâm chu tui ti tak chuan ka ei bawrh bawrh a, in chung lam a melh zeuh zeuh chu ka lo hmu ru kar bawk.


"Mrs Kim, i thil siâm hi chu a tui ngawt mai"


"Iti lawm awm thin e, Mrs Park pawn tui a ti thei lutuk, mahse vawiin hi a ril a tâm vak lo a niang a rawn chhuk thla har emai"



Ngaihtuah hmêl zet a tihpah in Inchung lam chu a thlêk deuh hâ hâ a, Ni tak, Yanoo hi a reh hlê mai, a tap leh tawh amawni le, Mahse Jimin nên an inkâr a that hmêl tho sia, ka ngaih chu a tha thei chuâng lo.


"Ka han ko ange"


Tihpahin ka tho a, Jimin room lam chu ka pan nghâl vat a.


________


Room ah chuan túmah an awm lo, Chhuat a pot tla keh bâk, thil dik lo a awm tih chu hrilh chawp ngâi lo in ka hrethiâm nghâl mai a, Balcony kawngkâ in kalh chuan ka mit ala nghâl chat mai, hmanhmawh zet chuan ka hawng chiah chu Yanoo chu nikhaw hrelo hiân alo let reng chu niin, a kut ah kawl a bun tih ka hre nghâl bawk, Park Jimin engthil nge maw i tih leh tâk le? Hepâ zet hi chuh.


"Yanoo, i tha em? Meng teh"


Tihpahin a biângah chuan ka bêng thak thak a, a huh zawr vek bawk sí, a hmúi pawh a duk vek tawh.


Inchhúngah lútin kawl chahbí chu ka zawng nghâl vat a,vânneih thlâk takin khumah chuan a lo awm hlauh a, hmanmawh zet a Chahbí chu lâ in Yanoo kawl bun chu ka hawng nghâl vat a,

"Yanoo, min hrethei em?"

Ka âu mawlh mawlh reng bawk, min chhâng thei dêr lo, ka pawm tho lawp a, a room lamah chuan ka hruâi ta zâwk a hmeichhe vânduai tak zawng a ni vê chiâng a ni.



A khum ah chuan muttír in puân chu ka sin tír vat a,

"Enge thleng a?"


Pi Kimi chu hlauhthâwn hmêl zet hian a rawn tlân lút vê vat bawk,


"Doctor ka'n ko anga, a thawmhnaw hi lo thlâk sak ang che"


Ka lo ti nghâl vat a, hmanhmawh zet chuan ka tlân thla nghâl a, Jimin cousin Doctor Kim chu ka call nghâl vatin inchung lamah chuân ka tlân chho leh a, Pi Kimi pawn Yanoo chu alo thlâk fel dêr tawh.



"Ka van lainat tak, Master hiân a chungah enge maw a ti leh tawh a niang, Yanoo hi hmeichhe fel leh nun nêm tak a nia,Master hiân a hmangaih theih mai ka lo ring a sin le "


A rawn ti sap sap a,


"Jimin chuan a ngaihsak viâu in ka hre sia"


"I hre lo a nih kha Master Kim, Mrs Park hi a khawngaih thlâk thei lutuk"


Ka hriât sâ a nih vângin ka zâwt buai duh ta lo a, Jimin chuan a ti mah mah tawh a ni, ka tlânbo pui daih mai dâwn a mawni le, mahse ka thiantha ber ka phatsan thei bawk sí lo, Yanoo dinhmun châu lutuk hi ka khawngaih tak zet a ni, hmeichhe pakhat vê mai hetiâng taka tih hrehawm mai chuh,



____________




Rei vak lo ah chuan Doctor Kim pawh a rawn thleng vê nghâl a, Pi Kimi nên chuan Yanoo room pawn lamah chuan kan lo nghâk ta zâwk a, Jimin lah chu a lo thleng har tawh bawk sí, eng êm êm maw a tih bík thin le âw, vawi tam ka call a, a chhâng duh bawk sí lo.


Doctor rawn chhuãk chiah chu Pi Kimi nên chuan kan lo pan nghâl vat a, Doctor Kim leh Jimin nu hi unâu piâng hmun an ní a, Doctor Kim nu pawh hi a thi vê tawh tho a ni.







" Doctor Kim, Mrs Park chu enge a an a? "


Pi Kimi chuan a lo ti vat a.


"A tha lo khawp mai, Kan monú hian rilru lam buaina a nei niin alang, damdawi ka ziâk thla tawh a, in lo ei tír dâwn nia, duat tak leh dawh thei taka enkawl a ngâi ang, a nunna hiâl pawn a tuâr thei, ka sawi top anga, Nghaisak a tâwk thín tih hai ruâl a ni lo a, hetiâng a nih reng dâwn âi chuan rilru lam enkawlna hmun a dah mai a tha zâwk ang"



Doctor Kim chuan lungâwi loh hmêl zet hian a tí a, Yanoo chuan a lo tuâr nasa thei hlê a nih dâwn chu.


"Khawnge Ka nau a chu, Keimân ka'n zilh hlak ang ka tí asin"



"Hnâ a nei a, ka call ala thei lo a, a buai deuh anih ka ring"

Ka ti ringawt a,


"A tha e, kan inhmuh remchân vêleh keimân ka lo zilh hlak ange, ka monú chu tha deuhin lo enkawl ula"

"Awle, Seokjin hyung"

Tihpahin chibai ka búk vat a, ka dâra ben thak thak pah chuan hmanhmawh zet hiân akal leh nghâl vat a,kan hmêla chu lo hâw rawh se, a châk lo ngawt ang.

_______

Car rí kan hriât vêleh Pi Kimi nên chuan
hmanhmawh takin kan chhuk thla vê nghâl a, ka thinrim lutuk hi awm ngaihna pawh ka hre lo, Engthil nge ka hmuh hi, Seulgi maw! Kut inkái riâl hiân an lo la lút dún zui.


"I lo hâw tawh a? Khanú kha engvânga rawn hruai nge i nih?"


"Hey, Kim Taehyung, ka in a nia, ka duh duh ka hruâi lút ang"



"Iti mah mah a ni Thiana"


"Kim Taehyung"


Vín that chuân min tí a, kan in melh rum dún nasa mai, hnek mai inring chuan ka kut chu ka húm ruh tang tang a.


"Master, Mrs Kim chu atha lo takzet a ni, nikhaw hre lo in alo awm reng a, chuan doctor khân rilru lam buaina a nei a, enkawl vat a nih loh chuan a nunna pawn a tuár thei atia"


Pi Kimi chuan tap chung chuan a lo ti vê bawk a, Jimin chuan Seulgi a vawnna chu a thlah ta riai riai a, hun rei tak ka thiânpâ hmêl a ka hmuh ngâi loh inthiâm lohna hmêl chu ka hmu ta, ka ring dik a ni, Jimin hian Yanoo hi ala hmangaih vat ang.





