EUPHORIA (jungkook FF)BY Hluhlutei (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: EUPHORIA (jungkook FF)BY Hluhlutei (Completed)

Unread post by Ngaia » April 6th, 2020, 5:48 pm

EUHPORIA (JUNGKOOK FF)


CHAPTER-13

BY

HLUTEI JOCUND PACHUAU



Ka ti tâwi thei tih ka hria, ka rawn ti thui ve hret hret tawh a nia🙈


EVIL MAKNAE A RAWN LANG TAN🤭🤭🤫🤫


Ka insûm zo tawh lo, ni hliâp chu la in ka tlân thla nghâl hlawk hlawk a, a kalsan vat loh chuan a dam lo mai ang, ka enliam thei lo, engpawh ni rawh se, ka awm mai mai thei tawh bîk lo, pâwn ka thleng thlâ chu Car pakhat atanga ka mi hmuh te vâng chuan ka ding chawt a, Jimin shi leh, Taehyung shi te an ni, thim zîng min hmuh theih lohna lâi tûrah chuan ka biru nghâl vat a.



"I dam lo mai dâwn sin, kal vat ang"


Jimin shi in a ti ri chu ka hre thei, ruah lah chu sûr nasa si,


Nihliâp chu zâwn in Puan chuan an khuh nghâl sawk sawk a.


"Jungkookie kal tawh ang"


Taehyung shi chuan ati dam thlup a, Jungkook chuan ka apartment awmna lam chu a en chho vang vang a, min hmuh fuh palh ka hlauh vâng chuan ka lo biru nghâl vat.


"Hyung, min bum tak tak lo tiraw? Ka mumang a ni em?".

A ti sap rî chuan min ti mûr sung sung mai, ka âwm ah hian arawn in hnawh chho leh ut ut tawh, ka mittui chu arawn tling nghâl pam a, ka hmûi chu hupin ka tah rîk loh nân ka insûm ngar ngar bawk.


"Ngaihven tawh suh, hmeichhe dang an tam emai, a bum che tih a sawi tawh a, a tâwk tawh"



Jimin shi chuan alo ti ve zat a, ka rilru ana veng veng mai, ka nihna ni miah lo mahse ka lan dân a ni tho bawk si, haw thei ka ni lo tih ka in hria, mahse hetah hian chhun sawk ang mai hian nâ ka ti, ka âwm chu ka dawm vang vang a.


"Hetah hian ka ding tlaivâr dawn min haw san rawh u"



A tih vâng chuan ka phu deuh zawk mai, ka'n bihthla leh dèk dèk chhin a,

"Kal ang, a tâwp vek tawh, tinge i hriatthiam theih miah loh a?"



Taehyung shi chuan hmèldur khap hian a ti a, a luhlul bawk a, an dawh thei zâwk ngawt mai.


"Ka tihpalh Hyung, ka thlen tîr dawn lo, ka kal thei ngang lo a ni, ka nghâk dawn hetah hian"



Nghet charh chuan Jungkook chuan a ti a, An pahnih beidawng hmèl chu ka khawngaih zâwk.



"Jeon Jungkook harh rawh, harh chhuak tawh rawh, a tâwk tawh"



Taehyung shi chuan vîn thawt a tihpahin a kawr âwmah chuan a thâm tâwn tâwn a, ni hliap pawh an khum tawh lo.


"Ka thei lo, Ka thei lo ka tih mawlh mawlh chu"



Tiin a'n vîn lèt ve thawt a, Taehyung shi chuan Jungkook chu leia thal thuai khawp chuan a'n hnek ri no chak a, ka hmûi ka lo hup nghâl vat, Jimin shi Chuan Jungkook tlu ngât chu ngaihtuah hmèl zet hian a kâi tho taih taih a.


"A tawk Taehyungie"


Jimin chuan alo bengdâi vat a, Jungkook chuan a khawih lèt lo, ngâwi rengin alo dawh tawp mai ni, a awm dân sâwn ka thinlung hi a tina ngawih ngawih, heti èm hian min lo hmangaih a, Min hmangaih tih sawi lo mahse mipa meuh tiânga an awm chuan hmangaihna vâng a ni tih hrilh chawp ka ngai bîk lo,Jimin shi chuan Jungkook chu kuahin car lam chu a pan pui dâwr dâwr a, Taehyung shi chuan ngâwirengin an hnungah chuan azui ve mai a, ka thâw a veng ta huai mai.


_________

Mahse kei hian ka lo tisual em ni ang? Kei hi hmeichhe tenawm tak ka ni, Mahse Mr Nam ka hlâu bawk si, engtin nge ka tih ang? Awm dân tûr pawh ka hre lo, khumah chuan ka in ngaihtuah vang vang reng a, mut pawh ka mu thei lo, dar 2 am alo ri tèp tawh, ni e, ka tum ta sa sa, Mr Nam hi kan inkârah in rawlh lo mahse ti khawp khân ka mualpho tawh a, a chhûngte lam atangin buaina ka nei tho anga, kan la inthen tho tho chu a ngai ang, tûn ang hun remchânga then mai hi ka tân pawn a tha zâwk, nun bul ka tan thâ anga, tûma min hmuhsit tawh lohna hmunah ka awm anga, tûmân stripper emaw, Golden digger tiin emaw min âu tawh lo ang, tûn ah phei chuan pawisa ka ngah tawh a, nuam takin ka khawsa thei tawh ang, bâ ka nei tawh lo leh nghâl.



_____________
NEXT MORNING



Zîng hmâ takah chuan tho in ka inti fai sar sar a, bank atangin pawisa fai Yiu Ri chuan min lo lâk chhuah sak vek bawk, vawiin tlâi hian train in Busan lam pan kan tum a ni, Tah chuan Yiu Ri nèn in kan luah dûn anga, Yiu Ri pawh Law school chu chawlh sanin zirtîrtu hnâ tawh a tum leh ta zâwk a ni, Busan ah chuan hnâ chu a hmu fel diâm tawh a, a chhan chu a patea te school a nih vâng a ni, keipawh chu thawk vè tûrin min ti na a, Mahse hlawh a tam ka ti lo a, bâkah ka tih mî a ni lo, hna dang a awm mai ang.



_________




Yiu Ri pawh rawn thleng zuiin make-up artist chu arawn hruai tel ve a, min chei lâi techuan thil dang daih ka lo ngaihtuah thin, tûna min cheina chhan hi ka mipa hmangaih tak vâng ni zâwk se tha tûr a nia, tih techuan duhthû ka han sâm kual vèl a.


"I mascara a pherh dâwn nia"



A tih chuan ka mittui a tla tih ka hre chiah, rawmawl chuan ka inhru sawk sawk a,


"Ruby, i duh loh chuan tûnah pawh hian ala tlâi lo a nia"


Yiu Ri chuan min lo enkar a,ka nuih lui sak ringawt.


"Ni lo e, a tâwp i thleng rak zâwk teh ang"



Nui lui sak chuan ka'n ti a, min khawngaihna mit meng pawh ka hmuh hmaih hauh lo.




____________


JUNGKOOK POV




.
Khumah chuan ka mu vang vang a, ka khawsik leh pangsâ pawh a reh tan tawh,


Ajhuma leh ka pa chu an rawn in zui lût a, Ka nuhrawn pawh a tel, en pawh ka lo en peih lo.



"Mr Nam te inhualna ah chuan kan kal ve dâwn a"


Ka pa chuan a ti sup a, ka thinrim lutuk chu ka kut ka hûm ruh ngawt ngawt ringawt.

"Âtthlâk takin awm suh ang che, kârleh atang chuan Hotel saw i buaipui tan a ngai tawh dâwn a nia, i taksa kha enkawl tha ang che"



Tih deuh sup chung chuan min chhuahsan leh nghâl daih a,


"Eng ang hmeichhia nge maw a nih le? Khawngaih thlâk hian"



Ka nuhrawn chuan ngeiawm zeta tihpahin min chhuahsan zui ve mai a, nidang chu ni se ka thin tertek chhuak lehin ka thinrim anga ka che leh buan buan ang, mahse tûnah chuan hnap ang lek ka ni, mahni khuma thinrim deuha mut bâk tih theih ka nei lo, Nizân thil thleng ka ngaihtuah phei kha chuan ka thinrim lutuk hi ka alh mai dâwn in ka in hria, tih ngaihna ka hre tawh dèr si lo, thâwk chu ka'n la leh halh thin.




Time skip




Mahni in ka roomah chuan ka tei nilèng thak a, an inhual chauh alawm, tih techuan ka inhnèm chawp a.


Jimin Hyung leh Taehyungie Hyung pawh an rawn thleng vèleh tawh, intih thâwl nân Taehyungie Hyung chuan a hla phuah techu min sak tîr a, kan pathum chuan kan han zai ho thûl, awmzia awm lo, ka thinlungna hi engmah hian a chhâwk zângkhai thei lo.


______________





1 YEAR LATER




Ruby bo na pawh kum khat dâwn a ni ta, an inhual ni atang khân chin hriat loh leh chhui zui tûr awm miah lo in a bo vang vang a, ka la theihnghilh thei lo a, alaka ka thinrimna pawh ala reh hek lo, alakah khân phuba lâk ka duh a, ka nat ang khân na ve se ka duh takzet a ni, mahse hmuh tûr awm lo in a bo hmak mai si, ka zung ru deuh thin, mahse hmuh tûr a awm lo, Mr Nam pawh a tla chhe sâwt tawh tih te ka hria a, min ti lâwm viau na a, ka lâwm ala kim chuang lo.



"Naktûk hi Busan a ikal hun kha a ni tawh a President"



Ka secretary in a tih chuan ka ngaihtuahna atang chuan ka harh deuh zawk a, Commodore Hotel ka enkawl a tang khân tûmân tunge ka nih an hre lo a, president la naupang tak neih chu tûmân an duh lo, min rin zawh loh vâng pawh a niang,mahse ka pu an hlauh avângin director leh investors techuan lung si lo zetin min pawm ve mai a, mahse ka hmèl an hre lo a, Ka hotel pawh chu kumkhat dâwn enkawl tawh mahila, ka la tlawh eih lo, hna thawk tha lo deuh a ka hriat techu ka bân hmak hmak a, a châng leh hremna te ka pe a, sual leh nunrâwng min tî thin tih pawh ka hre vek, a dik ang, tûmâ laka khawngaih na lantîr ka tum ngai lo,Hotel ka enkawl atang khân ka mizia a dang vek tawh a, ka pu pawn ka hnathawh that vângin min chhuâng thei hlè, ka hotel pawh a lâr in Foreigners tlawh tu kan ngah hle a, Model atân mipa hmeltha zet mai kan hmang bawk a, amah hian fans a ngahin mi hîpna a ngah an tia, bakah kan director fapa a lo ni zèl bawk nèn, ti fuh ka inti hlè, naktûk hi ka vawi khat kalna tûr a ni a, an in buatsaih nasa tawh viau ang.



RUBY POV



Vawiin chu kan buai ang reng,vawiin chauh pawh a ni lo, President alo kal dâwn tih thû kan dawn atang khân tûmah âwl kan la awm lo, kan buai laih laih khawp mai, He hotel ah hian kum chanve lai chu ka thawk tawh a, hmânni mai khân Assistant manager ah ka kâi sâng ve a, Assistant ka nih theih nachhan pawh, ka thawhrim vâng leh, ka thiamna te, tawng chi hrang ka lo thiam hnem deuh vângin an duh zâwng tak ka ni hlauh a, Foreigners An tam ve thei èm bawk a tin ni.



"Ruby he lam hi rawn check leh ta che"


Manager Jung chuan min lo âu lâng lâng a, mipa fel leh hmeltha tak, funny deuh mai hi a ni a, a bula ka awm chuan ka nui deuh reng zèl, ni 3 lek ka thawh atangin ka nèl nghâl a, mi hi ka nèl hmâ ngai lo a, Mahse Manager Jung hi chu a nèl lo theih loh, tûnah chuan kan in kâwm deuh chawt mai ni, Ngaihzâwng lah a ngaih sak ngâi hek lo, heta thawk ve ho hian an star thei hlawm khawp mai, mahse tûmah a ngaih melh ngâi pawh ka hre chuang lo, ama harh harh hian a harh ve em em a ni mai.


" Enge nita Hoe seok (Hawsawk) Oppa?"


"Nalh hi ka hre vak lo a, an pangpâr chei dân hi han en dik teh"


A tih chuan an pangpâr khâwi nalh zet chu ka'n enkual a, sawisèlna lai tûr rèng ka hre lo, a dik vèl vek mai.


