The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Unread post by Ngaia » September 23rd, 2019, 6:15 pm

THE MAFIA SWEETHEART
CHAPTER - 13


HLUTEI JOCUND PACHUAU


Mumang nên ka rawn edit nuaih.......


Chuan a chhiâr tú tê hi changtunu a in chan túrin ka duh che u a, changtunu hranpâ vak awm lo in Yanoo tih hi dik tak chuan You name tihna zâwk ania, but ka chhiar tú a piang te hi Yanoo chu in ni tihna nih chu......



Chuan túnkâr atân ka châwl dâwn tih ka puâng rup a nia, monday ah ka chhunzawm leh chauh ang, ka zin bo dâwn vângin phone khawihna hun ka nei dâwn lo ania......



Advertisement click kha theihnghilh lo ila, ka euphoria vek innih kha❤️❤️❤️❤️






Ka taksa chu a rawn che dat dat a,


"Yanoo harh rawh, kan thleng tawh nia"



Ka meng nghâl kâwk a, ka la ni deuh chhur mai, ka pum lah chu nuâm thei bawk sí lo,

"Hawh lo chhuak rawh"


Tihpahin ka chuanna zâwn kawngkhâr chu min hawn sakin a kut chu min rawn pê a, ka lo ban vê vat a,


In liân lo tak, chhâwnghnih lek zãwn ah chuan kan ding reng a, a bul vêl chu sêrthlum kúng leh pangpãrin a hual vêl bawk, phúl hmun zâu zet hi a awm bawk a, ka duh zâwng tak a ni, a boruak a nuamin ka hahdam sawng sawng a ni ber mai.



Inchhúng kan lút chiah chu a rimtui chem chem mai, helâi hmun hi ka ngaina nghâl dêr tawh,ka nú pawh khân inhmun nuâm tak neih a, a bul vêl ah chuan pangpâr leh sêrthlum chín kha a châk ber a ni thín. Zân thim anih vângin ka la hmu kim lo mai mai zâwk a.


"Ka pi, khawnge i awm a?"


Jimin chuan hawikuâl ruai ruai pah hiân a tí a, ka kut chu ala vuân reng bawk,

"Ka lo kal"


Tihpahin nu upa lam sam pawh vâr deuh that that tawh hi a rawn kal a, pitar hmêltha tak a ni, nuisâng in Jimin chu arawn kuah vang vang a, a pí chu a ngaih hmêl khawp mai ngâwi rengin an awm dân chu ka lo en top ringawt.


"Chuan helâi nula hmeltha deuh hi i nupui chu mi?"



Jimin chu a melh zauh a, chibai ka lo búk zauh ringawt, ka zâm lutuk hi ka lungphú te hi arang dawt dawt in ka hria, awm dân túr pawh ka thiâm lo, ka châu vê deuh bawk nên, ka chelâi zo vek.

"Lee Yanoo anih hi, Yanoo hei hi ka pí anih hi"


"I nupui neih ní a ka lo kal thei lo kha a pawi ka tí, mo kawr i ha lâi chu ka hmu châk ngawt mai che, i hmeltha sí a"


Tihpah chuan min rawn kuah thlap a, ka nú rim ang chiah chiah kha ala nam zui, ka nu min hriat chhuah tír veng veng mai, ka kut vuân chung chuan min en vang vang a.


"Kum engzât nge i nih a?"

Hriat nuam zet hiân a rawn ti dam diai a,

"Kum 20 na ka hmang mêk a"


"Kum 20 chauh maw?, Boiha, ala naupang mah mah lo maw"


Jimin chu a en vat a, Jimin lah chu alo tak deuh rún zui, hepâ hi chuan hlim hmêl put hi aharsat vê ngawt mai.

"Ka tupa lâktlâk loh zet nang ang nula hmeltha lutuk in ilo nei duh hi ka lâwm takzet a ni"


Ati dap dap a, ka lo nui var var ringawt, ka duh vânga nei ka ni awzâwng lo ka lo ti rilru nauh nauh a, mahse Jimin pí chu ka lo rin dân aiin a felin a nêl awm daih mai.


"Ka lâwm lutuk e Ka pi"


"Seol ah in chêng ngêi anga, i nu leh i pâ an dam em?"


"Ka pi, zawhna i zawh hmâ khân min chawlh hahdam tír vê phawt la"



Jimin chuan alo ti nâng nâng a, api chu a nui hak a.


"Naktúk zíngah kan in kâwm dâwn nia, va inti fâi ula, va châwl hahdam tawh rú"


Tihpah in room lam chu min kawh hmuh a, mipa pahnih hian kan bungrua chu min khâi sak vek bawk, room pakhat ah kan awm dún ni maw, ka van peih lo tak.


"Jimin room khat ah kan awm dún dâwn mi?"


"Room hran luah túrin hetah kan kal lo"



Tih hmuk pahin bathroom lam chu min pansan nghâl daih a, khum ah chuan ka thu vang vang ringawt, Seulgi leh midang zawng zawng awm lohna hmun ah chuan ka hahdam vê mahna, chak takin ka awm reng túr a ni, Jimin hi ka duh takzet tih ka hria, mahse ka theih chhúng chu ka thup ang, chuan hê room hi ka duh zâwng tak a ni, Seol a ka room thim reih ruih âi kha chuan boruâk pawh a lút tha deuhin ka hria, chawlh hmang angah chuan ka in ngâi deuh tak tak in ka hria, Chuan Jimin laka phuba lâkna túr tha deuh ka hre tawh bawk a, mahní chuan ka nui vur vur ringawt.



Bathroom kawngkhâr chu a rawn ri rak a, Jimin chu phuân deuh suah hiân a rawn dâk kar a, ka lo phu deuh zawk mai.


"Lo kal vê rawh"


Tih zawng chu a sawi a, ka pum nâ lah hi a rawn na deuh thut thut zêl, Spicy noodles ka ei tawh lo chiâng ngawt ang, ka kal loh chuân ka ti thinrim leh dâwn sia, inhauh buai reng ka peih loh vâng chuan ka kal vê mai bawk a.


Kawngkhâr chu hawngin ka va lút dê dê a,min lo pawt nghâl sawk pah chuan Shower hnuâi ah chuan min pawt lút a, ka chhíp atang tui rawn luâng chuan ka thâwk ati dang nghâl ringawt, ka tlânchhe rang ngang mai.


"Tinge?"


Mak tih hmêl deuh chuan a rawn ti hâ a,

"Ka thâwk adang a"

Ka ti sap a, nui deuh vún vún chung hiân min en kar a, shower hnuai ah chuan amah chu dingin a taksa sexy zet leh a six pack techu ka lo en reng a, a sam chu bin chho vekin mit meng zím sara min en tawh hi chuan ka danglam nghâl vek zêl, a mit sen deuh râm techuan ati lang sexy zuâl.

"I mascara a pherh a nia"

A rawn ti sup a, ka zak bawk sí, bang lam chu hawi vatin ka kawr chuan ka hru nghâl sawk sawk a,

"Keimân ka lo tí ang"


Tihpah chuan min kuâi her a, ka kawr fuâl chu a hlím chho vek mai, ka mit chu uluk zet hian ahan hru dê dê a, ka lo en kar thung, min rawn en vang vang chung chuân a hmúi vawtthlar hiân min rawn fâwp ta dê dê a, ka biâng tawn tawn a adawm vâng chuan nuâm ka tihna azuâl, ka insúm thei tawh bík lo, ka thiâm ang ang chuan ka lo chhâng lêt ve a, chu chuan a ti phúr zualin ka hria, a aia ril zâwk hiân min rawn fâwp leh a, a nawm ziâ chu sawi ngaihna pawh ka hre lo, ka kawr chu hlím chho in a phelh ta vek a, bra leh underpant nên chauh ka awm ta, ka zak leh tlat tawh, ka âwm bâwr chu ka khuh deuh chat chat a, a nui deuh suk mai.

"I nalh lutuk, My Love"


Tihpah chuan min rawn fâwp leh ta, "My love" ni lo, atak a ni lo, he dâwt thú hian ka inbum tír lo ang, ni lo, ka thei lo, duh thâw zet a ka nghâwng a fawh lâi techuan nuâm tihna vângin ka lo maimitchhíng diar diar a, ni lo, Yanoo, inbum tír tawh suh, ka harh chhuak zawk a, Jimin chu ka nemsawn dâwrh a, mak tih hmêl deuh chuan min en reng.


"Tinge Yanoo, tihsual ka nei mi?"


Ka biâng tawn tawn ah chuan a rawn vuân a, ka inbum tír tawh lo ang, a duh duh a atih theih hmeichhia ka ni lo.

"Ka period a"


Tihpah chuan ka thawmhnaw chu chharin ka chhuak nal nal a, Bathrobe chuan ka intuâm nghâl vat a, khum ah chuan thú in maimitchhíng chung chuan thâwk chu ka'n la hak a.



Bathroom kawngkhár rawn ri rak ah chuan ka lo phu zawk thei, Jimin chu lungáwi loh hmêl zet hian a rawn chhuak a.


"Jimin sii"


A inthlâk mawlh mawlh lâi chuan ka lo ti vat a, a thil tih lâi chu a tâwp chat.


"Sawi rawh"


A ti hmuk a, a thinrim tih hai ruâl a ni lo.

"'Ka hmangaih' tih kha enge awmzia?"


Thaw hak pah chuan a rawn hawi a, ka mit ah tak chuan min en reng bawk.


"Ngâi thu tak duh suh Yanoo, hming mai a nih kha, hmeichhe dang pawh ka ti fo alawm"


Tihpah chuan a kamis chu hâ in min chhuahsawn nghâl daih a, enge maw ka lo beisei thin le? Jimin hiân Seulgi a hmangaih tih hi tinge ka lo theihnghilh thin, keichu bungraw pakhat vê mai alawm ka nih, hmeichhia a duh duh chu lo mutpui tawh ang hmiâng, ka buaina túr a ni lo e, hê mihringah hi chuan Ka Prince Eric kha ka hmu vê ngâi lo ang, ka beisei tawh bawk lo ang, Busan kan thlen hmâ a a thusawi te pawh khân awmzia a nei leh top nâng.


________


Dar 1 a ri tawh sia, khawi ah nge kal a tum le? Ngaih tha lo zet chuan khumah ka mú a, ka pum nâ lah chu a reh thei bawk sí lo, mahní chuan thim zíng ah ka insút ri hraih hriah reng a, hepâ laka ka tlâwm lutuk hi ka inhaw ngawih ngawih, in thunun ka tum nasat pauh leh ka theih loh zia ka hrechiâng tiâl tiâl in ka hria, ka na dâwn tih hre reng chungin ka beisei lo thei bawk sí lo, ka awmdân hi hremhmun âi pawn a nêp chuâng lo, eng ang pawn min lo tawngkhum mahse ka ngaihtuah lo thei bawk sí lo, hetiâng nun hi alo hrehawm ber anih hi, hmangaihna vánga inti hlum thín tepawh hi ka dem ta hauh lo mai, a tuâr tú tân anat ziâ leh dawnsawn thiâm aharsat ziâ hi túmân hre vê hek lo, min tih nat pauh leh kan duhna leh hmangaihna hi a zuâl ting maiin ka hria.



________


Ka harh chu keimah chauhin ka lo mu reng a, Jimin alo hâw lo tih ka hre nghâl mai, ka pum bawk chu a rawn na leh riai riai tawh, ka tâi bâwr vêl na veng veng reng chu ka dawm vang vang a, kawngkhâr ri rak ah chuan Jimin chu pawr deuh chhap hiân a rawn lút vê nghâl a, en pawh min en lo chuan bathroom lam chu a pan nghâl nal nal a, ka lo en top ringawt, min biâk loh chuan ka be âwm bík lo emai a, ka Cardigan chu hâ in ka tho chhuâk a, Choka lam chu ka pan nghâl daih, duh leh thinrim mai mai teh se, ka be hmasa âwm bík lo emai a.



________


Ka thil rim hriât zet chuan min ti ril tâm veng veng mai, Jimin pí chuan enge maw hi alo siâm sat sat a,

"I van tho hmâ vê"


Nui var var hian a rawn tí a,

"Nia"

Tih ringawt chuân ka chhâng a, ngaih that loh hmêl zet hiân min en vang vang ringawt,


"Puih i ngâi em?"


"Ei rawng i bâwl thiâm ami?"


Ka bu nghauh a,

"Keimân ka siâm zâwk ange"


A tih avâng chuan ka tilui duh ta bík lo a, diktak chuan ka pum nat veng veng reng vâng hiân ka che peih chiah lo bawk, ka period dâwn a ni maithei ni, banga an thil târ vêl chu ka en vêl ta mai mai a, mipa naupang duhawm zet mai tuipui kam a a nui ver ver lâi thlalâk chuan ka mit ala nghâl zar mai, Nui sak chung chuan ka en vang vang a.

"Naupang duhawm tak a ni thín"


A pi chuan ka bula rawn din vê pah chuan a tí a, hmangaih hmêl zet a Jimin naupang lâi thlalâk a thlír dauh dauh lâi chu ka lo en vê reng bawk.

