EUPHORIA (jungkook FF)BY Hluhlutei (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

EUPHORIA (jungkook FF)BY Hluhlutei (Completed)

Unread post by Ngaia » April 6th, 2020, 5:43 pm

3iiw4sj1.jpg
3iiw4sj1.jpg (28.41 KiB) Viewed 14213 times

EUPHORIA (Jungkook ff)
HLUTEI JOCUND PACHUAU


Korean kan nih châng tepawh a awm ang, Sâp kan nih châmg tepawh a awm anga, Mizo kan nih châng tepawh a awm tûr a ni, FAnfic hian nangmahni mipa duh em em in lo suangtuah a a tak ram ang maia hlimna a siam sak ngei che u ka beisei......


😘😘😘😘😘😘



Ka theih chhûng chu zantin rawn dah ka tum phawt anga, theih loh chinah zan khat danah kan ti dawn nia....


CHAPTER -1






Dârthlalang hmâ ah chuan ka in en reng a, zan in ka thil tawn zet chuan min van thâwng chiâng èm, thlakhat lai chu Stripper (BAr a lâm thin) hnâ ka lo thawk vè tawh a, mahse ka hnâ chu lâm tawp kha nia, tûmân khatiâng zâwngin min la khawih ngâi lo, ka hnâ chu a zahawm hran lo tih ka hria, ka taksa tlèm chauh khuh a, Ui cho ang maia riltâm mipa mâwl zet zet hmâ ah ka intheh kuâl vèl thin a nia, ni e, ka mal leh ka mawng tepawh khawih fo tawh mahse khatiâng zâwng khân tûmân min mutpui an tum ang tih ka ring phâk lo, ni leh lo, ka ring tho a, mahse tianga mipa tenawm leh râpthlâk kha ka la tawng lo, ka mascara pherh niai chu wipes chuan ka hru fai mawlh mawlh a, ka lipstick zawng zawng nèn, ka thawmhnaw thehlèp zet pawh chu ka thlâk nghâl vat a.




Ka hming chu Ruby ka ni a, Ruby tih tawp a ni mai, Ka hnam hming ka hre lo, ka nu leh pa pawh ka hre hek lo, fahrah in a seilian ka ni a, kum 18 ka nih chuan mahnî a ka awm alo ngâi a, mahse tûnah chuan kum 21 ka hmang ve tawh, part time hna chhetè tè thawkin ka nung ve tâwk tâwk thin, mî awmpui ah te ka tang lâwp lâwp a, tichuan ka nung chho ve zèl a, chuan cafe a ka thawh laiin heta thawk tûr hian min rawn sâwm ta a ni, a tîr chuan nuam ka ti a, pawisa tam thei bawk si, kârlo ah apartment te tak tè ka awmna tâwk lek ka lei thei dèr tawh, Mahse zan in vâng khân bân ka châk ngawih ngawih, mahse Ka bâng anih chuan Mrs Choi laka ka lei ba te rulh na tûr ka nei dáwn si lo, dik tak chuan lawyer nih hi ka thil châk ber a ni a,school ka kal laipawn grade tha tak neiin ka pass ziah a, naupang lehkha zir peih tak ka ni thin bawk, Mrs Choi chuan chu chu lo hria in, Seol a Law school tha berah ka hriat miah lohin heta ka thawh tirh khân admission min lo tih sak a, a in sèn so zât chu tam tham tak a ni, khâng zawng zawng kha ka rulh a ngai si, bâkah, ka zir chhûnga in enkawlna tûr leh ka mamawh leina tûr ka mamawh bawk si a, bân chu châk viau mahila hetianga sum hmuhna tha hi ka hmuh leh tawh chuan ka ring bawk si lo, hrehawm mahse ka tuar hrâm hrâm thin,





Ka apartment te tak tè ah chuan lûtin ka hawikual a,hèng bungrua man to leh ka duhthusâm ka lei theihna chu khâ Stripper hnâ vâng chauh kha a ni si a, ka chauh èm vâng chuan ka mu deuh thlawp a, Yiu Ri (iu Ri) ka ngai ngawt mai, a nu in Stripper hnâ ka thawk tih a hriat atang khân kan inkawm a phal tawh lo a, School ah pawh kan inbe ngai tawh lo, ka rilru hah min chhâwk tu leh min hnaih tû awmchhun Yiu Ri pawh ka lak atanga lâk hran a ni a, ka mal a ni, ka mal ngawih ngawih, a châng chuan engvâng teh ngawta he khawvèla lo piang ve nge ka nih pawh hi ka in hre lo thin, ka rilru hahna te bun ruahna tûr ka nei lo thei lutuk chu Ka dawhkâna ka Diary ah bawk chuan ka natna te leh ka thil tawn râpthlâk zet techu ka ziak chhuak leh ta, ka Diary hi ka thiantha ber chu a ni mai.





Ka ziah zawh chuan lehkha chu ka zir nghâl mawlh mawlh a, Zîng dâr hnih alo ri leh dèr tawh,



Bar a ka lâm hun hi Dar 10-12 a ni a, hâw chhûng nèn chuan zân a men rei loh theih loh.


Hmeichhe sâng pâwl tak chu ka ni ve a, ft 5'6 ka ni, ngo lam, chèr lam ka ni bawk, mahse ka chèr over lo, hmeltha hi ka inti ngai lo a, mahse midang tawngkam atang chuan tha tih chu ka hlawh ve fo thin, hmeltha min tih thû an sawi ruala ka hriat tel ziah bawk chu Korean ka an loh thû hi a ni bawk,mahse hmeichhia mahni inrin tâwkna tla chham zet mai hi ka ni a, ka taksa khawilai mah hi ka chhuang ngai lo.



Bar ah ka lâm dâwn te nih loh chuan ka âwm bawr lang tam lutuk leh ka mal lang thui lutuk kawr ka inbel ngai lo, ka sawi tawh ang khân mahni insit rèng rèng a khawsa chu ni lo mahila ka taksa hi chhuang in midang hmuh ah ka pholang ngai lem lo.


Ka sam hi a dum hlap a ni a, a ngîl hlè bawk, ka kawng thlèng vèl a ni, make-up ka hmang ngai zen zen lo a, mahse Bar a ka awm chuan sam lem Blonde colour ka vuah thin a, chuan make-up pawh ka hmang over thei khawp mai, ka zir zawh chuan ka mu nghâl hmak a.



NEXT MORNING





Zîng a ka tho chu sana ka en nghâl a, dar 8 alo pèl duai tawh, ka insiam sawk sawk a, ka morning routine ( a awmzia chu hmaiphih, ha nawh, inbual a ni mai) ka tih zawh chuan t shirt vâr chu ha in a hnuai ah kekawr dum tight lam chu ka ha a, a chungah coat fual dum ka kaiza thleng chu ka ha leh a, muffler buang chu ka awrh leh tawp bawk, ka assignment tih chu pawm tûn in ka bag lian zet chu ka la chhuak a, kawng khâr bula pheikhawk bâwm lo awma ka hmuh hmasak ber fila sneaker var chu ka bun nghal tawp bawk, ka sam chu hniam tè ah ka bâwk tawm tawp a, tarmit bial chu ka bun leh tawp bawk.




Hmanhmawh zetin ka tlân chhuak a, bus chuan ka tlâi tawh sia, taxi chu ka la ta ringawt a, Ka tih thin dân angin, Bawnghnute leh chhang chu taxi ah chuan ka ei mawlh mawlh reng a, Taxi driver lah chuan min en deuh zuk zuk leh nghâl.


Ka ei lui mial mial tho, chhang thâwp hi ka duh ber a nia, bawnghnute nèn, bâkah chaw pângai ka ei hman ngâi loh vângin ka taksa in a ngaih tûra ka rin chu ka ei tawp zèl.



"En teh nula, an deuh i nei asin"




Driver chuan a rawn ti chhuak hlawl a, ka chhang thâwp ei hmuam tûn chuan a sawi leh tûr chu ka lo ngaichâng rân bawk.


"Megan Fox i hria em? Hollywood star kha, khanu nèn khân in in ang ka ti"



Driverin arawn tih chuan ka nui hak a, a channa film chu en lutuk lo mahila ka hre ve tho, a chhelo èm a tû in nge maw hre lo ang le?



"Ka lawm lutuk e, min ti zak dâwn alawm Ajhushi (ajusi)"


Ka tih chuan kan nui dûn hak a,


"Korean ini em? I ang lo, i mitmeng kha pâwl phei se chu Megan Fox chiah chiah ini mai"

IMG_20200301_140450.jpg
IMG_20200301_140450.jpg (77.65 KiB) Viewed 2909 times


(Megan fox hrelo tân)

A tih chuan ka nui lui sak a,he zawhna hi ka vawikhat dawnna a ni tawh lèm lo, keipawn Ka in ringhlel ve fo thin, Korean ka ni nge? Eng ram mi nge ka nih ka in hre lo, Ka hriat zawng chu Korea ah hian ka piang a, ka seilian bawk tih hi ni mai.



"Korea ah chuan ka piang alawm"



Ka ti sap a, Driver chu a tawng chhuak zui tawh lèm lo, min zâwt thui ang tih ka lo hlâu tawh rèng a ni.


__________________



School ah chuan a ngâi tè ang bawkin mahni chuan ka awm keuh keuh reng a, Yiu Ri lahin min be duh tawh bawk si lo, Yiu Ri lo chu thian tia a sawi tûr ka nei lo, he schoolah ngat phei hi chuan mihausa hlîr awm khâwmna a ni a, tûmah in kawm ngaih fâl tak an awm pawn ka hre lo,bakah Yiu Ri nen chuan kan Group pawh a in ang lo hrim hrim bawk a, ti hian lehkha ka zir tam theih phah anga a tha zawk.

________________

School bân chuan bus in ka haw vè thung tawh a, Taxi aiin bus a chuan hi nuâm ka ti zâwk daih, mi maksak ve tak ka ni, pawisa neilo pawh ka ni tawp si lo a.



In ka thlen chuan a ngâi tè bawkin lehkha chu ka zir leh malh malh reng a, manse rilru ah a lût thei lo, Yiu Ri ka ngai takzet ani, ka phone chu ka hûm rân a, min rawn call bawk si lo, ka khawhar dân èm èm hi, a châng chuan ngaihzâwng neih ve mai te hi ka duh rum rum thin, Mahse ka mipa duh zâwng ka la hmu lo, ka ngaihsak loh ve hrim hrim vâng nge ka duhtui lutuk zâwk pawh ka hre lo.



Duh ila chu mi hausa fapa pawn min ngaizâwng ve fo a, mahse ngaihzâwng ka neih thû ten ka chhâng a, a châng leh patil angten ka insawi tawp zèl.



Ka ngaihtuahna vâng chuan ka nui sak a, chaw chu ei lèm lo in Ramen bawk chu ka ei leh tawp a, ka ei kham chuan ka hna thawhna lam panin ka kal chhuak leh ta chhat chhat a, nizâna thil thleng ang kha chu a thlen tawh loh hrâm ka beisei.


_________________


Dressing room ah chuan Police costume sexy zet chu min lo inbel tîr a, make-up chu hmangin Lens pâwl chu ka vuah chhin a, ni e, kei hi Korean ka ang lo, ka ni lo pawh a ni maithei ni.



"Mi na (Mî na) i kal a hun"



Mî na tiin hetah chuan min ko vek thin, ka hming tak chu kan pi tih loh chuan a hre lo, ka thawhpui te takngial pawn an hre lo,
Ka chhuak chiah chu Mina ti a âu ruâl thup thup mipa âw hlîr chu ka hre nghâl a, ka awmna stage a èng hlè a, mipui awmna lam chu chiang takin ka hmu thei lo.


Ka theih tâwpa sexy chuan ka intheh no leh ta, ka form hâk chu phelhin bra nèn te chuan ka lâm leh ta teu teu mai, ka ti thang tawh viau nâ in ngâia neih chu a har khawp mai.





Ka lâm zo chu dressing room ah chuan ka mu vang vang reng a.


"Mina hmu duh che an awm a"


Ka thawhpui pakhat chuan arawn ti a, peih lo zet chuan tho in pawn lamah chuan ka chhuak vat a, nizân ami pa bawk kha a ni, ka hlauh deuh vâng chuan ka khûr ru deuh der der a.



"Hey Baby....zan in chauh chu?"



A nui hmèl te hian ka luak ati chhuak ngawih ngawih, ka bânah chuan min kâi deuh lawpin inchung lamah chuan min kalpui a, inchung lamah hian Mrs Choi ta tho, Hotel a awm a, a hnuai ber hi Bar chu a ni thung, duh lo a ka tan vak chuan kan pi ka hlâu bawk si, avan hrehawm tak.



Room a min luhpui a tum chu a hmâi ah chuan ka bèng thuai a, Kan bula hnai mai ah chuan mipa pahnih hi an lo ding ve reng bawk, eng angin nge min ngaih ang ka pawisa tawh lo.


"Min bèng ngam amaw? Nang Ui cho nu"


Tihpah chuan min rawn bèng lèt siah chu chhuatah chuan ka thal thuai a, ka biang chu a thîp tih hian a sawi fiah zo lo, ka mittui rawn tling pam chuan ka khaw hmuh techu arawn ti fiah lo nghâl vek a.


"Bâr a lâm ve thin mai mai ka mutpui duh che chu lâwm hlè rawh, tunge ka nih i hria em? Seol ah hian World company neitu fapa upa ber ka nih hi aw"



Min ânkhum ta tâwn tâwn a, a zu rim lah chu anam huk huk bawk, muângchâng chuan ka tho taih taih a.


"Bâr a lám thin ka ni Ka pu, nawhchizuar ka ni lo"


Amah en kar chuan ka ti ram hmak a, ka ka chhûng rawn al pep chu thisen tih ka hai lo, ka kam sîr chu a thîp vât vât mai, zaktheilo lutuk, mipa ve si, kei aiin ala hniâm zui, hmeichhe kutthlâk pawh hreh lo.


"Hey....enge i tih thin i hrilh ka ngai lo aw"


A kut zungchal chu min rawn hmuh ta, ka hlâu tawh dâwn bîk lo, ka nui hak a, ka nuihzat vâng erawh a ni hauh lo.


"Chutia mutpui tûr i duh viau chuan Saw ti lai ah sawn hmeichhe dang hetiang hnathawk thin awm khâwmna a awm a, tah chuan va zawng zâwk rawh"



"Hmèli"



Tihpah chuan min rawn bèng leh thuai a, ka lû hai, ka tlu ta thlawp a.


"Hey...a tâwk, tinge hmeichhia kut te i thlâk a?"



Ti ri chu ka hre nghâl vat a, min hnungchhawn zâwnga a din tlat vâng chuan a hmèl ka hmu thei lo,palian lam, pian nalh zet hi a ni a, leather jacket dum leh kekawr dum, timberland boot dum a bun bawk, a thianpa zâwk chuan min kâi tho vat a, min rawn kâitho tupa hmèl ka en chu ka phu deuh zawk mai, hmeltha tak a ni,


"I tha maw?"


Aw pâ zet leh lian lam hian a rawn ti sap a, ka chhâng lo, ka bu nghauh ringawt.



"Tu te nge in nih a, tunge ka nih in hria em?"



Chupa chuan thinrim zetin mipa pahnih chu a ânkhum ta tâwn tâwn a, a aw kî leh a hmèl awm dán zek zuk a tang khian, a hlâu tih ka hre mai.


"Kal rawh, a nih loh chuan kan thiandûn hian kan ei zo vek mai ang che"



Chupâ chuan vawt raih hian a ti a, athusawi chuan ka nuih tepawh a ti za lek lek, mahse ka nui èm lo a, min kaitho tupa zâwk chuan nui suk hian min rawn en a, a thianpa tawngkam khân a nuih ati za ve ni ngei tûr a ni.


Chupa chu hlâthâwng zet chuan a tlân chhe ta nal nal a, ka thaw huai mai, kan pi chuan min hau a ngem? Min bân ta se, a pawi lo, ka zahawmna hi a pawimawh ber.



"Kim Taehyung ka nia, chuan ani hi Jeon Jungkook"



Tihpahin ka bul ami pa chuan a kut chu min rawn pe a, ka lo chibai nghâl vat a, Jeon Jungkook a tih chu a rawn hawi vut a, ka rei....a hmelthat zia chu, a mengdur deuh khûih a, a mitmeng chu a lian in a bial kal mai, a hnâr chu a zum vât a, a hmai fang invuah fu lutuk chu ka thlîr deuh vung vungin ka hria, min rawn en ve zawk ringawt, a hawisawn leh nghál daih a.


"Mina ka nia, min tanpui a ka lâwm takzet a ni"



"Korean tawng i thiâm hlè mai"



Taehyung chuan arawn ti leh a, ka lo nui sak mai.


"Korean ka nia lawm"



Ka ti zui sap a, an pahnih chuan mak an tih hmèl deuh hlek, mahse mak ti ang pawn an lang lèm lo.



"Hyung, kal ang"



Jeon Jungkook chuan a ti deuh vut a,


"Khawnge in kal dawn a?"



Ka tih chuan Taehyung zawk chuan min rawn en in a nui sak a.


"Fapa tlânbo hi zan in chu ka riahpui dâwn a"



A tih chuan mak ti lutuk in ka en a, an pahnih hian an riak dûn dâwn maw! A awm zia chu! An pahnih hian an in ngaizâwng a ni maw!


"In pahnih hian ka tih awmzia chu nangni hi in in kawp tihna mi?"



Ka tih chuan Taehyung chu za zet hian arawn nui hawk a, Jeon Jungkook erawh chuan thaw deuh hak hian min melh rûn thung, ka zawhna chu a âtthlâk deuh pawh a ni maithei a ni.


"Aw...chutiang chuan ngâi mai rawh"


Taehyung chuan nui var var hian a ti a,


"Engpawh ni se,In mi tanpui na vâng khân ka lawm takzet a ni, enge ka tih sak ve ang che u"



Ka tih chuan an pahnih hian an in en deuh zuk zuk a,


"Anih chuan room number 25 ah min hruai la,a tâwk mai"



Taehyung chuan inthlahrun hmèl tak hian arawn ti a, ka lo nui nghâl sak mai, an room awmna tûr pawh an zawng hmu zo lo a ni maw,


"Ti rawh u ka hruai ang che u"



Tiin hmâ chu ka'n hruai a, ka hnungah chuan min rawn zui ve mai bawk a, ka inbun sân mai bâkah ka nulian vè thawkhat nâ in anni pahnih chu ka la chen lo khawp mai.


"Mina, kan thil tih vâng khân i hnâ tangin i bân phah thei ania"



Taehyung chuan arawn ti a, ka rin ai daihin thil an hria, maHSe Jeon Jungkook erawh chu ala tawng ve vak miah lo.