YANOO POV


Ka harh chu khum ah chuan ka lo mu reng tawh a, ka taksa nâ leh ka pangtí na ut ut techuan min tur deuh ut ut mai, nichin mai a thil thleng ka ngaihtuah phei kha chuan ka nâ a zual sauh ni mai hiân ka hria, ka mittui chu a rawn luangthla leh nghâl ngiai ngiai a, kawngkhâr ri rak a awm vâng chuan ka puansin lâi chuan ka inkhuh nghâl vat a.


Pen rí ka hriât chu Jimin a ni tih ka hre nghâl mai, ka hai thei lo hrim hrim, puân chhan ah chuan ka pum chu a rawn khawih dê dê a, ka lo íp châwih châwih thei.


"I damdâwi ei túr ka rawn keng a"



Tih zawng chu a sawi a, ka lo maimitchhíng tlat thung, ka haw takzet a ni, a âw te hiân min ti tim uâi uâi thei, ka chhâng duh ta miah lo a, pawisawi lo tam tak ti nâ a, kei thleng a ka lo tawrh vê vâng hiân ka ngâidam thei lo a ni,

"I muhíl lo tih ka hria Yanoo, i hmeichhe naupang sawi kha ka hre ngâi lo,ka hre lo takzet, mahse, khâ putar erawh kha chu ka nu chungah tenawm taka a chêt vângin a tihsual hremna ka pe mai chauh a ni, ka nú a pâwngsual vâng leh a nghaisak thin vânga hrehawm ka tawrh tír kha ka inchhír lo, ka inchhír ngâi bawk hek lo ang, ka nu tawrhna ngaihtuah chuan a tawrh kha ala nêp lutuk tlat, pawisawi lo pawh ka tina ngâi lo, hetiânga awm hi ka duhthlanna a ni bík lo a sin, ka nu tân chauh a tuâl that thín ka ni, ka nu hrehawm taka siâm tú te kha ka ngâidam ngâi lo ang, ti lo túrin min beisei duh suh Yanoo, an ni ho kha ka thah vek hun ah bul ka tan thâ ang, Park Jimin Mafia king ni lo in, Park Jimin, Hotel leh Hospital nei tú satliah vê mai ang in"



Ka ring thei dâwn em ni? Ni lo, ka la ring thei chuâng lo, na takin min siâm a, rin hi suh lo, mahse,, Jimin hian a nu hi a hmangaih takzet a ni tih ka hria, demna túr ka hre leh ta hauh lo, mahse khâ hmeichhe naupang kha tunge ni ta ang?..... Ka ngaihtuahna te hi a buai nuaih mai, a thusawi chu ka thinlung chuan pawm thlap mahse, ka natna te vâng hiân ka la ngâidam thei lo a ni.


"Yanoo, nangpawh ka duh chuan ka ti lui thei che, tha rum hmang pawn, mahse iphalna la lo chuân vawi khat pawh mutpui tak tak che tumna ka nei ngâi lo"


Ka hmúi chu hupin ka tap ri hak a, tinge ka thinlung hiân a pawm nghâl thlap mai le? Ni lo, Lee Yanoo, i ring túr a ni lo.



"Khawngaihin chhuak rawh Jimin sii, tún ah chuan mahni chauh a awm ka duh"



Tah insúm tak chuan ka tí a,


"Awle"


Tihpah chuan a chhuâk vê mai anih ka ring, a pên rí thlap thlap mai, kawngkhâr ri thuai ah chuan ka lo phu zawk ringawt, thei leh thei lo chuan damdawi chu lâ in ka ei nghâl a, engmah ngaihtuah buai tawh lo zâwk ang, ka hrisêlna hi ka ngaihpawimawh a túl rih, ka pum chu a rawn ri rak rak a, ka ril a lo tâm hlê tawh tih ka hre chhuâk vê chiah, inhnuailamah chuan ka chhuk thlâ vê vat a.



___________


"Ehe ka pi, tinge i lo chhuk a?"


Maid pakhat chuan a lo tí a, Jimin pawn mak tih hmêl tak chuan min lo en reng, mahse a bula thú hmeichhia saw ka hriát zâwng a ni miah lo.


"Yanoo mamawh i nei a mi?"


Jimin chuan min rawn pan vat a, ka lú ka lo thing ringawt, Hmeichhia min en kar tú chu ka melh zauh a, Jimin chuan hrethiâm ni âwm tak hiân chu nú chu a melh vê vat bawk.


"Ani saw Seulgi a nih saw, Seulgi hei hi ka nupui Yanoo a nih hi"



A awm zia chu Jimin hmeichhe hmangaih deuh kha a ni maw, a hmeichhe hmangaih deuh bula 'ka nupui' min ti chu ka hlim ru deuh veng veng mai, mahse hetah enge a tih vê lê?


"Thil ei ka duh a"


Ka ti sap a, Jimin chuan maid pakhat chu a ko nghál vat.

"Chaw ei túr lo va siâm ta che"



Jimin chuan ka kut ah chuan a rawn vuân a, ka lo phu deuh zawk.

"Yanoo, i khua ala sik a nih hi"


Tihpahin ka chal chu a rawn khawih a, Seulgi lah chuân rilru nat hmêl zet hiân min lo enkar bawk, nuâm ka tih loh vâng chuan ka hawisawn ta daih a.


"Jimin, min thlah tawh la, ka kal nân dârkâr chanvê la awm tho mahse ka kal hmâ in nangmah nên hun hman dun ka duh a"


A rawn ti a, ka thinlung hi ana nghâl zawk thei,Jimin chu ka en kar a, mahse ka mit ah min en duh miah lo, ka khawsik te hi a rawn zuâl thar leh in ka hria, Jimin chuan Seulgi awmna lam chu a pan vat a.


"Ka lo lêt leh vat dâwn nia, thil lo ei tha rawh aw"


A ti ringawt a nih chu, ka nui hak a, mahse ka nuih zat vâng a ni lo, ka thinlung atanga thíkna rawn awm thín hi ka huât êm vâng zâwk a ni, chu nú chuan ngeiawm zet a min rawn nuih seih pah hian Jimin bân ah chuan pang chang zet hian a vuân a, ka kut chu ka lo húm ruh ngar ngar ringawt, Jimin chuan hawi pawh rawn hawi lêt lo in chu nú chu a chhuahpui ta vat a.




Step ah chuan ka thu hnawk thei, tinge hetia ka awm le? Hetiânga awm túr hi ka ni lo, Lee Yanoo a hmangaih ve lo che, beisei tawh suh, khânú chauh khâ lâwm a hmangaih, chu thú chu ka in hrilh nawn tluk tluk reng a, ka mittui rawn tling pam chu ka tuai nawk nawk a, thâwk chu ka la hak bawk.


