The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: The Mafia Sweetheart (BTS PARK JIMIN FANFICTION) By Hlutei Jocund Pachuau (Completed)

Unread post by Ngaia » September 23rd, 2019, 6:17 pm

THE MAFIA SWEETHEART CHAPTER - 19

BY

HLUTEI JOCUND PACHUAU



TIME SKIP




HOSPITAL





Hmanhmawh zet chuan kan tlân lút dâwr dâwr a, casualty lam chu kan pan nghâl vat.


"Khawnge Jimin sii chu?"


Tap chung chuân ka ti ruai ruai a, midang chuan an lo zawng vê nghâl vat bawk, doctor leh nurse techu an lo phe buai nasa mai sí.


"Yanoo heti lâi hi a awm"


Taehyung chuan a ti a, hmanhmawh zetin dam lo mutna lam chu ka pan nghâl vat.



Khumah chuan Jimin chu thí deuh hnuãng hian alo mú a, túmã biâk a hre lo,engtin nge tiâng hiân a awm theih zâwk? Ka ring thei lo a ni, doctor chu hmanhmawh zet hiân alo kal vat a.

"En teh doctor keipawh Doctor vetho ka ní a, enge a dinhmun khawngaihin min hrilh thei a ngem?"


Seokjin chuan a ti vat a,


"A tha lo khawp mai, a ríl a pawp a, kan zai phawt a ngâi, anih loh chuan kan chhan theih ka ring lo"



Doctor thu sawi chuan min ti zawi nghâl hnawk a, Jimin chu ka en thín, a hmêl dâng lap leh ka lungngaihna engmah hre lo a awm hiân min tina zuâl, Taehyung chuan ka hnungah min vuân vat a, ka ding tha thei lo, ka ke thâ te hiân chakna rêng an nei tawh lo, min kalsan thei lo, min hmangaih tih ka hre vê chauh a, hetiânga min kalsan leh anih chuan ka ngâidam thei lo ang.


"A tha leh vek ang Yanoo"


Taehyung chuan a rawn ti vê sup a,


"Jimin chu mi chak tak a nia lawm, engtik ah mah a kalsan lo ang che Yanoo"


Jhope chuan a rawn ti vê bawk a, min hnem na zawng zawng te hiân ka lungngaihna an hnêm zo lo, lo harh chhuâkin lo tha leh pawh ni se Jail tân tho a hma bâk a, a tân chuan a hma hun a thim vek, ka lainat lutuk hi ka tap lo thei lo, a tân kawng a ping êm a ni, mipâ a nia ala tuâr thei mai zâwk a, keichu ni ila ka inti hlum duh hiâl ang.


A kut ah chuan vuân in ka mittui chu ka hruhul sawk sawk a, kúnhniâmin a biangah chuan ka fâwp zauh a,


"Yanoo, zai túrin an hruâi tawh dâwn a"


Seokjin chuan a lo tí a, rang zet chuan ka in sa seng vat a, in zaina room lam pan chuan an nawr sawn ta,tap hak chung chuan zui ka tum a, Jungkook chuan min rawn vuân nghâl vat.


"Yanoo, lo va châwl hahdam rawh, nautê chauh i ngaihtuah a ngâi a nia"

Jin chuan dam dap hiân a tí a,

"Khawi ah mah ka kal dâwn lo, hetah ka awm dâwn"


"Yanoo, luhlul tlat lo la, i naute tân khân chawlh hahdam a ngâi nia"


Jhope chuân a lo ti vê bawk a.

"Mahse engtin nge ka kalsan theih ang?"


"Kan awm alawm, min ring tâwk lo ami?"

Seokjin chuan a ti leh a, a sawi chu dik ang, mahse Jimin chanchin hrelo in engtin nge ka hahdam theih ang? Lo zai hlawhtling lo ta se, ni lo, ka kalsan thei lo.


"Ka kalsan thei lo"


Tap chung chuân ka tí a, Seokjin chu a thaw deuh hak, ka luhlul vê êm bawk a ni.


"Yanoo, kan pahnihin hâw ang, ka lo awmpui ang che"


Taehyung chuan a lo ti vat a, min rawn pan in ka dâr ah chuan a rawn vuân a, min ngaihtuah vâng a ni tih ka hria, hniâl reng chí a ka ngaih loh vâng chuan ka âw vê leh ta ringawt a.


_______________



TAEHYUNG POV




Yanoo chu car ah chuan a thu ngâwi kar a, a khât tâwk a a mittui a hru zauh zauh chu ka hmu fuh thei ngêi mai, khawngaih viâu mahila tih theih ka nei lo, Jimin aia tân mai te ka rilrúk a, mahse Jimin khân a duh tlat loh vângin ka tâng lo mai zâwk a ni, lo tha chhuâk leh pawh ni se an hma bâk chu a thim map map khawp mai, hemi te pahnih hi engtin nge hlim takin ka awm tír theih ang?



"Taehyung sii"


"Mmm..."


Ka ngaihtuana tang chuan ka harh zawk a, a mit sen râm chuan min lo en kar mai.


"Ka nú thlãn ah min kal pui thei angem? Heta tang hian a hla tawh lo a, saw lâi lawk saw a ni tawh mai"


A rawn ti deuh sap a,


"Awle, ilo sawi zêl mai dâwn nia"


Tihpah chuan ka tlân risk pop a, kal kawnga ka tlân lâi chuan kalna túr chu Yanoo chuan alo sawi zat zat a.


_________



Yanoo chu a nú thlân nghêng chung chuan a thu ngâwi kar a, thil tam tak pâi sí, sawi chhuâk thei sí lo ang hiân a awm ni mai hiân ka hria, a bulah chuan ka lo ding ngâwi vê top a.


"Nu, i lo dam em? Ka rawn kal khât iti viâu lo maw?"


Aw khúr dar dar chuan a tí a, a nú thlân chu duât hmêl zet hiân a chúl heuh heuh bawk.


"Dik tak chuan keimah chauh ka ni tawh lo a, ka pum chhúngah hiân midang an awm vê tawh a sin, mak iti viâu lo maw?"


Nui hak pah chuan a tí a, a nuih pah a a mittui rawn luang thla zâl zâl chu ka lo hmuh hmaih lo chiâng kher mai.


"Ka hmangaih takzet a ni nu, khawngaihin vân atang khân tanpui hrâm rawh, a tello in ka awm thei lo"


A tap ta hlap hlap a, hetiânga hmeichhia rilru na taka an tap hi hmuh hrehawm ka tih vâng chuan ka hnungchhawn ta daih a, hemí pahnih hiân min ti buai takzet a ni, an inkâr chanchin hretu nih pawh hi a hahthlâk, Jimin, thian a, harh chhuâk vat teh, Yanoo na hmêl hmuh reng hi hrehawm ka ti êm mai.


Ka rilru chuân ka ti mawlh mawlh a, ka phone chu a rawn ri ta ral ral mai, rang zet chuan ka en vat a, Jin hyung a ni, chanchin tha lo lam a nih ka hlauh vâng chuan car lam chu ka pan vat a, car ah chuan thú in phone chu ka la nghâl a.


"Aw Hyung, enge chanchin?"


"An zai thlawhtling e,mahse ala harh chhuâk lo a, Yanoo kha chu la hrilh rih suh aw"



Phone ka dah hnú chuan Yanoo pawh a rawn thu lút zui vê nghâl mai a.


"Tunge biâk a? I bialnu maw?"


"Aw, ni e"


Ka ti liâm puât a, a nui var var mai, a tap thlâwl hawk a nih ka ring.


"Biâlnu i nei tih ka hre vê miah lo"


"Keipawn ka hre lo"


"Enga?"


Mak tih hmêl deuh chuan min rawn en a, ka tawng suâl tih ka in hre chhuâk chiah.


"ka uâng a nih kha"


Nui lui suk chuân ka tí a,a hmúi ti pawrh zauh pah chuan a nui sak a, a nui hmêlthat teh lúl nên Yanoo hi chu a nui khât vê ngawt mai.

Ni lo... Enge maw ka ngaihtuah thin le?


Ngâwi reng a kan tlân vâng chuan nuâm ka ti chiah lo, a tawng hmasa zâwk a tan ka ngâi.

"Yanoo, Jimin chuan mí a hmangaih vê mai mai ngâi lo, mahse a hmangaih tawh techu a kalsan ngâi lo thung, lungngâi lo la, a kal san lo top ang che tih ka hria"


A lam ka va hawi phei chu alo muhíl daih chu niin, ka nuih suk a, Jimin in lam chu ka pan pui nghâl vat.



________



YANOO POV


Ka harh chu khum ah chuan ka lo mu reng a, muttam ka ngâi rêng a ni, kawngkhâr in kik ri karh karh lam pan chuan ka tho vat a,


Ka hawng chiah chu Taehyung chu nui var var hiân ka eitúr keng chung chuan a lo ding a, kan inhmuh hmasak ber te kha min ti hre chhuâk rum rum mai.


"Lo lút rawh"



Ka tihruâl chuan a rawn lút vê nghâl mai a,

"Jimin chu an zai hlawhtling tawh a, ruahmanna tha deuh kan nei bawk"


Atí a, ka hlim lutuk hi âu vak mai te ka duh, ni lo..... mahse Jail tân tho a hma bâk a ni sia.


"Mahse Jail tân tho a hmabâk a ni sia"



"Lungngâi suh, ruahmanna kan nei alawm, thil hi ei teuh phawt rawh, ka la sawi dâwn alawm"


Dam dap hiân a tí a, nui var var chung chuân a ei túr rawn ken chu ka ei nghâl mawlh mawlh a, eng ang ruahmanna tak ni ang maw.


"ka chunga i thatna hi engtik ah mah ka theihnghilh tawh lo ang Taehyung sii"



"Lungngâi duh suh, Jimin tân vek a tí alawm ka nih, ka tâna a thil tih ngaihtuah chuan ka tih vê techu ala nêp lutuk"



"enge a tih tawh a?"


A nui suk a,

"A tam mai, vawi khat chu high school kan kal lâi hiân biâlnú ka nei vê a, in date pui túra ka sâwm chuan a pâ kan hlâu sí a, Jimin hi hmeichhe lema insiâm in min sâwm chhuak sak tawh lâwm"



Nui var var hiân a tí a, keipawh ka nuih aza ngêi mai, kan pahnih chuan kan nui dún hak hak a, thiân te tân chuan a in pe zo hlê tih ka hria, mahse hmeichhe lem a a chan chu ka lo ring ngâi miah lo.


"Tinge Jimin kher chu hmeichhe lemah i tan tír a, nangmân i zei daih zâwk âwm sia"


"Keichu ka sâng lutuk a, Jimin hi a tê deuh ber a a inhmeh ber alâwm"


Kan nui dún leh hak hak a, ka bulah chuan engmah a sawi ngâi sí lo a, alo in zêp thei ngawt mai.


"A thlalâk pawh ka la nei alawm, nakin ah ka pè ang che"


"A ni maw? Min pe tak tak rawh aw, nakin ah ka hmuh duh a nia"


Ka thil sawi lâi chu ka tâwp chat a, thil ka hre chhuâk zawk, engtik ah nge khawi ah nge ka pêk ang? Jail ah maw? Ni lo, ka mittui chu a rawn hnâm leh ta nghâl tiâm tiâm a.


"Jail ah ami ka pêk ang, Taehyung sii, engtin nge ka tih ang?"


Ka tap leh ta, Taehyung chuan ka dâr ah chuan a rawn vuân a,


"Lungngâi suh Yanoo, Jimin hi a that chhuah vêleh ka tlânbo pui ang, Thliârkâr pakhat chawlh kan bírúkna thin ah in awm dâwn nia, private Jet a nei alawm, tah chuan in biru thei ang, túmân an rawn tibuai tawh lo ang che u, tlêm chuan a nuâm vak lo maithei, túmah an awm vê dâwn lo a nia"



"Iti tak tak em? Engmah pawi lo, Jimin bula ka awm dâwn phawt chuan, engmah hrehawm tih ka nei lo ang"


A bu nghauh a, beiseina ka nei leh ta, Ka ring túr a ni, tún ah chuan Taehyung chauh hi ka inghahna a ni ta.



"Engtik ah nge a that chhuah leh ang le?"


"Ka hre bík lo"


Awlsam zet a tih pah hiân ka thil ei lâi chu a rawn ei vê mawlh mawlh a.


"Mawla, beiseina min siâm vê tê tê a, ei tawh suh"


Tihpah chuan a lú ah ka fiân ken lâi chuan khâwng fawk a,a râk that zui, tinge ho tê tê ah hiãn ka thinrim vak zêl le?


"ka hre bík lo lâwm, I ei zawh vat loh chuan ka ei vek ang"


Tih pah chuan a tho hmak a, ka inthiâm lo lek lek mai.


"Ka tihpalh ka thinchhe lutuk a"


Ka ti leh sap a.


