The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Unread post by Ngaia » September 23rd, 2019, 6:19 pm

THE MAFIA SWEETHEART CHAPTER - 25
BY
HLUTEI JOCUND PACHUAU



"Hei hi Kan vice president ania, amâ thuthlúkna hi a ni tawh mai"



Putar pakhat chuan a tí a, Jimin awmna atang chuan ka mit ka la san rêng rêng lo, a bula awm nú saw keh hrep mai ka duh tawh, ka ngaihtuahna ang hi ka ti anih chuan kan muâlpho nasa dâwn sí a, ka thinrim insúm chu ka thâ tehi a khúr hlawk hlawk thei, mahse tinge Jimin hian vawi khat pawh min melh vê loh, min hria ang pawn a awm lo, enge a tih tum hi hre lo mahila, túnah chuan ka ngâwi phawt ang, enge a tih tum chu kan la hre chho zêl mahna.


"Ka hming chu Christian Park a ni e"



Tih zawng chu sawiin an thu thla nghâl a, a bul ami nú saw chu a ngâwi reng a, in hmêlhriat tírna pawh a nei vê chuang lo, engtik laiin nge Christian park a lo nih tâk le? Ka kut khúr hlak hlak chu Taehyung chuan a rawn vuân vat a.


"Pângâi takin awm rawh"


A rawn ti sup a, tlêmin ka inthlah dul vê thei hrâm a, mahse min thâwng lutuk leh mak ka tihna chu ala reh fel thei hauh lo.


"Keichuan ka sign tawh a, Mr Kim i nupui nên hian sign vê ta che u"



Tihpahin file senduk chu min rawn pê a, ani hi Jimin a nih tak tak leh tak tak loh pawh ka hre tawh lo, tinge hetia a awm tlat le? Ka dâwp chhuak thei hrim hrim ang, enge maw ka tih a ngâi.



_____________



Thil chu kan ei mawlh mawlh a, ka ei tui thei lo, ka ei lâi chuan Jimin chu ka va melh leh zauh zauh thín, vawi khat pawh min en lo, a thil ei lâi chu a ei mawlh mawlh reng ringawt, a awm dân hian min tina takzet a ni,


"In túr in duh ka ring a, Hê wine hi zan in atân liau liau ka rawn lei a nih hi"


Tihpahin wine chu waitress hnên ah chuan a pê a, waitress chuan kan no theuh ah chuan a rawn thlí diat diat a, tui an tih hmêl hlawm khawp mai.


"Keichu ka duh vê lo, ka lawm e"


Mak tih hmêl deuh chuan min rawn en thap a, Jimin pawn min rawn en ve ta.


"Enga tinge a Mrs Kim?"


Mrs Kim a? Hah..... Hê pâ hian min bum theih a in ring rêng rêng a mawni le, min bum rei lo top ang, ka thiâm thil ka'n chhuah vê ange.


"Zú leh a kaihhnawih engmah ka in thei lo Mr Park"


Ka'n ti vê ngat a, a mit takah chuan zâmna nei map lo hiân ka en kal bawk.


"Engvângin maw? in núpa tân liâu liâu a ka lei a sin"


"Chuti maw? A pawi ka ti khawp mai, ka lâwm tho nâ a, mahse keichuan fapa kum khat (1) pawh la tling lo ka nei a, ka hnute tui a hnêk vê zauh zauh vângin zú ka inthei lo"


A hmêl chu a rawn dang ta deuh, uluk takin Taehyung nên chuan ka en dún kar a, a hmêl chu a rawn pângâi leh vat, ka nui ta suk a, a fapa chanchin sawi chuan a bengkhawn zar mai.


"Bâwnghnutê hnêk tír ai chuan keimahni hnute pêk ngêi hi a thâ an tia, keipawn ka fâ te kha ka hnute tui ka pe zauh zauh alawm"



An zínga nupakhat chuan a rawn tí a, nui var var chuan ka en vat a.

"A dik chiah ka fapa pawh hi a hrisêl that phah a sin, a chumin a thau têrh rauh a, ka fapa mah nise naute duhawm tak a ni"



Chimmy chanchin ka sawi lâi chuan Jimin chuan bengkhawn loh hmêl deuh hiân a awm vêl a, a rúk chuan a bengkhawn zia ka hai lo chiâng ngêi mai.


"Engtikah emaw kan la picnic ho anga, kan fâ te nên mipa ho tello in"

Chunú bawk chuan arawn ti leh a, ka rilrem zâwng tak a ni.

"A tih chí khawp ang"


Ka lo ti vat a,Jimin chu ka en leh a, a hmeichhe hruai lah chu tawp hmêl sí, tinge a bân ah sâwn a vawn reng le.


"Mr Park i nupui nên khân fâ in nei tawh em?"


Jimin chuan mak tih hmêl deuh chuan min en a, a insiam rem leh nghâl vat.

"Ka nupui a ni lo, ka bialnu zawk"


A thusawi chuan min tina zawk mai, engvângin nge maw ka lo zawh kher kher le, ka chil chu ka lem khalh a, nui hmêl pu sâng chuan Taehyung necktie sâwi chu ka'n siâm that sak a.


"Duhtak, i suih rêk lutuk a nih hi"


Ka'n ti pah zauh a, Taehyung lah chu thâwk pawh a thaw tha ngam lo ni ber in ka hria.

"Yanoo enge maw i tih le kalsan vat rawh"


A rawn la ti sur sur zui.

"Mawla, Jimin hmêl saw lo en reng la ni mai"

Tihpahin a necktie chu ka pawt rêk thut a, a rawn khuh khar kharh mai,Taehyung sii ka inthiâm lo viâu nâ a, hâw ka châk tawh, hetia lem ka chan reng chuan ka â zo vek mai ang, ka tâwt up up mai, ka rilru chuan ka ti mawlh mawlh a, ka hmêl ah erawh ka ti lang lo, nui var var chuan a coat techu ka'n siâm sak vêl a,


"Inremna chu sign tawh mai ila, kan fapa in in ah min lo nghâk bawk sia, i dam sam lo bawk nên a ni lâwm ni Duhtak? "


"Enga? Ka dam lo maw?"


