ITZHAK BY Hlutei Jocund Pachuau‎ (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: ITZHAK BY Hlutei Jocund Pachuau‎ (Completed)

Unread post by Ngaia » January 26th, 2020, 9:46 pm

TZHAK CHAPTER-19

BY

HLUTEI JOCUND PACHUAU

Zan in chu ka keypad a nuar nasa khawp mai😂😂😂....







"Ka rawn surprise che nih hi"



Nui sâng hian arawn ti a, a rawn lût tlang hmiah leh nghâl, henû zet hi chu âw, khawi ah mah hian zahna hi a hmu vè hlawl lo.



"Haw leh rawh hetah engmah tih tûr i nei lo"



Chang fak chuan ka ti a, ngei awm zet a nui sâwng pah hian ka room lam a pan anih chu, rang zet chuan ka pawt lèt vat a.



"Enge tih i tum a?"


"Min thlah teh ka pasal room a ka luh ve hi phalsak ka ni lo ami?"



Ring zet chuan a ti a, Sangtei khân a hre phâk angem? He nû hi ka chhuah tîr vat angâi a ni.



"Haw leh rawh"



Tih ringawt chuan ka chhâng a,

"I room ah hian eng ro thil fako nge i dah a?"




Tihpahin ka vawnna chu a tâl thla daih a, ka room kawngkhâr chu thinrim zet hian a hawng nghâl thuai mai.

Sangtei nèn chuan an inhma tawn ta rân a, Sangtei chuan mak tih hmèl zet hian min lo en kar bawk.


"Hetiâng hi alo ni maw..."



Sarah i chuan arawn ti chhuâk sap a, Sangtei ka en leh chu engmah hrethiâm lo tih hriat zet hian Sarah i nèn chuan min en tawn dûn zak zak a.


"In pahnih a chèndun in duh vâng hi ni em heta awm i duh chhan kha?"


Sarah i chuan thinrim mit sen râm hian min en a, melh pawh ka melh peih lo, Sangtei lam chu ka hawisan hmak a.


"Engtin nge ka pasal bulah hian ilo awm ngam zâwk a?"




Sarahi chuan Sangtei hnèn ah chuan a ti a, Sangtei hmèl rawn danglam ta vek chu hai ruâl a ni lo.


"Pasal a? Enge awmzia?"




A ti chhuak sap a, kei erawh ka ngâwi tawp thung, engkim a bul atanga atâwp thleng hrilh fiah ka tum a sin, duh aiin a hre hmâ dâwn ta a nih hi.


"Aw...Muanpuia nèn hian kan inneih daih tawh, a hrilh lo che mi? Mi pasal i ngâizawng Tih hre rawh"



Sangtei mit atang chuan mittui chu arawn tling ta kiau a, rilru nâ tih hriât zet hian min en kar bawk, engtin ka sawi fiah tâk ang.


"Thudik a ni em Muanpui?"



Arawn ti deuh hâ a, ka chhâng thei lo, amah chu ka en tawp a, a mittui rawn luangthla zâl zâl pawh ka hmu tel nghâl bawk.


"Engkim ka hrilh fiah ang che"



Tihpah chuan ka va pan hnâi a, kuah ka tum chu alo tawlh hnung nghâl vat a,

"Min khawih suh"

ka biang chu a ri nghâl sawk bawk.


"Engtin nge i theih zâwk? Ka lo ring hman che sin"



Tap âw tiau hian a rawn ti a, thil hre chhuâk ni awm tak hian room atang chuan a tlân chhuâk ta nghâl a.


Ûmzui ka tum chu Sarah i chuan ka kut ah hian alo man vat.


"Kal suh Muanpui"



Ka thinrim lutuk chu a kut min vawnna chu ka phih thla dâwrh a,


"Minute 5 pawh hetah ila awm anih chuan i nunna in a tuâr ang"




In seh ruh tûn a tihpah chuan Sangtei chu ka ûmzui vat a, ka in kawt a alo tlân thla lauh lauh chu ûm zui vatin a bul ka thlen chuan ka man bet nghâl vat a, a tâl loh nân a hnunglam atang chuan ka theih tâwpin ka kuah bet tlat bawk.


"Min thlah rawh, hâw ka duh"



Tap âw tiau chuan a rawn ti a, a tâl ve chat chat bawk,


"Ka thlah tawh dâwn lo che ka tih kha"



"Nupui nei reng chung hián maw!....a tâwk tawh lutuk Muanpui, ka thei tawh lo, Kan pahnih hi chuan awm dûn tûr kan ni lo niang"



Tap âw tiau hian arawn ti a, mahse ka bengkhawn duh lo, ka la kuah bet ngar ngar tho, eng anga nupui nei pawh ni ila ka hmangaih chu amah chauh a nih vâng a ni, a tello in ka awm thei lo chu ka ti lo, mahse harsa ka ti ngawih ngawih a ni, ani pawh ka tello a a awm ka phal tawh lo bawk.


"Engkim ka hrilh fiah vek ang che, min ngâithla phawt teh"



Ka tih tâkah chuan tlèmin a in thlahdul vè deuh a, a tap ri ta hak bawk.


"Ka tihpalh a ni, nupui i nei tih hre reng chung chuan i bulah ka awm reng thei lo ang"


A rawn tih tâkah chuan ka kuahna chu thlah in ka lam hawi zâwng chuan ka kuai her a, a mit sen râm leh a hnar sen tâi hlar pawh a chiang kalh kalh khawp mai.


"Min ring rawh ka tih kha, ka then leh vat dâwn tho lawm"



Ka thiâm ang tâwk chuan ka'n ti vè a, mahse sawi sual ka nei emaw ni, ka biâng chu a ri leh ta sawk mai,


"Engtin nge tiâng thû kha i sawi theih zâwk? Neih loh mai tûr che lawm, min lo nghâk reng amaw ka lo ti vè a, keichu nangmah leh kan naute ngaihtuah chungin kum thum chhûng khân hrehawm takin ka awm asin, mahse nangchuan nupui ilo nei a, hetiâng chung hian ka lo lèt i beisei amaw? Zak thei lo lutuk"



Tap chung chuan ka âwm chu a chûm taih taih a, ka lo dawh tawp ringawt, a rilru nat dân tûr hi ka hrethiâm a ni, mahse ka la rinawm reng a, vawi khat mah ka la phatsan bîk lo.


"Ka zak thei lo tih ka hria lawm"



Ka ti chhuâk sup a, Sangtei chu ka âwm thâm chung chuan a tap feih feih a, ka lo kuah lèt tawp ringawt.



A hnû deuh ah chuan min rawn en vut chung hian ka kuahna chu tâl chhuakin a chhuak thla ta nal nal a, a rilru nat lâi a nia, nakinah engkim ka la hrilh fiah ang, Sarah i thenna tûr pawh arang lama ka tih fel vat a ngâi dâwn a ni.



SANGTEI POV





Khumah chuan bawkin ka tap nghâl tawp a, ka thinrimin ka rilru ana bawk si, chuan zahthlâk ka ti hlè bawk, hmâna ka hmangaih ka tâna rinawm reng thin kha ala rinawm reng dâwn maw ka tia, alo rinawm reng thei bîk lo anih hi, dem ngawt thei bîk ka ni lo, a kalsan tû chu keimah ka nia, ka chanchin engmah hre lo na na na chuan mipa ve tho alo nih lâi ah min phatsan lo thei lo dinhmun ah a ding tih hi ka hrethiâm a ni, mahse nâ ka van ti èm, lo kalsan lo in engkim kha lo tuar ta ila Sarah i nèn khân an inneih lo tûr, keimâ thiâmloh vek a ni, mahse engmah ka siâmtha thei tawh dâwn chuang si lo, ka inchhîr ka ti dâwn nge ka thinrim ka ti dâwn pawh ka hre lo, tûna ka dinhmun hi engmah ka hrethiâm lo.


Khumah chuan mahnî in ka tap tlawk tlawk reng a, tûna ka dinhmun hi engmah ka hrethiâm lo, ka na vawng vawng a ni ber mai.



Ka nu te inkhâwm bâng pawh an rawn tî tî lût bawrh bawrh a, ka mittui techu hrû in ka tap a ni tih an hriât loh theih dân tûr ber chuan ka lo insiâm tha sawk sawk a.



"Nga ti nge i inkhâwm loh a Mate?"




Ka nu chu ka room ah chuan arawn dâk dèk dèk a, mu chung chuan ka lo hnung chhawn daih thung.


"Ka nuâmsam vak lo a"



Tih ringawt chuan ka chhâng a.


"I khawi lâi nge nâ a? Damdawi a awm asin ka rawn lâk dâwn che mi?"



"A ngâi lo, ka ei tawh a, rei lo tè ka mû nga ka tha leh vat mai ang"



Ka tih tâkah chuan min kalsan vè ta mai a, ka mittui rawn luângthla ngiai ngiai chu ka hru zauh zauh ringawt.




_________TIME SKIP___________




"U....a u....harh teh"




Ka taksa rawn che dat dar vâng chuan ka harh zawk a, ka nau in min lo kâitho reng chu niin, ka tho chhuâk nghâl hluai a, khua alo thim vek tawh, ka lo muhîl daih a nih dâwn hi.


"Dâr engzât nge?"



Ka'n ti deuh hluai a.


"Dar riat (8pm) a ni tawh, i thianpa kha lo lèng a"



A tih chhunzawm nghâl zat a, tû ka thianpa nge a sawi chu ka hre hauh lo.


"Tû chû?"



Ka'n ti deuh hû a,


"Min su tupa khâ, a nghâk reng che nia rawn tho rawh, i mit èk te kha nuai thla la, chhe bem bum si"



Tihpah chuan a chhuâk leh vat a, Muanpuia nih ngêi chu, tûn ang hunah techuan a nupui bula awm tûr a ni sin, ka chhuâk a ngem? Chhuak lo ta ila ka nu in min ringhlel ang tih ka hlâu si, chhuàk ta ila, Muanpuia hmèl ka hmuh chuan ka rilru a dang leh vek anga, mi pasal ka chuhpui mawlh chu ka hlâu a ni, ka thil duh loh ber a ni bawk sia.



Hreh zet chuan ka tho vè mai a, ka chhuâk chu sofa a Muanpuia lo thu rân ka hmuh rual chuan ka ding deuh dat a, ka bia ang nge be lo ang? Mahse a hmèl ka hmuh hian ka na vawng vawng mai, ngâwi reng chuan ka kal phei a, sofa ah chuan ka thu vè mai bawk a.



"Anih Nu Muante, ka va kalpui lawk a nge aw"



Tihpahin Muanpuia chu a tho hluai a, sofa a ka thû chu min rawn kâi tho ringawt nia, enge tih a tum hi ka hrethiâm lo.



"Rei lo ula, fîmkhur rû aw"


Ka nu chuan a ti sam èt a nih chu.


"Khawi ah maw min hruai i tum? Khawi ah mah ka kal dâwn bawk lo"



Ka lo ti bak hlar a, Muanpuia chuan rum zet hian min melh anih chu, a aia rum chuan ka lo melh lèt a.



"Kan chungchâng engkim ka sawi chhuah vek i duh loh chuan rawn kal vat mai rawh"




Ka beng bulah chuan arawn ti sur sur a, ka thinrim bawk si, mahse ka nu in kum thum liam ta a thil thleng te kha a hriat chhuah ka duh loh vâng chuan ka zui chhuak ta nge nge a.



A tukhumah te hian ben lawlh ka châk zâwk e a, a car ah chuan tûm deuh bâr hian ka chuâng a, khawi ah tak chuan min hruai ang maw, eng anga romantic pawn che mahse ka lèt leh phah tawh lo ang, ka rilru ka siâm fel vek tawh, hè khawvèla ka huat ber chu mî nupa inkâr ti chhe tu te hi an ni, chutiang zînga tel vè chu ka tum hauh lo, eng anga ka hmangaih pawh ni se.


Car chu a khalh chhuak ta vut vut a, glass chu down in pawn atanga thli vawt vîn zet rawn thaw lût chu ka inchhèm tîr vang vang a,


"Glass kha up rawh a vawt sî i hritlâng ang"



A rawn ti deuh sup a, a thû lo hi ka'n ti mai mai khawp ah....


