ITZHAK BY Hlutei Jocund Pachuau‎ (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: ITZHAK BY Hlutei Jocund Pachuau‎ (Completed)

Unread post by Ngaia » January 26th, 2020, 9:42 pm

ITZHAK

CHAPTER-7


BY

HLUTEI JOCUND PACHUAU


Note.

Vawiin ah ka story a a indress dân kawr dum t shirt dum leh muffler taksa rawng lam a awrh ka tih ang chiah² khân a rawn in dress tak² nia😂😂😂.... Ka hmu thut chu ka nuih aza top🤣.....




Sangboiha te Dawr atang chuan chhuak in o form chu a hlíp ta daih a, a bag lian zet ah chuan a thun daih mai, a bike ah chuan harsa ti zetin ka lâwn leh taih taih a,

"Iva rimtui vung vung ve"


Ati sup mai, ka nui var var ringawt, Hlutei thusawi chuan hnâ a thawk tha dâwn khawp mai ka ti rilru nauh nauh ringawt.


Kan in kawng lamah kan haw dâwn emaw ka tia,



Muanpuia Pov



A taksa che dat chu ka hre reng a, side glass atanga ka en chuan hlauhthâwn hmel zet hian alo hawi kual hrak hrak reng chu niin, a kun leh deuh lap thin, He khua ah hian Zo khua an tih thin kha a awm a, ka kal châk mai bâkah a fâlin khawi ah mah ka hruai ngai lo a vawiin chu engkim sawi thlúk tum tawh teh ang, mahse ka zâm ve tho mai, ani pawh hian min haw bík lo tih chu hre tho mahila, kan in ngaizawng dawn anih chuan mipa takin engkim sawi tlang vek law law ka duh a ni.




Engmah min zawt lo chu ka ngaih atha lo lek lek zawk, Zokhaw panna gate bulah chuan ka bike chu ka ti ding chat a, muang châng chuan a chhuk thla ve taih taih a, ka lo khawngaih thin, bike dang lei vat a ngai a ni, mahse hetiang bike techu hmeichhia hian nalh an tih theih teh lúl nen, henú ve hi chuan eng hú ah vak mah angai ve hlawl lo.



Gate chhungah chuan min zui lút ve dat dat a,


"Tah hian lo ding la, luh man ka va pe lawk ange"



Tihpahin Zokhua vêngtu te in ah chuan ka lút a, luh man ka pek zawh chuan kan hming te ziakin ka chhuak leh nghal vat a, a kut ah chuan ka kâi vuan deuh thut a alo phu deuh uih zui, ka en vat a, min rawn en ve chiah, a hawisawn leh nghâl daih a, ka mit takah hian min en rei ngam lo reng reng, mahni in ringtawkna a ngah lo tih hai rual a ni lo.


Hmeithâi in a luh pui ka tum chu alo tang deuh tung a,


"Helai chu a thim vek a nuam ka ti lo"

Kun lap hian a ti sap a, hmeichhe naupang a ang reuh ka ti lutuk chu ka nui tawp,


"I kal tawh ni maw?"



"Mmm.... Sangboiha te khân min kalpui tawh a"



A rawn ti sap a, Hnamchawm in ah chuan kan lút ta zawk a, thli a thaw heuh heuh sia vawt ati hrim hrim ang, kei lah sweeter pan lam chiah ka ha bawk sia, ka muffler awrh hi ka awrh tír mai dawn mawni le?.....


"Hetah hian tinge kan kal a?"


Min zawh hun ka lo nghâk reng tawh a.


"Sawi túr ka nei a"


"Enge sawi la"


Awlsam zet hian a rawn ti a.


"I chhânna hriat ka duh tawh, thla 2 lai hun ka pe che nia"



In la khawngaih thlâk awm zet chuan ka ti a, a hmêl chu a tak deuh rân mai, a kut a sik leh nauh nauh tawh, a zak zum vê ngawt mai.


"A dik alawm, mahse ngaihzâwng ka la nei ngai lo a, i lawmna pawh ka siam ve thei dawn ami? Ka zei lo dawn sia, bakah in ngaihzâwnna lamah hian engmah tawn hriat ka la nei lo a"



A kut sik neuh neuh pah chuan a ti sep sep a, hei tak hi lâwm ka duh chhan chu, a biang tawn tawn ah chuan vuan in keimah min en thei túr chuan ka kuai dâk deuh a.


"Hey.... A pawi lo, ka awm alawm, tawn hriat neih kher a ngai hleinem, ti hian i hre chawp ve zêl mai ang"



Ka tih tak chuan a rawn nui sak a, mahse a zak hmêl erawh ala bo hauh lo, a hmaibial chêm mai leh mit meng lian deuh tak te, a hnar ngul in vuah fuh tawk em em te, a hmui lian lam lip gloss a hnawih mawm hlap techuan min híp vel vek, a bikin a hmui mawlh hi, a in rin hma chuan ka fâwp thut a, a che dat mai, mi chhânlet na chang hre lo chuan alo dawh mawl top ringawt, a vawi khatna tih hrilh chawp ka ngâi hauh lo, ka duhtâwk in a hmui sexy zet chu ka'n suasam kual vel a, nuam tak a ni Sara i nen khan vawi tam kan in kiss a, mahse nuam tihna leh phúrna ka nei lo, Sangtei hi chu a dang zar mai.


A biangah techuan ka fawp a, ka kut lah chu awm hlê hlê thei lo, a awm bawr hmân atanga ka lo suangtuah thin ngei kha ka hup thak a, chu veleh a in la hrang nghâl vat, a awm dân tur chu ka hre mai, a vawi khatna nih vângin ala zâm mai mai ani.


"Tih dik loh ka nei ami?"


"Ni lo.... Nuam ka ti chiah lo a, ni leh lo..... Ka.... A tha ka ti lo"



A ti bah niai a, a sawi zawh hmâ chuan ka fâwp leh tâwn tâwn a, a biangah techuan fawp thla zelin, a nghawng ah chuan ka hmai chu ka phúm hmak a, a zâ a ti niang alo tang tung mai.


"In thlah dul rawh, tiang chu thil pangai tak alawm Duhtak"


A beng bulah chuan ka ti a, tlêm chuan a inthlah dul ve ta deuh e, a nghâwngah chuan love bite an tih chu ka siam sak a, a nghâwng vâr sar chu a rawn duk kalh mai, chu chuan a ti lang sexy zual ka ti.



"I hre ngâi em tiang kha?"


A mit a en kar chuan ka ti a,


"Hre ve tawh e, video ah tepawh a awm thin alawm"


Sangtei pov



Ka sawi zawh chuan za zet hian a nui hak a, sawi sual ka nei amawni zâwk le? Video ah ka hmu thin reng sia.



"Sawi sual ka nei ami?"


"Ni lo e, i duhawm lutuk"


Tihpahin ka biangah chuan a rawn piai zauh a, hahdam hmêl zet chuan a thaw ham ham a, nghet zet hian min rawn kuah vang vang bawk.

"Ka ta ini tawh a nia aw"



A rawn ti sup a, ka nui var var ringawt, keichuan hetiang mipa hmeltha lutuk ka tâ a ni mai hi awih harsa ka la ti reng.


"A tlâi tawh sia, hâw tawh mai ang"


Ka ti chhuak sap a, khua a thim lek lek tawh, duh aiin kan awm rei ta mah mah a ni, hetia kan awm reng chuan thil tha lo a thleng palh ang, ka hnar phal dâwn dêr si lo.


"Nia, keipawn lehkha zir tur ka ngah lutuk ringawt"


Tihpah chuan a tho vut a, keipawh ka tho vê nghâl mai bawk, a bag chu a ak tha mawlh mawlh a, a chêt dân chu uluk zet hian ka lo en reng a, ka mipa lo suang tuah thin ang chiah chiah kha a ni.


"Vawi khat leh chiah"


Tihpahin a rawn kún hniama min rawn fawp leh zauh, ka lo nuih var var ringawt,mahse tlêm chuan ka inthlahrung lek lek mai, chhân lêt dân ka la thiâm sí lo, lo dawh mâwl top mai loh chu, hmâ ka sâwn zêl túrah ngâi ang.


____________Time skip_____________




In ka thleng chu mood fuh tih takah ka khi súng reng mai, ka inbual lai techuan ka hmui chu khawihin ka nui sak reng a, tiang khân in kiss hi alo nuam tih ka lo hre ngâi lo rêng reng, a zún ah hian ka uai nghet telh telh tawh in ka hria, keimah zâwkin ka zúna uai tír tum kha ka nia, keimah zawk ka uai dêr tawh.


Hlutei nú chawhmeh min suah chu Remi nen chuan kan ei mawlh mawlh a, chawhmeh min suah ziah a a siam tui thei bawk si, Remi nên hian ei rawng bawl chu thiam ve tho mahila kan siam tui lêm lo, bâkah mahni siam ei reng chu ei tui ahar ka ti thin.



Hlutei pawh a rawn kal remchân êm vangin a ei vê nghâl mai a.

"U Sangte enge i nghâwng ami kha? Khuailian chi in a zúk che ni maw"



Rum zet hian ka melh a, Remi nen chuan min la nuih vur vur zui.



__________


Zan ah chuan kan in be reng a, mahse vawiin chungchâng engmah kan sawi lo, lehkha zir a ngai dawn sia tihbuai ka hlau a ka be tha ngam vak lo, ka mutsan ta daih a.




_____________




A ngâi tê bawkin kan buai leh nak nak khawp mai, students ho buaipui ngâi bawk nên vawiin chu ka vín hlur reng mai, bungrua lo thleng bawk si, keimah chauhin Procurement section ah chuan ka awm a, store keeper an awm bawk sí lo, anni chuan hospital lam ami túr an buaipui daih a, keichuan student ho tâ túr ka buaipui thung, a bill leh azât hi hriât vek zêl a ngâi bawk si.


"Miss"


Min âu tú lam chu ka hawi vut a, hmânni a Muanpuia hauh nú kha ni maw, a hmêl chu tha in ngo ving veng hi a ni a, kei aiin a sâng thung, a nghâwng chen lek hian a sam dum hlap chu a thlah a, nui sak pahin alam chu ka pan vat.


"Glove leh mask ka mamawh a, khawngaihin min lâk sak thei ngem?"



Ngei awm zet hian a tí a, a thian te dang pathum chuan hnuaichhiah hmel zet hian min melh hlawm bawk, midang ho chuan min lo en thap bawk a.

"In hming leh roll number lo ziak ula ka va lâ a nge"


Tih sap pahin store room lam chu ka pan vat a, an glove leh mask túr chu la in ka chhuak leh nghâl vat a.



"Hei aw"



Tihpahin ka sem den den a, min hauh hrep châk hmêl an pú in ka hria. Mahse ka ngâwi reng a, hria ang pawn ka awm chuang lo,


"Muanpuia nên hian in inkâr ah enge maw awm niin kan lo hria a, helâia awm te leh thawk te ho hian an sawi sup sup a nia"



A hmêl chu ka en vat a, hei hi Muanpuia bialnu hlui ber chu a nih ka ring,


"Chutiang sawina hmun túr chu ni lo, nakin ah pawn lamah min la zawt zâwk dawn nia"




Tihpahin ka ngaihsak duh ta lo a, naupang te te si, an ngam pa hlawm reuh phiân a, zak thei lo lutuk ka sawisak hrep hlawm nghâl loh.

An la ding reng a, an in mit mei zeuh zeuh lai chu ka hmuh hmaih lo chiang kher mai, Muanpuia chu ngaih that loh hmêl zet hian a rawn phei vê nghâl a.


"Enge in tih?"


A rawn tih nghâl hmuk mai, a bialnu hlui chuan a melh rum nasa mai, keichuan ngaihsak duh lo in bungrua lo thleng chu ka chhiar mawlh mawlh a,


"Hetah hian kal vê phalsak kan ni lo mi?"


"In mamawh in lâk tawh chuan kal ru"


"I thu lo Lalmuanpui"



Tihpahin an kal tâu ta sawk sawk a, ka nuih aza ngang mai, nui sukin Muanpuia chu ka en a, min ngaihtuah hmêl zet hian min lo en kar bawk.


"Enge an lo sawi a?"



A ti sup a, ka nuih aza ngêi mai.


"Mamawh an nei a ka lâk sak alawm, a hrim hrimin tinge khatia irawn tih vak kher a?"


"An tihnat che ka hlâu alawm"



A ti deuh sup a, ka nuih za lutuk chu insúm tawh lo in ka nui hak a, naupang chhia reuh lutuk.


"Teuh lo mai, ka chak zia i hre lo nih kha"



Nui paha ka tih chuan ani pawh a rawn nui vê mai a, kan in nuih var var lâi chuan Muanpuia nu chu a rawn lút thut a nih chu, engmah sawi lo chuan thinrim hmêl zet hian min rawn pan a, ka hmâi chu a ri nghâl sawk, bungrua lo thleng inrem chungah chuan ka bawk thlawp a, ka biang thíp vang vang vâng chuan ka in seh ruh tawp,


"Ka nu enge maw i tih le?"



Muanpuia chuan vín thawt hian a ti a, keipawh ka hawi lêt vê nghâl vat a, ka sam kâr atang chuan ka melh kar bawk.


"A thil tih hi i hre lo amaw.... In inkâr ah enge maw a awm khân mo a tân ka iai loh vângin ka ngawihsan cheu a, duh aiin a huâng tau mah mah a ni"



A ti ta tún tún a, enge ka tihsual engmah ka hre lo, a thinrim hmêl nasa mai si, enge ka tihsual ni ang? Enge ka tih ang? Engmah ka hre lo.


"Enge a tih chu sawi ta che?"



"Hei en rawh, Director nen kan thlalâk a theh darh a nih hi, a zak chuang lo reng reng"


Tihpahin rum zet hian min rawn melh hrâwk a, a mit meng lah chu lian kel kawl dum huâm mai sen deuh rúm hi a ni a, ka mittui tla túr chu ka khap lêt fak ringawt, eng dâwt thú tak ni ang maw.


"Engmah tih sual ka neih âwm ka hre lo"



"En rawh"



Tihpahin a phone chu min rawn en tír a, ka duh thei lo, ka number ngêi chu ni sia, ka phone chu ka zawng kual a, ka hmu miah lo, khawnge?



"Ka phone ka dahna ka hre lo"



Mittui tla fap chung chuan ka zawng kual a, dawhkân hnuai ah alo tla thlâ chu niin, ka phone atang ngêi a ni leh nghâl, phat ngaihna rêng ka hre tawh lo, ka phone chu en in ka phone atang ngêi a tih chu a ni sia, mahse hetiang thlalâk te ka neih âwm leh ka lâk lai pawh ka hre lo.


"Chhuak ang, henu vâng hian i thiante zawng zawngin an hmusit dawn che nih hi heta awm reng pawh a túl lo"



A ti hluk hluk a,



"Lo va chhuak rawh"



Muanpuia chuan vawt raih hian a tí a, min ring hrâm se ka ti, a hmêl atang chuan a lâwm vak lo tih hai rual a ni lo, chil lem khalh chuan ka en reng a.



"Engmah sawi a ngâi tawh lo kal ang"



"Lo va chhuak rawh ka tih chu"



Vín thawt a a tih chuan ka lo phu zawk a, ka mittui a tla sawk bawk, Doctor Marinai chu a thaw hawk a.


"I awm awmin awm teh"


Tihpahin a chhuak hmak a, kawngkhâr chu a khâr ri thuai bawk, Muanpuia chu ka en kar a,


"I tih ngêi chu ni sia maw"



A rawn ti sup a, sawi túr ka hre lo, ani hian min ring miah lo tihna nia, ka tih a ni dêr bawk si lo, min rin ka lo beisei a, túna min en dân hi ka haw lutuk.


"Ka tih a ni lo, kha thlalâk kha ka vawi khat hmuhna, tu in nge ka phone lo khawih pawh ka hre lo"



"Mahse i number atang ngei a thawn chu nia lawm"


"Min ring lo em ni?"

Ka ti sap a, ka rilru ana deuh tlat, engtin nge maw khatiâng thil kha ka tih a rin reng reng le, a nu hi huatna chhan túr ka nei lo a, a chung châng ka post kual khân eng hlâwkna mah têl túr ka neih âwm ka hre lo bawk.


"A tawk, sawi tawh lo ang"


A rawn ti sup a, mahse ka la lungawi thei lo, min ring miah lo tih a mit meng a tang hian ka hre chiang khawp mai,


"ka tih a ni lo tak tak, min ring lo anih kha"



"Sawi tawh suh ka tih chu"

Vín thawt hian a rawn ti nih chu, ka lo phu zawk thei, a hmêl chu ka en kar a, thutthleng ah chuan thu hnawkin ka thil tih lai chu chhunzawm âwm ang deuh chuan ka tawp,ka tawng tawh lo, ka tawng chhuak a nih chuan ka tap dâwn tlat, tinge maw ka rilru hi a no thar êm êm le, ka tah khât tawh tehrêng nen.


"Ka tihpalh, a benna che kha ana em?"


Dam zet hian a rawn ti leh a, a inthiâm lo leh deuh tih ka hria, mahse ka la thinrim reng tho.


"Na mai mai lo"



Ka lo ti hlak a, ala ding rún reng tho.



"Rawn kal tawh rawh, kan tan tawh dâwn nia"



A thianpa chuan a rawn ti a, a thianpa chu ka lo nuih lui sak bawk,


"Enge tih túr kan la neih a?"


"Kan sir thar alo kal dâwn a, a strick teh mai nia"



"Awle ka rawn kal ang"


A tih tâk ah chuan a achhuak leh nghâl vat a,ka la ngaihsak duh chuang lo, ka ngâwi reng a, ka mittui hru mawlh mawlh pah chuan ka thil tih lâi chu ka ti mawlh mawlh tawp.