"A that hi"


Tihpahin ka'n nuih sak a, a ha vâr nalh zet lang thâ chuan min nuih lèt ve var var a,


"Hey...nangni pahnih kha lo kal tawh ru"


Namjoon Oppa Security department ami chuan min rawn âu a, kan pahnih chuan kan tlân phei nghâl dâwr dâwr bawk.


"Alo thleng tawh mi?"


Hoe seok Oppa chuan hlauhthâwn hmèl zet hian ati deuh chûl a.


"Thleng lo e, in peih hmâ a ngai, alo thleng thut dâwn an ti nia"


A tih chuan Hoe seok Oppa nèn chuan kan in en nghâl kâwk a, kan Hotel in Model atâna kan chhawr pawh arawn thleng chawp chilh ve nghâl a, Hmeltha sâwt sâwt tak a ni.

"A rawn thleng har tawh lo ang, inpeih vat rawh u"


Kan model Kim seokJin chuan a ti a, ka lo en leh reng tawh, Hoe Seok Oppa chuan min nghawk deuh sawk a, ka harh chhuak leh vat, kei pawh hi a, hmeltha hmu ngâi lo ang maiin ka awm leh tawh.


Department head Min Yoongi pawh a mit nuai nauh nauh pah chuan arawn chhuk thla vè a, hepa hi chu ka be peih thlâwt lo, zu heh si, mutthilh bâk hnâ a nei pawn ka hre lo.


"President chu engtik maw alo thlen dawn?"



That chhe zet hian a ti a, Namjoon Oppa chuan hahthlâk tih hmèl zet hian alo thaw chhuak hak a.


"A hre ber tûr ini sia Department Head"


Hoe Seok Oppa chuan hmèl nûr nâng hian a ti a,


"Ka lo muhîl daih a"



Alu thak loh hmèlpui hiah pah chuan a ti nuah nuah a, ka lo nuih tawp, chutia kan din ho thap lai chuan Vice President chu arawn tlân lût dâwr dâwr a.


"A rawn thleng, a rawn thleng a nia"


Ramhuai rawn kal tûr ang mai chuan ala mengphâwk hrû zui.


Midang hnathawk ho chu pawn lamah chuan an lo intlar thâm a, keini chu Lobby ah kan lo intlar thâm thung,


"Enteh, President hi ala naupang sia, a chhelo an ti nia aw, a sexy bawk"



Recieptionist a thu hmeichhe pahnih in hrilh ru rî chu ka lo ngaithla kar a,

"Mahse a sual thiâm lutuk an ti, khawngaihna nei lo, a duh loh zâwnga awm techu a bân hmak hmak a, nih loh pawn hremna enge maw tal an tuar thin an ti"


Ka hre ve vek sia, ka hlâuthâwng dèp dèp mai, kan hnathawh dân hian a duhthû lo sâm lo ta se, keichu bân ka ni nghâl ang, Midang ho hi chuan company ah tam tham tak tak an invest a share pawh an neipha vek, bân mai mai theih an ni lo, kei ve chu a duh duh hunah min bân thei, ka hre lâwk sa, a sual viau chuan ka bâng daih ang.



Ka lo ti rilru mawlh mawlh a, pâwn a car dum rawn ding chat ka hmuh rual chuan ka lo phu deuh zawk a, hawi pawh ka hawi chhuak ngam lo, ka kûn ngar ngar tawp,

"Chibai le President kan lo lâwm a che"


Tih rî ka hriat rual chuan ka lungphû chu a rang dawt dawt a, a hmèl ka hmu ve châk tho bawk si, Muangchâng chuan ka'n hawi chhuak dèk dèk a.


Ka mi hmuh vâng chuan ka tha a zawi nghâl vekin ka hria, suit dum vek hi a hâ a, a hmèlah chuan hlim hmèl rèng ka hmu lo, a chal pawh a chuar leh nûng tawh, a danglam tawh lutuk, Jeon Jungkook, a danglam vek tawh, a inchei dân te, mit khap lèk lo chuan ka lo en reng a,meng dur khâih chung hian a rawn hawi phei a, min hmû chu mak ti hmèl hi a pu ve deuh, rei vak lo hnû ah chuan a hmèl chu arawn inthlâk leh mai a, ka lungphu su dup dup reng vâng chuan hnuailam ka lo bih daih a, ka tiril chu arawn khûr der der bawk, kum khat lai liam tawh mahse nikhat lek pawh amah ngaihtuah lo in ka awm ngai lo, ka mittui rawn hnâm tiam tiam chu ka hru ngam tawh bawk si lo, ka khaw hmuh a ti fiah lo vek.


"Chibai le President"


Hoe Seok Oppa in alo tih chuan kan bul arawn thleng dèr tawh tih ka hre thei, min uâp deuh churh in ka hria,Hoe Seok Oppa chuan min nghawk zauh a, ka lo chibai ve nghâl vat.


"Ani hi tunge?"



Vawt deuh ruih hian a'n ti a, ka lo mûr nghâl chem chem mai, a aw kî techu a hmâ mi kha a ang tawh lo, ka thin phû chu a in thûm rawn tluk tluk a.


"Hei hi maw? Ihh....thla hmasa mai khân Assistant Manager ah a kai sâng a"


Department Head Min chuan alo ti ve vat a, ka hma zâwnah a ding rûn a ka hriat vâng chuan ka hawi chhuak ngam lo.


"Tunge i hming?"


Min tih chuan ka hawi chhuak vat a,


"Enga?!"


Ka'n ti sap ringawt,ka mittui tling kiau pawh an hmu vek tawh ang.


"I hming a zawt che"


Hoe Seok Oppa chuan alo ti sar sar a.

"Jang.....Jang Ruby ka ni e, President"


Bah niai chuan ka'n ti sap a,

"I beng a chhèt ami? Beng chhèt te ngati nge assistant Manager ah in dah a"



Thinrim hmèl zet chuan Hoe Seok Oppa chu a en kar a.


"President kan tihpalh a ni, a zâm a nih hi, a hnâ chu a tlin teh mai nia"


Hoe Seok Oppa chuan alo ti zung zung a, kei erawh ka lo kun lap thung.


"Ka room ah min rawn hmû ang che"


A ti deuh hmuk a, mak ti zet chuan ka en vat, a hmèl dur khup chu ka tân chuan hmuh hrehawm tak a ni, min ei zo vek duh hmèl a pu.


"Mahse President meeting kha?"


A hnunga lo ding te zîng ami chuan alo ti vat a.

"Ka cancel"


Tih nghut pahin inchung lam chu apan chho vut a.


_________



A kalsawn vèleh chuan kan thaw huai mai.

"Ehheee...Ruby i tap alaw?"


Hoe Seok Oppa chuan min nuih tiah tiah pah hian a ti lûng lûng a, ka mittui hru pah chuan ka lo tah nuih ve tawp, midang lah chuan min nuih tiah tiah hlawm leh nghâl.


"Ivan hlâu âwm ve?"


Namjoon Oppa chuan nui thâ pah hian a ti a, ka hlauh vâng chu a ni tho a, mahse tûna ka tah na chhan hi chu thil dang vâng zâwk a ni, ka lo ngaih thin em em ka hmuh dân hian min thâwng èm a tin ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:49 pm

Note..


Tûn bâk hi BTS FAnfic rèng rèng ziah ka tum tawh lo a, Ka ziah hnuhnun berna ni tûr in Suga FF hi ka ziak leh duh a ngem?.... khawngaihin Comment lamah rawn sawi ula.....he story hi chu a thui dâwn lèm lo a....Tâwi tè tih tum sa ka ni hrim hrim a, a tâwp berna atân suga FF hi ka ziak ve leh a ngem tih kha Chhûn pachang awm âwl lai hian min rawn chhâng ru aw Comment ah khan, chuan a thawnthu kal hmang tur te idea in neih techuan mi te lo share pah ula😉.....



EUPHORIA (JUNGKOOK FF)


BY


HLUTEI JOCUND PACHUAU


JUNGKOOK POV




Ka office tûra an lo tih chu ka'n enkual dan dan a, Ruby thû a ti vek an ni tih ka hria, sawisèlna lâi tûr chu ka'n zawng char char a, mahse ka hmu lo, engkim mai chu a dik thlep mai ni, a fel faiin a hmun tûra tih ni âwm takin lehkhabu techu an rem thliât thliât a.


"Assistant Manager chu alo thleng tawh a President"



Ka secretary in arawn tih chuan ka lo insiâm rem nghâl vat a, chair ah chuan ka thu thla nghâl vat bawk.


Ruby chu inthlahrun hmèl zet hian arawn lût dè dè a, a kut chu hma lamah suih in a kun deuh ngal bawk, a hmèl ka hmuh hian ka thinrim a, phuba lâk châkna hian min rawn tuâm nghâl ut ut zèl.


A uniform hâk lah chu a inhmeh reuh phiân lehnghâl.


Ka dawhkân hmâ ah chuan a ding rân tawh a, ngâwi reng chuan ka lo la en tlawk tlawk ringawt.


"I chhuak thei tawh e Secretary Lee"


Ruby enkar chuan ka ti a, ka secretary pawh chu a chhuak zui vè nghâl mai a, Ruby chuan a kut chu a sik niap niap a, a hmui hnuailam chu a pet leh ngar ngar tawh, a rilru buai apiangin tiang hian a ti niap niap zel, mahse a in hre ngai miah lo.


Ka thutna tang chuan tho in ka hnunglama tukverh dârthlalang atang chuan thlang lama khawpui pe tuar chu ka'n thlîr leh tè tè phawt a, hawi lèt lehin amah enkur chung chuan ka kut chu ka'n kuang kuah a,


"Engtin nge hetah hian i thawh theih a?"


Ka tih chuan a mit meng fiah leh fîm kâk hian min rawn en deuh kal a,


"Enga!..."


A ti leh sap a, tawngsual ni âwm tak chuan a ner zui sak bawk, an president ka ni chu mak ati viau pawh a ni mahna, a hmâ khân he company hi ka pu in min pe tih ka hrilh hman ta si lo a.


"Ihh....thil tih fai hnâ Ka thawk ve thin a,, chuan kumchanve vèl ka thawh hnû in assistant ah ka kâi sâng"



Bah niai chuan a ti sep sep a,


"I thawh rei loh tehrèng nèn i kâisâng hmâ hlè mai, Genitour ve mai mai si, tu emaw i thlèm te hi ni lo maw"



Ka tih chuan a rilru ana tih hriat zetin mittui tling kiau hian min rawn enkiau a, haw viau mahila hè mittui hi chu hmuh harsa ka la ti reng tho mai.


"Dik lo taka kâi sâng anga min ngaih chuan Ka hna ngâiah khân min dah lèt thei alawm"


A mittui chu a biang no chek ah chuan a luangthla nghâl zâl zâl a,


"Kha lam chu department head in lo buaipui rawh se, Chuan ka office hi ka duh lo, thlâk leh vek ang che u"



Ka tih chuan khirh min tih hmèl zet hian min en deuh zawk a, ka ngâipawimawh hran lo.


"Awle ka lo ti nghâl dâwn nia"


A mittui hru zauh pah chuan a ti a, he hmeichhia ka hma a ding hi rilru na taka min bum a min kalsan tu kha a ni tih âwih harsa ka la ti reng mai.



"Chhuak tawh rawh"



Ka tih vèleh chuan a leh hawi nghâl vat a, a kut a hûm ruh ngat ngat lai chu ka lo hmu fu hmanhmawh pek a.


RUBY POV



"Ngati nge i kalbo?"



Ka ding dat a, min zâwt ang tih ka hlauh èm èm, min zawt tawh dâwn lo maw ka tih kha ka chhuah tèp chuan min zâwt ta nge nge lawm.


Kawngkhâr vawn na chu ka vuan ngat ngat a, ka tah leh mai loh nân ka inseh ruh nasa hlè bawk.


"Min chhâng rawh Jang Ruby"


Vawt ruih hian ati sup a, a ke pèn thâwm atang chuan min rawn pan tih ka hrethei, ka lo khûr ru der der ringawt, muangchâng chuan ka leh hawi a, min hnaih zeta alo din tawh vâng chuan ka phu zawk thei nia.



Min chhuk en deuh rûn a, a mitmengah chuan zawhna leh thinrimna hlîr ka hmu thei, a mengdur deuh khûih reng bawk.


