ITZHAK BY Hlutei Jocund Pachuau‎ (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: ITZHAK BY Hlutei Jocund Pachuau‎ (Completed)

Unread post by Ngaia » January 26th, 2020, 9:49 pm

2 MONTHS LATER





MUANPUIA POV



"Nizan ka mumangah U Sangtei ka hmu sin, a chèr lutuk a, chuan a lungngaih hmèl lutuk"




Tûkthuan kan ei mawlh mawlh laiin Hlutei chuan arawn ti chhuak hlawl a, amah chu ka en nghâl vat, a hmèl ah chuan a mumang chu a ngaihtuah lèt tih ka hre thei mai.


"U Sangteii hi lo thi tak tak lo ta se"



A thusawi âtthlâk lutuk chuan min ti thinrim lek lek zâwk.


"Nangpawn i hmuh vek kha, thil âtthlâk deuh deuh sawi sawi suh"


Ka ti hluk a,

"Mahse i ngaihtuah vè ngai em? A hmèl chiang tak hmuh tûr pawh a awm mang loh kha, thisen in a bual khat vek a, a hliám nasat èm kha, amah pawh alo ni lo tak tak thei a sin, vui nî pawn a hmâi an tuâm vek a"



A sawi zâwng chuan ka nupui thisen in a bual khat vek kha ka mitthlâ ah arawn lang chuai chuai a, thla tam liâm tawh mahse nimin mai a thil thleng tluk khân ka la hre chiang tlat a ni.


"Sawi tawh suh"




Ha seh chilh rap a ka tih tâkah chuan min hlauh hmèl zet hian min en kar a, a ngâwi chiang kher mai, ka chaw ei pawh a tui tawh loh èm vâng chuan ka kham ta hmak a.



"Ka tihpalh Umuanpui, i thinrim nâna sawi ka ni lo a nia, ka ngaih èm vângin thil âtthlâk deuh deuh ka lo ngaihtuah leh thîn a"



Rilru nat hmèl zet chuan min rawn en a,


"A tha e, sawi tawh lo la tha ni mai"



Hmanhmawh zet chuan ka insiam a, Ka fapa la mutthilh vângin a biangah chuan ka fawp zauh a, Hlutei pawh be tawh lo chuan ka chhuak nghâl nal nal a.



Hlutei thusawi chu ngaih thah duh viau mahila ka rilru ah chuan a awm reng mai, ka pa lahin nei mai tûrin min ti reng bawk si a, Hlutei chhûng tepawn an hre vek tawh, amah chiah in a hre lo, nupui neih leh hi ka tum lo bur, nei leh pawh ni ila Sangtei ka hmangaih ang kha chuan tûmah ka hmangaih theih tawh pawh ka ring lo.



Hospital ka thleng chu damlo en tûr ka lo ngah khawp mai ka en nghál thuak thuak a, Doctor nih chuan chauh pawh a sawi theih loh, ka mimal hnâ leh harsatna zawng zawng dah bo in hlim put reng ngâi te hi ka ning ngawih ngawih.




"Coffee ka lo lâk dâwn che mi Sir?"



Nurse Nutei chuan arawn ti a, ka lû chu ka lo bu nghauh ringawt, Nutei hian min ngâizâwng tih ka hria, hmaichhanah ngei pawh min hrilh tawh, mahse Ka duh zâwng anih loh mai bâkah Ka nupui ka hmangaihna ala nasat èm vângin hmeichhe dang melh leh chu ka tum hauh lo, "nupui neih ka tum tawh lo a" tiin ka lo chhâng anih kha, mahse ala beidawng duh lo chu nia, ka thawh pui anih angin tha takin ka be thin a, mahse a hope sâng telh telh ang tih chu ka hlau rilru khawp mai.



"Hei aw i coffee tûr chu, vawiin chu damlo an tam sia i châu ngawt ang"


Nui var var hian arawn ti a, hmeichhe lian tak a ni a, a pian pawh mipa ten a kan en zui ngawih ngawih tham khawpa nalh a ni, a sam lah chu a kir deuh chiât a, a mit lah chu hnawih dum thei èm èm leh nghâl, a khawi lai mah hian keichu min hîp ve hlawl lo.


"Nute, thil hrilh tûr che ka nei a"



Thu tak zet a ka tih tâkah chuan min rawn deuh hâ a,


"Enge nita?"


No zet hian a rawn ti a,


"Nupui neih leh ka tum a"


"Enga! Sir, mahse nang techuan"


A sawi zawm tawh lo,a mit atanga mittui rawn tling nghâl pam chu ka hmuh hmaih lo chiâng kher mai, a rilru ka ti na hlè tih ka in hria, mahse enge ka tih chuan ang? Ka khawngaih vâng ringawt a han kawp chu ka duh dèr bawk si lo, ka laka beisei a neih reng ai chuan tiin dâwt chu ka hrilh ta ringawt a, min beisei thlâwn dâwn tho tho mipa tha deuh tawng se ka duh pui zawk,


"Nupui neih i tum tawh lo khân ka hre sia, i inpeih hun ka lo nghâk ve char char che sin, I sual hlè mai"



Tap deuh pâr chuan arawn ti a, ka inthiâm lo in ka khawngaih viau mai,


"Ka tihpalh a ni"


Tih zawng chuan ka chhâng a, a inhnît ta feih feih mai.


"Tunge i nupui tûr chu?"


A mittui hru zauh zauh chung chuan a rawn ti a,


"Doctor ka zir lai atangin kan in hre tawh a, ka chungchâng engkim hre tu a ni"


"A vânnei ngawt mai, ka lawmpui lutuk che"



Mittui tling kiau chung chuan a rawn nui lui ta sak a, a chhuâk ta zâl zâl mai, a pèn chhuak chhat chhat lai chu ka en zui reng a, ka khawngaih ngawt mai, hmangaihna hi chu a nun rawng a ni, hmeichhe pakhat rilru ka tihnat sak leh ta chu nia.





Ka office ah chuan ka thu vang vang a, thil thui tak ka ngaihtuah zâwng chuan Hlutei neih chu ka tân a tha ber, ka fapa nu tûrin ani aia tling zo tûr ka hre lo, mahse ka hmangaih miah loh nupui a ka neih ngawt chu ka huphurh ve khawp mai, mahse keimah aiin ka fapa hma hun hi ka dah pawimawh a ngâi si a, nu tello a enkawl chu ka zuam teh meuh mai, mahse a len hun ah thil alo hrethiâm anga nu neilo a awm chu a tân a hrehawm dawn lutuk, bâkah nu dinhmun hi chu a sâng èm a, kei chuan ka awh zo dâwn lo nasa lutuk tlat, Hlutei neih leh chu ka tân a tha ber ang, Sangtei pawn ka thuthlukna hi tha atih vè ngei ka ring tlat a ni, a fapa midang kuta dah ai chuan a thiantha ber kuta dah chu a thlâ a muang zâwk ngèi ang.


Mahse chu aia buaina lian zâwk chu amah hian a duh angem tih hi a ni, mahni thiantha ber te pasal hlui chu tu in nge maw nei duh ang? A duh dâwn lo tih ka hriat chiân èm vângin sawi pawh ka sawi ngam lo kha nia,mahse vawiin tlâi chu a duh dâwn emaw, dâwn lo emaw pawh ni se, ka hrilh ve hrim hrim tûr a ni.

________________




Tlâi ka hâw chu ka chauh èm vâng chuan khawi ah mah kal kâwi lo in inah chuan ka tlang nghâl a, Sangtei boral atang kha chuan ka thil tih engmah hi nuam tihna ka nei lo, ka hna ah pawh phûrna ka nei lo a, in ah hian ka tawm deuh chawt reng a ni mai.


Ka phone rawn rî cher cher chu ka la nghâl vat a, Khûma pa lo ni reng in.



"Muana, hmân ni kan thusawi kha ila hre reng em? Engkim kha LD-a tih a nih ka ring ber, car accident te nèn hian inzawmna nei tlat in ka hria, chuan thil pawimawh deuh pakhat chu, hmânni khân ka naute zîng ami pakhatin LD-a leh Sarahi inzui lai alo hmu fuh a, thlâ pawh a lák rûk sak nghe nghe a ni âwm e, chuan khâ putar chimawm zet pawh kha kan hmu har tawh lo ang"



Chu thû chuan tlèmin ka awm ati nuam ve ta,


"Ka lawm takzet a ni, Khûma leh ka nupui thattu ka hriat chhuah hmâ chu ka awm a nuam thei lo"


"Keipawh ka ni chiah alawm, chuan ka lo sawi theihnghilh tep a, khâ car pawh kha a nei tû pawh kha kan hmu har tawh lo ang aw, e chuan thil pakhat lawk"


"Enge ni ta ?"


Ka lo ti vat a,a ngâwi ta vang vang mai,


"A ngâi leh lo, nakin ah ka la hrilh zâwk ang che, chaw ei tui aw"


"Nang pawh le"



Kan inbiak zawh hnû chuan ka nui suk a, ka rilru chuan Pathian hnènah lâwmthû ka sawi mawlh mawlh ringawt, hmanhmawh takin car atang chuan chhuâkin in ah chuan ka lût vat a, tih tûr hmabâk ka la nei, ka huphurh ber âwm e.




Hlutei leh ka fapa chu an lo in chhaih nui har har a, ka thâwm ri pawh an hre lo, ngâwi reng chuan ka en reng a, ani aia ka fapa tân nu nih tling an awm lo, 'Bawihi ka thuthlukna hi a dik a ni tih min hriatpui tiraw?' ka rilru chuan ka ti mawlh mawlh a, Hlutei chuan min rawn hmu fu ta ,


"I lo haw tawh law? I ril a tâm em? Ei tûr ka lo siam a, Bawihtea pawn a ei teuh asin"



Alo ti nghâl siâm siâm a, a che vèl chu uluk takin ka en reng a, diktak chuan ka farnu anga ka lo en thin ka nupui anga ka en tûr chu ahar ka ti ngawt mai.



"Thingpui min lo lum la, ka va in ti fai lawk ange, thusawi tûr pawimawh deuh ka nei a"



Ka tih tâkah chuan min rawn deuh hâ a,


"Awle"


Ban chat chuan a ti a, room ah chuan luh san in ka in ti fâi nghâl mawlh mawlh a.



____________



Ka in tih fâi zawh hnû chuan ka t shirt dum plain leh leh ka jogger pant dum chu ka ha a, common room lam chu ka pan nghâl vat.



Ka chhuâk chiah chu Hlutei chuan thingpui chu alo peih fel diâm tawh a, ka fapa bulah chuan ka thu thla vè nghâl a, min lo ban ve nghâl chat chat mai, ka fapa hmèltha zet chu pawmin ka'n läwm leh rih a,Hlutei erawh chu kil khatah alo la ding reng thung.


"Lo thu la, thil sawi tûr ka nei a"


Ka ti a, ngaih that loh hmèl zet chuan arawn thu vè mai bawk a, diktak chuan in a ka awm vè hian nuam ati lo thin in ka hria, sawi lang lo mahse ala tuâr ve takzet a ni, zan tin a tap rî ka hre fo a, mahse ati lang ngâi chuang lo.



"Enge i sawi duh chu?"


A rawn ti deuh hâ a, ka chil chu lem khawlhin ka âw techu ka'n thiân leh te te a.


"Hlute, kan pahnih hian innei mai ang"


Ka'n ti nghâl deuh tawp a, thu pehhèl vak chî ka ni lo bawk nèn, a nihna ang taka sawi tawp chi ka ni a, mak tih hmèl zet chuan min en reng a, tawng mai nachâng pawh a hre lo, a tawng chhuah hun nghâk chuan ka lo en ve reng bawk.


"Enge i sawi awm zia?"



