ITZHAK BY Hlutei Jocund Pachuau‎ (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

ITZHAK BY Hlutei Jocund Pachuau‎ (Completed)

Unread post by Ngaia » January 26th, 2020, 9:39 pm

eojwf6ds.jpg
eojwf6ds.jpg (29.72 KiB) Viewed 35010 times


Ka rawn lêt leh ta, in lo dam hlawm em aw?..... Ka story hi min lo chhiar sak leh theuh ru aw.... Chuan feedback kha ngei ngei in ka duh nia, Click nen khan, thu hma han neih vak hi ka thiam lo a, in ngaihdan te kha comment lamah in lo sawi dawn nia, chuan mistake hi chu a awm lo thei lo a, hriatthiam na nen khan in lo chhiar mai dawn nia😂❤️❤️❤️❤️❤️......


Ka story chhiar chak vanga chiri te in lo awm tâkin ka tia ka rawn lêt thuai thuai anih hi😂😂😂😂😂......


Tan ang le😉😆😂






ITZHAK



BY


HLUTEI JOCUND PACHUAU


Prologue




"Hmangaihna hi ka hua, hetiang love story tih vêl hi ka hrethiam pha ve lo, a ninawm"



Ka dâr chu a ri nghâl sawk a, a thíp veng veng vâng chuan ka tuai vang vang ringawt, min bêng tunu lah hian min melh rum ngang mai.


"Hmangaihna i hua a, mahse Nunmawi a hi i hmangaih chu nih hi Mawli, nupui dang a neih san che chu sawi loh a fanu ila paw ang dúrh dúrh a"



A thusawi chu a ngâi tê bawk, thau tem tum si, min tia pui kutthlâk chawrh chawrh zel mai a.


"Thian mai kan ni tih vawi engzat nge ka sawi dawn, Ka hmangaih alawm, mahse thian ang chauhin ka hmangaih"


Awih loh hmêl zet chuan a hmui chu a ti pawrh kual vel a,


"A nih hmânni a nui mawi deuh pâ tal kha chhâi dún ang hmiang, i theih phawt chuan kei hian pasal neilo in ka leng tar thak ang"



A thusawi chuan ka nuih a tih zat rual rualin phúrna min pe tlat nia, Muanpuia a sawina nih ngei hi,ka chhânna nghah hlelh hmêl zet chuan min lo en kar a.


"Iti takzet em?"


"Tehrêng, ka intiam"


Alo ti sam êt a,

"Anih i intiâm bawk a, kei mizo nula hnahkhat Gas búr pawh pu nawlh nawlh thei hian kan Tar hoti fapa chu ka chhâi mawlh ang"



Kan thian dún chuan ka nau puâk pawh ngaihsak lêk lovin kan nui dún har har a.


_______________________



Ka hming chu Lalrinsangi ka ni a, Sangte tih tepawn min ko mai thin, ft 5'4 vêl ka ni a, mizo hmeichhia ah chuan tê chhe lutuk chu ka ni lo,chêr chhe over ka ni lo bawk a, ka pian hi chu nalh ti a min fak der tu ka tawng ve fo mai, kum 22 na ka hmang vê mêk a, high school ka kal lâi atang tawhin ka thiam thei a, ka nih tum ber pawh doctor a ni, ka tum ang ngeiin medical college mizoram ami ngêi ZMC ah chuan first year ka zir zo ve a, mahse ka pahrawn in ka zirna sênso leh hostel awm man to ti a min phun khum reng tâk ah chuan ka zirlãi chu chawlh san in ZMC ah tho office ah min thawh tír ta zâwk a ni, dik tak chuan ka pa hian kum 5 ka nih khân min boral san a, Delhi lamah ka nu in hna chhete a neih vê vângin kan awm reng a, chutah chuan ka pahrawn nên hian intawngin an innei ta a ni, ka pahrawn hi mizo ni lo in Vai diktak Gujarat mí a ni a, a fírin sum a ren êm êm reng a, dik tak chuan Delhi awm ka châk hlawl loh vângin mizoramah office a thawh pawh ka remti ta zâwk a ni, ZMC a an director leh ka pahrawn hi thian tha tak an lo nih thin avangin awlsam takin keipawh a nghetin ka lút vê nghâl mai a, ka rual pui lek lek Doctor zir tlâi lama an school bâng ka hmuh te hian túma hmuh loh in ka tap ru fo thin, mahse ka nu bulah erawh ka sawi ngâi lo, túnah chuan khâ vai chhia nen fapa an nei tawh a, ka nau chu hmu châkin ngâi ve thin viau mahila ka pahrawn leh ka nu ka hmuh peih loh vângin túmah ka zu be pawp hmasa ngai lo, ka thian tha ber Nunmawia leh Remsangi tih loh chu,


"Sangte, enge i ei duh ka chah kêp ve dawn che em?"


U Jeru in min biak vâng chuan ka ngaihtuahna atangin ka harh zawk a, ka lú ka thing ringawt, diktak chuan heta ei hi ka peih ve thlâwt lo, kum khat dawn chu thawk vê tawh tho mahila túmah hi ka la nêl thei tak tak lo, ka chungah chuan an tha vek a, mahse an khawsak theih mai bâkah mihausa ho hú hâng hi ka zo ve lo ni berin ka hria.




Mahni chuan thil ei túrin ka chhuak leh ta nalh a, kan office hi chhawng thum niin a zau em em a, Chuan a chung ber hi College a ni a, kan office atan hi chuan chhawng hnihna hall pakhat chauh kan hmang a, a dang chu professor ho room leh medical College room pawimawh deuh vek a ni, Student ho leh Damdawiin lam atang hna thawk te hlawh leh bungrua lo lut chhuak hi kan khawih deuh ber a, hlawh pawh a tha phian mai.


"Sangte"



Lobby ka thleng chu Min ko tú an awm avâng chuan ka hawi vual vual a, ka mi hmuh vâng chuan ka thaw hak mai, Doctor Marinai ni maw, pitar sí a inchei duh dân hi amak thei ngawt mai, Pi Marinai hi ZMC ah hian a thawk ve tho a mahse ani chu office lamah ni lo in professor angin a awm thung,


"Enge ni ta? "


"I inhnawh puar dawn ami?"


"Aw, ilo kal ve duh em?"


"Aih, Pork Momo min lo hawn rawh aw, ka fapa hian a ei châk a rúk a pêk ka duh sia"



A tih chuan ka lo aw vê mai a, a fapa chu ka la hmu lo a mahse ka thawhpui te kha chuan hetah hian college a kal vê an ti takin ka hria, mi hausa ho bawk hi an ding chhuak leh nge nge thin, mi rethei tân chuan Doctor zir chu vân a rah ang vel a ni.


__________

Ka restaurant nuam tihna ber ah chuan ka lút tharh a, kum khat dawn nitin deuh thâw ka chawlh tâkah chuan a thawk te ho pawn min ngam tawh hlawm khawp mai, an bula ka awm hi chuan ka harh sawng sawng zel, dawr nei tu nu hnên ah hian ka hna hi chawlh san a an dawr a thawh ve hi ka dil fiam ziah a, min nuih nasa thei khawp mai, tún ah pawh an lo rãk leh luai luai tawh hi.



"Sanpiau bawk ami?"



A nei tunu chuan nui har har hian alo ti a, nitin deuhthaw ka ei chung pawn an siam hi chu ka hne thei thlawt lo, inhnuai atang chuan a thawk te ho chu an rawn tlânchho sap sap hlawm a, customer dang an awm vak loh vâng a niang an hman angreng khawp mai.


"Enge in lo chhoh vek a, khawnge ka ei túr chu?"


"Nangmahin zu insuah ve mai rawh"


Sangboiha chuan alo ti vat a, ani hi min ti tlãngnel tu ber a nia tlêma pâ zân lo a nihna hian tawngkam nuihzatthlâk tak tak hi a rawn phuh chhuak rauh a,ka naupan lai atang tawh a aw râwl chhuah meuh a nui ngai miah lo kha a bulah chuan ka nui ve uarh uarh zel, Kan in ngam tawh hlawm bawk a, kan han nui ho leh tlawrh tlawrh phawt a, an mipa duhzawng an lo sawi ho lek chu niin, Medical student ho zínga an star te hming chu an lo sawi diat diat a, engtin nge an hming te an lo hriat hmanhmawh ni, kei kum khat dawn awm chilh pawn túmah ka hre mumal hlawm si lo a, ka lo phêk en vêl mai mai thin sia.


" U Sangtei chu ka'n suah ange, a make-up hman hlui min pe dawn sia"


Sangboiha bawk chuan a rawn ti leh a, Ti hi chuan sunday ah ka make up bâwm a thâwl leh huai dawn nih hi ti rilru chuang chuan ka nuih var var a, mahse pawi ka ti lêm lo, he khua hi nuam min tih tír tute leh ka lunglen khawhar hnêm tute an nia, an tân ui neih ka duh lo hrim hrim, ka hlawh hi ka kham ve tâwk emai a.



Ka ei túr an rawn suak chu ka lo ei nghâl mawlh mawlh a, a tâm tawh bawk êm a ni.



Hospital quarter ah ka thiannnu Remsangi Technician nen kan luah dún vê a, amah hi ka chhungkua chu ni deuh mai, kan awmna quarter hi veng tâwp mawnglama awm a ni a, a kawng chu thui deuh mahse a hmun a rem ang reng khawp mai, kan awmna kawng chu thuiin chhuk chho viau e ti lo chuan metal zau tak vek a ni thung, a mawnglamah chuan in kan luah ve a, quarter hrim hrim hi han sawi zau deuh ila, building hi chhawngthum in hnaih te te ah a in ang veka sak a ni a, chhawngkhat aah chuan chhungkaw pahnih zêl awmna hisap a ni bawk, ka thiannu nen chuan kaw khat kan luah ve a, kan awm tâwk viau mai, kan awmna hi a thlang bík vang vang bawk a, kan awmna bul chiah zau zawl lai ah hian building pali hi a awm a, chu chu ZMC boys student hostel atan hman a ni a, mipa awm khawm tih takah zan lamah hi chuan bengchheng ve thei tak an ni.


"Amak thin, awi ka ning e.... U Sangtei chu biak hi ahar leh tlat thin, a pending leh ngur ngur tawh hi"




Sangboiha chuan alo ti tân tân a, ka ngaihtuahna tang chuan ka harh zawk, rum zet chuan min la melh ang rauh a, lassi min khilai dawn lek hi alo nia, nui var var chuan ka kawchhung sa huam huam chu lassi vawtthlar mai chuan ka'n ti dai sang sang a,


"Lassi ka khilai che sia, ihh... Kylie eye shadow kha ka duh nia, inhnawih pawh i inhnawih ngãi loh kha, i thlauh keh vel mai mai ai chuan min pe la i hlawk zawk ang"



A'n ti nghâl bawrh bawrh a, ka lo nuih top ringawt.


"Awle awle, Saturday zan ah lo riak la ka pe dawn che nia"


Ka ti ve mai a,


"Yes le... Awi ivan hmeltha tak e aw..."


Tihpah chuan a tê ang tuar tuar a, a til pâwr âw tawh bawk sia, no zet a han au túr chuan a nuihzatthlâk mah mah, kan nuih dun bâwk bâwk lai chuan Pi Marinai chu a rawn nui lut var var a, a bulah chuan medical college form ha chuan a rawn zui lut a, kan nui tawp chiang ngang mai, Sangboiha chu rangzet chuan inhnuai lamah a tlân thla nghâl a.


"A rawn chhuak thei leh sia, kan rawn kal ta mai"


"A ni maw, min rawn zawm ve ru"


Nui sâng chuan ka lo ti a, a hnunga mipa ding sâng tha zet zawt ngo lampang hmui sen no chak mai, hmaibial lam deuh mit meng fiah zet mai hian min lo en kar a, ka hawisawn rang râpthlak mawle, a fapa chu ni maw, a hmeltha ti a an sawi sup sup kha alo ni tak tak a nih hi ka ti rilru nghâl nauh nauh a.


A nu kiangah chuan ngawi rengin a thu ve mai a, naute lian deuh tepawh a ang e a, ka nui suk a, mahse chupa ve thung chu a nui miah lo, a thinrim hmel na a in control a tum tih ka hrethiam nghal mai bawk, a hmel erawh hmuh hrehawm khawp a rum chu a ni lo.


An ei túr chu an chah chhung chuan pi Marinai chu a ti suam suam a, a tawng duh ve ngawt mai, kei lah hi sawi tur ka hre tlem si, a fapa lah chu ngawi tlat leh nghal.


"Sangte i chhungte hi ka va hmu ve ngai lo ve"


"Delhi lamah an awm vek a, ka nu hna vangin"


"Pasal ila nei lo a?"


"A teuh lo mai, Pasal neih em em pawh ka tum lo"


Ka tih takah chuan pi Marinai pawh a rawn nui har har a,


"Keipawn ka tum ngai bik hleinem, ka tum tawh loh hnu in Bawiha pa nen hian kan in tawng a, kum 30 ka chuang tawh, fa neih lamah harsatna ka neih vangin Bawiha chauh hi fa kan neih phah alawm, pasal neih dawn chuan neih vat vat hi tha"



"Neih ka tum lo tak tak, in ngaihzawnna lam kawngah hi chuan ka thiam thei vak lo a"


Kan thusawi chu pi Marinai fapa chuan alo ngaihthla ve kur a, fiamthu kan thawh a kan nuih bâwk bâwk lai techuan nin hmêl zet hian alo thaw hak hak reng ringawt, nichin atang tawh khan ala tawng miah lo nia, râpthlâk hian, ka tawng duh lo hlê na a, kei aia tawng duh lo ka hmu chiah chu tawng duh ka intih phah zo vek, a hmel erawh chu duh thusâma tha a ni, mahse hei pawh hi tha ka ti liam leh top anga chu zawng chu ni mai, a bak a awm ve lo.