A rawn la ti hú zui, ka nghawk chawrh ringawt.

"Ni e, in fâ la tê si, kalsan reng chí pawh a nih loh chu"


Hmeichhe pakhat chuan a rawn ti vê vat a.



File ah chuan kan sign dún a, Hming sign na ka en chu a hmâ a Jimin hming sign dan leh tún ami chu a in ang hauh lo, mahse hemí vâng ringawt hian ka beidawng túr a ni chuang lo, hetia a awm chhan hi ka zawng chhuak khawp ang.


"Anih kan lo va hâw hmasa ange"


Tihpahin chibai chu kan inbúk a, Taehyung nên chuan hmanhmawh zetin car lam chu kan pan dún ta hlawk hlawk a.





Car kan lút chiah chu ka in súm thei ta lo, ka hmúi chu hupin ka tap ri hak a, Ka ngaih zia hi hria sê chuan tiâng khân a awm miah lo ang.


Taehyung chuan ka hnungah chuan ngâwi rengin a rawn bêng thak thak a,


"Amah a ni, a mit meng atanga thíkna rawn lang kha i hmú em? MahseTinge tiâng khân a awm tlat, min ngâi vê miah lo tihna niang a"



Tap hlap hlap chung chuan ka tí a,


"Keipawn amah a ni tih ka chiâng, hetiânga a awm na hian chhan tha tak a neih ngêi ka ring, lo nghâk rih rawh Yanoo, Jimin pawn nghâk túr che in a tih thin che kha"



Taehyung chuan dam thlup hiân a ti a, a sawi chu dik viâu mahse ka la hrethiâm thei lo.


"Engtiânga rei nge ka la nghah ngâi dawn? Rinawm takin ka nghâk a, túnah chuan hmeichhe dang nên an ni tawh, beidawn san zâwk mai ang, ka tân chuan Jimin kha a thi tawh"


"Yanoo, â lo teh, Jimin chuan chhan tha tak a nei ngêi ang, a hrilh thei lo che pawh a nih ka ring, túna kan beidawn mai ten"



Taehyung chuan a tí a, a sawi dik tho mai, mahse A fapa pawh a hmu châk miah lo hi ka ringhlel rum rum zâwk,


"Hâw phawt teh ang"


Zâwi sap chuan ka tí a, motor chu tinungin party na hmun chu kan chhuah sawn ta nghâl vat a.




_________



JIMIN POV



Yanoo te tlân chhuak lâi chu ka thlír zui vawng vawng a, Yanoo chu a hmêl that ngâiin ala hmeltha reng mai, An pahnih khân min bum an tum vê nasa sia, an innei tak tak lo tih hi ka hre chiâng ropui mai sia, an pahnih khân kei aia hrechiâng tú an awm lo ang, Yanoo mawlh kha, ka ngaih zia hi hria sê ka ti, ka hmuh vêleh a kuah a, ka ngaih thú hi sawi mawlh mawlh ka duh a, mahse ka thei lo, ka nú thattú pawh ka zawng hmu tawh a, phubâ ka lâk hmâ chu ka insawi thei rih lo.


"I ngaihtuahna kha ka hre vek a nia"


Ti tú lam chu ka hawi vat a, Jennie Noona lo ni rengin, Jennie hi ka bialnú ni lo in Namjoon hyung nupui hual a ni a, an ni pahnih chu awm lo se lui ah khân ka thi daih tawh ang, Namjoon Hyung leh Jennie khân fing takin lui kamah khan min lo châng a, Khâm a thil thleng zawng zawng pawh kha an lo hmu vek bawk, tui a ka tlâk vêleh khân tui atangin min la chhuak a, min enkawl damin ka hnâ leh ka nihna engkim min thlâk sak a, tún a ka hna thawhna pâ inremna siampui tuma ka lo beih thin ngei kha ka nu that tú alo nih reng vângin a chhúngah luh chilh tih chhiât vek ka tum ta zâwk a ni.


Yanoo leh ka fapa chu hmu châk viãu mahila ka in kha police ho in la thlí thlâi reng tih ka hriât vângin âtthlâk takin ka che thei lo tih ka hre chiâng hlê bawk, Yanoo, lo nghâk fan fan rawh a rei tawh lo ang, ka rilru chuan ka ti mawlh mawlh a, diktak chuan tlânbo pui daih ka duh, ka thei reng bawk, mahse tlân chhe rêng rêng a hun hman âi chuan ka dikna hi hâi lan vek a, zalên taka awm vê hi ka duh tawh a ni, túmân ka thih kha an ring lo, Police te ngêi pawn, mahse dân chu dân a nih vângin thí anga min ziah kha a ngãi miâu a, mahse ka la zalên thei chuang lo.


"Yanoo chu alo hmêltha tak a nih kha, i fapa pawh ka hmu châk khawp mai"

Jennie chuan a tí a,

" Kei aia hmu châk hi an awm lo ang Noona"



Inseh chilh rap rap chuan ka tí a, ka nun hi chu a hahthlâk ve ngawt mai,


"Ka hrethiam che lawm Jimin sii, keipawn Namjoon nên kan fâ ka chhiât tawh a, a nat dân túr hi ka hria sin, lungngâi lo la, chak takin awm tlat rawh, Yanoo chuan ala hmangaih zia che a mit meng atang khân ka hmu a, alo nghâk reng ang che, Yanoo vâng talin i beidawng mai túr a ni lo a nia"



Ati dap dap a, a thusawi chu dik ka ti khawp mai, mahse a harsâ ka ti ngawih ngawih, ka ban phâk mai ah ka hmangaih te an awm a, khawih chu sawi loh biâk pawh ka be tha thei lo, mipâ mah ni ila nâ ka ti takzet, Yanoo in huât hmêl zet a min en kar phei kha chuan ka na leh zual.


