The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Unread post by Ngaia » September 23rd, 2019, 6:10 pm

sqe8lj2p.jpg
sqe8lj2p.jpg (16.3 KiB) Viewed 20095 times

The Mafia Sweetheart (BTS PARK JIMIN FANFICTION)

By
Hlutei Jocund Pachuau

Chapter - 1




Prologue


Zan In hi tinge a reh em em le? he kawtthlêr thim zet hi hmeichhe dang chuan an hlâu maithei, mahse saw in chhûng hnéawm zet ai saw chuan ka thlâ a muangin ka hahdam daih zâwk, boruak a vawh avângin street light lian zet hnuai a ka thaw khu hlat hlat pawh ka hmu thei, ka hnâr hmâwr leh ka hmui bawr vêl techu a hik tha vât vât khawp mai, Jacket lian tha tak ka ha chung pawn ka la khûr hlat hlat thei nia, ka lû leh ka hmâi chu puan chuan ka tuam ta tawp a.


Sana ka en chu zîng dar 1:00 a lo pêl hret tawh, a reh ang thuap bawk sia, ui bauh lauh lauh bâk hriattûr a awm mang lo, tawngtâi rilru mawlh mawlh chung chuan ka pên hlawk hlawk a, building lianpui pui inkâr kawng te tak tê ah chuan ka kal phei chhat chhat a, kan in kawng ni lo mahse ka nû in a thih hmâ khân appartment te tak té a lei ve a, chu chu kan in aia ka ngainat zâwk miau vângin ka pan leh ta nge nge a, ka nu hrawn in hria se chu a sa leh viau ang, mahsê engahmah ka ngâi tawh lo, naupang ka ni tawh miâu lo a.


Ka hmâ ah tak hian hmeichhe samdum sei hnuang, kawr vâr fual hâ hi lo ding thut mai se tih techu ka ngaihtuah a, ka kal chak phah ngêi mai, ka ngaihtuahna âtthlâk lutuk vâng chuan mahni in ka nui vur vur ringawt, rûm ri hawk ka hriat vâng chuan ka ke pén chu ka tawp chiang kher mai, thlahrâng nge ramhuai ni ang? tih chu ka rilru chuan ka in zâwt nghâl mawlh mawlh a, ni lo, engpawh ni se ka hmachhawn tûr a ni, kei hi Lee Ya Noo ka ni lawm ni? engmah ka hlau rêng rêng lo.




Muangchâng chuan ka sîr lam thim lâi deuh chu ka hawi phei riai riai a, ka lungphû in thûm rawn tluk tluk chu ka hre chiang kher mai, nichin mai kha chuan vâwt tiin ka khûr a, tûn ah chuan thlan tuiin min bual ti tih tawh nia.


"Ramhuai ka ni lo a nia"


Mipa âw hian arawn ti deuh fak a, Ka phu zawk thei, ka thaw huai mai, LalPa lehh.... avan zahthlâk tak, ka awmdân tekha min lo hmu reng awm sia, ani chu thim zînga a awm vângin ka hmu ve thei lo thung, hnuailam ka melh deuh ngat ngat lai chuan pên ri ka hre ta, ka hawi chhuak chu a êng deuh lâi ah chuan a rawn ding a, kawrlum dum lian lam leh lukhum hmakawh dum hi a khum a, a hmûi chauh ka hmu thei thung, ka bul hnâi a arawn ding chiah chu a beng ka chen deuh vâng chuan palian tak tih tûr chu a ni lêm lo, tê chhe lutuk pawh a ni chuang lo, ft 5 inch 5 ka ni a, nu tê chhe lutuk ka ni lo hrim hrim bawk a, mî rêng rêng hi ka chîk theih êm vâng hian a pum sîr lam a nâk zâwn rawn huh hlap chu engdang ni lo in thisen tih ka hre nghâl mai, a kut ah pawh a kâi deuh nual bawk, nâ tih hmêl chuang sî lo hian a dawm vang vang reng vâng chuan hliâm namai lo tak a ni tih ka hre nghâl bawk.


"enge i en reng a? "

Zâwi tak sî mahse bengverh zar mai, thâwp sat hian a rawn tî a, a tawngkam chhuak nêlawm lo mahse a âw chu mipa aw pâ tak ti a sawi tûr ni chuang sî lo hian min fan raih mai, "I hliam kha i enkawl vat loh chuan nikhaw hrelo in i tlu palh ange" tih ringawt chuan ka chhâng a, a nui hak rî chu ka hre thei, min ti hlâu lek lek zâwk, mak ti tak chuan ka en hâ a,

"Hmeichhia tûn ang zan rei tawh ah pâwn ah an awm ngâi lo, hâw rawh"


vawt raih hian a tî a, ka chil ka lem khalh ringawt.

"mahse i hliam hi"

"i buaina tûr a awm lo"

tih pah chuan ka kalna hnû lam chu a pan ta daih a, a kal dân atang pawh sâwn nâ a ti viau tih a hriat reng, keipawh ka nû in lam chu ka pan vê vat a.


"Leh lawkin"


ka hnunglam chu ka hawi leh nghâl vat a,

"Thlahrâng leh Ramhuai tih vêl aichuan, mihring hi an hlauhawm zâwk tih lo hre tawh rawh"


Min bye bye pah chuan a building in lian zet phên ah chuan a kal liam ta daih a, ka nui sak ringawt.


3 WEEKS LATER


Ka hming chu Lee Ya Noo (Li ia nû) a ni a, nikum hmasa khân ka nû min hmangaih êm êm tû in min boral san a, ka pa hian sumdâwnna lian tak a neih lâi khân ka nu nên hian an lo chesual a, kei hi ka lo piang ta a ni, a awm zia ah chuan keichu hmei fâ ka ni tih na nih chu,hmeichhia, zezâwi tak leh thian kâwm tam lo tak ka nî a, ka tawngtlêm hlê bawk, mahse ka luh lul êm êm thung, harsa tak chungin ka nû in min enkawl chho a, mahse kum 13 ka nih atangin ka pâ bulah ka awm thung, unaunu hmeichhia pakhat ka nu hrawn leh ka pa fa bîk ka nei bawk, ka nu hrawn hian min hmusit in min en hrang êm êm a, ka pâ sumdâwnna tlâk chhiat hnû pheichuan leibâ angah vângin high school thleng chauh ka kal a,ka pa leiba rulh nân dâwr hrang hrang ah ka in hlawh mai thin, ka uaunu Sora unnie erawh chuan kawr branded tak tak hâ in university thleng a kal a,zân ah lah ni se party na ah a kal reng bawk, mahse ka thîk ngâi lo, keichu hmeifâ ve mai ka nih vâng a ni, ka nuhrawn in min hmuhsit zia leh min sawisak nasat theih zia ka ngaihtuah hi chuan nâ ka ti in ka rilru ana ngawih ngawih thîn, kum 20 ka tling ve chiah a, ka chhûngkaw tân theih tâwp ka chhuah a, mahse tû kâ atang mahin fakna leh lâwmthu sawina ka dawng ngâi lo, ka phût bawk hek lo, keichu awm ve lo ang vêl ka ni, ka pâ in Sora unnie chuzîng tin a hau thîn a, tûn ah pawh an tan leh tawh saw ninawm.


"Engvângin nge night club ah chuan i kal rêng rêng a, ani khân a hmu che sin, ka fanu ini tih a hre tawh a, ka leiba âi ah nang hi nupui atân pe tûr che in min ti asin, i nun pum pui hi hremhmun a hman i duh a mi? "


an awkî pawh a sâng leh tawh khawp mai, ka va chhuak vê vat a, ka pâ hmêl dur khup atang chuan a thinrim hlê tih ka hre thei mai.


"Ka hre bîk hleinêm, pawisa techu thawk chhuak ula, rûl mai ta che u, ka buaina tûr a awm lo"


"Nangnû hi"


Ben tum chuan a kut chu a tin uai a, kawngka kik rî vâng chuan a tâwp chat mai,
"Chu le,..alo thleng ta, hremhmun a kal tûr chuan in peih ang che, Yanoo i room ah lût rawh"

Hmanhmawh tak chuan ka lût a, mahse an sawi ka hriat châk vâng chuan kawngkhâr chu zîm tê hian ka hawng rû a.


"Nang maw! Mr Park, lo lût rawh"


Ka nuhrawn chuan hlauh hmêl zet hian a tî a, a sîr zawng chuan ka hmu ruai thei,ka pa hian mafia ho lakah pawisa a bat thûa sawi ziah a, ka lo ngaihtuah dân ah chuan putar hmelchhe zet a ni dâwn maw ka tia,ka rin aiin ala naupan hmêl daih mai.



"Mr Lee i hnên a ka thusawi kha ilo la hria anga, khawnge ka nupui tûr chu? "

"Mr Park khawngaihin reilotê chiah min lo nghâk leh rawh, pawisâ chu arang thei ang berin kan lo ngaihtuah ang"


Ka nuhrawn chuan aw khûr deuh hlak hlak chuan a tî a,
hepa âw hi ka hriat hnû a ang hlê mai, kawngkâ atang chuan ka va bih leh dêk dêk a, ka pâ leh ka nu hrawn chu hlauh hmêl zet hian chúpâ hmâ ah chuan an lo ding kun lap reng a, mipâ pa 5 vêl hian an lo din hual bawk, tianga ka pâ ka hmû chu hrehawm ka ti takzet, mahse ka chhuak anih chuan thil a buai zo ang tih ka hlâu si, ka nû leh ka pâ hlauh em em hi eng ang hmêl pû nge? ka pâ leibatna pâ tih chu chiang takin ka hria a, mahse a sîr zâwng chauhin ka hmu thei bawk si,tûn ah phei chuan min hnung chhawn daih a, suit dum vek an la ha zui.


"Mr Lee kei hi i fapa rual zet ka nih hi, khawngaihin ka hmingin min ko rawh"


Tihpahin soffa ah chuan chapo hmêl zet hian a thu dar dar a.

"Ka fanu pawisawi lo hi tawrh tîr velo hrâm rawh Jimin shi"


"Zantin i fanu night club a kawr chhîng tak tak hâ a kal thîn hi pawi sawi lo i ti amaw? i fanu chu i enkawl thiâm loh chuan ka enkawl thiâm alawm"



"Khawngaihin ti lo hrâm rawh Jimin shi"

Ka nuhrawn chuan a lo ti vê bawk a, va chhuah a va ngen te ka duh rum rum mai, mahse thil a buai zo vek ang tih ka hlâu bawk si.

"Engpawh nise naktûk ah inneihna chu kan ti nghâl ang, engkim ka lo buaipui dâwn nia, lo in enkawl tha ang che u"


A tho hluai a, hnunglam a rawn hawi thut chu ka biru rang ngêi mai, min hmû a ngem le? ni lo,
min hmu hrim hrim, an pên sap sap rî ka hriat tâk ah chuan ka awmdawm vang vangin chungin thâwk ka'n la hak a, ka chhuak vê nghâl vat.

"I lâwm tawh em tikhân, Mafia King Park Jimin a nih kha, Hremhmun LalPa an tih thin chu"


Ka pâ chuan Sora unnie bulah chuan a ti khur khur a, ka pâ tân chuan a tlâwm thlâk viau ang, a fâ rual zet hmâ ah ka unaunû vângin khawngaih a dîl tâ chu nia,


"I tha em Pa? "


"Tha e Boihte,"


tih zawng chuan min chhâng a, sawi tûr avâng bawk aniang a reh ta thuap mai.


"Pâ, Yeonjun nên kan chanchin pawh in hre vek a, ka hmangaih a sin, engtin nge pasal dang ka neih theih ang? "



Sora Unnie chuan tap chung chuan a ti a,Yeonjun Oppa leh Unnie te hi high school an kal lâi atang tawhin an in zui tawh a, Yeonjun Oppa chu mitha tak a ni a, ka chungah pawh a tha thei hlê,ka pâ chu chal dawm vâng vâng chung chuan a thaw leh hak thin.


"Duhtak, Sora ai ah chuan YaNoo hi kal tîr ta mai zâwk ila"


"Ngawi hmak rawh, tih dân ka ngaihtuah ang"


ka pâ chu thinrim tak chuan a chhuak ta daih a, ka nuhrawn rilru chhe lutuk chu ka en tlawk tlawk ringawt, ani lah zâm map lo hian alo meng râng kual vêl a, kei hi bungrua ang lek ah min lo ngâi anih ka ring, engpawh nise, hnâ ah kal phawt teh ang.



___________



Room a ka insiam mawlh mawlh lâi chuan Unnie chu arawn lût ta thut a,


"Yanoo, pawisa min lo pe teh"


"Engatân maw unnie? "

"Yeonjun engkim ka hrilh tawh, vawiin hian kan tlânbo dâwn"

"Enga! Unnie engtin nge ka pâ leibâ hi ni ve tâ ang"


"Ngawi hmak rawh, ka nun hi hremhmun ah ka siam dâwn rêng rêng lo, pawisa chu min pe vat rawh"


Ka purse a ka pawisa awm zawng zawng chu ka pe zo ta vek a, la deuh sawk chung chuan a tlân chhuak nghâl a, engtin nge ka pâ hi ni ta ang? khum ah chuan ka thu hnawk a, ka nu hrawn pawh a rawn lut ve leh nghal, ninawm hlawm sia.



"Vawiin chu hnâ ah kal suh ang che, tih tûr kan nei"


"Mahse"


"Min hnial suh, In hnunglam huan ah rawn phei ang che"


Tihpah chuan a chhuak leh nghâl a, engtak chu min tih tîr leh ang maw, Pasal nei tûra min ngen a tum a ni hrim hrim ang, ka nei dawn teuh lo, thih ka thlang zâwk, ka thawhna dâwr nei tupa Hansung Oppa chu ka call nghâl vat a,

"Awi sawi rawh Boihte"


Hansung Oppa hi tlêma nû deuh a nih vâng hian a tawng a nêm deuh a, ka chungah pawh a tha hlê bawk, keipawn ka ngaina.

"Oppa vawiin chu ka lo kallo mai ang, chhûngkaw thil a nia"

"Awi ilo kal loh chuan ka van buâi âwm, mahse pawi lo, Kha Park Jinyoung khân arawn ti buai leh palh ang che, vawiin tal chu a hmêl hmulo in ka awm vê dâwn a nih hi"


Ka nui suk a, Hepâ hming hi chu hriat pawh ka hre peih lo, ka ten hluah hluah a ni top.

"Anih aw, ka lâwm lutuk a nia Oppa"

"A ho lutuk inthiâm lo duh suh"


Phone chu dah in ka nuhrawn min kohna lam chu ka pan nghâl vat a.



_________




Huan a ka nu hrawn lo ding reng chu ka hmû a, ka pan nghâl vat.


" Enge nita?"


" Ka rose pâr sen mawi zet hi min han phun sak ta che"


tihpah chuan rose kûng chu min pê a, mi hausa chhûngkua atanga seilian tih takah hetiang mai mai pawh a ti duh miah lo chu nia, thinrim deuh tûn chuan ka phun sawk sawk a,


"Fîmkhur rawh, a hlîng khân a chhun palh ang che"



Hah.... henu hian enge maw a hriat le? tinge min ngaihtuah ang taka a tawng vêl a? hah... thâwk leh khat ah, ka tukhum chu a rawn hik chhawk a, a thim ta mup mai.



Park Jimin Pov



"Zan in chauh, a tâwp nân inhmu leh hrâm ang"

ka hmeichhe huat êm êm leh ka hmangaih awmchhun, amah vânga hmeichhia ka rinna ka hlauh tâkna ngêi khân tap aw deuh tiau hian a rawn ti a, a tap ka hriat tawh hi chuan ka buai zo vek zêl.


"ka thei lo Seulgi, pasal nei tawh inih kha, min rawn be tawh suh"

Chang fak chuan ka tî a, a in sût hraih rî chu ka hre thei.

