ITZHAK BY Hlutei Jocund Pachuau‎ (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: ITZHAK BY Hlutei Jocund Pachuau‎ (Completed)

Unread post by Ngaia » January 26th, 2020, 9:47 pm

ITZHAK

CHAPTER-25
BY
HLUTEI JOCUND PACHUAU




Tûmah be lo chuan zah pawh dâwn lo in inchung lam chu ka pan vat a, Muanpuia khumah chuan ka mu hmak mai, ka chauh vâng mai mai a ni, ka hmusual chiáng lutuk, reilotè châwl hahdam ila ka zia mai ang.



Mutchhuâk chuan min rawn zèm chiai chiai a.


Ka meng chiah chu tlâng phûl hmun hring vek ah hian ka lo awm reng a,tiâng khawpa tlâng sâng ni si thlî pawh a thaw eih lo, engtin nge tah hian ka awm theih le? Vânram ah ka awm te hi ni mai lo maw, ni lo, kei hi ka thi thei lo, ka thi tihna mi?



Chèt ka tum pawn ka thei lo, ka khawng vek, mipa khat dum veka inthuâm ka hmuh pa khân min lo pan vè mèk bawk a, ka che thei si lo, ka âu chhuak thei lo bawk, ka hlâu lutuk chu tâl chiâm ka tum pawn ka thei lo, ka bul arawn thleng tûr chu khum atang chuan ka tho chhuâk hlawl a, Hlutei chuan min ngaihtuah hmèl zet hian min lo en kar mai.


"I tha em? I rûm nasa lutuk a"



Alo ti vat a, engmah sawi lo chuan ka kuah thlawp ringawt, ka mumang kha mang nawn leh ka duh tawh lo, ka harh chhuâk leh tawh lo ang tih ka hlâu.


_________




Khuma min thut pui reng hnû chuan Khûma leh Muanpuia pawh an rawn lût ve a,


"I tha em?"



Ti sap chungin min rawn pan vat a.


"Mang tha lo deuh ka mang a"


Ka ti ringawt, ka mumang kha chu la hre chiâng viau mahila han sawi fiah vak ngaihna pawh ka hre lo.


Kan khua a haw vat vat ka châk tawh ngèi mai, mahse ka sawi ngam bawk si lo, a mawi lo bawk, mo kârkhat lek pasala chhûngte hrawn peih lo nih ka duh teuh lo mai, mahse he lai hmun hi ka ngaina lo a ni tawp, kârkhat chauh chu ka tuâr thei èm ang chu maw.

______________

Zanriah kan ei lâi techuan tu emaw hian min thlîr reng ni mai hian ka hria, ka chaw ei pawh atui thei lo, tu emaw hi ka sîr leh hnung vèlah te hian a kal kual reng ni maiin ka hria.



"Sangte i awm a nuam thei nange? Han châwl hahdam leh daih rawh"



Ka nu in arawn ti chiah chu ka phu zawk thei, ka thlâwk lo chauh, ngaih thatloh hmèl zet chuan min en thap hlawm a, ka zak bawk si.


"Ka tihpalh, ka tha lawm, ka chau deuh mai mai nia"



"Vitamin ei that a ngâi a nih hi"



Muanpuia chuan alo ti sup a, ka zak lutuk chu awm ngaihna pawh ka hre lo, nikhat lek an bulah ka awm a, enge ka tawh tâk hi.



_________




Zan ah pawh chhuak miah lo in room lamah chuan ka inkhung ta tawp a, ka chungah hian enge thleng le? Tinge hetiang hian ka awm reng? Mi â ang maiin ka khawsa alawm.


"Hei hi ei chhin teh, thisen i neih loh vâng a niang"



Tihpahin Muanpuia chuan damdawi bûr sei deuh zût hi min pe a,


"Eng damdawi nge?"


"Vitamin tha lutuk a nih kha, hmeichhe doctor ka ni lo nâ a Khûma hi Hmeichhe doctor ania, i râwn tawp zèl dawn nia, pèk ve liau liau che nih kha"



Ati ve sup a,

"Ani min chawh berkher chu ka ei ngam dâwn amawni le"


Nui chung chuan ka'n ti a, Muanpuia pawh a nui vè sun sun mai, damdawi tui chu ka'n in nghâl khalh a, a tui phiân leh nghâl.


Ka bulah chuan rawn mu vè in min kuah thur thur a, ka lo tâl vat, min khawih te hian ka hlâu rilru tlat anih chu, khâ pa khân min khawih ang in ka ngâi tlat zel.


"Tinge i awmdân hi amak ka ti riau"



A rawn ti sup a, keipawh hian mak ka inti.


"Ka raino vâng hi ni mai thei ni, thisen ka nei lo bawk nèn"


"A dik ang, i damloh ka phal miah lo nia"


Tih sup pahin ka chalah chuan arawn chuk zauh a, ka lo chhîng dawk ringawt,sana ka en chu dar 8 alo pèl âwrh chauh, kan mu hmâ sia zahthlâk ka ti ngèi mai.


"Hawh, Hlutei te bulah kal ve ila, mut reng chu nuam ka ti lo"


"Iti tak tak ami?"



A rawn ti deuh hû a, ka lu ka lo bu nghauh nghauh ringawt, Hlutei te bulah chuan kan kal ve a, inchungah chuan thla èng an lo lâwm lek chu niin.



"In va inthut hnaih ve a"



Muanpuia a'n ti lûng lûng a, an pahnih chuan an lo nui vur vur ringawt, Hlutei leh Khûma inkâr ah chuan ka va thu tharh a, Muanpuia lo nui nasa mai, Khûma lah chu a lungâwi vak lo tih ka hre mai.


"Ka awm lâi hi chuan inthut hnaih vèl hi ka rem ti vak lo nia"



Ka'n ti zui zat a, min lo nuih tawp ringawt.


________________time skip__________




Thil ho deuh deuh sawi a kan nuih dar dar reng lâi chuan Muanpuia te thenawm inchung ka va hawi chu an sintex phèn atanga min lo en reng tu chu ka va hmu leh nawlh mai, ka phu nasa lutuk chu ka eu dâwrh thei, chiâng tak chuan ka hmu lo na a, tûkin ami bawk kha a ni tih ka chiâng, a thawmhnaw pawh a dum tih a hriât theih.


"Enge a? Tinge?"



Muanpuia chuan arawn ti deuh chûl a, ama lam ka hawi chu min ngaihtuah hmèl zet hian min lo en kar mai.


"Ihh...eng lo, saw ti lâi ah sâwn...."



Tih paha nichina mipakhat min lo en reng tupa awmna lam kawh ka tum chu alo awm tawh miah lo, fiah lo mahse ka mit vâi chu ni lo tih ka chiâng.


"Enge awm a? Engmah a awm loh saw"



Hlutei chuan alo ti vat a, Muanpuia chu tho vutin an thenawm te in chung hnaih deuh ah chuan akal a.



"Tunge tah khân awm?"



A'n ti deuh lûng lûng a, tûmah an awm tawh bawk si lo,Muanpuia lah chu thinrim hmèl si, kan mualpho mai ang tih ka hlâu.


"Ka hmusuâl a niang, lo thu rawh"



Ka tih tâkah chuan arawn thu vèleh mai a, tinge tûnlai hi thil hmuhsual ka chîn èm èm le?



"I râino thisen chakloh lâi ania, inthlahrung duh suh hetiâng techu an awm vè châwk alawm"



Khûma chuan alo ti ve vat a, a dik ang, ka thisen chak loh vâng aniang, tûnah chuan tha deuhin thil ka ei anga, ei thei lo mahila ka ti lui tûr a ni, ka chak that a ngâi.



"Ni e, a dik ang tûnlai phei chu thil ka ei thei lo lutuk a"



Nui lui sak pah chuan ka ti a, Muanpuia te thenawm te inchung lam ka va melh leh zauh chu ka nui tâwp chiâng kher mai, nichina ka mi hmuh bawk kha a ni, tinge midang hian an hmuh ve miah loh le? Hai der ka tum ngiâl pawn ka thei lo, fiâmthû an thawh lai techuan ka va melh leh zauh thin a, hetiâng ringawt chuan ka awm thei lo,



"Ka mut a chhuâk tawh e mu tawh ila"



Muanpuia chuan min en kar a, alo tlâi ve tawh tho bawk, mahse ka mut erawh ala chhuâk lo nasa mai.


"Awle, anih mu ila, Khûma haw lo mai rawh riâk rawh aw"



A'n ti zui zat a, mu tûra kan chhuk thlâ chu Hlutei pawn min rawn zui vè tharh bawk, awm fâl reng chu a máwi lo ka tia, ka thû chu âwih ve reuh phiân mai.


Room kan lût chu tawng pawh tawng lo chuan ka mu ta hmak a, ka maimitchhîn zâwng techuan khâpa ringawt kha ka mitthlâ ah a châm leh tawh.



"I lung a lèng deuh ami?"


Ka bula rawn mut pah chuan arawn ti sup a, ka lû ka lo thing ringawt, ka lung alèng lo, mahse ka hlâu a ni, ka hlauh chhan ka sawi chuan min ring lo anga kei hi mi â amaw min ti ang tih ka hlâu bawk si, ka ngâwi ta ringawt a.



"I awm dân hi mak ka ti, kan inneihna hian ati hlim vak lo che nih ka ring"



A rawn ti chhuâk sup a, ka thin a khei deuh zak mai, ka sawi chhuah theih sî loh ka hlauhna hian min ti thinchhe zo vek dâwn anih hi.


"Engtin nge tiâng chuan i ngaih theih a?, Ka râino tih i hriât kha min hrethiam tûr ini sin"


"I awm dân hi mak èm alawm, i hlim lo anih hi, tûmân an hai lo ang Sangte, biâk tawng i har bawk sî, ka chhûngte lah i be hmasa ngâi hek lo, tinge i danglam vek a, duh lo chunga min nei tepawh i ang zâwk, a hmâ kha chuan tiang hi ini ngâi lo"



Mengdur khûih chung hian arawn ti a,


"Ka hre lo, ka hre bîk lo ka awm dân hi"



Vîn thawt a tihpah chuan ka in lukhûp ta hmak a, ka mittui rawn far fap chu ka hru zauh bawk, tinge hetia ka awm le? Min tanpui tû tûr ka mamawh takzet a ni, ka pasal chhûngte tih lâwm nachâng pawh ka hre lo a nia, mi â tak ka nih hi, ka insût ri hraih a.



"I tap ami?"


Tihpaha min rawn kuah a tum chu a kut ka lo nem thla vat.


"Min khawih suh"



Tap âw tiau chuan ka ti a,


"A tha e"



Tih hmuk pahin min thawhsan ta daih a, kawngkhâr in khâr ri thuai ah chuan ka lo phu zawk zui.





MUANPUIA POV





Sângtei awmdân chuan min ti lungâwi lo takzet a ni, a râino tih ka hria, mahse midang pawh an rai ve tho a, a awmdân anga awm hi tûmah ka la hre ngâi lo, a awm dán hi a ti mah mah in ka hria, mahse ka ngaihsak loh chuan ngaihsak tû dang a nei chuang si lo, ngâwi reng chuan ka lût leh mai a, alo muhîl sâk sâk tawh a, keipawh engmah sawi lo chuan ka mu veleh mai a.