A tâwp a tâwpah chuan arawn tawng ve ta,


"Ka fapa tân, khawngaihin ka ngèn che Hlute, ka fapa hi nu nei lo a awm tîr ka thei lo, ka hmangaih ang bawkin i hmangaih ve tih ka hria, nang lo chu midang tûmah rin ka nei lo tih i hriât kha"



A hmèl chu a buai ta nak mai, a mittui chu a rawn tling nghâl pam a, a bianga a luangthla ngiai ngiai lai pawh chu ka hmuh hmaih lo, min chhâng thei mai dâwn lo tawp mai.


"Engtin nge ka thiantha ber pasal chu ka neih theih ang?"


Tihpah chuan mittui tling kiau hian min rawn en kar a, a âw ah erawh a lang lo.


"I rilru tûr chu ka hriatthiam pui che lawm, kan inkâr pawh hi unau ang chiahin kan in en tih ka pahnih hian kan hre chiang ve ve a, mahse kan innei a nih chuan pasal ten an tih ang zawng zawng chu ka tih sak vek ang che, ka intiâm nghâl, ka thianpa nèn in inkâr pawh engkim ka hria a, mahse anni chu an awm tawh lo, chhûngkaw hlim tak min dinpui tûrin nangmah chauh hi ka rin awm chhun ini a, tûnah chuan la in hmangaih lo mahila, nupa kan nih a thian kan nih reng chuan kan la in hmangaih ve maithei asin"



Ka thusawi lai chu rilru nat hmèl zet hian alo ngaithla kar a, keipawh hian ka duh em em bik vâng leh nupui dang ka mamawh em em bîk vâng a ni lo, mahse keimah chauh in ngaihtuah thei ka ni si lo alawm le, amah chauh hi ka rin awm chhun a ni tak tak si a, min hring tunu ai pawn ka fapa enkawl tû tur ah chuan ka ring daih zawk.



"Amah aia hmangaih kha ka nei theih ka in ring tawh lo"



Tap âw tiau hian arawn ti a, Khûma asawina tih ka hre nghâl mai.


"Keipawh ka nia lawm"


Ka ti ve sup a,


"Lo innei ta pawh ni ila kan hlim thei dâwn ami? Kei i thiantha ber nupui ni mai tûr ka ni a, nang ka thiantha ber pasal ini bawk sia"


Hmeichhia hi chuan an lo ngaihtuah kim thîn teh e.


"Ka fapa vâng tal hian hlim kan tum dâwn alawm"



Tiin ka'n thlèm ti tih a, min chhâng tawh lo, arawn tap chhuak ta hawk a, hringnun hi chu a fair thlâwt lo, a fair lo takzet a ni, thei chu ni ila Sangtei ruala kal ve daih mai kha ka duh ve thin, mahse ka fapa tân ka dam a ngai si.


"Tûna min chhân kher a ngâi lo ania, i duh chen chen in ngaihtuah rawh, lungngâi lo la, ka thuthlukna hi Sangtei leh Khûma pawn min pawm pui ngei ka ring tlat a ni"


Tihpahin a dârah chuan ka va bèng thak thak a, Bawihtea chu pawmin a pi te in a lènpui tûr chuan ka chhuahpui ta daih a.

_________________



Ka pi te in kan thleng chu an lo lâwm khawp mai, a putea chuan a pawm nghál hmak a, Bawihtea pawn alo ngâi ve tawh aniang a râk ve chèl chûl mai, Sangtei nu chuan min kâi hrang ta daih a.


"Engtin nge Hlutei chuan alo tih tâk i hrilh tawh em? A rem ti ta mi?"



A ti nghâl sá sâ a,


"Min chhâng thei rih lo, nichin lawk khân ka hrilh a, nawr luih vak ka tum lo, a thuthlukna chu engpawh ni se kan zah sak tûr a ni"


A bu ta nghauh nghauh a,


"A dik alawm, Awi....Mambawihi kha la dam se chu Hlutei pawn a tawrh ve kher a ngai lo tûr hi nia, a nula ve tan chiah a, mahni fa pawh ni lo a kuta a tla chu avan pawi tak em, a tân chuan a hrehawm ngawt ang, "



A indawm kun lap a, keipawn sawi tûr ka hre mai lo, Sangtei'n min kalsan chu nâ ka ti thar leh a, a châng chuan a thi tak tak lo angah tepawh ka ngâi ve thin, thil mak a thlen te hi ka beisei ve ru tlat zèl a, mahse a âtthlâk ka ti.

______________________


Kan hâw leh hnû chuan Hlutei chuan rawng alo bâwl malh malh a, min rawn en zawk a, mahse a hawi sawn leh nghâl,a mit chu alo sen râm a, kan kal bo lâi khân alo tap nasa hlè tih ka hrethiám nghâl mai, Min be lo a keipawn ka be bîk lo, ngâwi reng chuan Bawiha chu Walker ah chuan ka thuttîr a, Hlutei lamah chuan a tlân phei ta nghâl par par mai, room ah chuan ka luh san leh ta daih a, nawr luih ka tum loh vângin min biâk hmâ chu biák ka tum bîk lo, alo duh lo a nih pawh in keimahin ka enkawl ve thei èm èm ang, Kan room a ka lût chiah chu kan in neih thlalâk chu ka en vang vang a, kei hian fa pahnih ka nei tawh tak e, hmân a Sangtei'n a naupâi a chhiât tâk kha lo pai tlang ta se eng ang hmèl nge a put ang le? Tih techu ka rilru ah arawn lang a, Ka nui suk ringawt, ka va han ngâi vawng vawng tak èm.



"Umuanpui chaw ei tawh ila"




Hlutei'n arawn tih tâkah chuan ka ngaihtuahna atangin ka harh deuh zawk a, ama lam ka hawi chuan choka lam min lo pan san tawh.



Keipawh chu ka phei vè nghâl vat a,
Chaw ka han kîl chu tumah rèng kan inbe lo, kan ngâwi reng ringawt, Tlâi dang chu nise Bawihtea chanchin sawiin chaw ei chhûng zawng hun kan hmang ral tûr a nia.




"Inneih chu pawi iti lo ami?"



Hlutei chuan fiah zet hian a rawn ti a, ka chaw ei lâi chu tâwpin a hmèl chu ka'n en deuh hè hâw a,

"Ka fapa tân bâkah i tân pawh a tha zâwk ang, ka tán pawh"



Khap deuh fak fak chung hian min en vang vang a,


"Hmangaihna tello a nupâ a insiam chu rei a daih ka ring lo a ni, Kan inthen leh chuan nuthlâwi vargin ka ni ringawt dâwn sin"



A thusawi chuan ka nuih a ti za ngèi mai, mahse a thu tak èm vâng chuan ka insûm hrâm hrâm a.


"Kum khua in kan inneih lo ang tih tunge sawi thei?"



Ka tih tâkah chuan a ngâwi vang vang a, kan in kâra Bawihtea thu ve ât mai a en reng lâi chu ka lo en ve reng a,


"Umuanpui nang hi a hmâ kha chuan ka star ve thin tho che a, mahse Usangtei nèn in in ngaihzâwn hnu atang kha chuan ka unaupa ang tak takin ka en tawh che a, ka pasal anga en leh che chu ka tân thil harsa tak a ni, Chuan Khûma kha ka la theihnghilh thei lo a, nangpawn USangtei i hmangaih zia ka hria, kan pahnih hian engtin nge kan awm dun reng theih ang? Ka theih ka in ring lo a ni, ka unaupa anga ka enthin kha ka pasal anga en leh daih chu a harsa dâwn lutuk"




A ti ve sap sap a, a rilrû tûr chu ka hrethiâm lutuk tlat, a duh lo tlat a nih chuan tih luih ka tum lèm lo.


"I unaupa ang chuan min en reng thei ang"



Ka ti ve sup a, min rawn en deuh hâ tih ka hria, mahse ka melh ve chuang lo thung.


"Enge awmzia?"


"Ka sawi awmzia chu midang hmuh ah chuan nupa kan ni anga, mahse ka tân chuan Sangtei thian tha tak leh ka nau anga ka en ini reng tho ang, nupa tak tak kan ni dâwn lo tih na nih chu"




A rawn nui deuh hak a, nuihzat tûr a awm pawh ka hre ve hauh lo.


"Film tepawh a ang zâwk e a"



Nui var var pah chuan a rawn ti a, tichuan kan in remsiâm thei ta, ka nupui tak tak anga en chu ka thei teuh lo, Sangtei lo chu ka nupui leh ka hmangaih ni tûrin ka dah phal bîk teuh lo mai.




________________




Hun te alo liâm zèl a, kan chhûng te ve ve pawn hmanhmawh a inneih tûra min tih vângin a rang lama in neih chu kan tum ta a, naktuk mai khi ka nupui neih ni tûr alo ni leh dèr tawh, Ka thawhpui Hospital ami techuan ka nupui boralna la rei lo si a, nupui dang ka nei leh nghâl mai tûr chu mak min tiin ka hnung lamah min rèl luai luai thin tih ka hria, mahse pawi tihna ka nei lo, ka fapa tâna ti ka ni a, inchhîrna pawh ka nei bawk hek lo ang, mi chuan engtin pawn min lo sawi rawh se, a pawi lo, engmah an hre ve miau hleinèm.




Mothuâm enna ah chuan ka nuhrawn in min hruai a, Keichuan thlan tûr ka hre ve lèm lo, bâkah a lem vek a ni dâwn a, ka ha tâwk a nih chuan pawi ka ti lo.




Dik tak chuan mo kawr ha kher lo a zîng kâra in kut suih mai mai Hlutei nèn chuan kan duh a, mahse Hlutei nu chuan a rûkin Hlutei chuan a naupan lâi atanga mothuam nalh tak hâ ngei a pasal neih a duh thin thû min hrilh chuan mokawr ha ve ngèi se ka duh leh ta zawk a, Amah chuan engmah sawi lo mahse a tân ka tih ve theih awmchhun a ni miau a,mahse,a nui hmèl ka hmu ngâi lo a, za lo zet zet a a nui lui bâk ka hmu ngâi lo,a hlim lo a ni tih ka hria, chutiâng bawkin keipawh, mokawr a häk chhin lâi vèl chuan tlèmin a phûr ve deuh, Sangtei'n mothuam a ha lâi kha ka lo mitthlâ leh hman pek a.



"Bawiha a in hmeh iti ve em?"



Ka ngaihtuahna tang chuan ka harh zawk a, Hlutei chuan kawr vâr fual arh vak lo simple zet hi alo hâ a,


"Aw kha kha nalh"



Ka'n ti ve ringawt a, a nalh leh nalh loh erawh ka hre ve hauh lo.




___________




Zân ah chuan ka room ah ka mu meng kur reng a, Sangtei nèn kan nunhlui techu chhui kîrin ngâiin tap tap mahila alo lèt tawh dâwn lo tih chu ka in hrilh mawlh mawlh reng a, ka mittui rawn hnâm tiam tiam chu ka khap lèt fak ringawt, heti khawp hian ka lo hmangaih tih ka in hre ve chiah a ni, khatiang thil râpthlâk kha thleng dâwn tih lo hre lâwk ni ila chu a dam lâiin kha aikhân ka lo duat zual sauh tûr a nia, mahse awmzia awm tawh lo, naktûk ah chuan Sangtei pasal ni tawh lo in midang pasal ka ni tawh anga, ka hmangaih em em Sangtei erawh ka thinlunga hmun lian ber chang tu ala ni reng tho ang, ka hmangaih hmasak ber leh ka hmangaih hnuhnung ber nise ka duh a ni.




Ka in ngaihtuah vung vung reng lâi chuan mutchhuakin min rawn zèm ve ta chiai chiai mai, lung dam lo zet chuan keipawh ka muhîl ve ta nghâl a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:49 pm

ITZHAK CHAPTWR-32


BY


HLUTEI JOCUND PACHUAU



NEXT MORNING








Vawiin hi kan inneih nî a ni ta, Hlutei chu an in lamah insiâm tûrin a kal tawh a, kei erawh ka nu leh pa leh chhûngkhat laina neuh neuh te nèn kan awm thung, Dân 2 na a kan inneih dâwn vângin Sunday school hall ah zing dar riat a kan in kut suih ve dawn a, dar 7 a pèl duai tawh, kan chuanna tûr car ah chuan Hlutei hruai tûrin kan kal ta vang vang a.