"A pawi lo, mahse ka rilrú ka thlâk hman têp a ni"


"Hey...."


Vín that chuan ka tí a, a hâ ruâl that lang chuan a rawn nui ta var var mai,


"Ka uâng anih kha, lo inti fâi la, Jimin hmu túr chuan kan kal dâwn nia, thil ka lo zu ei vê ange"



Zângkhâi zet a Tihpahin min bye bye lauh lauh pah chuan a chhuâk leh ta nghâl vat a.


__________


Ka thiâm ang tâwk chuan ka inchei vê a, foundation, mascara, lipstick, chu chu ka inhnawih thiâm vê chhun a ni mai. Khua vawt viâu mahse Jimin khân kekawr tight hâk a phalloh vângin smart pants dum chu ka ha ta ri ngawt a, kawrlum bân tlâwn senduk tak zet hi ka hâ a, a chungah coat uk chu ka ha leh bawk, boot dum sâng vak lo ka ngal thleng vêl a sei bun chung chuan ka kal chhuâk vat a, ka thil ei kha niang, ka pum lah chu a ti deuh nghulh reng mai, Choka ah chuan thil rimna zet hí Taehyung chuan alo ei miâl miâl a,


"Engtin nge i ei theih a a rim chhiât teh rèng nên"


Núr deuh nâng chuan ka tí a, a biâng puâr vek khawpin ala ei leh nghâl, mak tih hmêl zet a min en chung chuan a khap fuk fuk ringawt.


"Hei techu nitin ka ei ziah alawm, nangpawh i ei tawh kha"


"Awihawm loh, a rimchhiât chhiât nên"


Ka lo ti ta zêk a,


"Ka pi, a rim chhe viâu ami? Vawiin ka thilsiâm hi a dik lo a niâng a"


Pi Kimi chuan a ti sap a, ka inthiâm lo leh tawh, mí thilsiâm sâ ka sawisêl ngâi sí lo a, tinge túnlâi hi ka phunchiâr tâk êm êm le?.


"Ni lo e, ka hnâr dik loh vâng zâwk a niang"


Ka tih ruâl chuan ka uâk that a, bathroom lam chu ka pan nghâl dâwr dâwr bawk, bathroom ah chuan ka luâk ta nghek a, ka luâk zo chu ka mittui parawl kiâng chu ka hru fâi mawlh mawlh a, ka châu hnawk thei nia, mahse Jimin ka hmú anga ka tha leh mai ang, rang zet chuan tho in ka inthing harh nawk nawk a, Taehyung awmna lam chu ka pan leh nghâl vat a.



"Ka thil ei iti tui lo zo vek alawm"


Alo ti bul bul a, ka in thiâm lo ngêi mai,

"Ka tihpalh, ka duh vâng pawh ni lo"



"I naute kha thlâ a tling vê têp tawh a, khatiâng kha ila tuâr chho zêl dâwn lawm, rai techu hrehawm deuh a sin, a nawm vê na chu thla tin i period lo kha ni mai"


Pi Kimi chuan alo ti siâm siâm a,


"Haaaa..... Ka awm vê reng hi, a tenawm emai"


Pi Kimi nên chuan kan nui hak ringawt.




__________



Taehyung nên chuan Jimin awmna lam damdawiin chu kan pan leh ta vang vang a.


"Taehyung sii"


"mmm..."


"Jimin hi a tenchhe viâu em le? Hetiâng hi ka la nih reng hmêl sia, alo tenchhiât viâu chuan ka ti thinrim reng dâwn tina nia"


"Lungnngâi suh Yanoo, kan hmeichhe hmangaih deuh techu engtin pawn awm se ka ten phal hleinêm, Jimin pawn a ten lo ang che, Naute vâng a ni leh nghâl, a ten teuh lo mai che"

Ngaihsam hmêl zet hian a tí a, ka lo thaw huai thei, ka thil hlauhthâwn te lah hi a ho vê thei bawk sia.



A phone chu a rawn ri ral ral a, Jin hyung lo in ti kalh chu ka lo hmu hmanhmawh pek a, Jimin chanchin a rawn sawi dâwn a ni chiâng lutuk,


"Aw, Hyung enge ni ta?"

"Enga! Alo harh tawh maw?"


Taehyung chu a ding chat a, ka lo bu deuh lâwp zui, phâwk fê hian min rawn en bawk, a awm zia chu, Jimin a harh tawh, LalPa ka van lâwm tak.


"Arawn harh tawh tak tak tiraw? A ni em?"


"Aw, kal vat ang"


Tihpahin car chu a tinung nghâl sawk sawk a, phúr zet chuan damdawiin lam chu kan pan vat a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:17 pm

THE MAFIA SWEETHEART CHAPTER - 20
BY
HLUTEI JOCUND PACHUAU




TIME SKIP




HOSPITAL



Kan thleng chiah chu Hospital kawt ah chuan chanchinbu mÍ an lo awm teuh a, min hmuh ka hlauh tehrêng nên min hmu hman hrâm ka ti, min rawn bâwr nghâl laih laih a,


"Mrs Park, i pasal chungchângah hiân sawi duh te i nei em?"



An rawn ti nghâl mawlh mawlh a, bodyguard ho chuan an lo nem sawn nghâl vat bawk.


"I pasal an puhna hi dâwt nge thudik?"



Tih techuan an ri nuaih nuaih a, chanchinbu mí ho kâr a inhnawh chu ka thâw a ippik ngawih ngawih, tawngkam an duh tui lo bawk sí, Taehyung chu nghet zet chuan ka vuân ngat ngat a.



"I pasal hi tih luihna hmanga nei inih thú hi a dik rêng em?"



Ka ding ta chat a, ka thin a dek zar mai, min zâwt tú ni thei âwma ka rin na lam chu ka hawi vat a.


"Ka mimal nun engmah min zâwt tawh suh u khawngaihin, ka hnên atang hiân engmah in hre dâwn chuang lo"


Tihpah chuan ka kal leh mai ka tum a.


"I pasal únaupa nên in in ngaihzawn laiin i pasal hiân a nei lui che ti a an sawi hi thudik a ni takzet em?"


Ka ding leh chat
a,

"Chhâng tawh suh Yanoo"


Taehyung chuan ka beng bulah chuan a rawn ti sar sar a, mahse hei kher chu ka ngawihsan thei lo.


"Inthu hriât zawng zawng hi dâwt vek a ni, in zawhna hiân ka nuih a ti zâ"



Min zawt tupa en kar chuan ka tí a, chanchinbu mí ho thil phuah chawp thiâm dân êm êm hi,


"I pâ leibâ vângin i pasal hi i nei a, i pasal hiân kut pawh a thlâk fo tawh che an ti sin"



Min zawt tupa bawk chuan zâm hmêl pu eih lo hiân a ti leh a, midang ho chuan ngâwi rengin min lo en thap ringawt, hêpa hi a kal thui mah mah a ni, chanchinbu mí tak tak a nih pawh ka ring lo, Park Jinyoung mí leh sâ a ni tih ka chiâng.


"Ka pasal hi ka hmangaih a, an puhna zawng zawng hi ka pawm thlap, mahse khâng míte khân an phú tâwk vek an hmú a nih kha, misual chu an sual man hmuh tír zêl túr, khâng ka pasalin an nunna alo lâksak tawh te ho kha midang tân hnawksak tak tak vek an ni, in duh chuan a bul tanga a tâwp thleng inchhui thei ang"


"Chu chu kan âwih i ring ami?"


A rawn ti leh ta, hepâ hi chanchinbu mí a ni lo top mai.


"Hey.... I kal thui mah mah tawh aw"


Taehyung chuan a rawn ti vín that a, khawih a tum ta mai, ka theih tâwp chuan ka pawt lêt a,


"Kal vat zâwk teh ang"


Tihpahin damdawiin chhúng ah chuan ka luhpui ta dâwr dâwr a.
"midang hnên ah engmah sawi suh ang che"

Ka ti sap ringawt.





Inchhúng kan lút chiah chu Jimin awmna lam pan chuan kan tlân nghâl dâwr dâwr a, khum ah chuan alo thu vâng mai, midang chuan an lo din huâl thap a.


Min rawn hmu chiah chu a nui ta var var a, rang zet chuan ka pan vat, a chêr kâwk in ka hria.


"I thâ em? A na viâu em? Enge i an tawh?"


Ka'n ti nghâl mawlh mawlh a, midang ho chu an lo nui tet tet mai, ka zak leh hnu hnawh a, ka ngâwi ta hmak top, keipawh hi a, zawhna chhân sên loh ka zâwt leh mawlh mawlh zêl a.


"Ka thâ lawm, anih i thâ em? Helâi mí pawh hi a tha tiraw?"


Tihpahin ka pum chu a rawn khawih a, Ka lo nui hak mai,

"Tha e, mahse tlêm chuan ka thil ei a tlêm deuh, engmah ka ei tha thei lo a"


"Yanoo hi túkin khân a luâk a"


Taehyung chuan alo ti vat a, Jimin chuan mak tih hmêl deuh hiân min rawn en vat a.


"I thâ em? I khuasik a mi?"


Tihpahin ka chal ah chuan a rawn khawih chhin vêl a,


"Râi no lâi chuan a túr vê rêng alawm, Hmeichhia zawng zawng awm dân anih kha, ngaih that lohna túr a awm lo" .



Seokjin chuan nui pút pút chung hian alo tí a, Jimin pawh chu a nui vêleh mai a,


"Hetiâng lam hi ka hre ve vak lo a"


A rawn ti sap a, ka lo nuih hak ringawt,


"Ilo mu vê duh em?"


"Enga?!, aih, a ngâi lo, ka thâ lâwm"


Ka lo ti vat a, a rilru a awm ang ang hi a sawi top zêl mai a, midang awm vek lâi leh nghâlin.


"A nawm hmêl ka ti"



Jungkook chuan nui var var hiân a rawn ti chhuâk hlawl a, mak ti tak chuan kan en thap mai.

"Eng chu maw?"


Taehyung chuan alo ti vat a,

"Jimin Hyung leh Noona awm dân hi, Hyung nangpawn i châk vêtho tih ka hria nia"



Kan nui ta hak hak a,


"High school kan kal lâi a Jimin min tihpui bâk kha ngaihzâwng neih pawh ka duh tawh lo"


Awlsam zet hiân a tí a.


"Hey... Hmela, khâ thil kha sawi chhuak ziah lo teh"

Jimin chuan thinrim hmêl zet hiân a tí a, a thinrimna chhan pawh hmeichhe lem a a in siâm vâng tih ka hre reng sia.

"Taehyung sii, bialnu te chu i neih reng kha"


Ka lo ti vat a, Taehyung chu mak ti hmêl deuh chuan an en thap a, Taehyung chuan hlauhthâwn hmêl zet hian min en kuâl zak zak a,


"Jimin duhawm zia kha"


Nui hak hak chung hiân a rawn ti ringawt a, a biâlnu chu zêp a tum vê nasa ngêi mai.


"Hmela, i la châk lo khawp ang"


Jimin chuan alo ti khur khur a, kan lo nui nasa ngêi mai.



3 DAYS LATER






Ka thawmhnaw chu ka siâm mawlh mawlh a, ka phúr viâu ruâlin hlauhthâwn rúkna ka nei tlat, tinge ka awm dân hi ka hrethiâm tawh bík lo, Maid ho chuan Jimin thawmhnaw leh kan mamawh túr leh Kan ei túr vêl chu buaipuiin an lo phe buai vê char char bawk a.


"Yanoo, ila hman nange, kan hmanhmawh a ngâi a nia"


Taehyung chuan hmanhmawh hmêl zet hiân a rawn tí a,


"Ka hre lo, ka awmdân hi, ka zâm lutuk, ka lungphú te hi a rang dut dut mai"


Tihpahin khumah chuan ka thu hnawk a, kan thil ruâhman hi lo kal suâl palh ta se, ka hlâuthâwng takzet a ni.


"Engmah hlauh túr a awm lo, Honeymoon hmang túr angin in ngâi top"


"Honeymoon a? Ni lo, ka hlâuthâwng tho tho"


"Yanoo, hei chen hi kan kal tawh a, min ring top la, hlãu duh suh"


Tihpahin ka rhawmhnaw chu luggage ah chuan a khung mawlh mawlh a,

"Khawi keimân ka ti mai ang"


Tihpahin ka chhuhsak nghâl vat a, ka thawmhnaw chu ka khung nghâl mawlh mawlh a.


"E taka, hei thlalâk chu ka rawn keng a"


Tihpahin thlalâk a Jimin hmeichhia anga a in chei lâi ngêi chu min pê a, Lipstick sen zet ruâl nuaih a a inhnawih leh a kawrfuâl senno zawng zawng nên chuan a in hmeh vêl vek, ala naupan hmêlin a biâng a thâu kêrh bawk sí, nui var var chuan ka en reng a.