"Jimin khawngaihin, naktuk mai ah nangpawn i neih dâwn kha, khawngaihin zan in chiah a tâwp nân inhmu leh ang, ka ngâi che"



ka phone chu off in ka hûm ngar ngar reng a, pasal min neihsan vânga ka rilru nâ in pawisawi lo ka tih nat hnem zia ka hria, ka inthiâm thei lo, mahse a tap thlêm tûr tal pawn ka hmu tûr a ni, ka kawr chung chu la chhuakin hmanhmawh tak chuan ka tlân chhuak nghâl vat a.


Kei hi Park Jimin ka nî a, kum 20 ka tlin nî chiah khân ka nû chu râpthlâk taka thah a ni a, a that tute chu tûmân an hre chhuak thei lo, keimah ngêiin zawn chhuah a phuba lâk ka tum tâ a, Mafia hi ka zawm tâ a ni, ka tum ber chu phuba lâk a ni, ka nû in min thihsan nî atang khân ka mihring mihrinna ka hlauh a, tû lakah pawh hian ka thinrim vek mai a ni, tûmah ka tina hreh lo a, Seulgi leh ka thian tha tak tak pahnih Taehyung leh Jungkook tih chauh lo chuan min beng dâi thei ngâi lo, Tûnah Mafia king ka lo nih tâkah chuan Dâwr, Hotel, Company avaiin ka kut ah a awm vek a, Damdawiin thlengin ka nei bawk, tûpawh ka hming hre tawh a piang chu hlâuin an khûr thîn, a chhan chu min hriât chiân hlawm êm vâng a ni.


___________



Seulgi nên hian kan tleirâwl chhuah atangin kan in ngâizâwng a, kan in hmangaihin atân engmah tih hreh ka nei ngâi lo, sex pawh kan hmang dûn ngun viau mai, a thianghlim tawh lo chung pawh khân iai na ka nei lo, ka hmangaih a nupui atân hial pawh ka duh, mahse a chhûngten Mafia king aichuan Company lian tak neitu fapa chu an lo duh zâwk a ni mahna, Seulgi'n pasal dang min neih san nî atang khân ka na leh zual a,ka thinrim reng ang tluk a ni, hmeichhia hi ka ring leh tawh ngâi lo, rin pawh ka tum tawh bawk hek lo.




A hmun ngainat ber pangpâr huan zîm tê kan pahnih a kan intawn hmasak berna ah chuan ka ding reng a.


"Hey Duhtak"


Aw ngaihno bei zeta min ti chung chuan ka hnunglam atang hian min rawn kuah thlap a,

"Duhtâwk teh"


Tihpah chuan ka phih thla sawk a, mittui tling kiau chuan min en kar mai, a hmêl pawisawi lo zet vâng hi lâwm ka tih tum loh pui ka tih leh thin.


"Nupui chu neih i tum ta amaw? a hmêltha viau ang chu tiraw? "


"Chutiang sawina hun a ni lo, enge i sawi duh chu sawi vat rawh hnâ ka ngah ania"


"Tinge i hmanhmawh êm êm a, Ka ngâi che sin"


Tihpah chuan ka âwm chu ti thang tih hriat zet hian arawn zût thla zâl zâl a, ka tâwp tîr vat loh chuan ka insûm zo lo leh mai ang.
"Duhtâwk rawh ka tih chu"


Tih thawt pahin a ban rêk tawn tawn a na zeta hmer pah chuan ka thing deuh nawk a, mak tih hmêl zet chuan min en ta kar mai.


"Tinge tiang hian i awm a?, min hmangaih kha"


Tap titih deuh chuan a ti a, hmeichhe ho tak hi chu, ka thaw hak a.

"Pasal nei tawh ini a, keipawn nupui ka nei vat dâwn, chuvângin min rawn be tawh lo la, min theihnghilh rawh"


"Ka thei lo, ka hmangaih takzet che sin, tlânbo daih ang aw....tlânbo mai ang"


Ngên ngâwl zeta tih pah hian a tap ta pâr mai, a tap leh ta....Huihaaa....


"Ka Nupui tûr ka phatsan thei lo, ka nû tawn anga hrehawm kha hmeichhe dang ka tawrh tîr ve thei lo"


"I nupui tûr chu i hmangaih em?"


Ka nui sak a, hmangaih a, night club ah bâk ka la hmu lo, nupui a ka neih nachhan pawh a nun ti hrehawm tûr chauhin alawm neih ka tum le, ka hmangaih ngâi lo ang.


"Tap tawh suh le, i hmeltha tak kha a chhe zo vek tawh a nia"


A rawn nui ta var var a, ka âwm ah chuan thlamuan hmêl zet hian a bei ta hlê hlê a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:11 pm

Ka sawi tawh ang khân he story hi english pawn a awm tawh a, keima duh dân a rawn kaih lek deuhin midang chhiar theih tûrin ka rawn dah ve dâwn a ni, mahse english nên chuan a danglam khawp ang, a ziaktu phalna thlapin kaa ti aw...

zan 1 dan ah rawn dah ziahka tum dâwn nia, ennge maw lai tihsual paaahh ka ngah ang, mahse hmuh kim vek hi a har ve a, min hrethiam hram hram dawn nia.



THE MAFIA SWEETHEART (PARK JIMIN
FANFICTION)


CHAPTER-2



Ya Noo POV






Ka lu hai lutuk chu men pawh meng tha lo chuan ka mutna atang chuan ka tho chhuak riai riai a, ka hmâi chu puan vâr pan zet hian a lo inkhuh reng chu niin,ka harh chhuak zawk, Ni lo..... ka awmna hi, Car ah ka lo thu reng chu niin, ka kê ka'n ti che chu enge awmzia?! enge ka hâk hi?..... Kawr fual vâr puk lam hi ka hâ a, Mokawr a ni tih ka hrethiâm nghâl mai, enge thleng hi? ka hriat hnuhnun ber chu ka nuhrawn rose kûng ka phun sak lâi kha a ni, thil ka hre chhuak zawk mai, ka hawi kual nghâl ruai ruai a, ka chuanna lah chu Car manto sei zet ang chi kha alo ni reng a, a tlân vut vut mai bawk sî, Car chu a ding dat a,kawngkhâr ri rak lam chu ka hawi nghâl vat, ka nuhrawn chu thawmhnaw nalh zet hâ hian a rawn lût nghâl a.

"Enge thil awmzia? Enge ka chungah tih i tum?"


Thinrim awka vîn that chuan ka lo ti nghâl thâ a, ka chunga thil thleng chu engvânga tî nge a ni tih hai ruâl a ni lo,a fanu angin min en ngâi lo tih ka hria, mahse ka chungah hetiang hi a ti duh hi ka ring phâk lo reng reng,

"Khâ pa kha min neih tîr i tum tiraw a ni em? "

Tap chung chuan ka vîn thawt a, nin hmêl zet hian a thaw hak,
" Yanoo khawngaihthlâk, tap lo la, i make-up kha a chhe vek nge aw"


Ngeiawm zet chuan a ti a, ka rem tihna tel hauh lo in pasal min neih tîr a tum a, chû pawh misual tak hnên ah leh nghâl, inthiâm lohna hmêl pawh a pu miah lo.


" Car hi ti ding rawh u, Tih din tîr rawh ka nu, pasal neih ka la duh lo"

Ka awkî chu a sâng tha ngang mai, ka mittui far lah a châwl hek lo, ka thinrim lutuk chu thâwk ka la kâwk kâwk a.


"A ding vat ang, Inneihna tûr hmun ah"



"A teuh lo, ka zuang thla dâwn"


Ka biang chu a rawn ri nghâl sawk a, car seat ah chuan ka bawk thla thlawp thei, biang chu arawn thîp nghâl ap ap a.


"Sora a tlânbo a, nang tal i kal loh chuan i pa nên hian min that mai ang, ngati nge i hmâ i sial êm êm a, i kal lo anih chuan ka za vâi hian kan thî ang, i pâ thi lâi hmuh te i duh loh chuan,han tum chhin vaih teh, i pa chungah hian enge maw a thleng a nih chuan ka ngâidam ngâi lo ang che, i pa nunna chu i kutah a awm e"



Min tih khum ta tâwn tâwn a, kei erawh tawng lo chuan ka mittui chu a far zung zung ringawt, ngâwi rengin kan awm ngâi chuan kan awm ta ngat ngat a.


Rei deuh hnû ah chuan Car chu a ding ta dat mai, monu ang chuan in lan mahila Sora ka ni ve sî lo a, min that tho a ngem? ni lo, ka pa, ka neih chhun thi lâi chu ka hmu thei lo, engtin nge ka tih ang, kei hian ka hmâ ka lo sial lutuk zâwk em ni?



"I mittui kha hru fâi rawh, duh thlan tûr i nei lo, kan nih nih kan ni tawh mai a niang chu"


Ka bân a nghet zet a min vuan chung chuan min kâi chhuak lawp a, tan pawn ka tang chhin lo, ka rilru ka siam fel thei lo a ni, ka ngaihtuahna te hi a buai vek mai, rilru fîm pawh pulo chuan ka nuhrawn min tih ang ang chuan ka awm ta top ringawt a.



Kawngkhâr lian zet in hawngah chuan muangchâng hian min luhpui a, mî tlêm tê lo awm ve techu an lo ding ve thap bawk, Kil tin ah chuan suit dum hâ Palian zet zet hi an ding thup bawk a, ka hmâi khuhna leh ka mittui kâr atang chuan ka pa in rilru nat hmêl zet a min thlîr reng chu ka hmu ruai ruai thei, a bulah chuan Suit dum hâ palian zet zet pathum(3) lâi hi an ding thap bawk, ka hmâ a mipa suit man to hmêl zet hâ a lo ding rân hmêl ka va hmuh chuan hlauh avâng in ka khûr ru nghâl der der a, ka pangpâr hûmna ka kut techu a thla dup thei,ka ding nghâl dat a, ka nuhrawn chuan min nawr ti tih nghâl dâwr dâwr a, ka pasal tûr lo ni ta se a hmêl takngial pawh ka la hmu ngâi sî lo, ka hriat chhun chu mi hausa leh hlauhawm tak, Mafia king tih chiah hi a ni mai.




Ka nuhrawn chuan kûn tlat tûr in min ti a, ka kûn nghâl vat, mâichâm bul kan thlen chuan ka nuhrawn chuan min vawnna a thlah rual chuan Ka pasal tûr Mafia king an tih ngêi mai chuan min lo kâi nghâl vat a, ka kut a rawn dek chiah chu ka lo phu deuh zawk thei,ka lo tang deuh tung a, na zet a min hmer pah chuan.


"Mokawr nalh tak a ni"


Ka beng zâwn ah chuan arawn ti sup a, ka lo maimit chhîng sawk ringawt.


"Tinge i hmâi hi i khuh tlat a, i hmelthat teh lul nên"


Tihpah chuan arawn kûn hniâm zauh a,min rawn thlêk in ka hria, ka hawisawn nghâl vat a, ni lo, min hmu hman angem? engtin nge ka ti tâk ang?


"Hunserh tan tawh ang u le"


"Lawkin"


Father thusawi tûr chu a tâwp ta chat a, Ka hmâi khuhna zawng zawng chu rawn hlîp thla vekin chhuat ah chuan a paih dar ta chuai mai a, ka lo phu dâwrh thei, midang chuan mak tih hmêl zet hian an phun ta sar sar hlawm a.


"Tunge i nih? Khawnge Lee Sora?"


A hmêl dur khap chung chuan min en ta kal mai, ka hlâu lutuk chu ka khûr nghâl dar dar a.

"Ihh... So... Sora a tlânbo"


Bah niai chuan ka tî a,

"Zawng nghâl rawh u"


Tihpahin ka pangpâr ken lâi chu min lâk sakin chhuat ah chuan a paih darh leh ta vek mai, ka lo tê deuh that a, ka pâ lam chu hawiin ka tap nghâl ti tih ringawt.


"Nang hi tunge i nih? "


Vawt raih chuan a rawn ti leh ta, ka chil ka lem khalh a.


"Jimin, Ani kha kan fanu naupang zâwk YaNoo a nih kha, Sora a tlânbo ta sia, tih lungâwi loh che kan hlauh vângin Yanoo hi kan rawn hruai ta zâwk a ni"


Ka nuhrawn chuan alo ti vat a,

"Jimin ka fanu kha engtin mah ti lo hrâm rawh, khawngaihin "


Ka pa chuan alo ti ve vat bawk a,

A kut dinglam a a khabe tuai nauh nauh pah chuan min en vang vang a, thil tam tak ngaihtuah hmêl a pû in ka hria,

"Mr Lee, fanu pahnih i neih tih ka lo hre ngâi miah lo"

A rawn ti chhuâk sup a,


"Khawngaihin Jimin, Ani kha chu naupang mai ala nih kha"


Ka pa chuan tap âw deuh hian a tî a, tap chung chuan ka pâ lam chu ka hawi vat.

"Engvângin maw Mr Lee? i fanu tê zâwk hian Diaper a hrêng tawh lo a ni lawm ni? ala hmêltha êm êm leh nghâl, Mrs Lee i fing hlê mai"


A nui ta suk a, ni lo, enge awmzia? kei hi min neih a tum tak tak tihna mi? ni lo, ka duh lo, ka pa bula tlân phei ka tum chu ka ban rêk ah chuan min lo man chat a,ka pa chuan pawi tih hmêl zet hian min en ngawih ngawih ringawt.

"Khawnge kal i tum a? Father, tan rawh le"


Father chu aw thiân kharh pah hian a insiam rem vat a.


"Ni lo, pâ ani hi neih ka duh lo, pasal neih ka la duh lo"


Tap chung chuan ka tâl ve nasa mai,ka bân chu ka hnung lamah kuaiin ka hnunglam atang chuan min kuah bet ta tlat a, ka che thei lo chu ni ta dêr mai.

"Bengchheng hlek suh, i nu leh ipa hi thi tûr a i duh loh chuan ngâwi hmak rawh"


Ha seh chilh rap chuan min ti ta zêk a, ka ngâwi chiâng kher mai,


"Nang Park Jimin, Lee Yanoo hi, i nupui tak ni tûr in i pawm em?"


"Aw ka pawm e"


Tih zawng chuan a chhãng bûl hmuk a,


"Nang Lee Yanoo Park Jimin hi i pasal tak ni tûr i pawm em?"


Ka ngâwi ta vang vang a, tinge keimah kher? ani ka neih loh pawh hian ka nun a hrehawm tawh teh reng nên, tinge ka vânduai bîk êm êm le? Ka pa lam ka hawi chu silâi in a bek zâwn ah chuan an lo tin vâng a, "Âw ti suh" ti ni âwm tak hian a lû chu alo thing vat bawk, kei hian ka hmâ ka lo sial lutuk pawh a ni mahna, ka maimitchhîng vang vang a, ka mittui chu a luangthla nghâl zâl zâl mai,râpthlâk takin ka nu ka chân tawh a,ka pa leh zêl chu ka chân thei lo, silâi saw an hmet per hreh hauh dâwn lo tih ka hre chiâng lutuk tlat, mahni pâ te thilâi hmuh aia râpthlâk a awm thei tawh dâwn chuang em ni? ka pâ a thih hunah inchhîrin ka hun ka hmang anga ka nun a nuâm dâwn chuang lo, " Lee Yanoo ti rawh le, huaisen takin awm la,misual techu thungrûl lo in an mahni sualna hmuh tîr la, an thil tihsual pawizia an hriat theih nân hmâ la zâwk rawh" ka nu thusawi chu ka bengah chuan a rawn ri nawn ta tluk tluk a.



"Aw ka pawm e"


Park Jimin chuan min thlah vê nghâl mai a, ka thil tih hi a dik a ni, Father thusawi pawh ka ngaihtuah tawh talo,ka nu in ka têt lâia thu tha tak tak min hrilh thin te, Kristiân ka nihna hi mîten an lo hriat a, ka nunah ei tûr an hmuh theihna tûra min fuihna techu ka ngaihtuahna ah chuan a rawn lût ta zut zut a.


"Monu kha i fâwp thei tawh e"


Enga! ka ngaihtuahna atang chuan ka harh chhuak zawk mai, ka vawikhatna tûr asin, hepa nên kher hian maw,

Rawn kûn hniâmin, ka hmûi ah chuan a rawn si zauh a, midang chuan kut an lo bêng nghâl dar dar bawk, thil thleng engkim kha an hmu vê vek sia, hemî te hi mihring pawh an ni lo anih hi.