__________






ONE WEEK LATER




Kâkhat a liâm ve ta, ka hnâ ka chhunzawm leh tawh avângin Sangtei te khua lamah chuan nithum lâi chu kan awm leh tawh a, ani pawh kan awm tirh nî chuan pângái mahse nimin atang khân thil hmuhsuâl a chîng leh tawh, Khûma lah chuan tih vak ngaihna a hre lo, Psychiatrist pan mai tûrin min râwn a, mahse ka nupui hian rilru lam buaina a neih ka phal thei lo, amah chauh a a awm ka phalloh vângin Hlutei chu ka pun deuh reng a, ani pawn min hniâl ngâi lo, a nu leh pa pawh ka zah viau a, mahse an lo fel khawp mai, Sangtei an lo ngaihtuah vè bawk nèn.



Ka thil ken lâi ka en chuan ka nui suk a, nimin khân ka dam lo zînga ami putar pakhatin buhpâwl hmanga mihring zia ang taka naute lem siam hi min pe a, rawng sen hian a inchei deuh nuâl bawk, kan khum hnuai a ka dah chuan naute hmèltha leh hrisèl tak kan neih tûr thu a sawi bawk, zan khat chu ka dah a, mahse Sangtei'n a ho a tih èm vângin paih tûrin min ti a, paih tum chuan ka keng chhuâk tho na in khâ putar tawng pai deuh pâ khân tûkin ka hna ka kal tûr kha min lo hmu fuh leh a, a thleng tak tak thei ti a a tan tlat vângin hawn lèt leh ka tum anih kha, khâ putar tawng pai zet khân engtin nge ka nupui a râi tih a hriât le?


Ka phone ri ral ral chuan ka ngaihtuahna atangin min ti harh zawk a, ka en chu Khûma pa alo ni.



"Hello"


"Muana, i hman chuan lo phei lawk la ka va ti ve,thu pawimawh deuh ka hmu chhuâk a, hmaichhan ngèi a sawi a tûl tlat mai"



"Awle, ka hman tawh alawm ka rawn kal dâwn nia"

Tihpah chuan ka dah leh mai a, eng thu pawimawh nge ni ang aw...LD-a chanchin hi a hre tawh pawh a ni maithei a ni, hmanhmawh zet chuan ka room atangin ka chhuâk a, chhûn thil pawh ka la ei lo ka ril a tâm khawp mai, ka car ah chuan lûtin ka in khalh chhuak vat a, Hlutei te dâwr ah chuan chhûn thil ka ei zuai a, ka ril alo tâm tawh bawk nèn.


Sangtei chu ka call pah bawk.


"Aw hello"


"Bawihi ka rawn haw hmâ thei lo aw, Khûma te in ah kal lawk ka ngâi a, a pa nèn thil tih tûr kan nei a"


"Eng thil maw ka hriat ve chî te ni em?"


"Hna chungchâng"


Tih ringawt chuan ka chhâng a,


"Awle a nih, zanriah ei tûrin ka lo nghâk ang che aw"



Ka off leh mai a, thil ka ei zawh chuan Aizawl lam pan chuan ka in khalh chhuâk ta vat a.


____________





Khûma te in ka thleng chu amah pawh ala haw lo, hnâ angah deuh a ni mahna.



"Enge ni ta pa Kim?"


Tihpahin an sofa ah chuan ka thu a, Pa Kima chuan lehkha eng engemaw leh thlalâk thenkhat hi min rawn pe a, chu thlalâk ah chuan ka nu leh mipakhat hlim hmèl zeta an lo thu dûn lai hi a ni a, ka nu chuan mipa akawp nual thin tih ka hria a,hepa erawh hi chu ka la hmu ngâi hauh lo.


"Kha kha LD-a mâkpa ania, a thi tawh nghe nghe, han sawi tawp mai ila inu leh amakpa hi an lo inkawp thîn niin ka hria a, Lalduhawma unaunu pawh tûnah chuan thi si lo dam si lo in a awm an ti a ni âwm e, i nu vânga chhiât tâwk an nih chuan a phuba lâkna tûr chu nangmah ini tih i rin thiâm nghâl mai ka ring"




A tih zawh chuan thâwk ka'n la hawk a, ka nu leh bawk maw, ka nu hian ka nun hi hrehmhmun ah a siam anih ber hi, midang nu ang hi tinge a nih vè theih miah loh le?


"Chuan anih Falkawn hospital a pawisa bo vèl tekha?"


Amah enkar chuan ka'n ti a,


"Kha erawh kha chu ka la chhui zui mèk e, mahse proof na erawh hriât ahar deuh tawh ang, hun ala ngâi tam deuhin ka ring, hepa hi mi fing tak a ni a, man theih ngawt na dân ka nei lo bawk,,engmah hospital lam atangin complain an rawn theh lût bawk si lo a, ngaihdam theih si loh man theih chuang sî loh sual khawih dân a hre khawp mai"



A ngawi leh vang vang a, a sawi dik viau mai, man tîr em em pawh ka tum lo, ka hriât duh ber ka hre tawh a, a tâwk tawh viau in ka hria.



Khûma pû tar vè tawh tak, sam pawh vâr vo tawh hi ka bul sofa ah chuan a rawn thu thla ve a, tar tawh hlè e tilo chuan a beng hriâtna leh a mit pawh ala chak tha khawp mai, mak ka ti hiâl zâwk, tûnah pawh tarmit bun lo in bible a chhiâr leh tawh a niang bible nèn a rawn thu vè kâk mai.



"Muana enge i ipte ami kha?"



Tihpahin Naute lem buhpâwla siam rawng sena chei deuh chu arawn kâwk vâ a, nui sukin ka phawrh chhuâk vat.


"A ho lutuk, putar pakhatin kan naute lo piang tûr a hmelthat theih nân kan khum hnuaia dah tûrin min pe a"



Nui var var chuan ka'n ti a,


"Khawimaw ka lo enchhin"


A tih ruâl chuan ka pe vat a, uluk tak chuan a'n thlèk kual a, naute lem siamchawp mai mai ti taka a en uluk chu ka nuih aza lek lek mai, kum 80 râl kâi tawh a nia, a ngaihtuahna tepawh a mumal vak tawh lo a ni mahna.


"Fa in nei dèr dâwn alaw? Ivan ti tha bîk ve"



Khûma pa chuan nui suk suk hian arawn ti a, ka lo nui suk ringawt,


"Keipawh hi engtikah nge maw tu hmèl ka hmuh vè dáwn le?"



A'n ti zui sap a, Khûma leh Hlutei ka mitthlâ ah an rawn lang nghâl, an la inneih har hmèl sia, ka nuih azat èm vâng chuan ka nui hak a.



"Muana he thil pe tû che hi i hmèl hriât a ni em?"



A mit chuâr ve tawh tak chuan min rawn en kar a.


"Ni lo e, ka dam lo zînga pakhat min pèk a nih kha"


Ka lo ti vat a.


"Dâwi lam thil a ang ka va ti ve"


A rawn ti sup a, mak ka tiin a âwihawm loh ka tih èm vâng chuan ka nui hak a.


"Tûn ang lâiah chutiâng a awm dâwn ami ka pu?"


"Khawvèl tâwp thleng pawn a awm ang, mahse engvângin nge a pèk che le? Nangmah ah enge maw danglam riau na te i nei thin em?"



Uluk zeta min en chung chuan a'n ti bauh bauh a,


"Nei miah lo, a tha lo lampang ami?"


"Mmm...ka hriât dân chuan dâwithiâm ho in an hmèlma te tih buai nân an hmang thin, mî nunna pawh a lâk theih alawm, thil hmuhsuâl te an chîng a, rilru buai ah te pawh an chhuâk thin niin ka hria, tûn hmâ chuan khawchhak lam ho khiân an chîng khawp mai"



Chû naute lem thlèk vang vang pah chuan a ti a, ka ngaihtuahna ah Sangtei a rawn lût nghâl, ka nupui kha a mizia ah hian danglamna a awm thin, ni tak e, mahse tinge? Ka pu sawi hi a dik a nih chuan Sangtei chungah hian tu emaw in dâwi an hmang ngèi a ni.


"Ka nupui, ka nupui hian thil hmuhsuâl a chîng lutuk, mang tha lo deuh deuh amang reng a, kan inneih nî atang khân a awm dân a dik tawh lo"




"Anih ngèi chu, he thil hâl ral vat la, i nupui kiângah chuan awm reng rawh, chuan hemi petû che hi a rang lamin zawng chhuâk ang che"



A ti bauh bauh a, dâwi lam thil vèl hi a awm tak tak tih chu ka hria a, mahse ka la tawng ngâi lo a, a tawng tawh tepawh hriât ka nei lo, ka pu hian khawchhak lam mî a tia, khâ putar kha a tawng a pai ka ti rèng ani.



"Chuan he thil hi thisen anih hi, engtin nge i hriât loh theih a?"



Tihpahin chû naute lem a rawng sen chu a tuai deuh nauh nauh a, keipawn ka tuai vè chu thisen khang tawh a ni tih ka hre ve chiah, a mak a ni, kei hi doctor ka ni a, engtin nge ka hriat loh theih? Keipawh hi min dâwi ve anih ka ring.



"Tûnah hian hâl vat rawh Muana, he thil hi ânchhia ang anih hi, i rawn kalna lamah tawhsual i tâwk lo kha Pathian hnènah lâwmthû sawi mawlh mawlh rawh, tûnah pawh hian khâ dawmthiâm khân kan thusawi hi a hre reng thei a nia"



A tih tâkah chuan hlauhna in min rawn tuâm nghâl a, a rang lamain hâl na tûr chu kan zawng nghâl ruai a,Khûma nu lah chuan alo hlâu èm èm lehnghâl, khâwnvâr tui an lo neih hlauh vângin kan hâl ral vat a, ka thaw deuh huai thei, sana ka en chu tlai dar 6 alo ni dèr tawh, khua a thim thet thet tawh bawk si, in lama min lo nghâk reng tu ka nupui ka ngaihtuah èm vâng chuan keipawh ka in khalh chhuâk leh vat a, Khûma pawh ka nghâk chhuâk zo ta lo.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:48 pm

ITZHAK
CHAPTER-26

BY

HLUTEI JOCUND PACHUAU





Ka story hi a lem ti pâwl in lo awm maithei a, mahse hei hi a tîr atanga ka tum dân a ni a, hetiâng dâwithil lampang hi tûmahin an la tel awm ka la hre lo bawk, thawnthû anihna angin keimâ ngaihtuahna in a tak ang thei ber tûrin ka rawn dah a, tawn hriât erawh ka la nei lo, mahse hetiang lam hi ka duh chî leh ka lo ziah châk èm èm chi a nih vângin ka rawn tel a ni,



Thil mak leh ramhuai lampang tehi ka duh zâwng tak a nia, a awm in ring lo pawh a ni maithei a mahse he khawvelah hian thil mak tak tak mihring in ka hriatthiam theih loh thil hi a tam lutuk, Hmangaihna te pawh hi thil mak tak a ni vek,

Ka lawm e....





SANGTEI POV




Ka nawmsam chiah loh vângin Hlutei chuan rawng min bawl pui a, tlèmin ka dul te hi arawn lian vè tawh in ka hria, kawngkhâr ri rak ka hriât rual chuan Muanpuia âw pawh ka hre zui nghâl a, room ah chuan a rawn lût tlang ve nghâl mai bawk.



"Vawiin enge ilo an a, i tha em?"



Inthlâk sut sut pah chuan dam thlup hian a ti a,


"Ka nuam lo nilèng a ni mai, Khûma damdawi min chawh kha ka ei a, ka zia tawh lutuk"

Nui var var chuan ka lo ti a, tinge rilru hahna nei anga ka hriât tlat le? Engmah sawi tum hmèlin a awm bawk sî lo.