"Ka mimal nun sawi tûrin ka rawn kal lo president"


Aw khûr dar dar chuan ka'n ti a, a nui hak mai, a nuih zat vâng a ni lo tih ka hriat chiân èm vâng chuan min ti hlâu lek lek zawk.


"Awle, kal tawh rawh"


A thutna chu a pan leh ta daih a, ka lo thaw huai thei, min tih din leh mai ka hlauh vâng chuan rang thei ang berin ka tlân chhuak zui nghâl a.



Ka mittui rawn tling kiau chu ka hru nghâl mawlh mawlh bawk.



"Ruby?"


Namjoon Oppa chuan min ngaihtuah hmèl zet hian min rawn pan nghâl a,

"I tha em? President chuan alo hau vak che mi?"


Min ngaihtuah hmèl zet chuan rawn kûr hniamin ka mit taka chuan min rawn enkar a.


"Ni lo e, engmah ni lo, ka mit ah thil a lût a"



Tap âw tiau chuan ka'n ti ringawt a, a âwih lo hlè a niang a nui hak mai.


"President chu ka lo be dâwn nia"


A ti ve sup a,


"Ka lawm lutuk e"


Tihpahin ka tlân sawn nghâl dâwr dâwr a, ka room awmna lam ka pan nghâl vat,

______________

Ka room ka thleng chu ka dawhkân chungah chuan bawk thlawpin ka tap ri hak a.


Ka ngaih tehrèng nèn, hmuh leh kha ka inbeisei reng thin a, engtikah nge tih hre lo mahila, ka hmu leh ngei hi ka ring tlat thin,mahse ka beisei loh lutukin ka hmu a, khatiâng khân engtin nge a inthlâk danglam theih le? Jeon Jungkook chimawm leh che buan buan thin, tih nuih awlsam zet si kha a ni tawh lo, Idol nih pawh kha a tum tawh lo a ni chèk a nga,haaaa..... a pawi lo e, ka tâ a ni tawh chuang hleinèm, tullo a rilru tih nat vak hi ka tum tawh lo.



TIME SKIP



Hna bân a hun tawh vângin Manager Jung nèn chuan kan insiâm sawk sawk a, vawiin phei chu khua a vawt a, vûr a tla dâwn an ti leh nghâl, haw vat vat a mut lum ka châk tawh.



Hoe Seok Oppa nèn chuan ti ti bawrh bawrh in Lobby lam chu kan pan thla dûn a, Lobby kan thleng, ka mi hmuh vâng chuan ka nui tâwp chiâng kher mai, Jungkook chu thinrim hmèl zet hian Receiptionist ho bulah chuan engemaw hi alo sawi mawlh mawlh a.


"Kan buaina ni lo ang Ruby kal vat ang"



Hoe Seok Oppa in a tih chuan Hoe Seok Oppa chu vuan in kan kal dûn hlawk hlawk a, ka hlâuthâwng leh dèp dèp tawh, min rawn hmu ang tih ber ka hlau.


"Jang Ruby"


Hoe Seok Oppa nèn chuan kan ding dûn chiang ngang mai, kan hawi lèt chu Jungkook chuan min lo kâwk vâ mai, hmèl dur khap hian kan awmna lam arawn pan dûn dûn a.


"Aw...Ohh... President"


Tiin chibai chu ka lo bûk vat a,


"Ka office thlâk vek tûrin ka ti che ni lawm ni? Haw te ilo la tum vèl amaw?"


Mi zawng zawng hmâ ah chuan min ti ta hrep a, ka zah zia chu.


"President wallpaper leh Furniture dâwr zawng zawng vûr a tlâk nasat dâwn vângin an lo khâr vek tawh a"


Inthlahrung leh hlâuthâwng tak chuan ka'n ti a.


"Chu chu chhuanlam a tling lo, nangleh i team te nèn khân han thian fai vek phawt ula in haw dâwn nia, Chuan nang Jung Ruby, i haw thei ka tih hmâ chu haw tum hlek suh ang che"



Inchung lam chu a pan leh dâwr dâwr a, ka mittui parawl kiâng chu ka khap lèt deuh fak fak ringawt, hna thawk dangte chuan min en thap vâng chuan ka kun daih a, an in hrilh ru zui hlawm sap sap bawk.


"Lungngâi reng reng suh Ruby, ka lo pui ang che, hmeichhia hlang in ni sia in tân a harsa lutuk ang"



A tih chuan ka nui lui sak a.



"A ngai lo Oppa min hau leh zâwk ang, lo va haw zâwk rawh aharsa hleinèm"


Min puih chu duh viau mahse ka hnial tlat vâng chuan a haw ve ta mai a, Jungkook chuan min hua tih ka hria, ka rilru na viâu mahse ka thiâm loh a ni a, huat lètna chhan tûr pawh ka nei lo a, ka haw lèt ve hek lo.
Ka la hmangaih miau a, ka thinlung hi mipa dang lakah ka khâr hnan hmiah rèng bawk a.


TIME SKIP



A room chu hnathawk dang hmeichhe pahnih te nèn chuan kan thian fai ho a, Jungkook lo awm ve reng chuan ka thil tih lâiah ka rilru pawh min pèk tîr thei lo, ka che rèng rèng chu ka khâwr tût reng mai ni.


Rit châwi a ngaih pawn min puih a tum chuang lo, a zu man to hmèl zet tlâk deuh pap pap chungin mengdur khâih hian min en tawp ringawt, keimah chuan thei leh thei lo in ka châwi taih taih tawp a, ka thawhpui hmeichhe pahnih lah chu an in la no nasa mai si, ka lo chak zia ka in hre ve chiah.



Kan ti zo chu khua pawh a thim thet thet tawh, vûr chu a rawn tla tan cherh cherh a, khua a vawh tehrèng nèn ka thlan dep dep thei nia.


"Haw tawh ru, Assistant Manager Jang tih loh kha"



A tih chuan mak ti zet hian ka en kar a, Hmeichhe pahnih chu inthlahrun hmèl zet hian an in melh tawn dûn zek zek mai, Chhuak tura ka mit mei zauh tâkah chuan an kal zui ve mai a.



Enge min la tih tîr ang le aw?....tih chu ka lo ngaihtuah nghâl nauh nauh bawk.


"Vûr a tla nasa sia, Car i nei em?"


Min enkar chung hian arawn ti a, ka lû ka lo thing ringawt, khawi ami nge maw ka neih teh lûl ang le.


"Ka lo thlah ang che"


A ti sap a, ka chil ka lem deuh khalh mai,

"Ni lo e, Bus in ka haw mai ang"



Tihpahin ka bag leh ka coat fual chu la in ka kal nghâl vat a, ka chhuak tûr chu Department head lo lût ve tur chiah nèn chuan kan in tâwk deuh hlawl a,


"Tinge ila haw loh a, iva chauh hmèl ve i hmèl techu"


A ti ve sup a, nui lui sakin chibai ka lo bûk ringawt, tûnah tak hi chuan tûmah ka be peih lo, ka chau lutuk hi ka thâ te khûr der der thei nia.


"Min lo nghâk rawh, file hi President ka pe anga, kan haw rual dawn nia"



A tih chuan nui lui sakin ka lo bu nghauh a, Lobby ah chuan ka lo nghâk ve mai a, Jungkook inthlah tîr ai chuan Yoongi inthlah tîr pawh ka duh daih zawk, Step ah chuan arawn chhuk thla lauh lauh a.



"Kal ang hmiang"


A tih chuan ka tho ve vut a,

"Yoongi Shi....kan vèng a in ang si lo a"


" A pawi lo, Hoe Seok khân thlah tûr che in min ti lawm"


Awlsam zet hian a ti a, Car a khalh laiin a mutthlûk loh hrâm ka beisei.




_____________

TIME SKIP



Khumah chuan ka mu vang vang a, Yiu Ri chuan a room ah naupang exam paper a check daih vângin engmah pawh ka la hrilh lèm lo, hrilh ta ila chu bâng tûrin min ti dâwn sa.


Mahse tinge????.... hmuh leh ka châk veng veng a, min ti duhdah mahse ka haw phal miah lo, mihring pakhat ve mai hetiang èm èm a ka hmangaih hi ka in ring lo a sin le.



__________



NEXT MORNING


Zîng dang ang lo takin vawiin chu ka phûr lèm lo, ka inbual zo chu dârthlalang hmâ ah chuan kan inchei mial mial a, Yiu Ri chuan school an chawlh rih vângin rawng alo bâwl thung.



"Chaw ei ka peih tawh nia"



A rawn ti lâng lâng ri ka hriat chuan ka hmanhmawh sauh a, ka uniform chu ha in ka sam chu sâng zetah chuan ka tâwn a, lipstick sen hlar chu inhnawih in ka mitah erawh mascara leh eye shadow lang vak lo chu ka hnawih tawp.



Ka chhuak chu Yiu Ri chuan a tih dân ngai bawkin chaw chu alo hmuâm leh tûn tûn tawh, keipawh chu Thu thla vè in Ka ei vè nghâl mial mial a, Ei chu thei dûn tak kan ni, pahnih lek ni si Chaw No thum te kan chhûm a, kan ei zo vek zèl.


"Ngati nge vawk ang mai a i hap bawrh bawrh a, i lipstick te kha a reh anga sin, i kawrah te khân iti kâi ange"



A tih dân ngai bawk chuan min hau leh mawlh mawlh a,


"I ninawm reuh, anih...ka puar"



Thinrim der deuh chuan ka'n ti a, kan in bye bye leh lauh lauh tawh.



TIME SKIP


Hotel chu a hun takah ka thleng ve hrâm a, ka hah bawk nèn thâwk chu la ham ham in ka'n ding dat a,President car pawh ala awm lo, ka van lâwm tak, Lobby ah chuan Hoe Seok Oppa ka hmû chu kan innuih nghâl var var a, a bulah chuan ka tlân phei zui nghâl dâwr dâwr bawk.


"High Heel i bun kha fîmkhur ve rawh"


alo ti mawlh mawlh a, ka lo nuih var var ringawt.


"Ehe saw en teh u, President hian bialnu alo nei reng a niang"



Hmeichhe pahnih lift bula ding ve techuan kawngkhâr lam en pah chuan an ti ru sa sa a, kawngkhâr lam chu ka hawi ve nghâl vat.


Ka thil hmuh vâng chuan ka nui tâwp chiang kher mai,


Jungkook leh hmeichhe hmeltha zet mai hi inkâi rial hian an rawn nui lût dûn var var a, ka thinlung hi vih sawk ang mai hian ana veng veng mai, ka thinlung mai pawh a ni lo, ka taksa zawng zawngah hian min fan chhuak a ni zâwk mah, ka âwmah chuan min rawn hnawh deuh ut ut a,ka mittui tlâk mai loh nân ka insûm nghâl tang tang bawk.


Jungkook chuan min rawn hmu ve chiah chu a nui tâwp riai riai a, ka lo hawisan daih thung, Lift chu a rawn ri deuh ral ral a, Hoe Seok Oppa nèn chuan kan lût nghâl vat a, Ka hlauh ang ngeiin Jungkook tepawn an rawn nang hman.


Chibai chu kan lo bûk sap sap hlawm a, A hmeichhe hruai chuan inti ta tû zet hian a bânah chuan a vuan reng a, a nui var var reng bawk, mahse kei aiin a hniâm, a hmeltha hlè bawk, nû hnâp an tih ang hi a ni,l a, Jungkook hmeichhe duh zâwng tak niin ka hria, mahse tinge ka awm dân hi, ka thîk, ka thîk takzet a ni, chu hmeichhia in a vawnna kut techu ben thlâk sak chawrh mai ka duh, ka kut chu ka hûm ruh ngat ngat a.


"Furniture Dawr chu an hawng tawh em Jang Ruby?"


A rawn tih chuan ka lo phu deuh zawk a, ka tum loh deuhin ka hawi chhuak palh, Jungkook chuan min lo enkar a, ka mittui tling hi a hmu chiang lutuk, ka hawisan leh nghâl daih a.


"Aw president, ka phone tawh a, an rawn dah tèp ang"


Pângâi thei ang ber chuan ka'n ti a, min la en reng tih ka hria, mahse ka hawi chhuak tawh lèm lo.


_____________


TIME SKIP



Vawiin zet chu nui hmèl ka pu tlèm èm èm a, Hoe Seok Oppa in a chhan min zawh pawn chhân dân tûr mumal ka hre lo, zînga ka thil hmuh vâng kha a ni tih ka hria, mahse engtin nge maw ka sawi ngam teh lûl ang le.