Mahse min fawhna kha ka vawi khatna a nih vâng nge? ka hriatthiam sî loh enge maw hian min man deuh zuai nimai hian ka hria, nui var var chung chuan ka bân ah ka chelh ta tlat a,

__________



Hunserh a zo ta, ka pa bula kal ka tum chu min pâwt lêt sawk a.

"Khawnge kal i tum? "


"Ka pa bul ah ka kal dâwn"


"A teuh lo, kan hâw dâwn"


"Khawih maw? ni lo, khawi ah mah kal ka duh lo"



Tap chung chuan ka ngên a, ka pa pawh chuan min rawn ûm zui a tum, an lo man bet hlawm a, Park Jimin chuan ka sam a thâm chung chuan min kalpui ta dâwr dâwr a,

"Khawngaihin ka sam hi thlah teh min ti nâ a nia"

Tap pâr chung chuan ka tî a, engahmah a ngâi dêr lo.

"Ka fanu kha thlah rawh u"

Ka pa chuan a ti lawm lawm a, thei leh thei lo chuan ka hawi lêt tâwk tâwk a,

"Pa min ngaihtuah suh aw, Ka thâ a nia"


Thei leh theih lo chuan ka ti mawlh mawlh bawk a.



Pâwn a car nalh zet ah chuan min nem lût ta rawk rawk a, ani pawh a rawn lût ve nghâl, ka ep chiah ah in hnaih deuh tak sî ah chuan a rawn thu vê a, kei erawh ka la tap bâng thei lo, hetiang ringawta nung tûr hi chu ka ni bîk lo a sin, ka hmangaih chauh pasal ah ka nei anga, hlim takin inneihna ah pawh Fairytale thawnthû ami ang chiah khân Lalfapa hmeltha tak nên kan innei ang, tiin ka lo suangtuah ve thin a sin le? ka suangtuahna te kha engmah lo a ni zo ta, tukverh lam hawi chung chuan ka nû thu min hrilh hmanga inhnem chu ka tum ngar ngar a,mahse ka thei dêr lo, a harsa takzet a ni, chuan,ramhuai hmeltha deuh pawh an lo awm ve thei tih ka elp chiah a thu pâ atang hian ka hre ve chiah, Cigarette lah chu a zu khu reng mai bawk si.


"Duhtâwk tawh teh, hmeichhe tap hi ka hua a nia"


"Meiziâl kha zu tawh lo la khawngaihin"


Ka ti lêt ve sak a, dinglam zâwnga a kiai sak chu ka va hmu thuak a, a hmelthat teh lûl nên tinge a sualin a hlauhawm êm êm le?

"Lee Yanoo, nang hi hmeichhe huaisen tak inih hi, i ûnaunû tih theih loh kha iti ngam bîk a nia"

Nui deuh suk hian a tî a, a sam tih dân leh a inthuâmna en chuan tlangvâl pângâi tak, nula tam takin an in chuh rawn theih tûr a ni, sexy rûkna riâu a nei , mifel tak chu nisê kei pawh hian ka âtchilh ngêi ang, mahsê a hmêl hi chu bumna mai a ni.



"ka uaunû kha i duh a ni lawm ni, tinge keimah hi hi min neih a? min that dâwn lo em ni?"

Amah en kar chung chuan ka tî a, ding nuih suk chunga car seat nghên ar ar pah chuan a mit meng zîm lam ni sî sexy ru deuh riâu hian min en ta kar a,



"I unaunu kha ka duh vâng a ni hleinêm, ipa fanu inih chhûng chu ka that lo ang che"


Pawisawi loh hmêl zet hian a nui leh sak a,

"Enge awmzia?"


"Zawhna i ngah mah mah, zawhna ngah deuh hi ka ngai thei lo a nia"

"Mahse ka hriat vê ngêi a ngâi alawm"

ka ti vê tlat a, hnuailam hawi deuh sî hian min melh chho kar a, a meng rum leh nghâl dêr tawh.

"Anih tinge nangpawh i rawn kal? "

Ka nuhrawn min tih dân ka sawi chuan kei hi hmeichhe chak lo tak angin min ngâi ngêi ang.

"Fanû ka nihna anga ka tih tûr ka hlen mai a ni, ka ûnaunû anga night club vêla lâm kuâl vê mai mai thîn ka ni lo"


Ka hmûi hnuailam chu ka pet ngar ngar a, ka mittui chu a rawn far fap bawk, a mit hmul leh lam tih sân zauh pah chuan a hmûi chu a ti sawi zauh a, a kut chu vawi li(4l vêl a bêng thak thak bawk.

"Min hrilh tawh rawh, enga tinge min neih? enge ka chungah hian i duh? i lakah hian enge kan tihsual? "

"I nun kha hremhmun ah ka siam dâwn mawle, a chhan chu maw, nuâm ka tih avâng in"


"Enga? "

Ka thinrim lutuk chu tih mai tûr pawh ka hre lo, engtin nge awlsam taka a sawi theih zâwk le? hetiang ka chunga ti tûr hian eng theihna mah a nei lo.


"Mi â inih kha"


Zâwi sap chuan ka ti a, a hmêl chu a rawn thim ta khap mai, a thinrim tih hai rual a ni lo.


"Mâwl chu ipa kha"


Engtik lâiin nge engtin nge ka tih theih ka hre lo, a biangah chuan ka beng ri sawk a, ka kut chu arawn thîp vang vang mai,


"Ka pa chanchin khatiang khân sawi rêng rêng suh"


"Engtin nge min ben ngam zâwk a? "


Inseh ruh tûn chuan a ti a, kan in en ta kal mai, a biang ruh chu arawn pâwng talh talh a, ka zâm lutuk hi ka khûr chhe lo chauh a ni ber, khatianga ben pawh kha ka tum lo.


"Boss kan thleng aw"


Driverin a tih rual chuan ka sam ah thâmin min chhuahpui ta dâwr dâwr a, a thâmna bawk sî,

"Ka tihpalh Khawngaihin min thlah rawh"

Tap aw khûr dar dar chuan ka tî a, inlian zet ah chuan min luhpui dâwr dâwr a, Suit dum hâ mipa tam vak lo leh maid ni âwm tak kawr in ang thap hâ hmeichhia hi an lo ding khâwm thap a.


"Min thlah hrâm teh ka ngên a che"



Ka tih lawm lawm pawn engah mah min ngâi lo,inchung panna step zâu duai ah chuan min chhoh pui dåwr dâwr a, enge a tih dâwn tûman an hre bik lo a niang min en thap ringawt.




Room pakhat ah chuan min theh lût thuai a, chhuat ah chuan ka tlu sawp nghâl thlawp ringawt.

"Keimah tak tak i hmu duh em? "



Tihpahin a kawnghrên chu a phelh ta bawrh bawrh a,

"Enge maw tih i tum le? "


"Keimah tak tak ka hmuh tîr dâwn che"


A kâwnghrên chu a kut ah chuan vial a, a'n pawt mar chhin vêl a, ka hlâu lutuk chu ka thlan tuiin min bual a, ka mittui far lah a châwl thei lo,

"Min pui rû"


Ka ti ta vak a, ka tawlh hnung nghâl vat bawk, bang chu ka su ta chawrh a,

"Hetah hian tûmân an rawn chhan dâwn lo che"


tihpahin ka awmna bul vêl chu a kâwnghrên chuan arawn vaw ta thuai thuai mai, ka lo tê deuh that a.


"Khawngaihin duhtâwk teh"


Tap chung chuan ka ti a min vuak fuhna ka kut chu ka dawm vat bawk,ka ke bul vêl chu arawn vaw leh thuai a, ka kê ah pawh a fu tho.

_____


Reifê hnû chuan a duhtâwk ve thei ta, chhuat ah chuan ka bân leh kê vêl na lutuk vâng chuan ka mu ngât a, ka aw rî pawh a chhuak tha thei lo.


"Nangmah enkawl tûrin maid ka lo tîr chho dâwn nia, thawmhnaw engmah an lo buaipui hman lo a, ka thawmhnaw i duh apiang saw i lo ha mai dâwn nia"


Min hnungchhawn zâwng chuan ati a, ka maimitchhîng sawk thei, ka chil ka lem thei tâwk a ni.


"Ramhuai inih kha"



Aw khûr dar dar chuan ka ti a,


"Ka hria lawm Sweetheart"


Tihpah chuan a chhuak nghâl nal nal a,ka awm ngâi chuan ka awm ta reng a, thawh pawh ka tum chuang lo, ka taksa nâ techuan min tur ut ut mai, ka nuhrawn in min vuâk thin lâi techu ka ngaihtuah lêt a, ka mittui bawk chu a rawn luang leh ta, hetia tah mai loh chu tih theih ka nei miau lo a, ka pâ thi lâi hmuh âichuan a tha zâwk tiin in fuih ve mawlh mawlh mahila ka rilru adam thei ngang lo, ka suangtuahna te, ka vânduai zia techu ngaihtuah lêtin ka in hnît ta hlap hlap a, Hetianga ka chunga thlenna tûr khawp tû lakah mah thil suâl ka tih âwm ka hre sî lo, ka naupan lâia ka chunga thil thleng theihnghilhin pângâi takin ka nung chho vê chiah a, hetiang hi ka chungah a thleng leh ta sî, Vânneihna leh hlimna hi ka tâna siam a ni ve lo pawh a ni mahna.



Maid pahnih(2) chu hmanhmawh zet hian an lo tlân lût a, min kâitho nghâl sawk sawk bawk, min khawnngaih hmêl taka "Ka pi i tha em? " an tih techuan ka lû ka lo bu nghauh thei chauh a ni, ka kawrte min phelh sakin bualin zau nuam zet ah chuan min inbual tîr a, "Pu ber khân a thawmhnaw lo ha rih tûr che in a ti che a, he ti lâi ami hi i duh ber i ha thei ang"


"Awle,"


"Kan kal tawh a nge"

tihpah chuan chibai min bûk zauh a,

"Min puihna vângin ka lawm e"


An chhuak leh nghâl mai a, mi hausa tih takah thawmhnaw chu ngah tak a ni, mahse a dum leh avâr deuh vek a ni thung, T shirt dum plain chu ka'n thlêk deuh vang vang a,he ramhuaipâ kawr hi ka hâ ang maw, mahse duhthlan tûr dang ka nei chuâng hleinêm,ruaka awm ngawt aichuan azia zâwk, ka in thawlh ve nghâl mai a,kei aia lian over a ni si lo a, Mahse a t shirt chu ka thâwl ngêi mai.





Park Jimin a khum ngêi mai ah chuan ka mu hahdam vang vang a, ka hma zâwn a a thlalâk lianpui in târ chu ka en vang vang a, a hmûi mawlh khi analh ka tih zâwng tak a ni, ngaihzâwng chu la nei ngâi lo mahila ka mipa duh zâwng hi chu ka suangtuah vê nasa thei hlê, Park Jimin hi ka lo suangtuah thin The Little mermaid a prince Eric ang mai kha a ni, a kawchhûnga ramhuai hi chhuak sê chu ka ngaizâwng viâu ang, Mahse he hmêltha tak hi a lem mai a ni, engkim hi a lem vek, "Ka hua che " tap âw tiau a tihpah chuan ka in lukhûp hmak a,room atang pawn ka la chhuak lo hrim hrim, in hnuaia thil thleng te khu engmah ka hre châk hlawl lo a ni, phone ka nei lo bawk nên, ka khua ahar ngawih ngawih mai,ka dâwra ka thawhpui te ka ngâi in fiâmthû kan thawh ho lâi techu ka mitthlâ ah a rawn lang chuai chuai a,mut chhuakin min rawn zêm ta chiai chiai a.



_________


"Hey harh teh"


tihpahin ka biângah hian tû emaw hian a rawn bêng thak thak a, ka meng nghâl kâwk,chupa hmêl ka hmu chiah ka tawlh hnung dâwrh a, min rawn tih nat a tum a ni thei angem?



"Tunge i nih? khawngaihin min tina lo hrâm rawh "

Khûr hlak hlak chuan ka lo ti nghâl mawlh mawlh a,


"Min hlâu suh, tihnat che tum a lo kal ka ni lo,Kim Taehyung ka nia, hei hi i zanriah tûr ka lo keng a, i ei hmâ in i hliâm ah tekhân damdawi ka lo hnawih dâwn mi niang?"

Zângkhâi zet hian a ti a, mak ka ti lutuk chu ka en tawp ringawt,a hmêlthâ in a nui mâwi takzet, min tihnat a tum vê miah lo , Jimin anga sual chu an awm leh hi ka ring top lo ve.


"Min hlau duh suh, ka ei zo dâwn lo che"


Nui var var chuan a'n ti a, ngaih tha zân lo chuan ka nui ve sak ringawt.


"Lo awm hnâi rawh i biang duk lâi kha ka lo hnawih ang"


Tihpah chuan a rawn kûn hniâm a, ka biang na lâi sa ap ap ah chuan damdawi vawt thler hi dam zet hian a rawn hnawih a, kan in hnaih lutuk chu ka zâm chhe lek lek mai,a mit ah pawh ka en tha ngam meuh lo,a nui hak a, mak ti tak chuan en vat.



"Duhawm lutuk"


A ti sup a,a thusawi awmzia hi ka hrethiâm miah lo, mahse Jimin anga sual chu a ni vê miah lo, Hremhmun ah hian angel pawh an lo awm ve thei a nih dâwn hi ka ti rilru nauh nauh a.

"Nurse ami inih a, nge doctor zawk? "


Ka'n ti nghâl tâwng a,A nui hak, a nui mawi ngêi mai, ka zawhna hi a âtthlâk viau amawni le,


"Ni lo e, Kan hnâ hi i hria anga, hetiang pem enkawl dân techu kan hre hneh tawh lutuk ringawt"


"Anih chu"


Zâwisap chuan ka ti ringawt,ani pawh hi Mafia pâwl ami tho a ni tihna ni maw? Ngati nge Mafia pâwl ami ho hi an hmelthat hlawm êm êm le.

"Ei tawh rawh le, ka kal tawh a nge"


tihpah chuan tho in ka khum bul ah chuan a ding chhuak ta hluai a.

"Ngati maw? "


Ka'n ti leh ringawt a,

"Pi ber room a ka awm reng hi thil dik a ni lo a, ka kal tawh a nge"


Tihpah chuan chibai min buk a,

"Ka lawm lutuk e"


Zawisap chuan ka ti a,min nuih sak pah chuan a chhuak leh nghâl mai a,a chhuak chiah chu a reh leh nghâl huai thei, ka ei tûr chu thei leh thei lo chuan ka'n ei a, a tui phiân leh nghâl, thil enge maw ka hre chhuak thut, hetiang soup hi ka nû khân tui a ti thei a sin âw, ka mittui bawk chu a rawn hnâi leh ta, mittui far fap chung chuan ka ei mial mial a, ka nu ka ngai takzet a ni, ka pa pawh, ka pa khân min ngaihtuah âwm sî a, a rilru ahah leh tawh ngawt ang, tha tak pawn kan in thlah thei sî lo.

Chaw pawh ei thei lo chuan ka'n tap leh rih a, tun ah hi chuan min kâp hlum chawrh tu tûr hi awm se ka ti ngawt mai, ka hrehawm ti lutuk chu thih ringawt chu ka ngaihtuah a,


Kawngkhâr chu tu emaw hian an rawn pêt hawng thuai a, ka phu chiang lutuk chu ka thil ei lai ka hâk bawrh bawrh thei, jimin chu thlan deuh hluâm leh thinrim hmêl zet hian a rawn thaw lût huâm huâm a, ka thil ei hmuam tûn chung chuan ka lo en kar a, ka thil eina dawh kân chu a rawn vei darh ta chuai a, ka tê deuh thawt ringawt, a room a bungrua te chu a rawn paih darh ta chuai chuai a,ka hlâu lutuk chu khum lu lamah chuan ka tawlh chho vat a, ka beng chu hupin ka lo kûn ngar ngar ringawt.