"Hey.... Ka tihpalh ka tih chu"



Dam zet a tihpah hian ka hnunglam atang hian min rawn kuah a, ka lo múr sung sung thei, ka thil khawih lâi chu ka tâwp chat a.


"Min ring lo a nih kha"


Tap âw tiau chuan ka ti a,



"Chu chu a pawimawh lo, ka nu chu ngah mah ngâi lo la, ka siam tha leh vek ang"


Tih sup pahin ka nghâwng ah chuan a rawn fâwp zauh a, ka lo za chuai mai, min rin leh rin loh chu a pawimawh lo tihna maw.... Ka thinrim chu a zual telh telh mai, mahse hepa min khawih a pianga ka awmdân danglam ziah hi mak ka ti, min kuahna chu thlahin a kal chhuak nghâl vut a, a chhuak chiah chu a reh tlawk tlawk a ni ber mai, tu in nge ka phone kha lo khawih ang le? Engmah ka hrethiam lo, Muanpuia nu Pi Marinai ka chunga tha êm êm thín pawh khân min haw tawh a nia, engtin nge ka chin fel ang.



Ninawm, hah nâk alaiin ka ngaihtuah peih lo e a.


_______Time skip______



Thil ei pawh ka châk lo, ka rilru hah lutuk hian engmah min ti ei châk lo, ka na vawng vawng mai, min rin leh rin loh kha alo pawimawh lo amaw, 'ka ring che lawm' a tih ka lo beisei vê êm êm a, Buliding hnunglam ah chuan a rúkin ka phei a, thingbuk hnuai ah chuan thu in ka mittui chu ka hru mawlh mawlh ringawt, túnah chuan ka fímkhur loh vângin Muanpuia'n hmuhsitna a tâwk anga, college ami zawng zawng ten an hre vek tawh âwm sia, enge ka tih tâk ang? Ka tih a ni dêr si lo, ani lahin min ring bawk sí lo.



Ka hnunglama aw thiân kharh rí ka hriat vâng chuan ka phu zawk a, ka hnunglam chu ka hawi nghâl vat, Palian lam ngo lampang hmeltha zet mai hian min lo en kur anih chu, ka tho nghâl rawk rawk a.



"Tunge i nih a? Enge hetah i rawn kal vê ngawt a?"



Vín hlar chuan ka ti a, ala nui suk zui, ka thinrimna a ti zual sauh nia, mahni a awm ka duh tehrêng nên.


"Helai hmeichhe tap mêk hian ka mit ala tlat a, ka rawn kal vê chu ka tihpalh takzet a ni"



Nui vur vur chung hian a ti a, ka hmúi ka lo tih pawrh khum vak ringawt, ka la hmuh ngâi âwm pawh ka hre lo.



"I phal chuan ka lo thu vê thei a ngem?"



"Thei e, he lai hmun hi ka pa tâ a ni bík hleinêm"



Ka ti leh hlak a, min nuih reng leh nghâl, ka thutna ah chuan thut leh in râl leh lama lo ni âwm tak buh hmun mawi zet chu ka thlír vang vang a, nichin thil thleng bawk kha ka ngaihtuah na ah arawn lút leh tawh, nu leh pa neiin chhúngkua a awm ni ila chu khatiang hmuh sitna kha ka dawng miah lo ang, ka pa la kha la dam se ka ti ngawih ngawih, min boral san hmâ deuh a ni, túna ka dinhmuh hi chu fahrah diktak dinhmun nên a danglamna ka hre lo, ka pa kha la dam sechuan nu ka nei anga, pa pawh, chuan ka châk em em thin he college ah ngêi hian hna thawk lo in doctor ka zir vê tur a nia, ka mittui rawn tla sap chu ka hru zauh a.


"I tah chhan chu hre lo mahila, kan nun a zirlai tha ber chu hun harsa leh hrehawm kan tawh lai ber hi nia, engtik lai pawn kan nun ah hian harsatna leh hrehawmna ten min tlâk buak reng a, mahse a tluan tling lo ve ve, túnah chuan lungngâiin tap mahla nakinah hlimna in ala tlâk buak leh em em ang che"


Ka bula thu pâ chuan ati a, a hmêl ka en chu alo tak rún mai, râl lehlam chu alo thlír ve vauh vauh a,thil tam tak ngaihtuah hmêl a pu, a thusawi chuan min hneh ngêi mai, thlâ(moon) khian kil lí(4) a nei pawh ti se, ka awih ngêi ang.

"Ka harsatna chu kum 16 ka nih atang khân a in tan tawh"



Ka ti sap a, mak tih hmêl zet hian min rawn deuh hú a, ka sawi chhunzawm beisei hmêl zet hian min en reng bawk, mahse sawi chhuah ka tum lêm lo, diktak chuan a bulah hian inbun ruah vek ka châk a, mahse ka thei lo, ka vawi khat hmuhna chauh ala ni bawk sia.



Student mipa pakhat rawn kal ve chu a ding deuh dat a, a meizial zúkrúk a thuk ru lai chu ka lo hmu chiâng ngang mai, lei ah chuan peih in a rap hlum hmak a.


"Good afternoon sir"



Enga!.... Ka bula awm pâ chu a bu zauh a,


"Afternoon"



Ati sup bawk, a awmzia chu ani hi an sir thar chu maw!..... Awi ka lo vín nasa sia, ka che khir leh ta, ka lu thak lo pui chu ka hiât zauh a, ka zak lutuk, student chuan min melh zauhin a kal sawn nghâl vat a, a meizial zúk rúk erawh ka sawi ta lêm lo.



"Mak iva ti âwm ve"



Nui sun sun chuan a rawn ti a, ka then nâng ringawt.


"Ka tihpalh, ka hre lo che a"


"A pawi lo, keipawh ka insawi bík hleinem"



A fel reuh phiân mai, Muanpuia chuan min rawn call chhên leh nghâl a, ka la thinrim char char ang.



"A nih ka kal ange"




Tihpahin ka tlân sawn nghâl nal nal anih chu, ka zak lutuk.



Sangboiha te restaurant kawta Muanpuia lo hawi vual vual ka hmuh chuan ka zu fin vat a.


"Khawnge i awm a ka zawng nasa lutuk che"



"Hun thâwl ka mamawh a"


Tih ringawt chuan chhângin ka luh san ta daih a, Ka mi hmuh vâng chuan ka ding dat, a bialnu hlui te thian ho kha an lo thu khâwm thap anih chu, min lo melh râwm râwm hlawm leh nghâl a, enge hetah an tih ve le? Tinge Muanpuia hi a thiante an awm miah lo, amah leh A bialnu hlui te nên maw, ka sa nghãl phat mai.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:43 pm

TZHAK

CHAPTER - 8


BY

HLUTEI JOCUND PACHUAU


(18+)


zahmawh lam ka sawi em em lo na a la naupang lutuk tan chuan chhiar loh a tha, a hlauhawm😝..... zan ah ramhuai in alo man palh ang che u😝....



Chuan writer pakhatin a sawi ka duh em em chu, mi pakhatin tualthahna lam pang thiam tak a tak ang taka a ziah khân tual a that tawh tohna kher a ni lova, Se* lam rawngkai pawh kan ziah ve thin a vang hian kan tawng tawh tihna kher a ni lo, thian te ti ti leh kan chhiar zauna atang te a kan hriat anhin kan rawn ziak mai a ni, kei phei chu ka thian te hi pasal nei an ni deuh fur tawh a tianglam chu la tawng lo mahila ka hre hnem khawp mai.


Ngâwi reng in inhnuai lamah chuan ka chhuk thla daih a,an hmêl te hrê hrâw khi ka hmu peih hlawm lo e, inhnuaia ka chhuk chu midang ho chuan min lo en thap mai, Muanpuia chuan min lo zui thla ve chu niin, ka hre lo rêng rêng, ka hawi let chu uluk zet hian min lo melh a, midang ho lah chuan min lo nuih tet tet leh nghâl.


"In be lawk ang"

Ka thaw hak a, enge maw sawi tûr a neih le? ka la thinrim reng vâng pawh hi ni maithei ni.


Ngawi renga ka din vâng chuan ka bân ah chuan min rawn kâi lawp a, ka phu chiang lutuk, midang ho ka en chu phâwk hrâ hian min lo en hlawm a, step chêp zet ah chuan min kai chho rawk rawk bawk, kan chhuak chho chu a bialnu hlui te thian ho leh ama thiante ho chu an li awm vê vek tawh, mak tih hmêl zet hian min lo en thap hlawm a.


"min lo nghãk ru kan rei lo ang"


tihpahin min kâi chhuak dâwr dâwr a, min en duh hlawm si ka zak lutuk chu ka kun top ringawt.

College ah chuan lêt lehin room pakhat ah chuan min kâi lût rawk rawk a,


"Tinge ka call i chhân loh, chuan kan sir nên khân college hnunglamah khân enge in tih?"



Awka vin ni si lo hian a rawn ti hmuk a, sawi tûr pawh ka hre lo, ka thaw hak a, engtin nge maw an sir nên kan awm dûn tih a hriat ni.


"Mahni a awm ka duh a, chuan in sir khân min rawn hmu fuh a nih kha"


"Anih, a tha e, ila thinrim reng ami?"



Dam zet hian a rawn ti a, ka lû ka lo thing ringawt, min rawn kuah nghâl vang vang a, keipawn ka lo kuah lêt ve bawk, ka lungngaih leh natna ka tawrh châng a piangin hetianga kuah vawng vawng hi ka lo mamawh thin zia ka hre chhuak chiah, ka harsatna te zawng zawng min chhâwk zângkhai tu nei lo a mahni a ka lo tawrh tlawk tlawk lai kha ka ngaihtuah châng apiang hian mahni in khawngaih na in ka khat thin, hun harsa ka tawh a min kuah tu tûr ka nei ta chu ka hahdam sawng sawng mai.


"I nu chunga thil thleng kha ka tih a ni lo tak tak a nia aw"


ka ti chhuak sap a,


"Shh.... tawng tawh suh, ka hria lawm"



Ril zeta a rawn tih tâkah chuan ka nui ta var var mai, hei hi lawm alak atanga ka hriat duh chu, min kuahna chu thlahin min en vang vang a,


"Ka tihpalh, keimah vâng vek a ni, a thleng nawn tawh lo ang aw"



"Mahse i nu khân min huat phah sia"



"Ka nu chu ngaipawimawh suh, keimân ka rin che chuan a tawk"



Ka nui sak a, ani pawh a rawn nui ve ta, ngawi rengin kan innuih vur vur reng ringawt.



Kan chhuak chiah tih in an Sir thar kha kan tâwk nawlh mai, ka zak lutuk, Muanpuia kut chu ka vawnna chu ka thlah vat a, min rawn vawn leh a tum chu a kut ah ka lo sik tâwk ringawt.


"Afternoon sir"



A ti zauh a, an sir chu a nui var var mai, ala naupan hmêl nen engtin nge professor anih theih le, a hmeltha êm êm leh nghâl, mizo hmeichhia in a an duh tûr chî tak niin ka hria.



"Khawnge in kal dawn?"



"Thil ei tûrin Miss hi ka nghâk a, kan kal dawn chiah"



Miss min ti chu ka nuih aza tlat, mahse ka ti lang chuang lo.


"Awle, Min hre tawh em ti khân? Physiology demonstration assistant professor Lalduhawma ka ni e, LD min ti mai dawn nia"


Tihpahin chiabai min bûk zauh a, ka lo bûk lêt ve vat, Muanpuia chuan kan kut chu chal chuar nâng a arawn melh vâng chuan ka thlah leh vat a.


"Awle, ka lo hre tawh dawn nia, nichin vâng khân ka tihpalh lutuk a nia"


Ka ti sap a, a rawn nui var var mai,


"A pawi lo a ho lutuk, vawikhat tal chaw chhûn min treat la ka ngaidam ang che"


ka nui hak a,


"Awle, tehrêng mai"



Ka tih zawh chuan nui suk chunga min pelh pahin a kalsawn nghâl vat a, Muanpuia chuan tûm deuh bûr chung hian min kâi lawp ringawt, thikthû hi chu pe chhe ve ngawt mai.



______________




Dawra kan lêt leh chu min lo chhaih sup sup a, Muanpuia nu leh Director chanchin hre vek tawh mahse an thianpa lamah an tang tlat thung, Director vai kâra mî pa leh nghâl, A nu hi chu a nasa vè ngawt mai, engtin hetiang fapa tha lutuk te a hrin chhuah theih zawk le.



__________




Tlâi lamah chuan Muanpuia te an bân har dâwn vângin ka haw san daih a, ka chau angreng khawp mai, Remi awm bawk si lo, Aizawl lamah a nu damloh vângin a haw daih bawk si, Hlutei te in ah chuan chaw ka ei ta tawp a, a nu leh a pa hi an felin an fanu ang chiahin min en ve a, kohhran hmun khat kan lo ni leh zêl bawk nen kan in pawh bîk khawp mai,keipawh ka tlangnel tawh ang reng khawp mai.


Chaw te kan ei kham hnu chuan Hlutei chuan min riahpui dawn vângin kan in lamah kan chhuk thla dûn a, a ti ti siam siam reng a, keipawh a tawng kar lakah ka lo in rawlh ve zauh zauh thin bawk, a nui ring thei bawk si, kawtthlêr khawk rum rum khawpin zu nui thin a mawle.


In kan thleng chu hresa ni awm fa hran hian varandâ ah chuan Muanpuia leh Freddy a chu an lo ding reng a, ka hmu thut chu ka lâi deuh tlat leh nghâl.


"Ehee.... ka tel ve dâwn tih in hre sa ni maw in lo lên dân ah"


Hlutei chuan nui var var a tih pahin Freddy a chu melh zeuh a, ani lah lo lâi chhe rû râ khawp mai.


"Hawh u lût ila"


Tihpahin kawngkhâr chu ka hawng vat a, min lo zui lût ve mai bawk a.



Hlutei te ina ka inbual tawh vângin ka thawmhnaw chu ka thlâk sawk sawk a, Kawrfual pâr hâ in a chungah cardigan dum chu ka ha leh tawp a, thingpui ka in châk ve tho vângin ka lum nghâl vat bawk.



"Lehkha zir in ngâi lo mi?"


Muanpuia chu ka en kar a, a bulah chuan ka thu tharh bawk, Hlutei leh Freddy a chu an thu dûn ve thung a,


"Lehkha kan zir vak lo a tunlai chu activity kan ti tlângpui"



Muanpuia chuan a ti vê mai a, dar 9 rîk velah chuan Freddy a chu a haw ta daih a, Hlutei pawh room lamah inthiar fihlimin a bialpa a bia a niang a nui leh uarh uarh tawh.



"I sam hi a rimtui e"



Tihpahin Muanpuia chuan ka sam chu a hnîm vang vang a, ka lâi leh tawh ngang mai, ka biangah chuan Dawmin min en vang vang a, rawn hnâi zêl a hmui sa ham ham mai nêm thep chuan min rawn fâwp vang vang a, ka thiam ang ang chuan ka lo chhâng lêt ve a, kan duh thaw tan tawh khawp mai, a aia uar leh ril zâwk chuan min rawn fâwp ta bawrh bawrh a, ka awm dân hi ka hrethiam ta hauh lo, ka thâwk arang vek, ka lungphû pawh a dik lo tan tawh, ka thãw te hi a chham dawn in ka hria, ka cardigan chu a rawn phelh ta sawk sawk a, enge tih a tum hi ka hrethiam lo, a tih dân ang ang chuan ka awm tawp a.


"Khawnge i room?"



Aw thâm deuh tuak hian a rawn ti a, hrethiam lo zet chuan ka room lam chu ka kâwk vat a, mahse Hlutei a mu bawk si,


"Hetah hian awm zawk ila, a nuam lo"



Tihpahin Remi room lam chu a hawi a, rang zeta tho in Remi room lamah chuan ka hruai a, enge hetah kher awm a tih chhan hi ka hre lo, room kawngkhâr chu a kalh ta daih a, tawng ka tum chiah chu min rawn fâwp leh ta tâen tâwn a, ni lo, kan tâwp a ngai, mahse ka thei lo, ka hnar thei lo, ka thei lo, engvâng nge? ani hi ka mamawh takzet a ni, tûna ka awm dân hi ka inhaw takzet, mahse awmzia awm tawh si lo.


Ka nghâwngah chuan a rawn fâwp thla zêl a, awm dân tur ka hriat loh vângin ka lo maimitchhîng tawp, khum ah chuan min muttîr ta riai riai a, ka kawrfual a hlîm chho tûr chu ka lo man bet vat.


"Tinge?"



Mak tih hmêl zet hian a rawn ti hû a, ka dang tûr a ni, hah hmêl zet chuan ka thaw ham ham a.


"Ka.... ka... ka thei lo, hetiang chu a tha lo"



ka ti bah niai niai a, ka sam hnawk niai chu rawn hûi tha in duat hmêl zet hian min en vang vang a,


"Kei hian ka mamawh che Sangte, chuan nang pawn min mamawh tih ka hria, hei aia inzawmna nghet hi siam ka duh a, ka ta ni reng la ka duh a ni, chu vâng chuan chhin chhiahna siam ka duh a, Lalrinsangi hi Kei Lalmuanpuia ta chauh a ni tih hriat nan"



A thusawi awmzia chu ka man hlawl lo, tho hluaiin ka en deuh hâw a.