"Ka pi, i thâ em?"



Maid pakhat chuan min ngaihtuah hmêl zet hiân a rawn tí a, ka lo bu nghauh ringawt.





TIME SKIP
_________


Thil pawh ka ei thei lo, Couch ah chuan thú in TV techu min chhuah sak a, mahse ka TV en chuan ka natna te hi min theihnghilh tír hauh chuang lo, ka mittui chu a luângthla ngiai ngiai reng a, a khât tâwkin ka hru zauh zauh reng ringawt.


"Yanoo"


Ka hnunglam ka hawi chu Taehyung chuan nui var var hian min lo en reng a, ka mittui chu ka hru nghâl sawk sawk bawk.

"Lo thu vê rawh, enge i lo tih dâwn a?"


Pângâi thei ang ber chuan ka'n nuih lui sak a, hmêl vawt raih hiân min en vang vang ringawt.


"Enge?"


Ka'n ti leh ringawt a,


"Ka lakah chuan inthup duh suh Yanoo, i tah a chhuah chuan tap bawrh bawrh rawh, i thiân ka nia lawm, keichu awm lo angin min ngâi top rawh"


Vawt raih hiân a rawn tí a, a thusawi chuan min vêl chiâng ngêi mai, ka mittui rawn luâng chu ka hru zauh a, ka insúm thei ta bík lo, ka thin ah hiân min hnawh ut ut in ka hria, ka hmâi chu hupin a ri lo chuan ka tap ta top a.

"Ka hua a ni Taehyung Sii, ka haw tak zet"


"A tha leh vek mai ang"


Tihpah chuan min rawn kuah a, a âwm ah chuan ka hmâi chu phúmin ka inhnít hlap hlap ringawt.


"I nâ tih ka hria lawm Yanoo, i natna te kha thup suh, a lan dân ang ang khân awm top la, i rilru a dam huai mai ang"


Dam thlup hiân a rawn tí a, chu chuân ka tah a ti chhuâk zuâl sauh mai, Jimin hi Taehyung anga rilru thâ ni vê sê ka tih na chuân min tina leh zuâl.


_____________



JIMIN POV


Inchhúng ka lút chiah ka thil hmuh chuân min ti thinrim nghâl tún mai, Taehyung leh Yanoo chu in ngaih hmêl zet hiân an lo inkuah a nih chu.


"Engthil nge maw in tih le"


Ring lêng lâwnga ka tih ruâl chuan rang zet hiân an in thlah vat a, Yanoo chuan hlauh hmêl zet hiân min enkar thung, a tap ani tih hai ruâl a ni lo.



"I lo thleng tawh alaw?"


Taehyung chuan nui var var hiân a ti a, Yanoo ve thung chu a ngáwi reng ringawt, hepâ hiân Yanoo hi min chhuhsak a tum tihna em ni ang?


"min lo zui rawh"


Tih zawng chu ka sawi a, choka lam chu ka pan nghâl vat, A damdawi ei túr ka lei chu nghet zet hiân ka húm vang vang ringawt, ka thinrim viâu nâ a, Keimân na takin ka siâm a, engmah sawi thei ka nih loh ziâ pawh ka hria, mahse khatia an lo in kuah kher kha ka duh lo.


"Enge ni ta"


A awmdân a tang chuan ka lakah ala lungawi chiah lo tih ka hrethiâm nghâl mai,


"Hnêm tú i nei tha bawk a, Tah hian thu ta che"



Tihpahin a thutna túr chair chu ka pawh chhuah sak a, rilru nat hmêl zet chuan min enkar bawk.

"Thu rawh"


Inseh chilh rap chuân ka tí a, min hlauh hmêl zet chuân a thu vê mai bawk a.



Bâwnghnutê leh a damdawi ei túr chu a hmazâwn dawhkân ah chuan ka chhawp sak a.


"Kha, i damdawi ei a hun tawh a"


Mak tih hmêl deuh chuan min en deuh hâ a,

"Bâwnghnutê ka in duh lo Jimin Sii"


A ti sap a, tinge maw a naupan chhiât êm êm le?

"In rawh i tân a tha túr a nih kha"


"Ka in duh lo"


"In ringawt rawh"


Min hniâl tlat hi chuân ka thin hi asa nghâl phat zêl,

"Jimin sii"

A ti sap ringawt,

"Ka dawhtheihna hi fiah i tum a mi?"

A hmâ ah chuan in húm ruh tún in ka chhawp a, min en hâ bawk,

"In rawh"

Inseh ruh tún chuan ka tí leh a, a mittui tla chu hmuh hrehawm ti hlê mahila a tâna tha túr a ni miâu alawm le, Yanoo hi ka hmangaih lo, mahse ka nupui a nih angin ka mawhphurhna a ni a, tha taka enkawl hi ka tih túr ah ka ngâi, mahse ka thú a awih loh chuan dim ka tum hauh lo bawk.


"Ka in duh lo Jimin khawngaihin"


Tap âw tiâu hian a rawn tí a, ka ning ta hlê mai, thâwk chu ka'n la hak a.


"Yanoo i tâna tha túr a nih kha"


Tihpahin Taehyung pawh chu a rawn kal vê a,

"Taehyung si, Bawnghnute ka ngaina lo a"


A mittui hru zauh zauh pah chuan a tí sap a, kei erawh chuan tih ngaihna vak ka hriât tawh loh vângin ngâwi rengin ka lo en top ringawt.


Taehyung chuan enge maw hi a zawng ruk ruk a, fridge atang chuan chocolate chu rawn la chhuak in Yanoo Bawnghnute in túr ah chuan nui lâi lem hi a ziâk a,


"In rawh le, hei Bawnghnute pawn a nuih tawh che nia"


Damthlup chuan a tí a, Yanoo chuan nui var var hian bawnghnute chu a in ve ta mai a, damdawi pawh chu lungâwi zet chuan a ei nghâl a, keiin ka theih loh kha Taehyung chuan awlsam takin a ti theih mai vâng chuan ka thin a rim leh tún tawh,

"Khâ nui hmêl kha ka hua"

Ka tih rual chuan Yanoo chuan min rawn en vat a, a nui tâwp chiang kher mai,


"Duhtâwk teh Thiana, Yanoo hi hmeichhia a nih mai bâkah ala naupang a i hriatthiâm a ngâi, dawh hrâm hrâm rawh, i fanu ang chiah a i enkawl a ngâi tih i hriat kha"



Tihpahin ka dâr ah chuan a rawn bêng thak thak a, hmanhmawh zet hian a kal chhuak nghâl mai a, Yanoo nên chuan kan ngâwi vang vang ringawt.


"Tum duh suh Jimin sii, ka na mai mai zâwk"


Tihpahin a rawn tho a, min hnungchhawn zâwng chuan a ding tlat bawk, a tap leh tawh tih chu hrilh chawp ka ngâi lo in ka hre chiâng kher mai.