"Yanoo, ka tupâ hiân a hmangaih takzet che tih ka hrethiâm mai a, ilakah suâlin khirh deuh mahsê i dawh hrâm hrâm dâwn nia"


Ka kut a vawn pah chuan a tí a, diktak chuan a tupâ hian kei nilo in hmeichhe dang a hmangaih tih hi sawi mai ka duh a, mahse a rilru ka tibuai mai mai ang tih ka hlauh vângin ka ngawihsan ta zâwk a.


"Enge in lo sawi a?"



Ka hnunglam chu ka hawi vat a, tunge ka hmuh hi Seulgi maw! Engtin nge hetah a awm theih?


"Ani hi Seulgi a nia, Jimin thiân tha tak a ni, hun rei lote chhúng ka bulah a awm vê a ngâi a"


Inthlahrun hmêl zet hiân a rawn tí a, ka lo nui lui sak ringawt.

"Kan inhmu tawh lâwm ka pi"


Seulgi chuan alo ti vat a, Jimin chuan hetah alo thukru reng tihna ni maw? A bialnu hlui te nên a in khat a awm ho hi ka thei angem ka hre lo, hê nú hnaih a awm alo duh vâng a ni ngêi ngêi ang heta min hruâi chhan hi, tenawm lutuk.


"Yanoo hawh ka pi in hi ka fan pui ang che"


Nêlawm hmêl zet a tihpah hiân ka chhân hmâ hmâ chuan ka bân ah rawn vuân in min kâisawn nghâl dâwr dâwr a, ka pum nâ nên min dím lo ang reng bawk sia, ka lo then tlawk tlawk ringawt.


Room pakhat ah hian min hruai lút hlawl a.

"Hei hi ka room a nia"


Nui var var hiân a tí a, a mízia hi ka mil chí a ni thlâwt lo,a thawveng sí, in la no sí, mahse huâtna chhan túr ka nei chuâng lo, tháwk lâk hak pah chuan a room chu ka enkuâl vê mai a, ka thil hmuh pakhat chuan ka mit ala zar mai, Nizân a Jimin kâwnghrên hrên kha engtin nge hetah a awm theih? Ka en vang vang tãkah chuan hrethiâm ni âwm tak hian a âw a rawn thiân kharh a.

"Nizân khân hetah a riâk a"


Ka na nghâl vang vang mai, mahse ka tilang chuâng lo, a awmzia chu nizân khân an pahnih hiân an riâk dún tihna ni maw, A pawi lo, Lee Yanoo pawi ti suh, ka kut chu ka húm ruh tang tang a.


"In inkâr hi Jimin chuân min hrilh vek alawm, A nu that tute zíngah ipâ hi a tel vê tih pawh a sawi a"


"Enga?!"


He thú hi ka la hre vê miah lo, a awm zia chu Jimin hiân phuba lâk nân min lo nei reng tih ka hrethiâm nghâl mai, Dâwt a ni, ka pâ hi chutiâng mí a ni lo, tuâl a that lo top ang, ka ring thei lo.


"Chu chu Jimin chuan a sawi amaw? "


"Mmm.....Jimin nên chuan engkim kan in hrilh vek zêl, kan pahnih hi chuan pum khat kan nia, then hran mai mai theih kan ni lo"


Min enkar chung chuân a tí fak a, kei hi Jimin phuba lâkna mai mai ka lo ní a nih chu, engtin nge a thlen theih le? Engtin nge? Ka pa, ka haw takzet a ni.



Rang zet chuân ka tlân chhuak a, kan room lam chu ka pan nghâl vat.



__________


Room kawngkhâr chu ka hawng thuai a,
Jimin chuan kamis hâk alo tum chiah hi alo ní a, mak tih hmêl deuh chuan min en reng.


"Thudik a ni em?"



Ka'n ti nghâl top a,


"Eng chu maw?"


"Ka pâ hi i nu that tute zíngah chuan a tel vê tak tak ami?"



Tap âw tiau chuan ka ti a, mak tih hmêl zet chuan min en vang vang a, tah chhuâk bawk sí, tap thei bawk sí lo, mittui tling kiâu chuan ka thaw hak hak a, ka pum leh ka tâi nâ techu a rawn zuâl tiâl tiâl ni mai hiân ka hria.


" Min chhâng rawh Jimin si khawngaihin"



"Aw, thudik a ni e"


Vawt raih hiân a rawn tí a, lei ah chuan ka thu nghâl nawk a, ka taksâ te hi a rawn zawi vekin ka hria, engtin nge ka pâ hiân a tih theih? Tinge tiâng hi ka chungah a thlen bík, a fair lo a ni, khawvêl hi a fair thlâwt lo.


Jimin chuan min rawn dawm vat a, ka lo tâl thla vat.

"Tinge min thah mai loh, min hmangaih chuâng sí lo tinge i kiângah min awm tír reng? I phuba lâkna nih ka duh rêng rêng lo"


Tap deuh pâr a ti chung chuan a âwm chu ka chúm taih taih a, Jimin chuan ngâwireng in min en top ringawt, ka lú techu a rawn hai deuh muâi muâi a, Jimin kut chu la thlâ in khum lam chu ka pan vat a, khum ah chuan ka mu nghâl thlawp ringawt,kan ngâwi dún ta reng a.



"Duhtak, min bazaar pui dâwn kha"


Tihpahin Seulgi chu thawven hmêl zet hian a rawn lút a, en pawh ka en peih lo, ka lo maimitchhíng daih a, ka puansin chuan ka in khuh daih ringawt.


"Ka hman lo, ka pí nên va kal rú"


"Mahse i intiâm tawh kha"


"Seulgi, ka pi sawm mai rawh"



An inbe lâi chu ngâwi reng chuan ka lo ngaithla top a, Tinge Jimin hiân min thah vat mai loh le? Tih chu ka inzâwt mawlh mawlh ringawt,a duh hun hun ah min that thei reng sia, an reh tâk thiâp avâng chuan ka hawi chhuak chu túmah an lo awm tawh lo, ka pa hian chhan nei lo in tual a that lo top ang, ti lo thei lo in an siâm anih ka ring, ka ring thei lo hrim hrim, ka pâ a nih vâng ni lo in, ka âwih thei thlâwt lo.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:15 pm

THE MAFIA SWEETHEART CHAPTER - 14


BY


HLUTEI JOCUND PACHUAU


KA RAWN COMEBACK TA E, IN LUNG TE ALO LÊNG HLAWM EM❤️❤️❤️❤️.......


CHUAN BTS FANS TÂN TUNGE IN BIAS TIH KHA COMMENT LAMAH KHÂN IN LO SAWI VÊ DÂWN NIA, IN COMMENT NA HI KA CHHIAR VEK ZEL A NIA.




Rei lo te hnú ah Jimin chu a rawn lút leh a, ka bulah chuan rawn mu vê in min rawn kuah vang vang a, ka lo ngâwi reng ringawt, ka hua a ni, a phuba lâk duh vâng maiin min lo nei reng a nia, mihring pawh a ni lo, ramsa a nih hi.


Ka T shirt chu hlím chho in ka dul ah chuan a kut vawt zet hiân arawn khawih dê dê a, a kut chu ka lo man chat.

"Min khawih suh"


Tihpah chuan ka phih thla hlawk a, ka tho nghâl vat bawk, hê mihring lak atang hiân inthiâr fihlim zêl ka duh tawh.

"Yanoo i ngaihtuahna kha paih bo rawh, ka neih chhan che chu i pâ in ka sum tam tham tak bâ aia nei che ka ni, phubâ chu i pâ lakah ka la fel vek tawh"


Ka la ngâwi reng a, ka pum na lutuk chu ka dawm vang vang reng ringawt,ni e, keimah hmangin ala rêng alawm.

"Ka pa chu zawh ka duh a ni, tuâl a that thei lo hrim hrim ka ring thei lo, i hresuâl aniang, keimah ngêiin ka zâwt duh a ni, min haw tír rawh"


Ka ti chhuâk sap a, a hmêl pawh ka en tawh lo.

"Ngâwi hmak rawh, khatiâng lam sawi reng kha ka ning tawh khawp mai Yanoo"


A rawn ti chang deuh fak a,

"Seulgi nên hlim takin awm ula, keichu min kal tír rawh, ka pâ leibâ chu ka theih tâwpin hnâ ka thawk anga ka rúl leh vek ang che, thudik zawn chhuah ka duh a ni, min kal tír mai rawh"



Amah lam en chung chuan ka tí a, ngâwi reng chuan min en vang vang a, enge a ngaihtuah ka hre lo.


"inthen i duh tihna mi?"


Min en kar chung chuan a rawn ti sap a, ka lo bu nghauh ringawt, muângchâng rawn tho in min rawn pan a, ka lo tawlh hnung ve vat bawk, ka dâr ah chuan rawn vuân in hmêl thim deuh khap min en kar a.


"I duh takzet amaw?"


Inseh chilh rap a tih pah chuan Ka dâr chu na zet hian a hmer a, ana lutuk chu ka lo then deuh sak a,a inseh chilh vâng chuan a biang pawh a pâwng deuh talh talh mai.

"Aw ka duh, i kiângah ka awm duh lo, Park Jimin kei hiân ka haw takzet che a ni, nang techuan Seulgi i nei reng alawm, i nú kha ka pâ hian a that tak tak lo, in vâi hiân dâwt insawi vek, túmah hi ka ring lo che u"



Ring tak chuan ka ti vê ta tâwn tâwn a, ka dâr zâwn a bang chu a rawn hnek ta chawrh mai, ka hlâu lutuk chu ka lo âu deuh thawt a, ka meng chu a kut alo thí zawih zawih mai.


"Jimin sii"

Tihpah chuan a kut chu ka vuân vat a, a hmêl lah chu a dur khup bawk sí, kut thí deuh phung chuan ka biâng tawn tawn ah chuan a rawn vuân a.


"Ka kal tír ngâi lo ang che"


Aw khúr deuh dar dar hiân a rawn tí a, ka pum lah chu arawn na zawk zawk zêl bawk sí,

"Min thlah rawh"


Tap âw tiâu a tihpah hiân ka lo nem chât chât a, ka theih tâwp chuan nemsawn ta dâwrh mai, khum lam ka pan túr chu ka tâi vêl rawn na pup chuan ka pên a ti khaih lak ta vek mai.


"Thisen, Yanoo i tha em? "


Hlauhthâwn hmêl zet hiân a rawn ti ta chêl chúl a, ka khaw hmuh te hi a rawn fiah lo nghâl ruai ruai a, ka kê a thisen rawn luâng thla chu a sen ngêi nguâi mai a, ka taksâ zawng zawng chu a rawn khúr vek bawk,min rawn dawm nghâl vat a, thâ rêng ka nei tawh lo.

"Kal bo rawh"


Tihpahin thei leh thei lo chuan ka la nem tang tang tho a, ka huâ a ni, a kiânga ka awm reng chuan ka dam rei lo ang, ani phuba lâkna túr ka ni lo, chú âichuan thi lâw lâw ila atha zâwk.


Ka taksa chu arawn zawi ta hnawk mai, ka ding ngíl thei ta lo, a rawn thim nghâl mup a.



____________



JIMIN POV




Yanoo chu ka sâwi nawk nawk a, thisen lah chu a chhuâk nasa sí, ka pawm tho lawp a, khum ah chuan ka mut nghâl vat, Jeha chu doctor phone vat túrin ka hrilh nghâl bawk, hospital a hruâi nân hun a rei mai mai.




A kut ah chuan nghet zet hiân ka vuân a, ka thinrimna hi lo thup bo hrâm hrâm túr ka ní sin le, mahse Yanoo hiân tiâng êm êm khân min lo huâ tih ka lo hre ngâi miah lo, min ngaihtuah vê thin ka lo ring a, ka tisuâl dêr a ni, a lakah hiân engmah beisei lo túr ka ní sin le.



____________



Doctor pawh chu a rawn thleng vê nghâl mai a, Yanoo awmdân chu kimchang tak chuân ka hrilh nghâl bawk, ka pí leh Seulgi pawh an rawn thleng chawpchilh vê nghâl mai a,

"Enge thleng a?"


Ka pí chuan hlauhthâwn hmêl zet hiân a rawn tí a, room atang chuan ka hruâi chhuâk nghâl vat.


"Yanoo nên kan in hâu deuh a, chuan thisen a rawn chhuak ringawt a"


"Enga?"


Ka pí chuan mak tih hmêl zet hiân min en reng a, enge maw sawi tum a a ân zuau lâi chuan Doctor pawh chu a rawn chhuâk vê nghâl a.


"Enge a an a Doctor?"


"A pasal ini em?"


"Aw ni e"


Thâwk chu ala hak a, ka pí lah chu alo thu kun tlawk tlawk mai bawk sí.


"I nupui hiân kâr hnih mí nâu a pâi a, mahse a tha lo takzet a ni"


"Enga!"


Mak ti tak chuân ka en top a, ka pí chuan mittui tla zawih zawih hiân min en reng bawk, pâwi a tí tih ka hria, a chhan chu ka nú bum tupâ fanú lakah kei hiân fâ ka nei dâwn tih a hriât vâng a ni.