"Rilru hahna i nei ami?"


"Nei lo e"


Tih ringawt chuan min chhâng a, mahse a hmèl atang chuan thil tam tak ngaihtuah hmèl a pu.



Ngâwi reng chuan min chhuahsan leh mai a, ka ngaih a tha thei lo, a hna lamah harsatna a tâwk pawh ni maithei ni, zâwt lui lo zâwk teh ang.



___________




Zanriah kan ei lâi techuan a ngâwi reng a, engmah a sawi lo, a ei tlèm èm èm leh nghâl, tinge a awm dân hi amak èm èm le? Ka zawt dawt ngam chiah bawk sî lo.


Zân mut hmunah pawh min kuah miah lo, lehlam hawi chuan a mu mengkur tih ka hria, keipawh hi enge ka hriât le? Zan in chu ka muthei tlat lo.



"Rilru hahna i neih chuan sawi la? Tih theih ka nei lo nâ a"



Inthlahrung zet chuan ka'n ti chhuâk sap a, thâwk ala deuh kâwk ri chu ka hre reng,


"Muhîl rawh engmah ni hleinèm"



Tihpah in ka lam chu a rawn hawi a, min kuah leh mai bawk a, ngaih tha lo zet chuan keipawh mut chu ka'n tum vè a, mahse ka thei bîk tlat lo.


"Ka mut a chhuâk lo"



Ka ti deuh hmuk a, a rilru hahna a sawi duh tlat lo chuan min ti thinrim deuh tlat,


"Enge tih i duh a, nâ te i nei ami?"



Ati leh lawi bawk si, ka duh chu a rilru hahna hi sawi se ka ti,, a sawi duh awm dèr bawk si lo, ka lo buai vè chunga, a sawi duh loh pauh leh ka hre châk telh telh leh nghâl.


"Hmeichhia nge mipa i duh?"



Tiin ka'n zâwt a,


"Eng ang pawh ni se Pathian min pèk chu tha ka ti vek mai"



A rawn ti vè sup a, chu chuan min ti lâwm leh phiân mai, ka hlim ang hian a hlim ve pawn ka hre lo.


"Thil hmuhsual leh mangchhia ang kha ka nei tawh miah lo sin"


"Ka hria lawm"


A rawn ti sup a, engtin nge a hriat le?


"Engtin nge chu chu i hriat a?"


"I awm dân atang hian a hriât vek alawm"



Nui suk hian a rawn ti a, keipawh ka nui ve mai bawk, anih ka ring, vawiin atang khân ka zâng huai mai, ka thil rit deuh ka phurh reng thin kha min lâk sak ni maiin ka hria.



Kan ti kan ti hnû chuan keipawh ka lo muhîl ve ta daih a,





______________ 2 MONTHS LATER___________



Thlâ te alo ral leh dèr tawh ka naupâi pawh thlâ a tam tiâl tiâl a thla nga (5) na tling ve dèr tawh, ka dul pawh a liân ve tawh khawp mai.



Tûkin zîng ka tho chu ka mood a fu bawk nèn rawng chu ka bâwl sûrh sûrh a, ka pasal duhtak pawh ala tho lo, tûnlai chu alo haw tlâi theiin a châu èm èm reng a, rilru hah deuh hmèl hi a pu reng mai, a thinchhiat a zual bawk, ka nu bula ka sawi lahin a nu hah vè anih kha a ti zèl bawk sia, mahse a awm dân hi hriâtthiam loh châng ka nei thin, zan rei tak tak thleng doctor an duty ngâi pawh ka hre lo.


Engemaw buaina chu a nei a ni, ka zâwt ngam bawk si lo, a thinchhe si.



"Ivan tho hmâ ve"



Ka bul mai ah chuan alo ding reng a, ka thil chhuan lâi pawh ka lo ngaihsak leh tawh lo.


"Nizân ka mu hmâ lawm, ilo haw lai pawh ka hre lo"



Lungâwi lo zet chuan ka ti a, mahse engtin mah min chhâng zui lo chuan fridge a tui chu lâ in a in nghâl khawlh khawlh a.


"Nizân chu emergency a zai tûr an awm nuâl a"



Amah chu ka enkar a, dâwt a sawi tlata hriatna ka nei, mahse ka zawt thui duh ta lo a, Khûma pawh a rawn lût ve nghâl mai, ani pawh he lamah a rawn insawn daih a, mahse ani chuan hetah quarter a luah vè lèm lo.


"Avan rimtui vè a"



Nui var var hian a rawn ti lût a, Muanpuia'n a chhân mai loh vâng chuan ka ngei lek lek.


"Tûkin chu ka mood a fu tawp a"



Ka lo ti nghâl vat a, Muanpuia hian Khûma hi huatna a nei tlatin ka hria, tinge nui hmèl a hmuh ngâi tâk miah loh le? A be tha ngâi hek lo, Khûma chu a pângâi reng a, mahse Muanpuia hian a ngaitheilo tlatin ka hria, a thiantha ber a nia, tinge hetia a awm tlat le? An inkâra thil thleng erawh engmah ka hre ve lo.



"Khûma Sarahi naute chu nimin piah khân kan paih a, i ngaihven ve dawn lo mi?"



Muanpuia chuan arawn ti chhuâk sup a, Khûma tui in lâi chu a tâwp hmak mai, keipawh ka beng a verh nghâl zar mai.



"Ka sawi tawh kha, ka fa a ni tak tak em tih pawh ka hre lo a, ka ngaihsak na chhan tûr ka hre lo"



Khûma chuan alo ti vè fak a,


"Ngaihsak hunlâi tak asin, ka thian i nia, a chungchâng pawh doctor ka nihna angin ka hrilh tawh che a, a naupâi lai hiâl pawh a thi tawh a, i fa a thî a pawi tihna i nei miah lo ami?"




Awii....enge an sawi hi, Khûma fa chu tinge le? Engmah ka hrethiâm ve lo.


Tawng vè nachî anih loh váng chuan ka lo ngâwi reng a,


"Thiana, amah vânga inhauh ka duh lo, ka fa anih ka ring lo a, ka ngaihtuah nachhan tûr ka hre lo bawk, ka lakah i lungâwi lo tih hi ka hriâtna rei tawh, i ngaihtuah viau anih techuan nangmân enkawl mai tache"




Khûma pawh a thinrim vè tawh hlè a, Muanpuia phei chu a meng alh zuai zuai tawh ni berin ka hria.


"Ngawi hmak rawh, ka thian ini hi ka zak khawp mai, hmeichhe pawisawi lo anih kha, tûnah phei chuan hun harsa tak a tâwk a i tanpui a ngâi asin, nangmah vângin fa nei thei lo in a awm phah tawh tih pawh i hriât kha"



Awki sâng tak chuan a ti a, ka lungphû te hi alo rang dut dut mai, an insual mai loh hrâm ka beisei.


"A tûrah a seng anih chu, keimah vâng anih nachhan pakhat mah a awm lo, Thiana khawngaihin duh tâwk tawh ang"



Khûma chu a tlâwm zâwkah tangin Muanpuia chu beng daih a tum a, mahse Muanpuia erawh mi luhlul ngang a ni a, a thinrim ala reh hauh lo ang.


"A natna khirh tak vei kha I khawngaih vè miah lo mi? I fa lo piang tûr pawn a tawrh phah hi"




Muanpuia chuan vîn thawt hian a ti a, ka lo phu zawk thei.


"I check tawh em? Khatiâng natna kha a vei tak tak i ring amaw?..."

Khûma chu a nui hak a, a nuih zat vâng erawh a ni hauh lo.

"Ka vei a tih chuan a vei a ni mai"


"A tha e, ka tlâwm, mahse nang angin khânu thangah khân ka âwk ve dâwn lo tih lo hre rawh"








Tihpahin Khûma chu thinrim zet chuan a chhuâk ta nge nge a, ka auh zui lawm lawm pawn min chhâng lo, khânû vâng khân an inhauh phah amaw? Eng anga hun harsa fako nge maw a tawh niang le? Phîr ang chiah a inkawp chawt thîn an nia, khânu vânga Muanpuia'n inhauhna a chawk chhuâk chu a thiâmlo hul huâl ka ti ve tho.



"Enga tinge khatia itih a? Sarahi chuan eng hun harsa nge a tawh a?"



Muanpuia enkar chuan ka'n ti a,


"Thla hmasa tang khân cancer hlauhawm ber chi a vei tih an hmu chhuâk a"




Mak ka ti lutuk chu ka hmûi ka hup tawp ringawt,

"Engtin nge chutiâng natna techu a vei theih a?"



"Ka hre bîk lo, enkawlin awmzia a nei tawh lo a tia, a hun tâwpah tal chuan ngaihsak chu a phû ve asin"


"Mahse Khûma khân"


"A hming kha lam ri tawh suh"

Vîn awki lek leka rawn tih pah chuan min melh deuh khûih khûih a, ka ngâwi ta tawp ringawt, bathroom lam chu min pan san ta daih a, engtin nge tiângkhân min melh theih? A tha e, Khûma chu ka dem hauh lo, a dinhmunah ding ila keipawn ka ti tho ang, Sarahi sual zia chu tupawn an hria lawm, kum thum liam ta a ka chunga a tih leh Khûma chunga a tih vâng hian khawngaihna leh lai natna ka nei bîk lo, mihring kan nia kan la thi vek dâwn alawm, mahse Muanpuia kha thinrim âi mahin Sarahi kha a rilru nat pui in ka hria, tinge maw a ngaihtuah em em le?


Ngaihtuah tawh lo chuan ka chawhmeh chhuan lai chu ka chawk leh malh malh a, chaw ei ka peih leh dèr tawh.


________________

Kan pahnih in tûkthuan chu ngâwirengin kan ei a, a hmèl bèr bûr hian ka chaw ei pawh ati tui thlâwt lo, tûm reng ringawt, ka thinrim deuh thut vâng chuan kham hmakin thlèng techu ka dah tâu thuai thuai a, mak tih hmèl zet a min enkur chu ka hmulo der hmak, mipakhat chunga a thinrim hian tû chungah pawh a thinrim vek emaw tih tûr khawpin a mengdur reng a, biâk pawh a châkawm hlawl loh, a hnâ ah engemaw tluang lo awm se in lamah thlengin a ti lang a, Hetiânga dawh reng ngâi hi ka kham ngawih ngawih, hmeichhe nih hi chu a hrehawm thlâwt, kan inneih hmâ tekha chuan engtik lâi pawn a nui thû reng a, min duat theih hliau hliau tehrèng nen, tûnah chuan a tûm khum tûr ringawtin a kiângah ka chèng vè ni maiin ka in hria.



Thinrim zetin balcony ah chuan ka ding vang vang a, ka dul kiâr vè lah tawh chu ka zût hliau hliau ringawt.



"I thinrim ami?"


Tihpahin a rawn chhuâk ve a, chhân pawh ka chhâng peih lo e a.


"Tinge khatia i rîk bur bur a?"



Tihpahin ka hma zâwn ah chuan a rawn ding zûn a, melh pawh ka melh peih lo.


"Ka tihpalh ka thinrim hluai vâng khân, Khûma hi a ti mah mah tawhin ka hria a, thinrima sawi tum pawh ka ni lo, ka insûm theihna ka hlauh palh anih kha"



Ati vè sup sup a, ka lungâwi leh dèr tawh, ka mizia vè rèng hi a ni hrim hrim a.


"A tha lawm, kal tawh rawh a tlâi tawh a nia"



"Awle, lo in enkawl tha ula, thil tui deuh ka lo hâwn ang aw"



Tihpahin ka hmûiah chuan arawn chuk zauh a, ka nui leh ta vur vur mai.




