MAD LOVE (Suga FF) BY Hlutei Jocund Pachuau (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

MAD LOVE (Suga FF) BY Hlutei Jocund Pachuau (Completed)

Unread post by Ngaia » May 17th, 2020, 3:34 pm

a3ezbugd.jpg
a3ezbugd.jpg (14.91 KiB) Viewed 18747 times

MAD LOVE (Suga FF)




Chapter -1


By


Hlutei Jocund Pachuau






"Kei Na Ireum ( hei hi You name tihna nia, a awmzia chu changtunu hranpa awm lo in nangmahni a chhiar tu te hi changtunu in ni tihna ni mai). Hian, ka dam lo enkawl te tûmah ka indate pui lo anga, tlânbo pui ka tum a nih chuan ka nunna in tuar tûrin thû ka thlung e"



Ka sawi zawh chuan kut an lo bèng dar dar a, Company in personal nurse an lâk thar pathum tling awm chhun zîngah ka tel vè hlauh chu vânnei ka inti hlè.




TIME SKIP




In ah chuan rawng ka bâwl sar sar a, naktûk atang chuan ka nau duhtak hi rawng ka bâwl sak thei tawh âwm si lo a, kei hi Na Ireum ka ni a, kum 23 ka hmang mèk bawk, hmeichhia a zawngah chuan liân lo tak ka ni a, ft 5 ka pèl ve tâwk chauh,ka nu in min boral san atang khân ka pa chuan dam nî rèng a hmu lo a, damdawiinah a awm reng thin, tûnah phei chuan biak theih a ni lo, nau mipa pakhat ka nei ve a, ani phei chu kum 19 chauh ala ni si, High school chauh ala kal a, keiin hnâ ka thawh loh chuan kan nghei a ni mai, ka nau hi pa lian tak, Ft 6 thleng a sâng ni mahse a hrisèl lo in a chawr chè èm èm a, mipa mah ni se tharum thawhna lamah chuan engmah ka tih tîr ngai lo, ka pa damdawiin awm man leh kan ei khawp ka thawh chhuah chuan a tâwk viau, thian ka kâwm èm èm lo a, ka nau hi ka thiantha ber chu ni mai, ka naupan lai atang tawh in nurse nih a damlo enkawl ve te hi ka châk thei lutuk a, zir chhuak tawh mahila hna nghet hi ka la thawk ngâi èm èm lo a, mahse tun ami hi chu hna nghet a ni tawh dâwn a, min bân te nih loh chuan, a hmâ chuan concert na ah te ka duty ve lâwp lâwp zèl a, mahse tûnah erawh hlawh tha tak ka neih tawh dâwn vângin ka hlim hle, Ka nau pawh Laptop thar ka leisak ngèi a ngai tawh ang.



"Ka lo haw e"




Tih rî ka hriat vèleh chuan phûr lutuk in kawngkhâr lam pan chuan ka tlân phei nghâl dâwr dâwr a,


"Ka tling"


Ka'n ti nghâl thawt a, ka nau pawh a nui var var mai.


"Noona min tih der lo tiraw?"



"Teuh lo mai"



Ka tih rual chuan tè ruai ruai pahin kan han inkuah leh tè tè a,


TIME SKIP




"Noona, tû nurse ah nge i tan dâwn reng reng a?"



Chaw ei lai chuan arawn ti chhuak hlawl a.


"Milâr tak an ti ringawt a, ka la hre bik lo, Mr Bang a Company ah khân a nia, ila hria em? I hre tawh lo maithei ni, ka pa thianpa kha a nia"


Ka lo ti liâm puat a, min enkar tih ka hriat chuan amah chu ka en lèt ve a, a rilru a nuam zân lo tih ka hria.


"Enge?"


Ka'n ti deuh hû a,


"Engmah a ni lo, ka ngaihtuah deuh che a"


Ti chuai raih pahin a chaw chu a thai let niap niap a.


"Mi fel tak anih beisei phawt ila, tiraw"


Ka'n tih chuan min rawn en zawk a,


"School hi thulhin hna ka thawh chu phal ve mai la"



Inthlahrun hmèl tak hian arawn ti a,


"Na WooJe (uje) kha thû kha sawi tawh suh ka ti che ni lâwm ni?"



Vîn that a ka'n tih chuan a tho ta hmak a, a room lamah chuan a phei nal nal mai, tlangvâl a ni ve tawh a Farnu te châwm a awm reng chu nuam a ti dâwn lo tih ka hria, mahse hnâ ka thawh tîr thei lo, ka nau hi lungtha lo a ni a, in ti hah chî a ni lo, mahse a rilru tûr ka ngaihtuah chuan ka khawngaih tho bawk si, hna hahdam thawh a duh chuan lehkha zir that a ngâi tih ala hre pha dèr bawk si lo.


Chaw ei dawhkân ah chuan mahnî in ka thu ngâwi ngal reng a, ka chaw ei pawh a tui teh hrep lo e, ka kham zui ve hmak a, ka pa pawh tûkin a ka tlawh bâk kha ka la tlawh miah lo, chaw eina chu ka ti fel zui sawk sawk a.




Na WooJe lah chu rawn la chhuak duh miah lo leh nghâl, engtin nge ka hrilh fiah ang, a room ah chuan ka va lût dè dè a.



A lehkha zirna dawhkânah chuan alo thu tûm bâr mai.



"Ila thinrim reng em ni?"



A khumah chuan thu thlâ in ka enkar a, en pawh min en lo chuan ala tûm bûr reng tho.


"Hriatthiam tum rawh WooJe, lehkha i zir chuan lawyer emaw doctor ini anga, sum tam tak i thawh chhuah hunah chuan kei hi min châwm tawh dawn lawm, ka pa nèn"



A kutah vuanin ka en kar a,


"Noona, ka nu hnènah khân ka tiâm tawh a, nang leh ka pa enkawl tûrin, ka thutiam ka hlen thei lo hi pawi ka ti"



Ati chuai raih a, ka mittui chu arawn hnâm tiâm tiâm mai, ka nu hi tûpawn an sawichhuah tawh chuan he mittui hi arawn tla ziah thin, ka nu pawh lungtha lo a ni a, ka nau hian alo chhûn ve kher bawk nèn.


"Tinge tiang chu i sawi? Ila naupanga, min enkawlna hun techu i ngah lutuk"



Tap âw tiau chuan ka'n ti a, ani pawh a mittui arawn tling ve pam mai, kan han inkuah leh vang vang a.


"Noona ka tihpalh tih tah che ka tum lo nia"


Arawn ti ve sup a, tap chung chuan ka nui ri hak mai.

"I â emai, ka nu ka ngaih vâng alawm"


Aw khûr dar dar chuan ka'n ti a,

"Keipawn ka ngai lutuk...."



A ti ve sup a, ka khawngaih lutuk hian ka mittui a ko chhuak lo thei lo.




___________



Damdawiin ka thleng chu ka pa pawh lo mutui khawp mai.


"Pa, hna ka hmu ve tawh sin, tûnah chuan naktûk ah enge kan ei ang tia in ngaihtuah buai reng kan ngai tawh bîk lo ang"



Tiin ka pa natna khuma mu reng chu min chhâng dâwn lo tih hre reng chung chuan ka be mawlh mawlh reng a, diktak chuan ka pa hi ka nu thih atang khân zu ngawl vei ah a chhuak a, a zu in nasat vângin a thin a chhe vek tawh a, nikhaw hre lo in thla khat dâwn chu a awm tawh.



Zu ngawl vei ni mahse ka pa a nihna a bo chuang lo a, a zu ruih laiin ka nau nèn vawi tam tak min vaw thin mahse ka hmangaihna a bo chuang lo, ka nau chuan ka pa chu tûn thlengin ala hua a, kan pawh a kan khât rèng bawk a, ka nau pawh ka dem hran chuang lo, kan unau khân kan tuar nasa èm a tin ni.




_________



Haw kawngah chuan kan in a hlat tawh loh vângin kè chuan ka haw a, dar 8 a ri vèl âwrh chauh bawk nèn, mahni in kawngsîr ah chuan ka tei rek rek reng a, ka dam lo enkawl tûr chu tû pawh ni se, a sual emaw, a fel emaw, ka enkawl dam ngèi ang.



MIN YOONGI (Suga) POV




"Hyung khawngaihin"




Manager Sejin chuan Damdawi min rawn pèk a tum chu ka lo dang vat a, ka bei lèt ve tûr a ni, mahse ka awm dân hi tawrh har ka ti takzet, ka thi mai dâwn a in hriatna ka nei leh tawh,


"Kârkhat lai i mu tha tawh lo a nia Yoongi, i mut theihna nih phawt chuan tuar lo in ei tawp rawh"



Manager Sejin chuan min khawngaih hmèl zet hian a ti damthlup a, ni e, ka tuar peih tawh lo, khûr dar darin damdawi chu ka'n ei pawp a.



Ka unaute (bts) pawh an rawn lût ve nghâl sap sap hlawm a,


"Hyung fighting"


Taehyungie chuan nui thâ hian a ti a, peih lo chung chung chuan ka lo nuih ve suk mai,


"Chhuak tawh ru, ka mu duh tawh, Dam lo pawh ka nih loh hi"



Ka tih chuan an la nui vur vur hlawm tho.


"Hyung, i dam that vat a ngai nia"



Namjoon chuan a ti sup a, ka lo bu nghauh ringawt, an chhuah hmâ chuan ka mut san ta tho a, an bengchheng hlawm si, tûnah tak chuan mahni a awm ka duh rih.



TIME SKIP

"Nang hi idol ini ang maw? Hna thawk zâwk rawh"


"Min yoongi, bânsan rawh vawi engzât nge ka tih dâwn"


"Nang hi BTS ah chuan i hmelchhe ber, an group hi chhuahsan rawh"


"Tuai in nih kha, Mipa make-up hmang thin hi tuai vek in nih kha"


Min kâi tho tu awm ang mai chuan ka thu chhuak hlawl a, ka thlan tuiin min lo bual huh vek bawk, sana ka en chu 12 a ri tawh, Sana in khâwng ri tlak tlak reng chu ka ngâithla kar a, ka muhîl thei lo, ka lu na ut ut chu ka dawm vang vang a,ka thinrim lutuk chu tho thutin ka bag chu ka hâi rawk rawk a, ka Cigarette chu phawrhin ka'n zu leh tawp a, ka room kawngkhâr chu ka kalh nghâl hmak bawk.



Tûma tih buai loh a hetia awm reng mai hi ka duh, tûmân min hre lo se, hetiâng hian ka damchhûng hun hmang thei ila, mahse keimah chuan ka mal dâwn lutuk, ka hria, tunge ka mamawh? Enge ka mamawh? Ka hrethiám lo, ka nun hi tinge? Hetia a awm bîk, ka thinrim thut chu ka khum bula glass dawhkân chu ka'n tlawh thlu thuai a, a keh nghâl chuaih bawk.




Dârthlalang keh chu ka en vang vang lai chuankawngkhâr chu an rawn chûm ri dawt dawt a.


"Hyung, lo hawng teh i tha em?"



Taehyungie a ni, thaw chhuak hakin kawngkhâr chu peih lo zet chuan ka'n hawng a.


"Hyung enge thleng? I tha em?"



Tih deuh chûl pah chuan a rawn lût tlang nghâl a, ka cigarette zûk la châm bâng chu a hria ni ngèi tûr a ni a khuh nghâl kharh kharh mai.


"Hyung, naktûk ah Vlive a pèk chhuah tûr shooting kan neih dâwn kha, i tha takzet em?"



"Chhuak rawh"



Tih zawng chuan ka lo chhâng a, Taehyung chu a ngâwi ta hmak mai.


"Awle, ka tihpalh, ti ti pui tûr i duh chuan ka awm reng a nia"



Min ngaihtuah hmèl zet hian a ti a,


"Ka tha e, va mu tawh rawh keipawh ka mu dawn"



Tihpahin khumah chuan ka'n lâwn kâi vè bawk tak na a, ka muhîl dawn lo tih erawh ka in hre chiang khawp mai.


"Awle, muttui le"



Tihpahin a chhuak ve mai a, ka chal chu dawm in thâwk chu ka'n la ham ham a, sleeping pills bâwm chuan ka mit ala leh tawh, mûm hnih ka ei tawh a, mûm khat tal ei leh ila ka mut theih tawh ngèi beiseiin mûm khat chu ka'n hmawm leh hmak a.




Khumah chuan thatchhe zetin ka let thla nghâl tawp ringawt.



____________



NA IREUM ( Î Riam) POV



Tûkin zet chu ka tho hmâ bawk a, dar 8 a rîk meuh chuan rawng ka bâwl zo fel dèr tawh.



"I van phûr tawh âwm ve a"



Nui sun sun hian WooJe chuan alo ti a, ka lo nuih lèt ve sak mai.


"Ka pa pawn zia lam apan tawh an tia"



Chaw ei siam mawlh mawlh pah chuan ka'n ti a, WooJe nui hmèl chu arawn inthlâk riai riai mai, ka pa chanchin ka sawi tawh hi chuan a mood a in thlâk ve ziah.


"A that chu"



Ti supin bathroom lamah chuan min luh san ta daih a, a rûk chuan a ngaihtuah tih ka hre reng, a luh lul rih mai mai ni, ka pa that chhuah hun chuan chhûngkaw hlim tak kan nih leh ka beisei.



TIME SKIP




"I damdawi i ei tawh em?"



Chaw kan ei mawlh mawlh lai chuan ka'n ti a,


"Mmm...ka ei tawh, Noona ka hmanhmawh sia ka kal mai ang, test kan nei dawn a, tha deuhin i hna i thawk dâwn nia aw"



Tihpah chuan a tlân chhuak nghâl nul nul a, ka hmûi ka lo ti pawrh vak ringawt, keipawh hi hmanhmawh ve tho ka ngai, kan chaw eina chu ka'n ti fel zawk zawk a.





Smart pants dum hâ in a chungah chuan Kamis vâr ka ha leh tawp a, ka sam sei hniâng dum hlap chu fel thek chuan ka'n tâwn a, duh aiin ka thau lek lek tawh, in diet leh ka ngai dâwn nih hi.



Make-up chu lang lo tè chuan ka hmang ve a, ka mamawh tûr ho ak tân chung chuan ka chhuak zui ve nghâl vat bawk,





TIME SKIP




Min chhawr tû tûr a ka rin min rawn phone ziah tupa chu ka'n call a,


"Hello?"


"Na Ireum ka nia, khawi ah nge ka lo kal dawn?"

Zâng vah chuan ka'n ti a,


"Gangnam lamah lo kal rawh, message in address kimchang chu ka rawn hrilh ang che"




Aw dam thlupa a tih zawh ruâl chuan a off zui ve mai a, ka phone chu ka lo la hum rân bawk.



Massage a rawn thlen rual chuan address min rawn pèkna lam chu driver chu ka hrilh vat a.