"Apawi lo Taehyung shi, ka hnâ ai chuan ka zahawmna hi ka tân a pawimawh zâwk"


An mahni lam hawi chu nui sak pah hian ka ti a, Taehyung chu alo bu nghauh nghauh a, Jungkook erawh chuan mengbial kal hian min lo en reng thung, engtin emaw hian ka tèk deuh chhawkin ka hria, hmalam chu ka hawi vat a, chak zet chuan ka kal vut vut ringawt, tinge ka laih ve ngawt le?


An room zawn ka thlen chuan ka ding chat a.


"Zân nuam tak hmang rawh u aw"



Nui sak chuan ka'n ti a, Taehyung chu a nui var var a, Jungkook erawh chuan a phone chu alo bih daih thung, kan in thlah fel hnû chuan chak zetin dressing room lam chu ka pan a, tinge ka lungphû hi a ran dut dut reng le? Ruby mâwl viau suh, Gay a nih kha, tiin ka in hrilh mawlh mawlh a, ka mipa duhzâwng tak pakhat ka hmuh ve chhun pawh Gay a nia, ka va han vánduai bîk tak.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:44 pm

EUPHORIA CHAPTER-2



BY


Hlutei Jocund Pachuau


Ka sawi tawh ang khân Feedback hi ka duh ve thin a nia aw, fb lamah comment kha ngei² in ka phût ve a, Chuan ala ngaihnawm chho zèl tûrah ngai phawt ang😘😘😘😘......

Ka lawm e



JUNGKOOK POV




Thutthlèng ah chuan thu in ka pa min tawng khum dân chu ka ngaihtuah lèt vang vang a, ka nih châk èm èm Idol nih chu khawi ah, tûnah Law school a lût tûrin admission alo ti fel diâm tawh, tinge ka duh thlanna hi engmah lo mai a nih bîk thin le? Ka zu ken lai chu ka tlâk pap pap reng a, ka kaw chhûngah chuan ati sa thla hum hum zèl leh nghâl, dik tak chuan ka pa fapa diktak hi ni chiah em ka hre lo, ka in ringhlel rum rum zèl.


"Duhtâwk teh, i pa duhthusâm chu han ti chhin phawt la, itih mî a ni chuang lo a i in zir chhuak dâwn chuang lo, a beidawn hunah a phal ve maithei sin, nghâk rih rawh"



Hyung chuan ka zu in lai min chhuhsak pah chuan a ti a, thâwk chu la hak in ka thutthlèng nghen chhan chu ka'n nghèng deuh dar dar a, ka pa thu âwih mai loh chu tih theih dang ka nei lo, nei lo tak ka ni, ka rilru tâwt lutuk chu thâwk te ka'n la leh rih thin, ka nun hi midang chuan an awt a ni maithei, mahse keichuan ka hnè ngawih ngawih.


"Hyung, ka pa hian min hmangaih tak tak em le?"


Ka ti chhuak sap a,

"Tinge chutiang te i sawi a? I thatna tûra a rin ber tih tîr che a tumah ngai la, naktûk atangin class chu kal ve chhin phawt la, tha mai lawm, pawisa pawh i neih tawh loh kha"



A tih chuan ka nui hak a, ka pa khân pawisa min pe duh tawh bawk si lo, ka neihsa lah hotel book nan hian ka hmang daih tawh si, ka credit card zawng zawng block sak ka ni bawk nèn, tûnah chuan ka hlu thlâwt lo.



"Va inti hlim ve ila, nula an chhelo hlawm lutuk an ti nia"



A rawn ti leh a,


"I peih ami?"


Ka ti chuan

"Peih vak chuang nâng, i châk ka ring a"


A lo ti sam ût a,


"Ka peih lo e a"



Tihpahin a bulah chuan ka mu thla ve nghâl a, Diktak chuan Hyung nèn hian kan naupan lai atang tawhin kan in kâwm tawh a, Kan chhûngkua leh an chhûngkua hi kan in pawh a, kan in hnaih hlè bawk, Hyung te hi chu mi hausa tak an ni lèm lo a, keini erawh chu kan thlah tu te atanga mi awmthei vek kan ni, Hyung hi chuan Hla te a phuah a, Producer a ni tel bawk, sum pawh a hai lût hnem tawh ang reng, Unau dang ka nei loh vângin ka u ang tak takin ka en a, ka ngaina hlè bawk, A châng chuan a mizia vâng hian kei aiin a upa hi ka ringhlel rum rum zel, ka pu leh ka pa hi Lawyer ve ve an ni a, kei erawh chuan Idol nih hi ka châk ber thin, lâm leh zai pawh mahni tâwkah chuan thiam ka inti ve tâwk bawk, lehkha hi chu ka zir ngai em em lo na a a thiamlo pâwl ka ni ngai chuang lo, ka thluak aiin tharum hman nasat châng ka ngah thei khawp mai.



Kan tih dân ngai bawkin Hyung chuan hlâ a phuah leh mial mial a, a hla phuah techu min sak tîr a, keipawn nuam ka ti, Hyung ah hian ka hlimna chu a kim a, ngaihzawng pawh ka ngaihsak lèm lo, a hmâ chuan hmeichhia ringawt buaipuiin ka khawsa thin a, mahse bialnu ti a han sawi tûr em em pawh ka nei lo, ka kawp kual vèl mai mai thin, mahse Taehyungie Hyung (TeiHiangi Hiang) hian Idol ni tûr chuan nun uluk a ngaih thû min hrilh atang khân ka hmeichhe kawp pawh ka bânsan hmak ta kha nia, ani pawh hian a nei pawn ka hre lo.


Ruby Pov



Zîng ka tho chu ka lu ana bûr mai, peih lo zet chuan ka insiam mial mial a, Make-up hman ka peih lo viau na a ka biang dinglam duk deuh kalh chu foundation ka vun rawng chuan ka khuh a, ka hmûi kak erawh thup sèn rual a ni lo, lip gloss chu ka hnawih leh tawp a, ka hman a ni leh dèr tawh.


Ka chhuak leh ta hnak hnak a, vawiin chu ni dang aia ka kal hmâ vâng chuan bus ah bawk chuan ka chuang leh a, ka ril tâm loh èm vângin engmah pawh ka lei ta lo, class bân hunah teokbokki thak tâwk ka ei mai ang.

_______________

Class ka thleng chu nidang ang bawkin tûmah pawh chuan min lo ngaihven lèm lo, kan class hrim hrim hi tûmah kan in kâwm vak lo, a chhan chu mi hausa fa deuh vek an ni hlawm a, kei erawh chu tûmân ka nihna an hre lo a min zawt ngâi bawk hek lo, mahse tûmah a hranpa in kan va inhaw chuang lo a, Yiu Ri lo lût chu ka lo en zawk a, ka hawisawn leh nghâl daih.




Mak tak maiin ka bulah chuan rawn thu in min nuih var var a, mak ti zet chuan ka lo en reng ringawt,

"Hlâuthâwng suh Ruby, nang nèn hi chuan pum khat kan ni, i hriat kha"


Mak ti tak chuan ka en a, hlim hmèl a pu sar reng bawk,


"Chuan i nu chuan kan inkawm hi a phal tihna mi?"


"Phallo pawh ni se enge? Ruby naupang chhia ka ni tawh lo, kum 21 kan hmang ve ve tawh, puitling ka ni a, ka thian kawm tûr chu keimahin ka thlang ve thei, chuan tinge i hmûi kha?"



A'n ti chhunzawm zat a, ka chhâng lo nui var var chuan ka kuah vang vang ringawt, Yiu Ri ka kianga a awm leh thei tûr chu ka hlim takzet a ni, ani lo thian dang ka nei loh mai bâkah, neih pawh ka tum lo, Yiu Ri aia min hrethiâm tu an awm leh chuan ka rin loh vâng a ni, bâkah keimah hian thian siam a, mi rin hi ka harsat hlè bawk.


"Mi â nu, nang hian insual pui i nei nge mi kut i tuar zawk?"



Ka kuahna atang chuan a tâl thla vat a,


"Mi kut ka tuar a, Nizân khan mipa pakhat tenawm deuh hian Nula in zuar thin amaw min tia, chuan en teh, mipa hnih fel deuh deuhin min chhan asin"



Ka tih chuan hriat châk hmèl zet hian arawn mengbial deuh kâwk a.



"En teh u, New student pakhatin Professor a hnek a nia"




Kan class ami chuan arawn ti deuh chûl a, midang chu an tlân chhuak sap sap hlawm a, tû tak chu ni ang maw? A mâwl awm hlè mai.


"Enge i tih a, en ve ang"



Yiu Ri chuan a ti deuh chèl chûl a,


"High school naupang kan ni mi? Mawli Law zirlai i nih kha thu la lehkha zir zawk rawh"



Ka ti ta zèk a,


"Hmèli, in la fel viau lo mai teh"


Tihpahin ka dârah chuan min beng chawrh a, ka lo râk that, a tâwp a tâwpah chuan kan inzui chhuak leh ta nge nge a.


Zirtîr tu room kawtah chuan students ho chu kan pungkhâwm sap sap hlawm a, Yiu Ri lah chuan midang karah chuan min kai lût ve pawp pawp a, henu han hâwk dâk zia hi chu âw, Director room a lo thu mipa chuan min hnungchhawn daih si, sawpa ngèi saw a nih dâwn saw, T shirt dumplain aha a, a bân puam lian zet a a tattoo pawh ka hmu thei, Tiger LilY niin ka hria, a inchei dân atang pawh sâwn mipa fel tak chu a ni lo tawp ang.


"Awihaaa....a hmeltha râpthlâk in hre lo ami? He school hi a pu tâ alawm, chuan a zaithiam in a lamthiam lutuk an ti bawk asin"



Kan hnunga hmeichhe pahnih te inbiakna chu ka lo ngaithla kar a,


"Chuan maw en teh, ani chuan lawyer nih a duh lo a, Idol nih a duh zawk an tia, a duh lo chung hetah an luh tîr alawm, mahse playboy tih ten an sawi thin"


Chû hmeichhe bawk chuan a ti leh a, ka lo thîk rum rum mai, kei Lawyer nih châk in Stripper hnâ hial ka thawh a ngaih phah a, ani ve chu, hah... mihring hi chu kan lo va in ang lo tak, a vânnei lel lul bîk ngawt mai.


"Awi! Ruby saw en teh a hmelthat zia saw"



Yiu Ri chuan alo ti cheng cheng a, mipui kâr atang chuan ka va thlèk dèk dèk a, ka duh thei lo! Amah kha a ni, nizân ami Jeon Jungkook kha, khawlai tlangvâl vâk rawlâi mai mai amaw ka lo tia, mihausa fapa awm tha duh lo an tih lek chu maw lo ni a, Midang hian Gay a ni tih hi an hre ve angem le? Hre lo tawp ang, a hre tu awmchhun ka ni maithei a ni, Playboy a? Hah....ka nuih aza zâwk e a, mi lah hian dâwt hi an lo phuah peih hlawm sia.




Saw ti taka hmèltha si tinge Gay te a nih le? A pian lah chu nalh em em leh nghâl, a t shirt hâk chhan a a âwm rawn pâwng deuh thâr te chuan a taksa awm dan tûr min hriat tîr thei vek nia, awi ni lo, enge ka lo ngaihtuah leh tâk hi? Gay ka ngaizâwng ang maw? Ka nui hak a, Yiu Ri chuan mak tih hmèl zet hian min rawn ho mai.


Ka rilru in ka nui amaw ka tia, ka lo nuichhuak tak tak anih dâwn hi.


Kan lam arawn hawi chu min rawn en in ka hria, ka hawisan rang teh asin, min hriat chhuah vaih chuan he college atang hian hnawhchhuah ka ni nghâl ang.


"Ehe...Ruby a rawn en che nia saw en teh"



Yiu Ri chuan min rawn sâwi deuh nawk nawk a,


"Kal ang"


Tihpahin Yiu Ri chu ka kâi sawn nghâl dâwr dâwr a,


"I hria mi? In in hria ni chiâng mai"



Tihpahin ka hnungah chuan akal ve det det a, Yiu Ri hi nu thau tâwi lam a ni a, ka beng thleng vèl chauh a ni bawk.


"Hre lo, a hmèl kha ka ngainat zâwng pawh a ni teh hrep lo e a"



Ka ti liam puat ringawt, class ah chuan ka thu rân a, Yiu Ri nèn hian First year ve ve ni mahila Kan group a in ang lo a, Kei chu Group D ka ni a, Yiu Ri chu Group A a ni daih thung.



Mahni a ka lehkhabu ka chhiar keuh keuh lai chuan ka classmates te ti ti thâwm chu arawn reh ta thiâp a, ka hawi chhuak chiah chu Jeon Jungkook chu kawngkhâr bulah dingin a thutna tûr zawng ni âwm tak hian alo hawi kual deuh vual vual a, tinge maw a chal lah saw a tih chuar reng le? Nizân atang tawh khân ala chuar reng nia.




Min rawn hmuta ka hawisawn leh rang ngang mai, tinge hepâ mit takah hian ka en that ngam thin miah loh le? Ka bulah chuan a rawn thu tih hai ruâl a ni lo, a pheikhawk lawk zet chu ka hmu hmasa ber a, ka hawi chhuak angem? Ka bia angem? Ka be ngam si lo, ka biak loh chuan mi â tak ka niin a hre ngei ang.


"He hrehmun zet chuh, a awm ho pawh hi ramhuai vek in nih hi"


A phun sap sap a, ka hre reng sia, mahse hre lo angin ka awm hmak.


"Hey....ka biak che chu i tawng thei lo mi?"


Tihpahin ka hma zâwnah chuan a kut chu a rawn ti ri khep khep a, Class ami techuan min en hrek hrek pah hian an in hrilh ru sar sar reng bawk,


"Enga! E aw...enge ni ta?"



Ka ti bah niai a, ka hawi chhuak chu chîk zet hian min en a, a mit bial kel kawl rum deuh âl mai hian min en reng a, min hre chhuak angem le? Ni lo, dawhkân ka lehkhabu keu chu ka en leh daih a.


"Khawilai hi nge ka kèu dâwn ?"


Tiin a lehkhabu chu min rawn pe a, a leh khabu page 19na chu ka keu sak nghâl vat a,


"Khatin râpthlâk tih hmèl zet khân min en tawh suh, Kha Professor chapo lutuk tawngkam kha ka ngai thei lo"


A rawn ti deuh nghut a,


"Engmah ka sawi loh kha"



Ka ti ve sap a, a nui suk mai, a nui hmèl ka vawikhat hmuhna,


"Helai hnâi a damdawi an zawrhna ah min kalpui thei angem?"



A rawn ti leh a, a ruih tûr a ni hrim hrim, ava han awmtha duh lo chiang ve tak, a nu leh pa techu ka khawngaih ngawt ami.


"Enga! E....a awmna i hre lo mi?"


A hmûi chu a rawn ti sâwi deuh ralh ralh a,


"Hria ila ka zâwt dawn che mi?"


A tih chuan ka zak rum rum mai, engvânga thu âtthlâk pui pui sawi nge maw ka nih le? Min biak dân atang hi chuan min hre tawh lo tih ka hre mai, nizân khân min en chian loh mai bâkah make-up khân min ti danglam nasa emai, a âwm tho e.

"Awle, College bul lawkah hian a awm alawm, class bânah ka hruai dâwn che nia"



Tiin ka lo chhâng ve mai a, class lâk lai chuan keichuan ka rilru zawng zawng ka pe a, mahse ka bula thu pa erawh a muthlu daih thung, a muthlu lai chu ka en zauh zauh thin, a nuih khân sazupui cute deuh a ang, ni lo, Gay a nih hi Ruby, thianah siam la itih fuh zâwk ka ring, tiin ka in hrilh ru mawlh mawlh ringawt.


Professor a chhuak chiah tih ah chuan arawn zi mar tuam tuam a, ala hâm bûi bûi zui,


"Kal tawh ila"



Mutchhuah hmèl zet hian arawn ti thâm tuak a, ka lû chu ka lo bu nghauh ringawt, Damdawi dâwr lam pana kan inzui chhuak chu min en zui sap sap hlawm a, kal kawnga kan tawh te lah chuan min en duhin an in hrilh ru zui nghâl zèl leh nghâl, Yiu Ri chu ka tex a, ani chu ala bân ve loh vângin ka lo nghah tûr thû ka hrilh ta tawp a.



Damdawi dâwr hi kan college canteen bul lawkah a awm a, ke a kal nân pawn pèn sawmthum vel bâk a ni lo, ngawi reng chuan ka kal a, ngawi rengin min zui ve bawk, dawr kan thlen chuan damdawi engemaw vitamin leh hmeichhe lam damdawi techu a lei mial mial a, ruih tûr a lei dâwn maw ka lo tia.


"Tinge kha kha i lei a?"



Tiin ka zawt ta tawp a, thil hriat châk ka neih tawh hi chuan engmah ngaihtuah lo in ka zawt chawt zèl, ka chhûngrilah hian min tur tu an awm thin tepawh a ni mahna.


"Ajhuma ( an awmpuinu a sawina) tâ tûr anih hi, a tar chak vak tawh lo a"



A hmèl chu ka en vang vang a, engmah ngaihtuah chiang lo a ka lo ngai dik lo ve ringawt kha ka zak chem chem mai,



"motor parking awmna ah min hruai leh la"


"Mahse"


"Ka driver a awm a, keichuan parking awmna ka hre lo"



Ka sawi hma chuan alo ti vat a, thâwk chu ka la hak a, Parking awmna lam chu ka pan pui leh ta nge nge a, enge min tihbuai reng le?


______________




"Hei le Parking awmna chu"



Ka tih chuan a hawikual deuh vut vut a.


"Zan in atân ka bulah i awm thei angem? I duh zât zât hlawh ka pe ang che"



A rawn tih chuan mak ti zet in ka en vang vang a, engvâng teh hrep a ka bula hetiang sawi hi nge maw a nih le?


"I thusawi kha i hre chiang em?"


Amah enkar chuan ka ti a, fiamthû hmèl a pu tawh lo, a mengdur leh tawh bawk.


"Tunge inih ka hria a, chutiang ka sawi chu enge amak viau na?"


A rawn tih chuan ka lungphû chu arawn rang nghâl dut dut a, ka tlânchhe mai dâwn amawni le?.



JEON JUNGKOOK POV





A hmèl atang chuan a hlâuthâwng tih ka hrethiam nghâl mai, a mitmeng lian zet chuan min enkar reng a,


"Nang hi Bâr alâm thin ini tih ka hria, nizân a thil thleng te kha ka sawi chhuak a nih vaih chuan he College atang hian hnawhchhuah ini ang"



Ka'n ti leh a, a mitmeng chu arawn thîp tha tawh khawp mai, ka thusawi chu ti fuh inti zet chuan ka nuih suk a, a hlâuthâwng hmèl hmuh hi nuam zu ti tlat a.



