ITZHAK BY Hlutei Jocund Pachuau‎ (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: ITZHAK BY Hlutei Jocund Pachuau‎ (Completed)

Unread post by Ngaia » January 26th, 2020, 9:44 pm

ITZHAK

CHAPTER-13

BY

HLUTEI JOCUND PAChuau

Ka mut chhuah tawh èm vângin ka edit talo mai, chhiar har deuh maithei ni.



CLICK LAMAH HIAN TAN I'N LA SAUH SAUH ZÈL ANG U KHAI......



Naktûk zân leh tûk leh zân ka chäwl dâwn aw, kohhranah program ka nei nual a, type na hun ka nei dawn si lo.






"Kan tihpalh takzet a ni, ngâidam hrâm rawh, ka fapa hian ati sual leh tawh lo ang"



Ka nu chuan tap ti tih hian a ti a, ka lo ding ngâwi reng ringawt, Thil tisuâl tu chu keimah chauh ka ni bîk lo tlat, hè vaipa hnawh chhuah nih hi nâ ka ti lo chiâng èmai.


"Sir keimâ thiâm loh zâwk a nia, ngâidam mai rawh"


Sir Ld a chuan alo ti vè bawk a, in lák fel chu tum vè nasa mai,


"Ka hrethiâm tawh a, a vawi thumna ah chuan in hriâtthiâmna a awm tawh lo ang, chhuak la class ah va kal rawh"



Ka nu chu a thaw huai mai, ngâwi reng chuan ka chhuâk hmak a, ka chhuâk chiah chu Sarah i chuan ka hmûi thî chu min lo hrûk sak sawk sawk a, min ngaihtuah hlè tih ka hria, alakah pawh hiân ka inthiám thei lo, mahse ka hmangaih miâu sî lo a, amah hmangaih deuh tû tawng se ka ti ngawt mai.


Sangtei pawh hmanhmawh zeta arawn tlân phei chu ka hmu vè nghâl vat a,Sarah i nèn min hmu chiah chu a ding dat mai, Sarahi'n min khawihna kut chu la thlâ in Sangtei chu ka pan vat a, a rilru na hmèl chuan min ti hrehawm ngawih ngawih a ni ber, ka nu leh Ld a pawh an rawn chhuâk zui vè nghâl a.


"Sir Ld a puihna hi i dîl em?"


Sangtei hnènah chuan ka ti vat a, a hmèl atang chuan mak tihna ka hmu thei.


"Enge i sawi awmzia tû puihna mah ka dîl lo"


Ka ring rèng ahh...ka nu chu thinrim zeta lo kalin Sangtei hmâi ah chuan arawn bèng sawk a,


"Enge maw i tih le"



Ka vîn ring khawp mai, tûmah vènthâwn tûr an awm rih lo bawk.


"Amah vâng hian hnawhchhuah inih tèp hi, henû váng hian"



Ka thinrim lutuk chu awm ngaihna pawh ka hre lo, ka nu hi engtikah mah ka ngâidam lo ang.


"Amah vâng a ni lo, ka tihsual vâng alawm, chuan nang kha"


Tihpahin Sir Ld a lam chu ka pan vat a, ka iptè atang chuan pawisa chu la chhuakin a kut ah chuan ka hnawn deuh chawrh a.


"I pawisa hi Sangtei hian a mamawh lo"



Sir Ld a chu a nui hak a, ngaihdam dîl chu ka la tum lo nasa mai.


"Khawi atangin nge pawisa kha i neih?"



Ka nu chuan mak tih hmèl zet hian arawn ti a, Sangtei leh Sarah i chu an lo ngâwi kar thung.


"Vânneih thlâkin i pawisa chèng khat pawh a tello"



Sangtei pawh chuan maktih hmèl zet hian min lo enkar bawk, engkim ka hre vek tawh tih ala hre lo tlat alawm,


"A buaina chu amah hi chinfel tîr tache, enge ilo buaipui vè chhèn a"


Ka nu chuan thinrim zet hian a ti leh a,


"Ka bialnu a nia, a buaina chu ka buaina a ni, a chungah thil thalo thlen tîr in tum chuan kei aia sual an awm lo ang"



Tihpahin Sangtei chu ka kâi chhuak nghâl dâwr dâwr a, hè hrehmhmun a awmpui reng hi ka thei tawh lo, kal puina tûr mai ka hriât loh vângin inchung lamah chuan ka hruai ta ringawt a.



SANGTEI POV



Muanpuia chuan in chung lam chu min pan pui dâwr dâwr a, engtin nge thil thleng kha alo hriât pawh ka hre lo, chuan engtin nge khatiang pawisa tam tham kha a neih mai theih le? Zirlâi mai ala ni si a, ani hian thil âtthlâk deuh te hi alo ti a ni lo maw le.


In chung zâwl duai chu thaw hlawp hlawpin kan thleng vè thei hrâm, ka hawi kuâl hrak hrak a, tûmah an awm lo hlauh e.



"Tinge engkim i hre vek tih min hrilh loh a?"




Dam thei ang ber chuan ka ti sap a, a kam sîr pilh deuh chuan ka mit atikham tlat, ding di hlîp meuhin a biang tawn tawn ah chuan ka vuan a, ka rawmawl chuan a hmûi pilh chu dîm zetin ka hrûk sak nghâl zat a.


"I zah ka hlâu a, tûnah chuan engkim a fel tawh"


"Ld a khân alo pe tih ka hre miah lo"



Ka ti sap a, a rawn nui deuh suk mai.


"Ka hria lawm, sawi tawh suh"



A rawn ti leh deuh hmuk a, ka nuih suk ringawt.


"Anih pawisa kha engtin nge i neih a?"



"Ka pa ka dîl"



"Enga!"



Vîn thawt chuan ka ti a, ala nui ang vur vur zui, ka van zak tak, engkim an hre vek dâwn ni maw, nge thudik lo sawiin apa a bum zawk, hepa mâwl lutuk hi chuh.


"Hey....pawi ti duh suh, i tân chuan ka bike duat lâi pawh hi ka hralh phal, min rûl leh dâwn tho alawm"



"Mahse tûnah chuan ka la nei daih lo a"


Ka ti sap a, ka rilru hahna ala bo chuang lo, ka zak bawk si.


"Ngaihtuah buai vak vak tawh lo teh, zantin min rûl mai dawn lawm"


Awlsam zet hian arawn ti a,


"Fiamthu thawhna hun pawh ni lo"


Tihpahin a dârah chuan ka bèng sawk a, nui hak hak pah chuan ala râk thawt zui, min rawn kuah ta vang vang a, a âwm chen chauh ka nî chu ka zak lek lek zèl.


"Tlânbo daih ang hmiang"


A rawn ti sup a, a ngaihtuah na naupang chhia thei lutuk hian min ti hlim thin.


"Engtin nge kan inchâwm anga"



Ka'n zâwt der chhin a,


"Aww....hnâ ka thawk mai dâwn lawm"



Ka nuih za lutuk chu ka nui hak a, ani pawh a nui vè tho, eng anga lungangaih na pawh tâwk thin mahila kan pahnih a kan awm tawh hi chuan kan hlim èm èm reng zel, amah hian alo zir bawk nèn.


"Doctor zir bânsan in ka in hlawh reng anga ni mai lawm, i tân chuan èk paih pawh ka huâm"



"I over"


Tihpahin ka bèng leh sawk a, kan nui dûn nasa mai, rei fè kan thut hnû chuan kan chhuk thla thei hrâm a.


Ka rilru hahna chu lâk bo ni tawh mahse Muanpuia laka ka inthlahrun na a zual sauh in ka hria, a chhûng ten lèng tûrin min la sâwm ta deuh deuh leh nghâl a.
______________



Hnâ ka lo ngah lutuk ringawt, ka tih tûr chu ka'n ti nghâl sawk sawk a, khawnge pawisa kha a awm ang? Tu in nge lâ ang? Muanpuia nu hi a ni thei mai angem? Ni lo, chutiâng thil râpthlâk chu a tih duh ka ring lo, nu fel tak chu ni lo mahse ka laka hetiâng rilru chhia pu tûr khawp chuan ka ring phallo, zawng chhuak dâwn pawh ni ila bul tanna tûr ka hre lo, ka bo map mai.





_________



Dâwr ah chuan a ngâi tè bawkin an lo nui thlèr leh duai duai a, rilru hahna tûr èm èm an nei lo bawk nèn a âwm vè tho mai, saw hospital atang sâwn bângin ka thawk ve daih dâwn mawni le tih techu ka ngaihtuah rum rum zel.



"Engtin nge pawisa chu i tih tâk ang? Keini lah in neih kan nei dèr bawk si lo, Bawihtei pa hian hlawh han la vat se chu tih dân a awm mai tûr a nia"

Hlutei nu chuan min khawngaih hmèl zet hian alo ti siâm siâm a,

"A ngâi lo, Muanpuia'n min pèk sak a, mahse amah pawh muângchângin ka rûl ang"


"Anu râpthlâk tehrèng nèn engtin nge pawisa a dîl ngam a?"



"A pa in a pe niang"


"An van lo hausa âwm em em, then rèng rèng suh, i theih tâwpin kherh ngar ngar rawh, a nu te mai mai chu, i nei tel dâwn pawh a ni hleinem"



Ka nui lui saka, Muanpuia hi chu an van fak tak, a fel bawk èm a ni, nèl awm loh deuh a lang hi a nèlawm ru phiân a, tawng tlèm viau mahse fiamthû a duh vè tho, hei tak hi nia ka duh chhan.



Kan awm dân vèl chu midang ho chu ka hrilh mawlh mawlh a, kei aiin an lo thinrim,

"Kèk hrep tache"

Min lo ti thûl, an ngaih chu sam vè hlawm khawp mai.


Kan lo tawng mawlh mawlh lâi chuan Muanpuia pawh arawn thleng vè mai a, kan in phur thla nghâl vat.


_____________





Remi lo la hâw loh vângin Muanpuia chu athu deuh rih a, a thut dân ngâi bawkin a bawp leh lam chu a mal chungah a hlâng ar ar a, thingpui chu ka lum sak nghâl vat.


"Thingpui hi a tuina ka pawh tawh nangmah vâng liau liau in"


Nui var vara no dawm pah chuan a ti a,


"A tui alawm"



"Nia, zunkawng tha lo tân te a tha a, tui in peih loh chuan thingpui hi in reng tûr"



Thu tak deuh a arawn tih chuan ka en kar a,

"Chutiang chu ka lo hre vè miah lo"


"I first year kal te kha chhawr vè âwm che"


A tih sup rî ka hriât rual chuan ka hmûi chu ka lo ti paqrh vak ringawt,chawhmeh siam a ngaih leh ngaih loh en in bèl chu ka hawng lâwr dan dan a, bèl pakhat ka hawng chu a uih lutuk vâng nge ka pum rawn in pump thut chuan min ti uâk tuarh a, mittui parawl phung khawpin ka uak thei, ka en chiâng chu Tûkina Remi arsa kan lek kha alo ni, a ei tuam taum lai pawh khân rimchhia ka ti rèng ah, ei pawh ka eipui duh lo anih kha, an arsa hi a hlui tawh tih hriât reng reng.


"Enge khatia i uâk vak vak a?"



Min ngaihtuah hmèl zetin Muanpuia chuan min rawn pan a,


"An arsa hi a rimchhe lutuk, a hlui tawh niang"



Hnâr hup pah chuan ka lo nang nang a, âwih loh hmèl zet chuan a'n hnîm a, a sa tlang chu a ei nghâl bawk.


"A tui èm hi, eng rim mah a nam lo"



Tep deuh chuâp chuâp pah hiân a ti a, ka hma zâwn ah ala rawn lek vû zui, ka ten lutuk.


"La sawn rawh"



Vîn hlar chuan ka lo ti a,


"Thinchhe reuh"


Tihpah chuan akal san ta daih a, engtin nge maw hetiâng arsa hlui tawh te an zawrh theih le, mî ho lo suâl tawh zia hi.


____________




Tlâi ah chuan chaw pawh ka ei peih lo, ka mu nghâl daih a, tûnlâi chu engmah ka ei châk lo, ka rilru hah lutuk vâng te hi niang ka thil ei engmah a tui lo, Muanpuia pawh be peih lo in khumah chuan ka mu mengkar reng a,



Ka phone rawn ri ral ral chu ka en vat a, LD a lo ni, ka en vang vang reng a, ka la dâwn nge dâwn lo ka hre lo, la phawt teh ang.


"Hello"


"Enge i tih a? ka ngâi lutuk che a"



"Ld khawngaihin duhtâwk tawh teh, Muanpuia nèn kan chung châng i hre vek a, khawngaihin min lo be tawh lo zâwk rawh"




A tawng leh hmâ chuan ka off ta daih a, alakah ka in thiâm lo viâu nâ a, ka bia tih Muanpuia'n a hriat chuan a thin a ram si, thil pawi a thleng leh mai ang tih ka hlâu.


"Sangte lo chhuak teh Hlutei lo kal a nia"



Remi chuan arawn ti lâng lâng a, rang zet chuan tho in common room lam chu ka pan nghâl vat, Hlutei chu mit sen râm hian alo ding reng a,


"Engthil nge thleng a?"



Amah pan vat chung chuan ka ti a, engthil tak thleng ang maw.


"Kan inthen a"



A ti chuai raih a, Remi chuan ka room a hruai tûr chuan min mit mei zauh a, ka room ah chuan ka hruai nghâl vat.


"Tinge in inthen a, inthen mai mai hi a tha lo asin"



"Ka hre lo,amân min rawn then ringawt a, a pawi lo, ti hian single ila nuam daih zawk"



Chek tlak tlak pah chuan ka en tawp ringawt, a hmèl atang chuan a rilru ana tih hai ruâl a ni lo, mahse a ti lang lèm lo, a tuar chhel ka ti angreng khawp mai.


"Hetah ka riak vè dawn nia"



Tihpahin ka puan sin lai sin hlûn pah chuan a mu daih a, a rilru nat lâia ka bula awm a thlang chu pawi ka ti lèm lo, bâkah mahni a mut chu vawt duh emai.



____________





Zîng ka tho chu Hlutei pawh alo awm tawh lo, sana ka en chu dar riat (8) alo ri tawh, chaw pawh ka ei châk loh vângin ka insiâm sawk sawk a.



Remi lah chuan min kai tho bawk si lo, henû lah hi Mâwl teh tuh si, thinrim tûn chuan ka kal chhuak hlawk hlawk a, enge maw tûnlai hi ka thinrim hmâ em em reng le?



__________




Office chu ka thleng vè thei hrâm a, mut lah chu ka kham lo nasa mai, mut lah hi ka duh thar èm èm reng leh nghâl a, khua vawh vâng pawh ni maithei ni.




Hnâ ka thawh mawlh mawlh lâi chuan Sarahi te thian ho parhum (3) chu ka dawhkân hmâ ah chuan an rawn ding tlar leh thâm a.



Min melh ang râwm hlawm leh nghâl a, ninawm hlawm lutuk mai.


"Mamawh innei ami?"



Ka lo ti hmuk a, Sarah i chu a nui hak mai, keichu ka thinrim lâi a nuih luih hi ka thei vè thak lo.



"Muanpuia hi kalsan rawh, nangmah vânga buaina atawh hnem zia hi, exam na ah lah a ti tha ngâi tawh lo, %70 hmu thîn kha tûn ah chuan %30 chauh te a hmu thin, nangmah vâng vek a nih hi"




An zînga pakhat chuan alo ti a, alo tla chhe sâwt viau thin amawni le, lehkha a zir theih nân ka inthiâr fihlim nasat theih teh lûl nen.



"A mark hmuh zât chu kei a thû a ni hleinèm, mamawh inneih loh chuan class ah va kal tawh ru"



Ka lo ti vè hmak a, min keh hrep an châk zek zek ni berin ka hria.


"I zak thei lo hlè mai,Muanpuia hi i duh tak tak lo, a pawisa chauh i duh anih kha"



Sarah i chuan thinrim hmèl zet hian arawn ti a,


"In lo buaina tûr a awm lo"


Tih hmak pahin ka tho vut a, kal mai ka tum chu ka bân ah chuan min rawn vuân vat, ka hawi lèt chu Sarah i lek alo ni.


"Then rawh, i tân a pawi zâwk ang"



"Min thlah rawh, i thû ka zawm na chhan tûr ka hre lo"



Tihpahin a kut chu ka phih sawk a, a kat deuh dâwrh mai.