__________


In liân zet fâl nelh nawlh Gangnamah hetiâng a awm tih pawh ka hriat lohna ah chuan ka ding rân a, door bell chu ka hmet zui nghâl ral ral bawk.


"Tunge aw?"



Ka aw hriat than zet chuan arawn ti a, Min rawn call tupa kha a ni tih ka hre nghâl mai bawk a.



"Keimah Ireum ka nia"


Ka tih chuan gate chu a rawn in hawng zui nghâl vat a,


Muangchâng chuan ka lût zâl zâl bawk, Gate chhûngah chuan huan tereuh tè hi a awm ve a, a nawm hmèl reuh phiân leh nghâl, a hmun a fâl in a reh tha sia, dam lo enkawlna tha tak a nih ngèi dâwn hi.



Inchhûngah chuan ka lût zui nghâl mai a, Palian zet mai tarmit vuah kum 39-45 inkâr vèl tûr hi alo ding rûn mai, chibai bûk chuan ka'n kûn zauh a.


"Ilo thleng hmâ hlè mai, he lamah hian min lo zui rawh, a chanchin tlèm hrilh tûr che ka nei a"


Tihpahin sofa ah chuan thu tûrin min hûi zauh a, amah pawh a thu thla ve vut bawk, keipawh chu inthlahrung zet chuan ka'n thu thla ve dâ dâ a.



"Tûn a i enkawl tûr hi damlo satliah a ni lo a, doctor techuan depression leh anxiety a nei an ti a, a zual châng phei chuan tih ngaihna pawh kan hre lo thin,, milâr a ni bawk nèn inthup a ngai si a, Personal nurse rinawm tak amah enkawl tûr ka duh a, i sawi chhuak lo ang tih min tiam thei angem?"



Ka ngâwi deuh vang vang a,


"Ka hna lam thil hi chu ka sawi ngâi èm èm lo a, ka sawi chhuah ka in ring lo,Mahse tunge ni rèng rèng a?"



A âw chu thiân kharhin a tarmit chu a'n siamtha zauh a,


"BTS ami Suga kha a nia, ahming diktak chu Min Yoongi a ni, chuan kei hi an Manager ka ni bawk, Manager Sejin tiin min ko mai dâwn nia"



A tih chuan mak ti zetin ka en tawp a, BTS ah hetiâng hi an lo awm ang tih ngaihna rèng ka hre lo, an ni techu khawvèl pum huapa milâr an ni a, keichuan Kpop lam hi ka en in ka âtchilh ve lutuk lo na a, mahse BTS chu ka hre ve lutuk tlat, an fans chu ka ni èm èm chuang lo, Keichuan hetiâng zâi bur bur leh rap te hi ka ngaina vè lèm lo a, mahse drama erawh en loh ka nei mang lo, mahse milâr an nih hrim hrim chuan enkawl a huphurh awm nghâl tûn mai.


"I hnâ i tlin viau chuan i hlawh pawh a tha tial tial ang tih ka tiam ache"


A tih chuan ka nui sak a,


"Tha taka enkawl ka lo tum dâwn nia"



Ka ti zui sap a, ka huphurh ru ang reng khawp mai,

_____________



Manager Sejin chuan inchung lamah chuan min hruai chho a, ka huphurh lutuk hi ka khûr ru deuh der der in ka hria, a duhthusâm ka nih loh vaih chuan nikhat pawh ka thawk tawh dâwn si lo.





"Vawiin ah shooting an nei dâwn a, i kutah ka in nghat a nia"



Manager Sejin chuan a ti sup a, ka lo bu nghauh ringawt, kawngkhâr chu min hawn sak zui mai bawk a, thâwk te chu ka'n la leh te te a,zângkhâi vahin room pakhat zâu leh nuam zet, reh ruih mai ah chuan ka pèn lût dè dè a.




Ka hawikuâl chu tûmah an awm pawn ka hre lo, cigarette rim ka hriat vâng chuan ka ner sak a, chhuat laiah dârthlalang keh nuai ka hmuh chuan ka ding dat mai,a dawhkân a ti chhia ni hrim hrim ang, tharum thawh thîn a nih vaih chuan ka tân pawn a hlauhawm thei tih ka hria, mahse hlâu a tlânchhe mai mai chî ka ni ve lo, hmeichhe luh lul zet mai ka ni a, ka thil tum tawh chu a hlawhtlin hmâ chuan ka tum ngar ngar tawp mai a ni.



Dârthlalang keh chu ka'n ti fâi hmasa ber a, a bân tekha alo zai thî palh ang tih ka hlâu, fîmkhur tak chuan ka chhar khâwm mial mial a, manager Sejin lah chu in hnuai lamah a chhuk leh daih bawk si.



"Tunge i nih?"



Ka phu chiang lutuk chu ka tlu sawp niai thei, ka hnunglam ka hawi chu mipa khat palian lutuk lo chèr lam vun vâr zet mai hian min lo enkur a, a sam dum tak zet mai chu a huh hlap lehnghâl, bathrobe vâr a ha bawk, Min Yoongi a ni tih ka hre nghâl mai a, a hmèl atang chuan a châu tak zet a ni tih ka hmu thiâm nghâl mai bawk.


"Ihh...kei hi i personal Nurse tûr ka nia"


Tihpahin ka'n tho vat a, rum zet chuan min melh ngur leh nghâl, ka zâmchhe nghâl dèr mai, mahse ka tilang lèm lo.


"Ka damlo ami?"


Min enreng chung chuan a ti sup a,


"Aw...i damlo nasa lutuk"



Inring tâwk zet chuan ka'n ti a, a khabe chu rawn ti che ralh ralh in a lungâwi lo tih hriat zet hian kawngkhâr chu a hawng thuai a.


"Chhuak rawh"



A ti bûl hmuk ringawt, a ngaihna ka hre lo takzet, mahse manager Sejin thû lo chuan chhuah ka tum bîk hauh lo.


"Hetah hian Manager Sejin in min tîr a, a thû lo chuan ka chhuak dâwn lo"



Ka tih chuan inseh ruh tih hriat zet hian a bek chu arawn pâwng talh talh a,


"Hyung"



Thinrim hmèl zet hian a ti thawt a, ka lo phu zawk thei,



Rei vak lo ah Manager Sejin chu arawn lût vat a, ka din na ngâi ah ka lo la ding vâng thung.


"Nurse ka mamawh lo, haw tîr rawh"



Bung hmuk a tihpahin a thawmhnaw dahna lam chu a pan hmak a, Manager Sejin chu ka lo nuih lui sak ringawt.


"Enkawl tûr che in PD Nim in min rawih tîr a nia, i hnial thei lo ang Yoongi"


Ngâwi kar chuan an thusawi chu ka lo ngâithla reng a,


"Nurse ka mamawh lo, mahni a awm ka mamawh zawk"


Thinrim tih hriat zet hian ati vawt deuh ruih a, ka hnâ chu a awlsam vak dâwn lo tih chu hrilh chawp ngâi lo in ka hre nghâl mai,


"I tân hnawksakin ka awm lo ang tih ka tiâm a che"


Ka lo ti ve vat a, min ring ngamin ka kutah an dah a, tha taka enkawl chu ka mawhphurhna ah ka ngâi hmiah tawh.



Zakthei lo min tih hmèl zet hian min rawn en a, ka lo nuih lui sak ringawt,


"Ka mamawh lo che"



Min rawn enkar chung hian a ti a, ka chil ka lo lem khalh mai, Manager Sejin chuan hahthlâk tih hmèl zet hian a thaw hak a.


"PD Nim thû i hniâl thei lo Yoongi"



Manager Sejin chuan a ti leh a, Min Yoongi chu thinrim hmèl zet hian a kawr chu la chhuakin bathroom lam chu a pan ta daih a, manager Sejin nèn pawh sawi tûr kan hre lo, kan in en tawp ringawt.



_______________




Rei vak lo ah chuan mipa ruâl thâwm hi arawn ri chèl chûl a, Min Yoongi room an rawn lût chu an ding thap mai.


BTS member dang an ni tih ka hria,


"Tunge i nih? Tunge a Hyung?"


Jhope ti a an koh thin chuan mak tih hmèl zet hian Manager Sejin Nèn chuan min entawn zak zak a.


"Yoongi Personal Nurse tûr a nih hi Chibai rawh u"



A tih chuan keipawn chibai chu ka lo bûk ve vat a, Bathroom lam chu ka melh zak zak reng bawk, Enkawl a harsa dâwn tih ka hria, mahse beidawng lo a ka tih tang tang chuan a dam èm èm ang tih hi ka ring tlat a ni.



"Hyung chu a dam lo nasa viau ami?"



Tiin An zînga naupang ber Jungkook chuan min zâwt deuh hâ a.


"Mmm...a tha lo takzet a ni"



Ka ti sap a, khâ mitmeng rum leh nèlawm loh zet khân puih a ngaih zia min hriattîr in ka hria, a chhûngrila natna leh khawharna kha, ka hmu thei tlat a ni.


"Mahse nâ a neih âwm ka hre miah lo"


Taehyung chuan alo ti ve sup a, midang pawh chuan an hriat leh hriat loh chu an in zâwt zui sap sap hlawm a.


"Hetianga a awm reng chuan a taksa pawn ala tuar vat ang, ka damlo enkawl tûr nihna diktak hi khawi ah mah ka sawi a rem lo a, min hrethiâm rawh u"



Tihpah chuan ka'n bu zauh a, hetianga khawvèl huapa milâr ni thei bula awm chu vânnei ka inti viau nâ a, mahse ka damlo enkawl tûr ber awm dân hian ka phûrna zawng zawng a ti reh vek.


Min Yoongi pawh chu a rawn chhuak ve ta nge nge alawm, Dum suit vek hian a inthuam a, a leather jacket dum hâk chuan a vun a ti lang vâr zual, en pawh min en lo in a chhuak nghâl nal nal a, midang ho chuan a ngaihna hre lo zet hian min en zek zek leh nghâl, harsa ti zet chuan ka lo nuih lui sak a.


"Anih Ireum lo awm la, kan rawn haw vèleh, i hnâ i thawk tan dâwn nia"



Manager Sejin chuan ka dâr a rawn bèn thuk pah chuan a ti a, midang pawh chuan min ngaihsak zui tawh èm èm lo in an chhuak zui ve mai bawk a.

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:35 pm

MAD LOVE (Suga FF)
Chapter-2

By

Hlutei Jocund Pachuau

Like, Comment, click🤭😉🦋💜




MIN YOONGI (Suga) POV





Van ah chuan ngâwi rengin ka chuang a, midang erawh tawng khalh hlâu ni âwm fahran hian an râk lût luai luai mai, keipawh chu ka lo nui lui ve suk suk a, ka nuih za èm èm lo mahse ka awm dân vânga tih lungngaih ka tum lèm lo, ka awmdân hi keipawn hriatthiam har ka ti, ka unau te laka ngèi pawh lem chan ka ngai a nia, ni e, ka tha lo alawm, ka tha lo takzet, mahse personal nurse rawih kher tûlin ka hre lo, midang hriat hlauh tawh nâk alaia an ngaih ka ti tha lo leh zual vek ang tih ka hlâu a ni, tûnlai chu khua a vawh vâng nge ka dâr hmâna ka tih hliâm tawhna kha arawn na ziah leh nghâl.


TIME SKIP




Shooting kan nei zo ta, that chhe zetin make-up roomah chuan ka thu vang vang reng a, nuam han tihna èm èm pawh ka nei lo, lem ka chang a ni deuh ber mai, hei vâng hi nia mahni a awm reng ka duh nachhan, ka unau te bula awm chu nuâm ti tho mahila ka awm dân vânga lemchan reng ngâi thin hian min ti hrehawm, an hlimna te, an khawvèl thlîr dân anga khawvèl thlîr ve theih te hi ka châk thin, mahse ka thei ve lo, tho thutin thutthlèng ah chuan ka thu hluai a, ka lû arawn na leh ngut ngut tawh, ka khaw hmuh techu arawn fiah lo a, ka lû chu dawm in ka kun tlawk tlawk ringawt.



Thâwm chu arawn ri deuh rawk a,


"Yoongi i tha em?"


Jin Hyung a ni tih ka hria, mahse ka chhâng thei lo, ka lu ana lutuk, nâ tih piah lam a ni, Manager Sejin a âu ri chu ka hre ruai ruai a.



Thâwk leh khatah arawn thim mup mai, thil ri chawrh chu ka hriat hnuhnun ber a ni.



__________



In be sep sep thâwm chuan min ti harh zawk a, ka'n meng riai riai chu khâ hmeichhia kha ka hmu hmasa ber, uluk tak hian ka bek leh ka lu vèl chu alo hmet niap niap a, ka lu na ut ut techu a zia hawk hawk thei nia, a hmèl chu uluk tak chuan ka lo en reng a, hmâibial chèm mai, hmûi lian lam hi a ni a, a mitmeng lian leh bial kal a min rawn en tâk ah chuan hmundang ka lo melh nghâl vat bawk.



"I lo harh tawh maw? I lu chu ala na viau em?"


Aw dam thlap hian a ti a, ka chhâng lèm lo, engtin nge ka lu ana tih a hriat zâwk le? Ka han hawikual chuan ka room ah ka lo mu reng tawh tih ka hre ve chiah, midang ho pawh chu an lo awm kim thap a, min ngaihtuah hmèl zet hian min lo en thap bawk.


PD Nim pawh a awm ve nghe nghe, an hna thawk lai ka tih buai vâng chuan ka inthiâm lo takzet a ni.



"Hah chawlh a mamawh a ni, kârkhat vèl chu keimân awmpui chawt ka duh, chuan a zia mai ka ring"



Nurse nu tè reuh chuan a ti a, Sejin HYung leh PD nim techu an lo bu nghauh nghauh a, ka thu chhuak nghâl vat.


"Chawlh ka mamawh lo, ka tha"


Ka lo ti vat a, chu nurse chuan lungâwi loh hmèl zet hian min rawn en deuh kal a, min ngaina bîk vak lo tih ka hre mai, a âwm tho, in ngainat tîr ka tum lèm lo.



"Ni lo e Yoongi, i hrisèlna hi a pawimawh ber, a tûl anih chuan thla leh a Janpan concert inneih tûr pawh thulh mai ka pawi ti lo"



PD Nim in a lo tih chuan ka ngâwi leh mai a,


"Ni e Hyung, I hresèl na hi a pawimawh ber, i tân kan awm reng a nia"


Namjoon in a tih chuan ka lo nui suk a,


"Chuan Nurse Ireum i chungah kan lâwm tak zet a ni"


Namjoon chuan a ti zui zat a, Ireum maw a hming, an thusawi ka ngaihthlâk peih tawh loh vâng chuan ka mu leh ta daih a.


"Hyung, i hria em? Ireum hi ila ngaina ve vat mai ang, a fel lutuk"


Jimin chuan nui thâw pah hian a ti a, ka lo bu nghauh ringawt, ka nuih ati za vè vak lo èm a ni.