"Kei hi stripper ka ni, Ka inzuar ngai lo, chuan nang hi Gay ini tih hre tu awmchhun ka ni ve tlatin ka hria"


Aw khûr dar dar chuan arawn ti a, ka nui chhuak hak mai,


"Lehkha i thiâm theih hmèl teh lûl nèn, i mâwl hlè mai, kei hi Gay ka ni lo, ka ni ngai bawk hek lo ang, Tuai pherh ho ka hmuh hian pèt hrep ka châk"


Ka tih chuan hlauthâwng tih hriat zet hian a mengbuai ta nak mai, Kei hi Gay ah min lo ngâi chu ka thinrim viau rualin ka nuih aza ngèi mai,thâwk leh khatah a tlân thut anih chu, rang thei ang ber chuan ka ûm vat a, ala tlân muang èm èm zui, a sam bâwk laia thâm ka tum chu ka pawt piâl palh hlauh a, a sam tawnna chu ka phelh sak ta ringawt, a sam dum hlap sei sang mai chu arawn tla ta siau a, ka ding chawt ringawt, ka ûm tawh lo, a sam dum sei zet thlî in a chhèm lèn siau siau pah a a tlân liam tûr chu ka enzui vawng vawng ringawt.



A sam tawnna chu ka hûm vang vang a, ka nui hak mai, keipawh hi a, sawi that ve mai âwm, zan khat lek ka bialnu lem a chang tûrin ka sawmna a ni reng sia, law zirlai bialnu ka nei tih ka chhûngten an hriat chuan min duhpui ngei anga, chu chu remchängah la in nupui ah ka neih dâwn thû te ka sawi anga, keichu Lawyer ka nih kher a ngai tawh lo ang.


Ka pa khân "nang inih loh pawn i nupui chu lawyer a ni ngei ngei tûr a ni" a ti tlat anih kha, ani kha engti kawng zâwng pawn ka bialnu lem ka chan tîr a ngai, mahse tinge min hlauh tlat le? Gay ang khân lo insawi ta law law ila, ka harsatna te hi min hriatthiam pui zâwk äwm sia, ka va han mâwl tak e aw,mahse a pawi lo e, naktûk ah pângâi takin ka ngèn zâwk mai ang.

______________

RUBY POV


In ka thleng chu ka châu hnawk thei huihaaa....ka sam tâwnna ala daih, ka sam chu ka zial tawm leh tawp tawp a, ka phone chu arawn ri zui nghâl bawk, ka en chu kan pi lek chu lo niin.


"Aw hello Mrs Choi?"



"Ruby, hnâ atangin bân ini, i rawn kal a ngai tawh lo ang"



A sawi zawh chuan a off nghâl hmak a, nizân vâng kha tih hrilh chawp ngai lo in ka hre nghâl mai a.

"A pawi lo, a pawi rèng rèng lo Ruby, engkim atha leh vek mai ang"



Ka phun sap sap a, ka maimitchhîng chiah tih chuan ka mittui arawn tla zui nghâl, he mittui zet chu, a tlâk lohna pawh a rei ta, Part time hna dang ka zawng leh mai ang, mahse ka bâ te kha.




Ka inbual zawh chuan ka mu vang vang a, Dar 8 chauh ala ni, ala hmâ si, ka awm thiâm thlâwt lo, lehkha zir techu zir han tum vè thin mahila ka thei hlawl lo, ka mut a chhuak bawk si lo, ka pum rawn ri rak rak chuan vawiin ah emgmah ka la ei lo tih min rawn hrilh ni maiin ka hria, ka tho vut a, ka coat fual lian zet chu ka mut kawr chungah chuan ka ha tawp a, thil lei tûrin ka chhuak ta tawp.


______________


Park ah chuan thu chungin ka duh ber chhang leh bawnghnute bawk chu ka ei leh mial mial a, Ka phone bawk chu rawn ri leh ta,Yiu Ri anih hi.

"Hello?"


"Chaw te i ei tawh em? I tha maw hnâ ah i kal lo mi?"


Ka ngâwi vang vang a, ka thin ah hian min rawn hnawh ut ut mai, ka chhâng thei lo, ka mittui, tinge? Yiu Ri anih vâng pawh ani mahna, ka chhang ei lai hmuam tûn chuan ka insût ri hraih a.


"Ruby, i tap tiraw? Khawnge i awm? Motor tlân ri te ka hria nia"


A rawn ti deuh chûl a, miin min hmuh ka hlauh väng chuan ka mittui chu ka hru fap fap reng a.



"Yiu Ri, min bân tawh, engtin nge niang? Pawisa ka nei tlèm tawh si, Fee pèk tûr daih chiah ka nei tawh, engtin nge ka tih tâk ang?"


Aw khûr dar dar chuan ka ti a,

Sawi tûr a hre bîk lo a ni chèk ang chu a thaw hak ri chu ka hre thei.

"En teh Yiu Ri, ka kal (kidney) hi ka hralh mai dâwn mawni le"


"Mi â nu, mawli, engtin nge chutiang i ngaihtuah theih zâwk? Lungngai lo phawt rawh, part time a thawh tûr ka lo zawn sak ang che, hmelhriat ka nei nual alawm, anih ka dah phawt dâwn aw, in enkawl tha la, thil âtthlâk tih i tum vaih chuan ka ngaidam lo ang che,ka nu lo haw a"


Ka tawng ve hma chuan a off ta daih a, ka phone chu ka en vang vang a, tûn thla hian ka phone bill kha ka pe tawh ngei a, mahse tûn thla hi a ral leh tèp tawh sia, thla tharah chuan ka phone chu hman tlâk tawh dâwn loh ani maw.




Hetianga nun hman reng hi ka va han ning tawh tak, ka nu leh pa te kha ka hua a ni, kei hi châwm ka hautak viau nge ni anga? Engvângin nge? Tinge riltâma thi tûra hnutchhiah ka nih bîk? An kianga hlim taka awm ve chauh kha asin ka duh, tinge ka nun hi a hrehawm bîk èm èm le? Kei aia vânduai hi an awm leh tawh pawh ka ring lo, Park ah chuan mahnî te in ka tap keuh keuh reng a, hmeichhe tuarchhel tak ka ni ve in ka in hre thin a, mahse tûna ka dinhmun erawh hi chu tûmân an tuar thei bîk in ka ring lo.



Kawngpui ka kân tûr techu ka mittui kár atang chuan ka hmu phè ruai mai, motor kawng ka kân tûr chu ka ding mar thei lo, ka taksa techu arawn khûr vek a, lei ah chuan ka tlu thuai tih ka in ka hria, a thim ta nghâl mup a.





JUNGKOOK POV




"Driver Kim tinge traffic hi?"



Thinrim zet chuan ka'n ti a,


"Master saw lai ah sawn hmeichhe pakhat nikhaw hre lo in a tlu an tia, an zâwn sawn tèp tawh ang"



"Ava mawl ve"


Ka'n ti ringawt a, ka tawngkam vâng chuan ka inchhîr leh tep a ni, ka nin tawh èm vâng chuan car atangin ka chhuak ve ta nge nge a, hmeichhe pakhat an lo buaipui laih laih chu hmuh ve ka châk tlat vâng chuan ka va en ve zuah a, ka rei!...Henu lek hi maw,


"Kal san teh u"


Tihpahin mipui kâr atang chuan ka in rawlh vat a, chu nu chu ka pawm tho nawlh a,



"Ka thian a nia, khawngaihin kawng min lo kian ru"


Tihpahin ka car lam chu ka pan pui nghâl vat.


Car chhûngah chuan seat hnungah ka muttir a, kei erawh driver Kim bulah ka thu thung, Hospital hnâi ber chu kan pan pui nghâl vat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:44 pm

EUPHORIA (Jungkook FF)


Chapter-3

By


HLUTEI JOCUND PACHUAU


RUBY POV



Ka harh chu inchung vâr vek hi ka hmu hmasa ber a, ka taksa lah chu ana ngut ngut bawk si, ka'n hawi kuâl vèla damdawiin a ni tih hai rual a ni lo.


Ni lo, damdawiin ah ka awm thei lo, bill pèk tûr ka nei rèng rèng hleinèm, rang tak chuan ka tho nghâl vat a, ka lû lah chu ahai lutuk, ka tlu mai dâwn in ka hria, vawn tûr mai ka hmu bawk si lo.


"Tinge ilo thawh a?"



Tihpaha min rawn vuan tu chu ka en vat a, hepa hi !.... engtin nge hetah a awm ve ngawt theih? Ka kâwnga min kuahna chu ka pawt thla vat a, a kut ka sîk det pawh chuan ka tèk chhawk thei, hè pa hi engemaw tak niin ka hria, a hmèl ka hmuh hian ka inrin tâwkna a bo vek zèl.



"Engtin nge hetah ka awm theih?"


Aw ki hniam zet si fiah zet chuan ka ti a, ka tawngkam chuan a ti lâwm vak lo tih a hmèl atang chuan ka hre mai.


"Lâwm thû sawi dân i thiâm lo em ni?"


Thinrim ni si mahse awkî sâng hauh si lo hian min ti a, ani lakah hian lâwm thu ka sawina chhan tûr ka hre hauh lo.


"Engtin hetah ka awm ka zawt che lawm"


Ka'n ti leh a,


"Khawlaia i tlu reng kha ka hmu che a, chuan ka tanpui che, lawmthû min hrilh duh suh"



A tih chuan ka ngaihtuah lèt a, Lei ah ka tlu dâwt a car a min phur vung vung bâk kha engmah ka hre thei tawh lo, ka hriat chhun pawh chu mumang ang ruai vekin ka hria.


"Ka tihpalh, ka awmdân vang khan, i chungah ka lawm takzet a ni"


Tihpahin ka kûn zauh a, a mithmul chu a rawn ti sâng zauh ringawt,hepâ hi hnaih vak ka duh lo, a mi uâp ana cherh churh si, a bulah hian awm dân tûr ka hre hlawl lo, bâkah kan inhmuh hmasaka a chèt dân vâng khân ka ngaina lo, Playboy an tih kha alo dik tak tak pawh a ni maithei a ni, mipa hi ka nèl ngai lutuk lo a, Jeon Jungkook phei hi chu ka nèl lo leh zual.


"I hnâ atangin an bân che tih ka hria, chuan i address leh number pawh ka nei vek tawh, i chanchin hi hriat loh vak ka nei lo ania Ruby"



A rawn tih chuan mak ti lutuk hian ka en deuh kâwk a, Bar ah khân va kalin Mrs Choi ava tham nge ni anga? Ka chanchin alo chhui ru zawk? Tinge min tihbuai reng le? , Ka lakah duh a neih? Enge chutiang te ka inzawh le, âtthlâk hian, Min mutpui a duh vâng tih ka hre mai, tenawm lutuk, ka chanchin te alo chhui vèl a.


"Ka sawi tawh kha Mr Jeon Jungkook, kei hi ka inzuar ngai lo, chuan ka chanchin lo chhui tûrin tunge inih?"


Thinrim zet chuan ka ti a, a hmâi a ka ben loh nân ka insûm nasa khawp mai,


"Khâng ui cho ho hmâ ah khân i in phelh ruak fo a ni lâwm ni? Tinge zan khat lek chu ka tân i in phal mai loh ang?"


Tihpah chuan hnaih zetah hian min rawn din chilh a, ka insûm theihna ka hlauh ta, a hmâi ah chuan ka beng ta thuai a, ana vè ngawt ang chu, ka kut pawh a thîp vek, mahse a phû ve rèng a ni.


"I hausak avâng mai khân i duh duh i lei thei lo aw Jeon Jungkook, ka zahawmna hi sum a lei theih a ni lo"


Thinrim aw khûr dar dar chuan ka'n ti a, min chhuk en rûn chung chuan a nui hak mai, ka mittui chu arawn luang thla ngiai ngiai a, a mitmengah hian min hmuhsit na mit meng ka hmu tel tlat, chu chuan ka inrin tâwkna min hlauh tîr a, ka haw takzet a ni,



"A tha e, ila thianghlim tih ka pawm a, ka hre tawh e, hmeichhe huaisen tak ini, dik taka chuan ka bialnu lem chang tûrin ka duh che"



A tih chuan ka ham haih vek, hepa awmdân hi ka hrethiám hlawl lo, a châng chuan mipa sual leh rothap tak angin a lang a, a châng leh rilru tha tak angin a lang leh lawi bawk si,kan intawnna ni hnih lek liam mahse kha hun reilote chhûng khán amah ah hian tiang zawng zawng hi ka hmu vek nia.


"Tinge kei kher? Bialnu i nei lo nge? Hmeichhe dang an awm tho sia"


Ka tih chuan thâwk la hak pahin sofa ah chuan a thu leh tè tè a,


"Nangmah hi ka bialnu lemchang tûrin ka duh che a chu zawng chu ni mai, i mizia, i lehkha thiam theihna te hi ka duh, chuan maw chu aia ka duh lehzual chu law zirlai ini hi ka duh, chuan ngaihzâwng ka neih leh neih loh chu i hriat kher a tulin ka hre lo"



"Mahse tinge?"



Ka la ti hrâm a, zawhna ka ngah tih ka in hre ve tho, mahse thil engmah hi chhan nei lo in ka ti ngawt ngai lo, "Gay ka ni lo" kha chu a ti ngèi a, enge chhan ni ang aw.


"A chhan chu Lawyer nih ka duh lo, Idol nih ka duh a, Law zirlai bialnu ka nei anih phawt chuan ka pa hian Idol ka nih min phalsak ka ring a"


A harsatna chu ka hrethiám, ka hrethiam lutuk tlat, mahse ka thei angem? Dik lo taka sum la lût ka ni dâwn a sin, mi ka bum dawn tihna nia, min hre chhuak anih vaih chuan Stripper ka nih thû an hre chhuak ai mahin, ka bumna vângin ka chan chu a chhe zâwk ngèi ang, an student ka ni si a.


"En teh i harsatna chu ka hrethiám lutuk tlat, mahse mi ka bum thei ngawt lo"


Ka tih chuan a nui hak a, min hmuhsit na mit meng bawk khân a meng leh tawh.


"Ruby, nang hian Stripper inih atang chiah khân mi zawng zawng i bum lo em ni? Hming lem te, "


"A tawk"


Ka lo pawt chat vat a, hepa hi ka haw takzet a ni, min biak dân reng reng hian min chhuk en zia a ti lang thin hi ka hua, mi chapo hi khawvela ka huat ber te an ni a, Jeon Jungkook pawh hi a chapo ka tih zâwng tak a ni, chapo pawh ni se a âwm tho e.


"Ka thei lo ka tih chu, hmeichhe dang zawng zâwk mai rawh"



"Hna i nei lo a, chhûngte dang pawh i nei hek lo, i phût zât zât ka pe ang che"

A tih chuan ka mengbial deuh kâwk a, ka chil ka lem khalh ringawt, pawisa a nih tawh hi chuan hnar hi ahar ka ti thin,


"Min man chhuah vaih chuan Lawyer ka ni thei dâwn lo asin"


Ka'n ti leh hrâm a,


"Vawi thum vèl bâk a ngai lo ang, kan inthen leh nghâl angah ka sawi mai dawn nia, chuan kan inthen hunah part time a hnathawh tûr ka zawn sak ang che"


Chhâng mai lo chuan ka in ngaihtuah vang vang vang a, ka ring thei angem? Midanga in nghah vak hi ka thil duh zâwng ni lo mahse tûn dinhmun ah chuan Jeon Jungkook ah hian ka in nghah ngam mai chu a ngaih hmèl tlat, duhthlan tûr dang ka nei lo, pawisa ka nei lo a, engmah neih ka nei lo, ani hi ka tân vântirhkoh a ni thei mai lo maw? Chuan amah ka tanpui a ni bawk anga,

"Idol nih kher tum lo la ni mai lawm"



Ka'n ti leh hrâm a, a hmèl rum âl chu ka hmuh hmaih lo chiâng kher mai.


"Ilo buaina tûr a awm lo, i pawm leh pawm loh chu sawi vat rawh"


Dawh theihloh hmèl zet hian arawn ti vawt ruih a.


"Hlawh engzât nge ni ang?"


Aw thiân kharh pah chuan ka'n ti chhunzawm zat a, arawn nui ta suk mai, a nui hmèl that si zia hi, a sam dum hlap te, a engkim hi ka....ni leh lo, Ka inthing deuh nawk nawk a.


"Darkârin ti ila, dârkâr khatah ₹2000 in ti ila, tha mai em?"



Ka'n ti leh nghâl zat a.


"Chutiang chuan Stripper khân hnâ in thawk thin a niang maw"


A tawngkam chuan min tina zawk mai, tinge ka thin khei zâwnga tawng a thiâm èm èm le.


"A tawk e, ka tang lo ang, theihnghilh rawh"


Thinrim zeta tih hmarh hmarh pah chuan ka pheikhawk chu bun in kawngkhâr lam chu ka pan tâu ta nghâwng nghâwng a.



Bân tha chak zet hian ka ban rèkah chuan min pawt lèt sawkin bangah chuan min nawr bet thuai a, ka lo râk that mai, Jungkook chuan ka hmâi zâwn chètah hian min en kar a, ka zâm lutuk ka lungphû chu a ri dup dup mai, mitmeng zîm deuh sar chuan min en vang vang a,


"Min kiss tum hlek suh aw"



Ka lo ti hmanhmawh a, a rawn nui chhuak hak mai, a in la hrang vat a, a ha hmâi pahnih hlai lek lek zèl thin hian sazupui a ti ang reuh e, a nui hmèl chu tha ti viau mahila ka melh rum âl tho.


"Nang leh kei hian duhthlan tûr dang inei lo tih kan hre chiang khawp mai"



A tih chuan dik ti viau mahila ka la hlâuthâwng tho,


"Ka lo in ngaihtuah dâwn nia, tûnah chuan ka haw phawt angai"



Ka ti sap a,


"Ka lo thlah ang che"


Min rawn zui a tum ve nghal vut anih chu.


"Aih, a ngai lo, keimahin ka haw mai ang"


"Zing dar 2 a ri tèp tawh, mahniin hmeichhia pâwnah an kal ngai lo, taxi driver pawh hi rin loh tûr"



Ngati nge thudik deuh deuh hi a sawi chhuah ziah le? Ka hniâl duh ta bîk lo, damdawiin atang chuan min thlah ta nge nge a, car ah chuan ka lo muthlu sek a niang ka harh chu kan veng kan lo thleng dèr tawh.