Hei hi ka nun chu ni mai, single life dik tak a nih hi.



Pi Marinai chuan hnâ a neih vângin a chhuak leh nghâl daih a,keichu Dawr nei tunu bulah chuan ka thu daih thung, a fapa chuan ngawi rengin a ei tur chu a ei mial mial ringawt, a mit hmul buk lam deuh leh a hnar zum vah mai mawlh chu, han nui phei se chu a tha viau ang, awi ni lo, a thil ei lai tâwp chat chuan min rawn en rún a nih chu, ka lo en leh vung vung tawh, ka hawisawn rang ngang mai.

A hnu lawkah chuan a thian te ho chuan an rawn hmuh veleh rawn lut ve in an test na chung chang vel an in hrilh sap sap a, pakhat phei chuan keichu ka zir chhuak dawn chuang lo a, mark 6 hi hmu reng ila pawi lo te ti leh nghal, an la mawl ve hlawm khawp mai.



Naktuk ah an testna mark an tar chhuah tur thu te chu an sawi hlawm a, an ti chhe leh hlawm mai mai ang chu, vai ho pawh an tluk lo, thaw hak chung chuan ka lú chu ka lo thing ringawt a.



"A nu khân ka ei man a pe tiraw"



A tâwp ah chuan min be ve ta nge nge alawm, a âw lah chu a nalh êm êm leh nghâl, aw thúm chhur ni si lo aw thâm lek lek hi a ni,

"Aw a pe tawh e"



Tih ringawt chuan ka chhâng a, amah hi hawisâng lo chi ani ve a niang hnuailam hawi deuh si hian min melh kur zel,a thian te awmna lam chu a pan leh nghal daih mai a, a thian te ho pawh chuan an ei sap sap mai, keichu ka ei zawh hnu pawh hian ka la thu kawi leh te te a, ka nitin tih thin dan a nia.


Dawr nei tunu nen chuan eng engemaw kan sawi pah chuan pi Marinai fapa chu ka en zeuh thin a, a thiante ti ti na kar ah chuan alo in rawlh vêleh zauh thin a, mizo mipa pawh a ang lo zawk, a hmuisenno chek mai sawn ka mit ala, ni lo, enge maw ka ngaihtuah vak vak le, hmeichhe ngaihtuahna atana mawi lo a nih hi, mahse enge maw a hmelthat vur tehreng ni, mipa ah chuan nui mawi deuh hi ka duh a, Pi Marinai fapa saw chu nui mawi deuh tih ka sawi paha ka mitthla a mipa rawn nui lai ai pawh khan a tha lêt zawk, hmel danglam pu miah lo chuan min rawn en vang vang a, ka hawisawn leh rang teh a sin, van zahthlâk, ka en reng tih a hria niang, ka va melh leh hmanhmawh pek a, min reng chung hian alo ding nuih deuh suk mai, a nui hmêl kha awi!!!!....


____________Time Skip_____________


Office lamah chuan lêt leh in ka chêt dan âtthlâk lutuk vang khan a khât tawkin thâwk ka'n la leh hawk thin, ka chawlhna a thawk te khan an star te ho min hrilh sap sap a, thla lak ruk sak turin min la ti vek leh nghal, Pi Marinai fapa Muanpuia hi chu a tello hlauh, a sual hmel emai a, a chapo ngawt ang, a in duh hmel theih rapthlak, tumah thian pawh a kawm vak lo, mahni hian a tla hrang nalh zel, a bialnu lah hian a zui reng ringawt an ti sar sar hlawm a, mahse an zínga dawr nei tunu fanu chu a rilru lo na fâl khawp mai.


An thusawi techu ka ngaihtuah let vang vang a, tu hmeichhia in nge maw khatiang mipa perfect lutuk hausa bawk si techu duh lo ang le.



Thil ngaihtuah pah voh voh a, ka awm lai chuan bân alo hun leh ta dêr mai, ka thawh pui techu Aizawl lama haw tur an nih vangin an lo chhuak fel vek tawh a, mahni chuan ka chhuak hnak hnak a, ka mawng kham lutuk chu ka chúm deuh taih taih a, hmeichhe nui hawk hawk thâwm ka hre thut chu ka phu chiang ngang mai, ka veilam atang sawn niin ka hria, building lah hi a zau nasa mai si, tunge tun ang hun ah te enge ala tih ang le?



Ni leh lo, thlahrâng te hi lo ni ta se! Awi.... Ka duh lo,he building hi damdawiin ah an hmang thin tak e, a hrâng te hi ni mai lo maw le, ka lungphu ri chu a ring tha dup dup ngei mai, mahse ka fiah ngei tur a ni, tih rilruk nauh nauh pah chuan Pi Marinai kawngkhâr lam chu ka pan dê dê a, kik ka tum chiah chu ka hnung lam atang hian tu emaw hian hnehsawh zet in Pi Marinai room ep chiah a room pakhat ah chuan min phih lút dawrh a, bangah chuan min nawr bet chawrh a nih chu, ka la intauh dawt zui, ka âu chhuah loh nan ka hmui a hup bawk, a thim vek si a, tukverh atanga khaw thim tan tawh êng tlêm rawn lút dím deuh ruih chuan kawr var doctor kawr aha tih ka hmu vuai vuai thei a, room leh lamah nui thâwm lah chu a ring tha thei si, ka rin dan chuan mipa leh hmeichhia in chhaih thawm niin ka hria, ka lungphu ri dup dup chu ka hmui hup tlat tupa nen chuan kan ngai thla dun kar a, ka tâl ve deuh laih laih chung pawn ka hneh lo ngang mai, ani hi thlahrâng a ni chiang lutuk, a kut vawt thler thlur atang te hian, doctor thi tawh thla a ni tih ka hria, ka tiril ah min fan nghâl a, ka hlau lutuk chuan thawk pawh ka thaw thei lo, ka khúr zawih zawih a, ka thlan fím in min bual huh vek tawh, ka lú techu a rawn hai ta vek a, ka taksa chu rawn zawiin a rawn thim ta mup a.





Muanpui POV.





Ka hmeichhe man beh lai chu a rawn zawi hnawk a, engtin nge ka tih ang? Kei hian ka ti hlau viau anih dawn hi, avan hahthlâk tak, thidang khawp khawp a tih nat ka tum lo a sin, ka nu mipa awmpui lai a hmuh ka duh loh vang chauh a ni sia,



Ka nu nuiri a hriat khan a kalsan mai dawn maw ka tih laiin ala rawn pan ta deuh deuh a, current chu on in sofa ah chuan ka mut tir a, amah ka en chiang chu vawiin a hmeichhe duhawm zet kha alo ni reng anih hi, duhawm rúkna riau pahnih a nei leh nghâl, mipa tân chuan a âwm bawr vang ringawt pawh hian hêl hêl tham a nih hi, ka ngaihtuahna vang chuan ka nui huk a, a cher dawn viau maw ka tia, a khal mawi tawk reuh em em leh nghal, tui chuan ka theh pah that that a, a rawn che ta talh talh mai, a rawn tap chhuak ti tih nghâl a,


"LalPa min tanpui rawh, Pathian hmingin kal bo rawh"



Aw khur dar dar chuan a rawn ti a, a meng ngam miah lo bawk nen ka nuih za lutuk chu insum a har ka ti, ka âw chu ka thian kharh a.


"Thlahrang ka ni lo Miss"


"Maw? "



Tih riai riai pah chuan a inthlah dul ta deuh a niang hreh hmel zet hian min rawn en kar a, a Mascara pherh deuh niai nên chuan a hmel chu nuihzatthlâk ngei mai, ka insum zo lo chu ka nui hak a, zah hmel zet chuan a lu thak loh hmel pui chu hiat sat sat in hnuailam a bih daih thung, ka rilru na hrehawm ka tih tehreng nên henu tê reuh hian ka mood a rawn thlak chiang ngang mai.


"Nangmah ilo ni reng a"


A ti sap a, a zak hmêl sen ap ap chu ka en top, ka nu bawk chu a rawn nui leh har har a, a nui ri chuan mi râp in ka thinlung hi chhun ang maiin a tina ngawih ngawih a ni ber, He nu bula a thusawi te kha dawt hlawm hlak a ni sia, ka nu hi chu amak ve ngawt mai.


"Chu nui ri chu"


A rawn tih veleh tawng lo tur chuan ka kut chu ka hmui zawn ah ka dah a, a ngawi veleh mai bawk a.


"Ka kal tawh a nge, khua a thim tawh sia"


Rawn tih sap pah in a rawn tho taih taih a, chhuat lai a a bag chhar zâl zâl pah chuan min rawn en ang zek zek a, kawngka bula ka din vang chuan a kal tur chu ka lo en top ringawt, a chhuak chiah chu ka en zui reng a, ni lo, ka nu leh khapa kha Lobby ah an lo in fawp mawlh mawlh a nih chu, Thlarau hmu ang mai hian a ding khawng reng a, ka pawt lut leh rang kher mai.



Mak tih hmel deuh chuan min en kar a, a mit mengah chuan zawhna hlír.


"Khatiang khân min melh suh, an chhuah hun ah kan chhuak dawn nia, ka thlah haw ang che"


Tih zawng chu ka sawi a, thawk ala hak ringawt.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:40 pm

TZHAK
By

Hlutei jocund Pachuau


A hmasa in he story a mi te hi an awm tak tak deuh vek a, Changtupa phei hi chu keipawn ka hmu ngun a, zep lo chuan a thlalak hi rawn hman ka duh lutuk a, mahse ka huaisenna in a ngam thlawt lo, ka dil ngam ngang loh vangin amah nen a ka tehkhin ber Pon a hi ka rawn hmang top a nih hi, changtunu hi chu awm tak tak lo nia, nangmahni ah khan lo in chan top mai rawh u

😂😂😂😂.....

IMG_20191025_194035_035.jpg
IMG_20191025_194035_035.jpg (78.3 KiB) Viewed 6050 times






Sangtei POV





A awmzia chu Pi Marinai leh kan director vaipa kha an lo in ngaizawng reng a ni maw, kan Tar hoti chu alo nasa ngei mai, a fapa rilru na hmel mawlh chu ka khawngaih zawk, ka hmuh hlauin thidang meuhin min siam a, tunah ka hmu leh tho sia, ngawirengin Nuimawia ka ti mai amah nen room khat ah chuan kan awm tlawk tlawk reng a, ka thaw te hi a dik lo, enge maw ka zâm êm êm reng le, hepa mi uap na lutuk hi ka zo lo ni berin ka hria, engmah a sawi loh dân ah hian ana hlê tih ka hre thei, a thinrim hmêl bawk si engmah ka sawi ngam bawk si lo.


Reilote hnu ah chuan kan chhuak ve thei ta hrâm a,


" chuang rawh"



KTM nalh zet hi rawn khalh chung hian ka hma zawn ah chuan a rawn ding chat a, min sawm dan te top chu a, ala inhmeh em em lehnghal.


"A ngai lo, ke in ka haw mai ang"



"I chiang chiah maw, khulai kan hostel awmna kawng velah khuan thawm an hre thin a nia"



A tih rual chuan kal kawng ni deuh ruih chu ka mitthla ah chuan a rawn châm a, hmân atang tawh khân kan inkawng chu a hran duh hmel ka ti reng ahhh, fiamthú hmel a pu bawk si lo, mahse kan haw na kawng a in ang si lo a.
Ngaih tha zân lo chuan ka chuang ve nghal mai a.

"In in kawng chu saw lamah daih a awm sia, i tan a buaithlak loh ami?"


"In ah ka awm lo, Hostel ah ka awm"

A rawn ti deuh hmuk a,min be châk vak lo anih dâwn hi ka be tawh awm bik lo emai.

"Min vuan rawh"


A rawn ti leh hmuk a,


"Ni lo e, ka kut hi a bâl sia, i form hi a bâl vek dawn sin"


"A balh leh i su nga ni mai"


Tihpah chuan a tlân chhuak nghâl dâwrh a, ka in ring hman lo, tê deuh that chungin akawngah chuan ka va bei thlawp a, ka in la hrang rang ngang mai, a taksa che dat atang chuan a nui tih ka hrethiam nghâl mai, engvangin nge ani thawmhnaw te ka súk ngawt ang, ka su awm lo emai a.


________TIME SKIP_________




Kan in kawt ah chuan a ding ta chat a, a bike lah hi a sâng sia, chhuk pawh ka chhuk tha thei lo, harsa ti zet chuan ka chhuk thla taih taih a,


"I thil hmuh kha khawi ah mah sawi suh ang che, i sawi ni la la la chu i thih ni a ni mai"



Rum deuh a meng chung chuan a rawn ding nuih sak a, hostel lam pan chuan a tlân thla nghal nal nal mai, a thusawi vang chuan kâ huau huau in ka enzui vawng vawng ringawt.


Mahse a âwm ve tho e.