"I van zak lo ve, engtin nge tiâng khân min tih ngam zâwk a"



Tihpahin dawh kân a, pen ka dahna bâwm thîr chuan ka bek ah tak hian arawn hlap chawrh a, ka khaw hmuh a thim sawk thei, bungraw remkhâwm chungah chuan ka bawk thlawp a, ka tho thei tawh lo, ka bek chu arawn thîp vang vang a, a rawn huh nghâl hlap bawk.



"Eng thil nge i tih hi, midangin min hmuh hmâ in kal vat ang u"



Tih rî chu ka hre vek a, tlân thâwm ri tak tak chuan a zui nghâl bawk, ka tho thei tawh lo, ka lu a hai bawk si, ka luâk mai dâwn in ka hria.




Thawh tum chuan ka inbeng kâng taih taih thin, ka luhai lutuk chu chhuat lâi ah chuan ka tlu let tawp a, in van châk dâwn lo tak èm, ka rilru chuan ka in hrosa vak vak a, ka mittui chu arawn tla nghâl zawih zawih bawk.



"Sangte....eheee..."




Uchhana âw a ni tih ka hre nghâl mai, min kâi tho nghâl vat a, ka meng chiah chu min ngaihtuah hmèl zet hian min lo en kar mai.



"Tu in nge tinâ che, hetianga ti tû hi tunge?"



A rawn ti nghâl mawlh mawlh a, chhân chu duh viâu mahila ka chhâng thei lo, ka tap dâwn tlat.



"Ehee...eng thil nge thleng a?"



Muanpuia chuan min rawn kuah nghâl vat a, Muanpuia hmèl ka hmû chuan ka lung ati chhe thar tlat, a âwmah chuan ka hmâi phûmin ka tap ta hlap hlap a.


"Hlâu tawh suh le, ka awm alawm, Damdawiin ah ka hruai ang che aw"



Tihpahin min pawm tho nawlh a.


"Ka car hi hmang rawh, bike chuan a chî loh ang"



U chhana chuan a car chabi chu a pe a, Muanpuia chuan min pawm chhuak ta dâwr dâwr a, hawi pawh ka hawi chhuak ngam lo,min lo en thup dâwn si, car seat ah chuan min thuttîr vat a.


Ka bân leh kut vèlah thisen kâi nuai ka hmuh chuan ka hliâm hi arawn na thar leh in ka hria, ka maimitchhîng ta hmak a.


______________



Sangtei bek kak an thui lâi chuan pawn lamah ka lo nghâk reng a, tû tih nge ni ang? Engmah a sawi duh bawk sî lo, ka hriât chhuah hun chu damin a chhuak lo chiâng khawp ang, nurse rawn chhuak chu ka lo pan vat a.



"Thisen tak pèk a ngâi a, kan pe mèk a, thisen ngah a ngâi a nia, ei tih that a ngâi bawk, chaw tha hlîr ei rawh se,"



"Awle, ka lo hre dâwn nia"



A kal mai tûr chu a rawn hawi lèt leh a.


"Leh lawkin i ûnaunu hian nâu a pâi tih a in hria em?"


"Enga?"



Ka nghîng deuh dawt mai, a awmzia chu Sangtei hian ka fa a pâi maw! Ka hamhaih lutuk chu chhân nachâng pawh ka hre lo, nurse nu chuan ka chhânna nghâk tih hriat zet chuan min din chilh rân a.


"A in hre lo"



Tih zawng chuan ka chhâng ringawt, ka unaunu pawh a ni tawp sî lo a, ka hlim lutuk hi âu vak mai te ka duh, a awmdân kha rinhlelh nachâng pawh ka lo hre miah lo a.


___________time skip__________

Sangtei muhîl bâm chu ka en reng a, nidang zawng aiin a hmèl techu tha zuâlin ka hria, a pum chhûngah hiân ka fa alo awm tawh reng a, ala hre âwm dèr sî lo, Remi chu engkim ka hrilh vek tawh a, ani pawh arawn hâw hmâ khawp mai, class pawh chu ka kal chhunzawm lo a, ka khuasik anga sawi tûrin Khûma chu ka ti tawp leh nghâl.


"A awm dân hi tûnlâi chu danglam ka lo rèng a, a thinchhe si, chaw a ei ngâi bawk si lo, arsa ka hmeh te khân ten hmèl deuh hian min en a, ka ei tui loh phah vek alawm, hmeichhia ka hriat tawh ah chuan sa duh pâwl ni thîn khân a ten ta tlat kha mak ti viâu na a rinhlelh nachâng lah chu ka hre dèr si lo a"



Nui vur vur pah hiân a ti a, ka nui vè suk ringawt, a naute chiah hi ngaihtuah tawh se, keimân a buaina techu ka ching fel vek tawh ang, tunge hetiânga a nun tibuai thin tû hi ka zawng chhuâk anga damin ka chhuah lo chiâng khawp ang.


"Lo enkawl tha rawh aw, ka zu inti fâi vè lawk ange, class an lo bâng tan tawh ang"



"Nia thisen i kâi nasa si, i form kha chu dah la hetah ka lo sûk sak mai ang che"



A tih tâkah chuan ka form chu ka phelh nghâl sawk sawk a, mahni thawmhnaw mahni sè insûk hi chu ka peih thlâwt lo, ka kekawrtè ka su peih tâwk chauh a ni.



Hmanhmawh tak chuan ka tlân thlâ vat a.



___________




Ka dang ro lutuk vâng chuan ka harh hlawl a, ka roomah ka lo mu reng tawh, ka bek chu alo intuâm bâr a, ka hriât hnuhnun ber chu car a ka chuan lâi kha, Remi chu hmanhmawh zetin arawn tlân lût a.



"I tha em? Nâ te ila nei em?"



A rawn ti sawk sawk a, henû lah hi tûllo ah hian a phî ruai zèl a, ka muhîl rei bawk a niang a hnâ atangin alo bâng tawh, ka tho tûr chu ka thawmhnaw pawh ka la thlâk lo tih ka hre vè chiah.


"I ril a tâm em? Enge ei châk te i neih a?"



Min enkar a, ka nu ang maia min duat thar chuan ka nuih a ti za tlat.


"Naupang chhia ka nih tawh loh hi"



Ka lo ti hlak a, a deuh vur vur mai, thu lâwmawm sawi tûr a nei a ni ngèi ang,


"Nau i pai asin"



"Enga!"


Ka ti vîn thawt ni lo, "ka bengchhe ri ami"


A ni bawk sî lo, kei hi ka râi maw, awihawm loh, thil ka hre chhuak zawk, in vènna kan hmang ngâi lo a damdawi ka ei ngâi lo bawk, ka hmûi chu ka hup vat a, LalPa lehh....ka chî âi zo ni berin ka hria, awmdân tûr pawh ka hre lo, ka hlim ang nge ka lungngai ang? Engmah ka hrethiâm lo.


"Min tihder tiraw? Rai ni ila chu nang aiin ka hre hmasa hrim hrim ang"



Amah enkar chung chuan ka ti a.


"Mawli, damdawiin ah khân i thisen an test atangin an hria lawm, thisen te an pe che a, Muanpuia pawn a hre tawh"



Ka huau chuan Remi thil sawi chu ka lo en tawp, engtin nge ka tih ang? Ka rilru hahna tûr arawn pun belh leh ta, mahni chuan ka enkawl ngam khawp mai, mahse engtin nge ka in châwm ang, Muanpuia lah innei dâwn ila zirlâi mai ala ni sî a, a chhûng ten inneih chu an remti lo phawt.



"Engtin nge ka tih tâk ang?"



Ka ti chhuak sap a, ni e, zèp lo chuan ka hlim lo, ka rilru hahna tizual tu mai a ni, Muanpuia nû in a hriât vaih chuan ka pâi tlang a rem ti dâwn lo, Sarah ngèi pawh ka chunga a chèt duh dân ka ngaihtuah phei chuan ka hlâuthâwng lutuk hi ka khûr ru der derin ka hria, Remi nèn chuan kan ngâwi dûn vang vang a, ka mittui rawn tla fap fap reng chu hrûk hul pawh ka tum lo, ka lo mâwl zia ka in hre chhuak chiah, ngâwi rengin bathroom lamah inti fâi tûr chuan ka lût vat a.





_________


Rei fè ka inbuâl hnû chuan ka room atanga chhuâk mai lovin ka mu leh a, ka phone chu lâ in ka nu call ka rum deuh ut ut a, mahse ka hrilh ngam bawk sî lo, ka phone ka en reng lai chuan message ka dawng nawlh mai, LD a number a ni, thlalâk pakhat hi min rawn thawn a, ka hawng chiah chu ka nghîng dawt mai, khumah chuan Doctor Marinai( Muanpuia) nu leh Director kha ruâk veka an mu dûn lâi hi a ni a, a hmu tû nih pawh a nuam lo.



*Enge hei hi min rawn thawn chhan?*




Ka'n ti vat a.



*I hmuh vè duh tâkin*



Tih zawng hi min rawn thawn a, mak ka ti lutuk chu ka en tlawk tlawk ringawt, a rawn call zui zat a, enge a sawi duh ka hriat châk vângin ka chhâng nghâl vat.



"Enge awmzia thlalâk kha?"



Ka'n ti nghâl tâwng a..

"Khâ thil kha Muanpuia hi ka thawn vè duh a ngem?"



"Enga! I rilru va han chhe èm èm ve, mifel tak ini maw ka lo tia"



Vîn thawt chuan ka ti a, ka thinrim lutuk chu ka inhûm ruh ngar ngar ringawt.



"Alo hmû a nih ngat chuan a nun zawng zawng a chhe vek anga, social media lamah ka theh darh phei chuan ka sawi ngam lo zawk"



Ka thinrim lutuk chu ka mutna atang chuan ka tho deuh zawk a.


"Enge i duh a misualpa?"



Ka vîn ring khawp mai,



"Nangmah, ka bialnu niin ka kiângah awm reng la chu chu ka duh a ni mai"



Maimitchhîng in thâwk chu ka la hawk a, hetiâng thil hi chu ka rin phák bâk a ni, engtin nge ka tih tâk ang? Engmah ka hrethiâm lo.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:45 pm

ITZHAK

CHAPTER -14


BY

HLUTEI JOCUND PACHUAU







Zîng ka tho chu ka lû rit bûr mai, Muanpuia'n min rawn vedio call zui, ka la lo chiâng a sin aw, sana ka en chu dar 8 alo pèl duai tawh, hmanhmawh zetin ka insiâm nghâl sawk sawk a, ka bek lah chu an tuâm vâr vû leh nghâl, UChhana'n min rawn call chu rang zetin ka la a.



"Vawiin chu châwl mai rawh ni hnih chawlh ka pe ang che"



A rawn ti nghâl tawp a nih chu, hetiâng hliâm tènau vâng mai mai a nihnih lâi chawlh chu a nuam chiah lo, an buai theih zia ka hre chiâng ropui mai sia.


"In buai âwm sia"



"A ho lutuk, nakinah kan in be leh dâwn nia"

A tih zawh chuan phone chu a dah leh mai a, vawiin chu khawhar thlâk dâwn mange, in ah mahnî in ka awm keuh keuh dâwn ni maw, ka phone ka hmeh mawlh mawlh lai chuan gallery a Doctor Marinai te thlalâk ka hmu thut chu thil ka hre chhuâk zawk mai, engtin nge ka tih ang le aw? Muanpuia hi hrilh ta ila a rilru ana dâwn sia, ka en vung vung lâi chuan LDa call ka dawng chiah chu ka phu chiang lutuk, ka phone ka thlauh tèp alawm.


"Ka sawi kha ilo in ngaihtuah tawh em?"



Ka thaw hak a.


"Ld khawngaihin ka hrehawmna ti belh chhah tum lo teh"



"Anih chuan social media lamah kan hmu vat dâwn nia"



"Ld khawngaihin, Muanpuia nèn kan inkâr hi a nu ngèi pawn a tih chhiât theih loh chuan nangphei chuan tih chhiât theih ring suh"




Ka off ta hmak a, dik tak chuan ka hlâu tho, mahse hetiâng mî chu kan hlauh pauh leh huangtâu telh telh dâwn tih ka hria.


Mahnî chuan ka awm keuh keuh reng a, ka ril lah chu tâm lo nasa mai, tinge engmah hi ka ei châk miah loh le?....ka pum chu ka chûl vang vang a, ka nui deuh suk reng mai, ka pum ah hian nâute tereuh tè alo awm vè ngèi tawh chu nia, amak e, Pathian ro rèl dân hi ka hriatthiâm phâk bâk a ni, lo seilian ta se eng mî ah nge arawn chhuah ang le? Engtin nge ka enkawl ang? Muanpuia nèn hian inneih thei dâwn lo ta pawh ni ila ka fa hi chu ka hring anga, pasal neilo in ka enkawl seilian tho ang.


"Bawihte, ilo piân chhuah hun ah engtin nge he khawvèl sual tak atang hian ka lâk bo ang che le"



Ka pum chûl chung chuan mahnî in ka inbe mawlh mawlh reng a, apa a chhun chuan a hmèltha viâu ang.


Ka ngaihtuahna vâng chuan ka nui vur vur reng ringawt, mahse engmah ala ei sî lo, ka naute vâng tal hian enge maw tal chu ka ei a ngâi, tho vutin chaw ei chu ka insiâm rak rak a.


___________TIME SKIP________




Ka muhîl nilèng chu nidèr mai, ka pum chu rawn ri rak rak a, tûkina ka chaw ei kha ka luâk chhuak lehvek tih ka hre chhuak thut, ka pum ami duh loh zâwng hi ka ei a mawni, ka phone ri chu ka en vat a, Muanpuia lek chu lo niin, tûkina min rawn call ka nin tehrèng nèn, tûnah tak hi chuan ka lâwm veng veng mai.


"Hello"


"Tinge tûkina ka call i chhân loh?"



Nghâl tawp zèl a, ka phonè chu ka melh rum nghek ringawt.


"Ka hre lo lawm, Ninawm"



Ka ti vîn nghâl hlur a, arawn nui deuh huk mai,


"Enge ei châk te i nei em?"


"Nei e, Tengtere den an zawrh thin kha lo lei la, chuan Special Rice pawh"


"Awle, Hlutei te dâwr ah thingpui ka in a, ka rawn chhuk thla nghâl ang"


"Vè ngei a"


Ka nui hak a, a in hmeh vè thlâwt lo thingpui in hi, a bîk in a sen thlum ngat phei chu, bâwnghnute hi ka ngaina lo a thingpui paw hi ka in ngai lo, Muanpuia pawn a in vè mai zèl tho.


"Anih ka dah aw, ka rawn chhuk nghâl ang"



A dah leh mai a, ka thuhnuaiah hian ka dah mah mah em le? Ka inthlahrung lek lek zâwk, mahse a ho emai a, naute vâng bâk a ni chuang lo.

_____________


Ka phone ah Korean ho funny vedio techu ka en a, mahnî in ka nui uarh uarh reng mai, tinge vawiin tlâi hi ka hlim èm èm le? Rilru natna deuh ka tawng dâwn niang, ni lo, chutiâng engmah ka ngaihtuah dâwn lo, Kawngkhâr ri rak lam chu ka hawi vat a, Muanpuia chu a rawn lût nghâl mai bawk.



"Enge ilo nuih vur vur reng a?"



Tihpahin ka phone chu arawn bih zauh a, a hmûi ativpawrh nasa mai, a awm dân hi a inhmeh thlâwt lo.


"Bts bawk alo en leh ta, khatiâng tuai mai mai"



Tih hluk pahin a thil min rawn hawn chu a phawrh sut sut a, ka lo nuih vak vak ringawt, Tuai ka'n tih loh nasat nèn, ka phone chu dahin a bulah chuan ka va ding a, tengtere chu ka la nghâl tharh mai, ka chil arawn pût nghâl ringawt nia.


"Special rice hi ei hmasa rawh, riltâm laiin theithûr ei loh tûr"


Tihpahin min rawn lâksak vat a, ka nui tâwp chiang ngei mai,


"I sual e a, ka ei lo tawp ang"


Tihpahin ka dah tâu ta hmak a, engemaw thei thûr ei pawh chu a pawi viâu le, ka thutna lamah chuan thu leh in ka thu tûm bâr a, ka luâk a chhuah tehrèng nèn, special rice ka ei hmasak chuan ka luâk chhuak leh vek dâwn sa.