"I thu lo, ka zuân thlâk daih nghâl loh"



Ka lo ti hmak a, ka maimitchhîng nghâl daih, ka hmâi za mer mer atang chuan chal chuar deuh nûngin min en kur tih ka hre thei mai.

___________

Thui deuh hlek kan tlân hnû chuan kan khua tho in ropui ka tih deuh thin kawtah chuan min din pui a, a awmna hi kan khua atanga hla vak lo tlèma fâl deuh ah hian a awm a, tlèmin ahan tlâng aâng deuh bawk, chhoh vè vang vang a ngâi.



Car atang chuan chhuâkin ka hawi kual zak zak reng a.



Muanpuia chuan in ropui ka tih deuh chu a hawng ta ruk ruk a, engtin nge chahbî te a neih zâwk le? Hepâ hian a nei tute a dîl a ni hrim hrim ang.



Inchhûng kan lût chu ka lo rin lâwk sâ ang ngèi a ropui a ni,a bungrua vèl chu duhthusâm a changkâng vek a ni bawk, âng phuau chuan ka hawi kual vak vak reng a, hetiâng in ropui hi ka la hmu ngâi miah lo, a tak ngèi ah leh nghâl.



"Engtin nge chahbî hi neih theih?"



Ka'n ti nghâl tawp a, nui deuh suk chung hian min en kur mai.


"A nei tu te hawh lawk ka dîl a"



Nui vur vur hian arawn ti a, ka rin dân vèl a ni, Muanpuia te hi kei ni ang em em a khawsak harsa an ni lo tih chu hre tho mahila, hetiâng in ropui lutuk sa tûr khawpa nei nung an nih ka ring lo hrim hrim.


"Enge heta min hruai chhan?"




Ka'n ti nghâl tâwng a,


"Thu phawt la, ka hrilhfiah ang che"



Tihpahin leather sofa an tih thin ah ngèi mai ah chuan min thuttîr a, a lo dûp deuh ul vâng chuan ka la phu deuh zawk zui.



"Engpawh sawi la ka thuthlûkna chu a ngâi reng tho ang, mî nupa inkâr ti chhe tu ka ni dâwn lo Muanpui"


Amah en kar chuan ka'n tî a, rilru nat hmèl deuh a min en kâr hnû ah chuan a âw chu a rawn thiân kharh a.



"Tinge min rin miah loh? Ka la hmangaih zia che i hria ni lâwm ni?"


Dam zet hian arawn ti a,


"Mahse chu chuan engmah a thlâk danglam dâwn lo, engkim chu a thlen tûr angin a thleng vek tawh a, pawm thiâm dân zir zâwk mai ang.Keiin theihnghilh che ka tum anga, nangin i nupui hmangaih i tum bawk anga"



"Ka thei lo"



In seh rru deuh tûn hian arawn ti a, a hmèl rawn dur khup chu chil lem khalh hian ka lo en tawp ringawt.



"Min kalsan lo la chu khâ nu kha ka neih a ngâi lo tûr a nia, i buaina te chu tlân chhiat san lo in kan pahnih in kan bei lèt tûr a nia, mi dâwihzep ber ang maiin i tlân chhia a nih kha"



Thinrim zet hian arawn ti a, a tawngkam kha zet chuan lem har ka va ti èm, ka hrawk ah hian min rawn hnawh ta ut ut mai, ka mittui chu a rawn tling ta pam a.


"Iti dik, kei hi mî dâwihzep tak ka ni"




Aw khûr hlak hlak a, tihpah chuan ka chhuâk ta hmak a, min rawn ûm zui tih ka hriât avâng chuan ka kal chak khawp mai, pâwn light in a èn phâk loh kawng thim ruih ka hmuh chuan ka ding dat a, ka mittui in ka biâng a tih huh hliâm chu a vawt deuh thler mai.



"Ka la sawi zo lo lût leh rawh"




Ram hmak hian a rawn ti a, ka hma zâwn ah chuan dingin min chhuk en rûn mai.


"Ka ngaihthlâk tûr ang chu ka ngâithla zo tawh in ka hria, ni e, kei hi ka dâwih zep alawm, nun râl muâng tak neih ka duh a, kum thum chhûng khân mi â ang maiin ka awm thîn a sin, ka natna techu bei lètin tûnah ka tha chhuâk vè dâwn chauh a, nang ilo lang leh a, ilo lan leh hnû pawn engmah ala danglam lo, kan pahnih hian kan hlim thei lo anih chuan tinge kumkhua atân in hmuh leh tawh lo tûrin kan in kalsan mai loh"




Tap chung chuan ka awrâwl tâwpin ka ti ta tâwn tâwn a, ka sawi zo chu ka hah vek thei, thâwk chu ka'n la hap hap a.


"In hmangaih te inkâr ah chuan hlimna awm reng thei hleinèm"



A rawn ti sup a, tap chung chuan ka nui hak mai, ka thinrim laia ka vawikhat nuih na a nih ka ring.


"Kan inkâr hi hlimna aiin lungngaihna tam zâwk, chuvângin min kalsan rawh, i hmèl pawh hi ka hmu duh tawh lo"



Ka'n ti leh tân tân a, ka sual, ka sual lutuk, tinge a rilru na lâi hmèl ka hmuh hian ka khawngaih tlat, ka hmâi chu hupin ka tap ri hak a.



Chû vèleh min rawn kuah a tum chu ka lo nem vat a, awmzia awm lo, a âwmah bawk chuan ka theih tâwpin ka chûm a.


"Ka hua che, ka haw lutuk che Lalmuanpui"



Aw khur dar dar chuan ka ti a, then ka duh a, kalsan chu ka duhthusâm a ni, mahse ka thei tlat lo, keimah leh keimah chu ka indem mawlh mawlh a, a bul atang khân kei hi ni thil tisuâl tû chu, tûmah dang mawh puh thei ka ni lo, Muanpuia hian bialnu a nei tih hre reng chung khân hnaih tâlh ka lo tum a, a tâwpah keimah bawk ka na leh si.


________



MUANPUIA POV




Sofa ah chuan thu in Sangtei chu engkim ka hrilh ta vek a, Min khawngaih hmèl zeta min en kar chung chuan ka kut chu a vuân vè rân a, hei pawh hi ka tân chuan a tâwk viau a ni, min khawngaihin min la hmangaih viau mahse alo lèt duh angem tih erawh ka hre hauh lo, hmeichhe rilru hi chu hriatthiâm ahar an lo tih thin kha.



"Diktak chuan hè in pawh hi ka pu in min rochun a nia, kei leh ka nupui awmna tûrin"



"Sarah i nèn maw?"


A rawn ti chhuâk sap a, a mit meng lian sen râm chuan min en kar bawk, zawhna chhân harsa deuh deuh hi min zâwt leh khauh khauh zèl a.


"Ka nupui ah ka pawm lo tih i hriât kha, hèng zawng zawng pawh hi i tello chuan engmah lo mai a ni"



Ka'n ti zui zat a.


"Duhtâwk teh"


Min enkar hian arawn ti a, ka rin ang ngèiin a thuthlûkna chu sawh sawn ala tum chuâng lo, he nu lunglian lutuk hi chu âw, ka beidawng hman thelh zèl.


"Rilru siâm dân tûr pawh ka hre lo Muanpui, Ka buai nuaih mai"



A indawm kun ta lap a, a rilrû ka tihbuai zia ka hria, ka khawngaih vè reng mai, mahse ka dinhmun in a zir lo èm a tin ni,


"Lo lèt tûra sawmna che tawngkam thlum tak hman tûr ka hre lo Sangte, mahse i tello chuan ka â thei mai ang"


A indawm kun lap lâi chu rawn hawi chhuak in min en ta kar a, hè mit meng mawi zet atanga mittui ka luán tîr zât hi ka chhiar sèng tawh lo, mahse hlim tûra kalsan chu ka thei lo bur, ka tello in a hlim thei tak tak bîk dâwn chuang lo tih hi ka hre chiâng èmai, kei aia hmangaih tû a nei lo ang chu ka ti ngam lo, kei aia hmangaih tu leh ti hlim thei zâwk tu pawh a neih ngèi ka ring, mahse ani aia hmangaih hi ka neih ka ring tawh tlat lo a ni.


"Ka hre lo, engmah hi ka hrethiâm tawh lo,ka lû te hi ana ngut ngut mai"


Tap âw tiau hiân arawn ti a, ka kuah leh nghâl vat, a rilrû ka tih nat sak ang zât hi ka ti hlim leh thei angem ka hre lo.


_________




Ka âwm nghèng chuan a muhîl ta chiâl a, a tap muhîl a ni deuh mai ang chu, Sana ka en chu dâr sâwm lâi alo ri tawh a, Hlutei chu phone in Sangtei nu hnènah ama bula riâk angin ka sawi tîr ta tawp a, khumah chuan muttîn in keipawh amah kuah chung chuan ka mu vè ta nghâl a.



A rawn tâl deuh chat chat mai, a hmèl ka en chu phâwk hrâ hian min lo en a.


"Dâr engzât nge ka hâw a ngâi"



Tihpahin arawn tho vut a, a phî leh cheng tawh.


"Hlutei'in a bula riâk angin sawi tawh che lâwm, Nichin khân i nû ka phone tîr a, lo mu leh rawh"


Tihpahin ka kuai mû a,


"Muanpui, a dik lo a nia ka awmdân hi, hâw vat zâwk ang"


Arawn ti deuh nâng nâng a, a hmèl duhawm lutuk chu ka lo nuih tawp.

"Kan in hmangaih a, engmah dik lohna awm lo, engmah ngaihtuah buai lo in mu tawp rawh"


Min rawn en vang vang a,

"Iti tak zet em?"


Min enkar chuan arawn ti sap a, ka chhâng tawh lo, a hmûi no chek ah chuan ka fâwp ta vang vang a, min chhânglèt lo.

"Engmah ngaihtuah buai suh ka tih kha, keimah chauh min ngaihtuah rawh"



Ka tih zawh chuan ka fâwp leh a, min rawn chhâng lèt vè ta,rang tak chuan chèt ka'n la vat a.



Tichuan zân hun duhawm tak chu kan hmang leh ta, naktûkah enge thleng ang tih ka ngaihtuah lo, Ka hmangaih tak nèn kan awmdûn chhûng chu a tha vek a ni mai.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:46 pm

ITZHAK

CHAPTER-20

BY

HLUTEI JOCUND PACHUAU





SANGTEI POV






Ka harh chu Muanpuia chuan nghet zet hian min lo kuah a, ala muttui hmèl èm èm leh nghâl, nî lah chu arawn chhuâk uâr tawh mai, kan mutna room chu ka enkual deuh hrak hrak a, light an dah leh an wallpaper bel zawng zawng nèn chuan nalh ka ti thlâwt, rawng thim leh zahawm deuh mai hi an hmang vek a, amawi vur lo nâ a, a changkângin a zahawm ru phiân mai, hetiâng èm èm hian an lo hausak ka ring ngâi miah lo, sawi pawh a sawi ngâi hek lo, keipawn ka zâwt ngâi lo bawk a, maimitchhîng leh deuh vang vangin nizân kan awmdân chu ka ngaihtuah lèt a, zahthlâk ka tî in ka in haw hluah hluah a ni ber, mahse ka mipa hmangaih leh duh èm èm in ti taka min chelh a nih chuan tû hmeichhia in nge hnar reng thei bîk ang, diktak chuan hmangaihna vangaa buai reng hi ka ning vetho, ka kham ngawih ngawih,mahse ka thinlung hi ka thunun thei bîk lo a ni.




Muanpuia arawn tâl deuh tuah tuah tâkah chuan ka en vat a, hâm bûi bûi chung hian a mit chu arawn nuai nauh nauh a.



"I harhna rei tawh em?"



"Rei lo e"


Ka lo ti sap a, a zîng tho hmèl pawh a tha tho a nih hi, kei chu ka chhe viau ang, ka hmâi te hi a mawm leh hlup âwm sia, min en reng vâng chuan ka hmâi chu ka tuai ringawt a.