"Helamah hian kual leh la kan in chu alo awm mai ang"



Min rawn en deuh vut a,


"Ilo harh tawh maw, doctor khân chaw pângâi i ei that loh thû leh i taksa a hah thû min hrilh a"



A tih chuan ka zah èm vângin ka kun deuh tawp a, pawisa ka ren vângin thla chuang daih chaw pângâi ka ei tawh lo kha nia, nikhaw hre lo a tlu âwm vè rèng chu ka nia lawm.






"Hmeichhe mak tak ini"


A tih chuan ka la ngâwi reng tho, ka hawi chhuak chu ka apartment awmna kan lo thleng dèr tawh.


"Tah hian ding rawh, hetah hian ka awm a, ka chunga i thil tih vâng khân ka lawm takzet a ni"


Chibai ka bûk zauh hnu chuan ka chhuak nghâl vat a.


"Class ah kan in hmu dâwn nia"


Tih zawng chuan min chhâng a, a tlân lèt leh nal nal mai, a châng chuan a tawng ve bawrh bawrh thin a, a chang leh a tawng mawh leh èm èm thin lawi si, hepâ mizia hi chu ka man har ngawt ang, ka zirlai chu nise ka failed zin viau ka ring, ka ngaihtuahna vâng chuan nui vur vurin inchhûng lam ka pan nghâl nal nal mai.




JUNGKOOK POV



Khumah chuan ka mu vang vang a, hè ka room zâu zet hian khawhar rûkna min pe tlat, mî neih phâk bâka hautakin chei mahse ka hlimna ber paih bo sak vek ka ni a, ka thinlunga ser lian tak awm hi engtikah mah a reh lo ang, chuan ka pa ka huatna nèn, a nupui hmelchhe zet thû thû sâwn a awm a, a hmèl te saw ka râp lek lek zèl, a fanu hmelchhia tawng thei zet lo hâw tûr lah chu a sawi châm chî reng a, a rawn hâw hun chu ka ti duhdah viau ang, a fanu hi kei aiin a naupang hret a, a bialpa hian company lian tak a neih thû hi mi elhsèn nân ala hmang ziah leh nghâl.



Ruby kha ka bialnu lema ka chan tîr theih chuan ka hawi sáng vah vah tawh viau ang, Ruby ka ngaihtuah a piangin a mitmeng hi ka mitthla hmasa ber zel,tinge henû mit mengah hian tawrhna tam tak ka hmuh tlat le? A chanchin inziahna file chu la in ka chhiar zawh loh chu ka enkual thuâk thuâk a,



Fahrah in a seilian a ni a, a nu leh pa pawh a hre lo, hnam hming pawh a nei lo, Ruby tih tawp a ni mai, Stripper a nih hmâ chuan part time hna chhet tè tè tepawh a thawk thin a nih hi, hmeichhe mak tak a ni, dam khawchhuah tumin a bei nasa âwm hlè mai, kei in ka theih loh tûr tam tak kha a paltlang tawh tih ka hmuh chuan ka ngaisâng ru riau mai.


Mahse strpper hnâ alo thawk kher a ka hmuh dân a dang vek, a in show lâi vedio ka en phei chuan ka lo thinrim ve tûn mai, engvânga thinrim nge ka nih phei chu ka hre lo na a, mahse hetianga hmeichhe zaktheilo deuh leh Bar alâm mai mai thin chu ka hua in ka hmu hniâm a, chuvâng pawh chu ni mahna, Ruby phei hi chu pawisawi lo ang taka a awm vèl thin te hian min ti thinrim tlat zèl, Bar a a awm dân leh College a a awm dân chu mipahnih, mi hrang hlak ang vèl a ni, mahse ka ngei tih ka tilang ngai pawn ka hre lo, ka lo tilang palh maithei bawk a, Hetiang hmeichhia hi chu zan khat mutpui atân bâk ka ti lo, Enge maw ka ngaihtuah ve chiâm chiâm le? Ka hmeichhe duhzâwng pawh va ni suh.




Ka phone atang chuan a vedio ka neih ho chu ka delete vek a, mahse a mal mum nalh zet leh a âwm bâwr kawh lah mai te, a mawngbâwr tâwk zet techu ka la mitthlâ hrâm tho.



"Jeon Jungkook harh teh, hmeichhia buaipui hman ini lo"

Tihpah chuan ka inbèng deuh sawk a, ka biang chu arawn na zawk mai, thil ka hre chhuak zawk, hmeichhe ben ka vawi khat tawrhna a ni tawh lo na a, khânû ben kha ala na ber ang, fel ber ang zia zângin min bèng ve khanglâng a, ka ngaihtuahna tang chuan ka harh deuh zawk a, henû hi ka ngaihtuahna atanga ka paih bo vat a ngai a ni.



RUBY POV



Class room ah chuan Yiu Ri chu ka bulah rawn thû in min hnèm nghâl mawlh mawlh a.


"A pawi lo Yiu Ri, hnâ ka hmu tawh alawm, part time a nia, hlawh pawh a tha"


"Ani maw! Eng hnâ nge? Hna râpthlâk deuh te kha i thawk a nge aw, i taksa tekha ngaihtuah ve la"


"Teuh lo a hahdam lutuk, nakinah ka hrilh ang che"


"Min hrilh ve mai la"



Lungâwi loh hmèl zet hian ati deuh nâng nâng a, ka thiantha ber laka thurûk neih a ngai chu keipawn hrehawm ka ti ve tho, ka hawikual deuh zak zak phawt a, hrilh ka tum kawngkhâr lam ka melh chiah chu Jeon Jungkook ka hmu tlat,


"Yiu Ri, kal tawh rawh, nakinah ka hrilh vek ang che tûnah chuan a rem rih lo"



Tihpahin ka nem sawn rawk rawk a,


"A nih ka kal dâwn Hmmm...."



Tihpah chuan a chhuak tâu ta nghawng nghawng a, ka inthiam lo ngèi mai, mahse lo sawi zut zut kha tih chi in ka hre bawk si lo.


Jungkook chu ka bulah chuan arawn thu thla ve nghâl thurh a, vawiin a inchei dân chu hmuh avan nuâm chiang tak, Kamis pawdal kurta design hi a ha a, smart pants dum hâ in a kamis hâk chu a bilh lût lèm lo, boot dum lawk zet chu a bun tel leh bawk.


"Chuan?"



Tihpahin min rawn en kar a,


"Hlawh kha i pawm dawn chuan ka pawm a ni mai"


Tiin ka lo chhâng ve vat a,


"Awle, ti hian kan inrem ni rawh se, naktuk tlâi hi ka pu birthday vawi 72 na tûr a nia, ilo kal ngèi ngèi a ngai ang"




Ka phu deuh zawk a,



"Hetah hian i chanchin leh nihna vèl ka lo ziak thla a, i byheart mai dawn nia, chuan hei hi ka card aw, thawmhnaw leh i mamawh lei nân i hmang dawn nia"



Tiin a card chu min pe a, amah chu ka en tawp ringawt,


"I card hi chu ka kawl thei lo ang, kan in hriatna la rei si lova engtin nge min rin theih a, ka tlânbo pui daih thei asin"



Ka tih chuan rum deuh ûl hian min rawn melh a.



"I duh leh tlânbo pui rawh, a lèt leh lam i ngam chuan, i dinhmun leh i nihna engkim ka hria a, ka bialnu chuan thawmhnaw man to tak leh midang hâk ve phâk mai mai loh tûr a ha tûr a ni"


A rawn ti deuh hmak a, ka hmûi chu ka lo ti pawrh vak ringawt, kei hi kut dawh ah min ngai amawni chu le?



Chhân ka tum lai takin professor a rawn luh vâng chuan ka ngawi ta daih a, manse a card hi chu ka kawl thei lo ang.



___________




College building chung berah chuan kan thu dûn a, Yiu Ri te an la bâng bawk si lo, manse hepa bula awm reng hi nuam ka ti thlâwt lo, chapo reuh si, ti hian ka bialpa lem chu ni dâwn ta chu niah, engtia rei nge kan in ngaih ang le?



"En teh Jungkook Shi, ka laka i thatna hi ka lâwm viau na a, mahse i card hi chu ka kawl thei lo ang"


Tiin ka bag atang chuan a card chu phawrhin a kutah chuan ka hnawn hmak a.


"I luhlul reuh hlè mai, i dinhmun ka hria ka tih tawh kha"


Nin hmèl zet hian arawn ti ram hmak a, a tawngkam chhuak hian min tina tlat zèl, mi hausa fa ho hi hetiang vek hian an tawng thin amawni le.


"Ka dinhmun chu ka inhria alawm, manse kut dawh ka ni lo"


Ka ti ve hmak a, nin hmèl zet hian arawn thaw chhuak hak mai.


"Chapo na hun a ni lo, Kei hian ka ruai che a, i incheina tûr pawh ka ngaihtuah vek ang, i chungah hian thû i nei lo, ka thû thû, chuvângin ngâwi reng khân la mak rawh, sawi buai tûr i nei lo"



Tihpahin a credit card chu ka kutah chuan arawn hnawn hmak a, min kalsan nal nal anih chu, a hnung lam atang chuan ka melh tlawk tlawk ringawt.

"In la thû reuh"


Ka phun sap a, a credit card chu enin ka nui vur vur mai, hmang hem hem ila ni mai lawm, enge ka tih theih hi lo en rawh, i châk lo ngawt ang, ka ti rilru nauh nauh ringawt.


TIME SKIP_____************



Yiu Ri lo bân hnû chuan Teokbokki thak zet ei dûn pahin ka chanchin leh Jeon Jungkook nèn kan in tawn dân vèl techu ka hrilh a, mak a ti lutuk chu a âu leh hluai thin.


"Awi...keichu i vânneih ka ti, Jeon Jungkook hi misual tak chu a ni lo tawp ang"



A tih chuan dik ti zetin ka lo bu nghauh nghauh a, ka ring ngam tûr a ni,ka rin anga a awm loh chuan kum khua in ka ring leh tawh ngai lovang.



"Hawh thawmhnaw chu en kâwi ila, ka kal pui ang che ka hman alawm"



A tih chuan phûr zetin kan kal dûn a, khawilai hi nge chakâng leh man to ber ni ang, Designer thawmhnaw han en èm chu ka ngam bawk si lo, Department store ah chuan kan lût ve thuai a.



"Lo leng rawh u, Nula te u, eng lam nge in zawn a?"



Dâwr a thawk Nula smart zet chuan alo ti vat a, hetiang dâwr lian leh changkângah hian ka kal ngai lo a, an polite in customer an care si, nuam lo ka ti tèp a ni.


"A...ka bialpa pu birthday lawmna ah ka kal dâwn a, eng ber hi nge ha ila tha ang?"



Tiin dawr nghâk tu nu chu ka'n zâwt lèt daih a, mak tih hmèl deuh a min en deuh ho hnû chuan a insiam rem leh nghâl vat a.


"He lamah hian min lo zui rawh"



Tihpahin room dangah chuan min hruai zèl a, inla changkâng hmèl zetin awm mahila hèng thawmhnaw nalh zet zet hian ka kâ hi min tih chîp tîr thei thlâwt lo,Yiu Ri nèn chuan âng phuau in kan zui ve hnak hnak ringawt, kan thing dûn hnik hnek reuh sia, hetiang dâwra kal dun pawh hi kan inhmeh ve hlawl lo in ka hria.


"Hei hi i inhmeh ka ring, han ha chhin la"



Tiin Kawr dum fual hi min rawn pe a,


"A nghâk tu inia keichu ka inchei ngâi loh vângin engmah ka hrethiám ve lova, ka inhmeh ber min thlan sak a ngai ang, i thlan fuh viau chuan ka rawn kal ziah lo ang tih ka sawi thei lo nia"



"Aw...awle..."



Nula chuan a ti bah niai a, a hlâuthâwng ru nghâl hlè tih ka hre mai, ka tawngkam vâng chuan Yiu Ri nèn chuan in enin kan in nuih var var ringawt.




Kawr dum plain tawp, nghâwng V a bân pawh ka ban bul chen lek hi a ni a, ka khûp chung vel thleng hian a fual bawk, nula chuan min en dik deuh vang vang a,


"Duh aiin ati lang upa che in ka hria,mahse i pian a nalh a i inhmeh tho mai,a dang ka'n en leh chhin a nge"



"A ngai lo, hei hi ka duh e, hmeichhe zahawm tak ka niin ka in hria, i thlang thiam e"



Tihpahin credit card chu ka pe a,





Pheikhawk, purse, thî, a vai chuan a tha ber tûra kan rin chu kan lei ve a, a bâk chu naktûk tlai ah, make-up artist rawih te ka la ngâi dawn sia.

___________


Naktûk Jungkook pu birthday chu Sunday a nih vângin Yiu Ri chu arawn riak nghâl a, kan pahnih a kan awm dun tawh hi chuan kan âu chèl chûl zèl.



Kan ti ti mawlh mawlh lai chuan ka phone chu arawn ri thut mai, ka en chu ka number hriat ngai pawh a ni lo.



"Hello?"


"Keimah ka nia, lo chhuak lawk teh"


A âw atang chuan Jeon Jungkook a ni tih ka hre nghâl, rang zet chuan ka tho a, Yiu Ri hnènah chuan thil pawimawh ka neih tûr thû ka hrilh tawp a, ka chhuak nghâl vat.



Vawiin ka thil lei vâng khân min hau dâwn a ni ngèi ngèi ang, enge a card te min pèk teh ei, ka duh lo chung min pe lui a thiamlohna ka nei lo chiang emai a.




Motor parking ka thleng chu a car nghèng chungin a phone chu alo bih deuh ngur ngur a, puma suit Grey rawng a inbel ka vawikhat hmuhna tinge a thawmhnaw hâk hi a inhmeh theih èm èm le?



"Enge i sawi duh?"



Tiin a bulah chuan ka va ding nghâl vat a, inhauh ka inpeih nghâl at bawk.


"Ilo thleng tawh maw, Sawi duh èm èm pawh ka nei chuang lo"



A rawn nui vur vur a, zu rim rawn nam hak hak atang chuan a rûi tih ka hre mai, vawt tih hmèl zet hian a khûr deuh dat dat a, ruah a sûr dâwn pawh a ni maithei a ni, keipawn vâwt ka ti, a awmdân hi naupang duhawm deuh a ang reuh phian leh nghâl.



"Sawi tûr nei si lo tinge irawn kal? I rui ropui si, haw la va mulum rawh, vawt itih èm kha"



Ala nui tho nia, Sazupui a ang hi ka ti thei e, a awm dân chuan min ti nui tèp zèl, mahse ka insûm hrâm hrâm a ni.


"Motor ka khalh thei tawh lo Ruby min thlah mai rawh"



A rawn tih chuan a dâr ah chuan ka bèng thuai a, ala râk that zui, a ruih lohin a chapo sual tehrèng nèn, hrai rûi ziah ila athat dâwn hi.


"Hmeichhia ve si i kutthlâk hi ana thei lutuk"



Ala ti bûi bûi zui,


"Min va han tibuai tak, kan lo intawng kher kher a ni, car ah lût rawh"



Tih hlak pahin a car ah chuan ka thu lût ve râwih a, car ka khalh thiamna ala rei si lo a ka confi lo kher mai, pawi lo e,risk pawp mai ang.




An in chu Google map ah alo chuan kalh vângin Jungkook chu ka zâwt duh ta lèm lo, ti hian muhîl se ka hahdam daih zâwk, ti ila a hnâr ring lutuk chuan min tibuai lek lek zèl.

___________

An in ka thleng chu pui tak a ni, ka hawikuâl deuh ruai ruai a, alo reh thiâp bawk nèn,



"Hey...Jungkook shii, harh teh, in in kan thleng a nia"



Tiin ka'n sâwi deuh dat dat a, a rawn tho chhuak hlawl mai, min hmu chu arawn phu deuh dâwrh a, keipawh ka phut ve phah.


"Engtin nge hetah nang maw?"



Arawn ti deuh hû a, hei hi nia zurûi ka buaipui peih lohna chhan chu.


"I driver ah min hmang, in inthleng ka thlah che a, lâwm thû i sawi dâwn nange"



A tih ang chuan ka'n ti lèt ve a, thle deuh zawk chung hian thil ngaihtuah ni awm tak hian a en ngai chu a en deuh vung vung a,


"Anih ka lawm e, ka car hi chu hâwn la, naktûk tlâi ah lo hruai pah che in ka rawn lam mai dâwn nia"




Tiin a chhuak nghâl nal nal a, an intual zâwlah chuan a tlân phei lauh lauh lai chu nui var var chuan ka en zui reng a, mipa naupang ang mai a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:45 pm

EUPHORIA (Jungkook FF)


Chapter-4


Hlutei JOCUND PACHUAU


Nui sak chuan kan in lam chu ka pan vè nghâl a, car ka khalh thiamna ala rei lo nèn, ka khâwr deuh tui mai,


____________



Ka apartment thleng chu ka inkhalh thleng ve thei hrâm a, ka accident èm lo chu vânnei ka inti ngawih ngawih.

"Khawnge i kal a, ivan rei èm èm?"



Yiu Ri chuan min lo en deuh ho pah chuan alo ti a,


"Jeon Jungkook mawle, hepâ hi ka ning ngawih ngawih, min tibuai reng mai"



Tiin khumah chuan ka muthla ve nghâl hnawk a,


"Ve che a rûk chuan i star hlè kha"



Yiu Ri chuan min ti a, ka nui vur vur ringawt, ka thiantha ber na na na hi chuan min lo hre chiang ngang mai, a hmel leh pian hi chuan ka lung chu dum viau mahse a mizia mawlh hi ka ti thei thak lo.


"Yiu Ri ka kawr thlan kha ka duh leh lo"


"Enga!"



Awki sâng zeta tihpah chuan a tho deuh uaih a,


"Kha aia sexy deuh hlek kha ka'n thlang teh ang"


Ka tih chuan nin hmèl zet hian a thaw hak ringawt, ka duh ngei ngei a ka thlan thin pawh hi a aia nalh ka hmuh chuan ka iai leh nghâl vek zel, ka mizia a nia, ka sim thei lo bawk, bâkah Kawr sexy lam hâk chu a tih chî zâwk dâwn riau a ka hriat vâng a ni.


"Naktuk chu make-up nasa deuhin ka hmang bawk anga, mak chu a ti ve ngawt ang"


Ka tih chuan kan nui dûn kar kar ringawt.