Ka in bye bye lauh lauh hnû chuan ani pawh akal ve thei ta hrâm a.


Chèt reng hi ka harsat telh telh tawh sia, awmpui lâk ka dîl dâwn mawni le, mahse Muanpuia hi ka dîl ngam chiah bawk si lo, ka kè te hi a vûng bûr in ka hria.



Common room a ka hmunphiat chu ka kè te hi arawn na ut ut mai, harsa ti zeta thut pah chuan ka kè techu ka'n hmet a, door bell chu arawn ri ral ral mai.



Kawngkhâr ka hawng chu putar pakhat hmuihmul buk deuh chhup tawh hi alo ding reng a, ka la phu deuh zawk zui.



"Enge ni ta?"


"Ka pu in, bathroom current chhia siâm tûrin min tia"



Muanpuia rawn tirh anih ngèi dâwn hi, kan room a bathroom current chhia chu ka sawi zing tawh bawk a, a tâwp a tâwpah chuan a siam tîr dâwn ta nge nge alawm, mahse a tar tawh reuh sia, a tawng a pai bawk nèn ka khawngaih tlat.

"Lo lût tache, tui i in duh em?"



Ka'n ti a, a lû a thing ringawt, kan room awmna chu ka kawh hmuh a, a thil khâi chu chhuatah dah in plug chu a'n hawng vèl a.


"Ka pi khawngaihin lo va chhuak ta che, current kal sual enge maw a awm palh thei a, nâu i pâi bawk sia, chètsual a hlauhawm"



A tih tâkah chuan ka chhuâk vè mai, ka hmunphiah lâi chu ka phiah chhunzawm leh mai bawk.




MUANPUIA POV



Ward ka fang chu ka lû te hi a hai deuh muai muai reng mai, tinge tûnlai hi ka chauh theih èm èm le?

Zèp lo chuan ka hah èm a ni, khâ putar kha zawn ngâi bawk, Sarahi ngaihtuah ka ngaih mai bâkah ka nupui tih lâwm reng ka ngâi a, ka hnâ nen, ka châu takzet a ni, Sarahi chu khawngaih takzet, ka inthiâm lo a, keimah vângah te ka ngâi hiâl a ni, Khûma lah chu ka tilui thei dèr bawk si lo.



Ward ka fang zo corridor a ka phei chu ka mi hmuh vâng chuan ka ding chawt a, current siam tûra ka tirh pa kha alo van lèt leh hmâ ve, a siam zo tawh tihna em ni ang?



"Iva lo lèt hmâ ve, i siam zo tawh ami?"



"Ka siam hleinèm ka pu, ihh...khâ putar samtuâk ve tawh deuh tawng pai vè lam khân keiman ka lo siam ang ati tlat a, ka kal tîr ta nih kha"



Awlsam zeta tihpahin min kalsan leh nal nal a, keipawh ka kal leh tûr chiah chu ka ding chawt mai, ka ngaihtuahna chuan ka nupui nunna a derthâwng tih min hriattîr nghâl a,


"LalPa leh....!!!!"



Tihpahin chak zet chuan ka car awmna lam chu ka pan nghâl a, ka tlânpèl tâk techuan mak min tih hmèl hlawm khawp mai, Doctor ber tlân pur pur chu a mak âwm bawk èm a ni.



Mahse ka nupui ka hmangaih tak nunna dinhmun derthâwngah a ding tih an hre vè miau lo a, ka car ka thleng chu chahbi ka ak lo tih ka hre chhuak leh, a rang thei ang ber chuan ka tlân lèt leh a, ka room ka thleng chu Khûma leh nurse dang ho pawh an lo awm nual mai.



"Khawnge i kal dâwn iva hmanhmawh ve?"



Khûma chuan alo ti deuh hû a, ka chhâng thei lo, ka hah lutuk tlat, ka car chahbi ka la tûr chu ka kutah chuan arawn man chut a.


"Ka biak che chu?"


Vîn thawt hian a arawn ti a, hnek thal tawp mai ka duh.


"Ka nupui nunna a derthâwng, engmah sawifiahna hun a awm lo"


Tihpahin ka tlânchhuak leh nghâl a,ka car ah ka lût chiah chu Khûma rawn thu vè nghâl, min lo zui vè reng tih ka hre chiah, kan awmna Quarter hi a fâl ve deuh hlek a, mî tlawhpawh zen zen loh a ni bawk nèn, ka rilru van hah tak èm, ka tawngtai ta mawlh mawlh a, ka mangan meuh chuan Pathian pawh ka hnaih zual sauh in ka hria.



"Sangtei chu call vat rawh"


Motor khalh pah chuan ka ti a, Khûma chuan hmanhmawh zetin a call nghâl bawk.



"Ala thei lo"




Beidawn hmèl zet hian arawn ti a,


"Ni tak, Hlutei, Hlutei khân a lèn tûr thû a sawi alawm"



Tihpahin a phone chu a beng zâwnah chuan a dah leh a, Hlutei a call leh tih ka hrethiâm nghâl mai bawk.



"Ani pawn ala thei lo"



A rawn ti chuai raih a,


"Hrep tak chuan"



Tihpahin ka car steering chu ka chûm dawt a, hetiang em em hian motor ka la khalh chak ngâi lo, kan thlâwk ni maiin ka hria, Zawnga khân engtin mah alo tih nat loh hrâm ka beisei, tûna ka in nghahna awm chhun chu Hlutei chiah a ni tawh.



Kan tlân zèl hnû chuan Kan in pènga Hlutei lo kal chho vè mèk ka hmuh chuan beidawnna nasa takin min rawn tuâm nghâl a, Ani pawh ala thleng lo, engmah sawi lo chuan ka tlán pèl hmak a, Khûma chuan ngâwirengin min en deuh hû ringawt, Ka rilru chuan ka tawngtâi mawlh mawlh reng a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:48 pm

ITZHAK,CHAPTER-27
BY

HLUTEI JOCUND PACHUAU


Mistake a awm deuh nuâl ang, ka kut zungpui tin a bûl a,😂....







In kawt ka thleng chu hmanhmawh thei ang ber chuan ka tlân lût a, Khûma pawn min lo ûm zui ve vat bawk, kawngkhâr chu ka hawng ri thuai a, Sangtei chu chhuat a lo thu diai chungin phâwk hrâ hian min lo en a, engmah sawi lo chuan ka'n kuah nghâl thlawp a.



"I na lo chu ka van lâwm tak"



Ka ti chhuâk sup ringawt,


"Enge awmzia enge thleng a?"



Hriatthiâm loh hmèl taka tih deuh hâ pah hian Khûma nèn chuan min tawn dûn zak zak a.



"Nakinah ka hrilh fiah ang che Putar kha ala awm tiraw?"



"Awm e, current siam tû kha mi itih chu?"



A rawn ti deuh hâ a, ka lu ka lo bu nghauh ringawt, Khûma chu min zui tûrin ka mit mei zauh a, ala nui suk zui, Putar mah ni se zuâm chi a ni lo tih hre vè hek lo, Keimaha beih techu ka duh teuh lo, engpawh a ti thei tih ka hre chiâng èm a ni, putar zawng zawngah chuan ka la haw ber ang.




Room ah chuan thäwm dîm zetin ka lût a, Mahse tûmah an awm lo, Bathroom kawngkhâr pawh a in hawng huau a, tûmah ka hmu lo, Khûma nèn chuan kan hrilh a hai dûn khawp mai.



Kan in en hû hû ringawt.


" A chhuah lâi ka hre miah lo"



Sangtei chu a rawn lût ve tih ka hre chiah, hlâu tih hriât zet hian a meng buai nghâl vek a.



"Common room ah khân ka awm reng a, a luhna pawh minutes 20 bâk ala ral lo ang, engtin nge nih theih le?"



A'n ti leh sap a, thil fello a awm em tih chu ka en nghâl mawlh mawlh a, khum hnuai chu ka en hmasa ber bawk, mahse buh pâwl naute lem a siâm thin kha a awm miah lo hèpa hian enge tih a tum ber ang aw?...nge ni a a thil tih tum a ti hman lo zâwk?


"Keipawn engmah ka hrethiâm lo"



Khûma pawh chuan a rawn ti chhuâk hlawl a, engmah ka la hrilh lo tak e.



"Sangtei lakah hian tu in nge ka hre lo, dâwi hmanga tih buai a thah an tum niin ka hria a"


"A ni maw!..."





Sangtei chuan a rawn ti deuh hâ a, Khûma chuan a âwih chiah lo tih ka hria.


"Thiana avan mak âwm ve, engtin nge i hriat?"



Khûma chuan alo ti ve vat a,


"I la hria em Sangte, naute lem buhpâwla siam ka damlo zînga pakhat min pèk ka tih ka rawn hawn kha, kha kha Khûma te in ah hian tihpalh thil thû in ka keng palh a, ka pu khân lo hmu fuhin dâwithil anih thû a sawi a"



"Ka pu chuan a hresual a niang, keichu dâwi thil lam hi ka ring lo, thawnthû mai mai alawm, Doctor pakhat in Dâwithil a buaipui chiâm chu nuihzatthlâk e a"


Tihpah chuan Khûma chu a nui vur vur a, ka ngei lek lek zâwk.


"Min ring rawh Duhtak, thudik tak alawm ka sawi, thil i hmuhsual te, i mang tha lo zawng zawng te kha dâwi lam hna thawh vek a nih kha"




Tiin ka'n hrilh a, mak a tiin a âwih chiah lo tih ka hria, mahse thudik a ni miâu sia.


"Thiana khâ techu a damloh vâng ka tih kha"



Khûma chuan alo ti leh vat a, ka insûm zo ta lo, a kawr âwmah chuan ka thâm tâwk a.



"Ka nupui hi a dam lo rèng reng lo, a hrisèl tha lutuk tlat"

Tih hrâwk pahin bangah chuan ka nawr bet chawrh a,


"Enge maw itih le?"

Sangtei chuan tihpahin min pawt hrang nghâl vat, Hlutei pawh arawn lût ve vat a, Khûma bulah chuan arawn ding vè chat mai,



"I thinrim na tûra sawi ka ni hleinèm, thil nihna diktak alawm ka sawi"



Ka chhâng peih tawh lo, current chu a siâm tak tak leh tak tak loh chu ka'n thlèk deuh a, engemaw tha lo a awm ka ring tlat.


"Engemaw i en reng le? Current siam satliah mai anih kha"


Khûma chuan arawn ti leh ngat a,


"A chhuâk lâi tûman in hriât loh kha min rin loh chuan on chhin la"



Tihpahin Sangtei bulah chuan ka kal daih a,


"Engemaw ka on ngam loh ang le?"




Tihpahin Plug chu a'n on ri karh a, a rawn èng ta mai, Kei hian ka lo hresual pawh a ni maithei ni.



"Khamaw ka tih reng kha"



Tihpahin sawi dik inti zet hian a rawn nui hak a, bathroom a lût tûr chiah chu electric bulb chu a rawn puâk tak pawp a,Sangtei leh Hlutei pawh an tè that mai.


Hmun hrang hrangah chuan a keh darh ta vek a, Khûma chu phâwk hrû hian a rawn hawi chhuâk ta.



"Ti kha chuan min ring tawh em?"



Ka'n ti a, ngâwi rengin a lû chu a bu nghauh nghauh ringawt.