"Duh tâwk rawh, Hyung, a tâwk"


Thâwm chu a reh ta huai a, hreh zet chuan ka hawi chhuak riai riai a, mipa pakhat ka la hmuh ngâi loh hmêltha zet mit meng bial kal hian a lo kuat bet ngar ngar a, Jimin lah chu thinrim mit meng sen râm hian a melh ngâi chu alo melh ngur ngur a.

"Hyung, ani chu a pasal a nia, i hmuh lâi pawh ni se a duh duh in a khawih thei alawm"

Dam diai hian a tî a, Jimin chu âu vak pah chuan a thil paih keh ho chu a pêt leh chawrh a,

"Ka hmuh lâi ngêiin a âwm te, a hmûi ah te khân khâ pâ khân a chûl vêl a sin , ka that dâwn, ka chan sawm vek dawn"


A ti tuâr a, an thusawi awmzia chu engmah ka hrethiâm ve lo thung, mahse Jimin chu a rilru ana hlê tih ka hmu thiâm nghâl mai, hmeichhe chungchâng an sawina a ni thei angem?

"Hyung, in beng dâi la, rilru fîm tak hmang rawh, thinrim lâi chuan engmah tih loh tûr tih nangpawn min zirtîr kha"


"Ka thinlung hi chem te hriâm taka vih ang mai hiân a na"


Aw khûr dar dar chuan a ti leh a, hmeichhe chung châng an sawi tih ka hrethiâm ta nghâl mai, a awm zia chu Jimin hi a hmeichhe hmangaih deuhin a tina hlê tihna a ni maw , tû hmeichhe mâwl nge hetiang ramhuai bula awm reng peih ang le.


"Hnâ ka nei sia, ka chhuahsan ang che"

Tihpahin Jimin rawn bengdâi tupa chuan chibai min bûk zauh a, ka lo bûk lêt vê nghâl vat a, hmanhmawh hmêl tak chuan a chhuak leh nghâl vat a.


Enge ka tih ang? a thinrim lâi a ni bawk sî, sawi tûr pawh hre lo chuan a thil paih keh chu ka chhar miâl miâl a, ani erawh a melh ngâi melh reng chung chuan ala ngâwi vang vang reng ringawt, thil pakhat lek tih sual ka neih chuan ka chungah a tuân vak dâwn sî a, tihsual neih hlâu tak chuan ka chhar khâwm ta miâl miâl a.



Ka chhar zo ka hawi lêt chu Jimin chu ka hnung lawkah alo ding reng chu niin, ka phu nasa lutuk chu ka thil ken lâi chu ka thlauh darh leh vek a,chhar leh ka tum chu min kuai lawp chung hian bangah chuan na zet hian min nawr bet dawt a, nâ ka ti lutuk chu ka lo tê that thei.


"Min tina nia"


Aw khûr dar dar chuan ka tî a, a mit meng ringawt pawh hian min ti khûr thei.

"Nang hian min phatsan vê han tum vaih teh, i thî ni mai"


Aw khûr dar dar a tih pahin ka khabê ah chuan rêk bet a, ka hmûi ah chuan dimna tel ho hauh lo hian min rawn fâwp ta tâwn tâwn a, a âwm ah chuan ka theih tâwp nâ hian ka nem ve chat chat a, ani tân chuan engmah a ni lo.


Bang lam chu min hawi tîrin ka kut chu ka hnungah a vuan bet a, ka nghâwng leh beng vêl chu a hmûi chuan a nâwk zauh zauh a,

"Min kal tîr rawh khawngaihin"



Tap chung chuan ka tî a,


"Hremna i hmu dâwn mawle"

A ti sup a, ka mittui chu a luang nghâl zawih zawih thei.

"Engtia min tih nge i tum? Jimin shi khawngaihin, keichuan ka phatsan vê lovang che, ka nû hming chhâlin"


Tap chung chuan ka tî a, ka thianghlimna ka hlauh dâwn tihna mawni le, ni lo, ,ka mipa hmangaih tak tân chauh asin, he ramhuai pâ min tih chhiat hi ka in phal teuh lo, "Min kal tîr rawh ka ngên a che" tap aw tiau chuan ka ti a, a nui ri hak chu ka hre thei,

"Ka ring lo che, hmeichhia hi ka ring hlawl lo e"

Tihpahin Ka t shirt chu dimna tel hauh lo hian a zen chho rawk rawk a,ka âwm bâwr chu a rawn thâm ta tâwn tâwn a, ka tap ri hak ringawt, a phone chu a rawn ri ta ral ral a, "Tu phiangsen nge maw ni le?" tihpah chuan a chhâng nghâl vat a, "Sawi rawh"

A ti bûl hmuk a,

"That lo ê a, a fanu rangkachak ka bulah hian a awm alawm, a bâ zawng zawng chu keimân ka rûl vek ang"


Tihpah chuan min rawn en a, a ding nuih leh seih tawh, a phone hmang lâi chu uluk tak chuan ka lo en reng a, ka pa chanchin an sawi tih ka hriat chian êm vâng a ni, a hnû deuh ah chuan a dah leh mai a,

"Nang hiân i duh lo der vêl mai mai a nih kha, ka khawih che khân nuâm iti tih ka hre vek"


Ngei awm zet hiân a tî a,nuâm ka ti lo chiâng kher mai.

"I hre dik lo, nuâm ti tûrin tû mipâ mahin tiâng khân min khawih ngâi lo"


"Chu chu ka âwih i ring rêng rêng ami?"

A nui hmêl techu ka ten hluah hluah, min rin loh vâng chuan ka thinrimin ka thin zâwn hi ana vawng vawng thei, eng ang hmeichhia ah nge maw min ngaih le?.

"I ngaih ang kha ka ni lo, min rin loh chuan fiah ta che"


Ka ti lêt vê sak a, a nui hmêl chu rawn in thlâkin hmêl dur khap pu chung chuan min rawn rêk ta vak a.

"Min cho vêl amaw? hmeichhia inih kha hre rawh"

A ti vîn tuar a, min thlah chiah chu ka thaw deuh kâwk kâwk thei,

"Ka nû thi tûr hnên ah pasal ka neih hmâ chu ka thiânghlimna vawng him tûrin thû ka tiâm a, ka pasal i ni a, i duh duh dân in min ti thei alawm, duh thlan tûr ka nei lo"


Thei leh thei lo chuan ka tî a, mak tih hmêl tak chuan min en kar ringawt.


"Hyung"


A hawisawn rang ngêi mai, kei pawh ka insiâm tha vat a, nichin ami bawk kha a ni, inthiâm loh hmêl zet hian Jimin chu a enkar a, pakhat lahin a melh rum nasa mai si.


"Jeon Jungkook Kawngkâ kik ta che, nupui nei tawh ka nih hi"

"Tihpalh Hyung, inhnuai ah a nghâk che a, rawn kal vat tûrin a duh che nih chu"


"Awle, ka rawn kal nghâl ang,lo va chhuak rawh"


"Awle"



Tihpah chuan a chhuak leh nghâl mai a, min rawn en leh chu ka chil ka lo lem khalh thei.


"Nakin ah kan chhunzawm leh dâwn nia, i chona chu ka fiah ngêi ang" Tihpahin ka biangah chuan a rawn chuk zauh a, a chhuak vê nghâl vat, ka thaw huai thei,keipawh hi a, khatiâng thil kha lo sawi lo top tûr ka nia, engvâng in nge maw ka lo sawi kher kher le, nakin ah chuan min chhuah tawh hauh lo ang,bathroom ah chuan tlân lûtin ka hmui chu ka sil sawk sawk a, vui thei ka ni lo tih ka in hria, hei hi ka tâna ruât a ni a, ka pawm thiâm tûr a ni, mahsê hetiang reng a nih chuan rei ka dam lo top ang, Bathroom chhuat ah chuan ka thu zawi hnak a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:11 pm

THE MAFIA SWEETHEART (BTS PARK JIMIN FANFICTION)


CHAPTER-3

BY

HLUTEI JOCUND PACHUAU



JIMIN POV



Dar 11 pm a ri ta, hnâ kan neih tawh loh vângin ka naute nên BAR ah nula awmpui pahin kan in kâwm mai mai a, Taehyung leh Jungkook hi chu ka thian tha ber leh ka chhungkua liâu liâu an ni, Hmeichhia pahnih chu an thut pui ve ngêi a, Kookie phei chuan en pawh a en lo, Taehyung chu tlêma a puitlin deuh avâng chuan pângâi tak hian a be vê mai a, an pahnih hian nula mî lo ve tak anih vâng hian run luih nân hmeichhe hmeltha tak tak ka ko tel ngêi ngêi thîn, keichu an awmdân thlîr in ka lo nui top zêl, an pahnih hian min ti hlim tû ber te an ni, Seulgi tih loh ah chuan, Seulgi ka ngaihtuah chhuah vâng chuan ka zu in tûr chu ka tâwp chat a, a pasal nên an khawsak dân tûr ka ngaihtuah ringawt pawh hian ka sa pup pup thei, khâ a pasal tenawm tak khân ka hmuh lâi ngêia tenawm taka a khawih kha chu ka insûm thei lo têp a ni, mahse Taehyung leh Jungkook vâng chauhin ka insûm mai mak zâwk a, ni lo s e chu a hmun ah khân ka that nghâl ang, ka zû chu ka'n tlâk pop a, ka thin ah chuan asa thla ap ap mai,


"Hyung, i nupui thar chu a hmêltha ngêi mai"


A vawi khat nân Kookie chuan hmeichhia hmêltha atih ka vawi khat hriatna, ka nui suk a, Jungkook hi chu kum 19 chauh ala nî a, Taehyung nên hian inruâl chiah in kum 25 kan ni tawh thung.

"I duh chuan ka pê ang che, nang chuan i enkawl thiâm zâwk ang"


Fiamthû chuan ka tî a, Taehyung chu alo nui hak thung,

"Ngati nge enkawl ahahthlâk viau ami? "

"Engtik lâi pawhin zawhna a zåwt reng che anga, a khât tâwkin a tap reng bawk ang"


An pahnih chuan an nui dûn hak a, keipawh ka nui tho.





___________


Room a ka lût chu Yanoo tui taka lo muhîl barh barh lâi chu ka en reng a, a hmâi duk raih pawh alang chiang kalh kalh hlê, first aid Box chu lâ in a pem ah chuan damdawi chu a harh hlâu tak chuan ka hnawih sak a,a hmêl pawisawi lo tak hian ka nû min hriat chhuah tîr thin, kawng tam takah ka nu nên in anna riau an nei a, an mîzia ah thlengin, chu vâng chuan ka nu ka ngaihzuâl phah a, a lakah hiân ka thinrimna ka hri thla mai zêl, a sam hnawk niai chu ka chûl zauh a, a kuta kan inneih zung bun a bun vâ chu ka hmuh hmaih lo chiang kher mai.


Khati khawpa ka ti hrehawm chungpawn a zungbun chu ala phelh duh miah lo, "Hmeichhe maktak zawng ini ve chiang alawm" ka phun sap a, a bul ah hiân ka thlâ a muâng ru riau thîn, kan in hmuh hmasak ber nî kha ka la hre reng mai, ka nui suk a, hmeichhe thiânghlim tak a nih ngêi ka ring bawk, ka khawih leh mutpui châk tak tak hmeichhia an tam a, hmeichhia pawh ka lo mutpui vê nuâl tawh, mahse, ka khawih khân sexy thei ang ber a ka tih pawn nuâm tihna leh tha tho na pakhat mah a nei lo tih ka hriat atang khân vawi khat mah tûmân an la khawih lo tih ka hrethiâm nghâl mai,


"Thla hmasa mai kha chuan i piang vê tipawh ka hre miah lo, ipa thil sual tih vânga keimah min neih ngâi hi chu pawi ka ti khawp mai"

Hmeichhe tuâr chhel tak a ni in ka hria, a bulah chuan ka inthawlh vê ta ringawt a,

Ka bân chu kham tîr in ka âwm ah chuan ka bei tîr ta hlê hlê a.





NEXT MORNING



YaNoo POV



Ka harh chu khua alo vâr dêr tawh, ka bulah mû an awm vê tih ka hriat vâng chuan ka phu deuh zawk a, ka en vat Jimin alo ni reng mai, ka thaw huai thei,ka chungah engmah a ti lo, mak ka ti bawk sî, ka in dap ruâi a, thinrim tak khân a chhuak a, mahse ka chungah engmah a ti lo, Min ring tihna mawni le, kanui ta var var a, ka thianghlimna ka la hlauh lo chu ka hlim takzet a ni.



Jimin muhîl lâi chu ka en dêk dêk a, a hmêl en ringawt hi chuan mifel tak a nih duh hmêl, a hmûi lian lam sexy zet chu ka en reng a, enge ka ngaihtuah huihaaa..... ka inthing nawk nawk ringawt, "I mutthilh lâi hi chuan Angel ang mai ini, nula tam takin an ngåizâwng rawn che pawh hi a âwm lo hran lo e" ka phun sap a.

"Engmaw?"


Tihpah chuan a rawn meng ta mai,ka phu chiang lutuk chu khum atang chuan ka tla ri dawt a nih chu, ka tê nghâl that a, ka mawng ka la sawh dawt zui, alo meng reng ani maw? ka thusawi kha a hre vek tihna mawni le? awi ka zak lutuk.


"I tha em?"


Ka lû chu ka lo bu nghat a, bathroom lam chu min pan san nghâl ta daih a, keipawh chu thei leh thei lo chuan ka tho ve tuih tuih a, Ka la hmuh ngâi miah loh Jimin room banga thil in târ chuan ka mit ala ta zar mai, CHIMCHIM MAFIA tih hi bangah hian alo inziak kulh mai, ka hmuh veleh a ka thil hriat chhuah chuan thinrimna in min hual vêl ni mai hian ka hria, ka sa nghâl up up thei, a in ang vek, ka la theih nghilh thei lo, a rawng te, engkim hi a in ang vek, hmanhmawh deuhin banga in târ chu ka pawtthlâk tum chuan ka tlân phei a, ka pawtthla thei dêr lo thinrim bawk sî nên mittui tla zawih zawih chubg chuan pawh thlâk chu ka tum ngar ngar a, ka theih mai loh vâng chuan ka thinrimna a zual, he hming hi ka hua,ka haw lutuk.


"Engthil nge maw i tih le? "


Tihpah in ka hnunglam atang chuan min pawm kâng lawp a, khum ah chuan ka tlu sawp nghâl nuai ringawt,Jimin chu Bathrobe nên chuan alo ding reng a,rum zet hian min melh bawk, ka theih tâwp a ring chuan ka tap chhuak a, ka nu su hlum tu kha Jimin hi maw? Ni lo, a ni thei lo, ka tê chhuak ta vak vak a, bedsheet leh lukham techu ka paih lêng ta vak a, "Tinge tiang hi ka chungah a thlen? tinge? "

tihpah chuan ka tap ta vak vak a.


"Enge maw itih le? "


Tihpah chuan ka biang chu a ri nghâl sawk, chhuat ah ka tlusawp nghâl nuaih a, ka kam sîr vêl chu arawn al nghâl pep pep bawk, "Ka chunga hetiâng tih hi a tâwk lo ami? Ka nu leh zêl maw? engtin nge i theih zawk a?"

"I thusawi awmzia ka hre lo Lee Yanoo, i sawi tum chu sawi tlang rawh"


Vîn thawt chuan a rawn tî a, ka nui hak, ka nui zat vâng pawh a ni lo,
"2017 July ni 23 ruah sûr vak zâna thil thleng kha i theihnghilh tâ ami? Nang hian nu pakhat kawng sîr ami chu sû in i tlânchhiat san a, khami zân khân damdawiin ah chuan hruai nghâl la chuan ala dam êm êm ang, mahse i tlânchhiat san vâng ka nu, he khawvêla min hmangaih tu awmchhun ka nu khân min kal san asin, hre lo der rêng rêng suh Mr Park, CCTV ah in car hmâ a CHIMCHIM MAFIA tih inziak hi chiang takin alang vek tih hre rawh"


Ring tak chuan ka ti a, ka sawi zo chu ka thaw nghâl kâwk kâwk thei, thil ngaihtuah ni âwm tak chuan a melh ngâi chu a melh vang vang a, Kan thâwm hre ho chu an rawn tlân lût sap sap bawk,

"Hyung, enge thleng a?"