JEON JUNGKOOK POV






Ka pu hian mi thil ti thei tak tak hmèl hriat a ngah bawk a, a birthday lawmna tûr hall pawh kan book zau khawp mai, Kil khatah chuan that chhe zetin An grape chhawp chu ka lo ei mial mial a, hetiâng function ninawm zet a ka awm ve ngâi chu ka hne ngawih ngawih, birthday lawm anih techuan party hut hut tûr a nia, ka pu hian a birthday chhuanlamin a hna lam tâna tangkai tûr bakin a ruahman lo,ning viau mahila ka pu ka hniâl ngam bawk si lo, an music play lah te chu a hmânlai tawh nasa mai sia, Ka unaunu lem pawh a nui nasa khawp mai, ka kâ ah sâwn ka kut tum hi a len hiâl ka ring, a bialpa lah chu inkhuih pial nasa mai sia, midangin an bâwr laih laih laiin keichu tûmân min ngaihven lèm lo a, min be tu ka nei ve zauh zauh chauh, a then phei chuan kan chhûngkaw zîng ami hi ka ni em tih an hriat hlawm pawh ka ring lo, Ramdangah ka awm bo reng bawk nen.



"Tinge khatia ilo thut tûm hmuk reng a?"



Ti tû lam chu ka hawi vat a, Jimin Hyung maw!


"Hyung, engtik in nge ilo haw a?"



"Nichin deuh khân, hawh in dûn ang hmiang"



A mit hmul chu rawn tih sân zauh pah chuan a nui sûng a, kum khat dâwn kan inhmuh loh hnû ah pawh kan inhmuh leh hmasak ber na a athusawi atang chuan kan lo awm dân thin chu a chiâng nghâl mai.


"Mi nghah ka nei a"


Ka tih chuan mak tih hmèl zet hian min en vung vung a.


"Tû? Taehyung shi maw? Ani chu zan lamah chauh a hman dâwn kha"



"Ka hria lawm, midang zawk"



Ka tih chuan ka bulah arawn thu thla nghâl vat a.


"Hmeichhia mi? Nang hian bialnu i nei maw?"



Za zet hian min nuih a, Jeon Jungkook leh hmeichhia tih hi chu a in rem viauna a, Jeon Jungkook leh hmangaihna, bialnu, tih vèl hi chu min hrechiang tu techuan nuihzat viau mahse a âwm lo hran lo.



"Nanghian bialnu i nei maw? A chhelo viau ami khawi ami nge?"



Ka lo nui vur vur a, nuih sûng pah chuan min la sâwi dut dut zui, tinge maw ka lo laih vè èm èm le?


"Law zilai a nia, hmeichhe class sâng lutuk chu ni lo, chuan maw Hyung, a pian analh lutuk ringawt"


Tiin ka'n hrilh ru a, kan pahnih chuan kan nui dûn kur kur ringawt,Jimin hyung chu ka tân ka u ang pawh ni mahse thudik tak erawh tûmah ka la hrilh duh lo thung, nakinah hrilh mai ila atha zawk, Jimin Hyung pawh hi mi hausa fapa a ni a, a pa hian entertainer Company a nei bawk, ani pawh hi ka engkim chu a ni deuh tawp mai.





Thu ho deuh deuh sawi a kan ti ti mawlh mawlh lai chuan ka phone a rawn ri ta, phûr zet chuan ka en nghâl vat a, ka rin ang ngeiin Ruby ngei alo ni.


"Hello?"


"Ka hman tawh e rawn kal rawh"



A tih zawh chuan a off nghâl hmak a, henû zet hi chu âw, hmeichhia pawh hi a ang lo thin ka ti, hmeichhia hi hriatthiam an har rual rualin henû hi ka hrethiám lo leh zual, a tawrh nasat teh lûl nen a mitmengah chiah a tuarna hi ka hmu theih,mahse chu chuan min hîp ru tlat, ka pa duhzâwng tak a ni dâwn tih ka hre chiâng hlè bawk, helai hmuna hruai vat vat chu ka châk zek zek tawh mai.




Jimin Hyung chuan rawn kal ve a châk èm vâng chuan kan kal dûn a, a car ah keipawh ka chuang ve mai a, mahse driver hran kan ruai thung, a chhan chu Jimin Hyung hi anam deuh vâng a ni.

_________



Ruby apartment kawtah chuan kan ding rân a, call lo in message chuan kan thlen tawh thû chu ka hrilh tawp a.



"Hey...Kookie, saw saw a ni em i bialnu chu?"



Ka dârah chuan Jimin Hyung chuan min rawn sâwi deuh nawk nawk a, a kawhna lam chu ka en vat.


Ruby chuan kawrfual pawdal simple zet a pian ti lang chiang deuh mai hi a ha a, a sexy ka tih zia mai chu, a kawr chuan bah sîn te chauh a nei leh nghâl, a sam sei dum hlap chu a hmâwr ati kâwi deuh a, make-up pawh a hmang ve nual mai, ka lo ngaih dân chuan a inlâk fel hmèl dân atang khân zahawm takin a inchei tûrah ka lo ngai ve tawp a,chu chu ka duh dân chiah pawh a ni, tûna a lan dân saw chu a râpthlâk hmèl ka ti, a mal lah chu a lang thui èm èm lehnghâl.

IMG_20200305_221752.jpg
IMG_20200305_221752.jpg (66.14 KiB) Viewed 1958 times


(Thlalâk ami ang hi aw a dress chu, ka sawi fiah thiâm chiah lo a tihian pic nen in mitthlâ thiam theih tûrin ka rawh dah mai)


Jimin Hyung nen chuan chilthli tla dâwn in kan lo en deuh deuh a ni ringawt.

"Va chhuak ta che Mawla"


Jimin Hyung chuan arawn ti sar sar a, ka hamhaih vek, ka in ngaihtuah harh vat a,rang tak chuan ka chhuak nghâl rawk rawk a, Ruby hmèl chiang zeta ka en chuan lens Rawng pâwl hi a vuah tih ka hre chiah, Korean an na pakhat mah a nei lo, a engkim hi a sexy vekin ka hria.



"Ka rin loh lam daihin i in chei a"


"Tinge? Ka lang thui mah mah a mi"


Hlauhthâwn hmèl zet hian arawn ti nghâl a, hmeichhe tumruh leh luhlul zet hi mahni inrin tâwkna a nei lo phián lehnghâl a.


"Night club a kal tûr i ang ka ti"


Tiin ka'n fiam leh zauh a, a hlâuthâwng hmèl hi hmuh nuam ka ti tlat.


"Anih chuan ka inthlâk leh mai dâwn ami? Mahse hun a awm tawh si lo a, engtin nge niang?"


Hlauhthâwn hmèl zet hian arawn ti deuh chûl a, ka nuih aza ngèi mai,


"A pawi lo, mî an tam dâwn tho a tûmân an en chîk chuang lo ang che"


Tihpahin a bânah chuan vuanin car awmna lam chu ka pan pui dâwr dâwr a, pheikhawk sâng a bun vâng nge min chen tèp in ka hria.


"Hey...chutiang ringawt a ni lo"


Ala ti hrâm anih chu, ka lo sawisèl kher kher kha ka inchhîr rum rum mai.


"Hun a awm lo"


Tih hmuk pahin ka kâi lui ta tho a.




RUBY POV



Car a ka lût chu mipakhat hi alo thu ve kur a, ka lo phu deuh zawk zui, nui var var hian chibai min lo bûk zauh a.


"Ka thian anih hi, thian tih lèmah ka u ang a ni mai"


Jungkook chuan ati liâm puat a, amah chauh a ni dâwn emaw ka tia, midang an tel ve kher chu nuam lo ka ti ve tèp, a nui ang vur vur reng leh nghâl a.

"Jimin ka nia"


Nuisâng hian arawn ti a, a âw chu hriat ahah dam ka tih zâwng tak a ni, Jungkook car chu kan hnungah chuan an driver ni âwm tak hian arawn khalh ve bawk a, Jungkook chuan car chu khalhin a bulah Jimin chu a thu a, Keichu seat hnungah ka thu thung.


"Ruby ka nia"


"Korean ini em? I aw phâwi chu Korean a ang bawk sia"


"Ka hre lo, mahse Korea ah hian ka seilian a"


Ka tih chuan Jungkook chu a en vung vung a, fahrah ka nih thû hi ka sawi ning, Korean ka nih leh nih loh thû min zâwt chhèn pawh hi ka ning thin, Jungkook chuan dârthlalang atang chuan min rawn en zauh a, Fahrah ka nih thû sawi lo tûrin rum zeta melh chung chuan ka lû ka lo thing vat bawk.


"Hyung enge ang itih?"



Jungkook chuan thu tak zet hian a ti a , kan thu khel lai arawn thlâk hmak mai, ka thaw deuh huai in ka hria.


"Nakinah a rûkin ka hrilh ang che"


Thu ho deuh deuh Australia an awm lai vèl techu an sawi a, Jungkook bialnu hlui chanchin an sawi lai chuan ngaihthlâk hrehawm ka ti tlat anih chu, enge ka awm dân pawh hi ka hre lo, tinge ka thinrim ve ngawt le, tûm deuh hmakin pawn lamah ka dák vauh vauh ringawt, zu rim anam hak hak reng bawk sia, zu rim hi chu ngâiah ka nei thei hlawl lo.


Suit nalh zet ha dûn chunga zu rim an nam rum rum chu mawi lo ka ti, Jeon Jungkook pawh vawiin zet chu hmuh a nuam khawp mai, a pian in a zir bawk a, a suit hâk chu inhmeh tih piah lam a ni.

_______________




Hotel kan thleng chu mi an lo tam khawp mai, chanchin bu mi tlèm te an lo awm tel bawk a,


"I sawi tûr kha i theihnghilh ange aw?"


Jungkook chuan rawn tih sur sur pahin a bân chu min rawn pe a.


"kei hi khatiang mai mai byheart thei lo tûr khân min ngâi ami?"


In sehchilh deuh tûna tihpahin a bânah chuan ka lo vuan ve vat A, za zet hian ala nui hak zui.


"Kal ang le"


Tihpahin red carpet an lo tih thin ah chuan min kal pui a, ka pian a hnulama a vawi khat nân ka zawh ve ta, chanchinbu mi ho chuan thlâ min lo lâk sak nghâl sup sup a, a de chuai chuai in ka hria, ka mit te vâi vek nia.

________________


Inchhûng kan lût chu ka hawikual leh vak vak tawh, hetiang em em a putar pakhat birthday an lawm chuh, pawisa an va ui lo tak ka lo ti rilru mawlh mawlh a, dawhkân bial hlîr rawngsen dâng leh avar hian chair te nen chuan an khuh vek a, pangpar manto hmèl tak tak techu awmze nei zet hian an târ thliah thliah bawk, pui tak a ni, chu aia la ropui zâwk chu, heta mi ho kal rèng rèng hi an changkángin an thawmhnaw inbel techu ka damchhûng pawha ka hák phâk ve ngai hauh lo tûr vek zu hâ a, an tlereuh inbel techu aman pawh ka ngaihtuah ngam lo zawk.


Jungkook nèn kan lût chiah chu min lo en duh hlawm khawp mai, nui hmèl pu miah lo tûra min tih vâng chuan ka nui lo ve mai a, ka tûm deuh hmak mai.


"Khatin thinrim hmèl deuha awm kher a ngai lo, nui lo tawp rawh"



Inseh chilh rap rap hian arawn ti a, min la kal chak pui em em leh nghâl.

"Awle"


Tiin ka hmèl chu ka'n siam tha leh a, Ka lo tûm nasa deuh pawh ni maithei ni.



Pa pakhat leh Putar dawhkân sei zeta a lo thu te awmna lam chu min pan pui chat a, a pu chu a nih ka ring nghâl hmiah bawk.


"Chibai ka pu, hei hi Ruby a nih hi, Ruby hei hi ka pu a nih hi"


A tih chuan chibai chu ka'n bûk zauh a, chû putar fin hmèl zet chuan min en chîk khawp mai, a bula lo thu ve chu Jungkook pa tih a hmèl atang chuan hai rual a ni lo, ka rin aiin ala tha lai daih leh nghâl.


"Ruby maw i hming?"


Putar chuan arawn ti deuh chuar chuar a.


"Aw ni e, ka pu"


Tiin ka lo chhâng ve sap a,


"Korean ini em? Korean tawng chu i thiâm hmèl bawk sia, ini tiraw?"


A tih chuan Jungkook chu ka en zauh a, a mit chu awmze nei zet hian alo khap zauh bawk.


"German mî ka nia, mahse ka pian tirh atangin Korea ah hian ka awm a"


An lo bu nghauh nghauh a, ka kut lah chu a thlan dup thei nia.


"Anih enge i tih thin?"


"A tûnah chuan law ka zir mèk a"


Tiin ka chhâng chu Jungkook pa leh A pu chu an in en zauh a, Jungkook nèn chuan ti fuh intih hmèl zet hian kan in nuih sak mai.


"Sawi lâwk lo a ka rawn hruai thut vângin min ngaidam dawn nia"



Tiin Jungkook chu apu hma zâwnah chuan a bu zauh a, a pu chu a zah vè hlè mai, kei erawh chuan sawi tûr ka hre leh tawh hauh lo.


A pu chuan a âw chu arawn thiân kharh a.


"Lo thu ula, chaw ei pahin kan ti ti dâwn nia"


Hmèl hlim sar chuan a pu chuan a ti a, function an hman laia ka thleng hman lo chu ka lâwm ngei mai, dawhkân sei zetah chuan kan pali chuan kan thu rân a, hmeichhe pakhat inchei nasa zet mai thawmhnaw pawh very expensive an tih ang deuh khân a man tûr chu ka lo ring thiâm nghâl mai, Jungkook pa bulah chuan a rawn thu ve nghâl a, a hnû deuh ah chuan mipa leh hmeichhia in ngaizâwng ni âwm tak in upat hleih hmèl zet te hi an rawn thu ve bawk. Min hmu chiah chu min en deuh vang vang hlawm a, min en dan atang chuan min ngaihnèp hmèl hle bawk, Jungkook nu anih ka ring mai a, mahse in chhunna pakhat mah an nei lo, abula hmeichhia thu ve saw chuan a ang khawp mai, ka tehkhin dân chuan Cinderella film a Cinderella nu hrawn sual deuh leh A unaunu hmelchhia leh mawl zet tekha an ang ka ti, Jungkook thianpa Jimin pawh chu a ngawi reng tho, nuam lo ka tih zia mai chu, ka hma a ei tûr tui hmèl zet zet pawh chu ka ei ngam lo, min enthup vek maiin ka hria.


"Bawiha, khawnge Taehyung?"


A pu chuan Jungkook chu a en kur a.

"Alo thleng har tawh lo ang"


A tih chuan ka thin alo phu nghâl dut dut mai, Taehyung kha chuan min hre dâwn sa, engtin nge ka tih ang? Ka buai zo vek,


"Engtin nge ka tih ang? Min hre dâwn sin"


Jungkook bulah chuan ka ti ru sar sar a,


"A pawi lo, ka ngaihtuah fel vek tawh"



Awlsam zet chuan arawn ti sar sar a, alo hrilh vek tawh a nih dâwn hi, A pawi chuang lo e, mahse Hmeichhe tha lo leh mi bum hmangah min ngai vek ang a, min ngai mahse thudik chu ni tho sia.

"Ka tlai a ka tihpalh lutuk, min lo nghâk rei tawh em?"



Lo ti lâng lâng tu lam chu kan hawi thup a, Taehyung chu a kawr chung kilh tha mawlh mawlh pah chuan arawn tlân lût dâwr dâwr a, min hmu chiah chu a ding deuh chawt mai.


"Nang maw!"


"Aw....Hyung, i hre tawh lo mi? Ruby kha, Kan college ami ka sawi ziah kha"



Jungkook chuan ding hluai pah chuan a ti a, kan mi mawla hian engmah alo la sawifel awzâwng lo anih hi, min hriat chhuah vaih chuan a pawi dâwn lutuk.


Taehyung chu thil ngaihtuah ni âwm tak hian a ngâwi deuh vung vung a,


"E.....ni tak, ka hria lawm mah kha maw"



Taehyung chuan a kut ben thak thak pah chuan nui huah huah pah hian arawn ti a, an in man dûn ngang mai, Jimin erawh a thut hmunah alo nui char char ringawt.


"Ka fapa hian a bialnu a rawn hruai lût niin ka lo hria a, min hmèlhriat tîr ve dâwn nange?"


Jungkook nu Ramhuai pitar ang deuh chuan alo ti ve vat a, a che zia reng reng atang hian mi tha tak chu a ni lo tawp ang.


"Ka pu leh ka pa in an hre tawh a, ka bialnu a ni tih i hriat tawh techuan in hmèlhriattîr hranpa a ngai tawh kher ami?"



Jungkook chuan hmèl dur khup hian a ti lèt a, an in melh rum khawp mai, Taehyung pawh chu ngâwi reng chuan arawn thu thla zui ve mai a.



"Jeon Jungkook, khatiang khân ka nu hi chhâng rèng rèng suh aw,khawilam hmeichhe duk dak lo nge i rawn hruai hi kan hre châk bîk lo aw, a in chei dân te rèng rèng hi"


A bula hmeichhia lo thu vè chuan thinrim zet hian arawn ti vei tân tân a, min tih dân kher kher chu ka sa deuh zawk, ka kut chu ka lo hûm ruh ngar ngar ringawt.


"Ilo inrawlhna tûr a awm lo, khatiâng khân sawi rèng rèng suh aw, Ruby anih hi"


Jungkook chuan in sehchilh rap rap hian a ti lèt a, ka awm ve lai renga an inhau mawlh mawlh reng chu mak ka ti, chhûngkua pawh an ang lo, chaw ei dâwn ah leh nghâl.


"Duhtâwk rawh u, Ka pianchamah tal chuan inhau lo ve teh u, Ngawirengin chaw kha in ei thei lo mi?"


A pu chuan thinrim zet hian arawn ti ta khur khur a,


"Ka tihpalh ka pu"


Tiin hmeichhe pakhat chuan a ti a, Jungkook Unaunu a nih ngèi ka ring, unau in ngaih lo ve tak chu an ni.


"Ngaihdam dîl ve tache"


Taehyung chuan Jungkook chu alo ti ve vat a,


"Ka tihpalh ka pu"


Jungkook chuan a ti ve mai a, tleirâwl sual ang mai a ni, ala lungâwi lo tih a hmèl atang chuan ka hre mai, a kun deuh ngul a, a inseh ruh nasa tih a bek rawn pâwng talh talh atang chuan ka hre thei.


"I vawikhat rawn kalna a hetiâng i tawng hi pawi ka ti khawp mai Ruby"


Jungkook pa chuan arawn ti a,

"A pawi lo, chhûngkaw lian thamah chuan hetiang hi a awm ve thin alawm "


Ka lo ti ve vat a, ka âw chu a khûr tèp in ka hria.


"I nu leh pa ten enge an tih thin?"


A pa bawk chuan a ti leh a.