IREUM POV




Midang an chhuah vek lâi chu chuhin Min Yoongi bathroom ah chuan ka nurse form chu ka ha a, boruak vawt deuh vur chu a tih lum deuh nân ac chu ka on sak a, a mai mit chhîng daih bawk sia, a muhîl a nih dâwn hi, a muhîl hmèl chu ka en vang vang a, milâr nih hi ka châk ve thin a, a nawm hmèl ka ti thei hlè, duh duh na hmunah thil an ei a, an awm a, kawr nalh tak tak an ha a, talent hranpa nei chuang lo mahila milâr nih ve hrim hrim hi ka châk thin, keini lo pawn an châk ve vekin ka ring, Mahse tûn atang hian ka châk tawh lo, Min Yoongi awm dân atang hian milâr nih ve ka duhna te kha a bo vek, Social media lamah duh tâwk in an sawi chhia a, an chanchin ho tè pawh chanchinbu lianah a chuang nghâl kulh zèl a, an tân chuan khawvèl hi a lo zîm thin dâwn hlè a ni tih vawiin hian ka hmu thiâm ve chiah.



A rawn khuh kharh kharh tâkah chuan ka hawisawn nghâl vat a,


"Mamawh i nei em?"


Min enkur a, min chhâng lo, nin hmèl zet a mengkual ralh pah chuan khum atangin a tho ta daih a, A drawer atang chuan Cigarette chu phawrhin a zûk a tum ta mai.


"Min Yoongi engthil nge maw i tih le?"


Tihpahin a meizial tan tûr chu ka chhuhsak a, pâwnah ka paih chhuahsak nghâl hmak bawk.


"I hrisèlna atân a tha lo"



Thinrim zet chuan ka'n ti a, za lo zet chuan a nui hul hak mai.


"Nang hi tunge i nih? Ka thil tih leh tih tûr min hrilh tûrin tunge i nih?"


Min vîn thawt vâng chuan ka lo îp châwih a,


"Kei hi i nurse ka ni a, ka thû i zâwm tûr a ni"



Ka'n ti khûr dar dar a,


"Hremhmunah kal rawh"


A tawngkam na lutuk vâng chuan ka en tlawk tlawk a, a cigarette chu a zu lui ta tho a, min la pak khum hlat hlat zui.


"Mipa i vawikhat hmuhna room ah nilèng thak a awm ve i tum a mi? Nge i nu in awm dân mawi a zirtîr ve lo zâwk che? Chhuak rawh"


Ka thinrim lutuk chu ka tawng thei tawh lo, hmanhmawh zet chuan ka chhuak ta hmak a, step ah chuan chhuk thlâ hlawk hlawk a, an choka ah chuan ka kawchhûng sa pup pup chu tih daih tumin tui vawt zet chu ka in nghâl khawlh khawlh bawk, ka mittui chu a rawn tling nghâl pam a.


"Khatiâng a min tawngkhum tûr khân tunge a nih fako bîk le?"


Ka mittui chu thinrim zet chuan ka hru sawk sawk a,


"Hyung chuan engtin nge alo tih che a?"


Ka phu chiang lutuk.... ka tui in lâi chu ka phuh chhuak tèp thei nia, Kim Taehyung chu ka bulah chuan arawn ding a, a bula han din meuh chuan kei ka lo nulian lèm lo nèn ka tè zual rawih rawih in ka hria.


"Khitiang reng khi a ni lo tiraw?"


Ka'n ti deuh tawl mai a, a nui suk mai, a hmelthat reuh zia chu.


"Ni bîk lo e, keini chuan ngâi ah kan nei tawh a, ila nei ve vat mai ang"



Awlsam zet hian a ti a, fridge a apple chu la chhuakin a room lam chu min pan sawn leh ta daih a, ni e, ka ti tawh ta sa sa, ka beidawng âwm lo emai a, tlâwm ka tum bîk teuh lo, a tâwp thlengin ka awm ang, "Min Yoongi, lo ngâi reng rawh, ila hre khawp ang" ka'n phun sap a.





A room a ka lèt leh chu alo awm miah lo, thlaphâng zet chuan ka hawi kual a, A balcony ah chuan lo thu in lehkha ah hian engemaw hi alo ziak mial mial chu ni in, ka thaw huai thei nia.



Ka haw a hun tèp tawh vâng chuan a damdawi ei tûr techu ka'n chhawp chhuak nghâl vat a, a ei loh leh a thû ni mai, ka mawhphurhna a ni tawh lo.



"I ei loh chuan i thû thû, ka hlawh chu a ngâi reng tho"


Ka phun sap a,


"Engemaw?"


Awi!!!...ka phu chiang lutuk, ka hnunglam ka hawi chu alo ding leh kur tawh nia, hetiânga min tih hlauhthâwn hi nuam ati viau a niange.


"Hei hi damdawi ei tûr a nia, tha deuhin ilo ei dâwn nia"


Nui sâng chuan ka'n ti a, hepâ laka nui hmèl put reng hi a har dâwn khawp mai, a kamis hâk dum hlap chu a in phelh deuh nuai a, a âwm vâr sar pawh ka hmu thei, tinge hepa bula ka awm hian ka mood hi adanglam vek zèl, hmeichhe harh tha vè tak ka ni a, mahse hepa mi uâp na lutuk hian min ti nguai zo vek zèl, a sam dum hlap buk laih kâr atang chuan mit meng zîm sar hian min en reng a, a tawng mawh vè ngawt mai.


"Inbe lawk ang Min Yoongi"


Min chhuahsan a tum chu a ding dat a, rawn hawi lèt in peih loh hmèl zet chuan Couch ah chuan a thu thla vè hmak a, ka thû a âwih ka vawikhat hriatna.


A ep chiah ah chuan ka'n thu thla vè nghâl a, inkuah kuah thân hian uluk tak chuan min en vang vang a, ka zâm chhe vek nia, ka sawi tûr pawh ka theihnghilh phah vek, ka mal lam chu en in a mit hmul leh lam chu a ti sâng zauh a, ka hawithlâ chu duh aiin ka pawnfèn alo chhîng tih ka hre ve chiah, ka'n pawt deuh nawk nawk a, mahse ti bâk chuan a tla thei miah lo, nin hmèl zeta thaw hak pahin a nghen chhan lukham chu a rawn theh phei a, ka zah zia chu, ka mal chungah chuan ka lo dah vat a.


"Nang angin nilèng hun ka nei ve lo a nia, sawi vat rawh"


A ti thûm deuh chhar a, a tawngkam chhuak rèng rèng hi ngaihno a bei thlâwt lo.


"Awle, khawngaihin ka enkawl che hi phal rawh, i damtha lo takzet tih ka hria a, nangpawn i inhria, khawngaihin ka mawhphurhna hi min hlen tîr la, chuan nangpawh ka enkawl dam thei ngèi ang che, mahse ka tiâm thei lo che"



Aw khûr dar dar chuan ka'n ti a,


"Awle, ka thû a ni hleinèm"


Awlsam zet hian a ti a, mahse duh aiin ka thusawi hi a ngâi pawimawh lo mah mah in ka hria, min kalpah vèl mai mai a ni.


"Ka tân chuan i pawimawh ber, i phalna la lo a enkawl che ka thei lo"


Ka'n ti leh a,


"Ka thû chu ni se kei hi idol ka ni lo anga, nang rawih phei chu a thleng ngai lo ang, ka nunah hian thû ka nei lo, chu vângin an thusawi kha zâwm la, hmeichhe fel tak anga lan tum buai duh suh, ka tân a pawimawh lo"



Chhân dân tûr ka hriat loh vâng chuan ka lo en tlawk tlawk ringawt, phun sup pah hian a tho ta hmak a, min chhuah san nghâl hmak bawk, ka mittui rawn tla mai tûr chu ka khap lèt fak fak a, ka thei em em ang, engtin pawn min tawngkhum mahse ka thei tûr a ni, inseh ruh in ka'n tho ve hmak a, ka inthlâk zui ve nghâl bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:35 pm

Please Like, Comment, Click......

Mad love (Suga FF)
Chapter-3

By

Hlutei Jocund Pachuau






Ka hâw tûr chu member dang ho rawn lût nèn chuan kan in tâwk chiah bawk nèn, ka mittui tla chu an hmuh ka hlauh vângin ka hru nghâl sawk sawk a.


"I haw tawh dâwn alaw?"



Jin chuan zâng vah hian alo ti a,


"Aw... harsatna awm chuan min lo call mai dâwn nia"


Nui lui sak chuan ka'n ti a, Min Yoongi Choka dawhkân a azu tlâk pap lai chu ka va melh zawk ringawt, tinge maw a taksa tâna tha lo tûr hlîr hi tih nuam a tih tlat le?....


"Ireum inbe lawk ang hmiang"



Manager Sejin chuan tih sup pahin pawn lamah chuan a chhuak zui a, keipawh chuan midang chibai bûk zauh pah chuan ka zui chhuak ve nghâl mai bawk a.


In kawta tual zâwl thingbuk hnuaiah chuan alo ding vûng a, ka va fin ve nghâl vat bawk.


"Rawn awm chilh thei la ka ti ngawt mai"


A bul ka thleng chiah tih chuan alo ti nghâl sup a,Ka meng deuh kâwk mai, mahse ka chhûngkua, ka nau leh ka pa te engtin nge an awm ang? Ka tello in an awn thei dâwn em ni?


"Ka chhûngte ka lo râwn ve dâwn nia"


Ka tih chuan thutak zet hian min rawn en a.


"PD Nim thiantha tak fanu ini tih ka hria a, i lakah hian rinna kan nghat a ni, PD Nim chuan i chhûngkua ngaihtuah lo tûr che in a ti che a, chuan i hlawh pawh a sân zâwk ka ring"


Ka nui sak a, PD Nim leh ka pa hi high school an kal dûn thin a, Band ang tepawn an lo zâi dûn ve lâwp lâwp thin tih ka hria,thiantha mai piahlamah unau ang hiala in en in, band te din a, khawvèl zawng zawng an music hmanga hrût chhuah kha an lo suangtuah ve thin, mahse ka pa tuina zâwng kha ka pi leh ka pu te duhzâwng alo ni ve hauh si lo, ka pi leh pu ten an rem tih sak miau loh vângin inthiantha tak pawh an in then a ngaih phah a, ka pa chu company ah thawk zui chho in PD Nim pawh a hlawh tling chho a, ka pa khân a chanchin min hrilh fo thîn na a, ka nu in min boral san nî kha ka hmuh hmasak ber na a ni a, tûnah ka hmu leh chauh bawk.



Chuan min duhsakin ka lakah pawh a tha hlè tih ka hria, mahse ka nau ka hmuh phâk lo a a awm tûr chu ka ngai ngam thei lo, bâkah amân a remtih ka ring lo.



"Ka nau ka lo râwn ve phawt anga, PD Nim chu min lo nghâk hret tûr in lo hrilh mai rawh, Min Yoongi chu tha takin ka enkawl ang tih ka intiam tih hi ilo sawi bawk dâwn nia"




Nui lui sak chuan ka'n ti a.




_________TIME SKIP________




In ka thleng chu ka châu ngèi mai, WooJe chuan rawng alo bâwl mial mial a, ka inthiâmlo ngèi mai, ka bâwl hman ta si lo a, thaw hakin manager Sejin thusawi chu ka ngaihtuah lèt vang vang a, khâ mihring bulah khân ka awm rei thei angem le? A sual in a khirh hmel si, a tawngkam na tak tak te hi ka dawh rei thei dâwn em mawni le.


"I hna thar chu a nuam vak nange?"



WooJe chuan min en hû pah hian a lo ti a, ka ngaihtuahna tangin ka harh chhuak vat.


"A nuam lèm lo, mahse tawrh theih loh khawp chu ni lo ang"


Ka'n ti liâm puat a, room ah chuan ka luhsan zui bawk.


"Noona inbual rih lo mai rawh zan riah ei phawt ang ka ril a tâm"


Ka nau chuan arawn ti lûng lûng a, ka kawr phelh tûr chu ka in ha leh nghâl vat a, ka chhuak zui nghâl bawk.




Zanriah pawh alo siam peih diâm tawh nia, phûr zet chuan ka thu thla zui ve vat a, a chhan chu Wooje hian kei aiin ei siam a thiâm zawk.


"Ivan siam tui hmèl ve, keipawh ka ril a tâm lutuk"

Ka ei nghâl mawlh mawlh a, zînga ka thil ei bâk kha ka la ei leh miah lo tih ka hre chhuak chiah.


"Noona, in diet ve la, i thau tan tawh a nia"



A tih chuan rum zet hian ka melh a, ala nui vur vur zui.


"WooJe"


"Huh?...."


"Ka damlo enkawl chu awm chilh rih tûrin min tia, hlawh pawh min pun teuh dâwn tih an sawi a"



A chaw ei tûr chu a tâwp chatin min rawn en vang vang a.


"A damlo nasa viau em ni?"


A rawn ti chhuak sup a,


"Mmm...dam lo nasa lutuk, zèp lo chuan ka khawngaih takzet a ni"


Min Yoongi hmèl chu ka ngaihtuah lèt vang vang a,Tinge kha misualpa kha ka khawngaih tlat nachhan hi ka hre bîk lo, a tawngkam chuan tilang lo mahse a chhûng rila natna thûk tak kha ka hmu thei tlat, hrehawm a tuar mèk a, puih a mamawh takzet a ni, damdawi leh zu tello a awm theih a duh ve ngèi pawh ka ring.


"Noona, min ngaihtuah duh suh, chuan vawiin kan test na ah 98% ka hmu nia"



Ka nuih sak a,


"Ivan ti tha ve, anih awm chilh ta ila, ka tello in i awm thei angem?"


Ka tih chuan a ner deuh sak a,


"Noona naupang chhia pawh ka nih tawh loh hi, sum tam tak thawk chhuak la, chuan keiin lehkha ka lo zir char char ang"



Ka nau hi a puitling ve tawh takzet tih ka hriat chuan ka hlim takzet a, hetiang rilru a pu nih chuan ngaihngam takin ka awm bo san thei tawh ang, Mahse ka pa erawh keimân ka kan reng a ngaih dâwn tho vângin ka sawi lang lèm lo.


____________


Kan pahnih chuan thlèng chu kan sil dûn rak rak a, naktûk atanga awm bo ka tum nghâl chûk chûk vâng a niang ka nau chu ka ngai nghâl dèr tawh.


"I damdawi kha ei theihnghilh lo la, Thlatin pawisa i account ah ka rawn thun anga, i mamawh lei nân chauh hmang ang che, zu in loh bawk tûr, chuan sports lam engmah itih a rem lo tih hre bawk la, ngaihzawng i neih pawn i zirlai a ti buai tûr a ni lo"



Ka thil tih lai ti mawlh mawlh pah chuan a thil tih leh tih loh tûr chu ka hrilh mial mial a.