"Anih kha ei rawh, mahse ei zo vek lo la"



Tihpahin min rawn pe a, ka lo la sawk ringawt, thinrim deuhin ka ei tuâm tuâm a, ka harh sawng sawngin ka hria, ka ei lâi chu nui vur vur hian min lo en a, ka lo insiâm chhiat khum vak ringawt.


"Min en reng lo la"


"Tinge raino lâi hian thei thûr an châk tlat le?"



A rawn ti sup a, Doctor zir vè si, hriât chu nei tlèm vè tho mai,


"Râi no vè la i hre mai ang"


Ka lo ti hmak a, arawn nui chhuâk hak ringawt, sawi dik inti zet chuan ka lo melh vak a.



"Vawiin ah enge ilo tih a,? Sir Chhana khân chawlh a pèk thû che a sawi a?"



"Engvak mah, ka mu nilèng a ni deuh mai, ka chaw ei ka luâk chhuak vek a"



"Tiâng kha chu a nih dân tûr alawm, thla 4 vèl ah chuan a awm tawh lo ang"




*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/




Ka tengtere ei chu dahin a dârah chuan ka bei a, min rawn kuah thâ in a âwm ah chuan min bei tîr hlè hlè mai, tinge vawiin tlâi hi ka ngâi thar thutin ka hria.


"A pawi lo ang tiraw"



Ka ti chhuak sap a, ka sawi chu a hrethiâm tih ka hria, thâwk a'n la hak a.


"Pawi lo e, engmah ngaihtuah buai lo la, nautè chauh kha ngaihtuah rawh, keichuan ka zir laia rilru pèk leh zual ka duh a, duh angin ka ngaihsak tha hman dâwn sî lo che a, min hriatthiâm ka ngâi záwk dâwn nia, kan fa lo piâng tûr nen ka enkawl theih nân che u tha takin lehkha zir ka duh a"




A rilru hi chu ka rin ai daihin a puitling thin, keipawn ka hrethiâm tûr a ni, Ka buaina te hi chu Muanpuia pun buai lo in keimân chin fel vek ka duh.



"Ti tla tûra min tih mai ka lo hlâu a"



Ka ti chuai raih a.


"Teuh lo mai, kan innei vat dâwn alawm"


A tih tâkah chuan ka nui ta var var mai, Ld a thil min rawn thawn pawh chu engmah ka sawi chhuâk duh ta lo a, ani vâng mai mai a tûna kan hlimna hi tih chhiât ka phal teuh lo mai.

___________

Remi pawh a rawn hâw tawh a, Muanpuia pawh a hâw tawh, zânah rawn kal a tum a, lehkha zir tûrin ka lo ti vè nasa mai, mahse darkâr khat chiah awm a tum thû a sawi tâkah chuan ka hniál duh ta bîk lo a.



Remi chuan ka chawhmeh duh zâwng hlîr alo lei vâng chuan bai techu ka siâm ve a, chaw ka ei châk zek zek tawh, ka bei rim hian min pawt ni berin ka hria, Ld a pawh chu a reh ta vang vang a, naktûk chu chawlh min pe tho mahse na dang han mutpui tham èm èm ka neih loh vângin kal chu ka tum lui ta tho a ni, bâkah Sarahi te hmuh a nat hmèl taka awm ka duh lo, anni laka tlâwm hi ka tum lo nasa mai, An mahnî vângin alawm ka râi tih ka hriat, lehlam kawng zâwng tak chuan a tha phiân mai, mahse Muanpuia chu hrilh ka tum lo, a zirlâi ah chauh a rilru pe tûrin ka duh a, bâkah buaipui leh ngaihsak ngâi reng nih ka duh bîk lo.




Chaw chu tui takin ei mahila ka luâk chhuâk leh vek tho, ka e thei bawk sî lo, ka pum hi a hrehawm ngawih ngawih ni berin ka hria.



"I nawm loh viâu chuan naktûk chu kal lo mai la thâ ka van ti"



Remi chuan a rawn ti chhuâk hlawl a.


"A ho lutuk, an buai sia inthlahrun awm alawm"



"A ni vè tho mai, mahse indîm rawh, nâuchhiâtna hi a ho teh mai nia"


"Ka hria lawm"



Muanpuia tengtere min rawn hawn ka ei bâng chu ei pahin Youtube ah BTS bawk chu ka en leh a, rilru hahna leh rilru natna tûr chu ka ngah teh meuh mai, mahse ka nautè vângin engmah ka ngaihtuah dâwn lo, ka hlim reng tûr a ni.



Ka nui nasa lutuk chu Muanpuia lo lût lai pawh ka hre lo.


"Tuai ho kha en reng suh"



Ka phu chiâng lutuk, ka tè deuh tuarh mai,


"Amak tuar tuar thin"



Remi chuan alo ti hlak a, Muanpuia chu rum zetin ka melh vak ringawt, ala nui vur vur zui.


"Khati khân rawn ti tawh suh"



"Thâwm ka rawn siâm vak vak alawm, Tuai ho vângin i hre lo anih kha"


"An tuai lo"



Chal chuar nâng chuan ka lo ti a, hmui tih pawrh zauh pahin arawn thu thla vè nghâl vat, bag ala rawn ak zui, khawnge kal a tum le?



"Zan in chu ka lo riâk ang aw, lehkha zirtûr ka rawn keng a"



"A ngâi lo, hostelah chhuk rawh"


Ka lo ti vat a, ka thusawi chu a zâwm dâwn lo chiâng tih hi a hmèl atangin a lang vek, a chalah hian a inziâk kulhin ka hria.


"Ka hmuh phâk a i awm loh chuan ka ngaih a tha lo lâwm"


A ti deuh sup a, ka hniâl duh ta lo, a luh lul si, a zâwm dâwn lo tih ka hre mai.


__________


Ka room dawhkân tè ah chuan enge maw hi a ziâk mawlh mawlh reng a, ka khawngaih reuh ngèi mai, a vawt sia a in ha lum bawk si lo, thingpui chu lum sakin coffee chu tak tha zetin ka pawlh a, a hmâ ah chuan ka chhawp vè rân a,mak tih hmèl zet hian min lo en kur mai.


"Rilru tih chak nân a tha a"



Tih sap pahin kal mai tum chu ka kutah chuan arawn man chat a.


"Min lo mutthilh san mai rawh ka la meng rei dâwn sia"



Tihpah chuan rawn tho a,min rawn fâwp nghâl zat bawk, ka taksa vawt lutuk vâng nge a ka lum thar thar chuan min ti danglam nghâl ringawt nia.


Rang zet chuan min thlah thut a, ka lo in ring lo bawk nèn ka zak chem chem mai.


"Tâwp nachâng ka hre lo palh ang"


A rawn ti sup a, ka lo nui var var ringawt.






Khum atang chuan a lehkha zirlâi techu ka lo en leh vung vung zèl, zan in hi zan dang zawng aiin a hmeltha zual, ka duhna te hi a thar sawt ni maiin ka hria.


LD A POV








Hlutei ka hmû chu nizân hmasa vâng khân ngaihdam techu ka'n dîl a, ka phone ka hmuh zawh loh vângin a phone chu hman ka dîl zui bawk, Mâwl reuh lutuk, alo phal hlauh mai, a phone atang chuan ka application mamawh pakhat chu ka download sak a, chuta tang chuan a phone a message dawn te leh a engkim chu ka enthla thei dâwn ani, ka GMail techu hmanhmawh takin ka chhu lût a, ti hi chuan a phone atangin tûpawh message ka thawn anga mahse amân engmah a hre vè dawn lo,a buai reuh bawk sia, engmah a min enpui lo lehnghâl, ka phone chu call ang deuhin ka awm a, midang chuan lo chhâng ang takin ka'n be der vèl a, a phone chu ka pe leh nghâl vat.


"Ka lâwm lutuk e, Muanpuia i hmangaih zia ka lo hre lo a tin ni, min ngaihdam avângin ka lâwm takzet a nia"



"A pawi lo LD, ilakah rilru chhia engmah ka pu lo a nia"



A rawn ti vè sap a, nui sukin ka kalsan leh mai a.




Ka room ka thlen chuan ka phone chu lâ in ka phone atang chuan Chrome atangin Sangtei phone enthlâkna ah chuan ka lût vat a, a WhatsApp atangin keimahni office bîk group ah chuan Doctor Marinai te thlalâk chu ka post hmasa phawt a, chuan a post theihna zawng zawng ah chuan ka post vek a ni mai.



"Ka tihpalh Sangte, Hmanrua a ka hman che vângin, nang hian min duh vè ni la chu tiâng hi ka tih kher a ngâi lo tûr ania"



Ka ti chhuak sup a, Doctor Marinai leh Ka unaunu pasal hi an in ngâizâwng thin a, ka unaunu in a hriat chhuah meuh chuan an lo kal thui hman tawh khawp mai, Ka unaunu rilru na lutuk chuan Doctor Marinai chu an in ah ava ânkhum a, Doctor Marinai nèn an insual buaina lamah Ka unaunu chu inchung atangin a tlâ a, Doctor Marinai nem thlâk a ni zâwk mah, Tûn thlengin ka û chuan a ke pahnih a hman theih loh phah a, a tawng thei lo bawk, kum 5 liam hnû ah pawh anatna techuan an la kiân san meuh lo, ka u pasal chu reilotè ah a boral zui nghâl a, ka thinrim èm avângin Doctor Marinai chu ka chhui ru tâ a, fapa alo nei reng tih ka hre vat a, Falkawn hospital lamah transfer a lo ni bawk, a fapa pawh tah chuan Doctor Zirin a awm a, ani pawh professor angin a awm bawk, tihsual nei lo ang maia a awm chu ka hmu thei thlâwt lo, Ka thawhna atangin Falkâwn lama transfer chu ka dîl ve ta a, ka hmèl an la hre lo bawk nèn, Doctor Marinai'n khâ chhûngkaw hlim thei tak a tih chhiât kha alo theihnghilh fel hmak tawh tih ka hriât phei chuan ka thinrim lutuk hi a fapa laka tuân a sawi sak hrep mai chu ka duh thîn, mahse âtthlâk taka ka chèt chuan engkim a buai zo dâwn si, Kan thawhna a an director nupui nei lâi tho nèn an lo in ngâizâwng tih ka hre leh zèl a, chhui rû in an saruak thlalâk chu engtin tin emaw ka nei ta hlauh mai, a tîr chuan Sangtei hi duhna pakhatmah ka nei miah lo, mahse a fapa biâlnu mai ni lo in a hmangaih ngawih ngawih tih ka hriât tang phei kha chuan hmanrua a hman ka tum tâ a, mahse hmeichhe fel leh duhawm zet mai hi alo ni a, nitin in ka hnaih zuâl telh telh a, ka hriât loh kârin keipawn ka lo duh vè hlè tawh tih ka hria.



Muanpuia nèn an awmdûn ka hmuh phei chuan thîk namèn lo in ka thîk a, khâ mitenawmnu fapa âi kha chuan ka that zâwk zia ka in hrilh mawlh mawlh thin, mahse zankhat chu ka insûm zolo in Sangtei chu Doctor Marinai leh Kan Director saruak hmang chuan ka zu vo chiâm a, ani lah in min lo hlâu lo nasa mai, ka thil tih dân chu a thing ka tih èm vângin ngaihdam techu ka dîl leh a, hetiânga chèt hi ka rilrûk ta zâwk a ni.



SANGTEI POV



Bungrua rawn thleng ka rem fel mawlh mawlh lâi chuan Uchhan chu thinrim hmèl zet hiân arawn kal a.



"Lalrinsang, nang hi bân ini e"



Ka nghîng dawt mai,

"Enge awmzia? Tihsual ka nei ami?"



"Chu chu kei a lo sawi phâk a ni lo, Director roomah va kal la an lo hrilh ang che, Doctor Marinai hi chungah a suâl tih ka hai lo, mahse tianga rulh lèt kher loh tûr asin"



"Enge awmzia Doctor Marinai chungah chuan enge ka tih a?"




Enge awmzia hi ka hrethiâm lo takzet a ni.


"A pawi ka ti khawp mai, va kal phawt la, kan inbe leh dâwn nia"



Enge thleng leh ta le? Engmah hi ka hrethiâm tawh lo, Director roomah chuan ka kal nghâl vat a.


_____________


Director room ah chuan Doctor Marinai pawh alo awm vèleh tawh.


"Eheu!...engtin nge ila rawn kal ngam zâwk a?"



Tihpahin Doctor Marinai chuan min rawn ben atum chu director chuan alo dang vat a, Doctor Marinai chu a tap tih hai ruâl a ni lo, a mitmeng dum huâm pawh a pherh deuh nuai mai.



"I thil tih hi ka ngâidam thei lo che, i hmèl hmuh leh pawh ka duh tawh lo, helâi hmun atang hiân chhuâk vat la a tha zâwk"



Director chuan English accent vâi deuh hian arawn ti a, mak ka ti, enge ka tihsuâl engmah ka hre si lo.



Rilru na zetin Director room atang chuan ka tlân chhuak a, he lâi hmun a ka awm reng chuan ka â vek mai ang, ka dawhkâna ka thil pawimawh dah ho chu ka khung fel miâl miâl a, Midang ho chuan min lo en thap mai.


Uchhana chuan rang zet hian min rawn pan a.


"Sangte, âtthlâk taka che lo in ngaihdam dîl la i thil tih sual chu a ngâidam thei maithei che sin"



Dam thlup hiân arawn ti a, ka sa ta zak mai.




"Tihsual..... tihsual..... tihsual..... Ti reng lo khân enge ka tih chu min hrilh ta che u, engmah ka hre lo a, ngaihdam pawh ka dîllo bawk hek lo ang, enge ka tihsual chu tu emaw tal khân min hrilh ula, tinge engmah ka hriat vè loh?"




Ring tak chuan ka ti tuar a, mak tih hmèl zet chuan min en thap hlawm mai,thaw hawk pahin ka mittui tlâ chu ka hru sawk a.



"A tâwk tawh lutuk Uchhan, helâi hmuna ka awm reng chuan ka â vek ang, minute khat lek pawh ka awm dâwn tawh lo, ni e, engkim hi ka tihsual vekah in ngâi tiraw, ni e, ka tih vek anih kha, in lâwm tawh em ti khân?"




Ka kal tûr chu Muanpuia chuan ka hma zâwn takah hian rilru nat hmèl zet chuan min lo en kar a, thinrim hmèl zeta rawn kalin ka bân ah chuan na zet hian min kâisan ta dâwr dâwr a.



_________




College hnunglamah chuan min phih deuh lawp mai,



"Engkim kha i tih vek maw?"



Aw khûr hlak hlak chuan a rawn ti a, ka thinrim lutuk chu sawi tûr pawh hre lo chuan ngâwirengin a mitmeng thîp zet chu ka en tlawk tlawk ringawt.



"Sawi ta che"



Ring zet chuan arawn ti a, ka lo phu chiâng ngang mai.


"Nangpawn min ring lo tiraw?"




"Mahse i phone atang ngèi a post chu ni sia lawm"



"Engthil nge kei hian ka lo post fa ko chu sawi ta che"


A phone chu rawn phawrhin min pe a, ka rei....!!!..ka account atang chuan nizân hmasa a LDa min rawn thawn thlalâk ngei chu alo inpost a, engtin nge nih theih? Ka WhatsApp status ah te, engkimah chuan alo awm khat deuh tuârh a, mak ti taka ka en tlawk tlawk lâi chuan Muanpuia chuan min rawn chhuhsak vat a, a thinrim hlè tih ka hria, mahse ani pawn min ring' lo tihna mi? Min rin hlelhna mit meng hi ka hmuh hmaih hauh lo, ka thinrim lutuk ngâwireng kal mai ka tum chu min pawt lèt sawk mai, ka te deuh that a, min pawhna ka bân rawn na tur ut ut chu ka dawm vang vang ringawt.



"I tih anih sî loh chuan tû tih nge tih tal i hria ang?"


Ala ti hrâm zui, ka thinrim lutuk chu ka lo tâl chat chat a, sawi tûr ka nei tawh lo, helâi hmuna ka awm chuan ka thi thei mai ang, Muanpuia lah chuan min dimna chhetè mah a nei lo, ka rilru na lutuk chu ka tap ri hak a, ka tap rî a hriât vèleh nghet zet chuan min kuah ta thlawp a, ka lo suâl lèt vè nasa mai.