Inchhúng ka lút chu ka thiani chuan rawng alo bâwl fel vek tawh, ka rawngbawl tlâi a ni sia, ka hâwk dâk lutuk vâng vek, lo hre liam ve mai mai ila chu tiang thil kha a thleng miah lo ang mawle.


"Ivan tlâi ve, Lanmawia'n min lo call char char a, a phone a in switch off a tia, a hlauhthâwn hmêl êm êm leh nghâl"


Remi chuan A lo ti nghâl bawrh bawrh a, ka thiannu tak hi chu, amah a thau rauh sia han tawng hluam hluam hi a inhmeh ka ti thin a nia.


"Hmela chu enge min lo ngaihtuah viau a"



Nui vur vur chung chuan ka ti a, ala nui hur hur zui, a nuih paha a taksa fâwn nul nul thin hi ka lâwm thei top.


_______time skip______





Zanriah kan ei mawlh mawlh lai chuan kan kawngkhâr chu a rawn ri deuh rak a, Nunmawia a nih ka ring rêng ah... A fanu nên.


"Eki zan in ka inkhâwm dawn sia, a pi a dam bawk si lo a, min lo awm sak teh a, inkhawm bân veleh ka rawn lam ang"



"Hetianga ti ti lo hian a nu túr zawng mai la tha túr a nia"


Remi chuan alo ti bawrh bawrh a, Nunmawia chuan nui vur vur a min rawn en chung hian a mit hmul a rawn ti sâng zauh a.


"Awle, Baby ka bulah lo kal rawh, mam mam ei ang aw"



Duat zet chuan ka lo ti a, kum 4 mi lek ni mahse a nu ang deuh a min ngaih avângin min ngaina hlê chutiang bawkin keipawn ka ngaina.


Nunmawia nên hian Delhi a kan awmlai atang tawhin kan in kâwm chho char char a kan inthenawm bawk, amah hian nu chauh alo nei ve tho bawk nen a nu leh ka nu kha an in kawm ngaih a, chhungkua ang chiahin kan khawsa ho thin, mahse kei aiin a upa thung, high school ka kal dawn ah anni chu mizoramah an rawn chho ta daih a, Nikum khan helai hospital ah hian Pharmacist in alo thawk tih ka hre ve chiah a, chuan a nupui alo sún reng tawh tih ka hre leh zêl bawk, kan awmna Quarter ah tho hian an awm ve bawka, mahse kan in hlat tho, an ni chu quarter tír lamah an awm daih thung.



"Ka kal dawn khi ka tlai tep"


Tih leh chhuah chu a rual nghâl a, Baby i chuan a en liam vang vang ringawt.


"Boihte, apa i ngai angem?"


"Aih"


Tih ringawt chuan min chhâng a, apa hi chu a ngâi lo ve ngawt mai, hmeichhe naupang hmeltha tak mai a ni a, a harh over lo bawk, Remi nen hian kan khawhar a hnêm ve thei khawp mai.



________


"En teh, Tar Hoti leh kan director hi an in zui tih thâwm a awm asin"


Remi thil sawi chuan vawiin a ka thil tawn kha min ti ngaihtuah chhuak zawk mai, mit chhíng sawk chung chuan ka lú ka thing nawk a,


"A awih awm loh, dawt mai mai nih chu"


Ka lo ti tlat a, a ngawi veleh mai bawk a.






_______NEXT MORNING ________


A ngâi tê bawkin hna ah ka kal leh ta, khua tlêm a duai deuh vângin Gucci sandal dum ka bun a, kawr pink bantluak leh smart pants dum chu ka ha deuh top a, make-up pawh eye liner tlêm, foundation, lipstick, ka mit hmul ka line leh top a, tiang hi ka nitin inchei dan a nia, make up hman dan chu ka thiam teh meuh mai, mahse ka hman nasat chuan ka sual hmel thei lutuk a, bakah smiling face hi ka nei lo sia, ka confi thei ngai lo.


Ka hna ngai bawk chu ka thawk leh malh malh a, pawn a sign board a Student ho test na ka en khân Nuimawia kha ka zawng ngar ngar a, a ti tha em em leh nghal, hepa pui rauh hi a thiam thei ngawt ang, mahse engvanga hre chak a a result te en dúk dúk nge ka nih pawh ka hre lo e a, vawiin chu hna a tam lo bawk a kan hman hlawm khawp mai, midang chuan games te khêl in an ti mawlh mawlh reng a, keichu kil khat ah a ngâi tê ang bawkin Mobile legend chu ka khêl leh malh malh a, a khât tawkin min rawn be ve zauh zauh zel bawk.


Ka khel zo ka zun chhuak lutuk chu bathroom ah kal ka tum,


"Chhana a lút chiah a bei rei leh viau ang"


U Jeru i chuan alo ti vat a, hepa e rei thei lutuk hi chu a, nunphung a ti khaih lak vek zel, min luh khalh ve ziah leh nghâl, nídangah chuan ka íp maithei zel a, mahse tún tum chu íp chi pawh a ni tawh lo, a chhuak tlawk tlawk tawh emai, ka tâi a puar vek tawh.


"Ka zun chhuak tawh sin le"


Ka ti sap a,


"Students ho bathroom va hmang mai rawh class an lak lai a nia tuman an hman ka ring lo"


A tih rual chuan hmanhmawh zet in ka tlân chhuak a, alo reh thiap tak mai.



Ka thu chiah ka ri nghâl sur sur a, midang an awm lo bawk a, ka íp buai peih lo e a. tâi thêp vek khawpa ka zun chuan ka tho ve thei hrâm alawm.



Ka kut chu ka sil nghâl sawk sawk a. Ka zunna piah chiah kawngkhâr chu a rawn ri rak a...... Ka rei!..... Ka zak lutuk, Nuimawia kha.... Ni leh lo, Pi Marinai fapa Muanpuia ngêi kha nui suk suk chung hian alo chhuak anih chu, min hmu chu mak ati ve deuh a niang a ding dat a, a rawn nui leh pút pút mai, awm dân tur pawh ka hre lo, thlarau hmu ang mai chuan ka hawi phâwk hrú reng ringawt.


Ka bul chiah ah chuan a kut chu a rawn sil ve mai a, kei erawh chêt ngaihna ka hre tawh lo, ka zak lutuk hi khúk ral daih mai ka duh, hmun leh hmun ah chuan ka en tlawk tlawk reng a, a palian rauh sia,


"Bei ring hlê mai"


Tih sup pah chuan a chhuak nal nal a, awii... Ka zak lutuk, bathroom ah chuan ka per vak vak a, a châng leh ka kut tum chu ka hmuam vak vak ringawt, ka sam tuai thur vek pah chuan ka âu vak vak a, tah vak mai tepawh ka duh rum rum e a, tinge khapa kher kha alo awm le, hmeichhia te ni zâwk se a zia túr a nia.


"Miss ngati nge a?"



Zirlai mipa pakhat chuan phâwk fê hian min lo en reng chu niin, ka chêt dân chu mak a ti ve ngang a niang.


"Engmah, enge ilo tih dawn?"


Ka sawi túr hre lo chuan ka'n ti ringawt a,


"Ka zung dawn a, hei chu mipa lam a nia, hmeichhia chu a bul chiah hi"


Mak tih hmêl zet chuan a ti ban chat a, ka zahna thuah hnihna, Lalrinsang Mawli..... chak lutuk in ka tlân chhuak nghâl nal nal ringawt, ka tlân pah chuan ka then tlawk tlawk a ni ber mai, khapâ kha ka hmu leh tawh ngai lo ang vawi khat mah, ka hmuvleh a nih vaih chuan ka thi der top tawh mai ang.


"Ehe....tinge i sam chu?"


Deborah i chuan nui sen sen hian min lo ti a, midang pawh chuan min nuih hak mai,


"Ka sawi thei lo, ka mawl luat ka hmu nih hi"


Tihpahin ka dawhkân ah chuan ka bawkkhup thlawp ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:41 pm

A hmasa in, ka phone hmai ka thlauh keh vek mai a, maimawm ríl ang hian a keh pâr chiai mai, hmuh a harsa over top mit that loh nen, ka type sual nasa ngawtin ka ring a, min lo hrethiam hram hram dawn nia aw😉😉😉😉....

Chuan Túna Pic ka rawn dah hi he story a changtunu awmna leh Boys hostel vel kha a nia, then khat chuan a ho inti mai thei a mahse in chhiar paha a awm dan tur ngaihruat vak vak ai chuan a diktak hi ka rawn dah ta mai, nakin ah he story ka phuah chhan pa pic hi ka dil ngam chuan ka la rawn dah ang, ka dil ngam loh chuan dah loh a ni mai🤣🤣🤣......

IMG_20191026_193533_614.jpg
IMG_20191026_193533_614.jpg (78.66 KiB) Viewed 5558 times



ITZHAK
BY
HLUTEI JOCUND PACHUAU




MUANPUI POV





"Inthen lo ang khawngaihin"


Sara i chu ka hmã ah chuan a tap pâr a, min duh zia pawh ka hria, a nu leh pa doctor ve ve an ni a, mahse lehkha ka zir theih loh phah, bâkah henu hi ka duh tak tak em tih pawh ka hre lo, a mizia hi ka ngaina lo, a thiante ho lah hi an nasa hlawm bawk si, ka zêp lo chuan ka ning ngawih ngawih, ka kalna piangah min zui kual a, a thu hnuaia min dah a tum tlat thin bawk si, mi ho lah hian a sum vang chauh a kawp angah min sawi a, diktak chuan millionaire fanu pawh ni se ka duh tawh lo.


"Inthen ka duh, Doctor ka zir chhuah hmâ chu ngaihzawng neih ka peih tawh lo"


"Ka tibuai tawh lo ang che, inthen lo ang, ka then thei tawh lo che tih pawh i hriat vek kha"


Tap fap fap chung chuan a ti a, ka khawngaih viau na a, ka nu hian min duh pui a, amah runluih nan hrim hrim then hi ka duh a ni.


"Min hmangaih ve miah lo tiraw?"



"Ka hmangaih lo che tih i hria alawm, chuvangin min rawn be tawh lo la, in hre ngai lo angin kan awm tawh zawk dawn nia"




Ka tih zawh rual chuan ka kal san ta nghâl a, a mittui ka hmuh reng chuan ka khawngaih leh mai ang tih ka hlau a ni, vawi tam tak then ka tum tawh a mahse amân in tih hlum ah te min vo ziah a, ka thulh leh nge nge zel a, tun tum chu engpawh thleng se ka then hlen hmak tawh tur a ni.




College atanga ka chhuak chu Parpâr huan kar atang chuan miss Zung ring thei deuhi khân ka thianpa chu thlâ alo lâk rúk sak mawlh mawlh a, engatân nge maw a tih le? A ngaizawng a ni hrim hrim ang.



A hnungah chuan ka va ding ve a, ka dâr a chen tawk chauh, mizo mipa ah chuan palian pâwl ka ni ve hrim hrim bawk a,


"Enge maw i tih le?"


"Bengchheng suh"


A rawn ti sâ sâ a, thil hre chhuak ni awm tak hian a rawn hawi thut, min hmu chiah chu a mengbial nasa ngang mai, a che lâi thei lutuk hi a lawmawm ka ti.


" nang maw?"


"Aw keimah, ka thianpa chu i duh viau ami?"


"Enga! A teuh lo, midang tân alawm ka lâksak"


A ti vei tân tân a, ka awih chiah lo, mahse anih chu ka ring deuh tho, thianpa Rinngheta hi chu a luck êm bawk a ni, hmeichhe duh chí tak a ni tih kei ngêi pawn ka hai lo.


"ka thlâ ila ve dawn lo mi?"


"Enga!"


A rawn hawi phawk leh hrâ a, ka nuih suk mai, tinge maw a laih chhiât theih em em le, mipa a hnaih vak ngai lo tih ka hre mai, min zah em em dân ah hian.


"ka kal dawn"



Tih pah chuan a tlân lut nghâl nal nal anih chu, a harh vâng ve ngawt mai, nula pui tawh si, saw tia tlân chiâm te chu a, zung ring thei ropui si.



"Enge tah khân itih reng a?"



Rinngheta chuan mak tih hmêl zet chuan min en vung vung a, ka lo nuih vur vur ringawt.


"Ka ngai che a, ka lo en thlâ che"


Tihpah chuan tho in a dar ah chuan ka kuah thlup a, keimah anga palian ve tho a ni bawk.


"I bialnu in min thík leh ange aw"



Nui vur vur chung hian a rawn tí a,

"Thík tu túr che pawh an awm tawh lo, ka single"


Kan pahnih chuan midang ho chuan min lo nuih tiah tiah a, hetiang hian kan infiam ziah a, Sara i pawh hian min thík thin rêng a ni, a then phei chuan kei hi tuai amaw tiin Rinngheta nen hian in ngaizâwng angah te min lo ngâi a, tuai ka ang viau a mawni, nge ka hmel that lutuk vâng pawh ka hre lo.



SANGTEI POV





Tlai lamah chuan kan bân hma vangin Sangboiha te dawr ah bawk chuan ka kal kawi leh a, Kimkimi chu a star pa thlâ ka lâk rúk sak chiang vak mang lo chu ka pe nghâl vek bawk, ala lâwm êm êm leh nghal a, tiang em em a han âtchilh theih mai chuh, avan hahthlâk thin tak, an la naupang ve êm bawk a ni, keipawh kum 21 ah tleirawl zirlai ve mai lakah ka la lâi chhe êm êm a nia.