"A duhawm takzet"

Ka ti chhuak sap a,


"A tâwk tawh, Hmanhmawh rawh, Jimin pawh an hruâi chhuâk têp tawh a nia, Jet a ilo nghah a ngâi dâwn nia"


"Awle, ka hria e Thiana"


"Hmanhmawh la nih mai chu a"

Tih hluk pah chuan a chhuâk leh nghâl a, ni e, hei chen hi kan thleng tawh ta sa sa, a tâwp ka thlenpui túr a ni, ka hnungtawlh tawh dâwn lo.



Ka luggage chu khâiin ka chhuâk vê nghâl vat a.


__________



Inhnuai ka chhuk chu Taehyung leh SeokJin chauh chu an lo awm a, in kawt mai ah Jet chu a awm vângin Jet ah chuan kan mamawh túr te nên chuan kan inkhung nghâl sawk sawk a.


"Yanoo, tha deuhin aw, in enkawl thâ la, damdawi kha a hun takah ei bawk la, Vitamin tha deuh pawh ka dah tel a, chaw ei kham vêleh i ei ziah dâwn nia, nautê chum tha tak i neih theih nân i ei that a ngâi dÂwn nia"


Seokjin chuan a ti dap dap a, uluk tak chuan ka lo ngâithla bawk, Seokjin hi chu kum lamah pawh a upat tawh mai bâk ah a puilting êm êm a, a thusawi te hi zawm loh theih sí loh hiân mí a hneh thiâm hlê bawk, Jimin pawh hiân a zah hlê in ka hria,


"Yanoo, lungngai lo la, i thian hi in tân ka awm reng a nia"


Taehyung chuan a ti vê sup a, ka kuah nghâl vang vang mai,


"Engtik ah mah ka tân i thatna hi ka theihnghilh tawh lo ang Taehyung sii, ka ngâi ngawt ang che u"


"Chutiâng sawi suh, min ti lungchhe dâwn nia, ka tupâ túr kha tha deuhin enkawl la ni mai"


A ti deuh hluk a, ka nuih var var ringawt, Jet ah chuan ka thu lút nghâl vat a, ka piântirh atâ thlawhna ah pawh ka la chuâng lo a, Jet a ka chuâng túr chu ka hlâu bawk sí, ka tang deuh tung reng a.



"Han phone leh teh, an lo thlen a hun tawh a sin"


Seokjin chuan a bân a sana melh zauh zauh pah chuan Taehyung chu a tí a, Taehyung pawh chuan a phone chu phawrhin a tú ber nge a call ka hre lo, a phone chu a beng bulah chuan a dah vang vang a.


"Ala thei lo Hyung"


Dul raih hiân a rawn tí a, ka hlâuthâwng takzet a ni, thil lo kal suâl palh ta sê, ka thu hlê hlê thei tawh lo, ka kut chu ka sik neuh neuh reng a.


"An ní hi, lo che suâl palh ta sê"


"Chutiâng engmah a thleng lo ang, hlâuthâwng suh Yanoo"


Seokjin chuan a lo ti vat a, mahse ka hlâuthâwng tho, ka beiseina awmchhun hi a chhiât vaih chuan ka thi thei hiâl ang.


"E saw an lo thleng alawm"



Tihpahin Car min rawn pan mêk tu awmna lam chu Taehyung chuan nui var var hiân a melh a, mahse tah sâwn Jimin a chuâng vê em tih túmân kan hre lo,



Car dum chu Jet hmâ ah tak chuan a rawn ding chat a, Jungkook chu kamsír thí deuh phang hiân a rawn chhuâk hmasa ber a, ka lungphú chu namên lo hiân a rang ta dut dut mai.


Jhope a rawn chhuâk leh ta, a hnú ah chuan mipa khat Puân a intuâm deuh hlún hi a rawn chhuak ta, tarmit liân zet a vuah bawk, Jimin ngêi a ni tih ka hriât chiân êm vâng chuan ka thaw huai thei, "LalPa ka lawm e" ka ti nghâl mawlh mawlh ringawt.



Jimin chu a rawn thu lút vê nghâl vat a, Jet khalh tú túr ni âwm tak Negro paliân zet hi a rawn thu lút vê vat bawk a.


"I thâ em? Nâ dang te i nei em?"


"Nei lo, ka thâ e"


Thaw hak pah chuan a tí a, Tukverh ah chuan dâkin Jungkook kamsír thí deuh phang chuan ka mit ala ngêi mai.


"I tha em Jungkook sii? Tinge i hmúi kha?"


"Ka thâ lawm Noona, Police pakhat nên kan in fight zuai a"


Nui var var hiân a rawn tí a, ka khawngaih reuh ngêi mai.


"I van pâ êm êm ve,anih, ka ngâi ngawt ang che"



Ka'n ti nghâl zat a.


"Kei pawn ka ngâi ngawt ang che Noona, ka tupâ túr kha tha deuh in lo enkawl la, infiâm pui túr ka duh a nia"


"Tupâ in ti vek a tunú pawh a ni maithei sin"


"Teuh lo, Tupâ a ni dâwn"


Ka nuih hak a, Jimin pawh a nui var var mai, Jet chu a ti nung ta vut vut a, Midang ho chu kan bye bye lauh lauh a.


"Ka hmangaih vek che u nia, ka ngâi ngawt ang che u"


Jimin chuan a ti lauh lauh a, Jimin tawngkam chhuâk chu a inhmeh lo ka tih êm vâng chuan ka nui hak a, ani pawh a nui vê mai a, seat nghen chhan chu rawn nghêngin a thaw huai a.


"Lo kal teh"


Tihpahin a âwm ah chuan min bei tír ta vang vang a, ka hlim ziâ hi sawi ngaihna pawh ka hre lo savâ tih loh ah chuan, vân sânga thlâwk tawh zawng zawng ah ka la hlim berin ka ring.



__________




TIME SKIP





Thliârkâr tuipuiin a hual khup kâr a in te reuh tê ah chuan min luhpui a, thing in ni mahse a tâwk reuh ngêi mai, a faiin a changkâng ru reuh phiân leh nghâl, ka duh chí tak a ni, in bul chu tupuiin a huâl khup a, coconut kúng sâng zet zet a awm bawk, Ka hmuh phâk zawng chu tuipui a ni mai, ka lung tepawh a lêng rum rum mai, a reh tha bawk sí.


"Ei túr hi i van keng hnem êm êm"


Tihpahin bag liân zet a ei túr ka dahna chu a thlêk vung vung a,


"heta kan awm chhúnga ka ei châk a ka rin zawng zawng Pi Kimi'n min dah sak vek alawm"


Nui var var chung chuan chocolate pakhat chu a ei mawlh mawlh a, Mafia king tân pawn chocolate hi alo tui vêtho a nih dâwn hi, tih te chu ka ngaihtuah vung vung a, in chhúng chu a faiin a zâu vak lo nâ a, bedroom pakhat, bathroom pakhat, choka zâu vak lo a awm kim vê biai tho, bungbêl pawh a awm vê nuâl mai, inchungah chuan step hlauhawm zet lâwnna túr hi a awm a, tah chuan chêp zet hiân khum pakhat a awm vê bawk, thlahrâng film â an in hman thin tepawh a ang rum rum alawm, mahní chuan ka awm ngam teuh lo, a hrân duh hmêl ka ti tlat a nih chu.


"Hetah chuan Maid an awm dâwn sí lo a, nangmân eirawng i bâwl vek a ngâi dâwn nia, he lâi chu kan pâwl thurúk tâwp khâwk kan dahna hmun a nia, túmah in kan tlawh pawh zen zen lo, midang phei chuan hetiâng hi a awm tih pawh an hre lo ang"


Inthiâm loh hmêl zet hiân a rawn tí a,


"A pawi lo, eirawng bâwl techu ka thiâm lutuk"



"Tak tak maw?"


Mak tih hmêl zet hian a tí a,


"Mmm.... Kum 13 ka nih lâi atang tawhin eirawng techu ka bâwl ziah alawm"


"I lo tuâr nasa thín âwm hlê mai"


Tih sup pahin ka kâwng ah chuan a rawn kuah a, a dâr ah chuan ka kut khinghnih chu ka lo nghat vê vat bawk.


"Hetiâng i tawrh ngâi hi pawi ka ti takzet a ni Yanoo"


"Tinge chutiâng i sawi a, ka hlim alawm, ka hlim ziâ hi sawi ngaihna pawh ka hre lo"



"Keipawh"


Tih sup pahin min rawn fâwp nghâl vang vang a, ka lo chhâng lêt rang ngêi mai, nui var var chuan kan in en vang vang a.


"In hi a hrân duh hmêl ka ti"


Ka ti chhuâk sap a, a rawn nui ta hak mai.


"Thlahrâng tih vêl âi chuan mihring hi an hlauhawm zâwk Yanoo"



A ti sup a, hê thú hi ka hre tawh a ni, tú emaw chuan tiâng chiah chiah hiân min hrilh tawh, mahse ka ngaihtuah lêt pawn ka hre chhuâk zo tawh dêr lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:17 pm

THE MAFIA SWEETHEART CHAPTER - 21

BY

HLUTEI JOCUND PACHUAU






"Enge kan tih ang? Hetia awm reng chu a ninawm iti vê lo mi?"



Ka phone a games ka khelh mawlh mawlh lâi chuan a rawn tí a, ka games khelh ringawt ka lo ngaihtuah leh tawh a nih hi.

"Enge kan tih ang?"


Tih pah chuan ka phone chu ka dah nghâl vat a.


"Tui ah sâwn chêng ila".

"Enga! A teuh lo, i hlíam kha ala dam chiân loh kha"


A rawn nui vur vur ringawt, ka bân ah chuan vuân in min kâi tho lawp a.


"Hawh tuipui saw thlír ang"


Tihpah chuan min chhuahpui ta dâwr dâwr a, ka rei! Tlâi ni tla túrin tuipui in a ên phút chu ka thlír vang vang a, ka kâ pawh ka chíp thei lo, Jimin chu ka en a, ani pawn lungâwi hmêl zet hiân tuipui chu a thlír vê vang vang a,


"Tuipui hi i ngaina víau ami a? "


"Mmm.... Min ti hahdam sawng sawng zêl"


A ti deuh sup a, ka phone chu phawrhin Jimin chu thlâ ka lâk sak zauh a, mak tih hmêl deuh chuan a rawn hawi vat a.


"Khawi min lo lâk rawh"


Tihpah chuan tui chu a ngâl chen thleng chu a dâi a, thlâ chu ka lo lâk sak nghâl mawlh mawlh a, a in post nasa bawk sí, a khât tâwk chuan ka nui leh hak thín.


Ani pawn min lâk vê a, mahse keichu thla lâk tih vêl hi ka tih ngâi loh vângin inpost dân túr pawh ka thiâm lo, in post dân túr techu min hrilh a, sexy thei ang ber a ka rin chuan ka'n in post vêl a, a nui hak mai,


"Enge ka zei lo viâu mi?"


"Ni lo e, i nalh lutuk"



Tihpah chuan min lâk leh nghâl mawlh mawlh a,




Kan pahnih chauhin tuipui kamah chuan kan infiâm ta char char a, a nawm ziâ hi, rim taka hnâ ka lo thawh thin lâi te khân hetiâng hiân ka nun hi ka hmang ang tih rêng ka ring pha ngâi lo, mahse ka hlim a ni, mí zawng zawngin tuâl thattú mi râpthlâk tak angin sawi mahse ka hmangaih tlat miâu alawm, a nun zawng zawng hi thlâk danglam ka duh a, hêng buaina zawng zawng atang hiân chhanchhuah ka duh bawk, hê khâwvêl ah alo awm vê reng a ni tih pawh a hriât ngâi loh hlimna pêk ka duh a ni,mí zawng zawng chuan ka â amaw an ti maithei, mahsê amah ah hiân danglamna ka hmuh tlat thin avâng hiân beiseina leh tumruhna ka neih phah a ni.



__________



Kan inbuâl dún leh a, mahse nupa nun erawh kan hmang lo, a chhan chu kan nautê lo piâng túr tân hiân a that kan rin loh vâng a ni, ka rin âiin Jimin pawh a in súm thei phiân mai.


"Chaw i chhúm thiâm em?".



"Thiâm vê mai ang, tih dân túr min hrilh la"


Awlsam zet hiân a tí a, kan ramah pawh mi hausa ber pâwl fapa ngêi mai chuan châw a chhúm vê dâwn chu nia.


"Buhfâi kha fâi deuhin silla, tiâng hiân i hmet dâwn nia"


Tihpahin buhfâi chu ka hmet sawk sawk a, ka vegetables chan lâi chu ka chhunzawm leh nghâl vat a, tui chu a herh hâw vê ruk ruk a, ka nuih a ti za ngêi mai.