SANGTEI POV







Muanpuia sawi chu âwih loh chî ruâl a ni lo, engvângin nge khâ putar khân ka chungah dâwi a hman ang, midang tih tîr te hi a ni thei mai ang? Ka hrethiam lo takzet a ni, tunge rin tûr ber pawh ka hre lo, tû pawi mah ka sawi âwm ka hre sî lo, hetiâng ka chunga thlen tîr duh khawp chu min haw viau ta vè ang, khâ putar lah kha ka vawikhat hmuhna chauh a ni sia.



Khûma leh Hlutei pawh an lo in hrilh fiah vè mèk a, an duty lâi an rawn hâw phah a, kal leh an tum tawh lo amawni.


"Awi anih chuan nichina min rawn su tupa kha ni chiâng"



Hlutei chuan arawn ti chhuâk hlawl a,amah chu kan en thap mai.



"Khawi ah?"



Muanpuia chuan alo ti vat a,


"Ka rawn chhoh dâwn khân in in pènga biâkin bulah khân min rawn su dawt a, ngaihdam pawh min dîl lo in atlân nal nal, putar khati taka a tlân chak kha mak ka lo ti tawp a"




"Zawnga chu"



Tihpahin Muanpuia chuan dawhkân chu a chûm bur a, kan lo ngâwi thap ringawt, a kutah chuan muângchângin ka vuân a.



"Lungngâi mah tache, an duh duh chu ti rawh se, Keini chuan Pathian kan nei alawm, Pathian thleng tûra aruât ang chuan a thleng dâwn tho tho, a kuta thi tûr pawh ka lo ni maithei asin, Pathian ka lama atan chhûng chu engmah ka hlâu lo"


"Chutiâng sawi suh"


A rawn ti deuh sup a,

"Engmah ka hlâu tak tak alawm,Ka kiângah ka pasal leh ka thiante in awm a, Pathian ka nei bawk a, hlauh tûr ka nei lo,Pathian chauh lo chu"




"I lakah hian zirtûr ka ngah takzet a ni"



Tisup chung hian a nui suk a, a châu hmèl chu ka khawngaih takzet, ka hriât loh laiin hrehawm alo tuâr char char a, kei lahin ka lo tih tauh khum vèl a, mi mâwl tak ka ni.



_______________





Zân ka mu chu ka tâi nâ a reh thei lo, zun chhuâk ang hian ka awm reng a,ka muhîl thei lo, Muanpuia lah chu hnâr ri ang kûk kûk a, thinrim tûkin ka mu meng kar ringawt.



Arawn tâl vè ta tuah tuah a,


"Tinge ila men a?"


Arawn ti thâm tuâk a,


"Ka muhîl theilo nih hi"



Ka lo ti vîn hlur ringawt,


"Hawh ka lo malis ang che"


Tihpahin a tho vè mai a,keipawh ka tho ve nghâl bawk, ka kawng vèl chu min hmeh sak a, ka dam deuh huai huai in ka hria.


"Bawihi"


Arawn ti sup a,


"Enge?"


"Sarahi lakah khân thil suâl tak ka tî tiraw"



A rawn ti sup a, ka thinlung hi ana zawk thei, engemaw tûn ang hunah te arawn sawi chhuah le,


"Ka hre lo, tinge?"



Tiin ka'n zâwt lèt a, min hmehna chu a tâwp deuh riai riai a, a hmèl ka en chu alo kun lap mai.


"I inthiâm lo ami?"


"Mmm..."


Tih ringawt chuan min chhâng a, tinge a inthiâm lo hmèl ka hmuh hian ka nat tlat le? A hun kal tawh a nia thîk tûr ka ni lo tih ka hria, keipawn an chungchâng engkim hre chungin ka pawm a, mahse tûnah hi chuan a awm dân hian min tina takzet a ni.




"Hetiânga i awm hian ka rilru ana takzet tih i hria em?"



Tih sap pahin ka mu hmak a, puan chuan ka in lukhûp hmak ringawt, ka mittui rawn luang thla ngiai ngiai chu ka hru fap fap a.






"Ka tihpalh"




Tihpahin rizai chhanah chuan min kuah hlû hlû a, tûnah pheichuan Muanpuia hian a enkawl bawk sia, a khawngaihna hi zualin Sarahi hnènah hian a lèt leh mai ang tih ka hlâu a ni.



Ka ngaihtuahna mai mai pawh ka tahpui a nia, a thlen tak tak phei chuan ka dam zo lo ang.


Ka rizai ka hlîm chu min lo enkar a, ka pasal hmeltha tak kha ala ni reng anih hi, tlèmin a thû tawh deuh tih mai loh chu, nui sukin ka pum chu a rawn chûl heuh heuh a.


"Ka awmdân vâng khân ka tihpalh aw, tiânglam kha chu sawi tawh lo ang"


A rawn ti sup a, ka nui lui sak ringawt, mahse ka chhûngril tak erawh a dam zân lo.


"Khawi ka lo malis leh ang che chu?"



"A ngâi lo ka engmah ana tawh lo"



Tihpahin leh lam ka hawisan ta daih a, ka hnunglam atang chuan min rawn kuah leh thur thur tho.


"Ka hmangaih chu nangchauh ini tih i hriât kha, mahse Sarahi erawh ka tihnat vâng khân ka inthiâm thei lo, ka tleirâwl ât lai a nia, a pawi tûr engmah ka lo ngaihtuah phák lo a, tûn hnû ah hian ka lo sual zia kha ka in hre chiah, thinrim tawh lo la"



Ngèn ngâwl zet hian arawn ti leh a, ka lo muhîl der hmak thung, Tûnah tak hi chuan ka nu bula awm daih ka châk, ka nu ka ngâi takzet a ni, ka lèngchhuâk zèn zèn thei bawk si lo.


Thil eng engemaw ngaihtuah chuan ka lo muhîl ta daih a.


______NEXT MORNING_______



Zîng ka harh chu ka pasal alo awm tawh miah lo, rawngbâwl ka ngaih vângin keipawh ka tho vè nghâl vat a.



Ka phone ri ral ral ka en chu Muanpuia lek alo ni, khawnge maw akal daih le?


"Hello?"


"Bawihi, Sarahi kha tûkin khân a pum nâ a zual deuh a, min rawn phone sia ka kal lawk aw, ka rawn haw har lo ang, a chhûngte an lo la thleng si lo a"


Ka na deuh zawk mai, mahse engmah ka sawi duh ta lo a, phone ka dah hnû chuan Hlutei arawn thleng chawpchilh vè nghâl mai bawk.



"Enge ilo tih dâwn?"



"UMuanpuia'n rawngbawl rawh min tia, khawnge akal hrim hrim a?"



"Sarah i a zuâl deuh a, an rawn phone a"



Tap deuh tèp chuan ka ti a,Hlutei hmèl ka hmuh hian ka rilru no a rawn chhuâk tlat.


"Lalmuanpuia hi chu a ti ang lo thei, nimin lawkah dinhmun hlauhawm ah i ding a, engtin nge nangmah chauhin a kalsan leh theih zâwk che a, lo hâw rawh se ka'n lo hâu hrep teh ang"




Tihpahin choka ah chuan a ri bur bur a, tikha chuan ka thâwl leh huai tawh mai, balcony ah chuan kawng hnuai atanga Muanpuia motor lo lang tûr âwm chu ka thlîr reng a, mahse alo la lang ve miah lo, tinge henû hi a ngaihtuah èm èm le? Ka nin tâwpah chuan ka chhuâk hmak ang, keichu inhauh vak vak te, tih tauh tih vèl hi ka thiâm ve lo, ka dawh theih loh chin ah chuan ka chhuahsan tawp mai ang, hetiâng reng hi ni lo hrâm se ka ti.


"Tinge i ngawih reng a, Sarahi a buaipui i duh loh thû hi sawi mai tache"



Hlutei chuan ka bula rawn kal pah chuan a ti a,


"Ka sawi kher ngâi lo in a hrethiâm tûr a ni, tû hmeichhia in nge an pasal ten an bialnu hlui te buaipui reng phal bîk ang? Mi a nilèng anih loh chuan a hre tûr a ni, bâkah ka naute tân hian inhauh vèl hi a tha lo"



"Rilru na in i awm tho kha, a in ang reng"



Ka ngâwi ta tawp a, ka sawi thei tlat lo a ni, mahse ka rilru chu ana tho sia, tinge Muanpuia hian ka rilru tûr min ngaihtuah pui miah loh le?



__________




Hlutei nèn kan ti ti mawlh mawlh lai chuan Muanpuia pawh a rawn thleng ve hlawl alawm, mahse amah chauhin a ni hauh lo, Sarahi pawh a tel ve, enge awmzia hi?


Ka thutna tang chuan tho in an mahni lam chu ka pan vat a, ka rilru natna zawng zawng te hi ka thup bo tûr a ni, he nû hmâ ah hian ka chak lo dâwn lo hrim hrim.


"Bawihi, Sarahi hian heta chèn ve min dîl a"


"Enga!"



"Sangte, min khawngaih la khawngaihin heta awm vè hi min phalsak rawh, ka chhûngte ka natna hi ka la hrilh ngam bawk si lo, Muanpuia lo chu tûmah pan tûr ka nei lo"



A mittui techu arawn tlâ a, a hmèlah chuan a damlo tih hai ruâl a ni lo, lukhum a khum daih bawk, a sam atla kawlh ve tan tepawh niang.


"I awm thei ang"



Ka ti sap a, Hlutei chu alo thaw hak.


"Eheu Usangte, nupui fel ber award chu awm se i dawng hrim hrim ang, i fel lutuk vâng nge i mâwl zawk? I pasal bialnu hlui lo ti hrehawm deuh thin tu che nèn khân in khata chèn engtin nge awlsam taka i rem tih theih zawk a?"



Hlutei chuan a ti chiah chu, ka va melh hrâwk a, alo ngâwi ve mai bawk.


"A awm thei alawm Muanpui, Mahse hènu nèna in khata chèn hi ka thei lo, keimah ka chhuâk ange"



Ka sawi hnu lam chu ari chang chang chauh, ka mittui hrûk mawlh mawlh pahin room lam chu ka pan nghâl hlawk hlawk a, Muanpuia pawh rawn lût ve vatin kawngkhâr chu a kalh hmak bawk.



"Sangte tiâng hi chuan awm lo teh"



Tihpahin ka thawmhnaw ka phawrh chhuak mawlh mawlh lâi chu ka kutah chuan arawn man chat a, ka thing thla vat, mahse a aia ngheta min rawn leh zet hnû chuan ka thing thla thei ta hauh lo, chu chuan ka thinrimna ati zual.


"Sangte, khawngaihin reilote chauh alawm, Sarahi nu hi lung tha lo a nia, a hrilh anih vaih chuan a nu leh amah kan vui liâm a ngâi maithei a, enkawl a ngaih chhûng chauh alawm kan kiângah a awm dawn, khawngaihna i nei ve miah lo mi?"



Ala thinrim deuh zâwk zamah a.


"Khawngaih a, i enkawl a, a koh hun a piang che in i kal thin, ka hrethiâm lutuk, rilru na chung chung pawn ka sawisèl ngâi lo che, a doctor inia, i mawhphurhna ni bawk, mahse hei chu iti mah mah a ni"



Tihpahin min vawnna chu ka theih tâwpa na in ka thing thlâ a, ka luggage ah chuan ka thawmhnaw chu dahin ka chhuâk hmak.



Common room a Hlutei lo awm pawh chuan min zui vat a.


"Hlute, nangpawh ka lamah i tang dâwn nange?"



Kan chhuâk tûr chu kan ding chat a, Hlutei chu a tawng châk tawh ngang a niang a hawi lèt vat a.