An in kawt kan thlen chuan motor atang pawn chhuâk lo in car ah chuan ka lo nghâk tawp a, ka phûr lo a ni ber mai, keimah hi ka tâwt up up in ka hria mai, enge ka awm dân hi ka hre bîk lo.





Rei deuh hnû ah chuan Hlutei pawh arawn thu lût ve ta hlawl a, A in chei ve tak tak chuan a hmèl pawh alo chhelo khawp mai, Ka thianpa khân hmeltha a hre thei bawk a, a biâlnu te ho kha tûmah hmelchhia an awm lo rèng a ni, Hlutei pawh tiâm in.





Biakin lam pan chuan kan tlân leh ta vang vang a, Hlutei chu a thaw deuh halh hlah reng a, ka be lo a min be bîk hek lo, a thian tûr a a hman nû nèn chuan an in be ve zauh zauh ringawt.





Biak in kan thlen chuan mî an lo awm thup tawh, Car atanga ka chhuak tûr chu ka phone a ri tlat, tunge niang? Ka en chu Khûma pa alo ni reng a.


Ka la dâwn nge dawn lo ti a ka in ngaihtuah vung vung lai chuan


"La rawh a pawimawh a niang"



Hlutei chuan alo ti vat a, ka âw chu thiân kharh in ka'n chhâng vat a.


"Hello"



"Muana, ka va han lâwm tak, Inneih in lo tan tawh ka ring a, in la tan lo chu ka va lâwm èm"


"Enge ni ta a?"



"I nupui blood group enge?"



"AB+ a nia, enga tinge?"



"A ruang an postmortem na lehkha diktak a a in ziah dân ah kha chuan B a in tia, i nupui Postmortem na lehkha lem zâwk kha ka lo en ve tawh tho vângin in ang lo lai a awm em ti a ka en tawn chhin chuan an blood group hi alo in ang lo a"




Chu thû ka hriat chuan ka bîng nghâl mup mup a,



"A awmzia chu khâ mi kha ka nupui ruang a ni lo tihna maw!"



"An blood group a in ang lo a nih chuan ruang kha i nupui ruang a nih theihna a awm lo"



Anih chuan Sangtei hi lo la dam ta se, ka ngaihtuahna techu a buai nuaih mai, ka rilru hah lutuk leh min thâwng lutuk khân hetiang lam thil hi a thleng ang tih ka lo ring phâk ngai lo rèng a ni, mi â ang maiin ka awm kha nia.


"Enge ka tih ang?"



Tiin ka'n zâwt deuh tawp a,


"Sangtei thlân kha hai leh a, a dam lai a a sam khuih emaw a toothbrush emaw neih chuan an DNA kan test anga, a in an loh chuan ala dam a nih loh pawn, Postmortem na ah khân ruang kan lo inthleng palh pawh a ni maithei, a hmèl kha an postmortem chhuanlamin an tuam vek si a , apasal ngei pawh i hmuh an phallo kha zèp lo chuan ka ringhlel ru khawp mai a, mahse engmah ka sawi duh ta lo anih kha, postmortem na ah hmuh tlâk loh khawpa an zai chhiat ka la hre lo, doctor inia kei aia hre tûr zawkah ka dah che sin"



"Ka buai zo vek tawh, ka thluak ka hmang thei tawh lo a, ka châu takzet a ni, ngaihtuahna fîm tak pawh ka hmang thei tawh lo,mahse thlân hai leh dân chu ka lo ngaihtuah dawn nia"




Tiin kan inbiakna chu ka ti tâwp a, Hlutei chuan min lo nghâk reng tih ka hria, engpawh chu ni se, Hetiang rilru khing bâi deuha inzawmna lo siampui thawt thawt chu ka thei lo, kei hi ka â tawh ni berin ka hria, mî duh lo chung nupui a neih ka lo tum a, ka nupui a thi nge dam pawh ka hre lo, tu chuan nge min ti â zo pawh ka hre lo, Sangtei awm loh nî atang khân thuthlûkna rin tlâk tak ka la siam âwm pawh ka hre hek lo,a awm loh ni a tang khân ka thluak te hi a châwl ve nghâl in ka hria.



"Enge thlenga? Khûma pa chuan enge alo sawi a?"



Hlutei chuan min enkar chung hian alo ti a,


"Hlute, tûna ka thil tih tûr vâng hian i mualpho maithei a, mahse keimân mawh ka phur vek ang, Inneihna hi thulh leh ka duh a ni"



Mak tih hmèl zet chuan min en reng a.



"Ila inpeih kha ka ring lo rèng a ni, a pawi lo, pawi ti duh rèng rèng suh, ka hre thiâm alawm"



Alo ti sam èt a, mahse engtin nge ka tih tâwp ang?


"Inneih kan duh leh loh thû hi keimân ka lo sawi anga, nangchu in ah lo va lèt leh mai rawh"


A lo ti vat a, ka sawi âwm zawk tak a ni.


"Ni lo e, keimah zâwkin le, ti hian ka chhuak anga, nangni chu lo va in phur lèt leh mai ru"



Ka tih zawh chuan a bu nghauh nghauh a, car atangin hmanhmawh tak chuan ka chhuâk ta vat a.




Beiseina thar nèn ka awm leh thei ta, Engpawh ni se he thurûk hi ka zawng chhuak vek anga, tichuan ka fapa hma hun chu ka ngaihtuah mai ang, Sangtei chu ala dam emaw dam lo emaw ka hmangaihna hi ala pângai reng a ni, engtikah mah ka phat san lo ang

___________________





Inneihna kan tih tâwp atangin ni 2 a liâm leh ta, ka fapa pawn Pa tih a thiâm thar a, ka hna bâng ka haw kawngkhâr bula ding meuhin Hlutei khân min lo hrilh anih kha, ka hlim zia kha sawi ngaihna pawh ka hre lo, Ma tih pawh a thiâm ti tih nghâl, mahse Sangtei ni lo a Hlutei zâwk Ma ti a ako chu ka rilru a na ru veng veng mai.




"Umuanpui, Tinge inneihna kha i thulh thut a? Ka zawt lo ang che ka tia mahse i rilru a hah hmèl thei bawk sia, ka hriat vè chi te ni lo mi?"



A hmèl chu ka en kar a, ka chhänna hriat châk hmèl zeta min en reng tâkah chuan ka chhân ngei a ngai tih ka in hria, dâwt ka sawi ang nge? Thudik ka sawi ang? Thudik hi hrilh ta zawk mai ila ka tân pawn a hahdam thlâk zawk ang.


"Tûma hnènah i sawi lo ang tih min tiam phawt rawh"



Ka'n ti hmasa tè tè a,


"Tû hnènah nge ka sawi anga tûmah pawh ka kawm ngâi loh hi Bawihtea bâk"



A ni ve tho mai, hmeichhia mah ni se mî tumah a rèl ka hre ngai lo, ka rin ngam awmchhun a ni rèng bawk a.



"Sangtei ruang leh ama blood group kha alo in ang lo a, a ruang kha amah ani em tih kan chiang lo a, mahse ala dam em tih erawh ka la hre lo"



Mak tih hmèl zet chuan min en kar reng a,


"Anih engtin nge kan tih ang, lo la dam tase khawnge a awm ang? Enge maw ti teh, kei hian tih theih ka nei ve angem?"



A ti nghâl deuh chûl a,


"Ka hre bîk lo, tûnah chuan thlân kha lâi leh ila, an dna test a ni mai"



"YMA te hnènah dîlna thehluh a ngâi dâwn a sin, anih chuan midangin an hriat ve vek a ngai, Umuanpui, hetiang thû hi chu zèp chi a ni lo, an hriat ve ngei a ngai alawm, lo la dam ta se, kan khaw tlâi chuan thil a buai mai mai ang"



"A dik alawm, mahse inbeiseina ka ti thlâwn ang tih ka hlâu a ni, hriat sual palh mai mai pawh alo ni thei a"



"A ni lo ang, huaisen takin awm rawh, I kiangah kan awm vek alawm, Khûma pawh hi lo thi lo tak tak ta se"


A'n ti chuai leh raih a, a hmèl a lungngaihna rawn lang chu hmuh hmaih chî rual a ni lo, a mit atanga mittui rawn hnâm chuan arawn chhunzawm nghâl a.



"A pawi ka ti, Khûma kha chu a ruang hial pawh i kîl kha mawle, lungngai lo la engtik ah emaw chuan amah anga hmangaih tu che kha ila tawng leh em em ang, mipa dang an tam èm hi"



Tih pahin a dâr ah chuan ka vuan a,


"Ka hria lawm, mahse ka hmu zo lo chu nih hi"



A rawn ti deuh nâng nâng a, ka nuih suk ringawt,


"I hmeltha a, Tu emaw doctor bawk tha deuh i tawng leh lo ang tih tunge sawi thei"


"Haaa....keini ang beisei phâk va ni suh, in tân ka nun pum hlan hi ka thlang zâwk mai ange"


Tihpahin a tho a, choka lama a thil chhuan lai chu ava buai pui nghâl ta daih a, keipawn ka fapa chu ka âwi leh ka dûrh dûrh mai, Bawihtea ka puak hmasak ber ni kha ka hre chhuak zawk mai, ka zei loh lutuk vâng leh ka inhmeh loh èm vângin Sangtei khân mittui tla zawih zawih in min nuih thin kha, Khatih lai khân hetiang hun hi kan tawng ang tih ka ring phâk ngai lo , "Sangte khawi ah pawh awm la ka zawng hmu ang che, chhel takin lo awm la, i tân pasal tha tak nih ka tum tawh ang aw" ka rilru chuan ka ti mawlh mawlh a.





______________



Ka chhûng tepawn Sangtei chanchin chu an hre ta, mahse Thlân hai leh tûra kan dîlna chu pawm sak ka ni ta lo, rilru na deuhin nilèngin hná ka thawk a, YMA hruai tute chu ka haw deuh hlur tawh, mahse an phalloh miau chuan tih ngaihna awm hek lo.





Ka hâw chu Hlutei chuan kawngkhâr bulah min lo nghâk vânga, Bawihtea pawn min lo lawm ve nasa,alo zuang tau tau mai,ka lo nuih var var a,mahse Hlutei'n ka laka beiseina a neih techu a thlâwn chiang hlè tih erawh hrilh ka hreh khawp mai,



"Enge chanchin nita?"



Tiin beisei tak chuan min lo zâwt nghâl chat a.


"An phal ta lo"



Ka ti hmuk ringawt, Hlutei chuan thâwk ala deuh hak a, a hmèl chu arawn ngui leh bèm tawh.


"A pawi lo, Apa nen kan han kal tha leh ange, dîl ve ngâwng ngâwng an ngâi alawm, pawi ti duh suh"



Ati nghâl zung zung a, ka tluk lo thin teh e, ani hi zawng mipa ai pawn a rilru a khauh zâwk.



___________




Zan riah te kan eikham hnû chuan Hlutei pa pawh a rawn thleng a, Sangtei nu pawh a tel ve bawk, an pathum chuan an in zui chhuak nghâl mai a, Bawihtea ala mutthilh avângin ka mutpui a, keimah pawn ka nupui thlân hai tûra ka dil chhuak thei lo chu nèp ka inti ngawih ngawih.