"Noona, a tâwk, ka beng a kham tawh nia"



A ti deuh nûng nûng a, ka lo nui hak ringawt,


"Engpawh ni se, i hrisèlna leh i zirlai chauh ngai pawimawh ang che, i graduate mai tawh dâwn a, Grade tha tak nei a i zir chhuah ngèi ka duh a nia, ka nu hnèna i intiâmna kha hre reng la, tawngtai tam bawk ang che"



"Awle, awle"


Tih dût dût pah chuan ka thlengsil sa chu alo rem mial mial a, ka nu hi Kristian ruh tak a ni a, ka nau nèn pawh hian min kâi hruai tha hlè thin, ka pa erawh Buddhist sakhaw vuan tu a ni a, mahse ka nu nèn an inneih khân Kristian ah a in let ve a, mahse a ruh èm èm hran lo.





___________NEXT MORNING_________




MIN YOONGI POV





Vawiin atangin chawlh kan nei tan dâwn a, keichuan treatment ka lâk dâwn vângin zin chhuah min phal sak lo, mahse pawi ka ti em em hran lo, khawi ah pawh awm ila ka awmdân a danglam phah chuang lo.


Midang pawh chuan min khawngaih vângin min zin san rih lo a, mahse zin chhuah chu an tum tho in ka hria.



"Hyung, Nurse Ireum kha hetah arawn chèng ve rih dâwn a"



Jungkook chuan ka room kawngkhâr a rawn dah dèk dèk pah chuan a ti a, Manager Sejin chu a rawn lût zui ve nghâl bawk.


"Chibai bûk tûrin lo chhuak ve rèng rèng rawh, enkawl tu tûr che a nih hi"



A tih chuan thâwk ka la hawk a, ka bula midang awm reng pawh ka ngaih theih loh tehrèng nen, Hmeichhia leh lek phei chu ka ning zual, he nû tèreuh pawh hi ka ngaina lo, nurse hrim hrim hi chu ka ngaina lo vek.


"Ni e Hyung, alakah tlèm tala that kan chhuah vè loh chuan"



Jungkook pawh chuan alo ti ve vat a, ngâwi reng chuan tho in Jungkook chu ka kuah chhuak ve mai a, inhnuai kan chhuk chu An lo hual deuh thap a, Nurse satliah ve mai mai alaka that chhuah a ngaihna chhan tûr ka hre lo.


Mit meng fiah leh fîm kâk hian uluk zet hian min lo en kar reuh a, ka chhûngril hi arawn hmu thei tlata hriatna ka neih vâng pawh hian ka ngaina lo.


"Chibai le"


Tih sap pahin akun zauh a, a luggage sen no lian vak lo a vuan ngar ngar tih ka hmuh chuan a zâm hlè tih ka hre thei, a bag ah lian zet lah chu a in hmeh phiân leh nghâl.


"Mipa rual zînga awm chu a nuam vak dâwn lo a, ei rawng min bâwl sak thin tu Ajhuma a awm ve reng thin a, ani nèn chuan in inkâwm thei ang"



Namjoon chuan dam thlup hian a ti a, Chu nû tereuh lah chuan nui ver ver hian lâwmthû alo hrilh sap bawk.



"Ireum shi...keimah nèn pawh kan inkâwm thei reng a nia"


Jhope chuan nui huah huah pah hian alo ti a, ka lo thaw hak ringawt, ka ke te hi a kham tûn tawh, Taehyung ring chuan ka'n ding leh rih a, ka tih thin dân a ni hrim hrim bawk a, min ning âwm pawn a awm ngâi lo, ngâi ah a nei tawh pawh a ni mahna.




IREUM POV



Ka room thar ah chuan ka thu ngawi kar a, Ka pa leh ka nau tha taka an awm theih nân ka tawngtâi bawk, naupang chhia pawh ka ni tawh si lo a tinge ka tah a chhuah tlat le, ka mittui chu ka hru fap fap reng a.



Inbual tûra ka bathroom ka lût chu tui a haw thei miah lo, avai chuan ka enkual a, tui engmah a haw thei lo reng reng, engtin nge ka tih ang? Room atang chuan chhuakin manager Sejin chu ka zawng nghâl a, RM nèn an lo ti ti mawlh mawlh lai chu ka va fin ve vat a.


"Bathroom saw tui a haw thei lo a"


"E...ni tak e, rum ruak ani sia, line kan lo kal tîr lèm lo a nih kha, ka lo siam tîr chhûngin Yoongi bathroom khi lo hman sak mai rawh"



Awlsam zet chuan a ti a, hreh viau mahila ka hnial ngam loh vâng chuan ngâwi rengin ka lèt leh hnâ hnâ a, an ni pawh an ti ti leh zui nghâl mawlh mawlh bawk.



Ka inthlâk na tûr leh towel vèl pawm tân chungin Min Yoongi Misuala roomah chuan ka lût dèk dèk a, alo awm lo hlauh, tih chî lutuk, hmanhmawh zetin bathroom ah chuan ka inbual nghâl sawk sawk a.


__________


Ka inbual zo chu ka harh sawng sawng in ka hria, thâwm dîm thei ang bera ka chhuak tûr chu Min Yoongi chuan thinrim hmèl zet hian kawngkhâr chu alo pèt hawng thuai mai, ka phu zawk thei, rang zet chuan bathroom lamah chuan ka tlân lût leh nghâl vat a, min hmuh vaih chuan ka châk dâwn lo lutuk.



"Ngatinge show kan neih na ah khân ilo kal loh?"



Phone a hmang tih ka hria, a bialnu emaw ni le.


"VIP ho thutna ka lo hauh sak che sin, mahse ilo kal si lo a"


"Ka nu"


Vîn thawt chuan a ti a, a phone chu a paih darh nghâl chuaih mai, ka hmûi chu hupin a awmdân chu ka bihthla dèk dèk reng a, a bialnu maw ka tih kha a nu ni maw, a nu lakah chuan a lungâwi lo takzet tih ka hmu thiâm nghâl bawk.



Thâwk leh khatah bathroom lam chu arawn hawi thut a, ka lo inring hman lo nèn awmsawn vat ka tumna lamah chuan ka tawlh thlu thuai mai, ka râk zuai nghâl that a, ka thi dâwn chiang lutuk.


"Tunge?"


Tihpahin bathroom kawngkhâr chu arawn hawng thuai a, towel chiah ka lo hrèng bawk nèn, ka zak lutuk, engmah a hnuaiah ka ha lo leh nghâl.


"Nangmaw!"


Phâwk hrû hian min en a, ka che ngam tawh lo, pasi lâi zet chuan ka awm reng ringawt.


"Ih....ka....ka bathroom ah tui a haw thei lo a"


Bah niai chuan ka'n ti a, min nin hmèl zet hian a thawk hak mai.


"Chhuak rawh"



Rum ûl a min melh chung hian a ti leh nghut a,


"Awle....ka tihpalh"



Ka tho tûr chu ka bawp arawn nat deuh zawk vâng chuan ka ner sak a, mahse na lo ang thei ber chuan ka awm tawp, muangchâng chuan ka kalsawn hnâ hnâ a.



"Ding lawk teh"




Chhîng sawk chung chuan ka ding dat a, ka lungphû te hi an su leh dup dup tawh, min rawn kal hualin ka hma ah chuan arawn ding a, uluk tak hian min en chhuk rûn mai, ka chil ka lo lem khalh ringawt, en pawh ka en tha ngam lo.


"Ka phalna la lo in engvângin nge ka bathroom ilo hman?"



Thûm deuh chhur hian ati a, chhân pawh ka chhâng mai ngam lo, ka lo mengkual zak zak ringawt.


"Nang hian min hnaih i duh viau em ni?"


Min tham loh hmèl zet hian min enkur a,


"Chutiâng a ni lo.... Manager Sejin khân hmang turin min ti lawm"



Ka tih chuan a nui hak ringawt, a aia hnâiah chuan min rawn pan deuh chhut a, ka lo tawlh hnung nghâl vat bawk, min rawn pan hnâi zèl a, ka lo tawlh hnung ve zèl bawk.


A hnû deuh ah chuan bang ka su ta dawt a, ka lu zâwna bangah chuan a kut leh lam chu a rawn nghat deuh chawrh a, ka lungphû lah chu a su dup dup reng leh nghâl.



Hnâi zetah hian arawn kûn hniâm a, min kiss dâwn maw ka tih vâng pawh ni chuang lo in ka hmûi chu ka lo pet lût nghâl hmak bawk.


Ka awmdân vâng chuan a nui deuh hak a, a nui ka vawikhat hmuhna a ni, mak ti zet chuan ka lo en kar a, a nui tâwp leh nghâl hmak nia.


"Chhuak rawh, tûn chinah chuan ka phalna la lo in he bathroom ah hian lût tawh suh ang che"



Fiah zeta tih fak pahin bathroom lam chu a pan nal nal a, ka âwm dawmin thâwk chu ka'n la hak a, min tina dâwn maw ka ti hman a, rang thei ang ber chuan ka tlân chhuak nghâl vat bawk.



He misualpa room bulah berkher hian min awm tîr a, mahse ka hnaih a ngai bawk si, engchen nge ka tawrh theih ang aw.


_________________

Ka form chu hâk ngai a ka hriat loh vângin kawr hâk nuam thei ber tura ka rin chu ka inbel tawp a, ka nau chu ka call nghâl vat bawk.



"Noona"


Zâng vah hian arawn ti a, ka lung a lèng leh ringawt tawh ka nau âw ka hria chu ka tap lek lek mai, ka mittui tla tûr chu ka khap lèt fak fak a.


"Enge i an? Na te i nei em? Chaw te kha ilo nghei mai mai ange aw"


Ka tih chuan anui ri hak a.


"Ka tha lawm, mahse i awm lo a ka khua chu a har ve deuh"


A tih chuan men pâr chungin ka nui hak ringawt.


"Anih ka dah aw, damdawi pèk a hun tawh sia"



Ka tih chuan lungâwi takin a dah ve mai a, damdawi leh tui chawi chung chuan Min Yoongi room lam chu ka pan nghâl vat a.



A room kawngkhâr chu a lo la in hawng huau zui, kik hran lo chuan ka'n lût tlang tawp a, amah phei chu ka hmu lo, a khum bula drawer chungah chuan ka thil ken chu ka dah tawp a, a ei lai ka hmuh loh chuan ka ngaih a ngam lo, a khum bula Couch ah chuan nghah pahin ka lo thu rân a.


"Jungkook ah....ka t shirt kha min lo pe lawk teh"



A aw ri ka hriat vèleh chuan ka ding zawt a, mahse Jungkook a awm si lo, a khum a T shirt dum in pharh diai chu ka en ngar ngar a, va pe ta ila a thinrim viau angem? Ka pèk loh chuan ruakin arawn chhuak mai ang tih ka hlâu bawk si, nge ni a ka awm tih ka sawi zâwk dawn?



"Jeon Jungkook"


Tihpahin arawn chhuak ta mai, Kekawr ha tawh mahse kawr ala ha lo, a taksa chu vâr tak a ni, a chèr viau amaw ka tih kha chuti lutuka chèr chhiar chu a ni lo, min hmu chu a phu zawk a, keipawh chuti tho, rang zet chuan bang lam chu ka hawi vat a, check tlak tlak pahin a t-shirt chu a ha sut sut tih ka hria, mahse ka en ngam tawh lo.


"Engvângin nge ngâwi renga i lo luh?"


Nèm fahran lo hian a ti leh tawh, thâwk chu la hawk in amah chu ka'n en a, a hmèl ka hmu chiah chu ka chil ka lem khalh ringawt, a t shirt dum in a khuh loh chin a nghâwng chu avâr sar mai, a sam huh hlap kâr atang chuan min enkar a, ka awm dân a dik lo leh vek tawh, ka dang techu arawn ro deuh huam huam hian ka hria.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:36 pm

MAD LOVE (SUGA FF)

CHAPTER-4

BY

HLUTEI JOCUND PACHUAU

Like, Comment, Click....








"Damdawi ei a hun tawh a, khawngaihin ka ka hmuh lai hian i ei thei angem?"



Inthlahrung zet chuan ka'n ti a, ngâwi reng chuan min rawn kal pèlin damdawi chu awlsam zet hian a ei ve mai a, ka lo nui nghâl sak mai.


"I lâwm tawh em? Chhuak tawh rawh"



A ti leh hmuk a, Couch ah chuan that chhe zeta thut pahin a cigarette bawk chu a pak khu leh hlat hlat tawh.


"Kha kha i hrisèlna tân a tha lo nia"


A meizial pet reng chung hian min rawn enkar a, za lo zet hian a nui kiai suk mai, a meizial chu la chhuakin a kut kârah chuan a zep a, hnâi zetah hian rawn dîngin ka hmâi zâwnah chuan arawn kûn hniâm deuh a, chiang zet hian min en leh kur tawh nia, en pawh en tha ngam ve lo in ka lo hawi kual zak zak ringawt.


"Chhuak vat mai rawh"



Tih suppahin ka chal laiah tak chuan a kut zungchal hian min kâwk dâk âwrh a, ka lo tawlh hnung khat khat thei.


"Min Yoongi....kei hi i nurse nangmah enkawl tu che ka ni a, i hrisèlna atâna tha lo tûr i tih hi ka rem ti lo, chuvângin i cigarette kha paih rawh"



ka'n ti lèt ve tân tân a, ka thin a rim tûn tawh, min tih dân teh thlâwt hi a dawng sawng tu tân chuan a lâwmawm vak thîn loh.


"Tu pawh ni la ka ngâi pawimawh lo, chhuak vat mai rawh ka thinrim hmâ hian"



Inseh chilh rapa a rawn tih tâkah chuan ka chil ka lo lem khalh a.


"Awle, a tha e, i taksa in atuar anih chuan ka mawh phurhna a ni tawh lo ang"


Tiin thinrim zet chuan ka chhuak tâu ta hmak a, kawngkhâr chu ka khâr ri thuai bawk, "Ngeiawm lutuk mai, khati teh fako intih techu, tunge lâwm anga, engtin nge khatiâng mihring kha hmeichhe ho hian an duh èm èm theih le? A sual tehrèng nen"
Mahni chuan ka phun hlak hlak a, a room kawngka zâwnah chuan thinrimin ka insawh nghawng nghawng ringawt.




MIN YOONGI POV




Kha hmeichhe awm dân vâng khân ka nui suk a, a tèt tèt nen ala inla thû ve èm èm a, "Mâwl reuh si" keimah chuan ka phun sup a.



Ka ngaihtuahna tang chuan ka harh zawk, hetiânga ka nuih lohna chin hi a rei tawh hlè mai, ka cigarette chu ka en vang vang a, ka taksa tân a tha lo tih techu ka hre chiâng khawp mai, mahse ka inhnem na ah ka ngâi ve tlat thung, drawer lam chu panin ka dam dawi ei thin chu ka en vang vang a, hawng nghâl rawk rawkin mûm thum chu ka'n hmawm hmak a, khumah chuan ka tlu nghâl tawp bawk.



Ka ngaihtuah na techu akal kual leh ruai ruai tawh, ka lu techu arawn na leh ngut ngut a, ka bek tawn tawn chu dawmin khumah chuan ka tâl let leh vak vak tawh.