Awi ka purse office ah khân ka theihngilh daih, ka haihawt lutuk chu min hau sap sap a, an customer hlun ka ni vê a, mi tlawn hliah hliah hlawm âwm tak hi min hau ang bawrh bawrh hlawm a, mahse nuam ka ti tho bawk si, hmanhmawh zet chuan kan tlan lêt phei leh dâwr dâwr a, alo la inkalh lo hlauh e, hmanhmawh zetin step ah chuan ka tlân chho dâwr dâwr a, ka hah lutuk, kan office chu hawngin ka dawhkân a ka purse senno lo awm vâ ka hmuh chuan ka thaw huai thei, ka la chiah chhuah leh mai ka tum chu ka tháwm hriat chuan min ti ding chiang ngêi mai.



"Ka thi lai i hmu duh ami ka nu? Kei aiin Khâ vaipa kha i thlang zawk amaw"


Kawngkhâr atang chuan ka bihthla dêk dêk a, Pi Marinai office kawngkhâr zawn ah chuan a fapa Muanpuia chu mit sen râm hian alo ding a, a awkí atang chuan a thinrim hlê tih ka hre thei.


"Nang hian min hmangaih tak tak em? I fapa hi ka ni tak tak em tih pawh ka hre lo, ka nun hi nangmah vângin hremhmun a nih hi i hria em?"


A ti zo chiah chu Pi Marinai chuan a fapa chu a bêng hawi sawk a, ka hmui ka lo hup nghâl vat bawk,


"Ka duh duh ka ti ang, ka nun a nia, lo in rawlh suh, Doctor tha tak ni la a tâwk"



Tihpahin Pi Marinai chu thinrim hmêl zet chuan a chhuk thla tau ta nghawng nghawng a, a fapa chu a hmangaih tak tak lo pawh anih ka ring mai, saw tiang khawpa mahni fa te rilru nâ a siam chu.


"Lo chhuak tawh rawh"



Ti sup rí chuan ka ngaihtuahna atang chuan min ti harh zawk mai, kei hi ka awm vê reng tih a hria ni maw, inthlahrung zet chuan ka chhuak zâl zâl a, amah pawh ka en ngam lo hnuailam ka bih ngur ngur chung chuan ka kal phei zâl zâl a.



"Engkim kha i hmu vek tiraw"



Ka kal pêl túr chu ka ding chawt a, amah ka en chuan a mit meng chu alo sen râm a, a meng dur khap bawk, a doctor form hnuai a a t shirt dum plain hâk chuan a ti lang pâ ngawih ngawih, awi enge maw ka ngaihtuah le?.... Ka inthing deuh nawk nawk a, ka chhanna nghâkhlel hmêl zet chuan min lo enkur chu niin ka lú chu ka bu zauh a.


Chu veleh chung lam melh chuan thâwk ala hak a, anat dân túr chu kei aia hrethiam tur an awm bik in ka ring lo, tuna a tawrh ang chiah hi kha hmeichhe naupang kum 16 lek mi khan alo tuar tawh vê tlat, tún thlengin ka nu kha ka huat phah a, biak pawh ka la be hmasa ngai meuh lo anih kha.



"I tha em?"



Ka ti sap a, biak inthlahrun awm viau mahse ngawih reng chu nuam ka ti chiah lo.


"Tha lo"



Tih zawng chuan min chhâng a, min chhânna tur hre lawk vek tho mahila sawi tur dang ka hre ngang lo a ni.


"Anih ka kal ange"



Ka in her vut a, engtik laiin nge ka bul alo thlen hman ka hre lo, ka kut ah chuan arawn vuan vat a, a kut lah chu a vawt êm êm leh nghâl.


"Reilotê ka bulah i awm thei angem? A rei lo ang"



Vawt raih chuan a rawn ti a, a awka nêm lutuk chuan rem min tih tír lo thei lo.


_________________



In chungah chuan kan thu dún vang vang a, khua a thim deuh thet thet tawh avângin arsi pawh alang tan tawh.



"He hmun ah hian ka rilru tâwt châng apiangin ka kal thin a, a nuam reuh a sin aw"



A rawn ti sup a, a hmel chu ka en vat a, min rawn en ve chiah vang chuan ka hawisan leh nghal daih a.



"A nuam alawm"



Tih ringawt chuan ka chhâng a, enge maw ka zâm em em le, hepa bulah hian sawi tur ka haih chham ve ziah.


"Min zah lutuk suh ka thil hriat tú bulah mah ka la sawi lo a nia"


Tih sup pah in a rawn nui suk a, aha hmâi pahnih hlai lek lek chu a rawn lang kâk mai, a nuih pah a a mit meng zím sar chuan engti emaw ni hian min awm tír deuh zawk mai, hê nui hmêltha lutuk zúnah hian ka uai dawn tlat a hriatna ka nei, mahse a thusawi chuan min ti zak leh êm êm thung si, leh lam hawi chuan ka insiâm chhe nghek ringawt.







"Ka nu chungchâng kha mak ti lutuk suh aw "



A rawn ti leh a, ka nui deuh suk ringawt, mak ka tih lih a ribg rêng rêng amawni, kha tiang nu nasa lutuk a nei kha ka khawngaih ngawih ngawih, túna a nui hmêl lem lutuk hian ka khawngaihna a ti zual.

"Ka hrethiâm che lawm"

Ka ti sap a, van lam chu a hawi vauh vauh reng a, eng tak chu ngaihtuah vê ang maw, tinge kei kher a bula awm túr a min tih tlat le, mahse ka lo awm remchâng êm bawk a ni. Ni tak, zan in hi Sangboiha lo riak dawn, ka haw vat a ngai.



"Ka haw a ngai tawh a"



Ka ti sap a, min rawn en deuh zawk mai, Nunmawia lah chuan min rawn call reng mai bawk si, ka la dawn nge dawn lo le?


"I bialpa ami?"


A rawn ti sup a,

"Ni lo e, ka thian zawk, ka haw har deuh chuan min ngaihtuah thei lutuk a, kan chhuk tawh mai dawn ami?"


"Reilote chiah awm leh ang, min ning deuh ami?"


"Ni lo e, ka..... Engmah"


Ka ti leh daih a, a nui hak ringawt, a bialnu tepawh koh mai âwm, mahse hetiang ringawt chuan ka kal san thei bík bawk si lo.








"Naktuk ah lo len i phal em?"


A thusawi vâng chuan ka khuh kharh kharh a, ka chil ka'n hâk tut pek a.


"Envãngin? Ni leh lo, lehkha zir i ngai lo ami? "


"Ngai e, mahse tun dinhmun ah chuan ka zir peih lo, tlangval in nula pakhat in a lên a dil chu thil pângai tak a ni lo mi? Mak iva tih hmêl ve"


"Ti hran lo e, i duh chuan i lo lêng thei ang"


Ka ti sap ringawt.


"Kal tawh ila"


"Nia"


Sawi túr chu hre lo dún tek tek tak kan ni, keilah mipa han biak dân hi vel hi ka zei lo hul thak bawk sia.


A hnungah chuan ka zui thla ve dat dat a, hmeichhe pangai ve tak ka ni amaw ka lo intia hepa bula ka kal chiah chu ka tê rawih rawih ni berin ka hria.


"Min lo nghâk rawh Ka bike ka'n la lawk ange"



Aw dam zet hian a rawn ti a, bu nghauh pah chuan a bike tinunga hnehsawh zet a in turn vel chu hmuhnawm ti zet chuan ka lo thlír dauh dauh reng a, tuna kan awmdân hi in ngaizawng tepawh kan ang zawk e a, tih rilrúk pah chuan mahni in ka nui vur vur ringawt.



"Lo chuang rawh le"



Ka bulah chuan alo ding leh dêr tawh, harsa ti zet chuan ka lâwn chho taih taih ringawt.


Ka lawn fel chiah tih chuan a tlân chhuak phut a, ka la eu dâwrh zui, a dar ah chuan ka vuan dawt ringawt, a taksa chu a che leh dat a, min nuih a ni maw? Hetianga mí chhaih kual vêl hi nuam a ti in ka hria, sual reuh lutuk mai, a hnungah chuan rum zet hian ka melh vak ringawt.


________Time Skip_________



Kan in kawt kan thleng chu ka thaw huai thei,


"I number min pe la"


Hepa hian enge maw a hriat le, nge ani pawh hian min lo star ru ve reng zawk? Awi awihawm lo ltutuk, Mi chhaih kual nuam a ti bawk a, phone thleng thleng a min tih buai a tum a nih dawn hi.


"Ka phal dawn amawni le"


"I phalloh pawn a pawi lo"


"Ka uang a nih kha"


Tihpahin ka number chu ka sawi a.


"Eu.... Thlah tu te i nei vel a"



Awi LalPa lehh.... Remi rawn chhuak, Sangboiha nen.


"Kan in hmu fuh mai mai alawm, muttui aw Miss naktuk chu aw"


Tihpah chuan a nui var var a, awi a nui hmêl mawlh hi lawm ka luanliam nachhan chu, Kan awmna building bul chiah ah hian a awm aniang a bike chu a ti ding chat a, keini pawh kan lút ve nghâl, ka zu thlêk leh hrâm a, phúr zet a tlân lút lai chu ka hmu fu hman hrâm.




"Lalmuanpuia hi chu a hmeltha chiang alawm, mahse keichu a mizia hi ka ei zawng a ni lo"



Sangboiha chuan ka make-up hmang mawlh mawlh pah chuan a ti a, Remi nen chuan kan lo nuih vak vak ringawt.





Tlai chaw ei turin min lo nghak ve thlap a, kan pathum kan ti ti mawlh mawlh lai chuan Nunmawia te pafa pawh an rawn thleng thla leh ta.



"Zan in chu i bula riah a ngên tlat a"



"A pawi lo Eka, inthlahrung duh suh"



Ka lo ti vat a, Boihtei chu ka paw nghâl vat.


"I awm lo ang tih hi ka hlau ngawt mai, ka nu damtha bawk si lo a"


Ati ve sup a, Nunmawia mipa lian tak tih tur chu ni lo, mahse pangai ve tak a nia, a hmeltha in ngaizawng tu pawh a ngah thei hle, mipa sexy kan tih ang chi hi a nia, mahse ka duh zawng a ni ve lo, keichuan Sexy leh cute leh nuimawi hi ka duh.


"Bawiha inthlahrung suh ka tih kha, i tãn chuan engkim ka huam alawm"


Awih loh hmel zet hian a rawn nui sun sun a,


"Chhungkua tepawh in ang e a"


Remi chuan a rawn ti a, kan lo nuih vur vur ringawt.


"Sangte ka leng rei hman lo, Damdawiin lamah ka duty a ngai sia"


"Aw kal rawh, Boihtei chu ngaihtuah duh suh"


Tihpahin varanda thleng chu ka thlah a, ka lút leh chu Hmelchhe pahnih chuan chhuat a kan mutna tur an lo siam sut sut a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:41 pm

Tuna ka pic rawn dah túr hi a phalna ka la lem lo a, a hmel hriatte in lo awm chuan in hriatthiamna ka rawn ngen hmasa a, a hre ngai lo tepawn lo ti darh lo hrâm turin ka rawn ngen e, alo hriat palh chuan a thinrim anga keiman ka tuar ang tih ka hlau sia,jail bang zut na te hi ho te a nia😂😂😂....... Thú in awih viau chuan a Doctor form ha lai ngei ka rawn post tawh ang😉😉😉😉🤗🤗🤗🤗


Hei hi Muanpuia tak tak chu a ni e,Tunah ZMC ah Doctor a zir mek aw....

IMG_20191028_190602.jpg
IMG_20191028_190602.jpg (32.02 KiB) Viewed 5663 times




ITZHAK
BY
HLUTEI JOCUND PACHUAU




"Sangte, Nunmawia hi nei mai rawh, in inhmangaih hmel bawk si"

Ka hmui chu ka ti pawrh zauh a,

"Hmangaihna hi ka hua, hetiang love story tih vêl hi ka hrethiam pha ve lo, a ninawm"



Ka dâr chu a ri nghâl sawk a, a thíp veng veng vâng chuan ka tuai vang vang ringawt, min bêng tunu lah hian min melh rum ngang mai.


"Hmangaihna i hua a, mahse Nunmawi a hi i hmangaih chu nih hi Mawli, nupui dang a neih san che chu sawi loh a fanu ila paw ang dúrh dúrh a"



A thusawi chu a ngâi tê bawk, thau tem tum si, min tia pui kutthlâk chawrh chawrh zel mai a.


"Thian mai kan ni tih vawi engzat nge ka sawi dawn, Ka hmangaih alawm, mahse thian ang chauhin ka hmangaih"


Awih loh hmêl zet chuan a hmui chu a ti pawrh kual vel a,


"A nih hmânni a nui mawi deuh pâ tal kha chhâi dún ang hmiang, i theih phawt chuan kei hian pasal neilo in ka leng tar thak ang"



A thusawi chuan ka nuih a tih zat rual rualin phúrna min pe tlat nia, Muanpuia a sawina nih ngei hi,ka chhânna nghah hlelh hmêl zet chuan min lo en kar a.


"Iti takzet em?"


"Tehrêng, ka intiam"


Alo ti sam êt a,

"Anih i intiâm bawk a, kei mizo nula hnahkhat Gas búr pawh pu nawlh nawlh thei hian kan Tar hoti fapa chu ka chhâi mawlh ang"



Kan thian dún chuan ka nau puâk pawh ngaihsak lêk lovin kan nui dún har har a.