Bawihtea mu nghet tho sia tih tûr ka nei lo bawk nèn ka ngaihtuahna techu ka kâwm mawlh mawlh reng a, Hmâna Sangtei phone atanga ka nu thlalâk lo post ngawt tu te kha tunge ni ang? Vawi hnih lâi a nia, a hnuhnung zâwk kha chu LDa ni tih ka hria a, a hmasa zâwk ami kha, A Gallery ah khân ka nu thlalâk awmna kha whatsapp image ah a awm daih, ni tak e, WhatsApp atangin tu emaw chuan a thawn chiâng a ni, Sarahi ani tih ka ring nghâl mai, amah lo chu khatiang thlalâk nei tûr kha an awm lo, mahse engkim kha rin dân mai a ni a, a tak tak ani em tih erawh Pathian leh a ti tute chauh lo chuan an hre lo ang, Sangtei khân tû pawi mah a sawi ngai lo a sin, keimah min hmangaih vâng leh min thlan vâng hian ava han tuar nasa tak èm, tunge hlim taka kan awm ve phallo tu hi ni ang? Ka mumang pawh a ka mang phâk ngai loh dâwi thiam thleng rawih an ni a, ka ngaihtuah chian pauh leh engvânga tî nge an nih ang tih hi ka la hrethiam thei lo a ni,



Eng pawh chu ni se engkim ka hai chhuak vek anga, Sangtei ala dam emaw lo boral tawh pawh ni se, kan chunga hetiâng ti tu hi hremna an hmuh hmâ chu ka awm mai mai thei dáwn lo, mahni a ka in ngaihtuah ngut ngut lai chuan Hlutei te tawng thâwm pawh ka hre ve leh ta, khum atang chuan ka in perh tho nghâl ta at a.



"Enge chanchin?"

Room atanga ka chhuah rual chuan ka'n ti nghâl deuh tawp a,min lo en thap hlawm mai.


"Hlutei'n ngèn ngâwl zeta a dîl chuan an lo phal ve hrâm a, Mahse tûnkar chhûnga kan tih nghâl a ngai ang"



Hlutei pa chuan a ti a, ka lâwm ngèi mai, tlèmin hmâ kan sâwn ve hret hret e,




Thingpui te in a kan ti ti luâm hnû ah chuan kan mu ve thei hrâm a, keimah chauhin ka mu leh ta kûk mai, khua vawt deuh sûk tawh bawk nèn,mut lum a har khawp mai.




HLUTEI POV





Zîng ka tho chu Umuanpui a chuan min lo thawh khalh daih tawh a, thingpui pawh alo lum diâm tawh, mahse keichu thingpui hi ka ngainat lutuk loh vângin ka in vak lèm lo.




"I van tho hma ve"




Ka tih chuan min rawn en zawk a, min hmu chiah chu a nui leh suk tawh, zîng ka thawh hlim a piang hian min nuih ve ziah, sawi lang lo mahse chhia min ti ve ngang thin a niang, ka in phih fâi duh vângin Bawihtea chu min lo lâksak vat a, Umuanpui a hi chuan a fapa hi chu a hmangaih ve ngawt mai, rawng ka bawl chhûng te, thil ka tih châng te hian sawi buai lo in ngâwi reng hian alo awm ve mai zèl a, a fel ka ti thei khawp mai, pasal pawh nei ta ila amah ang hi ka duhthusâm a ni, zèp lo chuan ka duh tawh a ni tih ka hria, ka pawm thlap bawk, ka duh tih ka in hriat tirh kha chuan ka ti lang lo a, ka be lo a, a hnaih a awm pawh ka duh lo kha nia, a châng chuan ka pasal tak tak nise te ka ti thin, mahse ani chuan min duh ve lo tih ka hre chiâng hlè bawk, mahse chumi vâng chuan ka huat phah lo a, pawi tihna pawh ka nei chuang lo, alaka beiseina neih ka duh lo, ka duhna chu ka thup ta tang tang a, tûnah chuan a hmâ ang kha ka ni leh tawh, mahse a rûk chuan ka duh reng tho, ka duhna ka tih lan a, ka duh tih ka hrilh chuan ka na dâwn tih hi ka hre chiâng hlè bawk, bâkah U Sangtei mipa hmangaih ber hi chhuhsak tumna ka nei lo a, a laka that ka chhuah nachhan hi chu Bawihtea ka khawngaih vâng leh USangtei vâng chauh a ti ka ni, Umuanpuia hi ka duhna tilang ila chu mihrang laka a fa enkawl sak techu ka peih aw zâwng lo mai.




Ka hmai ka phih zo pâwn a ka dâk chu an pafa chuan an lo inchhaih har har a, Kei hi tinge ka vânduai bîk em em le? Ka hmangaih em em in min boral san a, ka mipa lo duh rûk ve lah, engtikah mah rem lo tûr a ni si, mahse a pawi lo, Pathian hian engtikah emaw chuan Khûma anga fel leh Min hmangaih tu kha min la pèk leh ngei ka ring a, ka beisei tlat a ni, Usangtei pawh ala dam ka ring tlat bawk, la dam se ka ti takzet a ni, Alo thih tak tak chuan Umuanpui a hi ka neih ngèi a ngai dawn a, ka duh teh meuh mai, mahse engtikah mah min hmangaih ve ngai miah loh tûr hi pasal atan kei mi mawl hian ka duh bîk teuh lo.



"Vawiin tlâi ah thlân chu kan lâi dâwn a"




Tûk thuan kan ei mawlh mawlh lai chuan a lo ti ve sup a, min rawn en zauh tih pawh ka hria,


"A that hlauh chu, ka beiseina hi thleng dik hrâm se ka ti ngawt mai"



Ka ti ve sap a,


"Ka lawm takzet a ni i chungah hian"



A hmèl ka en chu thu tak deuh hian min rawn en a,


"Lawm thû min hrilh duh suh"



"Ni lo e, i lakah hian ba tam tak ka nei a ni, enge i duh ber sawi rawh ka tih sak ang che, car emaw, in emaw, thawmhnaw engpawh ni mai"




In hawng zet chuan a ti a, ka rilru ah thil pakhat arawn lût nghâl chat.


"Engpawh maw?"


Ka'n zâwt nawn leh ngat a, alo bu nghauh mai.


"Nangmah ti ta ila min pe thei a ngem?"



A mita enkar chung chuan ka ti a, a hmèl arawn buai ta nak mai, hrethiam lo tih hriat zet a rawn nui tâwi tak a.



"Nang hian min ngâizâwng em ni?"



Arawn ti deuh hû a, ka insûm zo tawh lo, ka nui chhuak ta hawk a.


"Ka uâng anih kha"..

Nui har har pah chuan ka ti a, a nui ve suk suk ringawt, Bawihtea pawh alo beng ngawng nuih vèleh chiâm tawh.


"Ila chimawm reng anih hi"


Ati zui sup a,


"Ka duh ber chu hlim takin awm ula, USangtei pawh lo la dam hrâm se, chu chu ka duh ber, engmah a ngai tawh lo, tha takin min enkawl a ka lawm lutuk tlat, chaw pawh ka ei hnem thei lutuk a ka thâu vek tawh hi, ka pian pawh nalh tawh lo, luck pawh ka luck tawh lo ang"






Ka tih chuan a nui leh suk a,


"Anih mipa lam te hi?"



"Ka hre lo le, nangmahni hi hlim takin awm phawt ula, tichuan keichu ka in ngaihtuah ve chauh ang, min hmangaih tu chauh pasalah ka nei ang"



A hmèl chu ka han en zawk a.


"Thleng mawlh rawh se"




Ti dam dup pahin min thawhsan ta daih a, ka rilru a hah ru tlat, enge maw buaina a awm tawh loh hrâm ka beisei, an thisen chu alo in mil loh chuan, ala dam tihna nia, hmanhmawh taka kan chèt vat loh chuan a chungah engpawh a thleng thei, zan in ni vat vat se aw,LalPa veng him mawlh rawh aw, ka rilru chuan ka ti mawlh mawlh ringawt.




Bawihtea nèn chuan a ngâi te ang bawkin kan inchhaih nui leh ta harh har a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:50 pm

ITZHAK CHAPTWR-32


BY


HLUTEI JOCUND PACHUAU



NEXT MORNING








Vawiin hi kan inneih nî a ni ta, Hlutei chu an in lamah insiâm tûrin a kal tawh a, kei erawh ka nu leh pa leh chhûngkhat laina neuh neuh te nèn kan awm thung, Dân 2 na a kan inneih dâwn vângin Sunday school hall ah zing dar riat a kan in kut suih ve dawn a, dar 7 a pèl duai tawh, kan chuanna tûr car ah chuan Hlutei hruai tûrin kan kal ta vang vang a.





An in kawt kan thlen chuan motor atang pawn chhuâk lo in car ah chuan ka lo nghâk tawp a, ka phûr lo a ni ber mai, keimah hi ka tâwt up up in ka hria mai, enge ka awm dân hi ka hre bîk lo.





Rei deuh hnû ah chuan Hlutei pawh arawn thu lût ve ta hlawl a, A in chei ve tak tak chuan a hmèl pawh alo chhelo khawp mai, Ka thianpa khân hmeltha a hre thei bawk a, a biâlnu te ho kha tûmah hmelchhia an awm lo rèng a ni, Hlutei pawh tiâm in.





Biakin lam pan chuan kan tlân leh ta vang vang a, Hlutei chu a thaw deuh halh hlah reng a, ka be lo a min be bîk hek lo, a thian tûr a a hman nû nèn chuan an in be ve zauh zauh ringawt.





Biak in kan thlen chuan mî an lo awm thup tawh, Car atanga ka chhuak tûr chu ka phone a ri tlat, tunge niang? Ka en chu Khûma pa alo ni reng a.


Ka la dâwn nge dawn lo ti a ka in ngaihtuah vung vung lai chuan


"La rawh a pawimawh a niang"



Hlutei chuan alo ti vat a, ka âw chu thiân kharh in ka'n chhâng vat a.


"Hello"



"Muana, ka va han lâwm tak, Inneih in lo tan tawh ka ring a, in la tan lo chu ka va lâwm èm"


"Enge ni ta a?"



"I nupui blood group enge?"



"AB+ a nia, enga tinge?"



"A ruang an postmortem na lehkha diktak a a in ziah dân ah kha chuan B a in tia, i nupui Postmortem na lehkha lem zâwk kha ka lo en ve tawh tho vângin in ang lo lai a awm em ti a ka en tawn chhin chuan an blood group hi alo in ang lo a"




Chu thû ka hriat chuan ka bîng nghâl mup mup a,



"A awmzia chu khâ mi kha ka nupui ruang a ni lo tihna maw!"



"An blood group a in ang lo a nih chuan ruang kha i nupui ruang a nih theihna a awm lo"



Anih chuan Sangtei hi lo la dam ta se, ka ngaihtuahna techu a buai nuaih mai, ka rilru hah lutuk leh min thâwng lutuk khân hetiang lam thil hi a thleng ang tih ka lo ring phâk ngai lo rèng a ni, mi â ang maiin ka awm kha nia.


"Enge ka tih ang?"



Tiin ka'n zâwt deuh tawp a,


"Sangtei thlân kha hai leh a, a dam lai a a sam khuih emaw a toothbrush emaw neih chuan an DNA kan test anga, a in an loh chuan ala dam a nih loh pawn, Postmortem na ah khân ruang kan lo inthleng palh pawh a ni maithei, a hmèl kha an postmortem chhuanlamin an tuam vek si a , apasal ngei pawh i hmuh an phallo kha zèp lo chuan ka ringhlel ru khawp mai a, mahse engmah ka sawi duh ta lo anih kha, postmortem na ah hmuh tlâk loh khawpa an zai chhiat ka la hre lo, doctor inia kei aia hre tûr zawkah ka dah che sin"



"Ka buai zo vek tawh, ka thluak ka hmang thei tawh lo a, ka châu takzet a ni, ngaihtuahna fîm tak pawh ka hmang thei tawh lo,mahse thlân hai leh dân chu ka lo ngaihtuah dawn nia"




Tiin kan inbiakna chu ka ti tâwp a, Hlutei chuan min lo nghâk reng tih ka hria, engpawh chu ni se, Hetiang rilru khing bâi deuha inzawmna lo siampui thawt thawt chu ka thei lo, kei hi ka â tawh ni berin ka hria, mî duh lo chung nupui a neih ka lo tum a, ka nupui a thi nge dam pawh ka hre lo, tu chuan nge min ti â zo pawh ka hre lo, Sangtei awm loh nî atang khân thuthlûkna rin tlâk tak ka la siam âwm pawh ka hre hek lo,a awm loh ni a tang khân ka thluak te hi a châwl ve nghâl in ka hria.