"Engtin tiâng hi ka chungah itih theih Jimin"


Seulgi chuan tap chung chuân alo ti vê bawk a, ka pí chuan mittui hru hul zauh pah hiân doctor chu arawn pan vat a.


"Yanoo chu A tha lo viâu em ni?"


A ti sap a,


"Aw a tha lo takzet, rilru hrisêl amamawh a ni, chuan tha taka in enkawl a ngâi, châw a ei tlêmin thisen a nei lo a, eitúr thâ thâ ei a ngâi bawk, nautê hi a chhiât lek lek alawm, thil ei that a mut tam a mamawh bawk"


"A thâ e, kan lâwm lutuk e Doctor"



Ka pí chuan chibai a búk zauh a, Doctor pawh chu hmanhmawh zet hiân a kal chhuak nghâl a, rilru siâm ngaihna ka hre lo, Yanoo hi a râi ka ring pha lo hrim hrim, in vênna lo hmang túr ka nia, enge maw ka lo ngaihtuah thin le.



"I tihsuâl mawhphurhna chu lâ ang che, Yanoo hi ngâidamin a naute pâi mêk nên sâwn tha taka enkawl hi i mawhphurhna a ni tawh, i nú pawh in chu chu a duh ber ang"



Ka pí chuan a tí a, ka rilru tâwt lutuk chu thâwk ka la hak a, ka hlim túr a ni, mahse Yanoo hiân min haw sí a, Nautê a pâi tih a hriât leh zêl phei chuan engtin nge a awm ang, kei hi a damchhúngin min haw reng tawh ang,


"Hetiâng hi ka chungah itih ka lo ring phâk ngai lo a, Jimin ka hua che, kei hiân ka ring che sin, engtin nge ka awm vê tâk ang"



Tihpah in Seulgi chuan a room lam pan chuân a tlân ta nal nal a, enge ka tih ang? Ka pí kha ka hrilh fiah dâwn nge Seulgi hi? Ka rilru avan buâi tak, Muãngchângin Yanoo awmna lam chu ka pan ta zâwk a.



Khum ah chuan alo mu bâm a, a bulah chuan thú in a kut vawtthler chu ka vuân vang vang a, Park Jimin hi pâ a ni dâwn maw? Thil mak tak a ni, ka nui hak a, mak ka ti bawk sí, awmdân túr pawh ka hre lo, Yanoo pum ah hiân ka thisen ngêi a awm chu mak tiin Yanoo nên kan lo awm thin dân techu ka ngaihtuah lêt nauh nauh a.



__________


YANOO POV





Ka pum chu a rawn na leh ta, ka harh hlawl a, khumah ka lo mu reng tawh, ka bân delh tú lam ka hawi chuan Jimin chu ka kut vuân chung hiân alo muhíl reng chu niin, ka kut chu ka la sawn vat a, arawn harh nghâl ti tih a,

"Ka ti nâ che mi? I tha em?"


Hlauh thâwn hmêl zet hiân arawn tí a, ka lú ka lo thing ringawt, nichin mai kha chuan min thah mai pawh hreh lo hmêl kha a pú sí a, hepâ awm dân hi chu hriatthiâm ahar thín ngawt mai.

Thawmhnaw dang ka lo hâ tih ka hrechhuâk thut mai,

" Ka thawmhnâw hi i thlâk ami?"


"Mmm"


Tih ringawt chuân min chhâng a, a nupui ni mahila thawmhnaw in thlâk sak kher chu nuâm ka ti chiah lo, mahsê enge thleng le? Ka hriât hnuhnun ber chu ka kê atanga thisen lo luâng chhuâk kha a ni, engtin nge ka awm le?


"Jimin sii enge thleng a? Engtin nge ka awm? Kei hian natna tha lo deuh ka vei chu ni êm lo ang chu tiraw? "


"Ngaihtuah duh suh, i thâ lâwm, Doctor in thil ei tha túrin a tí che a, damdawi pawh, bâwhnutê pawh in duh loh a theih tawh loh ang"


Bâwnghnutê berkher chu ka ti lui thei dâwn amawni le, ni lo, tinge min ngaihtuah thar tâk êm êm a, ani ngaihtuah hi ka ngâi hlawl lo e,


"Min ngaihtuah suh, ka in enkawl thei alawm"


Tihpah chuân ka tho nghâl vat a, Jimin chuan rang zet hian min rawn dawm vat a, ka lo duh lo nasa mai, hetiânga min ngaihsak anga a awm reng chuan beisei loh túr pui pui ka beisei leh palh ang tih ka hlâu, alak atang hiân engmah ka beisei thei lo.


"I dam tha lo a, Yanoo luh lul tlat lo teh, min haw viâu mahla"


Ani enkawl hi ka ngâi lo chiâng emai a, a kut chu ngâwireng chuan ka phih thla lawk a, bathroom lam chu ka pan daih ringawt, Jimin hi ka ring thei tawh lo, min ngaihsak pauh leh min tih natna a zuâl in ka hria, ka hmâi chu ka phih bawrh bawrh lâi chuan a rawn lút leh thut a.


"I rilru vawi tam tak ka tina thín tih ka hria, mahse i hrisêlna tal kha i ngaihpawimawh a ngâi ania"


A rawn ti leh hrâm a, tah insúm zet chuan ka chil chu ka lem khalh.


"Jimin keini hi enge kan nih chiah? Kan inkâr ah hiân engmah a awm lo, a awm ngâi bawk hek lo ang, ka hrisêlna lo ngaihtuah túrin ka engmah ini lo"


"Enge i duh ber chu ní a Yanoo? Pasalin a tih túr ang hlen ka tum mai a ni"


"Tum duh suh, min zalen tír zâwk rawh, phuba lâkna atân chauh a nupui a min nei tú hi ka pasal angin ka pawm theih tak tak i ring em ni? Min chhuah zalên la ka chunga i thil tih tawh zawng zawnga thâ awm chhun a ni ngêi ang"


A ngâwi ta hmak a, min enkar bawk, enge a ngaihtuah ka hre leh ta hauh lo, hetiânga min en reng hi chuan mí rilru hre thei nih hi ka châk rum rum zêl, mahse ka ring thei tawh lo a ni, min lo bum nasat ziâ hi, milem âi pawn a lem zâwk, a der a nung diktak a nih hi, Hmangaihna tih vêl hi chu a tân chuan engmah a ni vê top nâng, ka hmangaihna pawh hi a phú hlawl lo.


"A thleng ngâi lo ang, ngaihtuah pawh ngaihtuah tawh suh"


Tihpah chuan a chhuak hmak a, bathroom kawngkhâr ri thuai ah chuan ka lo phu deuh zawk zui, tinge ho tê tê ah hiân ka lo phut zawk zawk zêl le? Natna tha lo deuh te hi lo vei tâ ila, ni lo, chutiâng engmah a awm lo ang.





Bathroom atanga ka chhuâk chu khum ah chuan alo la thu reng a, a lêng bo daih túrah ka lo ngâi a, hepâ mízia hi enge maw a inthlâk thut le? Ka ngaih ati tha thei lo.


Ngâwireng chuan ka kal pêl hmak a, Jeha pawh arawn lút vat.

"Boss, Park Jin young a rawn lêt leh tawh a, helâia awm reng hi a ahim lo, Seol lam ah lêt leh vat a thâ ang"



"Awle, Car lo peih fel rú"


Tih zawng chuân a chhâng a, Jeha chhuâk túr chuan chibai min búk zauh a, hmanhmawh tak chuan a chhuâk vê nghâl a,

"in pack duh suh, thawmhnaw hawn a ngâi lo, kan zin leh hun ah kan ring mai dâwn nia"



Ka chhân hmâ chuan a chhuâk ta daih a, ka hmúi ka lo ti pawrh vak ringawt, ka tawngkam khân a rilru a tinâ ni thei mai a ngem? Ni lo, hetiâng rilru hi ka pu tawh lo ang, ka inchhír leh zêl chuan alakah ka tlâwm leh dâwn sa.


Closet chu hawngin Denim Jeans tight zet chu ka hâ a, t shirt lian lam a dum plain chu ka ha leh top a, gucci sandal chu ka bun leh top bawk, hmanhmawh zet chuan ka chhuâk vê vat a.

_________


"Tluâng deuhin kal rú aw, in awm rei thei ta sí lo a, i dam tha bawk sí lo nên, ka ngaihtuah hlê mai che u"


"Ka tha lutuk, kei techu ka tuâr a chel a alawm, I lo in enkawl tha dâwn nia ka pi"



Kan inkuah vang vang a, Seulgi hmêl ka hmu vê hauh lo, Jimin nên inthlahna hun an hmang mêk anihh ka'n ring vê top a,ka thinrim leh tún tawh, room atanga an lo chhuâk dún lâi hmuh
chu ka thei teuh lo, hmanhmawh zet chuan ka chhuâk ta nghâl a.



_________


Car a Jimin lo thu kur chuan min ti phu deuh zawk a, alo meng rum tha ngang mai, ka túm Nghâl hmak a, Seulgi nên chuan an in thlah fel tawh anih dâwn hi.



"Khatiâng kekawr tight lutuk kha ha tawh suh ang che"


Car a ka luh ruâl chuan a rawn ti fak a, enge maw ka kawr hâk thleng a a sawisêl kher le? Mí en liâm vê mai mai âwm.



"Ka ha duh lawm"


"I inhmeh vê lo"


A rawn tih that tâk ah chuan ka ngâwi ta hmak a, ka hmúi ka pawrh vak ringawt, chhân ngaihna ka hre dêr lo, Jeha hriât lâi tal chuan insúm vê awm, ka inhmeh ka tih vânga hâ pawh ka ti top sí lo.



_________


Seol lam pan chuan kan tlân leh ta vang vang a, kan inbe miah lo, tawng a tum loh chuan ka tawng bík lo ang, car a thu dún reng chung sí chuan sík pawh kan insi lo hrim hrim.



JIMIN POV






Yanoo tui ti taka a muhíl barh barh lâi chu hmuhnawm ti zet hiân ka en reng a, ka nui leh suk ringawt, a pum ah hiân ka thisen ngêi nunna nei mêk a awm tâ chu nia, mak ka tiin ka hlim a, mahse a hriât chuan a rilru put hmang túr ka hre lo a ni, Yanoo hiân min haw hlê a, ka fâ hi lo pâi duh lo ta sê, diktak chuan Park Jimin Mafia king hlauh nei ngâi lo pawh hê thú Yanoo bula sawi túr hian huaisenna a nei bík lo a ni, Yanoo hiân ka fâ hi a duh anih ngat chuan ka naupan lâi atanga ka dawn ngâi loh pâ hmangaihna tam thei ang ber pêk ka duh a, Yanoo leh keimah ang lo takin nu leh pa thlazâr hnuâia seilian túrin ka duh a ni, Yanoo pawh ka hmangaih êm êm ang, ni lo.... Ka hmangaih tawh zâwk in ka hria, eng ang pawn min tawng khum mahse a hmâ ang khân ka thinrimin kut ka thlâk phal tawh tlat lo, mahse a tawngkam tam tak hi chuan ka rilru a ti na vê fo mai.



"Boss kan thleng tawh e"


Jeha chuan a rawn tí a, Yanoo hi ka tih harh chuân a vín leh hlar dâwn sia, a harh hlâu zet chuan ka pawm chhuak ta top a, a harh miah lo, mut chu a duh vê khawp mai.


___________



Inchhúng kan lút chiah chu Taehyung, Jungkook leh Seokjin Hyung pawh a lo awm vê, Jhope leh Suga Hyung pawh, ka hmu thut chu ka phu deuh zawk a,


"Ngati nge a? A dam lo ami? A tha em?"


An lo ti chêl chúl a, nui suk chung chuan inchung lam chu ka pan sawn ta daih a, khum ah chuan dím zet hiân ka mut riai riai a, a chalah chuan fâwp zauhin inhnuâi lamah chuan ka chhuk thlâk sawn ta nghâl a.



________



" Yanoo chu a dam lo ami? "


Seokjin hyung chuan alo ti vat a, ka lú ka thing ringawt, min din huâl thup leh nghãl, Suga hyung erawh a tih dân pângâiin thutthleng atanga that chhe zet a thu chung chuan min lo en vê kar a.






"Thu pawimawh deuh sawi túr ka nei a, thu phawt teh u"



Tihpahin Couch ah chuan ka thu thlâ a, an ni pawh chu ngaih that loh hmêl zet hiân an rawn thu thla vê bawk.



"Sawi vat teh, min ti hmanhmawh a nia"


Seokjin hyung chuan alo ti vat a, ninawm cheng chung zêl a, a dawh thei lo vê ngawt mai doctor vê sí.



Ka âw chu ka'n thiân deuh kharh a, ka ú leh nâu leh ka thiante bula hetiâng sawi ngâi hi tlêm chuan ka zâm vê deuh, ka thusawi ngaihthlâk châk tawh hmêl zet hiãn min lo en ho hlawm mai bawk sí a.


"Kei hi pâ ka ni dâwn"


"Enga?!"


An ti ruâl thup chuan ka nuih ati zâ,ka nui nghâl hak a.


"Iti der tiraw?"


Jhope hyung chuan nui hak hak chung hiân a rawn tí a, ka lú chu ka lo thing rang ngêi mai.