"Engtin nge ka tih leh ang?"


"Rice cooker ah khân tui nên dah la, i kut khân i zen anga, hetiâng chen thleng hi tui i dah dâwn nia"


Tihpahin ka kut zungtang chu ka hmuh a, phúr zet chuân a ti vê mai bawk a, a inhmeh vê hlawl lo, mafia King tí a mí zawng zawng hlauh thin êm êm khân châw a chhúm vê dâwn ta chu niah, engtin tak chhuah ang maw?


___________



Ka chaw hmeh siâm chu a hmâ ah chuan ka chhawp sak a,a tem chhin lâi chu uluk zet chuân ka lo en kar a.


"Enge a an?"


"A tui lutuk"


Nui var var hiân a rawn tí a, a chaw chhum chu ka en vat a, a dik vê thlap mai.


"Hetah hiân kumkhua in awm thei ila ka ti, nítin i eirawng bâwl ka ei ziah anga"



"Kumkhuâ a kan awmin nautê engtin nge ka neih ang?"


"Keimân ka chhar mai dâwn lawm"



"Enga!"


Vín that chuan ka tí a, a rawn nui ta hak hak mai,

"Ka uâng a nih kha"


. A rawn tí sup a, keipawh ka nui vêleh mai a, keipawn kumkhua in awm thei ila ka ti ngawt mai, mahse hetah hiân engtikah nge min rawn zawn hmuh ang ka hre lo, engtik ah emaw chuan kan inthen hran ala ngâi dâwn tih ka chiâng.


Ka mittui rawn parawl kiâng kiâng chu ka khap lêt fak a, min hmuh hlâu zet chuan ka mit chu ka nuâi zauh ringawt.


_________



"Lo va mu rawh, thlêng chu ka lo sil mai ang"


"Iti tak tak em? I sil thiâm ami?"


"Thiâm vê mai ang"


"Anih a tha lâwm, mahse khawi i phone"


Mak tih hmêl deuh chuan min rawn en vat a.


"Enga tân maw?"


"Thlalâk ka en duh a"


"Awle, i van ho reuh tak"


Tihpah chuan min rawn pe vê mai a, khum lam chu panin mu chung chuân a thlalâk ho chu ka hmet chhuâk vat a.


Thlalâk chu a ngah lo khawp mai, thlalâk dang chu ka en zêl a, thlalâk awmna pakhat chuan ka mit ala zar mai, ka hawng nghâl vat a, Seulgi nên a an thlalâk deuh hlír hi alo ní a, Seulgi chuan a bianga a fâwp lâi leh an in fâwp lâi thleng chuan alo awm vek a, Busan kan kal lâi a Jimin khân min chhuahsawn daih zân ngêi a an pahnih a an mu dún lâi pawh chu a awm bawk, ka thin zawn hi ana nghâl veng veng mai, Yanoo engahmah ngâi suh, hei chu a nunhlui mai mai alawm,ka rilrú chuan ka ti mawlh mawlh a, ka maimitchhíng ta top a, Jimin hiân a theihnghilh famkim vek chu ka ring lo, a hmangaih hmasak ber kha a ni miâu a, ka thík takzet a ni, ka delete daih dâwn mawni le, mahse a thinrim ka hlâu bawk sí, thlalâk dang chu keimâ thlalâk hlír a ni, engtik lâiin nge hêng te hi alo lâk hman le, ka nui suk a, mahse seulgi nên an in fâwp lâi kha ka mitthlâ ah a châm lo thei chuang lo.






"Enge ilo en a?"


Ka beng bulah chuan rawn tih sup pahin ka bulah chuan a rawn mu vê a, ka pum zâwn ah chuan min rawn kuah vang vang bawk, ka chhâng peih thlâwt lo, ka thinrim deuh âl mai, a nunhlui tih hrereng chungin ka thík tho chu niah.


"Tinge?"



Ngaih that loh hmêl zet hiân arawn tí a, amah en thei túr chuan min kuâi her vat a.


"Tihsuâl ka nei ami?"


Ka la chhâng duh chuâng lo, a phone chu ka pe deuh sawk a, a phone chu lâ in a en nghâl vat a.


"Ka Tihpalh Yanoo, ka gallery hi ka lo en ngâi miah lo a"


Inthiâm loh hmêl zet hiân a rawn ti sup a, ka hmuh lâi ngêi chuan Seulgi nên a an thlalâk ho chu a delete mawlh mawlh a, ka hlim ru veng veng tho nâ in ka la lungâwi chuang lo, heti khawp hiân ka ngaihsakin ka dawh hrâm hrâm a, khâng techu ka hmuh hlâuin delete vê vat túr a nia, bákah Busan ah khân an lo awm dún reng tih ka mit ngêi a ka hmuh vâng khân ka rilru nâ a zuâl.


"Thinrim tawh lo la, hei ka delete vek tawh a nia"


Tihpahin a phone chu ka hma zâwn ah chuan a rawn ti lang vâ a,

"I nui hmêlthat teh lúl nên hiân tinge i nuih khât êm êm le"

A rawn ti sup a, ka hmúi ka lo ti pawrh vak ringawt,ka duh vânga nui khât pawh ka ni lo, ka hun tawn hiân zir thín hek lo.

"Ka mut a chhuâk"


Tih zawng chu ka sawi a,


"Ka bân hi kham la"

Tihpahin a abân chu min kham tír a, a âwm ah chuan beiin ngâwi reng chuan inchung chu ka melh kar a.


"Hetiânga ka âwm a i bei hi chuan khawvêl zawng zawng hi ka tâ ni mai hiân ka hre thín"


A rawn ti chhuâk sap a, ka nui sak mai, tiâng khawp chuan min lo ngaihtuah vê thín a nih dâwn hi, nghet zet chuan ka kuah sauh sauh a.



Ka khabê ah chuan a rawn dawmin min kuai dâk deuh riai riai a, rawn kún hniâmin ril zet hiân min rawn fâwp vang vang a, ka lo chhânglêt rang ngêi mai.



A taksa chu a rawn inlet deuh tharh a, ka chungah chuan rawn bawk in min rawn fâwp leh vang vang a, ka thiâm ang tâwk tâwk chuan ka lo chhâng lêt vê nghâl vat a, ka nghâwng lamah chuan a rawn tuân ta, ka lo maimitchhíng top ringawt, ka thawmhnâw chu a rawn phelh riai riai a, a kut ah chuan ka lo man chat.


"Naute tân a pawi ang"


"Pawi lo ang"



Tih liâm puât pah chuan min rawn fâwp leh bawrh bawrh a, kan chal leh chal insi chât chung chuan ka thawmhnaw chu a phelh mawlh mawlh a.


"Nang hi ka tân i pawimawh ziâ i in hriâ tiraw"


Ka lú chu ka lo bu nghauh a, a rawn nui deuh suk a, naute tân a pawi angem ka hre lo, mahse keipawh mihring vê tho ka nih vângin ka insúm reng thei bík lo a ni, a tih ang ang chuan ka lo dawh vê top a.



Tichuan zân chhinchhiah tlâk tak chu kan hmang leh ta, tuipui kama kan awm vâng nge a vawt ka tih vâng chuan ka taksa ruâk kâng chu puân chuan ka khuh sawk sawk a, Jimin âwm ah chuan ka bei hlê hlê ringawt a.


"Yanoo, heti taka hmeichhia min hmangaih tú ka tawng che hi ka vânneih zia ka lo hre har mah mah a ni tiraw"


Mit khap fak fak chunga Inchung lam melh kar pah chuan a ti sup a,


"Keipawh hetiâng taka ka pasal min hmangaih tú ka tawng che hi vânnei ka inti vê tho alawm"



"Ni lo e, vawi tam tak ka tinâ thín che tih ka hria lawm, i taksâ mai ni lo in i thinlung pawh vawi tam tak ka tinâ a, ka inthiâm thei lo a ni"



"Chutiâng sawi suh, kan tún hun chauh hi ngaihtuah rawh, hun kal tawh chu theihnghilh túr"


Tihpahin a hmúi ah chuan ka kut zung chal chu ka dah zauh a, rawn nui suk pah chuan min kuah rêk vak mai, ka lo âu that a.


"Jimin sii, min dím vê deuh rawh"


Ka lo ti that a, nâu ka pâi tih alo theihnghilh ani maw.


"Ka tihpalh, Boihte ka tihpalh, apâ hi a hlim êm a ni"


Tihpahin ka pum chu a rawn chúl heuh heuh a, nui var var chuân ka lo en top ringawt.



__________



JIMIN POV



Ka harh chu ka âwm a thil rit deuh min delh tú chu ka en vat a, Yanoo chu ngaih that hmêl zet hiân alo muhíl sâk sâk mai, ka nuih deuh suk a, a pum la dêp han chu ka chúl sak a, Yanoo hi chu a zíng tho hlim pawh a tha tho mai, a mit meng liân lam deuh leh a hmúi tlêma liân deuh te, a hnâr zum vât mai te hi a invuah fuh vêl vek mai, hmêl ah rau rau chuan kei hiân ka phú lo chiâng alawm, hetiâng taka hmeichhe hmêltha leh piân dik êm êm in a min hmangaih tlat hi chu mak ka ti, hmeichhe dawh thei leh rilru nghet zet mai a nihna hi ka thinlung hneh tú pakhat a ni, ngâwi reng sí hiân a luhlul in a rilru a nghet êm êm a, a che nuih zatthlâk tho mai bawk sí, ka tâna a in pêkna ka ngaihtuah phei hi chuan kei hiân ka phú lo let top a ni ber mai, Yanoo pâ in a chanchin min hrilh kha ka hre reng mai.


"Yanoo hi hmeichhe derdêp leh no tak angin lang mahse a chhúngril chu lungtum ang mai hi a ní a, a rilru a nghetin a tuâr a chhel êm êm a, hmeichhe chak tak a ni bawk, vawi tam tak a mittui tlâ hmu mahla a chakloh vâng ni lo in a mittui te kha chak nân a hmang zêl zâwk thín, kum 13 mí chauh a nih lâi atang tawh khân ka nupui hiân ka hriât lohin vawi tam tak a tina thín tih ka hria, mahse tún thlengin a nuhrawnin a tih dân hi ka bulah tawngkam khat pawn a sawi ngâi lo, amahin a rúkin a tuâr top zêl, kei hi pâ nih ka tling lo takzet a ni"



Tiin tap chung khân ka bulah a sawi a, a sawi kha a dik tak tak a ni, Yanoo anga hmeichhe tuârchhel leh rilru lian hi ka la hre ngâi lo, rawn rúm tiah tiah pah chuan a tâl deuh sat sat a, a thusawi chu ka'n ngâithla chiâng deuh a,

"Jimin sii"


Tih hiân alo phun sar aar chu niin, a mumangah thleng pawh min hmú a nih dâwn hi, ka nui hak a, a âwm bâwr rawn lang têp chu puân chuan ka khuh that sak a, ka thawhsan ta daih a.




Eirawng chu bâwl thiâm ila keimân ka bâwl mai túr a nia, ni tak, chaw chhum dân chu ka thiâm tak e, Buhfâi chu Yanoo min hrilh ang chiah chuan ka sil vê a, ka phone lah chu ri reng mai, hmanhmawh zet chuan ka lâ a, Jungkook a ni reng mai, min ngâi leh dêr tawh a ni hrim hrim ang, nui suk chung chuân ka la vat a.


"Hyung, ka tibuai che em?"


"Buai lo e, min ngâi leh dêr tawh ami a?"



Nui vur vur chung chuãn ka tí a.


"Chutiâng a ni lo, Ihh... Park Jinyoung khân Pi Kimi a kidnapp a, Seokjin hyung in hrilh lo túr che in min ti nâ a mahse hre vê rêng rêng la thâ ka tí a, in awmna a hre vê sí a, a tinâ ang tih ka hlâu khawp mai"



"Hmela chu, engtin Hyung chuan a tih a?"


"Ka hre lo, Tún ah i office ah khân ro kan rêl mêk a, Hyung, lungngâi duh chuâng suh, kan awm alawm, kan chingfel vê thei mai ang"



"Awle, ka ring che nia,mahse nang chu in hnam hnawih lutuk lo la, lehkha tha deuhin Zir rawh aw, Namjoon Hyung anga thluâk tha neih i duh kha"


"I six pack ang pawh kha ka la nei dâwn, mahse Pi Kimi chu ka nú ang tho a nia, a chhanchhuah na ah tal chuan ka kal vê ang, a nih ka dah aw, Noona kha min lo biâk dâwn nia"



Tihpah chuan a dah ta daih a, Park Jinyoung mai mai chu, engtin nge ni ang? Hê mihring hi engtin nge ka thah ang? A hmâ tekhân lo thah daih tawh túr a nia, ka kut chu ka húm ruh ngat ngat a, duhthlan túr pakhat chiah ka nei ta, hei chauh hi ka tih theih awm chhun a ni tawh.