"Talent i nei ve lo Min Yoongi"


"Mi hîpna pakhat mah i nei lo, Idol nih hi i inhmeh ve thlâwt lo"



Tawng ri techu ka bengah chuan a in rîk chhâwk char char a,


"Nang hi drugs iti thin a ni lo maw, i vun hi a dâng lutuk"


Tûpawh mai chuan min huâl thupin ka hria,hetiâng hmuhsitna hi ka kham tawh lutuk, ngatinge milâr ka lo nih kher? Idol nih ka duh lo.


"Kalbo rawh u"


Tih tuar pahin ka tho hluai a, ka room kil tinah chuan min haw tute chu an ding thup vek a, nasa tak chuan min nuih sawh hlawm leh nghâl, ka hmuh hmasak apiang techu chair chuan ka'n hlap pawp pawp a, mahse tûmah ka hlap fu thei lo.


"Ka nun atang hian kal bo rawh u"


Ka dawhkân ah bawk chuan ka tuân leh tawh, glass dawhkân nimin lawka an thlâk thar chu ka'n chûm keh thuai a, ka kut chu a rawn thîp nghâl ut ut mai.




"Hyung?!"



Ka unaute ho chu an lo tlân lût sap sap hlawm a.


"Thisen !....Yoongi i tha em?"



Hoe Seok chuan hlauhthâwn hmèl zet hian a ti chèl chûl a, midang chu an lo phe buai nghâl chûk bawk, Jungkookie lah chuan ka that leh that loh vawi thum lai min zâwt hman.


"Ireum ka'n âu a nge"



Taehyungie chuan tihpahin room atang chuan a tlân chhuak nghâl a, ka awmdân chu an vawi khat tawnna ni lo mahse inhliâm khawp khawpin ka la awm ngai lo.


"Hyung, ana viau em?"



Jimin chuan ati deuh chhèn leh nghâl a, heti khawpa thî nasa techu nâ ka tih loh bîk a ring rèng rèng amawni le.


"Min Yoongi ana viau em?"


Nurse tereuh kha rawn lûtin ka kut chu a en nghâl mawlh mawlh a, a hlauhthâwn hmèl èm èm lehnghâl, keichuan ngâwi rengin ka melh ngâi chu ka melh ngar ngar thung, khâng mi te kha an bo leh vek tawh, kei hi ka â tak tak a nih ka ring.


"Ireum Shi...damdawiin ah kal pui a ngai angem? damdawiinah chuan miin an lo hre palh ang tih a hlauhawm bawk sia"


Namjoon chuan alo ti vat a,


"Ngai lo ang, a pilh hlek hlek ringawt chauh a nih hi, a vun tha lâi a pilh lutuk chuang lo a, hlâuthâwng suh u"


A'n ti nghâl zung zung a, a hmèl chu ka lo enkar thung, a hmaibiâl chèm hi piai hlak a châkawm thin.


"A ser angem?"


Jin Hyung chuan alo ti vat a,

"Ser lo ang, ka thui dawn lo a, heti hian dam tawp se a tha zawk"


"Jungkook shi.... khawngaihin Ka room a first aid box lian zawk kha min lâksak thei angem?"


A'n tih chhunzawm zat a,

"Awle tehrèng mai"


Tihpahin Jungkookie chuan hmanhmawh takin nurse room lam chu a pan ve vat a,


"Chuan Jimin shi khawngaihin tui thianghlim min lo lâksak ta che"


A'n ti leh a,


"Awle tehrèng mai"


Tihpahin bathroom lam chu Jimin chuan a pan ve leh nghâl mai a.



Jungkookie lo thlen hnû chuan ka kuta thisen kâi hnuang chu lapua chuan a hru fâi mial mial a, midang ho chuan min lo din hual thapin Nurse nu thil tih lai chu uluk tak chuan an lo en thap hlawm a.



"Ana dâwn nia, lo inring rawh"


A tih chuan min rawn en zawk a, ka lo enreng vâng a niang a hawisan rang khawp mai, henû hian ka mitah tak hian min entha ngam ngâi miah lo.



Damdawi arawn hnawih lâi chuan midang ho chu an lo then sak sak hlawm a, kei erawh nâ ka hre thei lo, ka damdawi ei vâng pawh kha ni maithei ni, ti thang tawh tih hriat zet hian hnehsawh zetin ka kut chu a tuam zaih zaih a.



"Ireum shi chu iti thang a ni maw"


Jimin chuan nui sun sun hian alo ti a, a lâi hmèl hi ka ngei lehpek tlat tawh, ngâwi rengin tukverh lam chu ka lo en hmak thung.


"Nia, hmun ro thap deuh deuh ah ka duty thin alawm"



Ngaihsak lo deuha awm tum si in an tawng erawh ka lo bengkhawn èm èm thung.


"Khawngaihin lo va chhuak ula, a fâl a biak lawk ka duh a"


A tih chuan a thû chu âwih hmèl zet hian ka unau te ho chu an chhuak zui dam dam a, a thu hnuai a a dah thiâm lutuk chuan ka nuih tepawh ati za rum rum e a.





An chhuah hnû chuan ngâwi rengin ka bulah chuan arawn thu thlâ a.


" Min Yoongi kei hian Kum 2 lâi chu experience ka lo nei ve tawh a, nangmah ang hi tam tak ka tawng tawh bawk, mahse nang aia luh lul leh in kil tawih hi ka la hre ngai lo"


Dam diai hian ati sep sep a, a thusawi chu ngaih pawimawh loh hmèl zetin awm mahila ka bengkhawn kur reng tho.


"Harsatna tam tak i paltlang tih ka hria, hmuh pui ve kher lo che mahila, i nun kawng zawh harsat dân tûr hi ka hriatthiam pui che, khawngaihin ka enkawl che hi min phal sak rawh, ka ngèn tak meuh meuh che"



Nin hmèl zet chuan thâwk chu ka'n la vèl a, mahse a bula ka awm hian, engtin emaw tak hian ka hahdam ru riau thin, hmeichhe zaidam leh harh vâng tak a nih ka ring a, a aw dam leh a tawngkam dawnsawn nuam tak fel thlarh te hian reilote chhûng khân min ti hahdam sawng sawng mai, mahse chu erawh a hriat ka hlâu hlè thung.


"I hnathawhna tûr ka dâl itihna em ni?"


Tihpahin a hmèl chu ka'n en a, a mit meng lian leh fîm kâk hian min lo en leh kar tawh.


"Chu chu ka sawi tum a ni lo"


Min enkar chuan ati deuh sap a,


"Khawi ah emaw chhuak lawk ang hmiang"


A rawn tih chuan mak ti zet hian ka en deuh kâwk a, ala nui ver ver zui,


"I â mi?"


Ka'n ti nghut a,


"Bike i nei tih ka hria, khawi ah emaw kal pui che ka duh a, mipa leh mipa angin inbia ang"


Inthlahrun hmèl tak hian a ti chuai leh raih a, tu in nge lo hrilh leh hmanhmawh ang aw... Jungkookie a ni maithei ni.


"Bike ka khalh thei lo, ka kut ana"

Ka lo tih san hmak a,

"Khalh theih loh khawp nâ a ni lo tih ka hria e aw, in tih thawven i ngâi alawm, khawngaihin"

A sawi chu a dik viau tho mai,

"A tha lawm"


Engvânga remti ve mai nge ka nih pawh ka hre lo, a inthlahrung hmèl chu hlim hmèl hian a rawn in thlâk a, a rawn ding chhuak hliai mai, a tè reuh sia, a chèt zawng hian a taksa zawng zawng hi a che tel nghâl vek zel.


"Ka kawrlum ka va la lawk ange, nangpawh in ha lum rawh aw a vawt sia"



Hlim hmèl taka tih pah chuan a tlân chhuak nghâl a, za lo zet chuan ka nui hul hak ringawt, muangchângin ka thawmhnaw bâwm a, ka leather jacket chu ka'n la chhuak a, engvâng teh hrep a chhuah pui tum nge ka nih pawh ka in hre lo e a, a vawi khat nân Min Yoongi hian thil tha a ti ve dâwn pawh a ang khawp mai.



Rang zet chuan ka chhuak zui ve mai a, inhnuaia ka chhuk chu midang chuan phone en mual mual pah hian an lo thu darh nuaih hlawm a.



Nurse nu tè reuh kha ka'n zawng kual ru deuh chhin a, choka atang chuan Jin hyung nen hian nui var var a an rawn in zui chhuak ka hmuh chuan ka thin hi asa deuh phat mai, engvâng nge phei chu ka hre lo.


"A tui lutuk ringawt ei rawng bâwl i thiam hle mai"


Na Ireum chuan nui var var hian ati a, Jin hyung pawh chu alo bu nghauh ringawt.


"Hyung , fîm khur ru aw paparazzi an tam sia"


Namjoon chuan ati deuh lûng lûng ri chu ka hre thei, Na Ireum tèreuh chu ka hnungah hian arawn tlân ri khat khat a, naupang chhia ang mai, chek tlak tlak pahin ka bike chu ka'n la chhuak a.



Ka tinung nghâl vut vut bawk.


"Chuang rawh"


Ka'n ti nghut a,


"Lawkin"


Tihpahin ka helmet chu min rawn khum tîr vat a, ka lo theihnghilh daih, amah pawh chuan a khum zui ve vat a, phûr hmèl zet hian ka bike hnunga rawn chuan a tum chu a chuang thiâm miah lo nia.


Thaw hawk pah chuan ka lo meng kual ralh a.


"A sâng lutuk a"


Inthlahrun hmèl tak hian ati khûr deuh dat dat a, a vawithum na ah chuan arawn lâwn kai ve thei hrâm alawm, a che thing thei reuh ngawt mai.


Ngâwi reng chuan ka'n tlân chhuak phut a, ala eu dâwrh zui, dârthlalang atanga a thlaphâng hmèl ka hmuh chuan ka insûm zo lo chu ka nui ru char char a, ka'n rest leh vak a, tè that pahin ka kâwngah chuan min rawn kuah deuh thut a, ka lo inring lâwk lo nge ka lo phu deuh zawk mai, rang zet chuan a in la hrang nghâl vat a, a inthiâm lo hmèl chu nuihzatthlâk tak a ni.


Kawngpui kan thleng thla chu chak zet chuan ka khalh nghâl par par a, ka phurh nû chuan a hlâu tih ka hre reng, mahse a hlâu hmèl ka hmuh chuan nuam ka ti ting mai.


"Lawkin ding lawk teh"



A tih chuan ka ding ve nghâl mai a,


"Tah sâwn kal ang"



Tihpahin park thim lai deuh naupang infiâmna awm nuaih na chu a kâwk va a, a chhuk thla nghâl taih taih bawk, muangchâng chuan ka zui ve mai a, a awm dân hi a châng chuan a naupang chhia ka ti tlat zèl.


Ka helmet chu phelhin ka sam chu ka'n tuai tha mawlh mawlh a, mahse ka hmâi erawh Mask in ka tuam tlat thung, Army ho in min hmuh chuan ngaih loh lamah an lo ngâi palh ang tih ka hlau.


Thutthlèng uai thei ah chuan thut pahin a ke chuan a in thèn lauh lauh a, a nui var var reng bawk.


"Lo thu rawh"


Tihpahin a bula thutna âwl lai chu a bèng fai thak thak a, engtak chu min tihpui ang maw, peih lo zet chuan ka'n thu thla ve mai a,


"Saw...i hmalam saw en teh"


Tihpahin kan hmalam a building lianpui chu a kâwk va a, ka hawi phei chu ka thlalâk lianpui hi alo in târ èng kulh bawk, ka thlalâk chu ka'n thlîr vang vang a, han hlimpui hluaina tûr èm èm pawh ka hmu lo.


"I langtha lutuk ringawt"


Nui sâng hian a ti a, min rawn en chu ka hmèl lo danglam vak lo chu hria ni âwm fahran hian a nui tâwp riai riai a.


"I awmdân hi tûman an hriatthiampui lo che in i angai a,tûmân an pui thei lo che pawh a ni thei, Haw tu leh sawisèltu che tam tak ilo nei pawh a ni mahna, mahse en teh, haw tu che aiin nangmah hmangaih leh duh ngawih ngawih tu che an awm tih i hria em? I nuih apianga lo lui nui ve thin te, i tah pawha lo tap ve thin te, i thinrim a nangmah aia lo thinrim zâwk thin te hi a tam zâwk an ni, en teh....i khawvèl hi a mawi a sin, nangchuan he khawvèlah hian hmeichhe tam tak hmangaih tu che i nei tih hi pawm rawh Min Yoongi, mahse maw...kei chuan ka pa leh ka nau bâk ka nei miah lo ...ti chung chuan ka hlim tho"



Ka thlalâk en vang vang chuan ati sep sep a, amah chu uluk tak chuan ka lo enkar bawk, a thusawi chu ka'n ngaihtuah vang vang a, hmeichhe mak tak a ni, Thlâ (moon) khian kil lî a nei pawh ti se ka âwih ang.


"He khawvèlah hian lungngaihna tûr i zawn chhûng chu i hmu reng ang, chutiang chiah chuan hlimna pawh i zawn chhûng chuan i hmu tho ang, Min Yoongi nangmah awt ngawih ngawih a, nangmah ang nih châk tam tak an awm asin, keipawh chûng zîngah chuan ka tel ve"


Min rawn en vèleh chuan ka lo hawisan daih a, thla èng deuh riai in a hmèl hlim sar mai a chhun èng phât ka hmuh hian ka chhûngril hi alo hlim ve veng veng mai.


"I khawvèl thlîr dân ang hian thlîr ve thei ila ka ti, mahse keichu ka danglam bîk a, haw tu pawh ka ngah alawm"

Ka'n ti ve mai a.

"Danglam bîk nih hi a pawina a awm lo Min Yoongi, i khawvèl thlîr dân chuan thlîr la, a thim vek tiraw?"


A tih chuan ka lo bu nghauh a, engtin nge a hriat reuh le? .


"Vawikhat tal a èng zâwngin han thlîr ve chhin teh, he khawvèl hi a mawi asin, hmangaihna te, zah ngaihna te, ngaihdamna te, hetiáng zawng zawng hi khawi atangin nge i hriat? He khawvel atang hian a ni lawm ni? En rawh i thlalâk saw....a nalh lutuk ringawt"



A nui hak a, a thusawi chuan ka ngaihtuahna a ti kal thui khawp mai, a sawi zawng zawng kha ka hre chiang hlè na a, mahse atakin ka chungah hian Ka unau te ho bâkin an la lantîr lo, ka khawvèl kha azîm thin èm bawk a ni.


"Hmangaih tu i ngah zia hi, i chhûng te, i fans te, i member te, an hmangaih zia che hi, anni tân chuan i hlim ve thei lo em ni? I laka an lantîr thin hmangaihna te hi i lantîr ve dâwn lo em ni?"