"Enge thlenga? Khûma pa chuan enge alo sawi a?"



Hlutei chuan min enkar chung hian alo ti a,


"Hlute, tûna ka thil tih tûr vâng hian i mualpho maithei a, mahse keimân mawh ka phur vek ang, Inneihna hi thulh leh ka duh a ni"



Mak tih hmèl zet chuan min en reng a.



"Ila inpeih kha ka ring lo rèng a ni, a pawi lo, pawi ti duh rèng rèng suh, ka hre thiâm alawm"



Alo ti sam èt a, mahse engtin nge ka tih tâwp ang?


"Inneih kan duh leh loh thû hi keimân ka lo sawi anga, nangchu in ah lo va lèt leh mai rawh"


A lo ti vat a, ka sawi âwm zawk tak a ni.


"Ni lo e, keimah zâwkin le, ti hian ka chhuak anga, nangni chu lo va in phur lèt leh mai ru"



Ka tih zawh chuan a bu nghauh nghauh a, car atangin hmanhmawh tak chuan ka chhuâk ta vat a.




Beiseina thar nèn ka awm leh thei ta, Engpawh ni se he thurûk hi ka zawng chhuak vek anga, tichuan ka fapa hma hun chu ka ngaihtuah mai ang, Sangtei chu ala dam emaw dam lo emaw ka hmangaihna hi ala pângai reng a ni, engtikah mah ka phat san lo ang

___________________





Inneihna kan tih tâwp atangin ni 2 a liâm leh ta, ka fapa pawn Pa tih a thiâm thar a, ka hna bâng ka haw kawngkhâr bula ding meuhin Hlutei khân min lo hrilh anih kha, ka hlim zia kha sawi ngaihna pawh ka hre lo, Ma tih pawh a thiâm ti tih nghâl, mahse Sangtei ni lo a Hlutei zâwk Ma ti a ako chu ka rilru a na ru veng veng mai.




"Umuanpui, Tinge inneihna kha i thulh thut a? Ka zawt lo ang che ka tia mahse i rilru a hah hmèl thei bawk sia, ka hriat vè chi te ni lo mi?"



A hmèl chu ka en kar a, ka chhänna hriat châk hmèl zeta min en reng tâkah chuan ka chhân ngei a ngai tih ka in hria, dâwt ka sawi ang nge? Thudik ka sawi ang? Thudik hi hrilh ta zawk mai ila ka tân pawn a hahdam thlâk zawk ang.


"Tûma hnènah i sawi lo ang tih min tiam phawt rawh"



Ka'n ti hmasa tè tè a,


"Tû hnènah nge ka sawi anga tûmah pawh ka kawm ngâi loh hi Bawihtea bâk"



A ni ve tho mai, hmeichhia mah ni se mî tumah a rèl ka hre ngai lo, ka rin ngam awmchhun a ni rèng bawk a.



"Sangtei ruang leh ama blood group kha alo in ang lo a, a ruang kha amah ani em tih kan chiang lo a, mahse ala dam em tih erawh ka la hre lo"



Mak tih hmèl zet chuan min en kar reng a,


"Anih engtin nge kan tih ang, lo la dam tase khawnge a awm ang? Enge maw ti teh, kei hian tih theih ka nei ve angem?"



A ti nghâl deuh chûl a,


"Ka hre bîk lo, tûnah chuan thlân kha lâi leh ila, an dna test a ni mai"



"YMA te hnènah dîlna thehluh a ngâi dâwn a sin, anih chuan midangin an hriat ve vek a ngai, Umuanpui, hetiang thû hi chu zèp chi a ni lo, an hriat ve ngei a ngai alawm, lo la dam ta se, kan khaw tlâi chuan thil a buai mai mai ang"



"A dik alawm, mahse inbeiseina ka ti thlâwn ang tih ka hlâu a ni, hriat sual palh mai mai pawh alo ni thei a"



"A ni lo ang, huaisen takin awm rawh, I kiangah kan awm vek alawm, Khûma pawh hi lo thi lo tak tak ta se"


A'n ti chuai leh raih a, a hmèl a lungngaihna rawn lang chu hmuh hmaih chî rual a ni lo, a mit atanga mittui rawn hnâm chuan arawn chhunzawm nghâl a.



"A pawi ka ti, Khûma kha chu a ruang hial pawh i kîl kha mawle, lungngai lo la engtik ah emaw chuan amah anga hmangaih tu che kha ila tawng leh em em ang, mipa dang an tam èm hi"



Tih pahin a dâr ah chuan ka vuan a,


"Ka hria lawm, mahse ka hmu zo lo chu nih hi"



A rawn ti deuh nâng nâng a, ka nuih suk ringawt,


"I hmeltha a, Tu emaw doctor bawk tha deuh i tawng leh lo ang tih tunge sawi thei"


"Haaa....keini ang beisei phâk va ni suh, in tân ka nun pum hlan hi ka thlang zâwk mai ange"


Tihpahin a tho a, choka lama a thil chhuan lai chu ava buai pui nghâl ta daih a, keipawn ka fapa chu ka âwi leh ka dûrh dûrh mai, Bawihtea ka puak hmasak ber ni kha ka hre chhuak zawk mai, ka zei loh lutuk vâng leh ka inhmeh loh èm vângin Sangtei khân mittui tla zawih zawih in min nuih thin kha, Khatih lai khân hetiang hun hi kan tawng ang tih ka ring phâk ngai lo , "Sangte khawi ah pawh awm la ka zawng hmu ang che, chhel takin lo awm la, i tân pasal tha tak nih ka tum tawh ang aw" ka rilru chuan ka ti mawlh mawlh a.





______________



Ka chhûng tepawn Sangtei chanchin chu an hre ta, mahse Thlân hai leh tûra kan dîlna chu pawm sak ka ni ta lo, rilru na deuhin nilèngin hná ka thawk a, YMA hruai tute chu ka haw deuh hlur tawh, mahse an phalloh miau chuan tih ngaihna awm hek lo.





Ka hâw chu Hlutei chuan kawngkhâr bulah min lo nghâk vânga, Bawihtea pawn min lo lawm ve nasa,alo zuang tau tau mai,ka lo nuih var var a,mahse Hlutei'n ka laka beiseina a neih techu a thlâwn chiang hlè tih erawh hrilh ka hreh khawp mai,



"Enge chanchin nita?"



Tiin beisei tak chuan min lo zâwt nghâl chat a.


"An phal ta lo"



Ka ti hmuk ringawt, Hlutei chuan thâwk ala deuh hak a, a hmèl chu arawn ngui leh bèm tawh.


"A pawi lo, Apa nen kan han kal tha leh ange, dîl ve ngâwng ngâwng an ngâi alawm, pawi ti duh suh"



Ati nghâl zung zung a, ka tluk lo thin teh e, ani hi zawng mipa ai pawn a rilru a khauh zâwk.



___________




Zan riah te kan eikham hnû chuan Hlutei pa pawh a rawn thleng a, Sangtei nu pawh a tel ve bawk, an pathum chuan an in zui chhuak nghâl mai a, Bawihtea ala mutthilh avângin ka mutpui a, keimah pawn ka nupui thlân hai tûra ka dil chhuak thei lo chu nèp ka inti ngawih ngawih.



Bawihtea mu nghet tho sia tih tûr ka nei lo bawk nèn ka ngaihtuahna techu ka kâwm mawlh mawlh reng a, Hmâna Sangtei phone atanga ka nu thlalâk lo post ngawt tu te kha tunge ni ang? Vawi hnih lâi a nia, a hnuhnung zâwk kha chu LDa ni tih ka hria a, a hmasa zâwk ami kha, A Gallery ah khân ka nu thlalâk awmna kha whatsapp image ah a awm daih, ni tak e, WhatsApp atangin tu emaw chuan a thawn chiâng a ni, Sarahi ani tih ka ring nghâl mai, amah lo chu khatiang thlalâk nei tûr kha an awm lo, mahse engkim kha rin dân mai a ni a, a tak tak ani em tih erawh Pathian leh a ti tute chauh lo chuan an hre lo ang, Sangtei khân tû pawi mah a sawi ngai lo a sin, keimah min hmangaih vâng leh min thlan vâng hian ava han tuar nasa tak èm, tunge hlim taka kan awm ve phallo tu hi ni ang? Ka mumang pawh a ka mang phâk ngai loh dâwi thiam thleng rawih an ni a, ka ngaihtuah chian pauh leh engvânga tî nge an nih ang tih hi ka la hrethiam thei lo a ni,



Eng pawh chu ni se engkim ka hai chhuak vek anga, Sangtei ala dam emaw lo boral tawh pawh ni se, kan chunga hetiâng ti tu hi hremna an hmuh hmâ chu ka awm mai mai thei dáwn lo, mahni a ka in ngaihtuah ngut ngut lai chuan Hlutei te tawng thâwm pawh ka hre ve leh ta, khum atang chuan ka in perh tho nghâl ta at a.



"Enge chanchin?"

Room atanga ka chhuah rual chuan ka'n ti nghâl deuh tawp a,min lo en thap hlawm mai.


"Hlutei'n ngèn ngâwl zeta a dîl chuan an lo phal ve hrâm a, Mahse tûnkar chhûnga kan tih nghâl a ngai ang"



Hlutei pa chuan a ti a, ka lâwm ngèi mai, tlèmin hmâ kan sâwn ve hret hret e,




Thingpui te in a kan ti ti luâm hnû ah chuan kan mu ve thei hrâm a, keimah chauhin ka mu leh ta kûk mai, khua vawt deuh sûk tawh bawk nèn,mut lum a har khawp mai.




HLUTEI POV





Zîng ka tho chu Umuanpui a chuan min lo thawh khalh daih tawh a, thingpui pawh alo lum diâm tawh, mahse keichu thingpui hi ka ngainat lutuk loh vângin ka in vak lèm lo.




"I van tho hma ve"




Ka tih chuan min rawn en zawk a, min hmu chiah chu a nui leh suk tawh, zîng ka thawh hlim a piang hian min nuih ve ziah, sawi lang lo mahse chhia min ti ve ngang thin a niang, ka in phih fâi duh vângin Bawihtea chu min lo lâksak vat a, Umuanpui a hi chuan a fapa hi chu a hmangaih ve ngawt mai, rawng ka bawl chhûng te, thil ka tih châng te hian sawi buai lo in ngâwi reng hian alo awm ve mai zèl a, a fel ka ti thei khawp mai, pasal pawh nei ta ila amah ang hi ka duhthusâm a ni, zèp lo chuan ka duh tawh a ni tih ka hria, ka pawm thlap bawk, ka duh tih ka in hriat tirh kha chuan ka ti lang lo a, ka be lo a, a hnaih a awm pawh ka duh lo kha nia, a châng chuan ka pasal tak tak nise te ka ti thin, mahse ani chuan min duh ve lo tih ka hre chiâng hlè bawk, mahse chumi vâng chuan ka huat phah lo a, pawi tihna pawh ka nei chuang lo, alaka beiseina neih ka duh lo, ka duhna chu ka thup ta tang tang a, tûnah chuan a hmâ ang kha ka ni leh tawh, mahse a rûk chuan ka duh reng tho, ka duhna ka tih lan a, ka duh tih ka hrilh chuan ka na dâwn tih hi ka hre chiâng hlè bawk, bâkah U Sangtei mipa hmangaih ber hi chhuhsak tumna ka nei lo a, a laka that ka chhuah nachhan hi chu Bawihtea ka khawngaih vâng leh USangtei vâng chauh a ti ka ni, Umuanpuia hi ka duhna tilang ila chu mihrang laka a fa enkawl sak techu ka peih aw zâwng lo mai.