"Thudik tak a ni e, Pa ka ni dâwn"


"Seulgi nên chuan engtik lâiin nge in lo mut dun rêng rêng a?"


Suga hyung chuan alo ti vat a,


"Yanoo chu ka khawngaih ngêi mai"


Taehyung chuan alo ti hmanhmawh a, ka tawng hmâ chuan an lo tawng vê ang zung zung a.


"Seulgi ni lo, Yanoo zâwk a nia"


"Enga?!"



Jungkook chuan a tui in lâi chu kan hma zâwn ah a rawn phuh thawt a.

"Kei hi Patea ka ni dâwn tihna maw?"



A rawn nui var var a, midang chuan kut an lo bêng dar dar bawk,


"Pa puia kan ni dâwn nih chu"


Jhope hyung chuan tih pahin Suga hyung chu ava thing nawk nawk a, midang lah chu an lo nui nasa mai.


"Mahse ka ngen duh cheu chu, Yanoo hian ala hre lo a, ka sawi hmâ chu lo sawi rih sú"



An bu vê nghauh nghauh a, Midang chu hlim hmêl zet hiân a hming phuah inchuhin an inhniâl nghâl laih laih a, Seokjin Hyung chuan ka dâr a min kuah chung chuan min kâi hrang ta daih a.




__________


"Yanoo hi i neih chhan kha i theihnghilh tawh êm lo ang chu tiraw"



Min en kar chung chuan a tí a, ka lo bu nghauh ringawt.


"Nau apâi tawh a, Yanoo hian rilru lam buaina a nei tih i hre bawk a, kut thlâk leh phuba lâk tum kha chu i theihnghilh mai a ngâi dâwn nia"



"Ka hria lawm Hyung, pawi tihna ka nei lo"



"A hmâ a Yanoo dam lo ka check tum khân vawi tam tak a rawn tap chhuak a, a hlâu a ni,hlauh tam tak a nei tih ka hre nghâl mai, a naupâi tân hiân a tha lo thei bawk a, fímkhur leh dím dâwih taka i enkawl a ngâi dâwn ania"



Ka lo bu nghauh a, ka dâr a bêng thak thak pah chuan,

"Yanoo chu hrilh vat rawh, hmeichhia a nia, a pum chhúnga nautê a awm phawt chuan a rilru a dang zar mai ang, a hmangaih êm êm ang, Yanoo hi chutiâng ti duh túr mí niin ka hre lo, ka la hmu tam lo nâ a, i mízia inthlâk nasat ziâ atang hiân hmeichhe rilru tha tak a nih ka ring"



Tihpah chuan a kal ta daih a, ni e, ka zêp reng thei dâwn lo, ka hrilh vat túr a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:16 pm

THE MAFIA SWEETHEART CHAPTER - 15

BY

HLUTEI JOCUND PACHUAU


A tâwp lam hi chu ka edit peih tawh ngang lo, ka muthlu dâwn zêl a, a mumal loh deuh paan min hrethiâm mai rú aw.....


YANOO POV





Thil keh ri chhuai ka hriât vâng chuan ka harh zawk a, khum ah ka lo mu reng tawh chu niin, engtin nge ka mut theih le? Tukverh lam ka en chu tukverh dârthlalang chu vawm keh tih hriât zet hian alo keh reng a, chhuât ah chuan lehkha khâwr hi alo let ngât bawk, khum atang chuan tho in ka chhar nghâl vat a, lehkha chu lung liân vak lo chang tha zeta tuâm hi alo ní a, enge maw a in ziak nuâl mai, lehkha chu ka chhiâr nghâl vat a.



TLÂNBO VAT RAWH, I NUNNA ATÂN, A NIH LOH CHUAN PARK JIMIN HIAN ALA THAT DAWN THO THO CHE, CHUAN KHÂ PENDRIVE AH KHÂN A THIL TIH SUAL ZAWNG ZAWNG FIN FIAHNA A AWM VEK A, POLICE HNÊN AH PÊ LA, I HIM NÂN PARK JIMIN HI TÂN TÍR RAWH.



Tih hi alo inziâk kalh a, PENDRIVE lian lo tak hi alo awm tel bawk, tú tih nge ni ang? Pawn lam ah chuan rang zetin ka dâk chhuak vat a, túmah rinhlelh túr ka hmu bawk sí lo, kawngkhâr ri rak vâng chuan lehkha pendrive chu ka húm bo nghâl vat a, Jimin chu hmêl hlim sârh hiân alo lút a, ka hnunglamah chuan lehkha leh pendrive ka húm na chu ka dah vat bawk.


"I lo harh tawh law?"

Ka bu nghauh ringawt a,


"Tinge iva hlauhthâwn hmêl ve?"


Tihpah chuan ngaihthat loh hmêl zet hiân min rawn pan vat a.


"Ka.... Ka thâ lâwm engmah a ni lo"



Bah niai hiân ka lo ti vat a, tukverh dârthlalang keh chu a hmu nghâl chat a.

"hei hi tú tih nge?"



Tukverh lam en pah chuân a tí a, ka chhânna beisei zet hiân min en kar bawk.


"Ka hre lo, hei hi an lo vawm ringawt a"


Tihpah in lung chu ka hmuh a, a hmêl atang chuan a ngaih atha lo takzet tih ka hrethiâm nghâl mai.


"I tha em? Nâ te i nei lo maw"


Tihpah chuan min rawn en kuâl thuâk thuâk a,ka thil húm mawlh hi a hmú ang tih ka hlâu a ni, mahse min ngaihtuah viâuna chhan hi hre lo mahila a ngaih that thlâk tho mai.


"Nei lo e, keichu ka thâ e"


Ka tih tâk ah chuan khum ah chuan a thú a,

"ka inthlâk lawk dâwn"

tihpahin closet ah chuan ka thawmhnaw tlêm tê alo la awm vê a, kawrfuâl arh lam hâk nuâm zet, a vâr chu ka la chhuâk a, chumi pah chuan pendrive leh lekha chu ka thawmhnaw tam vak lo thleh kâr ah chuan ka dah zauh bawk,bathroom ah chuan hmanhmawh zet hiân ka inthlâk sawk sawk a, a nih loh chuan ka kekawr hâk vângin min sawisêl leh palh ang tih ka hlâu a ni, bathroom atang chuan ka chhuâk leh vat a, khum ah chuan alo la thu reng lehnghâl, enge maw a tih reng le? Mahni a awm ka duh tehrêng nên, ka room a min muttír daih túr a nia.


"Sawi túr pawimawh deuh ka nei a, lo thu lok teh"



Tihpah in a mal chungah chuan min pawt thú Nghâl rawk a, ka pum chu duât zet hiân a rawn khawih vang vang bawk, min enkar chung chuan a nui deuh suk suk bawk, a awm dân hi ka hrethiâm thei lo, tú in nge maw a mood hi lo thlâk ang aw....


"Duhtâwk teh"



Tihpah chuan a kut chu lâ in ka tho nghâl vat a, min khawih hiân ka danglam nghâl vek zêl hi ka duh lo a ni, chú âi chuan a hlat thei ang ber a awm ka duh zâwk.


"Yanoo, ka thusawi túr hi ngâithla lawk teh"



"In be rih lo ang, mahni a awm ka duh, min chhuah san zâwk rawh"


Min en kar a, a thinrim tih pawh ka hre nghâl mai, ani hiân min la that dâwn tho a, a duh ang ka pêk ziah na chhan túr ka hre lo, thih vat vat ka duh zâwk, police hnên ah chuan ka report lo ang, mahse hêng buaina atang hiân tâl chhuah vet ka duh tawh a ni.

"I chunga that ka chhuah hi i duh lo ami?"


"Duh lo, min hua tih ka hre reng a, that chhuah der a ngâi lo, ka rilru ana mai mai zâwk"


"Ka haw tawh lo che"


A thusawi vâng chuan ka en vat a, a tih tak hmêl viâu sí, mahse ka la ring thei chuâng lo.


"Engvângin?"


"A chhan chu nang hian nâu i pâi alawm, ka fâ, huat che hi ka duh ve tho, mahse ka fa i pâi tlat sia, naute kha ka duh a, ka hmangaih bawk"



Aw ki sâng zet chuan a tí a, sawi túr ka hre lo, kei hiân nâu ka pâi maw? Engtin? Engtin nge a nih theih? Ni lo, ka hre sual a niang.


"Dâwt a ni tiraw min tih der chiâng lutuk"



Mittui tling kiU chuan ka tí a,


"Dâwt sawi hmêlin min hmú ami?"



Kan ngâwi ta vang vang a, ka la âwih thei chuang lo, ka pum ah hiân khawvêl êng hmuh tum a bei mêk nunna nei a awm vê reng tih hi ka ring thei lo a ni, ka lungngâi ang nge ka hlim ang? Awmdân túr ka hre lo, ka pum chu khawihin ka mittui chu arawn tla ta ngiai ngiai a, thâwk ka la hak a.


"Ka pum ami hi i hmangaih thei tak tak ang maw?"


"Aw, ka hmangaihna zawng zawng pêk ka duh a ni"


"Anih kei, i nu thattu fanu hi i hmangaih thei dâwn em ni? "



A ngâwi ta vang vang a, keichu a chhâng thei lo top ang, min hmangaih vê hleinêm, mahni nu that tupa fanu chu tu mahin an hmangaih thei teuh lo mai.


"Ka nu kha ipa thah a ni hleinem, i pa chuan ka nu kha bum in a tlân chhiât san a, chuan ka nu kha an thah phah ta a ni"



A hmâ te khân lo sawi áwm a nia, ka pa thah ah ka lo ngâi ve char char a sin, mahse ka chhânna hriât duh min la hrilh tlat lo.


"Anih inu bumtu fanu chu i hmangaih thei dâwn ami? Nge ni a naute hi min lâk sakin min that dâwn?"



"Chutiâng chu ka ti ngâi lo ang Yanoo, ka fâ hi nu leh pa thlazâr hnuai ah ngêi seiliân sê ka duh, min ring rawh, Mafia hi chhuahsan in bul tan that ka duh a ni, ka kianga awm reng túrin nang leh i ka fâ hi ka duh bawk, chhúngkaw in hmangaih tak din vê ka duh a ni Yanoo"


Min en kar chung chuân a tí a, a thusawi chuan min hneh êm vângin ka mittui chu a luang reng bawk.


"Ka ring thei dâwn che mi? Ka nautê hi hlauhawm a dah ka duh lo Jimin sii"


"Min ring rawh, ka vênghim zêl ang che u, chuan ka sâwmna chu"


"Aw"


Tih zawng chuan ka chhâng a, leh lam chu hawiin ka mittui chu ka hru sawk sawk a, ka hnunglam a min rawn kuah tú vâng chuan ka thlâ a muâng huâi mai, ka tap ta hlap hlap a, a lama min kuâi herin min kuah ta vang vang a.



"Tap lo la, naute tân khân a tha lo an tia"


A rawn ti sup a, ka tah nuih ta hak a, a in hmeh vê thlâwt lo, nichin a ka thil hmuh kha chu sawi lo law law zâwk mai ang, nakin ah ka la paih daih ang.




A hmêl ka en chu min lo nuih var var a, hetiánga a hlim dâwn anih techuan a hmâ daih tekhân lo râi daih tawh ila tha túr a nia, tih te chu ka ngaihtuah nauh nauh a.



"Mahse Seulgi hi engtin nge ni ang?"


"Ngaihtuah duh suh, Seulgi nên chuan kan inkâr a tâwpna a rêi tawh alawm"


Awlsam zet hiân a tí a, ngaihtha lo zet chuan ka nui vê mai a, a din hmun ka ngaihtuah in, ka nautê chu a thlahthlam phallo top ang tih ka hria.


"Hyung a hming ka phuah dâwn"



Kan inthlah rang ngêi mai, Jungkook hi chuan kawngka kik hi a theihnghilh vê ziah hrim hrim bawk a, inthlahrun hmêl zet hiân a ding ngâwi ta kar a.


"Hey.... Jeon Jungkook, kawngka kik dân i thiâm lo mi?"


A'n ti leh nghâl ringawt a, hepâ hi chu a thinchhe vê ngawt mai.


"A pawi lo"


Tihpah chuan Jungkook chu ka pan vat a,


"Engtin nge phuah i tum a?"


A nui leh ta var var a, room atang chuan ka hruâi chhuak nghâl ta daih a, common room kan thleng chu ka hriât ngâi loh pahthum (3) ka hmuh vâng chuan ka ding chat a, Jungkook chuan min min rawn kâi vat a.


"Noona hei hi Jimin Hyung te nên a kan thawhpui te an nia, hei hi Suga hyung, hei hi Jhope hyung, chuan hei hi Jin hyung a nia, ani chu kan doctor a ni thung"



Chibai chu ka búk zauh zauh a, Mafia pâwl ami hmêl pawh an pu hlawm lo, diktak chuan an hna thawh hi spy angreng deuh an nia, nêlawm tak tak vek ni tho mahse an hnâ chu an thiâm hmêl fú vek tho.