Min enkar chung hian ati a, ka nu leh ka pa, ka unaute, ka mitthlâ ah chuan an rawn lang chuaih chuaih mai, ka nu leh ka pa kha ka ngaidam thei angem ka hre lo, ka nu in ka tuina zâwng tih min phalsak loh lai te, school ka kal lai a ka hla phuah min rûk sak thin lai te, pawisa ka neih loh vânga school bân a pianga, bus a riltâm a haw nge? Noodles bowl khat ei a ke a haw? Ti a ka in ngaihtuah buai lai techu ka ngaihtuahna ah an rawn lût zut zut a, an ni kha ka ngaidam thei angem? Trainee ka nih lai zawng zawng a ka unaute ho in kawr thar an nu leh pa ten an rawn thawn lai pawh a dawn tûr pakhat pawh ka neih ve loh lai techu ka ngaihtuah lèt a, khaw vawtin ka dâr arawn hmet na deuh ngur ngur chu ngaihtuah zuiin chanchin bu ka sem laia motorin min sut lai techu ka rilru ah arawn lût zut zut a, kha motor min su tu tlân chhe daih ta tekha ka ngaidam thei angem? Ni e...hlim tûr ka ni, mahse kha ka hun lo paltlang tawh zawng zawng te vâng khân tûn thlengin ka nun chu ala pângâi thei tak tak lo, an ni ho kha ngaidamin ka nun hlui te kha engtin nge ka theihnghilh theih ang? Theihnghilh ka duh takzet ani.


Ka bula thu nu lam ka hawi chu alo hâm bai bai a, a mut a chhuak tawh a ni maw.


"Kal tawh ang mut ka duh"


Tih hmuk pahin ka tho thut a, bike lam chu ka pan nghâl vat bawk.



Ka bike ah ka chuang chiah tih chuan a rawn tlân phei dâr dâr a,


"Ka la sawi zo lo asin"


Ati deuh nâng nâng bawk,


"Ka mut a chhuak, mut ka duh".


Ka lo tih sak hmak a, engemaw sawi niah niah pah chuan a lâwn kâi ve nghâl mai a, mahse ka bike ka lo tih nun tawh vângin a thusawi erawh ka hre chiâng thei lo.

___________

Bike a kan tlân reng lai chuan Na Ireum chu arawn bu deuh lâk lâk a, ka dârah chuan a lu chu a nghat deuh dat dat reng leh nghâl, dârthlalang atanga ka en chu alo muthlu lek chu lo niin, ka kut leh lam chuan a lu chu dawmin ka hnung zânga bei thei tûr chuan ka siam rem a, ka nuih hak ringawt.



Naupang chhia ang chiah, ala upat vak pawh ka ring lo, engvâng teh hrepa chhuah pui nge ka nih pawh ka hre lo e a.

_________





Na Ireum POV



Ka harh chu thutthlèng ah ka lo mu reng tawh chu niin, ka tho hluai a, Jungkook ka hmu hmasa ber, phâwk hrâ hian min lo enkar a.


"Engtin nge in ka thlen? Ka lo muhîl daih a"



Ka'n ti nghâl tâwng a, Taehyung pawh chu hâm bui bui hian a hnung thak hi arawn hiat chhuak sut sut a.


"Ilo harh tawh law? Hyung khân arawn pawm lût che a, thil thalo a thleng amaw kan lo ti hman alawm"



A ti nuah nuah a, mak ka ti lutuk chu tawng mai nachâng pawh ka hre lo, Min Yoongi khân min pawm lût maw!...avan mak,


"Ireum shi i chil thlî i thlauh a nia"



Tihpahin Jungkook chuan ka hmûi chu arawn kâwk vâ a, ka hmûi vèl ka khawih chu engmah huh a awm lo.


"Chimawm suh aw"


Ka'n ti hlak a, ala nui var var zui, Jungkook ka hmuh hian WooJe ka hre chhuak ziah leh nghâl, ni tak, vawiin ah ka la call miah lo, tho vutin inchung lam chu ka pan vat a.


"Muttui u"



Tihpah chuan ka tlânchho leh nghâl vat a, ka phone chu phawrhin WooJe chu ka call nghâl vat bawk.



"Noona"


A muhîl tawh a ni maw, dâr zat ka en chu dar 11 pm alo ri reng tawh, Jeon Jungkook khân min kaihthawh ve mai âwm, chimawm reuh lutuk mai.


"I mu tawh mi?"


"Aih, mut ka lo tum chiah zawk"


"Anih chaw i ei em? Ramen mai mai tekha ilo ei ange aw"


A rawn chek tlak tlak a, a hmèl awm dân tûr ka lo mitthlâ leh hman hmawh pek a, a ner leh nûng ang chu.


"Noona, ei rawng bâwl techu nang aiin ka thiâm daih zawk aw"


A rawn tih nûng nûng tâkah chuan ka nui hak a.


"Anih ka dah aw, damdawi te kha ei theihnghilh lo la, muttui aw"


Ka tih zawh chuan ka dah leh mai a, a tha tih ka hria a ka hlim veng veng tawh mai, nui var var pah a kal ka tum chiah chu Min Yoongi chuan min lo enkur a nih chu, ka la phu zawk zui, a mutkawr hâk lah chu duhawm phiân leh nghâl.



"Ka nau a nia"


Nui lui hak pah chuan ka'n ti ringawt a.


"Ka zâwt che mi?"


Tih nghut pahin a roomah chuan a lût hmak a, va han sual thiâm tak, "E" tih ve mai awm, a hnung lam atangin ka kut chuan ka tin tiah tiah a, a rawn hawi leh thut chu ka pasi lâi lak lawh tawh si, ka lu thak lo pui chu zâh zèlah ka'n hiât ringawt a, phun hluk pahin a room kawngkhâr chu a khâr ri deuh thuai mai, ka'n chhiat khum leh hrâm a, hmeltha viau mahla i sual tho chuan awmzia awm lo.



"Hmm...."


Tih chhuah hlak pah chuan ka room lam chu ka pan ve hmak a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:36 pm

MAD LOVE (SUGA FF)

CHAPTER-5

BY

HLUTEI JOCUND PACHUAU


1 week Later





Kârkhat lai chu ka awm chilh ve ta, Mahse Min Yoongi chuan that lam a pan âwm pawn ka hre lo, damdawi a ei hmasak loh chuan zân a mu ngai lo a, mahni a awm a, hlaphuah chu ala tih chhunzawm reng tho, engtin nge damdawi tello in ka awm tîr theih ang? Ka rilru ahah tawh takzet a ni, kârkhat lek ni mahse midang chuan zia lam an pan ve hret hret thin a, Min Yoongi erawh hi chu a zual tulh tulh emaw tih mai tûr a ni, mahse ka beidawng mai dâwn chuang lo, Kum khat emaw, kum thum pawh ni se, ka enkawl dam hmâ chu bânsan ka tum lo.






A room ah chuan zanriah pe tûrin inthlahrung zet chuan ka lût dâ dâ a, mahse ka hmu leh tawh lo, a inbual anih ringin ka tih dân ngâi bawk chuan ka lo nghâk leh rân mai a, Karkhat chhûng khân zân a mut âwm pawh ka hre lo, keipawh zèp lo chuan ka mu tam bîk lo khawp mai, min lo auh hun ngâi chânga ka awm reng angai si a, kei phei chu ka mutthilh tawh chuan ka harh thei mai tawh thin si lo.




Bathroom atanga arawn chhuah vèleh chuan ka lo nuih lui sak a,


"I breakfast hi ei la, chuan huanah khuan kal dûn ang hmiang"




Ka tih chuan a ding deuh chut a,


"Ka peih lo, mut ka duh"



Tih hmuk pahin a breakfast tûr ka dahna bulah chuan a thu thla zui vat a, tui tih loh hmèl zet chuan a ei ve mai a,



"Min Yoongi....."



Ka'n ti ringawt a, min nin hmèl zet a thaw hak pah chuan min en deuh khûih mai, thinrimna a nei leh tawh pawh a ni maithei.


"Doctor amaw i inti em ni? Ka peih lo ka tih chu chhuak vat rawh"



Sawi tûr ka hriat tawh loh vâng chuan ka chhuak zui ve mai a, ka mittui rawn hnâm tiâm tiâm chu hrûk pawh ka tum zui lèm lo, pawn lamah chuan chhuakin huan lam chu ka pan hlawk hlawk a, ka beidawn rûk tawh tehrèng nen, na tak takin min tawngkhum leh zèl bawk si, ka vawi khat tawrhna ni lèm lo mahse ngâiah ka nei thei thlâwt lo.




Ka mittui chu ka hru mial mial a,


"Hyung chuan a hau leh tawh che mi?"


Ka hnunglam ka hawi phei chu Taehyung shi chuan min lo enkar a, ka mittui chu ka hru nghâl mawlh mawlh bawk.


"Ni lo e, a ho lutuk"



Nui lui sak chuan ka'n ti a, ka bulah chuan rawn ding ve in, thli fîm vawt deuh var rawn thaw her her chu a hîp lût vang vang a,


"Hyung hi misual tak a ni lo Ireum shi, a tawngkam na tak tak te hi itân chuan tawrh a har ang tih ka hria lawm, mahse a rilru damlohna in a nghawng vek a nia"



A tih chuan ka lo bu nghauh nghauh a,


"Ka hria lawm, mahse a sual ka ti tho, nge min haw ve hrim hrim zâwk pawh ka hre lo"



Tap âw deuh tiau a ka tih chuan arawn nui hak a,


"Hyung hi a danglam ve hret hret tawh, nuih pawh a nui ve zauh zauh tawh, i hre lo mi? Hmânzân a i tawlh thlûk khân Hyung hi alo nui char char alawm, mak kan ti lutuk ringawt"




A tih chuan amah chu ka en vat a, beiseina thar min pe leh ta.


"Iti tak tak em? Anih chuan âtthlâk tak takin che mahila a pawi loh chu"


"Keini pawh amah tih hlim nân mi â ber ang pawn kan awm ziah alawm, chuvâng ania kan bulah hi chuan a nuih tam thin"



A tih chuan ka in ngaihtuah vang vang a, Min Yoongi damdawi tha ber chu Damdawi pângâi ni lo in, A unaute bula awm hi a ni tih ka hre chhuak chiah, a nih loh pawn amah tih hlim nân âtthlâk tak tak pawn ka che mai ang, ni e, ka hna, ka mawhphurhna a ni a, a damna nih chuan engmah tih hreh ka nei lo.



___________



Taehyung nèn inchhûng kan lût chu hmeichhe pakhat samtawi sam rawng eng vât mai, hmeltha zet hi Min Yoongi nèn chuan an lo inbe mawlh mawlh a, A nui ve suk suk leh nghâl, mahse tinge ka awm dân hi, ka chhûngril hi tinge anat veng veng le? Ka awmdân hi ka hrethiám lo.



Min Yoongi in min rawn en chiah chu a nui tâwp nghâl hmak a, chu nu chuan nui var var hian min rawn en ve bawk, chibai ka lo bûk zauh a.



"Nangmah hi mi Yoongi enkawltu chu?"


A tih chuan ka lû ka lo bu nghauh a,


"Ireum shi...ani hi kan company a Producer hmeichhe awmchhun anih hi"



Taehyung chuan alo ti nghâl zung zung a.


"Adora ka nia"


Tihpahin a kut chu arawn phar chhuak a, ka lo chibai ve nghâl vat bawk.


"Ireum...Na Ireum"


Ka lo ti ve vat a,


"Yoongi hi ka hruai chhuak lawk dâwn a, a pawi lo ang tiraw?"



A tih chuan Min Yoongi chu ka va melh zauh a, hmèl vawt ruih hian min lo enkur zui.


"Pawi lo e, chhuah harh a mamawh hrim hrim alawm"



Nui lui sak chuan ka lo ti a, mahse ka chhûngril hi THÎKNA ti a an lo sawi thin ang khân a awm tlat, ka na deuh veng veng mai, An mahni hmuh reng ka duh loh vâng chuan Choka lamah chuan ka kal san ta daih a.



Tinge tiang hian ka awm? Hei hi a thleng thei lo, thil theih loh hul hual a ni, Min Yoongi hi ka duh thei lo, harh chhuak rawh Na Ireum Mawli, ka damlo enkawl lai laka luanliám chu ka career chhiat vekna a ni dâwn, bul ka tan chauh a, ka tlu nghâl mai thei lo, ka inthing deuh nawk nawk a.


Tihsual palh a niang, thil thleng hi a dik thei lo, kei hian ka duh thiâng lo hrim hrim, Ajhuma chaw hmeh siam lai chu ka rilru lâk pèn nân ka'n chawh sak ringawt a, mahse Min Yoongi nui hmèl kha ka mitthlâ ah a châm reng leh nghâl, ngaihtuah loh ka tum pauh leh ka ngaihtuahna chuan a luah khat vek nia, keimah zâwk hi ka rilru a buai a niang.



"I tha em?"



Ka phu nasa lutuk chu ka âu chhuak lo chauh, Jeon Jungkook chu alo nui var var a, Jimin lah chuan min lo nuih char char leh nghâl.


"Min ti hlâu alawm"


Ka'n ti nâng nâng a,

"I inthing nasa lutuk a, i lu ana maw ka tia lawm"


A ti deuh bûi bûi a, kârkhat lek ni mahse Jungkook hi chuan ka nau min hriat chhuah tîr ziah vângin ka ngaina ber a, ka nèl tawh hlè bawk, a biangah chuan ka'n piai zauh a.


"Ngati nge hmânzân khân min kai tho lo a sofa ah khân min muttîr reng nge inih?"

Ka tih chuan a chawhmeh tem ru tûr chu a châwl dat a.


"Yoongi Hyung in kaitho lo tûr che in min tia"



A sawi zawh chuan a chawhmeh ken lai chu a hmawm zauh a, asa bawk aniang a âng nghâl zuai zuai mai.


"Engvângin?"


"Ka hre bik nâng amah zawt mai la"


A tih chuan ka ngâwi leh ta daih a, ka zâwt lo chiang khawp ang,


"In ril a tâm tawh em? Kan ei tawh mai dâwn mi? Dar 1 a ri tawh nia"



Ka tih chuan phûr hmèl zet hian an lû an lo bu nghauh nghauh a,


"Midang ka va ko ange, Ireum, frigde ah khân pizza ka dah a nia"



Ajhuma chuan a ti a, Jimin chuan alo phawrh nghâl vat.


"Jimin shi"


"Huh?"


Arawn hawi deuh hû a, Ka â ta niang, engemaw zawh ka tum le?


"A ngai leh lo"


Ka'n ti ringawt a, midang pawh chhûn thil ei tura an rawn kal sap sap tâkah chuan ajhuma ei siam chu ka lo chhawp sak vat a.


"Ireum shi...hetiang itih ve kher hi a ngai lo nia"


Namjoon chuan alo ti vat a,


"Dik chiah, kan awm reng alawm"


Jin chuan alo ti ve bawk a.