"Ka unaupa ang chiahin ka en che a, in inhauh nîkhua pawn i lamah ka tang ziah thin, mahse tûn tum chu iti mah mah a ni Umuanpui, hènu hian eng natna mah a vei ka ring tawp lo e"



Tihpahin Hlutei chuan min vuan chungin min kalpui ta dâwr dâwr a,


"Hawi lèt lo in kal char char rawh"



Ka beng bulah chuan arawn ti sap a, ka mittui tla chu hru zauhin ka kal ve mai bawk, min dan pawh a tum miah lo ania, Ka pum chhûng ami leh keimah ai chuan saw nu saw apawimawh zâwk ani mahna.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:48 pm

ITZHAK

CHAPTER-28

BY

HLUTEI JOCUND PACHUAU




A tawi fel tèk tâwk viau ang, nizân dar 2 dâwn thleng ka meng a, tûkin dar 5 velah thawh leh ngei ngei a ngâi bawk sia, ka chau lutuk ringawt, mumang nen ka rawn type nuaih anih hi, in mi hriatthiâm na ka rawn dîl leh mawlh mawlh e, chaw ei thulh thakin ka theih ang ang ka rawn type ve top aw...








Kan in ka thleng chu engmah ka sawi ngâi lo in Hlutei chuan min sawi fel sak vek a, ka khum ngèi a ka mu chu ka hahdam huai huai in ka hria, mahse ka rilru erawh ala na veng veng mai, ka nu arawn lût tih ka hriat veleh chuan ka mittui chu a rûkin ka hru mawlh mawlh a.


"Mate, inhauhna te innei chu ni èm lo maw? I awm dân hi ka ngaih a tha lo riau mai"



Min enkar chung hian arawn ti a, khum atang chuan ka tho vat a.


"Nei lo e, ka lung a lèng thei lutuk a, kan in pawh nuam ka ti tawh lo, reilote chu rawn awm thlâk ka dîl a a rem tih vâng chauhin lawm ka lo kal"

.
Tiin ka thiâm ang tâwk chuan ka'n pha ve a, a âwih ve chuan ka hria,

"Anih chu, ei châk te inei em? Chawhmeh ka siam dâwn a?"


"Engmah ka ei châk lo nu, i siam ang ang kha ni mai"



Ka tih tâk ah chuan ka nu pawh chu a chhuâk vèleh mai a, ka mut te hi arawn chhuâk leh chiai chiai tawh mai, khumah chuan ka mu leh mai a, ka dul kiâr vè lah tawh chu hlîm chho in a lâwng chuan ka chûl ka chûl ringawt, ka pasal hian min lo hmangaih tak tak em tih pawh hi ka hre tawh lo, tûnah tak hi chuan min hmangaihna kha ka ring hlel zo vek tawh.



Ka in ngaihtuah ka in ngaihtuah tâkah chuan ka lo muhîl ta daih a.





__________




Ka harh leh chuan ka mengdeuh diâr diâr chu tu emaw hian min lo thlîr reng in ka hria, ka in ngaihtuah harh deuh thut chu ka thu chhuâk hluai a, Muanpuia chu ka khum bulah ngâwirengin alo thu reng chu niin.



"Enge ilo tih dâwn?"



Ka'n ti nghâl tâwng a, min ti phu nasa bawk nèn ka thin ati rim zual tlat pek anih chu.



"Lo haw la, hriatthiâm tum zâwk teh Bawihi"



"Tiâng khân min ko suh, hming tha tak ka nei a, ka hminga min koh ka duh zawk"



Tih ringawt chuan ka chhâng a, nin hmèl zet chuan a thaw hak mai.


"Naupang chhia angin awm tawh lo teh Sangte, lo haw rawh, midangin an hriat tam hmâ in"


Ka nui hak a, ka thinrim lutuk hi awmdân tûr pawh ka hrethiâm lo.


"Min ngaih vânga lo haw turin nge min duh a midangin an hriat i hlauh vang zawk?".


Tiin ka'n zawt let ve sak a, hriatthiâm loh hmèl taka min en vung vung tâkah chuan ka rilru na ati zual.


"Ka ngai che a, midangin an hriat pawh ka duh hek lo, lo haw la, Sarahi pawh a chhûngte ka hrilh tawh a, an in lamah a hâw tawh, inhauh reng ka peih tawh lo a nia"



Ka mittui tla chu ka hru deuh fap fap a, min rawn kuah nghâl vat, ka kuah lèt ve lo thung.


"Ka ngâi lutuk che u, ka kianga in awm loh chuan engtin nge ka awm theih teh lûl ang, Mâwl reuh lutuk"



Tihpahin a chal chuan ka chal chu a rawn tauh zauh a, a nui suk bawk, kei erawh ka la nui ve lo thung.



"Min hmangaih tak tak em tih hi ka hre lo a ni Muanpui"



Ka tum loh pui chu ka sawi chhuâk ta, min thlah deuh vutin lungawi lo tih hriat zet hian min en kar a, a chal pawh a chuar nûng mai.


"Enge i sawi awmzia?"



"Ka sawi awmzia chu, nang hian Sarahi hi ila theihnghilh famkim thei lo tih hi ka hre tawh a ni"



Inthlahrung zet chuan ka ti a, a thinrim tawh hlè tih pawh ka man thiâm nghâl mai bawk.



"Engtik atangin tiang chuan ilo ngaih a? Sarahi chunga ka thil tih tekhân nuam in min awmtîr ngai loh vângin ka pui mai a ni, ka nupui inia, engtin nge min rin loh theih?"



Thinrim zet hian arawn ti a,


"Ka ringhlel che hi thil âwm lo tak niin ka hre lo"


Ka lo ti lèt vè ngat a, a ngâwi ta reng ringawt, kan ngawih tâk reng hnu chuan ka nu chu arawn dâk dèk dèk a.


"Mate, i haw dâwn ta em?"



Chhân tuma ka ân zuau lai chuan,

"Aw, hei haw kan lo tum chiah a"



Tiin Muanpuia chuan min lo chhân khalh vat a,


Rum zetin ka melh nghek ringawt.


"Awle a that chu, rawng ka bawl sia, hetah ei ve mai ula"



"Pawi chuang lo"




Awlsam zetin Muanpuia chuan a ti leh a, ka nu a chhuah leh hnû chuan ka ngâwi reng a, engmah ka sawi peih lo, Mahse Sarahi ka chhuah chhan tûr ber a awm dâwn chuang lo a, hnial tâl chu ka tum lo, mahse ka thinrim dân erawh ala ngâi reng tho.



__________




Kan in phur chho leh ta nge nge a, in kan thleng chu ka la ngâwi reng tho, ani pawn min biak luih vak a tum lo anih hmèl, ngawi rengin ka thawmhnaw chu ka dah lût mial mial a ani erawh chuan a laptop alo bih ngar ngar thung.




Ka thawmhnaw ka dah luh fel hnû chuan ngâwi rengin ka mu ta hmak a, ka chaw ei ka puar lutuk vâng nge thâwk ka harsat tlat, ka tho leh hluai thin, tlân vaka hah deuh ang hian ka awm, ngâwireng chuan ka thu vang vang a, ka tawngtai nghâl daih bawk.




Ka tawngtai zawh hnu pawn ka thaw hah chu ala reh thei lo, Muanpuia lah chuan en pawh min en lo, ka thinrim lutuk chu lukham chuan ka va vawm chawrh a, phu deuh zuk chung hian min rawn enkur ringawt.



"Enge? Tinge i hmèl chu na i nei ami?"




Hmanhmawh zet chuan min rawn pan nghâl a,hmanhmaw zetin choka lamah chuan tui chu min suah sak a, ka in nghâl khawlh khawlh ringawt tlèmin ka zia deuhin ka hria.


"I zia tawh em?"



Ka lû chu ka bu nghauh nghauh a,


"Chaw i ei hnem lutuk a, a hnawh che nih kha"



A ti deuh sup a, thaw tha theilo khawpa chaw ei hnem chu lâwmawm daih zâwk sia, Hmèla tawng dân hian min ti awm nuam lo zo vek.



Ka bulah chuan arawn inthawlh ve ta sut sut a, keipawh ka mu vèleh mai bawk a, Min rawn kuah ta hlè hlè mai ka lo dawh mâwl tawp ringawt, Muanpuia hi a fel ve na deuh chu ka naupai chhûng hian vawi khat mah nupa nun min hmanpui ngâi lo, ka duh lo tih a hriat chian èm vang hian min ti lui ngai lo a, sawi pawh a sawi ri ngai hek lo.



"I hahdam deuh tawh em?"



"Mmm...ka tha tawh e"





Ka ti chhuak sap a, a âwmah chuan lungawi deuhin ka bei leh hlè hlè a, nupa na na na chu eng ang pawn inhau thin mahila kan inhaw rei thei tak tak lo anih dâwn hi,



"Muhil rawh eng i ngaihtuah vung vung reng a?"



Arawn ti sup a, ka lo nui sak ringawt.


"Engmah ni lo e"



Ka ti leh ringawt, mut chhuakin min rawn zem chiai chiai tâkah chuan keipawh ka muhîl vèleh ta mai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:48 pm

ITZHAK
CHAPTER-29

BY

HLUTEI JOCUND PACHUAU



Naktuk tûkleh zânah a hmâwr ka rawn bâwk tawh ang aw







Hun te a liâm zèl a, Fapa duhawm tak Isak Lalrinpuia ka nei ve ta, thla 5na hmang vè leh mèk tawh, A pu (Muanpuia pa) hian keima hming tîr leh Muanpuia hming tâwp hmangin Lalrinpuia tih a sâ a, Isak tih hi chu Muanpuia Nitei sak a ni thung, a pu te nèn chuan awm ho lo mahila an rawn tlawh deuh reng a, a mamawh pawh an rawn leisak reng bawk, mî neih ang aia tam mah a nei tawh in ka hria, an lâwm phiân a, an tu hmuh hmasak ber anih vâng nge ka hre lo, Muanpuia lah chuti bawk, Bawihtea chu a hmeltha in a heh hi a sen var reng a, apa chhun vâng a niang, biangsum a nei a, Keimah pawh min chhûn tho a khabe a phîr bawk, a mit meng a lian in mî hmeltha tih a hlawh hlè a, a then chuan ka nau Bawihtea Putea hi a chhûn an ti thin.



Keimah hian ka khawih chang lo a ni ber mai, tûnah pawh Khûma leh Hlutei'n an lâwm reng mai, Bawihtea ai sawn an nui ring zâwk in ka hria, Bawihtea hi zai chhuaha piang a ni a, Khûma hi min zai tu a ni bawk.



"Hetiânga fapa hmeltha neih hi ka châk ve tawh ngawt mai"



Khûma chuan a ti sup a, Hlutei nui har har lai chu a tâwp riai riai mai, Khûma hian inneih a duh tawh si a, Hlutei lah hi ala in peih si lo, tûnlai chu an in hau ve deuh reng mai, Muanpuia hna bâng pawh arawn lût leh hlawk hlawk a, thildang zawng zawng tih hmasak aiin a fapa chu arawn lâwm leh hmasa ber tawh.




Keichu hnute tui ka neih that lutuk loh vângin ei tam ka ngai a, thil ka lo ei tuâm tuâm thung.



Hlutei chu ka bulah arawn kal ta daih a,



"U Sangte keichu hrehawm ka ti e, Khûma hian inneih a sawi reng a, ka la inpeih si lo, ka neih duh tak tak lo ah a ngâi tawh in ka hria, a hmâ kha ang tawh lo, a hmâ ang khân min ngaihsak tawh lo rèng rèng"



A rawn ti niah niah a, Khûma rilru tûr chu ka hrethiâm mai,


"Enge ila inpeih loh chhan dik tak hi?"