"In bengchheng i nau puak te kha ngaihtuah ta che, mu ang u"


Sangboiha chuan min lo hau hlak hlak a, Remi nen chuan nui vur vur chungin kan mu ve mai a.


Mut pawh kan la muhil thei lo, Sangboiha chuan Games a khel a, chutiang bawkin Remi pawn, Baby i chu a muhil nghet a ka hria vang chuan keipawh Games khelh tumin ka phone chu ka en vat a, whatsapp ah techuan ka'n lut hmasa leh te te phawt a.


*In nui ri ka hria*


Ti a message rawn thawn tu chu túdang ni lo in Muanpuia a ni tih ka hre nghâl mai a, hepâ tal hi chu chhâi thlúk in tum ve tawh teh ang,


*Kan rel che a😁*



Ka ti ve vat a, a seen nghâl anih chu, a dp ah chuan T shirt Dum plain bawk a hâk na, phone en chunga a nuih var var na hi a ni a, camera en lo in a hnungchhawn deuh bawk, tha fum fê tak a ni.


*Engtin nge min lo rel a?*


*Sawi chi loh naupang hriat ve chi ni lo*


*Naupang ka ni lo😒*



Tih hi a rawn dah a, a emoji hman ber kher chuan ka nuih a ti za ngei mai, ka thiam ang tawkin ka chhai thlu túr hi ni ringawt, single ni reng bík ka duh hleinêm.


______________MORNING __________



Vawiin chu a ngâi tê ang bawkin ka inkhâwm lo, inkhawm hi chu that chhe ve tak hi ka nia, Remi chu a in khawm thung, ka thatchhiat pui Hlutei Ka dawr chawlh ziahna nei tunu fanu kha alo lêng bawk a, a pa hi kan office ah hian a thawh ve vangin Quarter ah hian an awm ve tho bawk, ani pawh hi inchei lo hmel chu pe chhe ve thei khawp mai.



A sam chu a rawn pawt mawlh mawlh a, a bialpa lo lêng dawn ni leh pek ang chu.


"Hlute, i bialpa hian a duh hmêl che sia, engtin nge i tih bik a?"


Ka'n zawt thuai a, tuibur lah chu a hmuam pâng pâng leh nghâl, a nawm hmêl ka ti thei a nia.


"Awi U sangte thin hi a, kei techu ka rinawm a, chuan fiamthu ka duh a, a bulah hian ka inthup vak lo, ka nihna ang hian ka lang top zel"



"A ai fiahin han sawi leh teh"


"Van ho reuh tak"


A tih rual chiah chuan kawngkhâr chu tu emaw hian an rawn kik karh karh a, rang zet chuan tho in ka hawng chiah chu awii.... Muanpuia lek lo niin, make-up chu ka inhnawih hman, mahse ka kerkawr búl pâr chhak leh t shirt lian hlep hlup ha chunga hmuh chu ka zak chem chem mai, tinge maw zahna hi ka tawn bík reng le.

A mit hmul chu a ti sâng zauh a,


"Lo lut rawh"



Tihpahin ka thutna ngai chu ka pan rawk rawk a, Hlutei lah chuan thlarau hmu ang mai hian phâwk hrâ in alo la en zui.


"A bialpa a rawn lêng dawn a, a tang khawp mai"



Ka lo ti zauh a, Hlutei chu a rawn nui hak a.


"In pahnih hian in in ngaizawng chiang mai"

A ti zui zat a,


"A teuh lo lutuk"


Ka lo ti vat ringawt.


"U sangte ka hrilh ve mai mai ang che, Mipa techu maw, vawi hnih khat han khilai zeuh zeuh la i zún ah an uai nghet bur tawh mai ang"



Muanpuia chu a rawn nui hak a, keipawh ka nui tawp, henu hi chu fiamthu hi a duh ve thei ngawt mai, thinchhe viau mahse ka ngaina lo thei lo, mi hian a sual hmel an ti fo a, mahse hriat chian chuan a fel thlâwt.


"Chuvang chu ni maw in pa pawn a duh em em che"

Ka'n ti vê nghal zat a, confi tak anga lan ka tum pawn ka ep chiah a thu chhelo zet pâ hian min en kur bawk si, ka in rin tâwkna te kha khawnge a awm tâk?

"Ka uang anih kha, kan pa te chu missionary a nia, kum 2 dâwn chu kan in ngaizawng tawh, mahse Pathian duh loh zawngin kan khawsa ngai lo,mipa si a insum thei ka ti nia, insúm thei lo mahse ka in phal zau tehrêng a tân techuan"



Muanpuia a awm ve tih theihnghilh thak khawp chuan a ti ta barh barh a, ka lo íp chawih chawih thei, pakhat lah hi kil khat ah alo nui ve sun sun zel bawk a.


"Thingpui in ang u aw"


Tihpahin thingpui chu ka lum nghâl sawk sawk a.


"Muanpui, min hria em? Keichuan ka hria che nia"



Hlutei chuan a rawn ti a, henu han zei heh hawh zia hi chu, tupawh hi a chhai thlu zung zung thei ang,


"Hria e, Star tu che pawh ka hria nia"



Muanpuia chuan alo ti ve vat a, Hlutei chu a nui var var mai,


"Star tu te ka lo nei ve alaw, bialpa ka nei bawk sia, mahse lo beidawng duh reng reng suh se, Hmâ lo la char char rawh se"




A thusawi vang chuan kan nui hak hak a, Muanpuia pawh a nui veleh tawh, Hlutei ang hian tih hlim dan hre ve reng ila saw nui hmel tha lutuk saw ka hmu reng tur a nia.


"Ka haw dawn, kan pa lo thleng tep tawh ang, ka la inbual bawk si lo"

Tih leh thawh chu a rual nghâl a.



_______



Hlutei haw hnu chuan kan thu ngawi leh ta kar a,


"U sangte Zâm miah lo in i rilru a awm ang ang kha sawi pawp rawh, mipa chuan hmeichhe frank deuh te hi an lâwm a, tawng bawrh bawrh la, fiamthu te thawh ve rawh"


A thusawi chu ka ngaihtuah lêt vung vung a,


"Hlutei star tu chu tunge a?"


Kan ti chhuak deuh phawng a, a phone khawih malh malh lai chu dah in min rawn en vat, tún a thut dan hi ka duh top, a ke lehlam chu a khúp ah dah kângin a kê chu a ti che char char mai.

"Ka sawi duh lo"


"I sawi duh loh dân ah nangmah ini chiang mai"


"Teuh lo, ka thianpa a nia, lo sawi chhuah sak zut zut techu a chí loh lawm"



Thingpui chu ka pe a, a in ve mai bawk a, ala naupan hmêl nen ka rin aiin a puitling daih, ka che tla lai vel min en leh vung vung thin vâng chuan ka lâi deuh tút mai.



Remi leh Sanga rawn in be lâwng lâwng ri ka hriat tâkah chuan an bâng tawh tih ka hre nghal mai a, Nunmawia aw ri pawh ka hre thei.



"Awi ni sat zia hi ka châu nghulh thei"



Remi chuan a rawn ti lút lâwng lâwng a, Muanpuia a hmu chu a ding deuh dat mai.


"I lo lêng alaw, i van fel ve"


A ti nghâl mai a, henu hi a phúr tlat, a intiamna kha ala theihnghilh lo êm ang chu maw.



"Ka in khawm si lo a ka khua har deuh a"



A ti ve sup a, min rawn melh pah zauh bawk, Nunmawia chu a thu ngâwi kur mai, hepâ hi enge a hriat a a ngawih ve tâk tlat le?


"Khawnge Boihtei?"



"A muhil a"


Tih zawng chuan min chhâng a, Muanpuia chuan min rawn en zawk a, Nunmawia chu a en leh vang vang mai, hepa hi chuan a rilru leh ngaihtuahna te hi a hmelah hian a ti lang tam lo lutuk ni berin ka hria a ngaihtuahna âwm tur pawh ka hrethiam lo.


"Ka kal ange, ka thiante an lo bân ve tawh chuan Assignment tih ho túr kan nei a"



Tih leh thawh chu a rual nghâl a,


"La thu ve la ei tur kan lo lei thla teuh alawm"


Sangboiha chuan alo ti vat a, Muanpuia chu chhíng deuh sar hian a nui sak a.


"Ni dangah ni mai"



Tihpah chuan min rawn en a, kawngkhâr lam chu chal chuar deuh nâng hian a melh deuh zawk mai, Ni tak, inlêng neih chuan kawngkhâr thleng thlah thlap thlap tur a ni tak e, ka zui nghâl vat a.



Ka chhuak chiah chu kawngkhâr chu khâr in min rawn en vang vang a, ka lo lâi chhe leh pek tawh ngêi mai.


"Anih aw... Mangtha"

A nui ta hak a,


"Awi ni leh lo"



Van âtthlâk tak êm, Chawhnu dar 1 a pêl âwrh chauh a mangtha han tih chuh, ka van thing reuh tak, ala nui hak zui, he nui hmêltha lutuk hian ka lungphú ti dik lo vek, ka thâ te hi a rawn khúr dut dut in ka hria, rang lutuk in inchhúng ah ka tlân lut ringawt.



"Tinge hepa bulah hian ka chet chhiat theih bik em em le"


Ka ti lut bawrh bawrh a, thutthleng ah chuan mu chungin ka tâl vak vak a, Remi techuan mak tih hmel zet hian min lo en top.


"Engtin nge i awm leh tâk a?"


Sangboiha chuan a lo ti hlâi hlâi a.


"Zahna hlír tih bâk chu ka sawi dawn lo"



Ka tih tâk ah chuan a chek tlak tlak ringawt, Nunmawia chuan lungawi loh hmel zet hian min en kur a.


"enge?"


"Bialpa neih i duh lo maw ka tia"


"Duh lo e, ka bialpa ni lo"


"A duh hmêl êm che kha"


"I ninawm rauh e a"



Tih ringawt chuan ka chhâng a, hepa hi chu a ngei awm ve thei ngawt mai, ngaihzawng ka neih techuan mi te lawmpui âwm zawk tak hi min la tih tauh khum a.


"Ka bialpa pawh ni se enge pawina"



" A pawi a ni mai"


A ti hmuk a, enge maw a thinrim ngawt le.


"I chhe hmek hmuk e a"



Ka tih tâk ah chuan Remi leh Sangboiha an rawn nui chhuak hawk hawk a, keipawh ka nui tho, Nunmawia pawh a khi leh ta sun sunmai, ka bulah hi chuan engti kawng mahin a thinrim rei thei lo hrim hrim.


__________Monday________




A ngai te ang bawkin ka dawhkana computer ah chuan ka hna chu ka thawk peh malh malh reng a, vawiin chu student ho tih túr vak an neih loh vânhin ka bulah pawh an in report vak lo nia.


"Sangte, File pawimawh ho kha hospital atangin Reception ah an lo dah top a, i zu la lawk hman angem?"



U Chhana chuan arawn ti deuh lâng lâng a,


"Awle, ka hman alawm"


Tih leh thawh chu ka rual nghâl a, Reception lamah chuan ka chhuk thla nghâl vat, file ho chu alo tam phiân leh nghâl, ka pawm chho tún a, ka phone lah chu lo ri ve sek leh bawk si, step ah chuan file chu nghat in ka phone chu ka en nghâl vat a, ka nu nih hi, ve teh tlat a,


"Hello"


"Enge i an Bawihte i damtha maw?"


"Dam tha e"


"I pa nen hian i pasal neih túr chungchãngah rem kan lo ruat a, He lamah hian i pa in makpa atana alo hual, sumdawng lian leh hmingthang tak fapa a awm a, i thlalak te a entir hnu ah nupui atan rawn en che an tum a"



Ka nu thusawi chuan min ti ham haih vek, sawi túr mai pawh ka hre lo, Tuna ka biak lai hi min hring tunu ka nu ngei kha ani em tih pawh ka hre lo, ka thin zawn rawn inhnawh chho up up chuan tawngkam bawlhhlawh pui pui chhâk chhuah a châk a, mahse ka kâ hi cher khawng tlat ang mai a ni, thâwk chu ka'n la hak a, ka mittui rawn luang chu thinrim zet chuan hru nawk bawk.


"Ka nu kei hian vai pasalah ka nei anga chuan ka fa te ho pawh vai ka nih tír anga, khâ i pasal vai chhe sum duh lutuk ang chiah kha min neih tír ilo tum a?"



Thinrim Aw khúr hlak hlak chuan ka ti a.


"Lalrinsang i râpthlâk lutuk, i nu ka nia, ka pasal a ni bawk, ka pasal chu i pa a ni mai, vaichhia ti tei vet suh"


A rawn la ti pâng pâng zui.


"Ka chungah hetianga i awm chhúng chu ka râpthlâk zel ang, in ngam phawt chuan min neih tir han tum chhin teh u, in hmuh lai la la in ka nunna ka la nghâl ang"



Tihpah chuan ka off nghâl hmak a, ka file ken chu thinrim zet chuan pawm chungin ka chho nghal hlawk hlawk a,




Ka rilru hi a dam thei thlâwt lo, ka nu hi hetiang em em hian kha vaipa khan alo dâwi â thei a ni tih ka lo hre miah lo a, engtin nge a theih zawk le, a fanu rilru túr pawh ngaihtuah lo in kha pa thusawi chiah kha a ngâithla a, vawi khat tal ka mipa duh zawng leh ka pasal duh zawng te hi min zawh ka lo beisei thin a, ka pen chu a rawn muang tial tial a, Students ho class bâng chuan min kal pêl sap sap a, min en duh hlawm ngang mai, ka mittui hru hul tur pawn ka kut a âwl si lo, ngai pawimawh lo law law zawk teh ang.