"Ka nu chu ngâidam hrâm rawh Sangte, ilaka a thil tih zawng zawng kha ngaihdam sèn a ni lo tih ka hria, hetiânga i chèt duh hi ka lo ring phâk lo asin"



A rawn ti dam thlup a, ka tap tlawk tlawk ringawt, amah pawn min ring lo ami? A thusawi hian min tina takzet a ni, ka âwmah te hian min hnawh ut ut mai, a âwm chu nemin ka theih tâwpa nâ chuan ka chûm taih taih a, engahmah a ngâi lo lehnghâl.






He story a app phakhat midang phone en thlâk theihna ka tih khi a awm tak tak a nia, ka phuahchawp a ni lo aw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:45 pm

A tawi ka hre vè kur tho😂😂.... mahse e,, ka chhîngmit kawpza rawn rûl hi ka thunun thei tlat lo, ka edit te hi a mumal lo maithei nia, min lo hrethiâm mai aniang chu.....



ITZHAK
CHAPTER-15

BY

HLUTEI JOCUND PACHUAU



In thleng chu ka duh lo chung min hruai hâw lui a, mahnî a awm ka duh teh lûl nèn class kal a tum tawh eih lo, khumah chuan ka kawr hâk lai nèn chuan ka mu top a, ka mittui luâng chuan ka bek sam te hi a ti huh vek tawh, ka khum bula thutthlèng ah chuan ngâwi rengin a thu reng a, kan in be lo a, amâ lam pawh ka hawi hek lo.



Ka hnâ ber a awm tawh loh chuan he Quarter atang hian ka chhuah ngèi a ngâi dâwn anih hi,mahse pawi tihna ka nei lo, ka nu bulah ka fâ chu ka enkawl thei èm èm ang, nih loh pawn hna dang ka thawk leh mai ang, Muanpuia ka va melh zauh chu ka phone hi alo bih ngur ngur a, ka rei leh....!!!....engkim a hre vek tawh dâwn anih hi, engtin nge ka tih ang? Rang zetin ka tho a, ka phone chu ka chhuhsak nghâl sawk mai, thinrim hmèl zet hian mit meng dur khup khawpin min en rûn a.



"Khatiâng zawng zawng a thleng chung pawh khân tinge engmah min hrilh loh?"



Vawt raih hiân arawn ti a, ka chil ka lo lem khalh ringawt.


"Tinge?Kei hi min ring tâwk lo záwk ami? Engkim min hrilh la chu kan pahnihin kan chingfel mai tûr ania, tinge ka lakah hiân i zèp tlat zèl a?"



Awki vîn lek lek hian a rawn ti a, ni e, ka ti dik lo tih ka hria, sawi tûr ka hre lo, mahse engkim hrilh ni ila chu hei âi hian buaina atam zâwk ang.


"Tih buai che ka duh lo a"



Tap âw lek lek chuan ka ti a, thâwk la hak pah chuan inchung lam chu a melh vang vang a.


"Hei tak hi lâwm ka duh loh thin, i buaina techu engkim min hrilh la, ka lakah engmah zèp nei tawh suh, tinge ka rilru hi i hriatthiâm theih miah lo le"



Hah hmèl zet hian arawn ti chhuâk hrawih a, ka mittui far fap chu ka hru zauh a, ka tah belh lutuk hi ka in ning zâwk, mahse ka hriât loh lâiin ka mittui hi lo tla zèl.


"Ka Tih buai che ka hlâu alawm, keimân ka chinfel mai theih ka lo ring a"



"I thei lo chu nih hi, i huaisen nge i mawl hrim hrim zâwk le, kei hi i bialpa ka ni a, i fa lo piâng tûr pa ka ni bawk, hetiâng hriat hi phû min ti lo nge? Min ring zo lo zâwk?"



"Chutiang ani lo"


Tap chung chuan ka ti a, a kawng dawm pah chuan thâwk a'n la leh hak thin, a rilru a buai a, a thinrim hlè bawk, a awm dân atang hiân hrilh chawp pawh ka ngai lo.



"A tha e, engkim chu a nih tûr ang a ni zo vek tawh, sawi sawiin awmzia a nei lo, Lalduhawma chu ka that dâwn"




Inseh ruh tûna tihpah chuan a chhuak ta vut a, ni lo, Muanpuia hi tuâl that tûrin ka duh teuh lo mai, hmanhmawh zet chuan ka ûm chhuak vè nghâl bawk.





Kan in kawtah chuan a bike alo tinung vut vut hman tawh, a hmèl rum lutuk leh mit sen rèm rûm atang sawn tih hreh a nei dâwn lo tih hi ka hre chiâng lutuk tlat.



"Muanpui, kal suh, khawngaihin, engmah ti lo hrâm rawh"



Tap chunga tihpahin a bike bulah chuan ka tlân phei a, ka thusawi chu ngâi pawimawh hmèl pawh apu lo.



"Rawn chuâng rawh"




"Enga!...thil âtthlâk engmah i tih ka duh lo, ka kal tîr dawn lo che"



Tihpahin a bân ah chuan ka vuân vè tang tang a,



"I rawn chuang lo anih chuan keimahin ka kal mai ang"


A tih tâkah chuan ka chuâng nghâl rawk rawk a, a ti duh tak tak dâwn tih ka hriât chian èm vâng a ni, ka rilru chuan engpawi mah a thlen loh nân ka tawngtâi mawlh mawlh ringawt.


"Vawiin hian engkim ti tâwp ang, Lalduhawma chu ka that lo a nih pawn hetiâng thil a tih hi hi a sim rawk theih nân ka siam anga, chuan kan pahnihin kan tlânbo ang"




Ati bur mai si, ka thinphû chu a inthum rawn tluk tluk ni berin ka hria.


"Ni lo Muanpui kan naute hi ngaihtuah la, eng pawi mah ti lo hrâm rawh"


Tap chung chuan ka ti a, min chhâng tawh lo, a bike chuan chak zet hian min tlân chhuah pui ta vat a, a tlân chak lutuk, engtin nge ka tih tâwp ang, ka thäwk te hi a dang vek dâwn in ka hria.



"Khalh zâwi rawh min ngaihtuah vè tache"



Tap tuau chuan ka ti vîn thawt a, a bân ah chuan ka pawt hlawk bawk, min ngaihtuah na pakhat mah a nei lo hian min tina.


"Kan thleng tèp ngawi rih rawh"



A rawn tih hmuk tâkah chuan ka thinrimna ati zual,


"Enga?...ding rawh ka chhuk dâwn, ke in ka lo kal mai ang"



A khalh ngâi chuan ala khalh reng a, lungtum bia ang vèl ka ni.


"Ding rawh ka tih chu"



Tihpahin ka'n pawt leh dâwrh a, a bike chu a thunun thei ta lo, a tlân kâwi ta zuk zuk mai, thil ri bur chu ka hriât hnuhnun ber a ni.





MUANPUIA POV







Ka dang ro huâm huâm chuan min ti harh zawk a, nichin thil thleng kha ka mang hriât ruai ruai mai, mahse chiâng tak chuan ka hre tawh lo, ka hawi chhuak chu damdawiin ah hian ka lo awm reng a, ka bân an cher khawng tlat chu arawn thak huai huai mai, ka ke lehlam pawh an lo cher khawng ut bawk, ka chal chu tuâm ani tih ka hre leh zèl a, ni lo, Sangtei kha, ka fa nèn, khawnge ka awm hi? Chèt ka tum chu ka taksa alo na thûm mai, ka khawi lâi pawh hi a thak vèl vek.




Kawngkhâr rawn ri rak chu Sangtei anih beisei zetin ka lo en vat a, Ka pa leh Nitei lek chu lo niin, ka lâwm dâwn nge ka lungngâi dawn pawh ka hre lo e a.



"Ni te, khawnge Sangtei?"



Ka lo ti nghâl vat a,


"Muhîl rih phawt rawh, nakinah engkim ka hrilh ang che"



Ni tei chuan a ti a, tinge zèp nei anga ka hriât tlat le,? A chungah chuan enge thleng tih sawi mai se ka rilru a nuâm deuh tûr.


"Ni te, min hrilh phawt loh chuan ka mu dâwn lo"



Ka lo ti hmak a, Ni tei leh ka pa in mit mei zeuh chu ka hmuh hmaih lo chiâng kher mai.



"Ani chu a chhuâk tawh a, kâr hnih lâi he damdawiin ah hian i mu tawh alawm"




Mak ka ti lutuk chu Nitei chu ka en tawp ringawt, engtin nge kâr hnih hnih ka mut theih? Sangtei chu enge a an ang? Kan fa tekha, ka ngaihtuahna te vâng chuan ka lu te hi arawn na ut ut mai,


"Tinge ka bulah a awm sî loh?"



Nitei chu Min chhâng tûr a án zuau lai chuan nurse chu arawn lût thut a, Nitei chu a ngâwi ta daih mai, a hun lo hi ka'n ti mai mai khawp a, Nurse chuan engemaw hian min chiu a, ka mut chhuâk arawn kal nghâl riai riai mai, ka muhîl leh nghâl ta daih a.



_________________



Ka harh leh chuan ka chal chu an lo tuâm tawh lo, an lo phelh tawh a, mahse bandage pângaiin an la tuâm tho, ka mi hmuh te vâng chuan ka phu deuh zawk a, Hlutei chuan ka tui in tûr chu ngâwi rengin min lo pe vat a, Khûma lah chu ngâwi reng bawk.


"Khawnge Sangtei?"



Ka'n ti leh hrâm a, Khûma leh Hlutei chu an in melh hrek hrek mai.


"Hahdam phawt la, chuan ka sawi dâwn nia"



Hlutei chuan a ti sap a, tinge maw Sangtei chanchin ka zawh a piâng hian hahdam tûrin min tih hmasak vè ziah le? A chungah thil tha lo a thleng èm lo ang chu maw.


"Sawi phawt ula ka hahdam ang"


Ka'n ti a, Hlutei chu thâwk la hak chung hian a thutna ah chuan a thu leh a, Ka awmna hi Cabin a ni a, a fâl nalh bîk bawk.


"Mipa leh Mipa angin inbia ang"



Hlutei chuan arawn ti sap a, a hmèlah chuan a lungngâi hlè tih ka hai lo, a ngawih leh vang vang vâng chuan ka ngei hman lek lek a ni.


"Sangtei chu a kal tawh, a nu bulah"


A rawn ti chhuak sap a, a mittui tling pam chu ka hmu tel nghâl bawk.

"Maw!...engtin?"


"Sawi lo tûr chuan min ti nâ a, mahse Muanpui, kal tîr rih mai rawh, a rilru ana èm mai, naute kha an chhan thei ta lo a, tûpawn an hre vek tawh, in college ami zawng zawng pawn, mahse amah chu a in hliâm nasa lo, i bula awm chu a châk lutuk, mahse i nu khân kal lo thei lo in siâm a ni, heta a awm reng chuan a thi thei mai ang, reilotè chu awm bo tîr rih rawh, a rilru na te a zia anga, arawn lèt leh mai ang"




Ka thinrim lutuk chuan ka kut chu ka hûm ngar ngar a,


"Ka nu chuan enge a chungah a tih?"



Inseh ruh tûn chuan ka ti a.


"Chu erawh ka hre hauh lo, mahse thil lian tham tak anih ka ring, a chhuk thlâk atangin kárkhat a tling tèp tawh, a number a thlâk hmak a, keipawn biák pawh ngaihna ka hre lo"



A ti leh nghâl zung zung a, ka rilru na lutuk hi ka thaw tha thei lo in ka hria, min mamawh asin, khâ hmeichhia khân kei lo tûmah a neih loh zia ka hria, keipawn tûnah tak hi chuan ka mamawh ngawih ngawih a ni ber mai, ka mittui rawn parawl vâng chuan inchung lam chu ka melh tlat a, mipa hi an tap ngâi lo bîk lo asin, mipa pawh hi an tap vè thin, chû pawh hmeichhe pakhat vângin, he mipa thinlung khauh tak pawh hi khâ hmeichhe tereuhtè vâng khân tui ang maiin a nèm thin a, tûnah chuan a kehsawm vek tawh, tûna ka châk ber chu hmun fâl takah kalin Sangtei hming lama ka rilru tâwtna zawng zawng te hi âu chhuah pui ka duh a ni.


"Hey....thiana, lungngâi suh i tân kan awm reng a nia"



Khûma chuan arawn ti a, Hlutei pawh chuan ka dârah min rawn bèng thak thak a.


"Lungngâi suh, i rilru nat dân tûr chu kan hrethiâm alawm, i tân kan awm reng a nia"



Arawn ti vè sap a, tûnah tak hi chuan eng anga tawngkam thlum pawn ka rilru natna te hi an hnèm zo teuh lo, ka tello in engtin nge a awm ang? tih mawlh chu ka ngaihtuah a ni, hmeichhe chak tak anga lan tum thîn mahse a chak loh zia ka hria a, mahnî a in hâi kaw thei angin lang mahse dâwm ngâi leh duat taka enkawl ngâi anih zia ka hre chiâng si, buaina lo tâwk ta se ka tello in engtin nge a hmachhawn ang?



"Ka nu hi ka ngâidam ngâi lo ang"



Ka ti chhuak sup a, ka nu ti a koh ka ngâi bîk hian ka hrehawmna a ti zual, mî nu te angin a fapa hmangaihna leh duhna tekha hmuthiâm in hrethiam vè ni se chuan Sangtei nèn hian pawh then kan ni lo ang.



___________




Khûma leh Hlutei hâw hnû chuan ka phone chu en in Sangtei thlâ ka lâk rûk sak lai techu ka en vang vang a, heti maia min kalsan hi ka lo ring lo a sin le, kawngkhâr ri rak lam chu ka hawi vat a, ka pa lo ni rengin.



"Enge ilo an tawh a?"



Ka bul thutthlènga rawn thut pah chuan a ti a, ka phone chu ka dah nghâl hmak bawk.


"Ka tha ni mai, ka chhuâk thei vat tawh ang"



"I chhuah hun ah chuan class kal chhunzawm leh ngèi ngèi ang che aw"



Ka pa chuan a ti a, ka tum lo nasa mai,


"Ka tum tawh lo sin, Sangtei zawn ka duh a"



Hmâi zangthal deuh hâw chuan min en vut a,


"Bawiha, en teh, in inkâr hi kan hre vek a, In fâ thi ta pawh kha ka hre vè vek bawk, mahse hriatthiâm tum teh, reilotè tal chu thlah fâl rih rawh, a hmangaih takzet che a, khuanu ruat innih chuan engtik ah emaw arawn lèt leh èm èm ang, mahse i dawh theih hlè chu ngâi ang"



Ka thei lo,tûnah pawh ka mamawhin ka hmu châk ngawih ngawih a, nakin nakin la tih techu.



"Ka thei lo pa, ka hre lo, ka rilru hi"


Ka ti bah deuh nuaih a.


"Ka hrethiam che lawm, Sangtei hi i zirlâi puitû ah ngâi la, tha takin i pass anga, A rawn lèt leh hun ah chuan Doctor tha tak ilo ni tawh anga, chuan chhûngkaw hlim tak i dinpui thei zawk dâwn asin"


A sawi zawh ruâl chuan ka nuhrawn pawh chu a rawn lût ve a.


"Ka thei angem ka hre lo, engmah hi ka hrethiâm lo a ni"


"In ngaihtuah hah rih lo la, i taksa te a chak hun ah i rilru chu i siâm fel dâwn nia, mahse keichuan Delhi thleng thlenga umzui chu tha ka ti lo, a rilru dam nân kawng hran zawh rih a duh a ni mai a, i hmangaih takzet a nih chuan dawh thei taka lo nghah chu i tih tûr a ni"



Ka pa chuan ala ti fan a.


"Ni e, Mate, i pa thusawi hi dik chiah, nâuchhiât lai chuan nu te bula awm tluka nuam a awm lo a nia, a rilru anâ in hrehawm a ti anga, i hmèl a hmuh chuan anatna te a zual leh anga, chu ai chuan arilru te a dam hun thleng nghâk la, a lo lèt leh èm èm ang"



Ka nuhrawn chuan alo ti vè bawk a, tûnah chuan ka tâwt lutuk, engkim theihnghilh ka duh, ngâwi reng chuan ka mu ta hmak a, Ngâi viâu mahila he natna khum atang hi chuan engmah ka ti thei sî lo, nèp ka inti in mahni leh mahni chu ka insit ngawih ngawih a ni ber mai.