"Ka hre lo, pasal neih hi ka ngam thlâwt lo"




A ti ringawt a, pasal neih chu inchhîrawm duh bawk èm a ni..


"Chutiâng mai mai, Khûma nu leh pa an fel teh lûl nen, an duat dawn che sia, i châk lo mi? Doctor in nupui atân a sawm che a, i hnial tlat hi amak zawk"


A en ngâi chu a en deuh vung vung a,


"Ka hre bîk lo,mahse aw ti a chhân ve mai pawh pawi ka ti tawh lo, ka khawngaih ve tawh tho a, Kum 1 chuang kan in ngâizawng ve tawh a, vawi khat pawh min la khawih chhe lo a, ka inpeih hun a nghâk ni berin ka hria, ka tân a rinawm reng a, a rintlâk thawkhat chuan ka hria, mahse Sarahi chu ka chhiâr tel miah lo nia, a fa a nih tak tak a ring tlat lo a"



"Awi!....vawi khat mah ala thleng lo maw?!"



Ka'n ti deuh hluai a, a lû arawn bu nghauh nghuah mai, mak ka tiin Hlutei chu ka ngaisâng ru tlat, ka theih loh kha a thei bîk a nia, Muanpuia nèn Pathian duh lo zâwnga kan awm vânga kan tawrh nasat zia kha, Pathian hremna a ni tih ka hre chhuâk chiah, Se* chu nupa,Pathian in a suihzawm tawh kârah chauh a thleng tûr a ni.



________




Hlutei haw hnû chuan Khûma chuan zanriah arawn ei vè a, Hlutei laka alungawi loh thû techu a sawi ve nuah nuah mai, ka khawngaih ang reng phiân mai.


"Romantic deuhin Propose la, Hlutei chuan Hmuifâng saw nuam atih thû a sawi ziah a"



"Ani maw!?"



A rawn ti hluai a, Tichuan Hmuifânga Propose tûr chuan ruahmanna kan siam ho ta a, Khûma nèn chuan dâr 4 ah kan lo han chho anga, Muanpuia chuan Hlutei chu bum chhuakin a hnû ah an rawn chho ve thung ang, Khûma nèn lo han kal hmasak kan duh nachhan chu a room vèl kan chei tîr tûr te hian Hlutei duhzâwng takin an chei em? Tih en hmasak a ngaih vâng a ni, Naktuk a tih nghâl mai chu kan tum ta rum rum a, September thlâ a ni tawh a khua a nuam tâwk vèl chiah dâwn leh nghâl, picnic tènau ang a ni dâwn a ka phûr tawh khawp mai.


"Bawihtea hi engtin nge kan tih ang?"



"Hlutei nen kan rawn hruai mai ang, Dar 5 ah vaccine lâk ni kha ni sia"



Muanpuia chuan alo ti ve vat a, mahse Ka fapa tello a ka kal hrang daih tûr chu hrehawm ka ti lâwk e a, mahse Hlutei a awm dâwn tho a, a ngaihtuahawm lutuk tûr pawh a zia deuh, an pafa ringawt chuan ngaihna awm lo.




__________NEXT MORNING__________





Zîngah chuan pângâi takin hna techu an kal tho a, Hlutei bulah chuan naute tello a ka kal chhuah dâwn vângin lo awm zuai tûrin dâwt chu ka hrilh bawk, alo âwih ve mai bawk a, vawiin tlai ni vat vat se aw, a hlim hmèl tûr mawlh kha ka hmu châk tawh.

Chhûna ka awm mai mai lâi techuan sana chu ka en deuh chhèn reng a,




Bawihtea hnute hnèk tûr chu flash ah chuan ka siam lâwk teuh a, Hlutei pawh alo thleng tawh, flash leh a hnute hnèk bûr chu a kalna pianga keng tûrin ka chah a, a hnute siam dân te nèn lam chuan ka hrilh vek bawk.




Dar 3 a ri a, Ka in ti fai a, Bawihtea mamawh tûr techu khung kháwmin Hlutei chu ka hrilh a, Khûma message ka dawn vâng chuan in atangin ka chhuâk zui nghâl vat a, In kawta min lo lam chuan Hlutei a ngaih athat loh palh kan hlâu bawk si, Kan in awmna tang chuan ka chhuk thla ta vang vang a, Khûma min lo nghahna biakin bul ka thleng chu Muanpuia pawh alo awm ve bawk.



"Bawihtea kha, a dieper leh Inthlâkna tûr vel awmna Hlutei ka hrilh a, a hnute hnèk tûr pawh ka siam lâwk teuh kha, chuan a siam dân pawh ka hrilh a nia aw, alo rim chhiât hman tâkin, khua a lum reuh sia"




Muanpuia chuan mak tih hmèl zet hian min en vung vung a,


"Hun rei deuh kal bo tûr ang maiin i tawng alawm"


A ti sup a, ka nui suk ringawt,

"Ka fapa ka ngaihtuah alawm"



Ka ti zui zat a,


"Ngaihtuah suh, Vaccine kan lâk zawh vèleh kan lo kal ve dâwn lawm, kal tawh ru hei a tlâi zel ania"



Tihpahin a sana chu a bih zauh a, Khûma car a ka lut chiah chu a ti nung ta nghâl vung vung mai, engtin emaw tak hian ka lung a lèng riau mai, ka awm dân hi ka hre bîk lo, Car tukverh atang chuan dâk chhuakin Muanpuia chu ka bye bye lauh lauh a, nui sukin min lo bye bye lèt ve mai bawk a.



___________





MUANPUIA POV



In a ka haw chu Hlutei chuan Bawihtea chu alo âwih lauh lauh a,


"Khawi ka lo pawm dâwn ami? Ka'n chiu lawk ang chu"



Ka ti zawm zat a, dar 5 alo ri ve chiah bawk, bâkah kal ve vat kha ka duh, ngaihthat loh rûkna ka nei tlat enge ka awm dân hi ka hrethiâm bîk lo.


"Awle"

Tihpahin Bawihtea chu min pe a, ka zei lo si min lo dawmpui ve mai a, ka fapa chuan hriau a hlâu ve vak lo a niang a tap miah lo mai,Hlutei nèn chuan kan nui tawp.



"Hmuifângah kal kan ngai a, Hlute lo kal ve mai tache, Bawihtea hi car khalh chung chuan ka pawm thei dâwn si lo a"



Ka thiâm ang tâwk dâwt chu ka'n sawi ve a,


"Mahse ka chhûngte ka dil hmasak loh techuan an phal nâng"



"Ka dîl sak ang che"




Ka tih rual chuan a phone chu min pe a, a nu chu ka thiâm ang tâwk tâwk chuan ka'n dîl a, alo phal mai bawk, tichuan Hmuifâng lam panin keini pawh kan chhuak ve ta nghâl a.




Sangtei te lah chu ka call tlang thei dèr lo, Sumsuih panna kawnga midum khâm an tih thin thlen hmâ deuh ah chuan accident hi an lo awm a, ambulance in Hliâm tuar pahnih chu an lo phur phei ve mèk bawk.



Car ka hmu chu ka phu deuh zawk mai, hlauhthâwn na chuan min rawn tuâm nghâl ut ut a, car chu ti dingin Midang lo awm na lamah chuan ka tlân phei ta dâwr dâwr a, ka fapa leh Hlutei pawh ka ngaihtuah tawh lo, Car number ka hmu chiah chu ka tiril chu a khûr nghâl zawih zawih a, Khûma car ngèi a ni tih chu hrilh chawp ngâi lo in ka hre nghâl mai bawk, ka thian tha ber car te engtin nge ka hai theih ang?




"Nichina car khân a rawn su ringawt a, a number ka lo chhinchhiah hman tawh si lo, a tlân san nal nal bawk sia"



Putar han ti ila tar lutu k lo feh haw tih hriat zet hian arawn ti lûng lûng a,



"Chu car chu eng rawng nge?"



Aw khûr hlawk hlawk chuan ka ti a,


"A dum a nia, engmah a hmuh tlang theih loh"



A sawi zawh rual chuan ka car lamah chuan tlân lèt lehin car chu ka ti nung rawk rawk a, chak thei ang ber chuan ka tlân chhuak nghâl bawk, mahse ambulance kha ka hmu pha tawh miah lo, tah khân ka nupui ka hmangaih em em na tuârin a awm sin.



"Umuanpui i khalh chak emai, enge thleng a?"



A tawp a tawpah chuan Hlutei pawh chu a rawn tawng chhuak ve ta nge nge a,


"An chesual"



Tih ringawt chuan ka chhâng a,


"Tu te? Tu te maw i tih?"



"Sangtei leh Khûma"



"Enga?"



Ring zet chuan arawn ti a, a hmèl chu hai rual lohin a rawn buai nghâl vek bawk, kei erawh chu ka la fîm kar thung, mahse ka hlauhna erawh chuan min tuam ut ut mai.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:49 pm

ITZHAK

CHAPTER-30

BY

HLUTEI JOCUND PACHUAU



Naktûk zan tang chuan Program neuh neuh ka neih tawh dâwn vângin ka chawlh rih a ngâi dawn sia, Krismas leh Kumthar inkâr velah chuan ka final hman ka ring.


Final mai ka duh tawh a in la phal si lo a, muângchângin kan ti tâwp anga, chuan Krismas leh kumthar inkâr ah ka rawn ti deuh thuai thuai tawh ang aw.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/



Hospital kan thleng chu hmanhmawh phelèngin kan tlân chhuak a, Ka fapa pawh ka ngaihtuah thei tawh lo, Hlutei kutah chuan ka dah ngawt a, ani pawh rilru hah leh buai tûr a ni ve tho, mahse tûnah rih chuan Sangtei chauh ka rilru ah a awm rih.



Casualty lamah chuan an lo buaipui sap sap hlawm a, ka thawhna hospital tho anih vângin doctor dang pawh an lo tam khawp mai, an inkár ah chuan ka va inhnawh phei ta pawp pawp a.



"A lungphû ka hmu tawh lo Sir"



Doctor kei aia junior ve deuh hlek chuan Khûma ban rèkah chuan alo hmet vang vang a, sawi mai tûr ka hre lo, ka buai a ni, ka buai vek, enge ka tih ang? Leh lamah ka nupui, leh lamah ka thian, ka unaupa ang chiah a ka en ni bawk.



"Current kha han hmang phawt teh u"



Chauh hmèl zet chuan ka ti chhuâk sup a, Hlutei bulah engtin nge ka sawi ang? Khûma a awm tawh lo tih sawi chu ka thei teuh lo, ka nupui awmna lamah chuan ka va phei leh a.



"Enge a an?"


"Ka pu a hliâm hi ana lutuk a, tih vak ngaihna awm tawh lo, kan theih ang ang chuan chhan kan han tum phawt ange, eng pawh ni se lo in ring ula tha ang,ka pu khawngaihin lo va chhuak rih phawt rawh"




Ka bîng ta mup mai, nurse thusawi chu ka bengah ari nawn tluk tluk a, ka bul vèl te hi a thim ta vek hian ka hria, inchung lam hawi chuan thâwk ka'n la vang vang a,pawn lama ka chhuâk chu Hlutei chuan ka fapa chu hlauhthâwn hmèl zeta arawn pawm lût lai chu ka lo en tawp a, thutna remchâng ka hmuh hmasak ber na ah chuan ka thu hnawk ringawt.