"Chaw chhûn ei a hun tawh a nia Ei tawh ila"



Hoe Seok Oppa in arawn tih chuan ka ngaihtuahna tangin ka harh chhuak deuh zawk a.


"Vawiin i awm dân hi a dik thlâwt lo, I nuam sam lo mi?"


"Ni lo e, ka tha e, ka mood hi a fu reng thei bîk hleinèm"


Ka tih chuan dik tih hmèl zet chuan a bu leh nghauh nghauh a.



"Kal ang"


Tihpah a ka tho chu Secretary Lee arawn lût hlawl mai.


"Assistant Manager Jang, President in a ko che"



Hoe Seok Oppa nèn chuan kan in en deuh ho a.


"Tinge? A room kha a duh thû ala sâm lo fo ami?"


"Ka hre bik lo chu chu"



A tih chuan ka thaw deuh halh a, engemaw thil hrehawm deuh min tih tîr tûr a nei leh tawh a niang.


"Oppa ka han kal lawk ange, lo va kal rawh"


Ka tih chuan Hoe Seok Oppa pawh chuan alo rem ti ve mai a.

_______________



A Office kawngkhâr hmâ ah chuan ka ding reng a, a bialnu kha a haw tawh a ngem le? La haw lo ta se, ka hmuh dun chuan helai hi a rawn na leh dâwn, ka âwm chu ka'n dawm vang vang a.



Ni lo, hei chu ka la tawng ngun dawn lutuk, ka paltlang vèleh thei èm èm ang.


Kawngka chu ka'n kik karh karh a, chhânna erawh ka dawng lo, mahse ka lût ta tho a.



Ka rei!!!!.....ka thil hmuh vâng chuan ka ding chawt a, Jungkook chu alo insiam tha nghâl vat,


Khânû nèn khân a dawhkân ah duhthâw zet hian an lo in fâwp chu niin, a kamis in phelh deuh nuai chu a kilh tha mial mial a, a six pack pawh ka hmu thei, zak hmèl pawh an pu hauh lo, chu nû lah chu, a dawhkân atang chuan ala chhuk chuang lo, keipawh chètna châng ka hre bîk lo, milim ang maiin ka ding khawng reng ringawt.



Mahse hetah hian min hnawh leh tawh, ka thin atang chuan min rawn hnawh leh ut ut a, ka mittui chu arawn hnâm zui tiâm tiâm bawk, ka haw ngawt mai he mittui pawn lâwi lutuk hi chu.


"Nakinah ka rawn kal leh zâwk dâwn nia President"


Tih sap pah chuan ka in her vut a,


"Ding rawh"


Ti vawt ruih tû âw ka hriat rual chuan ka ding chiang kher mai.


"Interior designer ka ko a, lo buaipui ang che, in chei dân hian ka duhthu ala sâm lo"


A tih chuan ka mittui chu khap lèt fakin alam chu ka hawi vat a,


"Awle, Ka lo ti dâwn nia"



"Chuan Hotela Waiter leh waitress te, an hming leh an background zawng zawng lo lâk khâwm tum ang che, vawiin tlâi ah ka dawhkân ah i rawn dah hman ngei ngei a ngai ang"



Thupe âw tak chuan min ti a, A bialnu erawh chuan engmah hre lo ang maiin a phone chu alo khawih melh melh ringawt.


"Awle, ka lo tum dâwn nia"



Tihpahin chibai chu ka'n bûk zauh a,


"Chhuak rawh"


Bung zet a a tih chuan ka thaw huai thei, rang zet chuan ka tlân chhuak zui nghâl a.



_____________

"Kei hi khâwl amaw min ti niang, he hotelah hian mi 60 chuang an thawk a, 60 ai pawn an tam tawh ang, tiang hming zawng zawng chu engtin nge ka hriat sèn ang le?"



Keimah chuan phun thla niah niah chungin Restaurant lam chu ka pan chhat chhat a, mahse ka thil hmuh khân ka rilru a luah zawk, ka tâwt lutuk chu thâwk ka'n la hawk a, ka mittui rawn hnâm tiam tiam chu ka khap lèt fak fak a, 'I ta a ni tawh lo' ka rilru chuan ka in hrilh mawlh mawlh a, mahse ka na tho bawk si, bathroom lam chu pan in bathroom ah chuan ka tap ri hak a.



JUNGKOOK POV




"Oppa, min fawhna kha ka û ka hrilh vaih chuan i châk lo ngawt ang aw"



Eon Jene (iun Jin) chuan a ti ve tân tân a, Ani hi ka nau anga ka en, Taehyungie Hyung nau duh lai a ni a, Ruby rilru ka hriat duh vânga ka bialnu lemchan tîr mai chauh ka ni, kum 20 tak ngial pawh ala tling lo, ala naupan zia alan loh nân ka inchei tîr hrep bawk.



Nui sakin Pawisa chu ka pe a, a nui var var mai, Ruby min ti ngaihtuah chhuak zawk, ka bialnu lem a tan lai a pawisa ka pèk a a lâwm theih zia kha, tûnah hi chuan a tap mèkin ka ring, ka la hmangaih a, mahse ka hua a ni, hmeichhe pakhat ve mai heti taka ka hmangaih hi ka inhaw hlè bawk, tlâwm thlâk ka ti a, ka thil duh loh ber te zîng ami a ni thin, min bum tû hmeichhia ka la hmangaih takzet hi a âwihawm loh zawk.



Rin harsa ti mahila thudik a ni miau sia, a mittui tling pam chunga min enkiau tawh hi chuan ka buai zo vek zèl, sual ka inti thei hlè bawk, mahse tihnat ka châk ve na hian min la hneh rih èm a ni.



Keimah vânga a rilru na ka hmuh hian engemaw kawng zâwng tak chuan nuam ka ti tlat a, ka khawngaih tho bawk si, ka awmdân hi ka hrethiám tawh bîk lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:49 pm

A hmasa in ka note ziah hi khawngaihin min lo chhiar sak hrâm tûr in ka rawn ngèn che u.


Kei hi Falkawn khua ka ni a, zèp lo chuan Covid19
Vèl vâng hian rilru pèk ahar duh khawp mai, mahse awm âwl lai tiin ka rawn ziak hrâm hrâm a, Depression nei mi ka ni bawk nèn, ka depress nasa lutuk a chaw pawh ka ei thei lo, ka lo ziak ngaihnawm loh pawn in hriatthiam na ka rawn ngèn e aw....💜💜💜💜


Chuan khawngaihin min lo tawngtai pui dawn nia, ka pa hi kan khua Hospital ah a thawk bawk si a, ka reader te tawngtai puina ka rawn ngèn nghâl bawk e...


EUPHORIA (JUNGKOOK FF

CHAPTER -15

BY





HLUTEI JOCUND PACHUAU





RUBY POV





"Ruby, na chu i nei lo tak tak maw, i thil kha engmah ila ei lo nia"



Hoe Seok Oppa in a tih chuan ka ngaihtuahna tangin ka harh nghâl zawk a, engmah pawh ka ei châk lo, tûnah chuan tah hawm hawm ka châk ber.



"Ka ril a tâm vak lo niang"



Ka'n ti liam puat a, âwih loh hmèl zet chuan a ner sak mai.


"A hmâ kha chuan i hma ah ei tûr a awm tawh chuan vawk ang maiin i hap buan buan zèl sia"



A ti nuah nuah a,


"Oppa vawk ka ang maw!"




Awka vîn lek lek chuan ka'n ti a,

"Ni leh lo, ka uang"


Nui ruh ruh pah hian a ti a, ka lo nui veleh mai bawk a, Hoe Seok Oppa hi chuan engtik lai pawh hian min ti nui reng thei a.

"President nèn hian a hmâ in in in hre tawh thin em?"


A rawn ti chhuak deuh hlawl a, ka soup hâwp lai chu ka hâk nghâl thawt thei.


"Enge maw i sawi le? Enge kan in hriat ngawt anga"


Vîn that chuan ka'n lo ti a,

"Thinrim kher lo la, thinchhe lutuk, lo in hre tawh thin in ang èm alawm, a en dân che tang hian a hmèl hriat hnâi tak i ang ka lo tia, tha a ti che pawh a ni mahna"



Awlsam zet hian a ti a, ka chil ka lo lem khalh ringawt, ka bialpa hlui tih sawi ila chu a thil ei hian min phuh thawt dâwn tih ka hre sa.




Hoe Seok Oppa nèn chuan Hotel pan pahin thu ho deuh deuh sawi chuan kan nui phei dûn tlâwrh tlâwrh a,



"Ruby ahh...."



Ka aw hriat than zet chuan parking lamah chuan min lo âu a, ka hawi phei chu Jimin shi chuan a bân hi alo vei lauh lauh a, Taehyung shi ve thung chuan hmèl vawt ruih hian min lo en kur thung.


"I hmèlhriat ami?"



Hoe Seok oppa chuan ngaihthat loh hmèl zet hian ka beng bulah chuan a rawn ti sar sar a,


"Aw ka thiante an nih saw, lo va lût rawh ka va be lawk ange"



Ka tih rual chuan an mahni lam pan chuan ka tlân phei lauh lauh a.





"I dam maw? I van hmeltha sâwt ve"



Jimin shi chuan nui var var hian alo ti a, ka lâi ringawt anih chu, zah zèl ah ka sam ka'n tuai ringawt a, an lo hrethiám a ni ngèi ang min nuih hak mai.


"Hawh u Coffee in lawk ila, I hman angem Ruby?"



Taehyung shi in a tih chuan ka lo bu nghauh a, hepâ hi chu vûr khal ang mai hian a vawt ruih reng a, ka zah deuh tlat zèl.



_________



TIME SKIP




"Jungkook Hotel kan rawn tlawh ve a in inhmu tawh em?"



Taehyung shi chuan ka mita min enkar hian a ti a, ka nui tâwp riai riai mai, a bialnu nèn an in fâwp lai bawk kha ka mitthlâ ah arawn lang leh tawh.


"Aw hmu tawh e, mahse kan inkâr chu in hriat kha, a hotel ah chuan Assistant manager in ka awm ve a"


Ka tih chuan phâwk zet hian min en dûn a.


"Anih Jungkookie chuan engtin mah a ti lo che mi?"



Jimin shi chuan mak tih hmèl zet hian arawn ti a.


"Ti lo e, hmèlhriat loh angin kan awm"


Nui lui sak chuan ka'n ti a, an ngâwi leh vang vang a.


"Tinge? I kal bo daih a?"



Taehyung shi chuan thûm deuh chhar hian arawn ti a, amah chu ka'n enkar a, chhânna ka pe mai thei lo,ka âwmah min hnawh leh ut ut tawh, ka chhânna nghâk chuan min enkar reng leh nghâl.


"Thawnthu sei tak a ni"


Ka tih rual chuan ka mittui bawk chu arawn hnâm leh tiâm tiâm a, mittui tling kiau chuan ka nui hak ringawt.


"Jungkook chuan a tuar na viau tiraw?"


Ka'n ti leh sap a.


"Nâ tih piah lam a ni"


Taehyung shi chuan rang zet hian arawn ti a,


"Ka ring alawm, mahse ka hun tawn khân a zir lo èm a, tûn thlengin alaka ka thil tih sual vâng khân ka la inthiâm thei lo"




Thudik tak a ni, mahse ka bumna vânga inthiâm lo ah min ngâi tho ang, mahse kei erawh chuan ka hlauhna kha lo hnehin Jungkook kha lo ring ngam zâwk tûr ka nih vânga inthiâmlo zâwk ka ni.


"I bum tak tak lo tiraw Ruby?"


Taehyung shi bawk chuan a ti leh a, mahse ka chhâng tawh lo.


"I hmangaih takzet a, loh theih loh vânga kalsan ini tih hi kan hre reng alawm, mahse tûnah chuan a tlâi tawh, Jungkookie chuan a hua che a, i laka phuba lâk a duh tawh zâwk"



Ka mittui chu a rawn tla ta tiâm tiâm a, a thusawi chu chemte hriâm tak ang mai a ni, ka thinlung hi a vit tlang zawt ni mai hian ka hria.


"Ka tuar tûr ve rèng alawm, tûnah chuan kawng hran ve ve kan zawh tawh a, ka hun hmasa ah khân kîr leh ka duh tawh lo, Ruby Stripper pakhat Jungkook bum tu nih kha ka thei tawh lo a ni"


Aw khûr dar dar chuan ka'n ti a,


"Insûm ve teh Thiana"



Jimin chuan Taehyung shi chu alo khap vat a.