"A nu leh pa chuan swizerland ah Grape huan an nei a"


Jungkook chuan min lo chhân khalh vat a.


"Jeon Jungkook, nangmah ka zawt lo che"



Apa chuan ati ram hmak a, Jungkook chu a ngawi ta hmak mai, mawl lutuk, ka mark ati chhe tèp alawm.


"Aaa...ka nu leh ka pa chuan Grape huan enkawl pahin Grape atangin wine te an siam thin a"



Tiin kan boruak rit zet chu thlâk tumin ka'n tawng ve a.


"Anih chu, kan college ah maw i luh a, engvângin nge lawyer nih i tum?"


Eng ang zawhna nge mawni ngai le? Hna sâng deuh thawk tura interview ka ang ber in ka hria, mahse ka zâm chhe mai tûr a ni lo.


"Ka naupan lai atanga ka dream a nia, Kan chhûngkua hi khawsak harsa tak kan ni ve thin a, mahnia in châwm pah in school te ka kal a, mahse tûnah chuan ka nu leh pa thawhrimna zârah nuamsa deuhin College pawh ka kal thei tawh"


Apa chu a bu nghauh nghauh a.


"I kawr kha tû design nge?"


Jungkook nu chuan chapo zet hian arawn ti a, Jungkook in tawng a tum chu a kè ah chuan ka rap zauh a, ala râk thawt zui, rum zet chuan ka melh a.


"Ka hre lo, incheina hi ka uar lèm lo a, Dân bu page 20 na ah enge inziak tih min zâwt la chu awlsam takin ka chhâng ang che"


Ka tih chuan Taehyung chu arawn nui hak a, Jimin pawh chuti tho, Jungkook pawh chu alo nui var var a, a unaunu erawh chuan min melh kâng tèpin ka hria, zâm map lo chuan ka lo en lèt ve kar a, a tawngkam duhtui loh dân atang khân hmeichhe rilru tha leh thianghlim tak chu a ni lo tawp ang, a nu lah chuti bawk, Jungkook nu tak tak a nih pawh ka ring lo e a.


"Ni e, ka fanu i zâwt mak bawk èm a ni, ka monu tûr diktak ini in ka hria, ka tupa kawh mawh bâwl zet hi i siam that theih ka ring tlat a ni, i lo lèng ziah dâwn nia"



A pu chuan nui var var pah hian a ti a,


" Ka lawm lutuk e ka pu"


Jungkook hmèl ka en chu ei loh hmèl zet hian min lo en a, rum zetin ka melh lèt ringawt.


_______


Ngawi reng chuan kan ei leh ta mial mial a,


"Eheu...Mr Jeon mithar in nei a ni maw?"



Rawn ti tu lam chu ka hawi vat a, ka rei!!!....ka duh thei lo, Construction company nei tupa Mr Nam a nih saw, Stripper hnâ ka thawh lai khân kan customer hlun a ni sia, LalPa min pui teh, min hriat chhuah vaih chuan engkim a pawi vek ang.


Ka fian ken lâi chu ka thlauh chawrh a, min rawn enthap mai, ka kut chu a khûr nghâl der der a,


"Mina ini em?"


Min rawn kâwk ta, ka khûr nghâl zawih zawih a, Ka kut khûr chu an hmuh ka hlauh vâng chuan ka mal chungah ka dahthla ta daih a,


"Min hai anih ka va ring èm"


Ka âw chu a khurh loh nân ka control nasa khawp mai.


"Hey...phakar suh aw, inchei danglam viau mahla ka hai thei lo hrim hrim che, Saw lai bar a lâm thin kha ini chiang lutuk"




Nui huah huah pah chuan ala ti ta deuh deuh chu niin,ka hnunglamah chuan rawn kalin ka dârah chuan a kut hian min rawn khawih nghâl duak duak a, ka hmaizâwn chètah chuan rawn kûn hniamin


"Baby zan in chu hlim deuhin hun hmang dûn ang hmiang"


Ka beng bulah chuan arawn ti sur sur a, ka ten lutuk, ka tawng ngam bawk si lo, ka kun tlawk tlawk ringawt.



Thâwk leh khatah a taksa chu arawn hrang dâwrh a, thil ri chawrh ri ka hriat rual chuan hmeichhe tè thawt thâwm chu ka hre zui nghâl bawk, ka hawi chhuak chu Jungkook chuan Mr Nam chu alo hnek mawlh mawlh a, Taehyung leh Jimin chuan an pawt hrang nghâl vat.


"Engthil nge maw itih le Jeon Jungkook, Mr Nam hi ka pu partner a nih hi"


A unaunu chuan thinrim zet hian a ti a, Jungkook chu a mengdur khûih ringawt, ka mittui tla mai tûr chu a tlâk loh nân ka khap fak fak a,


"Ruby a khawih dân kha i hmu ve lo mi? In hmu ve em ka pu, Ka pa"


Midang lah chuan min enthup bawk si, A pu chu beidawn hmèl zet hian a indawm kun lap a.


Jungkook chu va pan hnâiin a kutah chuan ka vuan dè dè a, a kut lum thur thur chuan ala thinrim zia min hriattîr ni maiin ka hria.



"A tâwk tawh"


Tih zawng chu ka sawi thei, ka mittui chu arawn tla nghâl zâl zâl a, Jeon Jungkook chuan min en reng a, tûna a mit meng hi chu ni danga min en thin dân nèn a in ang lo, a danglam tlat, mahse enge awmzia chu ka hre chuang lo na a, a danglam tih zawng ka hria, min man chhuah a hlauh vâng pawh a ni maithei a ni, min man chhuah chuan ani pawn a tuar ve dâwn sia.

"Mr Nam, i hai a ni lo maw? Hei hi chu Ruby a nia, ka fapa bialnu a nih hi, chuan a thil tih vâng khân ngaihdam ka dîl e"



Tiin a pa chu arawn tawng chhuak a, Mr Nam chu a rawn kâi tho vat bawk.


"I fapa hi chu zilh tha deuh la tha ka ti khawp mai"


Tihpahin Mr Nam chuan a kam sîr rawn thi ser ser chu a tuai zauh a, Chîk zet hian min rawn en kur mai, ka en tha ngam lo, ka lo hawisawn daih.


"Apawi ka ti khawp mai"


Apa chuan a ti leh a, a fapa tihsuala ngaihdam a dîl chu a tlâwm thlâk ka lo ti ngawih ngawih, mahse a che mawi lo èm a nih kha.


"Awle, ka hai pawh a ni maithei ni"


Tenawm zeta nuih pah hian min rawn en leh kher a, ka chil ka lo lem khawlh ringawt.


"I chiâng maw? Bar a lâm thin a ni lo tak tak em?"



Ramhuai pitari chuan ngei awm zeta min melh pah hian a ti a, a fin hmèl kerkawr sia ka thin alo su dup dup mai.


"Saw lai bar ah saw chuan Foreigners an awm nual a, ka hai anih ka ring"



Mr Nam in a tih chuan ka thaw deuh huai in ka hria.


"Ka chèt dân vâng khân min ngaidam dawn nia"



Tiin ngaihdam techu min rawn dîl a, a awm dân hi ka ring tlat lo, min hre ru reng ni a hriatna ka nei tlat, engemaw tak tih a tum a ni mai law'ng maw, mahse tûnah rih chuan ka him a ka lâwm tâwk tawh tho e.


"Jeon Jungkook, Mr Nam hnènah hian ngaihdam dîl rawh"


A pa chuan ti nghâl khur khur a, Luhlul hmèl zetin Jungkook chuan Mr Nam chu rum zet hian a en kar mai.


"Ni e, Ngaihdam dîl rawh le"


Tiin Taehyung chuan a dârah chuan alo bèmg thak thak a,


"Aih, a phû tâwk chiah anih kha"


Zâwi sup hian arawn ti hmak a nih chu, Mr Nam chu a rawn per deuh at a.


"Mr Jeon i fapa hi ilo hmû em?"


Thinrim zetin Jungkook pa chu a ânkhum a, midang chu kan lo ngâwi thap thung,


"Ngaihdam dîl rawh ka tih chu"


A pa chuan awki sâng zeta a tih chuan ka lo phu zawk a, ka thin chu a phu dup dup thei, a pa meuh a thinrim tawh chuan ngaihdam dîl mai tûr a nia.


"Ka dîl dâwn lo, in partner a nia, Ka partner a ni ve hleinèm, ka pa, nangin i dîl chuan a tâwk"


A ti zo chiah chu Jungkook hmâi chu a ri nghâl sawk mai, ka lo tè deuh that a, ka hmûi ka hup nghâl vat bawk, ka rin ang ngèi a ni e, a pa thinrim mitmeng sen rûm ka hmuh chuan hlauh avângin ka khûr chhe lo chauh, Jungkook chuan ka kut chu nghet zet hian a hmer a, ana ka ti lek lek.


"I hmèl ka hmu duh tawh lo, zan in atân chuan kal bo rawh, buaina thlen tu inih hi"


Apa chuan thinrim aw khûr deuh dur dur chuan ati chhur chhur a, Jungkook chu a kûn ngal mai, ka khawngaih takzet, chuan a pa in a tawngkhum duh dân chu mak ka tiin räpthlâk ka ti bawk.


"Kal ang u"



Jungkook chuan tih sap pahin Min kâi chhuak ta dâwr dâwr a, Taehyung leh Jimin pawn min rawn zui ve nghâl vat bawk.



________________


Jungkook, Taehyung leh Jimin techuan min thlah a, kan ngâwithap mai, sawi tûr avâng khawp mai.



Jungkook chuan car chu a khalh a, kei leh Taehyung chu seat hnungah thu in Jimin chu Jungkook bulah a thu thung,



"Nichin thil thleng vâng khân inthiâm lo duh suh aw,khapâ khân a phû ve rèng anih kha"



Taehyungin a rawn tih chuan ka lo phu deuh zawk a, ka awm lah chu nuam lo èm èm leh nghál, ka mittui lah chu engvânga tla ve chhèn nge a nih pawh ka hre lo,


"Keimah vâng veka thleng a nih kha, ka hria lawm"


Ka ti zâwi sap a, ka khuh nghâl kharh kharh bawk, engmah chu an sawi tawh lèm hlei lo a, ka taksa hi a chau ngawih ngawih ni maiin ka hria, chaw pângai ka ei loh vâng chu a ni tak tak ang, lehkha ka zir nasa in ka thawkrim bawk si a, ka taksa hian a mamawh tûr chaw ka pe ngai lo èm a tin ni, ka ngaihtuah lai tak chuan ka pum chu arawn ri ruk ruk a, ka zah zia chu, zah zèlah tukverh a dâk pahin ka mittui chu ka hru sawk sawk ringawt,


"Helai hnâiah hian restaurant a awm em?"


Jungkook chuan arawn ti a,


"Awm ang ka ring"



Tih ringawt chuan ka chhâng a, car a tlân na chu ka apartment kawng a ni ta hauh lo, a tlân pèl daih nia.


"I tlân pèl tawh a nia"


Ka tih chuan Taehyung chuan min en vat a,

"Restaurant ah châwl ang u ka ril a tâm"


Jungkook chuan A ti deuh hmuk a, keipawh a tám, khatiang thil kha thleng lo pawh ni se a chhûngte in la strict vèl lutuk khân engmah pawh min ti ei tha ngam lo, a nu phei kha chu, ramhuai pitar chiah chiah,


Restaurant a hmuh hmasak berna kawtah chuan a ding chat a,


"Ruby engmah ila ei loh kha, hawh kal ang u"


Jungkook chuan dârthlalang atanga min enkur chung chuan arawn ti a,


"Nia, keipawh ka ril atâm I pu bulah hi chuan chaw kaw puar pawn ka ei tha ngam ngai lo"


Jimin chuan alo ti ve deuh nâng nâng a, mahse tinge ka taksa te hi a khurh deuh der der reng le? An pathum chuan an chhuâk sap sap a, Jimin leh Taehyung chu an lo va lût nghâl hmak mai, Car kawngkhâr chu Jungkook chuan arawn hawng ruk ruk a.


"Lo chhuak rawh, i ril a tâm tih ka hria nia"


Vawt deuh ruih hian a rawn ti a,ka laka that a chhuah hian ka thin a rim tlat zèl, min khawmgaih vâng tih ka hria, ka chapo vâng nge mî khawngaih nih hi ka thil duh loh ber a ni, nichina thil thleng te kha, kut thawh hmasa lo in tawngkama sawi fel theih a ni reng sia.


"Min ngaihtuah suh, nangmah chauh kha in ngaihtuah rawh"


Tiin ka lo chhâng hmak a, chhuah pawh ka tum chuang lo, nichin thil thleng vâng khân ka la lungâwi thei lo, a pa in a ben kher ngai lo khân ngaihdam dîl ve mai se tha tûr a nia, ka thaw rawn sa ham ham atang chuan ka khua asik tih ka hre nghâl mai.


"Thinrim duh suh, tanpui che hi ka châk bîk lo aw, nangma tân a ni lo, keima tân vekin a nih kha ka tih, i lo kal duh loh chuan i thû alawm"


Tihpahin car kawngkhâr chu a khâr leh hmak a, a tawngkam na thei lutuk hian ka thinlung hi a vit zawk zawk zèl, tinge hetia ka awm tlat le? Midang pawn na tak takin min tawngkhum a, Mi hurnu, tih tepawn, mahse ka rilru ana ngâi lo, hepa hian min tawngkhum ve deuh hlek tawh hi chuan ka na bîk ngawih ngawih in ka hria, a rilru tak tak a sawi chhuah vek thin vâng pawh hi anih ka ring.



Car atang chuan muangchângin ka chhuk thla ve chhat chhat a, dawr chhûng lam chu ka pan ve vat, ka hawi kuâl chu Taehyung chuan abân chu alo phar zauh a, Taehyung kiangah chuan ka thu thla ve vat a, Jungkook chu ka hma zawn chiah ah a thu a, mahse en pawh min en lo in a phone chu a bih ngar ngar a, ka thut fel hnu rei vak lo ah chuan Pizza leh beer chu an rawn chhawp dal mai a, mahse Ka ei tûrah chuan vawk Sa leh thlâi hring leh Ramen te, teokbokki te, Fish cake te an lo chhawp vek a, a ngaihna ka hre lo.




"I bialpa hian a care khawp mai che"


Jimin chuan nui deuh vûn vûn hian arawn ti a, ka lo nui ve sak mai,

"Ka lawm e Jungkook shi"


Ka tih chuan min rawn en zuk a, a bu nghauh ringawt, min nuih lèt ve tal ka lo beisei asin le, tûmah ngaihsak tawh lo chuan ka ei mial mial a.


"Ruby hi hmeichhe invawng leh inla no zet tûrah ka lo ngai che a, i thil ei dân atang kha chuan mipa i ang ka ti mah zawk"



Taehyung chuan ati chhuak fuk a, ka insûm thei tawh lo, vawksa hmuam tûn chungchuan ka nui chhuak hak mai.


"Ehe i nui ve thei alaw?"


Jimin chuan arawn la ti zui, Ka nui vèleh ta e, Jungkook erawh chuan kan thusawi te hrelo ang mai chuan a ei mial mial a, Beer chu a tlâk pap pap reng ringawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:45 pm

EUPHORIA (Jungkook FF)

Chapter-5

Like and Comment 💜💜💜💜💜 😉😉😉😉......


Kan ei zawh hnû chuan dar 11 alo pèl duai tawh, a ngâi tè ang bawk chuan car ah chuan kan thu ho leh thâm a, mahse ka khawsik erawh ala zia chuang lo.


"Ruby i hmèl kha ava dâng ve?"



Taehyung chuan ngaihthat loh hmèl zet hian min rawn en a,


"Ka nuam sam vak lo a, a ho lutuk"



Nui lui sak chuan ka'n ti a, Tukverh glass chu hawngin thli vawt tak rawn thaw lût heuh heuh chu ka hîp lût vang vang ringawt.



____________


In ka thleng chu ka mu hahdam vang vang a, damdawi kawl sa mai ka lo nei lo bawk nèn, tui vawt chuan pang sâ chu ka dep dâi ta ringawt a, mahse ka pang chu dâi mahse ka taksa ngut ngut
leh ka chhûngrila khawsik er er reng erawh areh phah chuang lo.



Yiu Ri chu ka phone vat a,


"Iva che tha em? A pui viau lo maw a pu birthday lawmna chu"


"Mmm...a nuam reuh lutuk, Yiu Ri hna thawh tûr chu ilo hre tawh em?"


Ka'n ti chhunzawm zat a,


"E aw...part time in a nia, Dar 6 atanga zan dar 10 thleng a nia"


"Englam nge a?"


"Restaurant ah, Gangnam ah tho hian mawle, i appartment atang khân a hla lo ang, Mahse i hriselna te kha ngai pawimawh ve la"



A rawn tih chuan ka nui suk a, ka khuasik mèk tih ka hrilh leh lek phei chuan min hau leh nasa viau ang.


"A nih ka dah aw"



Ka tih rual chuan ka off ta hmak a, Jeon Jungkook chuan pawisa min pe teuh teuh reng dâwn pawh ni se amah ah hian ka in nghat reng thei lo, a chhan chu engtik lai pawha man chhuah theih reng ka nih mai bâkah min man chhuak anih vaih chuan college atang hnawh chhuah ka ni ang, ka hman chawp mai piah lamah ka inkhâwlna tûr thawh chhuah tel ka ngai.




TIME SKIP


NEXT MORNING


Zîng ka harh chu ka lû te hi ana deuh lûk mai, Khawizu tui chu ka in deuh khawlh khawlh a, Chaw pangai ei dâwn pawh ni ila engmah in ah ka kawl si lo, pawi lo, Teokbokki ka ei leh mai ang.




Ka inbul maia kawngsîra an Teokbokki lo zawrh chu ka ei mial mial a, vawiin ka class kal tûr chu ka va han phûr lo tak.


Kawngpui lam en a ka hawi vauh vauh lai chuan car hi arawn ding deuh chawt a,


"Lo lût rawh"


Jeon Jungkook bawk maw!...a hmûi bulah chuan hliâm thar lâm zet hi a nei tih ka lo hmu leh hman pek a, tunge a insual pui leh ang aw.


Ka chhâng lo, ka thil ei lai ka ei zawh hnû chuan muangchângin ka lût ve mai a, dawh thei taka min lo nghâk chu mak ka ti ve tawp.


"Mak ti vak duh suh, kan college ami ten an hre deuh vek tawh ang, chuan tunge inih hi hriat chian tumin an bei luih luih ang"



Awlsam zet chuan a ti a, a rilru hi chu tha viau mahse a tawngkam mawlh mai hi, amah a in dah sâng mah mah thin.