"Yanoo hi hmeichhe fing tak a ni a, ka bum rei thei hauh lo ang"


"Ka hria lawm, bum tum ulh lutuk suh, i awm ang khân awm top la, âtthlâk takin a che hauh lo ang"



A ti leh a, ka ngâwi ta daih a,ka duhthusam leh rin thú sawi reng hi ka kham tawh, Kei ni pawh car lam panin Namjoon Hyung in lam chu kan kal vê vat a, Yanoo hmêl mawlh kha ka mitthlâ ah hian a châm reng mai, Taehyung awm dân te ka ngaihtuah lêt phei kha chuan ka nuih aza ru ngêi mai, Yanoo awmdân khân min thawng hrim hrim bawk a, ani pawh a thawng vê ngang a niang, ka thian te ho pawh ka ngâi ngawih ngawih mai, a bík takin JungKookie ka hmu châk leh zual, ka nau a chu a exam na ah te khân a pass angem le tih techu motor khalh pah chuan ka ngaihtuah veuh veuh reng a.



YANOO POV






Chimmy chu a tê reng vâng chuan ka pawm tho vat a, sana ka en chu dâr 1 alo pêl hret tawh, Chimmy lah chu ala meng kar bawk sí, balcony lamah chuan ka pawm chhuak ta ringawt a, thlâ lah chu a êng uar leh nghâl, a vawt súk mai bawk sí, ka fapa chuan van lam chu a thlír vê dauh dauh a, thla êng chu a lâwm ngang mai a kâwk vê vâ vâ a, kan nufâ chuan kan hlim dún ngêi mai, a râk vê nasa bawk sí, ka nuih hak hak reng a, kan in kawt zâwl a car dum ding reng bula mipa khat kan lam lo hawi reng tú ka hmu thut chu ka phu deuh zawk mai, a thim deuh vângin ka hmu chiâng thei lo, Boihtea nen kan awmna lam chu che miah lo hiân a rawn en char char a, tunge niang le? Min ti hlâu lek lek mai, rang takin ka in sa seng nghâl vat a, room chhúngah chuan Chimmy chu ka luhpui ta daih a, pâwn a chhuah leh ngên chuan a tê nasa mai, pawnlam chu akãwk vâ a, mahse ka chhuahpui duh lo, kha pâ kha tunge ni ang? Min thah tum te hi lo ni ta se, ni lo, ka chhuâk tawh dâwn lo.



Boihtea chu hnutê ka hnêk tír a, ka âwih lauh lauh bawk, rei vak lo ah chuan a muhíl leh ta mai a, khumah chuan mutin parda phên atang chuan chupâ awmna lam chu ka zu bih leh dêk dêk a, alo awm tawh hauh lo, tú mimawl nge mawni le?.



Motor rí ka hriât vâng chuan ka phu deuh zawk a, pardâ atang chuan ka bih thla leh dêk dêk a, ka rei! Ka duh thei lo! Jimin maw!.... Hmanhnawh takin inhnuâi ah chuan ka tlân thlâ a, kâwngkâ chu hawngin pâwn ah chuan ka tlân chhuak nghâl vat a.




Nichin a Jimin dinna thim lâi deuh Hnim buk deuh laih awmna bul chu kan pan vat a, Car chu ala awm reng, mahse Jimin ka hmu hauh lo.


"Jimin sii, nangmah ini tih ka hria sin, khawngaihin vawi khat chauh lo in lan rawh Park Jimin angin, ka ngâi lutuk che sin, ka mamawh bawk che, Tún a ilo in lan lo a nih chuan kei hiân theihnghilh che ka tum anga, ka mamawh lâi che a ka kiânga i awm lo a nih chuan kan inthen hlen ah ka ngãi ang, engtik ah mah ka rawn lêt leh tawh lo ang Jimin"



Ka huaisenna zawng zawng sâwm khâwm chuan ka tí a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:19 pm

THE MAFIA SWEETHEART CHAPTER - 26
BY
HLUTEI JOCUND CHUAU

Zan in chu ka ti thii thei ta lo, ka type sâ a zo tawh sia, type na hun ka nei lo a.



JIMIN POV






Hnim kâr atang chuan Yanoo thaw khu deuh hlat hlat a ading reng chu ka en reng a, a thusawi kha a ti takzet tih ka hria, tún baka hun remchâng hi ka nei tawh kher angem? Yanoo kuahna hun remchâng hi ka hmaih phal teuh lo, enge ka tih ang? Rilru fím tak pu túr a ni, mahse ka chak lohna liân ber ka hmu ta, chu chu eng dang ni lo in Yanoo mittui ngêi a ni, mittui tla pâr chuan pâwn khawvawt ah min nghâk ta reng a, hmeichhe luh lul tak a ni vê chiâng alawm, ka chhuah loh chuan ti hiãn kan awm zankhua thei hrim hrim ang, pên khat chuan ka kal hmâ hret a, engkim huâmin ka pan mai túr a ni.


"Yanoo"


Ti rí ah chuan ka pên tâwp chiang ngêi mai, Taehyung chu khúr hlak hlak chuan a rawn chhuak a,ka bírúkna ah chuan ka lêt leh nghâl vat.


"Enge i tih a? Lút ang a vawt"


Tihpahin a coat lian zet chuan a khuh tha sawk sawk a.


"Hetah Jimin a awm tih ka chiâng, Taehyung sii, khawngaihin ko chhuak rawh"


A ti ta mai, Taehyung chu a hawi deuh vuâl vuâl a,

"Tún ang zan rei ah a rawn kal lo ang, lungngai suh, nghãk rawh ka tih kha, a rawn lêt leh êm êm ang, ring top rawh"


Ka thiana thusawi chu ka sawi âwm a mâwi a ni, a thusawi chuan min ti thawveng hawk mai.