"Ka hmâi hi mawm ngawt ang"



Zah zèlah chuan ka ti ringawt.


"Hmâi ro deuh neih âichuan a tha zâwk alawm, i vun kha a nung tihna nia"



A rawn ti sup a, thawmhnaw mumal ka la inbel loh vângin kan puansin lai chuan ka in vèt kuâl vek a,



"A tlâi tawh si, ka tho dâwn?"


Tihpaha thawh mai ka tum chu ka bân ah chuan min pawt thlu leh thuai a, ka lo râk that ringawt, ala nui ang vur vur a.


"Ala hmâ lutuk round 1 leh chiah"


Hèpa mâwl lutuk hi chuh, a dâr ah chuan ka bèng thuai a, alo râk vè that mai.


"Mâwl lutuk"




Tihpah chuan ka thawhsan ta daih a,

"Nang chu kut min thlâk vak vak zèl a"



A ti bul bul rî ka hriat chuan ka nui ringawt,a hmeichhia zâwk hian kut ka thlâk vè ziah rèng a ni.


___________





Kan in ah Hlutei chuan min kal pui hlauh a, ka nu pawn engmah min zâwt lèm lo.




A ngâi tè ang bawkin Dâwr ah chuan ka thu leh rân a, Customer an tam lo khawp mai, vawiin chu Holiday te alo bawk nèn, ka nau chuan min nghah pui vè ngèi a, mahse a thawh âiin a ei ral a tam zâwk ang, lian vè uaih tawh si ala naupang chhia nasa mai sia.



"A u, spicy noodles hi ei ila"



"A tullo"


"Ka ei châk alawm"



Ala tûm deuh luau zui, a eihnem tawh tehrèng nèn, ala puar lo a niang chu,


"Anih ei rawh, pum nâ sawi rèng rèng suh ang che"




Ka tih rual rual chuan ala nghâl hmak a nih chu, ala nui ang vur vur leh nghâl a, kan in lamah chuan a tlân thla daih anih chu, ei tûr ringawt a dâwr nghah âi chuan kal bo daih rawh se.


Customer lo lût lo chhawn tuma ka hawi chiah chu ka phu chiâng ngèi mai, Sarah i leh Muanpuia nu Doctor Marinai chuan thinrim hmèl zet hian min lo en reng a, engtin nge kan dâwr te hi an rawn zawn hmuh theih zâwk le.






"Enge in duh a? Vè teh miâl cheu chuan"


Ka lo ti nghâl vat a, ka hlâu tawh dâwn bîk lo, ngâwi reng chuan lo lût in ka hmâ ah tak chuan an rawn ding dûn a, ka lo en vè kar bawk.


"Muanpuia chu Sarahi nèn an in neih tawh chung pawn ila zar buai cheu duh ami?"


Doctor Marinai chuan rum zeta min melh chung hian a ti a, ka lo nui hak mai.


"Lei duh in neih loh chuan chhuak ru"



Ka lo ti vè vat a, Sarahi chu a thaw hak mai.


"I van zak lo, ka pasal i zar buai a, ti khân zâm map lo in engtin nge min tih ngam zawk a?"



Thinrim zet hian a rawn tî a,


"Ka zar buai rèng rèng lo, Muanpuia hian nang aiin min hmangaih zâwk tih hre reng chungin i nei lui a nih kha, kan in ang reng"



Ka tih zawh ruâl chuan ka hmâi chu a ri nghâl sawk a, Sarahi chuan mittui tling kiâu hian min lo en kar bawk.


"A hmangaih lo che tih i hriât reng techuan kalsan mai tache, a bula awm reng nachhan tûr i neih tawh chuan loh kha"



Ka'n ti leh hrâm a, An thinrim dûn ang chu, Doctor Marinai'n min rawn ben vè alo tum chu a kutah chuan ka lo man chat a, ka theih tâwp a nâ chuan ka lo theh thla thuai bawk.


"Nangnî pahnih then hran theih hi kan ni lo, tum buai duh tawh suh u"



Ka'n ti deuh hlak a.



"Eng thil nge maw in tih le?"



Ti tû lam chu ka hawi vat a, Ka nu chu thinrim hmèl zet hian arawn kal phei bawk, ni lo, ka nu hian engkim a hriat chuan a pawi vek a ni mai.



"Ka fanu chungah hian enge tih in lo tum a?"




Tihpahin Sarah i leh Doctor Marinai chu a enkar a,


"Awle, a nû i niang maw....i fanu hi lo hrilh rawh, ka fapa hi lo zar buai tawh suh se, nupui nei lâi a nih hi"



Doctor Marinai chuan thinrim zet hian a ti ta buan buan a, Sarahi chu a kâi chhuak nghâl daih, ka nu hmèl chu ka en ngam tawh hauh lo, ka kun tlawk tlawk ringawt.


"A thusawi kha enge awmzia? Pasal nei lâi i kawp tihna mi?"



"Aih ni lo, ka hrilhfiah vek ang che"



Ka lo ti nghâl vat a, ka nû hmèlah chuan thinrimna leh rilru natna ka hmu thei, a âwm vè rèng bawk a.

_________TIME SKIP________






Muanpuia nèn kan chanchin chu ka hrilh fâi ta vek a, engkim ka hrilh vek, kan naute chungchâng pawh, chuan Ka nâu su tu kha Muanpuia a ni tih te thlengin ka hrilh ta vek a, ka then theih tawh loh thû pawh ka sawi tel nghâl bawk.


Ka nu hmèl buai nuaih chuan min ti hlâuthâwng takzet a ni, engemaw tal sawi se ka ti, a ngawih reng chuan ka hlauhthâwn na ati zual,


"Engemaw tal i sawi dâwn lo mi Nu?"



Inthlahrung zet chuan ka'n ti sap a, thâwk techu han la deuh hakin ka kut chu arawn hûm ta vang vang a.


"Then mai rawh, a harsat dân tûr chu ka hriatthiâm pui lutuk che, mahse tûnah chuan nupui a nei tawh a, in in theihnghilh thei lo a nih pawn inkawp leh chu a theih ka ring tawh lo a ni, a nu kha ngaihtuah ta che, a râpthlâk zia kha"




Min en kar chungin aw ka dam thlap hian arawn ti a, ka thaw hak mai, tiânga a sawi kha ka ring rèng a ni, ka mittui rawn luâng chu ka hru zauh a.


"Ka thei lo tih i hriât kha"



Aw khûr hlak hlak chuan ka'n ti a.


"Chhungkaw din mai tûr a ni a, ka fanû in mî pasal a kawp hi ka rem ti thei lo a ni"




Hniâl hrehawm zet hian a rawn ti a, ka hniâl duh ta lo, ka ngâwi ta tawp a, ka mittui tlâ chu ka hru zauh zauh ringawt, ka nu thlîr dân atang chuan a tih tûr dik tak a ti alawm, mahse ka thei a ngem ka hre lo.


MUANPUIA POV





Vawiin nilèngin Sangtei ka be tlang thei lo, Hlutei nèn chuan ngâwi rengin chaw chu kan ei dûn a, ani leh ni lo angin vawiin tlái chu a ngâwi reng mai, ka biâk lahin a rûl tâwk lek lekin min chhâng bawk si.



"I nuamsam lo ami? I va ngâwi ve a?"



Ka'n tichhuâk ta nge nge a, a hmèl lah chu a ngui bâm bawk si.


"Englo a nia, Khûma nèn in inbe ngâi em?"



A rawn ti chhuak sap a,


"Be vak lo a buai deuh niang, tinge a?"



"Ni thum lâi min rawn be tawh lo a, chuan"



A ngawi leh ta daih a, a hmèl atang chuan a rilru anâ in ka hria, keinipawh kan inbiâk lohna rei tawh, hepa hi tinge a reh vung vung le?

"Chuan enge?"


"Nizân khân min rawn bia a, Inthen a duh thû a sawi a"



A ti chuai raih a, a mittui rawn tling kiau chu thup a tum vè nasa mai, hepâ hian enge a hriat rauh le, Hlutei chu ka farnu ang chiahin ka en a, ka thianpa mah ni se heti maia a kalsan chu ka thinrim angreng khawp mai, hetiâng mipa hi a nih ka lo ring phâk lo a.


"Ka lo be dâwn nia"



Ka'n ti ringawt a, hnem vak ngaihna pawh ka hre chuang lo.


"A ngâi lo, min duh tawh lo a niang, keichu min duh tawh lo tu chelh beh reng hi ka thei ve lo, a duh phawt chuan min then rawh se, mipa dang ka tawng leh âwm tho emai"




A ti deuh hlak hlak a, nui suk chung chuan ka kham san ta daih a, ka lèn chhuah dâwn thû chu sawiin ka chhuah san ta nghál a, rilru nat lâi chuan mahnî a awm a tha ber, ti sâwn amahin awm zâwk rawh se, Sangtei te in lam pan chuan ka in khalh chhuâk ta vat a.


_________________



An in ka thleng chu kawngkhâr chu ka'n kik karh karh a, a nau mipa hmeltha deuh chuan min lo hawn sak nghâl vat, ka lût chu Sangtei ka hmu hauh lo, a nû chu sofa ah chuan lehkhabu hi alo chhiâr malh malh a, min lâwm vak hmèl loh èm èm lehnghâl, enge thleng ang le aw? Tih ngaihtuah pahin sofa ah chuan ngâwi rengin ka'n thu thla vè a.



"A u chu a mû a, ka'n kâi tho dâwn ami?"



A nau chuan alo ti vat a.


"A ngâi lo Boihte, Room ah lo va kal rawh, i u thianpa hi ka'n ti ti pui lawk a nge"


Nu Muantei'n a tih tâk ah chuan Sangtei nau chuan min nuih sak pahin room lam chu a pan vat a.



"In chanchin engkim ka hre vek tawh a, engtia tih nge i tum?"


A nu chuan ka mita min en kar hian a rawn ti a, ka hamhaih zo vek, engtin nge alo hriat le? Sangtei'n a hrilh pawh ni maithei ni, ni e, nakin a hriat ai chuan tûna lo hriat lâwk pawh hi a tha zâwk, ala hre ve vek dâwn tho.


"Ka nupui hi ka then anga, Sangtei ka nei ang"


"Engtin? I nupui leh i nu râpthlâk zia kha, i nupui chu i then theih ka ring tawp love"



A rawn ti fak a, ka nu leh Sarahi chuan eng pawi nge an lo khawih leh tâk le? An hre khawp ang.


"Ka thei ang"


"Engtin? Kum thum chhûng hun a pe che a, ching fel vek tawh tûr inih lâiin nupui ah ila nei ta deuh deuh a, ka fanu hi i hmangaih takzet a nih chuan kawppui nei lo in rawn kal tawh ang che, nupui i neih chhûng chu in in hmuh hi ka rem ti thei tawh lo"



Thinrim zet chuan a ti a, a sawi dik tho mai, kei hi mipa nèp tak ka ni, ka hmangaih ber pawh ka vènghim zo lo a nia, a nu tawngkam atang hi chuan a fanu tân hian min la duh vè reng tih ka hria, a fanu in mî pasal a kawp a phallo mai chauh a ni, engpawh ni rawh se, Sarahi chu ka then khawp ang.



"Ka tiâm thei lo che a, Mahse Sangtei neih lèt nân chuan ka theih tâwp ka chhuah ang"



"Kan lo nghâk dâwn che nia, mahse in inhmuh chu ka rem ti lo"



Ala ti fan a, chû erawh har ka ti khawp ang, mahse han tum chhin vè phawt ila, han awm reng na chî ah ka ngaih loh vâng chuan ka chhuak leh vat a, car ah chuan thû in Hlutei chu call nghâl vat.


"Hello"


"Hlute, ka lo haw dâwn lo a, ka in ah khân lo riâk mai ta che, Aizawlah ka phei dâwn a"


"Enga! I â mi? Keimahin maw?"


"I duh duh riak vè tûrin lo sâwm mai rawh, mipa tih loh"


"Sangbawiha a pawi a ngem?"


Arawn tih tâkah chuan ka nui suk a,


"Pawi lo e"



Kan in biâk zawh chuan ka phone chu dahin Sangtei chu ka call leh nghâl vat a.