"Naute hming túr chu Jungkookie hiân phuah mai rawh se"


Jhope a tih chuan nêlawm hmêl zet hiân a tí a, aha vâr rual thah lang chuan a nui var var bawk, ka nêl zâwng tak a ni, mahse keichu mi tawngtlêm ka nih vê hrim hrim vâng hiân han biâk dân vak ka thiâm vê lo.


"Eng hming nge phuah i tum rêng rêng a?"


Doctor Jin chuan a tí a, pakhat vê erawh saw chu a ngâwi reng thung.


"Hmeichhia a nih chuan, Ruby tih ka duh a, mipa a nih chuan Wooje (uje) tih a nalh ka ti"


Ka duh zâwng tak a ni.


"A nalh lutuk ringawt"


Lâwm hmêl zet hiân a nui hak hak a, midang pawn an lo fak liâm liâm vâng chuan ti fuh a in tih hmêl ngang mai, Jimin pawh chu a rawn chhuk thla vê vat a.


"I phuah nalh lutuk e"



A rawn ti vê sup a, kan thusawi te kha alo hre phâk leh vek tawh pawh a ni mahna,


"Phír ni mai se"


Taehyung chuan arawn ti chhuak hlawl a, Jimin chu a khuh nghâl kharh kharh mai, a zak a ni tih ka hrethiâm nghâl mai, midang chu an lo nui nasa mai.


"Phír êm êm pâi túr chuan a hrisêlna in a tlin lo ang"



Doctor Jin hmeltha zet chuan alo ti a, ka hrisêlna hi a pan viâu a mawni le, mahse phír pâi chu ka peih teuh lo mai, ka dul a puâr kawh luah anga, a hahthlâk âwm emai ka peih lo.


"Thil lo va ei la, hnâ lam sawi túr kan la nei a"



Jimin chuan a ti sap a, ka lú chu ka bu nghauh a, choka lam chu ka pan nghâl daih a.




__________



"Kan lawm pui lutuk che nia, Mrs Park"



"In lo hre vek tawh alaw?"


"Hre tawh e, Master khân i ei túr pawh siâm uluk túrin min ti vek alawm, a phúr hmêl khawp mai"



Nui sâng chuan an lo tí a, Jimin chu a hlim vê tak tak a nih dâwn hi, ka ring túr a ni, vawi khat tal chu ring vê ang, ka hmangaih a, min hmangaih a tum bawk, kei nên a bul tan that a duh phawt chuan ka hnar phal teuh lo mai, pendrive khi chu ka la ti chhe vek ang, Jimin ka hrilh chuan buaina a punlun mai mai zâwk, Park Jinyoung bâk a ni lo top ang.



"I ril a tâm em?"



"Tâm lo e, mahse bâwnghnutê ka lo in ang, hnâ thil an sawi sia, ka chhuâk ngam rih lo a"


A nui hak a,


"Engtik ah emaw chuan master hian a hmangaih che hi ka ring tlat thín a, ka rin ang ngêiin a hmangaih tawh che in ka hria"



"Tak tak maw? Engtin nge i hriât?"


"A mit meng atang hiân a hriât vek alawm, bâk ah a mízia a danglam sâwt bawk sí, a hmâ chuan a hlim hmêl hmuh túr a awm ngâi lo, túnah chuan nangmah leh i nautê vângin a nui reng tawh dâwn anih hi"



A thusawi chuan min ti hlim ngêi mai, tak tak ni se ka ti, a tak a nih ngêi ka ring bawk, Park Jinyoung thusawi vâng mai mai in Jimin hi ka ring chhe tawh túr a ni lo.



Bâwnghnutê chu tui ti lo chung chung chuan ka in zo ta hrâm a,


"Engmah ila ei nange?"


Ka hnunglam chu ka hawi vat a, Jimin chu ka hnungah chuan alo ding reng a.


"Ka ril a tâm lo a"


Tih zawng chuan ka chhâng a, ka bulah chuan a rawn thu thla vê nghâl vat.


"Hyung chuan i ei châk zâwng a piâng leisak túr che in min tia, i sawi mai dâwn nia"


"Doctor kha maw?"


"Mmm... Ka nu puii fâ a nia, únau kan ní tihna nih chu"


"Doctor hmeltha deuh kha i unâupa maw?"



A ngâwi ta hmak a Min melh rum tha ngang mai, enge maw sawi suâl ka neih le, kei pawh hi a, zawhna ka lo zâwt leh vak vak thín bawk a ni.


"Hyung chu a hmeltha viâu ami?"


Hmelthâ ka tih vâng kha ni maw, avan naupang chhia rauh tak.


"I hmêltha daih zâwk..... Ni lo.... In hmeltha vê vê, a.... Ihhh... Ka tih awmzia chu eng lo..."



Ka tawng âwk ta, a rawn nui ta hak a, maid ho pawh an lo nui hak mai, ka zak lutuk chu ka kún tlawk tlawk ringawt.


"In in i tlawh i duh em?"



A thusawi vâng chuan ka en vat a, kan in a kal a phal tak tak maw? Ni lo, kan in ah sâwn túmah hmuh châk ka nei hrep lo e.


"Duh lo, heta awm hi ka duh zâwk"


"I chhúngte i ngâi lo ami? I únaunu pawh a rawn lêt tawh tih ka hria a"



Sora chu a rawn lêt tawh a ni maw, mahse ka hmu châk hlawl lo e, min hmuh vêleh pawisâ emaw, ka thuamhnaw emaw tal min Díl leh dáwn sa, ka nú thih cham a thleng têp tawh a, chuta kal chu ka duh zâwk.

"Túmah ka hmu peih lo, Sora pawh ka ngâi lo"


Ka ti hmuk a, ka kut ah chuan rawn kâiin chokâ atang chuan min hruâi chhuâk ta daih a, midang pawh an lo awm tawh lo, room lamah chuan min kâi chho nghâl daih bawk, enge maw tih a tum leh tâk le. .



Room kan thleng chu drawer atang chuan enge maw hi a rawn phawrh a.

"Ka phone khâ nih hi"



Ka lo ti nghâl vat, min pê chu hrilh a hai duh ngêi mai, phone kawl pawh a phal tawh nia, Jimin hi a danglam tawh tak tak a nih dâwn hi.


"A hlúi tawh sia, i duh chuan a thar ka leisak thei che nia"



"A ngâi lo, engmah chhiâtna ala awm lo a, hei hi ka la duh zâwk, ka nú nên a kan thlalâk pawh ala awm nuâl a, ka hluihlâwn phal teuh lo"



A nui suk a, Ka hlim lutuk hi sawi túr pawh ka hre lo, ka kuah thlawp ringawt a, min lo kuah lêt vê nghâl vat bawk.


"Ka lâwm tak zet a ni"



Ka ti sap a, ka sam ah chuan a rawn chuk zauh a, ka kuahna chu thlahin ka hmúi ah chuan a rawn fâwp vang vang a, ka lo fâwp lêt rang ngêi mai.


"Ka lâwm takzet a ni, sawi túr pawh ka hre lo"



"Chutiâng sawi suh, ka lâwm daih záwk"


A rawn ti vê sup a, ka hlim ziâ hi sawi ngaihna pawh ka hre lo, ka tawngtaina Pathiân in a chhâng in ka hria, ka naupan lâi atanga ka lo suângtuah thin ang chiah kha a ni, ka lalFapa Prince Charming chu Jimin ngêi hi a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:16 pm

THE MAFIA SWEETHEART CHAPTER - 16

BY
HLUTEI JOCUND PACHUAU





Time skip








Jimin chu hna thil vâng chuan a chhuak leh daih a, ka khua ahar leh ta ngawih ngawih mai, ka pum la dêp han mai chu ka chúl heuh heuh reng a, ka râi vâng nge mak ta riâu in ka inhria, ka nui deuh suk suk reng bawk, heti mai a ka râi mai hi mak ka la intí, high school ka kal lâi a part time a ka inhlawh lâwp lâwp lâi tekha chuan ka nun hi hetiâng a ni ang tih rêng ka ring pha ngâi lo.


Balcony lama thil ri deuh karh ka hriât vâng chuan ka phu zawk a, tú fako nge ni ang le? Ka suangtuahna ram atangin min ti harh daih alawm, pawn lam en ka tum chu balcony ah hiân tú emaw dum vek a inthuâm hmaituam hi alo lút mêk a, ka phu chiâng lutuk chu tê deuh that pah chuan .


"Tunge i nih?"


Ka'n ti nghâl tuârh a, balcony atang chuan room chhúnga a rawn lút chu tlân chhuah tumin kawngkhâr lam chu ka pan vat a, kawngkhâr ka hawng chiah a rawn nem khâr chawrh mai, ka hlâu lutuk chu ka khúr ti tih nghâl a.


"Min tina suh khawngaihin"


Ka lo ti nghâl mawlh mawlh a,

"Yanoo, keimah ka nih hi min hlâu suh"


Tihpahin a hmâi tuâmna chu a phelh vat a, Park Jinyoung lek chu lo ní in, min manna chu tâl chhuah ka la tum tang tang tho a.


"Kal bo rawh, mi dawheh inih kha"

Tihpah chuan ka lo chúm taih taih a, engah mah a ngâi lo leh nghâl.


"Dâwt engmah ka sawi lo"


Tih tuâr pahin bangah chuan min nem bet ta chawrh a, amah chu hlâu zet chuan ka en kar ringawt.


"I pasal hiân a bum che sin, Tún ah pawh a hun hman dân i hmu duh em?"



Tihpahin a kekawr iptê atang chuan a phone chu rawn phawrhin Jimin thlalâk chu min hmuh a, Seulgi tap lâi khawngaih hmêl zet a alo kuah lâi hi alo ni reng bawk, vawiin a akawr hâk kha ka hriât chiân êm vângin vawiin ngêi ami a ni tih hrilh chawp ngâi lo in ka hre nghâl mai a.

"I pasal hiân a hmangaih lo che Yanoo, tinge a phuba lâkna mai mai iní tih i hriâtthiâm theih miah loh a?"


"Ani lo, Jimin chuan dâwt min hrilh lo top ang, ka pasal hi ka ring tâwk a ni"


"Engtik ah emaw chuan ila hre mai ang, i pasal hiân ka hmeichhe hmangaih tak nunna pawh min lâksak asin, nang leh zêl a tih nat che hi ka phal ngâi lo ang"



"Chú pawh dâwt, nang hiân thudik sawi vê teh khawngaihin, tún ah phei chuan nau ka pâi tawh leh nghâl, Jimin hi a danglam tawh"


"Nau i pâi maw?"
Mak tih hmêl zet chuan a tí a,

"Aw"


Tih zawng chuan ka chhâng a, rum zet chuan ka melh bawk, min vawnna chu a thlah ta riai riai a, hnuâilam chu a melh ngar ngar ringawt, hêpâ awmdân hi ka hrethiâm thlâwt lo.


"Ka hlauh ang ngêiin thil a thleng dãwn ta anih hi"


Ati sup a, enge a hlauh chu ni ang? Hepâ hiân eng hmanga min bum leh nge a tum le?



"Engmaw i hlauh?"



"Park Jimin chuan i nâupâi chhúng chu a theih tâwpin a duatin hmangaih tak ang che in a awm anga, nautê i hrin thlâk vêleh then che in i fâ hi a lâksak ang che, chu chu mafia ho dân a nia, nupui neih rei a thiâng lo"



A thusawi âwih loh ka tum pawh hiân ka awih lo thei thín lo, a chhan chu Jimin awmdân nên hiân a in mil thin êm vâng a ni, awmze nei lo in thú a sawi ngâi lo miâu bawk sí a, mahse Jimin chauh hi ka ring dâwn, a ngâwi leh ta dat a.


"Hei vâng hi nia Seulgi nên pawh an inneih loh, mahse núpâ ang chuan an khawsa reng tho, engmah i hre vê leh top nâng"



"Mafia chhuahsan a bul min tanpui a tum asin, ka âwih i ring rêng rêng ami?"


"I âwih loh chuan i thú lâwm, Mafia King chuan hmêlma an ngah lutuk, a chhuahsan mai mai theih loh, nau i pâi a, duat hlê che mahsela Seulgi chu a kalsan phal ngâi hauh chuang lo ang, lo thlír reng rawh"



Ka mittui chu a rawn hnâm leh ta tiâm tiâm a, ka âwih tho si, mahse âwih thei chiah sí lo ang hian ka awm, ka ring phallo a ni,sawi túr rêng ka hre ta lo, ka thinlung hi ana leh veng veng tawh mai, Seulgi chu ala kalsan lo ngêi alawm, a dik, a thusawi hi lo dik tâ sê, ka fâ lo piâng túr hmêl pawh hmulo in hnutchhiah ka ni dâwn tihna nia.


"Park Jimin chuan a that lo hlauh che a, nangmah chauh a a hnutchhiah hun ah che ka bulah i lo kal dâwn nia, I tân ka lo awm reng ang Yanoo"


A ti zui sap a, tinge buaina dang bawk? Ka ning tawh, ka kham tawh takzet a ni, hê nun hi ka ning, tinge amah a ka in nghah vê dâwn a piâng hian rinhlelhna túr hi a awm zêl le? Mafia King nupui ni lo in, lo nei tú nupui lo ni záwk ila hetiâng hiân ka tap reng bík lo túr hi nia.