"Engtia rei nge ka la nghah dâwn? Ka thei tawh lo, ka theihnghilh hlen tawh zâwk mai ang, ka chungah hiân hetiânga ti túr hian dikna a nei lo, hmeichhe dang nên an awm lâi min hmuh tír a nia, ka rilru túr hi a ngaihtuah vê miah lo, ka thei tawh lo a ni, ka tuâr thei tawh lo"


Tap hlap hlap chuan a tí a, Taehyung chuan a âwmah chuan bei tírin a hnungah chuan a bêng thak thak a, ka thinlung hi ana zawk mai, saw tiânga tih vê saw ka chãk a ni, ka thiana chu ka thík ngawt mai, ka thin a rim bawk, in húm ruh tún chung chuan ka chil chu ka lem khalh a.



"Lút phawt ila, kan sawi tha leh dâwn nia"


Dam thlup a tih pahin Taehyung chuan Yanoo chu a hruâi lút ta daih a, an lút túr chu ka en zui vawng vawng ringawt, Hetiânga min siam tú te hi ka ngâidam lo ang, ka hmangaih te kiângah pawh hlim takin ka awm thei lo a, an vâi hian ka la nuai chi mit vek ang.



Hmanhmawh zetin car chhúngah chuan lútin ka in khalh chhuak ta nghâl vat a.

_____________




YANOO POV



Ka fapa bulah chuan ka mu vê mai a, Jimin a ní tih ka chiâng, mahse a rawn chhuâk lo kha mak ka ti, kei hi min lo hmangaih tawh lo pawh a ni mahna, ni e, ka theihnghilh túr a ni, Chance ka pe tawh a, chutah pawh ala insawi duh lo a nia, ni e, ka theihnghilh ang, ka theihnghilh túr a ni, a ni êm êm tawh lo, ti khawp khân ka hmangaihin a tân ka in pum pêk a, mahse hetiânga min chhân lêt reng chuan ka na mai mai zâwk, ka theihnghilh tawh zâwk mai ang.



Ka mittui tlâ chu ka hru fap fap a, ka fapa kuah chung chuan ka muhíl vê nghâl vat a.


__________


Ka harh chu ka Chimmy alo awm tawh lo, Pi Kimi khân alo pawm tho tawh a niâng, hmanhmawh zetin ka tho vat a, bathroom ah chuan ka hmâi chu ka phih sawk sawk a, ka ha nawh pahin ka sam chu ka bâwk tawm top bawk, hmanhnawh zetin inhnuâi lamah chuan ka chhuk thlâ a.



Step a ka chhuk thla chiah ka thil hmuh chuan min ti phu chiâng ngêi mai, Jimin leh a biâlnu chu common room ah chuan a lo thu kar a, ka thinlung hi vih sawk ang mai a ni, an bulah Taehyung chuan Chimmy chu alo pawm bawk, hmanhmawh zet chuan ka chhuk thlâ a, ka theihnghilh tawh túr a ni, i thei Lee Yanoo, ka rilru chuan ka ti mawlh mawlh bawk a.


"Mr park leh a biâlnú hi chaw ei túr in ka sâwm a, mahse an duh tlat lo a"



Taehyung chuan a lo ti vat a, ka nui lui sak ringawt.


"Ilo thâ maw, i fapa chu a hmeltha hlê mai"


Jimin biâlnu chuan nui sâng hian a tí a, a hmelthâ in a changkâng khawp mai, mahse kei aiin a hniâm thung.


"Ka lawm e, nangpawh i hmeltha lutuk"


"A ni maw? Mahse nangchu make-up tello pawn i that tho kha"



Nui var var chung hian a rawn tí a, ka nui lui leh sak ringawt.


"I fapa hi ka pawm chhin thei angem?"


A rawn ti leh a, in lâk fel chu tum nasa ngêi mai, a hmâi ah hian ka bêng sawk dâwn amawni le.


"Thei teh rêng e"


Taehyung chuan a lo ti vat a, ka va melh hrâwk a, min la melh tha duh miah lo zui,


"In rem tih loh pawn a pawi lo a nia"


Inthlahrun hmêl zet hian a rawn tí a,

"Pawm rawh, a ho lutuk"


Tihpahin taehyung chuan choka lamah chuan min hruâi phei ta dâwr dâwr a.

"Enge maw itih le? Yanoo, in control vê ta che"


Zâwi tak sí, mahse dawh thei loh hmêl zet hiân a ti hluk hluk a, ka dinhmun hi an hrethiâm hlawl lo, engtin nge ka in control theih teh lul ang.


"Ka tihpalh, i rilru chu ka hrethiâm alawm"


Ka ngawih reng tâkah chuan a rawn ti leh a, a inthlahrung leh deuh pawh a ni mahna.

"A pawi lo, theihnghilh ka duh zâwk, Jimin chu ka tân a thi tawh"



"A thâ e, kal ang"


Tihpah chuan Jimin te awmna lam chu min pan pui leh ta vat a, Jimin biâlnú chuan alo chhaih nui har har a, chú mi ringawt pawh chuan min ti thinrim tún mai, Jimin pawn nui vur vur chuan alo en reng a, mahse a lâwm vê hauh lo thung, mahse khawdang hawi lêk lo in a fapa chu a en reng thung a.


"I fapâ hi a duhawm takzet"


Nui var var chuan Jimin biâlnú chuan a rawn tí a, ka nuih ve suk ringawt.


_____________


Reilo tê ah Jimin chuan hâw a rawt vat a, keichuan an hâw túr chu en pawh ka en lo, pi Kimi bulah chuan Chimmy nên kan awm daih a, a châw lah chu a in ham baw nasa sí, puan huh chuan ka hru fâi nawk nawk a, Boihtea chuan pawn lam chu a hawi vauh vauh reng a, tunge a en le? Ti rilru chung chuan pawn lam chu ka thlír vê a, Jimin chuan nui var var hiân Chimmy chu alo en reng chu niin, min hmu chiah chu a insiâm tha nghâl vat a.