"Hello, ka nu khân enge alo sawi a?"


A rawn ti nghâl sawk sawk a.


"A tih tûr dik tak a tî lâwm, tha deuhin lo in enkawl la, kan in hmu lo rei deuh maithei a, ka ngâi ngawt ang che"


"Awle, keipawn ka ngâi dâwn lutuk che"



A rawn ti vè sap a, tawngkamah chuan sawi kher ngâi lo mahse min hmangaih a, min thlahlel vè ngawih ngawih thin tih ka hria.


"Min ring ti raw"


"Ka ring che, engkim itih fel vat ka beisei"



Nui sukin a tawng chu ka ngâithla vang vang a, min rin tâwkna hian min ti chak leh zuâl in ka hria, engkim ching fel tawh teh ang, hèng thil vânga buai reng hi ka kham tawh, phone chu dahin Aizawl lam pan chuan ka in khalh chhuak leh nghâl vang vang a.





SANGTEI POV






Rilru hah vânga bo theih chu ni se ka bo vang vang tawh ang, Muanpuia chuan engtak chu tî ang maw, zân pawh mu mang lo chuan ka tleivâr deuh thak a, Ngui bûrin dawr ah chuan ka thu ringawt, dar sawmpakhat (11AM) a ri leh dèr tawh, Muanpuia lah chuan min rawn la be miah lo,ka phone chu ka hûm rân reng a, vawiin chu ka mûmal lo nuaih mai, Hlutei leh Sangbawiha chu dâwr an khâr vângin an rawn lèng a, engkim ka lo hrilh vè vek bawk, Hlutei leh Khûma pawh an inbe tha lo tih ka hre leh zèl bawk nen, tû ânchhia nge maw kan tawn tâk hi le.



"Keichu U Sangte, ka rilru hah e, Muanpuia nu lah kha a hlauhawm si"



Sangbawiha chuan arawn ti chhuak hlawl a, Hlutei chuan alo nghawk zauh lâi chu ka va hmu bawk,


"Kei tak hi nia, Sarahi hian a then duh hmèl bawk sî lo"


Ka lo ti vè vat a, kan pathuma kan thut ngui bûr lâi chuan pawn lama car ding ka hmuh ruál chuan ka phu deuh zawk mai.


Muanpuia chu hmanhmawh zet hian a rawn tlân chhuak a.


"Enge chanchin ni ta?"



Ka lo ti nghâl vat,


" Bawihi, Sarahi hi a rai an tia"



Chû thû chuan min deng dawt mai,


"I rilru ti na duh suh, ka fa a ni hleinèm, midang fâ zâwk a nia, chu chu remchângah lâ in ka fâ a puh alo tum rû a, ka chhûngte chuan ka fa ah an ngâi hmiah lehnghâl, Khûma'n engkim min hrilh a"



Ka thaw huai thei, Hlutei chu a rawn ding hluai a,


"Anih chuan Sarahi chu alo chhui ru char char tihna mi? Mahse Inthen a duh thû te kha arawn sawi sia"


Hlutei chuan arawn ti deuh hâ a, chû thû chu ka hre vè miah lo.


"Dik tak chuan Hlute, ka farnû ang chiahin ka en che a, i rilru nat pawh ka phal lo, mahse hei hi i hriât vè ngèi a ngâiin ka hria, Sarahi naupâi na pa chu tû dang ni lo in Khûma fa a nia"



Mak ka ti lutuk chu Muanpuia chu ka en deuh hâ a, a hresual a nih tepawh ka ring rum rum zâwk e a, Khûma hi tiâng mî a ni ang tih ka lo ring phâk lo rèng rèng.


Hlutei mittui tling kiau ka hmuh chuan ka va kuah vat a, a rilru nat dân tûr hi, a rilru zawng zawng a lo pe vè hman sia, a hlimpui theih teh lûl nen, ka khawngaih lutuk chu ka tahpui lo chauh a ni ber mai.


"Khûma chuan vawi khat chiah an che sual tih a sawi a, chû pawh a ruih lâiin, tihpalh thil thû in a mutpui tih a sawi a, a inthiâm lo takzet a ni, i ngaihdam theih chuan"


Muanpuia chuan a rawn ti sup a,


"Ngaihdam a? Ka ngâidam hlawl lo a nge, tenawm lutuk"



Thinrim zet hian a rawn ti a, tinge keimâ hlim nân ka thian tha berin a tawrh kher a ngaih le, ka hlimna hi heti khawp hiân a man a lo to bîk a mawni, ka thiannu hlimna ka lâksak kher a ngâi em ni? Pathian remruat dân hi hriatthiâm har ka ti thin ngawt mai.



"Inneih rawh se, Khûma chuan Sarahi nèn in inthen theih nân a fa a nih thû hi mî zawng zawng hmâ ah sawi rawh se"



Hlutei chuan a ti ta piâp piâp mai, kan pathum chuan tawng vè vak na chî ah kan ngaih loh vângin kan ngâwi ta tawp a.


"Chutiang ringawt a ni lo, Khûma pawn a neih duh loh thû a sawi a, zèp lo chuan ala duh che tih ka hria"



Muanpuia chu kan en leh thap a, Hlutei chu mittui tling kiau chuan a rawn nui hak a,


"Ka ngâidam thei lo, ilo hrilh dâwn nia, ka haw rih lawk dâwn, mahnî a awm ka duh"



Tihpahin Hlutei chu a tlân chhuâk ta daih a, ûmzui ka tum chu Muanpuia chuan ka bânah alo vuân vat.


"Amahin awm tîr rawh, a tân a tha ber ang"



A tih tâkah chuan ngâwirengin kan pathum chuan kan thu ngâwi ta thap a, sawi tûr avâng duh khawp mai.



"Keipawh ka haw mai ang Ei rawng bâwl ka ngai sia"



Tihpahin Sangbawiha pawh chuan haw chu a tum vèleh ta mai a, Muanpuia nèn chauh kan awm ta, diktak chuan sawi tûr ka hre lo a ni, kan hlim nân, kan awmdun theih nân midangin an lo tuar kher ngâi hi kan duh dân a ni lo, kan thiân leh kan hmangaih tak phei chu, ka rin loh lam daih a ni, Khûma pawh chuan enga ti nge maw tiâng thil kha alo tih rèng rèng le.


"Khûma chu a ti mak ka ti khawp mai"



Ka'n ti chhuâk sap a,


"A duh vâng rènga ti a ni bîk hleinèm"



Dam thlup chuan arawn ti a, a kut pem ka hmuh chuan ka phu deuh zawk mai.


"Tinge i kut kha?"



Tihpahin a kut chu ka vuân vat a,


"Khûma ka hnek na nih hi, a ho lutuk hetiâng te chu, Doctor ka nih hi"



Nui deuh suk hian a rawn ti a, keipawh ka nui vèleh mai a.



"Engthil nge in lo tih kha?"



Ti tû lam chu ka hawi vat a, ka nu chuan thinrim zetin kan thutna lam chu a rawn pan vat a, Muanpuia nèn chuan kan lo ding nghâl vat.


Kan bul a rawn thleng chu ka nu chuan Muanpuia hmâi ah chuan arawn bèng nghâl thuai a, ka tè deuh that bawk.


"Ka fanu hi hmu rih lo tûrin ka tî che ni lâwm ni?"



A ti zui zat a, ka nu lah hi engmah hre lo hian a che leh buan buan zèl a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:46 pm

A tawi ang tih ka hria, mahse hun ka nei thei thlâwt lo, ka buai theih zia hi hria ula chu min khawngaih zâwk ang,🤧.....Story ka type dâwn reng reng hian khawi hmun ah pawh ka type ve thei thin bawk si lo, thâwm bengchheng lo, rilru fîm tak ka put theih na ah lo chuan ka awm thei lo a, dâwr a thawk chung chuan inrem lo tak a ni, mahse ka hun âwl neih apiang chuan ka type ve naw naw zel a, mahse tûnlai chu hun âwl pawh ka nei ngâi lo. Buai miah miah tak ka ni,


ITZHAK


CHAPTER -21

BY

HLUTEI JOCUND PACHUAU






"Ka nu, thil pawimawh ah alawm kan in hmuh"




Vîn that chuan ka lo ti a, ka nu chuan hriatthiâm loh hmèl zet hian min en kar mai.


"Engthil pawimawh maw?"


"Nakin ah ka hrilh ang che"


Tih zâwng chuan ka chhâng a, Muanpuia pawh a duty a ngaih avângin a chhuak leh vat a, an inthen vat chu ka ring, mahse ka rilru ala dam fel thei lo, Khûma hi ka haw ngawih ngawih, phone atanga va hauh hrep ka tum lah in Muanpuia'n a phal tlat bawk sî lo, Hlutei ka call ala duh bawk si lo, ka rilru buai ngawih ngawih.


________



Tlâi chaw kan ei kham hnû chuan Muanpuia pawh lo lèng a, ka nu pawn min sawi sèl peih tawh lo a niang, ka nau lah chuan a Maths hriatthiâm loh chu alo zâwt ve reng bawk a, Ka nau hian a ngaina phiân mai, an in hrilh fiah lai chu ka lo en ve tawp ringawt.



"Hlutei hi ka la be tlang thei miah lo a"



Muanpuia chuan min en kar a,

"Amahin awm tîr rawh, hmeichhe tuarchhel tak a nia, a tuar thei em em ang"



A ti deuh sup a, ni e, ngaihzâwng then chu alâk nat vak ngâi loh kha maw...mahse Khûma nèn an inthen dán erawh chuan a nghawng na vè ngawtin ka ring.


Muanpuia pawh lèng rei tawh lo chuan a hâw vèleh nghâl mai a, keipawh ka mu vè mai bawk, phone ah te hian kan inbe zen zen ngái lo a, mahse zan in chu kan intex ve reng mai.



MUANPUIA POV



Khûma rui lung puâm chu ka thiâm ang táwk chuan ka hnèm a, Sarahi a neih duh loh zia a sawi reng bawk, Sarahi pawn a nei duh em em lo nâ a, a râi si chuan an la inneih ngèi a ngâi, keipawn ka then fel tawh a, vawiin khân ka hnawt chhuâk nghâl a nih kha, keichu ka zalèn a, mahse ka thian tha ber tân ka zalenna chu phurrit alo ni vè leh zèl bawk si.


"I hria em Thiana, Hlutei nèn vawi khat mah sex pawh kan la hmang lo a sin"



A rawn nui suk a,


"Vawi khat chu khawih ka tum vè ngei a, mahse a tèt ang ngawt a ni lo, a chak reuh zia chu, min ham pilh nasa nia, hei en la"



Tihpahin a bân a ser chhetè awm chu min hmuh a, a rilru na chu hmuh hrehawm ka tiin sawi tûr hre lo chuan ka en tlawk tlawk ringawt.



Hlutei hi chu alo duh vè hlè a nih dâwn hi, a ruih lâia a hming a sawi zâwng ringawt pawn a nuih pui thei a nia, thil dang ka ngaihtuah vung vung lâi chuan Khûma pawh alo chatthla fel dèr tawh, ka khum lamah chuan ka kuah phei a, ka thianpa rilru na ka hnem thiâm dan ber chu a bula mut hi a ni mai, ti rilru chung chuan ka bulah chuan ka muttîr leh ta nge nge a.



____________





1 MONTH LATER





SANGTEI POV





Thlakhat lai a liâm ta, Sarahi chhûng techuan a naupai chu Muanpuia fa ah an puh tlat a, Sarahi leh Khûma lah an ngâwi tlat si, Khûma'n a kâ atang ngei a asawi chhuah hma chu Muanpuia pawn Sarahi naupai chu a thiantha ber fâ tih a sawi duh bîk lo, Muanpuia pa chuan Sarahi chu a hruai hâwng leh ta tawp a, ka nu pawn alo hriât vè atang chuan kan in hmuh a rem ti tawh lo bur mai si, Mahse a rûkin kan inhmu ziah tho.