"Tinge i hmûi kha?"


Tiin thildang chu ka sawi ta daih a,


"Ka pa nèn tûkin chu kan in fight leh a"


Awlsam zeta arawn tih chuan nizân thil thleng kha ka hre chhuak zawk mai, aia upa te zah nachâng pawh hi a hre hlawl lo, ka bialpa tak tak a ni ang tih ka hlau ngawih ngawih, nge ni a an chhûngkua hi tiang hian an awm bual bual thin zâwk le?


"First aid i nei em i car ah hian?"


"Nei e, tah khân a awm"



Tihpahin first aid box awmna chu arawn kâwk zauh a, First aid box chu hawngin a hmûi pem a, damdawi hnawih tûr chu ka la chhuak a,


"Enge maw itih le?"


A ti deuh sup a,


"I hmûi ah khân ka hnawih dâwn, car hi ti ding lawk teh"


Ka tih chuan arawn nui hak a.


"Midang ngaihtuah thei pawh inih loh kha aw"


Ati deuh sup a, min tawngkhum dânah hian hmuhsit na tel tlat thin hi ka insûm zolo tèp zèl, mahse engmah sawi lo chuan ka ngawi daih thung, a chhan chu vawi hnih lai ka buaina ata min chhanchhuak tu anih vângin ka insûm hrâm hrâm a ni, ni lo se chu ka pèt hrep tawh ang.


Ka ngawih daih vâng chuan car chu a ti ding ve mai a, a tih din vèleh lapua ah chuan damdawi chu ka tât mawlh mawlh a.


"Khawi lo kûn hniâm rawh"


Ka tih chuan awlsam zet hian arawn kûn hniâm ve mai a, kan in en hnâi lutuk chu ka zâm tlat, ka lungphû chu a rang deuh dut dut a, enge maw ka hriat le? Ka awmdân chu a hriatthiam ka hlauh èm vâng chuan ka in control hrâm hrâm a, a hmûi a, a pem ka hnawih chuan alo then deuh sak sak a, amah ka en chu min lo en ve chiah bawk, hnâi zeta mipa leh hmeichhe mit a intawn hi chuan engtin emaw hian an awm thin an tih kha alo dik tak tak a niang, ka zâm takzet, ani pawh chu a awm dân a dik lo tih ka hria, minute 1 dawn kan in en reng hnû chuan arawn kûn deuh riai riai a, Min kiss a tum tihna emni ang? , ni lo, rang zet chuan ka in la hrang vat a, a âw chu arawn thiân ta kharh mai.


"Kal tawh ang"


Tih ringawt chu ka sawi a, ani erawh chuan engmah sawi lo chuan motor chu chak zet chuan a khalh chhuak nghâl a.


School ah pawh chuan kan inbe tawh lo, period khat chiah kan lâk dâwn vângin class kan la zo chu Yiu Ri ka lo nghâk a, Min kal pèl tu te lah chuan min en duh hlawm si, an in hrilh ru zui nghâl sap sap hlawm bawk a, Yiu Ri alo bân veleh chuan Canteen lamah Sandwich chu kan ei dûn a, canteen ami tepawh an bâng chuang lo, ka thil ei pawh an ti tui tawh hrep hlawm lo e a.



"Ruby, hmundangah kan ei daih lo a"


Yiu Ri chuan arawn ti sar sar a,


"A pawi lo, ei zo ila kan haw nal nal dâwn nia"



Ka tih chuan an phun ri chu a ai chuan arawn ring chur chur a,


"Ruby saw alo kal"



Tihpahin kawngkhâr lam chu a melh zauh a, ka hawi phei chu Jeon Jungkook anih vâng anih hi an phun ring em em.


Mahse vawiin a inchei dân hi ni dang aiin a in hmeh ka ti, Fila jacket tial a ha a,a hnuai ah t shirt dum plain a ha tel bawk, Cargo pants dum leh boot dum lawk zet mai suihna tam deuh ang chi kha a bun leh bawk, kan bul arawn thlen chuan a hawi kual deuh vut a,

"Ka lo thlah ang che u"


Tih ringawt chu a sawi a,Yiu Ri chuan ka deuh huau hian alo en vung vung mai.


"In haw hman tawh chuan?"


a rawn ti leh a, Yiu Ri chu ka en zauh a,


"Ruby ka nu in min lo lam dâwn sia, lo va haw mai rawh"


Yiu Ri chuan alo ti daih a nih chu, midang ho lah chuan kan inbe lai chu Drama en ang mai chuan an lo en thup a, High school kal lai tih âwm tâwk vèl a ni, naupang chhia pawh an awm tawh si lo a, an va han mawl hlawm teh tuh tak.


"Mahse ka rualin i haw ve dâwn maw ka lo tia"


"Aih, ka nu chu i hriat kha, kal vat zawk rawh arawn thleng tèp a nia"


A ti deuh chûl a, dâwt nge thudik pawh ka hrethiám tawh lo e a.


"Awle"


Tihpahin ka tho ve mai a,


"Kan ei man ka'n pe lawk a nge"


Ka tih chuan Jungkook chuan dawh theih loh hmèl zet hian a thaw chhuak deuh hak a.


"Keiman ka pe tawh"


A tih chuan Yiu Ri nèn chuan pháwk hrâ hian kan en dûn a.


"Tinge ilo pèk?"


Ti a zawh ka tum na a, mahse beng hlîr a awm vâng chuan ka zâwt duh ta lo, thinrim zet chuan ka zui chhuak ve ta nge nge a..






Car ah chuan ka thu ngâwi reng a, a bialnu ang tak taka min en a tum anih vaih chuan a châk lo ngawt ang, ani ang mipa hi ka duh teh hrep lo e, a hmel leh a pian chuan ka duhthu a sâm viau nângin, keichuan hmel leh pian ai chuan mipa rintlâk tak, mahni thutiam ding nghet thin leh polite tak ka duh, Jeon Jungkook anga che buan buan thin hi chu ka ti thei thak lo.




"Tinge kan ei man kha ilo pèk a?"



Tiin amah chu ka enkar a, ani erawh chuan a motor chu uluk zeta khalh ni âwm fahran hian kawngpui lam chu alo melh ngar ngar thung.


"Ka tih tûr alawm"



Awlsam zet chuan a ti a,


"I tih tûr anih na a awm lo, kei hi i bialnu lem chauh ka ni, ka thil tih zawng zawngah in rawlh tum suh"



Chiang tak leh fiah zet chuan ka ti a, ka awkî erawh asâng hauh lo thung, thâwk la hak pah chuan min rawn en a.


"Ka ngaihtuah tak tak che ah ngai suh aw, khatia lem ka chan kha a tûl vâng a ni, nge ni a ka duh tak tak che ah ilo ngai zâwk ami a?"



A tih chuan chhân dân tûr ka hre lo, ka hamhaih vek,


"Ka type ini lo Ruby, chu vângin ka awm ang ang hian min en tawp rawh, a tûl vâng chauh a ti ka nih kha"



A ti leh fak a, sawi tûr rèng ka hre ta lo, kan mizia hi a in ang lo èm a, minute khat lek kan awm dun pawn kan inhâu nghâl zèl chu ni sia, lem changah pawh film a an chan ang tak taka awm hi a ngai dâwn a nih hi, anih loh chuan min la man chhuak thuai ang.

_________________


In ka thlen chuan lehkha chu ka zir nghâl malh malh reng a, mahse Jeon Jungkook bawk ka rilru ah arawn lang leh tawh.


Min duh lo tih ka hre ve reng tho sia, khatia han in tawngkhum kher, keipawn nga tân mah ka ti tawp si lo, ani techu mî sawi dân phei chuan playboy an ti thin, ngaihzâwng mûmal pawh nei lo in hmeichhe dang dang a kawp kual a, thudik a ni em chu hre lo mahila ka tân engmah a ni lo, ngaihtuah lo zâwk teh ang.



Ka lehkha zir lah chu ka rilru ah a lût thei hlawl lo, ka phone rawn ri cher cher ka en chuan kan pi number a nih hi, ka phu deuh zawk a.


Ka la angem? Enge a sawi duh ni ang le? Ni tak e,a pawisa Million 5 lai ka ba tak,


"Hello?"



"Mina, enge i tih tâk zèl a? I dam tha maw"



Aw dam zeta arawn tih chuan ka lakah beisei anei tih ka hrethiam nghâl mai a,


"Aw dam e, Hei hna thar ka hmu a, kal tûrin ka insiam mèk a"


"Anih chu, tûnlai chu an rawn zawng deuh reng che a, fans i ngah tih chu i hriat kha, lo kal leh mai ta che, a hmâ aia hlawh tha kha ka pe ang che"




A tih chuan ka chil chu ka lem deuh khalh a, hlawh chu tha viau dâwn mahse khatiang hna zahawm lo lutuk kha ka thawk leh duh angem? Engtin nge ka tih ang?


"Ka lo in ngaihtuah dâwn nia, ka lo be leh ang che hei ka tlâi dâwn a"


Inthlahrung zet a ka tih chuan in la fel fahran hian a dah ve mai a, engtin nge ka tih ang aw, thawk leh ta ila, ni lo, Million 5 chu khawi atangin nge ka rulh ang, hman hmawh zetin ka passbook chu la chhuakin ka'n en a, Chèng sing nga chauh ka lo nei nia, hei chu College kalna a mamawh leina tûra ka dah that chauh kha a ni si a, heipawh hi ka lâk chhuah leh vat a ngai dâwn, ka rilru avan hah tak èm, phûr lo zetin ka hna thar a kal tûr chuan ka insiâm a.





______________



JUNGKOOK POV




Dârthlalanga ka in en chuan ka hmûi pem chu alo lang nghâl va a, Ruby khân damdawi min hnawih sak tak e, mahse tinge kiss ka tum le? Kei hi ka â tawh a niang, a chhelo in a sexy a, a pian a nalh tih pawh ka hria, mahse a mizia hi ka ngaina hlawl lo, a kum ang rual hmeichhia techu an harh in an tawng siam siam thin a, cute deuh deuhin an awm thin sia, henu ve hi chu biak tawng zawh ahar si, a cool ruih reng a, a bula ka awm tawh hi chuan ka nu kha ka hre chhuak thin, ka nu nunnèm leh mize zâwi tak ang mai kha a ni, manse ka nu kha chu a tap ngun hlè a, Mahse Ruby erawh hi chu hetiang khawpa hrehawm a paltlang chung pawh hian a tap lai ka hmu khât angreng, a mit meng chiang taka en lo tân chuan a tawrhna leh a rilru put hmang hi a hriat theih thin loh.


"Kan Mi Mawli chu chaw te kha a ei tha ngem le?"


Ka phun sup a, engemaw ka ngaihtuah em em reng le? Ka khawngaih vâng chauh aniang, hmeichhe khawngaih thlâk tak si hi khawngaih lah chu a duh miah lo leh nghâl.



"Kookie"




Kawngkhâr ah chuan Ajhuma hi alo dâk dèk dèk a, Ajhuma hi ka naupan tèt atanga min enkawl seilian tû a ni a, ka nu ang maia ka ngaih thin a ni bawk, mahse tlangvâl ka ni ve tawh a Kookie ti a min ko ziah hi chu nalh ka ti tawh lèm lo.



"Enge ni ta, i kawng na chu enge a an tawh a?"


"Ka ngaih lutuk, ka lawm lutuk a nia aw, mahse damdawi kha ka nei tawh lo a, Min lei sak thei angem? Red Ginseng nèn"


Inthlahrung zeta tihpahin a bag atang chuan pawisa zawr zet zet hi arawn phawrh a,


"Ajhuma duh tâwk teh, ka kal a nia"


Tihpahin ka hoodie dum chu ka la chhuak vat a,


"Mahse Kookie pawisa hi"


"Ajhuma, i fapa in damdawi a leisak dâwn che a tinge pawisa min pèk i tum a? Ka naupan laia min tihsak thin te ngaihtuah chuan ala nèp lutuk"



Ka tih chuan a mit chuar ve tawh tak kar atanga mittui rawn tling kiau chu ka hmuh hmaih lo chiang kher mai.


"E Ajhuma ka kal hmâ in Bibimbap min lo siam sak la, mi pèk tûr ka nei a"



"Awle, Choka lamah i rawn lam thla dâwn nia"



A tih rual chuan a chhuak ta nghâl vat a, Ajhuma Bibimbap siam kha Ruby pawh hian ei ve se tui a ti ve viau ang, tinge henû pawh chu ka ngaihtuah èm èm reng le? Ni e, ka khawngaih vâng a ni, keichuan ka bul hnâi ami te hrehawm tuar lai hi ka hmu thei lo, Ruby hi idol ka nih theihna tûra hmanraw tha tak a ni a, a hrisèlna ka lo ngai pawimawh chu thil âwm lo pawh a ni hran lo.




______________




Damdawi dâwr ka hmuh hmasak berna ah chuan Ajhuma damdawi tûr chu ka lei sak a, Red Ginseng erawh chu hmun dangah ka zawng mai ang.




Ruby apartment chu ka tlân pèl zuau zuau a, mahse Red Ginseng an zawrhna dâwr ka hmuh mai loh vâng chuan ka la lût kâwi duh lèm lo.


Dawr pakhat ah chuan ka lût ve tawp a,


"Lo kal rawh dawhkân hauh sa te i nei em?"



Dawr nghâk tupa chuan alo ti vat a,


"Nei lo, Red Ginseng in nei mial em?"


"Aw nei e"



Rang zet chuan ati a, a pâ zân loh vâng nge min en duh èm èm leh nghâl, ka ten zâwng tak a ni.


"Lo kal teh, bar ah pawh i lâm fo tawh kha, min lám pui ve mai la"



"Min thlah vat rawh, min hai anih chu"



Tih ri chuan min ti phu deuh zawk mai, Ruby âw ni a ka hriat tlat vâng chuan ka'n thlèk deuh dèk dèk a, Customer pakhat ruih hmèl zet hian Ruby bânah chuan alo vuan tung tung anih chu, chupâ chuan kuah a tum chu Ruby chuan a hmâi a bèng thuai mai,


"Ka ning e, saw pa saw"



Kan dawr nghâk tupa chuan alo ti hlâwi hlâwi bawk a.


"Min bèng ngam amaw? Ivan zaktheilo ve, Bar alâm ve thin mai mai inih kha"



Tihpah a khawih lèt a tum chu engtik laiin nge?, engtin nge ?ka hre lo chupa hmâi ah chuan ka hnek thal nghâl thuai a, ka thlen phei lai pawh chu ka hre chuang lo.


"Jungkook shi"


Ruby chu a phun sap a, a mittui tlingkiau chuan ka thin zâwn hi ati sa nghâl pup pup mai,chu lukawlh palian zet chu thinrim sen tûn a rawn tho chhuakin min hnek lèt ve nghâl sawk a, ka pai nghâl chhat chhat thei, ka lu rawn hai chhap chu ka inthing harh vat a, ka tha alo za tawh sâ nèn ka theih tâwpa na chuan ka'n hnek lèt a, a thal leh nghâl thuai mai, midang ho chu an lo tè that that hlawm bawm a, Ruby i'n duhtâwk tûra min hrilh lawm lawm pawh ka ngaihsak tawh lo, chupa chu bawh betin ka hnek nghâl char char a,



"A tâwk, duhtâwk rawh ka tih chu"



Ka bâna min rawn vuan tlat tu nemsawn ka tum chu tûdang ni lo in Ruby anih vâng chuan ka bân chu ka la thla nghâl vat a.



"Engthil nge in tih hi? "



Chu dawr nghâk tu tuai zet chuan aw pherh zet hian arawn ti tuarh tuarh a,


"Hey...Ruby bân nghâl ini, i thianpa thil tih chhiat man zawng zawng hi min rulh vek a ngai ang"



Thinrim zeta tih pah chuan Ruby chu a kâwk deuh sawk sawk a,



"Engzat nge? "



Tihpahin ka tho chhuak nghâl a, Ruby kiangah chuan dingin a kut chu ka vawn sak nghâl vat.


"Ruby i bialpa em ni?"


Chu tuaipa bawk chuan a ti leh a,


"Ni lo e, ka ka....ihh.."


"Aw a bialpa ka nih hi, chuan bungrua ka tih chhiat man hi engzat nge?"



Phâwk zet chuan min en a, Ruby pawh chuti tho.


"Dollar Sing nga"



Ei loh hmèl zet a tih pah chuan a inkuangkuah vei lawh a, ka wallet atang chuan a sawi angzât chu phawrhin ka pe a, Ruby chu kâiin ka Red Ginseng lei chu ka la chhuak a, min hauh dân tûr ka hre châk tawh ngawt mai.



Motor a ka luh tîr lai techuan a ngâwi reng a, a mittui luangthla zâl zâl ka hmuh chuan nuam lo ka ti, keimah hi ka buai vekin ka hria, va luh leh a va khawih leh tepawh ka duh rum rum a, mahse ka insûm ta zawk a ni, a èm èm ka ti ve tho, mahse tinge ka sat up up reng le?



A apartment awmna thleng chu ka thlah a, ala ngâwi reng tho, car atang chuan a chhuak ta chhat chhat a.


"Heti chen hi ka rawn kal tawh a lèng tûrin min sâwm dâwn lo mi?"


A kal tûr chu ka âu hrâm a,


"Min lo zui la"


En pawh min en lo chuan a ti zâwi sap a, car atang chuan chhuakin Ajhuma Bibimbap siam chu ka keng chhuak vat a,




A hnungah chuan ngâwirengin ka zui a, a kawng kal te reng reng chu a chauh hmèl ngawih ngawih, engmah a sawi bawk si lo, a tlu lek lek thin, dawm tum a pasi ka lo lâk lai chuan amah in a in siamrem leh nghâl zèl a, a sam thur bap leh a thawmhnaw hâk thing rip rep zet techuan ka khawngaihna a ti zual, he hmeichhe hrehawm tuar lai hi hmuh hrehawm ka ti takzet a ni, ka awmdân hi mak ka inti, Tinge hetia a awm hian nuam lo ka lo tih ve tlat zèl le?




A apartment ka vawikhat kalna a ni bawk a, a tè hlè mai, mahse engkim chu a awm ve biai a, hmeichhe pakhat chènna atân chuan a tâwk tiu teu hlè.


"Enge i in duh ang? Coffe chiah ka nei a"


Pangâi tak chuan a ti a, a pângâi lo tih erawh a mit meng dul raih atang chuan ka hre thei, amah hian lo awm tîr zawk ila, ka awm ve hi nuam lo a ti viau angem le? Amah chuan awm se a tap hlap hlap thei anga, mahse ka awm ve reng a a insûm tih ka hre mai.


"Engmah a ngai lo, kha hei hi ei rawh"


Tiin Bibimbap chu ka pe a,


"Enge hei hi?"