"Ka thú angin awm ní la chu i lakah hiân ka suâl ka chhuah reng bík lo ang"



"Ka thei lo, Jimin sii, mihring ve tho ka ni a, I naute lem ka ni lo, Seulgi kha ni ta ila hetiâng hian ka chungah i awm kher a ngem? I awm ka ring lo"


Tihpah chuan a rawn hawi a, kal mai a tum chu a kut ah chuan ka theih tâwp a nâ chuan ka lo hmer vak a,a tê nghâl that.

"Min tinâ nia"


"Tinge ka thú ang chuan i awm theih loh? Tinge?"


"Min chhuah zalên rawh, chu chu ka duh ber, hetah hiân awm ka duh lo, pângâi taka awm ka duh, ka lo suangtuah thin mipa kha ni túrin ka duh che, khawi ah emaw in date ila, thil hlimawm tak tak in ngâizâwng ten an tih ang thin hi tih vê te ka châk takzet, nangmah vâng hian ka nun zawng zawng a chhe vek a sin Jimin, ka suangtuah na te, ka nun"


A sawi zo thei lo a hmúi hnúai lam chu a pet ngar ngar a, ka vawnna chu tâl thlâ in inchung lamah chuan a tlân chho nal nal bawk, ka awmdân hi hriatthiâm har ka ti, tinge hetia ka awm? Glass no chu ka vawm keh chuaih a, ka rilru hi a tâwt up up mai,

" Ka chhuak lawk dâwn a, túmân min lo zui suh ang che u"
ka tí a,
car chuân chak zet hiân ka tlân chhuak ta vang vang a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:14 pm

THE MAFIA SWEETHEART
CHAPTER - 11


Zantin rawn dah in duh sia, a thui thei dâwn lo a nia, chuan click kha aw😍👌




______________





Tuipui cham dúl mai light in a chhun zâwnga rawn tle sep sep thín chu mâwi ti zet hian ka thlír vang vang a,thli vawt tak rawn tleh deuh heuh heuh reng techuan min ti hahsam sawng sawng in ka hria, mahniin tuipui kam ah chuan ka thu reng a, ka rilru tâwt châng apianga ka tih thin dân a ni hrim hrim bawk a.

Yanoo hiân min hua tih ka hria, ka dem hran chuâng lo, mahse tinge mipa dang bula a awm hiân ka thinrim tlat thin le? Ka hrethiâm thei lo, ka ngaihven tih ka hria, ka tih túr dik tak pawh a ni rêng a ni, ka awmdân hi ka hrethiâm lo, ka thianpâ ngêi lakah pawh ka thinrim a nia, Yanoo hi ka duh tihna ni thei mai a ngem? Ka duh in ka hria, mahse duh thei ka ni lo tih pawh ka hre chiâng hlê bawk, hmeichhe pakhat apâ vânga ka huât êm êm kha ka duh thiâng a ni lo tih ka hriât ruâlin ka duh tan tih ka hre tho bawk, min hua a, min hlâu bawk, ka duh tih a hriât vaih chuan ka lakah a in luling mai ang tih ka hlâu a ni.


"Tlangvâl, tinge nangmah chauh a i thut a? Kawppui i nei nange?"



Putar pakhat hmúihmul tuâk vek tawh hiân min lo nuih var var a, mahní chauh a awm ka duh tehrêng nên, hê putar zet chu a ninawm dâwn hlê mai, ka thil ngaihtuah lâi ati khaih lak vek alawm.


"Boruak thiânghlim dawng túr in ka kal a"


Tih zawng chuân ka chhâng a,

"I bialnú nên in in ti thiâm lo tih ka hre mai"


"Ka nupui zâwk a nia"


Tih sap pah chuan ka nui suk a, ka bulah chuan rawn thu vê in tupui chu a thlír vê vang vang a,


"I nupui chu a hmêltha ngawt ang tiraw?"


Ka nui suk a,

"Mmm... Hmeichhe hmeltha tak a ni"


"I hmangaih hlê a nih dâwn kha, a hmêl that thú i sawi zãwng ringawt pawn i hmêl a êng vek alawm"


A nui var var a, ka rin aiin kawm a nuâm daih mai, hetiânga tí tí hi ka mamawh ta ber chu nih hi, chhâng lo chuan ka nui suk ringawt a.



"In hmangaih te inkâr ah chuan a thleng châwk thin a lawm"


"Chutiâng a ni lo Ka pu, ka nupui nên chuan hmangaihna vânga inneih kan ni lo a"


"Tún ah kha chuan in intih thiâm loh vângin i lungngâi chu a nih sí kha, I la hmangaih vat mai ang, Ani pawh chuân ala hmangaih vat ang che, ka chiâng a ni"


A hmêl chu ka en vang vang a, thil ngaihtuah múk hmêl zet hian tupui lam chu a melh vang vang reng a, engvânga hê putar bula Yanoo chungchâng sawi vê chiâm nge ka nih pawh ka hre lo.


"I hria em? Tún a i awmdân kha he khawvêl ah hiân khâ aia mâwi leh chhinchhiah tlâk kha i nun ah a awm lo ang, in hauh pui túr leh tap hliâm hliâm chunga i hming lam fo túr i neih loh hun ah i hrethiâm vê mai ang"

Nui var var chuan min rawn en a, a nupui a chân tawh a ni ngêi ang,a thusawi awmzia chu ka hre vê in ka hria, mahse Yanoo nên chuan a theih loh, Yanoo hiân engtik ah mah min hmangaih ngâi lo ang, ka chiâng lutuk tlat.


"Hawh teh sawti lâi ah sâwn Sozu an nei asin, va in dún ang hmiang, ka lo tum vek ange"


A ti nghâl zui zat a, a thusawi chuan ka ngaihtuahna a ti thuiin a thusawi ngaihthlâk reng ka châk vâng chuan ka "aw" vê ta mai a.

"Keimân ka lo pe zâwk a nge"


Tihpahin sozu an zawrhna kawngsír a puanin te reuh tê an kaihna hmun ah chuan kan in zui phei a.


_____________



YANOO POV



Dar 2 a ri ta, ka tawngkam kha ana mah mah em ni ang? Khawi ah nge maw akal ang le? Couch ah chuan ka thu reng ringawt a, ka mut pawh a chhuâk thei lo, lo chesual palh ta se, ni lo, chutiâng a thleng thei lo hrim hrim.