Khûma pawn Hlutei chu ngaihdam a dîl a, mahse Hlutei te ang lunglian lutuk chuan a ngaidam lo chiang a sin, Khûma chu ka haw viâu na a, ka thiannu, ka nau anga ka en laka a awm dân atang hi chuan a hmangaih vè takzet in ka hria, Hlutei'n hmuh duh miah lo a mahse zantin ala rawn phei a, a ngaihdam hmâ chu a tih buai char char tûr thû a sawi mauh mai si, keipawn ka khawngaih dèr tawh, mahse Hlutei erawh chuan a thuthlûkna sawhsawn ala tum hauh lo, Muanpuia nèn chuan keimahni vâng a nih kan ring a, kan inthiâm lo dûn kher mai.


Ka nau exam dâwn anih vângin Hostel ah a awm a, vawiin khân ka nu in ava tlawh a, motor a ruih deuh vângin ka nutei te in ah a riâk nghâl bawk, Hlutei chu riâk vè turin ka sawm na a, A dam sam loh vângin a chhuah peih loh thû min lo hrilh thung, Sangbawiha chu ka sawm ta tawp a.




Kan pahniha kan tleina ber Mobile legend ngei chu kan han khèl dûn a, ka thiâm loh deuh chuan min hau hrep zèl lehnghâl.



Kan pahnih a kan khelh mawlh mawlh lâi chuan Khûma chu arawn lût hlawl mai, Sangbawiha nèn chuan kan lo en dûn kar a, a hmèl pawr chhap ka hmuh chuan ka khawngaih ngèi mai.



"Lo thu teh, ka hmu khât lutuk che a, inbe lawk ang"



Ka lo ti nghâl vat a, Sangbawiha pawn a tih tûr a hai lo chiâng kher mai, Choka lam chu thingpui lum tûr chuan min pan sawn ta nghâl a.



"Hlutei lakah hian ka beidawng tawh Sangte"



Beidawn hmèl zet hian arawn ti sup a.


"I tihsuâl a nia, a ngaihdam hmâ che chu bei tang tang tûr ini sin, tinge tiang rilru kha i put a, i duh tak tak lo zâwk ami?"



"Teuh lo, ka duh lutuk, ka hmangaih tawh zâwk in ka hria, mahse min hmangaih ve lo a ang ka ti, an in ah ka zu lèng a, mahse a room atangin vawi khat pawh a rawn chhuak duh si lo a ka rawn chho tawp anih hi"




A ti ve nuah nuah a, ka khawngaih reuh ngèi mai, mahse Hlutei ka dem ngawt thei bîk bawk si lo.



"Mipa takin awm ta che, hmun fâlah i theih chuan hruai la, a duh lo chung pawh pawt lui mai rawh, chuan i sawi duh zawng zawng chu i sawi dâwn nia"



"Min lo la ngâidam duh lo ta se"


"Ka hre tawh bîk lo"




Tih ringawt chuan ka chhâng a, beidawn hmèl zet a a thaw chhuak hak ka hmuh chuan ka lo na ve veng veng mai.



Khûma a hâw hnû chuan Sangbawiha nèn pawh kan mu vè mai a, Hlutei leh Khûma ka ngaihtuah ringawt pawh hian ka tah a chhuâk ngawih ngawih, Muanpuia chu ka call ta tawp a, eng engemaw kan sawi hnû chuan keipawh ka mu ve nghâl mai.




_________


Dâwr ka nghâk techu ka awm pawh a nuam thei lo, ka lû te hi a hai bûr mai, ka mood a off bawk si, customer te pawh nui hmèl ka hmuh peih lo.



"Helâi nû hi ava tûm nasa beu buau vè"




Chû áw chu,ka hawi chhuâk chu ka hmâ a ding vâng chuan ka kâ huau reng a,Rinmawia chuan nui var var hian min lo en reng chu niin, ka ding nghâl zawt a.



"Engtin nge hetah?"



"Ka sawi buai peih lo a thui lutuk, hetah hian min rawn sawn leh tawh a, mahse Baby i leh ka nu chu kan khaw lamah an la awm rih"



Nui hak pah chuan ka kuah nghâl vat a, kum tam tak alo liâm vè ta reng mai, mahse thil ka hriât chhuah deuh zawk vâng chuan ka thlah leh vat a.


"Hey....kan nunhlui te kha chu theihnghilh in hlim takin awm zäwk ang"


Min en kar a arawn tih tâk ah chuan ka nui vèleh mai a, ni e, engkim kha theihnghilh a tha, tûnah chuan Rinmawia pawn a theihnghilh tawh hi.


"A dik alawm, Baby i ka ngaih tehrèng nèn"




Ka lo ti nghâl vat a, Tûnah chuan a liân ve tawh ngawt ang.



_________



Eng engemaw sawia kan ti ti mawlh mawlh lai chuan Muanpuia pawh a rawn lût hlawl mai, ka tawng tâwp chiâng asin, Rinmawia hmèl a hmuh chuan a hmèl chu a rawn in thlâk nghâl a, a mit meng thîp râm chuan a en ta kar mai.



"Kan in hnuh lohna rei tawh hlè mai i dam thâ maw?"



Rinmawia pawh chuan alo ti vat a, Muanpuia erawh a ngâwi tlat, an in chibai hnû chuan Muanpuia a thu fel chiah tih in Rinmawia chu a chhuâk ve ta nghâl vat a.


"Enge a rawn tih a?"



"Hetah an rawn sawn leh a,min rawn tlawh anih kha"



Ka lo ti vat a.


"Sangte Hepâ hi ka mi rin zâwng a ni lo, chuvângin abulah hian awm tam lo la ka ti khawp mai"


A thusawi vâng chuan ka sa zawk mai.


"Rinmawia hi ka tèt lai atanga ka thian tha tak a nia, mi rilru chhia a ni lo, bâkah a danglam tawh"



Ka'n ti deuh that a, Muanpuia chu a thinrim zual amaw tih tûr khawp a ni.


"Thinrim vak kher a ngâi lo, a chanchin tha lo ka sawi pawh chu iva haw ve"



"Ka hua ni hleinèm, hriatthiâm tum rawh, kan inthian thatna hi engtikah mah a danglam lo ang"



"Tih danglam ka tum hleinèm, abulah awm tam lo la ka ti mai a nia"


Arawn ti hrâm a, tinge maw ka thinrim nghâl hrâ reng le.


"Iti mak emai, ka thian a nia, sawi tûr tepawh kan ngah ve alawm"



"Ka thîk alawm"




Vîn thawt a arawn tih tâkah chuan ka ngâwi ta hmak a, ka thian a nia, thîkna chhan tûr a awm lo e, hèpâa hi chu a thîkthû hi a chhe over hrim hrim.



Tûm hmakin ka thil tih lâi chu ka tih san ta hmak a, ngâwi rengin min chhuah san ve hmak a nih chu, nui hakin ka en liâm ringawt.



A kal liâm hnû chuan ka thu ngui ta bâm a, tinge engmah sawi lo a a chhuah daih le, ninawm ka rilru lah hi na hmâ thei sia, tûnlai ka awm dân hi ka ning hluah hluah.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:47 pm

A tawi ang tih ka hria, mahse hun ka nei thei thlâwt lo, ka buai theih zia hi hria ula chu min khawngaih zâwk ang,🤧.....Story ka type dâwn reng reng hian khawi hmun ah pawh ka type ve thei thin bawk si lo, thâwm bengchheng lo, rilru fîm tak ka put theih na ah lo chuan ka awm thei lo a, dâwr a thawk chung chuan inrem lo tak a ni, mahse ka hun âwl neih apiang chuan ka type ve naw naw zel a, mahse tûnlai chu hun âwl pawh ka nei ngâi lo. Buai miah miah tak ka ni,


ITZHAK


CHAPTER -21

BY

HLUTEI JOCUND PACHUAU






"Ka nu, thil pawimawh ah alawm kan in hmuh"




Vîn that chuan ka lo ti a, ka nu chuan hriatthiâm loh hmèl zet hian min en kar mai.


"Engthil pawimawh maw?"


"Nakin ah ka hrilh ang che"


Tih zâwng chuan ka chhâng a, Muanpuia pawh a duty a ngaih avângin a chhuak leh vat a, an inthen vat chu ka ring, mahse ka rilru ala dam fel thei lo, Khûma hi ka haw ngawih ngawih, phone atanga va hauh hrep ka tum lah in Muanpuia'n a phal tlat bawk sî lo, Hlutei ka call ala duh bawk si lo, ka rilru buai ngawih ngawih.


________



Tlâi chaw kan ei kham hnû chuan Muanpuia pawh lo lèng a, ka nu pawn min sawi sèl peih tawh lo a niang, ka nau lah chuan a Maths hriatthiâm loh chu alo zâwt ve reng bawk a, Ka nau hian a ngaina phiân mai, an in hrilh fiah lai chu ka lo en ve tawp ringawt.



"Hlutei hi ka la be tlang thei miah lo a"



Muanpuia chuan min en kar a,

"Amahin awm tîr rawh, hmeichhe tuarchhel tak a nia, a tuar thei em em ang"



A ti deuh sup a, ni e, ngaihzâwng then chu alâk nat vak ngâi loh kha maw...mahse Khûma nèn an inthen dán erawh chuan a nghawng na vè ngawtin ka ring.


Muanpuia pawh lèng rei tawh lo chuan a hâw vèleh nghâl mai a, keipawh ka mu vè mai bawk, phone ah te hian kan inbe zen zen ngái lo a, mahse zan in chu kan intex ve reng mai.



MUANPUIA POV



Khûma rui lung puâm chu ka thiâm ang táwk chuan ka hnèm a, Sarahi a neih duh loh zia a sawi reng bawk, Sarahi pawn a nei duh em em lo nâ a, a râi si chuan an la inneih ngèi a ngâi, keipawn ka then fel tawh a, vawiin khân ka hnawt chhuâk nghâl a nih kha, keichu ka zalèn a, mahse ka thian tha ber tân ka zalenna chu phurrit alo ni vè leh zèl bawk si.


"I hria em Thiana, Hlutei nèn vawi khat mah sex pawh kan la hmang lo a sin"



A rawn nui suk a,


"Vawi khat chu khawih ka tum vè ngei a, mahse a tèt ang ngawt a ni lo, a chak reuh zia chu, min ham pilh nasa nia, hei en la"



Tihpahin a bân a ser chhetè awm chu min hmuh a, a rilru na chu hmuh hrehawm ka tiin sawi tûr hre lo chuan ka en tlawk tlawk ringawt.



Hlutei hi chu alo duh vè hlè a nih dâwn hi, a ruih lâia a hming a sawi zâwng ringawt pawn a nuih pui thei a nia, thil dang ka ngaihtuah vung vung lâi chuan Khûma pawh alo chatthla fel dèr tawh, ka khum lamah chuan ka kuah phei a, ka thianpa rilru na ka hnem thiâm dan ber chu a bula mut hi a ni mai, ti rilru chung chuan ka bulah chuan ka muttîr leh ta nge nge a.



____________





1 MONTH LATER





SANGTEI POV





Thlakhat lai a liâm ta, Sarahi chhûng techuan a naupai chu Muanpuia fa ah an puh tlat a, Sarahi leh Khûma lah an ngâwi tlat si, Khûma'n a kâ atang ngei a asawi chhuah hma chu Muanpuia pawn Sarahi naupai chu a thiantha ber fâ tih a sawi duh bîk lo, Muanpuia pa chuan Sarahi chu a hruai hâwng leh ta tawp a, ka nu pawn alo hriât vè atang chuan kan in hmuh a rem ti tawh lo bur mai si, Mahse a rûkin kan inhmu ziah tho.




Khûma pawn Hlutei chu ngaihdam a dîl a, mahse Hlutei te ang lunglian lutuk chuan a ngaidam lo chiang a sin, Khûma chu ka haw viâu na a, ka thiannu, ka nau anga ka en laka a awm dân atang hi chuan a hmangaih vè takzet in ka hria, Hlutei'n hmuh duh miah lo a mahse zantin ala rawn phei a, a ngaihdam hmâ chu a tih buai char char tûr thû a sawi mauh mai si, keipawn ka khawngaih dèr tawh, mahse Hlutei erawh chuan a thuthlûkna sawhsawn ala tum hauh lo, Muanpuia nèn chuan keimahni vâng a nih kan ring a, kan inthiâm lo dûn kher mai.