"A awm zia chu ka taksa hian i hming tattoo a chhut tîr i tum a ni maw"



A nui hak a, ka hriat dân ka sawi a ni mai a, peh hêl kual duah lo in sawi ve mai awm, ka hrethiâm lo ni ve mai a.


"Ni lo, i thianghlimna min hlân la ka duh a"



"Enga!"



Ka en vang vang a, deuh teh tawp a, ka zak bawk si, sawi tûr hre lo chuan ka kun tlawk tlawk ringawt.


A hnu deuh ah a hmêl en thei tûr chuan min kuai dâkin min rawn fâwp leh vang vang a, keipawn ka lo chhânglêt tha khawp mai, ka nghâwng lamah chuan tuan in a fâwp ta thuak thuak a, khum ah chuan min muttîr ta riai riai a, ka âwm bâwr zei zeta a fawh lâi chuan thaw halh pahin ka lo tih pauh âr âr a,a samah chuan ka thâm tâwn tâwn ringawt, ka kawr chu a phelh ta nge nge e, ti hi chuan ka chhânna chu "aw" tih a ni, ani pawn ahai bîk lo, duat leh dîm zet a min sâwng bawl lai chu ka lo dawh mawl tawp a, mahse kekawrte leh bra sexy lo zet ka hâk vâng chuan ka zak lutuk chu ka in hup sawk sawk a, ani pawh a in phelh ve nghâl a, mipa dang angin six pack nei vê kher lo mahse ka tân chuan analh tho tho, a âwm khauh hmêl zet vâr sur hian a ti lang pâ zual, a mipatna rawn pâwng deuh ûl ka hmuh chuan ka meng kâwk thei.


"Zak duh suh, i pian nalh zia chu kei chauhin ka hre hleinem, midang pawn an hre vek"



Tih sup pahin ka chungah chuan a rawn bawk a, hmeichhe awlsam tak ka ni, ka in hria, mahse ani ang mipa hmeltha leh fel lutuk zei bawk si hi tu in nge hnar phal ang, ka duh mai piah lamah khâ darkar reilote chhûng khân ka lo hmangaih hman pawh a ni mahna, ka ring a, min tina ngai lo ang tih ka hria a ni.



"Ka mitah hian en rawh le"



a rawn ti sup a, ka lo maimitchhîng daih tih ka hre chiah, a mitah tak chuan ka en kar a, nui sukin ka hmui ah chuan a fawp zauh.


"In ring rawh aw, ana dâwn nia"



A rawn tih rual chiah a engemaw ka taksa chhûnga rawn lût chu hlîng ang maia chhun hian a rawn na zawk a, ka lo âu that, ka tum vâng a ni lo, ana lutuk chu ka mittui pawh rawn tling nghâl pam mai, hetiang tur tih hi hria ila ka lo "aw" miah lo ang mawle, ka thlan tuiin min bual huh ta vek a, ka hmui chu petin a hnung zâng ruak kângah, ka thâm tâwn tâwn a, tah ka tum lo, mahse ka duh thû pawh ni lo in ka mittui techu ka bekah techuan a luang thla ngiai ngiai a, ka taksa chu a khûr ru der der bawk, ka mittui chu arawn hru mial mial a.


"Ka lawm e, ka ta chauh ini tawh ania"



Nui var var a tih pahin min rawn fâwp zauh a, a duh ang ang chuan min sâwng bâwl a, ka lo dawh mawl tawp ringawt, dan ka tum lo, thâ pawh ka nei hek lo a, ka tisual tawh ta sa sa a tâwp thleng ka tuar tûr a ni, a duh khawp a hmuh thleng chu ka tuar chhuak ve ta hrâm a, rawn rûm deuh nghutin ka sîr lamah chuan a rawn bawk thla thlawp a, min rawn kuah in a bân chu min rawn kham tîr a, ka chal ah chuan a fâwp zauh bawk.


"Ka tihpalh aw ana ngawt ang tih ka hria lawm"



A ti sup chu ka hre ruai ruai ringawt.



________________Morning _________



Ka taksa na leh ka luna ngut ngut chuan min ti harh zawk a, ka hmai zâwn a tu emaw thaw lum ham ham chu ka hre bawk, ka meng deuh kâwk a, Muanpuia chuan min lo nuih var var mai.

"Morning"

Awi ka hmai ka la phih si lo, ka hmelchhe dawn lutuk, ka puan sin lai chuan ka in khuh hmak a, a nui ri hak chu ka hre thei, ka zak lutuk ringawt.

Ka puansin lai chu a rawn keu hawng a, thawmhnaw engmah ka ha bawk si lo, ka lo tang tung ringawt.


"Zak duh suh, ka tân chuan i hmeltha ber"


Tihpahin min rawn fâwp zauh a, ka lo nui sak ringawt,ka chungah chuan arawn bawk leh thlawp a, a kawr alo ha fel vek tawh, a tho hmâ âwm ngêi mai, min rawn fâwp leh vang vang a, ka hâ ka la nâwt bawk sî lo.


"Nang hi ka ta chauh ini tawh, hei pawh hi"



tihpahin ka hmui chu a rawn fawp zauh a.


"Heipawh hi ka ta"



Tihpahin ka âwm bâwr chu a rawn fâwp leh zauh zauh a, ka lo nui tawp ringawt.



"Hre reng rawh aw, mipa tumah i melh thiang lo"




Thu pe zet hian a rawn ti a, ka hmui ka lo tih pawrh khum vak ringawt.





Min pawt tho riai riai a, ka puan sin lai chuan in khuh a kal mai ka tum chu ka taksa rawn khûr nasa lutuk, ka lu te rawn hai ruai ruai a, ka tlu mai tur chu min rawn dawm vat, khumah chuan ka thu leh hnawk a.


Ka lu na lutuk hi a puak keh mai dawn in ka hria,


"Hahdam rih rawh, nachhawkna hi ei la"




Tihpahin damdawi leh tui chu min pe vat a, ka ei ve nghal mai bawk a, alo ngaihtuah kim hle mai, min ngaihtuah hmel zet hian min en kar a.


"Ka tha ania, dar engzat nge?"




ka ti chhuak sap a,


"Dar 5 a pel chauh, mu leh rawh, hawh ka mutpui ang che"



Tihpahin min kuai mu a, ani pawh a rawn mu ve leh nghâl mai bawk, a âwm ah chuan min bei tir vang vang a, nizan kan awmdan ka ngaihtuah hian ka zak bawk si, hmeichhe awlsam tak ka ni tih a hre tawh a, tunah chuan ngahmah min ngâi tawh lo ang a, ka mittui chu a rawn tla fap a, insût ri hraih in ka mittui chu ka hru zauh ringawt.


"I tap ami?"


Tih sup pahin a rawn kûn deuh a, ka hmêl a hmu chu min kuah vang vang a, a nghet tha em em leh nghâl.



"Ka tihpalh, ka nawrluih vâng liau liau che ni tih ka hria lawm"




a ngawi leh vang vang a, a thusawi chuan min vêl ni berin ka hria, ka mittui tei vet chu a rawn luang thla zal zal reng a, enge maw ka tah ve ringawt le.


"Hei hi ka sawi ka ring ngai lo, Ka hmangaih che Sangte"




Tih sup pahin ka sam ah chuan a chuk zauh a, ka lo chhîng sawk ringawt, keipawn ka hmangaih che lawm tih châk viau mahila, tap tuau a sawi chuan a in rem dawn si lo a, bakah ka zak deuh bawk nen ka ngawi ta tawp ringawt.


__________time skip_________


Kan inbual chhûng pawn min lo nghâk reng a, alo ding zum vê zût reng mai, ka nuih tepawh aza lek lek zawk, ka towel leh, ka thawmhnaw hâk tur thleng chuan min lâk sak vek a, ka malpui vêl na thûm chuan thut pawh min thut that tîr thei lo, khum atang chuan ka duh ka lam tawp a, ka chhiahhlawh ang maiin a kal kual zuk zuk reng ringawt, ka nuih aza bawk si ka lawm bawk si, ka rin aiin a in pe zo daih.



"Class kal i ngaih kha haw tawh rawh"



"Min ning tawh a ni maw"


A ti deuh sup a, ka nuih hak ringawt.



"Nangni pahnih kha inchhaih reng lo in lo chhuak ru thingpui ka lum a nia"




Hlutei chuan alo ti lâng lâng a, phâwk hrã in kan in en dûn ringawt,


"A hria engem"



Zawi zet hian arawn ti sa sa a,


"Ka hre bîk lo"



Ka ti ve sap bawk.



Inthlahrung zet hian kan inzui chhuak zâl zâl a, ka zak lutuk chu hawi pawh ka hawi chhuak ngam lo,


"Nizan thil thleng engmah ka hre lo, tiang khân awm tlat lo teh u"


A ti hlak hlak a, Muanpuia nen chuan in en in kan nui var var ringawt.



"Ka kal tawh mai ang aw, ka lawm viau na a ka thiante ngaih alo tha lo lutuk palh ange"




A ti a, ka melh zawk ringawt, kal avan tum hmâ em em ka ti rilru nauh nauh a.


"Min lo thlah la"



ka beng bula arawn tih sap tâkah chuan ka ngaihtuahna atangin ka harh zawk mai, a chhuak tûr chu ka zui chhuak vê nghâl vat a.



"In enkawl tha rawh aw, damdawi kha i ei leh dawn nia, i khuasik chuan min hrilh ngei ngei ang che"




A thusawi chu uluk zeta ngaithla chung chuan ka lo bu zauh zauh a, ka biangah chuan rawn chuk zauhin step ah chuan hnehsawh zet hian a chhuk tthla lauh lauh a.


"Ka hmangaih che, ka rawn bia ang che aw"



Rawn hawi lêt pah chuan a ti leh hrâm a, nui var varin ka bye bye lauh lauh ringawt.



Kawng a thlen thlâk thleng chu ka en zui vang vang a, rawn hawi letin min bye bye leh lauh lauh thin, ka ngai nghâl dêr mai, ka ruak huai ni berin ka hria.



Inchhûng ka lût leh chu ka ngui bûr mai, ka awmdân te hi ka hrethiam lo, ka ruak ngawih ngawih, ka tap mai dâwn in ka hria, tinge ka rilru hi a no thar tâk êm êm le.


"Thingpui kha in rawh ti ti dûn ang"


Hlutei chuan thu tak zet hian a ti a, dawhkan bawh nguai chung chuan ka thu thla vê mai a.


"Khatia in awm vâng khân hmeichhe awlsam takah in ngaih phah suh aw, a tân he khawvel hmeichhe thianghlim ber ini tih kha hre reng rawh"



ka kut vuan chung chuan a ti sap a, tûn ah tak hi chuan ka nu ang mai niin ka hria, ka mittui tla chu hrûk zauh pahin ka bu nghauh nghauh a.


"A pawi lo a nia, i hmangaih vâng chauh a ni tih ka hria lawm"



Ka inhnît ta feih feih a, a thusawi hian min vêl zêl a nih chu, ka kuah thlawp a, ka tap tawp, ka awmdân hi ka hrethiam lo, thil sual lian tak ka ti a ni, tûn ah chuan hmeichhe lâk tlâk loh zet ka ni tawh.




MUANPUIA POV








Class lâk lai techuan ka lo muthlu leh lâwp lâwp thin Sangtei ringawt ka rilru ah a awm, tûnah hian enge a tih ang le, hna te kha alo thawk hah viau angem? Thisen a hlauh hnem sî a, a taksa in a tuar ngawtin ka ring,




Chhûn thil ei tura ka va kal chuan Sangtei chu a chawlh thû an lo sawi a, thiante bula awm pawh nuam ka ti lo, ka text leh call a chhâng bawk si lo, ka ngaihtuah lutuk hi awm ngaihna pawh ka hre lo, Sara i lah hian min ti buai reng bawk si, henû ka hnê zia hi chu aw...



Hlutei te dawr ah chuan ka kal vat a, Hlutei chu a fâlin ka be nghâl zat bawk.


"A awm a nuam thei lo a, ngaihtuah lutuk suh, hetiang techu a tûr ve rêng alawm"



"Engkim kha i hre vek tiraw?"


Nui thâ hian min rawn en a, tui bûr lah chu a hmuam ang pûng pûng a, ala tawng thiâm phian leh nghâl, enhtin nge maw a bialpa hian a duh le ka ti rum rum zel.


"Hria e, Khatia a awm vâng khân hmeichhe awlsam tak angin ngai lo la, a hmangaih vâng che nih kha, i tina nih vaih chuan ka rêk âng che ni mai"



ka nui hak a, ka dâr pawh chen tha mang lo hian min vo vê khang lâng nia, min rêk âng lo tawp ang, a tui bûr hmuam a min phuh hi ka hlâu fê zawk, ka nuih suk ringawt.



"Keipawn ka hmangaih alawm, tih nat ka tum lo, ka tina ngâi lo bawk ang.


________________



Sangtei pov




Hun te a liam a, Krismas December thla kan lo chuang kai dêr tawh, Muanpuia nên kan inzui na pawh thla hnih lâi alo ni leh ta, tûma tih buai ni lo ta na na na chu Kha zân a tang khân vawi tam kan chesual a, invenna pawh kan hmang ngâi lêm lo, engkim hi ka tân hian a nuam bîk ngawih ngawih a ni ber mai, min duat thiam in min ngaihsak em em reng a, keipawn ka thiam ang tâwkin ka ngaihsak lêt ve tho, kan tân khawvêl a mawi a ni ber mai.



An ni pawh an in exam zo tawh a, naktuk mai hian Aizawl lamah a pi te (apa nu) te tlawh tûrin a kal dawn a, Aizawl ah in tha tak an nei bawk, apa pawh ala dam tih hmanni khan ka hre ve chiah, apa chanchin chu sawi ngai lo mahse a nu ai chuan a ngainat hmêl zawk.




Kei erawh chu chawlh pawn ka haw duh loh vângin Hlutei te chhûngkaw bulah ka hmang dâwn thung, Remi pawn chawlh hmang turin hreh zetin min haw san a, Hlutei te chhûngkua an awm tho vângin ka khua a har lêm lo, tûn ah pawh kan pahnihin ka in ah kan nui leh uarh uarh tawh.



"Muanpuia chu U Remi nên in in fiamna zârah i chhâi thlu thei ta nge nge a maw?"

Balhla ei tuam tuam pah chuan a ti a, ala nui uarh uarh zui.

"Mmm... i chhai thlûk theih phawt chuan pasal ka nei lo ang a tia lawm, tûnah hei ka chhâi thlû chu ni sia, Mawia nên pawh an inneih ka phal miah lo ang"



Ka ti a, Hlutei nui nasa lutuk chu ka nuih leh chhâwng tawp,


"Mahse Muanpuia hian a hre tûr a ni miah lo nia, hria se chu a rilru ana ngawt ang"


"A dik alawm, in fiam nân mai mai ka hmang a nia"




Tihpahin kan intawn tirh a, chhai ka tum dân vêl chu ka sawi a, mahse tûn ah chuan alaka ka ngheh tawh zia hi hrilh chawp ngâi lo in kan hre ve ve tho.




Balhla kâwr chu thâm khâwmin pawn lam ka pan vat a, Kawngkhâr ka hawng chiah ka mi hmuh chuan min ti phu nasa lutuk.


Muanpuia chuan thinrim mit meng sen deuh rûm hian min lo en reng a nih chu,



"Enge i tih reng a lo lût rawh"



Ka ti ban chat a, tûna a mit mengah hi chuan min pawt sawm vek duh hmêl a pu, engmah ka hrethiam lo.


"Kei hi i infiamna tûr ka ni lo"




Ha seh chilh rap a tih pah hian a thil ken lâi chuan min vawm pawp in step ah chuan a tlân thla hlawk hlawk a, ngâwi rengin ka en zui tlawk tlawk ringawt, enge maw bâwm hi a ni, ka en chu sana nalh zet hi alo ni a, ka chil ka lem khalh ringawt.


Tuna thil thleng kha ka mumang ni se ka va ti èm, mumang chu ni si lo, kan thusawi zawng zawng kha alo hre vek amaw, khatiang em em a a thinrim kha ka la hmu ngai lo.



Rangzet in in chhûngah chuan ka lût a, ka room a ka phone chu la in ka call nghâl vat, ala duh lo, ka mang ang lutuk chu mittui tla zawih zawih chuan ka call nawn mawlh mawlh a, min chhâng lo, ka call leh chiah chu alo in switch off ta hmak a, chhuat ah chuan ka tlu sawp tawp.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:43 pm

ITZHAK

CHAPTER-9


BY

HLUTEI JOCUND PACHUAU



A tawi tih ka hria, ka hritlâng damdawi ei hi alo ruih theih a, ka awmdân hi a mumal lo nuaih mai, min hrethiam mai ru aw....😂😂😂😂




MUANPUIA POV





Ka phone paih keh nuaih chu ka melh tlawk tlawk reng a, Thianpa Khuma chu ka room ah chuan a rawn lut vat a, ka phone chhuat laia keh nuaih leh keimah chu min en tawn zuk zuk reng ringawt.


"Enge thleng a?"



Tih sup pahin ka bulah chuan a rawn thu thla vé nghâl a,ka la ngâwi reng, mahni chauh a awm ka duh tehrèng nen,


"I nu nên in in hau a ni maw"



A ti sup a, ka nu vâng chauhin ka thinrim bik lo sin le, mahse hetiang tak hi chuan ka nu lo hian min ti thinrim khât khawp mai,mahse tûn ah tak hi chuan ka thinrim ni lo in ka rilru a na.


"I hmeichhe rin deuhin fiamthu thawh nân lo hmang ta che se la engtin nge itih ang?"