__________________






THREE (3) YEARS LATER


Kum thum lâi a liâm ta, Ka dawhkân a ka thlalâk târ chu ka thlîr vang vang a, Kum thum meuh ka nghâk ta, vawi khat pawh a chanchin hriattûr a awm lo, ka zirlâi pawh Sângtei leh Pathian vângin tha takin ka pass vè a,tûn ah chuan Durtlâng
hospital ah Surgeon Doctor niin ka thawk tan vè a, mahse Falkawn lamah kârleh ah khian ka thawk dâwn a ni, chûpawh Sangtei lo nghahna hmun atan tha bera ka hriât vângin,Doctor ka ni lâi min hmu châk ber tu a awm vè tâk sî lo ah chuan han lâwmna èm em pawh ka nei lo, a nih dân tûr vè rèngah ka ngâi hmiah ringawt, hmundang chu hawi kuâl lehin ka thlalâk dang hmuh chuan min tina vawng vawng mai, Sarah i nèna kan inneih thlalâk chuan ka thinrimna arawn ti thar lehin ka hria, a pa cancer thi tûrin a fanu nei tûra min ngèn lawm lawm lâi khân ka lo hniâl fi thla thak a, achhan chu tû emaw lo lèt hun ka la nghah reng vâng a ni, mahse a thi mai dâwn si a, ka chhûngte zawng zawng pawh chuan nei mai tûrin min ti a, Mahse Sangtei tân ka la in serh hrang tlat thung, Delhi ah pawh Doctor ka zir zawh hnû in ka zu zawng chiâm a, mahse ka hmu zo lo, a bo hmak mai ni, Sangtei chanchin hriattûr a awm lo bawk nèn, ka pa in nei tûra min tih phei kha chuan ka thinrimin zan hnih lai Khûma bulah ka awm phah a, Hlutei pawh ka râwn thlap bawk, mahse ani chuan nidang ang lo takin sawi tûr a hre tlat lo, tichuan tihluihna liau liau in ka nei ta a, Thla hnih lâi chu kan inneih tawh, room hran ah ka mu a, mutdun chu sawi loh chèng ho reng e ti lo chuan ka hmu khât khawp mai, min then vat theih nân tiin nula dang dang te ka hruai lût a, mahse chûng ho pawh chu ka khawih ngâi eih lo, Sarahi rilrû tih nat nân chauh a tî ka ni, mahse ani pawh Doctor tho a nia, tûnah phei chuan ngaihzâwng a neiin ka hria,ka rinhlelh phei chuan ka lo hlim ru veng veng mai, mahse kei erawh mal takin Sangtei lo lèt hun ka la nghâk reng a, ka nghâk chhuak angem ka hre lo, theihnghilh chu ka tum vè nasa, zu pawh ka in phah a, mahse ka thinlungah hian ala len ber thin vângin ka thinlung chuan ka taksa arawn thunun a, hmeichhe dang pawh melh lo in ti hian ka lo nghâk mâwl vè tawp mai a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:45 pm

In kham khawp inchhiar loh hlâu hian ka èk lâi pawh âwl lo in ka type a, ka duh aiin ka e rei thîn teh a nia, ke mu chum chum khawpin ka thu thîn,😂😂😂





SANGTEI POV






Mizoram ka hâw lohna pawh a rei ta, Falkawn lamah bawk chuan kar hnih lai kan awm vèleh tawh a,ka pa hrawn in ngaihzâwng dang alo neih vâng leh ka nu kut a thläk thin vângin an inthen a, kei leh ka nu, ka nau mipa nen Falkawn lamah chuan kan pèm lût ve tawp a, hetah chuan in hlawhna tûr pawh a tam khawp mai, ka nû pawisa kháwl sa leh keima lo khâwl vè tlemtè hmangin dâwr liân vè pângâi tak kan hawng vè a, Delhi lamah hmèl hriat kan lo nei sa bawk nen an ni tâ hlîr chu kan lák chhâwn thin vângin a tlâwm pawh a tlâwm a, wholesale dâwr ang reng deuhin helâi hmuna an zawrh ngâi loh deuh hlîr chu kan zuâr a, Hlutei tepawn dâwr an la nei reng a, kan inhmuh hmasak bera kan hlim zia kha, a châng leh a titâu thûl, kan khawsak pawh a nuam vè pângâi tawh khawp mai, ka nu chuan medical college a kal tha leh tûrin min ti a, mahse ka duh tawh lo, keimahin dâwr chu ka nghâk a, chhawr lâi pahnih mipa tleirâwl ka nei bawk, an felin ruihtheih thil tilo na na na chu an zuân pawh a zâng khawp mai, Muanpuia chanchin erawh ka hre tawh ta hauh lo a, Hlutei'n sawi a tum pawn sawi lo tûrin ka ti hmak zèl a, a chanchin engmah hriât ka duh lo, a hlimawm lam emaw lungngaihna lam pawh ni se, ka ngâiin a bula awm ka châk thei èm èm a, tûn thleng hian mipa dang hi ka melh ngâi lo, Mipa hi hlauh tûr nge ngaihzâwn tûr tih pawh ka hrethiâm tawh lo a ni ber, ka pa hrawn khân ka nu hi zantin kut a thlâk thin a, kan inchhûng kha hremhmun a ni mai, ka nu rilru tih nat zual aiin tiin ka chanchin kimchang engmah ka sawi duh ta lo a, Muanpuia emaw, kan nautè chhiât tâk chanchin pawh, tûma chanchin ka sawi ngâi lo, kum thum chhûng khân zan khat lek pawh Muanpuia leh ka nâute chhiât kha ngaihtuah loh lâi ka nei ngái lo, mahse ka natna te up betin hlim ka tum hrâm hrâm thin a, tûnah chuan nun pângâi tak ka nei veleh tawh, mahse zân hian ka mal zia leh ka vânduai zia min hrilh ziah ni âwm fahran hian ka la tap ziah thung.



MUANPUIA POV





In a ka hâw chu alo reh ruih mai, ka nu thil tih ka ngaihdam theih lo tâk avâng khân ka nu chuan China lam a pan ta daih a, ka pa in ah ka awm thung, Falkawn a ka insawn tûr thû hi tumán an la hre lo a, tun tum chu sawi tawh ang.



Kan nupa room ah kallo in inchunga ka room lian vak lo ah chuan ka mu vang vang a, vawiin chu mi zai ka ngah bawk nèn ka chau ngawih ngawih mai, ka cigarette chu phawrhin ka'n zu leh ham ham a, ka zu ûm chu la chhuakin ka'n in leh karh karh phawt a, tui ka tih vâng a ni hauh lo, ka lunglènna te hnem nân ka in leh mai thin, mipa nèp tak chauh tih tûra ka ngaih thin kha tûnah chuan kei ngèi pawn ka ti ve ta chu nia, ka room kawngkhâr rawn kik karh karh ka hriat rual chuan ka zu bûr leh ka inna no chu ka dah tha vat a.



Sarah i chu inthlahrun hmèl zet hian alo ding kar mai, a hmèl ka hmuh hian ka thin a rim tûn reng zèl, thâwk chu ka'n la hak a.


"Enge?"


Ka lo ti hmuk ringawt.


"Chaw ei kan peih tawh a, ka pa in ei ngèi ngèi tûrin a ti che a"



Arawn ti chhuâk sap a, ka meiziâl chu dah in chaw ei tûr chuan ka tho vè mai a, Sarahi chu ka room atang chuan rangzetin a chhuâk nghâl bawk.





Inhnuai ah chuan chaw chu an lo kîl thap tawh a, peih lo zetin ka thu thla vè mai bawk a, ka rim lah chu anam hak hak khawp mai, ka pa hi kohhran upa a ni a, a inthlahrun awm duh khawp mai.


"Bawiha i thil chîn hi thâ ka ti lo khawp mai"


Ka pa chuan arawn ti chuar chuar a, ka chaw ei tûr chu ka tâwp nghâl hmak, thaw hakin ka chaw bâr tûr chu ka dah lèt leh a.


"Nakin ah in la in zilh dâwn nia, ei phawt ang u"



Ka nuhrawn chuan a rawn ti a, keipawh tui tilo chung chungin ka ei lûi vè hrâm, bâkah thu sawi duh ka nei bawk.


"Kârleh ah Falkawn lamah ka insawn dâwn a, hlawh pawh a tha thawkhat khawp mai"



Min en thap hlawm a, Sarahi pawn min enkar mai, engah mah ngai lo chuan ka chaw chu ka ei lui mawlh mawlh a.


"Ava mak teh thut ve"



Nitei chuan arawn ti deuh hâ a,


"Nia, lehkha ka dawnna chu a rei tawh a, sawina hun remchâng ka nei sî lo a"



"Sarahi hi i hruai tel vè dâwn ami? Heta tanga nitin kal chu ahar âwm sia, Quarter i luah a ngâi dâwn sia"



Ka nuhrawn chuan arawn ti vèleh a, ani nèn chauh a in khata chèn chu ka duh hauh lo,amah ka hmuh peih loh vânga insawn tum ka nia.


"Sarah i chu hetah hnâ a nei alawm, a tân a buaithlâk mai mai"



Ka ti deuh hmuk a,

"Kâr tâwpah ka rawn riak phei thîn anga, tiâng chuan kan ti mai dâwn nia"



A rawn ti vè sap a, ka chhâng peih tawh lo, chaw ei tui lo bawk nèn ka kham san ta vek hlawm a, ka room lam ah chuan ka chho leh nghâl vat, ka pa khân tinge engmah a sawi loh le? Ka rilru ala danglam lo tih a hriât vâng pawh a ni mahna.




Hlutei chu ka call vat a, ani pawh dâwr ah alo thawk tawh lo a, a remchân hlauh avângin ka in leh engkim min buaipui tûr chuan ka ngèn ta tawp a, inchhûng serek khawih chu ka peih teuh lo mai, Hlutei ka thian hnâi alo hman leh zèl bawk nèn, ka tân kawng a in hawng zâu khawp mai, Chuan ka tih hmasak ber tûr chu, Sir LDa kha ka zawng anga, Hmâna buaina thleng zawng zawng kha engkim ka chhui chhuâk vek anga, tlèmin ka hahdam deuh tawh mahna, nih loh pawn Sangtei lo lèt hunah thudik engkim nên lo hmachhawn ka duh a ni.



Ka room kawngkhâr chu an lo kik leh karh karh a, Sarahi bawk ani leh tawh, hnèawm siah...


"Saw lama i insawn hunah chuan buaipui tu tûr i nei dâwn si lo a, kârkhat lek chawlh ka la mai dâwn ami?"


"A ngâi lo, Hlutei'n min buaipui dâwn"


Ka lo ti nghâl vat a.


"In lo la inbe pawp reng alaw, tinge ani kher? Midang an tam âwm tho sia"


"Ilo buaina tûr a awm lo, nangmah chauh in ngaihtuah rawh"



Ka lo ti vat a, a hmèl atang chuan a rilru ana hlè tih ka hre mai.


"Hmânah kha chuan kan hlim thîn asin, khami vâng tal pawh khân ka chungah hian tlêm talin that i chhuah thei lo ami?"


Tap âw deuh hiân arawn ti a, thâwk chu ka'n la hawk a, ani lungngâi hnèm hman ka ni rih lo.


"Chhuak rawh"


Tih zawng chu sawiin ka inthlâk nghâl mawlh mawlh a, kun lap chuan a chhuâk leh mai a, ka khawngaih deuh tho nâ in hetiânga ka chèt loh chuan ka lakah beisei a neih palh ka hlau a ni, min beisei lo law law se atân pawn a tha zâwk.






SANGTEI POV






Vawiin chu ka buai khawp mai, kan dâwr hi building a ni a, a changkâng thei ang bera sak a ni bawk, ka nu lo inkhâwl rûkna rah leh keimah pawn tlèm tlèm a ka lo inkhâwl rûk vè zârah Ramhlun Aizawl lama ka nutei pasal buliding sak chu man chawiin kan luah ve a, kan dâwr hnuai hi kan in ah chuan kan hmang nghâl bawk, a lian lutuk lo nâ a mi pathum luah atân chuan a zau mah mah zâwk in ka hria,kan dâwr atanga kan in leichhuah apiâng chu ka khâwl ve zèl a, he khua ah hian in hmun lei a in tha tak lian vak lo sak chu ka thil tum lian ber a ni tawh, A bâk chu engah mah in hnam hnawih ka duh lo.



Tui lum sa ver vawr a ka inbuâl hnû chuan Hlutei pawh arawn thleng chawp chilh vè nghâl mai a, ka ngaih èm vângin riâk tûrin ka sawm a, ani lah lo phûr ngang mai, arawn nui lût nghâl uarh uarh a, ka nu lah hian a ngaina phiân leh nghâl.




T shirt leh mut kekawr tluân chu hâ in ka chhuak nghâl vat a, thingpui sen thlum chu ka lum nghâl zat bawk.




"I thu râwn ka mamawh a nia mu vat ang"



Alo ti nghâl vat a, engtak chu ni ang maw, henû hian pasal min neihsan a tum èm lo ang chu.



__________





Khumah chuan ka mu dûn rân a,


"Eng thû ah nge kei a thurâwn te ilo mamawh a?"


A nui sak mai, engtak chu ni ang maw.


"Ihh....nizân khân Khûma'n min duh thû a sawi a"



Chû thû ka hriat rual rual chuan tu emaw ka hrechhuâk zawk mai, Muanpuia thusawi kha ka rilru ah arawn lang vat a, engtikah emaw chuan an inngaihzâwn kha alo ring thîn a, Khûma pawh ka hmuh lohna a rei ta, amah hi a dam thlup rauh a, ala naupan teh lûl nen, Muanpuia aiin kum khatin a naupang hret a, kan inruâl chiah tihna nih chu, mahse kawng tam takah chuan a rilru a puitling mah zâwk.


"Avan tha vè engtin nge i chhân a?"



"Ka reply lo tawp, ngaihtuah vè la, ka phû loh zia hi, kei tehlûl mi hausa fanu pawh ni hlei lo, lehkha pawh zir sâng mang lo hi ani Doctor ni mai tûr mai bâkah aluck bawk si, awii....phû loh lutuk ngaihzâwn chu keimah ka nat mai mai ka hlâu a, i tawn ang kha ka tawng vè lo ang tih tunge sawi thei"




Tawngsual tih hriat zet hian a lei rawn chhuah tut a, ka lo nuih vak vak ringawt, a rilrû tûr chu kei aia hrethiâm tûr an awm lo ang, Muanpuia nèn kan chanchin hre vek tân chuan phû loh lutuk ngaihzâwn tû hmeichhia mahin an ngam ka ring lo,


"Tiâng èm èm kha chu in tawn ka ring lo, a duh che a, nangpawn i duh vè tho tih ka hria nia"


A lâi lutuk chu arawn nui hak a, a duh vè tih chu hai ruâl a ni lo, mahse chutih ruâl chuan a hlâuthâwng ru hlè ang tih pawh ka ring.


"Huaisen deuhin awm rawh, i keipui sa hauh hlur anga, Tû mahin an zar buai ngam teuh lo, nang phei chu i kawlh si"



Nui chung chuan ka ti a,


"Nia nula dang nèn ka hmuh dûn vaih chuan ka kèk hrep a ni mai"


Kan nui dûn ta vak vak a, Khûma chuan arawn be leh ta ngèi a, ahmá a thian ni thîn kha tûnah chuan in ngâizâwng an ni ta chu niah, eng tin tak awm dûn vè ang maw.

____________NEXT MORNING__________


Zîng ka tho chu Hlutei pawh alo la mu vûm thûr mai, dâwr hawn ka ngaih vângin ka thawhsan ta daih a, ka nu pawh alo tho tawh, thingpui min lum sak chu in sawk sawkin ka inthlâk vat a, pâwnah chhuakin dâwr chu ka hawng ta vat a, ka nau pawn min rawn zui vè vat bawk.



Ka nau mipa hi kum 15 chauh la ni mahse ka chen tawh hauh lo, tinge maw tûnlâi tleirâwl hi an than duh èm èm le, ka nâu hiân mizo hming a nei lo a, Sâp hming chauh a neih vângin a mizo hmingah Vânmalsâwma tih ka phuah a, A sâp hming chu Joseph a ni thung, a mit meng hi a liân in mit hmul sei tak a nei a, vâi leh mizo thlahpawlh na na nachu hmeltha tih a hlawh ngèi mai, a vun lah vâr veu reuh bawk sia, mahse tlèma a in lâk tlangvâl deuh tawh vângin ar ngèng hi a nei vèleh zauh thin,mahse ka nu nèn hi chuan kan la naute chei èm vângin inah chuan a pangchang thei hlè thung, chuan kei lo ang takin a zâithiâm hlè bawk.