"Tunge ilo biâk mawlh mawlh a?"


Yanoo chuan nui sâng hiân a rawn tí a,


"Jungkook a nia"



"Ka be vê duh sin, tinge min hrilh loh"


Lungâwi loh hmêl zet hiân a rawn ti nâng nâng a, a lung alo lêng ru hlê a nih dâwn hi.



"Yanoo"


"Mmm"


"Kan awmna hi Park Jinyoung khân a hre tawh ngêi anga, mahse hlâuthâwng lo in rilru fím tak hmang la ka duh a ni"


"Ni lo, engtin nge a hriât? Jimin sii, inthen hran leh chu ka thei lo ang, nang hi khâi hlum túr ini sin"


Aw khúr deuh dar dar hiân a rawn tí a, abiâng tawn tawn ah chuan vuânin ka beng dâi nghâl vat a.


"En teh, engpawh ka chungah thleng se, chaktakin i awm zêl tih min tiâm rawh"



"Enge maw i sawi le Jimin sii? Engthú mah ka tiâm dâwn lo che"


Mittui tling pam hiân a rawn tí a, a phí leh cheng tawh mai.


"Yanoo, min ngâithla rawh, kei hiân ka kalsan dâwn lo che, hun reilotê chauh min nghâk leh la ka duh mai a ni, Kum chanvê emaw kum 1 tal chu kan awm hran a ngâi dâwn, a nih loh chuan engtik ah mah ka nun hi a zalên lo ang, tlânchhe rêng rêngin hun kan hmang anga, chu chu i duh dâwn ami? Ka naute tân tal hiân ilo tuâr hrâm hrâm thei ang tiraw? "



A ngâwi vang vang a, a mit meng liân zet chuan min en kar mai,



" Awle, ka lo nghâk ang che"


A tih vêleh chuan nghet zet hiân ka kuah a, ani pawn min rawn kuah vê nghâl bawk.


"Tinge kan nun hi a hrehawm bík êm êm le? Tinge midang chunga thleng lo a kan chungah kher a thlen bík?"



In hnít feih feih chung hiân a rawn ti chhuâk a, keipawh ka lungngâiin ka zâm a ni, ka hlâu bawk.



___________




"Thlêng chu keimân ka lo sil tawh a nge, i duh duh lo ti rawh"



Tihpahin min thawhsan ta daih a, keipawn ka ei tui loh êm vâng chuan ka thawh sawn vê daih a, room ah chuan lút vatin Namjoon Hyung chu ka call a, ka ruahmanna zawng zawng chu ka hrilh nghâl vek bawk, Korea ah a awm tih túmnân an hre lo a, kan awmna ah hiân a rawn tleng têp tawhin ka ring, ka tum ber chu Namjoon Hyung bula kal a, hminglem leh nihna lem hmanga Park Jinyoung beih lêt a ni,hetiânga ka awm reng chuan min la rawn zawng chhuâk vat anga, Jail ah bawk ka awm leh dâwn tih ka chiâng, Jail chhúng atang chuan engti kawng mahin phubâ ka la dâwn sí lo, hetiânga ka tih mai hi a ngâi dâwn a ni.




Yanoo bulah chuan kal leh in a thlêng sil rak rak lâi chu a hnung atangin a kâwng ah chuan ka va kuah a, ka bân chu tui hiân a rawn far fep mai, Yanoo chu ka lam hawi chuan ka kuâi her a, alo tap pâr mai.


"Ka tih palh, ka thiâmloh vek a ni"


Tihpah chuan a mittui chu ka hrúk sak a,


"I tello in engtin nge nautê hi ka hrin theih ang? Mahní mai chuan ka ngam lo a ni Jimin sii"


Tap âw tiâu hiân a rawn tí a, ka thaw hak ringawt, sawi túr a vâng duh khawp mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:18 pm

THE MAFIA SWEETHEART CHAPTER - 22

BY

HLUTEI JOCUND PACHUAU


NOTE:

Saturday day leh sunday ngêi ngêi a ka chawlh a ngâi, naupang khâwmpui a ni sia, min lo hrethiâm leh ru aw, in fel kha❤️❤️❤️❤️


YANOO POV





Couch ah chuan ka thu ngâwi kar a, Jimin chu room ah a awm thung, kan inbe lo a, túmah tawng nachâng kan hre lo vê vê ni maiin ka hria, kum 1 tal chu ka tuâr thei êm êm ang, ka pâ in ah fâ chu ka nei tawh anga ni mai, mahse ka nuhrawn leh Sora Unnie an awm vê dâwn sia, ka van peih lo tak, mahse ka tuâr leh thei mai túrah ngâi ang, Jungkook leh Taehyung bula awm chu nuâm zâwk mahse ka in thlahrung, an ní tlangvâl engmah chin châng hre lo inbuai pui tír chu thil tih chí pawh a ni lo hrim hrim bawk a, bâkah Jimin nên kan súlhnú tam tak hmuh reng a ngâi dâwn sí a.


Ka mittui rawn luâng chu ka hru zauh zauh a,


"I tap ami?"


Ka hnunglam chu ka hawi vat a, Jimin chu lungngaih hmêl zet hiân alo ding reng a,

"Tap lo e"


"Ka tihpalh Yanoo, sawi túr dang pawh ka nei lo, i hnên ah hiân ka tihpalh tih mái loh chu sawi túr ka hre hlawl lo a ni"


"A pawi lo, ka lo nghâk reng dâwn che lâwm, engtik ah nge ilo lêt leh dâwn hre lo mahila ka lo nghâk thei êm êm ang che"


Nghet zet hiân min rawn kuah vang vang a, ka tah chhuak lutuk pawh ka insúm thei ta lo, ka tap chhuak ta hak a,


"Lo tuâr leh hrâm rawh aw, a rei tawh lo ang, ka hmangaih takzet che tih hriâ la, engtik ah mah nang leh ka fâ hi ka thlahthlam ngâi lo ang"


Ka beng bulah chuan a ti sup a, ka ngâi ngawt ang, mahse duhthlan túr dang ka nei bawk sí lo,


"Ka nupui râi lâi kalsan chu ka tân chuan thil harsa tak a ni tih i hria tiraw?"



Ka lú chu ka bu nghauh a, ka mittui chu rawn hrú in ka biang tawn tawn a vuân chung chuan min en kar a.


"Hmeichhe tuârchhel ini tih ka hriât vâng hiân nangmah pawn i in hâi kaw zo leh dâwn tho a, chuvâng a nia ka ngaihtuah loh che, Hê i kut lum thar thar a kan fâ i pawm chhúng chu ka ngaih a tha a ni, Yanoo, ka ring tâwk che nia"


"Ka hria e"



Tap âw tiâu chuan ka tí a, ka mittui tlâ chu ka hru sawk sawk bawk.

"Naktúk khawvâr ruâla kal ka rawt leh zâwk a, chuvângin vawiin chu âm deuhin hun hmang dún ang aw, kum 1 dâwn ka kuah che in ka khawih thei dâwn sí lo che a, chúmí âi chu vawiin hiân ka tlâk vek ang"


Nui var var hiân a rawn tí a, keipawh ka nui lui vê suk ringawt.


TIME SKIP


____________



Kawrfuâl pâr arh deuh tarh hi ka la chhuâk a, lungngâi ru viâu mahila vawiin chu hlim tum hrâm teh ang, Jail a atâng dâwn lo a nih phawt chuan a pawi lo, a tha vek mai.



Ka t shirt chu ka phelh a, dârthlalang ah chuan ka dul chu ka thlêk vang vang a, engmah ala lang sí lo, a mak vê ngawt mai, tah hiân nautê a awm vê ta mai chu nia, ka dul len hun ah chuan ka nuih zatthlâk âwm sia, ka dulpuâr lâi pawh Jimin chuan a hmu vê hman dâwn sí lo.



Mahní chuan ka inthlêk ka inthlêk a,


"I dul chu ala pângâi a nih kha"



Nui var var hiân Jimin chuan a rawn tí a, ka lo phu zawk mai,


"Tih hlauh che ka tum lo nia"


Tihpah chuan min rawn pan vat a,

"Ni lo, ka hlâu hleinêm, túnlâi chu ka phu hmâ thei lutuk a"



"That lohna i nei a ni lo maw?"


Ngaihthat loh hmêl zet hiân a tí a, nui sak chuan ka lú chu ka thing zauh ringawt a,

"Vawiin chu nuih tam túr ka tih kh aw"


A rawn ti sap a, min kalsan dâwn tih hre reng chungin engtin nge maw ka nuih theih ang le.


"Ka dul len hun pawh i hmu vê hman dâwn sí lo a"


Ka ti sap a, Min khawngaih hmêl zet a min en kar
Pah chuan nghet zet hiân min rawn kuah vang vang a, keipawn ka kuah lêt vê nghâl vat a, Jimin tello hiân ka awm thei angem ka hre lo a ni, "

ka ti mah mah em ka hre lo, mahsê ka rilru no dân hi ka duh vâng pawh a ni lo, engkim hi ka hlâuthâwng vêl vek mai, Lee Yanoo huaisen deuh kha a thi tawh a nih ka ring"


In sút hraih chung chuân ka tí a,


"Chutiâng sawi suh Boihi, keipawn enkawl che a, mipa dang tih thin angin duât taka enkawl che hi ka duh vê tho alawm, mahse duhthlan túr dang kan nei lo, chúvâng chuan vawiin kan hun hman dân túr chauh ngaihtuah rawh, Enge tih i duh a? Vawiin chu nulâ leh tlangvâl angin kan indate dâwn mí niang?"


Rawn ti sup pah chuan nui chung hiân a mithmul chu a rawn sãn zauh zauh a, a thusawi chuan ka nuih a ti za ngêi mai, mittui tling pam chuan ka nui hak a.

"Helâi ram palai lêngah hiân kan indate anga maw?"


"Aw, a romantic daih zâwk iti lo mi?"


"Ni e, a nuâm viâu ang chu"


Kan in nuih var var a, a kamis tiâl deuh chhak hâk túr chu ka chhawp chhuah sak vat a, kekawr búl nên chuan ka pe nghâl bawk, mak tih hmêl zet hiân a en vung vung a.

"Yanoo, hei hi ha túrin min duh ami?"


"Tehrêng, kan inneih tirh atang tawh khân kekawr búl i hâk lâi ka la hmu miah lo a, chuan kamis plain leh t shirt plain hlír i ha bawk, hetiâng hian vawiin tal chu inchei vê rêng rêng teh"


"Mahse"


"Vawiin chauh, ka tân"

Tihsap pah chuan ka en kar a.

"Awle, a thâ lâwm"

A hmúi chu a rawn ti pawrh zauh a, keipawh chuan ka kawrfuâl chu ka ha vê nghâl vat a.


________


Tuipui kamah chuan in kâi riâlin kan kal dún rak rak a, a châng leh tui techuan kan intheh a, túdang mah kan ngâi bík lo, kan pahnih tê chauh chuan kan hlim dún êm êm ringawt.



"Ka ril a tâm hawh ei túr siâm ang"


Tihpah chuan kan awmna lam chu ka pan a, ka hnung ah chuan a rawn tlân vê vat bawk,


" Mafia King ka nih tirh a heta ka kal hmasak ber khân, Ti hiân ka lo suângtuah thín a, ka hmeichhe hmangaih ber chu hê tuipui kam ah ngêi ah hiân ka fâwp ang ti in"



Ka nui hak a, min rawn pan in ka kâwngah chuan min rawn kuah a, a dâr ah chuan ka kut chu ka lo nghat vê nghâl vat a, lungchim zet hiân mi rawn fâwp ta, a romantic ka tih zia hi, ka phone chu phawrhin video chuan thlâ ka la char char a, Jimin nên pawh kan selfie dún nasa ngang mai.



Inchhúngah chuan lút in kan chhún ei túr chu ka bâwl mawlh mawlh a, Jimin erawh Couch ah thú in a phone chu a khawih mawlh mawlh reng a, a hmêlah chuan rilru hah rúkna deuh hi a neiin ka hre tlat, zâwt tâ ila min hrilh duh angem ka hre lo, a melh ngâi chu a melh vung vung reng a.


"Jimin sii, rilru hahna i nei ami?"


Ka ti sap a, a mit chu chhíng sawkin a inthing deuh nawk a, nui lui sak hiân min rawn en vat a, a lú a thing ringawt, eng thil thalo nge thleng ang le? Engmah lah min hrilh vê duh bawk sí lo.



Ngaih tha zân lo chuan chakâi chu ka chhúm a, a pawlh túr vegetables chu ka chan mawlh mawlh lâi chuan silâi hi a rawn puak dur mai, silâi a puah ruâl chuan ka bula glass no chu a keh chuaih a, ka lo tê that bawk, ka lungphú inthúm rawn tluk tluk chu a ring tha ngêi mai, Jimin chu hlâuthâwng zet chuan ka en a, ka taksâ lah chu a khúr chhe nghâl ringawt lehnghâl.