"Enge maw i sawi le"



"Sawi teh"



Ka ti hmuk a, a mak ti hmèl chu nuihzatthlâk let ling zawk,


"Ka thinrim ngawt ang, fiamthu thawh nân hmeichhia zâwkin min hmang dâwn a nia, a zahthlâk âwm e, kalsan vang vang tûr alawm chutiang te min zawh a?"



A rawn ti lèt hû a, a thusawi zâwng chuan ka kut chu ka hûm ruh ngar ngar ringawt, tinge hmeichhia ang maia ka tlânchhiat le? Enge a chhan ka zâwt tûr a ni.


Hmanhmawh zet chuan ka tlân chhuak phut a, Sangtei te in lam chu hmanhmawh zet chuan ka pan dâwr dâwr a.


An kawngkhâr bulah chuan ka ding reng a, ka lût dawn nge dawn lo ka hre lo, mipa ka nihna ka ngaihtuah chuan a tlâwm thlâk ka ti bawk si, mahse tûn dinhmun ah chuan chutiang ngaihtuah thei pawh ka ni rih lo, a tello a awm thei lo zâwk tûr chu keimah ka ni tih ka hria, min duh lo ni se a thianghlimna thleng thleng khân min hlân dawn amawni le, tih techuan mahni ka in hnèm chawp a.


Sangtei pov



Khumah chuan thu in ka in ngaihtuah vang vang reng a, engtin nge ka hrilh fiah ang? Ka hrethiam lo, naktûk mai khi Aizawl a akal hun kha ni tawh sia, kan in hmuh loh rei phei chuan a hriatthiâm loh hi hrilhfiahna hun ka nei dâwn miah lo tihna nia.



________



Zân mut hmun ah techuan ka mu meng kar reng a, ka call a chhâng thei tawh si lo, ka â zo mai dâwn in ka hria, ka phone chu lâ in ka text leh ngat a.


*I hresual palh a ni, hun min pe la engkim ka hrilh fiah ang che*


Ka ti leh ngat a, mahse chhânna erawh ka dawng hauh lo, sana ka en chu dar 12 lo pèl duai tawh, ka mut lah chu ala chhuâk lo nasa mai, ti khawp khân a tân ka in pum pèk a, in sawi fiahna hun tal chu min pèk vè âwm, hmeichhia ang lek alo nih hi.



Ka rilru chu a insual nasa mai, a châng leh ka thinrim deuh thut a, ka in lukhûp hmak ringawt.


Naupang chhia ang chiah a nih hi, mawl lutuk, tlèm tal in min rin vè tûr a nia.


_________Morning_______




Ka harh vèleh ka phone chu ka en a, WhatsApp ah chuan lût in Muanpuia Message ah chuan ka lût vat a, nizâna ka en hnuhnun ber ang tho khân vawikhat chiah ala in tick tho, "I duh chen chen thinrim rawh"

Tih hlak pahin ka phone chu dawhkân ah chuan ka phone ka'n dah chawrh a, a kal hmâ in ka hrilh fiah mai ang, ni lo, tûnah hian ka zu kal zâwk dâwn amawni le, ni leh lo, a zahthlâk e a.

__________
Hlutei'n min thawnsan tawh avângin hna kal tûr chuan ka insiâm vè nghâl a, dar 8 alo pèl duai tawh bawk nèn.


Hna ka kal tûr chu hostel lam chu ka hawi thla zauh zauh reng a, Muanpuia ka hmu miah lo, ala tho lo pawh a ni maithei ni.



Kan inkawt ah chuan amah hmuh in beisei zetin ka tâwi hrat hrat reng a, a thiante lo kal chho dam dam chiah ka hmû, hepa hian min peh hèl nge mawni enge a hriat le?


Khûma bullet nèn arawn tlân chho chu ka bulah chuan a rawn ding chat a.


"Lo chuang rawh Sangte ka lo thlah ang che"



A rawn ti lûng lûng a, Muanpuia thlah beiseia ding khaw muang ka ni reng sia, nui lui sak pah chuan ka chuang vè mai a,


"I lung a lèng nghâl dèr alaw"



A rawn ti sup a, enge asawi awmzia hi ka hrethiam lo rèng rèng,


"Enge ka lung a lèn ngawt anga"


Ka'n ti liam ve mai a, a tlân muang phian mai, min phurh vâng a ni maithei a ni.


"Awww.....Muanpuia a hâw tawh sia, i lung te chu a lèng ang chu"




A thusawi chuan min ti phu zawk thei,

"A hâw tawh maw?"



Ka ti deuh hâ a,


" Tûkin zîng kârah khân a haw daih tawh alawm a hrilh lo che mi?"



A rawn ti hû a, mak ka ti lutuk hi awm ngaihna pawh ka hre lo.


"Aih"



Ka ti chuai raih ringawt, tawng pawh ka tawng chhuâk thei lo, engtin nge engmah sawi lo a akal mai theih le? Tlâi lamah a phei ka lo ring vè a,ka rilru na lutuk chu ka chil lem pawh har ka ti, enge maw hian min hnawh deuh ut ut mai.




College kan thlen thleng chuan ngâwirengin ka chhuk thla tawp a, nuih lui sakin office lam chu ka pan ringawt, lâwmthû pawh ka hrilh lo, mâwl min ti ngawt ang, mahse ka tawng chhuah dâwn hian ka tap dawn tlatin ka hria.



Ka insûm thei tawh lo, ka mittui chu a rawn tla fap a, midangin min hmuh ka hlauh vâng chuan kûn ngal chung chuan ka kal a, thil khauh zet ka sut tâkah chuan lei ah mawng sawh dawp khawpin kan tlu thuai mai, ka râk nghal that, ka mawng na lutuk chu ka tuai vawng vawng ringawt.


"I tha em?"



Tihpah a a kut min Rawn pe tû lam chu ka hawi chho vat a, Muanpuia te Sir LD a lo ni rengin, ka mittui chu ka hru nghâl mawlh mawlh a.


"A na lo"


Tih ringawt chuan chhângin ka in beng kâng vat a,


"Ngati nge kan in hmuh apiang hian lungngâi hmèl i put tlat thin le?"



A ti sup rî ka hriat vâng chuan ka thin a phu dup dup mai, ka chhânna hriat châk hmèl zet hian min la en kur zui,tû hnenah mah in sawi fiah kan peih lo a, ka duh bawk hek lo.


"Ka kal ange, ka tihpalh lutuk"


Tih paha kal san mai ka tum chu ka bân ah chuan min rawn dawm chut a.


"Chaw chhûn min lei i bat kha, vawiin ah ka ring dâwn che nia"



Nui var var hian a rawn ti a, a mithmul buk lam leh a hmui hmul tlèm khabe hmul nèn techuan pâ leh sexy zet mai hi a ni a, a hmeltha viau bawk, mahse ka bialpa phatsan nân èm zawng ala tling tâwk lo deuh, ka mit ah chuan Muanpuia aia tling zo rèng ka la hmu lo.


"Awle"


"Ka lo sâwm ang che"



A tih zawh rual chuan min thlah leh mai a, keipawn office lam chu engmah sawi lo chuan ka pan san ta nghál vat a.



_________time skip______



Ka eng tih mah a tui lo, Muanpuia'n min rawn biak hun nghâk in ka phone chu ka hûm reng a, a khât tâwkin nizâna ka message thawn a ngai ngai a la awm chu ka en deuh chhèn reng bawk, hepâ hian min ti mang ang takzet a ni, ani hian min duh tawh lo a min peh hèl a mawni le, mahse chutiang tûr atan chuan ka phal teuh bawk si lo, Buaina a tâwk anga min be lo anih ka ring.



Doctor Marinai pawh a awm lo, eng buaina nge an neih ang le aw, ka hrethiâm lo takzet a ni.



"Kal tawh ang hmiang, ka ril a tâm tawh lutuk"



Ka ngaihtuahna atang chuan ka harh zawk a, Ld a chu nui var var hian ka dawhkân hmâ ah alo ding reng chu niin.


"Tûnlai chu Sangtei hi in tawk luck riau mai"



U Chhana chuan arawn ti a, midang ho pawh an lo nui dar dar mai,


"Chhûn thil eina tûr treat ka lo intiam tawh a"



"A tha lawm, va kal rû'



Alo ti ve mai a, ka lo nuih lui sak mai, phûr lo zetin Ld a chu ka zui chhuak ta hnak hnak a, ka phone erawh ka la hûm reng tho.



Sangbawiha te dâwr ah chuan ka chawlh pui a, midang ho lah hian an en duh hlawm si, a hmelthat bîk em em na pawh ka hre lo e a,



"Rilru hahna i neih chuan sawi hreh suh"



Ka thil ei tûr ka thai kual vèl mai mai lai chuan a rawn ti sup a, mak ti tak chuan ka en tawp, hepa hian mî rilru a hre thei a ni chiâng mai.


"Ka nei hleinèm, ka tha e, tui deuhin ei rawh"



Ka lo ti nghâl vat a, ngaih that loh hmèl zet chuan a thil ei lâi chu a ei vèleh mai bawk a.



_________________





Rilru khing bâi zetin kâr khat chu ka hmang ral vè leh ta, kârleh mai khi krismas a ni tawh bawk, Muanpuia message leh call pakhat mah ka la dawng lo, Remi a awm bawk sî lo nèn Hlutei chuan min riahpui zat zat a, Mahni a riah ka ngam lo pawh ni lo in a nu leh pa in hmeichhia mahni chauhva riah chu an rem tih loh vângin min riahpui ziah a, Ka rilru natna techu hrethiamin min hnèm zan tin thîn mahse min tina tu ber tawngkam hriattûr a awm tlat sî loh vângin ka rilru hi a hahdam thei thlâwt lo, zân mut hmun ah chuan kan pahnih a kan in text na rei tawh zet zet chu ka chhiar nawn tluk tluk reng a, ka nun vânram ni thin kha mit khap kâr lekah hrehmhmun arawn ni leh dèr tawh, amak vè ngawt mai, hringnun hi chu heti mai hi ni sî a, Ld a pawh ka bulah a awm deuh chawt reng a, min ngâizawng amaw te ka ti hiâl thin, mahse ani professor vè lâiin kei ang min ngaihzâwn chu ka ring ngam chiah bawk sî lo, Nunmawia te chhûngkua pawh krismas hmang tûrin a pianna khua Khawhâi khua ah an kal daih a, kan inbe lo nâ chu Remi'n min rawn hrilh vângin ka hre vè chauh, ka hun kal ta te ngaihtuah lètin mut hmun ah chuan ka mittui chu a hnâm leh tiâm tiâm a, a khât tâwkin ka hru zauh zauh reng bawk, ka puansin lâi single a krismas vawi tam ka lo hmanpui tawh ngèi kha single bawkin ka hmanpui leh dâwn ta a ang khawp mai.


Ka phone a thlalâk ka ka en mai mai lâi chuan ka number hriât loh atang hian message ka dawng nawlh mai, Muanpuia a nih ringin ka hawng nghâl vat a.


*Engkim a tâwp tawh, min lo nghâk duh suh aw, ti hian kan inkâr chu a tawp tawh ni rawh se*


*Muanpuia*








Tih zawng hi alo in ziâk a, a dp ka check chu Muanpuia'n a number hluia a hman thin thlalâk ngei kha alo ni,, ava mak ngâi èm ka beisei loh lutuk thil anih vâng chuan ka en tlawk tlawk reng a, ka mittui lah dan ruâl a ni lo, ka rin loh lam daih a ni, hetiâng message hi ka dawn ka lo in beisei lo asin, engtin nge a theih zawk, Nèp lutuk, mipa pawh alo ni lo a nih hi, hmeichhia ang chiah.



Ka phone chu dahin a saisîr zawng chuan ka mu a, ka puan sin lai chuan ka kâ chu hupin a zâwi thei ang ber chuan ka tap ta tlawk tlawk a.



A message pakhat lek nghak turin kârkhat lai ka nghâk a sin, hetiang message min thawn tûr hian kârkhat lai tinge min nghah tîr kher le? A tîr tekhân min hmangaih tak tak lo anih chuan sawi mai tûr a nia, engkim a thlen vek hmâ khan min lo hrilh lâwk se, nih loh pawn lo hre lâwk ila, lo hre lâwk tehrèng ila tiang thil kha a thleng lo tûr a nia.


Ka mittui tlâ chu kei a nei tû ngèi pawn ka hru sèng lo, mipa pakhat lek vâng in tiâng hian alo nat theih hi ka lo ring ngâi lo a, ni lo, min tihder a niang, ka ring thei lo.



Ka phone chu ka en leh a, number ngâi bawk chuan thlalâk pahnih (2) hi min rawn thawn a, thlalâk chu ka download nghâl vat.


Pakhatah chuan Putar damlo pakhat Muanpuia leh a bialnu hlui Sarah i'n thlâ an lo lâk pui lai hi a ni a, pakhatah chuan mipa leh hmeichhe kut ni âwm takin zungbun in ang an lo bun lâi hi a ni bawk,ka sa ta zak mai, Muanpuia thlalâk chu ka'n zoom a, a hmèl lah chu a that ngâiin ala tha reng mai si, ka'n ti kual zèl chu Muanpuia kuta ka thil hmuh vâng chuan ka thin zâwn hi a rawn na veng veng mai, thlalâk pakhata ka zungbun hmuh ngèi kha a kut zungte û ah chuan alo bun vâ a, Sarah i kut ka en vè leh chu ani pawn alo bun vèleh chiah bawk, a awm zia chu thlalâk pakhata kut kha an mahni kut a ni tihna ni maw.



Rang lutuk in ka reply nghâl vat a.



*Muanpuia ini lo tih ka hria, tunge inih rawn sawi vat rawh, anih loh chuan amah ka hrilh dâwn a nia*



Ka'n ti chhin a, ka thawn tlang thei tawh ta hauh lo, a dp leh last seen pawh a lan tawh tâk lo ah chuan min block tih hai ruâl a ni ta lo, ka rilru na lutuk chu mittui tling kiau chuan thâwk ka la hawk a, khâng zawng zawng ka hmu vek chung pawh khânn ka thinlung hian ala ring phal lo rèng rèng, min bum tûra ka duh loh lutuk vâng nge engemaw a awm zâwk?

"Ka rin ang ilo ni lo hlè mai Muanpui, ka lo hmangaih hman tawh che sin"



Ka ti chhuak sap a, enge ka tih ang? Ka thinlung hi pawhsawm vek ang mai hi a ni, min bum hi ka ring thei lo, engkim kha ka hmu vek a, mahse ka thinlung hian a pawm thei thlâwt lo a ni, a pawm duh lo a ni zâwk mah,khâ ka thusawi ho tè alo hriât avânga bialnu hlui te laka lèt leh duh mai mî niin ka hre bawk sî lo, vawi khat tal min lo be teh, tûn ami hi chu nangmah ini lo, ka rilru chuan ka ti mawlh mawlh a, a hrehawm tih piah lam a ni, tinge heti em em a ka nat? Ka hnâr te chu a rawn ping ta vek a, ka khaw hmuh pawh a fiah tawh lo, hè zân duhawm lo zet hi ka mumang nise ka van ti èm, mî zawng zawng thîk rawn ni thin kha tûnah chuan mî zawng zawng aiin ka na nita berin ka hria, ka rilru nâ mai pawh ni lo in ka taksa zawng zawngah te hiân min fan ni ta berin ka hria, engtin nge a theih zâwk le? Tiin mahnî leh mahnî chu ka in zâwt mawlh mawlh reng a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:43 pm

A tawi ti ziah lo in min ngaihtuah vè ula, insual emai😥😥😥😥😥😥.....ka kut tang hi ana thûm mai.




MUANPUIA POV



Ka pu thihna vâng chuan ka pa te in pawh a lûn angreng khawp mai, mahnî in inchungah ka Cigarette chu ka'n zu khu laih laih a, midang hmuh ah ka zu ngâi èm èm lo, enge maw chânga zûk vè zauh hi ka chîng a ka zu thîn tih chu hria an tam lèm lo khawp mai, Sangtei pawn a hre lo, Sangtei ka ngaihtuahna a arawn luh leh tâk vâng chuan mahnî in ka nui suk ringawt, hè hmeichhe duhawm zet vâng hian Vâl hi ka buai ta dèr chu nia, ka phone lei thar chu phawrhin Sangtei leh Sir LD a hlim hmèl taka an in nuih dûn lai thlalâk chu ka thlîr vang vang a, an inzui deuh chawt thîn tih ka hriât phei chuan ka na vawng vawng mai, ka eng tih mah a tui lo a, thian tepawh ka be mang lo, ka hmeichhe rin berin Kan Sir lakah min lo rinawmloh san rèng em tih erawh ka chiâng lo, a kâ atang ngèi a ka hriât loh chuan ka awih thei thlâwt lo a ni ber mai, ka pu ka ngaih èm èm in min lo boral san vèleh zèl bawk nèn, ka lungangaih nate hnèm tûrin Sarah i chu ka bulah a awm deuh chawt reng a, Ka pu in ka nupui atâna alo huâl a ni leh zèl bawk nèn, ka pa te in ah pawh a mikhual lo khawp mai, ka pu thi tûrin Sarah i nei ngèi ngèi tura min chah tum a chhân harsa ka tih zia kha, Sangtei leh Sir LD a thlalâk ka lo hmu vèleh zèl bawk nèn, lung si lo zetin ka pu hnuk chah hmâ hretin Sarah i chu ka inhual pui ta kha a nia, ka pu duh thusâm hi ka ti hlawhtling thei angem ka hre lo, tûna ka thinlung zawng zawng leh ka taksa thlenga thunun tu chu Sangtei a ni tlat bawk si, thuthlûkna siam harsa ka van ti teh lûl èm, Sangtei khân engkim min hrilh fiah tumin min rawn call mawlh mawlh lâi khân lo lâ ila tûna kan inkâr fello zawng zawng hi a fel ni mai tûr, nih loh pawn an varandâ a thu tlaivâr lo khân lûtin a insawi fiahna kha lo ngâithla ila tha tûr a nia, ka pu zuâl thû in khawvâr hmâ hret khân min rawn nang chîng leh zèl bawk si, engmah ngaihtuah chiang hlei lo in Aizâwl lam ka pan ta ringawt a, phone atangin ka va bia ang ka tih laiin tiang thlalâk kha ka lo hmu leh zèl bawk si, Sangtei biak chu duh viau mahila biakna tûr ka hre lo mai ni lo in hun ka nei thei dèr bawk si lo, ka ngaih thû a chhiar sèn loh khawp a tam thawn duh viau mahila ka tello pawn alo hlim thei tih ka hriât atang khân hlauh thâwnna in ka khat a, ka message chhiar châk loh ber thenna thû ka chhiar ang tih mauh mai kha ka hlau a ni, then tumna ka nei lo a ka phal bawk hek lo, khâ hmeichhe duhawm zet duhawmna tak kha mipa dang lo tem vè ka phal lohna chuan min ti thinrim deuh ut ut mai, ka tâwt lutuk tih thâwl tum in thâwk techu ka'n la leh hawk a, awmzia ava nei tlèm sî èm.