Ngâwirengin Chimmy chu ka pawm sawn nghâl hmak bawk, Taehyung chu hmanhmawh zet hiân a rawn kal a.


"Yanoo, tinge Chimmy kha i pawm sawn daih a?"


"Ilo hmu vê ami?"


Ka'n ti nghâl top a.


"Aw, Yanoo, nghâk rih rawh ka tih kha"


"Lo in rawlh suh, ka fapa a nia, ka thu thu in ka tí ang"


Ka tih that tâk ah chuan Taehyung chu a ngâwi ta vang vang a.


"Nia, i fapa alawm"


A ti sup ringawt, ka fapa hmu túr hian Park Jimin khân dikna a nei lo.


"Noona lo kal vat teh u, thil pawi a thleng a nia"


Jungkook chuan hman hmawh zet hian a rawn tí a, common room lamah chuan kan inzui phei nghâl vat.


"En teh u, Nizân mai a inremna inziah pui te kha an company black money leh thurúk zawng zawng prosecutor hnên ah tú tih hriât lohin a hlân vek a, an tla chhe dâwn, enhtin nge ni ang?"




Ka ngaihtuahna chu a buai ta map mai, keini pawh kan kâng kâi tel vê thei mai angem? Jimin thil tih amawni le? Mahse engvângin nge a tih ang? Tih chu ka in zâwt nghâl mawlh mawlh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:19 pm

THE MAFIA SWEETHEART CHAPTER - 27
BY
HLUTEI JOCUND PACHUAU



"Engtin nge kan tih ang Hyung, kan tla chhe vek dâwn tihna mi?"



Jungkook chuan hlauhthâwn hmel zet hian a tí a, keipawh ka hlâuthâwng vê khawp mai, Taehyung chhânna hre châk zet chuan Jungkook nên chuan kan en dún kar a, ani lah chuan ngâwi reng hian a melh ngâi a melh ngur ngur ringawt, eng tak chu ngaihtuah ang maw?.



"Kan chhe lo ang, kan thawk ho hleinêm, inremna kan siâm ringawt alawm"


Jungkook nên chuan kan thaw huai thei, kan thawk ho anih vaih chuan kan tla chhe tel vê dâwn si a.

"Ka hlauhthâwn hman zia kha"


Jungkook chuan a ti sup a, engmah lungngaihna túr a awm lo chu ka thaw huai mai, Jimin awm lo bawk nên, Taehyung ringawt chuan engmah a ti thei dawn lo tih ka hrechiang si a.


" Rilru hahna túr a awm lo"


Taehyung chuan a ti leh a, choka lamah chuan ka kal leh nghâl vat a.


____________

Chimmy diaper túr leh a kawr túr vêl lei túrin Taehyung nên chuan khawchhúngah kan kal dún a, ka fapa lah chu a hlim em em leh nghâl, Taehyung hi a pa angin a ngâi deuh ni mai in ka hria.


Taehyung chuan car khalh chung chuan Chimmy chu a pawm a, alo ban vê nasa thei bawk sia kan chesual ang tih chu ka hlâu khawp mai.


Mall kan thleng chu a chhúngah chuan kan lút vat a, an zawrh zawng zawng hi lei vek mai ka duh, ka duh chu ka thlang nghâl mawlh mawlh a.


"I duh duh la rawh ka lo pê ang"


Taehyung chuan a tí a, ka nui nghâl var var mai, a hausa bawk a hetiâng mai mai lei techu ani tân engmah a ni lo top ang, nui var var chuan ka thlang nghâl mawlh mawlh a.


"A ngâi lo te i tih vê ka lo ring a"


A ti zui sup a, ka nui hak ringawt.


____________

Ka duh kan thlang zo chu hâw leh nghâl mai lo in Taehyung chuan tih túr a neih vângin shopping mall kawt a cafe ah chuan kan lo nghâk rân a.



A rei tawh êm êm leh nghâl, enge maw a tih êm êm le, sana ka en chu dar 3 alo ri dêr tawh, Boihtea lah chu a muhíl tui ropui mai bawk si, avan rei tawh tak, ka call lah a chhâng thei bawk sí lo, chutia ka hawi ka hawi kuâl lâi chuan dâwr chhúnga coffee rawn lei tú ka hmu thut chu ka phu deuh zawk a, Jimin chu suit dum vek a inthuâm hiân alo hawi phei a, hmân a a hmêl rum tak kha apu bawk, en pawh ka en tha peih lo.



"Enge hetah in tih a?"


Tihpah chuan min rawn pan a,

"Kan bazaar a"


Tih ringawt chuan ka chhâng a, pawn lam chu ka melh deuh sek bawk.
"Hâw in duh tawh ami?"


"Aw"


"Ka lo thlah ang che u"


"A ngâi lo, ka lawm e"



Ka lo ti nghâl vat a, a bulah ka chuâng anih chuan thu âtthlâk pui pui ka sawi dâwn tih ka hre nghâl vek.


"Luh lul duh suh, i pasal chuan meeting pawimawh tak a nei a, ala rei viâu ang"


"Taxi ka la mai ang"


Ka la ti hrâm a, nin hmêl zet chuan a thaw hak a,


"Vúr a tla hnem dâwn tih an sawi a, taxi in awmna anga hlâ ah chuan an kal duh lo top ang"



Ala ti ta deuh deuh a, tih ngaihna ka hre tawh lo, ka ngâwi ta hmak a,


"Hawh u"


Tihpahin Chimmy mutna chu a châwi nawlh a, a chhuah pui nghâl hmak a nih chu, ka thil lei ho khâi chuan hmanhmawh zet chuan ka zui chhuak vê nghâl vat a.


"Enge maw i tih le?"