"A û school ah anu hian tiffin min pâi tîr ziah a, ka thian te chu school canteen ah an châwl ziah a, pawisa min pe ve tawh ula ka ti e"



Lungâwi loh hmèl zet hian arawn ti nâng nâng a, ka hrethiâm tho, a school kalna hi mi hausa fâ deuh hlîr kalna a ni sia, a tân chuan a nuâm lo viau ang.



"Anih engzât nge i duh a?"



"I phal zât zât a ni mai"



Inthlahrun hmèl zet hian a rawn ti sap a.


"Ngaihzâwng i nei a ni hrim hrim"



Ka'n ti fiâm a,


"Teuh lo mai, min star tû piang chu ka hnek pawp pawp zèl"

A thusawi vâng chuan za zet hiân ka nui tawp, ala ât zia hi ka lo theihnghilh palh leh thin, ka purse atang chuan za nga(500) chu ka pè a.


"Ka hmang rei ngawt ang"



A ti deuh sap a, ka lo nuih var var ringawt.




_________




Hlutei chu tho phang tih hriât zet hiân sam thur deuh bumin arawn chho vè chhut chhut a.


"Awi awi awi...tiâng khân Khûma'n hmû che sela chu, a iai vek ang che mawle"



Ka lo ti sap a,


"A ho lutuk, mipa pakhat chauh an awm hleinèm"


Ala ti sam èt zui, a hmèl bèr bûr hi hmuh hrehawm khawp a ni, ala pending ngur ngur leh nghâl.




MUANPUIA POV





Falkawn lam chu ka car chuan ka pan vang vang a, ka bungrua tûr ka nuhrawn leh nitei min lei sak chu nakin ah ka in min siam rem sak tu tûr ten an rawn keng ang, keichuan hospital lamah in report phawt ka ngaih avângin ka lo va kal hmasa a, Hlutei pawh ka phone diâm tawh, Khûma pawn zan in chu min riahpui dâwn a nih hmèl, a pawttû ana bawk aniang kei ai aiin a phûr sûrh sûrh kher mai, Hlutei te khua ni lo sè chu tiâng èm èm khân a phûr tawp nâng, he mîte pahnih hi an in ngâizâwng ta daih chu niah, mak pawh ka ti lo, an in ngaihzawn kha ka rin sa hrim hrim a ni bawk a.



Ka ngaihtuahna vâng chuan ka nui huk huk reng a, a enga mah hmâ in Khûma lah chuan angam lo nghâl ringawt leh nghâl, fiâmthû in Hlutei hi inpa ka ti thin a, a duh lo vè nasa mai, Mahse thil mak deuh chu, Khûma hi a lèrhin ngaihzâwng angah tawh viau e ti lo chuan Hlutei a tawn hnû hian a lèrh san âwm ka hre lo, ala serious vè viau in ka hria, bâkah, tiâng èm èm hian alo hlim ang tih rin ngaihna pawh ka hre lo, a chanchin te hi a sawi vè suap suap zèl a, a bialnu dang techu a mutpui dân chanchin bâk a sawi ngâi lo, Hlutei chuan a thlâk danglam hneh khawp mai, mahse, A sen chî erawh in dun kerh kerh chu kan la chîng tho.



______________




SANGTEI POV




Zan in pawh Hlutei alo riâk leh dâwn, a chhan pawh ka nau in music zir tel a duh vângin vawiin tlâi khân ka nu nèn an va in admit vè a, Ramhlun a ka nutei'n (kan in luah lâi nei tu te) ka nau a hmuh vè châk vângin ka nu nèn an in lamah an riâk phei daih a, mahnî a riah ngawt âi ah Hlutei chu ka sâwm leh ta ringawt a.



A rawn inchei nasa èm èm lehnghâl, henû hi chu make-up fakna a ni ringawt.



"Khûma lo lèng dâwn a"



"Awi a ni maw! Ka hmuh lona rei tawh sia, keipawn ka hmu châk tawh tawp"



Ka lo ti nghâl vat a, thu ho deuh deuh sawi chuan kan pahnih in kan nui dûn uarh uarh reng a, kawngkâ rawn kik karh karh tû chu tû dang ni lo in Khûma ani tih ka ring thiâm nghâl mai.


Hlutei chuan a hawn nghâl vat a, a rawn nui lût vur vur mai, hepâ a lâi vèl nia, hahthlâk e.


"Kan in hmuh lohna rei tawh hlè mai"



Sofa a rawn thut pah chuan a ti a,


"Nia, nangni pawh hi in lo mak vè rèng rèng"



Ka'n ti chiah chu lâi tih hriât zet hian a nui vur vur a,


"In vèng atangin mi ilo kal a?"


Ka'n ti a, arawn kalna hla vang vang dâwn khawp mai, zân thil ah leh nghâl.


"Heta tangin alawm ka lo kal"


A ti chiah chu Hlutei chuan a kutah chuan alo sik tâwk lâi chu ka hmu fuh chiâng kher mai, hè mîte pahnih hian zèp an nei tlatin ka hria.

"Hetah i awm ami?"


"Aw..aih...ka tih awmzia chu, awm lo"


A rawn ti bah nuaih a, ka ringhlel telh telh mai, enge maw zawh leh tum a ka ân zuau zuau lâi chuan,

"I rim hi"



Hlutei chuan arawn ti deuh hlar a, zu rim asawina tih ka ring thiâm nghâl mai, Hlutei lah chuan a melh rum nasa mai si.


Khûma chuan chhâng lo in alu thak loh hmèlpui chu a hiât ringawt a.


"Ka lakah hiân zèp innei ami?"

Ka'n ti phawng mai a,


"A teuh lo"



An la tiruâl thap zui.


"Anih engmah zèp inneih loh chuan ka mu dâwn nia"



Tihpahin room lam chu ka pan san ta daih a, room ka lût chiah chu ka thaw huai mai, tû emaw nèn kan nunhlui bawk kha ka thinlungah arawn thar leh ta, ka mittui rawn parawl kiâng kiâng chu ka khap lèt fak ringawt.




"I rim chhe si, tinge zû te i in vè rèng rèng a?"



Hlutei te inbe rî chu ka lo ngâithla kar a.


"Min sâwm tlat alawm, ka duh lo chung min pawt lui anih kha"



Khûma chuan alo ti vè sup a.


"I samkir a nih chu, ka âwih lo emai a"



Hlutei chuan a ti hlak a, a hnehsawh thei sia, ka nuih za lutuk chu mut hmunah ka lo nui hak hak ringawt, vawiin chu nidang aia kan in hralh that deuh vângin ka châu aniang mutchhuâkin min rawn zèm chiai chiai mai, ka muhîl ta nghâl vat a.




___________






MUANPUIA POV



Vawiin chu hnâ ka ngah vak lo nèn Falkâwn a dâwr thar changkâng deuh awma an sawi na ah chuan kal tûrin ka in khalh chhuak a, Hlutei min hrilh a nia, a changkân thû ringawt nimin khân Khûma nèn kan ngâithla tak alawm, kal vè ngei ngei tûra min tih avâng chuan ka kal vè mai a.



Kawngpui lama ka tlân thlâk vang vang lâi chuan ka phone chu arawn ri ral ral mai, ka en chiah chu ka nu min hring tû ka nu ngèi a ni, ka la duh angem ka hre lo, ka phone chu ka en tlawk tlawk a, thil ka sut bur tâkah chuan ka bu deuh dâwrh a, ka phone chu ka thlauh zui bawk, hmeichhe tè deuh that thâwm chuan a rawn zui nghâl a.



Foot path a tleirâwl mipa pakhat kal lâi ka lo su reng chu niin, pawi lutuk, eng ngaihtuahna nge maw ka neih le, nu upa lam tawh hi dâwr thar atang chuan arawn tlân chhuak a, a nû ni ngèi tûr a ni, hmeichhe pakhat rawn tlân chhuak vè ka hmuh ruâl chuan ka nghîng dawt mai, ka mit vâi emaw tiin ka mit techu ka'n nuai a, a tak ngèi a ni e, hmanhmawh zetin car atang chuan ka chhuâk a, tleirâwl mipa anlo buaipui mawlh mawlh lâi chu ka va en vè a, Sangtei chuan min la hmu miah lo, a hmâ âi khân a tha zual emaw tih tûr a ni, a thau tawh deuh bawk, khâng kum thum chhûng teh meuh amah zawng leh nghâk a ka awm reng lâiin helâi hmunah hiân alo awm reng amaw!, Mahse he râwlthar a buaipui dânah hian a laina hnâi tak anih pawh ka ring, a hmèl chu mizo hmèl lo èm èm lehnghâl.


"Ana viâu em? Min hrethiam hrâm ru aw ka tihpalh liau liau a ni"




Ka ti chiah chu Sangtei chuan phâwk hrâ hian min rawn en deuh hâ a, a hmèl chu mak tihna in akhat vek, ka lo nuih deuh suk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:46 pm

TIZHAK

CHAPTER-17


BY

HLUTEI JOCUND PACHUAU



A tâwi ang tih ka hria, mahse ka story hi a kal muâng tiâl tiâl tawh dâwn a, a boring lâi tepawh a awm vè zauh ang aw, clickk kha ngei ngein aw😘😘😘😘



SANGTEI POV







Muanpuia ngèi a ni, chèt ngaih na pawh ka hre lo, thlarâu hmû ang mai chuan ka en phâwk hrâ reng a,

"I nau hi kâi tho tache mawle, enge i en reng a?"



Ka nu chuan arawn tih tâkah chuan hmundang chu ka hawisawn vat a,


"Khawi keimân ka lo kuah ange"



Tihpahin Muanpuia chuan kan dawr lam pan chuan a kuah phei a, thinrimin ka hâu vak dâwn nge? Enge ka sawi ang, sawi tûr engmah ka hre lo, ka hmuh tum loh pui ka hmuh vâng a niang, ka hamhaih vek.


Dâwra kan lût chu ka la tawng chuâng lo a, ka nau chuan a kè chu nâ a tih èm vângin Muanpuia chuan a en sak a, Ka nu bulah chuan ngaihdam dîl pahin doctor a nih thû techu a sawi a, Kei erawh kil khatah ka lo thu ngâwi reng ringawt, hetiânga ka awm nachhan hi ka hre lo, Muanpuia hi ka la hmangaih reng a,ka lo la mamawh ngawih ngawih tih ka hre thar leh in ka hria, theih chu ni se kuah vawng vawnga ka ngaih thû hi vawi tam tak sawi ka châk a, mahse chu chu ka duhthusâm mai mai a ni, kan inkâr hi chutiâng sawi tûr khawp chuan a zâu tawh lutuk tlat, tûnah chuan hmèlhriât satliah mai kan ni tawh sia, khâ kum thum kha, a hun lâi kha chuan rei ti mahila, tûna Muanpuia ka hmuh leh tâkah chuan kan hun lo hmandun tawh tekha nimin ang maia ka lo la hriât chiân èm vângin ala rei loh zia ka hre chhuak ve chiah.


"Tihsual palh techu a awm thei alawm, pawi ti duh rèng rèng suh"



Ka nu chuan alo ti a, Muanpuia chuan nui sak hian min rawn en a, a hmâ âi khân a tha daih zâwk, a taksa a in phut mawi tâwk tawh bawk si, a kamis pâwl duk lam hâk inhmeh zia saw, rawng pâwl hi ka ngaina ngâi miah lo a nia, Mahse Muanpuia'n a inbel tâkah chuan alo nalh zia ka hre chiah.


"Hei hi indâwr ami?"



"Aw"


Tih zawng chuan ka chhâng a, ka nu leh ka nau chuan min en phâwk nasa ngang mai.


"In in hria alaw?"



Ka nu chuan mak tih hmèl zet hian min en deuh hâ a.


"Hria e, heta tanga zir chhuâk hi ka nia"



Muanpuia chuan min lo chhân khalh vat a,


"Anih chu, Casualty ah chuan mate, ka han kal pui lawk ange aw, lo inkâwm ru"



Ka nû chuan a ti a, awi....sawi tûr hriât loh nâk alaiin,


"Ka lo hruai ang che u"



Muanpuia chuan alo ti vat a, ka thaw deuh huai mai.


"A ngâi lo, hei rickshaw ka ko tawh alawm"



Ka nu chuan tihpahin ka nau chu a kâi chhuak nghál a,Muanpuia nèn chauh kan ni ta, ka chhawr tleirâwl pahnih te lah Kan dâwr hnunglamah games an khèl daih bawk si.



"Ti hian min din tîr reng dâwn ami?"


A rawn ti chhuak sup a, ka en chiah chu min lo la enkur zui, rangzet chuan ka hawisawn lehnghâl daih a.



"Thu rawh"




Ka'n ti leh tawp a, kal vè nghâl mai âwm, tinge maw ala thut khawmuân tlat le.


"Sawi duh ka nei a nia, hmundangah inbia ang"



Hmèl tak deuh rûn hian min rawn en a, a mit meng val deuh riai atang chuan a hah thei hlè tih ka hre thei.


"Ka buai, hmundangah ka kal hman lo"

Tih zawng chuan ka chhâng a, a thaw deuh kâwk rî chu ka hre thei,


"Ka hmu tawh tho che a min peh hèl chu tum buai duh tawh"



Ram hmak hian arawn ti a, ahmèl pawh ka en ngam lo, ka pawisa chhût lâi chu ka chhût lui ngar ngar a,


"Tinge min kalsan?"


A rawn ti ta nge nge e, ka khûr ru deuh der der a, mahse a sawi chu hre lo ang hmakin ka awm ringawt.


"Min chhâng rawh"



Arawn vîn thawt tâkah chuan ka phu deuh zawk a, a hmèl ka en chu alo dur khup tawh mai, a nu min tih dân zawng zawng kha engtin nge ka sawi theih teh lûl ang,


"Ka châu tawh Muanpui, hahdam taka awm vè ka duh, khâ hrehmun atanga ka tâl chhuak kha enge thiâm lohna ka neih? Kei hian tih dik loh ka nei ami?"



Ngâwi vang vang chung chuan min en ta kar a, lèt leh mai mai tûrin ka kalsan lo, kum thum chhûnga amah theihnghilh nân ka paltlang zawng zawng te kha a hnèna ka lèt leh chuan a thlâwn vek dâwn tihna nia, tiang leh mai mai tûrin khatiâng hrehawmna kha ka tuar lo hrim hrim.



"Eng ang pawn min pehhèl tum mahla ka kal tîr leh tawh ngâi lo che"



Vawt raih hian arawn ti a, hre lo ang hmak chuan ka awm ngar ngar ringawt.




"Duhtawk tawh teh Muanpui, kan inkâr chu a tâwp vek tawh kha"



Ka ti chuai raih a,


"Ka tân chuan ala tâwp vè lo, khawvèl tâwp thleng pawn ka zui zèl tho ang che"



Tih hrâwk pahin thinrim zet chuan a chhuâk ta daih a, a reh nghâl tlawk tlawk mai, ka dâwr te hi a thâwl ta huai in ka hria, a mi uâp ala na reng mai, keimah ah ala tlâk nat èm vâng pawh a ni mahna.




Ka thil tih lâi chu châwlin a nu min tih dân chu ka ngaihtuah lèt vang vang a,



_____FLASHBACK______







In ah chuan mahnî in ka mu vang vang reng a, Ka mittui techu ka bekah techuan luangthlâ in ka bek sam an ti huh hlap thei, ka pum chu ka dawm vang vang reng a, mû leh mal ka nei lo a ni ber mai, mahni rîl arah te chân nat zia hi ala tawng lo tân chuan hriatthiâm ahar maithei, mahse mahnî in han tawn chiah chuan a mi nghawng ana ngèi mai, ka thisen ringa lo nung vè tâwk tâwk thîn alo piân chhuah hun tur ka suangtuah ringawt pawh a ka hlim pui veng veng thin kha a awm tawh lo tih ka in hrilh nawn mawlh mawlh a, hmu theiin khawih thei lo mahila, ka thinlung hian a hre thei a ni, midang tân chuan mihring pawh la tling lo ti a ngaih thah chu a awl ngawt ang, mahse ka tân chuan ka engkim leh ka neih chhun liâu liâu ani sin le, ka thiâmloh vek a ni, engkim hi keimâ tih dik loh vek a ni, lo piang vè lo law law ila tha zâwk tûr a nia.