Jungkook chuan ngaihthat loh hmêl zet hiân alo ti vat a, Taehyung pawh chu arawn tlân lût ve nghâl,

"YaNoo tinge a?"


"Park Jimin hi zâwt mai ta che u"


Aw khûr hlak hlak chuan ka tî a, mak tih hmêl tak chuan min en thap ringawt,


"Khami zân khân driver Choi kha ka car ka hawn tîr a,ama tih anih ngêi dâwn chu, Choi Sung jae chu ka hnên ah rawn hruai vat ru"


Jimin Chuan vîn thawt chuan a tî a, a awm zia chu Jimin thil tih a ni lo tihna ni maw? mahse a driver tih ani tho , huat loh ka tum pawn ka haw lo thei lo, ka chunga a thil tih te ngaihtuah hian a laka that chhuah chu hnâi lo tak a ni, a driver ni lo in ka nû hi amâ lo thah anih vaih chuan kei hian ka that anga, ka inthat vê nghâl ang.

Bathroom lam ah chuan ka lût nghâl a, a hmêl pawh ka hmu peih lo e, ka ten hluah hluah, bathroom ah chuan ka insil fâi ta mawlh mawlh a.

___________


Bathroom atanga ka chhuak chu ka thil tih zawng zawng chu maid 3 vêl chuan an lo thiân fâi ta sap sap a.

"I thawmhnaw tûr alo thleng tawh e aw Ka pi"


'ka pi' a! ka upat hmêl viau amawni le, nui lui sak chuan ka bu zauh a, Jimin Closet bul chiah a Closet awm vê an hawng chiah chu ka âng huau thei, hêng techu ka mumang pawh a ka hâk phâk ngâi loh kha a ni, Sora Unnie hâk thin anga man to hmêl tak tak ang vek kha a nih hi, keichuan ka pawisa neih ang angin a man tlâwm tlâwm ka lei ve mai thin kha nia, ka en kual vêl chu ka rin loh lam daih a ni, kawr sexy deuh deuh hlîr a awm dâwn maw ka tih lâiin kawr zahawm leh taksa lang tam lutuk hâk tûr a awm vak lo bawk, ka duhzâwng tak vek a ni, make-up pawh a awm ve nual mai, make-up chu ka ngainâ a mahse leina tûr ka neih loh vângin ka hmang ve vak ngâi lo, ka thian ten min chei te a nih loh chuan, kawrfual Cream rawng simple lam chu ka la chhuak a, ka ha chhin chu ka inhmeh phiân mai, ka nui sak a,

"Ka pi chu i piân leh i hmêl in a zir bawk a, engpawh hâ la i inhmeh vek mai a nih kha"

Maid zînga la naupan vê hmêl tak chuan arawn tî a, an zînga pakhat chuan tawng lo tûr in alo ti zauh lai chu ka va hmu hman.

"Ka lawm e, ka nu kha a hmelthâ in a pian a dik êm a"


Nui sâng chung chuan ka tî a, a nui leh ta var var mai, ani pawh hi keimah anga vânduai ve tho a nih ka ring, ala naupan hmêl nên Maid hnâ te a thawk ta chu nia.


"Kan zo tawh a, ei tûr kan zu siâm tawh ange"


An ho tû ve deuh ni âwm tak chuan a ti a, ka lû ka lo bu nghauh ringawt, An chhuak chiah chu a reh huai mai, Jimin chuan a driver chu engtin nge a tih ang le? vawi khat tal a hmêl hmuh ve ka duh a ni, ka nu chunga thil thleng kha ka rilru ala dam thei lo.


Make-up chu ka thiâm ang ang chuan ka in tât vê a, ka hmêl chu ati danglam ve tho,inhnuai lamah chuan ka chhuk ve ta nge nge a, Choka lam chu ka pan nghâl.



"Puih in ngâi em?"



Maid ho chuan min lo en thap a, Ka mit ah min en ngam miah lo bawk, hetiânga an awm hian nûam ka ti lo, Jimin ang ka ni ve lo, Lalnu sual deuh ang mai ka niin ka hria.


"A ngâi lo ka pi, kan ti thei e"


"Awle"

Tihpah chuan ka chhuak leh nghâl a, Inchhûng zau zet ah chuan mahni in ka vei ka vei ringawt, ka pâ tal be thei ila, ka khua avan har tak, ka nû thattû mawlh chuan ka rilru a luah reng mai.

Room ah chuan chho lehin ka mu leh ta tawp a, hetiang rêng rêng a awm chuan lung lêngin ka â thei takngial dâwn a nih hi, Ka mittui bawk chu a rawn tla leh ta, Malna khawharna, hêngte hi ka tâna siam liau liau alo nih dâwn hi,

_______


Ka harh chu ka pum arawn ri rak rak a, ka tho vat, Inhnuâi lamah chuan ka tlân thla nghâl a, Choka ka lût chu tûmah an awm lo, ka hawi kual vêl a, pawn ah pawh tûmah an awm lo, Hei hi remchângah lâ in ka tlân chhuak thei, Ni lo.... ka ti tûr a ni lo, ni lo, Lee Yanoo hei bâka hun thâ hi i hmu tawh lo ang, chhuahna tûr lam chu ka zawng vat a, ka hmu hlauh, Ka van lâwm tak, Pâwn ka chhuak chu tlâi lam alo ni dêr tawh, khua pawh a thim thet thet tawh a nih hi, Ka lo hawi chhuak ngâi miah lo a, Jimin in hi alo fâl raih raih hlê tih ka hre vê chiah, tuâl zau zet leh ramhnûai bâk hmuh tûr a awm lo, a thlang deuh ah chuan tuipui lian zet a awm a, kawngpui pawh a awm a nih khu, kawngpui lam pan chu ka rilrûk ta nghâl a, ka pan tûr chiah chu thâwm rî ka hriat vâng chuan ka ding chat a, Hê in fâl zet ah hian tunge maw lo kal le? Light êngin A rawn chhun chiah chu ka tê that mai, mipa khat thî deuh phung hi bâi suih suih hian min lo pan chu niin.

"Tunge i nih? kal bo rawh min hnaih suh"


Ka ti tuâr a.


"Min pui rawh"


Thei leh thei lo chuan arawn ti a, min rawn panin a bân arawn phar chiah silâi a puak ta dur mai, ka theih tawpa ringa âu chung chuan thu nghâl zawt pahin ka hmâi chu ka hup vat a, Lei ah chuan tû emaw tlu dawt rî ka hre nghâl bawk, thâwm chu a reh ta vang vang mai, ka kut chu la sawn in ka hawi chhuak ta riai riai a, tap pâr reng bawk, Jimin chuan silai keng chung chuan min lo en reng chu niin, ka phu deuh dâwrh a, Ka khûr nghâl zawih zawih thei, Ka hlâu lutuk chu tah pawh ka tap chhuak thei lo, hetiâng hi ka piantirh ata ka la hmu ngâi lo, film ah techuan lo hmu vê tawh thîn mahila, ataka tawn chiah chuan a dang zar mai.


"I nu thattu chu nih kha"


Tawi tak hian a ti chang fak a, chhân pawh chhâng lo chuan ka en tlawk tlawk ringawt,


"Khawi ah nge kal ilo tum rêng rêng a? "

Min zâwt har ka ti rêng a ni , engtin nge chhuanlam ka siâm tak ang?
"Ihh... Eng lo a nia, Jimin... ihhh... ka "


"Tlânbo i tum tiraw? "


A hmêl chu a rawn dur leh ta khap mai, tlânbo ka tum tih a hriat chuan min that vê nghâl a ni mai.


"Ni lo, ihh... eng lo a nia"

"Ngawi hmak rawh"


Tihpah chuan ka sam chu thâm in min hnûk lût ta dâwr dâwr a, room ah chuan min hnûk chho nghâl dawr dawr a, khum ah chuan min theh thlu thuai ringawt.

"I nu phuba lâksak tûr che in ka buai a, nang tlân chhuah ilo tum ngam amaw? "


Min bêng thlu nghâl thuai a,ka lû ah tak chuan silâi hian min rawn tin ta vâng mai, ka khûr nghâl zawih zawih a, tah pawh ka tap ring ngam lo, Yanoo, huaisen takin awm rawh.


"Min that rawh, i bula awm âichuan thih ka thlang zâwk"


Khûr dar dar chuan ka tî a, silâi chu a dahthla leh riai riai a, enge a tih dâwn engmah ka hre lo,a hmêl pawh ka en ngam loh vâng chuan a hmêl awm dân pawh ka hrethei lo,muângchâng chuan a hmêl chu ka en dêk dêk a,chû vêleh ka hmûi chu a rawn fâwp ta bawrh bawrh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:12 pm

CHAPTER-4






Ka theih tâwp chuan ka lo indang vê a, mahse ka kut chu man betin ka hnung lamah chuan a thâm khâwm ta vek a, "Hremna i hmu dâwn Lee Yanoo, ka tâ chauh ini tawh tih hre rawh"

tihpah chuân a tho thug a, a kàwng hrên chu phelhin a thawmhnaw chu a phelh sawk sawk a, enge tih a tum ka hrethiâm nghâl, min vaw leh dâwn chiâng lutuk,ka hlâu lutuk chu ka lo tawm nghâl châih châih a.


"Jimin khawngaihin min ngâidam rawh tlânbo ka tum tawh lo ang"


Tap chung chuân ka tî a, engahmah angâi lo, a nui suk duh lek chauh, thil ngaihtuah ni âwm tak hian a ding deuh vung vung a ruak a awm reng vâng chuan a six pack pawh a lang sâr ngêi mai, mipa dang anga sek phiâr teng tung ni lo mahse a sexy tâwk chiahin a sek ka ti , a nâk bâwr a Never mind tih tattoo inchhu kalh pawh ka hmu tel nghâl a, engtihna nge tih pawh ka hre chuâng lo, min rawn pan hnâi ta dê dê a, ka lo tawlh hnung nghâl hret hret bawk, min rawn hnaih chiah tih ah chuan ka kut chu man betin khum ah chuan min bawh bet nghâl ti tih a,
ka theih tâwp pawn tâl mahila awmzia a awm lo ngêi mai, ka hlauh êm vâng chuan ka tap feih feih a.

"Min kal tîr rawh khawngaihin"



tap âw tiau chuan ka tî a, ka thusawi chu hre lo ang maiin a awm reng nia, ka kut pahnih chu khum lû ah chuan a phuar bet a,enge tih a tum leh tâk engmah ka hrethiâm lo, tih ngaihna vak awm tawh hek lo, ngâwi reng a lo dawh top a ni mai, ka biang chu rawn dawmin ka hmui ah bawk chuan a rawn fâwp leh ta bawrh bawrh a, ramsa ko ham tak ang mai hi niin ka hria, a thil tum chu ka hrethiâm tan, 'hremna' a tih kha ka rin loh lam daih a ni, ka thiânghlimna ka hlauh dâwn tih chu hrilh chawp ngâi lo in ka hre thiâm nghâl,engtin nge ka tih ang? Ka thiânghlimna ka hlauh dâwn a nih pawn hetiâng lo tal hiân ni thei sê ka van ti tak êm, ka pasal lakah techuan duat tak leh hmangaihna tel ngêi a hman ka lo suângtuah vê thín a sin le, hetiâng ringawt chu a ni thei lo ang.


"Ji... Jimin"

"Mmm"

A thil tih lâi chu a tâwp chat a.

"Hetiang lo deuh hian iti thei a ngem? pângâi deuhin, khawngaihin ka vawi khatna tur a ni sia"


Aw khûr dar dar chuan ka ti a, min en vang vang a, a hmêl awm dân chu ka hrethiâm chiah lo.

"Phú in i in hria ami?" "

A ti sup a, ka bân a phuarna chu a phelh vê mai a, a thinrim hmêl rum zet erawh ala danglam lo,

"Nangmahin i thawmhnaw kha phelh rawh"

"Enga?"

"I beng a chhêt ami? Kei hi i pasal angah min pawm tawh a, mahse ka tân chuan ka naute lem mai chauh ini, phelh rawh le"

A thusawi vâng chuan ka na zawk thei, ni e, keichu a bungrua pakhat vê mai chauh alawm ka nih, mittui luâng ngiai ngiai chung chuan ka in phelh vê mai a, uluk tak chuan min lo thlír reng ringawt, ka mittui leh ka na hmêl te hiân a tân awmzia a nei vê lo a nih hi,ka kawr ka phelh zo chu, kekawrte leh bra chauh ka hâk vângin ka zak chu ka lo in hup nghâl châih châih a, ,


"Zak duh suhYanoo, i nalh lutuk" tih sup pah chuan min rawn fâwp nghâl vang vang a, ka lo maimitchhîng nghâl vat a, ka nun, ka suangtuahna techu tih chhiatin a awm dâwn ta a nih hi, ani hi ka ngaidam thei engem le? Ni lo, nichin khân lo in kah hlum tîr ve law law ila tha zâwk tûr hi nia, hetiang tawng tûr hian enge ka tih sual, tupawi nge ka sawi bîk? lo piang ve lo law law ila tha zâwk tûr hi nia, ka tap chhuak hak a,ka hawisawn vat, ka thei lo, ka ti thei lo.

"I lo suangtuah thin anga lalfapa fel tak kha ka ni mai thei sin, han tum leh chhin la"


A rawn ti sup a, tak tak a ni ngem? Mak ti tak chuan ka en top, a thusawi tawh zawng zawng ah chuan beiseina min siam tu awmchhun a nih ka ring.

"Ka ring thei dâwn che mi?"

Min chhâng tawh lo chuan ka kâwnga vuân chungin a hmâi si deuh chêt hian min pawt hnâi a, a kut leh lama ka sam hnawk niai zút pah chuan a nui suk a, a hmêl chu uluk tak chuan ka lo en reng ringawt, tún ah tak hi chuan ka pasal min hmangaih êm êm tu ni maiin ka hria, tawrh har zet mai, ril raih hiân min rawn fâwp ta dê dê a, ka thiâm ang ang chuân ka lo chhâng lêt vê a, ka tum pawh a ni lo, keimah ah hiân a lo thawk ve top, a rawn nui chhuâk ta hak a, enge awmzia le? Tih dik loh ka nei leh tawh a ni hrim hrim ang.

"Lee Yanoo, nang hiân túmah ila kiss lo maw?"

Ka lú chu ka lo bu nghat a,

"Jimin shi, ka tân chuan engkim ah a hmasa ber ini"


Ka ti sap a, a nui hmêl chu rawn in thlâk riai riai in min en deuh vung vung a, Kekawrte sexy lo zet leh bra sexy lo zet ka hâk vânga zah tawh nâk alaia, min en vung vung thín hi chu hrehawm ka ti, min rawn fâwp leh nghâl vat a, khum ah chuan min bawh bet nghâl bawk, ka nghâwng leh hmâi vêl ah chuan a rawn thaw lum ham ham a, ka taksa rawn múr chem chem thin vâng chuan ka lo maimitchhíng top, ni lo, Lee Yanoo harh chhuak rawh, a âwm ah chuan ka nem leh chat chat a, ka bân chu khumah chuan a nem bet ta hmak mai, tap eng ang mahila ka mittui hian a thinlungah thú a sawi vak lo ka tih tawh kha.

"Nang hi ka naute lem inih hi hre rawh"


Zâwi sap chuan a tî a, ka mittui luang vâng chuan ka bek sam techu a huh vek tawh, ka âwm bâwr vêl chu chuk kual dap dap a, tlêm in ka inthlahdul ta hret hret a, mahse ka meng ngam miah lo thung,

"Meng la min en teh Sweetheart"


A rawn ti sap a, ka meng nghâl riai riai a,

"Ka tih nat thin che vâng khân kei hi ka sual tak zet tiraw?"