A châng leh ka vei kuâl leh sek a, awm dân túr pawh ka thiâm lo, Jimin ka tawngkhum dân kha ka ngaihtuah lêt reng a, ka inthiâm lo na chungin ka laka a thil tih vânga a phú vê rêngah ka ngâi tho bawk sí, ni lo, kei a thusawi vê mai mai chuan a ti buai pha teuh lo, hmeichhe dang awmpuiin club ah te a kal pawh a ni thei,


"Ka pi, châwl hahdam tawh la, a tlâi tawh sí"


Maid pakhat chuan min ngaihtuah hmêl zet hian a rawn tí a,


"Ni lo e, ka lo nghâk zâwk a nge, hetiâng hian a tlâi ngâi sí lo a, a kalna túr a sawi lo a mi? "


"Sawi lo, 'túmân min rawn zui suh u' , a ti a,Jeha pawn a awmna a hre lo, hna pawimawh thawh túr a nei pawh a ni mahna"


"Awle, Min ngaihtuah duh suh u, alo thleng têp ang, lo va châwl hahdam tawh zâwk rú"


Chibai min búk pah chuan hreh hmêl zet hian min kalsan vêleh ta a, kawngkhâr lam chu ka melh deuh sek reng a, mahse a motor rí tak ngial pawh ka hre lo.



_______

Couch a ka lo mutthlúk têp lai chuan Car chu a rawn ri ta vang vang mai, hmanhmawh zet chuan ka tho nghâl vat a,


"Yanoo ka lo thleng tawh ania"


Tihpah chuan a rawn nui lút var var a, a awmdân mak ka ti lutuk chu ka lo en top ringawt, Couch ah chuan min nem thú in ka bulah chuan a rawn thú a, zu rim anam hak hak bawk, ka dâr ah chuan a lú chu a rawn nghat vang vang a, ka lo tang deuh túng thei,

"Ka mut a chhuak"


A rawn ti sup a,


"I rúi a nih kha jimin, pentrâwng venna túrin sêrthlum tui ka va lâ a nge"


Tihpah chuan ka tho a, min pawt thu leh rang ngang mai,ka lo tê deuh that bawk.

"Ka tinâ che mi?"


Min ngaihtuah hmêl zet hiân arawn tí a, mak ti tak chuan ka lú ka lo thing ringawt,

"Hetia awm rih hi ka duh a "


Pangchang âw zet a, rawn tih pah chuan ka dâr ah bawk chuan a bei leh thlup a, a awmdân hiân ka nuih ati za lek lek mai.

"Iva in hnem âwm vê a"

"Khâ putar fel deuh nên khân kan in dún a"


Ka nui sak a, tú putar nge a sawi ang âw, a ngawih tâk vang vang vâng chuan a bân chu ka dâr ah chuan nghatin room lam ah chuan ka hruâi chho a, a rit bawk sí, ka hah lutuk chu thâwk ka la kâwk kâwk thei, hetiâng êm êm a, in hnem túr hian khawilam putar in nge sâwm ang le?.


Room ah chuan luhpuiin khuma ka muttúr chu min pawt thlu vê deuh sawk mai, nghet zet hian min kuah nghâl chat mai, ka tâl deuh chat chat a, min kuah nghet bawk sí, dím zet hiân ka sam ka hmâi khuh tú chu arawn húi sawn a, ka lo enkar ringawt, a hnú ah chuan arawn zawi deuh hnawk a, a muhíl chu ni nghâl dêr mai, ala hnâr zui, ka nui hak a, Jimin hi a hnâr thín tih ka hre ngâi maih lo.

"Ka hmangaih che sin, tinge min hmangaih ve theih loh?"


Arawn ti tiah tiah a, ka lungphú chu namên lo hiân a rang nghâl bawk, a ruih vâng mai mai a ni, ka ngâi thu tak túr a ni lo, naktúk ah chuan a danglam leh vek tho ang, Yanoo, he thú hmang hiân inbum tír suh, ka inti nghâl mawlh mawlh a,


" High School kan kal lâi daih tawh atang khân hmeltha ka ti thei lutuk che a"


Enga! High school a! Hah..... Keimah ka ni lo chiâng a, ka ni lo, tunge ni ang? Park Jimin nang hiân hmeichhia engzât chiah nge i kawp tawh le? Thinrim zet chuan a bân chu ka phih thla sawk a, ka tho nghâl vat.

"Ka hmangaih che Seul"


Tih zawng chu a sawi, ka insiâm tha mawlh mawlh lâi chu ka tâwp chat a, Seulgi a sawina nih ngêi hi, henú hi chu engtik ah mah a theihnghilh lo ang, Enge maw ka lo beisei vê vak le? A rawn khuh deuh khar kharh a.


"A vawt lutuk Yanoo"



A rawn ti sup a, kan en chu a lo khúr deuh bap bap a, a chal ka khawih chu alo sa vur mai, a khua sik a ni tih ka hre nghâl mai, puan chu sin that tír sawk sawkin a bulah chuan ka mu vê ta top a, ka theih tâwp chuan ka kuah lum bawk.Park Jimin Mafia King pawh alo dam lo vê thei a nih dâwn hi.


JIMIN POV



"I mutthilh lâi hi chuan angel ang mai ini, Jimin sii"


Ti sap rí chuan min ti harh deuh zawk a, mahse ka meng duh chuâng lo, Yanoo ka bulah a mú tih hai ruâl a ni lo, ka biâng ah chuan a kut nêm thep hian a rawn dawm vang vang a.

"A khawsik pawh a awm tawh lo e"


A ti leh sap a, nizân khân engtin nge ka hâw ka hre tawh lo, ka hriât hnuhnun ber chu khâ putar nên khân sozu kan in tih zawng a ni mai, a insút rík hraih reng reng vâng chuan ka awm a ti nuâm lo, a che ta sat sat a, thawh a tum tih ka hria, rang zet chuan a tho túr chu ka pawt mu leh nghâl vat a, ka meng chiah chu Yanoo chuan mak tih hmêl zet hiân min lo en reng a.


"Good morning,nizân khân ih... I khua arawn sik a, engtin nge hetah ka lo mutthilh pawh ka hre lo"


Bah deuh niai hiân a ti a, a mit meng sen râm leh a hnâr hmâwr sen têk chuan atap tih a ti chiâng kher mai.


"I tap ami? Tinge i muttui kha? "



"Tap lo e, tinge? Ka ti hlâuthâwng che ami? Ka mitah thil a lút palh a "

Tihpah chuan a mit chu a'n tuai deuh nawk nawk a, dâwt a sawi thiâm loh zia hi a in hre lo a ni chêk ang chu, a tap tih ka hrechiâng hlê sí a.

"Hlauthâwng lo e, nizân thil thleng kha engmah ka hre chiâng tawh lo a, nizân khân ka tina leh tawh che tiraw? Thil atthlâk deuh ka tí ami a?"


A mitmeng liân zet chuan min enkar a, ka dâr ah chuan a kut chu arawn dah dê dê a, a nui sak mai,

" Nizân khân nangmah diktak ka hmú a"


A ti sap a,

"Enge i hmuh a? A âtthlâk viâu lo maw"


"Âtthlâk loh e, midang zawng zawng in an hmuh vê ngâi loh ka hmú a, a duhawm ka ti lutuk, i hnâr ring bawk sí"

A ti sap a.