Ka in kawngkhâr rawn ri thuai ah chuan ka phu chiâng lutuk chu ka thlâwk lo chauh, thei leh thei lo chuan ka tho taih taih a.


"Rawn chhuâk teh"



Ti tuâr ri chuan min ti phuzawk thei, Doctor Marinai tih ka hre nghâl mai, in dîm tak chuan ka chhuâk them them a, din pawh ka la ding mar thei lo.


"Enge nita?"




Tih sap pah chuan ka en kar a, a mit meng lian kel kul dum huâma min enkur tâkah chuan ka chil ka lo lem khalh mai, Remi damdawi lei tûrin a chhuak daih bawk si.


"Kei min ti muâlpho a, chuan ka fapa thi chhâwngin i siam leh a, engtin nge i ngam zawk?"



Tihpahin ka biâng ah chuan min rawn bèng hawi sawk a, ka lo der dèp bawk nèn, ka pai nghâl khat khat mai, ka room â a lût chu ka ûm zui vat a.



"Heta tang hian hla takah kal bo rawh, kal bo rawh"



Tih tuarh tuarh pah in ka thawmhnaw almirah ami techu a paih chuâk vek a, râpthlâk ka tih zia chu, ramhuai a pâi amaw tih tûr khawp a ni.


"Duhtâwk teh khawngaihin"



Tap chung chuan ka lo ti vè tâwk tâwk a, ka kawr âwm ah chuan min rawn thâm tâwk mai.


"I thil tih hi ngaihdam sèn a ni lo,i hria em?"



Vîn tuâr chuan min ti a, mittui parawl kiâng chuan ka lo dawh tawp ringawt.


"Engthil nge maw i tih le?"



Kawngkhâr lam ka hawi chu Hlutei chuan hlauhthâwn hmèl zet hian min lo en kar mai, Sangbawiha pawh a tel vè bawk.


"Thlah vat rawh a dam lo a nia"



Tihpahin Doctor Marinai chu Hlutei chuan arawn nemsawn dâwrh a, Remi pawh arawn thleng vè nghâl vat.



"Engtin nge min nem vè ngam zâwk a?"



Doctor Marinai chuan ala rawn ti khûih khûih a, ka thinrim viâu na a, ka che tha thei dèr bawk sî lo.



"Tinge ila rawn tih buai chhèn a, Muanpuia hian nang ang nu râpthlâk a nei che hi a khawngaih ngawt mai"




Hlutei chuan thinrim zet hian ati deuh pâng pâng a, ka rin âia a huai zèk chu le.


"Ivan chal tlâi reuh ve, iti mah mah lo maw?"



"Ti mah mah chu nang ni zâwk hi nih hi, i fapa thi chhâwngin a let reng a, a kiângah awm a buaipui tûr zâwk i nih hi, hetah hian tih tûr i nei lo, chhuak vat mai rawh"



Hlutei chuan a chhâng lèt pâng pâng a.


"Duhtâwk tawh rawh, a tâwk tawh"



Tihpahin ka lo khap vat a.

"Teuh lo, i tap lâi ka hmu hnem tawh lutuk, lam tang nei lo ini bîk hleinèm, hèng ho hian an duh duh a an tih lâi che in kan lo ngâwi mai mai bîk dâwn teuh lo"



Ala ti pâng pâng a, Remi leh Sangawiha chu alo ngâwi reng thung.


"I van zak lo reuh e ka bèng mai tûr che sin"


A rawn ti hmuâr hmuâr a, ka lo hlâuthâwng lutuk chu ka thin alo phu dèp dèp mai.



"I ngam chuan min bèng la, ka beng vè ngam loh che i ring ami?"



Tihpah chuan ava pan hnâi a, Sangbawiha leh Remi chuan Hlutei chu an lo bet vat a, Doctor Marinai chu a nui hak mai.


"Hei hi ka sawi ang, ka fapa nèn hian ka la thâwk vè tèk tèk chhûng chu in inkawp hi ka phal ngâi lo ang"



Tihpah chuan a chhuâk ta vut a, a chhuâk chiah chu, kan thaw huai thei.






________END OF FLASHBACK______



Ka mittui rawn tla tûr chu khap lèt fak pahin ka hnâ chu ka chhunzawm leh mawlh mawlh a, ni e, ka tâna ruât a ni vè lo a niang, kan inkâr hi chu aharsa bîk em a ni, kan hmangaih ngawih ngawih tepawh hi kan nupui pasal tûr an ni vek hleinèm, mî pawn an thei a, keipawn ka thei vè âwm emai.




__________


MUANPUIA POV


In ah chuan thinrim zetin ka hâw a, Hlutei rawng lo bâwl malh malh lâi chu ka va pawt her sawk a.



"Tinge hetah a awm tih min hrilh loh?"



Ka'n ti nghâl tawp a, mak tih hmèl taka min hâ hnû ah chuan a hmèlah chuan a hrethiâm tih arawn lang nghâl mai.


"In inhmu ta nge nge alaw? Surprise a nih kha"



Ala ti duh lek chauh,


"Mahse a danglam tawh, mipa dang a nei tawh anih ka ring"



Beidawng zet chuan ka ti chhuâk sup a,


"I mawl ami? Ala hmangaih zia che kha i hrethiâm lo nge i hrethiâm duh lo zawk, mâwl teh tuh lutuk"




Min ta zèk a, eng anga tawngkam nâ pawn min hâu thin mahse a mîzia vè rèng a ni tih ka hriât chiân èm vângin huat chî ah pawh ka ngâi lo,ka nuih san ta tawp a.



A thiannu, a nâu anga a en ngèi pawn min la hmangaih zia a sawi tâkah chuan ka lâwm ngèi mai, ka kal tîr tawh hauh lo ang, ala luhlul mai mai a ni, eng ang chen pawh ni rawh se, Sangtei neih lèt leh nân chuan engpawh ka ti mai ang.



"Lo ngâi reng rawh Lalrinsang, ka nei lèt leh dâwn khawp che"



Hlutei chuan hmûi ti pawrh tuâr chung hian min lo en a,


"A luhlul zia i hriât kha, U Sangtei chu tih luih vak chî a ni lo ang, a rilru hneh tum zâwk rawh"



A ti vè sup a.


"Ka lo tum ang, e chuan, zan in ah Khûma alo riâk dâwn a nia aw"



Rum zet chuan min rawn melh a.


"Ka be peih lo e a, enge zû te ilo pèk a? I pèk leh chuan i in thîn tih hi U sangtei bulah ka sawi vek ang"




Rawngbawl mawlh mawlh pah chuan ati pâng pâng a, nui vur vurin ka room lam chu ka pan sawn ta daih a, hè mîte in ngâizâwng han in an loh zia chu âw, pakhat lah zaidam thlup a ni a, pakhati lah hi, mipa tân pawn hlauhawm khawpin a thinchhe reuh sia, lehlam kawng tak chuan an in hmeh phiân mai.



Ka ngaihtuahna hriâ ni âwm fahran in Khûma chuan min rawn call anih chu, nui suk chungin ka chhâng a.


"Enge?"


"Hlutei alo kal em? Ka message leh call a chhâng duh lo a"



Lungngaih hmèl zet hian arawn ti a, ka nuih aza ngèi mai, a inhmeh thlâwt lo, hmeichhia a duh duh kawp kuâla lèn chhuah pui thei kha tûnah chuan kan naui vâng in a buai ta dèr chu niah.


"Hetah a awm alawm ka'n pe ange"




Tihpahin ka room atang chuan ka chhuak a, Hlutei rawng bâwl mawlh mawlh lai chu ka phone ka va pe vat a.



"Enge?"


"Chhâng rawh"



"Hello"



A'n ti vè mai a, Khûma chuan engtak chu sawi ang maw, min melh rum nasa ngang mai.


"Ka phone ah ka rawn bia ang che ka buai rih"



Tihpahin a off ta hmak a,


"Ka thianpa anih hi aw, hrem rei lutuk suh"



Ka ti deuh fak a.


"Mipa in min âtchilh bur kan duh chuan tlèma han induh der vè deuh te hi a ngâi alawm"


Ala ti sam èt zui, a sawi dik phiân leh nghâl.




SANGTEI POV





Ka inbuâl zo chu ka phone ah BTS ho bawk chu ka en leh a, single hrî ka ti mai, mahse pawi tihna ka nei tawh lèm lo, an funny vedio ka en te hiân hriât loh kârin ka lo nui leh vur vur zèl.



Door bell rawn ri ral ral chu ka nu chuan alo chhâwn vat a.



Kawngkhâr a rawn lût ka hmuh ruâl chuan ka phu dâwrh thei, Muanpuia lek chu lo niin, a hnungah Khûma chu ala rawn nui lût vur vur zui, he mîte hi an la inthlah thei lo a nih hi, in ngâizawng tepawh an ang zâwk e a, ka ngaihtuahna vâng chuan midang hmuh loh hlânin ka nui suk a.



"In lo lèng alaw? Invan fel ve"



Ka nu chuan alo ti vat a.


"Kan tlangvâl chu enge a an a?"



Muanpuia chuan in la puithû zet hian a ti a, ka hmûi ka lo ti pawrh vak ringawt.


"Ngaihtuah awm a ni lo, a ke ruh hi a khi vè deuh a, hei an cher khawng ut mai, a dam vèleh mai ang"



Ka nu chuan alo ti siâm siâm a, Khûma chuan nui sûng hian min en a, ka lo melh rum nasa ngang mai, Muanpuia hi falkâwn ah hian alo awm reng tawh a, Za*ng pahnih hiân, an lo zèp khanglâng anih dâwn hi, nizân Khûma awmdân tekha ka rinhleh rèng ah.



"Lo in kâwm ru, ka fapa lehkha zir chu ka'n thutpui ange"



Tihpahin ka nu chu room lamah chuan a lût ta daih a, kei chu ka lo thu tûm bûr ringawt.


"Kan lo lèn hi thingpui kan hlawh dâwn lo ami?"



Muanpuia chuan arawn ti a, ngâwi reng chuan tho in thingpui chu ka lum sak nghâl rak rak a.



"Keipawh kan nû thinrim ka zu thlèm tawh a nge"



Tihpahin Khûma chu a tho hluai a,


"Ka lum kèp che sin"


Ka lo ti vat a,

"Kan nu lum ka in châk zâwk"



A tih tâkah chuan ka hmûi ka lo tih pawrh khum vak ringawt,Khûma pawn min chhuahsan tâkah chuan Muanpuia nèn chauh kan ni ta.



Khawdang hawi eih lo chuan min en reng a, ka lâi lek lek lehnghâl, ngâwirengin thingpui chu ka pe a.



"Engemaw tal sawi vèla, nuâm ka ti lo a nia"



Arawn ti sup a, sawi tûr hria ni ila chu ka ti ti char char tawh ang chu le.



"Tinge ilo kal?"



Ka'n ti ringawt a, a mit hmul leh lam chu a ti sâng zauh a, a in chei dân lah chu a inhmeh phiân lehnghâl, a rawng ngainat ber T Shirt dum plain leh kekawr Grey rawng hi arawn hâ a, chapal nike dum a bun bawk, a kè lah chu hmeichhe ke ang mai, a no chek lehnghâl.


"Min en zawh tawh chuan ka chhâng ang che, ka ngâi che a ka rawn lèng"



Ka hmûi chu ka ti pawrh vak ringawt, mahse ka zak chem chem mai, mit meng zîm sar chuan a ding nuih sak a, keipawh ka tum loh deuhin ka nui vè suk mai, ka nui tâwp leh chiâng asin àw.


Tinge ka nèm hmâ èm èm thin le, tûnah pawh ka nèm tan dèr tawh in ka hria, rilru fîm put ka ngâi.



"Min ngâi vè tho tih pawh ka hria"



Arawn ti chhuâk leh sup a,


"Ka ngâi lo che"



Ka lo ti hmak ringawt, awih lo tih hriât zet hian a mit hmul chu a rawn ti sâng zauh a, ka buai chhe ta dèr mai.




I NUNAH ENG ANGA HARSATNA PAWH THLENG SÈ, I THEI DÂWN LO ANIH CHUAN SIAMTHAT EMAW, THLÂK DANGLAM TUM DUH SUH, NANGMAH I NA MAIAI ZÂWK, CHÛ ÂI CHUAN PAWM THIÂM ZIR ZÂWK LA, A NIH DÂN TÛR ANGA A THLEN CHUAN THLEN TÎR TAWP LA, I THLEN CHIN ZÈL A, LUNGÂWI TUM RAWH.





Kan ngaihzâwng te mizia ah kan tân thil pawi thlen thei thil a awm te nih loh chuan thlâk danglam tum duh suh, a nihna ang taka ipawm thiâm khân sawi kher ngâi lo in i hmangaih zia i lantîrna tha ber a ni tih hre rawh...🌹🌹🌹🌹

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:46 pm

Zan in hi rawn dah hmâ viau tûr ka nia, manse story ka type laiin ka lo muthlu daih a, ka harh leh a ka type leh char char a, chuvâng a nia ka tlâi.


Chuan an tawngkamah khuan Hmeithâi tih vèl a tel dâwn a, ka hmuhsitna lam a ni lo tih min lo hriat sak tûrin ka ngèn tel nghâl bawk che u aw.



ITZHAK
CHAPTER-18

BY

HLUTEI JOCUND PACHUAU





Dar 10 vèlah chuan a hâw veleh ta a, tinge a háw dâwn khân hrehawm ka lo tih rûk tlawk tlawk le? A hrim hrim in Falkawn ah kher hian tinge a thawh duh tlat le? Hospital dang pawh a awm tho sia, mi danglam tak hi chu a ni vè chiâng alawm.




Mut hmun ah chuan ka in ngaihtuah vang vang reng a, nautè hiâl kan lo nei dûn tawh a, ani lo min hrethiam tûr dang an awm tawh dâwn si lo, ka ngaihdam mai hi tha zâwk in ka hria, keipawn ka la hmangaih reng a, ka la thlahlel ngawih ngawih tih ka hria, midang pawn an hre vek.



Naktûk zân ah engkim ka hrilh ang, Sangbawiha birthday te a ni bawk sia, Hlutei te nèn pawisa thawhkhâwmin cake kan siam tîr a, a lâwm viâu ang, Mut chuakin min rawn zem chiai chiai tâk ah chuan ka muhîl ta hmak a.


____________

MUANPUIA POV





Ka pu thih cham anih vângin zîngkâr kár ah ka in khalh chhuak a, vawiin atân ka châwl lawk dâwn bawk, zâna phei leh tûr hisapin engmah pawh ka in keng phei ta lo a.


_________




Ka thleng chu an lo buai laih laih khawp mai,a tûl ang ang chu ka'n ti vè nghâl bawrh bawrh a,Sarahi pawh ama tâwkah chuan a hah vè viau in ka hria, Sangtei ka hmu tawh a, nuam lo ti tak chunga inthen ka duh thû sawi a ngâi si, ka hreh takzet a ni, mahse ka then loh chuan Sangtei ka nei thei dâwn si lo, ka inkâr fello ka chinfel hmâ in ka buaina hi ka chingfel hmasa tûr a ni.







Kan buai te a zia hnû chuan Sarahi chu inchunga ka room ah bawk chuan ka ko chho a.



"Enge ni ta?"



"In then ka duh"




Ka'n ti nghâl tawp a, aia dawnsawn nuâm zawka sawi chu duh viâu mahila ka tawngkam thiâmna in a pha si lo, a hmèl buai niai kâr atang chuan mittui tling kiâu hian min en kar a.


"A tâwp tâwpah chuan i sawi ta ngei a, anih engvâng teh thutin nge inthen chu i duh a?"



A mit meng lian tha tak chuan min en kar a.


"Sangtei ka hmu tawh a"



Ka'n ti leh sup a, thaw deuh kâwk chung hian a mittui rawn luang chu a hru deuh sawk a.


"Kha nû vâng khân i hna leh i chhûngte hi i chân thei asin"



Aw khûr deuh hlak hlak hian arawn ti a.


"A tello chuan hèng zawng zawng hian ka tân awmzia a nei lo"


Tih zawng chuan ka chhâng a, a rilru na hmèl hi hmuh hrehawm ti viau mahila hèng vâng hian ka thuthlûkna tih danglam ka tum phah chuang hauh lo.