"Vâl lunglènga chu"




Ti tû lam chu ka hawi vat a, Khûma chu nui sun sun hian a helmet khâi chung in kan inchung panna step ah chuan alo ding vûng a,


"Lo kal rawh"



Ka'n ti mâwl tawp a, ka bulah chuan arawn thu thla vè tuah tuah a, A hmèl ka hmu chiah chu Sangtei chanchin hriat châk na chuan min rawn tur leh ta ut ut mai.



"Enge Sangtei a an a?"



Ka'n ti nghâl tâwng a, min la nuih vur vur zui.

"Min ngâi vè amaw ka lo tia, Sangtei chauh ilo ngaihtuah leh tawh ni maw"



"Uang lo teh"


Ka'n ti deuh hluk a, thaw hawkin ka hawina lam râl leh lama biakin mawizet leh in lian tak tak tlâr thût chu a thlîr ve vauh vauh a.


"A dam lo an tia, keipawn ka tlawh vè thawh nghè nghè a, mahse enkawl tu a nei tha khawp mai, nangni pahnih awm dân hi ka hrethiâm lo che u, in inthen âwm ka hre bawk si lo, mahse chanchin in inhrilh tawn bawk sî lo"


A chek deuh tlak tlak a, ni e, kan chungchâng a kip a kâwi a hre lo tân chuan hriatthiâm chu ahar viau ang.


"Kan inthen hleinèm, keimah hian hun ka mamawh a"



Ka ti chhuak sup a, nèp tih hmèl zeta min en na mit meng chu sawi chhuak kher lo mahse hai rual a ni lo.


"Va be tawp rawh, anih loh pawn va surprise thut la, zèp lo chuan a ngâi takzet che in ka hria,mahse ka hmuh ve dân mai a nia, a mamawh ngawih ngawih bawk che, in inkâr hi chingfel rawh u, a chèr tawh reuh teh mai nia, a damloh thû hi hrilh lo tûr che in min tinâ a ka khawngaih reuh èm a"



A ngâwi leh vang vang a,

"Sir hian a ngâizawng tih chu college pum puiin kan hria,mahse Sangtei hi chuan a duh ve pawn ka hre lo, eng thil sual nge a tih a heti taka i tih nat a?"



Min zâwt lèt hû a, ka nui suk mai, engmah a ti sual lo,



Thu ho deuh deuh sawi chuan kan ti ti zui luâm a, Sangtei min ngaih vânga damlo hiâl khawpa a awm chuan engemaw kawng zâwng tak hian min ti lâwm rilru tlat, Khûma chu heta chaw ei vè mai tûr chuan ka ti a, zâna a rual a Falkawn lama phei vè nghâl chu ka rilrûk bawk, Krismas pawh sawta hman ka duh zâwk, ka pu thlarau zah viau mahila Sangtei'n min mamawh miau si chuan ka bî rûk san reng thei lo.





SANGTEI POV






Ka khawsik te a zia hnû chuan tho harhin chaw te chu ka'n ei vè tak nâ a, ka ei tam lo kher mai, ka dam loh vâng nge ka nu ka ngâi ve veng veng mai, zu biak ve zauh zauh ka chîng a, anni pawh Krismas hmang tûrin an lo in urlawk nasa vè khawp mai, pasal nei tûr erawh chuan min tur tawh ta êm lo a, vawiin tlâi chu Hlutei pa in fiamthû a thawh nasa bawk a pumna vek khawpin ka nui tawh, an chhûngkua ang hi ka awt vè ngawih ngawih, Remi nèn pawh kan in be reng a,phone atanga inbiak mai pawh duhtâwk lo in kan in vedio call thûl, keipawh tlèm tlèmin ka natna techuan min kiansan vè hret hret a, mahse ka thinlunga hmun chang reng tu erawh Muanpuia ala ni reng tho, ka zân mut hmunah ngaihtuahin ka tahpui a, ka zîng thawh hlima rawn lang hmasa ber pawh amah tho, theihnghilh ka tum lo a, pawm thiâm ka tum zâwk a ni, engtikah mah ka theihnghilh dâwn lo tih chu hrilh chawp kher pawh ka ngâi lo bawk.



"Enge ilo ngaihtuah leh vung vung a?"


Hlutei chuan a rawn ti a, ka lo nuih lui nghâl sak,

"Urlâwk ni chu bazaar ang aw, dam vat vat la ka ti ngawt mai"



A'n ti chhunzawm zat a, ka lo nuih ringawt, a kum phû lohin a rilru ala naupang a, kawr thar a nei tûr mawlh chuan mut pawh a ti mu thei meuh lo, naupang chhia lutuk mai.


Naktuk tûk leh mai khi urlâwk ni alo ni leh reng tawh,kan bazaar huna kan lei tûr kan sawi mawlh mawlh lâi chuan kawngkhâr chu tu emaw hian arawn kik karh karh a, rin ka nei nghâl mai, LD a tih ka hre nghâl, Hlutei chuan ava hawn vat a.


"Ehe...nangni maw lo lût ru"



Kawngkhâr lam chu ka lo melh vè kar a, Ka mi rin loh lutuk ka hmû chu ka thin a phu dup dup mai, Khûma leh Muanpuia chu an rawn lût dûn dûn a nih chu, mak ka ti bawk si, ka mumang tepawh a ang zâwk e a, hun rei tak amah ngâih vânga ka damloh na pa ngèi kha ka hmu chu chèt lawkna châng pawh ka hre lo, thlahlel in ngâi ngawih ngawih mahila ka tâ ani tawh lo tih chu ka in hrilh nghâl mawlh mawlh a,thutthlènga ka mu chu ka tho nghâl sawk sawk a, ka damlo hmèl leh sam thur bep bup nèna ka hmû chu ka zak lek lek zâwk.


"Tho suh"


Rawn ti supin Muanpuia chu ka bulah chuan a rawn thu thlâ a, sîk pawh ka si ngam lo, tho luiin thutthlèng kil tè ah chuan ka thu tawm kâk a.


"Hawh Hlute, dâwr ah han kal ila"


Khûma chuan a ti vat a, he mîte thian dûn hian enge tih an tum ka hrethiâm nge hrethiam lo pawh ka hre lo, rin hlelh deuhna ka nei tlat.


"Ka peih lo e a, a vawt si"


Hlutei chuan alo ti vat a,
Muanpuia chuan a melh deuh hrâwk lai chu ka hmu fu chiâng ngèi mai,

"Thil min lei loh chuan ka peih lo"


Alo ti deuh hmak a, Muanpuia chuan a wallet chu phawrhin za nga(500) tlang thar zet chu a pè a,

"Sual reuh lutuk"


Ala ti sup zui, Hlutei chuan nui var var in Muanpuia pawisa pèk chu alâ a, Khuma chu ava mit mei zauh, an pahnih chuan an in zui chhuak ta nge nge a, enge maw sawi chuan an la inhniâl mawlh mawlh zui.



"An la in ngâizawng chiang khawp ang"



Muanpuia chuan a ti sup a,

"Hlutei chuan bialpa a nei alawm"



Ka lo ti vat a, ani pawn a hre reng thin sia a theihnghilh zo ta amawni.

"Khuma pawn anei tho lawm"



A rawn ti ve mai, ka hmûi chu ka lo ti pawrh vak ringawt.


"Hmânni khân ka pu in min boral san a"



A rawn ti chhuak leh sup a, thlalâk a putar kha a ni tih ka ring thiâm nghâl mai.


"Avan zia lo ve"


Ka lo ti vat a, min rawn en a a hmèl chu a thu tak hmèl èm èm leh nghâl.


"Engmah sawi lo a ka kal daihna chhan kha ka pu a zual tih min rawn hrilh a, ka phone ka lo ti chhe khanglâng bawk nèn"



A thinrim nachhan kha engmah a sawi lo, a bialnu Sarah i chanchin pawh a sawi lo.


"Fiamthu thawh nân ka hman tak tak che i ring tiraw?"



Ka'n ti chuak sap a, ka sawi tum loh lutuk ka sawi chhuah vâng chuan ka ngâwi leh chiang kher mai, enge maw ka kâ pawh hi ka vèn theih miah loh le, hmundang chu ka melh ta daih a,


"Ka ring lo"



A hmèl chu ka en rang kher mai, a thu tâwp rawn sawi kha a theihnghilh ta emaw ka ti hman hiâl a ni, min rin thu a sawi a, mahse kan inkâr chu ala zâu khawp mai, ka tâ a ni tawh tlat lo.



"Ka tihpalh aw, hetianga i awmna chhan hi keimah vâng a ni tih ka hria sin"



A sawi zâwng chuan ka lo na veng veng mai, ka mittui tla mai tûr vâng chuan ka chil ka lem khalh a, nimin piah deuh lawkah min then a, tûnah a tihpalh thû a rawn sawi leh a, hepâ awm dân hi ka hrethiâm lo, ka mittui rawn tla fap chu a hmuh hlâu zet ka hru zauh a, hnuailam ka bih tlat bawk, a rawn tawlh hnâi sut sut a, ka biang chu rawn dawmin amah en thei tûr chuan min kuai dâk a.


"Ka ngai lutuk che Bawihi"



A rawn ti sup a, a kut ami thîr vawtthlerin min dektû awm vâng chuan engemaw ka hre chhuak zawk mai, a kuta min vawnna chu la thlâ in a kut chu ka en vang vang a, zungbun pakhat ringawt pawh hian heti èm èm hian min lo tina thei a ni maw, mittui tling kiau chuan a hmèl chu ka en leh a, a hmèl buai ta nak chu ka hmu thiâm nghâl mai bawk.


"Engkim ka hrilh fiah ang che, min ring rawh"



Ka thinrimna chu rawn thawk thutin a kut chu ka paih deuh sawk a,


"Engkim ka hre vek, engmah sawi fiah a ngâi tawh lo"



Tap tiau chuan ka ti a, min rawn kuah a tum chu ka tha neih vè chhun chuan ka lo sual lèt bat bat a, kawng ro a su lo kher mai, a taksa lian tha zet lum thur thur chuan min kuah vung vung a, a âwmah chuan ka hmâi chu hupin ka inhnît feih feih ringawt.


"Ka tihpalh, min ring rawh ka phatsan lo che, hei chu ka tân engmah a ni lo"



Tihpahin min kuahna chu a phelh vut a, a zungbun chu phelhin a ak tha nghâl hmak a nih chu, a bialnu nèna an couple zungbun hi ka natna ber pawh a ni lo, a awm dân hian min tina zâwk, engmah hre lo in min siam a, eng buaina chiah hi nge a neih pawh ka hre lo.


"Kan inkâr chu iti tâwp vek tawh a ni lawm ni, tinge tûnah i rawn in lan leh, min hmangaih tawh lo ni lawm ni?"



"Ka ti tâwp lo, ka ti tâwp ngäi bawk hek lo ang tû in nge chutiang chu lo sawi a?"



Thinrim zeta a rawn tih vè takah chuan ka thinrimna ati zual telh telh in ka hria, ka thinrim lutuk chu engmah sawi tawh lo chuan ka ngâwi ta reng a, a hre lo der anih ka ring, thlalâk chungchâng kha chu engmah sawi lang lo mai ang awmzia a awm dâwn lo.


"Min ring la, rei lo tè lo nghâk rawh, Doctor tha tak ka nih hun ah chuan tûma tih buai lohin kan awm dûn tawh dâwn nia, a tha tiraw, kum 3 bâk nghah a ngâi tawh hleinèm, i thei a ngem?"



Ka chhâng lo, ka luhlul a rawn chhuak tlat a nih chu,ka thu tûm ta bâr a, ka thu tawm kâk chu min rawn kuah hlû hlû a, zèp lo chuan nuam ka ti,mahse ka luhlul ka chhuah tlat avângin ka kuah lèt velo thung, Hlutei leh Khûma chu an rawn tawng ri lâng lâng a,Muanpuia min kuahna chubphelh tumin ka tâl chat chat a, min thlah duh dèr lo, rum zet chuan ka melh tlawk tlawk ringawt.


"I tâl nasat pauh leh ka kuah nghet zual sauh ang che"



Ka beng bulah chuan a rawn ti sup a, kawngkhâr chu arawn ri zui zat bawk.


"Ehe...an va inhnaih sâwt ve"


Khûma chuan nui vûn vûn hian a rawn ti lût a, ka zak lutuk ringawt, min kuah tupa lah chu min nghèng hlu hlu chung hian ala maimitchhîng daih zui.



"Sangte zak duh suh kan tih hnû vek a nih kha"


Khûma chuan arawn ti leh a, ka lo nui lui sak ringawt.


"Hawh kan in ah min han kalpui teh, inthlâkna tûr ka lâk theihnghilh daih"


Hlutei chuan Khûma chu a sâwm a, apa lian bawk si, ani pawh chu a tho ve hluai a,


"Zan in chu a tè zawk thu thu in ka awm dâwn a nih hmèl khawp mai"



A ti ve nuah nuah a, ka lo nui hak ringawt, an pahnih chuan an in zui chhuak leh ta nge nge a, Hlutei hi chuan Muanpuia hi min duh pui èm vangin haw tûr pawn min ti ngâi lo, khâng hun chhûng zawng khân nghâk tûrin min ti vè tang tang zel, tûn ah pawh min thlah fâl dân tûr ringawt a ngaihtuah leh tawh hi.


An chhuak fel chiah tih chuan thâwk pawh ka thaw tha ngam lo, thinrim vè viau dâwn pawh ni ila han tih lan vak ngaihna ka hre lo, bâkah tûnah chuan tûmah ka in hauh pui peih rih lo.


"I dam lo nasa viau ami?"


A rawn ti sup a, ka lû ka lo thing ringawt, ka chal chu a kut vawt zet hian a rawn khawih a, a rawn tho sut sut mai.


"I pang a sa a nih hi khawnge damdawi?"



Min ngaihtuah hmèl zet chuan a rawn ti chûk chûk a, ka taksa te rawn nat ut ut tâkah chuan ka khuasik tih ka hre vè chiah, a vawt ka lo ti rèng ah,

"Khumah mu rawh aw, helai chu a vawt emai"


Tihpahin zo zet hian min pawm tho lawp a, ka lo inring lo bawk nèn râk that pah chuan a nghâwngah ka dawm vat a, min la nuih vur vur zui, apa lian si, min thlauh chuan ka tla thûm ring dâwn lutuk.


"Ka kal thei tho alawm"


Ka ti hlak a, nui vur vurin ka room lam chu min pan luih pui ta tho a, khumah chuan dîm zet hian min mut a, a hmèl chu ka lo enkar a, min ngaihsak in min duat hliah hliah tih ka hai lo.


Puan min sin that tîr pah chuan ka hmûi ah a rawn tawk zauh a, ka lo khap sawk ringawt.


"Ka la kham lo"


Tih nghut pahin a aia uar zâwk chuan min rawn fawp a, ka chhâng lèt lo, hriatthiâm loh hmèl zet chuan min en vut a,


"Min chhânglèt rawh"


Tih sup pahin ka hmui ah chuan arawn nawr deuh a, ka lo chîp hmak thung,

"Lalrinsang luhlul suh aw"

Zâwi zeta tihpahin ka chal leh a chal chu a rawn sîk tîr a,ka hmui ah bawk chuan a rawn nawr leh ka la chîp vè tang tang tho, a aia uar leh dîmna tel hauh lo a min rawn fawh vâng chuan ka lo nem chat chat a, ka kut chu khumah chuan a nawr bet hmak mai, ka khuasik bawk nèn nuam tihna ka nei lo, ka taksa nâ tehian min tur ut ut mai.


Kawngkhâr rawn rîk rual a Hlutei nui har har thâwm arawn awm tâkah chuan min thlah vat a, lungâwih lo tih hriat zet hian min en vung vung a, ka lo melh duh thak lo zui.


"Ka tihpalh, ka tilui tawh lo ang che, damdawi ka va la ange"



Tihpahin a tho ta daih a, common room lama Hlutei tawng lâng lâng thawm chu ka hre ruai ruai ringawt, ngâi viau e ti lo chuan min khawihna te kha nuam ka ti thei lo, tu emaw tâ ni a ka ngaih tlat tawh vâng a niang, ka thinlungah hian hrehawm tihna leh mi ta anga ka ngaihna khân mi tâ chhuhsak tum angah ka in ngaih tlat phah a nih chu, hei hi nia hmeichhe buaithlâkna chu.