"Ka hnâr ngâi lo"

Nui chung chuân ka tí a, ani pawh arawn nui ve ta var var mai, kan pahnih a kan nuih dun vawi khatna a ni ngêi ang, ka insúm zawh ngang loh vâng chuan ka kuah nghâl vang vang a, ka lungphú lah chu namên lo hiân a rang dut dut bawk, Ka nui hak ringawt, Yanoo pawh chuan nghet zet hiân min kuah lêt vê a, Yanoo hi ka duh a ni, mahse, ka duhna hiân a daih rei angem? Apâ hmêl ka mitthlâ ah alan apiâng hian alakah ka thinrimna ka hrithla thín sí a,lo hmangaih tâ ila, Yanoo hiân engtik ah mah min hmangaih lêt vê ngâi dâwn lo, Ni lo, Park Jimin, Yanoo hi i hmangaih thei lo, i thluâk kha hmang rawh.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:14 pm

THE MAFIA SWEETHEART CHAPTER - 12

BY

HLUTEI JOCUND PACHUAU




TIME SKIP






Yanoo Pov



Make-up ka inbel mawlh mawlh lâi chuan Jimin phone chu a rawn ri ral ral a, Ka en chu a phone screen ah chuan Seulgi tih hi alo lang kalh mai, ka hmu chiah chu engtin emaw hian ka awm deuh zawk a,ka awmdân chu hai ruâl lohvin thíkna a ni tih ka hre nghâl mai, Jimin lah chu a inbual daih bawk sí a, la lo ila a ring ral thak thak dâwn si, ka lâk chuan a thinrim ang tih ka hlâu bawk sí, la top ang, muangchâng chuan ka ban dê dê a, a thinrim leh thinrim mai mai rawh se, ngâi ah ka nei tan tawh ni berin ka hria.


"Hello"


" Khawnge Jimin?"


A rawn ti nghâl top a, ka pe âwm lo ê ka ti rilru nauh nauh bawk,

"Jimin chu a inbual a, nakinah lo call leh mai rawh"


"Tunge i nih a?"


"Hre lo la tha zâwk"


Tih zawng chuân ka chhâng a, a ngâwi ta vang vang mai.

"Awle, anih Nakin ah ka lo call leh mai dâwn nia"


A sawi zawh chuan a dah nghâl daih a, min thík tih ka hrethiâm mai, an pahnih hiân an inhmangaih a nih chuan tinge an inneih mai loh? Kei hi an in kâr ah ka in rawlh tihna nia, ka hmeichhiátpui rilru tihnat chu ka thei lo, Seulgi hian ala hmangaih tih hai ruâl a ni lo a, chutiâng bawkin Jimin pawn, keipawh hiân Jimin chu duh vê tho mahila mí inkâra lo in rawlh vê ngawt ka duh teuh lo, ka inthiâr fihlim mai túr a ni, mahse ka thík tho, ka na bawk ang, an pahnih a an awm dún túr ka ngaihtuah ringawt pawh hiân ka na vawng vawng mai, kan mipa duh êm êm leh a hmeichhe hmangaih tak hlim taka an awmdún lâi hmuh chu tú hmeichhia mah in an theih bík ka ring lo.


"Engatân nge ka phone kha itih?"


Ka hnunglam chu ka hawi vat a, Jimin chu Bathrobe nên sam huh hlap hiân alo ding reng chu niin,asam tla deuh chhap kâr atang chuan min en kar a.

"Seulgi a in tí a, i inbuâl tih ka hrilh, enga tân mah ka ti lo e"

Tihpah chuan ka pe deuh sawk a, room atang chuan ka chhuâk nghâl daih, kawngkhâr chu na thei ang berin ka khâr thuai bawk.

"Yanoo ding teh"


A ti lauh lauh rí chu ka hria, mahse ka ngaihsak duh lo, ka tlân thla hlawk hlawk a.



Choka ah lút in ka thin sa lutuk tih daih nân tui vawt tak mai chu ka dâwt nghâl khawlh khawlh a.


"Min ring hlel vêl amaw, a biâlnú phone lo chhân kha ka châk rêng rêng lo, an pahnih khân hremhmun ah tla daih rawh se"


Tihpah chuan tui chu ka in leh khawlh khawlh a,

"Enge ilo phun bawrh bawrh a?"


Ka phu chiâng lutuk, ka tui hmuâm ka phuh lo chauh, ka hâk zui, ka khuh kharh kharh a,


"I tha em ka pi?"


Pi Kimi leh Taehyung chuan mak tih hmêl zet hiân min en reng a,

"Hetah enge itih a?"


"Hnâ ka nei a, ka kal leh dâwn chiah, i va thinrim hmêl ve"


A ti zui zat a,

"Thinrim lo e"


Tihpah chuan ka nui lui sak a,

"Ka kal dâwn ka tlâi tawh"

Min bye bye lauh lauh pah chuan hmanhmawh zet hian a tlân chhuak leh ta daih a, Taehyung a chhuâk chiah, ka thinrimna rawn thawk leh tan, khânú khân enga tân nge a tih ang le?

"Enge i hriât a Yanoo inbe lawk ang, ka sawi túr ka la sawi lo"


Bathrobe nên chuan a rawn kal ta mai,ka lo phu leh deuh zawk zui, Maid dang an tam vê sia, leh lam chu an lo hawi nghâl sap sap hlawm a, tún lâi ka phu hmâ thei lutuk hi a hrehawm, engvâng nge ni ang le?


"Mahse ka ril a tâm tawh lâwm"


"Min rawn zui rawh"


Ram hmak a a tih tâk ah chuan ka zui ta zâl zâl a,



___________



Room ka lút chiah chu kawngkhâr chu a kalh ta hmak a, min hrem dâwn a ni ngêi ngêi ang, ni lo, a biâlnú phone ka lo chhân avâng ringawt khân min hrem theihna a nei lo hrim hrim.


"I chhúngte i be duh ami? "


"Enga?"


A hmêl chu ka en vat a, kan mit leh mit a intawn fuh chat hi chuan ka zâm chhe tlat zêl a.

"I duh chuan i hmang thei ang"


Tihpahin a phone chu min pê a, ka pâ number ka hre lo, Sora number chu ka hria a, bia pawh ni ila enge ka sawi ang? Ka pâ pawh bia ila ka ngaihna a zuâl mai mai zâwk.


"Seulgi khân a rawn phone che a, ka lâ a nih kha, ka pâ ka biak chuan ka ngaihna a zuâl mai mai zâwk, ka chungah hiân that chhuah lutuk duh suh Jimin sii"

"Engvângin maw?"