"Ruby, i awm dân tûr chu ka hriatthiam pui che lawm, puih i ngaih chuan kan awm reng a nia"


Dam thlap hian Jimin shi chuan alo ti a, ka mittui tlâ chu hru in ka lo bu zauh ringawt, mahse ka la tap reng tho, ka âw erawh ka chhuah èm lo.


"Hyung?"




Ti ri ka hriat rual chuan ka hawi chhuak vat a, Jungkook chu alo ding ve reng tawh chu ni in, ka mittui chu ka'n hru nghâl mawlh mawlh a.



"In lo kal tih in sawi miah lo a"


A ti sup a, en pawh ka lo en lo,


"Nia kan rawn thleng ve chiah"



Jimin shi chuan alo ti vat a,


"Enge hetah itih?"



Jungkook chuan min bia tih ka hria, ka tho nghâl hluai a.


"I hnâ va thawk tawh rawh"


Midang hmâ a hetianga hnuaichhiah deuh a min be kher hi ka haw thin, ka thin chu a thawk deuh thut a.


"Ka kal dawn, ka kal èm èm ang, i sawi a ngai lo, hmelchhe si"



Tih hlak pah chuan ka chhuak tau ta nghawng nghawng a, Jimin nui ri hak pawh ka hre thei, ni e, a thiâmlo zâwk ka ni, ka hria, min tih duh dahna pawh ka tuar hrâm hrâm a, mahse thinchhe ve tak ka ni tih a hria a, ka dawh reng thei tawh bîk lo.



___________




Office dawhkân ah chuan thinrim zetin ka thu sawk a, tûnah chuan ka dawh reng tawh bîk lo ang, ka ning ve tawh, hnuai chhiah taka min bia hi ka ngaithei lo leh zual.



"Ruby iva thinrim hmèl ve?"



Hoe seok oppa chuan min en hû chung hian a lo ti a.


"President hi ka haw ngawih ngawih, Spicy noodles sa ver vawr a chhum tel ka châk ngawt mai"



Mahnî chuan ka'n phun hlak hlak a, Hoe Seok Oppa chu alo nui hak mai.


"Imi zia en in i dawh rei thei ka lo ti zâwk ngawt a"



Awlsam zet hian ala ti zui.


___________


Hna bân a hun meuh chuan ka lo muthlu leh tèp tawh, Hnathawk ho lah chu mi 100 chuang an lo ni tawh leh nghâl, hmanhmawh zet chuan ka copy sawk sawk a,


"Ka lo nghâk dâwn che em?"



"Aih, Taxi ka la mai ang, hnâ ka la ngah lutuk"


Ka laptop enkar chuan ka'n ti a,


"Awle nih ka kal aw, i hâw hunah min lo bia la"


A tih chuan nui var varin kan in thlah a.



Ka va han hnè tawh tak, naktûk ah Photo shoot kan modelin a nei anga, buaipui leh vek ka ngai dâwn si, ka indaih thlâwt lo.




Rei fè ka tih hnû chuan ka zo ve ta hrâm alawm, ka'n zi mar leh tè tè phawt a, ka taksa techu a kham thûm mai, ka ding chiah chu ka mawng tam techu ka'n chûm deuh pawp pawp a, a kham tawh zia hi aw.


"Enge maw i tih le?"



Ka phu chiang lutuk chu ka dawhkân chu ka bawh nghâl rawk rawk a, ka hnunglam ka hawi chu Department head Min chuan ner nûng hian min lo en reng a nih chu.


"I rawn kal techuan thâwm nei ve ta che"



Ka'n ti zui hlak a, ka zah zia chu, ka mawng chûm lai ber kher min rawn hmuh chu le?


"Tinge ila haw loh a?"


"Ka zawh âwm zâwk tak che"


A ti sup a,


"Hnâ ka la nei lawm, a nih nang?"


Ka'n ti deuh hlar a, hah tawh lam thinchhia ka ni bawk nèn, bâkah ka thla hlawh ka lâk dâwn hi chuan ka vîn tûk reng zèl.


"Keipawh hna ka la nei"


Tihpahin coffee sa var hi min rawn pe a, ka nui nghâl suk mai, ka lo in châk tawh rèng a.


"President chuan hnâ a tuk ve teuh che mi a?"


Nui thâ chuan ka'n ti a,


"Mmm...keini pahnih chu zirlai naupang bâng har bîk ziah ang deuh hi kan ni mai"


A tih chuan za zet hian ka nui hawk a, ala nui ve duh miah lo zui, Department head hi chu that chhia in mut duh viau mahse ka ngaina tan riau tawh, a tawngkam nuihzatthlâk zet zet vâng hian a bula awm nuam ka tih phah zo vek.


"Jang Ruby, Coffee in der der na hun i nei lo"


Ka coffee in chu ka phuh chhuak tèp, Jungkook chu mengdur khâih hian ka office kawngkhâr nghèng chuan in kuangkuah thân hian alo ding a.


"Ka zo tawh, hei hi ka in zo anga ka rawn pe ang che"


Tihpahin ka thil copy na lehkha chu ka'n hmuh vâ vâ a, min rawn pan in ka kuta lehkha chu a pawtthla sawk a.



A en vang vang hnû chuan ka coffee in lai chu min lâk sak deuh sawk mai, a ngaihna hre lo zet chuan kan lo en tawp ringawt.



Ka coffee in lai chu lehkhâ ah chuan a leih baw vek a nih chu.


"Engemaw i tih le President"


Ka'n ti deuh tuar a, ka thinrim lutuk hi ka puak keh lo chauh.


"Ala famkim lo, copy tha leh rawh"


Tihpahin a chhuak nal nal a nih chu, ka hmûi hnuai chu pet ngar ngarin a kal liam lai chu ka en tlawk tlawk ringawt.


"Misualpa ...."


Ka phun sap a,


"Lungngâi suh Ruby, i laptop ah khân type la kan Xerox mai dâwn nia"



Department head chuan a ti sup a, mahse ka la lungawi chuang lo, thâwk chu la hawkin ka office chu ka thiân nghâl sawk sawk a.



Tiang èm èm hian min lo hua ni maw....ka theih täwp ka chhuah ve sin le, enge ka lakah hian a duh ang? Jeon Jungkook ka haw takzet che ni.



TIME SKIP




A thawh hnih nân ka ti zo leh ta, sana ka en chu dar 10 alo pèl hret tawh, Department Head chuan a pa dam that loh vângin min haw san a ngai a, mahnî chauh a Jeon Jungkook hmachhawn chu ka duh lo viau nâ a han chelh tlat kha ka ngam bîk si lo.



Thâwk chu la hawkin a office lam chu ka pan chhat chhat a.


________



Office kawngkhâr hmâ ah chuan ka ding vâng mai, hreh zet chuan ka'n kik karh karh a.


A ngâi ang bawkin chhânna ka dawng lèm lo, vawiin thil thleng ang kha ka hmu tawh èm lo ang chu maw, hlâuthâwng deuh chuan ka'n dâk dè dè a, a dawhkânah chuan lo thû min lo enkur a, ka la phu zawk zui.




Ngâwi rengin a dawhkân hmâ ah chuan ka'n dah a, lehkha chu lo ban vatin a'n kèu thuâk thuâk a, a chhiar pawn ka hre lo e a, a dawhkânah chuan a theh leh thuai a, zu rim lah chu nam hum hum leh nghâl, a thusawi ngâichâng chuan ka la ding kar a, tinge maw tûna taka a tawng duh miah loh le? Ka châwn thâ te hi a chat mai dâwn in ka hria, ka sil thèm thûm teh rèng nèn.



"Iti tha e"


A ti sup a, mak ti zet chuan ka en deuh hau ringawt, ka lo beisei loh lutuk a, min chhân vâng chuan ka beng chhe ri amaw ka ti hiâl thei nia, nichin a thil tih vâng khân a inthiâm lo a ni hrim hrim ang, a rûk chuan ka nui sak a.


"Ka haw thei tawh em?"


Zângkhâi vah chuan ka'n ti a,


"Department head nèn khân in inkârah enge awm?"


Vawt ruih hian arawn ti a,


"Ngati nge min zawh a?"


Ka tih chuan dawh theih loh hmèl zet hian a thaw chhuak ham ham a.


"Ka hre duh a ka zâwt che"


A'n ti deuh hrâwk a,


"Hna kan thawk dûn thin"


Awlsam zet chuan ka'n ti a, min la enkur tho.


"Anih Manager Jung nèn hian?"


A'n ti leh a, ka nui hak mai.

"Ka mimal nun chu ka hrilh kher che ngâiin ka hre lo President"


A ngâwi leh vang vang a,


"Ka zawhna chu chhâng rawh"


A ti bûl hmuk a, a tâna tangkâi lo tûr chu a hriat kher a ngâi amawni le.


"Ka thiantha tak leh ka thawhpui a nia, chu zawng chu"


Ka tih chuan a mit hmul chu a ti sâng zauh a, a âwih lo tih ka hre nghâl mai.


"A tlâi tawh sia ka haw tawh mai ange"


Tihpah chuan chhuah mai ka tum chu ka bân ah chuan rawn vuan in bangah chuan min nem bet chawrh a, ka lo râk that bawk.




Hnâi zetah hian mengdur khâih hian min enkar a.

"Tinge engmah i sawi duh loh? I kalbo chhan kha diktakin sawi rawh, tinge min bum? Tûnah hian engkim sawi rawh"


Vîn thawta tihpahin min thing deuh nawk a, ka lo chhîng sawk thei.


A awmdân chuan min ti hlâu lek lek zâwk,tûmah vènthâwn tûr an awm tawh bawk si lo.


"Ana nia min thlah teh"



Aw khûr dar dar chuan ka'n ti a, a inthlah dul zui ve mai bawk a.


"Ka kal bo chhan chu ka nun kha ka ning tawh èm a ni, Ruby Stripper ni lo in, Jang Ruby Assistant Manager anga awm hi ka duh a, ka hlimpui zawk, ka nunhlui kha ka hnè tawh"


Tap âw tiau chuan ka'n ti a, a mit meng chu arawn dul raih mai.


"Engkim kha maw?"


Beidawn hmèl zet hian a ti sup a,


"Aw engkim kha"



Amah enkar chuan ka'n ti a,


"Anih kan hun lo hmandun tawh thin te kha a huâm vek tiraw?"


A tih chuan ka mittui bawk chu arawn hnâm leh tiam tiam a, ka chhâng thei tawh lo, ka men ta pâr a, hetiânga awm pawh hi ka tum lo.


"Min thlah rawh"


Tap âw tiau a, tihpahin ka'n tâl deuh laih a, mahse min thlah chuang lo.


"Engkim min hrilh rawh, min hrilh hmâ chu i haw lo ang"


Nghet churh a, tihpahin min vuan nghet sauh a, ka tap ri ta hak mai, hrilh pawh ni ila awmzia a awm tawh lo, ani chuan mithar a tawng tawh.


"Awmzia a awm tawh lo, min kal tîr mai rawh"


Tap chung chuan ka enkar a, min chhâng mai lo chuan min enkar reng a.


"Ka ngai che Ruby......ka ngaitak zet che"



Min enkar chung hian a ti chuai raih a, ka lungphû techu an su leh dup dup tawh, keipawh chuan chhâng mai lo chuan a hmèl chu uluk tak chuan ka en vang vang a.


"Jungkook shi...."


Ka ti chhuâk thei tâwk ringawt, ka mittui chu arawn luangthla zui ngiai ngiai bawk.


"Tiang khân.....khatiang khân min âu leh rawh....ka bengah hian kum 1 chhûng khân ka mumangah zantin tiangkhân min âu ziah asin"



A beidawng hmèl chuan he thinlung hi a ti nèm lo thei lo,Ka kut lehlam chuan a biang chu ka'n vuân dè dè a, a hmèl chu ka enkar bawk, a biang lum thar thar ka khawih chu ka'n maimitchhîng vang vang a.......ni lo.....tiang hian ka awm thei lo.

Ka'n meng leh dè dè a, a mit meng dul raih chuan min lo la enkar mai.


"Duhtâwk tawh rawh Jungkook shi, a tâwk tawh.....awmzia awm tawh lo"



Ka ti sap a, ka hmûi ah chuan duh thâw zet hian arawn fâwp ta tâwn tâwn mai, chhânglèt lo tûr chuan ka insûm tang tang a, a âwmah chuan ka lo nem tang tang bawk, mahse ka kut khinghnih chu ka ban rèkah hûm in ka lu chung bangah chuan a nawr bet ta daih a, ka mittui chu a rawn luângthla leh ngiai ngiai tawh, ka tuar thei tawh bîk lo, duhthâw zet chuan ka'n chhânglet ve a, chu vèleh ka a vawnna chu arawn thlah ve mai a.