Ka room ah chuan an rawn lût ta vek a, damdawi erawh Hlutei'n a rawn keng lût thung,

"Dam vat rawh urlâwk zân a nuam lo lutuk palh ang,damdawi mûmlian pawh a awm tawh hi"



Khûma chuan a ti a, duh leh a bialnu bulah khân hmang se ni mai lawm ka ti rilru ringawt, ka tih tak tak chuan a hmang tak tak ang tih ka hlâu, hmeichhe dang bula a awm lâi chu ka hmu thei teuh lo,damdawi chu uâk deuh that that chuan ka ei lui vè mai a, damdawi ei hi ka harsat hrim hrim a, mahse tun tum ka damlo ang em em chuan ka haw lo.



"Ka tha lâwm min ngaihtuah lutuk suh u, hritlâng satliah mai mai nih hi, keichu ka la na bîk thei lutuk a"


Pângâi tak chuan ka ti a, Muanpuia pawh kil khatah alo khi ve suk suk mai.



Thil ho deuh deuh sawi chuan an ti ti luâm a, Hlutei'n nuam a ti bawk si, A chângleh Khûma nèn chuan an han in hniâl leh rih a, Muanpuia lah in thian te tan chu pe na ropui si, kei lah naupang chhe rilru a rawn chhuak thut a, Hlutei chu ka pâwngpaw tan vè hlur bawk.




Dar 11 lâi alo rîk tâkah chuan Muanpuia leh Khûma pawh Hostel lamah an chhuk thla dûn a, hetah Remi khuma mu mai tûra ka tih pawn Muanpuia'n a duh tlat lo vângin an chhuk thla ta nge nge a, Khûma lah chu an room a in an loh vângin Muanpuia bula mut ringawt a tum leh nghâl, pakhat lah in alo duh lo nasa mai si, inhniâl mawlh mawlh chung chuan an haw thei ta hrâm a, ni e, ka luhlul khum reng thei lo, a harsatna hrethiâm in a kiangah ka awm reng anga, ka ring ngam tûr a ni.


Ka phone ri reng chu ka en vat a, ka number hriât ngâi pawh a ni lo.


"Hello"


"I bulah khân Lalmuanpuia a awm em?"


"Awm lo a hâw tawh a tunge aw?"


"Keimah Doctor Marinai, Sangte, Muanpuia hi nupui hual nei lâi a ni a, nula fel leh rilru tha tak ini tih ka hria a, ka fapa hi chu kalsan mai rawh, mî pasal hual chuhpui duh mî ini lo tih ka hria"



Tawng nachâng pawh ka hre lo, ngâwi reng chuan ka ngâithla ta tawp a, mahse ka rilru erawh ana vawng vawng khawp mai.


"A pu in a thih dâwn khân Sarah i hi nupui nei ngèi tûrin a ngèn a sin, A pu thi tûr laka a thu tiâm hi bawh chhiâttîr lûl suh, hmeichhe fel tak ini a keipawn ka ngaina che, mahse ka mo a tân chuan nu leh pa kâr ami ngèi zirtîrna tha tak dawnga seilian ngèi ka duh, Ka thusawi chu i hriatthiâm ka ring a, lo in ngaihtuah rawh aw, Hei Sarah i rilru pawh ana khawp mai"




Ka chhân tawh loh vâng chuan a off ta daih a, ka zak lutuk chu awm ngaihna pawh ka hre lo, Doctor Marinai hian tiang khawp hian min lo hmusit a ni maw, enge ka tih sual? Ka pa a boral hmâ deuh a ni mai a, ka pa min zirtîr thin awm dân mawi te kha ka la theihnghilh bîk lo asin.



Hlutei chu arawn lût vat a, min ngaihtuah hmèl zeta min enkar tâkah chuan ka insûm zo lo in Muanpuia nû min tawngkhum dân chu ka hrilh ta vek a, kei aiin a thinrim zâwk amaw tih tûr khawp a ni.




"Avan zak lo ve,nang hian mî pasal huâl i chuh pui amaw, Sarah i khân in chungchâng engkim hre chungin a in huâl pui a nih kha, then rèng rèng suh, Ngati nge henû hian Muanpuia hi a keipui sa hauh hlur mai le, a sal pawh ni mang si lo, then rèng rèng suh"



Ala ti fan a, keichuan ka zah èm avângin kalsan hlen mai pawh ka lo rilrûk hman tawh, mahse Hlutei sawi chu a dik zâwk ang.


"Nia, ka then lo ang, mahse Doctor Marinai min tawng khumna kha chu engtik ah mah ka theihnghilh lo ang"



Ka ti zui sap a.



_____________________




Zîng ka tho chu ka na deuh thûm mai, tinge maw hritlâng satliah mai mai ka lâk nat viau le, ka tho taih taih a, Hlutei'n min thawhsan tawh avângin an in lam ka pan tûr chu Muanpuia te thian dûn pawh an rawn in phur chho a, ka lo en tawp ringawt, Muanpuia chu bike atang chuan rawn chhukin ka bulah chuan a rawn kal vat a.


"Ka hâw leh lawk a ngâi a, Naktûk zân ah Khûma nèn kan rawn kal leh ang aw, enge ka lo ken ang che Krismas present ah?"




A'n ti zawm zat a, a nu min tih dân leh thenna thû min rawn hrilh tu kha chu sawi chhuah ka tum lèm lo, rin sa ka nei bawk nèn.


"Engmah a ngâi lo mamawh pawh ka nei lo"



Ka lo ti vat a, a tum deuh hmuk mai.


"A nih ka duh duh ka lo lei mai ang aw"


"Sangte ren vak duh suh, thil to deuh deuh ngèn rawh mi hausa fapa a nih kha"


Khûma chuan a rawn ti lûng lûng a, ka nuih aza ngèi mai.



"Lo ngâwi mai mai teh i ninawm"



Muanpuia chuan a ti hluk a, ka lo nuih tawp ringawt.


"Anih chuan bengbeh nalh deuh a ni mai"



Ka'n ti liâm ve ngawt a, ka beh ngâi tawp si lo, ka beng chu ka verh vè ngèi a, mahse tlereuh lam pang hi ka ngaina lo hrim hrim.


"Awle, anih ka lo bia ang che"


Tihpahin hmanhmawh zet chuan Khuma bike ah chuan a chuang leh a, kan in bye bye lauh lauh hnû chuan an kal vè thei hrâm, keipawh chaw ei tûrin Hlutei te in pam chu ka pan nghâl vat a.


__________



"U sangte, i that loh viau tawh loh chuan vawiin chu bazaar mai ila"



A nû chuan alo khap vat a.

"Ringawt a che, ala nawmsam loh hmèl èm hi"


Alo ti vat a,


"A pawi lo, vawiin ah kan kal dâwn nia, naktûk chu peihawm dâwn loh emai, keipawn lei tûr ka nei ve tho a"



"Yes le..."



Chaw ei lai ding hluai khawp chuan a rawn ti a, kan lo nuih tawp, naupang chhia viau si hi a puitling ru viau tho bawk sia.



___________



Bazaar chu a tâwt angreng khawp mai, kan in nèk tèlh tèlh a ni deuh ber mai, ka châu lutuk chu ka lû te hi ana bûr mai, millenium ah chuan kan lût leh ta, engtak chu lei leh ang maw.




Kawrlum Addidas a hmâ a in ziak dum nalh zet chuan ka mit ala zar mai, Muanpuia ha lâi tûr nèn mitthlâ chung chuan nui var var in ka leisak vè tawp a, a to reuh phiân leh nghâl, Pheikhawk leh kawr chu ka lei vè a, Hlutei lah chuan duh angah si, ka ning tawh takzet a ni.



Kan kal phei zèl a, Mipa suit zawrhna dâwr a ka mi hmuh avâng chuan ka ding ta chat mai, Muanpuia chuan suit dum nalh zet hi alo hâ a, A bulah chuan Sarah i leh Doctor Marinai pawh an awm ve, ka kal thei tawh lo, ka khawng vek dâwn in ka hria.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:44 pm

ITZHAK

CHAPTER-11

BY

HLUTEI JOCUND PACHUAU








Hlutei chuan a lo hmu vè ngèi ni tûr a ni, a ti ti mawlh mawlh lâi chu a tâwp ta chat a,


"Muanpui lehh...Ka va ânkhum hrep dawn"



Tihpahin kal mai a tum, ka in ngaihtuah harh nghâl vat,Hlutei chu rang lutukin ka pawt lèt sawk a.


"A ngâi lo, hetah chuan ni love"



"Enga? An bazaar ho vèl anih saw i thinrim vè miah lo mi?"


Ring lutuk tak mai a a tih vâng chuan Muanpuia te chu an rawn hawi thap a, midang chuan rei pawh min en lo chuan an buaina theuh ah chuan buai leh nghâl mai a, Muanpuia te erawh chuan min en reng mai, Muanpuia hmèl buai deuh nak chuan min tina zual, mahse hèng ho hmâ a tah chu ka tum hauh lo.


Sarah i chuan ngeiawm zeta nuih sâwng pah hian min rawn pan vat a.


"Ehee...miss, in bazaar ve alaw? Keini pawh mo thuam kan en pah asin, analh tiraw ka pasal ni mai tûr hi, e ni tak, in in hre ve tawh tak e"



A thusawi chuan min tina lutuk, ka mittui tla mai tûr chu dan ka lo tum nasa mai, Muanpuia chuan min rawn pan ve vat a, a hmâi ah hian ben sawk mai ka duh, ka lo ring hman a sin, an innei dâwn tih ka hre miah lo, a sawi lo bawk, tinge a zèp kher le, Doctor tha tak nih techu ka tum e ati leh nghâl a, nupui neih alo tum reng a.


"Engkim ka hrilh fiah ang che"



A rawn ti nghâl tâwng a, Hlutei thinrim chuan min käi sawn nghâl dâwr dâwr a, hawi pawh hawi chhuak lo chuan Hlutei min kaihna lam lam ah chuan mittui nèn ka kal vè hlawk hlawk ringawt.




In hnuai kan thleng thla chiah a reh thep thawp lâi ah chuan Muanpuia chuan min rawn nang ching vat a, a suit hâ ka vawikhat hmuhna a ni bawk nèn,a in hmeh zia chu ka sawithiâm lo zâwk.


"I ngaih ang kha engmah a ni lo"



Tihpahin ka bân ah chuan arawn vuân a,


"In lo inneih dâwn reng a, tinge ka hriât vè miah loh"



"Min ring rawh ka tih kha"


Vîn thawt hian a rawn la ti zâwk zamah a, Hlutei chu a in rawlh duh lo a ni ngèi ang, alo ngâwi hmak mai.


" In inneih dâwn anih hi, ring tûr che in engtin nge min la tih theih zâwk, mi â ka nia mi? Engmah sawi a ngâi tawh lo"



Tap âw tiau a tih Vîn thawt pahin ka tlân thla hlawk hlawk a, ka hnungah Hlutei chuan min rawn zui vè vat bawk.


Ka mittui chu thinrim zet chuan ka hru sawk sawk ringawt.

_____________


Engmah sawi lo chuan ka hâw vang vang reng a, motor chuan chhûng pawn ka tawng eih lo, Hlutei pawn min hrethiam in min be bîk lo, ana ka ti takzet a ni, kha hmelthatna khân min bum thlu tawh lo ang, a bialnu ni lo in anu thusawi chu a awih zâwk dâwn tho tho, tûnah inthen lo mahila nakin zèlah pawh kan hlim thei tak tak chuang lo ang, tûna inthen fel hi a tha zawk, ka rilru chu ka siam fel ta hmak a.



_________


In kan thleng chu tuilum sa ver vawra ka inbual zawh hnû chuan ka mu ta hmak a, nachhâwkna ka ei nghâl bawk, ka la khûr nasa èm èm zui, ka khaw hmuh te hi a fiah lo ruai mai, ka tlun tih ka hai lo chiang kher mai, Hlutei alo la chhuk bawk sî lo, khua a thim ti tih nèn, ka phone rawn rî chu ka la vat a, tunge tih pawh ka hre lo.



"Hello"


"Tinge i âw chu, i tha em?"



Muanpuia âw a ni, ka chhâng tawh lo, ka khûr nasa bawk si, ka phone dahin ka puan techu ka'n sin tha sauh sauh a, ka mittui nèn chuan ka mu khûr zawih zawih ringawt.



___________



MUANPUIA POV




Sangtei muhîl lai chu ka en reng a, kei leh Khuma leh Hlutei leh Hlutei nu te nen chuan a in ah kan awm thap a, nichin kan inbiak lai khân a âw arawn dik lo nasa lutuk kha min chhang tawh lo bawk nèn, Hlutei chu ka call vat a, Rang mang khèngin Khuma chu ka phone vèleh a, Falkawn lam chu ka pan nghâl a nih kha, zân thil a nih tawh vângin mahnî a kal chu nuam ka ti lo, kan thlen meuh chuan alo muhîl barh barh tawh a.


Hlutei nu chuan a pang chu a'n dek leh vang vang a.


"A khawsik chu a zia tawh e, Tiang ringawt chuan a tha lo, Casualty lamah kalpui mai ila tha ang, ana rei tawh si"



A ti bawrh bawrh a, keipawn ka pawmpui khawp mai, tiang ringawt a awm chu a tha lo,


"In lo buaipui ziah vângin ka lawm takzet ania, chhûngleh khat helâi hnâi ah a nei bawk sî lo nèn"


"A chhûngte kan nia lawm, Sangtei chu ka fanu ang chiah a nia"




A rawn khuh ta kharh kharh a, rang mang khèngin a bulah chuan ka kal nghâl vat.


"Tui"



A rawn tisap a, a bula tui chu thlit sakin ka in tîr nghâl vat a, tinge maw a dam loh reng mai le, natna tha lo deuh te hi alo vei reng ang tih mawlh ka hlâu.



"Casualty ah chuan han kal mai ila"



Hlutei nu hnèn ah chuan ka ti a,


"A ngai lo, ka tha lawm"


Alo ti nghâl vat a, engmah sawi lo mahse vawiin thil thleng vâng khân ka chungah ala lung awi lo tih ka hre nghâl mai.


"Anih chuan zan in committee te ka duh sia, ka lo han haw chho ange, a zual deuh chuan min lo call mai dâwn nia"




Hlutei nu chuan a ti a, a chhuak nghâl mai bawk a, Khuma chu ka mit mei vè nghâl vat, alo man thiâm nghâl mai bawk a.



"Hlute, kuhva leh ei tûr vèl han lei ila"



A ti nghâl vat a, Sangtei chu saisîr zawngin a mu a, min hnungchhawn daih bawk.



"Nia, tuibûr lei ka ngâi ve tho a, mahse ke in kal ang, i bike ah ka chuang peih lo, a ri ring thlerh thlurh si"



A ti a, Khuma nen chuan za zet hian kan nui ringawt,


"Tui bûr nge i duh bialpa chhelo deuh?"



Khûma chuan ati zui zat a, a chhaih peih sia, pakhat lah a thinchhe si, hmarcha pawh a tè tè a thak an tih tak kha mawle.


"Tuibur feee...."




Uar zet chuan a ti a, kan lo nuih tawp, an in zui chhuak ta nge nge a.



___________


Hlutei khumah chuan dîm zetin ka thu thlâ a, vawiin ber kherah tinge min hmuh kher le? Sarah i leh ka nu in suit lei tûrin min ti a, chû pawh kan inneihna tûr ami a ni tih ka hria, mahse Sangtei rinna ka hlawh chhuah tawh tho vângin ka kal vè mai a, bengbeh phèngphehlep lem mâwi ka tih zet Silver an tih ang chi ka lei sak ka jacket iptè a ka ah chu ka hûm rân a, sawi tûr ava vâng sî èm.



"Tinge ilo kal, i nu khân a phal ami?"



A rawn ti sap a, a bulah chuan in thawlh vè in a hnunglam atang chuan ka kuah a, alo tang nasa mai.


"Min khawih suh"



Tap âw tiau hiân a rawn ti a, ka ngaihpawimawh sak duh lo, ka kuah ngâi chuan ka kuah lui tlat a, keima lam hawi chuan ka kuai her a, a mit sen râm leh a hnâr tâi tèk atang chuan a tap nasa hlè tih ka hria, ka tum vâng ni hauh sî lo hian ka ti na reng mai chu nia.



"Ka hmangaih che tih i hriât kha, min ring hrâm teh khawngaihin"



"Ka ring che, ka ring takzet che sin, mahse awmzia awm lo, hmeichhe dangin an duh duh na ah an hruai kual lâi che in keichuan mi â ang maiin ka nghâk reng dawn che tihna mi?"



A thinrim hmèl hi sexy ka ti tlat zèl, ka thin pawh a rim thei lo, fawh ka tum chu alo hawisawn vat a.


"Ka thei tawh lo Muanpui, Sarah i chu nei la, inthen zâwk mai ang"



A rawn ti chuai raih a,A thusawi chuan min ti phu zawk mai, ka thin a rim vè lek lek a ni,


"Chutiang sawi suh, engpawh thleng se ka then lo ang che, reilotè lo nghâk leh rawh ka tih kha"



"Engchen? In innei dâwn tho kha"


"Ka nei dawn lo"


A mit meng pahnih liân zet chuan min en kar a, hmundang a hawi leh nghâl vat.


"I pû thu chah che kha"


A rawn ti sap a, mak ka ti lutuk chu ka phu zawk thei, engtin nge alo hriat, engmah ka sawi si lo, a tawng sual palh tih hriat zet hian a hmui chu arawn hup vat a.