"Kúnhniâm la, rawn tlân phei rawh"



Zâwisap hiân a rawn tí a, a tih ang chuân kúnhniâm chung in a awmna lam chu ka pan nghâl vat a, bedroom lam chu min pan pui nghâl vat bawk.



Bedroom a lehkhabu chu a kuâi búk zauh a, khum chu rawn in tung chho in khum hnuâi a chhuât chu a rawn in hawng ta huau mai, tah chuan step hi alo awm bawk a, hetiâng hi ka la hmu ngâi lo rêng rêng, film ah chauh a awm amaw ka lo ti thín a,

"Hmanhmawh in chhuk ang le"


Tihpah chuan min kâithla dâwr dâwr a, room chhúng chu a vawt deuh vur mai, rawng vâr vek hi alo ní a, bang sír a hmehna awm chu Jimin chuan a hmet ri karh karh a, kan luhna kawngkhâr chu a in khâr leh riai riai bawk.


Room chhúngah chuan min phei pui zêl a, a zau tha bawk sí, mak ka ti lutuk chu ka kâ huau reng ringawt, Jimin chuan kawngkâ pakhat hi a hawng leh a, tah chuan silâi tam tham zet hí alo awm tuârh mai, a then chu liân tak tak te, a then chu te tak tê tê pawh a awm,

Jimin chu a inthlâk nghâl sawk sawk a, thawmhnaw dum vek inbel chung chuan a chungah hiân enge maw kawr chhah tak hi a hâ a, tah chuan silâi chu a thun mawlh mawlh a, ngâwireng chuan ka lo en top ringawt.


"Hetah hiân oxygen a awm tlêm a, rei tak kan awm thei lo ang, kan chhuah leh vat a ngâi, Namjoon hyung chuan Thliârkâr tlângchhíp ah khân lo awm túrin min tí a, a rúk thei ang ber a kan pan vat a ngâi dâwn a ni, a nih loh chuan Park Jinyoung khân min that ang"


A silâi enchhin mawlh mawlh pah chuan a tí a, ka huphurh lutuk chu ka chil ka lo lem khalh ringawt.


"I thei angem?"


"Aw"


Tih zawng chuan ka chhâng a, min rawn panin ka hmúi ah chuan a rawn fâwp leh vang vang phawt a,


"Hetiâng i tawrh ngâi hi pawi ka tí Boihte"


A rawn ti zui sup a,

"Chutiâng sawi suh, i dam kha ka duh ber"


Ka ti sap a, nui suk pah chuan kawngkhâr bul a mi chu a hmet ri leh kauh kauh a, kawngkhár chu a rawn in hawng leh ta, hreh zet chuan kan chhuâk a, vânneih thlâk takin túmah an lo lút lo hlauh, thâwm dím zet chuan kan tlân chhuâk vat a, Jimin chuan ka kutah chuan nghet zet hiân a vuân tlat reng bawk, a hnungah chuan ngâwi rengin ka lo zui ve top a.


Kan awmna chhak tlâng lam chu kan pan nghâl vat a.






_________




Tlâng chhíp chu ka rin âiin alo sâng daih mai, khâm sâng zet hi alo ní a, a hnuâi ah chuan tupui liân tak bâk hmuh túr a awm lo.


"Hetah hiân Namjoon Hyung chuan min lo hruai dâwn a, lo va birú rawh, lung phên ah sâwn"


"Aih, hetah hiân ka lo nghâk vê dâwn"


"Yanoo luhlul lo teh, Park Jinyoung te khân min rawn hmuh hlauh chuan keichu ka in vêng thei mai anga, engtin emaw i awm palh chuan ka tuâr zo lo ang, khawngaihin"


A tih tâkah chuan Ngaih tha lo zet in lungpui liân zet phên ah chuan ka thu ngâwi kar a, helicopter rawn thlâwk rêng ka la hmu lo, Jimin nêna hun hman kha ka la kham lo a sin le, engtik ah nge hêng buaina te hi a tâwp ang, "LalPa ka pasal hi khawngaihin tanpui rawh" tiin mahní chuan ka phun sap sap reng a, ka bek búla thír chu ka su dat mai.


"Che suh"


Tih rí chu ka hre zui nghâl a, ka bek bul a mi hi thildang ni lo in silâi a ni tih ka hre zet chu hlâu in ka khúr nghâl zawih zawih a, chêt chu sawiloh ka chil pawh ka lem ngam tâwk a ni.


Ka kut hnung chu húm khâwmin silâi a min tin rân chung chuân Jimin awmna lam chu min pan pui a.



Ka duh thei lo! , Jimin chu Park Jinyoung leh Mipa khat hiân silâi in an lo tin reng chu niin, a silâi ken zawng zawng pawh an lo chhuhsak vek bawk,min hmu chiah chu rawn kal a tum a, Park Jinyoung leh mipa khat chuan an lo man bet nghâl vat, a kut hnung chu kherhin lei ah chuan an thingthit tír ta hnawk a,

"Jimin sii"


Ka ti sap ringawt, ka mittui chu a rawn luâng thla ngiai ngiai a, Jimin chuan pawi tih hmêl zet hiân min en kar ringawt.


"Kan inhmuh lohna a rei ta hlê mai Yanoo, kan únâu hiân sawi túr kan nei a, khawngaihin Yanoo hi Car ah khân lo va dah ta che u"




A tih ruâl chuan mipa hnih chuan ka bân tawn tawn ah vuân in min kalpui an tum ta mai, ka lo tang vê nasa mai.


"Khawi ah mah ka kal dâwn lo Park Jinyoung"


Ring zet chuan ka tí a, ngei awm zet hiân a rawn nui vur vur leh nghâl,


"Hruâi lui rawh u"


A tihruâl chuan ka bân ah bawk chuan an rawn vuân leh a.

"Ka nupui kha khawih hlek sú, Park Jinyoung nang hi ka la that khawp ang che"


Jimin chuan Park Jinyoung chu khawih a tum deuh ut ut a, a in seh ruh nasa tawh mai leh nghâl,
Chú vêleh Park Jinyoung chuan silâiin min rawn tin ta mai, ka lo phu zawk a, ka hláu lutuk chu ka lo maimitchhíng top a.


"I nupui râi lâi hi ka kâphlum hreh hauh lo a nia aw, Hyung, i nâu thusawi hi âwih mai rawh"


A tih tâk ah chuan Jimin chu a inthlah dul ta a,


"Hruai rawh u"

A tih ruâl chuan mipa pahnih chuan ka bân tawn tawn ah chuan vuân in an car awmna lam chu min pan pui ta dâwr dâwr a.


"Jimin sii"


Ka ti sap ringawt, Park Jinyoung khân a that mai ang tih ka hlâu takzet a ni, ni lo, Jimin chu a thi thei lo.



Car a min luh tír túr chiah chu silâi puâk rí ka hre ta, tui a thil tla ri bâwrh chuan a zui nghâl a, ka lungphu rí chu a ring tha ngêi mai, rang zet chuan ka hawi lêt a, ka hmu thei hauh lo, ka taksa chu hlauhna in a rawn tuâm nghâl a, ka thin zâwn hi a rawn na nghâl ut ut mai, tú zâwk nge ni ang? Tih chu ka zawhna liân ber a ni ta.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:18 pm

THE MAFIA SWEETHEART CHAPTER - 23

BY

HLUTEI JOCUND PACHUAU


Jimin ni lo, ka lungphu chu namên lo chuan a rang a, ka tiril ah chuan hlauhna in min rawn fan nghâl, ka taksâ chu a rawn khúr dar dar a.


"Min thlah ru, Jimin"


Ring zet chuan tihpah in car atang chuan ka chhuak a, Jimin te awmna lam pan chuan ka theih tâwp a chak chuan ka tlân nghâl vat a.




Khâm bul a Park Jinyoung lo ding reng chu ka va hmu ta, ka thinlung ah chuan khawnge Jimin a awm tih chu a rawn lang hmasa ber a,


"Jimin sii"


Ka phun sap a, Park Jinyoung chu rang zet a rawn hawi chung chuan hlauhthâwn hmêl zet hian min en a,

"Khawnge Jimin?"


Ka'n ti nghâl thawt a, min úm tu tepawh an rawn thleng chawpchilh vê nghâl bawk.


"Yanoo, ka tum pawh a ni lo, tih thaih ka tum mai a ni, amah a tlâ alawm, ka thah a ni lo"


Tih pah in lei ah chuan a thu thla hnawk a, keipawh chuti tho, enge ka thu hriât hi, that tih kha enge awm zia, Jimin chu hê lui ah hian a tla maw? Dâwt, ka âwih lo rêng rêng.


"Ka âwih lo, dâwt min hrilh hlek Suh Park Jinyoung"



"Ka tihpalh Yanoo"


A ti sup ringawt a, a ni lo, ka mumang a nih hi, mahse tinge ka harh chhuak theih miah loh, hetiâng mumang hi ka duh lo, Jimin, a thi thei lo.


"Dâwt tiraw, a ni em?, ni lo, min kalsan lo túrin a intiâm alawm, ka kal ve duh Jimin, min hruai vê rawh"



Tihpahin khâm ah chuan zuan thlâk tumin ka tlân phei a, Park Jinyoung chuan min lo man bet nghâl vat a.


"Harh chhuak rawh Lee Yanoo, a thi tawh, ka theih tâwpin chhan ka tum a, khâm ah khân ka vuân tang tang a sin, mahse ka vawnna kut kha nui chung amân a phelh a lawm, Yanoo leh ka fâ kha lo enkawl rawh tiin min chah bawk"


Tih tuar pah chuan min thing deuh nawk a, ka mittui chu namên lo in a rawn tla nghâl bawk.


"Ka kal vê duh, min hruai vê rawh, engtin nge i tih theih? Tenawmpa, min khawih hlek suh"



Ka theih tâwp a ring chuan ka tí a, a âwm ah chuan ka theih tâwp a nâ chuan ka chúm bawk, lei ah chuan ka thu hnawk a, ka theih tâwp chuan ka tap bawk,


"I únâupa a nia sin, engtin nge i thah theih? Mihring pawh ini lo, ramsa inih kha"


"Ka tihpalh a ni, keimâ thiâm loh a ni"

"Min hruai vê rawh, Jimin sii, min tiâm kha, kei leh kan naute hi engtik ah mah min thlahthlam lo túrin i intiâm kha"



Tap chung chuan van lam hawiin ka tí a, ka âwm chu ka dawm bawk, hetah hian min hnawh up up tú a awm, ka mumang nise ka van ti êm, hetiâng mumang hi ka duh lo, Jimin sii, min kâi tho leh rawh"


Lei ah chuan ka bawk ti tih a, ka la âwih thei lo a ni, ka hrethiâm thei lo, tinge Jimin kher, tinge? Kei hian enge ka tihsual, amah chauh kha ka in nghahna nia sin.

Ka khaw hmuh chu a rawn fiah lo ruai a, ruah súr túr khawpui rí chu ka hre ruai ruai bawk, ka thil hmuh chu a thim deuh nghâl mup a.




_____________






HOSPITAL



Ka harh chu a êng deuh pup a, ka chhíng leh nghâl sawk ringawt, ka meng leh riai riai a, khum ah ka lo mu reng chu niin, ka awmna hi! Damdawiin a ni tih hai ruâl a ni lo.


"I lo harh tawh maw?"



Taehyung chuan min lo en kar a, Taehyung hmêl ka hmú chu ka mittui a rawn tla leh nghâl a, ka thin zâwn ah hian min hnawh ut ut tú a awm leh tawh.

"Khawnge Jimin? Nichin thil thleng kha ka mumang tiraw"


Ka'n ti nghâl top a, Taehyung chuan hrehawm tih hmêl zet hian hnuailam chu a bih ta daih a,

"I mumang a ni hleinêm Yanoo, Jimin chu lui ah khân a tlâ a, an la zawng mêk e, a ruâng an la hmu lo a nih chu"


"Kim Taehyung fiâmthu thawhna hun a ni lo"


Ka ti vín that a, mak tih hmêl deuh chuan min en reng a, a thaw deuh hak bawk.


"Khâ hei hi Jimin hospital a a awm lâi khân alo ziak a, nangmah lo pe túr che in min tí a, ka chhuak lok a nge"


Tihpah chuan lehkha chu min pê a, a chhuak nghâl daih bawk, hetah hiân enge inziak ang, kut khúr dar dar chuan ka keu pharh a.