"Enge chanchin an na viau em ni?"



Hlauhthâwn hmèl zet hian arawn ti khûr hlak hlak a.


"Ka pi phone rawh, Sangtei nu"



Tih ringawt chuan ka chhâng a, ka nupui thî hnûang mai an buaipui lai chu parda phèn atang chuan ka va thlîr leh zauh thin, a che lo a, an sawngbâwl ang ang chuan alo dawh tawp, vawi khat tal a mit rawn meng leh se tih chu ka duh thusâm ber a ni, mahse duhthusâm mai mai a ni si a.




Rei fè chutia kan thut hnû chuan Khûma nu leh pa pawh an rawn thleng ve mai a, a hnu deuh lawkah Sangtei nû pawh a rawn thleng bawk, ka fapa tui hâl pawh arawn tap ta râih râih a, Sangtei nu chuan pawm a tum mai a, mahse a duh tlat lo, Midang chuan lâk sak an tum pawn tûmah aduh lo, kei tak ngiâl pawh min duh lo, Bawihtea putea chu ka car a hnute la tûr chuan ka tîr a, a'n hnèk khalh khalh hnû chuan a tui alo hâl hlè tawh aniang a hnute bûr chu a phâwi phal tawh hauh lo, lungâwi tih hriat zet hian Hlutei âwmah chuan a bei ta hlè hlè a.



Doctor Vèna a rawn chhuah vèleh chuan kan lo ding thap a,


"A pawi ka ti khawp mai Sir, Doctor Khûma leh i nupui chu kan chhan thei ta ngang lo a ni"




Chû thû chu khawvèla ka hriât hlauh ber a ni,



"Engtin emaw chhan dân a awm ang? Keimah min luh tîr mai tache u, current shock tepawn a tih nun leh theih ang?"



"Hliâm angah a, thisen chhuak a tam bawk a, tih ngaihna ka hre ngang tawh lo, current shock chî a ni lo lawm Sir"


"I theih loh chuan keimân ka ti mai ang"




Tih paha luh mai ka tum chu Khûma pa chuan min lo dang vat a.


"Muana insûm teh, Pathian remruat dân hi mirhing tih danglam theih a ni hleinèm"


A tih tâkah chuan ka inbeng dâi leh mai a,

Sangtei nu leh Khûma nu chu an tap ta feih feih a, ka nu leh pa leh ka nitei tepawh an rawn thleng ve nghâl bawk, Ka nu hrawn chuan thil awmzia a hriat chuan midang ang tho in a tap ve ta râwih râwih a, kei erawh awmdân thiâm har ka ti, ka nu chuan Bawihtea chu pawm a tum pawn Hlutei lo chu tûmah duh a nei bawk si lo, Hlutei pawh chu a hmûi hup chung chuan a tap ta ngar ngar a, Ka fapa chuan alo enkar bawk, Hlutei tap a hmuh chuan hrethiâm ni âwm tak hian a men vè ta pâr pâr a, Hlutei lah tah chhuak si tap tha ngam si lo, ka khawngaih viau na a ka dinhmunah hi chuan midang khawngaih thei pawh ka ni rih lo.



Ka mittui rawn tla tûr chu van lam hawi chuan ka khap lèt fak a, mipa pawh ni mahila mipa in tih a har khawp mai, ka'n maimitchhîng vang vang a, ka nupui hmeltha tak nui hmèl chu ka mitthlâ ah a châm reng bawk, ka rilru a fîm lo a, ka buai nuaih a ni mai.




Heti mai a min kal san hi ka ring ngâi lo, ka fapa hmèl ka en thin, ka hawina lam apiâng hian min tina vawng vawng in ka hria.


HLUTEI POV



Umuanpuia te in kan thleng chu Bawihtea muhîl tawh bawk a, a ri lo chuan ka tap ta, ka âwmah hian min hnawh a, vawi tam tak vih nawn ang mai hi ka ni, engtin nge ka awm tâk ang? Ka tap ring ngam bawk si lo, ka hmui hup chuan ka âwm dawmin ka tap ta tlawk tlawk a, ka mipa duh leh hmangaih em em ka thiânghlimna hial ka lo hlan tawh kha chân ka tum lo asin, Pathian techu ka dem rum rum a, U Sangtei leh zèl pawh, hetiâng èm èm tûr hi chu a ni lo, ka piantirh ata ka nuna mi pawimawh leh ka hmangaih tak ka la chân ngâi lo a, hriatthiâm har ka ti in tawrh harsa ka ti takzet a ni, vawi khat mah ka hmu tawh dâwn lo tihna nia, ka ngaihtuah ringawt pawh hian ka na ngawih ngawih a ni, chhuatah chuan thu sawp in ka mittui techuan chhuat techu a ti huh zo vek ni maiin ka hria.





Bawihtea awmpui ka ngaih avângin ruang pawh ka kîl ve thei lo a, Mahse UMuanpuia'n min khawngaih èm vângin Khûma te in lam pan chuan ka cousin nèn chuan kan kal a,Mahse Bawihtea chu ka hruai tel ta tho a.


________TIME SKIP_________



An in kan thlen chuan ruang bulah min lo thuttîr vat a, Bawihtea chu a mutthilh tho vângin ka cousin chuan min lo pawm sak a, a hmèl ka hmu chiah chu ka thinlung hi chem hriâm taka vih ang mai hi a ni, ka baw deuh hawk a, zah pawh ka dâwn lo, Khûma chu ka kuah ta tlawk tlawk a, tû mit mei mah ka vèng thei tawh lo,

" Heti mai hi chuan ka la chân phallo che sin"


Ka rilru chuan ka ti mawlh mawlh a, 'i tello in engtin nge ka awm ang, i tih tûr engkim min hrilh a, i tih loh tûr thlenga hriatpui thin tu che hi min theihnghilh ta em ni?'


Chû thû ka rilru ah arawn lan zâwng techuan ka mittui chu a luâng thla zung zung a, "He thû hi i bulah ka la sawi ngâi miah lo, mahse ka hmangaih che"

Tap hlap hlap chung chuan ka ti chhuak a, midang pawn an hre vekin ka ring, mahse zahna hun pawh a ni lo, ka sawi châk em em thin kha a damlaia ka sawi thei lo hian min tina zual a ni, mahse tûnah chuan a tlâi zo tawh.







MUANPUIA POV







Ka nupui thihna pawh thla 2 lâi a liâm ve ta, ka nupui lung chu a rang lama phun tûra min tih vângin kan phun tawh a, mahnî in ka in ah chuan ka awm reng a, ka nupui sûlhnû te ka hmuh châng hian ka rilru ala dam thei lo, min kalsan hmâ mah mah a ni, ka fapa lahin Hlutei lo chu a duh dèr bawk si lo, a nu angah a ngâi hmiah in ka hria, Hlutei lakah chuan ka inthlahrung èm èm a, mahse a nu leh pa te an lo fel hlauh a, an tupa angah an ngâi hmiah mai a ni.




Sangtei nu pawh chu rilru na in ala awm reng a, a ât phah lo chauh a ni ber mai, keipawh chuti tho, ka hnâ ah rilru ka pe thei lo a, ka lunglèng lutuk hnem nân zû tepawh ka'n dawm vèleh zauh thin, mahse nèp ka intih èm vâng leh Sangtei'n a duh loh èm vângin ka in lo ta deuh a, Hlutei pawh anâ tih ka hria, mahse a sawi chhuâk ngâi lo, Sangtei ka ngaih èm vângin ka mang lamah tal hmuh tumin ka bei thin, mahse awmzia awm lo, ka ngâi a, ka thin a rim bawk, duh khawp lo taka nikhat kan hman dun thin te kha tûnah chuan khâ nikhat lek pawh rei ka ti ta, ka nupui nui var var lâi thlalâk chu ka thlîr vang vang reng a, hetiânga min kalsan mai hi pawm harsa ka ti a ni, a tello chuan khawhar rèng rèngin hun ka hmang a ni mai, ka tah a chhuak a, mahse ka fapa tân pa nèp tak nih ka duh loh vângin a rûkin mut hmunah ka mittui chu ka ti tla ve fo mai, tûnah hi chuan ka fapa tân chauh ka nung vè tâwk tâwk a ni mai.



Ka phone lo ri ral ral chuan ka suangtuahna tangin min ti harh zawk a.



"Hello?"



"Muana, Hlutei leh Bawihtea kan hmu zo lo, ka phone tlang thei bawk si lo, engtin nge kan tih ang?"




Hlutei nu chuan Hlâuthâwng tih hriât zet hian arawn ti khûr dar dar a, ka hmâi chu tuai puatin ka'n in thing harh a.



"Awle, an awmna chu ka hriât mai ka ring, ka lo zawng dâwn nia"



Ka tih zawh hnû chuan a dah vèleh mai a.



Hmanhmawh takin Khûma te vèng thlân mual lam pan chuan ka inkhalh chhuâk ta nghâl a.





________




Khûma thlân ka thleng chu tûmah an lo awm lo, mahse a chunga lehkha lung tuma lo in delh chu ka hmu vâ vâ a, Khûma thlân ah hian light èng tak an vuah vângin engkim chiâng takin a hmuh theih vek a ni.




Hlutei kut ziak ni âwm tak hi alo ni a, ka chhiâr châk tlat pek a nih chu, lehkha chu lâ in Khûma thlân chungah chuan ka'n thû a, lehkha ah chuan ti hian alo in ziak a.





Tinge min dîl hmasa lo a i kal mai le? Ka thû lo chuan engmah i tih ngâi loh kha, lo hre lâwk ni ila, nang chelh tûr che khân ka theih tâwp phâk bâk thlenga tih ka huâm asin, i ngaihtuah chiang lo a ni, kan duhthusâm dun thin pawh kan la hlen chhuak lo a, hmabâk tam tak kan la nei asin, min ngaihtuah ve miah lo tihna zâwk em ni? Engtin nge i tello in ka hringnun hi ka hman tâk ang? Theih ni se vânram thlenga zui theih che ka van châk èm.


I kal ni khân maw? I taksa lumna rèng nei tawh lo kha chûlin, i ka mittui tlâk phallo tû khân min vèl a, min duat thin tu khân ka thinlung zawng zawng iti kehsawm vek asin, ka ngainat ngâi loh he thlânmual pawh hi, a nghâk tu nangmah inih tâkah chuan ka ngaihnat ber hmun a chang zo tawh.



Ka ngaih takzet che a ni.


(Hei hi keima ziah ni lo in Sarah sailo ziah a nih hi aw, ka rawn ti danglam deuh anih hi)


Tih hi alo inziâk a, lehkha chu nghet zet hian ka hûm a, van va dâkin ka mittui tling chu chil lem khawlh pah chuan ka khap lèt fak a, Hlutei thuziah chuan kei mipa a zawnga thinlung sak pawh a ti nèm duai duai mai, ka thin a min hnawh tu awm chu ka'n chûm deuh dawt dawt a.



"Sangte, vân atang khân min lo hmu em? Ka na asin, ka na lutuk, lo kîr leh mai la ka van ti èm"



Ka ti chhuak sup a, heta awm reng a chî loh avângin ka car lam chu ka pan leh ta hnû hnû a, ka phone lo ri char char chu hmanhmawh zet hian ka la nghâl vat.



"Umuanpui ka haw tawh aw, min lo zawng ami?"



Hlutei chuan arawn ti a,


"Awle, i haw tawh chuan a that chu"




Tih zawng chu sawiin ka dah leh mai a, ka fapa ka ngaih tawh èm vângin keipawh ka haw vè nghâl vat a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)