"Ni lo e, tûnah techuan ka hman lutuk, ka hlawh hi atam bawk sia ka hahdam lutuk a nuam ka ti lo lawm"


Ka tih chuan za zet hian min nuih hlawm a, keipawh ka nui ve tho, Hoeseok bulah chuan ka thu thla ve nghâl mai a, Ajhuma lah chuan ala siam tui èm èm leh nghâl, mahse tûnlai chu ka thil ei engmah a tui lo, ka chèr belh in ka hria, ka rilru hah vâng pawh a ni maithei ni, mahse pawi pawh ka ti hran chuang lo.


"Hyung te kha khawi ah nge an kal dawn a?"



Jungkook chuan a ti deuh hû a, ka thil ei lai chu ka tâwp nghâl chat mai.


"Hyung hla thar tûr an buaipui dawn in ka hria, an sawi dân chuan"


Taehyung chuan alo ti ve vat a,


"An ni hi....hna chhuanlam in an in date chiang mai, Adora hian Yoongi Hyung a duh tih ka hria nia"



Jhope chuan nui huah huah pah hian a ti a,


"Keichu an inhmeh ka ti, Hyung pawh hian a duh ve tho ka ring"


Jimin chuan a lo ti ve niah niah a, an thusawi vâng chuan ka thil ei pawh a tui lo, an la hlimpui hlawm em em leh nghâl a, ka awm ve reng sia, chutiang te han sawi, ka thinrim tûn tawh, an in date amaw.....A tha e Min Yoongi, a hlim hmèl sèng sûng khawp kha, in date mai mai tehse, enge ka lo buai, ka fian ken lai chu dawhkânah chuan ka'n dah ri thuai a.



Thil ka hre chhuak thut, keimah chiahin ka awm lo, midang chuan ngawi thap hian min lo en hau hlawm a,


"Ka tihpalh....ka ka...puar"



Tihpahin ka thawh san ta daih a, common room lamah chuan ka phei nal nal ringawt, an ti ti chu an chhunzawm leh a niang an bengchheng leh luai luai tawh.



Ka phone chu ka'n en vang vang a, Tû call ber nge ka nghah phei chu ka hre lo, ka contact list chu ka'n enkual dan dan a, Min Yoongi hming ka hmu chu ka sa nghâl phat mai, an pahnih chauh khân an awm anga, an in kiss vèl hrim hrim ang, ka thinrim lutuk chuan ka phone chu ka hum ngawt ngawt a.


"Min Yoongi i pum kha na vak se ka van ti tak"


Ka'n ti ringawt a, ka mawl zia ka in hre chiang chiah, thîk tûr ka ni lo a, ka thîk phâk pawh an ni hek lo, hetia kil khata lo thinrim ve ngawt ngawt hi a âtthlâk lutuk awmzia awm lo.



_________TIME SKIP________



Khua a thim tawh, sana ka en chu dâr 5 alo pèl hret tawh a, dar 5 ah khân damdawi ei tûr a nei sia, balcony atang chuan pawn lam chu ka thlîr thin, a hun taka ei ngèi ngèi a ngai asin le, Ka phone mai dâwn em ni ang? Mahse ka duh chiah bawk si lo.



Ka vei kual zak zak reng a,

"Ireum!"


Ka hnunglam ka hawi chu Jin chu alo ding reng a,


"Yoongi chu alo la haw mai ka ring lo, buaina a awm ami?"


"Aih a damdawi ei hun a pèl tawh a, a hun takah a ei ngèi a ngai bawk sia"



Ka tih chuan pawn lam chu a hawi thla ve vauh vauh a,


"Alo thleng tèp ang, ka'n phone dâwn em ni?"


"A ngai lo, tih buai a ngai lo, a lo haw hunah ei mai rawh se"



Ka lo ti vat a, coffee chu min pe in Balcony atang chuan van lam chu ka thlîr chho vang vang a, arsi an pe tuar mai, boruak a thiang tha bawk a niang, mahse duh aiin a vawt lek lek.


"Rilru hahna i neih chuan min hrilh thei reng a nia"


A hmèl ka en chuan min lo en vung vung a, Kim Seokjin hi chu a hmeltha thlâwt a ni, a pa lian bawk si, a felin ei rawng bâwl a thiam bawk.

"Nei lo e, ka nau leh ka pa ka ngai deuh a"


Ka'n ti chuai raih a,


"Tinge i nu?"


Arawn ti deuh hû mai, ka nu ka sawi tel velo tak e.


"Ka nu chu a boral tawh a, lung tha lo a nia"


Ka tih chuan inthiâmloh hmèl zet hian a ner sak a.


"Pawi ka ti lutuk"



"A pawi lo, i hriat loh vâng a nih kha"



Nui sak chuan ka'n ti a, ani pawh a nui ve mai.


"Yoongi hi misual a ni lo nia aw, a hringnun hi a hahthlâk èm a, chu chuan tûn thlengin ala nghawng phah a nih hi, hmèl pahnih nei kan tih ang hi a nia, a tawngkam duhawm loh in na viau mahse a rilru a tha lutuk, mi a ngaihsaka, a naute ho pawh a care in a duhsak bawk, i rin ang kha ni lo ang"



A thusawi chu uluk tak chuan ka lo ngâithla kar a, a thusawi zâwng chuan Min Yoongi hmèl chu ka mitthlâ ah arawn lang zuai zuai a, hetiâng thû hi engvânga min hrilh nge anih phei chu ka hre lo a, mahse ngaihthlâk nuam ka ti.



Car rawn tlân chho vung vung ka hmuh rual chuan ka ding nghâl zawt a, Kan awmna tang chuan a lan chiân èm vângin ka lo enkar bawk.



Min Yoongi chu car atang chuan rawn chhuakin Adora pawh chu arawn chhuak zui ve nghâl a, Min Yoongi bânah chuan vuan in a nui ver ver reng mai, ka thin zâwn hi arawn na leh veng veng tawh, Jin kha ka bulah ala awm ve reng vâng chuan ka awm dânah hian min man mai ang tih chu ka hlau khawp mai, ka theih tâwp chuan ka in control ve a, in chhûng an rawn pan tûr chu Adora chuan Min Yoongi chu a kiss ta mai, ka coffee no pawh ka dawm nghet thei tawh lo, ka thlauh nghâl dawt a, ka mittui tla tûr chu a hmuh ka hlauh vâng chuan ka kun daih a, mahse ka en lo thei bawk si lo.



Ka taksa chu arawn lèng deuh lawp a, ka hawi chhuak chu Jin chuan min lo hawisawn tîr lek chu lo niin, ka mitah tak min rawn avâng chuan rang zetin ka hawisan a.


"Ka han châwl hahdam tawh ange"


Aw khûr dar dar a tihpahin ka room lamah chuan ka tlân chho nghâl dâwr dâwr a, khumah chuan bawk thlawpin ka tap nghâl hak ringawt.



Ka awmdân hi ka in haw lutuk, ka inhaw takzet a ni, kha mihring kha ka duh thei lo, Khawngaihin Na Ireum theihnghilh rawh, Min Yoongi hi duh suh.



Ka rilru chuan ka in fuih mawlh mawlh a, mahse awmzia awm lo, khum atang chuan tho vatin ka nau chu ka'n call ringawt a.


"Noona"


"Zanriah i ei tawh em?"


"Mmm..ka ei kham a lehkha ka zir dâwn chiah"



Ka nui sak a,


"WooJe..."


"Huh?..."


"Ka pa, i tlawh dâwn lo em ni?"


A reh ta vang vang a, ka pa chanchin ka sawi hi chuan a ngâwi daih zèl.


"Noona assignment tih tûr ka ngah lutuk a, naktuk ah kan inbe dawn nia"



A off ta nghâl hmak a, ka pa chuan awmpui tu tûr a nei âwm si lo a, a khua alo har viau angem le?


"IReum shi......"



Ka room kawngkhâr chu an rawn chûm dawt dawt a, Jungkook a ni maw...tinge le? Hmanhmawh tak chuan ka hawng nghâl vat a.



"Enge???"


"Ihh... Hyung a pum ana a"



Rang tak chuan room atangin ka tlân chhuak nghâl a, Min Yoongi room ka thleng chu khumah hian a pum dawmin alo vial ngawt ngawt anih chu, a thlan tuiin a bual huh vek bawk.


Ka first aid box a syringe chu la in natchhawkna chu ka'n thun vat a,


"I chiu dâwn em ni?"


Taehyung chuan phâwk hrâ hian min rawn en a, ka lu ka lo bu nghauh bawk.


"Khawi i bân"


Tihpahin a bânah chuan kan chiu sâwt a, midang chu an lo ner sak sak mai, hriau an hlâu a ni chèk ang chu, mipa ve si dâwih hlawm lutuk mai.



Reilotè ah A vial ngawt ngawt pawh chu a reh ve tial tial a,


"Min lo va chhuahsan ru"



Ka tih chuan thu âwih zet hian an chhuak leh hnû hnû hlawm a, naupang thu âwih deuh tepawh an ang hlawm e a.




Puan huh chuan a thlan tui chu ka hrûk sak mawlh mawlh a, ka mittui lah hi arawn tling leh ringawt tawh, nichin ka thusawi kha ka ti tak tak lo asin, a pum nase ka tih kha alo na tak tak sia, vawi khat mah tûmah hi tiang khân ka tawngkhum tawh miah lo ang, ka damlo en kawl lai leh nghâl.




Reifè ka hrûk hnû chuan abula couch ah chuan ka thu kun lap a, ka mut a chhuak tawh ngèi mai, ala harh bawk si lo, a hmèl chu ka en vang vang a, a sam dum buk lam deuh huh hlap chu ka tuai sak zauh a, ka nui sak mai, ka mittui bawk chu arawn tling leh tawh.


A nghâwng vèl puan huh ka'n dep leh tûr chiah chu arawn meng thut a, ka lo phu zawk zui, min rawn en chuan chètna châng pawh ka hre lo.


"I tap em ni?"


A rawn ti sup a, ka mittui chu ka'n hru nghâl mawlh mawlh bawk.


"Ka mitah thil a lût a, Na te ila nei em?"


Ka tih chuan a lû a thing ringawt a,


"Zu i in ani maw?"


Ka tih chuan inchung lam chu a melh ngar ngar a, min chhâng chuang lo.


"Ka kal tawh a nge, muttui le"


Tihpah chuan ka tho vut a,


"Na Ireum"


Ka ding nghâl dat mai, ka hminga min koh ka vawikhat hriatna, ka hawi lèt chu khumah chuan alo thu reng tawh a, min la melh kur zui.


"Na i nei em ni? I tha em?"



Tih deuh chûl pah chuan amah chu pan in a chalah techuan ka'n khawih sak a, hmèl vawt ruih hian min enkur ringawt, ka thil tih lai chu tâwp chatin ka kut chu ka la sawn nghâl vat a.


"Hetah awm rawh, ka mutthilh hma"


A rawn tih sup chuan ka mur sung sung thei, amah ka en chuan thil tam tak ngaihtuah hmèl hi a pu in ka hria.


"Min Yoongi"


Ka ti sap ringawt, ka rin loh lutukin ka kutah chuan arawn vuan chut a, ka lo phu zawk thei, chutah hmèl tak rûn hian min chho deuh hâ a,


"La kal rih suh, ka mutthilh hma chu"


A'n ti nawn leh a, ka chil ka lo lem khalh ringawt,


"Aw...awle..."


Ka'n ti bah niai a, ngâwi reng chuan a mu zui ve mai a, keipawh chu ka kut ala vawn reng vâng chuan a khum bula couch ah chuan ka thu thla ve a, mahse ka mut hi a chhuak ve thawkhat tawh khawp mai.



"Ilo mu ve duh em?"


"Enga!"



Ka phu zawk thei, ka bengchhe ri a ni em? Tinge a awm dân hi amak èm èm le?


"Ka tha alawm"

Ka tih chuan arawn chek tlak tlak a,


"I that leh that loh ka zâwt lo che, lo mu ve rawh"


Bung hmuk hian arawn ti a, ka chil chu lem khalhin ka lu thak lo pui chu ka'n hiat ringawt a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2020, 3:37 pm

Mad Love (Suga FF)

Chapter-6

By

HLUTEI JOCUND PACHUAU



"A nih ka rawn mu tak tak dâwn em ni?"


Ka'n ti leh hrâm a,


"Fiamthû hmèlin min hmû ami? Min puih i duh tak tak anih chuan rawn mu rawh, engtin mah ka khawih lo ang che"


Ka ngaihtuah vang vang a, mut dun ringawt chu a pawina a awm lo, ni e, ka damlo enkawl a nia, a duh miau si chuan a pawina ka hre lo.


"Mipa leh mipa ang in aw"

Ka tih chuan min chhâng peih tawh lo a niang, min hnungchhawn zâwng chuan a mu ta hmak a, ka hmûi ka tih pawrh khum vak ringawt, inthlahrung zet chuan ka'n mu ve dâ dâ a, Attention pasi in ka awm ngar ngar ringawt.




MIN YOONGI POV





Ka bula hmeichhia tui ti taka muhîl chu ka en vang vang a, engvânga mu ve tûra sâwm ve ngawt nge ka nih pawh ka hre lo, thil tha lo lam ka ngaihtuah vâng phei chu a ni hran lo, khawih tumna ka nei lo a, mahse a bula ka awm hian ka hahdam a, ka in ngaihtuah hrehawm ngut ngut leh chhan mûmal awm lo a ka thinrim ngawt thin tekha a bo vek zèl, Nurse fel tak a nih pawh ka ring a, mahse alakah hian that chhuah ahar ka ti thin, a mawl reuh lutuk hi, thil a hrethiam har si,




NEXT MORNING




Ka harh chu Na Ireum kha ala mut ka rin vâng chuan ka'n ban dè dè a, mahse engmah ka dap fu lo, a tho tawh a nih dâwn hi, ka nui suk a, ka rilru a thil rawn lang thut vâng chuan ka nui tâwp chiang kher mai.


Damdawi, Zu, cigarette, engmah a tel lo, ka mumang pawh hre lo khawpin ka mutui nia, hetianga ka muttui lohna chin pawh hi ka hre tawh lo, thil mak tak a ni,


"Na Ireum, tû chiah nge maw i nih le?"


Ka phun sup a, a kianga ka mut khân ka thlâ a muanga, hahdam takin min awm tîr thei nia, He hmeichhia hi tunge a nih? Amah ka tawn hma khân tiang hian ka awm ngai lo, ka rilru damna a nih dâwn phawt chuan engpawh ka ti mai zel thin kha nia, damdawi tello in zankhat pawh ka la muhîl ngai lo, Na Ireum, thaw hawk pahin ka chal chu ka'n dawm vang vang a, he hmeichhia hi ka mamawh a ni, min enkawlna hmanrua ni lo in amah hi ka damdawi chu a ni, kei hian ka duh em ni ang? Ka nui hak a, ka chek tlak tlak ringawt.