Ka lú chu ka lo bu nghauh a, ka tap pâr reng bawk.

"Ka tihpalh tak zet a ni Yanoo, i tân pasal sual tak ka ni tih pawh ka hria, a pawi ka ti takzet a ni"


A ti sap a, a thusawi hi ka âwih dâwn nge dâwn lo pawh ka hre lo e a, mahse a tih tak hmêl fú bawk si.

"Ka mit ah tak hian min en reng rawh aw"


Ati leh sup a,mipa mízia hi a lo inthlâk vê thu thut thei tih ka hre vê chiah.


Ka hmeichhiatna chu a rawn na ta zawk mai, ka phu dâwrh a, ka tê that bawk, ka tha a rawn khúr nghâl char char a,ka tap nghâl feih feih bawk, a dâr ah chuan ka thâm ngar ngar ringawt.

"Ana viâu em?"


Min ngaihtuah hmêl zet hiân a rawn tí a, ka lú ka lo thing ringawt, Jimin chuan a tih chhunzawm túr chu a hai lo chiâng kher mai.


___________



JIMIN POV


Ka harh chu ka bula hmeichhe mû ka hmuh chuan ka nui suk a, hmeichhia chu ka lo mut pui vê nual tawh a, mahse tûmah hmeichhe thianghlim ka la mutpui ngâi lo, ani hi chu a dân a dang zar mai, nizân mai khân hrehawm ti tak chungin a thiânghlimna min hlân a, a chauh thlâk ngawt ang, a chalah chuan ka fâwp vang vang a, A kianga ka awm hian Seulgi vânga ka natna tekha abo vek a, mahse min hlauh hmêl taka ka bula a ti dêk thin hian ka thinrim a ti zualin a chungah mawilo takin ka chêt phah thîn, nuam ka tih vâng pawh a ni chuang lo.


A kuta kan inneih zungbun rawn lang vâ chu ka thlîr vang vang a, ka tihnat hnem teh lul nên hê thil hi chu a hlut ve ngang a nih dâwn hi.


A rawn inhnît ta feih feih a,ka en reng ringawt, "Ka nu, ka duh lo, min vaw tawh suh" Tap hliâm hliâm chung chuan a rawn ti chhuak a, tih ngaihna ka hriat loh vâng chuan ka kuah bet top ringawt, ka tinâ a, ana lâi hmêl ka hmuh hian ka khawngaih leh bawk sî, ka awm dân hi ka hrethiâm lo, a rawn meng ta, min hlauh hmêl taka min en kar chung chuan a tâl sawn vat a.

"Yanoo?"

"Kal bo rawh, ka hua che"


"Puih che ka tum alawm le"

"Min ngaidam rawh Mr Park Jimin, i puihna ka mamawh lo"


Tihpah chuan a tho nghâl vat a, kan puânsin chu a thawhpui ta daih a,a hrilh hai thlâk duh ngêi mai, bathroom lam chu apan nghâl vat a, ka enzui tlawk tlawk ringawt, ruaka ka la awm vâng chuan bathrobe chu ka ha ve nghâl vat a.

Tui in herh hâw kâr a tap rî chuan ka beng averh ta kher mai, khatiang khân lo che lo tür ka a ni sin le, ni lo, engvângin nge ka Inchhír? Tlân bo a tum vânga hremna a hmú nih kha.

__________

Khuma thisen kâi hniâng ka hmuh vâng chuan thil ka hre chhuâk zawk,a tân chuan engkimah a hmasa ber ka ni tak tak, A tân chuan kei hi ka hmasa ber, ngaihtuah tawh suh Park Jimin, ka maimitchhíng vang vang a, thâwk ka la hak bawk.




Maid chu ko in Bedsheet chu ka thlâk tîr a,Bathroom atanga Yanoo alo chhuah duh tlat loh vâng chuan keipawh chu room dangah ka inti fai ta top a.


Ka phone rî chu rang takin ka lâ nghâl vat, Jungkook lek chu lo niin,


"Aw sawi rawh "


"Hyung, vawiin tlâi ah Chairman in i nupui nên chaw ei tûrin a sâwm cheu a nih chu "


"Engvângin maw? Ka kal dâwn lo tih lo hrilh rawh"


"I nupui kha an hmu ve duh a niang chu, Hyung, i nuhrawnin a tawng khum dân che kha i theihnghilh tawh ami? nupui pawh i neih a rin loh che kha, Nupui hmeltha tak i nei a, va hmuh vê hlawm rêng rêng rawh"


Ati dik chiah, ka nau duhtak hi chu âw a kum phû loh hian a puitlingin rem a hre bawk sî, ka mi râwn ber a ni bawk a, Taehyung ve thung hi chu ka mood maker a ni thung, a bulah hi chuan ka nui reng zêl.


"I ti dik chiah ka lawm e, ka hmangaih che"



"Hyung?"




Nui vur vur chuan ka off ta hmak a.

Yanoo POV



Bathroom atanga ka chhuak chu Jimin pawh alo awm tawh lo, ka taksa na thêm thûm vâng chuan ka nun a nguai zo vek, Maid pakhat chuan Bedsheet chu alo thlâk mial mial a,


"I mutui em ka pi, ka pu chuan tûk thuan ei tûrin a nghâk che a"



Ani bul ah khân ka ei ang maw, kha ramhuai bulah khân chaw ka ei hlawl lo ang e.


Chhân pawh ka chhâng lo, ka thawmhnaw dahna ah chuan ka hâk tûr chu ka en kual a, kawrfual bân tluan arh deuh tarh mai, a dum tak lam nihawi pâr a lianpui pui a pâr chu ka hâ a, ka sam ka hnute chen vêl rawng uk lam deuh ngîl zet chu ka khuih hliau hliau a, make-up pawh ka in bel ve nual mai, chak lo takin ka awm reng dâwn bîk lo, ka naupan lâi atang tawh a ka lo tawhin tih duh dahna chu ka tuâr tawh a, hetiang dawng sawng thiâm tûr hian ka inzir zâwk tûr a ni, ka mit bui deuh lâk chu make-up chuan a khuh hneh ang reng khawp mai.

________

Muangchâng chuan ka pên thla chhat chhat a, ka kal thla lâi min lo thlîr reng tu vâng chuan ka zâm chhe leh dêr tawh.


"Thu rawh"


A hmêl chu a dur leh khup tawh, nizân vâng tlêm tê chuan ka lakah that a chhuah ve ka lo beisei a sin,


"I beng a chhêt a mi thu ta che"

Chang faka tih pah chuan min rawn en kar a.

ka mittui kâr atang chuan ei túr an chhawp dal chu ka hmu ruai ruai thei.



Aw kî a sân êm vâng chuan harsa ti tak chungin ka thu vê mai a, ka thut pah a ka hmeichhiatna a rawn nat vak thin vâng chuan ka thu sâwi nasa ngang mai.

"Enge maw i hriât le, ei ta che"

Min lo en leh reng chu niin, ka va han ning tak.


"Ka thei lo nih hi, min en liâm ve mai tache"


Tap ti tih chuan ka tî a, a ngâwi ve leh ta mai bawk a, ka rin âiin an thil siâm chu a tui daih mai.


"Boss"


Tlangvâl pakhat hi a rawn lút a, mahse en pawh ka lo en chiâng lo.


"Enge ni ta Jeha?"



"Mr Jung chuan a fanu Jung Sunghyun (jang sunghian) i neih loh chuan inremna siâm a tum lo a nih chu"


Ka fiân ken lâi chu ka thlauh dat a, tinge hetia ka awm ka hrethiâm bík lo, ka mittui chu a rawn lung nghâl zawih zawih a, ka tho thut.


"Khawnge i kal dâwn?"


Jimin chuan a lo ti vat a,

"Ka puar tawh a, room ah ka han châwl hahdam tawh a nge"


Tah insúm zet hian ka tí a, tú hmêl mah ka en ngam lo bawk, hmanhmawh zet chuan ka tlân chho nghâl dâwr dâwr a.


__________





Khum ah chuan ka mu vang vang a, tinge khapâ thusawi vâng khân ka nat tlat le?in chung ka melh vang vang paha ka in ngaihtuah neuh neuh lâi chuan Jimin chu a rawn lút ta thut a, rang tak chuan ka tho vat.




"Hei hi ilo ei dâwn nia"

Tihpahin a iptê atang chuan damdawi múm te tak tê hi a rawn la chhuak a, ka lo ban nghâl vat.


"Eng damdawi nge? "



"I hriat ve kher a ngâi lo"


Tihpahin min chhuahsan a tum chu a rawn hawi lêt leh zawk a.


"E chuan, vawiin tlâi ah zanriah kan ei chhuak dâwn a, nalh deuhin lo inchei la ka lo lam dâwn che nia"


"Khawi ah maw?".



"Chûpawh i hriat a tûl lo"


tihpah chuan a kal chhuak nghâl a, khawi ah tak chuan ni ang maw.



Mahni chuan ka awm ta leh rak rak mai, ka khua aharin tih tûr pawh ka hre lo, engkim hi ka ning ngawih ngawih a ni mai,Balcony ah chuan ka thu veuh veuh reng a, Nu, ka van ngâi tak che em, vân lam hawi chuan ka dâk vang vang reng a, ka muttui chu ka khap lêt fak fak ringawt, enge ka tih ang? malna, khawharna, lungngaihna, chûng ho chuan min hual vêl up up hian ka hria, Inchhûng lamah chuan lút leh in Jimin damdawi min pêk chu ka lâ a ka ei nghâl vat, eng damdawi tak chu ni ang maw.


Tv ka en mai mai lâi chuan mut chhuakin min rawn zêm leh ta chiai chiai mai, Ka maimitchhîng ta vang vang a.



________________







"Nanghi ka naute lem zînga duhawm ber leh hlu ber i ni, Ka ngaina takzet che Yanoo"


Ka mumang em ni? ka hmâi chu aza mer mer a, Jimin hmêl chu chiang lo ruai chuan ka hmu thei, "Ka ngaina tak zet che, i hmêl hi ka hmuh tawh hnû a ang ka ti tâwp thei lo, kan pian hmasak zâwk khân kan intawng leh tho a nih ka ring"


Ka hmûi chu hmûi nêm thep, deh nuam êm êm hian arawn dek lum pep pep a, hei hi mumang nge a tak? ka thâ lah a zawi vek bawk sî, Muângchâng chuan ka meng diar diar a, Tu emaw chal hi ka hmu hmasa ber, "Tunge i nih" tihpah chuan ka nemsawn nghâl dâwrh a.



Ka duh thei lo, Jimin a ni tak tak,chhuat ah chuan alo tlu nuai a, hmêl dur deuh khap chuan min lo en reng,

"Ka... ka tihpalh"


"Ka rin aiin thâ i ngah daih"


Ti sup pah chuan a tho vat a, ka mumang amaw ka lo tia, ka âwm zâwn chu dawm in ka thaw hawk ringawt, ka lungphu rang lutuk erawh ala reh mai thei lo, tinge tûnlâi hi ho tê tê ah ka hlauh phut vak vak reng le?.


"Insiam rawh, ka lo nghâk ang che"


Tih hmuk pahin ka chhân hma chuan a kal chhuak nghâl nal nal a, tinge a chêt dân hi amak theih êm êm le? ngâi ah ka nei thei thlâwt lo.

Mahse enge a sawi kha? min ngainat thû te a sawi nia, hah.... engvângin nge ka âwih ang? a hur herh vâng mai mai bâk a ni lo, ka ngaihtuahna vâng chuan ka nui suk a, hria sê engtin nge min tih ang le?



__________


Kawr hring duk tak zet ka châwn puar chen vêl a fual chu ka hâ a, ka sam chu tlêmin ka roll ve a, make-up ka hmang vê nual, lipstick sen hlar chu ka inhnawih a, darthlalang hmâ ah chuan ka in thlêk vang vang a, kei hi tunge ka nih chiah le? Lee Yanoo hi tunge a nih ka hre lo, ka hre lo takzet.



_________



Step a ka chhuk lâi chuan Jimin, Taehyung leh Jungkook te chuan min lo en thap a, Jimin chuan suit dum a rûk a tial deuh hi a hâ a, a inhmeh ngêi mai, a kamis kilh loh kâr a a âwm vâr sar rawn lang chuan a ti lang sexy zual.


"Yanoo, i nalh hlê mai"


Taehyung chuan kut zungpui rawn ti pir vâ chung chuan min nuih var var a, Jimin a'n a melh chiah chu a hmûi a chîp rang chiang ngang mai.


"Make-up hmang lo khân i hmeltha zâwk"


Jimin chuan a rawn ti sup a, hepâ tak hi chu, min ti confi lo zo vek.

"Ka han phih reh leh mai dâwn mi? "


Ka ti chiah chu Jungkook chu alo nuih hak a, fiâmthû ka thawh pawh a ni top sî lo a.


"Kan tlâi tawh kal ang u"


Tihpahin Jimin chu akal chhuak nghâl nal nal a, min nghah vê tal âwm, awm dân mawi pawh a hre lo a nih hi, ka kûn nghâl lap a, hepâ hi chuan min ti beidawng hneh thei ngêi mai.


"A mîzia vê a nih kha Noona, engahmah ngâi suh"


Jungkook chuan inthlahrun hmêl zet hian alo tî a, kei aiin ala naupang tihna ni maw? a thâ e, ka nuih lêt sak a.


_________


"Noona, he lâi ah hian lo chuang rawh "


Jungkook chuan car nalh zet lo ding chu kawngkhâr min hawn sak a,

"In lo chuang vê dawn lo ami?"


"Aih, keini chu motor dangah in hnung kan lo zui ang"


Taehyung chuan a tî a, anih chuan he mihring nên chauh hian kan chuang dûn dåwn tihna nia, peihawm loh ngêi mai, Ngâwi rengin car ah chuan ka lût ve nghâl a, Jimin chuan tukverh lam hawiin pawn lam chu alo thlîr veuh veuh a, min ngaihsak âwm pawn a awm lo, min biâk hmasak loh chuan ka be hmasa âwm bîk lo emai a, tihna rilru pû chuan ka chuang tûm bâr ringawt.



"Jungkook leh Taehyung kha i ngaina em?"



A rawn tawng chhuak ve ta, a mit ah tak ka va en chat vâng chuan ka hawisawn leh vat a.


"Aw, ka ngainat zâwng tak an ni"


"A that chu, ka chhûngkaw neih chhun te an nia"


A thusawi vâng chuan mak ti takin ka en top ringawt, tinge tiang thû te hi min hrilh le? Chhúngte dang a nei lo tihna nih ngêi dâwn hi.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:12 pm

THE MAFIA SWEETHEART (PARK JIMIN FF)


CHAPTER-5


Ninawm, chutiang ka buaina túr a ni lo, mahse.

"Jimin"


"Mmmm... "


"Jung Sunghyun chu i nei dâwn em? "


Ka zawhna vâng chuan min en deuh vang vang a, enge a ngaihtuah hriatthiâm ahar ngêi mai, ka zawhna hi a âtthlâk takzet tih ka hria, a nei a nih chuan ka hâw thei ngêi anga, a nih loh pawn ka chan chu a chhe viâu ang.


"Nei dâwn lo"


Tih zawng chuan min chhâng a, a hawisawn leh nghâl daih, a neih ka lo ring a sin le, tinge a neih dâwn loh le? Jung Sunghyun chu hmelchhe deuh anih vâng a niâng, ka nui deuh suk suk a, mahse Jimin a'n min rawn en chiah chu ka nui tâwp chiang ngêi mai, ka ngaihtuahna lah hi a naupang chhia thei bawk sia.



___________


"Boss, kan thleng tawh e"



Car chu a ding ta chat a, ka hawi kuâl nghâl hrak hrak mai, khawi ah tak chuan min hruai ang maw.


"Hawh le"


Tihpah chuan min kâi chhuak vat a, Building in liân zet ah chuan min kâi lût dâwr dâwr a, a chhúng chu a fresh in a fâi nalh sí, mi hausa tak tak bâk hmuh túr an awm meuh lo, hetiâng hmun ah hian ka la kal ngâi lo rêng rêng, Ka hawikual deuh ruai ruai reng a, pheikhawk sâng ka bun bawk sia, ka kê te chu ana deuh thûm mai,


"Kal muâng deuh teh"


A ding chat a, nin hmêl zet hian a thaw hak.