Nge ni a hepâ hi rinchhan hian min tlânbo pui túrin ka ngên zâwk dawn? Ka rilru a buai leh ta map mai, ka dâr tawn tawn ah chuan khawihin rilru nat hmêl zet hiân min en vang vang a, a mit meng ah hiân hmangaihna leh khawngaihna tam tak ka hmú a ni, ni lo Lee Yanoo, Jimin thusawi chauh ngâithla rawh.



Kawngkhâr ri rak ah chuan Jimin chu thinrim hmêl zet hiân a rawn lút hlawl a, Park Jinyoung chu a rawn hnek thal nghâl thuai mai, ka lo tê that a, chhuat a a thal reng chu dawhkân chuan den a tum ta mai.


"Duh tâwk rawh, i that mai nga sin"


Tap chunga tih pahin a hnungah chuan nghet zet hian ka va kuah a, Jimin tuâl that lâi chu ka nautê hi ka hmuh tír thei teuh lo mai.


"Yanoo vângin ka chhuah ang che, a lehpek ah heta ka hmu leh che nih chuan Yanoo thusawi pawh ka ngâithla tawh lo ang, chhuak rawh"



Thaw hluâm hluâm a tihpah chuan dawhkân chu a paih pop a,


"Min that thei ang, mahse hei hi hre rawh, engtik ah emaw chuan Yanoo ngêi hian ala tichhe vek ang che"



"Ngâwi hmak rawh"



Tihpah chuan va khawih leh a tum chu ka lo man bet vê tâng tâng a, chutia ka tih tâkah chuan a ding leh dat a, a insúm nasâ tih a hriât ngêi mai.


"Chhuak vat rawh Park Jinyoung "

Ka lo ti vat a, Park Jinyoung chu tho tuah tuah in Balcony lam atang kal tawh lo in kawngkhâr atang chuan a chhuak ta vat a.



Jimin chuan min rawn kuah nghâl vat a.


"A tinâ che em?"


"Aih na lo e, ka thâ e"


Tihpah in min kuahna chu ka tâl thla vat a,ka awmdân vâng chuan a ngaih a tha miah lo ang, keipawh hi a, tinge khâ mihring thusawi khân ka rilru a luah tlat le.


"Eng thú nge alo hrilh che a?"

"Engmah a ni lo, a ho lutuk".


Ka ti liâm ringawt a, âwih loh hmêl zet chuan min en kar reng a, min zâwt lui ang tih ka hlauh vâng chuan en pawh ka en tha ngam lo, kal mai ka tum chu min vuân bet tlat mai, rang zet chuan ka hawi lêt rang ngêi mai.


"Yanoo, kei hi engpawh thleng sê min ring ang tiraw?"



A ti sup a, a ngaih a tha thei lo a nih dâwn hi, mahse ka sawi chhuak peih lo, buaina a tam mai mai, chhâng ta lo chuan ka en vang vang a, ka ring thei a ngem keipawn ka hre lo a ni, in ngaihtuah that leh fê ka duh, ka rilru put hmang hi kei ngêi pawn ka hre lo, ni lo, Jimin tello a naute enkawl ka zuâm loh mai bâkah a tello in ka awm theih ka inring tawh lo a ni, ka hmangaih miâu a.



Chhân tum a ka ân zuau lâi chuan thil ri thuai kan hre ta, inhnuâi lamah chuan eng thleng le? Hmanhmawh zetin Jimin chu a chhuâk vat a, keipawn ka zui chhuâk vê nghâl vat a.



Ka duh thei lo, common room ah chuan Taehyung chuan park Jinyoung chu bawh betin alo hnek mawlh mawlh a, Jimin chuan Taehyung chu a kuah sawn nghâl vat.



"A tâwk tawh, ka kal tír anih hi"


Jimin chuan a tí a, keipawh chu ka thleng thla vê nghâl vat a,


"Park Jinyoung hian Jimin chhiát vekna túr a pêk thu che a sawi a, thudik a ni em?"



Phâwk zet chuan ka en a, pendrive kha, ka la tichhe miah lo, enge maw ka hriát le? Jimin chuan mak tih hmêl zet hiân min en vat a,


"Aw, Ka kawl alawm"



Jimin chuan van lam hawiin thâwk chu ala hak a, a kâwng a dawm bawk,a thinrim tih ka hre nghâl mai, Jungkook pawh chu a rawn lút vê hlawl a.


"Hyung enge thleng?"



"I únâunu duhtak hiân Jimin chhiât vekna túr alo kawl tha reng a nih chu"



Taehyung chuan min ngei hmêl zet hiân a tí a, Taehyung pawn min haw tawh maw, ka duh vânga kawl ka ni top sí lo, tihpalh thil thú liâu liâu a sin, mahse a rilru túr hi chu ka hrethiâm tho.


"Tih chhiât vek ka tum a, hun ka nei lo alâwm, tinge túmân min rin loh a?"


"Khawnge i dah?"


Jimin chuan thinrim hmêl zet chuan arawn tí fak a, a âw vawt raih chuan min ti hlâuthâwng dêp dêp mai, mittui tling kiâu chuan rum taka min en tú ka pasal chu ka en top a, a mit mengah chuan min rinna chhetê mah ka hmu lo.


"Ka thawmhnaw thleh kâr ah khiân ka dah a"



Tih zawng chuan ka chhâng a, Jungkook chu hmanhmawh zet in Jimin room lam pan chuan a tlân chho ta thuai a.


"Tinge engmah i sawi loh a Yanoo?"



Jimin chuan chauh hmêl zet hiân a rawn tí leh a, ka duh thei lo, Jimin rilrú ka tinâ maw? A rilru ana takzet tih a hmêl atang chuan a rawn lang a, engvânga lo paih bo nghâl daih lo nge maw ka nih le?

"Tih buai che ka duh loh vâng ania a, tih chhiât vek a paih bo daih ka tum vâng alawm, min ring rawh Jimin sii, kan nautê vâng talin"


Min chhâng tawh lo, Jungkook chu hmanhmawh zet chuan a rawn tlân thla leh a, Pendrive ngêi chu arawn keng lang vâ bawk, Jimin chu a pe nghâl vat a, Jimin chuan muangchâng chuan min rawn pan a, enge tih a tum? Kei hi min that ta sê, ni lo, a theih loh hrim hrim, nâu ka pâi a túna ka ngaihtuahna ang hi chuan min tih êm bík ka ring lo, mahse engtin emaw tak chuan min hrem ngêi ngêi ang.


"Khâ le, Police kut ah chuan hlân ta che"


Tih sup pahin, ka kut ah chuan min hnawn ta hmak a, mak ti tak chuan ka en vat, a rilru ana hlê tih hai ruâl a ni lo, Jimin hiân min ring lo amaw, kei chuân ka ring a sin,


"Min ring lo em ni Jimin sii? "


Ka phun sap a, ka mittui parawl kiâng kiâng chu a rawn luang ta ngiai ngiai a,


"I duh chuan iti thei alawm Yanoo"



"Hyung enge maw i sawi le, Yanoo kal miah suh, i kal chuan kan inthiân thatna hi a tâwp vek ang"


Jungkook chuan a lo ti vê vat a,


"Chutiâng lo sawi suh, Jimin hiân anú bum tupa fanu hmangaih mêk tumin a bei a, chu nú chuan ala ring thei lo cheu a nih chuan a duh ang chu tirawh se"



Taehyung chuan alo ti vê fak bawk a, sawi túr rêng ka hre lo, tinge túmân min rin theihloh, Taehyung tal pawn ka duh vânga kawl ka ni lo tih hi ring túr a ni sin, enge ka sawi ang? Hemí te mâwl hlawm lutuk hi hrilh fiah dân túr pawh ka hre lo, keimâ thiâm loh vek a ni.

"Taehyung sii nang tal chuan min rin ka lo beisei a sin"


"Jimin hi then mai rawh, in inkâr hi ti tâwp mai rawh u, nangmahní vânga buai reng hi ka ning tawh"


Taehyung chuan ati leh a, an pathum chuan min rin beisei takin ka enkuâl zak zak a, Mahse túmah min ring âwm túr rêng ka hmu lo, Police motor ri vang vang ka hriât vâng chuan ka harh zawk a, Park Jinyoung chu tenawm deuh hiân a rawn nui ta.


"Unâupâ a pawi ka ti, Police an lo thleng ta e, finfiahna pawh ka pe vek tawh"



A rawn ti ta mai, a ni thei lo, Jimin hi jail ah a tâng dâwn tihna nia, ka phal thei lo, Jimin bulah chuan ka tlân phei vat a.



"Ni lo, Jimin tlân chhe rawh, keimah tih tír vek ah ka sawi mai ang, tlân bo rawh"



Ka nem dâwr dâwr a, a kal duh dêr lo, thil ngaihtuah múk hmêl zet hiân a en ngâi chu a en vung vung a.


"Hyung kal ta che"



Jungkook chuan alo ti vê a.

"Ni e, kal rawh, keipawh ka awm alawm Unaupâ"


Taehyung chuan alo ti vê bawk a, a kal duh dêr lo, a rawn nui ta suk a, a rilrú ka hre nghâl mai, a inpe dâwn, A âwm ah chuan ka chúm ta dawt dawt a, ka thinrim bawk sí, ka hlâuthâwng bawk sí, ka rilru ana hlê bawk.


"Kan naute hmêl ka hmu ve thei lo túr chu pawi ka ti khawp mai Yanoo"


Tih zawng chu a sawi a, ka thil tih lâi tâwp chat chuan ahmêl chu ka en vat a.


"Ni lo, enge maw i sawi le,engtin nge tiâng rilru kha i put theih a, tlânbo rawh mi â pa"


Ka ti tuar a, awmzia awm tawh lo, Police ho chu rawn lútin Jimin kut ah chuan kawl chu an rawn bun tír ta nawk nawk a.


"Khawngaihin engmah tihsuãl a nei lo"


Tap chung chuan ka tí a,Taehyung chuan min lo kâi hrang nghâl vat,min kuahna chu tâl chhuâkin pâwn thleng chu ka úm zui a, Jungkook chuan ka dâr ah chuan min lo vuân zui zat bawk.


"Ni lo, Jimin sii, engtin nge i tello in ka awm theih ang? Khawngaihin hruâi lo hrâm rú"


Tap hlap hlap chung chuân ka ngên mawlh mawlh a,


"Lawkin reilotê hun min pe rú"



Jimin chuan a tih tâkah chuan Police ho chu an ding dat a, Jimin chu rawn hawi lêtin min rawn pan vat a, ka lo pan vê nghâl vat bawk.

"I kal thei lo, engtin nge kan nautê hi keimahin ka enkawl theih ang? Min tiâm a ni lawmni, Nu leh pa thlazâr hnuâi ah ngêi a seiliân túr a ni i tih kha Jimin sii"


Ka tah nasat êm vâng chuan sawi pawh ka sawi tha thei lo,


"Pachang takin awm rawh Sweetheart, kan nautê chu Pâ tuâlthattu a nei hi ngaihdam min lo díl sak la, alo piân vêleh a ka pawm hmasak ber theih dâwn loh vângin ngaih dam min lo díl dâwn bawk a nia, ka hmangaih che u"


Tih pahin ka hmúi ah chuan a rawn fâwp vang vang a, Police ho chuan an rawn kâi hrang vat bawk.


"Ka hmangaih che Yanoo, min lo nghâk reng rawh aw"


A ti zui sap a, ka ding ngíl thei tawh lo, ka thu ta hnawk a, police motor a Jimin an nam lút rawk rawk lâi chuan thei leh thei lo hiân min rawn en tâwk tâwk a, an tlân liâm vang vang chu ka mittui kâr a tang chuan ka thlír zui vawng vawng ringawt, khâ thú kha vawi khat chauh hriât leh ka duh a ni, ka vawi khat hriâtna chauh a sin, ka maimit chhíng ta vang vang a, ka mittui chu ka biângah chuan a rawn luâng thla ngiai ngiai ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:16 pm

THE MAFIA SWEETHEART CHAPTER - 17

BY
HLUTEI JOCUND PACHUAU





"Ka va úmzui a nge, Yanoo kha lo awm pui rawh"



Tihpahin Taehyung chu hmanhmawh zet hiân a tlân chhuak nghâl a, Bullet a tlân liâm vung vung chu ka en liâm top ringawt.


"Noona lút tawh ang le"


Tihpahin jungkook chuan ka dâr ah min rawn vuân a, muângchâng hiân min thawh pui nghâl vat a,


"Kal vê ang, Jimin bulah min hruai rawh"


"Hyung a kal tawh a, ngaihtuah suh, engkim atha leh vek dâwn lawm"


"Min hruai vê rawh ka tih chu"


Vín that chuan ka tí a, ka pasal hiân tuâl chu a that ngêi alawm, mahse khâmí te khân an phú vê rêng vâng ani, thiâmlohna a nei lo, a tello a ka awm túr ka ngaihtuah ringawt pawh hiân ka hlâu a ni.