Ka ti that bawk, min chhâng lo in Chimmy mutna chu car hnung seat ah chuan dahin driver seat ah chuan a thu lút hmak a.


"I rawn chuang dawn nge i fapa hi ka tlânbo pui dawn?"


Rum zeta min melh chung chuan a rawn tí a, tih ngaihna ka hriât tawh loh vâng chuan ngâwi rengin car ah chuan ka lút vê mai bawk a.


Ka lút chiah chu a car chu tinungin min tlân chhuah pui ta nghâl a.


________

Tukverh lam hawi chuan ka thu ngâwi kar a, hetiânga car pakhat a kan chhúngkua a chuan kha ka lo suangtuah thin a, mahse ka suangtuahna ang kílh kêlh kha chu ni lo mahse ka hlim ru veng veng tho, Jimin ka la hmangaih zia hi engtik ah mah a dâi lo anga ka thih ní thleng pawn ka theihnghilh dâwn lo tih ka hre chiâng hlê bawk, ani theihnghilh tum chu ka tân chuan vân a rah ang vêl a ni.


Chimmy chu a rawn tap ta râih râih a, Jimin chuan a car chu a ti ding nghâl dat a.


"A tui a hâl a niang"


Tihpahin ka chhuak vat a, Chimmy chu pawm in seat hmâ ah chuan ka thut pui a, a bâwnghnute siam sâ ka ken chu ka hnêk tír nghâl vat bawk, Jimin chuan a rawn en vang vang a, "Min chhún hlê mai" a tih rilrúk vê ngei ka ring.

"Naute duhawm tak a ni"


Tih sap pah chuan car chu a ti nung nghâl vat a, kan tlân chhuak leh vat bawk, a rilrú a awm ang kha sawi vê mai âwm, ka lo ti rilru leh hman pek a.



Ka rin ang ngêiin Chimmy chuan khalh vê chu a ngên leh tlat pek a, a tap lek lek tawh, ka pawm bet ta top a, nuâm lo ka ti ru ang reng khawp mai.


"Ka mal chungah hiân lo dah rawh"


"Enga!"


Ka'n ti deuh hú a, a thusawi chu mak ka ti ngêi mai.

"A ngâi lo, kan thleng têp tawh tho lawm"


"Rawn dah rawh, a tah nasat êm khâ"


A tih tâkah chuan inthlahrung zet hiân amal chungah chuan ka va dah a, ka fapa chu a nui ta har har mai, Jimin pawh a nui vê vur vur mai.

___________



In kan thleng chu Chimmy chuan ala kham lo aniâng, ka pawm chhuak chu car lam ringawt chu a kâwk leh a, a kut chu la thla vatin ka pawm bet top ringawt,


"Mangtha le"




Tih zauh pah chuan chibai chu ka búk a, ani pawh chuan chibai chu min búk lêt vê bawk, inchhung ah chuan hawi lêt miah lo in ka lút nghâl vat a.



Inchhúng ka lút chiah chu ka thaw hawk thei, a rim te, a hmêl pawh ala pângâi reng, tlêm in a chêr deuh tawh tih mai loh chu.


"Boihte, apâ nih kha aw"


Tih sap pahin ka fapa chu ka chuk zauh a, ani lah chu a hlim êm êm leh nghâl, a hre vê deuh nge mawni.
_______________


Ka fapa chaw ka pêk mawlh mawlh lâi chuan Taehyung chu thaw hlawp hlawp hiân a rawn lút a, a meng phâwk nasa bawk sí.


"Engtin nge in hâw a?"


A rawn ti deuh hú a, min zawng buai nasa ni ngêi túr a ni, keilah chuan ka phone room ka lo dah daih bawk sia.


"Naupang chhia pawh ka nih tawh loh hi"


Tih ringawt chuan ka chhâng a.


"In hâw dâwn techuan rawn sawi túr che nia, ka hlâuthâwng hman alawm"


Thaw deuh huai hiân a tí a, ka lo nuih suk ringawt, ka tân hi chuan an va han tha teh lúl êm, an thatna hi rulh lêt dân túr pawh ka hre lo, ka lâwm bawk sí.


"I ril a tâm em? Jungkook pawh a rawn tâm hâw leh ngawt ang"



"Tâm lo, ka rawn ei hâw tawh alawm"



Couch a thut pah chuan a ti sup a,


"Khawi ah nge i ei bík a?"



"Ka sawi duh lo"



A ti leh ringawt a, hepâ hian ngaihzâwng a nei vê deuh amawni le? Chimmy chuan alo ban nghâl vat a, a ngâi tê ang bawkin an in chhaih nui leh ta hawr hawr mai.




"Ka Tling, Hyung, Noona, ka tling a nia"




Jungkook chuan ring lêng lâwng hiân a rawn ti lút a, a zuâng nasa bawk si, a hlim hmêl mawlh chu hmuh a nuâm ngêi ami.


"Kei hi Namjoon Hyung angin lawyer tha tak ka ni dâwn"



Phúr hmêl zet hiãn a rawn ti lút a, Taehyung nên chuan tê teng tung chungin kan kuah nghâl nawk nawk bawk, kan thâwm chu a tha ngêi mai, Chimmy pawh chuan a kut alo bêng vê nasa mai.



"Enge i ei duh, i duh duh ka siâm ang che"



"Ka rawn ei tawh alawm, ka tlin lawm nân ka thian ten min treat a"



"Enga? Nang ni pahnih hi chaw ei túrin ka lo nghâk vê che u a, enge maw in hriât le"



Ka'n ti hlak hlak a, Taehyung nên chuan an nui deuh pút pút mai.


"Noona nangpawh enge i hriât a, ní dangah techuan i tâm hun hun ah ilo ei top zêl sia, min nghâk ngâi sí lo a"



Jungkook chuan a rawn tí a, a ni tho mai, keipawh hi enge vawiin a taka ka nghah vei le?