"A hun takah kan thlen a ngâi"


Chang fak chuan a tî a, ka ngâwi chiâng ngêi mai, min kâi leh dâwr dâwr a, Room hran hran kan kal pelh hnû chuan kawngkhâr pakhat zâwn ah chuan a ding ta chat a,


"I in peih em?, ka nuhrawn leh ka pâ kan hmu dâwn a"


"Enga!"



Tinge a hmâ daih khân a sawi loh le,hei aia lo inchei nalh deuh túr hi nia, bâk ah ka la in peih lo, ni lo, Jimin hian nu leh pa alo nei reng mai, nuhrawn keimah angin a hrawn vê bawk, a saai ngâi bawk sí lo, hepâ tak hi chu, thâwk chu ka la hak a, kawngkhâr chu hawngin min luh pui nghâl vat a.


"In lo dam thâ maw?"



Tihpahin chibai chu a bûk zauh a,keipawh chuan ka búk vê nghâl vat a. Dawhkân bial lian zet ah chuan pa pakhat Jimin pâ a ni ngêi ang an hmêl pawh a in ang khawp mai alo thu nui var var a, Nu pakhat lo awm vê thung chuan kan lam pawh rawn a rawn hawi eih lo, a upat tawh hmêl nên make-up a hmang nasa mah mah a ni saw, Jimin nuhrawn chu a nih ngêi ka ring.


"Lo thu ta che u"



Tihpahin Jimin pâ chuan an ep chiah a thutna ãwl chu min kawh hmuh zauh a.


"I nupui chu a hmêltha hlê mai"

A ti zui sap bawk, "Ka lawm e" tihpah chuan ka lo nui lui sak ringawt.



JIMIN POV





Ka nuhrawn lungâwi lo hmêl chuan min ti lâwm ngêi mai, Taehyung leh Jungkook pawh an lo thleng vè nghâl vat a, ka nuhrawn chu a tûm nasa leh zual, Taehyung nên hian an mil lo nasa mai sia.



An lo thlen vêleh chuan Yanoo chu a nui ta var var a, heti hi chuan nuam a ti vê deuh tawh ang.


"Khawnge Jinyoung hi a awm a? "



Ka unaupa tlâk tlâi lo zet pawh a tlâi leh dâwn ta a ni maw, khâwi lam hmeichhia nge a fawr pui leh ang aw.


"Ka tello in in lo ei bîk alaw? "



Kawngkhâr lam chu ka hawi phei vat a, Park JinYoung chu pawr chhup chuan alo ding reng a, Yanoo chuan a fian ken lâi chu a thlauh ri nghâl rak mai, a hmêl ka en chu hlauh nei tih hriât zet hian dâng vâr nghâl pap a, Park Jinyoung chuan Yanoo chu mak tih hmêl zet hian alo en reng bawk, Yanoo chuan a kut khûr dar dar chu thurûk tumin a mal chungah chuan a dah thla nghâl vat a, ka lo en reng thung.


"Enge hetah itih ve a? "


A biak chu tûdang ni lo in Yanoo a ni tih ka hre nghâl mai, hemi te pahnih inkâr ah hian engtak chu lo thleng tawh ang maw.


"Enge i tih ka tih chu? "


A vîn nghâl thawt, Yanoo chu a khûr chhe nghâl ti tih ta mai, mittui tling pam chuan a chil chu a lem khalh a, Park Jinyoung awm dân vâng chuan ka sa zak mai.

"Park Jinyoung, I ûnaupa nupui a nih hi "

Ka pâ chuan a vîn ta khur khur a,ka insûm zo lo chu ka ding nghâl hluai a,rum tak chuan kan in melh nghâl ti tih a.


"I nupui a ni tak tak amaw?"

Enge maw a lo buâi vak le, kan in melh rum ngang mai,

"Ni e, i enge ilo buai a vak a?"


"Ka bialnu a nih hi Hyung"


Eng thû nge ka hriat hi, Yanoo hiân bialpa a neih ka ring top lo e, ka nui hak a, ka nuih zat vâng erawh a ni hauh lo, hepâ mízia hi ka hre chiâng a, a thusawi hi ka âwih a ding rêng rêng amawni le, Yanoo lam chu ka hawithlâ a, mittui tling kiâu chuan min lo en kar thung.


"A ni em?, Park Jinyoung hi i bialpa ami?"


Yanoo chu ka vîn thawt a,min hlauh hmêl zet chuan alo chhíng sawk a, Park Jinyoung chu a en leh a, Park Jinyoung lah chuan thah châk hmèl zet hian alo melh ngar ngar thung,

"Aw, a nia lawm"



Aw khûr dar dar chuan a tî a, ka nui leh hak, ka la âwih thei chuang lo, Park Jinyoung hiân Yanoo lakah hian enge maw tak chu a ti tawh tih ka hai lo chiang kher mai, Mahse a bialpa a nih thû awlsam zet a asawi vâng chuan min ti thinrim zual, ka nuhrawn lakah hian min ti tlâwm tâ ni berin ka hria, Yanoo lakah chuan ka thinrim hlê a, sawi túr pawh min ti hre lo, hmeichhe hriâtthiâm har tak a ni.


"Hawh kal ang"


Tihpah chuan Park Jinyoung chuan kuta rawn vawn chu a tum ta mai, ka insum zo lo chuan ka lo hnek thal nghâl thuai a, Yanoo leh ka nu hrawn chu an lo tê nghâl that bawk, chuat ah chuan a tlu sawp nghâl top thei, Taehyung leh Jungkook chuan min lo dawm bet nghâl vat a.


"Thih i duh loh chuan ka nupui hi khawih tum leh tawh ngâi suh"


Chang fak chuan ka tî a,

"Park Jimin, I nupui hi then nghâl ang che, amah vânga in únau in hmuh thiâm loh hi ka duh lo"


Ka pâ chuan min vîn ta khur khur a,


"Ka nupui a nia, in lo buai vê na tûr a awm lo, Park JinYoung hi ka únaupâ a ni lo, a ni ngâi bawk hek lo ang, kei hi engtik lâiin nge hê chhúngkaw zíngah hiân ka lo tel vê ngâi rêng rêng a? , thlauh thlâk ka nih ní atang khân chhúngkua ka neih chhun chu ka nu hrehawm leh rilru na taka i kalsan tâk bâk kha chhúngkua ka nei lo, hê hmeichhe zakthei lo zet leh a fapa lâk tlâk loh zet hi i kiânga an awm chhúng chu kei hi i fapa ka ni ngâi lo ang"


"Park Jimin"


Tihpahin ka biâng ah chuan arawn bêng nghâl sawk a,Yanoo tê that rí pawh ka hre nghâl, ka pâ rilru na hmêl hi hmuh hrehawm ka ti, mahse ka ngâidam thei lo a ni, ka biâng chu a rawn thíp ta vang vang a.




"Jimin si"


Yanoo chuan a rawn ti sap a,

"Kal ang"

Tihpahin Yanoo chu ka kâi chhuak nghâl ta dâwr dâwr a, Taehyung leh Jungkook chuan ngâwi rengin min lo zui chhuak vê nghâl vat bawk.



YANOO POV




Jimin chuan thinrim inseh ruh tûn chung chuan min kâi chhuak dâwr dâwr a, khatiâng taka Jimin rilru na hmêl kha ka la hmu ngâi lo, keimah pawh hi ka lo na ngawih ngawih ni ber hiân ka hria, a thinrim nasa mai sí a, ka chungah engtak ti leh ang maw, LalPa khawngaihin min pui ang che.



Car ah chuan min nam lût thuai a, ka mittui chu a rawn tla nghâl zawih zawih ringawt, Engtin nge a thinrim lo teh lûl ang, a nuhrawn hmâ ah tlâwm takin ka siâm a, a rilru nat thlâk zia chu kei aia hrechiâng túr an awm lo ang, tih theih dang nei hek lo, Park Jinyoung khân Thlakhat chhûng min vo in a bialnû atân min sâwm a, ka duh loh vângin thah ah hiâl min vo a nih kha, Lo inthah tîr law law ila tha zâwk tûr hemi te unau bula awm âi chuan ala nuâm fê zâwk ang? Tinge Park JinYoung kher hi a únaupâ anih le?



"Park Jinyoung chu i hmangaih viâu amaw? "



Vawt raih chuan arawn tî a, a hmêl pawh ka en ngam lo,


"Ka hmangaih leh hmangaih loh chu i tân enge a tangkâina? "


"Lee Yanoo"



Vîn thawt chuan a rawn tî a, ka lo phu zawk thei,


"Ka tâ inih kha, nanghi sum tam taka thleng ini tih hre rawh"


A thusawi chuân min tina ngêi mai, ka kawchhúng hi a hâi bawrh bawrh ni mai hiân ka hria.

"Khawngaihin Jimin si, min thlah zalên rawh, hremhmun a awm reng ka duh lo, min hâw tîr tawh mai rawh "


Tap chung chuan ka tî a, ka sam ah chuan a thâm ta lawp mai, ka lo tê deuh that a.


"Hremhmun chu i hre châk viau a mi a? enge hremhmun diktak chu ka tem tîr ang che"


Tihpah chuan car seat ah chuan min nem thlu thuai a, tichuan ngâwi rengin kan chuang ta reng ringawt.



____________

"Boss kan thleng tawh e "


Ka ngaihtuahna atang chuan ka harh chhuak zawk a,car atang chuan a chhuak hmak a, ka chuanna zâwn kawngkhâr chu rawn hawngin ka sam ah chuan min thâm chhuak lawp a, min kalpui nghâl dâwr dâwr mai,

"Jimin khawngaihin ka sam hi thlah teh, anâ nia"


Tap chung chuan ka tî a, ka sam a thâmna ka lu lêi techu a thîp thûm mai, nâ ka tih vâng chuan ka then sawk sawk thei.


"Hyung, thlah rawh i nupui a nih kha"


Jungkook chuan a lo ti lawm lawm a, ngah mah a ngâi chuang lo.

"Thiana, dîm ve deuh rawh, i nupui a nih kha"


Taehyung chuan min rawn ûmzui pah chuan a ti ve bawk a, Jimin chu a ding dat,

"Ka nupui a ni lo, ka Nautelem a nih hi"


Chu thû ka hre chiah chu ka thinlung hi vih sawk hian ana zawk thei, ka mittui a luang thla nghâl zawih zawih a, ka thâ te chu a zawi hnawk mai.

"Hremhmun chu ka'n hmuh tîr a nge"

Min kalpui leh ta dâwr dâwr a, a thusawi ringawt chu ka bengah chuan a ri nawn tluk tluk thei, ka thiânghlimna ka hlan pâ ngêi khân a naute lem ang lekin min lo ngâi reng chu nia, mihring pawh a ni lo, ramhuai a nih hi, ni lo, kei hiân ka lo ring hman têp a, mi â tak ka nih hi.



__________


"Hremhmun chu tem ta che"



Tihpahin in hnung lama room thim zet ah chuan min kalh khum ta hmak a, hetiang room thim ah hian ka awm thei lo, ka hlâu takzet a ni.


"Jimin, khawngaihin kawng min hawn sak rawh, ka hlâu a nia khawngaihin"


Kawngkhâr bêng dawt dawt pah chuan ka tî a, thâwm lah a reh hmak bawk sî, kil khatah chuan ka tawm châwih châwih a, ka naupan lâi atang tawhin ka nuhrawn in min hrem nân room thim leh tâwt zet ah min kalh khum thin a, Jimin pawn a ti vê tâ nih hi, LalPa min vênghim anga che, ka hlâu takzet a ni, he room thim zet hi ka hua, ka haw takzet, a thim in a chêp bawk sí, ka thâw te hi a chham mai dâwn in ka hria.




___________


JIMIN POV


Ka zu no chu bangah chuan ka paih keh chuai a, ka thinrim so sâng lutuk hi ka alh mai dâwn in ka hria, tinge? ngati nge engmah a sawi duh loh? a chungah khân enge maw thleng a awm anih techuan min hrilh mai tûr a nia, tinge engmah min hrilh loh? "Yanoo, hmeichhe mak tak ini" ka phun sap a, thudik min hrilh sê chu ka ngaidam mai tûr, ni lo, Park Jinyoung khân a chungah enge maw a ti tih ka hre mai, Enge ni ang?


Jungkook hlauhthâwn hmêl zet hiân a rawn lút a,


"Hyung, Khua a thim tawh a nia, Yanoo chu chhuah tawh mai rawh"


"Hey Jeon jungkook, i khawngaih viau a nih techuan va tâng ve mai ta che"



"Hyung, hmeichhia mai anih saw, sawtiang tuar tûr khawp chuan a chak tâwk lo"


"Ni e, hmeichhia alawm, hmeichhe luhlul tak mawle"



Ka hriattham lek chuan ka ti sap a, khum ah chuan ka let thla nghâl top a, ka lo muhîl nghâl daih a.



___________




YANOO POV




Thâwm ri rak ka hriât vâng chuan ka phu chhuak dâwrh a, kawngkhâr a lo in hawng reng chu niin, a êng lutuk chu men pawh ka meng tha thei lo.


"Yanoo"





"Taehyung si"



Ka lâwm lutuk chu ka kuah nghâl thlawp a, ka mittui a rawn tla nghâl zung zung bawk, ka van lâwm tak êm ani hi chu ka tân vântirhkoh diktak a ni.


"Hei ei tûr ka rawn ken che a"


Tihpahin Sandwich chu min pê a, ka ril a tâm tawh êm avâng chuan zah pawh dâwn lo in ka hmawm nghâl mawlh mawlh a.


"Muangchângin ei rawh, kha hei tui in túr"


Tihpahin Bottle chu min pê a, ka ban tûr chiah chu bottle chu a per lawp mai, hlauhna in min rawn tuâm leh ta.

"Ji... Jimin"


Jimin chuan hmêl dur khap hian min lo en kar reng chu niin, ka hlâu bawk nên, ka thil ei lâi chu ka hâk ti tih nghâl that that a.


"Kim Taehyung engtik lâiin nge eitúr pe túra ka tih che?"


Inseh ruh tûn hian a tî a, ka hlâu lutuk chu Taehyung hnungah chuan ka lo tawm nghâl chaih chaih a.


"I ti mah mah a ni, ka thiân tha ber pawh ni mah la, Yanoo hi ka thiân a ni ve tho, a chunga i awm dân hi a dik ka ti lo Jimin , tún ah zíng dâr 11 a ri tawh a, nizân atang khân engmah ala ei lo a nia"


"Thian a? Engtik lâi khân nge thian ah in lo insiâm hman a? Thiân ah chuan in lo va insiâm rang leh sí ve"


"I duh chuan min hrem thei ang, mahse Yanoo ka pui hi inchhírna ka nei lo"


Taehyung chuan a ti ta hmak a, keimah vângin a tuâr ve dâwn a nih hi, Ka lo tap leh ringawt tawh, tawng vê chu sawi loh, thâwk ka la ngam tâwk a ni.


"Hremhmun ah kal rawh u"


Tihpah chuan a chhuak ta nal nal a, kan thaw nghâl huai thei, Jimin chuan Taehyung chungah hian engmah ti lo hrâm se ka van ti tak.




"Hawh le, chhuak ang"


"Ni lo, Jimin khân a âia hrehawm ah min dah leh palh ang, amah ngêiin min la chhuak zâwk rawh se"


"Lungngâi suh Yanoo engtin mah a ti tawh lo ang che"


"Keimah vângin i tuar dâwn sin"


"A thiân ka nih hi, kei aia hrechiâng tú an awm lo, ka ti lungâwi leh nghâl thei, Hawh lo kal rawh"


A bân chu rawn a rawn phar chhuak a, Muângchâng chuan ka lo ban dê dê a,ni lo.

"Keimahin ka kal zâwk a nge"


Tihpahin ka pên chhuak ta zâwk a, Jimin khân kan in kâi lâi alo hmuh chuan buaina a thleng leh palh ang.