Duh tak Yanoo, hê lehkhâ i chhiar lai hian kei chu hetah ka awm ve tawh dawn lo a, i lakah hian engtin nge lawmthú ka sawi ang ka hre lo, ka nun zawng zawng nang hian i thlak danglam a ni, hmeichhia ka hriat tawh ah chuan ila tuarchhel ber ang, vawi tam tak ka tina che tih ka hria, mahse chuti pawh chuan min la hmangaih em em reng thei hi hmeichhe ropui tak ini, thil thlen dan tur engkim ka hriat lawk vek vângin ka hun neih reilote chhúng kha i kiangah i pasal tak tak anga awm ka duh a, Yanoo, ka theih tâwpin i kianga awm tum khan ka bei a sin, kei chu tual that thin mafia king ve mai ka ni a, hmangaih tlâk ka nih loh zia ka hria, zan tin i muhil lai ka thlír a piang hian ka thil lo tihsual tawh te hi dârthlalang ang mai hian a rawn lang zut zut zel a, i thianghlim bik êm vâng hian i kianga awm ve tlâk ah pawh ka in ngâi ngâi lo, chúvang a nia ka hnaih ngam loh che, ka hmangaih takzet che sin, i rin ai nasa in ka hmangaih ang che, mahse ka thil tihsual te hian i lak ata hi min dang tlat a, kuah che a duat taka fawh che a, ka hmangaih thu che hi vawi tam tak sawi ka duh a sin, mahse chu chu ka tan chuan thil theih loh a ni, ihmaw.... Ka âwmah nghet taka i kuah a i bei hlê hlê tawh hi chuan he khawvêl zawng zawng hi ka ta ni maiin ka hre thin, i hriat loh hian vawi tam ka mittui a tla ve fo a, chu pawh kalsan che ka hreh êm vâng a ni, ka kalsan dawn che tih hre reng chunga i kianga hlim tak anga lan chu a har ka van ti dâwn êm, mahse i hlim nan ka nuih a ngai bawk si, dik tak chuan mafia hi chhuahsan a nang nen a tlânbo daih ka duh a ni, mahse ka thiante ka phatsan a ni dâwn sí a, ka va han huphurh tak êm, mahse Yanoo, ka kiângah hrehawm taka awmtír che âi chuan kalsan che a hlim taka i awm lâi hi hmuh ka duh a ni, ka châu tawh, ka thil tih suâl man chu ka têl vek ang, ka fâ hi tual that thín pâ neih tír ka duh lo, ka ning tawh a ni, engkim tlâk fel vek hi ka duh zâwk, dâwih zep min ti maithei, mahse ka dâwihzep vâng a ni lo, kan fâ lo piâng túr tân thâ ber a ka hriât vâng zawk a ni.


A tâwp ber a tân chuan, Ka hmangaih che Yanoo, he khawvel leh nang hi inthleng min dil pawh ni se ka phal ngai lo ang, i biak ziah thin Pathian itih kha keichuan be vê ngãi lo a, hriát pawh hre vê lo, mahse i ring tih ka hria a, i chakna a ni tih ka hriât chiâng êm vâng hian keichuan hre vê lo mahila kan naute hriasel taka a awm theih na túrin dil thin la, chak takin awm reng bawk ang che,


Ka hmangaih che u.




Ka chhiar zo ka mittui chu a rawn luang thla ngiai ngiai a, lehkha chu ka âwmah chuan ka pawm bet ta top a, engkim kha lo hre vê ni ila, ka theih tâwp phâk bâk thleng a chelh che ka huâm a sin, kan duhthusam dun thin pawh kan la hlen lo a, min kalsan hman ila ni lo Jimin sii, hmabâk tam tak kan la nei a sin, nge ni a kei hi min lo ngaihtuah vê miah lo tihna zâwk em ni? Engtin nge i tello in hringnun hunbí ka chhiar tak ang, enge i tih tâk hi, ka mittui tlâk phallo tú khân min vêl a, min duat thín tú khân ka thinlung zawng zawng iti kehsawm vek a sin, Duh khawp lo taka nikhat kan hmanral pawh i tello chuan minute 1 lek pawh nise a rei ta ngawih ngawih mai, ka ngâi che Jimin sii,


"Ka mamawh che, lo kir leh rawh"


Tap hlap hlap chuan ka ti sap a, Taehyung chu a rawn lut nghâl vat a, min rawn kuah nghâl vat.


"In ti chak rawh Yanoo, Jimin chuan hetianga i awm hi a duh hauh lo ang"



Ka hnunga min ben thak thak pah chuan a tí a, ka tap thei lo, ka mittui chu a tlâ, mahse ka âw a chhuak tawh hauh lo.




"Jungkook pawh Lui ah khãn a kal vê a, nangmah ang bawkin a pawm thei lo a ni, vawi khat mah a tap lo, a tuâr thiâm lo lutuk a, ala zawng char char ang, ka ngaihtuah khawp mai, túman kan dang thei bawk si lo a"



Ngaihtuah hmêl zet hian a tí a, JungKookie awmdan ka hriat phei chuan min tina leh zual.



Khum ah chuan mú in ka maimitchhíng nghâl vat a, hê mumang râpthlâk zet atang hian min kâi harh tu túr ka duh takzet a ni, ka bul vêl a mi techuan a thi tawh tih min hrilh pawh a ni mai thei, mahse hê ka thinlung hiân ala pawm thei lo a ni.



1 YEAR AND 10 MONTHS LATER


"Noona, lo kal vat teh, Chimmy hian min zun khum leh tawh a nia"


Jungkook chuan a rawn ti lâng lâng a, nui suk chung chuan room lam pan chuan ka tlân chho vat a.



"Noona ka pawm vê a piâng hian a zung vê ziah"



Jungkook chuan núr deuh nâng hian a lo tí a, ka nuih a ti za ngêi mai,


"Boihte, tinge a patea hi i zunkhum ziah mai le aw"



Tihpah chuan ka fapa Park Chimmy thla 11 mí chu ka pawm vat a, naute chum bat mai a ni a, a pâ têt lâi nên an in ang phiân leh nghâl.


A diaper chu thlâk sakin inhnuai lamah chuan ka pawm thla nghâl vat a.



"Eheee... Ka tlangvâl chuan eng buaina nge alo siâm leh tâk a?"



Taehyung chuan nui var var a tih pahin Chimmy chu min lâk sak vat a.

"Patea lo zunkhum leh tawh a"


A nui hak hak a, Jungkook chu t shirt huh deuh hlap chuan a rawn chhuk thlâ a, Taehyung chuan alo nui tiah tiah mai.


"Patea pawm hi a duh lo niang"


Jungkook chuan lungâwi loh hmêl zet hian a ti sup a, puitling a ni vê tan tawh a, ala puitling thei lo rêng rêng, Taehyung erawh hi chuan ka tello pawn nilêng thakin a awm tlei thei, naupang a ngaina bawk a, a lâwm nui hawr hawr zêl thung.


"A hnutê túr ka lo va siâm ange"



Tihpahin choka lam chu ka pan vat a, awi! Bâwnghnutê ka lo nei tawh miah lo, ka lo theihnghilh daih, hmanhmawh deuhin common room lamah chuan ka tlân phei leh nghâl a.


"Taehyung sii, Bâwnghnutê alo zo a, ka lei lawk dâwn lo awmpui rawh aw"


"Noona, keimah ka lo kal mai ang"


Jungkook chuan a lo ti vat a,


"A lei túr i hre vê lo ang"


"Anih ka lo hruai ang che"


"Awle"


Tihpahin ka kawr chung chu ka ha vat a, khua a vâwt viâu leh nghâl, vúr pawh zíngah khân a tla nuâl bawk,


"Ka ring che nia aw"


"Lo ngaihtuah suh, nang aiin ka awm tlei thei daih zâwk"


Taehyung chuan a lo ti vat a, ka hmúi ka lo tih pawrh khum vak ringawt.

"Boihte, ka lo kír leh vat ang aw"


Tihpahin ka fapa chu ka fâwp zauh a.


"Eomma (Omma, korean tawnga nu tihna) bye bye aw"


Taehyung chuan Chimmy chu pawmin a kut chuan min bye bye tír lauh lauh a, Jungkook nên chuan hmanhmawh zetin khawchhúng chu kan pan ta vang vang a.



______________

Dâwr hmasa ber kawt ah chuan kan ding chat a, hmanhmawh zetin bâwnghnutê thla khat daih chu ka lei vat a, car lam chu ka pan leh nghâl vat.




"Traffic ala zâm zui"



Jungkook chuan a ti sap a, hmanhmawh nâkalaiin, ka fapa chu engtin tak awm ang maw, ka hnute lah chu a tang nasa sí, ana veng veng mai, min tur deuh ut ut in ka hria.


Pawn lam chu ka hawi deuh sek a, Car lah chu a tam nasa mai sí, chutia pawn lam ka hawi vang vang lâi chuan ka thil hmuh vâng chuan ka phu zawk mai, têk in min man nghâl ni mai hian ka têk deuh chhawk a,amah a ni, kekawr tight lam leh boot a bun a, jacket dum fit deuh chu a ha bawk, kan car chu ala rawn hêl deuh zui, ngâwi rengin Jungkook chu ka en vat a, ani pawh chuan chupâ awmna lam chu phâwk hrâ hian alo en reng bawk.


"Noona, ilo hmu vê em? Amah a ni, Jimin hyung a ni chiang lutuk"


A rawn ti chêl chúl a, ka ngaihtuahna a mumal thei lo, car atang chuan chhuakin Jimin awmna lam ah chuan ka tlân chhuak nghâl dâwr dâwr a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 6:18 pm

THE MAFIA SWEETHEART CHAPTER - 24
BY
HLUTEI JOCUND PACHUAU



Car tam tak ka tlân pelh hnú chuan ka hlauh ta daih mai, ka hawi kuâl ruai ruai a, mahse ka hmu zo tawh lo,

"Jimin sii, khawnge i awm?"


Zâwi tak chuan ka ti sap a, amah âwm túr rêng ka hmu lo, kei hian ka lo hmusual zawk a niang a, ni lo, ka hmusuâl lo, Jungkook pawn a hmuh ve kha, mahse túnah khawnge a awm tâk ang? Ani hi alo la dam reng amaw? Mahse tinge ka bulah a rawn kal loh? Zawhna tam tak zet chu ka in zâwt mawlh mawlh a, mahse a chhânna ka hre lo, tunge min chhâng ang tih pawh ka hre lo, ka maimitchhíng vang vang a, ka thinlung hian a hria a ni, khawi ah emaw chuan lung lêng takin a awm vê ngêi ka ring, a thih hi tún thleng pawn ka la ring thei lo kha a nia, a chhan chu ka thinlung hian min hrilh tlat a ni, motor horn ri tuâr tuâr kârah chuan ka ding ta reng a.



"Noona haw vat ang, Chimmy a tap nasa an tia"



Jungkook chu a rawn ati lâng lâng a , ka ngaihtuah na tang chuan ka harh chhuak zawk mai,ka meng zawk a, Jungkook chu a rawn tlân phei dat dat bawk.


"Noona,kan hmusual mai mai alawm saw lai ami saw Jimin hyung amaw kan tih kha nia"

Tihpahin nichin a Jimin ka hmuh dân ang chiah a inchei chu phone hmang hian a lo ding reng a, an pumrua pawh a in ang khawp mai, enthuak chuan a hai ve theih tho bawk, ka hmusual tak tak em tih pawh ka hre tawh lo, Ni lo, ka fapa chauh ka ngaihtuah túr a ni, keipawh hi enge ka hriât le?


"Haw vat ang"



Tihpahin car lam pan chuan ka kal hlawk hlawk a.



________




In ka thleng chiah chu Chimmy tap rí ka hre nghâl, hmanhmawh zetin room lamah chuan ka tlân chho a.



Room ka hawng chiah chu Taehyung leh Pi Kimi chuan Chimmy chu an lo thlêm ve mawlh mawlh a, ka fapa lah chu a tap nasa si, tiâng êm êm hian a tap ngâi lo a sin,


"Boihte ka tihpalh ka rei lutuk a"


Tihpah chuan ka pawm vat a,

"A tui a hâl tawh lutuk"


"Tui lum a awm em pi Kim"


"Aih, i hnutê kha pe mai rawh Mrs Park, a tap nasa tawh si"


"Awle"



Tihpahin ka kawr chu ka hlím a, Taehyung chuan rang zet hian hnunglam chu a hawi nghâl vat a, a awm vê tih ka lo theihnghilh daih a ni maw, van âtthlâk thei tak.


"Taehyung sii engtik ah nge i bialnu chu ilo hruai dawn a?"


"Yanoo, sawi ziah lo teh, ngaihzawng ka nei peih lo, i hriat vek kha"


"Enga! Nupui nei rual ini vê tawh a ngaihzawng pawh ila nei lo amaw"


"Duhzawng techu nei vê tho e, mahse ka la nghâk a nih hi"


"Enge awmzia, a duh lo che tihna maw? Hmeichhe mawl tak a nih chu, i hmeltha in mipa fel tak ini a, engtin nge a duh loh theih che a"



Ka'n ti hlak hlak a, hmeichhe mâwl tak a ni, ka thin alo rim pui ngêi mai.