A nghâwngah chuan ka kut khinghnih chu ka lo suih rem vè nghâl vat bawk, hun rei tak kan in hmu tawh lo a, in ngâi leh inthlahlel ngawih ngawih na na na chu kan duh thâw dûn kher mai.


Min pawm a office a sofa ah chuan min mut deuh thlawrh a, ka chungah chuan rawn bawkin ka nghâwng chu a'n nûl thuâk thuâk a, ka lo rûm ham ham bawk, ka tih tâwp a ngai tih ka hria.


"Duhtâwk ang Jungkook shi"


Aw khûr dar dar chuan ka'n ti a, a thil tih lâi chu tâwpin inbeng kâng deuh chung chuan min en vang vang a.


"Mi bialpa ka mut pui ngawt thei lo"


Amah enkar a ka tih chuan a nui hak a, a ngaihna hre lo zet chuan ka lo en tawp.


"Ka bialnu a nih i ring ami?"


Nui thâ hian arawn ti a, a bialnu a ni lo tih ka hre nghâl mai, mahse an in kiss tho sia, ka thîk zia hi hria se chuan zakthei lo min ti viau ang.


"Ka bialnu ni lo, ka kiss kha chu tihpalh thil thû liau liau a nih kha"




A ti zo chu min rawn fâwp zauh a, ala nui var var zui.


"I thîk tiraw?"


A ti sup a,


"A teuh lo râpthlâk lutuk, ka thîk teuh lo mai, induh leh in ngaizâwng ula ngatân mah ka ti"




Ka hmûi chu arawn hup vat a,


"Tawng zâwi deuh rawh, Security an la awm a nia, tih thinrim che ka tum lo"



Nuk suk suk hian a ti a, ka lo ti leh hluai tawh a nih dâwn hi,


"Haw ang, Yiu Ri nèn in kan luah dûn a, ka haw har chuan a ngaih alo thalo palh ang"



Tihpah chuan ka tho nghâl sawk sawk a.


"Kan inkâr hi siamtha ang Ruby, ka hlata i awm reng hi ka hmu thei tawh lo"


A sawi hmâ daih khân ka pawm fel vek tawh,


"Jungkook shi mahse ka...."



A kut zungchal chuan ka tawng tûr chu a rawn ti tâwp chat a,


"Engmah sawi tawh suh,"


A ti zui sup bawk, ka ngâwi chiâng asin.


"A tha lawm, chuan.....engkim vâng khân ka tihpalh a ni, min ngaidam rawh aw"



Zak chung chung chuan ka ti ve sap a, nui var var chuan min kuah hlè hlè mai, min ngâidam tih a entîrna ni tih ka hria a, sawi kher lo mahse ka thinlung hian a ring nghâl thlap bawk.



____________




"Helai hi mi inchènna chu?"



A hawi deuh vual vual a,


"Mmm...nakinah pângâi deuh zâwkin rawn la lèng mai rawh aw, a tlâi tawh sia, ka châu lutuk nangmah vâng vek"


Ka'n ti nghâl tâwng a, a nui hak mai, tûm bâr chuan ka lo in kuangkuah thân a.


"Inla cute rual pawh inih tawh loh kha, tum buai vèl lo mai teh"



Nui var var a tih chuan ka zak chem chem mai, in lâk cute ka tum ve nèn.


"Hmmm...anih ka lût dâwn"


Tihpahin kawngkhâr hawn ka tum chu min kuai her deuh lawp a, seat nghen chhan chu ka nghèng dawt thei, rawn kûn hniâmin min han fâwp leh vang vang a, keipawn ka lo chhâng tha tawh khawp mai, a nawm zia chu vânram ka fang zauh zauh ni maiin ka hria.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:49 pm

EUPHORIA
(JUNGKOOK FF)

CHAPTER -16

BY

HLUTEI JOCUND PACHUAU



"Ka lo thleng e"



Inchhûng ka luh rual chuan ka'n ti lâng lâng a, Yiu Ri chu arawn lawr chhuak rang asin.



"Vawiin tlâi chu i thâwm avan tha ve"


Ka nui lût var var a, engtin nge ka'n hrilh ang? Bul tan dân pawh ka thiâm lo.


"Thu lawk teh thusawi tûr ka nei"



Tihpahin Couch ah chuan ka'n nem thu deuh rawk rawk a,


"Enge?"....



Mak tih hmèl zet chuan min en hâw a, sawi tan dân pawh ka thiâm lo.


"Ih...."


Ka'n châwl leh dat a,


"Enge...ihhh...chu sawi vat teh?"


Nghah hlelh hmèl zet hian a ti chûl leh nghâl,Thâwk techu ka'n la hak a.


"Mak ti lutuk lo la, Tûna ka thawhna a an president hi Jeon Jungkook a nia, chuan ka lèt leh dawn"


Ka'n ti nghâl tawp a, a hmûi chu a hup nghâl vat,


"Iti tak tak em? Ka bengchhe ri a ni lo tiraw?"


Nui var var chuan ka'n bu nghauh nghauh a, hlim hmèl a pu in ka hria,




"A tha lawm, i thuthlûkna chu engpawh ni se ka pawmpui thlap che"



A tih chuan nui hak pahin ka kuah nghâl thlawp a, ka hlim zia hi, ka thiantha berin min thlâwp bawk a, engmah dang mamawh ka nei tawh lo, Ka hmangaih te pahnih ka kiângah an awm thei tawh dâwn a.





___________

NEXT MORNING




Vawiin chu ka phûr ngèi mai, office lamah pawh ka nui reng a, Hoe Seok Oppa lah chuan mak ati ngang mai, a chhan lah min zâwt deuh sek reng a, mahse mumal pawn ka chhâng chuang lo.




Ka hlim tehrèng nèn Jungkook in Hoeseok Oppa nèn thil pawimawh deuh vèngtha tûra min tih lah chu a bo daih leh nghâl, min hau leh nasa dâwn sia, lunghlu hlang a ni tih a sawi bawk si, a to viau ang, VIP room Hoe Seok Oppa nèn kan tih fel lai khân a te tham sia ka thlauh ka hlauh vângin khumah khân ka dah mai a, khata tang chiah khân ka hmu tawh lo.


___________



Security camera room ah chuan kan thu thap a, kei, Hoeseok oppa, Department head leh Security ho tu Namjoon shi te nèn, ngaihtuahna a buai map mai, kan vâi hian a bo loh nân min ring ngam in kan kutah a dah ve a, a mawh phur ber tu chu keimah ka ni leh nghâl.



Jungkook pawh chu arawn lût ve thut a, kan lo ding nghâl thap bawk, a hmèl chu a rum leh ûl tawh, min hauh hrep ka rin tehrèng nèn min hau miah lo chu mak ka ti zawk.


"Camera chu in lo en tawh em?"


"Aih kan lo nghâk che a"



Namjoon shi chuan alo ti vat a, Cc TV atang kan en chuan Hoe Seok Oppa nèn engemaw sawi a kan nui vak vak lai bâk a lang lo, Jungkook chuan min melh dûn hrek hrek a, Hoe Seok Oppa nèn chuan chil lem khalh khalhin kan in en zak zak ringawt.


"Lawkin"


Cctv chu an han pause zauh a, Mipa pakhat dum suit veka inthuâm hi alo lût ve reng chu niin, ala lâi pawh chu chiang takin a lang a, a hmèl erawh a hmai a tuam vângin kan hmu thei lo, lukhum hma kawh dum a khum tlat bawk si.


"Alo kal lai âwm ka hre miah lo"


Hoe Seok Oppa chuan a ti sup a,

"Keipawn ka hre lo"


Ka lo ti ve vat bawk, Jungkook chu a ding hluai a, a rilru a hah tih ka hmu thiâm nghâl mai, Company tân hian a pawimawh viau ani mahna.



"Engtin nge in hriat miah loh theih a? In mawh phurhna sin"


A tih chuan kan ngâwi thap hlawm a, tawngkam vîn erawh hmang lo mahse kan lakah a lungâwi lo hlè tih ka hre thei.


"Kan tihpalh a ni President"


Hoe Seok Oppa chuan a ti sup a,


"Sawi ho lawk ang u, in pali khân ka office ah lo kal ru"


Tihpah chuan a chhuak leh vut a, kan thaw nghâl huai mai.


"Ka rin aiin a hau nasa lo che u"


Department head Min Yoongi chuan ati sup a, hmûi tih pawrh vak pah chuan ka lo melh hrâwk ringawt.

_______________



Kan pali chuan kan inzui chho ta thâm thâm a, a nuam zân lo khawp mai, kan mawhphurhna vek a ni si a, kha thil kha a pawimawh viau pawh a ni mahna, ni leh lo, lunghlu hlang a nih chuan aman pawh a tlèm viau lo ang, ka fîm khur loh vâng vek a ni.



___________



President room ah chuan nungchang tha ber âwm fahran hian kan thu thap hlawm a, nuih tepawh aza rum rum e a.



"Kha thil kha ka nunna tlukin ka ngâipawimawh asin"



Jungkook chuan beidawn hmèl zet a ti sup a, nuâm lo ka tih dân chu,thâwk pawh ka thaw tha ngam lo.


"He hotela thleng record bu ah kha chuan han rinhleh tûr awm ka hmu lo rèng rèng"


Namjoon shi chuan ngaihtuah mûk hmèl zet a ti sup a,


"Keipawn ka hmu lo, kan hotelah hian mi chi hran hran an lût chhuak reng a, zawn hmuh chu aharsa viau ang"


Jungkook chuan a ti leh sup a,


"Uluk takin kan zawng anga, ala kal hla lo tawp ang"



Department Head chuan alo ti ve sup a, keini erawh kan la ngâwi kar thung.


"Ruby han rinhleh deuh te i nei em?"


Jungkook chuan min enkar a, ka ngaihtuah fè pawn rinhlei tûr awm ang ka hmu miah lo.


"Chutiâng ka nei lo President"


Ka ti sap a,


"Anih alo luh lâi khân enge in lo sawi a?"


Min la enkar tho, Hoe Seok Oppa chu ka en vat a, kan thil sawi chu hria se min pèt chhuak nghâl duh ang.


"A pawimawh lo, a ho lutuk"


Hoe Seok Oppa chuan kut phar meuh hian alo ti vat a,


"Nia"


Ka lo ti ve vat bawk,


"Ngaihtuah chiâng rawh Jang Ruby, kha thil kha i tân leh ka tân hian a pawimawh a nia"


Thinrim âw lek lek hian Jungkook chuan ati a, midang chuan zawhna mit meng hlîr in min en leh tawh, kan inkâr hi an hriat vè kher ka duh lo.


"Nia, ka hria lawm, uluk takin kan zawng dâwn lawm"


Ka'n nuih tlawn a, tûmah lah chu an nui vè hauh lo leh nghâl.


"Chu chu ka sawi tum a ni lo, khâ thil kha ka nu zungbun a nih kha, i tân leh ka tân a pawimawh zia i hrethiâm miah lo tiraw"



Thinrim awka vîn lek lek hian a ti a, midang chuan phâwk hrû hian min en hlawm bawk.


"Mahse President ihh...kaaa...."


Ka ngâwi leh daih a, tinge keimah hlîr min hauh le? Ka rûk pawh ni hlei lo.


"Tinge keimah hlîr min hauh a, ka rûk ah i ngai em ni?"


Ka'n ti lèt ve sak a,


"Chu chu ka sawi tum a ni lo tih i hriat kha"


"Keimah hlîr enge min hauh? Enge ka tih sual? Ka hre lo ni ve mai lawm"



Tap âw lek lek chuan ka'n ti a, ka mittui arawn tling leh nghâl ringawt tawh,


"A tha e, ka zawng ang, ka hmuh hmâ chu ka rawn kal tawh lo ang"


Ding hluai pah chuan ka'n ti a,


"Ngawi teh u, a dik dâwn lo, President Ruby thiâmloh a ni hleinèm, keipawh ka tel ve tho alawm, thu phawt teh Ruby, Tha deuhin i sawi zawk teh ang u"



Hoe Seok Oppa chuan phar deuh hluau hluau pah chuan a ti a, min pawt thu zui nghâl bawk, ka mittui chu arawn tla leh ngiai ngiai tawh.