___________


Taehyung chuan kawngkhâr thleng chu min thlah a, company lamah chuan a lêt leh nghâl a.


Inchhûng ka lût chu Jimin chuan Couch ah chuan lo thû in uluk zet hian min lo en kar a, ka hmu thut chu ka phu deuh zawk a, ka ding nghâl chat mai.


"Hey"

Maid pakhat chu a ko a,

"In pî hian room hran a nei tawh dâwn a, a room tûr lo buatsaih sak ta che u, in tih zawh ah pool ah in lo hruai dâwn nia"

Min en kar chung chuân a tí a, a tho nghâl vut, a kal chhuak ta nghâl daih a, Maid ho chu inchung lamah chuan an tlân chho ta sap sap a, keipawh room ah chuan inti fâi tûr chuan ka chho vê nghâl a.



"Ka pi, hei lâi hi i room tûr a nia"


Tihpahin Jimin room ep chiah a room ruâk chu min kawh hmuh a, room hrang ka nei tûr chu ka hlim ru veng veng mai, mahse Jimin khân ka lakah Game khelh a tum êm lo ang chu maw.


"Ka bungrua kha lo dah phei ula, ka lo ti fâi mai dâwn nia"


"Mahse... "

"Ka thû ang chuan ti mai rawh u"


Ka tawngkam vâng chuan min en thap a, ka inthiâm lo leh nghâl ti tih ringawt, Khâ ramhuaipâ bula ka mu tawh lo túr kha hlim túr ka ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:12 pm

CHAPTER - 6






"Awle ka pi"


Tih sap pahin Jimin room lam chu an pan ta sap sap a,ka inthiâm lo lek lek mai, ka room thar bathroom chu hmang nghâlin tuilum sa ver vawr chuan ka inchiah vang vang a, ka taksa nâ zawng zawng techu a dam huai huai ni mai hian ka hria, tianga hahdam deuh a, awm reng mai hi ka duh a ni, tui ah chuan ka inhnim pil chhin a, ka tho chhuak leh rang ngang mai, Ka naupan lâi a ka nuhrawnin tui a min nem thlâk kha ka ngaihtuah chhuak lo thei lo, ka maimitchhîng vang vang a, ka mittui pawh a rawn luâng thla leh ta ngiai ngiai mai, Dârthlalang hmâ a Chemte hriâm hmêl zet chuan ka mit ala zar mai, ka ban nghâl vat a, tûn ah hian ka thisen zâm zai chat ila chu tûman min ti buai pha tawh lo ang, ni lo ,enge maw ka ngaihtuah le? tiâng rilru hi ka pu tûr a ni lo, eng anga hrehawm pawh ni se ka tuâr chhuak leh thei êm êm ang.

JIMIN POV



Pool ah chuan Yanoo chu ka nghâk reng a, tinge a lo kal miah loh? henû hian min tih thinrim zual a tum ve khanglâng amawni le, ka thil tih vânga ngaihdam díl nân tih lungâwi ka tum vê nên.


Thinrim zet chuan a room thar lam chu ka pan vat a, maid pakhat chuan a thawmhnaw chu alo dah fel mawlh mawlh a.

"Ka pi chu a inbuâl a"


"Chhuak tawh rawh"




Ka tih rual chuan min hlauh hmêl zet hian a tlân chhuak nghâl vat a,kawngkhâr chu kalhin bathroom kawngkâ chu ka pêt hawng nghâl thuai a, ka thil hmuh zet chuan min barakhaih chiâng kher mai,Yanoo chu bathtub a thu chung chuan chemte hriâm zet hian inzâi tum niâwm tak chuan alo intin rân a.

"Engthil nge maw itih le? "


Tihpah chuan ka chhuhsak nghâl vat a,thawmhnaw engmah a ha bawk sî lo, mit sen râm chuan min en kar mai,


"Nanghian thih i châk viau amaw?"


Min chhân loh vâng chuan ka thinrim a zual, henû luhlul lutuk hi chuh, a ngâwi ngat ngat reng a, ka thin in a tuâr ta lo.

"I duh duh dânin awm rawh"


Tihpah chuan ka chhuahsawn nghâl vang vang a, thinrim zet chuan ka room lam chu ka pan hlawk hlawk ringawt.





Room a ka lût chu hmeichhe pakhat lo awm vâng chuan thil ka hrechhuak thut, nulâ ka ko tak alawm le, ka hmâ a hmeichhe nalh zet lo awm vâng ka nui sak a, a bathrobe chu rawn phelhin saruak ngal ngat in a awm ta, a hmûi sen vâm hiâm mai ah chuan ka fâwp nghâl bawrh bawrh a, Yanoo ka fawh anga nuâm kha ka la hre lo, tinge henú ringawt hi ka rilru ah a awm le, a hmâ ang khân tianga nula awmpui nuam tihna hi ka nei tawh miah lo, ka âwm ah chuan a rawn zût vei zâl zâl a, mipa tih lâwm dân chu a hre kher mai, henú lakah hiân feelings ka nei hlawl lo.


YANOO POV



Ka room ka tih fâi vâng chuan châu zet hian Common room ah chuan ka thu dar dar a, ka kâwng leh bân techu ana deuh thúm mai. Jimin room atanga hmeichhe pakhat thinrim hmêl zet a rawn tlân chhuk dâwr dâwr chuan ka mit alo la nghâl chat, kekawr búl mawnglang têp leh bra chiah ala ha zui, a chungah Kamis vâr chu aha vê tho nâ a, a hnute chanvê hawk chu a hmuh theih, ka bul a rawn thlen chuan ka lo vuân chat a.


"Tunge i nih? "


Ka lo ti nghâl vat, a tap deuh pâr bawk.

"I tân enge a tangkâina? hremhmun ah kal rawh u in vâi khân"


A kamis hâk hi Jimin tâ a ni tih ka hre nghâl mai, a tawngkam âimah chuan a kawr hâk hiân ka thin a ti rim zâwk.

"I kawr hâk hi phelh rawh, ka pasal kawr a nih hi"


"I lo buaina tûr a awm lo nang sâwnchhia mai mai"


A tawngkam thlah dah lutuk vâng ka thin a khei ta zak mai, Jimin kawr a hâk vânga thinrim sâ tawh nâk alâi a.


"Engtin maw min tih kha?"
In seh chilh rap chuan ka tî a,

"Kal bo rawh nang sâwnchhia"

"Engtin nge tiâng khân min tih ngam zâwk a"

Tihpah chuan ka bêng thuai a, "Mi a nú, engtin nge tiâng khân min tih ngam zâwk?"

A vín that mai, min rawn ben vê a tum chu a kut ah chuân lo man sakin a sam ah chuan ka lo kêk nek a, a tê rî ah chuan midang ho chu an lo tlân khâwm sap sap mai,

Jungkook leh Taehyung pawh an lo lút vê chiah bawk.

"Yanoo thlah rawh" Taehyung chuan alo ti vat a, ka ngâipawimawh duh lo, ka theih tâwp chuan ka thing phar kuâl vêl a, henú chungah hiân Jimin laka ka natna zawng zawng hríkthlâk vek ka duh, khâ ramhuai khân min tih natna ang zawng zawng kha henú hiân tuâr vê sê tiin rilru chhe pui pui te chu ka pú a.

"Ka pi khawngaihin duh tâwk rawh "

Maid ho chuan an lo ti sap sap bawk a, thinrim in hrîk thlâkna tûr ka mamawh lâi a nangfú a nih hi , ka na vê tâwk tawh.


Ka hnunglam atang chuan tû emaw hian min pawm kâng lawp a, chhuat ah chuan min dah dawt, ka tlu sawp nghâl nuaih a,a hmêl ka en chu, Jimin lek chu lo niin, mit meng dur khup chuan min en kar a.

"Jimin en teh henû hian ka sam ah"

Tap âw sî, inti no zet hian Jimin kawr ha tu nú chuan a lo tî a,


"Haw rawh ka ti che ni lawm ni? chhuak nghâl rawh"

"Jimin"


"Henû hi paih chhuak nghâl ru"


Vîn thawt chuan a tî a, Maid ho chuan an hruai chhuak nghâl vat a, Jungkook chuan chhuat a ka bawk sawp reng lâi chu nui deuh vur vur hian min kâi tho vat a.

"Noona, i lo kawlh reuh hlê mai"

A ti zui sap a, ka nuih tepawh aza vê leh hnuhnawh, ka zak bawk sî, nui deuh suk suk chung chuan ka insiam tha mawlh mawlh a,

"Tinge khatia itih a?"


Taehyung chuan alo ti vat a,

"Jimin kawr kha a phelh duh sí lo a"


Ti zui sup chung chuan ka hâm bâi bâi a, ka mut a chhuak tih ka lo theihnghilh daih anih hi, Jimin erawh chu ding ngâwi reng thung.

"Tinge khânû khân i kawr kha a hâk a?"

Amah en kar chung chuan ka tî a, mak tih hmêl deuh chuan min en vat.

"Ka hre bík lo"

A ti bûl hmuk ringawt, an mu dún tih ka hre thiâm nghâl mai, ka thin zâwn hi arawn na leh nghâl veng veng mai, ka awm dân hi hriatthiâm har ka ti, ka ngâwi ta hmak a, ka mittui rawn tling deuh pam chu ka khap lêt fak fak ringawt.


"Thiana, sim tûr i ngah dâwn hlê mai, a nih loh chuan Yanoo hiân i sam kha a pawt kawlh vek mai ang"


Taehyunga'n tihpah chuan min rawn nuih suk a, mittui tling deuh pam chuan ka lo nuih lêt vê sak ringawt.

"Yanoo ka room ah rawn kal lawk teh"


"Enga! Túnah maw? "


"Aw, minute 2 chhûngin"

Tihpah chuan a room lam chu a pan nghâl nal nal a, enge maw sawi a duh le? khânû ka sawisak vâng khân min hrem leh dâwn a ni hrim hrim ang, ka mut a chhuâk bawk sí, engtin nge min tih leh ang le?


"Yanoo hlauh tûr a awm lo a nia, han kal vat rawh"


Taehyung chuan alo ti vat a, mahse ka la hlâu tho,ni lo, nichin kha chuan keimah min tan zâwk vê ngêi chuan ka hria, engtin mah min ti êm lo túr ah ngâi ang.



"Noona, Fighting "


Jungkook chuan alo ti zauh a, ka lo nuih sak ringawt, hlâu leh thinphu dêp dêp chung chuan Jimin room lam chu ka pan zâl zâl a.



_________


A room ka va lût chu Couch ah chuan lo thû in a melh ngâi chu alo melh vung vung a, a bulah chuan inthlahrung zet a ding chung hiân,

"Min biâk duhna i nei ami? "


Ka tihrual chuan min pawt thut a, a mal chungah chuan min thut tír nghâl rawk a, ka mit ah tak min en reng vâng chuan ka zâm chhe nghâl leh dêr tawh,

"Enge maw i tih le, min thlah teh Jimin shi"



Tihpah chuan ka tâl deuh chat chat a,

"Yanoo"


Zâwi ang reng tak hian ka hming chu alam sup a,

"Enge? "


Hriatthiâm loh hmêl zet chuan ka lo ti vat a,a hmêl tak deuh rún chuan min ti ngaih tha lo zo vek.

"Ka mamawh che"

Tih sup pah hiân ka hmûi ah chuan a rawn fâwp ta vang vang a, nidanga min fawh dân nên a in an loh êm vâng chuan nuâm tihna deuh ka nei tlat, chhânglêt lo tûr chuan ka insûm tang tang a, ka lo dawh mâwl vê top ringawt.

A hnû ah chuan ka nghâwng vêl ah chuan a tuân ta,a rawn thaw lum ham ham chuan ka hriatthiâm theih sí loh hiân ka awmdân a ti danglam vek, a hmúi nêp thap leh a hnâr hmâwr chuan a rawn núl thuak thuak a, ni lo, hetianga kan awm reng chuan thil pawi a thleng leh mai ang.

"Khawngaihin Duhtâwk teh Jimin shi, Ka châu ania, mutthilh ka duh"


Tihpahin ka nem chat chat a,a inthiâr fihlím vê mai bawk a, thâwk chu ala deuh hak, a awmdân hi mak tih na riâu ka nei.

"Ka bula mutthilh i duh em?"

Dam thlup chuan a rawn ti sap a, tinge a mîzia hi a dan êm êm le? ka ngaih atha lo in min ti hlâu lek lek zâwk, ka hniâl chuan a thinrim leh mai ka hlâu sî a, ka lû chu ka lo bu nghauh ringawt, zo zet hian min pawm tho nawlh a, awmdân túr pawh ka thiâm loh vâng chuan ka lo hawikuâl zak zak ringawt,khum lam chu min pan pui a, khumah chuan muângchâng leh dím zet hian min mut ta riai riai a, keilah ka mut a lo chhuak ve tawh bawk nên, ka khap ban ta chap chap mai, ka bulah chuan rawn inthawlh in min duât hmêl zet hian min kuah ta vang vang a, nuâm ka lo ti veng veng mai,ka awm dân hi kei ngêi pawn ka hriatthiâm har ka ti.


"Mrs Park Yanoo chu ilo kawlh hlê mai"

Tih sup pah hiân a nui hak a, karei!!!! Jimin nui ka vawikhat hmuhna, ka lungphú te hi a su dup dup ni mai hian ka hria, mak ti zet chuân ka en reng ringawt, a nui hmêl duhawm teh lúl nên, tinge a nuih ngâi miah loh le? Ka nuih lêt ve sak a.








JIMIN POV





Ka bula thlamuân hmêl zet a mû chu ka en reng a, hmeichhe hmeltha tak zawng a ni vê chiâng alawm, a mit hmul sei tak te, a hmûi sen vâm hiâm mai techuan ka mit an lâ in ka mipatna rilrû hi a kâitho lo thei lo, hmeichhe piân tâwk zet mai, Mawng bâwr leh âwm bâwr pawh ka duh thusâm ang chiah, a hmelthat leh duhawm êm vâng hi ni mahna hmuh reng ka duh a, eng lâi pawh a a kianga awm reng ka châk thîn, a sam hnawk niai chu hûi thâ in a hmûi ah chuan ka fâwp vang vang a, a rawn meng nghâl diâr diâr mai, ka lo nuih suk a, zah hmêl zet hian a rawn meng nghâl kâwk mai,a mit chu ala sawn nghâl vat a,


"I zak ami? "


"Zak lo e"


A ngâwi leh vang vang a,

"Ka hlâu zâwk a"


Ka nui suk, ka rin dân vêl a ni, min hlâu reng alawm ani hi chuan, mahse pawi tihna ka nei lêm lo.

"Ka thû anga i awm phawt chuan engmah hlauh tûr a awm lo Yanoo"


A bu deuh nghat nghat a, a mit dul raih vâng chuan a mut a chhuak a ni tih ka hrethiâm nghâl, "i mut chu a chhuak viau a mi? " a bu leh nghat nghat a, "Anih mu mai rawh" ka tih vêleh chuan mak tih hmêl zet hian min en kar a, a hmêl chu rawn inthlâk lehin nui deuh sak chuan a mu tha leh sat sat a, keipawh chu amâ lam hawi chuan ka mu vê nghâl a, ka insûm zo leh ta lo, a hmûi ah bawk chuan ka fâwp leh a, "Vawiin hi i hmeltha takzet, khânû i sawisak lâi phei kha chuan i sexy reuh lutuk a nia" A bengbulah chuan zâwi sap hian ka tî a, engmah hre âwm pawn alang tawh lo, a biangah chuan fâwp in a nghawngah chuan ka fâwp thla ta zêl a, a nghâwng chu na thei ang ber chuan ka fâwp a, a rawn senduk nghâl kalh mai, ka nui deuh suk a, a âwm bawr tâwk tiu teu zet chu a kawr chhan ah chuan ka fâwp zauh a,, "Ka tâ chauh ini, Lee Yanoo" ka bân chu kham tîrin a chalah chuan ka fâwp zauh a, keipawh ka muhîl ve nghâl.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)