Ka hmai ka phih zo pâwn a ka dâk chu an pafa chuan an lo inchhaih har har a, Kei hi tinge ka vânduai bîk em em le? Ka hmangaih em em in min boral san a, ka mipa lo duh rûk ve lah, engtikah mah rem lo tûr a ni si, mahse a pawi lo, Pathian hian engtikah emaw chuan Khûma anga fel leh Min hmangaih tu kha min la pèk leh ngei ka ring a, ka beisei tlat a ni, Usangtei pawh ala dam ka ring tlat bawk, la dam se ka ti takzet a ni, Alo thih tak tak chuan Umuanpui a hi ka neih ngèi a ngai dawn a, ka duh teh meuh mai, mahse engtikah mah min hmangaih ve ngai miah loh tûr hi pasal atan kei mi mawl hian ka duh bîk teuh lo.



"Vawiin tlâi ah thlân chu kan lâi dâwn a"




Tûk thuan kan ei mawlh mawlh lai chuan a lo ti ve sup a, min rawn en zauh tih pawh ka hria,


"A that hlauh chu, ka beiseina hi thleng dik hrâm se ka ti ngawt mai"



Ka ti ve sap a,


"Ka lawm takzet a ni i chungah hian"



A hmèl ka en chu thu tak deuh hian min rawn en a,


"Lawm thû min hrilh duh suh"



"Ni lo e, i lakah hian ba tam tak ka nei a ni, enge i duh ber sawi rawh ka tih sak ang che, car emaw, in emaw, thawmhnaw engpawh ni mai"




In hawng zet chuan a ti a, ka rilru ah thil pakhat arawn lût nghâl chat.


"Engpawh maw?"


Ka'n zâwt nawn leh ngat a, alo bu nghauh mai.


"Nangmah ti ta ila min pe thei a ngem?"



A mita enkar chung chuan ka ti a, a hmèl arawn buai ta nak mai, hrethiam lo tih hriat zet a rawn nui tâwi tak a.



"Nang hian min ngâizâwng em ni?"



Arawn ti deuh hû a, ka insûm zo tawh lo, ka nui chhuak ta hawk a.


"Ka uâng anih kha"..

Nui har har pah chuan ka ti a, a nui ve suk suk ringawt, Bawihtea pawh alo beng ngawng nuih vèleh chiâm tawh.


"Ila chimawm reng anih hi"


Ati zui sup a,


"Ka duh ber chu hlim takin awm ula, USangtei pawh lo la dam hrâm se, chu chu ka duh ber, engmah a ngai tawh lo, tha takin min enkawl a ka lawm lutuk tlat, chaw pawh ka ei hnem thei lutuk a ka thâu vek tawh hi, ka pian pawh nalh tawh lo, luck pawh ka luck tawh lo ang"






Ka tih chuan a nui leh suk a,


"Anih mipa lam te hi?"



"Ka hre lo le, nangmahni hi hlim takin awm phawt ula, tichuan keichu ka in ngaihtuah ve chauh ang, min hmangaih tu chauh pasalah ka nei ang"



A hmèl chu ka han en zawk a.


"Thleng mawlh rawh se"




Ti dam dup pahin min thawhsan ta daih a, ka rilru a hah ru tlat, enge maw buaina a awm tawh loh hrâm ka beisei, an thisen chu alo in mil loh chuan, ala dam tihna nia, hmanhmawh taka kan chèt vat loh chuan a chungah engpawh a thleng thei, zan in ni vat vat se aw,LalPa veng him mawlh rawh aw, ka rilru chuan ka ti mawlh mawlh ringawt.




Bawihtea nèn chuan a ngâi te ang bawkin kan inchhaih nui leh ta harh har a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:50 pm

ITHZAK LAST chapter




A hmasa in ka story min lo chhiar sak thin tu te leh Advertisement click thin tu te hnèn ah khân lawmthu ka sawi mawlh mawlh a, hman lo leh buai chung chungin ka rawn ziak thin tih min hriat sak tûrin ka duh che u a, ka hun tiam ka bawhpelh fo thin tih ka hria a, dawhthei taka in lo mghah thin vâng hian ka lawm a, in fel thei lutuk hi a inthlahrunawm thin zawk, ka buai theih èm vâng leh hun ka neih tlèm èm vâng hian ka duh ang leh ka suangtuahna ang pawn ka rawn ziak thin lo a, hrehawm ka ti thin, mî fate anga hman ver vawr nih ve a châk awm thei khawp mai,


A tâwp ber a tân ka lawm a ni tawp mai, chuan ka rawn lèt leh har dawn lova, Ka story thar tûr hi chapter ni lo in full version ka rawn ziak ve chhin dâwn a, min lo chhiar sak theuh ru aw.....in lo châng reng dawn nia.





MUANPUIA POV





Thlân chu Midang puihna zârah kan hâi ta ngèi a, DNA result lam tûrin ka kal mèk a ni, ka hlauhthâwn rual rualin ka beiseina a sâng ru tho bawk sî a, thil thlen dân teh nuai hi ka hrethiám lo.





Lab ka thlen chuan result paper chu min lo pe nghâl vat a, en pawh en lo in ka office lamah chuan ka lèt leh nghâl daih ringawt, ka office dawh kân ah chuan dahin lehkha chu ka en reng a, ka hawng dâwn nge dawn lo? Ka hre lo, ka hlauthâwng et et a ni mai, midang beiseina ti thlâwn mai mai tu ka ni ang tih mawlh chu ka hlâu a ni.



Ni e, ka hmachhawn tho tho a ngâi, kan nih nih kan ni tawh mai ang chu, tihpahin lehkha chu ka'n hawng deuh rawk rawk a, ka rin ang ngèi a ni.



Result ah chuan an DNA alo in millo nasa mai, mak ti viâu âwm tak ka nia, mahse min thâwng vak lo, ka beisei leh ka rin ber kha ni miau a, Mahse khawnge ka nupui chu ni ang? A la dam ang nge? A thi tawh ang?, Ka phone chu arawn ri deuh ral ral a, Khûma pa bawk alo ni.




"Muana, putar dâwi hmang thin kha kan man tawh a nia, nangmah ngèiin zawhna rawn zawt la ka duh a, i hman hun ah lo kal rawh mai la"



"Engtik lai pawn ka hman alawm"



Tihpahin phone chu ka dah a, office atang chuan tûmah pawh hrilh lo in ka tlân chhuak nghâl dâwr dâwr a.




____________





Khûma te in chu ka thleng rang ngèi mai, ka speed a sâng èm bawk a ni, an door bell chu ka'n hmet ri ral ral a,


"Ehe Muana, lo lût rawh, inhnuai lamah an nghâk reng tawh che nia"



Khûma nu chuan alo ti vat a, An inhnuai thim deuh reih ruih lam chu ka pan thla nghâl vat a, thutthlèng pakhat ah chuan dawhkan lian vak lo bawhin kha putar dâwithiam ngei mai kha a lo thu vâng a, a bulah chuan Khûma pa leh a nau te pali vèl chuan an lo din hual thap bawk, a hmèl chuan ka thinrimna rawn chawk tho in ka taksa thleng chuan arawn thunun a, ka kut chu ka hûm ruh tung ringawt, ka theih tâwpa nâ a sawisak ka châk lutuk hi sawi ngaihna pawh ka hre lo, an awmna lam pan chuan ka kal phei nghâl hlawk hlawk a, ka inseh ruh nasa khawp mai, mahse ka la insûm hrâm hrâm a ni.



"I lo thleng dèr alaw? I duh chu han zâwt ta che"



Khûma pa chuan alo ti vat a, rum zet chuan ka melh tlawk tlawk mai, tawng pawh ka tawng chhuak maithei lo.


"A fâla zawh duh ka nei a"


Aw khûr dar dar chuan ka'n ti a,


"Ni lo e Muana, mi mai mai a ni lo tih kan hre chiâng a, ka kal san thei lo che, enge maw a thleng palh ang tih ka hlâu"



A tih deuh tlat vâng chuan ka ti lui duh ta lova, a hmâ ah chuan thû in LD thlalâk chu ka'n phawrh a,


"Hepa hi i hmu tawh em?"



Ka'n ti a, ala hmulo tih hriat zet chuan a lû a thing deuh nawk nawk a, Thâwk la hawk pahin Sarahi thlalâk chu ka'n hmuh leh a,


"Anih hei hi?"




Ka tih chuan a en deuh vang vang a, a lû chu a thing leh tho, ka âwih lo lutuk tlat, ka insûm thei tawh lo.


"Dâwt sawi hlek suh aw"



Tih vîn tuarh pahin dawhkân chu ka kut khing hnih chuan ka bèng dawt a, an phu nasa hlawm ngèi mai, chu mai chu ka la duh tâwk lo, amah chu pan hnâi in a kawr âwm ah chuan ka'n thâm tho lawp a.


"Ka nupui kha a boral asin, min hrilh rawh anih loh chuan ka that dâwn che"



Ka'n ti leh tuarh a, a hlâuthâwng hmèl chu hmuh a hrehawm lek lek zâwk, mahse khawngaihna chhetè mah ka nei lo.


"Nangmah chu Doctor inia, mî tidam tûr ini, min that thei lo"



Thei leh thei lo in pai zet hian a rawn ti chhuâk täwk tâwk a, ka thinrim lutuk tih ngaihna hre lo chuan chhuat lai ah chuan ka theh thla thuai a.


"Ka theih loh i ring amaw?".



Tihpahin a thutna stool chuan vuak ka tum ta, ka rilru na leh ka thinrimna techuan ti tûrin min tur ut ut a ni, a dik lo tih erawh ka hrechiang hlè, Khûma pa leh a nau teho chuan min lo dang vat a.


"I thah mai chuan a tha lo ang, Rilru fîm tak hmang rawh"



Khûma pa in arawn tih tâkah chuan ka inbeng dâi leh thei hrâm a.


"En teh, i inpuang lo anih chuan police kan nia, kan that dâwn che, chu chu hre tawp rawh, dawt i sawi anih vaih chuan kan finfiah zèl dawn a nia"



A nau te zîng ami chuan arawn ti ve khur khur a,police tih takah kei aichuan mî dâwp chu an thiâm deuh.



Dâwithiâm pa chu arawn tho tuih tuih a, thutthlèng ah chuan rawn thu lehin thâwk an la hak a.


"Awle, ka sawi ange, ka tunu kha a dam lo a, pawisa ka mamawh a ni, an ni khân pawisa min pe a, chuan i nupui kha en thla tûr leh tih thaih thîn tûrin min ti a, kum tam tak hetiâng lam hi ka lo ti tawh lo a, mahse ka chakna kha alo tam mah mah a ni, chuan i nupui te motor pawh kha ka en zui reng a, kan zui reng alawm ka pu nèn khân, chuan ka pu khân i nupui te motor kha ava su a, chuan maw i nupui kha amar ka deh khân ala dam a, chuan kha pa nèn khân kan la chhuak daih alawm, i nupui âiah khân amah ang deuh ruang a dah leh a, i nupui kha maw ala dam ka ring, pawisa tha hnem tak min pe a, a bâk chu hriat ka nei tawh lo, i thianpa pawh kha a mar ala awm reng a, ka pu bulah khân ala dam thu pawh ka sawi alawm, kan chhan vat loh chuan a thi dawn tih kan hre ve ve a, mahse ka pu khân mi in min hmuh chuan jail ah kan tâng a ni mai, a ti tlat sia kan tlân chhe daih a lawm,chu bâk chu hriat ka nei tawh lo"





Khûma pa rilru na hmèl chu hmuh hmaih ruâl a ni lo, keipawh chuti tho, ka pu a tih chu LDa tih kan hriat vek ka ring, mahse tûmah rèng kan tawng chhuak thei lo, Khûma chhûng te lakah hian ngaihdam dîl ka va ba nasa èm, keimah vânga thil thleng vek a ni si a.