"Ka ril pawh a tâm lo"



Tihpahin room ah chuan ka chho tâu nghawng nghawng ringawt.




___________




Room ah chuan laptop a Jimin nên ka thlalâk chu ka en mai mai a, ka van ngâi tak che, i nâu duat êm êm hlawh tlinna te hi hre vê la ka van ti êm.



Thlalâk chu nui deuh suk suk chuan ka en reng a.



Ka phone rí chuan ka ngaihtuahna a tangin min ti harh zawk mai, hmanhmawh takin ka phone chu ka en a, ka number hriât ngâi a ni hauh lo.


"Hello"


"Yanoo Jimin hi dang rawh khawngaihin nang chauh in iti thei"


Hmeichhe âw hian hlauhthâwn hmêl zet hiân a rawn tí a, a thusawi awmzia chu ka hre hauh lo, mahse Jimin hming alam tawh hi chuan ka beng a verh zar zêl.


"Enge awm zia?"


"Jimin khân a nu thattú tún ah hian a luh chilh a, thah ngêi a tum bawk, a that a nih chuan a ngâi tê ang bawkin jail ah bawk a tâng leh dâwn a nia"



A rawn ti a, hetiâng taka kan chanchin hre chiâng tú hi tunge ni ang? In bumna a ni thei a ngem? Ni lo, ka ngaih thah ngawt thei lo.


"Khawi ah nge i awm?"



Ka'n ti nghâl top a, a address chu kimchang tak chuan a sawi a, phone chu ka dah leh nghâl vat bawk, ka kal angem? Engmah ka hre lo, ni lo, Jimin, ka kal túr a ni, ka coat chu la in hmanhmawh tak chuan ka tlân chhuak nghâl vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:20 pm

THE MAFIA SWEETHEART CHAPTER - 28

LAST CHAPTER

By


Hlutei jocund pachuau




Ka chawlh det hnú ah a hmâwr kan lo bâwk vêleh dawn ta reng mai, kei a story ziah vê teh lúl in lo chhiar duh hi ka lawm takzet a ni, in duh khawp lo ang tih pawh ka hria, mahse ka theih ang tâwk a ka ziah vê a ni a, in zavai chungah ka alwm vek e..



💜💜💜💜💜💜💜💜💜💜💜💜💜💜💜💜💜



JIMIN POV



"I nu kha mi tenawm tak a ni"


Zâm map lo a min tawng khum tupâ chu ka silai chuan ka tin rân a, ngeiawm zet hian ala nui vâwn vâwn zui leh nghâl ka thinrim lutuk chu ka alh mai dâwn in ka hria, ka sa up up thei hiâl a ni.

"I nu kha mipa tello in a awm thei lo tih i hria em? Pasal nei reng chunga mipa dang kawp chíng anih kha"


"Ngâwi hmak rawh"



Ka ti vín thawt a, ka mittui tla chu hrúk hul pawh ka tum lêm lo, ka rilru nat êm vâng a ni.


"Ka nu khân i pawi enge a sawi? Tinge i thah?"


Ka'n ti leh deuh thawt a, zâm map lo chuan min en reng bawk.

"I duh chuan min kâp rawh Naupang, thih hi ka hlâu rêng rêng lo"


"Tawng tawh suh"



Tih paha kah pop mai chu ka duh a, mahse Yanoo leh ka fapa hmêl mawlh ka mitthlâ ah a châm reng mai bawk si, a hmâ ang kha chu ni ila alú ah sâwn ka kâp darh vek tawh ang, mahse Yanoo leh ka fapa ka ngaihtuah lo thei bawk sí lo.



"Jimin sii, khawngaihin ti lo hrâm rawh keimah Yanoo"



Tap hlap hlap chunga rawn tih pah chuan kawngkhâr chu a ri dawt dawt a, Yanoo ngêi a ni tih ka hre nghâl mai, Jennie noona in a ko tih ka hre nghâl bawk.


"Khawngaihin kei leh kan fapa ngaihtuah la, ngâidam rawh"


Arawn ti mawlh mawlh bawk a,


"I hmangaihi pawh a rawn thleng ta e, i tuâl that lãi a hmuh vê duh tâkin hawn sak ta che"


Ngeiawm zet chuan a tí a, ka silai chu ka'n tin rem sauh sauh a, kah mai inring rân chuan ka awm reng bawk, Yanoo hi tinge maw tún ang hun ah te alo kal kher kher le? Avan hun lo thín tak.




Kawngkhâr ri chawrh lam chu ka hawi vat a, Yanoo chuan a rawn chhu chhia tih hai ruâl a ni lo, a kut a hrei tê chi keng rân chuan mittui tling kiau hian alo ding reng a, min rawn pan nghâl vat bawk.



"Ti suh khawngaihin"



Arawn ti deuh sap a,


"Rawn kal hnâi suh Yanoo"


Ka lo ti vat bawk, ka theih tâwp chuan kâp lo túrin ka indang vê asin, mahse ka thei lo, ka nu thi lâi hmêl ka mitthlâ ah a rawn lan châng phei chuan engmah ngaihtuah lo a kah pawp mai duh ber.


"Jimin sii, i ti theih lo, ngâidam rawh aw, kei leh kan fapa chauh ngaihtuah la, ka hmangaih che sin"




Hniâl har zet hian a rawn a tí a, ka fapa hmêl mawlh kha ka mitthlâ ah a rawn lang leh ta, thâwk te chu ka'n la hak a, tlêmin ka in thlah dul ta deuh, chu chu Yanoo chuan hriâ in min rawn kuah nghâl vat a.



"Khawngaihin kan hlat ah awm tawh suh, kei leh kan naute chauh ngaihtuah la, Jimin sii kan mamawh che ngâidam rawh aw"



Zâwi sap hiân min rawn tí a, ka ngaidam thei lo, ka thei lo, tinge ka awmdân hi, ka nu, ka hmangaih êm êm kha hê mihring zakthei lo pa hian a that a sin, ka thei lo.