"Nangpawn min duh chuang ami?"


"Kei techu hmer tel chí ka nia mi? I thian alawm ka nih"

A ngâwi ta hmak a, Pi Kimi nên chuan a awm dân chu kan nuih vur vur ringawt.



__________


Chimmy chu khumah chuan ka mut a, a muhíl lai chu ka en reng a, a hnâr a hmúi,apâ chiah chiah a. A ni, mahse a mit meng erawh min chhun avângin a lian thung, ka nui leh suk suk thin.



Nichin a ka thil hmuh kha ka hre chhuak zawk mai, kei hiân ka hmusual mai mai a ni thei dâwn em ni? Ka hmu chiâng vê viâu chuan ka hre sia, ni lo, hmalam pan ka ngâi tawh, Jimin thihna vângin ka â lo chauh a, ka râi lâi pawn ka in enkawl tha thei lo kha a nia, mahse Seokjin puihna vâng liâu liâu in ka pângâi leh thei chauh a, mahse tún thleng pawn a thih hi ka la ring thei lo, mahse túma bulah erawh ka sawi lang ngâi lo thung, Ka fapa chu Jimin pâ pawn a lâwm êm êm a, ka pâ phei chuan nítin a rawn tlawh ziah thín, mahse túnlâi chu an buai hlawm lutuk a, túmah pawn a chanchin min rawn zâwt hlawm lo, Sora unnie pawn a lâwm vê ngang mai, ka nuhrawn erawh chuan a tih dâng pângaiin sawi chhiâtna túr ala zawng reng tho, Park Jinyoung chu Jimin nên an awm dân a tang khân a pângâi thei lo a, tún thlengin biâk pawn a rúl tâwk chauhin min chhâng ringawt zêl, haw viâu mahila kei aia dinhmun chhe zâwk ah a din vângin ka haw thei tawh lo.


TAEHYUNG POV





Jungkook chu thil ngaihtuah múk hmêl zet hian couch ah chuan a melh ngâi hi alo melh ngar ngar a.


"Iva ngaihtuah múk hmêl ve"


Tihpahin a bulah chuan ka thu vê nghâl a,


"Hyung, nichin Yanoo nên dâwr a kan kal khân Jimin Hyung ang deuh kan hmú a, chuvâng alawm kan rei"



Ka phu deuh zawk a,

"Tak tak maw? I hmu chiang em? "


"Mmm... Ka hmu chiang lutuk tlat, Jimin Hyung ngei ni chuan ka hria, mahse Yanoo bulah chuan i hmusual ka ti tlat a, mahse Hyung, Jimin hyung ngêi a ni, ka hai thei lo hrim hrim"


Dâwt sawi hmêl a pu hauh lo, A thusawi chuan ka ngaihtuahna a ti kal thui khawp mai, lo la dam reng ta sê, a thih hi keipawn ka âwih thei bík lo rêng a ni,


"Hyung, ala dam a nih chuan tinge Yanoo bulah arawn kal loh, a fapa te hi a hmu châk lo amawni le, ka rilru a buai takzet a ni, Jimin Hyung ngei a nih chuan Yanoo hi a rawn pan hmasak ber túr chu a ni, mahse tinge min bi rúk san anga ka ngaih tlat le"


Ngaihtuahna tam tak sêng ni âwm tak chuan khabe dawm meuh hiân a tí a, keipawn chu chu ka hre lo, tinge Yanoo rawn pan lo a a birúk ang, Engpawh ni sê, ka zawng chhuak túr a ni,


"Ka zawngchhuak ang, mahse Yanoo hian engmah a hre vê túr a ni lo"


A lú chu a bu nghauh nghauh a, Jeha chu hmanhmawh zet chuan a rawn lút zui bawk.


"Master, Europe atanga kan thawhpui thar te kha vawiin khân an rawn kal a, zan in ah Party an buatsaihna ah in tel vê ngêi a ngâi an rawn tia, inremna ziah fel an ti nghâl anih chu"


"Party tih vêl hi ka ngaina lo asin"


"Hyung, inremna kan ziah a ngâi alawm, Jimin Hyung duhthusam ber a nih kha, keini talin kan tih hlawhtlin sak loh te chuan"


"A thâ lawm, peih lo viâu mahila Jimin tân ka ti ang"


"Chuan Master, i nupui rawn hruai tel túrin a tí che nih chu"


Ni dâwn tak e, mahse ngaihzâwng tak ngiâl pawh ka nei lo, mahse nupui nei angin ka lo insawi thawt thawt bawk sia.

"Dâwt theih man i hmú a ni maw"



Yanoo chuan Chimmy pawm chungin nui har har chung hiân a rawn tí a, Chimmy lah chu alo nui vê var var bawk, nuih pawh ka nuih peih lo, keipawh hi a, enge maw dâwt ka lo sawi kher kher le? Mahse kawppui nei lo bík nih kha ka duh hleinêm, Europe atanga lo kal te khân an nupui chanchin ringawt an sawi a nih kha.


"Noon, nangmah kal vê mai la, Hyung hian hmeichhe hruai túr a hre miah lo a nia"


"Ka hre lo le, mahse min sâwm thiâm viâu a ngâi ang"



Ngei awm zet a tihpah hian a mit hmul chu min rawn tih sân khum zauh zauh a,


"Ka sâwm dawn lo che lo in beisei suh"


Ka ti hmuk a, ala nui var var zui, Jungkook nên chuan min nuih vur vur ringawt, hê mite pahnih hi chu an chimawm dún ngawt mai, únâu tak tak tepawh an ang zâwk e a.

________________




YANOO POV



JungKookie thian tha tak chuan min chei mawlh mawlh a, a vawi khat nân party na ah ka kal dâwn a, tinge ka zâm êm êm le? Kal ka châk êm êm vãng pawh ni lo in Jimin duhthusam ani tih ka hriât vângin tel vê ngêi ka duh a ni.


"Ehe!.... Noona, i hmêl a danglam vek, i nalh lutuk ringawt"



Ka nuih var var a, kawrfual dum a bân sín tê nghâwng pawh zâu tha tak a ni ka âwmbâwr lang dêt dêt thei hi min pe bawk a, a fuâl sír lamah chuan a kak vângin ka mal pawh alang thui khawp ang.


"Hetiâng techu ka ha vê thei dâwn mi? Fâ ka nei tawh hi"


"A pawi lo Noona, vawi khat tal chu ha vê rêng rêng rawh"


"Unnie (korean hmeichhia in aia upa hmeichhia tho te an kohna aw) i inhmeh ngawt ang, i hmeltha a, i piân a nalh bawk sia"


Alo ti vê bawk a, high school kal lâi lek ni mahse make-up chu a hmang thiâm ngêi mai, ka hriât ngâi miah loh tepawh ka hmâi ah chuan a bel ang mawlh mawlh a.


"In en rawh le"


A tih tâk ah chuan dârthlalang hmâ ah chuan ka ding a, ka rei leh...!!! Ka hmêl chu, ka sam te, keimah ka ni lo zâwkin ka hria, zan in na na na chu ka hmêltha ngêi mai.


"Tiâng êm êm hian ka lo hmeltha tih ka hre miah lo"



Jungkook leh a thiânnu chu an nui hak a, keipawh ka nui vê mai bawk a.


Kawrfuâl chu bathroom ah chuan ka'n ha chhin a, ka ha tâwk chiah leh nghâl, fâ nei tawh mahila ka dul ala liân lo bawk a, ka chêr ngâia ka la chêr reng tho vângin ka ha nalh vê tho mai.


Taehyung tawng rí ka hriât tâkah chuan hmanhmawh zet in ka chhuâk vat a.



Ka chhuâk chiah chu Taehyung chuan phâwk fê hian min lo en a.


"Khawnge Lee Yanoo kha?"


A rawn ti sup a, ka hmúi ka lo tih pawrh khum vak ringawt.


"I kawr hâk kha a sexy mah mah lo mi?"


A rawn ti leh a, ka in en chu duh âi chuan ka taksâ a lang tam mah mah ka ti vê tho mai.


"Hyung a pawi na awm lo, Noona hi zan in chu analh ber túr a ni"



Jungkook chuan a lo ti vê vat a, Taehyung pawh a nalh khawp mai,

"Taehyung sii, nangpawh i nalh khawp mai"


Ka'n ti zauh a, a hmúi tipawrh chung chuan a mit hmul chu alo ti sâng zauh ringawt.

"Ka fapa kha tha deuhin lo enkawl ula, a tap in thlêm theih loh chuan min lo call vat dâwn nia, chuan chance neih in lo tum vaih a nge"


"Unnie, kan in ngâizâwng hleinêm keichuan bialpa ka nei alawm"


Jungkook thiannú chuan a tí a, an in ngâizâwng amaw ka lo ti vê char char a.


"Kal tawh ru in tlâi dawn"


Jungkook chuan hmanhmawh hmêl zet hian a rawn tí a, sahmul kawrlum vâr thianghlim zet chu lâ in hmanhmawh zet chuan kan chhuak nghâl a.


_________



A hmun kan thleng chu alo reh thap mai, Hotel liân vak lo ah chuan mi sâwm (10) vêl êrh âwrh chauh hi nalh leh changkâng zeta inchei chuan an lo thu thap a, a hmun lah chu a nuam viâu leh nghâl, ka lo rin dân chuan chanchin bu mí te nên an lo ri luih luih túr ah ka lo ngâi a, mahse ka lo rin dân nên chuan in persawn tak a ni.



"Ehe Mr Kim in lo thleng thei maw"



Pa pakhat chuan a rawn tí vat a, an in chibai nghâl vat bawk, Taehyung chuan a zah hmêl hlawm êm avâng chuan tawng pawh ka tawng tha vê ngam mang lo.


"Hawh u he lamah hiân lo kal rú"


Tihpahin dawhkân puân vâr a khuh pangpâr nalh zet in khâwina hmun ah chuan min hruai phei a, dawhkân chu nupa tuâk thum (3) vêl chuan an lo kíl thap bawk, mi pawimawh leh hausa tak tak vek an nih a rinawm, ka chesual ang tih chu ka hlâu khawp mai, Taehyung nên chuan inthlahrung zet hiân kan thu ngâwi vê kar a.


"Kan pú ber lo nghâk phawt ang u, tichuan hna thil kan sawi dâwn nia, zâi mawi zet khi lo ngâithlâ ila tiraw"


Chupâ bawk chuan a ti leh a, stage ni âwm tak ah chuan hmeichhe hmeltha zet hian moon and black tih hlã cool raih mai hi a sâ a, sâp hlâ ni mahse ngaihthlâk a nuam in ka feel veng veng thei.



"I nupui chu a hmêltha hlê mai"



An zíng ami putar pakhat chuan a rawn tí a, an tawng tam lo hlawm ang reng sia, a nuâm chiah lo khawp mai.

"Ka lawm e"


Zâwi sap chuan ka'n tí a,


"Fâ engzat nge in neih tawh a?"


A nupui ni âwm tak chuan a rawn ti leh a, Taehyung chu va melh zauhin Chimmy chanchin chu sawi mai túrin ka tí a.


"Fapa pakhat ka nei vê tawh a, kum 1 a tling vê têp tawh e"


Taehyung chuan nuam lo tih hmêl zet hiân atí a, pawi ka ti lêm lo, dââwt alo sawi lak lawh tawh sí a, dâwt a sawi tih an hriât chuan Jimin duhthusam ber hi kan puitlin thei lo mai ang tih ka hlâu a ni.


"In hmêl a tha dún sí a, in fapa chu a hmêltha viâu in ka ring"



A rawn ti leh a.


"Ka lawm lutuk e"


Taehyung chuan bu zauh pah hian a ti a, nuâm a ti vak bík lo tih ka hre mai, hepâ hi chuan hlauh hi a ngah hrim hrim a, Jimin chu ni sê pângâi takin a awm anga, engkim asawi kaw leh vek ang mawle.


"In lo dam em?"



Ti tú lam ka hawi chiah chu ka phu zawk mai, amah a ni, coat man to hmêl zet hâ hian alo ding vâng a, a bânah chuan hmeichhe pakhat hiân alo vuân tlat bawk, mak ti lutuk chu sawi mai túr pawh ka hre lo.


"Jimin sii"


Ka ti chhuak sap a, pan a thawh mai ka tum chu Taehyung chuan ka kutah alo man chat a,


"Rilru fím tak pu rawh Yanoo, enge thleng hi hriâr tum ang, nghâk rih rawh khawngaihin"


Ka beng bulah chuan a rawn ti sar sar a, ka mittui rawn tling nên Jimin chu ka hmu phê ruai thei, alo la dam reng amaw, vawiin tlâi khân ka hmusual lo tih ka chiâng rêng a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)