"Ka pu, tual thattu ka ni lo, mahse an mahni ka puih vâng khân min man rawh u, pawisa in ka mit ati del a ni"


Ka la tawng chhuak thei lo, ka nupui hmangaih em em chu khawnge a awm ang?



"Thil chu anih tûr ang a ni vek tawh a, nang hi kan la mamawh che a ni, A nupui awmna chu nang mah hian i zawn chhuah ngèi a ngai ang"



Khûma pa chuan arawn ti chhuak ta nge nge a.


"Engtin nge ni ang? Ka hre hleinem, e, ni leh lo, a nupuivala dam anih chuan a inah a dah that ka ring, ka pu khân a inah mi narân a luh tîr phallo"



Chupa bawk chuan a ti leh a.


"Tûnah zawng nghâl ang u"


Tho vutin ka ti a, nakin nghah chu ka thei lo, ka â vek thei ang,



"Ti hian ti rawh, LDa chu hla vak lo atangin kan lo châng anga, a nupui a dah thatna ah khân luh rûkna leh chhuah rûkna a awm tih hrilh la, a office atangin en fel tûrin ti rawh, chuan a kal lam chu keini in kan lo zui ru anga, kan man a ni tawh mai"



Khûma pa chuan a ti a,


"Sir chutiang chu chî dawn ami? Hepa hi a dah thatna a hrilh si lo a, a ringhlel zâwk lo maw?"


A nau te zîng ami pakhat chuan arawn ti ve leh a, kei chuan remruat ngaihna ka hre ve hauh lo, kei aia mi thiâm zâwk vek an ni a, an mahni hi ka ring tawp mai a ni.



"Ni lo e, chutiânga a hrilh chuan a chî âi anga, a hlâuthâwng viau ang, engvangin nge a hlauhthâwn loh ang? Thil pawi tak a ti sual alawm, chutiang thû a hriat chuan rilru fîm putna hun a nei lo tawp ang"




A dik ka ti khawp mai, tichuan kan remruatna bawh zuiin a zân a zân chuan kan chhuak ta thâm thâm a, LD a chu ka chhuah lo tawp ang, Sarah i pawh, ka nupui leh Khûma chunga an thil tih hi ka ngaidam thei lo a, ngaihdam chî ah pawh ka ngâi hek lo, Pathian pawh khian min dem bîkin ka ring lo, mihring thil tih a tân chuan a râpthlâk mah mah a ni.



___________




Khua a thim tawh avângin Hlutei chu chanchin ka hrilh a, lo kal ve duh mahse ka fapa awmpui a ngâi bawk si, bâkah lo kal ve lo se ka duh hrim hrim bawk, min ngaihtuah lo tûrin ka hrilh bawk a, tûnah chuan tum pakhat chiah ka nei tawh, thildang ka ngaihtuah thei tawh lo, damdawiin lam atang pawhin min rawn call nasa khawp mai, mahse ka hre lo der hmak tawp.





A office ala bâng lo tih kan hriat avângin a office atanga a in thleng chuan enthla tûrin kan in sem darh a, a kalna pianga kan zui chuan min ringhlel ang tih kan hlâu a ni.




Putar a pawh chuan thu âwih zetin a phone ve nghâl mai bawk a.


"Ka pu Doctor nupui i thuhrûkna kha keimah hian ka hre vek a nia aw, luh rûkna leh chhuah rûkna a awm tih pawh ka hria"




"Tu in nge hrilh che?"



A rawn ti nghâl thâ a, kan plan chu a fu dâwn chaih chaih khawp mai.


"Ka pu, keimah hi min hre chiang lo a ni"



Ngèi awm zet chuan a'n ti vèla, Khûma pa nèn chuan ngawi rengin kan lo en reng bawk.


"Engzât nge i duh a, Za***sen, in hmu ang"



Thinrim hmèl zeta arawn tih chuan Khûma pa chu ka va en zauh a, kan in nuih suk mai.


"Ka pu, doctor nupui kha, ka that dâwn a nia aw, lo kal vat rawh"



A tih zawh rual chuan off tûrin kan ti a, a off ve mai bawk a, kan ngâwi ta vang vang a, keinichu LD a in hlat deuh hlekah kan awm thung,


Kan ngawih vang vang hnû chuan Khûma pa phone chu a rawn ri ta ral ral mai.


"Sir, LD a chu tûnah khân hmanhmawh takin arawn tlân chhuak a nia, kan rawn zui vè nghâl"


Kan tho deuh zawk hlawm a,


"Awle, fîmkhur ula, a man palh hlauh ang che u"


Tihpahin a off ta, ka awm hlè hlè thei tawh lo, ka za cheng tawh mai, Ka rilru chuan ka tawngtai mawlh mawlh reng a, ka thinrim bawk si, Bawihi lo tuar hrâm hrâm rawh aw, ka rilru chuan ka ti mawlh mawlh reng a.



"Sir hei a car chu"



Driver chuan arawn ti a, glass chu tlèmin ka down deuh a, LDa hmanhmawh zeta a ina a lût lai chu ka va hmu fu ta, Sangtei chu ka rin ang ngeiin a in khawi lai emaw ber ah alo thukru ngèi anih hi.



Ka thinrim lutuk chuan car kawngkhâr hawn mai ka tum a, mahse Khûma pa chuan min lo dang vat.


"Rilru fîm put hun lai tak a ni"



A tih chuan ka insûm leh hrâm a, ka khawih châk tawh lutuk hi ka khûr ngawt ngawt in ka hria, sana techu ka en leh a, dar 10 alo ri vâ tawh, alo tlâi tawh hlè mai, ala rei loh nèn.



A in en kan en reng lai chuan light chu a off ta hmak a, Khûma pa nau tepawh an rawn thleng ve ta, thâwm dîm zetin a in chu an huâl a, Putar a, keimah, Khûma pa leh a nau te pahnih chuan a in kawngkhâr chu dîm zetin kan ti chhia a, Police an nia, mi in kawngkhâr tih chhiat pawh an hnehsawh khawp mai.




A in ah chuan thâwm dîm takin kan lût ru ta them them a.



"Min thlah rawh, chhuah rûk ka tum lo"



Ti ri chuan ka taksa chu arawn fan chhuak zawk mai, Ka nupui, ka hmangaih em em Sangtei âw ngèi a ni,inhnuai atangin a rawn ri tlat, ka thinrim lutuk chu awm ngaihna pawh ka hre lo, ka thâw te hi a chham mai dâwn in ka hria, chutah thil ri bur hi kan hre ta,


"Sir, ka man e"



Ring tak chuan an rawn ti a, ka phone light chu on èng in inhnuai kalna chuan kan han zawng kual a, inchung chhohna step hnuai a, kawngkhâr te reuh tè chu alo in hawng hiau mai, a thuh rûkna pawh a tha khawp mai, hei ngèi hi nih hi, tihpahin ka lût nghâl a, step te reuhtè awm ah chuan ka tlân thla nge ka thlâwk thla pawh ka hre lo.




An awmna kan zu thleng chu Khûma pa nau te pahnih chuan LD a chu silai a tin chungin an lo kherh bet reng a, ka mi zawn ka la hmu lo, ka'n hawi kual leh a,kil khat a Sangtei lo tawm kâk ka va hmuh chuan ka phu deuh zawk mai, a chèrin a dâng vek a, a sam thur zet kâr atang chuan min lo en ve reng tih ka hria, a tap tih hriat zetin a mit meng lian zet chu alo sen râm a,a mit khur pawh a thûk kâk mai, ka rilru na lutuk hi awm ngaihna pawh ka hre lo, ka thâ te hi a zawi zo vekin ka hria, min en reng a, mahse min pan lo, muang châng chuan ka pan chhat chhat a, ngawi rengin min lo en ve reng bawk, chèr in dawl dâng hlè mahse ka hmangaihna ala bo lo a, a hmâ ang khân hmeltha tawh lo mahse ka mitah chuan a duhawmna ala ngâi reng tho.




A hma zâwn ah chuan thu tung chungin a biang leh lam duk deuh raih ah chuan ka'n dawm a.


"Bawihi, keimah, min hria em?"



Ka mittui pawh ka dang zo lo, mipa pawh intih pâ theih a ni tawh lo, ka nupui ka hmangaih em em thin leh hmeltha tak kha heti khawp hian alo chhe thei ang tih ka ring phâk lo, a kawr hâk techu a bâlin a rim chhe hlè a, a tet deuh hrap bawk.


"Min hria tiraw?"



Ka'n ti leh a, men pâr chung hian alu chu a bu nghauh nghauh a, chû veleh arawn tap chhuak ta.



Keipawh ka mittui ka dang zo lo, ka kuah ta thlawp a, ka âwm zâwnah chuan a tap ri hlap hlap a, a samah chuan ka fawp vawng vawng ringawt, Pathian hnènah lâwmthû ka sawi mawlh mawlh a, ka nupui a thi tawh amaw ka lo tih kha alo la dam reng a, LalPa ka lawm e, ka rilru chuan ka ti mawlh mawlh reng ringawt.





Rei fè a tah zawh hnû chuan Khûma pa naute zînga ami chuan a kawr chung chuan a rawn khuh a, Sangtei chu alo phu deuh aih mai, hlauhthâwn hmèl zetin chupâ chu a en kar a,


"Bawihi hlâu suh, ka thiante an nih hi, engmah hlauh tûr a awm tawh lo, i bulah ka awm tawh alawm"



Ka tih chuan a hmèl pawh arawn danglam vèleh ta, a tawng lo a, min kuah chawt reng ringawt, ala hlâuthâwng hlè tih a hriat ngawih ngawih, hepa hian engti fako in nge alo enkawl thin ang? Hriat pawh ka hre ngam lo, a khum rimchhia leh ruh zetah chuan ka mutthilh tîr a, ka mittui tla techu tuai puatin Ld lam chu ka pan leh a, ka kut chu hûm ruhin ka'n hnek thal thuai a, chhuatah chuan a let thla tawp mai, a kâ chhûng atang chuan thisen chu arawn chhuak nguai nguai a, tuâl thah hi ka duh lo, duhna rilru hi ka pû ang tih pawh ka ring phâk lo, manse hepa ka hmuh hian tual thah ka châk zek zek mai, a kawr âwmah chuan ka thâm tho lawp a.



"Eng vângin nge tiang hi tih? I pawi enge a sawi?"



Aw khur hlawk hlawk chuan ka ti a, ka awki erawh a sâng lo.


"Min that mai rawh Muana, ni leh lo, min that thei lo tak e"



Ngei awm zet chuan a nui vur vur anih chu.


"Keimân ka that thei che lawm"



Tihpahin Khûma pa nau te zîng ami chuan a pistol tih rîk khauh pah chuan arawn tin ta nghâl a.


"Ni lo e, Dân in hremna a pe ang"



Khûma pa chuan arawn ti a, hetiâng em em a pa insûm thei hi ka hre lo, a fapa râwng taka that tu pawh khawih miah lohin midang kutah a hlân thei a nia.


"Mahse sir"


"Engmah sawi tawh suh, kei hi Pathian nung betu ka ni a, mihring nunna ka la thei lo, Pathian in hremna chu a pe dâwn alawm, Pathian duh loh zâwng engmah ka ti thei lo"




A tih tâkah chuan keipawh ka inbeng dâi veleh hrâm a, Khûma pa lak atang hian thil tam tak ka zir a ni, bâkah tûna kan thah mai chuan, hriat duh ka la ngah lutuk, a in puanna ka hre ve duh a ni.

_____________

Sangtei chu in lama hruai hâw lovin damdawiin lamah chuan ka hruai a, Lda erawh police station lamah an hruai thung.