"Engtin nge i hriat?"



"Engtin mah, engmah ka hre leh lo"



Tihpahin leh lam chu a hawi ta vat a, hetiâng thu lo hrilh tû hi ka nu nge ni a nga Sarah i zawk, tû emaw zawk zawk chuan an hrilh tih ka hre nghâl mai, ka zâwt lui duh ta bîk lo a.



Rei ngiâl kan ngawih hnû chuan, a phone chu arawn ri cher cher a, ka bula a awm vâng chuan ka ban sak vat, min lo en vè kar a.


Ld-a tih chu alo in ziâk kalh mai, thîkna namèn lo in min rawn bâwm nghâl a, ka thin sa zak chu beng daih tumin thâwk ka la hawk ringawt.



"Khawi min pe rawh"



Rawn ban atum chu a ban phâk lo ah ka keng kâng nghâl vat, rum zet hian min melh kar a, keilah ka lo thinrim tawh bawk nèn.


"Enga tân nge a rawn phone che?"



"Ka hre bîk nâng, a pawimawh a niang chu, khawi"



Tihpahin a rawn ban leh ârh ârh a, khum atang chuan tho in ka kal sawn ta daih a, phone chu ka switch off sak nghâl hmak bawk.



"Vawikhat mah be tawh suh"



Ka'n ti nghâl tâwng a, zak theilo ka in ti vè tho, mahse keimah ni lo mipa dang a biâk hi ka phal lo bur a ni tawp,


"Ka nun a nia, ka duh duh ka bia ang, i sawi tûr a awm lo"



A rawn ti vè tân tân a, a tawngkam chuan ka rilru atina vè zawk mai, mahse ka ngâwi reng a, rum zet chuan ka melh ringawt.


"Be suh ka tih chuan belo la ni mai"



Ka tawngkam chhuak chu râpthlâk tih hmèl zet hian chal chuar nâng khawpin min rawn en a, ngah mah ka ngâi duh lo, tûm bârin khum atang chuan tho in choka lam chu a pan ta daih a, hrilh hai thlâk duh khawp mai, a hnungah chuan ka zui vè dûn dûn tawp.


____________



SANGTEI POV



Ka thingpui lum lâi min vil reng tupâ vâng hian ka thinrim tûn reng mai, enge maw tûnlai hi ka thin chhiat èm èm reng le.



"Min ngaidam dawn lo mi?"



Inthlahrun hmèl zet hian arawn tî a, ka khawngaih takzet, mahse then loh chî ah pawh ka ngâi tawh lo, a nu a nasa si, Sarah i phei chuan min hmuhsit zia ka hria, in kawp reng chu aharsa ka ti ngawih ngawih, thaw halh pahin ama lam chu ka hawi a, ka chhânna hriat châk hmèl zet hian min lo enkar bawk.




" Kei hi hmeichhe chak lo tak ka ni a, hetiâng tuar reng chu ka theih ka in ring lo a ni, ka tuar zo lo ang Muanpui"



Ka sawi tâwp lam phei chu ka âw ari chang chang chauh, rawn kal hnâiin min rawn kuah a tum chu ka lo nem vè tâng tâng a.


"Haw rawh, lo kal tawh suh, ka rilru na mai mai"



Tap chung chuan ka ti a, ka tha neih vè chhun chu a tân engmah a ni lo, nghet zet chuan min kuah ta hlû hlû a, ka tap tawp ringawt,


"Ka nunah a vawikhat nân hmangaih ka tawng vè a, chû pawh ka nei thei lo anih chuan mipa ka ni lo tihna ni mai"



A rawn ti sup a,kawngkhâr rawn ri zui rak vâng chuan kan in thlah nghâl vat, ka thingpui lum lâi en chhuanlamin ka mittui chu ka hru nghâl sawk sawk a.


"Hepâ mâwl zia hi min tih thaih a, kan rawn in ûm vak phah alawm"



Hlutei chuan thaw hlawp hlawp hian arawn tî a, ka rin aiin an in kâwm ngaih phian mai.


___________


Hlutei Leh Khûma ti ti chu Muanpui a nèn chuan kan lo ngâithla tawp a, zân a rei tawh vângin haw an tum vèleh ta mai a, pawn thleng chu ka thlah vè mai bawk a, la lungâwi chiah lo mahila ka khawngaih tlat zèl.



"Ka pa ka lo bia anga, a remti anih chuan naktuk a inneih pawh ka pawi ti lo"



"Muanpui"



Ka ti sap ringawt, ka kut chu a hûm lum vang vang a, Khûma chuan a bike chu alo ti nung vè vut vut tawh bawk.


"Tupawn engpawh lo sawi se engah mah ngâi lo la, keimah chauh min ngaihtuah rawh aw, naktûk zân ah kan in hmu leh dâwn nia"




Hreh hmèl zeta ka kut thlah pahin ka chalah chuan a rawn fâwp zauh a, ka lo maimitchhîng sawk ringawt.




Kan in thlah fel hnû chuan keipawh ka lût vèleh nghâl a.



________________








Krismas leh kumthar chu hlim tak leh hlâuthâwng ru zet chuan kan hmang zo vè ta hrâm a, Muanpuia pawh arawn lèng zing malh malh khawp mai, Sarah i leh a nu pawh an reh fel hmak a, mahse ka la hlâuthâwng ru reng tho, enge maw ka chungah hian thleng dâwn tlata hriâtna ka nei thîn, hnâ pawh kan tan leh tawh a, kan buai leh malh malh khawp mai.



"Sangte, envelope eng Reception ah a awm a, chu chu Director roomah lo dah ta che, fîmkhur deuhin ilo dah dâwn nia"




U Chhana chuan a ti a, hmanhmawh zetin ka tlân thla nghâl hlawk hlawk a, reception a envelope chu lâ in Director dawhkân ah chuan ka dah mai a, a puar deuh ûl bawk sia engtak chu ni ang maw.



__________




College student ho practical tihna tûr chu kan rem sap sap hlawm a, Cleaner an tih mai office tifai tû ho chuan min pui bawk, kan in hmuh zauh zauh tawh avângin ka nèl tawh khawp mai, nuthlawi an lo ni nual a, tleirawl te te pawh an awm ve, mi pa 6 vèl chuan kan rem sap sap hlawm a, an pasal hluite chanchin nuihzatthlâk zet zet an sawi chuan ka lo nui nasa mai.




"Lalrinsangi kha director roomah koh ini aw"




Mipakhat hian a rawn ti lûng lûng a, hmanhmawh zetin director room lam chu ka pan vat, enga tân nge maw min tih le?



Director room a ka lût chu doctor Marinai leh U Chhana chu an lo awm vè a, ka ngaih atha lo ru nghâl ringawt.



"Enge nita sir min mamawhna inei ami?"



Ka'n ti nghâl vat a,


"Khawnge tûkina envelope eng kha?"



U Chhana chuan lungâwi lo tih hriat zet hian arawn ti ta hmuk a, Ld a pawh a rawn lût vè chiah bawk.


"Director dawh kâna dah tura min tih angin ka dah kha"



Ka ti vè mai a, eng buaina nge an neih hi ka hre lo rèng rèng.


"Kha envelope ah khân chèng nuai nga leh sîng riat (580000)a awm a, chu chu hospital tui bill pèkna tûr a kan dah that a nia,mahse director hian a hmu hauh lo"



Doctor Marinai chuan arawn ti a, enge awmzia? Ka dah ngèi sia, pawisa alo ni reng amaw? Chutiang zat zat techu.


"Ka dah alawm, ka beng tih tlukin ka la hria, heti lai file chungah hian ka dah ngèi alawm"



Tihpahin director dawhkân a file eng chunga ka dahna chu ka'n kâwk vâ a.



"Director hian a hmu hauh lo, nang hian hlèp rûk ilo tum te hi a ni lo maw?"



Doctor Marinai chuan arawn ti a, mak ka ti lutuk chu ka en tlawk tlawk tawp,


"Pawisa a awm tih pawh ka hre lo, engtin nge chutiang zat zat ka lâk theih ang? Ka la lo rèng rèng"


Doctor Marinai chauh ni lo Ld a tih loh chuan min rinhlelh hmèl zeta min en tâkah chuan ka rilru ana ngawih ngawih.


"Chutiang zât zât Sangtei hian ala lo tawp ang"



Ld chuan alo ti vè vat bawk a,


"In inkâr hi kan hre vek, lo in rawlh suh Ld, i bialnu hi i tan mah mah a ni"


Doctor Marinai chuan min melh râwm pah hian a ti a, engti nge ka sawi fiah ang, ka dah lai min hmu tû an awm dâwn dèr si lo.


"Ka la lo, U Chhan ka ti tak tak"



"Ila lo takzet anih chuan i dawhkân kha kan lo check ang chu, i bag te nèn"



Doctor Marinai chuan a ti a, ka sa zak mai.


"Enga!"



Ka ti chhuak sap a



"I ti mah mah a ni Doctor"


Ld a chuan alo ti vè bawk a, director chuan UChhana chu a hrilh ru zauh a, enge a sawi ka hre châk lutuk hi min tur et et thei.


"Sangte, engmah i lâk loh chuan a pawina awm dâwn ami? Fiah nân han check vè tîr rèng rèng la"



UChhana chuan dam zet hian a ti a,


"Sangtei fiah ngâiin ka hre lo, a lâk ka ring lo keichuan"



Ld chuan thinrim hmèl zet hian arawn tî a,

"A pawi lo, in duh chuan check rawh u"


Ka ti a, heta thawk vè tho, fourth grade mipa 4 vèl chuan ka dawhkân chu an check mawlh mawlh a.



Ka bag chu an en leh, ka lâk loh zia hi fiah rawh se, an la hre vè khawp ang, ka lo ti rilru nauh nauh a.


"Ka pi, hei ka hmu"



Ka bag atang chuan envelope pawh chhiat chu an rawn la chhuak a, ka phu deuh zawk mai.


"A ni thei lo, engtin nge ka bag ah a awm theih ka hre lo"



Ka ti sap ringawt, envelope ka bag a a awm chuan khawnge pawisa a awm tâk ang? Engmah hi ka hrethiâm tawh lo.


"I bag atanga envelope kan hmu chung pawh hian ila pha cheu dâwn em ni? Nge police ka ko zâwk dawn? Pawisa chu khawnge a awm sawi ta che zakthei lo"



Doctor Marinai chuan min rawn bèng nghâl sawk a,


"Duhtawk teh, iti mah mah a ni, midangin an la anga Sangtei hi tâl awh tîr an tum a niang"

Ld a chu alo inrawlh nghâl vat a, ka zak lutuk, hawi pawh ka hawi chhuak ngam tawh lo.


"Lo in rawlh tawh suh, ilo buai vè na tûr a awm lo, tinge class la lo a heta i awm reng"



Doctor Marinai chuan a ti lèt thawt a, Ld chu a ngâwi vèleh mai a, ka mittui tla chu hrûk hul pawh ka tum lo, tu in nge ka bag ah khân lo dah ang? Pawisa a awm tih pawh ka hre miah sî lo a, khawnge pawisa chu a awm ang? Engtin nge hetiâng thil hi a thlen theih?



"Amak ka ti khawp mai Sangte, pawisa chu la lo pawh nila, i mawh phurhna a nia, i rulh ngèi chu a ngâi ang"


UChhana chuan tih sap pah hian min kalsan ta daih a,

Ka insûm thei tawh lo chu ka tap chhuak hawk a, Ld chuan min kuah nghâl vat a, a âwmah chuan ka hmâi chu phûmin ka tap ta tawp a, ka va han muâlpho nasa dâwn èm, engtin nge ka tih tâk ang? Chutiâng pawisa tam tham chu ka mumangah pawh ka la hmu ngai lo, engtin nge khatiâng zât zât rulhna ka neih ang? Ka neih zawng zawng pawh hi cheng singriat(8000) vèl chauh a ni a, khawi atangin nge sum ka neih tâk ang?



"Thlah rawh"




Rawn ti thawt tû ka hriât rual chuan Ld a chu lei ah chuan a thal nghâl thuai a, ka lo tè that bawk, Muanpuia maw, students dang ho chuan Muanpuia chu an lo dawm bet nghâl vat a.



"Eng thil nge in tih kha? He college ah hian in insual amaw?"



Director chuan english in thinrim zet hian arawn ti vîn tuar a, engtin nge niang? Engkim a pawi zo vek dâwn a nih hi, Muanpuia leh Ld in melh rum nasa lutuk chu ka entawn dûn zak zak ringawt.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:44 pm

ITZHAK

CHAPTER-12

BY

HLUTEI JOCUND PACHUAU



Click lam hi i uâr deuh ang u aw, in vawikhat click lek pawh kha tanpui ngâi te tanpuina tûr tih hria in i uar sauh ang u, ka theih tâwpin tun tum chuan thawh chhuah tam ka duh sia, midang tanpuina tûr a nia, chèng khat pawh la lo in vehbûr ah ka chhûng vek dâwn a, mahse in tello chuan engmah ka ni si lo, in tanpuina ka mamawh mai piah lamah kei aia mamawh zâwk an tam ania.





__________



"Ka room ah rawn kal ru, in pathum khân"



Thinrim zet chuan a ti a, min rawn kâwk tel ve chu ka lo phu zawk thei,Muanpuia chuan a thiante dawmna chu phih sawkin director room lam chu a pan ta daih a, melh pawh min melh duh lo, midang chu an in hrilh ru nghâl sar sar hlawm a, inthlahrung zetin director room chu ka pan vè nghâl vat a.




Ld a pawn min rawn zui ve nghâl bawk, director dawhkân hmâ ah chuan kan ding tlar ta thap a, rilru hah tawh sâ nâkalaiin Muanpuia kher kher chu enge maw arawn belh chhah khanglân le.


"Lalmuanpui,he college atang hian hnawhchhuah i duh loh chuan nvaihdam dîl rawh"



Ka phu zawk thei, Muanpuia chuan luhlul hmèl zet hian a melh ngâi chu a melh kar a, ka lo khûr ru der der thei.



"I dîl dâwn em?"



A vîn thawt rual chuan ka lo phu zawk thei,Ka mittui chu a tla nghâl fap a, keimah vâng vek a ni, LD a kha lo inkuah tîr lo tawp tûr ka nia, Muanpuia chua ka va melh thin, a melh ngâi chu melhin a ngâwi tlat bawk si,



"Ka tihpalh takzet a ni Sir"



Muanpuia chuan tihpahin a chhuak nghâl daih a, Ld a nèn chuan kan la ding rân mai.


"Nangpawn i pawisa tih bo kha min rûl ang che, ka pawisa atangin ka lo pe a, hrethiam em?"



Min rawn enkur pah chuan a ti a, ka lû bûk nghauh nghauh pah chuan ka tlân chhuak vè nghâl vat.


Muanpuia chu ka zawng rilrû a ka hmu bawk sî lo, khawi ah nge a awm ang, ka mittui vâng chuan ka hmai techu a huh vawtthlur tawh.


A bag ah that mawlh mawlh pah a arawn chhuak hmawk hmawk ka hmuh rual chuan ka pan vat a.


"Muanpui"



Ka ti sap mai, min hmû chu a ding deuh chat a, a thinrim hlè tih a hmèl atang chuan ka hre thei,

"Khawnge kal itum? Ld a chu ngaihdam dîl rawh khawngaihin?"



Tap tiau pah chuan ka ti a, a bek rawn páwng telh telh atang chuan a inseh ruh nasa hlè tih ka hre thei, hepâ rilru len zia hi chu aw.


"Khawngaihin"


Ngèn ngáwl zet chuan ka'n ti leh sap a,

"Awmzia awm tawh lo, kalsan rawh mahni a awm ka duh"



Thinrim insûm tih hriat zet hian arawn ti vawt raih a, min tawng khum dân chu mak ka ti, engtin nge tiâng hian min tih theih? Ngâwi reng chuan ka en tlawk tlawk tawp a.


"Engtin nge chutiang chu i sawi theih?"



A hmèl chu ka en kar a, a kut ka vawnna chu ka thlah riai riai bawk.


"Khapâ nèna in inkuah lai ka hmuh khân ka rilru ana fè zawk, ka ring che sin"



"Ka phatsan che ah i ngâi amaw"


"Nakin ah ka rawn bia ang che"



Tihpahin min kalsan nghâl hlawk hlawk anih chu, ka dinna ngâi ah chuan ka ding tawp a, ka chan chu a chhe bîk ngawih ngawih ni berin ka hria, Muanpuia pawh hi midang ang tho in ka chungah alo sual vè tho anih hi, ka dawhkân lam chu ka pan chhat chhat a, dawhkân chu bawhin ka tap khûr ngat ngat ringawt, engtin nge ka tih tâk ang.


___________



Tlâi ka hâw chu ka nu ka phone nghâl a, mahse ka pa hrawn a hnâ atanga bângin dâwr hawn alo tum anih chu, an pawisa neih zawng zawng dâwr bungraw lei nèn an lo hmang tih chu pawisa ka dîl dâwn tih hre lâwk ang hrimin min hrilh nghâl bawrh bawrh mai si,engmah ka sawi duh ta lo a, tûnah tak hi chuan intih bo daih ka châk, a hrehawm ka ti ngawih ngawih.



MUANPUIA POV





Hostela ka khumah chuan ka indawm kun tlawk tlawk a, ka thinrimna tekha lo in control deuh tûr ka ni sin le, engmah ka hrethiâm lo, ka buai nuaih mai.