"Anih chuan car ka lo va lâ ange, min lo nghâk rawh"


Tihpahin Garage lam chu a pan vat a, ka pum chu ka chúl leh thín, thil thlen dân hi a rang teh thut lutuk a, lo dawn sawn dân pawh ka thiâm lo, ka rilru hi a táwt up up reng mai, car chu ka bul ah chuan a rawn ding nghâl chat a.

"Lo lút rawh Noona"



A tih vêleh chuan ka chuâng nghâl vat a, car chu a tlân leh vang vang mai, ka thin tâwt up up reng chu ka dawm vang vang a, mahní chauh a awm a tah vak ka châk takzet a ni, mahse ka thei lo, ka la insúm hrâm hrâm a ni, ka pum ami vâng hiân tap thei ka ni lo, chak lo takin ka awm túr a ni lo bawk, ka tawng chhuah dâwn te hiân ka tap dâwn zêl a ka hriât vâng hiân tawng chhuah pawh ka duh lo, ka hmúi chu chípin ka chil chu ka lem khalh khalh reng a, ka châu a ni, hetiâng hun ah tak hiân nú neih ka châk thín, ka nu kha la dam sê chu a âwm ah beiin ka lungngaihna te zawng zawng ka âu chhuah pui anga, túmah vêngthâwng lo in ka tap thei túr a nia, ka ngaih tak zet che nu, JungKook chuan min biâk ka hlauh vângin muhíl ang tak chuan ka maimitchhíng ta daih a, hê zinkawng hrehawm tak hi ka ning tawh tak zet a ni, tú ânchhia nge ka tawh a heti êm êm a ka vânduai bík mai le, ka hmangaih apiâng te lâk sakin ka awm a, an kiânga ka hlim hun chhúng lah a rei ngâi hek lo, engtik ah nge ka hlim vê ang? Mahse Jimin tello chuan ka hlim thei lo ang, ka mamawh na hi anasa êm a ni.


"Noona, kan thleng tawh nia harh rawh"


Ka dâr ah chuan Jungkook chuan min rawn sâwi dat dat a, ka meng nghâl vat bawk, thâwk chu ka la hak a, ka âwm a min hnawh ut ut tú chu ala awm reng tho.

_______



Police station kawt ah chuan kan ding dún ta vâng a,

"Kal ang le"


Aw khúr dar dar chuan ka tí a, step ah chuan ka pên chho chhat chhat a, Lee Yanoo, inti pachang rawh, iti thei a ni, ka rilru chuan ka infuih mawlh mawlh reng a.





A chhúng kan lút chiah chu Taehyung leh Police pakhat lo in kâwm mêk chu ka va hmu nghâl chat a, Taehyung chuan makti hmêl zet hiân min lo en ho a.


"Yanoo, tinge hetah ilo kal, haw leh vat ru"



Min rawn pan pah chuan a ti a,

"Khawnge? Hmuh ka duh a ni"


Aw khúr dar dar chuan ka tí a,

"Lo nghâk lok rawh"


Tihpahin police awmna lamah chuan a lêt leh a, Police bulah chuan enge maw hi a sawi neuh neuh a, min rawn en zawk zawk reng bawk, relote hnú ah chuan ka lam chu a rawn pan leh vat.


"Minute 5 chiah an phal a, helamah hiân lo kal ru"


Tihpahin a chhúngril lamah chuan min hruai a, thír tlâwn a khât tâwk a vuah fur chhúng ah chuan mi chi hran hran hi an awm bawk a, kan kal pêl pah chuan Jimin zawngin ka hawi kuâl zak zak reng bawk, a then te chu mi â ang mai an ni, a hnuhnung ber kan thlen chuan Taehyung chu a rawn ding ta chat a,


"Minute 5 chhúng chauh a awm theih a nia aw"


Tih sup pahin Jungkook nên chuan min kalsan tâ a, Jimin chu Thír ban vuah fur chhúngah chuan mahní chauh hiân alo thu kún tlawk tlawk a, hêng techu khâng misual râpthlâk tak tak ho awmna túr a sin, ka pasal a awm vê ang tih rêng ka lo ring pha ngâi lo, thír chu ka bag chuan ka'n ti ri rak a, Jimin chu rang zet chuân rawn hawi chhuâkin mak tih hmêl zet hiân min en a, rang zet a rawn tho vatin min rawn pan nghâl dâwr dâwr a,


"Tinge ilo kal a Yanoo?"


A ti sap a, ka tawng chhuâk thei ta lo, ka mittui chu rawn luângin ka tap nghâl ringawt a, hetiânga Jimin hmuh hi hrehawm ka ti takzet a ni,

"Tap suh le"


Tihpahin thír tlâwn kâr atang chuan a kut chu rawn rawlhin ka mittui chu a rawn hrú a,


"Kan naute chu a hmêltha ngawt ang tiraw"


Arawn ti sup a, tap chung chuân ka nui var var ringawt,


"Hrehawm iti lo mi? Engtin nge i awm?"


Min en vang vang a, muâchâng chuan Ka kut chu rawn lâ in a âwm zâwn chu min khawih tír a,


"Hetah hiân min hnawh ut ut tú a awm a, chú zawng chu ni mai"


Ati sup a, ka khawngaih lutuk hi awm dân túr pawh ka hre lo, tih theih ka nei dêr bawk sí lo.


"Ka tihpalh a ni Yanoo, kei hi min lo hre ngâi miah lo ni la chuan hetiâng hi i tâwk miah lo ang"


"Hey.... Nang tawn loh che ai chuân nangmah tawng a hrehawm tawrh hi ka thlang zâwk"


Nui suk chung chuan min en reng a, nui mahse ana takzet tih ka hria,


"Engpawh ni se, Nautê kha tha deuhin lo en kawl la, ka lo chhuah vêleh Busan te khân kan kal leh anga"



Ka nui hak a, mahse a zat vâng a ni hauh lo, ka tap lái hmuh tír reng bík ka duh loh vângin ka nui lui mai zâwk a ni, avan hrehawm tehrêng êm, hê jail atanga duh thú lo sâm vak vak chu a thleng dâwn lo tih a chiang ropui sí a, chu chuan min tina zuâl a ni.

"Hun a zo e"


An rawn ti lâng lâng rí chuan min ti phu deuh zawk a, police hmeichhe pahnih hiân min rawn kâi hrang nghâl vat a.


"Ni lo, ka sawi túr ka la sawi zo hleinêm Jimin sii"


Tap chung chuan ka tí a, ka tál nasa ngang mai, , a kut ah erawh ka la thlah thei lo, ka theih tâwp chuan ka man bet tang tang a,

"Yanoo, rilru fím tak pu reng la, naute tâna tha túr chauh ti rawh aw"


A rawn tí a, pahnih an nih vâng chuan ka tang reng thei ta bík lo, a kut chu ka thlah ta nge nge a, min hruai chhuak nghâl dâwr dâwr a, Jungkook leh Taehyung chuan min lainat hmêl zet hian min lo en reng a.


"Ka tân tír dâwn lo Yanoo lungngâi rêng rêng suh"


Taehyung chuan tih sup pah hiân ka dâr ah chuan min vuân a, ka inti pachang hrâm hrâm túr a ni, chak lo takin ka awm dâwn lo, mahse ka khawngaih takzet a ni.



TIME SKIP



Khum ah chuan mahní in ka mu vang vang a, engtin nge ka tih ang? Jimin hi engtin nge ka lâk chhuah ang? Park Jinyoung kha ka va ngên mai dâwn mawni le? Engmah ka hrethiâm lo.


"Ka pi, hmu duh che an awm a"



Maid pakhat chuan a rawn tí a, tunge ni ang? Jimin chanchin chu tv channel hrang hrang ah leh chanchin bu ah te khân a lang chuaih chuaih a, min hnêm duh tepawh an ni ta vê ang, mahse tú mah ka hmu peih hlawm lo.


"Túmah ka hmu dâwn lo"


Ka lo ti hmak a,


"Mahse ka pi, i pâ a in tia"


A ti zui sap a, rang zet chuan ka tho vat a, ka pâ chuan alo hre vê tawh a ni maw? Rang zet a tho chung chuân room atangin ka chhuâk vat a.


_______


Couch a ka pa lo thu reng ka hmuh chuan ka lung chhiâtna ti zuâl, Taehyung leh Jungkook pawh chu an lo thu vê reng a.


"Pa"


Ka ti sap a, ka pa chuan min rawn pan nghâl vat.


"I thâ em Boihte, nâ te i nei em? I va han chêr êm êm ve"


A ti nghâl mawlh mawlh a,


"Enge i lo tih dâwn a?"



"Hruai hâw túr che in mawle, Park Jimin a tâng tawh a, i zalên tawh lâwm"


"Ni lo e, hei hi ka pasal in a nia, ka awmna túr dik tak a ni"


"Yanoo"


Mak tih hmêl zet chuan a ti sup a,


"Ni e, ka pâ bum hmang bula awm âi chuan heta awm hi ka duh zâwk"



"Enga?"


"Engkim ka hre vek tawh pa, nang hi ka pa ini tak tak em? Nang hi bum hmang inih hi, nangmah vângin Jimin nu kha a thí sin"


"Lee Yanoo"



Vín that a tih pah chuan min ben tum ni âwm tak hiân min tin ta úr a, ka lo maimitchhíng nghâl vat, Min bêng hawi sawk mahse pawi tihna ka nei lo, tún a ka rilru nâ nên tehkhin chuan engmah a ni lo top ang.


"Hâw ang"


Tihpahin ka bân ah chuan min kâi chawt a, min kalpui a tum ta mai, Taehyung chu kan hmâ ah chuan a rawn ding chat a.


"Yanoo hiân nâu a pâi a, khatiânga i tih luih kha ka rem ti lo"


Ka pâ enkar chung hiân a tí a,

"Naupâi a?!"


Ka pâ chuan min rawn en vat a, mak a tí tih chu a hmêl a tang chuan hai ruâl a ni lo, Jimin nên kan inneih dân ngaihtuah kha chuan nâu ka pâi hi mak ati viâu ang.


"A thusawi hi a dik em?"


Arawn ti fak a, ka pa mak ti hmêl chu thinrimna in a rawn in thlâk nghâl a, mahse hlauhna chhetê mah ka nei lo.


"Aw, a dik alawm, kei hiân nâu ka pâi, chuan Jimin hi ka hmangaih bawk, khawi ah mah ka kalsan dâwn lo, i thil tih suâl man chu kei hiân ka hmu vek tawh, Jimin min neih tír vâng hian ka nú kha lâwm thú min lo hrilh sak dâwn nia"



"Engtin nge i theih zâwk? Engvânga nei che nge a nih kha i hre tawh lo ami?"


A awkí a sâng ngêi mai,


"I duh chuan kut min thlâk rawh pa, i fanu hi ka keh chhe vek tawh, na leh túr chuâng ka awm tawh lo, min beng la, min sawisâ la, i duh duh dânin min ti rawh"



Vín tuâr chung chuan ka tí a, ka pa chu rilru nat hmêl zet hiân lei ah chuan a thu ta hnawk a,


"Ka tihpalh a ni pa"


Ka ti zui sap a,


"Ni lo e, keimâ thiâm loh vek alawm, i hmangaih viâu amaw?"


Rawn tho leh tuah tuah pah chuan a tí a, mittui far fap chung chuan ka lú chu ka lo bu nghauh a,


"A thâ e, ka fanu tuârchhel leh luhlul zet duhthlanna hi keichuan thâ ka ti e, pachang takin awm la, Jimin lâk chhuah theih dân chu kan ngaihtuah ho dâwn nia, ngaihdam díl pawh ka duh"



Tih sup pahin ka dâr ah chuan a bêng ta thak thak a, ka pa hiân min rin ka lo ring rêng a.


"Ka lawm e pa, mahse ka tuâr chhuak thei a ngem ka hre lo"


Ka thusawi hnu lam chu a ri ta chang chang chauh a, ka pa chu ka kuah thlawp ringawt, ka hnungah chuan alo bêng thak thak a. .

_____________


Ka pa chu Jungkook chuan a thlah a, Taehyung nên chuan ngâwi rengin kan thu dún ta reng a, kan inbe lo, mahse kan ngaihtuahna kan kâwm ni maiin ka hria.


"Taehyung sii"


"Huhhh...."


A rawn ti deuh hú a, a ngaihtuahna ka tibuai a ngem le? Ka inthiâm leh chiah loh vâng chuan ka ngâwi leh ta vang vang a.


"Enge sawi la"


"Ihh... Jimin hi lo tâng tak tak dâwn ta se, engtia rei nge a tân i rin?"


Min en ta kar a, min chhân harsâ a tih hmêl êm êm leh nghâl.


"Damchhúng a tân loh pawn khâihlum túr a nih ka ring"


Min enkar chung chuân a tí a, a thusawi chuan ka thinlung hi a chhun zawk in ka hria, a theih loh, ka nâte lo piâng túr hiân pâ a nei dâwn lo tihna nia, a theih loh hrim hrim, ka hmâ ka sial a ni maithei, mahse mihring vêtho ka ní a, a nupui berin a tihsuâl ka ngâidam a, chutiâng êm êm a an hrem chu ka phal teuh lo mai.


"Engtin nge kan tih tâk ang?"