"Anih Sangtei chuan ka neih loh enge a neih? Eng ang taka mi ropui nge a nih bîk a?"



Thinrim âwka lek lek hian arawn ti a,


"Hmeithâi fanu vè mai a ni, nang angin hmeichhe thil ti thei tak a ni vè lèm lo, i hriât kha"



Arawn nui tak hak a.


"I â tawh anih kha Lalmuanpui, inthen a!... theihnghilh rawh"




Tihpahin a chhuak ta hmak a, tûnah duh lo mahse a pasalin hmangaih dang a nei tih hre reng chung chuan min nei rei hauh lo ang, tûnah chuan ngâwi rih zâwk ang, mahse Sangtei hi nupui ka nei tawh tih engtin nge ka hrilh ang awww....engtikah emaw chuan ala hre chhuâk dawn tho sia.




____________


SANGTEI POV






Sangawiha birthday cake chu ka nau nèn chuan kan lam sak a, Hlutei te a nu leh pa an awm dâwn loh vângin an ina tih chu kan rèl thlû a, Sangawiha riak tûr ang in a rawn chhuk dawn a, kan thil tih tum hi a hre miah lo bawk, Hlutei chuan ka scooty in a han hruai a, Kei ni kan thian ho midang pa li(4) leh ka nau nèn chuan Hlutei te in ah kan lo awm thap a.




An thâwm kan hriat veleh current chu off in keimân cake chu ka keng vâ a, An lo lût chiah tih ah chuan theih tâwpa ringin kan lo âu a, Kei lah phûr tawh si, balloon ham rîk theih chu ka hâm vak vak a, ka âu chûl reng bawk, Sangawiha te hnunga lo lût vè vâng chuan ka âu tâwp chiâng ngèi mai, Khûma leh Muanpuia chu beng hup chung hian an lo lût a nih chu, ka balloon ham rîk chu ka la hmuam tut reng zui.


Muanpuia'n min nuih suk tâkah chuan ka balloon hmuam lâi chu ka la thla vat a.



Cake techu zai in kan hlim dar dar khawp mai, Midang lah chuan hlâ ring zeta play pahin an lâm thûl, Hlutei nèn chuan zia thup a ngaih vângin kan awm hlè hlè mai.


Present techu kan pe liâm liâm a, Muanpuia leh Khûma pawn za nga (500) ve ve an pe bawk, Sangbawiha hlim zia chu kan inchhîr lo khawp mai.


___________

Thian te chu an haw sap sap hlawm a,Ka nau pawh ke na chung chungin arawn kal vè hrâm bawk si, ka thiannu chuan kan scooty in a phur chho ta ringawt, ka ngaihtuah viau nâ a ka thiannu hi bike pawh khalh pur pur thei a nih vângin ka ring vè tâwk hrim hrim a, Sangbawiha erawh a riâk leh ta lo, a nawm sam loh vâng a niang.



Kan pali chauh chuan kan ni ta, Khûma leh Hlutei chu room hranah an awm daih a, Kei leh Muanpuia chu in hma tawn rân chungin kan thu bawk, Tv techu chuânlamah ka'n en ringawt a, hmuhnawm loh èm èm mai leh nghâl.



"Thingpui lum la"



A rawn tih sup tâkah chuan harh chhuâk zawkin thingpui chu ka lum nghâl sawk sawk a, Hlutei te gas lah hi on aharsa èm èm leh nghâl.


On tuma ka beih tang tang hnû ah chuan ka on thei hrâm a,


Ka hawi lèt leh chiah chu Muanpuia ka hnungah alo ding kur chu niin, ka phu chiâng lutuk chu ka tè deuh that a, hmèl tak deuh rûn hian min en kur bawk si, kalsan ka tum chu ka bân ah chuan min pawt lètin nghet zet hiân min kuah thlup a, ka tâl deuh chat chat chung pawn min thlah duh miah lo.


"Che suh, hetiânga awm hi ka châkna rei tawh lutuk"



Vawt raih hian arawn ti chhuak sup a, che lo chuan ka lo dawh mâwl tawp ringawt, keipawh hetiânga awm hi ka châkna rei tawh asin, mahse ka lèt anih chuan buaina ka tâwk ang tih ka hlâu bawk si.


"Duhtâwk teh"


Zâwi sap chuan ka ti a, a rim lah chu ana sia, engtik atangin nge zu in te alo chîn tâk le? Keimah vâng te hi lo ni ta sè,


"Min ring rawh, min ring tawp la lo lèt leh rawh, engmah ngaihtuah buai a ngâi lo"



A thusawi chu mittui tling kiau chuan ka ngâithla kar a, chu chu ka duhthusâm alawm, mahse tinge ka hlauh tlat le? Engtin nge ka tih ang? Mahse tûna a sâwmna hi lo pawm lo ta ila, min beidawn san in midang lo nei daih ta se, ni lo, chutiâng chu a thlen ka phal lo, muangchângin a kâwngah chuan ka kuah lèt ve a, ka kuah lèt ve tih a hriat chuan a aia nghet hian min rawn kuah lèt leh sauh a, engmah ngaihtuah buai lo in ring tawp zâwk ang, midang tá tûra ka ngaihtuah ringawt pawh hian ka na vawng vawng in ka hria.




"Ka hmangaih che"



Tih sup pahin ka sam ah chuan arawn chuk zauh a, ka lo chhîng sawk ringawt.


___________




Thutthlèngah chuan in nghèng chiâl chungin thingpui so hun chu kan nghâk dûn a.


Ka chanchin techu ka hrilh ve sep sep a, mahse a chanchin erawh a sawi vak lo, sawi lo mahse zawh luih vak ka tum lèm lo.


"Kan naute kha i ngaihtuah vè thin èm?"




Ka ti sap a, a hmèl ka en chu a hrawk bâwk kal chho ralh atang chuan a chil a lem tih ka hria, min rawn en chung chuan a nui sak a.


"Ngaihtuah loh lâi ka nei ngâi lo, a nau tûr siâm leh vat a ngâi a ni"



Tihpahin chhîng deuh siâr hian arawn nui a, nui var varin ka lo bèng taih ringawt, hun rei tak hnû ah in hmangaih ngawih ngawih te in hmu leh ta chu kan hlim dûn rak rak khawp mai.



"Hlutei techu an va inkhung rei vè, va hâu rawh"



Arawn ti chhuâk sup a, ka nuih aza ngèi mai, a unaupa ang hrima a thîkthû a pèk chhiát viau chu le,


"Va hau la, kei âichuan an hlâu zâwk ang che"



Tihpahin ka thingpui lum chu ka'n en san daih a, hmelchhe pahnih paqn an duh vè leh dâwn tho tih ka hriât vângin ka siâm kèp bawk.



Muanpuia chuan Hlutei room kawngkhâr chu a kik ta karh karh a.



"Rawn chhuâk tawh ru enge in tih èm èm a?"



Ati deuh lûng lûng a, nui vur vur chuan ka lo en tawp ringawt,


"I in la strict vèl e a"



Ka lo ti hlak a,

"A tha lo, Hlutei la naupang si"



Ati deuh hmuk a, ka nuih suk ringawt,hei vâng te hi nia ka duh chhan chu, ka bulah chuan rawn kalin ka kâwngah chuan arawn kuah a, keipawn ka lo dawh hlè hlè tawh, thil ka hre chhuak thut.


"Engtik atangin nge zu i in a?"



Ka'n ti nghâl tawp a, inthlahrun hmèl zet hian a nui deuh vur vur a.


"Ka ngâi thei lutuk che a, in hnem nân ka in hmiah"


A ti sam èt a, ka hmûi ka lo tih pawrh khum vak ringawt.


Ka tih pawrh lâi tak chuan arawn fâwp zauh a, rum zet chuan ka melh vak ringawt.


"Zan in hi ivan hmeltha"



Arawn ti chhuâk sup a, ka nuih aza ngang mai, amah fè hi nia tha chu, a khabe hmul zuah deuh chhap zawng zawng te hian a ti lang pâ ngawih ngawih.



______



Hlutei tepawh an rawn chhuâk vè hrâm a, Games an lo khèl dûn lek chu niin, mahse Muanpuia hian a âwih chiah lo, keipawn ka âwih lo, mahse ka sawi lang lèm lo bawk.



"Zan in chu hetah hiân riâk ve mai ila"




Khûma chuan nui vur vur hian arawn ti a, Hlutei chuan rum zet hian a melh bawk, keichu ka lo nui tawp.



"Ka in ah riak mai dâwn nia, Thenawm ten min sawi duh lutuk ang"



Muanpuia chuan alo ti vat a, dar 11 a rîk meuh chuan an hâw vè thei hrâm alawm, Hlutei nèn chuan mut hmunah kan awmdân techu sawiin kan nui uârh uârh reng a, tûnah chuan keipawh ka hlim vè thei ta, engmah ngaihtuah buai lo in Muanpuia hi ring tawp tawh zâwk ang, rilru na chung chunga then tum tâlh ai chuan ka hmâ ka siâl ve tawh tûr a ni, tûmah ka hlâu tawh bîk lo ang.




MUANPUIA POV








Ka phone ri ral ral chuan min ti harh zawk a, ka en chu Sarah i lek lo niin, eng tak chu rawn sawi ang maw.



"Hello"



"Vawiin chu ka lo phei dâwn mawni ka tia"



Thenna thû ka sawi kha a theihnghilh hmak amawni, henû hian enge maw a hriat le?


"A tullo, engmah rawn tih tûr i nei lo"



Tihpah chuan ka off hmak a, Khûma lah chu la mutui ngang mai, Choka thâwm nei chu Hlutei a ni tih ka hrethiâm nghâl mai a, peih lo zet chuan tho in mit nuai nauh nauh chuang chuan Choka lam chu ka pan vat a.



"Thingpui i duh em?"



Chû áw chu, ka hawi chhuak chu Sangtei lek lo niin, Hlutei chu hahdam hmèl zet hian alo thu der der a, min la nuih vur vur zui, Sangtei vè thung chuan engemaw hi a chhuâng khu hlat hlat a.


"Tinge nangmân rawng i bâwl a?"



Tihpahin Hlutei chu rum zet hian ka melh a, min hlauh loh hmèl zet hian min la melh lèt hrâwk zui.



"Tûkin chu keimâ rawngbawl ngèi ei tûrin ka duh che a"



Laih hmèl zet hian ati sap a, ka lâwm ru phiân mai, Khûma pawh chu arawn tho vè tuâm tuâm a.


"Nangni pahnih hi in mu dûn alaw?"




Hlutei chuan phâwk hrâ hian arawn ti a, Khûma nen chuan in en chungin kan lû chu kan bu zauh a.


"Awii lehh..."



Tihpahin Hlutei leh Sangtei chu an nui dûn tlâwrh tlâwrh a, hrethiâm lo zet chuan kan nui ve suk suk ringawt.



________




Chaw te kan ei kham hnû chuan kan ei na chu hmeichhe pahnih chuan an ti fel sap sap a,



"Keichu U sangte ka hâw dâwn inkhâwm ka tlâi palh ang"




Hlutei chuan tihpahin a tho vat a, Khûma pawn a tih tûr a hai lo chiâng lo khawp mai, Hlutei chu a hruai chhuâk vat a, Sangtei thlèng sil lâi chu hmuhnawm ti zet hian ka lo thlîr dauh dauh reng ringawt, ka nupui ni se chu engmah dang ka mamawh lo ang mawle, mahse tinge hè hmeichhe pakhat lek neih hi a harsat èm èm le.


A thlengsil zo chu ka lo pawm chat a, ka mal chungah chuan thuttîr in asam hnawk niai chu ka hûi sawn a.



"Keipawh hâw mai ka duh a, Ka nû in min lo ngaihtuah lutuk ang"




A ti deuh sap a, ka ngâi pawimawh lo, a âwmah chuan ka hmâi chu ka phûm hmak a, ka tukhum a tuai neuh neuh reng chuan engemaw ti tak hiân phûrna ka nei tlat, ka lazara pawh arawn tho tuâm tuâm mai.



"Haw tawh lo mai la"



Ka ti sup a, arawn nui hak mai, A hmèl ka en chu min lo en vè kar a, a hmaibial lam tlèma thau deuh lek lek hian a ti lang upa thei lo, tleirâwl tè ang lek hmèl hi ala pu reng mai, avun nung leh nèl thep sîk nuâm zet chu ka tuai nauh nauh a.



A nghâwngah chuan ka fâwp zauh bawk, nui var var hian min lo en kar a, engtikah mah ka hnè thei lo ang, mipa dangin a duhawmna hi an lo hmu vè ang tih mawlh chu ka hlâu a ni.



"Ka hâw ngai tawh nia"



A rawn ti deuh sâ sâ a, a hlim hmèl ringawt pawh hi ka tân chuan hmuhnawm tham a ni.


"Hâw ka phal tawh lo ka tih kha"



Fiâmthû chuan ka ti a, a nuih har har lâi chuan a hmûi senno chekah chuan ka fâwp vat, alo in rin loh lutuk vâng nge a phu deuh zawk mai, mahse in siâm tha leh vatin min rawn chhâng lèt vèleh nghâl a, ka kut chu a awm hlè hlè thei ta lo, a âwm bâwr zan tin ka lo suangtuah ziah thin ngèi chu ka'n hup chat a, hetiâng chuan a dik lo, mî an lo lût thut palh ang, muângchâng chuan ka thlah riai riai a, a thâwk dân danglam atang chuan a awmdân tûr chu ka hrethiâm mai.


"Lawk aw"



Tihpahin kawngkhâr chu ka kalh tha sauh sauh a, Choka thutthlènga a thu reng chu kâi tho in ka room lamah chuan ka hruai phei a, Hriatthiâm loh hmèl zet a a hawi kual zak zak techuan a duhawmna ati zual.



A in rin hmâ in bangah chuan ka nawr bet a, min chhoh en kar mai, ka nuih suk a, engmah sawi lo chuan min nuih ve sak ringawt, dîm zet chuan ka'n fâwp leh riai riai a, a T shirt hâk liân lam chu ka hlîm chhoh sak bawrh bawrh a, kum thum chhûnga ka lo nghah tawh kha nia, chin lèm nei lo a chèt lâk chu duh viau mahila hmeichhia a nih angin dim a ngâi bawk si.



"Hetiâng chu tha lo Muanpui, duh tâwk ang"



Aw khûr deuh hlak hlak hian arawn ti a, ka bengkhawn awzâwng lo mai, a aia uâr chuan ka fâwp tâwn tâwn a, a bra dum hâk zawng zawng nèn hian a sexy ka ti ngawih ngawih, mahse a dula ser ka hmuh chuan engemaw ka hre chhuâk zawk mai, ka en deuh vung vung lâi chuan zah hmèl zet hian arawn hup chât chât a, heipawh keimah vânga ser tih chu hrilh chawp kher ngâi lo in ka hrethiâm mai.


"Zak suh Bawihi"



Tihpahin a ser lâi ah chuan a ka fawh sak a.



Ka khum ah chuan ka muttîr ta riai riai a,


"Min ngâi vè thin tiraw?"



Min en kar a, a mittui rawn luang thla ngiai ngiai chu dîm zet hian ka hrûk sak bawk.


"Engtik lâi pawn ka ngâi thin che"



A rawn ti chhuâk sap a, chû veleh ka fâwp leh nghâl tâwn tâwn a, min lo chhâng lèt tha ngèi mai, ka ti shirt hâk chu ka hlîp vè nghâl sawk sawk a, kan thâw chu rang dûn kher mai, ka fâwp leh nghâl vat a,a âwm bâwr chu ka khalh pah reng bawk, door bell rawn ri tlang tlang rî chuan ati phu zawk mai, keipawh ka hawi tang nghâl hrû a, Hun lo lutuk, tunge mawni le.

Sangtei chuan a t shirt let bal chu chharin a ha tha nghâl sawk sawk a.


"Ka va en lawk ange, ti khân lo awm rawh"



Tihpahin common room lam chu ka pan vat a, kawngkhâr ka hawng chiah ka mi hmuh vâng chuan ka phu chiâng ngèi mai.



"Enge hetah i rawn tih a?"




Sarahi chu rum zet chuan ka melh tlawk tlawk reng a








Click kha aw......a chunga milem vèl lo lang khi Hmet ula, in han nghâk deuh vang vang anga, in chhuak leh dâwn nia, chû tè chauh chu ka phût lèt ve awmchhun😋😋😋

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)