"Sual lutuk mai"


Tap âw tiau chuan ka'n ti sap a, Namjoon shi Leh Department Head chu an lo nui thâ ringawt.


"Ka tihpalh, ka tân a pawimawh zia tûr i hriat ve vek kha"


Jungkook chuan ati sup a, ka mittui chu ka lo hru sawk sawk ringawt, a nu zungbun a nia, a tân a pawimawh dân tûr pawh ka hre ve vek, mahse midang hmâ ah tiang hian min hau bîk ziah a, ka ngei tlat zèl, ka thiâmloh vek pawh a ni bîk lo.


"A hrim hrim in nangni hi in inkârah hian engemaw"



Hoe Seok oppa chuan a sawi zo hman lo, a hmûi chu a hup vat a.

"Runby hi ka bialnu a ni tih in la hre lo tak maw khâhh..."


Jungkook chuan nui suk suk pah hian a ti a, An mak ti hmèl chu ka nuih aza ngawih ngawih.


"Ruby nang hi...tinge engmah i sawi loh?"


Hoe Seok Oppa chuan lungâwi loh hmèl zet hian a ti nûng nûng a,

"Ka tihpalh Oppa, Jeon Jungkook nang hi sawi kher a ngai ami?"


Vîn that chuan ka'n ti a, Hoe Seok Oppa tih loh chu an lo nui thâ hlawm leh nghâl.


"Awle ka ngâidam mai ang che, mahse khawngaihin kan awm lai hi chuan in hau tawh lo teh u"


A tih chuan ka nui hak a, Jungkook thil sawi vâng chu nge min endân a dang zo vekin ka hria.


"Engpawh ni se Zungbun kha a pawimawh ber"


Jungkook chuan a ti leh a,

"Ruby tân a pawimawh itia, a awm zia chu"


Hoe Seok Oppa chuan a hmûi hup leh in nui thâw hian min rawn en a, ni e...a dik angem? Ka ngaihtuahna hi a dik em tih ka hre lo, min propose a tumna a ni thei mai angem? Ni leh lo, ka hope sâng mah mah in ka hria, chuan ala hmâ mah mah bawk.



"President ka ngaihtuahna hi a dik em?"



Hoe Seok Oppa chuan phûr hmèl zet hian a ti a, Jungkook hmèl ka en chu alo nui ve vur vur mai.


"Nakinah in la hre vat mai ang, ti ru le.....ngaihtuahna i sèng phawt ang u"



A tih chuan kan awm tha leh sap sap hlawm a.


TIME SKIP




Bân hun tawh ah pawh chuan kan la bâng thei lo, keipawh ka vei kuâl sek a, ka châu tawh lutuk hi ka kè zawng zawng nèn hian ana thûm mai.


Ka sam thur deuh bap pawh ka tuai mâm vèl peih tawh lo, a vawt bawk si, khâ zungbun kha ka hmuh ngèi ngèi a ngai.



Lobby ah techuan kan in tlân pèl sup sup hlawm a, mahni buai buai in kan buai a ni ber mai, zungbun bo na room ah techuan ka kal nawn leh a, awmzia a awm lo tih ka hre tho, mahse Jungkook nu zungbun a ni si a, ka mawhphurhna a ni bawk nèn.


Khumah chuan ka thu hnawk a, ka heel bunna ka ke techu ana ut ut tawh mai, ka pheikhawk chu phelhin ka ke chu ka'n chûm taih taih a, pèn thâwm ka hriat vâng chuan ka ding nghâl zawt mai.


Kawngkhâr ka lo en kar laia mipakhat rawn lût ka hmuh chuan ka phu chiâng ngèi mai, ka hnungtawlh nghâl dat a, ka taksa techu arawn khûr nghâl zawih zawih bawk.


"Mr Nam"


Ka ti chhuâk sap a, ala danglam lo,


"Kan inhmuh lohna a rei tawh hlè mai"


A nui vûn vûn a, ka hlâu lutuk chu ka thin a phu zawih zawih thei.



JUNGKOOK POV




Khâ zungbun kha Ruby tân a ka tih liau liau asin, ka nu zungbun rauh èm èm alo ni leh zèl bawk nèn, tunge a ru tû kha ni ang? Hralh atân pawh lo ti ni se he hotel ah hian a aia man to rûk tur atam lutuk, zungbun kher a ru kha rinhlelh na ka nei tlat.



"President"



Namjoon chu hmanhmawh zetin a rawn tlân lût a, laptop hi arawn keng lût pûr pûr bawk, ka lo ding deuh hluai a.



"Rinhleh pakhat zungbun a bona room ah khân a lût lai an lo hmu fuh a"



Tihpahin a laptop a vedio chu min rawn hmuh a, Vedio ka en chiah chu ka mengbial nghâl kâwk mai.


"Mr Nam maw?"


"I hmèlhriat em ni President?"


A tih chuan Ruby ka ngaihtuahna ah arawn lang hmasa ber.


"Ruby, Ruby tân a hlauhawm"


Tihpahin ka tlân chhuak nghâl a, Namjoon pawh chuan min rawn ûm zui ve nghâl bawk.


Ruby te office ka thleng chu Manager Jung chuan phâwk fè hian min lo en hû a,


"Khawnge Ruby?"


Nèm fahran lo hian ka'n ti nghâl tâwng a,

"Ihh...Room ah khân a kal leh a, engemaw hriat a in beisei a niang"


Mak tih hmèl zet hian alo ti a,


"LalPa leh...."


Tihpahin dawhkân chu ka'n tlawh thuai a,


"Ruby nunna a derthawng"


Tihpah chuan room lam chu panin ka tlân chhuak leh nghâl vat a, Manager Jung leh Namjoon chuan min rawn ûm zui ve nghâl bawk.



Ruby ka lo kal.....ka rilru chuan ka ti mawlh mawlh a, khapa khân a khawih nâ nih vaih chuan ka that nghâl ang, ka that chiâng khawp ang.



Room zâwn kan thleng chu engmah ti hmasa lo in kawngkhâr chu ka'n tlawh hawng thuai a, alo ruak huai mai, tûmah ka hmu lo, ka'n hawi kual a.


"Ruby?"


Manager Jung chuan tihpahin bathroom techu a enkual a, mahse tûman min chhâng lo,


"Hmela chu"


Tihpahin khum chu ka'n tlawh leh thuai a, engmah awmzia awm lo, ka thinrim lutuk hi ka alh mai dâwn in ka hria.



"President"



Room atang chuan ka chhuak vat a, Department head chu thaw hluam hluam hian alo kun tlawk tlawk a.


"Inchung berah Ruby...... mipakhatin a din pui a"


Thaw hluam hluam pah hian a ti a, a sawi zawh hmâ chuan inchung lam panin ka theih tâwpa chak chuan ka tlân chho nghâl a, stepah techuan ka thlâwk chho in ka hria, ka hah leh hah loh pawh ka hre lo.



Ka hnungah chuan min rawn umzui ve hlawm bawk.



Inchung zâwl ka thleng chu, ka hawikuâl a, ka rei!....Ruby chu a hmâwr tè ah hian Mr Nam chuan a nghâwngah hian chemte in alo tin reng a, Ruby mit chu tuam sakin a kut pawh a hnunglamah a phuar sak tih ka han hre nghâl mai,rang zet chuan ka kal hnâi nghâl vat a.



"Ding rawh"



Arawn ti tuar a, ka ding nghâl chat bawk, Ruby hlâu thlabâr chu tah pawh a tap ri ngam lo,


"Jungkook shi"


Ati sap a, midang pawn min rawn fin ve nghâl vat bawk.


"Tûmah rawn kal hnâi su, ka zuanthlâk pui nghâl a ni mai"



Ring zetin Mr Nam chuan a ti a, Ruby mit tuamna chu dîm lo zet hian a phih sak lawp bawk, ka kut chu ka lo hûm ruh ngawt ngawt reng a, tih theih ka nei dèr bawk si lo.



Ruby chuan mittui tling pam hian min lo enkiau a, ka lo en ve reng bawk,


"I mipa hmangaih èm èm chu thlahna thû han hrilh ta che"


Mr Nam chu tenawm zet hian a nui vûn vûn a, pan chilh mai ka tum chu NamJoon chuan min lo dang nghâl vat.


"President, Âtthlâk taka chèt chi a ni lo, hepa hian rilru fîm a pu lo niin ka hria"


Ka bengbulah chuan arawn ti su su a, Ruby ri lo a tap tlawk tlawk chuan ka ngaihtuahna te hi a ti buai zo vek tawh.


"Thlahna thû chu sawi ta che"


Vîn tuâr a, tihpahin Ruby chu a thing deuh nawk a, an tla palh mai ang tih ka hlauh vâng chuan ka lo ter nghál at mai, midang pawh chuan kan boruak chu hria in a hnuailam atang techuan an lo thlîr thup a, inchunga rawn kal ve tâwk pawh an awm tho.



"Jungkook shi.....hei hi kan tâwpna tûr a nih ka ring a, he thû hi i hnènah ka la sawi ngai miah lo a, KA HMANGAIH CHE ka thinlung zawng zawngin"




Aw khûr dar dar chuan a ti sap a, mipa ka ni ka inti thei tawh bîk lo, ka mittui chu a rawn hnâm thla ve tuam tuam a, ka nu tih loh ah Ruby aia hmeichhe hmangaih hi ka la nei lo, hetiang ngawt chuan ka thih tîr ngawt thei lo, kumkhat meuh amah zawn nân hun ka hmanga, he hmeichhia ka nunna tluka ka hmangaih hi ka kal tîr tawh dâwn lo, engtin pawn ka chhan chhuak tûr a ni.


"En teh Mr Nam inbia ang, enge i duh? I duh duh ka pe ang che"


Ka tih chuan a rawn nui huah huah a, a â tak takin ka hria.


"Ka thil duh ber chu Ruby hi nia, min pe thei dâwn ami?"


A tih chuan ka kut chu ka hûm ruh sauh a, ka chhâng tawh lo, ka thinrimna a chawk tho zèl.


"Ruby hi ka tâ a ni thei dawn lo ka hria, chu vângin ka rual talin a thi vè tûr a ni"



Ring zet chuan ati tuar tuar a, an tla palh mai ang tih ka hlauh vâng chuan ka lo îp chäwih châwih thei.



"Mr Nam ka ngèn che Ruby kha chhuah rawh"



Ka tih pawh chu ngaihnèp hmèl zet hian min nuih sawh chiâm chiâm a, tih ngaihna ka hre tawh lo, Ruby chu ka en tlawk tlawk a, ani pawh chuan beidawn hmèl zet hian min lo enkar bawk.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:50 pm

Tâwitè in a hmâwr ka rawn bâwk nghâl thuai dâwn, a chhan chu Fanfiction lam rèng rèng hi chu Chapter thui lutuk ziah hi a ninawm lamah a kal thin a, ka ziak ve nual tawh a, ka chhiar nual tawh bawk, Chapter thui lutuk chu a ninawm an tih tlângpui thin vângin ka ziak thui lutuk ngâi lèm lo.



Zèp lo chuan nizâna tâwp tûr tawh zâwk kha nia, mahse ka la kham loh èm vângin zan in hian tawi tè in a hmâwr ka rawn bâwk hrâm a nih hi.....


Kei a story ziah ve teh lûl in lo chhiar duh vângin ka lawm em em bawk e💜💜💜💜🦋🦋🦋🦋😘😘😘😘😘😘



Euphoria Last Chapter


By


Hlutei Jocund Pachuau



RUBY POV





Ka kut a phuârna chu ka tâl pît thei mai dâwn a ka hriat vâng chuan ka tâl chat chat reng a, mahse ka che fuh lo a nih vaih chuan He hotel chhâwng sumhnih (20) chuang atang hian ka tla ngei dâwn tih ka in hria, hlâu in ka tlânchhe mai thei lo, rilru fîm tak ka pu tûr a ni.

Jungkook hlauthâwng hmèl chu ka khawngaih let ling zâwk, Amah chu ka'n mit mei zauh a, mahse ka pheikhawk sâng bun hian ka duh ang pawn min chèt tîr thei lo.