Ka ke pên chu a rawn zawi hnawk a, chhuat ah chuan ka file te nen chuan ka tlu sawp nuai ringawt, enge maw ka hriat le, van zahthlâk thei tak, ka chhar khâwm nghâl mawlh mawlh a, ka mittui rawn tling hnem lutuk vâng chuan ka hmu fiah thei lo, ka kún chiah tih chuan a rawn baw huk ni maiin ka hria.


"I tha em?"


Rawn ti tu chuan min rawn chhar pui nghâl mawlh mawlh a, a âw chu, a hmel ka en chu Muanpuia lek chu lo niin, min ngaihtuah hmel zet hian min lo en kar a.


"Tinge i tah a, i tha em?"



A rawn ti dam dap a, ka chhâng thei tawh lo, ka lu chu ka bu nghauh nghauh a,


"Hawh inbe lawk ang"



Hmeichhe pakhat Doctor student form ha ve tho chuan Muanpuia chu a rawn ti a, kei chuan ka file thlauh darh nuai chu ka mittui tling kiau chung chuan ka remkhawm mawlh mawlh a,


"Sawi tur ka nei tawh lo Sara, midang hmâ a zak taka awm i duh loh chuan min kalsan vat zawk rawh"


Muanpuia chuan chang deuh fak hian a ti a, chu nu chu thinrim tih hriat zet hian a kal tau thla ta nghawng nghawng a, file ka remkhawm mawlh mawlh lai chuan ka kut chu a rawn vuan vat, a kut chu a ngâi tê ang bawkin a vawt leh thlur tawh.

Ka biang dinglamah chuan a kut leh lam hian a rawn vuan a,, a hmêl chu ka en vat, a mit mengah chuan min ngaihtuah takzet a ni tih ka hre thei.


"Engthil nge thleng a, tinge i tah?"


Dam zet mai hian a rawn ti leh a, tunah chuan mahni chauh a awm ka duh, tumah ka hmu peih lo.


"Ka tha min ngaihtuah duh suh,"

tihpahin ka tho nghâl sawk sawk a, mak tih hmel zet chuan min en deuh hâ a.


"I tha lo tih ka hria, khawi keiman ka lo keng ang"


Tihpah chuan min rawn lâk sak a rawn tum a, ka lo tawlh hnung vat, Chutia kan din reng lai chuan Pi Marinai chu a room atang chuan a rawn dâk chhuak vat a, Pi Marinai room kawt ka thleng tawh tih ka hre ve chiah,


"Sara i bulah enge i sawi a, a rawn tap nasa a nia"



A rawn tih tâk ah chuan inthiar fihlim in kan office lam chu ka pan nghâl dawr dawr a, min rawn úmzui tawh loh hrâm ka beisei.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:41 pm

ITZHAK
BY
HLUTEI JOCUND PACHUAU


Click leh comment hi uar deuh ang u aw, in comment ho te pawh hi ka tan a pawimawh zia hi ka sawithiam lo zawk😨😵😵


Story in tan hma a ka note ziah thin hi lo chhiar ngei ngei ru aw, uluk taka ka edit sa ka clear palh vangin, thinrim deuhin ka rawn edit anih hi aw.




Muanpuia POV






"Sara i chu ngaihdam dil la i then leh dawn loh thú hrilh ang che"



Ka nui hak a, ka nuih zat vãng erawh a ni hauh lo, ka nu min control na hnuai a awm reng hi ka kham tawh takzet a ni, ngawi reng chuan ka chhuak leh hmak a,min ko zui tih ka hria, ka ngai pawimawh lem lo khawp mai.
Ka tih loh dân tur chu ka sawi buai peih lo zawk, Sangtei te Office lam chu ka en vang vang a, tinge a tah le? Enge a chungah thleng ? Chu zawhna chu ka rilru chuan ka inzawt mawlh mawlh a, engmah a sawi duh bawk si lo, a tap ka hmuh khân engvâng sa phat nge ka nih ka hre lo, ka hmuh tum loh dân deuh a ka hmuh vâng nge? Ka duh vâng? A duhawm chu ka ti a, a bula awm pawh nuam ka ti, mahse a tap ka hmuh chiah khan hrehawm tihna nasa tak ka nei a, hmuh hrehawm ka ti ngawih ngawih.

A mizia hi ka lawm êm vângin a bula awm hi nuam ka ti, ka hmuh thinna chu a rei tawh, mahse a pâwng atakin ka melh em em ngai lo, ka thian te ho phei chuan an en zui vung vung zel, a sam sei hniang rawng uk deuh ngíl zân mai in a mawng bawr tâwk tiu teu zet a'n vaw hniang mai chu hmuhnawm tham a ni.



Ngaihtha lo zet chung chuan ka chhuk thla ve vat a, pawnah chuan Sara i chu alo ding reng a, tap zo hlim tih hriat zet hian a mit a sen râm bawk, min huat hmel zet hian min en kar a, diktak chuan a mittui tla pawh hi khawngaihna ka nei tawh lo, ka ning ngawih ngawih a ni ber mai, ani ang hmeichhe nasa lutuk bula ka awm hian ka hah vek zel, ka hmangaih tih pawh hre reng chung khân se* kan hman pawn a in phal em em reng a, mipa hriasel tha pangai tak tân chuan hnar chu a har ve a lawm, ka thiam lo hul hual tih ka hria, mahni inthiam chawp ka tum lem lo.


"Khatiang khân min en suh, engkim ka sawi vek tawh kha"


Tih pah chuan kal mai ka tum a,

"Khanu kha tunge? Min then chhan hi khanu vang kha ni tiraw?"



Aw khúr deuh hlak hlak hian a rawn ti a, ka ding dat, Sangtei a sawina a ni tih ka hre mai, henú hian a chungah thil âtthlâk a ti duh mai dawn tih hi kei aia hrechiang tu an awm lo ang.


"Ka then chhan che chu i hriat kha, ani kha hnuh luh tum lo mai teh"



"I en dân atang khân i duh tih ka hai reng reng lo Lalmuanpui"



"Ngawi hmak rawh, i laka in sawi fiah hi ka ba lo, ani chungah khan thil tha lo i ti tih ka hriat vaih chuan kei aia sual an awm lo ang"



Tihpahin thinrim zet chuan canteen lam chu ka pan hlawk hlawk a, canteen ka thleng chu ka thiante túmah an lo awm lo, restaurant dangah chuan ka zawng kual a, Sangtei chawlh ziahna thin dawr ah khan an lo thu thap chu niin, ka thianpa Freddy a hian Hlutei kha a star tak e, nui suk pah in ka zawm vê nghal a.


"Tinge canteen ah in chawlh loh a?"



Tihpahin an bulah chuan ka thu thla ve nghal a.


"Kan hne ve tawh,bakah a tui lo thei emai, he lai dawr ah hian an siam tui kan tia"



Khúm a chuan Freddy a melh ralh pah chuan a ti a, ani lah alo lâi chhe ngang mai, a chhe ve rauh sia, Hlutei chuan a duh lo top ang, ka ti rilru nauh nauh a, ka ngaihtuah na hria ni awm fahran in Hlutei chu inhnuai atang chuan a rawn chhuak chho nalh mai.


"Ehee... Ve teh mial cheu chuan"



Nui sâng chuan a rawn ti a,


"In siam tui an ti tlat a"


"Dik chiah kan siam tui ber alawm, anih tunge min star tu chu tah hian a tel ve em?"



A'n ti nghâl phawng mai a nih chu, Freddy a tui in lai chu arawn hâk that that a, ka nuih aza ru ngêi mai, he nú tawngkam nuihzatthlâk thei lutuk hi chu, Sangtei pawh khân a sawi tawh tak e.


" Tak tak ah ka uang anih kha, tui deuhin ei ru"



Tih zawm zat pahin a chhuk thla leh nal nal a, ti kha chuan a hrethiam tih ka hre mai,


"Nanghi engtin nge ilo hriat hman a, ka hming i sawi vaih chuan aw"


Freddy a chuan a ti mawlh mawlh a, mipa techuan bem thuai mai tur a nia, hepa hi chu a single kumtluan leh dawn a nih hi.


Kan ei túr chah kan nghah lai chuan an ti ti mawlh mawlh a, kei erawh Sangtei ringawt ka rilru ah a awm, chhun thil ei hun a ni tawh sia, tinge alo van phei har tawh tak, ka tih rilrúk nauh nauh lai chuan a rawn lút ve hlawl mai.


Ka thiante chuan chibai an lo búk sap sap a, Sangtei te ho hi chuan engmah min zirtir ve lo mahse miss, Sir tiin zirtirtu te ang chiah in kan ko a, kan zah hle bawk, a nih dan tur ve reng pawh a ni, min enkawl tu leh kan zirna hmanrua tur vel min buaipui tu te vek an ni a, Sangtei tak phei chuan student ho hi a buaipui deuh ber thin, kan kal thei lo emaw, kan dam lo anih pawn ama bulah hian kan report vek zel, mask leh Glove kan mamawh te thlengin min pe chhuak deuh ber tu a ni.


"Miss kan bulah hian lo ei ve mai ta che"



Khuma chuan alo ti vat a, a lêrh a chhuah leh dâwn e.

"Ka a la ei rih dawn lo, ka la leng phawt dawn a, tui deuhin ei ru"



Nui var var hian a rawn ti a, nichin mai kha chuan a rilru ana ngawih ngawih tih hai rual lohin a mittui a nih kha, tún ah chuan a nui leh var var tawh.



Min rawn en zawk a, a nui sak mai, keipawn ka lo nuih lêt ve zauh a, inhnuai lamah chuan a chhuk thla ve daih nia, ka biak châk tehrêng nen hmelchhe ho hi an awm ve khanglang a, han be chiah ila chu zawhna chhân sên loh kha ka dawng leh chur chur dawn si a, in sawi fiah ka peih loh vângin ka be lo mai mai zâwk a ni.

"Sara i chu i then fel tawh maw?"


Rinngheta chuan a rawn ti sup a, ka lu chu ka bu zauh mai, Sangboiha tlêma pâ zan lo chuan kan ei tur chu a rawn chawi chho a.


"Sangboih, i u Sangtei chuan engmah ei a tum nange?"


Dawr nei tunu chuan alo ti vat a, Sangtei hming an sawi vang chuan ka beng ka lo chhi kar bawk, Sangboiha chuan kan thil ei tur dawhkâna a dah zawh chuan a pi bulah chuan ava kal leh vat a.


"U Sangtei chu a rawn tap a, ka lainat tawp"

A ti ru sa sa chuan ka thil ei lai chu min ti tâwp chiang kher mai, tinge henu tereuh hi ka ngaihven em em le? Ka in control theihna hlauh thak khawp hian ka rilru zu luah khat vek a mawle.


"Avan zia lo ve tinge a?"


An in be ru sar sar reng a, an thumal tin sawi te chu hriat loh hlâu zet chuan ka ngaithla kar reng a.


"Kin ah ka hrilh ang che"


A tih zawh chuan in hnuai lamah a chhuk thla ta daih a, engvanga tap reng nge maw a nih le? Ka hre châk lutuk hi ka thil ei pawh a tui lo, dawr nei tunu lamah chuan ka phei nulh a.


"Pi ka lo zung lawk thei angem?"


Inhnuai ah bathroom a awm tih ka hre tawh tlat, hmânni kan chawlh lai pawh khan an zung tih ka hria.


"Thei tehreng e, man chawi a ngai lo, Doctor zirlai tan chuan a free in a zun theih"


Alo ti sam êt a,


"Ka lawm e"


Tih sup pahin inhnuai panna step chêp leh rem lo zet ah chuan ka chhuk thla ve mai a, engtin nge maw hetiang step ah te an kal theih le, an la tlân ang pur pur zel leh nghal a.


Inhnuai ka thleng thla chiah chu min lo en thap a, mi 6 (paruk) hmeichhe hlang hlír han ti mai ila Sangboiha ka sawi tel, Sangtei chu an lo hual thap a, min rawn hmu chiah chu a mittui a hru nghâl sawk sawk mai, a tap nasa tih hriat zet hian a mit meng lian zet chu a sen râm a, a hnâr hmawr a sen tâi hlar bawk.



"Tinge i tah a?"


Tihpahin a bulah chuan ka kal vat a, ka ril tâm zawng zawng pawh a reh vek nia.


"Engmah ni lo, Chhungkaw thil lam zawk a nia"


A ti sap a, engtak chu thleng ang maw.


"I tha em?"

Midang chu a'n enkual zak zak hlawm a, an mit mei a vêng tih ka hria, kei pawh hi ka ti mah mah em âw te ka ti rilru deuh a, mahse ka insumna hlauhna thak khawpin min siam alawm.


"Ka tha lawm, tinge i lo chhuk ve a?"


Min en kar a, midang pawh chuan ka chhânna hriat châk hmel zet hian min lo en thap bawk,

"Ka zung duh a, khawnge bathroom?"



Tihpahin bathroom chu ka'n zawng kual der vêl a, kan zun lah chu chhuak lo nasa mai si.