Ka nau exam dâwn anih vângin Hostel ah a awm a, vawiin khân ka nu in ava tlawh a, motor a ruih deuh vângin ka nutei te in ah a riâk nghâl bawk, Hlutei chu riâk vè turin ka sawm na a, A dam sam loh vângin a chhuah peih loh thû min lo hrilh thung, Sangbawiha chu ka sawm ta tawp a.




Kan pahniha kan tleina ber Mobile legend ngei chu kan han khèl dûn a, ka thiâm loh deuh chuan min hau hrep zèl lehnghâl.



Kan pahnih a kan khelh mawlh mawlh lâi chuan Khûma chu arawn lût hlawl mai, Sangbawiha nèn chuan kan lo en dûn kar a, a hmèl pawr chhap ka hmuh chuan ka khawngaih ngèi mai.



"Lo thu teh, ka hmu khât lutuk che a, inbe lawk ang"



Ka lo ti nghâl vat a, Sangbawiha pawn a tih tûr a hai lo chiâng kher mai, Choka lam chu thingpui lum tûr chuan min pan sawn ta nghâl a.



"Hlutei lakah hian ka beidawng tawh Sangte"



Beidawn hmèl zet hian arawn ti sup a.


"I tihsuâl a nia, a ngaihdam hmâ che chu bei tang tang tûr ini sin, tinge tiang rilru kha i put a, i duh tak tak lo zâwk ami?"



"Teuh lo, ka duh lutuk, ka hmangaih tawh zâwk in ka hria, mahse min hmangaih ve lo a ang ka ti, an in ah ka zu lèng a, mahse a room atangin vawi khat pawh a rawn chhuak duh si lo a ka rawn chho tawp anih hi"




A ti ve nuah nuah a, ka khawngaih reuh ngèi mai, mahse Hlutei ka dem ngawt thei bîk bawk si lo.



"Mipa takin awm ta che, hmun fâlah i theih chuan hruai la, a duh lo chung pawh pawt lui mai rawh, chuan i sawi duh zawng zawng chu i sawi dâwn nia"



"Min lo la ngâidam duh lo ta se"


"Ka hre tawh bîk lo"




Tih ringawt chuan ka chhâng a, beidawn hmèl zet a a thaw chhuak hak ka hmuh chuan ka lo na ve veng veng mai.



Khûma a hâw hnû chuan Sangbawiha nèn pawh kan mu vè mai a, Hlutei leh Khûma ka ngaihtuah ringawt pawh hian ka tah a chhuâk ngawih ngawih, Muanpuia chu ka call ta tawp a, eng engemaw kan sawi hnû chuan keipawh ka mu ve nghâl mai.




_________


Dâwr ka nghâk techu ka awm pawh a nuam thei lo, ka lû te hi a hai bûr mai, ka mood a off bawk si, customer te pawh nui hmèl ka hmuh peih lo.



"Helâi nû hi ava tûm nasa beu buau vè"




Chû áw chu,ka hawi chhuâk chu ka hmâ a ding vâng chuan ka kâ huau reng a,Rinmawia chuan nui var var hian min lo en reng chu niin, ka ding nghâl zawt a.



"Engtin nge hetah?"



"Ka sawi buai peih lo a thui lutuk, hetah hian min rawn sawn leh tawh a, mahse Baby i leh ka nu chu kan khaw lamah an la awm rih"



Nui hak pah chuan ka kuah nghâl vat a, kum tam tak alo liâm vè ta reng mai, mahse thil ka hriât chhuah deuh zawk vâng chuan ka thlah leh vat a.


"Hey....kan nunhlui te kha chu theihnghilh in hlim takin awm zäwk ang"


Min en kar a arawn tih tâk ah chuan ka nui vèleh mai a, ni e, engkim kha theihnghilh a tha, tûnah chuan Rinmawia pawn a theihnghilh tawh hi.


"A dik alawm, Baby i ka ngaih tehrèng nèn"




Ka lo ti nghâl vat a, Tûnah chuan a liân ve tawh ngawt ang.



_________



Eng engemaw sawia kan ti ti mawlh mawlh lai chuan Muanpuia pawh a rawn lût hlawl mai, ka tawng tâwp chiâng asin, Rinmawia hmèl a hmuh chuan a hmèl chu a rawn in thlâk nghâl a, a mit meng thîp râm chuan a en ta kar mai.



"Kan in hnuh lohna rei tawh hlè mai i dam thâ maw?"



Rinmawia pawh chuan alo ti vat a, Muanpuia erawh a ngâwi tlat, an in chibai hnû chuan Muanpuia a thu fel chiah tih in Rinmawia chu a chhuâk ve ta nghâl vat a.


"Enge a rawn tih a?"



"Hetah an rawn sawn leh a,min rawn tlawh anih kha"



Ka lo ti vat a.


"Sangte Hepâ hi ka mi rin zâwng a ni lo, chuvângin abulah hian awm tam lo la ka ti khawp mai"


A thusawi vâng chuan ka sa zawk mai.


"Rinmawia hi ka tèt lai atanga ka thian tha tak a nia, mi rilru chhia a ni lo, bâkah a danglam tawh"



Ka'n ti deuh that a, Muanpuia chu a thinrim zual amaw tih tûr khawp a ni.


"Thinrim vak kher a ngâi lo, a chanchin tha lo ka sawi pawh chu iva haw ve"



"Ka hua ni hleinèm, hriatthiâm tum rawh, kan inthian thatna hi engtikah mah a danglam lo ang"



"Tih danglam ka tum hleinèm, abulah awm tam lo la ka ti mai a nia"


Arawn ti hrâm a, tinge maw ka thinrim nghâl hrâ reng le.


"Iti mak emai, ka thian a nia, sawi tûr tepawh kan ngah ve alawm"



"Ka thîk alawm"




Vîn thawt a arawn tih tâkah chuan ka ngâwi ta hmak a, ka thian a nia, thîkna chhan tûr a awm lo e, hèpâa hi chu a thîkthû hi a chhe over hrim hrim.



Tûm hmakin ka thil tih lâi chu ka tih san ta hmak a, ngâwi rengin min chhuah san ve hmak a nih chu, nui hakin ka en liâm ringawt.



A kal liâm hnû chuan ka thu ngui ta bâm a, tinge engmah sawi lo a a chhuah daih le, ninawm ka rilru lah hi na hmâ thei sia, tûnlai ka awm dân hi ka ning hluah hluah.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:47 pm

ITZHAK CHAPTER-23

BY

HLUTEI JOCUND PACHUAU




In ka haw chu dâwr ah ka kal tlang nghâl a, ka nu pawn engmah min zâwt lèm lo, Mahse Muanpuia thusawi mawlh chuan ka rilru a kap ûl reng mai, engtin nge bul ka han tan ang, ka nu bula sawi chu a hlauh in ka hlâu ngawih ngawih.




Ka nu chuan ka chaw ei tûr min rawn pe a, ka rilru kap reng tu chu sawi rem viau mahse ka sawi ngam a ngem tih pawh ka hre lo.


"Nu zan in tih tûr i nei em?"



Inthlahrung zet chuan ka'n ti a,

"Nei lo, enge?"



A rawn ti deuh hû a,en pawh ka en ngam lo, bungrua chu ka rem tha pah mawlh mawlh a.


"Zan in ah in lèng kan nei dâwn a"


Ka'n ti zuk a, a thil tih lâi châwl meuh chuan min rawn en vang vang tih ka hria, mahse ka en duh thak lo thung.


"Tu maw?"


A rawn ti leh a, sawi top ang, ka sawi emaw sawi lo emaw, zan in ah an rawn lèng anga a hre vek dâwn tho.


____________





Zan ah chuan Hlutei riak tûr in ka sâwm a, chhûng khat laina hnâi han pun mai tûr kan nei si lo, ka nu chuan mahni chauhva lo hmachhawn a hreh vângin Hlutei nu leh pa chu a pun ta tawp a,leh kan thu ta thap mai, Muanpuia khân dar 7 vèlah an lo thleng ang a ti sia, a pèl daih tawh, sana chu kan en deuh chhèn reng a, kawngka kik karh karh rî ka hriât rual kan in en nghâl hrak hrak hlawm a, ka nu chuan ava hawn vat mai.



Palian pui pui zahawm hmèl tak tak pa li(4) vèl hi an rawn lût a, ka chil ka lo lem khalh ringawt.



"Kan rawn lût sual lo hlauh e, kan rawn lèn chhan chu in lo hriât tawh kan ring a"




An zînga upa vè deuh tawh lam chuan a ti deuh chuâr chuár a, Hlutei nèn chuan room lam kan pan ta daih a, room a ka lût chu ka thaw huai thei,


"Enge an sawi ang?"



Ka'n ti ringawt a, ka lungphu te hi a rang dut dut mai.


"Thu phawt teh, phî cheng suh"



Hlutei chuan alo ti hlak a, ka khumah chuan hahdam hmèl zet hian a mu ang dawr dawr a, kei rilru hah em em in ka awm a,


"Bawihte, thingpui lo lum ula"



Ka nu chuan arawn ti lâng lâng a, ka chhuâk ngam lo.


"Hawh lo kal ve rawh, mahni chuan ka ngam lo"



Tihpahin Hlutei chuan ka pawt deuh tung a,


"I thing, nangmah in va lum mai rawh"



Thinrim zet hian alo ti a, mahnî techuan ka chhuâk ngam awzâwng lo, khum atang chuan ka pawtthla ri ta dup a, ka nuih za lutuk chu ka insûm thei lo, ka nui vak vak ringawt.



"Rawn chhuak vat ula, enge in rîk dup dup reng a"




Ka nau chuan rawn dah dûk dûk pah hian ati a,


"Kan rawn kal, I û mawl lutuk hi chu, ti hian pasal neih te tum vè khanglâng a nia"




Hlutei chuan tho taih taih pah hian a ti a, Hlutei min chhuahpui ta nge nge a.



Ka zak lutuk, choka lam chu hmanhmawh zet in ka pan nghâl dâwr dâwr a, hawi pawh ka hawi chhuâk lo.





"Enge khati vaka chak khân i kal a, i van mâwl tak"




Hlutei chuan arawn ti sâ sâ a, tawng lo tûrin ka kut zungchal chu ka hmui bulah ka lo chuk tuah vat a,hmûi ti pawrh vak chung chuan min melh rum nghek ringawt.



MUANPUIA POV






Khumah chuan mu in Sangtei chu ka call a, ala thei lo rèng rèng, vawi 5 lai ka call tawh, an la buai deuh anih ringin ka phone chu ka dah leh mai a, ka thil chhuina a lehkha pawimawh ho chu ka'n enkual leh chhin a, Sir LD-a pawh college pakhat ah a thawk tih ka hre tawh a, hmâna ka nu thlalâk Hlutei phone atanga lo post darh tu kha amah ngèi a ni tih ka ring nghet bur tawh, chuan pawisa pawh kha ama lo lâk hi a ni thei mai angem? Engvângin nge tiâng kha a tih le? Ka hrethiam thei lo a ni, a chhan tûr âwm ang han rin ngaihna pawh ka hre lo, ka ngaihtuah na ati buai nuaih mai.



Kawngkhâr ri ruk ruk ka hriât chu Khûma a ni tih hrilh chawp ngâi lo in ka ring thiâm nghâl mai, hepa hi ka bula chèn ve a tum tak tak emaw ni.


Ka room ah chuan rawn lût tlangin min nuih vur vur a,


"Falkawn hrik an la ti ang che nang hi chu"



Ka ti sup a, a rawn nui huk mai, keipawh ka nui tho.


"Hmangaih ber te lènna ni miau alawm"




Ala rawn ti sup zui, kan pahnih chuan kan nui dûn tiah tiah ringawt.


Ka lehkha ken ho chu a rawn en ve vut a, ka thil tih chu a hrethiâm nghâl mai tih ka hria, a pa chu a rûka min pui tûrin kan ngèn a, Khûma pa hi Mizoram police first inspector a ni a, ani in min puih chuan ka la hre vè vat tûrah ka ngâi.