________________



Inhnuai lama ka chhuk chu Jin Hyung leh Na Ireum chuan ei rawng an lo bâwl dûn sat sat a, naupang pathum pawh purûn ( purûn ka tih hi korean ho lam ang khera lam a ngaiin ka hre lo a, kan purûn vâr hi chu a in ang vek tho a) kheh in an lo buai khawp mai.



Na Ireum leh Jin Hyung chu engemaw sawi hian an lo nui har har a, ka thin alo rim ve ngawt pek a, ka rilru lam chiân lohna vâng a nih dâwn hi, Na Ireum chuan min la en miah loh vâng chuan ka tui in na no chu dawhkânah chuan ka'n nghat ri chawrh a, Jungkook, Taehyung, Jimin te chuan phâwk hrâ hian min lo en ho bawk.


"Ehe...ilo harh tawh law?"


Na Ireum chuan nui var var hian a ti a, tinge ka thin a rim leh tlat tawh? Chhâng mai lo chuan tui chu ka'n lem khalh a,


"Ka harh tawh chu nih hi"


Tih hmuk pahin Hoe Seok leh Namjoon thutna lam chu ka pan san ta daih a, Jimin nui ri hak chu ka hre zui bawk, Hoe Seok Bulah chuan that chhe zet hian ka thu thla zui ve nghâl a.


"Hyung, nizân i mu tha thei em?"


Namjoon chuan alo ti zui vat a, bu nghauh pahin ka lo chhîng zauh ringawt, idol ka nih hnû a ka muttui ber tum a niang.


"Vawiin chu kan lèng chhuak dâwn mi niang?

Hoe Seok chuan a ti a,


"A tha khawp ang"


Namjoon pawh chuan alo ti ve a, mahse keichuan ka hla thar buaipui a ngaih vângin ka hman ve loh thû chu ka sawi a, hetah hian studio a awm tho a, hetah ka awm mai ang.



_____________




NA IREUM POV



Midang an lèn chhuah daih vâng chuan tih tûr pawh ka nei rih lo, Min Yoongi lah a studio ah a in khung daih bawk si, pangpâr huan ah chuan mahniin ka tei rak rak reng a, nizân thil thleng techu ngaihtuah zuiin mahni chuan ka nui ver ver reng ringawt.



Zîng ka harha Min Yoongi mutui lai ka hmuh a ka hlim zia kha, a dam ve tial tial tawh dâwn a ni maithei a ni, mahse duh aiin chaw a ei tha lo, nghei mai mai a chîng hi chu tha ka ti lo khawp mai.



Ka hnunga mipa aw thiân kharh ri ka hriat vâng chuan ka hawi lèt vat a, Min Yoongi chuan Coffee no hnih keng chung hian chhîng deuh suar hian min lo en reng chu niin.



"Ka ta tûr maw?"


Ka'n tih chuan alû chu a bu nghauh a, thutthlèng ah chuan a thu zui nghâl bawk, amah chu pan in ka coffee in tûr min lo ken sak ve ngèi chu nui var var a lák pahin a bulah chuan ka thu thla ve a.



"Nizân khân i harh âwm ka hre miah lo"


Ka tih chuan min rawn en deuh hû a,


"I muhîl lo maw!"


A tih chuan ka âw chu ka'n thiân kharh a.


"Muhîl zeuh zeuh"


Tih ringawt chuan ka lo chhâng vat a, ka mu tha lo rèng bawk a, a harh vaih chuan a buai leh ang tih ka hlâu èm a ni.


"Pangpâr hi tu in nge enkawl thin a?"



"Jungkookie"


Tihpah chuan a coffee chu a lem khalh a, ka lo nui hak ringawt, a in hmeh thlâwt lo, mahse a enkawl tha reuh phiân leh nghâl.


"I hnâ i zo tawh em ni?"


"Zo lo"


Min chhân tâwi theih thin èm vâng hian min ning amaw ka ti hiâl thin, pawnlam thlîr pah a coffee a lem khalh khalh reng lai chu ka lo en leh vung vung tawh,ka hawisan leh vat a, ka rilru put hmang hi a lan chhuah loh nân ka theih tâwpa invèn ka ngai.


"Nizân khân tinge i bula mu tûra min tih a?"


Amah enkar chuan ka'n ti a, min rawn en zawk, a hawisan leh nghâl daih a.


"Ka ruih vâng a niang"


A ti sup ringawt,


"A niang ka ring"


Ka ti ve mai a, mahse a rûk chuan ka lawm vak lo, a bula ka awm loh khân amah ngaihtuah in ka hlim veng veng a, mahse a bula ka awm hian nizân thil thleng kha ka ngaihtuah tel lo thei lo, Adora nèn hian an in date tak tak angem le? Ka zâwt pawp mai dâwn em ni ang?



"PD Adora nèn khân in in hmeh ka ti"


Ka'n ti ringawt a, min rawn en vung vung mai, mahse engmah a sawi lo, a hmèl put hmang atang hian enge a ngaihtuah pawh ka hre thei lo.


"A bula i awm khân i nui tam tih ka hria a, in date ulang chuan i nui reng anga, i tân pawn a that phah viau ka ring"



Pawnlam thlîr vang vang chuan ka'n ti leh a, hlim hmèl chu ka pului nâ a, mahse ka thinlung erawh ana veng veng mai.


"Hmeichhe fel tak a ni, mahse kan in date lo"


A ti ve sup a, a thusawi chuan min ti hlim lutuk chu ka nui chhuak lo chauh.


"In inhriatna a rei tawh em? Kum engzat nge? Tinge i date loh? I duhzâwng a ni lo mi?"


"A chanchin lo kha sawi tûr dang i hre lo mi?"


Ka ngâwi ta hmak a, min ning leh tawh tih ka hre nghâl mai, keipawh hi a, ka kâ te hi lo vèn that deuh tûr a nia.


"Ka tihpalh"


Ka'n ti chuai raih a,


"Ka hnathawhna ah ilo awm ve duh em?"


A tih chuan phâwk hrâ hian ka en kâwk a.


"Iti tak tak em?"


Ka'n ti deuh hluai a,


"Mmm...mahse i kâ kha chîp hmak ang che"


A tih chuan ka kâ chu ka lo chîp nghâl hmak a, tho vutin in chhûng lamah chuan a lût ta daih a, ka ûmzui ve nghâl vat bawk.


___________



A bulah chuan ka thu ve rân a, eng khâwl khâwl emaw hi a khawih kual a, music bon zet zet hi arawn in play ri nghâl dup dup bawk, ka ngainat zâwng a ni tawp lo mai, mahse ka lo thu ngâwi ve kar tho a, ka tawng vaih chuan min pèt chhuak duh mai ang tih ka hlau a ni.


Min rawn en deuh zuk a, music chu a off nghâl daih bawk,



"Hetiâng music lam hi ka ngaina ve vak lo a"

Nui lui hak pah chuan ka lo ti a, a thutna tang chuan tho vutin piano awmna lam chu a pan ta daih a,


"Eng ang nge i ngainat?"


A rawn ti ve sup a,


"Hei..ih...cool deuh raih hi a ni mai"


Ka tih chuan min en vung vung pahin a mithmul chu a ti sâng zauh a.


Piano chuan music cool raih leh nalh zet mai hi arawn tum ri ral ral a, a mood ah ka chèng nghâl veng veng mai, a piano hnehsawh zeta a tum lai chu uluk tak chuan ka lo en kar a, a nalh ka tih chî leh ka duh chî tak a ni leh nghâl, Piano ngâithla chung siin amah chu ka en kar reng a, ka suangtuahna ramah ka chèng veng veng mai, music hian ngaihtuahna alo hruai kawi thei hlè anih dâwn hi.


"Kha kha eng hla nge?"


A play lai chu tâwp hmakin min rawn en deuh rûn a, ka kâ chu ka lo chîp nghâl hmak bawk.


"Kan hla I Need U piano version a nih kha"


A tih chuan ka lo bu nghauh nghauh a,


"A nalh lutuk ringawt, ka duh chî tak a nih kha, la ngaihthlâk ve tûr anih chu"


Nui var var chuan ka'n ti a, a nui ve suk mai, a nui hmèl ka hmu chu tih danglam ang mai hian ka awm leh tawh, ka lungphu techu arawn phu leh dup dup a, Na Ireum in control ve rawh, ka rilru chuan ka ti mawlh mawlh ringawt.



Piano chu kalsan in a music siam ngâi bawk chu a siam leh mawlh mawlh a, ka nin deuh vâng chuan hmundang chu ka lo enkual dan dan a, music instruments chi hrang hrang a awm nuk mai, ka hriat loh lam tak a ni, banga a thil târ techu ka lo enkual dan dan a.


"Kha fîmkhur rawh"



A rawn tih rual chuan ka taksa chu a lèng dawp mai, ka'n meng chu bangah chuan Min Yoongi chuan min lo kuah bet reng tawh a, ka awmna zâwnah chuan bawm lian zet hi alo tla rum chu niin, ka harh man ka hmu leh ta, tlèma tlèmah min delh hman thelh alawm le.



Hnaih zeta kan awm vâng chuan ka zâm chhe leh dèr tawh, a hmèl chu uluk tak chuan ka'n en kar a.


Amah pawh chuan min lo en ve kur mai, a mit, a hnar, a hmui, uluk tak chuan ka enkual char char a.


A rawn hnâi tial tialin ka hria, enge thleng hi? Min kiss a tum em ni? Awi ka lungphu hi, ka lungphu ri hi a hria angem?



"Hyung"


Rang zet chuan a in la hrang vat a, keipawh chuan bang lam chu ka'n hawi ve ringawt, kawngkhâr lam ka hawi chu Jeon Jungkook chuan Thlarâu hmû ang mai hian phâwk hrû hian min lo en dûn kar mai.


"Enge in lo tih kha?"


A tih chuan ka harh chhuak zawk a, ala nui vûn vûn zui, Jimin Leh Taehyung pawh chu an rawn lût zui ve nghâl a.


"En teh u, Hyung leh Ireum te hi in hnaih takin an lo ding dûn a, in kiss in tum tiraw?"


A tih chuan Min Yoongi chu ka en vat a, alo nui suk suk ringawt.


"Ehe...Hyung hi a nui a nia"


Jimin chuan nui hak hak pah hian a ti a, an bengchheng leh nghâl hlut tawh.


"Ani lo, in ngaih dân kha dik lo nia, he thil hian min tlâk tèp a, chuan.....Sawi ve tache"



Su deuh târ târ chung hian ka ti chûl a, an nuih ka ti za zual sauh emaw tih tûr a ni.


" He thil hian a tlâk tèp a, ka lo pawtsawn anih kha"


Tha deuh chuan a'n ti leh mai a, sawi tura ka tih hun nghâk kher lo in a tîr te khân sawi ve mai tûr a nia.


_______TIME SKIP______


Pizza leh ei tûr eng engemaw an rawn lei chu kan ei ho mial mial a, an ti ti mawlh mawlh lai chuan keichu ka lo ngawi reng thung, Min Yoongi khân min kiss a tum tak tak em le? Ka thil ngaihtuah vâng chuan ka chhîng sawk sawk ringawt.




"Ehe ka tel lo in in lo ei vèl alaw?"



Ti tû lam chu kan hawi thap a, Producer Adora i bawk kha a ni, enge hetah te arawn tih dâwn le? A rawn kal ve ziah a, tih tûr pawimawh nei tak tak mang si lo.


Min Yoongi chu ka en ru kar a, ngaihsak loh hmèl zetin a thil ei lai chu ngâwi reng chuan a ei mial mial mai, midang erawh chuan an lo be liam liam thung.


Keipawh chuan ka be bîk chuang lo a, ka pawisawi lo mahse ka hmèl ngei zâwng alo ni ve hrim hrim bawk nèn,


"Oppa, i hla thar siam chu ka en châk tawh e"



Min Yoongi bulah chuan thut pahin Min Yoongi chu a nèk deuh tâlh tâlh a, engemaw ka lo thinrim ve em em le? In date pawh ni se ka lo thîk phâk a ni lo.


Mahse ka thin zâwn hi ana leh veng veng tawh.


"Ka puar tawh a"


Tih sap pah chuan ka tho ta daih a, kan eina tih fel pui pawh ka tum tawh lèm lo, hmanhmawh takin inchung lamah chuan chho in ka room ah chuan ka lût nghâl daih a.


Khumah chuan thu in ka mittui rawn tling kiau chu ka khap lèt fak fak ringawt.


Engvânga alakah beiseina lo nei ve ringawt nge maw ka nih le? Na Ireum hi a â zo tawh a niang, khumah chuan thû in ka kut chu ka sik niâp niáp reng a.

_________



"Na Ireum"


Ka ding nghâl zawt a, ka room kawngkhâr lam ka hawi chu Min Yoongi chuan min lo enkur a nih chu.


"Aw enge? Na i nei ami?"


Ka lo ti nghâl vat a,


"Na ka neih chauhin ami ka koh dâwn che?"


A ti thûm deuh chhar mai, ngâwi reng chuan ka lo en tawp ringawt.


"Anih.....Enge ni ta?"


A ngâwi deuh vung vung a, a en ngâi chu a en vung vung bawk, a sawi hreh tih ka hre mai, eng tak chu ni ang maw.


"Mutthilh ka duh a, min pui leh thei angem?"



Ka nui sak a,


"Tehrèng mai, mahse khawnge Pd Adora kha?"


"A haw tawh"


Tih hmuk pahin a room lam pan chuan a kal ta daih a, muangchâng chuan ka zui ve nghâl dat dat bawk.



A room ka lût chu a khumah chuan alo mu thân tawh a,


"Kawngka kha kalh rawh"


Min en miah lo chuan alo ti hmuk a, ngâwi reng chuan ka kalh ve mai bawk a, a khum bula sofa ah chuan ka thu thla riai riai a.


"Enge i tih? Rawn mu ve ta che"


"Enga!"


Ka lo ti deuh hû a, thawk chu ala deuh hak mai.


"I beng a chhèt ami?"


Awki hniâm si, hriat nuam lo zet hian ati fak a,


"Ni lo e, tah hian ka lo thu anga, ti khân muhîl rawh"


Ka tih chuan rum fè hian min en a, en pawh ka en tha ngam lo, ka lo melh zek zek ringawt.


"Na Ireum"


A ti deuh hmuk a, ka mut leh ngèi a ngai tih ka hria, zak chung chungin a khum lian leh dûp nuam zetah chuan ka lâwn taih taih a, attention pasi bawk chuan ka mu zangthal leh ar mai, ka si ang tih mawlh ka hlâu, bâkah, nichin vèl vâng khân ka zak leh zual, min kiss lo tum tak tak ta se, ani hian min lo duh ru ve reng te hi ni lo maw le.


"Ti hian a tha em?"


Min chhâng tawh lo, zak chung chung chuan ka'n melh chho dèk dèk a, tui tih hmèl zet hian alo muhîl sâk sâk tawh, ka nui sak a, saisîr in muhîl lai chu ka en dauh dauh reng ringawt.


"Angel ang mai a ni"

Ka ti chhuak sap a,

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)