"He lai hi nia"


Hlutei chuan min lo kawh hmuh vat a, ka lut ve nghal vat, bathroom zím tê ah chuan ka ding zum reng ringawt, tih túr ka nei lo miau a.



Ka chhuah leh chuan an tawng mawlh mawlh lai chu an lo tâwp chat hlawm a, Sangtei chuan min lo en kar mai, a nui lui sak, henu hi ka hmâ ah a nuih tawh hi chuan engtin emaw tak hian ka awm thin, ka sawi fiah thiam lo, DUHNA tih tepawn kan sawi thei ang.


Keipawh engmah sawi tawh lo chuan ka thian te awmna lam pan in ka chho leh tawp a, zawt zawt pawh ni ila a tan engmah ka ni lo a min hrilhna chhan tur a nei hleinem, zawh luih vak pawh ka tum lem lo, mahse ti khawp khan ana anih chuan enge maw tak chu a thleng ang.






Sangtei POV



"U Sangte lungngâi lo la, hlawh tha tak i nei tawh a mahni ke in i ding thei tawh bawk a, engmah hlau duh suh, keini hian vai pasal i neih kan phal teuh lo mai"



Hlutei chuan a ti ve dap dap a, an la naupan hlawm nen mi hnem dân an thiam phian hlawm mai, hei tak hi nia ka ngainat em em chhan, tunah pawh ka natna zawng zawng theihnghilh in ka nuih leh tlawrh tlawrh tawh hi.



"Tak tak alawm, Muanpuia hi chu a hmeltha thlâwt, mizo mipa ah chuan ani aia hmeltha tih hi ka la nei lo reng reng"



Hlutei chuan nui var var hian a ti a, ka pawm pui khawp mai, a hmel hi chu a tha ve tawk alawm.


"Ka lo tihpui dawn che mi?"


"Enga? Teuh lo, ka bialpa hi ka then phal teuh lo mai, ka chhuah tawh dawn lo reng reng"



A tih takah chuan kan han nui leh uar uar phawt a.




___________TIME SKIP_________

Tlai lamah chuan peih lo zet in ka haw thla hnak hnak a, in ka thleng chu ka bâng hma deuh a niang Remi pawh alo la haw lo, ka inthlak nghal sawk sawk a,khua a vawh deuh vângin, kekawr tight deuh si hak nuam zet chu ka ha a, kawrlum lian lam chu ka ha leh tawp bawk, rawng chu ka bawl nghâl sawk sawk a.





Kawngkhar ri rak lam chu ka hawi vat a, Nunmawia te pafa pawh an lo thleng thla leh tawh.


"Vawiin ah enge thleng a?"



Min en kur chuan a ti sap a, ka rilru no a rawn chhuak leh tlat pek anih chu, van hahthlâk tak, ka mittui rawn tling pam chu tukverh lam hawi chuan ka khap lêt fak a, Remi pawh a rawn thleng ve chawpchilh nghãl mai bawk, khua alo thim thet thet tawh tih ka hre chiah.



"Remi pawn ah khuan ka zu ti ti pui lawk ange aw"



Nunmawia chuan tih pahin min kâi chhuak daih a, Baby i chu Remi chuan a phone chu alo entir nghal vat bawk.



_______



Kan awmna building leh hostel inkar ah hian pangpar huan kan inhnuai nu hian a siam ve a, tah chuan thutna rem ang reng tak hi an dah bawk, tah chuan kan thu ngawi kar a, Hmeichhia mahni ila pangpar tih vel hi ka ngainat loh mai bakah buaipui vel ka peih loh vangin kan in ah pawh kan khawi ngai lo.


"Ka nu in Pasal nei turin min tia, Vai leh nghal"


Tap aw tiau chuan ka ti a, ka mittui rawn luang thla zal zal chu ka hru deuh fap bawk,


"Avan ti mak ve, i duh loh thu i sawi lo ami?"


"Sawi e, mahse ka nu chu i hriat kha"


Ka tih sap a, a ngawi leh ta vang vang mai, a hnu deuh ah chuan ka kut chu arawn vuan vang vang a.


"Tih dan tur pakhat ka hria"



Tihpah chuan min en kar a, ka thian a tak hi chu aw.... buaina ka tawh pawh hian min chin fel sak dan tur hi a hre zel rauh a, hei tak hi nia ka ngainat em em chhan.


"Engtin?"



Hre châk zet chuan ka en kar a.


"Innei mai ang"


A rawn ti sup mai, avan mawl tak e aw.


"Uanna hun pawh nih loh hi"


Tap tiau a tih deuh hlar pah chuan a dar ah ka beng taih a, ala nui vur vur zui.


"Ka uang lo Sangte, kei aia hrechiang tu che an awm lo a, nang lah in min hre chiang a, Innei tawp ila tuman an tina tawh lo ang che"



Fiamthu hmêl a pu tawh hauh lo, mak ka ti bawk si chuan sawi tur mai pawh min ti hre lo, ngawi reng chuan ka en vang vang a, Nunmawia lakah hian eng rilru mah ka pu dêr si lo, ka pasal tura ka ngaihtuah ringawt pawn a nuihzatthlâk let ling zawk, mahse kawng awm chhun ni a a hriat vang chauh a rawn sawi a ni tih pawh ka hai lo, pasal neih ka la duh lo, lo nei ta pawh ni tehrêng ila ka hmangaih tak leh min hmangaih tu chauh ka nei ang.


"Chu lo chu kawng dang a awm ang"



Ka ti chuai raih a, rilru nat hmêl zeta mengdur khúih chung chuan min en reng hâw mai.


"Min nei duh lo tihna mi?"



A rawn ti chhuak sup a, hepa hian enge maw a hriat rauh le.


"Ka thian ni reng turin ka duh che, ka pasal ni lo in"


"Innei ang, kawng awm chhun a ni"


"Kawng dang a awm ang"


Ka la ti fan a.


"Anih chuan ka tlânbo pui mai ang che, pasal i neih ka rem ti lo"



Aw ka vín thawt a arawn tih chuan ka lo phu zawk a, a hmêl dur khúih chu beng daih hrehawm khawp ani.


"Enge i hriat a?"


"Engmah ka hre lo, kei hian ka duh che"


Enga!...... Ka bengchhe rí ami? Túnah khan Nunmawia hian min duh thú a sawi amaw?! Hepa hi a â takzet tawh a nih hi, ka dar tawn tawn ah chuan na zet hian min rawn hmer vang vang a, ka lo tawm chawih chawih thei, ka ban bul techu a hmerna ngut ngut mai.


"I laka ka rilru put hmang hi ka zêp reng thei tawh lo, Kei hian ka duh takzet che, mahse nang chuan min duh ve loh zia pawh ka hria, tinge? Engvang nge? "



Min thing deuh nawk a, a awm dân chu Nunmawia ka hriat thin kha a ni ta hauh lo, ka hamhaih lutuk chuan tawng nachâng pawh min ti hre lo.


" Thlah rawh"



Rawn ti tu lam chu kan hawi rual that a, Muanpuia chu hmel dur khup hian kan sir lamah hian alo ding reng chu niin, kan lam chu rawn pan pheiin Nunmawia min vawnna chu a rawn pawt phelh nghâl rawk a.


"Tunge i nih a? Enge ilo inrawlh ve ringawt a?"



Nunmawia chuan a kawr âwm thâm pah chuan a ti a,


"Sangtei hian a duh ve lo che tih chiang taka hre tu ka ni"



"Iva ngam pa reuh ve a"


Tihpahin Nunmawia chuan a hnek hawi sawk a, ka lo âu that, Muanpuia chuan hnek let ve a tum chu ka lo dang vat a.


"Duh tawk rawh u, enge in hriat a? A zahthlâk emai"


Vín that chuan ka ti a, Muanpuia chuan Nunmawia chu a kamsír tuai thuak pah chuan rum zet hian a melh kar a, Nunmawia pawh chuti tho, Muanpuia chu ka la kuah beh reng vâng chuan a inthlah dul ta deuh a, Nunmawia awm dân mai mai chuan min ti lungawi lo khawp mai, ka hriat chin ah hetiang hian âtthlâk takin a che ngai lo a sin mawle.


"A bialpa pawh ini lo a kan inkar ah lo inrawlh tawh suh, naupang inih kha"

Chang fak hian Nunmawia chuan a ti a,


"Tunah chuan la ni rih lo e, ka la ni vat lo ang tih tunge sawi thei?"


Muanpuia chuan a ti ve ngat a, dâk deuh hâ in Muanpuia hmêl tak rún chu ka en tlawk tlawk ringawt, he mite pahnih hian enge an hriat le?



"A tha e Sangte, Khâng kum chhung zawnga kan inthian that na leh kan hun lo hman ho tawh te kha, hepa ni hnih thum lek ilo hmel hriat tawh vang khan zan in hian a tawp vek e, tun atang chuan hmelhriat loh kan ni tawh"



Tihpahin kan in panna step ah chuan a tlân chho hlawk hlawk a, Muanpuia chu ka thlah vê nghâl vat a, Reilote hnu ah Nunmawia chuan thinrim hmel zet hian Baby i muhil lai chu a rawn pawm thla lâwp lâwp a, pan ka tum ka ke ka pen chiah tih ah chuan Ka hnung lam atangin Muanpuia chuan ka ban ah alo man vat a.


"Kal suh"



A ti sap bawk, a hmêl ka en chu chal chuar deuh nâng hian min en a, a mit meng mawlh chuan ka ngaihtuahna ati buai khawp mai, ni lo... Ka hawi lêt leh vat a, Nunmawia kal liam tur chu ka mittui kar atang chuan ka thlír zui vawng vawng a, a kal liam chiah tih ah chuan ka mittui chu dan rual a ni ta lo, ka biangah chuan a rawn lum thla pap pap a.


"Ka tihpalh, khatianga rawn chêt kha ka tum lo, mahse kha pa khan a tih nat che ka hlauh vâng a nia"

Ka hnunglam atang chuan inthlahrun hmel zet hian a rawn ti ve dút dút a.

"A pawi lo, a tâwp vek tawh, i thiam loh a ni hleinêm, amah kha lawm kan inthian thatna ti chhe tu chu"



Aw khúr dar dar chuan ka ti a, ka hmai chu hupin ka tap ri hak mai, Taksa lian zet hian min rawn kuah lum nghal vang vang a, Muanpuia tih hrilh chawp ngai lo in ka hre nghal bawk, ka hnung ah chuan a bêng ve thlup thlup a, chu chuan ka lung chhiatna a ti zual sauh thung, nghet zeta min kuahna chuan ngaihtuahna mawl pui pui min neih tír a, ani hian min duh hmêl ka ti, ni leh lo, bialnu a nei alawm.


"Engtin nge zan khat thil thú lekah kan inzawmna a chhut chah theih zawk, Nunmawia ka hriat thin kha a ni tawh lo"



Tap hliam hliam chuan ka ti a, min kuah tupa lah chu ngawi reng mahse ka thlâ ati muang ve tho mai.


"Tap tawh lo la khawngaihin, hmeichhe tap hi ka thlêm thiam vak lo a"


A rawn ti sup a, nuihzat lamah a kal leh tawh, mittui tling kiau chuan ka nui hak a, min kuahna chu thlah in hmun leh hmunah mak tih hmel zet hian min enkur anih chu, ka lâi chhe leh dêr tawh.


"Naktuk ah ngaihdam ka lo dil anga, siam that leh ka lo tum ang"


A ti ve sup a, a tumna hrim hrim pawh hi ka tan a tâwk tawh viau, Tu in nge Nunmawia ang Lunglian lutuk rilru chu thlâk teh lúl ang.


"A ngai lo, a duh thlanna lawm, a duh duh in awm rawh se"



Amah hnem nan chuan ka ti a, diktak chuan hnem ngâi zawk ka ni teh meuh mai, mahse Muanpuia inthiam lo hmêl hi hmuh hrehawm ka ti.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 26th, 2020, 9:42 pm

ITZHAK
CHAPTER-6

BY
HLUTEI JOCUND PACHUAU




Ka story hi in duh khawp lo lai leh sawi sel duh lai inneih chuan sawi pop pop zel ru aw, hmasawn ka duh si a, in mi puihna ka mamawh takzet a ni, Comment kha hreh lo ula, click nen khân🤣🤣🤣




Story ka ziah tirh atang khan ka pawisa hmuh hi a tam emaw a tlêm emaw... vawikhat mah ka la la lo a, mi chanhai leh tanpui ngai te tan ka dah top zel a, tun ah phei chuan krismas te a hnai tawh si a, krismas kawrmawi leina nei lo leh tanpui ngai te kan tanpui theih nan click hi uar ang u aw..... Tun tum chu pawisa tam thei ang ber hmuh a tanpui ngai te tana kan pêk tam theih nân ka duh a.

IMG_20191031_191339.jpg
IMG_20191031_191339.jpg (72.37 KiB) Viewed 5220 times


Banch ah chuan kan thu ngawi dún kar a,


"Ana em a hnek na che kha?"



A rawn nui var var a, a Kam sír duk deuh raih chuan ati lang pâ ngawih ngawih, A hoodie(hoodie tia ka sawi hi hre lo in awm tâkin, kawrlum lukhum awm tihna ni mai) dum hâk zawng zawng nen hian a inhmeh leh vel vek tawh.


"Na lo e, ka insual ngun alawm, tiang techu engah mah ka ngai tawh lo"


A nui sak a, a nuih paha a mit meng zím sar thin hiân min ti múr sung sung zel.