Cabin ah min lo dah nghâl vat a, Doctor Maduhi lo duty lai anih hlauh vângin test tûr ang ang chu a zân a zânin an han test nghâl vat a,


Sangtei chu nurse bawlh pawh ka phalloh vângin keimah ngèiin ka bual a, a tawng lo a, keipawn ka be bîk hek lo, a hmelah chuan a thlâ a muang hliah hliah tih ka hria a, chu chu ka tân chuan a tâwk èm èm a ni.





Sangtei inbual zawh hnû chuan a muhîl zui nghâl mai a, keipawh abulah chuan mu in ka bân chu ka kham tîr a, ka kut chu a hûm ngat ngat reng bawk, a rawn phu leh deuh eih eih thin, a châng leh a rawn tap chhuak a, LD a khân engtin fako in nge alo tih thin ang le? Mihring ve tho a ni a, a man lâi mah nise tlèm tè talin a lakah that a chhuah ka lo beisei asin, mahse mihring pawh a ni lo, a hmèl ka mitthlâ ah a châm a piâng hian ka thinrim lutuk chu ka rûm chhuak nghut thei.



Sana ka en chu zîng dar 3 alo pèl leh duai tawh, Sangtei ka mutthilh san duh loh vângin tlaivâr chu ka tum ta zâwk a, a hmèl chu ka en reng a, a chèr zia hi, ti no lâi rèng a nei lo, ka khawngaih takzet a ni, khatia hrehawm alo tawrh lâi khân keichu tui takin ka lo muhîl thin a sin, keimah leh keimah techu ka indem mawlh mawlh reng a, mahse engkim chu anih tûr ang a ni zo vek tawh, khuanu remruât dân hi pawm thiâm i zir zâwk teh ang.



Kawngkhâr ri rak chuan min ti harh zawk a, Sangtei nu leh a nau mipa chu ka hmu hmasa ber, Hlutei pawh ka hmu ve nghâl a, ka nu hrawn leh ka pa nèn, thâwm dîm tûrin ka lo ti nghâl vat bawk,ka lo chhîng sek anih dâwn hi.




Sangtei nu leh ka nu hrawn chuan Sangtei hmèl an hmu chu hmui hup chung chuan an tap char char reng a, Chutiâng bawkin Hlutei leh a nau mipa pawh, kan vai chuan alo harh hun chu ka nghâk tawp a.


"Hmeichhe pakhat vè mai chunga hetiâng a ti hi mihring pawh a ni lo, a kawchhûngah ramhuai a lût anih loh pawhin a â deuh a niang"


Hlutei chuan thinrim zet hian arawn ti chhuak hlak a, tawng lo tûrin ka va mit mei vat, lo hrethiâmin a hmûi chu a chîp ve hmak mai.


Sofa a kan thu ngawih reng lai chuan Sangtei chu arawn khuh ta kharh kharh mai,


"Muanpui, tui ka in duh"



Arawn ti chhuak sa sa a, hetiânga min ko tu hi ka hriat lohna hi avan rei tawh èm, hmanhmawh takin tui chu ka pe a, a in zawh chuan rawn inbeng kângin midang ho chu a en kual hrak hrak a, an mittui chu an lo hru nghâl sawk sawk bawk.



"Nu, mate, Hlute"



A mit atang chuan mittui bawk arawn luang leh ta,


"Bawihte, ka van lainat tak che èm"



Tihpah in Sangtei nu chuan a fanu chu a rawn kuah a, a tap nghâl hlap hlap bawk.


"Ilo va han tuar nasa âwm ve a"



Tihpahin a sam chu duat zet hian a chûl hliau hliau a,


"Ka ngai tawh lutuk che u a, ka pa te, ka nu pawh, in vaiin"



A ti ve sep sep a, rin ai daihin a pângâi chak khawp mai, midang chuan an kuah liâm liâm a.



"A u, bialnu ka nei tawh asin, a hmèl i hmu duh em?"



Kan nau a chuan a ti a, Sangtei chu a nui sak mai.


"Khawimaw a hmèltha em?"


A ti dam dap a, chû veleh a nau chuan A bialnu thlalâk ni âwm tak a phone ami chu a en tîr a, Sangtei chu a hlim tih hai ruâl a ni lo.


"Avan hmeltha ve, in school ami maw?"


A ti a,

"Aw ni e, a thiâm thei lutuk ringawt, lehkha min zirtîr thin a, chuan kan school band tepawh ka tel ve asin, guitar perh pahin ka zai thin a"




A nau chuan a ti a, Sangtei chu a nui ve sak sak mai.


"Nu khawnge, ka fapa, ka hmu châk tawh emai, hetah hian in lo hruai ve thei mai lo ami?"



A tih chuan kan in en hrek hrek hlawm a,


"Bawihtea, chu damdawiin boruak tem lo se kan ti a, tlâi ah i haw vèleh in in awm char char tawh dâwn alawm"


Ka nu hrawn chuan a ti a, Sangtei chu a lungngaih hmèl leh ta khawp mai, mahse a lû chu a bu leh nghauh nghauh a,


"Doctor, Doctor Maduhi'n biak che a duh a, i nupui chungchângah hian"




Nurse chuan arawn ti a,


"Va kal rawh, kan lo awm ang"



Ka pa in a tih tâkah chuan Sangtei biangah chuan ka chuk zauh a,


"Ka lo lèt leh vat ang aw"



Ka tih chuan nui sakin a bu nghauh a, nurse chu ka zui vè nghâl vat a.



__________________



Doctor Maduhi room ka thlen chuan thu tûrin min lo ti vat a.


"Muana, i nupui chungchângah chuan hrehawm ka tih pui khawp mai che a, mahse hei hi a pasal inihna ang leh doctor inih na angin i hriat ngei a ngâi a ni"



A hmèl ka en chuan a sawi hreh tih ka hria, engtak chu ni ang maw?


"Han sawi la Madam"


"I nupui hi vawi tam tak páwngsual a ni a, chuan nimin piah lawk khân kâr hnih mi nau a chhiat tih a ka hmu chhuak leh bawk a, a pawi ka ti zet a ni,a rilru lamah a nghawng nasa dâwn a, a thil tawn tekha zâwt lo ula, hriat tum hek suh u, theihnghilh tîr tum zâwk ula, amân a sawichhuah pawh phal sak suh, A theihnghilh theih nân theih tâwp i chhuah dâwn nia, chuan hei hi a result a nia, ilo en ve duh tâkin"



Tihpahin paper chu min pe a, ka tawng chhuak maithei lo, ka rilru na lutuk hi âu chhuah pui ka châk a ni, Doctor Maduhi room ka chhuahsan hnû chuan thâwk ka la hawk a, engkim hi keimah vânga thleng a ni, ka nupui chu engtin pawn lo awm sela, ka hmangaihna hi ala dâi chuang lo vang, a hmâ aiin ka duat anga, hmâna kan hlimna kha ka neih lèt theih nân ka theih tâwp ka chhuah dâwn a ni, ka hmâi chu tuai puatin Cabin lam chu ka pan nghâl vat a.

________________


ka lèt leh chuan Hlutei chauh alo awm tawh.


"Khawnge midang?"


Ka'n ti deuh hû a,


" Hlutei hi a fâl a biak ka duh a, bâkah ka ei châk zawng te lo siam tûrin ka tîr haw nih kha"



Sangtei chuan alo ti vat a,


"Hlute, nangpawh haw tawh rawh, Bawihtea khân nangmah chauh a duh che iti sia, alo tap nasa lutuk ange"



Sangtei bawk chuan a ti leh a, Hlutei chuan min rawn en vat a, Haw tûr chuan ka lo mit mei vè nghâl vat bawk, tûnah chuan a fapa chauh a rilru ah a awm ani mahna.



"Anih ka haw mai ang, tlâi ah eitûr tui deuh kan lo siam ang aw, Bawihtea pawn a hmuh che chuan a nu tih a hre nghâl ang che"



A tih zawh chuan Hlutei pawh chu a haw veleh nghâl mai a

___________

"I ril a tâm em? Enge maw ei te i duh em?"


"Aih, tlâi ah ka nu te ei siam tui deuh deuh ka ei châk zawk, tûna thil ka lo ei chuan ka ei hnem thei lo palh ang"


Ka nuih suk a, nizân aichuan atawng duh sâwt khawp mai, ka thu hriat techu hre lo ang hmakin ka awm a, ka file ken chu a en vang vang mai, a mittui chu a rawn tling leh ta liau a.


"Min rawn zawn hmuh kha ka ring rèng a ni, ka thinlung hian a hria sin,ka hming i lam te kha ka hre thei a ni, hetah hian"



Tap âw tiau a, ti chungin ka kut chu a alâ a, a âwm zâwn chu min khawih tîr vang vang mai, a lungphu dap dap pawh ka hre thei.


"Ka ngai thei lutuk che sin"


Tihpah a fawh ka'n tum chu alo hawisan ta daih a, mak ka ti, mahse ka hrethiám tûr a ni, lehlam chu min hawisan ta daih a, a tap tih ka hre mai,

"Bawihi"

Ka ti sup a, a insût ri hraih raih mai, muangchângin ka lam chu a rawn hawi leh a,



"Muanpui, min kalsan zâwk mai ta che, keichu i tân ka tling tawh lo, i hriat vek kha, hre lo anga awm tum duh suh"




Tap feih feih chung hian arawn ti a, a sawi chu pawngsual anih vâng kha tih ka hre nghâl mai, Chutiâng a sawi chuan min tina takzet a ni, engtin pawn awm sela, ka iai lo a, ka hmangaihzual sawt zâwk in ka hria.


"Chutiâng sawi suh, ka hmangaih che, chu chu engmah in a ti danglam ngâi lo ang"



Ka ti zawh rual chuan a rawn tap ri hak a, nghet zet chuan ka kuah ta vawng vawng a,


"I tân chuan bawlh hlawh mai ka ni, ka in haw ngawih ngawih"


Ka âwm zawn a hmâi phûm kâk chung chuan a ti a,


"I thiâm loh engmah a awm lo, sawi tawh suh, ka zawng hmu tawh che a, tûman an tihnat leh che ka phal tawh lo"

Keipawh ka mittui a tla ve bawk, a châlah chuan duat zetin ka fâwp vang vang mai.

_______________



SANGTEI POV





ONE WEEK LATER




Kârkhat lâi a liam leh ta, Lda leh Sarahi te thil tih chu mi zawng zawng hriatah puan zâr a ni a, na taka hrem tûra dah an ni bawk, Lda chuan Muanpuia nèn kan chunga hetiânga a awm nachhan chu Muanpuia nu vâng tih a sawi a, mahse chu chu chhuanlam mai mai a ni an ti thung, LDa hian midang rilru a pu pha zân lo, a rilru lamah buaina a nei an ti a, tûnah chuan rehab ah a awm rih bawk, Sarah i pawh a in puang a, Muanpuia nèn kan inneih hmâ atang daih tawh khân min lo tibuai thin tih a sawi ve bawk, engkim harsatna ka tawh zawng zawng kha an mahni lo tih vek hi alo ni a.




Tûnah chuan ka fapa pawn min nèl ve tawh a, a tîr kha chuan min nèl lova, ka pawm pawh a duh lo anih kha,ka rilru ana thei khawp mai, mahse tûnah chuan a nû ah min pawm ve tawh in ka hria.



Khâ ka thil tawn râpthlâk zet vâng khân zân mutthilh ka harsat a, ni èng ah hian ka la mengtha thei lo bawk, a chhan chu thla 4 dâwn khaw eng ka hmuh loh vâng a ni.


Pawngsual ka nih vângin Muanpuia chuan min iai phah lo a, an sawi chhuak ngâi hek lo, Hlutei pawn bialpa thar a nei leh tawh a, tûnah chuan khâ thil thleng râpthlâk khân min tibuai tawh lo a, ka tap tawh ngâi hek lo, ka pasal leh ka fapa hian min ti hlim èm a ni.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/





A TÂWP TA......
[/quote]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)