Ka room mate Ringheta rawn hâw pawh chhâwn lo chuan ka ngaihtuahna ah chuan ka chèng tawp a, Ld Zawnga kha ngaihdam ka dîl thlâwt lo a nge, ka hnek châkna a rei tawh lutuk, Sangtei a zar buai tih ka hriâtna a rei tawh a, mahse ka ngâwi reng a, ka ngâwi reng tawh dâwn bîk lo, Sangtei pawh khân tinge alo in kuah tîr kher kher le, ka thinrim lutuk chu ka inhûm ruh tlawk tlawk ringawt.


"Sir chu ngaihdam i dîl dâwn lo mi?"



Min enkur pahin Ringheta chuan arawn ti a, ka dîl loh dân tûr chu pui tak a ni, enge tûpawh hian dîl tura min tih vek le.


"Dawn lo"



Tih ringawt chuan ka chhâng a, mi fel leh in ngâitlâwm tak mî a ni a, min zilh leh hrep hmâ hian chhuak daih ang, ka kal chhuak ta daih a, bible nèn khân min zilh leh emaw khâ nianga, tlâwmna nun vawng nung thei dinhmun ah ka ding rih lo.



Ka chhuak chu Khûma hian hmanhmawh zetin min lo pan vat a, a hmèl atang chuan thil pawimawh tak sawi tûr a nei tih ka ring thiâm nghâl mai.



"Thil thleng kha i hre vè tawh em?"



A rawn ti nghâl tâwng a, ka bo nasa hè hû khawp mai,

"Engthil?"



Ka lo ti deuh hû a.


"Aw..Sangtei chanchin kha"


"Enge Sangtei chungah chuan thleng a?"



Ka'n ti nghâl a, a chungah thil pawi a thleng tih na em ni ang?


"Iva han mâwl tak, Hospital tui bill man cheng nuai chuang ati bo alawm, a tuamna envelope pawh chhiat pawh a bag a an hmuh thû te an sawi a, Director in arang lama rûl tûrin a tia, i la hre vè miah lo maw? An sawi nasa sin"



Mak ka ti lutuk, Sangtei chuan ala dâwn lo chiâng sa a, engtin nge maw a bo theih le, engtin nge ka tih ang? A rilru ahah viau ang, keilah chuan.....huihaaa..... Duhthlan tûr pakhat chiah ka nei.




Ka room ah chuan tlân lûtin ka jacket leh ka bike chahbî chu ka la chhuâk nghâl vat a, Ringheta chuan maktih hmèl zet hian min lo en tawp ringawt.


Ka tlân chhuak leh chu Khûma chuan min lo pawt ding vat a,


"Khawnge i kal dâwn?"


"Ka pa ka dîl dâwn"


Ka ti bung hmuk a,


"Mawla, chutiâng zat zat ape duh dâwn che mi?"



"Duhthlan tûr dang ka nei lo, hèng thil zawng zawng hi keimah vâng vek a ni, pawisa chu ka rulh sak anga ka tlânbo pui mai ang, tûmân an tihnat tawh loh nân"


"Euuu...pâ lutuk, ka rawn kal ve dawn"


Nui vur vur pah chuan a ti a, fiamthu thawh na hun pawh a ni lo, hepa mawl chhè chhû lutuk hi chu awww...,


"Ka hmangaih che thianpa"


Ka ti sup a,


"Hmangaih sawi hun pawh ni lo kal ang"



Tihpahin ka bike lam pan chuan kan tlân dâwr dâwr a, Aizawl lam panin rang mangkhèngin kan innkhalh chhuak nghâl vat.


__________


Dar 8 rîk tep ah chuan kan thleng thei hrâm a, ka pa chuan nupui nei tawh tho mahse upat tawh lama nupui nei a ni a, fâ an nei theih tawh loh vângin ka nuhrawn pawn min en hrang lèm lo, min duat vè khawp chuan ka hria, ka nu âi thlâwt chuan ka mil zâwk bawk.



"Ehe Mate, enge in lo tih dâwn tûn ang zân zân ah"




Nitei chuan alo ti vat a, ka nuhrawn leh ka pa pawh room atangin an rawn chhuak nghâl vat a, Khûma nèn chuan mak tih hmèl zet hian min entawn dûn zak zak mai.


"Pa, thusawi tûr pawimawh deuh ka nei a"



Ka'n ti nghâl tawp a, ka vawt ti chu ka khûr deuh bap bap leh nghâl, Khûma pawh chuti tho.



"Lo thu phawt teh u"




Tihpahin common room lamah chuan min hruai phei a,


"Coffee sa ver vawr ka lo thlit ang che u aw"



Tihpahin nitei chuan choka lam chu apan ve vat a, a châkawm ka lo ti rilru rèng ah, kan thut fel hnû chuan engmah la sawi thei lawk lo in ka la ngâwi reng a, a tîra ka phûr ang hû in mahni pa te mahnise chutiang zât zât pawisa han dîl chu inthlahrun awm ve duh khawp mai.



"Enge i sawi duh chu ni a?"



Ka pa chu aw thiân kharh pah hiân a ti a, Khûma nèn kan han inmelh leh ang zuk zuk phawt a.


"Eng lo a nia, ka bialnu in buaina a tâwk a"



Ka ti sup a, ka pa chuan mit hmul sân zauh pah hian uluk zetin min en kur bawk.


"Sarah i maw, eng buaina nge a neih a?"


Ka nuhrawn chuan alo ti vat a, chhân tuma ka ân zuau lâi chuan "A râi em ni?"


A rawn ti ta mai, ka pâ chu a khuh kharh kharh a.


"Ni lo e, a rai hleinem, Ka bialnu chu Sarah i pawh a ni lo"



Hnuailam melh daih chung chuan ka ti a,


"Awi...avan mak teh nuaih ve Mate"



Ka nuhrawn chuan alo ti leh vat a,

"Ava mak, lo ngâwi hrih teh, han sawi zawh tîr vè phawt la mawle"

Ka pa chuan alo khap vat a, ka nuhrawn hi chu nèl viau mahila duh aiin sawi tûr ahre mah mah thin.


"Thawnthu sèi tak a ni, pa Sarah i hi nupui atâna ka neih duh leh ka bialnu a ni hleinem, a hming chu Sangtei a nia, nula fel tak a ni"


Ka'n ti zui sap a,


"Anih chuan eng buaina nge a tawh a tûn ang zân zâna rawn kal phahna tûr khawp chu?"



"Ihh...diktak chuan, Kan college ah a thawk a, Hospital bill director rooma dah tura an tih kha a dah hnû lawkah tu emaw in alo ru chhuak a, chuan pawisa chu rûl tûrin an ti a, a tam tham sia, mahni chauh a awm a ni bawk nèn"



"Chu i puihna arawn ngèn em ni?"



"Teuh lo,hrilh pawh min hrilh duh lo, Khûma hnèn atang hian ka hre vè chauh alawm"


Ka'n ti leh nghâl vat a.


"Nia pa Hruai, college a professor te ti ti ka lo hre palh a, chu ta tang chuan keipawn ka hre vè chauh"


Khûma chuan alo ti vè vat a, ka pa chuan atarmit kâr atang chuan min entawn dûn zak zak a, zâm awm duh angreng khawp mai.


"Chhûngte a nei lo em ni?"



"Nei e, nu ala nei a, mahse a nu chu Delhi lamah a awm a, a nu in vâi pasalah a neih avângin an inkâr a tha vak lo a"



Ka pa chu a ngâwi ta vang vang a, thil thui tak ngaihtuah hmèl a pu,


"Pe mai rawh, a khawngaih thlâk reuh èm chu"


Ka nuhrawn chuan a lo ti ve vat a, ka nu ang lo taka ka nuhrawn ka lamah atang chu ka lâwm ru angreng khawp mai.


"Engzât nge i mamawh a?"



A rawn ti sup a, ka lâwm lutuk chu ka pa kuah mâi techu ka duh rum rum zâwk e a.


"Nuai nga leh sîngriat (580000))


"Enga!"




Nitei chuan arawn ti thawt a, kan coffee in tûr chu kan hmâ ah chuan arawn chhawp nghâl bawk, ka thusawi kha choka atangin alo ngâithla rû tih ka hre mai.


"Mate, chutiâng zât zât techu ava tam ve"


"Nia, mimal pawisa ni lo in hospital a ni miau sia"


"A ni viau tho mai"


A ti zui leh sap a.


"Anih amah chu a tha em? A rilru hah ngawt ang"



Ka nuhrawn chuan arawn ti a, tûnah chuan tap chungin account a pawisa awm zât a en tlawk tlawk ang.


"Mahnî in ka tap mèkin ka ring"


"Awihaa...a rilru avan hah dâwn ve, ka khawngaih reuh ngèi mai"


Ka pa chuan ngâwirengin room lam chu a pan vat a, Khûma nèn chuan coffee mai mai pawh chu harsa ti zet chuan kan lèm tâwk tâwk ni maiin ka hria, ka pû thu chah ka rilrû alo lang leh zèl bawk nèn, mahse ka pa chuan engmah a sawi lang duh chuang lo, ka lâwm viâu rualin ka pu thlarâu chu ka zah thar leh ngèi mai, mahse tûman engmah an sawi lan tâk lo ah chuan ka hahdam huai mai.


"A hmèltha em? Ka hmu vè duh a nia"



Nitei chuan arawn ti a, nui vur vurin Ka phone chu ka phawrh vat a, Sangtei nèn urlâwk zâna kan selfie na ngèi mai chu chhuâng zet hian ka'n hmuh a, a hmelthat thû an sawi techuan ka lo hlim vè veng veng ringawt,


"En teh u a bialnu fak sak chu a lâwm ver vur zia hi"



Nitei leh ka nuhrawn chuan min nuih tiah tiah mai, ka pa arawn lèt leh tâkah chuan kan awm pângâi leh vat a.



"Pawisa in ka kawl sî lo a, a check ka hming sign sa hi lo la mai tache, rulral bank Falkawn ah sâwn a awm tho a, lo la chhuak mai rawh, i mamawh zât zât ilo la dâwn nia"



"Ka mamawh leina tûr chu ka nei alawm pa, ka lawm lutuk a nia"


"Doctor tha takin zir chhuak la, min la enkawl dâwn alawm"



Dam thlup chuan arawn ti a, Khûma nèn chuan phûr zetin hostel lam chu kan pan leh nghâl vang vang a.

__________


Haw kawngah techuan Sangtei ka surprise huna a hlim hmèl tûr mawlh chu ngaihtuahin ka nui vur vur reng mai, ka pa in lèng turin lo sâwm la a tih phei chuan ha hni ro thak khawpin ka nui in ka hria.




____________



SANGTEI POV


Mahnî in ka passbook chu ka en tlawk tlawk reng a, cheng nuai khat leh sangthum(103000) chiah alo la awm zui, ka inkhâwl vè nasa viau amaw ka tia, alo la awm tlèm ngèi mai, a chanve pawh ka nei tling lo, Remi chuan min khawngaih viau mahse chhûngkaw khawsak nuam tak an lo ni bîk lo nèn, amah hi chhûngkaw ei bèl bera an rin a ni bawk si, min puih chu duh viau mahse tih theih a neih bîk loh zia ka hre chiâng khawp mai, Hlutei nu te lah ka dîl ngam bawk si lo, dîl pawh ni ila khawi atang mahin chutiang zat zat pawisa han hmuh mai na tûr an hre dâwn bîk lo, loan pûk dâwn ringawt pawh ni ila a tam tham bawk si, ka rilru hah lutuk chu thâwk ka'n la leh hak thin, awmzia awm lo, zan in chu rilru hah vângin ka tlaivâr dâwn chiâng anih hi.


Sana ka en chu dar 11 lâi alo ri tawh, kawngkâ chu tu emaw hian rawn kik karh karh a,ka lo phu deuh zawk zui,tunge mawni le tûn ang zân zân ah.




Khum atang chuan tho in kawngkhâr lam chu ka pan vat a, kawngkhâr ka hawng chiah chu Muanpuia lo ding reng chu niin, tawng ka tum chiah chu ka hmui arawn hup nghâl vat a, a awm dân hi ka hrethiâm lo, a rawn lût nghâl vat bawk,Remi room lam melh zak zak pahin kawngkhâr chu a kalh daih leh nghâl, ka room lamah chuan min nawr phei dâwr dâwr a, a ngaihna ka hre lo takzet, ka room kawngkhâr pawh chu akalh hmiah leh nghâl, a hmèl ah chuan vawiin a a thinrimna ang kha ka hmu tawh hauh lo.



"Enge maw i hriat le, lehkha zir ta che"



Ka ti sâ sâ a,


"Aih, zan in chu hetah ka riâk dâwn"



"Enga! Teuh lo mai chhuak vat rawh"


Remi hriat hlâu tak chuan ka ti a,

"Aih"



Tihpahin ka khumah chuan ala mu hlûn zui, hepâ awmdân teh thut hi ka hrethiâm lo.



"Enge i din reng a?"



Tihpahin khumah chuan min pawt thlu thuai a, ka lo râk that, min rawn bawh deuh ûl chungin ka kâ chu a hup vat a.


"Vawiin vâng khân tihpalh aw, naktuk ah sir Ld a chu ngaihdam ka dîl anga, chuan doctor tha tak ka nih hun ah kan inneih ang"


A duhthusâm thiânghlim zet chuan ka nuih ati zâ, ka nui chhuak hak a, alo nui vè var var bawk.


"Naupang chhia ang mai"


Ka lo ti vat a,


"Het, naupang chhia ka ni lo aw...nang aiin ka upa"


"Upa mahla i rilru hi chu naupang ang chiah ala ni"



Ka sîr ah chuan a hmâi chu rawn phûmin ka nghâwng záwn ah chuan arawn thaw lum ham ham a, ka lo mûr chem chem mai, vawiin a alaka ka rilru natna zawng zawng tekha lâk bo ang hmak a ni leh ta,mahse a rit lutuk hiân thâwk min ti harsa.


"Tho teh ka thaw thei lo a nia"



Ka ti sâ sâ a, thu âwih zet chuan a tho vè mai bawk a, hlim viau mahila naktûk mawlh hi ka huphurh takzet a ni, engmah ala hre lo a ni ngèi ang, ka hrilh tawp mai dâwn amawni le, ni leh lo, a rilru ka ti hah mai mai, pawisa chu nei dân ngaihtuah phawt ila, he thil ti tû hi ka la zawng chhuak khawp ang.


Ka sîr ah chuan mû in min kuah hlûn a, mahnî a mut chu avawt duh bawk a, pangti lum nghèn tûr ka nei chu nuam angreng phiân mai.



"Ka hmangaih che tih hi hre reng rawh aw"



A rawn ti sup a, ka lo nui var var ringawt.

__________



Muanpui pov




Zîng ka tho chu Sangtei tui taka a muhîl thei chu ka lâwm ngèi mai,a muhîl lâi chu ka en vang vang a, a hmûi sexy zet ah chuan ka fâwp zauh, a rawn meng ta diar diar a,


"Ivan harh hmâ ve"



A rawn ti sap ringawt, ka lo nui hak a, a duhawm reuh zia hi a in hmu lo a ni chèk ang chu.


"Ka kal dâwn aw, muhîl leh rawh"



Tihpahin ka tho vut a, nui var var chuan min bye bye lauh lauh mai, a rilru hahna kha thup a tum vè nasa sia, engkim ka hria tih phei chu hria se a zahna ti tam tu mai ka ni ang tih ka hlauh vângin ka sawi lang lo,amah chauhin a tuar tlawk tlawk a ni âwm sia, ka khawngaih reuh ngèi mai.


___________



Class chawlh lawk kan neih lâi chuan Director room chu ka pan ding nghâl chat a, zîng lamah pawisa ka lâk chhuah lâwk vek tawh vângin pèk chauh ka hma bâk tawh.




"Sir ka lo lût thei angem?"




Sir chuan min melh kur pah chuan "aw lo lût tache"


A tih ruâl chuan ka lût vat a,

"Sir, miss Sangtei'n cheng Nuai nga leh singriat (5800000) hi pe tûr che in min ti a"



Mak tih hmèl tak chuan min deuh hû a, ka zâm ru lek lek mai.


"Ld a'n a pe tawh alawm, a hre lo ami?"



A rawn ti deuh hû a, mak ka tiin ka thinrim bawk si, ka kut tum bawk chu ka hûm ruh leh tawh.


"A hre lo a niang, a nih ka kal leh mai ange"



Tihpahin hmanhmawh zet chuan ka chhuak a, Director room ep chiah a Professor bathroom atanga sir Ld lo chhuak chu thinrim zet chuan ka pan hlawk hlawk a,, ka thinrim ka kawchhûng sa huam huam chuan ka insûm theihna zawng zawng arawn ti alh mit vekin ka hria, ka'n hnek thal nghâl thuai a.


"Naupang leh...."



Tihpahin min rawn hnek lèt vè leh nghâl, ka kam sîr al pep atang chuan a thî tih ka hre thei, kan insual chu ni ta dèr mai.




Midang chuan min lo hmuh vèleh min lo thelh nghâl sup sup a, mi pa nga(5) vèlin min man beh vâng chuan ka che thei tawh lo, Sarah i pawn min lo dawm vè bawk.



"Lalmuanpuia leh Lalduhawma kha Director room a koh in ni"



Rawn ti lâng lâng tu lam chu kan hawi ruâl thawt a .



______

A ngâi tè bawkin director roomah chuan kan ding leh tawh, ka nu pawh a awm ve bawk, min melh rum nasa hlè mahse ngah mah ka ngâi duh lo.


"Doctor chu mî tidam tûr in ni, ti na tûr ni lovin,Lalmuanpui nang hi he college atanga hnawh chhuah ini"


Ka nghîng dawt mai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)