___________






SANGTEI POV






Kan in lèng te an haw hnû chuan ka thawveng ta huai mai, ka nu te sawi dân chuan natuk tûkleh zân ah inneih hun vèl an rèl tawh dâwn a ni âwm e, palâi hial a rawn tirh tâkah chuan ka nu pawh a hmin ve ta hrâm alawm, kan inneih hun a kan awm dân tûr te ka ngaihtuah ringawt pawh hian ka hlim veng veng mai, Nunmawia hrilh ve ka duh tehrèng nèn, a number ka nei si lo, an khaw lamah a hâw leh daih tawh bawk sia.


Muanpuia'n min rawn call na chu ka chhâng vat a,


"Chanchin kha ilo hre tawh em?"



Ka'n ti nghâl tawp a,


"Hre tawh e, enge i an? I tha em? Ei châk te inei em?"



Deuh duah chuan, enge maw a hriat rauh le,


"Neih pawh ka hre lo"


"A pawi loh chu"



A rawn ti leh sup a, tinge zan in hi a mi zia dang riau in ka hria, nge ka ngaih bel mai mai zawk, eng engemaw thu ho zet zet kan sawi zawh hnû chuan kan duhtâwk ve thei ta hrâm a, Hlutei chu ka room balcony ah chuan ala nui har har thung, Khûma nèn an inkâr pawh hi tha zèl se ka ti ngawt mai, an inhmuh thiâm loh hlek chuan Muanpuia nèn buai vè zel a ngai thin a, a buaithlâk.



___________NEXT MORNING__________






Ka tho chu phûr zetin dâwr ah ka thu leh a, Hlutei pawh haw rih lo in dâwr ah tlang nghâl a tum bawk, kan pahnih chuan thingpui in pahin kan ti ti mai mai a, Muanpuia leh Khûma pawh an rawn lût hlawl mai.




"Vawiin tlâi chu Red paper restaurant ah dine out ila kan lo tia"


Muanpuia chuan nui var var hian arawn ti lût a, Hlutei chu a zuáng tho lo chauh, alo châk ngang a niang.


"Awi van nuam dâwn tak"



Kut beng meuh chuan a ti a, ala naupan ang angin a rilru pawh ala naupang a nih hi, kan lo nuih hak ringawt.



Khûma chuan Hlutei chu an dâwrah chuan a kal pui ta daih a.



"Test na tûr ka rawn lei a, han test ve reng reng la, i awm dân hi ka ring hlel deuh che"



Tihpahin pregnancy test kit pa thum hi min pe a, ka zak vè tèp,


"Iti tak tak ami?"



"Va in test vat teh result ka hre châk tawh nia, in rin hlelhna châng i hre mang si lo"



Tihpahin bathroom lamah chuan min nam lût deuh rawk rawk a, LalPa leh....ka rai vaih chuan ka zak ngawt ang, a vawi hnihna tûr a ni tawh dâwn sia.



Ka zun ka thlawr zo chu rîn hnih hi alo in rîn kalh a, ka phu zawk thei, kei hi ka râi maw!....ka awih loh vâng chuan a vâiah chuan ka ti chhin vek a, mahse result chu a in ang vek.


"Lo chhuak vat rawh i rei lutuk"



Muanpuia chuan arawn ti lâng lâng a, hreh zet chuan ka chhuâk ta dè dè a, ngâwi rengin test kit chu ka pe tawp ringawt.




A rawn nui ta hak a.


"Ka ring rèng ahh...."



Nui var var a min rawn en chun chuan a ti deuh sup a, keipawh ka lâwm rual rualin ka zak tho bawk, zahthlâk tih piah lam a ni, ka nâuchhiât tâk te kha ka rilru ah arawn lang uai uai mai.


"I dul pawh tlèm in a kiâr deuhin ka hria"



A hmèl ka en chu ka dul alo thlîr vung vung a, ka nuih tawp ringawt.




__________




Chaw ei chhuâk tûra ka insiam zo chu sofa
ah chuan ka lo nghâk reng a, smart pants ka hâ a, a chungah kamis senduk rawng dum pâr chu ka ha leh a, Gucci sandals ka bun leh tawp bawk, khua a lum vè tawh ang reng a inthuâm lum vak ngâiin ka hre lo.




Car kawngkhâr inkhâr ri rak ka hriât rual chuan Hlutei tawng lâng lâng chu ka hre zui nghâl zat a, kawngkhâr in kik ri dat dar chu ka hre zui nghâl bawk.



Muanpuia chu arawn nui lût var var a, cotton jeans dum tak deuh hlap leh T Shirt dum plain a ha a, sneaker var thianghlim zet chu a bun bawk, a sam dum hlap zawng zawng te nèn chuan a in hmeh ngawih ngawih.



"Ivan chhelo ve"




Nui var var chuan a ti a, ka lo nuih lèt vur vur ringawt.





Car seat hnungah chuan Khûma leh Hlutei an chuang a, Muanpuia'n a khalh vângin a hmâ ah ka chuâng thung, tlân chak vak a tum loh vângin kan kal hmâ hlauh a, ka rài tih hi Hlutei leh Khûma pawn an la hre lo, hria se chu ka zak ngawt ang, min chhaih nasa dâwn si.


Hlutei chuan car Bluetooth woofer ah chuan BTS -waiste it on me tih hla chu a play a, kan va han in lung ruâl dûn èm, thiâm lo zet chuan ka lo zâwm vè a, Mipa pahnih techu an ngâwi hmak thung, a châng leh an in melh hrek hrek lâi chu ka hmu fuh thei èm èm lehnghâl.


"Korean mipa hi an khawi lâi nge in duh ber a?"



Khûma chuan a rawn ti chhuâk phawng a, ka nuih aza ngèi mai.



"An hmèltha a, mi hîpna an ngah, ka hre lo keichu Jimin hi ka vei hlur a ni mai"



Hlutei chuan a ti siam siam a, pakhat a lah chuan a hmûi a ti pawrh nasa mai, a liân zâwk hi a ti tâu leh ngût thin, Muanpuia erawh a puitlin deuh tawh vângin engmah a sawi ve lèm lo, Hlutei leh Khûma chu alo nuih tawp ringawt.



________




Chaw eina tûr hmun kan thleng chu a boruak a nuam ngei mai, tlèm a fâl deuh lai ah chuan kan thu a, motor ka rui deuh a mawni ka ni deuh nghulh reng mai, ka luak te chhuak, kan chaw ei tur chu changèl hnah ah chuan arawn chhawp a, chaw hmeh pawh a changkâng in a thianghlim si, mizo chawhmeh hlîr a ni lehnghâl, thlâ techu kan han la ho leh te te a,


Hlutei chawhmeh duh èm èm bekang pawh a tel,


"Ei hnem suh aw pum in a ngaih lo a nia"



Khûma chuan Hlutei chu a hrilh deuh fuk a, Muanpuia nèn chuan kan in en a kan nui ringawt.




Ka zun a chhuah vângin bathroom lam chu ka pan san ta daih a.



Bathroom atanga ka chhuâk chu ka mi hmuh vâng chuan ka ding dat mai.




"I dam maw kan in hmuh lohna ava rei tawh ve"



LD-a chuan nui vur vur hian arawn ti a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:47 pm

ITZHAK

CHAPTER-24


BY


HLUTEI JOCUND PACHUAU






Midang awmna lam ka thleng chu ka thaw deuh huai mai, tinge LD-a ka hmuh khân ka hlauh rûk tlat le.


Ka ngaih hi tha lo ru tlat mai, mahse han sawi chhuah hluai pui tham a nih loh vâng chuan ka ngâwi pui mai a.



Kan eikham hnû chuan folkland park ah te kan lèng kâwi leh tè tè a, Mela alo awm leh nghâl, mahse kan kal tirh a ka phûr ang em em khân ka awm tawh miah lo,tu emaw min enthla reng tu awm ni mai hian ka hria, ka awmdân chu an hrethiâm anga enge a chhan min zawh chuan chhân dân tûr ka hre dâwn si lo, an hriât lohna tûr chuan ka inthup hrâm hrâm a,keipawn ka awmdân hi ka hrethiâm tawh bîk lo.




"Ivan hlim loh hmèl ve nâ te i nei ami?"




Khûma chuan arawn ti deuh sar sar a, Hlutei leh Muanpuia chu Merry go round an chuang daih thung, Khûma pawh keimah ang tho in hmun sâng alo hlâu vè a, lapaw chini ei chung chuan Hlutei leh Muanpuia chu kan lo thlîr ringawt.


"Nei lo e, a bengchheng lutuk a, vai hlâ hian ka beng a verh tawp"



Ka sawi zawh chuan kan nui dûn hak a, Khûma a fâl a biak na remchâng tak a nih hi,


"Hlutei hi engvângin nge i thlan a, nang techuan amah ai tha i hmu teuh in ka hre sia"



Hlutei nui har har lai chu nui deuh suk hian a thlîr vauh vauh a,


"Ka hre lo, hmeichhe piannalh tak leh nû hnâp ti a sawi tûr chu a ni lo alawm, mahse a hmèl leh mizia hian min hîp ni berin ka hria"



Amah chu ka en vang vang a, Hlutei chanchin a sawi lai techuan a hmèl chu rawn èng phût hian ka hria, a mit meng atanga hmangaihna rawn lang chhuak chu tûmahin an hmuh hmaih hauh lo ang.


"Ka nau angin ka en a, i tih nat vaih chuan ka ngaidam dawn lo che nia aw"



Fiâmthû chuan ka'n ti a, a nui hak ringawt, an ni pahnih pawh zawi hnuâng hian an rawn kal phei dûn a, Khûma nen chuan kan lo nuih tawp.



"USangte, ka rui in ka hria"



Hlutei chuan arawn ti sap a, Khûma chuan alo vuan nghâl vat,


"Nang engtin nge i awm ve?"

Tiin Muanpuia chu ka'n zâwt a.


"Tlèmin ka hlâu ve deuh"



Nui sun sun chung hian arawn ti ringawt, hâw ka rawt tâkah chuan min pawm pui hlawm khawp mai, a ngâi te bawkin motor ah chuan kan thu leh thap a, Hlutei chu Khûma dâr nghèng chiâl chung chuan a muhîl hmak tawh, keini pathum chu kan la mengkar thung.




Muanpuia chuan a motor ah chuan Lord Hurran- the night we met tih hlâ chu a play a, ka lo feel veng veng mai.



"I mut a chhuah chuan muhîl rawh"



Muanpuia arawn ti sap a, ka lû thing chung chuan ka lo nuih ringawt.


"I pum ami kha a châu tawh ange"


Arawn ti dam thlup a,


"Sangte i rai maw!?"



Khûma chuan arawn ti chhuak phawng a, ka lo nui hak ringawt.


"Patea ini leh tèp tawh"


Muanpuia chuan nui var var hian ati a, Khûma mak ti hmèl chu ka lo nuih tiah tiah ringawt.



______________



1 MONTH LATER






Vawiin hi 'tiam tlat e' kan tih nî alo ni ta reng mai, Make-up artist ka ngaihsân èm èm Taboiha chuan min chei malh malh a, dârthlalang hmâ a ka ding chu ka in hai tèp alawm, vawiin na na na chu tha ka in ti vè thlâwt, Hlutei pawh a dang vek thei.



Kawr fual vâr silk hlang a bân tluan chu ka hâ a, a simple in ka taksa chèr ve lam nèn chuan a in mil phiân mai, mermaid cut a ni leh nghâl, veil sei zet chu ka khum bawk a, Hlutei pawn kawrfual senno mermaid cut tho aha vè a, kan in en deuh chhèn reng mai, Ngati nge kan nghah ber nû hi avan rei tak.




Remi pawh arawn âu lût chiâm a, a thâu ngâiin ala thâu reng mai,



Kan in hmu khâwm chu ka lung tepawh a lèng lâwk e a, kan khua ah awm dâwn tho mahila ka lung a lèng tho, Sangbawiha te ho nèn kan han awm khâwm chu hmeichhe hostel ang mai a ni, kan ri luih luih reng mai.