"Khawngaihin inrem ang, lo chhuk pui phawt la, kan sawi tha dâwn nia Mr Nam"


Jungkook chuan dam diai hian a ti a,


"Jeon Jungkook nang hian min bum lo ang, thlâwk bo vek rawh u"



Tih tuâr pah chuan a che hrut a, thâwk leh khatah ka taksa chu a kâng deuh lâwp a,Midang tè tuar thâwm chu ka hre zui nghâl bawk, Mr Nam nèn chuan kan tla tih ka hria, tukverh bânah chuan ka invuan tâng ta hrâm a, tukverh lah chu a ri nghâl thawt thawt bawk si.


Ka hlâu lutuk chu ka thin a su dup dup a, hnuailam lah chu tuipui kam lung khawk rawk hlîr awmna a ni a, hawi pawh ka hawi thla ngam lo ka taksa hi a mûr chuaih chuaih mai,


"Ruby nghet deuhin vuan rawh, i tha neih zawng zawng khân vuan la"


Jungkook chuan hlauhthâwn hmèl zet hian a ti deuh chûl a, ka thil vawnna chu a pial dâwn tak ngial in ka hria, ka mittui lah chu hrûk sèn loh chuan atla ngiai ngiai reng a, tah mai loh chu tih theih ka nei tAwh lo.


"Ka thei lo, thâ ka nei tawh lo"



Tap chung chuan ka ti a, ka chelhna ka bân techu ana vek thei, hnuailam atanga thli vawt tak rawn tleh chho hum hum techuan ka tla vè ngei dâwn tih min hriattîr ni maiin ka hria.


"Ruby kha hei hi vuan rawh le"



Tihpahin Namjoon chuan Hrui lian tak hi min rawn pe a, mahse hrui mâm tak a ni si a, ka taksa alo rit vetho bawk nèn ka in vawn ngheh zawh ka ring lo, ka thi ngèi tawh dâwn a nih hi, Jungkook thlaphâng hmèl chu ka en reng a, ka tap tlawk tlawk a ni tawp mai, min rawn kai chho mai tûr in kan inhlat tawh si, ka thlah chuan ka thi dâwn tih ka hre chiang hlè bawk.


"Ka thei lo, ka vuan thei lo"



Ka tih chuan Jungkook hmèl chu beidawnna hian arawn in thlâk a, ka kè in rah tûr nei lo a a inthèn lauh lauh chu tap hlap hlap chung chuan control ka tum ve tang tang a, ka kut leh lama va ban ka tum pawn ka tla dâwn zèlin ka hria, ka huaisen na in a ngam thlâwt lo.


"I thei, i thei tih ka hria, ti rawh le, vuan la, nghet deuh khân"


Aw khûr dar dar chuan a ti a, ka inring zo lo a ni, vawiin hi kan tâwpna tûr pawh a ni maithei asin,midang lo dâk ve min ngaihtuah hmèl zeta min lo en thap tu techu ka en kual a, ka'n tap leh rih thin, ka kut lah chu ana vek tawh, ka taksa inthèn nalh nalh reng chuan ka invawnna a ti nghet lo zual, ka tukverh vawn chu arawn ri leh tuâr thin, min thlîr thup tu techu an lo tè that that hlawm bawk a.


"Tu emaw khân engemaw ti ta che u"



Vîn tuar a Jungkook in a tiri chu ka hre ruai ruai a, ka chelh rei thei tawh dâwn lo, ka kut chu arawn khûr zawih zawih a.



"Jungkook shi"



Amah enkar chuan ka ti sap a,


"Vawikhat chiah, han tum leh chhin teh, hrui kha vuan la, ti rawh le, I thei a nia"



Vuan tûrin thâ ka nei tawh lo, tukverh chu arawn ri leh tuar a, ka hniam thla nghâl zawt bawk, midang chu an lo tè tuar a, ka tha a zawi takzet tawh a ni, ka thlan tui techuan min rawn bual huh vek a,




"Jungkook shi.....ka hmangaih che tih i hria tiraw"



Tap pâr chung chuan ka'n ti a, Jungkook mit meng a mittui ka hmuh meuh chuan beisei tûr dang ka neih tawh loh zia min hriattîr ni maiin ka hria,


"Ruby chutiang sawi suh"



Hoe Seok Oppa chuan alo ti vat a, Jungkook erawh chuan mit sen râm in min en reng thung, ka tahna ka dang techu arawn ro huam huam a, chil lem tûr pawh ka nei tawh lo.


"Ka chunga i thil tih thin te vâng khân ka lawm e"



"Ni lo, chutiang sawi suh"



Vîn tuar hian arawn ti a, ka tap ri hak ringawt, ka bân tha chu a rawn zâwi tiâl tiâl a,



"Thih ka la duh lo Jungkook shi, dam ka la duh, i bulah, awm ka duh, hlim taka inneih a, naute hmeltha deuh neih dun te ka duh, thih ka la duh lo"




Tap hlap hlap chung chuan ka'n ti a, tah tlawk tlawk mai loh chu tih theih ka nei lo, vawiin hi Ruby thih nî tûr chu a ni ta, ka nu leh pa te pawh ka la zawng hmu lo a sin, hetiang ngawt a thih chu ka thei lo.



"Ka thih tîr dawn lo che, ti khân lo invuan char char rawh"


Tihpah chuan a kalsan ta daih a, ka kut lah chu arawn khûr nasa tawh si, ka chelh rei thei tawh dawn lo tih ka hriat vâng chuan a hmâ aiin ka lung a chhe zual a,



"Ruby"



Ka hma lam ka hawi chu Namjoon hi tukverh zâwnah chuan alo ding reng a, Jungkook pawh arawn thleng thla ve nghâl bawk.



"Ka kut hi lo vuan rawh le"



Jungkook chuan a ti a, beiseina arawn awm vèleh dèt dèt e, mahse ka tukverh vawn chu arawn ri tuar tuar a, a chhe dâwn tih hrilh chawp ngai lo in ka hre nghâl mai bawk.


Jungkook chu tukverh ah chuan rawn lâwn in a kut chu arawn phar chhuak a, a kawngah chuan hrui leh chain hian a inthlung teuh bawk.



"I kut kha lo phar rawh le"



Ka kut ka phar chuan lehlam hian ka in vuan tâng thei dâwn lo, ka hre chiang,mahse heti maia beidawn chu ka tum bîk lo, ka kut khûr dar dar chu ka'n phar dè dè a.



Min rawn vuân dâwn chiah tih in ka tukverh vawnna chu a rawn ri nghâl tuar a, ka taksa chu arawn hniam thla nghâl zawt a.


"Ruby"


Tih tuar ri chu ka hriat hnuhnun ber a ni, a rawn thim ta mup a.





3 MONTHS LATER



JUNGKOOK POV





Tupui kamah chuan ka thu vang vang a, Ruby diary chu ka hûm rân bawk.Jimin Hyung Taehyungie Hyung ten Guiter perh pah a zai rût pahin ka bulah chuan an rawn thu ve bawk.



"Kal ang u, a vawt tawh si"



Taehyungie Hyung chuan tih vut pahin a tho hluai a,Jimin Hyung chuan a zui ve nghâl mai a,keichuan tuipui thlî in a beng zâwnga let so but but chu ka thlîr reng thung, Ruby hmèl chu ka mitthlâ ah arawn lang nghâl ruai ruai a, ka nui suk ringawt, thla thum lai liam tawh mahse helai hmuna thil thleng kha nimin maia thil thleng ang khân ka la hrechiâng hle thung,thlî vawt takin min rawn chhèm heuh heuh vâng chuan ka lo maimitchhîng vang vang a, Amah kha ka kiangah awm ve tlata hriatna ka nei, ka meng nghâl vat a, tho hluaiin ka hawikual nghâl chûk bawk, Jimin Hyung chuan car bula lo ding chung hian nui var varin min lo hûi zauh a, ka kuta zungbun chu ka hûm vang vangin ka'n maimitchhîng leh vang vang a.


"Jungkook shi..."


Ka beng bulah hian Ruby âw ang tak hian arawn ti leh sap a, ka hrethei a ni, hetah hian a awm, tuipui kamah chuan ka tlân kual chiâm a, mahse ka hmu lo, ni e....ka â zo tawh a niang, hetah a awm tawh lo, kha mi ni kha ka la theihnghilh thei lo, hlâu leh thlabâr tak khân min en reng a, mahse ka chhan thei lo, kha thil vâng khân nèp ka inti a, mipa nèp tak niin ka la in hre reng ka nihna pawh a ni, Ruby......Ruby khân min ring a, ka chhan beisei taka min en reng nî kha ka la theihnghilh thei lo, a hmèl hmuh in beiseiin tuipui kamah chuan ka tlân kual zak zak a, engtikah mah he leiah hian ka tawng tawh dâwn lo tih ka in hre chiang, mahse he thinlung hian ala pawm thei lo a ni, ka hmeichhe hmangaih tak kha tinge lâksak ka nih? Tinge ka kiangah....ka thlazâr hnuaiah a awm phalsak a nih vè loh? He hringnun fair lo tak hi pawm thiâm harsa ka ti takzet a ni.



"Zawn i nei ami?"



Taehyungie Hyung chuan arawn ti lâng lâng a, ka harh chhuak thut, ni tak e, amah zawngin he khawvel hi fang chhuak vek mahila ka tawng tawh dâwn lo,nuih suk pahin ka lû chu ka thing ringawt a.


A diary chu ka'n keu leh a,




Jungkook shi ka tihpalh a ni, kei min tawn vânga mualpho na leh hrehawmna i tawh zawng zawng kha a pawi ka ti, theihnghilh che hi ka tum ve nasa sin, mahse nikhat lek pawh nangmah ngaihtuah lo in ka awm ngai lo.




Ka chhiar lai chu thlî chuan arawn chhèm san daih ta daih a, a chhèmna lai chu ti dingin a phèk a in ziak ang ang chu ka'n chhiar leh a.



Ka thinlung hi ana takzet a ni, ka ngai a, mahse ka be thei lo, a châng chuan thih daih te hi ka duh rum rum a, mahse ka tawn leh ka inbeisei tlat vâng hian thil thalo tih pawh ka ngam lo, kei ni lo hmeichhe dang a duat tûr ka ngaihtuah ringawt pawh hian ka âwm zawn hi arawn na ngut ngut zèl.



A diary chu khup thawkin thâwk chu ka'n la hawk a, khâ hmeichhia bar a lâm thin ve mai, chhûngkhat pawh nei lo vâng khân tûnah hian he mipa thinlung khauh tak pawh hi a kehsawm zo tawh, ka mittui a tla a, he khawvèl atanga a kal ni kha kan in laichinna tih ngheh zual ka tum nî a ni a, mahse ani chu hla takah lâksak ka ni leh tho, inkawp tûra ruat kan ni lo tih ka hria, mahse ka hmeichhe tawn tawh ah chuan ka thinlung ala hneh bera, chuan tûnah hian amah vângin ka tap bawk, Jeon Jungkook hi Ruby a ngaih vâng chauh a tap a ni.



Lei ah chuan ka thing thi hnawk a, Hyung techuan min rawn pan vatin ka dârah chuan min rawn dawm a.


"Hyung ka chhe vek tawh"



Tih ringawt ka sawi thei,


"Ka hrethiám che lawm, Ruby tah hian a awm reng, hetah hian,"



Tihpahin Taehyungie Hyung chuan ka thin zâwn chu arawn khawih a, min hnemna thû ni mahse ka lungchhiat na ti zualtu mai a ni.


"Ruby, ka ngai che"


Tih suppahin thâwk chu ka'n la hawk a, ding leh vatin a diary ka ken chu ka en vang vang a, tui ah chuan ka paih nghâl thuai bawk.




Jimin Hyung chuan Car lamah chuan min kuah phei a, kan pathum a car lam pana kan inkuah phei thâm thâm lai chuan tuipui lam chu ka'n hawi leh hawi hrâm a .



Tuipui kamah chuan Ruby chu Kawrfual vâr nalh zet ha hian alo nui var var a, min bye bye lauh lauh bawk, keipawh chuan nui sukin ka bye bye lèt ve a, an pahnih chuan phâwk hrû hian min lo en kur zui.



"Ruby ka bye bye a"



Ka'n ti ringawt a,


"Hmèla min ti hlâu alawm"



Tihpahin Jimin Hyung chuan min buan nghâl bawrh bawrh a, keipawh chuan ka lo buan lèt ve nghâl bawk, kan pathum chuan naupang infiâm ang maiin tuipui kamah chuan kan inbuan nghâl mawlh mawlh ringawt.







THE END







Ka story thar Mad Love (Suga FF) naktûk zânah in lo châng leh theuh dâwn nia, 🙈....


Hei pawh hi a thui vak ka ring lo aw...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)