Tap âw tiâu chuan ka tí a,

"Ka tihpalh Yanoo, hê thú i hnên a sawi hi ka hreh viâu nâ a, keipawn tih dân túr ka hre bík lo"


A tih tâk ah chuan ka ngâwi ta vang vang a, beisei ava bo teh lúl êm, ka in nghahna Taehyung berin tih Dân túr a hriât loh chuan ka tân chuan hriât bík ngaihna awm ta lo, ni lo, tih theih pakhat chiah ka nei, Park Jinyoung a ni, hmanhmawh zet chuan room lamah ka tlânchho nghâl vat a.



Ka phone chu lâ in Park Jinyoung chu ka call nghâl vat a.


"Hello?"


"Enge nita, nang meuhin min rawn call tâk a?"


"In hmú ang, in ah lo kal rawh, i rawn luh rúkna ah khân i lo kal leh dawn nia"


Min chhân hmâ chuan ka off nghâl daih a.


__________


Ka phone a ka nú nên kan thlalâk ka en mai mai lâi chuan balcony lam chu arawn ri ta rak rak a, ka hawi chhuâk nghâl vat.



Park Jinyoung chu arawn lút vê vat a, ka lo insiâm rem nghâl vat a.


"I pasal awm loh hlân in in room ngêi ah mipa dang i hruâi lút ania, i huâisen hlê mai, a hmêlma ka ni leh nghâl"


Ngei awm zet hiân a nui ta vún vún a, tún ah tak chuan a hmâi vun saw pawh lih vek ka châk ber.


"Case hi la lêt rawh"


Ka'n ti nghâl top a, a nui nghâl hak.


"Enge min pêk vê ang?"


"Ka hre lo"


Min rawn pan in ka dâr tawn tawn ah chuan a rawn vuân a.


"I pasal hi then la, a hmuh phâk tawh lo na hmun túr ah tlânbo ang, kan pahnih in, chu chu min tiâm thei a nih chuan k chhuah zalên ang"



Chhân ngaihna ka hre ta hauh lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:17 pm

THE MAFIA SWEETHEART CHAPTER - 18

BY

HLUTEI JOCUND PACHUAU



A hnuhnung lampang hi ka edit oeih tawh lo, ka menglui thei tawh ngang lo







"Tún tut tut ah kher pawh a ngâi lo, i duh hun ah min chhâng mai dâwn nia"



Ka la ngâwi reng a, ka rilrú a buai takzet a ni, engtin nge ka tih ang? Jimin tiânga a awm hi ka hmu thei bawk sí lo, mahse Park Jinyoung bula awm âi chuan thih pawh ka la thlang zâwk tho.


"Duh lo tâ ila"


A nui hak a,


"Nang leh kei hiân duhthlan túr dang i nei lo tih kan hre chiâng ber ang Yanoo"



Room kawngkâ kik ri karh karh ka hriât vâng chuan ka harh zawk a,

"Ka kal ange"


Tihpah chuan balcony atang chuan a lâwn liâm vat a.

"Noona lo hawng teh, thil hmuh túr che kan nei a nia"


Jungkook a ni tih ka hre nghâl mai, rang zet chuân ka hawng nghâl vat, Taehyung leh Jungkook chu nui var var hiân an lo ding dún a,

"Enge ni ta?"


"Hei"


Tihpahin naute piânghlim thawmhnaw leh a mamawh túr thahnem zet hi an lo khâi fur a, ka nui nghâl hak.


"Engtin nge hetiâng lei na châng te in hriât a?"


Tihpah chuân ka ban vat a, khum ah chuan ka dah nghâl mawlh mawlh bawk, mahse, hêng zawng zawng hi.

"Hei te chu mipa thil vek alawm"


An in en a, an nui leh var var ringawt,


"Mipa a nih kan ring vê top a"


Taehyung chuan nui var var hiân a tí a, naute thawmhnaw ka hmuh hiân ka hlim ruâl ruâlin ka lungngaihna ti zuâl tú mai niin ka hria, Jimin a awm vê sí lo a engmah hi a kim lo riâu mai.


"Noona, lungngâi mah ta che, i tân kan awm reng alawm, Jimin hyung chu kan tân tír dâwn lo hrim hrim"


Jungkook chuan a ti vê dap dap a, mittui tling pam chuan ka nuih var var ringawt.


"Keipawn ka rawn lei vê sin"


Kawngka lam chu kan en thap a, Jimin cousin Seokjin chu naute thawmhnaw khâi chuan a lo ding nui var var a.


A thil khâi chu min rawn pe nghâl vat, ka en chu a ngâi ang bawk a ni.


"Heipawh mipa naupang thawmhnâw tho"


"Mipa a nih ka ring a"


Awlsam zet hiân a tí a, kan pali chuan kan nui dar dar ringawt.


_______


"Enge maw sawi túr ka nei a"


Ka tih sap ruâl chuan naute thil an khawih mawlh mawlh lâi chuan an tâwp ta thap a, hriât châk hmèl zet hiân min en thap bawk.


"Park Jinyoung hi inrem siâm pui ka duh a ni"


Mak tih hmêl zet chuân min en thap a.

"Engti kawngin maw?"


Seokjin chuan a lo ti vat a,

"Jimin hi kalsan a a bula ka kal a nih chuan chhuah zalen a intiâm a"


"A theih loh Yanoo"



Taehyung chuan a rawn ti vat a, a theih loh tih chu ka hre vê tho, mahse enge ka tih chuân ang?


"Duh thlan túr dang ka nei lo "



"A theih loh ka tih chuan a theih loh a ni mai"



"Hey... Kim Taehyung thú min pe túrin tunge i nih a?"


Ka ti ta fak a, ka thinrim êm êm vâng pawh a ni lo, mahse ka dinhmun min hriât thiâmpui lo ni a ka hriât tlat vâng a ni.


"Thú ka pe lo che Yanoo, Park Jinyoung kha ring lo túrin ka duh mai che a ni, eng angin nge i ngaih a, nang hi a hmangaih tak tak che maw i in ti mi? Jimin rilru tih nat a duh vâng chauh alawm, Jimin hiân a hmangaih che tih a hria a, lâk sak dân ringawt che a ngaihtuah ang"



"A sawi chu dik chiah Yanoo, Park Jinyoung hi ring suh, kan kut ah dah la Jimin chu kan buâipui mai ang, nangchuan nautê chiah ngaihtuah rawh"


Seokjin chuan a lo ti vê vat a,


"Mahse min tiâm alawm"


"Tiâm a? Khâ mihring ah khân intiâmna tih hiân awmzia a nei vê lo Yanoo"


Thinrim hmêl zet hiân Taehyung chuan a tí a, kan ngâwi leh ta thap mai,an ní pawn tih theih anneih loh ziâ chu ka hre chiâng vê viâu sí a, kan ngáwi leh ta thiâp mai.


"Park Jinyoung chu inrem siâm pui rawh Noona"

Kan ngawih vang vang lai chuan Jungkook chuan a rawn ti chhuâk hlawl a,


"Enga?"


"I mâwl ami?"


Taehyung chuan a lo ti vat a,


"In remsiâm pui rawh, hetiâng hiân ka lo ngaihtuah a, Jimin hyung chu chhuah tír hmasa vek phawt la, finfiahna zawng zawng pawh i tih chhiât tír vek anga, tlânbo intum hun ah khawi ah emaw i awmna hriât theihna túr kan dah anga, hun remchâng a awm vêleh Park Jinyoung chu kan dah tha hmak mai dâwn lawm"



Ka ngâwi ta vang vang a, rawtna tha tak a ni, mahse Jimin hiân a remtí angem ka hre lo.


"Keipawn thâ ka tí e"


Seokjin chuan a lo ti vat a,

"A risky mah mah lo maw?"


Taehyung chuan ala ti ta fan tho.

"Risk kan lâk ngam a ngâi alawm, duhthlan túr dang kan nei lo Hyung"


Jungkook chuân a tí a,

"Keipawn thâ ka tí e"


Ka lo ti vê vat a.


"A hlauhawm dâwn a nia Yanoo, hlauhawm ah ka dah thei lo che u"


Taehyung chuan min rawn en kar a.

" Lee Yanoo ka nih hi, Mafia King pasala nei chung pawn ka dam chhuak thei ani lawm ni? Engvângin nge chúng mai mai te ka hlauh ang? Ka la thâwk vê têk têk chhúng chu ka pasal hiân jail a tâng dawn lo"


Taehyung chu in ngaihtuah múk hmêl zet hian a thawk hak a,



"Awle, a tha lawm, mahse Jimin phalna lo chuan ti miah suh Yanoo"


Ala ti hrâm a,hrilh chu ka tum hrim hrim bawk a, ka pum chu a rawn rík tâk ruk ruk ah chuan thil ka hre chhuâk thut.


"Thil ei hmasak phawt ka ngâi"


An rawn nui ta hak a, ka pum rí kha an lo hre vê a ni chêk ang chu.




Time skip


___________





Dawh kân ah chuan kan thu thap a, Taehyung chuan nichín atang tawh khân artui kan chu ka thlêngah chuan arawn dah reng a.


"Hey... Kim Taehyung, artui heh viâu túrah min ngâi ami a?"


An rawn nui ta hak a,


"Noona khawi min pe then rawh"


Jungkook chuan a lo ti vat a, ka pe then vê nghâl mai bawk a,


"Yanoo, sa lam âichuan thlâi hring lam kha ei tam rawh aw, chuan Kimchu kha ei tlêm deuh bawk la"



Seokjin chuan alo ti vê sek a, ninawm, doctor bula chaw ei chu, ka thil ei atui lo zo vek dâwn in ka hria.


"Yanoo, artui kan kha i tân a tha ber"


Taehyung chuan nui sun sun chung hiân a lo ti vat a, ka hmúi ka lo tih pawrh khum vak ringawt, Taehyung nên hi chuan in ngaih viâu tho sí hiân kan in hâu ziah tho bawk sia, an ni ho hi chu engtik ah mah ka haw thei lo top ang.


"Kan tello in enge in lo ei bík a?"


Ka hawi chhuâk vat a, Suga leh Jhope chu an lo ding reng mai,

"Rawn ei vê nghâl rú"



Tih pahin ka lo húi zauh a, an rawn thu vê mai bawk a.


"Pi Kim an ei túr hi lo siâm vê nghâl mai ta che u"

Ka ti nghâl vat a,


"Enge i an a Yanoo? I thâ maw?"


Jhope chuan nui deuh sâng hiân a tí a, a hmêl hmuh hi a hahdam vê ngawt mai, a nui sâng reng bík mai a.


"Ka thâ lawm, min ngaihtuah a ka lâwm lutuk a nia"


"Dâwt sasi duh suh, i tha lo tih kan hre vek alawm"

Suga chuan a rawn ti vê khauh a, mak ka ti lutuk chu ka en top ringawt, nídangah chuan min be ngâi miah lo a nia.


"Nia, i sawi dik alawm, mahse ka tha leh mai ang"


"A dik chiah, Yanoo chu hmeichhe chak tak alawm a nih"


Jhope chuan ka hnung a rawn ben thak thak pah chuan a tí a, ka lo nui sak ringawt, Suga chuan uluk zet hiân min en kar a, hepâ fin hmêl kerkawr lutuk hiân ka awm a ti nuâm lo zo vek.


"Anih naute thil túr engtik ah lei vê in tum a? Midang chuan an lei vek tawh a nia"


"ka hre lo, Ka lo ngaihtuah tawh miah lo"


Jhope chuân inthiâm loh hmêl zet hiân a tí a,


"Fâ eng zât chiah nge hrin chhuah i tum a?"


Suga chuan a rawn ti leh a, hepâ tawng hiân ka thin a khei zak zêl, huât chí ni sí lo, huâthla la awm deuh deuh hiân a tawng thiâm a.


"Pa nga tal ka hring dâwn"


Seokjin chuan a tui in lâi chu a rawn hâk kharh kharh a, midang chu an lo nui nasa mai.


"Keipawh nuipui ka neih hun chu pa nga tal fâ ka nei ang"


Jungkook chuan alo ti vê vat a.

"Túna i mízia ah kha chuan nupui túr i hmu zo lo ang"


Ka lo ti nghâl vat, a ngâwi leh ta hmak a, an lo nuih nasa ngang mai, chutia kan in kawm bawrh bawrh lâi chuan Taehyung chu phone hmangin a chhuak ta daih a.



_________



Reilote hnú ah Taehyung chu a rawn lêt leh vat a.


"Yanoo, Jail ah buaina a chhuâk a, Jimin chu chemtê a vih a ni an rawn tia, a serious viâu a ni âwm e"


Ka fiân ken lâi chu ka thlauh chawrh a, ka tiril chu a rawn khúr nghâl,


"A tha lo viâu em ni?"


"Aw, damdawiin lamah an hruai a, keini pawh kal nghâl ang u"


A ni thei lo, Jimin sii, lo tuâr hrâm hrâm rawh aw, ka rawn kal dâwn a nia, min kalsan a nih vaih chuan ka ngâidam ngâi lo ang che., ka rilru chuan ka ti nghâl mawlh mawlh a, ka mittui chu dan ruâl a ni lo bawk.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)