Yanoo chu nghet zet chuan ka kuah lêt vang vang a. Ka hnunga a rawn ben thak thak tâk ah chuan ka natna zawng zawng te kha lâk bo ang hmak a ni, ka rilru damna chu Yanoo ngêi hi a ni a, damdawi thâ heroine an tih ang mai hi a ni.


"Ka hmangaih che Yanoo"



Ka ti sup a, a rawn tap ri hak mai, chutia kan inkuah vang vangilai chuan engtik laiin nge ka silai kha ka lo theh bo hman ka hre lo, silai chu a rawn ri ta thuai mai le, ka kuah lâi ngêi Yanoo taksa chu a rawn zawi ta hnak a, Hrilh chop ngâi lo in Yanoo chu kah ngêi a ni tih ka hre nghâl, pawm chungin chhuat ah chuan ka tlúk pui ta hnawk a, a dâr thlang deuh a nâkruh chunglam nisí a hnunglam atang chuan thisen chu a rawn chhuâk lum pap mai a, chêtna châng rêng ka hre ta lo, engtik laiin nge tih pawh ka hre lo Yanoo hmêl chu a rawn dâng vâr nghâl pap bawk, Namjoon Hyung leh Taehyung aw rí chu ka hre ruai ruai a, ka nu that tupa pawh chu a tlân chhuak ta nghâl bawk, úm túrin thâ rêng ka nei lo, ka hmangaih Yanoo hmêl dâng vâr pap chu ka thlír tlawk tlawk ringawt.



"A mar ala awm a nia, damdawiin ah hruai ang u"





Namjoon Hyung chuan a tí a, Engmah ngaihtuah lo chuan Yanoo chu ka pawm nawlh a, pawn lamah chuan ka tlân chhuah pui ta dâwr dâwr ringawt.



3 YEARS LATER








Yanoo pov





Vawiin hi ka fapa birthday alo ni leh ta reng mai, a birthday lâwm túr chuan kan inbuatsaih ve nasa khawp mai, Taehyung, Jungkook, Jhope, Suga, Seokjin, Namjoon Leh Jennie te nen, an vai chuan kan in cheiin an buai khawp mai, Keichu room ah ka fapa muhíl lâi thlírin ka awm daih thung.



Jungkook pawh Lawyer a zir vê mêk a, Midang erawh an la single tluang zêl chu nia, Jennie pawn Nau a pâi ve leh ta, rei tak zan thim hnuai a kan awm hnu ah hlimna kawl chu a rawn êng veleh tan a, ka nun a hlimna ka tawn awm chhun a ni ngei ang, bathroom a ka pasal inbual zo rawn chhuak chu a rimtui chem chem ngêi mai.


Ka hnungalam atang chuan min rawn kuah vang vang a, towel chauh a veng leh nghâl.


"Va inthlâk rawh"


Nui var var chung chuan ka tí a, nui suk chung chuan ka biang a rawn fâwp zauh bawk, ka kâwngah chuan min rawn kuah vang vang mai.


"Vawi khat chauh kan fapa mut lâi hian"


Ka beng bulah chuan a rawn ti sup a, ka thin a rim leh tún tawh, ka nghawk chawrh a, alo râk that bawk.


"Kal mai teh"



Tihpahin min kuahna chu ka tâlsawn vat a, ala nui hak hak zui.


"Ka uâng a nih kha, lo zu chhuk rawh, Ka lo chhuk vê vat ang"



Ati zui zat bawk, hmanhmawh zet chuan ka chhuk thlâ a, an lo bengchheng hlawm ngang mai, Jennie Unnie chu a dul puar lah chung chuan enge maw hi alo ei mawlh mawlh a, a hmelthat teh lúl nen ei chu duh vê ngawt mai, Namjoon Oppa lah hian a duat thiâm sia a nuam ngawt ang, Ka pasal vê hi chu a.


Ka rilru chuan ka ti thla mawlh mawlh a, tinge maw túnlai hi ka thinrim reng mai le.


"Ivan túm nasa vê a Noona, i nuam vak lo mi?"



Jungkook chuan a tí a, ka nui lui suk ringawt.


"I ei vê chhin duh em? A tui top"



Jennie Unnie chuan nui var var hian a rawn tí a, ka ít vêleh tlat pek a.

"Duh vê tho"


Tihpahin ka'n ban nghâl a, awi.... A rim chu, ka pum lam a rawn in pump leh ta, ka uâk ta that a, min rawn en ta thup mai.


"Ehe... Birthday dang lawm túr kan nei leh dâwn ava nih hmêl ve"



Jungkook chuan nui var var hian a rawn tí a, ni lo, a ni thei leh si, hmanhmawh zetin calendar awmna lamah chuan ka tlân phei a, ka thlatin hunbí hi thla hnih lâi ka âwl tawh, kei hi ka râi tihna ni maw.



"Enge in sawi awmzia?"



Jimin chuan a rawn tí a, a rawn meng phar nasa khawp mai,


"Hyung, noona hi"


"Enge Noona chu?"


"Nau apâi alawm Mawla"



Jennie chuan alo ti hlak hlak a, Ka zak bawk sí, ka fapa kum 3 a tling vê chiah a a chhang túr han pâi leh nghâl chu a nuam vak lo.


Jimin chu rawn tlân pheiin min rawn kuah vang vang a.


"Boihtea i pâi lâiin ka enkawl thei ta sí lo che a, tún tum chu keimah chauhin ka enkawl tawh ang che, ka hmangaih che"


Tihpahin min rawn fâwp vang vang a, midang chu an lo âu nasa mai, ka hlimna hi túmân min lâksak tawh lo se ka van ti êm, ka hlim lutuk na lamah ka mittui hiâl a rawn luang thei nia.




www.storyfb.com mizo story thar englai pawhin chhiar tur a awm reng



THE END


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)