"Bibimbap anih kha, Ajhuma in a siam sak che a, pe tûr che in min ti a"


Tiin dâwt chu ka'n sawi zaih a, keima thû a ka pèk tih a hriat chuan a ei dâwn lo tih ka chiang.


"Ka chanchin hi a hria mi?"


"Mmm...ka pa in alo hrilh tawh anih ka ring"


Ka'n ti a, nui lui sak chuan ka bulah rawn thu in a hawng rak rak a,


"Ala lum anih hi, lâwmthû min lo hrilh sak dâwn nia"



Hlim hmèl zet chuan a ti a, a ei chiah chu a ngâwi deuh vang vang mai, tinge le? Ajhuma hian alo ti al deuh a niang a,


"A tui lo mi?"



Ngaihthat loh hmèl zet chuan ka'n ti a, arawn hawi chhuak chu a mittui arawn tling kiau mai, a hmèl chu mak ti zet chuan ka en vung vung a.


"Ka pian tirh ata tûman ei min la siam sak ngai lo a"


Aw khûr deuh dar dar hian arawn ti a, a mittui chu arawn luangthla nghal ngiai ngiai bawk, insût hraih hraih pah chuan a mittui chu a hru zauh zauh a, hetiâng hian Alo tap ve thei tih ka hre chiah, Ti hi chuan hmeichhia a ang ve tawh lutuk.


Thlèm dân ka thiâm si lo, ngâwi reng chuan ka en tawp a,


Tap chung chuan a ei zo vek nia, a tam tehrèng nèn, ei lah chu thei phiân leh nghâl.


"Ngati nge khatia irawn tih a?"


Min enkar chuan a ti a, restaurant a thil thleng kha min zâwt chiah tih ka hre mai, tûnah hi chuan hmeichhia a ang leh tawh lo.



"Ka sawi tawh kha, nangma tân a ni lo, keima tân"


"Ni lo, khawngaihin Jungkook shi, tiang hian awm suh,min khawngaih suh, min khawngaih vâng a ni tih ka hria lawm, mahse duhtâwk rawh, khawngaih in"



Zâwi sap si fiah zet hian arawn ti a, a kalsan daih anih chu, A hnû deuh ah chuan First aid box nèn rawn chhuakin ka hmâ ah chuan arawn thu thlâ a, a mit chu a sen deuh râm a, a hnâr pawh a tâi tèk mai, a mittui chu a luang ngiai ngiai reng bawk a, hmuh hrehawm ti viau mahila tih theih vak ka nei dèr lo, ka khawngaih leh a tanpui duh si lo a, mahse ka tanpui lo thei lo, kan intawn tirh atang khân tanpui ngâiin a awm reng a, ka hmu lo der thei teuh lo mai.


"I hmelthat tehrèng nèn tinge i thluak hi a thâwl èm èm le?"



Tih sap pahin ka biangah chuan damdawi chu dîm zet hian arawn hnawih a, kei erawh chuan mittla lèk lo in a hmèl chu ka lo en reng thung, A mitmeng lian zet mai dum kal mai te, a hnâr zum rât te, a hmûi lian lam sexy zet techuan ka mit an la ngawih ngawih, Korean chu a ni lo tih hai ruâl a ni lo, a nu leh pa pawh a hre lo chu nia, a hrehawm viau ang, a hmûi mawlh chuan ka insûm theihna min hlauh tîr ta, a biang tawn tawn ah chuan vuan in a inrin hmâ chuan ka fâwp thut a, a che lo, min chhâng lèt eih lo bawk, ka la duhtâwk mai thei lo, a aia dîm leh ngèn ngáwl zet chuan ka'n fâwp a, ka âwmah chuan min nam sawn lawp mai.



Phâwk hrâ chuan min en vang vang a,


"Haw tawh rawh, a tlâi tawh mut ka duh"


Tihpahin First aid box ah chuan damdawi chu a khung lût mial mial a,


"Ruby ih ka...."


"Engmah sawi suh, ngaihdam min dîl a ngai lo, chhuak tawh rawh"



Ka mitah pawh min en ngam lo, thäwk la hawk pahin ka chhuak ta nal nal a.




Car steering chu ka hûm ngar ngar ringawt, ka va han mâwl tak, lo insûm ve thin tûr ka nia, tinge henû lakah insûm theihna hi ka tlâkchham èm èm le? Ka hrethiám tawh bîk lo, ka duh tihna ni thei ngem? Ni lo, a teuh lo lutuk,ka duh zâwng pawh a ni lo, 'Jeon Jungkook, Stripper ve mai mai anih kha' ka phun sup a, ni e, mipa leh hmeichhia khatianga hnâia in en techuan tum loh deuh pawn a thleng thei alawm, Tuai ka ni miau lo a,mipa ka nia, thil thleng palh thei a ni, tiin mahni leh mahni chu ka inthiâm chawp a,

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 6th, 2020, 5:46 pm

EUPHORIA (Jungkook Ff)


Chapter-6


By

Hlutei Jocund Pachuau



Like and comment hi uar deuh thin ila, silent reader in tam thei lutuk a, Click nèn aw...min chawk phûr tu tûr thu tha tak tak te hi ka mamawh ve thin a nia😭😭😭


RUBY POV





Khumah chuan muchungin ka hmûi chu ka khawih vang vang a, mipa hmûi ka vawikhat tawhna, tiangkhân a nuam tih ka lo hre miah lo, mahse tinge khatia a tih le? Kei hi min duh loh thû vawi tam tak a sawi fo a, ni lo kei hi min play mai mai a tum te hi ni lo maw, ka hnaih tawh loh a ngai ni, a bialnu lemah hian tang tawh lovin ka Stripper hna kha thawk leh mai mai zâwk ila ka inhmeh ber, ni e, thawk leh zâwk ang, ka chan tâwk a Pathian ruat a niin ka hria.



NEXT MORNING



Zîng ka harh chu a ngâi tè ang bawkin ka insiâm leh a, engmah ka ei châk lo bawk nen, ka inbual zawh chuan make-up techu ka'n hmang thar leh a, mahse mascara leh Lipstick bâk ka inhnawih lèm lo, Ka hmûi ka khawih apiang lah hian nizân thil thleng kha ka hre chhuak ziah leh nghâl,



T shirt dum leh Nike Jacket dum ka hâ a, Blue jeans thâwl lam chu ha in convers dum chu ka bun leh tawp bawk, ka sam chu thlah hniângin ka bag lian zet chu ka ak chhuak a.




Bus stand a ka thut vang vang lai chuan Jeon Jungkook chu arawn ding leh ta, Gangnam a apartment ka lo lei kher kher hi ka inchhîr rum rum mai,


"Lo lût rawh"



Sun glass dum a bun a, en pawh ka en lo,


"Bus in ka kal mai ang"


Ka tih rual chuan a car atanga rawn chhuakin ka bânah chuan min kâi deuh sawk a, bus stand a lo awm ve dang te lah chuan min en duh si, hreh chung chung chuan ka chuang vè leh mai a.



"Nizân vâng khân ka tihpalh, ka lo lem deuh sek vâng a nih kha"



A hmèl chu ka en vat a, mengdur deuh khûih hian kawng chu alo en ngar ngar thung, zu a in vâng chain maw tiang khân alo awm? Inthiâm lohna tak tak a hmèlah hian ka hmu hlawl lo, hah....engemaw ka lo beisei le? A pawi loh tawp chu.


"A that hlauh chu tûn chinah chuan thleng tawh suh se, bâkah, i bialnu lema tan hi ka duh tawh lo"



Ti a ka sawi chiah chu a car chu a ti ding chawt a, alo tlân chak bawk nèn ka bu lâwp thei.


"Enge awmzia?"


"Ka hna kha ka chhunzawm leh dâwn, bâkah mî bum kual reng chu ka thei tawh lo ang, min hrethiâm dâwn nia, kan inthen thû lo sawi mai rawh, i hausa in i hmèl pawh a tha a, kan college ah pawh hian i bialnu lema tang duh an awm tam ang"



A hmèl ka en chuan lungâwi lo tih hriat zet hian a chal chu a ti chuar deuh nâng a, mahse ngah mah ka ngai duh lo, zan in atangin ka hnâ ka zawm leh ang, chu chu ka thuthlukna a ni.


"Stripper a tan chu a nuam viau ami?"



Ngeiawm zeta a tih chuan rum zet hian ka melh a,


"Jeon Jungkook, eng hnâ mah hi zahthlâk a awm lo, ka zahawmna ka la neih chhûng chu pawi tihna ka nei lo"



Tiin ka lo chhâng ve vat a, a nui hak mai, a nuih zat väng a ni hauh lo tih erawh ka hria.


"I zahawmna kha i vèn reng theih ka ring lo"




Tihpah chuan chak zet hian a tlân chhuak leh a, ka thinrim, ka rilru ana bawk, mahse engmah ka sawi duh ta lo thung.




Class ah pawh chuan thu dûn siin kan inbe lo miah lo a, Yiu Ri pawn min zâwt nasa hlè, ka laka a thinrim chhan chu Idol ani thei dâwn lo a hriat vâng anih thû chu ka hrilh a, mahse ani chuan min duh vângah a ngâi hmiah, Jeon Jungkook hian engti kawng mahin min duh lo tawp ang, Kei ang stripper techu a hmuh sit èm kha maw.




Class bân chuan a ngai tè ang bawkin Canteen ah chuan Kimbap kan ei mai mai a,


"Ehee.!...Ruby en teh"



Yiu Ri chuan a rawn ti deuh chûl a, kawngkhâr lam ka en chuan Director Jeon ka hmu thut mai, ka thil ei lai ka hâk lo chauh, Director Jeon hi Jungkook Pa a ni, enge alo tih dâwn le?


Nui sâng chuan min rawn pan nghâl chat a,


"Chibai le Director, i lo dam tha maw"


Tihpahin chibai chu ka bûk zauh a, midang ho chu an lo phun leh sur sur tawh hlawm mai, Yiu Ri pawh chuan chibai chu alo bûk ve vat a.

"Lèng tûra rawn sâwm che ka lo tum a"



A tih chuan ka thil ei lai chu ka hâk palh ta, ka khuh kharh kharh a, Yiu Ri chuan tui min lo pe nghâl vat.


"Mahse ih. "


"Tih tûr i nei em ni? Tûnah hian rawn hruai nghâl mai che ka duh asin"


Ka chhânna hriat châk hmèl zet chuan min enkar a,


"A......nei lo, a lo kal ang, Jungkook shi rualin"



Yiu Ri chuan min lo chhân khalh vat a, Yiu Ri chu rum zetin ka melh tlawk tlawk ringawt, min la en tha duh miah lo leh nghâl.


"Awle, Ruby, ka pa in a hmu châk tlat che a, lo kal ngei ngei rawh aw, Jungkook ka lo hrilh dâwn nia"



A tih chuan ka lo bu nghauh a, ka dâr a min ben thuk thuk hnû chuan a chhuak leh nghâl vut a.


"Awiii....ka châk ve e"



Yiu Ri lah chuan ala ti zui.

"Mawli"



Tihpahin a dârah chuan ka bèng thuai a, ala râk that zui.


"Enge khatia ilo tih thawt thawt, lem chan ka duh tawh hleinèm"


"Tawng zâwi ve deuh rawh, hrethiám rawh, Mihausa an nih saw, Jeon Jungkook rilru te hi hneh tum ve ta che, mihausa ini mai dâwn lawm, rilru hah rèng rènga awm ai techuan"


A tih chuan ka in ngaihtuah vang vang a, a dikna chen chu awm mahse, kei ang techu min duh ve thei tak tak dâwn em ni? Ka dinhmun a inthlâu lutuk.


"Stripper techu a hmusit lutuk"


Chuai raih chuan ka'n ti a,


"A pawi lo...Hey...i hmeltha a, lehkha i thiam a, i taima bawk, diktak chuan Jeon Jungkook hian a phû lo zawk che, Mahse Ruby keichuan mipa rintlâk tak niin ka hria, a mawhphurhna a hria a, a tum a ruh bawk, a rilru hneh tum rawh, nangpawn i duh tho kha"


A tih chuan ka nui sak a, kawngkhâr lam ka va hawi chu Jungkook chuan min lo pan ve mèk bawk, Yiu Ri sawi chu ka tum chhin dâwn em ni ang? Stripper nih reng hi ka ning ve tawh tho, Jeon Jungkook hi ka nei anih ngat chuan pheichham ka man a ni ringawt ang.


Ka hmâ ah chuan rawn dingin min chhuk en deuh rûn a.


"I hman tawh chuan kal ang"



A rawn tih chuan ka chil ka lo lem khalh a,


"A hman tawh lawm, Ruby, Fighting....."



Yiu Ri'n alo tih chuan amah chu en in ka nuih deuh sak a, a pu in min sâwmna ka lo hniâl anih chuan amah bawk hian atuar leh dâwn sia, a che bawraw thei si, thil tha lo a thlen vaih chuan keima thiâmloh vek a ni ang, tiang thil a thlen ai chuan kal tawp zâwk ila tha mai.





"Awle, kal ila"


Ka tih chuan akal leh nul nul a, mî pawh a nghâk chuang lo, a hnungah chuan ka zui ve dat dat ringawt, Parkingah chuan Teacher Kim ala awm zui, va han tih chî loh tak, Teacher Kim hi he school a ka luh tirh khân ka star thei khawp mai, ka star tihpawh tihpalh thil thû in a hre palh a, ka zah zia kha, mahse kan class ah chuan arawn lût ngai lo, Yiu Ri te class ah chauh a lût thin thung.



"Ehe...Ruby i haw tawh dâwn alaw?"




Nui sâng chuan arawn ti a, Jeon Jungkook chu car ah chuan ngawi rengin thu lût hmak a, mengdur deuh khûih hian min en lo kur bawk.


"Aw.....nangpawh i haw tawh dâwn ami?"




"Aw....nakinah chaw la ei chhuak ila, Engemaw sawi pui tûr che ka nei a"


A tih chuan ka lo phu deuh zawk a, engtak chu ni ang maw,


"Awle, ka lo tum dâwn nia"


Nui sânga tihpahin car ah chuan ka thu lût zui ve nghâl a, ngâwirengin car chu a khalh chhuak zui ve nghâl mai bawk a,




___________________



Ka dress lah chu a ho reuh sia, an in a kal tûra inchei nân chuan ka thing reuh ka inti, inthlâk ka dîl ngam bawk si lo, a hmèl dur khup reng hi engvâng nge ni ang le? Biak ngam pawh a ni lo.


"Teacher Kim nèn khân in kârah enge awm?"


A rawn tih chuan ka lo phu deuh zawk a,


"Enga?"


Hrilh hai zeta ka tih chuan nin hmèl zet hian thâwk chu ala deuh hak a,


"Chaw ei dûn tûr khawpin in inzawmna atha viau a niang maw"


Ati sup ri chuan ka thinrimna a chawk tho tlat, tûnlai chu ka thinchhiat a zual leh nghâl.


"Ilo buaina tûr a awm lo"


Ka lo ti ve hmak a, a nui hak rî chu ka hre thei, a hmèl pawh en lo in pawn lam ka melh zui daih ringawt.

"Ka bialnu lem i chan zèl dâwn chuan fîmkhur rawh, kawp ni a than ka duh miah lo nia, a tlâwm thlâk ka ti"


A rawn ti leh sup a,


"Lungngai suh, nang anga duh duh kawp kual thin ka ni ve lo"


"Engmaw i sawi kha?"


Car chu a ti ding deuh dâwrh a, ka lo bu leh lâwp mai, ka thusawi vâng khân ka inthiâm lo leh nghâl dèr tawh, ka kâ pawh hi a, lo vèng tha thîn tûr ka nia.


"Kei hian mî ka kawp kual thin tih chu tunge sawi a?"


A hmèl ka en chuan a lung a âwi lo hlè tih ka hria, min ti hlâu lek lek mai, ka ban rèkah chuan arawn la hmer ngut ngut zui, a hmer nat èm vâng chuan ka lo ner deuh nâng nâng a.


"Min tina nia"



Ka ti deuh sap a,


"Tu nge sawi ka tih chu"



Thinrim inseh ruh tûn chuan arawn ti a ,


"Mi in, a sawi tu ka hre lo, ka bân hi thlah rawh ana nia"

Zâwi tak si fiah zet chuan ka ti a, a hmèl chu rawn inthlâk riai riai in ka bân pawh chu a thlah ve nghâl mai a, za zet hian ala nui zui, vawiin a awm dân hi mak ka ti, ka râp lek lek zèl.


"Ava sawi dik ve, chuan ka thusawi kha hre reng rawh, ka bialnu lema i tang reng dâwn anih chuan mipa dang i biak a thiang lo"



Thupe âw zet chuan arawn ti a, ka hmui hnuai chu pet ngar ngarin rum zet chuan ka en tlawk tlawk ringawt.


"Ka nunah thû i nei lo aw, i bialnu lemah chuan ka tang tawh lo ang, tûna lo kal ka tum chhan pawh hi ipa in mi zawng zawng hmuh a min rawn sâwm vâng liau liau a nih kha, Car hi ti ding rawh ka chhuk dâwn"


Vîn zet chuan ka ti tâwn tâwn a, ka thinrim bawk nen, awka vîn hi ka hmang khât a sin, mahse Jeon Jungkook ngei awm lutuk hian min ti thinchhe zo vek tawh.



Ka thusawi chu hre lo ang hmakin a aia chak chuan car chu a khalh a, a chak mah mah, ka hlâu lutuk chu ka lo invuân char char a, an in pawh chu ava han hla âwm èm èm, kan tlân thui tawh nèn, rei hi ka ti ngawih ngawih.


"Ti ding rawh, kan cheusal palh ange"




Aw khûr dar dar chuan ka ti a, ka rilru chuan ka tawngtai mawlh mawlh ringawt, motor dang lo tlân ve ho chu kan pèl fua fua ni mai hian ka hria, ka mittui te arawn tla in ka hria, a tlân chak lutuk chu ka taksa na vek thei nia, ka lu tepawh a hai vek tawh.



"Ding rawh Mawla"



Engahmah ala ngai chuang lo,rei fè chak zeta a tlân hnû chuan tupui kam ah hian kan ding hlawl a, an inah kan kal dâwn maw ka tia, beach ah tinge a kal daih le?ka lu chu arawn hai deuh muai muai a, ka sam techu a phir vek, ka uâk nghâl that that bawk, ka taksa te hi a zawi vekin ka hria.


"Misual tak ini"


Ka phun sap a, ala nui hak zui,


"Hetah hian reilote hawi khawthawng lawk ila kan kal dâwn nia"



Tihpah chuan min chhuahsan ta daih a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)