"Ka hre lo"


A phone chu dawhkân ah chuan a dah leh mai a, ka inchhír leh deuh, ni lo, ka ti tha lutuk zâwk.


"Seulgi kha a pasalin a hnawt chhuak a, kan inkâr ah engmah awm tawh lo mahse ka thiân tha tak ala ni reng a, puih a ngâi a ka pui mai a ni"



Engvângin nge hêng thú te hi min hrilh vak le? Jimin hian ka duh tih hi a in hre tawh amawni le, ni lo, ka theih chhúng chu ka thup ang, ka thup ngêi ngêi tur a ni.

"A nih chu, Ka laka in sawi fiah vak a ngâi lo nia, túpawh lo be mahla ka tân tangkâina a awm hleinêm"

Tihpahin kal mai ka tum chu min pawt lêt chawrh a, ka bân a hmerna lutuk chu ka lo tê deuh that.


"I tân awmzia a awm lo tak tak ami?"

Ka mitah chuan min en kar a,

"Aw, ka tân tangkâina a awm lo"


A mit ah pawh en ngam lo in hmundang melh zak zak pah chuan ka tí a,

"A tha e"


Tihpah chuan a inthiâr fihlím leh nghâl vat a.


____________





"Insiam rawh, Busan ah kan kal dawn"


"Enga!"


"Chawhnu lamah ka lo lam ang che"


Tihpah chuan a insiâm sawk sawk a, Seol chhuahsawn in khawi ah mah kal ka duh lo a sin, Busan ah chuan kan awm hlen dâwn tihna mawni le, ni lo, ka pa te, ka nú thlân leh súlhnú hlat a awm ka duh teuh lo mai.


"Khawi ah mah kal ka duh lo, hetah hiân awm ka duh zâwk"


"Ka thú hniâl suh Yanoo"


A tih fak tâkah chuan ngâwi rengin ka room lam chu ka pan nal nal a, ka nú thih cham a ni têp tawh a, a thlân ah pawh ka kal thei dawn lo tihna nia, engtin nge ka tih tâk ang?

Ka nú thih cham ah tal chuan Jimin chungah hiân ka huâtna zawng zawng theihnghilh in ka theih tâwpin that ka chhuah anga, ka nú thlân ah kal ka díl ang ka tí a sin le, Busan a kan awm daih chuan a thih cham ah takngiâl pawh a thlân ka tlawh thei dâwn lo ania, ka kal khât teh lúl nên.


Maid pakhat chu luggage liân zet nên chuan alo lút a,

"Ka pi, Mr Park chuan i thawmhnaw pack sak túr che in min tí a"


Ka lú chu ka bu nghauh a, Busan a kal chu ka hreh ngawih ngawih a ni ber mai, 'ka kal duh lo' ti tlat tâ ila a thú ka zawm loh chuan min hrem leh ngêi dâwn sí a, min hrem dân túr chu ngaihtuah pawh ka ngaihtuah ngam lo.


Jimin pawh chu a rawn lút vê nghâl a.

"Chhuak rih lawk teh"


A tih rual chuan maid chu a tlân chhuak zâl zâl a, kawngkâ chu a kalh leh hmak tawh.


"Yanoo, ka thú i hniâl loh phawt chuan that ka chhuah ang, min ring rawh, min hmangaih lo mahla i pasal ka ni reng tho, ka thú zawm chu itih túr a ni"


Ka biâng tawn tawn rawn vawn pah chuan a tí a, hmangaihna pawh chu a rawn sawi tel vê khanglân le.

"Ka hmangaih lo che tih i hria ami?"


"Hre chuâng nâng"



"Awle, ka lo insiâm ang"




"A tha e, hmeichhe tuar chhel tak inih kha insiâm la, kan kal vat dâwn nia, túmân min tibuai tawh miah lo ang"

Tihpah in ka hmui ah chuan a rawn fâwp zauh a, a ding nuih leh suk tawh,

"Engtia rei nge kan awm ang? "

"Kar khat chauh, chawlh hmang angah in ngâi top rawh, hnâ ka thawk anga ka pi bulah ilo awm dâwn nia, chuan ka lo hâw vêleh ka duh ang min tih sak ziah ang"


A nui suk a, a thusawi awmzia erawh ka hrethiâm ve hauh lo thung, Lawk in, ka pí a! A pí tak tak tihna mawni le, zawhna ka zawh vak chuan a thinrim ka hlâu bawk sí, a pí chu suâl deuh lo ni ta sê, awi ka va han peih lo teh rêng êm, thih hreh in ka hreh.

"Engmah ngaihtuah buâi a ngâi lo ania, i tih túr chu, zantin min tih hlim a ni mai"



Tihpah chuan nui vur vur chung chuan a chhuak leh vat a, Khatiâng lam kha alo sawi reng a ni maw, tenawm lutuk, engtin nge awlsam deuh a asawi theih le? a chhuah vêleh chuan maid chu a rawn lút vê nghâl vat a.


"Busan chu hei ai hiân a lum hret dâwn a, kawr pan lam chí hlír hi ka dah mai dâwn aw"


Tihpahin ka closet ami chu a thlep miâl miâl a, a dah ang ang chu ka lo 'âw' hmiah hmiah ringawt.



____________






Chaw chhún ka ei lâi techuan Seulgi thusawi tur ringawt chu ka rilru ah a awm reng mai, ka thil ei pawh a tui lo, khawi ah nge Jimin hiân a dah ang le? A pasal chuân Jimin vâng hiân a hnawt chhuâk a ni hrim hrim ang, ngaihtuah tawh suh Lee Yanoo, ka inthing deuh nawk nawk a.


"Noona ka ei vê nghâl dâwn"


Tih leh ka bula rawn thu chu a ruâl nghâl a, ka thil ei lâi chu min rawn lâksak nghâl bawk, ka lo nuih sak ringawt, Jungkook anga rilru thiânghlim hi mí zawng zawng chu ni sê khawvêl hi nuâm ka ti ve deuh mahna.


"Jungkook si"


"Umm"

"Seulgi leh a pasal chu an inthen tak tak ami?"


A thil ei lâi tâwp chat chuan min rawn en vang vang a,

"Aw...tinge?"


"Ka hre châk mai mai"


A hmúi ti pawrh zauh chuan a ei leh mawlh mawlh a, engmah a zawh tlâk hlawl loh, he pâ tak hi chu, Taehyung anga tí tí pui tlâk tak tak a ni vê hlawl lo, mahse ka ngaina tho bawk sia.


"Noona, i thík viâu ami?"

A thusawi vâng chuan ka phu zawk thei.

"Ka thík bawk lo"


"I hmêl atang khân a hriât vek alawm, lungngâi duh suh, Hyung leh Seulgi chu an in hmangaih thín chauh alawm, Jimin Hyung chu ni ila nang hi ka thlang zâwk ang che"


"Tak tak maw?"