"Tinge khatia i rawn tih a?"


Ka zawhna chu bung hle mahse a hrethiam vek tih a hmel atang chuan ka hre thei.


"Eng lo a nia, Dik taka sawi chuan"


"Eng englo maw?"


Ka lo ti hmanhmawh a, a sawi tum chu enge ni ang? Tih zawhna nen chuan ka en kar a.


"Kei hian ka duh che.... Ka hre lo, ka awmdân hi, ka duh takzet che a ni, zak theilo pawh min ti mahla pawi lo, mipa takin ka hmeichhe duh hi venhima a bialpa nih ka duh a ni"


Ka en vang vang a, ka thu hriat chuan min bara khaih rual rualin ka lawm bawk si, tinge zan in berkher ah hetiang hi ka tawn zut le, ka mumang chu ni êm si lo a, chhan dan tur pawh hre lo chuan ka en tlawk tlawk ringawt.



Engtin nge ka chhân ang, ka duh lo che han ti ngawt dawn ila ka duh ru deuh tho sia, aw han ti nghal ngawt dawn ila hmeichhe awlsam lutuk angin min ngai ang tih ka hlau bawk si.


"Túna min chhân kher pawh a ngai lo, ka nghak thei che nia"


A hmel chu ka en leh vat a, ka nuih lui sak ringawt,


"Kan la in hre chiang si lo a, kum engzat nge inih pawh ka hre lo"


Ka ti sap a,


"Kum i care vak lo tiraw?"


A rawn tih chuan ka bu zauh a.


"Kum 22 ka la pum lo deuh a"


A rawn ti sup a, kei aiin a upa ni maw, anih chuan first year ka kal lai khân ka hre miah lo, kan senior alo ni reng tawh tihna nih chu, avan mak reuh, a hmêl hi tleirawl kum 19 mi vel lek la ni âwm a ni sia.


"Mak ti lutuk suh, ka kum zat hi an ring sual châwk a nia"


Ka nui hak a, a mizia hian duhawmna riau a nei, a cool tho bawk sia a cute tel bawk nen, a funny reuh phian bawk a, ka duh chí vek, ala nui mawi em em mai leh nghâl, a kal dân te thleng hian zu duh vek a.



"Ka lo in ngaihtuah dawn nia"


Ka ti sap a, a lâwm hmel chu thup tum viau mahse ka hrethiam vek tho.


"Anih i kum zat ka la hre ve miah lo"


"21"


Ka ti sap a, a mit hmul ati sâng zauh, amah ai ka naupang chu fuh a tih hmel ngei mai.

_______time skip______



Zan mut hmunah chuan ka in ngaihtuah vang vang a, Muanpuia hi ka duh alawm, ani ang mipa te tu in nge hnar phal teh lúl ang, mahse Nunmawia ka ngaihtuah tello thei bík si lo, Baby i pawhin zan khat lek min hmu lo a awm a thei meuh lo kha nia, engtin tak enkawl ang maw.

_________________________




Hun te a kal zel a, Nunmawia nen kan inbiak lohna pawh thla 2 lai a ni leh ta, Krismas boruak rim anam vut vut tawh mai, Muanpuia chu la chhâng chiah si lo in in ngaizawng ang chuan kan awm tho a, min nawr luih vak a tum lo a, kan inbiak dân erawh in ngaizawng ang chu kan ni mai, mahse ka kut vawn leh min kuah tih vêl bâk chu engmah min la thlen pui lo, vawi khat pawh min la fawp lo bawk.


Nidang ang tho in ka dawhkan ah chuan ka in ngaihtuah vung reng a, engtin nge ni ang? Engtin nge Nunmawia nen kan inkâr hi ka chinfel ang, Remi chuan a awm awmin awm tír rawh ti mahse ka thian ka ngainat em em a ni a, kan nunhlui te ka ngaihtuah phei chuan in hre ngai lo ang mai a awm chu ka thei lo, ka thei lo bur, ahar ka ti ngawih ngawih, kan intawh fuh palh pawn min hre ngai lo angin min kal pêl lauh lauh a, a hrehawm ka tih dân hi sawi ngaihna pawh ka hre lo.



"Miss i tha em?"




Ka dawhkân hma a student pakhat lo ding reng chuan min ngaihtuah hmel zet hian a ti a, Muanpuia thianpa Khúma kha a nih hi,


"Enge ni ta?"


Ka'n ti nghal vat a, a nui suk,


"Glove leh mask ka mamawh a"


A tih tâk ah chuan rang zet in a hming leh roll number chu ka ziah sak a, show room lamah chuan a kal ve mai a,Pawn lamah chuan thian angin kan in kawm a, Muanpui a hian kan in ah pawh a rawn lên pui ve zauh tawh bawk, hetah chuan lehkha thiam an ni bawk a, min zahthiam hlawm khawp mai, ti hi chuan ka dik dawn lo, ka in ngaihtuah nasa thei lutuk hi ka ât phah mai ang tih ka hlau.




Muanpuia chu hmanhmawh zet hian a rawn tlân lauh lauh a, a doctor form hnuai ah chuan a rawng ngainat ber T shirt dum plain leh kekawr dum plain bawk hi a rawn ha leh a, a chungah chuan muffler taksa rawng hi a rawn awrh a, tarmit bial fresh zet hi a vuah bawk, hmeltha sâwt sâwt tak a ni, a hmeltha lutuk hi ka tâ a ni lo ang tih ka hlâu thin, zêp lo chuan ka hlâuthawng a ni, kei ve mai hi a bialnu lo ni dâwn ila ka phú loh zia ka hria, ka rilru tinâ in tha lêng dang tâwn ah lung min hersawn ang tih mawlh mai hi nia ka hlauh ni.


"Ka roll number leh hming lo ziak lut ve nghal teh ka hmanhmawh lutuk"


Tihpahin show room ah chuan a lut tlang nghâl a, tiang hian a ti ve ziah, ka sual ka'n chhuah ve tawh teh ang, an rawn chhuak chu min la nuih vur vur zui.


"R. Lalmuanpui"


Ring zet chuan ka ti a, ka thawhpui techu an lo hawi thap bawk, Muanpuia te pahnih min kalpêl túr chu an ding chawt a, rawn hawi pheiin hriatthiam loh hmel zet hian min rawn en kar a, tih thinrim ka châk tlat pek a nih chu.


"I hming leh roll number rawn report rawh"


A meng rum ta talh talh khawp mai,keilah in zâm map lo hian ka en hâ a, ka mithmul ding lam chu ka tih sân khum zauh bawk.



Min rawn pan ta dún dún mai, keimah zâwk hi ka zâm leh hnu hnawh a, mahse ka inthup nasa khawp mai.


"Engmaw i sawi kha"



Zawi deuh sup a tih pah hian ka dawh kân ah chuan a kut khing hnih chu rawn nghat in hnâi zet ah hian min rawn en a, ka lo tawlh hnung rak rak bawk, rum deuh rún a min melh chung chuan a ding nuih sak zui, ka mur chuaih in ka hria.


"Mi.... Miss khawngaihin ka roll number leh ka hming min lo ziah sak ti rawh"


Bah deuh niai chuan ka ti a, a thianpa Khúma chu a lo nui huk zui, Muanpuia chuan rum zet hian a melh rún a, a nui tâwp chiang ngei mai, min rawn en leh a.


"Miss Hmeltha khawngaih in ka roll number leh ka hming kha lo ziak rawh aw,"



Ka chil ka lem kuarh ringawt, a nui hak a,


" Ka ti hlau che mi? Duhawm lutuk"



Tih pahin ka hnâr ah a piai zauh a, hetianga sexy leh pâ lutuk hian ka la hmu ngâi miah lo, min va ti hrilh hai ve, ka tlâwm chiang hlê mai.


"Tlai ah min lo nghâk rawh aw"


Tih sup pahin a thianpa nen chuan an kal nul nul a, an la inkuah hlún zui.

"In ngaihzawng ang mai"


Tihpahin ka phun sap a, midang ho chuan nui pút pút chung hian min lo en kur a nih chu, min zawt chiah lo mahse kan inkar hi chu an hre deuh vek tih ka hria, mi fing hlang hlak an nia, an sawi lo mai mai zawk a ni.


____________time skip_______


Tlai ah chuan Sangboiha te dawr ah bawk chuan ka lo nghak rân a, College kawt a lo nghah chu mi in min ringhlel ang tih ka hlau, bâkah mi zawng zawng ina an hriat ve vek hi ka duh lêm lo, dar 3 chauh ala ni sia, ka hmanhmawh vak lem lo bawk, kan chung châng an hre vek tawh a, an lo phúr hlawm khawp mai, Hlutei hi ka râwn ber thin ania, bialpa ngah tawh tih takah kei aiin naupang mahse tawn hriat angah in mí tih phúr dan a thiam reuh sia, ka zawt ber thin.


"U sangte, chhâng rih miah lo la, a insúm zawh loh thleng siam rawh, mipa chuan an ban phâk mai ami ai chuan tlêm a beih deuh ngai hmeichhia hi an duh zâwk a nia"

A ti siam siam a, uluk tak chuan ka lo ngaithla kar a.


"Chuan hei hi hre reng la,a mit hmuh ah nui tam la, i rim kha ti tui reng bawk rawh, mahse perfume rim nâ ang chi kha chu hmang vak duh suh ang che"



"Awi chu chuan kawng ro a sun dawn ami?"


Hrethiam lo zet chuan ka lo ti hú a.


"Tehrêng, apply la kawng ro a sut zia chu i hre mai ang, tún a ka perfume zawrh lai hi a rim chu a dik khawp mai"


A'n ti zawm zat a,


"Nang nu hi"


Ka lo ti hlar a, kan han nui ho leh uar uar phawt a, a perfume zawrh chu ka rim duh zâwng tak alo ni bawk nên, ka lei ta nge nge a,


"To deuh mahse vawi khat pian ve man a doctor nupui nih nân chuan a nêp ka la ti tho, keichu pawisa nei chu ni ila chuan plastic surgery pawh ka ti duh hiâl ang"



A thusawi chu za zet hian ka lo nuih tlawrh tlawrh a, a bialpa hi chuan duh ngawih ngawih loh chi pawh a ni lo, a mizia hi a duhawm tak zet, hetiang mizia hi nei ve ilang chuan Muanpuia hi chu ka chhai thlu rang viau ang mawle.


Kan ti ti mawlh mawlh lai chuan kan sawi bân theih loh ngei a chu a lo thleng ve ta lawm, a KTM khalh zawng zawng nen sawn a inhmeh ngawih ngawih a ni ber.


"En vung vung zel suh, mawl lutuk"


Hlutei chuan ka beng bulah hian zawi tak si hian a rawn ti hlak a, ka lo nui suk ringawt, Muanpuia chu a sam tuai tha mawlh mawlh chung chuan a rawn lut ve dún dún a.



"In tuai in tuai ve duh suh, nula pakhat lek pawh i chhai thlúk theih loh hi"



Hlutei chuan alo ti nghâl tâwng a,


"I te te lian anih chu"


Muanpuia chuan alo ti sup zui, midang ho nen chuan kan lo nui hak a, perfume chu a rúk chuan ka in kâp zauh a, ka bag ah chuan ka khung tha sawk sawk bawk.


"Hmelchhe mai e a"



Hlutei chuan alo ti hlak a, an in chhâng tawk thei sia, a mipa zawk lah chuan ngawi tâ nge a ti bik lo.


"Ka rawn awm tirh te chuan Tha min tih theih êm kha, Lalrami te ho nên ka class bâng min lo chân ziah kha aw"



Nui var var hian Muanpuia bawk chuan a ti leh a.


"Awihawm loh ka tel ve lo e a"


Rami chuan a lo ti vat a, ka nuih aza ngei mai,


"Kan khua ah mipa hmeltha hmuh túr an vâng êm alawm, nang ni techu in hmeltha a, doctor zirlai techuan keini thingpui dawr a thawk ve mai mai techu melh pawh min melh ve peih tawp nâng"


Ka nuih za lutuk chu ka insum buai peih tawh lo, aw rawl chhuah meuh chuan ka nui tlawrh tlawrh a.


"Eddie a'n a melh peih che lawm"



"A ninawm sawi ve ziah lo teh"



An inti tau leh ta nge nge e, Hetiang hian nitin an inhnial a, Muanpuia lah hian Eddie a hming hi a sawi lang ziah a, Hlutei hi a titau leh nge nge zel, thingpui chu Hlutei chuan min thlit vat a, thingpui ka heh zia a hria a, Muanpuia in ngai miah lo pawh ka ti heh ve zo vek tawh.


"Lalmuanpuia dang pilh hlawk thei tur khawpin ka rawn ti sa a nia"



A ti hlak hlak a, Dawr nei tunu Hlutei nu chu alo nui ve har har a.


"Amak bawrh bawrh thin a nia, a sawi ang kha ni miah lo ang, a rawn pe sial ngawt ang che u, A u Sangtei hi chu a duhsak khawp a"



A rawn ti vat a, ka ring vêl a ni, a tawngkam ang hluk hluk hi chu a ni lo, Muanpuia pawh hian chu chu a hriat chian êm vang hian tih thinrim hi nuam zu ti tlat a.


"Ka hria lawm"



Muanpuia chuan nui suk a tihpahin min rawn en vang vang a, tún ah hian a hmâ ang êm êm kha chuan ka lâi tawh bík lo, ka en lêt vê char char ngam tawh.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)