_________



MUANPUIA POV


Ka hmâ mokawr thuâm chikim nèna rawn kal chu mittla lèk lo in ka lo thlîr a, vawiin chauh ni lo in nitin pawh tha ti reng mahila vawiin chu a thatna zawng zawng a rawn lang chhuâk ni maiin ka hria, ka bul arawn thlen chuan a kutah ka lo chelh vat a,


"I hmèltha lutuk"



A beng bulah chuan ka lo ti zauh a, laih hmèl zet hian a nui sak mai, kumkhua a ka chèn pui tûr chu thlang suallo in ti zet hian ka nui vur vur ringawt.




Inneih hun serh a zawh chuan thlâ techu kan han la a, ka bul ami hi a chauh hmèl tawh ngèi mai, a rûkin ka vuân tawp a,



"Ka pheikhawk bun hi a sâng lutuk a"



A rawn ti chhuâk sap a, a inthlahrung hmèl chu ka khawngaih ngèi mai, thenrual tha te thlâ min lâkpui tû lah chu an tam nasa mai si.


_____________Time skip__________



Ka pa in lamah chuan kan hâw hmasa phawt a, ka nu leh Sarah i pawh an tel vè, buaina an siam loh hrâm ka beisei, kârkhat he lamah kan awm ang kârkhat chawlh ka neih vângin ka chhûngten Sangtei reilote tal awmpui an châk ve sia, karleh lamah chuan an khua ah kan lèt leh ang, Sangtei te thian ho chuan present chu an hawng rak rak reng a, an bengchheng phiân leh nghâl, a mipa ber leh chu a awrâwl a ring ber a.




Keini chu in chung lamah ka doctor training pui mipa pathum leh Khûma te nèn chuan inneih lawm nân a sen chi chu kan dawm far a, kan ti ti pawh a tui tawh hlawm angreng khawp mai, Khûma lah chu a kâi tha tawh si, Ringheta nèn chuan in fâwp lo chauh khawpin an in be hnâi a, midang ho te nèn chuan ti ti tui tâwk leka kan in vângin kan lo nuih ringawt.



"Keipawh neih vè mai ka duh tawh, Hlutei ka sawi pui deuh hlek lah hian min tim èrh zèl a, tih ngaihna vâng duh khawp mai"



Khûma chuan ati deuh chuâr chuâr a, midang ho nèn chuan kan lo nuih ringawt, kum 20 a tling vè chauh a, pasal neih chu ala duh lo tawp ang.



Enge engemaw sawi pah chuan kan lem zauh zauh reng a, duh aiin kan tawng ring mah mah tawh in ka hria, keipawh ka lû a hai chhap chhap tawh khawp mai.



"Lo chhuk tawh ula, ka mut a chhuâk tawh a nia"



Sangtei chuan a rawn ti a, kan thil in lâi ka lo thukru hman lo nèn a meng rum ta âl mai,midang chu mû leh mal pawh an nei tawh lo leh nghâl, kan lo tlu phung hlawm mai.



Ka thiante chuan min surprise nân hotel room chu zan khat a tân min lo book sak a, chumi lam chu kan pan chuan kan in khalh chhuâk ta vat a,Sangtei thian te leh Ka thian techu kan in ah an riâk dawn thung, Hotel Regency lam chu kan pan vat a, alo nuâm phiân mai.



"Ka inbual hmasa ang aw ka rei lo zâwk ang"



Tihpahin bathroom lamah chuan inti harh tûrin ka lût nghâl a, tui vawt thlet thlawr a ka in phuh tîr hnû chuan ka harh sawng sawng mai.


Ka chhuah hnû chuan Sangtei chuan phone alo hmang mawlh mawlh a,


"Va in leih tleuh ve nghâl rawh"



Ka tih rual a lû chu a bu zauh, a thil pawimawh ho pawm tân chung chuan bathroom lam chu a pan vè vat a.



________




A inbual chhûng chuan ka phone a thian te ho massage chu ka'n chhâng zung zung a, Sarahi message pawh ka dawng nawlh mai, muângchâng chuan ka hawng a.



*Vawiin khân ka mittui a tlâ a sin, hmâna kan hlim thin zia kha ka ngaihtuah lèt a, ka thinlung hi vawi tam tak chemte hriâm taka chhun ang mai hian ana vawng vawng mai, mahse nang chu ka chan loh tûra ruat ini a, min hmangaih ve ngai miah lo tih ka hriat khân phuba lâk nân i thian tha ber kha hrâi rûiin ka mutpui a, mahse chu pawh chuan a ti na zo tawh lo che tih ka hriat khân kalsan che hi ka duh ta zâwk a ni, hlim takin awm ang che*



Tih hi alo ni a, reply lo chuan ka phone chu ka dah hmak mai, mahse ngaihtuahna ti thui duh khawp mai, a hmâ kha chuan keipawh kha min ti hlim thin ngèi alawm, mahse ka lo hmangaih ngâi miah lo a, ka ti na tih ka hria, keipawh ka inthiâm thei lo, haaa.... ngaihtuah lo tawh lo zâwk teh ang.



Sangtei bathrobe nèn a lo chhuak chu ka lo thlîr reng a, a sam huh hlap techuan a ti lang sexy zual in ka hria.



Khumah chuan arawn mu vè tharh a, a maimitchhîng nghâl hmak zui.


"Muhîl suh tih tûr kan la ngah lutuk"



Tihpahin ka'n sâwi dat dat a, arawn nui chhuâk hak mai, a hmui sen chak chu ka'n fâwp vang vang a, lungâwi tih hriât zet chuan min en kar mai.


"Tûnah chuan tûmahin an tina tawh lo ang che"



Ka tih chuan ka nghâwngah min rawn kuah deuh chiâl a.


"Ka châu e, mutthilh mai ka duh tawh"




A rawn ti deuh sap a, ka phallo tih lan tîr nân ka'n dèk vak a, a rawn nui ta har har mai.


"Ka hmangaih che"



A rawn tih sap tâkah chuan ka phu deuh zawk a, a zak tih hriât zet hian a hmâi chu a kut pahnih in a hup hmak bawk.


"Engmaw han sawi nawn leh teh ka hre chiâng lo"



Tihpahin a hmâi hupna chu ka'n kèu hawng a.


"I sual emai aw"



Tihpahin min rawn bèng taih mai, ka lo nui hak ringawt.


"Keipawn ka hmangaih lutuk che lawm"



Tihpahin ka'n fâwp leh vang vang a, zan in na na na chu lung a âwi hliah hliah khawp mai, he zân hi ral thei lo se ka ti, a ral thuai dâwn vângin âm taka hman ka duh, a bathrobe ka phelh chu min barakhaih chiâng ngèi mai, kerkawrte leh bra sexy zet mai rawng dum lase hi alo hâ a, ka nui vur vur ringawt.


"Hlutei'n ha tûrin min ti tlat a"



Arawn ti deuh sap a, ka nuih aza ngèi mai, duhthâw zet chuan ka'n fâwp leh a, zan in chu a rim khawp ang le.



_______NEXT MORNING_________



SANGTEI POV




Ka harh chu Muanpuia lo awm tawh lo, ka châu nghulh mai, ka mit te hi ana tur ut ut in ka hria, ka luak te chhuak, khumah chu arawn ri dup a, ka phu chiâng ngèi mai.



"I harh ve thei maw?"



Rawn ti tu lam chu ka hawi vat a, hè nui hmel zing tin ka hmu tûr hi vânnei ka in ti ngawih ngawih.


"Dar engzat nge?"



"Dar 7 a pèl hret"



Ka harh deuh kâwk mai, rang lutuk chuan ka tho vat a.



"Chhuk thla vat ang, awi van zahthlâk dâwn tak"




Khum atang chuan ka chhuk thla sawk sawk a, mo thar tirh nî atangin thawh ka hai nghâl dèr ania, min ngaihdân a dik lo vek ang.



"In beng dâi phawt teh, muângchângin va inti fâi la, kan chhuk dâwn nia"



Ka dâr tawn tawn a, rawn vawn pah chuan a ti a,


"Mahse a tlâi tawh èm hi muângchânna chi pawh a ni tawh lo "


"Het, apawi lo, naute i pâi tih an hria a, engmah itih vè ka phallo nia, in enkawl that i ngâi, hmâ in kan lo chhiât tawh sia, fîmkhur a ngâi alawm, hmanhmawh suh, tha em?"


Ka bu ta nghauh a, muângchâng chuan ka inti fâi a, ka pasal duh tak pawn dawh thei zetin min lo nghâk vè mai bawk a.

________




In lam kan thleng chu pâwn tuâl zâwlah chuan an lo la ri laih laih hlawm a, Muanpuia thian te leh ka thiante ho hetah zîng chaw an ei leh vek dâwn a ni âwm e.


Eisiâm tûr dang an rawih tho vângin inchung lama inkâwm khâwm tûr chuan kan chho dam dam a, Hlutei tûm bâr reng chu enge a chhan ni ang aw, a bulah chuan ka'n kal hnâi vat a.


"Tinge i awm dân hi?"



"Ka thinrim anih hi, Nizânah Khûma rûi lutuk a, biâk tlâk loh khawpin a rui, zu in tawh lo tûrin ka ti mawlh mawlh a, ka thûsawi pawh zâwm duh lo"




Lungâwi loh hmèl zet chuan a ti deuh pâng pâng a, Khûma pawh hi a, a ti leh lutuk thin a ni, tlèma insûm ve thin tûr a nia.


"Hrethiâm rawh, khatin tûm bûr reng suh, midang ngaihdân tûr che ngaihtuah vè rawh"



A lû chu a bu ta nghauh nghauh a, midang awmna lam chu kan pan leh vat a,


Khûma chuan arawn pan leh duân duân tawh, ka lo nuih tawp ringawt,



Zîng chaw ei a hun chuan ruai tènau kan theh a ni ringawt, thenrual thâ te nèn kan hlim leh dar dar khawp mai, kei erawh engmah ka ei châk hlawl lo, khua a lum tawh angreng si, ka lû te hi ana lûk mai.



"Sangte,I chauh hmèl lutuk a nia, han mu rawh"



Muanpuia nuhrawn chuan arawn ti a,


"A ngâi lo ka nu ka tha lawm"



"I naute kha ngaihtuah la, inthlahrun a ngâi lo nia"



Nui sâng hian arawn ti leh a, nui sak chungin ka lû ka lo thing ringawt, ka thiante kalsan daih kha ka duh lo, an haw fel hun ah ka châwl hahdam zâwk mai ang.



___________




Sangbawiha te ho haw tûr chu kan bye bye lauh lauh a, Muanpuia thianpa Ringheta chuan a thlah vek dâwn leh nghâl, mi fel tak a ni, Hlutei erawh ala riak dâwn thung.



Kan bye bye zo chu midang inchhûngah an lût vek a, kei erawh chuan ka thlîr liam vawng vawng ringawt, ka thian te, min ti hlim tu te kha ka ngâi ngawt ang, Hlutei a haw vè leh daih phei chuan ka tap zawih zawih thei ang, ani chu Muanpuia nèn kan chelh lui hrâm a, a nu hiâl kan dîl pui a nih kha, ka pasal chuan ka lunglèn a hlâu khawp mai.


Inchhûng ka lût tûr chu ka thil hmuh vâng chuan ka ding chawt a, Muanpuia te in gate pâwn lama thingbuk hnuai atanga mipa sa tha lampang min lo thlîr reng tu chu ka en reng a, dum suit in a inthuam a,lukhum hmakawh a khum a, a hmâi a tuâm bawk, tunge a nih rin ngaihna pawh ka hre lo, a kalsan mai loh avâng chuan ka en reng a, ka hmul thî te hi a ti ding sung sung mai,



"Enge i tih reng a rawn lût rawh?"



Hlutei chu arawn chhuak a, ama lam chu ka hawi vat, muângchâng chuan luh ka'n tum a, nichin min en reng tupa awmna lam ka'n hawi leh chu alo awm tawh hauh lo, ka mit vâi mai mai ti dâwn ila ka hmuchiâng ropui mai sia, tunge ni ang le? Tinge khatia min rawn thlîr reng?.




Ngaihtha lo zet chuan inchhûng lam chu ka pan vat a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)