Kan nui dún hak hak a, Jimin chuan ala hmangaih viâu a mawni le, ni lo, tinge ka ngaihtuah reng a, ninawm.


Ka inthing leh nawk nawk a,

"Noona, Spicy noodles thak deuh ei ang hmiang, thinrim lâi chuan a tha lutuk"


"Tak tak maw! A tha lawm"


A thil ei lâi chu dah in Fridge a Spicy noodles chu la chhuakin a siâm sat sat a, ngâwi reng chuan ka lo en top ringawt, a phúr hmêl em em leh nghâl, kei erawh phúrna ka nei vê lêm lo, chop stick chuan sauce chu a hmet thla zâl zâl a, a ti thang tih a hriât mai, ka lo nuih suk suk ringawt.


"I ei ngun viâu ami?"


"Mmm"


"Taehyungie Hyung min zirtír a nia, kan thimrim a piângin Jimin Hyung te nên kan ei thín alawm"

"Jimin pawh maw?!"


"Mmm... Thak a ngam lo ber zêl, mittui tla zawih zawihin a ei thín alawm"


Nui hak hak pah chuân a tí a, keipawh ka nuih a zâ, Túnah chuan Park Jimin chak lohna ka hre leh ta, phubâ ka la la dâwn khawp mai.

"Jungkook sii, biâlnú te i nei vê lo mi?"


A thilsiâm lâi châwl meuh chuan phâwk deuh hrâ hian min en kar a,

"Nei lo, ka duh zâwng ka la hmu lo"


"Anih chu"

Tih sap pah chuan ka bu nghauh nghauh a, a hmêltha sí, ngaihzâwng tha deuh nei sê ka ti ngawt mai.


______

"Kha han ei chhin teh"


Tihpahin plate ah chuan noodles sen thap hi a rawn dah a, ani pawh chuan a ei nghâl a, a thak ti lutuk chu bula tui vawt chu a dâwt nghâl khawlh khawlh a, a sí hliâm hliâm bawk, ka lo nuih hak a.

Ka ei vê chiah chu ka kâ ah chuan asa nghâl pup pup mai, ka hmúi zawng zawng te nên chuan asa nghâl vek a, mahse thak tih loh hmêl tak chuan ka awm reng thung, mak tih hmêl deuh chuan min deuh hâ a.


"A thak lo mi?"


"Teuh lo, a tui lutuk"


Tihpahin ka ei leh nghâl a, ka insúm thei tawh lo, ka tho hluai a, tui chu ka in vê nghâl khawlh khawlh a, min lo nuih hak hak mai a, ka pum ah te hiân asa thla pup pup thei, kan pahnih chuan mittui tla zawih zawih in kan ei zo vek tho.



Mittui hru mawlh mawlh pah chuan kan nui dún leh hak hak thín, Jungkook bula awm hi alo nuâm ber anih hi.


"Enge maw intih le?"



Kan nui tâwp chiâng ngêi mai, Jimin chu kawngka biâng nghêng deuh chuan alo ding reng a,


"I tap ami Yanoo?"


Tihpah chuan min rawn pan nghâl a, Jungkook nên chuan kan in en a kan nui dún tet tet ringawt.

"Spicy noodles kan ei a"


"Hyung, Yanoo hiân thak a ngam lutuk ringawt"


A ngâwi ta hmak a, Jimin lah chuan rum zet hiân a melh a, ka hrethiâm mai, Yanoo min tih vâng kha ni maw.

"Noona ka tihna"


Nui var var chuan a ti leh a, Jimin nên chuan kan in en a kan nui dún var var ringawt, hetiâng reng hi ni sê ka ti ngawt mai, Jimin hi ka kiângah hiân nui vê reng se ka ti, ni lo, Lee Yanoo, Jimin hi i tâ a ni lo, beisei tawh suh.




______________







Busan lam pan chuan kan tlân ta vang vang a, pawn lam chu thlír vang vangin thlifím chu ka dawng heuh heuh reng a, ka pum lah chu ana riai riai reng mai, spicy noodles kan ei vâng kha nih ka ring, mahse han sawi hluai tham a nih loh vângin ka ngawih bo pui ta zâwk a, Jimin pawh a ngâwi reng bawk, pawn lam ka hawi ka thil hmuh chuan min ti phu zawk mai.




"Dumdê, dumdê nih saw"


Ka tih ruai ruai vâng chuan car chu a ding dat a,

"Ka chhuak lawk dâwn"


Tihpahin car atang chuan ka tlânchhuak a, Dumde ruâlin pangpâr an lo bâwm laih laih chu ka thlír reng a, a mawi zia hi sawi fiah ngaihna pawh ka hre lo, Car kawngkhâr ri dawt lam chu ka hawi a, Jimin pawh chu arawn chhuâk vê a, dumdê pakhat lo bâwm tú chu thinrim hmêl zet hiân alo vei deuh sawk sawk a.

"Enge maw itih le? Pawisawi lo anih kha"



"Kal ang, kan tlâi lutuk palh ang"


Tihpahin ka kut ah chuan a rawn vuân nghâl lawp a, ka lo têk deuh chhawk thei, a kal túr chu ka pawt ding chawt a, mak tih hmêl zet hiân a rawn hawi phei vat, street light in a chhunna a hmêl eng deuh pap chu ka en kar a, uluk tak chuan min en vê reng bawk.


"Jimin si"


"Ummm"


"Kei hi i bul ah engtia rei nge ka awm ang?"



A mit a en kar chung chuan ka tí a,

"Kumkhua in, tinge ka hâw tír leh che ilo beisei ami a? "


A rawn ti sup a, kei hi min then a tum lo tihna ni maw, ka nuih sak a,

"Anih Ka kut hi engtik ah mah i thlah lo ang tiraw?"


Ngâwi reng chuan ka kut avawn na chu a vuân nghet sauh a, a lú chu a rawn bu nghauh nghauh a, ka nuih sak ringawt, min chhâng kher lo mahse a chhânna chu ka hre nghâl mai, Jimin hi tiâng reng hiân ka chungah tha reng sê ka ti,

"I suangtuahna lalfapa kha nih ka duh Yanoo, min haw viâu mahla"


"Prince Eric maw?"


A bu nghauh a, engvânga tiâng thú te hi engvânga sawi nge maw kan nih le, ka lakah hiân tha reng sê ka tih ruâlin ka na mai mai zâwk ang tih ka hlâu bawk sí, mahse túna kan awm dân hi chu nuâm ka ti takzet.

ka kut chu nghet taka vuân chungin car ah chuan min luhpui a.



Rei vak lo kan tlân hnú chuan mut chhuakin min rawn zêm ta chiai chiai mai, a dâr ah chuan ka va bei thlawp a, ka muhíl nghâl chu ni dêr mai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)